2 Thessalonians (Aguaruna)

21

21:1b.2TH.021.001 Witjai Pabloitjai, Silvano, Timoteo aajan pujusan jujú papiin agatjime. Dutikakun atum iina Apají Apajuiya nunú, Apu Jisusa nemajin aidautijum, yaakat Tesalónica batsatjum nuna kumpamjime.

21:2b.2TH.021.002 Apajuí iina Apajuijiya nunú, Apu Jisukristujai wait anenjamu asa, atumnash shiig agkan anentaimsa pujutan amastinme.

21:3b.2TH.021.003 Yatsug aidauh, iik Apajuí aujuinakuik atum pachisa see tusaikí ainaji. Jutii pegkeg dutikmaina duka juuwai, wagki atumek aan nagkaemasjum Kristui kajintsá anentaimkujum, pempentunisjumek aan nagkaemasjum aneenidau asagmin.

21:4b.2TH.021.004 Tikich nugkanmaya Jisusa nemajin aidaunum chichaakuish, atumin eme anentsan etsegtajime, ditak utugchatnum pujuinak waituinakush, imá Kristuig kajinas anentaimas pujuinak, shiig nemajuinawai tusa.

21:5b.2TH.021.005 Atum Kristui kajintsá anentaimu asajum ashí waitiajum duka, Apajuí dekaskenum pegkejan takaa nuna iwainawai. Nunú aaja Kristui waittsau asagmin niina inamtaijin awaintamawagtinai.

21:6b.2TH.021.006 Apajuik pegkeja nunak takauwai, nuniau asa yamai atumin waitkagmaina nunak suwimkan susatnai.

21:7b.2TH.021.007 Tuja atum waitkam batsatjum nunak, jutiijai betek agkanmitkagmatnai. Nunak Apu Jisus, nayaimpinmaya ni aentsji senchigtin aina nujai, jii kegamunum egketkau minitna duwi dutikatnai.

21:8b.2TH.021.008 Nuniak, Apajuí pachisa dekatnash dakituinak, Apu Jisusa chichame yamajam etsegbaunash antugkachaju aidaun suwimkan susatnai.

21:9b.2TH.021.009 Ditak suwimkan juwinak Apajuijaig tuke kanaak kanakiag pujusagtinai, nuninak Apu Jisusa imanjiya nunash, senchijinash waintsuk batsamtinai.

21:10b.2TH.021.010 Apu Jisus ni aentsji aidau emematam atina nunú tsawantinig, atumshakam ditajai ijunjatnaitjume, wagki atumesh jutii chicham etsegbau dekaskeapi tiu asajum.

21:11b.2TH.021.011 Nuaduí atum pachisa Apajuí tuke aujtuinajime, Apajuí atumnash, wajuk pujustinme tusaya etegtamjauwa ainawa nunisjumek pujustajum tusaja. Nunin asamtai Apajuí atumnash, atum ashí pegkeg aidau dutikatasajum wakegajum nunash niina senchijin amastinme, iina Apuji Jisukristui kajintsá anentaimaidau asagmin.

21:12b.2TH.021.012 Atum nuniamunum, tikich aents aidaush Apu Jisukristunash eme anentus diistinme, nuniagtai atumnash nigki wait anenjamjau asa, iina Apajuiji, Apu Jisukristujai eme anenjamas diigmastinme.

22

22:1b.2TH.022.001 Yatsug aidauh, ubag aidauh, yamai iina Apuji Jisukristu ataktú juwi minakui niijai ijunjatnaitag nuna tajime:

22:2b.2TH.022.002 Ishamkaigpajum makichik aentskesh chichagtamainak, “Apu Jisusak tae” tujamainai, tikich chichau “wakan tujutne” tai, jutii pachijattsagkesh ni tujamaji, papí agag awetugmamji tujamainakuish, kakajus anentaimik yapajiawaigpajum.

22:3b.2TH.022.003 Makichkish tsanuamak aigpajum, Kristuk eke taatsui. Kristu taattak wajataik, kuashat aents Apajuin nemagtanak idaisagtinai, nuninai makichik aents dekas pegkegchau wantinkatnai. Nu aentsuk jii ajumaish kajinchaunum pujus waittsatna nunú atinai.

22:4b.2TH.022.004 Nunú aentsua duka Apajuí shiwaji asa, Apajuí nemajin aidaunash shiwajiyai, aantsag wainak apajimin aidaunash shiwajiyai. Nuniau asa jega Apajuí ememattainum wayaa ekeemas: “Witjai Apajuinuk”, titinai.

22:5b.2TH.022.005 Wi atumjai pujubiag duwi juna pachisan ujakbaijim nunú kajimatkigpa.

22:6b.2TH.022.006 Nunú aents pegkegchau tsawan eke jegatsaig, yamaya juwik wantinkai tusa makichik emeteau awa duka dekagme.

22:7b.2TH.022.007 Tujash yamaikishkam inamui pegkegchau takatnak, nuniayatak eke iwainakag takaatsui, nuna emetea nu agkasti tabaunum.

22:8b.2TH.022.008 Nunikmatai dekas aents pegkegchauwa nu wantinkatnai, nunittaman Apu Jisukristu, nu aentsua nunak “jakati” titinai, tama jakatnai. Dutika Jisukristu ashí niina senchijijai inamjatna nuniak, nunú aents pegkegchauwa nuna senchijinak emegkaktinai.

22:9b.2TH.022.009 Jisukristu eke nuna dutikatsaig, aents pegkegchaun takau wantinkatna duka, iwanchi senchijijai takau asa, aents dutikmainchau aidaun kuashat iwainak takaak aentsun tsanutnai.

22:10b.2TH.022.010 Nuniak ashí pegkegchau aina nuna takatnai, aents suwimkan jukiagtina nuna tsanugtatus, wagki ditak Jisukristu chichame dekaskea nunú, aents aidaun pujut tuke atinun suuwa nuna dakitjaju asagmatai.

22:11b.2TH.022.011 Nuaduí Apajuik, nunú tsanumna nuna dekaskeapi titinme tusa idaisatnai.

22:12b.2TH.022.012 Nunak ashí aents aidau, ni chichame dekaskea nunú etsegbaunash dekaskeapi tutan dakituinak, ayatak pegkegchaunak wakejus takasú aidaun, Apajuí suwimkan susata tau asa dutikatnai.

22:13b.2TH.022.013 Tujash yatsug aidauh, ubag aidauh, atum Kristu aneetai aidautigmin pachisan Apajuí see tajai. Ni duwik yama nagkamchatinig etegtamjauwai uwemjau atinme tusa. Duwi Wakaní Pegkejiya nu, Apajuí wakeja nunak takastinme tusa yaimpakajui, wagki atumek chicham dekaskea nunú, nuigtú Jisukristui kajintsá anentaimu asagmin.

22:14b.2TH.022.014 Apajuik jutii ni chichame etsegkauwaitag duwi atumnash untsugmakajui, atumesh Apu Jisukristu eme anentam awa nunisjumek eme anentam aminjum tujamu asa.

22:15b.2TH.022.015 Nuaduí yatsug aidauh, ubag aidauh imá niinig shiig emetmamja pujakjum, ii atumin jintintuamu unuimajuitjum nu, tuja papí agaja awetimiajim dushakam aneaku atajum.

22:16b.2TH.022.016 Iina Apuji Jisukristua duke, iina Apají Apajuiya nujai anempaidau asag, wait anenjamag ichichmamtan ajumaish nagkankashtinun, pegkeg dakainag nuna amasajua nujai

22:17b.2TH.022.017 anentaiminish ichichtamjatnume, shiig anentaimtijamak ashí pegkegnak chichainak, takatnash pegkegnak takastinme tujamu asa.

23

23:1b.2TH.023.001 Yatsug aidauh, ubag aidauh, junak inagnakun tajime: Jutii pachijattsajum Apajuí segatkagtitajum, jutiish Apajuí chichame ashí yantamnum etsegkagmi, dutikamunum shiig aneas antuktinme atumiin wajukabia nunisag.

23:2b.2TH.023.002 Dutiksagmek Apajuí segatkagtitajum: Aents pegkegchau aidau, Kristui kajinas anentaimainatsu nunú jutiin waitkagmamain aina nunash agkamitkagmati tusajum.

23:3b.2TH.023.003 Tujash ii Apuji ni tibaujinak betek umina nunú, nigki ashí pegkegchau aidaunmash ayamjutpak kuitamjamkatnume.

23:4b.2TH.023.004 Apu Jisukristuig kajinmamsa anentaimji, ii dutikatajum tibau takaajum nunak, dutiksagkeap takasagtatua tusan.

23:5b.2TH.023.005 Ii Apuji Jisus yaimpakti Apajuí anejata antsaik anejattanum, nuigtushkam waitiakuish Kristuig ichichmamta nunashkam.

23:6b.2TH.023.006 Yatsug aidauh, ii Apuji Jisukristu wakega dutiksanuk tajime: Ashí Apajuí nemajin aidau takasá pujutan dakitak, ii jintintuabiajim nunash betek umiinachuk tupanjatajum.

23:7b.2TH.023.007 Atumek, ii atumiin wajuk pujusbaiji nunisjumek atumshakam pujumainaitjum duka dekagme: Jutii atumiin pujubiag duwik takatskek pujuchbaiji,

23:8b.2TH.023.008 yuwakuish akikmatskek yuchabiaji. Tsawai kashijai takaaku yawebiaji atum waitkat dakitau asaja.

23:9b.2TH.023.009 Atum jutii yaijatkatajum tumainaitku, ii takaamun wainainak ditashkam takastinme tusa nunibiaji.

23:10b.2TH.023.010 Tuja wi atumjai pujubiag duwik juna tibaijime: Ni takatan dakitauk yutanash yuwashti, tusan.

23:11b.2TH.023.011 Tujash antukmaji atum ainajum anuiya, ditanunak uyumas takatsuk, tikich takaidaun waitká yujaidau tabaun.

23:12b.2TH.023.012 Nunú aents nunin aidaunak Apu Jisukristu dutikatnume tawa nuna tajime: Dita yuwatnujin takainak takamtak batsamsatnume.

23:13b.2TH.023.013 Yatsug aidauh, ubag aidauh, pegkeg takat aina duka yawetjaigpa.

23:14b.2TH.023.014 Makichik aentskesh wi ju papí agagbauwa juna antutan dakitau wainkugmek tsanigkaigpa, ijuntakesh ijunjaigpa, nigki pujak datsaamas dekapsati.

23:15b.2TH.023.015 Tujash shiwagmá pujusaigpajum, ayatak shiig ujaktajum yatsum anentsajum.

23:16b.2TH.023.016 Ii Apuji shiig agkan anentaimsa pujutan sukagtina duke, atumnash ashí tsawantai shiig agkan anentaimsa pujutnum yaimpaktinme ashí tikich aina nuwishkam. Apajuiya duke ashí atum ainajum nuwish atí.

23:17b.2TH.023.017 Atumi kumpamkun agatjim nunak, wi mina uwejuí achikan agatjime, ashí wi papiin agajan awemaknuk tuke jutiksanké ajai.

23:18b.2TH.023.018 Ii Apuji Jisukristu ashí atumnash wait anenjamjatnume. Aatus atí.