Das I. Capitel.

WAnn ein Menſch ein-
mal anfanget zu raſen/
vnd in Ver[z]weifflung zu
gerathen/ oder einmal fol-
get/ wo jn ſein blinde Be-
gierde hinreiſſen/ ſo laͤſt er
darnach den Zaum ſchieſ-
ſen ſeinen boͤſen vnoꝛden-
lichen boͤſen Affecten: Da kan man in der Welt
niemands uͤbermuͤtiger vnd aͤrger/ als einen ſol-
chen Menſchen/ ſehen: Dann ein ſelcher Menſch
trotzt als dann den Himmel/ er verſchmaͤhet Got-
tes Schickung vnnd Ordnung/ Er glaubet vnd
bildet jhm ein/ die Geſtirn am Himel muͤſſen jm
nach ſeinem Kopff gehen vnd operieren/ es dun-
cket jhn die Erde ſey nicht werth/ daß ſie jhn ſolte
tragen
[2]Beutelſchneider/ oder
tragen: Das groſſe Meer iſt jhm nicht breit gnug/
daß er allda ſich auffhalte: Er blaͤſet ſeine furcht
uͤber diejenige/ ſo ſich zu jhm nahen/ ſeine Wort
ſeyn Donnerſchlaͤge ſein anſehen Blitz/ ſeine Ge-
dancken haͤlt er fuͤr ſo viel vnwiderꝛuffliche Raht-
ſchlaͤge. Gleich wie vor dieſem vnd noch herti-
ges Tags die hartnaͤckige zu thun pflegen. Er bil-
det jhm ein/ die Berge ſollen ſich erſchuͤtten vnd
bewegen durch das bloſſe anſchawen ſeiner Au-
gen/ vnnd iſt ſo Ehrgeitzig daß er jhme einbildet/
die Baͤch vnd Waſſer ſollen vnnd muͤſſen ſich en-
tzwey theilen/ damit er nur hindurch gehen moͤge/
vnd koͤnne.

Ein ſolcher uͤbermuͤtiger Eyſenfreſſer/ iſt ge-
weſen der Hauptmann Lycaon/ welchen man mit
gutem Titel kan nennen/ den General vnd Ober-
ſten aller Diebe/ eben ſo wol/ als den Mercurium/
Dann Franckreich iſt niemal ſo ſehr geplaget/
noch ſo uͤbel bedranget worden/ als von eben die-
ſem Tyrannen/ gleichſamb alſo zu reden ſeyn muͤſ-
ſem Tyrannen: Dann es hat Franckreich die-
ſen/ ein Fußſchemel ſeines Tobens vnnd Vnfin-
nigkeit.

Es erzehlet Plutarchus/ daß der Weg nach
Athen vorzeiten ſo voller Dieb geweſen/ daß
man mit groſſer muͤh vnnd gefahr deßwegen da-
hin hat kommen koͤnnen: Vnter andern inn dem
Epidauriſchen Gebiet iſt einer geweſen/ genannt
Periphedes/ welcher das gantze Land bedranget/
außgepluͤndert/ vnnd beraubet hat/ ſo gar/ Daß
manchmals auch die Athe[n]ienſer ſeyn erdappet
worden/
[3]Diebs Hiſtorien/ das I. Buch.
worden/ biß ſo lang daß endlich Theſeus jhn mit
ſeinem eygnen Kolben ſchlaffen geleget/ vnd ein
Siegzeichen daruͤber hat auffgerichtet Aber die-
weil Franckreich geſtanden/ ja von der Zeit an/ da
Franckreich ſich auß der Roͤmer Gehorſam auß-
gewircket/ vnd von ſich hat abgeſchuͤttelt das Her-
riſche Joch welches die Roͤmer uͤber dieſe Pro-
vintzen vnd Landſchafften hatten/ ſo glaub ich
nicht/ daß ein aͤrgerer/ ſchaͤdlicher Rauber ſey je-
mals gefunden worden/ als eben dieſer: Dann
wie ich euch wil ſehen laſſen in dem Muſter ſeines
Lebens/ ſo hat er allein mehr boͤſes vnd mehꝛ ſcha-
den in achtzehen oder zwantzig jahren gethan/ als
von allen andern Raubern in fuͤnff hundert jah-
ren wol iſt geſchehen.

Dieſer Bergſchrecker vnd Eyſenfreſſer wa-
re ein Breton/ buͤrtig auß der Inſel Narmon-
tier/ geboren von Adelichen Eltern/ aber er hat
gantz vnnd gar auß der Art geſchlagen/ vnd iſt
gantz abgewichen von dem alten Adel/ welchen
ſeine Vorfahren durch dapfferkeit vnnd ſchoͤne
Tugenden erlanget/ erhalten vnd fortgepflantzet
hatten.

Da er noch nicht zehen oder zwoͤlff Jahr hat-
te erreichet/ hat er ſchon in ſeinem Geſicht ſe-
hen laſſen/ die gewiſſe Merckzeichen ſeiner Hertz-
hafftigkeit/ welche er zu ſeiner zeit die Feinde
auff jhren Ruͤcken wuͤrde fuͤhlen laſſen: Dann
niemands dorffte ſich ſeinem Raſen vnd Toben
widerſetzen/ Er ſahe in ſeiner Jugend ſchon auß/
als wann er mit ſeinen Augen die jenigen/ welche
jhn
[4]Diebs Hiſtorien das I. Buch.
jhn ſcheel anſahen/ wolte aufffreſſen/ alſo daß je-
derman ſagte: er were kein rechter Menſch/ ſon-
dern vil mehr ein Mißgeburt vnd Wunderthier/
welches die Hoͤll ſelber auß jhrem Abgrund auß-
geſpyen/ die weil er ſo viel geraubet vnd geſtolen/
daß er jhm endlich ſelber das Garn zu ſeinem
Strick hat geſponnen/ vnnd jhm ſelber verurſa-
chet die Straff/ mit welcher Gott endlich heim-
ſuchet alle ſolche Gottloſe Tyrannen/ wann er ſie
lang vnd doch vmbſonſt zur Buß hat vermah-
nen laſſen.

Seine Eltern als ehrliche Leut verwunderten
ſich ſelber uͤber die boͤſe zuneygung/ welche er ſchon
in ſeiner Jugend zu allem Vbel vnd Suͤnden
hatte: Dann wann er mit andern ſeins gleichen
Kindern vmbgienge/ ſo thaͤt er nichts anderſt als
ſie ſchlagen peinigen vnd martern: ja er rauffete
vnd ſchluge ſich ſtets mit jhnen/ ſonderlich aber
dorffte man jhn nicht allein laſſen/ wegen der boͤ-
ſen zuneygung/ ſo er zum ſtehlen hatte.

Vnder deſſen ſo gieng fuͤr der Krieg in Franck-
reich/ durch welchen auch gantz Franckreich mit
Rauben/ Mord vnd Todtſchlag wurde erfuͤllet/
vnd der Spanier/ welcher Henrico dem Groſſen/
als dem rechten Erben der Cron Franckreich/ et-
liche Laͤnder vnd Oerter/ welche doch dieſem vn-
ſterblichen Fuͤrſten rechtswegen zuſtunden/ diſpu-
tirte vnnd zu ſich ziehen wolte/ brachte ein groß
Kriegsvolck zuſammen/ alſo daß gantz Franck-
reich/ wegen dieſes erſchroͤcklichen Sturmwinds
deß Kriegs bebete vnd zitterte/ dann es ware das
Vnge-
[5]Beutelſchneider/ oder
Vngewitter ſo groß/ daß kein Ort in dieſem gan-
tzen Koͤnigreich ware zufinden/ da es nicht rauche-
te von dem erſchroͤcklichen Morden vnd Metzeln
der Feinde gegen vnd wider einander.

Lycaon/ der nun mehr groß wurde/ vnnd von
Natur ſo eigenſinnig ware/ daß er nicht leyden
kondte/ wann jhn ſeine Eltern vmb ſeines boͤſen
willen ernſtlich ſtrafften/ vnd nur bedraͤweten/
name jhm vor ſeine Eltern zuverlaſſen/ vnnd in
Krieg zu ziehen: Dann er bildete jhm eyn/ wann
er lenger bey dem Fewer in ſeines Vatters Hau-
ſe muͤſſig ſolte ſitzen/ wuͤrde er gar zu einem faulen
Schlingel werden/ vnd in ſeiner Jugend verder-
ben vnd verfaulen. Welches dan̄ an vnd vor ſich
ſelbſten ein loͤbliches Vornemen were geweſen/
wann er dahin hette geſehen/ daß er ſich im Krieg
dapffer gehalten/ vnd Ruhm vnnd Ehr erlanget
hette: ja hette ſich alſo verhalten/ daß er hernach
nicht ein ſolches ſchmaͤhliches End hette nemen
muͤſſen.

Aber dieſer hitzige vnruhige Kopff kondte nicht
lang ſtill ſitzen vnd ruhen/ er muſte etwas neues
anfangen/ dardurch er jhm ein ewiges Gedaͤcht-
nuß machte/ gleich wie auch zu ſeiner zeit der Ver-
brenner deß ſchoͤnen groſſen Tempels zu Epheſo
gethan hat/ welcher ſolchen Tempel/ als das ſchoͤ-
neſte Gebaͤu der Welt verbrennet/ vnd zu Aſchen
gemacht/ auff daß er jhm auch ein Gedaͤchtnuß
bey allen Nachkoͤmmlingen moͤchte machen.

Als er aber nun mehr auff ſeyn/ vnd ſein Vat-
terland verlaſſen wolte/ da ſpintiſiret er lang zeit
bey
[6]Beutelſchneider/ oder
bey ſich ſelbſten/ bey wein er ſich im Krjeg wolte
vnderſtellen/ doch endtlichen entſchloſſe er bey
ſich/ er wolte ſich ins Kriegslaͤger deß Hertzogen
Mercurij begeben/ da er dann fuͤr ein Soldaten
gedienet Vnd wie die Begird ſich ſehen zu laſſen/
allgemach ſein Gemuͤht hat auffgewecket/ alſo iſt
hernach kein treffen vorgangen/ kein Anſchlag
vorgenommen worden/ dabey er nicht allzeit ſich
hette finden laſſen: Er achte die groſſe Gefahꝛ we-
niger als nichts/ er wagte ſich mitten vnder die
Feinde/ Er ware allenthalbē vorn d[r]an/ er ſchlug
vnd toͤdtet alles/ was jhm nur furkame/ alſo daß
in weniger zeit er ſich in dem Kriegslaͤger ſo be-
ruͤhmt vnd bekandt machte/ daß man von nie-
mands mehr als von dem Lycaon redete/ ſein
Hertz vnd Gemuͤht ware vnuͤberwindlich/ vnnd
der ſchrecken/ welchen er bey ſemen Feinden mach-
te/ ware ſo groß daß/ wann ſie nur von ſeinem
Namen reden hoͤreten/ erſchracken ſie vnd beger-
ten viel mehr zu fliehen/ als jhm zubegegnen vnd
zu widerſtehen.

Nun dieſes Gluͤck/ welches ſo bald im anfang
jhm begegnet/ machte/ daß er bey den Vornemb-
ſten Oberſten im gantzen Kriegslaͤger ſehr be-
kandt wurde: Dieſelbige erlandten ſeinen vner-
ſchrocknen Heldenmuht/ ſie ſahen/ daß er ein ſehr
wol proportionirte Perſon ware/ daß er ein He-
roiſches anſehen hatte/ vnd die Waffen uͤber alle
maſſen wol fuͤhren kondte: Vnd dieweil er ſich al-
ſo erzeigte/ daß an Mannheit vnd Dapfferkeit er
allen ſeinen Vorfahren nichts nachgabe/ gaben
ſie
[7]Diebshiſtorien/ das I. Buch.
ſie jhm ein Compagnia Volcks zu/ da dann der
Außgang mit deren von jm gefaſten hoffnung ſo
wol uͤberein ſtimmere/ daß er in kurtzer zeit ſein
Namen weit außbreitet/ vnd ſich im gantzen Koͤ-
nigreich Franckreich beruͤmbt vnd erkandt mach-
te/ alſo daß ſeine Eltern hertzlich daruͤber erfrewet
wurden. Dann weil er ſich in ſeiner Jugend ſo
uͤbel angelaſſen hatte/ ſo hetten ſeine Eltern jhnen
nimmermehr traumen laſſen koͤnnen/ daß der-
mal eins jhr Sohn/ der Lycaon/ ſich ſo dapffer hal-
ten vnd ſolche Heldenthaten außrichten wuͤrde.
Hierauß aber koͤnnen wir ſehen vnd erkennen/
daß ein eintziger Actus kein habitum machet/ wie
Ariſtoteles darvon redet/ das iſt/ daß ein Schwalb
kein Sommer machet/ vnd daß es gar nicht alſo
folget: Der jenige hat ſich einmal wol gehaltē/ der-
halben ſo wirds auch allzeit alſo von jm geſchehē:
ſondern daß wir vns manchmal ſelber ſchaͤndlich
betriegen/ in dem/ daß wir von vielen ſachen nur
nach dem euſſerlichen anſehen vrtheilen: Dann
wer da hette den Lycaon zu Feld vnter dem Krigs-
volck ſehen ſollen/ wie er in ſeine Feinde hineyn hat
gefetzet/ gleich wie ein Adler auff ſeinen Raub/ O-
der hette wol nimmermehr gedencken/ oder jhm
traumen laſſen koͤnnen/ daß er dermal eins ſich
wuͤrde ſo uͤbel halten/ vnd daß er/ nach dem er ſol-
chen Ruhm vnd Ehr durch ſeine Mannliche tha-
ten erlanget/ dermal eins durch Vbelthaten ei-
nen ſolchen ſchaͤndlichen Geſtanck hinder ſich laſ-
ſen wuͤrde/ wie gleichwol hernacher von jhm iſt
geſchehen. Aber die Vnbeſtaͤndigkeit in der Welt
iſt
[8]Beutelſchneider/ oder
iſt ſo groß/ daß manchmals die jenige/ welch man
haͤlt fuͤr die beſte/ edleſte vnd fuͤrtrefflichſte/ ſeyn
die jenige/ welche am allermeiſten den Laſtern
ſeyn ergeben. Mancher/ der ſich im Kriegsweſen
als ein dapfferer vnd ſtreitbarer Scipio vnnd
Hannibal hat erzeiget/ wird hernacher offtmals
in Friedenszeiten/ viel laſſer/ faͤuler vnd verzagter
als eine naſſe Hennen. Ja da leßt mancher ſeinen
Heldenmuht vnd Hertzhafftigkeit/ darmit jhn die
Natur begabet vnd gezieret/ fallen/ vnd beſchleuſt
ſeine Heldenthaten mit einer verzweiffelten Vn-
ſinnigkeit: Laſt vns deſſen ein Exempel ſehen
an dem Lycaon ſelber/ weil wir ohne das ſeines
Lebens vnd Herkommens anfang ſchon vernom-
men haben.

Das II. Capitel.

ES hat Epictetus recht vnd wol ge-
ſagt: Der Krieg ſey einem Land vnd Koͤ-
nigreich gleich wie ein Fieber/ welches
allgemach abmattet/ die Kraͤffte ſchwechet vn̄ ni-
der-
[9]Diebshiſtorien/ Das I. Buch.
der ſchlaͤget: Dann was das Fieber fuͤr Wuͤr-
ckung hat in deß Menſchen Leib/ eben ſolche Wuͤr-
ckung bringt auch mit ſich der Krieg inn einem
Land vnd Koͤnigreich: Dann da iſt niemand der
nicht habe erfahren/ daß nach dem viertaͤglichen
Fieber ein gewiſſe boͤſe Feuchtigkeit in dem Men-
ſchen uͤbrig bleibet/ welche ſich hernacher auff ein
gewiſſes Glied thut ziehen/ vnd hoͤret alſo auff den
Leib zu plagen/ damit es ſolches Glied gar eynne-
me. Vnd alſo verhelt ſichs auch mit dem Krieg:
Wann der GOtt deß Kriegs gnugſamb hat me-
tzeln vnd allenthalben wuͤrgen laſſen/ hat auch ein
gantzes Koͤnigreich gnug mit dem Blut ſeiner
Einwohner gefaͤrbet/ ſo geſchichts endlich/ daß all
das uͤbrige Gifft deß Kriegs ſich an einen Ort
verſamblet/ vnnd ſich auff ein gewiſſes Ort thut
ziehen.

Wir haben deſſen ein Exempel geſehen an der
Perſon deß jenigen deſſen Leben wir jetzunder exa-
minieren: Dann die jenigen/ welche vermeinten/
der Friede wuͤrde alle Fewers deß Kriegs außge-
leſchet/ vnnd alle Empoͤrung gedempffet haben/
haben endlich erfahren/ daß der Scorpion kein
ſchaͤdlicher Gifft hat/ als eben den Gifft/ welchen
er im Schwantz verwahret/ vnnd daß man nim-
mermehr alles gutes von einem Menſchen kan
ſagen oder hoffen/ man habe dann ſein Ende vnd
Außgang geſehen vnd erlebet.

Lycaon der nun ein Soldat war worden/ vnd
fich auch im Laͤger deß Hertzogen von Mercoeur
zimlich bekandt gemacht/ vnd Ehr vnd Rhum er-
Blanget
[10]Beutelſchneider/ oder
langet hatte/ verhoffete/ es wuͤrde das Vngewit-
ter der Buͤrgerlichen kriegen allzeit wehren/ ja er
bildet jhm ein/ es koͤndte daran nicht mangeln o-
der fehlen/ ſo ferꝛn als nur die Vneinigkeit der
Frantzoſen vnnd Spanier newe Vnordnungen/
in dem Koͤnigreich erwecken vnd gebehren wuͤr-
de: Vnd was anlangt deß Lycaons General vnd
Oberſten/ welcher die Zeit ſeines Lebens dapffere
Leut ſehr hat geliebet/ ſo erzeigt er jhm allzeit alles
liebs vnnd gutes/ wegen ſeiner Mannheit vnnd
Dapfferkeit.

Aber wie der Himmel nit allzeit donnert vnd
zuͤrnet/ ſich an dem ſterblichen Menſchen zu re-
chen/ alſo hat der Außgang vnverhoffter weiſe be-
zeuget/ daß Gott ein Mitleyden hatte mit vns in
vnſerm groſſen Vngluͤck/ in dem daß er auff ein-
mal die Vngewitter/ ſo ſich auff vns zogē/ hat ver-
trieben: Welches dann Vrſach gegeben/ daß man
all dem Kriegsvolck abgedancket vnd Franckreich
wider zur Ruh kommen/ nach welcher man ſo
lang ſich hatt geſehnet.

Als nun Lycaon ſahe/ daß wegen deß gemach-
ten Friedens/ welcher die Wellen deß Vngewit-
ters ſo bald ſtillete/ er ſich nicht ferꝛners ins kuͤnff-
tig/ wie zuvor in wehrenden Krieg/ kondte nehren
vnd auffbringen/ vnnd daß alle ſeine gefaſte Hoff-
nung mit dem Kriegs Nebel verſchwunden wa-
re/ begabe er ſich auß Verzweifflung inn die Wil-
de/ Er lieſſe ſein vorigen dapfferen Heldenmuth
fallen/ auß Mangel der Mittel vnnd der Vbung
ließ er die Kriegskunſt gar bey ſich verroſten/ vnd
ſtreck-
[11]Diebshiſtorien/ das I. Buch.
ſtreckte ſein moͤrdliche Hand auß gegen allen bey
jhm voruͤber reiſſenden Leuten/ wurde alſo auß ei-
nem dafferen Theſeo ein vngehewrer ſchrecklicher
Sinnis vnd Straſſenrauber: Darbey wir dann
das ſehen vnd lehꝛen/ wie manchmals die dapffer-
ſte Gemuͤter ſich ſo ſchaͤndlich verendern. Dann
wann ſie einmal durch Laſter ſich beſitzen vnd ein-
nemen laſſen/ da vergeſſen ſie ihrer ſo gar daruͤber/
daß hernacher ſie keine ſchew mehr tragen die
ſchrecklichſte Suͤnde auff Erden zu begehen.

Aber wie nun Lycaon ſehr ſtarck/ vnd von jeder-
man gefoͤrchtet wurde: Als bekame er ſo bald ein
groſſen Anhang vnd Zulauff von allerley Volck/
ſo ſeiner Gattung ware/ welche jhr Gluͤck vnd Le-
ben ſo wol als er das ſeinige in die Schantz ſchlu-
gen: Vnter andern/ hiengen jm auch an zwen ſei-
ner Bruͤder: Vnd der Lycaon brachte zuſammen
in ſolcher Zeit den Schaum vnd die Grundſuppe
aller boͤſen Buben/ ſo man zu der zeit in hoch vnd
nider Bretagni/ in Poictou/ vnnd andern vmb-
liegenden Orten hette finden moͤgen/ alſo daß er
mehr als vierhundert Mann bey ſich hatte/ wel-
che alle einer Gattung waren/ vnd nichts anders/
als auff Stelen/ Rauben/ Todtſchlagen ſich bege-
ben wolten/ derowegen dann man jn wol den an-
den Romulum hette nennen koͤnnen/ welcher da
wolte ein new Republic vnd Regiment auffrich-
ten/ vnd allerley Zwitracht in den Provintzen deß
Koͤnigreichs Franckreichs ſein vnnd erwecken:
Aber er wagte ſich gar zu ſehr vnd zu weit/ ſeine
Anſchlege waren zu hoch/ vnd außzufuͤren gar zu
B ijſchwer:
[12]Beutelſchneider/ oder
ſchwer: Er ware wie der Icarus/ der ſich mehr
als zu viel auff ſeine Kraͤffte verlieſſe. Derhalben
ſo hat er auch endlich mit ſeinem ſchaden erfah-
ren/ daß es beſſer iſt in dem mittel Stande zu ver-
bleiben/ als gar zu hoch zufliegen/ vnd uͤber ſein
vermoͤgen etwas fuͤrzunemen. Man ſiehet heu-
tiges tages wenig Tamberlaner/ welche dieſes boͤ-
ſen vngearten Frantzoſen Sprichwort fuͤhren: de
Rien grande choſe, Auß nichts etwas groſſes/
Vnd welche jhnen die Cron auff das Haupt geſe-
tzet haben: Wir ſeyn nicht mehr in der alten Roͤ-
mer oder Sabiner zeit/ daß wir durch offentliches
Rauben vnd Stelen vns groß machen koͤnnen:
Aber gleichwol ſo hatte Lycaon ein ſolchen ſtoltzen
vermeſſenen Geiſt/ daß er jhm ſolches alles alſo
einbildete: Es muͤſte ſein vornehmen fortgehen/
vnd ſolte er auch daruͤber zerberſten/ vnd vnderge-
hen. Derohalben ſo laſt vns nun ſehen/ was er
mit ſeinen Waghaͤlſen vnd Freybeutern wird
machen.

Als nun dieſer verzweiffelte boͤſe Menſch ſahe/
daß er ſo viel Leut bey ſich hatte/ welche alle mit jm
einen gleichen boͤſen Vorſchlag im Sinn hatten/
bedachte er ſich auff mittel vnd wege/ wie er der je-
nigen Fuͤrhaben ſo jhm ſchaden zufuͤgen koͤndten/
hindern moͤchte. Derhalben ehe daß er einen eint-
zigen Anſchlag ins Werck ſetzte/ bauet er jhm ei-
ne Veſtung in den Wald Machecou/ welches ein
veſter/ wuͤſter vnd von dem gemeinen Weg weit
abgelegner Ort iſt.

Es iſt mir all hie vnmoͤglich euch zu erzehlen/
wie
[13]Diebs Hiſtorien/ das I. Buch.
wie fleiſſig er ware dieſen Ort veſt zu machen:
Seine Raubvoͤgel/ welche nicht allein jhn voꝛge-
ſetzet zu Rauben/ ſondern auch den Raub an ſol-
chen Ort zubewahren/ arbeiteten tag vnd nacht
an den Graͤben vnd gantzen Veſtung/ biß ſo lang
daß der Bau ſo weit wurde außgemacht/ daß
man in demſelbigen ein Anlauff außſtehen koͤnd-
te. Vnd als nun ſolches alles fertig vnd außge-
macht/ theilten ſie ſich hauffen weiß voneinander/
vnd fiengen an hin vnd wider zu ſtreiffen/ vn̄ von
dieſem boͤſen Omeyß hauffen theileten ſie ſich an
allen orten auß in dem gantzen Koͤnigreich: Es
wurde jederman daruͤber beſtuͤrtzet/ daß man
von tag zu tag von nichts anderſt redete/ als von
Morden/ Rauben vnd Stelen/ vnd kondte doch
niemandts wiſſen/ woher ſolche Suͤndflut von
Raubern her kaͤme/ vnd alſo in kurtzer zeit fuͤlleten
ſie jr Raubſchloß mit einer vnmenſchlichen groſ-
ſen Beute/ von allerley Wahr/ von Gelt vnd von
allen andern Sachen/ ſo ſie nur antraffen.

Das geſchrey bricht allenthalben darvon auß:
Man fraget nach/ wie es doch darmit beſchaffen
ſey/ wer doch ſolche vnerhoͤrte Morden vnd Rau-
ben anſtelle: Es wolte es bald niemandts recht
glauben/ wann er nicht in ſeiner eygnen Perſon
die Warheit ſolches Straſſenraubers hatte er-
fahren.

Es iſt allhie vnmoͤglich Stuͤckweiſe zuerzeh-
len das Rauben/ Morden/ Wuͤrgen/ metzeln/ wel-
ches dieſe verzweiffelte boͤſe Rotte in Poict on/
Saintonge/ Aulues/ in Normandy vnd Bretai-
B iijgne
[14]Beutelſchneider/ oder
gne hat begangen. Wann ſchon die Waſſerbaͤche
außbrechen/ oder Wolckenbruͤflen vom Himmel
fallen/ oder wann ſchon der Himmel ſelbſten ein-
fallen/ vnd auff die Fruͤchte der Erden/ ja auff
das wachſende Korn ſolte fallen/ ſo wuͤrdē ſie doch
ſolchen groſſen ſchaden nicht thun koͤnnen/ wie
dieſe Rotte gethan an allen orten/ da ſie nur hin
kamen: Es mangelt jhn an Wehr vnd Waffen
nicht/ ſich zuvertheidigen/ vnd andere Leute anzu-
greiffen: Dann weil ſie nicht allein von langer
hand hero vnnd auß dem Kriegsweſen wuſten/
wie man ſolte mit geſchicklichkeit ein Angrieff
thun/ ſondern ſie ſetzten auch in die Leut hinein
mit einem groſſen Toben vnnd Vnſinnigkeit/
machten ſie ſich dardurch vnuͤberwindlich/ nie-
mands kondte jhn widerſtehen: Vnd iſt das ein
wunderliches dinge/ daß ſie auff die hundeꝛt Meil
wegs in der runde allenthalben vmbher ſtreiffe-
ten: Bald giengen ſie wie Kauffleute/ bald wie
Trabanten oder Soldaten/ bald kleideten ſie ſich
wie die Edelleute/ ſie ſchoneten keines Menſchen
Leben: Wen ſie nur antraffen/ vnnd vermuhten
Gelt bey jhm zufinden/ der muſte jn herhalten vnd
ſein Leben laſſen.

Was aber inſonderheit Lycaon anlangēt/ ſo
waget er ſich nicht herauß/ er were dann mit ſei-
nen Leuten wol verſehen/ vnd wol beritten/ vnnd
das thet er deßwegen/ dieweil man jhm allenthal-
ben nachſtellete: Sonſten ware er bißweiln gar
freundlich: Dann er brachte nicht leichtlich vmb
die jenige/ ſo er beraubet. Doch muſte man jhm
auch
[15]Diebs Hiſtorien/ das I. Buch.
auch nichts verhelen/ vnd verſchweigen/ ſonſten
ware man in gefahr nicht allein deß Beutels mit
dem Gelt/ ſondern auch deß Lebens ſelber.

Auff ein Zeit begabe ſich dieſer Lycaon gar al-
lein auß ſeinem Raubſchloß/ dieweil ſeine ande-
re Mitgeſellen waren außgegangen in der Be-
nachtbarten oͤrtern etwas zufiſchen vnd zu raubē/
vnd machte ſich auff die Landſtraß ſo nach Nan-
tes gehet: Verbarge ſich allein in einen dicken
Wald/ vnd blieb auff dem Bauch vngefehr eine
gantze ſtund ligen: Als er nun alſo im dickē Wald
lage vnd auffwaꝛtete/ kam daher gegangen ein gu-
ter Bauersmann/ welcher das anſehen hatte/ als
were er nicht ohne Gelt: Lycaon ſteht ſo bald auff/
geſellet ſich zu jhm/ vnd nach dem er von jhm ver-
ſtanden/ daß er wolte gen Nantes gehen/ wegen
Rechts ſachen/ welche jhm in kurtzer zeit zuge-
wachſen/ vnd zugefallen waren: ſagt er zu jm/ ach
du muſt dann Gelt bey dir haben: Dann die jeni-
gen/ zu welchen du wilt/ haben ein veſtes Gebluͤt/
ſie leben nur von ſolchen Rechtsſachen/ vnd muß
man jhn die Haͤnde wol ſchmieren wann ſie eine
Sache ſchleunig befoͤrdern ſollen. Der gute ehrli-
che Mann ſahe wol daß er uͤbel were ankommen/
vnd in eine boͤſe Geſellſchafft gerathen/ derohal-
ben entſchuldiget er ſich/ er habe kein Gelt: Man
ſehe es ihm auch an ſeinen Kleidern vnd Worten
an/ daß er kein Mann ſey/ der viel Gelt moͤge oder
koͤnne haben: Vnd wann er viel bey ſich habe/ ſo
ſeyn es acht oder zehen Schilling/ ſo vil daß er ein
Mittagmalzeit darfuͤr koͤnn halten.

Was mich anlanget/ antwortete hierauff Ly-
caon/ ſo kan ich dich deſſen verſichern/ daß ich an
Gelt auch nit ſchwer trage/ aber ich habe ein ſol-
che Hoffnung zu GOtt/ daß wann wir von Her-
tzen mit einander beten/ ſo wird er vns gewißlich
Gelt beſchern.

Inn dieſem Geſprech wandern ſie alſo mitein-
ander fort/ aber Lycaon/ der ſich den Vogel nicht
wolte entfliegen/ noch die Beut entwiſchen laſſen/
fraget jhn noch einmal/ ob er dann gar kein ande-
re Muͤntz bey ſich trage/ als eben das Gelt darvon
er jm geſagt hette: Vnd als jm der gute Bawers-
mann hierauff antwortete: Wann er uͤber Feld
gehe/ ſo pflege er nicht bald Gelt bey ſich zu tragen/
dann das ſey nachmals Vrſach/ daß ein Menſch
gar vmb ſein Leben komme/ vnnd vmb deß Gelts
willen todt geſchlagen werde: Beſahl jhm Lycaon
zu beten/ vnd Gott anzuruffen/ dann er wuͤſte ge-
wiß/ daß der Himmel jhr Gebet erhoͤren wuͤrde.
Vnd hierauff zoge Lycaon ein kleines Handbuͤch-
lein auß ſeinem Hoſenſack/ vnd fiel auff ſeine Knie
nider zu beten: Befahle auch dem guten Mann/ er
ſolte dergleichen auch thun. Was geſchi cht? der
gute ehrliche Mann wuſte nicht/ was ſolche art zu
beten wuͤrde bedeuten vnnd mit ſich bringen: Er
konnte ſolches Geheimnuß nicht begreiffen/ vnnd
hette gewoͤllet/ daß er an einem andern Ort weit
von ſeinem Mitgeſellen were geweſen/ ſein Gebet
deſto beſſer zuverꝛichten: Dann durch die groſ-
ſe Forcht vnd Angſt/ welche er wegen ſeines Mit-
beters in ſeinem Hertzen hatte/ wurde er gantz vnd
gar
[17]Diebshiſtorien/ das I. Buch.
gar verſtoͤret vnnd verhindert in ſeiner Andacht:
Gleichwol aber/ weil es alſo ſeyn muſte/ ſo faͤlt er
auch auff die Knie nider zubeten/ oder viel mehr
den Außgang ſolchen ſeiner ſeyten trawrigen
Spiels mit vngedult zu erwarten.

Als nun Lycaon drey oder vier Wort zwiſchen
ſeinen Zaͤhnen gemummelt hatte/ vnd ſich ſtellete
als hette er gar andaͤchtig gebetet/ fragte er dar-
auff den Bawersmann/ ob ihm noch nichts von
Gelt in ſeinem Seckel were kommen/ befahl jhm
auch/ er ſolte in ſeinem Hoſenſack ſehen/ ob nicht
vielleicht etlich Gelt ſchon ſey darein kommen.
Dann er wuſte gar wol/ daß der Himmel nicht
vndanckbar were gegen den jenigen/ welche an-
daͤchtig beteten? Der gute Mann antwortet/ er
finde vnd habe nichts/ darauff thut Lycaon ſein
Hand in ſeinen Beutel/ zeucht herauß ein Stuͤck
Gelts von fuͤnff Schillingen/ weiſet es dem Bau-
ersmann/ vnd ſpricht zu jhm/ das ding gehe nicht
recht zu/ er muͤſſe nicht von Hertzen beten vnnd
Gott anruffen/ derhalben ſoll er eins thun/ vnnd
noch einmal nider fallen vnnd deſto inbruͤnſtiger
beten: Dann er wuͤſte gar wol/ daß/ wann er ſei-
ne Augen recht gen Himmel auffhuͤbe/ ſo wuͤrde
vufehlbarlich Gelt kommen: Es zeucht auch Ly-
caon hierauff abermals zehen Schilling auß ſei-
nem Hoſenſack/ welche er durch ſein Gebet er-
langet zu habē vorgab Aber der gute Mann ſan-
de nimmer nichts in ſeinem Beutel/ vnd hatte er
mehr Andacht Gott zu bitten vnd anzuruffen/ dz
ſich zu der Zeit gar nichts in ſeinē Beutel moͤchte
finden
[18]Beutelſchneider/ oder
finden/ als zu bitten/ daß ſich etwas von Gelt da-
rinnen moͤchte finden. Endlich ſo faͤlt Lycaon zum
drittenmal auff die Knie nider zu beten/ vn̄ zeucht
nach ſeinem Gebett auß ſeinem Hoſenſack ein
Teſton oder Kopffſtuͤck/ vnd als er ſihet/ daß der
Bauersmann allzeit auff ſein eylff Augē bleibet/
er laugnet noch/ er habe nichts von Gelt in ſeinem
Beutel befunden/ ſo redet er jhn alſo an: Es muß
einmal der zweyen dingen eines ſeyn: Nemblich/
daß er entweder nicht recht einbruͤnſtig vnd ein-
ſtendig habe gebetet/ oder/ daß er jhm nicht wolte
ſagen/ was GOtt jhm auff ſein Gebett habe be-
ſcheret: Dann/ ſagte Lycaon zum Bauersmann/
wie kan es ſeyn/ daß Gott viel mehr mein/ als dein
Gebett ſolte erhoͤret haben/ dann was dich anlan-
get/ ſo haſtu von Hertzen gebetet/ wie es der augen-
ſchein ſelber hat gegeben/ derhalben ſo kan es nicht
anders ſeyn/ du muſt ſchrecklich viel Gelt haben:
Was aber mich anlanget/ ſo habe ich nur fuͤr die
lange weil gebetet/ vnd du ſiheſt gleichwol ſelber/
wie das Gelt vnvermerckter weiſe mir in meinen
Beutel iſt kommen/ derhalben ſo muß ich auff den
augenſchein gehen/ vnd als er dieſe Wort geredet/
faͤlt er uͤber den guten Bauersmann/ beſuchet ſei-
ne Hoſenſaͤck/ vnd findet bey jhm nicht mehr als
vier hundert Kronē an gutem Golt/ der Bauers-
mann wie leichtlich zudencken/ wird daruͤber ſehr
beſtuͤrtzet/ dann ſolte er vmb huͤlff ſchreyen ſo hette
er ſich in Leib vnd Lebens gefahr geſetzet: Er hette
gewertig ſeyn muͤſſen/ daß er gar vmbgebracht
were worden. Gleichwol aber ſo iſt es jhm beſſer
gangen/
[19]Diebs Hiſtorien/ das I. Buch.
gangen/ als er ſelber gemeinet hatte: Dann Ly-
caon name nicht mehr als das halbe Theil deß
Gelts/ vnd gabe jhm die andere uͤbrige zwey hun-
dert Kronen wider mit dieſen worten: Was/ ſagt
er/ wilt du mich betriegen/ vnd mir nicht ein Theil
geben von dem jenigen/ das dir GOtt in meiner
Geſellſchafft hat beſchert? Iſt das der Bund/
den wir mit einander gemacht haben/ ehe wir zu
beten angefangen? Aber daß du nicht koͤnneſt ſa-
gen/ ich ſey ſo vndanckbar/ wie du/ ſihe da haſt du
fuͤnfftzehen Schilling/ welche ich dir gebe/ es iſt
das halbe Theil von dem/ das mir Gott hat gege-
ben/ damit du ja dich nicht uͤber mich zu beſchwe-
ren vnd zu beklagen habeſt/ dann das were die
groͤſte vnbillichkeit in der Welt/ wann ich dir das
halbe Theil deines durchs Gebet erlangten Gelts
ſolte abfordern vnd abnemen/ vnd wolte dir nicht
widerumb auch geben das halbe Theil meines
durch gleiches Mittel erlangten vnd bekomme-
nen Geltes: Vnd alſo wurde der gute Bauers-
mann mit ſeinem Gelt ohne Ceremonien erdap-
pet: Dann Lycaon ſtahle jhm die zwey hundert
Kronen ab ſchertzweiß/ durch kuꝛtzweil vnd fuͤr die
lange weil.

Als aber nun dieſer Straſſenrauber ein Tag
fuͤnff oder ſechs ſich von vnd mit dieſem geraub-
ten Gelt/ luſtig gemacht hatte/ fienge er an ande-
re Leute zu ſuchen nach den gelegenheiten/ ſo jhm
vorſielen. Dann ſo bald als an einem Ort ein
Jahrmarck ware/ dorffte man nicht gedencken/
daß er außbliebe/ ſondern er fande ſich wiewol
verklei
[20]Beutelſchneider/ oder
verkleidet/ auch an allen ſolchen orten/ da ſahe er
alles wol auß/ faſſet die Kauffleut wol in ſein Ge-
ſicht/ ſahe was ſie vor Wahren hatten/ gab ach-
tung/ was vnd wieviel Gelt ſie loͤſeten/ vnd wann
ſie darnach widerumb nach Hauß wolten ziehen/
pflegte er ſie bald an dieſer/ bald an einer andern
Wald ecke anzuſprengen. Als er aber mit vielen
ſeiner Raubvoͤgeln hin vnd wider ſtreiffete/ ka-
me er in erfahrung/ daß der Vogt vnnd Oberſte
von Roven mit einem groſſen hauffen Solda-
ten/ jhn verfolgete/ vnd in willens were den Wald
Morſemont/ darinnen er ſich deßmals anffhielte/
zu vmbgeben/ vnd ſich ſeiner Perſon maͤchtig zu-
machen vnd jhn zugreiffen/ derhalben ſo name er
Vrſach durch ſolches außgeſprengtes geſchrey
ſich deſto beſſer fuͤrzuſehen/ lieſſe ſein Raubvolck
zuſammen kommen/ verfuͤgt ſich mit denſelbigen
an ein ſolches Ort/ da er vermeinete ſicher zu ſein:
Vnd nach dem er den ſeinigen Ordinantz vnnd
Befelch gegeben/ was man thun vnd vornemen
ſolte/ ſchickte er auß ſolches Volck zu erkennen vnd
zubeſehen/ vnnd dieweil er ſein außgeſchickten
Kundſchaffern allein nicht wolte trawen/ kleidete
er ſich in Lein Tuch/ vnnd gieng wie ein ſchlechter
Bawersmann da her/ vnd nach dem er ſelber ſol-
ches Volck wol beſichtiget hatte/ auch ſahe daß ſie
miteinander zu ſchwach waren jhm zu widerſte-
hen/ ergrieff er ſeine Waffen/ mahnet ſein Volck
auff/ ſpricht jhnen ein Hertz ein/ vnnd zeucht den
Feinden ſelber entgegen/ welche er auch mit ſol-
chem Toben vnnd W[uͤ]ten angreiffet/ daß ſie ſo
bald
[21]Diebs Hiſtorien/ das I. Buch.
bald gezwungen werden die Flucht an die Hand
zu nemen/ vnd jhr uͤbriges Hertz auff jhre Ferſen
vnd Fuͤſſe zu ſetzen: Ja er veꝛfolgte ſie ſo ſehꝛ daß er
nicht allein etliche vnder denſelbigen niderhauet/
ſondern auch ſieben gefangen bekommet/ hinweg
fuͤhret vnd nach dem er jhnen die Kleider vnd al-
les außgezogen/ laͤſt er ſie an Baum anbinden im
Wald/ da es am finſterſten ware.

Aber was thaͤte vnd fieng er an mit der ange-
bundenen Libereyen vnd Kleidern/ was fuͤr Vbel-
thaten richtete er ferꝛners damit auß?

Es erzehlet Polienus in Beſchreibung der
Kriegsliſten/ daß als die Perſer wider die Egy-
pter Krieg gefuͤhret/ haben ſie dieſe Kriegsliſt er-
dacht/ welche jhn dann gluͤcklich iſt außgeſchlagē:
Sie wuſten/ daß gantz Egypten gar Abgoͤttiſch
ware/ vnd gewaltig viel auff jhre/ wiewol falſche
Goͤtter hielten/ wo die Egyptier hin kamen/ vnd
jhre vermeinte Goͤtter Bilder ſahen/ da fielen ſie
nider auff die Erde vnnd beteten dieſelbige an.
Derhalben ſo lieſſen die Perſer auff jhre Schild/
Wehr vnd Waffen mahlen Katzen/ Hunde/ Cro-
codilen/ Fleder maͤuſe/ Zwibeln/ allerley Thierer/
Kreuter/ welche die Egyptier alle fuͤr Goͤtter hiel-
ten: Als nun der Tag zu fechten herbey kame/ vnd
die Egyptier die Bilder jhrer Goͤtter auff den
Waffen jhrer Feinden ſahen/ waren ſie ſo Aber-
glaubig/ daß ſie die Haͤnde in einander ſchlugen/
vnd wolten nicht wider die Perſer ſtreiten/ vnnd
wurden alſo von denſelbigen in ſtuͤcke zuhauen.

Ich weiß nicht ob Lycaon dieſe Kriegsliſt je-
mals
[22]Beutelſchneider/ oder
mals mag geleſen haben/ aber er hat gleichwol
eben das jenige practiciret/ nach dem er der auff-
gehenckten Soldaten Libereyen vnd Kleider hatte
bekommen: Dann er ſampt etlichen der ſeinigen
Raubvoͤgeln hat ſich in ſolche kandbar Kleider
verkleidet/ vnnd iſt deß Nachts gangen vor ein
Schloß/ welches nicht weit von dieſem Wald
liget/ hat ſich angenommen er ſuche die Straſ-
ſenrauber/ welche in ſolcher Nachbarſchafft vmb-
her ſtreifften: Hat auch begert vnd befohlen im
Namen deß Koͤnigs/ man ſoll jhm die Pforten
auff machen/ dann wie man jhm geſagt habe/ ſo
habe ſich Lycaon vnd ſeine Raubgeſellen/ darin̄en
ſalviret: Was geſchicht/ auff ſolchen Befelch oͤff-
net man jhm die Thor/ vnd kan niemands geden-
cken oder ſich eynbilden/ daß ein ſolches Meiney-
diges Schelmenſtuͤck darhinder ſtecke/ vnd dar-
durch geſuchet woͤlle werden.

Als nun Lycaon in das Schloß hinein kom-
met/ ſtellet er ſich als woͤlle er an allen orten vnd
ecken die Straſſenrauber ſuchen/ ſagt/ es muͤſſen
ſich die Raͤuber nohtwendig in Kiſten vnd Ka-
ſten verborgen haben/ derhalben ſo ſoll man jhm
ſo bald ohne auffhalten die Schluͤſſel zu Kiſten
vnd Kaſten bringen/ vnd als er nun ſahe/ daß er in
dem Schloß mit den ſeinigen am ſtaͤrckeſten wa-
re/ da fandt er an alles außzuſuchen/ nim̄t hinweg
was er bedarff/ Silber vnd guͤlden Geſchirꝛ/ vnd
das allerbeſte/ das er in Kiſten vnd Kaſten funde:
Vergaß auch nit mitzunemen alles das Gelt/ das
er fande/ ſo gar/ daß er durch dieſe Diebiſche Arg-
liſtig-
[23]Diebs Hiſtorien/ das I. Buch.
liſtigkeit das Schloß in euſſerſtes verderben ſetzete:
Vnd als er nun ſolches außgerichtet/ kehret er wi-
derumb in ſeinen Wald zu ſeinen Geſellen/ daß er
ſie ſeiner Beut theilhafftig mache/ vnd auff der
Wahlſtatt leßt er den ſieben gefangenen Schuͤ-
tzen vnd Soldaten jhre Kleider wider anziehen/
vnd an die Baͤume vollends auffhencken/ welches
dann ein erſchroͤckliches vnd erbaͤrmliches Spe-
ctackel geweſen.

Es erzehlet Eſopus/ daß als auff ein Zeit
die Arcadiſchen Voͤlcker einen Eſel angetroffen/
der fich in eine Loͤwenhaut verkleidet hatte/ haben
ſie jhm ſolches ſtattlich Kleid abgezogen/ vnd mit
Bruͤgeln wol abgeſchmiret/ vnd hat alſo der Eſel
den Kleiderzinß auff ſeinem Rucken bezahlen
muͤſſen/ das were nun auch ein ſtattlicher ſtreich
geweſen/ wan̄ man in dem gedachten Schloß deß
Lycaons Diebiſches vornemen hette riechen koͤn-
nen: Ich glaube/ man hette jm auch wie dem Eſel
ablohnen koͤn̄en: Wann vorzeiten groſſe vorneme
Leitte einen Fehler begangē hatten/ ſo pflegten die
Alten jnen auff jre Roͤcke zu klopffen vnd zu ſchla-
gen/ als wann die Roͤcke an ſolchem begangenen
Fehler ſchuldig weren geweſen: Aber bey dieſem
groſſen Straſſenrauber hette man das gegentheil
practiciren koͤnnen: Man hette jhm die entlehnete
Kleider abnemen koͤnnen/ auff daß man jhm
Schultern vnnd Ruͤcke deſto beſſer hette reiben
vnd ſalben koͤnnen/ aber ſeine ſtunde ware noch
nicht kommen/ ſein Suͤndenmaß ware noch nicht
voll: Gott laͤſſet die Gottloſen leben/ er wartet vnd
gibt
[24]Beutelſchneider/ oder
gibt jhnen zeit/ ob ſie vielleicht ſich beſſern wolten/
aber gemeiniglich ſo mißbrauchen ſie die Zeit vnd
die Gnade Gottes.

Vnder deſſen kompt dieſes alles dem Herꝛen
dieſes Schloſſes gar wunderbarlich fuͤr. Er kan
nit anderſt gedencken/ als daß die Soldaten von
Ro ven/ vnder dem ſchein den ſie voꝛgeben den Ly-
caon bey jhm zu ſuchen/ jhm ſein Hauß gepluͤn-
dert/ vnd alle ſein Reichthumb vnd Vermoͤgen
geraubet haben Das geſchrey wird allenthalben
darvon außgebreitet: Er beklagte ſich bey dem
Parlament zu Rouen/ zeigt an/ daß die Schuͤ-
tzen vnd Soldaten alles gepluͤndert vnd abgeſto-
len haben/ vn̄ daß er mit allen den ſeinigen nichts
mehr als das Leben habe darvon bringen vnd ſal-
virn koͤnnen.

Was geſchicht? Man fraget den ſachen nach/
etliche Soldaten werden gefaͤnglich eingezogen/
als Straſſenrauber vnd Thaͤter ſolchs Raubs/
offentlich angeklaget/ ſie werden ſo ſchrecklich ge-
foldert/ daß groͤſſere Schmertzen zuvermeyden ſie
bekennen/ ſie haben gethan/ das jenige/ was jhnen
niemals im Traume ware fuͤrkommen: Es ward
auch einer vnter jhnen auffgehencket/ den andern
deſto mehr forcht vnd ſchrecken einzujagen.

Was hette nun einer jm wunde: barlicher eyn-
bilden koͤnnen? Iſt auch jemals eine Tragœdi beſ-
ſer [geſpielet] worden? Laͤſt es ſich nicht anſehen/ als
ob das gute Gluͤck ſelber ſolchem vngeheweren
Wunderthier vnd ſchaͤdlichen Mißgeburt in al-
lem ſeinem boͤſen Vornemen vnd Suͤnden bey-
ſtehe/
[25]Diebshiſtorien/ das I. Buch.
ſtehe/ vnd jhm uͤberhelffe? Was kan man weiters
thun? Er ſihet/ daß er Meiſter im Feld iſt/ jeder-
man foͤrchtet ſich vor jhm/ die Kauffleut doͤrffen
ſich nicht hinwagen/ wo er ſich ſehen laͤſſet: Er iſt
gleichſam/ wie der Kopff der Meduſæ/ welcher ſie
in Felſen verwandelt/ das iſt/ in ſeiner gegenwart
blieben ſie ſtill ſtehen/ ſie doͤrffen nit mucken oder
ſich regen/ Er nimpt jhn Gelt vnd Leben mitein-
ander. Was wird er aber ferꝛners thun? Wird er
dann auch den Mund mit den Zaͤnen ſaſſen: dann
er bildet jhm ein/ er habe nun die gantze Welt inn
Sack gejaget/ in forcht gebracht/ vnd wil nun die
ſiegreiche Reuterfahnen ſeiner Boßheit vnd Ty-
ranney an allen Ecken der Erden auffſtecken vnd
auffrichten. Aber er wird endlich erfahren/ daß der
Himmel ſelber ſich der Frommen ſachen annim-
met/ vnd ſtraffet die Suͤnde vnd Laſter/ wie ſie wol
verdienet haben. Laſt vns fortfahren vnnd ſehen/
wie er ſich ferꝛners in ſeinem Leben verhalten habe.

Das geſchrey von dem Rauben/ Stelen vnnd
Morden dieſes vnmenſchlichen Raubers war in
gantz Franckreich ſo groß/ je lenger je mehr/ daß
ſich niemandts mehr in das Feld dorffte wagen:
Anfaͤnglich forchteten ſich die Bawersleute jme
zubegegnen vnd auffzuſtoſſen/ vnd braucheten al-
lerley neben Wege/ damit ſie jhm ja nicht in ſein
Netz fallen moͤchten: Aber es war alles vmbſonſt
vnd verlohrne Arbeit: Dann er wuſte wol/ wie er
ſie erdappen ſolte/ derhalben man darfuͤr hielte/ er
muͤſte ein Zauberer ſeyn: Dann er erdappete Leu-
te/ wo ſie ſich auch hin lencketen vnnd hinkehrten/
Cvnd
[26]Beutelſchneider/ oder
vnd das gabe hernacher Vrſache/ daß die jenige/
ſo da in den benachbarten orten/ dahin er zu ſtreif-
fen pflegte/ wohneten/ ſich nicht mehr beſchwerten
hin vnd her zu wandeln/ ſondern was jr Gut vnd
Blut/ Leib vnnd Leben anlanget/ befahlen ſie ſich
der Gnade deß Himmels vnnd dem Gluͤck/ wan-
derten/ wo hin ſie ſolten vnd wolten/ vnd wurden
darauff beſſer tractiret von dem Lycaon/ als ſie
nimmermehr hetten hoffen koͤnnen: dann er frag-
te alles auß/ wie es mit jhnen ſtuͤnde/ vnnd wie es
mit jhnen gienge/ er bote jhnen ſeine Dienſt an/
er troͤſtete ſie in jhrem Truͤbſal vnnd Elend/ ja er
ſelber ſtreckte jhn auch Gelt vor/ aber mit dem be-
ding/ daß ſie jhm auff gewiſſe Zeit vnfehlbarli-
chen ſolten wider geben/ was er jnen gelehnet het-
te: Vnd alſo gewann er vielen Bawersleuten das
Hertz ab/ in ſolcher gegend/ daß ſie jhm hernacher
alles zu wiſſen theten/ was im Land hin vnd wider
fuͤrgienge.

Das III. Capitel.

DEr Vogt zu Roven war ſehr/ wie
auch billich/ erzuͤrnet uͤber dieſen Rau-
ber/ wegen deß Schimpffs/ den er ſeinen
Sol-
[27]Diebs Hiſtorien/ das I. Buch.
Soldaten bewieſen hatte: Derhalben ſo name er
jhm fuͤr (vnnd ſolte es auch koſten/ was es wolle)
ſich an jhm zu rechen/ jhn heimlich außzuheben
vnnd jhm auff ſeinen Kopff zuvergelten/ alle das
Stelen/ Rauben vnd Morden/ welches er die gan-
tze Zeit ſeines Lebens begangen vnd getrieben het-
te. Was geſchicht aber? Lycaon er faͤhrt ſolches
von ſeinen Leuten/ vnd nach dem er all ſein Volck
in ſeine Veſtung Machecouſti/ da er ſeine Vor-
nembſte Wohnung hatte/ kommen laſſen/ machet
er ſich allein an den Ort/ da er vermeinte/ dz man
jhn wuͤrde kommen anzugreiffen: Vnd als er fuͤr
gewiß vernommen/ vnd erfahren den Tag vnd die
Stunde/ in welcher die Obrigkeit/ jhn zu uͤberfal-
len/ mit einem groſſen hauffen Volcks kommen
ſolte/ da kleidet er ſich wie ein Bawersmann/ legt
an einen langen Leinen Kittel/ ſetzet auff ein alten
garſtigen Hut/ nimpt ein vnanſehliches Rotes
Pferd ohne Sattel/ ohne Zaum/ leget auff das
Pferd einen alten Sack/ ſetzet ſich darauff/ vnnd
reitet alſo mit ſolcher Ruͤſtung dem Vogt von
Roven entgegen/ welcher als er ſeiner anſichtig
wird/ fraget er jhn/ wo er herkomme/ vnnd ob er
nichts geſehen habe? Er antwortet jm/ er hab gar
nichts geſehen/ doch ſo rede man ſtarck von den
Straſſenraubern/ vnnd vnter andern von einem
genannt Lycaon/ der gar ein boͤſer Bub ſeyn ſolle:
Die andern/ welche vmb jhn her waren/ fragten
jhn/ wo er hin wolte/ vnd als ſie von jhm verſtun-
den/ er wolte nach Roven ziehen/ allda Korn ein-
zukauffen/ lieſſen ſie jhn fort ziehen: Aber als er ein
E ijwenig
[28]Beutelſchneider/ oder
wenig weiter fort kame/ traffe er an ein hauffen
Schuͤtzen/ ſo dem Vogt von Roven nach folgten/
dieſelbige fragten jhn/ ob er mit dem Herꝛn Vogt
geredet hette: Vnnd als er ſagte/ ja/ ſagten ſie mit
harten worten zu jm/ paſſe, paſſe, fort/ fort: Hier-
auff hielte er hinder jhnen ein wenig ſtill nam die
zwo Piſtoln/ welch er vnter ſeinem langen Leinen
Kittel bey ſich verborgen fuͤhrete/ inn die Hand/
ſchoſſe ſie hinder ſich uͤber die Achſeln ab auff die
Schuͤtzen/ gleich wie man von den Parthern liſet/
daß ſie manchmals in jhrer Flucht/ vnd in dem ſie
hinder ſich uͤber die Achſeln mit jhren Pfeilen auff
die Feinde zugeſchoſſen/ ein gantzes Heer erleget
haben/ vnd geſchach auch/ daß ein jede Piſtol jhre
Wirckung thete: Dann er warff zween darmit
nider auff die Erden/ vnd ſagte hernach zu den an-
dern alſo: Ihr Herꝛn gedencket daran/ daß jr den
Lycaon habt angetroffen/ vnnd als er das geſagt
hatte/ da theilte ſein Rots Pferd die Lufft mit ſol-
cher geſchwindigkeit/ daß einen hette duncken moͤ-
gen/ der Teuffel fuͤhrete es hinweg. Die jenige/
mit welchen er geredet hatte/ ritten jhm maͤchtig
ſtarck vnd geſchwind nach/ vnd ob wol dem anſe-
hen nach der aller geringſte vnd ſchlimmeſte beſſer
als er der Lycaon beritten/ vnd mit ſeinem Pferd
verſehen war/ ſo thaͤten ſie doch alle nichts anderſt
mit jhrem reiten/ als daß ſie die Zeit verlohren:
Sie matteten vnd ritten jhre Pferd ab/ vnd kond-
ten jhn doch nicht erꝛeichen: Lycaon hatte nur ſein
kurtzweil mit jhnen/ ſo lang als ſie jm nach ritten:
Dann bald war er nah/ bald uͤber alle maſſen weit
von
[29]Diebshiſtorien/ Das I. Buch.
von jhnen/ bald ritte er neben auff der ſeiten/ bald
ware er mitten vnter jhnen: Vnd das triebe er ſo
lang an/ biß daß endlich die Nacht ein fiele/ vnd ſie
noͤtiget wider zu ruͤck zu reiten/ vnd hatten ſie alſo
von jhren nachrennen nichts anderſt als ein Ge-
ſpenſt vnnd einen vnnuͤtzigen verſchwindenden
Rauche.

Aber wie endlich die Suͤnde ſich ſelber ſtraffet/
vnnd gereicht zu ſpott vnd ſchaden deſſen/ der ſie
angefangen vnd getrieben hat: Alſo trug es ſich
zu/ daß als er auff ein Zeit in ſeinem Raubſchloß
ware/ lieſſe der Oberſte von Nantes auß den be-
nachbarten Staͤtten vnd Oertern viel Schuͤtzen
vnd Volcks zuſammen kommen/ der gaͤntzlichen
Meynung vnnd Hoffnung es wuͤrde Lycaon ihn
fuͤr ſolches mal nicht entwiſchen koͤnnen: Sie ver-
hielten ſich auch ſo weißlich vnd voꝛſichtiglich/ als
einer ſich hette einbilden koͤnnē: Dann als er auff
ein Zeit ſehr wenig Volck vmb ſich hatte/ erdappe-
ten ſie jhn/ welches jhm dann in ſeinem Gemuͤth
nicht ein geringe Angſt vnd Bangigkeit erweckte/
vnd war jm alſo nicht heimlich bey den Sachen:
Dann er ſahe wol die Gefahr/ darinnen er ſtacke/
aber kein Mittel ſich auß derſelbigen loß zu wir-
cken: Gleichwol aber ſo reſolvieret er ſich mit ſei-
nem Volck zu ſtreiten/ darzu er dann viel mehr
auß Verzweiffelung vnd Vnſinnigkeit/ als auß
wahrer Hertzhafftigkeit wurde beweget: Vnd nach
dem er den ſeinigen/ ſo bey jm waren/ befohlen ſich
zu ruͤſten vnd zu kempffen/ (wiewol ſeiner viel we-
niger als der andern/ ſo jhn angreiffen/ waren) da
C iijſetzte
[30]Beutelſchneider/ oder
ſetzte er mit ſolcher Furie/ mit ſolchem Toben vnd
Wuͤten in die Schuͤtzen hinein/ vnnd ſchlug mit
Fauſtrohren ſo ſtarck auff ſie zu/ daß auch die al-
ler hertzhafftigſten vor groſſer forcht zitterten Als
aber nun der erſte Sturm außgeſtanden war/
vnd Lycaon keine Hoffnung mehr hatte/ entſetzet
zu werden/ vmbgaben in die Schuͤtzē vnd Solda-
ten ſo ſehr/ daß er endlich im Streit gar mitten
vnter ſie geriethe vnnd von jhnen gefangen wur-
de: Darauff dann ſo bald ſein Volck ſich zerſtre-
wete/ vnd lieffe man jhnen nach/ ſie auch noch zu-
erdappen vnnd zu fangen: Was thut aber vnter
deſſen der gefangene Lycaon? Er [ſihet/ ]/ daß jhn
nicht mehr als zween Schuͤtzen oder Soldaten
gefangen halten/ derhalben ſo bedenck et er ſich/ wie
er doch vnter deſſen ſolche beyde Schuͤtzen moͤchte
uͤbern Doͤlpel werffen/ vnd ſich auß jren Haͤnden
loß machen: Wie macht er es aber? Er leſt mit al-
lem fleiß ſein Wiſchtuch fallen/ vnnd bitten den
jenigen/ welcher jhn bey der rechten Hand hielte/
er wolte jhm doch die Hand ein wenig gehen laſ-
ſen/ damit er ſein Wiſchtuch widerumb auffheben
koͤndte: Welches als es jhm erlaubet/ vnnd er der
Lycaon thate/ als wolte er ſich bucken/ zeucht er ein
Dolchen auß ſeinem Hoſenſack/ vnnd ſtoſſet jhn
dem Vogt/ der nah bey jhm ſtunde in Leib hinein.
Die Schuͤtzen ſo vnverhoffter weiſe ſolchen ſtich
ſahen geſchehen/ wolten jren Herꝛn/ der ſchon fal-
len wolte/ halten/ vnter deſſen wird Lycaon wider
frey/ wirfft ſich inn groſſer eyl auff derſelbigen
Pferde eines/ vnd ſcheuſt mit einem Karabiner/
ſo er
[31]Diebshiſtorien/ das I. Buch.
ſo er auff dem Pferd findet/ auff einen ſolcher
Schuͤtzen/ erleget jhn/ ſalviert ſich alſo/ vnnd ent-
wiſchet jhnen vor jhren Augen auß den Haͤnden.
Sein elteſter Bruder aber/ welcher mit dem uͤbri-
gen Volck geflohen war/ als er vernimpt/ daß ſein
Bruder Lycaon gefangen ware worden/ reſolvie-
ret ſich viel ehe im Streit zu ſterben/ als ſeinen
Bruder inn ſo euſſerſter Noth vnnd Gefahr zu-
verlaſſen: Derhalben ſo bringt er ſo viel Volck zu-
ſammen/ als in der eyl muͤglich ware/ vnd weil er
vermeinte/ ſein juͤngſter Bruder were noch vnter
den Feinden gefangen/ ſetzet er mit ſeinem Volck
mitten vnter ſie/ ſchwur vnd fluchte bey Himmel
vnnd Erden/ daß wann ſie ſeinen Bruder lenger
behalten wuͤrden/ ſolten ſie ihren Raub thewer be-
zahlen: Aber er bedachte nicht/ daß ſolches bravie-
ren vnd trutzen ſo viel fuͤncklein waren/ die Schuͤ-
tzen deſto mehr zuerzuͤrnen/ vnd in Harniſch zu ja-
gen/ welche nach dem ſie jhn gantz vmbgeben/ jhn
endlich fiengen/ feſt bunden vnd gen Nantes inn
Bretagnon fuͤhreten/ da er dann mit dreyen ſei-
ner Mitgeſellen lebendig iſt geradbrechet worden.
Nun dieſer Fang erſchreckte die andere Freybeu-
ter uͤber alle maſſen ſehr: Dann wiewol Lycaon
als der juͤngſte Bruder jhr Capitaine/ dieſer aber
[nur] jhr Leutenant ware/ jedoch hielten ſie viel von
ſeinem Rath vnd Anſchlaͤgen: Dann er war inn
ſeinen Anſchlaͤgen geſchwind vnnd Hertzhafft/
Blutgierig/ Tyranniſch/ welches dann an einem
ſo ſchaͤdlichen Straſſenrauber ſchoͤne Qualitaͤ-
ten vnd Tugenden ſeyn.

Er lieſſe ſich ſelber nennen Souffle en l’oil:
Blaß mir ins Auge: Vmb dieſer vrſachen willen/
dieweil er alle die jenige Perſonen/ welche er mit
ſeinem Vortheil erhaſchete vnd erdappete/ zwan-
ge jhm in ſein Piſtol oder Fauſtrohr zu blaſen/ vnd
alſo brachte er ſie darnach jaͤmmerlichen vmb.

Der junge Lycaon wird vnter deſſen deßwegen
nicht kleinmuͤtig/ laͤſt jhm auch das Hertz nicht
entfallen (wann man anderſt auch kan ſagen/ daß
ſolche Leut ein Hertz haben) ſondern bringet ſein
zerſtrewtes Volck/ ſoviel als er kan/ widerumb zu-
ſammen/ begibet ſich in ſein Raubſchloß vnd faͤh-
ret fort zu leben/ wie vorhin geſchehen war/ Er be-
dencket nicht/ wie ſein Bruder ſo ein ſchmaͤhliches
Ende von der Welt hatte genommen/ daß er vor
den Augen deß gantzen Lands Adel/ ja mit groſſem
frolocken alles Volckes/ welches jm noch tauſend
mal mehr wuͤnſchete/ war ſo ſchaͤndlich vnnd
ſchmaͤhlich Geradbrechet worden. Ich koͤndte ein
gantzes vnd groſſes Buch ſchreiben von den Vbel-
thaten dieſes Tyrannen/ von ſeinem ſchrecklichen
Rauben vnd Stelen/ wo er nur iſt hinkommen:
Aber ich wil ein gutes Theil mit ſtillſchweigen uͤ-
bergehen/ auff daß ich euch nicht verdrißlich wer-
de mit erzehlung einerley Materien.

Auff ein Zeit begabe es ſich/ daß einer von deß
Lycaons Geſellſchafft/ welcher ſich zu weit hatte
hinauß begeben/ auff den Marck zu Ponthoiſe ge-
fangen wurde/ vnd als jhn zween Kauffmaͤnner/
welche er zu anderer Zeit beraubet hatte/ gar wol
kandten/ thete man jhm ſo bald ſein Recht/ vnnd
wurde
[33]Diebs Hiſtorien/ das I. Buch.
wurde jhm das Vrtheil geſprochen/ daß er wegen
ſeiner begangenen Vbelthaten/ welche er auch
auff der Folter bekandt hatte/ ſolte geradbrechet
werden/ welches dann auch ſo bald darauff geſche-
hen. Nun truge es ſich aber zu/ daß der Hencker zu
Ponthoiſe in die nechſte Statt gienge/ allda auch
einen vmb ſeiner Miſſethat willen hinzurichten:
Als er nun auff dem Weg ware/ kam zu jhm Ly-
caon/ wie ein Kauffmann gekleidet/ vnd als ſie al-
ſo miteinander fortwanderten/ fragte Lycaon jhn
was doch fuͤr ein geſchrey zu Ponthoiſe were/ vnd
ob es nicht gefehrlich were/ fuͤr die Kauffleut/ jhre
Wahren in ſolche weit abgelegene oͤrter zufuͤhren/
der Henck er antwortet jhm/ daß es nun lang we-
re/ daß man von einem ſchaͤdlichen vnd beruͤhm-
ten Straſſenrauber/ genandt Lycaon redete/ wel-
cher bald gantz Franck reich pluͤnderte vnd hart be-
drangete: Aber es neme/ GOtt lob vnd danck/ die
Zahl ſeiner Mitgeſellen von Tag zu Tag/ je len-
ger je mehr ab/ vnd komme er alleweil von einem
welchen er vmb ſeines Raubens willen auff das
Rad habe geleget: Ha/ ha/ ſagt hierauff Lycaon/ ſo
biſt du dann der Hencker von Pontoiſe/ warlich
ich bin von grund meines Hertzens froh/ daß ich
dich/ hab angetroffen: Dann es hat mich auff der
gantzen Welt nach nichts mehr vnd ſehr verlan-
get als zu wiſſen/ was man doch von dem Gottlo-
ſen vnd ſchaͤndlichen Rauber ſaget.

Als ſie aber alſo miteinander fort wandern
vnd reden/ da kommen ſie in einen Wald/ vnd als
Lycaon nur ein wenig anfieng auff ſeiner Moͤrder
C vPfeiff
[34]Beutelſchneider/ oder
Pfeiff zu pfeiffen/ ſihe/ ſo waren ſo bald vmb vnd
bey jhm zehen oder zwoͤlff ſeiner Geſellen: Aber der
Hencker macht jhm noch im geringſten kein boͤſe
oder ſchwere Gedancken daruͤber/ dann ſie waren
alle ſchoͤn vnd wol gekleidet/ vnd hette jhm nim̄er-
mehr traumen laſſen koͤnnen/ daß er mitten vn-
der ſo viel Moͤrdern ſeyn ſolte/ ja daß er ſolte ſo
nah ſeyn bey dem jenigen/ von dem er alleweil re-
det; vnd welchen er ſo ſchroͤcklich außmachte.

Nun was geſchicht? Lycaon der machet/ daß der
Hencker alles wider von anfang erzehlet/ wie
nemblich alle weil er einen Straſſenrauber auff
das Rad hette geleget: Als er der Hencker aber in
ſeinem Gemuͤht vnd Rede eifferig vnnd zornig
wird uͤber ſolche vnd dergleichen Straſſenrauber
vnd ſpricht/ er wolle/ daß er die andern Straſſen-
rauber alle/ ſo hin vnd wider in gantz Franckreich
auff die Leute ſtreiffeten/ hette/ ſo wolte er jhnen
allen/ wie dem einen ſchon geſchehen/ auch thun/
da griffen auß dem hauffen die zween ſtaͤrckſten
jhm nach dem Halß vnd ſprachen/ weil zu allem
Vngluͤck ſie keine Gelegenheit koͤnnen haben/ jhn
ſelber zu Rad brechen/ ſo ſoll er doch auffs wenigſt
auffgehencket werden/ vnd das geſchihet auch auff
der Wahlſtatt ohne alle Vrtheil vnd Recht: Dan̄
ſie binden jhn mit einem ſtarcken Hoſenbendel an
die Eſte eines Baumes/ vnd laſſen jhn alſo da
ſterben.

Auff ein Zeit wolte Lycaon das Schloß de
Saincte Hermine vnd Marevil uͤber fallen: Aber
der Herꝛ deß Schloſſes wurde deſſen jnnen/ vnd
ließ
[35]Diebs Hiſtorien/ das I. Buch.
ließ alle den Adel in den vmbligenden Oertern zu-
ſammen kommen jhm zu widerſtehen: Er ſtellete
auch zweyhundert Mann an den Weg/ da Lycaon
ſolte fuͤruͤberkommen: Vnder deſſen begabe es
ſich/ daß ein Bauersmann/ welcher mit ſeiner
Mußquet nicht wol vmbgehen kondte/ ein fuͤnck-
lein ließ auff die Pfann fallen/ darvon dann die
Mußquet von ſich ſelber loß gienge: Lycaon der
ſolchen Schuß hoͤret/ verwunderte ſich daruͤber/
vnd ſchickte ſo bald zween ſeines Volcks auß zu
ſehen/ was were/ vnd was vorgienge: Vnd nach
dem er erfahren hatte/ daß man jhm nachſtellete/
wiche er zu ruck: Als er aber ſahe/ daß man jhn ſo
ſtarck verfolgete/ vnd nicht weiter weichen kondte/
auch nicht mehr als dreyſſig Kuͤriſſer bey ſich hat-
te/ ſetzet er in das Volck hinein/ kaͤmpffet dapffer/
ſchlaͤget vnd erleget alle/ ſo jhm vorkommen: Als
er aber endlich ſihet/ daß die Bauersleute von al-
len orten zu lauffen/ nimpt er die Flucht vnd wer-
den fuͤnff oder ſechs ſeiner Geſellen gefangen/
welche zween Tag hernacher zu Beſſay auff das
Rad ſeyn geleget worden.

Vnd was ſoll ich mehr von dieſem Rauber ſa-
gen? Auff ein zeit fiengen ſie nicht weit darvon ei-
nen vornemen Herꝛn/ vnd nach dem ſie jhm die
Augen wol verbunden hatten/ fuͤhreten ſie jhn in
ihr Raubſchloß/ vnd zeigten jhm alle jhren Vor-
rath vnd Munition/ welche ſie ſo wol fuͤr die taͤgli-
che notdurfft vnd leben/ als Krieg zufuͤhren/ bey-
einander hatten/ ſampt einer Handmuͤhl vnnd
Backofen: Deßgleichen viel Mußqueten/ Buͤch-
ſen/
[36]Beutelſchneider/ oder
ſchen/ Langeſpieſſe/ Granaten/ Petarden/ Ketten/
drey kleine Feldſtuͤcklein vnd andere Kriegs In-
ſtrumenten/ ſo wol ſich zu vertheidigen/ als Krieg
zufuͤhren: Man lieſſe jhn auch ſehen/ wie ſolches
Ort ſo wol allenthalben fortificiret vnd beveſtiget
ware/ ſonderlich aber die tieffe Waſſergraben/
auffziehende Bruͤcke/ Bollwerck vnd dergleichen:
Endlich zeigte man jhm auch alles/ was in der
gantzen Veſtung denck wuͤrdigs zuſehen war/ dar-
uͤber er ſich dann nit gnugſam kondte verwun-
dern: Dann alles was er ſahe/ das vermeinet er
were ein Traum/ Spiegelfechten vnd Verblen-
dung: Vnd als er nun ſolches alles geſehen hatte/
fuͤhreten ſie jhn in ein groſſen Saal/ welcher vmb
vnd vmb behencket ware mit Spaniſchem Led-
der/ welches ſie kurtz zuvor auff dem Meer gerau-
bet hatten/ (dann jhre Rauberey erſtreckte ſich
eben ſo wol auff das Meer/ als ſie dieſelbige auff
der Erden uͤbeten) vnd als er nun im Saal ware
da richteten ſie jm ein ſtattliche Collation zu/ vnd
wurde jhm alles in Silbernen Schuͤſſeln vnd
Gefaͤſſen vorgeſetzet: Endlichen/ als ſie jhm nun
alles in jhrem Raubſchloß gezeiget hatten/ ver-
bunden ſie jhm ſeine Augen wider/ vnd fuͤhreten
ihn ohne einigen ſchaden an den Ort/ da ſie jn zu-
vor gefangen hatten/ doch ſetzte vnd hielte jhm Ly-
caon ein ſehr gute weil ſein Rohr an die Gurgel
vnd zwange jhn/ daß er jhm muſt bey ſtraff vnd
verluſt ſeines Lebens verheiſſen/ daß er in alle E-
wigkeit keinem Menſchen wolte ſagen alles das
jenige/ was jhm gezeiget were worden.

Aber endlich wurde doch das maß ſeiner Suͤn-
den voll/ Es ließ ſich an/ als wuͤrde er nicht weiter
vnd lenger alſo wuͤten vnd loben/ dieſer ſchreck-
liche Menſchenfreſſer hatte nun mehr ſeinen Lauff
vollendet: Franckreich kondte dieſes Wunder-
thier vnd ſchaͤdliche Mißgeburt nicht mehr dul-
den vnd ertragen: Dieſe Peſte kam auff das Hertz/
vnd kondte ſie nicht außſpeyen. Die Boßheit ſtol-
tziert zwar ein Zeit lang/ vnd wann der Menſch
einmal ein Bund gemacht hat/ mit ſeinen allge-
meinen Feinden/ der Suͤnden/ ſo hoͤret er nit auff
zu lauffen vnd zu raſen/ vnd ſolte er auch den A-
them daruͤber verlieren: Ja es hoͤret alsdann der
Menſch nicht auff zu ſuͤndigen/ biß daß er ſich
endlich ſelber mit Leib vnnd Seel in das euſſerſte
Verderben ſtuͤrtzet: Vnd alſo werden wir ſehen/
daß es dieſem Lycaon endlich auch iſt ergangen.
Dann auß ſeinen ſchroͤcklichen Vbelthaten hat
er endlich ſelber gemacht ein Spiel einer ſchroͤck-
lichen Leibsſtraff/ vnd ein Spectackel einer er-
baͤrmlichen Tragedien.

Gantz Bretagne vnd Nider Poictou dorffte
vnd kondte bald nichts mehr handlen wegen deß
Streiffens vnd Raubens dieſes Lycaons/ dero-
halbē entſchloſſen ſie endlich bey ſich ſolchs zu Hof
zu klagen vn̄ voꝛzubringen: Aber weil man gleich-
wol den Ort/ da man jhn moͤchte uͤberfallen vnd
erdappen/ nicht gewiß kondte wiſſen/ dieweil er ei-
nen ſpiritum familiarem vnd ſonderlichen Geiſt
bey ſich hatte/ vnd dieweil man auff einen Tag ihn
an vnterſchiedlichen Orten ſahe: Dann jetzt ſahe
man
[38]Beutelſchneider/ oder
man jhn zu Nantes/ bald bey Rennes/ zwo ſtunde
hernacher bey Rouen vnd Dieppe: Als wurde
Herꝛn Parabelle/ Amptman zu Niort/ wie auch
den Guaꝛniſonen vnd Beampten in den Benach-
barten oͤrtern befohlen/ ſie ſolten ſtracks Weges
nach dem Wald Machecouſti zuzihen/ doch ſo ſtill
vnd vorſichtig als ſie jmmer koͤndten: Vnd zu ſol-
chen verfuͤgten ſich ſehr viel andere/ den es nit be-
fohlen (nur zu ſehen/ was es allda fuͤr ein Auß-
gang gewinnen wuͤrde/ vnd wie man Lycaon wuͤr-
de fangen) alſo daß ohne die Oberſten/ deren acht-
zehen oder zwantzig mit jhren Soldaten waren/
vier tauſent Mann ſich bey einander funden/ wel-
che der jenige vom Adel/ welcher zuvor in der
Veſtung ſolcher Straſſenrauber geweſen ware/
ſtracks an ſolchen Ort fuͤhrete: Vnd als ſie nun
dahin kommen waren/ da pflantzt vnnd richtete
man vier Schlangen oder Geſchuͤtz wider die Ve-
ſtung/ man fieng an ſtarck hinein zu ſchieſſen/ vnd
wehret ſolches einen gantzen Tag: Lycaon wurde
uͤber alle maſſen ſehr daruͤber beſtuͤrtzet/ daß er in
ſolche euſſerſte vnvermeydliche Gefahr ware ge-
rahten: Dann da muſt deren zweyen dingen eins
ſeyn: Entweder daß er ſolte ein Außfall thun oder
wuͤrde muͤſſen in ſeiner Veſtung zerbeſten: Dann
die Apoſtem war nun mehr ſo groß worden/ daß
ſie einen Außgang ſuchte: Endlich aber da es mit
jhm auff das euſſerſte kommen/ vermahnet er ſei-
ne Soldaten/ deren auff die drey hundert beyein-
ander waren/ daß ſie mit jhm ein Außfall theten:
Dann er koͤndte jhm die rechnung leichtlichen ſel-
ber
[39]Diebs Hiſtorien/ das I. Buch.
ber machen/ daß in verbleibung ſeines Außfals
die groſſe menge Volcks jhm gewaltig zu ſetzen
wuͤrde: Was geſchicht? Sie ſeynd deſſen ſo bald
zufrieden auß Verzweifflung fallen ſie auß/ ohne
einige Ordnung/ aber ſie werden von allen ſeiten
ſo bald vmbringet: Sie kaͤmpffen vnd ſtreiten
dapffer: Aber wie ſie gleichwol auch mit keinen
Kindern/ ſondern mit dapffern Soldaten zu thun
hatten/ alſo haben dieſelbige jnen (nach dem dann
Lycaon vnd den ſeinen die erſte Hitz ware vergan-
gen) ſo ſtarck zugeſetzet/ daß endlich/ als Lycaon
vermeinte durch das Volck durch zu dringen/ vnd
die Flucht an die Hand zunemen/ er mit vielen
den ſeinen uͤberfallen/ gefangen vnd gen Saincte
iſt gefuͤhret worden/ da dann nach außgeſtande-
ner Folter vnd darauff geſchehener Bekandtnuß
vieler ſchroͤcklicher Vbelthaten jhm das Vrtheil
iſt geſprochen worden/ daß er ſolte lebendig ge-
radbrechet werden/ welches Vrtheil dann auch an
jhm iſt vollſtrecket worden.

Allhie iſt vnmoͤglich zuerzehlen/ wie alle Pro-
vintzen/ Laͤnder/ Staͤtt vnd Doͤrffer ſo froh ſeyn
worden/ daß dieſer Ertzſtraſſenrauber endlich ein-
mal iſt hingerichtet worden: Dann das kan man
wol ſagen/ daß man ſein lebenlang dergleichen
ſchaͤdliches Wunderthier nicht hatte geſehen. In
ſeinem Todt iſt er ſo ſtandhafftig geweſen/ daß je-
derman ſich daruͤber hat verwundern muͤſſen-
Vnd wiewol wegen ſeiner ſchaͤdlichen Rauberey
vnd erſchroͤcklichen Moͤrderey jederman jhm in
ſeinem Leben ware zu wider geweſen/ jedoch da
man
[40]Beutelſchneider/ oder
man geſehen wie er dem Todt vnter Augen gan-
gen/ vnd gehoͤret wie er ſo gewaltig hat geredet/
ehe er ſein Geiſt auffgeben/ hat jederman ein mit-
leiden mit jhm haben muͤſſen. Vnd da bey haben
wir nun diſes zu lernen/ daß es nicht gnug iſt wol
anfangen/ ſondern man muß auch wol enden
vnd ſchlieſſen: Dann/ wie jener Heydniſche Phi-
loſophus recht vnd wol geſagt hat: So iſt es beſſer
ſein gefuͤhrtes boͤſes Leben endlich mit einem gu-
ten Todt ſchlieſſen/ als erſtlich wie ein ehrlicher
Mann leben/ vnd daraach mit ſchimpff/ ſpott
vnd ewiget vnehr ſein Leben ſchlieſſen.

Das IV. Capitel.

ES kan ſich ein Menſch nit gnugſam
verwundern/ wann er betrachtet/ wie es
ſo ſeltzam in der Welt hergehet/ ja wann
er betrachtet den Vndergang der Regimenten/
den Anfang vnd erhoͤhung der vier Monarchien/
die Authoritet vnd das groſſe Anſehen/ welches zu
andern zeiten viel Republiquen vnd gemeine Nu-
tzen gehabt haben/ den Anfang der Koͤnigreiche/
die Ordnung/ durch welche ſolches alles ſo lange
Zeit fortgepflantzet vnd erhalten iſt worden.

Wer hette jemals geglaubet/ daß vier oder
fuͤnff
[41]Diebshiſtorien/ Das I. Buch.
fuͤnff verlauffene/ vertriebener Voͤgel/ ich weiß
nicht woher/ hetten die erſte Fundamenten deß
Roͤmiſchen Reichs legen koͤnnen/ vnd die ſtuͤck er
ſolches groſſen Regiments vnd Coloſſi zuſam-
men bringen/ welches gleichwol hernacher den
gantzen Erdboden vnter ſeinen Geh orſame ge-
bracht? Wer hette jhm jemals eynbilden koͤnnen/
daß ein geringer ſchlim̄er Kuͤhhirt/ wie der Tam-
berlan/ welcher jhm ſolchen groſſen Anhang von
Bettlern vnnd allerley boͤſen Buben machte/
das gantze Orientaliſche Reich vnter ſein Zwang
vnd Gehorſam hette bringen koͤnnen? Ja daß er
den groſſen Bajazetem/ welcher zuvor mit ſeinen
Waffen gantz Europam kondte erſchrecken vnnd
zittern machen/ ſo ſehr hette demuͤtigen vnd erni-
drigen ſollen? Gleichwol aber ſo ſehen wir durch
dieſe Exempel/ daß man nicht mehr als ein klei-
nes Fuͤncklein bedarff ein groſſes Fewer anzu-
zuͤnden/ vnd ein groſſe Fewersbrunſt anzurich-
ten/ ja daß man nicht mehr manchsmal als einen
einigen Mann bedarff/ ein gantzes Koͤnigreich
vmbzuſtuͤrtzen vnd in grund vnd boden zuverder-
ben. Das habt jhr ſehen vnd lernen koͤnnen/ in der
vorhergehenden Hiſtorien/ in welcher ich euch be-
ſchrieben das Leben deß Lycaons: Vnd daher koͤn-
net jhr auch ferꝛner ſchlieſſen/ wie daß/ wann man
ſolches faules Glied nicht abgeſchnitten hette/ ſol-
ches faule Fleiſch vnd ſchaͤdliches Geſchwer je
lenger je mehꝛ vmb ſich gefreſſen/ vnd alle oͤrter
diß Stands vnd Koͤnigreichs eingenom̄en hette.

Aber inn dieſem Capitel wil ich euch augen-
Dſchein-
[42]Beutelſchneider/ oder
ſcheinlich ſehen/ vnd mit Haͤnden greiffen laſſen:
Wie dieſes nicht ein geringes ſtuͤcklein iſt einer
Politiſchen Weißheit/ wann Regenten ſo bald
im Anlang eine Fewersbrunſt/ ſo da wil auffge-
hen/ erſticken vnd leſchen: Dann wan̄ man nicht
ſo bald gantz außgerottet hette die Wurtzel ſelder/
der Geſellſchafft der Griſon vnnd der Rongets/
welche ſchon die Fluͤgel in Wind wolte legen/ ſo
wuͤrden ohne zweiffel/ die Nebenſchoß ſich biß an
vns außgeſtrecket/ vnd gantz Franck reich einge-
nommen haben. Ehe wir aber weiter fortſchrei-
ten/ wil es von noͤthen ſeyn/ daß man dieſer boͤſen
Geſellſchafft anfang vnd vrſprung wiſſe: Der-
halben ſo woͤllen wir euch auch ſo bald deſſen be-
richten.

Die Rougets vnd Griſons waren junge ver-
wegene Leute/ welche ſich von vnterſchiedlichen
Orten zuſammen geſchlagen hatten: Vnd wie-
wol ſie anfaͤnglich ſich zum Kriegsweſen begaben/
ſo verachteten ſie doch endlichen ſolche Adeliche uͤ-
bung/ vnd namen ihn voꝛ die uͤbrige Zeit jhres Le-
bens zu zubringen mit Rauben vnd Stelen vmb
Paris herumber. Sie fiengen an gar ſtarck zu
werden von dem 1621. biß in das 1623. Jahr/
vnd vergienge vnter deſſen kein Tag/ da ſie nicht
Raub vnd Mord/ vnd dergleichen feindliche ne-
we boͤſe Vbelthaten begiengen/ vnd newe Buͤnd-
nus mit mehrern jhres gleichens auffrichteten:
Ihre Zuſam̄enkunfft ware in Paris/ in der Vor-
ſtatt Sainct Germain: Bißweilen ſahe man ſie
deß Tages ſpatziern gehen auff der newen Bruͤ-
cken/
[43]Diebs Hiſtorien/ das I. Buch.
cken/ vnnd vmb das Lovure herumber/ oder auff
dem Palais: Aber das geſchahe gleichwol gar
langſam: Dann ſie machten es in dem fall wie die
Schnecken/ welche nicht leichtlich als zu ihrer be-
ſten gelegenheit auß der Schale kriechen: Diſe ne-
we Geſellſchafft legte nicht bald die Naſe an den
Wind/ als deß Nachts/ als welche iſt eine Mut-
ter der Schatten: vnd iſt viel bequemer Suͤnde
vnd Laſter zubegehen/ als das Liecht deß Tags/
welcher wie der Poet davon redet/ offenbaret die
heimlichſte vnnd verborgene Sachen/ ſo in der
Welt voꝛgehen moͤgen: Aber wie die Boßheit vnd
Vntugend nicht lange Zeit die Aeſt kan außſtre-
cken vnd waͤren: Alſo wurde man bald jnnen der
Diebiſchen vnd Rauberiſchen Argliſtigkeit/ deren
ſich die boͤſe Zunfft gebraucheten: Dann man
erwiſchet bißweiln jhrer etliche/ vnd ſatzte ſie her-
nach auff die Schiltwacht an der Eck der newen
Bruͤcken/ in der Herberg zum Mond/ zu dem en-
de/ hiemit jhren andern Mitgeſellen anzuzeigen/
daß wann ſie durch Rauben vnd Stelen den Gal-
gen ſucheten/ die Leitern ſchon fertig vnd ange-
ſtellet weren ſie auffzuhencken.

Der Oberſte vnter jhnen ließ ſich nennen Hers
von der Cheſean/ ein Blutgieriger vnd Tyranni-
ſcher Menſch/ welcher jhm nicht mehr Gewiſſen
machte ſeine moͤrderiſche Haͤnde in Menſchen
Blut/ als in Waſſer zu baden vnnd zu waſchen.
Alle die jenge/ welche ſich in jhre Geſellſchafft be-
geben wolten/ muſten ſich bey jhm angeben/ der
pflegte ſie darnach in eine Kammer einzuſchlieſ-
D ijſen/
[44]Beutelſchneider/ oder
ſen/ vnd zween gantzer Tage ohn geſſen vnd ohn
getruncken zu laſſen/ ja er zwange ſie auch/ daß ſie
drey gantzer Nacht mit bloſſem Haupt in der
freyen Lufft ligen muſten/ ſie alſo zu probirn/ ob
ſie ſich in ſeine Geſellſchafft ſchicken wuͤrden/ ja
ſie zu ſeines Handwercks arbeit zugewehnen. A-
ber ehe ich euch Stuͤckweiſe erklaͤre/ was ſie auff
dem freyen Feld getrieben/ iſt es nicht vnrahtſam
euch etwas zuerzehlen von dem/ das ſie in Paris
practiciret haben.

Auff ein Zeit/ auff den Abend im Winter vn-
gefehr vmb acht Vhren/ theilten ſich dieſe boͤſe
Buben in drey hauffen/ vnd verfuͤgten ſich auff
die newe Bruͤcken: Es ware aber ſchon gar dun-
ckel vnd kalt/ daß einer wol eines guten Naſenfu-
ders hette beduͤrffet: Dann der Nordwind gienge
ſo ſtarck/ vnd der Schnee floge vnder dem Him-
mel hin vnd wider mit ſolchen furien/ daß deßwe-
gen ſehr wenig Leute außgiengen/ vnd auff die
Gaſſen ſich machten.

Als ſie ſich nun alſo vertheilt hatten/ vnd etli-
che ſtunden vor der Samaritaier/ etliche vor dem
auß Ertz gegoſſenen groſſen Pferd/ welches auch
allda zu Paris auff der newen Bruͤcken ſtehet/ die
letzten aber auff der Auguſtiner Bruͤcken: Sihe
da kam daher ein Advocat von Roven/ welcher
auff einem guten ſchoͤnen Pferd faſſe/ vnd auch
wol gekleidet ware/ vnd wolte uͤber die Brucken
reiten: ware auch ſonderlich zu dem ende gen Pa-
ris kommen ſich allda zuverrathen/ vnd wegen der
groſſen Kaͤlt hatte er Naſe vnd Angeſicht in ſei-
nen Mantel verborgen.

Als er aber auff die newe Brucken kommet/
auff der ſeiten der Gaſſen Dauphine/ ſihe/ da wird
er ſo bald von ſechs Raubern vmbringet/ deren
drey Roth/ vnd die andere drey Graw gekleidet
waren/ hatten aber alle hohe Federbuͤſch auff jh-
ren Huͤten/ dieſelbige befahlen jhm bey ſtraff ſei-
nes Lebens vom Pferde abzuſteigen/ ja ſie ſchwurn
vnd fluchten bey Himmel vnd Erden/ daß wann
er nur das geringſte Wort ſagen/ oder ſchreyen
wuͤrde/ ſo wolten ſie jhn entweder auff der Wahl-
ſtatt Todt ſchlagen/ oder in das Waſſer werffen:
Daruͤber dann dieſer Advocat uͤber alle maſſen
beſtuͤrtzet wurde: Er durffte ſie nicht recht anſe-
hen/ vnd die groſſe furcht ſampt der Kaͤlt/ ſo er all-
da muſte außſtehen/ gienge jhm durch alle ſeine
Glieder/ alſo/ daß er bald nicht mehr auff ſeinen
Fuͤſſen kondte ſtehen.

Cheſney/ welcher der Oberſte in ſolcher Geſell-
ſchafft ware/ ſetzet jhm die Piſtol auff die Bruſt/
vnd befihlet jhm den Seckel mit dem Gelt herfuͤr
zu ſuchen/ welches er dann auch ſo bald thut/ vnd
gibt jhnen alles was er hat/ damit er jhrer deſto
eher moͤge loß werden. Vnd als er hierauff den
Fuß in den Stegreiff wil ſetzen/ vnd wider auff
ſein Pferd ſteigen/ kommet ein anderer hinder jm
her/ gehet vnd thut als wann er lahm ſey: Sagte
zu jhm: Er muͤſſe jhm ſein Pferd lehnen/ damit
er wider nach Hauß moͤge kommen/ dann er koͤn-
ne nicht weiter zu Fuß gehen: Wiewol nun
dem Advocaten dieſes ſeltzam vorkame/ vnd ſehr
daruͤber beſtuͤrtzet wurde/ ſo muſte er doch die-
D iijſe Her-
[46]Beutelſchneider/ oder
ſe Herbe Pillule ohne ſawer ſehen einſchlucken.

Er laͤſt dieſe Diebsgeſellſchaft fahren/ vnnd
dencket/ er habe doch auff das allerwenigſte ſein
Leben ſalviret/ er habe ſich gleichwol noch auß ei-
ner groſſen Gefahr/ herauſſer gewickelt: Aber was
geſchicht? Als er ein wenig weiter fortgehet/ vnd
kompt vor das groſſe auß Ertz gegoſſene vnd all-
da auffgerichte Pferd/ da ſtoſſen jhm zween oder
drey andere Raubvoͤgel auff/ ſehen jhn wol vnter
dem Geſicht an/ vnd fragen jhn: Wo er her kom-
me/ vnd wo er hin woͤlle/ der Advocat erzehlet jh-
nen hierauff/ wie er da allernechſt von etlichē Die-
ben were beraubet worden/ vnd daß das Vngluͤck
den Abend jhn hart habe betroffen/ in dem/ daß er
ſolchen tyranniſchen vnd vnmenſchlichen Die-
ben vnter die Hoͤnde were kommen.

Als ſie nun ſolches angehoͤret hatten/ ſpricht
einer vnter dem Hauffen zu jm: Wie tyranniſch?
Seyd jhr noch ſo gehertzet/ daß jhr ſolche Wort
wider ſie doͤrfft außgieſſen/ ja eben jhr? Wer hat
euch ſo gehertzt gemacht/ daß jr vor ſolchem Pferd
doͤrfft ohne Hut abziehē voꝛuͤber gehen? Lernet vnd
ſehet/ daß jhr auff ein ander mal hoͤflicher als je-
tzunder ſeyet: Felt hierauff uͤber jhn/ nimpt jhm
ſeinen guten Biberhut/ vnd ein ſtattlichen De-
mant von dem Finger/ welcher jhn mehꝛ als zwey
hundert Kronen gekoſtet hatte.

Was ſoll nun Lucider machen? Dann alſo
wollen wir hinfuͤro dieſe Perſon nennen? Hette
er woͤllen zu ruͤck kehren/ ſo were er kommen de
Scylla in Charybid, das iſt/ auß dem Regē in den
Bach
[47]Diebs Hiſtorien/ das I. Buch,
Bach/ auß dem Rauch gar in das Fewer. So
wuſte er auch wol die Hiſtorien von dem Barba-
riſchen vnd tyranniſchen Caco: Derſelbige/ wie
Virgilius von jhm ſchreibet/ brauchete dieſe Liſt/
vnnd damit er ſeinen Diebſtahl deſto beſſer ver-
maͤntelte/ name er die geſtohlene Ochſen bey dem
Schwantz/ vnd zohe ſie alſo hinder ſich in ſeine
Diebs Hoͤle/ auff daß man deſto weniger die Fuß-
ſtapffen erlernen koͤndte: Alſo ſolte er wider hinge-
ben/ wo er herkommen/ das hieſſe ſeinen tritte ſa-
chen/ vnd jm ſelber ein groͤſſeres Vngluͤck/ als das
erſte/ machen.

Er faͤhret vnd gehet fort/ in Hoffnung/ er wer-
de nun mehr vor dem gefehrlichen Steinfelſen im
Meer fuͤruͤber kommen ſeyn: Aber er kan kaum
recht vor die Samaritaine kom̄en/ ſibe da kompt
jhm der dritte Diebshauffen/ welcher an ſolchem
Ort auff die Schildwacht geſtellet ware/ entge-
gen/ vnd fuͤhren zu jhm einen Menſchen der nicht
mehr als ſein Hembt an hatte: Welches dann ſo
ſolcher Zeit in der nacht/ vnd da es ſo kalt ware/
abſchewlich vnd erſchrecklich iſt zuſehen geweſen.

Mein Herꝛ/ ſaget zu jhm der Elteſte vnter jh-
rem hauffen/ ſehet da einen armen Jungen/ den
wir zu euch bringen: Erzeiget vnns doch dieſe
Freundſchafft vnd Gunſt/ vnd leyhet jhm ewern
Mantel: Dann fuͤr groſſer grimmer Kaͤlte/ die er
außſtehet/ kan er kaum auff ſeinen Fuͤſſen ſtehen/
oder einen tritt recht fort gehen.

Lucider ſihet ſich hierauff vmb/ ob es jhm nicht
moͤglich ſey außzureiſſen vnnd Ferſengelt zu ge-
D iiijben:
[48]Beutelſchneider/ oder
ben: Dan̄ er ſahe wol/ daß die Gunſt vnd Freund-
ſchafft/ welche dieſe Moͤrder bey jhm ſuchten/ lau-
ter zwang ware: Aber ſie halten ſich ſo nahe vmb
jhn her/ daß er nicht kan außreiſſen: Sie nemen
jhm hierauff ſein Mantel/ vnd ſagen noch/ ſie er-
zeigten jhm noch ein groſſe Gnad daß ſie jhm das
Leben nicht gar nemen. Ich weiß/ daß diſe Hiſto-
rien warhafftig iſt: Dann deß Lucidors Bruders
hat mir ſie ſelber erzehlet/ vnd hoch betheuret daß
ſolches alles mit ſeinem Bruder erzehlter maſſen
iſt vorgangen.

Dieſe ſchreckliche Diebsthat gab Vrſach/ daß
man von niemands anderſt redet/ als von den
Rougets vnd Griſons: Vnd wann man einen
ſahe/ der jhre Farbe an Kleidung truge/ meinte
ein jeglicher/ er were auch jhrer Gattung.

Vnmoͤglich iſt es Stuͤcksweiſſe allhie zu erzehlen
die Bubenſtuͤck/ welche ſie ſolchen Winter uͤber
auff dem Marck zu Sainct Germain begangen
haben: Dann ſie verkleideten vnd verſtelleten ſich
bald alle ſtund vnd augenblick: Bald giengen ſie
daher wie Kauffleute/ vnd lieſſen jhn die Wah-
ren von dem Marck in jhre Haͤuſer tragen: Bald
giengen ſie daher wie Bauersleute/ ſpieleten auff
den Jahrmaͤrckten mit den Leuten/ durch ſolches
Mittel die Beſchaffenheit jhrer Seckel zuerler-
nen: Bald hettet jr ſie ſelber vor Mahler von An-
torff verſehen/ dan̄ ſie giengen in die Laͤden hinein/
namen vor aller Menſchen Augen gemahlte Ta-
feln hinweg/ vnnd ſagte kein Menſch kein Wort
darwider. Machten es wie jener ehrliche Vogel/
welcher
[49]Diebs Hiſtorien/ das I. Buch.
welcher wol ſo frech vnd vnverſchambt ware/ daß
er einem ehrlichen Herꝛen inn ſein Hauß gienge/
vnnd thete jhm fuͤr ſeinen Augen alle Teppich ab
in ſeinem Saal/ vnd truge ſie hinweg gleich als
wann er der Teppichmacher ſelber were.

Bald hettet jhr ſie vor vorneme dapffere Edel-
leut angeſehen: Dann ſie dorfften wol zu einem
Goldſchmid oder Jubilierer gehen/ vnd vmb einen
ſtattlichen Demant ſpieln/ mit ſolcher Condition
daß welcher inn drey wuͤrffen am meiſten Augen
mit den Wuͤrffeln wuͤrffe/ ſolte dem andern einen
ſolch[e]n ſtattlichen Demant bezahlen/ vnnd wann
ſie darnach ſolten bezahlen/ wie gieng es? Einer
name den Demant/ der andere fieng ein diſputa-
tion vnd gezaͤnck an/ vnnd alſo kam der Demant
auß einer Hand in die andere/ darauff dann off-
termals ein groſſe angeſtelte ſchlaͤgerey erfolgete/
aber mit groſſem Schaden vnd Verluſt deß jent-
gen/ dem der Demant zuſtunde.

Etliche Zeit hernacher/ wie Cheſnay ein ver-
ſchlagener argliſtiger Kopff ware/ alſo practiciret
er ein newes Bubenſtuͤck mit einem Laqueien in
dem Palais/ dann zu demſelbigen geſellete er ſich/
vnd als er von jhm verſtunden/ daß er bey einem
vornehmen reichen Buͤrger/ ſo vmb das Lovure
vnd Koͤnigliche Schloß herumber wohnete/ ge-
dienet hatte/ erforſchete er alles/ wie es inn ſolchem
Hauß ſtuͤnde/ wo man auß vnd ein ginge/ ſonder-
lich aber/ wo der Herꝛ im Hauß/ den ich vor dieſes
mal nicht wil nennen (dann es nicht von noͤthen
iſt/ daß ich jemandts allhie mit außgedrucktem
D vNamen
[50]Beutelſchneider/ oder
Namen nenne) ſein Gelt hinthaͤte: Vnnd als er
das alles von dem Laqueyen wol außgeforſchet
vnd verſtanden hatte/ da ſtellet er einen ſeiner Ge-
ſellſchafft an/ er ſoll ſo bald zu ſolchem Herꝛn/ (deſ-
ſen Hauſes Gelegenheit vnnd alles andere er wol
außgeſpehet hatte) gehen/ jhm ſeinen Dienſt an-
bieten vnd fragen/ ob er nicht eines Dieners vnnd
Laqueyen bedoͤrffte: Welches dann der abgefertig-
te ſo bald ins Werck ſetze[t]e/ vnnd wuſte ſich ſo
freundlich und hoͤfflich zuſtellen/ daß jhn derſelbi-
ge Herꝛ zu ſeinem Laqueyen ſo bald anname/ dann
er kondte nimmermehr gedencken/ daß ein ſolcher
Betrug darhinder ſtecke: Aber es macht es da ſol-
cher Herꝛ/ als wann ein Schaͤſerhund wolte ei-
nen buͤrger vnter den Woͤlffen ſuchen/ die Schaf
zuverwahren.

Nun dieſer vermeinte Laquei/ als er nun ein
Tag o[d]e[r] viertzehen bey ſeinem Herꝛn war gewe-
ſen/ nimpt die Hauptſchluͤſſel deß Hauſes/ drucket
ſie in einen Teig ab/ vnd gibt ſie dem Cheſnay/ wel-
cher ſo bald durch den Schloſſer jhme gleichfoͤr-
mige Schluͤſſel laͤſt machen: Vnd als ſolches ge-
ſchehen/ gibt er achtung auff die Zeit/ da der Hauß-
herꝛ mit ſeinem gantzen Haußgeſind ſpatzieren
faͤhret uͤber Feld auff ſein Feldgut/ welches nah
bey Pontoiſe liget: Vnnd weil man deß Nachts
beſſer als deß Tages ſolche Diebſtuͤck kan verꝛich-
ten/ gehet er ſampt den ſeinigen mit einer verbor-
genen Laternen in das Hauß/ vnnd ſanget an
Thuͤr vnd Thor/ Kiſten vnd Kaſten/ darinnen ſie
Gelt zu finden vermeinten/ auffzuſchlagen: Aber
wie
[51]Diebs Hiſtorien/ das I. Buch.
wie dem allem/ ob der Herꝛ deſſen berichtet/ oder
jm ſonſt nichts guts moͤge getraumet haben/ oder
wie es ſonſt muſte mit dem Gelt zugangen ſeyn/
ſo finden ſie nichts als das ledige Neſt.

Derhalben ſo verfuͤgen ſie ſich in die nechſte
Kammer darbey/ vnd nach dem ſie eine groſſe Ki-
ſte/ welche man ſonſt muſte mit vier Schluͤſſeln
auffſchlieſſen/ auffgeſchlagen hatten/ finden ſie vil
Silbergeſchirꝛ/ vnd ſtehlen auff die fuͤnff hundert
Kronen werth darvon: Als ſie aber alleweil wider
der Thuͤr mit jhrem geſtohlenen Gut hinauß ge-
hen woͤllen/ ſihe da kompt der Haußherꝛ mit zween
Laqueyen/ ſchleuſt auff vnd gehet dem Hauß hin-
ein/ dann er war kranck wordē von einer ſchwach-
heit/ welche jhn alle zween Manat ankame.

Den Rougats kompt das gar wunderbarlich
fuͤr/ daß der Herꝛ zwar ſo ſpat vnd langſam/ aber
jhnen allzu fruͤh wider heimkommet/ vnnd wiſſen
nicht/ was ſie jmmeꝛmehr anfangen ſollen: Dann
der Thuͤr hinauß mit der geſtohlenen Beute zu-
lauffen das kondten ſie nicht thun: Ohne Beut
darvon zugehen/ das wolte jnen auch nicht ſchme-
cken: Derhalben ſo verbergen ſie ſich auf das aller-
geſchwindeſte vnnd beſte/ als ſie koͤnnen: Aber zu
allem Vngluͤck gerathen ſie in die Kammer/ wel-
che zwar weit von dem Ort/ da der Herꝛ lage/ ab-
gelegen ware/ aber gleichwol ſo lagen die Laqueyen
in ſolcher Kammer: Nun/ was ſollen ſie thun?
Sie koͤnnen fuͤr dißmal nit anders/ derhalben ſo
verbergen ſie ſich ſo gut als ſie koͤnnen/ etliche vn-
ter
[52]Beutelſchneider/ oder
der das Beth/ etliche hinder das Ruͤſtgezeug.

Der Haußherꝛ/ der von dieſem allem nichts
wuſte/ gehet zu Beth: Man hatte zwar ein geruͤm-
pel gehoͤret/ aber kein Menſch dachte dahin/ daß
Raͤuber vnd Dieb im Hauß ſeyn ſolten/ dann ſie
hatten das Hauß allenthalben wol verwahret vnd
zugeſchloſſen gefunden.

Als aber die Laqueyen auch inn jhr Kammer
kommen/ ſich niderlegen vnnd ſo bald darauff ent-
ſchlaffen/ ſihe da fangen die jenige/ welche ſich vn-
ter das Beth verborgen hatten/ allgemach an wi-
der auß der Schalen zu kriechen/ vnd gehen inn ei-
ne Kammer ſtracks darbey/ welche auff die Gaſſe
gienge: Vnd als ſie darinn ſeyn/ da binden ſie Tuͤ-
cher zuſammen/ vnd laſſen ſich alſo daran auß der
Kammer auff die Gaſſe: Cheſnay aber vnd einer
von der Geſellſchafft bleiben allein inn der Kam-
mer mit jhrer Beut/ damit ſie dieſelbige auch hin-
ab laſſen/ ehe ſie ſelber hernacher ſteigen.

Aber als ſie das geſtohlene Silbergeſchirꝛ alſo
anbinden vnd hinab laſſen woͤllen/ ſo wird der je-
nige/ ſo auch inn der Kammer bey dem Cheſnay
war gewahr/ daß er ſein Piſtol vnter der Laqueyen
Beth vergeſſen hat: Vnnd weil er auch ſo ein ge-
ringes nicht wil dahinden laſſen vnnd verlieren/
wie der Hundt Eſopt/ welcher da er im Waſſer
zwey ſtuͤck Fleiſch wolte haben/ gar keines darvon
hekame/ ſo begibt ſichs/ daß inn dem er das Rohr
wil angreiffen/ gehet es loß/ daruͤber erwachen die
Laqueyen/ ſpringen auß dem Bethe/ vnnd lauffen
zu jhren Wehren: Die zween Rauber/ damit ſie
auch
[53]Diebshiſtorien/ das I. Buch.
auch nicht ergrieffen werden/ gewinnen das Fen-
ſter vnd das angemachte Seyl/ gleich wie die jeni-
ge/ welche auß dem Huͤltzern Pferd herauſſer ka-
men/ vnd die Statt Trojam pluͤnderten.

Cheſnay hencket ſich am erſten an das Seyl
vnd an die Tuͤcher/ welche er aneinander gebun-
den hatte/ vnd laͤſt ſich in ſolchen groſſen ſchrecken
allgemach dem Fenſter heraber: Aber als er nun
gerad mitten auff dem Weg an dem Seyl iſt/ ſi-
he da gehen die zuſammen gebundene Tuͤcher auff
vnd von einander/ vnd faͤlt alſo Cheſnay von dem
zweiten Stockwerck auff das Pflaſter: Vnd wie-
wol er uͤbel verletzet iſt/ ermuntert er ſich doch/
macht ſich darvon/ vnnd vermahnet ſeine Geſel-
len/ ſie ſollen ſich geſchwind auch auß den Fuͤſſen
machen.

Wie ein magere Katz thut Cheſnai darvon
gehen/

Begert auch nit einmal hinderſich da zu ſehen

Der andere aber wird gar beſtuͤrtzet vnd geaͤng-
ſtiget/ daß er mit dem Raub auff dem dritten
Stockwerck allein ſoll bliebn/ kan auch nicht hin-
ab ſteigen/ dieweil das Seylſchon mit Cheſnay
gebrochen war/ vnter deſſen ſo kommen die La-
queyen mit Spieſſen/ Hellbarden vnnd Wehren
in die Kammer: Der Haußherꝛ erwachet auch
daruͤber/ vn̄ wiewol er uͤber alle maſſen ſehr kranck
ware/ jedoch ſo macht er ſich inn ſolchen ſchrecken
auff/ ſtellt ſich zu wehre: dann er meinete/ ſein gan-
tzes Hauß wer voll Rauber.

Labor vocat ultimus omnes.

Solcher ſchrecken erwecket die andern/ daß ſie
alle zuſammen kommen. Endlich aber als ſie ſe-
hen daß niemands als ein eintziger Menſch da iſt/
gehen ſie bey jhn/ vnnd nach dem ſie jhm Bauch
vnd Ruͤcken mit der Helbarten wol geſalbet hat-
ten/ ſchlieſſen ſie jhn in eine Kammer/ inn Mey-
nung/ jhn deß morgenden Tags der Obrigkeit zu
lieffern: Vnter deſſen aber/ da der Raͤuber ſihet/
daß er in ſolcher Angſt vnd Gefahr ſtecket/ nimbt
er jhm fuͤr/ er woͤlle zum Fenſter hinab ſpringen/
vnd nach dem er zwo oder drey Servetten/ vnd ſei-
ne Hoſenbendel zuſammen gebunden hatte/ laͤſt
er ſich allgemach dem Fenſter hinab: aber die Cor-
del bricht wider/ vnnd faͤlt ſo uͤbel auffs Pflaſter/
daß er jhm ſelber den halben Kopff ſpaltet.

In dem er aber ſo jaͤmmerlich auff der Gaſſen
liget/ ſo gehen die Nachtwaͤchter fuͤruͤber/ vnd hoͤ-
ren/ daß man jnen ſo ſehr nach ſchreyet: derhalben
ſo namen ſie diſen Dieb gefangen/ vnd fuͤnff oder
ſechs von jhnen/ den Wechtern/ lauffen den an-
dern nach/ welche ſchon auff der newen Bruͤcken
waren.

Als nun ſolches Cheſnay ſihet/ daß jm vnd ſei-
nen entrunnenen Geſellen ſo ſtarck wird nachge-
ſetzet/ halten ſie ſtill/ vnd ſtellen ſich zur Wehr wi-
der die jenige/ ſo ſie verfolgeten: Sie thun auch/
als wann ſie je zu auff die Schuͤtzen zu ſchieſſen
woͤllen: Aber wie es manchmals gehet/ daß der je-
nige/ der in ſeinem Gewiſſen ſich einer Vbelthat
ſchuldig weiß/ weniger Hertz vnnd Gemuͤth hat
widerſtand zu thun/ als die jenige/ welche mit ei-
nem
[55]Diebshiſtorien/ das I. Buch.
nem guten Gewiſſen vnd guten grund jre Feinde
angreiffen: Alſo gehet es jhm allhie auch: Dero-
halben fangen ſie an zufliehen/ doch werden jhrer
zween darvon beym Kopff erdappet/ welche ſo bald
all jhre Bubenſtuͤck vnd Dieberey bekennen.

Man fuͤhret ſie hier auff auff das Chaſtelet/
vnd zween Tage hernacher werden ſie à la Greve
auffgehencket/ ſampt dem jenigen/ der ſich dem
Fenſter hinab geſtuͤrtzet hatte/ wie wir erzehlet ha-
ben. Dann wiewol derſelbige ein ſchweren Fall
gethan/ vnd ſich ſelber uͤbel verwundet hatt/ ſo hat
jhn doch ſolches nicht gehindert auff die Galgen-
leyter zu ſteigen vnd ſein Leben ſo ſchaͤndlich zu en-
den/ als uͤbel er daſſelbige angefangen hatte.

Als nun Che[ſ]nay ſahe/ daß man mit ſeinem
Spießgeſellen ſo uͤbel vmbgienge/ veraͤndert er ſo
bald ſein Herberg/ dieweil er vernommen hette/
daß man jhn auch ſchon bey der Obrigkeit ſolte
angeben/ vnnd nach allen ſeinen Farben beſchrie-
ben haben: Hielte ſich ein Zeit lang mit etlichen
ſeinen Geſellen inn der Newſtatt Sanct Mar-
ceau/ vnnd deß Nachts begabe er ſich dann in die
Vniverſitet allda auch zu fiſchen: Dann es ware
auch ſehr gemein/ daß man ſich an die Studenten
machte/ vnd das geſchahe gemeiniglich durch die
Rougets vnd Griſons.

Hier kan ich mit ſtillſchweigen nicht uͤberge-
hen die Argliſtigkeit/ die ſie bewieſen an einem
jungen Champaguer/ welcher nach Paris ware
kommen allda zu ſtudieren: Dann als ſie geſehen/
daß er gar einfaͤltig ware vnnd zimlich Gelt bey
ſich
[56]Beutelſchneider/ oder
ſich hatte/ welches jhm ſeine Eltern mitgegeben
hatten in der Vniverſitet ſich an einen Ort in die
Koſt zugeben/ oder eine Kammer zubeſtellen/ vnd
ſich ſelber darinnen zuverkoͤſtigen/ geſellen ſie ſich
zu jhm/ vnnd dieweil ſie ſo bald ſahen/ daß er gar
wol mit ſich vmbgehen lieſſe/ fuͤhrten ſie jn etliche
mal mit jhnen zu Tiſch/ vorgebend/ ſie ſeyen auch
ſeines ſtands/ vnd woͤllen auch allda ſtudieren. In
dem aber das geſchahe/ daß jn etliche alſo mit ſich
zu Tiſch fuͤhreten/ giengen die andern hin vnd ſta-
len jhm alles was ſie finden/ Kleider/ Leinen ge-
zeug/ Hembder/ Gelt vnd dergleichen/ vnd ſchloſ-
ſen ſolches alles in die nechſte Kammer/ darzu ſie
jhm einen Schluͤſſel gegeben hatten: Vnnd zwo
ſtunde hernach/ als ſie jhn das Colleginm de Na-
varꝛa gefuͤhre hatten/ ſchloſſen ſie mit einem fal-
ſchen Schluͤſſel dieſelbige Kammer auff/ vnd tru-
gen jhm alle ſeine Sachen hinweg. Vnd alſo mu-
ſte der gute Student mit ſeinem ſchaden lernen
die Regel deß Deſpauterij/ welcher alſo redet:
Multa regunt ternum, quibus haud eſt regula
certa: Er lernete biß auff den Ablativum von ſol-
chen Geſellen decliniren.

Auff ein Zeit giengen dieſer Geſellen vier vn-
verſchaͤmbter weiſe in eines reichen Buͤrgershau-
ſe/ welcher von der Pfarꝛ Sanct Eſtienne ware/
vnd nach dem ſie die Zeit wol in achtung genom-
men hatten/ daß er gantz allein war/ begehren ſie
ſo bald mit jhme zu reden/ die Magd/ welche mei-
nete/ es weren vorneme vnd jrem Herꝛn bekandte
vom Adel/ laͤſt ſie ohne eintzige einrede zu jhrem
Her-
[57]Diebs Hiſtorien/ das I. Buch.
Herꝛen gehen: Sie gehen darauff in ſ[e]ine Kam-
mer/ erzeigten jhm eingans groſſe Reverentz/
ziehen jhn auff eine ſeiten/ als wann ſie jhm etwas
wolten ſagen/ daran viel gelegen were: Einer vn-
ter jhnen/ vnd zwar der anſehnlichſte kompt vnd
ſagt jhm in das Ohꝛ. Es koͤnne nicht anderſt ſeyn/
er muͤſſe jhm zwey hundert Kronen leyhen: Vnd
als hierauff der Haußherꝛ zu ruͤck wil weichen/
vnd vmb huͤlff ſchreyen/ ſtopffen die andere jhm
das Maul zu mit einer Servietten/ ſetzen jhm ein
Fauſtrohr an die Gurgel/ ſchweren vnd traͤwen
jhme/ wann er ſich nur im geringſten mucke oder
rege/ ſolle er deß Todts ſeyn: Soll derhalben ge-
dencken/ vnd jhm das begerte Gelt geben: Hier-
auff wegert ſich nun der Haußherꝛ im geringſten
nicht/ ſondern nimpt ein Sack in ſeiner Studter-
ſtuben/ gibt jhnen das begerte Gelt/ vnd ſaſſet ſie
wol in das Geſicht/ damit er ſie deſto beſſer erken-
nen moͤge: Als ſie nun auß ſeinem Hauß gehen/
folget er jhnen ſo bald nach/ machet ein Lermen
auff der Gaſſen/ vnd ſchreyet jhnen als Raubern
nach: Darauff laufft man jhnen nach vnd helt
ſie: Sie aber hergegen ſtellen ſich zur wehr/ ſchieſ-
ſen auff die Leut zu/ vnd dringen durch das Volck
durch/ alſo daß nicht mehꝛ auß jnen als ein eintzi-
ger wiꝛd gefangen/ welcher hernach das geloch fuͤr
ſeine Geſellen bezahlen muſte. Vnd was ſoll ich
euch doch weiters ſagen? Auff ein Zeit traffen ſie
an einen vom Adel/ welcher jhnen wol bekand wa-
re/ vnd weil ſie gar wol wuſten/ daß er viel Gelts
bey ſich hatte/ wegen einer ſchweren Rechtsferti-
Egung/
[58]Beutelſchneider/ oder
gung/ ſo er zu fuͤhren hatte/ fuͤhreten ſie jhn mit
ſich zum Nachteſſen heim: Vnd da er mit jhnen
heim kame/ ſtelleten ſie jhm ein gewiſſen Stuel
vnd machten/ daß er ſich darauff nider ſetzete/ da er
dann mit Hertzens luſt aſſe/ dann er gedachte nit/
daß ſie jhn in ein ſolches Vngluͤck/ wie hernacher
geſchahe/ bringen wuͤrden: Als er aber wider vom
Stuel auffſtehen wolte/ fiengen die Feddern deß
Vhrwercks in dem Stul an zu ſpielen/ vnd wurd
er in ſolchen Stul/ wie ein Fuchs im Garn gefan-
gen/ vnd muſte dieſen hungerigen Jaͤgern das be-
ſte/ was er bey ſich hatte/ geben. Wer alle dieſer boͤ-
ſen Buben Diebsſtuͤck vnnd Betrug erzehlen
wolte/ der thete nichts anderſt/ als daß er wolte
ſecundam Iliadem ſchreiben: Dan̄ da vergienge
kein Wochen/ da man nicht etwas newes von jh-
nen hoͤrete: Wann die Leut uͤber Tiſch oder ſon-
ſten zuſammen kamen/ ſo pflegte man bald von
nichts anderſt als von der Verſchlagenheit/ Boß-
heit vnd Betrug dieſer Diebe vnd Rauber zu re-
den: Aber der groſſe fleiß/ welchen man in Paris
anwendet/ die State von dieſer Peſt zu reinigen/
verurſachet/ daß ſie alle zu Paris auß den Neſtern
flogen/ vnd freye Lufft auff dem Felde ſucheten.

Die Geſetz vnnd gute ſcharpffe Ordnungen
ſeyn gleichſam wie ſtarcke Rachkolben/ mit wel-
chen man die Laſter vnd die jenige/ ſo denſelbigen
ergeben/ gar kan zu Tach darnider ſchlagen: Vnd
wann die Regenten dieſelbige gebuͤhrlich gebrau-
chen/ kan dardurch der Vntugenden vnd den La-
ſtern gewehret werden: Da findet man nit leicht-
lich
[59]Diebs Hiſtorien/ das I. Buch.
lich einen/ der den Tugend Geſetzen wider zuſte-
hen ſich vnterfaͤnget: Es iſt waar/ der groſſe fleiß
welchen die Oberſten vnd Soldaten zu Paris an-
wendeten/ ſolchen Rotten vnd grawen Gottloſen
Hauffen außzurotten/ brachte ſo vil zu wegen/ daß
Paris ſolches Giffts bald erlediget wurde: Aber
gleichwol kondte man ſie nicht vom Land vertrei-
ben: Dann ſie theileten ſich allenthalben im Lan-
de auß: Wir haben nunmehr angehoͤret etliche
Diebſtuͤck/ welche dieſe boͤſe Rott in Paris began-
gen: Laſt vns nun auch vernemen/ was ſie/ nach
dem ſie Paris verlaſſen/ auff dem Land angeſtel-
let haben/ vnd was man vor Mittel hat gebrau-
chet/ ſie endlich außzurotten.

Das V. Capitel.

DEr Menſch nimbt ein verlohrne
Arbeit vor/ wann er ſich der vnertraͤg-
lichen Gewiſſens angſt wil entledigen/
durch abweichung von dem Ort/ da er ſeine heim-
liche Bubenſtuͤck hat begangen. Dann wir ſelber
verdammen vns jnnerlich in vnſern Hertzen: vn-
E ijſer
[60]Beutelſchneider/ oder
ſer Hertz vnd Gewiſſen iſt vnſer Richter vnd An-
klaͤger: Vnd wie ein gewiſſer Author redet: Sequi-
tur nemeſis à tergo: die Straff Gottes folget der
Suͤnden auff dem Fuß nach.

Wann ein Menſch einmal eine ſchwere Suͤn-
de hat begangen/ ſo wiſchet das Gewiſſen hinder
jhm her/ naget vnd quelet jhn/ er mache auch was
er woͤlle: Wann er ſchon bald dieſes/ bald jenes
fuͤr die Hand nimmet/ deß Gewiſſensangſt dar-
uͤber zuvergeſſen/ ſo hilfft doch ſolches alles nichts:
Sondern/ wann das Gewiſſen einmal verwun-
det iſt/ ſo naget es den Menſchen ſtetig: Es ſtellet
vns das Gewiſſen alsdann vor die Augen die er-
ſchroͤcklichkeit vnſerer begangenen Suͤnden/ vnd
die Boßheit vnſer vorgenommenen Thaten/ al-
ſo/ daß wann ein Menſch ſich ſchon wolte in die
aller weit abgelegeneſte Wuͤſten Africam/ oder Ly-
bien verbergen/ oder wolte ſeine Tag in Felſen
vnd tieffen Loͤchern vnter der Erden zubringen/
ſo wuͤrde doch allzeit der Schatten deß Laſters/
das er begangen/ jhme nachfolgen/ jhn Tag vnd
Nacht in ſeinem Hertzen ſchrecken/ vnd ja endlich
zwingen/ daß er ſich wol ſelber inn ſeiner Feinde
Netze werffe/ vnd zu der Straff ſeiner Suͤnden
einſtelle.

Ihr habt in dem voꝛhergehenden Capitel ange-
hoͤret den Vrſprung vnd Herkommen der Rou-
gets vnd Griſons/ vnd wie von wenigen ſie ange-
fangen/ vnd ſo ſchroͤckliche Thaten begangen hat-
ben: In dieſem Capitel aber werdet jhr vernemen
was Cheſnay/ welche der Oberſte in jhrer Diebs-
geſell-
[61]Diebshiſtorien/ Das I. Buch.
geſellſchafft ware/ vnnd nach dem er von Paris
hinweg kommen/ an vnterſchiedlichen oͤrtern in
Franckreich hat begangen/ vnd wie er auch end-
lich ſeinen wolverdienten Lohn hat empfangen.

Cheſnay/ wie wir zuvor angehoͤret/ muſte ſich
von Paris hinweg machen: Derhalben name er
jhm vor im Land vmbher zu fahren: Doch blieb er
ein Zeitlang voꝛ Montauban/ ſo lang als die Be-
laͤgerung da werete: Aber weil es jm viel beſſer an-
ſtunde in der Rauberiſchen Freyheit zu leben/ in
welcher er von ſeinen jungen Tagen an ware er-
zogen worden/ verlieſſe er das Kriegsweſen wider
mit etlichen ſeinen Cammeraden/ Samblete von
ſeiner Geſellſchafft/ ſo viel als er kondte/ bey ein-
ander/ vnd fienge an mit denſelbigen hin vnd wi-
der/ vnd in den Benachbarten oͤrtern zu ſtreiffen
vnd zu rauben. Die vornembſte vnter ſeinen Ge-
ſellen hieſſen La Pointe, La Favetie vnd La Fon-
taine, welche endlich auch mit jhm hingerichtet
wurden/ wie jhr hiernechſt bald werdet anhoͤren.

Der erſte Angriff/ den ſie thaͤten in Guienne/
geſchahe an zween vom Adel/ welche/ als ſie auß
dem Kriegslaͤger nach Hauß ziehen wolten/ von
jhnen an einer Waldecken wurden angegriffen/
vnd ermordet/ vnd namen darnach alles/ was ſie
bey jhnen funden.

Als aber nun Cheſnay von allen Orten vnd
Ecken ſeiner Geſellen gnugſam zuſammen ge-
bracht hatte/ vnd nun meinete/ daß wann er ſolche
vmb vnd bey ſich hette/ ſo koͤndte er durchreiſſen/
wo er auch hin kaͤme/ gabe er jhnen alle dieſe In-
E iijſtructi-
[62]Beutelſchneider/ oder
ſtruction vnd Regel/ die ſie vnfehlbarlich practici-
ren ſolten: Daß/ wann ſie entweder einen Kauff-
mann oder ſonſten eine vorneme Perſon/ bey wel-
cher ſie Gelt zu finden vermeineten/ antreffen/ ſo
ſolten ſie ein Geig oder Zitter nemen/ darauff
ſpielen/ machen daß derſelbige darnach muſte
dantzen/ vnd hernacher jhm den Beutel mit dem
Gelt nemen. Welche Gewonheit vnd Regel ſie
dann hernacher bey allen jrem Rauben vnd Ste-
len practicirten/ vnd in achtung namen: Dann
wann ſie von weitem einen vornemmen feinen
Mann ſahen daher kommen/ bey welchem ſie eine
gute Beut verhoffeten zu bekommen/ geſelleten ſie
ſich zu jhme/ lieſſen ſich in allerley freundliche di-
ſcurs mit jhm eyn/ vnd endlich name einer vnter
jhnen eine Geyge/ oder Eyther in die Hand/ vnd
fienge an zu ſpielen.

So bald als nun jhr Geſellſchafft auff der Cy-
ther oder Geygen zu ſpielen anfienge/ da ſtelleten
ſich die andere in die Ordnung fuͤr die lange weil/
ja zur kurtzweil mit einander zu dantzen/ vnd zo-
gen den jenigen/ welchen ſie berauben wolten/ ent-
weder mit guten worten/ oder mit gewalt mitten
vnter ſie/ daß er auch mit dantzen muſte/ welcher
manchmals wider ſeines Hertzen willen dantzte/
ja welcher nachmals lieber einen Curanten an
ſtatt eines Galliarden hette gedantzet/ das iſt wel-
cher lieber darvon hette lauffen/ als dantzen moͤ-
gen: Aber ſie gaben jhm allzeit ſo wol achtung auff
die Garn/ daß er nicht entfliehen kondte. Vnd
wann ſie darnach lang/ wie die Bacchanten/ her-
umber
[93[63]]Diebs Hiſtorien/ das I. Buch.
umber gedantzet hatten/ zwangen ſie jhn/ daß er
muſte den Spielmann bezahlen/ vnd namen jhm
alles was ſie bey jhm funden.

Dieſes Stuͤcklein practicirten ſie an vnter-
ſchiedlichen Orten/ da ſie hinkamen/ vnd ſonder-
lich practicirten ſie es auff ein Zeit mit drey Kauff-
m[aͤ]nnern von Paris (deren Namen ich allhier
wil verſchweigen) dieſelbigen griffen ſie an in einē
Wald bey Orleans (darinnen ſie ſich lange Zeit
auffgehalten hatten) vnd zwangen die Kauffleu-
te/ daß ſie ſich uͤber jhrem ſchaden muſten luſtig
machen/ vnd noch Caprioln ſchneiden bey dem je-
nigen/ das jnen durch ſie ware abgeraubet wordē:

Aber/ wie die Vorſchlaͤge nicht allzeit gerathen/
wie wir begehren/ alſo gienge es dieſen Raubern
auch: Dann da begab es ſich auff ein Zeit/ daß ein
dapfferer Soldat/ genannt/ Eſpine/ ein groſſe vnd
anſehnliche Perſon/ vn̄ der ein verſuchter Kriegs-
mann ware/ jhnen entgegen kame/ in einem Thal
nahe bey Sergeaut an der Leire/ vnd als Cheſnay
deſſelbigen gewahr wurde/ vnd dem euſſerlichen
anſehen nach wol kondte ſchlieſſen daß er nicht al-
lein were/ vnd ohn fehlbarlich Gelt bey ſich haben
muſte/ ſtiege er von ſeinem Pferde/ winckte ſeinem
Geſellen/ er ſolte die Cyther in die Hand nemen/
vnd kamen jhm alſo entgegen/ vnd ſpielten vnd
dantzeten: Der Soldat/ welcher nicht wuſte/ wo-
hin das auffſpieln vnd dantzen angeſehen ware/
weichet zu ruͤck/ vnd wil ſich/ ehe er ein ſchritt fort-
ſchreitet/ zur Wehrſtellen: Aber Cheſnai vnd ſeine
Geſellen geben jhme ſolche gute vnd freundliche
E iiijWort/
[64]Beutelſchneider/ oder
Wort/ daß ſie jhm alle forcht vnd argwohn von
jhnen benemen/ alſo daß/ da ſie jhn nun nahe mit-
ten vnter ſich bekommen ſie darauff anfiengen zu
dantzen nach jhrer gewonheit. Aber der Soldat/
der im durchreiſen zu Orleans ſchon etwas von
ſolchem dantzen gehoͤret hatte/ kondte jhm ſchon
ſelbſt die Rechnung machen/ was auff ſolches
dantzen erfolgen wuͤrde/ Derhalben ſo nimmet
er ſich an/ als woͤlle er ſeinen Hoſenbendel auffbin-
den/ wiſchet jhn wider alle jhre auffſichtigkeit von
dem Dantz/ laufft Spornſtreichs zu deß Cheſnay
Pferd zu/ welches an einen Baum angebunden
ware/ ſteiget auff/ hawet mit ſeinem Degen deß
Pferds Zaum entzwer/ vnd reitet mit ſolcher vn-
geſtuͤmmigkeit durch jhren Dantz hindurch/ daß
daruͤber zween zu boden fallen/ vnd uͤbel an jhren
Backen beſchaͤdiget werden/ kehret darauff wider.
auff Orleans/ vnd zeiget der Obrigkeit allda an/
was jhm begegnet ware/ gibt auch Warzeichen
deß Orts/ an welchem man die Rauber erdappen
koͤndte/ Aber man kam aller zu langſam/ Dann da
Cheſnay ſahe/ daß jhm ſein dantzen uͤbel ware be-
kommen/ vnd er in ſeiner Hoffnung betrogen wa-
re/ machte er ſich ſo bald auß dem Staub/ kehret
wider inn die Herberge/ da ſeine Geſellen jhre
Pferd hingeſtellet hatten/ vnd zeucht darvon in
Picardie/ da er dann ſolches Dantzen auch ein
Zeit lang getrieben/ biß ſo lang/ daß die Leut ſol-
ches inn[e]n worden/ vnd ſo bald/ als ſie Cheſnay
mit ſeinem Anhang erſehen/ haben von weitem
ange-
[65]Diebshiſtorien/ das I. Buch.
angefangen an ſtatt eines Galliarden/ einen Cou-
ranten zu dantzen/ vnnd ſich durch die Flucht zu
ſalviren

Es iſt auch wahr/ daß dieſer Cheſnai/ als er
nicht mehr als zween ſeiner Cameraden bey ſich
hatte/ auff ein Zeit angrieffe einen Kauffmann
von Beaurais welcher nach Paris wolte/ vnnd
brachte jhn vmb in der gegend bey Ponthoiſe/ vnd
name Pferd/ Wahr vnnd alles/ was er bey jhm
fande: Lieſſe he[r]nacher zween ſeiner Geſellen ſich
verkleiden die beraubte Wahr deſto beſſer vnnd
vnvermerckter zu Paris zuverkauffen: Als ſie
nun zu Paris ankommen waren/ vnnd Cheſnat
vnter deſſen auff den Roßmarck gienge/ deſſen
von jhm erſchlagenen Kauffmanns Pferd zu-
verkauffen/ da legten ſeine Geſellen jhren Kram
vnnd Wahr auß/ welches dann Vrſach war/ daß
ſie gegriffen wurden: Dann da man ſahe/ daß ſie
jhre vermeinte Wahr ſo Schand wolfeil gaben/
ſchloſſe jederman darauß/ es koͤndte nicht recht
darmit zugehen/ Es muͤſte ein Betrug darhinder
ſtecken/ wurden auch auff ſolchen Argwohn ge-
griffen/ vnd deßwegen zu rede geſtellet/ da ſie dann
auß trieb jhres boͤſen Gewiſſens ſo baldt alles be-
kandten.

Cheſnay/ der noch an einem andern Ort ſolte
ſterben/ komptwider vnnd wil in der Halle/ zu ſei-
nen Kauffleuten: Aber als er ſihet/ daß das Volck
ſo gewaltig zu laufft zu dem Ort/ da er zuvor ſeine
Geſellen gelaſſen hatte/ machte er jhm ſelber die
Rechnung/ es werde ſeine Geſellen antreffen/ vnd
E vwerde
[66]Beutelſchneider/ oder
werde man jhn vielleicht nach den Koͤpffen greif-
fen/ derhalben ſo machet er ſich ſo bald auff ſeine
Fuͤß/ vnnd nimpt die Flucht: Welches dann fuͤr
dißmal ſein groſſes Gluͤck war/ wann er ſonſten
auch hette vermeyden koͤnnen das Vngluͤck/ wel-
ches wegen ſeiner Vbelthaten jhm ſolte auff ſei-
nen Schaͤdel fallen: Dann nach dem ſeine beyde
Geſellen waren ſchrecklich gefoltert worden/ wur-
den ſie endlich lebendig geradbrechet.

Gleichwol aber ſo laͤſt er jhm ſolches alles kein
Warnung ſeyn/ die Straff ſeiner Geſellen wil
nichts bey jhm verfangen/ er faͤhret in ſeinem boͤ-
ſen verdamblichen Leben fort/ vnd bildet ihm ein:
Es ſey kein Donner mehr im Himel/ ſeine Suͤn-
de zu ſtraffen/ er ſihet/ daß er ſchon ſo mancher ge-
fahr iſt entrunnen/ ja daß er noch auß ſo man-
chem Labyrinth iſt kommen/ gleichwol aber ſo lieb-
koſet er jhm ſelber in ſeinem betrieglichen Gedan-
cken/ faͤhret fort in ſeinem boͤſen Leben/ vnnd bil-
det jhm ein/ es werde jhn auch niemandts wegen
ſeiner Vbelthaten ſawer anſehen/ oder anreden
koͤnnen.

Er bringet ſeine Geſellſchafft wider zuſam-
men/ begibt ſich ferꝛners in ſein voriges Leben/ ver-
fuͤget ſich hinauß auff das Feld/ vnnd als er drey
Buͤrger antrifft ſprengt er ſampt fuͤnff oder ſechs
ſeiner Spießgeſellen ſolche Buͤrger ſo hart an/
daß ſie nichts anderſt darauß ſchlieſſen koͤndten/
als daß es ſie Gelt/ Pferd vnd Leben koſten wuͤrde:
Zu dem anſehnlichſten vnter ſolchen dreyen Buͤr-
gern ſpricht Cheſngy/ das Pferd/ das er habe/ ſey
jhme
[67]Diebs Hiſtorien/ das I. Buch
jhme innerhalb drey Tage geſtohlen worden: Vnd
daß er entweder jhm ſolches Pferd ſo bald muͤſte
wider geben/ oder wolte er jhm ein Degen inn ſei-
nen Leib hinein ſtoſſen/ daß er es jhm nicht ſolte
laͤugnen: La Fauerie, La Pointe \& La Fontaine
ſprenden die andere zween auch ſo vnverſchaͤmbt
an/ vnd woͤllen ſie uͤberꝛeden/ ſie haben jhr Pferde:
Alſo klagte auff ein Zeit beym Eſopo der Wolff
das Schaf an/ vnd beſchuldigte es/ es hette ſeiner
geſpottet: Alſo klagte auff ein Zeit der Fuchs ein
Huhn an/ vnnd ſagte es hette jhn geſcholten vnnd
geſchmaͤhet/ vnd alſo fallen gemeiniglich alle ſol-
che klagen auff die vnſchuldigen/ dieſelbige muͤſ-
ſen gemeiniglich die Pfan placken/ oder wie man
im Sprichwort redet/ das Geloch bezahlen. Die
gute Buͤrger ſehen/ daß ſie gefangen ſeyn/ wiſſen
nit/ was ſie thun oderreden ſollen/ ſteigen ab von
jhren Pferden/ vnd doͤrffen dieſen vnmenſchlichen
Woͤlffen nicht mit einem Wort widerſprechen:
Sie muͤſſen jhnen Gelt vnd Pferde laſſen/ vnnd
muͤſſen ſich noch darzu bedancken/ daß ſie jhnen
das Leben nicht gar genommen hatten. Dann der
Cheſnay war ein Blutgiriger tyranniſcher Men-
ſche/ vnnd achtet deß Menſchen Leben nicht mehr
als das Leben eines jungen Huͤnleins.

Es begabe ſich auff ein Zeit/ daß als ſeine Mit-
geſellen ſich auff ein Marck begeben hatten/ allda
mit fuͤnff Figuren einzukauffen/ er ſich auffs Feld
vnter deſſen begabe/ nahe bey der Statt Maas
ware gantz allein/ vnnd ritte in dem Feld vmbher
ſpatzieren: Vnd als der Abend herbey kame/ kam
er deß
[68]Beutelſchneider/ oder
er deß Abends in derſelbigen gegend in ein Wirts-
hauß/ allda uͤber Nacht zu ligen: Da kant [ih]n nun
niemand/ kondte auch niemands gedencken oder
jhm einbilden/ daß er ein ſolcher Gaſt ſeyn ſolte:
Dann er war wol gekleidet/ kame mit einem ſchoͤ-
nen Pferd daher geritten/ vnd fragte/ ob ſie jhn die
Nacht uͤber herbergen wolten/ vnnd etwas zu eſ-
ſen hetten: Darauff man ihm dann auffmachte/
vnd ließ jhm mit ſeinem Pferd in die Herberg ein-
ziehen.

Nun trug es ſich zu/ daß eben zu ſolcher Zeit
in ſolcher Herberg auch war der Oberſte/ oder der
Amptmann von Mans/ mit ſeinen Dienern vnd
Soldaten/ welcher mit ſeinen Dienern deß Tags
vmbher zoge im Felde eben dieſen Straſſenrau-
ber zuſuchen/ vnd dermal eins zu erdappen: Aber
weil keiner vnter jhnen war/ der den Cheſnay je-
mals weder hinden oder forn geſehen hatte/ ſo kon-
ten ſie auch jhn dißmal deſto weniger erkennen/ o-
der wiſſen/ wer er were.

Als nun Cheſnay in die Herberg kompt/ fragt
er den Wirt/ ob er keine frembde Gaͤſt mehr habe/
vnd ob niemand bey jhm in ſeiner Kammer wer-
de ſchlaffen/ der Wirth antwortet ihm vnd ſagt/ es
ſeyen drey oder vier vornehme Perſonen ſchon bey
jhm ankommen/ vnd dieſelbige werden bey jhm in
der Kammer ſchlaffen: Cheſnay/ der nicht wuſte/
was es fuͤr Leut ſeyn moͤchten/ laͤſt ſie fragen/ ob ſie
es leyden moͤchten/ daß er mit jnen zu Nacht eſſe.

Der Amptmann von Mans laͤſt im wider ſa-
gen: Es geſchehe jhm darmit ein groſſe Ehr/ vnd
moͤge
[69]Diebs Hiſtorien/ das I. Buch.
moͤge zu jhm kommen: Vnnd als er der Thuͤr zu
jhnen hinein gehet/ ſtehen ſie alle vom Tiſch auff/
jhm Ehr vnd Freundſchafft zu erzeigen.

Cheſnay ſetzet ſich zu jhnen an Tiſch/ vnd erzeh-
let jhnen/ wie daß er auß dem Laͤger komme vnnd
daß er ſo ſtarck ſey fortgeritten/ daß jhme ſeine La-
queyen nicht haben nachfolgen koͤnnen/ vnd ſeyen
alſo im Nechſten Dorff geblieben.

Hierauff kommen ſie mit einander von einem
Geſpraͤch in das ander/ reden von dem/ das inn
Languedoc/ Vivarees vnnd Rochelle geſchehen
ware/ vnnd auß den wackern Geſpraͤchen/ welche
Cheſnay mit jhm hielt/ hette der Amptmann von
Mans nimmermehr abnehmen oder gedencken
koͤnnen/ daß er ſo nahe ſolte ſeyn bey dem jenigen/
welchen er ſo fleiſſig ſuchte: Dann er kondte ſich
uͤber alle maſſen wol ſtellen/ vnd verſahe jhn jeder-
man vor niemands anderſt/ als vor einen vorne-
men vom Adel.

Als ſie aber weiter inn das Geſpraͤch hinein
kommen/ vnd fragen/ was in den benachbarten oͤꝛ-
tern vorgehe/ da mercket Cheſnay/ daß er mitten
vnter den jenigen iſt welche jm nachſtelleten/ der-
halben ſtellete er ſich euſſerlich viel anderſt/ als jm
in ſeinen Hertzen zu muth ware: Felt auff andere
Geſpraͤch/ vnd verfluchet die Diebe inn Abgrund
der Hellen: Erzehlet jhnen auch darauff/ wie er
ſelber/ als er von Tholoſe außgezogen/ ſey durch
etliche boͤſe Buben beraubet worden/ welche jhm
all ſein Gelt abgenommen haben.

Der Amptmann/ welcher nit ſahe/ vnd merck-
te/
[70]Beutelſchneider/ oder
te/ warumb er ſolche Geſpraͤch hielte/ hoͤret jhm zu
vnd haͤlt dem euſſerlichen anſehen nach/ daß er die
Warheit rede: Vnd als nun die Abendsmahlzeit
gehalten/ vnnd ſie auch lang miteinander ge-
ſprachet/ vnnd geredet hatten/ von deß Koͤnigs
Kriegsvolck/ von der belaͤgerung Mantauban/
wie Rochelle were Bliquiret/ vnd von allen Or-
ten ſo hart belaͤgert worden/ von der Kriegsberei-
tung ſo man mache/ Krieg zu Waſſer vnd Meer
zu fuͤhren/ vnd von andern Sachen/ ſo zu ſolcher
Zeit vorgiengen/ gehet ein jeglicher ſchlaffen. La
Cheſnay lage auch in ſolcher Kammer/ darinnen
der Amptmann mit den ſeinigen ſchlieffe/ vnnd
dieweil er jm vorgenommen daß er ein kurtzweili-
gen Boſſen wolte anſtellen/ befihlet er dem Stall-
knecht/ er ſoll ſehen/ daß den Morgen vmb vier
Vhr ſein Pferd fertig vnd geſattelt ſey: Dann er
wolte gern vmb den Mittag zu Mans ſeyn.

Als nun der Tag anbricht/ ſtehet Cheſnay auff/
gehet zu dem Wirth vnd rechnet mit jhm/ fraget/
was den Abendt inn allem ſey verzehret worden:
Vnd als es jhm der Wirth ſagt/ zahlt er fuͤr ſich/
fuͤr den Amptmann vnd vor deſſelbigen Diener/
vnd als er jetzund wil zu Pferd ſitzen/ zeucht er den
Wirth ein wenig auff ein ſeiten/ ſagt jhm leiß inn
ein Ohr/ er ſoll dem Amptman von Mans vnnd
deſſelbigen Dienern anſagen: Daß ſie geſtern A-
bends mit dem Ebeſnai/ den ſie ſo fleiſſig geſuchet
hetten/ haben zu Nacht geſſen/ vnnd daß er auch
das Geloch fuͤr ſie bezahlet habe.

Zwo ſtunde hernacher ſtehet der Amptman
auff/
[71]Diebshiſtorien/ das I. Buch.
auff/ vnd fraget/ ob der jenige vom Adel/ ſo geſtern
mit jhnen gezehret/ hinweg ſey: Man ſagt jhm
darauff/ daß er ſchon vmb vier Vhren ſey fortge-
ritten/ vnd nicht bezahlet habe: Sondern habe ge-
ſagt/ ſie werden ſein Geloch ſchon richtig machen
vnd bezahlen.

Der Amptmann/ als er ſolches hoͤret/ wird er
vngehalten daruͤber/ vnd verwundert ſich/ daß ein
ſolcher dapfferer vom Adel/ jhm ſolchen Boſſen
ſoll bewieſen haben/ vnd als der Wirth ſihet/ daß
erje laͤnger je vnwilliger daruͤber wird/ zeigt er
ihm an/ daß der jenige/ ſo mit jhnen zu Nacht ha-
be geſſen/ ſey der Cheſnay/ vnd daß er die Zech fuͤr
ſie alle hab bezahlet: Habe auch jhm befohlen/ er
ſolte ſolches dem Herꝛen Amptmann anzeigen:
Der Amptmann wird hierauff noch vnwilliger/
macht ſich vnnuͤtz uͤber den Wirth/ daß er jhm ſol-
ches nicht ſo bald habe angeſaget: Aber der Wirth
entſchuldiget ſich vnd ſpricht: Er habe nichts von
dem Rauben vnd ſtelen deß Cheſnay gewuſt/ ha-
be jhn auch fuͤr der Zeit ſein lebenlang mit Augen
nicht geſehen/ vnd daß er dem Herꝛn Amptmann
gantz ſchlecht vnd einfaͤltiglich habe erzehlet/ was
jhm ſolcher Gaſt anzuzeigen deß Morgens fruͤhe
habe befohlen.

Als nun der Amptmann vnd ſeine Diener ſa-
hen/ daß ſie alſo betrogen ſeyn worden/ mahnen ſie
die Bawren auff in allen vmbligenden Benach-
barten oͤrtern/ inn Hoffnung/ ſie woͤllen dieſen
Cheſnay noch erdappen: Aber ehe man anfienge
ihm nachzuſetzen/ hatte er ſich ſchoͤn ſalviret/ vnnd
ware
[72]Beutelſchneider/ oder
war ſchon auff die 10. Meilen wegs weit von jh-
nen/ vnd alſo entwiſchet er jhnen auß jhren Haͤn-
den/ da er doch zuvor gantz in jrer Gewalt war.

Aber Cheſnay bildet jhm vergeblich ein/ daß er
meinet/ er woͤlle deß Himmels Zorn wol entge-
hen/ das vergoſſene Blut ſo viler ehrlichen Kauff-
leute/ welche er ſo moͤrderiſcher weiſe hatte vmb
jhr Leben gebracht/ ſchreyet vmb Rach bey Gott:
Das geſchrey ſo vieler armen Weyſen/ welche er
Diebiſcher weiſe hat beraubet/ vnd vmb das jhri-
ge bracht/ zeucht jhm deß Himmels Zorn vnnd
Vngnad auff ſeinen Schaͤdel.

Wir leſen inn den Hiſtorien/ daß als anff ein
Zeit ein Fuͤrſt dem groſſen vnnd ſchweren Vnge-
witter/ das ſich auff jhn zoge/ wolte entgehen vnnd
ſich wider daſſelbe ſicher machen/ vnd verwahren/
hat er ein kleines Kind auff ſeine Achſeln geſetzt/
vnd jhm eingebildet/ er werde durch die Vnſchuld
ſolches Kindleins wider das Vngewitter wol
verwahret ſeyn: Aber wann Cheſnay/ nach ſo vie-
len begangenen Diebſtal vnnd Mordthaten die
Vnſchuld ſelber nicht auff ſeine Achſeln/ ſondern
gar in ſein Hertz geſetzet hette/ ſo hette er doch nit
vermeyden koͤnnen den Zorn vnnd Vngnade deſ-
ſen/ welchen er ſo groͤblich erzuͤrnet vnnd beleydi-
get hatte/ dann es war einem gantzen Land vnnd
Koͤnigreich daran gelegen/ daß er nach ſeinem
Verdienſt geſtraffet wuͤrde: Aber wie er mit ſeinen
Geſellen gefangen/ vnd endlich zur Straff ſey ge-
zogen worden/ das woͤllen wir bald anhoͤren.

Als Cheſnay in der gegend Fontaine bleau/
vnd im Wald bey Orleans herumber ſtreiffete/
kam zu jhm La Fontaine, welcher einer ſeiner
Mitgeſellen ware/ vnd gab jm dieſen Vorſchlag:
Daß wann er begehret ein gute Beut zu erhaſchē/
ſolte er ſich gen Perche/ da ein groſſer Jahrmarck
gehalten werde/ begeben/ auch ſeiner Geſellē fuͤnff
oder ſechs mit ſich nemen/ vnd ſtracks auff Ver-
neuil zu ziehen/ dann das lige nah bey dem Marck
vnd ſey ein ſolcher Ort/ da man ſich auff ein noht-
fall auch verſtecken koͤndte.

Was geſchicht? der Vorſchlag iſt nicht ſo bald
gegeben? er wird auch ins Werck geſetzet: Dann
Cheſnay nimpt mit ſich La Faverit/ vnd zween
oder drey ſeiner Spießgeſellen/ vnd halten ſich
auff vngefehr ein Meyl von Verneuil/ gibt vor/
bey denen/ ſo fuͤruͤber zogen/ er muͤſte mit ſeinen
fuͤnff oder ſechs Geſellen ſich allda ein wenig auff-
halten/ einem vom Adel einen Beyſtand zu ley-
ſten/ welcher ſich an ſolchem Ort mit einem an-
dern wolte rauffen.

Vnter deſſen ſo zeucht La Fontaine/ der dieſes
alles angeſponnen hatte/ gen Perche/ beſucht den
Marck/ ſihet die Kauffleut/ vnd in dem er ſich ſtel-
let/ als wolte er hin vnd dar bey einem vnd dem
andern etwas kauffen/ ſihet er vnter deſſen auß/
welche am beſten ſtaffiret ſeyn/ vn̄ welche am met-
ſten Gelts loͤſen: Vnd als er geſehen daß ein ein-
tziger Kauffmann fuͤr tauſent oder zwoͤlffhundert
Pfund allerley Waar verkauffet hatte/ verfuͤget
er ſich an den Ort/ da Cheſnay mit den ſeinigen
Fauff-
[74]Beutelſchneider/ oder
auffwartete/ vnd ſagt jhm: Der Juncker were jetzt
auff dem Felde: Dann das ware jhꝛ Art zureden/
wann ſie ſich vnter einander die Loſung geben
wolten.

Darauff macht ſich Cheſnay mit ſeinem An-
hang ſo bald auf/ vn̄ verbergen ſich in eine Canin-
ges gruben/ welche ein halbe Meyl von Vernevil
liget/ allda außzu kundſchafften/ wann der Kauff-
mann werde voruͤber ziehen/ daß ſie jhm ſein Gelt
abnemen. Aber wie der gerechte GOtt endlich/
durch die Vbelthaten/ mit welchen wir die Ge-
ſtirn deß Himmels ſchaͤnden/ wirdt ſo erzoͤrnet/
daß/ wann er lange Zeit die Gottloſe zur Buſſe
beruffen/ ſie aber ſich nicht beſſern woͤllen/ er die
Gottloſen zur Straff zeucht/ alſo verhaͤnget er
auch allhie/ daß etliche Perſonē deß Cheſnay Rau-
beriſchen vornemens jnnen werden/ gehen zu der
Obrigkeit zu Vernevil/ zeigen derſelbigen an/ was
Cheſnay mit ſeinen Geſellen fuͤrhabe/ vnd wie er
auffwarte an ſolchem Ort/ den Kauffleuten das
Gelt abzunemen.

Hieruͤber wird ſo bald die gantze Statt auffruͤ-
riſch: Man ſchicket in die Herberg/ da ſie den ver-
gangenen Abend gelegen hatten/ etwas von jhnen
zu erfahren/ vnd ob man vielleicht deſto beſſer hin-
der ſie kommen moͤchte: Aber ſie erfuhren nichts
anderſt von dem Wirth/ als daß er darfuͤr hielte/
daß ſie Edelleute waͤren/ welche jhrer außſag nach
dahin kommen weren/ einem vom Adel/ ſo ſich
mit einem andern wolte balgen/ Beyſtand zu ley-
ſten.

Nun dieſes vorgeben lieſſe ſich wol hoͤren/ vnd
waren jhrer ſehr wenig/ die darauff ſie zuverfol-
gen begerten: Gleichwol/ wie es allzeit noch Leut
gibet/ welche mehr vnd weiter/ als andere/ ſehen/
vnnd welche mit mehrer klugheit einer Sachen
außſchlag erkennen: Alſo funden ſich zween oder
drey dapffere vnd verſuchte Maͤnner/ welche dar-
fuͤr hielten/ die jenige muͤſten Straſſenrauber
ſeyn/ dieweil man von keinem Zancken/ das vor-
gangen were/ vnd daß ſie gleichwol vorgeben het-
te/ nichts gehoͤret hette. Vnd were alſo jhr vorge-
bens vnd eingebildetes Rauſſen vnnd Balgen
nichts anderſt/ als ein Deckmantel/ jhre Raube-
rey darmit zu zudecken: So kam auch das uͤber
das darzu/ daß man ſie auff dem Jahrmarck hat-
te ſpatziern ſehen gehen/ vnd daß ſie alle Waaren
wol beſichtiget hetten: Derhalben ſo befande man
endlich daß ein heimliches Bubenſtuͤck darhinder
ſtecken muſte.

Auff dieſe angehoͤrte Muhtmaſſung ſahe man
fuͤr gut an/ ſie zu verfolgen/ vnd die Caninges-
gruben/ in welche man geſehen hatte/ daß ſie ſich
hinein begeben hatten/ wol durchzuſuchen.

Hierauff namen die vornembſten in der Statt
zwantzig oder dreyſſig wolgeruͤſtete Mann/ ſo wol
zu Pferd als zu Fuß/ mit ſich/ zogen auff die Can-
ninges gruben zu/ woͤllen dieſelbige gantz vnd gar
vmbgeben/ auff daß ſie das Neſt mit den Voͤgeln
deſto gewiſſer finden vnd außheben moͤgen.

Als aber ſolches Cheſnay vnd ſeine Spießge-
ſellen vermercken/ daß man ihnen nachſtelle/ ma-
F ijchen
[76]Beutelſchneider/ oder
chen ſie ſich auff vnd darvon/ auß ſolcher Kanin-
ges gruben/ werffen das Haſenpanier auff/ vnnd
verſtecken ſich/ drey Meylen von ſolchem Ort/ in
einem Wirtshauß/ da ſie dann meinen/ ſie ſeyen
nunmehr auſſer aller Gefahr/ vnd haben ſich ſehr
wol veꝛſtecket Aber als ſie ein wenig athem ſchoͤpf-
fen woͤllen/ vnd ſich herfuͤr thun/ da ſehen ſie/ daß
ſie gantz vmbringet ſeyn/ nicht allein von dem
Volck/ ſo von Vernevil ware kommen/ ſondern
auch von den Benachbarten Bauersleuten/ wel-
che durch ſolchen Rumor waren auffgewecket
worden/ vnd welche jhnen auff dem Fuß nachge-
ſolget waren.

Als ſie nun ſahen/ daß der Zulauff je lenger je
groͤſſer wird/ vnd daß das Volck ſehr auff ſie zu
dringet/ da ſeyn jhrer zween ſo geſchwind vnd hur-
tig vnd ſehen/ daß ſie noch darvon kommen: Die
andere vier aber/ welche noch da waren/ vnd ſich
zu Pferd ſetzen wolten/ wurden alſo vmbringet/
daß ſie jhre Pferd da muſten laſſen ſtehen/ vnd
ſpentiſiren/ wie ſie entrinnen vnd darvon kom-
men moͤchten: La Fane[ri]e vnd La Fontaine wa-
ren im Hof/ vnd wolten je zu Pferd ſitzen zu flie-
hen/ aber die Bauersleute/ welche mit Flegeln/
Gabeln/ Karſten vnd Bengeln kamen/ ſprachen
jnen alſo zu/ daß ſie ſich ohne ferꝛneren widerſtand
gefangen geben muſten.

Als nun Cheſnay ſihet/ daß ſeine zween Geſel-
len ſchon gefangen ſeyn genommen/ dencket er/ es
ſey nun nicht Zeit ſich lang zubedencken/ ſondern
muͤſte ſehen/ wie er ſich mitten durch das Volck
wage/
[77]Diebs Hiſtorien/ das I, Buch.
wage/ oder wie man ſonſten das wuͤten vnd toben
deß Volcks moͤge ſtillen: Der Wirth aber im
Hauß/ welcher von dem Vrſprung dieſes Tu-
mults nichts wuſte/ iſt beſtuͤrtzet daruͤber: Dann
ſein Hauß war aller voll Leute/ Buͤrgern/ Bau-
ern/ Soldaten vnd von allerley Volck/ ſo der
Obrigkeit von Vernevil nachgefolget ware: Man
befiylet dem Wirth/ er ſolle die jenige Perſonen/
ſo in ſein Hauß kommen/ vnd ſich darinnen ver-
ſtecket haben/ herauſſer geben/ auff daß ſie der O-
brigkeit gelieffert/ vnd vmb jhrer Vbelthaten wil-
len geſtraffet werden: Aber der Wirth weiß nicht/
was er hierauff ſoll antworten: Er ſpricht/ Er
kenne ſie nicht/ er wiſſe nicht wer ſie ſeyen

Was thut aber vnter deſſen La Cheſnay? Als
er vnd ſein Mitgeſell La Pointe ſihet/ daß ſie im
Wirtshauß weder hinderſich oder vor ſich kom-
men koͤnnen/ da machen ſie mit Baͤncken/ Tiſchē/
Stuͤhlen vnd mit dem/ was ſie in aller eyl finden/
gleichſam ein Wagenburg vmb ſich her/ vnd ver-
ſchantzen ſich ſo wol/ daß es vnmoͤglich iſt/ daß ein
Menſch zu jhn koͤnne kommen: Dann die Stege
war aller voller Stuͤl/ Baͤnck/ Tiſche/ alſo daß nie-
mands der Stege hinauff kondte kommen: Nie-
mandts dorffte ſich vnterſtehen ſie anzugreiffen/
er wolte dann vorſetzlicher weiſe ſein Leben in die
ſchantze ſchlagen: Darauff ſchreyen ſie oben den
Fenſtern herauß/ man thue jhnen gewalt vnd vn-
recht/ daß man alſo mit jhnen vmbgehe: Dann ſie
ſeyen ehrliche vom Adel: Aber durch dieſe jhre
Wort laͤſt ſich das Volck im geringſten nicht be-
F iijwegen/
[78]Beutelſchneider/ oder
wegen/ ſondern ſie ſetzen jhnen je laͤnger je haͤrter
zu/ daß ſie endlich gar zur Wehr greiffen/ vnnd
oben herab auff die jenige/ ſo zu jhnen ſteigen woͤl-
len/ zuſchieſſen/ traffen aber niemands: Herge-
gen fiengen die/ ſo drunten warn/ auch an auff ſie
zu zu ſchieſſen ſo ſtarck/ daß ein vornemer vō Adel/
ſo nahe darbey wohnet/ vnd Bruſſe genant wurd/
ſolchen Tumult hoͤret/ vnd weil er nicht wuſte/
was ſolches ſchieſſen bedeutete/ oder woher es kaͤ-
me/ ſetzet er ſich zu Pferd/ nimpt zween oder drey
ſeiner Diener zu ſich/ vnd folget dem Tumult
nach wo jhn daͤuchte/ daß er ſeyn ſolte.

Als er nun an das Ort kompt/ da ſihet er da die
Obrigkeit von Vernevil/ fraget was die Vrſach
ſey/ daß ſie an ſolches Ort kommen ſeyen/ vnd als
er deſſen Vrſach vernommen/ macht er daß er
ſelbſt mit Cheſnay kompt zu reden Cheſnay/ als er
nun ſihet/ daß dieſer Bruſſe ſo ein wackerer vnd
dapfferer vom Adel iſt/ bittet er jhn/ er woͤlle jhm
doch glauben/ daß man jhm gewalt vnd vnrecht
thue/ daß man jhn alſo verfolge/ vnnd daß es vor
Gott vnd der Welt vnrecht ſey/ daß er Cheſnay
als ein ehrlicher vom Adel ſolchem vngeſtuͤm̄en
Poͤbel vnd gemeinem Volck ſol zu einem Opffer
dienen/ bittet jhn derwegen zum demuͤtigſten/ er
wolle doch ſolches vngeſtuͤm̄e auffruͤriſche Volck
ſtillen/ vnd ſie beyde/ auß den Haͤnden ſolcher wil-
den vnd raſenden Bauern erretten.

Der Herꝛ de La Bruſſe/ als er ſihet/ daß ſie wol
geruͤſtet ſeyn/ vnd ſo gewaltig reden koͤnnen/ kan
er jhm nicht einbilden/ daß ſie Straſſenrauber
ſeyn ſolten/ wie man ſie jhm gleichwol beſchrieben
[79]Diebs Hiſtorien/ das I. Buch.
hatte: Derhalben nimpt er ſie in ſeinen Schutz
vnd Schirm auff/ vnd bittet den Oberſten von
Vernevil/ daß jhm erlaubet moͤge werden/ ſie in
ſein Loſament mit ſich zufuhren/ weiter Auffruhr
vnd vngelegenheit zuverhuͤten: Dann da koͤndte
man ſie doch ferꝛners examiniren/ vnd jhr ſchuld
oder vnſchuld erkennen.

Der Oberſte oder Richter iſt darmit zu frie-
den/ doch mit dem beding/ dz der Herꝛ de la Bruſ-
ſe ſchrifftlich wolte verfaſſen/ all das jenige/ was
vorgangen were/ vnd ſich auch mit eigener Hand
verſchreiben/ daß er ſolche nit allein in ſeine Ver-
wahrung nemen/ ſondern auff begehren ſolte wi-
der lieffern: Welches alles dann der Herꝛ de La
Bruſſe eingienge/ vnd alſo kehreten ſie alle mit-
einander widerumb nach Vernevil.

Hierauff wurden nun dieſe vier Straſſenrau-
ber in deß Herꝛen de La Bruſſe Loſament gefuͤh-
ret/ da ſie dann alle Liſt vnd Mittel erdachten/ wie
ſie auß deß Herꝛn de la Bruſſe Haͤnden ſich moͤch-
ten loß vnd ledig machen: Aber weil er nit allein
ein ſtarcken befelch bekommen hatte/ ſondern ſich
auch ſelber verbuͤrget/ ſie zu verwahren/ vnd auff
begehren an gebuͤrende Ort vnd Ende zu uͤberlief-
fern/ wann ſie wuͤrden begehret werden/ ließ er ſie
Tag vnd Nacht deſto beſſer verwahren/ daß ſie
nicht kondten darvon kommen/ erwartend vn-
ter deſſen der Zeit/ da ſie ſolten abgeholet werden.

Cheſnay/ der allerley Argliſtigkeit erdachte ſich
loß zu machen/ gabe ſich vnter deſſen/ wie auch zu-
vor geſchehen/ vor einen voꝛnemen vom Adel auß
vnd
[80]Beutelſchneider/ oder
vnd daß man jhm mit Grund der Warhelt nichts
als alles liebs vnd gutes wuͤrde nachſagen koͤn-
nen: Aber es ware doch alles vmbſonſt vnd ver-
lohren/ Dann als er wegen dieſer vier Rauber
examiniret wurde/ ſchriebe er dem Herꝛen de la
Bruſſe wider/ er hette ſie ſein lebenlang nit mehr/
als dißmals geſehen kennete ſie auch gantz vnnd
gar nicht/ Derhalben ſchriebe nach zween oder
drey Tagen der Herꝛ de la Bruſſe an die Obrig-
keit zu Vernevil/ vnd bate ſie/ daß ſie ſolche Ge-
ſellen bey jhm abholen wolte/ damit er ihrer ledig
wurde: Man lieſſe jhnen auch zu entbieten/ ſie ſol-
ten wol geruͤſtet kommen/ Dann ſie moͤchten viel-
leicht ein Anhang haben/ vnnd koͤndte geſchehen/
daß wann man ſie nicht wol verwahrte/ ſie wider
entwiſchen moͤchten: Hierauff ließ nun der Leute-
nant zwey hundert Mann mit jhrer Ruͤſtung zu-
ſammen kommen/ vnd holete die Straſſenrauber
von dem Ort/ da ſie waren/ ſie nach Vernevil zu-
fuͤhren/ damit jhnen jhr Recht widerſuͤhre.

La Cheſnay bliebe noch allzeit auff ſeiner vori-
gen Meinung/ warff auch mit troh Worten vmb
ſich/ daß er ſich an allen den jenigen/ ſo jm ſolchen
Schimpff vnd Spott bewieſen/ wolte rechen/ daß
ſie es dermal eins wol erfahren ſolten: Dann er
were einmal ein ehrlicher vom Adel/ vnd ſolte
man derhalben nicht alſo mit jm verfahren/ vnd
jhm ſolchen ſchimpff anthun.

Aber der gerechte Gott/ der den Daniel erweck-
te/ die zuͤchtige Suſannam zu erloͤſen von den
zween Meineydigen Alten Richtern/ welche ſie
vnſchul-
[81]Diebs Hiſtorien/ das I. Buch.
vnſchuldiger weiſe wolten toͤdten laſſen/ erweckete
auch in ſolcher gegend vnterſchiedliche Perſonen/
welche kamen von vnterſchidlichen Orten/ vnnd
zeugeten wider dieſe vier Rauber/ alſo daß ſie jh-
res Raubens/ Steiens vnd Mordens gnugſamb
uͤberzeuget wurden/ vnnd man jetzoſie wolte hin-
richten laſſen: Aber als man alle weil wolt auff
ſeyn/ ſie hinzurichten/ fiel ein ſtreit vor zwiſchen
dem Oberſten vor Mortage/ vnnd zwiſchen dem
Amptmann von Paris: Aber es wurde ſolcher
ſtreit bald eroͤrtert vnd hingeleget/ vnd wurde das
Vrtheil uͤber ſolche Rauber alſo außgeſprochen/
daß ſie in einem bloſſen Hembd/ vnd mit einer Fa-
ckel in der Hand vor der groſſen Kirchen zu Ver-
nevil ſolten offentliche Buß thun/ vnnd darnach
darauff an jhrem Ort lebendig geradbrechet wer-
den: Welches Vrtheil dann ſo bald durch den
Hencker vollſtrecket worden.

La Pointe/ La Favere vnd La Fontaine bekand-
te offentlich/ vnnd mit rewendem Hertzen jhre V-
belthaten/ Mord/ Pluͤndern vnd Diebſtahl/ vnnd
als ſie ſchon auff dem Rad lagen/ warffen ſie dem
Cheſnay vor/ er waͤre ein Vrſach ſolches jhres
ſchmaͤhlichen vnnd ſchmertzlichen Todts/ er hette
ſie auß dem Kriegslaͤger abgefuͤhret vnnd betro-
gen/ ſich mit jhm auff Rauben/ Stelen vnd Mor-
den zubegeben. Aber er wolte gleichwol gantz vnnd
gar nichts offentlich bekennen: Vnnd darauß ſe-
hen vn̄ lernen wir nun/ wie die Gottloſen manch-
mals ſelber Garn zu einem ſtrick ſpinnen/ daß ſie
darmit gefangen vnd wol gar auffgehencket wer-
F vden:
[82]Beutelſchneider/ oder
den: Es heiſt hie wie der Prophet redet: Er hat ei-
ne Grube gegraben/ vnd außgefuͤhret/ vnd iſt inn
die Gruben gefallen/ die er gemacht hat. Sein
Vngluͤck wird auff ſeinen Kopff kommen/ vnnd
ſein frevel auff ſeinen Schaͤdel fallen.

Die jenige/ ſo von Vernevil ſeyn/ koͤnnen die
Warheit dieſer Hiſtorien ſelber bezeugen vnd be-
kraͤfftigen/ auch zeugnuß geben/ als die ſolches al-
les mit Augen geſehen/ daß alles das jenige/ was
ich geſchrieben vnnd erzehlet/ in der That alſo iſt
vorgangen.

Das VI. Capitel.

ES geſchicht offtermals/ daß der vn-
ſchuldige fuͤr den ſchuldigen muß bezah-
ten/ vnd daß der jenige/ der ſich die gantze
Zeit ſeines Lebens nicht anderſt als ein ehrlicher
redlicher Mann hat gehalten/ muß das Geloch
bezahlen fuͤr die jenige/ welche in jhrem gantzen Le-
ben nichts als Vbels gethan/ begangen vnnd alle
Tugenden verachtet haben.

Vnd fuͤrwar ſo iſt es ein erbaͤrmliches ding zu
ſehen/ daß ein Menſch ohne alle Vrſach vnd Fun-
dament/ auff ein bloſſen wahn ſoll zum Raub die-
nen/ dem gemeinen Poͤbel/ welcher ſo vieler vn-
terſchiedlichen meynung iſt/ als er Koͤpff hat/ ja
welcher
[83]Diebs Hiſtorien/ das I. Buch
welcher von einer Sachen nur obenhin vrtheilet/
ohne recht gruͤndliche Erkandtnuß.

Wer da wil ein wenig mit ſeinen Augen inn
die alte Hiſtorien hinein ſehen/ der wird vnzehli-
che viel Exempel finden der jenigen/ welche nur
auff einen bloſſen Argwohn/ vnd da kein ſchein deß
boͤſen geweſen ſeyn verdammet worden/ vnnd iſt
ſolches alles geſchehen/ durch anſtifftung deß ge-
meinen Poͤbels/ welcher ſich vor ſeinem eigenen
ſchatte foͤrchtet/ vnnd von den Sachen/ wie der
Blinde von Farben redett.

Aber wir haben deſſen ſo ein denckwuͤrdiges E-
xempel in der Hiſtorien/ welche wir in dieſem Ca-
pitel abhandeln/ daß es gar nicht noͤtig iſt die alte
Chronicken auffzuſchlagen/ zu beweiſen das jeni-
ge/ was ich im eingang hab vorgebracht. Dann
jhr werdet es ſelbſten in nachfolgendem Diſcurs
vernemen/ daß kein Menſch auff der Welt iſt vn-
ſchuldiger als Periander geweſen/ vnnd iſt doch
gleichwol ſo gar uͤbel traetiret worden.

Ihr ſollet derhalben zum bericht wiſſen/ daß
nach dem zwiſchen dem vnuͤberwindlichſten Koͤ-
nig in Franckreich Henrico dem Vierdten/ vnnd
zwiſchen dem Hertzog von Savoyen ein Fried iſt
geſchloſſen worden/ da haben ſich zwen Landſtreif-
fer/ welche gar newlich auß dem Kriegslaͤger wa-
ren kommen/ vnd welche die Zeit jhres Lebens von
nichts anders/ als von Rauben vnd Stelen gele-
bet hatten/ begaben nach Paris/ als an einen ſol-
chen Ort/ der zu jhrem Diebshandwerck gar be-
quem ware/ vnd da ſie auch verhoffet jhr Rauben
vnd
[84]Beutelſchneider/ oder
vnd Stelen deſto beſſer zu treiben/ wegen der groſ-
ſen menge deß Volcks/ ſo alle Tag ſich an ſolchem
Ort findet.

Der vornembſte vnter dieſen Raubern hieſſe
Rochet aille/ ein Tyranniſcher vnd Barbariſcher
Menſch/ welcher ein verſchlagenen Kopff hatte
Vbelthaten zu erdencken vnd anzuſtellen: Dann
da vergieng kein Tag/ da er nicht ein Bubenſtuͤck
ins Werck ſetzte: Allhier wil ich fuͤr dieſes mal
nicht mehr als zwey oder drey ſeiner vornembſten
Bubenſtuͤck erzehlen/ auff daß jhr ſelbſt darauß
moͤchte erkennen/ was er fuͤr ein ehrlicher Vogel
ſey geweſen.

Als dieſer vnmenſchliche Tyrann ein Monat
lang inn allen Gaſſen zu Paris ware vmbher ge-
lauffen/ da hat er endlich erfahren/ daß ein junger
wackerer Mann ſich bey einem Becker in ſolchem
Quartier auffhielte/ vnd als er Rochetaille wuſte/
daß derſelbige nicht allein viel Gelt hatte/ ſondern
daß er auch in Rechtsſachen dienete/ vnd fuͤr die
Advocaten vnd Parteyen ſchriebe/ nimmet er jm
fur/ er mache es auch wie es woͤlle/ ja es koſte auch
was es woͤlle/ mit huͤlff ſeiner Raubgeſellen ſol-
chem jungen Mann das Liecht außzublaſen/ vnd
jhm alles das jenig/ was er inn ſo vielen Jahren/
da er ſich mit ſchreiben geuͤbet/ erworben/ abzune-
men vnd zu rauben.

Was thut er aber? Er kleidet ſich wie ein vor-
nemer vom Adel/ gehet zu dem jungen Mann oder
jungen Geſellen/ nimpt ſich an/ er ſey außtruͤck-
lich gen Paris kom̄en wegen einer ſchwern Recht-
ferti-
[85]Diebshiſtorien/ das I. Buch.
fertigung/ ſo er am Parlament habe hangen/ vnd
gibt jhm etliche Sachen abzuſchreiben.

Der junge Mann/ genandt Johannes Proſt/
von ehrlichen Geſchlecht vnd herkommen iſt fro/
daß er Mittel vnd Gelegenheit bekompt etwas zu
thun vnd zuverdienen/ vnd verſpricht jhm nach
aller moͤglichkeit zu dienen: er ſchreibet das jenige/
was er empfangen/ ab/ vnd wil jm nicht einfallen
daß der jenige/ der jhm zu ſchreiben geben/ ſein Ge-
dancken mehr wirfft auff Gelt/ wo er es moͤge
haben/ als auff ſeine faͤlſchlich vorgegebene Recht-
fertiguug/ mit welcher er jhn alſo betroge.

Aber der Anſchlag iſt ſchon gemacht: Roche-
taille nimpt der Zeit wol in acht/ erfuhre daß der
Becker vnnd ſein Weib/ bey welchem Johannes
Proſt ſich auffhielte/ nicht daheim ſeyn/ vnd wie
er dieſen Meineydigen Vorſchlag jhm ſchon hat-
tt vorgenommen/ alſo gehet er ſtracks hinauff inn
die Kammer zu Johannes Proſt/ welcher gar
fleiſſig ware uͤber den Schreiben vnd Sachen/ ſo
Rochet aille jhm uͤbergeben hatte: Vnd eingangs
ſo gruͤſſen ſie ſich gar freundlich/ ſie ſetzen ſich ni-
der vnd fangen an von allerley Sachen zu reden/
Rochetaille/ der nit weiß/ was er doch fuͤr ein Vr-
ſach von Zaun ſoll reiſſen/ ſeinen Moͤrderiſchen
vnnd Diebiſchen Vorſchlag ins Werck zu ſetzen/
fraget den jungen Mann/ ob er die jenige ſachen/
ſo er jhm habe gegeben/ abgeſchrieben habe: Jean
Proſt antwortet jhm vnd ſpricht: Es ſey jhm vn-
muͤglich geweſen/ in ſolcher kurtzen zeit alles abzu-
ſchreiben vnd zuverfertigen: Hierauff fanget Ro-
cheta-
[86]Beutelſchneider/ oder
chetaille an zu fluchen vnnd zu ſchweren/ ſpricht:
wann er die Rechtfertigung ſolte verlieren/ ſo ſey
er allein Vrſach daran/ er woͤlle ſich an jhm erho-
len/ ſuchet vnd gibet alſo Vrſach/ daß ſie mit wor-
ten hart aneinander kommen: Endlich aber da er-
greifft Rochetaille Jean Proſt beym Halß/ ſetzet
jhm ſein Rohr an den Halß/ flucht vnnd ſchwert
bey Gott/ wann er jhm nicht ſo bald ſage vnd wei-
ſe/ wo er ſein Gelt habe/ ſo wolle er jhn ſo bald fuͤr
jhm erſchlagen: Dem jungen Mann bricht der
Angſtſchweiß hieruͤber auß/ wil anfangen vmb
huͤlff zu ſchreyen/ aber Rochetaille mit ſeinē Mo[r]d-
geſellen ſtopffet jhm ſo bald den Mund zu/ daß er
nit kan ſchreyen/ zeucht ſein Dolchen auß/ vnnd
ſtichet jhm zweymal ins Hertz hinein: Sein Mit-
geſell thut auch dergleichen/ vnd nach dem ſie jhn
erſchlagen/ werffen ſie jhn inn das heimliche Ge-
mach/ welches nah dabey ware: Darauff gehen ſie
wider in ſeine Kammer/ vnd ſchlagen ein Threſor
auff/ da er ſein Gelt pflegte hin zu thun/ vnnd ne-
men zwey hundert Kronen/ welche ſie an lauter
Piſtoleten in ein Sack funden: Vnd als ſie fertig
ſchleicheln ſie ſich heimlich widerumb auß dem
Hauß/ daß ſie kein Menſch ſihet/ gehen drauff hin/
machen ſich zu Paris luſtig von dem Raub/ den
ſie an gedachtem Ort gethan hatten/ vnnd bilden
jhnen ein/ es werde nimmermehr kein Hahn dar-
nach kraͤhen.

Vnter deſſen verlauffen ſich etliche Tage/ daß
man Jean Proſt nicht ſihet/ Man hoͤret vnnd er-
faͤhret nichts von jhm: Der Becker verwundert
ſich/
[87]Diebshiſtorien/ das I. Buch.
ſich/ wie das moͤge zugehen/ daß man jhn nicht ſe-
he: Er weiß nicht/ was er ſagen/ oder gedencken
ſoll/ dann er war es nicht gewohnet/ daß Jean
Proſt ſo lang auß ſeinem Hauß ſolte auß bleiben:
Er gehet etlichmal fuͤr ſeine Kammer/ zu ſehen ob
er kommen ſey/ aber er findet die Kammer allezeit
zu: Endlich ſo laufft er die Kammerthuͤr auff/ vnd
ſpuͤret ſo viel/ daß er muͤſſe todt geſchlagen ſeyn/
entweder etliches Gelts/ welches Rochetaille ver-
geſſen hatte/ vnnd dieweil er ſorge hatte/ er moͤchte
deß Todtſchlags halben angeklaget werden/ So
ſchleuſt er die Kammer zu/ wie ſie vorhin auch ge-
weſen war/ vnnd wartet/ was es doch fuͤr einen
Außgang mit ſolcher Tragedien werde gewinnen
Wie er nun in ſolchen Gedancken ſitzet/ kommen
Jean Proſts Mutter fraget/ wo jdr Sohn ſey
hingangen/ befraget ſich allenthalben/ mit wem er
doch habe pflegen vmbzugehen/ vnd weil ſie ſo gar
nichts von jhm kan erforſchen/ laͤft ſie endlich den
Schloſſer kommen/ vnnd die Kammer auffma-
chen/ vnd als nun ſolches geſchehen/ vnd ſie in die
Kammer hinein tritt/ da ſihet ſie ſo bald an dem
Blut/ welchs noch gantz geklebert/ vnd hin vn̄ wi-
der geſprenget ware/ wie dann auch an dem auff-
geſchlagenen vnd verderbten Threſor/ das vnfaͤhl-
barlich er muſte erſchlagen ſeyn worden inn der
Kammer.

Daruͤber iſt nun die Mutter betruͤbet/ vnnd
weiß vor groſſem Hertzenleyd nicht/ wo ſie ſich hin
ſoll wenden: Sie heulet vnd weinet/ ſie ſchlaͤgt die
Haͤnde uͤber dem Kopff zuſammen/ vnd weiß nit
was
[88]Beutelſchneider/ oder
was ſie thun ſoll: Man ſihet das Blut vnnd die
Fußſtapffen/ man ſihet/ daß das Threſor aller iſt
zerſchlagen: Alle anzeigung gaben es/ daß er muß
in der Kammer erſchlagen ſeyn worden: Aber den
Todten Coͤrper kan man nicht finden.

Die Mutter deß Erſchlagenen weiß nicht/ wen
ſie deßwegen ſoll an[k]lagen/ jedoch duncket ſie inn
all jrem Sinn/ daß der Becker vnd Haußherꝛ ſel-
ber den Todtſchlag muͤſſe begangen haben: Dann
man funde kein andere Warzeichen/ auſſerhalb
dem Hauß/ alle anzeigung/ die ſich finden/ lieſſen
ſich wol auff den Becker ziehen vnd außlegen.

Derhalben ſo thut die Mutter eines/ machet
ein Supplication/ gibt dieſelbige ein wider den
Becker/ vnd klagt jhn offentlich an/ deſſen an jrem
Sohn begangenen Todtſchlages: Es wird auch
der Becker darauff gefaͤnglich eingezogen/ vnnd
vor Gericht geſtellet/ vnd iſt niemands in Paris/
der jhn ſelber deß Todtſchlags halben nicht ver-
daͤchtig halte: Hinc prima mali labes, vnd daher
iſt jhm das erſte Vngluͤck entſtanden.

Vnter deſſen ſo gehet das geſchrey inn Paris
daß/ weil man den todten Coͤrper nicht koͤnne fin-
den/ ſo koͤnne es nicht anderſt ſeyn/ es muͤſſe der
Becker jhn in den Backoffen geworffen/ vnd zu
Aſchen verbrennet haben/ welches dann durch ſei-
ner eigenen Haußgenoſſen rede deſto mehr bekraͤff-
tiget wurde: Dann etliche Maͤgde ſagten/ ſie het-
ten etwas im Backoffen geſehen/ das hette wie
Hoſen außgeſehen/ vnd etwas hette auch wie eins
Menſchen beyn geſehen/ welches dann noch mehr
bekraͤff-
[89]Diebshiſtorien/ das I. Buch
bekraͤfftiget wurde durch die rede/ welche auff ſein
Befragung gefielen: Dann ſein leiblicher Sohn
ſagte/ daß er were in deß Erſchlagenen Kammer
gegangen/ vnd haͤtte etlichs Gelt entwendet/ wel-
ches er ſeinen Stiffbruͤdern geben haͤtte: Gleich-
wol aber ſo laugnete der Becker alles: Dann er
kondte jhm wol die Rechnung machen/ daß wan
er nur das geringſte beken̄ete/ ſo wuͤrde jederman
deſto mehr glauben/ was durch das gemeine ge-
ſchrey von jhm ware auß geſprenget worden/ vnd
alſo ergienge es auch: Dann die Muthmaſſung
ware ſo ſtarck auff den Becker/ daß man darvor
hielt/ es muͤſte der Becker ſolchen Mord ſelbſten
begangen haben/ oder muſte doch mit andern vn-
der der Decken gelegen/ vnd durch andere ſolchen
Mord habe anſtellen helffen.

Dann die Mutter/ welche den Becker deß
Todtſchlags halben verklaget/ vnd gefaͤnglich ließ
ein ziehen/ ſchloſſe alſo/ wen ſoll ich deß Todſchlags
meines Sons mehr anklagen/ als eben die jenige/
welche den Raub davon genommen haben: Ich
finde keine andere Anzeigung deß geſchehenen
Mords: Jederman ſagt/ der Mord koͤnne von
niemands frembdes ſeyn geſchehen/ ſondeꝛn allein
von jemands bekandtes auß vnd in dem Hauſe
ſelber: Vnd weil der Becker in deß Erſchlagenen
Kammer ſey gegangen/ habe etliches Gelt ent-
wendet/ hab die Kammer darauff wider zuge-
ſchloſſen/ vnd habe vnder deſſen ſolches alles der
Obrigkeit verſchwiegen/ ſo muͤſſe einmal der Be-
cker ſelber den Todtſchlag auch beganen haben/
Gvnd
[90]Beutelſchneider/ oder
vnd ſoll man jhn billich zu ernſter wolverdienter
Straffe ziehen.

Auff dieſe erzehlte Anklagung konte niemands
nichts grundliches antworten/ vnd die allerver-
ſtaͤndigſte wuſten nicht was ſie bey ſolcher Sache
gedencken oder ſagen ſolten: Der Becker ſelber
wuſte nicht/ was er darzu ſolte ſagen/ wiewol er
deſſen/ das man jhm auffleget/ gantz vnſchuldig
ware: Gleichwol aber/ weil er zu ſolcher ſchweren
Klage ſo gar ſtill ſchwiege/ ſchloſſe man darauß/ er
muͤſte den Mord begangen haben.

Was aber ſeine Nachbawern anlanget/ gaben
ſie alle jhm dieſes Zeugnuß/ daß er die gantze Zeit
vber in welcher er in jhrer Nachbarſchafft gewoh-
net haͤtte/ ſich nicht anderſt als ehrlich vnd wol
verhalten haͤtte/ alſo daß ſie jhm in geringſten
nichts boͤſes oder vnehrliches nachſagen koͤndten:
Hergegen aber ſo waren auff der andern ſeiten die
Muthmaſſung ſo ſtarck/ daß man nit anderſt dar-
vor hielte/ als daß er vnfehlbarlich den Mord muͤ-
ſte begangen haben: Welches dann die Mutter
beweget/ jhn deſto haͤrter bey dem Parlament an-
zuklagen/ wurde auch endlich gevrtheilet/ daß der
Becker auff die Folter gezogen/ vnd deßwegen
mit der Schaͤrpffe ſolte examiniret werden/ wel-
ches dann auch ſo bald geſchahe: Aber was den
Mord ſelber anlanget/ kondte man gleichwol auß
dieſem vnſchuldigen Becker nichts bringen: Vnd
muß ich allhie ſelber ſeinen betruͤbten vnd traw-
rigen Zuſtand beweinen: Dann er wurde alſo zer-
foltert/ daß er kein Glied mehr recht regen vnd be-
wegen.
[91]Diebs Hiſtorien/ das I. Buch.
wegen kondte/ es wurde jhm ſein gantzer Leib alſo
zerꝛiſſen/ daß mich wunder nimmet/ daß er in ſol-
cher ſchrecklicher Marter ſein Geiſt nit hat auff-
geben: Dann er wurde vber alle maſſen ſchrecklich
zerfoltert/ daß kein vbelthaͤter mehr kan gemar-
tert werden/ vnd ließ ſich auch ſeine Sach ſo boͤß
anſehen/ daß niemand ſich dieſelbige zu vertheidi-
gen wolte vnderfangen: Das gemeine geſchrey
gienge/ er haͤtte ſolchen jungen Menſchen ermor-
det/ vnd haͤtte jhn in ſeinen Backoffen verbren-
net/ auff daß ja nimmermehr nichts von ſeinem
Leibe zu Tag kaͤme/ oder offenbar moͤchte werden.
Ja es waren etliche vnder dem gemeinen Mann
ſo erhitzet wider dieſen armen vnd vnſchuldigen
Becker/ daß ſie jhn angaben/ er haͤtte jhn von ſol-
chen Paſteten zu eſſen geben/ da ſie darvor hielten/
es muͤſte Menſchenfleiſch darinnen ſeyn geweſen/
ſo lieblich zu eſſen waͤren ſie geweſen. Vnd was
woͤllet jhr mehr/ Es lieſſe ſich anſehen/ als wann
man ein groſſes Opffer thun wuͤrde/ wann man
nur dieſen armen vnſchuldigen Becker dem to-
ben deß gemeinen Poͤbels vbergebe/ vnd jhn in
Greve offentlich lieſſe hinrichten Aber es hat jhn
doch Gott endlich von dieſer falſchen Anklag wel-
che der gemeine Mann von jhm geſchoͤpffet hatte/
erloͤſet/ vnd offentlich darmit bezeuget/ daß er iſt
ein Erꝛetter der Vnſchuldigen/ vnd ein rechter
Richter der Gottloſen vnd Boͤſen.

Wir leſen in den alten Hiſtorien/ daß als auff
ein Zeit Martianus deß Nachts ein todten Coͤr-
ver angroffen/ vnd denſelbigen auß Chriſtlicher
G ijlieb
[92]Beutelſchneider/ oder
lieb hat begraben woͤllen/ welches dann ēine ehrli-
che gewonheit iſt/ ſo vnter den Chriſten wird ge-
halten/ iſt er daruͤber gegriffen/ vnd auß einem boͤ-
ſen Argwohn fuͤr Gericht gefuͤhret/ zum Todt ver-
dammet/ vnnd ſo bald darauff hinauß zum Gal-
gen gefuͤhret worden. Es hat ſich aber auß ſon-
derlicher ſchickung GOttes zugetragen/ daß der
jenige/ ſo den Mord begangen/ eben inn ſolcher
ſtunde gefangen/ vnd weil er ſelber ſo bald ſolchen
Mord bekandt/ zum Todt verdammet/ hingerich-
tet vnd alſo Martianus iſt erꝛettet worden. Dar-
auß wir dann ſehen/ wie GOtt als ein gerechter
Richter/ endlichen die vnſchuldigen erꝛettet/ die
Gottloſen aber/ ſie verkriechen vnd verſtecken ſich
wie ſie woͤllen/ zu wolverdienter Straff thut zie-
hen: Wir woͤllen deſſen ein Exempel jetzunder inn
vnſerer Hiſtorien anhoͤren:

Vnter deſſen aber/ da der Becker/ von welchem
wir alleweil geredet haben/ in ſolcher Gefahr vnd
Aengſten ſitzet/ vnd man Stuͤl vnnd Baͤnck zu-
ſammen ſuchet/ wie man jhn/ deren wider jn an-
geſtelten Anklage uͤberzeugen moͤchte/ ſo helt ſich
Rochetaille vm̄ Fontaine-bleau herumber in dem
Wald/ da er dann allzeit mordete vnd beraubete
welche er antraffe/ dieweil er allda die beſte Gele-
genheit darzu hatte: Dann der Koͤnigliche Hoff
ware deß mals zu Fontaine-bleau/ vnd vnter dem
ſchein/ daß er ſich vor einen vom Adel außgabe/
pflegte er manchen vom Adel an ſolchem Ort zu-
berauben: Als er aber auff ein Zeit einen feinen
ehrlichen Mann auff dem Weg/ ſo von Melun
auff
[93]Diebshiſtorien/ das I. Buch.
auff Fontaine-bleau gehet/ beraubet vnd todt ge-
ſchlagen hatte/ hat ſolches der Oberſte von Melun
erfahren/ vnnd weil man jhm dieſe Merckzeichen
an Rochetaille hatte gegeben/ daß er ſolte ein lan-
gen Knebelbart haben/ der jhm uͤber die Schulter
herab hienge/ hat er jhn ſo bald verfolget/ erdap-
pet/ gefangen genommen vnd nach Melun gefuͤh-
ret/ da er dann zum Strang iſt verurtheilet wor-
den: Vnd wiewol er von ſolchem Vrtheil gen
Hof Appellirte/ ſo iſt doch das vorige Vrteil be-
kraͤfftiget/ vnd uͤber jm vnd ſeinem Geſellen nach-
mals außgeſprochen worden/ dann ſie waren ſol-
ches Todtſchlags alle beyde ſchuldig.

Als man ſie aber zum Gericht hinauß fuͤhrete/
ſienge Rochetaille (darauß man billich dz gerech-
te Gericht Gottes ſoll erkennen) an gantz uͤberlaut
zu reden/ vnd ſagte/ er muͤſte ſelber bekennen/ daß
jhn GOtt billich vnnd recht alſo ſtraffete/ wegen
ſeiner vielfaltig begangenen Vbelthaten/ dann er
glaube nicht/ daß ein Menſch auff der Welt ſey/
der mehr Marter vnd Straff/ als er verdienet ha-
be: Dann er habe ja die Bluͤt ſeiner Jugendt vnd
ſeines beſten Alters zugebracht/ mit ſo viel Rau-
ben/ Stelen/ mit ſo viel Mord vnd Todtſchlag/
welche er nach einander erzehlete/ vnnd welche al-
le euch allhie zuerzehlen viel Zeit wuͤrde erfordern:
Vnter andern aber erzehlet er/ daß es jhn hoͤchlich
inn ſeinem Hertzen ſchmertzete/ daß man den ar-
men Pariander (das war der Becker/ von wel-
chem wir geredet haben) ſo uͤbel hette zerfoltert/ da
er doch deß Mords/ deſſen er were angeklaget wor-
G iijden/
[94]Beutelſchneider/ oder
den/ gantz vnſchuldig were: Dann er mit ſeinen
Geſellen/ allein hette den gedachten jungen Ge-
ſellen/ Jean Proſt vmbgebracht/ da der Be-
cker mit den ſeinigen ware in die Meß gegangen:
Vnd wann man nur im Hauß inn dem heimli-
chen Gemach ſuchet/ ſo wuͤrde man den todten
Coͤrper gewißlich finden.

Dieſe freywillige vnd offentliche Bekandtnuß
kam jederman gar wunderbarlich fuͤr/ ſondeꝛlich
aber der Mutter/ welche den Becker hefftig ange-
klaget hatte/ auch tag vnd Nacht dahin trachtete/
daß ſie es mit jhrer Anklag ſo weit bringen moͤch-
te/ daß es den Becker ſeinen Halß koſtete.

In dem aber nun/ auff geſchehene freywillige
Bekandnuß deß Rochetaille/ der Becker vnſchul-
dig erkandt/ frey vnd loß geſprochen/ vnnd wider-
umb auff freyen Fuß wird geſtellet/ durch eine be-
ſondere vngewohnliche Gnad/ welche jhm vom
Himmel ſelber ware kommen/ fienge er ein newe
Rechtfertigung mit der Mutter deß Jean Proſts
an/ helt an/ daß ſeine Widerſacherin jhm nicht al-
lein alle erlittene vnkoſten vnnd ſchaden erſtattet/
ſondern auch jhn an ſeiner Ehr/ welche ſie jhm
abſtehlen wollen/ widerum̄ gut mache/ bevorab da
er wegen deß jhm zugeſchribenen Mords/ der doch
jhm nimmermehr im Traum were vorkommen/
ſo ſchrecklich were zermartert vnnd zugerichtet
worden.

Herꝛ Robert wurde dem Becker zugegeben
ſeine Rechtfertigung zu fuͤhren: Herꝛ Arnauld
aber der Mutter/ vnd wurde dieſe Sach gewaltig
von
[95]Diebs Hiſtorien das I. Buch.
von beyden theilen getrieben. Dann etliche wenig
Tage zuvor ware der Hertzog von Savoyen gen
Paris kom̄en/ den Frieden mit dem Koͤnig Hen-
rico dem Vierdten/ Gottſeliger Gedaͤchtnuß zu
ſchlieſſen/ welcher dann ſelbſten dieſer Rechtferti-
gung beywohnete: Herꝛ Robert thaͤte ſein beſtes/
vnd wuſte gewaltig hoch auff zumutzen/ daß man
mit dem Becker ſo uͤbel waͤre vmbgangen/ ja daß
man/ ohnangeſehen ſeine Vnſchulden jhn ſo
ſchrecklich zermartert vnd zerfoltert haͤtte: Deß-
wegen dann das Parlament/ billich die Verklaͤ-
gerinne ſolte ernſtlich anweiſen/ daß ſie jhm allen
erlittenen ſchaden erſtattete/ jhn widerumb an ſei-
nen Ehrn gut machte/ vnd einen offentlichen wi-
derruff thaͤte. Aber auff der andern ſeiten da brau-
chete ſich nicht weniger Herꝛ Arnauld. Der lieſſe
ſein Wolredenheit ſehen/ vnd fuͤhꝛet weitlaͤufftig
auß/ daß ein Mutter nicht vnrecht thaͤte alle Mit-
tel zugebrauchen/ darmit der jenige an jrem Sohn
den begangenen Mordernſtlich geſtraffet wuͤrde/
vnd daß gleichwol alle anzeigung vnd muthmaſ-
ſung ſo beſchaffen waͤren geweſen/ daß der Becker
billich darauff auff die Folter waͤre erkennet wor-
den: Endlich aber wurde beſchloſſen/ daß man die
beyden Partheyen ſolte von Hoff abweiſen/ ohne
eintzige Erſtattung der Vn[k]oſten/ eines gegen
dem andern.

Auß dieſem gantzen Diſcurs ſchließ ich nun:
Daß der Menſchen Vrtheil manchmals gar weit
fehlet/ aber endlich/ bald oder langſam/ ſo laͤſt Gott
der vnſchuldigen Sach an Tag kommen/ vnd vn-
G iiijterſchei-
[96]Beutelſchneider/ oder
terſcheidet den vnſchuldigen mit dem ſchuldigen:
Dann GOtt nimmet ſich endlich deß vnſchuldi-
gen Sachen an/ vnd weiß wol gelegenheit zu fin-
den die Gottloſen nach jhrem Verdienſt vnd boͤ-
ſen Arbeit zu ſtraffen vnd heimzuſuchen.

Das VII. Capitel.

ES iſt ein wunderbarliches ding zu
hoͤren/ mit was fuͤr einem groſſen eyffer
alle Voͤlcker auff Erben den Diebſtahl zu
jederzeit geſtraffet/ vnnd was ſie auch fuͤr vnter-
ſchiedliche Marter vnd Straffen erdacht haben/
die Menſchen von ſolchem Laſter abzuhalten.
Gleichwol aber alle der Schimpff/ Spot vnnd
Schad/ welche alle die jenigen/ ſo ſich ſolchem La-
ſter ergeben/ darvon tragen/ ja alle die ſchreckliche
Marter ſo man zu jederzeit geordnet hat/ fuͤr die
jenige/ welche inn ſolchem Laſter ſolten ergriffen
werden/ koͤnnen nicht verhindern/ daß nicht ein
vnzehliche groſſe Zahl der Menſchen in dz ſchaͤnd-
liche Garn ſolches Laſters gerahten/ welches dann
auß dem vnerſaͤttlichen Geitz/ damit deß Menſchn
Hertz beſeſſen/ herfleuſſet/ durch welches allerhand
Stands Perſonen angetrieben/ jhren hoͤchſten
fleiß Gelt vnnd Reichthumb zuerlangen anwen-
den/
[97]Diebs Hiſtorien/ das I. Buch.
den/ ob gleich ſolches mit recht oder vnrecht ge-
ſchehe/ wie beygeſetzte Figur außweiſet. Von ſol-
chem Geitz werden ſie nachmals zu andern/ vnd
gemeiniglich zum Stelen angereitzet.

Derhalben ſo muß man darauß ſchlieſſen/ daß
der Menſch gantzſtockblind iſt in ſeinem eigenen
Vngluͤck: Dann fuͤr ſeinen Augen ſihet er die
Gꝛuben/ vnd gleichwol ſo hat er ſein luſt vnd wol-
gefullen daran/ daß er ſich ſelber daꝛinnen ſtuͤrtzet/
auß einer naͤrꝛiſchen vn̄ falſchen einbildung/ dar-
mit er jhm ſelbſten alſo ſchmeichlet. Wann wir
G vdie
[98]Beutelſchneider/ oder
die alte Hiſtorien ein wenig auffſchlagen/ vnnd
durch alle Nationes gehen woͤllen/ ſo werden wir
befinden/ daß kein Laſter mehr auff der Welt iſt/
wider welches man mehꝛ Straff vnd Marter ha-
be erfunden.

Actiſaves ein Koͤnig in Egypten/ nach dem
er nun Egypten vnder ſein Gewalt gebracht vnd
geſehen/ daß der Diebſtahl ſo gemein war/ hat er
diſes Geſetz gemacht/ dz allen den jenigen/ ſo eines
Diebſtahls wuͤrden uͤberwieſen weꝛden/ ſolten die
Naſen abgeſchnitten werden. Alſo daß die Zahl
der abgeſchnettenen Naſen von Tag zu Tag groͤſ-
ſer wurde: Vnd bawere er hernach ein Statt/ in
der wuͤſten genant Rinocera (welches ſo viel heiſt/
als abgeſchnittene Naſen) vnd kan man das in
warheit wol ſagen/ daß alle die Inwohner ſolcher
Statt eine ſonderliche Freyheit hatten/ keine
Brillen zutragen: Dann die Naſen waren jnen
alle abgeſchnitten worden.

Die Indianer hatten ein ſolches abſchewen
vordiſem Laſter/ daß ſie darvor hielten/ daß die ſich
zum Stelen begeben/ waͤre ein rechts Mittel die
gantze menſchliche Geſellſchafft auffzuloͤſen vnd
zuverſtoͤren. Derhalbē/ wann man den geringſten
Argwohn auff einen hatte/ daß er ſolte geſtohlen
haben/ wurde er getoͤdtet.

Damit die Lycier deß Diebsgeſindleins/ wel-
ches den Leuten das jhrige abſtehle/ deſto ehe vnd
mehr loß werden/ vnd die Dieberey vnder jhnen
verhuͤteten/ pflegten ſie diſe Straff zugebrauchen/
daß ſie alle die jenige/ ſo deß Laſters uͤberzeuget
wurden
[99]Diebshiſtorien/ das I. Buch.
wurden/ auß freyen Leuten zu Sclaven vnd Leib-
eigenen Knechten machten/ welches dann bey den
Alten fuͤr keine geringe Straffe gehalten wurde.

Die Inwohner in Phrygien hielten ſo ſcharpff
uͤber jhren Geſetzen/ daß wann einer vnder jhnen
nur ein bloſſen Stecken/ oder ſonſten ein Inſtru-
ment/ deſſen man ſich gebrauchen k[oͤ]ndt/ geſtohlen
hatte/ ſo wurde er zum Todt verdammet.

Die Bactrianer/ wie Rauiſius bezeuget/ pfleg-
ten diſe Stꝛaffe zugebrauchen/ daß ſie den jenigen/
ſo eines Diebſtahls beſchuldiget vnd vberzeuget
ware/ ins Angeſicht hierein ſpeyten/ vnd jhnen
die Backen mit Speicheln bedencketen.

Die Locrenſer pflegten den jenigen/ ſo diſes
Laſters ſchuldig erfunden wurden/ die Augen gar
außzuſtechen: Drauß wir dan̄ ſehen/ wie ſcharpff
ſie uͤber jhꝛen Geſetzen gehalten haben. Dann als
deß Zaleuci (der doch ſelbſten ein Geſetzgeber wa-
re/) Sohn eines Diebſtals uͤber wieſen wurde/
wolte der Vatter/ ſein Sohn ſolte die Straff
außſtehen/ welche jhm ſo wol als andern Dieben
were geſetzet worden: Als aber das Volck ſehꝛ fuͤr
ſeinen Sohn bate/ daß ſeiner verſchonet moͤchte
werden/ er aber nicht gern wolte mit verſchonung
ſeines Sons andern boͤſe Exempel geben/ ergrief-
fe er diſes Mittel/ vnd lieſſe ein Aug jm ſelber/ das
ander aber ſeinem Sohn außſtechen/ auff daß er
nit allein dem Volck zugefallen were/ vnd es fei-
ner Vorbitt gewehret ſondern damit er auch auff
der andern ſetten den Geſetzen ein gnuͤgen thaͤte.

Als auff ein Zeit Zenon ſeinen Knecht inn ei-
nem Diebſtahl hatte erdappet/ hat er/ ſolches ſein
Laſter zu ſtraffen/ jhn wol geiſſeln laſſen/ vnd als
der Knecht ſich noch wolte entſchuldigen/ vn̄ ſag-
te: Es were jhm angeboren/ daß er muͤſte ſtelen:
Antwortete er jhm darauff vnd ſagte: Wann jm
das Stelen angeboren were/ ſo muͤſte er jhm das
auch angeboren ſeyn laſſen/ daß er ſich deßwegen
wol muͤſte abſtriegeln laſſen.

Zu Rom/ was hat man nicht fuͤr Straffen er-
dacht wider die Diebe? Manlius hat er nicht ſei-
nen leiblichen Sohn enterbet/ vnd auß der Statt
Rom verban̄et/ dieweil er eines Diebsſtahl ware
bezuͤchtiget worden? Sertorius/ hat er nicht ein
gantze Compagny Kriegsknecht vmb jhrs Rau-
bens vnd Stelens willen hinrichten laſſen? Was
woͤllet jhr mehr?

Cato erzehlet/ daß man den Dieben auch die
zween Daumen hat abgehawen/ welches dann
fuͤrwar ein außbuͤndigs Mittel iſt geweſen/ der-
gleichen man nichts beſſers hette erfinden koͤn-
nen/ jhnen alſo das ſtelen zu wehren.

Der groſſe Tamberlan (welcher ſelber ein greu-
licher Rauber war/ wann je einer in der Welt iſt
geweſen) ließ auff ein Zeit mitten vnter ſeinem
Volck einem Soldaten den Bauch auffſchnei-
den/ dieweil er einem Weib ein wenig Milch ge-
ſtolen/ vnnd jhr dieſelbige nicht hatte bezahlen
woͤllen.

Heutiges Tags hatte man nicht auch ſchwere
Straffen geſetzet wider die Diebe vnnd Rauber/
welche
[101]Diebs Hiſtorien/ das I. Buch.
welche man endlich an Monfaucon vnd an Gal-
gen ſchicket/ daß ſie allda deß Nachts bey dem
Mond der Schaaf huͤten? Oder welche man auch
auff das Rad leget/ daß ſie den vorvberꝛeiſſen-
den fuͤr Wegweiſſer dienen: Gleichwol aber ſo
iſt das ein ſchreckliches ding/ daß man der Leute
findet/ welche ſich ſolchem Laſter alſo ergeben/ daß
ſie ſelber hernacher nicht darvon ablaſſen koͤnnen/
wie ich euch dann wil ſehen laſſen in dieſer Hiſto-
rien/ von dem Carfour/ welcher auch Guillery/
(deſſen Leben wir in dem erſtē Capitel/ vnder dem
Namen Lycaon beſchrieben haben) der grewlich-
ſte Rauber in Franckreich iſt geweſen.

Man muß ſich nicht zu Todt verwundern vber
den Carfour/ wann man ſeine ſchreckliche Mord-
thaten hoͤret erzehlen/ ja wan man hoͤret die viele
vnnd erſchreckliche Moͤrd ſo er begangen/ ſo lang
als er in Franckreich hin vnd wider hat geſtreiffet:
Dann er ware eines Metzgers Sohn/ vnnd ware
gleichſam alſo zu reden/ in dem Blut/ vnd in dem
ſtetigen Metzlen von Jugendt auff erzogen wor-
den. Der Ort ſeiner Geburt hieſſe Montigey an
Armancon/ nah bey Saincte Raine in Bur-
gundt: Sein Vatter wolte jhn anfangs zum
Bawersweſen vnd Ackerwerck ziehen vnnd an-
halten/ daß er etwas ehrlichs moͤchte lernen/ ſich
dermals eins mit Gott vnd Ehrn zu nehrē: Aber
weil er eine ſonderliche innerliche Bewegung in
ſich ſpuͤrte/ welche jhn zu hohen dingen antriebe/
wolte jm ſolches Bawernweſen nicht ſchmacken/
vnd begab ſich darauff in das Kriegsweſen/ hiel-
te ſich
[102]Beutelſchneider/ oder
te ſich fleiſſig zu den vom Adel/ ſo im Lande her-
umber waꝛen/ alſo daß er in wenig Jaꝛn ſo dapffer
ſich im Krieg verhielte/ daß er fuͤr den Mannhaff-
teſten vnd dapfferſten Cavalier in gantzem Bur-
gund gehalten wurde: Dann er ware ein uͤber alle
maſſen guter Reuter/ vnd kondte ſich in alle Rit-
terliche Exercitien ſo wol ſchicken/ daß er deßwe-
gen bey vornehmen Herꝛn/ ſo inn ſolcher gegende
wohneten/ ſehr beruͤmbt vnd bekandt wurde: Vnd
ließ er ſich ſo dapffer an/ daß jederman vermeinte/
er wuͤrde ein groſſer dapfferer Held werden/ vnnd
ein ehrliches feines Leben fuͤhren.

Endlich aber/ als er die beſte Zeit ſeiner Jugend
im Kriegsweſen hette zugebracht/ vnd bald dieſe/
bald jene beſucht/ da bemuͤhe[t]en ſich die Edelleut
in ſolcher gegend/ daß jhme eine feine ehrliche E-
del Jungfrawe/ (welche deß Herꝛn de l’ autel,
ſo zu Bagane/ nah bey Auxenne wohnet/ vnnd
ein ehrlicher vom Adel ware/ Tochter ware) zur
Ehe wurde gegeben. Was nun dieſe Edel Jung-
fraw anlanget/ ſo hatte ſie zwar nicht viel vermoͤ-
gen/ aber ſie ware von der Natur mit allerley ſchoͤ-
nen Tugenden vnd Gaaben gezieret/ vnd verhof-
fet jederman daß in dieſer Ehe ſolche Kinder von
beyden/ als dapffern Eheleuten/ wuͤrden geboren
werden/ daß ſich jederman daruͤber zu frewen het.

Carfour hielte ſich auch im Anfang gar beſchei-
den vnd eingezogen: Er wurd von jederman hoch
gehalten/ erwarbe auch ein kleines uͤberauß ſchoͤ-
nes Haͤußlein/ nahe bey der Bruͤcken de Mailly/
da er ſich dann etliche Zeit auffhielte.

Endlich brachte er durch ſeine Freunde ſo viel
zuwegen/ daß er an den Hoff deß Hertzogen auß
Lothringen kame/ vnnd wurde ein Kriegsmann
vnter dem Herꝛn von Roche born/ welcher ſeiner
Compagny Leutenant ware/ vnd welcher jhn lan-
ge Zeit gekennet hatte.

Vnnd von der Zeit fienge er an auß dem Ge-
ſchirꝛ zu ſchlagen/ vnd jhm ſelbſten ſein Vngluͤck
zu bawen: Dann als er bey ſolchem Kriegsweſen
jhm alle Freyheit name/ vnnd ſich nicht mehr be-
kuͤmmert/ wann er ſchon etwas uͤbels begangen
hatte/ fienge er an allenthalben zuſtreiffen/ vnnd
bildet jm ein/ es doͤrffte jhm niemand widerſtand
thun: Seine Geſellen hieſſen jhn nicht anderſt/
als den Boͤhmen: Dann er wuſte alle ſchlich vnd
gelegenheit zu Rauben: Es vergienge kein Tag/
da er nicht ein newe Liſt erdachte/ einem den Se-
ckel mit dem Gelt zu erhaſchen: Er ſchneutzet ſie
vmb das Gelt: Er betroge ſie durch ſeine Argli-
ſtigkeit/ vnnd wuſte ſein Perſon ſo wol zu ſpielen/
daß es vnmoͤglich ware jhm bey zu kommen.

Dieſes kame nun dem Herꝛn de la Rocheborn
zu Ohren/ daß nemblich Carfour ſo ein Muſter-
Aff war/ vnd weil er ſich foͤrchtete/ es moͤchte jhm
dergleichen tuͤck vnd ſtuͤck auch dermal eins von
Carfour widerfahren/ ließ er jhn zu ſich fordern
in ſein Schloß Rochetaille/ welches nah bey der
Statt Langres liget/ vnnd nach dem er jhme ſein
boͤſes verhalten ernſtlich verwieſen/ auch jhn ver-
mahnet/ hinfuͤro in einer andern Compagni vnd
Ge-
[104]Beutelſchneider/ oder
Geſellſchafft beſſer zu leben/ vnd ſie zuverhalten/
giebt er jhm ſeinen Abſchied vnd verbeut jm auch/
er ſolle ſich hinfuͤro in ſeiner Geſellſchafft nicht
mehr finden laſſen: Welches als er Carfour ver-
nimmet vnd ſihet/ daß er ſo ſchlecht ſoll abgeferti-
get werden/ ſchmertzet es jhn ſehr in ſeinem Her-
tzen/ vnd wird ſo toll vnnd raſend darvber/ daß er
zwoͤlff Landfaͤhrer vnd leichtfertige boͤſe Geſellen
an ſich hencket/ ſtreiffet in Lothringen hin vnd wi-
der/ biß an die Franckfurtter Pforten/ da er dann
viel Raub vnd Mord begienge.

Vnder andern ſo wird das von jhm erzehlet/
daß als er auff ein Zeit einen Kauffmann von
Paris/ (welcher von einem Marck kame/ welcher
in ſolcher gegend alle Jahr wird gehalten/ vnnd
ſehr beruͤmbt iſt) angetroffen/ kehret er ſo bald
vmb/ vnd ſaget vier ſeiner Geſellen/ ſie ſollen auff
die Lothringiſche Grentze in ein Wald/ den er jh-
nen genennet/ ſich ſo bald begeben/ vnd allda auff-
warten: Er aber nimbt die Poſt zu eben ſolcher
Zeit/ vnd kommet zu einen ſehr alten Einſiedler/
welcher in ſolchem Wald wohnete/ vnd bittet jhn
hefftig/ er woͤlle jhm doch jeiner Roͤcke einen ley-
hen: Der Einſiedler beſchweret ſich zwar daruͤber/
Endlich aber/ als jhn Carfour vberꝛedet hatte/ er
wolte ſeinen Rock zu nichts boͤſes brauchen/ ley-
het jhm der Einſtedler den Rock/ aber mit dem
beding/ daß er jhme ſolchen jnnerhalb zween Ta-
gen widerumb ſoll zuſtellen.

Hierauff verfuͤget er ſich zu ſeinen Geſellen an
den Ort/ da er ſie hinbeſcheiden hatte/ kleidet ſich
wie
[105]Diebshiſtorien/ Das I. Buch.
wie ein Einſidler/ vnd beſihlet jhnen ſie ſollen an
ſolchem Ort im Wald bleiben/ vnd zu ſeiner zeit
thun/ was er jhnen befehlen werde: Vnd diewell
er ſo beylaͤufftig die Zeit wuſte/ da der Kauffman̄
ſolte voruͤber reiten/ machte er ſich vorn an den
Weg/ vnd thut/ als wann er ein wenig woͤlle ru-
hen: Der Kauffmann/ als er auff jhn ſtoͤſt/ fraget
jhn/ wo hin er woͤlle/ dann er meinete/ es waͤre ein
guter einfaͤltiger Einſiedler: Carfour nimpt ſich
an/ er ſey gar muͤd von dem Weg/ den er gegan-
gen ſey/ vnd ſagt zu dem Kauffmann/ er komme
auß der nechſten Statt/ vnd habe ein Artzt geſu-
chet/ der ſolle kommen zu ſeinem Mitgeſellen/ der
hundert vnd funfftzehen Jahr alt ſey/ jetzt in Tods
noͤthen lige/ vnd glaube er nicht/ daß er jhn leben-
dig widerumb werde finden.

Der Kauffmann fraget hierauff weiters/ wie
das zugangen ſey/ daß der gute alte Einſidler/ der
doch von nichts anderſt als von Gemuͤſen/ Wur-
tzeln vnd Kraͤutern hab gelebet/ gleichwol zu ei-
nem ſolchen hohen Alter ſey kommen: Carfour/
der ſeine Luͤgen wuſte meiſterlich zu bemaͤnteln/
ſchneid dem Kauffman̄ wacker auff/ erzehlet jhm
nach der lenge/ wie er habe pflegen zu leben/ was er
fuͤr Speiſe gebraucht/ wie er ſich taͤglich habe ge-
uͤbet/ ja er ſpielet ſeine Perſon mit ſolcher veꝛſchla-
genheit/ daß der Kauffmann ein groſſes verlan-
gen bekommet den Einſiedler/ der zu ſolchem ho-
hen Alter ſolte kommen ſeyn/ zu ſehen.

Carfour iſt fro/ daß jhm ſem Boß ſo wol an-
gehet/ bittet ſelber den Kauffmann/ er woͤlle den
HAlten
[106]Beutelſchneider/ oder
Alten Einſiedler beſuchen/ bevorab/ dieweil ſeine
Clauß nit weit ja uͤber funfftzig ſchritt nicht von
dem Wege ſey abgelegen: Der Kauffmann fol-
get: Dann es wolte jhm nicht einfallen das Vn-
gluͤck/ welches jhm ſchon uͤber den Kopff hienge:
Als er aber zwantzig oder dreyſſig ſchritt in den
finſtern Wald hinein kom̄et/ da wird er ſo bald vō
vier oder fuͤnff Freybeutern vmbgeben/ welche
mit bloſſen Degen/ vnd mit einem Rohr an dem
Arm auff jhn zugehen vnd ſagen: Er ſolle jhnen
entweder Gelt oder Blut geben: Der Kauffman̄
wurde hieruͤber ſehr beſtuͤrtzet/ vnd wil ſich hinder
den vermeinten Einſidler verbergen/ fraget jhn
wo doch der Weg zur Clauſen ſey/ dann er kondte
noch nicht glauben/ daß ſolches alles von dem je-
nigen/ der jhn fuͤhrete/ alſo ſolte angeſtellet ſeyn:
Was geſchicht? Als Carfour der vermeinte Ein-
ſidler ſihet/ daß der Kauffmann nun weit gnug
von dem gemeinen Weg iſt/ greifft er jhm ſelbſten
nach dem Kopff/ wirfft jhn heraber von ſeinem
Pferd/ welches er mit dem Zaum hatte foꝛtgefuͤh-
ret/ damit es jhn nicht kondte tretten: Vnd als
nun der Kauffmann auff der Erden liget/ ſetzet er
jhm ein Rohr an den Halß/ fluchet vnd ſchweret
bey Himmel vnd Erden/ daß/ wann er jhm nicht
ſo bald den Seckel mit all ſeinem Gelt gebe/ ſo
muͤſte er von ſeinen Haͤnden ſterben. Der Kauff-
mann hatte zu allem Gluͤck nicht mehr als fuͤnff-
tzig Kronen bey ſich/ doch ehe er von dem Marck
hinweg gezogen/ hatte er bekommen ein Wechſel-
brieff/ vnd ſolte das Gelt zu Paris empfangen:
Carfour
[107]Diebs Hiſtorien/ das I. Buch.
Carfour als er nun ſihet/ daß jhn ſeine Hoffnung
betrogen hatte (dann er hatte gehoffet/ er wuͤrde
auff das allerwenigſte/ zwey oder drey hundert
Kronen bey jm finden/) wird daruͤber ſo toll vnd
raſend/ daß er den Kauffmann vollens todt-
ſchlaͤget: Leſt hernacher durch einen ſeiner Geſel-
len den Einſidler Rock an ſeinen Ort einlief-
fern/ vnnd nach dem er das Pferd deß Kauff-
manns zu Nancy verkauffet/ begibet er ſich gen
Paris.

Als aber Carfour zu Paris den Wechſelbrieff/
welchen er bey dem erſchlagenen Kauffmann ge-
funden/ jhm wil bezahlen laſſen/ wirfft man ein
Argwohn auff jhn/ daß er dem anſehen nach ein
Straſſenrauber ſeyn muͤſſe: Man fragt jhn/ was
fuͤr Waaren er gelieffert habe/ vnd wie er dieſen
Wechſelbrief habe bekommen/ vnd als man ſihet/
daß er in ſeinen reden ſo vnbeſtaͤndig iſt/ nimpt
man jhn nach Mittag vmb zwey Vhr gefangen/
ſchleuſſet jhn in ein Kammer/ welche auff dem
dritten Stockwerck deß Hauſes ware/ in mey-
nung/ jhn den morgenden Tag der Obrigkeit in
jhre Haͤnde zu lieffern.

Als nun Carfour ſihet/ daß er alſo verſchloſſen
iſt/ es wachet jhm ſein Gewiſſen auff/ vnd predi-
get jhm/ daß wann er einmal der Obrigkeit in die
Haͤnde werde kommen/ ſo werde jhm gewißlich
ein ſolches Vrtheil geſpꝛochen werden/ daß er dar-
uͤber den Kopff werde einbuͤſſen: Da nimmet er
jhm vor/ er wolle viel lieber dem Fenſter hinauß
ſpringen/ wiewol es maͤchtig hoch vnd gefehrlich
H ijware/
[108]Beutelſchneider/ oder
ware/ vnd ſolte er auch daruͤber den Halß abſtuͤr-
tzen/ als daß er deß morgenden Tages wolte er-
warten/ vnd als er in ſolcher euſſerſten Leibes ge-
fahr ſitzet/ vnd dencket/ wie er die Sach angreiffen
ſolte/ folget er nach der Koͤnigin von Carthagine/
genandt Dido: Welche/ als ſie ſoviel Erden vnd
Land begehret hatte/ als ſie mit einer Ochſenhaut
vmbgeben kondte/ hat ſie die Ochſenhaut in kleine
lange Riemen zerſchnitten/ vnd alſo betrogen die
jenige/ welchen ſie zu betriegen vermeinten: Alſo
macht es nun Carfour auch: Er ſetzet ſich nider/
zerſchneidet in lange Bendel ſein Mantel vnnd
Hoſen/ knuͤpffet ein ſtuͤck an das andere/ bindet ſie
darnach an das Fenſter/ vnd laͤſt ſich alſo in ſei-
nem Wambs vnd Schlaffhoſen fein ſeuberlich
dem Fenſter hinab/ vnnd errettet alſo ſem Leben
von dem Todt/ welcher jhm ſchon zugeſprochen
ware: Aber es iſt doch alles vmb ſonſt vnd vergeb-
lich: Er thut nichts anders/ als daß er nur ſelber
ſeinen Strang nachzeucht/ vnd ein Galgenbuß
ſuchte/ dann endlich muß er doch herhalten: Ein
Menſch der ſein Leben mit rauben anfanget/ ja
welcher nur allein von Morden vnd Rauben le-
bet/ kan dem Rad oder Galgen doch endlich nicht
entlauffen.

Als nun deß Morgends die jenige/ ſo jhn ver-
meinet wol verſchloſſen vnd verwahret zu haben/
in die Kammer kamen/ vnd nichts als das Neſt
ohne den Vogel fanden/ wurden ſie ſehr vnwillig
daruͤber vnd traurig/ noch trauriger aber wur-
den ſie acht Tag hernacher/ als ſie erfuhren/ daß
der
[109]Diebs Hiſtorien/ das I, Buch.
der Kauffmann todt ware/ vnd daß er auff der
Lothringiſchen Grentzen ware ermordet worden.

Als nun dieſes geſchehen/ begibet ſich Carfour
widerumb nach Hauß/ laͤſt ſich ſtattlich kleyden/
vnnd fanget ſich an wie ein vornemer vom Adel
zu halten: Verkleidet ſich/ thut eine Larven voꝛ/
vnd reitet alle Tag auff die Beute auß/ vnd brin-
get alle mal ſeinem Weib viel koͤſtliche Sachen
mit heim: Aber niemands vnter den Benachbar-
ten vom Adel pflegte mit jhm vmbzugehen: Dan̄
jederman wuſte gar wol/ daß er ſich zu einer ſehr
boͤſen Geſellſchaft hielte/ vnd daß es vnmoͤglich
were/ daß er ohne Rauben vnd Stelen in ſo kur-
tzer Zeit ſolte ſo reich/ ſtattlich vnd vornem ſeyn
worden: Welches dann Vrſach ware/ daß er hin-
fuͤhr allzeit bey ſich hatte ein hauffen Moͤrder vnd
Freybeuter/ welche er ſpeiſete vnd vnterhielte/ vnd
dieſelbige ſtreiffeten auff die zwantzig/ ja auff die
dreyſſig meylen Wegs vmbher/ durchſuchten alle
Staͤtte/ ſprengeten an die Kauffleute/ pluͤnderten
die Bauersleute/ ſo offt als ſie darzu gelegenheit
machen vnd haben kondten.

Nun begab es ſich/ daß vnter deſſen der Krieg
in Franckreich anfienge/ ſonderlich aber im Lande
Nivernois/ wegen etlicher Empoͤrungen/ ſo ſich
allda anſponnen: Darauff dann ſolches Vngluͤck
erfolgete/ daß es am beſten iſt/ wann man am al-
ler wenigſten daran gedencket/ wiewol der Roͤmi-
ſche Orator alſo redet: habet præteriti dolores
recordatio delectationem: das iſt/ Es thut ei-
nem gleichſam wol/ wann man ſich erinnert/
H iijwas
[110]Beutelſchneider/ oder
was man fuͤr Vngluͤck vnd Schmertzen hat auß-
geſtanden.

Als nun Carfour ſahe/ daß ſolche wiewol be-
truͤbte Zeit/ eine gewuͤnſchte gelegenheit fuͤr jhn
war/ ſein Rauben vnd Stelen fortzuſetzen/ vnd
in truͤbem Waſſer zu fiſchen Machte er jhm ein
Anhang von boͤſen Buben/ vnd von dergleichen
henckermaͤſſigen Geſellen/ vnd fuͤhrete dieſelbigen
mit ſich heim in ſeine Wohnung/ in Hoffnung/ er
wolte im Krieg nicht allein ein vornemes Ampt
begehren/ ſondern auch gewißlich erlangen: Be-
gibet ſich hierauff zu der verſtorbenen Fuͤrſtin ſe-
ligen von Nivernois/ vnd erlanget ſo viel/ daß ſie
jhm vier hundert Piſtoleten auff die Hand gibet/
ein Compagni Carabiner zu werben/ welche er
auch ſo bald zuſam̄en brachte. Als er aber wolte
auff das Schloß Sanſoy gehen/ ein Beſatzung
dahinein zulegen/ befahle jhm Herꝛ de Collange/
welcher in der Provintz Nivernois General Leu-
tenant ware/ er ſolte ſich mit ſeiner Compagny
von dannen nach Nevers/ welches nah bey ſol-
chem Fuͤrſtenthumb liget/ begeben.

Carfour wird vngehalten/ daß er ſo ſtumpff
ſoll abziehen/ vnd daß man jhm den Ort/ den er
verhoffete zuhaben/ vnd den man jhme auch ver-
heiſſen hatte/ verſaget: Derhalben/ da er billich
hette deß Herꝛn von Collange Befelch nachkom-
men ſollen/ thete er eines vnd faͤngt an mit ſeiner
Geſellſchafft durch das Land zu ſtreiffen/ bedran-
get das arme Bauers volck/ brandſchaͤtzet vnd
Rantzioniret einen jeglichen nach ſeinem vermoͤ-
gen
[111]Diebs Hiſtorien/ das I. Buch
gen vnd Reichthumb: Vnd darzu bedorffte er
kein Schreiber nicht/ dann er ſelber ware jhm
Schreiber gnug: Dan̄ ſo bald als er in ein Doꝛff
kame/ muſte man jhm das Schatzung Regi-
ſter bringen/ vnd brandſchatzet einen jeglichen
nach dem er ſahe/ daß er viel oder wenig vermoch-
te/ vnd alſo ward dieſer Straſſenrauber in kur-
tzer zeit mit deß gemeinen Landsſchaden ſehꝛ reich.

Das gantze Land Auxerrois kan deſſen/ das
ich allhie erzehle/ gnugſam Zeugnuß geben: Dan̄
es finden ſich darinnen noch viel vnterſchiedliche
Geſchlechter/ welche wegen ſeiner jhnen abge-
drungenen Rantzion vnd Schatzung biß an da-
to noch nit widerumb zu kraͤfften kom̄en koͤnnen.

Das VIII. Capitel.

SO lang als der Krieg in der Provintz
Nivernois/ wie auch in Champagnen
waͤrete/ wurde das gantze Land mit bren-
nen vnd morden erfuͤllet? Der Wuͤrger/ als der
Elteſte Sohn der Kriegsgoͤttin machte/ daß das
gantze Land von dem Blut der Ermordeten vnd
Todgeſchlagenen gleichſam gantz uͤberſchwem̄et.

Die Fuͤrſtin von Nivernois/ als ſie ſahe/ daß
ſie von deß Koͤnigs Kriegsvolck/ welches der
H iiijMar-
[112]Beutelſchneider/ oder
Marſchalck Herꝛ von Montigny fuͤhrete/ gantz
vnd gar vmbgeben vnd belagert ware/ ſchickte ſie
den Marggrafen von Gallerande/ als der es mit
jhr hielte/ in Champagnen zu dem Fuͤrſten von
Nevers/ jhm anzuzeigen alles das jenige/ was bey
jhnen voꝛgienge.

Dieſer Marggraff aber von Gallerande/ weil
er ſich foͤrchtete er moͤcht ſeinen Feinden vnd Wi-
derwaͤrtigen vnter die Haͤnde kommen/ bevorab
aber/ weil er durch das Land Auxerrois durchzie-
hen muſte/ lieſſe ſich durch den Capitain Carfour
mit zwantzig oder dreiſſig ſeiner Soldaten beglei-
ten/ vnd dachte/ weil er ſolches Geleit bey ſich het-
te/ ſo wuͤrde jhm deſto weniger eintzige vngelegen-
heit begegnen. Als aber Carfour nun vngefaͤhr
zwo Meylen mit jhm ware gegangen/ nimbt er
jhm fuͤr ein kleines Bubenſtuͤcklein anzuſtellen/
oder viel mehr ein rechtes Meineydiges Stuͤck-
lein zubegehen/ vnd greifft der erſte dem Marg-
graffen nach dem Kopff/ ſagt jhm/ daß weil er deß
Koͤnigs Diener ſey/ ſo woͤlle er jhn hiemit fuͤr ſei-
nen Gefangenen annemen/ vnd vnfehlbarlichen
dem Koͤnig in Franckreich uͤberlieffern.

Wie ſagt hierauff/ der Marggraffe/ wilt du al-
ſo mit mir vmbgehen? Ich ſchwere euch/ antwoꝛ-
tet hierauff Carfour/ daß jhr entweder mit mir
muͤſſet kommen/ oder ich ſchlage euch hie Todt/
vnnd alſo fuͤhrete dieſer ſchroͤckliche Tyrann den
Marggraffen von Gallerande in ſein Hauß vnd
Wohnung de Mailly/ vnd verwahrete jhn auch
ſo wol/ daß es dem Marggrafen vnmoͤglich ware
auß ſeinen Haͤnden zu entgehen.

Als nun der Herꝛ von Collange/ vnd der gantze
Lands Adel/ welcher es mit den Fuͤrſten wider den
Koͤnig hielte/ ſolchen groſſen ſchimpff/ welches
Carfour dem Marggrafen von Gallerande hat-
te bewieſen/ erfuhren/ namen ſie auff die hundert
Reiſige zu ſich/ kamen fuͤr deß Carfour Schloſſe/
vnd wolten daſſelbige mit gewalt einnemen/ den
gebachten Marggrafen widerumb zu entledigen:
Welches/ als es Carfour ſahe/ lieſſe er ſich oben
auff der Mauren ſehen/ vnd ſagte jnen/ daß wann
ſie jhm nur die geringſte Gewalt anlegten/ ſo wol-
te er den jenigen/ ſo ſie begehrten/ todtſchlagen/
vnd jhnen denſelbigen hernacher uͤber die Mawer
herauß inn die Waſſergraͤben darwerffen: Wel-
ches tyranniſche vnnd vnverſchaͤmbte entbieten
dann ſie bewoge/ daß ſie mit jhm ein Aecord traf-
fen/ vnd jhm e[in] groſſe Summa Gelts fuͤr Ehrn-
gedachten Marggrafen zur Rantzon verſprechen
muſten: Es hielte auch Carfour den Marggra-
fen ſo lang fuͤr ſeinen Gefangenen/ biß daß er die
jhme von jnen verſprochene ſumma Gelts in ſei-
ne Haͤnde ſelber hatte empfangen.

Meinet jhr nun auch/ daß jemals ein groͤſſer
Meineyd von einem Menſchen ſey begangen wor-
den/ als eben allhier von Carfour iſt geſchehen?
Gleichwol aber ſo hat er hernacher ſolchen Mei-
neyd wol bezahlen vnd buͤſſen muͤſſen: Dann der
Marggraf von Gallerande ließ jhn peinlich an-
klagen/ vnd zum Strang vnnd Galgen verdam-
men: welches vrtheil dann auch/ ſo bald zu Villec
neufer le Roy Bildnußweiſe in abweſeu deß Car-
H vfours
[114]Beutelſchneider/ oder
fours vollnſtrecket wurde: Wiewol es viel beſſer
geweſen were/ daß Carfour ſelber perſoͤhnlich dar-
bey geweſen were: Dann ſo hette er nimmermehr
ſo viel Vbels begehen vnd Vngluͤck anſtellen koͤn-
nen/ wie er gleichwol von ſolcher Zeit an herna-
chtr inn Franckreich an vnterſchiedlichen Orten
gethan hat/ hette auch ſein Leben nicht mit ſo ei-
nem ſchmaͤhlichen oder auff das allerwenigſte nit
mit ſo einem erſchrecklichen Todte/ wie hernacher
geſchahe/ beſchlieſſen doͤrffen.

Als aber hernacher der Friede widerumb inn
Franckreich beſchloſſen vnd gemacht ware/ wurde
Carfour ſehr trawrig daruͤber: Dann er hatte der
Schiffknecht Natur an ſich/ welche ſagen/ es ſey
nicht beſſer als in truͤbem Waſſer fiſchen: Er wa-
re gleich den Salamandern vnd Piraliden/ wel-
che ſich nicht anderſt als im Fewer nehren vnnd
erhalten koͤnnen: vnd alſo wolte diſer hitzige Kopff
ſich auch nur allein mit Menſchenblut vnd Mor-
den nemen: Derohalben ſo ſchmertzet es jn in ſei-
nem Hertzen/ daß durch den gemachten Frieden
jhme alle Mittel/ ſein Rauben vnd Morden fort-
zuſetzen/ benommen wurden.

Daß er ſich widerumb ſolte nach Hauß gen
Mailly begeben/ das wolte ſich nicht fuͤr jhn ſchi-
cken: Dann er muſte ſich deſſen beſorgen/ daß der
Marggraff von Gallerande den groſſen jhm zu-
gefuͤgten ſchimpff an jhm wuͤrde rechen/ vnd dar-
auff dringen/ daß das ſchon wider jhn den Car-
four erhaltene/ bekraͤfftiget vnnd außgeſprochene
Vrtheil vollnſtrecket moͤchte werden: Solte er
dann
[115]Diebs Hiſtorien/ das I. Buch.
dann auch ſo vmbher ſchweyffen/ vn̄ nichts thun/
das wolte ſich auch nicht fuͤr jhn ſchicken/ als wel-
cher gantz gewohnet ware/ von Diebſtahl vnd von
Raub zu leben. Derhalben ſo ſetzet er jhm den
Ertzrauber Guilleni fuͤr zu einem Exempel/ ſu-
che[t] vnd bringet von allen Orten vnnd enden zu
ſammen einen hauffen fauler Gottloſer verzweif-
felte Buben/ ſtreifft mit denſelbigen durchs gan-
tze Land/ mordet vnnd ſchlaͤget todt alles/ deſſen er
nur anſichtig wird/ ja alles/ was jhm begegnet:
Bißweilen fiele er in die Meyerhoͤff/ welche etwas
von dem gemeinen Weg/ wie auch Flecken vnnd
Doͤrffern abgelegen waren/ vnd ſagte zum Hoff-
mann: Er muͤſte jhm entweder jnnerhalb zweyen
tagen fuͤnfftzig Kronen verſchaffen/ oder muͤſte
todt geſchlagen werden/ vnnd wann er auch das
geringſte geſchrey darvon machte/ oder dz gering-
ſte Wort darvon ſagte/ ſo ſolte er jhm nicht entge-
hen/ es ſolte jhn ſein Halß vnd Leben koſten. Vnd
alſo ſchaͤtzte er die arme Bawersleute/ metzelte vnd
erwuͤrgete jaͤmmerlicher weiſe alle die jenigen/
welche jhm nicht ſo bald wolten geben/ was er von
jhnen begehrete.

Auff ein Zeit traff Carfour einen jm ſehr wol-
bekandten vom Adel an/ welcher auß der Provintz
Auxerꝛois/ vnd gar trawrig ware/ auch in ſchwe-
ren Gedancken daher gieng: Vnnd als jhn Car-
four fragte/ wohin er wolte/ antwortet er jhm vnd
ſagte: Zu allen Teuffeln: Wie ſagt hierauff Car-
four zu allen Teuffeln/ jhr gehet dann in die Hell/
dann die Teuffel ſeyn ja inn der Hellen/ warlich/
ſagt
[116]Beutelſchneider/ oder
ſagt hierauff der vom Adel/ ich kan das wol ſagen/
daß die Teuffel eben ſo wol auff Erden/ als in der
Hellen ſeyn. Dann ich hab nun in die vier Jahr
ein ſchwere Rechtfertigung fuͤhren muͤſſen/ vnnd
dieſelbige hat mich ſo viel gekoſtet/ daß ich bald al-
les das meinige daruͤber hab einbuͤſſen muͤſſen:
Alſo daß ich keine Hoffnung mehr/ als die ver-
zweifflung vor mir habe/ ja ich wolte mir gern ein
Meſſer in das Hertz hinein ſtoſſen/ wann mich die
forcht Gottes nit darvon abhielte: Dann ich hab
keine ruh in meinem Hertzen/ vnd lebe in ſtetiger
Trawrigkeit vnd Hertzfreſſen.

Carfour (welcher dieſem vom Adel an ſeinem
Geſicht anſahe/ daß er in ſeinem Hertzen gar be-
truͤbet ware) troͤſtet jhn/ vnd erinnert jhn/ in was
groſſer Ehr vnd Anſehen er bißher bey dem gan-
tzen Lands Adel waͤre geweſen/ bittet jhn er wolle ja
bey Leib ſolche Sachen vnnd Thaten/ welche jhm
hernacher zu ewigem Schimpff vnnd Spott ge-
reichen moͤchten/ nicht vornemen/ oder jm in ſinn
ſetzen: Erklaͤret ſich auch/ wann er jhm mit etwas
was das were/ dienen koͤndte/ ſo ſolte er wiſſen/ daß
er an jhm einen ſolchen Mann ſolte finden/ wel-
cher viel williger ſolte ſeyn jhm zu dienen/ als er
moͤchte ſeyn jhn vmb etwas anzuſprechen.

Der vom Adel dancket jhm hundert tauſent-
mal/ wegen ſeines guten erbietens/ vnd bittet jhn
er woͤlle jhm zwey hundert Kronen lehen/ mit der
Verheiſſung/ daß er jhm ſolches Gelt jnnerhalb
Monatszeit auffs allerlaͤngſte gewißlich wider
wolt
[117]Diebshiſtorien/ das I. Buch.
wolt geben: Carfour/ der auch dem euſſerlichen
anſehen nach vrtheilete/ leyhet jhm das Gelt/ das
er begehret/ auff ſein bloſſes begehren vnd gethane
Verheiſſung/ der vom Adel/ welcher ſein Perſon
auch trefflich wol ſpieln kondte/ nimmet das Gelt/
gehet nach Auxerꝛa/ vnnd macht ſich auff Car-
feurs Seckel vnd Vnkoſten luſtig: Darnach ge-
het er von dannen zu dem Marggrafen von Gal-
leranda/ erzehlet jhm den vergangenen ſtreich/ vnd
wie er ſeinen Feind einmal erdappet/ vnnd uͤber
das Seyl geworffen hette: Zeiget jhm auch an/
daß wann er jhm nur hundert dapffere Maͤnner
vnd Soldaten wolte zugeben/ ſo wolte er jhm den
Carfour angeſeylet vnd angebunden lieffern/ vnd
ſolte jhm auch nicht entwiſchen koͤnnen.

Der Marggraf von Gallerande laͤſt jhm den
Anſchlag wol gefallen/ vnnd weil er nichts mehr
wuͤnſchete/ als daß das wider den Carfour außge-
ſprochene vnd Bildnußweiſe zu Ville neufre le
Roy an jm erfuͤllete Vrtheil endlich auch wuͤrck-
lichen an jhm vollnſtreckt wurde/ ſo nimpt er jhm
vor/ er woͤlle ſelber dem von Adel folgen/ vnd dar-
bey ſeyn: Vnd nach dem er zwantzig oder dreyſſig
ſeiner beſten vertraweſten Freunden zu ſich hatte
kommen laſſen/ machen ſie ſich auff den Weg/ zu
dem Ort/ da ſie verhoffeten den Rauber anzutref-
fen: Aber es geſchah mit jhrem groſſen Schimpff
vnd Schaden. Dann Carfour/ welcher zween
Tag zuvor durch ſeine außgeſchickte Kundſchaff-
ter jhren wider jhn angenommenen Anſchlag er-
fahren hatte/ name ſeiner wol inn acht/ ließ all
Volck
[118]Beutelſchneider/ oder
Volck vnnd Anhang zuſammen kommen/ vnnd
lauſtert auff ſie an einer Waldecken/ da es dann
ſo bald/ als ſie einander aneraffen/ an ein Schar-
muͤtzeln gienge/ vnd wurden etliche vom Adel dar-
uͤber ſehr verwundet: Aber die Herꝛen miſchten
ſich nicht drein: Vnd allhie muß man nicht fra-
gen/ ob auch der vom Adel von Carfour hernach
ſey angefochten worden: Dann Carfour gieng
auff ein Zeit vmb den Abend in ſein Hauß/ vnnd
ſtahle jhm alles das beſte/ was er nur in deſſelbigen
gantzen Hauß funde: Er ermordete zween oder
drey Bawren/ welche jhn nicht wolten dahinein
gehen laſſen: Name auch mit ſich ſtattliche Tape-
tzerey/ welche mehr als vierhundert Kronen werth
waren: vnd wann ſie denvom Adel auch in ſeinem
Hauß erdappet hetten/ ſo hette es jhn den Halß
gekoſtet: Dann Carfour kondie gantz vnd gar nit
verdaͤwen vnd verſchmertzen den groſſen ſchimpff
welchen er jhm hatte bewieſen/ fuͤr die groſſe gut-
that/ daß er jhm auff ſe in bloſſes Wort zwey hun-
dert Kronen geliehen/ vnd jm ſo freundlich zuge-
ſprochen hatte.

Auff ein andere Zeit/ als er inn Burgund hin
vnd wider ſtreiffete/ traffe er an einen vornemen
Herꝛn/ deſſen Namen ich allhie wil verſchweigen:
Vnd wiewol Carfour ſo bald ſolchem Herꝛn den
Beutel ſampt dem Gelt abforderte/ meinete er
doch/ er ſpottete nur ſeiner/ da er aber ſahe/ daß
ernſt darauß wolte werden/ vnd jhm ſo hart zuge-
ſetzet wurde/ verſprache er wolte jhm etliche Ren-
ten vnd Guͤlden/ ſo er auff dem Rathhauß zu Pa-
ris
[119]Diebshiſtorien/ das I. Buch.
ris ſtehen hette/ uͤberweiſen/ welches dann Car-
four anname: Es muſte auch gedachter Herꝛ ſo
bald jhm durch einen Notarium Brieff auffrich-
ten laſſen/ vnd jhme in ſeine Haͤnde einlieffern.

Als aber der gedachte Herꝛ gen Paris zoge/
fich deßwegen bey dem Koͤnig zu beklagen/ erfuhre
ſolches Carfour auch/ zoge jhm nach gen Paris/
lauſterte auff jhn/ vnnd als er jhn in einer engen
Gaſſen erdappete/ richtete er jhn alſo zu/ daß er
bald darauff inn der Vorſtatt Sainet Germain
ſterben muſte.

Koͤndte auch ein Menſch jhm groͤſſere/ vnver-
ſchaͤmptere vnd ſchrecklichere Bubenſtuͤck einbil-
den? Gleichwol ſo iſt das Bubenſtuͤck/ welches er
kurtze hernach an einer Kutſchen voll Leute von
Nancy begienge/ nicht geringer: Dann/ wiewol
er nicht mehr als zween ſeiner Freybeuter bey ſich
hatte/ ſo folget er doch ſolcher Kutſchen nach/
ſchrye dem Kutſcher von weitem zu/ er ſolte ſtill
halten/ dann er hette jhm was zu ſagen.

Als aber der Kutſcher ſeinem Befelch nicht
nachkame/ ſondern ſeinen Weg fort fuhre/ lieffe
jhm Carfour mit ſeinen Geſellen nach/ vnd als er
bey die Kutſche kame/ gab er dem Kutſcher ein ſol-
chen ſtarcken ſtreich/ mit einem Rohr uͤber den
Kopff/ daß er zur Erden ſancke/ fiel darnach mit
ſeinen Geſellen uͤber die/ ſo inn der Kutſchen wa-
ren/ name jhnen alle Packet vnd Wahr/ ſo ſie bey
jhnen funden/ weil ſie jhnen das Gelt/ ſo ſie jhnen
zuvor abgefordert/ nicht hatten geben woͤllen/

Als er nun dieſes Diebsſtuͤck auch begangen
hatte/
[120]Beutelſchneider/ oder
hatte/ entwieche er auß ſolcher gegend/ vnd name
ſeinen Weg nach Poictuo/ damit er allda deſto
vnverhinderter ſtelen vnnd rauben koͤndte/ der al-
lererſte/ den er allda antraffe/ ware ein Junger ge-
ſell/ welcher es wegen eines ſtreits/ ſo er mit ſeinem
Vatter gehabt hatte/ darvon wolte ziehen: Vnnd
als er jhn gefraget hatte/ wo er hin wolte/ fiele er
uͤber jhn vnd beſuchte jhn: Vnnd weil er gar kein
Gelt bey jhm fande/ erkandte er ſelbſten/ daß es ein
junger Menſch were/ der ſein Gluͤck zu ſuchen
außziehen wolte: Derhalben ſo zohe er jhn auff ein
ſeiten/ vnd ſagte jhm/ daß wann er luſt hette mit
ſich zu nehren/ ſo wolte er jhn inn ſeine Geſell-
ſchafft auffnemen/ ſo koͤndt er auch ein ſolches Le-
ben fuͤhren/ vnd ſolte alles deß Gluͤcks vnnd Vn-
gluͤcks/ das ſie haben wuͤrden/ zugleich mit theil-
hafftig werden.

Die Verheiſſunge/ dieſes Mereurij vnnd Zau-
berers/ welcher wol ſonſten den Argum entſchlaͤf-
fen hette koͤnnen/ ja welcher auch kondte machen/
daß den allerwackerſten der Schlaff in die Augen
muſte kommen/ wuͤrcketen auch ſo viel bey dieſem
jungen Menſchen/ daß er jm ein ſolch ding vorne-
me/ welches er ſonſten nimmermehr hette vorne-
men woͤllen/ wann nicht die Hoͤnigſuͤſſe Wort
vnd Verheiſſung dieſes Raubers jhn gleichſamb
alſo zu reden/ darzu gezwungen hetten.

Hierauff wird nun dieſer junge Geſell inn die
Diebszunfft eingeſchrieben/ vnnd laͤſt ſich ſo bald
alſo an/ als hab er das Schamhuͤtlein gantz abge-
zogen/ vnd allen Chriſtlichen tugenden gute nacht
geſaget
[121]Diebs Hiſtorien/ das I, Buch.
geſaget: Welches/ als es Carfour an jhm ſihet/
vnd ferꝛners ſpuͤret/ daß ſein Hertz zu allem boͤſen
vnd uͤbel iſt geneiget/ gibt er jhm Brot zu eſſen/
welches in deß erſten Kauffmanns Blut/ welchen
er darauff erſchluge/ geduncket ware: Welches
dann ein erſchroͤcklichs ding iſt zuhoͤren: Vnd faͤlt
mir hiebey eyn die Hiſtoriē von den vnbarmhertzt-
gen Mohrē/ welche/ wie Herodotus daꝛvon ſchrei-
bet/ die Kinder de Phanis ermordeten/ vnd wann
ſie ſtattliche Bancketen hielten/ braucheten ſie an
ſtatt deß Weins/ ſolcher armen vnſchuldigen er-
wuͤrgten Leut Blut/ welches ſie mit gutem bedach-
te trancken/ nicht anderſt/ als were es der beſte
Wein/ ja nicht anderſt/ als were es der Goͤtter
Tranck vnd Speiſe ſelber.

Von der zeit an/ daß dieſer junge Geſell Men-
ſchenblut alſo mit Brot eingefreſſen hatte/ wurde
er der vnbarmhertzigſte vnter dem gantzen hauf-
fen: Solte vnd wolte man einen angreiffen vnd
ſchlagen/ ſo ware er allezeit mit den erſten vnd
forderſten: Solte oder wolte man dann einem
an einer gefaͤhrlichen Waldecken oder ſonſten
auff den Dienſt warten/ ſo botte er ſich ſelber an/
als einer/ der das Mordhandwerck am beſten ver-
ſtande vnd koͤndte: Wie er dann auch in ſolchem
Handwerck wol ware vnterꝛichtet worden/ vnnd
hernacher auch die ſtraffe/ ſo er von Carfour ſel-
ber empfienge/ wol verdienet haͤtte.

Als aber dieſer junge hitzige Menſch/ etliche
Monat mit ſolchem verderblichen Exercitio vnd
Handwerck zugebracht hatte/ gedachte er ein we-
Jnig
[122]Beutelſchneider/ oder
nig hinder ſich vnd fuͤr ſich: Er erkandte ſelbſten
das groſſe Vngluͤck vnd verdam̄liches Leben/ da-
rinnen er ſich muhtwilliger weiſe geſtuͤrtzet/ vnnd
eingewickelt hatte/ vnd dieweil ſein Gewiſſen jhm
daruͤber auffwachet/ vnd jhm weder Tag oder
Nacht ruh lieſſe/ name er jm vor/ er wolte heimli-
cher vnd vnvermerckter weiſe/ ſich widerumb auß
ſolchem boͤſen leben begebē/ vnd Carfours Geſell-
ſchafft gute nacht geben: Es ſey nun aber dem al-
lem wie jhm woͤlle/ daß entweder Carfour ſolches
mag erfahren/ oder jhm in ſeinem Angeſicht an-
geſehen haben: Dann er ware nicht mehr ſo hitzig
vnd begierig auff die Beut/ wie er zuvor geweſen
ware: So warffe Carfour deßwegen ein Arg-
wohn auff jn/ gab jm wol achtung auff die Garn/
vnd als er auff ein Zeit jhn nicht vnter der Ge-
ſellſchafft vnd Diebszunfft funde/ gienge er jhm
nach/ erdappete jhn drey Meil wegs von dem ge-
dachten Ort/ ſchluge jhn todt/ name ſein Pferd/
ſein Kleider/ vnd alles was er an Gelt bey jm fan-
de: Kam darnach widerumb zu ſeinen Geſellen/
vnd ſchwur jhnen hoch vnd thewer/ daß der erſte/
der von jhm vnd ſeiner Geſellſchafft alſo ohn er-
laubnuß abſtehen wuͤrde/ ſolte daruͤber ſeinen
Halß vnd Kopff einbuͤſſen.

Von dannen an uͤber etlich Zeit/ begab er ſich
auff Paris/ vnd ſtreifft allda herumber/ gleich wie
die Mucken/ welche wann ſie wol vmbher geflo-
gen ſeyn endlich zum Liecht zu fliehen/ vnd ſich an
demſelbigen verbrennen: Vnd iſt da nicht auß-
zureden/ wie ſchrecklich er raubete/ vnd die arme
Bauersleut bedrangete.

Man erzehiet von jhm/ daß als auff ein Zeit
der Blutrichter vernommen hatte/ daß er ſich in
dem Wald bey Fontaine-bleau ſolte auffhalten/
vnd darauff jhn auch ſucht vnd verfolgete/ da hat
Carfour (als welcher wuſt/ daß jhm auch ſonſten
einmal der Boß wol ware angangen) ſich als ein
Einſiedler verkleidet/ vnd iſt jhm hierauff auff
der Landſtraſſen entgegen gegangen.

Als nun die Schuͤtzen vnd Soldaten jhn an-
traffen vnd fragten (dann ſie jhn fuͤr ein Einſied-
ler verſahen) ob er nicht von dem Carfour hette
hoͤren ſagen/ vnd an welchem Ort in dem Wald
er ſich pflegte auffzuhalten/ da erzehlet er jhnen
ein langes vnd breites von jhm/ wie er ſo gar ein
boͤſer Bube vnd Rauber were/ wie er manchem
das Liecht außgeblaſen hette/ wie er bald ſelber in
ſeiner Clauſen nicht vor jm ſicher were/ dieweil er
gar manchmals bey jhm uͤber nacht lege: Sagte
auch/ daß eben ſolche ſtund vnd augenblick/ da er
mit jme rede/ er ohne allen zweiffel in ſeiner Clau-
ſen were/ vnd wann ſie jhm wolten folgen/ ſo wol-
te er ſie ſelber an ſolchen Ort fuͤhren.

Was geſchicht? Der Blutrichter meinet dem
allem ſey alſo/ vnd folget mit ſeinen Dienern die-
ſem vermeinten andaͤchtigen Einſiedler: Als ſie
aber zwey hundert ſchritt vngefehr in den dicken
vnd finſtern Wald hinein kommen/ da werden ſie
ſo bald von dreiſſig oder viertzig henckmaͤſſigen
Dieben vnd Schelmen vmbgeben/ welche ſie an-
ſprengen/ vnd mit aller macht auff ſie zu hauen/
ſtechen vnd ſchieſſen/ verlaſſen auch ſo bald jꝛ Neſt
J ijvnd
[124]Beutelſchneider/ oder
vnd begeben ſich an einen andern Ort/ auff daß
man ſie deſto weniger erdappen moͤchte: Dann
Carfour hielte das fuͤr eine gewiſſe Regel/ daß ſie
vnd ſeines gleichens nimmer mehr zweymal an
einem Ort ſolten uͤber Nacht ligen/ vnd ſich auff-
halten.

Vnter deſſen redete man in Paris von nichts
anderſt/ als von dem ſchroͤcklichen Morden/ vnd
Rauben deß Carfours: Dann da ware kein
Dieb/ kein Beutelſchneider/ kein Spitzbube/ kein
Landſtreicher/ kein Rauber in Paris/ der nicht
vnter deß Carfours Regiment gehoͤrete Dann er
gabe jhnen Geſetz vnd Ordnung/ Er herꝛſchete
uͤber ſie alle miteinander: Aber gleichwol kame er
nimmermehr in Paris/ er hette ſich dann verklei-
det vnd verſtellet: Dann er forchtete ſich ſo ſehꝛ/ er
moͤchte einmalen Greve (das iſt an den Ort/ da
man den Dieben vnd Moͤrdern jhr Recht thut)
vnverſehener weiſe kommen/ daß er nimmer-
mehr ruhe hette/ biß daß er auff dem freyen Feld
ware.

Endlich brach einmal das geſchrey auß/ daß er
zwar bey Melun ſolte erhaſchet ſeyn worden/ er
hette aber ſich durch ein ſonderliches Bubenſtuͤck
widerumb auß der Nachfolger vnd Haſcher haͤn-
de loß gewuͤrcket/ vnd hette ſich in das Land Ve-
rin begeben/ da er dann groſſen ſchaden mit ſei-
nem vmbher ſtreiffen den Innwohnern deſſelbi-
gen Orts zufuͤge: Aber das ware nit war: Dann
wann ſolche Vogelfaͤnger einmal ein Vogel ge-
fangen haben/ ſo laſſen ſie jhnen denſelbigen nicht
ſo
[125]Diebs Hiſtorien/ das I. Buch.
ſo bald entwiſchen: Doch iſt das gleichwol waar/
daß eben zu derſelbigen dieſer Ertzrauber Carfour
zu einer ehrlichen vnd vornemen Edelfrauen/ ſo
vmb Corbeil herumber wohnet gienge/ ſprache ſie
an vmb eine ſumma Gelts/ vnd gabe jhr zuverſte-
hen/ daß jhn die groſſe noht darzu triebe/ ſolches
von jr zubegehren/ verſprache jhr auch ſolche ſum-
men Gelts jnnerhalb viertzehen Tagen wider zu-
geben: Wiewol nun dieſes begehren der Edelfrau
anfangs gar frembd fuͤrkame/ jedoch/ wie ſie jhn
endlich erkandte/ wer er ware/ vnd ſich beforch-
ten muſte/ er wuͤrde jhr mehr ſchaden als alle jhre
Feinde zufuͤgen/ wann ſie jhn nicht etlicher maſ-
ſen ſeiner bitte gewehren wurde/ gab ſie jhm fuͤnff-
tzig Kronen/ welche er jhr auch zu der beſtimpten
vnd von jhm verſprochenen Zeit/ in eben ſolchen
Sorten vnd Muͤntze widerumb gabe vnnd zu-
ſtellete.

In ſolcher Zeit gieng vnter deſſen der Krieg
an mit den Auffruͤhrern in Franckreich/ vnd die-
weil Carfour wuſte/ daß kein beſſer Gelegenheit
fuͤr jhn ware/ als in ſolchem truͤben Waſſer zufi-
ſchen/ begab er ſich widerumb zu dem Kriegswe-
ſen/ vnter den verſtorbenen Conneſtable/ vnd wuꝛ-
de allda ein Soldat: Aber von Tag zu Tag wurde
vor Herꝛn de Luyne nichts mehr geklaget/ als daß
er vnter ſeinem Regiment den groͤſten Rauber
auff Erden ſolte haben/ nemblich den Carfour.
Aber der Herꝛ von Luyne wolt jhn nicht verſtoſ-
ſen oder außmuſtern/ wegen ſeines groſſen Ge-
muͤhts/ daß er an jhm verſpuͤrete/ verhoffete auch
J iijdaß
[126]Beutelſchneider/ oder
daß er ſich mit der Zeit wuͤrde beſſern/ von ſeinem
boͤſen Leben abſtehen/ vnd ein newes Leben anfan-
gen/ darinnen aber er ſehr betrogen wurde: Dann
nach dem er fuͤnff oder ſechs vornemme Herꝛen
von Hof hatte auffgeopffert/ machte er ſich auß
dem Staub darvon/ ehe es ein Menſch kondte
wiſſen.

Hierauff beſchlieſſen nun die Blutrichter/ daß
wann er mehr vmb Paris herumb werde ſtreif-
fen/ wollen ſie jhm nachſetzen vnd verfolgen/ biß
ſo lang/ daß ſie jhn erdappen/ vnd ſolte es auch ko-
ſten was es woͤlle: Sie namen auch zu vnter-
ſchiedlichen malen Volck zu ſich/ verfolgen vnd
ſuchen jhn allenthalben/ aber durch ſeine auß-
geſchickte Kundtſchaffer wurde er deſſen allezeit
adviſiret/ daß er ſich mit der Flucht ſalviret.

Endlich begibt er ſich mit einem Soldaten/ ge-
nand Chanevaſſon oder la Roche in Languedoc/
da er dann ſo viel Raub vnd Mord begienge/
daß er endlich gezwungen war/ ſich uͤber das Ge-
buͤrge zubegeben/ vnd in Savoyen zuziehen: Dan̄
in gantz Franckreich ware kein Ort mehꝛ/ da er
nicht geraubet vnd geſtolen hatte/ vnd da man jn
auch nicht kennete: Aber es iſt vmbſonſt/ du Rau-
ber vnd Moͤrder daß du auß Franckreich zeuchſt/
vnd vermeineſt alſo zu vermeyden den ſtreich der
Goͤttlichen Gerechtigkeit/ welcher dir ſchon uͤber
dem Kopff ſchwebet Es iſt vmb ſonſten daß du
dir einbildeſt/ du wolleſt den Himmel trotzen/ vnd
die Erd mit deinem Meineyd/ Vbelthaten/ Rau-
ben vnd Morden ſo muhtwilliger weiſe erfuͤllen.
Der
[127]Diebs Hiſtorien/ das I, Buch.
Der jenige/ deſſen Namen du entheiligeſt/ vnd
deſſen heilige Gebott du verachteſt/ der wird wiſ-
ſen vnd machen koͤnnen/ daß du wider kehreſt an
den Ort deiner Geburt/ auff daß allda ein gu-
tes theil deiner Vbelthaten/ welche du begangen/
von dir gebuͤſſet werde: Gott hat Pfeil von Bley
gemacht/ vnd laͤſt ſich nicht ſo bald zur Straff vnd
Rach bewegen: Aber endlich ſo zwinget der Gott-
loſe den gerechten Gott/ daß er wider jhn außſtre-
cket den Arm ſeiner Goͤttlichen Gerechtigkeit/
weil er allzeit hat verachtet den Arm ſeiner barm-
hertzigkeit.

Carfour iſt ſehr wunderlich gefangen wor-
den: Dann wie ſein gantzes Leben war erſchreck-
lich wunderlich geweſen/ alſo lieſſe es ſich anſehen/
daß es von noͤthen were/ daß ein Wunder ſich zu-
truͤge in ſeinem Todt: Vnd fuͤrwar/ wer hette
jmmer glauben vnd gedencken koͤnnen/ daß weil
Carfour einmal auß Franckreich ware/ an einem
ſolchen Ort/ da er verhoffte ohne Anfechtung vnd
Verfolgung zu ſeyn/ daß er ſo vnverſehener weiſ-
ſe ſolte gefangen/ gen Diſſion/ als die Hauptſtatt
ſeines Lands gefuͤhret/ vnd hernacher allda hinge-
richtet werden/ vor den Augen deß meiſten theils
der jenigen/ mit welchen er manchsmal ſo Tyran-
niſch vnd Moͤrderiſch ware vmbgangen: Gleich
wie aber Carfour in allen vmbligenden Benach-
barten oͤrtern deß gantzen Koͤnigreichs von ſehr
vieln ehrlichen vornemen Leuten/ welche er hatte
dargeſetzet/ beraubet vnd beſtohlen/ vnnd welche
hernacher ſein Bildnuß an vnterſchiedliche oͤr-
J iiijter
[128]Beutelſchneider/ oder
ter vnd Laͤnder in Franckreich vnd Europa ver-
ſchicket hatten/ ware beſchrieben vnd kandbar dar-
durch gemacht woꝛden: Alſo begab es ſich auff ein
Zeit/ daß ein vornemer Rathsherꝛ von Chamber-
ry/ welcher ein vornemes Ampt allda verwaltete/
deß Carfours anſichtig wurde/ vnd nach dem er
jhn wol ins Geſicht gefaſſet/ auch ſein thun vnd
laſſen gnugſam außgekundſchafft hatte/ faͤllt es
jhm ein/ ja er ſihet es jhm am Angeſicht an/ daß er
ohn zweiffentlich der Carfour ſeyn muͤſſe/ von
welchem man ſo viel in Franckreich ſagte/ vnnd
als Carfour in der Hall deß gedachten Herꝛn von
Chamberry mit einem Edelmann/ (welcher auß
dem Lande Charollois ware/ vnd allda hin wegen
einer heimlichen verbottenen Ehe ware geflohen)
auff vnd ab ſpatzierte/ nimpt gedachter Herꝛ etli-
che Diener zu ſich/ leſt jhm nach dem Kopff greif-
fen vnd gefaͤnglich einziehen.

Das Parlement zu Diſion erfuhre dieſen
gluͤcklichen Fang vnd Einziehung deß Carfours/
vnd ſchrieben an gedachten Rahtsherꝛn/ daß er
jhnen ſolchen Vbelthaͤter wolte folgen laſſen vnd
uͤberſchicken: Welches dann auch geſchahe: Vnd
nach dem man jhn nicht allein peinlich anklagen/
ſondern auch alſo fragen laſſen/ vnd er darauff
alle Diebſtahl/ Mord vnd Rauberey/ welche er zu
Auxerres/ Vezelay vnd an vielen andern Or-
ten begangen/ bekandt hatte/ wurde jhm das
Vrtheil geſprochen/ daß er ſampt ſeinem Knecht
lebendig ſolte geradbrechet werden/ welches Vr-
theil dann Anno 1622, den zwoͤlfften Tag Octo-
bris/
[129]Diebshiſtorien/ das I. Buch.
bris/ durch den Hencker an jhm vollnſtrecket wor-
den. Allhie iſt aber vnmoͤglich zu erzehlen/ mit
was groſſer ſtandhafftigkeit dieſer inn ſeinem Le-
ben geweſene vnbarmhertzige Tyrann iſt geſtor-
ben: Dann alle die jenige/ die ſeinen Todt vnnd
Marter geſehen/ bezeugen ſelber daß ſie jhr leben-
lang keinen Menſchen geſehen/ der ein ſolches
Hertz vnd Muth in ſeinem Todt gehabt habe/ das
wil ich allein ſagen: Daß wie erſchreckliche Vbel-
thaten in ſeinem Leben hat begangen/ alſo wirdt
man nicht bald von einem Menſchen hoͤren/ der
ſolche hertzliche Rew vnd Leyd uͤber ſein Suͤnde/
wie dieſer gehabt/ vnnd alſo Bußfertig ſein Leben
hab geendet.

Das IX. Capitel.

ES hat der Roͤmiſche Redner recht
vnd wol alſo geredet: Die Gerechtigkeit
ſey eine Koͤnigin aller Tugenden/ vnd ei-
ne Erhalterinne der Gemeinden: Dann wo die
Grundgeſetze eines Koͤnigreichs wol ſein gefaſ-
ſet/ ſie werden auch wuͤrcklich vnd fleiſſig gehand-
habet/ da findet ſich keine Vnordnung vnnd wuͤ-
ſtes weſen mehr: Da gruͤnet vnd bluͤhet alles/ wo
J vman
[130]Beutelſchneider/ oder
man jhn begehret/ wo man hin wil gehen/ da fin-
det man uͤber alle/ Fried/ Ruh vnnd Sicherheit/
ſonderlichen aber/ ſo viel die Diebe anlanget dann
die Gerechtigkeit vnd Obrigkeit ſein gleichſamb
die Geiſſel/ mit welchem ſie die Diebe mitten in jh-
rem vermeinten Diebsſieg darnider ſchlagen: Es
haben auch die Diebe keinen groͤſſern Feind/ als
ein Regenten/ der geſtreng uͤber die Gerechtigkeit
helt: Dann wann ſich derſelbige helt nach dem/
was jhn die Geſetze lehren/ ſo vertreibet er das
Diebsgeſind/ ja er zertritt ſie mit ſeinen Fuͤſſen/
als wie vnnuͤtze Rauppen/ welche nichts anders
thun/ als daß ſie den gemeinen Mann aufffreſſen
vnd verderben.

Es iſt zwar wahr vnd recht/ daß der Menſch in
allem ſeinem thun vnd vornehmen ſich ſoll erin-
nern/ daß er ein ſterblicher Menſch iſt/ vnd deßwe-
gen ſoll er guͤtig vnnd barm hertzig ſeyn gegen die
jenige/ ſo ſeines Geſchlechts ſein/ er ſoll der Men-
ſchen fehler/ entſchuldigen vnd decken helffen/ vnd
ſich freundlich vnnd guͤtig gegen jhnen erzeigen:
Aber was die Straff deß Diebſtahls anlanget/
da ſoll man die ſchaͤrpffe gebrauchen/ vnd ernſtlich
ſtraffen die jenigen/ welche ſolches Laſters ſtraff-
faͤllig erfunden werden.

Als auff ein Zeit Bias/ welcher einer auß den
ſiben Weiſen in Grichenland iſt geweſen/ jetz und
ein Vrtheil ſolte außſprechen uͤber einen armen
Suͤnder/ welcher Diebhahls vnnd Raubens hal-
ben angeklaget/ vnnd deſſelbigen auch gnugſamb
ware uͤberwieſen worden/ hat er angefangen zu
weinen
[131]Diebs Hiſtorien/ das I. Buch.
weinen vnd zu klagen das groſſe Elend/ vnnd die
Vnbeſtaͤndigkeit deß Menſchens in ſeinem gan-
tzen Leben/ vnd wie ſo viel Vngemach vnnd Vn-
gluͤck dem Menſchen/ ſo lang als er lebet/ zu han-
den ſtoſſen Vnd als er von einem/ ſo darbey ſaſſe/
gefraget wurde/ warumb er doch ſo bitterlich wei-
net/ vnd ſolches mit leyden mit dem armen Suͤn-
der hette/ da es doch in ſeiner Gewalt ſtuͤnde/ ſol-
chem Vbelthaͤter ſein Leben zu erhalten/ ja daß es
eben ſo wol in ſeiner Gewalt ſtuͤnde/ den Vbelthaͤ-
ter ledig zu ſprechen/ als jn an Galgen zu ſchicken
hat er darauff ein ſolche antwort gegeben/ welche
an einem Richter ſehr Lobwuͤrdig iſt/ ja welche
werth/ daß man ſie mit guͤldenen Buchſtaben ſoll
auffſchreiben: Neceſſarium (ſagt er) quidem eſt
naturæ condolere, à lege autem \& juftitiæ Re-
gula diſcedere, magis pernicioſum, das iſt/ auff
Teuſch ſo viel geſagt: Es iſt wol recht vnd billich/
daß man mit der Natur vnnd mit einem ſolchen
armen Suͤnder ein mitleyden hat/ aber von dem
Geſetz vnd von der Gerechtigkeit abzuweichen/ das
iſt vnrecht vnd ſchaͤdlich.

Dieſen ſchoͤnen Spruch hab ich allhie im vor-
uͤbergang einfuͤhren/ vnnd etlichen vnter Regen-
ten vnd Richtern vor die Augen legen woͤllen/ ich
ſage/ etlichen vnder Richtern vnd Regenten/ wel-
che jhnen nicht einbilden/ daß ein Parlament vnd
noch ein anders Gericht uͤber jhnen ſey: Ja wel-
che jhre Gewalt alſo mißbrauchen/ daß ſie jhre ei-
gene Wort fuͤr ſo viel Geſetze/ vnnd jhre Vrtheil
fuͤr vnwiderꝛuͤffliche Rahtſchluͤſſe halten: Sie laſ-
ſen ſich
[132]Beutelſchneider/ oder
ſen ſich von jhren boͤſen Affecten vnd Begierden
regiern vnd fuͤhren ſie thun manchmals ſehr viel
ding wider die Geſaͤtze vnd jhr eigenes Gewiſſen/
wie dann geſchehen iſt mit einer Perſon/ von wel-
cher wir inn dieſem Capitel reden woͤllen: Dann
wann man ſolche Perſon geſtraffet hette/ wie ſie
wol verdienet hatte/ ſo hette ſie nicht auß Gaſco-
nien gen Paris kommen/ vnnd ſo viel armer oder
doch ehrlicher Leute beſtohlen/ vnd berauben/ vnd
gar an Bettelſtab bringen koͤnnen. Wir woͤllen
dieſelbige Perſon Filander nennen/ damit wir ja
niemands aͤrgern moͤgen: Dann/ wie ich auch
zuvor hab angeruͤhret/ ſo iſt es nicht von noͤthen/
außdruͤcklich nenne die Namen der jenigen/ wel-
che durch jhre boͤſe vnnd meineidige Vbelthaten
die Reputation jhrer Voreltern verfinſtert/ vnnd
denſelbigen einen ſolchen ewigen Schandflecken
angehencket haben.

Daß ich euch nun etliche Bubenſtuͤck von die-
ſem Filandro erzehle/ ſo muͤſſet jhr mercken/ daß/
als er Gaſconien wegen ſeines allda getriebenen
Raubens vnnd Stelens verlaſſen muͤſſen/ hat er
geſehen/ daß er durch einen/ ich weiß nicht wen/
von ſeinen jhm auffgelegten Bubenſtuͤcken iſt ab-
ſolviret worden (ohnangeſehen der vnuͤerwerffli-
chen Zeugen vnd Zeugnuß/ ſo daruͤber waren ab-
gehoͤret worden) ſich widerumb in ſeinen vorigen
Stand zu ſetzen: Aber ſolches alles hat jhm gleich-
wol die forcht/ welche er ſtaͤtigs in ſeinem Hertzen
hatte/ daß er dermal eins/ wegen eines Raubs vnd
begangenen Mords/ ſo er an einem vornehmen
Herꝛn
[133]Diebs Hiſtorien/ das I. Buch.
Herꝛn in ſeinem Land begangen hatte/ moͤchte ge-
ſtrafft werden/ mit nichten benemen koͤnnen.

Er verlaͤſt aber gleichwol hier auff/ vnd auß der
Vrſachen ſein Vatterland/ vnnd wie es ſich off-
termals zutraͤget/ daß wir in die Netz vnnd Stri-
cke/ ſo wir andern ſtellen/ ſelber gerahten/ alſo iſt es
dieſem Filander auch gangen: Dann er wurde
auff der Kutſchen/ ſo nach Bordeaux gehet/ be-
raubet ſampt alln andern/ ſo deßmals in der Kut-
ſchen waren/ vnd wurde gar biß auff das Hembd
außgezogen/ alſo daß er gen Paris gantz elendig
vnd zerꝛiſſen/ vnnd wie ein vertriebener vnnd ver-
lauffener Bettler kame/ ja alſo/ daß man jhn wol
fuͤr ein Butzenmann hette gebrauchen koͤnnen/
die Voͤgel vnd die Tauben von einem Acker abzu-
ſcheichen/ oder wol in einem Spiel zu einem Nar-
ren: Gleichwol aber ſo prangete vnnd machte er
ſich breit vnd groß nach der gemeinen art der gaſ-
conter/ welche mit einem Pfenning in einer Fla-
ſchen ſolches klingeln anfangen/ als wann tau-
ſent Kronnen darinnen weren.

Erſtlich aber ſo wolte es jhm nicht allerdings
zu Paris gefallen/ dann wer zu Paris entweder
nicht Gelt oder gute Kundſchafft vnd Credit hat/
der kan ſich allda nicht lang auffhalten: Was ge-
ſchicht? Er trifft an einen Jungen Geſellen von
Bery/ welcher außtruͤcklich nach Paris ware
kommen ein Handwerck zulernen: Vnnd nach
dem er ein wenig mit jhm Kundſchafft gemacht
hatte durch einen falſchen Ring: welchen er jhm
verkauffet/ vnnd vorgeben hette/ es were ein ſtatt-
licher
[134]Beutelſchneider/ oder
licher Demant/ gehen ſie miteinander inn ein
Wirtshauß/ da ſie dann drey oder vier Tag eſ-
ſen/ trincken vnd ſich luſtig machen/ vn̄ zwar alles
auff den Ring: Aber weil Filander ſorg hette/
man moͤchte jhn endlich kennen lernen/ name er
ſich einmal an/ als wolte er ſeine notturfft thun/
vnd wiſchete darvon mit zwo Kronen/ welche jm
noch im Beutel waren uͤbrig blieben/ vnnd begab
ſich in der Gaſſen Sanct Denys zu einem ehrli-
chen Buͤrger/ der vor kurtzem eine Wirtſchafft
angefangen hatte.

Als er nun deß Abends vmb 9. Vhr dahinein
kame/ ließ er jhm ſein Abendeſſen geben/ gabe ſich
fuͤr einen vom Adel auß/ vnnd ſagte/ er kaͤme von
der lieben Frawen/ von Lieſſe/ dahin er dann zu
Fuß ein Wahlfahrt gethan hette: Der Haußherꝛ
ſagte. Daß er nicht im gebrauch hette einen eintzi-
gen Menſchen uͤber Nacht zu herbergen/ vnd daß
er auch keine Kammer hette jhn darinnen zule-
gen: Gleichwol aber weil es ſchon zimblich ſpat
war/ vnd Filander ſich ſo jaͤmmerlich ſtellte/ dach-
te der Haußherꝛ/ er thet ein Werck der Barmher-
tzigkeit/ wann er jn herbergte/ vnnd das jhn auch
noch am meiſten darzu bewegete/ war dieſes/ daß
er wol bezahlete/ wiewol er ſo zerꝛiſſen daher gien-
ge. Aber als das Gelt je laͤnger je duͤnner in ſei-
nem Seckel wolte werden/ bedachte er ſich/ wie er
doch ſeine Sach anſtellte/ daß er Gelt bekommen
moͤchte: Geſellete ſich hierauff zu einem Fuhr-
mann/ welcher inn dieſes Hauß garofft zu eſſen
vnnd zu trincken kame/ vnd dieſem Kauffmann
kondte
[135]Diebshiſtorien/ das I. Buch.
kondte er ſo wol ſchwetzen vnnd uͤberꝛeden/ daß er
acht Kronen von jhm gelehnet bekame/ verhteſſe
jhm auch ſolche inn kurtzer Zeit wider zugeben:
Dann er gabe ſich fuͤr einen vornemen vom Adel
auß/ er ſtellete ſich auch alſo/ als wann kein beſ-
ſerer vom Adel/ als er/ were/ der ſich jhm koͤndte
vergleichen/ vnd ſo zerlumpt vnnd zerꝛiſſen als er
daher gienge/ ſo ſehr prangete er daher/ gabe fuͤr
in zween Tagen wuͤrde er ein Lad bekommen/ da-
rinnen er Seydene vnd Atlaſſe Kleider hette/ vnd
daß er inn Gaſconien ein ſchoͤnes feſtes Schloß
hette/ deſſen Saal vnd Gemach mit ſchoͤnen Taͤp-
pichen gezieret weren/ vnd haͤtte er auch uͤber alle
maſſen ſchoͤne Silbergeſchirꝛ: In Summa: Es
ware ein ander Cræſus/ ein ander Mydas/ wer es
hette glauben moͤgen/ kein Marggraf/ kein Frey-
herꝛ hatte einen ſolchen Anhang/ wie er/ vnd dar-
innen loge er nicht: Dann er hatte ein ſtattliche
Garniſon vnd Beſatzung in ſeinen Hoſen/ nemb-
lich von Floͤhen vnd Leuſen.

Als nun vnſer ehrliche Mann die acht Kronen
hat/ gehet er hin auff den Grempelmarck/ ſihet jm
ſchoͤne Kleider auß/ marckte darumb/ vnd zeucht
ſie auch ſo bald an: Vnnd wer jhn da hette ſehen
ſollen/ hette jhn ſelber fuͤr einen vom Adel angeſe-
hen/ vnd weil jhm nichts beſſer anſtuͤnde/ als daß
er die Kleider ohn Gelt außlegen moͤchte haben/
ſpricht er zu dem Diener im Hauß/ da er die Klei-
der gekauffet hatte/ er ſolte doch ſo bald mit jhm
in ſein Loſament gehen/ ſo wolle er jhm das Gelt
fuͤr die Kleider geben/ dann er hab nicht ſo viel bey
ſich:
[136]Beutelſchneider/ oder
ſich: Aber wie der Diener oder Junge ein vnge-
ſchickter Doͤlpel ware/ der nur die Haͤuſer anſahe/
vnnd der/ wie ein fauler Eſel auff der Gaſſen her-
nach zollete/ fuͤhrete jhn Filander inn eine Halle/
da viel Volcks jnnen ware/ drang mit aller Ge-
ſchwindigkeit durch das Volck hindurch/ vnd ließ
dieſen Lehrbuben hinder ſich/ machte ſich vnſicht-
bar fuͤr jhm/ vnnd kam mit ſeinem Kleid darvon/
als daß jhn dieſer Jung nicht mehr kondte finden/
vnd hette er jhn lang muͤſſen ſuchen/ wann er jhn
hette finden ſollen: Ja wann er ſchon deß Philo-
ſophi Diogenis Latern vnnd Leuchten hette ge-
habt/ ſo hette er jn doch nicht wider antreffen koͤn-
nen/ dann Filander machte ſich hurtig darvon.

Als er aber nun wider heim kompt inn ſein er-
ſtes Loſament/ ſagt er zum Wirth/ es ſey jhm ein
Kleid auß ſeiner Heymat vnnd Vatterlandt ge-
ſchicket worden: Vnnd wer jhn reden hoͤrete/ der
hette nimmermehr glaubn koͤnnen/ daß er ein ver-
triebener Bettler vnd Dieb ſeyn ſolte/ welcher ſich
zu Paris begerte auffzuhalten.

Als er nun/ wie geſagt/ ſolche ſtattliche Kleider
hat/ begibt er ſich gen Hoff/ menget ſich allenthal-
ben ein/ vnnd inn kurtz er Zeit/ macht er ſich ſo be-
kandt zu Hof/ daß er ſich fuͤr deß Koͤnigs Kam-
mer Junckern außgabe/ practicieret auch durch
ſeine Argliſtigkeit ſo viel/ daß er ſolche Ehr erlan-
gete/ vnnd darauff fienge er an zu Retzen vnnd zu
Spielen: Ein mal verlohre er/ einmal gewonne
er/ einmal ſtahl er/ das ander mal handelt er et-
was anders: Dergleichen geſchwinder verſchla-
gener
[137]Diebs Hiſtorien/ das I, Buch
gener Kopff/ wie er/ ware keinem Menſchen je-
mals vorkommen: heut hatte er fuͤnfftzig Kronen/
morgen hat er gar nichts.

Vnd das allerwunderlichſte an jhm/ war die-
ſes/ daß er ſich ſo gleißneriſch kondte ſtellen/ daß
man jn fuͤr den alleꝛheiligſten Menſchen der Welt
hette verſehen: Dann er gieng fleiſſig vmb mit
den Geiſtlichen/ allzeit ſtellet er ſich/ als wann er
heimlich bey ſich ſelber betete/ vnnd da war kein
Kirch/ die er nicht beſuchte: Vnd daß ich euch ſa-
ge/ was er fuͤr eine Andacht in ſeinem Gebet ge-
habt habe/ ſo kan ich euch deſſen wol verſichern/
daß ſie in grund vnd boden nichts doͤchte/ dann er
gedachte an nichts anders/ als wie er den allerer-
ſten/ der jm an einer Gaſſenecken moͤchte auffſtoſ-
ſen/ beſtelen vnd berauben koͤndte.

Bißweiln kamen die jenige/ welchen er ſchul-
dig ware/ begerten jhr Gelt/ vnnd ſetzten jhm hart
zu/ aber er ſchickete ſie wider mit einer ſolchen vn-
verſchaͤmpten Manier nach Hauß/ daß ſie zum
zweytenmal nicht wider dorfften kommen: Was
vexiret jhr mich viel ſagt er/ vmb ewer Gelt: Mein
Gelt iſt noch nicht kommen/ oder muß mir auff
der Kurſchen geſtohlen ſeyn worden: Habt jhr
ſorge ich werde euch entlauffen/ oder darvon zie-
hen vnd nicht bezahlen: Begehret jhr es/ ich wil
euch fuͤr tauſent Kronen Pfand geben.

Alſo narꝛet vnd betroge er jederman mit ſeinē
Worten/ alſo daß er den Teuffel allzeit mit dem
Schwantz zoge/ vnd lebete zu Hoff/ wie ein groſſer
Herꝛ: Allenthalben machte er Kundtſchafft mit
Kjeni-
[138]Beutelſchneider/ oder
jenigen/ welche er wol ſein lebenlang nicht mehr
geſehen hatte/ vnnd die auch widerumb jhr leben-
lang nichts von jm gewuſt/ oder gehoͤret hatten.

Er pflegte auch ein anders Schelmengrieff-
lein zubrauchen/ die Kauffleut deſto beſſer zu er-
dappen/ vnd zu betriegen: Dann wann er ſahe o-
der wuſte/ daß ein vornehmer Herꝛ jhm wolte ein
Kleid machen laſſen/ vnd Zeug darzu außnemen/
kame er demſelbigen entgegen vnnd ſagte zu jhm/
er hette einen Kauffmann an der Hand/ welcher
die beſte Waar in Paris hette/ gebe auch beſſeren
kauff als alle andere. Wann nun der jenige/ den
er alſo anredete/ ſich mit der Naſe durch dieſen
Landbetrieger lieſſe fuͤhren/ gieng Filander mit
jhm in den erſten Laden den er antraffe/ gruͤſſet den
Kauffmann/ als wann er lange Zeit mit jhm we-
re vmbgangen/ vnd als wann er jhn auch gar wol
kennete: Mein Herꝛ/ ſagte er zu jhm: Es iſt nun
ein gute Zeit/ daß wir vnns vntereinander ken-
nen: Ich bitte euch jhr wollet mir zugefallen die-
ſen Herꝛn mit guter Waar verſehen: Dieſen
grieff brauchte er einmal oder zwey/ oder drey: Er
kam vnverſchaͤmpter weiß in einen Laden hinein
ohn Gelt/ vnd macht/ daß er von dem beſten Zeug
der im Laden ware/ gekleidet wurde: allein daher/
daß er vorgab/ er kennere den Herꝛn gar wol/ bey
welchem der Zeug außgenommen wurde. Aber
hernacher/ wann man hingienge/ wolte den Her-
ren ſuchen/ vnd das Gelt holen/ da wolt ſich kein
Menſch nicht finden laſſen: Aber den ſtreich/ den
ich euch jetzunder von jhm erzehlen wil/ iſt gar zu
ſchlim
[139]Diebs Hiſtorien/ das I. Buch.
ſchlim/ ja ſo ſchlim daß man es nicht aͤrger erden-
cken koͤndte. Dieſer Gaſconier/ ſo ſchlimmer Bett-
ler als er war/ ſo wol wuſte er ſich zu ſtellen vnd zu-
verhalten/ daß er endlich zu einem Leutenant ge-
ſetzet wurde uͤber den Zoll/ ſo inn einer gewiſſen
Provintz inn Franckreich einfaͤlt/ vnnd ſolches
Ampt verſahe er auch in die zwey oder drey Jahr:
Aber die jenige/ ſo den Zoll erlegen muſten/ nach
dem ſie jhn wol hatten kennen lernen/ brachten ſo
vil zuwegen/ daß er ſeines Ampts widerumb ent-
ſetzet wurde/ vnnd kondte auch nit mehr darzu ge-
langen So lang er aber an dem Ampt war/ war
er gar ein groſſer Herꝛ/ dann er hatte ſein Diener
vnd Laqueyen vmb ſich: Er war ein groſſer Herꝛ/
vnd bildet jhm ein/ es were bald keiner gut genug/
daß er jhm nur dienen ſolte: Er bezahlete ſeine
Schuldleut/ ſo lang als er Gelt hatte/ er eroberte
viel Gelts vnd Guts/ vnd ſtunden ſeine Sachen
gar wol/ wann er ſich nur nach alſo hette halten
koͤnnen/ daß er hette bleiben moͤgen/ aber/ wie ich
zu vor habe erzehlet/ ſo wurde er ſeines Ampts ent-
ſetzet durch die jenige/ welche eben ſo wol/ als er/
Hirn im Kopff hatten.

Laͤnger an ſolchem Ort zubleiben/ vnnd gar
nichts thun oder erwerben/ das wolte ſich gar nit
fuͤr Filandre ſchicken/ derhalben ſo zeucht er wi-
derumb gen Paris/ vnd begibt ſich widerumb auff
das vorige Handwerck/ kehret ein bey den jenigen/
bey welchem er ſich zuvor auffgehalten hatte/ fan-
get eine Rechtfertigung an wider die jenige/ ſo jn
vmb ſein Ampt bracht hatten/ aber es war alles
K ijvmb-
[140]Beutelſchneider/ oder
vmbſonſt vnd verlohren: Dann alles was er fuͤr-
bracht/ das war nit der importantz oder beſchaf-
fenheit/ daß er dardurch etwas hette erlangen moͤ-
gen: Er ſuchete zwar die Voͤgel/ aber ein anderer
hub vnter deſſen das Neſt auß: Geraͤth alſo wi-
derumb in ſeine vorige Armuth: Seine Laqueyen
vnd Diener/ die er zuvor vnterhalten hatte/ ver-
lieꝛen ſich pedetentim vnd fein allgemaͤchlich/ ſie
verlaſſen jhren Herꝛn/ als deſſen Adel (ich verſtehe
aber ſeine Kleider) ſich auch je laͤnger je mehr ver-
ſchlieſſe vnd verdrieſſe. Vnnd da er nun mehr kein
Gelt vnnd Huͤlff mehr wuſte/ fienge er an bey
naͤchtlicher weil die Leut anzugreiffen/ vnd ſie jh-
res Gelts zuentleichtern: Aber als er auff ein Zeit
ſolches ſein Handwerck wolte treiben/ vnnd ver-
geſſen hatte ſein Meiſterbrieff vnd Freyzettel auff
der newen Bruͤcken zuholen/ wurde er [ſchaͤndlich]
uͤbel empfangen/ vnd vom Schaͤdel biß auff ſeine
Fußſolen alſo zerſchlagen/ daß er es ſelber nicht
doͤrffte oder moͤchte laugnen: Dann er muſte
mehr Holtz auff ſeinem Leibe tragen/ als drey Eſel
ſeiner groͤſſe nimmermehr hetten tragen koͤnnen/
dann er ware zugerichtet/ daß er zu thun hat/ daß
er allgemach vnd mit guter weil widerumb kond-
te nach Hauß bißweiln ſchnappen/ bißweiln krie-
chen/ ſo außbuͤndig wol hatten ſie jm ſein Rucken/
vnnd gantzen Leib mit ſtarcker Waldſalben ge-
ſchmieret: Aber wie es die Wuͤrme machen/ daß
ſie ſich gleichſam alſo zu reden widerumb zuſam-
men knuͤpffen vnd wie es die Schlangen machen
daß wann ſie ſchon von einander gehauen/ daß ſie
die
[141]Diebshiſtorien/ das I. Buch
die zerhawene ſtuͤcker widerumb zuſammen vnnd
an einander fuͤgen: Alſo thete er auch/ biß daß er
endlich widerumb geheilet wurde: Vnnd als er
nun widerumb zu kraͤfften kommen/ vnterfienge
er ſich ein Procurator zu werden/ vn̄ Rechtshaͤn-
del zu fuͤhren/ funde ſich auch alle Tag in dem Pa-
lais bey allen Verhoͤrungen/ vnd kam ſo weit inn
kurtzer Zeit/ daß man bald von niemands an-
derſt mehr ſagte vnd hielte/ als von dieſem P[r]ocu-
rator.

Er wuſte in ſein Rechtsſachen/ die er fuͤhrete/
gewaltige vmbſchweiff zugebrauchen/ vnd ſolche
außflucht zu ſuchen/ daß einer jhm ſich dieſelbige
nimmermehr hette einbilden koͤnnen: Wann ſich
ein ander auff eine Rencke vnnd Practick en be-
dachte/ ſo hatte er ſie ſchon ins Werck geſetzet: Al-
le die Bawersleute/ ſo vmb Paris herumb woh-
neten/ kamen mit groſſen hauffen in ſein Hauß/
vnd begehreten/ daß er jhnen doch in jren Rechts-
haͤndeln/ huͤlffe. Vnd alſo kame er zu kraͤfften/ vnd
verſtunde ſich wol auff ſolchen Handel/ daß keiner
kondte erꝛahten/ woher er ſolches hatte. Vnd was
woͤllet jhr mehr? Manchmals gieng er inn der
Rentmeiſter Haͤuſer/ name ſich an/ als wann er
dieſe oder jene Commiſſion vnnd Befeich hette/
vnd durch jhn wurden viel bezahlt/ welche ſonſten
jhr lebenlang nicht waren bezahlet worden: Aber
darbey muſt jhr gleichwol das wol mercken/ daß er
ſeiner nicht vergaſſe: Dann wann er etwas auß-
theilet/ ſo gab er allzeit das e[r]ſte vnd beſte jhm ſel-
ber/ nach jenes naͤrꝛiſchen Meynung vnnd Auß-
K iijſpruch/
[142]Beutelſchneider/ oder
ſpruch/ welcher alſo geſagt: Eligentis melior con-
ditio, der die Wahl hat/ kan ein ding allezeit beſ-
ſer/ als ein ander haben. Aber ich kan mich deß La-
chens nicht enthalten/ wann ich gedencke an den
grewlichen artigen ſtreich vnd boſſen/ den er auff
ein Zeit einem jungen vnbeſunnenen Geſellen/
welcher zu jhm ware kommen/ etliche Characteres
vnd Zaubereyſachen von ihm zu lernen: (Dann
er meinete nicht anderſt/ dann Filandre were ein
Zauberer) hat bewieſen: Dann als Filandre mer-
cket/ daß der junge Geſell jhn vor einen Zauberer
hielte/ ließ er jhn auff der Meynung/ vnnd fienge
an jhn Augenſcheinlich zu narꝛen: Sagte jhm/
daß in kurtzer Zeit alle Schwartzkuͤnſtler vnd Zau-
berer zu Paris/ von welcher Zahl er ſagte/ daß er
auch were/ wuͤrden zuſammen kommen in der ge-
gend bey Montmarte/ wuͤrdē auch allerley Kraͤu-
ter mit ſich bringen/ allerley Sachen vnd Salben
machen/ vnd an dere ding mehr/ vnd durch derſel-
bigen gemachten dinge mittel hetten ſie hernach
die Krafft/ daß ſie ſich in die Lufft erheben/ vnnd
darinnen fliegen koͤndten/ ja daß ſie zu groſſem
Reichthumb kaͤmen/ vnd vil andere wunderbarli-
che Sachen außrichten/ ja koͤndten auch dardurch
die Feldmaͤuſe ſchlaffend machen.

Dieſer junge Narꝛ glaubete das ding alle mit-
einander/ gibt jhm zehen Pifloleten auff die Hand
vnnd zuvorauß/ damit er ja ſolches alles moͤge ſe-
hen lernen vnd erfahren/ vnd damit er ſolche Co-
medien zuſehen Gelts halben deſto weniger abge-
halten werden moͤge/ verkauffet er ſeinen Mantel
vnd
[143]Diebshiſtorien/ das I. Buch.
vnd Kleider/ vnd wird darauff ſo bloß vnd nack et
als deß Eſopi Vogel.

Vnter deſſen nimpt vnſer ehrliche Mann Fi-
landre das Gelt/ gehet in ein Wirthshauß/ vnd
macht ſich darvon luftig/ beffelt fuͤnff oder ſechs
Geſellen ſeiner Gattung/ welche auff ernannten
Tag ſich in der gegend Montmorte finden/ vnnd
als der jenige/ der die gantze Geſellſchafft muſte
frey halten vnd die Pfanne hernacher placken/ in
die Kammer kom̄en/ da fiengen ſie an Racketlein
vnd allerley Fewerwerck zu werffen/ lieſſen etliche
Geſchuͤtz loß gehen/ dardurch der junge albere Ge-
ſell ſo erſchreck et wurde/ daß er die Flucht name/
darauff ſie jhm nachfolgeten/ vnd jhn mit guten
Bruͤgeln ſo jaͤmmerlich vnnd ſo lang ſchmieſſen/
biß daß er widerumb auß jhrem Quartier kam.

Filandre/ welcher noch nicht an beſtimptem
Ort ware ankommen/ vnnd dieſen jungen albern
Menſchen mitten auff dem Weg antraffe/ vnnd
ſahe daß er ſo uͤbel zugerichtet war/ fraget jn war-
umb er ſo were gebutzet worden/ vnd als er gehoͤ-
ret/ wie alles were hergangen/ ſtraffet er jhn ernſt-
lich darumb/ warffe jhm fuͤr ſeine forchtſamkeit/
vnd ſagte zu jhm/ er muͤſte ſich nicht alſo foͤꝛchten/
vnd das am allermeiſten zuverwundern/ wiewol
er ſo uͤbel ware empfangen worden/ ſo hat er doch
im Sinn/ er wolte widerumb zuruͤck mit gehen/
wann Filandre jn nur hette dahin begleiten woͤl-
len: Da ich mich dann nicht gnugſam uͤber ſeine
Thorheit kan verwundern/ vn̄ kan nichts anderſt
von ſolchem Menſchen ſagen/ als daß er an ſtatt
K iiijeines
[144]Beutelſchneider/ oder
eines Kopffs nur ein Toͤpffen auff der Achſeln hat
ſtehen gehabt/ daß er geglaubet/ was jhm ſolcher
Landbetrieger harte geſaget/ der jhm das Maul
alſo voll gegeben/ vnd den Kopff ſo voll hatte ge-
plaudert: Aber das ware dieſes albern Menſchen
Vngluͤck/ daß er ſich ſo leichtlich lieſſe uͤberꝛeden:
Gleichwol aber/ da er endlich ſahe/ daß auf deß Fi-
landre groſſe verheiſſung nichts erfolgete/ ſo wol-
te er ſein Gelt widerumb von jm haben: Filandre
der nit wuſte/ wie er doch deß Narꝛen widerumb
ſolte quit werden/ oder wie er jhn ſolte befridigen/
fuͤhrete jhn endlich auff den Grempelmarckt/ vnd
kauffte jhm ein Mantel/ betroge den jenigen/ den
er kandte vnd uͤberꝛedete jhn/ er wolte jhn deß er-
ſten Tags bezahlen.

Vnter deſſen fuͤhrete er allzeit ſeine Rechtfer-
tigung wider die jenige/ welche jhn auß dem Sat-
tel gehoben/ vnd vmb ſeinen Dienſt gebracht hat-
ten/ er ſahe/ daß er allenthalben Gelt aufferoſſete/
wiewol er es nimmeꝛmehr begeꝛte wider zugeben/
ware jedeꝛman mit ſeinem gewaͤſch uͤbeꝛlaͤſtig/ biß
daß er endlich die Carthaͤuſer Muͤnch eben ſo wol
als andere betroge.

Dann nach dem er nun offtermals inn jhrem
Kloſter ware geweſen/ vnd hatte ſich als ein heili-
ger andaͤchtiger Chriſt darinnen ſehen laſſen/ uͤ-
berꝛedete er ſie endlich/ er wolte auch ein Muͤnch
werden/ Jedoch ſo gab er fuͤr Eh er den Muͤnchs-
habit anzoge/ vnd gar ins Kloſter hinein ſich bege-
be/ wolte er erſtlich gern ſeine angefangene Recht-
fertigung außfuͤhren/ welche auff die acht tauſent
Fran-
[145]Diebs Hiſtorien/ das I. Buch.
Francken antreffe: Dann wann er die Sach ge-
winne/ ſo koͤndt er damit alle ſeine Schuldleute
bezahlen/ vnd koͤndte auch noch etwas mit in das
Kloſter hinein bringen. Die gute Herꝛn vnd Pa-
tres/ welche dem euſſerlichen Augenſchein nach-
giengen/ fragten jn/ wo er her were/ wo er zur Her-
berg lege/ vnd als ſie ſolches erfuhren/ lieſſen ſie ſei-
nen Wirth zu jhnen kommen/ liehen dem Filan-
dre vier tauſent Pfund/ doch alſo/ daß ſein Wirt
Buͤrg fuͤr jn wurde/ welches er dann auch gern
thete. Dann er verhoffere Filandre wuͤrde ſeine
vorgegebene Rechtfertigung gewinnen/ vnnd
wuͤrde er alſo ſein Gelt mit groſſem nutzen wider-
umb empfangen koͤnnen/ oder doch auff das we-
nigſte der geleiſteren Buͤrgſchafft ohn allen ſcha-
den loß werden Aber es ſtunde nicht lang an/
daß ſich der Wirth muſte ſelber vercreutzigen vnd
verwundern/ dz ſein Gaſt Filandre ga[n]tz vnſicht-
bar war worden: Dann Filandre begab ſich von
dannen gen Orleans/ Saumur vnd andere Oer-
ter gab ſich auß vor ein Kauffmann/ handelte ein
Zeitlang vnd macht es wie viel andere/ welche an
hundert Schilling vier Pfund/ vnnd an vier
Pfund gar nicht gewinnen/ das iſt/ welche drey-
tzehen Schilling zum Gulden bringen. Endlich
name er jm fuͤr wider gen Paris zu kommen/ vnd
kauffete allerley Guͤlden/ vnnd Schuldbrieffe an
ſich mit der außgedruckten Condition daß er ſol-
che innerhalb ſechs Monat ſolte vnd auch wolte
richtig vnd vnverzuͤglich bezahlen/ oder ſolte der
Contract vnd Kauff gantz nichtig vnd vnkraͤfftig
ſeyn.

Als er nun mit ſolchen Schuldbrieffen ſich
wol verſehen hatte/ kompt er wider gen Parts/ be-
ſuchte ſein alte bekanten/ vnd bringet ſo viel durch
ſeine Practicken zu wegen/ daß er ſich verheura-
thet an eine junge Wittib/ ſo in der Gaſſen S.
Anthome wohnet/ vnd bringet jhr zu an ſtatt ſei-
ner Guͤter ein groſſen hauffen vnd Sack voll ſol-
cher Papier/ nach dem Exempel der Normander
welche manchmals zwantzig oder dreyſſig Rechts-
haͤndel jhren Toͤchtern zur Morgengab geben/ vnd
meinen auch/ ſie haben den jenigen/ ſo jhre Toͤch-
ter zur Ehe nemen/ gewaltig vil mit gegeben: Aber
endlich wurde all ſein Betrug offenbar: Dann ei-
nen Monat hernacher/ da man an die in den ver-
meinten Schuldbrieffen gedachte oͤrter wolte vnd
ſolte gehen/ vnd die Renten einfordern/ er aber fuͤr
ſolcher Zeit ſich mehr als fuͤr den Hundstagen
forchtete/ machte er ſeinen Buͤndel/ gieng darvon
vnd verlieſſe ſein Weib vnd jhren Vatter/ welche
daruͤber ſo beſtuͤrtzet wurden/ als wann ſie auß den
Wolcken weren heraber gefallen: Dann ſie mei-
neten nicht anderſt/ als daß der Gaſconier ein vor-
nemer vnd ſehr reicher vom Adel were/ ſo ſtatt-
lich wuſte er ſich zu halten: Aber nach der Zeit hat
man keine Zeitung mehꝛ von jhm gehabt/ als daß
noch newlich man mir dieſe Perſon alſo ab-
mahlete vnd ſagte: Man haͤtte jhn am Galgen
ſehen hencken nah bey Lion/ vnd ſolches deßwegen/
dieweil er ſich haͤtte vnderſtanden eine Weibsper-
ſon zu Nothzuͤchtigen/ vnd alſo kan man wol ſa-
gen/ daß gemeiniglich das Ende pflegt zu ſeyn/ wie
zuvor
[147]Diebs Hiſtorien das I. Buch.
zuvor der Anfang iſt geweſen/ vnd daß es alſo heiſ-
ſe: Qui venit ex nihilo, deſinit in nihilum: wer
auß nichts herkommet/ der endet ſich endlich auch
in ein nichts.

Das X. Capitel.

DIe Tugend allein iſt der rechte Adel
deß Menſchen/ ja wie das Alter kompt
von der Jugend/ alſo kompt nach auß-
weiſung dieſer nachfolgender Figur/ der Adel von
der Tugendt. So bald als ein Menſch ſich den
Suͤnden ergibet/ vnd denſelbigen nachhen get/ kan
man das in Warheit von jhm ſagen/ daß er von
ſeinem erſten vnd hoͤchſten Adel abſchreytet: Dan̄
daß wir rund herauſſer ſagen/ was die Warheit
iſt/ ſo macht alle der Adel/ den wir von vnſern El-
tern vnd Voreltern haben/ ſo gar wenig vornem
vnd Edel/ daß es viel beſſer were/ gar keine Ehr
dem Nachkoͤm̄lingen zuerlangen/ als daß man
ſich wil bekleyden vnd zieren mit einem ſolchen
vermeinten Adel/ der nicht vnſer iſt/ vnd der nur
anders wo her iſt entlehnet: Dann da heiſſet es/
wie der Poet ſaget:

das iſt/ was wir nicht ſelbſten außgericht vnnd ge-
than haben/ das koͤnnen wir vns als das vnſerige
mit nichten zuſchreiben.

Hierauß werden wir ſehen/ daß der jenige/ von
welchem wir in dieſem Capitel reden woͤllen/ auff
zweyfache weiß von ſeinem Adel iſt abgeſchritten:
Dann da er billich hette nachfolgen ſollen den

davffern Thaten ſeiner Vorfahren/ vnnd in jhre
loͤbliche Fußſtapffen tretten/ hat er ſich allen La-
ſtern gantz vnd gar ergeben/ vnd hat gleichſam al-
len Tugenden ein groſſes Banckerott geſpielet.

Guienne iſt das Ort/ da dieſer ſtoltze Alidor
gebohren wurde/ vnd kan man das wol ſagen/ daß
Guienne in jhm das groͤſte Wunderthier hat ge-
habt/ welches jemals in der gantzen Provintz mag
geweſen ſeyn: Dann wie jhr inn nachfolgendem
Diſcurs werdet vernemen/ ſo iſt kein Bubenſtuͤck/
kein Vbelthat in der Welt/ das er nicht begangen
habe.

Dieſer grewliche Cyclopus war von einem
ehꝛlichen voꝛnemen Geſchlecht/ wann er nur auch
hette der heilſamen Lehr vnnd Vermahnung ſei-
ner Eltern folgen woͤllen: Aber wie allzeit vnter
den guten Pflantzen vnd Baͤumen/ ſich auch ein
vngeſchlachter findet/ welcher auch wol die ander
Frucht zutragen verhindert/ alſo gabe dieſer Ali-
dor auch von ſeiner Kindtheit vnd Jugend an/
durch ſein boͤſes verhalten zuverſtehen/ daß er nie
viel guter Fruͤchte bringen/ vnd ſeinen Geſchlecht
vil mehr ſchaden/ ſchimpff vnd ſpott/ als Ehr vnd
Nutzen zuziehen wurde.

Er hatte viel Bruͤder vnd Schweſter/ alſo daß
hernacher das vermoͤgen ſeiner Eltern vnter vie-
le muſte außgetheilet werden/ wiewol dieſer gern
alles allein hette zu ſich gezogen: Als nun die El-
tern verſtorben waren/ wurde die hinderlaſſene
Erbſchafft vnter ſie außgetheilet: A[li]dor aber/ als
der Elteſte vnter den Kindern vnd Bruͤdern/ da
er ſahe/ daß ſo viel Guͤter/ die ſein Vatter zuvor
allein gehabt hatte/ alſo voneinander abgetheilet
wurden/ alſo daß er nit mehr als die andere dar-
von bekame/ wuͤnſchte alle Augenblick/ daß doch
ſeine
[150]Beutelſchneider/ oder
ſeine Bruͤder ſterben moͤchten: Aber als er ſich in
ſeiner hoffnung vnd wuͤnſchen betrogen ſahe/ na-
me er jhm vor ſich in den Krieg zubegeben/ auff
daß er durch die vber alle maſſen groſſe/ vnnd vor
Gott gleichwol gantz vnvera[n]wortlich Freyheit/
ſo die Soldaten im Krieg haben/ deſto leichtlicher
vnd ohne alle Ergernuß mit anderer Leut ſchaden
ſich bereichen moͤchte. Welchem ſeinem vorne-
mē er auch allzeit nachkame/ ſo lang als der Krieg
werte Aber ſo bald als der Krieg ein Loch bekame/
vnd dem Volck abgedancket wurde/ muſte ein jeg-
licher widervmb nach Hauß ziehen/ welches dann
Alidor auch thaͤt: Als er nun zu Hauß war/ ver-
gienge etliche Monat/ daß er im geringſtē nichts
thaͤte/ das ſeiner Ehr vnd Reputation were ver-
kleinerlich geweſen: Gleichwol aber weil er ein
ſtoltzes boͤſes vornemen in ſeinem Hertzen hatte
ſich hinfuͤro/ wie zuvor/ zu bereichen vnnd außzu-
bringen/ vnnd ſolte es jhm darvber gehen/ wie es
jmmer wolte/ ſo truge es ſich zu/ daß ein Frantzoͤ-
ſiſcher Edelmann/ ſo nicht mehr als einen Knecht
bey ſich hatte/ vnnd alle beyde wol beritten waren/
garſpatt nah bey ſeinem Loſament ankame/ als
er eben bey ſeinem Schloß auff vnnd ab ſpatziern
gienge. Als nun der Edel mann Alidor erfihet vnd
zu jhm kommet/ bittet er in freundlich/ er woͤlle
jhm doch den Weg zeigen: Alidor gibt jhm zur
antwort: Wann er weiter fort reiten wolte/ ſo
wuͤrde er ſo bald kein Herberg antreffen koͤnnen/
da er koͤndte vber Nacht bleiben/ vnnd daß er ſich
auch gar leichtlich in dem Wald/ dardurch ernoch
muſte
[151]Diebs Hiſtorien/ das I. Buch.
muſte reiten/ ehe er ein Herberg antreffe/ koͤndte
verirꝛen: Bote jhm die Nachtherberg an/ vnd ba-
te jhn ſehr/ er ſolte uͤbeꝛ Nacht bey jhm bleiben: Der
Edelmann thut ſich etliche mal dienſtfreundlich
bedancken/ wegen deß freundlichen anerbietens/
jedoch aber/ als er ſihet/ daß es ſo ſpat iſt/ vnd Ali-
dor jhn ſo inſtaͤndig bittet/ er ſolte bey jhm uͤber
Nacht bleiben/ laͤſt er ſich weiſen: Hierauff fuͤhret
jhn der Alidor in ſein Schloß/ laͤſt deß Edelmans
beyde Pferd in Stall ziehen/ vnd fuͤhret jhn in ei-
ne Kammer/ biß vnter deſſen das Abendeſſen fer-
tig werde: Fangen an von allerley Sachen zu re-
den/ ſonderlich aber erzehlet der vom Adel/ wie er
ſich jetzund auff dem Weg begeben habe Italien/
Spanien vnd andere Laͤnder zubeſehen/ weil ohne
das in Franckreich ſo guter Fried vnd Ruhe ſey/
erzehlet jhm auch weitlaͤufftig/ was er ſchon vor
denckwuͤrdige Sachen geſehen habe: Vnd in dem
ſie alle miteinander reden/ wird vnter deſſen das
Abendeſſen angerichtet: Sie ſetzen ſich miteinan-
der zu Tiſch/ vnd haben freundliche gute Geſpraͤ-
che miteinander/ vnd Alidor brauchet alle Mittel
vnd Gelegenheit/ dieſen ſeinen newen Gaſt luſtig
zumachen: Es wird hernacher widerumb auffge-
hoben/ vnd der Edelman in ein Kammer gefuͤh-
ret/ darinnen zu ſchlaffen/ vnd zu ruhen/ vnnd ge-
het Aidor vnter deſſen mit den ſeinigen auch zu
Beth.

Als aber [nun] Alidor allein iſt/ ſihe/ da dencket
er/ wie er doch dieſen Gaſt moͤge berauben/ vnd als
er es uͤber vnd druͤber geworffen/ vn̄ bedacht hatte/
wie
[152]Beutelſchneider/ oder
wie er die Sache wolte vnd ſolte anfangen laͤſt er
ſo bald etliche ſeiner getreweſten Knecht (weiche
aber gleichwol viel weniger als er ſelber dachten/
ja nicht eines Haars beſſer/ als jhr Herꝛ/ war) zu
ſich kommen/ zeiget jhnen an/ daß er haͤtte erfah-
ren/ daß der Vatter dieſes Edelmanns/ wer ein
Vrſach geweſen an dem Todt ſeines Vatters/
welcher [auff] einer Reiß/ ſo er naher Paris haͤtte
thun woͤllen/ geſtorben were/ vnd daß deſſelbigen
Sohn/ welches dieſer von Adel were/ ſich haͤtte
vernemen laſſen vnd geruͤhmet/ er wolte es jhm/
nemblich/ dem Alidor auch nicht beſſer machen/
wie auch ſeinen Bruͤdern/ wann er nur dieſelbige
antreffen koͤndte: Alſo daß er jhm deßwegen vor-
genommen haͤtte/ weil er jhm ſelber ſo ſchoͤn ins
Garn wer gelauffen/ wolte er ſich ſeiner abthun/
jhn erwuͤrgen vnd jhm alſo vorkommen: Ver-
hieſſe auch ſolchen ſeinen Dieneꝛn vber viel andere
dinge eine groſſe ſummen Gelts/ wann ſie ſeinen
Vorſchlag ins Werck ſetzen wolten.

Die Diener meinten/ es ſey die pur lautere
Warheit/ was jhr Herꝛ jhnen geſagt hatte/ vnd
weil ſie von einer ſolchen groſſen ſummen Gelts
hoͤren/ welche er jhnen verheiſſen/ ſetzen ſie jhnen
vor/ ſie wollen den Edelmann deß morgens fruͤh
in ſeiner Kammer hinrichten: Einer ſoll ſich an-
nemen/ als wann er jhm ein Liecht woͤlle bringen/
der ſoll jhm darauff jhres Herꝛn wegen einen gu-
ten Morgen geben/ daß jhm das Hirn darvber
wackele/ welches ſie dann gar leich[t]lich ins Werck
gerichtet. Dann als ſie ſich mit Delchen vn̄ Roh-
ren
[153]Diebshiſtorien/ Das I. Buch.
ren wol verwahret/ gehen ſie alle drey/ doch einer
nach dem andern in die Kammer/ vnnd als der
Edelmann jhnen einen guten Moꝛgen wil geben/
gaben ſie jhm einen Schuß durch den Kopff hin-
durch daß er ſo bald dahin faͤhret vnd ſtirbet.

Sein Knecht/ als er ſihet/ daß ſein Herꝛ todt
auff der Erden liget/ lauffet dem Fenſter zu/ vnd
wil hinab in den Hof ſpringen/ aber die zween an-
dere halten jhn/ vnd geben jhm auch ein Schuß/
daß er auch ſo bald darvon ſtirbet.

Als nun Alidor weiß/ daß der Mord iſt geſche-
hen/ leſt er ſie werffen in einen Graben/ welcher in
einem Wald nicht weit von ſeinem Garten wa-
re/ vnd leſt den Graben hernacher mit Erden wi-
der zu werffen: Vnd als nun etliche Tag vergan-
gen waren/ vnd niemands nichts von ſolchem be-
gangenen Mord wuſte oder redete/ ſchickte Alidor
einen ſeiner Diener/ welcher den Mord begangen
hatte/ in die nechſte Statt/ die beyde Pferd deß
hingerichten Edelman̄s zu verkauffen: Aber Gott
der deſſen begangenen Mord vngeſtraffet nicht
lange zeit wolte hingehen laſſen/ verhaͤnget vnd
ſchicket es/ daß eben ein Laquey/ (der von deß Er-
ſchlagenen Edelmanns Vatter ware außgeſchi-
cket worden) wegen etlicher Geſchaͤfften/ durch
dieſe Statt gehet/ auch zu allem Gluͤck eben in
das Wirthshauß kommet/ da die jenige/ welche die
Pferd fuͤhreten/ eingekehret waren.

Der Laquey kennet ſo bald die Pferd/ vnd ſihet/
daß ſie ſeines Junckern Pferd ſeyn: Jedoch nim̄t
er ſich im geringſten deſſen nicht an/ ſondern frage
Lwol
[154]Beutelſchneider/ oder
wol auß/ wem doch ſolche Pferd zuſtehen. Der
Wirth erzehlet jhm ſo viel/ als er darvon weiß/
vnd was er darvon hielte: Hierauff gehet der La-
quey zu der Obrigkeit deß Orts/ vnd zeiget an/ daß
das ſeines Junckers Sohn Pferde ſeyen/ zeiget
jhnen die Brieff ſeines Herꝛn/ vnd weiß nicht an-
derſt/ als daß die jenige/ die ſeine Pferd haben/ ſei-
nes Herꝛen Sohn auch muͤſſen todt geſchlagen
haben: Bittet derhalben die Obrigkeit/ ſie wollen
nit allein die Pferd veſt machen/ ſondern auch die
jenige/ ſo dazu gehoͤren/ gefaͤnglich einziehen/ auff
daß man deſto beſſer der Sachen grund erfahren
moͤge: Darauff wird einer auß den jenigen/ ſo die
Pferd dahin gefuͤhret hatten/ gefangen/ der ande-
re aber macht ſich auß dem Staub/ kompt wider
auff das Schloß zu ſeinem Herꝛn/ vnd zeigt jhm
ſolches alles an/ welcher ſo bald ſich in ſeinem
Schloß wol verwahret vnd verſchantzet/ in mey-
nung/ wann ſie jhn je fangen wolten/ ſo ſolte es ſie
gar theuer ankommen: Vnter deſſen aber wird der
jenige/ der gefangen war woꝛden/ examiniret/ vnd
weil man wol ſahe/ auß den vnterſchidlichen vnd
vnbeſtaͤndigen antworten/ welche er gabe/ daß er
deß Mords ſchuldig ſeyn muſte/ ſchickte man den
Oberſten hin Alidor gefangen zunemen: Als nun
der Oberſte hin kam/ vnd Alidor den beſcheid an-
zeiget/ daß er ſich ſolte gefangen geben/ gab er jhm
dieſe Antwort/ daß wann er nicht mit gutem wil-
len wolte von ſeinem Schloß abziehen/ ſo wolte er
jhn wol mit gewalt darvon bringen: Als aber der
Prevoſt an das Hauß mit aller Gewalt ſetzet/
ſchoſſe
[155]Diebs Hiſtorien das I. Buch.
ſchoſſe Alidor mit den ſeinigen ſo ſtarck herauſſer
daß der Oberſte mit den ſeinigen in aller eyl mu-
ſte abziehen vnd ablaſſen: Endlich aber als ſolchs
alles deß Erſchlagenen Vatter/ von ſeinem La-
queyen erfuhre/ machte er ſich auff den Weg mit
vielem Volck/ in meynung ſich wegen ſeines er-
ſchlagenen Sohns/ an dem Alidor zu rechen:
Welches als es Alidor auch erfuhr/ ware er nicht
faul/ ſondern beveſtiget ſein Schloß je laͤnger je
mehr/ vnd name jhm auch vor/ er wolte ſich nicht
ehe auß dem Schloß/ ſein Leben zu ſalviren/ bege-
ben/ er hette dann jhrer etliche erleget/ vnnd mit
dem Werck ſeinen vnerſchrockenen Muht gegen
ſeinen Feinden bezeuget: Endlich kommet der
Herꝛ mit dem Oberſten/ mit vielen von Adel/ als
ſeinen guten Freunden/ vnd mit vielem anderem
Volck/ als jhren Vnterthanen fuͤr das Schloß
vnd Wohnung deß Alidors Man fanget an das
Schloß zu ſtuͤrmen/ vnd dapffer hinein zuſchieſ-
ſen/ aber nicht weniger geſchicht auch von denen/
ſo darinnen waren/ die wehreten ſich dapffer dar-
innen: Man lieff zwar zum zweitenmal Sturm/
aber man kondte doch noch nichts gewinnen: Als
aber Alidor ſah/ dz man auch zum drittenmal ſein
Schloß ſtuͤrmen wolte/ da dachte er wol/ er wuͤrde
ſich in die laͤnge nicht mehr auffhalten koͤnnen/
ſondern endlich gefangen werden/ berathſchlagete
ſich derhalben mit einem ſeinen getreueſtē Knech-
te/ daß er jhm ſeine Pferd ſolte fertig machen/ vnd
deß Abends bey die Pforten deß Gartens fuͤhren/
ob er alſo darvon kommen moͤchte: Hierauff ſackt
L ijvnd
[156]Beutelſchneider/ oder
vnd packte ſich Alidor/ nimpt all ſein Gold vnd
Silber/ vnd was er von Gelt hatte bey ſich/ macht
ſich deß Nachts darvon mit vier ſeiner Knechten/
welche wol beritten warē/ vnd das gienge ſo heim-
lich zu/ daß es weder die jenige/ ſo im Schloß/ noch
auch die jenigen/ ſo drauſſen vor dem Schloß wa-
ren gewahr wurden: Ritten hierauff Tag vnd
Nacht/ biß daß ſie endlich in einen ſtarcken finſte-
ren Wald kamen/ vnd ſich darinnen ſalvireten:
Vnd als ſie an ſolchem Ort waren/ vnd ſonſt
kein Mittel hatten/ ſich zu ernehren/ fiengen ſie an
widerumb ſchroͤcklichen zu rauben vnd zu mor-
den/ vnter andern aber kam jhnen auch in jhre
moͤrderiſche Haͤnde ein vornemer reicher Kauff-
mann/ welche/ als ſie jhn je zu ermorden wolten/
vnd vngefehr ſahe ein Hauffen Kraͤhen voruͤber
fliegen/ da er dann alſo anfienge zu ſchreyen vnd
zu ſagen: O jhr Kraͤhen/ ich ruffe euch zu Zeugen
an/ rechet mich an dieſen Moͤrdern/ welche mir
mein Leben allhie nemen.

Dieſe boͤſe Buben kondten vnd wolten nicht
darmit zu frieden ſeyn/ daß ſie alles/ was ſie bey
dieſem Kauffmann funden/ jhm abnamen/ ſon-
dern ſie ſchlugen jhn auch noch uͤber das ſo bald
todt. Etliche Tag aber hernach wurden jhrer zwen
in ein Flecken geſchickt/ allda etwas zu kauffen:
Als ſie aber in einer Herberg an demſelbigen Ort
einen Trunck miteinander theten/ ſihe/ da kame
geflogen ein hauffen Kraͤhen/ welche ſich auff die
ſpitzen deß Hauſes ſetzten/ vnd anfiengen zu krach-
tzen: Welches als es die beyden Moͤrder hoͤreten/
vnd
[157]Diebs Hiſtorien/ das I. Buch.
vnd ſahen/ fiengen ſie miteinander an zu lachen/
vnd einer zu dem andern alſo zu ſagen: O/ ho/ Ge-
ſell/ ſihe da die Zeugen/ welche den Todt deß jeni-
gen/ den wir die Tag uͤber hingerichtet haben/ re-
chen ſollen.

Der Haußknecht hoͤrete dieſes Lachen vnnd
Geſpraͤch der zween Gaͤſte/ vnd zeigete es ſeinem
Herꝛn an/ welcher ſo bald hingienge zu der Obrig-
keit in dem Flecken/ vnd als er ſolches angezeiget/
ſchicket die Obrigkeit ſo bald jhre Diener hin/ wel-
che dieſe zween Geſellen grieffen vnnd gefangen
fuͤhreten. Vnd als man ſie hernacher examinirte/
vnd auff die Folter ein wenig ſpannete/ bekandten
ſie ſo viel/ daß ſie darauff zum Todt verurtheilet/
vnd ſo bald hingerichtet wurden. Man vermeine-
te zwar/ man wuͤrde die andere jhre Mitgeſellen
auch erdappen/ aber ſie hatten ſich ſo bald/ als ſie
ſolche Londen gerochen/ auß dem Staub ge-
macht.

Alidor begabe ſich hierauff in einen andern
Wald/ ſo nah bey Lion iſt/ da dann viel andere
Rauber vnd Moͤrder (weil ſie ſo viel von jhm ge-
hoͤret hatten) ſich zu jhm begaben/ vnd da erdach-
ten ſie tauſenterley Bubenſtuͤck/ wie ſie die vor-
uͤbergehende deſto fuͤglicher berauben moͤchten:
Vnter andern ware einer in jhrer Geſellſchafft/
ein junger Geſell vngefaͤhr zwantzig oder mehr
Jahr alt/ der pflegte ſich vor einem Stum̄en auß-
zu geben/ truge ein Gloͤcklein in der Hand/ vnd in
dem er ſich anname/ als zoͤge er von einem Ort
zum andern/ das Brot zu betteln/ ſahe er vnter
L iijdeſſen
[158]Beutelſchneider/ oder
deſſen alles auß/ wo Gelegenheit zu rauben vnd
zu ſtelen vorfiele/ vnd dienete alſo ſeinen Mordge-
ſellen zu einem Merckzeichen: Dan̄ auff dieſe wei-
ſe erfuhren ſie/ ob der jenigen/ ſo voruͤber reiſeten/
wenig oder viel weren/ vnd alſo begiengen ſie viel
Mord vnd Todtſchlaͤg. Gott aber ſtraffete auch
endlich ſolche ſchroͤckliche Vbelthaten. Dann der
Gottloſe vermeinte Stumm/ wurde endlich er-
haſchet vnd gefangen/ vnd lebendig geradbrechet
da er dann in ſeiner Marter/ da man jm die Bein
radbrechet/ wie ein grimmiger Ochs bruͤllete:
Aber die uͤbrige andere/ waren ſo verſtocket in jh-
ren Hertzen/ daß ſie durch deß vermeinten hinge-
richten Stummen ſchroͤcklich Marter wenig vr-
ſach namen ſich zu beſſern/ ſondern fuhren nichts
deſts weniger fort in jhrem Moͤrderiſchen vnnd
verdamblichen Leben.

Als auff ein Zeit Alidor uͤberzwerch durch ei-
nen Wald gienge/ traff er an einen Laqueyen/ ließ
ſich mit jhm in Geſpraͤch an/ vnnd erfuhre nicht
allein von jhm/ daß er im aller nechſten Schloß
daſelbſt herumb wohnete/ ſondern daß auch deß-
mals die Edelfrau deß Schloſſes daheim wa-
re/ vnd wenig Leute bey ſich hatte: Darauff name
er zwoͤlff oder dreyzehen ſeiner Raubgeſellen zu
Pferd mit ſich/ kame ins Schloß hinein/ vnd be-
gerete/ die Edelfrau ſolte doch ein wenig zu jhm
kommen/ dann er hette etwas mit jhr zu reden:
Als jhn nun die Edelfrau ſahe/ meinte ſie es were
ein vornemer Herꝛ oder Capitain/ hieſſe jhn will-
kom̄en ſeyn: Er aber name ſich an/ er hette jhren
Jun-
[159]Diebs Hiſtorien/ das I. Buch.
Junckern geſehen/ vnd wuͤrde bald kommen/ vnd
hielt ſie alſo mit Geſpraͤchen lange Zeit auff: Die
Edelfrau aber bittet jhn/ er woͤlle abſteigen/ in jh-
ren Saal gehen/ vnd ein wenig ruhen/ welches er
dann ſo bald thaͤte: Vnd als er mit zween ſeiner
Geſellen ware hinein gegangen/ winckete er ſei-
nem andern Geſellen ſie ſolten die Thuͤr deß Lo-
ſaments/ darinnen die Edelfrau mit einer jhrer
Tochter/ ſo vngefehr ſechtzehen oder ſiebenzehen
Jahr alt ware/ zu machen: Hierauff nohtzuͤchtig-
ten ſie Mutter vnd Tochter/ wie ſehꝛ ſie darvoꝛ ba-
ten/ vnd ſchroͤcklich zu ſchreyen anfiengē: Ja nach
ſolcher begangenen Schand zwangen ſie noch die
Mutter/ daß ſie jhnen alle jhr Haab/ Silberge-
ſchirꝛ vnd Gelt muſte zeigen/ welches alles ſie mit
ſich namen/ vnd nach dem ſie nicht allein ſolche
Schand mit Mutter vnd Tochter begangen/ ſon-
dern auch den Thuͤrhuͤter im Schloß tod geſchla-
gen hatten/ ſatzten ſie Mutter vnd Tochter hinder
ſich auff jhre Pferd/ fuͤhreten ſie hinweg in jhren
Wald/ da ſie ſich mit einander auffhielten/ vn̄ als
ſie alle mit einander/ vnd einer nach dem andern
jhre verdambliche Vnzucht mit Mutter vnnd
Tochter gnugſam getrieben hatten/ fuͤhreten jh-
rer drey oder vier ſie widerumb deß Nachts nah
bey jhr Schloß/ da man ſie dann alle beyde deß
Morgens Todt funde.

Als nun der Juncker deß Schloſſes/ ſolche
hertztraurige Zeitung von ſeinem lieben Weib
vnd Tochter erfuhre/ wurde er daruͤber ſo betruͤ-
bet/ daß man mein ete/ er wuͤrde vor Hertzenleyd
L iiiivnd
[160]Beutelſchneider/ oder
vnd Bekuͤmmernuß ſterben/ Doch raffete er ſich
widerumb auff/ name jhm ein Hertz/ vnd ſetzet jm
vor/ er wolte die zugefuͤgte Schand vnd Todt ſei-
nes Weibes vnd Tochter rechen/ vnd ſolte es auch
koſten/ Gut vnd Blut/ vnd was es jmmer mehr
wolte: Kehrete darauff wider nach Hauß/ verſetz-
te vnd verpfaͤndet das meiſte Theils ſeiner Guͤ-
ter/ vnd nach dem er ſich mit Vorꝛath wol verſe-
hen hatte/ begibet er ſich auff den Weg mit zwan-
tzig oder dreyſſig wol berittenen Perſonen/ vnd
nach dem er nach langem vmbfragen den Ort/ da
ſich ſolche Dieb vnd Schelmen hielten/ erfraget
vnd angetroffen/ laͤſt er jhn gantz vmbgeben/ vnd
uͤberfaͤllt ſie gantz vnverſehener vnd vnverhoffter
weiſe: Als nun ſolche Moͤrder ſehen/ daß ſie/ gleich-
ſam alſo zu reden/ dem Hencker ſchon vnter den
Haͤnden ſeyn/ da thun ſie eines/ doch viel mehr
auß Verzweiffelung als auß Dapfferkeit/ ruͤſten
vnd ſetzen ſich zu Pferd/ wagen ſich mitten vnter
ſie/ vn̄ nach dem ſie jhren Ort lang gnug verthei-
diget/ aber ferꝛners zu veꝛtheidigen zu ſchwach ſich
befinden/ ſalvirn ſich etliche mit der Flucht/ vnd
ſo gut als ſie koͤnnen/ was aber die uͤbrigen anlan-
get/ wurden jhre etliche auff der Wahlſtadt todt
geſchlagen/ etliche aber gefangen/ vnd hernacher
geradbrechet/ wie ſie dann wol verdienet hatten.

Etliche Zeit hernacher/ begibt ſich Alidor wider
vmb die Statt Paris herumber/ vnd als es auff
ein Zeit gar ſpat war/ vnd er mit ſeinen Geſellen
wolte eine Nachtherberge ſuchen/ trifft er an ein
ſchoͤne junge Burgersfrau/ welche widerumb
von
[161]Diebs Hiſtorien/ das I. Buch.
von dem Feld/ da ſie ein Hauß hatte/ in die Statt
wolte gehen/ wandert mit derſelbigen fort/ vnnd
als er ſihet/ daß er gar allein bey jhr iſt/ vnd nie-
mands mehr weder vor jhnen gehet/ noch hinden
hernach folget/ auch uͤber das er nah bey Mont-
marte iſt/ vnterſtehet er ſich dieſelbige zu Noth-
zuͤchtigen/ vnd damit ſie ſeines Willens deſto
eher gelebe/ ſo ſetzet er jhr die Piſtol an die Gurgel:
Sie aber/ dieweil ſie ſihet/ daß ſie kein huͤlff nicht
kan haben/ ſtellet ſich/ als wann ſie ſeines Willens
wolle geleben/ doch bittet ſie jhn/ er woͤlle ſie doch
an einen heimlichen Ort fuͤhren/ auff daß ja nie-
mands darzu komme/ welches er dann thut/ ſteigt
ab von ſeinem Pferd/ vnd in dem er ſie bey den Ar-
men fuͤhret/ vnd ſich gar freundlich bey jhr ma-
chet/ kommen ſie vnter deſſen zu einer rieffen
Steingruben/ da man Stein b[r]ache: Da ſihet
die junge Frau jhren Vortheil auß/ vnnd als
er ſichs am wenigſten verſihet/ ſtoͤſſet ſie jhn in
die tieffe Steinkauten hinein/ daß er daruͤber
ein Bein bricht/ kan auch nit wider herauß kom-
men/ biß ſo lang/ daß die Obrigkeit/ welcher ſie es
darauff geklaget/ kommet/ jhn herauß zeucht/ vnd
nach dem er examiniret worden vnd alles be-
kandt/ jhn laͤſt zu wolverdienter Straff
lebendig Radbrechen vnd
hinrichten.

Das XI. Capitel.

JEner Alte hat ſein lebenlang kein wa-
rer Wort geſagt/ als da er lehret: Die Be-
gierd zu haben/ vnd der Geitz ſey ein Vr-
ſprung vnd Wurtzel alles Vngluͤcks/ ſo inn der
Welt vorgehe: Dann wann wir bedencken alles
das Vngluͤck/ welches von dieſem Laſter/ als von
einer Wurtzel herkommet/ ja wann wir betrach-
ten die vnterſchiedlich Vngemach vnnd Vngele-
genheiten/ welche dieſe boͤſe Begierd ſelber in dem
Gemuͤth der Menſchen hat vervrſachet/ ſo wuͤrde
da keiner ſeyn/ der nicht ſelber wird bekennen vnnd
ſagen muͤſſen: Daß eben der Ehrgeitz vnnd Gelt-
geitz/ welcher vns beweget nach Reichthumb zu-
trachten/ vns eben dardurch in Vngluͤck ſtuͤrtzet/
vnd vnns durch ſein verblendung gantz Viehiſch
machet/ alſo daß wir darnach nicht widerumb zu-
recht kommen koͤnnen.

La Fleur/ du koͤndteſt noch wol ein Zeitlang
jetzunder das Leben/ das das koͤſtliche Ding in der
Welt iſt/ haben vnd dein Nam/ den du anfiengeſt
erſtlich ſo weit außzubreyten/ were nimmermehr
ſo ſchaͤndlich verdunckelt worden/ durch die boß-
heit deines Lebens/ wann du nicht an dieſem La-
ſter im Spital hetteſt kranck gelegen: Aber der
ſchaͤd-
[163]Diebs Hiſtorien/ das I. Buch.
ſchaͤdliche Durſt/ welchen du nach dieſem garſti-
gen Metall hatteſt/ vnd welcher die Leut inn der
Welt zu Narꝛen machet/ iſt Vrſach/ daß du dei-
nen boͤſen Begierden den Zaum ſchieſſen laſſen/
vnd daß du dich endlich ſelber in Schand vnnd
Vngluͤck haſt geſtuͤrtzet.

La Fleur war einer vnter den vornemſten Beu-
telſchneidern in Paris/ vnd kan bald nicht alles
erzehlet werden/ was er inn ſeinem gantzen Leben
fuͤr boͤſes hat außgerichtet/ vnd zwar ſolches alles
vnter dem ſchein der Gottſeligkeit vnnd Froͤm-
migkeit: Dann er wuſte ſich uͤber alle maſſen
freundlich/ vnnd hoͤfflich gegen jederman zuerzei-
gen: Allezeit fande man jhn in der Kirchen/ vnnd
ſahe jhn/ wiewol auß lauter Heucheley/ ſein Gebet
verꝛichten: Aber gemeiniglich/ wann man hette
meynen ſollen/ er were am andaͤchtigſten vnnd
gleichſamb vor Andacht entzucket/ machte er ſich
vnter die Weiber vnd fegte jhnen die Beutel: Ja
wil euch in dieſem Capitel nur etliche/ vnd zwar
zwey oder drey ſeiner vornembſten vnd beſten Bu-
benſtuͤck erzehlen: Dann auß denſelbigen werdet
jhr darnach ſelber ſehen koͤnnen/ was er vor ein er-
barer Geſell mag geweſen ſeyn.

Als er nun mehr die ſiebentzehen Jahr erꝛeichet
hatte/ begabe er ſich muthwilliger weiſe vnter ei-
nen hauffen Freybeuter/ welche ſich einmal in dem
Wald de Compiegne/ ein andermal in dem Wald
Senlis pflegten auffzuhalten/ vnnd trieben viel
Dieb vnd Mordſtuͤcke an ſolchen oͤrtern/ aber ich
wil euch jetzt nur ein Bubenſtuͤck vnnd zwar das
vornembſte erzehlen.

Als dieſer La Fleur noch ein ſchoͤner Jung wa-
re/ vnd kein Bart hatte/ kleidet er ſich wie eine
Jungfrau/ vnd weil er gar wol wuſte/ daß ein ge-
wiſſer Kauffmann von Paris auß Niderland wi-
der war kommen/ auch nothwendig da voruͤber
reiſſen muſte (welches alles dann er von zween
Burgern von Compiegne gehoͤret hatte) begibt er
ſich mit ſeinen Mitgeſellen in ſolchen Wald/ in
Hoffnung gar bald eine gute Beut zu erwiſchen:
Warten auch in der gegend de Verbene zween
gantzer Tage auff den Raub: Vnd da nun der
Kauffmann daher kompt/ ſo ſetzet ſich la Fleur/ der
ſich ſchon wie ein Jungfrau verkleidet hatte/ auff
den Weg/ fanget an jaͤmmerlich zu heulen vnd
zu ſchreyen/ klaget bald Himmel vnd Erden an/
daß ſie gleichſam zu ſeinem Vngluͤck vnd Ver-
derben zuſammen geſchworen haben/ ſagt: Ihr
Bruder habe ſie verlaſſen/ vnd ſey von jhr hin-
weg gezogen/ vnd wiewol ſie jhn ſo hertzlich ange-
ruffen vnd gebetten habe/ habe er ſie doch nit mehr
hoͤren woͤllen.

Der Kauffmann/ der noch ein junger friſcher
Mann ware/ als er dieſer vermeinten Weibsper-
ſonen ſchoͤnheit anſihet/ vnd dencket/ das ſey ein
guts friſches Wildpret vor jhn/ ſteigt von ſeinem
Pferd heraber/ fragt was jhr mangel/ vnd was
ſie fuͤr eine Bekuͤmmernuß auff dem Hertzen
habe.

La Fleur/ (der ſich ſo wol als ein Weibsperſon
in Worten/ Wercken vnd Geberden wuſte zu-
ſtellen/ daß man im geringſten nichts anderſt hett
dencken
[165]Diebshiſtorien/ das I. Buch.
dencken koͤnnen) erzehlet dem Kauffmann gantz
weitlaͤufftig/ all jhr Vngluͤck vnd Vngemach/
(doch daß er die Masque vnd Larve vom Ange-
ſicht nicht abthete) ſaget jhm/ ſie ſey von Paris/
vnd daß einer vom Adel (ſo ſie vor dreyen Tagen
habe in Picardien hinweg gefuͤhret/ ſeine Eltern
zubeſuchen) ſey von jhr hinweg gezogen/ vnd koͤn-
ne ſie nicht wiſſen noch erfahren/ wo er jmmer-
mehr ſey hin kommen: Derhalben ſo ſitze ſie nun
da/ beſchreye jhr Vngluͤck/ vnd beweine jhr Elend.

Der Kauffmann hoͤret dieſes Geſpraͤch an/
vnd bildet jhm nicht anderſt eyn/ als es muͤß alles
wahr ſeyn/ was die vermeinte Jungfrau jhm er-
zehlet: Setzet ſich gar zu jhr/ vnd fanget an einen
Appetit zubekommen.

La Fleur wegert ſich deſſen nicht zu ſehr/ doch
weiß er nach Art der Hofffrauen vnd Jungfrau-
en ſich gar fein zu klagen/ vnnd ſolche Geſpraͤch
mit jhm zutreiben/ daß er dardurch noch ein groͤſ-
ſere Liebe vnd Begierde in deß Kauffmanns Her-
tze erwecket.

Ach lieber Gott/ ſagte zu jhme dieſe Jungfrau
vnd Blindſchleiche: Mein Herꝛ/ was wollet jhꝛ
mir doch thun jhr werdet mir wehe thun ich bin
noch eine Jungfrau/ O lieber GOtt/ was wird
mein Vatter ſagen/ wann er das ſolte erfahren?
O wie bin ich doch ſo gar zu einer vngluͤckſeligen
Stunde außgegangen: Mein Herꝛ/ ich laß es euch
nicht/ daß jhr mich anruͤhret: Es iſt mir an mei-
ner Ehr mehr/ als an meinem Leben gelegen.

Als ſie aber nun diſes Geſpraͤch treiben/ ſihe da
kompt
[166]Beutelſchneider/ oder
kompt einer daher von Compiegne/ welcher auch
voruͤber wil reiſen/ ein wackerer friſcher Geſell/ der
ſonſten mehr in dergleichen truͤben Waſſer ſich
gebadet hatte: Vnd als er ſihet/ daß der Kauff-
mann ſo freundlich mit dieſer ſchoͤnen Jungfra-
wen vmbgehet/ dencket er/ er wollt ſein Theil auch
darvon haben: Als aber la Fleur jn ſihet/ ſo ſchreyt
er als eine vermeinte Jungfrau jaͤmmerlich/ daß
ſie ſo huͤlffloß ſey: Vnd wann der Himmel ſelber
ſich jhrer nicht anneme/ ſo ſey es vmb ſie ſchon ge-
ſchehen. Dieſe beyde aber ſprechen/ ſie ſolle doch zu
frieden ſeyn/ ſie woͤllen jhr ja kein leyd nicht zufuͤ-
gen/ ſchweigen ſie mit guten vnd freundlichen
worten/ vnd weil ſie gleichwol alle beyde gern woͤl-
len. jhr boͤſes vornemen erfuͤllen/ vnd mit jhꝛ ſol-
che Schand begehen/ fuͤhren ſie ſie vnter den Ar-
men/ vnd geleyten ſie alſo biß zum Eingang deß
Waldes.

Als nun la Fleur ſihet/ daß es Zeit iſt ſein
Spiel anzufangen/ ſagt er als eine vermeinte
Jungfrau alſo: Weil dann das Vngluͤck ſie alſo
habe getroffen/ daß ſie in dieſe vngelegenheit kom-
me/ ſo ſolten ſie doch ein wenig weiter mit jhr in
den Wald gehen/ auff daß es ja niemands moͤch-
te ſehen: Seufftzet vnd ſchreyet vnter deſſen hertz-
lich/ wuͤnſchet jhr tauſentmal den Todt/ vnd thut/
als wann ſie ſehr darumb bekuͤmmert ſey/ daß ſie
ſolche vngluͤckſelige Stunde zu jhrer Außfahre
habe angetroffen.

Der jenige von Compiegne/ welcher am hitzi-
[g]iſten vor der Stirn ware/ machte ſich am erſten
her-
[167]Diebshiſtorien/ das I. Buch.
herbey: Der Kauffmann aber hatte nicht ſehꝛ vnd
mehr groſſen Luſten weiters in den dicken vnd fin-
ſteren Wald hinein zugehen/ dann es wolte jhm
nichts gutes ſchon traumen. Gleichwol aber wie
ſonſten ein Waſſerquelle die andere treibet vnd
fort ſtoͤſſet: Wie es auch ſonſten in der Welt her-
gehet/ daß der meiſte Theil der Menſchen ſich nach
Exempeln reguliret vnd regieret/ vnd dem boͤſen
nachhanget: Alſo folget der Kauffmann dem je-
nigen von Compiegne: Als ſie aber nun mitten in
einem finſtern Wald ſeyn vnd meynen/ ſie woͤllen
jetzund der Liebe pflegen/ vnd jr voꝛnemen erfuͤllē/
ſihe da zeucht la Fleur vnter ſeinem Rock ein Pi-
ſtol herfuͤr/ vnd erſcheuſt den Kauffmann auff der
ſtatt: Ja es iſt der Schuß noch nicht recht alſo zu
reden geſchehen ſihe ſo iſt der andere von Compie-
gne von vier groſſen Schelmen vmbgeben/ welche
mit Dolchen alſo auff jn zuſtechen/ daß er auch ſo
bald todt auff die Erden niderfaͤlt/ Hierauff fan-
gen ſie nun mit einander an die zween ermordete
zubeſuchen/ vnd bekommen bey jhnen ſampt den
zweyen Pferden auff die drey hundert Kronen.
Als ſie aber den Raub vnter ſich theilen woͤllen/
werden ſie vntereinander vneinig/ Dann weil la
Fleur die vornembſte Perſon in ſolcher Tragœ-
dien vnd Spiel war geweſen/ vnd verurſachet hat-
te/ daß die zween erſchlagene jhnen in die Haͤnde
kommen waren/ wolte er ein Pferd vnd hundert
Kronen darzu haben/ die andere aber wolten das
nicht eingehen/ kamen darauff mit woꝛten ſo hart
zuſam̄en/ daß endlich drey wider die andere zween
waren/
[168]Beutelſchneider/ oder
waren/ vnd fiengen ſich an zu rauffen vnnd zu
ſchlagen/ vnter dem Creutz Sainet Oien/ wel-
ches ein kleiner Flecken iſt/ vngefehr zwo Me[y]len
von Compiegne ligend: La Fleur/ welcher ein gu-
ter Fechter war/ ſticht den einen durch vnd durch/
vnd nach dem er den andern auch toͤdtlich ver-
wundet hatte/ ſetzet er ſich auff eines der geraube-
ten Pferde/ vnd begibet ſich allein nach Paris.

So bald als er nun nach Paris iſt kommen/ be-
gibet er ſich zu den Beutelſchneidern/ handelt vnd
wandelt mit jhnen/ beſihet jhre Geſetz vnd Poli-
cey/ vnd machet ſonderliche Commentarios vom
rauben vnd ſtelen/ kommet einer friſch zu Paris
an/ ſo geſellet er ſich zu jhm vnd ſihet/ daß er jhn
bey dem Seckel erhaſchet/ ja es vergehet kein Tag/
daß er nicht einen/ oder den andern redlich dar-
ſetzet.

Vnter vielen andern aber erzehlet man von
jhm/ gar ein artigen ſtreich: Dann als er auff ein
Zeit verſtanden hatte/ daß etliche junge Advoca-
ten wolten in dem Wirthshauß/ genandt zum
Fichtenapffel/ zu Mittag eſſen/ vnd ſich ein wenig
erluſtiren/ gehet er geſchwind von dem Palois
(welches iſt der Koͤnigliche Hof zu Pariß/ da ſich
die Advocaten finden) lauffet Spornſtreich zum
Wirthshauſe zu/ vnd bittet den Wirth/ er wolte
doch geſchwind ein gutes Mittagmahl fuͤr zehen
oder zwoͤlff Perſonen anſtellen/ welche ſo bald zu
jhm kommen werden/ vnd thut la Fleur als wann
er ſelber von den Advocaten ſey abgefertiget wor-
den/ die Mittagmalzeit vor ſie wol zubeſtellen.

Als nun die Advocaten in das Wirthshauß
hinein kommen/ ſtellet ſich la Fleur/ als wann er
der Haußknecht ſey/ vnd wie der Wirth meinte
la Fleur gehoͤrete zu den Advocaten/ vnd were mit
jhnen bekandt/ weil er das Mittagmahl fuͤr ſie be-
ſtellet hatte? Alſo meineten hinwiderumb die Ad-
vocaten/ la Fleur were wol mit dem Wirth be-
kandt/ dieweil er jnen ſo fleiſſig auffwarte/ mit Eſ-
ſen aufftragen vnd einſchencken: Aber ſie kondten
auff beyden ſeyten nicht mercken oder ſchmecken/
was la Fleur im Schild fuͤhrete: Dan̄ als ſie ſich
nun zu Tiſch nider geſetzet hatten/ ſie aſſen/ tran-
cken vn̄ machten ſich luſtig/ da thut la Fleur eins/
ſuchet die beſte Taffete Maͤntel der Advocaten/
welche er in der eyle kondte außleſen vnd macht
ſich mit denſelbigen darvon: Als nun das Mit-
tagmahl bald g[e]endet ware/ mercket man/ daß es
nicht recht muſte zugehen/ oder etwas darhinder
ſtecken/ weil der vermeinte Haußknecht nit mehr
ſich ſehen lieſſe: Sie fragen/ wo jhre Maͤntel ſeyn/
wer ſie hinweg getragen habe? Aber da iſt nie-
mands der etwas darvon wil wiſſen. Die Leut im
Hauſe erſchrecken daruͤber/ wiſſen nicht was ſie
darzu ſagen ſollen. Doch da ſie ſehen/ daß der je-
nige/ ſo das Mittagmahl beſtellet hatte/ muͤſte die
Maͤntel hinweg genommen haben/ lauffet man
jhm nach/ ob man jn vielleicht noch an einem oder
dem andern Ort moͤge erdappen: Aber er ware
ſchon auff dem Grempelmarck/ vnnd wolte die
Maͤntel verkauffen/ auff daß er ſich hernacher
auch von ſolchem auß den Maͤnteln erloͤſeten Gelt
Mmoͤchte
[170]Beutelſchneider/ oder
moͤchte luſtig machen. Als [ſie] nun auff den Grem-
pelmarck kommen/ da erdappen ſie jhn inn dem
Hauß eines ſolchen Grempelkraͤmers/ welcher al-
lerley Kleyder verkauffte/ vnnd dergleichen Geſel-
len/ Rauber vnd Beutelſchneider bey ſich inn ſei-
nem Hauß pflegte auffzuhalten/ vnnd zu Herber-
gen. Als man jn aber nun wil auffs Chaſtelet vnd
in das Diebsgefaͤngnuß fuͤhren/ vnd ſolches ſeiner
Geſellen drey jnnen werden/ da kamen ſie jhnen
entgegen/ fiengen ein vnverſehene ſchlaͤgerey an/
thun als woͤllen ſie ſich vntereinander erſtechen/
vnd erhawen woͤllen/ darauff laufft das Volck zu-
ſammen: Seine Geſellen aber machen dardurch/
daß la Fleur/ den jenigen/ ſo jhn gefangen wolten
fuͤhren/ in ſolchem Tumult vnd Auffruhr auß den
Haͤnden entwiſchet/ vnd darvon kommet.

Als nun dieſes ſchwere Gewitter voruͤber wa-
re/ ſuchet la Fleur allerley Buͤrſchlein ſeiner Haar
vnd Natur zuſammen/ begibt ſich auß Paris gen
Sainct Clou/ vnd gehet in die erſte Herberg/ ſo er
antrifft/ vnd als er in die Heꝛberg hinein kommet/
begehret er/ man ſoll jhn doch inn eine Kammer
weiſen: Die Wirthin im Hauß/ welche meinet/ es
ſein ehrliche Leute/ weiſet ſie oben auff in eine Kam-
mer/ vnd als ſie ſehen/ daß die Wirthin im Hauß
gar allein iſt/ namen ſie jhnen vor/ ſie wollen die
Wirthin nothzuͤchtigen/ wollen es auch je zu inn
das Werck ſetzen/ aber der Wirth kommet daruͤber
widerumb heimb: Derhalben ſolches offentlich al-
ſo vorzunemen/ wolte ſich nicht ſchicken/ dieweil
ſie darnach ſich ſelber in groſſe Gefahr geſtuͤrtzet/
hetten
[171]Diebs Hiſtorien/ das I. Buch.
hetten/ namen jhnen deßwegen fuͤr/ ſie woͤllen auff
eine andere vnd bequemere Zeit warten.

Vmb die Mitternacht/ da ſie wuſten/ daß jnen
die Finſternuß zu jhren Suͤnden am bequemlich-
ſten ware/ nimpt ſich einer vnter jhnen an/ als ſey
er gar gefaͤhrlich Kranck/ wecket hierauff den
Wirth vnd Wirthin im Hauß auff: Aber zu al-
lem Gluͤck oder Vngluͤck ſihet der Wirth/ da er
auß ſeinen Beth wil auffſtehen/ einen ſeiner Nach-
barn in ſeine Kammer/ wird daruͤber ſo eyfferig/
daß er jhm nachlauffet/ ob er jhn moͤge erdappen.
In dem aber der Wirth dem jenigen nachlauffet/
ſo begehn die andere jre Schand mit der Wirthin/
welche ſelber inn die Kammer/ da ſie lagen/ ohne
Liecht war kommen. Vnd kan man darauß ſehen/
daß an der Wirthin ſelber auch nicht viel guts iſt
geweſen. Als aber der Wirth wider heim kompt/
vnd ſein Weib nicht im Beth findet/ gehet er oben
auff ins Hauß/ vnd weil er wol mercket/ daß ſie in
der Kammer bey den Gaͤſten ſein muͤſſe/ wird er
ſo eyfferig daruͤber/ daß er ſie wil vmbbringen:
Darauff wird ſie aber hergegen ſo meineydig an
jhrem Mann/ daß ſie jhn durch einen auß dieſen
Raubern laͤſt todt ſchlagen/ vnd dencket/ ſie wolle
wol ſehen/ wie ſolches verduſchet moͤge werden.
Was thut aber vnter deſſen la Fleur? Er thut
nicht als wann er das Sviel verſtehe/ vnd weil er
wol wuſte/ daß Gelt im Wirthshauß ware/ ſetzet
er der Wirthin ein Piſtol an die Gurgel/ vnd ſa-
get zu jhr: Wann ſie jhm nicht ſo bald alle das
M ijGelt
[172]Beutelſchneider/ oder
Gelt/ ſo im Hauß were/ gebe/ ſo ſey es vmb jhr Le-
ben geſchehen? Wiewol nun anfaͤnglich die Wir-
thin ſich etwas wegern wolte/ ſo war es doch vmb
ſonſt/ dann von dem erſten ſtreich/ den er jhr gab/
fiel ſie ſelber zu Boden: Hierauff gibts ein groß
geſchrey im Hauß/ die Nachbarſchafft wirds ge-
wahr vnd macht ſich auff/ welches/ als es die Rau-
ber hoͤren/ woͤllen ſie ſich mit der Flucht ſalviren/
aber die Magd im Hauß verwahret Hauß/ Ste-
gen vnd alles ſo wol/ daß ſie nicht darauß kom-
men koͤnnen. Zu allem Vngluͤck aber waren alle
Fenſter mit Eyſſeren Gegittern/ ſo wol verwah-
ret/ daß ſie entweder im Hauß ſterben/ oder ſich ge-
fangen geben muͤſſen: Dann zu entfliehen/ ſahen
ſie kein Mittel vor jhren Augen.

In dem ſie aber in dem Hauß alſo vmbher ge-
hen/ vnd ſuchen wie vnd wo ſie doch hinauß moͤ-
gen kommen/ da werden ſie gewahr/ daß in einer
Kammer hinder dem Betth ein Fenſter iſt/ wel-
ches in Garten gienge/ vnd vor weniger Zeit war
zugemacht worden: Solches Fenſter lauffen ſie
mit Baͤncken auff/ nach dem Exempel der Roͤ-
mer/ welche mit gewiſſen Kriegs Inſtrumenten
die Mauren vmbworffen/ ſpringen dem Fenſter
hinauß/ vnd eylen ſich alſo/ daß jhꝛ zween darvon
kummen/ welche darnach das Waſſer erlangen/
vnd alſo vollends darvon ſchwimmen: Die an-
dern aber werden gegriffen/ gefangen gefuͤhret/
vnd viertzehen Tag hernach hingerichtet vor dem
Hauß/ darinnen ſie die Schand vnd Mord be-
gangen hatten.

Als nun la Fleur ſihet/ daß er abermals dem
Vngluͤck iſt entgangen/ bildet er jhm eyn/ es ſey
kein Gewalt auff der gantzen Welt/ die jhn koͤnd-
te fangen/ ja er bildet jhm eyn/ die Geſtirn haben
ein wolgefallen an ſeinen Bubenſtuͤcken: Er fol-
get wo jhn der Weg hinfuͤhret/ endlich aber kompt
er deß Morgens vmb vier Vhren/ gantz naß/ in
ein kleine Fiſcherhuͤtten/ dann mit ſeinen Klei-
dern war er duꝛch das Waſſer hindurch geſchwū-
men. Aber was ſeinen Geſellen anlanget/ der ſich
zwar auch mit jhm ins Waſſer begeben hatte/ in
meynung durch zu ſchwimmen/ hatte das Gluͤck
nicht/ wie la Fleur/ ſondern muſte im Waſſer er-
ſauffen/ dieweil er ſich nicht am rechten end hatte
ins Waſſer hinein begeben.

Als nun la Fleur widerumb ein wenig zu ſich
ſelbeſt kom̄en vnd trocken ware worden/ begibt er
ſich widerumb gen Paris (dann das iſt der Rau-
ber vnd Diebe ordentliche Herberg/ daß wann ſie
lang hin vnd her geſtreiffet/ ſie endlichſich wider-
umb gen Paris begeben) vnd vnter tauſent Rau-
bern/ die ſich in Franckreich finden/ duncket ſie/ ſie
gehoͤren nicht zu jhrer Bruderſchafft/ wann ſie
nicht die Brieff zu Paris geholet/ oder auch ſon-
ſten jhre Waare en Greve außgeleget haben.

Etliche Tag verkleidet ſich la Fleur/ vnd gieng
nicht mehr als deß Nachts auß zuſtelen: Als er
aber wider neue Kundtſchafft mit etlichen andern
ſeines Handwercks gemacht hatte/ triebe er ſein
Diebshandwerck ſtaͤrcker als er zuvor jemals ge-
than hatte: Da war keiner in der gantzen Diebs-
M iijgeſell-
[174]Beutelſchneider/ oder
Geſellſchafft/ der jhn in argliſtigkeit hette uͤbertrof-
fen: Dann er erdachte allzeit newe grieff/ daß er
auch die aller verſchlageneſte uͤber den Doͤlpel
warffe/ ja es wurde manchmal einer von jhm er-
dappet/ der frey ſtillſchweigens darvon gienge/ wie
ein Hund/ der den Schwantz zwiſchen den Bey-
nen traͤget. Ich wuͤrde es gar zu lang machen/
wann ich wolte erzehlen alle vnterſchiedliche Bu-
benſtuͤck/ welche er in ſeinem gantzen Leben hat be-
gangen: Welches ich fuͤr dißmal gar mit ſtill-
ſchweigen wil uͤbergehen/ wil euch nur allein erzeh-
len/ wie er iſt gefangen vnnd hingerichtet worden/
welches dann eben ſo ſchrecklich/ als ſein Leben boͤß
iſt geweſen.

Der Krug gehet ſo lang zum Brunnen/ biß daß
er bricht/ ſagt man in dem Sprichwort: Vnnd
wann wir meynen/ wir ſitzen gar oben auff dem
Gluͤcksrad/ ſo laͤſt Gott das Rad herumber gehen/
daß wir heraber fallen/ von vnſerer faͤlſchlich ein-
gebildeten Hochheit/ vnnd darauff gerahten wir
manchmals in groſſes Vngluͤck/ daß wir daruͤber
ſo beſtuͤrtzet vnnd betruͤbet werden/ als wir zuvor
froͤlich vnnd luſtig geweſen/ da wir oben auff dem
Gluͤckrad geſeſſen haben. La Fleur war nun mehr
zu vnterſchiedlichen malen darvon kommen/ aber
endlich iſt er auch hangen blieben.

La Fleur kennete wol einen vornemen Buͤr-
ger von Rennes/ welcher fleiſſig zu Paris ware/
vnnd ſich bey einem Rentmeiſter inn der Gaſſen
Sainet Martin/ dieweil er ſein Blutsfreund vnd
Verwandter war/ auffzuhalten pflegte: Da dich-
tet
[175]Diebs Hiſtorien/ das I. Buch.
tet vnd dencket nun la Fleur/ wie er doch die Sach
angreiffe/ vnnd anſtelle/ damit er heimlicher vnnd
vnvermerckter weiſe/ in deß Rentmeiſters Hauß/
welcher dazumal zu Fontaine-bleau/ da der gan-
tze Koͤnigliche Hof auch war/ ſich auffhielte/ kom-
men moͤcht: Was thut er? Er kandte ſolches vor-
nemen Buͤrgers Hand wol/ hatte auch derſelbigen
Copey vnd Abſchrifft/ welche jhm vngefaͤhr in die
Haͤnde ware kommen deßmals/ da er in der Ge-
gend Vaugirand deſſelbigen Buͤrgers Laqueyen
beraubet hatte. Darauff gehet er hin zu einem
Schreiber/ welcher auch nicht viel ſchatzes mag
werth ſeyn geweſen/ vnd uͤberꝛedet denſelbigen/ daß
er ſolche Schrifft artig nachmahlet/ vnd jm nach-
folgenden Brieff ſchreibet.

Als nun dieſer Brieff geſchrieben vnd verſie-
gelt iſt/ nimbt la Fleur ein groſſe lange Lade/ vnnd
leget ſich ſelber darein/ doch alſo/ daß er ſie kan
[a]uffſchlieſſen/ wann er wil/ vnd laͤſt durch einen
Fuhrmann vnnd einen ſeiner Geſellen die Lade
ſam̄t ſich ſelber fuͤhren in deß Rentmeiſters Hau-
ſe/ welcher deßmals am Koͤniglichen Hof zu Fon-
taine-bleau ſich auffhielte/ wie wir zuvor angezei-
get haben.

Deß Rentmeiſters Fraw empfaͤnget vnd liſet
den Brieff/ befihlt/ man ſoll die Lade abladen/ vnd
in Hof ſetzen/ biß daß man ſie an ein ander Ort
koͤnne ſetzen: Nun war es eben vmb Johannes
Tag/ da das Volck zu Paris ſich erluſtiret/ vnnd
man
[177]Diebs Hiſtorien/ das I, Buch.
man allerley Fewerwerck vnd Racketlein pfleget
zu werffen/ vnd war in ſolchem Hauß ein Laquey/
welcher/ weil er wolte en Greve gehen/ vnd allda
das Fewerwerck ſehen/ zuvor wolte im Hauß ſein
Rohr abſchieſſen/ vnnd widerumb friſch laden:
Was geſchicht? Als er wider die Erden ſcheuſt/
vnd nicht weiß/ daß das Rohr mit einer Bleyer-
nen Kugel iſt geladen/ zerſchmettert ſich die Ku-
gel vnd ſchmeiſt ein ſtuͤck von der Kugel durch die
dargeſtelt Lade hindurch/ vnd verletzet la Fleur/
der in der Laden verborgen lage/ an einem Bein/
welches er gleichwol mit aller gedult vnnd ſtill-
ſchweigen alſolitte vnd außſtunde.

Deß Abends aber wird der Laden vergeſſen/
vnd bleibt alſo im Hof ſtehen/ vnd als nun la
Fleur ſihet/ daß ſie in dem Hauſe alle zu Beth
ſeyn/ kreuchet er auß ſeinem Neſt herfuͤr/ wiewol
er ſo uͤbel an ſeinem Bein verletzet war/ vnd nach
dem er das Bein/ ſo gut als er kondte/ verbunden
hatte/ gehet er vnd wil ſeinen Geſellen die Thuͤr
deß Hauſes auffmachen. Aber zu allem Vngluͤck
waren alle Thuͤren im Hauß ſo wol verwahret/
daß man ſie nicht kondte auffthun/ außgenom-
men die Kuͤchenthuͤr/ dieſelbige kondte er noch
auffthun/ vnd namen ſie auß der Kuͤchen hinweg
etliches Zinn/ wie auch ein S[i]lbernes Handbe-
cken/ welches auß vergeſſenheit in der Kuͤchen wa-
re ligen blieben. Aber die groſſe Begierd die dieſe
Raubvoͤgel hatten/ dem Rentmeiſter uͤber ſeinen
Schatz vnd Geltkiſt zukommen/ bewegte ſie daß
ſie ſich noch weiter in das Hauß hinein wagten/
M vſchla-
[178]Beutelſchneider/ oder
ſchlagen hierauff die Thuͤr an der Stegen eyn/
vnd woͤllen vollends in deß Rentmeiſters Kam-
mer hinein: Vber ſolchem ſchlagen aber erwachen
die Laqueyen/ vnnd nimmet einer eine Hellbarte/
der ander ein Rohr/ vnd lauffen im Hauß oben
heruͤber/ vnd als ſie die Nachtdiebe ſehen/ ſchlagen
ſie ſo ſchꝛoͤcklich auff ſie zu/ daß die Diebe ſich nicht
lenger auffhalten koͤnnen/ ſondern wollen darvon
lauffen. Als ſie aber an die Thuͤr kommen/ da ge-
het zu allem Gluͤck die Nachtwacht voruͤber/ vnd
als ſie ſolches vorgehen ſahen/ greiffen ſie dieſen
Nachtdieben nach den Koͤpffen/ vnnd fuͤhren ſie
auff das Chaſtelet/ da ſie dann nach ſechs Tagen
zum Todt verdammet/ vnnd auffgehencket ſeyn
worden. Was aber anlanget la Fleur/ welcher
auff der Folter alles bekandt/ was er die Zeit ſei-
nes Lebens begangen hatte/ iſt er auff dem Platze
Maubert geradbrechet worden.

Das XII. Capitel.

IN erzehlung der vorhergehenden Hiſto-
rien habt jhr angehoͤret/ die groſſe Argli-
ſtigkeit/ welche la Fleur in ſeinem rauben
vnd morden hat gebrauchet/ vnd wie ſchroͤcklich
der Menſch in Suͤnde je lenger je mehr faͤlt/ wel-
cher
[179]Diebs Hiſtorien/ das I. Buch.
cher einmal muhtwilliger weiſe allen Tugenden
hat abgeſaget: In dieſer Hiſtorien aber werdet jhr
hoͤren die groͤſte Bubenſtuͤck die ein Menſch je-
mals in der Welt jhm in ſeinen Sinn hat genom-
men: Es iſt zwar nicht ohn/ daß dieſe Hiſtorien ſich
nicht in newlichkeit/ ſondern vor etlichen Jahren
hat zugetragen: Aber die dinge/ ſo darinnen [v]o[r]-
fallen/ haben mich beweget/ ſolche hieher zu ſchrei-
ben/ vnd euch dieſelbige der laͤnge nach zuerzehlen/
wie ich dieſelbige von einem guten ehrlichen alten
Mann/ welche das meiſte Theil der Hiſtorien zu
ſeiner Zeit ſelber gehoͤret/ vnd mit ſeinen Augen
geſehen/ hab erzehlen hoͤren.

Ihr woͤllet demnach allhie zum Eingang mer-
cken/ daß als auff ein Zeit der Koͤnig zu Fontaine-
bleau ware/ da begibt es ſich/ daß ein junger Herꝛ/
ſo von den vornem̄ſten am Koͤniglichen Hof wa-
re/ von Paris außzeucht/ in meynung gen Fon-
taine bleau zu jhrer Koͤniglichen Majeſtaͤt zu zie-
hen: Als er aber auff dem Weg iſt/ vnd einem
Wild/ ſo er erſehen/ nachreitet/ kommet er ſo weit
von ſeinem Volck vnd Dienern/ daß/ in dem er
alſo uͤber vnd druͤber in dem Wald/ dem Wild
nach reitet/ er endlich ſihet/ daß er ſich gar hat ver-
jrꝛet/ vnd es vnverſehener weiſe gar nacht wirdt:
Derhalben ſihet er ſich allenthalben vmb/ wo er
doch moͤge ein Hauß oder Wohnung erſehen/ da
er deß Nachts uͤber im trockenen ſeyn moͤge: End-
lich erſihet er ein kleines Bauernhaͤußlein/ vnnd
reitet zu demſelbigen zu/ vnd als er nun zu dem
Bauersmann/ der darinnen wohnete/ kommet/
bittet
[180]Beutelſchneider/ oder
bittet er jhn/ er wolle jhn doch die Nacht herber-
gen/ welches jhm dann der Bauersmann zuſagt/
vnnd nimbt jhn auff in ſein kleines Haͤußlein/ in
welchem ſechs Menſchen waren/ als nemblich/ der
Bauersmann/ ſein Frau/ ſein elteſter Sohn/ [vn-
gefaͤhr] von zwantzig Jahren/ ſeine Schnur/ ſo
gar neulich war verheurathet woꝛden/ ein Knecht/
der deß Viehs huͤtete/ ein ſtarcker/ vnd dem euſ-
ſerlichen anſehen nach/ ein verzweiffelter boͤſer
Menſch/ wie auch ein kleines Toͤchterlein.

Hierauff ſteige der junge vorneme Herꝛ von
ſeinem Pferd ab/ vnd gibt es dem Knecht/ bittet
jhn/ er ſoll es doch wol verſorgen. Darnach gehet
er in das Bauernhaͤußlein/ ſetzet ſich ſo lang bey
das Fewer/ biß daß man jhm etwas zu Nacht zu
eſſen gebe/ vnd dencket er am geringſten nicht/ daß
jhm an ſolchem Ort etwas uͤbels begegnen ſolte
oder werde. Die Leute aber im Hauß kennen jhn
nicht/ wiſſen auch nit/ wer er nur ſeyn moͤge/ doch/
weil ſie ſehen/ daß er ſo ſchoͤn vnd ſtattlich iſt ge-
kleidet/ ſo dencken ſie es muß ein reicher Mann
ſeyn/ vnd weil es jhnen einfaͤlt/ es werde gar eine
gute Beute vor ſie ſeyn/ ſo bereden ſie ſich mitein-
ander/ wie ſie doch die Sach angreiffen/ damit
ſie jhn todt ſchlagen/ vnd Kleider vnd alles an-
dere/ was er bey ſich haben werde/ bekommen
moͤgen.

Nach dem er nun zu Nacht geſſen hatte/ berei-
ten vnd decken ſie jhm ein Beth in der nechſten
Kammer/ welche gar ein ſchlechte/ ja ein ſolche
Thuͤr hatte/ die man gar leichtlich kondte auff-
lauf-
[181]Diebs Hiſtorien/ das I. Buch.
lauffen: In dem aber die Tochter oder Schnur
im Hauſe/ welche gar kuͤrtzlich war verheurathet
worden/ im Hauß jhren Geſchaͤfften nach auff
vnd abgehet/ hoͤret ſie etwas von ſolchem jhrem
boͤſen vnd tyranniſchen Anſchlag/ vnd dieweil ſol-
cher junger Herꝛ/ ein ſchoͤne dapffere anſehnliche
Perſon ware/ dawert es ſie in jhrem Hertzen/ daß
er ſo ſchaͤndlich vmb ſein Leben ſoll kommen/ vnd
vnter deſſen/ daß der Vatter/ Sohn vnd Knecht
im Stall miteinander ſich bereden/ wie ſie ſolchem
jungen Herꝛn das Liecht außblaſen woͤllen/ zeucht
ſie jhn auff eine ſeyte/ vnd nach dem ſie jhn gebe-
ten/ er wolle doch bey ſich verſchwiegen behalten/
was ſie jhm heimlich wolte ſagen/ erzehlet ſie jhm
den gantzen boͤſen Anſchlag deß jenigen/ ſo ſie im
auff vnd abgehen vernommen hatte.

Der junge Herꝛ/ welcher dieſe warnung anna-
me vnd glaubte/ wurde daruͤber ſehr beſtuͤrtzet/ vnd
hatte jhm ſchon vorgenommen/ er wolte darvon
lauffen/ vnd ſolte er auch daruͤber in der Finſter-
nuß den Halß abſtuͤrtzen? Aber endlich beſinnet er
ſich eines andern vnd beſſern/ vnd gedencket/ es
woͤlle ſich nicht gebuͤhren/ daß er ſein Leben alſo
wage/ vnd alſo eher vnd mehr den Gottloſen Leu-
ten in die Haͤnde gerathe/ welche in jhrem Hertzen
aller Gerechtigkeit/ vnd Freundlichkeit vergeſſen/
vnd jhnen vorgeſetzet hatten/ eine ſolche Perſon
zuerwuͤrgen/ welche ſo dapffer daher gienge/ wol
beritten war/ welche ſie ſo freundlich empfangen
hatten/ ja welche jhnen jhr lebenlang kein Leyd ge-
than hatte: Derhalben dencket er/ er woͤlle ſein
Hoff-
[182]Beutelſchneider/ oder
Hoffnung auff Gott allein ſetzen/ vnd im fall/ daß
er ſolte angetaſtet werden/ ſich lieber dapffer weh-
ren als die Flucht nemen/ vnd doch daruͤber noch
erſchlagen werden.

Derhalben ſo laͤſt er fich durch den Bauersman̄
in das kleine Kaͤmmerlein weiſen/ vnd nach dem
er die Thuͤr hinder ſich zugeſchlagen/ zeucht er ein
zimlich groſſe vnd ſtarcke Lade/ welche eben zu al-
lem Gluͤck in der Kammer ware/ fuͤr die Thuͤr/
ladet/ vnd ſpannet ſein Rohr/ legt ſein Degen zur
Hand/ wachet vnd wartet zuſehen/ was nach der
Haußtochter warnung erfolgen werde.

Als nun der Bauersmann meinet/ der junge
Herꝛ/ als welcher deß Tags vom Reiſen vnd Ja-
gen war ſehr muͤd worden/ wuͤrde nun mehr ein-
geſchlaffen ſeyn/ ſchleichet er allgemach fuͤr die
Thuͤr der Kammer/ taſtet vnd fuͤhlet/ vnd meinet/
er wolle die Kammer ohne alle muͤhe gar leichtlich
auffthun: Als jhm aber der Boß nicht wil ange-
hen/ ſo ruffet er dem Herꝛen in der Kammer zu/
vnd ſpricht/ er ſoll jhm doch die Kammer ein we-
nig auffthun/ dann er wolle in einer Laden/ ſo in
der Kammer ſtehen/ ein Decktuch holen/ daß er es
moͤchte uͤberdecken vnd gebrauchē. Der Herꝛ aber/
der noch gar wenig geſchlaffen haͤtte/ ſagt zu jhm
alſo/ du vnbeſcheidener Mann/ gehe jetzt wider-
umb hin/ ich ruhe/ vnd wil dir fuͤr diſes mal nicht
auffthun. Welches/ als es der Bauersmann hoͤ-
ret/ macht er ſich vnnuͤtz vor der Thuͤr/ fanget an
zu toben/ zu raſen vnd zu ſchreyen/ ſpricht: Man
wolle jhn in ſeinem eigenen Hauß bochen vnd tru-
tzen/
[183]Diebs Hiſtorien das I. Buch.
tzen/ nimbt die Wehr in die Haͤnd/ vnd traͤwet dem
Herꝛen in der Kammer: Wann er nicht ſo bald
jhm woͤlle die Thuͤr auffthun/ vnnd ſich in ſeine
Gnade ergeben/ ſo woͤlle er die Thuͤr nicht allein
aufflauffen/ ſondern jhn auch gar todtſchlagen in
der Kammer. Hierauff kommet nun der Bauer
vnd Knecht fuͤr die Thuͤr/ vnd woͤllen ſie aufflauf-
fen/ vnter deſſen aber gehet der Sohn hin/ wil ein
Leiter anſchlagen/ vnd durch das Fenſter in die
Kammer zu dem Herꝛn ſteigen.

Als nun der junge Herꝛ inn ſolcher euſſerſten
Noth vnnd Gefahr iſt/ nimbt er ſein geſpannets
vnd verfertigtes Rohr in die Hand/ trucket loß/
vnd erſcheuſt durch die Kammerthuͤr den Bauern
auff der ſtatt: Ruͤcket hernacher in aller eyle die
Lade hinweg fuͤr der Thuͤr/ vnd richtet den Knecht
auch hin/ vnd als ſolches geſchehen/ laufft er dem
Sohn nach/ aber er macht ſich eylends auß dem
Staub vnd darvon. Aber das Spiel war deßwe-
gen noch nit auß/ dann das geſchrey deß Wirths/
vnd das vngewoͤhnliche geduͤmmel das im Hauß
vorgienge/ erweckete die benachbarte Hirten/ wel-
che alle mit jhren Wehren gelauffen kamen/ vmb-
ringeten das Hauß/ vnd wolten den Moͤrder ha-
ben: Der junge Herꝛ ſahe ſich wol fuͤr vor jhnen/
vnd litte ſich biß auff den Morgen: Vnd als er ſa-
he/ daß die auffruͤhriſche Rotte/ je laͤnger je ſtaͤr-
cker wurde/ ſagte er jhnen/ wer er were/ troete
auch/ er wolte ſie alle hencken laſſen/ wann ſie jhm
nicht die Hand in ſolcher ſein Noht bieten/ vnnd
jhn widerumb zu ruͤck begleiten wuͤrden: Vnnd
wann
[184]Beutelſchneider/ oder
wann ſie je jhm nicht glauben wolten/ ſo ſolten ſie
zur Obrigkeit in den nechſten Flecken oder Statt
gehen: Ja wann ſie auch nicht/ was er begehrete
eingehen wuͤrden/ ſo ſolten ſie gewißlich erfahren
daß jhr Vngluͤck vnd Verderben nicht lang ſolte
außbleiben.

Die Bauersleute/ als ſie nicht allein dieſe He-
roiſche Perſon ſahen/ ſondern auch hoͤren/ wie er
jhnen ſo gewaltig zuredet/ werden dardurch bewe-
get/ daß ſie es etwas wolfeiler/ als zuvor/ gaben.
Jedoch greiffen ſie jhm nach dem Kopff/ vnd ma-
chen ſich mit jhm auff den Weg/ jhn nach Melun
zu dem Oberſten allda zu fuͤhren. Hierzu kom-
men nun dieſes Herꝛn Diener/ welche jhn am vo-
rigen Tag verlohren hatten/ vnnd alle weil noch
ſuchen/ vnd als ſie ſahen/ daß jhꝛ Herꝛ als ein Ge-
fangener daher wirdt gefuͤhret/ werden ſie ſo er-
bittert daruͤber/ daß ſie die Bauren zu ſtuͤcken zer-
hauen wollen: Aber er wehrete jhnen/ daß ſie ſol-
ches nicht theten.

Als nun ſolches alles der Obrigkeit angezeiget
wurde/ wurden darauff deß Bauersmann Mit-
geſellen nach jhrem verdienſt geſtraffet/ außge-
nom̄en der Sohn/ der ſich ſo bald auß dem Staub
gemacht hatte/ derwegen er dann nicht kondte ſei-
nem Verdienſt nach geſtraffet werden: Das
Hauß dieſer Moͤrder wurde zu Aſchen verbren-
net/ die Tochter aber/ welche ſolches dem iungen
Herꝛn entdecket hatte/ wuꝛde reichlich begabet vnd
belohnet.

Weil aber der entlauffene Sohn deß ſo bald
erſchoſ-
[185]Diebshiſtorien/ das I. Buch.
erſchoſſenen Bauersmanns nicht wol widerumb
dorffte nach Hauß kommen/ begab er ſich zu einem
ſeiner Freunde/ welcher fuͤnff oder ſechs Meylen
darvon wohnete/ vnd welcher von dem allen/ was
mit ſolchem vornemen jungen Herꝛn vorgangen
ware/ nichts gehoͤret oder vernommen hatte/ vnd
als auff ein Zeit ſein Vetter vnd Baß/ welche
eine Mannbare feine Tochter/ vnd ein kleines
Knaͤblein hatte/ auff den Marck gen Corbeil ge-
gangen waren/ vnd Er der entlauffene jhm ein-
bildete/ ſein Vetter muͤſte viel Gelt haben/ auch ſie
allein im Hauß waren/ ſetzet er an die Tochter/ vnd
erſchlaͤget ſie mit dem kleinen Knaben/ jrem Bruͤ-
derlein/ ſuchet darauff das gantze Hauß auß/ vnd
nach dem er in einem Beutel etliches Gelt fun-
den/ laufft er darvon/ vnd begibt ſich in den nech-
ſten Wald/ ſo darbey liget.

Deßgleichen/ als er etliche Zeit hernacher er-
fahren/ daß ſein vnd ſeines Vatters moͤrderiſcher
Anſchlag durch ſein Weib war entdecket worden/
wuſte er wol/ daß es nicht rahtſam noch ſicher
fuͤr jhn ſeyn wurde/ widerumb gen Hauß zu ſeinem
Weib zu ziehen/ vnd weil auch ſein junges Weib
nichts mehr von jhm hoͤren noch erfahren kondte/
wurde jhr nach etlichen Monat erlaubet/ ſich an-
derwerts/ vnd an wen ſie wolte/ zuverheyrathen:
Darauff begibt es ſich/ daß ein alter vnd zugleich
etwas wunderlicher vom Adel (als er vernom̄en/
daß er von dem jungen vornemen Herꝛn ſo ſtatt-
lich war begabet worden/ darumb daß ſie duꝛch jh-
re vermahnung jm das Leben erꝛettet hatte) ſie zur
NEhe
[186]Beutelſchneider/ oder
Ehe begerte/ welches jhm dann auch ſo bald wur-
de zugeſaget. Als aber ſolche junge Fraw ſahe/ daß
es jhr zwar beſſer als zuvor gienge/ aber jhr Jun-
cker ein wunderlicher vnd melancholiſcher Kopff
ware/ vergaſſe ſie daruͤber jhrer Ehr/ vnnd macht
ſich mit jederman gemein/ Vnzucht mit denſelbi-
gen zutreiben: Vnd als ſie nach etlicher Zeit heim-
lich gewahr wuͤrde/ daß jr erſter Ehemann la Vi-
gne ſolte wider ſeyn kommen/ vnnd ſich inn einem
nicht weit abgelegenen Ort auffhalten/ bekame ſie
ein Luſt jhn einmal widerumb zu ſehen/ practicir-
te auch ſo viel durch jhre Kammer Jungfraw/ daß
er heimlich zu jhr kame.

Nun ſtunde in dieſes Gottloſen verzweiffelten
Weibes Kammer eine Lade/ in welcher ſie jhre be-
ſte Sachen vnd Gelt verwahrete/ vnd eben in die-
ſe Lade verbarge ſich der Ehebrecheriſche Huren-
jaͤger/ wann er nicht anderſt außreiſſen/ oder dar-
von kommen kondte: Vnd dieſe Lade hatte an ei-
nem heimlichen verborgenen Ort ein Loch/ vnnd
alſo auch Lufft/ alſo daß manchmals la Vigne
ein gantzen Tag darinnen verborgen lage vnnd
bliebe.

Es begab ſich aber nach verlauffung etlicher
Zeit/ daß die Goͤttliche Gerechtigkeit anfienge die-
ſe Ehebrecherinnen durch eine groſſe vnd vnheilſa-
me Schwachheit zur Rechnung zu fordern/ vnnd
wie ſie von den Artzten gantz verlaſſen wurde/ al-
ſo wurde ſie mehr in jhrer Seel mit Troſt verlaſ-
ſen/ vnnd wegen jhrer ſchrecklichen begangenen
Suͤnden geaͤngſtiget/ vnnd als auff ein Zeit vmb
Mitter-
[187]Diebs Hiſtorien/ das I, Buch.
Mitternacht jhr Ehemann/ der Edelmann zu jhr
wolte gehen/ vnnd la Vigne als der ſich deßmals
auch noch bey jhr hielte/ nicht wuſte/ wo er hinauß
ſolt/ verbarge ſich eylends widerumb inn ſolche La-
de/ vnd ſchloß ſie nach jhm hart zu/ das Weib aber
wurde noch mehr geaͤngſtiget/ fienge an vnd thaͤt
gleichſamb eine lange Predigt/ vnnd bate jhren
Herꝛn vnd Junckern/ er wolte jhr die Bitt/ ſo ſie
an jhn thun wolte/ nicht allein nicht abſchlagen/
ſondern auch mit einem Eyd bekraͤfftigen/ daß er
ſeine auff jhre gethane Bitt verheiſſung vnver-
bruͤchlich halten wolte: Die Bitte aber war dieſe:
Daß nemblich nach jhrem Todt er inn das Grab
neben ſie wolte ſtellen vnnd begraben laſſen/ eben
die Lade/ ſo in der Kammer ſtuͤnde/ vnd ſie jhm zei-
gete/ ſolte auch dieſelbige nicht beſichtigen vnnd
auffſchlieſſen/ noch auch zu laſſen/ daß ſie von je-
mandts auffgeſchloſſen oder beſichtiget wuͤrde:
Dann ſie habe darinnen ſolchen Haußrath vnnd
Dinge/ daß ſie nit wolte/ daß ein eintziger Menſch
auff Erden dieſelbige ſolte gebrauchen/ welches
dann jhr Ehemann vnd Juncker jhr ſteiff vnnd
feſt verhieſſe.

Der arme la Vigne als er inn der Laden ſolche
Geſpraͤch vnd ſolches trawriges Vrtheil anhoͤre-
te/ fienge an zu fluchen vnnd zuvermaledeyen/ die
tauſentliſtigkeit ſolcher Ehebrecherin/ ſeiner Mit-
geſellin/ welche vngefehr zwo ſtunde hernach ſtar-
be/ vnnd ohne Buß vnnd Bekandtnuß jhrer ſehr
ſchweren Suͤnden jhren Geiſt auffgabe/ vnd wolte
alſo mit ſich inn den Todt ziehen den jenigen/ wel-
N ijcher
[188]Beutelſchneider/ oder
cher jhr Geſell in jhrem Gottloſen verdam̄lichen
Leben ware geweſen.

Vnter deſſen aber waren etliche Haußgenoſ-
ſen/ man ſolte die Lade im Hauß laſſen/ oder wann
man ſie wolle mit begraben laſſen/ ſolte man ſie
auff das aller wenigſte auffthun vnd beſichtigen:
Aber der Juncker/ weil er es ſeinem Weib ſo ſteiff
vnd veſt verheiſſen/ wolte ſeine Verheiſſung auch
halten/ ließ auch nit zu/ daß die Lade von jemands
geoͤffnet wuͤrde: Vnd nach dem er ſein Weib hat-
te ehrlich begraben laſſen/ laͤſt er die Lade auch in
das Grab hinein ſetzen/ vnnd ein groſſen Stein
darauff legen/ doch wurde das Grab nicht gar zu-
gemauert/ dieweil es ſchon nacht war/ vnd ſolches
den folgenden Tag ſolte geſchehen.

Der arme la Vigne/ welcher in der Kirchen
hatte hoͤren ſingen/ machte jhm keine andere rech-
nung/ als daß er in ſolcher Laden ſterben muͤſte/
vnd in dem er ſich ſo herumber in der Laden warf-
fe/ mercket er/ daß fein Weib noch etliches Geldt
darinnen gelaſſen hatte: Aber er dachte weder an
Golt noch an Gelt/ ſondern bate Gott hertzlich/ er
wolte jhm doch mittel verſchaffen/ auß der Laden
herauſſer zu kommen/ auff daß er ſeinem Gewiſ-
ſen moͤchte ruh ſchaffen: Dann da bedachte er in
der Laden ſein Gewiſſen beſſer/ als er zuvor die
Zeit ſeines Lebens gethan hatte. Was geſchicht?
In dem la Vigne in der Laden in ſolchen Gedan-
cken liget/ begibt es ſich/ daß ein Juͤngling von
den Haußgenoſſen der Abgeſtorbenen/ welcher
verhoffet inn ſolcher mitbegrabenen Laden eine
gute
[189]Diebs Hiſtorien/ das I, Buch.
gute Beute zu finden/ zwiſchen eylff vnnd zwoͤlff
Vhren deß Abends in die Kirche/ da das Grab
der Abgeſtorbenen/ ſampt der Laden ware/ kom-
met/ hebet mit ſeinen zw[e]en Geſellen/ ſo er in die
Kirch mit ſich genommen hatte/ den Stein auff/
fanget an die Lade auffzubrechen vnnd auffzuma-
chen. Vnd als ſie jetzund den Ladendeckel auffhe-
ben woͤllen/ da faſſet jhm la Vigne in ſolchem
wunderlichen Zuſtand ein Hertz/ ſtehet auff/ vnd
fanget ein ſolches geſchrey an/ auß der Laden in
der Kirchen/ daß die andern meynen/ es ſey der
leydige vnd lebendige Teuffel ſelber/ vnd lauffen
alle miteinander darvon/ vnd der Kirchen hin-
auß.

Als nun la Vigne widerumb zu ſich ſelber kom-
met/ zuͤndet er eine Fackel an/ beſuchet die Lade/ ſte-
cket bey ſich das Gelt/ ſo er darinnen findet/ ſchleuſt
die Lade widerumb zu/ legt den Stein auff das
Grab/ gehet der Kirchen hinauß/ vnd ſalviret ſich
durch die Gaͤrten/ ſo gut als er jmmer kan/ vnd ob
er ſich damals wider er[k]andt habe/ gebe ich euch
ſelber zu bedencken. Gleichwol aber/ als er ſihet/
daß er beſſer als er zuvor ſein lebenlang war gewe-
ſen ſtaffiret iſt/ vnd darbey be encket/ daß er an ſol-
chem Ort nicht lang werde ſicher ſeyn koͤnnen/ be-
gibt er ſich in die Gegend der Statt Lion/ trifft all-
da an einen ſehr reichen vnd mit dem Gubernato-
re von Lion wolbekandten Edelmann/ welchem er
fuͤr einen Knecht dienet.

Nun begabe es ſich/ daß ſein Herꝛ eine ehrliche
Jungfraue in ſolcher Gegend/ welche uͤber alle
N iijmaſſen
[190]Beutelſchneider/ oder
maſſen ſchoͤn/ aber doch geringes Stands ware/
lieb gewanne: Solches entdecket er ſeinem Knecht
vnd bittet jhn/ er woͤlle doch auff mittel vnnd wege
ſich bedencken/ wie er ſolcher Jungfrawen moͤge
maͤchtig werden/ vnnd ſolte es auch koſten/ was es
woͤlle: Aber es war alles vmbſonſt: Dann die
Jungfraw lieſſe jhr jhre Ehr ſo wol angelegen
ſeyn/ daß ſie ſolchem Edelmann alles miteinan-
der kurtz rund abſchluge: Welches als es der Edel-
mann ſahe/ vnd gleichwol mit ſeiner Lieb von jhr
nicht kondt ablaſſen/ auch dieſen Gottloſen Knecht/
welcher alles nach ſeinem willen vnd begeren the-
te/ bey ſich hatte/ ſihet er/ daß er auff ein Zeit bey
naͤchtlicher weyle inn der Tochter Vatters Hauß
kommet/ reiſſet ſie dem Vatter auß ſeinen Armen/
vnd wiewol ſie gar klaͤglich ſich verhielte/ ſetzet er
ſie auff ſein Pferd/ vnnd fuͤhret ſie an ein Ort auff
ſein Landgut/ da ſie dann von jhm genothzuͤchti-
get wurde.

Der arme betruͤbte Vatter macht ſich hierauff
in aller eyl auff den Weg nach Lion/ vnnd als der
Tag herbey kommet/ wartet er auff den Guber-
nator/ wann er widerumb werde auß der Meß
kommen/ vnd als er jhn ſihet/ thut er ſeine Klage
vnd bittet jhn/ er wolle jhme doch inn ſolcher Sa-
chen die Hand bieten: Der Gubernator entdecket
dem Vatter ſeinen Vorſchlag nicht/ doch ſchicket
er jhn widerumb nach Hauß/ vnnd verheiſt jhm/
er wolle ſchon den Sachen rath finden. Vnd ſo
bald als er hat zu Mittag geſſen/ ſetzet er ſich zu
Pferd/ vnd nimmet ſich an/ er woͤlle auff die Jagt
reiten:
[191]Diebs Hiſtorien/ das I. Buch.
reiten: Zeugt auff deß Edelmanns Schloß zu/ vnd
helt ſich allda ein wenig auff/ an einem ſehr ſchoͤ-
nen vnd luſtigen Ort.

Der Edelmann als er gewahr wird/ daß der
Gubernator ſo nahe bey ſeinem Schloß ſeyn ſoll/
vnnd aber den Kopff ſo voll Lieb hat/ daß er nicht
meinet/ daß der Weingaͤrtner ſo gehertzt ſolt ſeyn
geweſen/ vnnd jhn wegen ſeiner Tochter bey dem
Gubernator verklaget haben/ nimmet die Tochter
vnd ſchleuſt ſie ein an einem Ort/ da nicht bald je-
mands pflegte hinzukommen. Gehet darauff hin
zu dem Gubernator/ heiſt jhn willkommen ſeyn/
beut jm ſein Schloß zur Herberg an/ welches dann
der Gubernator annimmet/ nimpt ſich an/ als
habe er ein ſonderlichen Wolgefallen an dem Ge-
baͤw ſolches ſchoͤnen Luſthauſes/ gehet durch das
gantze Schloß/ beſichtiget alle Ort vnnd Ende/
wie alles ſo ſchoͤn gemacht vnd gezieret iſt/ laͤſt jh-
me alle Kammern vnd Gemach auffſchlieſſen/ ſie
znbeſehen.

Endlich kommet er in ein langen vnd ſchoͤnen
Saal/ an deſſen ende ein verſchloſſene/ aber uͤber
alle maſſen ſchoͤn gemachte Pfort ware[:] Der Gu-
bernator nimmet ſich an/ als gefalle jhme das beſ-
ſer als das ander alle miteinander/ welches er
ſchon beſehen hatte/ ſagt zu dem Junckern mit la-
chendem Mund: Er halte darvor/ daß er darin-
nen ſeine beſte Sachen/ ſeinen Schatz/ ſeine Guͤl-
dene ringe vnd andere ſtattliche Sachen habe (Es
ſaſſe aber eben an ſolchem Ort die ſchoͤne Jung-
f[r]aw/ welche der Edelmann dem Bawersmann
N iiijent-
[192]Beutelſchneider/ oder
entfuͤhret hatte/ eingeſchloſſen vnnd gefangen)

Als aber der Edelmann nicht gern dran kame/
daß er ſolches Gemach oͤffnete/ dachte der Guber-
nator ſo bald bey ſich/ Es muͤſte eben an ſolchem
Ort ſeyn das jenige/ was er ſuchete: Bate derhal-
ben den Edelmann/ er ſolte jhm doch noch den ge-
fallen erzeigen/ vnnd jhm ſolches Gemach auff-
ſchlieſſen/ auff daß/ weil er ſonſten alles beſehen/ er
ſolches auch beſehen moͤchte: Der Edelmann ga-
be darauff vor/ einer auß ſeinen Dienern ſey gen
Lion gangen/ vnnd bab den Schluͤſſel zu ſolchem
Gemach auß vergeſſenheit mitgenommen: Weil
aber der Gubernator noch anhielte/ er ſolte doch
ſehen/ daß er ſolches Gemach auch beſehen moͤch-
te/ gehet er nah bey den Gubernator/ vnd nach dem
er jhm geſaget: Wann er es jhm nicht woͤlle vor
vngut halten vnd auffnemen/ wolte er es jhm wol
weiſen: Zeiget er jhm an/ daß er eben an dem Ort
ein Hur habe fitzen/ welche er nicht gern wolte/ daß
ſie von jederman geſehen wuͤrde: Vnd wann es
dem Herꝛen Gubernator beliebe ſie zu ſehen/ wolte
er ſie jhn weiſen. Der Gubernator antwortet:
ja/ ja/ gar gern/ dann das iſt eben das Kraut/ das
ich ſuche.

Der Edelman (welcher vermeinete/ das wuͤr-
de ſo fuͤr einen Boſſen hingehen/ dieweil bald der
meiſte Theil deß Adels in ſolchem Spital kranck
ligen/ vnd alſo zu hauſſen pflegen) ſchleuſt die Thuͤꝛ
auff/ Was geſchicht? Die arme Tochter welche
das Haar vmb den Kopff hatte hengen/ vnd gar
kleinmuͤtig außſahe/ als ſie den Gubernator erſi-
het/
[193]Diebs Hiſtorien das I. Buch.
het/ thut ſie jhm ein Fußfall/ vnd bittet jhn/ er wol-
le jhr Recht ſchaffen/ wegen der Schand ſo jr von
dem Edelmann Gwaltthaͤtiger weiſe ſey zugefuͤ-
get worden.

Hierauff laͤſt der Guberbator ſo bald nach dem
Weingaͤrtner ſchicken/ ſtraffet den Edelmann
ernſtlich wegen ſeiner begangenen ſchweꝛen Suͤn-
de/ vnd ſchlaͤgt jhm zwey Mittel vor[/] das eine oder
das andere darauß zu erwehlen: Entweder daß er
den Kopff jhm zu wolverdienter Straff laſſe ab-
ſchlagen/ oder daß er die entfuͤhrete ehrliche Toch-
ter Heurathe vnd ehrlich mache. Der Edelmann/
als er ſihet/ daß er nunmehr iſt gefangen/ vnd kan
weder hinderſich noch vorſich kommen/ erklaͤret
ſich ſo bald/ daß er ſie wolle Ehelichen/ vnnd wird
jm von dem Gubernator geboten/ er ſoll ihr auch
zwey tauſent Kronen vor jhr Morgengaab ver-
machen vnd geben. Welches dann alles ſo bald in
gegenwart deß Gubernators/ ſeiner Diener vnd
deß Weingaͤrtners muß geſchehen. Die Tochter
wird ſchoͤn geſchmucket vnd gebutzet/ ſie werden ſo
bald zuſammen gegeben/ Er helt ſie [fuͤr] ſein eheli-
ches We[i]be/ hat ſie auch lieb vnd werth/ ſie verhelt
ſich auch alſo/ daß ſie inn der gantzen Nachbar-
ſchafft wird geehret vnd geliebet: Der Gubernator
aber iſt wegen ſeines gerechten vnd außgeſproche-
nen denckwuͤrdigen Vrtheils hochgelobet vnd ge-
ehret worden.

La Vigne/ welcher ſchon zum vierdten mal der
Straffe/ welche er vmb ſeiner Vbelthaten willen
wol verdienet hatte/ ware entgangē/ beſſert ſich im
N vgering-
[194]Beutelſchneider/ oder
geringſten nicht/ ſondern faͤhret inn ſeinem Gott-
loſen verdamblichen Leben je laͤnger je mehr fort:
Dann/ als auff ein Zeit ſein Herꝛ mit all ſeinem
Anhang gen Lion ware gezogen/ er aber allein im
Schloß bey ſeines Herꝛn Frawe/ deß Weingaͤrt-
ners Tochter/ vnd etlichen Kammer Jungfrawen
waren/ ſuchet er Mittel zu ſeiner Frawen zu kom-
men/ gibt jhr zuverſtehen/ wie daß ſie vor der Zeit
einmal inn ſeiner Gewalt ſey geweſen: Bittet ſie/
daß/ weil doch ohne das jhr Ehemann nicht da
ſey/ ſie ſeines Willens woͤlle geleben/ vnd jhn auch
einmal mit gutem Willen deß jenigen/ was er zu-
vor wol mit Gewalt von jhr haͤtte haben koͤnnen/
genieſſen laſſen.

Die Junge Fraw/ als ſie ſihet/ daß der loſe
Schelm ſie vmb jhr Ehr anſpricht/ ſtraffet ſie jhn
ernſtlich mit Worten/ traͤwet jm auch/ daß wann
er hinfort mehr dergleichen ding an ſie begehren
wuͤrde/ wolte ſie es jhrem Herꝛn anzeigen/ welcher
ſolche Bubenſtuͤck jhm vngeſtraffet nicht wuͤrde
hingehen laſſen: Nichts deſto weniger aber ſetzet
jhm der Boͤßwicht fuͤr/ er wolle ſein boͤſes vorne-
men erfuͤllen/ vnnd als er ſie einmal deß Morgens
inn einem von dem Schloß/ etwas abgelegenen
Garten/ da ſie vnter den Baͤumen in der Kuͤhle
ſpatzieren gienge/ antrifft/ bittet er ſie abermals/
ſie woͤlle ſeines Willens geleben/ vnnd als ſie jhm
auß den Haͤnden wil entgehen/ ergreiffet er ſie/ ſte-
cket jhr mit Gewalt ein Wiſchtuch in den Mund/
daß ſie nicht kan ſchreyen/ wirfft ſie auff die Erden
nider/ vnd begehet die Schand vnd Vnzucht mit
jhr/
[195]Diebshiſtorien/ das I. Buch.
jhr/ vnd weil er ſelbſten jhm die rechnung leichtlich
kondte machen/ es wuͤrde jn die Fraw beydem Her-
ren deßwegen verklagen/ ſchlaͤget er ſie darauff
gar zu Todt/ vnd in ſolchem toben vnd raſen gehet
er widerumb inn das Schloß hinein/ ruffet einer
auß den zwoen Kammer Jungfrawen/ welche in
jhrer Frawen Kammer waren/ vnd ſchlaͤget die-
ſelbige auff der Stegen Tod/ vnd als die ander das
Geſchrey gehoͤret/ vnd auß der Kammer zu der an-
dern wil lauffen/ wird ſie auch ſo bald von dieſem
Moͤrder erſchlagen/ vnnd als ſolches ein Magd/
welche in der Kuͤchen war/ vnd jhr Kuͤchengezeug
ſaͤuberte/ hoͤrete vnnd dem Geſchrey nach wil lauf-
fen/ wird ſie gleicher maſſen/ wie die vorigen/ todt
geſchlagen. Vnd als dieſer raſende ſo viel Mord
gethan/ ſtecket er endlich das Schloß mit Fewer
an: In dem er aber wil darvon lauffen/ erdappen
jhn die Bawersleute/ nemen ihn gefangen/ vnnd
fuͤhren jhn in ein altes Gefaͤngnuß/ welches nah
an dem Schloß war/ da er dann alles bekandt/ was
er begangen hatte.

Die folgende Nacht macht ſich dieſer Boͤß-
wicht durch gar ein vngewoͤhnliches Mittel loß/
von allen angelegten Eyſen vnnd Feſſeln/ kompt
auß dem Gefaͤngnuß/ vnnd lauffet darvon/ wel-
ches als es der Edelmann erfaͤhret/ ſetzet er ſich zu
Pferd/ vnnd laͤſt jhn an allen Orten vnnd Ecken
ſuchen/ aber alles vmbſonſt: Dann laͤnger als inn
einem gantzen Monat hat man nicht wiſſen noch
erfahren koͤnnen/ wo er hin war kommen: End-
lich aber/ da jhn GOtt ſelber wolte zur Straff zie-
hen
[196]Beutelſchneider/ oder
hen/ ſchicket es Gott/ daß er von deß Weingaͤrt-
ners (dem die Tochter war zuvor durch den Edel-
mann enifuͤhret worden) Nachbaurn wurde er-
kandt vnd geſehen/ als er vmb den Abend vor ei-
nem vngefehr von deß Edelmans Schloß ein
Meyl wegs abgelegenen Dorff voruͤber gienge:
Welches dann der Nachbar ſo bald dem Wein-
gaͤrtner/ vnd der Weingaͤrtner dem Edelman zu-
wiſſen thete. Der Edelmann ſaumet ſich nicht/
ſondern name in der eyl ſeine Bawern vnnd Vn-
terthanen zu ſich/ folgten dem Boͤßwicht ſo ſtarck
vnd ſo lang nach/ biß daß ſie jhn endlich in einem
dicken vnd finſtern wald/ da er ſich vnter die Doͤr-
ner vnd Geſtreuch verſtecket hatte/ ergriffen: wur-
de darauff gen Lion gefuͤhret/ vnd nach dem er ſei-
ne Mord vnd Bubenſtuͤck alle bekandt/ wurde er
nach der Gewonheit ſolcher Zeit/ in heiſes ſieden-
tes Oel geworffen/ vmb der verdamblichen vnnd
ſchrecklichen Vbelthaten willen/ welche er inn ſei-
nem Leben getrieben vnd begangen hatte.

Das XIII. Capitel.

LIſander pflegte zu ſagen: Man muͤſ-
ſe deß Fuchſes Schwantz daran haͤfften/
wann die Loͤwenhaut nicht weit gnug wolte
reichen/
[197]Diebs Hiſtorien/ das I. Buch.
reichen/ das iſt/ wann man nit mit gewalt an ein
Ort koͤnne kom̄en/ muͤſſe man ſehen/ daß es durch
Liſt vnd Practicken geſchehe. Was nun Lyſander
geſagt vnd gelehret/ das hat vor jhme Vlyſſes mit
groſſem Nutzen vnd Vortheil in Einnemung der
Statt Troja practiciret: Dann er allein hat durch
ſeine Kriegsliſte vnnd Verſchlagenheit in einem
Monat zu wegen gebracht/ was das gantze/ groſſe
vnnd gewaltige Griechiſche Kriegsheer/ welches
von ſo vornemen vnd verſtaͤndigen Eapitainen
iſt gefuͤhret vnd regieret worden/ inn 10 gantzer
Jaren nit hat erlangen moͤgen: Dann er hat dieſe
ſtoltze vnd gewaltige Statt erobert/ vmbgeſtuͤr-
tzet/ alles mit dem Schwert darnider gehawen/
vnd hernacher die gantze Statt außpluͤndern laſ-
ſen: hat alſo durch ſeine Argliſtigkeit vnd kuͤnſtli-
che Kriegsliſte die Statt erobert/ welches hundert
tauſent Mann/ vnd tauſent Schiffe inn ſo vielen
Jahren nicht hatten thun koͤnnen.

Wer aber recht bey dem Liecht beſihet/ die groſ-
ſe Argliſtigkeit vnd Betrug der Diebe/ ſonderlich
aber der Filous/ vnd der Beutelſchneider/ der wird
ſelbſten bekennen muͤſſen/ daß ſie deß Lyſandri Lehr
fleiſſig vnd wuͤrcklich nachkommen/ vnnd daß viel
mehr die Fuchshaut/ als die Loͤwenklawen gebrau-
chen: Ich wil euch deſſen in dieſem Capitel gar ein
artige vnd luſtige Hiſtorien erzehlen: Vnd weiß
ich das/ daß jhr euch alle miteinander werdet ver-
wundern uͤber die Verſchlagenheit/ welche die
Herꝛen Beutelſchneider mit jhren kurtzen De-
gen pflegen zugebrauchen/ vnnd auch die aller wi-
tzigſte
[198]Beutelſchneider/ oder
tzigſte wiſſen dardurch/ vnnd damit zubetriegen.

Es iſt nun etliche Jahr/ daß in dieſer Statt
wohnete ein junger Limoſin/ welcher viel Reich-
thumb vnd vermoͤgen hatte: Aber er war ein rech-
ter karger Filtz/ ein Geitzhalß vnd vnfreundlicher
Tropffe: Man gieng zwar gern mit jm vmb/ aber
wer mit jhm einmal oder zwey ware vmbgangen/
vnnd geſehen hatte/ was er fuͤr ein wunderlicher
Gaſt ware/ der war fro/ daß er ſeiner widerumb le-
dig wurde. Als er aber auff ein Zeit mit zween oder
dreyen guten Zechbruͤdern angefangen hatte zu
ſpielen/ auch denſelbigen auff die fuͤnff vnd zwan-
tzig Piſtoleten hatte abgewonnen/ vnd war doch ſo
Hundskarg darbey/ daß er jhnen nicht eine ſchlech-
te Collation oder drey Vhr Brot wolte bezahlen/
(welches dann ein vnfreundliches grobes Bau-
ernſtuͤck von jhm ware) entſchloſſen ſie miteinan-
der/ ſie wolten jhm eines anſchmitzen/ daß jhm
ſein Bauerngeitz thewer genug ſolte ankommen.
Vnd darauff thut einer vnter den dreyen/ welcher
ein friſche gute Haut war/ eins/ gehet hin zu einem
Filou/ den er lange Zeit gekandt hatte/ zeiget vnnd
weiſet jhm den Limoſin vnd gibt jhm zuverſtehen/
daß/ wann er wolte darzu helffen/ ſo weren zwey-
hundert Kronen allda zu gewinnen.

Der Filou/ als er von ſolcher Beut hoͤret/ recket
er die Ohren auff/ vnd bildet jhm ein/ er habe den
Bern ſchon gefangen/ vnnd die Beut erhaſchet/
verſpricht dem guten Geſellen/ er woͤlle ſehen/ daß
er der Sachen rath finde/ zeiget es ſeinen Mitge-
ſellen an/ beſchreibet jhnen die Perſon/ ja als er auff
ein
[199]Diebs Hiſtorien das I. Buch.
ein Zeit auß einem Laden/ in welchem er ſtets auß
vnd ein gienge/ herauſſer tratte/ zeigt er jhnen ſol-
chen Limoſin/ damit ſie jhn ja wol vor andern er-
kennen moͤchten.

Vnd allhie muß man nun nit fragen/ ob man
dieſem Limoſin auch nachgefolget ſey/ ob auch die
Filous alle jhre Gedancken darauff geſchlagen ha-
ben/ wie ſie doch dieſem Limoſin beykommen/ vnd
jhn einmal erdappen moͤchten: Aber er war ſo arg-
woͤhniſch/ vnnd getrawet ſo gar uͤbel/ daß ſie nicht
kondten zu ſtreich kommen.

Als er aber auff ein Zeit inn der Gaſſen Sainet
Jacques voruͤber gienge/ lieſſe ein Filou ein Pa-
cket mit allem fleiß auff die Erden fallen: Vnd inn
ſolchem Packet war ein Ring/ eine Guldene Ket-
te/ aber doch von falſchem Golt/ vnd ein Brieff/
welcher alſo lautet:

Der Limoſin thut das Packet auff/ ſihet die ver-
meinte Guldenekett vnd den Demant/ vnd nach
dem er den Brieff geleſen/ gehet er in die Berga-
mentgaſſen hinein: Es folget jhm aber auff dem
Fuß ein Filou/ der ſchreyet jhm laut nach: Ge-
mach/ Geſell/ jhr habt alleweil ein Packet auff der
Gaſſen auffgehoben: Es iſt billich/ daß ich das
halbe Theil darvon habe/ oder daß ich auff das we-
nigſte mit euch abtheile/ vnd etwas darvon be-
komme.

Als nun der Limoſin ſihet/ daß er erdappet
wird/ vnd andere ſolches auch geſehen haben/ den-
cket er in ſich ſelbſten/ ob nicht ein Betrug vnd
Bubenſtuck darhinder ſtecke: Dann man hatte
jhm mehr von dergleichen Bubenſtuͤcken geſaget:
Gehet derhalben in den nechſten Laden/ vnd ſaget
zu dem Filou/ es ſey ja billich/ daß er mit jhm thei-
le/ vnd den halben theil darvon bekomme/ weil er
haͤtte geſehen/ daß er ſolches auff der Gaſſen auff-
gehoben vnd gefunden hatte: Vnd nach dem er die
gefundene Waar außgeleget/ fraget er jhn ſelber/
welches vnter ſolchen beyden ſtuͤcken er begehre/
ob er woͤlle den Demant oder die Guͤldene ketten
haben?
[201]Diebs Hiſtorien/ das I. Buch.
haben. Filou nimpt den Demant/ vnd ſaget/ er
laſſe jhm die Ketten/ dieweil ſie mehr als der
Demant werth ſey vnd wann er jhm fuͤr den De-
mant/ der dem anſehen nach mehr als zwey hun-
dert Kronen werth ſey/ dreyſſig Piſtoleten woͤlle
geben/ ſo woͤlle er jhm den auch laſſen.

Dem andern das Packet/ ſagt der Limoſin/
wem verkauffet jhr ewere Schaln/ wolt jhr mich
gar fuͤr einen Narꝛen halten/ ich weiß all eweren
Betrug vnd Argliſtigkeit gar wol/ ich will euch
ſonſt nichts geben/ ſondern weil ſichs alſo hat zu-
getragen/ daß jhr ſeyd darzu kommen/ da ich das
Packet gefunden vnd auffgehobē habe/ ſo gebe ich
euch die Wahl/ vnd moͤget jhr ſelber auß den bey-
den ſtuͤcken eines nemen/ welches jhr ſelber woͤllet/
vnd welches euch am beſten gefaͤlt/ ich hab ſonſt
kein Gelt/ das ich euch gebe.

Der Kauffmann merckte ſo bald/ daß das ein
Spitzbuͤbiſches ſtuͤcklein ware/ vnnd weil er ſorg
haͤtte/ man moͤchte durch ſolche Gelegenheit jhm
etwas auß dem Laden vnvermerckter weiſe hin-
weg ſtelen/ hieſſe er jedermann auß ſeinem Laden
gehen/ vnd jagete den Limoſin vnd ſeinen Geſellen
auch zugleich dem Laden hinauß/ vnd daran thaͤ-
te er gar wol: Dann es waren ſchon zween oder
drey Beutelſchneider in Laden durch ſolche Ge-
legenheit hinein kommen/ vnnd hatten ſchon ein
ſtuͤck Tuch zu jhrem Vortheil erſehen.

Als ſie nun miteinander darauß ſeyn/ nimpt
der Limoſin die Ketten/ vnd gibt ſeinem Geſellen
den Demant/ vnd muſte alſo der Filou voꝛ dieſes
Omal
[202]Beutelſchneider/ oder
mal mit ſpott vnd ſchimpff abziehen/ vnd mangel-
te jhm nichts mehr/ als daß Accurſius jhm das
Geſetz hette außgeleget: Quinque pedum: Dann
ich verſichere euch/ er hett den Brill wol auffſetzen
vnd tragen koͤnnen.

Wiewol nun jhm vor das erſte mal der ſtreich
nicht war angangen/ ſo waren ſie doch daruͤber
nicht vnluſtig oder vngedultig: Sondern ſie na-
men jhnen fuͤr/ ſie wolten den Limoſin deß dinges
gantz ſatt machen/ vnd ſolte es bald oder langſam
geſchehen: Deꝛhalben ſo ſteltē ſie andere an/ die al-
le Mittel vnd Weg ſuchten jhm ein ſtattlichs an-
zumachen/ vnnd jhn hinder das Liecht zufuͤhren:
[Sie] wuſten/ daß er ſich fleiſſig in der Gaſſen S.
Jacques lieſſe finden/ derhalben ſo warten ſie auff
ein Zeit auff jhn an der Ecken der Kirchen der
Mathuſeos/ vnd als ſie jhn von weitem ſa hen da-
her gehen/ gehet einer auß jhrer Geſellſchafft jhm
entgegen/ thut jhm ſeine Ehrerbietung/ gruͤſſet
jn gar freundlich/ als wann er jhn wol koͤnne/ vnd
ſpricht jhn an: Mein Herꝛ/ wie gehts/ wie ſtehet es
mit euch/ ſeyt jhr auch noch wol auff: Es iſt bald
zehen tauſent Jahr/ daß ich einmal euch gern geſe-
hen vnd bey euch were geweſen.

Mein Herꝛ/ jhr werdet mich fuͤr entſchuldiget
haben/ wann es euch beliebet/ antwortet der Limo-
ſin/ ich hab niemals die Ehr vnd Gluͤck gehabt/
euch zu kennen vnnd mit euch vmbzugehen/ viel-
leicht verſehet jhr mich fuͤr einen andern.

Heiſt jhr dann nicht Herꝛ la Roche/ ſagt der
Filou/ ſeyd jhr nicht von Compagne: Nein/ mein
Herꝛ/
[203]Diebs Hiſtorien/ das I. Buch.
Herꝛ/ ſagt der Limoſin/ ich heiſſe la Truffle/ vnnd
bin buͤreig von Limoge: Sihe/ da/ warlich/ ſagt
hierauff der andere/ ich bitt jhr wollet mir es nicht
fuͤr vngut halten/ ich hab euch fuͤr einē andern an-
geſehen: Es iſt wahr/ jhr ſeydt zuentſchuldigen:
Dann es iſt nun mehr ſechs Jahr/ daß ich jn nicht
habe geſehen/ aber er ſihet euch gar gleich inn allen
ſtuͤcken.

Hierauff nimpt einer von dem andern ſein Ab-
ſchied/ vnd gehen von einander: Der Limoſin ge-
het fort vnd gedencket ben ſich alſo: Sihe/ was be-
deut das/ daß der Menſch dich alſo hat angeredet/
wie dem/ wann er vielleicht einer were/ auß den
Spitzbuben vnd wolte dir eines anmachen. Iſt
dem alſo/ ſo wilt du dich ja ſo wol vorſehen/ daß dir
keiner ſoll beykommen/ vnnd dich betriegen koͤn-
nen: Vnd in dem er alſo in ſeinen Gedanckē fort-
gehet/ kommet er vnter deſſen zu Sainct Benoiſt:
Als er aber noch nicht recht darbey iſt kommen/ ſi-
he da kommet jm entgegen ein guter alter Mann/
gekleidet wie ein Kauffman/ der gruͤſſet in freund-
lich/ nennet jhn mit ſeinem Namen (welches jhm
dann der ander ſchon geſagt hatte) der Limoſin/
welcher dieſen alten ſein lebenlang nicht mehr ge-
ſehen hatte/ verwundert ſich erſtlich ſehr daruͤber/
gleichwol ſo dancket er jhm widerumb gar freund-
lich Hierauff ſanget der Alte an jhm zuerzehlen/
wie es nun mehr auff die zwantzig Jahr ſey/ daß er
ſeinen Vatter gekandt habe/ es habe ſein Vatter
jhme auch viel liebs vnd guts erzeiget/ alſo daß er
ſchuldig ſey/ ſich widerumb danckbar zuerzeigen/
O ijvnd
[204]Beutelſchneider/ oder
vnd wann er auch die Gelegenheit jhm vnnd den
ſeinigen zu dienen hette/ wolte er ſich gewißlich nit
ſparen/ ſondern ſich alſo erzeigen/ daß man im
Werck ſelber ſolte ſpuͤren/ daß einem danckbaren
Menſchen were liebs vnnd guts erzeiget worden:
Es daͤuchte jhn auch/ wann er den Sohn anſehe/
ſo ſehe er den Vatter ſelber/ wann er den Sohn
gruͤſſe/ ſo gruͤſſe er den Vatter ſelber/ vnd ernewere
die alte Freundſchafft.

Wie wol nun dieſe Butterſuͤſſe vnnd freundli-
che Wort auß einem falſchen argliſtigen Hertzen
herkommen/ jedoch ſo wuͤrck ten ſie ſo viel inn dem
Hertzen deß Limoſin/ daß er meinete es were alles
wahr/ was der Alte jhm der lenge nach erzehlet
hatte/ alſo daß ſie darauff inn ein ander Geſpraͤch
kamen/ vnd ſich beyeinander lang auffhielten/ biß
endlich der alte Mann (welcher ſich auff rauben
vnd ſtelen wol verſtunde/ vnnd ohne Voͤgel vnnd
Falcken wol jagen kondte) bey jhm ſoviel erhielte/
daß er mit jhm hingieng/ miteinander an einem
Ort zu Mittag eſſen: Aber als ſie kaum recht zu
Tiſch geſeſſen waren/ ſihe da kamen fuͤnff oder
ſechs daher/ giengen in die Kammer hinein/ vnd
nach dem ſie ein wenig Kundtſchafft mit dem
Alten gemacht hatten/ ſetzten ſie ſich auch an den
Tiſch/ vnnd fiengen miteinander an von allerley
Sachen zureden.

Der Limoſin/ der von Natur gar argwoͤh-
niſch vnd mißtrawig ware/ wuſte nicht/ was er
auß ſolchen Ceremonien ſolte vrtheilē/ vnd ſchlieſ-
ſen/ vnnd hatte groſſe ſorg/ es wuͤrde das Spiel
uͤber
[20[205]]Diebshiſtorien/ das I. Buch.
uͤber ſeinen Beutel/ welcher deßmals den Bauch-
fluß hatte/ außgehen: Als ſie aber nun mehr bald
zu Mittag geſſen hatten/ ſihe da kommet der erſte
Filou/ welcher zuvor den Limoſin an der Gaſſen-
ecken angeſprochen hatte/ auch hinein/ vnd als der
Limoſin jhn erſihet/ da machet er jhm kein andere
Rechnung/ als daß er mitten vnter ſo viel Spitz-
buben vnd Beutelſchneidern ſitze/ dencket derhal-
ben/ er muͤſſe einmal mit machen/ vnd der Schan-
tzen ſo in acht nemen/ daß er auß dem Spiel ohne
ſchaden komme.

Er nimmet ſich aber euſſerlich deſſen alles
nichts an/ er machet ſich luſtig/ tꝛincket einem vnd
dem andern zu/ vnnd ſtellet ſich als ſteige jhm der
Wein ſchon in Kopff/ daruͤber dann die Filous
fro waren/ dann ſie bildeten jhnen ein/ das Wild
were jhn ſchon in das Garn gefallen.

Damit ſich aber der Limoſin deſto beſſer von
ſolcher boͤſen Geſellſchafft moͤge loß machen/
ſpricht er zu jhnen: Weil er noch niemals die Ehr
gehabt habe in jhrer Geſellſchafft zu ſein/ vnnd ſie
jhn auch zu Mittag zu Gaſt geladen haben/ ſo wol-
le er eines thun/ vnd wolle zwo Flaſchen deß beſten
Weins/ den man inn Paris finde/ fuͤllen laſſen:
Dann der Wein/ den ſie getruncken haben/ ſey
nicht vom beſten geweſen/ bittet/ es ſoll doch einer
auß der Geſellſchafft ſeinen Mantel nemen/ vnnd
mit jhm gehen: Dann nicht uͤber zween Stein-
wuͤrffe weit/ wuͤſte er an einem Ort außbuͤndigen
guten Wein/ vnnd weil doch ohne das der Tag
meiſtestheils ſey verderbet/ woͤllen ſie ſich vollends
O iijmitein-
[206]Beutelſchneider/ oder
miteinander luſtig machen. Darmit dann ein
jeglicher gar wol zu frieden iſt: Vnd damit er jh-
nen ja deſto mehr Hoffnung mache/ ſo thut er/ als
dutzele er ein wenig/ vnnd koͤnne die Thuͤr nicht
finden.

Nun hierauff gehen ſie fort/ vnnd gehn ſtracks
inn ein Wirthshauß/ welcher den Limoſin wol
kandte/ vnd nach dem er die Flaſchen fuͤllen laſſen/
ſagt er zu dem Filou/ er ſoll doch in dem Wirths-
hauß ſo lang warten/ biß daß er daheim Gelt ge-
holet habe: Dann er woͤlle die gantze Zech bezahlen/
vnd ſich den Tag einmal luſtig machen. Der Fi-
lou glaubet dem Limoſin/ aber als Limoſin wider
kommet/ muß er ſich verwundern/ daß er zween
ſtarcke Kerlen mit ſich bringet: Die fallen ſo bald
uͤber den Filou/ falben jhm ſeine Schuldern vnd
gantzen Leib/ mit ſtarcker Waldſalben/ ja ſie zer-
ſchmeiſſen jhn ſo jaͤmmerlich/ daß er ſo eben allge-
mach/ vnd mit guter weile widerumb in das ande-
re Wirtshauß zu ſeinen Geſellen kan kommen:
Vnd als er zu ſeinen Spießgeſellen/ vnnd zwar ſo
ſchamhafftig als ein Glock engieſſer kommet/ da
erzehlet er jhnen das groſſe Vngluͤck/ ſo jhm vn-
ter deſſen begegnet ware: Welche nicht anderſt
theten/ als wann ſie Toll vnd Raſend daruͤber wol-
ten werden.

Wie (ſagte der Alte/ welcher den Anfang am
Spiel gemacht hatte) ſoll vnns der ein ſolchen
ſchimpff bewieſen haben? Sollen wir dann nichts
mehr in vnſern Koͤpffen ſpentiſiren vnnd erden-
cken
[207]Diebs Hiſtorien/ das I. Buch
cken koͤnnen/ ſoll ein ſolcher noch vnſerer Argliſtig-
keit ſpotten? Haben wir dann alle vnſere Kunſt
vnnd Argliſtigkeit/ deren wir vns an ſo manchem
Ort anderſtwo gebraucht haben/ außgegoſſen/ daß
wir nichts mehr erdencken moͤgen/ wie wir vnns
an einem ſolchen ſchlimmen Geſellen der vnſer in
das Angeſicht hinein ſpottet/ rechen vnd jhm das
Liecht außblaſen moͤgen? Ich wil einmal das nit
vngerochen laſſen: Dieſer mein Greiſer vnd weiſe
Kopff ſoll der nicht noch ſoviel erdencken koͤnnen/
wie man ſich an den Geſellen rechen vnnd jhn er-
dappen moͤge?

Nach dem ſie nun vntereinander jhr Leyd alſo
geklaget/ ſcheiden ſie auß den Wirtshauß vnnd
zwar ſo trawrig/ wie Schafhunden: Dann jhrer
zwen muſten die Maͤntel zum Pfand fuͤr das mit-
tagmal[z]eit laſſen/ vnd hette nicht viel gefehlet/ der
Commiſſarius hette ſie außgehaben/ vnd auff das
Chaſtelet geſangen gefuͤhret.

Etliche Zeit hernacher kommen ſie zu einem/
der deß Limoſin guter Freund ware/ vnnd welcher
jhn zum erſten mal von dem Limoſin geſagt/ vnnd
ſie gebetten hatte/ ſie ſolten jhm ein Tuͤck vnd Boſ-
ſen beweiſen: Dieſem klagten ſie/ daß ſie durch
alle jhre Argliſtigkeit jhm noch nichts hatten abge-
winnen koͤnnen: Gaben jhm auch den Rath/ er
ſolte den Limoſin einmal deß Abends zu Gaſt la-
den/ ſo wolten ſie dann auff jn warten/ vnd (wann
er ſich wider nach Hauß wolte begeben) Mantel/
Gelt vnd alles nemen/ welches dann der jenige
eingienge/ vnnd verhieſſe: Dann er bekuͤmmerte
O iiijſich
[208]Beutelſchneider/ oder
ſich nit daꝛumb/ was es auch koſten moͤchte/ wann
er nur einmal ſo viel kaͤndte zuwegen bringen/ daß
ſein Kerlen wol bezahlet wuͤrde: Aber der Anſchlag
wurde jhnen zum drittenmal zu Waſſer. Dann
da er alleweil wolte zur Abendmalzeit hingeben/
kame ſein Vetter zu jhm/ welcher all jhren boͤſen
Vorſchlag verhinderte: Aber hoͤret doch/ wie er
endlich iſt erdappet worden/ wiewol er ſich ſo fleiſ-
ſig hat vorgeſehen.

Auff ein Zeit erſahen zween Filou dieſen Limo-
ſin auff der Kauffmans Bruͤcken/ eben inn der
Zeit/ da er mit Leinwadt handelte/ vnnd auff die
fuͤnfftzig oder ſechtzig Cronen in dem Seckel hat-
te: (denn er pflegte es/ wie Bias/ zu machen vnnd
zu ſagen: Omnia mea mecum porto: Alles was
ich hab/ trag ich bey mir:) Darauff gaben ſie nun
gute achtung/ vnd als er auß dem Laden/ daꝛinnen
er etwas verꝛichtet hatte/ herauſſer gienge/ verfuͤg-
te ſich ein Filou/ welcher wie ein Teutſcher geklei-
det ware/ zu jhm vnd redet jhn auff boͤß Fꝛantzoͤſiſch
alſo an.

Monſieur/ ich nicht bin Frantzoß: Wann es
euch beliebete mir zeigen den Weg inn Vorſtatt
Sainct Germain/ ich geben wil euch eine Pi-
ſtolet.

Limoſin recket die Ohren auff/ hoͤret dem Ker-
len zu/ wie er redet vnd duͤncket jhn/ es ſey ein Be-
trug darhinder: Aber weil er es nicht fuͤr gewiß
kondte wiſſen/ ob es ein Filou von der Newen
Bruͤcken ſey/ dieweil er jhre gantze Geſellſchafft
nicht kandte oder geſehen hatte/ antwortet er jhme
alſo
[209]Diebs Hiſtorien das I. Buch.
alſo: Mein Herꝛ/ ihr werdet mich entſchuldigen/
wann es euch beliebet/ dann ich bin allhie nicht da-
heim/ vnd gehet mein Weg nicht in die Vorſtate
Sainet Germain/ derhalben/ ſo bitte ich euch/ jhr
woͤllet mich entſchuldigen/ daß ich nicht mit euch
dahin kan gehen.

Als nun Filou ſich abermal inn ſeiner Hoff-
nung betrogen ſahe/ name er jhm vor/ er woͤlle das
Spiel gar bleiben laſſen: Es faͤlt jhm aber ſo bald
etwas anders ein/ vnnd ſpricht auff boͤß Frantzoͤ-
ſiſch/ wie zuvor auch/ alſo zu jhm: Monſieur/ O
jhr wacker Mann ſeyd/ ich gehn wolte zu Pferde
auff Brucken/ O groß Pferd groß Mann drauff/
O ſchoͤn ſtuͤck/ inn Teutſchland man ſagt darvon
viel/ wann mich jhr weiſet/ ich nicht vndanck bar
wil ſeyn

Der Limoſin/ welcher auff die newe Bruͤcken/
vnd von dannen in die Gaß Daulphine wolte ge-
hen/ da er dann etwas zuverꝛichten hatte/ gedachte
im geringſten nicht/ daß jm ein Vngluͤck/ welches
durch dieſes Mittel die Filous jm zurichteten/ ſol-
te oder koͤndt begegnen/ ſagt derhalben zu dem ver-
meinten Teutſchen/ daß weil er das groſſe Pferd
auff der Bruͤcken wolte ſehen/ ſolte er mit ihm
kommen/ dieweil es ohne das ſein Weg were/ vnd
koftete jhn nichts ſolches zuweiſen: Hierauff ge-
hen ſie nun miteinander zu der Brucken zu/ vnnd
reden vnter deſſen von allerley Sachen: [Bund]
kondte der Filou ſich ſo wol wie ein Teutſcher vnd
Frembder ſtellen/ wie er dann auch auff Teutſch
gekleydet daher gienge/ daß er Limoſin im gering-
O vſten
[210]Beutelſchneider/ oder
ſten nichts kondte mercken/ oder ein argwohn auff
jhn werffen: Ja hette auch nimmermehr glauben
koͤnnen/ daß jhm ein ſolcher Boß widerfahren ſol-
te/ wie gleichwoͤl hernacher darauff geſchahe.