Kein schermesser das herter schirt / dann so ein bettler ein herr wirt.
Magistratus uirum ostendit.

Kein hoffertiger thier / dann so ein magt herfür kompt.

Was der mann kan / zeygt das ampt an / Das ampt zeugt vom man. Salomon gibt hieuon ein schön sprichwort von sich / Pro. 30. [94] Drei ding machen das erdtrich vnrüwig / vnn das vierdt kans gar nit leiden. So ein knecht ins regiment kompt / vnd ein narr gnůg hat / vnnd so ein feindseliger vnflat vnnd holtzbock zur Ehe wirt genommen / vnn so ein magd ein erb wirt jrer frawen / etc. Es ist besser es neme einer ein gnadfrawen / dann daß er ein mach / sie seind der ehrn nit gewonet / vnnd kan der Esel die ehr nit leiden / fahet an zu gumpen vnd stoltzieren.