Mark (Chamorro)

1

1:1b.MAR.001.001 TUTUJON y ibangelion Jesucristo, Lajin Yuus.

1:2b.MAR.001.002 Jaftaemano esta matugue gui profeta Isaias: Estagüe, guajo tumago y tentagojo gui menan matamo, para ufamauleg y chalanmo gui menamo.

1:3b.MAR.001.003 Ynagang ni umaagang gui desierto: Fanmauleg y chalan y Señot: natunas y cayejonña.

1:4b.MAR.001.004 Si Juan managpange gui desierto, ya jasetmon y tinagpangen minañotsot para inasiin isao sija.

1:5b.MAR.001.005 Ya manjanao guiya güiya guato todo y tano Judea, yan todo sija guiya Jerusalem; ya todo sija mantinagpange gui sadog Jordan, ya jaconfesatñaejon y isaoñija.

1:6b.MAR.001.006 Ya si Juan minagagon pulon cameyo, yan sinturon cuero gui senturaña; ya y naña, apacha yan miet monte.

1:7b.MAR.001.007 Ya mansesetmon, ilegña: Ufato gui tateco uno na masgaeninasiña qui guajo, y coreas y sapatosña, ti digno yo nu jutecon ya jupula.

1:8b.MAR.001.008 Guajo magajet na jutagpange jamyo yan janom; lao güiya infantinagpange ni Espiritu Santo.

1:9b.MAR.001.009 N 1 9 35410 ¶ Ya susede ayo sija na jaane, na si Jesus mato guine Nasaret Galilea, ya tinagpange as Juan gui Jordan.

1:10b.MAR.001.010 Ya enseguidas nae cajulo gui janom, jalie na mababa y langet, ya y Espiritu, calang paluma tumunog gui jiloña,

1:11b.MAR.001.011 Ya mato un inagang guine y langet na ilegña: Jago y lajijo ni yajo, iya jago nae gosmagof yo.

1:12b.MAR.001.012 Ya enseguidas ninafalag y desierto ni Espiritu.

1:13b.MAR.001.013 Ya sumaga güije cuarenta na jaane, ya tinienta as Satanas; yan mañisija y manmachaleg na gâgâ sija; ya y angjet sija masetbe güe.

1:14b.MAR.001.014 N 1 14 35460 ¶ Anae munjayan si Juan mapreso, mato si Jesus guiya Galilea, jasesetmon y ibangelion Yuus.

1:15b.MAR.001.015 Ya ilegña: Y tiempo esta macumple; ya y raenon Yuus esta jijot: fanmañotsot, ya injenggue y ibangelio.

1:16b.MAR.001.016 N 1 16 35480 ¶ Ya mamomocat gui oriyan tasen Galilea, jalie si Simon, yan si Andres chelun Simon, na jayuyute y lagua gui tase, sa sija manpescadot.

1:17b.MAR.001.017 Ya si Jesus ilegña nu sija: Maela dalalagyo, ya junafanpescadot taotao jamyo.

1:18b.MAR.001.018 Enseguidas japolo y laguañija ya madalalag güe.

1:19b.MAR.001.019 Anae malofan talo didide mona, jalie si Santiago, lajin Sebedeo, yan si Juan cheluña, na manestaba locue gui batco na jalememenda y laguañija.

1:20b.MAR.001.020 Ya enseguidas jaagang; ya jadingo si tatanñija as Sebedeo gui batco yan y manmachocho sija, ya madalalag güe.

1:21b.MAR.001.021 N 1 21 35530 ¶ Ya manjalom Capernaum; ya enseguidas, gui sábado na jaane, jumalom gui sinagoga ya mamanagüe.

1:22b.MAR.001.022 Ya sija ninafanmanman ni finanagüeña; sa jafananagüe sija calang uno ni gaeninasiña, ya ti calang y escriba sija.

1:23b.MAR.001.023 Ya enseguidas guaja güije gui sinagogañija un taotao na guaja áplacha na espiritu, ya güiya umagang,

1:24b.MAR.001.024 Ylegña: Parajafa jam nu jago, Jesus taotao Nasaret? Matojao para unnafanaelayejam? Jutungoja jayejao, jago y Santos guine as Yuus.

1:25b.MAR.001.025 Ya si Jesus jalalatde ilegña: Pacaca, ya maela juyong guiya güiya.

1:26b.MAR.001.026 Ya anae y áplacha na espiritu tiniteg güe, ya ninaagang gosdangculo na inagang, jumuyong guiya güiya.

1:27b.MAR.001.027 Ya todo sija ninafanmanman, pot este manafaesen entre sija, ilegñija: Jafa este? Jafa na nuebo finanagüe este! yan ninasiña jatago y manáplacha na espiritu, ya maosgueja güe?

1:28b.MAR.001.028 Enseguidas y famaña manamamta todo gui tano oriyan Galilea.

1:29b.MAR.001.029 N 1 29 35610 ¶ Ya enseguidas anae jumuyong gui sinagoga, mato gui guima Simon yan si Andres, yan si Santiago yan si Juan.

1:30b.MAR.001.030 Ya y suegran Simon estaba na umaason sa malango yan calentura: ya masangane güe enseguidas nu y palaoan.

1:31b.MAR.001.031 Ayo nae mato güe, ya jamantiene canaeña, ya jajatsa julo; ya pinelo ni calentura, ya güiya sumetbe sija.

1:32b.MAR.001.032 N 1 32 35640 ¶ Ya anae estaba esta pupuenge, anae machom y atdao, maconiigüe todo ni manmañetnot yan y maninanite.

1:33b.MAR.001.033 Ya todo y siuda mandaña gui petta.

1:34b.MAR.001.034 Ya janafanjomlo megae ni manestaba manmalango todo clasen chetnot sija; ya jayute juyong megae na anite sija; ya ti japolo nu y anite sija cumuentos sa matungo güe.

1:35b.MAR.001.035 N 1 35 35670 ¶ Ya y egaan güije, cajulo gostaftaf, jojomjomja trabia, ya jumuyong, ya malag y un lugat desierto, ya manaetae güije.

1:36b.MAR.001.036 Ya tinatiye güe as Simon, yan y mangachochongña.

1:37b.MAR.001.037 Ya anae masoda güe, ilegñija nu güiya: Todo umaliligaojao.

1:38b.MAR.001.038 Güiya ilegña nu sija: Nije tafanmalag y otro lugat gui sengsong ni jijot, ya jufansetmon locue güije; sa pot este na matoyo.

1:39b.MAR.001.039 Ya jumalom gui sinagogañija todo Galilea, sesetmon ya jayuyute juyong y anite sija.

1:40b.MAR.001.040 N 1 40 35720 ¶ Ya un ategtog mato guiya güiya, tinayuyut güi ya dumimo, ya ilegña: Yaguin malagojao, siña unnagasgasyo.

1:41b.MAR.001.041 Ya si Jesus ninamaase ya jaestira y canaeña, ya japacha, ya ilegña: Malagoyo, ungasgas.

1:42b.MAR.001.042 Ya enseguidas y chetnot y ategtog mapos guiya güiya ya gasgas güe.

1:43b.MAR.001.043 Ya jagosencatga, ya jatago na ujanao,

1:44b.MAR.001.044 Ya ilegña nu güiya: Atan ya chamo sumangangane ni jaye jafa; lao sigueja gui jinanaomo ya unfanue y pale nu jago, ya unofrese ni guinasgasmo ni si Moises manago, para testimonioñija.

1:45b.MAR.001.045 Lao güiya mapos, ya jatutujon munamatungo, yan janagosmamta y checho; pot este, si Jesus ti siña jumalom matungo nu güiya gui siuda; lao sumasagaja gui sumanjiyong gui lugat desierto sija, ya manmato guiya güiya guinin todo y patte sija.

2

2:1b.MAR.002.001 YA otro biaje güiya jumalom guiya Capernaum, despues di malofan ti megae na jaane sija; ya majungog na gaegue güe gui jalom guma.

2:2b.MAR.002.002 Ya mandaña megae, ya ti manulag, ni gui oriyan y petta; ya jasetmon y sinangan guiya sija.

2:3b.MAR.002.003 Ayo nae manmato guiya güiya manmangongone un paralitico, na macocone ni cuatro.

2:4b.MAR.002.004 Ya anae ti siña manmato guiya güiya pot y linajyan taotao, manajanao y atof anae estaba güe, ya anae munjayan mababa, manatunog y cama anae mapopolo y paralitico.

2:5b.MAR.002.005 Ya anae jalie si Jesus y jinenggueñija, ilegña ni paralitico: Lajijo, y isaomo unmaasie.

2:6b.MAR.002.006 Ya estaba güije manmatatachong palo escriba sija, ya manmanjajaso gui corasonñija, ilegñija:

2:7b.MAR.002.007 Jafa na cumuecuentos este na taotao chatfino contra si Yuus? Jaye siña manasie isao, solo si Yuusja?

2:8b.MAR.002.008 Ya jatungo si Jesus enseguidas gui espirituña na manmanjajaso gui sumanjalomñija, ya ilegña nu sija: Jafa muna injajaso este sija gui corasonmiyo?

2:9b.MAR.002.009 Jafa mas guse taalog y paralitico: Y isaomo unmaasie; pat taalog: Cajulo, chule y camamo, ya unjanao?

2:10b.MAR.002.010 Lao para intingo na y Lajin taotao guaja ninasiñaña gui jilo tano manasie isao (ilegña ni paralitico),

2:11b.MAR.002.011 Jualog nu jago: Cajulo, ya unchule y camamo ya janao falag iyajamyo.

2:12b.MAR.002.012 Ayo nae cajulo güe enseguidas, ya jachule y camaña, ya mapos gui menan todo; enao muna todo ninafanmanman, ya manamalag si Yuus, ilegñija: Taya nae inlie ayo.

2:13b.MAR.002.013 N 2 13 35900 ¶ Ya jumanao talo gui oriyan tase, ya todo y linajyan taotao manmato guiya güiya, ya jafanagüe sija.

2:14b.MAR.002.014 Ya anae malofan jalie si Levi, lajin Alfeo, na matatachong gui bancon y tributo sija, ya ilegña nu güiya: Dalalagyo. Ya cajulo ya dinalalag güe.

2:15b.MAR.002.015 Ya susede na estaba güe matachong para uchocho gui lamasa gui guima ayo, ya megae sija na publicano yan manisao sija manmatatachong mañisija locue yan si Jesus, yan y disipoluña sija; sa guaja megae dumadalalag güe.

2:16b.MAR.002.016 Ya y escriba sija gui entalo y Fariseo sija, anae jalie na mañochocho yan y manisao yan y publicano sija, ilegñija ni disipoluña sija: Jafa este na güiya chomocho yan gumiguimen, yan y publicano sija yan y manisao?

2:17b.MAR.002.017 Ya anae jajungog si Jesus, ilegña nu sija: Y manjomlo ti janesesita medico, na y manmalango. Ti matoyo para juagang y manunas, na y manisao sija.

2:18b.MAR.002.018 N 2 18 35950 ¶ Ya y disipulon Juan, yan y disipulon Fariseo sija manayunat: ya manmato, ya ilegñija nu güiya: Jafa muna y disipulon Juan yan y disipulon Fariseo sija manayuyunat; ya y disipulumo ti manayuyunat?

2:19b.MAR.002.019 Si Jesus ilegña nu sija: Siña manayunat y mangaegue gui guipot umasagua, yaguin mañisija yan y nobio? Y tiempo nae mañisijaja yan y nobio, ti siña manayunat.

2:20b.MAR.002.020 Lao ufato y jaane sija, na y nobio umanajanao guiya sija; ya ayo sija na jaane nae ufanayunat.

2:21b.MAR.002.021 Taya ni uno lumimendanñañaejon y nuebo na magago gui bijo na bestido; sa ayo y nuebo na limenda ujanao gui bijo, ya mas taelaye y matiteg.

2:22b.MAR.002.022 Ya taya ni uno umasajguane y nuebo na bino gui bijo na boteyan cuero: sa y nuebo na bino uyamag y boteyan cuero sija, ya umachuda y bino, ya y boteyan cuero manmalingo; lao y nuebo na bino, y nuebo na boteyan cuero nae umasajguane.

2:23b.MAR.002.023 N 2 23 36000 ¶ Ya manmapos este, malolofan güe gui jalom fangualuan trigo gui sabado na jaane; ya y disipoluña sijas igue di manmanjala ni espiga sija.

2:24b.MAR.002.024 Ya y Fariseo sija, ilegñija: Atanja, jafa na jafatitinas gui sabado na jaane y ti mauleg para umafatinas?

2:25b.MAR.002.025 Ya güiya ilegña nu sija: Taya nae intaetae jafa checho David anae janesesita, ya ñalang yan y mangachongña?

2:26b.MAR.002.026 Jafa taemano jalomña gui guimayuus anae si Abiatar magas na pale, ya jacano y pan ni inefrese, ni ti para macano, na para y pale sija; ya janae locue y mangachongña sija?

2:27b.MAR.002.027 Ylegña talo nu sija: Y sabado pot y taotao na mafatinas: ti y taotao pot y sabado.

2:28b.MAR.002.028 Enaomina y Lajin taotao Señot locue gui sabado.

3

3:1b.MAR.003.001 YA jumalom talo gui sinagoga; ya guaja güije un taotao na anglo un canaeña.

3:2b.MAR.003.002 Ya sija maaatanja güe cao unajomlo gui sabado na jaane; para umafaaela.

3:3b.MAR.003.003 Ayo nae ilegña ni ayo na taotao y anglo un canaeña: Tojgue julo gui entalo.

3:4b.MAR.003.004 Ya ilegña nu sija: Siña tafatinas mauleg gui sabado na jaane pat taelaye? nalibre y linâlâ pat puno? Lao sija manmamatquiquiloja.

3:5b.MAR.003.005 Ya anae jaatan gui oriya sija yan y linalalo, ninapinite pot y majetog corasoññija, ya ilegña nu y taotao: Estira mona y canaemo. Ya jaestira, ya y canaeña tumalo mauleg parejo yan y otro.

3:6b.MAR.003.006 Ayo nae manmapos y Fariseo sija, ya manaconseja yan y taotao Herodes sija, contra güiya, para umapuno.

3:7b.MAR.003.007 Lao si Jesus sumuja para y tase yan y disipuluña sija; ya madalalag un dangculon linajyan taotao guine Galilea, yan guine Judea,

3:8b.MAR.003.008 Yan guine Jerusalem, yan guine Idumea, yan y otro bandan Jordan, yan guine oriyan Tiro yan Sidon, dangculo na linajyan taotao anae majungog y dangculon finatinasña sija, manmato guiya güiya.

3:9b.MAR.003.009 Ya jasangane y disipoluña sija, na un diquique na batco uninananggaja güe, pot y linajyan taotao para munga güe manachatsaga,

3:10b.MAR.003.010 Sa guaja megae janafanjomlo; ya pot ayo na manpodong gui jiloña, todo y mangaechetnot para umapacha,

3:11b.MAR.003.011 Ya y manáplacha sija na espiritu locue, anae malie güe, manpodong papa gui menaña, ya managang, ilegñija: Jago y Lajin Yuus.

3:12b.MAR.003.012 Lao guiya jagosencatga sija, na chañija munamatutungo güe.

3:13b.MAR.003.013 N 3 13 36180 ¶ Ya cajulo gui egso, ya jaagang guiya güiya ayo sija y malagoña, ya sija manmato guiya güiya.

3:14b.MAR.003.014 Ya jaayig y dose, na ufañisijaja, yan para unafanjanao ya ujafanmansetmon;

3:15b.MAR.003.015 Yan ufangaeninasiña para ujayute juyong y anite sija.

3:16b.MAR.003.016 Sija si Simon, ni japolo sobrenaaña si Pedro;

3:17b.MAR.003.017 Yan si Santiago, lajin Sebedeo, yan si Juan chelun Santiago; ni japolo sobrenaañija si Boanerges ni comoqueilegña lalajin julo.

3:18b.MAR.003.018 Yan si Andres, yan si Felipe, yan si Bartolome, yan si Mateo, yan si Tomas yan si Santiago, lajin Alfeo, yan si Tadeo, yan si Simon y Cananeo;

3:19b.MAR.003.019 Yan si Judas Iscariote ni y locue umentrega güe: ya manjalom talo gui guima.

3:20b.MAR.003.020 N 3 20 36250 ¶ Ya y linajyan taotao mandaña talo, ya pot este sija ti siña ni ufañochocho pan.

3:21b.MAR.003.021 Ya anae majungog na familiaña sija, manmato para umaguot; sa ilegñija: Esta ti guiya güe.

3:22b.MAR.003.022 Ya y escriba sija ni manmato guine Jerusalem, ilegñija, na guaja güe as Beetsebub, ya pot y prinsipen anite na manyuyute juyong anite sija.

3:23b.MAR.003.023 Lao güiya umagang sija, ya ilegña nu sija pot acomparasion: Jafataemano siña si Satanas jayute juyong si Satanas?

3:24b.MAR.003.024 Yaguin un raeno madibide contra güiyaja, ayo na raeno ti siña sumaga.

3:25b.MAR.003.025 Yaguin un guma madibide contra güiyaja, ayo na guma ti siña sumaga.

3:26b.MAR.003.026 Yaguin si Satanas cajulo contra güiyaja, ya madibide ti siña sumaga: lao gae jinecog.

3:27b.MAR.003.027 Taya ni un taotao siña jumalom gui guima y matatnga na taotao, ya unataelaye y güinajaña sija, yaguin ti jagode finena y matatnga na taotao; ya ayo nae unataelaye y güinajaña.

3:28b.MAR.003.028 Magajet jusangane jamyo, na todo y isao sija ufanmaasie gui lalajin taotao sija, yan y chinatfino contra cuatquieraja sija na chinatfinue.

3:29b.MAR.003.029 Lao jayeja y chumatfino contra y Espiritu Santo, taemaasie ni ngaean; ya peligroña y taejinecog na isao:

3:30b.MAR.003.030 Sa ilegñija, güiya guaja áplacha na espiritu.

3:31b.MAR.003.031 Ya manmato si nanaña, yan y mañeluña, ya manestaba gui sumanjiyong, manmanago na umaagang güe.

3:32b.MAR.003.032 Ya y linajyan taotao estaba manmatatachong gui oriyaña; ya ilegñija nu güiya: Estagüe si nanamo yan y mañelumo gui sumanjiyong na maaliligaojao.

3:33b.MAR.003.033 Ya güiya jaope sija, ilegña: Jaye nanajo yan jaye mañelujo?

3:34b.MAR.003.034 Ya manaatan gui oriya anae manestaba manmatatachong gui oriyaña, ya ilegña: Estagüe y nanajo, yan y mañelujo!

3:35b.MAR.003.035 Sa jayeja y fumatinas y minalago Yuus, güiya chelujo laje, yan chelujo palaoan, yan nanajo.

4

4:1b.MAR.004.001 YA jatutujon otro biaje mananagüe gui oriyan tase; ya mandaña guiya güiya dangculo na linajyan taotao, enao mina jumalom gui un batco, ya matachong gui tase; ya todo y linajyan taotao manestaba gui jilo tano gui oriyan tase.

4:2b.MAR.004.002 Ya jafanagüe sija megae pot acomparasion, ya ilegña nu sija gui finanagüeña.

4:3b.MAR.004.003 Ecungog: Estagüe y tatanom na jumuyong para ufananom.

4:4b.MAR.004.004 Ya anae manananom, palo mamodong gui oriyan chalan; ya mato y pajaron y aire ya macano.

4:5b.MAR.004.005 Ya y palo mamodong gui jilo acho, anae ti megae na oda; ya enseguidas mandoco, sa ti tadong gui eda.

4:6b.MAR.004.006 Lao anae cajulo y atdao, sinenggue, sa taejaleñija manmalayo.

4:7b.MAR.004.007 Ya y palo mamodong gui entalo tituca sija; ya mandoco y tituca sija, ya chiniguet, ya ti manogcha.

4:8b.MAR.004.008 Ya y palo mamodong gui mauleg na tano, ya manmanogcha, ya mangajulo ya manmegae; ya uno manogcha treinta, y otro sesenta, y otro ciento.

4:9b.MAR.004.009 Ayo nae ilegña nu sija: Y gae talanga para ufanjungog, güiya uecungog.

4:10b.MAR.004.010 N 4 10 36500 ¶ Ya anae estaba güe güiyaja, y manestaba gue oriyaña yan y dose, mafaesen güi ni y acomparasion sija.

4:11b.MAR.004.011 Ya ilegña nu sija: Jamyo manmanae y misterion raenon Yuus; lao y mangaegue gui sumanjiyong, pot acomparasion nae umafatinas todo estesija;

4:12b.MAR.004.012 Para y manlilie, jalie ya ti jasiente; ya y manecungog, manmanjungog, lao ti jatungo; sa no sea ufanmabra talo, ya ufanmmaasie ni isaoñija.

4:13b.MAR.004.013 Ya ilegña nu sija: Ti intingo este na acomparasion? Jafa taemano nae, tungonmiyo todo ni acomparasion sija?

4:14b.MAR.004.014 Y tatanom jatanme y finijo.

4:15b.MAR.004.015 Ya este yuje sija y oriyan chalan, anae manmatanme y finijo; lao despues di jajungog, mato si Satanas, enseguidas, ya janajanao y finijo ni matanme gui corasonñija.

4:16b.MAR.004.016 Parejoja locue yan este sija y manmatanme gui jilo acho; anae majungog y finijo, enseguidas maresibe todo ni y minagofñija;

4:17b.MAR.004.017 Lao taya jaleñija, ya ti jadura apmam; sa anae cajulo y triniste, pat y pinetsigue pot y finijo, enseguidas maninefende.

4:18b.MAR.004.018 Ya este yuje sija y manmatanme gui entalo tituca sija; y jumungog y finijo;

4:19b.MAR.004.019 Lao y inadajen este y tano, yan y dinaguen y güinaja sija, yan y minalago ni guaja gui palo güinaja sija, manjalom ya machiguet y finijo ya jumuyong ti manogcha.

4:20b.MAR.004.020 Ya este yuje sija y manmatanme gui mauleg na tano; y jumungog y finijo ya maresibe, ya manmanogcha, ya uno treinta y otro sesenta, y otro siento.

4:21b.MAR.004.021 N 4 21 36610 ¶ Ylegña nu sija locue: Esta machule y candet para umapolo gui papa medida, pat gui papa cama? Ya ti para umapolo gui jilo lamasa?

4:22b.MAR.004.022 Sa taya na manaatog, ti umafatanñaejon; ni gae gui secreto ya ti umababa.

4:23b.MAR.004.023 Yaguin guaja gaetalanga para ufanjungog, güiya uecungog.

4:24b.MAR.004.024 Ylegña nu sija locue: Adaje jafa y jiningogmiyo. Y medida anae inmediye sija, ayoja nae infanmamidiye jamyo; ya infanmanae jamyo mas.

4:25b.MAR.004.025 Sa y guaja, umanae: ya y taya, esta y güinajaña, unajanao.

4:26b.MAR.004.026 N 4 26 36660 ¶ Ya ilegña: Taegüine y raenon Yuus, yaguin un taotao manyute semiya gui jalom oda;

4:27b.MAR.004.027 Ya maego, ya cajulo gui puenge yan jaane, ya semiya mapta ya doco, ti jatungo jafataemano.

4:28b.MAR.004.028 Sa y tano güiyaja manogcha, finena jagon, enseguidas y espiga, despues y grano bula gui espiga.

4:29b.MAR.004.029 Ya yaguin y tinegcha dumangculo, enseguidas mapolo y sese para mangoco, sa mato y cosecha.

4:30b.MAR.004.030 N 4 30 36700 ¶ Ya ilegña: Jafajit nae tanaparejo y raenon Yuus? pat jafa na acomparasion nae taacompara?

4:31b.MAR.004.031 Parejo yan un granon mostasa, ni y anae matanme gui tano, achogja güiya mas diquique gui entalo todo y semiya sija ni y guaja gui jilo y tano.

4:32b.MAR.004.032 Lao anae matanme, doco, ya güiya mas dangculo qui todo na golae, ya manramas ni mandangculo na ramasña; ya pot este y pajaron y aire siña mañaga gui papa y nijongña.

4:33b.MAR.004.033 N 4 33 36730 ¶ Yan megae sija na acomparasion parejo yan este sija, jasangane sija finijo, jaftaemano y siña jajungog.

4:34b.MAR.004.034 Ya sin acomparasion ti jasangane sija; lao y disipoluña sija anae mañisijaja janaclaruye todo.

4:35b.MAR.004.035 Ya ilegña nu sija güijija na jaane, anae esta pupuenge: Nije tafanmalofan gui otro banda.

4:36b.MAR.004.036 Ya jadingo y linajyan taotao, ya macone güe mañija, anae gaegue güe sui jalom batco. Ya guaja locue palo diquique na batco mañisija.

4:37b.MAR.004.037 Ya cajulo un dangculon pagyon manglo, ya jinatme ni napo sija y jalom batco, ya ninabula.

4:38b.MAR.004.038 Ya güiya gaegue gui popa na mamaego gui jilo alunan; ya mayajo, ya ilegñija nu güiya: Maestro, taya unadadaje na infanmatae?

4:39b.MAR.004.039 Ya cajulo güe, ya jalalatde y manglo, ya ilegña ni tase: Pacaca famatquilo. Ya bumasta y manglo, ya guaja dangculo na catma.

4:40b.MAR.004.040 Ya ilegña nu sija: Jafa jamyo na gosmanmaañao? Taye jinengguenmiyo trabia?

4:41b.MAR.004.041 Ya mangosmanmaañao, ya ilegñija entre sija: Jaye este, na asta y manglo yan y tase maosgue güe?

5

5:1b.MAR.005.001 YA manmato gui otro bandan tase gui tano y taotao Gadara sija.

5:2b.MAR.005.002 Ya anae jumuyong güe gui batco, enseguidas umasoda yan un taotao gui naftan sija ni guaja un áplacha na espiritu.

5:3b.MAR.005.003 Ya guaja sagaña gui jalom naftan sija, ya taya siña gumode güe nu y cadenaja:

5:4b.MAR.005.004 Sa megae na biaje nae magode nu y tale sija yan cadena sija, lao y cadena sija esta manmayamag pot guiya; ya y tale sija manmagtos, ya taya siña munamanso güe.

5:5b.MAR.005.005 Ya siempre yan puenge yan jaane, jumajanao ya umaagang gui entalo naftan sija, yan gui jalomtano sija, ya janalalamen güe ni acho sija.

5:6b.MAR.005.006 Ya anae jalie si Jesus gui chago, malago, ya jaadora güe.

5:7b.MAR.005.007 Ya umagang gosdangculo na inagang, ilegña: Para jafayo ni jago, Jesus, Lajin y Gueftaquilo na Yuus? Jufanjula nu jago pot si Yuus na chamoyo munachachatsaga.

5:8b.MAR.005.008 Sa ilegña nu güiya: Juyong güine na taotao, áplacha na espiritu.

5:9b.MAR.005.009 Ya jafaesen: Jaye naanmo? Ya inepe, ilegña: Linajyan naanjo: sa manmegaejam.

5:10b.MAR.005.010 Ya jatayuyut megae, para chaña yiniyite juyong güije na tano.

5:11b.MAR.005.011 Ya gaegue güije, jijot gui jalomtano sija, un dangculo na manadan babue na mañochocho.

5:12b.MAR.005.012 Ya matayuyut güe ni ayo todo sija na anite, ilegñija: Tagojam para y babue sija para infanjalom guiya sija.

5:13b.MAR.005.013 Ya manpinetmite as Jesus. Ya manjuyong ayo sija y manáplacha na espiritu, ya manjalom gui babue sija; ya y manada manmalago papa gui un didog na lugat asta y jalom tase, ya guaja sija dos mit; ya manmatmos gui tase.

5:14b.MAR.005.014 Ya y munafañochocho y babue sija manmalago ya manmañangane gui siuda yan y fangualuan sija. Ya manjanao sija para ujalie jafa ayo y guinin mafatinas.

5:15b.MAR.005.015 Ya manmato gui as Jesus, ya malie y guinin ninachatsaga ni anite, matatachong, ya minagagago, ya jatungo ayo y guaja ni linajyan; ya manmaañao.

5:16b.MAR.005.016 Ya mansinagane ni ayo sija y lumie; jafa taemano matoña ayo y guinin guaja anite, yan y babue sija.

5:17b.MAR.005.017 Ya matutujon matayuyut güe na ujanao gui tanoñija.

5:18b.MAR.005.018 Ya anae jumalom güe gui batco, tinayuyut güe ni ayo y guinin guaja anite, para ujasija.

5:19b.MAR.005.019 Ya si Jesus ti pinetmite, lao ilegña un güiya: Janao falag iyajamyo gui amigumo sija; ya unsangane sija na dangculon güinaja y Señot finatinasña nu jago, yan guaja minaaseña nu jago.

5:20b.MAR.005.020 Ya maposgüe ya jatutujon sumanganñaejon guiya Decapolis na dangculon güinaja y finatinas Jesus nu güiya: ya todo ninafanmanman.

5:21b.MAR.005.021 Ya anae malofan otro biaje si Jesus gui un batco para y otro banda, mandaña guiya güiya un dangculo na linajyan taotao; ya gaegue güe gui oriyan tase.

5:22b.MAR.005.022 Ya mato uno gui prinsipe sija gui sinagoga, y naanña si Jairo; ya anae linie güe, podong gui adengña;

5:23b.MAR.005.023 Ya tinayuyut güe megae, ilegña: Y jagajo cumequematae. Nije ya unpolo y canaemo gui jiloña, para ujomlo, yan ulâlâ.

5:24b.MAR.005.024 Ya jumanao yan Jesus, ya megae na taotao sija madalalag güe, ya machiguet güe.

5:25b.MAR.005.025 Ya un palaoan na numanajuyong jâgâ esta dose años.

5:26b.MAR.005.026 Ya japadese megae medico, ya jagasta todo y güinajaña, ya taya jaaprobecha; lao lumala adid,

5:27b.MAR.005.027 Ya anae jajungog ayosija na cumuentos si Jesus, jumalom gui entalo y taotao sija gui sumantate, ya japacha y magaguña.

5:28b.MAR.005.028 Sa ilegña: Yaguin jupacha y magaguñaja, uguajayo jinemlo.

5:29b.MAR.005.029 Ya enseguidas y menegae y jâgâña umanglo, ya jasiente y tataotaoña na esta jomlo ni ayo na chetnot.

5:30b.MAR.005.030 Ya si Jesus enseguidas jatungo guiya güiyaja, na ninasiña jumuyong guiya güiya, jabira güe guato gui linajyan taotao, ya ilegña: Jaye pumacha y magagujo?

5:31b.MAR.005.031 Ya y disipuluña sija ilegñija nu güiya: Unlie y linayan taotao na machichiguetjao, ya ilegmo: Jaye pumachayo?

5:32b.MAR.005.032 Ya güiya manatan gui oriya para ulie y fumatinas este.

5:33b.MAR.005.033 Lao ayo nae y palaoan maañao ya manlaloalao, jatungo na iyagüiya nae mafatinas, mato ya podong gui menaña, ya jasangane todo ni magajet.

5:34b.MAR.005.034 Ya güiya ilegña: Jagajo, y jinengguemo unninajomlo; janao yan minagof, ya unjomio ni chetnotmo.

5:35b.MAR.005.035 N 5 35 37160 ¶ Y tiempo nae cumuecuentos güe, manmato guine y guima y prinsipen sinagoga ya ilegñija: Y jagamo matae: para jafa di unnachachatsaga mas y Maestro?

5:36b.MAR.005.036 Lao si Jesus, anae jajungog este na sinangan, ilegña ni prinsipen sinagoga: Chamo maaañao; jonggueja.

5:37b.MAR.005.037 Ya ti japetmite ni uno na událalag güe, solo si Pedro, yan si Santiago, yan si Juan, chelun Santiago.

5:38b.MAR.005.038 Ya mato gui guima y prinsipen y sinagoga, ya jalie y atboroto yan y manatanges yan y manugung.

5:39b.MAR.005.039 Ya anae jumalom, ilegña nu sija: Jafa na manatborotao jamyo, yan manatanges jamyo? Y patgon na palaoan ti matae, na mamaego.

5:40b.MAR.005.040 Ya mamofea güe. Lao güiya janafanjuyong todo, ya jacone y tata yan y nanan y patgon na palaoan, yan y mangachochongña, ya manjalom anae gaegue y patgon na palaoan.

5:41b.MAR.005.041 Ya jamantiene y canae y patgon palaoan, ya ilegña: Talitha cumi; cumequeilegña: Patgon palaoan, jago jucuentutuse, cajulo.

5:42b.MAR.005.042 Ya enseguidas ayo na patgon palaoan cajulo, ya mamocat; sa sacaña y dose años. Ya enseguidas ninafanmanman ni gosdangculo na namanman.

5:43b.MAR.005.043 Lao güiya jagosencatga sija na taya ujanatungo: ya manago na umanachocho y patgon palaoan.

6

6:1b.MAR.006.001 YA anae jumanao güije mato gui tanoña; ya y disipuluña sija madalalag güe.

6:2b.MAR.006.002 Ya anae mato y sábado na jaane, jatutujon mamanagüe gui sinagoga; ya megae ni jumungog güe ninafanmanman, ya ilegñija: Mano nae guaja este taotao este sija na güinaja? Yan jafa este na tiningo y esta manae güe? ya jaftaemano este sija na ninámanman ni mafatinas ni canaeña?

6:3b.MAR.006.003 Ada ti este y catpintero, lajin Maria, chelun Santiago, yan si Joses, yan si Juda, yan si Simon? Ada ti manjijita yan y mañeluña famalaoan güine? Ya maninefefende nu güiya.

6:4b.MAR.006.004 Lao si Jesus ilegña nu sija: Taya profeta sin onraña lao y tanoñaja, yan entre y parientesña sija, ya y guimaña.

6:5b.MAR.006.005 Ya ti siña jafatinas güije jafa na námanman, na japolo y canaeña gui jilo palo manmalango sija, ya janajomlo.

6:6b.MAR.006.006 Ya güiya ninámanman ni ti manmanjongguenñija; ya malilicue gui y sengsong sija mananagüe.

6:7b.MAR.006.007 N 6 7 37310 ¶ Ya jaagang y dose sija, y jatutujon tumago dos en dos, ya janae ninasiñañija gui jilo manáplacha na espiritu sija;

6:8b.MAR.006.008 Ya jatago sija na chañija fanmañuñule ni jafa para y chalan, na un bastoñija; ni costat, ni pan, ni salape gui betsanñija;

6:9b.MAR.006.009 Lao ufanchenancleta; ya munga manminagago dos na magago.

6:10b.MAR.006.010 Ya ilegña nu sija: Manoja na guma nae manjalom jamyo; fañaga güije, asta gui manjanao jamyo güije na lugat.

6:11b.MAR.006.011 Ya todo ayo sija y ti rumesibe jamyo, ni ti maninecungog jamyo, fanjanao güije, sacude y petbos ni gaegue gui papa adengmiyo para testimonio contra sija. Magajet jusangane jamyo, na mas sungunon na castigon Sodoma, yan Gomora gui jaanin y sentensia, qui ayo na sidua.

6:12b.MAR.006.012 Ya manmapos jasetmon na y taotao sija ufanmañotsot.

6:13b.MAR.006.013 Ya jayute juyong megae na anite sija, ya japapalae laña megae na manmalango sija, ya janafanjomlo.

6:14b.MAR.006.014 N 6 14 37380 ¶ Ya jajungog y ray Herodes y faman Jesus (sa afamao y naanña), ya ilegña: Si Juan Bautista cajulo guine y manmatae sija; ya pot este mangaeninasiña na chocho, esta fumatinas nu güiya.

6:15b.MAR.006.015 Palo ilegñija: Si Elias. Y palo ilegñija: Profeta güe, pat uno gui profeta sija.

6:16b.MAR.006.016 Ya anae jajungog si Herodes, ilegña: Este si Juan ni guine judegüeya: güiya cajulo guine y manmatae sija.

6:17b.MAR.006.017 Sa güiyaja si Herodes manago na umamantiene si Juan, ya umapreso gui catset pot si Herodias, asaguan y cheluña as Felipe, sa jacone para asaguaña.

6:18b.MAR.006.018 Sa si Juan ilegña as Herodes: Ti cabales na uncone y asaguan y chelumo.

6:19b.MAR.006.019 Ya pot este si Herodias uninaguaguat contra güiya, ya jadesesao na upuno, lao ti janasiña.

6:20b.MAR.006.020 Sa si Herodes maañao as Juan, jatungo na tunas yan Santos na taotao ya jaguefadaje. Ya anae jajungog, gosbumuebuente gui corasonña; ya jaecungogjao ni minagofña.

6:21b.MAR.006.021 Ya anae mato un jaane na si Herodes gumupot ni mafañaguña, ya mamatinas sena para y prinsipeña sija yan y capitan sija, yan y manmagas sija guiya Galilea;

6:22b.MAR.006.022 Ya jumalom y jagan Herodias, ya bumaela, ya janamagof si Herodes, yan ayo sija y mangachochongña gui lamasa; ya y ray ilegña ni patgon na palaoan: Gagaoyo ni malagomo, ya junaejao.

6:23b.MAR.006.023 Ya manjula: Todo y ungagaoyo, junae asta lamita gui raenoco.

6:24b.MAR.006.024 Ya mapos güe, ya ilegña as nanaña: Jafa jugagao? Si nanaña ilegña: Y ilun Juan Bautista.

6:25b.MAR.006.025 Ayo nae jumalom enseguidas gui ray ya jagagao, ilegña: Malagoyo pago na unnaeyo gui un plato ni ilun Juan Bautista.

6:26b.MAR.006.026 Ya y ray ninagostriste; lao pot y juramentoña, yan ayo sija y mangachongña gui lamasa, ti malago japune.

6:27b.MAR.006.027 Ya enseguidas y ray manago uno gui guatdia, jatago na ujanao ya uchinilie ni iluña. Ya mapos, ya jadegüeya gui jalom catset.

6:28b.MAR.006.028 Ya machule guato y iluña gui un plato, ya manae y patgon palaoan, ya y patgon palaoan janae y nanaña.

6:29b.MAR.006.029 Ya anae majungog ni disipuluña sija, manmato, ya machule y tataotaoña, ya mapolo gui un naftan.

6:30b.MAR.006.030 N 6 30 37540 ¶ Ya y apostoles mandaña gui as Jesus, ya masangane güe todo ni chechoñija, yan y finanagüenñija.

6:31b.MAR.006.031 Ya güiya ilegña su sija: Maela jamyo apatte gui un lugat desierto, ya infandescansa didide; sa megae sija manjajanao, yan manmafato, ya manaelugat mañocho.

6:32b.MAR.006.032 Ya manmapos gui un batco gui un lugat desierto apatte.

6:33b.MAR.006.033 Ya y lumie sija na manjanao megae, ya matungo güe; ya manmalalago para ayo megae manmamomocat gui siuda sija, ya manmato antes qui sija, ya mandaña guiya güiya.

6:34b.MAR.006.034 Ya anae jumuyong si Jesus jalie y linajyan taotao ya ninamaase nu sija, sa manparejoja yan y quinilo sija ni taya pastotñija; ya jatutujon fumanagüe megae na güinaja.

6:35b.MAR.006.035 Ya anae estaba pupuenge, y disipuluña sija manmato guiya güiya, ilegñija: Y lugat desierto este, ya esta pupuenge.

6:36b.MAR.006.036 Najanao sija para ufanmalag y campo yan y sengsong sija gui oriya, ya ujafanmamajan pan para sija.

6:37b.MAR.006.037 Lao manope, ilegña nu sija: Nae sija mañija. Ya sija ilegñija nu güiya: Infanjanao ya infanmamajan pan pot dosientos na denario, para innae sija nañija?

6:38b.MAR.006.038 Ya güiya ilegña nu sija: Cuanto na pan guaja jamyo? Janao, ya inlie. Ya anae jatungo sija, ilegñija: Sinco, yan dos na güijan.

6:39b.MAR.006.039 Ya jatago, sija na ujanafanmatachong todos pot mangachong gui jilo y manbetde na chaguan.

6:40b.MAR.006.040 Ya manmatachong pot mangachong, siento yan siento, yan sincuenta yan sincuenta.

6:41b.MAR.006.041 Ya jachule y sinco na pan yan y dos na güijan, ya manatan julo gui langet, ya jabendise, ya jaipe y pan sija; ya janae y disipuluña sija para ujaplanta gui sanmenañija; ya y dos na güiyan manmapatte todos.

6:42b.MAR.006.042 Ya mañocho todos, ya manjaspog.

6:43b.MAR.006.043 Ya jajatsa y pedaso sija dose na canastra manbula; yan pedaso y güijan sija locue.

6:44b.MAR.006.044 Ya ayo sija y mañocho ni pan, sinco mit na lalaje sija.

6:45b.MAR.006.045 N 6 45 37690 ¶ Ya enseguidas jaapura y disipuluña sija na ufangajulo gui batco, ya ufanjanao gui menaña gui otro banda guiya Betsaida, mientras janajanao y linajyan taotao.

6:46b.MAR.006.046 Ya despues, anae munjayan janajanao sija, mapos malag y egso para ufanaetae.

6:47b.MAR.006.047 Ya anae esta pupuenge, y batco estaba gui talo gui tase, ya güiyaja namaesa gui tano.

6:48b.MAR.006.048 Ya jalie sija na manmachochocho mapot manmamómogsae, sa y manglo contrario para sija; ya jijot gui mina cuatro na guatdia gui puenge, mato güe guiya sija, mamómocat gui jilo tase; ya malago na ufalofan gui oriyañija.

6:49b.MAR.006.049 Ya anae malie nu sija, na mamómocat gui jilo tase, jinasoñija na pantasma, ya managang;

6:50b.MAR.006.050 Sa todos lumie güe, ya ninafañatsaga. Lao enseguidas jacuentuse sija, ya ilegña nu sija: Angoco jamyo, guajoyo; chamiyo fanmaaañao.

6:51b.MAR.006.051 Ya cajulo guiya sija gui batco, ya y manglo mapos: ya sija ninafangosmanman;

6:52b.MAR.006.052 Sa sija ti jatungo y milagron y pan sija; sa y corasonñija estaba mangosmajetog.

6:53b.MAR.006.053 N 6 53 37770 ¶ Ya anae manmalofan para y otro banda, manmato gui tano Genesaret, ya manmalag y puetto.

6:54b.MAR.006.054 Ya anae manjuyong sija gui batco, enseguidas matungo güe.

6:55b.MAR.006.055 Ya manmalago gui oriyan todo ayo na tano, ya matutujon mañule gui todo y patte, manmalango sija gui cama, mano nae majungog na estaba güije.

6:56b.MAR.006.056 Ya manuja nae jumalom, songsong, pat suida, pat fangualuan, mapolo papa y malango sija gui chalan, y matayuyut güe na upacha y canton y magaguña, ya todo ayo sija y japacha, manjomlo.

7

7:1b.MAR.007.001 YA mandaña guiya güiya y Fariseo sija, yan palo gui escriba sija ni manmato guine Jerusalem,

7:2b.MAR.007.002 Ya malie palo gui disipuluña na mañochocho pan yan áplacha na canae, ni comequeilegña na pot ti jafagase.

7:3b.MAR.007.003 Sa y Fariseo sija, yan toda y Judio sija, jaadadaje y tradision manamco sija, yaguin megae nae ti jafagase y canaeñija, ti ufañocho.

7:4b.MAR.007.004 Ya anae manmato guine y metcado, yaguin ti jafagase sija, ti ufañocho; yan megae sija na güinaja rinesibeñija para ujaadaje, parejoja yan mafagase y copa sija, yan y jara sija, yan y bason coble sija.

7:5b.MAR.007.005 Ya mafaesen ni Fariseo sija yan y escriba sija: Jafa y disipulumo sija na ti manmamómocat taemano y tradision manamco sija; mañochochoja pan yan aplacha y canaeñija?

7:6b.MAR.007.006 Ya ilegña nu sija: Hipocrita jamyo; mauleg sinanganña si Isaias, ni y esta matugue: Este sija na taotao y labiosñija nae maonrayo, lao y corasonñija chago guiya guajo.

7:7b.MAR.007.007 Lao taebale jaadorayo, manmamananagüe ni finanagüe ni tinago taotao sija.

7:8b.MAR.007.008 Sa inpelo jamyo y tinago Yuus, ya mantietiene fitme y tradision taotao sija: (ni y mafagase y jara sija, yan y copa sija, yan infatinas megae sija na güinaja parejo yan este.)

7:9b.MAR.007.009 Ya ilegña nu sija: Magajet jamyo yumute y tinago Yuus para inadaje y tradisionmiyo.

7:10b.MAR.007.010 Sa si Moises ilegña: Onra si tatamo yan si nanamo; ya y mumatdise y tata pat y nana, seguro na umatae.

7:11b.MAR.007.011 Lao jamyo ilegmiyo: Yaguin y taotao ilegña ni tataña pat nanaña: Y Cotban (cumequeilegña y ninae) na jago umaprobecha pot guajo, güiya sumaga libre.

7:12b.MAR.007.012 Ya inpelo güe na ufatinas taya para si tataña pat si nanaña;

7:13b.MAR.007.013 Inrechasa y sinangan Yuus ni ninaenmiyo na tradision; yan megae sija na güinaja finatinasmiyo parejo yan este.

7:14b.MAR.007.014 N 7 14 37940 ¶ Ya jaagang talo guiya güiya todo y linajyan taotao ya ilegña: Ecungog jamyo todos, ya intingo.

7:15b.MAR.007.015 Taya gui sumanjiyong gui taotao ni y janajalom, siña numataelaye, lao y janajujuyong gui jinalomña, ayo sija munatataelaye y taotao

7:16b.MAR.007.016 (Yaguin guaja gaetalanga para ufanjungog, uecungog)

7:17b.MAR.007.017 Ya anae jumalom gui guima, jadingo y linajyan taotao, y disipuluña sija mafaesen güe ni acomparasion.

7:18b.MAR.007.018 Ya ilegña nu sija: Taegüenaja jamyo locue manaetiningo? Ti intingo na todo y guine jiyong ni jumajalom y taotao ti siña ninataelaye?

7:19b.MAR.007.019 Sa ti jumajalom gui corasonña na y tiyanña ya malolofan gui secreto; taegüenao janagasgas todo y nengcano.

7:20b.MAR.007.020 Yan ilegña: Y jumujuyong gui taotao, ayo munatataelaye y taotao.

7:21b.MAR.007.021 Sa y gui jinalomña gui corason y taotao sija nae, manjujuyong y manaelaye na jinaso sija, y manadulterio, y manábale yan y manpegno,

7:22b.MAR.007.022 Y mañaque sija, y manlatga, y manaelaye, y dinague, y inábale, y taelaye na atadog, y chinatfino contra si Yuus, y sobetbio, y bababa:

7:23b.MAR.007.023 Todo este sija na tinaelaye, manguine jalom ya janatataelaye y taotao.

7:24b.MAR.007.024 N 7 24 38040 ¶ Ya cajulo güije, mapos para y oriyan Tiro yan Sidon; ya jumalom gui guima, malagoña na taya utiningo; lao ti siña unatog.

7:25b.MAR.007.025 Sa jajungog masasangan güe un palaoan na y diquique na jagaña, guaja un áplacha na espiritu, mato ya jatomba güe gui adengña:

7:26b.MAR.007.026 Ya y palaoan Griega, gui tano Sirofenisa, y tinayuyut güe na uyute juyong gui jagaña y anite.

7:27b.MAR.007.027 Lao ilegña nu guiya: Polo finena ya ufanjaspog y famaguon sija; sa ti mauleg machule y pan y famaguon, ya ufanmayotte y galago sija.

7:28b.MAR.007.028 Ya manope y palaoan, ilegña: Junggan, Señot; lao y galago sija, gui papa lamasa, jacacanoja y andesmoronan y famaguon sija.

7:29b.MAR.007.029 Ayo nae ilegña ni palaoan: Pot este na sinangan, janao y anite jumanao gui jagamo.

7:30b.MAR.007.030 Ya anae jumanao para iyasija, jasoda na y jagaña umaason gui jilo cama, ya y anite esta jumanao.

7:31b.MAR.007.031 N 7 31 38110 ¶ Ya tumalo jumanao gui oriyan Tiro yan malofan guiya Sidon, ya mato gui tasen Galilea; ya malofan gui entalo y oriyan Decapolis.

7:32b.MAR.007.032 Ya maconie güe un tanga ya udo, ya matayuyut güe na upolo y canaeña gui jiloña.

7:33b.MAR.007.033 Ya janasajnge güe gui linajyan taotao, ya japolo y calolotña gui talangan y tanga, ya tumola ya japacha y jilaña;

7:34b.MAR.007.034 Ya jaatan julo y langet sumospiros, ya ilegña: Efatha, cumequeilegña, mababa!

7:35b.MAR.007.035 Ya mababa y talangaña; ya mapula y gumogode y jilaña, ya cumuentos mauleg.

7:36b.MAR.007.036 Ya jaencatga sija, na chañija sumangangane ni jaye; lao mientras mas jaencatga, mas manamamto;

7:37b.MAR.007.037 Ya ninafangosmanman, ilegñija: Mauleg finatinasña todo: janafanmanjungog y mananga, ya y manudo janafanguentos.

8

8:1b.MAR.008.001 AYO sija na jaane, anae guaja talo un dangculon linajyan taotao ya taya jafa nañija, si Jesus jaagang y disipuluña sija, ya ilegña nu sija:

8:2b.MAR.008.002 Maase yo ni linajyan taotao sa esta tres jaane na manjame; ya taya jafa nañija.

8:3b.MAR.008.003 Yaguin junafanjanao sin mañocho para iyasija, ufanlalango gui chalan; sa palo guiya sija manmato guine y chago.

8:4b.MAR.008.004 Ya y disipuluña sija, maope güe: Guine mano nae siña manafanjaspog este taotao sija pan, güine gui desierto?

8:5b.MAR.008.005 Guiya jafaesen sija: Cuanto na pan guaja jamyo? Ylegñija, siete.

8:6b.MAR.008.006 Ayo nae jatago y linajyan taotao na ufanason gui jilo oda; ya jachule y siete na pan, ya janae Yuus maase ya jaipe, ya janae y disipuluña sija para ujaplanta gui menanñija; ya sija japlanta gui menan y linajyan taotao.

8:7b.MAR.008.007 Yan guaja locue palo mandiquique na güijan sija; ya anae jabendise, jatago na ujaplanta locue gui menanñija.

8:8b.MAR.008.008 Pues mañocho, ya manjaspog; ya majatsa y pidaso sija ni sebbla, siete canastra.

8:9b.MAR.008.009 Ya y mañocho sija, buente cuatro mit; ya jadespide.

8:10b.MAR.008.010 Ya enseguidas jumalom gui batco yan y disipuluña sija, ya manmato gui oriyan Dalmanuta.

8:11b.MAR.008.011 N 8 11 38280 ¶ Ya manmato y Fariseo sija, ya matutujon manafaesen yan güiya, manmanaliligao guiya güiya un señat guine y langet, matietienta güe.

8:12b.MAR.008.012 Ya sumospiros gostadong gui espirituña, ya ilegña: Jafa na mangagagao señat este na generasion? Magajet jusangane jamyo, na ti umanae señat este na generasion.

8:13b.MAR.008.013 Ya jadingo sija, ya jumalom talo gui batco, ya mapos para y otro banda.

8:14b.MAR.008.014 N 8 14 38310 ¶ Ya manmalefa ti manmañule pan, ya taya na unoja na pan gui batco.

8:15b.MAR.008.015 Ya jaencatga sija, ilegña: Atan, adaje jamyo ni lebaduran y Fariseo sija, yan y lebaduran Herodes.

8:16b.MAR.008.016 Ya manafaesen gui entalo sija, ilegña: Pot y taya panta.

8:17b.MAR.008.017 Ya anae jatungo si Jesus ilegña nu sija: Jafa manafaesen gui entalomiyo pot y taya panmiyo? Ti injaso ni ti intingo? Majejetogja trabia y corasonmiyo?

8:18b.MAR.008.018 Guaja atadogmiyo, lao ti manmanlilie jamyo? Guaja talanganmiyo, ya ti manmanjujungogja jamyo? Ya ti injajasoja?

8:19b.MAR.008.019 Anae juipe y sinco na pan sija entalo y sinco mit, cuanto na canastra injatsa bula ni pidaso sija ni sebbla? Ylegñija: Dose.

8:20b.MAR.008.020 Ya anae y siete na pan sija entalo y cuatro mit, cuanto na canastra injatsa bula ni pidaso sija ni sebbla? Ylegñija: Siete.

8:21b.MAR.008.021 Güiya ilegña nu sija: Ti intingo asta pago?

8:22b.MAR.008.022 N 8 22 38390 ¶ Ya mato guiya Betsaida; ya maconie güe guato un bachet, ya matayuyut güe na upacha güe.

8:23b.MAR.008.023 Ayo nae jamantiene y canae y bachet, ya jacone asta y jiyong y siuda; ya anae jatolae y atadogña, japolo y canaeña gui jiloña, ya jafaesen: Unlie jafa?

8:24b.MAR.008.024 Ya güiya manatan ya, ilegña: Julie taotao sija; lao julie sija calang trongconjayo na manmamómocat.

8:25b.MAR.008.025 Entonses japolo ya canaeña talo gui atadogña ya jaguefatan; ya jomlo, ya manlie claro todo.

8:26b.MAR.008.026 Ya jatago para iyasija, ilegña: Chamo jumajalom gui sengsong (ni usangane jaye gui siuda).

8:27b.MAR.008.027 N 8 27 38440 ¶ Ya mapos si Jesus yan y disipuluña sija gui sensong sija y Cesarean Felipe: ya y chalan jafaesen y disipuluña sija, ilegña nu sija: Jaye ilegñija y taotao sija nu guajo?

8:28b.MAR.008.028 Ya sija masangane güe, ilegñija: Si Juan Bautista; y palo ilegñija: Si Elias; y palo ilegñija: Uno gui profeta sija.

8:29b.MAR.008.029 Ayo nae jafaesen sija: Ya jamyo, jaye ilegmiyo nu guajo? Inepe as Pedro ilegña: Jago si Cristo jao.

8:30b.MAR.008.030 Ya jaencatga sija na chañija sumangangane ni jaye pot güiya.

8:31b.MAR.008.031 Ya jatutujon fumanagüe sija na y Lajin taotao janesesita upadese megae, ya umarechasa ni manamco sija, yan y prinsipen y mamale sija, yan y escriba sija, ya umapuno; ya ucajulo talo gui mina tres na jaane.

8:32b.MAR.008.032 Ya claroja nae jasangan este na sinangan. Ayo nae si Pedro quinene güe, ya tinitujon güe rineprende.

8:33b.MAR.008.033 Lao anae jabira güe, ya jaatan y disipuluña sija, jalalatde si Pedro ilegña: Suja guiya guajo, Satanas; sa ti unadadaje y güinaja sija ni para si Yuus, na y güinajan taotao sija.

8:34b.MAR.008.034 Ya jaagang y linajyan taotao yan y disipuluña sija, ya ilegña nu sija; Jaye y malago tumatiye yo, upune maesa güe, ya uchule y quiluusña ya udalalagyo.

8:35b.MAR.008.035 Sa y malago sumatba y linâlâña, ufinalingaeguan; lao y finalingaeguan ni linâlâña pot guajo, yan y ibangelio, este usatba y linâlâña.

8:36b.MAR.008.036 Sa, jafa uaprobecha y taotao, yaguin jagana todo y tano, ya finalingaeguan ni linâlâña?

8:37b.MAR.008.037 Pat jafa na apas ufannae y taotao pot y linâlâña?

8:38b.MAR.008.038 Sa y mamajlao nu guajo yan y sinaganjo, gui sanmenan este y generasion ábale yan gaeisao, unimamajlaogüe locue ni Lajin taotao y tiempo nae mato gui minalag y Tataña, yan y mañantos na angjetña sija.

9

9:1b.MAR.009.001 YA ilegña nu sija: Magajet jusangane jamyo, na guaja palo sija ni mangaegue güine na ti ujaguaeya finatae, asta que jalie y raenon Yuus na mato yan ninasiña.

9:2b.MAR.009.002 N 9 2 38570 ¶ Anae esta malofan y sais na jaane, si Jesus jacone si Pedro, yan si Santiago, yan si Juan, janafañajnge sijaja gui un taquilo na ogso; ya jaago güe gui menanñija.

9:3b.MAR.009.003 Ya y magaguña manmañila, gosapaca calang niebe, taya ni un fafagas gui tano siña munaapaca taegüine.

9:4b.MAR.009.004 Ya manalie na mato guiya güiya si Elias yan Moises, na manguecuentos yan si Jesus.

9:5b.MAR.009.005 Ayo nae manope si Pedro, ilegña as Jesus: Maestro mauleg utafañagajit güine, ya tafanmamatinas tres tabetnáculo; para jago y uno, para si Moises y otro, yan para si Elias y otro.

9:6b.MAR.009.006 Si ti jatungo jafa usangan, sa estaba mangosmaañao.

9:7b.MAR.009.007 Ya mato un mapagajes y manjineme sija, ya un inagang gui mapagajes, ilegña: Este y güinaeyaco na Lajijo, jingog güe.

9:8b.MAR.009.008 Ya derepente jaatan gui oriyañija, ti manmanlie ni jaye, na si Jesusja yan sija.

9:9b.MAR.009.009 Ya anae manunog sija guine y egso, jaencatga sija na chañija sumangangane ni jaye ni liniiñija, asta que y Lajin taotao esta cajulo guine entalo y manmatae.

9:10b.MAR.009.010 Ya sija jaadaje ayo na sinangan guiya sijaja, manafaesen gui entaloñija: Jafa ayo y cajulo guine entalo y manmatae cumequeilegña.

9:11b.MAR.009.011 Ya mafaesen güe, ilegñija: Y escriba sija ilegñija, si Elias nesesita ufato finenana.

9:12b.MAR.009.012 Güiya manope ilegña nu sija: Si Elias magajet nesesita ufato finenana, ya jafatinas talo todo y güinaja: Jafa esta matugue gui Lajin taotao na upadese megae ya manataya guaelayeña?

9:13b.MAR.009.013 Lao jusangane jamyo na si Elias esta mato ya esta mafatinas guiya güiya todo y malagoñija, taegüine esta matugue nu güiya.

9:14b.MAR.009.014 N 9 14 38690 ¶ Ya anae mato gui disipuluña sija, jalie un dangculon linajyan taotao gui oriyañija, yan y escriba sija ni manafaesen yan sija.

9:15b.MAR.009.015 Ya enseguidas todo y linajyan taotao, anae malie güe, ninafangosmanman, ya manmalago guato guiya güiya ya masaluda güe.

9:16b.MAR.009.016 Ya jafaesen sija, ilegña! Jafana manafaesen jamyo yan sija?

9:17b.MAR.009.017 Ya manope uno gui linajyan taotao, ilegña: Maestro juconie jao mague na lajijo, na guaja un espiritun udo;

9:18b.MAR.009.018 Ya manoja nae quinene güe, japedadasos; ya bóboan, ya janachechegcheg y nifenña, ya ninayafae; ya jusangane y disipulumo sija, na ujayute juyong, lao ti manasiña.

9:19b.MAR.009.019 Manope güe, ilegña nu sija: O generasion ni ti manjonggue! asta ngaean nae utafanjijitaja? asta ngaean nae jususungonja jamyo? maelayofan mague.

9:20b.MAR.009.020 Ya maconie guato guiya güiya; ya anae jalie, enseguidas y espiritu manlálaolao güe; ya güiya podong gui jilo oda gumagalileg ya bóboan.

9:21b.MAR.009.021 Ya jafaesen y tataña; cuanto tiempo esta desde qui mato este guiya güiya? Güiya ilegña: Desde qui diquique:

9:22b.MAR.009.022 Ya megae na biaje nae yinite gui jalom guafe, yan y jalom janom para upinino; lao yaguin siña jao ayudajam, gaemaase nu jame.

9:23b.MAR.009.023 Si Jesus, ilegña nu güiya: Yaguin siña jao, todo siña para y manjonggue.

9:24b.MAR.009.024 Enseguidas y tatan y patgon, jaagang yan y lagoña, ya elegña: Jujonggue; ayuda y taejinenggueco.

9:25b.MAR.009.025 Ya anae si Jesus jalie na manmalalago y linajyan taotao, jalalatde y áplacha na espiritu, ilegña: Espiritun udo yan tanga, guajo jao tumago, juyong guiya güiya, ya chamo jumajalom talo guiya güiya.

9:26b.MAR.009.026 Ayo nae y espiritu umagang, ya manlalaolao güe megae, ya jumuyong; ya güiya sumaga calang matae, enaomina megae ilegñija, na esta matae.

9:27b.MAR.009.027 Lao si Jesus jamantiene canaeña, ya jinatsa güe; ya cajulo.

9:28b.MAR.009.028 Ya anae jumalom güe gui jalom guma, y disipuluña sija mafaesen güe en secreto, ilegñija: Jafajam na ti innasiña yumute juyong?

9:29b.MAR.009.029 Ya ilegña nu sija: Este na rasan anite sija, taya siña munajanao, na y tinayuyut.

9:30b.MAR.009.030 N 9 30 38850 ¶ Ya manmapos güije, manmalofan inanaco Galilea; ya ti malago na guaja utiningo güe.

9:31b.MAR.009.031 Sa jafanagüe y disipuluña sija ya ilegña nu sija: Y Lajin taotao umaentrega gui canae taotao sija, ya umapuno; lao yaguin este matae, ucajulo talo despues di tres na jaane.

9:32b.MAR.009.032 Lao sija ti jatungo este na sinangan, ya manmaañao na ujafaesen güe.

9:33b.MAR.009.033 N 9 33 38880 ¶ Ya mato guiya Capernaum; ya anae mato gui guima, jafaesen sija: Jafa jamyo na manafaesen entalomiyoja gui chalan?

9:34b.MAR.009.034 Lao sija manmamatquiquiloja; sa guine manafaesen gui chalan uno y otro, jaye guiya sija udangculo.

9:35b.MAR.009.035 Ayo nae manmatachong, ya jaagang y dose ya ilegña nu sija: Y malago fuminenana, uuttimon gui tododos, yan utentagon tododos.

9:36b.MAR.009.036 Ya jacone un patgon, ya japolo gui entaloñija; ya jajogüe gui canaeña, ya ilegña nu sija:

9:37b.MAR.009.037 Y rumesibe pot y naanjo uno ni manaegüine na famaguon, jaresibe yo, ya y rumesibe yo, ti guajo jaresibe, na y tumago yo.

9:38b.MAR.009.038 Si Juan, ilegña nu güiya: Maestro, inlie uno na manyute juyong anite sija pot y naanmo, ya inchema, sa ti jadadalalagjit.

9:39b.MAR.009.039 Ya si Jesus ilegña: Chamiyo chumochoma; sa ni uno ni fumatinas milagro pot y naanjo, siña gusisija jasangan taelaye guiya guajo.

9:40b.MAR.009.040 Sa ayo y ti contra jita, manjijitaja.

9:41b.MAR.009.041 Sa jayeja y numae jamyo un copan janom, sa iyon Cristo jamyo, magajet jusangane jamyo, na sen ti ufalingo y apasña.

9:42b.MAR.009.042 Ya jayeja y ninaquepodong uno guine sija gui mandiquique ni jumonggue yo; mauleg para güiya, umagode gui agagaña un acho atutong, ya umayute gui jalom tase.

9:43b.MAR.009.043 Lao yaguin y canaemo ninaquepodong jao, utut; maulegña na unjalom gui linâlâ mangco, qui uguaja dos canaemo, ya unjanao para sasalaguan, y guafe ni ti siña mapuno.

9:44b.MAR.009.044 (Anae y iloñija ti ufanmatae; ya y guafe taejinecog nae umapuno.)

9:45b.MAR.009.045 Ya yaguin y adengmo ninaquepodong jao, utut: maulegña na unjalom gui linâlâ cojo, qui uguaja dos adengmo ya unyenite para sasalaguan;

9:46b.MAR.009.046 (Anae y iloñija ti ufanmatae, ya y guafe taejinecog nae umapuno.)

9:47b.MAR.009.047 Ya yaguin y atadogmo ninaquepodong jao, lagnos; maulegña na unjalom gui raenon Yuus, yan un atadogja, qui uguaja dos atadogmo ya unyenite para sasalaguan.

9:48b.MAR.009.048 (Anae y iloñija ti ufanmatae, ya y guafe taejinecog na umapuno.)

9:49b.MAR.009.049 Sa todos ufanmaasne yan guafe; (ya todo y inefrese ufanmaasne yan asiga).

9:50b.MAR.009.050 Mauleg y asiga; lao yaguin y asiga malingo y maasenña, jaftaemano numamaasen? Guaja asiganmiyo guiya jamyoja; yan guaja pas gui entalomiyo.

10

10:1b.MAR.010.001 YA cajulo güije, mato qui oriyan Judea, gui otro bandan Jordan; ya manalo y linajyan taotao mandaña guiya güiya; ya jatalo fumanagüe, taegüije, y costumbreña.

10:2b.MAR.010.002 Ya manmato y Fariseo sija guiya güiya, ya mafaesen güe cao tunas y laje uyute y asaguaña? matietienta güe.

10:3b.MAR.010.003 Lao güiya manope, ilegña nu sija: Jafa mantinago jamyo as Moises?

10:4b.MAR.010.004 Ya sija ilegñija: Si Moises japetmite na umatugue papet inapattan umasagua ya uyute.

10:5b.MAR.010.005 Ya si Jesus manope, ilegña nu sija: Pot y majetog corasonmiyo na mantiniguie jamyo ni este na tinago.

10:6b.MAR.010.006 Lao desde tutujon y jiniyong, Laje yan palaoan fumatinas sija Yuus .

10:7b.MAR.010.007 Pot este na rason y laje udingo si tataña yan si nanaña, ya udaña yan y asaguaña.

10:8b.MAR.010.008 Ya y este y dos, umana unoja na catne; ya esta ti udos mas, na unoja na catne.

10:9b.MAR.010.009 Jafaja si Yuus munadaña, y taotao ti unadesapatta.

10:10b.MAR.010.010 Ya y jalom guma, y disipulo sija mafaesen güe talo ni ayoja.

10:11b.MAR.010.011 Ya ilegña nu sija: Jayeja y yumute y asaguaña, ya umasagua yan otro, jafatinas y adulterio contra y palaoan.

10:12b.MAR.010.012 Ya yaguin y palaoan yumute y asaguaña, ya umasagua yan otro, jafatinas adulterio.

10:13b.MAR.010.013 N 10 13 39180 ¶ Ya machulie guato guiya güiya diquique na famaguon para upacha: ya y disipulo sija jalalatde ayo sija.

10:14b.MAR.010.014 Ya anae jalie si Jesus, sen ti ninamagof ya ilegña nu sija: Polo y diquique na famaguon ya ufanmamaela guiya guajo; chamiyo chumochoma; sa iyon este sija y raenon Yuus.

10:15b.MAR.010.015 Magajet jusangane jamyo, na y ti rumesibe y raenon Yuus calang un patgon, ti ujalom gui jalom ayo.

10:16b.MAR.010.016 Ya jajogüe sija ya japolo y canaeña gui jiloñija, ya jabendise sija.

10:17b.MAR.010.017 N 10 17 39220 ¶ Ya anae jumanao gui chalan, mato uno malalago ya dinimuye güe gui menaña ya finaesen güe: Mauleg na Maestro, jafa jufatinas para juereda y taejinecog na linâlâ?

10:18b.MAR.010.018 Si Jesus ilegña nu güiya: Jafa na ilegmo nu guajo mauleg? Taya mauleg, na unoja, si Yuus.

10:19b.MAR.010.019 Untungo y tinago sija: Chamofamumuno; chamo fumatinas adulterio; chamo fañañaque; chamo sumanganñaejon y ti magajet na testimonio; chamo chumu y ti iyomo; onra si tatamo yan si nanamo.

10:20b.MAR.010.020 Güiya manope ilegña: Maestro, todo este juadadaje desde nae patgonyo.

10:21b.MAR.010.021 Ayo nae matan güe as Jesus, güinaeya güe, ya ilegña nu güiya: Fatta jao uno: Janao ya ufajan todo y güinajamo, ya unnae y mamobble sija, ya uguaja güinajamo gui langet: ya maela, ya undalalag yo.

10:22b.MAR.010.022 Lao güiya ninamatolaeca y mataña ni este na sinangan ya mapos ninatriste; sa guaja megae güinajaña.

10:23b.MAR.010.023 Ayo nae si Jesus manatan gui oriya, ya ilegña ni disipuluña sija: Na minapot manjalom gui raenon Yuus ayo sija y mangaegüinaja!

10:24b.MAR.010.024 Ya y disipulo sija ninafanmanman ni sinanganña: Lao si Jesus manope ilegña talo: Famaguon, na minapot manjalom, gui raenon Yuus y umangongoco sija gui güinaja!

10:25b.MAR.010.025 Mas guse malofan un cameyo gui matan un jaguja, qui y gaegüinaja ujalom gui raenon Yuus.

10:26b.MAR.010.026 Ya sija ninagos fanmanmanman, ya ilegñija nu güiya: Ayo nae, jaye siña satbo?

10:27b.MAR.010.027 Ayo nae si Jesus jaatan sija, ya ilegña: Para y taotao sija, este ti siña, lao para si Yuus ti taegüine; sa para si Yuus todo ninasiña.

10:28b.MAR.010.028 Ayonae si Pedro jatutujon ilegña nu güiya: Estagüejamja na indingo todo, ya indadalalagjao.

10:29b.MAR.010.029 Inepe as Jesus ilegña. Magajet jusanganejao: Taya ni un taotao ni y dumingo gumaña, pat mañeluña lalaje, pat mañeluña famalaoan, pat nanaña, pat tataña, pat famaguonña, pat fangualuaña, pot guajo, yan y ibangelio;

10:30b.MAR.010.030 Na ti uresibe pagoja sienbiaje: guma sija, yan mañeluña lalaje, yan mañeluña famalaoan, yan nanaña, yan famaguonña, yan fangualuan sija, yan umapetsigue; ya y mámamaela na siglo, taejinecog na linâlâ.

10:31b.MAR.010.031 Lao megae na manfinenana, ufanuttimo, ya y manuttimo, ufanfinenana.

10:32b.MAR.010.032 N 10 32 39370 ¶ Ya anae mangaegue gui chalan, mangajulo guiya Jerusalem; ya si Jesus malag y menañija; ya ninafanmanman: ya y dumadalalag mangosmaañao. Ya jacone talo y dose, ya jatutujon sumangane sija jafa ususede güe.

10:33b.MAR.010.033 Ylegña: Estagüejit na mangajulo guiya Jerusalem, ya y Lajin taotao umaentrega gui magas mamale, yan y escriba sija, ya umasentensia para umapuno, ya umaentrega gui Gentiles.

10:34b.MAR.010.034 Ya umamofea, yan umatolae, yan umasaulag, yan umapuno; ya y despues di tres na jaane ucajulo talo.

10:35b.MAR.010.035 N 10 35 39400 ¶ Ya si Santiago yan si Juan, lalajin Sebedeo, manmato jijot guiya güiya ya ilegñija nu güiya: Maestro, manmalagojam na unfatinas guiyajame jafa y malagomame.

10:36b.MAR.010.036 Ya ilegña nu sija: Jafa malagonmiyo na jufatinas guiya jamyo?

10:37b.MAR.010.037 Ilegñija nu güiya: Nafanmatachongjam, y uno gui agapamo, ya y otro gui acagüemo, gui minalagmo.

10:38b.MAR.010.038 Si Jesus ilegña nu sija: Ti intingo jafa ingagagao. Siña jamyo manguimen gui copa anae gumiguimenyo? yan infanmatagpange ni y matagpangeco?

10:39b.MAR.010.039 Ya ilegñija nu güiya: Mansiñajam. Ayonae ilegña si Jesus nu sija: infanguimen gui copa anae gumiguimenyo, yan infanmatagpange ni y ma tagpangeco;

10:40b.MAR.010.040 Lao y infanmatachong gui agapajo, yan y acagüeco; ti guajo jufannae; lao para ayo sija ufanmanae y manmapreparaye.

10:41b.MAR.010.041 Ya anae majungog este ni y dies, ninafanlalalo as Santiago yan Juan.

10:42b.MAR.010.042 Lao maninagang as Jesus ya ilegña nu sija: Intingo na ayo y manmanafanmagas gui Gentiles, jafatinas minagas gui jiloñija; ya y manmagas, jafatinas ninasiña gui jiloñija.

10:43b.MAR.010.043 Lao ti utaegüenao guiya jamyo; sa jaye y malago dumangculo guiya jamyo; güiya ufañeñetbe.

10:44b.MAR.010.044 Ya jaye guiya jamyo y malago mumagas; utentago para todo.

10:45b.MAR.010.045 Sa magajet ni y Lajin taotao ti mato para umasetbe, lao para ufañetbe, ya para ufannae y jaaniña ni un rescate para unafanlibre megae.

10:46b.MAR.010.046 N 10 46 39510 ¶ Ya manmato Jerico. Ya anae manjanao gui Jerico, yan y disipuluña yan un dangculon linajyan taotao, si Bartimeo lajin Timeo, na bachet, matatachong gui oriyan chalan, ya umegagao.

10:47b.MAR.010.047 Ya anae jajungog na si Jesus Nasareno, jatutujon umagang ilegña: Jesus, Lajin David, gaease nu guajo.

10:48b.MAR.010.048 Ya megae mumomye para ufamatquilo: lao mas umagang gosagang: Jago ni y Lajin David, gaease nu guajo.

10:49b.MAR.010.049 Ya si Jesus tumojgüe ya ilegña: Agang güe. Ya maagang y bachet ilegñija nu güiya: Magofjao; cajulo sa inaagangjao.

10:50b.MAR.010.050 Ya janasuja y capaña, y cajulo, ya malag as Jesus.

10:51b.MAR.010.051 Ya si Jesus manopegüe ya ilegña: Jafa malagomo jufatinas guiya jago? Y bachet ilegña nu güiya: Raboni, nafanliiyo.

10:52b.MAR.010.052 Si Jesus ilegña: Janao, y jinengguemo munajomlojao. Ya enseguidas manlie, ya jadalalag si Jesus gui jinanaoña.

11

11:1b.MAR.011.001 YA anae esta manjijijot Jerusalem, yan Betfage, yan Betania, gui egso Olibo, jatago dos gui disipuluña,

11:2b.MAR.011.002 Ya ilegña nu sija: Janao fanmalag y sengsong gui menanmiyo: ya enseguidas qui manjalom jamyo, inseda un patgon bulico, na magogode, na taya nae matachonge; pila ya inquene mague.

11:3b.MAR.011.003 Ya yanguin jaye na taotao umalog nu jamyo; Jafa na infatinas este? Sangane: Señot janesesita: ya enseguidas umanajanao mague.

11:4b.MAR.011.004 Ya manmapos, ya masoda nu patgon bulico gui caye na magogode gui jiyong potta ya mapula güe.

11:5b.MAR.011.005 Ya palo ni y mangaegue güije ilegñija nu sija: Jafa na inpila enao y patgon bulico?

11:6b.MAR.011.006 Ya masangane jaftaemano y mansinangane as Jesus: ya japolo na ufanjanao.

11:7b.MAR.011.007 Ya macone guato y patgon bulico gui as Jesus, ya japolo magagoñija güi jiloña ya maudae si Jesus.

11:8b.MAR.011.008 Ya megae jajuto magagoñija gui chalan: yan palo y ramas jayo na manmanuutot gui fangualuan.

11:9b.MAR.011.009 Ya ayo sija y manmofona gui menaña, yan y madalalag gui tatteña, manaagang ilegñija: Hosana; Bendito ayo y mato pot y naan y Señot:

11:10b.MAR.011.010 Bendito y raeno na mamamaela, y raenon y tatata as David, Hosana guiyajululu.

11:11b.MAR.011.011 Ya si Jesus jumalom Jerusalem, ya jumalom gui templo; ya anae munjayan jalie todo y güinaja, ya y pupuenge, mapos yan y dose, manmalag Betania.

11:12b.MAR.011.012 N 11 12 39690 ¶ Ya y inagpaña anae manmato guinen Betania, ñalang.

11:13b.MAR.011.013 Ya anae jalie mona un trongcon igos na gagaejagonja, malag ayo jinasoña na ufañoda jafa; lao anae mato guato, taya sinedaña na jagonja; sa ti tiempopoña y igos trabia.

11:14b.MAR.011.014 Ayonae manope ya ilegña nu güiya: Taya ni un taotao uquinano y tinegchamo para siempre. Ya majungog ni y disipuluña.

11:15b.MAR.011.015 N 11 15 39720 ¶ Ya manmato Jerusalem; ya jumalom y templo, ya sigue di jayute juyong todo ayo sija y manmanbebende, yan y manmamamajan gui templo, yan janafanalinquin y lamasan salape y manmanulalaeca, yan y tachong y man manbebende paluma:

11:16b.MAR.011.016 Ya taya ni uno jaconsiente na ufañule baso gui templo.

11:17b.MAR.011.017 Ya mamanagüe, ilegña nu sija: Ada ti matugue na y guimajo umafanaan guma manaetae ni y todo nasion sija? lao jamyo fumatinas y liyang mañañaque.

11:18b.MAR.011.018 Ya majungog ni y magas mamale yan y escriba sija, ya maaliligao jaftaemano para umapuno; sa mamaañao nu güiya, sa janafanmamanman y linajyan taotao ni y finanagüeña.

11:19b.MAR.011.019 Ya cada pupuenge, jumanao juyong gui siuda.

11:20b.MAR.011.020 Ya y egaan anae manmalolofan, malie y trongcon igos na anglo desde y jale.

11:21b.MAR.011.021 Ayonae jajaso si Pedro ya ilegña nu güiya: Rabi, estagüe y trongcon igos ni y unmatdise na anglo todo.

11:22b.MAR.011.022 Ya manope si Jesus ilegña nu sija: Jenggue si Yuus.

11:23b.MAR.011.023 Sa magajet jusangane jamyo: Jayeja y umalog ni este y egso, janao ya unyutejao gui tase; ya ti bumuebuente gui corasonña, lao jajonggue na umafatinas ayo y sinanganña; uguaja.

11:24b.MAR.011.024 Enaomina jusangane jamyo: Na todo sija ingagao, anae manmanaetae jamyo, jenggue na esta inresibe, ya infanmannae.

11:25b.MAR.011.025 Ya an manojgue ya mananaetaejamyo, asie yanguin guajajao jafa contra jaye; sa y Tatanmiyo locue ni y gaegue gui langet, uninasie ni y isaomiyo.

11:26b.MAR.011.026 Lao yanguin ti manasiijamyo, y Tatanmiyo ni y gaegue gui langet ti uninasie ni y isaomiyo.

11:27b.MAR.011.027 N 11 27 39840 ¶ Ya manmato talo Jerusalem, ya anae mamomocat gui templo, manmato y magas mamale, yan y escriba, yan y manamco sija;

11:28b.MAR.011.028 Ya ilegñija nu güiya: Pot jafa na ninasiña na unfatitinas estesija? yan jayejao numae ni este na ninasiña, para unfatinas estesija?

11:29b.MAR.011.029 Ya si Jesus ilegña nu sija: Bae jufaesen locue jamyo un finaesen ya inepeyo, ayonae jusangane jamyo pot jafa na ninasiña na jufatitinas este sija.

11:30b.MAR.011.030 Y tinagpangen Juan, guinen y langet, pat guinen y taotao sija? epeyo.

11:31b.MAR.011.031 Ya jajajaso gui sumanjalomñija, ilegñija: Yanguin ilegmame, Guinen y langet; ualog: Jafanae na ti injenggue güe?

11:32b.MAR.011.032 Yanguin ilegmame guinen y taotao sija--manmaañao ni y taotao, sa pineloñija todo na magajet na profeta si Juan.

11:33b.MAR.011.033 Ya manmanope, ilegñija as Jesus: Ti intingo. Ayonae si Jesus ilegña nu sija; ni guajo locue ti jusangane jamyo pot jafa naninasiña, na jufatitinas estesija.

12

12:1b.MAR.012.001 YA sigue di jacuentuse sija acomparasion sija. Un taotao mananom gui fangualuan ubas, ya jacolat nu trongcon tituca, ya manguadog un joyo para un lagat ya jafatinas un tore, ya jaatquila y manfafachocho, ya mapos güe malag otro tano.

12:2b.MAR.012.002 Ya anae esta tiempo, jatago uno gui tentagoña para ayo y manmachochocho, para ujaresibe guinen manmachochocho y tinegcha y fangualuan ubas.

12:3b.MAR.012.003 Ya macone y tentago, ya masaulag, ya manajanao taesinajguan.

12:4b.MAR.012.004 Ya jatago talo y otro tentagoña; ya mapoca y iluña, ya manataelaye güe gosdangculo.

12:5b.MAR.012.005 Ya jatalo tumago y otro, ya mapuno; yan otro megae ya palo manmasaulag yan palo manmapuno.

12:6b.MAR.012.006 Ya guaja unoja lajiña na sumenyaña; ya güiya uttimo jatago, ilegña: Ufangaerespeto ni y lajijo.

12:7b.MAR.012.007 Ya ayo sija y manmachochocho, ilegñija gui sumanjalomñija. Estagüe y eredero; nije tapuno, ya y fangualuan uiyota.

12:8b.MAR.012.008 Ya macone güe, ya mapuno, ya mayute juyong gui fangualuan.

12:9b.MAR.012.009 Jafa pago ufatinas y magas y fangualuan? Ufato, ya uyulang todo y manmachochocho, ya ufannae otro ni y fangualuan.

12:10b.MAR.012.010 Taya nae intaetae este na tinigue: Y acho, ni y jarechasa y manmanmatitinas ni y guima, esteja mapolo cuentan ulo gui esquina.

12:11b.MAR.012.011 Este finatinas y Señot, ya janafanmanman gui menan atadogta.

12:12b.MAR.012.012 Ya maaliligao para umagote lao manmaañao ni y linajyan taotao; sa matungo na jasasangan y acomparasion contra sija: ya madingo, ya manmapos gui jinanaoñija.

12:13b.MAR.012.013 N 12 13 40030 ¶ Ya manmatago guato guiya güiya palo gui Fariseo sija yan taotao Herodes; para umaquegacha gui sinanganña.

12:14b.MAR.012.014 Ya anae manmato, ilegñija nu güiya: Maestro, intingo na jago magajetjao; ya taya unadadaje ni un taotao; sa ti guaelaye nu jago y finaboresen taotao, lao mamananagüejao ni y magajet na chalan Yuus. Tunas na infanmanaejam tributo as Sesat, pat aje?

12:15b.MAR.012.015 Innae, pat mungajam numae? Lao si Jesus jatungoja y quinadoñija, ya ilegña nu sija: Jafa muna na intietientayo? maela un denarion salape ya julie.

12:16b.MAR.012.016 Ya anae machulie guato, ilegña nu sija: Iyon jaye este na imagen yan tinigue? Ylegñija nu güiya: Iyon Sesat.

12:17b.MAR.012.017 Ayonae si Jesus ilegña nu sija: Nae si Sesat ni y iyon Sesat, ya si Yuus ni y iyon Yuus. Ya ninafangosmanman nu güiya.

12:18b.MAR.012.018 N 12 18 40080 ¶ Ya manmato guiya güiya y Saduseo sija ni y ilegñija, na taya quinajulo y mannatae; ya mafaesen güe, ilegñija:

12:19b.MAR.012.019 Maestro, jatuguiejam si Moises: Yanguin y chelun un taotao matae, ya y palaoan ni y asaguaña sumaga ya taya patgonña, ayo y laje ni y chelun y matae, uasagua talo y palaoan, ya ufamasemiya gui cheluña.

12:20b.MAR.012.020 Ya guaja seite lalaje na mañelu: y finenana umasagua, ya matae ti mapolo semiya:

12:21b.MAR.012.021 Inasagua talo y palaoan ni y mina dos, ya matae talo taya pineloña semiya: ya y mina tres taegüijeja talo.

12:22b.MAR.012.022 Ya y siete, ti mapolo semiyañijo; despues di todos, matae y palaoan locue.

12:23b.MAR.012.023 Y quinajulo y manmatae, jaye guiya sija ugae asagua y palaoan? sa todo y siete manmasagua.

12:24b.MAR.012.024 Si Jesus ilegña nu sija: Ada ti manlache jamyo, sa ti intingo y tinigue, ni y ninasiñan Yuus?

12:25b.MAR.012.025 Sa y mangajulo guinen manmatae, ni ufanasagua, ni umanafanasagua; lao manparejoja yan y angjet sija gui langet.

12:26b.MAR.012.026 Ya y manmatae ni y ufannacajulo; ti untaetae gui leblon Moises, jaftaemano si Yuus gui jalomtano guiya trongcon jayo ni y ilegña as Moises: Guajo si Yuus Abraham, yan si Yuus Ysaac, yan si Yuus Jacob?

12:27b.MAR.012.027 Ti güiya si Yuus y manmatae, na si Yuus y manlâlâlâ; enaomina ninafangoslache jamyo.

12:28b.MAR.012.028 N 12 28 40180 ¶ Ya uno gui escriba mato, ya jajungog na manafaesen entresija, ya jatungo na mauleg inepeña nu sija, finaesen güe: Jafa y finenana qui todo na tinago?

12:29b.MAR.012.029 Si Jesus manope: Este y finenana na tinago: Jingog O Israel: Y Señot Yuusta, unoja na Señot:

12:30b.MAR.012.030 Ya guaeya jamyo y Señot, Yuusmiyo, contodo y corasonmiyo, yan contodo y antenmiyo, yan contodo y jinasonmiyo, yan contodo y minetgotmiyo.

12:31b.MAR.012.031 Ya este y segundo: Guaeya y tiguangmo parejo yan jago. Taya otro tinago mas, mandangculo qui estesija.

12:32b.MAR.012.032 Ya y escriba ilegña nu güiya. Magajet Maestro, mauleg na unsangan na güiya unoja; ya taya otro na güiyaja.

12:33b.MAR.012.033 Ya ugumaeya güe contodo y corason, yan contodo y tiningo, yan contodo y minetgot, yan ugumaeya y tiguangña parejo yan güiya, mas qui todo y inefrese, yan y ninae sija.

12:34b.MAR.012.034 Ya anae jalie si Jesus ni y minejnalom inepeña, ilegña nu güiya: Ti chagojao gui raenon Yuus. Ya taya ni un taotao fumaesen güe talo desde ayo.

12:35b.MAR.012.035 N 12 35 40250 ¶ Ya maninepe as Jesus gui anae mamananagüe gui templo, ilegña: Jafa na ilegñija y escriba sija, na si Cristo Lajin David?

12:36b.MAR.012.036 Sa si David mismo ilegña gui Espiritu Santo: Y Señot ilegña ni y Señotto: Fatachong gui agapa na canaejo, asta qui jupolo y enemigumo sija gui papa y fañajangan adengmo.

12:37b.MAR.012.037 N 12 37 40270 ¶ David jafanaan güe Señot; ya jaftaemano na y lajiña? Ya manmagof y dangculon linajyan taotao sija anae majungog.

12:38b.MAR.012.038 N 12 38 40280 ¶ Ya ilegña gui finanagüeña: Adaje jamyo ni y escriba sija, sa yanñija manjanao yan y anaco magagoñija, yan yanñija manmasaluda gui metcado,

12:39b.MAR.012.039 Yan y manmagas na tachong gui sinagoga, yan y ya jululo na tachong gui guipot;

12:40b.MAR.012.040 Ni y jatucho y guima y biuda sija, ya janafananaco tinaetaeñija ni y dinague: este sija ujaresibe dangculo na sentensia.

12:41b.MAR.012.041 N 12 41 40310 ¶ Ya anae matachong si Jesus gui menan y cajon ni y para y ninae; megae na taotao manmato, ya manmanyute jalom salape gui cajon; ya y megae na manrico sija, megae yiniteñija jalom.

12:42b.MAR.012.042 Ya mato un pobble na buida; ya manyute jalom dos cobble na bale buente un centavos.

12:43b.MAR.012.043 Ya si Jesus jaagang y disipuluña, ya ilegña nu sija: Magajet jusangane jamyo: Este y pebble na biuda, mas megae yiniteña jalom qui ni todo ayo sija y guinen manmanyute jalom gui cajon.

12:44b.MAR.012.044 Sa todo y manmanyute jalom, pot y minegaeñijaja; lao güiya pot y minalagoñaja na jayute jalom todo y güinajaña; asta y sustentoña todo.

13

13:1b.MAR.013.001 YA anae jumuyong gui templo; ilegña nu güiya uno gui disipuluña: Maestro, liija na jechuran acho, yan guma sija.

13:2b.MAR.013.002 Ya si Jesus manope ilegña nu sija: Unlie este sija na mandangculon guma? taya usobbla ni un acho gui jilo y otro, na ti umayute papa.

13:3b.MAR.013.003 N 13 3 40370 ¶ Ya anae matachong gui jilo y finabeca na y naanña Olibo, gui menan y templo, finaesen gui secreto as Pedro, yan Santiago, yan si Juan, yan si Andres,

13:4b.MAR.013.004 Ilegñija: Sanganejam, ngaean estesija ufanmato? yan jafa na señat yanguin para todo estesija nae ufanmacumple?

13:5b.MAR.013.005 Si Jesus jatutujon ilegña nu sija: Adaje jamyo, ya chamiyo fanmafabababa.

13:6b.MAR.013.006 Sa megae ufanmato pot y naanjo, ya ualog: Guajo güiya Jesucristo, ya ufababa megae.

13:7b.MAR.013.007 Yanguin injingog y guera, yan y masangan y guera: chamiyo ninafañachatsaga: sa nesesita estesija jumuyong: lao trabia ti y jinecog.

13:8b.MAR.013.008 Sa y nasion sija ufangajulo contra y nasion, yan y raeno contra raeno: ya uguaja linao gui megae na lugat ya uguaja ñinalang: estesija tutujon y pinite.

13:9b.MAR.013.009 N 13 9 40430 ¶ Lao adaje jamyo: sa infanmaentrega gui tribunal sija; ya infanmasaulag gui sinagoga: yan infanojgue gui menan y manmagas sija yan y ray sija, pot causa de guajo para un testimonio contra sija.

13:10b.MAR.013.010 Ya y ibangelio nesesita umapredica finenana gui entre todo y nasion.

13:11b.MAR.013.011 Lao anae maconejamyo, ya maentregajamyo, chamiyo jumajaso jafa para insangan, ni injasuye jafa: sa jafaja y manaejamyo güije na ora, ayoja insangan: sa ti jamyo infangcuentos, na y Espiritu Santo.

13:12b.MAR.013.012 Pago y laje uentrega y cheluña laje, para umapuno; ya y tata y lajiña: ya y famaguon ufangajulo contra y mañaenanñija: ya uuafanmapuno.

13:13b.MAR.013.013 Ya jamyo infanmachatlie ni todo y taotao sija, pot y naanjo: lao jaye y sumungon asta y uttimo, umasatba.

13:14b.MAR.013.014 Lao anae inlie y chinatlie y inginon na yinilang tumotojgue gui anae ti para utojgue, (y mananaetae utungo) ayo sija y mangaegue guiya Judea ufanmalago para y jalomtano:

13:15b.MAR.013.015 Ya y gaegue gui jilo guma, chaña tumutunog ni ujalom ya ufañule jafa na güinaja gui jalom gumaña.

13:16b.MAR.013.016 Ya y gaegue gui fangualuan, chaña tumatalo tate para uchule y magaguña.

13:17b.MAR.013.017 Lao mannamaase ayo sija y manmapotgue yan y mannanasusu, güije sija na jaane!

13:18b.MAR.013.018 Fanmanaetae, ya munga y jinanaomiyo gui tiempon y manenggeng.

13:19b.MAR.013.019 Sa ayo sija na jaane, uguaja pininite, ni y taya nae guaja desde y matutujon y tano, anae jafatinas si Yuus, asta pago; ni uguaja asta jinecog.

13:20b.MAR.013.020 Lao yaguin ti janacadada y Señot ayo sija na jaane, taya catne usatba: lao pot y rason y manmaayigja, ni y inayigña, janacadada ayo sija na jaane.

13:21b.MAR.013.021 Ya yanguin guaja umalog nu jago: Estagüe si Cristo: pat ayogüe guato; chamiyo jumojonggue.

13:22b.MAR.013.022 Sa ufangajulo sija ti manmagajet na Cristo sija, yan ti manmagajet na profeta sija, ya ufanmamanue sija señat yan mannamanman, para ufanmamababa, yanguin janasiña, asta y manmaayig.

13:23b.MAR.013.023 Lao adaje jamyo: Sa estagüeja, na jusangane jamyo todos antes.

13:24b.MAR.013.024 N 13 24 40580 ¶ Lao ayo sija na jaane an munjayan y pininite sija; ujomjom y atdao, ya y pilan ti ufanina,

13:25b.MAR.013.025 Ya y pution sija gui langet ufamodong, ya y ninasifia sija gui langet ufanmayengyong.

13:26b.MAR.013.026 Ya ayo nae ujalie y Lajin taotao na mamamaela gui sanjalom mapagajes, yan y dangculon ninasiñaña yan y minalagña.

13:27b.MAR.013.027 Ya ayonae utago y angjetña sija na ujarecoje y inayigña sija, guinen y cuatro na manglo, guinen y uttimon y tano asta y uttimon y langet.

13:28b.MAR.013.028 N 13 28 40620 ¶ Tingo y acomparasion y trongcon igos; Anae mamaulegja trabia y ramasña, ya manjajagonja, intingoja na esta jijijot y tiempon maepe.

13:29b.MAR.013.029 Jamyo locue anae inlie estesija, na manmato, tingoja na güiya esta jijijot, parejoja yan esta gaegue gui petta.

13:30b.MAR.013.030 Magajet jusangane jamyo: Este na generasion ti ufanmalofan, asta que todo estesija munjayan manmachogüe.

13:31b.MAR.013.031 Y langet yan y tano, ufanmalofan, lao y sinanganjo ti ufalofan.

13:32b.MAR.013.032 Lao ayo na jaane pat ayo na ora, taya ni un taotao tumungo; ni y angjet sija ni mangaegue gui langet, ni y Laje; na y Tata güiyaja.

13:33b.MAR.013.033 Adaje jamyo: fanbela, ya infanmanaetae: sa ti intingo ngaean y tiempo.

13:34b.MAR.013.034 Say y Lajin taotao, parejoja yan un taotao ni y jumajanao chago ya jadingo y gumaña; ya janae y tentagoña ninasiñañija yan cada uno y chechoña, ya jatago y pottero na ufanbela.

13:35b.MAR.013.035 Fanbela, sa ti intingo ngaean nae ufato y magas y guima; cao y pupuenge, pat y tatalopuenge, pat y oogayo, pat y egaan;

13:36b.MAR.013.036 Na, noseaja derepente ufato, ya infansineda manmamaego.

13:37b.MAR.013.037 Ya jafa y jusangane jamyo, jusanganeja todos: Fanbela.

14

14:1b.MAR.014.001 GUAJA dos na jaane antes di guipot y pascua yan y taelibadura na pan: ya y magas mamale sija, yan y escriba sija, maaliligao jaftaemano para umafababa, ya umacone, ya umapuno.

14:2b.MAR.014.002 Lao ilegñija: Munga gui guipot na jaane, sa noseaja uguaja atboroto ni y taotao sija.

14:3b.MAR.014.003 N 14 3 40740 ¶ Ya anae estaba guiya Betania, gui guima Simon y ategtog, ya matachong gui lamasa para uchocho; mato un palaoan mañuñule un alabastro na boteyan inggüenten puro nardo, na gosguaguan; ya mafag y boteya, ya jachuda gui jilo y ilon Jesus.

14:4b.MAR.014.004 Ya guaja sija ninafanbubo sanjalomñija, ya ilegñija: Jafa este na inggüente na manalalastimaja?

14:5b.MAR.014.005 Maulegña umabende pot tresientos peseta, ya ufanmanae y mamobble: ya malalatde y palaoan.

14:6b.MAR.014.006 Lao si Jesus ilegña: Pologüe namaesa. Jafaja na inatbororota güe? Mauleg finatinasña nu guajo.

14:7b.MAR.014.007 Sa manjajamyoja yan y mamobble siempre; ya ngaeanja nae manmalago jamyo, infatinasja mauleg guiya sija: lao guajo ti tafanjijitaja siempre.

14:8b.MAR.014.008 Güiya jafatinas taemanoja y ninasiñaña: güiya mato antes, para uinggüentiye y tataotaojo, para y naftan.

14:9b.MAR.014.009 Magajet jusangane jamyo: Manoja este na ebangelio nae mapredica, gui todo y tano, este locue y finatinasña umasangan, para memoriasña.

14:10b.MAR.014.010 N 14 10 40810 ¶ Ya si Judas Iscariote, uno gui dose, mapos malag y magas mamale, para umentrega güe guiya sija.

14:11b.MAR.014.011 Ya anae majungog, ninafansenmagof, ya mapromete manae güe salape. Ya jaaliligao jaftaemano para uinentrega.

14:12b.MAR.014.012 N 14 12 40830 ¶ Ya y finenana na jaane y taelibadura na pan, anae maofrese y pascua, y disipuluña ilegñija nu güiya; Manojam malagomo guato ya infamauleg nae para unchocho gui pascua?

14:13b.MAR.014.013 Ya jatago y dos gui disipuluña, ya ilegña nu sija: Janao fanmalag y siuda, sa infanasoda güije yan un taotao na mangangatga un jarran janom: dalalag güe.

14:14b.MAR.014.014 Ya amanoja nae jumalom, alog ni y taotao guma: Y Maestro, ilegña: Mangue y aposento ni y anae para infañocho gui pascua yan y disipulujo?

14:15b.MAR.014.015 Ya güiya infanfinanue un dangculo na cuatto; esta mafamauleg yan listo; ayo nae famauleg para jita.

14:16b.MAR.014.016 Ya y disipuluña sija manmapos, ya manmato gui siuda, ya jasoda jaftaemano y mansinangane sija: ya mafamauleg para y pascua.

14:17b.MAR.014.017 N 14 17 40880 ¶ Ya y pupuenge mato yan y dose.

14:18b.MAR.014.018 Ya anae manmatatachong ya mañochocho, si Jesus ilegña: Magajet jusangane jamyo: Uno guiya jamyo umentregayo; güiyaja uchumocho yan guajo.

14:19b.MAR.014.019 Ayo nae ninafangostriste, ya ilegñija nu güiya uno yan otro: Guajo? y otro ilegña: Guajo?

14:20b.MAR.014.020 Ayo nae manope ilegña nu sija: Uno gui dose ni y jumajame manotche gui tason.

14:21b.MAR.014.021 Y Lajin taotao magajet na mapos, ni y esta matugue pot güiya: lao namaase ayo na taotao ni y jaentrega y Lajin taotao. Maulegña ayo na taotao na ti umafañago.

14:22b.MAR.014.022 N 14 22 40930 ¶ Ya anae mañochocho, jachule si Jesus y pan, ya jabendise, ya jaipe, ya janae sija, ilegña: Chile ya incano, sa este y tataotaojo.

14:23b.MAR.014.023 Ya jachule y posuelo, ya anae munjayan janae grasia, janae sija: ya todos manguimen.

14:24b.MAR.014.024 Ya ilegña nu sija: Este y jâgâjo, gui nuebo na testamento, ni machuda pot y megae.

14:25b.MAR.014.025 Magajet jusangane jamyo, na ti juguimen talo ni y tinegcha ubas, asta ayo na jaane, na juguimen nuebo gui raenon Yuus.

14:26b.MAR.014.026 Ya anae munjayan macanta un himno, manmapos manmalag y finabeca Olibo.

14:27b.MAR.014.027 N 14 27 40980 ¶ Ya si Jesus ilegña nu sija: Todos jamyo infaninefende pot guajo; sa esta matugue: Bae jupanag y pastot, ya y quinilo sija ufanmachalapon.

14:28b.MAR.014.028 Lao despues di lâlâyo talo, ya cumajuloyo, jujanao esta y menanmiyo guiya Galilea.

14:29b.MAR.014.029 Ayo nae si Pedro ilegña: Achogja todos maninefende; lao guajo aje.

14:30b.MAR.014.030 Ya sinangane as Jesus ilegña: Magajet jusanganejao na jago pagoja na puenge, antes qui uoo dos biaje y gayo, unpuneyo tres biaje.

14:31b.MAR.014.031 Lao guiya janaguefchadeg y cuentosña, ilegña: Yanguin jumitamatae, ti jupunejao ni jaftaemano. Taegüineja locue sinanganñija todos.

14:32b.MAR.014.032 N 14 32 41030 ¶ Ya manmato un lugat na y naaña Gethsemane: ya ilegña ni y disipuluña sija: Fanmatatachong güine, mientras mananaetaeyo.

14:33b.MAR.014.033 Ya jacone gachongña si Pedro, yan si Santiago, yan si Juan, ya jatutujon manmajalang, yan mangostriste,

14:34b.MAR.014.034 Ya ilegña nu sija: Y antijo sentriste asta qui jumatae; fañaga güine, ya iafanmamulan.

14:35b.MAR.014.035 Ya jumanao mona didide, dumimo papa gui jilo oda, ya manaetae, na yanguin siña, ufalofan y ora guiya güiya.

14:36b.MAR.014.036 Ya ilegña: Abba, Tata: todo y güinaja mansiña para jago; nasuja este y posuelo guiya guajo: lao ti taemanoja minalagojo, na y minalagomo.

14:37b.MAR.014.037 Ya mato talo guato ya jasoda sija manmaego, ya ilegña as Pedro: Simon mamaegojao? ti siñajao bumela un oraja?

14:38b.MAR.014.038 Fanbela, yan infanmanaetae; para chamiyo fanjajalom gui tentasion: Y Espiritu magajet na malago; lao y catne echecho.

14:39b.MAR.014.039 Ya jumanao talo ya manaetae ya ayoja mismo na sinangan.

14:40b.MAR.014.040 Ya anae tumalo guato jasoda talo sija na manmamaego: sa y atadogñija mangosmacat, ya ti ujatungo jafa umaope güe.

14:41b.MAR.014.041 Ya mato talo gui mina tres biaje, ya ilegña nu sija: Fanmaego pago, ya infandescansa: esta najong; y ora esta mato; lie y Lajin taotao na maentrega gui canae y manisao sija.

14:42b.MAR.014.042 Fangajulo ya nije tafanjanao; sa esta y umentregayo jijot.

14:43b.MAR.014.043 Ya enseguidas, mientras cumuecuentos, mato si Judas, uno gui dose, ya mañisija yan un linajyan taotao, manmañuñule espada, yan galute guinen y magas mamale, yan y escriba, yan y manamco sija.

14:44b.MAR.014.044 Ya ayo y umentrega güe, mannae señat, ilegña: Jaye y juchico, güiya ayo: guiot ya inquene na seguro.

14:45b.MAR.014.045 Ya enseguidas nae matogüe, jumajanaoja guato guiya güiya, ya ilegña: Maestro; ya jachico.

14:46b.MAR.014.046 Ya ayonae mapolo canae sija gui jiloña ya macone.

14:47b.MAR.014.047 Ya uno guiya sija ni y tumotojgue gui oriya, jalagnos y espadaña, ya jataga y tentago y magas mamale, ya jautut talangaña.

14:48b.MAR.014.048 Ya manope si Jesus ilegña nu sija: Ada manmato jamyo calang contra y saque, na manmañuñule jamyo espada, yan galute para inguiotyo?

14:49b.MAR.014.049 Guinen manjijitaja todo y jaane gui templo manmamananagüe, ya ti inquequeneyo? lao mafatinas este para umacumple y tinigue.

14:50b.MAR.014.050 Ya madingo, ya manmalago todos.

14:51b.MAR.014.051 N 14 51 41220 ¶ Ya dinalalaggüe un patgon na taotao, na jatatampe güe un sábanas, sa taya magagago: ya y mamatgon sija na taotao, maguot güe.

14:52b.MAR.014.052 Lao güiya japolo y sábanas, ya malago sin magago.

14:53b.MAR.014.053 N 14 53 41240 ¶ Ya macone si Jesus para y magas na pale: ya mandaña y manmagas mamale yan y manamco, yan y escriba sija.

14:54b.MAR.014.054 Ya si Pedro dinalalag güe, lao chago, asta gui sanjalom, sanjalom y palasyon y magas na pale: ya matachong yan y tentago sija, ya janama maope güe gui guafe.

14:55b.MAR.014.055 Ya y magas mamale, yan todo y inetnon ofisiat, manmanaliligao testimonio contra si Jesus para umapuno; lao taya masoda.

14:56b.MAR.014.056 Sa megae manmannae ti manmagajet na testimonio contra güiya: lao y testimonioñija ti manparejo.

14:57b.MAR.014.057 Ya mangajulo palo ni manmannae contra güiya y testimonio na ti manmagajet, ilegñija:

14:58b.MAR.014.058 Injingog y ilegña: Juyulang este na templo, ni y mafatinas nu canae, ya y tres na jaane, janacajulo talo otro na ti finatinas canae.

14:59b.MAR.014.059 Lao este na testimonioñija, locue ti manparejo.

14:60b.MAR.014.060 Ya y magas na pale tumojgue julo gui talolo, ya jafaesen si Jesus ilegña: Ti unfanope ni jafa? Jafa este sija na testimonioñija contra jago?

14:61b.MAR.014.061 Lao mamatquiquiloja, taya inepeña. Tumalo y magas na pale finaesen ilegña: Jago si Jesucristo Lajin y Bendito?

14:62b.MAR.014.062 Ya si Jesus ilegña: Guajo; ya umamaela y tiempo anae inlie y Lajin taotao matatachong gui agapa y gaeninasiña na canae, ya umamaela gui jalom y mapagajes y langet.

14:63b.MAR.014.063 Ayonae y magas na pale, jatiteg y magaguña, ya ilegña: Para jafajit palo testigo sija?

14:64b.MAR.014.064 Injingogja y chinatfinoña contra si Yuus: Jafa jinasonmimiyo? Ya todos manmañentensia para umapuno.

14:65b.MAR.014.065 Ya y palo matutujon matolae, yan matatampe mataña, yan mapatmada, ya ilegñija nu güiya: Profetisa: ya y ofisiat sija rumesibe güe ya japatmada ni y canaeñija.

14:66b.MAR.014.066 N 14 66 41370 ¶ Ya anae si Pedro gaegue gue sanpapa gui palasyo, mato un palaoan tentago y magas na pale:

14:67b.MAR.014.067 Ya anae jalie si Pedro na janamamaepe güe, jaatan ya ilegña: Jago locue manjajamyo yan si Jesus Nasareno?

14:68b.MAR.014.068 Lao jadague ilegña: Ti jutungo, ni jutungo jafa ilelegmo. Ya mapos juyong gui cajida; ya umoo y gayo.

14:69b.MAR.014.069 Ya linie talo ni y palaoan, ya jatutujon sumangane ayo sija y manotojgue gui oriyaña: Este uno guiya sija.

14:70b.MAR.014.070 Ya jadague talo. Ti apmam ayo y manotojgue gui oriya ilegñija as Pedro: Magajet na jago uno guiya sija? sa jago taotao Galileajao.

14:71b.MAR.014.071 Lao jatutujon mamatdise yan manjula ya ilegña: Ti jutungo este na taotao y insasangan.

14:72b.MAR.014.072 Ya enseguidas y mina dos biaje umoo y gayo. Jajaso si Pedro y sinangan, jaftaemano si Jesus nu güiya ilegña: Antes que uoo y gayo dos biaje, undagueyo tres biaje. Ya anae jajaso, tumanges.

15

15:1b.MAR.015.001 YA enseguidas y egaan güije, y magas mamale yan y manamco, yan y escriba sija, yan todo y inetnon ofisiat manaconseja entaloñija, ya magode si Jesus, ya macone, ya maentrega si Pilato.

15:2b.MAR.015.002 Ya finaesen as Pilato, ilegña nu güiya: Jago y Ray Judios? Ya manope ilegña: Jago sumangan.

15:3b.MAR.015.003 Ya mafaaela ni y magas mamale, megae sija na güinaja.

15:4b.MAR.015.004 Ya finaesen güe talo as Pilato, ilegña: Ti unfanope ni jafa? liija na minegae finaela contra jago.

15:5b.MAR.015.005 Lao si Jesus ti manope ni jafa; ayo mina ninamanman si Pilato.

15:6b.MAR.015.006 N 15 6 41490 ¶ Ya ayo na gupot, y costumbre masosotta un preso, yanguin jagagao jaye y malagoñija.

15:7b.MAR.015.007 Ya guaja güije uno, y naanña si Barabas, na mapreso yan y mangachongña gui un jatsamiento; sija manmamuno anae mangajulo gui jatsamiento.

15:8b.MAR.015.008 Ya y linajyan taotao manmato jijot, ya jatutujon manmangaogao na ufatinas taegüije y guinen jafatinas guiya sija,

15:9b.MAR.015.009 Lao si Pilato manope sija, ilegña: Manmalago jamyo na jusottaye jamyo y Ray Judios?

15:10b.MAR.015.010 Sa jatungo, na ayo na maentrega ni y magas mamale, pot y embidia.

15:11b.MAR.015.011 Lao y magas mamale jatago y taotao sija, na ujagagao na si Barabas umasotta.

15:12b.MAR.015.012 Ya si Pilato manope ilegña talo nu sija: Jafanae malagomiyo jufatinas ayo y infananaan Ray Judios?

15:13b.MAR.015.013 Ya managang talo ilegñija: Atane gui quiluus.

15:14b.MAR.015.014 Ayonae si Pilato, ilegña nu sija: Jafa na taelaye finatinasña? Ya mas managang, ilegñija: Atane gui quiluus.

15:15b.MAR.015.015 Ya si Pilato, malago na ufanmagof y taotao sija, jasottaye sija si Barabas, ya maentrega si Jesus, anae munjayan masaulag, para umaatane gui quiluus.

15:16b.MAR.015.016 N 15 16 41590 ¶ Ya maosgaejon ni y sendalo sija, guato gui patio mafanaan Pretorio; ya madaña todo y mangachong.

15:17b.MAR.015.017 Ya manaminagago púrpura, ya matufog un coronan tituca.

15:18b.MAR.015.018 Ya matutujon masaluda, ilegñija: Jafa tatatmanojao Ray Judios!

15:19b.MAR.015.019 Ya mapanag y iluña ni y piao, ya matolae güe, yan mandidimo, ya maadodora güe.

15:20b.MAR.015.020 Ya anae munjayan mamofeagüe, manajanao y púrpura, ya manaminagago ni y magaguñaja. Ya macone güe para umaatane gui quiluus.

15:21b.MAR.015.021 N 15 21 41640 ¶ Ya manacatga uno ni y malolofan para ufañija, si Simon Sirineo, tatan Alejandro yan Rufo, na mato guinen y fangualuan, para uquinatgaye ni y quiluus Jesus.

15:22b.MAR.015.022 Ya macone guato gui un lugat na y naanña Golgota: cumequeilegña, Sagan calabera.

15:23b.MAR.015.023 Ya manae guimenña, bino manadaña yan mira, lao ti jaresibe.

15:24b.MAR.015.024 Ya maatane güe gui quiluus, manafacae ni magaguña; ya manrifa jaye uchinile cada uno.

15:25b.MAR.015.025 Ya y mina tres na ora, anae maatane güe gui quiluus.

15:26b.MAR.015.026 Ya y tinigue y fumaaelagüe, matugue gui sanjilo. Y RAY JUDIOS.

15:27b.MAR.015.027 Ya maatane dos na saque yan güiya: y uno gui agapaña, ya y otro gui acagüeña.

15:28b.MAR.015.028 (Ya macumple y tinigue ni y ilegña: Güiya, usaouao matufong yan y manisao.)

15:29b.MAR.015.029 Ya macacase todo ni y manmalolofan, ya jayeyengyong y ilonñija, ya ilegñija: Ay! jago ni y unyulang y templo, ya unjatsa talo gui mina tres na jaane;

15:30b.MAR.015.030 Satba maesajao, ya maela tunog papa güenao gui quiluus.

15:31b.MAR.015.031 Taegüenaoja locue y magas mamale, manmanbotlelea gui entaloñija, ya ilegñija yan y escriba sija: Jasatba y palo, ya güiya na maesa ti siña güe jasatba.

15:32b.MAR.015.032 Si Cristo y Ray Israel, polo ya utunog pago gui quiluus, para utafanlie, ya utafanjonggue güe. Yan ayo y mangachochongña manmaatane gui quiluus madespresia güe.

15:33b.MAR.015.033 N 15 33 41760 ¶ Ya anae mato y mina saes na ora, jomjom todo y tano asta y mina nuebe na ora.

15:34b.MAR.015.034 Ya y mina nuebe na ora, janagosagang si Jesus ilegña: Eli, Eli, lama sabactani? cumequeilegña: Yuusso, Yuusso, jafa muna undingoyo?

15:35b.MAR.015.035 Ya palo ni y manotojgue gui oriyaña, anae majungog güe, ilegñija: Estagüe na jaaagang si Elias.

15:36b.MAR.015.036 Ya malago uno, ya jasupog y espongja gui binagle, ya japolo gui puntan y piao, ya janae para uguimen, ya ilegña: Poloja güe namaesa; ya utafanlie cao ufato si Elias, ya uninatunog.

15:37b.MAR.015.037 Ya si Jesus umagang goságang, ya jaentrega y espiritu.

15:38b.MAR.015.038 Ya y cottinan y templo, masisen dos pedaso, y sanjilo asta y sanpapa.

15:39b.MAR.015.039 Ya anae y senturion ni y tumotojgue gui menaña, linie, na taegüenao jaentrega y espiritu, ilegña: Magajet na este na taotao Lajin Yuus.

15:40b.MAR.015.040 Ya mangaegue locue sija famalaoan, na maaatan gui chago, ya entre sija estaba si Maria Magdalena, yan si Maria nanan Santiago y patgon, yan si José, yan si Salome;

15:41b.MAR.015.041 Ni y anae estaba güe guiya Galilea, madalalag güe, ya masetbe güe; yan megae sija na famalaoan mangachochongña julo guiya Jerusalem.

15:42b.MAR.015.042 N 15 42 41850 ¶ Ya anae estaba pupuenge, sa ayo na jaane y Preparasion, cumequeilegña y jaane antes di y sábado,

15:43b.MAR.015.043 Mato si José, taotao Arimatea, mauleg na taotao na pápagat, ni y jananangga locue y raenon Yuus; ya mapos yan atrebe malag as Pilato, ya jagagao y tataotao Jesus.

15:44b.MAR.015.044 Ya ninamanman si Pilato, cao esta matae; ya jaagang y senturion, ya jafaesen cao esta matae algun tiempo.

15:45b.MAR.015.045 Ya anae jatungo gui senturion; janae si José ni y tataotao.

15:46b.MAR.015.046 Ya güiya mamajan fino na magagao; ya janatunog y tataotaoña ya jabalutan ni y fino na magago, ya japolo gui un naftan ni maguadog gui acho, ya janagaliligue guato un acho, gui pettan y naftan.

15:47b.MAR.015.047 Ya si Maria Magdalena, yan si Maria nanan José, jalie amano nae mapolo.

16

16:1b.MAR.016.001 YA anae esta malofan y sabado, si Maria Magdalena, yan si Maria nanan Santiago, yan si Salome, manmamajan paopao, para ufato ya umapalalae güe.

16:2b.MAR.016.002 Ya taftataf gui egaan, gui finenana na jaane gui semana, manmato gui naftan gui quinajulo y atdao.

16:3b.MAR.016.003 Ya ilegñija entre sija: Jaye uninagalileg y acho gui pettan y naftan?

16:4b.MAR.016.004 Ya anae maaatan, malie na esta managalileg y acho, sa gosdangculo.

16:5b.MAR.016.005 Ya manjalom gui naftan, malie un patgon na taotao, na matatachong gui agapa na banda, minagagon apaca na anaco; ya ninafangosmaañao.

16:6b.MAR.016.006 Ya ilegña nu sija: Chamiyo fanmaaañao: inaliligao si Jesus Nasareno, ni y maatane gui quiluus: esta cajulo; taegüe güine; liija y lugat anae mapopolo güe.

16:7b.MAR.016.007 Janao infanjanao, ya insangane y disipuluña, yan si Pedro: Güiya jumanao gui menanmiyo guiya Galilea; ayo nae inlie güe, ni y guinin mansinangane jamyo.

16:8b.MAR.016.008 Ya manmapos juyong, ya manmalago gui naftan, sa jumuyong manlalaolao yan manmanman; ya ti ufanmanangane jafa ni y taotao; sa mangosmanmaañao.

16:9b.MAR.016.009 N 16 9 41990 ¶ Lao anae cajulo si Jesus, taftataf gui egaan gui finenana na jaane gui semana, umalie finena, yan Maria Magdalena, ni y guinin janajuyong siete na anite.

16:10b.MAR.016.010 Ya mapos güe, ya jasangane ayo y guinin mangachochongña, ni y mantriste, yan manatanges.

16:11b.MAR.016.011 Ya sija, anae jajungog na esta lâlâ ya umalie yan Mana, ti majonggue.

16:12b.MAR.016.012 Ya anae manmalofan estesija, manmalie talo yan dos, lao otro jechuraña; gui anae manjajanao gui fangualuan.

16:13b.MAR.016.013 Ya manmapos, ya manmasangane y palo disipulo: lao ti majonggue.

16:14b.MAR.016.014 N 16 14 42040 ¶ Despues di ayo, manmalie yan y onse gui anae mañochocho, ya jalalatde ni y ti manjengguenñija, yan y majetog corasonñija, sa ti majonggue ayo sija y lumie güe despues di cumajulo.

16:15b.MAR.016.015 Ya ilegña nu sija; Janao fanmalag todo y tano, ya predica y ibangelio todo y ninajuyong sija.

16:16b.MAR.016.016 Jaye y manjonggue ya matagpange, usatba; lao ayo y ti manjonggue; umasentensia.

16:17b.MAR.016.017 Ya este sija na señat ufantinattitiye ayo sija y manmanjonggue: Pot y naanjo ujayute juyong y anite sija; ufanguentos ni y nuebo na finijo;

16:18b.MAR.016.018 Ufanmangajat culebla sija, ya, yanguin manguimen jafa na beneno; ti uninafanlamen: ya ujapolo y canaeñija gui manmalango sija, ya ujanafanjomlo.

16:19b.MAR.016.019 N 16 19 42090 ¶ Enao y Señot, despues di mansinangane sija, rinisibe ni y langet, ya matachong gui agapa Yuus.

16:20b.MAR.016.020 Ya manmapos, ya mapredica y sinangan gui todo y lugat, mañisija manmachocho yan y Señot, ya manafitme y sinangan ni y umatitiye na señat. Amen.