Ephesians (Albanian)

1

1:1b.EPH.001.001 Hir dhe paqe qoftë mbi ju prej Perëndisë, Ati ynë, dhe nga Zoti Jezu Krisht.

1:2b.EPH.001.002 I bekuar qoftë Perëndia, Ati i Zotit tonë Jezu Krisht, që na bekoi me çdo bekim frymëror në vendet qiellore në Krishtin,

1:3b.EPH.001.003 sikurse na zgjodhi në të përpara se të themelohej bota, që të jemi të shenjtë dhe të papërlyer përpara tij në dashuri,

1:4b.EPH.001.004 duke na paracaktuar që të birësohemi në veten e tij me anë të Jezu Krishtit, sipas pëlqimit të vullnetit të vet,

1:5b.EPH.001.005 për lëvdim të lavdisë së hirit të tij, me të cilin na bëri të pëlqyer në të dashurin Birin e tij,

1:6b.EPH.001.006 në të cilin kemi shpengimin me anë të gjakut të tij, faljen e mëkateve sipas pasurivë së hirit të tij,

1:7b.EPH.001.007 të cilin e bëri të teprojë ndaj nesh me gjithë urtësinë dhe mençurinë,

1:8b.EPH.001.008 duke bërë të njohur tek ne misterin e vullnetit të tij sipas pëlqimit të tij, që ai e kish përcaktuar me veten e tij,

1:9b.EPH.001.009 që, kur të plotësoheshin kohërat, t'i sillte në një krye të vetëm, në Krishtin, të gjitha gjërat, ato që janë në qiejt dhe ato që janë mbi dhe.

1:10b.EPH.001.010 Në të edhe kemi qenë zgjedhur për një trashëgimi, duke qenë të paracaktuar sipas vendimit të atij që vepron të gjitha sipas këshillës së vullnetit të tij,

1:11b.EPH.001.011 që ne të jemi për lëvdim të lavdisë së tij, ne që shpresuam qysh më parë në Krishtin.

1:12b.EPH.001.012 Në të edhe ju, pasi e dëgjuat fjalën e së vërtetës, ungjillin e shpëtimit tuaj, dhe pasi besuat, u vulosët me Frymën e Shenjtë të premtimit,

1:13b.EPH.001.013 i cili është kapari i trashëgimisë tonë, për shpengimin e plotë të zotërimit të blerë, për lëvdim të lavdisë së tij.

1:14b.EPH.001.014 Prandaj edhe unë, qëkur dëgjova për besimin tuaj në Jezu Krishtin dhe për dashurinë që keni ndaj gjithë shenjtorëve,

1:15b.EPH.001.015 nuk pushoj së falënderuari për ju dhe duke ju kujtuar në lutjet e mia,

1:16b.EPH.001.016 që Perëndia i Zotit tonë Jezu Krisht, Ati i lavdisë, t'ju japë juve Frymën e diturisë dhe të zbulesës, në njohurinë e tij,

1:17b.EPH.001.017 dhe t'u ndriçojë sytë e mendjes suaj, që të dini cila është shpresa e thirrjes së tij dhe cilat janë pasuritë e lavdisë së trashëgimisë së tij në shenjtorët,

1:18b.EPH.001.018 dhe cila është madhështia e jashtëzakonshme e fuqisë së tij ndaj nesh, që besojmë sipas veprimit të forcës së fuqisë së tij,

1:19b.EPH.001.019 të cilën e vuri në veprim në Krishtin, duke e ringjallur prej së vdekurish dhe duke e vënë të ulej në të djathtën e tij në vendet qiellore,

1:20b.EPH.001.020 përmbi çdo principatë, pushtet, fuqi, zotërim dhe çdo emër që përmendet jo vetëm në këtë epokë, por edhe në atë të ardhme,

1:21b.EPH.001.021 dhe vuri çdo gjë nën këmbët e tij, edhe ia dha për krye përmbi çdo gjë kishës,

1:22b.EPH.001.022 e cila është trupi i tij, plotësia i atij që mbush çdo gjë në të gjithë.

1:23b.EPH.001.023 Ai ju dha jetë edhe juve, që ishit të vdekur në faje dhe në mëkate,

2

2:1b.EPH.002.001 në të cilat keni ecur dikur, sipas ecjës së kësaj bote, sipas prijësit të pushtetit të erës, sipas frymës që vepron tani në bijtë e mosbindjes,

2:2b.EPH.002.002 ndërmjet të cilëve edhe ne dikur jetuam në lakmitë e mishit tonë duke i plotësuar dëshirat e mishit dhe të mendjes, dhe ishim prej natyre bij të zemërimit, ashtu si edhe të tjerët.

2:3b.EPH.002.003 Por Perëndia, që është i pasur në mëshirë, për shkak të dashurisë së tij të madhe me të cilën na deshi,

2:4b.EPH.002.004 edhe atëherë kur ishim të vdekur në faje, na dha jetë me Krishtin (ju jeni të shpëtuar me anë të hirit),

2:5b.EPH.002.005 edhe na ringjalli me të, dhe me të na vuri të rrimë në vendet qiellore në Krishtin Jezus,

2:6b.EPH.002.006 për të treguar në epokat që do të vijnë pasurinë e pamasë të hirit të tij, me anë të mirësisë ndaj nesh në Krishtin Jezus.

2:7b.EPH.002.007 Ju në fakt, jeni të shpëtuar me anë të hirit, nëpërmjet besimit, dhe kjo nuk vjen nga ju, po është dhurata e Perëndisë,

2:8b.EPH.002.008 jo nga vepra, që të mos mburret askush.

2:9b.EPH.002.009 Ne në fakt jemi vepra e tij, e krijuar në Krishtin Jezus për veprat e mira që Perëndia përgatiti që më parë, që ne të ecim në to.

2:10b.EPH.002.010 Prandaj kujtohuni se dikur ju johebrenj në mish, të quajtur të parrethprerë nga ata që e quajnë veten të rrethprerë, sepse të tillë u bënë në mish, nga dora e njeriut,

2:11b.EPH.002.011 ishit në atë kohë pa Krishtin, të huaj në qytetërinë e Izraelit dhe të huaj për besëlidhjen e premtimit, pa pasur shpresë dhe duke qënë pa Perëndi në botë.

2:12b.EPH.002.012 Por tani, në Krishtin Jezus, ju që dikur ishit larg, u afruat me anë të gjakut të Krishtit.

2:13b.EPH.002.013 Ai në fakt, është paqja jonë, ai që ka bërë nga të dy popujt një dhe ka shembur murin e ndarjes,

2:14b.EPH.002.014 duke e prishur armiqësinë në mishin e tij, ligjin e urdhërimeve të përftuar nga porosi, për të krijuar në vetvete nga dy një njeri të ri, duke bërë paqen,

2:15b.EPH.002.015 dhe për t'i pajtuar të dy me Perëndinë në një trup të vetëm me anë të kryqit, mbasi vrau armiqësinë në vetvete.

2:16b.EPH.002.016 Dhe ai erdhi për t'ju shpallur paqen, juve që ishit larg dhe atyre që ishin afër,

2:17b.EPH.002.017 sepse përmes tij që të dy kemi hyrje tek Ati nëpër një Frymë të vetme.

2:18b.EPH.002.018 Ju, pra, nuk jeni më të huaj, as bujtës, por bashkëqytetarë të shenjtorëve dhe pjestarë të familjes së Perëndisë,

2:19b.EPH.002.019 të ndërtuar mbi themelin e apostujve dhe të profetëve, duke qënë Jezu Krishti vetë guri i qoshes,

2:20b.EPH.002.020 mbi të cilin gjithë ndërtesa, e lidhur mirë, rritet për të qenë një tempull i shenjtë në Zotin,

2:21b.EPH.002.021 në të cilin edhe ju jeni bashkëndërtuar për të qenë një banesë e Perëndisë në Frymë.

2:22b.EPH.002.022 Për këtë arsye unë, Pali, jam i burgosuri i Jezu Krishtit për ju johebrenjtë,

3

3:1b.EPH.003.001 dhe nëse keni dëgjuar për dhënien e hirit të Perëndisë, që më është besuar për ju;

3:2b.EPH.003.002 se si, me zbulesë, ai ma bëri të njohur misterin, sikurse ju shkrova më përpara me pak fjalë.

3:3b.EPH.003.003 Duke i lexuar këto, ju mund të kuptoni cila është inteligjenca ime në misterin e Krishtit,

3:4b.EPH.003.004 që nuk iu bë i njohur në epokat e tjera bijve të njerëzve, ashtu si iu zbulua tani apostujve të shenjtë dhe profetëve të tij me anë të Frymës,

3:5b.EPH.003.005 që johebrenjtë të jenë bashkëtrashëgimtarë të të njëjtit trup dhe bashkëpjesëtarë të premtimit të tij në Krishtin nëpërmjet ungjillit,

3:6b.EPH.003.006 shërbenjës i të cilit u bëra, sipas dhunëtisë së hirit të Perëndisë që m'u dha në sajë të fuqisë së tij.

3:7b.EPH.003.007 Mua, më të voglit nga të gjithë shenjtorët, m'u dha ky hir për të shpallur midis johebrenjve pasuritë e papërshkrueshme të Krishtit,

3:8b.EPH.003.008 dhe për t'u manifestuar të gjithëve pjesëmarrjen e misterit, i cili nga epokat më të lashta qe fshehur në Perëndinë, i cili krijoi të gjitha gjërat nëpërmjet Jezu Krishtit;

3:9b.EPH.003.009 që nëpërmjet kishës, në kohën e tashme u manifestohej principatave dhe pushtetëve, në vendet qiellore, dituria e shumëllojshme e Perëndisë,

3:10b.EPH.003.010 sipas qëllimit të përjetshëm që ai kreu në Krishtin Jezus, Zotin tonë,

3:11b.EPH.003.011 në të cilin kemi lirinë dhe hyrjen te Perëndia në mirëbesimin nëpërmjet besimit në të.

3:12b.EPH.003.012 Për këtë arsye ju lutem që të mos dekurajoheni për shkak të mundimeve të mia që vuaj për ju, e cila është lavdia juaj.

3:13b.EPH.003.013 Për këtë arsye unë po i ul gjunjët e mi përpara Atit të Zotit tonë Jezu Krisht,

3:14b.EPH.003.014 nga i cili merr emër çdo familje në qiejt dhe mbi tokë,

3:15b.EPH.003.015 që t'ju japë, sipas pasurisë së lavdisë së vet, të forcoheni me fuqi nëpërmjet Frymës të tij në njeriun e përbrendshëm,

3:16b.EPH.003.016 që Krishti të banojë në zemrat tuaja me anë të besimit,

3:17b.EPH.003.017 që, të rrënjosur dhe të themeluar në dashuri, të mund të kuptoni me të gjithë shenjtorët cila është gjërësia, gjatësia, thellësia dhe lartësia,

3:18b.EPH.003.018 dhe ta njihni dashurinë e Krishtit që tejkalon çdo njohuri, që të mbusheni me tërë plotësinë e Perëndisë.

3:19b.EPH.003.019 Tani atij që, sipas fuqisë që vepron në ne, mund të bëjë jashtë mase më tepër nga sa kërkojmë ose mendojmë,

3:20b.EPH.003.020 atij i qoftë lavdia në kishën në Krishtin Jezus për të gjitha brezat, në jetë të jetëve. Amen.

3:21b.EPH.003.021 Unë, pra, i burgosuri për Zotin, ju bëj thirrje që të ecni denjësisht sipas thirrjes për të cilën u thirrët,

4

4:1b.EPH.004.001 me çdo përulësi e zemërbutësi, me durim, duke e duruar njëri-tjetrin në dashuri,

4:2b.EPH.004.002 duke u përpjekur të ruani unitetin e Frymës në lidhjen e paqes.

4:3b.EPH.004.003 Éshtë një trup i vetëm dhe një Frym i vetëm, sikurse ju u thirrët në shpresën e vetme të thirrjes suaj.

4:4b.EPH.004.004 Éshtë një Zot i vetëm, një besim i vetëm, një pagëzim i vetëm,

4:5b.EPH.004.005 një Perëndi i vetëm dhe Atë i të gjithëve, që është përmbi të gjithë, në mes të të gjithëve dhe në ju të gjithë.

4:6b.EPH.004.006 Po secilit nga ne iu dha hiri sipas masës së dhuntisë së Krishtit.

4:7b.EPH.004.007 Për ç'ka Shkrimi thotë: ''Kur ai u ngjit lart, ai e burgosi burgosjen dhe u dha dhurata njerëzve''.

4:8b.EPH.004.008 Tani kjo: ''Ai u ngjit'', ç'do të thotë tjetër përveç se ai më parë edhe kishte zbritur në pjesët më të ulta të dheut?

4:9b.EPH.004.009 Ai që zbriti është po ai që edhe u ngjit përmbi të gjithë qiejt, për të përmbushur të gjitha gjërat.

4:10b.EPH.004.010 Dhe ai vetë i dha disa si apostuj, të tjerë si profetë, të tjerë si ungjilltarë dhe të tjerë si barinj e mësues,

4:11b.EPH.004.011 për përsosjen e shenjtorëve, për veprën e shërbimit dhe për ndërtimin e trupit të Krishtit,

4:12b.EPH.004.012 derisa të arrijmë të gjithë te uniteti i besimit dhe të njohjes së Birit të Perëndisë, te një njeri i përsosur, në masën e shtatit të plotësisë së Krishtit,

4:13b.EPH.004.013 që të mos jemi më foshnja, të lëkundur dhe të transportuar nga çdo erë doktrineje, nga mashtrimi i njerëzve, nga dinakëria e tyre nëpërmjet gënjeshtrave të gabimit,

4:14b.EPH.004.014 por, duke thënë të vërtetën me dashuri, të rritemi në çdo gjë drejt atij që është kreu, Krishti.

4:15b.EPH.004.015 Prej të cilit gjithë trupi, i lidhur mirë dhe i bashkuar, me anë të kontributit që jep çdo gjymtyrë dhe sipas forcës së çdo pjese të veçantë, shkakton rritjen e trupit, për ndërtimin e vetes së tij në dashuri.

4:16b.EPH.004.016 Këtë, pra, po dëshmoj në Zotin: të mos ecni më si po ecin ende johebrenjtë e tjerë, në kotësinë e mendjes së tyre,

4:17b.EPH.004.017 të errësuar në mendje, të shkëputur nga jeta e Perëndisë, për shkak të padijes që është në ta dhe ngurtësimit të zemrës së tyre.

4:18b.EPH.004.018 Ata, duke u bërë të pandjeshëm, e dhanë veten në shthurje, duke kryer çdo papastërti me lakmi të pangopur.

4:19b.EPH.004.019 Por ju nuk e keni njohur kështu Krishtin,

4:20b.EPH.004.020 në qoftë se e keni dëgjuar atë dhe keni qënë të mësuar në të sipas së vërtetës që është në Jezusin,

4:21b.EPH.004.021 që të zhvisheni, për sa i takon sjelljes së mëparshme, nga njeriu i vjetër që korruptohet me anë të lakmive të gënjeshtrës,

4:22b.EPH.004.022 dhe të përtëriteni në frymën e mendjes suaj

4:23b.EPH.004.023 dhe të visheni me njeriun e ri, të krijuar sipas Perëndisë në drejtësinë dhe shenjtërinë e së vërtetës.

4:24b.EPH.004.024 Prandaj, duke e lënë mënjanë gënjeshtrën, secili t'i thotë të vërtetën të afërmit të vet, sepse jemi gjymtyrë, njeri me tjetrin.

4:25b.EPH.004.025 Zemërohuni dhe mos mëkatoni; dielli të mos perëndojë mbi inatin tuaj;

4:26b.EPH.004.026 dhe mos i jepni vend djallit.

4:27b.EPH.004.027 Ai që vidhte, le të mos vjedhë më, por më tepër të mundohet duke bërë ndonjë punë të mirë me duart e veta, që të ketë t'i japë diçka atij që ka nevojë.

4:28b.EPH.004.028 Asnjë fjalë e keqe le të mos dalë nga goja juaj, por ajo që është e mirë për ndërtimin, sipas nevojës, që t'u japë hir atyre që dëgjojnë.

4:29b.EPH.004.029 Dhe mos e trishtoni Frymën e Shenjtë të Perëndisë, me të cilin u vulosët për ditën e shpengimit.

4:30b.EPH.004.030 Le të flaket larg jush çdo hidhërim, zemërim, inat, trazirë dhe shpifje me çdo ligësi.

4:31b.EPH.004.031 Por jini të mirë dhe të mëshirshëm njeri me tjetrin, duke e falur njëri-tjetrin, sikurse edhe Perëndia ju ka falur në Krishtin.

4:32b.EPH.004.032 Bëhuni pra imitues të Perëndisë, si bij shumë të dashur,

5

5:1b.EPH.005.001 edhe ecni në dashuri, sikurse edhe Krishti na deshi dhe e dha veten e tij për ne, si ofertë e flijim Perëndisë, si një parfum erëmirë.

5:2b.EPH.005.002 Por, ashtu si u ka hije shenjtorëve, as kurvëria, as ndonjë papastërti, as kurnacëri të mos zihet në gojë midis jush;

5:3b.EPH.005.003 as pandershmëri, as të folur pa mend e të përqeshur, të cilat nuk kanë hije, por më tepër të ketë falenderime.

5:4b.EPH.005.004 Të dini në fakt këtë: asnjë kurvar, ose i ndyrë ose kurnac, i cili është idhujtar, nuk ka ndonjë trashëgim në mbretërinë e Krishtit dhe të Perëndisë.

5:5b.EPH.005.005 Askush të mos ju gënjejë me fjalë të kota, sepse, për shkak të këtyre gjërave, vjen zemërimi i Perëndisë mbi bijtë e mosbindjes.

5:6b.EPH.005.006 Mos jini, pra, shokë me ta.

5:7b.EPH.005.007 Sepse dikur ishit errësirë, por tani jeni dritë në Zotin; ecni, pra, si bij të dritës,

5:8b.EPH.005.008 sepse fryti i Frymës konsiston në gjithçka që është mirësi, drejtësi dhe të vërtetë,

5:9b.EPH.005.009 duke provuar çfarë është e pranueshme për Perëndinë.

5:10b.EPH.005.010 Dhe mos merrni pjesë në punët e pafrytshme të errësirës, por më tepër t'i qortoni,

5:11b.EPH.005.011 sepse ato që bëjnë ata në fshehtësi, është turp edhe të thuhen.

5:12b.EPH.005.012 Kurse të gjitha gjërat, kur dalin në dritë, bëhen të dukshme, sepse çdo gjë që shfaqet është dritë.

5:13b.EPH.005.013 Prandaj Shkrimi thotë: ''Zgjohu, ti që fle, dhe ringjallu prej së vdekurish, dhe Krishti do të shndrisë mbi ty''.

5:14b.EPH.005.014 Kujdesuni, pra, që të ecni me kujdes dhe jo si të marrët, por si të mençurit,

5:15b.EPH.005.015 duke e shfyrtësuar kohën, sepse ditët janë të mbrapshta.

5:16b.EPH.005.016 Prandaj mos u bëni të pakujdesshëm, por kuptoni cili është vullneti i Zotit.

5:17b.EPH.005.017 Dhe mos u dehni me verë, në të cilën ka shthurje, por mbushuni me Frymë,

5:18b.EPH.005.018 duke i folur njeri tjetrit me psalme, himne dhe këngë frymërore, duke kënduar dhe duke lavdëruar Zotin me zemrën tuaj,

5:19b.EPH.005.019 duke e falënderuar vazhdimisht për çdo gjë Perëndinë dhe Atin, në emër të Zotit tonë Jezu Krisht;

5:20b.EPH.005.020 nënshtrohuni njëri-tjetrit në druajtjen e Krishtit!

5:21b.EPH.005.021 Ju, gratë, nënshtrohuni burrave tuaj porsi Zotit,

5:22b.EPH.005.022 sepse burri është kreu i gruas, sikurse edhe Krishti është kreu i kishës, dhe ai vetë është Shpëtimtari i trupit.

5:23b.EPH.005.023 Ashtu si kisha i është nënshtruar Krishtit, kështu gratë duhet t'i nënshtrohen burrave të tyre në çdo gjë.

5:24b.EPH.005.024 Ju, burra, t'i doni gratë tuaja, sikurse edhe Krishti ka dashur kishën dhe e ka dhënë veten e vet për të,

5:25b.EPH.005.025 që ta shenjtërojë, pasi e pastroi me larjen e ujit me anë të fjalës,

5:26b.EPH.005.026 që ta nxjerrë atë përpara vetes të lavdishme, pa njolla a rrudha a ndonjë gjë të ti-llë, por që të jetë e shenjtë dhe e paqortueshme.

5:27b.EPH.005.027 Kështu burrat duhet t'i duan gratë e veta porsi trupat e tyre; kush do gruan e vet do vetveten.

5:28b.EPH.005.028 Sepse askush nuk urreu mishin e vet, por e ushqen dhe kujdeset me butësi për të, sikurse edhe Zoti bën me kishën,

5:29b.EPH.005.029 sepse ne jemi gjymtyrë të trupit të tij, të mishit të tij dhe të kockave të tij.

5:30b.EPH.005.030 ''Prandaj njeriu do të lërë babanë e vet dhe nënën e vet dhe do të bashkohet me gruan e vet, dhe të dy do të bëhen një mish i vetëm''.

5:31b.EPH.005.031 Ky mister është i madh; tani unë e them në lidhjen me Krishtin dhe me kishën.

5:32b.EPH.005.032 Por secili nga ju kështu ta dojë gruan e vet sikurse e do veten e vet; dhe po kështu gruaja ta respektojë burrin.

5:33b.EPH.005.033 Fëmijë, binduni prindërve tuaj në Zotin, sepse kjo është e drejtë.

6

6:1b.EPH.006.001 ''Ndero babanë tënd dhe nënën tënde'', ky është urdhërimi i parë me premtim,

6:2b.EPH.006.002 ''që ti të jesh mirë dhe të jetosh gjatë mbi dhe''.

6:3b.EPH.006.003 Dhe ju, etër, mos provokoni për zemërim fëmijtë tuaj, por i edukoni në disiplinë dhe në këshillë të Zotit.

6:4b.EPH.006.004 Ju, shërbëtorë, bindjuni zotërinjve tuaj sipas mishit me druajtje dhe dridhje, në thjeshtësinë e zemrës suaj, porsi Krishtit,

6:5b.EPH.006.005 duke mos shërbyer për sy e faqe, si ata që duan t'u pëlqejnë njerëzve, por si shërbëtorë të Krishtit, duke bërë vullnetin e Perëndisë me zemër,

6:6b.EPH.006.006 duke shërbyer me dashuri si për Krishtin dhe jo si për njerëzit,

6:7b.EPH.006.007 duke ditur se gjithsecili, qoftë skllav apo i lirë, po të bëjë të mirën, do të marrë shpërblimin nga Zoti.

6:8b.EPH.006.008 Dhe ju, zotërinj, bëni po kështu ndaj tyre, duke i lënë kërcënimet, duke ditur që i tyre dhe juaji Zot është në qiell dhe se tek ai nuk ka asnjë anësi.

6:9b.EPH.006.009 Për çfarë mbetet, vëllezërit e mi, forcohuni në Zotin dhe në forcën e fuqisë së tij.

6:10b.EPH.006.010 Vishni gjithë armatimin e Perëndisë që të mund të qëndroni kundër kurtheve të djallit,

6:11b.EPH.006.011 sepse beteja jonë nuk është kundër gjakut dhe mishit, por kundër principatave, kundër pushteteve, kundër sunduesve të botës së errësirës të kësaj epoke, kundër frymërave të mbrapshta në vendet qiellore.

6:12b.EPH.006.012 Prandaj merreni të gjithë armatimin e Perëndisë, që të mund të rezistoni në ditën e mbrapshtë dhe të mbeteni më këmbë pasi t'i keni kryer çdo gjë.

6:13b.EPH.006.013 Qëndroni, pra, të fortë, duke patur në ijë brezin e së vërtetës, të veshur me parzmoren e drejtësisë,

6:14b.EPH.006.014 dhe duke mbathur këmbët me gatishmërinë e ungjillit të paqes,

6:15b.EPH.006.015 mbi të gjitha, duke marrë mburojën e besimit, me të cilën mund të shuani të gjitha shigjetat e zjarrta të të ligut.

6:16b.EPH.006.016 Merrni edhe përkrenaren e shpëtimit dhe shpatën e Frymës, që është fjala e Perëndisë,

6:17b.EPH.006.017 duke u lutur në çdo kohë dhe me çdo lloj lutjeje dhe përgjërimi në Frymën, duke ndenjur zgjuar për këtë qëllim me çdo ngulmim dhe lutje për të gjithë shenjtorët,

6:18b.EPH.006.018 dhe edhe për mua, që kur të hap gojën time, të më jepet të flas lirësisht për ta bërë të njohur misterin e ungjillit,

6:19b.EPH.006.019 për të cilin jam i dërguari në pranga, që të mund të shpall lirësisht, siç e kam për detyrë.

6:20b.EPH.006.020 Por, që ta dini edhe ju si jam dhe çfarë bëj, Tikiku, vëllai i dashur dhe shërbenjësi besnik në Zotin, do t'ju informojë për të gjitha;

6:21b.EPH.006.021 të cilin pikërisht për këtë qëllim po ju kam dërguar, që të jeni në dijeni të gjendjes sonë dhe të ngushëllojë zemrat tuaja.

6:22b.EPH.006.022 Paqe vëllezërve dhe dashuri me besim nga Perëndia Ati dhe nga Zoti Jezu Krisht.

6:23b.EPH.006.023 Hiri qoftë me të gjithë ata që duan Zotin tonë Jezu Krisht me sinqeritet.

6:24b.EPH.006.024 Pali dhe Timoteu, shërbëtorë të Jezu Krishtit, gjithë shenjtorëve në Jezu Krishtin që janë në Filipi, bashkë me peshkopët dhe dhjakët: