Colossians (Afrikaans)

1

1:1b.COL.001.001 Paulus, 'n apostel van Jesus Christus deur die wil van God, en die broeder Timótheüs,

1:2b.COL.001.002 aan die heilige en gelowige broeders in Christus wat in Kolosse is: Genade vir julle en vrede van God onse Vader en die Here Jesus Christus!

1:3b.COL.001.003 Ons dank die God en Vader van onse Here Jesus Christus altyd as ons vir julle bid,

1:4b.COL.001.004 omdat ons gehoor het van julle geloof in Christus Jesus en julle liefde tot al die heiliges,

1:5b.COL.001.005 vanweë die hoop wat vir julle weggelê is in die hemele, waarvan julle vroeër gehoor het deur die woord van die waarheid van die evangelie,

1:6b.COL.001.006 wat julle sowel as die hele wêreld bereik het; en dit dra vrug, net soos onder julle ook, van die dag af dat julle dit gehoor het en die genade van God in waarheid leer ken het;

1:7b.COL.001.007 soos julle ook geleer het van Épafras, ons geliefde mededienskneg, wat 'n getroue dienaar van Christus vir julle is,

1:8b.COL.001.008 wat ook julle liefde in die Gees aan ons te kenne gegee het.

1:9b.COL.001.009 Daarom hou ons ook nie op nie, van die dag af dat ons dit gehoor het, om vir julle te bid en te vra dat julle vervul mag word met die kennis van sy wil in alle wysheid en geestelike insig,

1:10b.COL.001.010 sodat julle waardiglik voor die Here mag wandel om Hom in alles te behaag en julle in elke goeie werk vrug mag dra en in die kennis van God mag groei,

1:11b.COL.001.011 en met alle krag bekragtig word volgens die mag van sy heerlikheid tot alle lydsaamheid en lankmoedigheid met blydskap,

1:12b.COL.001.012 en die Vader mag dank wat ons bekwaam gemaak het om deel te hê aan die erfdeel van die heiliges in die lig--

1:13b.COL.001.013 Hy wat ons verlos het uit die mag van die duisternis en oorgebring het in die koninkryk van die Seun van sy liefde,

1:14b.COL.001.014 in wie ons die verlossing het deur sy bloed, naamlik die vergifnis van die sondes.

1:15b.COL.001.015 Hy is die Beeld van die onsienlike God, die Eersgeborene van die hele skepping;

1:16b.COL.001.016 want in Hom is alle dinge geskape wat in die hemele en op die aarde is, wat sienlik en onsienlik is, trone sowel as heerskappye en owerhede en magte--alle dinge is deur Hom en tot Hom geskape.

1:17b.COL.001.017 En Hy is voor alle dinge, en in Hom hou alle dinge stand.

1:18b.COL.001.018 En Hy is die Hoof van die liggaam, naamlik die gemeente; Hy wat die begin is, die Eersgeborene uit die dode, sodat Hy in alles die eerste kan wees.

1:19b.COL.001.019 Want dit het die Vader behaag dat in Hom die ganse volheid sou woon

1:20b.COL.001.020 en dat Hy deur Hom alles met Homself sou versoen nadat Hy vrede gemaak het deur die bloed van sy kruis--ek sê deur Hom--die dinge op die aarde sowel as die dinge in die hemele.

1:21b.COL.001.021 Ook julle wat vroeër vervreemd was en vyandig gesind deur die bose werke, het Hy nou versoen

1:22b.COL.001.022 in die liggaam van sy vlees deur die dood, om julle heilig en sonder gebrek en onberispelik voor Hom te stel;

1:23b.COL.001.023 as julle ten minste gegrond en vas bly in die geloof en julle nie laat afbring van die hoop van die evangelie nie, wat julle gehoor het en wat verkondig is in die ganse mensdom onder die hemel, waarvan ek, Paulus, 'n dienaar geword het.

1:24b.COL.001.024 Nou verbly ek my in my lyding vir julle en vul in my vlees aan die oorblyfsels van die verdrukking van Christus vir sy liggaam, wat die gemeente is;

1:25b.COL.001.025 waarvan ek 'n dienaar geword het volgens die bediening van God wat aan my gegee is in julle belang, om die woord van God te vervul,

1:26b.COL.001.026 naamlik die verborgenheid wat van die eeue en geslagte af verborge was, maar nou geopenbaar is aan sy heiliges,

1:27b.COL.001.027 aan wie God wou bekend maak wat die rykdom van die heerlikheid van hierdie verborgenheid onder die heidene is, dit is Christus onder julle, die hoop van die heerlikheid.

1:28b.COL.001.028 Hom verkondig ons, terwyl ons elke mens vermaan en elke mens in alle wysheid onderrig, om elke mens volmaak in Christus Jesus voor te stel;

1:29b.COL.001.029 waarvoor ek arbei en stry volgens sy werking wat in my werk met krag.

2

2:1b.COL.002.001 Want ek wil hê dat julle moet weet wat 'n groot stryd ek oor julle het, en oor die wat in Laodicéa is en almal wat my aangesig in die vlees nie gesien het nie,

2:2b.COL.002.002 dat hulle harte vertroos mag word, deurdat hulle saamgevoeg word in die liefde en tot alle rykdom van die volle versekerdheid van insig, om die verborgenheid te leer ken van God en die Vader en van Christus,

2:3b.COL.002.003 in wie al die skatte van wysheid en kennis verborge is.

2:4b.COL.002.004 Dit sê ek, sodat niemand julle mag verlei met drogredes nie.

2:5b.COL.002.005 Want al is ek ook na die vlees afwesig, tog is ek by julle in die gees, en ek verbly my om julle goeie orde te sien en die vastigheid van julle geloof in Christus.

2:6b.COL.002.006 Soos julle dan Christus Jesus, die Here, aangeneem het, wandel so in Hom,

2:7b.COL.002.007 gewortel en opgebou in Hom en bevestig in die geloof, soos julle geleer is, terwyl julle daarin oorvloedig is in danksegging.

2:8b.COL.002.008 Pas op dat niemand julle as 'n buit wegvoer deur die wysbegeerte en nietige misleiding nie, volgens die oorlewering van die mense, volgens die eerste beginsels van die wêreld en nie volgens Christus nie.

2:9b.COL.002.009 Want in Hom woon al die volheid van die Godheid liggaamlik;

2:10b.COL.002.010 en julle het die volheid in Hom wat die Hoof is van alle owerheid en mag;

2:11b.COL.002.011 in wie julle ook besny is met 'n besnydenis wat nie met hande verrig word nie, deur die liggaam van die sondige vlees af te lê in die besnydenis van Christus,

2:12b.COL.002.012 omdat julle saam met Hom begrawe is in die doop, waarin julle ook saam opgewek is deur die geloof in die werking van God wat Hom uit die dode opgewek het.

2:13b.COL.002.013 En julle, wat dood was deur die misdade en die onbesnedenheid van julle vlees, het Hy saam met Hom lewend gemaak deurdat Hy julle al die misdade vergeef het,

2:14b.COL.002.014 en die skuldbrief teen ons, wat met sy insettinge ons vyandig was, uitgedelg en weggeruim het deur dit aan die kruis vas te nael,

2:15b.COL.002.015 nadat Hy die owerhede en magte uitgeklee en hulle in die openbaar tentoongestel en daardeur oor hulle getriomfeer het.

2:16b.COL.002.016 Laat niemand julle dan oordeel in spys of in drank of met betrekking tot 'n fees of nuwemaan of sabbat nie,

2:17b.COL.002.017 wat 'n skaduwee is van die toekomstige dinge; maar die liggaam behoort aan Christus.

2:18b.COL.002.018 Laat niemand julle van jul prys beroof nie, al sou hy behae hê in nederigheid en verering van die engele en indring in wat hy nie gesien het nie, en sonder oorsaak opgeblase wees deur sy vleeslike gesindheid,

2:19b.COL.002.019 en nie vashou aan die Hoof nie, uit wie die hele liggaam deur die gewrigte en verbindinge ondersteuning ontvang en saamgebind word en so met goddelike groei groot word.

2:20b.COL.002.020 As julle dan saam met Christus die eerste beginsels van die wêreld afgesterf het, waarom is julle, asof julle nog in die wêreld lewe, onderworpe aan insettinge

2:21b.COL.002.021 soos: raak nie, smaak nie, roer nie aan nie? --

2:22b.COL.002.022 almal dinge wat deur die gebruik bestem is om te vergaan--volgens die gebooie en leringe van mense,

2:23b.COL.002.023 wat, alhoewel dit 'n skyn van wysheid het, in eiesinnige godsdiens en nederigheid en in gestrengheid teen die liggaam, geen waarde het nie, maar strek tot versadiging van die vlees.

3

3:1b.COL.003.001 As julle dan saam met Christus opgewek is, soek die dinge daarbo waar Christus is en aan die regterhand van God sit.

3:2b.COL.003.002 Bedink die dinge wat daarbo is, nie wat op die aarde is nie.

3:3b.COL.003.003 Want julle het gesterwe, en julle lewe is saam met Christus verborge in God.

3:4b.COL.003.004 Wanneer Christus, wat ons lewe is, geopenbaar word, dan sal julle ook saam met Hom in heerlikheid geopenbaar word.

3:5b.COL.003.005 Maak dood dan julle lede wat op die aarde is, naamlik hoerery, onreinheid, hartstog, slegte begeertes en gierigheid, wat afgodediens is,

3:6b.COL.003.006 waardeur die toorn van God oor die kinders van die ongehoorsaamheid kom,

3:7b.COL.003.007 waarin julle ook vroeër gewandel het toe julle daarin geleef het.

3:8b.COL.003.008 Maar nou moet julle ook dit alles aflê, naamlik toorn, woede, boosheid, laster, skandelike taal uit julle mond.

3:9b.COL.003.009 Lieg nie vir mekaar nie, omdat julle die oue mens met sy werke afgelê het

3:10b.COL.003.010 en julle jul met die nuwe mens beklee het wat vernuwe word tot kennis na die beeld van sy Skepper,

3:11b.COL.003.011 waar daar nie Griek en Jood, besnedene en onbesnedene, barbaar, Skith, slaaf, vryman is nie, maar Christus is alles en in almal.

3:12b.COL.003.012 Beklee julle dan, as uitverkorenes van God, heiliges en geliefdes, met innerlike ontferming, goedertierenheid, nederigheid, sagmoedigheid, lankmoedigheid.

3:13b.COL.003.013 Verdra mekaar en vergewe mekaar as die een teen die ander 'n klag het; soos Christus julle vergeef het, so moet julle ook doen.

3:14b.COL.003.014 En beklee julle bo dit alles met die liefde wat die band van die volmaaktheid is.

3:15b.COL.003.015 En laat die vrede van God, waartoe julle ook in een liggaam geroep is, in julle harte heers, en wees dankbaar.

3:16b.COL.003.016 Laat die woord van Christus ryklik in julle woon in alle wysheid. Leer en vermaan mekaar met psalms en lofsange en geestelike liedere, en sing in julle hart met dankbaarheid tot eer van die Here.

3:17b.COL.003.017 En wat julle ook al doen in woord of in daad, doen alles in die Naam van die Here Jesus en dank God die Vader deur Hom.

3:18b.COL.003.018 Vroue, wees julle mans onderdanig soos dit betaamlik is in die Here.

3:19b.COL.003.019 Manne, julle moet jul vroue liefhê en nie teen hulle verbitter word nie.

3:20b.COL.003.020 Kinders, julle moet jul ouers in alles gehoorsaam wees, want dit is die Here welbehaaglik.

3:21b.COL.003.021 Vaders, moenie julle kinders terg nie, sodat hulle nie moedeloos word nie.

3:22b.COL.003.022 Diensknegte, julle moet jul here na die vlees in alles gehoorsaam wees, nie met oëdiens soos mensebehaers nie, maar in eenvoudigheid van hart, omdat julle God vrees.

3:23b.COL.003.023 En wat julle ook al doen, doen dit van harte soos vir die Here en nie vir mense nie,

3:24b.COL.003.024 omdat julle weet dat julle van die Here die erfenis as vergelding sal ontvang, want julle dien die Here Christus.

3:25b.COL.003.025 Maar wie onreg doen, sal die onreg wat hy gedoen het, terug ontvang; en daar is geen aanneming van die persoon nie.

4

4:1b.COL.004.001 Betoon reg en billikheid, here, aan julle diensknegte, omdat julle weet dat julle ook 'n Here in die hemele het.

4:2b.COL.004.002 Volhard in die gebed en waak daarin met danksegging;

4:3b.COL.004.003 en bid tegelykertyd ook vir ons, dat God vir ons die deur van die woord mag open om te spreek van die verborgenheid van Christus, waarvoor ek ook in boeie is,

4:4b.COL.004.004 dat ek dit openbaar kan maak soos ek dit behoort te spreek.

4:5b.COL.004.005 Wandel in wysheid teenoor die wat buite is, en koop die tyd uit.

4:6b.COL.004.006 Laat julle woord altyd aangenaam wees, met sout besprinkel, sodat julle kan weet hoe julle iedereen moet antwoord.

4:7b.COL.004.007 Al my omstandighede sal Tíchikus, die geliefde broeder en getroue dienaar en mededienskneg in die Here, julle bekend maak.

4:8b.COL.004.008 Ek het hom na julle gestuur juis hiervoor, om julle toestande te leer ken en julle harte te vertroos,

4:9b.COL.004.009 saam met Onésimus, die getroue en geliefde broeder wat van julle mense is. Hulle sal julle alles bekend maak wat hier voorval.

4:10b.COL.004.010 Aristárchus, my medegevangene, groet julle; en Markus, die neef van Bárnabas, oor wie julle bevele ontvang het--as hy by julle kom, ontvang hom--

4:11b.COL.004.011 ook Jesus wat Justus genoem word, manne wat uit die besnydenis is. Hulle alleen is my medewerkers vir die koninkryk van God en hulle was 'n troos vir my.

4:12b.COL.004.012 Épafras wat een van julle is, 'n dienskneg van Christus, groet julle en stry altyd vir julle in die gebede, dat julle volmaak en volkome mag staan in die ganse wil van God.

4:13b.COL.004.013 Want ek getuig van hom dat hy 'n groot ywer het vir julle en vir die wat in Laodicéa en die wat in Hiërápolis is.

4:14b.COL.004.014 Die geneesheer Lukas, die geliefde, en Demas groet julle.

4:15b.COL.004.015 Groet die broeders in Laodicéa en Nimfas en die gemeente wat in sy huis is.

4:16b.COL.004.016 En wanneer hierdie brief by julle gelees is, sorg dat dit ook in die gemeente van die Laodicense gelees word en dat julle ook dié uit Laodicéa lees.

4:17b.COL.004.017 En sê aan Archíppus: Gee ag op die bediening wat jy ontvang het in die Here, dat jy dit vervul.

4:18b.COL.004.018 Die groete van Paulus, met my eie hand. Dink aan my boeie. Die genade sy met julle! Amen.