Luke (Chamorro)

1

1:1b.LUK.001.001 POT y guaja megae y umapolo y canaeñija para ufannaregla y cuentos nu y ayo na güinaja na esta guefmaasegura gui entalo jame,

1:2b.LUK.001.002 Jaftaemanoja ninaejam ni guine y tutujoña y testigojam ni y malie, nu y yan y ministrojam y sinangan;

1:3b.LUK.001.003 Y jinasoco mauleg locue nu guajo, sa juguefegaga sinengcabales todo y güinaja guine y tutujonña, na jutuguie jao pot y inaregla, jago guesmagas na Teofilo;

1:4b.LUK.001.004 Para untungo sija y magajet ayosija mano nae unresibe y finanagüe.

1:5b.LUK.001.005 N 1 5 42150 ¶ Guaja gui jaanin Herodes, ray guiya Judea, un pale, naanña si Sacharias, y clasen Abias; y asaguaña guinin sija jagan Aaron ya y naaña si Elisabet.

1:6b.LUK.001.006 Este na dos mauleg gui sanmenan Yuus, jajananao gui todo y lay yan y tinago Señot, ti lalatdiyon.

1:7b.LUK.001.007 Ya taya patgonñija; sa si Elisabet tifáfañago; yan y dos megae jaaniñija.

1:8b.LUK.001.008 N 1 8 42180 ¶ Ya jumuyong, anae mañeñetbe si Sacharias, gui ofisio y pale gui menan Yuus, gui chechon y clasiña,

1:9b.LUK.001.009 Jaftaemanoja y costumbren y ofisio y pale, y chechoña na jumalom gui guimayuus ya jasonggue y paopao.

1:10b.LUK.001.010 Ya todo y linajyan taotao mangaegue gui sanjiyong manmananaetae gui oran paopao.

1:11b.LUK.001.011 Ya mato guiya güiya y angjet y Señot, na gaegue gui agapa y attat y paopao.

1:12b.LUK.001.012 Ya inestotba si Sacharias anae jalie, ya mato minaañao gui jiloña.

1:13b.LUK.001.013 Lao y angjet ilegña nu güiya: Sacharias, chamo maaañao; sa y tinaetaemo este majungog; ya y asaguamo as Elisabet ufañago y patgon laje, ya umafanaan naanña si Juan.

1:14b.LUK.001.014 Ya uguaja jao minagof yan alegria; ya y megae umagof nu y mafañaguña.

1:15b.LUK.001.015 Sa udangculo güe gui menan Señot; ya ti uguimen bino ni metgot na guinem ya ubulagüe Espiritu Santo, guinin y tiyan nanaña.

1:16b.LUK.001.016 Ya megae gui famaguon Israel, ujabira nu y Señot, Yuusñija.

1:17b.LUK.001.017 Ya ujanaogüe gui menan y mataña nu y espiritu yan y ninasiñan Elias, para unanalo y corasonñija y mañaena guiya y famaguon, yan y manchátmatago ni y tiningo y manunas; para ufamauleg nu y Señot y taotao, ni y esta fanmauleg para güiya.

1:18b.LUK.001.018 Ya ilegña si Sacharias nu y angjet: Jaftaemano jutungo este? sa guajo bijoyo ya y asaguajo megae jaaniña.

1:19b.LUK.001.019 Ya manope y angjet ya ilegña nu güiya: Guajo si Gabriel, na gaegue yo tumotojgue gui menan Yuus; ya guajo esta matago na jucuentusejao, ya junaejao ni este mauleg na sinangan.

1:20b.LUK.001.020 Ya estagüe, na jago udojao ya ti siña uncuentos, asta y jaane nae este macumple estesija; sa y ti unjongue y sinanganjo, ni umacumple y tiempoña.

1:21b.LUK.001.021 Ya y taotao sija manmannanangga as Sacharias, ya ninafanmanman ni y inapmamña gui guimayuus.

1:22b.LUK.001.022 Ya anae jumuyong, ti siña umadingane sija; ya matungo na manlie un linie gui guimayuus; lao güiya sigue di fumatinas y señatja; ya sumaga udo.

1:23b.LUK.001.023 Ya anae esta munjayan y jaanin y ministroña, jumanao para y guimaña.

1:24b.LUK.001.024 N 1 24 42340 ¶ Ya despues di ayo sija na jaane mapotgue y asaguaña as Elisabet, ya janana sinco na meses, ya ilegña:

1:25b.LUK.001.025 Taemanoja y Señot jafatinas para guajo, este sija na jaane nae jaatanyo para unajanao y mamajlaojo gui entalo taotao sija.

1:26b.LUK.001.026 Y mina saes na mes, y angjet Gabriel esta tumago guine as Yuus, para un siuda guiya Galilea, ni y naanña y Nasaret,

1:27b.LUK.001.027 Guiya un bitgen, nobia y un laje naanña si José, familian David; ya y naan y bitgen si Maria.

1:28b.LUK.001.028 Ya jumalom manu nae estaba güe, ya ilegña: Jafa tatatmana jao na guefmaborese jao; y Señot gaegue guiya

1:29b.LUK.001.029 Lao pot este na sinangan, ninaestotba güe, ya jajajaso na jaftaemano este na sinaluda.

1:30b.LUK.001.030 Entonses y angjet ilegña nu güiya: Maria, chamo maaañao; sa unsoda y finaborese gui menan Yuus.

1:31b.LUK.001.031 Ya estagüe, na unmapotgue gui tiyanmo ya unfañago un patgon laje, ya umafanaan y naaaña si Jesus.

1:32b.LUK.001.032 Ya udangculo güe, ya umafanaan Lajin Gueftaquilo: ya y Señot Yuus ufannae güe y tronon David tataña.

1:33b.LUK.001.033 Ya ugobietna gui guima Jacob siesiempreja; ya y raenoña ugagaegue taejinecog.

1:34b.LUK.001.034 Entonses si Maria ilegña ni y angjet: Jafa jumuyong este? sa ti jutungo laje.

1:35b.LUK.001.035 Ya manope y angjet, ya ilegña nu güiya: Y Espiritu Santo umamaela guiya jago, ya y ninasiña y Gueftaquilo jafatinas y anineng gui jilomo; enaomina ayo na Santos na umafañago, umafanaan Lajin Yuus.

1:36b.LUK.001.036 Ya, estagüe, si Elisabet, parentesmo, locue güiya mapotgue un laje gui inamcoña; ya este y mina saes na mes nu güiya na mafanaan tifáfañago.

1:37b.LUK.001.037 Sa y sinangan Yuus, taya uno na taeninasiña.

1:38b.LUK.001.038 Entonses si Maria ilegña: Estagüe y tentagon Señot; ufatinas guiya guajo taemanoja y sinanganmo. Ya y angjet mapos guiya güiya.

1:39b.LUK.001.039 N 1 39 42490 ¶ Ya ayo na jaane sija, cajulo si Maria ya jumanao gusise para un tano taquilo, guiya un siudan Juda;

1:40b.LUK.001.040 Ya jumalom gui guima Sacharias ya jasaluda si Elisabet.

1:41b.LUK.001.041 Ya jumuyong taegüije na anae jajungog si Elisabet y sinaludan Maria, y patgon tumayog gui jalom tiyanña; si Elisabet bula Espiritu Santo,

1:42b.LUK.001.042 Ya umagang ni dangculo na inagang ya ilegña: Dichosojao gui entalo y famalaoan, ya dichoso y tinegchan tiyanmo.

1:43b.LUK.001.043 Ya guine manu este guiya guajo, na mato guiya guajo y nanan y Señotto.

1:44b.LUK.001.044 Sa estagüe, na anae mato y inagang y sinaludamo gui talangajo, y patgon, gui jalom tiyanjo, tumayog ni minagofña.

1:45b.LUK.001.045 Ya dichosogüe y jumonggue; sa uguaja y quinimple gui güinaja, ni esta masangane güe ni guinin y Señot.

1:46b.LUK.001.046 N 1 46 42560 ¶ Entonses ilegña si Maria: Janadangculo y antijo y Señot,

1:47b.LUK.001.047 Ya y espiritujo ninamagof gui as Yuus y Satbadotto.

1:48b.LUK.001.048 Sa jaatan y dinespresiaoña y tentgoña; sa estagüe na desde pago jumafanaan dichosa ni todo y generasion.

1:49b.LUK.001.049 Sa ayo na guaja ninasiña, jafatinas guiya guajo dangculo na güinaja; ya santos y naanña.

1:50b.LUK.001.050 Ya y minaaseña gaegue gui generasion taotao sija, gui jiloñija ni manmaañao nu güiya.

1:51b.LUK.001.051 Ya pot y canaeña jafanue minetgot; janafañuja y sobetbio sija gui jinason y corasonñija.

1:52b.LUK.001.052 Ya jayute papa y magas gui tronoñija, ya jajatsa y manumitde.

1:53b.LUK.001.053 Ya y manñalang janafanbula ni y minauleg; ya y manmigüinaja janafanjanao yan y tae sinajguan.

1:54b.LUK.001.054 Ya jaayuda si Israel tentagoña, para ufanjaso y miñaase,

1:55b.LUK.001.055 (Taemano y jasangane y mañaenata), as Abraham yan y semiyaña para todo y tiempo.

1:56b.LUK.001.056 Si Maria sumaga yan güiya calang tres meses ya despues jumanao asto iyasija.

1:57b.LUK.001.057 N 1 57 42670 ¶ Ya si Elisabet jacumple y tiempo nae para ufañago; ya mañago un patgon laje.

1:58b.LUK.001.058 Ya anae majungog ni tiguangña yan y parientesña, na si Yuus janadangculo y minaaseña guiya güiya; ya manmagof yan güiya.

1:59b.LUK.001.059 Ya susede na y mina ocho na jaane manmato para umasircunsida y patgon: ya malagoñija umafanaan ni y naan tataña as Sacharias.

1:60b.LUK.001.060 Ya manope y nanaña ya ilegña: Aje, sa umafanaan si Juan.

1:61b.LUK.001.061 Ya ilegñija nu güiya: Taya gui manparientesmo mafanaan nu este na naan.

1:62b.LUK.001.062 Ya maseñat y tataña, ya mafaesen jafa malagoña umafanaan.

1:63b.LUK.001.063 Ya mangagao un diquique na tabla ya jatugue ilegña: Si Juan naanña. Ya todo sija ninafanmanman.

1:64b.LUK.001.064 Ya enseguidas mababa y pachotña, ya mapula y jilaña, ya cumuentos, jabendise si Yuus.

1:65b.LUK.001.065 Ya guaja minaañao gui jiloñija todo y mañasaga gui oriyañija: ya gui todo y tano taquilo guiya Judea, masasangan este sija na sinangan.

1:66b.LUK.001.066 Ya todosija y jumujungog jaadaje gui corasonñija ya ilegñija: Jafa jumuyong este na patgon? Sa y canae Yuus gaegue guiya güiya.

1:67b.LUK.001.067 N 1 67 42770 ¶ Ya si Sacharias, tataña, bula Espiritu Santo ya japrofetisa, ilegña:

1:68b.LUK.001.068 Bendito y Señot, y Yuus y Israel; sa jabisita ya jafatinas y redension, para taotaoña,

1:69b.LUK.001.069 Ya janacajulo para jita un canggelon y satbasion, gui guima y tentagoña as David,

1:70b.LUK.001.070 (Taegüijija na jasasangan gui pachot y mañantos na profetaña, ni esta gaegue guinin tutujonña y tano),

1:71b.LUK.001.071 Satbasion gui y enemiguta yan gui canae todo y chumatliijit;

1:72b.LUK.001.072 Para umafanue y minaaseña gui mañaenata, ya umajaso y santos na tratoña;

1:73b.LUK.001.073 Y juramento ni manjula as Abraham ni tatata,

1:74b.LUK.001.074 Na güiya unaejit linibreta gui canae y enemiguta ya utasetbe güe sin minaañao,

1:75b.LUK.001.075 Y sinantos yan y tinunas gui menaña todo y jaanita.

1:76b.LUK.001.076 Ya, jago, patgon, unmafanaan profetan y Gueftaquilo; sa unjanao gui menan y Señot para unfamauleg y chalanña;

1:77b.LUK.001.077 Para ufanamatungo y satbasion gui taotaoña ni y maasiin y isaoñija,

1:78b.LUK.001.078 Pot causa y corason y minaaseña y Yuusta, anae y candit ogaan guinin taquilo, jabisitajit,

1:79b.LUK.001.079 Para junae inina y manmatatachong gui jemjom yan y anineng y finatae; para ufanue y patasta gui chalan y pas.

1:80b.LUK.001.080 Ya y patgon lumala ya mumetgot gui espiritu ya sumaga gui desierto asta y jaane anae esta matungo guiya Israel.

2

2:1b.LUK.002.001 YA susede na ayo sija na jaane, jumuyong un bando guinen as Augusto Sesat, para todo y tano na mataotagüe, na y naanñija ufanmatugue gui padron.

2:2b.LUK.002.002 Este finenana na padron esta fumatinas, anae si Sirenio y magalaje guiya Siria.

2:3b.LUK.002.003 Ya manjanao todo y taotao para ninatugue y naanñija gui padron, cada uno gui siudaña.

2:4b.LUK.002.004 Ya jumanao si José guinin Galilea, guinin un siuda na naanña Nasaret, para ufalag Judea, gui siudan David, na mafanaan Betlehem, sa güiya y guima y familian David;

2:5b.LUK.002.005 Para ufanmatugue gui padron yan si Maria, asaguaña umacamo yan güiya, anae estaba dangculo sa mapotgue,

2:6b.LUK.002.006 Ya susede, anae gaegue sija güije, y jaaniña ni para ufañago esta macumple;

2:7b.LUK.002.007 Ya mañago un laje finenana na patgon; ya mabalutan ni y pañales, ya manaason qui cajon sacate; sa taya sagañija gui guima.

2:8b.LUK.002.008 N 2 8 42980 ¶ Ya guaja pastot sija güije na tano, na mañaga gui fangualuan, ya jaadadaje y manadan quinilo gui puenge.

2:9b.LUK.002.009 Ya estagüe y angjet y señot tumotojgue guiya sija; y minalag Yuus jaina gui oriyañija; ya guaja dangculo na minaañao.

2:10b.LUK.002.010 Lao y angjet ilegña nu sija: Chamiyo fanmaañao; sa, estagüe, na juchule para jamyo mauleg na sinangan dangculo na minagof, para todo y taotao:

2:11b.LUK.002.011 Sa esta mafañago para jamyo gui siudan David, pago na jaane, un Satbadot, na güiya si Cristo, y Señot.

2:12b.LUK.002.012 Ya este y señatmiyo: Inseda y patgon mabalutan ni y pañales, ya umaason gui cajon sacate.

2:13b.LUK.002.013 Ya enseguidas anog yan y angjet y linajyan y sendalo gui langet, na manmantutuna as Yuus, ya ilegñija:

2:14b.LUK.002.014 Minalag gui y Gueftaquilo as Yuus, ya y tano pas gui entalo taotao ni y minagofña dangculo.

2:15b.LUK.002.015 Ya jumuyong anae y angjet sija manmamapos guiya sija para y langet, y pastot sija manasangane. uno yan otro: Nije tafanmalag pues, asta Betlehem, ya talie este na güinaja ni esta jumuyong, na si Yuus jafanuejit.

2:16b.LUK.002.016 Ya manmato chadeg, ya jasoda si Maria yan José, yan y diquique na patgon umaason gui cajon sacate.

2:17b.LUK.002.017 Ya anae esta malie, janatungo y sinangan na mansinangane sija nu y diquique na patgon.

2:18b.LUK.002.018 Ya todo y manmanjungog, ninafanmanman pot y pastot sija, ni y sinanganñija.

2:19b.LUK.002.019 Lao si Maria jananana todo este sija na sinangan, jajasosoye gui corasonña.

2:20b.LUK.002.020 Ya manato guato y pastot sija yan manmagof ya matuna si Yuus pot todo y güinaja ni munjayan jajungog yan jalie, jaftaemano y esta jasangane sija.

2:21b.LUK.002.021 N 2 21 43110 ¶ Ya anae esta macumple y ocho na jaane, para umasirconsida güe mafanaan naanña si Jesus, taegüije y finanaan nu y angjet antes qui umamapotgueñaejon gui tiyan nanaña.

2:22b.LUK.002.022 Ya anae esta macumple y jaanin y guinasgas, jaftaemanoja y lay Moises, sija macone güe guiya Jerusalem para umanae gui Señot.

2:23b.LUK.002.023 (Jaftaemanoja y matuque gui lay y Señot: todo laje na jababa y tiyan, umafanaan santos para y Señot);

2:24b.LUK.002.024 Ya para umanae inefrese jaftaemanoja y masangan y lay y Señot, un pares na tortola pat dos patgon na paluma.

2:25b.LUK.002.025 Ya, estagüe, guaja un taotao guiya Jerusalem, na naanña si Simeon, ya este na taotao, cabales ya guefmanjonggue na jananangga y quinensuela y Israel: ya y Espiritu Santo gaegue gui jiloña.

2:26b.LUK.002.026 Ya esta mafanue güe nu y Espiritu Santo, na ti ulie finatae, antes na ulie Cristo, y Señot.

2:27b.LUK.002.027 Ya mato güe pot y Espiritu gui templo, ya anae machule, nu si tataña, y patgon Jesus gui templo para umafatinas pot guiya, taemanoja y costumbren y lay,

2:28b.LUK.002.028 Ayo nae güiya jajogue gui canaeña ya jabendise si Yuus ya ilegña:

2:29b.LUK.002.029 Pago polo, Señot, y tentagomo ya jumanao yan pas, taemanoja y sinanganmo.

2:30b.LUK.002.030 Sa jalie y matajo y satbasionmo,

2:31b.LUK.002.031 Ni esta unfamauleg gui menan todo y taotao;

2:32b.LUK.002.032 Y candit para ufanmatungo y nasion sija, yan y minalag para y taotaomo, Israel.

2:33b.LUK.002.033 N 2 33 43230 ¶ Ya si José yan y nanaña ninafanmanman nu ayo sija y jasasangan nu güiya;

2:34b.LUK.002.034 Ya jabendise si Simeon ya ilegña ni nanaña as Maria: Estagüe na patgon esta mapolo para pinedong yan para ufanjinatsa y megae guiya Israel; yan para y señat ni y ninachatsaga,

2:35b.LUK.002.035 Yan y jago locue, sa y antimo na umadotgan nu y espada, ya para jinasoñija y megae na corason nae umatungo.

2:36b.LUK.002.036 Gaegue locue güije, si Ana y profeta palaoan, jagan Fanuel gui tribun Aser (na güiya guaja megae na jaaniña, yan sumaga yan y asaguaña siete años desde y binitgenña;

2:37b.LUK.002.037 Ya bumiuda asta ochenta y cuatro años) ya ti jafapos gui templo, ya jaadodora si Yuus, puenge yan jaane nu y umayuyunat yan manaenaetae.

2:38b.LUK.002.038 Ya este mato güijija na ora ya janae si Yuus maase, ya jacumuentuse pot güiya todo sija y manmannangga ni linibre guiya Jerusalem.

2:39b.LUK.002.039 Lao anae esta jacumple todo sija, taemanoja y gaegue gui lay y Señot, manalo guato Galilea gui siudañija guiya Nasaret.

2:40b.LUK.002.040 Ya y patgon dumangculo yan ninamatatnga ya bulagüe tiningo: ya y grasian Yuus gaegue gui jiloña.

2:41b.LUK.002.041 N 2 41 43310 ¶ Ya manjajanao sija tataña todo y sacan asta Jerusalem gui guipot y pascua.

2:42b.LUK.002.042 Ya anae guaja esta dose na años, sija mangajulo guiya Jerusalem taemanoja y costumbren y guipot.

2:43b.LUK.002.043 Ya anae jocog y jaane sija, manalo sija, ya sumaga y patgon, Jesus, guiya Jerusalem taetiningo nu y tataña sija.

2:44b.LUK.002.044 Ya jinasoñija na gaegue gui mangachongñija, ya un jaane na manjajanaoja; ya maaliligao güe gui entalo y parientesñija yan y manatungoñija.

2:45b.LUK.002.045 Lao anae ti masoda güe, manalo guato Jerusalem maaliligao güe.

2:46b.LUK.002.046 Ya susede anae esta malofan tres na jaane, inseda güe gui templo matatachong gui entalo y manfaye maecungog yan mafafaesen.

2:47b.LUK.002.047 Ya todo sija y jumujungog ninafanmanman ni tiningoña yan y inepeña.

2:48b.LUK.002.048 Ya anae malie manmajngan ya ilegña nu güiya si nanaña: Patgon, jafa na unfatinasjam taeguenao? Estagüe si tatamo yan guajo na inaliligao jao yan y pinitinmame!

2:49b.LUK.002.049 Ayo nae ilegña nu sija: Pot jafa yo na inaliligao? Ti intingo na y checho y tatajo nesesita yo na fatinas?

2:50b.LUK.002.050 Lao sija ti jatungo ayo na sinangan y mansinangane.

2:51b.LUK.002.051 Ya tumunog yan sija ya manjanao. guato Nasaret ya mansinejeta sija. Ya si nanaña jaadaje este todo sija gui corasoña.

2:52b.LUK.002.052 Ya si Jesus lumálamodong gui tiningoña yan y linecaña yan y grasia gui as Yuus yan y taotao sija.

3

3:1b.LUK.003.001 Y mina quinse na año gui tiempo anae si Tiberio Sesat jagobietna, ya si Ponsio Pilato, güiya magalaje guiya Judea; ya si Herodes, güiya magalaje tetrarca guiya Galilea; ya y cheluña as Felipe, güiya magalaje tetrarca guiya Iturea yan y ya tanon Traconite; ya si Lisanias, güiya magalaje tetrarca guiya Abilinia;

3:2b.LUK.003.002 Ya y dangculo na mamale si Annas yan si Caefas, este na tiempo , mato y sinangan Yuus gui as Juan, lajin Sacharias, gui jalomtano.

3:3b.LUK.003.003 Ya güiya mato gui todo y tano gui oriyan Jordan, jasesetmon y managpang en sinetsot para y maasiin isao.

3:4b.LUK.003.004 Taegüije esta matugue gui leblo ni y sinangan y profeta Isaias, na ilegña: Inagangña ni y umaagang gui jalomtano: Famauleg y chalan y Señot, y cayejonña natutunas.

3:5b.LUK.003.005 Todo y finacañada umanafanbula, yan todo y tano boca yan y manloca na ogso umanafanagpapa; yan y manechong umanafanunas, yan y chalan farangca unamafanyano.

3:6b.LUK.003.006 Ya todo y catne ulie y satbasion Yuus.

3:7b.LUK.003.007 Enaomina ilegña ni y linajyan taotao na manmato para ufanmatagpange pot güiya: Rasan culebla, jaye jamyo fumanagüe na insuaye y binibo ni y mamamaela?

3:8b.LUK.003.008 Chile tinegchanmiyo ni y magajet na sinetsot, ya chamiyo insigue di sumasangan nu jamyoja: Guaja tatanmame si Abraham; sa jusanganejamyo na siña, si Yuus güine gui acho janafangajulo y famaguon Abraham.

3:9b.LUK.003.009 Ya pagoja y gachae gaegueja gui jale y trongcon jayo sija: todo y trongcon jayo na ti mauleg tinegchañija, umautut ya umayute gui guafe.

3:10b.LUK.003.010 Ya y linajyan taotao mafaesen güe ya ilegñija: Pues jafajam infatinas?

3:11b.LUK.003.011 Ya manope, ilegña nu sija: Y guaja dos magaguña, unae y taya iyoña: ya y guaja naña ufatinas taegüijija.

3:12b.LUK.003.012 Ya manmato locue y publicano sija para ufanmatatagpange, ya ilegñija: Maestro jafa infatinasjam?

3:13b.LUK.003.013 Ya ilegña nu sija: Chamiyo gumagagao mas ni y esta jamyo manmatago.

3:14b.LUK.003.014 Ya mafaesen güe locue nu y sendalo sija, ilegñija: Ya jame, jafajam infatinas? Ya mansinangane: Chamiyo mumatratrata ni jaye ni infanmanchiguit, ya magof jamyo nu y apasmiyo.

3:15b.LUK.003.015 N 3 15 43570 ¶ Ya y taotao sija jananangga ya manmanjajajaso todo sija as Juan gui corasonñija, cao güiya si Jesucristo.

3:16b.LUK.003.016 Manope si Juan ya ilegña nu todosija: Guajo magajet managpapange jamyo an janom; lao mamamaela uno na mas gaeninasiña qui guajo, ya ti siña yo manmerese na jupula y coreas y sapatosña: güiya managpapange an Espiritu Santo yan guafe.

3:17b.LUK.003.017 Ya abanicuña gaegueja gui canaeña para unagasgas y guinecoña, ya janafandaña y trigo gui camalenña; lao usonggue y ngasan gui guafe ni ti siña upuno.

3:18b.LUK.003.018 N 3 18 43600 ¶ Ya mamagat megae na sinangan ya japredica y taotao sija ni ibangelio.

3:19b.LUK.003.019 Lao si Herodes, ayo magalaje tetrarca, linalatde as Juan, pot si Herodias, asaguan y cheluña as Felipe, yan pot todo y tinaelaye sija ni jafatinas si Herodes,

3:20b.LUK.003.020 Ya jafatinas este mas taelaye qui todo, ya maponggle si Juan gui catset.

3:21b.LUK.003.021 N 3 21 43630 ¶ Ya susede, anae todo y taotao manmatagpange, si Jesus locue matagpange; ya anae manaetaegüe, mababa y langet;

3:22b.LUK.003.022 Ya tumunog gui jiloña y Espiritu Santo na gaejechuraña calang paluma, ya mato un inagang guine y langet na ilegña: Jago y lajijo ni juguaeya; iyajago nae gaegue minagofjo.

3:23b.LUK.003.023 Ya si Jesus namaesa anae jatutujon sumetnon, güiya treinta años, ya güiya lajin José (calang jinason taotao), nu y lajin Eli,

3:24b.LUK.003.024 Nu y lajin Matat nu y lajin Levi, nu y lajin Metqui, nu y lajin Jané, nu y lajin José,

3:25b.LUK.003.025 Nu y lajin Matatias nu y lajin Amos, nu y lajin Nalum, nu y lajin Eslí, nu y lajin Nagé,

3:26b.LUK.003.026 Nu y lajin Maat, nu y lajin Matatias, nu y lajin Simei, nu y lajin José, nu y lajin Juda,

3:27b.LUK.003.027 Nu y lajin Joana, nu y lajin Resa, nu y lajin Sorobabel, nu y lajin Salatiel, nu y lajin Neri,

3:28b.LUK.003.028 Nu y lajin Metqui, nu y lajin Adí, nu y lajin Cosam, nu y lajin Elmodan, nu y lajin Er,

3:29b.LUK.003.029 Nu y lajin Jesus, nu y lajin Elieser, nu y lajin Jorim, nu y lajin Mata, nu y lajin Levi,

3:30b.LUK.003.030 Nu y lajin Simeon, nu y lajin Juda, nu y lajin José, nu y lajin Jonan, nu y lajin Eliaquim,

3:31b.LUK.003.031 Nu y lajin Melea, nu y lajin Mena, nu y lajin Matata, nu y lajin Natan, nu y lajin David,

3:32b.LUK.003.032 Nu y lajin Jesse, nu y lajin Obed, nu y lajin Boos, nu y lajin Salmon, nu y lajin Naason,

3:33b.LUK.003.033 Nu y lajin Aminadab, nu y lajin Aram, nu y lajin Esrom, nu y lajin Fares, nu y lajin Juda,

3:34b.LUK.003.034 Nu y lajin Jacob, nu y lajin Ysaac, nu y lajin Abraham, nu y lajin Taré, nu y lajin Nacor,

3:35b.LUK.003.035 Nu y lajin Serug, nu y lajin Ragau, nu y lajin Peleg, nu y lajin Heber, nu y lajin Sela,

3:36b.LUK.003.036 Nu y lajin Cainan, nu y lajin Arfaxat, nu y lajin Sem, nu y lajin Noe, nu y lajin Lameg,

3:37b.LUK.003.037 Nu y lajin Matusalem, nu y lajin Enog, nu y lajin Jared, nu y lajin Mahalaleel, nu y lajin Cainan,

3:38b.LUK.003.038 Nu y lajin Enos, nu y lajin Set, nu y lajin Adam, nu y lajin Yuus.

4

4:1b.LUK.004.001 YA si Jesus, bula Espirita Santo, tumato guato gui Jordan, ya quinene ni Espiritu asta y desierto.

4:2b.LUK.004.002 Ya sumaga güije cuarenta na jaane ya tinienta nu y anite. Ya ti chumocho ni jafa, güije sija na jaane; ya anae esta macumple, ñalang güe.

4:3b.LUK.004.003 Ya ilegña nu güiya y anite: Yaguin jago Lajin Yuus, tago este y acho ya ufamapan.

4:4b.LUK.004.004 Ya si Jesus manope qüe: Esta mamatugue, na ti y panja munalâlâ y taotao.

4:5b.LUK.004.005 Ya jacone güe quinene julo, ya finanue güe todo y raeno gui jilo y tano gui un momento y tiempo,

4:6b.LUK.004.006 Ya y anite ilegña nu güiya: Bae junae jao ni este na ninasiña todo, yan y minalagñija; sa guajo maentrega, ya jaye y malagojo, junae.

4:7b.LUK.004.007 Enaomina jago, yaguin unadora gui menajo, todosija iyomo.

4:8b.LUK.004.008 Ya manope si Jesus, ya ilegña: Esta matugue na y Señot Yuusmo unadora, ya güiyaja unsetbe.

4:9b.LUK.004.009 Ya quinene talo guiya Jerusalem ya pinelo gui sumanjilo y templo, ya ilegña nu güiya: Yaguin jago Lajin Yuus, yutejao güine papa:

4:10b.LUK.004.010 Sa esta matugue, na y angjetña sija jaencatga nu jago para unmaadaje,

4:11b.LUK.004.011 Ya y canaeñija unquilile sa chamo matompo y adengmo gui acho.

4:12b.LUK.004.012 Manope si Jesus ya ilegña: Esta masangan: Chamo tietienta y Señot Yuusmo.

4:13b.LUK.004.013 Anae esta munjayan todo y tentasionña y anite mapos guiya güiya un rato.

4:14b.LUK.004.014 N 4 14 43940 ¶ Si Jesus tumato gui ninasiñan y Espiritu asta Galilea: ya jumanao y famaña guiya todo y tano gui oriyaña.

4:15b.LUK.004.015 Ya güiya mamananagüe gui guimayuusñija, ya ninafanonra nu y todo.

4:16b.LUK.004.016 N 4 16 43960 ¶ Ya mato guiya Nasaret anae jagas mapogsae: ya jumalom taemanoja y costumbreña gui jaanin sabado, gui guimayuus ya cajulo para utaetae.

4:17b.LUK.004.017 Ya manaegüe y leblon y profeta Isaias. Ya anae jababa y leblo, jasoda anae esta matugue:

4:18b.LUK.004.018 Y Espiritun y Señot gaegue gui jilojo, sa japalae yo para jupredica y mauleg na sinangan gui mamobble: ya matago yo para jusangane mancautibo, linibre, ya para y manbachet ufanmanlie, ya para junafanlibre y manchiguit,

4:19b.LUK.004.019 Para jusaganñaejon y guaeyayon na año y Señot.

4:20b.LUK.004.020 N 4 20 44000 ¶ Ya jajuchom y leblo ya anae janatalo y ministro, matachong; ya todo y mangaegue gui guimayuus, güiyaja manatan.

4:21b.LUK.004.021 Ya jatutujon sumangane sija: Pago esta macumple este na tinigue gui talanganmiyo.

4:22b.LUK.004.022 Ya todoja manmannae testimonio ya esta ninafanmanman nu minauleg sinangan ni manjujuyong, gui pachotña; ya ilegñija: Ti güiya ini y lajin José.

4:23b.LUK.004.023 Ya ilegña nu sija: Magajet insanganeyo nu este na sinangan: Medico, amte namaesajaoja: todo sija injingog na unfatinas guiya Capernaum, fatinas locue güine gui tanomo.

4:24b.LUK.004.024 Ya ilegña: Magajet na jusangane jamyo, na ni un profeta guaegayon gui tanoña.

4:25b.LUK.004.025 Lao magajet jusangane jamyo: Megae na biuda sija guaja gui Israel gui jaanin Elias, anae y langet majuchom tres años yan saes mesas, anae guaja dangculo na ñinalang gui todo y tano;

4:26b.LUK.004.026 Lao ni uno guiya sija nae, esta matago si Elias, na as Sarepta, guiya tanon Sidon, guiya un palaoan biuda.

4:27b.LUK.004.027 Ya megae na ategtog locue guaja guiya Israel gui tiempon y profeta Eliseo; lao taya guiya sija esta magasgas, na si Naaman taotao Siro.

4:28b.LUK.004.028 Ayo nae todo y taotao gui guimayuus manbula y linalalo, anae jajungog estesija;

4:29b.LUK.004.029 Ya mangajulo, ya chumulegüe gui sanjiyong y siuda, ya macone asta gui sanjilo y egso, anae esta maplanta y siudañija, para ufanyute gui papa.

4:30b.LUK.004.030 Lao güiya, malofan gui entaloñija, ya mapos.

4:31b.LUK.004.031 N 4 31 44110 ¶ Ya mato papa guiya Capernaum, siudan Galilea, ya ayo nae mamananagüe gui sabado na jaane:

4:32b.LUK.004.032 Ya sija ninafanmanman nu y finanagüeña; sa y sinanganña gaeninasiña.

4:33b.LUK.004.033 Ya gaegue gui guimayuus un taotao na guaja anite ináplacha; ya umagang dangculo na inagang.

4:34b.LUK.004.034 Jei! pelojam! para jafajam nu jago, Jesus Nasareno? Matojao para unyulangjam? jutungojao jayejao; jago ayo na Santos gui as Yuus!

4:35b.LUK.004.035 Ya si Jesus jalalatde ya ilegña: Pacaca ya maela juyong guiya güiya. Ya anae y anite mayute güe gui entaloñija, jumuyong guiya güiya; ya taya ninalamen.

4:36b.LUK.004.036 Ya minamanman mato gui jilo todo sija, ya manadingan uno yan otro, ilegñija: Jafa na cuentos este? Sa nu y gobietnaña yan y ninasiñaña jatago y áplacha na anite sija ya unfanjuyong?

4:37b.LUK.004.037 Ya y famaña masanganñaejon todo y lugat sija gui oriyaña ayona.

4:38b.LUK.004.038 N 4 38 44180 ¶ Ya jacajulo jumanao juyong gui guimayuus ya jumalom gui guiman Simon; ya y suegran Simon esta umaason, malingo nu y dangculo na calenturaña; ya matayuyutgüe pot güiya.

4:39b.LUK.004.039 Ya jatojgue gui jijutña, ya jalalatde y calentura ya y calentura pinelo; ya güiya cajulo ensiguidas ya jasetbe.

4:40b.LUK.004.040 N 4 40 44200 ¶ Ya y tiempo y minachom y atdao nae, todo y mangaemalango ni y megae na chetnot, manmaconie guiya güiya; ya japolo y canaeña gui jilo cada uno guiya sija, ya janafanjomlo sija.

4:41b.LUK.004.041 Ya anite sija manjuyong locue guiya megae, na manaagang ya ilegñija: Jago, y Lajin Yuus! Lao güiya jalalatde ya ti japolo ya ufanguentos, sa matungo güe na güiya si Cristo.

4:42b.LUK.004.042 N 4 42 44220 ¶ Ya anae esta taftaf y jaane, jumanao para un jalomtano: ya y linajyan taotao sija maaliligao güe ya manmafato guiya güiya ya manmalago sija ufanmantiene güe para munga mapos guiya sija.

4:43b.LUK.004.043 Ya güiya ilegña nu sija: Nesesitayo locue gui palo siuda umapredica y raenon Yuus: sa para este na matagoyo.

4:44b.LUK.004.044 Ya japredidica gui guimayuus sija guiya Galilea.

5

5:1b.LUK.005.001 YA susede anae y linajyan taotao manoriya yan machichiguet güe ya jaecungog y sinangan Yuus, na güiya gaegue tumotojgue gui oriyan jagoe Genesaret.

5:2b.LUK.005.002 Ya jalie dos batco na estaba jijot gui oriyan y jagoe; ya y manpescadot manunog güije, ya jafagase y laguañija.

5:3b.LUK.005.003 Ya jumalom güine gui un batco ya y iyon Simon; ya jagagao na unafalag y tano didide. Ya matachong ya mamanagüe desde y batco ni linajyan taotao.

5:4b.LUK.005.004 Ya anae munjayan cumuentos, ilegña as Simon: Juyong gui tadong na tase ya innatunog y laguanmiyo para un quinene.

5:5b.LUK.005.005 Ya manope si Simon ya ilegña: Maestro estajam manmachocho todo puenge ya taya quinenemame; lao pot y sinanganmo bae innatunog y lagua.

5:6b.LUK.005.006 Ya anae manmatinas este, japongle un dangculo na quinenen güijan; ya esta tiniteg y laguanñija.

5:7b.LUK.005.007 Ayo nae jaseñat y mangachongñija ni mangaegue gui otro batco, para ufanmato ya ufaninayuda. Ya manmato, ya janabulaja y dos batco, ya jatutujon manmañoñogñog.

5:8b.LUK.005.008 Ya anae jalie este si Simon Pedro, dumimo papa gui as Jesus ya ilegña: Suja guiya guajo, Señot; sa taotao isaoyo.

5:9b.LUK.005.009 Sa ninamaañao yan todos y mangaegue guiya güiya, pot causa de y quinenen güijan ni y inquene;

5:10b.LUK.005.010 Ya taegüije ja locue as Santiago yan si Juan, famaguon Sebedeo, ya sija mangachong Simon. Ya ilegña si Jesus as Simon: Chamo maaaño: sa desde pago ufangone jao y taotao.

5:11b.LUK.005.011 Ya anae esta mañule gui tano y batcoñija; todo jayute ya madalaggüe.

5:12b.LUK.005.012 N 5 12 44360 ¶ Ya susede anae gaegue güe gui uno gui siuda sija, estagüe un taotao na bula ategtog: güiya anae jalie si Jesus, podong gui mataña gui menaña ya jagagao, ilegña: Señot, yaguin malagojao, siñajao unnagasgasyo?

5:13b.LUK.005.013 Ya jaestira y canaeña ya japacha, ilegña: Malagoyo, gasgasjao; ya enseguidas y ategtog jumanao guiya güiya.

5:14b.LUK.005.014 Ya tinago güe, na chaña sangangane ni jaye: lao janao, unfanue y pale nu jago ya unofrese ni y guinasgasmo, taemanoja y tinagon Moises para testimonio nu sija.

5:15b.LUK.005.015 Lao y masanganña jumanao megae; ya mandaña y dangculon linajyan taotao para umajungog yan para ufanmagong y chetnotñija.

5:16b.LUK.005.016 Lao güiya jaapatta güe asta y jalomtano ya manaetae.

5:17b.LUK.005.017 N 5 17 44410 ¶ Ya susede gui un jaane na estabagüe mamanagüe; ya mangaegue y Fariseo sija yan y magas y lay, manmatatachong, sa sija manmato guinen y sengsong Galilea, yan Judea, yan y ya Jerusalem; ya y ninasiñan y Señot gaegue güije para unamagong.

5:18b.LUK.005.018 Ya estagüe sija taotao na macocone un taotao gui jilo un cama na paralitico; ya maaliligao mano nae mañule jalom para umapolo gui menaña.

5:19b.LUK.005.019 Ya anae ti masoda mano nae umapolo pot causa y linajyan taotao, mangajulo gui jilo guma ya guinin y atof nae manatunog yan camaña gui entalo, asta y gui menan Jesus.

5:20b.LUK.005.020 Ya anae jalie y jinengguenñija yuje sija, ilegña: Taotao, y isaomo umaasie.

5:21b.LUK.005.021 Ya y escriba yan y Fariseo sija jatutujon manmanjaso, ya ilegñija: Jaye güe este na usangan chatfino contra si Yuus? Jaye siña manasie isao, na si Yuusja?

5:22b.LUK.005.022 Lao si Jesus jatungo y jinasonñija; manope ya ilegña nu sija: Jafa injajaso gui corasonmiyo?

5:23b.LUK.005.023 Jafa sen taeminapot masangan: Y isaomo unmaasie; pat masangan: Cajulo ya unfanmocat?

5:24b.LUK.005.024 Lao para intingoja na y Lajin taotao guaja ninasiñaña gui tano para umasie isao (ilegña nu y paralitico), jusanganejao: Cajulo, chule y camamo ya unjanao para iyajamyo.

5:25b.LUK.005.025 Ya enseguidas güiya cajulo gui menanñija, ya jachule ayo anae umaasongüe ya jumanao para y guimaña, ya jatuna si Yuus,

5:26b.LUK.005.026 Ya ninafanmanman todosija, ya matuna si Yuus; ya manbula y minaañao, ilegñija: Inlie námanman sija pago.

5:27b.LUK.005.027 N 5 27 44510 ¶ Ya despues di estesija, jumanao, ya jalie un publicano na y naanña si Levi, matatachong gui bancon y tributo ya ilegña: Dalalagyo.

5:28b.LUK.005.028 Ya japolo todo y güinajaña ya cajulo ya jadalalaggüe.

5:29b.LUK.005.029 Ya jafatinas si Levi un dangculon gupot gui guimaña: ya guaja un dangculon linajyan publicano sija, yan otro sija manmatachong gui lamasa yan sija.

5:30b.LUK.005.030 Ya y Fariseo sija yan y escribañija, mangogonggong contra y disipuluña sija, ilegñija: Sajafa na manjajamyo mañocho yan manguimen yan y publicanosija yan y manisao?

5:31b.LUK.005.031 Ya manope si Jesus ya ilegña nu sija: Y manaechetnot ti janesesita medico; lao y manmalango.

5:32b.LUK.005.032 Ti matoyo para juagang y manunas, lao y manisao para ufanmañotsot.

5:33b.LUK.005.033 N 5 33 44570 ¶ Ya ilegñija nu güiya: Y disipulon Juan manayuyunat megae na biaje, ya jafatitinas tinayuyut; parejoja yan y disipulon Fariseo sija; ya iyoco mañochocho yan manguiguimen?

5:34b.LUK.005.034 Ya si Jesus ilegña nu sija: Siña innaayunat y mangaegue gui guipot uma sagua anae mañisijaja yan y nobio?

5:35b.LUK.005.035 Lao ufato jaane na y nobio umana suja; ayo nae ufanayunat güije na jaane sija.

5:36b.LUK.005.036 Ya mansinangane sija locue un acomparasion: Taya taotao janajanao pidason magago gui nuebo na bestido ya japolo gui bijo na bestido; no sea ujatiteg y nuebo ya locue y magago guinin nuebo ti parejo yan y bijo.

5:37b.LUK.005.037 Ya taya mananaye nuebo na bino gui bijo na boteyan cuero: ya no sea, y bino ni nuebo uyinamag y boteyan cuero, ya y bino umachuda, ya y boteyan cuero ufalingo.

5:38b.LUK.005.038 Lao y nuebo bino na nasesita y nuebo na boteyan cuero nae umapolo.

5:39b.LUK.005.039 Ya ni un taotao ni gumimen y bijo na bino umalago ni nuebo; sa ualog: Y bijo maulegña.

6

6:1b.LUK.006.001 YA susede y un sabado, jumajanao si Jesus gui fangualuan maies; ya y disipuluña sija, manmanjajala ni y masotcan maies, ya jacano, jagugugan ni y canaeñija.

6:2b.LUK.006.002 Ya y Fariseo sija ilegñija: Jafa na infatitinas y ti tunas na umafatinas gui sabado na jaane:

6:3b.LUK.006.003 Ya maninepe as Jesus iligña: Taya nae intaetae este y finatinas David anae ñalang yan y mangachongña?

6:4b.LUK.006.004 Anae jumalom gui guimayuus, ya jachule ya jacano y pan ni y mafamamauleg, yan janae locue y mangachongña: ni y ti tunas na ucano na para y mamaleja?

6:5b.LUK.006.005 Ya ilegña nu sija: Y Lajin Taotao locue Señot y sabado.

6:6b.LUK.006.006 N 6 6 44690 ¶ Ya susede y otro sabado, na jumalom gui guimayuus ya mamanagüe: ya estaba güije un taotao na anglo y agapa na canaeña.

6:7b.LUK.006.007 Ya y escriba yan y Fariseo sija maaatan güe, cao unajomlo gui sabado na jaane; para uquefanmañoda jafa ya umafaaela.

6:8b.LUK.006.008 Lao jatungoja y jinasonñija; ya ilegña ni ayo na taotao y anglo canaeña: Cajulo ya untojgue gui tálolo! ya tumojgue julo.

6:9b.LUK.006.009 Ya ilegña si Jesus nu sija: Jufafaesen jamyo uno. Tunas gui sabado na umafatinas y mauleg pat y taelaye? numalibre linâlâ pat mamuno?

6:10b.LUK.006.010 Ya jaatan todos y oriyañija ya ilegña nu güiya: Estira mona y canaemo. Ya guiya jafatinas taegüije, ya y canaeña numalo ya magong taegüije y otro.

6:11b.LUK.006.011 Ya sija mansénbubo, ya manguecuentos uno yan otro, jafa mojon ujafatinas gui as Jesus.

6:12b.LUK.006.012 N 6 12 44750 ¶ Ya susede gui ayo sija na jaane, jumanao para ufanaetae gui un ogso ya todo y puenge jasigue di manaetaeja para as Yuus.

6:13b.LUK.006.013 Ya anae manana, jaagang y disipuluña sija; ya jaayig dose guiya sija, ni manmafanaan locue apostoles.

6:14b.LUK.006.014 Si Simon ni jafanaan locue Pedro, yan si Andres cheluña, yan si Santiago, yan si Juan, si Felipe, yan si Bartolome,

6:15b.LUK.006.015 Yan si Mateo, yan si Tomas, yan si Santiago, lajin Alfeo, yan si Simon ni mafanaan Selote,

6:16b.LUK.006.016 Yan si Judas chelun Santiago, yan si Judas Iscariote ni y traidot;

6:17b.LUK.006.017 Ya manunog yan sija ya tumojgue gui un lugat ni yano; yan y dangculon linajyan disipuluña sija, yan y dangculon linajyan taotao, guinin todo yya Judea, yan yya Jerusalem, yan y tano Tiro yan yya Sidon, ni manmato para umaecungog, yan para uninafanmagong y chetnotñija;

6:18b.LUK.006.018 Yan manafanmagong ayo sija y munafanachatsaga ni y espiritun áplacha.

6:19b.LUK.006.019 Ya manmalago pumapacha güe y linajyan taotao: sa manjujuyong guiya güiya ninasiña ya janafanmamagong todo sija.

6:20b.LUK.006.020 N 6 20 44830 ¶ Ya güiya manatan julo gui disipuluña, ya ilegña: Mandichoso jamyo ni mamobble; sa iyonmiyo y raenon Yuus.

6:21b.LUK.006.021 Mandichoso jamyo ni y manñalang pago: sa ufanjaspog. Mandichoso y manatanges: sa ufañaleg.

6:22b.LUK.006.022 Mandichoso jamyo yaguin y taotao sija infanchinatlie, yan ujaapatta sija guiya jamyo ya ujalalatde jamyo ya ujayute juyong y naanmiyo pot taelaye pot causa y Lajin taotao.

6:23b.LUK.006.023 Fansenmagof güije na jaane; yan infanayog ni minagofmiyo: sa, estagüe, y premionmiyo dangculo gui langet; sa taegüenaoja jafatitinas y tatañija ni y profeta sija.

6:24b.LUK.006.024 Lao ay jamyo ni manrico! sa esta guaja consuelonmiyo.

6:25b.LUK.006.025 Ay jamyo ni esta manjaspog pago! sa infanñalang. Ay jamyo ni mañachaleg pago! sa jamyo infanugong yan infananges.

6:26b.LUK.006.026 Ay jamyo yaguin todo y taotao sija manguecuentos mauleg nu jamyo! sa taegüenaoja ujafatinas y tatañija ni y manfatso na profeta.

6:27b.LUK.006.027 N 6 27 44900 ¶ Lao jusangangane jamyo ni jumujungog: Güaeya y enemigonmiyo; fatinas mauleg ni y chumatlie jamyo,

6:28b.LUK.006.028 Bendise y mumatdise jamyo, ya infanmanaetae pot y namamajlao jamyo.

6:29b.LUK.006.029 Ya pumatmada y un banda fasumo, naeja locue ni y otro, ya y chumule y capamo, chamo chumochoma na uchule y chininamo locue.

6:30b.LUK.006.030 Ya cada uno ni y gumagaojao, nae; ya y chumule y güinajamo, chamo tumalulugua gumagao.

6:31b.LUK.006.031 Ya jafa y malagomiyo ni y taotao jafatinas nu jamyo; taegüijija fatinas locue nu sija:

6:32b.LUK.006.032 Sa yaguin inguaeya y gumaeya jamyo, jafa na grasia guajanmiyo? sa y manisao locue jaguaeya y gumaeya sija.

6:33b.LUK.006.033 Yaguin infatinas mauleg ni y fumamamauleg jamyo, jafa na grasia guajanmiyo? sa y manisao locue jafatitinasja taegüenao.

6:34b.LUK.006.034 Yanguin innaayao na ayo sija ni y guaja ninanggamo para infanresibe, jafa na grasia guajanmiyo: sa y manisao janaayao y manisao para ufanmanresibe taegüije talo.

6:35b.LUK.006.035 Lao guaeya jamyo y enimigunmiyo ya infatinas mauleg nu sija: ya innaaayao, ya chamiyo fantataeninangga, ya udangculo y premionmiyo yan infanfamaguon y Gueftaguilo: sa güiya cariñoso nu y ingrato sija, yan y taelaye.

6:36b.LUK.006.036 Jamyo locue fanyóase, taegüije y tatanmiyo ni y gaegue gui langet yóase.

6:37b.LUK.006.037 Chamiyo jumusga, sa ti infanjinisga: chamiyo sumetetensia, sa ti infansinentensia: nafanlibre, ya y ninafanlibre:

6:38b.LUK.006.038 Fanmanae, ya infanmanae; mauleg na medida y majoño papa, ya umachaochao ya umachúchuda, ufanmannae y taotao sija gui jalom pechonmiyo; sa ayoja na medida y anae manmide jamyo: infanmamediye talo jamyo.

6:39b.LUK.006.039 N 6 39 45020 ¶ Ya jasangane sija un acomparasion ilegña: Siña y bachet jaosgaejon y otro bachet? ti ujaachapodong y dos gui joyo?

6:40b.LUK.006.040 Y disipulo ti taquiloña qui y maestro: lao cada uno ni y cabales, güiya utaegüijija y maestroña.

6:41b.LUK.006.041 Ya jafa muna unlilie y migo gui atadog y chelumo; ya ti unlilie y jayo gui atadogmo?

6:42b.LUK.006.042 Ya jafa muna siña unalog ni y chelumo: Chelujo, maela ya junajanao y migo gui atadogmo, yanguin jago ti unlilie y jayo gui atadogmo? Hipocrita jao, yute juyong finena y jayo gui atadogmo, ya ayo nae unlie claro para unnajanao y migo gui atadog y chelumo.

6:43b.LUK.006.043 Sa taya mauleg na trongco, ni y fanogcha taelaye, ni y taelaye na trongco ni y fanogcha mauleg.

6:44b.LUK.006.044 Sa cada trongco matungoja pot y tinegchaña. Sa ti ufanmanrecoje y taotao sija igos gui manituca ni ufanmanrecoje ubas gui jalom gadon.

6:45b.LUK.006.045 Y mauleg na taotao, ni y mauleg na guinaja gui corasonña, mañuñule mauleg; ya y taelaye na taotao, ni y taelaye na güinaja gui corasonña, mañuñule taelaye: sa y minegae y corason jasasangan y pachotña.

6:46b.LUK.006.046 N 6 46 45090 ¶ Ya jafa na infananaanyo Señot, Señot, ya ti infatitinas y jusangangane jamyo?

6:47b.LUK.006.047 Jaye y mato guiya guajo ya jaecungog y sinanganjo ya jafatinas; jufanue jaye parejuña:

6:48b.LUK.006.048 Parejo yan un taotao ni y manjatsa guma, ya jaguadog tadong ya japolo y simiento gui jilo y fitme na acho; ya yanguin cajulo y manadan janom, ya milag y sadog chineneg ayo na guma; lao ti umayengyong, sa maplanta gui jilo y acho.

6:49b.LUK.006.049 Lao ayo y umeecungog ya ti jafatinas; parejo yan y taotao ni y manjatsa guma gui jilo oda ya ti janaye simiento; ya anae milag y sadog ya chineneg, enseguidas upodong; ya dangculo y yinilang ayo na guma.

7

7:1b.LUK.007.001 YA despues di munjayan todo y finanagüeña si Jesucristo gui talangan taotao sija, güiya jumalom guiya Capernaum.

7:2b.LUK.007.002 Ya y tentago un senturion ni y guefyaña, estaba malango, ya esta para umatae.

7:3b.LUK.007.003 Lao anae y senturion jajungog na masasangan si Jesus, jatago y manamco na Judios, para umagagao na ufato ya unajomlo y tentagoña.

7:4b.LUK.007.004 Ya anae manmato as Jesus, guefmagagao ilegñija: Dignogüe na unfatinas este pot güiya:

7:5b.LUK.007.005 Sa jagüaeya y nasionmame ya japlantaye jam sinagoganmame.

7:6b.LUK.007.006 Ya manjanao yan si Jesus. Ya anae esta manjijot gui guima y senturion jatago y amiguña sija para ualog as Jesus: Señot chamo ninachachatsaga; sa ti dignoyo na junajalom jao gui papa atofjo;

7:7b.LUK.007.007 Pot este ti jujaso na dignoyo na jufato guiya jago; lao sanganja ya ujomlo y tentagojo.

7:8b.LUK.007.008 Sa guajo locue na taotao gaegeuyo gui papa y ninasiña, ya guaja gui papajo sendalo sija; yan ileco nu este: Janao, ya mapos; ya y otro: Maela, ya mato; ya y tentagojo: Fatinas este, ya jafatinas.

7:9b.LUK.007.009 Ya anae jajungog si Jesus este, ninamanman nu güiya, ya jabiragüe ilegña ni y linajyan taotao ni y dumalalag güe: Jusangane jamyo na ti jusoda taegüije na dinangculon jinenggue ni iya Israel.

7:10b.LUK.007.010 Ya anae manalo sija guato gui guima y manmanago, jasoda na jomlo y tentago ni estaba malango.

7:11b.LUK.007.011 N 7 11 45230 ¶ Ya susede un rato despues di este na, si Jesus jumanao asta un siuda ni mafanaan Nain; ya mañisija yan y disipuluña yan y dangculon manadan taotao.

7:12b.LUK.007.012 Ya anae esta jijot gui pettan y siuda, estagüe na macocone un matae, güiyaja lajin nanaña, ya biuda locue, ya linajyan taotao siuda mangachongchongña.

7:13b.LUK.007.013 Ya anae linie ni y Señot ninamaase nu güiya, ya ilegña nu güiya: Chamo cumacasao.

7:14b.LUK.007.014 Ya lumatguato ya japacha y andas; ya y chumuchule mañaga. Ya ilegña: Patgon, guajo jao sumangane, cajulo.

7:15b.LUK.007.015 Ya y estaba matae matachong ya jatutujon cumuentos, ya inentrega as Jesus gui as nanaña.

7:16b.LUK.007.016 Ya ninafanmaaañao todosija, ya maalaba si Yuus ilegñija: Dangculo na profeta esta cajulo entre yya jita: ya, si Yuus jagas jabisita taotaoña.

7:17b.LUK.007.017 Ya jumanao este na famaña gui todo yya Judea yan todo oriya y tano.

7:18b.LUK.007.018 N 7 18 45300 ¶ Ya y disipulon Juan masangane güe todo estesija.

7:19b.LUK.007.019 Ya jaagang si Juan dos gui disipuluña ya jatago para as Jesus, ilegña: Cao jago yuje y para ufato pat infanmannangga jam otro?

7:20b.LUK.007.020 Ya anae manmato y taotao sija guiya güiya, ilegñija: Si Juan Bautista tumagojam para yya jago, ilegña: Cao jago yuje y para ufato pat infanmannangga jam otro?

7:21b.LUK.007.021 Ya ayo mismo na ora, janafanjomlo megae ni y manmalango yan y mangaechetnotsija yan espiritun manaelaye; yan megae na manbachet ninafanmanlie.

7:22b.LUK.007.022 Ya maninepe as Jesus ya ilegña nu sija: Janao yan sangane si Juan ni y liniimiyo yan y jiningogmiyo; sa y manbachet manmanlie, ya y mangojo manmamocat, ya y manategtog mangasgas, ya y mananga manmanjungog, y manmatae manafangajulo, ya umapredica y ibangelio gui mamobble.

7:23b.LUK.007.023 Ya dichoso ayo y ti sumosoda y lugat para umatompo guiya guajo.

7:24b.LUK.007.024 N 7 24 45360 ¶ Ya anae manmapos y mantinago as Juan, jatutujon cumuentuse y taotao sija pot si Juan: Jafa injanagüe jamyo para inlie gui desierto? un piao ni y yinengyong ni y manglo?

7:25b.LUK.007.025 Lao jafa injanagüe jamyo para inlie? un taotao na puru suabe magaguña? Estagüe, ayo sija y manminagagago ni y malagno magago yan manlalâlâ gui guinatbo, gui palasyon y ray nae mañasaga.

7:26b.LUK.007.026 Lao jafa injanagüe para inlie? un profeta? magajet, jusangane jamyo na mas que un profeta.

7:27b.LUK.007.027 Este yuje y esta matugue: Estagüe na jatago y tentagojo gui menan matamo, ni para ufamauleg y chalanmo gui menamo.

7:28b.LUK.007.028 Jusangane jamyo, na entre ayo sija y manmafañago gui famalaoan, taya dangculoña qui si Juan; lao y diquiqueja gui raenon Yuus dangculoña qui güiya.

7:29b.LUK.007.029 Ya todo y taotao anae majungog güe, yan y publicano sija, jajustifica si Yuus ya manmatagpange ni y tinagpangen Juan.

7:30b.LUK.007.030 Lao y Fariseo yan y manmagas y lay, jarechasa y consejon Yuus contra sijaja; sa ti manmatagpange pot güiya.

7:31b.LUK.007.031 Ya ilegña: Jafa nae juacompara y taotao este na generasion? ya jafa parejonñija?

7:32b.LUK.007.032 Manparejo yan y famaguon ni manmatatachong gui plasa ya manaagang uno yan otro ya ilegñija: Indadane jamyo flauta, y ti manbaela jamyo, manuugonge jamyo, ya ti manatanges jamyo.

7:33b.LUK.007.033 Sa mato si Juan Bautista ni uchocho pan ni uguimen bino, ya ilelegmiyo: Guaja anitiña.

7:34b.LUK.007.034 Mato y Lajin taotao, ya chumocho yan gumimen, ya ilelegmiyo: Estagüe, un taotao na gachumocho yan gagumimen bino, yan amigon y publicano sija, yan y manisao.

7:35b.LUK.007.035 Lao y tiningo manacabales ni y todo famaguonña.

7:36b.LUK.007.036 N 7 36 45480 ¶ Ya malago uno gui Fariseo sija na ufañija mañocho. Ya jumalom gui guima y Fariseo ya matachong gui lamasa.

7:37b.LUK.007.037 Ya estagüe, un palaoan gui siuda, na miisao, ya anae jatungo na gaegue si Jesus matatachong gui lamasa gui guima y Fariseo, mañule un boteyan alabastro na ingüente.

7:38b.LUK.007.038 Ya tumojgue gui taten Jesus, ya cumasao; ya jatutujon munafotgon ni lagoña y adeng Jesus, ya jasaosao ni y gapuniluña; ya jachichico y adengña ya japapalae ni y inggüente.

7:39b.LUK.007.039 Ya anae jalie este y Fariseo ni y umagange güe, cumuentos gui sumanjalomña, ilelegña: Este na taotao yaguin profeta güe, jatungo jafa este na palaoan y pumapacha güe sa güiya miisao.

7:40b.LUK.007.040 Ya manope si Jesus ya ilegña nu güiya: Simon, guaja para jasangane jao. Ya güiya ilegña: Sangan Maestro.

7:41b.LUK.007.041 Un taotao guaja dos dumídibe: ya y uno mandidibe quinientos monedan denario, ya y otro sincuenta.

7:42b.LUK.007.042 Ya anae taya apasñija, inasie todo y dos. Enao mina, jaye guiya sija mas güinaeya?

7:43b.LUK.007.043 Manope si Simon, ya ilegña: Y pineloco na ayo y mas maasie; ya güiya ilegña: Tunas jinisgamo.

7:44b.LUK.007.044 Ya jabira güe guato gui palaoan, ya ilegña as Simon: Unlilie este na palaoan? Jumalomyo gui guimamo, ti unnaeyo janom para y adengjo; lao este janafotgon y adengjo ni lagoña, ya jasaosao ni y gapuniluña.

7:45b.LUK.007.045 Jago ti unnaeyo un chico: lao este na palaoan desde que jumalomyo ti pumapara jachico y adengjo.

7:46b.LUK.007.046 Ti unpalae y ilujo ni laña, lao este japalae y adengjom inggüente.

7:47b.LUK.007.047 Enao mina jusangane jao, na y isaoña, ni y megae, umaasie; sa güiya megae maguaeyaña; lao y didide maasiiña, didide maguaeyaña.

7:48b.LUK.007.048 Ya ilegña nu güiya: Y isaomo maasie.

7:49b.LUK.007.049 Ya y mangachochongña manmatachong gui lamasa, jatutujon sumangan gui sumanjalomñija: Jaye este na ufanasie locue isao?

7:50b.LUK.007.050 Ya ilegña ni palaoan: Y jinengguemo unsinatba; janao yan pas.

8

8:1b.LUK.008.001 YA susede un rato despues na jajanaogüe y siuda sija yan y sengsong sija manpredidica, yan numanafanungo nu y ibangelion y raenon Yuus; ya mañisija yan y dose,

8:2b.LUK.008.002 Ya palo sija famalaoan ni guinin nanafanmagong ni manaelayen espiritu yan y chetnot sija; si Maria ni mafanaan magdalena ni jumuyong guiya güiya siete na manganite,

8:3b.LUK.008.003 Ya si Juana, asaguan Chusa, mayetdomon Herodes; yan si Susana yan megae ni pumalo ni jasesetbe ni güinajañija:

8:4b.LUK.008.004 N 8 4 45660 ¶ Ya anae mandaña y dangculon linajyan taotao, yan y manestaba cada siuda manmato guiya güiya, jacuentuse pot un acomparasion.

8:5b.LUK.008.005 Un tátanom jumanao para ufananom y semiyaña; ya anae manmananom, palo podong gui oriyan chalan; ya todo magacha, ya manmato sija y pajaro gui langet ya macano.

8:6b.LUK.008.006 Yan palo mamodong gui jilo acho; ya anae lachog, ninamalayo sa ti fofotgon.

8:7b.LUK.008.007 Yan palo mamodong gui jalom tituca; ya mandoco mañija y tituca, ya chiniguit.

8:8b.LUK.008.008 Yan palo mamodong gui mauleg y tano; ya mandoco, ya manogcha siento pot uno. Ya anae esta jasangan estesija umagang: Y gaetalanga para ufanjungog, uecungog.

8:9b.LUK.008.009 N 8 9 45710 ¶ Ya y disipuluña sija mafaesen güe: Jafa este na acomparasion?

8:10b.LUK.008.010 Ya guiya ilegña: Esta manmannae jamyo para intingo y misterion y raenon Yuus lao y pumalo pot acomparasion; para ujaaatanja ya ti ujalie, yan ujaecungogja ya ti ujatungo.

8:11b.LUK.008.011 Pues este ayo na acomparasion: Y semiya y sinangan Yuus.

8:12b.LUK.008.012 Y gui oriyan chalan ayo sija y jagas jumungog; ya despues mato y manganite ya janasuja y sinangan gui corasonñija sa ti mojon ufanmanjonggue ya ufanmasatba.

8:13b.LUK.008.013 Ya y jilo acho, ayo sija y anae jajungog, jaresibe y sinangan nu y minagof; lao estesija manaejale; sa jajonggue un ratoja, lao anae mato tentasion mamodong.

8:14b.LUK.008.014 Ya y pedong gui jalom tituca, este sija y jumungog; ya mientras jumanao gui chalanñija, manchiniguit ni inadajeñiñija, yan y güinaja, yan y minagof tano gui este linâlâ, ya ti jumuyong tinegchañija cabales.

8:15b.LUK.008.015 Lao ayo y mangaegue gui mauleg na tano, este sija na guinin jumungog y sinangan gui corason ni mauleg yan tunas, jamantietiene, ya manogcha yan manpasensia.

8:16b.LUK.008.016 N 8 16 45780 ¶ Ni uno ni mañoñonggue candet, utampe nu y batde pat upolo gui papa catre, lao upolo gui jilo lamasa para y jumajalom ulie y manana.

8:17b.LUK.008.017 Sa taya manaatog ya ti umafatanñaejon; ni gae gui secreto ya ti umatungo, ujuyong gui manana.

8:18b.LUK.008.018 Guesadaje jaftaemano y jiningogmiyo: sa masquesea jaye y guaja, umanae; lao masquesea jaye y taya, unajanao ayo y pineloña na uguaja.

8:19b.LUK.008.019 N 8 19 45810 ¶ Ayonae manmato guiya güiya si nanaña yan y mañeluña, lao tisiña manlatguato guiya güiya pot y linajyan taotao.

8:20b.LUK.008.020 Ya masangane, ilegñija nu güiya: Si nanamo yan y mañelumo manmatotojgue gui sanjiyong na manmalago na unmalie.

8:21b.LUK.008.021 Ya manope ya ilegña nu sija: Y nanajo yan y mañelujo, ayosija y jumungog y sinangan Yuus ya jafatinas.

8:22b.LUK.008.022 N 8 22 45840 ¶ Ya susede y uno gui ayosija jaane nae, na jumalom gui un batco, güiya yan y disipoluña sija; ya ilegña nu sija: Nije tafanjanao y otro banda jagoe; ya manjanao.

8:23b.LUK.008.023 Ya anae mumamayama sija, güiya maego; ya manguaefe un dangculon, pagyo y manglo gui jagoe; ya bula y batco janom ya mangaegue sija gui peligro.

8:24b.LUK.008.024 Ya manmato guiya güiya, ya mapangon, ilegñija: Maestro, maestro, tafanmalingo. Ya magmata, ya jalalatde y manglo yan y chaochao y janom; ya pumara, ya jumuyong malinao.

8:25b.LUK.008.025 Ya ilegña nu sija: Mano nae gaegue jinengguenmiyo? Ya sija manmaañao ya ninafanmanman, ilegñija uno yan otro: Jaye este, na asta y manglo yan y janom jatago ya maoosgueja?

8:26b.LUK.008.026 N 8 26 45880 ¶ Ya manmato asta, y tano y taotao Gadara sija, ni gaegue gui sanmenan y Galilea.

8:27b.LUK.008.027 Ya anae jumanao para y tano, umasoda yan un taotao gui jiyong y siuda na gaemanganite; ya apmam na tiempo ti minagagago ni usaga gui guima, na y naftanja.

8:28b.LUK.008.028 Ya anae jalie si Jesus, umagang, ya jatombagüe gui menaña ya ilegña ni dangculo na inagang: Para jafayo nu jago Jesus, Lajin Yuus Gueftaquilo? Jusuplica jao na chamoyo sumasapet.

8:29b.LUK.008.029 Sa jatago y espiritun áplacha na ufanjanao gui taotao; sa apmam na tiempo na maguot güe: mamantiene güe preso ya magode nu y cadena yan tale sija; ya jayamag y guinede ya quinene ni y manganite asta y desierto sija.

8:30b.LUK.008.030 Ya finaesen as Jesus: Jaye naanmo? Ya güiya ilegña: Linajyan; sa megae na manganite manjalom guiya güiya.

8:31b.LUK.008.031 Ya masuplica güe na chaña tumatago na ufanjanao para y tadong na joyo.

8:32b.LUK.008.032 Ya estaba güije un inetnon babue na lajyan na mañochocho gui jalom tano: ya masuplica güe na ufanpinelo ya ufanjalom güije sija. Ya manpinelo.

8:33b.LUK.008.033 Ya anae manjuyong y manganite gui taotao, manjalom gui babue ya y inetnon manmanunugo sajyao guato gui un didog gui jagoe ya manmatmos.

8:34b.LUK.008.034 Ya ayo sija munafañochocho y babue anae jalie y mafatinas, manmapos ya jasangane y taotao siuda yan gui fangualuan.

8:35b.LUK.008.035 Ya manjanao para ujalie y mafatinas; ya manmato gui as Jesus; ya masoda y taotao ni anae guinin jumuyong y manganite, na minagagago ya guaja jinasoña cabales, ya matatachong gui adeng Jesus; ya ninafanmaañao.

8:36b.LUK.008.036 Ya mansinangane ni lumie, jafa taemano manamagongña ayo y guinin jinatme manganite.

8:37b.LUK.008.037 N 8 37 45990 ¶ Ayonae todo y taotao gui tano y Gadarenos yan todo y oriyan, magagao na ujanao guiya sija; sa mansenmaañao; ya güiya cajulo gui batco ya tumalo tate.

8:38b.LUK.008.038 Lao ayo na taotao anae guinun manjuyong y manganite, siniplica güe para usaga guiya güiya; lao janajanao ya ilegña:

8:39b.LUK.008.039 Talo guato guiya jamyo ya unfañangane jaftaemano na dangculon güinaja finatinasña si Yuus nu jago. Ya guiña jumanao, ya jasanganñaejon todo gui siuda jaftaemano finatinasña si Jesus nu güiya.

8:40b.LUK.008.040 N 8 40 46020 ¶ Ya anae tumalo guato si Jesus maresibe ni y linajyan taotao sija ya mangosmagof; sa todoja numananggaja.

8:41b.LUK.008.041 Ya estagüe, un taotao na y naanña si Jairo, ya güiya locue magas y sinagoga; mato ya jatombagüe papa gui adeng Jesus, ya jagagao na ujalom gui guimaña.

8:42b.LUK.008.042 Sa guaja unoja jagaña na esta guaja dose años, ya estaba jijot na umatae. Ya anae jumanao maapupura güe ni linajyan taotao sija.

8:43b.LUK.008.043 N 8 43 46050 ¶ Ya un palaoan na numanajuyong jâgâ esta dose años, esta jalachae gumasta todo y güinajaña ni jaapaseñaejon medico, lao taya siña munamagong,

8:44b.LUK.008.044 Mato gui tateña ya japacha y madoblan magaguña, ya enseguidas esta bumasta y jâgâña.

8:45b.LUK.008.045 Ayonae si Jesus ilegña: Jayeyo pumacha? Lao anae todos japune ilegña si Pedro yan y mangachongña: Maestro, y linajyan taotao umanoriya jao yan machichiguit jao,

8:46b.LUK.008.046 Lao si Jesus ilegña: Guajayo pumacha; sa guajo jutungo na guaja ninasiña jumuyong guiya guajo.

8:47b.LUK.008.047 Ayonae y palaoan anae jalie na ti siña janaatog, mato ya manlalaolao, ya jatombagüe gui menaña, ya jasangan gui menan y taotao sija todos, pot jafa na japacha, yan jaftaemano na ninajomlo enseguidas.

8:48b.LUK.008.048 Ya ilegña nu güiya: Hija, y jinengguemo unninajomlo; janao ya upas.

8:49b.LUK.008.049 N 8 49 46110 ¶ Ya mientras cumuecuentos, mato uno ni taotao y magas y sinagoga ya ilegña: Y jagamo matae, chamo umestototba y Maestro.

8:50b.LUK.008.050 Ya anae jajungog si Jesus manopegüe: Chamo maaañao; jonggueja sa güiya ujomlo.

8:51b.LUK.008.051 Ya anae mato gui guima, taya japolo na ujalom yan güiya na si Pedro, si Juan, yan si Santiago, yan y tatan y patgon, yan y nanaña.

8:52b.LUK.008.052 Ya todos mangacasao, yan malamementagüe; lao ilegña: Chamiyo fangacasao; sa ti matae, lao mamaego.

8:53b.LUK.008.053 Ya macháchatgue güe, sa matungoja na esta matae.

8:54b.LUK.008.054 Lao güiya jamantiene y canaeña ya jaagang ilegña: Patgon palaoan, cajulo.

8:55b.LUK.008.055 Ya mato y espirituña talo, ya enseguidas cajulo; ya manago na umanachocho.

8:56b.LUK.008.056 Ya ninafanmanman y mañaenaña: lao jaencatga na chañija sumangangane ni un taotao jafa y mafatinas.

9

9:1b.LUK.009.001 YA jaagang ya mandaña y dose disipuluña ya janae ninasiña gui jilo y manganite todo, yan para ufanmanamte nu y chetnot sija.

9:2b.LUK.009.002 Ya jatago na ujapredica y raenon Yuus, yan unafanjomlo y manmalango.

9:3b.LUK.009.003 Ya ilegña nu sija: Chamiyo fanmañuñule ni jafa para y chalan, ni baston, ni botsa, ni pan, ni salape; ni infangaemagago dos.

9:4b.LUK.009.004 Ya cuatquiera na guma nae manjalom jamyo, fañaga güije asta que manjanao jamyo.

9:5b.LUK.009.005 Ya todo ayo sija y ti rumesibe jamyo, anae manjanao jamyo güije na siuda, sacude y petbos gui adengmiyo para testimonio contra sija.

9:6b.LUK.009.006 Ya manjanao sija, ya manmalofan sija gui sengsong, mapredidica y ibangelio, yan mannanajomlo gui todo y lugat.

9:7b.LUK.009.007 Lao si Herodes tetrarca jajungog masangan este sija na finatinas, ya estaba guefinestotba ni y sinañgan palo na si Juan esta cumajulo guinin manmatae.

9:8b.LUK.009.008 Ya y pumalo ilegñija: Si Elias jumuyong talo; ya otros umalog; na uno gui manamco na profeta lâlâ talo.

9:9b.LUK.009.009 Ya ilegña si Herodes: Si Juan guajo dumegüeya; ya jaye este nae jujungog sija na güinaja? Ya japrocura lumie güe.

9:10b.LUK.009.010 N 9 10 46280 ¶ Ya anae manalo guato y apostoles sija, masangane güe todo ni y finatinasñija. Ya jacone sija ya mañuja asta un banda, gui un siuda ni mafanaan Betsaida.

9:11b.LUK.009.011 Ya anae esta matungo ni y linajyan taotao sija, madálalag güe; ya güiya jaresibe, ya jasangane ni y raenon Yuus; ya janafanjomlo y numesesita manmaamte.

9:12b.LUK.009.012 Ya y jaane jatutujon pumuenge; ya mafatoigüe nu y dose ya ilegñija nu güiya: Nafanjanao, y linajyan taotao, para ufanjanao asta y sengsong yan y fangualuan gui oriya, ya ufañaga ya ufanmanaligao nañija; sa mangaeguejit güine gui desierto na lugat.

9:13b.LUK.009.013 Ya ilegña nu sija: Jamyo innafañocho. Ya ilegñija: Taya guajata na sincoja na pan yan dos güijan, patsino nije tafanjanao tafanmamajan nengcano para todo este sija na taotao.

9:14b.LUK.009.014 Ya guaja buente sinco mit na taotao. Ya ilegña ni disipuluña: Nafanmatachong pot compania, cada compania sincuenta.

9:15b.LUK.009.015 Ya taegüije mafatinas, ya mannafamatachong todos.

9:16b.LUK.009.016 Ya jachule y sinco na pan yan y dos güijan, ya jaatan julo y langet ya jabendise ya jaipe; ya janae y disipoluña para upolo gui menan y linajyan taotao.

9:17b.LUK.009.017 Ya mañocho ya manjaspog todos; ya esta majatsa y sebla y pedaso sija, dose canastra.

9:18b.LUK.009.018 N 9 18 46360 ¶ Ya susede, anae mananaetae güiyaja namaesa, estabaja mangaegue guiya güiya y disipuluña, ya jafaesensija, ilegña: Jaye ilegñiñija y taotao nu guajo?

9:19b.LUK.009.019 Ya sija manmanope ya ilegñija: Si Juan Bautista; lao guaja umalog: Si Elias; yan palo umalog na uno gui manamco na profeta lâlâ talo.

9:20b.LUK.009.020 Ya ilegña nu sija: Lao jamyo, jaye ilegmimiyo nu guajo? Ya manope si Simon Pedro ya ilegña: Si Cristo, gui as Yuus.

9:21b.LUK.009.021 Ya manguenesencatga sija ya jatago na chañija sumangangane ni jaye nu este;

9:22b.LUK.009.022 Ilegña: Y Lajin taotao nesesita ufamadese megae, ya umarechasa ni y manamco sija, yan y manmagas y mamale yan y escriba sija, ya umapuno ya umanacajulo gui mina tres na jaane.

9:23b.LUK.009.023 Ya ilegña nu sija todos: Yaguin guaja y malago tumatiyego, upunenaesa güe, ya uchule y quiluusña cada jaane ya udalalagyo.

9:24b.LUK.009.024 Sa masqueseaja jaye y malago na usatba y linâlâña, ufinalingaeguan; ya masquesea jaye y malingo y linâlâña pot y naanjo, güiya usatba.

9:25b.LUK.009.025 Sa jafa probechoña y taotao yaguin jagana todo y tano, ya güiya unafalingo maesa güe pat uyulang maesa gue?

9:26b.LUK.009.026 Sa masqueseaja jaye pot y mamajlao guajo yan pot y sinanganjo, mamajlao locue nu este y Lajin taotao, yaguin mato gui minalagña yan y minalag tata yan y mañantos na angjet sija.

9:27b.LUK.009.027 Lao magajet jusangane jamyo: Na guaja palo gui mangaegue güine, na ti uchague y finatae asta que ujalie y raenon Yuus.

9:28b.LUK.009.028 N 9 28 46460 ¶ Ya susede mina ocho na jaane, despues di estesija na sinangan, jacone mañija yan Pedro, yan si Juan, yan si Santiago, ya cajulo gui egso ni taquilo para ufanaetae.

9:29b.LUK.009.029 Ya mientras mananaetae güe, y jechuran mataña tolaeca; ya y magaguña jumuyong apaca ya malag.

9:30b.LUK.009.030 Ya, estagüe, dos taotao na cumuecuentos yan güiya; ya si Moises, yan Elias,

9:31b.LUK.009.031 Ya manjuyong yan y minalagñija, ya manguecuentos pot y jinanaoña, na para ucumple guiya Jerusalem.

9:32b.LUK.009.032 Lao si Pedro yan y mangachogña, mansenmatujog; ya anae manmagmata, malie y minalagña yan ayo na dos taotao ni mangachongña.

9:33b.LUK.009.033 Ya susede, mientras sumusuja sija guiya güiya, si Pedro ilegña as Jesus: Maestro, maulegñaja tafañaga güine; ya nije tafanmamatinas tres na tabetnaculo; uno para jago, uno para si Moises, yan uno para si Elias; ti jatungo jafa jasasangan.

9:34b.LUK.009.034 Ya mientras jasasangan este, mato un mapagajes ya mantinampe; ya ninafanguefmaañao anae manjalom gui mapagajes.

9:35b.LUK.009.035 Ya mato un inagang gui mapagajes na ilegña: Este y lajijo, inayigco; ecungog güe.

9:36b.LUK.009.036 Ya anae malofan ayo na inagang, esta masoda si Jesucristo güigüiyaja namaesa; ya sija manmamatquiloja, ya güije sija na jaane, taya jasangane ni jaye pot y liniiñija.

9:37b.LUK.009.037 N 9 37 46550 ¶ Ya susede inagpaña güije na jaane, anae manunog guinin y egso, ya y dangculon linajyan taotao masoda güe.

9:38b.LUK.009.038 Ya, estagüe, un taotao gui entalo y linajyan, na umagang ilegña: Maestro jutayuyut jao na unlie y lajijo; sa y unoja patgonjo:

9:39b.LUK.009.039 Sa, estagüe, un espiritu na quinene, ya enseguidas umagang; ya ninalaolao güe ya numanajuyong buo, ya aapmam na pinadese na sumuja guiya güiya, na ninalalamenja,

9:40b.LUK.009.040 Ya guinin jutayuyut y disipulumo na ujayute juyong; ya ti manasiña.

9:41b.LUK.009.041 Ya manope si Jesus ya ilegña: O generasion na ti manjonggue, yan manchatpayon! asta ngaean nae utafanjijita, ya jujasusungon jamyo? conieyo fan mague ni y lajimo.

9:42b.LUK.009.042 Lao anae mámamamaela, y anite yinite papa ya guefninalaolao. Lao si Jesus jalalatde y espiritun áplacha ya janajomlo y patgon ya janatalo guato as tataña.

9:43b.LUK.009.043 Ya todos ninafanman nu y minagas Yuus, lao mientras manmamanman todos pot todo estesija ni y jafatinas, ilegña ni disipuluña;

9:44b.LUK.009.044 Polo ya utatcalon gui talanganmiyo este sija na sinangan: sa umaentrega y Lajin taotao gui canae taotao sija.

9:45b.LUK.009.045 Lao sija ti jatungo este na sinangan, ya manafaninatogüe para chañija tumutungo: ya manmaañao mafaesen güe ni ayo na sinangan.

9:46b.LUK.009.046 N 9 46 46640 ¶ Ya jumuyong manafaesen entre sija, jaye guiya sija udangculoña.

9:47b.LUK.009.047 Lao si Jesus anae jaliija y jinason y corasonñija, jacone un patgon ya japolo gui bandaña,

9:48b.LUK.009.048 Ya ilegña nu sija: Jaye y rumesibe este na patgon pot naanjo jaresibeyo; ya y rumesibeyo, jaresibe y tumagoyo; sa jaye y mas diquique guiya jamyo, ayo dangculo.

9:49b.LUK.009.049 N 9 49 46670 ¶ Ya manope si Juan ya ilegña: Maestro inlie uno na manyuyute juyong y manganite pot y naanmo; ya inchema sa ti jadadalalagjit.

9:50b.LUK.009.050 Ya ilegña si Jesus ni sija; chamiyo chumochoma, sa ayo ni ti contra jamyo, guiya para jamyo.

9:51b.LUK.009.051 N 9 51 46690 ¶ Ya susede, anae mato y jaane nae jijot para umaresibe gui sanjilo; janameton y mataña para ujanao para Jerusalem,

9:52b.LUK.009.052 Ya manago tentago sija na ufanmofona gui menaña; ya majanao manjalom gui un songsong Samaritano, para umanalistuye güe güije.

9:53b.LUK.009.053 Ya ti maresibe güe, sa y mataña meton para ujananao para Jerusalem.

9:54b.LUK.009.054 Ya anae malie este ni disipuluña, si Santiago, yan si Juan, ilegñija: Señot, malago jao ya utafanmanago ya utunog guafe guinin y langet, ya ufanlinachae?

9:55b.LUK.009.055 Ayonae jabira güe ya manlinalatde.

9:56b.LUK.009.056 Ya manjanao para y otro songsong.

9:57b.LUK.009.057 N 9 57 46750 ¶ Ya anae manjajanao sija, un taotao ilegña nu güiya gui chalan: Señot, bae judalalagjao manoja y unjanao guato.

9:58b.LUK.009.058 Ya ilegña si Jesus nu güiya: Y sora sija mangaeliyang, ya y pajaro sija gui langet mangaechenchon; lao y Lajin taotao taya sangaña ni anae para upolo y iluña.

9:59b.LUK.009.059 Ya ilegña ni otro: Dalalagyo. Ya güiya ilegña; Señot, sottayo naya ya finenana jujanao ya jujafot si tatamo.

9:60b.LUK.009.060 Lao ilegña nu güiya: Polo y manmatae ya ufanajafot y manmataeñija; lao jago janao ya unpredica y raenon Yuus.

9:61b.LUK.009.061 Ya ilegña locue otro; judalalagja jao Señot; lao sottayo naya ya judespideyo ni y mangaegue guiya jame.

9:62b.LUK.009.062 Ya ilegña si Jesus: Ni uno ni pumopolo y canae gui alado ya uatan tateña ni y digno para y raenon Yuus.

10

10:1b.LUK.010.001 ANAE munjayan este sija na güinaja, jaayig y Señot otro setenta, ya jatago dos en dos gui menaña para todo y siuda yan ayo na lugat anae para ufato güe.

10:2b.LUK.010.002 Ya ilegña nu sija: Y cosecha megae, lao y manmachochocho didide; enaomina gagao y Señot y cosecha, ya ufanago ni manmachochocho para y cosechaña.

10:3b.LUK.010.003 Fanjanao gui chalanmiyo; estagüe na jutago jamyo taegüije quinilo gui entalo y lobo sija.

10:4b.LUK.010.004 Chamiyo fanmañuñule botsa ni maleta, ni sapatos: ni jaye insaluda gui jinanaonmiyo.

10:5b.LUK.010.005 Masqueseaja mano na guma nae manjalom jamyo, finenana in alog: Pas para este na guma.

10:6b.LUK.010.006 Yaguin guaja güije patgon y pas, y pasmiyo usaga guiya güiya; yaguin taya, utalo guato guiya jamyo.

10:7b.LUK.010.007 Fañaga güije na guma, fañocho yan infanguimen todo y manmanaenmiyo; sa y machochoeho ufanmerese nu y apasña. Chamiyo fanjajanao guma pot guma.

10:8b.LUK.010.008 Ya masquesea mano na siuda nae manjalom jamyo, ya manmaresibe jamyo, cano jafa y manmasajyane jamyo.

10:9b.LUK.010.009 Ya nafanjomlo y manmalango ni guaja güije, ya inalog nu sija: y raenon Yuus esta mato guiya jamyo.

10:10b.LUK.010.010 Lao masqueseaja mano na suida nae manjalom jamyo, ya ti manmaresibe jamyo, fanjanao gui cayeñija, ya inalog:

10:11b.LUK.010.011 Asta y petbos ni jachetune y adengmame güine gui siudanmiyo, insacude contra jamyo; lao tingo este na y raenon Yuus mato jijot guiya jamyo.

10:12b.LUK.010.012 Ya jusangane jamyo: mas sungunon Sodoma güije na jaane qui ayo na siuda.

10:13b.LUK.010.013 Ay! ay! jao Corasin: ay! ay! jao Betsaida! sa yaguin guiya Tiro yan Sidon nae manmafatinas este sija na mannamanman y manmafatinas guiya jamyo, jagas sen amco manmañotsot, infanmatachong gui silisio yan y apo.

10:14b.LUK.010.014 Enaomina mas sungunon Tiro yan Sidon qui para jamyo gui jaanin y sentensia.

10:15b.LUK.010.015 Ya jago Capernaum, unacajulo jao asta y langet? umachule papa asta sasalaguan.

10:16b.LUK.010.016 Y jumungog jamyo, jajungogyo; ya y dumesecha jamyo, jadesechayo; ya y dumesechayo, jadesecha y tumagoyo.

10:17b.LUK.010.017 N 10 17 46970 ¶ Ya manalo guato y setenta yan y minagofñija, ya ilegñija: Señot, asta y manganite insujejeta pot y naanmo.

10:18b.LUK.010.018 Ya ilegña nu sija: Julie si Satanas taegüije y lamlam ni y pedong guinin y langet.

10:19b.LUK.010.019 Estagüe, na junae jamyo ninasiña para ingacha y culebla, yan y alacran, yan y jilo todo y ninasiñan y enemigo, ya taya siña munafanlamen jamyo.

10:20b.LUK.010.020 Lao chamiyo ninafanmamagof pot este, pot y espiritu sija ni insujejeta; lao fanmagof jamyo pot y naanmiyo ni esta matugue gui langet.

10:21b.LUK.010.021 N 10 21 47010 ¶ Ya ayoja na ora magof si Jesus gui Espiritu Santo ya ilegña: Junae jao grasia, O Tata, Señot y langet yan y tano, sa unana este sija na güinaja gui manmejnalom yan manmanungo, ya unfanue gui mandiquique; junggan Tata, sa taegüine nae senmagof gui menamo.

10:22b.LUK.010.022 Todo y güinaja sija jagasja jaentregayo y Tatajo; ya taya tumungo jaye y Lajiña, na y Tataja; ya jaye y Tata, na y Lajiñaja, yan ayo y minalago y lajiña ufinanue.

10:23b.LUK.010.023 Ya jabiragüe guato gui disipulo sija, ya ilegña: Mandichoso y atadog ni manmanlie nu estesija ni y liniinmiyo:

10:24b.LUK.010.024 Sa jusangane jamyo, na megae na profeta yan ray sija, dumesesea na ulie nu estesija ni y liniinmiyo, ya ti malie; yan ujajungog nu estesija ni y jiningogmiyo ya ti jajungog.

10:25b.LUK.010.025 N 10 25 47050 ¶ Ya, estagüe, un magas y lay na tumojgue julo ya tinietientagüe, ya ilegña: Maestro, jafa jufatinas para juereda y taejinecog na linâlâ?

10:26b.LUK.010.026 Ya ilegña nu güiya: Jafa matugue gui tinago? jafa untataetae?

10:27b.LUK.010.027 Ya güiya manope, ilegña: Guaeya y Señot Yuosmo contodo gui corasonmo, yan contodo y antimo, yan contodo y minetgotmo, yan contodo y tiningomo; yan y tiguangmo taegüije iya jago namaesa.

10:28b.LUK.010.028 Ya ilegña nu güiya: Mauleg inepemo: fatinas este, ya unlâlâ.

10:29b.LUK.010.029 Lao güiya, malago na unatunas maesa güe, ilegña as Jesus: Ya jaye tiguangjo?

10:30b.LUK.010.030 Ya inepe as Jesus ya ilegña: Un taotao tumunog guinin Jerusalem asta Jerico, ya podong gui entalo y manaque; y machule y magaguña ya manachetnudan güe, ya manjanao ya mapolo cana matae.

10:31b.LUK.010.031 Ya susede na un pale tumunog güijeja na chalan; ya anae jalie malofanja gui otro banda.

10:32b.LUK.010.032 Taegüijeja locue un Lebita, anae mato jijot güije na lugat, ya jaatanja, ya malofanja gui otro banda.

10:33b.LUK.010.033 Ya un Samaritano, anae jumajanao güije na chalan, mato lugat nae gaegue güe, ya anae jalie, ninamaase,

10:34b.LUK.010.034 Ya mato guato guiya güiya jabee y chetnot sija ya janaye laña yan bino; ya janamaudae gui gaña gâgâ, ya jacone asta y guima publico ya jaadaje.

10:35b.LUK.010.035 Ya y inagpaña güije anae para ujanao jachule dos denarion salape ya janae y magas y guima, ya ilegña nu güiya: Guesadaje güe; ya todo y palo na gastomo despues, yaguin tumaloyo mague, juapase jao.

10:36b.LUK.010.036 Ya jaye y tiguang entre y tres, pot ayo y pedong gui entalo y manaque?

10:37b.LUK.010.037 Ya güiya ilegña: Ayo y maase nu güiya. Ayonae ilegña Janao ya unfatinas locue taegüije.

10:38b.LUK.010.038 N 10 38 47180 ¶ Ya anae jumajanao, jumalom gui un songsong; ya un palaoan na y naanña si Marta rinesibegüe gui guimaña.

10:39b.LUK.010.039 Ya guaja uno cheluña palaoan na y naanña si Maria, na locue matatachongja gui adeng Jesus, ya jaecungogja y sinanganña.

10:40b.LUK.010.040 Lao si Marta esta inestotba pot megae sinetbeña, ya mato guiya güiya, ya ilegña: Señot, ada ti unlie y chelujo na upaloyo ya jufañeñetbeja na maesa? Tago ya uayudayo.

10:41b.LUK.010.041 Ya inepe as Jesus ilegña nu güiya: Marta, Marta, esta jago inestotba ya guesmanadaje jao, pot megae na güinaja:

10:42b.LUK.010.042 Lao unoja manesesita; ya si Maria jaayig ayo mauleg na patte ni ti umachule guiya güiya.

11

11:1b.LUK.011.001 YA susede anae mananaetae güe gui un lugat, ya magpo, uno gui disipuluña ilegña nu güiya: Señot, fanagüejam manmanaetae, taegüije locue as Juan ni jafanagüe y disipuluña!

11:2b.LUK.011.002 Ya ilegña na sija: Yaguin manmanaetae jamyo alog: Tata, Umatuna y naanmo. Umamaela y raenomo,

11:3b.LUK.011.003 Naejam pago cada jaane ni y nengcanomame.

11:4b.LUK.011.004 Ya unasiijam ni isaomame; sa jame locue inasisie todo ayo y dumidibe jam. Ya chamojam pumopolo gui tentasion.

11:5b.LUK.011.005 N 11 5 47270 ¶ Ya ilegña nu sija: Jaye guiya jamyo y gaeamigo uno, ya ufinatoigüe gui tatalopuenge, ya ualog nu güiya: Amigo naayaoyo tres pan;

11:6b.LUK.011.006 Sa un amigojo mato guiya guajo guinin bumiaje, ya taya ni jafa para juplantaye gui menaña;

11:7b.LUK.011.007 Ya ayo y gaegue gui sumanjalom ufanope, ya ualog: Chamo umatbororotayo; sa esta majuchom y petta, ya estagüejam gui cama yan y famaguonjo; ti siñayo cajulo ya junae jao.

11:8b.LUK.011.008 Ya jusangane jamyo: Achogja ti ucajulo ya uninae pot y amiguña: lao pot y magagaoña, ucajulo ya unae jaftaemano y janesesita.

11:9b.LUK.011.009 Ya jusangane jamyo: Gagao, ya infanmanae; aligao ya inseda; yajo, ya infanmababaye.

11:10b.LUK.011.010 Sa jayeja y mangagao uresibe; ya y manaligao usoda; ya y manayajo, umababaye.

11:11b.LUK.011.011 Pat jaye guiya jamyo na tata, yan uguinagao ni y lajiña un pan, ya unnae un acho? pat un güijan ya enbes di güijan unnae culebla?

11:12b.LUK.011.012 Pat yan guinagao un chada, ada unnae un alacran?

11:13b.LUK.011.013 Pues ombre jamyo, ni y manaelaye, intingo numae mauleg na ninae y famaguonmiyo, cuanto mas y Tatanmiyo gui langet unae ni y Espiritu Santo todo ayo y gumagao güe?

11:14b.LUK.011.014 N 11 14 47360 ¶ Ya jayute juyong un anite na udo. Ya susede anae jumuyong este y anite, y ido cumuentos, ya y linajyan taotao sija ninafanmanman.

11:15b.LUK.011.015 Ya palo guiya sija ilegñija: Pot si Beetsebub, ni magas y manganite, na jayuyuteja juyong y manganite sija.

11:16b.LUK.011.016 Lao y pumalo matietientagüe, magagagao un señat gui langet.

11:17b.LUK.011.017 Lao güiya jatungo y jinason ayo sija ya ilegña nu sija: Todo y raeno umadibide contra güiyaja, uyulang; ya y guima umadibide contra guma, upodong.

11:18b.LUK.011.018 Yaguin si Satanas locue madibide contra güiya namaesa, jaftaemano y raenoña sumaga? Sa ilegmiyo na juyuyute juyong y manganite pot si Beetsebub.

11:19b.LUK.011.019 Lao yaguin junajujuyong y manganite pot si Beetsebub, pot jaye y famaguonmiyo ufanyinite sija juyong? Enaomina sija ufanjues para jamyo.

11:20b.LUK.011.020 Lao yaguin pot y calulot Yuus nae, juyuyute juyong y manganite, magajet na y raenon Yuus mato guiya jamyo.

11:21b.LUK.011.021 Yaguin un taotao ni matatnga, ya jafamauleg y atmasña, ya japulan y guimaña: todo güinajaña, manseguro.

11:22b.LUK.011.022 Lao anae mato otro na matatngaña qui güiya ya inañao, inamot ni atmasña anae jaangoco güe ya jafacae y güinajaña.

11:23b.LUK.011.023 Ayo y ti jumujame, contra guajo yuje; ya ayo y ti rumecocoge guiya guajo machalapon.

11:24b.LUK.011.024 Ya y espiritun áplacha, anae jumuyong gui taotao, jumajanao gui anglo na lugat, manaliligao dinescansa; ya anae ti mañoda, ilegña: Bae talo guato gui guimajo anae jumanaoyo.

11:25b.LUK.011.025 Ya anae mato, jasoda mabale yan maadotna.

11:26b.LUK.011.026 Ya jumanao ya mangone yan güiya otro siete espiritu mas manaelayeña qui güiya, ya jumalom ya sumaga güije: ya taelayeña y uttimoña ayo na taotao qui y finena.

11:27b.LUK.011.027 N 11 27 47490 ¶ Ya susede anae jasangan estesija, un palaoan gui linajyan taotao, umagang ilegña nu güiya: Dichoso ayo na tuyan y chumuchulejao, yan ayo na pecho y anae sumususo jao.

11:28b.LUK.011.028 Lao güiya ilegña: junggan, lao dichosuña ayo y jumungog y sinangan Yuus, ya jaadaje.

11:29b.LUK.011.029 N 11 29 47510 ¶ Ya anae manetnon y linajyan taotao guiya güiya, jatutujon sumangan: Este na generasion manaelaye: manmanaliligao señat; lao ti ufanmannae nu señat mas na ayoja y señat Jonas.

11:30b.LUK.011.030 Sa taegüije si Jonas y señat para y taotao Ninibe taegüijeja locue y Lajin taotao para güine na generasion.

11:31b.LUK.011.031 Y raenan sanjaya cumajulo gui jaanin juisio yan y taotao este na generasion ya manquinendena; sa mato guinin y uttimon y tano para uecungog y minalate Salomon; ya estagüeja uno dangculoña qui si Salomon gaegue guine na lugat.

11:32b.LUK.011.032 Y taotao sija guiya Ninibe, ufangajulo gui jaanin juisio yan este na generasion ya manquinendena; sa manmañotsot pot y prenedican Jonas; ya estagüe uno mas dangculoña qui si Jonas gaegue güine na lugat.

11:33b.LUK.011.033 N 11 33 47550 ¶ Taya ni un taotao munaaatog gui bedega y candet ni esta masonggue, ni upolo gui papa ganta, sino y candelero para todo y manjajalom ujalie y manana.

11:34b.LUK.011.034 Y candet y taotao, y atadog; yaguin y atadogmo sensiyo todo y tataotaomo maninina; lao yaguin taelaye, y tataotaomo locue bula jomjom.

11:35b.LUK.011.035 Atan pues sa y manana ni y gaegue guiya jago, munga jomjom.

11:36b.LUK.011.036 Enao mina yaguin todo y tataotaomo bula manana, ni mano na lugat nae guaja jomjom, cabales na ubula manana, taegüije y yanguin malag ininaña y candet ya inina jao.

11:37b.LUK.011.037 N 11 37 47590 ¶ Ya mientras cumuecuentos, un Fariseo siniplicagüe na usija chumocho, ya jumalom ya matachong gui lamasa.

11:38b.LUK.011.038 Lao y Fariseo ninamanman anae jalie este, pot y ti jafagase güe finena antes di uchocho.

11:39b.LUK.011.039 Ya y Señot ilegña nu güiya: Pago jamyo ni Fariseo, y sumanjiyongja gui copa yan plato innagagasgas, lao y sumanjalommiyo bula inamot an tinaelaye.

11:40b.LUK.011.040 Manaejinaso jamyo, ada ayo y fumatinas gui sumanjiyong, ti güiya locue y fumatinas gui sumanjalom?

11:41b.LUK.011.041 Lao todo y guajanmiyo naenñaejon limosña; ya estagüe na todo ufangasgas para jamyo.

11:42b.LUK.011.042 N 11 42 47640 ¶ Lao ay, ay jamyo Fariseo! ni infanmannae diesmos nu y yetba buena yan laruda yan todo golae; ya innafapos y tininas yan y güinaeyan Yuus. Estesija nesesita infatinas, sin pelo y pumalo.

11:43b.LUK.011.043 Ay, ay jamyo Fariseo! sa ingüaeya etmas manaquilo na tachong gui sinagoga, yan y sinaluda sija gui metcado.

11:44b.LUK.011.044 Ay ay jamyo! sa calang jamyo naftan ni ti malilie; ya y taotao sija manmalolofanja gui sumanjilo ya ti matungo.

11:45b.LUK.011.045 N 11 45 47670 ¶ Ya manope un magas y lay, ilegña nu güiya: Maestro, yaguin unsangan estesija unlatdejam locue.

11:46b.LUK.011.046 Lao güiya ilegña: Ay ay jamyo locue y manmagas y lay! sa innafanmangangatga y taotao sija ni ayo na catga y macat para uchule, ya ni un calolotmiyo innainete para inayuda.

11:47b.LUK.011.047 Ay, ay jamyo! sa infatinas y naftan, y profeta sija, ya y tatanmiyo pumuno.

11:48b.LUK.011.048 Taegüine mantestigo jamyo, ya inconsienteja y checho y tatanmiyo; sa sija magajet pumuno, ya jamyo fumatinas y naftanñija.

11:49b.LUK.011.049 Enaomina ilegña y minalate Yuus: Bae managoyo profeta yan apostoles para sija; ya megae guiya sija inpino yan inpetsigue:

11:50b.LUK.011.050 Sa guinin este na generasion manesesita machule y jâgâ todo y profeta, ni manmachuda desde y tutujon y tano;

11:51b.LUK.011.051 Desde jâgâ Abel, asta y jâgâ Sacharias, ni y matae gui entalo y attat yan y templo; magajet, jusangane jamyo na umanesesita machule guinin este na generasion.

11:52b.LUK.011.052 Ay ay jamyo y manmagas y lay! sa innajanao y yaben tiningo; ya ti infanjalom jamyo yan y mangequejalom inchechema.

11:53b.LUK.011.053 N 11 53 47750 ¶ Ya anae jumuyong güije, y escribas yan y Fariseos sija, matutujon ma afuefuetsas ya macacase para usigue cumuentos megae;

11:54b.LUK.011.054 Maespipia, para umaquechule jafa guinin y pachotña.

12

12:1b.LUK.012.001 YA ayo na tiempo, anae mandaña megae na mit na linajyan taotao, asta managacha uno yan otro; ya jatutujon sumangane y disipuluña sija finenana: Adaje jamyo ni y libaduran y Fariseo sija ni y hipocresia.

12:2b.LUK.012.002 Sa taya na matatampe na ti umababa; pat mananana, na ti umatungo.

12:3b.LUK.012.003 Enaomina jafa guinin sinanganmiyo gui jemjom, umajungog gui manana; ya jafa y incuentuse gui talanga gui jalom aposento, umaagangnaejon gui jilo guma.

12:4b.LUK.012.004 Ya jusangane jamyo ni y amigujo sija: Chamiyo fanmaaañao ni ayo sija y pumuno y tataotao, sa an munjayan ayo, taya jafa siña ujafatinas.

12:5b.LUK.012.005 Lao jusangane jamyo jaye inmaañagüe: Fanmaañao jamyo ni ayo y yanguin munjayan japuno, guaja ninasiñaña na uyute asta sasalaguan: Junggan, jusangañe jamyo: Fanmaañao jamyo nu güiya.

12:6b.LUK.012.006 Ada ti mabende sinco na pajaro, pot dos na octabo? ya ni uno guiya sija mamalefañaejon gui menan Yuus?

12:7b.LUK.012.007 Lao asta y gaponulonmiyo esta manmatufong. Chamiyo fanmaaañao: sa manbaliña jamyo qui y megae pajaro.

12:8b.LUK.012.008 N 12 8 47840 ¶ Ya jusangane jamyo: Jayeja y comonfesatñaejonyo gui menan y taotao sija; uquinenfesatñaejon locue ni y Lajin taotao gui menan y angjet Yuus.

12:9b.LUK.012.009 Lao ayo y pumuneyo gui menan taotao sija, siempre pune güe gui menan y angjet Yuus.

12:10b.LUK.012.010 Ya jayeja y cumuentos contra y Lajin taotao, umaasie; lao y chumatfino contra Espiritu Santo, ti umaasie.

12:11b.LUK.012.011 Ya anae manmacone jamyo gui menan y sinagoga sija, yan y manmagas, yan y gaesisiña, chamiyo madadaje jaftaemano yan jafa para inepe, ni jafa para insangan;

12:12b.LUK.012.012 Sa y Espiritu Santo infanfinanagüe güije na ora jafa para insangan.

12:13b.LUK.012.013 N 12 13 47890 ¶ Ya uno gui linajyan taotao ilegña nu güiya: Maestro, tayo y chelujo ya ufacaeyo ni y erensia.

12:14b.LUK.012.014 Lao ilegña nu güiya: Taotao, jaye pumoloyo gui jilomo para jues, pat para mamacae?

12:15b.LUK.012.015 Ya ilegña nu sija: Atan, ya inguesadaje jamyo ni y linagga: sa y linâlâ y taotao, ti guinin y manadan güinaja sija ni y jasagagaye.

12:16b.LUK.012.016 Ya mansinangane un parabola, ilegña: y fangualuan un taotao na rico, jumujuyong megae na quineco.

12:17b.LUK.012.017 Ya manjaso gui sumanjalomña, ilegña: Jafa jufatinas, sa taya mano nae jupolo y quinecojo.

12:18b.LUK.012.018 Ya ilegña: Este bae jufatinas: bae jujala papa y lanchoco, ya jujatsa y mas dangculo; ya ayo nae jupolo todo y maiisso yan y güinajajo.

12:19b.LUK.012.019 Ya jualog ni y antijo: Ante, megae güinajamo, para megae na sacan; descansa, ya unchocho, yan unguimen, yan unmagof.

12:20b.LUK.012.020 Lao si Yuus ilegña nu güiya: Taejinaso jao! pago na puenge nesesita umachule y antimo: ya para jaye ayo sija na güinaja ni unnaetnon?

12:21b.LUK.012.021 Taegüenaoja y manaetnon y güinaja para güiyaja, ya ti urico para si Yuus.

12:22b.LUK.012.022 N 12 22 47980 ¶ Ya ilegña ni y disipoluña sija: Enaomina jusangane jamyo, Chamiyo madadaje pot y linâlânmiyo, jafa para incano; ni y tataotaonmiyo, jafa para innaminagago.

12:23b.LUK.012.023 Sa y linâlâ mas qui y nengcano, ya y tataotao mas qui y magago.

12:24b.LUK.012.024 Jaso y aga sija, na ti manmanananom, ni ufanmangoco; ni uguaja sagannengcanoñija ni lancho; ya si Yuus janachocho sija; ya cuanto mas manmauleg jamyo qui y pajaro!

12:25b.LUK.012.025 Yan jaye guiya jamyo pot inadaje siña uaumenta un codo y linecaña?

12:26b.LUK.012.026 Yanguin ti siña inchegüe y mas diquique, para jafa inadadaje y pumalo?

12:27b.LUK.012.027 Jaso y lirio sija, jaftaemano mandocoñiñija! ti manmachochocho, ni ufanmanjila; ya jusangane jamyo na si Salomon contodo y minalagña, ti minagago parejo yan uno guiya sija.

12:28b.LUK.012.028 Yanguin si Yuus janafanminagago y chaguan qui fangualuan ni y gaegue pago, ya agupa esta mayute guato gui jetno; ti mas magajet na inninafanminagago jamyo, O jamyo didide na jinenggue?

12:29b.LUK.012.029 Ya chamiyo umaliligao jafa para incano, ni jafa para inguimen, ni infanbuébuente gui jinasonmiyo.

12:30b.LUK.012.030 Sa todo este sija na güinaja manmaaliligao ni y nasion sija gui tano: lao y tatanmiyo jatungoja na innesesita estesija na güinaja.

12:31b.LUK.012.031 Lao aligao finena y raenoña; ya todo este sija na güinaja umanafandaña para jamyo.

12:32b.LUK.012.032 Chamiyo fanmaaañao, jamyo diquique na manada; sa este minagof y tatanmiyo, na infanninae ni y raeno.

12:33b.LUK.012.033 Bende y güinajamo, ya unfannae. limosna; fanmamamauleg botsa ni ti ubijo, un güinaja gui langet na ti ufatta, anae ti usineda ni y saque, ni ti upotliya.

12:34b.LUK.012.034 Sa manoja nae gaegue y güinajamo, ayoja nae gaegue locue y corasonmo.

12:35b.LUK.012.035 N 12 35 48110 ¶ Polo ya esta madudog y senturanmiyo, ya esta masonggue y candet miyo;

12:36b.LUK.012.036 Ya infanparejo yan ayo na taotao sija y jananangga y señotñija, yanguin tumalo guato guinin y guipot umasagua; sa para yanguin mato ya manyajo, umababaye enseguidas.

12:37b.LUK.012.037 Mandichoso ayo sija na tentago, yanguin mato y señot, mansineda manbebela; magajet jusangane jamyo, na ududog güe, ya unafanmatachong para ufañocho, ya ufalag y sumanmena ya usetbe sija.

12:38b.LUK.012.038 Ya yanguin ufato gui segundo na bela ya gui tetsero, ya mansineda sija taegüijeja, mandichoso ayo sija na tentago.

12:39b.LUK.012.039 Este tingo na yanguin y tata gui guima mojon jatungo jafa na ora nae ufato y saque, upulan ya ti upolo na umayulang y guimaña.

12:40b.LUK.012.040 Enaomina nafanlisto jamyo locue, sa ufato y Lajin taotao, güije na ora gui anae ti injajaso.

12:41b.LUK.012.041 N 12 41 48170 ¶ Ayonae ilegña si Pedro: Señot, unsangan este na acomparasion para jame, pat para todos?

12:42b.LUK.012.042 Ya y Señot ilegña: Jaye nae ayo y mauleg yan mejnalom na mayetdomo, ni y ninamagas ni y señotña gui güinajana, para uninanae naña gui tiempoña?

12:43b.LUK.012.043 Dichoso ayo na tentago y yanguin mato y señotña, sineda na jachochogüe taegüije.

12:44b.LUK.012.044 Magajet jusangane jamyo; na uninamagas gui jilo y güinajaña, todo.

12:45b.LUK.012.045 Lao yanguin ayo na tentago y ilegña gui jalom corasonña: Y señotjo caeja mato; ya jatutujon pumanag y famalaoan na tentago, yan y lalaje; ya chumocho, yan gumimen, ya bumolacho;

12:46b.LUK.012.046 Y señot ayo na tentago, ufato güije na jaane gui anae ti jananangga, yan gui ora anae ti jatungo, ya uninasuja, ya uninafandaña y patteña yan y ti manmanjonggue.

12:47b.LUK.012.047 Ya ayo na tentago y jatungo y minalago y señotña; ya ti jalisto güe, ni jafatinas jaftaemano y minalagoña, umasaulag megae.

12:48b.LUK.012.048 Lao ayo y ti jatungo, ya jafatinas digno na umasauleg, lao didide masaulagña. Sa jayeja y megae manaiña, siempre megae uchule, ya jaye y megae catgoña, mas megae magagaoña.

12:49b.LUK.012.049 N 12 49 48250 ¶ Matoyo para juyute y guafe gui jilo tano: ya jafa malagojo yanguin esta todo mañiñila?

12:50b.LUK.012.050 Lao guaja tagpangeco para jumatagpange; ya jafa chachatsagajayo asta qui umacumple!

12:51b.LUK.012.051 Injajaso jamyo na matoyo para junae pas y tano? Jusangane jamyo, na aje; lao mas para inaguaguat.

12:52b.LUK.012.052 Sa desde pago sigue mona, uguaja gui un guma sinco na ti manparejo, y tres contra y dos, ya y dos contra y tres.

12:53b.LUK.012.053 Y tata uaguaguat contra y lajiña, ya y laje contra y tata; ya y nana contra y jagaña, ya y jaga contra y nana; y suegra contra y yetna, ya y yetna contra y suegraña.

12:54b.LUK.012.054 N 12 54 48300 ¶ Ya ilegña locue ni y taotao sija: Yanguin inlilie y mapagajes na cajulo gui sumanlichan, siempre ilelegmiyo: Mamamaela y ichan; ya magajet.

12:55b.LUK.012.055 Ya yanguin manguaefe y manglo sanjaya, ilelegmiyo: Uguaja maepe; ya ufato.

12:56b.LUK.012.056 Manhipocrita jamyo; intingo umegsamina y langet, yan y tano; ya jafa na ti intingo umegsamina y tiempo pago?

12:57b.LUK.012.057 Ya jafa na ni jamyo ti injisga jafa y tinas?

12:58b.LUK.012.058 Ya mientras jumanao jao yan y enemigumo para y magas, procura munaquelibre jao gui jinanaomo; na noseaja uninarastra guato gui jues, ya y jues uninentrega gui ofisiat, ya y ofisiat unpinelo gui calaboso.

12:59b.LUK.012.059 Jusangane jao: Ti unjanao juyong güije, asta qui unapase y uttimo na marabidi.

13

13:1b.LUK.013.001 YA mangaegue güije na tiempo taotao sija, ni masangane güe pot y Galileo sija, ni si Pilatos janadaña y jâgâñija yan y inefresenñija.

13:2b.LUK.013.002 Ya si Jesus manope ya ilegña nu sija: Jinasonmiyo na este sija na Galileo, mas manisao qui todo Galileo sija na japadese ayo sija?

13:3b.LUK.013.003 Jusangane jamyo na aje; sa yanguin ti manmañotsot jamyo, manparejoja jamyo manáchamalingo.

13:4b.LUK.013.004 Pat ayo sija y diesiocho ni y podong y tore gui jiloñija guiya Siloe ya manpinino, jinasonmiyo na mas manisao ayo sija qui todo y taotao ni y mañasaga Jerusalem?

13:5b.LUK.013.005 Jusangane jamyo na aje; sa yanguin ti manmañotsot jamyo, manparejoja jamyo manáchamalingo.

13:6b.LUK.013.006 N 13 6 48410 ¶ Ya jasangan este na acomparasion: Un taotao guaja y trongcon igos na matanme gui fangualuanña; ya anae mato para uegaga cao guaja tinegchaña, ti mañoda.

13:7b.LUK.013.007 Ya ilegña ni y lancheruña: Esta guaja tres años ni matoyo güine na trongcon igos, manegagayo tinegcha, ya taya nae mañodayo; utut papa; para jafa na jaocucupa y tano?

13:8b.LUK.013.008 Ya manope ilelegña nu güiya: Señot, polo pago na año ya juguadog y oriyaña, ya junaye estietcot:

13:9b.LUK.013.009 Ya yanguin ufanogcha, mauleg; yanguin aje, siempre, unutut.

13:10b.LUK.013.010 N 13 10 48450 ¶ Ya estaba na mamananagüe gui un sinagoga, gui sabado na jaane.

13:11b.LUK.013.011 Ya estagüe un palaoan, na guaja un espiritun malango guiya güiya esta diesiocho años, ya esta ninaojlo, ya tisiña tumacho.

13:12b.LUK.013.012 Ya anae linie as Jesus, inagang ya ilegña nu güiya: Palaoan, libre jao gui malangumo.

13:13b.LUK.013.013 Ya japolo y canaeña gui jiloña; ya enseguidas ninatunas, ya jaalaba si Yuus.

13:14b.LUK.013.014 Lao y magas sinagoga lalalo sa si Jesus, numanajomlo gui sabado na jaane, ya manope ilegña nu y linajyan taotao sija: Guaja saes na jaane para ufanmachocho y taotao sija: ya este nae mauleg mato para numajomlo; lao ti y sabado na jaane.

13:15b.LUK.013.015 Ayonae inepe ni y Señot, ya ilegña: Hipocrita jamyo, ada ti siña cada uno guiya jamyo upula y gaña guaca, pat asno gui pesebre, ya ucone ya unaguimen gui sabado na jaane?

13:16b.LUK.013.016 Ya ti siña este na palaoan, ni y jagan Abraham, ni guinede as Satanas diesiocho años, manalibre gui magodeña, gui sabado na jaane?

13:17b.LUK.013.017 Ya anae jasangan estesija, todo y enemiguña ninafan mamajlao; ya todo y taotao sija ninafanmagof, pot todo y sennamagof na güinaja ni y machogüe pot güiya.

13:18b.LUK.013.018 N 13 18 48530 ¶ Pot enao ilegña: Jafa parejuña y raenon Yuus? yan jafa nae juacompara?

13:19b.LUK.013.019 Parejo yan y granon y semiyan mustasa, ni y jachule y taotao, ya jatanme gui jalom jardinña; ya docó, ya jumuyong trongcon jayo; ya esta y pajaro sija gui langet mañaga gui ramasña.

13:20b.LUK.013.020 Ya ilegña talo: Jafa nae juacompara y raenon Yuus.

13:21b.LUK.013.021 Parejo yan y libadura, ni jachule un palaoan, ya janaatog gui tres medidan arina, asta qui todo manespongja.

13:22b.LUK.013.022 N 13 22 48570 ¶ Ya jumajanao gin chalaña, malag y siuda sija, yan y sengsong mamananagüe, ya jumajananao para Jerusalem.

13:23b.LUK.013.023 Ya ilegña uno nu güiya: Señot, didide manmasatba? si Jesus ilegña nu sija,

13:24b.LUK.013.024 Guefprocura mangejalom gui maiot na potta; sa jusangane jamyo na megae prumocucura mangejalom, lao ti mansiña.

13:25b.LUK.013.025 Yanguin y magas y guima jayasja cajulo ya jajuchom y petta, ya intitujon jamyo manmanojgue gui sumanjiyong ya inyajo y petta, ya ilegmi miyo: Señot, babayejam: ya ufanope ya ualog nu jamyo: Ti jutungo manguinemano jamyo:

13:26b.LUK.013.026 Ya intitujon umalog: Guinin mañochojam yan manguimenjam gui menamo, yan mamanagüe jam gui cayenmame.

13:27b.LUK.013.027 Lao güiya ualog: Jusangane jamyo, na ti jutungo manguinemano jamyo: fañuja guiya guajo, todos jamyo ni y chumogüe y tinaelaye.

13:28b.LUK.013.028 Ya ayonae uguaja cumasao, yan chegcheg nifen, yanguin inlie si Abraham, yan si Ysaac, yan si Jacob, yan todo y profeta sija, gui raenon Yuus; ya jamyo infanmachoneg juyong.

13:29b.LUK.013.029 Ya ufanmato manguinen y sancatan yan y sanlichan, yan y sanlago yan y sanjaya; ya ufanmatachong gui raenon Yuus.

13:30b.LUK.013.030 Ya estagüe na guaja manuttimo ya ufanfinenana, y guaja manfinenana ya ufanuttimo.

13:31b.LUK.013.031 N 13 31 48660 ¶ Ya ayo na ora, manmato Fariseo sija ya ilegñija nu güiya: Janao ya unsuja güine; sa malago si Herodes na unpinino.

13:32b.LUK.013.032 Ya ilegña nu sija: Janao, sangane ayo na sora, na estagüe, na juyute juyong y anite sija, yan manaamteyo pago na jaane yan agupa, ya y mina tres na jaane ufonjayanyo.

13:33b.LUK.013.033 Lao nesesita jufamocat pago yan agupa yan y inagpaña, sa ti siña na ufalingo y profeta gui Jerusalem.

13:34b.LUK.013.034 O Jerusalem! Jerusalem! ni y unpuno y profeta sija, yan unfagas ni acho ayo sija y manmatago para güiya! cuanto biaje malagoyo na junafandaña y famaguonmo, taegüije y ponidera janafandaña y poyitasña gui papa papaña, ya timalago jamyo!

13:35b.LUK.013.035 Estagüe na manmapoluye jamyo ni y guimanmiyo taetaotao; ya jusangane jamyo: Ti inliiyo, asta qui mato ayo na tiempo anae inalog: Dichoso ayo y mamamaela ni y naan y Señot.

14

14:1b.LUK.014.001 YA susede na anae jumalom gui guima un magas Fariseo, para uchocho pan, gui sabado na jaane, ya sija maespipiaja.

14:2b.LUK.014.002 Ya, estagüe, un taotao gaegue gui menaña na malango binaya.

14:3b.LUK.014.003 Ya manope si Jesus, ya jacuentuse manmagas y lay, yan y Fariseo sija, ilegña: Tunas numajomlo gui sabado na jaane pat aje?

14:4b.LUK.014.004 Ya sija manmamatquiquiloja. Ayonae jacone güe, ya janajomlo, ya jasotta na ujanao.

14:5b.LUK.014.005 Ya jaope sija ilegña: Jaye guiya jamyo, yanguin guaja gaña asno pat guaca, podong gui jalom tupo, ada ti enseguidas ujatsa gui sabado na jaane?

14:6b.LUK.014.006 Ya ti siña talo manmanope ni estesija.

14:7b.LUK.014.007 N 14 7 48770 ¶ Ya jasangan un acomparasion ni y manmaconbida, anae jaatituye ni y jaayig y mas managquilo na tachong gui lamasa; ya ilegña nu sija:

14:8b.LUK.014.008 Yanguin quinenbida jao ni un taotao para y guipot, chamo fatatachong gui mas tagquilo na tachong; sa ufato otro na mas onrao qui jago, ni y quinenbidaña locue;

14:9b.LUK.014.009 Ya ufato y cumonbida jao ya ualog nu jago: Nae este lugat y este taotao; ya ayonae untutujon mumamajlao yanguin sumaga jao gui mas uttimo na lugat.

14:10b.LUK.014.010 Lao yanguin quinenbida jao, janao ya fatachong gui mas tagpapa na lugat; sa yanguin mato y cumonbida jao, ualog nu jago: Amigo, janao falag iya jululo; ya ayonae unguaja inenra gui menan ayo sija y mangachongmo ni y manmatachong gui lamasa.

14:11b.LUK.014.011 Sa jayeja y manataquilo maesa güe, unaumitde güe ya y umunaumitde güe, umanataquilo.

14:12b.LUK.014.012 N 14 12 48820 ¶ Ya ilegña nu ayo y guinin cumonbida güe: Yanguin mamatinas jao nataloane pat sena, chamo umagagange y manamigumo sija, ni y mañelumo, ni y manparientesmo, ni y manrico na tiguangmo; sa noseaja unmaconbida locue talo, ya unmaapase.

14:13b.LUK.014.013 Lao yanguin gumupot jao, agange y mamoble, yan y manmanco yan y mancojo, yan y manbachet;

14:14b.LUK.014.014 Ya undichoso; sa ti siña maapase jao; lao unmaapase gui quinajulo y manunas.

14:15b.LUK.014.015 N 14 15 48850 ¶ Ya anae jajungog este, uno gui mangachongña ni y manmatachong gui lamasa, ilegña nu güiya: Dichoso ayo y uchocho pan gui raenon Yuus.

14:16b.LUK.014.016 Lao ilegña nu güiya: un taotao jafatinas un dangculon sena, ya mangonbida megae:

14:17b.LUK.014.017 Ya jatago y tentagoña gui oran sena, na ualog ni ayo sija y manmaconbida: Nije; sa esta todo listo.

14:18b.LUK.014.018 Ya jatutujon cada uno umescusa güe. Y fenenana ilegña: Mamajanyo un pidason tano, ya nesesitayo jujanao ya julie; jugagao jao na unescusayo.

14:19b.LUK.014.019 Ya y otro ilegña: Mamajanyo sinco pares na nobiyo para mancareta, ya bae jujanao ya juchague: jugagao jao na unescusayo.

14:20b.LUK.014.020 Ya y otro ilegña: Umasaguayo, ya enaomina ti siñayo mato.

14:21b.LUK.014.021 Ya tumalo guato y tentago, ya janatungo y senotña nu este sija. Ayo nae y magas y guima ninagoslalalo, ya ilegña ni y tentagoña: Janao, lasajyao falag y caye sija yan y chalan gui siudad, ya uncone mague y mamoble, yan y mancojo, yan y manbachet, yan y manmanco.

14:22b.LUK.014.022 Ya ilegña y tentago: Señot, esta mafatinas y tinagomo, ya trabia guaguajaja lugat.

14:23b.LUK.014.023 Ya y señot ilegña ni y tentagoña: Janao falag y dangculo na chalan yan y lugat ni y guaja ngangao, ya unafuetsas sija, ya ufanjalom para ubula y guimajo.

14:24b.LUK.014.024 Sa jusangane jamyo, na ni uno güije sija gui guinin manmaconbida, uchague y senajo.

14:25b.LUK.014.025 N 14 25 48950 ¶ Ya mañisija mangaegue yan un dangculon manadan taotao; ya jabira güe, ya ilegña nu sija:

14:26b.LUK.014.026 Achogja un taotao mato guiya guajo, ya ti jachatlie si tataña, yan si nanaña, yan y asaguaña, yan y famaguonña, yan mañeluña lalaje, yan y mañeluña famalaoan, yan y linâlâña locue, ti siñagüe disipulujo.

14:27b.LUK.014.027 Ya jayeja y ti cumatga y quiluusña, ya dumalalag yo; ti siñagüe disipulojo.

14:28b.LUK.014.028 Sa jaye guiya jamyo, ujaso manjatsa un tore, ya ti ufatachong finena ya utufong y para gastoña cao siña uninafunjayan?

14:29b.LUK.014.029 Sa noseaja yanguin esta japolo y simiento, ya ti siña janafunjayan; todo y lumie jatutujon manmanbotlea nu güiya,

14:30b.LUK.014.030 Ylegñija: Este na taotao jatutujon manjatsa, ya ti siña janafunjayan.

14:31b.LUK.014.031 Pat jaye y ray, anae jajanao para uguera contra y otro ray, ti ufatachong finena, ya ufañangane cao siña güe yan y dies mit, utagam y mamamaela yan veinte mit contra güiya?

14:32b.LUK.014.032 Patseno, mientras chachagoja y otro trabia, janajanao un compañia, ya ufangagao pas.

14:33b.LUK.014.033 Taegüenaoja locue; masquesea jaye guiya jamyo y ti rumechasa todo y güinajaña; ti siñagüe disipulujo.

14:34b.LUK.014.034 Y asiga mauleg; lao yanguin malingo y asiga maasenña, jaftaemano manasne?

14:35b.LUK.014.035 Ti mauleg para y tano, ni para fanyútian basula; masenyuteja ni y taotao. Jaye y gaetalanga para ufanjungog, güiya uecungog.

15

15:1b.LUK.015.001 YA manjijijot guato guiya güiya, todo y publicano, yan y manisao, para umaecungog güe.

15:2b.LUK.015.002 Ya mangogonggong y Fariseo sija, yan y escriba ilelegñija: Este na taotao, jaresisibeja y manisao, ya mañisijaja mañocho.

15:3b.LUK.015.003 Ya jasangane sija ni este na acomparasion, ilegña:

15:4b.LUK.015.004 Jaye na taotao guiya jamyo, y yanguin guaja gaña siento na quinilo, ya ufinalingaeguan ni y uno, ada ti ujanao ya udingo y nobentainuebe gui desierto asta qui jasoda ayo y malingo?

15:5b.LUK.015.005 Ya anae jasoda, jaapagaye ya jamagogofgüe.

15:6b.LUK.015.006 Ya anae mato gui guimaña, jaagange todo y manamiguña, yan y tignangña, ya ilelegña nu sija: Nije tafanmagof, sa jagasja jusoda y gajo quinilo ni y guinin malingo.

15:7b.LUK.015.007 Jusangane jamyo, na taegüenaoja locue uguaja gui langet, minagof yanguin un taotao na isao mañotsot, mas qui y nobentainuebe manunas na taotao ni y ti janesesita manmañotsot.

15:8b.LUK.015.008 N 15 8 49130 ¶ Pat, jaye na palaoan, y yanguin uguaja iyoña dies na pidason salape, ya ufinalingaeguan ni y uno; ada ti usonggue y candet ya ubale y jalom guma, ya uguesaligao asta qui usoda?

15:9b.LUK.015.009 Ya yanguin esta jasoda, jaagange y manamigaña, yan y tiguangña ya mandaña, ya ilelegña: Nije tafanmagof, sa jagasja jusoda y pidason salape ni y guinin malingo.

15:10b.LUK.015.010 Taegüenaoja locue jusangane jamyo, na uguaja minagof gui menan y angjet Yuus, pot y un taotao na isao ni y mañotsot.

15:11b.LUK.015.011 N 15 11 49160 ¶ Ya ilegña: Un taotao guaja dos lajiña:

15:12b.LUK.015.012 Ya y mas patgon, ilegña as tataña: Tata, naeyo ni y patteco gui güinaja ni y para guajo. Ya jafacae para sija ni y güinajaña.

15:13b.LUK.015.013 Ya ti megae na jaane malofan, anae y mas patgon janafandaña todo, ya mapos asta y chago na tano; ya jagasta todo y güinajaña güije gui guipot yan bisio di gula.

15:14b.LUK.015.014 Ya anae jagasta todo esta: mato un dangculon ñinalang güije na tano, ya jatutujon taena.

15:15b.LUK.015.015 Ya jumanao, ya jatituye gui un taotao güije na tano: ya tinago para y fangualuanña, para unachocho babue sija.

15:16b.LUK.015.016 Ya jatatanga na unabula tiyanña ni y lasas frijoles ni y jacacano y babue sija; ya taya ni un taotao numanaegüe.

15:17b.LUK.015.017 Ya anae numalo y jinasoña, ilegña: Cuanto na jotnaleron tata, mangaena pan, ya manmañoñobblaja, ya guajo güine jumatae ñalang!

15:18b.LUK.015.018 Bae jucajulo ya jujanao para as tata, ya jualog nu güiya: Tata, umisaoyo contra y langet, yan contra jago,

15:19b.LUK.015.019 Ti dignoyo mas na jumafanaan lajimo: naparejoyo yan y jotnalerumo sija.

15:20b.LUK.015.020 Ya cajulo, ya mapos para as tataña. Lao chagoja trabia, si tataña linie güe, ya ninamaase, ya finalagüe, ya tinegtog, ya chinicogüe.

15:21b.LUK.015.021 Ya y patgon ilegña as tataña: Tata, umisaoyo contra y langet, yan contra jago; ti dignoyo mas na jumafanaan lajimo.

15:22b.LUK.015.022 Lao y tata ilegña ni y tentagoña sija: Chule y mas mauleg na magago ya umanaminagago; ya umapolo y aniyu gui calolotña, yan y sapatos gui adengña:

15:23b.LUK.015.023 Ya umacone mague un tatnero ni y mas yomog, ya umapuno ya tafañocho ya tafanmagof;

15:24b.LUK.015.024 Sa este y lajijo guinin matae, ya lâlâ talo; guinin malingo, ya masoda. Ya jatutujon sija manmagof.

15:25b.LUK.015.025 Ya y lajiña ni y mas amco estaba gui fangualuan; ya anae guaguato ya esta jijot gui guima, jajungog y dandan yan y manbabaila:

15:26b.LUK.015.026 Ya jaagang uno gui tentago sija, ya jafaesen jafa ayo sija.

15:27b.LUK.015.027 Ya ilegña nu güiya: Y chelumo mato; ya si tatamo japuno y tatnero ni y mas yomog, sa jaresibe gae seguro yan sano.

15:28b.LUK.015.028 Ya ninagoslalalo, ya ti malago jumalom: ayonae jumuyong si tataña, ya siniplica na ujalom.

15:29b.LUK.015.029 Ya manope ilegña as tataña: Estagüe, megae na año nae jusesetbe jao, ya taya nae ti jaosgue jafa na tinagomo: lao taya nae unnaeyo un patgon chiba para infanmagof yan y manamigujo sija:

15:30b.LUK.015.030 Lao anae mato este na lajimo ni y jalachae todo y güinajamo gui manputa sija; unpunueja ni y mas yomog na tatnero.

15:31b.LUK.015.031 Ya ilegña nu güiya: Lajijo, siempre jumijitaja; ya todo y güinajajo iyomo.

15:32b.LUK.015.032 Lao mauleg para utafanmagof ya utafanalegria: sa este y chelumo guinin matae, ya lâlâ talo; yan guinin malingo, ya esta masoda.

16

16:1b.LUK.016.001 YA ilegña locue ni y disipuluña sija: Guaja un taotao na rico, ya guaja mayetdomuña; ya este mafaaela guiya güiya na jagasta y güinajaña.

16:2b.LUK.016.002 Ya janamaagange, ya ilegña nu güiya: Jafa este y jujujungog guiya jago? Fannae cuenta pot y mayetdomumo, sa ti siña jao mumayetdomo mas.

16:3b.LUK.016.003 Ayonae y mayetdomo, ilegña gui sumanjalomña: Jafa jufatinas? sa y señotjo unajanaoyo gui mayetdomujo: Taya minetgotto para ufanguadog; mamajlaojo umogagao.

16:4b.LUK.016.004 Jutungo esta jafa jufatinas, para yanguin manajanaoyo gui mayetdomujo, jumaresibeyo gui guimañija.

16:5b.LUK.016.005 Ya jaagang cada uno gui manmadidibe ni y señotña, ya ilegña ni y finenana: Cuanto undidibe y señotjo?

16:6b.LUK.016.006 Ya ilegña: Siento na medidan laña. Ayonae ilegña nu güiya: Chule y cuentamo ya unfatachong guse ya untugue sincuenta.

16:7b.LUK.016.007 Ya ilegña talo ni y otro: Ya jago, cuanto dibimo? Ilegña: Siento na medidan trigo. Ylegña talo: Chule y cuentamo ya untugue ochenta.

16:8b.LUK.016.008 Ya jaalaba y señot y taelaye na mayetdomo; sa pot y jagostungo chumogüe: sa y famaguon este na tano, manmejnalomña y generasionñija, qui y famaguon y manana.

16:9b.LUK.016.009 Ya jusangane jamyo: Fanmamamauleg amigonmiyo pot y güinajan y timanunas; sa yanguin manfatta jamyo, infanrinesibe gui taejinecog na saganñija.

16:10b.LUK.016.010 Ya y tunas gui didide, tunasja locue gui megae; ya y ti tunas gui didide, ti tunasja locue gui megae.

16:11b.LUK.016.011 Yanguin ti guinin manunas jamyo gui ti magajet na güinaja, jaye infaninangoco gui magajet na güinaja?

16:12b.LUK.016.012 Ya yanguin ti guinin manunas fiet jamyo gui iyon y otro taotao, jaye infanninae ni y iyonmiyo?

16:13b.LUK.016.013 Ni un tentago siña jasetbe dos na señot: sa uchatlie y uno, ya uguaeya y otro; pat atituye gui uno, ya udespresia y otro. Ti siña jamyo insetbe si Yuus, yan y güinaja.

16:14b.LUK.016.014 N 16 14 49510 ¶ Ya y Fariseo sija locue, ni y mangasalape, majungog este sija; ya mabotlea güe.

16:15b.LUK.016.015 Ya ilegña si Jesus nu sija: Jamyo yuje sija y innafanunas maesa jamyo gui menan y taotao sija; lao si Yuus jatungoja y corasonmiyo: sa ayo y guesmaguaeya gui entalo y taotao sija y chinatlie para y menan Yuus.

16:16b.LUK.016.016 Y lay, yan y profeta sija, mangaegue asta as Juan: ya desde ayo na tiempo y raenon Yuus mapredicañaejon, ya todoja jumalom nu y finijon.

16:17b.LUK.016.017 Lao guseña malofan y langet yan y tano, qui na un pidasito gui lay ufatta.

16:18b.LUK.016.018 Todo ayo y dumingo y asaguaña, ya umasagua yan otro, jafatinas y abale; ya y umasagua ayo na palaoan ni y diningo ni y asaguañalaje, jafatinas y abale.

16:19b.LUK.016.019 N 16 19 49560 ¶ Guaja un taotao na rico, na minagagagoja putpura, yan y guesmauleg na magago apaca, ya cada jaane gumupupot.

16:20b.LUK.016.020 Ya guaja locue un pobble na umógagao limosna, y naanña si Lasaro, na bula chetnot, ni y estaba mapolo gui pettan y rico.

16:21b.LUK.016.021 Ya malagogüe na umanachocho ni ayo y andesmoronan ni y mamopodong gui lamasan y rico; ya asta y galago manmato ya manmanjójoflag y chetnotña.

16:22b.LUK.016.022 Ya despues, matae y pebble ni y umógagao limosna, ya macone ni y angjet sija asta y pechon Abraham; matae locue y rico na taotao, ya majafot;

16:23b.LUK.016.023 Ya y ya sasalaguan, jajatsa y atadogña, anae estaba gui sinapet, ya jalie si Abraham na chago, yan si Lasaro gui pechoña.

16:24b.LUK.016.024 Ya umagang ilegña: Tata Abraham, gaease nu guajo, ya tago si Lasaro, para usupog y puntan calolotña gui janom ya unafresco y jilajo; sa estagüe na masasapetyo güine na mañila.

16:25b.LUK.016.025 Lao si Abraham ilegña: Laje, jaso na anae lalâlâ jao unresibe todo y manmauleg na güinajamo; taegüenaoja locue si Lasaro jaresibe y manaelaye na güinaja: lao pago, güiya mamagof güine, ya jago masasapet.

16:26b.LUK.016.026 Ya gui todo estesija; esta mapolo fitme gui entalota un dangculon joyo na chojfe, para todo y manmalago manmalofan güine asta iya jamyo ti ufansiña; ni ufanmalofan y manmalago güenao manmalag iya jamyo.

16:27b.LUK.016.027 Ayonae ilegña: Pues jutayuyut jao tata, tago güe para y guima tata;

16:28b.LUK.016.028 Sa guajayo sinco mañelujo lalaje; para usangane sija testimonio; ni noseaja ufanmamaela locue güine gui sinapet na lugat.

16:29b.LUK.016.029 Lao si Abraham ilegña: Gaegueja si Moises yan y profeta sija, polo ya ujaecungogja.

16:30b.LUK.016.030 Ya ilegña: Aje, tata Abraham; sa yanguin uno ni y guinin manmatae jumanao para iya sija, ufanmañotsot.

16:31b.LUK.016.031 Ya ilegña nu güiya: Yanguin ti maecungog si Moises, yan y profeta sija; ti ufanmaosgon achogja uguaja cajulo guinin y manmatae.

17

17:1b.LUK.017.001 YA ilegña ni y disipuluña sija: Ti siña ti ufato y escandalo; lao ay, ay ayo y munafato!

17:2b.LUK.017.002 Maulegña na umagode gui agagaña un alutong, ya umayute gui tase, antes qui uninaquepodong uno güine gui mandiquique sija.

17:3b.LUK.017.003 Adaje jamyo: Yanguin umisao y chelumo contra jago, reprende: y yanguin mañotsot, asie.

17:4b.LUK.017.004 Yanguin siete biaje gui un jaane umisao contra jago, ya siete biaje mafato guiya jago, ya ilelegña: Mañotsotyo, un asie.

17:5b.LUK.017.005 N 17 5 49730 ¶ Ya y apostoles, ilegñija nu y Señot: Aumenta, y jinengguenmame.

17:6b.LUK.017.006 Ya y Señot ilegña: Yanguin mangaejinenggue jamyo taegüije y granon mostasa, ya mojon ilegmiyo nu este na sicómoro trongcon jayo: Chapag jao güenao, ya unplanta jao gui tase; ya mojon infaninesgueja.

17:7b.LUK.017.007 Lao jaye guiya jamyo y guaja tentagoña, na manalalado, pat mamamasto quinilo, y yanguin mato guinin y fangualuan, ualog nu güiya; maela enseguidas y fatachong, ya unchocho?

17:8b.LUK.017.008 Ya ti ualog nu güiya finena: Nalisto y senajo para juchocho, ya undudog jao, ya unsetbeyo asta qui munjayanyo chumocho, yan gumimen: ya despues nae unchocho, ya unguimen?

17:9b.LUK.017.009 Numae grasias ayo na tentago, sa jafatinas y matagoña? Jinasoco na aje.

17:10b.LUK.017.010 Taegüineja locue jamyo, yanguin esta inchegüe todo ayo sija y jutago jamyo, ualog: Maninutil jam na tentago; sa ayoja y para y chechomame inchegüe.

17:11b.LUK.017.011 N 17 11 49790 ¶ Ya susede anae jumanao para Jerusalem, ya malofan gui inanaco Samaria, yan Galilea.

17:12b.LUK.017.012 Ya anae jumalom gui un songsong, manasoda güije yan dies na taotao na manategtog; ya manojgue desde y chago.

17:13b.LUK.017.013 Ya jajatsa y inagangñija, ya ilegñija: Jesus, Maestro, gaease nu jame.

17:14b.LUK.017.014 Ya anae jalie, ilegña nu sija: Janao ya infanue y mamale nu jamyo. Ya susede anae manjajanao, manjuyong mangasgas.

17:15b.LUK.017.015 Ya y uno guiya sija, anae jalie na jomlo güe, jabira güe tate, ya janaagagang mannae si Yuus minalag.

17:16b.LUK.017.016 Ya jatomba güe papa gui fion adeng si Jesus, ya janae grasias: este na taotao, Samaritano.

17:17b.LUK.017.017 Ya manope si Jesus, ilegña: Ada ti dies y mangasgas? ya manmangue y nuebe?

17:18b.LUK.017.018 Taya masoda tumalo mague para unae si Yuus grasias, na esteja y taotao juyong.

17:19b.LUK.017.019 Ya ilegña bu güiya: Cajulo ya unjanao; y jinengguemo munajomlo jao.

17:20b.LUK.017.020 N 17 20 49880 ¶ Ya anae mafaesen ni y Fariseo sija, ngaean nae ufato y raenon Yuus, jaope ilegña: Y raenon Yuus, ti matungo finatoña.

17:21b.LUK.017.021 Ni ujaalog: Estagüe! pat ayogüe! sa y raenon Yuus, gaegueja gui sumanjalommiyo.

17:22b.LUK.017.022 N 17 22 49900 ¶ Ya ilegña ni y disipuluña sija: Ufato y jaane sija, na infanmalago na inlie uno gui jaanin y Lajin taotao, ya ti inlie.

17:23b.LUK.017.023 Ya ujaalog nu jamyo: Estagüe, pat ayogüe; chamiyo tumatitiye, ni indalalaque sija.

17:24b.LUK.017.024 Sa taegüijeja y lamlam, yan mañila gui un lugat gui papa y langet, ya inina y otro banda gui papa y langet; taegüineja locue y Lajin taotao, gui jaaniña.

17:25b.LUK.017.025 Lao nesesita na ufamadese finena megae, ya umarechasa ni este na generasion.

17:26b.LUK.017.026 Sa jaftaemanoja y jaanin Noe, taegüijeja locue y jaanin y Lajin taotao.

17:27b.LUK.017.027 Mañocho, yan manguimen, yan manasagua, yan manafanasagua, asta ayo na jaane anae jumalom si Noe gui atca, ya mato y dilubio ya manyinilang sija todo.

17:28b.LUK.017.028 Taegüineja locue jasusede gui jaanin Lot: mañocho, manguimen, manmamajan, manmanbende, manmananom, yan manmanjatsa guma;

17:29b.LUK.017.029 Lao ayoja na jaane anae jumanao si Lot guiya Sodoma, janauchan guafe, yan asufre guinin y langet, ya manyinilang todo sija.

17:30b.LUK.017.030 Taegüijeja uguaja güije na jaane yanguin ufamanue y Lajin taotao.

17:31b.LUK.017.031 Ayo na jaane, ayo y gaegue gui jilo guma ya y güinajaña gaegue gui jalom guma, chaña tumutunog ya uchule; parejoja locue yan y gaegue gui fangualuan, chaña tumatalo tate.

17:32b.LUK.017.032 Jaso y asaguan Lot.

17:33b.LUK.017.033 Masquesea jaye y umaliligao na usatba y linâlâña, ufinalingaeguan; ya masquesea jaye y finalingaeguan y liânâlña umasatba.

17:34b.LUK.017.034 Jusangane jamyo, na ayo na puenge uguaja dos na taotao gui un catre; y uno umacone ya y otro umapolo.

17:35b.LUK.017.035 Dos na palaoan dumadaña manguleg; y uno umacone, ya y otro umapolo.

17:36b.LUK.017.036 Dos na taotao ugaegue gui fangualuan; y uno umacone, ya y otro umapolo.

17:37b.LUK.017.037 Ya manmanope ilegñija nu güiya: Manggue Señot? Ya jaope ilegña: Manoja nae gaegue y tataotao, ayoja nae mandaña y pojaro aguila sija.

18

18:1b.LUK.018.001 YA jasangane un acomparasion, na y taotao sija janesesita ufanmanayuyut, ya chañija fanataeanima.

18:2b.LUK.018.002 Ilelegña: Guaja gui un siuda un jues, na ti maañao as Yuus, ni urespeta ni jaye na taotao:

18:3b.LUK.018.003 Ya guaja locue güije na siuda un biuda ni y mato guiya güiya ya ilelegña: Areglajam yan y enemigujo.

18:4b.LUK.018.004 Ya ti malago finena; lao despues ilegña gui sumanjalomña: Achogja ti maañaoyo as Yuus, ni jufanrespeta taotao;

18:5b.LUK.018.005 Lao pot y jarorobayo este na palaoan, bae juaregla sija, sa noseaja pot y sisigueja mague, uestotbayo.

18:6b.LUK.018.006 Ya y Señot ilegña: Ecungog jafa y ti tunas na jues ilelegña.

18:7b.LUK.018.007 Ada ti unalibre si Yuus y inayigña, ni y maaagang güe jaane, yan puenge, ya apmam na jasungon pot sija?

18:8b.LUK.018.008 Jusangane jamyo, na enseguidas unafanlibre. Lao anae ufato y Lajin taotao, ufañoda jinenggue gui jilo tano?

18:9b.LUK.018.009 N 18 9 50140 ¶ Ya jasangan este na acomparasion ni ayo sija y umangocon maesa sija na manunas, ya jadespresia y pumalo:

18:10b.LUK.018.010 Dos na taotao jumanao julo gui templo para ujafanaetae: Y un Fariseo, ya y otro publicano.

18:11b.LUK.018.011 Y Fariseo tumojgue, ya taegüine tinaetaeña gui sumanjalomña: Junae jao grasias Yuus, sa ti parejoyo yan y pumalo na taotao, ni y manáplacha, yan manábale, ni y este publicano.

18:12b.LUK.018.012 Umayuyunatyo dos biaje gui semana; mannanaeyo diesmos ni y todo güinajajo.

18:13b.LUK.018.013 Lao y publicano gaegue na tumotojgue gui chago; ya ti jaguesjatsa y atadogña julo gui langet; lao jaseseco y pechoña, ya ilelegña: Yuus, gaease nu guajo, sa taotao isaoyo.

18:14b.LUK.018.014 Jusangane jamyo, na, este na taotao jumanao papa y guimaña, ya maasie y isaoña, mas mauleg qui y otro; sa cada uno y minadangculo güe, uninaumitde; ya y munamitde güe, umanadangculo.

18:15b.LUK.018.015 N 18 15 50200 ¶ Ya maconie guato guiya güiya ni y diquique na famaguonñija, para upacha; ya anae manlinie ni y disipulo sija, manmalalatde.

18:16b.LUK.018.016 Lao si Jesus jaagang sija, ya ilegña: Polo y diquique na famaguon ya ufanmamaela guiya guajo, ya chamiyo chumochoma; sa iyon este sija y raenon Yuus.

18:17b.LUK.018.017 Magajet jusangane jamyo, na y ti rumesibe y raenon Yuus taegüije y diquique na patgon, ti ujalom güije.

18:18b.LUK.018.018 N 18 18 50230 ¶ Ya un taotao na magas, finaesen güe ilelegña: Mauleg na Maestro, jafa jufatinas para juereda y taejinecog na linâlâ?

18:19b.LUK.018.019 Ya si Jesus ilegña nu güiya: Jafa na ilegmo nu guajo mauleg? taya mauleg na unoja, si Yuus.

18:20b.LUK.018.020 Utungo y tinago sija: Chamo umábale, Chamo famumuno, Chamo fañañaque, Chamo sumasangan y ti magajet na sinangan, Onra si tatamo, yan nanamo.

18:21b.LUK.018.021 Ya ilegña: Todo este sija juadaje desde y pinatgonjo.

18:22b.LUK.018.022 Anae jajungog este sija si Jesus, ilegña nu güiya: Guaja uno fattamo trabia: bende todo y güinajamo, ya unfacae y mamobble, ya uguaja güinajamo gui langet, ya maela dalalagyo.

18:23b.LUK.018.023 Lao anae jajungog estesija, ninágostriste; sa gosrico güe.

18:24b.LUK.018.024 Ya anae linie as Jesus, ilegña: Namanminapot ayo sija y mangaegüinaja manjalom gui raenon Yuus!

18:25b.LUK.018.025 Sa guseña malofan un cameyo gui matan y jaguja, qui ujalom un rico gui raenon Yuus.

18:26b.LUK.018.026 Ya ayo y jumungog, ilegñija: Jaye nae siña satbo?

18:27b.LUK.018.027 Ya ilegña: Y güinaja ni y ti mansiña para y taotao sija; mansiña para as Yuus.

18:28b.LUK.018.028 Ayonae ilegña si Pedro: Estagüeja na indingo y iyonmame, ya indalalag jao.

18:29b.LUK.018.029 Ya ilegña nu sija: Magajet jusangane jamyo, na taya ni un taotao ni y dumingo guma, pat asagua, pat mañelu, pat mañaena, pat famaguon, pot y raenon Yuus,

18:30b.LUK.018.030 Ya ti uresibe mas megae pago na tiempo, lao y mamamaela na tiempo, taejinecog na linâlâ.

18:31b.LUK.018.031 N 18 31 50360 ¶ Ya jacone y dose, ya ilegña nu sija: Estagüe, na manjajanaojit julo Jerusalem, ya todosija y tinigue y profeta sija pot y Lajin taotao, ufanmacumple.

18:32b.LUK.018.032 Sa nesesita na umaentrega gui taotao juyong, ya umabotlea, yan umafaesegnane, yan umatolae:

18:33b.LUK.018.033 Ya umasaulag, ya umapuno; ya y mina tres na jaane, ucajulo talo.

18:34b.LUK.018.034 Lao sija ti jatungo ni uno gui este sija: ya este na sinangan manaatog guiya sija, ya ni ti jatungo jafa sija y masangan.

18:35b.LUK.018.035 N 18 35 50400 ¶ Ya susede anae esta jijijot Jerico, estaba un taotao bachet gui oriyan chalan na matatachong, ya umógagao:

18:36b.LUK.018.036 Ya anae jajungog y linajyan taotao na manmalolofan, mamaesen jafa ayo.

18:37b.LUK.018.037 Ya masangane güe, na si Jesus Nasareno malolofan.

18:38b.LUK.018.038 Ya umagang ilelegña: Jesus, jago ni y Lajin David, gaease nu guajo.

18:39b.LUK.018.039 Ya machoma ni y manmofona para ufamatquilo: lao mas umagang megae: Jago ni y Lajin David, gaease nu guajo.

18:40b.LUK.018.040 Ya tumojgue si Jesus, ya manago na umaconie guato guiya güiya: ya anae esta jijijot, finaesen:

18:41b.LUK.018.041 Jafa malagomo jufatinas guiya jago? Ya güiya ilegña: Señot, para jufanlie.

18:42b.LUK.018.042 Ya ilegña si Jesus nu güiya: Fanlie: y jinengguemo unsinatba.

18:43b.LUK.018.043 Ya enseguidas jaresibe y liniiña, ya jadalalag güe, yan janamalag si Yuus; yan todo y taotao sija, anae malie, maalaba si Yuus.

19

19:1b.LUK.019.001 YA jumalom si Jesus, ya malofan inanaco Jerico.

19:2b.LUK.019.002 Ya, estagüe, güije un taotao na y naanña si Saqueo, magas y publicano, na rico güe.

19:3b.LUK.019.003 Ya jaquequeliija jaye si Jesus; lao ti siña, pot y linajyan taotao, yan pot y etigo güe.

19:4b.LUK.019.004 Ya malago mona, ya umeculo gui trongcon sicomoro para ulie: sa nesesita na ufapos güije.

19:5b.LUK.019.005 Ya anae mato si Jesus güije na lugat, manatan julo, ya ilegña nu güiya: Saqueo, tunog lasajyao, sa pago na, jaane nesesita na jusaga gui guimamo.

19:6b.LUK.019.006 Ya sumajyao papa, ya jaresibe güe yan y minagofña.

19:7b.LUK.019.007 Ya anae malie este, todos mangonggong, ilegñija: Mapos, para usaga gui isao na taotao.

19:8b.LUK.019.008 Ya si Saqueo tumojgue ya ilegña ni y Señot: Estagüe, Señot, y lamita gui güinajajo junae y mamobble sija; ya yanguin guaja chinelejo pot finababa bae junae cuatro talo.

19:9b.LUK.019.009 Ya ilegña si Jesus nu güiya: Pago na jaane mato y satbasion güine na guma; sa güiya locue Lajin Abraham.

19:10b.LUK.019.010 Sa y Lajin taotao mato para ualigao, yan usatba y manmalingo.

19:11b.LUK.019.011 N 19 11 50590 ¶ Ya mientras majujungog este sija, jaaumenta ya jasangan un acomparasion, sa pot y esta jijijot Jerusalem, yan pot y jinasonñija na enseguidas ufato y raenon Yuus.

19:12b.LUK.019.012 Pot este na ilegña: Un taotao na magas, jumanao para y chago na tano para uresibe y raeno, yan para utaloja guato.

19:13b.LUK.019.013 Ya jaagang y dies na tentagoña, ya jaentrega dies na minan moneda, ya ilegña nu sija: Nafangagana asta qui ufato.

19:14b.LUK.019.014 Lao y taotaoña gui güije na tano machatlie güe, ya manmanago un compañia guato guiya güiya, ilegñija: Mungajam na ufangobietna este na taotao gui jilo mame.

19:15b.LUK.019.015 Ya susede anae esta jaresibe y raeno, tumalo guato, ya manago na ufanmaagange y tentago sija ni y janae ni y salape, para utungo cuanto cada uno güinanaña.

19:16b.LUK.019.016 Ya anae mato y finenana, ilegña: Señot, y minamo mangana dies na mina mas.

19:17b.LUK.019.017 Ya ilegña nu güiya: Mauleg na finatinasmo, mauleg jao na tentago. Pot y tunas jao gui didide, guaja ninasiñamo gui jilo y dies na siuda.

19:18b.LUK.019.018 Ya anae mato y mina dos, ilegña: Señot, y minamo mangana sinco na mina.

19:19b.LUK.019.019 Ya locue ilegña nu güiya: Jago gui jilo sinco na siuda.

19:20b.LUK.019.020 Ya mato y otro ilegña: Señot, estagüe y minamo na juadaje ya jupolo gui jalom y setbiyetas:

19:21b.LUK.019.021 Sa maañaoyo nu jago, sa recto jao na taotao: unchuchule y ti unpolo, ya uncococo y ti untanom.

19:22b.LUK.019.022 Ya ilegña nu güiya: Taelaye jao na tentago, y guinin y pachotmo nae jujusga jao. Untungoja na recto yo na taotao, juchuchuleja y ti jupolo, ya jucococoja y ti jutanme:

19:23b.LUK.019.023 Jafa na ti unpolo y salapejo gui banco; sa para yanguin matoyo jugagao yan y ganansia?

19:24b.LUK.019.024 Ya ilegña nu ayo sija y manotojgue gui oriya: Nasuja guiya güiya y minan moneda ya umanae ayo y guaja dies na mina.

19:25b.LUK.019.025 Ya ilegñija nu güiya: Señot, guajaja güe dies na mina.

19:26b.LUK.019.026 Sa jusangane jamyo, na masqueseaja jaye y guaja iyoña, umanae; lao y taya iyoña, achogja y guajaña umanasuja guiya guiya.

19:27b.LUK.019.027 Lao aya sija y enemigujo, ni y ti manmalago na jufangobietna gui jiloñija, cone mague, ya ufanmadegüeya gui menajo.

19:28b.LUK.019.028 N 19 28 50760 ¶ Ya anae munjayan jasangan este, malag y sumanmena, ya cajulo Jerusalem.

19:29b.LUK.019.029 N 19 29 50770 ¶ Ya susede anae esta jijot Betfage, yan Betania, gui egso ni y mafanaan ogso Olibo, jatago dos gui disipuluña,

19:30b.LUK.019.030 Ilegña: Janao fanmalag esta mona y sengsong; ya an manjalom jamyo güije, inseda un patgon bulico na magogode, na taya ni un taotao tumachojnge: pula ya inquene mague.

19:31b.LUK.019.031 Ya yanguin jaye na taotao fumaesen jamyo: Jafa miña inpila? Sangane taegüine: Sa janesesita y Señot.

19:32b.LUK.019.032 Ya manjanao ayo sija y manmatago, ya jasoda jaftaemano y mansinangane sija.

19:33b.LUK.019.033 Ya anae mapupula y patgon bulico, ilegña y gaega nu sija: Jafa muna inpípila y patgon bulico.

19:34b.LUK.019.034 Ya ilegñija: Janesesita y Señot.

19:35b.LUK.019.035 Ya macone guato gui as Jesus: ya japolo y magagoñija gui jilo y patgon bulico, ya manmaudae si Jesus,

19:36b.LUK.019.036 Ya anae jumajanao, jababa y magagoñija gui chalan.

19:37b.LUK.019.037 Ya anae esta jijijot, esta tumutunog gui egso Olibo, todo y manadan disipulo matutujon manmagof ya maalaba si Yuus, yan dangculo inagang, pot y liniiñija todo ni y finatinas namanman.

19:38b.LUK.019.038 Ylegñija: Dichoso y Ray ni y mato pot y naan y Señot: pas gui langet, yan minalag guiya jululo.

19:39b.LUK.019.039 Ya palo gui Fariseo sija, manestaba gui entalo y linajyan taotao ilegñija nu güiya: Maestro, reprende y disipulumo sija.

19:40b.LUK.019.040 Ya manope ilegña: Jusangane jamyo, na yanguin manmamatquilo este sija, y acho enseguidas ufanagang.

19:41b.LUK.019.041 N 19 41 50890 ¶ Ya anae esta jijot, ya jalile y siuda, ninacasao pot güiya.

19:42b.LUK.019.042 Ylegña: Yanguin untungo, pago gui jaanimo, jagoja, y güinaja ni y iyon y pas! lao pago esta maatogüe y atadogmo.

19:43b.LUK.019.043 Sa ufanmato jaane guiya jago, na y enemigumo sija utanmancolat oda gui oriyamo, ya unmaoriyaye, ya unmaadaje cada banda,

19:44b.LUK.019.044 Ya umayute papa gui jilo oda yan y famaguonmo ni y mangaegue gui sumanjalommo; ya ti unmapoluye un acho gui jilo y otro; sa ti untungo y tiempon y mabisitamo.

19:45b.LUK.019.045 N 19 45 50930 ¶ Ya jumalom gui templo, ya jatutujon yumute juyong todo ayo sija y manmanbebende güije;

19:46b.LUK.019.046 Ya ilegña nu sija: Esta matugue: Y gumajo, uguma manaetae; lao jamyo infaliyang saque.

19:47b.LUK.019.047 N 19 47 50950 ¶ Ya mamanagüe gui templo cada jaane. Lao y magas mamale sija, yan y escriba, yan y manmagas y taotao sija, maaliligao para umaqueyulang.

19:48b.LUK.019.048 Ya ti jajulat sumoda jafa ujachogüe: sa todo y taotao gumeguesecungog güe.

20

20:1b.LUK.020.001 YA susede uno gui güije sija na jaane, anae jafananagüe y taotao sija gui templo, ya japredidica y ibangelio; manmato guiya güiya y magas mamale, yan y escriba, yan y manamco sija;

20:2b.LUK.020.002 Ya macuentuse, ilegñija nu güiya: Sangane jam, jafa na ninasiña na unfatitinas este sija na güinaja? Pat jaye numae jao ni este na ninasiña?

20:3b.LUK.020.003 Ya manope si Jesus, ilegña nu sija: Jufaesen locue jamyo un finaesen, ya sanganeyo;

20:4b.LUK.020.004 Y tagpangen Juan, guinin y langet, pat guinin y taotao sija?

20:5b.LUK.020.005 Ya sija, jajaso gui sumanjalomñija, ilegñija: Yanguin ilegmame: Guinin y langet; ualog, jafa nae na ti injenggue güe?

20:6b.LUK.020.006 Lao yanguin ilegmame: Guinin y taotao sija; infanmamagas nu y acho ni y taotao, sa pineloñija na profeta si Juan.

20:7b.LUK.020.007 Ya manmanope na ti jatungo guine mano.

20:8b.LUK.020.008 Ayonae ilegña si Jesus nu sija: Ni guajo locue ti jusangane jamyo, jafa na ninasiña na jufatitinas este sija na güinaja.

20:9b.LUK.020.009 N 20 9 51050 ¶ Ya jatutujon sumangane sija ni este na acomparasion; Un taotao, manplanta un fangualuan ubas, ya japoluye ni manfáfachocho, ya jumanao para y chago na tano, apmam na tiempo.

20:10b.LUK.020.010 Ya y tiempon mangoco, jatago un tentago para y manmachóchocho, para umanae ni y tinegcha y gualo; lao masaulag ni y manmachóchocho, ya manajanao taesinajguan.

20:11b.LUK.020.011 Ya jatago talo y otro tentago: ya masaulag locue talo, ya manamamajlao, ya manajanao taesinajguan.

20:12b.LUK.020.012 Ya jatalo tumago y mina tres na tentago: ya manaerida, ya mayute juyong.

20:13b.LUK.020.013 Ayonae ilegña y señot y fangualuan: Jafa jufatinas? Bae jutago y guefyajo na lajijo, sa buente ufangaerespeto nu güiya.

20:14b.LUK.020.014 Lao anae malie ni y manmachóchocho, manasangane ilegñija: Estagüe y heredero; nije tapuno, ya usaga y inereda guiya jita.

20:15b.LUK.020.015 Ya mayute juyong gui jiyong y fangualuan, ya mapuno. Jafa pago ufatinas y señot y fangualuan nu sija?

20:16b.LUK.020.016 Ufato, ya uyulang este sija y manmachóchocho, ya ufannae otro ni y fangualuan. Ya anae majungog ayo, ilegñija: Munga este.

20:17b.LUK.020.017 Lao jaatan sija ya ilegña: Jafa nae este y esta matugue: Y acho ni y jarechasa y manmamatitinas y guima, esteja mapolo cuentan ulo gui esquina?

20:18b.LUK.020.018 Jayeja y pedong gui jilo ayo na acho, umayamag pedasitos; lao jayeja y jinegse, ufinapetbos.

20:19b.LUK.020.019 N 20 19 51150 ¶ Ya y magas mamale, yan y escriba sija, maaliligao para umaqueguot güije na ora; lao manmaañao nu y taotao sija, sa matungoja na jasangan este na acomparasion, contra sija.

20:20b.LUK.020.020 Ya mapupulanja yan manmanago na umaespipia, para ujafaquemanunas sija na taotao, ya uquefanmañule ni y sinanganña, ya umaqueentrega güe gui inaregla yan ninasiñan y gobietno.

20:21b.LUK.020.021 Ya mafaesen güe, ilegñija: Maestro, intingo na unsasangan yan mamananagüe jao tunas, ya ti numanasajnge jao taotao, lao mamananagüe jao ni y magajet na chalan Yuus.

20:22b.LUK.020.022 Tunas na infanmanaejam si Sesat tributo, pat aje?

20:23b.LUK.020.023 Lao jatungoja y mañañija, ya ilegña nu sija:

20:24b.LUK.020.024 Fanueyo nu y salape. Jaye gaeimagen este yan este na tinigue? Ya manmanope ilegñija: Iyon Sesat.

20:25b.LUK.020.025 Ya ilegña nu sija: Nae si Sesat ni y iyon Sesat, ya innae si Yuus nu y iyon Yuus.

20:26b.LUK.020.026 Ya ti siña maguot pot y sinanganña gui menan y taotao sija; ya ninafanmanman ni y inepeña ya manmamatquilo.

20:27b.LUK.020.027 N 20 27 51230 ¶ Ya manmato guiya güiya Saduseo sija, ni y sumangan na taya quinajulon manmatae; ya mafaesen güe,

20:28b.LUK.020.028 Ylegñija: Maestro, si Moises jatuguiejam, na yanguin dos chumelo na laje, ya y uno guaja asaguaña, ya matae taya patgonña; ayo y cheluña uniasagua y palaoan, ya unacajulo semiya gui cheluña.

20:29b.LUK.020.029 Ya guaja siete na lalaje na mañelu: ya y finenana umasagua, ya matae taya patgonña.

20:30b.LUK.020.030 Ya inasagua y palaoan ni y miná dos;

20:31b.LUK.020.031 Ya inasagua talo ni y miná tres; yan taegüenaoja locue todo y siete manmatae ya taya famaguonñija.

20:32b.LUK.020.032 Ya y palaoan uttimo matae locue.

20:33b.LUK.020.033 Ya y quinajulon manmatae, jaye gaeasagua y palaoan? sa inasagua todo ni y siete.

20:34b.LUK.020.034 Ya si Jesus ilegña nu sija: Y famaguon este na tiempo manásagua yan manafanásagua:

20:35b.LUK.020.035 Lao ayo sija y ufanmanmerese güije na tiempo, yan y quinajulon manmatae, ni ufanasagua, ni umanafanasagua:

20:36b.LUK.020.036 Ni ti siña manmatae talo: sa manparejoja yan y angjet sija; yan manfamaguon Yuus, sa manfamaguon y quinajulon. manmatae.

20:37b.LUK.020.037 Ya pot y manmatae ni umanafangajulo, asta si Moises mamanue gui finajalomtano, anae jafanaan y Señot, Yuus Abraham yan Yuus Ysaac yan Yuus Jacob.

20:38b.LUK.020.038 Sa ti güiya Yuus manmatae, na manlâlâ: sa todosija manlala guiya güiya.

20:39b.LUK.020.039 Ya manmanope palo gui escriba sija ilegñija: Maestro, mauleg sinanganmo.

20:40b.LUK.020.040 Ya desde ayo, ti matatnga mafaesen güe talo jafa.

20:41b.LUK.020.041 N 20 41 51370 ¶ Ya ilegña nu sija: Jafa na ilegñija na si Cristo lajin David?

20:42b.LUK.020.042 Ya güiyaja si David umalog gui leblon y Salmos: Y Señot ilegña ni y Señotjo, Fatáchong gui agapa na canaejo,

20:43b.LUK.020.043 Asta qui jupolo y enemigumo sija para fañajangan y adengmo.

20:44b.LUK.020.044 Enao muna si David finanaan güe Señot, ya jaftaemano mina ulajiña?

20:45b.LUK.020.045 N 20 45 51410 ¶ Ya majujungogja ni y taotao sija, anae ilegña ni y disipuluña:

20:46b.LUK.020.046 Adaje jamyo ni y escriba sija, sa yanñija manmamocat yan y anaco na magago, yan yanñija manmasaluda gui plasa, yan y finénana na tachong gui sinagoga sija; yan y finénana na saga gui guipot;

20:47b.LUK.020.047 Yan jalachae y guima y biuda sija, yan manmamanunue ni y anaco tinaetaeñija pot taya; estesija ujaresibe mandangculo na sinentensia.

21

21:1b.LUK.021.001 YA anae manatan julo, jalie y manrico na taotao sija, na jayuyute jalom y ninaenñija gui cajon salape.

21:2b.LUK.021.002 Ya jalie locue un pobble na biuda, na manyute jalom güije dos coble.

21:3b.LUK.021.003 Ya ilegña: Jusangane jamyo ni y magajet. Este y pebble na biuda, manyute jalom mas qui todo sija:

21:4b.LUK.021.004 Sa todo estesija, y sebblanñijaja manmayute jalom minaeñija: lao este yan y pinebbleña, jayute todo jalom y güinajaña.

21:5b.LUK.021.005 N 21 5 51480 ¶ Yan pot y manguecuentos palo pot y templo, ni y maadotna manbonito na acho sija yan ninae sija, ilegña:

21:6b.LUK.021.006 Este sija na güinaja y inlie, estagüe, ufanmato jaane sija, na taya usobbla güine un acho gui jilo y otro, na ti umayute papa.

21:7b.LUK.021.007 N 21 7 51500 ¶ Ya mafaesen güe, ilegñija: Maestro, ngaean nae ujuyong estesija? yan jafa na señat uguaja, yanguin jijot para ufanmato este sija na güinaja?

21:8b.LUK.021.008 Ayonae ilegña: Guesadaje jamyo ya chamiyo fanmafabábaba: sa megae ufanmato pot y naanjo, ya ujaalog: Güiya yo ya y tiempo esta jijijot; chamiyo dumalálalaque sija.

21:9b.LUK.021.009 Lao yanguin injingog y guera sija, yan y atboroto, chamiyo faninespápanta: sa nesesita ufanmato este sija finena; lao y uttimo ti enseguidas.

21:10b.LUK.021.010 N 21 10 51530 ¶ Ayo nae ilegña nu sija: Y nasion sija ufangajulo contra y nasion, ya y raeno contra raeno:

21:11b.LUK.021.011 Ya uguaja dangculon linao, ya y cada lugat ñinalang yan peste; yan uguaja minaañao sija, yan mandangculo na señat guinin y langet.

21:12b.LUK.021.012 Lao antes di todo este sija, ujapolo y canaeñija gui jilomiyo, ya infanmapetsigue, yan infanmaentrega gui sinagoga sija, yan y catset, yan infanmacone guato gui ray sija, yan y manmagas pot y naanjo.

21:13b.LUK.021.013 Ya ujuyong este guiya jamyo para testimonio.

21:14b.LUK.021.014 Polo gui corason miyo, na chamiyo jumajaso finena jafa para inepe:

21:15b.LUK.021.015 Sa guajo junae jamyo pachot yan tiningo, ni todo y enimigunmiyo ti siña macontra ni umachaba.

21:16b.LUK.021.016 Ya infanenentrega ni y mañaenanmiyo, yan y mañelunmiyo, yan y parientesmiyo, yan y amigonmiyo; yan guaja guiya jamyo umanamapuno.

21:17b.LUK.021.017 Ya infanmachatlie ni todo y taotao pot y naanjo.

21:18b.LUK.021.018 Lao ni uno gui gaponulonmiyo ufalingo.

21:19b.LUK.021.019 Ya y manpasensianmiyo nae, inganaye y antenmiyo.

21:20b.LUK.021.020 Ya anae inlie Jerusalem, na esta ineriyaye ni y sendalo sija, intingoja na esta jijijot y mayulangña.

21:21b.LUK.021.021 Ya ayonae y mangaegue guiya Judea, ufanmalago para y egso sija; ya ayo sija y mangaegue gui entaloña ufanjuyong; ya y mangaegue gui fangualuan, chañija fanjajalom güije.

21:22b.LUK.021.022 Sa este sija y jaanin inemog, sa para umacumple todo y güinaja ni y esta manmatugue.

21:23b.LUK.021.023 Lao mannamaase ayo sija y manmapotgue, yan y mannanasusu güije sija na jaane! sa uguaja dangculon chinatsaga gui jilo tano, yan binibo gui jilo este taotao sija.

21:24b.LUK.021.024 Ya ufamodong gui jilo y filon y espada, ya ufanmacone preso gui todo y nasion: ya Jerusalem umagacha papa ni y Gentiles, asta qui umacumple y tiempon y Gentiles.

21:25b.LUK.021.025 N 21 25 51680 ¶ Ya uguaja señat sija gui atdao yan y pilan, yan y pution sija; yan chinatsagan nasion sija gui jilo tano pot y guinadon pangpang y tase yan y napo.

21:26b.LUK.021.026 Manlalalango y taotao sija, pot y manmaañaoñija, yan pot y ninanangga ni ayo sija y manmamamaela para y tano: sa manmayengyong y ninasiñan y langet sija.

21:27b.LUK.021.027 Ya ayonae ujalie y Lajin taotao na mamamaela gui y mapagajes yan y ninasiña yan y dangculon minalag.

21:28b.LUK.021.028 Ya anae esta jatutujon sumesede este sija, ayonae infanalag jilo, ya injatsa julo y ilunmiyo; sa esta jijijot y para inmanafanlibre.

21:29b.LUK.021.029 N 21 29 51720 ¶ Ya jasangane sija un acomparasion, ilegña: Atanja y trongcon igos, yan todo y trongcon jayo sija.

21:30b.LUK.021.030 Yanguin esta manmañúñuso, inlie ya intingoja maesa jamyo na esta jijijot y verano.

21:31b.LUK.021.031 Taegüenaoja locue jamyo yanguin inlie esta sija na masusede, tingo na esta jijijot y raenon Yuus.

21:32b.LUK.021.032 Magajet jusangane jamyo: Ti ufapos este na generasion, asta qui todo sija manmacumple.

21:33b.LUK.021.033 Y langet yan y tano ufanmalofan, lao y finojo ti ufalofan.

21:34b.LUK.021.034 N 21 34 51770 ¶ Ya inguesadaje jamyo na ufanbula y corasonmiyo ni y pinadog mañocho yan inelacho, yan y inadajen este na linâlâ, ya ufato guiya jamyo ayo na jaane derepente,

21:35b.LUK.021.035 Taegüijeja y laso: sa taegüijeja ufinatoña gui jilo todo sija y mañasaga gui jilo tano.

21:36b.LUK.021.036 Enaomina fanbela todo tiempo, ya infanmanaetae, ya para infansiña manescapa ni todo estesija y ni ufanmato, yan para infanojgue gui menan y Lajin taotao.

21:37b.LUK.021.037 N 21 37 51800 ¶ Ya mamananagüe cada jaane gui templo; yan cada puenge jumajanao, ya sumasaga gui un ogso na mafanaan ogso Olibo.

21:38b.LUK.021.038 Ya todo y taotao sija manmafato gui templo, taftaf gui egaan, para umaecungog güe.

22

22:1b.LUK.022.001 AYO nae estaba jijijot y jaanin y guipot y pan ni taelibadura, ni mafanaan pascua.

22:2b.LUK.022.002 Ya y magas mamale yan y escriba sija maaliligao jaftaemano para umapuno güe; lao manmaañao ni y taotaosija.

22:3b.LUK.022.003 N 22 3 51840 ¶ Ya jumalom si Satanas gui as Judas y apeyiduña Iscariote, uno gui numerou y dose.

22:4b.LUK.022.004 Ya maposgüe, ya manguentos yan y magas mamale, yan y manmagas, jafataemano para uinentrega guiya sija.

22:5b.LUK.022.005 Ya ninafanmagof, ya matratos na umanae salape.

22:6b.LUK.022.006 Ya manpromete ya jaaliligao lugat para uqueentrega guiya sija, yanguin manaegüe y linajyan taotao.

22:7b.LUK.022.007 N 22 7 51880 ¶ Ya mato y jaanin y taelibadura na pan, anae nesesita umaofrese y pascua.

22:8b.LUK.022.008 Ya jatago si Pedro yan Juan, ilegña: Janao ya innalisto y pascua para jita, para utafañocho.

22:9b.LUK.022.009 Ya sija ilegñija nu güiya: Mano malagomo nae innalisto?

22:10b.LUK.022.010 Ya ilegña nu sija: Estagüe, anae manjalom jamyo gui siuda, infanasoda güije yan un taotao, na mañuñule un jarran janom; dalalaque güe jalom mano na guma nae jumalom.

22:11b.LUK.022.011 Ya inalog ni y gaéguima: Y Maestro ilegña nu jago: Manggue y aposento anae para juchocho gui pascua yan y disipulujo sija?

22:12b.LUK.022.012 Ya infanfinanue ni y dangculo na aposento gui sanjilo todo cabales: ayonae innalisto.

22:13b.LUK.022.013 Ya manjanao ya masoda jaftaemano y mansinangane sija; ya manalisto para y pascua.

22:14b.LUK.022.014 N 22 14 51950 ¶ Ya anae mato y ora, matachong papa mañija yan y dose na apostoles.

22:15b.LUK.022.015 Ya ilegña nu sija: Jagasja juguefdesea na utafañocho guine na pascua antes di jufamadese:

22:16b.LUK.022.016 Sa jusangane jamyo: Ti juchocho mas, asta qui macumple gui raenon Yuus.

22:17b.LUK.022.017 Ya juresibe y copa ya janae grasia, ya ilegña: Chule este, ya infanafacae entre jamyo:

22:18b.LUK.022.018 Sa jusangane jamyo na ti juguimen otro biaje ni y tinegcha ubas, asta qui ufato y raenon Yuus.

22:19b.LUK.022.019 Ya jachule y pan, ya anae janae grasia, jaipe, ya janae sija, ilegña: Este y tataotaojo, ni y manmanae jamyo: fatitinas este para injajasoyo.

22:20b.LUK.022.020 Taegüijeja locue y copa, anae munjayan mañena ilegña: Este na copa y nuebo na trato gui jâgâjo, ni y machuda pot jamyo.

22:21b.LUK.022.021 Lao estagüeja y canae y umentregayo na jumajame gui lamasa.

22:22b.LUK.022.022 Ya magajet na y Lajin taotao ujanao, ni y esta manfagpo, lao ay ay ayo na taotao uinentrega!

22:23b.LUK.022.023 Ya jatutujon manafaesen entre sija, jae guiya sija ufinatinas este.

22:24b.LUK.022.024 N 22 24 52050 ¶ Ya guaja locue inaguaguat guiya sija, jaye umasdangculo.

22:25b.LUK.022.025 Ya ilegña nu sija: Y ray y Gentiles, jafatitinas minagas gui jiloñija; ya ayo y fumatitinas ninasiña gui jiloñija, manmafanaan manmauleg na taotao.

22:26b.LUK.022.026 Lao ti infanaegüenao: sa jaye y mas dangculo guiya jamyo, ufamataegüije y mas diquique; ya y magas, ufamataegüije y mañeñetbe.

22:27b.LUK.022.027 Sa cao dangculoña, ayo y matatachong chumocho, pat ayo y mañeñetbe? ti ayo y matachong chumocho; lao guajo gaegue gui entalonmiyo taegüije ayo y mañeñetbe.

22:28b.LUK.022.028 Jamyo ayo sija y sumisigueja mangachongjo gui tentasionjo.

22:29b.LUK.022.029 Ya juaregla un raeno para jamyo, taegüije y as Tata ni y jaaregla y raeno para guajo.

22:30b.LUK.022.030 Para infañocho yan infanguimen, gui lamasajo gui raenoco; ya infanmatachong gui trono sija ya injisga y dose na tribo guiya Israel.

22:31b.LUK.022.031 Simon, Simon, estagüe, si Satanas, na malago nu jago para unquinila gui coladot taegüije y trigo;

22:32b.LUK.022.032 Lao guajo tayuyute jao, para chaña fafatta y jinengguemo: ya yanguin umabira jao, nafanfitme y mañelumo.

22:33b.LUK.022.033 Ya ilegña nu güiya: Señot, estayo listo para judalalag jao para y catset yan para y finatae.

22:34b.LUK.022.034 Ya ilegña: Jusangane jao Pedro, na ti uoo y gayo pago na jaane, antes di undagueyo tres biaje na guinin untungoyo.

22:35b.LUK.022.035 N 22 35 52160 ¶ Ya ilegña nu sija: Anae jutago jamyo sin botsa, yan sin maleta, yan sin sapatos, guaja fattanmiyo? Ya ilegñija: Taya.

22:36b.LUK.022.036 Ayonae ilegña nu sija: Lao pago, y gaebotsa, uchuleja, yan taegüenaoja locue y maleta: ya jaye y taya espadaña, ubende y magaguña ya ufamajan uno.

22:37b.LUK.022.037 Sa jusangane jamyo, na este y esta matugue, nesesita na umacumple guiya guajo: Ya matufong gui entalo y manaelaye sija: sa y güinaja sija pot guajo, umanafanfagpo.

22:38b.LUK.022.038 Ya ilegñija: Señot, estagüeja dos na espada. Ya ilegña nu sija: Esta najong.

22:39b.LUK.022.039 Ya jumuyong, ya mapos, taegüijeja y costumbreña, para y egso Olibo; ya matatiye locue ni y disipuluña.

22:40b.LUK.022.040 Ya anae mato gui lugat, ilegña nu sija: Fanmanaetae, ya chamiyo fanjajalom gui tentasion.

22:41b.LUK.022.041 Ya sumuja guiya sija, gui un inagüit acho; ya dumimo, ya manaetae,

22:42b.LUK.022.042 Ylegña: Tata, yanguin malago jao, nasuja guiya guajo este y copa: lao munga mafatinas y malagojo, lao y malagomo.

22:43b.LUK.022.043 Ya finatoigüe güije un angjet guinin y langet, ya ninametgot.

22:44b.LUK.022.044 Ya anae estaba umagoninias, mas fejman manaetae: ya y masajalomña taegüije y mandangculo na gotan jâgâ, mamopodong papa gui eda.

22:45b.LUK.022.045 Ya anae cajulo guinin manaetae, ya mato gui disipuluña, jasoda na manmamaego sa mantriste,

22:46b.LUK.022.046 Ya ilegña nu sija: Jafa na manmamaego jamyo? fangajulo ya infanmanaetae, sa noseaja infanjalom gui tentasion.

22:47b.LUK.022.047 N 22 47 52280 ¶ Ya mientras cumuecuentos, estagüe un manadan taotao, yan ayo y mafanaan si Judas, uno gui dose, na mafona gui menanñija, ya jumijijot gui as Jesus para uchico.

22:48b.LUK.022.048 Lao si Jesus ilegña nu güiya: Judas, pot un chicoja na unentrega y Lajin taotao?

22:49b.LUK.022.049 Ya anae malie, ni ayo sija y mangaegue gui oriyaña, jafa ujuyong, ilegñija: Señot, intaga ni y espada?

22:50b.LUK.022.050 Ya uno guiya sija jataga y tentago y magas mamale, ya jautut y agapa na talangaña.

22:51b.LUK.022.051 Ya manope si Jesus ilegña: Polo este esta. Ya japacha y talangaña, ya janamagong.

22:52b.LUK.022.052 Ayonae ilegña si Jesus ni y magas mamale, yan y capitan sija gui templo, yan y manamco sija ni y manmato guiya güiya: Manmato jamyo yan espada yan galute, taegüije y contra y saque?

22:53b.LUK.022.053 Anae estaba manjijitaja cada jaane gui templo, taya nae inestira y canaenmiyo contra guajo: lao este oranmiyo, yan y ninasiñan jinemjom.

22:54b.LUK.022.054 Ya maguot güe ya macone guato gui guima y magas mamale. Ya tinatitiyeja as Pedro lachago.

22:55b.LUK.022.055 Ya anae munjayan matotne y guafe gui talo gui patio, ya mandaña manmatachong, matachong si Pedro gui entaloñija.

22:56b.LUK.022.056 Ya linie ni un criada anae matachong gui ininan guafe, ya guinesatangüe, ya ilegña: Este locue na taotao manisija.

22:57b.LUK.022.057 Ya jadague, ilegña: Palaoan, ti jutungo güe.

22:58b.LUK.022.058 Ya anae na apmam linie ni otro ya ilegña: Mangachochongmo yuje sija? ya ilegña si Pedro: Taotao, ti guajo.

22:59b.LUK.022.059 Ya anae malofan una ora, otro jagosasegura ilegña: Magajet na sumisija este yan ayo, sa taotao Galilea locue este.

22:60b.LUK.022.060 Ya si Pedro ilegña: Taotao, ti jutungo jafa ilelegmo. Ya mientras cumecuentos, enseguidas umoo y gayo.

22:61b.LUK.022.061 Ya jabira güe y Señot ya jaaatan si Pedro. Ayonae jajaso si Pedro y sinangan y Señot, ni y ilegña nu güiya: Antes que uoo y gayo pago na jaane, undagueyo tres biaje.

22:62b.LUK.022.062 Ya jumuyong si Pedro ya guefcumasao.

22:63b.LUK.022.063 N 22 63 52440 ¶ Ya y taotao sija ni gumuguot si Jesus, mabotlelea ya manalalamen.

22:64b.LUK.022.064 Ya anae mabendas y atadogña, mafaesen ilelegñija: Sangan; jaye jao munalamen?

22:65b.LUK.022.065 Ya megae sija na chinatfino masasangan contra guiya, manamamajlao güe.

22:66b.LUK.022.066 N 22 66 52470 ¶ Ya anae manana mandaña sija y inetnon manamco na taotao sija y magas y mamale yan y escribas: ya macone guato gui tribunatñija, ilegñija:

22:67b.LUK.022.067 Yaguin jago si Jesucristo, sangane jam. Lao ilegña nu sija: Yaguin jusangane jamyo, ti injenggue yo;

22:68b.LUK.022.068 Ya yaguin guajo jamyo fumaesen, ti inepeyo.

22:69b.LUK.022.069 Lao desde pago para mona y Lajin taotao gaegue na matatachong gui agapa gui ninasiñan Yuus.

22:70b.LUK.022.070 Ya ilegña todos: Ayonae Lajin Yuus jao? Ya ilegña nu sija: Jamyo umalog na guajo yo.

22:71b.LUK.022.071 Ayonae ilegñija: Jafa mas na testimonio tanesesita? sa tajungogja esta gui pachotña.

23

23:1b.LUK.023.001 YA todo y linajyanñija mangajulo, ya macone asta as Pilatos.

23:2b.LUK.023.002 Ya matutujon mafaaela ilegñija: Inseda este na taotao na janaquequelache y nasionta, yan mañoñoma na umanae tributo si Sesat, ya ilelegña na güiya si Cristo un ray.

23:3b.LUK.023.003 Ayonae si Pilatos finaesen ilegña: Jago y Ray y Judio sija? ya inepe ya ilegña: Jago umalog.

23:4b.LUK.023.004 Ya si Pilatos ilegña ni y magas y mamale, yan y linajyan taotao sija: Taya isao jusoda güine na taotao.

23:5b.LUK.023.005 Lao sija japotfia, ilegñija: Jaatbororota y taotao sija, mamananagüe guiya Judea todo, jatutujon desde Galilea asta esteja na lugat.

23:6b.LUK.023.006 Ya anae jajungog este si Pilatos, mamaesen cao taotao Galilea.

23:7b.LUK.023.007 Ya anae jatungo na gaegue gui sisiñan Herodes, janamanajanao asta as Herodes, sa estaba güe locue guiya Jerusalem güije sija na jaane.

23:8b.LUK.023.008 N 23 8 52600 ¶ Ya si Herodes anae jalie si Jesus, ninasenmagof: sa jagasja jadesea na ulie, sa jajujungog guinin güiya, megae na güinaja: ya jananangga na ufanlie guinin güiya y milagro.

23:9b.LUK.023.009 Ya jafaesen megae na sinangan: lao taya inepe güe.

23:10b.LUK.023.010 Yan mangaegue y magas y mamale yan y escribas na manmatatachong ya mafaaela güe fijom.

23:11b.LUK.023.011 Lao si Herodes yan y sendaluña, madespresia yan mabotlea, yan manaminagago ni lamlam na magago, ya manatalo guato as Pilatos.

23:12b.LUK.023.012 Ya umamigo si Pilatos yan Herodes güijeja na jaane: sa guinin umachatlie y dos.

23:13b.LUK.023.013 Ya si Pilatos janaetnon y magas y mamale, yan y magalaje yan y taotao sija,

23:14b.LUK.023.014 Ya ilegña nu sija: Inquene mague guiya guajo este na taotao na janaquequelache y taotao sija; ya, estagüe, na jufaesen gui menanmiyo, ya taya jusoda ni jafa na isao güine na taotao pot y finaaelamimiyo sija.

23:15b.LUK.023.015 Aje, ni si Herodes: sa junafalag iya güiya, ya, estagüe, ni jafa na ufanmerese na finatae pot y guinin finatinasña.

23:16b.LUK.023.016 Enao mina bae jucastiga ya jusotta.

23:17b.LUK.023.017 Ya manesesita na umasotta uno gui guipot.

23:18b.LUK.023.018 Ya managang cada uno, ilegñija: Nasuja juyong enao na taotao ya umasotta si Barabas:

23:19b.LUK.023.019 Sa mapreso pot un jatsamiento yan mamuno ni y jafatinas gui siuda.

23:20b.LUK.023.020 Ya si Pilatos ilegña talo nu sija, Malagomiyo na umasotta si Jesus.

23:21b.LUK.023.021 Lao managang ilegñija: Atane gui quiluus, atane gui quiluus.

23:22b.LUK.023.022 Ya ilegña nu sija gui mina tres biaje: Sa jafa? jafa na taelaye finatinasña este na taotao? Taya ni jafa na causa para umapuno jusoda guiya güiya. Pot este na rason bae jucastigaja ya jusotta.

23:23b.LUK.023.023 Lao sija enseguidas janadangculo inagangñija, ya magagao na umaatane gui quiluus. Ya y inagangñija mangana.

23:24b.LUK.023.024 Ayonae si Pilatos janae sentensia na ufatinas taemano y guinagaoñiñija.

23:25b.LUK.023.025 Ya masotta ayo y guinin mapreso pot jatsamiento yan mamuno, ayo y guinin magagagao: ya manmaentrega as Jesus gui minalagoñija.

23:26b.LUK.023.026 N 23 26 52780 ¶ Ya anae macocone güe maguot si Simon, taotao Sirene, ni guinin y fangualuan, ya manae ni quiluus na uapagaye gui taten Jesus.

23:27b.LUK.023.027 N 23 27 52790 ¶ Ya matatitiye ni y dangculon linajyan taotao yan famalaoan sija ni mangacasao yan manatangis pot güiya.

23:28b.LUK.023.028 Lao si Jesus jabira güe tate guiya sija ilegña; Famalaoan Jerusalem, chamiyo fangacasao pot guajo, lao fangacasao pot jamyoja yan pot y famaguonmiyo.

23:29b.LUK.023.029 Sa, estagüe, na ufato sija jaane nae umaalog: Mandichoso sa y manmachora, yan y tiyan sija ni ti manmamañago, yan y pecho sija ni ti manmamómogsae.

23:30b.LUK.023.030 Ayonae matutujon maalog ni egso sija: Famodong gui jilonmame; ya y sabana sija: Tampe jam.

23:31b.LUK.023.031 Sa yaguin y betde na jayo jafatinas estesija, y anglo, jafa uchogüe?

23:32b.LUK.023.032 N 23 32 52840 ¶ Ya macone locue dos palo na taelaye finatinasñija para ufanmapuno yan güiya.

23:33b.LUK.023.033 Ya anae manmato güije na lugat ni mafanaan Calabera, maatane gui quiluus güije yan ayo y dos ni y taelaye finatinasñija, uno gui agapa ya y otro gui acagüe.

23:34b.LUK.023.034 Ya si Jesus ilegña: Tata, asie estesija; sa ti jatungo jafa jachochogüe. Ya manafacae entre sija y magaguña, ya marifa.

23:35b.LUK.023.035 Ya y taotao sija manotojgue ya maaatanja. Ya mabotlelea ni y magas sija locue, ya ilelegñija: Ufañatba otrosija: palo ya usatban maesagüe, yaguin este si Cristo, ni guine as Yuus.

23:36b.LUK.023.036 Ya mamofefea ni y sendalo sija, manmato guiya güiya, ya mafanunue ni y binagle.

23:37b.LUK.023.037 Ya ilegñija: Yaguin jago Ray y Judio sija, satban maesa jao.

23:38b.LUK.023.038 Ya guaja locue un tinigue gui jiloña: ESTE GUIYA Y RAY Y JUDIO SIJA.

23:39b.LUK.023.039 Ya uno gui ayo y taelaye finatinasñija ilegna: Yaguin jago si Cristojao? Satban maesajao yan jame.

23:40b.LUK.023.040 Lao inepe ni otro, ya linalatde ilegña: Ti maañao jao as Yuus, sa gaegue jao gui mismo sinentensia?

23:41b.LUK.023.041 Lao jita magajet na tunas; sa utafanresibe pot y finatinasta: lao este na taotao, taya taelaye finatinasña.

23:42b.LUK.023.042 Ya ilegña: Jesus, jajaso yo yaguin matojao gui raenomo.

23:43b.LUK.023.043 Ayonae ilegña nu güiya: Magajet jusangane jao: Pago mismo na jaane utajita na dos guiya Paraiso.

23:44b.LUK.023.044 Ya anae buente y oran a las sais, jumuyong jomjom todo y jilo y tano asta y oran a las nuebe,

23:45b.LUK.023.045 Ya y atdao jomjom, ya y cottinan templo maipe gui talo.

23:46b.LUK.023.046 Ya anae umagang si Jesus, ni dangculo na inagang, ilegña: Tata, y canaemo nae jupolo y espiritujo; ya anae munjayan jasangan este, jaentrega y espiritu.

23:47b.LUK.023.047 N 23 47 52990 ¶ Ya anae jalie y senturion estesija y manmalofan, janamalag si Yuus, ilegña: Sen magajet este na taotao na tunas.

23:48b.LUK.023.048 Ya todo y linajyan taotao ni mandaña anae manmalofan este sija, anae malie y jagas sinesede, natumalo guato ya jaseco pechonñija.

23:49b.LUK.023.049 Lao todo y atungoña yan y famalaoan ni tumatitiye güe desde Galilea, manestaba manlachago maatanja este sija.

23:50b.LUK.023.050 N 23 50 53020 ¶ Ya estagüe, un taotao na y naanña si José, un taotao na pápagat, mauleg na taotao yan tunas:

23:51b.LUK.023.051 (Ti jaconsiente y pinagatñija ni y finatinasñija:) Taotao Arimatea, gui Siuda y Judiosija, ya güiya locue jananangga y raenon Yuus.

23:52b.LUK.023.052 Este mato gui as Pilatos, ya jagagao y tataotao Jesus.

23:53b.LUK.023.053 Ya janatunog gui quiluus, ya jabalutan gui un sabanas, ya japolo gui un naftan ni maguadog gui acho, ya taya ni uno mapolo güije antes.

23:54b.LUK.023.054 Ya ayo na jaane y inaregla y pascua, ya pago manana gui sabado.

23:55b.LUK.023.055 Ya manmato locue y famalaoan ni y tumatitiye desde Galilea, ya malie y naftan yan jaftaemano mapoloña y tataotaoña.

23:56b.LUK.023.056 Ya tumalo guato sija, ya manmamamauleg paopao yan inggüente sija: ya mandescansa gui sabado na jaane jaftaemanoja y tinago.

24

24:1b.LUK.024.001 LAO y finenana na jaane gui semana, gui taftataf gui egaan, manmato gui naftan, mapmañuñule guato paopao ni y finamaulegñija.

24:2b.LUK.024.002 Ya masoda y acho na esta managalileg gui pettan y naftan.

24:3b.LUK.024.003 Ya anae manjalom ti masoda y tataotao y Señot Jesus.

24:4b.LUK.024.004 Ya anae manmajngang nu este, dos taotao tumotojgue gui oriyanñija, na minagagago ni y lamlam na magago.

24:5b.LUK.024.005 Ya anae ninafanmaañao ya manecon papa gui eda, ilegñija nu sija: Jafa muna inaliligao y lâlâ gui entalo y manmatae?

24:6b.LUK.024.006 Taegüe güine, lao esta cajulo: jaso y mansinangane jamyo, anae estataba Galilea,

24:7b.LUK.024.007 Ylegña: Na nesesita na y Lajin taotao umaentrega gui canae y taotao sija ni manisao, y umaatane gui quiluus, ya ucajulo talo gui mina tres na jaane.

24:8b.LUK.024.008 Ayonae jajaso sija y sinanganña,

24:9b.LUK.024.009 Ya manalo guato gui naftan ya jasangane y onse nu este sija, yan todo y pumalo.

24:10b.LUK.024.010 Ya sija si Maria Magdalena yan si Juana, yan si Maria nanan Santiago; yan y pumalo palaoan ni mangachongñija, sumangane y apostoles nu estesija.

24:11b.LUK.024.011 Lao sija japolo na taetiningo, y sinanganñija ya ti majonggue.

24:12b.LUK.024.012 N 24 12 53200 ¶ Ayonae cajulo si Pedro, ya malago asta y naftan: ya anae ñumejon ya jaatan jalom, jalilie y sabanasja gui un lugat, ya mapos güe iyasija ya ninamanman nu este y manmalofan.

24:13b.LUK.024.013 N 24 13 53210 ¶ Ya, estagüe, dos guiya sija na jumajanao, güijeja na jaane, para un songsong ni naanña Emmaus, sesenta estadios desde Jerusalem.

24:14b.LUK.024.014 Ya cumuecuentos y dos mona pot todo estesija y masusede.

24:15b.LUK.024.015 Ya susede anae cumuecuentos y dos, ya manafaesen entre sija, mato si Jesus ya mañisija manjanao.

24:16b.LUK.024.016 Lao y atadogñija calang manmatampe, para chañija tumutungo güe.

24:17b.LUK.024.017 Ya ilegña nu sija: Jafa na cuentosmimiyo uno yan otro, anae manajanao jamyo, ya mañaga ya ninafantriste?

24:18b.LUK.024.018 Inepe ni ayo y uno ni y naanña si Cleofas ya ilegña nu güiya: Ada sumagaja jao guiya Jerusalem, ya ti untungo jafa manmalofan güine sija na jaane?

24:19b.LUK.024.019 Ayonae ilegña nu sija: Jafa sija? Ya ilegñija nu güiya: Ayo sija iyon si Jesus Nasareno, ni profeta güe ni gaeninasiña gui checho yan y sinangan gui menan Yuus yan todo y taotao sija;

24:20b.LUK.024.020 Ya maentrega, gui magas mamale yan y magalajenmame para umasentensia ni y finatae, ya maatane gui quiluus.

24:21b.LUK.024.021 Lao jame innanangga sa güiya y para unafanlibre y Israel. Junggan, yan mas qui todo este, pago esta mina tres na jaane desde que masusede estesija.

24:22b.LUK.024.022 Yan locue palo famalaoan ni mangachongmame janamanman jam sa manmato gui naftan gui taftataf gui egaan;

24:23b.LUK.024.023 Ya anae ti masoda y tataotaoña, manmato guiya jame ilegñija na manmanlie sija y liniin angjet sija, ni y jasnangane na lâlâgüe.

24:24b.LUK.024.024 Ya mamjanao guato gui naftan palo gui mangachongmame ya masoda taemanoja y sinangan y famalaoan; lao ti malie güe.

24:25b.LUK.024.025 Ya ilegña nu sija: O taotao manaetiningo jamyo, yan y ñateng y corasonmiyo para injenggue todo y sinangan y profeta sija!

24:26b.LUK.024.026 Ada ti nesesita na si Cristo ufamadese nu este sija ya taegüine nae ujalom gui minalagña?

24:27b.LUK.024.027 Ya jatutujon desde as Moises, yan y profeta sija, y jasangangane claro todo ni tinigue ni y pot güiya.

24:28b.LUK.024.028 Ya manmato gui sengsong ni jajananagüe güije; ya jasigue para mas chago jinanaoña.

24:29b.LUK.024.029 Lao sija janasaga fuetsao, ilegñija: Maela tafañaga sa este puenge ya jocog y jaane; ya jumalom para usaga mañisija.

24:30b.LUK.024.030 Ya susede, anae matachong gui lamasa yan sija, jachule y pan ya jabendise, ya jaipe ya manninae.

24:31b.LUK.024.031 Ayonae manmababa atadogñija ya matungo güe; lao güiya jamalingoja gui inatanñija.

24:32b.LUK.024.032 Ya ilegñija entre y dos: Ada ti sinenggue y corasonta gui sumanjalomta mientras jacuentutusejit gui chalan, yan anae jababayejit ni y tinigue?

24:33b.LUK.024.033 Ya cumajulo y dos güije na ora, ya tumalo guato Jerusalem: ya masoda y onse mandadaña, yan y manestaba mangachongñiñija,

24:34b.LUK.024.034 Ya ilelegñija: Magajet, esta cajulo y Señot, na umalie yan si Simon.

24:35b.LUK.024.035 Ayonae sija jasangane nu este sija y masusede gui chalan; yan jafa taemano, tungoñija anae jaipe y pan.

24:36b.LUK.024.036 N 24 36 53440 ¶ Ya mientras manguecuentos nu este sija, güiya tumojgueja gui entaloñija, y ilegña nu sija: Pas guiya jamyo.

24:37b.LUK.024.037 Ayonae manmaañao ya manmajngang ya jinasonñija na manmanlie sija un espiritu.

24:38b.LUK.024.038 Lao güiya ilegña nu sija: Jafa na ninafanestotba jamyo? Ya jafa na cumajulo y jinasonmiyo gui corasonmiyo?

24:39b.LUK.024.039 Atanja y canaejo yan y adengjo, sa guajo mismoyo: pacha yan inlie sa y espiritu taecatne ni tolang, taegüije inliija na guajayo,

24:40b.LUK.024.040 Ya anae jasangan este, manfinanue ni y canaeña yan y adengña.

24:41b.LUK.024.041 Ya anae ti jajonggue sija pot minagofñija, ya ninafanmanman, güiya ilegña nu sija: Guaja güine jafa para utacano?

24:42b.LUK.024.042 Ya sija janae un pedason güijan na mapeja.

24:43b.LUK.024.043 Ya jachule ya jacano gui menanñija.

24:44b.LUK.024.044 N 24 44 53520 ¶ Ya ilegña nu sija: Este sija na sinangan ni y jusangangane jamyo anae manjijita: taemanoja na nesesita na umacumple todo y esta matugue gui lay Moises yan y profeta sija, yan y Salmos pot guajo.

24:45b.LUK.024.045 Ayonae manbinaba y jinasoñija para ujatungo y tinigue;

24:46b.LUK.024.046 Ya ilegña nu sija: Taegüine esta matugue, na si Cristo ufamadese ya ucajulo talo guinin y manmatae gui mina tres na jaane;

24:47b.LUK.024.047 Ya umapredica gui naanña y sinetsot yan inasiin isao, gui todo y nasion sija, umatutujon desde Jerusalem.

24:48b.LUK.024.048 Ya jamyo testigo nu estesija na güinaja.

24:49b.LUK.024.049 Ya, estagüe, na bae jutago y promesan y Tatajo gui jilo miyo: lao jamyo fañaga gui siuda guiya Jerusalem, asta que manminagago jamyo ni y ninasiña guinin iya jululo.

24:50b.LUK.024.050 N 24 50 53580 ¶ Ya manquinene juyong asta Betania; ya jajatsa y canaeña ya manbinendise sija.

24:51b.LUK.024.051 Ya susede anae manbinendise, jaapatte güe guiya sija ya machule julo gui Langet.

24:52b.LUK.024.052 Ya sija jaadora ya manalo guato Jerusalem yan y dangculon minagofñija;

24:53b.LUK.024.053 Ya mangaegue siempre gui templo, manmanbendidise as Yuus. Amen.