John (Chamorro)

1

1:1b.JOH.001.001 Y tutujonña gaegue y Finijo, ya y Finijo güiya yan si Yuus; ya y Finijo güiya si Yuus.

1:2b.JOH.001.002 Güiya gaegue gui tutujonña yan si Yuus.

1:3b.JOH.001.003 Todo y güinaja sija manmafatinas pot güiya; yaguin ti pot güiya, taya ni esta mafatinas, nu y gaegue gui finatinas sija.

1:4b.JOH.001.004 Y linâlâ gaegue guiya güiya, ya y linâlâ, güiya y candet y taotao sija.

1:5b.JOH.001.005 Ya y candet gui jalom jomjom maniina, ya y jemjom ti matungo.

1:6b.JOH.001.006 Y un taotao ni manafato guine as Yuus, y naanña si Juan.

1:7b.JOH.001.007 Güiya mamaela para testimonio, para ufannae testimonio nu y candet, para ufanmanjonggue todo y taotao pot güiya.

1:8b.JOH.001.008 Güiya ti y candet, lao mamaela para ufannae testimonio nu y candet.

1:9b.JOH.001.009 Ayo y magajet na candet ni maniina y todo taotao, na mamamaela güine gui tano.

1:10b.JOH.001.010 Güiya gaegue gui tano, ya y tano mafatinas pot güiya, ya y tano ti matungo güe.

1:11b.JOH.001.011 Güiya mato gui iyoña ya iyoña ti marisibe güe.

1:12b.JOH.001.012 Lao todo y rumesibe güe, güiya janae ninasiñanñija para ufamaguon Yuus; junggan, para todo ni y jumonggue y naanña.

1:13b.JOH.001.013 Sija manmalilis ti guinin y jâgâ, ya ti guinin y minagof y catne, ya ti guinin minagof y taotao, lao guinin as Yuus.

1:14b.JOH.001.014 Ya ayo na Finijo mamacatne ya sumaga guiya jita (ya talie y minalagña, ayo na minalag taegüije y linilisja gui tata), bula y grasia yan y minagajet.

1:15b.JOH.001.015 Si Juan manae testimonio nu güiya ya umagang ya ilegña: Güiya ayo y jusasangan: y mamaela gui tateco, güiya dangculoña qui guajo, sa güiya finenena qui guajo.

1:16b.JOH.001.016 Gui binilaña manmañulijit todo, yan y grasia pot y grasia.

1:17b.JOH.001.017 Sa y tinago sija pot si Moises esta manae, lao y grasia yan y minagajet, pot si Jesucristo namanmato.

1:18b.JOH.001.018 Si Yuus, taya taotao lumie, taya na tiempo, ayo na Lajiña, y linilisja, na gaegue san jalom y pechon tata, güiya jafanue jit nu güiya.

1:19b.JOH.001.019 Ya este y testimonien Juan, anae y Judio sija manafanmato nu y mamale yan Lebita sija, guine Jerusalem, ni manmafasen: Jago, jaye jao?

1:20b.JOH.001.020 Güiya jaconfesatñaejon ya ti japune, lao jaconfesatñaejon, ilegña: Guajo ti Jesucristo yo.

1:21b.JOH.001.021 Ya mafaesen: Jafa nae? Jago si Elias? Ya ilegña: Ti guajo yo. Jago ayo na profeta? Ya manope: Aje.

1:22b.JOH.001.022 Enaomina ilegñija nu güiya: Jaye jao? para siñajam infanmanope ni y tumago jam. Jafa ilelegmo nu jago namaesa?

1:23b.JOH.001.023 Ylegña: Guajo inagang yo nu y umaagang gui desierto; natunas y chalan señot, taegüije ilegña si Esaias profeta.

1:24b.JOH.001.024 Ya ayo sija ni namanmato ni y guinin Fariseo sija.

1:25b.JOH.001.025 Ya mafafaesen güe ya ilegñija nu güiya: Sajafa na managpangejao, yaguin ti jago si Jesucristo, ni si Elias, ni y ayo na profeta?

1:26b.JOH.001.026 Si Juan manope ilelegña: Guajo managpagpange an janom; mas y entalo miyo, guaja uno na ti intingo.

1:27b.JOH.001.027 Este uje y mamaela gui tateco, y mas dangculo qui guajo, ya guajo ti dignoyo na jupula ni y coreas y sapatosña.

1:28b.JOH.001.028 Este sija finatinas guiya Betania y otra banda gui Jordan, anae managpagpange si Juan.

1:29b.JOH.001.029 N 1 29 53900 ¶ Y siguiente na jaane jalie si Juan si Jesus na mamaela para iya güiya ya ilegña: Estagüe y corderon Yuus na janajanao y isao gui tano.

1:30b.JOH.001.030 Este yuje ileo, na y tateco mamamaela un laje y dangculoña qui guajo, sa güiya finenena qui guajo.

1:31b.JOH.001.031 Ya guajo ti jutungo; lao para umafanue y Israel nu güiya, enao mina mato yo yan managpagpange yo an janom.

1:32b.JOH.001.032 Si Juan manae testiomonio ilegña: Julie y Espiritu ni tumutunog guinin y langet, taegüije y paluma ya sumaga gui jiloña.

1:33b.JOH.001.033 Ya guajo ti jutungo güe, lao y munamamaela yo para ufanagpange an janom, ayo sumangane yo: Sobre ayo na unlie na tumunog y Espiritu ya sumaga guiya güiya, este uje y managpagpange ni Espiritu Santo.

1:34b.JOH.001.034 Ya guajo julie ya manae yo testimonio nu y güiya y Lajin Yuus.

1:35b.JOH.001.035 N 1 35 53960 ¶ Y siguiente na jaane tumalo manmatojgue si Juan yan dos gui disipuluña.

1:36b.JOH.001.036 N 1 36 53970 ¶ Ya Jaatan si Jesus ni mamomocat güije, ya ilegña: Estagüe y Corderon Yuus.

1:37b.JOH.001.037 Ya majungog ni dos na disipuluña comequentosña yan madalalag si Jesus.

1:38b.JOH.001.038 Ya jabira güe si Jesus ya jalie na madadalalag güe nu sija ya ilegña nu sija: Jafa inaliligao? Ya sija ilegñija: Rabi (este finijo comequeilegña, gui chamorro, Maestro) manu sagamo?

1:39b.JOH.001.039 Ylegña: mamaela ya unlie. Manmamaela ya jalie manu nae sumaga ya mañagaja yan güiya, güije na jaane, sa jijut y ora y mina dies.

1:40b.JOH.001.040 Si Andres y chelun Simon Pedro, güiya uno gui dos y jumungog umadingan an Juan, yan madalalag güe.

1:41b.JOH.001.041 Güiya jasoda finena y cheluña as Simon, ya ilegña nu güiya: Tasoda y Mesias (ni y cumequeilegña: güiya si Cristo).

1:42b.JOH.001.042 Ya macone guato as Jesus; anae inatan as Jesus ilegña: Jago Simon, patgon Jonas: jago mafanaan Sefas (cumequeilegña: acho).

1:43b.JOH.001.043 Y siguiente na jaane, malago si Jesus malag Galilea, ya jasoda si Felipe, taotao Betsaida, gui siudan Andres yan Pedro.

1:45b.JOH.001.045 Si Felipe jasoda si Nataniel ya ilegña nu güiya: Esta tasoda ayo y jatugue si Moises gui tinago yan y profeta, Jesus, taotao Nasaret y patgon José.

1:46b.JOH.001.046 Ya ilegña si Nataniel: Guinin Nasaret siña jumuyong minauleg? Ylegña si Felipe: maela ya unlie.

1:47b.JOH.001.047 Si Jesus jalie mamaela para iya güiya, si Nataniel, ya ilegña nu güiya: Estagüe senmagajet iyon Israel, na taya finababa guiya güiya.

1:48b.JOH.001.048 Ylegña nu güiya si Nataniel: Guine manu na untungo yo? Manope si Jesus ya ilegña nu güiya: Antes di si Felipe uninagang, na gaegue jao gui papa y ygos, guajo julie jao.

1:49b.JOH.001.049 Manope si Nataniel ya ilegña: Rabi, jago uje y lajin Yuus, jago uje y ray guiya Israel.

1:50b.JOH.001.050 Manope si Jesus ya ilegña nu güiya: Sa jusangane jao, na julie jao gui papa y ygos, ya unjonggue? Jago unlie mandangculoña na güinaja qui este.

1:51b.JOH.001.051 Ylegña nu güiya: Magajet ya magajet jusangane jao, y mamaela na tiempo nae unlie y langet mababa ya y angjet sija guine as Yuus mangajujulo yan manututunog gui jilo y Lajin taotao.

2

2:1b.JOH.002.001 Y mina tres na jaane, mafatinas y guipot umasagua, gui Cana, siudan Galilea, ya y nanaña si Jesus gaegue güije.

2:2b.JOH.002.002 Ya si Jesus yan y disipuluña maagange locue para y guipot umasagua.

2:3b.JOH.002.003 Anae taya y bino, y nanaña si Jesus ilegña nu güiya: Taya binoñija.

2:4b.JOH.002.004 Ya ilegña nu güiya si Jesus: Pot jafayo na juentalo nu jago, palaoan? trabia ti mafato y orajo.

2:5b.JOH.002.005 Si nanaña ilegña ni manmañeñetbe: Fatinas todo y tinagoña.

2:6b.JOH.002.006 Y estaba güije saes lauyan acho, parejoja yan y guinasgasñija y Judios, na manulat, cada uno, dos pat tres cantaro.

2:7b.JOH.002.007 Ylegña si Jesus nu sija: Nafanbula este sija lauyan janom. Ya manafanbula asta y pachot.

2:8b.JOH.002.008 Ya ilegña nu sija: Chile pago ya innae y maestrosala; ya machule.

2:9b.JOH.002.009 Ya anae y maestrosala jachague y janom na mafatimas bino, ya ti jatungo guine mano: (lao y manmañeñetbe tumungo, na jachule y janom), y maestrosala jaagange y nobio;

2:10b.JOH.002.010 Ya ilegña nu güiya: Todo y taotao janafofona y mauleg na bino; ya yaguin esta manjaspog, ayo nae y mas manaelaye: lao jago unnanana y mauleg na bino asta pago.

2:11b.JOH.002.011 Este na tutujon y señatña sija, jafatinas si Jesus, guiya Cana suidan Galilea, ya janamatungo y minalagña; ya y disipuluña sija majonggue güe.

2:12b.JOH.002.012 Despues di este tumunog guiya Capernaum, güiya yan y mañeluña yan y disipuluña sija, ya mañaga güije ti megae na jaane.

2:13b.JOH.002.013 N 2 13 54240 ¶ Y estaba güije jijot y pascuan y Judios, ya si Jesus cajulo guiya Jerusalem.

2:14b.JOH.002.014 Ya jasoda gui guimayuus manmanbebende y nubiyo yan y quinilo, yan y paluma, yan y manmanulalaeca manmatatachong:

2:15b.JOH.002.015 Ya mañaolag ni tale, ya janafanmalago todo gui guimayuus, yan y quinilo, yan y nubiyo; yan y machapon y salape y manmanulalaeca, yan manaalinquin y lamasa,

2:16b.JOH.002.016 Ya ilegña ni manmanbebende ni paluma: Nafanjanao güine este sija na güinaja, ya chamiyo fumatitinas y guima tata, guima namajan.

2:17b.JOH.002.017 Entonses manmanjaso y disipuluña ni estaba matugue: Ynigo y guimamo cumano yo.

2:18b.JOH.002.018 N 2 18 54290 ¶ Y Judio sija manmanope ya ilegñija; Jafa na señat unfanuejam taegüije ayo, sa jago unfatinas este sija na güinaja?

2:19b.JOH.002.019 Si Jesus manope ya ilegña: Yulang este na gumayuus, ya y tres na jaane; junacajulo talo.

2:20b.JOH.002.020 Ayonae y Judio sija ilegñija: Gui cuarentaisaes años manacajulo este na gumayuus, ya jago, gui tres na jaane, unacajulo?

2:21b.JOH.002.021 Lao güiya umadingan ni guima tataotaoña.

2:22b.JOH.002.022 Enao mina anae cajulo guine manmatae, y disipuluña jajaso na munjayan jasangane este, ya manmanjonggue ni tinigue sija yan y sinangan ni jasangan si Jesus.

2:23b.JOH.002.023 N 2 23 54340 ¶ Ya, güiya gaegue guiya Jerusalem gui pascua, y jaane ni guipot, ya megae manmanjonggue ni naanña, anae malie sija y señatña sija ni jafatinas.

2:24b.JOH.002.024 Lao si Jesus namaesa, ti jaangoco güe guiya sija, sa güiya jatungo todo taotao,

2:25b.JOH.002.025 Ya taya nesesida na jaye unae testimonio ni taotao, sa güiya tumungo y guaja gui jalom taotao.

3

3:1b.JOH.003.001 YA guaja un taotao Fariseo na naanña si Nicodemo, prinsipe y Judiosija.

3:2b.JOH.003.002 Este mato gui as Jesus gui puenge ya ilegna nu güiya: Rabi, jame intingo na jago maestro guine as Yuus, sa taya siña fumatinas este sija na señat, ni unfatitinas, yaguin ti sumisija yan Yuus.

3:3b.JOH.003.003 Ynepe as Jesus ya ilegña nu güiya: Magajet ya magajet y jusangane jao, na y ti mafañago talo, ti siña jalie y raenon Yuus.

3:4b.JOH.003.004 Ylegña nu güiya si Nicodemo: Jafa muna siña y taotao mafañago yaguin este biju; siña güe jumalom dos biaje, talo gui jalom y tiyan nanaña ya umafañago?

3:5b.JOH.003.005 Ynepe as Jesus: Magajet ya magajet jusangane jao, na y ti mafañago ni janom yan ni iyon Espiritu, ti siña jumalom gui raenon Yuus.

3:6b.JOH.003.006 Todo y mafañago ni guine catne, catneja güe; ya y mafañago guine Espiritu, espirituja güe.

3:7b.JOH.003.007 Chamo ninamamanman ni jusangane jao: Y nesesita jamyo na mafañago talo.

3:8b.JOH.003.008 Y manglo manguaefe mano malagoña, ya unjungog y bengbengña, lao ti untungo guine manu mague, ni tampoco para manu guato. Taegüenao todo ayo y manmafañago guine Espiritu.

3:9b.JOH.003.009 Si Nicodemo manope ya ilegña: Jafa muna siña este?

3:10b.JOH.003.010 Ynepe as Jesus ya ilegña nu güiya: Jago un maestro guiya Israel ya ti untungo este?

3:11b.JOH.003.011 Magajet ya magajet jusangane jao, Y tatungo, tasangan; ya y talie tadeclara, ya ti inresibe y testimoniota.

3:12b.JOH.003.012 Yaguin jusangane jao güinajan tano, ya ti unjonggue, jafa taemano unjonggue yaguin jusangane jao güinajan langet?

3:13b.JOH.003.013 Ya taya cajulo gui langet, güiyaja y tumunog guine y langet, güiya matungo, y Lajin taotao ni y gaegue gui langet,

3:14b.JOH.003.014 Ya jaf taemanoja si Moises janacajulo y serpiente gui desierto, taegüijeja na nesesita na y Lajin taotao umanacajulo.

3:15b.JOH.003.015 Para todo ayo y jumonggue güe, ti siña malingo, ya guaja linâlâña na taejinecog.

3:16b.JOH.003.016 N 3 16 54520 ¶ Sa taegüenao na jaguaeya si Yuus y tano, janae ni linilisja Lajiña y para todo ayo y jumonggue güe, ti siña malingo, ya guaja linâlâña na taejinecog.

3:17b.JOH.003.017 Sa ti jatago si Yuus y Lajiña guato gui tano, para usapit y tano, lao para y tano unalibre pot güiya.

3:18b.JOH.003.018 Y jumonggue güe, ti umasapit; ayo y ti jumonggue güe ayo umasapit, sa ti manjonggue ni naan unoja na Lajin Yuus.

3:19b.JOH.003.019 Ya este na sinapit, na y inina malag y tano, ya y taotao sija gaonñija y jemjom qui y inina, sa y finatinasñija taelaye.

3:20b.JOH.003.020 Sa todo ayo y fumatinas y taelaye, chatlie y inina, ya ti malag y inina, sa y chechoña no sea umareprende.

3:21b.JOH.003.021 Ayo y fumatinas y magajet, malag y inina, para y unamatungo finatinasña, sa y finatinasña guine as Yuus.

3:22b.JOH.003.022 N 3 22 54580 ¶ Despues di estesija, mato si Jesus yan y disipuluña sija, gui un tano Judea ya gaegue güije yan sija managpange.

3:23b.JOH.003.023 Managpapange locue si Juan, guiya Enon, jijot guiya Salim, sa gaegue güije megae na janom: ya sija manmamaela, ya manmatagpange.

3:24b.JOH.003.024 Sa si Juan trabia ti mapopolo gui catset.

3:25b.JOH.003.025 Ya guaja un inaguaguat entre sija yan y disipulon Juan yan y Judio sija pot y guinasgas.

3:26b.JOH.003.026 Ya manmato gui as Juan, ya ilegñija nu güiya: Rabi, ayo y gaegue güije guinin iya jago, gui otro banda Jordan ni unnae testimonio, estagüe! na jatagpange, yan y todo y taotao manmato guiya güiya.

3:27b.JOH.003.027 Manope si Juan ilegña: Ti siña y taotao manresibe jafa, yaguin ti manae guine y langet.

3:28b.JOH.003.028 Jamyoja innae testimonio na guinin jusangan: Ti guajo si Jesucristo, lao guajo matago gui menaña.

3:29b.JOH.003.029 Ya guaja asaguaña, güiya y nobio locue; lao amigon nobio, ni y tomotojgue ya jajujungogja, ya magof dangculo pot y sinangan y nobio. Taegüine pues este minagofjo esta macumple.

3:30b.JOH.003.030 Güiya siempre, lumálamodong; ya guajo manaladiquique.

3:31b.JOH.003.031 N 3 31 54670 ¶ Y guinin jila mague, güiya mas taquilo qui todo; ya y iyon y tano, tanoja güe, ya iyon y tanoja jasasangan; ya y mamaela guine langet, güiya iyajululo.

3:32b.JOH.003.032 Tanae testimonio, nu y lumie ya jajungog, ya taya rumesibe y testimonioña.

3:33b.JOH.003.033 Ya y rumesibe y testimonioña, este sumeyo na si Yuus, güiya magajet.

3:34b.JOH.003.034 Sa y tinago as Yuus, y fino Yuus jasangan; sa si Yuus ti mannanae güe ni y Espiritu pot medida.

3:35b.JOH.003.035 Sa y tata yaña y Lajiña ya todo y güinaja japolo gui canaeña.

3:36b.JOH.003.036 Y jumonggue y Lajiña guaja taejinecog na linâlâ; ya ayo y ti manjonggue y Lajiña, ti ulie linâlâ, lao y binibon Yuus gaegue gui jiloña.

4

4:1b.JOH.004.001 ANAE y Señot jatungo, na Fariseo sija manmanjungog, na si Jesus jafatinas disipuluña ya jatagpange megaeña qui si Juan.

4:2b.JOH.004.002 (Achogja ti si Jesus namaesa matagpange, lao y disipuluñaja),

4:3b.JOH.004.003 Jadingo guiya Judea, ya mapos talo malag Galilea.

4:4b.JOH.004.004 Ya janesesita na umalofan inanaco Samaria.

4:5b.JOH.004.005 Mato pues gui un siudan Samaria, na mafanaan Sicar, jijot gui fangualuan na si Jacob janae si José, lagiña.

4:6b.JOH.004.006 Ya gaegue güine y tipo Jacob. Enaomina si Jesus, sa yayas güe guinin y chalan, matachong gui oriyan y tipo. Güenao na ora cana a las saes.

4:7b.JOH.004.007 Mato un palaoan Samaria para ufanlupog janom; ya si Jesus ilegña nu güiya: Naeyo ya juguinem.

4:8b.JOH.004.008 Sa y disipuluña manmapos para y siuda, para ufanmamajan nengcano.

4:9b.JOH.004.009 Ylegña nu güiya y palaoan Samaria: Jaftaemano na jago y Judio jao, ya untagojit najunaguinemjao, ya guajo palaoan Samaria? (Sa y Judio sija ti manatungo yan y taotao Samaria).

4:10b.JOH.004.010 Manope si Jesus, ya ilegña nu güiya: Yaguin untungo y ninaeña si Yuus yan jaye güe y sumangane jao, naeyo ya juguinem: jago ungagao güe ya güiya unninae janom lalâlâ.

4:11b.JOH.004.011 Ya y palaoan ilegña nu güiya: Señot, taya siña unlupog, sa y tipo tadong: amano pues nae guaja jao ni y janom lalâlâ.

4:12b.JOH.004.012 Ada dangculoña jao qui y tatanmame as Jacob, ni y numaejam nu este na tupo, ya güiya gumiguinem yan famaguonña, yan y gaña gâgâ sija?

4:13b.JOH.004.013 Manope si Jesus, ya ilegña nu güiya: Jaye y guminem nu este na janom, güiya umajo talo.

4:14b.JOH.004.014 Lao ayo y guminem uje na janom y junae güe, para todo y tiempo ti umajo; ya ayo na janom y guajo junae güe, güiya y janom tupo, ni jumuyong para linâlâ na taejinecog.

4:15b.JOH.004.015 Ylegña nu güiya y palaoan: Señot, naeyo nu este na janom para ti siñayo majo, ni jutalo mague para jufanlupog.

4:16b.JOH.004.016 Si Jesus ilegña nu güiya: Janao agange y asaguamo, ya unmamaela güine mague.

4:17b.JOH.004.017 Manope y palaoan ya ilegña nu güiya: Taya asaguajo. Ylegña nu güiya si Jesus: Mauleg sinanganmo na ilegmo. Taya asaguajo.

4:18b.JOH.004.018 Sa sinco jagas asaguamo; ya pago y gaegue guiya jago, ti güiya y asaguamo: este unsangan pot minagajet.

4:19b.JOH.004.019 Ya ilegña nu güiya y palaoan: Señot, pineloco nu jago, profeta jao.

4:20b.JOH.004.020 Y tatanmame manmanadodora güine gui jalomtano, ya jamyo ilegmiyo, na iya Jerusalem, ayo na lugat, siempre nae umafatinas y adorasion.

4:21b.JOH.004.021 Ylegña nu güiya si Jesus: Palaoan, jonggue yo sa ufato y ora, na ti este na jalomtano, ni iya Jerusalem, inadora jamyo si Yuus Tata.

4:22b.JOH.004.022 Jamyo inadora ti intingo. Jame inadora y tiningomame, sa y satbasion y Judio sija güiya.

4:23b.JOH.004.023 Lao y jaane umamaela, ya güiya güe pago, nae y magajet na manmanadododora, uje adodora si Yuus Tata gui espiritu yan y minagajet; sa si Yuus Tata, locue jaaliligao ayo sija y umadodora güe.

4:24b.JOH.004.024 Si Yuus, güiya Espiritu, ya y umadora güe, siempre jaadora güe y espiritu yan y minagajet.

4:25b.JOH.004.025 Ylegña nu güiya y palaoan: Guajo jutungo na y Mesias umamaela (ayo y naanña si Cristo); yaguin mato güe, güiya ufanagüejit todo.

4:26b.JOH.004.026 Ylegña nu güiya si Jesus: Guajoyo, ni umadingangane jao.

4:27b.JOH.004.027 N 4 27 54990 ¶ Ya pot este manmato y disipuluña ya ninafanmanman pot y umadingan yan y palaoan: ya ni uno siña umalog: Jafa finaesesenmo? pat, pot jafa uncuentutuse güe?

4:28b.JOH.004.028 Taegüenao y palaoan japolo y batdeña, ya mapos malag y siuda, jasangane y taotao sija ya ilegña:

4:29b.JOH.004.029 Fanmamaela ya inlie un taotao ni sumangane yo todo y finatinaso! Güiya buente si Cristo?

4:30b.JOH.004.030 Manmapos gui siuda, ya manmalag as Jesus.

4:31b.JOH.004.031 Ayo na tiempo magagagao güe ni disipulo sija, ilegñija: Rabi, chocho!

4:32b.JOH.004.032 Ya güiya ilegña na sija: Guaja najo nengcano na jamyo ti intingo.

4:33b.JOH.004.033 Enaomina y disipulo sija ilegñija entre sija: Buente guaja chumulilie naña?

4:34b.JOH.004.034 Si Jesus ilegña nu sija: Y nengcanojo y jufatinas y minalago ayo y tumago yo, ya magpo chechoña.

4:35b.JOH.004.035 Ya ti ilegmiyo: Guaja trabia cuatro na meses nae ufato y quineco? Estagüe na jusangane jamyo: Fanalagquilo y matanmiyo ya inatan y fangualuan sija, sa esta manapaca para quineco.

4:36b.JOH.004.036 Ya y mangoco uresibe y apasña, ya uchule y tinegcha para taejinecog na linâlâ; para ayo y mangoco, ya ayo y manananom mandaña gui minagof.

4:37b.JOH.004.037 Ya pot este macumple y sinangan: uno manananom ya y otro mangongoco.

4:38b.JOH.004.038 Guajo jamyo tumago para infanmangoco ya ti jamyo chumogüe; otro manmachocho ya jamyo manjalom gui chechoñija.

4:39b.JOH.004.039 N 4 39 55110 ¶ Ya megae na taotao Samaria, taotao güije na siuda, manmanjonggue nu güiya pot y sinangan y palaoan, sa manae testimonio na ilegña: Jasangane yo todo ni y finatinasjo.

4:40b.JOH.004.040 Enao mina anae y taotao Samaria manmato guiya güiya, magagao na usaga ya ufandaña; ya güiya sumaga güije dos na jaane.

4:41b.JOH.004.041 Ya y manmanjonggue nu güiya gofmegae pot y sinanganña.

4:42b.JOH.004.042 Ya ilegñija nu y palaoan: Pago ti pot y finomo na injenggue; sa jame mismo injingog güe, ya intingo na este, güiya y magajet na Salvadot y tano.

4:43b.JOH.004.043 N 4 43 55150 ¶ Ya depues di dos na jaane, jumanao güije ya malag Galilea.

4:44b.JOH.004.044 Potjafa na si Jesus mismo manae testimonio, na y profeta gui tanoña taya onraña.

4:45b.JOH.004.045 Ya pot este anae malag Galilea, y taotao Galilea maresibe güe sa malie todo y finatinasña guiya Jerusalem, na jafatinas gui tiempo y guipot; sa sija locue manmalag y guipot.

4:46b.JOH.004.046 N 4 46 55180 ¶ Mato, otro biaje, si Jesus, guiya Cana siuda guiya Galilea, nae y jafatinas bino y janom: ya guaja güije un magalaje na y lajiña malango guiya Capernaum.

4:47b.JOH.004.047 Ya anae jajungog na si Jesus, jumanao gui Juda ya tumunog para Galilea, mapos güe malag as Jesus, ya jagagao na utunog guiya Capernaum, ya uamte y lajiña, sa esta cumequematae.

4:48b.JOH.004.048 Enao mina si Jesus ilegña nu güiya: Yaguin ti inlie señat sija, yan y ninamanman sija, ti injenggue.

4:49b.JOH.004.049 Ya ilegña y magalage nu güiya: Señot, tunog lasajyao, antes qui umatae y lajijo!

4:50b.JOH.004.050 Ylegña si Jesus nu güiya: Janao, sa y lajimo lâlâ! Jajonggue y taotao y sinangan Jesus ni y sinangane güe, ya mapos.

4:51b.JOH.004.051 Ya anae güiya tumutunog, y familiaña matagam güe ya masangane na ilegñija, Na y lajimo lâlâ!

4:52b.JOH.004.052 Mamaesen jafa na ora y lajiña na mumauleg, ya ilegñija: Nigap gui las siete na ora pinelo ni calenturaña.

4:53b.JOH.004.053 Jatungo y tataña enao na ora nae sinangane güe as Jesus, Y lajimo lâlâ; ya güiya namaesa jajonggue yan todo y familiaña!

4:54b.JOH.004.054 Este y mina dos na señat, na jafatinas si Jesus, anae jinanaoña guiya Judea, para Galilea.

5

5:1b.JOH.005.001 DESPUES di manmalofan este sija, guaja gupot y Judio sija ya si Jesus cajulo guiya Jerusalem.

5:2b.JOH.005.002 Ya iya Jerusalem, jijot gui petta quinilo sija, guaja un tangque janom na mafananaan gui fino Hebreo, Betesda, na guaja sinco potta.

5:3b.JOH.005.003 Ya manestaba güije megagae na manmalango: bachet, mangojo, yan mansogsog.

5:5b.JOH.005.005 Ya gaegue güije un taotao na esta malofan treinta y ocho años na malango.

5:6b.JOH.005.006 Linie as Jesus na umaason, ya anae jatungo na amam na tiempo, ilegña nu güiya: Malago jao na umagong?

5:7b.JOH.005.007 Ynepe güe ni y malango: Señot, taya jaye yo unninajalom gui tangque y tiempo nae y janom sigue ni calalamten, ya anae jumajanaoyo, otro tumunog antes qui guajo.

5:8b.JOH.005.008 Sinanangane as Jesus: Cajulojao, jatsa y camamo ya unjanao!

5:9b.JOH.005.009 Ya enseguidas magong y chetnot ayo na taotao, ya jajatsa y camaña ya mapos. Lao ayo na jaane sabado.

5:10b.JOH.005.010 N 5 10 55350 ¶ Ylegñija y Judio sija nu y manamagong: Sabado, este na jaane, ti tunas unchule y camamo!

5:11b.JOH.005.011 Manope güe: Ayo y munamagong yo, güiya namaesa sumangane yo: jatsa y camamo ya unjanao.

5:12b.JOH.005.012 Entonses mafaesen güe: Jaye enao na taotao y sumangane jao, na unjatsa y camamo yan unjanao?

5:13b.JOH.005.013 Ayo y guinin minamagong güe, ti jatungo jaye; sa si Jesus esta mapos, sa gaegue güije na lugat, un linajyan taotao.

5:14b.JOH.005.014 Sineda güe despues as Jesus, gui templo, ya ilegña: Estagüe esta magong jao; chamo umiisao talo no sea na taelayeña qui este ufato guiya jago.

5:15b.JOH.005.015 Ayo na taotao mapos, ya jasangane Judio sija na si Jesus ninamagong y chetnotña.

5:16b.JOH.005.016 Ya pot este na rason, y Judio sija madulalag si Jesus, sa y jafatinas este na güinaja gui sabado na jaane.

5:17b.JOH.005.017 Entonses si Jesus maninepe: Si tatajo jafatitinas asta pago, yan guajo locue jufatitinas.

5:18b.JOH.005.018 Ya pot este na rason y Judio sija japrocura mas dangculo para ujapuno, say ti janainaleja y sabado na jaane, lao pot y jasangan locue na si Yuus güiya y tataña; jafatitinas güiyaja parejo yan si Yuus.

5:19b.JOH.005.019 N 5 19 55440 ¶ Entonses si Jesus manope ilegña nu sija: Magajet ya magajet jusangane jamyo: Ti siña y Lajiña jafatinas jafa pot güiya namaesa, lao jafa y jalie finatinas y tata; sa todo y finatinasña, taemanoja y Lajiña locue fumatinas.

5:20b.JOH.005.020 Sa y Tata yaña y Lajiña ya jafanue nu güiya todo ni jafatitinas; ya jafanue nu güiya y checho ni mandangculo, ya jamyo unfanmanman.

5:21b.JOH.005.021 Sa taegüenao si Tata janafangajulo y manmatae ya jananae linâlâñija, taegüije locue y Lajiña janae y linâlâ, jaye malagoña.

5:22b.JOH.005.022 Sa y Tata taya jaye jajujusga, lao todo y juisio, janae y Lajiña.

5:23b.JOH.005.023 Para todo ufanmanonra ni Lajiña jaf taemanoja jaonra y Tata. Ya y ti umonra y Lajiña, ti jaonra si Tata ni tumago güe.

5:24b.JOH.005.024 Magajet ya magajet jusangane jamyo: Y jumungog y sinanganjo, ya jumonggue ayo y tumago yo, guaja linâlâfia taejinecog; ya ti ufato gui sinapet; lao esta malofan guine y finatae para y linâlâ.

5:25b.JOH.005.025 Magajet ya magajet jusangane jamyo: Y ora mamamaela, ya pago esta; na y manmatae sija ujajungog y inagang Lajin Yuus; ya ayo sija y jumungog, ufanlâlâ.

5:26b.JOH.005.026 Sa taegüine y Tata guaja linâlâfia guiya güiyaja; taegüineja janae locue y Lajiña, para uguaja linâlâña guiya güiyaja:

5:27b.JOH.005.027 Ya janae locue ninasiñaña para ufatinas juisio, sa güiya y Lajin taotao.

5:28b.JOH.005.028 Chamiyo ninafanmamanman ni este: sa y ora mamamaela, na todo ayo sija y mangaegue gui naftan, umajungog y inagangña,

5:29b.JOH.005.029 Ya jumanao juyong; y fumatinas mauleg, ufanjuyong gui quinajulo para linâlâ; ya ayo sija y fumatinas taelaye, y quinajulo para sinapit.

5:30b.JOH.005.030 N 5 30 55550 ¶ Ti siña yo namaesa mamatinas jafa: taemanoja y jiningogco, ayoja jujusga, sa y juisioco tunas, sa ti jualiligao y minalagojo; lao y minalago y tata ni tumago yo.

5:31b.JOH.005.031 Yaguin mannae yo testimonio nu guajo namaesa, y testimoniojo ti magajet.

5:32b.JOH.005.032 Guaja otro na mannanae testimonio. nu guajo; ya guajo jutungo na y testimonioña, ni y ninaiña pot guajo, magajet.

5:33b.JOH.005.033 Jamyo manmatago para as Juan, ya güiya mannae testimonio ni magajet;

5:34b.JOH.005.034 Lao y testimonio ni juresibe, ti guinin y taotao: lao jusangane estesija, para jamyo infanlibre.

5:35b.JOH.005.035 Güiya y lámpara ni masonggue ya maniina; ya jamyo infanmalago manmagof didide na tiempo gui candetña.

5:36b.JOH.005.036 Ya y testimonio ni gaegue guiya guajo mas dangculo qui y gaegue gui as Juan; sa y finatinas ni y Tata numaeyo para umacumple, ayo na finatinas na guajo jufatinas; este jatestifica nu guajo, nu y Tata tumago yo.

5:37b.JOH.005.037 Si Tata locue ni y tumago yo, güiya namaesa mannae y testimonio nu guajo. Jamyo tat nae injingog bosña, ni locue ti inlie jechuraña.

5:38b.JOH.005.038 Ya taya sinanganña sumaga guiya jamyo; sa ti injenggue na güiya manago.

5:39b.JOH.005.039 Aligao y tinigue sija sa y jinasonmiyo iya güiya nae inguaja y linâlâ na taejinecog; ya sija todo ufanmannae testimonio nu guajo,

5:40b.JOH.005.040 Ti manmalago jamyo manmamaela guiya guajo, para uguaja linâlâ.

5:41b.JOH.005.041 Ynenra y taotao sija, guajo ti juresibe.

5:42b.JOH.005.042 Lao guajo jutungo jamyo na taya y güinaeyan Yuus ni y gaegueja guiya jamyo.

5:43b.JOH.005.043 Guajo mato yo pot y naan Tatajo, ya ti inresibe yo; yaguin otro mato pot y naanña namaesa, ayo inresibe.

5:44b.JOH.005.044 Jafa muna siña injenggue jamyo ni y rumesibe inenra uno sija yan otro, ya ti inaligao y inenraja na mato guine as Yuus na unoja?

5:45b.JOH.005.045 Ti injaso na jufaaela jamyo gui as Tata: ya y fumaaela jamyo si y Moises, ayo nae gaegue ininangganmiyo.

5:46b.JOH.005.046 Pues yaguin injenggue si y Moises, injenggue yo locue: sa iya guajo nae manugue si Moises.

5:47b.JOH.005.047 Lao yaguin tinigueña sija ti injenggue, jafa muna injenggue y sinanganjo?

6

6:1b.JOH.006.001 DESPUES di manmalofan estesija, mapos si Jesus malag y otro banda y tasen Galilea, na ayo y tasen Tiberias.

6:2b.JOH.006.002 Ya madalalag güe ni y dangculo na linajyan taotao sa jalie sija y megaegae na señat ni jafatinas gui manmalango.

6:3b.JOH.006.003 Ya cajulo si Jesus gui un ogso, ya matachong güije yan y disipuluña sija.

6:4b.JOH.006.004 Ya jijot y guipot pascua, guipot y Judio sija.

6:5b.JOH.006.005 Ya anae tumalag jilo si Jesus, jalie na guaja mamamaela para iya güiya, un linajyan na taotao, ilegña as Felipe: Manu nae tafanmamajan pan para ufañocho este sija?

6:6b.JOH.006.006 Jasangan este para uchague güe; sa güiya tumungo jafa ufatinas.

6:7b.JOH.006.007 Manope si Felipe: Dosiento na denario na pan, ti ufannajong para cada uno guiya sija ufañule didide.

6:8b.JOH.006.008 Ylegña nu güiya, uno gui disipuluña sija, Andres, chelun Simon Pedro:

6:9b.JOH.006.009 Un patgon gaegue güine na guaja sinco pan sebada yan dos güijan na diquique: Lao jafa na estesija, gui entalo y este na minegae?

6:10b.JOH.006.010 Ylegña si Jesus: Nafanason y taotao. Ya megae na chaguan gaegue güije na lugat, ya manason y taotao, cana sinco mil na lalaje.

6:11b.JOH.006.011 Ya jachule si Jesus ayo sija na pan ya anae janae si Yuus grasias, jaipie todo ayo y manaason; taegüijija locue ni y güijan sija, jaf taemanoja y minalagoñija.

6:12b.JOH.006.012 Ya anae manjaspog ilegña ni disipuluña sija: Joca todo y dinidide ni y tetenjan, sa munga guaja malingo.

6:13b.JOH.006.013 Ya jajoca todo, ya janabula dose na canastran dangculo ni y dinidide, dinididin y sincoja na pan sebada, y tejnan ayo sija y mañocho.

6:14b.JOH.006.014 Ayo sija na taotao, anae jalie y señat ni jafatinas si Jesus, ilegñija: Este senmagajet na güiya y profeta ni para umamaela gui tano.

6:15b.JOH.006.015 N 6 15 55870 ¶ Ayo na tiempo jatungo si Jesus, na ufanmamaela para umacone pot minetgot, ya jafatinas y ray, tumalo guato gui un jalomtano güigüiyaja namaesa.

6:16b.JOH.006.016 Anae esta pupuenge manunog y disipuluña sija gui tase.

6:17b.JOH.006.017 Ya manjalom gui un sajyan, ya manchinichile ni tase para Capernaum. Ya pago jomjom, ya si Jesus ti manfinatotoe sija.

6:18b.JOH.006.018 Ya cajulo dangculo na napon pot rason un dangculo na manglo na manguaefe.

6:19b.JOH.006.019 Ya anae esta manmamogsae gui tase calang bente sinco pot trenta estadio, malie si Jesus na mamomocat gui jilo y tase ya lumalajijot guato gui sajyan: ya manmaañao sija.

6:20b.JOH.006.020 Lao güiya ilegña nu sija: Guajoyo; chamiyo fanmaañao!

6:21b.JOH.006.021 Manmagof anae maresibe gui sajyan; ya ensiguidas mato y sajyan gui tano ni y jajananao güe.

6:22b.JOH.006.022 N 6 22 55940 ¶ Y inagpaña na jaane, y linajyan taotao ni gaegue gui otro bandan tase, jalilie na taya güije mas na unoja na sajyan diquique, ya jatungo na si Jesus ti jumalom gui sajyan yan y disipuloña sija, lao y disipuloña sija esta manmapos sijaja;

6:23b.JOH.006.023 (Ya manmato sija y sajyan diquique guine Tiberias, jijot güije na lugat anae mañocho ni pan, despues di y Señot janae si Yuus grasias.)

6:24b.JOH.006.024 Ya anae jalie y linajyan taotao sija na si Jesus taegüe güije, ni y disipuluña sija; manjalom sija locue gui sajyan diquique, ya manmapos para Capernaum, maaliligao si Jesus.

6:25b.JOH.006.025 Ya anae masoda gui otro bandan tase, ilegñija nu güiya: Rabi Ngaean nae mato jao güine?

6:26b.JOH.006.026 Maninepe as Jesus ilegña: Magajet ya magajet jusangane jamyo; na inaliligao yo, ti pot y liniimiyo ni señat sija; lao pot y quinanomiyo ni pan, y ninafanjaspog jamyo.

6:27b.JOH.006.027 Fanmachocho, munga para ayo y fafalingo na nengcano, lao ayo na nengcano y sumaga taejinecog na linâlâ, ni y Lajin taotao numae jamyo; sa güiya sineyo ni Tata, si Yuus.

6:28b.JOH.006.028 Enao mina ilegñija nu güiya: Jafa tafatinas, para utafatinas y checho Yuus?

6:29b.JOH.006.029 Si Jesus manope ilegña nu sija: Este y checho Yuus, na injenggue ayo y jatago.

6:30b.JOH.006.030 Entonses ilegñija nu güiya: Jafa na señat unfatinas para inlie, ya injenggue jao? Jafa chechomo?

6:31b.JOH.006.031 Si tatanmame jacano y mana gui desierto, taemanoja y munjayan matugue; pan guine y langet manmanae para u jacano.

6:32b.JOH.006.032 Ya ilegña si Jesus nu sija: Magajet ya magajet jusangane jamyo, na ti si Moises numae jamyo ni pan guine y langet, si Tatajo janae jamyo ni magajet na pan guine y langet.

6:33b.JOH.006.033 Sa y pan Yuus ayo y tumunog guine y langet, ya jananae linâlâ y tano.

6:34b.JOH.006.034 Ayo nae ilegñija nu güiya: Señot naejam siempre ni este na pan!

6:35b.JOH.006.035 Si Jesus ilegña nu sija: Guajo y pan lalâlâ; y mato guiya guajo, ti uñalang; ya y jumonggue yo, ti umajo para taejinecog.

6:36b.JOH.006.036 Lao jusangane jamyo; na este inlie yo ya ti injenggue.

6:37b.JOH.006.037 Todo y janae yo si Tata, ufato guiya guajo; ya ayo y ufanmato guiya guajo, gosmagajet na guajo ti siña juyute güe juyong.

6:38b.JOH.006.038 Sa tumunog yo guine y langet ti para jufatinas y minalagojo, lao y minalagoña ayo y tumago yo.

6:39b.JOH.006.039 Ya este y minalagoña ayo y tumago yo, na todo y janae yo ti siña junafalingo taya, lao junacajulo güe gui uttimo na jaane.

6:40b.JOH.006.040 Ya este y minalagon Tata, na todo ayo y jalie y Lajiña ya jinenggue guiya güiya, uguaja linâlâña taejinecog; ya junacajulo güe gui uttimo na jaane.

6:41b.JOH.006.041 N 6 41 56130 ¶ Enaomina y Judio sija mamofea güe anae jasangan: Guajo y pan ni tumunog guine y langet.

6:42b.JOH.006.042 Ya ilegñija: Ada ti güiya este as Jesus lajin José? si tataña, yan nanaña tatungoja? Jafa pues muna ilegña: Guajo tumunog guine y langet?

6:43b.JOH.006.043 Si Jesus manope ya ilegña nu sija: Chamiyo fanmanmofefea entre jamyo.

6:44b.JOH.006.044 Taya siña mato guiya guajo yaguin si Tata, ni tumago yo, ti quinene güe; ya guajo junacajulo güe gui uttimo na jaane.

6:45b.JOH.006.045 Matugue esta gui profeta sija: Ya todo ayo sija ufanmafanagüe finanagüen Yuus. Enaomina cada uno ni jumungog y Tata ya jatungo y mafanagüeña, ufato guiya guajo.

6:46b.JOH.006.046 Munga yo na jusangan na guaja na taotao y esta jalie si Tata, lao ayo y mamaela guinin as Yuus, güiyaja jalie si Tata.

6:47b.JOH.006.047 Magajet ya magajet jusangane jamyo: Ayo y jumonggue yo guaja linâlâña na taejinecog,

6:48b.JOH.006.048 Guajo y pan y linâlâ.

6:49b.JOH.006.049 Si tatanmiyo, jacano y mana gui jalomtano ya manmatae.

6:50b.JOH.006.050 Estagüiya y pan ni tumunog guine y langet, para jaye y cumano güe, ti umatae.

6:51b.JOH.006.051 Guajo y lalâlâ na pan ni tumunog guine y langet: yaguin guaja cumano este na pan, ulâlâ para todo y tiempo; junggan ya y pan ni guajo mannae, guiya mismo catneco, na junae para linâlâ y tano.

6:52b.JOH.006.052 N 6 52 56240 ¶ Managuaguat entre sija y Judio sija, ilegñija: Jafa muna usiña este na taotao unaejit ni catneña para utacano?

6:53b.JOH.006.053 Si Jesus pot anão ilegña nu sija: Magajet ya magajet jusangane jamyo: Yaguin ti incano y catnen y Lajin taotao, ya ti inguimen y jâgâña, taya linâlâ guiya jamyo.

6:54b.JOH.006.054 Y cumano y catneco, ya jaguimen y jâgâjo, guaja linâlâña taejinecog, ya junacajulo güe gui uttimo na jaane.

6:55b.JOH.006.055 Sa y catneco, güiya y magajet na nengcano; ya y jâgâjo, güiya y magajet na guimen.

6:56b.JOH.006.056 Ayo y cumano y catneco, y jaguimen y jâgâjo, sumaga guiya guajo, ya guajo guiya güiya.

6:57b.JOH.006.057 Taegüine y Tata, ni lalâlâ, janamamaela yo, ya guajo lalâlâ pot si Tata; taegüineja locue y cumano yo, güiya locue ulâlâ pot guajo.

6:58b.JOH.006.058 Estagüiya y pan ni tumunog guine y langet; ti parejo yan y tatanmiyo ni cumano y mana ya manmatae: y cumano este na pan ulâlâ para taejinecog.

6:59b.JOH.006.059 Este sija jasangan guiya sunagoga, parejoja yan anae mamanagüe guiya Capernaum.

6:60b.JOH.006.060 N 6 60 56320 ¶ Enaomina megae gui disipuluña sija anae majungog este, ilegñija: Majetog na sinangan este; jaye siña umecungog?

6:61b.JOH.006.061 Si Jesus jatungo pot güiyaja namaesa, na y disipuluña sija mangogonggong pot este, ya ilegña nu sija: Ninafañatsaga jamyo nu este?

6:62b.JOH.006.062 Jafa yaguin inlie y Lajin taotao cajulo anae gaegue antes?

6:63b.JOH.006.063 Y espiritu mannanae linâlâ; y catne taya probechoña: y sinangan sija ni jusangane jamyo, ayo espiritu, yan ayo linâlâ.

6:64b.JOH.006.064 Lao guajo palo guiya jamyo na ti manmanjonggue. Sa si Jesus desde y finenana jatungoja jaye sija y ti ufanmanjonggue, yan jaye y uinentrega güe.

6:65b.JOH.006.065 Ya ilegña: Pot este na rason jusangane jamyo: na taya siña mato guiya guajo, yaguin ti ninae ni Tatajo.

6:66b.JOH.006.066 N 6 66 56380 ¶ Ayo nae, megae gui disipoluña sija manalo tate, ya ti mañija talo manjanao yan güiya.

6:67b.JOH.006.067 Ayo nae ilegña si Jesus ni dose: Manmalago jamyo manjanao locue?

6:68b.JOH.006.068 Ynepe as Simon Pedro: Señot, jayejam injanao güe? Jago nae guaja sija y sinangan ni taejinecog na linâlâ.

6:69b.JOH.006.069 Ya jame injenggue, ya intingo na jago Ayo na Santos na guine as Yuus.

6:70b.JOH.006.070 Si Jesus jaope sija: Ti juayig jamyo dose, ya y uno guiya jamyo anite?

6:71b.JOH.006.071 Ya jasangan pot si Judas Iscariote, lajin Simon: sa este y para uinentrega gae, uno gui dose.

7

7:1b.JOH.007.001 YA despues di manmalofan estesija, si Jesus jumanao para Galilea: ya ti malago mamocat guiya Judea, sa y Judio sija maaliligao güe para umapuno.

7:2b.JOH.007.002 Ya estaba jijot y guipot y Judio sija, na mafanaan gupot tabetnaculo.

7:3b.JOH.007.003 Y mañeluña sija pot este na rason ilegñija nu güiya: Falofan güine, ya unjanao para Judea, para y disipulumo sija locue ujalie y chechomo sija ni unfatitinas.

7:4b.JOH.007.004 Sa taya ni uno, mamatitinas jafa na güinaja gui secreto, ya güiyaja mismo ualigao na umatungo gui publico. Yaguin unfatitinas este sija na güinaja, fanuejao gui tano.

7:5b.JOH.007.005 Sa mañeluña sija locue ti majonggue güe.

7:6b.JOH.007.006 Ayo nae si Jesus ilegña nu sija: Y tiempoco ti mafato trabia, lao y tiemponmiyo siempre esta listo.

7:7b.JOH.007.007 Y tano ti siña manchinatlie jamyo; lao guajo jachatlie, sa mannae yo testimonio pot güiya, na y chechoña manaelaye.

7:8b.JOH.007.008 Jamyo infangajulo güine na gupot; guajo ti jucajulo güine na gupot; sa y tiempoco trabia ti macumple.

7:9b.JOH.007.009 Ya anae munjayan jasangane estesija, sumaga trabia guiya Galilea.

7:10b.JOH.007.010 N 7 10 56530 ¶ Lao anae y mañeluña sija mangajulo; ayo nae güiya locue cumajulo gui guipot; ti gui publico, lao calang gui secreto.

7:11b.JOH.007.011 Ayo nae y Judio sija maaliligao güe gui guipot; ya ilegñija: Manggue güe?

7:12b.JOH.007.012 Ya guaja un dangculon gonggong entalo y linajyan taotao sija pot güiya; sa guaja ilegñija: Güiya mauleg na taotao; palo, ilegñija: Aje, lao jadadague y taotao sija.

7:13b.JOH.007.013 Lao ni uno umadingan gui publico pot güiya, sa manmaañao ni Judio sija.

7:14b.JOH.007.014 N 7 14 56570 ¶ Anae y entalo y guipot, cajulo si Jesus gui templo ya mamanagüe.

7:15b.JOH.007.015 Enao muna y Judio sija manamanman ya ilegñija: Jafa muna jatungo este letra na ti umeeyag?

7:16b.JOH.007.016 Maninepe as Jesus ilegña: Y finanagüeco, ti iyoco lao iyon ayo y tumago yo.

7:17b.JOH.007.017 Yaguin guaja y mumalago fumatitinas y minalagoña, güiya utumungo y finanagüeco, cao güiya iyon Yuus, pat jusangan estesija na güinaja pot guajo namaesa.

7:18b.JOH.007.018 Y umadingan pot güiyaja, ualiligao y minalagña namaesa; lao y umaligao y minalag iyon ayo y tumago güe, güiya magajet ya taya tinaelaye gaegue guiya güiya.

7:19b.JOH.007.019 Ti manninae jamyo as Moises y tinago sija, ya taya uno guiya jamyo cumumple ya tinago sija? Sajafa na inprocucura para inpino yo?

7:20b.JOH.007.020 Y linajyan taotao manmanope: Anite guaja guiya jago! Jaye promucucuraja pumano jao?

7:21b.JOH.007.021 Manope si Jesus ya ilegña: Un chocho guajo fumatinas, ya todo jamyo ninafanmanman.

7:22b.JOH.007.022 Pot este si Moises manninae jamyo ni y circunsision (na ti guine as Moises lao iyon y tata sija), ya asta pago gui sabado incircunsida y taotao.

7:23b.JOH.007.023 Yaguin y taotao resibe gui sabado y circunsision, para ti umapoca y tinagon Moises; manbubo jamyo nu guajo, sa junasenguefjomlo un taotao gui sabado na jaane?

7:24b.JOH.007.024 Chamiyo injisga taemanoja y liniinmiyo, lao injisga taemanoja y cabales na juisio.

7:25b.JOH.007.025 N 7 25 56680 ¶ Ylegñija locue palo gui taotao Jerusalem: Ti güiya este y manmaliligao para upuno.

7:26b.JOH.007.026 Ya lie na umadingan jafa malagoña, ya taya sumangan jafa nu güiya. Siña na y magalaje sija jatungo magajet, na este si Cristo?

7:27b.JOH.007.027 Lao jita tumungo este na taotao, guine mano güe: ya anae mato si Jesucristo, taya uno tumungo taotao mano.

7:28b.JOH.007.028 Si Jesus entonses umagang gui. templo anae mamananagüe ilegña: Jamyo intingo yo, jaye yo, yan intingo locue taotao mano yo; ya guajo mamaela ti pot guajoja: lao y tumago yo, güiya magajet, ya jamyo ti intingo güe.

7:29b.JOH.007.029 Guajo tumungo güe, sa guine güiya yo, ya güiya tumago yo!

7:30b.JOH.007.030 Japrocura sija para macone güe, lao taya uno mato canaeña guiya güiya, sa y oraña trabia ti mafato.

7:31b.JOH.007.031 Ya megae gui linajyan taotao jumonggue güe, ya ilegñija: Ada yaguin si Cristo mamaela, ujafatinas mas megae na señat qui y fumatiñas este na taotao?

7:32b.JOH.007.032 Y Fariseo sija jumungog na y linajyan taotao manafaesen pot estesija, ya y manmagas mamale yan y Fariseo sija manmanago ni ofisiatñija para umacone.

7:33b.JOH.007.033 Enaomina si Jesus ilegña: Trabia didide na tiempo gaegue yo guiya jamyo, ya despues bae falag ayo y tumago yo.

7:34b.JOH.007.034 Ynaligao yo, ya ti inseda yo; ya mano nae gaegue yo, jamyo ti siña manmamaela.

7:35b.JOH.007.035 Entonses y Judio sija ilegñija entre sijaja: Para mano este, para ti siñajit tasoda güe? Mapos buente para y manmachapon sija anae mangaegue sija gui entalo y Griego sija, ya mamnanagüe ni y Griego sija?

7:36b.JOH.007.036 Jafa na sinangan na ayo y esta masangan: Inaligao yo ya ti inseda yo, ya mano nae gaegue yo, jamyo ti siña manmamaela.

7:37b.JOH.007.037 N 7 37 56800 ¶ Y uttimo na jaane, dangculo na jaanin gupot, si Jesus tumojgue, ya umagang ilegña: Yaguin y taotao guaja minajo umamaela guiya guajo, ya uguinem.

7:38b.JOH.007.038 Ya y jumonggueyo, taegüije y sinangan y Tinigue: y sanjalomña manmimilalag y sadog janom na lalâlâ.

7:39b.JOH.007.039 Jasangan este na sinangan pot y Espiritu, ni para uresibe ayo sija y manmanjonggue guiya güiya: sa trabia taya mananae ni Espiritu Santo, sa si Jesus ti rumesibe y minalagña,

7:40b.JOH.007.040 Entonses palo gui linajyan taotao, manmanjungog nu este na sinangan, ilegñija: Sumenmagajet na este güiya y ayo na profeta.

7:41b.JOH.007.041 Y palo ilegñija: Este güiya si ayo na Cristo: Y palo despues ilegñija: Jafa? guinin Galilea umamaela si Cristo?

7:42b.JOH.007.042 Ti ilelegña y Tinigue, na si Cristo mamaela gui semiyan David, yan guinin y sengsong iya Betlehem anae sumaga si David?

7:43b.JOH.007.043 Ya guaja inaguguat gui entalo linajyan taotao pot güiya.

7:44b.JOH.007.044 Ya guaja guiya sija y manmalago na ujacone, lao taya uno siña minajalom canaeña guiya güiya.

7:45b.JOH.007.045 N 7 45 56880 ¶ Ayonae y ofisiat sija manmalag y magas na mamale yan y Fariseo sija; ya ilegñija nu sija: Sajafa muna ti inchile güe mague?

7:46b.JOH.007.046 Y ofisiat sija manmanope: Taya na taotao umadingan taegüine.

7:47b.JOH.007.047 Entonses y Fariseo sija maninepe: Jamyo locue manabag gui chalan?

7:48b.JOH.007.048 Ada guaja palo y jumonggue güe gui magalaje sija pat y Fariseo sija?

7:49b.JOH.007.049 Este sija na linajyan taotao ni ti jatungo y tinago sija, manmatdito.

7:50b.JOH.007.050 Ylegña nu sija si Nicodemo (ayo y mato gui as Jesus antes güiya uno guiya sija),

7:51b.JOH.007.051 Manjujusga un taotao y iyota na tinago, yaguin y finenana ti majungog guiya güiya ya matungo jafa y finatinasña?

7:52b.JOH.007.052 Manmanope ya ilegñija nu güiya: Jago locue taotao Galilea? Aligao, ya unlie, cao guine Galilea taya nae cajulo profeta.

7:53b.JOH.007.053 Manalo guato cada uno gui guimañija.

8

8:1b.JOH.008.001 SI Jesus malag y egso Olibo.

8:2b.JOH.008.002 Ya y taftaf gui egaan, tumalo guato gui templo ya todo y taotao sija manmato guiya güiya; ya güiya matachong güije ya mamanagüe nu sija.

8:3b.JOH.008.003 Entonses y escriba yan y Fariseo sija, macocona un palaoan na masoda gui adulterio, ya mapolo güe gui entalo,

8:4b.JOH.008.004 Ylegñija nu güiya: Maestro, estagüe na palaoan, guine masoda gui adulterio, anae jafatinasja.

8:5b.JOH.008.005 Y tinago Moises jatagojam na infagas ni y acho enao sija. Jago, jafa unsangan?

8:6b.JOH.008.006 Este ilegñija, intienta güe para siña mafaaelagüe. Lao si Jesus dumilog papa, manugue gui tano ni y calolotña.

8:7b.JOH.008.007 Ya como sisigue mafaesen, manatunasgüe ya ilegña nu sija: Yaguin uno guiya jamyo taeisao, fumagas nu y güiya, y finenana na acho.

8:8b.JOH.008.008 Ya dumilog talo papa ya manugue gui tano ni y calolotña.

8:9b.JOH.008.009 Ya anae manjungog sija, manjajanao juyong uno yan uno, matutujon gui mansenbijo asta y manuttimo; ya si Jesus sumaga yan y palaoan ni y gaegue gui entalo.

8:10b.JOH.008.010 Ya cajulo si Jesus, ya ilegña nu güiya: Palaoan, mano nae mangaegue sija? taya ni uno nientensia jao?

8:11b.JOH.008.011 Ya ilegña: Taya uno Señot. Ya ilegña si Jesus: Guajo locue ti jusentensia jao: janao ya chamo unisao talo.

8:12b.JOH.008.012 N 8 12 57080 ¶ Mansinangane as Jesus talo ilegña nu sija: Guajo candet y tano: y dumalalag yo ti ufamocat gui jemjon; ya guajaja candet y linâlâ.

8:13b.JOH.008.013 Enaomina y Fariseo sija ilegñija nu güiya: Jago guiya jagoja mananae testimonio lao ti magajet na testimoniomo.

8:14b.JOH.008.014 Manope si Jesus, ilegña nu sija: Achoja guajoja manae testimonio nu guajo, magajet na testimoniojo; sa jutungo guine mano yo, yan para mano yo; lao jamyo ti intingo guine mano yo, yan para mano yo.

8:15b.JOH.008.015 Jamyo pot y catne injisga; lao guajo ti jumusga ni jaye.

8:16b.JOH.008.016 Yaguin guajo jumusga, y juisioco, güiya magajet; sa ti guajoja; lao guajo yan Tata ni tumago yo.

8:17b.JOH.008.017 Junggan, ya esta matugue gui tinagomiyo na y testimonio y dos taotao, güiya magajet.

8:18b.JOH.008.018 Guajo manae testimomio pot guajoja, yan manae yo testimonio si Tata ni tumago yo.

8:19b.JOH.008.019 Entonses ilegñija nu guiya: Mano nae gaegue si Tatamo? Manope si Jesus: Ti intingo yo yan ti intingo y Tatajo; yaguin intingo yo, y Tatajo locue intingo.

8:20b.JOH.008.020 Este na finijo jasangan si Jesus gui tesoro mamanagüe gui templo; ya taya cumone güe; sa asta pago ti mafato y oraño.

8:21b.JOH.008.021 N 8 21 57170 ¶ Ya ilegña talo nu sija si Jesus: Guajo bae janao, ya inaligao yo, ya y isaomiyo nae infanmatae; mano yo guato, jamyo ti siña manmamaela.

8:22b.JOH.008.022 Ylegñija entonses y Judio sija; Upuno maesa güe? sa ilegña mano yo guato, jamyo ti siña manmamaela.

8:23b.JOH.008.023 Ya ilegña nu sija: Jamyo iyon sampapa, guajo iyon sanjilo; jamyo iyon este na tano; guajo ti iyon este na tano.

8:24b.JOH.008.024 Pot enao jusangane jamyo na infanmatae gui isaomiyo; sa yaguin ti injenggue na guajo yo; y isaomiyo nae infanmatae.

8:25b.JOH.008.025 Enao muna ilegñija nu güiya? Jago, jayejao? Si Jesus ilegña nu sija: Nae matutujon jusangane jamyo locue.

8:26b.JOH.008.026 Megae na güinaja yo, para jusangane jamyo ya injisga jamyo: ya y tumago yo, güiya magajet; ya jafa y jiningogco guiya güiya, ayo sija jusangan gui tano.

8:27b.JOH.008.027 Lao sija ti matungo na güiya y jacuentuse sija ni pot Tata.

8:28b.JOH.008.028 Enaomina ilegña si Jesus: Ngaean nae infangajulo jamyo y Lajin taotao, ayo nae intingo na guajo yo, ya taya jufatitinas pot guajoja; lao jaftaemano si Tata fumanagüe yo taegüine jusangan.

8:29b.JOH.008.029 Ya y tumagoyo, güiya gaegue guiya guajo; ti jadingo yo maesaja sa jufatitinas siempre minagofña.

8:30b.JOH.008.030 Anae jasasangan este sija na güinaja megae jumongguegüe.

8:31b.JOH.008.031 N 8 31 57270 ¶ Ayo nae ilegña si Jesus ni Judio sija ni y jumonggue güe: Yaguin jamyo insisique y sumaga gui sinanganjo, jamyo manmagajet disipulujo;

8:32b.JOH.008.032 Ya intingo y minagajet ya y minagajet inninafanlibre jamyo.

8:33b.JOH.008.033 Manmanope as Jesus: Jame semiyan Abraham, ya ti infanmañetbe ni jaye; jafa muna ilegmo: Jamyo unafanlibre?

8:34b.JOH.008.034 Maninepe as Jesus: Magajet ya magajet jusangane jamyo, na todo ayo y fumatinas y isao, güiya tentago y isao.

8:35b.JOH.008.035 Ya y tentago ti usago gui guima para todo tiempo; lao y lajiña sumaga para todo y tiempo.

8:36b.JOH.008.036 Yaguin y Lajin Yuus munafanlibre jamyo, entonses magajet na manlibre jamyo.

8:37b.JOH.008.037 Guajo jutungo na jamyo semiyan Abraham; lao manmalago jamyo para inpino yo; sa y sinanganjo ti omlat guiya jamyo.

8:38b.JOH.008.038 Guajo y liniijo gui as Tata jusasangan, ya jamyo y jiningogmiyo gui as tatanmiyo infatitinas.

8:39b.JOH.008.039 Manmanope ya ilegñija nu güiya: Si Abraham tatata. Si Jesus ilegña nu sija: Yaguin famaguon Abraham jamyo; y chechon Abraham infatinas jamyo.

8:40b.JOH.008.040 Lao manmalago jamyo pago para inpino yo, taotao na jagas jusangane jamyo ni magajet, ayo y jujungog gui as Yuus; si Abraham ti fumatinas este.

8:41b.JOH.008.041 Jamyo infatitinas y finatinas tatanmiyo. Ylegñija nu güiya: Jame ti finañagon ábale; un tataja guajajit, si Yuusja.

8:42b.JOH.008.042 Ylegña si Jesus nu sija: Yaguin si Yuus tatanmiyo, magajet na inguflie yo; sa guajo jumuyong yan mato yo guinin as Yuus; ti jumuyong yo guinin guajoja, lao güiya tumago yo.

8:43b.JOH.008.043 Jafa muna ti intingo y sinanganjo? Sa ti siña injingog y finojo.

8:44b.JOH.008.044 Jamyo iyon tatanmiyo anite: jamyo ya y guinâumabale y tatanmiyo intatanga na infatinas. Güiya y mamuno desde y tutujoña; ya ti sumaga gui minagajet, sa taya minagajet gaegue guiya güiya. Yaguin jasangan mandague, y iyoña jasangan; sa dacon güe, ya tatan dacon güe.

8:45b.JOH.008.045 Ya ti injenggue yo, sa jusangane jamyo ni magajet.

8:46b.JOH.008.046 Jaye guiya jamyo ucombense yo ni y isao? Yaguin jusangan y magajet, pot jafa muna jamyo ti injenggue yo?

8:47b.JOH.008.047 Y iyon Yuus, y sinangan Yuus jajungog; ya pot este na rason jamyo ti injijingog, sa ti iyon Yuus jamyo.

8:48b.JOH.008.048 Manmanope entonses y Judio sija, ya ilegñija nu guiya: Ti mauleg y sinanganmame, na jago taotao Samaria, ya gaeanite jao?

8:49b.JOH.008.049 Manope si Jesus: Guajo tae anite yo; lao juonra si Tata, ya jamyo indesonra yo.

8:50b.JOH.008.050 Ya guajo ti umaliligao inenrajo; guaja ayo na umaliligao ya jajujusga.

8:51b.JOH.008.051 Magajet y magajet jusangane jamyo: Yaguin y taotao jaadaje y sinanganjo, ti ulie finatae para taejinecog.

8:52b.JOH.008.052 Entonses y Judio sija ilegñija nu güiya. Pago nae intingo na gaeanite jao. Si Abraham matae yan y profeta sija; ya jago sumangan: Yanguin y taotao jaadaje y sinanganjo, ti ulie finatae para taejinecog.

8:53b.JOH.008.053 Jago dangculoña qui si tatanmame as Abraham ni esta matae? Yan y profeta manmatae. Jaye jao fumatinas namaesa?

8:54b.JOH.008.054 Manope si Jesus: Yaguin junamalagyo maesa, y minalagjo taya guaja; güiya si Tata y numanamalag yo: ya ilegmiyo na güiya si Yuusmiyo.

8:55b.JOH.008.055 Ya ti intingo güe, lao guajo tumungo güe; yaguin ilegco na ti jutungo güe, dacon yo parejo yan jamyo mandacon: lao jutungo güe yan juadaje y sinanganña.

8:56b.JOH.008.056 Si Abraham, tatanmiyo mumagof sa jalie y jaanijo; ya anae jalie ninamagof.

8:57b.JOH.008.057 Pot este ilegñija nu güiya y Judio sija: Asta pago taya jao sincuenta años, ya unlie si Abraham?

8:58b.JOH.008.058 Ylegña nu sija si Jesus: Magajet ya magajet jusagane jamyo, antes qui si Abraham, esta guajo.

8:59b.JOH.008.059 Manmañule entonses acho, para umadagas güe: lao si Jesus mapos gui templo, ti matungo.

9

9:1b.JOH.009.001 ANAE malofan gui sanmenan, jalie un taotao na bachet desde y mafañagoña.

9:2b.JOH.009.002 Ya mafaesen güe ni y disipuloña ilegñija: Rabi, jaye umisao, este na taotao pat y mañaenaña, para que umafañago bachet?

9:3b.JOH.009.003 Manope si Jesus: Ti umisao este na taotao ni sija manaenaña lao para y finatinas Yuus ya ufafanue guiya güiya.

9:4b.JOH.009.004 Tanesesita na infatitinas y checho ayo y tumago yo mientras y jaane; sa an mato y puenge, taya siña machocho.

9:5b.JOH.009.005 Anae gagaegue yo gui jilo y tano, y candet y tano guajoja.

9:6b.JOH.009.006 Munjayan jasangan este, tumola gui tano, ya jafatinas fache nu y tela, ya y fache japalae y atadog y bachet,

9:7b.JOH.009.007 Ya ilegña nu güiya: Janao fagase jao gui estanque Siloe (Ya cumequeilegña, tinago). Enao mina maposgüe ya fagase güe, ya anae tumalo guato este manlie.

9:8b.JOH.009.008 Pot este y tiguangña sija yan ayo y guinin manmalie antes, ya matungo na ampmam na mangagagao limosña, ilegñija: Ada ti este güiya ayo y matatachong ya gagao?

9:9b.JOH.009.009 Guaja sija sumangan: Güiya este; ya guaja palo sija sumangan: Ale, lao parejo yan güiya. Lao güiyaja ilegña: Guajo yo.

9:10b.JOH.009.010 Ya ilegñija nu güiya: Jaf taemano mababaña y atadogmo?

9:11b.JOH.009.011 Manope ya ilegña: Ayo na taotao, naanña si Jesus, güiya fumatinas y fachae ya palae y atadogco, ya ilegña nu guajo: Janao falag y estanque Siloe ya unfagase jao! Mapos yo ya jufagase yo ya juresibe y liniijo.

9:12b.JOH.009.012 Ya ilegñija nu güiya: Manggue yuje? Ylegña: Ti jutungo.

9:13b.JOH.009.013 N 9 13 57680 ¶ Macone guato gui Fariseo sija y guinin manbachet.

9:14b.JOH.009.014 Ya ayo na jaane sabado anae si Jesus jafatinas y fachae, ya jababa y atadogña sija.

9:15b.JOH.009.015 Y Fariseo sija locue mafaesen güe talo: Jafa muna manlie güe. Ya ilegña nu sija: Janaye ni fachae y sanjilo gui atadogco, ya jufagase yo, ya manlie yo.

9:16b.JOH.009.016 Ya palo gui Fariseo sija ilegñija: Este na taotao ti güiya guinin as Yuus, sa ti jaadaje y sabado. Lao palo sija ilegñija: Jafa muna siña un taotao ni gaeisao, jafatitinas taemanoja y señat sija? Ya guaja dibision gui entaloñija.

9:17b.JOH.009.017 Ylegñija talo ni bachet: Jago, jafa ilegmo nu güiya, ya esta mababa pot güiya y atadogmo sija? Ya ilegña: Profetagüe.

9:18b.JOH.009.018 Ayo nae y Judio sija, ti majonggue y esta masangan na güiya, y guinin bachet, ya esta jarisibe y liniiña, asta que nae maagange y mañaena y bachet ni esta jarisibe liniiña.

9:19b.JOH.009.019 Ya manmafaesen ilegñija: Este patgonmiyo ni ilegmiyo bachet guinin y mafañagoña? Ya jafa pago ninamanlie?

9:20b.JOH.009.020 Manope y tata ya, ilegñija: Yntingo na este patgonmame, ya bachet guinin y mafañagoña:

9:21b.JOH.009.021 Lao jaftaemano pago na manliigüe, ti intingo; pat jaye bumaba y atadogña, ti intingo; faesen güe; guaja sacanña: Güiya usangan pot güiyaja namaesa.

9:22b.JOH.009.022 Este sija ilegñija si mañaenaña, sa manmaañao ni y Judio sija: sa unoja na jinaso gui entalo y Judio sija, na yaguin guaja sumangan na güiya si Cristo, umayute güe gui sanjiyong y sinagoga.

9:23b.JOH.009.023 Pot este ilegñija sija mañaenaña: Gauja sacaña; faesen güe.

9:24b.JOH.009.024 Enao mina sija maagange talo y taotao ni y guinin bachet, ya ilegñija nu guiya: Nae minalag si Yuus: Jita tumungo na este na taotao güiya taotao isao güe.

9:25b.JOH.009.025 Entonses manope yuje: Cao taotao isao güe, ti jutungo; unoja jugoftungo; na guajo, guinin bachet yo, ya pago manlie yo.

9:26b.JOH.009.026 Entonses ilegñija talo: Jafa finatinasña nu jago? Jaftaemano jababa y atadogmo?

9:27b.JOH.009.027 Maninepe sija: Jusangane jamyo esta, ya ti injingog: Jafa muna manmalago jamyo injingog talo? Ada manmalago jamyo buente locue disipuluña?

9:28b.JOH.009.028 Entonses janafanmamajlao ya ilegñija: Jago disipuluña; ya jame disipulon Moises!

9:29b.JOH.009.029 Jame intingo na si Yuus guinin jasangan pot si Moises; lao este na taotao ti intingo taotao mano güe.

9:30b.JOH.009.030 Manope y taotao ya ilegña nu sija: Jafa na namanman este, ya ti intingo jamyo taotao mano; ya güiya bumaba y atadogco!

9:31b.JOH.009.031 Jame intingo na si Yuus ti jajungog y manisao; yaguin guaja maañao as Yuus ya jaosgue y minalagoña, este jiningog.

9:32b.JOH.009.032 Guinin y tutujon y tano, taya nae majungog, ni uno mababa atadogña ni mafañago bachet.

9:33b.JOH.009.033 Yaguin este ti guine as Yuus, ti siña jafatinas jafa.

9:34b.JOH.009.034 Sija manmanope ilegñija nu güiya: Jago mafañago jao gui isao sija! Ada jago fumanagüe jam? Ya mayute juyong.

9:35b.JOH.009.035 N 9 35 57900 ¶ Jajungog si Jesus na mayute juyong, ya anae jasoda, ilegña: Unjonggue y Lagin Yuus?

9:36b.JOH.009.036 Manope güe ya ilegña: Jaye enao Señot, para guajo umajonggue güe?

9:37b.JOH.009.037 Ylegña nu güiya si Jesus: Esta unlie güe ya ayo y umadingangange jao, güiya güe.

9:38b.JOH.009.038 Ya ilegña: Jujonggue, Señot. Ya jaadora güe.

9:39b.JOH.009.039 Ylegña si Jesus: Guajo pot juisio mamaela yo güine gui jilo y tano, para y ti manmanlilie, ufanmanlie; ya y manmanlie, ayo sija ufanbachet.

9:40b.JOH.009.040 Ya manmanjungog y ayo na Fariseo sija ni y mangaegue guiya güiya ya ilegñija nu güiya: Jame locue, manbachet jam?

9:41b.JOH.009.041 Ylegña nu sija si Jesus: An mojon manbachet jamyo, taya isaomiyo; pago nae insasangan, talie; enao mina isaomiyo gagaegue.

10

10:1b.JOH.010.001 MAGAJET ya magajet y jusangane jamyo, na ti jumalon gui pettan y guelat y quinilo sija, lao ucajulo gui otro lugat, ayo y ladron yan saque.

10:2b.JOH.010.002 Ya y jumalom gui petta, güiya y pastot y quinilo.

10:3b.JOH.010.003 Ya pot guiya güiya y magas y petta; ya y quinilo sija jajungog y inagangña: ya y gaña quinilo sija jaagang pot y naana, ya jacone sija gui san jiyong.

10:4b.JOH.010.004 Anae jacone mapos y todo iyoña sija, güiya jumanao gui sanmenañija: ya quinilo sija madalalag güe, sa matungo y inagangña.

10:5b.JOH.010.005 Lao y taotao juyong, sija ti madalalag güe, lao manmalago guato guinin menaña: sa ti jatungo y inagangña ni taotaoj uyong sija.

10:6b.JOH.010.006 Este na acomparasion mansinangane as Jesus: lao sija ti jatungo jafa sija mansingane sija.

10:7b.JOH.010.007 N 10 7 58030 ¶ Mantinalugua as Jesus ya ilegña nu sija: Magajet ya magajet y jusangane jamyo, na guajo pottan y quinilo sija.

10:8b.JOH.010.008 Todo y manmamaela antes que guajo, ladron yan saque sija: ya ti manmanjungog y quinilo sija.

10:9b.JOH.010.009 Guajo y petta: ya y jumalom guiya guajo, güiya umasatba, y ujalom yan ujuyong ya usoda y pasto.

10:10b.JOH.010.010 Y saque ti umamaela yaguin ti para ufañaque yan ufamuno, yan uyulang; guajo mamaela para uguaja linâlâñija yan para uguaja y dangculo na linâlâñija.

10:11b.JOH.010.011 Guajo y mauleg na pastot: ya y mauleg na pastot y linâlâña japolo pot y quinilo sija.

10:12b.JOH.010.012 Ya y taotao nii maapapase, ya ti pastot; ya ti gaña y quinilo sija, an jalie y lobo ni y mamaela, japolo y quinilo sija ya malago guato; ya y lobo maquinene ya manchinalapon sija quinilo:

10:13b.JOH.010.013 Malago guato güe sa güiya taotao nii maapapase ya taya inadajiña ni y quinilo sija.

10:14b.JOH.010.014 Guajo y mauleg na pastot: sa jutungo y iyoco, ya y iyoco matungo yo.

10:15b.JOH.010.015 Taegüije y Tata jatungo yo, taegüijija locue guajo jutungo y tata; ya jupolo y linâlâjo pot y quinilo sija.

10:16b.JOH.010.016 Ya guajayo palo quinilo locue ni taegüe güine na colat, ayo sija locue nesesita yo juchule, ya sija ujajungog y inagangjo; ya uguaja un manadanquinilo yan un pastot.

10:17b.JOH.010.017 Pot enao na jaguaeya yo si Tata, sa jupolo y linâlâjo, para uchule talo.

10:18b.JOH.010.018 Taya munajanao guiya guajo, lao jupolo pot guajo na maesa. Guaja yo ninasiñajo para jupolo yan guajayo ninasiñajo para jutalo chumule. Este na tinago juresibe guine y Tatajo.

10:19b.JOH.010.019 N 10 19 58150 ¶ Ya guaja inaguaguat gui entalo y Judio sija pot este na sinagan sija.

10:20b.JOH.010.020 Ya megae sija ilegñija: Biju guaja güe, ya babagüe; sa jafa inicungog güe?

10:21b.JOH.010.021 Ylegñija y palo: Este na sinagan ti sija iyon y biju: Ada siña y biju ubaba y atadog y manbachet?

10:22b.JOH.010.022 N 10 22 58180 ¶ Ya anae mafatitnas y guipot y inefresengumayuus, guiya Jerusalem, ya ayo na tiempo manenggeng.

10:23b.JOH.010.023 Ya si Jesus mapos malag y templo, gui corredot Salomon.

10:24b.JOH.010.024 Ya manetnon guato guiya güiya y Judio sija ya ilegñija nu güiya: Asta ngaean nae unnabuebuente y antita? Yaguin jago yuje na Cristo, sangan ni claro.

10:25b.JOH.010.025 Maninepe as Jesus: Guajo jagas jusangane jamyo ya ti injenggue: y checho ni y jufatinas gui naan Tata, estesija manmannanae testimonio nu guajo.

10:26b.JOH.010.026 Lao jamyo ti injenggue, sa ti jamyo quinilojo; (taegüine guinin jusangane jamyo).

10:27b.JOH.010.027 Y gajo quinilo sija jajungog y inagangjo; ya jutungo sija; ya sija madalalag yo.

10:28b.JOH.010.028 Ya guajo junae sija linâlâñija taejinecog; ya para todo y tiempo taya nae ufanmalingo ya ni jaye ufaninamot sija gui canaejo.

10:29b.JOH.010.029 Si Tata ni unaeyo, dangculoña qui todo; ya taya gaesisiña para uamot sija gui canae y Tatajo.

10:30b.JOH.010.030 Guajo yan si Tata, jame unoja.

10:31b.JOH.010.031 N 10 31 58270 ¶ Tumalo manmañule acho y Judio sija, para umafagas güe.

10:32b.JOH.010.032 Maninepe as Jesus: Megae manmauleg na finatinas jufanue jamyo guine as Tatajo; pot jafa na chechoña inquequefagas yo ni y acho?

10:33b.JOH.010.033 Maope güe ni Judio sija ilegñija: Pot y mauleg na chechomo ti infagas jao; lao pot ayo y chatfino contra si Yuus; sa jago, taotaojao, mama Yuusjao.

10:34b.JOH.010.034 Maninepe as Jesus: Taegüe güi tinigue gui tinagonmiyo, Guajo umalog: Yuus jamyo?

10:35b.JOH.010.035 Yaguin manmafanaan Yuus, sija na mamaela gui jiloñija y finijo Yuus (ya y tinigue ti siña maipe);

10:36b.JOH.010.036 Ylegmiyo ni ayo y jaconsagra y Tata ya matgo guato gui tano: Jago chumatfino as Yuus, sa jusangan: Guajo Lajin Yuus?

10:37b.JOH.010.037 Yaguin jufatitinas y ti iyon Tata, munga injenggue yo.

10:38b.JOH.010.038 Lao yaguin jufatinas, achogja ti injenggue yo, jenggue y checho sija: para siña jamyo intingo ya injenggue na si Tata gaegue guiya guajo, ya guajo gaegue guiya Tata.

10:39b.JOH.010.039 Ya japrocucura talo para umaconegüe: lao güiya mapos gui canaeñija.

10:40b.JOH.010.040 Tumalo guato talo gui otro bandan Jordan, ayo na lugat nae finenana managpapange si Juan; ya sumaga güije.

10:41b.JOH.010.041 Ya megae manmato guiya güiya ya ilegñija: Si Juan magajet na ni un señat jafatinas; ya magajet todo y sinangan Juan nu este na taotao jumuyong magajet.

10:42b.JOH.010.042 Ya megae manmanjonggue güije nu güiya.

11

11:1b.JOH.011.001 ESTABA entonses malango un taotao, naanña si Lasaro, taotao Betania, un songsong iyon Maria yan si Marta cheluña.

11:2b.JOH.011.002 Si Maria uje y pumalae inggüente y Señot, ya jasaosao y adengña ni y gaponiluña, ya y cheluña, as Lasaro, estaba malango.

11:3b.JOH.011.003 Manmanago y mañeluña famalaoan guiya güiya ilegñija: Señot, estagüe, ayo y unguaeya esta malango.

11:4b.JOH.011.004 Ya jajungog si Jesus, ilegña: Este na chetnot ti güiya y para matae, lao para minalag gui as Yuus, para y Lajin Yuus umaonra pot güiya.

11:5b.JOH.011.005 Ya jaguaeya si Jesus si Marta yan y cheluña yan si Lasaro.

11:6b.JOH.011.006 Anae jajungog, na estaba malango, ayo na tiempo sumagagüe dos dias güije na lugat anae gaegue.

11:7b.JOH.011.007 Ya despues di este ilegña ni y disipuluña: Nije tafanmalag Judea talo.

11:8b.JOH.011.008 Ylegñija nu güiya y disipulo sija: Rabi, pago didide nae maquequechague jao ni Judio sija na unmafagas ni y acho: Ada untalo guato güije?

11:9b.JOH.011.009 Manope si Jesus: Taya y un jaane dose ora? y jumajanao gui jaane, ti siña matompo, sa manlilie y candet este na tano.

11:10b.JOH.011.010 Ya y jumajanao an puenge, matompo, sa taya candet guiya güiya.

11:11b.JOH.011.011 Jasangan estesija, ya despues di este ilegña nu sija: Lasaro, amigonmame maego: ya bae janao para uyayajo gui maegoña.

11:12b.JOH.011.012 Entonses ilegñija nu güiya y disipulosija: Señot, yaguin maego, mauleg jumuyong.

11:13b.JOH.011.013 Ya jasangan este si Jesus gui tinataeña: sija jajaso na umadingan na dumescansañaeñaejon gui maegoña.

11:14b.JOH.011.014 Ayo nae si Jesus ilegña claro nu sija: Lasaro, güiya matae.

11:15b.JOH.011.015 Magof yo sa taegüe yo güije, pot causa y jamyo, para injenggue; nitafanmalag y ya güiya.

11:16b.JOH.011.016 Si Tomas, ayo y naanña si Didimo, ilegña nu y otro disipulo sija: ufanmalagjit locue, nije tafanmatae yan güiya.

11:17b.JOH.011.017 Mato si Jesus ya jasoda na estaba cuatro na jaane gui naftan.

11:18b.JOH.011.018 Y Betania jijot guiya Jerusalem, buente quince na estadio.

11:19b.JOH.011.019 Ya megae na Judio sija manmato gui as Marta ya si Maria para uconsuela pot y cheluñija.

11:20b.JOH.011.020 Entonses si Marta, anae jajungog na si Jesus mamamaela, jajanao güe para urisibe: ya estaba si Maria matatachong gui guima.

11:21b.JOH.011.021 Pot enao si Marta ilegña as Jesus: Señot yaguin mojon gaeguejao güine y chelujo ti umatae.

11:22b.JOH.011.022 Lao jutungo pago, todo y ungagao si Yuus, ninaejao as Yuus.

11:23b.JOH.011.023 Ylegña si Jesus nu güiya: Ucajulo talo y chelumo.

11:24b.JOH.011.024 Si Marta ilegña nu güiya: Guajo jutungo na ucajulo gui quinajulon manmatae gui uttimo na jaane.

11:25b.JOH.011.025 Ylegña nu güiya si Jesus: Guajo y quinajulon manmatae yan y linâlâ; ayo y jumonggue yo, achogja esta matae, ulâlâ talo;

11:26b.JOH.011.026 Ya todo ayo y lâlâ ya jumonggue yo, ti umatae para todo y tiempo. Unjonggue este?

11:27b.JOH.011.027 Ylegña nu güiya: Si Señot, guinin jujonggue na jago ayo na Cristo, Lajin Yuus, güiya na para umamaela gui tano.

11:28b.JOH.011.028 Anae munjayan jasangan este, mapos ya jaagang gui secreto si Maria cheluña, ilegña: Si Maestro estagüe ya inagagangejao.

11:29b.JOH.011.029 Anae jajungog, cajulo gusisija ya jumanao asta guiya güiya.

11:30b.JOH.011.030 (Ya asta pago ti mafato si Jesus gui sengsong, lao gaegue güije na lugat anae si Marta jagas sineda güe.)

11:31b.JOH.011.031 Entonces y Judiosija na manestaba gui guima yan güiya, y maconsuela güe, anae jalie si Maria cajulo gusisija ya mapos, madalalag güe, pineloñija na ufalag y naftan para utanges güije.

11:32b.JOH.011.032 Ya si Maria anae mato gui lugat anae estaba si Jesus ya jalie, japodong gui adengña, ya ilegña: Señot yaguin gaeguejao güine ti umatae y chelujo.

11:33b.JOH.011.033 Anae si Jesus jalie na tumatanges, yan y Judio sija ni manamamamaela yan güiya manatanges, umugong gui espiritu, ya inestotba,

11:34b.JOH.011.034 Ya ilegña: Mano nae unpolo güe? Ilegñija nu güiya: Señot, maela ya unlie.

11:35b.JOH.011.035 Si Jesus tumanges.

11:36b.JOH.011.036 Ylegñija entonses y Judio sija: Estagüe, taegüenao jaguflie güe!

11:37b.JOH.011.037 Lao palo guiya sija ilegñija: Ti siña este na ubaba y atadog y bachet, fatinas ni este ti umatae?

11:38b.JOH.011.038 Ya si Jesus jaumugong talo guiya güiya, ya mato gui naftan. Güiya un liyang ya mapoluye un acho gui sanjiloña.

11:39b.JOH.011.039 Ylegña si Jesus: Najanao y acho. Si Marta, chelun y matae, ilegña nu güiya: Señot, mutong esta, sa finatae cuatro na jaane.

11:40b.JOH.011.040 Si Jesus ilegña nu güiya: Ti guinin jusangane jao na guin manjonggue jao, unlie y minalag Yuus.

11:41b.JOH.011.041 Ayo nae sija janajanao y acho, Ya si Jesus tumalag julo ya ilegña: Tata, grasias junaejao sa guinin unjungog yo.

11:42b.JOH.011.042 Ya guajo jutungo na siempre unjungungog yo; lao pot y linajyan taotao ni gaegue gui oriyajo, jusangan este, para ujajonggue na jagoyo tumago.

11:43b.JOH.011.043 Anae munjayan jasangan este, umaagang ni dangculo na inagang: Lasaro maela juyong.

11:44b.JOH.011.044 Entonses ayo y guine matae, jumuyong, magogode dos canaeña yan y adeng nu y bendas; ya y mataña mafalulutan nu y sudario. Ylegña nu sija si Jesus: Pula ya inpilo ya ujanao.

11:45b.JOH.011.045 N 11 45 58830 ¶ Pot este megae na Judio sija na manmato gui as Maria ya jalie y finatinas Jesus, majonggue güe.

11:46b.JOH.011.046 Lao guajo guiya sija na manmapos para Fariseo sija, ya jasangane sija y finatinas Jesus.

11:47b.JOH.011.047 N 11 47 58850 ¶ Ayo nae y manmagas y mamale yan y Fariseo sija, mandaña ya janaetnon y sinedrio ya ilegñija: Jafa tafatinas? Sa este na taotao mamatitinas megae na señat sija?

11:48b.JOH.011.048 Yaguin tapolo taegüenao, todo y taotao manmanjonggue guiya güiya: ya ufanmamaela y Romano sija ya u janajanao y sagata yan y tanota.

11:49b.JOH.011.049 Lao si Caefas uno guiya sija, güiya magas na pale güije na sacan, mansinangane: Jamyo ti intingo jafa!

11:50b.JOH.011.050 Ni injaso na mauleg para jita sa un taotao matae pot y taotao sija, para munga na todo y nasion ufanmalingo.

11:51b.JOH.011.051 Lao este ti jasangan guine güiyaja; lao güiya y magas na pale güije na sacan ya japrofetisa na si Jesus umatae pot y nasion.

11:52b.JOH.011.052 Ya ti pot ayoja na nasion; lao locue para ufandaña gui unoja y famaguon Yuus ni y jagas manmachalapon.

11:53b.JOH.011.053 Ya desde ayo na jaane manafaesen entre para sija umapuno.

11:54b.JOH.011.054 Ya si Jesus ti jumajanao gui publico gui entalo Judio sija; lao mapos güije para y tano na jijot gui jalomtano, guiya un siuda na mafananaan Efraim; ya sumaga güe güije yan y disipuluña.

11:55b.JOH.011.055 N 11 55 58930 ¶ Ya y pascuan Judio sija estaba jijot; ya megae gui tano mangajulo guiya Jerusalem antes di pascua para ujanagasgas sija.

11:56b.JOH.011.056 Ya manmanaligao as Jesus, ya manadingan entre sija gui templo, ya ilegñija: Jafa jinasonmiyo, nu güiya, ti umamaela gui guipot.

11:57b.JOH.011.057 Ya y prinsipin y mamale sija yan y Fariseo manmanae tinago na yaguin jaye tumungo mano nae gaegue, umasangan para inquene güe.

12

12:1b.JOH.012.001 AYO na tiempo, saes na jaane antes de pascua, si Jesus malag Betania anae estaba si Lasaro, ayo y guinin matee, ya si Jesus munacajulo guine y entelo manmatae.

12:2b.JOH.012.002 Ya manmanmatinas güije un sena, ya si Marta mañeñetbe; ya si Lasaro, güiya uno gui entalo sija na manmatatachong gui lamasa yan güiya.

12:3b.JOH.012.003 Ayo nae si Maria jachule un libra na inggüente, gasgas na natda, guefguaguan, ya japalae y adeng Jesus, ya jasaosao y adengña nu gaponuluña; ya bula y guima ni pao inggüente.

12:4b.JOH.012.004 Ayo nae ilegña uno gui disipuluña, si Judas Iscariote lajin Simon, ayo y umintrega güe,

12:5b.JOH.012.005 Jafa mina ti mabende este na inggüente pot tres siento denario na salape, ya unumae y mamobble?

12:6b.JOH.012.006 Este ilegña, ti pot inadajiña ni mamobble; lao pot guiya y saque, ya guaja y betsaña, ya jachuchule ayo y sinajguanña.

12:7b.JOH.012.007 Enaomina ilegña si Jesus, Polo güe, para ayo na jaane nae majafot yo, na uadaje este.

12:8b.JOH.012.008 Sa y mamobble siempre gagaegue guiya jamyo; lao guajo taegüeyo guiya jamyo.

12:9b.JOH.012.009 N 12 9 59040 ¶ Entonses, dangculo na linajyan taotao, gui Judio sija, jatungo na gaegue güe güije, ya manmato, ti pot causan si Jesusja, lao locue para umalie si Lasaro ni guinin janacajulo guine y entelo manmatae.

12:10b.JOH.012.010 Ya manafaesen entre sija, manmagas y mamale sija, para umapuno locue si Lasaro.

12:11b.JOH.012.011 Sa pot causa di güiya, megae na Judio sija manmalag ayo ya manmanjonggue gui as Jesus.

12:12b.JOH.012.012 N 12 12 59070 ¶ Ynagpaña na jaane, dangculo na linajyan taotao, y manmato gui guipot, anae majungog na si Jesus mato guiya Jerusalem,

12:13b.JOH.012.013 Manmañule ni y ramas y trongcon palma ya manmapos para umaresibe güe ya manaagang: Osana! Dichoso güe ni mamamaela ni y naan y Señot, y Ray Israel!

12:14b.JOH.012.014 Ya anae jasoda si Jesus un patgon na bulico, matachong gui jiloña; taegüije y matugue:

12:15b.JOH.012.015 Chamo maañao, jago jagan Sion! estagüe y Raymo na mato, matatachong gui jilo un patgon bulico.

12:16b.JOH.012.016 Y finenana, y disipuloña ti jatungo estesija; lao y tiempo anae si Jesus esta cumajulo gui langet, entonses manmajaso na estesija este matugue nu güiya, ya sija guinin manmafatinas este sija yan güiya.

12:17b.JOH.012.017 Y linajyan taotao na estaba mañisija, anae jaagang juyong si Lasaro gui naftan, ya janacajulo gui entalo manmatae, janae testimonio nu güiya.

12:18b.JOH.012.018 Pot enao locue y linajyan taotao manmato ya maresibe güe, sa majungog na munjayan jafatinas este na señat.

12:19b.JOH.012.019 Pot enao Fariseo sija ilegñija entre sija: Lie na taya probechonmiyo: Estagüe na todo gui jilo y tano manjanao ya dalalag güe.

12:20b.JOH.012.020 N 12 20 59150 ¶ Ya guaja sija na taotao Griego ni gui ayo sija na mangajulo para uadodora gui guipot:

12:21b.JOH.012.021 Ayo sija manmato gui as Felipe taotao Betsaida guiya Galilea, ya magagao güe, ilegñija: Señot, manmalagojam inlie si Jesus!

12:22b.JOH.012.022 Mato si Felipe ya jasangane si Andres; ya mamaela si Andres yan si Felipe masangane si Jesus.

12:23b.JOH.012.023 N 12 23 59180 ¶ Ya si Jesus maninepe ilegña: Y ora mato na y Lajin taotao uresibe y minalagña.

12:24b.JOH.012.024 Magajet ya magajet jusangane jamyo, na y granon trigo ni ti upodong gui tano, ya umatae, güiya namaesa sumaga; yaguin matae megae na tinegcha uchule.

12:25b.JOH.012.025 Y gumaeya y linâlâña ufinalaguaejon; y chumatlie y linâlâña güine gui tano, pinipilanja y taejinecog na jaane.

12:26b.JOH.012.026 Yaguin guaja y somesetbe yo, udalalag yo; ya mano nae gaegue yo, ayo locue nae ugaegue y somesetbe yo. Yaguin guaja y somesetbe yo, si Tata uenenra güe.

12:27b.JOH.012.027 Pago lebog y antijo: Ya jafa quentosjo? Tata nalibre yo pago na ora! Lao pot este mato yo güine na ora.

12:28b.JOH.012.028 Tata, namalag y naanmo! Pot enao mato guine y langet un inagang, ilegña: Estaba junamalag, ya bae junamalag otro biaje.

12:29b.JOH.012.029 Y linajyan taotao na mangaegue ya injingog ilegñija: guinin julo este. Palo ilegñija: Un angjet sumangane güe.

12:30b.JOH.012.030 Ynepe as Jesus ya ilegña: Ti mato este na inagang pot y causaco lao pot y causanmiyo.

12:31b.JOH.012.031 Pago gaegue y juisio nu este na tano. Pago y magas este na tano umayute juyong.

12:32b.JOH.012.032 Ya guajo, yaguin guajo umajatsayo guine y tano, jucone todo para guajoja.

12:33b.JOH.012.033 Ya este masangan para umatungo jafa na finatae nae umatae.

12:34b.JOH.012.034 Ynepeña y linajyan taotao: Jame injingog y lay na si Cristo ugaegue para todo y tiempo. Jafa mina unsangan: Na y Lajin taotao nesesita umajatsa? Jaye güe este Lajin taotao?

12:35b.JOH.012.035 Ayo nae si Jesus ilegña nu sija: Didide na tiempo y candet ugaegue gui entalonmiyo. Fanmamocat mientras guaguaja y candet para jamyo, sa no sea infanguinacha ni y jemjom; sa y jumajanao gui jemjom, ti jatungo para mano nae y jinanaoña.

12:36b.JOH.012.036 Mientras guaguaja y candet para jamyo, fanmanjonggue ni y candet, para unfamaguon y candet jamyo. Estesija jasangan si Jesus, ya mapos ya umatog pot sija.

12:37b.JOH.012.037 N 12 37 59320 ¶ Lao achogja jafatinas megae na señat gui menanñija ti majonggue güe.

12:38b.JOH.012.038 Para umacumple y sinangan ni ilegña si Isaias profeta: Señot, jaye jumonggue y sinanganta? Ya y canae y Señot, jaye guinin munamalie?

12:39b.JOH.012.039 Pot este mina ti siña sija majonggue, sa tomalo jasangan si Isaias:

12:40b.JOH.012.040 Janafanbachet y atadogñija, ya janamajetog y corasoñija: Sa ti manmalie ni y atadogñija, ni ujatungo ni y corasonñija, ya sigue mamañotsot, ya guajo juamte sija.

12:41b.JOH.012.041 Estesija jasangan si Isaias, anae jalie minalagña ya inadingane.

12:42b.JOH.012.042 N 12 42 59370 ¶ Pago na tiempo achogja megae na taotao senmagas, jumonggue gue; lao pot causa y Fariseo sija, ti masangan claro, na no sea mayute gui sinagoga.

12:43b.JOH.012.043 Pot jafa muna manmalago sija y inenra y taotao, qui y inenra guine as Yuus.

12:44b.JOH.012.044 N 12 44 59390 ¶ Si Jesus umagang ilegña: Y jumonggue yo, guajoja, ti jajonggue lao ayo y tumago yo.

12:45b.JOH.012.045 Y umatan yo, güiya umatan y tumago yo.

12:46b.JOH.012.046 Mato yo gui jilo y tano parejoja y candet, para todo ayo y jumonggue yo, ti sumaga gui jemjom.

12:47b.JOH.012.047 Y jumungog y sinanganjo ya ti jajonggue, guajo ti jujusga; sa ti mato yo para jufanjusga gui tano, lao para junafanlibre y tano.

12:48b.JOH.012.048 Ya y rumechasa yo ya ti rumesibe y sinanganjo, guaja ujinisga güe: Y sinangan ni jusangan, güiya ufanjusga güije uttimo na jaane.

12:49b.JOH.012.049 Sa ti guinin juadingan namaesa; lao si Tata ni tumago yo, güiya numae yo tinago ni para jusangan yan y para jucuentos.

12:50b.JOH.012.050 Ya jutungo na y tinagoña, güiya linâlâ taejinecog: enaomina ayo sija jusangan; taegüije si Tata guinin jasangane yo, taegüijeja jusasangan.

13

13:1b.JOH.013.001 YA antes di y guipot pascua, jatungo si Jesus na y oraña esta mato para ujanao güine na tano para y Tata, esta jaguaeya y iyoña sija ni mangaegue güine gui tano, ya jaguaeya sija asta y jinecog.

13:2b.JOH.013.002 Y sena munjayan ya y anite esta jumalom gui corason Judas Iscariote, lajin Simon, ni umentrega güe;

13:3b.JOH.013.003 Ya jatungo si Jesus na y Tata jagasja janae todo ni güinaja gui canaeña, ya mato güe guinin as Yuus, ya as Yuus guaguato;

13:4b.JOH.013.004 Cajulo gui sena ya janajanao y magagoña, ya jachule un toaya, ya jaafuyut güiya namaesa.

13:5b.JOH.013.005 Anae esta munjayan este, janaye y janom gui palangana diquique, ya jatutujon fumagase y adeng y disipulo sija, ya jasaosao nu y toaya na jaafuyut güe.

13:6b.JOH.013.006 Ayo nae malag as Simon Pedro; ya este ilegña nu güiya: Señot jago fumagase y adengjo?

13:7b.JOH.013.007 Manope si Jesus ya ilegña nu güiya: Y jufatitinas ti untungo pago; lao ti ampmam untungo.

13:8b.JOH.013.008 Si Pedro ilegña nu güiya: Ti unfagase y adengjo ni ngaean! Ynepe as Jesus: Yaguin ti jufagase jao taepattemo guiya guajo.

13:9b.JOH.013.009 Ylegña nu güiya si Simon Pedro: Señot, ti adengjoja, lao locue asta y canaejo yan y ilujo.

13:10b.JOH.013.010 Si Jesus ilegña nu güiya: Y esta mafagase, ti guaelaye yaguin adengña esta mafagase, lao esta gasgas todo. Ya jamyo mangasgas pago, achogja ti todos.

13:11b.JOH.013.011 Sa esta matungo jaye uje y umentrega güe; pot enao ilegña: Ti mangasgas jamyo todos.

13:12b.JOH.013.012 N 13 12 59570 ¶ Anae munjayan manfinagase y adengñija, jachule y magagoña ya tumalo matachong otro biaje, ya mansinangane: Yntingo y finatinasjo?

13:13b.JOH.013.013 Jamyo infanaan yo Maestro yan Señot: ya y sinanganmiyo mauleg; sa guajo yo.

13:14b.JOH.013.014 Yaguin guajo Señotmiyo yan Maestronmiyo, guinin jufagase y adengmiyo, debe jamyo locue infanafagase y adengmiyo uno yan otro.

13:15b.JOH.013.015 Sa un ejemplo junae jamyo, sa taemanoja guajo jufatinase jamyo, jamyo locue infatitinas.

13:16b.JOH.013.016 Magajet ya magajet jusangane jamyo: Y tintago ti güiya magasña na y senotña; ni y matago, ti güiya magasña na y tumago güe.

13:17b.JOH.013.017 Yaguin intingo este sija na güinaja, mandichoso jamyo yaguin infatitinas,

13:18b.JOH.013.018 N 13 18 59630 ¶ Ti umadingan yo nu jamyo todo: guajo tumungo sija y inayigco; lao para umacumple y tinigue sija: Y chumocho pan yan guajo, güiya cumajulo contra guajo y dedegoña.

13:19b.JOH.013.019 Desde pago jusangane jamyo antes di ujuyong, para yaguin jumujuyong, injenggue na guajo yo.

13:20b.JOH.013.020 Magajet ya magajet jusangane jamyo, na y rumesibe y tinagojo, jaresibe yo; ya y rumesibe yo, jaresibe y tumago yo.

13:21b.JOH.013.021 Anae munjayan jasangan si Jesus este, inigongña si Jesus jinalomña, ya janae testimonio ya ilegña: Magajet ya magajet jusangane jamyo, na uno guiya jamyo unintrega yo.

13:22b.JOH.013.022 Y disipulo sija manaatan entre sija uno yan otro ya ti matungo jaye umadingan.

13:23b.JOH.013.023 Y uno gui disipuluña na guiniflie as Jesus, estaba umaason gui pechon Jesus.

13:24b.JOH.013.024 Ayo nae si Simon Pedro fumatinas señat nu este, para umafaesen jaye uje na umadingan.

13:25b.JOH.013.025 Ayo nae, y umaason gui jilo pechon Jesus ilegña nu güiya: Señot jaye uje?

13:26b.JOH.013.026 Enaomina manope si Jesus: Ayo uje ni junafotgue ni pan ya junae güe. Ya janafotgon y pan, ya janae si Judas Iscariote, lajin Simon.

13:27b.JOH.013.027 Anae munjayan y quinanoña ni y pan fotgon, si Satanas jumalom guiya güiya. Entonses si Jesus sinangane: Fatinas guse y finatinasmo.

13:28b.JOH.013.028 Ni uno, guiya sija na mangaegue gui lamasa, tumungo pot jafa na umasangane.

13:29b.JOH.013.029 Pineloñija y palo guiya sija, sa si Judas na gaebetsa, na si Jesus sumangane: Fajan y güinaja na mannesesitajit para y guipot; pat ufanmanae y mamobble.

13:30b.JOH.013.030 Ya güiya, guinin mañule y pan fotgon, enseguidas mapos; ya esta puenge.

13:31b.JOH.013.031 N 13 31 59760 ¶ Pot enao, anae esta mapos güe, ilegña si Jesus: Pago y Lajin taotao rumesisibe y minalagña, ya si Yuus rumesibe y minalagña guiya güiya.

13:32b.JOH.013.032 Ya si Yuus minamalag güe guiya güiya; ya enseguidas unamalag güe.

13:33b.JOH.013.033 Mandiquique na fumaguon, ti juapmam guiya jamyo; ya inaligao yo; ya taegüenoja jusangane y Judio sija: Mano yo guato, jamyo ti siña manmamaela; taemanoja pago jusangane jamyo.

13:34b.JOH.013.034 Un tinago nuebo junae jamyo, na infanguaeya uno yan otro entre jamyo; taegüije yan guajo juguaeya jamyo, ya jamyo locue infanguaeya uno yan otro entre jamyo.

13:35b.JOH.013.035 Ya pot este todo y taotao ufanmatungo na jamyo disipulujo, yaguin infanguaeya uno yan otro entre jamyo.

13:36b.JOH.013.036 Si Simon Pedro ilegña nu güiya: Señot, para mano jao? Ynepe as Jesus: Mano yo guato, ti siña jao pago undalalag yo, lao ti apmam undalalag yo.

13:37b.JOH.013.037 Ylegña nu güiya si Pedro: Señot, sa jafa na ti siña judalalag jao pago? jupolo y linâlâjo guiya jago.

13:38b.JOH.013.038 Ynepe as Jesus: Unpolo y linâlâmo guiya guajo? Magajet ya magajet jusangane jao, na ti uoo y gayo asta tiempo na undague yo tres biaje!

14

14:1b.JOH.014.001 CHAMIYO ninafañachatsaga corasonmiyo: injenggue si Yuus, jenggue yo locue.

14:2b.JOH.014.002 Y guima Tatajo nae guaja megae na sagayan: yaguin ti utaegüine mojon jagas jusagane jamyo. Bae jujanao ya jufamauleg y saga para jamyo.

14:3b.JOH.014.003 Yaguin jumanao yo ya jufamauleg y saga para jamyo, jumamaela talo mague ya jucone jamyo yan guajo; sa manoja yo nae sumaga, ayoja locue jamyo.

14:4b.JOH.014.004 Ya mano yo guato, intingo y chalan.

14:5b.JOH.014.005 Ylegña nu güiya si Tomas: Señot, ti intingo para mano jao; ya jafa taemano tungomame nu y chalan?

14:6b.JOH.014.006 Ylegña nu güiya si Jesus: Guajo y chalan, yan y minagajet, yan y linâlâ; taya malag y Tata, yan ti pot guajo.

14:7b.JOH.014.007 Yaguin guinin intingoyo, mojon intingo locue y Tatajo; ya desde pago intingo güe ya inlie güe.

14:8b.JOH.014.008 Ylegña nu guiya si Felipe: Señot, fanue jam nu y Tata ya basta para jame.

14:9b.JOH.014.009 Ylegña nu güiya si Jesus: Megae na tiempo na manjita, ya asta pago ti untungo yo Felipe? Y lumiiyo, jaliija y Tata. Ya jafa muna ilegmo: Fanue jam nu y Tata?

14:10b.JOH.014.010 Ti unjonggue na guajo gaegue gui as Tata, ya y Tata gaegue guiya guajo? Sa y finijo nu y jusasangan, ti jusasangan pot guajoja; lao y Tata nu y sumasasaga guiya guajo, ayo fumatinas y chechoña sija.

14:11b.JOH.014.011 Jenggue na gaegue yo gui as Tata, ya y Tata gaegue guiya guajo: yaguin ti pot este, jenggueyo pot y checho sija.

14:12b.JOH.014.012 Magajet ya magajet y jusangane jamyo: Y jumonggueyo, y checo nu y juchogüe, güiya chumogüe locue; ya mas dangculo na chocho qui este jachogüe; sa jujanao para as Tata.

14:13b.JOH.014.013 Ya todo y ingagao pot y naanjo, bae jufatinas, sa y Tata uresibe minalagña nu y Lajiña.

14:14b.JOH.014.014 Jafaja y ingagaoyo pot y naanjo, bae jufatinas ayo.

14:15b.JOH.014.015 Yaguin inguaeya yo, inadaje y tinagojo.

14:16b.JOH.014.016 Sa bae jutayuyut si Tata ya infanninae otro Consoladot para ugaegue guiya jamyo na taejinecog.

14:17b.JOH.014.017 Güiya y Espiritun minagajet nu y tano ti siña umaresibe; sa ti malie güe, ya ti matungo güe; lao jamyo intingo güe; sa sumaga yan jamyo, ya ugaegue guiya jamyo.

14:18b.JOH.014.018 Ti judingo jamyo güetfano: jumamaela guiya jamyo.

14:19b.JOH.014.019 Dididija talo, y tano ti uliiyo; lao jamyo inliija yo; sa lâlâyo, ya infanlâlâja locue.

14:20b.JOH.014.020 Güije na jaane umasusede na intingo na gaegueyo gui as Tata, ya jamyo guiya guajo ya guajo guiya jamyo.

14:21b.JOH.014.021 Y guaja y tinagojo ya jaadadaje, ayo yo gumaeya; ya y gumaeya yo, ugüinaeya as Tata, ya juguaeya güe; ya jufanuegüe nu guajo mamaesa.

14:22b.JOH.014.022 Ylegña nu güiya si Judas, ti si Iscariote: Señot, jafa muna unfanue jam nu jago namaesa ya ti unfanue y tano?

14:23b.JOH.014.023 Inepe as Jesus ya ilegña nu güiya: Jaye yo y gumaeya, uadaje y sinanganjo; ya ugüinaeya as Tata, ya jame infatoigüe güe ya insagaye güe.

14:24b.JOH.014.024 Y ti gumaeya yo, ti jaadaje y sinanganjo; ya y sinangan nu y injingog, ti sinanganjo, lao iyon y Tata ni tumago yo.

14:25b.JOH.014.025 Estesija jusagane jamyo anae manjijita.

14:26b.JOH.014.026 Lao ayo y Consoladat y Espiritu Santo; nu si Tata utinago pot y naanjo, güiya infanfinanagüe todosija, ya inninafanjajasoja todo y jusangane jamyo.

14:27b.JOH.014.027 Pas jupoluye jamyo; y pasjo junae jamyo; ti taegüine y ninaen y tano na ninaejo. Chamiyo ninafañachatsaga corasonmiyo ni infanmaañao.

14:28b.JOH.014.028 Jamyo jagas injingogja jafa y jusagane jamyo, bae jujano, ya jutalo güine mague guiya jamyo. Yaguin inguaeya yo, magajet infanmagof, sa bae jujanao ya jufalag as Tata; sa si Tata dangculoña qui guajo.

14:29b.JOH.014.029 Pago jagas jusangane jamyo antes qui umasusede, para yanguin jasusede, jamyo injenggue.

14:30b.JOH.014.030 Desde pago na tiempo ti jucuentuse jamyo megae, sa y magalagen este na tano ufato, ya taya iyoña guiya guajo;

14:31b.JOH.014.031 Lao y tano ujatungo na juguaeya si Tata, ya jaftaemanoja si Tata jasangane yo, ayo muna jufatinas. Fangajulo ya nije tafanjanao.

15

15:1b.JOH.015.001 GUAJO y magajet na trongconubas ya si Tatajo güiya y magas y fangualuan.

15:2b.JOH.015.002 Todo y ramas guiya guajo nu y taetinegcha, janajanao; ya todo ayo y ramas nu y gaetinegcha, janagasgas, para umegae tinegchaña.

15:3b.JOH.015.003 Pago nae jamyo mangasgas pot y finijo nu y jusangane jamyo.

15:4b.JOH.015.004 Fañaga guiya guajo, ya guajo guiya jamyo. Taegüije y ramas ti siña mañogcha güiya namaesa, yaguin ti sumaga gui trongconubas, parejoja yan jamyo yaguin ti infañaga guiya guajo.

15:5b.JOH.015.005 Guajo y trongconubas, jamyo y ramas. Y sumaga guiya guajo, ya guajo guiya güiya, güiya ufañogcha megae; sa apatte di guajo taya siña infatinas.

15:6b.JOH.015.006 Yaguin un taotao ti sumaga guiya guajo, umanajanao güe parejoja yan y ramas, ya umalayo, ya jajojoca, ya japopolo gui guafe, ya ufanmasonggue.

15:7b.JOH.015.007 Yaguin mañaga jamyo guiya guajo, ya y finojo sumaga guiya jamyo, infanmangagao todo y malagomiyo ya jufatinas para jamyo.

15:8b.JOH.015.008 Este uninamalag si Tatajo, ya infanmanogcha megae; ya taegüenao jamyo y udisipulojo.

15:9b.JOH.015.009 Taegüenao si Tata jaguaeya yo, guajo parejoja juguaeya jamyo locue; ya fañaga jamyo gui güinaeyaco.

15:10b.JOH.015.010 Yaguin inadadaje y tinagojo sija, jamyo infañañaga gui güinaeyaco; parejoja yan guajo juadadaje y tinago y Tatajo ya sumasasaga yo gui güinaeyaña.

15:11b.JOH.015.011 Estesija jusangane jamyo, para minagofjo usaga guiya jamyo, ya y minagofmiyo ubula.

15:12b.JOH.015.012 Este y tinagojo, na infanguaeya entre jamyo uno yan otro, calang y juguaeya jamyo.

15:13b.JOH.015.013 Taya uno guaja güinaeyaña mas dangculo qui este, na y taotao japolo y linâlâfia pot y amiguña sija.

15:14b.JOH.015.014 Jamyo y amigujo sija, yaguin infatinas jafa y jutago jamyo.

15:15b.JOH.015.015 Ti jagasja jufanaan jamyo tentago sija, sa y tentago ti jatungo jafa checho y magasña; lao jufanaan jamyo amigo sija; sa todosija ni jujungog gui as Tata, junatungoja jamyo.

15:16b.JOH.015.016 Ti jamyo umayig yo, lao guajo jamyo umayig ya jutago jamyo, na infanjanao ya infanmanogcha, ya y tinegchanmiyo usaga; sa todosija y ingagao si Tata pot y naanjo, güiya infanninae.

15:17b.JOH.015.017 Estesija jutago jamyo, na infanaguaeya entre jamyo uno yan otro.

15:18b.JOH.015.018 Yaguin manchinatlie jamyo nu y tano, intingoja na guajo finena chinatlie antes qui jamyo.

15:19b.JOH.015.019 Yaguin iyon y tano jamyo y tano uguaeya iyoña: lao ti iyon y tano jamyo, ya guajo jamyo umayig gui tano, ayo muna manchinatlie jamyo nu y tano.

15:20b.JOH.015.020 Jaso jamyo y sinangan ni munjayan jusangane jamyo: Y tentago ti dangculoña qui y magasña. Yaguin mapetsigue yo, infanmapetsigue jamyo locue; yaguin manadaje y sinanganjo, umanadaje y sinanganmiyo locue.

15:21b.JOH.015.021 Lao todo estesija umafatinas guiya jamyo pot causan y naanjo; sa ti matungo ayo y tumagoyo.

15:22b.JOH.015.022 Yaguin ti matoyo, ya ti jusangane sija, taya isaoñija; lao pago taya escusañija pot y isaoñija.

15:23b.JOH.015.023 Ayo y chumatlie yo, güiya chumatlie si Tata locue.

15:24b.JOH.015.024 Yaguin ti jufatinas gui entaloñija chochosija na taya ni uno fumatinas, taya isaoñija; lao pago esta jalie ya jachatlie yo yan si Tata.

15:25b.JOH.015.025 Lao este ususede, sa para umacumple y sinangan nu y matugue gui tinagoñija: sija chumatlie yo, sin jafa.

15:26b.JOH.015.026 Lao yaguin mato y Consoladot, ni y junamamaela guinin as Tata, y Espiritu y minagajet nu y mamaela guinin as Tata, güiya infanninae testimonio pot guajo.

15:27b.JOH.015.027 Ya jamyo locue infanmannae testimonio, sa guinin manjijita desde y tutujonña.

16

16:1b.JOH.016.001 ESTESIJA jusangane jamyo para chamiyo, fanmatotompo.

16:2b.JOH.016.002 Infanmayute juyong gui sinagoga sija; junggan, y tiempo ufato nae jayeja y pumuno jamyo, jinasoña na jafatinas y checho Yuus.

16:3b.JOH.016.003 Ya estesija infanfinatinas, sa ti jatungo y Tata, ni guajo.

16:4b.JOH.016.004 Ya estesija guinin jusangane jamyo, na yaguin ufato ayo na ora, injaso estesija, jaftaemanoja y jusangane jamyo.

16:5b.JOH.016.005 Lao pago bae jujanao para ayo y tumago yo; ya taya uno guiya jamyo ufaesen yo: Para mano jao?

16:6b.JOH.016.006 Lao pot y jusangane jamyo nu estesija y pinite esta bula y corasonmiyo.

16:7b.JOH.016.007 Lao jusangane jamyo ni minagajet, na maulegñaja para jamyo na jujanao; sa yaguin ti jumanao yo, y Consoladot ti umamaela guiya jamyo; lao yaguin jumanao yo, junamamaela güe guiya jamyo.

16:8b.JOH.016.008 Sa yaguin ufato güe, ujusga y tano ni isao yan y tininas yan y juisio:

16:9b.JOH.016.009 Y isao sa sija ti majonggue yo;

16:10b.JOH.016.010 Y tininas sa bae jujanao para y Tata, ya jocog nae inliiyo;

16:11b.JOH.016.011 Y juisio sa y magas este y tano esta jajusga.

16:12b.JOH.016.012 Guaja yo megae na güinaja trabia para jusangane jamyo; lao ti siña jamyo insingon pago.

16:13b.JOH.016.013 Lao yaguin ufato ayo y Espiritun minagajet, güiya infanfinanue jamyo todo y minagajet; sa ti usangan pot güiyaja, lao todosija, jiningogña, ayosija usangan: yan ayosija y umasusede despues, inninafanmanatungo jamyo.

16:14b.JOH.016.014 Güiya ufannae yo minalag sa mañuñule y güinaja na guiya guajo ya ujasangane jamyo.

16:15b.JOH.016.015 Todosija y güinajan Tata, iyoco; ayo mina, jusangan na mañuñule y güinaja na guiya guajo ya ujasangane jamyo.

16:16b.JOH.016.016 Trabia dididija na tiempo, ti inlie yo talo; ya y otro biaje dididija na tiempo inlie yo.

16:17b.JOH.016.017 Ya y palo disipulo ilegñija entre sija uno yan otro: Jafa muna ilegña este nu jita? Dididija na tiempo ti inlie yo; ya y otro biaje, dididija na tiempo inlie yo: sa bae jujanao para as Tata?

16:18b.JOH.016.018 Ayo nae ilegñija: Jafa este muna ilegña? Dididija na tiempo? Ti tatungo jafa ilegña.

16:19b.JOH.016.019 Lao jatungoja si Jesus na manmalago na umafaesen güe, ya ilegña nu sija: Manafaesen entre jamyo jafa y ilelegco: Dididija na tiempo ya ti inlie yo; ya otro biaje, dididija na tiempo inlie yo?

16:20b.JOH.016.020 Magajet ya magajet y jusangane jamyo: infananges yan infanugungñaejon, lao y tano umagof; ya jamyo infantriste, lao y tristenmiyo umabira para minagof.

16:21b.JOH.016.021 Y palaoan yaguin para ufañago guaja pinitiña, sa mato y oraña; lao yaguin munjayan jafañago y patgon, mafeta nu y pinitiña, pot y minagofña na esta mañago un taotao gui tano.

16:22b.JOH.016.022 Pago jamyo locue magajet na infantriste; lao yaguin manaliijit talo, ufanmagof corasonmiyo, ya taya siña munajanao y minagofmiyo guiya jamyo.

16:23b.JOH.016.023 Ayo na jaane ti infaesen yo ni jafa. Magajet y magajet y jusangane jamyo, todosija y ingagao y Tata, infanninae pot y naanjo.

16:24b.JOH.016.024 Asta pago taya ingagagao pot y naanjo: gagao ya inresibi, ya ubula y minagofmiyo.

16:25b.JOH.016.025 N 16 25 60660 ¶ Estesija guinin jusangane jamyo gui acomparasion sija; lao ufato y ora na ti jusangane jamyo gui acomparasion sija, lao jusangane jamyo claro y güinajan Tata.

16:26b.JOH.016.026 Ayo na jaane infanmangagao pot y naanjo: lao ada ti jusangane jamyo na guajo jutayuyute jamyo gui Tata;

16:27b.JOH.016.027 Sa y Tata mangüinaeya jamyo, sa esta inguaeya yo, ya injenggue na mamaela yo guinin as Yuus.

16:28b.JOH.016.028 Mamaela yo guinin as Tata, ya matoyo gui tano: lao judingo talo y tano, sa bae janao para as Tata.

16:29b.JOH.016.029 Y disipuluña ilegñija: Estagüe, pago na unsangan claro, ya taya acomparasion unsangan.

16:30b.JOH.016.030 Pago intingo na jago untungo todosija; ya ti unnesesita ni jaye unfinaesenjao: pot este injenggue na jago mamaela guinin as Yuus.

16:31b.JOH.016.031 Maninepe sija as Jesus: Injenggue pago?

16:32b.JOH.016.032 Estagüe na ufato y ora, ya esta mato pago, na cada uno ujanao para y iyoña, ya indingo yo namaesaja; lao trabia ti guajoja namaesaja sa jumajame an Tata.

16:33b.JOH.016.033 Estesija jusangane jamyo, para infangaepas guiya guajo. Infangaemasâpet gui tano; lao mantiene y minatatnganmiyo, sa guajo esta jugana y tano.

17

17:1b.JOH.017.001 ESTESIJA jasangan si Jesus ya tumalag jilo gui langet, ya ilegña: Tata, esta mato y ora; namalag y Lajimo, sa y Lajimo unninamalag locue.

17:2b.JOH.017.002 Parejaja unnae güe ninasiñaña para todo y catne; ya para todosija y unnae güe, güiya numae sija taejinecog na linâlâ.

17:3b.JOH.017.003 Ya este yuje y taejinecog la linâlâ, na intingo jao, na unoja y magajet na Yuus; yan si Jesuscristo nu y jago tumago.

17:4b.JOH.017.004 Esta junamalag jao gui tano, ya munjayan y chechojo nu y unnaeyo na juchogüe.

17:5b.JOH.017.005 Pago, jagoja Tata, unnamalag yo yan jago na maesa ni ayo na minalag anae estaba jumijita antes di y tano.

17:6b.JOH.017.006 Esta jufanue nu y naanmo y taotao nu y unnae yo gui tano; sa iyomo, ya unnae yo; ya sija maadaje y sinanganmo.

17:7b.JOH.017.007 Pago sija matungo na todosija y unnae yo, sija iyomo.

17:8b.JOH.017.008 Sa y finijo sija ni y unnae yo, jusangane sija; ya jaresibe, yan jatungo magajet na mamaela yo guinin jago; ya jajonggue na jagoyo tumago.

17:9b.JOH.017.009 Guajo jutayuyute sija; ti y tano jutayuyute, lao sija y unnaeyo, sa sija iyomo.

17:10b.JOH.017.010 Ya todosija y iyomo, iyoco; ya y iyoco, iyomo; ya guajayo minalag guiya sija.

17:11b.JOH.017.011 Pago taegüe yo gui tano, ya este sija mangaegue gui tano; ya mato yo guiya jago. Tata Santo adaje pot y naanmo, ayo sija y unnaeyo, para ufanunoja, parejo an jita.

17:12b.JOH.017.012 Anae estaba yo manjajame gui tano, juadadajeja sija pot y naanmo; ayo sija ni y unnaeyo ya juadadajeja ya taya ni uno malilingo, lao unoja esta malingo, güiya patgon yinilang; para ujacumple y tinigue sija.

17:13b.JOH.017.013 Lao pago mato yo iya jago; ya estesija jusasangan gui tano para y minagofjo ubula guiya sija.

17:14b.JOH.017.014 Guajo guinin numae sija ni y sinanganmo; ya y tano manchinatlie sija; sa sija ti iyon y tano, parejoja yan guajo ti iyon y tano.

17:15b.JOH.017.015 Ti jutayuyut jao na unnajanao gui tano, lao unadaje sija gui tinaelaye.

17:16b.JOH.017.016 Sija ti iyon y tano, parejo yan guajo ti iyon y tano.

17:17b.JOH.017.017 Nagasgas sija pot y minagajetmo; y sinanganmo güiya minagajet.

17:18b.JOH.017.018 Taegüenao jago tumago yo gui tano, parejoja guajo locue munajutago sija gui tano.

17:19b.JOH.017.019 Ya pot sija, juconsagra yo namaesa, para sija locue ufangasgas pot y minagajet.

17:20b.JOH.017.020 Ta ti sijaja jutayuyute, lao ayo sija locue y jumonggue yo pot y sinanganñija.

17:21b.JOH.017.021 Sa para todo sija ufanunoja; parejoja yan jago, Tata, gaegue jao guiya guajo, ya guajo gaegue guiya jago; sija locue ufanunoja guiya jita; para ujonggue y tano na jago tumago yo.

17:22b.JOH.017.022 Ya y minalag nu y unnae yo, junae sija: para ufanunoja parejo yan jita unoja.

17:23b.JOH.017.023 Guajo guiya sija, ya jago guiya guajo, para ufancabales gui unoja; ya para utungo y tano, na jago tumago yo, ya ungüaeya sija, parejoja yan güinaeyamo nu guajo.

17:24b.JOH.017.024 Tata! ayosija y unnae yo, malago yo na manoyo nae gaegue, sija ufangaegue locue; para ujalie y minalagjo ni y unnae yo; sa unguaeya yo antes di jiniyong y tano.

17:25b.JOH.017.025 Tata tunas jao, y tano ti jatungo jao; lao guajo tumungo jao, ya estesija jatungo na jago tumagoyo.

17:26b.JOH.017.026 Ya guajo minamatungo sija y naanmo ya bae junatungo: na ayo na güinaeya ni y ungüaeya yo, ayo gaegue guiya sija, yan guajo guiya sija.

18

18:1b.JOH.018.001 ANAE si Jesus munjayan jasangan este sija na sinangan, mapos yan y disipuluña para otro banda y sadog Sidron, anae guaja un güetta, ya jumalom güe yan y disipuluña.

18:2b.JOH.018.002 Ya si Judas locue, ni y umentrega güe, jatungo ayo na lugat; sa megae na biaje si Jesus jumanao güije yan y disipuluña.

18:3b.JOH.018.003 Ayo nae si Judas mañule y inetnon sendalo, yan y ofisiat sija ni manmagas na mamale yan y Fariseo, mamalag ayo na lugat, manmañuñule falot, yan candet, yan atmas.

18:4b.JOH.018.004 Enao mina si Jesus jatungo todosija na ufanmato guiya güiya, ya jumuyong güe gui menanñija, ya ilegña nu sija: Jaye inaliligao?

18:5b.JOH.018.005 Inepeñija: Si Jesus Nasareno. Si Jesus ilegña nu sija: Guajo yo. Gaegue güije locue mañisija yan Judas y umentrega güe.

18:6b.JOH.018.006 Anae munjayan jasangan: Guajo yo; manalo guato ya mamodong gui tano.

18:7b.JOH.018.007 Tomalo jafaesen sija: Jaye inaliligao? Ya ilegñija: Si Jesus Nasareno.

18:8b.JOH.018.008 Manope si Jesus; Munjayanyo jusangane jamyo na guajo yo: Yaguin guajo inaliligao, polo ya ufanjanao este sija:

18:9b.JOH.018.009 Para ucumple y sinangan na esta jasangan: Ayo sija ni unnae yo, ni uno junafalingo.

18:10b.JOH.018.010 Ayo nae si Simon Pedro guaja espadaña, jachule ya janachetnudan un tentago mamale, ya jautut un talagaña gui agapa. Ya y tentago naanña si Malco.

18:11b.JOH.018.011 Enao mina si Jesus elegña as Pedro: Na jalom y espadamo gui baena; y copa ni janaeyo si tata, ada taya para juguimen?

18:12b.JOH.018.012 Ayo na tiempo y inetnon sendalo, yan y magas sendalo, yan y ofisiat y Judio sija, macone si Jesus ya magode.

18:13b.JOH.018.013 Ya finenana machule guato as Annas; sa güiya y suegron Caefas, na magasja na pale güije na año.

18:14b.JOH.018.014 Ya si Caefas manae consejo ni y Judio sija, na janesisita un taotao para umatae pot y taotao sija.

18:15b.JOH.018.015 N 18 15 61150 ¶ Ya madalalag si Jesus si Simon Pedro, taegüenao yan otro disipulo. Ya ayo y otro disipulo atungo y magas na pale; ya jumalom yan si Jesus; gui quelat y palasyon y magas na pale.

18:16b.JOH.018.016 Lao si Pedro gaegue gui sanjiyong y petta. Entonses ayo y otro disipulo ni y atungo y magas na pale jumuyong, ya jasangane y pottera, ya janajalom si Pedro.

18:17b.JOH.018.017 Entonses ayo na palaoan ni y jaadaje y petta ilegña as Pedro: Ti jago locue disipulon este na taotao? Güiya ilegña: Aje, ti guajo.

18:18b.JOH.018.018 Mangaegue güije y tentago sija yan y ofisiat, sija, manotojgue, ya jafatinas y guafin pinigan; sa manenggeng; ya janafanmamaepe sija: ya esta tomotojgue mañisija yan Pedro janamamaepe güe.

18:19b.JOH.018.019 N 18 19 61190 ¶ Ya y magas na pale jafaesen si Jesus jaftaemano y disipuluña yan y doctrinaña.

18:20b.JOH.018.020 Inepeña si Jesus: Guajo sumangan claro gui tano; guajo siempre mamanagüe guiya sinagogo yan y templo anae manetnon todo y Judio sija; ya taya jucuentuse gui secreto.

18:21b.JOH.018.021 Sajafa mina unfafaesen yo? Faesen y manmanjungog ni y jusangane sija. Estagüe, sija y tumungo y sinanganjo.

18:22b.JOH.018.022 Ya anae güiya esta sumangan este, uno gui ofisiat sija na mangaegue güije, japatmada si Jesus ya ilegña: Taegüenao unope y magas na pale?

18:23b.JOH.018.023 Ynepe güe as Jesus: Yaguin jusangan taelaye, nae testimonio nu y taelaye; yaguin mauleg, pot jafa mina innachinudan yo?

18:24b.JOH.018.024 Ayo nae si Annas ninamacone güe mangode para as Caefas, magas na pale.

18:25b.JOH.018.025 N 18 25 61250 ¶ Ayo nae si Simon Pedro estaba tomotojgue janamamaepe güe. Entonses ilegñija nu güiya: Ada ti güiya jao uno gui disipuluña? Güiya mandague ya ilegña: Ti guajo yo.

18:26b.JOH.018.026 Uno gui tentagon magas na pale, parientes ayo y jautut si Pedro y talagaña, ya sinangane: Ti julie jao gui güetta yan güiya?

18:27b.JOH.018.027 Luego mandague talo si Pedro. Y enseguidas y gayo umoo.

18:28b.JOH.018.028 N 18 28 61280 ¶ Ayo nae macone si Jesus güine as Caefas gui jalom palasyo: ya ogaan güije; ya sija ti manjalom gui palasyo, pot no sea infanninaale, lao para usiña mañocho gui pascua.

18:29b.JOH.018.029 Entonses mapos juyong si Pilato guiya sija ya ilegña: Jafa na finaaela inchichile contra este na taotao?

18:30b.JOH.018.030 Manmanope ya ilegñija nu güiya: Yaguin ti taelaye finatinasña, ti inentregao.

18:31b.JOH.018.031 Enaomina si Pilato ilegña nu sija: Chile güe jamyo ya injisga jaftaemano y laymiyo. Ylegñija y Judio sija nu güiya: Ti tunas na jame, infanmannae finatae ni jaye.

18:32b.JOH.018.032 Para umacumple y sinangan Jesus ni jasangan, janamatungo jafa na finataeña nae umatae.

18:33b.JOH.018.033 N 18 33 61330 ¶ Entonses si Pilato tumalo jumalom gui palasyo ya jaagang si Jesus ya ilegña nu güiya: Jago jao y Ray Judio sija?

18:34b.JOH.018.034 Ynepe as Jesus: Unsasangan este pot jagoja namaesa, pat otro sija sumangangane jao pot guajo?

18:35b.JOH.018.035 Si Pilato manope: Guajo Judio yo? Nasionmo, ya y manmagas na mamale, maentrega yo nu jago: Jafa finatinasmo?

18:36b.JOH.018.036 Ynepe as Jesus: Y raenoco, ti ujuyong gui sanjilo este na tano: Yaguin y raenoco ujuyong gui sanjilo este na tano, y tentagojo sija ufanmumo, pot guajo, ya ti jumaentrega gui Judio sija: lao pago y raenoco ti ujuyong güine.

18:37b.JOH.018.037 Entonses si Pilato ilegña nu güiya: Jago pues un ray jao? Ynepe as Jesus: Jago umalog na guajo un ray. Guajo minamafañago yo, pot este, yan minamamaela yo gui tano pot este, para umanae testimonio ni minagajet. Todo ayo y iyon minagajet, jajungog y inagangjo.

18:38b.JOH.018.038 Si Pilato ilegña nu güiya: Jafa na güinaja y minagajet? Anae munjayan jasangan este, tumalo guato gui Judio sija ya ilegña nu sija: Guajo ti mañoda yo guiya güiya jafa na isao.

18:39b.JOH.018.039 Lao jamyo guaja costumbrenmiyo na junalibre uno para jamyo gui pascua. Manmalago jamyo na junalibre y Ray Judio sija?

18:40b.JOH.018.040 Entonses managang talo ya ilegñija: Ti este; lao si Barabas. Ya si Barabas güiya un saque.

19

19:1b.JOH.019.001 AYO nae si Pilato jachule si Jesus, ya jasaulag.

19:2b.JOH.019.002 Ya y sendalo sija jadufog tituca para un corona, ya japolo gui iluña ya manaminagago güe ni magagon agaga.

19:3b.JOH.019.003 Manmato jijot ya ilegñija: Jafa tatatmano jao, Ray Judio sija? Ya manae patmada.

19:4b.JOH.019.004 Entonses si Pilato jumuyong talo, ya ilegña nu sija: Estagüe na jachule guiya jamyo juyong, para intingo na ni un isao jusoda guiya güiya.

19:5b.JOH.019.005 Ayo anae si Jesus mapos juyong, jachuchule y coronan tituca yan y magagon agaga. Ya ilegña nu sija si Pilato: Estagüe y taotao!

19:6b.JOH.019.006 Anae malie güe ni y magas mamale yan y ofisiat sija, manaagang ilegñija: Atane gui quiluus, atane gui quiluus. Si Pilato ilegña nu sija: Chile jamyo ya inatane gui quiluus; sa guajo ti mañoda yo jafa na isao guiya güiya.

19:7b.JOH.019.007 Maope güe ni y Judio sija: Jame guaja laymame, ya segun y laymame, debe umatae, sa jafa na güiya jafatinas maesa güe Lajin Yuus.

19:8b.JOH.019.008 Si Pilato anae jajungog este na sinangan, guaja güe mas dangculo na minaañao;

19:9b.JOH.019.009 Ya jumalom talo gui palasyo ya ilegña as Jesus: Jago, taotao mano jao? Ya si Jesus taya inepeña.

19:10b.JOH.019.010 Si Pilato pues ilegña nu güiya: Jago ti umadingane yo? Ti untungo na guaja yo ninasiñajo para junalibre jao, ya para juatane jao gui quiluus?

19:11b.JOH.019.011 Manope güe si Jesus: Ti siña y ninasiñamo contra guajo, yaguin ti manaejao gui sanjilo; enao mina y umentrega yo guiya jago, guaja mas dangculo na isao.

19:12b.JOH.019.012 Guinin este, si Pilato jaaligao y lugat para unalibre gue: lao y Judio sija managang ilegñija: Yaguin unnalibre este na taotao, ti amigon Sesat jao; sa ayo y umanaray, jasangan contra si Sesat.

19:13b.JOH.019.013 Anae si Pilato jajungog este na sinangan, jachule si Jesus juyong ya matachong gui tribuna, gui lugat na mafanaan Piso, ya y Hebreo na finojo Gábbatta.

19:14b.JOH.019.014 Ayo nae y tiempo para ufamauleg y pascua: jijot y ora gui las saes. Entonses ilegña ni y Judio sija: Estagüe y Raymiyo!

19:15b.JOH.019.015 Entonses manaagang, ilegñija: Najanao! najanao! Atane gui quiluus! Ylegña nu sija si Pilato: Juatane y Raymiyo? Magas na mamale manmanope: Taya raymame na si Sesatja.

19:16b.JOH.019.016 Entonses maentrega güe guiya sija para umatane gui quiluus. Ya sija cumone si Jesus!

19:17b.JOH.019.017 N 19 17 61570 ¶ Ya güiya chumuchuchule y quiluusña, jumanao para ayo na lugat na mafanaan y sagan calabera, cumequeilegña gui Hebreo na finijo, Golgota;

19:18b.JOH.019.018 Anae maatane gui quiluus; yan y gachongña otro dos, gui dos banda Jesus ya si Jesus gui talo.

19:19b.JOH.019.019 Ya manugue si Pilato un tinigue ya mapolo gui sanjilo y quiluus. Ya y tinigue: SI JESUS NASARENO, RAY Y JUDIO SIJA.

19:20b.JOH.019.020 Ya megae na Judio sija tumaetae este na tinigue, sa y lugat anae maatane si Jesus, jijot gui siuda, ya esta matugue gui Hebreo, yan Griega, yan Lating.

19:21b.JOH.019.021 Ayo nae elegñija as Pilato y manmagas na mamale yan y Judio sija: Chamo titigue: Ray y Judio sija: lao güiya umalog: Guajo y Ray y Judio sija.

19:22b.JOH.019.022 Manope si Pilato: Jafa y jutugue esta jutugue.

19:23b.JOH.019.023 N 19 23 61630 ¶ Entonses y sendalo sija, anae munjayan maatane gui quiluus si Jesus, machule y magaguña, ya mafatinas cuatro patte, cada sendalo un patte; yan y tunico na magago locue; güiya taya malagseña, lao todo matufog desde y sanjilo asta y sanpapa.

19:24b.JOH.019.024 Pot enao ilegñija entre sija: Mungajit umipe, lao tapolo suette gui jiloña, jaye gaeyo güe: para umacumple y tinigue na ilegña: Mapatte entre sija y magagujo, ya y tunico na magagojo mafatinas y suette. Estesija y sendalo fumatinas.

19:25b.JOH.019.025 N 19 25 61650 ¶ Ya manotojgue gui fiun quiluus Jesus, si nanaña, yan y chelun nanaña as Maria, yan si Maria palaoan Cleopas, yan si Maria Magdalena.

19:26b.JOH.019.026 Ya anae jalie si Jesus si nanaña, yan y disipuluña ni jaguaeya na tomotojgue jijot, ilegña as nanaña: Palaoan, enaogüe y lajimo!

19:27b.JOH.019.027 Despues, ilegña ni disipulo: Enaogüe si nanamo. Desde ayo na ora y disipulo inadaje güe gui guimaña.

19:28b.JOH.019.028 N 19 28 61680 ¶ Despues di este, jatungo si Jesus na todosija esta manmacumple, para y tinigue umacumple, ilegña: Majoyo.

19:29b.JOH.019.029 Ya gaegue güije un nayan na bula y binagle: Ya sija nabula y espongja y binagle ya mapolo gui jilo un jayo na naanña y hisopo, ya manafalag y pachotña.

19:30b.JOH.019.030 Anae si Jesus jaguinem y binagle, elegña: Jocog esta: ya janaeguen y iluña ya jaentrega y espiritu.

19:31b.JOH.019.031 N 19 31 61710 ¶ Entonses y Judio sija, sa ayo na jaane y jaanen Preparasion; para y tataotao sija taya usaga gui quiluus gui sabado na jaane (sa dangculo ayo na jaane y sabado), manmangagao as Pilato na ufanmajulog y adengñija ya umanafanjanao güije.

19:32b.JOH.019.032 Manmanmato sija y sendalo ya majulog y adengña y finenana, yan y otro, ayo dos y guinin y matane gui quiluus yan guiya;

19:33b.JOH.019.033 Ya anae manmato gui as Jesus, ya malie na güiya esta matae, ti julog y adengña:

19:34b.JOH.019.034 Lao uno gui sendalo sija, janaadotgan gui calaguagña y lansaña, ya jumuyong y jâgâ yan janom.

19:35b.JOH.019.035 Ya güiya y lumie mannae testimonio, ya y testimonioña, güiya magajet: ya güiya tumungo na jafa, ilegña magajet, para jamyo locue injenggue.

19:36b.JOH.019.036 Sa este na güinaja jumuyong esta para umacumple y tinigue na ilegña: Ni un tolang guiya güiya umajulog.

19:37b.JOH.019.037 Yan locue otro tinigue ilegña: Umaatan ayo ni janaadotgan.

19:38b.JOH.019.038 N 19 38 61780 ¶ Despues di malofan estesija, si José taotao Arimatea, ya disipulon Jesus, lao gui secreto sa maañao ni Judio sija, jagagao si Pilato na güiya unajanao y tataotao Jesus: entonses si Pilato japolo. Ya mato güe ya janajanao y tataotaoña.

19:39b.JOH.019.039 Mato locue si Nicodemo, na jagas mato gui as Jesus gui puenge, mañuñule un dinañan mira yan chaguan na jajatot, na y minacatña sien libra.

19:40b.JOH.019.040 Ayo nae jachule y tataotao Jesus, ya maafuyut magago yan paopao, taemanoja y costumbre y Judio sija an manmanjafot.

19:41b.JOH.019.041 Ya ayo na lugat nae maatane gui quiluus, guaja un güetta, ya y güetta nae guaja un naftan nuebo, ya asta pago taya nae mapoluye.

19:42b.JOH.019.042 Ayo nae mapolo si Jesus, sa ayo na jaane y jaanin Preparasion y Judio sija (sa ayo na naftan estaba jijot).

20

20:1b.JOH.020.001 Y finenana na jaane gui semana, gui egaan anae ti claro, si Maria Magdalena mato gui naftan, ya jalie y acho na manajanao gui naftan.

20:2b.JOH.020.002 Entonses malago ya malag as Simon Pedro, yan y otro disipulo ni güinaeya as Jesus, ya ilegña nu sija: Jachule y Señot gui naftan ya jame ti intingo mano nae japolo.

20:3b.JOH.020.003 Manmapos si Pedro yan y otro disipulo, ya manmato gui naftan.

20:4b.JOH.020.004 Ya manmalago sija y dos umetnon: ya y otro disipulo malago chadigña qui si Pedro, ya mato finenana gui naftan.

20:5b.JOH.020.005 Ya ñumejon ya jaatan, ya jalie y magago lenso na mapolo; lao ti jumalom.

20:6b.JOH.020.006 Entonses mato si Simon Pedro ni dumadalalag güe, ya jumalom gui naftan, ya jalie y magago lenso na mapolo,

20:7b.JOH.020.007 Ya y magago sudario na gaegue gui jilo y iluña, ti mapolo yan y palo magago, lao y otro lugat na mabalulutan.

20:8b.JOH.020.008 Entonses jumalom locue ayo y otro disipulo, ni guine mato finenana gui naftan; ya jalie yan jajonggue.

20:9b.JOH.020.009 Sa ti matutungo trabia y tinigue, na janesesita na güiya ucajulo guine entalo manmatae.

20:10b.JOH.020.010 Ayo nae manalo y disipulo sija guato gui guimañija.

20:11b.JOH.020.011 N 20 11 61930 ¶ Ya si Maria gaegue güije gui san jiyong, jijot y naftan ya tumatanges; ya tumanges, ñumejon papa y jaatan y sanjalom y naftan;

20:12b.JOH.020.012 Ya jalie dos angjet na minagagon apaca, na manmatatachong, y uno gui para y ilo, y otro para y adeng, anae y tataotao Jesus guine mapolo.

20:13b.JOH.020.013 Ya ilegñija nu güiya: Palaoan, jafa na tumatanges jao? Ylegña nu sija: Sa jafa muna jachule y Señotjo, ya ti jutungo mano nae japolo.

20:14b.JOH.020.014 Anae jasangan este, tumalo tate, ya jalie si Jesus, güije na tomotojgue, lao ti jatungo cao güiya si Jesus.

20:15b.JOH.020.015 Ylegña nu güiya si Jesus: Palaoan, jafa na tumatanges jao? Jaye unaliligao? Pineloña na ayo na taotao y taotao y güetta, ilegña nu guiya: Señot, yaguin jago chumule, sangane yo mano nae unpolo, ya juchule güe.

20:16b.JOH.020.016 Ylegña nu güiya si Jesus: Maria! Jabira guiya güiya ya, ilegña gui Hebreo na finijo: Raboni! cumequeilegña, Maestro;

20:17b.JOH.020.017 Ylegña nu güiya si Jesus: Chamo yo pumapacha; sa asta pago ti cajulo yo gui as Tata; lao janao para y mañelujo ya unsangane sija, na jucajulo gui Tatajo ya yan Tatamiyo, y Yuusjo yan y Yuusmiyo.

20:18b.JOH.020.018 Mato si Maria Magdalena ya jasangane y disipulo sija: Esta julie y Señot; ya jaftaemano sinangane güe nu este na güinaja.

20:19b.JOH.020.019 N 20 19 62010 ¶ Ya anae esta pupuenge, güije mismo na jaane, y finenana gui semana, ya y petta manmajujuchom, güije nae mangaegue y disipulo sija manetnon sa manmaañao ni Judio sija, mato si Jesus, ya tumojgue güe gui talo ya ilegña nu sija: Pas ugaegue guiya jamyo.

20:20b.JOH.020.020 Ya anae munjayan jasangan este, manfinanue ni canaeña yan y calaguagña. Ayo nae manmagof y disipulo sija anae malie y Señot.

20:21b.JOH.020.021 Ya si Jesus ilegña nu sija talo: Pas ugaegue guiya jamyo; taemanoja si Tata ni tumago yo, taegüije locue jutago jamyo.

20:22b.JOH.020.022 Ya anae munjayan jasangan este, manguaefe gui jiloñija ya ilegña nu sija: Resibe jamyo y Espirito Santo.

20:23b.JOH.020.023 Y inasie ni y isaoñija, sija ufanmaasie; ya iyonñija y indetiene sija ufanmadetiene.

20:24b.JOH.020.024 N 20 24 62060 ¶ Ya si Tomas, uno gui dose, na mafananaan si Didimo, taegüe guiya sija anae mato si Jesus.

20:25b.JOH.020.025 Ya ilegñija nu güiya y palo disipulo: Y Señot guinin talie. Lao ilegña nu sija: Yaguin ti julie gui canaeña y señat y lilog sija, ya junajalom y calalotjo gui señat y lilog, yan ti junajalom y canaejo gui calaguagña, ti jujonggue.

20:26b.JOH.020.026 N 20 26 62080 ¶ Ya despues di manmalofan ocho na jaane, anae disipulo sija mangaegue talo gui sanjalom, mañisija yan si Tomas. Mato si Jesus, macandalo y petta, ya sumaga gui entalo ya ilegña: Pas ugaegue guiya jamyo.

20:27b.JOH.020.027 Ayo nae ilegña as Tomas: Namamaela güine mague y calolotmo, ya unlie y canaejo; ya namamaela güine mague y canaemo, ya unnajalom gui calaguagmo; ya chamo tataeinangoco, lao unjonggue.

20:28b.JOH.020.028 Entonses si Tomas manope ya ilegña nu güiya: Señotjo yan Yuusjo.

20:29b.JOH.020.029 Ylegña nu güiya si Jesus: Pot y unlie yo, Tomas, na unjonggue yo: mandichoso ayo sija y ti manmanlie, lao manmanjonggue.

20:30b.JOH.020.030 N 20 30 62120 ¶ Magajet, megae sija na señat palo na jafatinas si Jesus gui menan y disipuluña na ti matugue güine na leblo:

20:31b.JOH.020.031 Lao este sija manmatugue para injenggue na si Jesus, güiya si Cristo, Lajin Yuus; ya anae injenggue, guaja jamyo taejinecog la linâlâ pot y naanña.

21

21:1b.JOH.021.001 DESPUES di manmalofan estesija, jafanue gue si Jesus otro biaje y disipulo sija gui oriyan tasen Tiberias; ya taegüine jafanue güe namaesa.

21:2b.JOH.021.002 Mangaegue mandadaña si Simon Pedro yan si Tomas, na mafananaan si Didimo, yan si Nataniel, taotao Cana guiya Galilea, yan y famaguon Sebedeo, yan otro dos disipuluña.

21:3b.JOH.021.003 Ylegña nu sija si Simon Pedro: Jujanao para jucone y güijan. Ylegñija nu güiya: Jame indalalag jao. Manmapos ya manjalom gui un sajyan; ya ayo na puenge, taya quineneñija.

21:4b.JOH.021.004 Anae manana gui egaan si Jesus sumaga tomotojgue gui oriyan tase; ya y disipulo ti matungo cao güiya si Jesus.

21:5b.JOH.021.005 Ayo nae ilegña nu sija si Jesus: Famaguon, guaja jamyo jafa para incano? Manope güe: Taya.

21:6b.JOH.021.006 Ya ilegña nu sija: Yute y lagua gui agapan y sajyan, ya inseda. Mayute ya ti manasiña machule gui tase pot y minegae y güijan.

21:7b.JOH.021.007 Ayo na disipulo y güinaeya as Jesus, umadingane si Pedro: Güiya y Señot. Entonses si Simon Pedro anae jajungog na güiya y Señot jadudog güe nu y magagon pescadot (sa taemagago güe), ya tumayog gui tase.

21:8b.JOH.021.008 Ya y palo disipulo sija manmato yan y sajyan (sa ti chago gui tano, lao guaja dosientos codo) machule y lagua, na bula ni güijan.

21:9b.JOH.021.009 Ya anae manmato gui tano manmanlie guafe y pinigan na mapolo esta y güijan gui jiloña, yan pan.

21:10b.JOH.021.010 Ylegña si Jesus nu sija: Chule mague y güijan ni inquene pago.

21:11b.JOH.021.011 Ayo anae cajulo si Simon Pedro ya jajala y lagua para y tano, bula dangculon güijan sija, siento y sincuenta y tres; ya achogja taegüenao y minegaeña, y lagua ti matitig.

21:12b.JOH.021.012 Ylegña nu sija si Jesus: Fanmamaela ya infañocho. Ya ni uno gui disipulo sija fumaesen güe: Jago, jaye jao? matungo na güiya y Señot.

21:13b.JOH.021.013 Entonses mamaela si Jesus, ya jachule y pan ya manninae, ya y güijan taegüenao.

21:14b.JOH.021.014 Esta güiya y mina tres na biaje na si Jesus jafanue güe y disipuluña desde tiempo nae cajulo güe guine entalo manmatae.

21:15b.JOH.021.015 N 21 15 62280 ¶ Anae munjayan mañocho, si Jesus ilegña as Simon Pedro: Simon lajin Juan, unguaeya yo mas qui este sija? Sinangane güe: Si Señot, jago tumungo na juguaeya jao. Ylegña nu güiya: Pasto y gajo patgon quinilo.

21:16b.JOH.021.016 Tumalo ilegña nu güiya y mina dos biaje: Simon, lajin Juan, unguaeya yo? Ylegña nu güiya: Si Señot, untungoja na juguflie jao. Ylegña nu güiya: Adaje y gajo quinilo.

21:17b.JOH.021.017 Ylegña nu güiya y mina tres na biaje: Simon, lajin Juan, unguflie yo? Ninatriste si Pedro na sinangane güe asta tres biaje: Unguflie yo? ya ilegña nu güiya: Señot, jago tumungo todosija: jago tumungo na juguflie jao. Ylegña nu güiya si Jesus: Pasto y gajo quinilo.

21:18b.JOH.021.018 Magajet ya magajet jusangane jao, anae patgon jao, undudog jao nu y sentura ya malag y malagomoja: ya anae bijo jao unjuto y canaemo, ya guinede jao ni y otro, ya unquinene guato gui ti malagomo.

21:19b.JOH.021.019 Ya este ilegña, janatungo jafa na finatae nae siña namalag si Yuus. Ya anae jasangan este, ilegña nu güiya: Dalalag yo.

21:20b.JOH.021.020 Entonses jabira güe si Pedro ya jalie ayo na disipulo na güinaeya as Jesus dinalalag güe; ya locue umason gui pichon gui sena, ya sinangane, Señot jaye uje y umentregao?

21:21b.JOH.021.021 Anae si Pedro jalie este, ilegña as Jesus: Señot, jafa jumuyong para este?

21:22b.JOH.021.022 Yegña nu güiya si Jesus: Yaguin malagojo na güiya ugagaegue asta qui mato yo, jafa y uguaja guiya jago? Dalalag yo.

21:23b.JOH.021.023 Jumuyong este na sinangan entre y mañelo na ayo na disipulo ti umatae: lao si Jesus sinangane, na ti umatae; lao yaguin malagoyo na güiya ugagaegue asta qui mato yo, jafa y uguaja guiya jago?

21:24b.JOH.021.024 N 21 24 62370 ¶ Este güiya y disipulo ni manae testimonio nu este sija na güinaja, ya jatugue este sija na güinaja: ya tatungo na y testimonioña, güiya magajet.

21:25b.JOH.021.025 N 21 25 62380 ¶ Ya guaja locue palo megae na güinaja na jafatinas si Jesus, yaguin ufanmangue cada uno, jujaso na todo y tano ti omlat y leblo sija y ufanmatugue. Amen.