Du hast auch vom wildt gessen.
De fera comedisti.
[295] Wider die faulen. Etwa hat man glaubt / daß gwild fleysch geessen / faulheyt mit sich bringe. Wir sagen: Er hat ein scheimenbeyn im ruck: Ein pfaff steckt jm inn händen. Er ist groß aber faul Er boret nit gern dicke pretlin. Er wirt keinn hasen erlauffen. Er thůt grosser arbeyt nit wehe. Wer holtzhawen ein orden /so weren nit souil mönch worden Er ist feuler dann mist. Er hüb nit einn heller vmb den andern auff.