Gottes Gnad/ Geſundheit vnd
Wolfarth.

EDLER Geſtrenger/ Ehrenfeſter/ groß-
guͤnſtiger Jungkher/ Patron vnd Foͤrderer/ es iſt ei-
ne alte Fabel/ das der Bacchus im Jar nach anfang
der Welt 2509. fuͤr vnſers HErren Chriſti Geburt
A iij1460.
[] 1460. Jahr/ zu aller erſt mit Kriegsknechten/ vñ raſenden Wei-
bern/ ſo [Bacchæ] genant worden/ die Jndianer bekrieget/ vnd ſie
in dem Weinbaw vnterricht/ vnd zur Seufferey gewehnet ha-
be. Daher er denn nacket/ als ein Jndianer/ mit einer Wein-
rebe geguͤrtet/ vnd gekroͤnet/ vnnd mit einem Becher in der
Hand gemahlet wird. Vnd iſt jhm hernacher das Faſtnacht-
ſpiel bey den Griechen/ Roͤmern vnd vns Teutſchen zu ehren ge-
halten worden/ mit vnmenſchlichem Geſeuffe/ Unzucht vnd
Mord. Es iſt aber aus der Heiligen Schrifft gewiß. Das der
verfluchte Cham einen Sohn gehabt/ Chus genant/ von dem
alle Mohren in Arabia vnd India entſproſſen ſein. Jſt auch
das wahr/ das Noha zu erſt nach der Sindfluth den Wein ge-
bawet/ vnd in trunckener weiſe von dem Cham erſt bloß gefun-
den vnd verlachet ſey. Jſt derhalben kein zweiffel das dieſer
Bacchus ſey der Noha ſelbſt/ alſo genant Als Abba Chus.
Als des Chuſſen groß Vater. Deſſen bloßliegen haben auch
durch des Teuffels anſtifftung Kindes Kind ſpotten/ vnd aus
jhres Vatern Suͤnde einen Abgott machen muͤſſen. Gleich
wie Loths Toͤchter die Kinder der Moabiter vnd Ammoniter
das ſchandbild Priapi fuͤr jhren Gott gehalten/ vnd Baal-
peor genant haben/ den Herrn der fruchtbarkeit. Wie auch
Priapus ſo viel iſt als Peor Abba/ der fruchtbare Vater. Die-
ſes vermeineten Bacchi reiſen/ hat Alexander Magnus auch
beſuchen wollen/ als er zu erſt der Perſen Koͤnig Darium, vnd
hernach den Koͤnig Porum in India geſchlagen hatte. Jm
325. jahr fuͤr vnſers HErren Chriſti Geburt. Bey des Alex-
andri Hiſtorien aber wird allezeit folgende Epiſtel geſatzt/ als
ein kurtzer außzug/ deſſen was man von den Jndianiſchen Lan-
dē vnd ſachen redet. Es iſt aber diß alles hernach weitleufftiger
von vielen Gelerten Griechen beſchrieben. Als aber die Roͤmer
die Griechen vberwundē/ vnd jre Buͤcher vnd Bibliotheken von
allenthalben zu Rom zuſammen gebracht hatten. Findet ſich
endlich einer genant Cajus Plin[i]us Secundus, vnter dē Keyſer
Tito
[]Tito Veſpaſiano, der Jeruſalem zu letzt verſtoͤret hat/ des Roͤ-
miſchē Reichs Cantzler. Der lieſet alle Griechiſche vnd Lateini-
ſche Buͤcher durch/ vnd was er in denſelben/ von Himmel vnd
Erden/ Menſchen/ Vieh/ Bewmen/ Kreutern/ Metallen vnd
Edelgeſ[te]in findet/ das faſſet er auffs kuͤrtzeſt in ein beſonder
Buch/ vnd nennet daſſelbige die Hiſtoria der Natur. Jn dem-
ſelbigem Buche hat er auch kurtz zuſammen geſatzt/ was er von
den Jndianiſchen wunder Menſchen geleſen hatte. Das allhie
auff des Alexandri Magni epiſtel folget. Dieweil aber der
treffliche ſcharffſinnige Philoſophus vnd Redner Lucianus,
der ohn gefehr hundert jahr nach vnſers HErren Chriſti Ge-
burt gelebet hat/ zur zeit des Keyſers Trajani, auch alle Buͤcher
durch laß/ vnnd ſahe/ das die Jndianiſchen Reyſen mit gro-
ben greifflichen Luͤgen verdorben wehren/ ſo ſchreibet er nach
ſeiner Weißheit vnd rede Kunſt/ ein beſonder Buch/ von Jn-
dianiſchen Reyſen/ darin er die andern Scribenten vnd al-
le abergleubiſche thorheit der Heyden außlachet/ vnd zu gleich
mit dabey lehret/ was der Welt lauff ſey/ bey hohes vnd nie-
derſtandes Perſonen/ vnnd wie man ſich darin ſchicken ſolle.
Wie vnuerſchampte grobe vnd greiffliche Luͤgen aber in den
vorigen ſchreiben alle ſein/ ſo haben doch die Gottes vnd Ehr-
uergeſſene Muͤnche ſich nicht geſchemet/ jhren vnſchuͤldigen
Heiligen ſolche Lucianiſche poſſen anzudeuten. Die Heilige
Schrifft vnter die Banck zu ſtecken/ vnd an der ſtath oͤffentlich
Fabelwerck zu predigen. Wie denn in aller Heiligen Merte-
rer Legenden zu befinden/ vnd von den Antichriſtiſchen Jheſu-
widerigen Heuchlern des Roͤmiſchen Pabſtes in ewigkeit mit
grund der Warheit nicht kan entſchuͤldiget werden. Deſſen
Exempel haben wir ſonderlich in Sanct Brandani legenda
zu [beſehen]. Dieweil aber mein lieber Vater M. Georg Rollen-
hagen/ der Schulen zu Magdeburg nun vber 35. jahr Conre-
ctor vnd Rector, Mir in meiner erſten jugend zur vbung der
Griechſchen vnd Teudſchen ſprach/ dieſe wunder Bůcher in
vnſer
[] vnſer gewoͤhnlich Teutſch zu vberſetzen befohlen. Vnd E. G.
nicht allein alle zu vnſer zeit in Druck verfertigte Jndianiſche
Schiffarten mit fleis zuſammen kaufft. Sondern auch alles
was aus den Landen wunderbarliches anbracht worden/ von
dem Herrn Doctore Paludano mit fleis ſamlet/ vnd als ein
ſchatz bey jhrer wolangerichten Bibliotheken verwahret. So
habe ich auff meines Vaters/ deſſen Tiſchgeſell vnd Diſcipel
E. G. fuͤr 35. jaren geweſen/ bedencken/ vnd rath/ zu derſelben
Colligirung der Bibliotheken auch dieſe meine geringe erbeit/
weil ich ſonſt E. G. vielfeltige guͤnſtige wolthaten/ ſo meinem
Vater vnd Mir wiederfahren/ nirgend mit zu vergelten habe/
dienſtlich verehrē wollen/ mit dienſtlicher bitt/ [E. G.] wolle ſich
dieſelbe gefallen laſſen/ vnd wie biß daher geſchehen/ meines lie-
ben Vaters/ mein vnd meiner Bruͤder großguͤnſtiger Jungk-
herr/ Patron, Forderer vnd Freund ſein vnd bleiben. Damit
ich E. G. derſelben Edle Ehrentugentſame Haußfrawe/ jun-
ge Soͤhnlein/ vnd [Jungfrawen]/ vnd alle die jhrigen zu lang-
wiriger geſundheit/ in Gottes gnedigen Schirm vnd Schutz
getrewlich befehle. Datum Leipzigk an der hoch vnd viel bele-
gener heiligen drey Koͤnige tage/ im 1603. jahr.

E. G. vnd Ehrenfeſt

Dienſtwilliger

Gabriel Rollenhagen dißmal
zu Leipzig ſtudierend.

Vorrede.

GRoßguͤnſtiger vnd mir nechſt
meiner lieben Mutter vnd Schwe-
ſtern viel geliebter Præceptor vnnd
Lehrmeiſter. Jch hab allezeit in wil-
lens gehabt/ auch in meinen jtzigen
gefehrlichen Kriegshendeln fuͤr gut angeſehen/ die-
weil ich wuſte/ dz du zur Weißheit ſonderlich luſt/
vnd derohalben dich auff die Philoſophia zu ſtudi-
ren begeben hetteſt/ an Dich etwas zu ſchreiben von
den Jndianiſchen Landen/ dazu von des Himmels/
Lufft/ vnd gewitter/ vnnd mancherley vnzehligen
Schlangen/ Thieren vnd Menſchen artten/ ob viel-
leicht mit dieſer newen ſachen/ deinem fuͤr haben vnd
fleiß etwas gedienet vnd fortgeholffen wuͤrde.

Denn ob wol dein leben vnd verſtand nuhmehr
vollkommen iſt/ vnd auch deine lehr keiner huͤlff/ ſo
Bdir
[2] dir oder der jtzigen auch kuͤnfftiger zeit nuͤtzlich ſein
muͤchte/ bedarff. Dennoch damit du wuͤſteſt/ was
ich hin vnd wider ausgerichtet habe/ weil du an
meinen thaten ſonderlichen gefallen tregſt/ vnd da-
mit dir nichts vnbekant bliebe/ deucht michs billig
ſein/ daſſelbige was ich mit groſſer gefahr vnnd er-
beit mein ſelbſt vnd meines Macedoniſchen Kriegs-
volcks geſehen vnnd erfahren habe/ dich ſchrifftlich
zuuerſtendigen/ vornemlich weil es alle gedenck-
wirdige ſachen/ vnd auff dieſelbige arth zuſammen
geſchrieben ſind/ wie ichs hin vnd wider ſelber geſe-
hen habe. Jch koͤnte es zwar niemand gleuben/ das
in je einem Land ſo viel ſeltzame wunder wehrē/ wen
ichs nicht mit meinen ſelbſt eigenen Augen angeſe-
hen vnnd fleiſsig betrachtet hette. Denn es iſt ein
wunderbar Land/ vnd hat daſelbſt viel guter vnnd
viel boͤſer ſachen/ vnd mag wol ein allgemeine Mut-
ter wunderbarer/ geſtalten/ fruͤchten/ Metallen vnd
Thiere ſein. Das wens ein Menſch anſehen ſolte/
glaubt ich/ das er kaum namen gnug finden koͤnte/
damit Er ein jedes nennete.

Jch wil aber erſtlich nur von den ſachen berich-
ten/ ſo mir ſelbſt vorkommen ſein/ vnd fleis haben/
das mich niemand fuͤr einen Fabel oder ſchendlichen
Luͤgen ſchreiber halte.

Sintemal du als mein lieber Præceptor, mein
Natur vnd Gemuͤth wol weiſt/ das ich nemlich all-
zeit
[3] zeit billige maß halte/ vnd gemeinlich weiniger vnd
ſchlechter von einem dinge rede/ denn es an jhm ſel-
ber geweſen iſt.

Vnd ſolt auch jtz hieraus/ als ich hoffe/ ſpuͤren/
das ich nichts fuͤrbringen will/ meine Ehr vnd Krie-
ges lob damit auff zu mutzen vnd zu ruͤhmen. Wie-
wol es zu wuͤndſchen geweſen/ das dieſelben weini-
ger muͤhe vnd erbeit gehabt/ vnd nur nicht von noͤ-
ten geweſen were/ ſo mancherley wunder zuerfah-
ren. Jch habe der Macedoniſchen jungen Geſellen
Tugend/ vnnd meinem vnuͤberwindlichen Kriegs-
volck zu dancken/ das ſie mit groſſer gedult ſo lan-
ge bey mir verharret/ bis ich ein Koͤnig aller Koͤni-
ge bin genant worden. Vnd wenn ich/ allerliebſter
Præceptor, zweiffeln wolte/ ob du an dieſem mei-
nem Ehrentitul ein wolgefallen truͤgeſt/ thet ich vn-
zimlich/ vnd trete von meiner vnd deiner Redligkeit
abe/ wens ich nicht dir vnd meiner lieben Mutter
Olympiadi, vnd meinen Schweſtern/ von meines
gantzen Reichs nuͤtz vnd beſten ſchriebe/ die ich halte
das ſie dir vnd jhnen auff gleichen theil lieb vnd an-
genehm ſein werden/ vnd wo es dir nicht angenehm
were/ wuͤrdeſtu warlich gar zu ſchlecht von vns
halten.

Jm vorigen ſchreiben habe ich dich berichtet von
der Sonnen vnd [Mons] Finſternis/ auch von der
Sternen ſtand/ vnd ſonderlichen zeichen der Lufft/
B ijwelche
[4] welche fachen alle mit einander/ Jch dir nicht ohne
groſſe muͤhe vnd richtige ordnung zugeſchickt habe/
vnd wil auch alſo dieſe newe Hiſtorien zuſammen
faſſen/ vnd beſchreiben/ welches/ wenn du es leſen
wirſt/ ſoltu wiſſen/ das es ſolche hendel ſein/ da ſich
dein diſcipul Alexander billig hat vmb bekuͤmmern
ſollen.

Vorrede/

JCH mus auch von den
wundergeſtalten vnd ſeltzamer ge-
wonheit etlicher Voͤlcker ſchreiben.
Vnd zweiffel nicht/ es wirt bey vie-
len das anſehen haben/ als ſein es
vngleubliche wunderſpectakel. Deñ
wer wolte gleuben das Moren weren/ wenn wir ſie
nicht geſehen hetten/ vnd was iſt nicht ein wunder
ehe denn mans ſiehet? Wie viel ſachen achten wir
[unmuͤglich ehe] denn ſie geſchehen ſind. Denn die
Natur iſt ſo mechtig vnd ſo herrlich/ das man von
einem jeden dinge inſonderheit nicht leichtlich alles
gleubt/ wenn man jedes ſtuͤckweiß vnd nicht alles
zu gleich bedenckt/ vnd gegen einander helt. Vnd
das ich der Pfawen/ vnnd Tiger/ vnd Panterthier
bunten flecken/ vnd ſo mancherley wunderbarlicher
geſtalt
[48] geſtalt/ ander Thier geſchweige: Es iſt geringſche-
tzig/ das man dauon ſagt/ aber ſehr gros vnd wich-
tig/ nachzudencken/ das ſo mancherley ſprachen
vnd Zungen/ ſo mancherley arth zu reden iſt/ das
einer den andern/ der jhm frembd vnd vnbekand iſt/
faſt fuͤr keinen Menſchen halten ſolte. Ja man ſehe
nur vnſer Angeſicht an. Jn dem ſind etwa zehen
oder ein weinig mehr ſtuͤcken. Dennoch findet man
vnter ſo viel tauſent Menſchen nicht zween/ die ohn
allen vnterſchied/ durchaus einander gleich ſehen.
So doch die Mahler Kunſt kaum jhr weinig alſo
mahlen kan/ das jeder ſein eigen geſtalt habe.

Dennoch wil ich fuͤr das/ was ich jtzt ſchreibe/
nicht Buͤrge ſein/ das es alles ſich der geſtalt ver-
halte/ Sondern beruff mich/ auff die Buͤcher/
daraus ich diß alles genommen habe. Vnnd muß
die zweiffelhaffte ſachen dahin ſtellen. Jedoch das
einer kein verdruß habe/ das ich den Griechiſchen
Scribenten folge. Denn die ſind die Elteſten/ vnd
haben auch alles mit mehr fleiß erforſchet vnnd be-
ſchrieben.

Luciani Vorrede.

GLeich wie die Fechter vnd die-
ſelben/ ſo ohne das mit hoͤchſtem fleis
ſich auff jres Leibes kuͤnſtliche vbung
begeben/ nicht allein ſich befleifsigen/
das ſie wol bey leibe ſein/ vnd nicht
allein mit ſolchen ſachen vmbgehen/ die zu jhrer
Kunſt ſie geſchickter machen/ ſondern auch bißwei-
len von der ſtetigen erbeit ablaſſen/ ſich etwas aus-
zuruhen vnd zu erholen. Welches ſie dafuͤr ach-
ten/ das es zu jhren Kunſt vbungen ſehre noth vnd
nuͤtz ſey.

Eben dieſelbe weyſe/ wie mich deucht/ were bil-
lig/ das ſie bey denſelben/ die da ſtudieren/ auch
wol in acht genommen wuͤrde. Das/ wenn ſie ſich
in wichtigen vnnd ernſten ſachen/ muͤde gele-
ſen hetten/ der ſchweren gedancken ſich ein weinig
entſchluͤgen/ was anmutiges/ vnd luſtiges vorneh-
men/ damit ſie nachmals deſto friſcher/ froͤlicher
vnd hurtiger/ widerumb zu jhrer erbeit angiengen.
Es
[63] Es wuͤrde aber dis ruhen vnd feyren/ jhnen viel vnd
groſſen nutz bringen/ wenn ſie als denn [ſolche ſachen]
zu leſen vornemen/ die nicht allein nicht vnnuͤtz vnd
geringſchetzig weren/ ſondern auch dem Leſer kuͤnſt-
lich vñ zierlich den ſachē nachzudenckē vrſach geben.
Welcherley arth ſie auch in dieſen meinē ſchrifften/
wie ich mich beduͤncken laſſe/ finden werden.

Dann es wird nicht allein den Leſer an ſich hal-
ten/ das alle ſachen gar newe/ vnd ſehr luſtig ſein.
Das auch viel vnd mancherley der warheit gemeß/
vñ gantz glaubwirdig fabelwerck fuͤrgebracht wird.
Sondern dz fuͤrnemlich/ dz in dem gantzen bericht/
keine von den alten Poeten Reimdichtern Hiſtori-
en ſchreibern vnd Philoſophen/ die etwas wunder-
barliches vnd mehr den Fabeln/ denn warhafftigen
Hiſtorien gemeß/ geſchrieben habē/ vngezwackt vnd
vngemeiſtert fuͤr vber gelaſſen wird. Welcher aller
namen ich zwar dabey geſatzt hette/ wenn ich nicht
das vertrawen hette/ dz ſie einem jeden der es leſen
wuͤrde/ auch ohne das klar vnnd offenbar in den
Sinn kommen wuͤrden.

Denn der [Cteſias] des Cteſiochi ſon aus Gnido,
hat von Jndien etliche wunderbahre [ſachē geſchriebē]
die weder Er ſelber geſehen/ noch von andern war-
hafftigē Leutē ihemals gehoͤret hatte. Iambulus hat
auch von dem wz in groſſem Meer ſein ſoll/ viel vn-
glaublichs/ vñ dz einē Menſchē nie in ſiñ komē ſolte.

Vnd hat zwar vns allen eine offentliche Luͤgen
vorbracht. Aber dennoch keine vnliebliche vnd vn-
luſtige hendel beſchrieben. Es haben andere viel
jhme daſſelbe nachthun wollen/ die erzehlen wie ſie
jrre gefahren/ vnd wie weit ſie gereiſet ſind. Was
fuͤr grewliche erſchreckliche groſſe Thier/ vnd Wil-
de Menſchen jhnen vorkommen ſein. Vnd was die
fuͤr wuͤſte vnd frembde ſitten vnd gewonheiten an
ſich gehabt hatten. Dieſer ſtocknarrey Meiſter vnd
erſter erfinder iſt geweſen/ der Vlyſſes beim Home-
ro, der bey dem Alcinoo erzehlet/ wie die Winde
jhrem Koͤnige vnterthan ſein/ ſaget auch von Ein-
eugigten Leuten/ die alles Fleiſch roh vnnd vnge-
kocht einfreſſen/ von vielkoͤpffigen Wilden Thie-
ren/ auch wie ſeine Gefehrten vnd Diener von ei-
ner Zauberhuren/ in vnuernuͤnfftige Thier ver-
wandelt weren. Vnd was er dergleichen Meer-
wunder mehr/ dem albern Phoeaciſchen Land-
volck vorleugt. Als ich dieſe hendel in den Scri-
benten fand/ kont ich mit jhnen/ der Luͤgen hal-
ben/ nicht ſonderlich zuͤrnen. Dieweil ich ſahe/
das auch dieſelben/ welche ſich die Weiſen oder Phi-
loſophos nanten/ dieſe arth zu reden ſelbſt ge-
brauchten. Daruͤber hab ich mich nicht weinig ver-
wundert. Das ſie gemeinet/ das ander Leut daſ-
ſelbe jhr Luͤgengedicht fuͤr Warheit annehmen
wuͤrden.

Derhalben dieweil auch ich aus luſt vnd liebe/
zu newen vnd ſeltzamen dingen/ den nachkommen
etwas hinterlaſſen wolte/ vnd es nicht das anſehen
hette/ als wenn ich allein der were/ der nicht auch
ein fabelgedicht frey heraus ſchreiben duͤrffte (die-
weil mir doch ſonſten nichts/ das der rede werd we-
te/ vnd ich mit warheit berichten koͤnte/ jtzt vorkom-
men) ſo hab ich mich auff die luͤgen ſeyte gewandt/
vnd wie ich mich beduͤncken laſſe/ ſtehet mir das
dichten beſſer an/ denn allen andern/ ſo fuͤr mir ge-
weſen ſind.

Hoffe auch/ dieweil ich daran die Warheit ſa-
ge/ das ich liege/ es werde mich keiner billig tadeln
koͤnnen. Denn das ſage ich zu/ das ich nicht ein
einig wahr wort vorbringen wil[.] Darumb ſchrei-
be ich jtzund/ was ich weder geſehen noch erlitten/
oder von andern gehoͤret habe. Ja ſolche ſachen/ die
durchaus an keinem ort ſein/ oder von anfang der
Welt hetten ſein koͤnnen. Wer derwegen diß le-
ſen wird/ darff jhm durchaus keinen glauben ge-
ben.

Das Erſte Capittel/ von der Schif-
fart zu der Jnſel Bacchi.

JCH Schiffete einsmals aus võ des Hercu-
lis Seulen/ vnd kam mit gutem Wind biß in
das weite wuͤſte Meer.

Die vrſach aber/ meiner vorgenommenen reyſe/
vñ mein vorſatz/ war/ dz ich aus lauter vorwitz/ vnd
jnnerlichen luſt/ newe dinge zu erfahren vnd wiſſen
wolte/ wo doch das Meer ein ende hette/ vnd was
doch jmmermehr jenſeid des Meers fuͤr Leute woh-
neten. Zu deſſen behueff/ nam jch Profiant, Kuͤchen
vñ andere Gerete/ auch Waſſers gnug zu Mir/ da-
zu funfftzig gefehrten/ die mit mir in einem Alter
vnd eines Sinnes waren. Jch machte mich auch
mit aller zu behoͤrigen Ruͤſtung vnd Notturfft wol
vnd vberfluͤſsig gefaſt/ vnd bedinget endlich vmb
ein groß Geld/ den allerbeſten Steurman/ der zu be-
kommen war/ vnd nam jhn zu mir ins Schiff.

Das Schiff aber/ war von einer zimlichen mit-
telmeſsigen groͤſſe/ aber nichts deſto weiniger ſtarck
gnug zu einer groſſen vnnd gefehrlichen Seefahrt.
Wie wir aber Tag vnd Nacht mit gutem Winde
ſchifften/
[67] ſchifften/ vnnd das Land noch abſehen konten/ fuh-
ren wir ſanfft/ ohne hefftige ſtarcke Winde Folgen-
des tages nam der Wind mit der Sonnen auff-
gang zu/ alſo/ das die Waſſerwogen/ immer
groͤſſer wurden/ vnd ein Finſterniß entſtund/ das
vns nicht muͤglich war/ das Siegel nieder zu laſ-
ſen.

Wanten vns derwegen nach dem Wind/ vnnd
ergaben vns dem Wetter/ vnd fuͤhren alſo neun vnd
ſiebentzig tage/ mit dem Finſtern Vngewitter her-
umb. Am achtzigſten tage aber/ da die Sonne am
Morgen h[e]rfuͤr leuchtet/ wurden wir/ nicht fern
von vns/ einer hohen/ vnd mit Beumen hin vnnd
wieder bewachſenen Jnſeln gewar. Vmb dieſelbi-
ge gingen die Wellen nicht gar ſtarck. Denn der
Wind domals ſich mehrertheils gelagert hatte.
Machtē vns der wegē hinan/ vñnach dem wir auffs
Land getreten/ vnd we[il] wir von der vielfeltigen vn-
luſt vnd wiederwertigkeit der See/ mat vnnd muͤde
waren/ blieben wir lang am Vfer beliegen.

Endlich machten wir vns auff/ vnnd beſtelleten
aus vnſerem mittel dreiſsig Wechter/ die bey dem
Schiff bleiben ſolten. Jhrer zwantzig aber/ gingen
mit mir in die Jnſul/ vnd was darinnen zu finden/
zu erkuͤndigen.

Als wir nun ein viertheil Meil vom Vfer ab-
gangen waren/ ſahen wir eine Eherne Seule die
K ijvoll
[68] voll alter Griechiſcher Buchſtaben gegraben war/
die Buchſtaben aber/ waren durch langheit der zeit/
etlicher maſſen abe gefallen vnd verzehret. Die mei-
nung aber war/ das biß dahin Hercules vnnd Bac-
chus auch kommen weren.

Nicht weit dauon/ waren in einem Felſen zwo
Fußſtapffen/ eine ſo groß wie ein Morgenlandes/
die ander kleiner/ ich gleube die kleine ſey des Bac-
chi, die groͤſſer aber des Herculis. Als wir nun vn-
ſer Gebet daſelbſt geſprochen hatten/ ſein wir ferner
gangen. Wir waren aber nicht ſehr weit hin kom-
men/ da ſtunden wir bey einem See/ darein eitel
lauter Wein floß/ ſchmeckt warlich nicht faſt vn-
gleich dem beſten der in der Jnfel Chio wechſt. Es
war ein ſtiller aber ſehr tieffer fluß/ alſo/ das man
auch an etlichen oͤrthen mit Schiffen hindurch
kommen moͤchte.

Hiemit worden wir mehr beſtetigt/ das wir vor-
gedachter ſchrifft/ welche wir an der Seulen geſe-
hen/ glauben gaben. Dieweil wir das zeichen allda
funden/ deſſen in Bacchi reyſen gedacht wird. Hette
dennoch gern dieſes fluſſes Brunquell vnnd vhr-
ſprung gewuſt/ vnnd ging gegen dem Strom des
F[l]uſſes auffwerts hinan/ fand keine quell deſſel-
ben/ ſondern ſehr viel vnnd groſſe Weinreben/ die
voller ſchwere Trauben hiengen.

Aus eines jedern Weinſtocks Wurtzel aber/
quall ein klarer/ heller/ lauter Wein heraus/ wel-
cher mit einem zuſamen lauff dieſen Fluß machte.
Hierin ſahe man auch eine groſſe menge Fiſche/ wel-
che durchaus eine Weinfarbe vnnd Weinſchmack
hatten. Darumb als wir etliche von denſelben ge-
fangen vnd geſſen hatten/ ſein wir von ſtund an
truncken geworden. Schnitten auch etliche auff/
funden jhren Leib voller Weinhefen/ wie wir das
inne woͤrden/ nehmen wir letzlich ander Fiſche/ ſo
in ſchlechtem Waſſer gewachſen waren/ vnd thaten
die zu den Weinfiſchen/ damit wir des Weins heff-
tigkeit linderten.

Da wir nun durch dieſen Fluß/ an dem ort/ da
er nicht ſehr tieff war/ hindurch gewadet/ haben wir
eine vberaus wunderſeltzame art von Weinreben
gefunden. Denn der vnterſte Stam von der Erde
an/ war Fruchtbar vnd dick/ der obertheil aber/ wa-
ren Weiber von der Scham biß zum Heupt in al-
les vollkommen. Alſo ſchreiben ſie bey vns/ das
die Daphnis, da ſie der Apollo ergriffen/ in einem
Baum verwandelt ſey. Von derſelben Weiber euſ-
ſerſtē Fingerſpitzen/ wuchſen Weinreben herfuͤr/ die
voller Trauben hiengen/ ja auch auff dē Heupt hat-
ten ſie an ſtat der Haar zarte Bletter/ vnd Trau-
ben. Dieſelben/ da wir zu jhnen hinan giengen/
gruͤſſeten ſie vns/ vnd reichten vns die rechter Hen-
K iijde zu/
[70] de zu/ etliche redeten Lydiſch/ etliche Jndiſch/ die
meiſten aber die Griechiſche ſprache/ ſie kuͤſſeten vns
mit jhrem Munde. So bald aber einer den kuß weg
hatte/ ward er truncken/ vnd wanckete von einer
ſeiten zur andern/ als wenn er ſich voll geſoffen
hette.

Sie lieſſen keine frucht von ſich abbrechen/ ſon-
dern ſo bald man etwas abriß/ thate es jhnen ſo
wehe/ das ſie laut auffſchrien. Sie begehrten aber
hefftig ſich mit vns zuuerlieben.

Vnd da zween aus vnſern mittel ſich zu jhnen
thaten/ koͤnten wir ſie nicht wieder von jhnen ab-
reiſſen/ ſondern blieben mit den Beuchen an ein an-
der bekleben. Denn ſie wuchſen alſo bald zuſamen/
namen dieſelbige arth an ſich/ vnd bewurtzelten in
ein ander/ die Finger ſtieſſen alſo bald Reben her-
auß/ die ſich mit den klammern zuſamen hiengen/
vnd voller Trauben wurden. Wir aber verlieſſen
ſie/ vnd lieffen zu dem Schiff/ vnd wie wir wi[e]der-
umb zu den vnſern kamen/ die wir bey dem Schiff
gelaſſen hatten/ erzehleten wir jhnen/ was ſich be-
geben hatte/ vnd vnter andern wie wir vnſere Ge-
ſellen/ die an den Weinſtoͤcken waren behangen blie-
ben/ hetten hinter vns verlaſſen muͤſſen[.] Namen
derwegen etliche Faß/ vnd ſchoͤpfften Waſſer/ des-
gleichen aus dem Weinfluß Wein/ vnd blieben die
Nacht vber auff dem Negſten Vfer.

Das Ander Capittel/ von der
Schiffart in die Lufft zu dem
Mohn.

AM Morgen fuhren wir dauon/ vnnd hatten
zwar keinen ſtarcken Wind. Aber vmb den
Mittag/ da wir die Jnſul nicht mehr ſehen
konten/ erhub ſich vnuerſehens eine hefftige ſtarcke
Windbraut/ die das Schiff vmb vnnd vmb drehet/
vnd endlich bey die ſieben tauſent acht hundert vnd
fuͤnff vnd ſiebentzig groſſer Teutſcher Meilen in die
hoͤhe auffhub/ ſetzet es aber nicht wieder ins Meer/
ſondern hielt es erhoben empor in der Lufft/ vnd
der Wind bließ/ vnd ſatzte ſich in die Siegel/ vnd
fuͤhret vns alſo/ wie mit Fluͤgeln durch die Lufft
dahin.

Nach dem wir nun ſieben gantzer Tag/ vnnd ſo
viel Nacht durch die Lufft geſiegelt hetten/ wurden
wir am achtē tage ein groß Land gewar mittē in der
Lufft/ ſahe nit vngleich einer leuchtenden vñ Circkel-
rundē Jnſul/ die allenthalbē mit vielfeltiger groſſen
klarheit vmbgeben war. Da wir nun hinan ſchifftē
vnd in den Hafen kamen/ ſtiegen wir zu Land aus.
Wie wir aber dz Land beſahen/ funden wir dz es be-
wohnet/ vnd ein wolgebawet Land war/ vnd ſahen
zwar
[72] zwar des Tages ſonderlich nichts/ des Nachts aber
erſchienen nicht weit dauon andere mehr Jnſeln/
etliche kleiner/ etliche auch groͤſſer/ hatten alle von
fern eine Feurfarb.

Es war auch vnter vns ein ander Erdreich/ dar-
in Stete/ Waſſerſtroͤme[/] Meer/ Holtzung/ Berg vnd
Thalwaren/ das wir vns beduͤncken lieſſen/ es muͤ-
ſte das Land ſein/ da wir ſonſt in wohneten.

Als wir weiter gehen wolten/ kamen wir vnter
die Pferdgeyer/ wie man ſie nennet/ an dem ort/ die
vns gefangen namen. Dieſe Pferdgeyer aber/ ſind
Menſchen/ die an ſtat der Pferde auff Geyeren rei-
ten. Denn die Geyer ſind groß/ vnd haben gemein-
lich drey Koͤpffe/ dabey man leichtlich jhre groͤſſe er-
lernen kan. Denn ein jeder Fluͤgel iſt groͤſſer vnnd
ſtercker/ denn ein Maſtbaum in einem groſſen Laſt-
ſchiff.

Dieſen Pferdgeyern iſt aufferlegt/ das ſie muͤſ-
ſen vmb das Land herumb fliegen/ vnd ſo ein fremb-
der gefunden wird/ das ſie den alſo bald zum Koͤ-
nige fuͤhren. Dieſelben ſag ich/ ergriffen vns auch
vnd fuͤhreten vns zum Koͤnige. Wie derſelb vns
ſahe/ kennet er vns vieleicht an der Kleidung/ vnnd
ſprach/ warlich jhr Geſte ſeid aus Griechenlande
kommen/ vnd da wir ja dazu ſagten/ lieber ſagt er/
auff was weite ſeid jhr den weiten Weg durch die
Luff[t] biß hieher bracht? Da erzehleten wir jhm die
gantze
[73] gantze ſach/ vnd er fieng an vns zu erzehlen/ was
ſich mit jhme hette begeben/ wie er ein Menſch ge-
weſen/ mit namen Endymion, vnd were in vnſerem
Lande gelegen/ vnd hette geſchlaffen/ were aber im
ſchlaff auffgenommen/ vnd dahin gefuͤhret/ vnd
jtzund deſſelben Landes Koͤnig worden.

Das Land aber were der Mohn/ welchen wir
vnten auff Erden ſehen/ wir ſolten vnuerzagt vnd
guts muths ſein/ vnd keiner gefahr vns beſorgen/
denn wir ſolten alle notturfft volauff haben. Denn/
ſprach er/ ſo bald ich dieſen Krieg/ den ich mit den
inwohnern der Sonnen fuͤhre/ gluͤcklich werde vol-
lendet haben/ ſollet jhr ein gluͤckſeliges leben bey mir
fuͤhren/ denn ſonſt alle Menſchen haben. Darauff
fragten wir/ was das fuͤr Feinde weren/ vnd aus
was vrſachen dieſer zanck entſtanden were. Da
antwortet er/ Phaëton der Sonnen Leut Koͤnigk
(denn auff der Sonnen wohnen ſo wol Leut/ als
hie auff dem Mohn) hat nun eine lange zeit hero
einen Krieg mit vns gefuͤhret/ aus der vrſach/ die jr
jtzt hoͤren werdet. Jch wolte vorzeiten alles arme
Voͤlcklein/ ſo in meinem Reich hin vnd wider zer-
ſtrewet war/ vnd ich zuſamen geſamlet hatte/ aus-
fuͤren/ vnd auff des Morgenſterns Land verſetzen/
welches Land domals ledig ſtund/ vnd von Nie-
mand bewohnet war. Das verdroß dem neidi-
ſchen Phaëton/ der mir ſolches vergoͤnte/ vnd bege-
Lgenete
[74] genete mir mitten auff der reyſe/ mit einem groſſen
hauffen Emſen Reuter/ vnd verleget mir den Paß.
Das wir domals (weil wir jhnen vngleich/ vnd
viel zu ſchwach/ vnd vbel geruͤſt waren) zuruͤck ge-
trieben wurden/ vnd abziehen muſten[.] Jtzund aber
wolt ich jhm wiederumb eine Schlacht liefern/ vnd
befehlen/ das man gedachtes Land einnehmen vnd
bewohnen ſolte. Wenn jhr euch nun auch zu die-
ſem zug woltet beſtellen vnd gebrauchen laſſen/ wol-
te ich einem jeglichen vnter euch einen von meinen
als des Koͤnigs beſten Geyern/ wie den andern/ mit
aller nottuͤrfftiger Wehr vnd Ruͤſtung verſchaffen/
Das wir Morgen mit dem fruͤheſten auffziehen
moͤchten. Ja ſagt ich/ wens E. Majeſtet ſo gefel-
let/ laß ichs wol geſchehen.

Alſo blieben wir beim Koͤnige vnd ſeinen Hoff-
junghern/ vnd hielten Taffel mit jhnen.

Das Dritte Capittel/ von der
Schlacht mit der Sonnen Ein-
woͤhnern.

AM Morgen wie wir auffſtunden/ wurden
wir in die Schlachtordnung geſtalt: Denn
die Kundſchafft kam/ der Feind machte ſich
zu vns heran. Des Kriegsvolcks war vber hun-
dert tauſent ohne das Fußvolck/ ohne die gehuͤlffen
ſo von
[75] ſo von derwanten Potentaten mit auffzogen/ ohne
den Troß/ der Zimmerleut vnd Schantzengreber.
Vnter dieſen waren achtzig tauſent Geyer Reuter.
Die aber auff den Kohlgefluͤgelten Vogeln ritten
zwantzig tauſent. Diß ſein groſſe Vogel/ die an
ſtat der Federn lauter Kohlbletter haben. Die ge-
ſchwindeſten vnter jnen hatten gleich als Lactucken
oder Sallat bletter Federn. Jn dieſem hauffen wa-
ren die Hirſenwerffer vnd Knoblauchs ſchuͤtzen ge-
ſtellet. Es kamen auch hier zu von Mitternacht/ ſie
zu entſetzen/ dreiſsig tauſent Flohſchuͤtzen/ vnd [funff-]
tzig tauſent Windleuffer/ die Flohſchuͤtzē ritten auff
Flohen/ daher ſie den namen haben/ deren einer ſo
groß war/ als zwoͤlff Elephanten. Die Windleuf-
fer ſeind zwar Fußknecht/ aber der Wind treibt ſie
ohn einigen Fluͤgel in der Lufft fort auff dieſe weiſe.
Sie ziehen lange Roͤck an biß auff die Fuͤſſe/ vnd
laſſen den Wind darein blaſen/ wie in ein Siegel/
vnd ſiegeln alſo gleich wie ein Schiff jmmer fort.
Dieſe fuͤhren in der Schlacht jre Schilde/ vnd bre-
chen damit Manlich herdurch. Man wolt ſagen/
ſie kemen aus den Sternen die vber Cappadocia
ſtehen. Der Straußeicheln/ ſiebentzig tauſent: Der
Pferdkranichen funfftzig tauſent.

Dieſe hab ich nicht geſehen/ dieweil ſie noch nicht
ankommen waren: Darumb darff ich auch von
L ijjhrer
[76] jhrer Natur nichts ſchreiben. Man ſagt wunder-
barliche vnd vnglaubliche hendel von jhnen.

Diß war alſo des Koͤnigs Endymionis Kriegs-
heer. Sie hatten aber alle mit einander einerley
Waffen. Der Helm war aus einer Bonenſchlau-
ben. Denn ſie haben allda groſſe vnd ſehr harte
Bohnen. Der Bruſtpantzer war Schupicht/ vnd
die Schupen waren von Feigbonen gemacht/ denn
ſie nehen die ſchalen von den Feigbonen alle zuſam-
men/ vnd machen ſoͤlche Bruſtharniſch dauon.
Dieſe Bonenſchalen ſein herter denn ein Horn:
die Schilde vnd Schwerter ſein nach Griechiſcher
arth.

Wie nun die zeit heran kam/ ward die Schlacht-
ordnung dergeſtalt angeſtellet: Jn dem rechten
Fluͤgel waren die Pferdgeyer/ vnd der Koͤnig in ei-
gener Perſon/ welcher das beſte Kriegsvolck/ vnter
andern/ auch vns/ vmb vnd bey ſich hatte: Jm lin-
cken Fluͤgel waren die Kohlfederige Vogel. Mit-
ten ein ſtunden die vns zum beyſtand komen waren/
ein jeder da es jhm gefiel. Des Fußvolcks war bey
die ſechtzig tauſent.

Auff dieſe ward die Schlacht angeordnet: Es
ſind bey jhnen viel groſſer Spinnen/ deren ein jede
viel groͤſſer iſt/ denn die [Cycladiſchen] Jnſeln.

Dieſen gebot der Koͤnig/ das ſie ſolten die mittel-
lufft/ zwiſchen dem Mohn vnnd Morgenſtern/ voll
ſpin-
[77] ſpinnen. Alſo bald machten ſie ſich daran/ vnd
Webeten einen groſſen Bodem vñ ebenē Platz/ dar-
auff diē Fußgenger gefuͤhret wurden. Jhr Haupt-
man war Nycterion, des Eudianactis Sohn/ ſelb
dritte.

Jn der Feinde lincken Fluͤgel/ hielt mitten vnter
den Pferdemſen der [Phaëton.] Diß ſein groſſe Thier
mit Fluͤgeln/ vberall vnſern Embſen/ die groͤſſe auß-
genommen/ ehnlich. Denn das groͤſſeſte vnter jh-
nen/ iſt als zwey Morgen Landes groß.

Es ſtritten aber nicht allein/ die auff dieſen Emb-
ſen ritten/ ſondern die Thier ſtieſſen mit jhren Hoͤr-
nern erſchrecklich vmb ſich. Man ſagt es wehre jre
anzahl funfftzig hundert tauſent. Zur rechten Hand
des Koͤniglichen auffzoges/ waren geſtellet die Lufft-
muͤcken/ welcher auch bey die funfftzig tauſent wa-
ren/ ſein alle Schuͤtzen die auff groſſen Muͤcken da-
her ziehen.

Hinder dieſen waren die Lufftraben/ welches
ein geſchwind vnd wolgeruͤſt Fußvolck war. Denn
ſie werffen von fernen/ mit vberaus groſſen Ret-
tich/ vnd der getroffen ward/ kuͤnte durchaus nicht
ſtehē/ denn er ſtarb von ſtund an/ von dem geſtanck/
der aus der Wunde kam. Man ſagt das ſie jhre
Pfeile mit Pappelgifft beſchmieret hetten. Negſt an
dieſen hatten ſie geordnet die Stengelſchwemmer/
die mit Waffen wol verſehen waren/ vnd mit dem
L iijFeind
[78] Feind zu negſt zuſamen giengen/ jhre anzahl war
bey zehen tauſent.

Sie werden aber alſo genant/ weil ſie ſchwam-
men fuͤr Schilde gebrauchen/ vnd Spießſtangen
von ſpargen ſtengeln. An dieſen ſtunden die Hunds-
eicheln/ welche die Voͤlcker/ ſo den Hundsſtern in
haben/ geſand hatten. Derſelben waren funfftzig
[t]auſent an der zahl.

Diß ſeind Menner/ nicht mit Menſchen/ ſondern
mit Hundskoͤpffen/ reiten auff gefluͤgelten Eicheln
zum ſtreit. Es ward geſagt/ das von denſelbigen
vnſern Feinden etliche Bundsgenoſſen abgefallen
weren/ als dieſelbigen Schuͤtzen vnd Wolcken Cen-
tauri, ſo aus der Roͤmiſchē oder Himliſchen Milch-
ſtraß jhnen ſolten zu huͤlff geſchickt ſein. Dieſelben
kamen aber dennoch nach gehaltener vnd verrichte-
ter ſchlacht erſtlich an/ wolt Gott ſie hettens
nicht gethan.

Der Schleuderfuͤhrer kam gar keiner an. De-
rentwegen denn/ wie das geſchrey gehet/ der Phaë-
ton jhr gantz Land mit Fewr verbrand/ vnd außge-
tilget hat. Vnd dieſes war alſo auch des Koͤnigs
Phaëtontis Heerzug.

So bald nun die Fehnlein erhobē vnd geſchwengt
wurden/ fiengen allenthalben auff beiden theilen die
Eſel an zu ruffen/ denn diß ſein jhre Trommeter/
vnd die Schlacht ward angefangen. Da gab ſich
zwar
[79] zwar der Sonnen Leut lincker Fluͤgel bald in die
flucht. Dieweil ſie den Pferdgeiern/ die in ſie drun-
gen/ nicht wiederſ[t]ehen konten/ vnd wir nach druck-
ten/ vnd alles was vns fuͤr kam/ ohne [Barmhertzig-]
keit/ niederhieben. Jhr rechter Fluͤgel aber/ ward vn-
ſerm Kriegsvolck auff der lincker ſeiten zu ſtarck/
vnd trieb vns zu ruͤck. Da traten die Lufftmuͤcken
herauff/ vnd folgeten jhnen nach biß an das Fuß-
volck. Bald wie die Lufftmuͤcken rochen/ das die
Fußknecht den vnſern zu huͤlff kamen/ riſſen ſie zur
ſeiten aus/ vornemlich darumb/ das ſie ſahen/ das
jhre lincke Fluͤgel nuhmehr gar vberwonnen war.
Als nun dieſe wunderbarliche flucht angieng/ wur-
den viel gefangen/ die meiſten aber erſchlagen. Alſo/
daß das Blut biß auff die Wolcken hinunter floß/
dieſelben allent halben Blutroth ferbete/ das ſie ſa-
hen wie bey vns/ wenn die Sonne jtzt vnter gehen
wil.

Es fiel auch viel Blut hinunter auff die Erde/
das ich gedachte/ es muͤſte ehe zeit dergleichen ſich
auch begeben haben/ da der Homerus gemeinet/
der Iupiter hette Blutige Threnen auff die Erden
hinunter Regenen laſſen/ da ſein Sohn Sarpe-
don fuͤr Troia erſchlagen ward. Als wir aber
von der Schlachtung zu ruͤck kehreten/ rich-
teten wir an zween oͤrtern zeichen auff. Ei-
nes ſetzten wir auff dem boden/ denn die groſſen
ſpinnen
[80] Spinnen gewebet hatten/ vnd darauff das Fuß-
volck geſtritten hatte/ das ander in den Wolcken/
den Lufft ſtreit damit zu bedeuten.

Das Vierte Capittel/ von der
Schlacht mit den Wolcken
Centauris.

NACH dem diß vorlengſt vollenbracht war/
kam die Poſt/ die Wolcken Centauri, die
dem Phaetonti/ ehe der [ſtreit angangen]/ ſol-
ten beyſtand leiſten/ kemen noch an/ vnd fielen mit
gewalt herein. Als nun die heran kamen/ machten
ſie ein vngewoͤhnlich vñ vnuermuthlich Spectacul.
Denn es waren Menſchen ausgefluͤgelten Pferden
gewachſen. Die Menſchen waren von dem theil/
damit ſie an die Pferde gewachſen/ ſo groß/ als der
groſſe Roland zu Rodiß/ die Pferde waren wie ein
ſtarck groß Laſtſchiff.

Dieſer Kriegsleut anzahl habe ich nicht beſchrei-
ben muͤgen/ damit das es einer nicht fuͤr vnglaub-
lich achten moͤchte: Dann jhrer war ein ſehr groſ-
ſer mechtiger hauffen. Jhr Fuͤhrer vnd Kriegs-
oberſter war der Schuͤtz mit den Himliſchen zwoͤlff
zeichen des Thierkreiſſes.

Wie dieſelben nun hoͤreten/ das jhre freunde die
Schlacht verlohren hatten/ ſandten ſie jhren Heer-
old an
[81] old an den Phaëtontem, das er ſich alſo bald wider
zu ruͤck machen ſolte/ ſie aber fielen mit einer wol-
beſtalten ordnung/ auff vns Mohnleut/ die erſchro-
cken waren/ vnd ohne ordnung ſtunden an. Die-
weil wir die Feind in die flucht geſchlagen hatten/
vnd den Raub vnter vns theilen wolten. Schlu-
gen auch alle vnſere groſſe menge in die flucht. Vn-
ſerm Koͤnig aber ſelbſt/ folgeten ſie biß an die Stat/
vnd erlegten viel von ſeinen Kriegsvogeln. Sie
worffen auch die Siegszeichen vmb/ vnd lieffen den
gantzen ſpinneweben Boden durch. Sie namen
auch mich vnd zween meiner mitgeſellen gefan-
gen.

Bald war der Phaëtón auch da/ vnd richtet an
der ſtete zwey andere Siegszeichen auff. Die
Hende wurden vns hinden auff den Ruͤcken zuſa-
men gebunden/ mit einem ſtuͤcke von dem groſſen
ſpinnengeweb/ vnd wurden noch des tages zur
Sonnen gefuͤhret. Diß Volck aber/ wolt die Stat
nicht Belagern/ ſondern zogen zu ruͤck wider abe/
vnd baweten einen Wall zwiſchen beyden theilen
mitten in der Lufft/ alſo das der Sonnen liecht de-
ſto weiniger den Mohn beſcheinen moͤchte. Dieſer
Wall war zweyfacht/ vnd von einer Wolcken/ alſo/
das eine offenbare Finſterniß des Mohns hieraus
entſtund/ vnd eine jmmerwerende Nacht drauff er-
folget. Dieſe ſache that dē Koͤnige Endymion angſt/
Mſandte
[82] ſandte der wegen ſeine legaten mit bitt/ man ſolte
diß gebew aus dem wege reumen/ vnd ſein Volck
nicht ſo lang in der erſchrecklichen finſterniß ſitzen
laſſen.

Verhies auch/ das er wolte ſein Tribut geben/
jhnen Freundſchafft/ beyſtand vnd huͤlff leiſten/ vnd
fortan keinen Krieg mit jhnen anfangen. Bott jh-
nen auch Geiſſel an. Phaëton aber/ hielt hieruͤber
zween Reichstage. Jn dem erſten ließ er zwar
nichts von ſeinem zorne abe. Jm folgenden aber/
ward er anders ſinnes. Der endliche frieds ver-
tracht war dieſer:

Die Sonnen Leut vnd jhre Bunds verwanten/
haben mit den Mohnleuten/ vnd derſelben Bunds-
verwanten/ auff dieſe weiſe ſich mit einander ver-
tragen vnd verbunden. Das die Sonnenleut die
mittelmaur niederreiſſen ſollen/ vnd hinfort die
Mohnleut nicht vberfallen/ auch die gefangenen/
gegen darlegung beſtimptem rantzaun gelde/ wieder
ein antworten.

Die Mohnleut aber/ ſollen die Sternen frey le-
dig vnd loß laſſen/ vnd den Sonnenleuten zu wie-
der keinen Krieg anfahen/ Sondern ein theil dem
andern/ wo vnd wann es die noth erfordern wuͤr-
de/ vnd einander ſich gegen ſie aufflegen wuͤrde/
die huͤlffliche Hand lethē/ vnd getrewen beyſtand lei-
ſten.

Zu jaͤhrlicher ſteur aber/ ſoll der Mohnleut Koͤ-
nig/ dem Koͤnig vber der Sonnen Volck/ zehen tau-
ſent Eymer taw/ vnd von ſeinen vnterthanen zehen
tauſent zu geiſſeln vbergeben.

Den Morgenſtern wollen ſie beyde zu gleichen
theil mit einwohnern beſetzen/ vnd mag von beyden
theilen darauff wohnen/ wem es gefellet.

Dieſer vortrag vnd verbuͤndnuß ſoll gegraben
werden/ in eine Bernſteinern Seule/ vnd dieſelbe
ſoll mitten auff beyder Lender lufft Grentze auffge-
richtet werden. Hiebey ſein an vnd vber geweſen/
von wegen der Sonnenleut Fewrbart vnd Flam-
mert. Auff der Mohnleut ſeiten aber/ der Nach-
ther/ der Mohner/ vnd der Vielglantz. Actum vt
ſupra. Auff dieſe weiſe iſt endlich zum frieden ge-
ſchritten.

Hierauff iſt alsbald der Mittelwall hinweg ge-
nommen/ vnd die gefangenen dargeſtellet worden.
Wie wir nun zum Mohn wiederumb gehen wol-
ten/ begegneten vns vnſere geſellen/ die vns mit
Threnen gruͤſſeten vnd empfiengen. Ja der Koͤnig
Endymion ſelber. Vnd der Koͤnig rieth vns/ das
wir daſelbſt bey jhme bleiben/ vnd alſo bey einander
in den newen Morgenſtern Lande wohnen ſolten.
Zu deſſen behueff er mir denn zuſagte/ ſeinen Sohn
zur ehe zugeben. Denn bey jhnen ſein vberall kei-
ne Weibes Perſonen. Jch wolte mich aber durch-
M ijaus
[84] aus nicht dazu beredē laſſen/ ſondern bat viel mehr/
man wolte mich wieder hinunter auff die See ſchi-
cken. Wie aber der Koͤnig ſahe/ das er mit bit nichts
bey mir erhalten moͤchte/ behielt er vns ſieben tage
bey ſich/ ließ ſtadlich Pancket/ Tentze vnd Freuden
mahl anrichten/ vnd ließ vns alſo von ſich.

Das Fuͤnffte Capittel/ von ge-
wonheiten des Mohnlan-
des.

WAS nun auch ſonſten fuͤr vnerhoͤrte newe
ſeltzame dinge/ in dem Mohnlande die zeit
vber/ die ich da geweſen bin/ geſchehen/ was
ich da newes gehoͤret vnd erfahren habe/ daſſelbige
wil ich ferner berichten.

Erſtlich iſt zu wiſſen/ das da niemand von Wei-
bern/ ſondern ſie alle mit einander von Mennern
geboren werden. Denn ein Mann nimmet daſelbſt
den andern zur ehe/ ſie wiſſen auch gantz vnnd gar
nicht/ was ein Weib ſey. Denn biß ins fuͤnff vnd
zwantzigſte jahr/ werden alle Menner an ſtat der
Weiber gehalten. Wenn er aber daruͤber kommen/
leſt er ſich nicht mehr an ſtat eines Weibes haben/
ſondern nimpt ſelbſt einen andern der junger iſt.
Sie empfangen aber nicht im Leibe/ ſondern in
dem
[85] dem dicken Fleiſch bey den Waden. Wenn die frucht
empfangen iſt/ geſchwilt die Wade/ vnd hernach
wenn die vollkommene zeit verhanden iſt/ ſchneiden
ſie die Wade auff/ vnd nehmen das todte Kind her-
aus/ legens gegen dem Wind/ ſperren jhm das
Maul auff/ ſtreichens/ waltzens/ ruͤttlens ſo lan-
ge/ biß es anfengt zu leben. Daher deucht mich denn
das die Griechen/ das woͤrtlein Caſtroknemia oder
Beinbeuchen/ genommen haben/ das an dieſem
ort die Leut nicht im Leibe/ ſondern in den Waden
empfangen werden.

Es ſind bey jhnen auch Leut/ die ſie die Baum-
leut nennen/ welche auff dieſe arth geboren wer-
den/ was ſie einem Manne außſchneiden/ das
pflantzen ſie in die Erden/ daraus wechſt ein
groſſer Fleiſchener Baum/ geſtalt wie ein Pimper-
nus Baum.

Dieſer Baum hat zwar Laub/ Bletter vnd ſeine
Zweige/ aber ſeine Fruͤchte ſein Eicheln einer Ellen
lang/ wenn die reiff ſein/ brechen ſie die einwoͤhner
abe/ vnd zimmern Menſchen daraus. Die heimli-
chen Glieder werden dieſen Leuten/ wenn ſie fertig
ſein/ angeklebet/ vnd die Reichen haben Elphenbei-
nen/ die armen aber Hoͤltzern/ damit ſie ehliche
werck verrichten.

Wenn aber der Menſch zu ſeinem alter kom-
men iſt/ ſtirbt er nicht/ ſondern vergehet vnd ver-
M iijſchwin-
[86] ſchwindet wie ein rauch in der Lufft. Diß iſt aber
ihr allgemeine ſpeiſe/ das ſie ein Fewrlein machen/
vnd auff den Kohlen etliche Froͤſche braten. Denn
es ſein bey ihnen viel Froͤſch/ die hin vnd wieder in
der Lufft herumb fl [...]en. Vmb dieſe gebratene
Froͤſche ſetzen ſie ſich herumb/ als wenn ſie zu
Tiſch ſeſſen/ vnd lecken den geruch vnd Rauch der
von jhnen auffgehet/ vnd eſſen dieſelbigen/ welches
allein jhre ſpeiſe iſt. Jhr getrenck iſt lufft in einem
Becher außgepreſſet/ denn es wird ein ſefftlein dar-
aus wie ein Taw.

Derwegen thun ſie nicht jhre notturfft/ ſchla-
gen auch jr Waſſer nicht abe/ wie ſie denn auch an
denſelbē oͤrtern/ als wir/ nicht eroͤffenet ſein/ ja auch
die Kinder thun nichts durch den hindern/ ſondern
geben alles von ſich durch die loͤchlein/ ſo ſie vnter
den Knien an den Beinen vber der Waden haben.

Die Kahlkoͤpff/ vnd die keine Haar haben/ wer-
den bey jhnen fuͤr ſchoͤn gehalten. Dagegen aber
die lange Haar zeugen/ werden verachtet.

Jm gegentheil aber/ die auff den Cometen woh-
nen/ halten dieſelben ſo lange Haar haben/ fuͤr die
ſchoͤneſten/ wie wir von etlichen/ die von denen zu
vns kamen/ vnd der Landſitten vns erzehleten/ ver-
ſtanden haben.

Sie tragen lange Berte biß auff die Knie. Vnd
haben an den Fuͤſſen keine negel/ ſondern alle nur
einen
[87] einen entzeln Zeen. Fuͤr dem geſeß iſt jhnen ein groſ-
ſer Kohlſtrauch/ anſtat eines Schwantzes heraus
gewachſen/ der allezeit gruͤn bleibet/ vnd wenn ei-
ner gleich hinderruͤck fiele/ nicht etzwey bricht.

Sie ſchneutzen eitel ſauren Honig aus der Na-
ſen. Wenn ſie erbeiten oder mit einander fechten
vnd ringen/ ſchmiern ſie den gantzen Leib vmb vnd
vmb mit Milch/ daraus als denn Keſe wird/ wenn
das Rotzhonig all mehlich drauff triefft. Sie ma-
chen ein ſtarck riechend vnd ſehr fett Oel/ wie eine
Salbe/ aus den Zwibeln. Jhre Weinberge/ deren
ſie denn viel haben/ tragen ſchoͤn lauter Waſſer.
Vnd die Koͤrnlein in den Trauben ſein wie Hagel.
Das ichs dafuͤr achte/ das/ wenn bißweilen ein
groſſer Wind/ dieſe Trauben zu ſchlegt/ das die
Hagel koͤrnlein herunter biß auff die Erden fallen.

Den Bauch gebrauchen ſie eben wie einen ſack/
ſtecken alles was jhnen geliebet daſelbſt hinein.
Sintemal ſie jhn auff vnd zuthun koͤnnen/ vnnd
kein Eingeweyde oder Leber darin/ ſondern allent-
halben nur inwendig mit dicken rauchen Haaren
bewachſen iſt. Alſo/ das die kleinen Kinder/ wenn
jhnen frieret/ hinein kriechen. Die reichen tra-
gen weiche Gleſerne Kleider/ die armen aber
muͤſſen ſich an geſtrickten ehrinen Drat begnuͤ-
gen laſſen. Dieweil man an dieſen oͤrtern al-
lerley Metall Ertz gnug hat. Wenn ſie das ver-
erbeiten
[88] erbeiten wollen/ weichen vnd waſchen ſie das im
Waſſer/ vnd hautierens als wir die Wolle pflegen.
Was ſie aber fuͤr Augen haben/ darff ich ſchier nicht
ſchreiben/ damit nicht jemand/ weil es vnglaublich
lautet/ mich fuͤr einer Luͤgner halte. Jedoch muß
ich auch diß nicht verſchweigen. Sie koͤnnen die
Augen aus dem Kopff heraus thun/ das einer/
wenn er wil/ ſie kan heraus nehmen/ vnd bey ſich
in der Taſche ſo lange verwaren/ biß er ſie zum ſe-
hen von noͤthen hat. Denn ſo bald als er ſie wider
hinein ſetzet/ kan er damit ſehen. Es ſein jhrer viel/
die jhre eigen Augen verloren haben/ vnd borgen
ſie von andern/ das ſie damit ſehen. Daher denn
etliche reiche Leute viel Augen haben/ die ſie heim-
lich verborgen/ bey ſich tragen.

An ſtat der Ohren haben ſie Breitleubern ble-
ter/ vnd vnter denen noch andere von Eckern oder
Holtz geſchnitzet.

Vber diß hab ich noch ein wunderwerck in des
Koͤnigs Hoff geſehen.

Es war ein groſſer Spiegel vber einen Brunn
geſetzt/ der Brunn aber war nicht ſehr tieff. Wenn
einer in den Brunn hinab ſtieg/ kunte er alles hoͤ-
ren/ was auff Erden geret ward. Sahe er aber
vber ſich in die hoͤhe in den Spiegel/ kunte er alle
Stete vnd alle Voͤlcker/ nicht anders/ als were er
ſelber in alle denſelben oͤrtern gegenwertig/ beſcha-
wen.
[89] wen. Daſelbſt ſahe ich alle die meinen/ vnd meine
Landſtat/ vnd gantz Vaterland/ ob ſie aber auch
mich geſehen haben/ kan ich nicht wiſſen.

Wann aber jemand dieſem nicht glauben geben
wolte/ das es ſich alles dermaſſen in der Warheit
alſo verhalte/ derſelbe wird erfahren wenn/ er an
dieſe oͤrter dermal eins komen wird/ das ich diß
mit warheit berichtet habe.

Das Sechſte Capittel/ von der zu-
ruͤck Schiffart zu der Liechter vnd
Vogel Jnſel.

ENdlich geſegeneten wir den Koͤnig/ namen
von Jhm vnd ſeinem Hoffgeſind vnſern ab-
ſchied/ gingen zu Schiff/ vnd fuhren dauon.
Als wir aber jtzt auff ſein wolten/ verehret mir der
Koͤnig Endymion, zwey der Gleſern Kleider/ vnd
fuͤnff andere Eherne/ dazu ein gantze Ruͤſtung von
den Bohnen ſchlauben. Welche herliche gaben/ ich
hernach im Walfiſch alle verloren habe. Gab vns
auch tauſent Pferdgeyer Reuter zu dienen/ vnd fuͤnff
hundert Roßleuffe/ ſind bey nah ſechszehen Teuſche
Meilen geleitet.

Wie wir nun vmb diß Land herumb Siegel-
ten/ Schifften wir viel ander Jnſeln fuͤrvber. End-
lich kamen wir an des Morgenſterns Land/ wel-
Nches
[90] ches newlich von den Leuten zur Wohnung einge-
nommen war. Da wir denn außſtiegen vnd [Waſ-]
ſer ſchoͤpffeten. Darnach kamen wir in den Him-
liſchen Thierkreis/ lieſſen darin die Sonnen zur lin-
cken liegen/ vnd fuhren an derſelben Rand vnd V-
fer herumb. Wir wolten aber nicht außſteigen/
wiewol viel vnſer mitgeferten darumb anhielten.
Dieweil ein Wind vns von dem Land abtrieb/ wir
ſahen aber/ das es ein Fruchtbarer feiſter/ vnd ſehr
reicher/ vnd mit vielen herrlichen gelegenheiten be-
gabter ort war.

Wie vnſer auch die Centauri/ des Phaëtontis
Soldaten/ gewar wurden/ kamen ſie bald zum
Schiff geflogen/ ſo bald ſie aber ſahen/ das wir jre
Bundesgenoſſen waren/ lieſſen ſie vns frey durch
Paſsiren. Eben auff dieſe zeit waren auch die
Pferdgeyer Reuter zu ruͤck hinter ſich gewichen.
Nach dem wir aber folgende Nacht vnd Tag ge-
ſchifft/ kamen wir gegen den Abend an der Lucern
Stadt. Denn alſo wird ſie genant/ vnd namen
damit vnſern Curſum hinunterwerts. Dieſe
Stadt aber/ iſt in der Lufft mitten zwiſchen dem ſie-
bengeſtern vnd Ochſenkopff/ weit vnter dem Himli-
ſchen Thierkreiß gelegen. Da wir zu Land gien-
gen/ fanden wir da keinen Menſchen/ ſondern es
lieffen hin vnd wieder liechter herumb/ deren etliche
auff dem Statmarckt/ etliche beim anfurt ſpatzie-
ren
[91] ren giengen/ etliche waren kleine vnd atme leicht-
lein/ wie man ſagen moͤchte/ etliche aber Reiche vnd
Mechtige/ vber all Durchleuchtig/ vnd mit klar-
heit vmbgeben.

Ein jedes vnter jhnen hatte ſein Hauß vnd La-
tern. Sie hatten auch vnter ſich namen gleich den
Menſchen/ vnd wir konten jhre ſtimme hoͤren vnd
vernehmen/ thaten auch vnſer keinen kein leid/ ſon-
dern noͤtigten vns viel mehr/ zu jhnen zu Gaſt ein
zu kehren. Nichts deſto weiniger fuͤrchten wir vns/
vnd war keiner aus vnſerm mittel/ der ſich hette
duͤrffen vnterſtehen/ mit jhnen Mahlzeit zu halten/
oder bey jhnen zu benachtigen. Mitten in der Stadt
iſt ein ſonderlich Schloß vnd Pallaſt auffgebawet/
darin jhr Landsfuͤrſt die gantze Nacht ſitzet/ vnnd
ruͤffet ein jeglichen ſeiner Vnterthant bey ſeinem ei-
genem namen. Vnd ſo es ein Liecht verhoͤrte/ oder
vorſetzlich auſſenbliebens ſich vnterſtuͤnde/ wird er
ſtracks zum tode verdampt/ als einer/ der die allge-
meine Landordnung muthwillig vbertreten hat.
Jhr tod aber iſt/ das ſie als Liechter außleſchen. Vn-
ter des wir nun ſtehen vnd zuſchawen/ was daſelbſt
gehandelt wurd/ vnd zu gleich hoͤreten/ wie die Lich-
ter ſich verantworteten/ vnd die vrſach jhres auß-
bleibens anzeigten. Erkante ich vnter denen auch
vnſer Haußlicht/ gieng bald darauff zu jhm/ ſprach
es an/ vnd fraget/ wie es zu Hauß zu ſtuͤnde vmb
N ijmeine
[92] meine ſachen/ wie es vnſerm Haußgeſinde erginge.
Welches mir denn auff meine frage alles nach der
lenge antwortet.

Das wir alſo dieſelbe Nacht bey jnē verharreten.
Folgendes Tages ſchieden wir von dannen/ vnd ſie-
gelten neben den Wolcken hin. Da ſahen wir in den
Wolcken die Vogelſtat/ Nephelococcygiam, dar-
uͤber wir denn vns zum hoͤchſten verwunderten/
kunten aber vnſer Ancker daſelbſt nicht außwerf-
fen/ weil vns der Wind entgegen war/ vnd vns
nicht hinan laſſen wolte. Der Koͤnigk aber dieſer
Stat hies Craer/ des Amſel ſchwartzen Sohn.

Da ward ich eingedenck des Poeten Ariſtopha-
nis, welcher ein weiſer warhafftiger Mann ge-
weſen iſt/ vnd das die vnrecht thun/ die ſeinen
ſchrifften nicht glauben wollen. Denn dritten tag
nach dieſem/ kunten wir das Meer eigentlich ſehen/
aber nirgend kein Land ohne allein etliche Lufft Jn-
ſeln/ die auch jtzt anfiengen das anſehen zu kriegen/
als ob ſie Fewrig weren/ vnd glentzten.

Am vierdten tage aber/ bekamen wir einen ge-
linden Wind/ der vns allmehlich hinunter fuͤhrte/
vnd wiederumb ins Meer nieder ließ.

Das Siebende Capittel/ von der
farth in den Walfiſch.

DA wir nun endlich das Waſſer erreichet/
wurden wir vber die maß erfrewet/ vnnd
richte-
[93] richteten von demſelben/ was wir mit vns hatten/
ein gemein Freudenmahl vnd Pancket oder ſchleiff-
tag an (wie die Schiffer reden) ſprungen auch v-
ber Bort vnd badeten/ vnd ſchwummen herumb/
dieweil das Meer vberall ſtill/ vnd ein luſtiges wet-
ter war. Aber wie die erfahrung gibt/ das wenn
man meinet/ das ſich daß gluͤck verbeſſern ſoll/ offt-
mals ein groͤſſer vngluͤck darauff erfolget/ alſo ging
es vns auch. Denn als wir kaum zween tage mit
gutem gluͤck fortgeſiegelt waren/ vnd der dritte tag
anbrach/ ſahen wir mit der Sonnen auffgang ploͤtz-
lich daher fahren/ etliche viel groſſe grewliche Wal-
fiſche/ vnter welchen einer/ ſo der groͤſſeſt/ vnd ſie-
ben vnd viertzig Teutſcher meilen lang war. Der-
ſelbe fuhr zu vns an/ ſpert ſeinen Rachen auff/ vnd
warff das Waſſer durch ein ander/ das wir von
fern ſahen/ wie es vmb jhn herumb ſcheumete. Sei-
ne Zeene ſchienen viel groͤſſer vnd lenger ſein/ denn
vnſer Maſtbaͤume/ waren alle ſo ſpitzig als Pfeile/
vnd ſo weis als Elphenbein. Derhalben als wir
einer dem andern gute Nacht/ vnd den letzten Kuß
gegeben hatten/ muſten wir des gluͤcks erwar-
ten.

Bald war er da/ vnd in dem er das Waſſer in
ſich zoge/ ſchlang er zugleich vns alle mit einander/
ſampt dem Schiff hinein. Alſo/ das wir gar nicht
N iijan ei-
[94] an einem einigen Zeen ruͤhrten/ ſondern zwiſchen
denſelben das Schiff zierlich hinein fiel. Da wir
hinein kamen/ wars in der erſt gar finſter/ das wir
nichts ſehen kunten.

Endlich aber/ da er einmal Odem holete/ ſahen
wir/ das ein groſſer hoher breiter Wallfiſch war/ da
eine Stadt hette inne ſtehen koͤnnen/ da zehen tau-
ſent Leut inne wohnen moͤchten. Vber das lagen in
dem Walfiſch allenthalben herumb/ ein hauffen
kleine Fiſch/ vnd andere kleine Thier/ als wenn ſie
zerſchnitten weren/ auch Schiffſiegel/ Ancker/
Menſchenbein vnd Schiff wahren.

Mitten in dieſem Walfiſch war auch land vnd
etliche huͤgel/ vieleicht/ wie ich gleube/ von dem
ſchleim/ ſo er manchmahl mit in den Leib geſogen/
zuſamen geſatzt. Aus dieſes grunde war ein gan-
tzer Wald gewachſen von allerley arth Beumen/
auch mancherley Kohlkraut vnd gewechs/ das al-
les wie ein wolgebawet Land anzuſehen war.

Diß Erdreich war vmbgriffen in der weit/ bey
die [a]cht Teutſche meil weges. Man ſahe auch da
allerley Meervogel/ als Seemieben vnd Eißvogel/
die auff den Beumen deſſelben Waldes niſteten.
Da fiengen wir hefftig an zu Weinen/ doch troͤſtet
ich meine Geſellen. Vnd nach dem wir etliche ſtuͤ-
tzen vnter das Schiff geſetzt hatten/ ſchlugen wir
ſelber Fewer an/ vnd bereiteten/ ſo gut wir koͤnten/
von
[95] von dem vnſern/ eine Mahlzeit. Denn wir hatten
noch gnug von allerley Fiſchen vnd Fleiſch/ dazu
war noch ſuͤß Waſſer vbrig/ von dem/ das wir aus
des Morgenſterns Jnſel mit vns genommen hat-
ten.

Des andern tages/ wenn der Walfiſch den Ra-
chen auffthate/ ſahen wir bißweilen Berge/ biß-
weilen den bloſſen Himmel/ offtmals auch Jnſeln.
Daraus wir merckten/ das er mit gewalt allent-
halben durch die See hindurch gieng.

Als wir der wegen in dieſem Fiſch zu ſein gewoh-
net hatten. Nam ich ſieben meiner gefehrten zu
mir/ gieng durch den gruͤnen Wald/ allerley ſachen
zu beſchawen/ vnd mich ferner vmb zuthun. Wie
ich aber ein weinig vber ein viertel meil fortgangen
war/ ſiehe da finde ich ein Capell/ des Meer Gots
Nemptuni, wie die ſchrifft/ ſo daran ſtund/ auswei
ſete/ nahe dabey auch etliche viel Greber/ vnd eben
vber denſelben auffgerichte Seulen. Zu negſt dar-
an/ ein ſchoͤnes klares Bruͤnnlein/ hoͤrten bald dar-
auff einen Hund bellen/ vnd ſahen nicht weit dauon
einen Rauch auffgehen/ da wir gedachten/ das ein
Huͤtlein oder Menſchenwonung ſein muͤſte. Giengē
derwegen endlich hin/ vnd troffen daſelbſt an/ einen
alten Mann/ der mit ſampt einem jungen Geſel-
len/ die mit allem fleiß einen Graben auffwarffen/
das
[96] das ſie dadurch aus vorgedachtem Bruͤnnlein das
Waſſer leiten wolten.

Wie wir nun an ſie kamen/ ſtunden wir mit
groſſer freud vnd furcht ſtille/ wie denn auch jhnen
eben daſſelbige wiederfuhr/ ſtunden vnd ſahen vns
an/ vnd kont keiner kein wort ſprechen.

Endlich fieng der alte Mann an vnd ſprach. O
jhr vnſer lieben Geſte/ von wannen ſeid jhr? Seid
jhr aus den Goͤttern die im Meer wohnen/ oder
aber/ ſeid jhr Menſchen als wir? Denn wir ſein
Menſchen/ die wir auff Erden erzogen vnd geboren
ſein/ aber jtziger zeit zu Waſſerthieren/ in dieſem
Thier/ das vns mit ſeinem Leib beſchloſſen hat/ wor-
den. Vnd wiſſen bald nicht was wir ſein. Vns
deucht zwar wir ſeind todt/ muͤſſen aber gleuben/
das wir noch leben. Darauff ſprach ich: Lieber Va-
ter/ wir ſeind auch Menſchen/ die da aus frembden
Landen hergereyſet/ vnd von dem Fiſch newlich/ zu
ſampt dem Schiff eingeſoffen worden/ ſein aber her-
umb ſpaciert/ das wir gern wiſſen wolten/ was in
dem Walde zu bekommen were/ vnd was es damit
fuͤr eine gelegenheit hette. Dieweil er von fernen
ſehr dick vnd groß anzuſehen war. Es hat vns aber/
wie vns deucht/ etwa einer von den Goͤttern alſo
geleitet/ das wir erſehen haben. Damit wir wuͤ-
ſten/ das wir nicht allein in dieſem Thier gefangen
weren.

Aber lieber ſag vns doch auch etwas von dei-
nem Gluͤck/ woher du ſeyeſt/ vnd wie du an dieſen
ort kommen biſt.

Er aber ſprach/ ich wil euch ehe nichts ſagen/ vnd
ſolt auch nicht ehe erfahren/ was ich bey mir habe/
jhr ſeid denn zuuor meine Geſte/ vnd genieſſet was
ich zum beſten habe. Nam vns zugleich damit zu
ſich/ vnd fuͤhret vns in ſeine behauſung/ welche
fuͤr ſich gnugſam gebawet war/ hatte auch in die-
ſem ſeinem Hauſe feine Betten/ Pulſter vnd Schal-
launen/ ſo mit Hew/ Laub/ oder auch mit Federn
ausgeſtopffet waren/ ausgebreitet/ auch mehr an-
ere ſachen. Trug vns darnach Kraut/ Eicheln vnd
Fiſch auff/ ſchanckt vns dabey einen guten Wein.

Das Acht Capittel/ vom Krieg/
im Wallfiſche.

ALs wir nun ſatt waren/ fieng er wiederumb
an zu fragen/ was vns doch wiederfahren
were. Dem ich denn alles ezehlete/ wie es er-
gangen war/ als nemlich das vngewitter/ vnd wz
ſich in der Jnſel begeben/ des gleichen wie wir in der
Lufft verſiegelt/ vnd den Lufftkrieg helffen vollen-
ziehen/ vnd andere ſachen mehr die ſich zugetragen/
bis wir von dem Fiſch verſchlungen waren. Da-
ruͤber er ſich den zum hoͤchſten verwunderte/ vnd
Oſagte
[98] ſagte vns zum theil hin wieder/ was jhme wieder-
fahren were/ vnd ſprach: Meiner geburt/ lieben
Geſte/ bin ich aus Cypern.

Da ich aber meiner Kauffmanſchafft nach/ mit
dieſem meinem Sohn/ den jhr hie ſehet/ vnd andern
meinen Haußgenoſſen vnd Geſind/ aus meinem
Vaterland reyſete/ vnd in Italiam fahren wolte/
mit demſelben groſſen Schiff/ dz ich denn mit vieler
koͤſtlichen wahre beladen hatte/ vnd jhr ſelbſt vorn
in des Walfiſches Maul/ die ſtuͤcken dauon werdet
geſehen habē/ hatten wir auch biß in Siciliã, eine gu-
te gluͤckliche reyſe: Von dannē nam vns ein ſtarcker
Wind/ vnd fuͤhrt vns in dreyen tagen/ auff die of-
fenbare See. Darauff wir denn dem Walfiſch
begegeneten/ welcher vns auch mit vnſerm Schiff
domals einſchlang. Vnd ſein wir zween/ nur von
allen andern vnſern Gefehrten/ mit dem leben da-
uon kommen.

Nach dem wir aber vnſere Geſellen beſtetigt
hatten/ baweten wir dem Gott Neptuno diß Kirch-
lein/ vnd leben ein ſolches leben/ wie jhr allhie ſehet.
Denn Kohl oder Kraut koͤnnen wir aus vnſern
Gerten haben vnd fortziehen/ eſſen Fiſche vnd Ei-
cheln dazu Denn wie jhr ſelber ſehet/ allhie ein
herrlicher dicker Wald iſt. Vnd haben wir auch
Weinberge/ die vns den allerlieblichſten ſuͤſſeſten
Wein
[99] Wein trageñ. Vber das/ iſt ein Brunn mit gu-
tem kuͤhlen Waſſer hie. Vnſer Betten ſein duͤrr
Laub. Dabey wir ein groß Fewr teglich halten/ wo
auch Vogel zu vns hinan geflogen kommen/ die fan-
gen wir. Koͤnnen auch lebendige Fiſche fangen/
wenn wir nur hinaus ſpacieren/ an die Backen
oder Kieffen dieſes Thieres. An welchem ort wir
vns zu Baden vnd abzuwaſchen pflegen/ wens
vns geluͤſtet. Dieweil nicht weit von da ein ſaltzi-
ger See iſt/ der wol drey viertel meilen vmbgriffen
iſt/ vnd allerley art von Fiſchen hat. Darin wir
zu zeiten ſchwimmen vnd ſpacieren fahren/ mit ei-
nem kleinen Kahn/ den ich ſelber dazu gemacht
habe. Es ſein aber/ als wirs rechnen/ nun bey die
27. Jar/ dz wir von dē Fiſche verſchluckt ſein. Dar-
in wir leichtlich alles erdulden moͤchten/ wenn vns
die Einwohner vnſere Nachbarn/ nicht ſo groſſe
vberlaſt theten/ vnd beſchwerlich weren. Weil es ſo
ein wuͤſt vnd rohloß Volck iſt.

Hilff lieber Gott/ ſprach ich/ ſein auch noch an-
dere Leut/ als jhr/ im Walfiſch? Ja ſprach er/ ſehr
viel vnd ſehr grawſamlich/ heßlich vnd ſcheußlich
anzuſchawen. Denn in dem letzten/ vnd nach A-
bendwerts gelegenen theil des Walds/ wohnen die
Tarichaner oder geſaltzen Fiſch freſſer. Welches
ein Volck iſt/ mit Ahlaugen vnd Krebsgeſichten/ da-
zu ein Kriegeriſch verwegen beiſsigk geſindlein. An
O ijeinem
[100] einem andern ort nach der rechten ſeiten/ wohnen
Voͤlcker die Tritonomenditen geheiſſen/ die mit
dem obertheil den Menſchen ehnlich/ vnten aber
niederwertz/ den Katzen gleich ſein. Dieſe ſein etwas
Leutſeliger vnd gelinder/ denn die andern.

Nach der lincken ſeiten aber/ halten ſich auff in
guter Freundſchafft vnd verſtendniß/ die Krebsſche-
richten Carcinochirer vnd Tunnikoͤpffige Tyno-
cephali: Mitten vnter dieſen allen/ die ſtrickſchwen-
tzigte Paguraden vnd ſchwelfuͤſsige Pſyttopodes,
welches ein Kriegeriſch vnd behende Volck iſt.

Nach Morgen vnd nach des Thieres Maul-
werts/ iſts faſt vberall wuͤſte/ vnd mit Meerwaſſer
beſchloſſen.

Diß ort Landes aber hab ich jnnen/ dauon ich
innen/ dauon ich den Pſyttopodern, jehrlich funff-
zig Meerſchnecken zu Schoß vnd Steur gebe. Das
iſt alſo dieſes Landes gelegenheit/ wir muͤſſen zu ſe-
hen/ wie wir denſelben mancherley Voͤlckern im
Krieg begegenen/ vnnd ſonſt zu recht kommen moͤ-
gen. Lieber/ ſagt ich/ wie viel ſein der ſelben wol v-
beral: Mehr/ antwortet er/ denn tauſent. Was ha-
ben ſie fuͤr Ruͤſtung vnd Wehr? Nichts anders/
ſagt er/ als groſſe Fiſchbein. Wolan/ ſprach ich/ ſo
koͤnnē wir leichtlich mit jnen einen Krieg angehen.
Dieweil ſie keine Wehr noch Waffen haben. Wir
aber wol geruͤſt ſein. Vnd wenn wir ſie erlegt ha-
ben/
[101] ben/ koͤnnen wir nachmals in gutem frieden vnnd
ruhe bey einander bleiben.

Welcher rath/ als er vns gut ſein dauchte/ gien-
gen wir nach dem Schiff/ das wir vns zu den ſa-
chē bereiteten. Die vrſach aber des Kriegs ſolt ſein/
das wir jhnen den Tribut zu gebuͤhrlicher zeit nicht
geben wolten.

Da ſie nun ſchicketen/ vnd die Steur foͤrderen
lieſſen/ verlacht er jre Legaten vnd Geſandten ſpoͤt-
lich/ vnd trieb ſie bald zum Land hinaus.

Hierauff kamen erſtlich die Pſyttopoder vnd
Pagurader, dem guten Seyntharen (denn das war
des alten Mannes Nahm) mit groſſem getuͤmmel
vber den Halß. Wir aber/ als wir des anzugs ge-
war worden/ blieben in vnſer Ruͤſtung ſtehen/ vnd
beſtalten fuͤnff vnd zwantzig Soldaten zum hinder-
halt. Dieſen heimlichen vnſern gehuͤlffen befahlen
wir/ daß/ ſo bald ſie gewar wuͤrden/ daß die Feinde
fuͤruͤber weren/ ſie ſich bald herfuͤr machten/ wie
denn geſchehen Denn da ſie ſich auffmachten/ ſchlu-
gen ſie den Feind von hinden zu/ vnd vnſer fuͤnff
vnnd zwautzig (dieweil der Scynthar, vnnd ſein
Sohn zugleich mit in der Schlacht waren) begege-
neten jhnen von fornzu/ traffen auch mit hoͤchſtem
Eiffer/ vnd bewerter Hand alſo zuſamen/ das wir
ſie endlich in die flucht ſchlugen/ vnd jhn biß an jhr
Huͤtten nachjageten.

Jn dieſer Schlacht/ ſeind auff der Feinde ſeiten
geblieben/ ſiebentzig vnd hundert. Aus vnſerm hauf-
fen aber/ nur einer/ vnd der Steurman/ welcher mit
einer Graͤte von einem Meerbarmen in den Ruͤcken
geſtochen ward. Denſelben tag aber vnd Nacht/
haben wir im ſcharmuͤtzel zubracht/ haben auch alſo
bald ein ſiegszeichen auffgericht/ das wir nemlich
einen außgeduͤrten Ruͤckgrat von einem Meer-
ſchwein in die hoͤhe auffrichteten. Folgendes tages
kamen die andern auch auffgezogen/ ſo bald ſie die
zeitung bekommen hatten. Vnd hielten im rechten
Fluͤgel die Tarichaner, welcher fuͤhrer war genant
Pelamus. Den lincken Fluͤgel aber/ die Thynoce-
phali. Jn der mitten aber/ die Carcinochirer. Den
die Tritonomenditer ruheten ſich aus/ vnd hiel-
tens zwar mit keinem part. Wir aber begegeneten
jhnen/ mit einem groſſen Feldgeſchrey/ vnd traffen
zuſamen/ bey des Meergots Neptuni Capell/ alſo/
das daß geſchrey in dem Walfiſch/ nicht anders/
denn in eim holen Bergk/ vnd Gewelbe erſchal-
let.

Nach dem wir nun dieſe auch in die flucht ge-
ſchlagen (denn ſie weren leichte Geſellen) vnd in den
negſten Wald hin vnd wieder zerſtrewet hatten/ na-
men wir von ſtund an daß Land ein. Bald hernach
ſandten ſie jhren Herold/ lieſſen die erſchlagene ab-
holen/ vnd vmb guͤtlichen vertrag/ freundſchafft
vnd
[103] vnd verbundnuß aufuchen. Wir aber hatten zu jh-
rem vorſchlag keine luſt. Sondern wandten vns
des andern tages hernach wieder ſie/ vnd ſchlugen
ſie alle mit einander darnieder/ biß auff die Trito-
nomenditer. Denn ſo bald ſie vernommen/ was
ſich begeben hatte/ machten ſie ſich dauon/ vnnd
ſprungē durch des Walfiſches kiwen in das Meer.
Derwegen giengen wir in jhre Land/ da wir alle
Feinde aus vertrieben hatten/ vnd lieſſen vns da-
ſelbſt ohne alle furcht nieder/ brachen auch die mei-
ſte zeit/ mit ringen/ ſpringen vnd jagen zu/ zu zei-
ten baweten wir auch Wein/ vnd brachen die Epffel/
vnd andere Fruͤchte von den Beumen. Jn ſumma/
machtens eben wie die in einem groſſen ewigen Ge-
fencknuß ſitzen/ vnd außerleſene lecker bißlein eſſen/
vnd in lauter wolluſt leben. Jn dieſem ſtand blieben
wir ein Jahr vnd acht Mohnat.

Das Neunde Capittel/ von dem
Jnſel Kriege.

AM fuͤnfften tage aber/ des Neunden Mohn-
den/ als der Fiſch das Maul zum andern
mahl auffthate (denn alle vier jahrzeiten
pflag er einmahl das zu thun. Alſo das wir dar-
aus abnehmen konten/ die vier zeiten des) Jahrs
da er
[104] da er nun den rachen/ wie geſagt/ zum andern mahl
auffriß/ hoͤrten wir ein groß geſchrey vnnd getuͤm-
mel/ nicht anders/ als wenn die Schiffteute ein an-
der zuruffen/ vnd etwas befehlen. Daruͤber wir
vns zum hoͤchſten erſchracken/ vnd lieffen nach dem
Maul zu/ ſtunden zwiſchen des Fiſches Zeen/ vnd
ſahen alles mit an/ zwar ein wuͤnderlich Spec-
takel/ dergleichen mir mein tag nicht vorkom-
men.

Als nemlich groſſe Leute/ wie ein halb Roßlauff
oder Stadium lang/ auff groſſen Jnſeln/ nicht an-
ders/ denn auff Galeen daher ſiegeln. Ob ich aber
zwar wol verſtehe/ das es etwas Luͤgenhafftig ſich
anſehen leſſet/ wil ichs doch nicht deſto weiniger
ſchreiben.

Es waren lange Jnſulen/ nicht gar hoch/ ein je-
de wol drey Teutſche Meil weges in die breite. Auff
denſelben fuhren acht vnd zwantzig der langen Heu-
nen daher. Derer etlich an der ſeiten der Jnſeln
ſaſſen/ vnd ruͤderten mit groſſen Cypreſſen Beu-
men/ da noch Zweig vnd Bletter anſaſſen. An dem
hindertheil aber dieſes Jnſelſchiffs/ wie ſichs an-
ſehen ließ/ ſtund der Steurman auff einem ſehr ho-
hen Huͤgel/ vnd hat ein Ehren Steurruͤder/ eine
Griechiſche meil weges/ das iſt/ hundert fuͤnff
vnd zwantzig ſchritt lang/ vorn an der Jnſel ſtun-
den
[105] den zum ſtreit/ bey viertzig gewaffenter Menner/
welche dem Menſchen/ außgenommen das Haar/
durchaus gleich waren. Denn ſie hatten Fewrkol-
ben die helle brandten/ alſo/ daß ſie der Sturmhau-
ben nicht ſehr von noͤten hatten. An ſtat der Siegel
war ein dicker Wald auff der Jnſel/ da der Wind
in bließ/ vnd alſo die Jnſel fortwehete/ vnd hin fuͤh-
rete/ da ſie der Steurman hin wendete vnd richtete.
Es war auch einer beſtalt/ der den Steurman zur
erbeit vortmahnete/ denn ſie fuhren geſchwinde/
wie die groſſen Seeſchiff pflegen. Jn der erſt ſahen
wir kaum zween oder drey/ zu letzt lieſſen ſich vber
die ſechs hundert ſehen/ die ſtunden/ vnd hielten ein
ſcharmuͤtzel/ vnd ſchlugen ſich weidlich mit einan-
der/ Alſo/ das viel Jnſeln vorn gegen ein ander
lieffen/ in ſtuͤcken brachen/ vnd augenſcheinlich zu
grunde giengen/ etliche aber/ hiengen ſich ſo ſtarck
an einander/ daß ſie kaum koͤnten von einander
kommen/ die vorn an ſtunden/ lieſſen ſichs ſawer
werden/ erſtachen vnd erſchlugē was jnen vorkam/
fiengen aber keinen lebendig. An ſtat der Ketten/
brauchten ſie die vielfuͤſſtge groſſe Blackfiſche/ die
ſie vnter einander verknuͤpfft hattē/ wurffen dieſel-
ben allenthalben/ hatten ſie auch an die Beume ge-
bunden/ daß ſie die Jnſeln zuſamen hielten. Sie
wurffen auch/ vnd ſchlugen mit groſſen Oſtern vnd
Muſcheln/ der eine kaum auff einen groſſen Fuhr-
Pwagen
[106] wagen liegen konte/ vnd mit Schwammen als ein
Morgelandes groß. Etliche der Kriegsleute/ fuͤhr-
te der windreuter Aeolocentaurus, etliche der Meer-
ſeuffer Thalaſſopotes. Der ſtreit war entſtanden/
wie mich deucht/ wegen eines Raubes.

Denn man wolt ſagen/ der Thalaſſopotes het-
te dem Aeolocentauro etliche Heerde Meerſchwein
genommen/ welches wir denn vernahmen/ wenn ſie
ein ander zu rieffen/ ſpoͤtlich vorwurffen/ vnd einer
den andern Koͤnig nante.

Den ſtreit gewunnen endlich/ die auff des Aeo-
locentauri ſeiten waren/ welche bey die funfſtzig
vnd hundert Jnſeln/ zu grund verſenckten. Aber
drey derſelben/ namen ſie mit allen jren Jnwoͤhnern
gefangen.

Die vbrigen Jnſeln/ daß ſie in dem zuſamen
lauff/ am vordertheil verletzt wurden/ kamen kaum
halb dauon/ vnd gaben ſich auff die flucht. Ob die
andern aber/ wol den fluͤchtigen ein weil nachjag-
ten/ kehrten ſie doch bald/ weil der Abend jtzt heran
viel/ wieder zu ruͤck/ nach jhren eigenen zerbroche-
nen Jnſulen/ deren ſie denn viel erhielten/ vnd wie-
der bekamen/ denn jhnen vber die achtzig Jnſulen
vmbkommen waren.

Zum zeichen aber vnd ſiegmahl dieſes Jnſel-
kriegs/ ſetzten ſie auff des Wallfiſches Kopff einen
Baum/ vnd hiengen eine Jnſel/ jhrer vberwonnen
Feinde
[107] Feinde daran. Vnd blieben zwar alſo dieſelbe Nacht
bey dem Wallfiſche/ darin ſie jhre Ancker wurffen/
vnd jhre Schiffe bunden/ denn ſie hatten groſſe ge-
waltige ſtarcke Gleſerne Anckern. Folgends tages
aber/ nach dem ſie auff des Wallfiſches Ruͤcken/ jre
Opffer vnd Gebet gethan/ vnd jhre erſchlagene/ ehr-
lich beſtatet hatten/ zoͤgen ſie mit einer groſſen freu-
de vnd Feldgeſchrey von dannen. Vnd diß iſt daſſel-
be/ was ſich in der Jnſelſchlacht zugetragen vnd be-
geben hat.

Ende des erſten Buchs.

Das Erſte Capittel/ wie ſie aus dem
Walfiſch in das Milchmeer kom-
men.

VNter deſſen/ weil ich mit der ſpeiß
vnnd anderer gelegenheit im Wallfiſch
nicht koͤnt zu recht kommen/ vnd des lan-
gen auffwartens/ auff die erloͤſung vber-
druͤſſig ward/ gedacht ich guff wege vnd anſchlege/
dadurch ich endlich hier aus entrinnen moͤchte/ vnd
daucht vns zwar in der erſt nicht vngelegen ſein/
das wir in der rechten ſeiten durchzugraben anfien-
gen/ vnd alſo dauon kemen. Fiengen derwegen an
durch zu hawen.

Als wir aber faſt ein viertheil einer Teutſchen
Meilen hinein gehawen/ aber noch kein ende ſahen/
lieſſen wir dauon abe. Hierauff woͤrden wir eins/
wir wolten den Wald inwendig anzuͤnden/ vnd den
Fiſch alſo toͤdten/ damit wir hernacher leichtlich ei-
nen außgang finden moͤchten.

Fiengen alſo vom hinderſtentheil beim Schwantz
an zu brennen/ vnd brandten ſieben gantzer tag/ vnd
ſo viel nacht ehe der Fiſch die hitze fuͤhlete. Am ach-
ten vnd
[109] ten vnd folgenden neunden tage aber/ ſahen wir daß
er kranck war/ dieweil er den Rachen offt vnuer-
muthlich auffrieß/ wenn er auch odem holet/ eilend
daß Maul auff vnd zu thate. Am zehenden aber
endlich/ vnd am elfften tag/ ſtarber/ vnd gab vber die
maſſen einen hefftigen ſtarcken abſchewlichen ge-
ruch von ſich. Am zwoͤlfften tag aber/ hatten wir
bald vergeſſen/ das wir dem Fiſch ſtuͤtzen vnter daß
Maul ſetzten/ damit ers nicht zu letzt zu ſchnapte/
vnd wir darin beſchloſſen wurden/ alſo/ das wir
nicht heraus koͤnten/ ſondern darin bleiben vnd ver-
derben muͤſten. Namen derwegen groſſe Balcken
vnd Seulen/ vnd ſperreten jhm den Rachen in die
hoͤhe/ ruͤſteten auch alsbald vnſer Schiff/ namen
auch Waſſer vnd andere notturfft gnug zu vns.
Vnd hatten zum oberſteur man den Scintharum be-
ſtelt. Des andern tages aber/ war der Walfiſch
gantz vnd gar tod/ da zoͤgen wir das Schiff heran/
vnd lieſſen es zwiſchen des Fiſches Zehnen/ hin-
durch all mehlich ins Meer hinab. Stiegen aber
heraus auff des Fiſches Ruͤcken/ darauff/ wie ge-
ſagt/ die Kriegsleut jhr ſiegszeichen auffgerichtet
hetten/ vnd Opfferten dem Meergott Neptuno.
Verharreten daſelbſt in die drey tage/ weil es ein
ſtill luſtig Wetter war.

Am vierdteu tage ſiegelten wir von dannen ab.
Vnter wegens begegneten vns viel von denē die er-
P iijſchlagen
[110] ſchlagen waren in vorgedachtem Jnſel ſcharmuͤtzel/
der wir denn etliche wundershalben auffiengen/
vnd jhre lenge gewiß abmaſſen. Schifften alſo etli-
che tage mit herrlichem luſtigem Wetter/ vnd gutem
Wind fort. Endlich aber ſtund ein hefftiger Nord-
wind auff/ darauff denn ein ſtarcker froſt folgete/
in welchen das gantze Meer vberall zu fror/ nicht
allein oben/ ſondern wol drey hundert klafſter in die
tieffe/ das wir ausſtiegen/ vnd auff dem Eyß lief-
fen.

Da dieſer Wind nun beſtendig anhielt/ vnd wir
das nicht außharren koͤnten/ traffen wir dieſen
fund. Ob zwar der Scintharus vor dieſem vns den
Rath gegeben hatte: Wir gruben ein groß loch ins
gefrorne Meer hinein/ vnnd verharreten darin
dreiſſig tage lang/ machten ſo gut wir koͤnten ein
fewr darein/ vnd erhielten vns von den Fiſchen/ de-
rer wir ein groſſe menge mit dem Eyß heraus gru-
ben.

Da nun vnſer Vitalien vnd Proviant all wa-
ren/ hieben wir vnſer befrorne Schiff loß/ ſpanten
die Siegel auff/ vnd treckten auff dem Eyſe fein
mehlich weiter vnd weiter/ nicht anders/ als hetten
wir im Waſſer geſiegelt. Am fuͤnfften tag/ kam mit
einer werm ein groß dawwetter/ damit alles Eyß
weg gieng/ vnd vberall Waſſer gnug war. Nach dem
wir aber vber die drey hundert Griechiſcher oder
zehn
[111] zehn Teutſcher meilen geſiegelt/ kamen wir an eine
kleine Jnſel/ daſelbſt friſch Waſſer zu ſchepffen/
dieweil dz ander ſchon aus war/ da wir denn zween
Wilde Ochſen mit dem Bogen erſchoſſen. Dieſel-
bige Ochſen hatten jhre Hoͤrner nicht fuͤrm Kopff/
ſondern in den Augen ſitzen. Als es der nerriſche
fantaſt Momus, einmal hatte haben wollen.

Bald hernach kamen wir in ein Meer nicht/ von
Waſſer/ ſondern von lauter Milch. Jn dieſer Jn-
ſel hatten wir eine kennunge von einer weiſſen Jn-
ſel/ darin wir viel Weinſtoͤck gewar wurden. Die-
ſe Jnſel aber/ war ein groſſer gewaltiger ſchoͤner
wolgepreſter Kaͤß/ welches wir/ da wirs koſten/ er-
fahren haben/ war ein vmbkreiß in die fuͤnff vnnd
zwantzig Griechiſcher/ oder drey Teutſcher meilen
begriffen. Die Reben hiengen auch voller Trau-
ben/ daraus wir denn nicht Wein/ ſondern eitel ſuͤſ-
ſe Milch preſſeten.

Mitten in der Jnſel war ein Capell/ der Milch
Goͤttin Galathea des Nerei Tochter/ wie wir aus
einer ſchrifft verſtundē. Die zeit vber ſo wir daſelbſt
zubrachten/ hatten wir vnſer eſſen von dē Keßland/
vnd trunckē die Milch/ ſo wir von den Milchtranbē
kriegē/ dazu in dieſē Land/ ſagt man regierte die Kaͤß
Koͤnigin Tyro des Salmonei hinterlaſſene Toch-
ter. Welcher der Neptunus als ſeiner Bulſchafft
nach
[112] nach jhrem abſcheid dieſe ehr vnd herligkeit geguͤn-
net. Nach fuͤnff tagen die wir da blieben/ zogen wir
am ſechſten auff/ da daß Meer zwar ſtill/ vnd ein
gelinder Wind war. Amachten tage ſchifften wir
nicht mehr in dem Milchmeer/ ſondern gerieten in
ein ſaltzig vnd blaw Waſſer/ da ſahen wir Menſchē
aufflauffen/ vns durch aus gleich/ beydes an geſtalt
vnd groͤſſe/ außgenommen jhre Fuͤſſe/ die waren
von Korck oder Pantoffelholtz. Worumb ſie den
Korckfuͤſſer oder Phellopodes genant werden. Wir
verwunderten vns aber/ als wir ſahen das ſie auff
dem Waſſer ſtunden/ vnd nicht ſuncken. Giengen
auch zu vns/ vnd gruͤſſeten vns in Griechiſcher
ſprach/ ſagten/ daß ſie nach Phello jhrem Vater-
land reyſeten. Diß war eine Stat auff einem
ſehr groſſen vnd runden ſtuͤck Korck gebawet.

Das Ander Capittel/ wie Lucia-
nus in das Heidniſche Para-
diß ſchiffet.

WEJter hin nach der rechten Hand werts/
waren fuͤnff groſſe erhobene Jnſulen/ da
ein groſſes Fewr auffgieng. Die eine
ſo nach dem vor der theil vnſers ſchiffes werts/ lage/
war breit/ vnd etwas niedriger/ war wol fuͤnff hun-
dert Griechiſcher oder viertzehen Teutſcher meilen
noch
[113] noch von vns. Als wir nun nicht weit von dan-
nen kamen. Siehe/ da bließ vns ein wunderliebli-
ches vnd ſuͤſſes wolriechendes Luͤfftlein entgegen/
Eben wie der Hiſtorien ſchreiber Herodotus ſagt:
Daß in dem gluͤckſeligen Arabien wehe. Denn
eben ſolch ein geruch/ als Roſen/ Narciſſen/ Hya-
eynthen/ Lilien/ Veilen/ Welſch Heiderbeern/ oder
der Lorberbaum von ſich gehen moͤchten/ ſo ein ſuͤſſer
rauch wehet vns auch an/ vber dem geruch wir
vns denn freweten/ vnd hoffeten nach der groſſen
laſt vnd erbeit/ eine gute erfriſchung zu bekommen/
kamen auch unter deſſen bald hinan.

Daſelbſten wurden wir viel ſtiller vñ groſſer Ha-
fen/ auch helle vnd klare Bruͤnnlein gewar/ die ſich
mehlich alda ins Meer ergoͤſſen/ dazu ſchoͤne Wie-
ſen vnd Welder/ vnd darin liebliche Sangvoͤgel/ de-
rer etliche an dem Vfer herumb/ etliche aber auff
den Zweigen ſaſſen vnd ſungen. Vmb dieſen ort
war ein gelinde ſtille Lufft/ dauon liebliche geſunde
Windlein in die Welder herumb weheten/ vnd die
Vogel mit erregung vñ bewegung der gruͤnenzwei-
glein/ zu einem ſchoͤnen luſtigen vnd jmmerweren-
den geſang/ vnnd freuden geſchrey/ ermunterten.
Daß nicht anders erſchall/ als wenn einer in einer
Wildnuͤſſe mit Querpfeiffen vnd Seitenſpiel ſich
froͤlich machte.

Vber daß hoͤrten wir eine vermengte ſtim̃e/ doch
nicht wie ein tumult/ ſondern als in einem froͤli-
chen Gelag/ da einer pfeifft/ der ander lobetdas
werck/ der dritte dantzet nach der Cither oder
Pfeiff.

Diß geftel vns ſo wol/ daß wir alsbald
zu Land ſiegelten/ vnd als wir außſtiegen/ lieſſen
wir den Scintharum, ſampt zween vnſer Geferten/
im Schiff hinter vns. Wir aber/ in dem wir auß-
ſpacierten/ durch eine vberaus mit ſchoͤnen wolrie-
chenden Bluͤmlein bewachſene Wieſe/ kamen etli-
che Grentz Verwarer vnd Wechter/ die vns gefan-
gen nahmen/ mit eiteln Roſen Krentzen bunden/
(denn daß iſt bey jnen der groͤſte Band/) vnd zu dem
Landsfuͤrſten fuͤhrten.

Von demſelben aber/ die vns gefangen hatten/
verſtunden wir vnter wegens/ das diß der heili-
gen verſtorbenen Seelen Paradiß wehre/ vnd da-
ſelbſt regierte der Rhadamanthus aus Creta. Als
wir zu demſelbigen kamen/ waren wir vnter denen/
di[e] fuͤr Gericht ſtunden/ die vierten in der ord-
nung.

Daſelbſt war daß erſte Gericht vber dem Aiax,
des Telamonis Sohn/ ob man denſelben vnter die
tapffere wol verdiente Helden rechnen ſolte/ oder
nicht. Derſelbe aber ward verklagt/ daß er/ in dem
er abſinnig geworden/ jhm ſelber daß leben genom-
men
[115] men hette. Zu letzt aber/ da ſie weit vmbher ge-
rathſchlaget hatten/ deucht dem Fuͤrſten Rhada-
mantho rath ſein/ man ſolt jhn dem erfahrnen
Artzt Hippocrati hinthun/ das derſelbe jhm einen
ſoff mit Nieſewurtz eingebe/ vnd jhn alſo wieder zu
recht brechte/ vnd er hernach zu der Goͤtter Taffel/
erſtlich wenn er klug were/ gelaſſen wuͤrde.

Die ander ſache ſo vorbracht ward/ betraff Bu-
lerey/ ob nemlich der Theſeus oder der Menelaus,
ſo vmb die ſchoͤne Helena beyde geſtritten/ bey der
Helena ſein/ vnd bleiben ſolte. Da ſprach ſie der
Rhadamanthus dem Menelao zu/ der ſich wegen
jhres Eheſtandes in ſolche groſſe noth vnd gefahr
ehemals begeben hette. Dieweil der Theſeus doch
wol andere Weibs Perſonen/ als die Amazones
vnd des Koͤnigs Minois Tochter haben koͤnte.
Zum dritten ward gehandelt/ wer oben an ſi-
tzen ſolte/ Alexander Magnus, des Koͤnigs Phi-
lippi Sohn/ oder aber der Carthaginenſer
Kriegsfuͤrſt Hannibal. Vnnd ward geſchloſſen/
der Alexander were billig vorzuziehen/ ward jhm
auch bald ein Thron geſetzt/ zu negſt bey der Perſer
Koͤnig Cyro dem erſten des namens.

Zum vierten kamen wir fuͤr Gericht/ da fragt
er/ woher das wir lebendig an den heiligen ort an-
gelanget weren/ darauff wir alles nach der lenge
jhm erzelten.

Er hieß vns aber einen abtritt nchmen/ rath-
ſchlaget auch mit ſich ſelbſt/ eine gute weil/ vnd fra-
get ſeine Beyſitzer vnd Raͤthe/ was er mit vns an-
fangen ſolte. Es ſaſſen aber bey dieſem Gericht jhrer
viel/ vnd vnter andern von Athen der Ariſtides,
welchen ſie den Gerechten nanten. Nach deſſelben
gutduͤncken/ ſprach der Richter/ das wir erſt nach
vnſerm tod/ vnſern vorwitz/ vnd vnnuͤtzer Reyſen-
luſt/ zur ſtraff buͤſſen ſolten. Jtzund aber/ ſolt vns
ver guͤnnet ſein/ eine gewiſſe zeit in dem Land/ mit
vornehmen Leuten vmb zugehen/ vnd hernach wie-
der heim zu reyſen. Setzt vns aber ſieben Mond/
die wir daſelbſt verharren ſolten/ ehe wir von dan-
nen zoͤgen. Alſo bald fielen die Krentzbender von
ſich ſelbſt von vnſern Henden/ vnd wurden in die
Stad gefuͤhret/ mit den verſtorbenen Heiligen
mahlzeit zu halten.

Das Dritte Capittel/ von der
Stad im Heydniſchen Pa-
radiß.

DJE Stad aber im Paradiß/ iſt von lau-
term Golde/ vnd vmb vnnd vmb mit einer
Smaragden Mawer vmbgeben. Dieſe
Stad hat ſieben Thor aus vnd aus/ von einem
gantzen Cimetbret. Das Pflaſter aber der Stad
vnd
[117] vnd Bodem/ ſo weit er in der Stadtmawer beſchloſ-
ſen iſt/ iſt von lauter Elphenbein. Aller Goͤtter
Tempel aber vnd Kirchen/ ſein von koͤſtlichem durch-
ſichtigem Beryllſtein erbawet/ vnd viel groſſe ge-
waltige Altar ſein darin/ von eitel gantzen Veil-
braun Amethiſten ſteinen/ darauff ſie denſelbigen
Goͤttern jhre Opffer thun. Rings vmb die Stad
gehet ein Fluß/ von dē allerkoͤſtlichſten wolriechen-
den Salboͤle/ deſſen breite erſtreckt ſich/ in die hun-
dert lange Ellen/ iſt aber ſo tieff/ daß einer zur noth
darauff ich wimmen kan. Die Badſtuben in der
Stad/ ſind groſſe Gleſerne Heuſer/ welche mit ei-
tel Zimetrinden geheitzet werden. Fuͤr Waſſer ge-
brauchen ſie warmen Taw/ den ſie in ſonderlichen
Becken nach notturfft ſiehen haben. Zu Kleidern ge-
brauchen dieſer Stad Einwohner gar duͤnne/ durch-
ſichtige Roſenfarbe Spinneweben. Sie haben aber
keine Leibe/ man kan ſie auch nicht angreiffen vnd
betaſten/ denn ſie haben kein Fleiſch. Sondern ha-
ben nur eine bloſſe Figur vnd geſtalt/ damit ſie ſich
ſehen laſſen. Vnd ob ſie zwar ohn ein Leib ſind/ ge-
hen/ ſtehen/ bewegen/ vnd verſtehen ſie nicht deſto
weiniger/ hoͤren auch alles/ vnd reden/ vnd leſt ſich
nicht anders anſehen/ denn daß jhre bloſſe Seelen/
mit eines Leibes geſtalt vmbgeben/ herumb wande-
ren. Wer aber nicht darnach gegriffen hat/ der
gleubt nicht/ daß daſſelbe kein Leib ſey/ daß er geſe-
Q iijhen
[118] hen haat. Denn es ſein nur warhafftige klare/ vnd
nicht ſchwartztunckele ſchatten. Es wirt an dem ort
niemand elter/ ſondern in dem alter/ in welchem er
iſt hin komen/ darinne bleibt er.

Vber daß iſts alhie zu keiner zeit recht Nacht
oder rechter Tag/ ſondern es iſt allezeit gleich wie
in der demmerung/ wenn die Morgenroͤte her fuͤr
kompt/ vnd die Sonne jtzt auffgehen wil/ ein ſolch
Liecht iſt in dem Lande. Darumb ſie nur eine zeit
des jahres haben. Denn bey jhnen iſt jmmer
der Fruͤhling vnd Lentz. Vnd der Weſtwind wehet
nur allein. Jn allen oͤrten ſtehen allerley ſchoͤne
Bluͤmlein/ allerley gewechß/ vnd allerley arth
ſchoͤner Luſtleuben/ die Weinberge ſo da ſein/ tra-
gen jahrlich zwelff mahl/ alſo/ daß man alle Mo-
nat friſche Trauben hat. Die Granat Epffel aber/
vnd andere Epffel/ ſagten ſie/ trugen daß jahr drey-
zehen mahl. Denn in dem Monat/ den ſie Mino.
um heiſſen/ ſollen ſie zweymal truͤgen. An ſtat
des Korns/ tragen die Ehren oben der ſpitzen/ gantz
gebackene bereitete Brot/ nicht anders als ſchwem-
me.

Hin vnd wieder durch die Stad/ ſein fuͤnff vnd
ſechtzig vnd dreyhundert Bruͤnn. Vnd ſo viel Ho-
nig Bruͤnn/ koͤſtlicher Quellbruͤnnen in die fuͤnff
dundert. Aber dieſelben ſein ein weinig kleiner vnd
geringer.
[119] geringer. Dazu ſieben Milch Baͤchlein/ vnd acht
Weinfluͤſſe. Jhr Gaſtunge halten ſie fuͤrm Thor
auff einem ſchoͤnen Anger/ welchen ſie Elias Feld/
oder Campum Elyſium heiſſen. Diß iſt eine aus
der maſſen herrliche Wieſe/ gerings ombher ein lu-
ſtiger Wald/ mit allerley ſchoͤnen Bluͤmlein gezie-
ret/ der vmbgibet vnd vberſchattet die/ ſo darauff
Bancket vnd Gelag halten. Sie vnterſtrawen
aber/ vnd lagern ſich auff eitel wolriechenden Blu-
men. Alles was ſie zu jhrer Mahlzeit von noͤten
haben/ da dienen jhnen die Winde zu/ die wehen jh-
nen alles zu/ ohn daß ſie jhnen keinen Wein ein-
ſchencken/ daß ſie ohn das nicht von noͤten haben.
Denn rings vmb jrem Gelage herumb ſtehen groſ-
ſe Beume von durchſichtigem ſchoͤnem Glaſe ge-
wachſen. Dieſe Beume tragen zur frucht/ aller-
hand koͤſtlich vnd kuͤnſtlich formierte trinckgeſchir/
klein vnd groß. Das/ wenn ſich einer wil zu Tiſch
ſetzen/ nur hingreifft/ bricht eins oder zwey abe/ wel-
che jhm geluͤſten/ vnnd ſetzet ſie auff den Tiſch/ ſo
werden ſie bald des allerbeſten Weins voll/ das iſt
jhr trincken. An ſtat aber der Krentze/ kommen die
Nachtigaln vnd andere Sangvoͤgelein/ leſen aus
den beyliegenden Wieſen/ allerley wolriechende
Bluͤmlein zuſamen/ ſchwingen ſich mit einem froͤ-
lichen gefang vber ſie/ vnd ſtrewen die Bluͤmlein
auff der Geſte Heupter.

Was jhr ſchmieren vnd koͤſtliche Salben/ daß ſie
wolriechen/ anlanget/ geſchicht daſſelbe alſo: Es zie-
hen ſich etliche dicke Nebel vber die Wieſe heruͤber/
die nehmen allerley oͤel vnd Salben/ aus gedach-
ten Brunnen vnd Fluͤſſen an ſich. Aus welchen
der Wind mehlich etwas druckt/ daß wie ein duͤn-
ner Taw auff ſie herunter fellet.

Vnter eſſens aber/ gehē ſie mit der Muſica vnd ge-
ſang vmb. Am meiſten aber/ werden geſungen des
Heydniſchē Poētē oder Reimdichters Homeri Grie-
chiſche verßlein. Der auch ſelbſt bey jnen gegenwer-
tig iſt/ mit jnen Tafel helt/ vñ allezeit vber dem Vlyſ-
ſe oben an ſitzet. Es halten auch die jung Geſellen
vnd Jungfrawen jre Tentze/ welcher Meiſter/ Vor-
tentzer vnd Spielleut ſein/ der Eunomus vnd Lo-
cris, Arion von Leſbus, Anacreon vnd Steſicho-
rus/ denn deſſelben ward ich daſelbſt auch gewar/
vnd vernam/ das er mit der Helena nun verſoͤh-
net war.

Wenn die Singer auffhoͤren/ kompt der ander
auffzug. Nemlich/ Schwanen/ Nachtigalen vnnd
Schwalben. Wenn die zu ſingen anfangen/ ſo
klinget Bergk vnd Thal vber all/ vnd bleſet jhnen
der Wind/ der jr gehuͤlff vnd Capellmeiſter iſt/ lufft
zu. Daß iſt aber jhr groͤſter vortheil/ zu jhrer
freude vnd wonne/ daß neben jhrem gelage zween
klare Bruͤnnlein ſein/ ein Lachelbrunn/ vnd ein
wolluſt-
[121] Wolluſtbrunn. Aus dieſen Bruͤnnlein/ thut ein
jeder zu anfang der Mahlzeit einen trunck/ vnd
bringen alſo die folgende zeit/ mit lachendem Mun-
de vnd froͤligem Hertzen zu.

Das Vierte Capittel/ von den Heyd-
niſchen Heiligen/ in der Heyden
Paradiß.

JCH wil auch etwas von den vornehmen
Leuten erzehlen/ die ich daſelbſt geſehen habe.
Zwar eitel Halbgoͤtter/ vnd ſolche Leute vnd
Helden/ die vor Troia mit gelegen/ biß auff den
Aiacem von Locris. Denn man ſagt derſelbe wuͤr-
de in der Gottloſen verdamniß allein gemartert.
Jch ſahe aber/ von den außlendern/ beyde Perſer
Koͤnige Cyros genant. Vnnd der Schuͤtzen oder
Scyther Koͤnig Anachartin. Der Thracer Zamol-
xin, der Roͤmer Numam: Lucurgum von Spar-
ta/ Phocionem vnd Tellum von Athen/ Perian-
drum vnd alle andere gelehrte weiſe Leute bey jnen.
Ja ich habe auch geſehen/ den Soctatem des So-
phron iſci Sohn/ der ſaß vnnd ſchwatzte mit dem
Neſtore vnd Palamede. Bey jhm waren der ſchoͤ-
ne Hyacinthus von Lacedemon/ Na[r]ciſſus von
Theſpis, Hyllas vnd andere ſchoͤne Knaben.

Vnd mich deucht/ das er den Hyacinthum auff
einer ſeite lieb hatte/ das ich denn aus vielen v[r]ſa-
ch[e]nabnam Man wolt ſagen der Lands fuͤrſt Rha-
damanthus hette ein Has auff jhn geworffen/ jhm
auch etlicher maſſen gedrewet/ wo er die thor heit
nicht wuͤrde nachlaſſen/ vnd ſein Brot ohn tock-
meuſerey eſſen/ er wolte jhn aus der Paradiß Jnſel
verweiſen.

Der Plato allein war nicht zu Hauß/ ſondern
man ſagte/ er wohnete in ſeiner Stadt/ die er geba-
wet hette. Da er auch ſolch ein Regiment hielte/
vnd ſolch geſetz gebe/ wie er ſie vorzeiten geſchrieben
hette.

Allen andern wurden bey dieſem Volck vorge-
zogen/ der Ariſtippus vnd Epicurus, weil es gute
luſtige froͤliche Weindroſſeln vnd Schluckbruder
waren. Sie hatten bey ſich fuͤr/ einen Geck vnnd
kurtzweiligen Rath/ den Æſopum aus Phrygia.
Aber der Diogenes Synopenſis war von ſeiner wei-
ſe ſo gar weg kommen/ das er die offentliche Hure
Laidem zum Weibe genommen. Sich jmmer voll-
ſoff/ vnd vnuermuthlich wieder auffſtand/ tantzte
ſprauck vnd jauchzete. Von den Stoicis war noch
keiner ankommen. Denn die ſag gieng/ das ſie da-
mals noch allezeit nach der rechten hoͤchſten ſpitz
des Tugendberges forſcheten/ vnd hinan ſtiegen.
Vom
[123] Vom Cryſippo hoͤrten wir/ er durfft nicht the in
die Jnſel anlangen/ er hette denn ſein Gehirn vor
zumvierten mal mit Nieſewurtz wol purgiert. Man
redte dauon/ die Academici wurden bald ankom-
men/ aber ſie enthielten ſich noch ein weil/ vnd het-
tens in bedencken genommen. Denn ſie es noch
nicht gnug vernehmen/ vnd ſich einbilden koͤnten/ ob
ſolch ein Jnſel were oder nicht. Aber/ wie ichs da-
fuͤr halte/ ſchewen ſie des Rhadamanthi vrtheil.
Dieweil ſie hetten die Weltlichen Gericht abthun
helffen/ wiewol daß geſchrey gieng/ es wehren jh-
rer viel dazu angereitzet/ das ſie denſelben folgen
ſolten/ ſo vorhin gereiſet weren. Aber dieſelben we-
ren fuͤr faulheit zu trage worden/ vnnd hetten ſie
nicht er holen koͤnnen. Sondern weren mitten aus
der reyſe zu ruck gangen.

Vuter denen aber/ die da waren/ waren dieſe
vorgenanten/ die vornembſten. Fuͤr allen andern
hielten ſie auch den Held Achillem, vnd negſt jhm
den Theſeum in groſſen ehren.

Was die Bulerey vnd Venus ſachen betrifft/ le-
gen ſich Manne vnd Weiber offentlichen zuſamen/
vnd laſſen alle mit zu ſehen ohne ſchew/ achtens
auch gar fuͤr keine ſchande. Nur allein vorge-
dachter Socrates ſchwur hoch vnd thewer/ er lebe in
groſſer keuſchheit vñ zucht/ mit ſeinen jungen Leutē/
R ijda ſie
[124] da ſie doch alle wol wuſten/ das er falſch ſchwure/
vnd der Hyacinthus vnd Narciſſus alles bekanten/
er aber alles leugnete.

Die Weiber ſein frey in gemein/ vnd verguͤnnet
keiner ſeine einem andern/ vnd ſein zwar desfals
ſehr gute Platonici. Wenn auch die Weiber der
jungen Geſellen begehren/ wird jhnen nichts ver-
ſagt.

Jch war aber kaum zwey oder drey tage da ge-
weſen/ da gieng ich zum Poeten Homero, denn wir
hatten beyde domals nichts ſonderlichs zu thun/
vnd fraget jhn vmb viel ſachen/ vnd vnter andern/
woher er doch buͤrtig were/ ſagte zu jhm/ daß ſolchs
bey vns/ noch auff den heutigen tag in groſſem
zweiffel ſtuͤnde? Darauff er mir antwortet/ er wuͤ-
ſte es ſelber nicht. Denn etliche ſagten/ er were
aus Chio, etliche aus Smyrna, etliche aus Colo-
phone, er gleubte er were von Babylon. Dieweil
in ſeine Landsleute nicht Homerum, ſondern Tigra-
nem genant hetten. Dieweil er aber bey den Grie-
chen/ fuͤr ein Geyſel verſatzt were/ hette er ſeinen
Nahmen verendert.

Hernach fragte ich/ oh auch die Verß/ ſo zu vnſer
zeit verworffen wuͤrden/ ſeine weren/ oder nicht?
Er aber antwortet/ ſie weren alle ſein. Als ich daß
hoͤrete/ muſt ich warlich des Zenodoti vnd Ari-
ſtarchi,
[125]ſtarchi, des Griechiſchen Schulmeiſters lame
zoten vnnd grundloſe ſpitzfindigkeit verwerf-
fen.

Da er mir nun diß weitleufftig gnug vorge-
ſchwatzet/ fraget ich wiederumb/ warumb das er
ſein Buch vom zorn hette angefangen? Ey/ ſagt
er/ weil mirs ſo in den Sinn kam. Denn ich auff
meine ſachen nie keinen ſonderlichen fleiß an-
wante.

Endlich wolt ich auch daß wiſſen/ ob er ſein Buch
von Vlyſſe/ wie es jhrer viel dafuͤr halten/ ehe ge-
ſchrieben hette/ denn daß vom Troianiſchen Krie-
ge. Dazu er durchaus nein ſagte. Ob er aber blind
were geweſen/ das ſie auch von im ſchreiben/ durfft
ich nicht fragen/ dieweil ichs augenſcheinlich an-
ders befand. Dergleichen fragen bracht ich offt/
wenn ich ſahe/ das er meiner gewarten koͤnte. Wenn
ich aber zu jhm gieng/ vnd zu fragen anfieng/ ant-
wortet er mir fein auff alle ſachen/ vnnd ſoͤnderlich
als er ſeine ſachen erhalten vnnd gewonnen hatte.
Denn der heßliche Therſites hette jhn verklaget/ er
hette jhn geſchendet vnd geſchmehet in ſeinem Bu-
che. Welche klage der Vlyſſes wiederlegt/ vnd dem
Homero die ſach erhalten hette.

Vmb dieſe zeit kam auch auffgezogen/ der Pytha-
goras von Samo, der ſich gantzer ſiebenmahl ver-
wandelt hatte/ vnd in ſo viel Thieren hin vnd wie-
R iijder
[126] der gelebet/ vnd ſeiner Seelen jrrige walfart ein-
mal herumbracht hatte.

Seine rechter ſeiten war lauter Gold. Vnd ward
beſchloſſen/ er ſolt in jhr mittel auff vnd an genom-
men werden. Man zweiffelt aber noch/ ob er Py-
thagoras oder Euphorbus ſolte genant werden.

Empedocles aber kam an/ halb gebraten/ vnnd
mit dem gantz geſottenem leibe/ ward aber nicht
angenommen/ ob er gleich viel bat/ vnd darumb an-
ſuchet.

Das Fuͤnffte Capittel/ vom Kampff-
ſpiel vnd Kriegen der Hel-
len.

NAch langheit der zeit aber/ ſolt ein offent-
lich Streitſpiel vnd Fechtſchuel gehalten
werden/ daß ſie Thanatuſia oder Todten-
tantz heiſſen. Welches zum fuͤnfften mahl der A-
chilles angerichtet hatte: Theſeus aber ſiebenmahl.
Was ſich darin alles zugetragen/ wuͤrde allhie zu
lang zuerzehlen ſein.

Jch wil jtzt eine kurtze Summa/ vnnd die vor-
nembſte ſtucken der ſachen erzehlen. Allhie gewan
mit Ringen der Carus, der es mit dem Hercule
hielt/ vnnd mit dem Vlyſſe vmb den Krantz ſtritte.
Die
[127] Die Fechter waren einer dem andern wol gewach-
ſen/ das keiner dem andern nichts abhaben koͤnte/
als nemlich/ Arius aus Ægypten, der zu Cormth
begraben ligt/ vnnd der Epius, die fuͤr ſich ſelſt ei-
nen gang mit einander thaten. Denn bey jhnen
hat der/ wer auff der Fechtſchuel die vberhand
hatte/ keine verehrung. Wer im Wetlauff den
platz behalten/ iſt mir entfallen. Vnter den
P[o]eͤten/ damit ich die warheit ſage/ ob der Home-
rus gleich weit vortrefflicher war/ gewan den-
noch der Heſiodus Dieſer allen/ ſo gewunnen/
lohn/ war ein Krantz von ſchoͤnen Pfawenfe-
dern.

Wie diß Kampffſpiel jtzt vollendet war/ kam
ein elende Poſt/ es hett ſich das Gotloſe Hellgeſind-
lein/ mit gewalt aus jhrer ſtraff vnd banden loß ge-
brochen/ Die Wacht abgetrieben/ vnnd keme mit
groſſem hauffen/ die Jnſel zu vberfallen.

Jhre Oberſten vnd anfuͤhrer weren/ der Phala-
ris von Agrigent. Buſyris aus Egypten/ der Diome-
des aus Thracia, der Sciron vnnd Pityocamptes.
So bald der Rhadamanthus diß vernommen/
macht er ein Schlachtordnung von ſeinen Helden/
ſtellet dieſelben an das Vfer. Welcher Kriegs-
oberſten waren/ Theſeus, Achilles vnd Aiax Tela-
monius, der jtzt aller erſt zu ſeinem voͤrigen
ver-
[128] verſtand kommen war. Zoͤgen derwegen zuſamen/
vnd als daß treffen angieng/ vnd ſie vnter einander
vermenget wurden/ erhielten die gedachte Helden
die Schlacht. Vnter welchen in ſonder heit der A-
chilles ſich tapffer vnd Ritterlich gehalten hatte.

Ja der Socrates hatte ſich auch friſch gewehret/
weil er forn im rechten Fluͤgel verordnet war. Vnd
hat ſich allhie viel tapfferer getummelt/ denn als
er bey Delo in der Schlacht geweſen. Denn als-
bald der Feind angetreten/ iſt er nicht ein Fußbreit
aus ſeiner ſtet gewichen/ ſondern jhn mit vnerſchro-
cken Geſicht begegenet/ biß er jhnen daß weiß in den
Augen ſahe/ vnd tapffer drauff ſchlug. Jſt jhm
derwegen zur verchrung zugeſtelt/ ein herrlicher
Paradißgarten vor der Stad gelegen. Darin er
ſeine Freunde vnd bekanten zuſamen fordert/ jhnen
etwas vorlaß/ vnd mit jhnen diſputirete/ vnd nan-
te es der Todtenſchuel oder Necracademiam. Sie
namen aber die gefangene vnd vberwundene/ bun-
den ſie/ vnnd ſchickten ſie wieder an den orth der
Quall/ das ſie hinfort deſto herter vnd hefftiger ge-
ſtraffer wurden.

Dieſen Krieg hat der Homerus beſchrieben/ vnd
mir/ wie ich von jhm zog/ ein exemplar verehret/
das ich zu den Leuten in dieſer Welt mit mir neh-
men ſolte. Aber ich habe daſſelbig vnterwegens mit
viel andern koͤſtlichen ſachen verlohren. Das Buch
fieng
[129] fieng auff Griechiſch alſo an: Nun ſoltu Muſa
mir vermelden/ Den Krieg der verſtorbenen Hel-
den.

Da ſie nun Bonen gekocht hatten/ welches ſie
fuͤr einen vblichen gebrauch haben. Wenn ſie daß
Feld vnd Sieg behalten/ vnd jhre Siegfeſt feireten.
War der Pythagoras allein nicht dabey/ ſondern
ſaß von ferne vnd hungerte. Dieweil er fuͤr den
Bonen ein eickel vnd abſchew hatte.

Das Sechſte Capittel/ von vrſachen
des abzoges/ aus dem Heydniſchen
Paradiß.

NAch ſechs Monden mitten im ſiebenden/ ha-
ben ſich newe jachen begeben/ der Cymrus
vnſers Scinthari Sohn/ ein feiner ſtarcker
ſchoͤner Geſell/ war gegen die ſchoͤne Helenam, ein
gerauwe zeit in groſſer lieb entbrant/ vnd die He-
lena ließ ſich auch oͤffentlich mercken. Denn ſie
denſelben Juͤngling ſo hinwieder liebte/ das ſie bald
nerriſch druͤber worden were. Denn ſo offt ſie vber
Tiſch in Gaſtungen ſaſſen/ winckten ſie ohn vnter-
laß einer dem andern/ truncken einander zu/ ſtun-
den auch bißweilen allein auff von der Taffel/ vnd
wanderten mit einander in den Wald. Biß end-
lich der gute Cinyras fuͤr lieb vnd vngeduld mit
Sſich
[130] ſich beſchloſſen/ er wolte ſie heimlich dauon fuͤhren.
welches ſich denn die Helena wolgefallen ließ/ da-
mit ſie in der beyligenden Jnſeln/ eine nach Phello
oder Thyroëſſa kommen moͤchten. Namen auch
zu dieſem jhrem vorhaben zu rath/ drey geſchwor-
ne verwegene Tropffen aus vnſer Geſellſchafft.

Diß hat er aber feinem Vater nicht offenbaret/
dieweil er wuſte/ das jhn derſelb offtmals dar-
umb vbel empfienge. Derwegen/ wie ſie fuͤgli-
che gelegenheit bekommen/ richten ſie jhr vorha-
ben zu werck. So bald es Nacht ward/ kommen
ſie heimlich ohn jemands wiſſen/ nehmen die He-
lenam zu ſich/ vnnd machen ſich eilend in der zeit
dauon. Jch aber war nicht bey wege/ ſondern
ſaß beim Wolleben/ vnnd war daruͤber einge-
ſchlummert. Jhr Eheman aber Menelaus, wie er
vmb Mitternacht erwacht/ vnd das Bett ledig fin-
det/ ſein Weib nirgend ſiehet/ fenget an zu ruſſen/
nimpt alſo bald ſeinen Bruder zu ſich/ zeucht
mit demſelben alſo bald zum Koͤnige Rhadaman-
tho.

Des Morgendes fruͤe/ als der Tag anbrach/
ſagten die Kundſchaffer/ man ſehr von fernen ein
Schiff ſtehen. Darauff nam der Rhadamanthus
funfftzig tapffere Helden/ ſatzte ſie in ein new von
dem beſten Aſphodel Holtz erbawetes Schiff/ vnd
befahl/ das ſie jhnen eilend nachjagen ſolten/ die
ſich
[131] ſich denn an die Ruͤder mit macht legten/ in groſſer
eyl vort trieben/ vnd vmb den Mittag ſie bekamen/
da ſie bereit in dem Milchmeer (dauon zuuor ge-
ſagt) geſiegelt hatten/ nicht weit von dem Kaͤßland
Tyroëſſa. Denn ſo weit waren ſie fort geeylet/
vnd bald dauon entwiſchet.

Bunden alſo die Schiff mit jhren Roſen Ketten
aneinander/ vnd namen ſie mit zu ruͤck/ da wei-
nete die Helena, vnnd ſaß mit verhuͤlletem Ange-
ſicht/ durfft keinen ehrlichen Menſchen anſe-
hen.

Der Koͤnig Rhadamanthus aber/ (als er denn
Cynarum mit fleiß außgefraget/ vñgeforſchet hat-
te/ ob auch andere mit in ſeinem Rathſchlag gewe-
ſen weren/ vnd er antwortet/ keiner) ließ jn an
ſeine Scham mit den Roſen Ketten binden/ vnnd
nach dem er jhn mit Pappelſtengeln wol gegeiſ-
ſelt hatte/ ſandte er jhn in die Helle zu den ver-
dawpten Boͤßwichtern/ wurden auch eins/ man
ſolt vns fuͤr zugeſagter zeit/ aus dem Land abſchaf-
fen/ konten aber folgenden tag noch da verharren.
Das mich denn ſo verdroß/ das mir die Augen
vbergiengen. Dieweil ich aus dieſem gluͤckſeli-
gen Paradiß hinweg/ vnnd ferner hin vnnd wie-
der jrre fahren ſolte. Sie aber troͤſteten mich/
ſprachen/ es wuͤrde nicht lange weren/ ſo wuͤr-
de ich wieder bey jhnen ſein. Zeigeten mir
S ijauch
[132] auch zur ſtund ein ſchoͤnen ort/ da viel guter Leut
vnd Nachbar als denn bey mir ſein ſolten. Jch gieng
aber zu dem Rhadamantho, bat jhn mit viel wor-
ten/ er wolte mir ſagē/ was mir kuͤnfftig zu handen
kommen ſolte/ vnnd mir anzeigen/ wie ich meine
Schiffart wol vnd zum gewuͤnſcheten ende brechte.
Er aber antwortet/ ich wuͤrde zwar endlich wieder-
umb in mein liebes Vaterland ankommen. Aber
es wuͤrde mir mancher ſaurer Wind zuuer in die
Naſe wehen. Jch wuͤrde weit jrre fahren/ vnd al-
lerley gefahr außſtehen.

Die zeit aber/ wenn ich wiederumb heim komen
wuͤrde/ wolt er nicht dazu ſetzen. Sondern zeigte
mir die benachbarte Jnſeln/ deren konte man nur
fuͤnff ſehen/ vnd von ferne die ſechſte: Dieſe beylie-
gende Jnſeln/ drauff du daß groſſe fewer ſichſt bren-
nen/ ſprach er/ ſein der vnſeligen vnnd verdampten
Menſchen Lender. Jn der ſechſten aber/ iſt der treu-
me Stad. Hinder derſelben iſt auch der Callipſo
Jnſel/ dieſelbe aber/ kanſtu ſo weit hie noch nicht ſe-
hen. Wenn du nun fuͤr dieſen/ ſo ich dir gezeiget/
vberfehreſt/ wirſtu in ein groß feſt Land kommen/
daß gerade gegen dieſem vnſerm Land vberliegt/ da
wirſtu viel leiden muͤſſen/ fuͤr mancherley Volck v-
berziehen/ vnnd durch manch wuͤſte/ wuͤnderliche
Wilde Leute vnd oͤrter durchreyſen/ endlich aber
wirſtu
[133] wirſtu in das ander Land kommen. Als er diß mit
mir geredet hatte/ reiß er ein Pappeibuſch aus der
Erd/ gab mir die Wurtzel dauon/ vnd ſagt/ ich ſolte
dieſelbe in meiner groͤſten noth ehren vnnd anbeten.
Vermahnet mich auch das/ ſo fern ich jemals an
dieſen ort wiederumb kommen wolte/ ſolt ich mit
keinem Schwert ins fewer ſtechen/ keine heiſſe Bo-
nen eſſen/ auch mit keinem jungen Megdlein/ das
nicht vber achtzehen jahr alt were/ Bulen. Wenn
ich dieſes eingedenck were/ duͤrfft ich wol hoffen/ daß
ich wiederumb in dieſe Jnſel kommen wuͤrde.

Als ich diß hoͤrete/ ruͤſt ich erſt zu/ was zur
Schiffart von noͤten war/ vnd als es vmb die zeit
war/ hielt ich mahlzeit mit jhnen. Folgendes tages
hernach/ gieng ich zum Poeten Homero/ bat denſel-
ben/ er moͤchte mir ein pahr Griechiſche verß oder
Reimlein zum anſchlag/ auff meinen abzug ma-
chen. Welches als ers thate/ ſetzte ich ein Beryl-
len Seule fuͤr den Schiffhagen auff/ vnnd ſchrieb
ſie daran. Diß aber war derſelben verß mei-
nung:

Das Siebend Capittel/ der auffzug
aus dem Heydniſchen Paradiß zu
der Helle.

JCH blieb denſelben Tag noch da/ vnd mach-
te mich den andern Tag dauon. Da mir
denn viel fuͤrtreffliche Helde das geleite ga-
ben. Vnter andern kam auch der Vlyſſes/ ohn der
Penelope wiſſen/ vnnd gab mir Brieffe an die Ca-
lypſo in der Jnſel Ogygia. Es ſchickt auch der Rha-
damanthus ſeinen ſchiffman Nauplium mit vns/
daß/ wenn wir jrgend wo zu Land anſchluͤgen/ vns
niemand gefehrte/ ſondern als Kauff vnd Handels-
Leute frey paſſiren lieſſe.

Als wir nun aus der woltiechenden Lufft hin-
aus kamen/ fuhr vns als bald ein grewlicher heß-
licher ſtanck entgegen/ nicht anders/ als wenn
man Erdpech/ Schwefel vnnd Theer mit ein ander
brennete. Vnd war ſo ein ſtarcker abſchewlicher
vntreglicher ſtanck/ als wenn man die Zeuberhu-
ren ſchmeucht vnd verbrennet. Die Lufft war auch
tunckel vnd finſter/ vnd triefft ein ſchwartzer heiſſer
Pechtaw von oben herunter. Ja man konte eigent-
lich hoͤren die ſchlege/ vnd geiſſelſtrich/ auch vieler
Menſchen Heulen vnd Zeenklappen/ paſſierten alſo
die andern fuͤr vber. Jn der aber/ in die wir außſtie-
gen/
[135] gen/ hatte es die gelegenheit: Es war allenthalben
rund vnnd gehling hinan zu ſehen verbrant/ von
Kllppen vnd Felſen rauch vnd ſcharff/ vnd weder
Baum noch Waſſer drinnen.

Wir krochen aber nichts deſto weiniger die ge-
hen Felſen hinan/ vnnd durch den vngehewren
Dornhatten hegken wegk/ hindurch biß in das vn-
fletige Land. Jn dem wir aber an die Gefengniß/
vnd Gerichtsſtat kamen/ verwunderten wir vns
erſtlich vber deſſelben orts art/ vnd wunderliche Na-
tur. Denn der Bodem war vberall mit Schwer-
tern vnd Dolchen bewachſen/ vmb welchen zween
Fluß herumb giengen/ einer von Schlam vnnd
Dreck/ der ander von Blut. Vnd vber dieſe/ war
noch ein ander Fewrfluß/ groß vnd grundlos/
floß gleich wie Waſſer/ vnd beweget ſich/ wie das
Meer. Welches Fewrwaſſer viel vnd eine groſſe
mennige Fiſche hatte/ deren etliche außſahen/
wie Feurbrende. Die kleinen aber/ wie gluͤende
Kohlen/ die ſie Lychniſcos oder Liechtdochtlein
nennen. Durch dieſen Fluͤſſen war ein kleiner
enger eingang/ an welchem als ein Pfoͤrtner
auffwarten muſte der Leutſchewige Timon von
Athen. Als wir aber dennoch hinein kamen mit
vnſerm vorgenger Nauplio, ſahen wir die/ ſo
in der helliſchen Marter vnd Plage waren. Vnter
denen
[136] denen viel Koͤnige/ viel gemeiner Leute weren/
deren wir etliche wol kanten. Wir ſahen auch vn-
ter andern vnſern Geſellē Cynirum beim ſchwantz/
auff gut Norwegiſch/ im Rauch hengen.

Wenn auch dieſelben/ ſo vns hinein fuͤhreten/
vns jemand zeigeten/ erzehlten ſie zugleich/ wie er
ſein leben gefuͤhret/ vnd warumb er dermaſſen ge-
ſtraffet wuͤrde.

Die allergroͤſte marter aber/ muſten die außſte-
hen/ ſo bey jhrem leben jemand belogen hatten/ vnd
die lauter warheit nicht in jren ſchrifften behalten.
Vnter welchen auch der Cteſias von Cnido war/
vnd der Herodotus ſampt andern vnzehligen.

Als ich die ſahe/ frewet ich mich/ das ich noch
gute hoffnung hette/ Dieweil ich mich keiner luͤgen
ſchuͤldig wuſte. Machte mich auch alſo bald wieder-
vmb ins Schiff/ dieweil ich den jam̄er nicht lenger
anſehen konte/ vnd nach dem ich von dem Nauplio
vrlaub genommen/ ſchied ich von dannen.

Das Acht Capittel/ von der Treu-
me Jnſel.

KVrtz hernach ſahen wir nicht gar weit da-
uon/ der Treum Jnſel/ welches ein tunckel
Land iſt/ alſo/ das mans genaw recht er-
kennen mag. Vnd ließ ſich anſehen/ als wenn das
Land
[137] Land auch wie ein Traum were/ denn je neher wir
hinan kamen/ je weiter es ſich zu ruͤck gab/ biß wir
endlich mit gewalt hinan ruͤcktē/ vnd in den Hafen/
den ſie den Schlaff nennē/ anzogen/ vnd ſtiegen bey
dem Elphenbeinen Thor/ bey welchen des Hanen
Tempel iſt/ am ſpeten Abend zu Lande. Da wir nun
ins Thor hinein giengen/ ſahen wir viel vnd man-
cherley Treume. Jch wil aber vor allen dingen zu
erſt von jrer Stad etwas vermelden/ ſintemal von
derſelben niemand jemals geſchrieben hat/ ohn der
Homerus erwehnt jhrer an einem ort/ beſchreibt ſie
doch nicht fleiſsig vnd eigentlich.

Jn dem vmbkreis der Stad/ liegt allenthalben
ein gruͤner Wald/ darin eitel hohe Monbeum vnnd
gewaltige Alraunen ſein. Auff welchem eine groſ-
ſe macht Fledermeuſe ſitzen. Denn in dieſer Jnſel
wird der Vogel allein gefunden. Daneben fleuſt
ein waſſer genant Nyćtiporus oder Nachtfluß. Fuͤr
den Thoren ſtehē auch zween Beume/ des einē Nam
iſt Negretus, Suͤßſchlaff/ des andern Pannychia,
Gantznachtſchlaff. Die Stadmawer iſt ſo hoch/
bunt vnnd ſeltzam von Farben/ einem Regenbogen
nicht vngleich. Es ſein nicht allein zwey Thor/ als
Homerus meinet/ fondern vier. Denn zwey ge-
hen hinaus nach dem Weichfeld/ deren eines iſt
von Eiſen/ das ander von Thon. Dadurch ſagten
ſie/ wurden die grewliche vnd erſchreckliche Treu-
Tme aus
[138] me aus vnd eingelaſſen. Die zwey andere aber
nach dem Hafen werts/ da die Schiff ſtunden/ vnd
nach dem Meer gewand waten/ eins von Horn/
das ander/ dadurch wir hinein giengen/ von El-
phenbein.

Wenn man in die Stad hinein kompt/ iſt zur
rechten Hand der Goͤttin/ die Nacht genant/ Tem-
pel. Denn dieſelbe Goͤttin vnd den Haußhanen/
ehren ſie fuͤr allen andern Goͤttern am meiſten.

Dem Hanen haben ſie auch bald am Schiffha-
fen/ wie zuuor geſagt/ eine Capell gebawet Auff
der linckē ſeite/ iſt des Schlaffs Koͤnigliche Schloß
vnd Pallaſt. Denn derſelbige hat das Regiment
in der Jnſel. Hat aber zu Herren vnnd Heupt-
leuten gemacht/ den Taraxion oder Schreckman
des Nertiſchen Matæogenis Sohn/ vnd neben jhn
dem Plutoclem oder Ruhmreichen des Fantaſti-
ſchen Phantaſionis Son. Mitten auff dem Marckt
aber/ ſtehet ein Brunn/ den ſie Careotin oder
Schwerkopff heiſſen. Zu negſt dabey liegen zwo
Kirchen/ eine der Goͤttin des Betrugs: Die ander
der Goͤttin der Warheit geſtifftet. Darin denn ge-
melte Goͤttinnen jhre eigen Heiligthumb/ Sarri-
ſten/ Oraculum vnd Weiſſagung hatten/ nach wel-
chen der Traumgerk Antipho Propheceyte. Der
mit dieſem Ampt vnd Ehr vom Schlaff Koͤnig be-
gabt war.

Aber der Treume Natur/ geſtalt vnnd form/ iſt
nicht einmal wie daß andermal. Denn etliche
waren lang/ ſchōn vnd lieblich: Etliche aber/ kurtz
vnd heßlich: Etliche waren auch eitel Guͤlden/
wie mich deucht/ etliche garſtig vnd veracht.
Vnter andern waren auch etliche mit Fluͤgeln/
ſeltzam vnnd vngeſchaffen: Etliche aber/ als
zur Pracht/ ſtatlich heraus geputzt. Als nach
der Kōnige/ Gōtter/ oder dergleichen geſtalt ver-
kleidet. Ja wir erkanten vnter jhnen auch
etliche/ die wir ehemals bey vns geſehen hat-
ten.

Es kamen auch etliche zu vns heran/ gruͤſſeten
vns/ als wenn ſie lang mit vns vnd in vnſern Heu-
ſern vmbgangen/ vnd wol bekant weren. Dieſel-
bigen/ nach dem ſie vns wilkommen geheiſſen/
vnd in jhr Hauß gefuͤhret/ vnnd in einen ſanfften
Schlaff gebracht hatten/ tractierten ſie vns auffs
aller herrlichſte/ prechtigſte vnd zierlichſte/ loſier-
ten vns auch in einen ſtathlichen Saal. Verhieſ-
ſen vns/ ſie wolten Koͤnige vnd andere groſſe Her-
ren vnd Fuͤrſten aus vns machen. Jhrer etliche
namen einen iglichen aus vnſerm mittel/ fuͤhrten
jhn in ſein Vaterland/ zeigten jhm ſeine Haußge-
noſſen/ vnnd brachten jhn deſſelben tages wieder-
umb zu vns. Derwegen blieben wir dreiſsig Tag
vnd dreiſsig Nacht bey jhnen/ ſchlieffen vnd aſſen/
T ijvnd
[140] vnd waren luſtig. Endlich aber kam vber alles
vermuten/ ein erſchrecklich Donnerwetter/ mit ei-
nem groſſen krachen/ erſchreckt vns/ das wir er-
wachten/ vnd fuͤhren mit vollem Bauch dauon.

Das Neuude Capittel/ von der
Calypſo vnd andern.

VON dannen kamen wir am dritten Tage
in die Jnſel Ogygia genand/ da wir denn
auffs Land giengen. Daſelbſt brach ich erſt
des Vlyſſis Brieff auff/ vnd wolt ſehen/ was er ge-
ſchrieben hette. Diß war aber der inhalt:

Jch Vlyſſes wuͤndſch der Calypſo Gluͤck vnd
Wolfart.

Liebe Calypſo ich kan dir nicht verhalten/ das
nach dem ich von dir/ mit meinem von newen wol
zugeruͤſteten vnd verſorgtē Schiff/ erſtlich abegeſie-
gelt/ ſchiffbruch gelitten habe/ vnd mit genawer not
von Leucothea, biß an das Phæaciſche Land anko-
men bin. Deſſen einwohner auch mich alſo bald
nach Hauß haben fahren laſſen. Daſelbſt ich
denn viel gefunden/ die vmb mein Weib buleten/
vnd all mein Hab vnd Gut zu jhrer wolluſt miß-
brauchten. Als ich nun die alle mit gewerter Hand
erlegt hatte/ bin ich endlich von meinem Sohn Te-
logono,
[141]logono, den mir die Circe gebar/ jemmerlich da-
hin gerichtet. Jtzt aber bin ich in der ſeligen Hel-
den Jnſel vnd Land/ darin mich nichts ſehrer dau-
ret/ denn das ich hinfort nicht mehr nach vnſer
gewohnheit/ ſol bey dir ſein/ leben vnd vmbgehen/
vnd das ich die vnſterbligkeit von dir nicht anneh-
men wolte. So bald es aber je die gelegenheit geben
wird/ wil ich ſehen/ das ich heimlich dauon komme/
vnd zu dir hinuͤber fahre.

Diß war des Vlyſsis ſchreiben. Von vns aber
ſchrieb er/ das ſie vns Herberge bey jhr gōnnen
wolte.

Jch ſpacierte aber ein weinig vom Meer hin-
weg/ vnd fand eine Hoͤle/ gleich wie ſie Homerus
beſchrieben hat/ da traff ich die Calypſo an/ das
ſie da ſaß/ vnnd mit jhrem Spinwerck vmbgieng.
Nach dem ſie aber den Brieff empfangen hatte/
vnd vns zu ſich ließ. Fieng ſie zwar in der erſt heff-
tig an zu weinen. Hernach aber/ lude ſie vns zu jrer
Taffel/ tractieret vns auffs koͤſtlichſte/ fragte viel
vom Vlyſſe jhrem Bulen/ vnd Penelope ſeiner Ehe-
gemahlin/ wie ſie von geſtalt were: Ob ſie denn ſo
Keuſch wehre/ als der Vlyſſes vorzeiten von jhr ge-
ruͤhmet hette? Wir aber antworten jhr/ was ſie
gern hoͤren wolte. Vnd giengen wieder nach vnſerm
Schiff/ legten vns am Vfer nieder/ vnnd ſchlum-
merten ein weinig. Fruͤe Morgends aber/ als ein
T iijſtarcker
[142] ſtarcker Wind auffſtund/ machten wir vns wieder
dauon.

Endlich/ als wir zwey tag die groſſe Fortun vnd
Sturmwinde gehabt/ gerieten wir des dritten ta-
ges an die Seereuber Colocynthopyratas oder Co-
loquint, Schiffreuber genant. Diß ſein Wilde Leut/
die alle ſo aus den vmbliegenden Jnſeln dahin ſchif-
fen/ auffhalten vnd berauben. Sie haben groſſe
Schiff von lauter Kurbsſchalen gemacht/ wol ſechs
Ellen lang Denn ſie duͤrren die groſſen Kuͤrbsepffel
auff/ vnd wenn ſie hart gnug ſein/ nemen ſie die
Kernen vnd Fleiſch heraus/ vnnd machen jhnen
alſo Schiffe daraus/ darin ſie Maſtbeum haben
von groſſen Rohrſtengelen/ vnd Siegel von einem
Kuͤrbsblat. Dieſelbigen fielen mit zwo wolgeruͤſten
Schiff Armaden zu vns ein/ ſchlugen vnd ver wun-
deten vnſer viel/ wurffen mit den groſſen Kuͤrbsker-
nen/ als mit Steinen vnd Kugeln auff vns/ denn
ſie lieffen mehrertheils nahend auff vns.

Auff den Mittag aber ohn gefehr/ werden wir
gewahr/ daß die Caryonautæ oder Nußſchiffer hin-
der den Coloquintreubern heran kommen. Wel-
che jhre abgeſagte Feinde waren/ als wir nachmals
erfahren haben. Denn ſo bald ſie merckten/ das jre
Feinde verhanden/ lieſſen ſie vns paſſiren/ vnnd
wanten ſich zu jhnen/ vnd Kriegten mit den Schif-
fen gegen ein ander. Wir aber/ zogen vnſer Sie-
gel
[143] gel auff/ lieſſen ſich die mit einander ſchlagen/ vnd
ſiegelten in groſſer eil dauon. Man ſahe aber eigent-
lich die Nußſchiffer oder Caryonautæ wuͤrden
die vberhand behalten/ dieweil jhrer vngleich ein
groͤſſer anzahl war. Denn ſie hatten fuͤnff Schiff/
dazu waren jhre Schiff viel ſtercker vnd beſſer zum
anlauff verwaret. Jhre Schiff aber waren eine
groſſe Nußſchall mitten von ein ander geſchnitten
vnd außgeholet. Ein jeder Nußſchale aber/ war in
die funffzehen Ellen lang. Als wir vns nun fuͤr
dieſem Geſindlein aus dem ſtaub gemacht/ verbun-
den wir vnſere Geſellen/ ſo verwundet waren/ vnd
blieben in vnſer Ruͤſtung ſtehen/ dieweil wir vns
mehr gefahr befuͤrchten muſten/ vnd warlich nicht
vnbillig. Denn die Sonne war noch nicht vnter-
gangen/ da ſahen wir/ daß von einer wuͤſten Jnſel/
vber die zwantzig Kerles auff groſſen Meerſchwei-
n[e]n zu vns an geritten kamen/ die waren aber auch
Reuber/ welche die Delphinen ſtatlich daher tru-
gen/ ſprungen mit jnen/ vnd ſchrien wie die Hengſt.
Als ſie nun nahe bey vns kamen/ wurffen ſie mit
auffgeduͤrreten Blackfiſchen vnd Krebßaugen auff
vns zu. So bald wir aber anfiengen zu ſchieſſen
vnd zu werffen/ konten ſie nicht beſtehen/ ſondern
nach dem jhrer viel hart verwundet waren/ zogen
ſie wieder nach jhrer Jnſel zu.

Vmb Mitternacht aber/ da ſich kein Windlein
reget/ kommen wir ohn gefehr an eines groſſen
Halcyons, oder Eißvogels neſt/ Welches Neſt wol
in die ſechtzig Griechiſche oder zwo Teutſche meilen
vmbfangen. Es ſaß in demſelbē/ vnd auff ſeinen Ey-
ern ein Vogel/ der war nicht viel kleiner. Als der-
ſelbe aufflohe/ hatte er vnſer Schiff mit dem Wind/
den er mit den Fluͤgeln erreget/ bey nahe zu grund
getrieben. Er flog aber alſo dauon/ vnd rieff mit
kleglicher vnd erbermlicher Stim. Da es begun-
te tag zu werden/ ſahen wir das Neſt/ welches ſo
groß war/ als ein groß Seeſchiff am raum/ vō eitel
groſſen Beumē gemacht Es lagen auch Eyer drein/
deren ein jedes groͤſſer war/ denn ein ſechs Eime-
rich Weinfaß. Man kont auch die jungen allbe-
reit durch die ſchalen ſehen/ vnd ruffen hoͤren. Da
funden wir einen jungen Vogel drein/ noch ohn Fe-
dern/ der doch ſtercker war/ denn zwantzig Haſen-
geyer ſein moͤchten.

Das Zehend Capittel/ von der Schif-
fart vber die Beume vnd Wel-
der.

NAchmals da wir vber die zwey hundert
Griechiſcher oder ſechs Teutſche meilen
von dem Vogelneſt weg geſiegelt waren/
wie-
[145] wieder fuhr vns wunderbarliche vnnd ſeltzame
abenthewer. Denn daß Gaͤnßlein ſo wir zum zier
geſchnitzt vnd forn auffs Schiff geſatzt/ krieg rech-
te Fluͤgeln/ vñ fieng an zu ſchreyen. Der Steurman
Scyntharus/ welcher vorhin einen kalen Kopff hat-
te/ bekam in der eil lange Haar.

Vnd daß noch wunderlicher iſt/ fieng der Maſt-
baum an zu gruͤnen/ hatte Zweige vnd Fruͤchte oben
im Wipfel. Seine Fruͤchte waren Feigen vnd vn-
reiffe Weintrauben. Als wir dis vernahmen/
wuͤrden wir/ wie nicht vnbillich/ beſtuͤrtzt/ vnd
baten Gott den Allmechtigen/ er wo[l]te alles boͤſes
gnediglich von vns wendē. Wir waren aber noch
nicht 5. Griechiſcher meilen vortgefahren/ da ſahen
wir einen groſſen breiten Wald/ von Pinien vnd
Cypreſſen beumē. Das wir nicht anders gedencken
konten/ es muſte ein feſte Landt ſein/ Aber es war
ein abg[r]und/ darin man keinen bodem finden koͤn-
te/ welcher vberall mit Beumen bewachſen war/ die
keine Wurtzel hatten. Die Beume aber ſtuͤnden ge-
rade vnd ſtill/ nit anders/ als wenn ſie auff dē Waſ-
ſer ſchwummen/ in dem wir nun neher hinzu kamē/
vnd die gelegenheit beſahen/ zweiffelten wir daran
was vns zu thun were. Sintemal gefahr drauff
ſtund/ das wir durch die Beume durch fahren ſol-
ten/ inſonderheit/ weil ſie eng vnd nahend bey ein-
ander ſtuͤnden/ vnd man nicht leicht zu ruͤck komen
Vmoͤch-
[146] te. Stieg derhalben ich auff den hoͤchſten Baum/
zu ſchawen was da hinden gelegen. Daſelbſt ſahe
ich einen Wald der vber die 50 Griechſcher oder zwo
Teutſcher meilen/ oder ein weinig geringer ſich er
ſtreckt/ vnd das hinder demſelben Wald ein newer
See angieng. Da daucht vns rathſam zu ſein/ dz
wir das Schiff vber die Beume/ deñ ſie waren ſehr
dicke mit Laube bewachſen/ in die newe See brech-
ten/ wo es je muͤglich wehre. Das wir denn alſo
bald thaten. Denn wir banden dz Schiff in groſ-
ſe ſtricke/ vnd zogens hinauff auff die Beume/ mit
groſſer muͤhe vnd gefahr. Nach dem wirs aber auff
die zweige niederlieſſen/ ſpanneten wir vnſer Siegel
gleich als hetten wir im Meer geſiegelt/ vnd fuhren
dauon. Da gedacht ich an des alten Poeten Anti-
machi verß:

Das wir endlich vber den Wald hinuber ka-
men/ auff das klare vnd helle Waſſer/ auff welchem
wir den vnſern Curß weiter namen/ vnd vortſiegel-
ten. Bis wir gelangeten an ein gros loch/ ſo mit-
ten zwiſchen dem Waſſer war/ alſo/ das ſich dz Waſ-
ſer nach beyden ſeiten abgewand hatte/ nicht anders
deñ wie im Erdbihen groſſe loͤcher im Er dreich einzu-
fallen
[147] fallen pflegen. Vnſer Schiff aber ſiund alſo bald/
nach dem wir die Siegel niedergelaſſen hatten/ ſtil-
le. Wiewol es leicht geſchehen moͤgen/ das es vber
vnnd vber hinein geſtuͤrtzt wehre. Als wir aber
eigentlich zu ſahen/ wuͤrden wir gewahr/ das dieſel-
be Hoͤle vber die tauſend Griechſcher meilen in dem
Waſſer hingieng. Denn das Waſſer ſtund auff
beyden ſeiten/ als were es von einander getheilet.
Da wir vns nach der rechten Handt wandten/ ſa-
hen wir von fernen eine Bruͤcken/ da zwey Meer in
einander floſſen/ als ſichs anſehen lies. Ruderten
derwegen hinan/ vnd kamen mit groſſer muͤhe hin-
durch. Darnach kamen wir in ein ſtill vnd gelinde
Meer/ in dem eine kleine Jnſel lag/ dazu man mit ge-
ringer muͤh anfahren mōchte. Jn derſelben Jnſel a-
ber wohnen die Ochſen Koͤpffigte Bucephali, Wel-
ches ein wild Volck iſt mit Hoͤrnern/ gleich wie die
Poeten ſagen/ das ehemals dz wunderthier Mino-
taurus geweſen ſey. Wir aber ſtiegen daſelbſt auffs
Land/ Waſſer zu ſchepffen/ welches wir damals nit
viel vbrig im Schiff hatten. Fuͤnden auch daſſel-
be bald vorn am Lande. Vernahmen aber dennoch
nichts/ ohn das wir von fern ein gros Ochſen ge-
ſchrey hoͤreten. Da wir denn nicht anders gedachtē/
es wuͤrden eine herde Ochſen verhanden ſein/ ſo bald
wir aber hinan kamen/ warens ſonderliche Leute
vnd Voͤlcker. Welche/ ſo bald ſie vnſer inne wuͤrden/
V ijeileten
[148] eileten ſie vns nach/ nahmen vnſer drey Geſellen
gefangen. Wir andern aber lieffen nach dem Schiff
eilend zu/ ruͤſteten vns von ſtund an alle miteinan-
der zum ſtreit. Denn es vns nit billich ſein dauch-
te/ das wir vnſer Geſellen Blut vngerochen lieſſen/
vnd vberfielen dieſe Ochſen Koͤpffe oder Bucepha-
los, in dem ſie vnſer armen mitgeſellen todte Leich-
nam vnter ſich theileten/ vñ jtzt freſſen wolten. Ver-
ſchreckten vnd verjagten ſie alſo alle miteinander/
ſchlugen vber Funfftzig zu Tod/ vnd nach dem wir j-
rer zwey lebendig bekommen/ zoͤgen wir mit jhnen
zu ruͤck nach vnſerm Schiff zu. Dieweil wir aber
keinen Prouiant vnd victualien daſelbſt fundē/ oder
bekommen moͤchten/ ſahen etliche aus vnſerm mittel
fuͤr Ratſam an/ man ſolt die beiden gefangē ſchlach-
ten. Welches ich doch nicht zugeben wolte/ ſondern
band ſie/ vnd verwahret ſie/ bis die Legaten von den
Bucephalern kehmen/ ſie wieder holeten/ Ran-
zauneten/ vnd los machten. Denn wir vernahmen
jhre Demuth vnd bitt aus dem jammerlichen ge-
pler/ geſchrey vnd wincken/ ſo ſie jmmer trieben. Fuͤr
Ranzaun Geldt aber ward gegeben ein hauffen Ke-
ſe/ gedoͤrte Fiſch/ darzu Zwiebeln vnd vier Hirſchen/
deren ein jeglicher nicht mehr den drey Fuͤſſe hat-
te. Alſo/ das am hindertheil zwey Fuͤſſe/ die fordern
aber beyde in einē zuſamen gewachſen waren. Dar-
auff wir den jhnen die gefangenen folgen lieſſen/
vnd
[149] vnd verharreten noch einen tag bey jhnen. Darnach
zōgen wir von dannen.

Bald lieſſen ſich Fiſche ſehen/ es flohen auch al-
lerley Vogel vber das Schiff/ vnd dergleichen ſa-
chen begaben ſich mehr/ welches zeichen pflegen zu
ſein/ das nicht weit von dannen Land war. Kurtz
hernach ſahen wir Leute/ die gar eine ſeltzame newe
Schiffart angerichtet hatten. Denn ſie beydes
Schiffer vnd Schiff waren. Welche Schiffart ich
denn auch beſchreiben mus.

Die Kerl lagen im Waſſer auff dem ruͤcken/ vnd
richten den elfften finger/ welcher oberaus lang vnd
ſtarck war/ in die hoͤhe/ hiengē ein Bethtuch daran
fuͤr ein Siegel/ hielten die Fuͤſſe mit den Henden/ vñ
fuhren alſo mit dem Wind dauon. Andere aber fol-
geten dieſen nach/ ſaſſen auff Korckbretern/ hatten
zwene Meerſchwein vorgeſpant/ damit ſie her kut-
ſcheten/ auff etlichen ritten ſie auch/ vnd die vorgin-
gen/ zogen ſie hernach. Dieſe alle miteinander tha-
ten vns keine vberlaſt/ ſcheweten ſich auch nichts/
ſondern Siegelten vnerſchrocken/ vnd ſtilſchwei-
gend bey vns/ vnd ſahen vnſer Schiff mit verwun
derung hin vnd wieder an.

Das Elffte Capittel von der
Weiber Jnſell.

ZV Abend lendeten wir an eine Jnſel/ die nicht
gar groß war/ vnd als wir erfuͤhren/ wohne-
V iijten
[150] ten auch Weiber in derſelben/ die Griechiſche ſprach
gebrauchten. Denn als wir hinan kamen/ gien-
gen ſie zu vns entgegen/ gruͤſſeten vnd empfiengen
vns/ hatten ſich auch alle vberaus Buleriſch aus-
geputzt/ waren alle mit einander noch jung vnnd
ſchōn/ hatten groſſe lange roͤ[c]ke an/ mit ſchleiffen
vnd ſchwentzen. Dieſer Jnſel aber nahme war Ca-
baluſa. Jhre Heuptſtat hies Hydamardia. Dieſe
Weiber nahmen vns zur Herberg auff vnd an/ vnd
eine jede nam einen von vnſern gefehrten/ vnd fuͤhrt
jhn mit ſich zu Hauß als einen Gaſt. Jch aber blieb
da voller gedancken beſtehen/ vnd fuͤrchte es moͤchte
nichts guts aus der gaſtunge werden. Denn wie
ich ein wenig fleiſsig vmbſahe/ wurde ich gewar/ dz
hin vnd wieder/ ein groſſer hauff Knochen vnd tod-
ter Menſchen Koͤpffe lagen. Acht aber dennoch nit
rathſam/ dz ich ein geſchrey machte/ vnd meine Ge-
ſellen zur Wehr auffbrechte. Sondern nam meine
Pappelnwuͤrtzel in die Hand/ bat dieſelben fleiſsig/
das ſie mich wolt aus dieſem gegenwertigem vn-
gluͤck erretten. Vnd bald darauff/ als die Wirtin zu
Tiſch auffwarte/ ward ich gewahr/ dz ſie keine Men-
ſchen Beine/ ſondern Eſels Fuͤſſe hatte. Ziehe der-
halben eilend von Leder/ ertapffe vnd binde ſie/ vnd
frage ſie vmb alle ſachen. Qarauff ſie denn/ wiewol
vngern/ bekante/ ſie wehren Meerweiber/ ſo man die
Eſelfuͤſsige Onoſceleas nente/ vnd ſie lebten dauon/
das
[151] das ſie jhre Geſte felbſt freſſen. Denn/ ſagte ſie/ ſo
bald wir ſie Truncken gemacht/ legen wir vns
zu jhnen/ vnnd vber fallen ſie alſo im Schlaff/
toͤdten vnd freſſen ſie. So bald ich dis gehoͤret hat-
te/ ſtieg ich auffs Tach/ lies ſie aber im Haus dieweil
gebunden liegen/ ſchrie vnd rieff meine Geſellen zu-
ſamen. Als ſie nun zuſamen kommen waren/ zeiget
ich jhnen die Todtenbein/ vnd fuͤhrete ſie zu der ge-
bundenen Waſſernixin hinein. Aber ſie ward plōtz-
lich zu Waſſer/ vnd verſchwand. Nichts deſto weini-
ger nahm ich mein ſchwerd/ ſtach verſuchens hal-
ben in das Waſſer/ welches von ſtund an zu Blut
ward. Bald machten wir vns nach vnſerm Schiff
zu/ vnd fuhren dauon. Vnd in dem der tag anbrach/
fahen wir ein Land/ daß wir dafuͤr hielten/ es wehre
das Land/ ſo gegen vns/ wenn wir daheim waren/
vnterwerts vber ligt. Da fielen wir auff vnſere
Knie/ beteten/ vnd gedachten wie wir vnſer ſachen
weiter anſchlagen wolten. Da meineten etliche/
man ſolte ein weinig ans Vfer gehen. Dz man bald
wieder zu Schiff kommen kōnte. Andere hieltens
dafuͤr/ man ſolte das Schiff verlaſſen/ vnd jmmer
zu Land einwandern/ bis man mittē hinein keme/ vñ
ſehe was fuͤr Volck in denſelben Landen wehre. Vn-
ter deſſen/ das wir hieuon rathſchlagen/ entſtehet ei-
ne groſſe Fortun vñ vngewitter/ wirfft vnſer Schiff
mit vngeſtuͤm ans Vfer/ zerſchmetterſt in kleine ſtuͤ-
cken/
[152] cken/ das wir mit groſſer erbeit kaum ausſchwim-
men koͤnten. Weil ein jeder ſeine Wehr/ vnd was jm
ſonſt lieb war/ zu ſich genommen hatte.

Alſo vnd auff dieſe weiſe iſt mirs gangen/ ehe ich
in die andere vnd newe Welt bin kom̄[e]n. Vnd ſein
alſo dies die geſchichten/ ſo mir auff dem Meer in
meiner Schiffart/ in den Jnſeln hin vnd wieder/
auch in der lufft/ vnd hernach im Walfiſch/ auch da
ich von dannē heraus kommen bin/ desgleichen bey
den Helden vnd Treumen/ vnd endlich bey den Och-
ſenkōpffigten Bucephalern vñ Eſelfuͤſsigen Onoſ-
celerinnen wiederfahrē ſein: Was mir aber weiter
zu Land begegenet iſt in der wiederreiſe/ bis ich wie-
der heim in mein Vaterland gekommen bin/ ſol in
folgenden Buͤchern nach notturfft er kleret werden.

ENDE.

Das Erſte Capittel/ Wie S. Bran-
danus erſt berichtet wird/ von des Pa-
radiſes gelegenheit.

SANCT: Brandanus war ei-
nes Mannes Finlochanus genant/
Sohn/ vnd des Alchideſen Vetter/ von
dem Geſchlechte Ergeni, auß dem Lande
bey dem Meer gelegen/ von dem Volck geherſſen Mi-
ſitenenſes. Vnd war voller Tugend vnd Geiſtlicher
vbung/ vnd zwang ſeines Leibes/ vnd ein Abt vnnd
Vater vber viel Muͤnche. Da derſelbige an einem
ort war/ genennet der Freudenſprunck der Tugen-
den S. Brandani, do kam ein Bruder zu jhm/ mit
namen Carintheus, vnd war ſein Vetter. Als den-
ſelben S. Brandanus mit vielen worten weitleufftig
fragete/ woher er keme/ vnd wo er die lange zeit ge-
weſen were. Da fieng ſein Vetter an ſehr zu Wei-
nen/ fiel zur Erden/ vnd lag ſo lang in ſeinem Ge-
Xbet/
[154] bet/ biß daß jhn S Brandanus wieder auffrichte-
te/ hertzete vnd kuͤſſete/ vnd ſprach: Vater/ war-
umb machſtu vns betruͤbniß? Nun wir vns bil-
lich deiner zukunfft erfrewen ſolten. Lieber vn-
terricht vns Gottes Wort/ vnd erzehl vns die wun-
der/ die du auff dem Wilden Oceano, in der of-
fenbaren Weſt See/ geſehen vnd erfahren haſt.

Da fieng er an zu ſagen/ von einer wunderbar-
lichen Jnſel/ vnd ſprach: Mein Sohn Marmora-
tus, der armen Leute vorſteher/ der wandert von
mir in ferne Land/ vnd wolt ein Einſidel werden/
vnd fand eine Jnſel genant Delicioſa. Nach vie-
len jahren ward mir geſagt/ daß er viel Muͤnche
bey ſich hette/ vnd daß Gott viel zeichen durch jhn
thete. Darauff fuhr ich hin/ meinen Sohn zu ſu-
chen. Es ward jhm aber von Gott meine zukunfft
angemeldet/ vnd kam mir drey tagreiſe entgegen.
Als wir nun mit vnſern Schiffen in die Jnſel an-
kamen/ da lieffen die Bruͤder zuſamen/ als ein
ſchwarm Bienen. Denn ſonſt waren ſie zerſtre-
wet hin vnd her. Waren aber dennoch einig/ vnd
hielten zuſamen in einem Chriſtlichen leben/ in der
Hoffnung/ Liebe vnd dem Gottesdienſt: Vnnd
hatten nichts zu eſſen denn Epffel/ Nuͤſſe vnnd
Kraut: Des Abends aber/ nach der Complet/
blieb ein jeglicher in ſeiner Cellen/ biß der Hahn
krehete/
[155] krehete/ oder biß man leutete. Da blieb ich dieſelbi-
ge Nacht.

Deß andern tages gieng mein Sohn mit mir
an daß Meer zu einer Jnſel/ genant die Jnſel der
verheiſſung. Als wir aber auff dem Meer fuhren/
bedackt vns eine ſolche Finſterniß/ daß wir kaum
des fordertheil des Schiffs ſehen kunten. Bald
darnach vmbgab vns ein helles Liecht/ vnd kamen
damit in ein Jnſel voll ſchoͤnes Krauts/ Epffel
vnd ander Obß/ darauff gingen wir funfftzehen
Tagreiß/ vnnd kunten dennoch des Landes ende
nicht finden/ es war da kein Kraut ohne Blumen/
vnd kein Baum ohne fruͤchte/ vnd viel edel koͤſtli-
cher Steine.

Am 15. tage funden wir ein Waſſer/ daß vom
Morgen gegen Abend herauff floß. Als wir nun
diß alles beſehen hatten/ zweiffelten wir/ was wir
thun ſolten/ vnd wolten zu dem Waſſerlein gehen/
vns da nieder ſetzen/ vnd warten/ was vns Gott
in den Sinn geben wuͤrde. Jn dem wir aber ſo ſtun-
den vnd Rathſchlagten/ erſchein vns ein Mann im
klaren Lichte/ der nante vns bey Namen/ gruͤſſete
vns/ vnd ſprach: Ach jhr frommen Bruͤder/ der
HErr hat euch das Land offenbaret/ das er ſeinen
Heiligen geben wil/ allhie iſt daß mittel von dieſer
Jnſel/ bey dem kehrt nun wiederumb/ denn
euch gebuͤrt nicht ferner zugehen/ vnnd zie-
X ijhet
[156] het hin da jhr herkompt. Da fraget ich jhn/ wo er
her were/ vnd wie er hieſſe/ do ſaget er: Warumb
fraget jhr mich/ wo ich her bin/ vnd wie ich heiſſe?
Warumb fraget jhr mich nicht von dieſer Jnſel?
Als jhr es nun ſehet/ alſo iſt es geweſen von anbe-
gin der Welt. Hie iſt es allezeit Tag/ denn vnſer
HErr Jheſus Chriſtus iſt jhr Licht.

Da gingen wir wider mit dem Manne dahin/
da dz Schiff ſtand/ da verſchwand er/ vnd wir fuhrē
wieder durch den finſtern Nebel/ vnd kamen zu vo-
riger kleinen Jnſel. Als wir nun wieder aus dem
Schiff auffs Land traten/ wurden vnſere Bruͤder
ſehr froh/ vnd frageten/ wo wir ſo lange zeit gewe-
ſen weren/ vnd ſagten: Vater/ wie koͤntet jhr ewre
Schaffe laſſen jrre gehen/ ohn Hirten? Wir wiſ-
ſen wol/ daß vnſer Vater vnterweilen ſich von vns
giebt/ an andere oͤrter/ aber wir wiſſen nicht wohin/
vnd bleibt bißweilen da eine wochen oder zwo/ oder
ein Monat vnterweilen mehr oder weniger.

Da ich daß hoͤrte/ da troͤſte ich ſie/ vnd ſprach:
lieben Bruͤder/ gedenckt dauon nichts/ denn alles
guts/ ewer wohnung iſt hie nicht ferne von dem
Paradiß. Nicht weit von hie iſt daß Land/ daß den
Heiligen verheiſſen vnd zugeſaget iſt/ da iſt es alle-
zeit Tag/ vnnd nimmer Nacht/ da reiſet ewer Abt
VVormanatus hin/ vnnd der Engel Gottes bewa-
ret jhn. Riechet jhr nicht an vnſern Kleidern/
das
[157] daß wir im Paradiß ſind geweſen? Da ſprachen
die Bruͤder: Vater wir gleuben wol/ daß jhr da
ſeid geweſen/ aber wo der ort iſt/ daß wiſſen wir nit/
Denn wir riechen in den Kleidern vnſers Vaters
den allerſuͤſſeſten geruch wenn er wider kompt. Bey
denſelben Bruͤdern/ blieb ich zwo Wochen ohne Eſ-
ſen vnd Trincken/ vnd waren leiblicher weiſe ſo ſatt/
daß die andern dauchte/ daß wir von Wein trun-
cken waren. Nach 40. tagen/ nam ich den Segen
vom Abt vnnd den Bruͤdern/ vnd ging mit meinen
Bruͤdern wieder in meine Cellen/ da ich auch Mor-
gen eingehen wil.

Da S. Brandanus daß hoͤrte/ da fiel er nieder
mit all ſeinen Bruͤdern/ vnd dancketen vnd lobten
Gott vnd ſprachen: Gerecht iſt der HErr in all ſei-
nen Wercken/ der ſolche wunder ſeinen Dienern of-
fenbaret hat. Gebenedeiet ſey/ der vns heut mit ſol-
chem ſuͤſſen Geiſtlichen ſchmack erquicket hat/ vnnd
ſprach: Laſſet vns gehen/ vnnd den Leib auch mit
Speiß vnd Tranck erquicken/ vnd gingen damit in
jhres Kloſters Refectorio zu Tiſch. Des andern
tages gieng Carintheus wieder in ſeine Celle.

Das Ander Capittel/ von S. Bran-
dani Reiſe/ nach dem Paradiß.

DA fordert S. Brandanus ſieben ſeiner Bruͤ-
der heimlich zu ſich/ vnd ſprach: Meine lie-
X iijben
[158] ben Bruͤder/ ich wolte gerne ewer bedencken wiſſen.
Denn meine gentzliche meinung iſt/ wer es der wil-
le Gottes/ ich wolte daß Land ſuchen/ da vns Ca-
rintheus von geſagt hat/ was gebet jhr mir vor
rath? Da ſprachen ſie alle: Lieber Vater/ dein wil-
le iſt auch vnſer wille. Haben wir nicht verlaſſen
vnſere Eltern vnd Freunde/ vnd vns ſelbſt in deine
Hand gegeben? Wir ſind bereit mit dir in den tod/
oder in daß leben zu gehen/ wens nur Gottes wil-
le were. Vnd S. Brandanus ſatzte eine Faſten an
von viertzig tagen/ daß man erſt vber den drit-
ten tag eſſen ſolte/ vnd darnach wolten ſie auff die
reiſe.

Endlich befahl er dem Procurator oder verwal-
ter des Kloſters/ der nach jhm Abt ward/ vnd ſchif-
fete mit 14. Bruͤdern gegen Morgen/ vnnd kam in
ein Jnſel/ da war ein heilig Vater/ der hieß Enoch,
bey dem blieben ſie drey tage. Von dannen fuhren
ſie in ein Koͤnigreich/ da die willige armen woh-
nen/ die wolte er auch ſehen/ vnd ſie wohneten auff
einer hoͤhe des Berges/ der da hieß Brandani ſtuel/
daſelbſt war ein Port vnd einfurt in die offenbar
See. Darumb bawete er allda mit ſeinen Bruͤ-
dern ein klein leicht Schifflein/ vnd bedeckt es oben
mit Ochſenheuten/ vnd mit Rinden von Bewmen/
vnd namen Brodt/ Butter vnd ander ſpeiß vnd ge-
trenck mit ſich auff 40. tage/ vnd was jhnen ſonſt
noth
[159] noth war/ vnd ſatzt einen ſtarcken Maſtbaum mit-
ten in das Schiff/ mit Seilen vnd Siegeln/ vnd al-
lem Gerethe/ daß man im Schiff bedarff/ vnd ge-
bot ſeinen Bruͤdern/ daß ſie in dem namen Gottes
des Vaters/ des Sohns vnd des H Geiſtes in
daß Schiff gehen ſotten. Vnnd er ſtund allein
auff dem Lande vnnd ſprach ſeinen Segen vber
ſie.

Bald kamen noch drey Bruͤder aus ſeinem
Kloſter/ vnd fielen jhm zu Fuß/ vnd baren/ das er
ſie mitnem/ das ſie da in der Armen Lande nicht
Hungers ſturben/ ſie wolten gern die zeit jhres le-
bens wandern. Die ließ er auch in das Schiff ge-
hen/ vnd ſprach: Der wille Gottes geſchehe. Jch
weis wol/ wie jhr ſeid herkommen/ der eine Bruder
hat kein gut Werck gethan/ Gott hat jhm ein ge-
ſtreng gericht berettet. Damit gieng er auch in das
Schiff/ vnd zogen daß Siegel auff/ fuhren dauon/
vnd hatten guten Wind.

Nach 15. tagen legte ſich der Wind/ vnd ſie fin-
gen an zu Rudern/ vnd worden ſehr mach vnd muͤ-
de/ vnd S. Brandanus troͤſtet ſie/ vnd ſprach: Lie-
ben Bruͤder/ fuͤrchtet euch nicht/ Gott iſt ewer
huͤlff/ der ſoll vnſer Schiffman ſein/ ziehet die Ru-
der ein/ vnnd ziehet das Siegel auff/ vnd laſſet
Gott mit ſeinen Knechten/ vnnd mit dem Schiff
thun was er wil. Da kriegen ſie gegen dem
Abend
[160] Abend einen Wind/ aber ſie wuſten nicht wo ſie
hinfuhren.

Nach 40 tagen/ als ſie jre Speiſe verzehret hat-
ten/ jahen ſie eine Jnſel gegen Mitternacht gele-
gen/ die war ſteinicht vnd hoch/ daß Vfer war auch
anzuſehen/ als eine Mawre/ vnd von der Jnſel lief-
fen kleine Baͤchlein/ aber ſie kunten keinen Hafen
finden/ da jhre Schiff ſtehen konten.

Die Bruͤder waren krafftloß von Hunger vnnd
Durſt/ vnd namen jhre Vaͤßlein/ vnd wolten von
dem Waſſer nehmen. S. Brandanus aber ſprach/
thut daß nicht/ Gott wil vns den Hafen noch nicht
weiſen/ dieweil jr ein Raub thun wolt.

Das Dritte Capittel/ Wie der eine
Bruder ſtirbt/ vnd ſie denn Gruͤnen
Donnerſtag halten.

ALS ſie nun drey tage die Jnſel hatten vmb-
fahren/ da zeiget jhnen Gott einen Hafen/
daß war ein Riß in der Klippen/ da jr Schiff
ſtehen/ vnd ſie ſich er quicken moͤchten/ vnd giengen
auff daß Land.

Da gebot S. Brandanus ſeinen Bruͤdern/ daß
nieniand von dem ſchmuck auff dem Lande was ne-
men ſolte. Vnd es begegnet jhnen ein Hund/ der be-
weiſete jhnen Freundſchafft/ als ſeinem Herren.
Da ſprach S. Btandanus: Dieſer Hund hat vns
eine
[161] eine gute botſchafft gebracht. Er fuͤhret ſie aber an
einen ort/ da ein ſchoͤner Saal vnd Waſſer geſatzt
war/ die Fuͤſſe zu waſchen/ vnd S. Brandanus ſprach:
Bruͤder/ huͤtet euch/ daß euch Sathanas nicht
in verſuchung fuͤhre/ ich ſehe einen vnter den Bruͤ-
dern/ die vns folgen/ das er ſich annimpt zu ſtelen/
bittet vor ſeine Seele/ denn der Leib iſt dem Teuf-
fel in die Hand gegeben. Derſelbige Saal war al-
lenthalben gezieret mit ſchoͤnen koͤſtlichen gefeſſen/
vnd mit einem Silbern Zaun.

Da ſaget S Brandanus zu dem der das eſſen
pflag zu Tiſch zu tragen: Bringe her/ was vns
Gott bereitet hat/ da fand er einen Tiſch wol ge-
deckt/ mit Tiſchtuͤchern/ vnnd darauff ſehr ſchoͤn
Brot vnd Fiſche. Da ſegnet S. Brandanus die
Speiſe/ vnd ſprach: Gott ſey gebenedeyet/ der alle
Menſchen ſpeiſet. Sie funden auch Trincken/ ſo
viel ſie beduͤrfften. Als nun das Abendeſſen geſche-
hen war/ vnd ſie Gott gedanckt hatten/ da ſagt S.
Brandanus: Gehet vnd laſſet ewren Leib ausru-
hen/ das iſt euch noͤtig/ ſiehet/ alle Betten ſind wol
gemacht.

Des Nachtes aber ſtund der Sathanas/ als ein
ſchwartz Kind fuͤr dem einen Bruder/ das ſahe S.
Brandanus, vnd ſtunde auff vnnd betet vor jhn die
gantze Nacht. Des andern tages funden ſie wie-
der den Tiſch wolbereitet/ dz geſchach alſo drey tage.
YDar-
[162] Darnach ging er mit ſeinen Bruͤdern zu jhrem
Schiff. Da ſagt er: Niemand neme etwas von
dieſer Jnſel. Da ſagten ſie: Daß ſey ferne von vns/
daß wir vnſere reiſe mit Dieberey beflecken wolten.
Da ſprach er: Siehet/ vnſer Bruder hat den Sil-
bern Zaum in ſeinem buſen/ da fiel jhm der Bru-
der zu fuß/ vnd ſprach: Jch habe geſuͤndiget/ vergib
mir das/ vnd bitte vor meine Seele. Da fielen ſie
alle auff die Erden/ vnnd baten fuͤr jhn. Darnach
ſtunden ſie wider auff/ vnd huben den Bruder auch
auff. Da ſprang aus ſeinem buſen/ ein klein Mohr
Menlein/ rieff vnd ſprach: Du Mann Gottes/
warumb treibſtu mich aus meiner wohnung/ die ich
ſieben jahr beſeſſen hab? S. Brandanus ſprach: Jch
gebiete dir bey dem Nahmen Jheſu Chriſti/ daß du
keinen Menſchen mehr betriegeſt/ biß an den Juͤng-
ſten Tag/ vnd ſprach als denn zu dem Bruder: Nim
zu dir den Leib vnſers HErrn/ denn hier ſoll deine
Seel aus dir fahren/ vnd dein Leib ſol hie begraben
werden. Da nam er zu ſich/ vnſers HErrn Leib/
vnd ſeine Seel ward angenommen/ von den Heili-
gen Engeln/ vnd in daß Ewige Leben gefuͤhret/ daß
es alle Bruͤder ſahen. Da begruben ſie ſeinen Leib.

Darnach kamen ſie zu jhrem Schiff/ vnnd da
kam ein Juͤngling/ mit einem Korb voll Brot/ vnd
mit einer Kanne Waſſers/ vnd ſprach: Nemet von
ewrem Knecht den Segen/ jhr habt noch einen lan-
gen
[163] gen weg/ biß jhr getroͤſtet werdet/ aber euch ſol we-
der Brot noch Waſſer gebrechen/ biß auff Oſtern.
Da fuhren ſie auff der offenbar See jmmer hin/
vnd kamen eines tages an eine Jnſel/ in einen Ha-
fen. Da befahl er/ daß ſie ſolten außſteigen/ vnd er
ſteig zu letzt aus. Da gingen ſie auff die Jnſel/
vnd ſahen von ferne viel Baͤchlein voller Fiſche.
Da jagte S. Brandanus: Laſt vns allhie Meß
halten/ vnd Gottes Leichnam conſecriren. Denn
heut iſt der Gruͤne Donnerſtag/ vnd ſie blieben all-
da biß auff den Oſterabend.

Darnach funden ſie einen ſolchen groſſen hauf-
fen weiſſer Schaff/ daß ſie kaum das Erdreich ſe-
hen konten/ vnd er ſprach zu ſeinen Bruͤdern: Ne-
met ſo viel von den ſchaffen als vns noth iſt/ die O-
ſtern vber. Vnd ſie namen eins von den Schaffen/
vnd bunden daß bey den Hoͤrnern/ vnnd brachtens
zu der ſtett/ da der Mann Gottes ſtund. Vnnd er
ſprach zu einem Vater der Bruͤdern: Nim auch
ein vnbeflecktes Lamb/ daß that er. Da ſie nun al-
le ding vollbracht hatten/ mit jhrem Gottesdienſte/
kam ein Mann zu jhnen mit einem Korb voll
Brot/ vnd mit andern dingen/ die jhnen noth
waren/ vnnd fiel dem heiligen Vater zu fuß/
vnd ſprach: Woher kompt mir das/ daß du
Perle Gottes/ in dieſem heiligen tage geſpeiſet wirſt
Y ijvon
[164] von der arbeit meiner Hende? Da nam jhn S.
Brandanus wieder auff/ kuͤſſet jn/ vnd ſprach: Mein
Sohn/ vnſer HErr Jhrſus Chriſtus hat vns die-
ſen ort gegeben/ daß wir hie ſeine Aufferſtehung be-
gehen ſollen. Der Mann ſprach: Vater/ morgen
ſolt jhr begehen/ den tag der Aufferſtehung/ in der
Jnſel/ die jhr vor euch ſehet/ vnd bereitete jhm da
alles was jhnen not war/ an dem andern Tag/ vnd
ſprach: Ewer Schiff mag nicht mehr tragen/ ich
wil euch vber ſieben tag mehr ſenden/ was euch not
iſt/ von eſſen vnd trincken/ biß auff Pfingſten. Da
ſagt Brandanus: Wolt Gott/ daß wir vber acht ta-
ge dahin kemen. Der Mann ſagt: Morgen vmb
ſechs vhr ſolt jhr da ſein/ vnd denn ſolt jhr gegen
Morgen werts fahren/ ſo kommet jhr in daß PA-
RAOJS/ vnd da ſolt jhr bleiben/ biß den ach-
ten tag nach Pfingſten.

S. Brandanus fragte jn: Wie ſind ewre Schaff
hie ſo groß? Denn ſie waren groͤſſer denn Ochſen.
Da ſagt er: Niemand melckt ſie/ auch zwinget ſie
der Winter hie nicht/ ſondern hie gehen ſie Tag vnd
Nacht/ darumb ſind ſie hie groͤſſer/ denn in ewrem
Lande.

Das Vierde Capittel/ Wie ſie auff
dem Walfiſch Oſtern hielten.

DARnach fuhren ſie dauon/ vnd kamen an
die Jnſel/ vnd daß Schiff blieb beſtehen/ ehe
ſie in
[165] ſie in den Hafen kamen. Da gebot er ſeinen Bruͤ-
dern/ daß ſie außſtiegen/ vnd zogen das Schiff zu
Land/ vnd er blieb in dē Schiff/ vnd war ein ſteinige
Jnſel ohne Graß vnd ohne Sand. Die Nacht wa-
ren ſie in jhren Gebet. Des Morgens muſten die
Prieſter Meſſe halten/ vnnd er wuſte wol/ wie es
vmb die Jnſel gewand war/ aber er wolte das den
Bruͤdern nicht ſagen/ das ſie ſich nicht ſolten ent-
ſetzen.

Da nun der Gottesdienſt vollbracht war/ koch-
ten ſie das Fleiſch/ vnd die Fiſch/ die ſie mit gebracht
hatten. Da das Fewr anfing zu brennen/ da be-
wegte ſich die Jnſel/ gleich als ob es ein Wagſchal
were/ da lieffen die Bruͤder zu dem Schiff/ jhrem
Vater vmb huͤlff zu bitten/ vnd verlieſſen alles was
ſie da hatten/ vnd fuhren von dannen/ vnd ſahen
vber zwo meilen das Fewr noch brennen/ biß ſich
die Jnſel in das Meer verſencket. Da ſagte Btan-
danus zu ſeinen Bruͤdern: Verwundert euch auch
dieſer Jnſel? Sie ſagten: Ja freylich/ vnd hat vns
ſehr erſchreckt. Da ſagt er: Meine lieben Kinder/
entſetzet euch nicht/ Gott offenbaret mir dieſe nacht/
wie es vmb die Jnſel ſtunde/ es war ein Fiſch vnnd
kein Land/ der ſucht allzeit/ wie er ſein Haupt vnd
Schwantz zuſamen bringe/ aber daß kan er nicht
thun/ wegen ſeiner lenge/ vnd heiſſet Iaſconius.

Da ſie von dannen drey tage hatten gefahren/
da ſahen ſie gegen Morgen ein ander Jnſel/ voll
Graß/ Beum vnd Blumen/ vnnd funden in dem
Lande gegen Mittage einen Bach/ dahin brachten
ſie jhr Schiff zu Lande/ vnd er blieb in dem Schiff/
vnd die Bruͤder zogen das Schiff ſo ferne/ biß ſie
kamen zu dem Brunn des Bachs/ denn der Bach
war nicht weiter/ denn das Schiff lang war.
Da ſagt S. Brandanus: Sehet/ vnſer HErr
Jheſus Chriſtus hat vns einen ort gegeben zu blei-
ben/ in ſeiner heiligen Aufferſtehung/ hetten wir
anders nichts/ wir hetten gnug an dieſem Brunn.
Vber dem Brunn war ein breit Baum nicht hoch/
darauff ſaſſen ſo viel Vogel/ das man kaum die
Zweig vnnd Bletter ſehen moͤchte. Da er das
ſahe/ dacht er/ wie wag hie eine ſolche ſchaar Vo-
gel ſein/ vnd begunde zu weinen/ vnd fiel auff ſeine
Knie/ vnd betet alſo: Gott ein erforſcher aller heim-
ligkeit/ du weiſt die angſt meines Hertzen. Jch bit-
te dich/ das du mir Suͤnder offenbareſt/ dieſe heim-
liche ding/ dte ich nicht ſehe/ wegen meiner wir dig-
keit/ ſondern wegen deiner groſſen guͤte.

Da er daß ſprach/ da kam einer von den Vo-
geln/ vnd flohe auff das forderſte theil des Schif-
fes/ ſeine Fluͤgeln klungen wie Zimbeln/ vnnd ſah
den Mann Gottes froͤlig an. Da ſprach er: Bi-
ſtu ein
[167] ſtu ein Bothe Gottes/ ſo ſage mir/ wo dieſe verſam-
lung der Vogel herkompt? Da ſagt er: Wir ſind
Engel von dem groſſen fall des alten Feindes. Wir
willigten aber nicht in ſeine Suͤnde/ darumb hat
der gerechte Gott vns hieher geſand/ vnd haben hie
keine Pein/ wir haben auch die gegenwart Gottes/
aber deñoch ſind wir ſo ferne geſcheidē von der geſel-
ſchafft der jenigen die beſtendig blieben/ als jr ſehet/
vnd fliegen in der Lufft herumb/ wie andere Geiſter.
Aber auff die heilige tage kriegen wir ſolchen Leib
als du ſieheſt/ vnd loben vnſern Schepffer. Du
biſt mit deinen Bruͤdern ein jahr auff dem wege
geweſen/ vnd habt noch ſechs jahr/ vnnd ſolt alle
jahr hie ewern Oſtertag begehen/ darnach ſoltu
finden das gelobte Land. Da floh der Vogel wieder
zu den andern.

Vmb Veſperzeit begunten alle Vogel zu ſingen/
vnd ſchlugen jre Fluͤgel/ vnd ſungen den 65. Pſalm:
Gott man lobet dich in der ſtille zu Sion/ vnnd dir
bezahlr man geluͤbde. Vnnd das ſingen werete
eine gantze ſtunde/ vnd der geſang vnd der Fluͤ-
gel klanck gefiel den Bruͤdern ſehr wol. Dar-
nach ſprach S. Brandanus zu den Bruͤdern:
Erquicket ewren Leib/ denn nun iſt ewer Seel
erquicket mit der Goͤttlichen gnaden. Darnach
begingen ſie das lob Gottes/ vnd ruheten da biß zu
Mit-
[168] Mitternacht. Da huben ſie an zu ſingen/ aus dem
51. Pſalm: HErr thue meine Lippen auff/ Darauff
ſungen die Vogel den Introitum de Angelis. Alle
Heilige Engel vnd kreffte Gottes/ loben den HErrn
etc. eine gantze ſtundelang. Da es Tag ward/ ſun-
gen ſie: Vnd der ſchein Gottes ſey vber vns. Zur
Tertien zeit ſungen ſie aus dem 47. Pſalm: Lobſin-
get/ Lobſinget Gott vnſerm Koͤnig Zu der Sechſten
zeit/ ſungen ſie aus dem 67. Pſal: Er laß ſein Ant-
litz vber vns leuchten. Zu der Nonen zeit/ ſungen
ſie aus dem 133. Pſalm: Stehe/ wie fein vnd lieblich
iſts/ das Bruͤder eintrechtig bey einander wohnen.
Alſo ſungen ſie Tag vnnd Nacht. Da blieben die
Bruͤder 8. tage/ vnd erquickten ſich mit der Speiſe
die ſie da funden. Darnach ſagt er zu jhnen: Laſſet
vns von dieſer Jnſel nemen/ ſo viel vns hinfort noͤ-
tig iſt. Als er das geſagt hatte/ da kam der vor er-
wehnter Mann/ mit einem Schiff voll ſpeiſe oder
Kleider/ vnnd gab das S. Brandano, vnnd ſprach:
Meine lieben Bruͤder/ da habt jhr eſſen genug biß
auff Pfingſten/ vnd trincket nicht von dieſem Brun-
nen (damit zeigt er jnen einen ſonderlichen Brunn)
denn das Waſſer iſt der Natur/ wer dauon trin-
cket/ der muß 24. ſtunden ſchlaffen. Darnach reiſe-
te der Mann wieder zu Hauß. S. Brandanus aber
blieb allda mit ſeinen Bruͤdern/ biß auff den achten
tag
[169] tag nach Pfingſten/ vnd hatten teglich jhre er qui-
ckung von den Vogeln.

Da ſie nun in dem Pfingſtag die Meſſe hatten
vollenbracht/ da kam der Mann wieder/ vnd bracht
jhnen was jhnen noth war/ vnd ſprach: Jhr habt
nun einen weiten weg/ darumb fuͤllet ewer Gefeß/
vnd nemet ſo viel/ als euch auff ein jar noth iſt. Jch
wil euch ſo viel geben/ als daß Schiff tragen mag.
Damit nam er den Segen/ vnnd fuhr wiederumb
zu Hauß.

Als daß Schiff mit Prouiant/ vnd anderen ſa-
chen zugeruͤſtet war/ floh der Vogel vorn auff das
Schiff/ vnd ſprach: Jhr ſolt mit vns Oſtern hal-
ten/ vnnd da jhr newlich waret auff den Gruͤnen
Donnerſtag/ da ſolt jhr auch vber ein jahr ſein/ vnd
die aufferſtehung des HErrn/ ſolt jhr begehen auff
dem Ruͤcken des Fiſches Iaſcanius. Nach drey Mo-
nat ſolt jhr finden eine Jnſel/ die heiſt Mili, da ſolt
jr die Geburt vnſers HErrn begehen. Da floh der
Vogel wieder an ſeinen ort/ vnd die Bruͤder begun-
ten zu Rudern in der offenbar See/ vnd die Vogel
ſungen aus dem 67. Pſalm: Erhoͤr vns Gott vn-
ſer heil/ der du biſt die zuuerſicht aller auff Erden/
vnd fern am Meer.

Das Fuͤnffte Capittel/ Wie ſie ins
Kloſter kommen/ darin die Bruͤder
nicht reden.

ALſo fuhren ſie drey Monat auff dem Meer/
vnd ſahen anders nichts/ denn Himmel vnd
Waſſer/ vnd erquickten ſich vmb den andern
oder dritten tag. Da ſahen ſie ein Jnſel/ vnnd der
Wind ſchlug ſie an die ander ſeiten derſelben/ vnnd
fuhren alſo 40. tag/ daß ſie den Hafen nicht kunten
finden. Darumb rieffen die Bruͤder Gott an vmb
errettung mit weinenden Augen/ dz er jnen huͤlffe/
denn ſie waren von Hunger vnd Durſt/ vnnd viel
Erbeit ſehr ſchwach vnd krafftloß. Als ſie nun in
dem Gebet waren drey tage/ ſahen ſie einen engen
Hafen/ da man allein ein Schiff kunt einbringen/
dabey waren zween Bruͤnne/ der eine war klar/ der
ander truͤbe/ dazu eileten ſie/ daß Waſſer zu nemen.
Da ſagt Brandanus: Meine lieben Kinder/ thut
nicht ein vnzimblich ding. Die einwohner dieſes
Landes/ ſollen vns hernach mit willen geben/ was
jhr jtzt heimlich wollet nemen.

Als ſie auff das Land kamen/ da begegnete jh-
nen ein alter Mann/ mit ſchnee weiſſen Haren/
vnd einem hellen Antlitz/ der fiel dreymal auff die
Erden/ ehe denn er den freund Gottes kuͤſſete. Vnd
Brandanus hub jhn auff/ vnd ſie kuͤſten ſich. Vnd
er nam Brandanum bey der Hand/ vnnd ging mit
jhm nicht ferne von dannen/ in ein Kloſter. Da
blieb S. Brandanus ſtehen fuͤr der Pforten/ vnnd
fragte/ wem das Kloſter angehoͤrete/ vnnd wo die
hehr
[171] hehr weren/ die da wohnten/ aber der alte Mann
antworte jhm nichts/ vnd mit ſanfftmuͤtigkeit win-
cket er jhm mit der Hand/ daß er ſchweigen ſolte.
Da S. Brandanus daß vernam/ da verbot er ſeinen
Kindern/ ſeinen Bruͤdern/ daß ſie nichts reden ſol-
ten/ damit nicht die Kloſter Bruͤder verſtoͤret wuͤr-
den/ in jhrer Andacht.

Da kamen jhnen entgegen eilff Bruͤder mit
Creutzen vnd Fahnen/ vnd ſungen: Stehet auff jr
Heiligen Gottes/ vnd gehet entgegen der War heit/
machet die ſteth heilig/ ſegnet daß Volck vnd bewah-
ret vns Diener in frieden. Als daß vollbracht war/
da kuͤſſet der Vater des Kloſters S. Brandanum,
vnd geleitet ſie ins Kloſter/ vnd wuſchen da der Ge-
ſte Fuͤß/ vnd ſungen da den Lobgeſang: Ein new ge-
bot gebe ich euch/ daß jhr euch vnter ein ander liebet.
Darnach bracht er ſie in daß Refećtorium oder
ſpeiſe Stube/ vnd hieß ſie nieder ſitzen/ vnd leutete
mit einer Glocken. Da kam einer der bereitet den
Tiſch/ vnd legte darauff ſehr ſchōn Brot/ vnd Wur-
tzeln die ſehr wol ſchmeckten/ vnd ſie ſetzten die Geſte
vermenget vnter die Bruͤder/ vñ vor zween ward ein
gantz Brot gelegt. Derſelbige bracht auch trincken/
vnd der Abt bat mit groſſer frewd die Bruͤder/ vnnd
ſaget: Trincket nun von dem Brunne mit liebe/ da
jhr heut wolt heimlich außgetruncken haben/
aus dem andern Brunne weſchet man die Fuͤſſe
Z ijder
[172] der Bruͤder/ vnd iſt allzeit warm. Das Brot daß jr
ſeht/ wiſſen wir nicht/ wo es gebacken wird/ oder
wer es in den Keller bringt/ aber das wiſſen wir
wol/ das es vns von der gnade Gottes gegeben
wird. Vnſer iſt 24. vnd haben alle tag 17. Brot/
aber am Feiertag hat jeder eins/ das wir des A-
bends auch ein wenig haben/ vnd haben auch nun
vmb ewert willen zwiefeltig Brot bekommmen. Al-
ſo hat vns Gott geſpeiſet von der zeit vnſers Va-
ters Patricij vnd Albei 79. jahr/ vnd vns ſchadet
weder alter noch Kranckheit. Wir haben hie nichts
zu eſſen/ da wir Fewr zu beduͤrfften/ vnd im anfang
des Ambts/ wenn man das in der Kirchen halten
wil/ zunden ſich die Lichte ſelbſt an/ die wir mit vns
ſelbſt aus vnſern Landen brachten/ vnnd worden
nicht geringert/ durch den Segen Gottes.

Da ſie dreymal hatten getruncken/ da gab der
Abt ein zeichen/ das ſie zu der Kirchen gingen/ vnd
S. Brandanus vnd der Abt folgeten nach. Da be-
gegneten jnen 12. Bruͤder/ die thaten jnen Reuerentz
demuͤtiglich. Da fragte Brandanus: Warumb
eſſen die nicht mit vns? Er ſagte/ ſie hatten nicht
raum an dem Tiſch/ wir wollen in die Kirchen ge-
hen/ vnd Veſper ſingen/ daß die Bruͤder/ die noch
eſſen/ ſollen nach vns Veſper ſingen. Da ſie die
Veſper vollbracht hatten/ da beſahe S. Brandanus,
wie die Kirche gebawet war/ denn ſie war vierecket/
vnd
[173] vnnd hatte 6. Fenſter/ zwey waren vor dem Altar/
vnd vor zween andern Altaren waren vier/ vnnd
waren gemachet von Criſtallen/ wie auch jhr Kir-
chengefeß/ als Patenen/ Kilch vnnd gießkenlein/
vnd da waren 24. Stuͤl/ vnd des Abts Stuel war
in der mitten/ das zu jeder ſeiten/ zwoͤlff Stuͤle wa-
ren. Vnd niemand ſprach daſelbſt ein wort. Wenn
ein Bruder etwas begerte von dem Abt/ ſo winckte
er jhm/ oder ſchrieb ſein begehr in eine Tafel/ ſo
ſchickt jhm der Abt/ was er begerte.

Darnach ſagt der Abt: Wir wollen wieder ge-
hen in daß refectorium, auff daß alle ding an dem
Licht vollbracht werden/ vnd hielten Mahlzeit/ wie
zuuor geſagt iſt. Darnach vollbrachten ſie den
Nachtgeſang. Ehe denn aber der Abt anfing/ da
laſen ſie. Vnrecht haben wir gethan/ boͤßheit ha-
ben wir begangen: Du/ der mild biſt/ erbarm dich
vnſer/ bewar vns in dem frieden. Darnach gingen
ſie mit den Geſten in jhre Cellen/ vnnd der Abt blieb
bey S. Brandano, vnd erwarteten das die Lichter an-
gezuͤndet wurden.

Da fraget er den Abt vmb das ſchweigen/ wie
ſie doch jmmer alſo kuͤnten ſchweigen: Da antwor-
tet der Abt mit groſſer zucht vnd wuͤrden: Lieber
Vater/ Jch bekenne/ das meinem lieben HErrn
Jheſu Chriſto/ das ich in 80. jahren/ keine Men-
ſchen ſtimme habe gehoͤrt/ denn mit leſen vnnd ſin-
Z iijgen
[174] gē. Aber wir 24. geben vns ein zeichē mit dē fingern/
oder mit den Augen/ vnd keiner vnter vns Bruͤdern
hat einigerley mangel oder anfechtung gehabt/
dieweil wir allhie ſind geweſen. Da ſagt S. Bran-
danus: Duͤrffen wir hie ein jahr bey euch bleiben?
Der Abt ſagt: Daß iſt Gottes wille nicht. War-
umb fragſtu mich? Weiſtu nicht/ was dir Gott
offenbaret hat/ du muſt wieder an deinen ort kom-
men/ mit deinen 14. Bruͤdern/ da hat euch Gott be-
reitet eine ſteth/ euch zu begraben. Ohne die andern
zween. Denn derſelbigen einer/ ſol in der Anacho-
riten Jnſel fuͤr ein Walbruder vmbwandern. Der
ander ſol verdammet werden/ eines ſchmeligen
tods in der Hellen.

Da ſie alſo redeten/ da kam ein fewrich geſchoß
in ein Fenſter/ vnd entzuͤndet alle Lampen vor den
Altaren/ vnd floh wieder zu ruͤck aus dem Fenſter.
Da fragt S. Brandanus: Wer leſchet des Morgen-
des die Lampen wieder aus? Der Abt ſprach: Kom
vnd ſiehe das wunder Gottes/ ſiehe/ du ſieheſt die
Lichter brennen/ aber es wird nicht verzehrt/ denn
es iſt ein Geiſtlich Licht. Da fragte S. Brandanus:
Wie kan ein Geiſtlich Licht in leihlichen dingen
brennen? Der Abt antwortet vnd ſprach: Haſtu
nicht geleſen/ daß der Buſch Moſis brante/ auff
dem Berge Sinai, vnd blieb doch vnuerſehret. Da
wolt S. Brandanus vrlaub nemen/ aber der Alt
ſprach:
[175] ſprach: Nein Vater. Du ſolt mit vns allhie bege-
hen/ die Geburt vnſers HErrn Alſo blieb er da/ biß
8. tag nach der heiligen drey Koͤnig tag. Darnach
namen ſie ſpeiſe vnd Segen von den Vetern/ vnd
fuhren dauon/ biß an den erſten Sontag in der
Faſten.

Das Sechſte Capittel/ Wie ſie den
Gruͤnen Donnerſtag vnd Oſtern
halten.

EJnes tages ſahen ſie ein Jnſel nicht ferne
von jhnen/ da begunden ſie ſehr zu Rudern/
denn ſie hatten groſſen Hunger vnd Durſt/
weil ſie in drey tagen nicht zu eſſen gehabt hatten.
Da funden ſie einen klaren Brunn/ vnd dabey viel
Kreuter vnd Wurtzeln/ vnd mancherley Fiſche. Da
ſagt S. Brandanus: Gott hat vns getrōſtet von der
Erbeit. Meine lieben Bruͤder/ nemet der Fiſch/ ſo
viel als vns nun vort an not iſt/ vnd kochet die/ vnd
nemet Kreuter vnd Wurtzelen/ huͤtet euch aber/ daß
jhr des Bruns nicht zu viel zu euch nemet/ deſſen
vngeachtet truͤncken eins theils ſo viel/ daß etliche
zween/ etliche drey/ etliche neun tage ſchlieffen.
Vnd der heilige Vater/ bate ſtets Gott vor ſie. Dar-
nach ſprach er: Wir wollen von hinnen fliehen/
auff daß vns nicht mehr vngluͤcks wiederfahre/
Gott
[176] Gott gab vns eſſen vnd trincken/ vnnd jhr habt vns
groß vngelegenheit damit gemacht/ darumb das jr
mir kein gehoͤr geben woltet. Nemet von dieſen Fi-
ſchen ſo viel wir gnug haben/ biß auff den Gruͤnen
Donnerſtag/ auch nemet ſo viel von dem Waſſer
vnd Wurtzeln. Daß thaten ſie/ vnd fuhren vort
an gen Mitternacht.

Darnach ober drey tage/ legte ſich der Wind/
vnd die Bruͤder vnterſtunden ſich zu Rudern. Deñ
daß Meer war ſo ſtill/ als obs gefroren were. Da
ſprach S. Brandanus zu ſeinen Bruͤdern: Nemet
die Ruder ein/ vnd laſt daß Schiff treiben/ wo es
der Allmechtige Gott hinſchicken wil/ vnnd trieben
alſo 20. tage. Darnach kriegen ſie guten Wind/ vom
Abend gegen den Morgen/ vnd aſſen je vber den
dritten tag.

Eines tages ſahen ſie von ferne eine Jnſel als
ein Wolcken/ da ſagt S. Brandanus: Kinder/ ken-
net jhr die Jnſel wol? Sie ſagten nein: Er ſagt:
Daß iſt die Jnſel/ da wir vorm Jahr waren/ auff
den Gruͤnen Donnerſtag/ da wohnet vnſer from-
mer Schaffner. Da fingen ſie an zu Rudern. Da
ſagt er: Kinder/ machet euch nicht vergebliche muͤ-
he vnd erbeit: Jſt Gott nicht vnſers Schiffes
Gleitsman? Er wird vnſern weg richten/ wie er
wil. Da begegnete jhnen der Mann/ vnd brachte
ſie wieder in den Hafen/ da ſie außgefahren wa-
ren/
[177] ren/ vnd kuͤſſete jre Fuͤſſe vnd ſprach: Gott iſt wun-
derlich in ſeinen heiligen/ der Gott Jſrael giebt ſter-
cke ſeinem Volcke/ Gott ſey gebenedeyet. Darnach
bereitet er ein Bad/ vnd war auff den gruͤnen Don-
nerſtag/ vnd zohe den Bruͤdern friſche Kleider an/
vnd dienete jhnen darnach drey tage. Vnd die Bruͤ-
der begingen da daß Leiden vnſers HErrn/ mit
groſſer andacht.

Darnach ſagt der Mann: Gehet in ewer Schiff/
vnd fahret hin/ daß ihr moͤget begehen die Auffer-
ſtehung/ da jhr ſie vor ein jahr begingt/ vnd Ru-
dert hin zu der Jnſel/ die da heiſt daß Paradiß der
Vogel/ da jhr vor ein jahr waret/ von Oſtern biß
auff Pfingſten/ vnd nemet mit euch/ was euch noth
iſt/ ich wil zu euch kommen des andern Sontags.
Daß thaten ſie. Da ſie nun auff die Jnſel kamen/
da funden ſie den Keſſel/ den ſie des vorigen jahrs
auff den groſſen Fiſch da gelaſſen hatten. Da ſtie-
gen ſie aus dem Schiff/ vnd ſungen den lobgeſang
der dreyen Kinder. Vnd S. Brandanus ſprach: O
mein lieben Kinder/ wachet vnd betet/ das ihr nicht
in verſuchung fallet/ da wachten ſie vnd beteten.
Des Morgens laſen die Prieſter Meß/ vnd S.
Brandanus ſprach: Hie begingen wir auch im vo-
rigen jahr/ die Aufferſtehung vnſers HErrn/ als
wir jtzt auch thun. Darnach fuhren ſie in die Jn-
ſel der Vogel/ da ſie bey den Hafen kamen/ ſungen
Aadie
[178] die Vogel aus dem 7. Capittel der offenbarung Jo-
hannis: Heil ſey vnſerm Gott/ vnd dem Lamb/ daß
da ſitzet auff dem Thron/ vnd vnſer HErr Gott iſt
vns erſchienen/ vnd hat vns geſetzet einen Feyr-
tag. Daß ſungen ſie mit dem Munde vnd Fluͤ-
geln.

Als ſie nun daſelbſt daß Oſterfeſt begingen/ da
kam jhr Schaffner/ vnd bracht jhnen jhres Leibes
notturfft. Da ſie aber ſaſſen vnd aſſen/ da kam der
vorbenante Vogel fuͤr ſie/ vnd machte einen ſchall
mit den Fluͤgeln/ als ein Orgelſpiel. Da mercket
er wol/ daß jhm der Vogel etwas offenbaren wolt/
vnd ſprach: Gott hat vns verkuͤndiget/ daß jhr mit
ewrem Schaffner/ der jtzt hie iſt/ ſolt 4. jahr daß
Abendmahl vnſers HErrn begehen/ auff dem Ruͤ-
cken des Fiſches/ Oſtern vnd Pfingſten mit den
Bruͤdern Albei, vnd auch die Geburt vnſers HEr-
ren. Nach 9. jahren/ ſolt jhr nach groſſem leide
daß gelobte Land finden/ vnd ſollet da bleiben 40. ta-
ge. Darnach ſollet jhr wieder zu Hauß kommen.
Des danckete er Gott/ vnd fiel ſeinen Bruͤdern
auff die Erde/ mit groſſer andacht.

Da reiſete der Schaffner wider zu Hauß/ vnd
verhieß mit der Gottes huͤlffe wieder auff Pfing-
ſten bey jhnen zu ſein. Da nun Pfingſten kam/ da
bereiteten ſie ſich/ vnd gingen zu Schiff. Da kam
jhnen
[179] jhnen jhr Schaffner entgegen/ vnd bracht jhnen jh-
re notturfft/ vnd fuhr wieder zu Hauß.

Das Siebende Capittel/ von Meer-
wundern.

ALS ſie nun hatten gefahren 40. tage auff
dem Meer/ da erſchien jhm ein vngehewr
Thier/ lieff ſie an/ vnd warff daß Waſſer mit
groſſer vngeſtuͤm auff/ gleich als ob es ſie verſchlin-
gen wolte. Da rieffen die Bruͤder: Erloͤß vns Gott.
Da troͤſtet ſie S. Brandanus, vnd ſprach: Jhr klein-
gleubigen/ der allezeit vnſer beſchirmer geweſen iſt/
der wird vns auch wol hieuon erloͤſen. Darnach
kam das Thier noch neher. Da hub S. Brandanus
ſeine Hende auff gegen Himmel/ vnd ſprach: HErr
erloͤſe deine Knechte/ der du Dauid erloͤſeſt/ aus der
Hand des Ryſen Goliats/ vnd lonam aus dem
Bauch des Walfiſches/ Bald wante ſich daß Thier
von jhnen ins Meer. Vnd ein ander Thier kam
jhm entgegen/ vnd ſtuͤrmeten ſo zuſamen/ daß jnen
duͤnckte/ das daß Fewr aus jhrem Halſe flohe/ vnd
das zu jhnen angefahren war/ ward auff drey ſtuͤck
zerriſſen/ vnd das andere fuhr wider in ſeine woh-
nung.

Des andern tages ſahen ſie eine ſchoͤne Jnſel
voll Bewm/ vnd da ſie kamen bey die Jnſel/ da fun-
A a ijden
[180] den ſie daß hinderſte theil des Thiers/ daß getoͤdtet
war. Da ſagt S. Brandanus: Sehet daß Thier/
das vns verzehren wolte/ daß wollen wir nun ver-
zehren/ vnd ließ die Bruͤder jhr Gezelt auffſchla-
gen/ vnd ſagte: Nemet ſo viel von dieſem Fiſch/ als
vns noth iſt. Denn vber drey Monat ſol es faſt
verzehret ſein. Da trugen ſie ein biß an den Abend
von dem Fiſche/ vnd frageten dabey: Vater/ koͤn-
nen wir auch allhie wol leben ohne Waſſer? Er ſag-
te: Jſts Gott mehr vnmuͤglich Waſſer zu geben/
denn Speiſe? Gehet gegen Mittag/ da findet jhr
einen klaren Brunn/ Wurtzeln vnd Kreuter/ das
thaten ſie/ vnd funden es alſo. Da blieben ſie drey
Monat/ vnd in dem Meer war zu mahl groß vnge-
witter/ von Wind/ Regen vnd Hagel.

Darnach gingen die Bruͤder/ vnd ſahen nach
dem Thier/ vnd funden es verzehret/ das ſagten ſie
jhren Vater. Da ſagt er: Jch wuſte wol/ das jhr
mich verſuchen woltet. Jch ſage euch noch ein ander
zeichen: Morgen ſol das ander ſtuͤck des Fiſches
kommen. Daß geſchach alſo/ vnd er hieß ſie da ſo
viel von nehmen/ das ſie genug hatten/ vnd ließ daß
einſaltzen/ vnd ſprach: Morgen wird es klar Wet-
ter/ vnd kriegen einen guten Wind/ vnd wollen wei-
ter fahren.

Da beluden ſie jhr Schiff mit victualien, Waſ-
ſer/ Kreuter vnd Wurtzeln/ denn er aß nichts/ da le-
ben
[181] ben inne war. Darnach fuhren ſie nach Mitter-
nacht/ da ſahen ſie eine Jnſel/ da ſagt er: Jn dem
Land ſind dreyerley Menſchen/ Kinder/ Juͤngling
vnd Alten. Vnd einer von vnſern Bruͤdern/ ſol in
die Jnſel gehen. Da fragten ſie/ wer der were. Da
ſagt er: Das iſt er. Vnd war einer von denen die jm
folgten aus dem Kloſter. Da ſie auff die Jnſel ka-
men/ da war es ſo eben/ ohne Bewe/ das ſie deuch-
te/ es were das Meer/ vnd mit Purpur/ vnd Abla-
ten vberſtrewet/ vnd ſahen da drey ſchaten/ als er
hatte geſaget/ vnd die eine ſtund von der andern ſo
ferne/ als man mit einer ſchleuder werffen mag/
vnd ſungen. Die Heiligen werden gehen/ aus einer
tugend in die ander/ vnd ſollen denn Gott aller Goͤt-
ter in Sion ſehen. Wenn eine ſchar nachlies/ ſo hub
die ander wider an/ vnd jungen das alſo ohn vnter-
laß/ der Kinder ſchar war mit weiſſen Kleidern be-
kleidet. Der Juͤngling ſchar mit blawen ſeiden ſtuͤ-
cken/ der Alten mit Purpur. Als wir da an ka-
men/ huben ſie an vnd ſungen: Gott erbarme ſich
vber vns/ vnd ſegne vns/ vnd laß ſein Antlitz vber
vns leuchten/ vnd andere Pſalmen/ die zu dem lob-
geſang gehoͤreten/ als: Aus der tieffen rueff ich zu
dir. Vnd: Siehe/ wie fein vnd lieblich iſts. Vnd:
Gott man lobet dich in der ſtille zu Sion. Lobet jhr
Knecht den HErren/ lobet den Namen des HEr-
reu/ etc. Darnach bedeckte das Land eine klare
A a iijWol-
[182] Wolcken/ vnd ſie konten nicht ſehen/ das ſie zuuor
hatten geſehen von wegen der Wolcken/ vnd ſuͤngen
da: Lobet jhr Himmel den HErrn/ etc. Singet dem
HErrn ein newes Lied/ etc. Lobet den HErrn in ſei-
nem Heiligthumb/ etc. Vnd viel andere Pſalmen.
Des Morgendes verging die Wolcken/ da ſuͤngen
ſie drey Pſalmen/ als: Gott ſey mir gnedig/ etc.
Mein Gott/ Mein Gott/ warumb haſtu mich ver-
laſſen/ etc. HErr du biſt vnſer zuflucht/ etc. Zu der
Tertien zeit: Frolocket mit Hendē alle Voͤlcker/ etc.
Hilff mir Gott durch deinen Nahmen/ etc. Das iſt
mir lieb/ das der HErr mein ſtim vnd flehen erhoͤ-
ret/ etc. Darnach opfferten ſie das vnbefleckte
Lamb/ vnd kamen alle zu dem Sacrament/ vnd
ſprachen: Dieſen heiligen Leib vnſers Seligma-
chers nemet zu euch/ vnd ſein Blut zu dem Ewigen
Leben. Da kamen junge Geſellen aus der ſchar/
vnd hatten einen Korb vol Kappern/ vnd warffen
den in jr Schiff/ vnd ſagten: Nemet von der frucht
der Jnſel/ der ſtarcken Menner/ vnd gebet vns ew-
ren Bruder/ vnd fahret in den frieden. Da gab S.
Brandanus jhnen den Bruder/ vnd ſagte: Kuͤſſe dei-
ne Bruͤder/ vnd gehe mit jnen. Jn einer guten ſtun-
de hat dich deine Mutter empfangen/ das du magſt
wohnen bey einer ſolchen geſelſchafft. Gedeuck wie
viel guts dir Gott beweyſet in dieſer Welt/ gehe vnd
bitte vor vns.

Da ging er mit den zween Juͤnglingen/ vnd S.
Brandanus fuhr mit ſeinen Bruͤdern weiter/ vnnd
hieß ſeine Bruͤder von den Kapern brauchen/ vnd
nam eine in ſeine Hand. Als er ſahe/ das ſie ſo
groß/ vnnd voll ſafftes war/ ſagt er: Jch habe kei-
ne groͤſſer Kapern geſehen/ denn ſie waren als groſ-
ſe Ballen. Da hieß er jhm bringen ein Gefeß/
vnd druͤckete den Safft aus einer drein/ das war
ein gantz Quartier. Die theilt er in zwelff theil/
vnd gab jeglichem ein theil/ alſo worden ſie dauon
geſpeiſet zwelff tage. Darnach vber etliche tage
gebot er/ das ſie faſten ſolten drey tag. Des drit-
ten tags kam ein ſehr gros Vogel aus einer Jnſel/
vnd hatte in ſeinem Mund einen vnbekanten zweig/
an dem ende des zweiges/ hieng ein zumahl groſſe
vnd ſchoͤne Weintraube/ die lies er fallen in die
Schoß S. Brandani. Da rieff er zu ſich die Bruͤ-
der/ vnd ſprach: Eſſet von dieſer Speiſe/ die vns
Gott geſand hat. Vnnd theilete die Trauben vn-
ter ſie/ vnd die Behren waren ſo gros als Epffel/
dauon hatten ſie jhre notturfft zwelff tage. Dar-
nach gebot er jhnen/ das ſie faſten ſolten drey tag.
Des dritten tages ſahen ſie ein Jnſel voll Bew-
me/ deren drey hatten Trauben in groſſer
vberfluͤſsigkeit/ vnnd da war nicht ein Bawm
vnfruchtbar. Da ſie an die Jnſel kamen/ da
blieben
[184] blieben die Bruͤder bey dem Schiff/ vnd er gieng
allenthalben auff das Land/ vnd es roch als wenn
es voll wolriechender Epffel were geweſen/ vnd der
geruch kam auch zu den Bruͤdern/ vnd fand da-
ſelbſt ſechs ſchoͤne Baͤchlein/ ging wider zu ſeinen
Bruͤdern/ vnd hies ſie auff das Land gehen/ vnnd
ſprach: Richtet hier vnſer Gezelt auff/ vnnd eſſet
von der Speiſe die vns Gott gezeiget hat/ vnd blie-
ben allda 40. tage/ vnd aſſen der Trauben/ Wurtzeln
vnd Kreuter. Darnach fuhrē ſie wider auff dz Meer/
da begegnete jhnen ein groß Vogel/ der hieß Vogel
Greiff, da rieffē die Bruͤder: Vater dz Thier wil vns
verſchlingen. Er ſagt: Fuͤrchtet euch nicht/ Gott iſt
vnſer beſchirmer. Zu hand reckete er ſeine Klawen
aus nach den Bruͤdern. Da kam ein ander Vogel/
der jhnen zuuor den Trauben zweig brachte/ vnnd
floh dem Vogel Greiff entgegen/ vnd ſtritten ſo lan-
ge/ biß er dem Vogel Greiff ſeine Augen auskratzte/
da floh er ſo hoch in die Lufft/ das jhn die Bruͤder
kaum ſehen konten/ aber der ander folgte jm ſo lang/
biß er jhn toͤdte/ vnd fiel bey dem Schiff nieder/ da
floh der ander Vogel wider an ſeine ſtelle/ darnach
ſah er die Jnſel der Bruͤder Albei, da begingen ſie
vnſers HErren Geburt/ denn ſie waren allzeit an
den dreyen oͤrthen/ als vor geſagt iſt.

Das Achte Capittel/ Wie die Meerthier
Meß hoͤren/ vnd ſie an des Himmels Seul/
vnd an die Helle kommen.

A Vff eine zeit begingen ſie S. Peters feſt in
dem Schiffe/ da ward das Meer ſo klar/ dos
ſie ſehen konten/ was auff dem grund des
Meers war/ vnd ſahen mancherley Thier auff dem
Bodem des Meers/ vnd lagen mit den Koͤpffen vnd
Schwentzen in einander geflochten/ vnd jhrer war
ſo viel/ das es lag/ als eine groſſe Stad. Vnd die
Bruͤder bathen S. Brandanum, das er heimlich
ſolte Meſſe halten/ das ſie die Thier nicht hoͤrten/
vnd verderbien. Denn es duͤnckte ſie/ das ſie ſo nah
weren/ wegen der klarheit des Meers/ das ſie die
konten mit den Henden greiffen. Da ward er la-
chend/ vnd ſprach: Mich verwundert ewer thor-
heit/ das jhr die Thier fuͤrchtet/ vnd fuͤrchtet nicht
das groſſe Thier/ das ein verzehrer war aller Thier
des Meers/ deſſen fleiſch jhr kochetet/ vnd auff ſei-
nen Ruͤck Fewr machtet? Jſt Gott nicht ein HErr
aller Thier? Vnſer HErr Jeſus Chriſtus ma-
chet demuͤtig alle Thier. Da hub er an mit lauter
ſtimme/ vnd die Bruͤder ſahen alle nach den Thie-
ren/ die erhuben ſich/ vnnd ſchwummen bey dem
Schiffe/ vnd jhrer war ſo viel/ das ſie nichts ſahen/
denn Thier/ aber ſie kamen nicht nahe bey dz Schiff.
B bDa
[186] Da die Meſſe aus war/ da ſchwummen ſie fern
von dem Schiff in daß Meer. Auff eine zeit hielt
er Meſſe in dem Meer/ vnd allda erſchein jhm eine
Seule/ vnd es duͤnckete ſie/ daß ſie hart bey jh-
nen war/ aber in dreyen tagen konten ſie nicht
darbey kommen. Als ſie nun dabey kamen/ war
ſie ſo hoch/ daß ſie das ende dauon nicht ſehen kon-
ten/ die Seule war von Cryſtal. Da ſagt S.
Brandanus, nemet ein die Ruder/ vnd den Maſt-
baum/ vnd ſie fuhren hinan an die Senle/ vnd be-
ſahen da mit fleiß/ daß werck vnſers Schepffers.
Da ſie daß beſahen/ duͤnckte ſie/ das Meer als ein
Cryſtall ſein ron klarheit/ daß ſie in des Meers
grund moͤchten ſehen/ vnd beſahen daß fundament
der Seulen/ vnd darunter ſchein die Sonne ſo klar
als oben. Da fuhren ſie einen gantzen tag/ bey der
Seulen ſeite/ vnd war 1400 Ellen breit. Des vier-
ten tages funden ſie einen Kilch vnd eine Paten/
die von der Materia der Seulen gemacht waren/
liegend in einem Fenſter an der Seulen ſeiten/ die
nam Brandanus vnd ſprach: Jheſus Chriſtus hat
vns dieſe Gefeß gegeben/ das vns die Leut gleub-
ten. Vnd gebot/ das man den Gottesdienſt voll-
bringen ſolt/ vnd ſich darnach mit leiblicher Speiß
erquicken. Des Morgendes zogen ſie jhre Siegel
auff/ vnd fuhren gegen Mitternacht/ vnd hat-
ten
[187] ten ſo guten Wind/ daß ſie nicht Rudern durff-
ten.

Nach 8. tagen ſahen ſie ein Jnſel/ duͤrre vnd ſtei-
nig/ ohne Beum vnd Kreuter/ ohne es war voll
Ambos der Schmiede. Da ſagt der heilige Vater:
Lieben Bruͤder/ mir iſt zu mal bange vor dieſer Jn-
ſel/ hierein wil ich nicht gehen/ der Wind treib
mich denn darein. Da blieben ſie einen ſtein-
wurff von der Jnſel/ vnd hoͤreten einen thon der
Blaßbelge/ vnd der Hemmer vnd Amboß/ als ei-
nen Donner. Da er daß hoͤrete/ da waffnet er
ſich mit dem Goͤttlichen Schilde/ vnd ſprach: HErr
Jheſu Chriſte erloͤß vns von dieſer Jnſel. Zu hand
kam einer von den einwohnern des Landes/ jhnen
leid zu thun/ vnd war rauch/ fewrig vnd ſchwartz/
da er den Diener Gottes jah/ da lieff er wider in
ſeine Huͤtten. Da S. Brandanus das ſah/ da
zeichnet er ſich mit dem heiligen Creutz/ vnd ſprach:
Lieben Bruͤder/ ziehet das Siegel auff/ vnd Ru-
dert/ auff das wir von dieſem Lande kommen/
Bald kamen da Menner mit einer fewrigen Mul-
ter vnd Zangen/ vnnd hatten fewrige Kieſelſteine/
vnd warffen vnter die Diener Gottes. Aber
Gott halff jhnen/ das jhnen ſolches nicht ſchade-
te. Die Steine fielen wol funfftzig ſchritt von
jhnen in das Meer/ vnd wo ſie hin fielen/ da
kocht daß Meer/ als ob ein fewriger Berg wer drein
B b ijgefallen/
[188] gefallen/ vnd der Rauch ging auff in dem Meer/
als aus einem wuͤtenden Fewr. Da ſie nun eine
meile weges von dem Lande waren/ da kamen zuſa-
men/ alle die in der Jnſel waren/ vnd brachten ein
jeder etwas Fewrs/ etliche warffen nach den Die-
nern Gottes/ etliche warffen das an ander oͤrther/
vnd lieffen ohn vnterlaß in die Huͤtten/ vnd ſteckten
newe Fewr an/ vnd es dunckt ſie/ als ob die gantze
Jnſel brante. Vnd ſie hoͤreten den gantzen tag/ ein
groß heulen vnd ruffen/ vnd hoͤrten das noch/ da
ſie die Jnſel nicht mehr ſehen konten/ vnd rochen ei-
nen faulen geſtanck. Da troͤſtete ſie der heilige
Vater vnd nothelffer S. Brandanus, vnd ſprach: O
jhr Ritter Gottes/ ſeid nun ſtarck im glauben/ denn
wir ſind geweſen bey der Pforten der Hellen/ dar-
umb wachet vnd arbeitet in dem dienſt Gottes. Des
andern tages/ erſchein jhnen ein Berg im Meer/
gegen Mitternacht durch ein finſter Wolcken/ die
war ſehr vol Rauchs. Dahin kamen ſie mit einem
ſchnellen Wind/ vnd das Schiff kam hart bey daß
Land/ vnd daß Vfer war ſo hoch/ daß ſie das ober-
ſie dauon nicht ſehen konten/ vnd es war ſchwartz
als eine Maur. Da ſprang aus dem Schiffe der
dritte Bruder/ der S. Brandano nachfolgte aus dem
Kloſter/ vnd ſtieg hernider biß auff den grund des
Vfers/ vnd ſprach: O weh Vater/ ich werde ewer
beraubet/ vnd mag nicht wider zu euch kommen. Da
ſtieſſen
[189] ſtieſſen die Bruͤder das Schiff vom Land/ vnd rief-
fen: Erbarm dich vnſer/ HErr erbarm dich vnſer.
Da ſahen ſie/ wie der Bruder ward gezogen vnd
gebrant/ von den boͤſen Geiſtern. Vnd S. Branda-
nus ſprach: Weh dir Suͤnder/ daß haſtu in deinem
leben vordienet. Darnach hatten ſie einen guten
Wind/ vnd fuhren nach Mittag. Da ſahen ſie wi-
der in einer Jnſel einen Berg/ der ſpeiete fewrige
Flammen von ſich biß in den Himmel/ vnd zoge ſie
wider zu ſich/ alſo/ daß der gantze Berg fewrig war.
Darnach ſahen ſie ein Bild als ein Menſch/ der ſaß
auff einē Stein/ vñ fuͤr dem Bilde nicht ferne hieng
ein tuch/ vnd ſchlug hin vnd her/ als ein Siegel
auff einem Schiff daß vortgehen wil.

Da ſagten etliche: Daß iſt ein Vogel. Etliche
ſagten: Daß iſt ein Schiff. Da ſagt der freund
Gottes S. Brandanus: Schicket daß Schiff hin-
bey. Da ſie hinbey kamen/ da ſtund daß Schiff
ſtille/ vnd ſie funden da einen rauchen Menſchen/
der war ſehr vngeſtalt/ vnd war vmb vnd vmb be-
floſſen mit Waſſer/ daß war wie Eiß/ daß ſchlug zu
jhm von allen ſeiten biß vber daß Heupt/ vnd floß
wider ab/ da ſahen die Bruͤder den Stein/ vnd daß
Tuch/ vnd daſſelbe tuch ſchlug jhn in die Augen/
vnd vor die Stirn. Da fragt S. Brandanus wer er
were/ vnd was er verſchuldet hette/ daß er da ſeſſe?
Da ſprach er: Jch bin der vnſeligſte Judas/ der al-
B b iijlerergſte
[190] lerergſte Kauffman/ vnd ich ſitze hie von der vnauß-
ſprechlichen gnade vnſers lieben HErrn Jeſu Chri-
ſti/ vnnd von dem verdienſt ſeiner Aufferſtehung.
Denn es war Sontag. Wenn Jch hie ſitze/ ſo duͤn-
cket mich/ das ich ſitze in dem Wolluͤſtigen Paradiß/
wegen der furcht der vbergroſſen Pein/ die ich noch
auff den Abend leiden ſol. Denn ich brenne als ein
ſchmeltzendes bley/ in einen Topff/ tag vnd nacht.
Mitten in dem Berge/ den jhr habt geſehen/ da iſt
die alte Schlang mit jhren Soldnern/ da war ich/
da ewer Bruder darinne ward verſchlungen/ da-
rumb war die Hell ſo froͤlich/ vnd iſt allezeit ſo froͤ-
lich/ wenn ſie eine Seele verſchlinget. Vnd meine
erquickung iſt hie alzeit des Sontags/ von der einen
Veſper zu der andern/ vnd von dem Heiligen Chri-
ſtage bis auff der Heiligen drey Koͤnig tage/ von O-
ſtern bis auff Pfingſten/ vnd auff Lichtmes/ vnd
als vnſer liebe Fraw gegen Himel fuhr. Darnach
werde ich allzeit gepeiniget in dieſem abgrund der
Hellen mit Herode vnd Pilato, mit Hanna vnd
Caipha. Darumb beſchwer ich euch bey dem er-
loͤſer der Welt/ das jhr Gott bittet/ daß ich hie
mag ſitzen bis morgen fruͤe/ auff das mich die boͤſen
Geiſter nicht Peinigen/ wegen ewer zukunfft vnd
fuͤhren mich zu dem beſten erbe/ das ich kauffte mit
dem boͤſen gelde. Da ſagt. S. Brandanus: Gottes
wille
[191] wille geſchehe/ du ſolt der boͤſen Geiſter ſpeiſe nicht
ſein/ biß morgen. Da fragete er: Was thut diß
Kleid hie? Da ſagte er: Diß Kleid gab ich einem
ausſetzigen/ da war ich ein Schaffer des HErrn/
doch es war mein nicht/ ſondern des HErrn vnd
der Bruͤder/ darumb hab ich keine linderung da-
uon/ ſondern hinderniß vnd verdrieß. Vnd die
Gabel da das Kleid anhengt/ gab ich den Prieſtern
des Tempels/ daß ſie die Keſſel damit ſolten hal-
ten. Vnd dieſen Stein darauff ich ſitze/ legte ich in
den weg/ das die armen daruͤber gingen/ das that
ich/ ehe ich des HErren juͤnger ward.

Des Abends kam eine vnzehliche ſchar der boͤ-
ſen Geiſter/ vnd bedecktē das gantze Meer/ vnd rief-
fen: Weiche von vns du freund Gottes/ wir moͤ-
gen zu vnſerm Freunde nicht kommen/ ehe du weg
biſt/ auch duͤrffen wir nicht kommen fuͤr vnſers
Fuͤrſten Augen/ ehe wir jhm ſeinen Freund brin-
gen/ du ſolt jhn nicht beſchirmen. Da ſprach er:
Jch beſchirme jhn nicht/ ſondern vnſer HErr Jhe-
ſus Chriſtus gibt jhm hie zu bleiben biß Mor-
gen. Da fragten die Feinde/ warumb bitteſtu
fuͤr jhn/ er iſt doch ein Verrehter des HErren?
Da ſagte er? Jch gebiete euch/ das jhr jhm nichts
boͤſes anthut in dieſer Nacht. Des nachts
fuhren ſie dauon/ vnd eine vnzehlige Zahl der
hoͤſen
[192] boͤſen Geiſter bedeckten daß Meer/ vnd ſchrien vnd
rieffen: O du freund Gottes/ deine zukunfft iſt vns
eine vermaledeiung/ vnſer Fuͤrſt wird vns in dieſer
Nacht mit vnaußſprechlichen ſchlegen ſchlagen/ daß
wir jhme ſeinen Gefangen nicht wider bringen. Da
ſpracher: Vns kompt die vermaledeyung nicht zu/
ſondern euch/ wen jhr vermaledeyet/ der iſt gebe-
nedeyet/ den jhr benedeyet/ der iſt vermaledeiet. Da
rieffen die Feinde: Der vnſelige Judas ſoll duppel-
te pein leiden in dieſen ſechs tagen/ wo du jn beſchir-
meſt in dieſer Nacht. Da ſagte er: Jch gebiete euch
vnter ewern Fuͤrſten/ daß jhr jhn nicht mehr peini-
get/ denn jr pfleget/ denn jr habt ſeiner keine macht/
ſondern es iſt Gottes gewalt. Da ſagten die Fein-
de/ du biſt ja kein Gott/ das wir deinen worten ſol-
len gehorſam ſein/ Er ſagt: Jch bin ſein Knecht/ vnd
was ich euch in ſeinem namen gebiete/ daß muͤſſet jr
thun/ die gewalt hat er mir gegeben. Da folgten
die Feinde jhm nach/ vnd konten dem Juda nichts
thun/ darnach namen ſie die vnſelige Seel mit ei-
nem groſſen Poltern/ blecken vnd ruffen/ vnd der lie-
be Brandanus fuhr gen Mittag/ vnd lobte Gott mit
ſeinen Bruͤdern.

Das Neunde Capittel/ von Pau-
lo dem erſten Emſiedel/ vnd dem
Patadiß.

DEs dritten tages ſahē ſie ein kleine Jnſel ge-
gen Suͤden/ da die Bruͤder ſehr Ruderten
vnd naheten dem Lande/ da ſprach S. Bran-
danus: Lieben Bruͤder arbeitet nicht ſo ſehr/ jr ſeid
7. jahr in der arbeit geweſen/ wann nun Oſtern
kompt: Nun ſolt jhr ſehen Paulum den erſten Ein-
ſiedel/ der hat in dieſem Lande 60. jahr in einem
ſtrengen leben gelebet. Da ſie bey die Jnſel kamen/
da kunten ſie nicht finden den eingang vor vielheit
der Vfer. Zum letzten funden ſie einen Hafen kaum
ſo weit/ daß das voͤrderſte von dem Schiff konte
hinein gehen/ vnd konten da kaum außgehen. Da
ſagt S. Brandanus: Wartet meiner/ biß ich wider
komme/ euch ziemet hie nicht aus zu gehen/ ohne
erlaubniß des Mans Gottes/ der hie wohnet. Da
er nun kame auff das hoͤheſte der Jnſel/ ſahe er
zwey loͤcher/ das eine forne/ das ander an der ſei-
ten der Jnſel gegen Morgen/ vnd einen kleinen run-
den Brunn/ als ein ziehebrunn/ vnd ſprang aus ei-
nem Stein vor der Thuͤr des Lochs/ darin der Rit-
ter Gottes wohnete/ ſo bald der Brun außlieff/ ſo
verſchloß das Waſſer den Stein. Da er kam vor
die Thuͤr des einen Lochs/ da kam aus dem andern
loch/ ein alt Mann jhm entgegen/ vnd ſagt: Sehet
wie fein vnd lieblich iſis/ das Bruͤder eintrechtig
bey einander wohnen/ vnd gebot S. Brandano, das
er alle ſeine Bruͤder ließ kommen. Da ſie zuſamen
C ckamen/
[194] kamen/ vnd ſich kuͤſſeten/ da nennete er einen jegli-
chen bey ſeinen namen. Des verwunderten ſich
die Bruͤder/ vnd auch ſeiner Kleidung/ denn er war
vberal bedeckt mit ſeinen Haren/ vnd mit ſeinem
Bard. Die Har ſcheineten als der Schnee vor
groſſem alter/ vnd man ſahe allein die Augen vnd
das Antlitz/ vnd hatte ſonſt keine Kleider an. Da
ward der liebe S. Brandanus ſehr betruͤbt/ vnd ſprach
bey ſich ſelbſt: Wehe mir/ das ich trage ein
Muͤnchs Kleid/ vnd habe ſo viel Muͤnch vnter
mir/ vnd ſehe nun in einem Engeliſchen ſtande/
Menſchen leben ohne boͤßheit des Fleiſches. Da
ſprach der alte Mann: Och du Ehrwirdiger Va-
ter/ ſolch groß wunder hat dir Gott beweiſet/ die er
keinem andern Vater ſolcher Bruͤder geoffenbaret
hat. Du ſagſt in deinem Hertzen/ das du nicht wir-
dig biſt/ zu tragen ein Kleid eines Muͤnches/ der
du groͤſſer biſt denn ein Koͤnig. Ein Muͤnch nehret
ſich der Werck ſeiner Hende/ aber Gott hat dich mit
deiner geſelſchafft ernehret vnd bekleidet ſieben jahr.
Jch armer Menſch/ ſitze hie nacket als ein Vogel/
vnd bin allein bekleidet mit meinen Haren.

Da fragte S. Brandanus jhn/ wo er herkom-
men were/ vnd wie lang er allda ſolch ſtreng vnd
hart leben der Buß gefuͤhret hette? Da ſagte der
alte Mann: Jch bin auffgezogen in dem Kloſter S.
Patricii,
[195]Patricii, vnd ver warete 40. jahr der Bruͤder Kirch-
hoff. Eines tages da ich mir erwehlet eine ſtete mei-
nes Grabes/ da erſchien mir ein alter Mann/ vnd
ſprach: Lieber Bruder/ ich wil da kein Grab ma-
chen/ denn da iſt eines andern Grab. Da fragte
ich: Vater/ Wer biſtu? Da ſprach er: Kenneſtu
mich nicht? Bin ich nicht dein Vater? Da ſagte
ich zu ihm: Patricius iſt mein Vater. Er ſprach:
Das bin ich/ geſtern fuhr ich von dieſer Welt/ hie
iſt meines Grabes ſteth/ vnd dabey ſoltu meines
Bruders Grab machen/ vnd ſage es niemand/ das
ich es dir habe geſaget. Gehe Morgen an das V-
fer des Meers/ da findeſtu ein Schiff/ das ſol dich
bringen an den orth/ da du deines letzten tages er-
warten ſolt. Des Morgendes fand ich das
Schiff/ damit fuhr ich drey Tage vnd Nacht/ wo
mich der Wind hin wehete. Des 4. tages ſahe ich
dieſe klippen/ da gieng ich auff/ vnd ſtieß mit met-
nen Fuͤſſen das Schiff wider in daß Meer/ vnd
das fuhr als bald hinweg. Zur Nonen zeit bracht
mir ein Drach in ſeinem Mund einen Fiſch aus
dem Meer/ vnd einen Eiſern Spaten/ vnd bracht
ein buͤndlein Holtz in ſeinen forderſten Fuͤſſen/
vnd gieng auff den hinderſten Fuͤſſen/ vnd der
Drach gieng wieder in ſeine wohnung/ vnd brach-
te Fewr vnd bereitete mir meine Spriſe: Al-
ſo hat mir das Thier allzeit vber den dritten tag
C c ijdreiſsig
[196] dreiſsig jahr lang meine Speiß gebracht/ vnd ha-
be alſo alle tag daß dritte theil von dem Fiſche geſ-
ſen/ vnd ſonſt keinen troſt gehabt von der gnade
Gottes/ ohne des Sontags leufft ein wenig Waſ-
ſer aus dieſem Stein/ da neme ich von in mein
feßlein/ zu meiner Hende werck. Nach dreiſsig
jahren fand ich dieſe zwey hoͤlen/ vnd dieſen Brun/
vnd habe hie 40. jahr gelebet/ ohne anderer Speiß:
Vnd war 50 jahr in meinem Vaterland/ vnd bin
alt 90. jahr/ vnd ſol hie meinen letzten tag erwar-
ten. Nemet von dieſem Brunn in ewer feßlein/
denn jhr habt noch 40. tag zu fahren biß zu der Jn-
ſel/ da jhr ewer Oſtern zu halten pfleget. Darnach
ſolt jhr fahren in das gelobte Land/ vnd da 40. tag
bleiben. Darnach ſol euch der ewige Gott wieder
beleiten in ewer Vaterland/ da jhr herkommen ſeid.
Da nam er von dem alten Mann den Stgen/ vnd
fuhr mit ſeinen Bruͤdern nach Mittage werts/ die
gantze Faſten vber/ vnd hatten nur das Waſſer/
das brauchten ſie vmb den dritten tag/ vnd blieben
froͤlich ohne Hunger vnd Durſt. Darnach kamen
ſie in die Jnſel jhres Schaffners/ der lieff jhnen
entgegen mit außgereckten Henden/ vnd begingen
da den Gottesdienſt. Vnd der Verwalter berei-
tet jhnen die Abendmalzeit/ vnd fuhren darnach
von dannen/ vnd der Mann mit jhnen/ vnd kamen
auff den Fiſch/ der lage an ſeiner vorigen ſiete/ da
ſungen
[197] ſungen ſie das lob Gottes den gantzen tag. Da die
Meſſe aus war/ ging der Fiſch laſconius ſeinen
weg/ vnd alle Bruͤder rieffen: Erhoͤr vns HErr vn-
ſer heil. Da troͤſtete ſie S. Brandanus vnd ſprach:
Seid vnerſchrocken/ wir werden huͤlff haben in vn-
ſern wegen: Da ging der Fiſch recht nach der Jn-
ſel der Vogel/ da blieben ſie biß in den achten tag
nach Pfingſten. Darnach ſprach der Schaffner:
Gehet zu Schiff/ vnd fuͤllet ewere feſſer aus dem
Brunne. Jch wil mit euch/ denn ohne mich moͤ-
get jhr das gelobte Land nicht finden. Da ſungen
die Vogel: Gott vnſer Heil geb vns einen gluͤckli-
chen weg. Da fuhren ſie zu der Jnſel des Schaff-
ners/ vnd namen Speiſe auff 40. tage/ vnd jhr
Schaffuer fuhr vor jhnen her/ vnd zeigte jhnen den
weg.

Nach 40. tagen gegen dem Abend bedeckte ſie
eine dicke Wolcke/ daß einer den andern kaum ſe-
hen konte. Da ſprach jhr Schaffner/ dieſe Wolcke
bedecket dieſe Jnſel/ vnd iſt das Land/ das jhr 5.
jahr geſucht habt. Darnach vmbgab ſie ein Licht/
vnd das Schiff ſtund am Vfer. Da gingen ſie zu
Land/ vnd war ein eben Land voll fruchtbar Bewm/
wie es im Herbſt iſt. Da gingen ſie all vber das
Land hin vnd her/ vnd da war es nicht Nacht/
doch konten ſie das ende des Landes nicht finden/
C c iijvnd
[198] vnd aſſen von den fruͤchten/ vnd druncken aus den
Brunnen die 40. tag vber. Eines tages kamen
ſie bey einem Fluͤßlein/ das lieff mitten durch das
Land. Da ſagt S. Brandanus: Da koͤnnen wir
nicht vbergehen/ wir wiſſen nicht die weiſe des
Landes.

Da kam ein Juͤngling vnd kuͤſſete ſie/ vnd nen-
nete ſie einen jeglichen bey ſeinen Namen/ vnd
ſprach: HErr die in deinem Hauſe wohnen/ die
ſind Selig/ vnd ſagen dir lob in ewigkeit. Vnd
ſprach zu S. Brandano: Siehe/ das iſt daß Land/
das du haſt geſuchet/ du konteſt das nicht bald fin-
den/ darumb das dir Gott zuuor ſeine heimliche
dinge im Meer wolte offenbaren.

Fahr nun wieder zu Hauß/ vnd nim mit dir
von den Fruͤchten vnd Edelſteinen/ ſo viel als dein
Schiff mag tragen/ wenn die vervolgung der Chri-
ſten angehet/ ſo ſol das Land ewern nachkoͤmlin-
gen gehoͤren. Dieſe Fruͤchte bleiben allzeit/ vnd
verweſen nicht/ allezeit iſt es hie Tag. Vnd ſie
thaten wie jhn der Juͤngling befahl/ vnd lieſſen
jhren Schaffner mit dem Juͤngling daſelbſt/ vnd
fuhren durch die dunckele Wolcken/ vnd kamen in
die Jnſel der wolluſt/ vnd blieben drey tag allda.
Darnach kam S. Brandanus wirder in ſein Klo-
ſter/ vnd ſeine Biuͤder enpfingen jhn mit groſſen
frewden/
[199] frewden/ vnd er offenbarete jhnen alle wunder/ die
er hatte geſehen/ vnd jhme von Gott waren offen-
baret. Darnach ward er kranck/ vnd gab ſeinen
Geiſt auff in Gottes Hand.

Valentinus Forſterus Smalcal-
denſis Stylum vertebat.

ORDNVNG
Der fragen/ die in folgender Schrifft
erkleret werden.

• I. Ob ein alter Adeler wider jung werde.
• II. Ob der Baſiliſch vom Hauen Ey komme.
• III. Ob der Baͤhre vngeformirte jungen bringe.
  Vnd der Biber ſelbſt ſeine Geilen abebeiſſe.
• IV. Ob die Bienen mit der Muſica erfrewet/ vnd
  verſoͤhnet werden.
• V. Ob des jahrs Wetter ſich nach den zwelff
  Chriſtagen regiere/ vnd anders/ was dran
  geſchehen ſol.
• VI. Ob vnſer HErr Chriſtus auff den 25. Martij
  geſtorben ſey.
• VII. Ob der Elephant vnbeugſame Fuͤß/ vnd die
  Drachen Fluͤgel haben.
• VIII. Was Greiffen vnd Harpyjen fuͤr Vogel
  ſein.

• IX. Ob das Heupt von ein ander/ der Hals aus
  dem Hacken/ vnd der Magen von ſeiner
  rechten ſtett komme.
• X. Ob der Hirſch Schlangen/ vnd wie die
  Saw Krebſe fange vnd freſſe.
• XI. Ob ein Haſe beyderley Mann vnd Weil
  ſey.
• XII. Was von den vermeinten zeichen des Juͤng-
  ſten Tages zu halten ſey.
  
  • 1. Das die Welt nur ſechs tauſent jahr ſtehen
    ſolle.
  • 2. Das endlich ein gemeiner Fried in der gan-
    tzen Welt ſein ſolle.
  • 3. Das des Himmelskreiß ſich zuſamen ziehe/
    vnd enger werde.
  • 4. Das der Sonnen vnd Mons Finſterniß/ ſol-
    len des Juͤngſten tages zeichen ſein.
  • 5. Das die Sternen vom Himmel fallen.
• XIII. Ob der Kuckuck ſeine Bruͤder vnd Mutter
  freſſe/ vnd die Nachtigalen reden.
• XIV. Von Erdgewechſen/ Beumen vnd Kreu-
  tern.
  
  • 1. Ob nach dem lengſten tag/ das Blat auff dem
    Baum ſich vmbwende.
  • 2. Ob die Becher von dem Holtz der Hedera E-
    pheu oder Jffiaub gemacht/ das Waſſer
    behalten/ vnd den Wein durchlaſſen.
  • 3. Ob Wein vnd Kohlkreuter einander meiden
    vnd verderben.
  • 4. Ob die Froͤſch vnd Kroͤten Kreuter eſſen/ vnd
    Steine auff oder in dem Heupte haben.
  • 3. Ob der Eſel wider ſeine Melancholey Hirſch-
    zung gebrauche.
  • 6. Ob das Tigerthier Aniß eſſe.
  • 7. Ob der Wieſel wider gifft Rauten eſſe.
  • 8. Ob die Schlange jr Augen klar mache/ wenn
    ſie Fenchel jſſet.
  • 9. Ob der Storch der Schlangen gifft vberwin-
    ne/ wann er Braune Doſten iſſet.
  • 10. Ob lich die Vogel mit Lorber blettern Purgirē.
  • 11. Ob die zahme Tauben ſich mit Meure oder
    Hunerderm Purgiren.
  • 12. Ob der Rabe ſeine geſottene Eyer wider erfri-
    ſche/ vnd der Specht einen Keil/ der fuͤr ſei-
    nes Neſtes loch geſchlagen iſt/ wider anß-
    werffe mit einem Kraut das ſie dazu holen.
  • 13. Ob die Schwalben jhrer jungen außgeſtoche-
    ne Augen mit Kreutern wider heilen. Ob
    ſie einen Stein haben/ zu bloͤden Augen
    dienſtlich/ vnd das die Vogel fuͤr jhres Ne-
    ſtes ſtete/ allzeit ein Kind zur miete geben/
    vnd mit was ordnung ſie wegk ziehen.
• XV. Ob die Lewin allzeit jhr Frucht todt aus jh-
  rem leibe reiſſe/ vnd des Luchſes Harm
  zum Stein werde.

• XVI. Ob der Menſch allein ſein Angeſicht auff-
  werts halte.
  
  • Ob der Adeler allein in die Sonne ſehe.
  • Ob der Maulworff blind ſey.
  • Ob die Weiber nicht lincks werden.
  • Ob Schlangen aus den Menſchen wach-
    ſen.
• XVII. Ob der Pelican mit ſeinem Blute/ ſeine
  todten jungen wieder lebendig mache.
• XVIII. Ob die Pfawen verſtehen/ wann man jhre
  ſchone Federn ruͤhmet/ vnd ſie mit jhren
  geſchrey die Schlangen vnd Ratzen verja-
  gen.
• XIX. Ob der Gelerten Phœnix ein lebendiger
  Vogel ſey.
• XX. Ob die jungen Raben von jhren Eltern
  verlaſſen werden.
• XXI. Ob der Schwan kurtz fuͤr ſeinem Tode/ lieb-
  lich ſinge.
• XXII. Ob der Storch ſeine alte Eltern ernehre.
• XXIII. Ob die Turteltaube allzeit Witwe bleibe.
• XXIV. Ob der Zaunkoͤnig/ wenn man jhn bra-
  ten wil/ ſelbſt am Fewr ſich vmbwende.
  Vnd ob der Sperling/ wenn er drey jahr
  alt iſt/ ſterbe.
• XXV. Ob die Vogel ſich mit frembder Voͤgel
  federn ſchmuͤcken.

Vrſach dieſer Schrifft.

DJeweil in obgeſatzten Schrifften mehrertheils vn-
erfindliche ſachen/ vnter dem ſchein der Warheit/
kuͤnſtlich beſchrieben werden/ vnd inſonderheit Lu-
rianus ſeine Reyſe Alethinus logus, das iſt/ wahre Luͤgen
nennet/ So hab ichs nicht vnfuͤglich geachtet/ das ich etzliche
Paradora vnd Wunderreden hinan ſetzte/ die bey dem meh-
rentheil der Gelerten fuͤr wahre Hiſtorien geſchrieben/ gelert
vnd gepredigt werden/ vnd dennoch im grunde der Warheit
lauter Gedicht/ oder vbel erklerete Bildnuͤſſen ſein. Dafuͤr man
inſonderheit die Jugend warnen ſol/ das man ſie nicht Got-
tes Wort gleich halte. Ob gleich einer oder ander dauon ſchrei-
ben. Denn wie Plinius ſelbſt klagt lib. 8. cap. 22. Nullum
eſt tam impudens mendacium vt teſte careat. Es iſt keine
Luͤgen ſo vnverſchampt/ das nicht jemand dauon ſchriebe/
das ſie wahr were. Darumb auch mein lieber Vater/ mir/
meinen Bruͤdern vnd Tiſchgeſelten/ dieſelben Paradoxa/ da-
heim fuͤr Argumentlein vnd Haußſchrifftlein/ zur vbung der
Lateiniſchen Sprach vnd nothwendigen warhafften vnter-
richt vorzuſagen vnd zu Dietiren pflag. Bey welcher kuͤrtz
ichs auch in dieſer Schrifft bleiben laſſe. Es ſolte aber billig
ein Gelerter/ muͤſſiger Mann/ ſich vber ſolche Paradoxa li-
teratorum machen/ vnd aus den Pandectis Gefneri, da er
ſolches vnd dergleichen alles beyeinander findet/ vnd aus an-
dern darzu noͤtigen Scribenten/ dauon fuͤr die/ ſo die Buͤcher/
oder den Bericht nicht haben/ etwas ausfuͤhrliches ſchreiben.
Damit man ſolche grobe vngereimte/ falſche/ abergleubi-
ſche vnd Nerriſche Zoten nicht in den Schulen vnd Kirchen/
fuͤr Gottes Wort/ der Jugend ohn auffhoͤren vorblewete.
Sondern lieſſe Gottes Wort/ mit Menſchengedicht vnd Nar-
rentand vnverboͤrtelt vnd vnbeſudelt. Gott bedarff vnſer Luͤ-
gen zu ſeiner Warheit erklerung vnd beſtetigung in keinem
wege.
[205] wege. Wie ein jeder Chriſt vnd vernuͤnfftiger Menſch/ ohne
das/ verſtehet. Jch hoffe aber dieſe meine ſchlechte entwerf-
fung wenig ſolcher ſachen/ ſol Gelerten Leuten vrſach geben/
dieſem allen ferner nach zu dencken/ vnd alles außfuͤhrlicher
zu beweiſen vnd zu wiederlegen. Jn des wolle ſich der guͤnſtige
Leſer/ dieſe meine geringſchetzige/ aber dennoch außfuͤhrliche
andeutung wol gefallen laſſen. Den ich hiemit in Gottes All-
mechtigen Schutz getrewlich befehle.

Das Erſte Capittel/ von dem Adeler.

JN der Teutſchen ſprach nennet man einen Raubvo-
gel/ der einen Falcken vnd Weyhe mit ſeiner groͤſſe/
ſtercke vnd geſchwindigkeit vbertrifft/ einen Ahr vnd
Ahrn. Bey den Sachſen auch einen Arent. Daher der Sach-
ſiſche Mannes Nahm Arent iſt. Aus dem die Gelerten Ar-
noldum machen. Alſo ſagt man Fiſcharn/ Ganßarn/ etc.
Vnter denen allen iſt der groͤſſeſt/ ſterek eſt vnd geſchwindeſt/ in
Griechen vnd Welſchen Landen/ den ſie Herodium vnd A-
quilam, Teutſch aber/ Adeler nennen. Als wolten ſie Edel
Ahrn ſagen. Das wort Edel aber/ hat das anſehen/ als kom
es von dem Ebreiſchen wort Adon, das ſo viel heiſt als ein
Herr/ wie die Schrifft von Gott allzeit ſagt/ Adonai mein
Herr/ oder vom wort Adar, das heiſt fuͤrnehm vnd anſehnlich.
Vnd werden damit Fuͤrſten/ Herren vnd Edelen genant. Iere-
miæ 14. v. 3. Jhre groſſen (in Ebræo Adire Jlluſtres)
ſchicken die Kinder nach Waſſer/ etc.

Von dem Adeler ſchreibt Rabbi Dauid Kimhi, aus einem
anderen Rabbi Subadias genant/ vber das 40. Capittel E-
ſaiæ, vnd andere die es aus demſelben fundament genom-
men/ das er ſehr lange/ auffs kuͤrtzeſt hundert jahr leben ſol.
Vnd wann endlich alters wegen/ jhme der Schnabel ſich
von oben herab/ alſo zu krummet/ das er den vnter
Schnabel nicht mehr auffthun/ vnnd Fleiſch freſſen kan/
D d iijvnd
[206] vnd die Federn verſchlagen vnd verbrancht ſein/ das er nicht
wol fliegen mag. Als dann brauche er dieſe geſchwinde
liſt/ das er nach Plinii meinung aus den gefangenen Vo-
geln/ ein zeitlang nur das Blut ſauge/ biß er an den Stein-
felſen den Schnabel abe/ vnd wieder zu ſeinen brauch auff
vnd fertig ſchleiffe. Darnach fahre er hoch in die Lufft/ na-
hend zur Sonnen/ zuͤnde ſeine Federn an/ oder mache ſich
nurt allda in Zona ignea, negſt vnterm Mohn/ da eine groſſe
hitze ſein ſol/ eine treffentliche Fieber hitze in ſeinem leibe vnd
Gliedern/ vnd falle mit der Brunſt ins Meer/ das ſich daß
Fewr oder Hitz eilend wieder leſche/ wann das geſchehen/ ver-
krieche er ſich in einen holen Bergk/ oder wie andere wollen/
lege ſich zu ſeinen jungen in ſein Neſt/ vnd ſchwitze daſelbſt/
biß jhme die ſtoppel Federn außfallen/ vnnd andere gar newe
wieder wachſen Alſo werde er gantz vnd gar wieder jung/
vnd fliege freudig dauon Das ſol er wie die Juͤden treumen
alle zehen jahr thun. Biß ſo lang/ das er hundert jahr alt
iſt. So bleibe er fuͤr ſchwachheit des alters im Meer beliegen/
vnd erſauffe.

Mit dieſer Fabel muß man kuͤnſtlich vnd anſchnlich er-
kleren/ den fuͤnfften Verß/ im 103. Pfalm: Gott macht dei-
nen Mund froͤlich/ das du wieder jung wirſt/ wie ein Ade-
ler.

Denn das diß ein lauter gedicht ſey/ iſt daraus zuuernch-
men. Erſtlich/ das alle Fleiſchfreſſende Vogel/ die krumme
Enlenſchnabel vnd Klawen haben/ nimmermehr trincken/
als auch der hochgelarte Ariſtoteles erforſchet vnd beſchrie-
ben hat. Allein der Jndianiſch Papagoitrinckt/ wie die Jſ-
raelitiſche Schaff.

Vnd wie wil der Adeler Vogel vnd Vlehe fangen/
den Schnabel in die Wunden beingen/ deſſen er nicht mechtig
iſt/
[207] iſt/ vnd damit er kein Thier wunden/ viel weniger fangen vnd
wuͤrgen kan. Darumb auch die Gelerten des Terentij Spri-
chwort: Aquilæ lenectus: auff Fabeln/ vnd nicht auff Hi-
ſtoriſch erkleren.

Zum andern iſt bey allen Gelerten vngezweiffelt/ das die
Sonne in der hohen Lufft bey den Wolcken nicht brennet/ wie
der ſtethwerende Schne auff den hohen Bergen augenſchein-
lich bezeuget. Sondern allhie vnten im Thal/ da ſich jhre
Stralen/ im zuruͤck ſchlagen/ zuſamen heuffen. Darumb iſt
das anzuͤnden des Adelers/ des Phœnicis, das erreichen der
Fluͤgel Jcari lauter Fabelwerck. Das er aber biß zum Mohn
hinein fliegen ſol/ iſt wieder alle Natur/ vnd muſte fuͤr kelte
ehe ſtarren vnd ſterben/ ehe denn er halb hinan keme.

Zum dritten/ wann der Adeler nun im Meer liegt/ wie
ſchwimmet er wieder heraus/ bekompt er als dann dazu ne-
we Genß oder Enten Fuͤſſe.

Da mit aber dieſer zweiffel das Spiel auch nicht zerbre-
che/ wollen etzliche den Juͤden das Meerbad nicht geſtehen/
ſondern fuͤhren jhn zu einer friſchen Quelle zum Bade. Was
jſſet er/ die weil er auff newe Federn wartet? Wie kompt er
zu ſeinen Jungen in ſein Neſt/ wenn die Fluͤgel naß ſein? Wie
findet er ſeine jungen im Neſt ſitzen/ die jhn erwermen/ erqui-
cken vnd ſpeiſen/ wenn ſie ſelbſt außfligen vnd Haſen fangen
koͤnnen? Oder wie kompt es/ das jhme nicht wie allen Vo-
geln jerlich die Federn von jhme ſelbſt ausfallen/ vnd newe
werden/ Wann jhme nicht mit der groben Luͤgen die Federn
außſchwitzen/ da ſonſten kein Vogel ſchwitzt/ vnd vern wert
werden. Denn dis allein das jhme die Federn natuͤrlich ſich
vernewen/ helt S. Ambroſius fuͤr ſeine vernewerung. Tom. 2.
Sermon. 54. Albertus magnus ſchreibet/ Jch weiß nicht/
was ich von dieſer meinung vom Adeler ſagen ſol. An den
beyden Adelern die bey vns gehalten werden/ hab ich der ſa-
chen keine vernommen. Sie veranderten ſich aber alſo/ wie
ander
[208] ander Raubvogelete. vnd wenn diſs alſo were/ vnd er im Me-
er nicht erſoͤffe/ das jhm die nicht wollen gut ſein laſſen/ die
in der Quelle baden/ wuͤrder fuͤr vnd fuͤr leben/ das nie erfah-
ren iſt.

Man muß aber dieſe Fabel in wirden behalten/ denn
wie wolte vnſer HErr Gott einen weg oder Reiſe wiſſen zu
finden/ wie er ſeine Gleubigen koͤndte Jung vnd ſtarck ma-
chen vnd erhalten/ wie einen Adeler? Wenn man vnſern
HErren Gott mit dieſer zierlichen Fabel nicht fein hoͤfflich
vberhuͤlffe.

Es iſt aber allhie zubedencken/ das Dauid nicht
ſagt/ das du alſo vnd auff die weiſe wider jung wirſt/ wie
ein alter Adeler. Das wort Alter wird felſchlich in den
Pſalm hinein gebracht/ wie ohne das kein Thier in der
Welt nach dem Alter jung wird. Denn ob gleich der Krebs
vnd Schlange jhre Haut/ die Vogel jhre Federn/ das
Viehe ſeine Hahr vnd Wolle abwirfft/ die eines Jahrs alt
iſt/ werden ſie doch damit nicht juͤnger. Darumb auch Nieo-
demus ſagt: Wie kan ein Menſch von newen geboren wer-
den/ wenn er alt iſt: Warumb mus es nicht viel mehr alſo
ſein/ das du wider jung wirſt/ wie ein junger Adeler.

Als wenn Dauid ſagt: Gott troͤſiet vnd erfrewet dein
Hertz vnd deinen Mund/ ſtercket vnd beſtetiget deine Ge-
ſundheit/ das du zu allem/ was dein Beruff erfordert/
auch im Alter friſch/ hurtig vnd vnuerzagt daher fehreſt/
wie ein ſtarcker Adeler zu ſeinem Weidewerck. Denn al-
ſo erkleret des Dauids wort der Prophet Eſaias am 40.
Cap: Die auff den H E R R N harren/ kriegen newe krafft/
das ſie auff fahren mit Fluͤgeln wie Adeler. Das ſie wan-
deln vnd nicht muͤde werden. Alſo redet auch der 92.
Pſalm von den Gottfuͤrchtigen: Der Gerechte wird gruͤ-
nen wie ein Palmbaum/ Er wird wachſen wie eine
Ceder
[209] Ceder auff dem Libanon. Die gepflantzet ſind/ in dem Hauſe
des Herren/ werden in den Vorhoͤfen vnſers Gottes gruͤnen/
vnd wenn ſie gleich alt werden/ werden ſie dennoch bluͤhen/
Fruchtbar vnd friſch ſein/ das ſie verkuͤndigen/ das der Herr
mein Hort ſo from iſt/ vnd iſt kein vnrecht an jm. Dieſer gnad
Gottes ruͤhmet ſich der Held Caleb, Joſua am 14. Da er zulo-
ſua ſpricht: Jch bin heute fuͤnff vnd achtzig jar alt/ vñ bin noch
heutiges tages ſo ſtarck/ als ich war des tages/ da mich Moſe
außſandte. Wie meine krafft war dazumal/ alſo iſt ſie auch
jetzt zu ſtreiten/ vnd aus vnd ein zu gehen. Dabey mans billig
ſolt bleiben laſſen.

Das Ander Capittel/ von den
Baſiliſchen.

JNn der Griechiſchen ſprach heiſſet Baſileus ein Koͤnig
vnd Baſiliſcus ein klein Koͤnig. Alſo wird der aller
gifftigeſt Wurm genant/ der den Menſchen bekant
worden. Darumb das er vnter den gifftigen Schlangen der
vornembſte/ vnnd als ein Koͤnig iſt/ der mit ſeinem gifft/
Geſicht vnd Athem/ die andern alle zwingen vnd dempffen
kan.

Von dem ſagt vnd ſchreibet man. Wann ein Haußhahn
neun jahr alt werde/ ſo lege er in dem Miſt oder finſtern Kel-
lern ein Ey/ daraus kom am neunden tage ein Thier/ aller
ding geſtalt wie ein Hahn/ aber ohne Federn/ mit einen
Schlangen Schwantz/ das allzeit das allerſchedlichſte
gifft von ſich bleſt/ vnd damit alle Menſchen/ alle Thier
vnd gewechſe/ die es anſiehet vnd anbleſet/ toͤdtet. Kann
auch nicht getilget werden/ ohn das man an dem orth da es
wohnet/ viel Spiegel hinſetzet/ biß das es in einem ſein Bild
ſehe. Dann wann es das wil tod blaſen/ ſo berſte es von zorn
vnd ſterbe. Darumb ſtehe im 91. Pſalm. Super aſpidem \&
E eBaſili-
[210]Baſiliſcum ambulabis. Gott werde nicht allen ſeinen Her-
ligen durch die Engel tragen laſſen/ ſondern wann ſie gleich zu
ſuß gehen/ werden ſie vber Ottern vnd Baſiliſchen vnuerletzt
frey Paſsieren. Es iſt aber diß gantz vnd gar von vnmuͤgli-
chen dingen/ gleich ſpotweis zuſamen geſatzt.

Denn erſtlich leſſet man einen Hauß Hahnen ſelten neun
jahr alt werden. Man verſetzet jhn gemeinlich mit einem
newen/ der beſſer zur Haußhaltung dienet/ vnd leſſet den alten
ſieden oder braten. Darnach legen die Huͤner Eyer/ nicht
die Hahnen. Vnd wann er das legen ſolte/ were es bequemer
in der jugend/ denn im alter. Es iſt aber zu der zeit die Fabel
von dieſem Baſiliſchen wahr/ wenn nun der Hahn ein Ey
legt. Es findet ſich bißweilen/ wann ein Hahn geſchlachtet
wird/ oder kranckheit halben ſtirbt/ ein gewechs in ſeinem
leibe/ mit einer weiſſen Haut ohne ſchalen vberzogen/ inwen-
dig mit gelieder durchwachſen/ wiee in vberbein. Aber das er
nicht gebieret/ darin auch nichts formlichs oder lebendiges iſt
oder wird.

Zum dritten/ iſt kein Exempel in der gantzen Welt/ das
aus dem allerbeſten vnd geſundeſten Viehe/ natuͤrlicher weiſe
das aller gifftigſte ſolt geboren werden. Wie auch der HErr
Chriſtus ſagt: Es kan kein guter Baum boͤſe Fruͤchte tra-
gen.

Zum vierten/ iſt die gantze Welt voll Hahnen/ vnd iſt
in keiner glaubwirdigen Hiſtoria zu finden/ das jemals ein
ſolcher Baſiliſch gefunden were. Das aber im Gebirge vnter
der Erdē bißweilen ein Gifftiger Dampff oder Schwad entſte-
het/ vnd die Alchymiſten von einem Baſiliſchtn zu machen
ſchreiben/ ſtehet auff jhre deuteleye.

Es koͤnte aber ſein/ das ehemals ein verirter Schiffman/ ei-
nen Calecutiſchen Hahnen in Africa oder India geſehen het-
te/ der ſich auffgeblaſen/ vnd die rote Naſe grewlich nie-
dergehenckt/ vnd hernach wie ein Hahn auffgeſchrien hette.
Dafuͤr
[211] Dafuͤr ſich der frembd entſatzt/ vnd gemeint/ es were ein Ba-
ſiliſch/ wie in Africa wohnen ſollen/ vnd ſolch Geſicht in ſei-
ner wiederkunfft anderen zum wunderwerck verkuͤndiget het-
te. Wie man die Hundßkoͤpffige Affen/ fuͤr Menſchen angibt.
Es iſt aber in AEgypten vnd Africaner Land/ eine arth
ſchmaler/ ſchwartzbrauner gifftiger Schlangen/ welche auff
Lateiniſch Aſpis heiſſet/ vnd ein Otter verteutſchtwird. Vn-
ter denſelben iſt im Lande das Cyrene heiſſet/ eine ſonderliche
orth/ nurt eines Fuſſes lang/ hat auff dem Heupt einen ſil-
berweiſſen fleck wie eine Krone/ kreucht auff dem Schwantz/
tregt das Heupt vnd Bruſt empohr/ vorjegt mit ſeinem
giſchen alle Schlangen/ toͤdtet alles was es anſiehet vnd an-
bleſet. Dieſe Otter arth heiſt Baſililcus Plin. lib. 8. cap. 21.
Darumb iſt in dem 91. Pſalm/ da im Griechiſchen vnd La-
teiniſchen Baſiliſcus, ſiehet kein ander wort in Ebreiſcher
ſprach/ denn Pæthen, das heiſt Aſpis oder ein Otter. Vnd
iſt der Schlangen Python Nahm daher genommen. Welche/
da er nach der Poeten gedicht/ die gantze Welt vergifften wol-
te/ von dem Apolline erſchoſſen ward. Das vnſer HErr
Chriſtus der alten Schlang dem Sathan gethan hat.

Der vrſachen halben hat auch Doctor Luther in ſeiner
Teutſchen Verſion/ dz wort Baſiliſcus außgelaſſen/ vnd dafuͤr
ſchlecht alſo geſatzt: Auff den Lewen vnd Ottern wirſtu ge-
hen/ etc. Jſt derhalben auch diß narrengedicht nirgend zu
nuͤtz oder noth.

Es ſchreibt auch Plinius lib. 10 cap. 42. Das die Viperæ
ſind Welſche Schlangen/ die wir auch Otter nennen/ alſo ſich
vermehren. Das die Mutter aus lieb dem Vater den Kopff
abfreſſe/ vnnd dauon Schwanger werde. Darnach beiſſen
die jungen der Mutter Bauch wieder durch/ vnd kriechen
heraus.

Alſo werden die Kinder mit der Eltern leid vnd tod gebo-
ren. Daher ſagt man im Latein/ ein vndanckbar Weib oder
Kind/ gebe ſeinem Manne oder Mutter der Vipera lohn. Es
haben aber viel Medici die Viperen daheim gehalten/ vnd diß
falſch befunden. Es lehrets auch die Natur. Denn wenn diß
wahr wer/ ſo wuͤrde keine Vipera in der Welt ſein/ die an-
derthalb jahr alt wuͤrde/ vnd wird doch teglich das wiederſpiel
gefunden.

Das Dritte Capittel/ Vom Behren/
vnd Biber.

DER Behr Lateiniſch Vrſus genant/ hat ohn zweif-
fel den Namen vom Ebreiſchen Baar, das heiſt Bru-
tus, barbarus vuuernuͤnfftig vnd wild. Von dem
ſchreibt Plinius lib: 8. cap 36. Das ſie an ſtat jrer jungen fuͤnff
weiſſe/ bloſſe vnformbliche ſtuͤcklein Fleiſch geberen/ in der
groͤſſe wie eine Mauß. Dieſelbigen lecken ſie tag vnd nacht/ ſo
offt vnd lang/ bis Heupt/ Ohren/ Augen vnd Fuͤß dran werdē-
Darumb als Virgilius gefraget ward/ wie er ſo gute Verß
machte/ das ſie jederman ruͤhmete? Habe er geantwortet:
Darumb das ich ſie mache/ wie der Behr ſeine jungen. Denn
was ich am Morgen gefaſſet habe/ erbeite vnd poliere ich den
gantzen tag auß/ biß es vollenkommen werde. Alſo/ vermah-
net der Schulmeiſter ſeine Schuͤler/ follen ſie auch thun. Das
diß auch falſch ſey/ gibt erſtlich die Natur/ denn die Eltern
koͤnnen jhren Kindern die Glieder nicht machen/ vnd formie-
ren jhrs gefallens/ ſondern Gott muß ſie aus der Eltern Ge-
bluͤt machen vollkommen/ weil ſie noch in Mutterleibe ſein.
Darnach wiederlegts die erfahrung ſelbſt/ denn ſo offt trechti-
ge Behren geſchlagen vnd außgeweidet werden/ finden ſich die
jungen in jhrem Leibe mit allen Gliedern/ Haut vnnd Haren
vollenkoͤmlich. Es iſt aber wol zu lachen/ das der Behr/ wann
er von ſeinem Winterſchlaff erwacht/ vnnd noch ein ſchwer
Heupt
[113] Heupt vnd Augen hat/ Honig freſſe/ laſſe die Bienen das
Maul durchſtechen/ das er Blute/ vnd ſein Heupt alſo erleich-
tert werde. So doch der Bienen ſtich von ſiund an einen
harten geſchwulſt vnd kein Bluten macht.

Alſo wird fuͤr eine ſonderliche weißheit an dem Biber/ zu
Latein Caſtor, geruͤhmet/ weil er wiſſe/ das man ſeiner Gei-
len halben jhn verfolget/ das er dieſelben in der Flucht abebeiſ-
ſe/ vnd hinder ſich laſſe/ vnd alſo das leben errette. Da doch
der Biber ſeine Geilen inwendig im Leibe hat/ wie der Haſe/
vnd außwendig nur einen ſchnitt/ wie die Zibet Katze/ drauß
er ſeinen ſtinckenden ſafft leckt/ vnd wider das Vngeziffer ſich
damit beſchmieret/ das der augenſchein beweiſet. Es reden a-
ber vnd ſchreiben jhrer viel von ſachen/ wie der Blinde von der
Farben.

Das Vierte Capittel/ von den Bienen.

OB wol die Bienen/ die man auch Jmmen nennet/
Lateiniſch Apes, von jhren vielen Beinlein/ von
Benè, oder Ebreiſchen Byn/ das verſtand bedeutet/
den Namen haben/ iſt ohn gefehr. Denn ſie gewiß nach jhrer
art/ ſehr nuͤtzliche vnd witzige Voͤglein ſein. Von denen ſchrei-
ben die alten Poeten vnd naturkuͤ ndiger/ vnd meinet noch je-
derman/ das ſie groſſe luſt zu lieblichem klang vnd geſang ha-
ben. Plimus lib 11. cap 20. Ja das ſie ſelbſt ſich mit Ge-
ſang zur erbeit vnnd auszug auffmachen. Jnſonderheit
ruffe der Koͤnig drey tage zuuor ſein Volck zuſamen/ ehe dann
er mit dem Schwarm außfliege. Wann ſie auch ausgezo-
gen/ vnd in der lufft ſein/ pfeifft oder klingelt man/ damit ſie
bleiben/ vnd ſich bald ſetzen. Hieuon iſt war/ das ſie fuͤr vnd
fuͤr in jhren Stoͤcken vnd Koͤrben ein groß gebrumme ma-
chen/ das ſie damit mit jrem Athem jhre Werckſtath warm/
vnd die Wachsſcheiben weich behalten. Ob auch wol der erſte
Koͤnig oder Weiſer/ der ein Jahr Haußgehalten/ auszeugt/
E e iijohn
[214] ohn beſondere anzeigung. Dennoch machen ſeine Kinder/ ſo
jhm folgen ſollen zuuor in den runden Wachsheußlein/ darin
ſie gewachſen ſein/ jmmer einen laut ſo bald ſie jhr Fluͤgel be-
wegen/ vnd ſchwingen vnnd ſchlagen koͤnnen/ biß ſie zu jrem
Volck gar heraus kriechen. Fuͤr ſich ſelbſt ſind alle die man in-
ſecta nennet/ Wuͤrm/ Kefer./ Fliegen/ Bienen/ Hor-
nuͤſſen/ etc. Taub/ ohne Ohren vnd ohne gehoͤr/ Dann wann
du eine Paucke ſchlegſt/ mit Glocken klingſt/ oder die ſcherffeſt
Trommet/ oder Zincken/ alſo bleſeſt/ das der Athem ſie
nicht beruͤret/ ſo bleiben ſie vnerſchrocken ſitzen. Lufft aber/ ge-
ruch vnd andere bewegnus/ mercken ſie von ſtund an/ vnd fol-
gen dem nach: Das wird die erfarung beweiſen. Die Heimen
aber vnd Grillen Cicadæ, vnd die Hewſchrecken/ Locuſtæ, ha-
ben Ohren vnd hoͤren geſchwind. Denn es ſind ſonderliche
Sanckmeiſter.

Das man aber in der Bienen ſchwermen vnd außfliehen
klingelt oder Pfeifft. Jſt nicht der Bienen/ ſondern des Nach-
baren halben auffkommen. Denn der abgeflogen Bienen-
ſchwarm/ iſt nach verordnung der Rechten deſſelben der
jhn mit Klang vnd Geſang verfolget. Jſt aber deſſen keines da-
bey/ ſo mag in derſelbe vnuerhindert nemen/ vnnd fuͤr den ſei-
nen behalten der jhn findet. Quod enim nullius eſt, fit oc-
cupantis.

Es iſt auch das vnrecht/ das alle Gelerten ſchreiben/
inſonderheit Plinius lib 11. cap. 12. Das der Honig anfahe
aus der Lufft zufallen/ auff Laub vnd Blumen/ wann das ſie-
ben geſtirn fruͤe mit der Sonnen auffgehet/ zu vnſer zeit nach
denn 19. Tag Aprilis, \&c. Denn die Bienen hernach
ſamlen vnd eintragen. Denn ob gleich nach der zeit/ die Honig
vnd Mehltaw heuffig fallen/ vnd von Hornuſſen/ Weſpen
vnnd Erdbienen eingetragen werden. So kehren ſich doch
die
[215] die rechte Bienen nicht daran/ wie auch an keinen zucket. Vnd
wenn ſie wegen duͤrrer zeit vnd hungers noth/ denſelben Ho-
nigtaw brauchen muͤſſen/ kriegen ſie dauon den Durchbruch
vnd ſierben.

Sie ſamlen auch jhr Honig nicht von Lilien/ Roſen/ Ne-
gelein oder anderen koͤſtlichen Blumen/ ſondern von Weiden/
Epfel/ vnd Lindenbeumenbluͤet/ vnd von Hederich/ Ruͤben/
Kohlkreuter/ Klee/ Blawen Korn vnd Heiderblumen etc Roß-
marin aber/ vnd Spikerbluͤt wird auch fieiſsig von jhnen
beſucht Vnd iſt noch nicht erfahren was der Honig eigentlich
fuͤr ein ſafft ſey. Sie ziehen jhn aber mit jhren Zungen in den
Leib/ vnnd ſpeien jhn wider aus dem Mund in jhre Wachs-
buͤchslein. Denn jhre geſchmeiß vnd vnflath/ der durch den
Leib gehet/ iſt kein Honig/ ſondern ein fauler geſtanck/ da-
[rumb] laſſen ſie jhn auſſer den ſtoͤcken im flug in der Lufft fallen.
Jhre Wachs beiſſen ſie mit den Zehenlein von den Blumen/
nehmen es mit den mittelfuͤſſen aus dem Mund/ verſetzens
an der hinderfuͤß Lenden gleichtrechtig zu beyden ſeiten/ fuͤh-
rens alſo heim/ vnd verwirckens nach jhrer arth. Was aber
zu hart vnd trucken iſt/ vnd ſich nicht wil wircken vnnd anhef-
ten laſſen/ das verſtecken ſie in die Wachßloͤcher/ biß ſie im
Winter muͤſſig ſein/ vnd den Safft fuͤr jhre Speiß draus
nehmen koͤnnen/ daher es jhr Brot genant wird. Dauon al-
hie nach der leng nicht zuſchreiben iſt.

Das fuͤnffte Capittel.
Von der Chriſtnacht.

ES iſt auch vberaus viel vnnd mancherley rede bey dem
gemeinen Volck von der Heiligen Chriſtnacht/ was
daran geſchehen ſol/ in naturlichen dingen. Denn von
Geſpenſten vnd Aberglauben wollen wir hie nicht ſchreiben.

Erſtlich ſind viel Leute in dem wahn/ das die zwoͤlff
Nacht/ von der Chriſtnacht an zufahtn/ der folgenden zwoͤlff
Monat/ durch das gantze Jahr wetter bedeuten ſollen. Vnd
alſo des gantzen Jars fruchtbarkeit oder vnfruchtbarkeit. D[z]
dieſe meinung falſch ſey/ gibt die erfahrung denen/ ſo alle
wetter das gantze Jahr durch/ mit fleis auffzeichnen.

Es hat aber das anſehen/ es ſey dieſe meinung von den
vngelerten Muͤnchen/ aus einem Scribenten Didymus ge-
nant/ dem Chriſtag zugelegt. Denn der ſchreibt: Democri-
tus Apuleius vnd Conſtantinus/ im Buch vom Ackerbaw/
ſagen/ man ſolle ſich das folgende Jahr ſolch wetter vermu-
ten/ als auff dem Feſtage iſt/ den die Roͤmer Bruma nennen.
Das iſt auff den 24. Nouember. Andere aber ſagen: Das der
December werde ſein wie der 24 Nouember. Der Jenner wie
der 25. Nouember. Der Hornung wie der 26 Nouember/ vnd
ſo fortan. Es pflegt aber diß bisweilen zugeſchehen/ biswei-
len auch nicht.

Dieweil nun dieſe Rechnung von der Roͤmer Bruma jh-
ren anfang haben ſoll/ Vnd es gewiß iſt/ das der kuͤrtzeſte Tag
im Jahr Bruma, vnd brumale ſolſtitium war. Der zu der
zeit der Geburt Chriſti/ mit dem 25. Decembris eintraff. So
folgt draus/ das es daher genommen/ vnd auff den Chriſtag
gelegt iſt. Vnd das man jetzt den anfang ſolcher anmerckung
auch vom kuͤrtzten Tag/ als vom zwoͤlfften December anfan-
gen ſolte. Wanndie erfahrung mit ein ſtimmete.

Zum andern iſt auch der wahn/ das die Chriſtwurtz/ iſt
eine art der ſchwartzen Nieſewurtz/ in der Chriſtnacht jhre er-
ſte Blume trag. Jtem/ das der Hopffen fingerlang auswach-
ſe/ etc. Es gibt aber auch die erfahrung/ das dis alles von
dem Tage/ ſo der kuͤrtzeſte iſt im Jahr/ jtzt der 12 Decem-
bris anfehet/ vnd macht in der Chriſtnacht keinen newen zu-
ſatz So ſchreibt auch Plinius lib. 18. cap. 25. Wer weis
nicht
[217] nicht/ vnd wem hats wunder/ das eben auff den tag/ der Bru-
ma heiſſet/ die Poley die ſie in den Fleiſchſchernen fuͤrſetzen/
anfehet zu bluͤhen.

Zum dritten/ haltens die Bawren dafuͤr/ das eben in der-
ſelben Mitternacht/ alles Viehe in den Vieheſtellen auffge-
richt ſtehe/ die Sew außgenommen. Damit ſie jhre Leute ver-
mahnen/ das ſie auch dem HErren Chriſto zu ehren auff ſte-
hen/ vnd in der Mitternacht/ als an etlichen oͤrten gebreuchlich
iſt/ zur Kirchen gehen ſollen. Jch halte es [dafuͤr]/ weil man ge-
gen Mitternacht zu letzt das Viehe abefuͤttert/ das es ohne das
ſtehe. Entweder das es auff jr futter warte/ wann ſich das Ge-
ſind hoͤren leſſet. Oder das es dauon eſſe Geſchicht aber diß in
andern Nachten nicht/ ſo iſt es billig fuͤr ein beſonder wunder
zu halten. Wie man ſag/ das in der Nacht etliche Beume bluͤ-
en/ Epffel tragen/ vnd wider abwerffen ſollen. Das Corneli-
us Agrippa, einem ſonderlichen kuͤnſtlichen impffen/ vnnd
nicht der Chriſtnacht zu legt.

Das Sechſte Capittel/ Von dem tage dar-
an der HErr Chriſtus gecreutzigt worden.

ES iſt bey vielen Gelerten eine alte meinung/ vnſer
HErr Jheſus Chriſtus ſey auff den 25. Martij am
Creutz fuͤr vnſer Suͤnde geſtorben. Daran das Feſt der
Verkuͤndigung Mariæ gefeyret wird. Darumb hat man auch
viel andere ſachen dazu gereimet/ als das Adam vnnd Eva an
dem tage geſchaffen/ gefallen vnd aus dem Pararadiß verſtoſ-
ſen ſein. Abel von ſeinem Bruder erſchlagen. Abraham von
Melchiſedech geſegnet/ Jſaac geopffert/ Gabriel zu Marien
geſand/ Johannes der Teuffer entheuptet/ Petrus aus dem
Gefengnis erloͤſet/ vnd Jacob vom Herode entheuptet ſey. Als
im Rationali divinorum folio 236. zufinden. Wie Epipha-
nius zu ſeinem geburtstag Epiphaniorum, dergleichen hen-
del eingedinget. Vnd duͤrffen etliche ſich gewißlich vormu-
F ften/
[218] ten/ es ſolte auch der halben der Juͤngſte tag auff denſelben tag
kommen. Vnd ob wol hieran nichts ſonderlichs gelegen/ den-
noch iſts nicht verantwortlich/ das man in ſolchen hohen ſa-
chē/ nach der warheit nit forſchen/ ſondern vorſetzlich/ nicht al-
leine fuͤr ſeine Perſon/ im alten jrrthumb bleiben/ ſondern auch
anderen denſelben loben vnd lehren wil. Es iſt aber aus der hei-
ligen Schrifft erſtlich das gewiß/ das die Juͤden das Oſter-
lamb auff Gottes befehl haben eſſen ſollen/ am 14. tage des er-
ſten Mohnats im jahr/ wann der Mohn voll war. Denn
mit dem newen Mohn/ der dem A Equinoctio verno, dem ta-
ge/ darin Tag vnd Nacht im Fruͤeling gleich ſein/ zu negſt war/
fingen ſie das jahr an.

Die weil aber der HErr zu Abend/ des vierzehendē tages/
damit der Oſtertag anfieng/ das Oſterlamb mit ſeinen Juͤn-
gern geſſen/ vnd folgenden tag/ als das rechte Oſterlaͤmb ſelbſt
geſchlachtet worden. So iſt gewiß/ das der tag/ darauff der
Vollmohn nicht geweſen/ nicht kan der tag ſein/ daran der
HErr Chriſtus geſtorben iſt. Es wiſſen aber die Gelerten/ das
der newe Mohn damals/ vnd der erſte tag des Juͤdiſchen jahrs
auff den 21. Martij gefallen/ vnd auff den 27. das erſte Vier-
tel. Der volle Mohn auff den dritten Aprilis Darumb kan der
25 Martij/ in keinem wege der tag des Leidens des HErren
Chriſti ſein.

Zum andern iſt gewiß/ das die Juͤden aus eigener andacht/
dem Wort Gottes zu wieder/ geordnet hatten/ das man das
Oſterlamb nicht auff den 4. tag des Mohns/ ſondern auff
den negſten Sonnabend/ oder Sabbattag hernach eſſen ſolte.
Damit der Sabbath tag nicht nath dem rechten Oſtertag ins
Oſterfeſt zu gleich ein fiele/ ſondern allzeit auff dem Oſtertag
mit gehalten wuͤrde. Dieweil aber derſelbe Sabbath angieng/
mit der Sonnen vntergang/ ſo muſten ſie mit des HErren
Begrebniß eilen.

Daraus iſt wahr/ das der HErr am Freytag geſtorben iſt.
Wer nun keine andere rechnung weis/ denn die ſo in den ge-
ſchriebenen
[219] ſchriebenen Pſaltern/ vnd Herrn M. Luth. alten Bethuch/ oder
auch in der Gelerten Computis Eccleſiaſticis ſtehet/ wie
man den Sontags Buchſtab rechnen ſoll. Wird finden/ das
in dem jahr D. der Sontags Buchſtab geweſen iſt/ vnd das
der 25. Martij auff den Mitwochen/ vnd nicht auff den freitag
fellet. Folget derwegen vnwiederſprechlich/ das der 25. Mar-
tij/ der tag des Leidens Chriſtinicht iſt. Als viel Gelerter Leute
in jhren Computis vnd Oſtertags rechnungen: Jnſonder-
heit ſohannes Stadius in ſeinen Tabulis Bergenſibus, vnd
der woluerdiente fleiſsige Theologus Henricus Bunting/ in
ſeiner hochloͤblichen Chronologia mit groſſem fleiß/ vnd er-
beit gnugſam erwieſen haben. Vnd bleibt dabey aus vorge-
ſatztem fundament, das der rechte gewiſſe tag des Leidens vnd
ſterbens vnſers HErren vnd Heilandes Jheſu Chriſti/ iſt nach
der Roͤmer Calender/ der dritte tag Aprilis. Wie auch die
Welt vnd die Menſchen/ nicht im Martio/ ſondern im Aprili/
ſind von Gott geſchaffen worden. Vnd iſt derwegen alle Weiß-
heit/ die vnwiſſende Leute/ dem 25 tag Martij zu geben/ dauon
wir wegen geliebter kurtze nichts ferners ſchreiben wollen/ eine
grundloſe alberkeit. Gleich wie der HErr Chriſtus/ ſol auff
der heiligen drey Koͤnig tag getaufft. Darnach 40. tag vnd
nacht/ in der wuͤſten geweſen: Endlich zu Johanne dem Teuf-
fer wider kommen/ vnd den Phariſern vnd ſeinen Juͤngern ge-
zeiget ſein.

Darnach nimmet er etliche Juͤnger an/ kompt zu Ca-
na in Galilæa, redet mit Nathanael/ vnd am dritten tag her-
nach/ thut er ſein erſtes zeichen/ vnnd macht Waſſer zu Wein.
Dennoch ſol diß eben auff den tag geſchehen ſein/ da der HErr
getaufft worden.

Dieweil wir hie vom Oſtertage reden/ muß ich deſſen
hiebey gedencken. Das ich auch in etlichen Poſtillen finde. Der
Menſch ſolle ſich billig des Oſterfeſts frewen. Denn auch
die herrliche ſchoͤne Sonne am Himmel/ thue auff dem erſten
Oſtertage fruͤe/ wann ſie erſt auff gehet/ vnd darnach zu abend
F f ijehe
[220] ehe denn ſie vntergehe/ drey freuden ſpruͤnge. Nach den wor-
ten des 19. Pſalms. Exultauit vt Gigas ad currendum vi-
am. Die Sonne ſpringet auff/ wie ein Held zu lauffen jhren
wegk. Darauff lauffen beyde Alten vnd Jungen/ des Morgen-
des fruͤe fuͤr der Sonnen Auff gang/ vnd des Abends ſpet fuͤr
der Sonnen Vntergang/ mit groſſen hauffen ins Feld hinaus/
vnd ſehen zu/ wie die Sonne tantzet.

Wann ſie nun dieſelben ſo lang angeſehen haben/ das jh-
nen Blaw vnd Braun/ Liecht vnd Finſterniß fuͤr die Augen
kompt/ ſo ruͤffet einer hie/ der ander dort. Jtzund thate ſie den
erſten. Da bald den andern. Vnd denn den dritten ſprungk.
Wer nun ſagen wolte/ er hette es nicht geſehen/ den wuͤrde
man fuͤr blind/ oder fuͤr einen Gottesleſterer halten.

Es ſchreibet aber Euſebius lib 5. cap 23. Das im Jahr
Chriſtin 98. eine groſſe vneinigkeit vnter den Chriſten entſtan-
deu ſey/ von dem tage/ darauff man das Oſterfeſt halten ſol-
te Denn die Chriſten in Aſia hielten die Oſtern auff den 14.
tag/ des Juͤdiſchen erſten Monats. Wie zuuor geſagt iſt. Be-
rieffen ſich auff Gottes ordnung im alten Teſtament/ vnnd
das Johannes der Euangeliſt ſelbeſt die Oſtern alſo gehalten
hette.