Psalms (Chamorro)

1

1:1b.PSA.001.001 DICHOSO y taotao, ni ti mamomocat gui pinagat y manaelaye, ni y ti sumasaga gui chalan manisao, ni y ti matatachong gui siyan ayo sija y manmanmofefea.

1:2b.PSA.001.002 Lao guiya lay Jeova, ayo y minagofña, ya y layña jajaso, jaane yan puenge.

1:3b.PSA.001.003 Ya taegüijeja y trongcon jayo ni y matanme gui oriyan sadog, ya guaja tinegchaña gui tiempoña, ya y jagonña ti umalayo; ya todo y finatinasña mumemegae.

1:4b.PSA.001.004 Lao ti taegüine y manaelaye; lao parejo yan y paja ni y güinaefe ni y manglo.

1:5b.PSA.001.005 Sa enao na ti mangajujulo y manaelaye gui sentensia; ni y manisao gui y inetnon manunas.

1:6b.PSA.001.006 Sa si Jeova jatungo y chalan manunas: lao y chalan manaelaye ufanmalingo.

2

2:1b.PSA.002.001 SA jafa na manlalalo y nasion sija, ya y taotao sija manmanjaso y banida?

2:2b.PSA.002.002 Manotojgue y ray sija gui tano, ya y prinsipe sija manafaesen entalo sija contra si Jeova, yan contra y pinalaeña, ilegñija:

2:3b.PSA.002.003 Nita yulang y guinideña, ya nasuja guiya jita y godeña.

2:4b.PSA.002.004 Ya y sumasaga gui langet uchumachaleg: ya y Señot jamofefea sija.

2:5b.PSA.002.005 Ayo nae cumuentos yan sija yan y linalaloña: ya y binibuña ninafañatsaga sija.

2:6b.PSA.002.006 Lao guajo japolo y rayjo gui jilo Sion, gui santos na egsojo.

2:7b.PSA.002.007 Guajo bae jusangan y tinagojo: si Jeova ilegña nu guajo: Lajijo jao; ya guajo julilis jao pago na jaane.

2:8b.PSA.002.008 Gagaoyo ya guajo junaejao ni y nasion sija pot y erensiamo ya y uttimon patte y tano, uiyomo.

2:9b.PSA.002.009 Ya unyulang sija ni y baran lulog; taegüije y bason y yero unyogyog sija.

2:10b.PSA.002.010 Ya pago, tingo, O ray sija: resibe finanagüe, jamyo man jues gui tano.

2:11b.PSA.002.011 Setbe si Jeova ni y minaañao, yan fanmagof ni minayengyong.

2:12b.PSA.002.012 Chico y laje, no sea ulalálalo, ya unfanmalingo jamyo gui chalan, sa gusisija y linalaloña sinenggue. Mandichoso todos y umangoco sija guiya güiya.

3

3:1b.PSA.003.001 JEOVA, jafa muna manlajyan y enimigujo! Megae mangajulo contra guajo.

3:2b.PSA.003.002 Megae umaalog ni y antijo: Taya inayuda para güiya, gui as Yuus. Sila.

3:3b.PSA.003.003 Lao jago, O Jeova, jago y patang gui oriyajo; y minalagjo yan ayo ni y janacajulo y ilujo.

3:4b.PSA.003.004 Ya y inagangjo juagang si Jeova, ya güiyaja umopeyo gui santos na ogsoña. Sila.

3:5b.PSA.003.005 Bae juason ya maegoyo; ya magmatayo; sa si Jeova gumuguutyo.

3:6b.PSA.003.006 Ti maañaoyo nu y dies mit na taotao, ni y mapolo sija gui oriyajo contra guajo.

3:7b.PSA.003.007 Cajulo, O Jeova; nalibre yo, O Yuusso: sa jago manalamen todo y enimigujo ni y guijadas; y nifen y manaelaye unyamag.

3:8b.PSA.003.008 Gui as Jeova nae gaegue y satbasion: ya y taotaomo nae gaegue y bendisonmo. Sila.

4

4:1b.PSA.004.001 ANAE juagangjao, opeyo, O Yuus y tininasso: anae chatsagayo jago munadangculoyo: maase nu guajo ya jungog y tinaetaejo.

4:2b.PSA.004.002 Jamyo, famaguon taotao, asta ñgaean nae innanalo y onraco gui minamajlao? Asta ñgaean yanmiyo y banida ya inaliligao y dinague? Sila.

4:3b.PSA.004.003 Tingoja, na si Jeova japolo apatte y deboto para güiya namaesa: si Jeova jajungog yo, anae juagang güe.

4:4b.PSA.004.004 Fangalamten ya chatmiyo faniisao: fanmanjaso nu y corasonmiyo gui jilo camanmiyo, ya famacaca. Sila.

4:5b.PSA.004.005 Nae y tunas na inefresen ya angoco si Jeova.

4:6b.PSA.004.006 Megae umaalog: Jaye ufanuejit jafa minauleg? Jatsa gui jilonmame, O Jeova, y minalag y matamo.

4:7b.PSA.004.007 Jago numae minagof y corasonjo, megaeña qui uguaja sija anae umemegae y maeisñija yan y binoñija.

4:8b.PSA.004.008 Ya y pas nae umason yo ya taegüijeja maegoyo: sa jagoja Jeova, unnasagayo seguro.

5

5:1b.PSA.005.001 JUNGOG, O Jeova, y sinanganjo, ecungog y jinasoco.

5:2b.PSA.005.002 Ecungog y vos y inagangjo, Ray jo, yan Yuusso: sa jago jutaetaetaye.

5:3b.PSA.005.003 O Jeova, y egaan unjungog y vosso; y egaan juguaguato y tinaetaejo guiya jago, ya jubébela.

5:4b.PSA.005.004 Sa ti jago na Yuus ni y gumaeya y tinaelaye: y taelaye ti usaga guiya jago.

5:5b.PSA.005.005 Ti manasaga y mangaduco gui menan matamo: ya ti yamo todo y fumatitinas y taelaye.

5:6b.PSA.005.006 Jago yumulang y manguecuentos mandague: ya y taotao cajâgâ yan y dinague, si Jeova jaguefchatlie.

5:7b.PSA.005.007 Ya guajoja, yan y megagae y minaasemo, bae jalom gui guimamo: ya juadora anae juatan y santo templomo ni y ninamaañaomo.

5:8b.PSA.005.008 O Jeova, esgaejonyo gui tininasmo, pot causa ya enimigujo; natunas gui menajo y chalanmo.

5:9b.PSA.005.009 Sa taya finitme gui pachotñija; ya sanjalomñija senmanaelaye: naftan mababa y agagañija; yan y jilañija finande:

5:10b.PSA.005.010 Condena sija, O Yuus, polo y ufamodong pot y pinagatñija: gui minegae y isaoñija nasuja sija sa managuaguat contra jago.

5:11b.PSA.005.011 Nafanmagof todos y umangngocojao, polo para taejinecog ya ufanagang pot y minagofñija sa undefiende sija, polo ya ufanmagof ni jago, y gumaeya y naanmo.

5:12b.PSA.005.012 Sa jago bumendise y manunas; O Jeova, parejoja yan un patang unpolo gui oriyaña y finaborese.

6

6:1b.PSA.006.001 JEOVA chamoyo lumalalatde ni y binibumo: chamoyo cumastitiga nu y dangculo na linalalomo.

6:2b.PSA.006.002 Gaease nu guajo, O Jeova, sa estagüe yo namasogsog: amte yo, O Jeova, sa y tolangjo esta mananatchatsaga.

6:3b.PSA.006.003 Ya y antijo esta senchatsaga: Ya jago, O Jeova, asta ngaean?

6:4b.PSA.006.004 Nanalo, O Jeova, nalibre y antijo: satbayo pot causa y minaasemo.

6:5b.PSA.006.005 Sa y finatae nae taya jinaso guiya jago: ya y naftan nae jaye numannae jao grasias?

6:6b.PSA.006.006 Yayasyo nu y todo y siningonjo: todo y puenge junamamaya y camajo ni lagojo: junafotgon y catreco nu y lagojo.

6:7b.PSA.006.007 Y atadogjo esta magasta nu y pinite: ninafanbijo pot todo ayo y munachachatsaga yo.

6:8b.PSA.006.008 Nafanjanao guiya guajo todo ayo y fumatitinas y taelaye: sa si Jeova jajungog y vos y casaojo.

6:9b.PSA.006.009 Si Jeova jajungog y guinagaojo: si Jeova uresibe y tinaetaejo.

6:10b.PSA.006.010 Manmamajlao ya ninafañatsaga megae, todo y enimigujo: sija manalo, sija manmamajlao gusise.

7

7:1b.PSA.007.001 O Jeova, Yuusso, yya jago nae gaegue y inangococo: Satbayo todo gui pumetsisigue yo, ya nalibre yo.

7:2b.PSA.007.002 Para chaña pumedasitos y antijo taegüije y leon, ni jayulang, anae taya jaye uninalibre.

7:3b.PSA.007.003 O Jeova, Yuusso, yaguin jufatinas este: yaguin guaja gui canaejo taelaye;

7:4b.PSA.007.004 Yan juapase taelaye y sumaga guiya guajo yan pas, (magajet na junalibre y pumetsisigue yo pot taya causa:)

7:5b.PSA.007.005 Japetsisigue y enimigujo y antijo, ya jachule; magajet, na jagacha gui tano y jaanijo: ya y onraco japolo gui eda. Sila.

7:6b.PSA.007.006 Cajulo, O Jeova, yan y linalalomo; jatsa namaesa contra y binibon y munachachatsagayo: ya magmata pot guajo untago y sentensia.

7:7b.PSA.007.007 Polo ya y inetnon taotao unineriyaye jao: ya gui san jiloñija natalo jao guato gui san jilo.

7:8b.PSA.007.008 Si Jeova jajusga y taotao: jusgayo, O Jeova, taemanoja y tininasso: taemanoja y minaulegmo ni y gaegue guiya guajo.

7:9b.PSA.007.009 Polo ya ujocog y taelayen manaelaye, lao nafitme y manunas: sa si Yuus, ni tinas, jachachague y corason yan y jinaso gui sanjalom.

7:10b.PSA.007.010 Y patangjo gaegue gui as Yuus, güiya munalibre y manunas gui corason.

7:11b.PSA.007.011 Si Yuus y tinas na jues: magajet na si Yuus lalalalo todo na jaane.

7:12b.PSA.007.012 Yaguin y taotao ti jabira güe, güiya janamalagtos y espadaña: janaregla y atcosña ya janalisto.

7:13b.PSA.007.013 Ya jafatinas para güiya y atmas y finatae: janafañila y flechaña.

7:14b.PSA.007.014 Estagüe na uguaja piniten mañago tinaelaye: magajet na mapotgue y inacacha ya mañago dinague.

7:15b.PSA.007.015 Jaguadog y tipo, ya janatadong: ya esta podong gui joyo na y finatinasñaja.

7:16b.PSA.007.016 Polo ya y inacachaña ubira güi jilo y iluña: ya y binibuña upodong gui jilo cácagongña.

7:17b.PSA.007.017 Bae junae si Jeova gracias taemanoja y tininasña: ya jucantaye ni y tinina y naan Jeova Gueftaquilo.

8

8:1b.PSA.008.001 O Jeova, Señotmame, jafa muna mauleg y naanmo gui todo y tano: ni y unpolo y minalagmo gui jilo y langet.

8:2b.PSA.008.002 Guinin pachot y mandiquique yan y mañususo nae unpolo y minetgot? Pot y enimigumo sija: sa para unnasuja y enimigo yan y umeemog.

8:3b.PSA.008.003 Anae julie y langetmo, ni y checho y calolotmo, y pilan yan y pution, ni jago pumolo;

8:4b.PSA.008.004 Jaye y taotao, para uguaja guiya güiya jinaso? yan lajin taotao para ubinesita güe.

8:5b.PSA.008.005 Sa unfatinas didide diquiqueña qui y angjeles, ya uncorona güe ni y minalag yan inenra.

8:6b.PSA.008.006 Unnafanmagas todo ni checho y canaemo: todo unpolo gui papa y adengña.

8:7b.PSA.008.007 Y quinilo yan y nobiyo todo ayo: taegüenaoja y gâgâ ni gaegue gui fangualuan.

8:8b.PSA.008.008 Y pajaro gui langet, yan y güijan gui tase: ya jafaja ni manmalolofan gui chalan y tase.

8:9b.PSA.008.009 O Jeova, Señotmame: jafa muna mauleg y naanmo gui todo y tano.

9

9:1b.PSA.009.001 BAE junae grasias si Jeova contodo y corasonjo: bae jufanue todo ni ninamanman na chechomo.

9:2b.PSA.009.002 Bae jumagof, ya unnasenmagofyo guiya jago: jucantaye ni y tinina y naanmo O jago Gueftaquilo.

9:3b.PSA.009.003 Anae y enimiguja unnabira sija tate: manbasnag, ya manmalingo gui menamo.

9:4b.PSA.009.004 Sa jago fumatinas y jinasoco yan y causaco: unfatachong gui trono, ya unjusga y tinas.

9:5b.PSA.009.005 Guinin unlalatde y nasion sija, guinin unyulang y manaelaye, guinin unfunas y naanñija para siempre taejinecog.

9:6b.PSA.009.006 Esta malachae y enimigo; esta mayulang para siempre: yan y siuda ni y inyilang, y jinasoñija manachamalingo yan sija.

9:7b.PSA.009.007 Ya si Jeova sumaga calang ray para siempre, ya janalisto y tronuña para usentensia.

9:8b.PSA.009.008 Ya güiya jumusga y tano ni tininas, ujajusga y taotao sija yan y minagajet.

9:9b.PSA.009.009 Ya si Jeova locue y taquilo na tore para y manmachiguit, y taquilo na tore gui tiempon chinatsaga.

9:10b.PSA.009.010 Ya jaangoco sija guiya jago y tumungo y naanmo; sa jago, Jeova, ti unyute ayo y umaliligao jao.

9:11b.PSA.009.011 Cantaye si Jeova ni y tinina ni sumasaga gui Sion: namatungo gui entalo taotao sija y checoña.

9:12b.PSA.009.012 Sa anae jacocobla y jâgâ jajaso sija: ya ti malefa ni inagang y mamoble.

9:13b.PSA.009.013 Gaease nu guajo, O Jeova; atan y pinitejo ni jususungonja y chumatlie yo, jago y munacajulo yo gui pettan finatae:

9:14b.PSA.009.014 Para jufamanue todo ni y tininamo gui trangcan y jagan Sion: ya umagof yo gui satbasionmo.

9:15b.PSA.009.015 Unnafanmafondo y nasion gui joyo ni y finatinasñija: ya y casiyas nae ni janaaatog, y patasñija esta mangodon.

9:16b.PSA.009.016 Si Jeova janamatungo güe ni y sentensia ni jafatinas; ya jalaso y taelaye ni y checho y canaena: Jinaso. Sila.

9:17b.PSA.009.017 Ufanmanalo guato y manaelaye gui sasalaguan: yan todo y taotao ni manmalefa as Yuus.

9:18b.PSA.009.018 Sa ti para siempre umamalefanñaejon y nesesitao: ni y ninanggan y mamoble ufanmalingo para siempre.

9:19b.PSA.009.019 Cajulo, O Jeova: chamo munamametgot y taotao: ya ufanmajusga y nasion gui menamo.

9:20b.PSA.009.020 Polo, O Jeova, y minaañao guiya sija: polo ya utungo y nasion na sija taotaoja.

10

10:1b.PSA.010.001 JAFA na tumojgue jao na chago, O Jeova? jafa na umatogjao gui tiempon chinatsaga.

10:2b.PSA.010.002 Sa pot sobetbia y taelaye na japetsisigue y pebble; ufanmachule gui finababa y manmajajaso.

10:3b.PSA.010.003 Sa enao mina jatunanmaesagüe y taelaye, ni y minalago y antiña: ya y manlagga jarechasa; junggan, jadespresia si Jeova.

10:4b.PSA.010.004 Y taelaye pot y sobetbia y mataña, ilegña: ti jaaliligao si Yuus: Gui todo y jinasoña, jasangan: Taya Yuus.

10:5b.PSA.010.005 Y chalanña chatsaga todo y tiempo; y juisiomo goschago gui linieña: ya todo y enimiguña, güiya jaguaefe sija.

10:6b.PSA.010.006 Ilegña gui corasonña: Ti jucalamten: gui todo y generasion sija, ti jufalag y chinatsaga.

10:7b.PSA.010.007 Y matdision bula y pachotña yan dinague yan chiniguit: y papa y jilaña inacacha yan tinaelaye.

10:8b.PSA.010.008 Gaegue matatachong y lugat ti matungo gui sengsong: ya y umatog na lugat japupuno y taeisao: y atadogña manaatanja contra y pebble.

10:9b.PSA.010.009 Jananangga gui lugat ti matungo, taegüije y leon gui liyangña: jananangga para ucone y pebble: jacone y pebble anae jayotte ni y lasoña.

10:10b.PSA.010.010 Jacojajatgüe, janatunog, megae na manaeninasiña mamodong gui gaesisiña na iyoña.

10:11b.PSA.010.011 Ylegña gui corasonña: Si Yuus esta malefa: janaatog y mataña; taya nae jalie.

10:12b.PSA.010.012 Cajulo, O Jeova; O Yuus, jatsa y canaemo: chamo malelefa ni y mamoble.

10:13b.PSA.010.013 Pot jafa jadespresia y taelaye si Yuus; ya ilegña gui corasonño: Jago ti ugagao.

10:14b.PSA.010.014 Jago lumie: sa jago umatan y inacacha yan y minattrata, para uchule gui canaemo: yya jago nae mandaña y mamoble: y manaesaena, jago umayuyuda.

10:15b.PSA.010.015 Yulang y canae y manaelaye: ya ayo y taelaye, aliligao jao y tinailayeña asta qui ti unsoda.

10:16b.PSA.010.016 Si Jeova Ray na para taejinecog yan taejinecog: ya y nasion esta manmalachae gui tanoña.

10:17b.PSA.010.017 Y minalago y manumitde jago jumungog, O Jeova: jago dumespopone y corasonñija, ungueguesecungog ni y talangamo:

10:18b.PSA.010.018 Para unjusga y manaesaena yan y mamoble: para chamo tumatalo munamaañao y taotao gui tano.

11

11:1b.PSA.011.001 AS Jeova nae juangocoyo: jafa na ilegmo ni antijo: Gupo gui egsomo calang pajaro?

11:2b.PSA.011.002 Sa, estagüe, y manaelaye na jaaregla y atcos: jafamauleg y flecha gui taliña para uflecha gui jinemjom y manunas na corason.

11:3b.PSA.011.003 Yaguin y plinanta sija esta mayulang: jafa siña y manunas ujafatinas.

11:4b.PSA.011.004 Si Jeova gaegue gui santos na temploña; si Jeova, y tronuña gaegue gui langet; y atadogña manlilie yan y babaliña jachachague y famaguon y taotao.

11:5b.PSA.011.005 Si Jeova jachachague y manunas: lao y manaelaye, ya y gumaeya mandague, y antiña chumatlie.

11:6b.PSA.011.006 Uuchan y casiyas gui jilo y manaelaye: guafe yan asufre ya y manglo na mañila y patteña gui basuña.

11:7b.PSA.011.007 Sa y tinas Jeova; yaña y tinas: ya jaatan y manunas y mataña.

12

12:1b.PSA.012.001 AYUDA, O Jeova, sa jocog mandeboto: sa jocog y manmauleg gui entalo y famaguon taotao.

12:2b.PSA.012.002 Masasangang taebale cada uno gui tiguangña: yan labios na jaande, yan doble na corason jasasangan.

12:3b.PSA.012.003 Si Jeova uutut todo y labios na jaande, yan y jila ni cumuecuentos mandangculo:

12:4b.PSA.012.004 Ayo na ujaalog: Pot y jilata na utagana; y labiosta iyota: jaye siña señot gui jilota?

12:5b.PSA.012.005 Sa y chiniguit y mamoble y an y inigong y mannesesitao: pago bae cajulo, ilegña si Jeova: guajo jupolo güi na seguro, ni y jaguaefeye.

12:6b.PSA.012.006 Sa y finijo Jeova, gasgas na finijo: calang salape na managasgas gui jotno gui jilo y tano: managasgas siete biaje.

12:7b.PSA.012.007 Jago, O Jeova, ni umadadaje sija, jago umantiene para taejinecog, guine este na generasion.

12:8b.PSA.012.008 Jijot gui oriya manjajanao y manaelaye: anae esta nacajulo y tinaelaye gui entalo y famaguon taotao.

13

13:1b.PSA.013.001 ASTA ngaean, O Jeova, nae, umalefa jao guajo para taejinecog? asta ngaean nae unnaatog y matamo guiya guajo.

13:2b.PSA.013.002 Asta ngaean nae jujaso y pinagat gui antijo, anae guaja pinite gui corasonjo todo y jaane? Asta ngaean nae ufangajulo y enimigujo guiya guajo?

13:3b.PSA.013.003 Jaso ya jungogyo, O Jeova, Yuusso: ina y atadogjo sija para mungayo maego gui maego finatae.

13:4b.PSA.013.004 Sa chaña umaalog y enimigujo: Jugana güe: sa chaña y enimigujo fanmamagof yaguin calamtenyo.

13:5b.PSA.013.005 Lao guajo, y minaasemo nae juangocoyo: ya umagof y corasonjo gui satbasionmo.

13:6b.PSA.013.006 Bae cantaye si Jeova: sa jafatinas y mauleg guiya guajo.

14

14:1b.PSA.014.001 YLEGÑA y taetiningo gui corasonña: Taya Yuus: sija manpotlilo, jafatinas y chatliion na chocho: taya ni uno ni y fumatitinas y mauleg.

14:2b.PSA.014.002 Si Jeova jaaatan desde y langet y jilo y famaguon taotao, para ulie cao guaja uno malate, yan jaaliligao si Yuus.

14:3b.PSA.014.003 Todos manlache; manjuyong potlilo todo; taya jaye fumatitinas y mauleg, taya ni uno.

14:4b.PSA.014.004 Ada ti jatungo todo y fumatitinas y taelaye? ni y jacacano y taotaojo, taegüije y chumochocho pan? ya si Jeova ti jaaagang.

14:5b.PSA.014.005 Ayo nae manlaolao ni minaañao: sa si Yuus gaegue gui rasan y manunas.

14:6b.PSA.014.006 Ya y pinagat y pebble innamamajlao, sa si Jeova guinegüeña.

14:7b.PSA.014.007 Malago, y satbasion Israel mato guinin Sion! Anae jatalo si Jeova quinautiba y taotaoña, ayo nae magof si Jacob yan magof Israel.

15

15:1b.PSA.015.001 JEOVA, jaye usaga gue tabernaculumo? jaye usaga gui santos na ogsomo.

15:2b.PSA.015.002 Y jumanao gui minauleg, ya y fumatitinas y tininas, yan y cumuecuentos magajet gui jalom corasonña.

15:3b.PSA.015.003 Y ti fafajiyunge ni jilaña, ni ti jafatitinas taelaye gui amiguña, ni usigue sumangan y minamajlao contra y tiguangña.

15:4b.PSA.015.004 Gui atadogña ninadespresiao ni y taotao áplacha, lao y maañao as Jeova jaonra: y manjula para dañoña namaesa ya ti jatolaeca.

15:5b.PSA.015.005 Y salapeña ti mannanae para ufangana, ni uchule y apas contra y taeisao: ya y fumatinas estesija ti siña cumalamten.

16

16:1b.PSA.016.001 ADAJE yo, O Yuus: sa iya jago nae gaegue y inangococo.

16:2b.PSA.016.002 Ylegmo, O antijo, as Jeova: jago Señotto: taya minaulegco yaguin taegüe guiya jago.

16:3b.PSA.016.003 Ya y mañantos ni mangaegue gui tano, sija manmagas ya todo y minalagojo gaegue guiya sija.

16:4b.PSA.016.004 Mumegae y piniteñija ni tumolaeca si Jeova pot otro Yuus: ti juofrese ni y inefreseñija na jâgâ, ni juchule y naanñija gui labiosso.

16:5b.PSA.016.005 Si Jeova y patten ni y ineredajo, yan y basujo: jago mumantietiene y fottunajo.

16:6b.PSA.016.006 Ya, y fottunajo upodong gui lugat na magof: magajet na bonito na ineredajo.

16:7b.PSA.016.007 Jubendise si Jeova, ni y japagat yo: ya an puenge nae jafananagüe yo y jinasoco gui san jalomjo.

16:8b.PSA.016.008 Si Jeova jupolo gui menajo para siempre: sa yaguin gaegue güe gui agapajo, ti siña yo manacalamten.

16:9b.PSA.016.009 Enao mina magof y corasonjo ya magof y inenrajo: locue y catneco sumaga seguro.

16:10b.PSA.016.010 Sa ti undingo y antijo gui naftan: ni unnae y santosmo para ulie y minitong.

16:11b.PSA.016.011 Unnatungoyo ni y chalan y linâlâ: binilan minagof y gaegue gui menamo: ya y agapa na canaemo guaja minagof para siempre.

17

17:1b.PSA.017.001 JUNGOG, O Jeova, y taotao tunas: atituye y casaojo; guefecungog y tinaetaejo, na ti jumajanao gui labios dinagüe.

17:2b.PSA.017.002 Polo y menamo nae ya ujuyong y sentensiajo: lie ni y atadogmo y tininas.

17:3b.PSA.017.003 Jago guinin chumague y corasonjo; guinin unbisitayo gui puenge; guinin unchagueyo ya taya sinedamo: y jinasoco na ti manisagüe y pachotto.

17:4b.PSA.017.004 Para y finatinas y taotao, pot y finijo ni guinin y labiosmo, jumantiene yo gui san juyong y chalan ni y manyuyulang.

17:5b.PSA.017.005 Y pinecatto guiniut gui chalanmo, ya y adengjo ti susulong.

17:6b.PSA.017.006 Jagasja juagang jao, sa jago unope yo, O Yuus: naegueng guiya guajo y talangamo, ya jungog y sinanganjo.

17:7b.PSA.017.007 Fanue ni y minaasemo ni namanman, jago na unnalibre y umangoco sija guiya jago, guinin y ayosija ni mangajulo contra y agapa na canaemo.

17:8b.PSA.017.008 Adaje yo, taegüije y atilong y niñon mata, naatog yo gui papa y anineng papamo,

17:9b.PSA.017.009 Y menan y manaelaye ni y jumojoño yo: y gostaelaye y enimigujo ni majijujute yo.

17:10b.PSA.017.010 Manmaafuyot ni y linedoñija: ya y pachotñija cumuecuentos sobetbio.

17:11b.PSA.017.011 Y pinecatmame nae maoriyayejam pago: japolo y atadogñija para ujayutejam gui tano.

17:12b.PSA.017.012 Taegüije y león ni y gosmalago ni y naña: ya y león diquique ni y gaegue gui saga na umaalog.

17:13b.PSA.017.013 Cajulo, O Jeova, polo jao gui menaña, yute papa: libre y antijo gui manaelaye nu y espadamo.

17:14b.PSA.017.014 Gui taotao sija nu y canaemo, O Jeova, gui taotao ni y iyon tano, ayo na güinajaña gaegue gui estisija na jaane: ayo y tiyanña unabula nu y tesorumo: sija manjaspog y famaguon, ya polo y sebla y güinaja gui mandiquique na patgonñija.

17:15b.PSA.017.015 Guajo, yan y tininas julie y matamo: najong yo anae magmata yo gui pinarejumo.

18

18:1b.PSA.018.001 JUGUAEYAJAO, O Jeova, y minetgotto.

18:2b.PSA.018.002 Si Jeova y achojo, y castiyujo, yan y nanalibrijo: Yuusso, metgot y achojo, juangoco yo guiya güiya; patangjo yan y cánggilon y satbasionjo, y leca na torijo.

18:3b.PSA.018.003 Bae juagang si Jeova, ni combiene na mannae todo ni y alabansa: taegüije bae julibre gui enimigujo.

18:4b.PSA.018.004 Mato guiya guajo y piniten finatae, ya y minilalag y tinaelaye janamaañaoyo.

18:5b.PSA.018.005 Y piniten naftan gaegue gui oriyajo, y lason finatae mato guiya guajo.

18:6b.PSA.018.006 Y chinatsagaco nae juagang si Jeova, ya juagang y Yuusso: güiya jajungog gui temploña y vosso, ya y inagangjo gui menaña, jumalom y talangaña.

18:7b.PSA.018.007 Ayo nae y tano calamten ya mayengyong, ya y simiento sija y egso manmanyengyong yan mangalamten, sa güiya lalalo.

18:8b.PSA.018.008 Cajulo aso gui güiingña, ya guinin pachotña guafe manonggue y pinigan mañila pot este.

18:9b.PSA.018.009 Y janamangag y langet ya tumunog: ya teog na jinemjom gaegue gui sampapa y adengña.

18:10b.PSA.018.010 Ya maudae güe gui jilo un querubin, ya gumupo güe; magajet na gumupo güe gui jilo y papan y manglo.

18:11b.PSA.018.011 Japolo jinemjom para fanatuganña; para y tabernaculuña gui oriyaña; jinemjom y janom, teog na mapagajes guinin y langet.

18:12b.PSA.018.012 Pot y minalag gui menaña y teog na mapagajesña malofan: graniso yan pinigan guafe.

18:13b.PSA.018.013 Jajulo locue si Jeova gui langet, ya y Gueftaquilo jasangan ni y inagangña: graniso yan pinigan guafe.

18:14b.PSA.018.014 Ya jatago y flechaña ya manchinalapon: ya magajet, megae na lamlam ya manyinilang.

18:15b.PSA.018.015 Ayonae esta malie y tinadong y janom, ya janamababa y simiento y tano sija pot y linalatdemo, O Jeova, pot y güinaefen y jinagong gui güiingmo.

18:16b.PSA.018.016 Jatago desde sanjilo, jachuleyo; ya jaatoyo guinin y megae na janom.

18:17b.PSA.018.017 Janalibrego gui manmetgot na enimigujo, yan y chumatliéyo, sa sija mas manmetgot qui guajo.

18:18b.PSA.018.018 Sija manmato guiya guajo gui un jaanen y chinatsagaco: lao si Jeova, güiya y fanapojo.

18:19b.PSA.018.019 Ya jachuleyo locue gui anae ancho na lugat: janalibreyo sa ninamagof ni guajo.

18:20b.PSA.018.020 Si Jeova jaapaseyo taemanoja y y tininasso: taemanoja y guinasgas y canaejo unaeyo.

18:21b.PSA.018.021 Sa juadaje y chalan Jeova: ya ti taelaye yo na juapattayo gui as Yuusso.

18:22b.PSA.018.022 Sa todo y jinasoña mangaegue gui menajo: ya ti junajanao guiya guajo y tinagoña.

18:23b.PSA.018.023 Ya guajo cabales guiya güiya: ya juadaje yo guinin y tinaelayeco.

18:24b.PSA.018.024 Pot este jaapaseyo si Jeova taemanoja y tininasso: taemanoja y guinasgas y canaejo gui menan atadogña.

18:25b.PSA.018.025 Ya y gaemaase unfanue na gaemaasejao: ya y taotao ni y cabales, unfanue na cabales jao.

18:26b.PSA.018.026 Ya y gasgas unfanue na gasgasjao: ya y camten unfanue na camtenjao.

18:27b.PSA.018.027 Sa jago munalibre y mangaepinite na taotao; ya y sobetbio na atadog jago munatunog.

18:28b.PSA.018.028 Sa jago munamalag y candetto: si Jeova, Yuusso, namanana y jemjom guiya guajo.

18:29b.PSA.018.029 Sa pot jago na jufalagüe y inetnon sendalo: ya pot y Yuusso jugope y quelat.

18:30b.PSA.018.030 Ya si Yuus, cabales y chalanña: y fino Jeova esta machague: patang güe para todo y numanangga güe.

18:31b.PSA.018.031 Jaye si Yuus yaguin ti si Jeova güe? ya jaye y acho, jaguin ti si Yuusta?

18:32b.PSA.018.032 Si Yuus jagogode yo ni y minetgot: ya jafatitinas cabales y chalanjo?

18:33b.PSA.018.033 Jafatitinas y adengjo taegüije y adeng y benado: ya janasagayo gui taquilo na sagajo sija.

18:34b.PSA.018.034 Jafanagüe y canaejo para y guera: ya enaomina y canaejo judobla y atcas bronse.

18:35b.PSA.018.035 Ya unnaeyo locue ni y patang gui satbasionmo: ya y agapa na canaemo mumantietieneyo; ya y minansomo munamegaeyo.

18:36b.PSA.018.036 Unnadangculo y pinecatto gui papajo; ya y adengjo ti usulong.

18:37b.PSA.018.037 Judulalag y enimigujo sija, ya jugâchâ: ya ti jubirago talo asta que jocog.

18:38b.PSA.018.038 Junafanmañetnot, ya ti siña mangajulo: mamodong sija gui papa adengjo.

18:39b.PSA.018.039 Sa guinin ungode yo ni y minetgot para y guera: unnafanecon y enimigujo gui papajo.

18:40b.PSA.018.040 Guinin unfatinas ni y enimigujo na unaeyo ni y tataloñija, para juyulang y chumatliiyo.

18:41b.PSA.018.041 Manaagang, ya taya jaye ufansinatba: manaagange si Jeova ya ti manjiningog.

18:42b.PSA.018.042 Ayonae juguleg sija taegüije y petbos gui menan y manglo; taegüije y fache gui chalan ni y manmachalapon.

18:43b.PSA.018.043 Guinin unnalibre yo gui y inaguaguat y taotao: guinin unadaje yo para jumagas gui nasion sija: y taotao sija ni ti jutungo ujasesetbeyo.

18:44b.PSA.018.044 Ya anae jajungog guiya guajo ujaosgueyo: ya y taotao juyong ujaosgueyo ni y dinague.

18:45b.PSA.018.045 Ya taotao juyong manlinachae ya manmamamaela ya manlalaolao guinin manmapongle.

18:46b.PSA.018.046 Lâlâ si Jeova; ya ubendito y achojo: ya umanataquilo na Yuus y satbasionjo.

18:47b.PSA.018.047 Si Yuus ni y numae yo y inemog, ya jasujeta y taotao gui papajo.

18:48b.PSA.018.048 Janalibre yo gui enimigujo: magajet na unnasanjiloyo gui ayo sija y mangajulo contra guajo: ya janalibre yo gui taotao ni y matatnga.

18:49b.PSA.018.049 Pot este junae jao grasias gui entalo y nasion sija, O Jeova; ya jucanta y alabansa para y naanmo.

18:50b.PSA.018.050 Dangculo na linibre janae y rayña; ya jafanue minaase ni y pinalaeña; as David ya y semiyaña para taejinecog.

19

19:1b.PSA.019.001 Y langet munaclaro y minalag Yuus; ya y fineda mamanue y checho canaeña.

19:2b.PSA.019.002 Y un jaane yan y otro jaane masangang y finijo, ya y un puenge ya y otro puenge mamanue tiningo.

19:3b.PSA.019.003 Taya sinangan, ni finijo; ti siña umajungog y vosñija.

19:4b.PSA.019.004 Ya gui todo y tano jumanao y rayaña, ya asta uttimon y tano y finoña: ya japolo tabernaculo para atdao guiya sija.

19:5b.PSA.019.005 Ya güiya taegüije y nobio ni jumujuyong guinin y cuattoña, ya jamagof taegüije y matatnga na taotao, para ufalago gui finalago.

19:6b.PSA.019.006 Y jinanaoña guinin un punta gui langet, ya y linilicoña asta y uttimoña: ya taya jaye uatog ni y minaepeña.

19:7b.PSA.019.007 Y lay Jeova cabales, jafamauleg y ante; y testimonion Jeova seguro, janafanmalalate y manaeisao.

19:8b.PSA.019.008 Y finañagüe Jeova tunas, janafanmamagof y corason: y tinago Jeova claro, janafanmalag y atadogsija.

19:9b.PSA.019.009 Y minaañao as Jeova gasgas, sumaga para taejinecog; y sentensian Jeova magajet, ya todo tunas.

19:10b.PSA.019.010 Na malago mas que y oro, magajet mas que y megae na oro ni y manfino: mames mas que y miet, que y titijo gui sagan miet.

19:11b.PSA.019.011 Y tentagomo locue mapagat yan sija: ya yaguin jaadaje sija y uguaja dangculo na apas.

19:12b.PSA.019.012 Ya y linachiña jaye utiningo? ya y linache na ti jutungo, nalibreyo.

19:13b.PSA.019.013 Unmantiene locue y tentagomo guinin y sobetbio na isao: ya munga mangae ninasiñañija guiya guajo: ayo nae cabalesyo ya gasgas yo guinin y dangculo na quinebrantan y tinago.

19:14b.PSA.019.014 Polo ya y sinangang y pachotto ya y jinason y corasonjo umauleg gui menamo, O Jeova, minetgotto yan y munalilibreyo.

20

20:1b.PSA.020.001 SI Jeova uninepejao y jaanen chinatsaga: y naan y Yuus Jacob ninacajulojao.

20:2b.PSA.020.002 Utago y para uinayudajao guinin y santuario, ya guinin y Sion unninametgotjao.

20:3b.PSA.020.003 Ujaso todo y ninaemo, ya uchajlao y inefresimo sinenggue.

20:4b.PSA.020.004 Nae jao taemanoja y minalago y corasonmo, ya cumple todo y pinagatmo.

20:5b.PSA.020.005 Utafangana gui satbasionmo, ya y naan y Yuusmame injatsa julo y banderanmame: ucumple si Jeova todo y guinagaomo.

20:6b.PSA.020.006 Pago jutungo na si Jeova jaadadaje y pinalaeña: güiya uinepe gue guinin santos y langetña yan y minetgot y satbasion gui agapaña.

20:7b.PSA.020.007 Estesija gui caretasija, ya ayosija gui cabayosija nae jaangocosija: lao jita y naan Jeova, ni y Yuusta, utajajasoja.

20:8b.PSA.020.008 Estesija mandimo ya mamodong: lao jita tafangajulo ya tafanogue tunas.

20:9b.PSA.020.009 Jeova, nalibre: polo y Ray ya uopejam anae inagang.

21

21:1b.PSA.021.001 O Jeova, gui minetgotmo ninamagof y ray; ya gui satbasionmo ninamagof megae!

21:2b.PSA.021.002 Y minalago y corasonña, jago numae: ya ti unpune ni y guinagao y labiosña.

21:3b.PSA.021.003 Sa untagam güe nu y bendision y minauleg: y coronan oro nu y fino, unpolo gui jilo y iluña.

21:4b.PSA.021.004 Linâlâ na guinagaoña unnae: y anaco na jaane, para siempre taejinecog.

21:5b.PSA.021.005 Dangculo y minalagña gui satbasionmo: onra yan minagas unpolo gui jiloña.

21:6b.PSA.021.006 Sa jago bumendise para taejinecog: unnamagof güe yan minagof gui menamo.

21:7b.PSA.021.007 Sa y ray jaangongoco si Jeova: ya pot y minaase y Gueftaquilo ti calamten.

21:8b.PSA.021.008 Y canaemo usoda todo y enimigumo: y agapa na canaemo usoda todo y chumatlie jao.

21:9b.PSA.021.009 Jago pumolo sija taegüije y jetnon guafe gui tiempon binibumo: si Jeova yumulang sija anae lalalo, ya y guafe ufanlinachae.

21:10b.PSA.021.010 Ya y tinegchaña unyulang gui jilo y tano, ya y semiyaña gui entalo y famaguon y taotao.

21:11b.PSA.021.011 Sa jagasja majasuye y taelaye contra jago: jagasja majaso y dinague ni y ti siña mafatinas.

21:12b.PSA.021.012 Sa jago fumatinas na jabira y tataloñija ya unnalisto y jalon y atcosmo contra y matañija.

21:13b.PSA.021.013 Taquilo jao, O Jeova, yan y minetgotmo: incantaye yan inalabaye y ninasiñamo.

22

22:1b.PSA.022.001 YUUSSO, Yuusso, sa jafa na undingo yo? sa jafa chago jao gui inayudajo yan y finijo gui inigongjo.

22:2b.PSA.022.002 O Yuusso, juagang gui jaane ya ti unope: ya gui puenge lao jusoda y descanso.

22:3b.PSA.022.003 Ya y santos jao, O jago ni y sumasaga gui alabansan Israel.

22:4b.PSA.022.004 Yya jago nae manangoco y tatanmame: manangoco ya unnafanlibre sija.

22:5b.PSA.022.005 Maaagang jao ya ninafanlibre: manmanangoco nu jago ya ti manmamajlao.

22:6b.PSA.022.006 Ya guajo y gâgâ ilo ya ti taotao: namamajlao gui lalaje ya madespresia gui taotao.

22:7b.PSA.022.007 Todo y lumiiyo manatchatgue pot guajo mamuyuyueyo ya jayeyengyong y ilonñija.

22:8b.PSA.022.008 Angoco jao as Jeova; polo ya ulibre gue: polo ya ulibre güe sa güinaeya güe.

22:9b.PSA.022.009 Sa jago y chumule yo gui tiyan: ya unnafanangoco anae gaegue yo gui jaof nanajo.

22:10b.PSA.022.010 Gui jilomo mayute yo guinin y tiyan: desde y tiyan nanajo jago Yuusso.

22:11b.PSA.022.011 Chamo chachago guiya guajo; sa y chinatsagaco esta jijot, sa taya jaye yo uayuda.

22:12b.PSA.022.012 Megae na toro jaoriyayeyo: manmetgot na toron Básan jumijujuteyo.

22:13b.PSA.022.013 Ya jabababa y pachotñija guiya guajo taegüije y león ni tegcho yan cumate.

22:14b.PSA.022.014 Janamachuda yo taegüije y janom, todo y telangjo manápula: y corasonjo taegüije y danges; esta madirite gui talo gui sanjalomjo.

22:15b.PSA.022.015 Anglo y minetgotto taegüije y pedason an mafag: ya y jilajo cheton gui paladatto: ya gui petbos finatae nae unpoloyo.

22:16b.PSA.022.016 Sa maoriyayayeyo y galago sija: majijujuteyo y inetnon y manaelaye; ya manadochon gui canaejo yan y adengjo.

22:17b.PSA.022.017 Mojon jusangan todo ni y telangjo: sija jaatanyo ya jaconsidedera.

22:18b.PSA.022.018 Maipe gui entaloñija todo y bestidujo: ya y magagujo marifa.

22:19b.PSA.022.019 Lao jago, O Jeova, chamo chachago: O jago, minetgotto, chadig yan unayudayo.

22:20b.PSA.022.020 Nalibre gui espada y antijo: y beyan corasonjo, guinin y ninasiñan y galago.

22:21b.PSA.022.021 Nalibreyo gui pachot y león; magajet, guinin y canggilon y nubiyo ni titogcha, unope yo.

22:22b.PSA.022.022 Bae jusaasgane y mañelujo y naanmo: ya gui entalo gui inetnon taotao bae jualalabajao.

22:23b.PSA.022.023 Ya y manmaañao as Jeova, fanmanalaba nu güiya: todo y semiyan Jacob fanmanonra nu güiya: ya fanmaañao nu güiya todo y semiyan Israel.

22:24b.PSA.022.024 Sa ti guinin jadespresia ni jachatlie y pinadesen y pebble; ni unaatog y mataña guiya güiya: ya anae jaagang guiya güiya, jajungog.

22:25b.PSA.022.025 Ya iya jago nae mamaela y alabansajo gui dangculon inetnon: ya y promesajo juapase gui menan y manmaañao güe.

22:26b.PSA.022.026 Ufañocho y manmanso ya ufanjaspog: ufanmanalaba as Jeova y umaliligao güe: polo ya ufanmanlâlâ y corasonmiyo para taejinecog.

22:27b.PSA.022.027 Ujajaso ya ufanalo guato as Jeova todo y uttimon y tano: ya ufamnanadora gui menamo todo y familian y nasion sija.

22:28b.PSA.022.028 Sa as Jeova y raeno: ya güiya umagas gui todo nasion.

22:29b.PSA.022.029 Ufañocho ya ufanmanadora todo y yinemog y tano: gui menanña ufandimo, todo y manunog gui eda: güiyaja ni y tisiña unalala y antiña.

22:30b.PSA.022.030 Un semiya usinetbe güe: ya umasangan si Jeova asta y uttimo generasion.

22:31b.PSA.022.031 Ufanmato ya ufanmasangan y tininasña ni y taotao na umafañago, na güiya fumatinas este.

23

23:1b.PSA.023.001 SI Jeova güiya y pastotjo: tayayo unafatta.

23:2b.PSA.023.002 Y manbetde na chaguan nae janaason yo: ya y quieto na janom nae jaosgaejon yo.

23:3b.PSA.023.003 Jananalo y antijo: jaosgaejon yo gui chalan tininas pot y naanña.

23:4b.PSA.023.004 Yaguin jufamocat gui chalan y anineng y finatae, ti maañao yo ni jafa na taelaye, sa jago gaegue guiya guajo: y baramo yan y bastonmo unnae yo minagof.

23:5b.PSA.023.005 Unfamauleg y lamasa gui menajo yan y menan y enimigujo sija: naye laña y ilujo, ya y copajo esta machúchuda.

23:6b.PSA.023.006 Sen magajet y minauleg yan y minaase madalalagyo todo nu sija gui jaanen linâlâjo: ya y guima Jeova jusaga para taejinecog na jaane.

24

24:1b.PSA.024.001 Y tano iyon Jeova yan y binilaña: y tano yan y manasaga gui sanjalomña.

24:2b.PSA.024.002 Sa güiya fumatinas gui jilo y tase: ya gui jilo y janom nae japolo fitme.

24:3b.PSA.024.003 Jaye ucajulo gui egso Jeova? ya jaye ugaegue gui sagan y sinantosña.

24:4b.PSA.024.004 Ayo y gasgas canaeña yan y gasgas corasonña: ni ti pumopolo gui taebale y antiña ni ufanjula ni y dinague.

24:5b.PSA.024.005 Güiya uresibe y bendision Jeova: yan y tininas guine as Yuus satbasionña.

24:6b.PSA.024.006 Este na generasion y umaliligao güe: y umaliligao y matamo, O Yuus Jacob. Sila.

24:7b.PSA.024.007 Jatsa julo y ilonmiyo, O jamyo trangco sija ya umajatsa julo y taejinecog na potta sija, ya y Ray langet ujalom.

24:8b.PSA.024.008 Jaye este na Ray langet? Si Jeova, metgot yan matatnga: si Jeova matatnga gui guera.

24:9b.PSA.024.009 Jatsa julo y ilonmiyo, O jamyo trangca sija ya umajatsa julo y taejinecog na potta sija ya y Ray langet ujalom.

24:10b.PSA.024.010 Jaye este na Bay langet? Si Jeova gui inetnon sendalo, güiya ayo y Ray langet. Sila.

25

25:1b.PSA.025.001 YYAJAGO, O Jeova, nae jujatsa y antijo.

25:2b.PSA.025.002 O Yuusso, iyajago nae juangocoyo: chamo yo munamamamajlao; chamo pumopolo y enimigujo na ugana gui jilojo.

25:3b.PSA.025.003 Magajet, na todo y mumananggajao ti ufanmamajlao: sija ufanmamajlao ni y chumogüe dinague sin jafa.

25:4b.PSA.025.004 Y chalanmo, O Jeova, fanueyo; fanagüe yo, ni y chalanmo.

25:5b.PSA.025.005 Osgaejonyo gui minagajetmo ya unfanagüeyo; sa jago y Yuus ni y satbasionjo: iyajago nae jufannangga todotdia.

25:6b.PSA.025.006 Jaso, O Jeova, y mauleg na minaasemo; yan y mauleg na güinaeyamo, sa sija guinin apmam na tiempo.

25:7b.PSA.025.007 Chamo jumajaso y isao y pinatgonjo, ni y quinebrantaco ni y tinago: segun y güinaeyamo jasoyo, pot y minauleg y naanmo, O Jeova.

25:8b.PSA.025.008 Mauleg yan tunas si Jeova: pot enao na jafanagüe y maniisao ni y chalan.

25:9b.PSA.025.009 Y manmanso ufanfinanagüe gui juisio: yan y manmanso ufanguinia gui chalan.

25:10b.PSA.025.010 Todo y chalan Jeova güinaeya yan minagajet ni y ayo y umadadaje y tratuña yan y testimoniuña.

25:11b.PSA.025.011 Pot y naanmo, O Jeova, asie y isaojo sa gosdangculo.

25:12b.PSA.025.012 Jaye ayo na taotao y maañao as Jeova? güiya ufinanagüe ni y chalan mano y inayegña.

25:13b.PSA.025.013 Y antiña usaga gui mauleg: ya y semiyaña uereda y tano.

25:14b.PSA.025.014 Y secreton Jeova gaegue guiya sija y mumaañaogüe güe; ya güiya ufanagüe sija ni y tratuña.

25:15b.PSA.025.015 Y atadogjo siempre juatan si Jeova; sa güiya ujala y adengjo juyong gui laso.

25:16b.PSA.025.016 Atanyo, ya gaease ni guajo: sa guajo taeconsueloyo yan piniteyo.

25:17b.PSA.025.017 Y chinatsagan y corasonjo lumalamegae: najuyongyo gui pinitijo.

25:18b.PSA.025.018 Atan y trinesteco yan y pinitijo; ya unasie todo y isaojo.

25:19b.PSA.025.019 Atan y enimigujo, sa sija manmegae, ya sija chumatliiyo ni y fejman na chinatlie.

25:20b.PSA.025.020 Adaje y antijo ya nalibreyo: ya chajo mamamajlao, sa iyajago nae juangocoyo.

25:21b.PSA.025.021 Y minauleg yan y tininas juadádajeyo: sa jago junanangga.

25:22b.PSA.025.022 Nalibre, O Yuus, y iya Israel gui todo y chinatsagaña.

26

26:1b.PSA.026.001 JUSGAYO, O Jeova, sa guajo jumajanao yo gui tininasso: juangocoyo locue gui as Jeova: pot enao na ti jusulong.

26:2b.PSA.026.002 Ecsamina yo, O Jeova, ya chagueyo: chague y jinasojo gui jinalomjo yan y corasonjo.

26:3b.PSA.026.003 Sa y güinaeyamo gaegue gui menan atadogjo; ya gui minagajetmo nae jumajanaoyo.

26:4b.PSA.026.004 Ti jagasja matachongyo yan y ti manmagajet na taotao; ni jujalom yan y lumilipa.

26:5b.PSA.026.005 Juchatlie y inetnon y chumogüe taelaye: ya ti jufatachong yan y manaelaye.

26:6b.PSA.026.006 Jufagase y canaejo ni y tinaeisao: taegüije juoriya gui attatmo, O Jeova.

26:7b.PSA.026.007 Para junajungog y inagang y grasias yan para jusangan todo y ninamanmanmo.

26:8b.PSA.026.008 Jeova, yajo y sagan y guimamo: yan y lugat nae sumasaga minalagmo.

26:9b.PSA.026.009 Chamo na fandadaña yan y maniisao y antijo, ni y jaanijo yan y taotao cájaga.

26:10b.PSA.026.010 Sa ayosija na canaeñija mangaegue y nacacha: ya y agapa y canaeñija bula ni y catnada.

26:11b.PSA.026.011 Lao guajo jumajanao yo yan y tininasso: nalibreyo, ya gaease ni guajo.

26:12b.PSA.026.012 Y adengjo gaegue gui lugat ni yano: ya gui inetnon taotao nae jubendise si Jeova.

27

27:1b.PSA.027.001 SI Jeova y candetto yan y satbasionjo? ya jaye jumaañagüeyo? si Jeova y minetgot y linâlâjo, ya jaye yo nae jumaañao?

27:2b.PSA.027.002 Anae manmato guiya guajo y chumogüe taelaye para u jacano y catneco, y contrariojo yan y enimigujo, sija manmatompo ya manmatomba.

27:3b.PSA.027.003 Achogja ujapolo un inetnon sendalo contra guajo ti maañao y corasonjo: achogja ucajulo y guera contra guajo, este nae juangocoyo.

27:4b.PSA.027.004 Unoja na güinaja jugagao gui as Jeova, este jualiligao; na jugaegue gui guima Jeova todo y jaanen linâlâjo, para julie y guinatbon Jeova ya para jualigao gui temploña.

27:5b.PSA.027.005 Sa güiya munaatogyo gui tabernacoluña gui jaanen pinite: ya janaatogyo gui fanatog y tabernacoluña: ya japoloyo julo gui jilo y acho.

27:6b.PSA.027.006 Ya pago janataquiloyo y ilujo gui jilo y enimigujo gui oriyajo: ya junae gui tabernacoluña inefresen minagof; bae jucantae, magajet, jucantaye alabansa sija si Jeova.

27:7b.PSA.027.007 Jungog, O Jeova, anae juagang ni inagangjo, gaease locue ni guajo ya unopeyo.

27:8b.PSA.027.008 Anae ilegmo: Aligao jamyo y matajo; y corasonjo ilegña nu jago: O Jeova, y matamo jualiligao.

27:9b.PSA.027.009 Chamo munaaatog y matamo guiya guajo; chamo munasusuja yan y binibumo y tentagomo: jago guinin ayudajo; chamoyo yumuyute ya chamoyo dumidingo, O Yuus gui satbasionjo.

27:10b.PSA.027.010 Anae si tatajo yan nanajo yumuteyo: si Jeova jumocayo.

27:11b.PSA.027.011 Fanagüeyo, O Jeova, ni y chalanmo: ya osgaejonyo, gui chalan yano, pot rason y enimigujo.

27:12b.PSA.027.012 Chamoyo pumopolo gui minalago y contrariojo: sa mangajujulo contra guajo mandacon na testigo, ya jaye usinangang y taease.

27:13b.PSA.027.013 Guinin lalangoyo yaguin ti jujonggue na guaja nae julie y minauleg Jeova gui tano ni y manlâlâlâ.

27:14b.PSA.027.014 Nangga si Jeova: nametgotjao ya polo ya unamatatnga y corasonmo: magajet, na nangga jao si Jeova.

28

28:1b.PSA.028.001 YYAJAGO, O Jeova, juaagang; achojo, chamo fatilúluye yo: yaguin infatiluye yo, guajo uparejo yan y manútunog gui tadong y joyo.

28:2b.PSA.028.002 Jungog y inagang y guinagaojo anae juagang jao: anae jujatsa y canaejo gui sinantos templomo.

28:3b.PSA.028.003 Chamoyo cumocone guato gui manaelaye yan y chumogüe y taelaye: ya jasasangan y pas gui tiguangña ya y inacacha gaegue gui corasonñija.

28:4b.PSA.028.004 Nae sija taemanoja y chechoñija: ya taemanoja y taelayen chechoña. Nae sija taemanoja y finatinas y canaeñija: apase ni y para ujamarese.

28:5b.PSA.028.005 Sa timanmalago jalie y checho Jeova, ni y finatinas y canaeña, ufanyinilang sija ya ti uninafangajulo.

28:6b.PSA.028.006 Bendito si Jeova, sa jajungong y inagang y guinagaojo.

28:7b.PSA.028.007 Si Jeova y minetgotto yan y patangjo; y iyagüiya nae manangoco y corasonjo, ya guajo uayuda: Enao mina senmagof y corasonjo; ya y quinantaco nae jualabagüe.

28:8b.PSA.028.008 Si Jeova y minetgotñija: ya güiya y minetgot y satbasion para y pinalaeña.

28:9b.PSA.028.009 Nalibre y taotaomo ya bendise y erensiamo: ya nafañocho sija ya unmantiene sija para taejinecog.

29

29:1b.PSA.029.001 NAE si Jeova, O famaguon manmetgot, nae si Jeova ni inenra yan y minetgot.

29:2b.PSA.029.002 Nae si Jeova y inenra ni mauleg para y naanña: adora si Jeova ni guinatbon y sinantosña.

29:3b.PSA.029.003 Y inagang Jeova gaegue gui jilo y janomsija: ya y Yuus langet janajujulo: junggan, si Jeova, gui jilo y megae na janom.

29:4b.PSA.029.004 Y inagang Jeova y ninasiña: y inagang Jeova bula y minagas.

29:5b.PSA.029.005 Y inagang Jeova yumuyulang y trongcon y sedrosija: magajet na jayulang si Jeova y trongcon sedrosija y Líbano.

29:6b.PSA.029.006 Ya janafanayog sija locue taegüije y tatnero: y Líbano yan y Sirion taegüije y patgon y dadao na nubiyo.

29:7b.PSA.029.007 Y inagang Jeova umuutut y mañila y guafe.

29:8b.PSA.029.008 Y inagang Jeova munamayengyong y jalomtano: janameyeyengyong si Jeova y jalomtano guiya Cades.

29:9b.PSA.029.009 Y inagang Jeova munafanmañañago y binado sija ya janafanquesnuda y jalomtano: ya y temploña nae todo y güinaja ilegña: Minalag.

29:10b.PSA.029.010 Si Jeova anae guaja delubio matachong calang un ray; magajet na matatachong si Jeova calang ray na taejinecog.

29:11b.PSA.029.011 Si Jeova unae minetgot y taotaoña: si Jeova jabendise y taotaoña ni y pas.

30

30:1b.PSA.030.001 JUNATAQUILO jao, O Jeova; sa jago unnajatsa yo julo: ya ti unnafanmagof y enimigujo guiya guajo.

30:2b.PSA.030.002 O Jeova, Yuusso, juagangjao ya unnajomloyo.

30:3b.PSA.030.003 O Jeova, jago munacajulo y antijo gui naftan: unadajeyo na lâlâyo para mungayo tumunog gui naftan.

30:4b.PSA.030.004 Cantaye si Jeova, O jamyo mañantosña: ya innae grasias y santos na naaña.

30:5b.PSA.030.005 Sa pot didideja guaja linalaloña; gui finaboreseña nae guaja linâlâ: yaguin y pupuenge majon sumaga y tinanges; y egaan mato y minagof.

30:6b.PSA.030.006 Ya guajo jagas ileco anae lumálaguaja yo: ti jucalamten talo taejinecog.

30:7b.PSA.030.007 Sa jago, Jeova, pot y finaboresemo jagasja unnafitme y egsojo: lao unnana y matamo, ya guajo chumatsaga.

30:8b.PSA.030.008 Yya jago, O Jeova, juaagangjao: ya si Jeova jutayuyut.

30:9b.PSA.030.009 Jafayo probechoco gui jâgâjo, anae tumunog yo gui naftan? Ada uinalabajao ni y petbos? Ada usangan y minagajetmo?

30:10b.PSA.030.010 Jungog, O Jeova, ya gaease ni guajo: Jeova, jago para inayudajo.

30:11b.PSA.030.011 Jago bumira y inigongjo gui baela: ya unpula y lutojo ya unnaquinereasyo ni y minagof;

30:12b.PSA.030.012 Para jucantaye jao inenra ya ti jufamatquilo: O Jeova, Yuusso, junaejao grasias para taejinecog.

31

31:1b.PSA.031.001 YYAJAGO, O Jeova, nae juangoco: chamoyo munamamamajlao para taejinecog: nalibreyo gui tininasmo.

31:2b.PSA.031.002 Egueng papa guiya guajo y talangamo, nalibreyo guse: jago y para guajo acho ni y fitme, pot y guima lumijing nae para unnalibreyo.

31:3b.PSA.031.003 Sa jago y achojo yan y castiyujo; enao mina pot y naanmo esgaejonyo ya chachalalaneyo.

31:4b.PSA.031.004 Chuleyo gui lagua ni y munanaaatogyo gui ti umatungo: sa jago y seguro na sagajo.

31:5b.PSA.031.005 Y canaemo nae, junae ni y espiritujo: unnalibreyo, O Jeova, jago Yuus minagajet.

31:6b.PSA.031.006 Juchatlie ayo sija y numanangga y taebale na dinague: lao guajo si Jeova juangongoco.

31:7b.PSA.031.007 Jumagof ya jusenmagof gui minaasemo: sa jagas unlie y pinitijo: ya jagas untungo y antijo gui chinatsaga.

31:8b.PSA.031.008 Ya jago ti jumujuchomyo gui canae y enimigujo: jagas unpolo y adengjo gui dangculo na sagayan.

31:9b.PSA.031.009 Gaease ni guajo, O Jeova, sa estagüe yo gui chinatsaga: sa y atadogjo linachae ni y pinite, junggan, y antijo yan y tataotaojo.

31:10b.PSA.031.010 Sa y jaanijo linachae ni y trinestico, ya y sacanjo ni y suspiros: linalachae y minetgotto pot y tinaelayeco: ya y telangjo mananglo.

31:11b.PSA.031.011 Pot todo y enimigujo, jumuyongyo mamajlao, magajet na sentaegüijeja a para y tiguangjo yan y minaañao ni y manatungoyo: ya y lumiliiyo gui sanjiyong mañuja guiya guajo.

31:12b.PSA.031.012 Sa esta malefayo taegüije y matae ni ti manjaso: taegüijeyo y an mafag baso.

31:13b.PSA.031.013 Sa jujungog y dinisonran y lajyayan: minaañao sija gui todo oriya: anae manafaesen entresija contra guajo, ya majasusuye para umacone y antijo.

31:14b.PSA.031.014 Lao guajo, iya jago nae juangocoyo, O Jeova: ileco: Jago y Yuusso.

31:15b.PSA.031.015 Y canaemo nae gaegue y tiempoco: nalibre yo gui canae y enimigujo yan y pumetsisigueyo.

31:16b.PSA.031.016 Nafanina y matamo gui jilo y tentagomo: nalibreyo ni y güinaeyamo.

31:17b.PSA.031.017 O Jeova, chamo yo munamámamajlao; sa jagasja juaagangjao: polo y manaelaye ya ufanmamajlao: polo sija ya ufanmamatquilo gui naftan.

31:18b.PSA.031.018 Nafanmamatquilo y labios ni y manmandadague; sa manguecuentos saguat contra y manunas, yan sobetbia yan despresio.

31:19b.PSA.031.019 Jafa muna dangculo y minaulegmo ni unadadaje para y mumaañaogüe jao, na unfatinas para y umangocojao gui menan y famaguon y taotao.

31:20b.PSA.031.020 Jago nae ufanatog sija na ti umatungo gui menamo guinin y taelaye na contraton taotao; jago unadaje sija gui guima lumijing guinin y inaguaguat y jila sija.

31:21b.PSA.031.021 Bendito si Jeova: sa jafanueyo ninamanman gui minaaseña gui siudan manmetgot.

31:22b.PSA.031.022 Ya guajo ileco y nalulajo: Juutut yo gui menan atadogmo; lao magajet na jago jumungog y vos y guinagaojo anae juagangjao.

31:23b.PSA.031.023 Guaeya si Jeova todo jamyo mañantos; ya y manmauleg adaje si Jeova, ya apase megagae y fumatitinas ni y sobetbia.

31:24b.PSA.031.024 Nafanmetgot jamyo, ya inafanmatatnga y corasonmiyo, todo y numanangga si Jeova.

32

32:1b.PSA.032.001 DICHOSO y maasie ni y taelayen finatinasña, ya y isaoña matampe.

32:2b.PSA.032.002 Dichoso y taotao ni y ti jacatgaye si Jeova ni tinaelaye, ni uguaja gui espirituña dinague.

32:3b.PSA.032.003 Anae mamatquiloyo, y telangjo ninafanbijo, ni y inigongjo todotdia.

32:4b.PSA.032.004 Sa y jaane yan y puenge y canaemo macat guiya guajo; ya y finetgonjo mabira para y inanglo gui tiempon maepe. Sila.

32:5b.PSA.032.005 Y isaojo junatungo jao ya y tinaelayeco ti junaatog; ya ileco: Guajo bae juconfesatñaejon y tinaelayen finatinasso as Jeova; ya jago unasie y taelayen y isaojo. Sila.

32:6b.PSA.032.006 Sa este nae umatayuyut jao y mandeboto todos gui tiempo anae mojon siña ujasoda: senmagajet anae machuchuda inetnon y janom, ti ufato guiya güiya.

32:7b.PSA.032.007 Jago y fanatugco; ya gui chinatsaga jago unadajeyo: ya nu y cantan linibre, jago unoriyayeyo.

32:8b.PSA.032.008 Junatungo jao ya jufanagüe jao ni y chalan anae jumajanao: jupagat jao nu y atadogco.

32:9b.PSA.032.009 Chamo pumarérejo yan y cabayo, pat y mula ni taya tiningoñija: na nesesita y modasa yan y freno para umantiene; yaguin taya estesija ti malago guaguato guiya jago.

32:10b.PSA.032.010 Megae na triniste para y manaelaye: lao y numaangongoco si Jeova, minaase umoriyayayegüe.

32:11b.PSA.032.011 Fanmagof as Jeova, ya infansenmagof, O jamyo manunas; ya fanagang ni y minagof, todo y manunas na corason.

33

33:1b.PSA.033.001 FANMAGOF gui as Jeova jamyo manunas: sa y manunas bonito na alabansa.

33:2b.PSA.033.002 Fanmannae grasias indandane si Jeova ni atpa: cantaye güe ni alabansa nu y guitala ni y gaecuetdas dies.

33:3b.PSA.033.003 Cantaye güe ni y nuebo na canta: dandan mauleg ni y agang.

33:4b.PSA.033.004 Sa y fino Jeova tunas: ya todo y chechoña esta mafatinas ni y minagajet.

33:5b.PSA.033.005 Güiya yaña y tininas yan y juisio; ya cariño na güinaeya gui as Jeova, bula y tano.

33:6b.PSA.033.006 Pot y fino Jeova esta mafatinas y langetsija: ya pot y jajaja ni y pachotña, todo y inetnonñija.

33:7b.PSA.033.007 Güiya munadaña gui un monton y janom gui tase: güiya pumolo gui atmasén y tinadongsija.

33:8b.PSA.033.008 Manmaañao as Jeova todo y tano: manmaañao nu güiya todo mañasaga gui tano.

33:9b.PSA.033.009 Sa güiya umalog ya jumuyong: güiya manago ya sumaga fitme.

33:10b.PSA.033.010 Si Jeova munataesetbe y pinagat y nasion; ya güiya munataebale y jinaso y taotao.

33:11b.PSA.033.011 Y pinagat Jeova sumaga para taejinecog: y jinason y corasonña para todo y generasion.

33:12b.PSA.033.012 Dichoso y nasion ni si Jeova Yuusña: yan y taotao ni y jaayeg pot erensia para güiya.

33:13b.PSA.033.013 Desde y langet jaatan si Jeova: jalilie todos y famaguon Adam.

33:14b.PSA.033.014 Desde y sagaña na lugat jaatan; jaatitutuye todo y mañasaga gui jilo y tano.

33:15b.PSA.033.015 Güiya fumatinas y corasonñija todos: yan jaatitutuye todo y chechoñija.

33:16b.PSA.033.016 Y ray ti umalibre pot y dangculon inetnon sendaloña: y matatnga na taotao ti umasatba pot y dangculon minetgotña.

33:17b.PSA.033.017 Y cabayo taebale para useguro: sa güiya ti unalibre ni uno nu y dangculon jinilatña.

33:18b.PSA.033.018 Estagüeja, y atadog Jeova gui jilo y manmaañagüe güe: gui jiloñija y numanangga y minaaseña.

33:19b.PSA.033.019 Para unalibre gui finatae y antiñija: ya para unae linâlâ gui ñinalang.

33:20b.PSA.033.020 Y antita jagas jananangga si Jeova: y ayudata yan y patangta güiya.

33:21b.PSA.033.021 Pot güiya manmagof y corasonta, sa y sinantos naanña nae jagas taangocojit.

33:22b.PSA.033.022 Polo y minaasemo, O Jeova, ugaegue guiya jame, según ninangganmamame guiya jago.

34

34:1b.PSA.034.001 JUBENDISE si Jeova gui todo y tiempo: y alabansaña siésiempreja sumaga gui pachotto.

34:2b.PSA.034.002 Si Jeova umalaba y antijo: man manjungog y manmanso ya ninafanmagof.

34:3b.PSA.034.003 Junadangculo si Jeova guiya guajo: ya nita tanataquilo y naanña gui un vos.

34:4b.PSA.034.004 Jualigao si Jeova ya güiya jajungogyo: ya todo y minaañaojo janalibreyo.

34:5b.PSA.034.005 Sija inatangüe ya infaninina: ya y matañija ti ufanmamajlao.

34:6b.PSA.034.006 Este y namase na taotao umagang, ya si Jeova jumungog, ya ninalibre todo gui chinatsagaña.

34:7b.PSA.034.007 Y angjet Jeova jaoriyaye sija y manmaañao nu güiya ya janalibre sija.

34:8b.PSA.034.008 Chague ya unlie na mauleg si Jeova: dichoso y taotao ni umangocogüe guiya güiya.

34:9b.PSA.034.009 Fanmaañao as Jeova, jamyo mañantosña: sa taya ufatta para y manmaañao nu güiya.

34:10b.PSA.034.010 Y mandiquique na león mannamase ya manñalang; ya y umaliligao si Jeova ti ufatta ni jafa na minauleg.

34:11b.PSA.034.011 Maela jamyo famaguon, ecungog yo: ya jufanagüe jamyo ni y minaañao as Jeova.

34:12b.PSA.034.012 Jaye enao na taotao y tumátana y linâlâ, ya yaña megae na jaane para ulie y minauleg?

34:13b.PSA.034.013 Adaje y jilamo gui taelaye, yan y labiosmo na ucuentos mandague.

34:14b.PSA.034.014 Suja gui taelaye ya fatinas y mauleg; aligao y pas ya dalalag.

34:15b.PSA.034.015 Y atadog Jeova gaegue gui jilo y manunas: ya y talangaña esta mababa pot y inagangñija.

34:16b.PSA.034.016 Y matan Jeova contra y fumatitinas y taelaye para uutut gui tano y jinasoñija.

34:17b.PSA.034.017 Managang y manunas ya si Jeova jumungog: ya todo y chinatsagañija ninafanlibre.

34:18b.PSA.034.018 Jijot esta si Jeova gui manmaque branta na corason: yan y manmañetnot na espiritu janalibre.

34:19b.PSA.034.019 Megae y pinitiñiñija y manunas: lao todo ayo si Jeova munafanlibre.

34:20b.PSA.034.020 Jaadaje todo y telangñija: ya ni uno guiya sija umayamag.

34:21b.PSA.034.021 Y tinaelaye upinino y taotao ni taelaye: ya y chumatlie y manunas ufansinentensia.

34:22b.PSA.034.022 Janalilibre si Jeova y linâlâ y tentagoña: ya taya ni uno ni umangoco güe usinentensia.

35

35:1b.PSA.035.001 AGUAGUATE, O Jeova, ayo y umaguaguaguateyo; mumo yan ayo y amumumujo.

35:2b.PSA.035.002 Mantiene y patang yan guinegüe, ya tojgue para unayudayo.

35:3b.PSA.035.003 Ya chule y lansa ya patang y chalan contra ayo y pumetsisigueyo: alog ni antijo: Guajo y satbasionmo.

35:4b.PSA.035.004 Polo ya ufanmamajlao, ya ufanquinenfunde y umaliligao y antijo: polo ya ufanalo tate ya ufanmamajlao y jumajaso y taelayejo.

35:5b.PSA.035.005 Polo sija ya calang y paja gui menan y manglo: ya y angjet Jeova ufanchineneg sija.

35:6b.PSA.035.006 Polo y chalanñija ya jomjom yan palagse: ya y angjet Jeova ufanpinetsigue sija.

35:7b.PSA.035.007 Sa sin causa manatog para guajo y lagua gui joyo: ya sin causa manmanguadog joyo para y antijo.

35:8b.PSA.035.008 Polo ya ufato guiya güiya ya yinilang ni ti jatungo: polo ya y lagua ni janaaatog, ucone maesagüe: yan y jalom yinilang nae upodong güe.

35:9b.PSA.035.009 Ya umagof y antijo gui as Jeova: ya umagof gui satbasionña.

35:10b.PSA.035.010 Todo y telangjo y ilegñija: Jeova, jaye parejumo? ni unalibre y mamoble gui mas manmetgot qui güiya: magajet na y mamoble yan y mannesesitao, guinin y jachulelejguan?

35:11b.PSA.035.011 Mangajulo testigon mandague: ya jafaesenyo ni y ti jutungo.

35:12b.PSA.035.012 Manaeyo ni taelaye pot y mauleg, ya manataelaye y antijo.

35:13b.PSA.035.013 Lao guajo anae manmalango sija, magagojo y luto: junatriste y antijo yan umayunat: y tinaetaejo tumalo jalom gui pechoco.

35:14b.PSA.035.014 Mamomocat yo ya ileleco: Güiya buente y gachongjo, pat y chelujo: ya tumecon yo triste calang uno ni y umuugung pot si nanaña.

35:15b.PSA.035.015 Lao anae desgrasiaoyo, sija manmagof ya mandaña: ya y gosnamaase mandaña contra guajo ya guajo ti jutungo: sija matitegyo ya ti manbasta.

35:16b.PSA.035.016 Parejo yan y áplacha na minefea gui fandango, janachéchegcheg y nifenñija guiya guajo.

35:17b.PSA.035.017 Jeova, asta ngaean nae unatan? nalibre y antijo gui yinilangña, yan y beya y corasonjo gui león.

35:18b.PSA.035.018 Junae jao grasias gui dangculon y inetnon taotao: ya jualaba jao gui entalo linajyan taotao.

35:19b.PSA.035.019 Chamo pumopolo na ufanmamagof guiya guajo y enimigujo sin jafa? ni ayo y chumatlieyo sin causa jaachetgue yo nu y atadog.

35:20b.PSA.035.020 Sa ti manguecuentos pas: ya contra y manmanso gui tano jajajaso y finijo dinague.

35:21b.PSA.035.021 Magajet na jabababa y pachotñija contra guajo; ilegñija: Ja, ja y atadogmameja lumie.

35:22b.PSA.035.022 Unlie este, O Jeova; chamo famatquiquilo: O Jeova, chamo chachago guiya guajo.

35:23b.PSA.035.023 Jaso ya fagmata para y juisioco; junggan, para y causaco Yuusso yan y Señotto.

35:24b.PSA.035.024 Jusgayo taemanoja y tininasmo, O Jeova, Yuusso, ya chamo pumopolo na ufanmamagof guiya guajo.

35:25b.PSA.035.025 Chamo pumopolo na ujaalog gui corasonñija: Ja, taegüije manmalagojit; chamo pumopolo na ujaalog: Jita jagas tacalamot güe.

35:26b.PSA.035.026 Polo ya ufanmamajlao ya ufañatsaga ayo sija y manmagof pot y manadañujo: polo ya ufanminagago ni y minamajlao yan y disonra y munadangculo sija contra guajo.

35:27b.PSA.035.027 Polo ya ufanagang ni minagof ya ufanmagof y gumaeya y tinas na causaco: junggan, polo ya ujaalog siempre: innadangculo si Jeova, ni y yaña na memegae y tentagoña.

35:28b.PSA.035.028 Ya y jilajo usangan ni y tininasmo, yan todotdia ni y alabansamo.

36

36:1b.PSA.036.001 YINEMBESTE y taelaye, ilegña gui corasonjo, taya minaañao as Yuus gui menan atadogña.

36:2b.PSA.036.002 Sa pot enao jafaande maesa güe gui atadogña, ya ti usoda y taelayeña ya umachatlie gue.

36:3b.PSA.036.003 Y finijo gui pachotña manaelaye yan finababa: basta güe ni utungo yan ufatinas y mauleg.

36:4b.PSA.036.004 Y tinaelaye jajajaso gui jilo camaña: japolo maesa güe gui un chalan ni y ti mauleg: ti jachatlie y inacacha.

36:5b.PSA.036.005 O Jeova, asta y langet y güinaeyamo; y minagajetmo inataca asta y mapagajes.

36:6b.PSA.036.006 Y tininasmo taegüije y egso Yuus; y juisiomo sija dangculoña tinadong: y taotao yan y gâgâ, jago umadadaje, O Jeova.

36:7b.PSA.036.007 Gosdangculo y balotña y güinaeyamo, O Yuus! ya y famaguon taotao ufanmagogue gui papa y anineng y papamo.

36:8b.PSA.036.008 Ufansennajong ni y minegae y guimamo: ya jago unnafanguimen ni y sadog y minagofmo.

36:9b.PSA.036.009 Sa iyajago nae gaegue y bebô y linâlâ: ya y ininamo nae infanmalie inina.

36:10b.PSA.036.010 Sisigueja y güinaeyamo para y tumungo jao; ya y tininasmo para manunas na corason.

36:11b.PSA.036.011 Chamo pumopolo ya ufato contra guajo y patas y sobetbio: ni y canae y manaelaye unasuja yo.

36:12b.PSA.036.012 Ayo nae mamodong y manmamatitinas ni y taelaye: sija manmachoneg ya ti siña ufangajulo.

37

37:1b.PSA.037.001 CHAMO umestotban mamaesa jao ni y chumogüe daño, ni unguaja embidia, ni y fumatitinas y taelaye.

37:2b.PSA.037.002 Sa ufanmautut guse taegüijeja y chaguan, ya ufanmalayo taegüije y chaguan betde.

37:3b.PSA.037.003 Angocojao as Jeova, ya fatinas y mauleg: saga gui tano ya unchogüe minauleg.

37:4b.PSA.037.004 Magofjao as Jeova: ya güiya unninae ni guinagao y corasonmo.

37:5b.PSA.037.005 Bira y chalanmo para as Jeova: ya angocogüe locue, ya güiya unajuyong este.

37:6b.PSA.037.006 Ya janajanao y tininasmo taegüije y manana: ya y juisiomo taegüije y taloane.

37:7b.PSA.037.007 Quieto jao as Jeova, ya nanggagüe nu y siningon: chamo umestotban mamaesa jao ni y mumegae, gui chalanña ni y taotao ni fumatitinas y dinague.

37:8b.PSA.037.008 Basta y binibo, ya polo y linalalo; chamo umestotban mamaesa jao para unfatinas y dano.

37:9b.PSA.037.009 Sa y chumogüe dano ufanmautut: lao y numanangga si Jeova, sija ujaereda y tano.

37:10b.PSA.037.010 Ya desde este didide ti utaegüe y taelaye: magajet na jaguefjajaso y sagaña ya utaegüe güe.

37:11b.PSA.037.011 Lao y manmanso ujaereda y tano: ya ufanmagof maesa sija ni megae na pas.

37:12b.PSA.037.012 Y taelaye man jajaso dinague contra y manunas ya janachechegcheg y nifenñija guiya güiya.

37:13b.PSA.037.013 Si Jeova chumachaleg pot güiya: sa jalilie na ufato gui jaaniña.

37:14b.PSA.037.014 Y manaelaye jalagnos y espada, yan janadilog y atcosñija para uyute papa y mamoble yan y mannesesitao: para ujapuno sija y manunas gui chalan.

37:15b.PSA.037.015 Y espadañija jumalom gui corasonñijaja ya y atcosñija umayamag.

37:16b.PSA.037.016 Maulegñaja y didide gui manunas, qui y minegae gui megae na manaelaye.

37:17b.PSA.037.017 Sa y canae y manaelaye ufanmayamag: lao si Jeova jamantietene y manunas.

37:18b.PSA.037.018 Jatungo si Jeova y jaanen y manunas: ya y erensiañija usaga para taejinecog.

37:19b.PSA.037.019 Sija, ti ufanmamajlao gui taelaye na tiempo: ya y jaanen ñinalang ufanjaspog.

37:20b.PSA.037.020 Lao y manaelaye ufanmalingo: yan y enimigon Jeova ufanparejo y sebon cotdero sija: sija ufanlinachae, calang aso ufanguelinachae.

37:21b.PSA.037.021 Y manaelaye mañuñule inayao ya ti jaapapasetalo: ya y manunas guaja minaaseñija ya mannae.

37:22b.PSA.037.022 Sa ayosija y manbendise pot güiya ujaereda y tano: ya ayosija y manmatdise pot güiya ufanmautut.

37:23b.PSA.037.023 Sa y jinanao y mauleg na taotao si Jeova mumantietene; ya güiya yaña y chalanña.

37:24b.PSA.037.024 Yaguin matomba, ti uguefpodong: sa si Jeova mumantietene nu y canaeña.

37:25b.PSA.037.025 Guine patgon yo ya estayo bijo; lao tatnae julie y mauleg madingo, ni y semiyaña manegagao nengcanoñija.

37:26b.PSA.037.026 Todotdia guaja minaase yan ninaayao: ya y simiyaña para bendision.

37:27b.PSA.037.027 Suja gui taelaye, ya fatinas y mauleg; ya sumasasaga jao para taejinecog.

37:28b.PSA.037.028 Sa si Jeova yaña y juisio, ya ti jadingo y mañantosña: sija ufanmaadaje para siempre: ya y semiyan y manaelaye ufanmautut.

37:29b.PSA.037.029 Y manunas ujaereda y tano ya usaga para taejinecog gui jiloña.

37:30b.PSA.037.030 Y pachot y manunas manguecuentos minalate, ya y jilaña cumuecuentos juisio.

37:31b.PSA.037.031 Y lay y Yuusña gaegue gui corasonña, pot enao na y adengña ti usulong.

37:32b.PSA.037.032 Y taelaye jaespipia y tinas ya jaegaga para upuno.

37:33b.PSA.037.033 Si Jeova ti upinelo gue gui canaeña: ni usinentensia güe yan manjusga.

37:34b.PSA.037.034 Nangga si Jeova ya adaje y chalanña, ya güiya unninataquilo para unereda y tano: anae y manaelaye ufanmautut, jago siempre unlie.

37:35b.PSA.037.035 Guajo jagas julie y taelaye na dangculo ninasiñaña, ya janamayao güe, calang y atbot ni betde gui edaña.

37:36b.PSA.037.036 Ya jumalofan ya estagüe, na taegüe: magajet na jualigao ya tisiña masoda.

37:37b.PSA.037.037 Jaso y cabales, ya atan y tinas na taotao: sa y uttimoña ayo na taotao y pas.

37:38b.PSA.037.038 Lao y manaelaye todo manmayulang: ya y uttimon y manaelaye ufanmautut.

37:39b.PSA.037.039 Lao y satbasion y manunas gui as Jeova: güiya y minetgotñija gui tiempon y chinatsaga.

37:40b.PSA.037.040 Ya si Jeova ufaninayuda ya uninafanlibre gui manaelay: ya uninafansatba sa sija numananggagüe.

38

38:1b.PSA.038.001 O Jeova, chamoyo lumalálatde nu y lalalomo, ni uncastigayo nu y binibumo.

38:2b.PSA.038.002 Sa y flechamo cheton guiya guajo: ya y canaemo macat gui jilojo.

38:3b.PSA.038.003 Taya jinemlo gui catneco pot y binibumo: ya taya pas gui telangjo pot causa y isaojo.

38:4b.PSA.038.004 Sa y tinaelayeco malofan gui jilo ilujo: sija sen macat guiya guajo taegüije y catga macat.

38:5b.PSA.038.005 Y chetnotto manmutung yan manpotlilo, pot causa y binabajo.

38:6b.PSA.038.006 Pinite yo yan gostumecon yo: todotdia jumajanaoyo yan umuugong yo.

38:7b.PSA.038.007 Sa y atayojo bula sinenggue: ya taya jinemlo gui catneco.

38:8b.PSA.038.008 Manyafaeyo yan gosmamuteyo: cumate yo pot y atboroto gui corasonjo.

38:9b.PSA.038.009 Jeova, y menamo nae gaegue todo y tinangajo: ya y inigongjo tiunaatog guiya jago.

38:10b.PSA.038.010 Y corasonjo bobongbong, y minetgotto malingo: ya y minalag y atadogjo fatta esta.

38:11b.PSA.038.011 Y gumaeya yo yan y mangachongjo manotojgue chago gui chetnotto; ya parientesso manotojgue gui chago.

38:12b.PSA.038.012 Ayosija ni y umaliligao y antijo manmaplanta laso para guajo; ya y umaliligao y dañujo manguecuentos tinaelaye: ya todotdia manmanajaso ni y finababa.

38:13b.PSA.038.013 Lao guajo, calang tanga, ti jujungog: ya guajo calang udo ni ti ubaba y pachotña.

38:14b.PSA.038.014 Magajet na guajo calang un taotao ni ti manjujungog: ya taya linalatde gui pachotña.

38:15b.PSA.038.015 Sa iya jago, O Jeova, junanangga: jago unfanope, O Jeova, Yuusso.

38:16b.PSA.038.016 Sa ileco: Chañija fanmamagof guiya guajo: anae sulong y adengjo manladangculon sija guiya guajo.

38:17b.PSA.038.017 Sa guajo cana na ugadon: ya y pinitijo gaegue siesiempre gui menajo.

38:18b.PSA.038.018 Sa bae jusangan y tinaelayeco; bae jutriste pot y isaojo.

38:19b.PSA.038.019 Sa y enimigujo manlâlâ ya manmetgot: ya mumemegaeja y chumatlieyo sin jafa.

38:20b.PSA.038.020 Ayosija locue ni y jaapapase y mauleg pot y taelaye, sija contrarionjo, sa judadalalag y mauleg.

38:21b.PSA.038.021 Chamo dumidingoyo, O Jeova: O Yuusso, chamo chachago guiya guajo.

38:22b.PSA.038.022 Laguse ya unayudayo, O Jeova y satbasionjo.

39

39:1b.PSA.039.001 GUAJO ileco bae juadaje y chalanjo, para chajo umiisao pot y jilajo: bae juadaje y pachotto ni freno, anae y manaelaye mangaegue gui menajo.

39:2b.PSA.039.002 Jugueffamatquilo ya juquieto gui minauleg: ya y pinitijo manatbororota.

39:3b.PSA.039.003 Y corasonjo maepe gui sanjalomjo: anae jujajaso, y guafe mañoñonggue: ayo nae cumuentos yo yan y jilajo.

39:4b.PSA.039.004 Natungo yo, Jeova, ni uttimoco, yan y medidan y jaanijo cuanto guaja; natungoyo jafa na checayo.

39:5b.PSA.039.005 Estagüe na un atafja unnae y jaanijo; ya y sacanjo calangja taya gui menamo: sen magajet na todo y taotao taebale anae guaja mas balotña.

39:6b.PSA.039.006 Senmagajet na calang anineng jumajanao todo y taotao: senmagajet na taesetbe y atborotoñija: Sa manrecocoje y güinaja ya ti jatungo jaye y chinile.

39:7b.PSA.039.007 Ya pago, Jeova, jafa junangga? y ninanggaco gaegue guiya jago.

39:8b.PSA.039.008 Nalibre yo gui todo y tinaelayeco, chamoyo pumopolo na jumanamamajlao gui taetiningo.

39:9b.PSA.039.009 Guajo mamatquilo, ti jubaba y pachotto: sa jago fumatinas.

39:10b.PSA.039.010 Najanao guiya guajo y sinaulagmo: sa pot y tinetpen y canaemo lumachaeyo.

39:11b.PSA.039.011 Anae unnatunas y taotao nu y linalatde, pot y tinaelaye, ninalachae y bonituña taegüije y puliya: senmagajet na todo y taotao taebale.

39:12b.PSA.039.012 Jungog y tinaetaejo, O Jeova, ecungog y inagangjo: chamo famatquilo gui menan y lagojo: sa taotao tumano yo guiya jago: pago finatoyo taegüeje y mañaenajo todos.

39:13b.PSA.039.013 Poloyo ya jufañule minetgot, antes de jujanao ya ti jutalo.

40

40:1b.PSA.040.001 JUNANGGA nu y siningon as Jeova; ya janaegueng maesa güe guiya guajo, ya jajungog y inagangjo.

40:2b.PSA.040.002 Ya güiya chumule yo guinin un joyo chatliion, guinin fache na tadong: ya japolo y adengjo gui jilo acho, ya janafitme y jinanaojo.

40:3b.PSA.040.003 Ya japolo gui pachotto canta na mannuebo, junggan, y alabansa gui Yuusta. Megae lumie ya manmaañao, ya ufanangoco as Jeova.

40:4b.PSA.040.004 Dichoso y taotao ni jaangoco gui as Jeova: ya ti jaaatan y mansobetbio ni y manabag manmalag y mandague.

40:5b.PSA.040.005 Megae O Jeova, y ninamanmanmo ni unfatinas: yan y jinasomo para jame; ti siña maaregla sija gui menamo: yaguin guajo judeclara ya jusangang sija, tisiña matufong sa gosmegae.

40:6b.PSA.040.006 Y inefresen ninae ti yamo: y talangajo jagasja unbaba: inefresen sinenggue ya y ninae pot y isao, ti jagasja ungagao.

40:7b.PSA.040.007 Ayo nae ileco: Estagüe na matoyo: gui finalulon y leblo nae esta matugue pot guajo.

40:8b.PSA.040.008 Yajo para jufatinas y minalagomo, O Yuusso: magajet na y laymo gaegue gui jalom corasonjo.

40:9b.PSA.040.009 Guajo jagas jusangan y tininas gui jalom y dangculo na inetnon taotao: estagüe, na ti junaquiequeto y labiosso, O Jeova, jago tumungo.

40:10b.PSA.040.010 Ti junaatog y tininasmo gui jalom corasonjo; y minagajetmo yan satbasionmo jagas jusangan: ti jupune y minaasemo yan y minaulegmo gui dangculon inetnon taotao.

40:11b.PSA.040.011 Jago, O Jeova, chamo dumitietietene y minaasemo para guajo: sa y minaasemo yan y minagajetmo juadadaje yo para taejinecog.

40:12b.PSA.040.012 Sa gaegue gui oriyajo y tinaelaye asta ti tufungon: jajiguef yo y tinaelayeco sija, ya ti siña juatan julo; megaeña mas que y gapotulo gui ilujo, ya y corasonjo yafae esta.

40:13b.PSA.040.013 Malagojao, O Jeova, unnalibreyo: O Jeova, laguse para unayudayo.

40:14b.PSA.040.014 Polo ya ufanmamajlao ya ufaninestotba ayo y umaliligao y antijo para uyulang: polo ya ufanalo tate ya ufanmamajlao, ni y yañija y munataelaye yo.

40:15b.PSA.040.015 Polo ya ufanlapoble sija, pot y minamajlaoñija, ni y umaalog ni guajo: Ja, ja.

40:16b.PSA.040.016 Polo ya ufanmagof ya ufansemagof ni jago, todo y umaliligao jao: ya polo ya siesiempreja ujaalog, y gumaeya y satbasionmo: Ladangculo Jeova.

40:17b.PSA.040.017 Ya guajo pobleyo ya nesesitaoyo; lao si Jeova jajajasoyo. Jago y umayuyudayo yan y munalibre yo: O Yuusso, chamo atrasasao.

41

41:1b.PSA.041.001 DICHOSO ayo y maase ni y mamoble; sa y jaanen y tinaelaye nae, si Jeova ulinibre.

41:2b.PSA.041.002 Si Jeova uinadajegüe, yan umantiene güe lâlâ; ya güiya udichoso gui tano; ya tiuenentrega güe gui minalago y enemiguña.

41:3b.PSA.041.003 Si Jeova uinayuda güe jilo camaña ni y pinitiña; unfatinas todo y camaña anae malango.

41:4b.PSA.041.004 Guajo ilegco: Jeova gaease nu guajo: najomlo y antijo; sa umisaoyo contra jago.

41:5b.PSA.041.005 y enemigujo jasangan y taelaye contra guajo ilegñija: Ngaean umatae, ya ufalingo y naanña?

41:6b.PSA.041.006 Anae mato para uliiyo, jasangan y taebale; y corasonña nae mandaña y tinaelaye pot güiyaja; anae jumanao juyong jasangan ayo.

41:7b.PSA.041.007 Todo y chumatliiyo manañangon entre sija contra guajo; contra guajo nae majaso y tinaelayeco.

41:8b.PSA.041.008 Ti mauleg na chetnot, ilegñija, sumaga guiya güiya; sa anae umason gui cama ti siña ninacajulo talo.

41:9b.PSA.041.009 Ya ayo y güinaeyaco nae juangocoyo, güiya y cumano y najo pan, jajatsa y dedegoña contra guajo.

41:10b.PSA.041.010 Lao jago Jeova, gaease nu guajo, ya unacajuloyo, para juapase sija.

41:11b.PSA.041.011 Pot este jutungo, na unmagof guiya guajo, sa y enemigujo ti ujagana yo.

41:12b.PSA.041.012 Ya guajo, gui quinabalesso unmantieneyo; ya unpoloyo gui menamo para taejinecog.

41:13b.PSA.041.013 Bendesido si Jeova ni y Yuus Israel, ni y taejinecog, yan taejinecog. Amen, Amen.

42

42:1b.PSA.042.001 TAEGÜIJE y benabo ni y guija, ni y malago ni y minilalag y janom: taegüijeja locue y antijo sumospípiros pot jago, O Yuus.

42:2b.PSA.042.002 Y antijo majo pot si Yuus, pot y lalâlâ na Yuus; ngaean nae jufato, ya juanog gui menan Yuus?

42:3b.PSA.042.003 Y lagojo guinin nengcanojo, jaane yan puenge, ya todo y jaane ilegñiñijaja nu guajo: Manggue y Yuusmo?

42:4b.PSA.042.004 Anae jujaso estesija, machuda juyong y antijo guiya guajo, anae manmalofan y linajyan taotao, maposyo, ya jucone sija asta y guimayuus; yan y minagof, yan y tinina; un linajyan na umadadaje y guipot na jaane.

42:5b.PSA.042.005 Jafa na dumilogjao, O antijo? yan jafa na estotbajao gui jinalomjo? Nangga jao si Yuus, sa guajo bae jutuna güe pot y ayudo gui menaña.

42:6b.PSA.042.006 Yuusso, y antijo esta dumilog gui jinalomjo; pot enao na jujajasojao desde y tano guiya Jordan, yan Hermonitas, desde y egso Misar.

42:7b.PSA.042.007 Un tinadong, jaagang y otro tinadong, pot palangpang y janommo sija: todo y napomo, yan y langatmo, manmalofan gui jilojo.

42:8b.PSA.042.008 Jatago si Jeova y minaaseña gui jaane, ya y puenge y cantaña guiya guajo, ya y tinaetae para y Yuus a linâlâjo.

42:9b.PSA.042.009 Jualog as Yuus, y achojo: Jafa na malefajao nu guajo? Jafa mina na tristeyo pot y chiniguit y enemigo?

42:10b.PSA.042.010 Parejoja yan y espada gui telangjo, y enemigujo mamofeayo, anae ilegñija cada jaane nu guajo: Mano nae gaegue y Yuusmo?

42:11b.PSA.042.011 Jafa na dumilog jao, O antijo? yan jafa na, estotbajao gui jinalomjo? Nangga si Yuus, sa bae jutuna güe, ni y ayuda nu y matajo, yan y Yuusso.

43

43:1b.PSA.043.001 JUSGAYO, O Yuus, ya unsangan y mumujo contra y nasion ni y ti manjonggue: O coneyo gui manmandadague, yan y manaelaye na taotao.

43:2b.PSA.043.002 Sa jago Yuus y ninasiñajo; jafa na unrechasa? ya fafa mina tristeyo pot y chiniguit y enemigo?

43:3b.PSA.043.003 O tago y mananamo, yan y minagajetmo; ya uesgaejonyo: ya uchuleyo asta y santos na egsomo, yan y tabetnaculumo.

43:4b.PSA.043.004 Sa bae jujalom gui attat Yuus, y as Yuus nae gaegue y dangculon minagofjo; Ja jutuna jao yan y atpa, O Yuus, Yuusso.

43:5b.PSA.043.005 Jafa na dumilog jao, O antijo? yan jafa na estotba jao gui jinalomjo? Nangga si Yuus; sa bae jutuna güe, ni y inayuda nu y matajo, yan y Yuusso.

44

44:1b.PSA.044.001 JAME injingog ni y talanganmame, O Yuus, na jasanganejam y tantanmane, ni y finatinasmo gui tiemponñija, gui antiguo na tiempo.

44:2b.PSA.044.002 Nu y canaemoja unyute y nasion, ya unpolo sija; unnafantriste y taotao sija, ya unnafanjanao.

44:3b.PSA.044.003 Sa ti inchile y tano pot espadanñija para iyonñija, ni ti unnafanlibre pot y canaeñija; lao y agapa na canaemo yan y canaemo, yan y minalag y matamo, sa unguaeya sija.

44:4b.PSA.044.004 Jago y Rayjo, O Yuus: fanago linibre para si Jacob.

44:5b.PSA.044.005 Pot jago na inyite papa y enemigonmame: pot y naanmo, na ingacha y mangajulo contra jame.

44:6b.PSA.044.006 Sa ti juangocoyo ni y flechaco, ni y espadajo ti ulibreyo.

44:7b.PSA.044.007 Sa jago umadadajejam gui enemigonmame; ya y chumatliijam unnafanmamajlao.

44:8b.PSA.044.008 Ya gui as Yuus tatunanmaesa jit todot dia; ya para taejinecog, intina y naanmo.

44:9b.PSA.044.009 Lao pago unyute jam, ya unnafanmamajlaojam; ya ti jumanaojao yan y inetnon sendalonmame.

44:10b.PSA.044.010 Unbirajam tate guinin y enemigonmame; ya ayo sija y chumatliijam, manmañaque para sija namaesa.

44:11b.PSA.044.011 Unpolojam taegüije y quinilo ni y para umacano; ya janafanmachalaponjam gui entalo y nasion.

44:12b.PSA.044.012 Unbende y taotaomo pot taya; ya ti mumegae y güinajamo pot y balenñija.

44:13b.PSA.044.013 Unnafanmamajlaojam ni y tiguangmame; pot y manmanmofefea, yan manmanbotlelea ni y mangaegue gui oriyanmame.

44:14b.PSA.044.014 Unnafanmafa y sinanganjam gui entalo y nasion, pot y yinengyong y ilonñija gui entalo y taotao sija.

44:15b.PSA.044.015 Y desenrajo gaegueja gui menajo todot dia; ya y minamajlao y matajo jatampe yo.

44:16b.PSA.044.016 Sa y inagang ayo y numanamamajlao, yan y chumatfino contra si Yuus; pot y enemigo yan y taotao ni y maneemog.

44:17b.PSA.044.017 Todo este manmato guiya jame; lao ti manmalelefajam nu jago, ni ti manmatinasjam mandague ni y tratumo.

44:18b.PSA.044.018 Y corasonmame ti inbira tate; ni y pinecatmame ti sumuja gui chalanmo.

44:19b.PSA.044.019 Masqueseaja unyamagjam gui sagan y jacal sija, ya untampejam ni y aninen y finatae.

44:20b.PSA.044.020 Yanguin manmalefajam ni y naan Yuusmame, ya inestira y canaemame pot y otro Yuus;

44:21b.PSA.044.021 Ada ti ualigaojam si Yuus? Sa jatungoja y secreton y corason.

44:22b.PSA.044.022 Junggan, pot y jago manmapunojam todo y inanaco y jaane; manmatufongjam taegüije y quinilo ni y para umapuno.

44:23b.PSA.044.023 Fagmata, jafajao na mamaego, Señot? Cajulo, chamojam yumuyute para siempre.

44:24b.PSA.044.024 Pot jafa nae unnaatog y matamo, ya malefajao ni y pinitenmame yan y chiniguitmame.

44:25b.PSA.044.025 Y antenmame esta dumilog gui petbos; ya y tiyanmame cheton papa gui tano.

44:26b.PSA.044.026 Cajulo ya unayudajam, ya unnafanlibrejam gui minaasemo.

45

45:1b.PSA.045.001 Y corasonjo machúchuda nu y mauleg na güinaja; jusangan ayo sija y para y ray; y jilajo, calang y pluman y chadeg mangue.

45:2b.PSA.045.002 Guefpaguñajao qui y famaguon y taotao sija: y grasia machúchuda jalom gui labiosmo; enaomina binendisejao as Yuus, para taejinecog.

45:3b.PSA.045.003 Gode y espadamo gui cháchagamo, O gosbalente jao, yan y langetmo yan y minagasmo.

45:4b.PSA.045.004 Ya y minagasmo sigue di mumegae, sa pot y minagajet, yan y minanso, yan tininas: ya y agapa na canaemo unfinanagüe ni y mannamaañao na güinaja.

45:5b.PSA.045.005 Y flechamo manacadedog; mamodong y taotao gui papamo; sija gaegue gui corason y enemigon y ray.

45:6b.PSA.045.006 Y tronumo taejinecog, yan taejinecog, O Yuus: y bariyan y raenomo, tunas na bariya.

45:7b.PSA.045.007 Unguaeya y tininas, ya unchatlie y tinaelaye; enaomina si Yuus ni y Yuusmo, pinalaejao ni y lañan minagof, mas qui y mangachongmo.

45:8b.PSA.045.008 Todo y magagumo mamaopao ni y mira, yan y chaguan na jajatot, yan y casia; manjuyong gui palasyon matfit, anae guinatbon musica manamagofjao.

45:9b.PSA.045.009 Y jaga sija y ray, mangaegue gui entalo y manonrada na famalaoanmo; ya y rayna matátachong gui agapamo yan y magaguña y oron Ofir.

45:10b.PSA.045.010 Jungog O jaga, jaso ya tecon y talangamo; ya unmalefa ni y mañataotaomo, yan y guima tatamo.

45:11b.PSA.045.011 Ya ugosmalago y ray ni y bonitamo; sa güiya y Señotmo yanguin unadora güe.

45:12b.PSA.045.012 Ya y jagan Tiro yan y ninae ugaegue güije; asta y manrico gui entalo y taotao unmagaogao ni y fabotmo.

45:13b.PSA.045.013 Y jagan y ray, gui palasyo gosbonita güe: y magaguña maadotna ni y oro.

45:14b.PSA.045.014 Macone guato gui as ray, yan y magaguña ni y mabotda: y bitgen sija mangachongña ni y tumattitiye, sija unquinenie guato.

45:15b.PSA.045.015 Sija machulilie guato yan minagof yan alegria: ufanjalom gui palasyon y ray.

45:16b.PSA.045.016 Gui lugat si tatamo, y ugaegae y famaguonmo; unnafanprinsipe gui todo y tano.

45:17b.PSA.045.017 Guajo junamajaso y naanmo gui todo y generasion sija: enaomina y taotao sija mannaejao grasias para taejinecog yan taejinecog.

46

46:1b.PSA.046.001 SI Yuus, güiya y guinegüeta yan y minetgotta, enseguidas manayuda gui chinatsaga.

46:2b.PSA.046.002 Enaomina mungajit manmaañao, achogaja ucalamten y tano, yan y egso umachule asta y talo gui tase sija;

46:3b.PSA.046.003 Achogaja manapangpang y janom ya chatsaga; achogaja umayeyengyong y egso sija, pot causa y minatatgaña. Sila.

46:4b.PSA.046.004 Ayogüeja y sadog yan y minilalagña sija janamamagof y siuda Yuus; y santos na sagan y tabetnaculo guiya Gueftaquilo.

46:5b.PSA.046.005 Si Yuus gaegue gui entaloña; ti ucalamten; si Yuus uinayuda y ininan y egaan.

46:6b.PSA.046.006 Manlalalo y nasion sija, ya mangalamten y raeno sija; umagang, ya maderite y tano.

46:7b.PSA.046.007 Manjijita yan y Señot y inetnon sendalo. Y Yuus Jacob, güiya y guinegüeta. Sila.

46:8b.PSA.046.008 Maela ya inlie y checho Jeova; Jafa na yinilang jafatinas gui jilo tano?

46:9b.PSA.046.009 Güiya munabasta y guera, asta y uttimon y tano; jayulang y atcos, ya jautut y lansa; güiya sumonggue y caretan guera gui guafe.

46:10b.PSA.046.010 Quieto, ya untungo na guajo si Yuus: jutaquilo gui entalo y nasion sija, jutaquilo gui tano.

46:11b.PSA.046.011 Manjijita yan y Señot y inetnon sendalo. Y Yuus Jacob, güiya y guinegüeta. Sila.

47

47:1b.PSA.047.001 NAFAMAGPAG y canaemiyo todo jamya na taotao; agang si Yuus ni y inagang guinana.

47:2b.PSA.047.002 Sa si Jeova sentaquilo yan namaañao; Güiya mas dangculo na ray gui jilo todo y tano.

47:3b.PSA.047.003 Güiya ugana todo y taotao ya upolo gui papata; yan y nasion sija gui papa adengta.

47:4b.PSA.047.004 Güiya umayig y erensiata ni y para jita: y minagas gui as Jacob ni y güinaeyaña. Sila.

47:5b.PSA.047.005 Si Yuus mapos julo yan y inagang, si Jeova yan y sonidon y trompeta.

47:6b.PSA.047.006 Fanganta tinina sija para si Yuus; fanganta tinina sija; fanganta tinina sija para y rayta, fanganta tinina sija.

47:7b.PSA.047.007 Sa si Yuus güiya ray todo y tano: fanganta y tinina sija, yan y tiningo.

47:8b.PSA.047.008 Si Yuus mangobiebietna gui jilo y nasion sija; si Yuus matatachong gui tronon y sinantosña.

47:9b.PSA.047.009 Sa y prinsipen y taotao sija mandaña ufantaotao y Yuus Abraham; sa y patang y tano, iyon Yuus: Güiya y sentaquilo.

48

48:1b.PSA.048.001 DANGCULO si Yuus, ya para umagueftuna, gui siuda y Yuusta, gui egso y sinantosña.

48:2b.PSA.048.002 Bonito na sagayan, y minagof todo gui tano, y egso Sion gui sumanlago na banda, siuda y dangculo na ray.

48:3b.PSA.048.003 Si Yuus esta matungo gui jalom y palasyoña, na para y guinegüe.

48:4b.PSA.048.004 Sa estagüe y ray sija na mandaña, manmalofan ya mandadañaja.

48:5b.PSA.048.005 Manmalie, ya luego ninafanmanman; ninafañatsaga, ya maninalulula manjanao.

48:6b.PSA.048.006 Y mayengyong gumote sija güije; yan y pinite taegüije y palaoan yan para ufañago.

48:7b.PSA.048.007 Jago yumamag y batcon Tarsis, ni y manglo sancatan.

48:8b.PSA.048.008 Jaftaemanoja y jiningogmame, taegüijeja liniimame gui siuda y Señot y inetnon sendalo; gui siuda y Yuusmame: si Yuus plumanta para taejinecog. Sila.

48:9b.PSA.048.009 Injaso y güinaeyamo, O Yuus, gui talo gui templomo.

48:10b.PSA.048.010 Jaftaemanoja y naanmo, O Yuus, taegüijeja y tininamo asta y uttimon y tano: y agapa na canaemo, bula ni y tininas.

48:11b.PSA.048.011 Namagof y egso Sion, yan sija jagan Juda ufanmagof; pot y jinisgamo sija.

48:12b.PSA.048.012 Famocat gui Sion, ya unjanagüe y oriyaña; ya untufong y tore güije.

48:13b.PSA.048.013 Matca y colatña ni y munaseguguro, ya injaso y palasyoña; para usiña jamyo insangane y generasion ni y mamamaela.

48:14b.PSA.048.014 Sa este na Yuus, y Yuusta para taejinecog, yan taejinecog: güiya uesgaejonjit, asta y finataeta.

49

49:1b.PSA.049.001 JINGOG este todo jamyo ni y taotao; ecungog jamyo todos ni y mañasaga. gui tano:

49:2b.PSA.049.002 Jamyo todo mandaña, y managpapa, y managquilo, y manrico, yan y mamoble.

49:3b.PSA.049.003 Y pachotto usangan y minalate; ya y jinason y corasonjo y tiningo.

49:4b.PSA.049.004 Bae juecungog y parabola; ya jubaba y jemjom sinanganjo gui atpa.

49:5b.PSA.049.005 Sajafa na maañaoyo gui jaanen y tinaelaye, anae y tinaelayen y dedegoco jaoriyayayeyo?

49:6b.PSA.049.006 Ayo y umangongoco sija ni y güinajañija, yan jatunanmaesaja ni y minegae y riniconñija;

49:7b.PSA.049.007 Taya guiya sija siña umapasiye y cheluña, ni unae si Yuus ni y rumescata güe;

49:8b.PSA.049.008 (Sa y ninálibre y antinñija, dangculo presiuña, ya para upolu para siempre.)

49:9b.PSA.049.009 Para ulâlâ asta y taejinecog, ya ti ulie minitong.

49:10b.PSA.049.010 Sa jalie na y manmalate na taotao sija manmamataeja, y manaejinaso yan y manbababa, manmalingo, ya japolo y güinajañija para y palo.

49:11b.PSA.049.011 Y jinason y sumanjalomñija, na y guimañija usaga para taejinecog, ya y anae mañasaga na lugat para y todo generasion sija; ya jafanaan y tanoñija, ni y naanñijaja.

49:12b.PSA.049.012 Lao y taotao ti sumaga gui onraña, parejoja yan y gâgâ na matae.

49:13b.PSA.049.013 Este y jinanaoñiñija, y binabanñiñijaja; ya anae esta manmapos, manmagof y taotao nu y sinanganñija. Sila.

49:14b.PSA.049.014 Sija ufanquinano gui naftan parejoja yan y manadan quinilo y finatae upinasto sija; ya y manunas mangaeninasiña gui jiloñija gui egaan; ya y boninituñija, para ulachae gui jalom naftan, sa taya sagaña.

49:15b.PSA.049.015 Lao si Yuus unalibre y antijo gui ninasiñan y naftan; sa uresibeyo. Sila.

49:16b.PSA.049.016 Chamo maaañao, yanguin guaja taotao urico; yanguin y güinaja, y guimaña mumémegae;

49:17b.PSA.049.017 Sa yanguin matae, taya uchule; y güinajaña, ti udinalalaggüe.

49:18b.PSA.049.018 Achogaja anae lalâlâ, dichoso y antiña; sa matutunajao ni y taotao sija, yanguin unfamauleg mamaesajao.

49:19b.PSA.049.019 Ujanao para y generasion tataña; ti ufanmanlie manana.

49:20b.PSA.049.020 Y taotao ni y maoonra, ya ti matungo; parejoja yan y gâgâ ni y umatae.

50

50:1b.PSA.050.001 SI Yuus, junggan, si Yuus, si Jeova sumangan, ya jaagang y tano desde y quinajulo y atdao asta y tumunogña papa güije.

50:2b.PSA.050.002 Y sumanjiyong Sion, gosbonito, sí Yuus umiina.

50:3b.PSA.050.003 Y Yuusta ufato, ya ti ufamatquilo: y guafe ufanlinachae gui menaña, ya uguaja dangculon pinagyo gui oriyaña.

50:4b.PSA.050.004 uagang gui taquilo na langet yan y tano, para ujusga y taotaoña.

50:5b.PSA.050.005 Nafandaña y mañantos guiya guajo; ayo sija y fumatinas y tratujo pot y inefrese.

50:6b.PSA.050.006 Y langet udineclara y tininasña: sa si Yuus güiyaja y jues. Sila.

50:7b.PSA.050.007 Jingog, O taotaojo, ya jusangan; O Israel, ya bae jusangan testimonio contra jago: guajo si Yuus, ni si Yuusmo.

50:8b.PSA.050.008 Ti julalatde jao pot y inefresimo, ya y inefresimo sinenggue, para todo y jaane gui menajo.

50:9b.PSA.050.009 Sa ti jufangone nubiyo gui guimamo, ni laje na chiba gui quelatmo.

50:10b.PSA.050.010 Sa todo y gâgâ gui jalom tano, gâjo, yan y gâgâ sija gui jilo y mit na sabana.

50:11b.PSA.050.011 Sa jutungo todo y pajaro gui jalom tano; y manmachaleg na gâgâ sija gui jalomtano; todo gâjo.

50:12b.PSA.050.012 Yanguin ñalangyo, ti jusanganejao; sa iyoco y tano, yan y sinajguanña.

50:13b.PSA.050.013 Juchoco catnen nubiyo, pat jugui. men jâgâ chiba?

50:14b.PSA.050.014 Nae si Yuus inefresen grasia; ya unapase y promesamo gui Gueftaquilo.

50:15b.PSA.050.015 Ya unagangyo gui jaanen y chinatsaga: junalibrejao, ya siempre unonrayo.

50:16b.PSA.050.016 Lao ilegña si Yuus ni y manaelaye; Jafa unfatinas para undeclara y tina. gojo, pat jagas unchule y tratujo gui pachotmo?

50:17b.PSA.050.017 Sa jago unchatlie y finanagüe, ya unyute y sinanganjo gui tatemo.

50:18b.PSA.050.018 Anae unlie y saque, undalalag güe; yan jagas gaepattejao yan y manábale.

50:19b.PSA.050.019 Sa unnasetbe y pachotmo gui tae laye, ya y jilamo fumatitinas ocodon dinague.

50:20b.PSA.050.020 Matátachongjao, ya cumuecuentosjao contra y chelumo; undesonra y lajin nanamo.

50:21b.PSA.050.021 Estesija finatinasmo, lao mamatquiquilojayo: jinasomo na parejojitja: lao bae julalatdejao, ya jupolo tinaelayemo sija gui menan matamo.

50:22b.PSA.050.022 Pago jaso este, jamyo ni y manmalefa as Yuus; na noseaja jusisi jamyo ya jufapidasos, ya taya unalibre.

50:23b.PSA.050.023 Y numaeyo inefresen tinina, jaonrayo; ya ayo y munatutunas y sinanganña, jufanue ni y satbasion Yuus.

51

51:1b.PSA.051.001 GAEASE nu guajo, O Yuus, jaftaemanoja y minauleg güinaeyamo, jaftaemanoja y minegae y minaasemo; fuñas y tinaelayeco.

51:2b.PSA.051.002 Gosfagaseyo todo ni y tinaelayeco, ya unnagasgasyo ni y isaojo.

51:3b.PSA.051.003 Sa jutungoja y tinaelayeco: ya y isaojo gaegueja siempre gui menajo.

51:4b.PSA.051.004 Sa contra jago, jagoja, juisagüe, ya jufatinas y daño gui menan matamo: para utunas yanguin cumuentosjao, ya utaefatta yanguin manjusgajao.

51:5b.PSA.051.005 Estagüeja, na mafatinasyo gui tinaelaye, yan y isao nae si nanajo mumapotguenaejonyo.

51:6b.PSA.051.006 Estagüeja, na unguaeya y magajet guiya jalolom; ya y umatog na lugat nae unnatungoyo ni y tiningo.

51:7b.PSA.051.007 Nagasgasyo ni hisopo, ya jumuyong gasgas: fagaseyo ya jumuyong apacaña, qui y niebe.

51:8b.PSA.051.008 Nafanjungogyo minagof yan y alegria para ufanmagof y telangjo ni y unyamag.

51:9b.PSA.051.009 Naatog y matamo gui isaojo; ya unfunas todo y inechongjo.

51:10b.PSA.051.010 Fatinas gui sumanjalomjo y gasgas na corason, O Yuus; ya unnanuebo y tinas na espiritu gui sumanjalomjo.

51:11b.PSA.051.011 Chamo yumuyuteyo gui menamo; yan chamo chumuchule y santos na Espiritumo guiya guajo.

51:12b.PSA.051.012 Natalo mague guiya guajo y minagof y satbasionmo: ya unmantieneyo ni y libre na Espiritumo.

51:13b.PSA.051.013 Ayo nae jufanagüe y manaelaye ni y chalanmo: ya y maniisao ufanmañotsot guiya jago.

51:14b.PSA.051.014 Nalibreyo gui isao gui jâgâ, O Yuus, jago Yuus y satbasinojo; ya y jilajo ucanta agang ni y tininasmo.

51:15b.PSA.051.015 O Jeova, baba y labiosso: ya y pachotto ufamanue ni y matunamo.

51:16b.PSA.051.016 Sa ti yamo inefrese para junaejao; ti magofjao ni y inefresen sinenggue.

51:17b.PSA.051.017 Y inefrese para si Yuus, manmayamag na espiritu: y mayamag yan y pinite na corason, O Yuus, jago siempre ti undespresia.

51:18b.PSA.051.018 Fatinas mauleg, ni y minauleg minagofmo, guiya Sion; fatinas y quelat Jerusalem.

51:19b.PSA.051.019 Ayo nae unmagof ni y inefresen tininas, y inefresen sinenggue yan y cabales na inefresen sinenggue: Ayo nae unmaofrese nubiyo gui attatmo.

52

52:1b.PSA.052.001 JAFA na tunanmaesajao gui inacacha, O matatnga na taotao? y minaasen Yuus sumasagaja cada jaane siempre.

52:2b.PSA.052.002 Y jilamo fumatitinas ocodon y taelaye: parejo yan y malagtos na inabajan batbas, machochoeho dinague.

52:3b.PSA.052.003 Unguaeyaña y daño mas qui y mauleg; yan y mandague, mas qui cumuentos ni y tininas. Sila.

52:4b.PSA.052.004 Unguaeya todo y mannanataelaye na sinangan: O, dacon na jula.

52:5b.PSA.052.005 Si Yuus unyinilang locue para taejinecog; unquinene, ya unjinala juyong gui guimamo magago; ya unjinale juyong gui tano y lalâlâ. Sila.

52:6b.PSA.052.006 Ya umalie ni y manunas; ya umaañao, ya umachatchatgue, ilegñija:

52:7b.PSA.052.007 Estagüe, yuje na taotao y ti japolo si Yuus para minetgotña: lao jaangoco güe ni y manadan güinajaña, ya janametgot güe ni y tinaelayeña.

52:8b.PSA.052.008 Lao guajo, parejoyo yan y betde na troncon oliba gui jalom guimayuus; juangongocoyo ni y minaase Yuus para taejinecog, yan taejinecog.

52:9b.PSA.052.009 Junaejao grasias, para taejinecog, sa unfatinas este; ya junangga y naanmo, sa este mauleg; gui menan y mañantosmo.

53

53:1b.PSA.053.001 ILEGÑA y taetiningo gui corasonña: Taya Yuus. Manpotlilo sija, mafatinas y chatliion na tinaelaye; taya ni uno ni fumatitinas mauleg.

53:2b.PSA.053.002 Si Yuus gui langet tumalag pápapa y famaguon taotao sija; para ulie cao guaja gaetiningo, ni y umaliligao si Yuus.

53:3b.PSA.053.003 Todos sija manalo tate; ya manjuyong potlilo sija; taya ni uno ni fumatitinas y mauleg, aje, taya ni uno.

53:4b.PSA.053.004 Taya tiningoñija ni chumogüe inechong? ni y macano y taotaojo sija, taegüije yan mañochocho pan: ya ti maagang si Yuus.

53:5b.PSA.053.005 Mangosmanmaañao sija gui anae taya minaañao: sa si Yuus janafanmachapon adisapatta y telang ayo y tumotojgue contra jago; jago jagas unnafanmamajlao, sa si Yuus manrenechasa sija.

53:6b.PSA.053.006 O, na y satbasion Israel mojon ujuyong guiya Sion! anae si Yuus janatalo y quinautiba y taotaoña; ayo nae umagof si Jacob, yan ufanmagof y Israel.

54

54:1b.PSA.054.001 SATBAYO, O Yuus, pot y naanmo, ya unjusgayo pot y minetgotmo.

54:2b.PSA.054.002 Jungog y tinaetaejo, O Yuus; ecungog y sinangan y pachotto.

54:3b.PSA.054.003 Sa y taotao juyong sija mangajulo contra guajo, yan y taotao ni y fijon y minatatgañija maaliligao y antijo; sija jagasja ti japopolo si Yuus gui menanñija. Sila.

54:4b.PSA.054.004 Estagüe na si Yuus umayuyudayo; si Jeova mañisija yan ayo y mumantietene y antijo.

54:5b.PSA.054.005 Güiya uapase taelaye y enemigujo sija; yulang sija gui minagajetmo.

54:6b.PSA.054.006 Sa inefresijo ni y minalagojo bae junaejao; bae jualaba y naanmo, O Jeova, sa mauleg.

54:7b.PSA.054.007 Sa güiya munalibreyo todo gui chinatsaga: sa y atadogjo jagasja jalie y minalagojo contra y enemigujo.

55

55:1b.PSA.055.001 JUNGOG y tinaetaejo, O Yuus: ya chamo umaatog maesa jao gui guinagaojo.

55:2b.PSA.055.002 Atituyeyo, ya opeyo: sa inestotbayo gui trinistieco, ya umugongyo;

55:3b.PSA.055.003 Sa pot y inagang y enemigo: sa pot y chiniguit y manaelaye; sa mayute y tinaelaye gui jilojo, ya pot y biniboñija, na machatliiyo, japetsigueyo.

55:4b.PSA.055.004 Y corasonjo gospute gui sumanjalomjo: yan y minaañao y finatae podong gui jilojo.

55:5b.PSA.055.005 Minaañao yan linaolao, manmato guiya guajo; y linijan ñumoñoyo.

55:6b.PSA.055.006 Ya ilegco: O mojon yanguin gaepapayo, taegüije y paluma! ayo nae jugupo chago, ya judescansa.

55:7b.PSA.055.007 Estagüe, ayo nae jujanao chago, ya jusaga gui jalomtano. Sila.

55:8b.PSA.055.008 Mojon bae jualula malag y guinegüe, guinin y duron manglo yan y pinagyo.

55:9b.PSA.055.009 Yulang, O Jeova, ya ipe y jilañija; sa jagasja julie y fijom na manaelaye, ya y manmanpotfifia gui siuda.

55:10b.PSA.055.010 Jaane yan puenge manjajanao gui sumanjilo y quelatña: inechong yan inacacha mangaegue gui entaloña.

55:11b.PSA.055.011 Manaelaye mangaegue gui entaloña; chiniguit yan dinague ti usuja gui chalanña.

55:12b.PSA.055.012 Sa ti y enemigo lumalatdeyo; ayo nae siña jusungon; ni ti ayo y chumatliiyo ni y munadangculo güe contra guajo: ayo nae junaatog maesayo guiya güiya.

55:13b.PSA.055.013 Lao jagoja, un taotao, ni y parejujo, yan y gachongjo, yan y senjuguflie na amigujo.

55:14b.PSA.055.014 Sa y mamis na inangoco manasangane jam y jinasonmame; ya tafanmamocat yan linajyan taotao gui guimayuus.

55:15b.PSA.055.015 Polo sija ya derepente ufanchinile ni y finatae: polosija ya ufansinetta papa manlalâlâ guiya sasalaguan; sa guaja y manaelaye gui sagañija yan y sanjalomñija.

55:16b.PSA.055.016 Lao guajo, bae juagang si Yuus; ya si Jeova usatbayo.

55:17b.PSA.055.017 Pupuenge, ogaan, yan taloane, jufanjaso ya juagang duro, ya güiya ujungog y inaganjo.

55:18b.PSA.055.018 Güiya jagasja munalibre y antijo qui pas, guinin y guera ni y comontrayo: sa megae pumotfifia yo.

55:19b.PSA.055.019 Si Yuus ufaninjingog, ya ufaninepe sija; asta ayo y mañasaga desde y apmam na tiempo. Sila. Ti taotao sija ni siempre jatulaeca, ya ti manmaañao as Yuus.

55:20b.PSA.055.020 Jaestira mona y canaeña contra ayo sija ni y manpas guiya güiya: jayulang y tratuña.

55:21b.PSA.055.021 Y sinangan y pachotña palagseña qui y mantica, lao guera gui jalom corasonña; y sinanganña mananana qui y laña; lao puro ayo sija espada in malagnos.

55:22b.PSA.055.022 Polo y catgamo gui as Jeova, ya güiya uminantiene; sa taya nae jasotta y manunas ya umanacalamten.

55:23b.PSA.055.023 Lao jago, O Yuus, ufansinetta sija papa gui joyon finatae; sa y manmejgá, yan manfáfababa na taotao sija, ti ufanlâlâ ni lamita gui jaaniñija; lao guajo juangocoyo nu jago.

56

56:1b.PSA.056.001 GAEASE nu guajo, O Yuus; sa y taotao malago na ujapañotyo; mumumo todot dia, ya jachichiguityo.

56:2b.PSA.056.002 Todot dia y enemigujo manmalago na ujapañotyo; sa megae mamumujo ya mansobetbio.

56:3b.PSA.056.003 Jafaja na tiempo nae maañaoyo, juangocojayo guiya jago.

56:4b.PSA.056.004 Gui as Yuus jualaba y finoña; gui as Yuus nae jagasja jupolo y inangococo, ti maañaoyo; jafa ufatinas y catne guiya guajo?

56:5b.PSA.056.005 Todot dia mabira y sinanganjo; sa todo y jinasoñija contra guajo para tinaelaye.

56:6b.PSA.056.006 Mandaña ya manatog maesasija; ya magueguesatituye y pinecatjo, anae jagas mananangga sija y antijo.

56:7b.PSA.056.007 Ufanescapa nu y tinaelaye? gui binibo nae unyute papa y taotao sija, O Yuus.

56:8b.PSA.056.008 Jago sumangan y jinanaojo; polo gui jalom boteyamo y lagojo: manaegüe sija gui leblomo?

56:9b.PSA.056.009 Ayo nae, ujabira sija tate y enemigujo y jaane nae juagangjao; este jutungo, na si Yuus para guajo.

56:10b.PSA.056.010 Gui as Yuus jualaba y finoña: gui as Jeova jualaba y finona.

56:11b.PSA.056.011 Gui as Yuus nae jagasja jupolo y inangococo; ya siempre ti jumaañao; jafa y taotao ufatinas guiya guajo?

56:12b.PSA.056.012 Y promesamo gaegue guiya guajo, O Yuus: ya juapasejao siempre ni y inefresen grasias.

56:13b.PSA.056.013 Sa jagasja unnalibre y antijo gui finatae; ti siempre unnalibre y adengjo an podong? para jufamocat gui menan Yuus gui candet y manlálâlâ.

57

57:1b.PSA.057.001 GAEASE nu guajo, O Yuus, gaease nu guajo; sa y antijo guinegüe güe guiya jago: magajet, y anineng y papamo ugogüeyo asta qui manmalofan y chinatsaga.

57:2b.PSA.057.002 Bae juagang si Yuus Gueftaquilo; si Yuus ni y jafatinas todo y güinaja para guajo.

57:3b.PSA.057.003 Ufanago guinin y langet ya unalibreyo; anae jalalatde ayo y malago pumañotyo. Sila. Si Yuus utago y minaaseña yan y minagajetña.

57:4b.PSA.057.004 Y antijo gaegue gui entalo y león sija: ya umaasonyo gui entalo ayo sija y minañila guafe, junggan, yan y lalajin taotao sija ni y nifenñija y lansa sija, yan flecha sija, ya y jilañija malagtos na espada.

57:5b.PSA.057.005 Nadangculojao gui jilo y langet, O Yuus; polo y inenramo todo gui sanjilo tano.

57:6b.PSA.057.006 Jagas mamatinas laso, para y pinecatto; y antijo tumecon papa; jagas manmaguadog joyo gui menajo; ya sija mamodong maesaja gui taloloja. Sila.

57:7b.PSA.057.007 Y corasonjo, esta meton, O Yuus, y corasonjo esta meton; bae jucanta, magajetja, jucanta alabansa sija.

57:8b.PSA.057.008 Fagmata, inenrajo; fagmata, guitala yan atpa; guajoja na maesa magmatayo taftaf.

57:9b.PSA.057.009 Bae junaetjao grasias, O Jeova, gui entalo y taotao sija; jucantayejao alabansa sija gui entalo y nasion sija.

57:10b.PSA.057.010 Sa asta y langet, dangculo y minaasemo, yan asta y mapagajes y minagajetmo.

57:11b.PSA.057.011 Nadangculojao gui jilo y langet, O Yuus; polo y minalagmo todo gui sanjilo y tano.

58

58:1b.PSA.058.001 MAGAJET na jamyo manudo, anae debe de unfanguentos jamyo tininas? manmanjujusga jamyo tunas, O jamyo, ni y lalajin taotao sija?

58:2b.PSA.058.002 Magajet, na y jalom corason nae manmachochocho jamyo tinaelaye; intajlang gui canaenmiyo y tinaelaye gui tano.

58:3b.PSA.058.003 Y manaelaye, manaotao juyong desde y jalom tuyan: enseguidas qui manmafañago, manabag manguecuentos ni y mandague.

58:4b.PSA.058.004 Y binenoñija, parejo yan y binenon y culebbla: sija parejo yan y tangan y serpiente, ni y jajuchum talangaña;

58:5b.PSA.058.005 Ya ti jaecungog y inagang y encantador, ni y gosfaye manencanta.

58:6b.PSA.058.006 Yamag y nifenñija gui jalom pachotñija, O Yuus: yamag juyong y dangculo na nifen y patgon leon, O Jeova.

58:7b.PSA.058.007 Polo ya ufanmadirite taegüije y janom ni y malalagoja gui iyoña: anae jaachechetgüe y flechaña, polo ya calang manutut.

58:8b.PSA.058.008 Polo ya utaegüije y acaleja ni y madirite ya umalofan: taegüije y taetiempo na mañagon palaoan, ni y ti guinin lumilie y atdao.

58:9b.PSA.058.009 Antes di usiente y lauyanmiyo y guafen y tituca, uchule sija ya unajanao, nu y remulinon manglo, ayo manbetde taegüije mansinenggue,

58:10b.PSA.058.010 Y manunas ufanmagof yanguin jalilie y inemog; ufagase y adengña gui jâgâ y taelaye.

58:11b.PSA.058.011 Para ualog y taotao: Magajet na guaja apasñija y manunas: magajet guaja si Yuus ni y manjujusga gui tano.

59

59:1b.PSA.059.001 NALIBREYO gui enemigujo sija, O Yuusso; polo yo gui jilo guinin ayosija ni y mangajujulo contra guajo.

59:2b.PSA.059.002 Nalibreyo gui chumogüe y tinaelaye, ya satbayo gui manmejga na taotao sija.

59:3b.PSA.059.003 Sa, estagüe, na mananangga y antijo: y manmetgot mandaña contra guajo; ti pot y tinaelayeco, ni ti pot y isaojo, O Jeova.

59:4b.PSA.059.004 Manmalago ya japrepara sija, sin y linachijo; fagmata, ya unayudayo, ya unlie.

59:5b.PSA.059.005 Jago Jeova, Yuus y inetnon sendalo, si Yuus Israel; fagmata ya unbisita todo y nasion sija; chamo gagaease ni y manaelaye. Sila.

59:6b.PSA.059.006 Manalo guato yan pupuenge: ya manboruruca taegüije y galago, ya malilicucue y siuda.

59:7b.PSA.059.007 Liija, sa mannutugap juyong guinin y pachotñija: espada sija guaja gui jalom labiosñija; jaye, ilegñiñija, cao jajungog?

59:8b.PSA.059.008 Lao jago, O Jeova, siempre unchatgue sija; siempre unmofea todo y nasion.

59:9b.PSA.059.009 O minetgotto, junanangga jao; sa si Yuus y guimajo lumijing.

59:10b.PSA.059.010 Si Yuusso nu y minaaseña, ugaegue gui menajo: si Yuus unaliiyo y minalagojo, gui jilo y enemigujo sija.

59:11b.PSA.059.011 Chamo pumupuno sija, sa trabia ti manmalelefa y taotaojo; chalapon sija pot y ninasiñamo; ya unchule sija papa, O Jeova, patangmame.

59:12b.PSA.059.012 Pot y isao y pachotñija, yan pot y sinangan y labiosñija, polo ya ufanmacone, pot y sobetbioñija: yan pot y matdision, yan manmandadague ni y sinanganñija.

59:13b.PSA.059.013 Lachae sija ni y binibumo, lachae sija, para sija ti ufangaegue talo: ya ujatungo na si Yuus mangobiebietna gui as Jacob, asta y uttimon y tano. Sila.

59:14b.PSA.059.014 Ya an pupuenge, polo ya ufanalo guato, ya unfanboruca taegüije y galago ya umalilicue y siuda.

59:15b.PSA.059.015 Nafanjajanao julo yan papa, ya ufanmanaliligao nañija; ya usaga todo puenge yanguin ti manjaspog.

59:16b.PSA.059.016 Lao guajo, jucanta ni y ninasiñamo; magajet, na jucanta agang ni y minaasemo yan ogaan; sa guinin jago y guimajo lumijing, yan y guinegüeco gui jaanen chinatsagaco.

59:17b.PSA.059.017 Jago, O minetgotjo, jucantaye y alabansa sija; sa si Yuus y guimajo lumijing, yan y Yuus y minaasejo.

60

60:1b.PSA.060.001 O Yuus, jago yumutejam, jago gumapotjam papa; guinin lalalojao; O, natalojam guato.

60:2b.PSA.060.002 Jago jagasja munamayengyong y tano; jago yumulang; nafanjomlo y yinilangña sija, sa manmayeyengyong.

60:3b.PSA.060.003 Unfanue y taotaomo sija ni y manmajetog na güinaja; unnafanguimenjam ni y binon na matulalaejon.

60:4b.PSA.060.004 Unnae ayo sija ni y manmaañao nu jago, un bandera para ujatsa pot y minagajet. Sila.

60:5b.PSA.060.005 Sa para ufanlibre y güinaeyamo; satba ni y agapa na canaemo, yan opejam.

60:6b.PSA.060.006 Si Yuus sumangan y sinantosña; siempre jumagof; ya siempre judibide iya Siquem, ya jumide y bayen Sucot.

60:7b.PSA.060.007 Iyoco Galaad, ya iyoco Manases: Efraim y guinegüe y ilujo; Juda y baston minagasso.

60:8b.PSA.060.008 Moab, y palanggana para jufagagaseyo; y jilo Edom nae juyute y sapatosso: Filistia, agangjao pot guajo.

60:9b.PSA.060.009 Jaye uchinileyo guato gui fitme na siuda? jaye uesgaejonyo guato Edom?

60:10b.PSA.060.010 Mungajao, O Yuus, ni y guinin yumutejam? yan jago, O Yuus, ti jumanao yan y inetnon sendalonmame.

60:11b.PSA.060.011 Naejam inayuda contra y contrario gui chinatsaga; sa taebale y inayudan taotao.

60:12b.PSA.060.012 Guinin as Yuus nae infatinas y minatatnga; sa güiyaja ni ugacha papa y contrarionmame.

61

61:1b.PSA.061.001 JUNGOG y inaganjo, O Yuus; atituye y tinaetaejo.

61:2b.PSA.061.002 Desde y uttimon y tano juagang jao, anae taeninasiña y corasonjo: chalaneyo asta y acho ni y mas taquilo qui guajo.

61:3b.PSA.061.003 Sa jago guinin y guinegüeco, yan y guiman lumijing guinin y enemigo.

61:4b.PSA.061.004 Jusaga gui jalom y tabetnaculumo para taejinecog: ya jugogüeyo gui tinampen y papamo. Sila.

61:5b.PSA.061.005 Sa jago O Yuus guinin jumungog y promesajo; jago guinin numaeyo ni y erensian ayo sija y manmaañao ni y naanmo.

61:6b.PSA.061.006 Jago munaanaco y jaanin y ray; y sacanña taegüije y megae na generasion sija.

61:7b.PSA.061.007 Usaga gui menan Yuus para taejinecog: O, nalisto y güinaeya yan y minagajet, para ufanadaje güe.

61:8b.PSA.061.008 Pot este jucantaye y naanmo para taejinecog, para jufatinas y prinimetijo cada jaane.

62

62:1b.PSA.062.001 Y antijo janananggaja si Yuus; sa guinin güiya nae mamaela y satbasionjo.

62:2b.PSA.062.002 Güiyaja y achojo yan y satbasionjo, güiya y torejo taquilo: ya ti megae jumanacalamten.

62:3b.PSA.062.003 Asta ngaen nae intigong contra unoja taotao? todos jamyo infanmapuno; taegüije y padet ni y cumba, yan taegüije y matomba na colat.

62:4b.PSA.062.004 Manafaesenja gui entaloñija na umayute papa gui ninasiñaña: manmagof ni y dinague sija: manmanbendidise ni y pachotñija, lao manmanmatdidise qui sumanjalomñija.

62:5b.PSA.062.005 Si Yuus nanggajao, O antijo; sa guinin güiya y ninanggaco.

62:6b.PSA.062.006 Güiyaja y achojo yan y satbasionjo; güiya y torejo taquilo, ya ti jumanacalamten.

62:7b.PSA.062.007 Gui as Yuus nae gaegue y satbasionjo yan y minalagjo; y acho y minetgotjo yan y guinegüeco mangaegue gui as Yuus.

62:8b.PSA.062.008 Angoco gue todo y tiempo, jamyo ni y taotao sija; chuda y corasonmiyo gui menaña: si Yuus y guinegüe para jita. Sila.

62:9b.PSA.062.009 Seguro todo y taotao sija ni y umitde condisioñija manjinaja; ya y managquilo condisioñija, un dinague; yanguin manmapolo gui balansa, todos manñajlalangña qui y jinaja.

62:10b.PSA.062.010 Chamo umangongoco jao gui inamot, yan chamo na gagaebale y sinaque: yanguin y güinaja manlalamegae; chamo pumópolo y corasonmo guiya sija.

62:11b.PSA.062.011 Guinin jasangan si Yuus un biaje; ya dos biaje jagasja jujungog este; na y ninasiña iyon Yuus.

62:12b.PSA.062.012 Sa iyomoja locue Jeova y minaase: sa unapapaseja cada taotao jaftaemano y chechonâ.

63

63:1b.PSA.063.001 O Yuus, jago y Yuusso; taftaf jualigao jao; y antijo majo pot jago, y catneco majalang nu jago, gui anglo an majo na tano, anae taya janom;

63:2b.PSA.063.002 Taegüije juatan jao gui templo para julie y ninasiñamo yan y minlagmo.

63:3b.PSA.063.003 Sa y mauleg güinaeyamo maulegña qui y linâlâ; y labiosso ualabajao.

63:4b.PSA.063.004 Taegüine jubendise jao gui linâlâjo; ya jujatsa julo y canaejo ni y naanmo.

63:5b.PSA.063.005 Y antijo ujaspog taegüije y ujaspog ni y titanos an montica; ya y pachotjo ualabajao yan y minagof y labiosso.

63:6b.PSA.063.006 Yanguin jujaso jao gui jilo camajo; ya y jinasoco nu jago gui ora nae bumebelayo an puenge.

63:7b.PSA.063.007 Sa jago guinin umayudayo; enaomina y anineng y papamo nae jumagof.

63:8b.PSA.063.008 Y antijo dangculo na tinatitiye jao: y agapa na canaemo mumantieteneyo.

63:9b.PSA.063.009 Lao ayo sija y umaliligao y antijo, para umayulang, sija ufanjanao para y mas tadong na joyo gui tano.

63:10b.PSA.063.010 Ufanmaentrega gui jinilat y espada; sija ugüinaja para y sora sija.

63:11b.PSA.063.011 Lao y ray umagof gui as Yuus; ya todo y manmanjula pot güiya unfanmagof: sa y pachot ayo sija y manmandadague ufanmajuchom.

64

64:1b.PSA.064.001 JUNGOG y inagangjo, O Yuus, gui quejaco: adaje y linâlâjo ni y minaañaoña ni y enemigo.

64:2b.PSA.064.002 Naatogyo gui secreto na pinagat y manaelaye; yan y inatborota ni y chumogüe y taelaye.

64:3b.PSA.064.003 Ni y janafanmalagtos y jilañija taegüije y espada, yan janafanapunta y flechañija, ni manmalaet na sinangan.

64:4b.PSA.064.004 Para ujaflecha gui secreto y cabales; ya derepente manflecha güe, ya ti maañao.

64:5b.PSA.064.005 Janafanfitmeja sija gui na jinasuye taelaye: manmanafaesen para ujananaplinanta y laso; ya ilegñija: Jaye ufanlinie?

64:6b.PSA.064.006 Manmanaliligao ni y tinaelaye; ilegñija na tacumple guse y inaligaota: cada uno guiya sija manacjalom jinasonñija yan corasonñija manadong.

64:7b.PSA.064.007 Lao si Yuus flumecha sija, ya enseguidas ninafanlamen nu y flecha.

64:8b.PSA.064.008 Ya taegüije ninafanmatompo; y jilañija contra sija; ya todo y lumie sija ujayengyong y ilonñija.

64:9b.PSA.064.009 Ya todo y taotao sija ufanmaañao; ya ujasangan y checho Yuus: sa ujaguesjaso y finatinasña.

64:10b.PSA.064.010 Y manunas ufanmagof sija gui as Jeova, ya ujaangoco nu güiya; yan todo y manunas na corason, ufanmalag.

65

65:1b.PSA.065.001 Y tinina unanangga jao guiya Sion, O Yuus; iya jago nae umapase y promesa.

65:2b.PSA.065.002 O jago ni y jumungog y utinaetae, todo y catne ufanmato guiya jago.

65:3b.PSA.065.003 Jaganayo y tinaelaye sija; lao y isaomame, jago umasie.

65:4b.PSA.065.004 Dichoso y taotao ni y unayeg, ya unnaguaguato guiya jago, para usaga gui sagamo: manjaspogjam ni y minauleg y guimamo, asta y santos na lugat gui templomo.

65:5b.PSA.065.005 Pot y namaañao na güinaja nae unopejam gui tininas; O Yuus y satbasionmame; jago y ninangga gui uttimon puntan tano todo, yan asta todo ayo sija y manlachago, ni y mangaegue gui jilo y tase.

65:6b.PSA.065.006 Ayo y pot ninasiñaña japlanta seguro y egso, madudog ni y ninasiñaña;

65:7b.PSA.065.007 Ni y janaquieto y palañgpang y tase sija, y palangpang y napoñija yan janafanbasta managuaguat y taotao sija.

65:8b.PSA.065.008 Ya ayo sija ni y mañasaga gui uttimon tano, manmaañao ni señatmo: unnamagof y jumuyong y egaan yan y pupuenge.

65:9b.PSA.065.009 Jago bumisita y tano yan unriega; unnagosrico; y sadog Yuus bula janom: unnafanmauleg y maies para sija yanguin esta unnalisto y tano taegüije.

65:10b.PSA.065.010 Unnafangosbula janom y sutcoñija: unnafitme a pujañija güije; ya unnamañaña ni y ichan; ya unbendise y sinisoñija.

65:11b.PSA.065.011 Uncorona y sacan sija ni y minaulegmo; ya y finaposmo manutujo y mantica.

65:12b.PSA.065.012 Manutujo gui jilo y pastaje sija gui desierto: ya y mandiquique na sabana madudog ni y minagof.

65:13b.PSA.065.013 Y pastaje sija manminagago ni y manadan gâgâ; y baye sija locue mantinampe ni y maies; manesalao ni y minagofñija, ya mangacanta locue.

66

66:1b.PSA.066.001 FATINAS y minagof na inagang gui as Yuus todo y tano.

66:2b.PSA.066.002 Canta y minagof gui naanña: namalag y tininaña.

66:3b.PSA.066.003 Alog as Yuus: jafa na manámaañao y chechomo: pot y dinangculon y ninasiñamo uninaseja y contrarionmo papa.

66:4b.PSA.066.004 Todo y tano umadodorajao yan macantatayejao: yan macantataye y naanmo. Sila.

66:5b.PSA.066.005 Maela ya inlie y checho Yuus: na ninámaañao y chechoña gui jilo y famaguon y taotao.

66:6b.PSA.066.006 Jatolaeca y tase y anglo na tano: ya japocacate y sadog: ya ayo nae manmagofjam nu güiya.

66:7b.PSA.066.007 Güiya jagobiebietna ni y minetgotña para taejinecog: y atadogña pumupulan y nasion sija: ya munga y managuaguat na ujajatsa sija. Sila.

66:8b.PSA.066.008 Fanmanbendise ni y Yuusta jamyo ni y taotao ya namajungog y inagang y tininaña:

66:9b.PSA.066.009 Ayo y mumantiene y antita gui linâlâ: ya ti japolo y adengta na usulong.

66:10b.PSA.066.010 Sa jago chumaguejam, O Yuus; jagasja unchague jam taegüije y salape an machague.

66:11b.PSA.066.011 Jago chumulejam gui jalom y laso: unpolo chinatsaga na catga gui sinturanmame.

66:12b.PSA.066.012 Jago namaudae y taotao guijilomame: jame infaposgüe y guafe an y janom: lao unchulejam asta y jalom y rico na sagayan.

66:13b.PSA.066.013 Jujalom gui jalom guimamo yan y sinenggue na inefrese sija: ya bae juapase jao ni y promesajo,

66:14b.PSA.066.014 Ni y labiosso sumangan, yan y pachotto jagas cumuentos anae estabayo gui chinatsaga.

66:15b.PSA.066.015 Bae junaejao sinenggue na inefrese ni y yemog yan paopao na tatneron quinilo: bae junaejao nobiyo yan chiba sija. Sila.

66:16b.PSA.066.016 Maela ya injingong, todo ayo y manmañao as Yuus, ya bae jusangane jamyo jafa finatinasña ni y antijo.

66:17b.PSA.066.017 Guajo juagang güe ni y pachotto: ya güiya umaalaba ni y jilajo.

66:18b.PSA.066.018 Yaguin jumantiene y tinaelaye gui corasonjo, si Jeova ti ujungogyo.

66:19b.PSA.066.019 Lao magajet na si Yuus jajungog: güiya umadaje y inagang y tinaetaejo.

66:20b.PSA.066.020 Bendito si Yuus, sa ti jabira y tinaetaejo ni y minaaseña guiya guajo.

67

67:1b.PSA.067.001 O Yuus, gaease ni jame ya unbendisejam: yan janafanmalag y mataña gui jilomame. Sila.

67:2b.PSA.067.002 Para usiña matungo y chalanmo gui jilo y tano yan y satbasionmo gui nasion todos:

67:3b.PSA.067.003 Polo y taotao ya umatuna jao, O Yuus: polo y taotao todo ya umatuna.

67:4b.PSA.067.004 O, polo y nasion sija ya ufanmagof yan ufanganta ni y minagof: sa jago siempre jumusga y taotao gui tininas yan ungobietna y nasion sija gui jilo y tano. Sila.

67:5b.PSA.067.005 Polo y taotao ya umatuna jao, O Yuus: polo y taotao todo ya umatuna.

67:6b.PSA.067.006 Ya y tano jagasja unajuyong megae tinegchaña: ya si Yuus ni y Yuusta ubendisejit.

67:7b.PSA.067.007 Si Yuus ubendisejit: yan todo y uttimon y tano umaañao nu güiya.

68

68:1b.PSA.068.001 POLO si Yuus ya ucajulo, polo y enimiguña ya ufanmachalapon: polo ayo sija y chumatlie güe ya ufanmalago gui menaña.

68:2b.PSA.068.002 Taegüije y manajanao y aso, taegüijeja yute sija: taegüije y maderite y danges gui menan guafe, taegüijeja manmalingoñija y manaelaye gui menan Yuus.

68:3b.PSA.068.003 Lao y manunas ufansénmagof: ufansenalegre gui menan Yuus: magajet ya usendangculo y minagofñija.

68:4b.PSA.068.004 Cantaye si Yuus, cantaye alabansa sija y naanña: nacajulo y chalan para ayo na maudae y inanaco y desierto sija; y naanña, si Yah ya fansenmagof gui menaña.

68:5b.PSA.068.005 Tatan y manaetata ya y jues para y manbiuda, si Yuus gui sinantos na sagaña.

68:6b.PSA.068.006 Si Yuus munafañaga y taeparientes gui familia sija: güiya chumule juyong preso para umegae: lao y managuaguat mañagaja gui anglo na tano.

68:7b.PSA.068.007 O Yuus, mientras unjanao gui menan y taotao; mientras na unfamocat gui inanaco desierto. Sila.

68:8b.PSA.068.008 Y tano mayeyengyong, y langet locue manutujo gui menan Yuus: ayo iya Sinae mayengyong gui menan Yuus, ni si Yuus guiya Israel.

68:9b.PSA.068.009 Jago, O Yuus, tumago megae na uchan, yan jago munafitme y erensiamo na taotao anae yayas.

68:10b.PSA.068.010 Y inetnon taotaomo mañaga güije: jago, O Yuus, fumamauleg y minaulegmo para y mamoble.

68:11b.PSA.068.011 Si Jeova jananae ni finijo: yan mandangculo ayo na inetnon famalaoan ni y munamatungo:

68:12b.PSA.068.012 Ray sija y inetnon sendalo falago chadig: ya güiya palaoan ni y sumasaga iya sija mafacae y inamot na güinaja.

68:13b.PSA.068.013 Yaguin manmalago jamyo dumescansa gui quelat quinilo; calang y papan y paluma nii platiao, yan y piluña nii amariyo calang oro.

68:14b.PSA.068.014 Anae ayo todo janasiña manafanmachalapon y ray sija guiya güiya: taegüije anae mamodong nieve guiya Salmón.

68:15b.PSA.068.015 Y egso Yuus y egso Basán: y gostaquilo na ogso y egso Basán.

68:16b.PSA.068.016 Sa jafa na manaatansegüet, jamyo nii manaquilo na osgo guato gui egso güinaeyan Yuus para sagaña: magajet na si Jeova sumaga güije para taejinecog.

68:17b.PSA.068.017 Y caretan Yuus y viente mil, junggan, miyares yan miyares ya si Jeova gui entaloñija taegüije iya Sinae, iya santos na sagaña.

68:18b.PSA.068.018 Jagasja jao cajulo iya jululo, jagas uncone y mamacautiba na megae: jagas unresibe ninae sija entre taotao sija: magajet entre y managuaguat locue, para si Jeova Yuus usiña sumaga gui entaloñija.

68:19b.PSA.068.019 Bendito si, Jeova nii todo y jaane jaencatga y catgata, junggan, ayo y Yuus y satbasionta. Sila.

68:20b.PSA.068.020 Si Yuus güiya si Yuus satbasion para jita: ya y jinanao guinin y finatae iyon Jeova, Señot.

68:21b.PSA.068.021 Lao si Yuus janafanlamen y ilon y enimiguña yan y cácagong y manmipe ayo y sisigueja gui isaoña.

68:22b.PSA.068.022 Ya si Jeova ilegña: Bae chule talo guinin Basán, bae chule sija talo, guinin y tádodong na tase.

68:23b.PSA.068.023 Ya y adengmo siña umanaatunog gui jâgâ ya y jila y gamo galago siña patten y enimigumo.

68:24b.PSA.068.024 Sija jalie y jinanaomo, O Yuus; magajet y jinanao y Yuusso, Rayjo gui sinantos na sagaña.

68:25b.PSA.068.025 Y mangacanta manjajanao gui menan, y mandadangdang yan y dandanñija jatatituye; y entaloñija y donseya sija ni y mandadangdang nii pandireta.

68:26b.PSA.068.026 Fanbendise si Yuus gui jalom y inetnon taotao; junggan, jamyo y tutujonña guiya Israel.

68:27b.PSA.068.027 Ayonae estaba y diquique as Benjamin y magasñija, y prinsipen Juda yan y compañia apapagat, y prinsipen Sabulon yan y prinsipen Neftali.

68:28b.PSA.068.028 Y Yuusmo tumago y minetgotmo; O Yuus, nametgot y chechomo para jame.

68:29b.PSA.068.029 Pot causa y templomo guiya Jerusalem, y ray sija manmañuñule ninae sija para jago.

68:30b.PSA.068.030 Lalatde y dadao na gâgâ gui piao, y manadan nobiyo yan y tatneron gataotao, nii guinocha papa adengñija y pedason salape sija: jochalapon ayosija taotao nii manmalago manguera.

68:31b.PSA.068.031 Ufanmato y prinsipe sija guinin Egipto: Etiopia guse ujaestira y canaeña gui as Yuus.

68:32b.PSA.068.032 Cantaye si Yuus jamyo nii raenon tano; O canta tinina para y Señot. Sila.

68:33b.PSA.068.033 Para ayo y maudae gui jilo y langet y langet sija, nii guinin ampman na tiempo; estagüe na güiya masangan nii inagang; nii gaeninasiña na inagang.

68:34b.PSA.068.034 Sangan y minetgot Yuus: y minagasña gaegue gui jilo Israel, yan y minetgotña gaegue gui jalom y mapagages.

68:35b.PSA.068.035 O Yuus, ninamaañaojao gui santos na sagamo sija: y Yuus Israel, güiya numae minetgot yan ninasiña y taotaoña: Bendito si Yuus.

69

69:1b.PSA.069.001 NALIBREYO, O Yuus; sa y janom manjalom asta y antijo.

69:2b.PSA.069.002 Magñoyo gui tadong na luño; anae ti siñayo tumojgue: guajo mato y jalom tadong na janom anae y milag malofan gui jilojo.

69:3b.PSA.069.003 Yayasyo ni y inagangjo: y agagajo ninaanglo: y atadogco linálachae mientras junanangga si Yuusso.

69:4b.PSA.069.004 Ayosija y chumatliiyo pot taya, megaeña qui y gapotulo gui ilujo: ayosija y manmalago umututyo nii enemigujo sin jafa na linache, mangaeninasiña: ayo nae guajo junatalo guato ayo y taya nae juchuleguan.

69:5b.PSA.069.005 O Yuus, jago tumungo y taetiningojo: yan y isaojo sija ti junaatog guiya jago.

69:6b.PSA.069.006 Chamo ayo sija y numananggajao munafanmamamajlao pot guajo, O Jeova, Yuus y inetnon sendalo: chamo ayo sija y umaliligaojao umadesonra pot guajo, O Yuus Israel.

69:7b.PSA.069.007 Sa pot jago jupadese y linalatde: minamajlao tumampe y matajo.

69:8b.PSA.069.008 Guinin manataotao juyong yo nii mañelujo; yan taotao juyongyo gui famaguon nanajo.

69:9b.PSA.069.009 Sa y inigo y guimamo cumanoyo: ya y linalatdeñija y ayo sija nii lumalatde jao manbasnag guiya guajo.

69:10b.PSA.069.010 Anae tumangesyo ya junamajalang y antijo pot ti chumocho, este y para malalatdeco.

69:11b.PSA.069.011 Anae jufatinas y luto para magagujo, jumuyongyo un cuentos nu sija.

69:12b.PSA.069.012 Ya ayo y manmatatachong gui petta, manadingan contra guajo: ya guajo y cantasionñija anae mangacanta y manbulacho.

69:13b.PSA.069.013 Lao guajoja, y tinaetaejo guiya jago, O Jeova, gui tiempon y finaboresemo: O Yuus, pot y minegae y minaasemo opeyo gui minagajet y satbasionmo.

69:14b.PSA.069.014 Nalibreyo gui liño ya chajo mamagño: polo ya ulibreyo güije sija nii chumatliiyo, yan gui y tinadong y janom sija.

69:15b.PSA.069.015 Chamo pumopolo y minilalag na janom na ufalofan gui jilojo, ni unpolo y tinadong na upañotyo; chamo pumopolo y joyo na ujuchom y pachotña gui jilojo.

69:16b.PSA.069.016 Opeyo, O Jeova; sa y minaasemo gosmauleg: taemanoja y minegae y minaasemo, birajao guiya guajo.

69:17b.PSA.069.017 Chamo na aatog y matamo gui tentagomo; sa gaegue yo gui chinatsaga: opeyo guse.

69:18b.PSA.069.018 Najijot jao gui antijo ya unnalibre: rescatayo sa juguaja y enimigujo sija.

69:19b.PSA.069.019 Jago tumungo y malalatdeco, yan y minamajlaojo yan y madesonraco: y contrariojo mangaegue todo gui menamo.

69:20b.PSA.069.020 Y linalatde yumulang y corasonjo: yan bulayo y pinite: ya manaliligaoyo jaye upinite, lao taya ni uno: yan y numamagofyo lao ti jusoda ni uno.

69:21b.PSA.069.021 Sija numaeyo locue lalaet para nengcanojo: yan anae majoyo, sija numaeyo binagle para juguimen.

69:22b.PSA.069.022 Polo ya lamasañija mamalaso gui menanñija: polo ya yaguin gaegue sija gui pas, este para ocodo.

69:23b.PSA.069.023 Polo ya ujomjom y atadogñija para chañija fanmalilie; yan janayeyengyong nii sinturanñija para todo y tiempo.

69:24b.PSA.069.024 Basija gui jiloñija y binibumo, ya polo y dangculon linalalomo ya ufanjeniguif sija.

69:25b.PSA.069.025 Polo y sagañija ya umayulang: yan taya ni uno siña sumaga gui tiendañija.

69:26b.PSA.069.026 Sa sija pumetsigue ayo sija y sinaolagmo: ya sija sumangan y pinitinja ni y ninafanlamenmo.

69:27b.PSA.069.027 Naye mas taelaye y tinaelayeñija, ya chamo munafanjajalom gui tininasmo.

69:28b.PSA.069.028 Palo ya umafunas sija gui leblon linâlâ: ya munga manmatugue sija yan y manunas.

69:29b.PSA.069.029 Lao guajo pobleyo yan tristeyo: polo y satbasionmo, O Yuus, ya upoloyo guiya jululo.

69:30b.PSA.069.030 Guajo bae jualaba y naan Yuus nu y cantasion, ya junadangculo güe nu y inefresen grasias.

69:31b.PSA.069.031 Ya este munaguefmagof si Jeova mas qui y nobiyo, pat y toro nii mangaecángjilon yan papaquis.

69:32b.PSA.069.032 Y manmanso, jalie este ya ninafanmagof: ya y corasonmiyo ufanlâlâ y unaaliligao si Yuus.

69:33b.PSA.069.033 Sa si Jeova jajungog y mannesesitao ya ti jachatlie y prenesuña sija.

69:34b.PSA.069.034 Polo y langet yan tano ya umaalaba güe, yan y tase sija yan todo y güinaja nii mangalalamten gui sanjalomña.

69:35b.PSA.069.035 Sa si Yuus ujasatba y Sion yan ujafatinas y siuda sija guiya Juda: para usiña sija mañaga güije yan uguaja para y iyonñija.

69:36b.PSA.069.036 Ya y semiya locue gui tentagoña uereda ni ayo: ya ayo sija y gumaeya y naanña unafañaga güije.

70

70:1b.PSA.070.001 NACHADIG, O Yuus, para unalibreyo: nachadig umayudayo, O Yuus.

70:2b.PSA.070.002 Polo sija ya ufanmamajlao yan ufaninistotba ni y umaliligao y antijo: polo sija ya ufanalo tate yan ufanmamajlao ni y manmagof nii desonraco.

70:3b.PSA.070.003 Polo sija ya ufanalo tate para apas y minamajlaoñija ja ni y ilegñija: Aha, Aha.

70:4b.PSA.070.004 Polo ayo todo y umaliligaojao ya unfanmagof yan ufansenmagof ni jago: ya polo ya ayo y gumaeya y satbasionmo ya ilelegñija siésiempreja: Umanasendangculo si Yuus.

70:5b.PSA.070.005 Lao guajo pobleyo yan nesesitaoyo: nachadig jao guiya guajo, O Yuus: sa jago umayuyudayo, yan y munalibreyo; O Jeova, chamo umatrasasao.

71

71:1b.PSA.071.001 YYAJAGO, O Jeova, nae jupolo y inangococo: ya chajo mamámajlao para taejinecog.

71:2b.PSA.071.002 Nalibreyo, nii tininasmo ya rescatayo: naapo y talangamo guiya guajo ya unsatbayo.

71:3b.PSA.071.003 Jago y acho y saga para guajo, anae mafatoyo todo y tiempo: jago mannae tinago na jumasatbayo: sa jago y finitmeco yan y castiyujo.

71:4b.PSA.071.004 Rescatayo, O Yuusso, juyong gui canae y manaelaye yan y canae y ti manunas yan y manrecto na taotao.

71:5b.PSA.071.005 Sa jago y ninanggaco, O Jeova Yuus: jago y inangococo desde y pinatgonjo.

71:6b.PSA.071.006 Sa jago mumantieneyo desde y jalom tuyan, jago chumuleyo juyong guinin y tiyan nana: ya y tininajo todo y tiempo guiya jago.

71:7b.PSA.071.007 Guajo taegüije y ninamanman gui linajyan; lao jago y megot na guinegüeco.

71:8b.PSA.071.008 Y pachotto ubula nii tininamo, an y inenramo todot dia.

71:9b.PSA.071.009 Chamoyo yumuyute gui tiempo y inamcojo: yaguin minetgotto esta jocog chamoyo dumidingo.

71:10b.PSA.071.010 Sa y enimigujo manadingan contra guajo; yan ayo sija y numanangga y antijo, manafaesen entre sija.

71:11b.PSA.071.011 Ylegñija: Diningogüe as Yuus: petsigue ya enchilegüe; sa taya para ulinibregüe.

71:12b.PSA.071.012 O Yuus, chamo chachago guiya guajo; Yuusso, nachadig yan para unayudayo.

71:13b.PSA.071.013 Polo sija ya ufanmamajlao yan ufanlinachae, ayo y contrarion y antijo; polo sija ya ufantinampe nii minamajlao yan y sinala, y umaliligao y dañujo.

71:14b.PSA.071.014 Lao guajo juananangga todo y tiempo, yan junalala megae y tininajo guiya jago.

71:15b.PSA.071.015 Y pachotto usinangan y tininasmo, yan y satbasionmo todot dia: sa ti jutungo y minegaeña.

71:16b.PSA.071.016 Bae jufalag y minetgot gui as Yuus, Jeova; ya jusangan y tininasmo, magajet, iyomoja namaesa.

71:17b.PSA.071.017 O Yuus, jago jagasja fumanagüe yo desde y pinatgonjo; yan asta pago jusangan claro nii ninamanman y chechomo.

71:18b.PSA.071.018 Pago locue anae estayo bijo ya chungeyo, O Yuus chamoyo dumidingo: asta que jusangan claro nii minetgotmo y manmámamaela na generasion, yan y ninasiñamo cada uno ni ayo y ufanmato.

71:19b.PSA.071.019 Yan y tinasmo locue, O Yuus, sumentaquilo; jagasja unfatinas y mandangculo na güinaja sija: O Yuus, jaye uparejumo?

71:20b.PSA.071.020 Sa jago y fumanuejam mandangculo na pinite yan chinatsaga, siempre unnalâlâjam talo, yan unchulejam talo julo guinin y tinadong y tano.

71:21b.PSA.071.021 Aumenta y dinangculoco; yan birajao ya unamamagofyo.

71:22b.PSA.071.022 Ya guajo locue bae jualaba jao yan y guitala: magajet, y minagajetmo, O Yuusso: yyajago nae jucantaye yan y atpa, O jagoja na Santos guiya Israel.

71:23b.PSA.071.023 Y labiosso sendangculo minagofña anae jucantayejao tinina; yan y antijo ni jago munalilibre.

71:24b.PSA.071.024 Y jilajo locue jasasangan y tininasmo todot dia: sa innafanmamajlao yan innafaninestotba ayo y umaliligao y dañujo.

72

72:1b.PSA.072.001 NAE y ray ni juisiomo, O Yuus, yan y tininasmo gui lajin y ray.

72:2b.PSA.072.002 Ya güiya ufanjusga y taotaomo gui tininas, yan y mamoblemo gui juisio.

72:3b.PSA.072.003 Ya y beca sija chumule y pas gui taotao yan y mandiquique na ogso sija pot y tininas.

72:4b.PSA.072.004 Güiya ufanjusga y mamoble na taotao, güiya ufañatba y famaguon y mannesesitao, yan ufanyinamag y manmachaleg.

72:5b.PSA.072.005 Sija ufanmaañao ni jago mientras gagaegue y atdao, yan y pilan gui todo y generasion yan y generasion.

72:6b.PSA.072.006 Güiya tumunog papa taegüije y ichan gui jilo y manmautot na chaguan: taegüije minatmon janom ni y nafotgon y tano.

72:7b.PSA.072.007 Ya y jaaniña sija, mumamta y tininas; ya y pas sumenmegae asta qui jocog y pilan.

72:8b.PSA.072.008 Güiya uguaja minagasña locue guinin y tase asta y tase, yan guinin y sadog asta y uttimon y tano.

72:9b.PSA.072.009 Ya ayo y mañasaga gui desierto, manecon gui menaña; ya y enimiguña sija mamanjojoflag gui eda.

72:10b.PSA.072.010 Y ray sija guiya Tarsis yan isla sija ufanmañuñule ninae: yan y ray sija guiya Sabá yan iya Seba ufanmannae ninae.

72:11b.PSA.072.011 Magajet, y ray todos ujatomba sija gui menaña: yan y nasion todos usinetbe güe.

72:12b.PSA.072.012 Sa güiya unalibre y nesesitao an jumagang; yan ayo locue y peble an ni y taya uinayuda.

72:13b.PSA.072.013 Güiya unafanmañotbla y mamoble yan y mannesesitao yan ujasatba y anten y mannesesitao.

72:14b.PSA.072.014 Güiya unafanlibre y antiñija guinin y chiniguit yan y finijom: yan ugagaebale y jâgâñija gui menan atadogña.

72:15b.PSA.072.015 Ya güiya lumala, ya para güiya umanae ni y oron Sabá; ya y tinayuyut locue mafatitinas pot güiya todo y tiempo; sa sija ufanbendise güe todot dia.

72:16b.PSA.072.016 Sa uguaja megae na maies gui jalom y eda gui sanjilo y puntan y beca sija; ya y tinegchaña ufanmayengyong taegüije y Libano.; ya sija gui siuda ninafangatbo taegüije y chaguan gui eda.

72:17b.PSA.072.017 Y naanña gagaegue para taejinecog: y naanña sisigueja taegüije y siniguen y atdao: yan todo y taotao ufandichoso guiya güiya; yan todo y nasion umafanaan güe dichoso.

72:18b.PSA.072.018 Bendito si Jeova Yuus, ni si Yuus Israel, sa güiyaja na maesa fumatinas y mannamanman na güinaja.

72:19b.PSA.072.019 Yan bendito y minalag y naanmo para taejinecog: ya polo todo y tano ya ufanbula ni y minalagmo. Amen yan Amen.

72:20b.PSA.072.020 Magpo y tinayuyut David ni y lajin Isai.

73

73:1b.PSA.073.001 SENMAGAJET si Yuus na mauleg para Israel, ni ayo sija y mangasgas na corason.

73:2b.PSA.073.002 Ya guajo cánaja sumuja y adengjo; didideja tentenjan sulon y pinecatta.

73:3b.PSA.073.003 Sa jumalatgue y mangaduco, anae julie y minauleg y manaelaye.

73:4b.PSA.073.004 Sa taya pinite gui finataeñija: lao y minetgotñija fitme.

73:5b.PSA.073.005 Taya chinatsagañija taegüije y otro taotao sija; ni ufanmasapet taegüije y palo na taotao sija.

73:6b.PSA.073.006 Enaomina na sobetbia y cadena nii lisayon y cueyoñija; y finijom tumampe sija taegüije y magago.

73:7b.PSA.073.007 Y atadogñija mamachom ni y yinemog; guajañija mas qui y corason siña umalatgue.

73:8b.PSA.073.008 Sija manmanbotlelea, yan jasasangan chiniguit gui tinaelaye: jasasangan y mansentaquilo.

73:9b.PSA.073.009 Japolo y pachotñija gui langet, yan y jilañija janafanmamocat gui inanaco y tano.

73:10b.PSA.073.010 Enao mina y taotaoña manalo mague: yan y binilan y janom gui posuelo umafugo nu sija.

73:11b.PSA.073.011 Ya ilegñija: Jaftaemano tungoña si Yuus? Ada guaja tiningo gui Gueftaquilo?

73:12b.PSA.073.012 Sa estagüe ya sija y manaelaye; ya sija manmegae gui tano, sa taya chinatsagañija todo y jaane.

73:13b.PSA.073.013 Senmagajet na taebale y junagasgas y corasonjo: yan jufagase y canaejo gui guinasgas.

73:14b.PSA.073.014 Sa todo y inanaco y jaane chatsagayo, yan y castigojo cada ogaan.

73:15b.PSA.073.015 Yaguin jagasja jualog, bae jusangan este; este na jagasja judague y generasion: y famaguonmo.

73:16b.PSA.073.016 Yaguin jujaso jaftaemano na jutungo este, sumenmacat para guajo;

73:17b.PSA.073.017 Asta que jujalom gui sinantos na sagayan gui as Yuus; ya jujaso y uttimoñija.

73:18b.PSA.073.018 Magajet na jago pumolo sija gui palagse na sagayan; jago yumute sija papa gui jalom y yinilang.

73:19b.PSA.073.019 Sa jaftaemano na ufanyinilang, gui un rato! sija chadig malimachae ni y minaañao sija.

73:20b.PSA.073.020 Taegüije güinife an magmata; taegüenaoja, O Señot, yaguin magmatajao, unchatlie y jechurañija.

73:21b.PSA.073.021 Sa y corasonjo estaba triste, ya matogchayo gui sumanjalom.

73:22b.PSA.073.022 Na taegüije taejinasoyo, yan taetiningoyo: taegüijeyo y gâgâ gui menamo.

73:23b.PSA.073.023 Masqueseaja gagaegueyo siempre guiya jago; jago mumantiene y agapa na canaejo.

73:24b.PSA.073.024 Jago umesgaejonyo ni y consejumo, ya despues unresibeyo gui langet.

73:25b.PSA.073.025 Ya jayeyo guajayo gui langet sino jagoja? ya taya gui jilo y tano güinaeyaco, na jagoja.

73:26b.PSA.073.026 Y catneco yan y corasonjo malachae: lao si Yuus y minetgot y corasonjo, yan y güinajajo para taejinecog.

73:27b.PSA.073.027 Sa, estagüe ya ayo sija y mañago guiya jago, na ufanmalingo: jago yumulang todo ayo sija y manjanao guiya jago para inábale.

73:28b.PSA.073.028 Lao mauleg para guajo y juguaguato jijot gui as Yuus: sa jupolo y inangococo gui Señot Jeova, para usiña jusangan todo y chechomo.

74

74:1b.PSA.074.001 O Yuus, sajafa na unyutejam para taejinecog? sajafa na y linalomo umasgon contra y quinilo sija gui pastajimo?

74:2b.PSA.074.002 Jaso y inetnonmo ni y unfajan gui ampmam na tiempo; y tribon y erensiamo, ni y jago sumatba; yan y egso Sion, anae sumasagajao.

74:3b.PSA.074.003 Jatsa y adengmo para taejinecog na yinilang: sa y enimigo jafatinas y tinaelaye todo gui jalom y sinantos na sagamo.

74:4b.PSA.074.004 Y contrariumo sija manaagang gui entalo y inetnonmo; ya japolo julo y banderañija para señat sija.

74:5b.PSA.074.005 Parejo yan y taotao y jajatsa julo y gachae sija gui jilo y chemchom na trongco jayo sija.

74:6b.PSA.074.006 Lao pago sija yumute papa y binetda na chocho un biajeja, ni y gachae yan y mattiyo sija.

74:7b.PSA.074.007 Sa sija sumanggüe y sinantos na sagamo, yan munainale y sagan y naanmo, sanpapa gui tano.

74:8b.PSA.074.008 Ylegñija gui corasonñija: Nije tayulang sija ni mandaño: ya sija sumonggue todo y sinagogan Yuus gui tano.

74:9b.PSA.074.009 Ti talie y señatta sija: ya taya ni uno profeta mas: ni uguaja sija ni utiningo asta ngaean.

74:10b.PSA.074.010 Asta ngaean, O Yuus, nae y contrario ulalatde? ya y enimigo ufañatfino contra y naanmo para taejinecog?

74:11b.PSA.074.011 Sajafa na unjedo y canaemo, junggan y agapa na canaemo? jala juyong gui pechomo ya unyulang.

74:12b.PSA.074.012 Sa si Yuus y Rayjo gui ampmam na tiempo, jafatitinas y satbasion gui entalo y tano.

74:13b.PSA.074.013 Jago dumibide y tase ni y ninasiñamo: jago yumamag y ilon y alo sija gui tase.

74:14b.PSA.074.014 Jago yumamag y ilon lebiatan, ni y dadao na güijan, an pidasito; yan unnae güe para nengcano y taotao ni y mañasaga gui desierto.

74:15b.PSA.074.015 Jago bumaba y matan janom yan y minilalag: jago munafananglo y manmetgot na sadog sija.

74:16b.PSA.074.016 Y jaane iyomo, y puenge locue iyomo: jago fumamauleg y inina yan y atdao.

74:17b.PSA.074.017 Jago pumolo todo y oriyan y tano: jago fumatinas y tiempon maepe yan y tiempom manengjeng.

74:18b.PSA.074.018 Jaso este, na y enimigo manmalalatde, O Jeova, ya ayo y mangaduco na taotao jachatfino y naanmo.

74:19b.PSA.074.019 O, chamo umintrerega y anten y gamo paluma gui dadao na gâgâ: chamo malelefa ni y dinaña y mamoblemo para taejinecog.

74:20b.PSA.074.020 Respeta y trato: sa y jemjom na sagayan sija gui tano manbula y sagan y manmalamaña.

74:21b.PSA.074.021 O, Chamo munafanatalo manmamajlao y manmachichiguit: polo y mamoble yan y mannesesitao ya umalalaba y naanmo.

74:22b.PSA.074.022 Cajulo, O Yuus, gogüe y causamo: jaso jaftaemano y manaejinaso na taotao ni y lumalatdejao cada jaane.

74:23b.PSA.074.023 Chamo malelefa ni y inangang y contrariumo sija; y borucan ayo sija y mangajulo contra jago, lumala cajuloja siesiempre.

75

75:1b.PSA.075.001 YYAJAGO, O Yuus, innae grasia; iyajago innae grasia sa y naanmo esta jijot: sa y ninamanman na chechomo masasangan.

75:2b.PSA.075.002 Ngaean nae jusoda y tiempo na mamatca, bae jujusga ni y tinas.

75:3b.PSA.075.003 Y tano yan todo y mañasaga mamalachae: guajo chumuchule julo y jaliguiña. Sila.

75:4b.PSA.075.004 Ya ileco ni y mansobetbio: Chamiyo fumatitinas y sinebetbio: yan ni y manaelaye, chamiyo jumajatsa julo y canggelon.

75:5b.PSA.075.005 Chamiyo jumajatsa y canggelonmiyo gui taquilo; chamiyo fanguecuentos ni y tiso na tongjo.

75:6b.PSA.075.006 Sa y jinatsa ni y ufato ni y guinin y sancatan, ni y guinin y sanlichan, ni y guinin y sajaya.

75:7b.PSA.075.007 Lao si Yuus y jues: güiya pumolo papa uno, yan jajatsa julo otro.

75:8b.PSA.075.008 Sa gaegue gui canae Jeova y copa, yan y bino ni lalálalo; bula dinaña, ya jachuda juyong taeguijeja; lao y asiento gui fondoña, todo y manaelaye gui tano jafufugo ya jaguiguimen sija.

75:9b.PSA.075.009 Lao guajo bae jusangan claro para taejinecog; ya bae jucantaye si Yuus Jacob, y alabansa sija.

75:10b.PSA.075.010 Todo y canggelon y manaelaye locue bae juutot: lao y canggelon y manunas umanafangajulo.

76

76:1b.PSA.076.001 MATUNGO si Yuus esta guiya Juda: y naanña manadangculo guiya Israel.

76:2b.PSA.076.002 Yya Salem nae gaegue y tabetnacoluña, ya y sagaña gaegue guiya Sion.

76:3b.PSA.076.003 Ayo nae jayamag sija y flechan y atcos; yan y patang yan y espada, yan y guera. Sila.

76:4b.PSA.076.004 Malagjao yan magas jao mas qui y tadong na jalomtano.

76:5b.PSA.076.005 Ya y manmajetog na corason manmayulang manafanaelaye; esta jamaego y minaegoñija; ya taya ni un taotao ni y gaeninasiña jasoda y canaeñija.

76:6b.PSA.076.006 Pot y chinemamo, O Yuus Jacob, todo careta yan y cabayo manmayute gui minaego y finatae.

76:7b.PSA.076.007 Jago, junggan jago, para unamaañao: ya jaye siña tumogue gui menamo yan lalalojao?

76:8b.PSA.076.008 Jago munamajungog y sentensia guinin y langet; ya y tano manmaañao, ya manmamatquilo.

76:9b.PSA.076.009 Anae si Yuus jacajulo gui juisio, para usatba todo y manmanso gui tano. Sila.

76:10b.PSA.076.010 Magajet na y binibon y taotao uinalabajao: yan y seblan y binibo, jago sumoma.

76:11b.PSA.076.011 Promete ya inapase si Jeova ni y Yuusmiyo: todo ayo y mangaegue gui oriyaña manmañuñule ninae para güiya ni y namaañao.

76:12b.PSA.076.012 Güiya munamautut y espiriton y prinsipe sija: sa güiya y namaañao para y ray sija gui tano.

77

77:1b.PSA.077.001 BAE juagang si Yuus ni y inagangjo; magajet na si Yuus ni y inagangjo; ya güiya jumungogyo.

77:2b.PSA.077.002 Y jaane y chinatsagaco jualigao y Señot: y canaejo maestira gui puenge ya pumapara: y antijo ti malago manamagof.

77:3b.PSA.077.003 Jujajaso, si Yuus ya janaestotbayo: umuugongyo, sa y espiritujo lalalango. Sila.

77:4b.PSA.077.004 Jago unadaje y atadogjo ni taemaego: sa taegüije chatsagayo na ti siñayo cumuentos.

77:5b.PSA.077.005 Sa guajo jujajaso y jaane ni y ampmam manmalofan, yan y sacan ni y ampmam na tiempo.

77:6b.PSA.077.006 Jujajaso y cantaco gui puenge: jujajaso ni y corasonjo; ya y espiritujo guine guefaligao?

77:7b.PSA.077.007 Ada uyute y Señot para taejinecog? ya ti utalo y finaboresiña?

77:8b.PSA.077.008 Cao y minaaseña usenjanaoja para taejinecog? ya y promesaña ufanlingo para taejinecog?

77:9b.PSA.077.009 Ya malefa si Yuus na uyóase? ya pot y linalaloña na jajuchom y güinaeyaña? Sila.

77:10b.PSA.077.010 Ya guajo ileco: Este y dinafejo: lao bae jujaso y sacan sija gui agapa na canae y Gueftaquilo.

77:11b.PSA.077.011 Bae jusangan y checho Jeova: sa bae jujaso y ninamanmanmo gui ampmam na tiempo.

77:12b.PSA.077.012 Bae jujaso locue todo y chechomo, yan jusangan sumanjalomjo y finatinasmo.

77:13b.PSA.077.013 Y chalanmo, O Yuus, gague gui sinantos na sagayan: jaye dangculo na yuus calang y Yuusta?

77:14b.PSA.077.014 Jago y Yuus ni y fumatinas y mannamanman: jago munamatungo y minetgotmo gui taotao sija.

77:15b.PSA.077.015 Jago yan y canaemo munafanlibre y taotaomo; ni y famaguon Jacob yan José. Sila.

77:16b.PSA.077.016 Y janom malie jao, O Yuus, y janom malie jao, ya sija ninafanmaañao: ya y tinadong locue ninafanmayengyong.

77:17b.PSA.077.017 Y mapagajes sija manmañuñuda janom: ya y langet mannae y inagang: ya y flechamo locue manjanao juyong.

77:18b.PSA.077.018 Ya y palampan y jilumo estaba gui remolino; ya y lamlam maniiina gui tano: ya y tano manmayengyong yan manlalaolao.

77:19b.PSA.077.019 Y chalanmo gui tase, ya y finaposmo gui mandangculo na janom, ya y guinachamo ti matungo.

77:20b.PSA.077.020 Jago umesgaejon y taotaomo taegüije y manadang quinilo pot y canae Moises yan Aaron.

78

78:1b.PSA.078.001 ECUNGOG, O taotaojo, y tinagojo: na inecungog ni y talanganmo y sinangan y pachotto.

78:2b.PSA.078.002 Bae jubaba y pachotto gui acomparasion: bae jusangan sinangan na gui jemjom gui ampmam na tiempo.

78:3b.PSA.078.003 Ayosija ni y injingog yan y intingo, yan y tatanmame ni jasanganejam.

78:4b.PSA.078.004 Ti innafanatog sija guinin y famaguonñija, masangangane y generasion ni y manmamamaela ni y tinina sija gui Señot, yan y minetgotña yan y mannamanman na chechoña ni y jachogüe.

78:5b.PSA.078.005 Sa güiya munacajulo y testimonio gui as Jacob, yan japolo tinago guiya Israel, ni y janatungo sija y famaguonñija.

78:6b.PSA.078.006 Para ujatungo y generasion ni y manmamamaela, y famaguonja ni y finañagonñija; ni y ufangajulo ya ujasangane y famaguonñija.

78:7b.PSA.078.007 Para usiña japolo y ninanggañija gui as Yuus, ya ti ufanmalefa ni y checho Yuus, lao jaadaje y tinagoña sija.

78:8b.PSA.078.008 Ya chañija fanaegüigüije y tatañija; un generasion ni managuaguat yan ti manmalago manmanosgue: y generasion ni y ti japolo y corasonñija gui tinas, yan ayo na espirituñija y ti manfitme gui as Yuus.

78:9b.PSA.078.009 Y famaguon Efraim, guaja atmas yan manmañule y atcos sija, manalo tate gui jaanen y guera.

78:10b.PSA.078.010 Ti jaadaje y traton Yuus, ya ti manmalago na ufanmamocat gui tinagoña.

78:11b.PSA.078.011 Ya manmalefa ni y chechoña, yan y ninamanmanña ni y manfinanue sija.

78:12b.PSA.078.012 Namanman na güinaja finatinasña gui menan y tatañija, gui tano Egipto, gui fangualuan Soan.

78:13b.PSA.078.013 Jadebide y tase ya janafanmalofan gui inanaco sija todo; yan janafañaga y janom taegüije y monton.

78:14b.PSA.078.014 Ya y jaane janafanenesgaegaejonja ni y mapagajes; yan todo puenge y finañila y guafe.

78:15b.PSA.078.015 Japanag y acho gue desierto, ya janae sija na ufanguinem taegüije na jumuyong guinin y dangculon tinadong.

78:16b.PSA.078.016 Ya mañule minilalag locue guinin y acho, yan janafalalago y janom taegüije y sadog.

78:17b.PSA.078.017 Lao trabia sisigueja mas isagüegüe, ya manmanembeste contra Gueftaquilo gui desierto.

78:18b.PSA.078.018 Ya sija jatienta si Yuus gui corasonñija, yan mangagagao catne pot y güinaeyañija.

78:19b.PSA.078.019 Magajet na sija manguentos contra si Yuus; ilegñija: Ada siña si Yuus jafamaulequejit lamasa gui desierto?

78:20b.PSA.078.020 Sa, estagüe, na anae japanag y acho, manjuyong y janom, ya y minilalag manmachuchuda. Ada siña güe manae pan locue? umafamauleg catne para y taotaoña?

78:21b.PSA.078.021 Enao mina anae jajungog este, y Señot ninabubo: ya umasonggue y guafe contra as Jacob, yan y linalalo locue cajulo contra Israel;

78:22b.PSA.078.022 Sa ti jajonggue si Yuus, yan ti jaangoco sija gui satbasionña.

78:23b.PSA.078.023 Lao güiya tumago y mapagajes guinin y sanjilo; yan jababa y pettan langet.

78:24b.PSA.078.024 Yan janauchan papa y mana gui jiloñija para ujacano, yan janae sija ni y maies y langet.

78:25b.PSA.078.025 Y taotao cumano y na y manmetgot: güiya numae sija catne para ufanjaspog.

78:26b.PSA.078.026 Jatago y manglo sancatan na ufanguaefe gui jalom y langet: yan pot y ninasiñaña jachachalane y manglo sanjaya.

78:27b.PSA.078.027 Janauchan catne locue gui jiloñija taegüije y petbos; yan y pajaro ni gaepapa taegüije inae gui tase;

78:28b.PSA.078.028 Ya japolo ayo sija na ufanbasnag gui entalo y campoñija, ya gui oriyan y sagañija.

78:29b.PSA.078.029 Ya sija jacano, ya mangosjaspog sija; sa güiya numae sija ni y tinangañiñija.

78:30b.PSA.078.030 Lao ti janajanao guiya sija y tinangañija; lao estabaja trabia y catneñija gui jalom y pachotñija,

78:31b.PSA.078.031 Ya y binibon Yuus mato gui jiloñija, ya japuno y mas manyomog guiya sija, yan jayute papa y patgon na taotao sija guiya Israel.

78:32b.PSA.078.032 Lao contodo este, sigueja di maaiisao trabia: yan ti majonggue y mamnamanman na chochoña.

78:33b.PSA.078.033 Ya pot este na y jaaneñija janafanlinachae ni y banidá; yan y sacanñija gui minaañao.

78:34b.PSA.078.034 Ya anae japuno sija, ayo nae manafaesen pot güiya yan jabira sija ya maaligao guse si Yuus.

78:35b.PSA.078.035 Yan jajaso na si Yuus y achoñija, yan y Gueftaquilo na Yuus y Satbadotñija.

78:36b.PSA.078.036 Achogja ujafaande güe ni y pachotñija yan ujadague ni y jilañija.

78:37b.PSA.078.037 Sa y corasonñija ti tunas guiya güiya: ni ufanfitme gui tratuña.

78:38b.PSA.078.038 Lao güiya, bula minaase jaasie ni y tinaelayeñija, yan ti jayuyulang sija: magajet, megae na tiempo nae jabira y linalaloña, yan ti jajatsa julo y binibuña.

78:39b.PSA.078.039 Sa jajaso na sija catneja; y manglo na malofan ya mapos ya ti mamaela talo.

78:40b.PSA.078.040 Cuanto biaje manmanembeste contra güiya gui jalomtano yan manatriste güe gui desierto!

78:41b.PSA.078.041 Ya manalo tate ya matienta si Yuus; ya macase y Santosgüe guiya Israel.

78:42b.PSA.078.042 Ya ti jajaso y canaeña; ni jaane anae ninafanlibre gui contrario.

78:43b.PSA.078.043 Ni y pineloña na señatña guiya Egipto: yan y ninamanmanña gui fangualuan Soan:

78:44b.PSA.078.044 Yan jatulaeca y Sadog janajâgâ; yan y minilalag para chañija fanguiguimen.

78:45b.PSA.078.045 Janae megae na lalo para ufanquinano; yan rana sija para ufanyinilang.

78:46b.PSA.078.046 Janae y ilo oruga ni y aumentan tano; ya y finachochoñija y apacha.

78:47b.PSA.078.047 Jayulang y fangualuanñija ubas ni y ichan grano; yan y trongco igos sija ni y hielo.

78:48b.PSA.078.048 Japolo y gañija gâgâ locue gui papa y ichan grano, ya y manadan gañija gui minaepen lamlam.

78:49b.PSA.078.049 Jayute gui jiloñija y fijom na binibuña; binibo, linalalo, yan chinatsaga; y manadan manaelaye na angjet sija.

78:50b.PSA.078.050 Mamatinas chalan para y linalaloña; ya ti jachoma y antiñija guinin y finatae, lao japolo y linâlâñija gui peste.

78:51b.PSA.078.051 Ya japuno todo y finenena na finañagon guiya Egipto, y mas magas naminetgotñija gui jalom y tiendan Cam!

78:52b.PSA.078.052 Lao chalane juyong y taotaoña taegüije y quinilo sija, yan jaesgagaejon sija gui desierto taegüije y manadan, gâgâ.

78:53b.PSA.078.053 Ya jachule sija gui seguro, ya sija ti manmaañao: lao y tase tumampe y enimigoñija.

78:54b.PSA.078.054 Ya jacone sija asta y oriyan y sinantos na sagaña, güineja na ogso ni y guinanan y agapa na canaeña.

78:55b.PSA.078.055 Jayute juyong y nasion locue gui menañija, yan jafacae guiya sija y erensiañija ya jaraya, ya janafañaga y tribon Israel gui jalom y tiendañija.

78:56b.PSA.078.056 Lao sija trabia jatietentaja, yan manmanembebesteja contra y Gueftaquilo na Yuus, yan ti jaadaje y tinagoña.

78:57b.PSA.078.057 Lao manalo tate, yan manmafatinas dinague taegüije y tatañija: ya manmabira sija gui un banda taegüije y dacon na atco.

78:58b.PSA.078.058 Sa macase güe ya mannalalalo pot y sagañija ni taquilo ya masuog güe ya manafanugo ni y imageñija ni tinaga.

78:59b.PSA.078.059 Anae jajungog este si Yuus, ninabubo, yan jagoschatlie iya Israel.

78:60b.PSA.078.060 Ya pot ayo na jadingo y tabetnaculo guiya Silo, yan y tienda ni y japolo gui entalo taotao sija.

78:61b.PSA.078.061 Ya janae ni y minetgotña y cautibo, ya y minalagña gui canae y contrario.

78:62b.PSA.078.062 Janae y espada ni y taotaoña: yan ninabubo ni y erensiaña.

78:63b.PSA.078.063 Linachae ni y guafe y manpatgon na lalaje; ya y manpatgon na famalaoan taya cantan umasagua.

78:64b.PSA.078.064 Ya y mamaleñija manmodong gui espada; ya y manbiuda sija ti ninafantriste.

78:65b.PSA.078.065 Ya y Señot magmata taegüije y uno ni y guinin mamaego, yan taegüije y matatñga na taotao ni y ninaaagang pot rason di y bino.

78:66b.PSA.078.066 Ya japuno y enimiguña sija ni y mañasaga gui santate: yan japolo sija güi taejinecog na minamajlao.

78:67b.PSA.078.067 Ademas jarechasa y tabetnaculo gui as José, ya ti jaayeg y tribon Efraim.

78:68b.PSA.078.068 Lao jaayeg tribon Juda, ayo ogso Sion ni y güinaeyaña.

78:69b.PSA.078.069 Ya jafatinas y sinantos na sagaña taegüije y manaquilo na sagayan sija, taegüije y tano na japlanta para taejinecog.

78:70b.PSA.078.070 Jaayeg si David locue na tentagoña, yan jacone güe guinin y quelat y quinilo,

78:71b.PSA.078.071 Chinile güe ni guinin jatatitiye y manmanago na quinilo ya jacone para unafañocho y taotaoña gui as Jacob yan y erensiaña guiya Israel.

78:72b.PSA.078.072 Ya taegüije janafañocho sija segun y tininas y corasonña; yan jaesgaejon sija pot y tiningon y canaeña.

79

79:1b.PSA.079.001 O Yuus, y nasion ni ti manjonggue manmato ya manjalom gui erensiamo: ya manataelaye y santos na templomo; ya mayulang ya mapolo y Jerusalem pot montón sija.

79:2b.PSA.079.002 Ya y tataotao y manmatae na tentagomo manmanae nañija y pajaro gui langet: ya y catnen y mañantosmo y gâgâ gui tano.

79:3b.PSA.079.003 Y jâgâñija manmachuda taegüije y janom, gui oriyan Jerusalem; sa taya jaye ufanjinafog.

79:4b.PSA.079.004 Manafanmamamajlaojam ni y tiguangmame: manmamofeajam yan manmabotleajam ni y mañasaga gui oriyanmame.

79:5b.PSA.079.005 Asta ngaean, O Señot, unlalalo para taejinecog? ya y inigomo sinenggue taegüije y guafe?

79:6b.PSA.079.006 Chuda juyong y binibumo gui jilo y nasion ni y ti tumungojao, yan y jilo y raeno sija ni y ti umaagan y naanmo.

79:7b.PSA.079.007 Sa sija lumachae si Jacob, yan jayulang y sagañija.

79:8b.PSA.079.008 Chamo jumajaso contra jame y tinaelayen y tatamname: Polo y minauleg minaasemo ya uchadig insedajam; sa manafangostagpapjamam.

79:9b.PSA.079.009 Ayudajam, O Yuus, gui satbasionmame pot y minalag y naanmo; yan nafanlibrejam, yan fagase y isaomame pot y naanmo.

79:10b.PSA.079.010 Sa jafa ilegñija y nasion ni ti manmanjonggue: Mangue y Yuusñija? Polo y inemog y jâgâ y tentagomo sija ni y manmachuda ya umatungo ni y nasion ni ti manmanjonggue, gui menan y matanmame.

79:11b.PSA.079.011 Polo ya y inigon y manmapreso mato gui menamo; segun y dinangculo y ninasiñamo adaje ayo sija y esta manmatancho para ufanmatae.

79:12b.PSA.079.012 Ya apase gui tiguangmame siete mas gui jalom y pechoñija, y linalatdeñija, sa sija lumalatdejao, O Señot.

79:13b.PSA.079.013 Ayo nae jame y taotaomo yan y quinilo gui pastajimo, bae inalaba jao para taejinecog; ya infanmamanue ni y alabansamo para todo y generasion.

80

80:1b.PSA.080.001 ECUNGOG, O Pastot guiya Israel, jago ni y umesgagaejon si José taegüije y manadan quinilo; jago ni y sumasaga gui entalo y querubin sija manina mona.

80:2b.PSA.080.002 Y menan Efraim, yan Benjamin, yan Manases, nacajulo y minatatngamo, ya maelajao para usatbajam.

80:3b.PSA.080.003 Birajam talo, O Yuus; ya nafanina y matamo ya infansatbo.

80:4b.PSA.080.004 O Jeova, Yuus y inetnon sendalo, asta ngaean unlálalaloja contra y tinayuyut y taotaomo?

80:5b.PSA.080.005 Unafañochocho sija ni y pan lago; yan unnae sija ni y lago para ujaguinem gui dangculo na medida.

80:6b.PSA.080.006 Unnafanmumojam yan y tiguangmame: yan y enimigonmame manmachachatgue jam gui entaloñija.

80:7b.PSA.080.007 Birajam talo, O Yuus y inetnon sendalo, ya nafanina y matamo; ya infansatbo.

80:8b.PSA.080.008 Jago chumule juyong y trongcon ubas guiya Egipto: ya jagasja unyute juyong y nasion, ya untanme güe.

80:9b.PSA.080.009 Jago fumamauleg y saga gui menaña, ya güiya y natadodong y jaleña, yan nabula y tano.

80:10b.PSA.080.010 Ya sabana sija mantinampe ni y aninengña, yan y ramasña taegüije y sedro Yuus na trongcon jayo.

80:11b.PSA.080.011 Jatago juyong y ramasña gui tase; yan y manlodo na siniso gui sadog.

80:12b.PSA.080.012 Sa jafa unjulog papa y quelatña: ya todo y manmalolofan gui chalan matitife güe?

80:13b.PSA.080.013 Y balaco guinin y jalomtano machuchule ya mayúyulang, yan y manmachaleg na gâgâ gui fangualuan cumacano.

80:14b.PSA.080.014 Birajao talo, O Yuus inentnon sendalo, ingagagao jao: ya talag papa guinin y langet ya unlie yan unbisita este na trongcon ubas,

80:15b.PSA.080.015 Ya y fangualuan ni y tinanom y agapa na canaemo, yan y ramas ni jago munafitme para jagoja namaesa,

80:16b.PSA.080.016 Masinenggue ni y guafe, ya mautut papa esta; ya manmalingo pot y chinema gui menamo.

80:17b.PSA.080.017 Polo y canaemo gui jilo y taotao gui agapa na canaemo, gui jilo y lajin y taotao ni unnametgot para jago.

80:18b.PSA.080.018 Ayo nae ti infanalo tate guinin jago: nafanlâlâjam ya bae inagang y naanmo.

80:19b.PSA.080.019 Birajam talo, O Jeova, Yuus y inetnon sendalo, ya nafanina y matamo; ya infansatbo.

81

81:1b.PSA.081.001 FANGANTA agang gui as Yuus ni y minetgotta: fatinas y magof na boruca gui as Yuus Jacob.

81:2b.PSA.081.002 Entona y salmo, yan chule mague y pandireta; yan y magof na atpa yan y guitala.

81:3b.PSA.081.003 Guaefe y trompeta gui tiempo y nuebo na pulan, gui tiempon gualafon na pulan, gui jaanen y guipot magas.

81:4b.PSA.081.004 Sa este lay guiya Israel: yan y tinago Yuus Jacob.

81:5b.PSA.081.005 Jafatinas este as José para untestimonio anae jumanao juyong gui inanaco y tano Egipto: anae jujungog y finijo na ti siña jutungo.

81:6b.PSA.081.006 Janajanao y apagaña guinin y catga: yan y canaeña manalibre guinin y lauya.

81:7b.PSA.081.007 Jago umaagan gui chinatsaga, ya guajo munalibrejao: guajo umopejao gui umatog na sagayan julo: ya juchaguejao gui oriyan janom guiya Meriba. Sila.

81:8b.PSA.081.008 Jungog, O taotaojo, ya guajo junae jao testimonio, O Israel, yaguin malagojao unecungogyo!

81:9b.PSA.081.009 Munga otro yuus, guiya jago; ni unadora otro yuus.

81:10b.PSA.081.010 Sa guajo y Jeova Yuusmo, ni y chumule jao juyong gui tano Egipto: baba y pachotmo, ya bae nabula.

81:11b.PSA.081.011 Lao y taotaojo ti jajungog y inagangjo; ya iya Israel ti malago ni guajo.

81:12b.PSA.081.012 Ayo nae jupolo sija ya jumanao ni y minajetog y corasonñija: para ufanmamomocat ni y pinagatñija.

81:13b.PSA.081.013 O yaguin y taotaojo majungog yo, ya iya Israel manmamocat gui chalanjo!

81:14b.PSA.081.014 Siña guse juchoma y enimigoñija, ya jubira y canaejo contra y contrarioñija.

81:15b.PSA.081.015 Ya y umanmachatlie ni y Jeova, mojon mansujeto sija guiya güiya: y tiempoñija usaga para taejinecog.

81:16b.PSA.081.016 Güiya unafañocho sija locue ni y mas mauleg na trigo: yan y miet ni jumujuyong gui acho anae junajaspog jao.

82

82:1b.PSA.082.001 SI Yuus tumotojgue gui inetnon Yuus; ya jajusga gui entalo yuus sija.

82:2b.PSA.082.002 Asta ngaean nae unjusga ti tunas, yan unresibe y taotao sija ni y manaelaye? Sila.

82:3b.PSA.082.003 Jusga y mamoble yan y manaesaena: ya nafanunas y manpinite yan y mannesesitao.

82:4b.PSA.082.004 Rescata mamoble yan y mannesesitao: nafanlibre sija gui canae y manaelaye.

82:5b.PSA.082.005 Sa ti jatungo ni ujaquetungo: manmamomocatja gui jalom jomjom: ya todo y plinantan tano manalamten.

82:6b.PSA.082.006 Guajo ileco: Jamyo yuus; yan todo jamyo y famaguon y Gueftaquilo.

82:7b.PSA.082.007 Lao infanmataeja taegüije y taotao sija, yan infanbasnag taegüije y uno gui prinsipe sija.

82:8b.PSA.082.008 Cajulo, O Yuus, jusga y tano: sa jago umerensia todo y nasion.

83

83:1b.PSA.083.001 CHAMO famatquiquilo, O Yuus: ya chamo tiumaagan yan chamo quequeto, O Yuus.

83:2b.PSA.083.002 Sa, estagüe, enimigumo na manpalalangpang: yan ayo sija y chumatlie jao jajatsa y iloñija.

83:3b.PSA.083.003 Sa manpinagat ni y dinague consejo contra y taotaomo, yan manafaesen entre sija contra y ninafanatogmo.

83:4b.PSA.083.004 Sa guinin ilegñija: Maela, ya nije tautut sija ni y guinin y nasion; para y naan Israel munga majaso mas.

83:5b.PSA.083.005 Sa sija manafaesen entre sija ni y unoja corason; ya managogüe contra jago.

83:6b.PSA.083.006 Y tiendan Edom yan Ismaelita sija: Moab yan Agareno sija.

83:7b.PSA.083.007 Gebal yan Ammon yan Amaleg; Filistia yan y mañasaga guiya Tiro.

83:8b.PSA.083.008 Asur locue mandaña yan sija: sa maninayuda ni y famaguon Lot. Sila.

83:9b.PSA.083.009 Fatinas guiya sija taegüije unfatinas iya Madian yan taegüije iya Sisara taegüije iya Jabin jijot gui sadog Sison:

83:10b.PSA.083.010 Ni y manmalingo guiya Endor: manjuyong manaegüije y estiecot para y tano.

83:11b.PSA.083.011 Fatinas y magasñija ya parejo yan Oreb yan Seeb; magajet na todo y prinsipeñija parejo yan Sebah yan Salmuna:

83:12b.PSA.083.012 Ni y ilegñija: Nije jitaja tachule y sagayan para iyotaja.

83:13b.PSA.083.013 O Yuusso, fatinas sija ya ufanparejo yan y petbos ni y remolílino; parejo yan y ngasan trigo gui menan y manglo;

83:14b.PSA.083.014 Taegüije y guafe anae jasonggue y jalomtano, yan taegüije y mañila anae finaliñagüe y sabana.

83:15b.PSA.083.015 Taegüijija petsigue sija ni y pagyomo, yan nafanmaañao sija ni y dangculon pinagyomo.

83:16b.PSA.083.016 Nabula y matañija ni y dinesonra: para sija ujaaligao y naanmo, O Jeova.

83:17b.PSA.083.017 Polo sija ya ufanmamajlao yan ufanmaañao para taejinecog: magajet na sija ufandesonrao, ya ufanmalingo.

83:18b.PSA.083.018 Para ujatungo na jagoja y naanmo si Jeova, na jagoja y Gueftaquilo gui jilo todo y tano.

84

84:1b.PSA.084.001 NAGÜINAEYAYON y sagamo, O Señot y inetnon sendalo!

84:2b.PSA.084.002 Y antijo tumatanga, magajet na asta ninamalango pot y sagan y Jeova: y corasonjo yan y catneco agagange y lâlâlâ na Yuus.

84:3b.PSA.084.003 Magajet y gorrión mañoda gumaña, yan y golondrina chenchonña para güiya, anae siña mapolo y famaguonña, esta y jalom y attatmo, O Señot y inetnon sendalo, Rayjo yan Yuusso.

84:4b.PSA.084.004 Mandichoso ayo sija y mañasaga gui jalom y guimamo; sa sigueja di malabajao:

84:5b.PSA.084.005 Dichoso y taotao ni y minetgotña gaegue guiya jago: yan y chalan para jago gaegue gui corasonña.

84:6b.PSA.084.006 Ni y anae janafanmalofan gui inanaco bayen tinangis jafatinase tupo sija; ya y taftaf na ichan locue tinampe ni y bendision.

84:7b.PSA.084.007 Manjanao guinin y manasiña minetgot asta y otro minetgot cada uno guiya sija manmalie gui menan Yuus guiya Sion.

84:8b.PSA.084.008 O Jeova, Yuus y inetnon sendalo, jungog y tinayuyutto: ecungog, O Yuus Jacob. Sila.

84:9b.PSA.084.009 Lie, O Yuus, patangmame: ya atan y matan y pinalaemo.

84:10b.PSA.084.010 Sa y un jaane gui sagamo mas mauleg qui un mit. Gañacoja na jupottero gui guima y Yuusso, qui jusaga gui jalom y sagan y manaelaye.

84:11b.PSA.084.011 Sa y Jeova Yuus, güiya y atdao yan y patang: si Jeova unfannae grasia yan minalag: ti jachoma y manmauleg na güinaja ni y mammamomocat gui tininas.

84:12b.PSA.084.012 O Señot y inetnon sendalo, dichoso y taotao ni y umangoco güe guiya jago.

85

85:1b.PSA.085.001 JEOVA, jago guinin ninamagof jao ni y tanomo: sa unnafanalo mague y manmacautiba sija gui as Jacob.

85:2b.PSA.085.002 Jago guinin umasie y tinaelayen y taotaomo: yan untampe todo y isaoñija. Sila.

85:3b.PSA.085.003 Guinin unnajanao todo y binibumo: ya unbirajao talo guinin y finijom y binibumo.

85:4b.PSA.085.004 Birajam, O Yuus, gui satbasionmame, yan nabasta y binibumo guiya jame.

85:5b.PSA.085.005 Ada unlalalaloja nu jame para taejinecog? Ada unnajujuyong y linâlâlomo para todo y generasion?

85:6b.PSA.085.006 Ada ti unnalâlâjam talo: para y taotaomo ufanmagof ni jago?

85:7b.PSA.085.007 Fanuejam ni y minaasemo, O Jeova, ya unnaejam ni y satbasionmo.

85:8b.PSA.085.008 Guajo jujungog jafa usangan si Yuus Jeova: sa güiya usangan y pas gui taotaoña, yan y mañantos sija: lao chañija natalo guato gui binaba.

85:9b.PSA.085.009 Magajet na y satbasionña esta jijot güije sija ni manmaañao nu güiya: para y minalag usaga gui tanomame.

85:10b.PSA.085.010 Minaase yan minagajet manásoda ya mandaña: y tininas yan y pas manachico.

85:11b.PSA.085.011 Y minagajet lacho julo gui tano; yan y tininas jaatan papa guinin y langet.

85:12b.PSA.085.012 Magajet na si Jeova numae ni y minauleg: ya y tanota manae minegaeña.

85:13b.PSA.085.013 Tininas jumajanao gui menaña; yan japolo y pinecatña y chalan para ufamocat.

86

86:1b.PSA.086.001 NAEGUENG papa y talangamo, O Jeova, ya unopeyo: sa pobleyo yan nesesitaoyo.

86:2b.PSA.086.002 Adaje y antijo; sa debotoyo: O jago ni y Yuusso, nalibre y tentagomo sa jaangoco gue guiya jago.

86:3b.PSA.086.003 Gaease nu guajo, O Jeova: sa juaagang jao todot dia.

86:4b.PSA.086.004 Namagof y anten y tentagomo; sa iya jago, O Jeova, nae jujatsa julo y antijo.

86:5b.PSA.086.005 Sa jago, Jeova, y mauleg yan y chadig manasie; yan dangculo y minaasemo güije todo gui umaagangjao.

86:6b.PSA.086.006 Jungog, O Señot y tinayuyutto: yan ecungog y inagang y guinagagaojo.

86:7b.PSA.086.007 Sa y jaanen y chinatsagaco juagangjao: ya jago y unopeyo.

86:8b.PSA.086.008 Sa y entalo y yuus sija, taya taegüenao iya jago, O Jeova; ni jafa na chocho parejo yan y chechomo.

86:9b.PSA.086.009 Todo y nasion sija ni y finatinasmo, manmato y manmanadora gui menamo, O Jeova; yan ufanalaba y naanmo.

86:10b.PSA.086.010 Sa jago dangculojao yan unfatitinas y manmaman na güinaja: jagoja na maesa Yuus.

86:11b.PSA.086.011 Fanagüeyo ni y chalanmo, O Señot: ya bae jufamocat gui minagajetmo: ya naetnon y jinason corasonjo para umaañao ni y naanmo.

86:12b.PSA.086.012 Sa bae jualaba jao, O Jeova, Yuusso, contodo y corasonjo: yan junamalag y naanmo para taejinecog.

86:13b.PSA.086.013 Sa sendangculo y minaasemo para guajo; sa guinin unnalibre y antijo guinin iya papapa guiya sasalaguan.

86:14b.PSA.086.014 O Yuus, y mansobetbio mangajulo contra guajo, yan y inetnon y managuaguat na taotao jagasja maaliligao y antijo: yan ti mapolo jao gui menañija.

86:15b.PSA.086.015 Lao jago, O Jeova, si Yuus jao ni y bila minaase yan cariñoso, ñateng para binibo yan dangculo na minaase yan minagajet.

86:16b.PSA.086.016 O birajao, guiya guajo ya gaease nu guajo: nae ni y minetgotmo y tentagomo, yan nalibre y lajin y tentagomo palaoan.

86:17b.PSA.086.017 Fanueyo ni y señat para y mauleg: para ujalie ayo sija y chumatliiyo ya ufanmamajlao: sa jago, Jeova, y umayudayo yan cumonsuelayo.

87

87:1b.PSA.087.001 YPLINANTAÑA gaegue gui santos na ogso.

87:2b.PSA.087.002 Jaguaeyaña si Jeova y trangca Sion mas que todo y saga sija gui as Jacob.

87:3b.PSA.087.003 Manmalag na güinaja y manmasasangan guiya jago, O siuda Yuus. Sila.

87:4b.PSA.087.004 Guajo bae jusangan ni y Rahab yan Babilonia gui entalo ayo sija ni y tumunogyo: Sa, estagüe, Palestina yan Tiro yan Etiopia: este na taotao mafañagon güije.

87:5b.PSA.087.005 Yan iya Sion ualog: Este yan ayo na taotao mafañagon iya güiya: yan y Gueftaquilo namaesa unafitmegüe.

87:6b.PSA.087.006 Si Jeovaja tumufong anae jatugue sija y taotao, na esta na taotao mafañagon güije. Sila.

87:7b.PSA.087.007 Parejo y mangacanta yan y madadandan ufangaegue güije: ya todo y bebôco gaegue guiya jago. Sila.

88

88:1b.PSA.088.001 O Jeova, Yuus satbasionjo, güajo guinin umaagan jaane yan puenge gui menamo:

88:2b.PSA.088.002 Polo y tinayuyutto ya ufato gui menamo: naegueng y talangamo gui inagangjo.

88:3b.PSA.088.003 Sa y antijo bula chinatsaga sija: ya y linâlâjo esta jijot gui para y naftan.

88:4b.PSA.088.004 Estayo matufong yan ayo sija y manjajanao papa gui joyo: sa taegüije yo y taotao ni y taya ayudaña.

88:5b.PSA.088.005 Mayute esta gui entalo y manmatae, taegüije y manmapuno ni y manaason jalom y naftan; ni y ti unjajaso mas: ni y manmautut guinin y canaemo.

88:6b.PSA.088.006 Jago pumoloyo guiya papapa na joyo, gui jalom jomjom na lugat gui jalom y tinadong.

88:7b.PSA.088.007 Y binibumo sumasaga macat guiya güajo, ya unachatsagayo nu y todo napomo. Sila.

88:8b.PSA.088.008 Jago munafanjanao lachago y manatungojo guiya guajo; unpoloyo na jumachatlie nu sija: mapongleyo ya ti siñayo manajanao.

88:9b.PSA.088.009 Y atadogjo ninalachae pot y pinitijo: ya juagangjajao, O Jeova, cada jaane, jujuto juyong y canaejo guiya jago.

88:10b.PSA.088.010 Ada unnamalie y ninamanman gui manmatae? Siña y manmatae mangajulo ya unmaalaba? Sila.

88:11b.PSA.088.011 Siña y minauleg güinaeyamo masangan gui jalom y naftan? pat y minagajetmo gui yinilang?

88:12b.PSA.088.012 Siña y ninamanmanmo matungo gui jalom jomjom? yan y tininasmo gui jalom tano ni y manmalefa?

88:13b.PSA.088.013 Lao guajo iya jago, O Jeova, umaagangyo: yan ogaan tinayuyutto ufato gui menamo.

88:14b.PSA.088.014 Sajafa, O Jeova, na unyute y antijo? Sajafa na unnaatog y matamo guinin iya guajo?

88:15b.PSA.088.015 Gofchatsaga tristeyo yan cana yo matae, desde y pinatgonjo: mientras jususungon y minamaañaomo, ya janagosestotbayo.

88:16b.PSA.088.016 Ya y fijom na binibumo malofan guiya guajo: ya y minamaañaomo umututyo.

88:17b.PSA.088.017 Sa manmato gui oriyajo todot dia taegüije y janom: mandaña gui oriyajo.

88:18b.PSA.088.018 Y güinaeyaco yan y amigujo unnafañago guiya guajo, yan y manatungojo gui jalom jomjom.

89

89:1b.PSA.089.001 BAE jucanta y minaase Jeova para taejinecog: ya y pachotto nae junamatungo y minagajetmo gui todo y generasion.

89:2b.PSA.089.002 Sa ileco: Y minaase umanacajulo para taejinecog: ya y minagajetmo unnafitme todo gui langet.

89:3b.PSA.089.003 Ya jufatinas y trato gui inayegco, yan manjulayo gui as David ni y tentagojo.

89:4b.PSA.089.004 Ya y semiyamo junafitme para taejinecog: ya jufatinas julo y tronumo gui todo y generasion. Sila.

89:5b.PSA.089.005 Ya y langet sija ufanmanalaba ni y ninamanmanmo, O Jeova: y minagajetmo locue gui inetnon y mañantos.

89:6b.PSA.089.006 Sa jaye gui langet sija siña parejuña si Jeova? Jaye gui lajin y gaeninasiña uparejuña si Jeova?

89:7b.PSA.089.007 Si Yuus, gosnamaañao gui pinagat y mañantos, yan umamaanaogüe güe mas qui todo ni ayo sija y mangaegue gui oriyaña.

89:8b.PSA.089.008 O Jeova, Yuus y inetnon sendalo, jaye matatnga parejo yan jago, O YAH? ya y minagajetmo ni y gaegue gui oriyamo?

89:9b.PSA.089.009 Jago umaregla y sobetbian tase: anae y napo mangajulo, jago pumoca sija.

89:10b.PSA.089.010 Jago yumamag iya Rahab ya unfapidaso taegüije y uno ni y mapuno; jago chumalapon y enimigumo ni y canae y minetgotmo.

89:11b.PSA.089.011 Y langet sija iyomo, yan yo tano locue iyomo: y tano yan y binilan sinajguanña ni y plinantamo sija.

89:12b.PSA.089.012 Y sanlago yan y sanjaya, jago fumatinas sija: Tabor yan Hermon manmagof ni y naanmo.

89:13b.PSA.089.013 Gaegue guiya jago y canae ni y matatnga: sa y canaemo metgot, ya taquilo y agapa na canaemo.

89:14b.PSA.089.014 Y tininas yan y juisio y plinantan tronumo: minaase yan minagajet manjajanao gui menan metamo.

89:15b.PSA.089.015 Mandichoso ayo na taotao y tumungo y magof na inagang: sa manmamocat gui mananan y matamo, O Jeova.

89:16b.PSA.089.016 Sa y naanmo nae manmamagof todot dia: yan y tininasmo nae munafangajulo.

89:17b.PSA.089.017 Sa jago y minalag y minetgotñija: yan pot y finaboresimo na injatsajulo y canggelonmame.

89:18b.PSA.089.018 Sa iyon Jeova y patangta: yan y rayta iyon Ayo na Santos guiya Israel.

89:19b.PSA.089.019 Ayonae unsangan gui guinigüife gui mañantosmo, ya ilegmo: guajo jupolo y inayuda gui jilo y uno ni y matatnga: yan junacajulo y uno na y maayeg gui taotao.

89:20b.PSA.089.020 Jusoda si David na tentagojo; ya jupalae güe nu y santos na lañajo.

89:21b.PSA.089.021 Guiya y canaejo munafitme: yan y canaejoja locue munametgot güe:

89:22b.PSA.089.022 Ya y enimigo taeinamot guiya güiya: ni y lajin y manaelaye ti umanalamen güe.

89:23b.PSA.089.023 Sa bae juyute papa y contrarioña gui menaña yan jucastiga ayo sija y chumatlie güe.

89:24b.PSA.089.024 Lao y minagajetto yan y minaasejo usaga guiya güiya: yan pot y naanjo na umanacajulo y canggelonña.

89:25b.PSA.089.025 Ya bae jupolo y canaeña locue gui jalom tase, yan y agapa na canaeña gui jalom sadog.

89:26b.PSA.089.026 Sa güiya umalog ni guajo: Jago y tatajo, Yuusso, yan y acho gui satbasionjo.

89:27b.PSA.089.027 Bae jupolo güe locue pot finenana na finañagujo, mas taquiloña qui y ray sija gui tano.

89:28b.PSA.089.028 Y minaasejo bae juadaje pot güiya para taejinecog, yan y tratujo ufitme guiya güiya.

89:29b.PSA.089.029 Y semiyaña locue junasaga para ugaegue taejinecog, yan y tronuña taegüije y jaanen y langet.

89:30b.PSA.089.030 Yaguin famaguonña dumingo y tinagojo, yan ti manmamomocat gui juisioco,

89:31b.PSA.089.031 Yaguin maquebranta y layjo yan ti maadaje y tinagojo;

89:32b.PSA.089.032 Ayo nae jufatoegüe gui inaguaguatñija yan y bara, ya jusaulag gui tinaelayeñija.

89:33b.PSA.089.033 Lao y minaasejo ti junajanao todo guiya güiya: ya ti jupolo na ufatta y minagajetto.

89:34b.PSA.089.034 Y tratujo ti juquebranta ni jutolaeca y sinanganjo ni jumuyong gui labiosso.

89:35b.PSA.089.035 Un biajeja jufanjula pot y sinantosso ya ti judague si David.

89:36b.PSA.089.036 Y semiyaña gagaegue para taejinecog, yan y tronuña taegüijeja y atdao gui menajo.

89:37b.PSA.089.037 Ya maplanta para taejinecog taegüije y pilan, ya taegüije y gosmagajet na testigo gui langet. Sila.

89:38b.PSA.089.038 Lao jago jagasja unyute yan unrechasa, jago jagasja lalalojao ni y pinalaemo.

89:39b.PSA.089.039 Sa unchatlie y traton y tentagomo; ya unnaale y coronaña asta papa gui jilo oda.

89:40b.PSA.089.040 Unyamag papa todo y quelatña; yan unyulang y minetgot na castiyaña.

89:41b.PSA.089.041 Ya todo y manmalolofan gui ayo na chalan mayuteñaeñaejon: güiya manamamamajlao ni y tiguangña.

89:42b.PSA.089.042 Jago jumatsa julo y agapa na canae y contrariuña sija; yan jago munafanmagof todo y enimiguña.

89:43b.PSA.089.043 Magajet na jago locue bumira y filon y espadaña, ya ti unnafitme güe gui guera.

89:44b.PSA.089.044 Jago jagasja munabasta y minalagña, yan unyute y tronuña papa gui jilo oda.

89:45b.PSA.089.045 Ya y jaanen y pinatgonña jago jagasja munacadada: jago jagasja tumampe güe ni y minamajlao. Sila.

89:46b.PSA.089.046 Asta ngaean, O Jeova, ada unatogjao para taejinecog? Asta ngaean ufañila y binibumo taagüije y guafe?

89:47b.PSA.089.047 O, jaso na quinadada y tiempoco esta: pot jafa na taesetbe jagas unfatinas todo y famaguan taotao?

89:48b.PSA.089.048 Jaye na taotao enao y lalâlâ ya ti ulie finatae, ni y ujanalibre y antiña gui ninasiñan y naftan? Sila.

89:49b.PSA.089.049 Jeova, mangue y minaasemo sija ni y ampmam, ni y jinilamo as David gui minagajetmo?

89:50b.PSA.089.050 Jaso, Jeova, y minamajlao y tentagomo sija: ni y jucatgaja gui jalom pechoco, y minamamajlao y taotao todo ni y matatnga:

89:51b.PSA.089.051 Ni y enimigumo mannanamamajlao, O Jeova: ni y enimigumo munamamajlao y pinecat y pinalaemo.

89:52b.PSA.089.052 Bendito si Jeova para taejinecog: Amen yan Amen.

90

90:1b.PSA.090.001 JEOVA jago guinin saganmamame yan todo y generasion.

90:2b.PSA.090.002 Antes de najuyong y egso sija ya unfatinas y tano todo yan y mañasaga: sa desde y tutujonña yan asta y taejinecog, jagoja si Yuus.

90:3b.PSA.090.003 Jago bumira y taotao para y yinilang; ya ilelegmo: Fanalo guato, jamyo famaguon taotao.

90:4b.PSA.090.004 Sa y mit años gui menamo taegüijeja y nigapja anae malofan esta, yan taegüijeja y ora gui bumebela gui puenge.

90:5b.PSA.090.005 Jago chumule sija taegüije y minilag y janom; manaegüije y minaego: ya y egaan manaeguije y chaguan ni y manlacho julo.

90:6b.PSA.090.006 Ya y egaan, mumegae ya manlacho julo; lao y pupuenge manmautut yan ufanmalayo.

90:7b.PSA.090.007 Sa y linalalomo nae lumachaejam, yan y binibumo nae munafañatsagajam.

90:8b.PSA.090.008 Sa unpolo y tinaelayenmame gui menamo, yan y ti matungo na isaomame gui minananan y matamo.

90:9b.PSA.090.009 Sat odo y jaaninmame manmalofan gui binibumo: inlachae y sacanmame ni y taegüijeja cuentos ni y masangan esta.

90:10b.PSA.090.010 Y jaanen y sacanmame setenta años, ya y pot y minetgot siña gagaegue asta ochenta años; lao y sobetbiañija y checho yan y trineste; sa munaguse manmapos: yan jame mangupo.

90:11b.PSA.090.011 Jaye tumungo y ninasiñan y linalalomo, ya y binibumo segun y ninamaañao guiya jago.

90:12b.PSA.090.012 Ya fanagüejam tumufong y jaaninmame, para mojon usiña guajajam un corason ni y malate.

90:13b.PSA.090.013 Talo mague, O Jeova: asta ngaean? ya polo ya unfañotsot pot y tentagomo.

90:14b.PSA.090.014 O nafannajong jam taftaf ni y minaasemo: ya insiña manmagof yan infansenmagof todo gui jaaninmame.

90:15b.PSA.090.015 Nafanmagof jam, segun na jaane anae unnafanpinite jam, yan y sacan anae inlie y taelaye:

90:16b.PSA.090.016 Polo y chechomo umalie gui tentagomo sija, yan y minalagmo gui famaguonña.

90:17b.PSA.090.017 Ya y guinatbon Jeova ni y Yuusta ugaegue guiya jame; ya unnafitme guiya jame y checho y canaeta: magajet, y checho y canaemame unnafitme.

91

91:1b.PSA.091.001 YA y sumasaga gui umatog na sagayan y Gueftaquilo, güiya usaga gui papa y anineng y Todojajanasiña.

91:2b.PSA.091.002 Bae jusangan as Jeova, güiya y umamparayo yan y castiyujo: Yuusso, iya güiya nae juangocoyo.

91:3b.PSA.091.003 Sa güiya unninalibre guinin y lason y tiradot, yan guinin y yinilang peste.

91:4b.PSA.091.004 Güiya untinampe ni y piluña, yan y papa y papaña nae unangoco jao: y minagajetña uguinogüemo yan upatangmo.

91:5b.PSA.091.005 Jago ti unmaañao ni y minamaañao y puenge; ni y flecha ni mangugupo gui jaane;

91:6b.PSA.091.006 Ni pot y peste ni manmamomocat gui jalom jomjom; ni pot y yinilang ni y lumachae y taloane.

91:7b.PSA.091.007 Y mit ufanbasnag gui oriyamo, yan y dies mit gui agapa na canaemo: lao ti siña mato jijot guiya jago.

91:8b.PSA.091.008 Sa y atadogmoja umatan, yan lumie y apas y manaelaye.

91:9b.PSA.091.009 Jagoja, O Jeova, y umamparayo! Sa jagasja unfatinas y Gueftaquilo na sagamo.

91:10b.PSA.091.010 Taya taelaye ufato guiya jago, ni jafa na chetnot ujijot gui sagamo.

91:11b.PSA.091.011 Sa jaencatga y angjetña sija nu jago, para uninadaje todo gui jinanaomo.

91:12b.PSA.091.012 Ya unmajatsa julo ni y canaeñija, ya ti umanafannotpe acho y adengmo.

91:13b.PSA.091.013 Ya unfamgacha gui jilo y leon yan y culebla: y patgon leon yan y serpiente ungagacha gui papa adeng sija.

91:14b.PSA.091.014 Sa japolo y güinaeyaña guiya guajo, enao mina junalibre güe: guajo pumolo güe gui taquilo, sa güiya guinin tumungo y naanjo.

91:15b.PSA.091.015 Güiya umagangyo ya guajo umopegüe: sa jumajame gui chinatsaga; junalibre güe yan juonra güe.

91:16b.PSA.091.016 Ya y inanaco y linâlâña junanajong güe, yan jufanue güe ni y satbasionjo.

92

92:1b.PSA.092.001 MAULEG para umannae grasias si Jeova ya umacanta y alabansa sija gui naanmo, O Jago, Gueftaquilo:

92:2b.PSA.092.002 Para infamamanue ni y minauleg güinaeyamo gui egaan yan y minagajetmo cada puenge.

92:3b.PSA.092.003 Gui dandan ni y dies cuetdasña; yan gui guitala; yan gui atpa yan y mames na inagang.

92:4b.PSA.092.004 Sa jago, Jeova, unnamagofyo nu y chechomo: ya bae junagana pot y checho y canaemo.

92:5b.PSA.092.005 O Jeova, namandinangculo sija y chechomo! yan jinasomo mansentadong:

92:6b.PSA.092.006 Sa y taotao ni y aguaguat ti jatungo: ni y caduco ti jatutungo este.

92:7b.PSA.092.007 Anae y manaelaye lachog taegüije y chaguan, yan anae todo y chumogüe y tinaelaye manlajyan: ayo mina ufanmayulang para taejinecog:

92:8b.PSA.092.008 Lao jago, O Jeova, para taejinecog gagaegue y tinaquilo.

92:9b.PSA.092.009 Sa, estagüe, y enimigumo, O Jeova, sa, estagüe, y enimigumo na ufanmalingo; yan todo y chumochogüe y tinaelaye ufanmachalapon.

92:10b.PSA.092.010 Lao y canggelonjo, jago munacajulo taegüije y canggelon y titogcha na nubiyo: ya mapalaeyo ni y lañan nuebo.

92:11b.PSA.092.011 Sa y atadogcoja lumie y güinaeyaco gui enimigujo sija yan y talangajoja jumungog y güinaeyaco ni chumogüe y taelaye ni y mangajulo contra guajo.

92:12b.PSA.092.012 Sa y tinas lâlâ taegüije y trongcon palma: lumadangculo güe taegüije y trongcon sedro gui Libano.

92:13b.PSA.092.013 Ayo sija y manmatanme gui guima Jeova, manlâlâ gui jalom y sagan y Yuusta.

92:14b.PSA.092.014 Sigueja di manmanogcha asta que manbijo: manmesgo yan manbetde.

92:15b.PSA.092.015 Para ufanmamanue na si Jeova goftunas: güiya y achojo ya taya tinaelaye guiya güiya.

93

93:1b.PSA.093.001 SI Jeova jagobiebietna mabeste güe ni y ninasifia; si Jeova numabeste güe, ni y minetgot dinidog güe: y tano locue ninafitme ya ti siña manacalamten.

93:2b.PSA.093.002 Y tronumo mafatinas desde di ampmam na tiempo: jago guinin y taejinecog.

93:3b.PSA.093.003 Mangajulo y minalag sija, O Jeova, ya y minalag sija mangajulo y inangangñija; y minalag sija mangajulo y napoñija.

93:4b.PSA.093.004 Mastaquilo y inagang sija y minegae y janom sija, yan y fijom na napo gui tase, si Jeova gui sanjilo gaesisiña.

93:5b.PSA.093.005 Y testimoniomo sija mansenmagajet: sinantosja conbiene gui jalom guimamo, O Jeova, para taejinecog.

94

94:1b.PSA.094.001 O Jeova, Yuus Jao, ni y inemog iyomo; O Yuus Jao, ni y inemog iyomo, famanuen maesajao ni y minalag.

94:2b.PSA.094.002 Jatsa jao julo, jago y jues y tano: nae ni y apasñija y mansobetbio.

94:3b.PSA.094.003 Jeova, asta ngaean y manaelaye, asta ngaean y manaelaye nae ufanmagana?

94:4b.PSA.094.004 Sija manmefno, sija sumangan sinaguat yan todo y chumochogüe y tinaelaye manbanidoso.

94:5b.PSA.094.005 Sa sija yumamag ya japedasitos y taotaomo, O Jeova, yan janafanpinite y erensiamo.

94:6b.PSA.094.006 Sija pumuno y biuda yan taotao juyong, yan japuno y manaetata.

94:7b.PSA.094.007 Sa ilegñija: Si Jeova ti ujalie, ni si Yuus Jacob ti ufanatituye.

94:8b.PSA.094.008 Fanatituye, jamyo managuaguat gui taotao: yan jamyo mangaduco, ngaean nae infanmalate?

94:9b.PSA.094.009 Ya ayo y plumanta y talanga, ada ti ujungog? ya ayo y fumatinas y atadog, ada ti ulie?

94:10b.PSA.094.010 Ya ayo y cumastiga y taotao sija ada ti ujanafanunas? ayoja y fumanagüe y taotao ni y tiningo?

94:11b.PSA.094.011 Si Jeova jatungo y jinason y taotao, na sija puro jinaja.

94:12b.PSA.094.012 Dichoso y taotao ni y unnaregla güe, O Jeova, yan ufanagüe güe ni y tinagomo;

94:13b.PSA.094.013 Sa jago siña numae gui descanso guinin y jaanin y chinatsaga, asta qui y joyo maguadog para y manaelaye.

94:14b.PSA.094.014 Sa si Jeova ti janasuja y taotaoña, ni ti udingo y erensiaña.

94:15b.PSA.094.015 Lao y jinisga utalo guato gui tininas: yan todo y manunas na corason ujadalalag.

94:16b.PSA.094.016 Jaye malago cajulo para guajo contra y chumochogüe y daño? Jaye malago tumojgue julo para guajo contra y chumochogüe y taelaye?

94:17b.PSA.094.017 Yanguin si Jeova guinin ti umayudayo, y antijo gusija guinin sumaga gui finatquilo.

94:18b.PSA.094.018 Anae ileco: Sulong y adengjo: y minaasemo, O Jeova, mumantieneyo.

94:19b.PSA.094.019 Anae juguaja y manadan jinasoco gui sanjalomjo, y quinensuelamo sija ninasenmagof y antijo.

94:20b.PSA.094.020 Y tronon tinaelaye uguaja comunion yan jago, ni y fumatinas daño pot y tinago?

94:21b.PSA.094.021 Sija mandaña contra y anten y manunas, yan ja sentensia y jâgâ y taeisao.

94:22b.PSA.094.022 Lao si Jeova guinin y leca na torijo: yan Yuusso y achon y guinegüeco.

94:23b.PSA.094.023 Ya güiya chumule gui jiloñija y isaoñija, yan ujautut sija gui dañoñijaja; ya si Jeova, ni y Yuusta, umutut sija.

95

95:1b.PSA.095.001 O maela, ya tacantaye si Jeova: nije tafatinas y minagof na inagang para y acho y satbasionta.

95:2b.PSA.095.002 Nije taufanmato gui menaña yan y grasias, ya tafatinas y minagof na inagang nu y salmos.

95:3b.PSA.095.003 Sa si Jeova y dangculo na Yuus, yan y dangculo na Ray gui jilo todo yuus.

95:4b.PSA.095.004 Y jalom y canaeña nae mangaegue y manadong na sagayan gui tano: y minetgot y beca sija iyoña locue.

95:5b.PSA.095.005 Y tase iyoña yan güiya fumatinas: yan y canaeñaja fumatinas y anglo na tano.

95:6b.PSA.095.006 O maela nije taadora ya tafanecon papa, nije tafandimo gui menan Jeova ni y fumatinasjit.

95:7b.PSA.095.007 Sa güiya y Yuusta; yan jita y taotao gui pastajiña, yan y quinilo gui canaeña. Pago na jaane yaguin injingog y inagangña,

95:8b.PSA.095.008 Chamiyo munafanmajejetog y corasonmiyo, taegüije guiya Meriba, taegüije y jaanin y tentasion gui desierto.

95:9b.PSA.095.009 Anae y tatanmiyo tumientayo, machagueyo, yan malie y chechojo.

95:10b.PSA.095.010 Cuarenta años inapmamña nae tristeyo pot este na generasion, ya ileco: Sija na taotao ni y manlache gui corasonñija, yan jagasja ti jatungo y chalanjo.

95:11b.PSA.095.011 Pot ayo na manjulayo gui binibujo, ya sija ti siña majalom gui descansoco.

96

96:1b.PSA.096.001 O cantaye si Jeova ni y nuebo na canta: cantaye si Jeova todo y tano.

96:2b.PSA.096.002 Cantaye si Jeova, bendise y naanña; fanmamanue ni y satbasionña guinin y jaane yan y jaane.

96:3b.PSA.096.003 Sangan claro y minalagña gui nasion sija ya y ninámanmanña gui entalo todo y taotao sija.

96:4b.PSA.096.004 Sa si Jeova dangculo, yan sendangculo para umaalaba: güiya umamaañaogüe mas qui todo yuus.

96:5b.PSA.096.005 Sa todo y yuus y nasion sija manidolo: lao si Jeova fumatinas y langet sija.

96:6b.PSA.096.006 Onra yan minagas mangaegue gui menaña: minetgot yan guinatbo mangaegue gui jalom y santos na sagaña.

96:7b.PSA.096.007 Nae si Jeova, O familian gui taotao sija, nae si Jeova minalag yan minetgot.

96:8b.PSA.096.008 Nae si Jeova ni y minalag sa uiyon y naanña: chule y ninae ya maela sanjalom gui sagaña.

96:9b.PSA.096.009 O adora si Jeova gui guinatbon y sinantosña: fanlaolao gui menaña todo y tano.

96:10b.PSA.096.010 Sangan gui nasion sija na si Jeova jagobiebietna: y tano maplanta locue ni y ti siña manacalamten: guiya jumusga y taotao gui tininas.

96:11b.PSA.096.011 Manmagof y langet sija, yan senmagof y tano; ya y tase palalangpang, yan y binilaña.

96:12b.PSA.096.012 Ya y fangualuan senmagof yan todo y mangaegue gui sanjalomña: ayonae todo y trongco sija gui jalomtano mangantapot y minagof.

96:13b.PSA.096.013 Gui menan Jeova, sa güiya umamamaela; sa guiya umamamaela para ujusga y tano: ujusga y tano gui tininas, yan y taotao sija gui minagajetña.

97

97:1b.PSA.097.001 SI Jeova jagobiebietna, polo ya y tano umagof; polo ya y minegae y isla ufansenmagof.

97:2b.PSA.097.002 Y mapagajes yan y jemjom sija mangaegue gui oriyaña: tininas yan juisio y plinantan y tronuña.

97:3b.PSA.097.003 Y guafe manjanao gui menaña, yan mausinesenggue y enimiguña gui oriya.

97:4b.PSA.097.004 Y lamlamña maninina y tano: ya y tano malie ya ninalaolao.

97:5b.PSA.097.005 Y egso sija manmadirite taegüije y danges gui menan Jeova, gui menan y Señot y tano todo.

97:6b.PSA.097.006 Y langet sumangan claro y tininasña, yan todo y taotao guinin malie y minalagña.

97:7b.PSA.097.007 Nafanmamajlao todo ayo sija y sumesetbe y imagen sija ni tinaga, ni y tunanmaesaja sija y ídolo sija: Adora güe todo jamyo ni y yuus.

97:8b.PSA.097.008 Yya Sion jajungog ya ninamagof, yan y jagan Juda sija ninafansenmagof; sa pot y juisiomo sija, O Jeova.

97:9b.PSA.097.009 Sa jago Jeova, mas taquilo gui jilo todo y tano: ya jago umanacajulo chago gui jilo todo y yuus.

97:10b.PSA.097.010 O jamyo y gumaeya si Jeova, jachatlie y daño: güiya umadaje y anten y mañantosña: güiya munafanlibre sija juyong gui canae y manaelaye.

97:11b.PSA.097.011 Manana matanme para y manunas, yan minagof para y manunas na corason.

97:12b.PSA.097.012 Fanmagof as Jeova jamyo ni y manunas; nae grasias y santos na naaña.

98

98:1b.PSA.098.001 CANTAYE si Jeova ni y nuebo na canta; sa güiya fumatinas y mannamanman na güinaja: sa y agapa na canaeña, yan y santos na canaeña fumatinas y satbasion para güiya.

98:2b.PSA.098.002 Si Jeova janamatungo y satbasionña: y tininasña jafanue gui menan y nasion sija.

98:3b.PSA.098.003 Jagasja jajaso y minaaseña yan y minagajetña para y guima Israel: ya todo sija y uttimon y tano, guinin malie y satbasion y Yuusta.

98:4b.PSA.098.004 Fatinas y minagof na inagang as Jeova, todo y tano: agang yan fanganta, nu y minagof, junggan, fanganta alabansa sija.

98:5b.PSA.098.005 Cantayo si Jeova y alabansa sija, nu y atpa; y atpa yan y inagang y guinatbon musica.

98:6b.PSA.098.006 Yan y trompeta sija yan y sonidon y cotneta; fatinas y minagof na inagang gui menan y Ray Jeova.

98:7b.PSA.098.007 Polo ya y tase upalalangpang yan y binilaña; y tano yan y mañasaga gui sanjalomña;

98:8b.PSA.098.008 Polo ya y manadan janom ujanafamapagpag canaeñija: polo ya y egso sija manganta pot y minagof.

98:9b.PSA.098.009 Gui menan Jeova: sa güiya umamamaela para ujusga y tano: ujusga y tano, gui tininas yan y taotao sija gui minagajet.

99

99:1b.PSA.099.001 SI Jeova jagobiebietna; polo ya y taotao sija ufanlaolao; matatachong güe guijilo y querubin: polo ya y tano ufangalamten.

99:2b.PSA.099.002 Si Jeova dangculo guiya Sion: yan güiya mas taquilo gui jilo todo y taotao.

99:3b.PSA.099.003 Polo ya sija ufanalaba y dinagculon yan y namaañao na naanmo; sa santos güe.

99:4b.PSA.099.004 Y ninasiñan y ray locue jaguaeya y juisio: jago pumolo y tininas; jago fumatinas y juisio yan y tininas gui as Jacob.

99:5b.PSA.099.005 Nacajulo si Jeova ni y Yuusta, yan adora gui fañajangan y adengña; sa santos güe.

99:6b.PSA.099.006 Si Moises yan Aaron gui entalo mamale, yan si Samuel manisija yan ayo y umaagang y naanña; sija umaagang si Jeova, ya güiya umope sija.

99:7b.PSA.099.007 Güiya cumuentutuse sija gui jalom y jaliguen y mapagajes: sija umadaje y tinagoña, yan y otden ni y mannae sija.

99:8b.PSA.099.008 Jago umope sija, O Jeova Yuusmame: jago si Yuus ni y umasie sija, achogja jago chumule y inemog gui chechoñija.

99:9b.PSA.099.009 Nacajulo si Jeova ni y Yuusta, yan adora güe gui santos na ogsoña: sa si Jeova, ni y Yuusta, santos güe.

100

100:1b.PSA.100.001 FATINAS y minagof na inagang as Jeova: jamyo tano todos.

100:2b.PSA.100.002 Setbe si Jeova ni y minagof: maela gui menaña ya fanganta.

100:3b.PSA.100.003 Tingo na si Jeova, güiya si Yuus: güiyaja y fumatinas jit, yan jita iyoña; jita y taotaoña yan y quinilo sija gui pastajiña.

100:4b.PSA.100.004 Fanjalom gui trangcaña yan y inefresen grasias, ya y jalom y sagaña yan y alabansa: nae güe grasias, yan bendise y naanña.

100:5b.PSA.100.005 Sa si Jeova mauleg; y minaaseña ugagaegue para taejinecog; yan y minagajet para todo y generasion sija.

101

101:1b.PSA.101.001 BAE jucanta y minaase yan y juisio: iyajago nae O Jeova, bae jucanta.

101:2b.PSA.101.002 Bae juadajeyo ni y malate gui cabales na jinanao. O ngaean nae unfato jao guiya guajo? bae jufamocat gui jalom guimajo yan y cabales na corason.

101:3b.PSA.101.003 Mungayo pumolo y taelaye na güinaja gui menan atadogjo: juchatlie y chechoñija ayo y manabag sija: tiucheton guiya guajo.

101:4b.PSA.101.004 Y chatpayon na corason junafanjanao guiya guajo; ti yajo tumungo y manaelaye na güinaja.

101:5b.PSA.101.005 Ayo y secreto na finajiyunge y tiguangña, güiya bae juyulang: ya ayo y taquilo y inatanña yan y sobetbio na corason ti siña jusungon.

101:6b.PSA.101.006 Y atadogjo bae janameton y manmanjonggue gui tano, para ufañaga sija guiya guajo: ya ayo y mamomocat gui cabales na jinanao, güiya siempre sumesetbeyo.

101:7b.PSA.101.007 Ya ayo y chumochogüe y dinague ti siña sumaga gui jalom guimajo: ya ayo y sumasagan y mandague ti siña numafitme gui menan y atadogjo.

101:8b.PSA.101.008 Y egaan yan y egaan bae juyulang todo y manaelaye gui tano; para uutot todo y chumochogüe ni y taelaye gui siuda Jeova.

102

102:1b.PSA.102.001 JUNGOG y tinayuyutto, O Jeova, polo y inagangjo ya ufato guiya Jago.

102:2b.PSA.102.002 Chamo munaatog y matamo guiya guajo gui jaanen anae chatsagayo: naegueng y talangamo guiya guajo; y jaane anae juagangjao, opeyo guse.

102:3b.PSA.102.003 Sa y jaanijo linachae taegüije y aso, ya y telangjo janon taegüije y falot.

102:4b.PSA.102.004 Y corasonjo manetnot, yan anglo taegüije chaguan; sa malefayo jucano y najo pan.

102:5b.PSA.102.005 Ya pot y inagang y inigongjo y telangjo mafachet yan y catneco.

102:6b.PSA.102.006 Parejoyo yan y pelicano na pájaro gui desierto: yan taegüijeyo y memo gui lugat na mayulang.

102:7b.PSA.102.007 Jupulan, yan jumuyong yo taegüije y gorrion na pajaro güigüiyaja gui jilo y atof y guima.

102:8b.PSA.102.008 Y enimigujo lumalatdeyo todot dia; yan ayo sija y manlalalo contra guajo manmanjula pot guajo.

102:9b.PSA.102.009 Sa jagasja jucano y apo taegüije y pan, yan manadaña y guimenjo yan y tanges.

102:10b.PSA.102.010 Sa pot y linalalomo yan y binibumo: sa jago jumatsayo yan yumuteyo.

102:11b.PSA.102.011 Y jaanijo taegüije y anineng ni y umaso; yan angloyo taegüije y chaguan.

102:12b.PSA.102.012 Lao jago, O Jeova, gagaegue jao para taejinecog: yan y memoriasmo asta todo y generasion.

102:13b.PSA.102.013 Jago ucajulo, yan umaase ni iya Sion: sa y tiempo para unmaase nu güiya, magajet na mato y tiempo ni y matancho.

102:14b.PSA.102.014 Sa y tentagomo ninafanmagof ni y achoña: yan ninafanmaase ni y petbosña.

102:15b.PSA.102.015 Enao mina y nasion sija ufanmaañao ni y naan Jeova, yan todo y ray sija gui tano ni y minalagmo.

102:16b.PSA.102.016 Sa si Jeova jafatinas y Sion, umanog güe gui jalom y minalagña.

102:17b.PSA.102.017 Jagoflamen y tinayuyut y mannesesitao; yan ti jachatlie y tinayuyutñija.

102:18b.PSA.102.018 Utugue este para y generasion ni y manmámamaela: yan y taotao ni y ufanmafatinas ujaalaba si Jeova.

102:19b.PSA.102.019 Sa güiya jagasja jaatan papa gui y tinaquilo y santos na sagaña; guinin y langet nae si Jeova jaatan y tano.

102:20b.PSA.102.020 Para ujungog y inigong y manmaprereso: yan para upula ayo sija y manmatancho para ufanmapuno.

102:21b.PSA.102.021 Para umasangan claro y naan Jeova guiya Sion, yan y alabansaña guiya Jerusalem;

102:22b.PSA.102.022 Anae y taotao sija manetnon ya mandaña, yan y raeno sija para ujasetbe si Jeova.

102:23b.PSA.102.023 Janadafe y minetgotto gui chalan; güiya munacadada y jaanijo.

102:24b.PSA.102.024 Guajo ileco: O Yuusso chamo yo chumuchule gui lamita na jaanijo: y sacanmo sija para todoja y generasion.

102:25b.PSA.102.025 Sa desde y ampmam na tiempo jago pumolo y plinantan tano: yan y langet sija y checho y canaemo.

102:26b.PSA.102.026 Sija ufanmalingo, lao jago ungagaegueja: magajet na todo sija ufanguesbijo taegüije y magago: taegüije y bestido untolaeca sija, ya sija manmatalaeca.

102:27b.PSA.102.027 Lao jago y mismojajao, yan y sacanmo sija ti ufanjocog.

102:28b.PSA.102.028 Y famaguon y tentagomo ufangagaegue, yan y semiyanñija ufanmaplanta gui menamo.

103

103:1b.PSA.103.001 BENDISE si Jeova, O antijo: yan todo y sanjalomjo, bendise y santos na naanña.

103:2b.PSA.103.002 Bendise si Jeova, O antijo, yan chamo malelefa todo ni y minaulegña:

103:3b.PSA.103.003 Ni y umasie todo tinaelayemo; ni y munamagong todo y chetnotmo;

103:4b.PSA.103.004 Ni y munalibre y linâlâmo guinin y yinilang: ni y comorona jao ni güinaeyan mauleg yan y manadan minaase:

103:5b.PSA.103.005 Ni y munanajong y pachotmo ni y manmauleg na güinaja: ya y pinatgonmo jananuebo taegüije y aguila.

103:6b.PSA.103.006 Si Jeova fumatinas y tinas na chocho sija, yan y juisio sija para todo ayo sija y manmachiguet.

103:7b.PSA.103.007 Güiya munatungo si Moises ni y chalanña, ya y chechoña gui famaguon Israel.

103:8b.PSA.103.008 Si Jeova bula y minaase yan cariñoso, ñateng y binibuña yan gofmegae y minaaseña.

103:9b.PSA.103.009 Güiya ti ufanlalatde para siempre: ni umantiene y binibuña para taejinecog.

103:10b.PSA.103.010 Ti guinin jafatinas guiya jita segun y isaota; ni uapasejit segun y tinaelayeta.

103:11b.PSA.103.011 Sa taegüije y langet goftaquilo gui jilo y tano, taegüijeja sendangculo y minaaseña para ayo sija y manmaañao nu güiya.

103:12b.PSA.103.012 Taemanoja chinagoña desde y sancatan, yan asta y sanlichan, taegüijeja chinagoña nae janajanao guiya jita y isaota.

103:13b.PSA.103.013 Parejoja yan y tata ni jaguaeya y famaguonña, taegüenaoja si Jeova jaguaeya ayo sija y manmaañao nu güiya.

103:14b.PSA.103.014 Sa güiya tumungo y jechurata; jajaso na jita y petbos.

103:15b.PSA.103.015 Sa y taotao, y jaaniña taegüijeja y chaguan; taegüijeja y flores gui fangualuan lalachog.

103:16b.PSA.103.016 Sa y manglo manmalofan gui jiloña, yan güiya mapos: yan y sagayan ti siña jatungo mas.

103:17b.PSA.103.017 Lao y minaase Jeova, guinin taejinecog asta taejinecog guijilo ayo sija y manmaañao nu güiya, yan y tininasña gui famaguon y famaguon;

103:18b.PSA.103.018 Yya sija y umadadaje y tratuña, yan ayo sija y jumajaso y finanagüeña para ufatinas.

103:19b.PSA.103.019 Si Jeova japlanta y tronuña gui langet sija; yan y raenoña y naregla y jilo todoja.

103:20b.PSA.103.020 Bendise si Jeova, jamyo ni angjetña sija, ni y manmatatnga gui minetgot, ni y cumumple y sinanganña, ni y umecungog y inagang y finoña.

103:21b.PSA.103.021 Bendise si Jeova todo jamyo ni y inetnon sendaloña: jamyo ni y ministroña ni y fumatitinas y minalagoña.

103:22b.PSA.103.022 Bendise si Jeova, todo y finatinasña, gui todo y sagayan anae jagobiebietna: bendise si Jeova, O antijo.

104

104:1b.PSA.104.001 BENDISE si Jeova, O antijo: O Jeova Yuusso, jago y sendangculo; jago minagagago ni y onra, yan y minagas.

104:2b.PSA.104.002 Ni y untampen maesajao ni y manana taegüije y bestido: ni y jumuto juyong y langet sija taegüije y cottina.

104:3b.PSA.104.003 Ni y plumanta y jayo y aposentuña gui jalom janom: ni y fumatinas y mapagajes para caruajeña: ni y mamomocat gui jilo y papan y manglo.

104:4b.PSA.104.004 Ni y fumatinas y manglo sija para tentagoña: y ministroña y mañila y guafe.

104:5b.PSA.104.005 Ni y pumolo y plinantan tano, ya ti siña manacalamten para taejinecog.

104:6b.PSA.104.006 Ya tumampe güe ni y tinadong taegüije y bestido: y janom sija manotojgue gui sanjilo y beca sija.

104:7b.PSA.104.007 Ya pot y linalatdemo, sija manjanao; ya pot y inagang y julumo mañadig manjanao.

104:8b.PSA.104.008 Sija manjanao julo gui beca sija, sija apan papa gui oriyan y bayesija, gui sagayan ni y jago fumamauleg para sija.

104:9b.PSA.104.009 Jago pumolo y uttimonñija ya ti siña manmalofan guato; para ti siña jabira sija talo para utampe y tano.

104:10b.PSA.104.010 Jatago y tutujon y janom gui jalom y bayesija; ni y manmalalago gui entalo y egso sija.

104:11b.PSA.104.011 Sija numae guimenñija y todo gâgâ sija gui fangualuan: y manmachaleg na asno sija manmagong y majoñija.

104:12b.PSA.104.012 Ya iya sija nae y pajaron y langet guaja sagañija ya mangacanta gui entalo y ramas sija.

104:13b.PSA.104.013 Güiya numaye janom y egso sija guinin y aposentuña sija: y tano jaspog ni y tinegcha y chechomo.

104:14b.PSA.104.014 Güiya y chaguan munafanlâlâ para y guaca sija, yan y tinanom para usinetbe y taotao: para ufañule nengcano gui tano;

104:15b.PSA.104.015 Yan y bino ni y munamamagof y corason y taotao, yan y laña para ulamlam y mataña, yan y pan ni y munamemetgot y corason y taotao.

104:16b.PSA.104.016 Y trongcon jayo Jeova manbula chugo; y sedro sija gui Libano ni y tinanomña;

104:17b.PSA.104.017 Anae y pajaro jafatitinas y chechoñija; ya y chuchuco, y trongcon pino guimaña.

104:18b.PSA.104.018 Y taquilo na ogso sija para y manmachaleg na chiba: yan y acho sija guinegüe para y conejo.

104:19b.PSA.104.019 Jatancho y pilan para y tiempo: y atdao tumungo y jinanaoña papa.

104:20b.PSA.104.020 Jago fumatinas y jemjom yan puenge; anae todo y gâgâ gui jalomtano mangucunanaf mona.

104:21b.PSA.104.021 Y manfamaguon na leon sija manaagang ni y manmaconeñija yan jaaliligao y nañija guinin as Yuus.

104:22b.PSA.104.022 Y atdao cajulo, sija manmapos, yan manason sija papa gui jalom y liyangñija.

104:23b.PSA.104.023 Y taotao jumajanao mona gui finatinasña yan gui chechoña, asta qui puenge.

104:24b.PSA.104.024 O Jeova, manminegae sija y chechomo! y minenajlom, jago fumatinas sija todo: y tano senbula ni y rinicumo.

104:25b.PSA.104.025 Ayo guato gaegue y tase, dangculo yan ancho, anae y sanjalomña sija y güinaja na mangucunanaf ni ti siña matufong, todoja mandangculo yan mandiquique sija na gâgâ.

104:26b.PSA.104.026 Ayo nae manjajanao y batco sija: ayo nae gaegue y lebiatan ni y finatinasmo para y jumugando gui sanjalomña.

104:27b.PSA.104.027 Este sija todo mumananggajao; sa jago siña unnae sija nañija gui tiempo ni matancho.

104:28b.PSA.104.028 Sa ayo y jago numae, sija naufandaña: unbaba y canaemo ya sija mannajong ni y minauleg.

104:29b.PSA.104.029 Unnaatog y matamo, sija mañatsaga: unchule y jinagonñija, sija manmatae, yan manalo guato gui petbosñija.

104:30b.PSA.104.030 Untago mona y espiritumo, sija manfinatinas: yan jago munanuebo y inatan gui sanjilo y tano.

104:31b.PSA.104.031 Polo ya y minalag Jeova ugagaegue para taejinecog: Polo ya si Jeova umagof gui chechona:

104:32b.PSA.104.032 Ni y jaatan y jilo y tano yan jayengyong: ni y japacha y egso sija yan janaasgon.

104:33b.PSA.104.033 Bae jucantaye si Jeova taemenoja y inanaco y linâlâjo: bae jucantaye tinina y Yuusso mientras lalâlâyo.

104:34b.PSA.104.034 Polo ya y jinasoco iya güiya usenmames: bae jugofmagof as Jeova.

104:35b.PSA.104.035 Polo y manisao ya ufanlinachae gui tano, polo y manaelaye ya utaya. Bendise si Jeova, O antijo. Alaba si Jeova.

105

105:1b.PSA.105.001 O nae grasias si Jeova; agang y naanña; namatungo y chechoña gui entalo taotao sija.

105:2b.PSA.105.002 Cantaye güe, cantaye güe ni y alabansa sija; fanadingan ni y todo y chechoña ni y mannamanman.

105:3b.PSA.105.003 Manmalag jamyo ni y santos na naanña: umanmagof ayo sija na corason y umaliligao si Jeova.

105:4b.PSA.105.004 Aligao si Jeova yan y minetgotña: Aligao y mataña para taejinecog.

105:5b.PSA.105.005 Jaso y ninamanman checho ni y monjayan jachogüe; ninamanmanña yan y juision y pachotña;

105:6b.PSA.105.006 O Jamyo, ni y semiyan Abraham tentagoña, jamyo ni y famaguon Jacob inayegña sija.

105:7b.PSA.105.007 Güiya si Jeova Yuusta: y juisioñasija mangaegue todo gui tano.

105:8b.PSA.105.008 Jagasja jaso y tratuña para taejinecog, y finijo ni y tinagoña para mit na generasion.

105:9b.PSA.105.009 Ayo na trato ni y jafatinas gui as Abraham, yan y jinilaña gui as Ysaac.

105:10b.PSA.105.010 Yan ayoja janafitme gui as Jacob para otden, yan as Israel para taejinecog na trato.

105:11b.PSA.105.011 Ylelegña: Yya jago guajo junaejao y tano Cananea, y facae y erensiamo.

105:12b.PSA.105.012 Anae sija mandidideja na numeron taotao: junggan, senmandidide yan taotao juyong güije;

105:13b.PSA.105.013 Ya sija manjanao guinin y un nasion asta y otro nasion, guinin y un raeno asta otro taotao;

105:14b.PSA.105.014 Ti japolo ni un taotao na ujafatinas daño guiya sija: magajet na jalalatde y ray sija pot causañija:

105:15b.PSA.105.015 Ylegña: Chamo pumapacha y pinalaejo, yan chamo munafanlalamen y profetajo sija.

105:16b.PSA.105.016 Ya jatago y ñinalang gui jilo y tano: ya jayulang todo y minetgot y agon.

105:17b.PSA.105.017 Ya jatago un taotao gui menañija, si José ni y mabende para tentago.

105:18b.PSA.105.018 Ayo sija na adengña y ninafanlamen ni y cadena: güiya mapolo guientalo y lilog.

105:19b.PSA.105.019 Asta y tiempo anae macumple y finoña: ya y fino Jeova chumague güe,

105:20b.PSA.105.020 Y ray matago ya pinila güe, ayo y magas taotao sija yan pinelo güe na ujanao libre.

105:21b.PSA.105.021 Pinelo güe magas gui guimaña yan gobietnon todo y güinajaña:

105:22b.PSA.105.022 Para upreso y prinsipeña ni y minagofña; yan ufanagüe y manamco ni y manpápagat.

105:23b.PSA.105.023 Si Israel locue jumalom guiya Egipto; yan si Jacob taotao juyong sumasaga gui tano Cam.

105:24b.PSA.105.024 Yan janafansenmegae y taotaoña; yan janafanmetgot mas que y enimigoñija.

105:25b.PSA.105.025 Jabira y corasonñija para ujachatlie y taotaoña sija, para ufanmatinas ni y finaye gui tentagoña sija.

105:26b.PSA.105.026 Jatago si Moises ni y tentagoña; yan si Aaron ni y guinin inayegña.

105:27b.PSA.105.027 Sija japolo ni y señatña guiya sija, yan ninamanman gui tano Cam.

105:28b.PSA.105.028 Jatago y jemjom, ya ninajomjom; yan sija ti ninafanaguaguat contra y finoña.

105:29b.PSA.105.029 Jatolaeca y janomñija jafajâgâ, yan japuno y güijanñija.

105:30b.PSA.105.030 Y tanoñija janae manadan ranas, ya megae gui jalom y aposenton y rayñija sija.

105:31b.PSA.105.031 Güiya sumasangan, yan manmato manadan dinaña lalo, yan juto sija gui todo y oriyan y tanoñija.

105:32b.PSA.105.032 Güiya numae sija uchan graniso, yan mañila guafe gui tanoñija.

105:33b.PSA.105.033 Jasaolag y trongcon ubasñija locue, yan y trongcon ygosñija; yan jajulog y trongcon jayo sija gui oriyan tanoñija.

105:34b.PSA.105.034 Güiya y sumangan, yan y apacha sija manmato, yan uruga na ulo sija yan ayo taya numeroñija,

105:35b.PSA.105.035 Ya sija jacano todo y tinanom gui jalom y tanoñija, yan jalachae sija y tinegcha gui tanoñija.

105:36b.PSA.105.036 Ya japuno locue todo y finenana na finañagon laje gui tanoñija, y magas todo y ninasiñañija.

105:37b.PSA.105.037 Ya jacone sija juyong locue yan y salape yan y oro; yan taya ni un taotao malango gui triboñija.

105:38b.PSA.105.038 Yya Egipto manmagof anae sija manjanao: pot minaañaoñija guinin podong guiya sija.

105:39b.PSA.105.039 Jajuto y mapagajes para ufantinampe; yan y guafe janae para ufaninina gui puenge.

105:40b.PSA.105.040 Manmangagao y taotao, yan jaconie pajaro ni calang palumo sija; yan ninafanjaspog ni y pan langet.

105:41b.PSA.105.041 Jababa y acho yan y janom milalag juyong; manmalalago gui anglo na sagayan taegüije y sadog.

105:42b.PSA.105.042 Sa jajaso y santos na sinanganña, yan Abraham ni y tentagoña.

105:43b.PSA.105.043 Ya jacone juyong y taotaoña yan y minagof, yan y inayegña gui cantasion sija.

105:44b.PSA.105.044 Yan janae sija ni y tano y nasion sija: yan sija jachule para iyoñija ni y checho y taotao sija:

105:45b.PSA.105.045 Para usiña adaje y otdenña, yan ufatinas y layña. Alaba jamyo si Jeova.

106

106:1b.PSA.106.001 ALABA jamyo si Jeova. O nae grasias si Jeova; sa güiya mauleg: sa y minaaseña gagaegueja para taejinecog.

106:2b.PSA.106.002 Jaye siña sumangan y gaesisiñan y checho Jeova? pot mamanue todo ni y alabansaña?

106:3b.PSA.106.003 Dichoso ayo sija y umadadaje y juisio, yan ayo y fumatitinas y tininas todo y tiempo.

106:4b.PSA.106.004 Jasoyo, O Jeova, nu y finaborese ni y unnae y taotaomo; O bisitayo nu y satbasionmo;

106:5b.PSA.106.005 Para jusiña lumie y minauleg gui inayegmo, para jusiña mumagof gui minagof y nasionmo, para jusiña mumalag gui erensiamo.

106:6b.PSA.106.006 Guinin manisaojam yan y tatanmame, infatinas y tinaelaye yan inchegüe y inechong.

106:7b.PSA.106.007 Y tatanmame ti jatungo y ninamanmanmo guiya Egipto; ti jajaso y manadan y minaasemo; lao manmanembeste gui tase, junggan gui Tasen Agaga.

106:8b.PSA.106.008 Lao jasatbaja sija pot y naanña, para usiña janamatungo y dangculon y ninasiñaña.

106:9b.PSA.106.009 Jalalatde y Tasen Agaga locue yan janaanglo: lao jaesgaejon sija inanaco y todo gui tinadong, taegüije todo inanaco y desierto.

106:10b.PSA.106.010 Yan janafanlibre sija guinin y canae ayo y chumatlie sija, yan jarescata sija guinin y canae y enimigo.

106:11b.PSA.106.011 Yan y janom sija tumampe y contrarioñija: ya taya ni uno guiya sija sebla.

106:12b.PSA.106.012 Ayo nae jajonggue y sinanganña sija; jacanta y tininaña.

106:13b.PSA.106.013 Ya guse manmalefa ni y chechoña: ti janangga y pinagatña:

106:14b.PSA.106.014 Lao manmalago megae gui jalomtano, yan matienta si Yuus gui desierto.

106:15b.PSA.106.015 Ya güiya numae sija ni y guinagaoñija; lao janamanae ni y minasogsog gui jalom y anteñija.

106:16b.PSA.106.016 Ya manmanugo as Moises gui fangualuan; yan si Aaron ni y santos Jeova.

106:17b.PSA.106.017 Y tano mababa ya pinañot si Datan, yan mantinampe y mangachong Abirom.

106:18b.PSA.106.018 Yan y guafe manafañila gui mangachongñija; ya y mañila sumonggue y manaelaye.

106:19b.PSA.106.019 Ya manmamatinas tatnero guiya Horeb, yan maadora y diniriten y imagen.

106:20b.PSA.106.020 Taegüije, jatulaeca y minalagñija para nu jechuran guaca ni y chumochocho chaguan.

106:21b.PSA.106.021 Manmalefa as Yuus ni y satbadotñija, ni y fumatinas y mandangculo na güinaja guiya Egipto;

106:22b.PSA.106.022 Mannamanman na checho gui tano Cam, yan mannamaañao na güinaja gui Tasen Agaga.

106:23b.PSA.106.023 Enao mina ilegña güiya, na uyunilang sija, yaguin ti si Moises ni y inayegña ti tumogue gui menaña gui finapetta, para ubira y binibuña para chaña yumuyulang sija.

106:24b.PSA.106.024 Magajet na jachatlie y güaeyayon na tano, ya ti jajonggue y finoña.

106:25b.PSA.106.025 Lao mangonggong gui sa tiendañíja; ya ti jaecungog y inagang Jeova.

106:26b.PSA.106.026 Enao mina jajatsa y canaeña contra sija; para uyute sija gui jalom y desierto:

106:27b.PSA.106.027 Para uyute y semiyañija locue gui nasion sija, yan para uchalapon sija gui jalom y tano sija.

106:28b.PSA.106.028 Ya mandaña sija gui Baal-peor; ya jacano y inefresen y manmatae.

106:29b.PSA.106.029 Taegüine sija mannalalalo güe nu y chechoñija: ya derepente mato gui jiloñija sija chetnot.

106:30b.PSA.106.030 Ya janatojgue julo si Finees, ya jafatinas y juisio: ya y chetnot pumara.

106:31b.PSA.106.031 Yan ayo nae jatufong iya güiya y tininas, gui todo y generasion sija para taejinecog.

106:32b.PSA.106.032 Ya sija mannalalalo güe locue gui janom guiya Meriba: ya jumuyong daño para si Moises pot causañija.

106:33b.PSA.106.033 Sa sija chumoma y espirituña; sa jasangan sin jinaso pot labiosña.

106:34b.PSA.106.034 Ya ti jayulang y nasion sija, taegüije si Jeova ni y mantinago sija.

106:35b.PSA.106.035 Lao mandaña sija yan y nasion sija, yan jaeyag y chechoñija:

106:36b.PSA.106.036 Yan jasetbe y idolosñija: jumuyong un laso para sija.

106:37b.PSA.106.037 Magajet na jaofrese y lajeñija yan y jagañija gui anite,

106:38b.PSA.106.038 Yan jachuda y jâgâ y manaeisao, magajet na y jâgâ y lajeñija yan y jagañija ni jaofrese gui idolos guiya Cananea: yan y tano ni y ninaáplacha ni y jâgâ.

106:39b.PSA.106.039 Ya taegüije munafanáplacha pot y chechoñijaja, yan ninafanábale ni y finatinasñija.

106:40b.PSA.106.040 Enao mina y binibon Jeova sinenggue contra y taotaoña, ya jaguefchatlie y erensiañija.

106:41b.PSA.106.041 Ya janae nu sija gui canae y nasion sija; yan ayo y chumatlie sija janafanmagas gui jiloñija.

106:42b.PSA.106.042 Ya y enimigoñija locue chumiguet sija, yan sija chumule asta y jalom inesgue gui papa y canaeñija.

106:43b.PSA.106.043 Megae na biaje nae janafanlibre sija; lao sija maembeste güe ni y pinagatñija, yan manmachile papa gui tatpapa ni y tinaelayeñija.

106:44b.PSA.106.044 Lao jaatan y pinitiñija, anae jajungog y inagangñija.

106:45b.PSA.106.045 Ya jajaso para sija y tratuña, yan ninafanmañotsot según y minegae y minaaseña.

106:46b.PSA.106.046 Janafangaease locue ni ayo y cumone sija preso.

106:47b.PSA.106.047 Nafanlibrejam, O Jeova, Yuusmame, yan nafandañajam gui entalo y nasion sija, para unae grasias y santos na naanmo, yan ufangana gui alabansamo.

106:48b.PSA.106.048 Bendito si Jeova ni Yuus Israel guinin y taejinecog para y taejinecog. Polo ya todo taotao ilegñija. Amen. Alaba jamyo si Jeova.

107

107:1b.PSA.107.001 O nae grasias si Jeova, sa güiya mauleg: sa y minaaseña gagaegue para taejinecog.

107:2b.PSA.107.002 Polo y ninafanlibre as Jeova ya ujasangan, anae janafanlibre guinin y canae y contrario;

107:3b.PSA.107.003 Yan janafandaña sija juyong gui tano sija, guinin y sancatan, yan guinin y sanlichan, guinin y san lago, yan guinin y san jaya.

107:4b.PSA.107.004 Manaabag gui jalomtano gui chalan desierto; ya ti manmañoda siuda para ufañaga.

107:5b.PSA.107.005 Manñalang yan minajo sija, y anteñija manlalango gui sanjalomñija.

107:6b.PSA.107.006 Ayo nae maagang si Jeova gui chinatsagañija, ya güiya munalibre sija gui pinadeseñija.

107:7b.PSA.107.007 Ya maninesgaejon sija mona, gui tinas na chalan, para usiña manjanao para y siuda anae mañasaga.

107:8b.PSA.107.008 O, para y taotao sija mojon ufanmanalaba si Jeova pot y minaulegña, yan pot y ninamanman na chechoña gui famaguon taotao sija.

107:9b.PSA.107.009 Sa jananajong y malago na ante, yan janabula y ñalang na ante ni y minauleg.

107:10b.PSA.107.010 Ayo sija y manmatatachong gui jemjom yan y jalom y anineng y finatae, ni y guinin jagode nu y pinite yan lulog;

107:11b.PSA.107.011 Sa manembeste contra y fino Yuus, yan jachatlie y pinagat y Gueftaquilo:

107:12b.PSA.107.012 Enao mina jachule papa y corasonñija gui checho; manbasnag papa ya taya para ufaninayuda.

107:13b.PSA.107.013 Ayo nae maagang si Jeova gui chinatsagañija, ya güiya munalibre sija gui pinadeseñija.

107:14b.PSA.107.014 Jachule sija juyong gui jemjom yan y anineng y finatae, yan jagutos y manmagodeñija.

107:15b.PSA.107.015 O para y taotao sija mojon ufanmanalaba si Jeova pot y minaulegña, yan pot y ninamanman na chechoña gui famaguon y taotao sija!

107:16b.PSA.107.016 Sa güiya yumamag y trangcan bronse, yan janapedaso y rejas lulog.

107:17b.PSA.107.017 Mangaduco, sa pot y tinaelayeñija yan pot y inechongñija fanmanmamadese.

107:18b.PSA.107.018 Y anteñija jachatlie todo y clasen nengcano; yan manjijot gui trangcan y finatae.

107:19b.PSA.107.019 Ya maagang si Jeova gui chinatsagañija ya güiya munalibre sija gui pinadeseñija.

107:20b.PSA.107.020 Manninae y finoña ya manninajomlo sija, yan manninalibre sija guinin y yinilangñija.

107:21b.PSA.107.021 O para y taotao sija mojon ufanmanalaba si Jeova pot y minaulegña, yan pot y ninamanman na chechoña gui fumaguon y taotao sija!

107:22b.PSA.107.022 Ya polo sija ya ujaofrese y inefresen grasias sija, yan jasangan claro y chechoña gui cantan minagof.

107:23b.PSA.107.023 Sija ni manjanao papa gui tase gui jalom y batco, ni y fumatinas chechoñija gui jilo manadan janom sija;

107:24b.PSA.107.024 Estesija lumie y checho Jeova, yan y ninamanmanña gui jalom y tinadong.

107:25b.PSA.107.025 Sa jatagoña, ya janacajulo y pagyon manglo, ni y jumatsa julo y napo sija.

107:26b.PSA.107.026 Mangajulo para y langet, manjanao talo papa para y tinadong: y anteñija manmaderite pot y chinatsaga.

107:27b.PSA.107.027 Manmatulaejon mona an tate, yan manmamangag taegüije y bulacho na taotao, yan manmalingo y jinasoñija.

107:28b.PSA.107.028 Ya maagang si Jeova gui chinatsagañija, ya güiya munalibre sija gui pinadeseñija.

107:29b.PSA.107.029 Janabasta y pagyo, yan y napo sija manmamatquilo.

107:30b.PSA.107.030 Ayo nae manmagof sa mangieto, ya taegüije jacone sija asta y minalagoñija na puetto.

107:31b.PSA.107.031 O para y taotao sija mojon ufanmanalaba si Jeova pot y minaulegña, yan pot y ninamanman na checoña gui famaguon y taotao sija!

107:32b.PSA.107.032 Polo ya sija umanacajulo güe locue gui y inetnon y taotao yan ufanmanalaba nu güiya gui tachong y manamco.

107:33b.PSA.107.033 Jafasadog y desierto, yan jafaanglo na oda y tutujon janom;

107:34b.PSA.107.034 Jafadesierton asiga y mauleg na tano, pot y tinaelayen ayo sija y mañasaga gui sanjalom.

107:35b.PSA.107.035 Jafajagoen janom y desierto, yan janafamimichao y janom y anglo na oda.

107:36b.PSA.107.036 Yan ayo na janafañaga y manñalang, ya sija siña jafamauleg y siuda para ufañaga;

107:37b.PSA.107.037 Yan matanme y fangualuan, yan manmananom gui fangualuan ubas, ya ufanmarecoge y tinegchan y aumento.

107:38b.PSA.107.038 Jabendise sija locue, para ufangosmegae; yan ti upolo y gañija gâgâ na udidide.

107:39b.PSA.107.039 Tumalo sija mandidide yan mannecon papa, pot y chiniguet, chinatsaga, yan triniste.

107:40b.PSA.107.040 Jachuda sinala gui jilo y prinsepe sija, yan janafanabag sija gui jalomtano anae taya chalan.

107:41b.PSA.107.041 Lao japolo y mannesesitao julo guinin y pinadese, yan mandaña gui familia sija taegüije y inetnon quinilo.

107:42b.PSA.107.042 Y manunas ujalie ayo yan ufanmagof; yan todo y tinaelaye ujinichom y pachotña.

107:43b.PSA.107.043 Masquesea jaye na manmalate, ujaadaje este sija na güinaja; ya sija ujajaso y minaase gui as Jeova.

108

108:1b.PSA.108.001 O Yuus, y corasonjo esta meton; bae jucanta, magajetja na jucanta alabansa sija yan todo y minalagjo.

108:2b.PSA.108.002 Fatmata guitala, yan atpa: guajoja na maesa magmatayo taftaf.

108:3b.PSA.108.003 Bae junae jao grasias, Jeova gui entalo y taotao sija: yan jucantaye alabansa, sija gui entalo y nasion sija.

108:4b.PSA.108.004 Sa y dangculon y minaasemo gui san jilo y langet: yan y minagajetmo tinacaja y mapagajes sija.

108:5b.PSA.108.005 Nadangculojao, O Yuus, gui jilo y langet: yan y minalagomo gui san jilo todo y tano.

108:6b.PSA.108.006 Para usiña ayo y güinaeyamo manlibre ni y agapa na canaemo, yan opejam.

108:7b.PSA.108.007 Si Yuus ilegña gui sinantosña: Guajo jumagof, guajo jupatte Siquem, yan jumide juyong y bayen Sucot.

108:8b.PSA.108.008 Yyoco Gilaad; iyoco Manases: Efrain locue y minetgot y ilujo; Juda y bastonjo;

108:9b.PSA.108.009 Moab y palanganajo anae jufagase adeng sija: y jilo Edom nae juyute y sapatoso: y jilo Filistia nae juagang.

108:10b.PSA.108.010 Jaye uconeyo asta y jalom y fitme na siuda? Jaye uinesgaejonyo asta y jalom Idumea?

108:11b.PSA.108.011 Ti jago, O Yuus, ni y yumute jam? yan jago, O Yuus, ti jumanao yan y inetnon sendalonmame.

108:12b.PSA.108.012 Naejam linibre gui chinatsaga: sa taesetbe y inayudan y taotao.

108:13b.PSA.108.013 As Yuus nae utafanmatatnga: sa güiyaja uguinacha papa y enimiguta.

109

109:1b.PSA.109.001 CHAMO famatquiquilo, O Yuus, gui alabansajo;

109:2b.PSA.109.002 Sa y pachot y manaelaye yan y pachot y dinague manmababa contra guajo: sa manguecuentos contra guajo yan y mandacon na jula.

109:3b.PSA.109.003 Sija umoriyayayeyo locue ni y finijo chinatlie; yan manmumo contra guajo sin jafa.

109:4b.PSA.109.004 Sa y apas y güinaeyaco, sija contrariujo: lao guajo siempre manayuyutyo.

109:5b.PSA.109.005 Yan sija jaapaseyo taelaye pot mauleg, yan chinatlie pot y guinaeyaco.

109:6b.PSA.109.006 Polo jao y taelaye na taotao guiya güiya: ya polo un contrario ya utojgue gui agapa na canaeña.

109:7b.PSA.109.007 Yaguin majusga güe, polo ya umasentensia: yan y tinaetaeña ufamaisao.

109:8b.PSA.109.008 Ya y jaaniña udidide: yan otro uchinile ofisioña.

109:9b.PSA.109.009 Y famaguonña ufanaetata yan y asaguaña ubiuda.

109:10b.PSA.109.010 Polo ya y famaguonña ufanlaong yan ufanmangagao: ya polo sija ya umaliligao y nañija güije gui chago gui sagañija na mayulang.

109:11b.PSA.109.011 Polo ya umaamot ya unnachule todo y güinajaña, yan y taotao juyong chumoleguan ni y finachochoña.

109:12b.PSA.109.012 Polo ya taya ni jaye umaase ni güiya; yan ni uno ufinaborese y manaetata na famaguonña.

109:13b.PSA.109.013 Polo ya y famaguonña ufanmautut; yan gui generasion ni y jadalalalag, umafagasñaejon y naanñija.

109:14b.PSA.109.014 Poly ya y tinaelayen y tataña sija umajaso gui as Jeova: ya y isao nanaña ti umafagasñaejon.

109:15b.PSA.109.015 Polo ya sija siempre ufangaegue gui menan Jeova, sa güiya siña umutut y jinasoñija guinin y tano.

109:16b.PSA.109.016 Sa ti jajaso mamanue minaase, lao japetsigue y peble yan y nesesitao na taotao, yan y mayulang na corason ujapuno sija.

109:17b.PSA.109.017 Magajet na jaguaeya y matdision, ya ayo na mato guiya güiya; ya ti ninamagof ni y bendision, ya ayo na chago guiya güiya.

109:18b.PSA.109.018 Ya güiya mumagago güe ni y matdision taegüije y bestiduña, ya ayo na jumalom gui jalom y tiyanña taegüije y janom, yan taegüije y laña gui jalom tolangña.

109:19b.PSA.109.019 Polo ya ayo guiya güiya, taegüije y magago ni y jatatampegüe, yan para sinturon ni y jadudog güe siempre.

109:20b.PSA.109.020 Ya este apas y contrariujo sija guinin as Jeova, yan ayo sija ni y manguecuentos taelaye contra y antijo.

109:21b.PSA.109.021 Lao fatinas para guajo, O Yuus Jeova, pot y naanmo: sa mauleg na minaasemo, enao mina nalibreyo.

109:22b.PSA.109.022 Sa pobleyo, yan nesesitaoyo, yan y corasonjo mañetnot gui sanjalomjo.

109:23b.PSA.109.023 Mapos yo taegüije y anineng yaguin malofan: matafye yo julo yan papa taegüije y apacha.

109:24b.PSA.109.024 Y timoco mandafe pot y inayunat; yan y catneco manmasogsog, sa ti jataca y iinemog.

109:25b.PSA.109.025 Jumuyong yo locue taegüije linalatde guiya sija: anae maaatanyo jayeyengyong y iloñija.

109:26b.PSA.109.026 Ayudayo, O Jeova Yuusso; O satbayo segun y minaasemo:

109:27b.PSA.109.027 Para sija ujatungo na este y canaemo: na jago, Jeova, fumatinas este.

109:28b.PSA.109.028 Polo ya sija manmamatdise, lao jago manbendise: yaguin sija mangajulo, ufanmamajlao; lao y tentagomo umagof.

109:29b.PSA.109.029 Ya y contrariojo ufanminagago ni y desonra; yan ufantinampe sija ni y minamajlaoñija taegüije y capa.

109:30b.PSA.109.030 Jeova bae junae sendangculo na grasias nu y pachotto; junggan, jualabagüe gui linajyan taotao.

109:31b.PSA.109.031 Sa güiya utojgüe gui agapa na canae y nesesitao, para usinatba güe guinin ayo sija y jumusga y antiña.

110

110:1b.PSA.110.001 SI Jeova ilegña ni y señotto, fatachong gui agapa na canaejo, asta qui jupolo y enimigo para fañajangan adengmo.

110:2b.PSA.110.002 Si Jeova uninamannae y baran minetgotmo guinin Sion: gobietna gui entalo y enimigumo sija.

110:3b.PSA.110.003 Y taotaomo ufanmalago na ufanmanofrese nu sija gui jaanen y ninasiñamo: gui guinatbon sija y sinantos, guinin y tiyan y agaan, ungae serenon y pinatgonmo.

110:4b.PSA.110.004 Si Jeova manjula ya timañotsot, jago y pale para taejinecog segun y otden Melquisedec.

110:5b.PSA.110.005 Si Jeova, gui agapa na canaemo, upanag todo y ray sija gui jaanin y binibuña.

110:6b.PSA.110.006 Güiya ufanjusga gui entalo y nasion sija, janabula y sagayan sija ni y tataotao y manmatae; unamagomgom y ilo gui jilo y megae na tano sija.

110:7b.PSA.110.007 Unaguimen y sadog gui chalan: enaomina güiya jumatsa julo y ilo.

111

111:1b.PSA.111.001 FANMANALABA jamyo as Jeova. Guajo junae si Jeova grasias contodo y corasonjo, gui jalom y pinagat manunas, yan y jalom y inetnon taotao.

111:2b.PSA.111.002 Y checho Jeova mansendangculo, ya maaliligao ni ayo sija todo y ninafanmamagof nu estesija.

111:3b.PSA.111.003 Y chechoña y onra yan minagas: yan y tininasña gagaegue para taejinecog.

111:4b.PSA.111.004 Jafatinas y mannamanman na chechoña para umajajaso: si Jeova cariñoso yan bula ni y minaase.

111:5b.PSA.111.005 Güiya guinin munae nengcano ayo sija y manmaañao nu güiya: ya güiya siempre jajasoja tratuña.

111:6b.PSA.111.006 Jagasja jafanue y taotaoña ni y ninasiñan y chechoña, anae janae sija ni y erensian y nasion sija.

111:7b.PSA.111.007 Y checho sija y canaeña y minagajet yan juisio; ya todo y sinanganña sija manseguro.

111:8b.PSA.111.008 Manfitme sija para taejinecog yan taejinecog, yan mamafatinas gui minagajet yan y tininas.

111:9b.PSA.111.009 Janamannae y linibre para y taotaoña; ya jatago y tratuña para taejinecog: sinantos yan inenra y naanña.

111:10b.PSA.111.010 Y minaañao as Jeova y tutujon y minalate y mauleg na tiningo mangaegue güije todo gui fumatitinas y tinagoña: y alabansaña gagaegue para taejinecog.

112

112:1b.PSA.112.001 FANMANALABA jamyo as Jeova. Dichoso y taotao ni maañao as Jeova, yan ninasendangculo y minagofña ni y tinagoña sija.

112:2b.PSA.112.002 Ya y semiyaña manmatatnga gui jilo y tano: ya y generasion manunas ufandichoso.

112:3b.PSA.112.003 Güinaja yan rinico mangaegue gui guimaña: ya y tininasña gagaegueja para taejinecog.

112:4b.PSA.112.004 Ya y manunas nae cajulo y manana gui jalom jomjom: güiya cariñoso güe yan bula minaase, yan tunasgüe.

112:5b.PSA.112.005 Y mauleg para ayo na taotao ni y fumatitinas y cariño, yan numanaayao: güiya umantiene y causaña gui juisio.

112:6b.PSA.112.006 Sa güiya ti umanacalamten para taejinecog: y manunas para taejinecog: ufanmajajasoja.

112:7b.PSA.112.007 Güiya ti umaañao ni y manaelaye na notisia sija: y corasonña meton ya jaangoco si Jeova.

112:8b.PSA.112.008 Y corasonña fitme ya güiya ti umaañao, asta qui jalie y diniseaña gui jilo y contrariuña sija.

112:9b.PSA.112.009 Guiya tumalapon, güiya numae ni y mamoble; ya y tininasña gagaegue para taejinecog, y canggelonña umajatsa ni y inenra.

112:10b.PSA.112.010 Y taelaye na taotao jalie ayo yan ninapinite: yan janachechegcheg y nifenña, yan maderite ya mapos: ya y diniseaña y taelaye umalingo.

113

113:1b.PSA.113.001 FANMANALABA jamyo as Jeova. Fanmanalaba, O tentago Jeova sija. Fanmanalaba y naan Jeova.

113:2b.PSA.113.002 Bendito y naan Jeova, desde este na tiempo yan para taejinecog.

113:3b.PSA.113.003 Desde y quinajulo y atdao asta y minachomña papa, y naan Jeova para umaalaba.

113:4b.PSA.113.004 Si Jeova gueftaquilo gui jilo todo y nasion yan y minalagña gui jilo y langet sija.

113:5b.PSA.113.005 Jaye parejuña si Jeova ni y Yuusta, ni y japolo y tachongña gui sanjilo.

113:6b.PSA.113.006 Ni y muna umitde güe para uatan y güinaja sija ni y mangaegue gui langet yan y tano.

113:7b.PSA.113.007 Güiya jumatsa julo y mamoble gui petbos, yan jajatsa y mananesitao gui monton estietcot.

113:8b.PSA.113.008 Para unafanmatachong yan y prinsepe sija magajet, yan y prinsepen y taotaoña sija.

113:9b.PSA.113.009 Ya janafamulan guma y ti fafañago na palaoan, ya jumuyong gofmagof na nanan famaguon. Fanmanalaba jamyo as Jeova.

114

114:1b.PSA.114.001 ANAE si Israel jumanao juyong Egipto, y guima Jacob guinin y taotao y finijo na ti matungo.

114:2b.PSA.114.002 Juda jumuyong y santos na sagaña, yan Israel y gobietnoña.

114:3b.PSA.114.003 Y tase jalie ayo, yan malago; Jordan masugon tate.

114:4b.PSA.114.004 Y beca sija manayog taegüije y quinilo laje yan y mandiquique ogso sija taegüije y manpatgon na quinilo sija.

114:5b.PSA.114.005 Jafa guaja guiya jago, O tase, na malagojao? Jago Jordan ni y masugon tate?

114:6b.PSA.114.006 Jamyo ni y beca sija ni y manayog taegüije y quinilo laje; yan jamyo di quique na ogso sija taegüije y manpatgon na quinilo sija?

114:7b.PSA.114.007 Mayeyengyong, jago tano, gui menan Jeova, gui menan y Yuus Jacob;

114:8b.PSA.114.008 Ni y jafaacho y jagoe janom, ya jafagagot y tutujon janom sija.

115

115:1b.PSA.115.001 AJE ti iyajame, O Jeova, aje ti iyajame, lao iya naanmo, nae uminalag pot y minaasemo, yan pot y minagajetmo.

115:2b.PSA.115.002 Pot jafa mojon y nasion ilegñija: Mangue pago y Yuusñija?

115:3b.PSA.115.003 Lao si Yuusmame gaegue gui langet: guinin jafatinas jafaja y minalagoña.

115:4b.PSA.115.004 Y idolosñija sija salape yan oro, finatinas y canae y taotao sija.

115:5b.PSA.115.005 Guaja pachotñija lao ti manguecuentos: guaja atadogñija lao ti manmanlilie;

115:6b.PSA.115.006 Guaja talangañija lao ti manmanjujungog: guaja güiengñija lao ti manmannginginge:

115:7b.PSA.115.007 Guaja canaeñija lao ti manmangogote: guaja adengñija lao ti manmamomocat: ni ufanguentos ni y güetgüeroñija.

115:8b.PSA.115.008 Ya ayo y fumatinas sija manparejoja yan sija: magajet na jayeja y umangoco güe guiya sija,

115:9b.PSA.115.009 O Israel, angoco si Jeova: sa güiya y ayudañija yan y patangñija.

115:10b.PSA.115.010 O guma Aaron, angoco si Jeova: sa güiya y ayudañija yan y patangñija.

115:11b.PSA.115.011 Jamyo ni y manmaañao as Jeova, angoco si Jeova: sa güiya y ayudañija yan y patangñija.

115:12b.PSA.115.012 Si Jeova guinin jajaso jita: guiya bumendisijit; güiya bumendise y guima Israel; güiya bumendise y guima Aaron.

115:13b.PSA.115.013 Güiya bumendise ayo sija y manmaañao as Jeova, todo y mandiquique yan y mandangculo.

115:14b.PSA.115.014 Si Jeova unninamegae mas yan mas, jago yan y famaguonñija.

115:15b.PSA.115.015 Jamyo manbinendise as Jeova ni y fumatinas y langet yan y tano.

115:16b.PSA.115.016 Y langet sija ni y langet Jeova sija: lao y tano mannae para y famaguon y taotao sija.

115:17b.PSA.115.017 Y manmatae ti manmanalaba as Jeova, ni jaye güije gui manjajanao papa gui jalom y manmamatquiquiloja.

115:18b.PSA.115.018 Lao jita, tabendise si Jeova, desde pago na tiempo mona yan para taejinecog. Fanmanalaba jamyo as Jeova.

116

116:1b.PSA.116.001 JUGUAEYA si Jeova sa jajungog y inagangjo yan y tinayuyutto sija.

116:2b.PSA.116.002 Sa janaegueng y talangaña guiya guajo, enao mina na juaagangja güe mientras lâlâlâyo.

116:3b.PSA.116.003 Y cuetdas y finatae umoriyayeyo, yan y piniten y naftan sumoda yo: ya jusoda chinatsaga yan triniste.

116:4b.PSA.116.004 Ayo nae juagang y naan Jeova; O Jeova, jugagagaojao, nalibre y antijo.

116:5b.PSA.116.005 Guaeyayon si Jeova yan tunas; junggan, y Yuusta senyoase.

116:6b.PSA.116.006 Si Jeova jaadadaje y taeisao: guajo estaba macone tagpapa, yan güiya sumatbayo.

116:7b.PSA.116.007 Talo guato gui descansomo, O antijo; sa si Jeova uchalapon megae guiya jago.

116:8b.PSA.116.008 Sa unalibre y antijo guinin y finatae, y atadogco guinen y lagosija, yan y adengjo guinin y pinedong.

116:9b.PSA.116.009 Bae jufamocat gui menan Jeova gui tano y manlalala.

116:10b.PSA.116.010 Jujojonggue, enao mina jusangan sa estaba gosdangculo y pinitijo.

116:11b.PSA.116.011 Yleco gui chinadigco, todo y taotao sija mandacon.

116:12b.PSA.116.012 Jafa juapase si Jeova pot todo y minaulegña guiya guajo.

116:13b.PSA.116.013 Bae juchule y copan satbasion, yan juagang y naan Jeova.

116:14b.PSA.116.014 Bae juapase y promesajo as Jeova, pago gui menan todo y taotaoña sija.

116:15b.PSA.116.015 Guaelaye gui linie Jeova, y finatae y mañantosña.

116:16b.PSA.116.016 O Jeova, magajet na guajo tentagomo; guajo y tentagomo, yan y lajin y tentagomo palaoan: jago pumula y magodeco.

116:17b.PSA.116.017 Bae juofrese jao ni y inefresen grasias, yan juaagang y naan Jeova.

116:18b.PSA.116.018 Bae juapase y promesajo as Jeova, pago gui menan todo y taotaoña sija.

116:19b.PSA.116.019 Gui jalom y páteo y guima Jeova, gui talo guiya jago, O Jerusalem. Fanmanalaba jamyo as Jeova.

117