Matthew (Afrikaans)

1

1:1b.MAT.001.001 Die geslagsregister van Jesus Christus, die seun van Dawid, die seun van Abraham:

1:2b.MAT.001.002 Abraham was die vader van Isak, en Isak die vader van Jakob, en Jakob die vader van Juda en sy broers;

1:3b.MAT.001.003 en Juda was die vader van Peres en Serag by Tamar, en Peres was die vader van Hesron, en Hesron die vader van Ram,

1:4b.MAT.001.004 en Ram die vader van Ammínadab, en Ammínadab die vader van Nagson, en Nagson die vader van Salmon,

1:5b.MAT.001.005 en Salmon die vader van Boas by Ragab, en Boas die vader van Obed by Rut, en Obed die vader van Isai,

1:6b.MAT.001.006 en Isai die vader van koning Dawid, en koning Dawid die vader van Salomo by die vrou van Uría,

1:7b.MAT.001.007 en Salomo die vader van Rehábeam, en Rehábeam die vader van Abía, en Abía die vader van Asa,

1:8b.MAT.001.008 en Asa die vader van Jósafat, en Jósafat die vader van Joram, en Joram die vader van Ussía,

1:9b.MAT.001.009 en Ussía die vader van Jotam, en Jotam die vader van Agas, en Agas die vader van Hiskía,

1:10b.MAT.001.010 en Hiskía die vader van Manasse, en Manasse die vader van Amon, en Amon die vader van Josía,

1:11b.MAT.001.011 en Josía die vader van Jegónia en sy broers in die tyd van die Babiloniese ballingskap.

1:12b.MAT.001.012 En ná die Babiloniese ballingskap het Jegónia die vader geword van Seáltiël, en Seáltiël was die vader van Serubbábel,

1:13b.MAT.001.013 en Serubbábel die vader van Abíud, en Abíud die vader van Éljakim, en Éljakim die vader van Asor,

1:14b.MAT.001.014 en Asor die vader van Sadok, en Sadok die vader van Agim, en Agim die vader van Elíud,

1:15b.MAT.001.015 en Elíud die vader van Eleásar, en Eleásar die vader van Mattan, en Mattan die vader van Jakob,

1:16b.MAT.001.016 en Jakob die vader van Josef, die man van Maria uit wie gebore is Jesus wat Christus genoem word.

1:17b.MAT.001.017 Al die geslagte dan van Abraham tot Dawid is veertien geslagte, en van Dawid tot die Babiloniese ballingskap veertien geslagte, en van die Babiloniese ballingskap tot Christus veertien geslagte.

1:18b.MAT.001.018 Die geboorte van Jesus Christus was dan só: Toe sy moeder Maria verloof was aan Josef, voordat hulle saamgekom het, is sy swanger bevind uit die Heilige Gees.

1:19b.MAT.001.019 En Josef, haar man, omdat hy regverdig was en onwillig om haar openbaar te maak, het hom voorgeneem om in die geheim van haar te skei.

1:20b.MAT.001.020 Maar terwyl hy dit in die gedagte gehad het, verskyn daar 'n engel van die Here in 'n droom aan hom en sê: Josef, seun van Dawid, wees nie bevrees om Maria, jou vrou, by jou te neem nie, want wat in haar verwek is, is uit die Heilige Gees;

1:21b.MAT.001.021 en sy sal 'n seun baar, en jy moet Hom Jesus noem, want dit is Hy wat sy volk van hulle sondes sal verlos.

1:22b.MAT.001.022 En dit het alles gebeur, sodat die woord vervul sou word wat die Here deur die profeet gespreek het:

1:23b.MAT.001.023 Kyk, die maagd sal swanger word en 'n seun baar, en hulle sal Hom Emmánuel noem, dit is, as dit vertaal word: God met ons.

1:24b.MAT.001.024 En toe Josef uit die slaap wakker word, het hy gedoen soos die engel van die Here hom beveel het en sy vrou by hom geneem;

1:25b.MAT.001.025 en hy het haar nie beken totdat sy haar eersgebore Seun gebaar het nie; en hy het Hom Jesus genoem.

2

2:1b.MAT.002.001 En toe Jesus te Betlehem in Judéa gebore is, in die dae van koning Herodes, het daar wyse manne uit die Ooste in Jerusalem aangekom

2:2b.MAT.002.002 en gesê: Waar is die Koning van die Jode, wat gebore is? Want ons het sy ster in die Ooste gesien en gekom om Hom hulde te bewys.

2:3b.MAT.002.003 En toe koning Herodes dit hoor, was hy ontsteld en die hele Jerusalem saam met hom;

2:4b.MAT.002.004 en hy het al die owerpriesters en die skrifgeleerdes van die volk bymekaar laat kom en by hulle navraag gedoen waar die Christus gebore sou word.

2:5b.MAT.002.005 En hulle het vir hom gesê: Te Betlehem in Judéa, want so is daar deur die profeet geskrywe:

2:6b.MAT.002.006 En jy, Betlehem, land van Juda, is volstrek nie die geringste onder die vorste van Juda nie, want uit jou sal 'n leidsman voortkom wat vir my volk Israel 'n herder sal wees.

2:7b.MAT.002.007 Toe het Herodes die wyse manne in die geheim geroep en hulle na die tyd van die ster se verskyning uitgevra;

2:8b.MAT.002.008 en hy het hulle na Betlehem gestuur en gesê: Gaan doen noukeurig ondersoek na die Kindjie, en as julle Hom vind, laat my weet, sodat ek ook kan gaan en Hom hulde bewys.

2:9b.MAT.002.009 En nadat hulle die koning aangehoor het, het hulle vertrek. En kyk, die ster wat hulle in die Ooste gesien het, gaan voor hulle uit totdat hy kom en bly staan bo-oor die plek waar die Kindjie was.

2:10b.MAT.002.010 En toe hulle die ster sien, het hulle hul met baie groot blydskap verheug.

2:11b.MAT.002.011 En hulle het in die huis gegaan en die Kindjie by Maria, sy moeder, gevind en neergeval en Hom hulde bewys. Daarop maak hulle hul skatte oop en bring vir Hom geskenke: goud en wierook en mirre.

2:12b.MAT.002.012 En omdat hulle in 'n droom 'n goddelike waarskuwing ontvang het om nie na Herodes terug te keer nie, het hulle met 'n ander pad na hul land teruggegaan.

2:13b.MAT.002.013 En toe hulle teruggegaan het, verskyn daar 'n engel van die HERE in 'n droom aan Josef en sê: Staan op, neem die Kindjie en sy moeder en vlug na Egipte, en bly daar totdat ek jou sê; want Herodes gaan die Kindjie soek om Hom dood te maak.

2:14b.MAT.002.014 Hy het toe opgestaan, die Kindjie en sy moeder in die nag geneem en na Egipte vertrek.

2:15b.MAT.002.015 En hy was daar tot die dood van Herodes, sodat die woord vervul sou word wat die Here gespreek het deur die profeet: Uit Egipte het Ek my Seun geroep.

2:16b.MAT.002.016 Toe Herodes sien dat hy deur die wyse manne mislei was, het hy baie woedend geword en gestuur en in Betlehem en in al die omstreke daarvan al die seuntjies van twee jaar en daaronder laat ombring, ooreenkomstig die tyd wat hy van die wyse manne uitgevra het.

2:17b.MAT.002.017 Toe is vervul wat deur Jeremia, die profeet, gespreek is toe hy gesê het:

2:18b.MAT.002.018 'n Stem is in Rama gehoor: rouklag en geween en groot gekerm; Ragel beween haar kinders en wil nie vertroos word nie, omdat hulle daar nie meer is nie.

2:19b.MAT.002.019 En ná die dood van Herodes het daar 'n engel van die Here in 'n droom aan Josef in Egipte verskyn

2:20b.MAT.002.020 en gesê: Staan op, neem die Kindjie en sy moeder, en gaan na die land van Israel; want hulle is dood wat die lewe van die Kindjie gesoek het.

2:21b.MAT.002.021 En hy het opgestaan, die Kindjie en sy moeder geneem en in die land van Israel gekom.

2:22b.MAT.002.022 Maar toe hy hoor dat Archeláüs oor Judéa koning was in die plek van sy vader Herodes, was hy bevrees om daarheen te gaan. En hy het 'n goddelike waarskuwing in 'n droom ontvang en na die streke van Galiléa teruggekeer.

2:23b.MAT.002.023 En hy het gaan woon in 'n stad met die naam van Násaret, sodat vervul sou word wat deur die profete gespreek is, dat Hy Nasaréner genoem sou word.

3

3:1b.MAT.003.001 In daardie dae het Johannes die Doper opgetree en in die woestyn van Judéa

3:2b.MAT.003.002 gepreek en gesê: Bekeer julle, want die koninkryk van die hemele het naby gekom.

3:3b.MAT.003.003 Want dit is hy van wie deur die profeet Jesaja gespreek is toe hy gesê het: Die stem van een wat roep in die woestyn: Berei die weg van die Here, maak sy paaie reguit!

3:4b.MAT.003.004 En hy, Johannes, het 'n kleed gedra van kameelhare en 'n leergord om sy heupe, en sy voedsel was sprinkane en wilde heuning.

3:5b.MAT.003.005 En Jerusalem en die hele Judéa en die hele omtrek van die Jordaan het uitgegaan na hom toe.

3:6b.MAT.003.006 En hulle is deur hom in die Jordaan gedoop met belydenis van hulle sondes.

3:7b.MAT.003.007 Maar toe hy baie van die Fariseërs en Sadduseërs na sy doop sien kom, sê hy vir hulle: Addergeslag, wie het julle aangewys om te vlug vir die toorn wat aan kom is?

3:8b.MAT.003.008 Dra dan vrugte wat by die bekering pas.

3:9b.MAT.003.009 En moenie dink om by julleself te sê: ons het Abraham as vader nie; want ek sê vir julle dat God mag het om uit hierdie klippe kinders vir Abraham op te wek.

3:10b.MAT.003.010 Maar die byl lê ook al teen die wortel van die bome. Elke boom wat geen goeie vrugte dra nie, word uitgekap en in die vuur gegooi.

3:11b.MAT.003.011 Ek doop julle wel met water tot bekering; maar Hy wat ná my kom, is sterker as ek, wie se skoene ek nie waardig is om aan te dra nie. Hy sal julle doop met die Heilige Gees en met vuur.

3:12b.MAT.003.012 Sy skop is in sy hand, en Hy sal sy dorsvloer deur en deur skoonmaak en sy koring in die skuur saambring, maar die kaf sal Hy met onuitbluslike vuur verbrand.

3:13b.MAT.003.013 Toe het Jesus van Galiléa na die Jordaan, na Johannes gekom om deur hom gedoop te word.

3:14b.MAT.003.014 Maar Johannes het Hom ernstig teëgegaan en gesê: Ek het nodig om deur U gedoop te word, en kom U na my toe?

3:15b.MAT.003.015 Maar Jesus het geantwoord en vir hom gesê: Laat dit nou toe, want só pas dit ons om alle geregtigheid te vervul. Daarna het hy Hom toegelaat.

3:16b.MAT.003.016 En nadat Jesus gedoop was, het Hy dadelik uit die water opgeklim, en meteens gaan die hemele vir Hom oop, en Hy sien die Gees van God soos 'n duif neerdaal en op Hom kom.

3:17b.MAT.003.017 En daar kom 'n stem uit die hemele wat sê: Dit is my geliefde Seun in wie Ek 'n welbehae het.

4

4:1b.MAT.004.001 Toe is Jesus deur die Gees weggelei die woestyn in om versoek te word deur die duiwel.

4:2b.MAT.004.002 En nadat Hy veertig dae en veertig nagte gevas het, het Hy naderhand honger geword.

4:3b.MAT.004.003 En die versoeker het na Hom gekom en gesê: As U die Seun van God is, sê dat hierdie klippe brode word.

4:4b.MAT.004.004 Maar Hy antwoord en sê: Daar is geskrywe: Die mens sal nie van brood alleen lewe nie, maar van elke woord wat deur die mond van God uitgaan.

4:5b.MAT.004.005 Toe neem die duiwel Hom saam na die heilige stad en laat Hom op die dak van die tempel staan

4:6b.MAT.004.006 en sê vir Hom: As U die Seun van God is, werp Uself af; want daar is geskrywe: Hy sal sy engele bevel gee aangaande U, en hulle sal U op die hande dra, sodat U nie miskien u voet teen 'n klip stamp nie.

4:7b.MAT.004.007 Jesus sê vir hom: Daar is óók geskrywe: Jy mag die Here jou God nie versoek nie.

4:8b.MAT.004.008 Weer neem die duiwel Hom saam na 'n baie hoë berg en wys Hom al die koninkryke van die wêreld en hulle heerlikheid,

4:9b.MAT.004.009 en sê vir Hom: Al hierdie dinge sal ek aan U gee as U neerval en my aanbid.

4:10b.MAT.004.010 Toe sê Jesus vir hom: Gaan weg, Satan! want daar is geskrywe: Die Here jou God moet jy aanbid en Hom alleen dien.

4:11b.MAT.004.011 Daarna het die duiwel Hom laat staan, en daar het engele gekom en Hom gedien.

4:12b.MAT.004.012 En toe Jesus hoor dat Johannes in die gevangenis gesit was, het Hy na Galiléa teruggegaan.

4:13b.MAT.004.013 En Hy het Násaret verlaat en gaan woon in Kapérnaüm aan die see, in die gebied van Sébulon en Náftali,

4:14b.MAT.004.014 sodat vervul sou word wat gespreek is deur Jesaja, die profeet, toe hy gesê het:

4:15b.MAT.004.015 Die land Sébulon en die land Náftali, na die see toe, oorkant die Jordaan, Galiléa van die heidene--

4:16b.MAT.004.016 die volk wat in duisternis sit, het 'n groot lig gesien, en die wat sit in die land en skaduwee van die dood, vir hulle het 'n lig opgegaan.

4:17b.MAT.004.017 Van toe af het Jesus begin om te preek en te sê: Bekeer julle, want die koninkryk van die hemele het naby gekom.

4:18b.MAT.004.018 En terwyl Jesus langs die see van Galiléa loop, sien Hy twee broers, Simon wat genoem word Petrus, en Andréas, sy broer, besig om 'n net in die see uit te gooi; want hulle was vissers.

4:19b.MAT.004.019 En Hy sê vir hulle: Kom agter My aan, en Ek sal julle vissers van mense maak.

4:20b.MAT.004.020 En hulle het dadelik die nette laat staan en Hom gevolg.

4:21b.MAT.004.021 En toe Hy daarvandaan verder gaan, sien Hy twee ander broers, Jakobus, die seun van Sebedéüs, en Johannes, sy broer, in die skuit saam met hulle vader Sebedéüs, besig om hulle nette heel te maak; en Hy het hulle geroep.

4:22b.MAT.004.022 En hulle het dadelik die skuit en hulle vader verlaat en Hom gevolg.

4:23b.MAT.004.023 En Jesus het deur die hele Galiléa rondgegaan en in hulle sinagoges geleer en die evangelie van die koninkryk verkondig en elke siekte en elke kwaal onder die volk genees.

4:24b.MAT.004.024 En die gerug aangaande Hom is versprei oor die hele Sírië; en hulle het na Hom gebring almal wat ongesteld was, wat gekwel was deur allerhande siektes en pyne en wat van duiwels besete was, en maansiekes en verlamdes; en Hy het hulle gesond gemaak.

4:25b.MAT.004.025 En groot menigtes het Hom gevolg van Galiléa en Dekápolis en Jerusalem en Judéa en van oorkant die Jordaan af.

5

5:1b.MAT.005.001 En toe Hy die skare sien, het Hy op die berg geklim; en nadat Hy gaan sit het, het sy dissipels na Hom gekom;

5:2b.MAT.005.002 en Hy het sy mond geopen en hulle geleer en gesê:

5:3b.MAT.005.003 Salig is die wat arm van gees is, want aan hulle behoort die koninkryk van die hemele.

5:4b.MAT.005.004 Salig is die wat treur, want hulle sal vertroos word.

5:5b.MAT.005.005 Salig is die sagmoediges, want hulle sal die aarde beërwe.

5:6b.MAT.005.006 Salig is die wat honger en dors na die geregtigheid, want hulle sal versadig word.

5:7b.MAT.005.007 Salig is die barmhartiges, want aan hulle sal barmhartigheid bewys word.

5:8b.MAT.005.008 Salig is die wat rein van hart is, want hulle sal God sien.

5:9b.MAT.005.009 Salig is die vredemakers, want hulle sal kinders van God genoem word.

5:10b.MAT.005.010 Salig is die wat vervolg word ter wille van die geregtigheid, want aan hulle behoort die koninkryk van die hemele.

5:11b.MAT.005.011 Salig is julle wanneer die mense julle beledig en vervolg en valslik allerhande kwaad teen julle spreek om My ontwil.

5:12b.MAT.005.012 Verbly en verheug julle omdat julle loon groot is in die hemele; want so het hulle die profete vervolg wat voor julle gewees het.

5:13b.MAT.005.013 Julle is die sout van die aarde, maar as die sout laf geword het, waarmee sal dit gesout word? Dit deug nêrens meer voor as om buite gegooi en deur die mense vertrap te word nie.

5:14b.MAT.005.014 Julle is die lig van die wêreld. 'n Stad wat bo-op 'n berg lê, kan nie weggesteek word nie;

5:15b.MAT.005.015 en 'n mens steek ook nie 'n lamp op en sit dit onder die maatemmer nie, maar op die staander, en dit skyn vir almal wat in die huis is.

5:16b.MAT.005.016 Laat julle lig só skyn voor die mense, dat hulle julle goeie werke kan sien en julle Vader wat in die hemele is, verheerlik.

5:17b.MAT.005.017 Moenie dink dat Ek gekom het om die wet of die profete te ontbind nie. Ek het nie gekom om te ontbind nie, maar om te vervul.

5:18b.MAT.005.018 Want voorwaar Ek sê vir julle, voordat die hemel en die aarde verbygaan, sal nie een jota of een titteltjie van die wet ooit verbygaan totdat alles gebeur het nie.

5:19b.MAT.005.019 Elkeen dus wat een van die minste van hierdie gebooie breek en die mense só leer, sal die minste genoem word in die koninkryk van die hemele; maar elkeen wat dit doen en leer, hy sal groot genoem word in die koninkryk van die hemele.

5:20b.MAT.005.020 Want Ek sê vir julle dat, as julle geregtigheid nie oorvloediger is as dié van die skrifgeleerdes en Fariseërs nie, julle nooit in die koninkryk van die hemele sal ingaan nie.

5:21b.MAT.005.021 Julle het gehoor dat aan die mense van die ou tyd gesê is: Jy mag nie doodslaan nie, maar elkeen wat doodslaan, moet verantwoording doen voor die gereg.

5:22b.MAT.005.022 Maar Ek sê vir julle dat elkeen wat vir sy broeder sonder rede kwaad is, verantwoording moet doen voor die gereg; en elkeen wat vir sy broeder sê: Raka! moet verantwoording doen voor die Groot Raad; en elkeen wat sê: Jou dwaas! moet verantwoording doen in die helse vuur.

5:23b.MAT.005.023 As jy dan jou gawe na die altaar bring en dit jou daar byval dat jou broeder iets teen jou het,

5:24b.MAT.005.024 laat jou gawe daar voor die altaar bly en gaan versoen jou eers met jou broeder, en kom dan en bring jou gawe.

5:25b.MAT.005.025 Wees gou goedgesind teenoor jou teëparty so lank as jy nog saam met hom op die pad is, sodat die teëparty jou nie miskien oorgee aan die regter en die regter jou oorgee aan die geregsdienaar en jy in die gevangenis gewerp word nie.

5:26b.MAT.005.026 Voorwaar Ek sê vir jou, jy sal daar sekerlik nie uitkom voordat jy die laaste oortjie betaal het nie.

5:27b.MAT.005.027 Julle het gehoor dat aan die mense van die ou tyd gesê is: Jy mag nie egbreek nie.

5:28b.MAT.005.028 Maar Ek sê vir julle dat elkeen wat na 'n vrou kyk om haar te begeer, reeds in sy hart met haar egbreuk gepleeg het.

5:29b.MAT.005.029 As jou regteroog jou dan laat struikel, ruk dit uit en gooi dit weg van jou af; want dit is vir jou beter dat een van jou lede vergaan en nie jou hele liggaam in die hel gewerp word nie.

5:30b.MAT.005.030 En as jou regterhand jou laat struikel, kap dit af en gooi dit weg van jou af; want dit is vir jou beter dat een van jou lede vergaan en nie jou hele liggaam in die hel gewerp word nie.

5:31b.MAT.005.031 Daar is ook gesê: Elkeen wat van sy vrou skei, moet haar 'n skeibrief gee.

5:32b.MAT.005.032 Maar Ek sê vir julle dat elkeen wat van sy vrou skei, behalwe omrede van hoerery, maak dat sy egbreuk pleeg, en elkeen wat die geskeie vrou trou, pleeg egbreuk.

5:33b.MAT.005.033 Verder het julle gehoor dat aan die mense van die ou tyd gesê is: Jy mag nie vals sweer nie, maar jy moet jou ede aan die Here hou.

5:34b.MAT.005.034 Maar Ek sê vir julle: Sweer hoegenaamd nie--nie by die hemel nie, omdat dit die troon van God is;

5:35b.MAT.005.035 ook nie by die aarde nie, omdat dit die voetbank van sy voete is; ook nie by Jerusalem nie, omdat dit die stad is van die groot Koning;

5:36b.MAT.005.036 ook by jou hoof mag jy nie sweer nie, omdat jy nie een haar wit of swart kan maak nie.

5:37b.MAT.005.037 Maar laat julle woord wees: Ja ja, nee nee. Wat meer as dit is, is uit die Bose.

5:38b.MAT.005.038 Julle het gehoor dat daar gesê is: Oog vir oog en tand vir tand.

5:39b.MAT.005.039 Maar Ek sê vir julle dat julle 'n slegte mens nie moet weerstaan nie; maar as iemand jou op jou regterwang slaan, draai ook die ander een na hom toe.

5:40b.MAT.005.040 En hy wat met jou na die gereg wil gaan en jou onderkleed wil neem, laat hom ook die bo-kleed kry.

5:41b.MAT.005.041 En elkeen wat van jou een myl afdwing, loop met hom twee myl saam.

5:42b.MAT.005.042 Gee aan hom wat jou iets vra, en wys hom nie af wat van jou wil leen nie.

5:43b.MAT.005.043 Julle het gehoor dat daar gesê is: Jy moet jou naaste liefhê en jou vyand moet jy haat.

5:44b.MAT.005.044 Maar Ek sê vir julle: Julle moet jul vyande liefhê; seën die wat vir julle vervloek, doen goed aan die wat vir julle haat, en bid vir die wat julle beledig en julle vervolg;

5:45b.MAT.005.045 sodat julle kinders kan word van julle Vader wat in die hemele is; want Hy laat sy son opgaan oor slegtes en goeies, en Hy laat reën op regverdiges en onregverdiges.

5:46b.MAT.005.046 Want as julle liefhet die wat vir julle liefhet, watter loon het julle? Doen die tollenaars nie ook dieselfde nie?

5:47b.MAT.005.047 En as julle net jul broeders groet, wat besonders doen julle dan? Doen die tollenaars nie ook so nie?

5:48b.MAT.005.048 Wees julle dan volmaak soos julle Vader in die hemele volmaak is.

6

6:1b.MAT.006.001 Pas op dat julle nie jul liefdadigheid voor die mense bewys om deur hulle gesien te word nie; anders het julle geen loon by julle Vader wat in die hemele is nie.

6:2b.MAT.006.002 Wanneer jy dan liefdadigheid bewys, moenie 'n trompet voor jou blaas soos die geveinsdes in die sinagoges en op die strate doen, dat hulle deur die mense geëer kan word nie. Voorwaar Ek sê vir julle, hulle het hul loon weg.

6:3b.MAT.006.003 Maar jy, as jy liefdadigheid bewys, laat jou linkerhand nie weet wat jou regterhand doen nie,

6:4b.MAT.006.004 sodat jou liefdadigheid in die verborgene kan wees; en jou Vader wat in die verborgene sien, Hy sal jou in die openbaar vergelde.

6:5b.MAT.006.005 En wanneer jy bid, moet jy nie wees soos die geveinsdes nie; want hulle hou daarvan om in die sinagoges en op die hoeke van die strate te staan en bid, om deur die mense gesien te word. Voorwaar Ek sê vir julle dat hulle hul loon weg het.

6:6b.MAT.006.006 Maar jy, wanneer jy bid, gaan in jou binnekamer, sluit jou deur en bid jou Vader wat in die verborgene is; en jou Vader wat in die verborgene sien, sal jou in die openbaar vergelde.

6:7b.MAT.006.007 En as julle bid, gebruik nie 'n ydele herhaling van woorde soos die heidene nie, want hulle dink dat hulle deur hul baie woorde verhoor sal word.

6:8b.MAT.006.008 Moet dan nie soos hulle word nie, want jul Vader weet wat julle nodig het voordat julle Hom vra.

6:9b.MAT.006.009 Só moet julle dan bid: Onse Vader wat in die hemele is, laat u Naam geheilig word;

6:10b.MAT.006.010 laat u koninkryk kom; laat u wil geskied, soos in die hemel net so ook op die aarde;

6:11b.MAT.006.011 gee ons vandag ons daaglikse brood;

6:12b.MAT.006.012 en vergeef ons ons skulde, soos ons ook ons skuldenaars vergewe;

6:13b.MAT.006.013 en lei ons nie in versoeking nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.

6:14b.MAT.006.014 Want as julle die mense hulle oortredinge vergewe, sal julle hemelse Vader julle ook vergewe.

6:15b.MAT.006.015 Maar as julle die mense hulle oortredinge nie vergewe nie, sal julle Vader julle oortredinge ook nie vergewe nie.

6:16b.MAT.006.016 En wanneer julle vas, moenie lang gesigte trek soos die geveinsdes nie; want hulle mismaak hul gesigte, sodat dit deur die mense gesien kan word dat hulle vas. Voorwaar Ek sê vir julle, hulle het hul loon weg.

6:17b.MAT.006.017 Maar jy, as jy vas, salf jou hoof en was jou gesig,

6:18b.MAT.006.018 sodat jy nie die mense laat sien dat jy vas nie, maar jou Vader wat in die verborgene is; en jou Vader wat in die verborgene sien, sal jou in die openbaar vergelde.

6:19b.MAT.006.019 Moenie vir julle skatte bymekaarmaak op die aarde, waar mot en roes verniel en waar diewe inbreek en steel nie;

6:20b.MAT.006.020 maar maak vir julle skatte bymekaar in die hemel, waar geen mot of roes verniel nie en waar diewe nie inbreek en steel nie;

6:21b.MAT.006.021 want waar julle skat is, daar sal julle hart ook wees.

6:22b.MAT.006.022 Die lamp van die liggaam is die oog. As jou oog dan reg is, sal jou hele liggaam verlig wees.

6:23b.MAT.006.023 Maar as jou oog verkeerd is, sal jou hele liggaam donker wees. As dan die lig in jou donkerheid is, hoe groot is die donkerheid nie!

6:24b.MAT.006.024 Niemand kan twee here dien nie; want òf hy sal die een haat en die ander liefhê, òf hy sal die een aanhang en die ander verag. Julle kan nie God én Mammon dien nie!

6:25b.MAT.006.025 Daarom sê Ek vir julle: Moenie julle kwel oor jul lewe--wat julle sal eet en wat julle sal drink nie; of oor jul liggaam--wat julle sal aantrek nie. Is die lewe nie meer as die voedsel en die liggaam as die klere nie?

6:26b.MAT.006.026 Kyk na die voëls van die hemel; hulle saai nie en hulle maai nie en hulle bring nie bymekaar in skure nie, en tog voed julle hemelse Vader hulle. Is julle nie baie meer werd as hulle nie?

6:27b.MAT.006.027 Wie tog onder julle kan, deur hom te kwel, een el by sy lengte voeg?

6:28b.MAT.006.028 En wat kwel julle jul oor klere? Let op die lelies van die veld, hoe hulle groei; hulle arbei nie en hulle spin nie;

6:29b.MAT.006.029 en Ek sê vir julle dat selfs Salomo in al sy heerlikheid nie bekleed was soos een van hulle nie.

6:30b.MAT.006.030 As God dan die gras van die veld, wat vandag daar is en môre in 'n oond gegooi word, so beklee, hoeveel te meer vir julle, kleingelowiges?

6:31b.MAT.006.031 Daarom moet julle jul nie kwel en sê: Wat sal ons eet, of wat sal ons drink, of wat sal ons aantrek nie?

6:32b.MAT.006.032 Want na al hierdie dinge soek die heidene; want julle hemelse Vader weet dat julle al hierdie dinge nodig het.

6:33b.MAT.006.033 Maar soek eers die koninkryk van God en sy geregtigheid, en al hierdie dinge sal vir julle bygevoeg word.

6:34b.MAT.006.034 Kwel julle dus nie oor môre nie, want môre sal hom oor sy eie dinge kwel. Elke dag het genoeg aan sy eie kwaad.

7

7:1b.MAT.007.001 Moenie oordeel nie, sodat julle nie geoordeel word nie.

7:2b.MAT.007.002 Want met die oordeel waarmee julle oordeel, sal julle geoordeel word; en met die maat waarmee julle meet, sal weer vir julle gemeet word.

7:3b.MAT.007.003 En waarom sien jy die splinter in die oog van jou broeder, maar die balk in jou eie oog merk jy nie op nie?

7:4b.MAT.007.004 Of hoe sal jy vir jou broeder sê: Laat my toe om die splinter uit jou oog uit te haal, en kyk, in jou eie oog is die balk!

7:5b.MAT.007.005 Geveinsde, haal eers die balk uit jou oog uit, en dan sal jy goed sien om die splinter uit die oog van jou broeder uit te haal.

7:6b.MAT.007.006 Moenie wat heilig is, aan die honde gee nie; en gooi julle pêrels nie voor die varke nie, sodat hulle dit nie miskien met hulle pote vertrap en omdraai en julle verskeur nie.

7:7b.MAT.007.007 Bid, en vir julle sal gegee word; soek, en julle sal vind; klop, en vir julle sal oopgemaak word.

7:8b.MAT.007.008 Want elkeen wat bid, ontvang; en hy wat soek, vind; en vir hom wat klop, sal oopgemaak word.

7:9b.MAT.007.009 Of watter mens is daar onder julle wat, as sy seun hom brood vra, aan hom 'n klip sal gee;

7:10b.MAT.007.010 en as hy 'n vis vra, aan hom 'n slang sal gee?

7:11b.MAT.007.011 As julle wat sleg is, dan weet om goeie gawes aan julle kinders te gee, hoeveel te meer sal julle Vader wat in die hemele is, goeie dinge gee aan die wat Hom bid!

7:12b.MAT.007.012 Alles wat julle dan wil hê dat die mense aan julle moet doen, net so moet julle aan hulle ook doen; want dit is die wet en die profete.

7:13b.MAT.007.013 Gaan in deur die nou poort, want breed is die poort en wyd is die pad wat na die verderf lei, en daar is baie wat daardeur ingaan.

7:14b.MAT.007.014 Want die poort is nou en die pad is smal wat na die lewe lei, en daar is min wat dit vind.

7:15b.MAT.007.015 Maar pas op vir die valse profete wat in skaapsklere na julle kom en van binne roofsugtige wolwe is.

7:16b.MAT.007.016 Aan hulle vrugte sal julle hulle ken. 'n Mens pluk tog nie druiwe van dorings of vye van distels nie!

7:17b.MAT.007.017 So dra elke goeie boom goeie vrugte; maar 'n slegte boom dra slegte vrugte.

7:18b.MAT.007.018 'n Goeie boom kan geen slegte vrugte dra nie, en 'n slegte boom ook geen goeie vrugte nie.

7:19b.MAT.007.019 Elke boom wat nie goeie vrugte dra nie, word uitgekap en in die vuur gegooi.

7:20b.MAT.007.020 So sal julle hulle dan aan hul vrugte ken.

7:21b.MAT.007.021 Nie elkeen wat vir My sê: Here, Here! sal ingaan in die koninkryk van die hemele nie, maar hy wat die wil doen van my Vader wat in die hemele is.

7:22b.MAT.007.022 Baie sal in daardie dag vir My sê: Here, Here, het ons nie in u Naam geprofeteer en in u Naam duiwels uitgedrywe en in u Naam baie kragte gedoen nie?

7:23b.MAT.007.023 En dan sal Ek aan hulle sê: Ek het julle nooit geken nie. Gaan weg van My, julle wat die ongeregtigheid werk!

7:24b.MAT.007.024 Elkeen dan wat na hierdie woorde van My luister en dit doen, hom sal Ek vergelyk met 'n verstandige man wat sy huis op die rots gebou het.

7:25b.MAT.007.025 En die reën het geval en die waterstrome het gekom en die winde het gewaai en teen daardie huis aangestorm, en dit het nie geval nie, want sy fondament was op die rots.

7:26b.MAT.007.026 En elkeen wat na hierdie woorde van My luister en dit nie doen nie, sal vergelyk word met 'n dwase man wat sy huis op die sand gebou het.

7:27b.MAT.007.027 En die reën het geval en die waterstrome het gekom en die winde het gewaai en teen daardie huis aangestorm en dit het geval, en sy val was groot.

7:28b.MAT.007.028 En toe Jesus hierdie woorde geëindig het, was die skare verslae oor sy leer;

7:29b.MAT.007.029 want Hy het hulle geleer soos een wat gesag het, en nie soos die skrifgeleerdes nie.

8

8:1b.MAT.008.001 En toe Hy van die berg afkom, het groot menigtes Hom gevolg;

8:2b.MAT.008.002 en daar het 'n melaatse man gekom en voor Hom neergeval en gesê: Here, as U wil, kan U my reinig.

8:3b.MAT.008.003 Daarop steek Jesus die hand uit en raak hom aan en sê: Ek wil; word gereinig! En dadelik is hy van sy melaatsheid gereinig.

8:4b.MAT.008.004 En Jesus sê vir hom: Pas op dat jy dit aan niemand vertel nie, maar gaan vertoon jou aan die priester en offer die gawe wat Moses voorgeskrywe het, tot 'n getuienis vir hulle.

8:5b.MAT.008.005 En nadat Jesus in Kapérnaüm ingegaan het, kom daar 'n hoofman oor honderd na Hom toe en smeek Hom

8:6b.MAT.008.006 en sê: Here, my kneg lê tuis verlam en hy ly hewige pyne.

8:7b.MAT.008.007 Daarop sê Jesus vir hom: Ek sal kom en hom gesond maak.

8:8b.MAT.008.008 En die hoofman oor honderd antwoord en sê: Here, ek is nie werd dat U onder my dak inkom nie; maar spreek net 'n woord, en my kneg sal gesond word.

8:9b.MAT.008.009 Want ek is ook 'n man onder gesag, en ek het soldate onder my. En vir hierdie een sê ek: Gaan! en hy gaan; en vir 'n ander een: Kom! en hy kom; en vir my dienskneg: Doen dit! en hy doen dit.

8:10b.MAT.008.010 Toe Jesus dit hoor, het Hy Hom verwonder en aan sy volgelinge gesê: Voorwaar Ek sê vir julle, selfs in Israel het Ek so 'n groot geloof nie gevind nie.

8:11b.MAT.008.011 Maar Ek sê vir julle dat baie sal kom van ooste en weste en saam met Abraham en Isak en Jakob sal aansit in die koninkryk van die hemele.

8:12b.MAT.008.012 Maar die kinders van die koninkryk sal uitgedryf word in die buitenste duisternis. Daar sal geween wees en gekners van die tande.

8:13b.MAT.008.013 Toe sê Jesus vir die hoofman oor honderd: Gaan, en laat dit vir jou wees soos jy geglo het. En sy kneg het gesond geword in daardie uur.

8:14b.MAT.008.014 En toe Jesus in die huis van Petrus kom, sien Hy sy skoonmoeder siek lê aan die koors.

8:15b.MAT.008.015 En Hy het haar hand aangeraak, en die koors het haar verlaat, en sy het opgestaan en hulle bedien.

8:16b.MAT.008.016 En toe dit aand geword het, het hulle baie na Hom gebring, wat van duiwels besete was; en Hy het die geeste met 'n woord uitgedrywe; en almal wat ongesteld was, het Hy gesond gemaak,

8:17b.MAT.008.017 sodat vervul sou word wat gespreek is deur Jesaja, die profeet, toe hy gesê het: Hy het ons krankhede op Hom geneem en ons siektes gedra.

8:18b.MAT.008.018 En toe Jesus groot menigtes rondom Hom sien, het Hy bevel gegee om te vertrek na die oorkant.

8:19b.MAT.008.019 En 'n sekere skrifgeleerde het gekom en vir Hom gesê: Meester, ek sal U volg waar U ook al mag gaan.

8:20b.MAT.008.020 En Jesus sê vir hom: Die jakkalse het gate en die voëls van die hemel neste, maar die Seun van die mens het geen plek waar Hy sy hoof kan neerlê nie.

8:21b.MAT.008.021 En 'n ander een van sy dissipels het vir Hom gesê: Here, laat my toe om eers te gaan en my vader te begrawe.

8:22b.MAT.008.022 Maar Jesus sê vir hom: Volg My, en laat die dooies hul eie dooies begrawe.

8:23b.MAT.008.023 En toe Hy in die skuit klim, het sy dissipels Hom gevolg.

8:24b.MAT.008.024 En daar het 'n groot storm op die see gekom, sodat die skuit toe was onder die golwe; maar Hy was aan die slaap.

8:25b.MAT.008.025 Daarop kom sy dissipels en maak Hom wakker en sê: Here, red ons, ons vergaan!

8:26b.MAT.008.026 En Hy sê vir hulle: Waarom is julle bang, kleingelowiges? Toe staan Hy op en bestraf die winde en die see, en daar het 'n groot stilte gekom.

8:27b.MAT.008.027 En die manne het hulle verwonder en gesê: Wat vir 'n mens is Hy, dat selfs die winde en die see Hom gehoorsaam is?

8:28b.MAT.008.028 En toe Hy aan die oorkant kom, in die land van die Gergeséners, het twee duiwelbesetenes Hom ontmoet, wat uit die grafte uitgekom het en baie kwaai was, sodat niemand met daardie pad kon verbygaan nie.

8:29b.MAT.008.029 En meteens skreeu hulle en sê: Wat het ons met U te doen, Jesus, Seun van God? Het U hier gekom om ons voor die tyd te pynig?

8:30b.MAT.008.030 En ver van hulle af het 'n groot trop varke gewei.

8:31b.MAT.008.031 En die duiwels het Hom gesmeek en gesê: As U ons uitdryf, laat ons toe om in die trop varke te vaar.

8:32b.MAT.008.032 En Hy sê vir hulle: Gaan! Toe gaan hulle uit en vaar in die trop varke in; en daar storm die hele trop varke van die krans af die see in en kom in die water om.

8:33b.MAT.008.033 En die wagters het gevlug; en toe hulle in die stad kom, het hulle alles vertel, ook wat met die besetenes gebeur het.

8:34b.MAT.008.034 En kyk, die hele stad het uitgekom, Jesus tegemoet; en toe hulle Hom sien, smeek hulle dat Hy uit hulle gebied moet weggaan.

9

9:1b.MAT.009.001 En nadat Hy in die skuit geklim het, het Hy oorgevaar en in sy eie stad gekom.

9:2b.MAT.009.002 En hulle het 'n verlamde man wat op 'n bed lê, na Hom gebring. En toe Jesus hulle geloof sien, sê Hy aan die verlamde: Seun, hou goeie moed, jou sondes is jou vergewe.

9:3b.MAT.009.003 En sommige van die skrifgeleerdes het by hulleself gesê: Hierdie man praat godslasterlik.

9:4b.MAT.009.004 En toe Jesus merk wat hulle gedagtes was, sê Hy: Waarom bedink julle slegte dinge in julle harte?

9:5b.MAT.009.005 Want wat is makliker, om te sê: Die sondes is jou vergewe! of om te sê: Staan op en loop?

9:6b.MAT.009.006 Maar dat julle kan weet dat die Seun van die mens mag het om op aarde sondes te vergewe--toe sê Hy vir die verlamde man: Staan op, neem jou bed op en gaan na jou huis toe.

9:7b.MAT.009.007 En hy het opgestaan en huis toe gegaan.

9:8b.MAT.009.008 En toe die skare dit sien, was hulle verwonderd en het God verheerlik wat so 'n mag aan die mense gegee het.

9:9b.MAT.009.009 En toe Jesus daarvandaan verder gaan, sien Hy 'n man met die naam van Matthéüs by die tolhuis sit; en Hy sê vir hom: Volg My. En hy het opgestaan en Hom gevolg.

9:10b.MAT.009.010 En terwyl Hy in die huis aan tafel was, het daar baie tollenaars en sondaars saam met Jesus en sy dissipels aan tafel gegaan.

9:11b.MAT.009.011 En toe die Fariseërs dit sien, sê hulle vir sy dissipels: Waarom eet julle Meester saam met tollenaars en sondaars?

9:12b.MAT.009.012 Maar toe Jesus dit hoor, sê Hy vir hulle: Die wat gesond is, het die geneesheer nie nodig nie, maar die wat ongesteld is.

9:13b.MAT.009.013 Maar gaan leer wat dit beteken: Ek wil barmhartigheid hê en nie offerande nie; want Ek het nie gekom om regverdiges te roep nie, maar sondaars tot bekering.

9:14b.MAT.009.014 Daarna kom die dissipels van Johannes na Hom en sê: Waarom vas ons en die Fariseërs dikwels, maar u dissipels vas nie?

9:15b.MAT.009.015 En Jesus sê vir hulle: Kan die bruilofsgaste dan treur so lank as die bruidegom by hulle is? Maar daar sal dae kom wanneer die bruidegom van hulle weggeneem word, en dan sal hulle vas.

9:16b.MAT.009.016 En niemand sit 'n nuwe stuk lap op 'n ou kleed nie; want die aangelapte stuk skeur van die kleed af en daar kom 'n erger skeur.

9:17b.MAT.009.017 'n Mens gooi ook nie nuwe wyn in ou leersakke nie; anders bars die sakke en die wyn loop uit en die sakke vergaan. Maar 'n mens gooi nuwe wyn in nuwe sakke en altwee bly behoue.

9:18b.MAT.009.018 Terwyl Hy vir hulle dit sê, kom daar 'n sekere owerste en val voor Hom neer en sê: My dogter het nou net gesterwe, maar kom en lê u hand op haar, en sy sal lewe.

9:19b.MAT.009.019 En Jesus het opgestaan en hom gevolg, en ook sy dissipels.

9:20b.MAT.009.020 En daar het 'n vrou wat twaalf jaar lank aan bloedvloeiing gely het, van agter gekom en die soom van sy kleed aangeraak.

9:21b.MAT.009.021 Want sy het by haarself gesê: As ek maar net sy kleed kan aanraak, sal ek gesond word.

9:22b.MAT.009.022 En Jesus het omgedraai en haar gesien en gesê: Hou goeie moed, dogter, jou geloof het jou gered. En die vrou het gesond geword van daardie uur af.

9:23b.MAT.009.023 En toe Jesus in die huis van die owerste kom en die fluitspelers sien, en die skare wat te kere gaan,

9:24b.MAT.009.024 sê Hy vir hulle: Gaan weg, want die dogtertjie is nie dood nie, maar sy slaap. En hulle het Hom uitgelag.

9:25b.MAT.009.025 En nadat die skare uitgedryf was, het Hy ingegaan en haar hand gegryp; en die dogtertjie het opgestaan.

9:26b.MAT.009.026 En die gerug hiervan het deur daardie hele land versprei.

9:27b.MAT.009.027 En toe Jesus daarvandaan verder gaan, het twee blindes Hom gevolg, terwyl hulle uitroep en sê: Wees ons barmhartig, Seun van Dawid!

9:28b.MAT.009.028 En nadat Hy in die huis gegaan het, kom die blindes na Hom toe. En Jesus sê vir hulle: Glo julle dat Ek dit kan doen? Hulle antwoord Hom: Ja, Here.

9:29b.MAT.009.029 Toe raak Hy hulle oë aan en sê: Laat dit vir julle wees volgens julle geloof.

9:30b.MAT.009.030 En hulle oë het oopgegaan. En Jesus het hulle skerp aangespreek en gesê: Pas op, laat niemand dit te wete kom nie.

9:31b.MAT.009.031 Maar hulle het heengegaan en Hom in daardie hele land bekend gemaak.

9:32b.MAT.009.032 En terwyl hulle weggaan, bring die mense 'n stom man wat van die duiwel besete was, na Hom toe.

9:33b.MAT.009.033 En nadat die duiwel uitgedryf was, het die stomme gepraat. En die skare het hulle verwonder en gesê: So iets is nog nooit in Israel gesien nie!

9:34b.MAT.009.034 Maar die Fariseërs het gesê: Deur die owerste van die duiwels dryf Hy die duiwels uit.

9:35b.MAT.009.035 En Jesus het by al die stede en dorpe rondgegaan en in hulle sinagoges geleer en die evangelie van die koninkryk verkondig en elke siekte en elke kwaal onder die volk genees.

9:36b.MAT.009.036 En toe Hy die skare sien, het Hy innig jammer gevoel vir hulle, omdat hulle moeg en uitgeput was, soos skape wat geen herder het nie.

9:37b.MAT.009.037 Toe sê Hy vir sy dissipels: Die oes is wel groot, maar die arbeiders min.

9:38b.MAT.009.038 Bid dan die Here van die oes, dat Hy arbeiders in sy oes mag uitstuur.

10

10:1b.MAT.010.001 En Hy het sy twaalf dissipels na Hom geroep en aan hulle mag gegee oor onreine geeste, om hulle uit te dryf en om elke siekte en elke kwaal te genees.

10:2b.MAT.010.002 En dit is die name van die twaalf apostels: die eerste Simon wat Petrus genoem word, en Andréas, sy broer; Jakobus, die seun van Sebedéüs, en Johannes, sy broer;

10:3b.MAT.010.003 Filippus en Bartholoméüs; Thomas en Matthéüs, die tollenaar; Jakobus, die seun van Alféüs, en Lebbéüs wat genoem word Thaddéüs;

10:4b.MAT.010.004 Simon Kananítes en Judas Iskáriot, die een wat Hom verraai het.

10:5b.MAT.010.005 Jesus het hierdie twaalf uitgestuur en hulle bevel gegee en gesê: Moenie gaan op pad na die heidene nie, en moenie ingaan in 'n stad van die Samaritane nie;

10:6b.MAT.010.006 maar gaan liewer na die verlore skape van die huis van Israel.

10:7b.MAT.010.007 En gaan preek en sê: Die koninkryk van die hemele het naby gekom.

10:8b.MAT.010.008 Maak siekes gesond, reinig melaatses, wek dooies op, dryf duiwels uit. Julle het dit verniet ontvang, verniet moet julle dit gee.

10:9b.MAT.010.009 Moenie vir julle goud of silwer of koper in julle beurse aanskaf nie;

10:10b.MAT.010.010 geen reissak vir die pad of twee kledingstukke of skoene of 'n stok nie; want die arbeider is sy voedsel werd.

10:11b.MAT.010.011 En in watter stad of dorp julle ook al mag ingaan, ondersoek wie daarin waardig is, en bly dáár totdat julle vertrek.

10:12b.MAT.010.012 En as julle die huis ingaan, groet dit;

10:13b.MAT.010.013 en as die huis dit waardig is, laat julle vrede daarop kom, maar as dit nie waardig is nie, laat julle vrede na julle terugkeer.

10:14b.MAT.010.014 En as iemand julle nie ontvang nie en na julle woorde nie luister nie, gaan uit daardie huis of daardie stad uit en skud die stof van julle voete af.

10:15b.MAT.010.015 Voorwaar Ek sê vir julle, dit sal vir die land van Sodom en Gomorra verdraagliker wees in die oordeelsdag as vir daardie stad.

10:16b.MAT.010.016 Kyk, Ek stuur julle soos skape onder die wolwe in; wees dan versigtig soos die slange en opreg soos die duiwe.

10:17b.MAT.010.017 Maar pas op vir die mense; want hulle sal jul oorlewer aan regbanke, en in hulle sinagoges sal hulle julle gésel.

10:18b.MAT.010.018 En ook voor goewerneurs en konings sal julle gebring word om My ontwil tot 'n getuienis vir hulle en vir die heidene.

10:19b.MAT.010.019 Maar wanneer hulle jul oorlewer, moenie julle kwel oor hoe of wat julle sal spreek nie, want dit sal julle in daardie uur gegee word wat julle moet spreek;

10:20b.MAT.010.020 want dit is nie julle wat spreek nie, maar die Gees van julle Vader wat in julle spreek.

10:21b.MAT.010.021 Maar die een broer sal die ander tot die dood oorlewer en die vader sy kind, en die kinders sal teen hulle ouers opstaan en hulle doodmaak.

10:22b.MAT.010.022 En julle sal deur almal gehaat word ter wille van my Naam. Maar wie volhard tot die einde toe, hy sal gered word.

10:23b.MAT.010.023 En wanneer hulle julle vervolg in die een stad, vlug na die ander toe. Want voorwaar Ek sê vir julle, julle sal met die stede van Israel sekerlik nie klaar kry voordat die Seun van die mens kom nie.

10:24b.MAT.010.024 'n Leerling is nie bo die meester nie en 'n dienskneg ook nie bo sy heer nie.

10:25b.MAT.010.025 Dit is vir die leerling genoeg dat hy soos sy meester word en die dienskneg soos sy heer. As hulle die heer van die huis Beëlsebul genoem het, hoeveel te meer sy huisgenote!

10:26b.MAT.010.026 Vrees hulle dan nie; want daar is niks bedek wat nie ontdek sal word nie, en verborge wat nie bekend sal word nie.

10:27b.MAT.010.027 Wat Ek vir julle in die donker sê, vertel dit in die lig; en wat julle in die oor hoor, verkondig dit op die dakke.

10:28b.MAT.010.028 En moenie vrees vir die wat die liggaam doodmaak, maar die siel nie kan doodmaak nie; maar vrees Hom liewer wat die siel sowel as die liggaam kan verderwe in die hel.

10:29b.MAT.010.029 Word twee mossies nie vir 'n stuiwer verkoop nie? En nie een van hulle sal op die aarde val sonder julle Vader nie.

10:30b.MAT.010.030 En van julle is selfs die hare van die hoof almal getel.

10:31b.MAT.010.031 Wees dan nie bevrees nie: julle is meer werd as baie mossies.

10:32b.MAT.010.032 Elkeen dan wat My sal bely voor die mense, hom sal Ek ook bely voor my Vader wat in die hemele is.

10:33b.MAT.010.033 Maar elkeen wat My verloën voor die mense, hom sal Ek ook verloën voor my Vader wat in die hemele is.

10:34b.MAT.010.034 Moenie dink dat Ek gekom het om vrede op die aarde te bring nie. Ek het nie gekom om vrede te bring nie, maar die swaard.

10:35b.MAT.010.035 Want Ek het gekom om tweedrag te verwek tussen 'n man en sy vader, en tussen 'n dogter en haar moeder, en 'n skoondogter en haar skoonmoeder.

10:36b.MAT.010.036 En 'n mens se huisgenote sal sy vyande wees.

10:37b.MAT.010.037 Wie vader of moeder bo My liefhet, is My nie waardig nie; en wie seun of dogter bo My liefhet, is My nie waardig nie.

10:38b.MAT.010.038 En wie sy kruis nie neem en agter My volg nie, is My nie waardig nie.

10:39b.MAT.010.039 Wie sy lewe vind, sal dit verloor; en wie sy lewe verloor om My ontwil, sal dit vind.

10:40b.MAT.010.040 Wie julle ontvang, ontvang My; en wie My ontvang, ontvang Hom wat My gestuur het.

10:41b.MAT.010.041 Wie 'n profeet ontvang omdat hy 'n profeet is, sal die loon van 'n profeet ontvang; en wie 'n regverdige ontvang omdat hy 'n regverdige is, sal die loon van 'n regverdige ontvang.

10:42b.MAT.010.042 En elkeen wat een van hierdie kleintjies net 'n beker kou water laat drink, omdat hy 'n dissipel is, voorwaar Ek sê vir julle, hy sal sy loon sekerlik nie verloor nie.

11

11:1b.MAT.011.001 En toe Jesus klaar was met bevele aan sy twaalf dissipels te gee, het Hy daarvandaan weggegaan om te leer en te preek in hulle stede.

11:2b.MAT.011.002 En Johannes het in die gevangenis gehoor van die werke van Christus, en twee van sy dissipels gestuur

11:3b.MAT.011.003 en vir Hom gesê: Is U die Een wat sou kom, of moet ons 'n ander een verwag?

11:4b.MAT.011.004 En Jesus het geantwoord en vir hulle gesê: Gaan vertel aan Johannes wat julle hoor en sien:

11:5b.MAT.011.005 blindes sien weer en kreupeles loop, melaatses word gereinig en dowes hoor, dooies word opgewek en aan armes word die evangelie verkondig.

11:6b.MAT.011.006 En salig is elkeen wat aan My nie aanstoot neem nie.

11:7b.MAT.011.007 En toe hulle vertrek, begin Jesus vir die skare aangaande Johannes te sê: Wat het julle uitgegaan om in die woestyn te aanskou? 'n Riet wat deur die wind beweeg word?

11:8b.MAT.011.008 Maar wat het julle uitgegaan om te sien? 'n Man met sagte klere aan? Kyk, die wat sagte klere dra, is in die huise van konings.

11:9b.MAT.011.009 Maar wat het julle uitgegaan om te sien? 'n Profeet? Ja, Ek sê vir julle, ook baie meer as 'n profeet!

11:10b.MAT.011.010 Want dit is hy van wie daar geskrywe is: Kyk, Ek stuur my boodskapper voor u aangesig, wat u weg voor U uit sal regmaak.

11:11b.MAT.011.011 Voorwaar Ek sê vir julle, onder die wat uit vroue gebore is, het daar nie een opgestaan wat groter is as Johannes die Doper nie; maar die kleinste in die koninkryk van die hemele is groter as hy.

11:12b.MAT.011.012 Maar van die dae van Johannes die Doper af tot nou toe word die koninkryk van die hemele bestorm, en bestormers gryp dit met geweld.

11:13b.MAT.011.013 Want al die profete en die wet het tot op Johannes geprofeteer.

11:14b.MAT.011.014 En as julle dit wil aanneem: hy is Elía wat sou kom.

11:15b.MAT.011.015 Wie ore het om te hoor, laat hom hoor.

11:16b.MAT.011.016 Maar waarmee sal Ek hierdie geslag vergelyk? Dit is net soos kindertjies wat op die markte sit en na hulle maats roep

11:17b.MAT.011.017 en sê: Ons het vir julle op die fluit gespeel, en julle het nie gedans nie; ons het vir julle 'n klaaglied gesing, en julle het nie getreur nie.

11:18b.MAT.011.018 Want Johannes het gekom en nie geëet of gedrink nie, en hulle sê: Hy het 'n duiwel.

11:19b.MAT.011.019 Die Seun van die mens het gekom--Hy eet en drink, en hulle sê: Dáár is 'n mens wat 'n vraat en 'n wynsuiper is, 'n vriend van tollenaars en sondaars. Maar die wysheid is geregverdig deur sy kinders.

11:20b.MAT.011.020 Toe het Hy die stede waarin die meeste van sy kragtige dade plaasgevind het, begin verwyt, omdat hulle hul nie bekeer het nie:

11:21b.MAT.011.021 Wee jou, Górasin, wee jou, Betsáida! want as in Tirus en Sidon die kragtige dade plaasgevind het wat in julle plaasgevind het, sou hulle hul lankal in sak en as bekeer het.

11:22b.MAT.011.022 Maar Ek sê vir julle, dit sal vir Tirus en Sidon verdraagliker wees in die oordeelsdag as vir julle.

11:23b.MAT.011.023 En jy, Kapérnaüm, wat tot die hemel toe verhoog is, jy sal tot die doderyk toe neergestoot word; want as in Sodom die kragtige dade plaasgevind het wat in jou plaasgevind het, sou hy bly staan het tot vandag toe.

11:24b.MAT.011.024 Maar Ek sê vir julle dat dit vir die land van Sodom verdraagliker sal wees in die oordeelsdag as vir jou.

11:25b.MAT.011.025 In daardie tyd het Jesus gespreek en gesê: Ek loof U, Vader, Here van die hemel en die aarde, dat U hierdie dinge verberg het vir wyse en verstandige mense en dit aan kindertjies geopenbaar het.

11:26b.MAT.011.026 Ja, Vader, want so was dit u welbehae.

11:27b.MAT.011.027 Alles is aan My oorgegee deur my Vader, en niemand ken die Seun nie, behalwe die Vader; ook ken niemand die Vader nie, behalwe die Seun en elkeen aan wie die Seun dit wil openbaar.

11:28b.MAT.011.028 Kom na My toe, almal wat vermoeid en belas is, en Ek sal julle rus gee.

11:29b.MAT.011.029 Neem my juk op julle en leer van My, want Ek is sagmoedig en nederig van hart, en julle sal rus vind vir julle siele;

11:30b.MAT.011.030 want my juk is sag en my las is lig.

12

12:1b.MAT.012.001 In daardie tyd het Jesus op die sabbat deur die gesaaides geloop, en sy dissipels het honger geword en are begin pluk en eet.

12:2b.MAT.012.002 Maar toe die Fariseërs dit sien, sê hulle vir Hom: Kyk, u dissipels doen wat nie geoorloof is om op die sabbat te doen nie.

12:3b.MAT.012.003 Maar Hy sê vir hulle: Het julle nie gelees wat Dawid gedoen het nie--toe hy en die wat saam met hom was, honger gehad het--

12:4b.MAT.012.004 hoe hy in die huis van God gegaan en die toonbrode geëet het wat vir hom en die wat saam met hom was, nie geoorloof was om te eet nie, maar net vir die priesters alleen?

12:5b.MAT.012.005 Of het julle nie in die wet gelees dat die priesters op die sabbat in die tempel die sabbat ontheilig en onskuldig is nie?

12:6b.MAT.012.006 En Ek sê vir julle: Een wat groter is as die tempel, is hier.

12:7b.MAT.012.007 Maar as julle geweet het wat dit beteken: Ek wil barmhartigheid hê en nie offerande nie, sou julle die onskuldiges nie veroordeel het nie;

12:8b.MAT.012.008 want die Seun van die mens is Here óók van die sabbat.

12:9b.MAT.012.009 En Hy het daarvandaan weggegaan en in hulle sinagoge gekom.

12:10b.MAT.012.010 En daar was 'n man met 'n verdorde hand, en hulle het Hom gevra en gesê: Is dit geoorloof om op die sabbat gesond te maak? --sodat hulle Hom sou kan aanklae.

12:11b.MAT.012.011 Maar Hy sê vir hulle: Watter mens sal daar onder julle wees wat een skaap het, en as dit op die sabbat in 'n sloot val, dit nie sal gryp en uithaal nie?

12:12b.MAT.012.012 Hoeveel meer is 'n mens dan nie werd as 'n skaap nie! So is dit dan geoorloof om op die sabbat goed te doen.

12:13b.MAT.012.013 Toe sê Hy vir die man: Steek jou hand uit! En hy het dit uitgesteek, en dit is herstel, gesond soos die ander een.

12:14b.MAT.012.014 Daarop het die Fariseërs uitgegaan en saam raad gehou teen Hom, sodat hulle Hom sou kan ombring.

12:15b.MAT.012.015 Toe Jesus dit bemerk, het Hy daarvandaan weggegaan, en groot menigtes het Hom gevolg, en Hy het hulle almal gesond gemaak,

12:16b.MAT.012.016 en hulle 'n streng bevel gegee dat hulle Hom nie bekend moes maak nie,

12:17b.MAT.012.017 sodat vervul sou word die woord wat gespreek is deur Jesaja, die profeet:

12:18b.MAT.012.018 Kyk, my Kneg wat Ek uitverkies het, my Geliefde in wie my siel 'n welbehae het! Ek sal my Gees op Hom lê, en Hy sal aan die nasies die reg aankondig.

12:19b.MAT.012.019 Hy sal nie twis of uitroep nie, en niemand sal sy stem op die strate hoor nie.

12:20b.MAT.012.020 'n Geknakte riet sal Hy nie verbreek nie, en 'n lamppit wat rook, sal Hy nie uitblus nie, totdat Hy die reg tot oorwinning uitbring.

12:21b.MAT.012.021 En op sy Naam sal die heidene hoop.

12:22b.MAT.012.022 Toe het hulle 'n duiwelbesetene wat blind en stom was, na Hom gebring; en Hy het hom gesond gemaak, sodat die blinde en stomme kon praat en sien.

12:23b.MAT.012.023 En die hele menigte was verbaas en het gesê: Is Hy nie miskien die seun van Dawid nie?

12:24b.MAT.012.024 Maar toe die Fariseërs dit hoor, sê hulle: Hy dryf die duiwels nie anders uit as deur Beëlsebul, die owerste van die duiwels, nie.

12:25b.MAT.012.025 Maar Jesus het hulle gedagtes geken en vir hulle gesê: Elke koninkryk wat teen homself verdeeld is, word verwoes; en elke stad of huis wat teen homself verdeeld is, sal nie bly staan nie.

12:26b.MAT.012.026 En as die Satan die Satan uitdryf, dan is hy teen homself verdeeld. Hoe sal sy koninkryk dan bly staan?

12:27b.MAT.012.027 En as Ek deur Beëlsebul die duiwels uitdryf, deur wie dryf julle seuns hulle uit? Daarom sal hulle jul regters wees.

12:28b.MAT.012.028 Maar as Ek deur die Gees van God die duiwels uitdryf, dan het die koninkryk van God by julle gekom.

12:29b.MAT.012.029 Of hoe kan iemand in die huis van 'n sterk man ingaan en sy goed roof, as hy nie eers die sterk man geboei het nie? En dan sal hy sy huis beroof.

12:30b.MAT.012.030 Hy wat nie met My is nie, is teen My; en hy wat nie saam met My versamel nie, verstrooi.

12:31b.MAT.012.031 Daarom sê Ek vir julle: Elke sonde en lastering sal die mense vergewe word, maar die lastering teen die Gees sal die mense nie vergewe word nie.

12:32b.MAT.012.032 En elkeen wat 'n woord spreek teen die Seun van die mens, dit sal hom vergewe word; maar elkeen wat spreek teen die Heilige Gees, dit sal hom nie vergewe word nie, in hierdie eeu nie en ook in die toekomende nie.

12:33b.MAT.012.033 Julle moet òf die boom goed maak en sy vrugte goed, òf julle moet die boom sleg maak en sy vrugte sleg; want aan die vrugte word die boom geken.

12:34b.MAT.012.034 Addergeslag, hoe kan julle goeie dinge praat terwyl julle sleg is? Want uit die oorvloed van die hart praat die mond.

12:35b.MAT.012.035 Die goeie mens bring uit die goeie skat van sy hart goeie dinge te voorskyn, en die slegte mens bring uit die slegte skat slegte dinge te voorskyn.

12:36b.MAT.012.036 Maar Ek sê vir julle dat van elke ydele woord wat die mense praat, daarvan moet hulle rekenskap gee in die oordeelsdag.

12:37b.MAT.012.037 Want uit jou woorde sal jy geregverdig word, en uit jou woorde sal jy veroordeel word.

12:38b.MAT.012.038 Toe spreek sommige van die skrifgeleerdes en Fariseërs en sê: Meester, ons wil graag 'n teken van U sien.

12:39b.MAT.012.039 Maar Hy antwoord en sê vir hulle: 'n Slegte en owerspelige geslag soek na 'n teken, en geen teken sal aan hom gegee word nie, behalwe die teken van die profeet Jona.

12:40b.MAT.012.040 Want soos Jona drie dae en drie nagte in die buik van die groot vis was, só sal die Seun van die mens drie dae en drie nagte in die hart van die aarde wees.

12:41b.MAT.012.041 Die manne van Ninevé sal in die oordeel opstaan saam met hierdie geslag en dit veroordeel; want hulle het hul op die prediking van Jona bekeer, en--meer as Jona is hier!

12:42b.MAT.012.042 Die koningin van die Suide sal in die oordeel opstaan saam met hierdie geslag en dit veroordeel; want sy het gekom van die eindes van die aarde af om die wysheid van Salomo te hoor, en--meer as Salomo is hier!

12:43b.MAT.012.043 En wanneer die onreine gees uit die mens uitgegaan het, gaan hy deur waterlose plekke en soek rus en vind dit nie.

12:44b.MAT.012.044 Dan sê hy: Ek sal teruggaan na my huis waar ek uitgegaan het. En hy kom en vind dit leeg, uitgeveeg en versier.

12:45b.MAT.012.045 Dan gaan hy en neem sewe ander geeste slegter as hy self met hom saam, en hulle kom in en woon daar; en die laaste van daardie mens word erger as die eerste. Só sal dit ook wees met hierdie bose geslag.

12:46b.MAT.012.046 En terwyl Hy nog met die skare spreek, staan sy moeder en broers daarbuite en wou graag met Hom praat.

12:47b.MAT.012.047 Toe sê iemand vir Hom: Dáár staan u moeder en u broers buite en wil graag met U praat.

12:48b.MAT.012.048 Maar Hy antwoord en sê vir die een wat Hom dit vertel het: Wie is my moeder? En wie is my broers?

12:49b.MAT.012.049 En Hy steek sy hand oor sy dissipels uit en sê: Dáár is my moeder en my broers.

12:50b.MAT.012.050 Want elkeen wat die wil doen van my Vader wat in die hemele is, dié is my broer en suster en moeder.

13

13:1b.MAT.013.001 En op daardie dag het Jesus uit die huis uitgegaan en by die see gaan sit.

13:2b.MAT.013.002 En groot menigtes het by Hom vergader, sodat Hy in 'n skuit geklim en gaan sit het. En die hele skare het op die strand gestaan.

13:3b.MAT.013.003 En Hy het baie dinge deur gelykenisse tot hulle gespreek en gesê: 'n Saaier het uitgegaan om te saai;

13:4b.MAT.013.004 en terwyl hy saai, val 'n deel langs die pad, en die voëls het gekom en dit opgeëet.

13:5b.MAT.013.005 En 'n ander deel het op rotsagtige plekke geval waar daar nie baie grond was nie; en dadelik het dit opgekom, omdat daar geen diepte van grond was nie;

13:6b.MAT.013.006 maar toe die son opgaan, is dit verskroei, en omdat dit geen wortel gehad het nie, het dit verdroog.

13:7b.MAT.013.007 En 'n ander deel het in die dorings geval, en die dorings het opgekom en dit verstik.

13:8b.MAT.013.008 En 'n ander deel het in die goeie grond geval en vrug opgelewer: die een honderd--, die ander sestig--, die ander dertigvoudig.

13:9b.MAT.013.009 Wie ore het om te hoor, laat hom hoor!

13:10b.MAT.013.010 En die dissipels het gekom en vir Hom gesê: Waarom spreek U tot hulle deur gelykenisse?

13:11b.MAT.013.011 Toe antwoord Hy en sê vir hulle: Omdat dit aan julle gegee is om die verborgenhede van die koninkryk van die hemele te ken, maar aan hulle is dit nie gegee nie.

13:12b.MAT.013.012 Want hy wat het, aan hom sal gegee word, en hy sal oorvloed hê; maar hy wat nie het nie, van hom sal weggeneem word ook wat hy het.

13:13b.MAT.013.013 Daarom spreek Ek tot hulle deur gelykenisse, omdat hulle, terwyl hulle sien, nie sien nie, en terwyl hulle hoor, nie hoor of verstaan nie.

13:14b.MAT.013.014 En aan hulle word die profesie van Jesaja vervul wat sê: Met die gehoor sal julle hoor en glad nie verstaan nie, en julle sal kyk en kyk, en glad nie sien nie.

13:15b.MAT.013.015 Want die hart van hierdie volk het stomp geword, en met die ore het hulle beswaarlik gehoor; en hul oë het hulle toegesluit, sodat hulle nie miskien met die oë sou sien en met die ore hoor en met die hart verstaan en hulle bekeer en Ek hulle genees nie.

13:16b.MAT.013.016 Maar julle oë is gelukkig, omdat hulle sien; en julle ore, omdat hulle hoor.

13:17b.MAT.013.017 Want, voorwaar Ek sê vir julle, baie profete en regverdiges het begeer om te sien wat julle sien, en het dit nie gesien nie, en om te hoor wat julle hoor, en het dit nie gehoor nie.

13:18b.MAT.013.018 Luister julle dan na die gelykenis van die saaier.

13:19b.MAT.013.019 As iemand die woord van die koninkryk hoor en nie verstaan nie, kom die Bose en roof wat in sy hart gesaai is--dit is hy by wie langs die pad gesaai is.

13:20b.MAT.013.020 En by wie op rotsagtige plekke gesaai is--dit is hy wat die woord hoor en dit dadelik met blydskap aanneem;

13:21b.MAT.013.021 maar hy het geen wortel in homself nie, hy is net vir 'n tyd, en as daar verdrukking en vervolging kom ter wille van die woord, struikel hy dadelik.

13:22b.MAT.013.022 En by wie in die dorings gesaai is--dit is hy wat die woord hoor, maar die sorg van hierdie wêreld en die verleiding van die rykdom verstik die woord, en hy word onvrugbaar.

13:23b.MAT.013.023 En by wie op die goeie grond gesaai is--dit is hy wat die woord hoor en verstaan, wat dan ook vrug dra en oplewer: die een honderd,die ander sestig--, die ander dertigvoudig.

13:24b.MAT.013.024 'n Ander gelykenis het Hy hulle voorgehou en gesê: Die koninkryk van die hemele is soos 'n man wat goeie saad in sy land gesaai het;

13:25b.MAT.013.025 maar terwyl die mense slaap, het sy vyand gekom en onkruid onder die koring gesaai en weggegaan.

13:26b.MAT.013.026 En toe die spruitjies opgeskiet en vrug gevorm het, toe verskyn die onkruid ook.

13:27b.MAT.013.027 En die diensknegte van die huisheer het gekom en vir hom gesê: Meneer, het u dan nie goeie saad in u land gesaai nie? Waar kry dit dan die onkruid vandaan?

13:28b.MAT.013.028 En hy antwoord hulle: 'n Vyandige mens het dit gedoen. Toe sê die diensknegte vir hom: Wil u dan hê dat ons dit moet gaan bymekaarmaak?

13:29b.MAT.013.029 Maar hy antwoord: Nee, dat julle nie miskien, as julle die onkruid bymekaarmaak, die koring daarmee saam uittrek nie.

13:30b.MAT.013.030 Laat altwee saam groei tot die oes toe, en in die oestyd sal ek vir die maaiers sê: Maak eers die onkruid bymekaar en bind dit in bondels om dit te verbrand, maar bring die koring bymekaar in my skuur.

13:31b.MAT.013.031 'n Ander gelykenis het Hy hulle voorgehou en gesê: Die koninkryk van die hemele is soos 'n mosterdsaad wat 'n man neem en in sy land saai;

13:32b.MAT.013.032 wat wel die kleinste is van al die soorte saad, maar as dit gegroei het, groter is as die groentesoorte en 'n boom word, sodat die voëls van die hemel kom en nes maak in sy takke.

13:33b.MAT.013.033 'n Ander gelykenis het Hy hulle vertel: Die koninkryk van die hemele is soos suurdeeg wat 'n vrou neem en in drie mate meel inwerk totdat dit heeltemal ingesuur is.

13:34b.MAT.013.034 Al hierdie dinge het Jesus deur gelykenisse vir die skare gesê, en sonder gelykenis het Hy vir hulle niks gesê nie;

13:35b.MAT.013.035 sodat vervul sou word die woord wat gespreek is deur die profeet: Ek sal my mond open deur gelykenisse; Ek sal uitspreek dinge wat verborge was van die grondlegging van die wêreld af.

13:36b.MAT.013.036 Nadat Hy die skare weggestuur het, het Jesus huis toe gegaan; en sy dissipels het na Hom gekom en gesê: Verklaar vir ons die gelykenis van die onkruid in die saailand.

13:37b.MAT.013.037 En Hy het geantwoord en vir hulle gesê: Hy wat die goeie saad saai, is die Seun van die mens,

13:38b.MAT.013.038 en die saailand is die wêreld. Die goeie saad--dit is die kinders van die koninkryk, en die onkruid is die kinders van die Bose,

13:39b.MAT.013.039 en die vyand wat dit gesaai het, is die duiwel. Die oes is die voleinding van die wêreld, en die maaiers is die engele.

13:40b.MAT.013.040 Net soos die onkruid dan bymekaargemaak en met vuur verbrand word, so sal dit wees in die voleinding van hierdie wêreld:

13:41b.MAT.013.041 die Seun van die mens sal sy engele uitstuur, en hulle sal uit sy koninkryk bymekaarmaak al die struikelblokke en die wat die ongeregtigheid doen,

13:42b.MAT.013.042 en sal hulle in die vuuroond gooi. Daar sal geween wees en gekners van die tande.

13:43b.MAT.013.043 Dan sal die regverdiges skyn soos die son in die koninkryk van hulle Vader. Wie ore het om te hoor, laat hom hoor.

13:44b.MAT.013.044 Verder is die koninkryk van die hemele soos 'n skat wat verborge is in die saailand, wat 'n man kry en wegsteek; en uit blydskap daaroor gaan hy en verkoop alles wat hy het, en koop daardie saailand.

13:45b.MAT.013.045 Verder is die koninkryk van die hemele soos 'n koopman wat mooi pêrels soek;

13:46b.MAT.013.046 en toe hy een baie kosbare pêrel kry, gaan hy weg en verkoop alles wat hy het, en koop dit.

13:47b.MAT.013.047 Verder is die koninkryk van die hemele soos 'n net wat in die see gegooi word en van elke soort bymekaarbring;

13:48b.MAT.013.048 en as dit vol geword het, trek hulle dit op die strand uit en gaan sit en maak die goeies in bakke bymekaar, maar gooi die slegtes weg.

13:49b.MAT.013.049 So sal dit wees in die voleinding van die wêreld: die engele sal uitgaan en die slegte mense onder die regverdiges uit afskei

13:50b.MAT.013.050 en hulle in die vuuroond gooi. Daar sal geween wees en gekners van die tande.

13:51b.MAT.013.051 Jesus sê vir hulle: Het julle ál hierdie dinge verstaan? Hulle antwoord Hom: Ja, Here!

13:52b.MAT.013.052 Toe sê Hy vir hulle: Daarom is elke skrifgeleerde wat 'n leerling geword het in die koninkryk van die hemele, soos 'n huisheer wat uit sy skat nuwe en ou dinge te voorskyn bring.

13:53b.MAT.013.053 En toe Jesus hierdie gelykenisse geëindig het, het Hy daarvandaan weggegaan.

13:54b.MAT.013.054 En Hy het in sy vaderstad gekom en hulle geleer in hul sinagoge, sodat hulle verslae was en gesê het: Waar kry Hy hierdie wysheid en kragte vandaan?

13:55b.MAT.013.055 Is Hy nie die seun van die timmerman nie? Is die naam van sy moeder nie Maria en dié van sy broers Jakobus en Joses en Simon en Judas nie?

13:56b.MAT.013.056 En sy susters, is hulle nie almal by ons nie? Waar kry Hy dan al hierdie dinge vandaan?

13:57b.MAT.013.057 En hulle het aanstoot aan Hom geneem. Maar Jesus sê vir hulle: 'n Profeet is nie ongeëerd nie, behalwe in sy vaderland en in sy huis.

13:58b.MAT.013.058 En Hy het daar vanweë hulle ongeloof nie baie kragtige dade gedoen nie.

14

14:1b.MAT.014.001 En in daardie tyd het Herodes, die viervors, die gerug van Jesus gehoor

14:2b.MAT.014.002 en aan sy knegte gesê: Hierdie man is Johannes die Doper. Hy het uit die dode opgestaan, en daarom werk dié kragte in hom.

14:3b.MAT.014.003 Want Herodes het Johannes gevang, hom geboei en in die gevangenis gesit vanweë Heródias, die vrou van Filippus, sy broer.

14:4b.MAT.014.004 Want Johannes het vir hom gesê: Dit is u nie geoorloof om haar te hê nie.

14:5b.MAT.014.005 En hoewel hy hom wou doodmaak, het hy die skare gevrees, omdat hulle hom vir 'n profeet gehou het.

14:6b.MAT.014.006 Maar by die viering van die verjaarsdag van Herodes het die dogter van Heródias voor hulle gedans en Herodes behaag.

14:7b.MAT.014.007 Daarom het hy met 'n eed beloof om haar enigiets te gee wat sy sou vra.

14:8b.MAT.014.008 Toe sê sy, nadat sy deur haar moeder aangehits was: Gee my hier op 'n skottel die hoof van Johannes die Doper.

14:9b.MAT.014.009 En die koning het treurig geword, maar ter wille van die eed en die feesgenote het hy beveel dat dit gegee moes word.

14:10b.MAT.014.010 En hy het gestuur en Johannes in die gevangenis onthoof.

14:11b.MAT.014.011 Sy hoof is toe op 'n skottel gebring en aan die meisie gegee, en sy het dit na haar moeder gebring.

14:12b.MAT.014.012 En sy dissipels het gekom en sy liggaam weggeneem en dit begrawe; en hulle het gegaan en dit aan Jesus vertel.

14:13b.MAT.014.013 En toe Jesus dit hoor, het Hy daarvandaan in 'n skuit vertrek na 'n verlate plek alleen. En die skare het dit gehoor en Hom van die stede af te voet gevolg.

14:14b.MAT.014.014 En toe Jesus uitgaan, het Hy 'n groot skare gesien en innig jammer vir hulle gevoel, en Hy het hulle siekes gesond gemaak.

14:15b.MAT.014.015 En toe dit aand geword het, kom sy dissipels na Hom en sê: Die plek is verlate, en dit is al oor die tyd; stuur die skare weg, sodat hulle na die dorpe kan gaan en vir hulle voedsel koop.

14:16b.MAT.014.016 Maar Jesus sê vir hulle: Hulle hoef nie weg te gaan nie; gee julle vir hulle iets om te eet.

14:17b.MAT.014.017 Maar hulle antwoord Hom: Ons het hier net vyf brode en twee visse.

14:18b.MAT.014.018 En Hy sê: Bring dit hier vir My.

14:19b.MAT.014.019 Toe gee Hy die skare bevel om op die gras te gaan sit; en Hy neem die vyf brode en die twee visse, kyk op na die hemel en dank; en nadat Hy die brode gebreek het, gee Hy dit aan die dissipels en die dissipels aan die skare.

14:20b.MAT.014.020 En almal het geëet en versadig geword, en hulle het die oorskot van die brokstukke opgetel, twaalf mandjies vol.

14:21b.MAT.014.021 En dit was omtrent vyf duisend manne wat geëet het, buiten die vroue en kinders.

14:22b.MAT.014.022 En Jesus het dadelik sy dissipels gedwing om in die skuit te gaan en voor Hom uit te vaar na die oorkant, terwyl Hy die skare wegstuur.

14:23b.MAT.014.023 En nadat Hy die skare weggestuur het, klim Hy op die berg om in die eensaamheid te bid. En toe dit aand geword het, was Hy daar alleen.

14:24b.MAT.014.024 En die skuit was al in die middel van die see, geteister deur die golwe; want die wind was teen hulle.

14:25b.MAT.014.025 Maar in die vierde nagwaak het Jesus na hulle gekom, al wandelende op die see.

14:26b.MAT.014.026 En toe die dissipels Hom op die see sien loop, word hulle ontsteld en sê: Dit is 'n spook! En hulle het geskreeu van vrees.

14:27b.MAT.014.027 Maar Jesus het dadelik met hulle gespreek en gesê: Hou goeie moed, dit is Ek! Moenie vrees nie.

14:28b.MAT.014.028 En Petrus antwoord Hom en sê: Here, as dit U is, beveel my om op die water na U te kom.

14:29b.MAT.014.029 En Hy sê: Kom! Petrus klim toe van die skuit af en loop op die water om na Jesus te gaan.

14:30b.MAT.014.030 Maar toe hy die sterk wind sien, het hy bang geword; en toe hy begin sink, roep hy uit en sê: Here, red my!

14:31b.MAT.014.031 En Jesus het dadelik sy hand uitgesteek en hom gegryp en vir hom gesê: Kleingelowige, waarom het jy getwyfel?

14:32b.MAT.014.032 Daarop klim hulle in die skuit, en die wind het gaan lê.

14:33b.MAT.014.033 Toe kom die wat in die skuit was, en val voor Hom neer en sê: Waarlik, U is die Seun van God!

14:34b.MAT.014.034 En hulle het oorgevaar en in die land Gennésaret gekom.

14:35b.MAT.014.035 En die manne van daardie plek het Hom herken en in daardie hele omtrek uitgestuur en almal wat ongesteld was, na Hom gebring;

14:36b.MAT.014.036 en hulle het Hom gesmeek dat hulle net maar die soom van sy kleed mag aanraak; en almal wat dit aangeraak het, het gesond geword.

15

15:1b.MAT.015.001 Toe kom daar skrifgeleerdes en Fariseërs van Jerusalem na Jesus en sê:

15:2b.MAT.015.002 Waarom oortree u dissipels die oorlewering van die ou mense? Want hulle was nie hul hande as hulle brood eet nie.

15:3b.MAT.015.003 Maar Hy antwoord en sê vir hulle: Waarom oortree julle ook die gebod van God ter wille van julle oorlewering?

15:4b.MAT.015.004 Want God het bevel gegee en gesê: Eer jou vader en moeder; en: Hy wat vader of moeder vloek, moet sekerlik sterwe.

15:5b.MAT.015.005 Maar julle sê: Elkeen wat aan vader of moeder sê: enige voordeel wat u van my sou kan geniet, is 'n offergawe--dié hoef sy vader of sy moeder glad nie te eer nie.

15:6b.MAT.015.006 So het julle dan die gebod van God kragteloos gemaak ter wille van julle oorlewering.

15:7b.MAT.015.007 Geveinsdes, tereg het Jesaja oor julle geprofeteer toe hy gesê het:

15:8b.MAT.015.008 Hierdie volk nader My met hulle mond en eer My met die lippe, maar hulle hart is ver van My af.

15:9b.MAT.015.009 Maar tevergeefs vereer hulle My deur leringe te leer wat gebooie van mense is.

15:10b.MAT.015.010 En Hy het die skare na Hom geroep en vir hulle gesê: Luister en verstaan!

15:11b.MAT.015.011 Nie wat in die mond ingaan, maak die mens onrein nie; maar wat uit die mond uitgaan, dit maak die mens onrein.

15:12b.MAT.015.012 Daarop kom sy dissipels nader en sê vir Hom: Weet U dat die Fariseërs, toe hulle die woord hoor, aanstoot geneem het?

15:13b.MAT.015.013 Maar Hy antwoord en sê: Elke plant wat my hemelse Vader nie geplant het nie, sal ontwortel word.

15:14b.MAT.015.014 Laat hulle staan; hulle is blinde leiers van blindes. En as 'n blinde 'n ander blinde lei, sal altwee in die sloot val.

15:15b.MAT.015.015 En Petrus antwoord en sê vir Hom: Verklaar vir ons hierdie gelykenis.

15:16b.MAT.015.016 Maar Jesus sê: Is julle dan ook nog sonder verstand?

15:17b.MAT.015.017 Begryp julle nog nie dat alles wat in die mond ingaan, in die maag kom en in die heimlikheid uitgewerp word nie?

15:18b.MAT.015.018 Maar die dinge wat uit die mond uitgaan, kom uit die hart, en dit is dié wat die mens onrein maak.

15:19b.MAT.015.019 Want uit die hart kom daar slegte gedagtes, moord, egbreuk, hoerery, diewery, valse getuienis, lastertaal.

15:20b.MAT.015.020 Dit is hierdie dinge wat die mens onrein maak; maar om met ongewaste hande te eet, maak die mens nie onrein nie.

15:21b.MAT.015.021 En Jesus het daarvandaan weggegaan en na die streke van Tirus en Sidon vertrek.

15:22b.MAT.015.022 En 'n Kananése vrou het van daardie gebied gekom en na Hom geroep en gesê: Wees my barmhartig, Here, Seun van Dawid! My dogter is erg van die duiwel besete.

15:23b.MAT.015.023 Maar Hy het haar nie 'n woord geantwoord nie. Toe kom sy dissipels nader en vra Hom en sê: Stuur haar weg, want sy roep agter ons aan.

15:24b.MAT.015.024 Maar Hy antwoord en sê: Ek is net gestuur na die verlore skape van die huis van Israel.

15:25b.MAT.015.025 Daarop kom sy en val voor Hom neer en sê: Here, help my!

15:26b.MAT.015.026 Maar Hy antwoord en sê: Dit is nie mooi om die brood van die kinders te neem en dit vir die hondjies te gooi nie.

15:27b.MAT.015.027 En sy sê: Ja, Here, maar die hondjies eet darem van die krummels wat van die tafel van hulle base afval.

15:28b.MAT.015.028 Toe antwoord Jesus en sê vir haar: o Vrou, groot is jou geloof; laat dit vir jou wees soos jy wil hê. En haar dogter het gesond geword van daardie uur af.

15:29b.MAT.015.029 Toe gaan Jesus daarvandaan weg en kom by die see van Galiléa; en Hy het op die berg geklim en daar gaan sit.

15:30b.MAT.015.030 En ondertussen kom daar groot menigtes na Hom met kreupeles, blindes, stommes, gebreklikes en baie ander by hulle, en hulle het dié by die voete van Jesus neergesit, en Hy het hulle gesond gemaak,

15:31b.MAT.015.031 sodat die skare verbaas was om te sien dat stommes praat, gebreklikes gesond word, kreupeles loop en blindes sien; en hulle het die God van Israel verheerlik.

15:32b.MAT.015.032 Toe het Jesus sy dissipels na Hom geroep en gesê: Ek voel innig jammer vir die skare, omdat hulle al drie dae by My bly en niks het om te eet nie; en Ek wil hulle nie graag honger wegstuur nie, sodat hulle nie miskien op die pad beswyk nie.

15:33b.MAT.015.033 En sy dissipels sê vir Hom: Waar sal ons in die woestyn soveel brode vandaan kry om so 'n groot skare te versadig?

15:34b.MAT.015.034 Toe sê Jesus vir hulle: Hoeveel brode het julle? En hulle antwoord: Sewe, en 'n paar vissies.

15:35b.MAT.015.035 En Hy het bevel gegee aan die skare om op die grond te gaan sit.

15:36b.MAT.015.036 Toe neem Hy die sewe brode en die visse, en nadat Hy gedank het, breek Hy dit en gee dit aan sy dissipels, en die dissipels aan die skare.

15:37b.MAT.015.037 En hulle het almal geëet en versadig geword; en hulle het die oorskot van die brokstukke opgetel, sewe mandjies vol.

15:38b.MAT.015.038 En die wat geëet het, was vier duisend manne buiten die vroue en kinders.

15:39b.MAT.015.039 En nadat Hy die skare weggestuur het, het Hy in die skuit gegaan en in die gebied van Mágdala gekom.

16

16:1b.MAT.016.001 En die Fariseërs en Sadduseërs het nader gekom om Hom te versoek en het Hom gevra om hulle 'n teken uit die hemel te laat sien.

16:2b.MAT.016.002 Maar Hy antwoord en sê vir hulle: In die aand sê julle: Mooi weer, want die lug is rooi.

16:3b.MAT.016.003 En in die môre: Stormweer vandag, want die lug is donkerrooi. Geveinsdes, julle weet wel om die voorkoms van die lug te onderskei, en kan julle nie die tekens van die tye onderskei nie?

16:4b.MAT.016.004 'n Slegte en owerspelige geslag soek na 'n teken, en geen teken sal aan hom gegee word nie, behalwe die teken van Jona, die profeet. En Hy het hulle verlaat en weggegaan.

16:5b.MAT.016.005 En toe sy dissipels na die oorkant gegaan het, het hulle vergeet om brode saam te neem.

16:6b.MAT.016.006 Daarop sê Jesus vir hulle: Pas op en wees op julle hoede vir die suurdeeg van die Fariseërs en Sadduseërs.

16:7b.MAT.016.007 En hulle het onder mekaar geredeneer en gesê: Dit is omdat ons geen brode saamgeneem het nie.

16:8b.MAT.016.008 Maar Jesus het dit opgemerk en vir hulle gesê: Wat redeneer julle onder mekaar, kleingelowiges, dat julle geen brode saamgeneem het nie?

16:9b.MAT.016.009 Begryp julle nog nie, en onthou julle nie die vyf brode van die vyf duisend, en hoeveel mandjiesvol julle opgetel het nie?

16:10b.MAT.016.010 Of die sewe brode van die vier duisend, en hoeveel mandjiesvol julle opgetel het nie?

16:11b.MAT.016.011 Hoe is dit dat julle nie begryp dat Ek nie in verband met brood vir julle gesê het om op te pas vir die suurdeeg van die Fariseërs en Sadduseërs nie?

16:12b.MAT.016.012 Toe het hulle begryp dat Hy nie gesê het dat hulle moes oppas vir die suurdeeg van die brood nie, maar vir die leer van die Fariseërs en Sadduseërs.

16:13b.MAT.016.013 En toe Jesus in die streke van Cesaréa-Filippi kom, vra Hy sy dissipels en sê: Wie sê die mense dat Ek, die Seun van die mens, is?

16:14b.MAT.016.014 En hulle antwoord: Sommige Johannes die Doper, en sommige Elía, en ander Jeremia of een van die profete.

16:15b.MAT.016.015 Hy sê vir hulle: Maar julle, wie sê julle is Ek?

16:16b.MAT.016.016 En Simon Petrus antwoord en sê: U is die Christus, die Seun van die lewende God.

16:17b.MAT.016.017 Toe antwoord Jesus en sê vir hom: Salig is jy, Simon Bar-Jona, want vlees en bloed het dit nie aan jou geopenbaar nie, maar my Vader wat in die hemele is.

16:18b.MAT.016.018 En Ek sê ook vir jou: Jy is Petrus, en op hierdie rots sal Ek my gemeente bou, en die poorte van die doderyk sal dit nie oorweldig nie.

16:19b.MAT.016.019 En Ek sal jou die sleutels van die koninkryk van die hemele gee; en wat jy ook op die aarde mag bind, sal in die hemel gebonde wees, en wat jy ook op die aarde mag ontbind, sal in die hemel ontbonde wees.

16:20b.MAT.016.020 Daarop het Hy sy dissipels bevel gegee dat hulle vir niemand moes sê dat Hy Jesus die Christus is nie.

16:21b.MAT.016.021 Van toe af het Jesus begin om sy dissipels te toon dat Hy na Jerusalem moes gaan en veel van die ouderlinge en owerpriesters en skrifgeleerdes moes ly, en gedood en op die derde dag opgewek word.

16:22b.MAT.016.022 Toe neem Petrus Hom opsy en begin Hom bestraf en sê: Mag God dit verhoed, Here, dit sal U nooit oorkom nie!

16:23b.MAT.016.023 Maar Hy het omgedraai en vir Petrus gesê: Gaan weg agter My, Satan! Jy is vir My 'n struikelblok, omdat jy nie die dinge van God bedink nie, maar die dinge van die mense.

16:24b.MAT.016.024 Toe sê Jesus vir sy dissipels: As iemand agter My aan wil kom, moet hy homself verloën en sy kruis opneem en My volg.

16:25b.MAT.016.025 Want elkeen wat sy lewe wil red, sal dit verloor; maar elkeen wat sy lewe om My ontwil verloor, sal dit vind.

16:26b.MAT.016.026 Want wat baat dit 'n mens as hy die hele wêreld win, maar aan sy siel skade ly? Of wat sal 'n mens gee as losprys vir sy siel?

16:27b.MAT.016.027 Want die Seun van die mens staan gereed om met sy engele in die heerlikheid van sy Vader te kom, en dan sal Hy elkeen vergeld volgens sy dade.

16:28b.MAT.016.028 Voorwaar Ek sê vir julle, daar is sommige van die wat hier staan, wat die dood sekerlik nie sal smaak voordat hulle die Seun van die mens in sy koninkryk sien kom het nie.

17

17:1b.MAT.017.001 En ná ses dae het Jesus vir Petrus en Jakobus en Johannes, sy broer, saamgeneem en hulle op 'n hoë berg in die eensaamheid gebring.

17:2b.MAT.017.002 En Hy het voor hulle van gedaante verander, en sy aangesig het geblink soos die son, en sy klere het wit geword soos die lig.

17:3b.MAT.017.003 En kyk, daar verskyn aan hulle Moses en Elía in gesprek met Hom.

17:4b.MAT.017.004 Toe begin Petrus vir Jesus te sê: Here, dit is goed dat ons hier is; as U wil, laat ons hier drie hutte maak: vir U een en vir Moses een en een vir Elía.

17:5b.MAT.017.005 Terwyl hy nog spreek, oordek 'n helderligte wolk hulle meteens en daar sê 'n stem uit die wolk: Dit is my geliefde Seun in wie Ek 'n welbehae het. Luister na Hom!

17:6b.MAT.017.006 En toe die dissipels dit hoor, het hulle op hul aangesig geval en was baie bevrees.

17:7b.MAT.017.007 En Jesus het nader gekom en hulle aangeraak en gesê: Staan op en moenie vrees nie.

17:8b.MAT.017.008 Toe slaan hulle hul oë op en sien niemand meer nie, behalwe Jesus alleen.

17:9b.MAT.017.009 En onderwyl hulle van die berg afklim, het Jesus hulle bevel gegee en gesê: Julle moet vir niemand iets van die gesig sê voordat die Seun van die mens uit die dode opgestaan het nie.

17:10b.MAT.017.010 En sy dissipels vra Hom en sê: Waarom sê die skrifgeleerdes dan dat Elía eers moet kom?

17:11b.MAT.017.011 En Jesus antwoord en sê vir hulle: Dis waar, Elía kom eers en sal alles herstel;

17:12b.MAT.017.012 maar Ek sê vir julle dat Elía al gekom het, en hulle het hom nie erken nie, maar aan hom alles gedoen wat hulle wou. So sal die Seun van die mens ook deur hulle ly.

17:13b.MAT.017.013 Toe verstaan die dissipels dat Hy met hulle van Johannes die Doper gespreek het.

17:14b.MAT.017.014 En toe hulle by die skare kom, gaan daar 'n man na Hom en val voor Hom op die knieë en sê:

17:15b.MAT.017.015 Here, ontferm U oor my seun, want hy is maansiek en ly swaar; want dikwels val hy in die vuur en dikwels in die water.

17:16b.MAT.017.016 En ek het hom na u dissipels gebring, en hulle kon hom nie gesond maak nie.

17:17b.MAT.017.017 Toe antwoord Jesus en sê: o Ongelowige en verdraaide geslag, hoe lank sal Ek by julle wees, hoe lank sal Ek julle verdra? Bring hom hier vir My.

17:18b.MAT.017.018 Daarop bestraf Jesus hom; en die duiwel het van hom uitgegaan, en die seun het gesond geword van daardie uur af.

17:19b.MAT.017.019 Toe kom die dissipels na Jesus afsonderlik en sê: Waarom kon ons hom nie uitdryf nie?

17:20b.MAT.017.020 En Jesus antwoord hulle: Deur julle ongeloof; want, voorwaar Ek sê vir julle, as julle geloof het soos 'n mosterdsaad sal julle vir hierdie berg sê: Gaan weg hiervandaan daarnatoe! en hy sal weggaan, en niks sal vir julle onmoontlik wees nie.

17:21b.MAT.017.021 Maar hierdie geslag gaan nie uit behalwe deur gebed en vas nie.

17:22b.MAT.017.022 En terwyl hulle in Galiléa rondgaan, het Jesus vir hulle gesê: Die Seun van die mens sal oorgelewer word in die hande van die mense;

17:23b.MAT.017.023 en hulle sal Hom doodmaak, en op die derde dag sal Hy opstaan. En hulle het baie bedroef geword.

17:24b.MAT.017.024 En toe hulle in Kapérnaüm kom, het die wat die tempelbelasting ontvang, na Petrus gegaan en gesê: Betaal julle Meester nie die tempelbelasting nie?

17:25b.MAT.017.025 Hy antwoord: Ja. En toe hy in die huis inkom, was Jesus hom voor en sê: Wat dink jy, Simon? Van wie neem die konings van die aarde tol of belasting--van hulle seuns of van die vreemdelinge?

17:26b.MAT.017.026 Petrus antwoord Hom: Van die vreemdelinge. Jesus sê vir hom: Dan is die seuns vry.

17:27b.MAT.017.027 Maar dat ons hulle geen aanstoot mag gee nie, gaan na die see toe, gooi 'n hoek uit en neem die eerste vis wat opkom; en as jy sy bek oopmaak, sal jy 'n stater kry; neem dit en gee dit aan hulle vir My en vir jou.

18

18:1b.MAT.018.001 In daardie uur het die dissipels na Jesus gekom en gesê: Wie is tog die grootste in die koninkryk van die hemele?

18:2b.MAT.018.002 Toe roep Jesus 'n kindjie na Hom en laat hom in hulle midde staan

18:3b.MAT.018.003 en Hy sê: Voorwaar Ek sê vir julle, as julle nie verander en soos die kindertjies word nie, sal julle nooit in die koninkryk van die hemele ingaan nie!

18:4b.MAT.018.004 Elkeen dan wat homself verneder soos hierdie kindjie, hy is die grootste in die koninkryk van die hemele.

18:5b.MAT.018.005 En elkeen wat een van sulke kindertjies in my Naam ontvang, ontvang My;

18:6b.MAT.018.006 maar elkeen wat een van hierdie kleintjies wat in My glo, laat struikel, dit is vir hom beter dat 'n meulsteen aan sy nek gehang word en hy wegsink in die diepte van die see.

18:7b.MAT.018.007 Wee die wêreld weens die struikelblokke! Want dit is noodsaaklik dat daar struikelblokke kom, maar wee die mens deur wie die struikelblok kom.

18:8b.MAT.018.008 En as jou hand of jou voet jou laat struikel, kap dit af en gooi dit weg van jou af; dit is vir jou beter om in die lewe in te gaan, kreupel of vermink, as om twee hande of voete te hê en in die ewige vuur gewerp te word.

18:9b.MAT.018.009 En as jou oog jou laat struikel, ruk dit uit en werp dit weg van jou af. Dit is vir jou beter om met een oog in die lewe in te gaan, as om twee oë te hê en in die helse vuur gewerp te word.

18:10b.MAT.018.010 Pas op dat julle nie een van hierdie kleintjies verag nie; want Ek sê vir julle dat hulle engele in die hemele altyd die aangesig sien van my Vader wat in die hemele is.

18:11b.MAT.018.011 Want die Seun van die mens het gekom om te red wat verlore is.

18:12b.MAT.018.012 Wat dink julle? As iemand honderd skape het en een van hulle verdwaal, sal hy nie die nege en negentig laat staan en op die berge die verdwaalde een gaan soek nie?

18:13b.MAT.018.013 En as hy hom kry, voorwaar Ek sê vir julle dat hy blyer is oor hom as oor die nege en negentig wat nie verdwaal het nie.

18:14b.MAT.018.014 So is dit nie die wil van julle Vader wat in die hemele is, dat een van hierdie kleintjies verlore gaan nie.

18:15b.MAT.018.015 En as jou broeder teen jou sondig, gaan bestraf hom tussen jou en hom alleen. As hy na jou luister, dan het jy jou broeder gewin;

18:16b.MAT.018.016 maar as hy nie luister nie, neem nog een of twee met jou saam, sodat in die mond van twee of drie getuies elke woord kan vasstaan.

18:17b.MAT.018.017 En as hy na hulle nie luister nie, sê dit aan die gemeente; en as hy na die gemeente ook nie luister nie, laat hom vir jou wees soos die heiden en die tollenaar.

18:18b.MAT.018.018 Voorwaar Ek sê vir julle, alles wat julle op die aarde bind, sal in die hemel gebonde wees; en alles wat julle op die aarde ontbind, sal in die hemel ontbonde wees.

18:19b.MAT.018.019 Weer sê Ek vir julle: As twee van julle saamstem op die aarde oor enige saak wat hulle mag vra, dit sal hulle ten deel val van my Vader wat in die hemele is.

18:20b.MAT.018.020 Want waar twee of drie in my Naam vergader, daar is Ek in hul midde.

18:21b.MAT.018.021 Toe kom Petrus na Hom en sê: Here, hoe dikwels sal my broeder teen my sondig en ek hom vergewe? Tot sewe maal toe?

18:22b.MAT.018.022 Jesus antwoord hom: Ek sê vir jou, nie tot sewe maal toe nie, maar tot sewentig maal sewe toe.

18:23b.MAT.018.023 Daarom word die koninkryk van die hemele vergelyk met 'n sekere koning wat met sy diensknegte wou afreken.

18:24b.MAT.018.024 En toe hy begin afreken, word daar een na hom gebring wat tien duisend talente skuldig was.

18:25b.MAT.018.025 En omdat hy nie kon betaal nie, gee sy heer bevel dat hy verkoop moet word, en sy vrou en sy kinders en alles wat hy het, en dat betaal moet word.

18:26b.MAT.018.026 Toe val die dienskneg neer en buig voor hom en sê: Heer, wees lankmoedig met my, en ek sal u alles betaal.

18:27b.MAT.018.027 En die heer van daardie dienskneg het innig jammer vir hom gevoel en hom losgelaat en hom die skuld kwytgeskeld.

18:28b.MAT.018.028 Maar toe daardie dienskneg uitgaan en een van sy medediensknegte vind wat hom honderd pennings skuldig was, het hy hom aan die keel gegryp en gesê: Betaal my wat jy skuld.

18:29b.MAT.018.029 Sy mededienskneg val toe voor sy voete neer en smeek hom en sê: Wees lankmoedig met my, en ek sal jou alles betaal.

18:30b.MAT.018.030 En hy wou nie, maar het gegaan en hom in die gevangenis gewerp totdat hy die skuld sou betaal het.

18:31b.MAT.018.031 En toe sy medediensknegte sien wat gebeur het, was hulle baie bedroef, en hulle het gegaan en aan hulle heer meegedeel alles wat gebeur het.

18:32b.MAT.018.032 Daarop roep sy heer hom en sê vir hom: Jou slegte dienskneg, al daardie skuld het ek jou kwytgeskeld, omdat jy my gesmeek het;

18:33b.MAT.018.033 moes jy nie jou mededienskneg ook barmhartig wees soos ek jou ook barmhartig gewees het nie?

18:34b.MAT.018.034 En sy heer het hom in toorn oorgegee aan die pynigers totdat hy sou betaal het alles wat hy hom skuldig was.

18:35b.MAT.018.035 So sal ook my hemelse Vader aan julle doen as julle nie elkeen sy broeder van harte sy oortredinge vergewe nie.

19

19:1b.MAT.019.001 En toe Jesus hierdie woorde geëindig het, het Hy van Galiléa vertrek en in die gebied van Judéa oorkant die Jordaan gekom.

19:2b.MAT.019.002 En groot menigtes het Hom gevolg, en Hy het hulle daar gesond gemaak.

19:3b.MAT.019.003 Toe kom die Fariseërs na Hom om Hom te versoek, en sê vir Hom: Is dit 'n man geoorloof om oor allerhande redes van sy vrou te skei?

19:4b.MAT.019.004 En Hy antwoord hulle en sê: Het julle nie gelees dat Hy wat hulle gemaak het, hulle van die begin af man en vrou gemaak het nie,

19:5b.MAT.019.005 en gesê het: Om hierdie rede sal die man sy vader en sy moeder verlaat en sy vrou aankleef, en hulle twee sal een vlees wees;

19:6b.MAT.019.006 sodat hulle nie meer twee is nie, maar een vlees? Wat God dan saamgevoeg het, mag geen mens skei nie.

19:7b.MAT.019.007 Hulle sê vir Hom: Waarom het Moses dan beveel om 'n skeibrief te gee en van haar te skei?

19:8b.MAT.019.008 Hy antwoord hulle: Omdat Moses weens die hardheid van jul harte julle toegelaat het om van julle vroue te skei; maar van die begin af was dit nie so nie.

19:9b.MAT.019.009 Maar Ek sê vir julle, elkeen wat van sy vrou skei, behalwe oor hoerery, en 'n ander een trou, pleeg egbreuk; en die wat die geskeie vrou trou, pleeg egbreuk.

19:10b.MAT.019.010 Sy dissipels sê vir Hom: As die saak van 'n man met 'n vrou so is, dan is dit nie wenslik om te trou nie.

19:11b.MAT.019.011 Maar Hy sê vir hulle: Almal vat hierdie woord nie, maar net dié aan wie dit gegee is.

19:12b.MAT.019.012 Want daar is persone wat onbekwaam is om te trou, wat van die moederskoot af so gebore is, en daar is persone wat deur die mense onbekwaam gemaak is, en daar is persone wat hulleself onbekwaam gemaak het ter wille van die koninkryk van die hemele. Wie dit kan vat, laat hom dit vat.

19:13b.MAT.019.013 Toe bring hulle kindertjies na Hom, dat Hy hulle die hande sou oplê en bid; en die dissipels het hulle bestraf.

19:14b.MAT.019.014 Maar Jesus sê: Laat die kindertjies staan en verhinder hulle nie om na My te kom nie; want aan sulkes behoort die koninkryk van die hemele.

19:15b.MAT.019.015 En Hy het hulle die hande opgelê en daarvandaan vertrek.

19:16b.MAT.019.016 En daar kom een na Hom en sê vir Hom: Goeie Meester, watter goeie ding moet ek doen, dat ek die ewige lewe kan hê?

19:17b.MAT.019.017 En Hy sê vir hom: Waarom noem jy My goed? Niemand is goed nie, behalwe een, naamlik God. Maar as jy in die lewe wil ingaan, onderhou die gebooie.

19:18b.MAT.019.018 Hy vra Hom: Watter? En Jesus sê--dit: Jy mag nie doodslaan nie, jy mag nie egbreek nie, jy mag nie steel nie, jy mag geen valse getuienis gee nie;

19:19b.MAT.019.019 eer jou vader en moeder; en: Jy moet jou naaste liefhê soos jouself.

19:20b.MAT.019.020 Die jongman sê vir Hom: Al hierdie dinge het ek onderhou van my jeug af. Wat kom ek nog kort?

19:21b.MAT.019.021 Jesus antwoord hom: As jy volmaak wil wees, gaan verkoop jou goed en gee dit aan die armes, en jy sal 'n skat in die hemel hê; en kom hier, volg My.

19:22b.MAT.019.022 Maar toe die jongman dié woord hoor, het hy bedroef weggegaan; want hy het baie besittings gehad.

19:23b.MAT.019.023 En Jesus sê vir sy dissipels: Voorwaar Ek sê vir julle dat 'n ryk man beswaarlik in die koninkryk van die hemele sal ingaan.

19:24b.MAT.019.024 En verder sê Ek vir julle, dit is makliker vir 'n kameel om deur die oog van 'n naald te gaan as vir 'n ryk man om in die koninkryk van God in te gaan.

19:25b.MAT.019.025 Toe sy dissipels dit hoor, was hulle baie verslae en sê: Wie kan dan gered word?

19:26b.MAT.019.026 Maar Jesus het hulle aangekyk en vir hulle gesê: By mense is dit onmoontlik, maar by God is alle dinge moontlik.

19:27b.MAT.019.027 Daarop antwoord Petrus en sê vir Hom: Kyk, ons het alles verlaat en U gevolg. Wat sal daar dan vir ons wees?

19:28b.MAT.019.028 En Jesus sê vir hulle: Voorwaar Ek sê vir julle dat julle wat My gevolg het, in die wedergeboorte wanneer die Seun van die mens op sy heerlike troon gaan sit, julle ook op twaalf trone sal sit en die twaalf stamme van Israel sal oordeel.

19:29b.MAT.019.029 En elkeen wat huise of broers of susters of vader of moeder of vrou of kinders of grond ter wille van my Naam verlaat het, sal honderd maal soveel ontvang en die ewige lewe beërwe.

19:30b.MAT.019.030 Maar baie wat eerste is, sal laaste wees, en wat laaste is, eerste.

20

20:1b.MAT.020.001 Want die koninkryk van die hemele is soos 'n huisheer wat vroeg in die môre uitgegaan het om arbeiders vir sy wingerd te huur.

20:2b.MAT.020.002 En nadat hy met die arbeiders ooreengekom het vir 'n penning op 'n dag, stuur hy hulle in sy wingerd.

20:3b.MAT.020.003 En omtrent die derde uur gaan hy uit en sien ander ledig op die mark staan.

20:4b.MAT.020.004 En hy sê vir hulle: Gaan julle ook in die wingerd, en wat reg is, sal ek aan julle gee. En hulle het gegaan.

20:5b.MAT.020.005 Weer het hy omtrent die sesde en die negende uur uitgegaan en net dieselfde gedoen.

20:6b.MAT.020.006 En omtrent die elfde uur gaan hy uit en vind ander ledig staan en sê vir hulle: Wat staan julle hier die hele dag ledig?

20:7b.MAT.020.007 Hulle antwoord hom: Omdat niemand ons gehuur het nie. Hy sê vir hulle: Gaan julle ook in die wingerd, en wat reg is, sal julle ontvang.

20:8b.MAT.020.008 En toe dit aand geword het, sê die heer van die wingerd vir sy opsigter: Roep die arbeiders en betaal hulle hul loon; en begin van die laastes af tot by die eerstes.

20:9b.MAT.020.009 En die wat omtrent die elfde uur begin het, het gekom en elkeen 'n penning ontvang.

20:10b.MAT.020.010 Die eerstes kom toe en dink dat hulle meer sal ontvang, en hulle het ook elkeen 'n penning ontvang.

20:11b.MAT.020.011 En toe hulle dit ontvang, murmureer hulle by die huisheer

20:12b.MAT.020.012 en sê: Hierdie laastes het een uur gewerk, en u het hulle gelykop behandel met ons wat die las van die dag en die hitte gedra het.

20:13b.MAT.020.013 Maar hy antwoord en sê vir een van hulle: Vriend, ek doen jou geen onreg aan nie. Het jy nie met my ooreengekom vir 'n penning nie?

20:14b.MAT.020.014 Neem dan wat joue is, en gaan heen. Ek wil aan hierdie laaste een gee net soos aan jou.

20:15b.MAT.020.015 Of staan dit my nie vry om met my eie goed te maak wat ek wil nie? Of is jou oog verkeerd, omdat ek goed is?

20:16b.MAT.020.016 So sal die wat laaste is, eerste wees, en die wat eerste is, laaste; want baie is geroep, maar min uitverkies.

20:17b.MAT.020.017 En toe Jesus opgaan na Jerusalem, het Hy die twaalf dissipels op die pad alleen geneem en vir hulle gesê:

20:18b.MAT.020.018 Kyk, ons gaan op na Jerusalem, en die Seun van die mens sal oorgelewer word aan die owerpriesters en skrifgeleerdes; en hulle sal Hom tot die dood veroordeel

20:19b.MAT.020.019 en Hom oorlewer aan die heidene om Hom te bespot en te gésel en te kruisig; en op die derde dag sal Hy opstaan.

20:20b.MAT.020.020 Toe kom die moeder van die seuns van Sebedéüs met haar seuns na Hom en buig voor Hom neer om iets van Hom te vra.

20:21b.MAT.020.021 En Hy sê vir haar: Wat wil jy hê? Sy antwoord Hom: Sê dat hierdie twee seuns van my in u koninkryk mag sit, een aan u regter-- en een aan u linkerhand.

20:22b.MAT.020.022 Maar Jesus antwoord en sê: Julle weet nie wat julle vra nie. Kan julle die beker drink wat Ek aanstons gaan drink, en gedoop word met die doop waarmee Ek gedoop word? Hulle sê vir Hom: Ons kan.

20:23b.MAT.020.023 En Hy sê vir hulle: Dis waar, my beker sal julle drink en met die doop waarmee Ek gedoop word, sal julle gedoop word; maar om te sit aan my regter-- en aan my linkerhand berus nie by My om te gee nie, maar is vir hulle vir wie dit deur my Vader berei is.

20:24b.MAT.020.024 En toe die tien dit hoor, was hulle verontwaardig oor die twee broers.

20:25b.MAT.020.025 Maar Jesus het hulle na Hom geroep en gesê: Julle weet dat die owerstes van die nasies oor hulle heers en die groot manne oor hulle gesag uitoefen;

20:26b.MAT.020.026 maar só moet dit onder julle nie wees nie; maar elkeen wat onder julle groot wil word, moet julle dienaar wees.

20:27b.MAT.020.027 En elkeen wat onder julle die eerste wil word, moet julle dienskneg wees;

20:28b.MAT.020.028 net soos die Seun van die mens nie gekom het om gedien te word nie, maar om te dien en sy lewe te gee as 'n losprys vir baie.

20:29b.MAT.020.029 En toe hulle uit Jérigo uitgaan, het 'n groot menigte Hom gevolg.

20:30b.MAT.020.030 En daar het twee blindes langs die pad gesit; en toe hulle hoor dat Jesus verbygaan, roep hulle uit en sê: Wees ons barmhartig, Here, Seun van Dawid!

20:31b.MAT.020.031 En die skare het hulle bestraf, dat hulle moes stilbly; maar hulle het al harder geroep en gesê: Wees ons barmhartig, Here, Seun van Dawid!

20:32b.MAT.020.032 Toe gaan Jesus staan en roep hulle en sê: Wat wil julle hê moet Ek vir julle doen?

20:33b.MAT.020.033 Hulle antwoord Hom: Here, dat ons oë geopen mag word.

20:34b.MAT.020.034 En Jesus het innig jammer vir hulle gevoel en hulle oë aangeraak, en dadelik het hulle oë gesien, en hulle het Hom gevolg.

21

21:1b.MAT.021.001 En toe hulle naby Jerusalem gekom en Bétfagé aan die Olyfberg bereik het, stuur Jesus twee dissipels uit en sê vir hulle:

21:2b.MAT.021.002 Gaan na daardie dorp reg voor julle, en dadelik sal julle 'n eselin vind wat vasgemaak is, en 'n vul by haar. Maak haar los en bring hulle vir My.

21:3b.MAT.021.003 En as iemand vir julle iets sê, moet julle antwoord: Die Here het hulle nodig; en dadelik sal hy hulle stuur.

21:4b.MAT.021.004 En dit het alles gebeur, sodat vervul sou word die woord wat deur die profeet gespreek is:

21:5b.MAT.021.005 Sê vir die dogter van Sion: Kyk, jou Koning kom na jou toe, sagmoedig, en Hy sit op 'n esel, ja, 'n jong esel, die vul van 'n pakdier.

21:6b.MAT.021.006 En die dissipels het gegaan en gedoen soos Jesus hulle beveel het;

21:7b.MAT.021.007 hulle het die esel en die vul gebring en hulle klere daarop gelê, en Hy het daarop gaan sit.

21:8b.MAT.021.008 En die grootste deel van die skare het hulle klere op die pad oopgegooi, en ander het takke van die bome afgekap en op die pad gestrooi.

21:9b.MAT.021.009 En die skare wat voor geloop en die wat gevolg het, het uitgeroep en gesê: Hosanna vir die Seun van Dawid! Geseënd is Hy wat kom in die Naam van die Here! Hosanna in die hoogste hemele!

21:10b.MAT.021.010 En toe Hy in Jerusalem inkom, het die hele stad in opskudding geraak en gesê: Wie is hierdie man?

21:11b.MAT.021.011 En die skare sê: Dit is Jesus, die profeet, van Násaret in Galiléa.

21:12b.MAT.021.012 En Jesus het in die tempel van God ingegaan en almal wat in die tempel verkoop en koop, uitgejaag en die tafels van die geldwisselaars en die stoele van die duiweverkopers omgegooi.

21:13b.MAT.021.013 En Hy sê vir hulle: Daar is geskrywe: My huis moet 'n huis van gebed genoem word. Maar julle het dit 'n rowerspelonk gemaak.

21:14b.MAT.021.014 En daar het blindes en kreupeles na Hom gekom in die tempel, en Hy het hulle gesond gemaak.

21:15b.MAT.021.015 En toe die owerpriesters en skrifgeleerdes die wonderwerke sien wat Hy gedoen het, en die kinders wat in die tempel uitroep en sê: Hosanna vir die Seun van Dawid! was hulle verontwaardig

21:16b.MAT.021.016 en sê vir Hom: Hoor U wat hulle daar sê? En Jesus antwoord hulle: Ja, het julle nooit gelees: Uit die mond van kinders en suigelinge het U vir U lof berei nie?

21:17b.MAT.021.017 En Hy het hulle verlaat en uit die stad uitgegaan na Betánië en daar vernag.

21:18b.MAT.021.018 En vroeg in die môre toe Hy teruggaan na die stad, het Hy honger gehad;

21:19b.MAT.021.019 en Hy sien 'n vyeboom langs die pad en gaan daarnatoe; maar Hy het niks daaraan gevind nie as net blare alleen; en Hy sê vir hom: Laat daar uit jou tot in ewigheid nooit weer 'n vrug kom nie! En onmiddellik het die vyeboom verdroog.

21:20b.MAT.021.020 En toe die dissipels dit sien, was hulle verwonderd en sê: Hoe het die vyeboom so onmiddellik verdroog?

21:21b.MAT.021.021 Maar Jesus antwoord en sê vir hulle: Voorwaar Ek sê vir julle, as julle geloof het en nie twyfel nie, sal julle nie alleen doen wat met die vyeboom gebeur het nie; maar al sê julle ook vir hierdie berg: Hef jou op en werp jou in die see--sal dit gebeur.

21:22b.MAT.021.022 En alles wat julle in die gebed vra, sal julle ontvang as julle glo.

21:23b.MAT.021.023 En toe Hy in die tempel gegaan het, kom die owerpriesters en die ouderlinge van die volk na Hom terwyl Hy besig was om te leer, en hulle sê: Deur watter gesag doen U hierdie dinge, en wie het U hierdie gesag gegee?

21:24b.MAT.021.024 En Jesus antwoord en sê vir hulle: Ek sal julle ook een ding vra, en as julle dit vir My sê, sal Ek julle ook vertel deur watter gesag Ek hierdie dinge doen.

21:25b.MAT.021.025 Die doop van Johannes, waar was dit vandaan, uit die hemel of uit mense? En hulle het by hulleself geredeneer en gesê: As ons sê: Uit die hemel--dan sal Hy ons vra: Waarom het julle hom dan nie geglo nie?

21:26b.MAT.021.026 En as ons sê: Uit mense--dan moet ons oppas vir die menigte, want almal hou Johannes vir 'n profeet.

21:27b.MAT.021.027 Toe antwoord hulle Jesus en sê: Ons weet nie. Hy sê toe ook vir hulle: Dan vertel Ek julle ook nie deur watter gesag Ek hierdie dinge doen nie.

21:28b.MAT.021.028 Maar wat dink julle? 'n Man het twee kinders gehad, en hy gaan na die eerste en sê: Kind, gaan werk vandag in my wingerd.

21:29b.MAT.021.029 En hy antwoord en sê: Ek wil nie; maar later het hy berou gekry en gegaan.

21:30b.MAT.021.030 Toe het hy na die tweede gegaan en vir hom net so gesê; en hy antwoord en sê: Ja, heer. En hy het nie gegaan nie.

21:31b.MAT.021.031 Wie van die twee het die wil van die vader gedoen? Hulle antwoord Hom: Die eerste. Jesus sê vir hulle: Voorwaar Ek sê vir julle, die tollenaars en die hoere gaan julle voor in die koninkryk van God.

21:32b.MAT.021.032 Want Johannes het na julle gekom in die weg van geregtigheid, en julle het hom nie geglo nie; maar die tollenaars en die hoere het hom geglo. En julle het dit gesien en tog nie later berou gekry om hom te glo nie.

21:33b.MAT.021.033 Luister na 'n ander gelykenis: Daar was 'n sekere huisheer wat 'n wingerd geplant het; en hy het 'n heining daarom gesit en 'n parskuip daarin gegrawe en 'n wagtoring gebou, en hy het dit aan landbouers verhuur en op reis gegaan.

21:34b.MAT.021.034 En toe die vrugtetyd nader kom, stuur hy sy diensknegte na die landbouers om sy vrugte te ontvang.

21:35b.MAT.021.035 Maar die landbouers het sy diensknegte geneem en een geslaan en 'n ander een doodgemaak en 'n ander een gestenig.

21:36b.MAT.021.036 Weer het hy ander diensknegte gestuur, meer as die eerstes, en hulle het met dié net so gemaak.

21:37b.MAT.021.037 Oplaas het hy sy seun na hulle gestuur en gesê: Hulle sal my seun ontsien.

21:38b.MAT.021.038 Maar toe die landbouers die seun sien, het hulle onder mekaar gesê: Dit is die erfgenaam; kom laat ons hom doodmaak en sy erfdeel in besit neem.

21:39b.MAT.021.039 En hulle het hom geneem en buitekant die wingerd uitgewerp en doodgemaak.

21:40b.MAT.021.040 Wanneer die eienaar van die wingerd dan kom, wat sal hy met daardie landbouers doen?

21:41b.MAT.021.041 Hulle antwoord Hom: Die slegte mense--hy sal hulle 'n slegte dood laat sterwe en die wingerd verhuur aan ander landbouers wat hom die vrugte op die regte tyd sal gee.

21:42b.MAT.021.042 Jesus sê vir hulle: Het julle nooit in die Skrifte gelees nie: Die steen wat die bouers verwerp het, dit het 'n hoeksteen geword. Hy het van die Here gekom en is wonderbaar in ons oë?

21:43b.MAT.021.043 Daarom sê Ek vir julle: Die koninkryk van God sal van julle weggeneem en aan 'n volk gegee word wat die vrugte daarvan sal dra.

21:44b.MAT.021.044 En hy wat op hierdie steen val, sal verpletter word; maar elkeen op wie hy val, dié sal hy vermorsel.

21:45b.MAT.021.045 En toe die owerpriesters en die Fariseërs sy gelykenisse hoor, het hulle begryp dat Hy van hulle spreek.

21:46b.MAT.021.046 En hulle het probeer om Hom in hulle mag te kry, maar hulle was bang vir die skare, omdat dié Hom vir 'n profeet gehou het.

22

22:1b.MAT.022.001 En Jesus het weer deur gelykenisse met hulle begin spreek en gesê:

22:2b.MAT.022.002 Die koninkryk van die hemele is soos 'n koning wat 'n bruilof vir sy seun berei het

22:3b.MAT.022.003 en sy diensknegte uitgestuur het om die genooides na die bruilof te roep, en hulle wou nie kom nie.

22:4b.MAT.022.004 Weer het hy ander diensknegte uitgestuur met die boodskap: Sê vir die genooides: Kyk, my maaltyd het ek berei, my beeste en vetgemaakte vee is geslag en alles is gereed. Kom na die bruilof.

22:5b.MAT.022.005 Maar hulle het hul daaraan nie gesteur nie en weggegaan, een na sy eie stuk land en 'n ander na sy handelsaak.

22:6b.MAT.022.006 En die origes het sy diensknegte gegryp en mishandel en doodgemaak.

22:7b.MAT.022.007 Toe die koning dit hoor, het hy kwaad geword en sy manskappe gestuur en daardie moordenaars omgebring en hulle stad aan die brand gesteek.

22:8b.MAT.022.008 Daarop sê hy vir sy diensknegte: Die bruilof is wel gereed, maar die genooides was dit nie werd nie.

22:9b.MAT.022.009 Gaan dan op die kruispaaie en nooi almal wat julle mag vind, na die bruilof.

22:10b.MAT.022.010 En daardie diensknegte het uitgegaan op die paaie en almal versamel wat hulle gevind het, slegtes sowel as goeies, en die bruilofsaal het vol gaste geword.

22:11b.MAT.022.011 En toe die koning ingaan om na die gaste te kyk, sien hy daar iemand wat nie 'n bruilofskleed aan het nie.

22:12b.MAT.022.012 En hy sê vir hom: Vriend, hoe het jy hier ingekom sonder 'n bruilofskleed aan? En hy kon geen woord sê nie.

22:13b.MAT.022.013 Toe sê die koning vir sy dienaars: Bind sy hande en voete, neem hom weg en werp hom in die buitenste duisternis. Daar sal geween wees en gekners van die tande.

22:14b.MAT.022.014 Want baie is geroep, maar min uitverkies.

22:15b.MAT.022.015 Toe gaan die Fariseërs saam raad hou hoe om Hom in sy woord te verstrik.

22:16b.MAT.022.016 En hulle stuur hul dissipels saam met die Herodiane na Hom en sê: Meester, ons weet dat U waaragtig is en die weg van God in waarheid leer en U aan niemand steur nie, want U sien nie die persoon van mense aan nie--

22:17b.MAT.022.017 sê dan vir ons, wat dink U: Is dit geoorloof om aan die keiser belasting te betaal of nie?

22:18b.MAT.022.018 Maar Jesus het hulle boosheid bemerk en gesê:

22:19b.MAT.022.019 Geveinsdes, waarom versoek julle My? Wys My die belastingmunt. En hulle het vir Hom 'n penning gebring.

22:20b.MAT.022.020 En Hy sê vir hulle: Wie se beeld en opskrif is dit?

22:21b.MAT.022.021 Hulle antwoord Hom: Die keiser s'n. Daarop sê Hy vir hulle: Betaal dan aan die keiser wat die keiser toekom, en aan God wat God toekom.

22:22b.MAT.022.022 En toe hulle dit hoor, was hulle verwonderd en het Hom verlaat en weggegaan.

22:23b.MAT.022.023 Dieselfde dag kom daar na Hom Sadduseërs, hulle wat sê dat daar geen opstanding is nie, en vra Hom

22:24b.MAT.022.024 en sê: Meester, Moses het gesê: As iemand sonder kinders sterwe, moet sy broer sy vrou trou en kinders vir sy broer verwek.

22:25b.MAT.022.025 Nou was daar by ons sewe broers, en die eerste het getrou en gesterwe; en omdat hy geen kinders gehad het nie, het hy sy vrou vir sy broer agtergelaat.

22:26b.MAT.022.026 So ook die tweede en die derde tot die sewende toe.

22:27b.MAT.022.027 En laaste van almal het die vrou ook gesterwe.

22:28b.MAT.022.028 In die opstanding dan, van watter een van die sewe sal sy die vrou wees--want hulle almal het haar gehad?

22:29b.MAT.022.029 Toe antwoord Jesus en sê vir hulle: Julle dwaal, omdat julle die Skrifte nie ken nie en ook nie die krag van God nie.

22:30b.MAT.022.030 Want in die opstanding trou hulle nie en word ook nie in die huwelik uitgegee nie, maar is soos engele van God in die hemel.

22:31b.MAT.022.031 En wat die opstanding van die dode betref--het julle nie die woord gelees wat tot julle deur God gespreek is nie:

22:32b.MAT.022.032 Ek is die God van Abraham en die God van Isak en die God van Jakob? God is nie 'n God van dooies nie, maar van lewendes.

22:33b.MAT.022.033 En toe die skare dit hoor, was hulle verslae oor sy leer.

22:34b.MAT.022.034 En toe die Fariseërs hoor dat Hy die Sadduseërs die mond gestop het, het hulle almal saam vergader.

22:35b.MAT.022.035 En een van hulle, 'n wetgeleerde, het 'n vraag gestel om Hom te versoek en gesê:

22:36b.MAT.022.036 Meester, wat is die groot gebod in die wet?

22:37b.MAT.022.037 En Jesus antwoord hom: Jy moet die Here jou God liefhê met jou hele hart en met jou hele siel en met jou hele verstand.

22:38b.MAT.022.038 Dit is die eerste en groot gebod.

22:39b.MAT.022.039 En die tweede wat hiermee gelykstaan: Jy moet jou naaste liefhê soos jouself.

22:40b.MAT.022.040 Aan hierdie twee gebooie hang die hele wet en die profete.

22:41b.MAT.022.041 En toe die Fariseërs saamgekom het, vra Jesus hulle

22:42b.MAT.022.042 en sê: Wat dink julle van die Christus? Wie se seun is Hy? Hulle antwoord Hom: Dawid s'n.

22:43b.MAT.022.043 Hy sê vir hulle: Hoe is dit dan dat Dawid Hom in die Gees Here noem as hy sê:

22:44b.MAT.022.044 Die Here het tot my Here gespreek: Sit aan my regterhand totdat Ek u vyande gemaak het 'n voetbank van u voete?

22:45b.MAT.022.045 As Dawid Hom dan Here noem, hoe is Hy sy seun?

22:46b.MAT.022.046 En niemand kon Hom 'n woord antwoord nie; ook het geeneen van daardie dag af dit meer gewaag om Hom vrae te stel nie.

23

23:1b.MAT.023.001 Toe het Jesus die skare en sy dissipels toegespreek

23:2b.MAT.023.002 en gesê: Die skrifgeleerdes en die Fariseërs sit op die stoel van Moses.

23:3b.MAT.023.003 Alles wat hulle dan vir julle mag sê om te onderhou, onderhou en doen dit; maar volgens hulle werke moet julle nie doen nie, want hulle praat en doen nie.

23:4b.MAT.023.004 Want hulle bind pakke saam wat swaar en moeilik is om te dra, en sit dit op die skouers van die mense, maar self wil hulle dit nie met hulle vinger verroer nie.

23:5b.MAT.023.005 En hulle doen al hul werke om deur die mense gesien te word, en hulle maak hul gedenkseëls breed en die some van hul klere groot.

23:6b.MAT.023.006 En hulle hou van die voorste plekke by die maaltye en die voorste banke in die sinagoges

23:7b.MAT.023.007 en die begroetinge op die markte en om deur die mense genoem te word: Rabbi, Rabbi!

23:8b.MAT.023.008 Maar julle, laat jul nie Rabbi noem nie, want een is julle leermeester: Christus, en julle is almal broeders.

23:9b.MAT.023.009 En julle moet niemand op die aarde julle vader noem nie, want een is julle Vader, Hy wat in die hemele is.

23:10b.MAT.023.010 Julle moet julle ook nie leermeesters laat noem nie, want een is julle leermeester: Christus.

23:11b.MAT.023.011 Maar die grootste van julle moet jul dienaar wees.

23:12b.MAT.023.012 Wie homself verhoog, sal verneder word, en wie homself verneder, sal verhoog word.

23:13b.MAT.023.013 Maar wee julle, skrifgeleerdes en Fariseërs, geveinsdes, want julle sluit die koninkryk van die hemele toe voor die mense; want julle gaan self nie in nie, en die wat sou ingaan, laat julle nie toe om in te gaan nie.

23:14b.MAT.023.014 Wee julle, skrifgeleerdes en Fariseërs, geveinsdes, want julle eet die huise van die weduwees op, en doen vir die skyn lang gebede. Daarom sal julle 'n swaarder oordeel ontvang.

23:15b.MAT.023.015 Wee julle, skrifgeleerdes en Fariseërs, geveinsdes, want julle trek rond oor see en land om een bekeerling te maak; en as hy dit geword het, maak julle hom 'n kind van die hel, twee maal erger as julle self.

23:16b.MAT.023.016 Wee julle, blinde leiers, julle wat sê: Elkeen wat sweer by die tempel--dit is niks nie; maar elkeen wat sweer by die goud van die tempel, hy is gebonde.

23:17b.MAT.023.017 Julle dwase en blindes, want wat is meer: die goud, of die tempel wat die goud heilig?

23:18b.MAT.023.018 En: Elkeen wat sweer by die altaar--dit is niks nie; maar elkeen wat sweer by die gawe daar bo-op, hy is gebonde.

23:19b.MAT.023.019 Julle dwase en blindes, want wat is meer: die gawe, of die altaar wat die gawe heilig?

23:20b.MAT.023.020 Wie dan sweer by die altaar, sweer dáárby en by alles wat daarop is;

23:21b.MAT.023.021 en wie sweer by die tempel, sweer dáárby en by Hom wat daarin woon;

23:22b.MAT.023.022 en wie sweer by die hemel, sweer by die troon van God en by Hom wat daarop sit.

23:23b.MAT.023.023 Wee julle, skrifgeleerdes en Fariseërs, geveinsdes, want julle gee tiendes van kruisement en anys en koljander, en die swaarste van die wet laat julle ná: die reg en die barmhartigheid en die trou. Hierdie dinge behoort julle te doen sonder om die ander na te laat.

23:24b.MAT.023.024 Blinde leiers, julle wat die muggie uitsif, maar die kameel insluk!

23:25b.MAT.023.025 Wee julle, skrifgeleerdes en Fariseërs, geveinsdes, want julle maak die buitekant van die beker en die skottel skoon, maar binnekant is dit vol roof en onmatigheid.

23:26b.MAT.023.026 Blinde Fariseër, maak eers die binnekant van die beker en die skottel skoon, sodat ook die buitekant daarvan skoon kan word.

23:27b.MAT.023.027 Wee julle, skrifgeleerdes en Fariseërs, geveinsdes, want julle is net soos gewitte grafte wat van buite wel fraai lyk, maar van binne vol doodsbene en allerhande onreinheid is.

23:28b.MAT.023.028 So lyk julle ook van buite vir die mense wel regverdig, maar van binne is julle vol geveinsdheid en ongeregtigheid.

23:29b.MAT.023.029 Wee julle, skrifgeleerdes en Fariseërs, geveinsdes, want julle bou die grafte van die profete en versier die grafstene van die regverdiges;

23:30b.MAT.023.030 en julle sê: As ons in die dae van ons vaders geleef het, sou ons geen deel met hulle gehad het aan die bloed van die profete nie.

23:31b.MAT.023.031 Julle gee dus teen julself getuienis dat julle kinders is van die wat die profete vermoor het.

23:32b.MAT.023.032 Maak die maat van julle vaders dan vol!

23:33b.MAT.023.033 Slange, addergeslag, hoe sal julle die oordeel van die hel ontvlug?

23:34b.MAT.023.034 Daarom, kyk, Ek stuur profete en wyse manne en skrifgeleerdes na julle toe, en julle sal sommige van hulle doodmaak en kruisig en sommige van hulle in jul sinagoges gésel en van die een stad na die ander vervolg,

23:35b.MAT.023.035 sodat oor julle kan kom al die regverdige bloed wat vergiet is op die aarde, van die bloed van die regverdige Abel af tot op die bloed van Sagaría, die seun van Berégja, wat julle vermoor het tussen die tempel en die altaar.

23:36b.MAT.023.036 Voorwaar Ek sê vir julle, al hierdie dinge sal oor hierdie geslag kom.

23:37b.MAT.023.037 Jerusalem, Jerusalem, jy wat die profete doodmaak en stenig dié wat na jou gestuur is, hoe dikwels wou Ek jou kinders bymekaarmaak net soos 'n hen haar kuikens onder die vlerke bymekaarmaak, en julle wou nie!

23:38b.MAT.023.038 Kyk, julle huis word vir julle woes gelaat!

23:39b.MAT.023.039 Want Ek sê vir julle: Julle sal My van nou af sekerlik nie sien nie totdat julle sal sê: Geseënd is Hy wat kom in die Naam van die Here!

24

24:1b.MAT.024.001 En Jesus het uitgegaan en van die tempel vertrek, en sy dissipels het nader gekom om Hom die geboue van die tempel te wys.

24:2b.MAT.024.002 En Jesus sê vir hulle: Sien julle al hierdie dinge? Voorwaar Ek sê vir julle, daar sal hier sekerlik nie een klip op die ander gelaat word, wat nie afgebreek sal word nie.

24:3b.MAT.024.003 En toe Hy op die Olyfberg gaan sit het, kom die dissipels alleen na Hom en sê: Vertel ons, wanneer sal hierdie dinge wees, en wat is die teken van u koms en van die voleinding van die wêreld?

24:4b.MAT.024.004 En Jesus antwoord en sê vir hulle: Pas op dat niemand julle mislei nie.

24:5b.MAT.024.005 Want baie sal onder my Naam kom en sê: Ek is die Christus! en hulle sal baie mense mislei.

24:6b.MAT.024.006 En julle sal hoor van oorloë en gerugte van oorloë. Pas op, moenie verskrik word nie, want alles moet plaasvind, maar dit is nog nie die einde nie.

24:7b.MAT.024.007 Want die een nasie sal teen die ander opstaan en die een koninkryk teen die ander; en daar sal hongersnode wees en pessiektes en aardbewings op verskillende plekke.

24:8b.MAT.024.008 Maar al hierdie dinge is 'n begin van die smarte.

24:9b.MAT.024.009 Dan sal hulle jul aan verdrukking oorgee en julle doodmaak; en julle sal deur al die nasies gehaat word ter wille van my Naam.

24:10b.MAT.024.010 En dan sal baie tot struikel gebring word en mekaar verraai en mekaar haat.

24:11b.MAT.024.011 En baie valse profete sal opstaan en baie mense mislei.

24:12b.MAT.024.012 En omdat die ongeregtigheid vermeerder word, sal die liefde van die meeste verkoel.

24:13b.MAT.024.013 Maar wie volhard tot die einde toe, hy sal gered word.

24:14b.MAT.024.014 En hierdie evangelie van die koninkryk sal verkondig word in die hele wêreld tot 'n getuienis vir al die nasies; en dan sal die einde kom.

24:15b.MAT.024.015 Wanneer julle dan die gruwel van die verwoesting, waarvan gespreek is deur die profeet Daniël, sien staan in die heiligdom--laat hy wat lees, oplet--

24:16b.MAT.024.016 dan moet die wat in Judéa is, na die berge vlug;

24:17b.MAT.024.017 wie op die dak is, moet nie afkom om iets uit sy huis weg te neem nie;

24:18b.MAT.024.018 en wie op die land is, moet nie omdraai om sy klere weg te neem nie.

24:19b.MAT.024.019 Maar wee die vroue wat swanger is en die wat nog soog, in daardie dae.

24:20b.MAT.024.020 En bid dat julle vlug nie in die winter of op die sabbat mag plaasvind nie.

24:21b.MAT.024.021 Want dan sal daar groot verdrukking wees soos daar van die begin van die wêreld af tot nou toe nie gewees het en ook nooit sal wees nie.

24:22b.MAT.024.022 En as daardie dae nie verkort was nie, sou geen vlees gered word nie; maar ter wille van die uitverkorenes sal daardie dae verkort word.

24:23b.MAT.024.023 As iemand dán vir julle sê: Kyk, hier is die Christus! of: Daar! --moet dit nie glo nie.

24:24b.MAT.024.024 Want daar sal valse christusse en valse profete opstaan, en hulle sal groot tekens en wonders doen om, as dit moontlik was, ook die uitverkorenes te mislei.

24:25b.MAT.024.025 Kyk, Ek het dit vir julle vooruit gesê.

24:26b.MAT.024.026 As hulle dan vir julle sê: Kyk, Hy is in die woestyn--moenie uitgaan nie; kyk, Hy is in die binnekamer--moet dit nie glo nie.

24:27b.MAT.024.027 Want soos die weerlig uit die ooste uitslaan en tot in die weste skyn, so sal ook die koms van die Seun van die mens wees.

24:28b.MAT.024.028 Want oral waar die dooie liggaam lê, daar sal die aasvoëls saamkom.

24:29b.MAT.024.029 En dadelik ná die verdrukking van daardie dae sal die son verduister word, en die maan sal sy glans nie gee nie, en die sterre sal van die hemel val, en die kragte van die hemele sal geskud word.

24:30b.MAT.024.030 En dan sal die teken van die Seun van die mens in die hemel verskyn, en dan sal al die stamme van die aarde rou bedryf en die Seun van die mens sien kom op die wolke van die hemel met groot krag en heerlikheid.

24:31b.MAT.024.031 En Hy sal sy engele uitstuur met harde trompetgeluid, en hulle sal sy uitverkorenes versamel uit die vier windstreke, van die een einde van die hemele af tot die ander einde daarvan.

24:32b.MAT.024.032 En leer van die vyeboom hierdie gelykenis: Wanneer sy tak al sag word en sy blare uitbot, weet julle dat die somer naby is.

24:33b.MAT.024.033 So weet julle ook, wanneer julle ál hierdie dinge sien, dat dit naby is, voor die deur.

24:34b.MAT.024.034 Voorwaar Ek sê vir julle, hierdie geslag sal sekerlik nie verbygaan voordat al hierdie dinge gebeur het nie.

24:35b.MAT.024.035 Die hemel en die aarde sal verbygaan, maar my woorde sal nooit verbygaan nie.

24:36b.MAT.024.036 Maar van dié dag en dié uur weet niemand nie, ook die engele van die hemele nie, maar net my Vader alleen.

24:37b.MAT.024.037 En net soos die dae van Noag was, so sal ook die koms van die Seun van die mens wees.

24:38b.MAT.024.038 Want net soos hulle was in die dae voor die sondvloed toe hulle geëet en gedrink het, getrou en in die huwelik uitgegee het, tot op die dag dat Noag in die ark gegaan het,

24:39b.MAT.024.039 en dit nie verstaan het voordat die sondvloed gekom en almal weggevoer het nie, so sal ook die koms van die Seun van die mens wees.

24:40b.MAT.024.040 Dan sal daar twee op die land wees; die een word aangeneem en die ander word verlaat.

24:41b.MAT.024.041 Twee vroue sal by die meul maal; die een word aangeneem en die ander word verlaat.

24:42b.MAT.024.042 Waak dan, omdat julle nie weet watter uur julle Here kom nie.

24:43b.MAT.024.043 Maar weet dit: as die huisheer geweet het in watter nagwaak die dief sou kom, sou hy gewaak en nie toegelaat het dat in sy huis ingebreek word nie.

24:44b.MAT.024.044 Daarom moet julle ook gereed wees, want die Seun van die mens kom op 'n uur dat julle dit nie verwag nie.

24:45b.MAT.024.045 Wie is dan die getroue en verstandige dienskneg vir wie sy heer oor sy diensvolk aangestel het om hulle hul voedsel op tyd te gee?

24:46b.MAT.024.046 Gelukkig is daardie dienskneg vir wie sy heer, as hy kom, op hierdie manier besig sal vind.

24:47b.MAT.024.047 Voorwaar Ek sê vir julle, hy sal hom oor al sy besittings aanstel.

24:48b.MAT.024.048 Maar as daardie slegte dienskneg in sy hart sê: My heer talm om te kom--

24:49b.MAT.024.049 en hy sy medediensknegte begin slaan en saam met die dronkaards begin eet en drink,

24:50b.MAT.024.050 dan sal die heer van dié dienskneg kom op 'n dag dat hy dit nie verwag nie en op 'n uur dat hy dit nie weet nie;

24:51b.MAT.024.051 en sal hom pynig en hom 'n deelgenoot van die geveinsdes maak. Daar sal geween wees en gekners van die tande.

25

25:1b.MAT.025.001 Dan sal die koninkryk van die hemele wees soos tien maagde wat hulle lampe geneem en uitgegaan het om die bruidegom te ontmoet.

25:2b.MAT.025.002 En vyf van hulle was verstandig en vyf dwaas.

25:3b.MAT.025.003 En toe die wat dwaas was, hul lampe neem, het hulle geen olie met hulle saamgeneem nie.

25:4b.MAT.025.004 Maar die verstandiges het olie in hulle kanne saam met hul lampe geneem.

25:5b.MAT.025.005 En terwyl die bruidegom talm om te kom, het hulle almal vaak geword en aan die slaap geraak.

25:6b.MAT.025.006 En middernag was daar 'n geroep: Daar kom die bruidegom; gaan uit hom tegemoet!

25:7b.MAT.025.007 Toe staan al daardie maagde op en maak hulle lampe gereed.

25:8b.MAT.025.008 En die wat dwaas was, sê aan die verstandiges: Gee vir ons van julle olie, want ons lampe gaan uit.

25:9b.MAT.025.009 Maar die verstandiges antwoord en sê: Miskien sal daar nie genoeg wees vir ons en vir julle nie. Maar gaan liewer na die verkopers en koop vir julleself.

25:10b.MAT.025.010 En onderwyl hulle gaan om te koop, het die bruidegom gekom. En die wat gereed was, het saam met hom ingegaan na die bruilof, en die deur is gesluit.

25:11b.MAT.025.011 Later kom toe die ander maagde ook en sê: Meneer, meneer, maak vir ons oop!

25:12b.MAT.025.012 Maar hy antwoord en sê: Voorwaar ek sê vir julle, ek ken julle nie.

25:13b.MAT.025.013 Waak dan, omdat julle die dag en die uur nie weet waarop die Seun van die mens kom nie.

25:14b.MAT.025.014 Want dit is soos 'n man wat op reis wou gaan en sy diensknegte roep en aan hulle sy besittings toevertrou.

25:15b.MAT.025.015 En aan die een gee hy vyf talente en aan die ander twee en aan die ander een, aan elkeen na sy vermoë; en hy het dadelik op reis gegaan.

25:16b.MAT.025.016 En die een wat die vyf talente ontvang het, het daarmee gaan werk en vyf ander talente gewin.

25:17b.MAT.025.017 Net so het die een wat die twee ontvang het, self ook twee ander verdien.

25:18b.MAT.025.018 Maar hy wat die een ontvang het, het in die grond gaan grawe en die geld van sy heer weggesteek.

25:19b.MAT.025.019 En ná 'n lang tyd het die heer van daardie diensknegte gekom en met hulle afgereken.

25:20b.MAT.025.020 En die een wat die vyf talente ontvang het, kom en bring vyf ander talente en sê: Meneer, vyf talente het u aan my toevertrou; hier het ek vyf ander talente daarby verdien.

25:21b.MAT.025.021 En sy heer sê vir hom: Mooi so, goeie en getroue dienskneg, oor weinig was jy getrou, oor veel sal ek jou aanstel. Gaan in in die vreugde van jou heer.

25:22b.MAT.025.022 En die een wat die twee talente ontvang het, kom ook en sê: Meneer, twee talente het u aan my toevertrou; hier het ek twee ander talente daarby verdien.

25:23b.MAT.025.023 Sy heer sê vir hom: Mooi so, goeie en getroue dienskneg, oor weinig was jy getrou, oor veel sal ek jou aanstel. Gaan in in die vreugde van jou heer.

25:24b.MAT.025.024 En die een wat die een talent ontvang het, kom ook en sê: Meneer, ek het u geken, dat u 'n harde man is wat maai waar u nie gesaai het nie, en bymekaarmaak waar u nie uitgestrooi het nie;

25:25b.MAT.025.025 omdat ek bang was, het ek gegaan en u talent in die grond weggesteek. Hier het u wat aan u behoort.

25:26b.MAT.025.026 Maar sy heer antwoord en sê vir hom: Jou slegte en luie dienskneg, jy het geweet dat ek maai waar ek nie gesaai het nie, en bymekaarmaak waar ek nie uitgestrooi het nie.

25:27b.MAT.025.027 Daarom moes jy my geld by die wisselaars gestort het, en ek sou by my koms wat aan my behoort, met rente ontvang het.

25:28b.MAT.025.028 Neem dan die talent van hom weg en gee dit aan die een wat die tien talente het;

25:29b.MAT.025.029 want aan elkeen wat het, sal gegee word, en hy sal oorvloed hê; maar van hom wat nie het nie, van hom sal weggeneem word ook wat hy het.

25:30b.MAT.025.030 En werp die nuttelose dienskneg uit in die buitenste duisternis; daar sal geween wees en gekners van die tande.

25:31b.MAT.025.031 En wanneer die Seun van die mens in sy heerlikheid kom en al die heilige engele saam met Hom, dan sal Hy op sy heerlike troon sit;

25:32b.MAT.025.032 en voor Hom sal al die nasies versamel word, en Hy sal hulle van mekaar afskei soos die herder die skape van die bokke afskei;

25:33b.MAT.025.033 en Hy sal die skape aan sy regterhand en die bokke aan sy linkerhand sit.

25:34b.MAT.025.034 Dan sal die Koning vir die wat aan sy regterhand is, sê: Kom, julle geseëndes van my Vader, beërf die koninkryk wat vir julle berei is van die grondlegging van die wêreld af.

25:35b.MAT.025.035 Want Ek het honger gehad, en julle het My te ete gegee; Ek het dors gehad, en julle het My te drinke gegee; Ek was 'n vreemdeling, en julle het My herberg gegee;

25:36b.MAT.025.036 Ek was naak, en julle het My geklee; Ek was siek, en julle het My besoek; in die gevangenis was Ek, en julle het na My gekom.

25:37b.MAT.025.037 Dan sal die regverdiges Hom antwoord en sê: Here, wanneer het ons U honger gesien en gevoed; of dors, en te drinke gegee?

25:38b.MAT.025.038 En wanneer het ons U 'n vreemdeling gesien, en herberg gegee; of naak, en geklee?

25:39b.MAT.025.039 En wanneer het ons U siek gesien of in die gevangenis, en na U gekom?

25:40b.MAT.025.040 En die Koning sal antwoord en vir hulle sê: Voorwaar Ek sê vir julle, vir sover julle dit gedoen het aan een van die geringstes van hierdie broeders van My, het julle dit aan My gedoen.

25:41b.MAT.025.041 Dan sal Hy ook vir dié aan sy linkerhand sê: Gaan weg van My, julle vervloektes, in die ewige vuur wat berei is vir die duiwel en sy engele.

25:42b.MAT.025.042 Want Ek het honger gehad, en julle het My nie te ete gegee nie; Ek het dors gehad, en julle het My nie te drinke gegee nie.

25:43b.MAT.025.043 Ek was 'n vreemdeling, en julle het vir My nie herberg gegee nie; naak, en julle het My nie geklee nie; siek en in die gevangenis, en julle het My nie besoek nie.

25:44b.MAT.025.044 Dan sal hulle Hom ook antwoord en sê: Here, wanneer het ons U honger gesien of dors of 'n vreemdeling of naak of siek of in die gevangenis, en U nie gedien nie?

25:45b.MAT.025.045 Dan sal Hy hulle antwoord en sê: Voorwaar Ek sê vir julle, vir sover julle dit nie gedoen het aan een van hierdie geringstes nie, het julle dit aan My ook nie gedoen nie.

25:46b.MAT.025.046 En hulle sal weggaan in die ewige straf, maar die regverdiges in die ewige lewe.

26

26:1b.MAT.026.001 En toe Jesus al hierdie woorde geëindig het, sê Hy vir sy dissipels:

26:2b.MAT.026.002 Julle weet dat oor twee dae die pasga kom, dan word die Seun van die mens oorgelewer om gekruisig te word.

26:3b.MAT.026.003 Toe kom die owerpriesters en die skrifgeleerdes en die ouderlinge van die volk bymekaar in die paleis van die hoëpriester wat Kájafas genoem word,

26:4b.MAT.026.004 en hou saam raad om Jesus met lis gevange te neem en om die lewe te bring.

26:5b.MAT.026.005 Maar hulle het gesê: Nie op die fees nie, sodat daar nie miskien oproer onder die volk kom nie.

26:6b.MAT.026.006 En toe Jesus in Betánië was in die huis van Simon, die melaatse,

26:7b.MAT.026.007 kom 'n vrou na Hom met 'n albaste fles met baie kosbare salf, en sy gooi dit op sy hoof uit terwyl Hy aan tafel was.

26:8b.MAT.026.008 En toe sy dissipels dit sien, was hulle verontwaardig en sê: Waarvoor is hierdie verkwisting?

26:9b.MAT.026.009 Want hierdie salf kon duur verkoop en die geld aan die armes gegee geword het.

26:10b.MAT.026.010 Maar toe Jesus dit merk, sê Hy vir hulle: Waarom val julle die vrou lastig? Want sy het 'n goeie werk aan My gedoen.

26:11b.MAT.026.011 Want die armes het julle altyd by julle, maar My het julle nie altyd nie.

26:12b.MAT.026.012 Want toe sy hierdie salf op my liggaam uitgegooi het, het sy dit gedoen met die oog op my begrafnis.

26:13b.MAT.026.013 Voorwaar Ek sê vir julle, oral waar hierdie evangelie verkondig sal word in die hele wêreld, sal ook gespreek word van wat sy gedoen het, tot 'n gedagtenis aan haar.

26:14b.MAT.026.014 Toe gaan een van die twaalf, met die naam van Judas Iskáriot, na die owerpriesters

26:15b.MAT.026.015 en sê: Wat wil u my gee, en ek sal Hom aan u oorlewer? En hulle het vir hom dertig silwerstukke afgeweeg.

26:16b.MAT.026.016 En van toe af het hy 'n goeie geleentheid gesoek om Hom oor te lewer.

26:17b.MAT.026.017 En op die eerste dag van die ongesuurde brode kom die dissipels na Jesus en sê vir Hom: Waar wil U hê moet ons vir U klaarmaak om die pasga te eet?

26:18b.MAT.026.018 En Hy antwoord: Gaan na die stad na 'n sekere iemand en sê vir hom: Die Meester laat weet: My tyd is naby. By jou sal Ek die pasga hou met my dissipels.

26:19b.MAT.026.019 Daarop het die dissipels gedoen soos Jesus hulle beveel het, en hulle het die pasga berei.

26:20b.MAT.026.020 En toe dit aand geword het, was Hy met die twaalf aan tafel.

26:21b.MAT.026.021 En terwyl hulle eet, sê Hy: Voorwaar Ek sê vir julle, een van julle sal My verraai.

26:22b.MAT.026.022 Toe word hulle baie bedroef en begin elkeen van hulle aan Hom te sê: Is dit miskien ek, Here?

26:23b.MAT.026.023 Toe antwoord Hy en sê: Hy wat saam met My sy hand in die skottel insteek, hy sal My verraai.

26:24b.MAT.026.024 Die Seun van die mens gaan wel heen soos daar van Hom geskrywe is, maar wee daardie man deur wie die Seun van die mens verraai word! Dit sou vir hom goed gewees het as daardie man nie gebore was nie.

26:25b.MAT.026.025 En Judas, wat Hom sou verraai, antwoord en sê: Is dit miskien ek, Rabbi? Hy antwoord hom: Jy het dit gesê.

26:26b.MAT.026.026 En terwyl hulle eet, neem Jesus die brood, en nadat Hy gedank het, breek Hy dit en gee dit aan sy dissipels en sê: Neem, eet, dit is my liggaam.

26:27b.MAT.026.027 Toe neem Hy die beker, en nadat Hy gedank het, gee Hy dit aan hulle en sê: Drink almal daaruit.

26:28b.MAT.026.028 Want dit is my bloed, die bloed van die nuwe testament, wat vir baie uitgestort word tot vergifnis van sondes.

26:29b.MAT.026.029 Maar Ek sê vir julle: Ek sal van nou af nooit meer van hierdie vrug van die wynstok drink nie, tot op daardie dag wanneer Ek dit met julle nuut sal drink in die koninkryk van my Vader.

26:30b.MAT.026.030 En nadat hulle die lofsang gesing het, het hulle uitgegaan na die Olyfberg.

26:31b.MAT.026.031 Toe sê Jesus vir hulle: Julle sal almal in hierdie nag aanstoot neem aan My, want daar is geskrywe: Ek sal die herder slaan, en die skape van die kudde sal verstrooi word.

26:32b.MAT.026.032 Maar nadat Ek opgestaan het, sal Ek voor julle uit na Galiléa gaan.

26:33b.MAT.026.033 Daarop antwoord Petrus en sê vir Hom: Al sal almal ook aanstoot aan U neem, ek sal nooit aanstoot neem nie.

26:34b.MAT.026.034 Jesus sê vir hom: Voorwaar Ek sê vir jou, in hierdie nag, voordat die haan gekraai het, sal jy My drie maal verloën.

26:35b.MAT.026.035 Petrus sê vir Hom: Al moes ek ook saam met U sterwe, ek sal U nooit verloën nie! So het ook al die dissipels gesê.

26:36b.MAT.026.036 Toe kom Jesus met hulle in 'n plek met die naam van Getsémané, en Hy sê vir die dissipels: Sit hier onderwyl Ek daar gaan bid.

26:37b.MAT.026.037 En Hy neem Petrus en die twee seuns van Sebedéüs saam en begin bedroef en benoud word.

26:38b.MAT.026.038 Toe sê Hy vir hulle: My siel is diep bedroef tot die dood toe; bly hier en waak saam met My.

26:39b.MAT.026.039 En Hy het 'n bietjie verder gegaan en op sy aangesig geval en gebid en gesê: My Vader, as dit moontlik is, laat hierdie beker by My verbygaan; nogtans nie soos Ek wil nie, maar soos U wil.

26:40b.MAT.026.040 En Hy kom by die dissipels en vind hulle aan die slaap, en Hy sê vir Petrus: So was julle dan nie in staat om een uur saam met My te waak nie?

26:41b.MAT.026.041 Waak en bid, dat julle nie in versoeking kom nie. Die gees is wel gewillig, maar die vlees is swak.

26:42b.MAT.026.042 Weer het Hy vir die tweede maal gaan bid en gesê: My Vader, as hierdie beker nie by My kan verbygaan sonder dat Ek dit drink nie, laat u wil geskied.

26:43b.MAT.026.043 Toe kom Hy en vind hulle weer aan die slaap, want hulle oë was swaar.

26:44b.MAT.026.044 En Hy het hulle met rus gelaat en weer vir die derde maal gaan bid en dieselfde woorde gesê.

26:45b.MAT.026.045 Daarop kom Hy by sy dissipels en sê vir hulle: Slaap maar voort en rus. Kyk, die uur is naby, en die Seun van die mens word oorgelewer in die hande van sondaars.

26:46b.MAT.026.046 Staan op, laat ons gaan; kyk, hy is naby wat My verraai.

26:47b.MAT.026.047 En terwyl Hy nog spreek, daar kom Judas, een van die twaalf, en saam met hom 'n groot menigte met swaarde en stokke, gestuur deur die owerpriesters en ouderlinge van die volk.

26:48b.MAT.026.048 En sy verraaier het vir hulle 'n teken gegee en gesê: Die een wat ek sal soen, dit is Hy, gryp Hom!

26:49b.MAT.026.049 En dadelik gaan hy na Jesus en sê: Gegroet, Rabbi! en hy het Hom gesoen.

26:50b.MAT.026.050 Maar Jesus sê vir hom: Vriend, waarvoor is jy hier? Toe kom hulle nader en slaan die hande aan Jesus en gryp Hom.

26:51b.MAT.026.051 En een van die wat saam met Jesus was, het meteens sy hand uitgesteek en sy swaard getrek; en hy het die dienskneg van die hoëpriester geslaan en sy oor afgekap.

26:52b.MAT.026.052 Toe sê Jesus vir hom: Sit jou swaard in sy plek terug; want almal wat die swaard neem, sal deur die swaard vergaan.

26:53b.MAT.026.053 Of dink jy dat Ek nie nou my Vader kan bid en Hy vir My meer as twaalf legioene van engele beskikbaar sal stel nie?

26:54b.MAT.026.054 Hoe sou die Skrifte dan vervul word dat dit so moet gebeur?

26:55b.MAT.026.055 In daardie uur het Jesus vir die skare gesê: Het julle soos teen 'n rower uitgekom met swaarde en stokke om My gevange te neem? Dag vir dag het Ek by julle gesit en leer in die tempel, en julle het My nie gegryp nie.

26:56b.MAT.026.056 Maar dit het alles gebeur, dat die Skrifte van die profete vervul sou word. Toe het al die dissipels Hom verlaat en gevlug.

26:57b.MAT.026.057 En die wat Jesus gevange geneem het, het Hom weggelei na Kájafas, die hoëpriester, waar die skrifgeleerdes en die ouderlinge vergader het.

26:58b.MAT.026.058 En Petrus het Hom van ver af gevolg tot by die paleis van die hoëpriester, en hy het ingegaan en by die dienaars gaan sit om die einde te sien.

26:59b.MAT.026.059 En die owerpriesters en die ouderlinge en die hele Raad het valse getuienis teen Jesus gesoek om Hom dood te maak, en niks gevind nie.

26:60b.MAT.026.060 En alhoewel daar baie valse getuies gekom het, het hulle niks gevind nie.

26:61b.MAT.026.061 Maar oplaas kom daar twee valse getuies en sê: Hierdie man het gesê: Ek kan die tempel van God afbreek en dit in drie dae opbou.

26:62b.MAT.026.062 Daarop staan die hoëpriester op en sê vir Hom: Antwoord U niks nie? Wat getuig hierdie manne teen U?

26:63b.MAT.026.063 Maar Jesus het stilgebly. En die hoëpriester antwoord en sê vir Hom: Ek besweer U by die lewende God dat U vir ons sê of U die Christus, die Seun van God, is?

26:64b.MAT.026.064 Jesus antwoord hom: U het dit gesê. Maar Ek sê vir u almal: Van nou af sal u die Seun van die mens sien sit aan die regterhand van die krag van God en kom op die wolke van die hemel.

26:65b.MAT.026.065 Toe verskeur die hoëpriester sy klere en sê: Hy het godslasterlik gespreek, wat het ons nog getuies nodig? Kyk, nou het julle sy godslastering gehoor!

26:66b.MAT.026.066 Wat dink julle? En hulle antwoord en sê: Hy is die dood skuldig.

26:67b.MAT.026.067 Toe het hulle in sy aangesig gespuug en Hom met die vuis geslaan,

26:68b.MAT.026.068 en ander het Hom met stokke geslaan en gesê: Profeteer vir ons, Christus! Wie is dit wat U geslaan het?

26:69b.MAT.026.069 En Petrus het buitekant gesit in die binneplaas van die paleis, en 'n sekere diensmeisie het na hom gekom en gesê: Jy was ook by Jesus, die Galiléër!

26:70b.MAT.026.070 Maar hy het dit voor almal ontken en gesê: Ek weet nie wat jy sê nie.

26:71b.MAT.026.071 En terwyl hy uitgaan na die poort toe, sien 'n ander diensmeisie hom en sê aan die wat daar was: Hierdie een was ook by Jesus, die Nasaréner.

26:72b.MAT.026.072 En met 'n eed ontken hy dit weer: Ek ken die man nie.

26:73b.MAT.026.073 Maar 'n bietjie later kom die wat daar staan, en sê vir Petrus: Waarlik, jy is ook een van hulle, want ook jou spraak maak jou bekend.

26:74b.MAT.026.074 Toe begin hy homself te verwens en te sweer: Ek ken die man nie.

26:75b.MAT.026.075 En dadelik het die haan gekraai, en Petrus het die woord van Jesus onthou wat Hy vir hom gesê het: Voor die haan kraai, sal jy My drie maal verloën. En hy het buitentoe gegaan en bitterlik geween.

27

27:1b.MAT.027.001 En toe dit dag geword het, het al die owerpriesters en die ouderlinge van die volk saam raad gehou teen Jesus om Hom dood te maak.

27:2b.MAT.027.002 En hulle het Hom geboei en weggelei en Hom oorgelewer aan Pontius Pilatus, die goewerneur.

27:3b.MAT.027.003 Daarna het Judas, sy verraaier, toe hy sien dat Hy veroordeel was, berou gekry en die dertig silwerstukke teruggebring na die owerpriesters en die ouderlinge

27:4b.MAT.027.004 en gesê: Ek het gesondig deur onskuldige bloed te verraai. Maar hulle sê: Wat gaan dit ons aan? Jy kan toesien!

27:5b.MAT.027.005 En hy het die silwerstukke in die tempel neergegooi en weggeloop en homself gaan ophang.

27:6b.MAT.027.006 En die owerpriesters het die silwerstukke geneem en gesê: Dit is nie geoorloof om dit in die skatkis te stort nie, omdat dit bloedgeld is.

27:7b.MAT.027.007 En nadat hulle saam raad gehou het, het hulle die stuk grond van die pottebakker daarmee gekoop as 'n begraafplaas vir vreemdelinge.

27:8b.MAT.027.008 Daarom is dié stuk grond genoem Bloedgrond, tot vandag toe.

27:9b.MAT.027.009 Toe is vervul wat gespreek is deur Jeremia, die profeet, toe hy gesê het: En hulle het die dertig silwerstukke geneem, die prys van die gewaardeerde wat hulle gewaardeer het vanweë die kinders van Israel;

27:10b.MAT.027.010 en hulle het dit gegee vir die grond van die pottebakker, soos die Here my beveel het.

27:11b.MAT.027.011 En Jesus het voor die goewerneur gestaan, en die goewerneur het Hom die vraag gestel en gesê: Is U die Koning van die Jode? En Jesus antwoord hom: U sê dit.

27:12b.MAT.027.012 En terwyl Hy deur die owerpriesters en die ouderlinge beskuldig word, het Hy niks geantwoord nie.

27:13b.MAT.027.013 Toe sê Pilatus vir Hom: Hoor U nie hoe baie dinge hulle teen U getuig nie?

27:14b.MAT.027.014 En Hy het hom op geen enkele woord geantwoord nie, sodat die goewerneur hom baie verwonder het.

27:15b.MAT.027.015 En op die fees was die goewerneur gewoond om een gevangene, die een wat hulle wou hê, vir die skare los te laat.

27:16b.MAT.027.016 En in daardie tyd het hulle 'n berugte gevangene gehad met die naam van Barábbas.

27:17b.MAT.027.017 Nadat hulle dan byeengekom het, sê Pilatus vir hulle: Wie wil julle hê moet ek vir julle loslaat: Barábbas, of Jesus wat genoem word Christus?

27:18b.MAT.027.018 Want hy het geweet dat hulle Hom uit nydigheid oorgelewer het.

27:19b.MAT.027.019 En terwyl hy op die regbank sit, het sy vrou na hom gestuur en gesê: Moet tog niks te doen hê met dié regverdige man nie, want ek het vandag in 'n droom baie gely om sy ontwil.

27:20b.MAT.027.020 Maar die owerpriesters en die ouderlinge het die skare oorgehaal dat hulle Barábbas moes begeer en Jesus ombring.

27:21b.MAT.027.021 Toe antwoord die goewerneur en sê vir hulle: Wie van die twee wil julle hê moet ek vir julle loslaat? En hulle antwoord: Barábbas!

27:22b.MAT.027.022 Pilatus sê vir hulle: Wat moet ek dan doen met Jesus wat genoem word Christus? Hulle sê almal vir hom: Laat Hom gekruisig word!

27:23b.MAT.027.023 En die goewerneur sê: Watter kwaad het Hy dan gedoen? Maar hulle skreeu nog harder en sê: Laat Hom gekruisig word!

27:24b.MAT.027.024 En toe Pilatus sien dat niks help nie, maar dat daar eerder 'n oproer kom, het hy water geneem en sy hande voor die skare gewas en gesê: Ek is onskuldig aan die bloed van hierdie regverdige man; julle kan toesien!

27:25b.MAT.027.025 En die hele volk antwoord en sê: Laat sy bloed op ons en op ons kinders kom!

27:26b.MAT.027.026 Toe laat hy vir hulle Barábbas los, maar Jesus het hy laat gésel en oorgelewer om gekruisig te word.

27:27b.MAT.027.027 Daarop neem die soldate van die goewerneur Jesus met hulle saam in die goewerneur se paleis en bring die hele leërafdeling teen Hom bymekaar.

27:28b.MAT.027.028 Toe trek hulle sy klere uit en werp 'n rooi mantel om Hom;

27:29b.MAT.027.029 en hulle vleg 'n kroon van dorings en sit dit op sy hoof, en 'n riet in sy regterhand; en hulle val op hul knieë voor Hom en bespot Hom en sê: Wees gegroet, Koning van die Jode!

27:30b.MAT.027.030 En hulle spuug op Hom en neem die riet en slaan Hom op sy hoof.

27:31b.MAT.027.031 En nadat hulle Hom bespot het, trek hulle Hom die mantel uit en trek Hom sy klere aan en lei Hom weg om gekruisig te word.

27:32b.MAT.027.032 En toe hulle uitgaan, kry hulle 'n man van Ciréne, met die naam van Simon; hom het hulle gedwing om sy kruis te dra.

27:33b.MAT.027.033 En hulle het gekom op 'n plek wat Gólgota genoem word--dit beteken: Plek van die Hoofskedel--

27:34b.MAT.027.034 en vir Hom asyn, met gal gemeng, gegee om te drink; en toe Hy dit proe, wou Hy nie drink nie.

27:35b.MAT.027.035 En nadat hulle Hom gekruisig het, het hulle sy klere verdeel deur die lot te werp, sodat vervul sou word wat deur die profeet gespreek is: Hulle het my klere onder mekaar verdeel en oor my gewaad die lot gewerp.

27:36b.MAT.027.036 En hulle het gaan sit en Hom daar bewaak.

27:37b.MAT.027.037 En bokant sy hoof het hulle sy beskuldiging in skrif opgestel: DIT IS JESUS, DIE KONING VAN DIE JODE.

27:38b.MAT.027.038 Toe word daar saam met Hom twee rowers gekruisig, een aan die regter-- en een aan die linkerkant.

27:39b.MAT.027.039 En die verbygangers het Hom gesmaad terwyl hulle hul hoofde skud

27:40b.MAT.027.040 en sê: U wat die tempel afbreek en in drie dae opbou, red Uself! As U die Seun van God is, kom af van die kruis!

27:41b.MAT.027.041 En so het ook die owerpriesters saam met die skrifgeleerdes en ouderlinge gespot en gesê:

27:42b.MAT.027.042 Ander het Hy verlos, Homself kan Hy nie verlos nie. As Hy die Koning van Israel is, laat Hom nou van die kruis afkom, en ons sal in Hom glo.

27:43b.MAT.027.043 Hy het op God vertrou; laat Hy Hom nou verlos as Hy behae in Hom het; want Hy het gesê: Ek is die Seun van God.

27:44b.MAT.027.044 En op dieselfde manier het die rowers wat saam met Hom gekruisig was, Hom ook beledig.

27:45b.MAT.027.045 En van die sesde uur af het daar duisternis gekom oor die hele aarde tot die negende uur toe;

27:46b.MAT.027.046 en omtrent die negende uur het Jesus met 'n groot stem geroep en gesê: Eli, Eli, lama sabagtáni? Dit is: My God, my God, waarom het U My verlaat?

27:47b.MAT.027.047 En sommige van die wat daar staan, hoor dit en sê: Hy roep Elía.

27:48b.MAT.027.048 Toe hardloop daar dadelik een van hulle en neem 'n spons en maak dit vol asyn, en sit dit op 'n riet en laat Hom drink.

27:49b.MAT.027.049 Maar die ander sê: Wag, laat ons sien of Elía kom om Hom te verlos.

27:50b.MAT.027.050 Daarop het Jesus weer met 'n groot stem geroep en die gees gegee.

27:51b.MAT.027.051 En kyk, die voorhangsel van die tempel het in twee geskeur, van bo tot onder, en die aarde het gebewe en die rotse het geskeur;

27:52b.MAT.027.052 en die grafte het oopgegaan en baie liggame van die ontslape heiliges het opgestaan.

27:53b.MAT.027.053 En ná sy opstanding het hulle uit die grafte uitgegaan en in die heilige stad ingekom en aan baie verskyn.

27:54b.MAT.027.054 En toe die hoofman oor honderd en die wat saam met hom Jesus bewaak het, die aardbewing sien en die dinge wat daar gebeur, het hulle baie bevrees geword en gesê: Waarlik, Hy was die Seun van God.

27:55b.MAT.027.055 En daar was baie vroue wat dit van ver af aanskou het, wat vir Jesus van Galiléa af gevolg en Hom gedien het.

27:56b.MAT.027.056 Onder hulle was daar Maria Magdaléna en Maria, die moeder van Jakobus en Joses, en die moeder van die seuns van Sebedéüs.

27:57b.MAT.027.057 En toe dit aand geword het, het daar 'n ryk man van Arimathéa gekom met die naam van Josef, wat self ook 'n dissipel van Jesus was.

27:58b.MAT.027.058 Hy het na Pilatus gegaan en die liggaam van Jesus gevra. Toe beveel Pilatus dat die liggaam afgegee moes word.

27:59b.MAT.027.059 En Josef het die liggaam geneem en dit met skoon linne toegedraai

27:60b.MAT.027.060 en dit in sy nuwe graf gelê wat hy in die rots uitgekap het; en nadat hy 'n groot steen teen die opening van die graf gerol het, het hy weggegaan.

27:61b.MAT.027.061 En Maria Magdaléna was daar en die ander Maria, en hulle het reg voor die graf gesit.

27:62b.MAT.027.062 Die volgende dag--dit is die dag ná die voorbereiding--kom die owerpriesters en die Fariseërs by Pilatus saam

27:63b.MAT.027.063 en sê: My heer, ons herinner ons dat dié verleier, toe hy in die lewe was, gesê het: Oor drie dae staan ek op.

27:64b.MAT.027.064 Gee dan bevel dat die graf verseker word tot die derde dag toe, dat sy dissipels nie miskien in die nag kom en Hom steel nie, en vir die volk sê: Hy het opgestaan uit die dode. En die laaste dwaling sal erger wees as die eerste.

27:65b.MAT.027.065 Daarop sê Pilatus vir hulle: Julle sal 'n wag kry; gaan verseker dit soos julle dit verstaan.

27:66b.MAT.027.066 En hulle het gegaan en die graf verseker deur die steen te verseël in teenwoordigheid van die wag.

28

28:1b.MAT.028.001 En laat ná die sabbat toe dit begin lig word, teen die eerste dag van die week, kom Maria Magdaléna en die ander Maria om na die graf te gaan kyk.

28:2b.MAT.028.002 En daar kom 'n groot aardbewing, want 'n engel van die Here het uit die hemel neergedaal en gekom en die steen van die opening weggerol en daarop gaan sit.

28:3b.MAT.028.003 En sy gedaante was soos weerlig en sy kleding wit soos sneeu.

28:4b.MAT.028.004 En uit vrees vir hom het die wagte gebewe en soos dooies geword.

28:5b.MAT.028.005 Maar die engel antwoord en sê vir die vroue: Moenie vrees nie, want ek weet julle soek Jesus wat gekruisig is.

28:6b.MAT.028.006 Hy is nie hier nie, want Hy het opgestaan soos Hy gesê het. Kom kyk na die plek waar die Here gelê het;

28:7b.MAT.028.007 en gaan haastig, sê vir sy dissipels: Hy het opgestaan uit die dode en gaan voor julle uit na Galiléa. Daar sal julle Hom sien. Kyk, ek het julle dit gesê.

28:8b.MAT.028.008 En hulle het haastig weggegaan van die graf met vrees en groot blydskap, en gehardloop om dit aan sy dissipels te vertel.

28:9b.MAT.028.009 En terwyl hulle op weg was om dit aan sy dissipels te vertel, kom Jesus hulle meteens teë en sê: Wees gegroet! Toe kom hulle nader en gryp sy voete en aanbid Hom.

28:10b.MAT.028.010 En Jesus sê vir hulle: Moenie vrees nie. Gaan heen en vertel my broeders dat hulle na Galiléa moet gaan; en daar sal hulle My sien.

28:11b.MAT.028.011 En terwyl hulle op weg was, kom daar sommige van die wag in die stad en vertel die owerpriesters alles wat gebeur het.

28:12b.MAT.028.012 En nadat hulle saam met die ouderlinge vergader en raad gehou het, het hulle die soldate baie geld gegee

28:13b.MAT.028.013 en gesê: Julle moet sê: Sy dissipels het in die nag gekom en Hom gesteel terwyl ons aan die slaap was.

28:14b.MAT.028.014 En as dit by die goewerneur gehoor word, sal ons hom tevrede stel en maak dat julle sonder sorg is.

28:15b.MAT.028.015 Hulle het toe die geld geneem en gedoen soos hulle geleer was. En hierdie verhaal is versprei onder die Jode, tot vandag toe.

28:16b.MAT.028.016 En die elf dissipels het na Galiléa gegaan, na die berg waar Jesus hulle bestel het.

28:17b.MAT.028.017 En toe hulle Hom sien, het hulle Hom aanbid; maar sommige het getwyfel.

28:18b.MAT.028.018 En Jesus het nader gekom en met hulle gespreek en gesê: Aan My is gegee alle mag in die hemel en op aarde.

28:19b.MAT.028.019 Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het.

28:20b.MAT.028.020 En kyk, Ek is met julle al die dae tot aan die voleinding van die wêreld. Amen