Hoch-vnd Wolgebohrner Graff/ Gnaͤdiger
Herꝛ/ Herꝛ.

WEilen Eur Hochgraͤffl: Gna-
den den Preißwuͤrdigen Namen tragen
Jacob/ alſo kan ich es nit laugnen/
wil es nit laugnen/ vnd ſoll es nit laug-
nen/ ſonder nennen vnd bekennen/ daß
mir vmb das Hertz ſeye/ was in dem alten Teſtament
der Allmaͤchtige GOtt von dem Jacob außgeſprochen/
) ( 2Ja-
[]EPISTOLA DEDICATORIA.
Jacob dilexi \&c. den Jacob hab ich geliebt/ ad Rom. 9.
Urſach ſolcher tragender Lieb ſeynd Euer Hochgraͤffli-
chen Gnaden ſowol Demuͤhtige als Anmuͤhtige Affe-
cten, welche Sie allen Geiſtlichen vnd Ordens-Leu-
then/ folgſamb auch mir vnwuͤrdigiſtem Diener aller-
ſeits gantz gnaͤdig erweiſen. In deme nun Euer Hoch-
graͤffl: Gnaden neben anderen Hochadelichen Schar-
ſchen auch Erblandt-Jaͤgermaiſter in Crain vnd Win-
diſch March ſeyn/ ſo werden ſie ohngezweiffelt wol
wiſſen/ was der Wildfreundliche oder Freundlichwilde
Echo in dem duͤcken Gehuͤltz vnd ſchattenreichen Waͤl-
deren zwiſchen Berg vnd Thal im Brauch habe/ daß
er nemblich die jenige reſalutire/ wie er begruͤſt wird/
vnd allemahl die Lieb mit Lieb bezahle. Solchem
Leibloſen Sprachmaiſter hab ich/ gebuͤhr halber/ wol-
len nacharthen/ vnd die jenige groſſe Lieb/ welche Euer
Hochgraͤfl: Gnaden gegen vnſerm Cloſter bey S. An-
na, wie auch gegen mir erzeigen/ mit andern Lieb oder
Liebs-Zeichen wollen erwideren: Weilen ich aber in
dem Muͤntzgraben weder Silber noch Gold/ ſondern
nur Ertz außgegraben/ nemlich Judam den Ertz-Schel-
men/ alſo habe ich mich villeicht gar zu keck vnderfan-
gen/ ſolchen Eur Hochgraͤfl: Gnaden demuͤtigiſt zu offe-
riren: Freylich wol mag mancher Naſenwitziger vber
ſolche rare Schanckung die Stirn runtzlen/ aber bey
beſcheiden vnd beſchaidnen Leuthen findet ſich ein wei-
ſere
[]EPISTOLA DEDICATORIA.
ſere Außlegung/ als welche ohne ferneren bedacht je-
nem Sprichwort der Weltweiſen beyfallen: Con-
traria juxta ſe poſita magis eluceſcunt: Wann
man das Gold zu dem Bley/ den Schnee zu dem Rueß/
den H. Engl zu dem Teuffel/ ein hipſche Helena zu einer
alten vngeſtalten Xantipe ſtoͤllet/ ſo verliehren ſie nit
allein hierdurch ihren Werth nit/ ſondern kommen noch
ſchoͤner vnd ſcheinender herauß in Gegenwarth ihres
Widerſpils. Indem ich dann Eur Hochgraͤffl. Gna-
den den argen/ kargen Geitzhalß Judam vorſtelle/
ſo erhellet deſto ruhmwuͤrdiger Euer Hochgraͤfflichen
Gnaden bekannte Freygebigkeit/ welche wir mehrma-
len in vnſerm armen Convent erfahren. Dem wie-
ſten Teuffel vnd garſtigen Wau Wau hat es dazumal
nit gelungen/ wie er in der Wuͤſten den HErꝛn Jeſum
verſucht hat/ vnd kurtzumb angehalten/ der Haylandt
ſolle auß einem Stein Brod machen/ dic lapidi huic
ut panis fiat. Luc. 4. v. 3. Aber vns Auguſtinern
Barfuͤſſern in dem Muͤntzgraben iſt ſchon oͤffters ein
Stein zu Brod worden/ in dem Euer Hochgraͤffliche
Gnaden Graff Kißl ſich gantz vnd gar nit Steinhart
erwiſen/ ſondern mehrmal ein Brodt ins Cloſter ge-
ſchafft. Deß Baurn vnd arbeitſamben Ackersmann
iſt ſein einige Hoffnung auff Jacobi, dann vmb Jacobi
herumb hat er ſein Schnidt auff dem Feld/ mir iſt fuͤr-
war nit anderſt (es mags jemand fuͤr ein Baurn-Con.
) ( 3cept
[]EPISTOLA DEDICATORIA.
cept außlegen oder nit) vmb Jacobi hab ich vnd das
arme Cloſter bey S. Anna den beſten Schnidt/ vnd
hat wol recht der Himmel alſo angeordnet/ daß Euer
Hochgraͤffliche Gnaden den Stammen Jacob bekom-
men/ dann gleichwie Jacob in dem alten Teſtament
ſehr vil weiſſe vnd geſcheckete Schaͤffel auff die Wayd
gefuͤhrt/ alſo haben Euer Hochgraͤffliche Gnaden biß-
hero manche Vnderhaltung vnd Wayd ſehr vilen Geiſt-
lichen Schaͤfflein beygeſchafft/ warunder die ſchwartze
das Me- Me- Me-Mento nit verhalten. Zum
anderten hat mich verantlaſſet/ daß ich Euer Hoch-
graͤfflichen Gnaden diſen Erſten Thail demuͤthigiſt de-
dicire/ weilen nemblich ein jedes Buch einen Schutz-
herꝛn vonnoͤthen hat/ vnd wer kan mich dann beſſer
ſchirmen als Euer Hochgraͤfflich Gnaden/ maſſen auch
der David ſich mit einem Kißlſtein wider den Groß-
kopffeten Goliath defendirt hat/ dahero ſo arm als
ich bin/ ſchaͤtz mich dannoch Steinreich/ wann ich Euer
Hochgraͤffliche Gnaden auff meiner Seithen habe/
vnd iſt mir dißfahls der Kißlſtein Tauſendtmahl lieber
als der Edlgſtein: Bin demnach der Troͤſtlichen Zu-
verſicht/ Euer Hochgraͤffliche Gnaden werden diſes
wintzige Werckl in Gnaden auffnemmen/ vmb weil ich
nit habe andere koſtbare Præſenten/ deren Eur Hoch-
graͤffliche Gnaden ein Feind ſeynd/ vnd mir nur gar zu
wol bekannt/ daß ihnen kein Muſic mehrer zuwider/
als
[]EPISTOLA DEDICATORIA.
als wann man auff dem Regal ſpilt/ verſtehe die Rega-
lien, nach welchen andere moͤgen ſchnappen vnd tap-
pen/ thun ſie in allweg haſſen. Befilche mich alſo/
vnd forderiſt das arme Convent im Muͤntzgraben in
Euer Hochgraͤfflichen Gnaden beharꝛlichen Favor vnd
Gunſt/ wuͤntſche beynebens Deroſelben nichts anders/
als durch die Vorbitt der H. Annæ Annos longæ-
vos, vnd nachmahls das Jenige/ was durch ein Ana-
gramma oder Buchſtaben-Wechßl auß dem Wort
Kiſel genommen wird/ nemblich Selik.

Euer Hochgraͤffl: Gnaden
Demuͤthigiſter Diener
Fr. Abraham à S. Clara.

SUMMARIUM
PRIVILEGII.

WIr Leopold der Erſte/ von Gottes Gnaden/ Erwoͤhlter Roͤm.
Kayſer/ zu allen Zeiten Mehrer deß Reichs/ in Germanien/ zu Hungarn/ Boͤ-
heimb/ Dalmatien/ Croatien vnd Sclavonien/ ꝛc. Koͤnig/ Ertz. Hertzog zu
Oeſterꝛeich/ Hertzog zu Burgund/ Steyr/ Kaͤrndten/ Crain vnd Wuͤrtenberg/
Graff zu Tyroll/ ꝛc. Bekhennen offentlich mit diſem Brieff/ vnd thun Khundt Aller-
maͤnniglich/ daß vns Vnſer Lieber vnd getreuer Melchior Haan Buchdrucker vnd Buch-
Handler zu Saltzburg Allervnderthaͤnigiſt zuvernehmen geben/ was maſſen P. Abraham
à S. Clara, Auguſtiner Barfuͤſſer Ordens/ einen Tractat oder Buch in Quarto, vnder
dem Titul (Judas der Ertz-Schelm/ oder eigentlicher Entwurff vnd Lebens-Beſchrei-
bung deß Iſcariotiſchen Boͤßwichts/ ꝛc.) zuſammen getragen vnd ihme zu drucken vnd zu
verlegen uͤbergeben: Nachdem er aber beſorge/ es moͤchte ſich ein oder anderet vnderfangen/
ſolches Buch zu ſeinem Nachtheil vnd Schaden nachzudrucken: Als hat vns er Vnderthaͤ-
nigiſt angeruffen vnd gebetten/ ihme Vnſer Kayſerl. Privilegium Impreſſorium, auff
Sechs Jahr lang dahin zu erthailen/ daß ſolches Buch inner ſolcher Zeit nit nachgedruckt
werden ſolte oder doͤrffte. Wann Wir dann Gnaͤdiglich angeſehen jetzt angedeutte
gantz billiche Bitt; So haben Wir ihme die Gnad vnd Freyheit gegeben; Thuen auch
ſolches hiermit in Crafft diſes Brieffs/ alſo vnd dergeſtalten/ daß er Melchior Haan oder
deſſen Erben/ obgedachten Tractat oder Buch in offnen Druck außgehen/ hin: vnd wider
außgeben/ Fail haben vnd verkhauffen laſſen/ auch ihme ſolches Niemand innerhalb der
nechſten Sechs Jahren/ weder in diſem noch groͤſſerem oder kleinerem Format, ohne ſeinen
Conſens vnd Wiſſen im H. Roͤmiſchen Reich nachdrucken vnd verkhauffen/ vil weniger
mit frembden Titul beklaiden ſolle oder moͤge. Vnd Gebiethen darauff allen vnd jeden
Vnſeren vnd deß Reichs Vnderthanen vnd Gethreuen/ inſonderheit aber allen Buchdru-
ckern/ Buchfuͤhrern/ Buchbindern vnd Buchverkyhauffern/ bey Vermeidung ſechs March
loͤthiges Golds/ die ein jeder/ ſo offt er freventlich hierwider thette/ Vns halb in Vnſer
Kayſerl: Cammer/ vnd den andern halben Thail vorgedachtem Melchior Haan/ vnd deſ-
ſen Erbeu/ ſo hieruͤber belaidiget wurden/ vnnachlaͤßlich zu bezahlen verfallen ſeyn ſolle/ auch
bey Verliehrung aller Exemplarien/ an was Orth vnd Enden dieſelben befunden werden/
alles nach Außweiſung deß Originalis Privilegij, \&c.

Ad Lectorem.

LIeber vnd Guͤnſtiger Leſer/ allhier ſtoͤll ich dir vor Augen
den ſaubern Lebens-Wandl deß Iſcariothiſchen Boͤßwichts/ wel-
chen ich auß vnderſchidlichen Authoribus mit ſonderm Fleiß gezo-
gen/ maiſtens aber hat mir gedient der gelehrte Jacobus à Vora-
gine, wie auch andere Authentiſierte Rabiner/ derer Schrifften
mir auß der Kayſerlichen Bibliotech vor etlich Jahren zu leſen vergonnt wor-
den. In diſem Erſten Thail hab ich vnderſchidliche Geſchicht vnd Gedicht ne-
ben andern Sittlichen Lehrs-Puncten eingemiſcht/ weſſenthalben ich gar wol
glauben will/ daß einige ernſthaffte Catones oder Platones uͤber etliche hierin-
begriffene Zeil die Naſen rumpffen werden/ vorgebend/ daß ſehr vngereimbt/
der Dagon zu dem Goͤttlichen Bunds-Kaſten/ die Fablen zu dem Goͤttlichen
Wort geſellet werden. Dißfalls mag ich mich gar nit mehr entſchuldigen mit
dem H. Gregorio Turonenſi lib. 2. mit Belluacenſi in Spect. Moral. Part. 3.
lib. 13. Diſt. 10. mit Stengelio, Cornelio, Drexelio, welche oͤffters auch die
Fablen gebraucht/ ſonder mein GOtt/ als ein genauer Gemuͤths-Erforſcher
waiß es/ was geſtalten ich zu keinem andern Zihl vnd End dergleichen Ding
habe eingemengt/ als daß ich die jetzige/ mehreſten Thails ſchaͤmloſe vnd
z[aͤ]hmloſe Welt zu dem Guten locke/ welche ſich nit anderſt/ als durch derglei-
chen Keder fangen laſſet: Seye ihm wie ihm woll/ daß Petrus auß dem Meer
einen Fiſch mit dem Angl herauß gezogen/ in deſſen Maul er ein paares Gelt
gefunden/ glaub ich gar gern: daß er aber nit habe ein Mucken/ oder Wuͤr-
mel angekedert/ glaub ich nit; wer will es dann mir fuͤr ein Vnfug tauffen/
daß ich bißweilen Mucken vnd Grillen in meine Schrifften menge/ wormit ich
nur ſuche einige zu fiſchen. Daß aber diſer Erſte Thail gar ſpath ſich an das
Liecht gewagt/ iſt maiſtens Urſach der vngluͤckliche Verlurſt viler meiner
Schrifften/ auch iſt diſer derenthalben ſo vnformlich abgekuͤrtzt worden/ weil
mich der Gehorſamb wegen Religions-Geſchaͤfften anderwerts verhindert.
Hoffe aber/ der Andere Thail werde dem Leſer etwann mehrere Begnuͤgung
laiſten. Vive \& vale, \& pro me Peccatore precare.

CENSURA.
REVERENDISSIMI METRO-
POLITICI CONSISTORII SA-
LISBURGENSIS.

MAlos non gratis eſſe in hoc mundo, ſed bo-
ni aliquid de illis agere Deum, argumento
nobis eſt Tractatus de Juda Nequam, cujus Pri-
mam Partem de Mandato Reverendiſſimi
Officij à me lectam \& relectam contra orthodoxam
Fidem vel bonos mores nequaquam argui, ſed vel
ideò imprimi poſſe cenſeo, ut quia Judas corripi
nequit, quijam crepuit medius, aut malus exinde
corrigatur, aut juſtus per illum exerceatur.

Sebastianus Mayr, SS. Theol.
\& SS. Can. Doctor, Celſiß. ac Re-
verendiß. Principis, \&c. \&c. Con-
ſiliarius Conſiſtorialis, nec non B. V.
M. ad Nives Canonicus.

APPROBATIO
REVERENDI PATRIS PRO-
VINCIALIS.

EGo infra ſcriptus facultatem lubens libens impertior, ut Ju-
das Proditor in Lucem prodeat, dummodo qui loculos ha-
buit, oculos non offendat, idcircò eundem Patribus ad id depu-
tatis juſtâ trutinâ ponderandum confidi.

Fr. Ambrosius à S. Maximiliano Fr.
Erem. Diſcal. S. Auguſt. Pro-
vincialis per Germaniam.

Approbationes Theologorum.

DE Traditore peſſimo tradidiſſe optimè R. P. noſtrum Abra-
hamum à S. Clara, luculentum perhibet teſtimonium opus
præſen[ś], quod juſſu R. P. Ambroſij à S. Maximiliano Provincialis
noſtri per Germaniam accuratè perlegi, nil orthodoxæ fidei diſ-
ſonum, verum omnigena eruditione, parique doctrina refertum
reperi; per conſequens hunecè Judam Chriſtiano obfuturum
minimè, ſed profuturum maximè nullus dubito. Quare, ut pro-
deat, dignum cenſeo.

Fr. Elias à S. Januario Supprior,
\& Magiſter Novitiorum ad
S. Annam Græcij.

APPROBATIO.

IUſſu R. P. Ambroſij à S. Maximiliano Ordinis S. Auguſtini
Prioris Provincialis Judam (ſub titulo) Den Ertz-Schelm re-
vidi à me lectum, qui ſibi in lectum ſelegit patibulum, ac per fu-
nem ſibi finem accivit \& lethum. Nihilominus adinveni hujus Ar-
chi Nequam, qui ſibi ipſi diſplicuit ſuſpendium quærens, nequitias
caſtigatas moribus omnibus fore caras, ob raram tanti Authoris
methodum, \& charas ob variegata documentorum fluenta. Et
licet hic adulterinus Apoſtolus ſit adultus tenebrarum hoſpes, non
lucis filius, quia filum vitæ ſibi ſuccidit laqueo; tamen in lucem ut
prodeat, exindè meretur, cum ſit omnigenis Doctrinæ radijs illu-
minatus. Jam ſordet adagium, rufam barbam, quam ſua perfidia
poſteris infamem fecit, rarò bonæ ſortis eſſe; ego enim mali ſub
eâ reverâ offendi nihil, utpotè omnia fidei noſtræ, ac bonis
moribus conſona. Imò illam hic exquiſitus ingenij partus à co-
lore \& pallore auri plurimum commendat, quia in hoc Rufi-bar-
bato non niſi aureè cælatos Chriſtianorum dogmatum conceptus,
\& ideò totum optimum reperi celatum. Quocircà Apoſtatam hunc
reprobum, improbum Apoſtolum tot, \& tantis refertum eruditio-
nibus, minùs non, quàm approbare cenſui.

Fr. Alipius à S. Bartholomæo Con-
cionator Ordinarius ad S. An-
nam Græcij.

INDEX
CONCION ATORIUS SUPER DO MINICAS.
DOMINICA I. ADVENTUS.

TUnc videbunt filium bominis venientem in nube, \&c. Luc. 21. Demonſtrari po-
teſt pavenda non cavenda dies extremi Judicij, ubi clariſſimè patebit, Deum
omnia Mortalium facta \& acta vidiſſe quapropter Concio inniti poterit huic axioma-
ti Germanico, Es iſt nichts ſo klein geſponnen/ es komdt alldort an die Sonnen: Extat
hac de re copioſa materia de Præſentia Dei. fol. 419. uſque 444.

Beatus vir, qui in ſapientia morabitur, \& qui in Juſtitia ſua meditabitur, \& in
ſenſu cogitabit circumſpectionem Dei. Eccl. 14. v. 22.

Ipſe timendus eſt in publico, ipſe in ſecreto, procedis videris, lucerna extin-
cta eſt, videt te. In cubile intras, videt te, in corde verſaris, videt te: \& vel timen-
do caſtus eſto, aut ſi non peccaveris, quære ubi te non videat, \& fac quod vis. S. P.
Auguſt. Serm. 46. de Verb. Domini.

Cum quid turpe facis, quod me ſpectante ruberes, Cur ſpectante Deo, non ma-
gis ipſe rubes? Hug. Card. in Pſal. 15. v. 8.

Elteren/ Vatterland/ vnd Her-
kommensJudædeß Ertz-Schelmen/
vnd wie es ſeiner Mutter von ihme
getraumet.

ZU Hieruſalem in der weltkuͤndigen
Statt/ welche die Goͤttliche Weißheit zu
einem Platz der hoͤchſten Gehaimbnuſſen
außerkiſen/ ware wonhafft ein paar Ehe-Iacobus
de Voragi.
in Conc.
Div. Math.
Volck mit Nahmen Ruben vnnd Ciboria,
beede auß dem vngluͤckſeeligen Geſchlecht Dan, auß wel-
cher Danitiſchen Schlangen Bruet vnd Zunfft auch der
Ante-Chriſt herſtammen wird/ erſtbenannte Ciboria,
als ſie groß Leibs gangen mit dem Juda, hatte bey naͤcht-
licher Weil einen vnvermuthen Traum/ welcher ihr in
dem Schlaff mit einem prophetiſchen Pembſel vormah-
lete/ als trage ſie vnder ihrem Hertzen einen ſo laſterhaff-
ten Boͤßwichten/ welcher ein Schand vnd Schad der ge-
ſambten Freundſchafft ſeyn werde/ auch mit ſeinen ver-
dambten Unthaten das gantze Hauß beflecken; worauß
ſattſamb zu ſchlieſſen/ daß auch der finſtere Nacht-Traum
gar offt die helle Warheit an Tag bringe.

Es iſt aber forderſt nothwendig zu wiſſen/ daß
dreyerley Traum dem Menſchen in ſeinem ruheſeeligen
ASchlaff
[2]Eltern/ Vatterland/ Herkommen/
Schlaff koͤnnen vorkommen/ welche eigentlich/ entweder
von der Natur/ dem boͤſen Feind: oder GOtt herruͤh-
ren: Der natuͤrliche Traum wird zum oͤffteſten von dem
vnderſchidlichen Gebluͤt vorgebilder/ es traumer man-
chem/ er habe einen ernſtlichen Befehl von dem Tuͤrcki-
ſchen Kayſer/ vnder Kopff verliehren/ daß er alle Maͤuß-
loͤcher der gantzẽ Welt mit jetziger Treu vn̄ Redlichkeit ſolle
zuſtopffen/ vnd dafern eines offen bleibe/ werde man von
dem Baum ſeines Leibs den Gipffel abſtutzen/ in was
Aengſten befindt ſich nit ſolcher? diſen Traum aber ver-
urſachet das melancholiſche Gebluͤt: Einen anderen
traumet gantz lebhafft/ wie er das Meer/ in welchem der
halßſtarrige Koͤnig Pharao erſoffen/ habe mit dem Rein-
ſtrohm verheyrath/ vnd haben auff der Hochzeit alle Fluͤß
der gantzen Welt getantzet; diſen Traum bruͤten auß
die phlegmatiſche Humores, vnd uͤbrige Feuchtigkeiten.
Einen traumet/ er fliege mit ſchnell-eyffrigem Fluͤgel uͤber
den gantzen Teutſchboden/ allein ſeyen ihm etliche Federn
außgefallen/ als man ſo erbaͤrmlich geſchoſſen zu Straß-
burg/ wie ſelbige Veſtung Anno 1681 erobert worden.
Diſen Traum verurſachen die ſubtille Humores vnnd
truckene Complexion deß Menſchen/ ſolche Traum zu
anatomiren gehet eigentlich die erfahrene Medicos an/
worauß ſie dann/ als auß einem warhafften Zaiger gantz
ſcheinbar koͤnnen abnemmen/ wie das innere Uhrwerck
der menſchlichen Geſundheit behafftet ſeye. Noch ande-
re natuͤrliche Traum gebaͤhret die vnruhige Phantaſey
deß Menſchen/ als welche faſt niemahlen keinen Feyrtag
haltet/ vnd protocollieret bey naͤchtlicher Weil das je-
nige/ in wem ſich einer deß Tags zum mehriſten beſchaͤff-
tiget/ als einem Jaͤger traumet/ wie er in einem frucht-
baren Aich Wald ein wolgewaffnetes Wildſchwein an-
treffe/ deſſentwegen mitten im Schlaff auffſchreyet Huy
Sau
[3]Vnd Mutter-Traum von dem Juda.
Sau/ daß auch daruͤber das Weib erwacht/ vnd fragt/
Mann was wilſt? Einem Mahler traumet/ wie er ein
wolgeſtalte Dama in einem praͤchtigen Auffzug/ mit ſon-
ders embſigen Pembſel abmahle/ vnd als er auch ein
Schlayr vmb den Halß wolte fuͤhren/ ſtillt ihm der Teuf-
fel die Farben/ daß deſſenthalben der Halß bloß gebliben.
Einem liederlichen Schlemmer traumet/ der gewoͤhnlich
in allen Wirths-Haͤuſern ein ſtaͤtten Umbkrayß machet/
wie daß er beym guldenen Hueff-Eyſen/ das beſte Pferdt
verſoffen: Noch mit anderen verwickleten/ verwirꝛten/
verwechßleten/ verwildten/ verwegenen/ verwenden Trau-
men mattet ſich die menſchliche Phantaſey ab/ denen aber
keines wegs ein Glaub noch Warheit beyzumeſſen. Ja
es iſt zimblich Lachen werths die aberwitzige Mainung
der alten Weiber/ welche in dergleichen Schlaff-Grillen
einen prophetiſchen Geiſt ſuchen/ ſie geben vor/ wann es
einem traumet/ als fallen ihm die Zaͤhn auß/ ſeye es ein
vnfehlbares Anzaigen/ daß jemand auß der Freundſchafft
ſterben werde: Sie ſagen auß/ wann es einem traumet/
als werde er am Galgen gehenckt/ vnd mit den Fuͤſſen den
Lufft trette/ ſeye ein genaue Weißſagung/ daß er zu hoͤ-
here Wuͤrde gelangen werde. Sie ſchwoͤren/ wann es
einem traumet/ daß ihm ein Pfannen-Stihl auffs Manl
falle/ ſeye gewiß/ daß er den morgigen Tag bey einer vor-
nehmer Mahlzeit werde als ein Gaſt ſitzen; Sie wollen
es hartneckig behaupten/ ſo einem traumet/ er eſſe harts
Eyſen/ vnd kiffle krumpe Hueff-Naͤgel/ ſeye ein vnfehl-
barer Vortrap eines langwuͤrigen Lebens; Tauſenter-
ley dergleichen Schlaff-Fauſen/ Narren-Stupp/ Kinder-
Rollen/ Schatten-Gewicht/ vnd Poſſen dichten etliche
Aberglaubige/ vnd vermainen/ es ſeyen lauter Sybillen-
Warheit/ was die von dem uͤberfuͤlten Magen auffſtei-
gende Daͤmpff in der Phantaſey bey naͤchtlicher Weil
außſchnitzlen.

Ein anderer Traum iſt/ welcher von dem boͤſen Feind
als einem Gruͤnter vnd Erfindter alles Ubel herkombt/ ſol-
cher verkuͤndet wol zu weilen in aller Warheit kuͤnfftige
Begebenheiten/ gar offt aber iſt es ein bloſſer vermantle-
ter Betrug/ vnd verzuckerte Falſchheit/ zumahl diſer Fuͤrſt
der Finſternuß nichts anders ſucht/ als die ohnbehutſa-
me Menſchen hinder das Liecht zu fuͤhren/ er machts auff
die Arth eines vortheilhafften vnd gewinnſuͤchtigen Spil-
lers/ welcher anfaͤnglich dem Gegenthail freymuͤthig den
Gewinn laſſet/ nur durch ſolche Speckſchwarden denſel-
ben mehrer zu locken/ biß er endlich ohnvorſichtig in die
Fallen kommet/ vnd ihme der Aichel-Ober den Vnder-
gang weiſet; alſo vermaſckert ſich gar offt der boͤſe Sa-
than/ ſchicket dem Menſchen in dem Schlaff einen Traum/
welcher nachgehents ein warhafften Außgang nimmet/
vnd zaiget/ daß die Traum nicht laͤhr ſeynd/ wordurch
der leicht-trauende Menſch alſo bethoͤrt wird/ daß er allen
Traumen ein feſten Glauben gibt.

Zu Dotrecht in Holland war nicht gar vor vilen
Jahren ein Geſell/ welcher fein ſauber all das Seinige
verſchwendt durch ſtaͤtte Schlemmerey vnd Ohnſauber-
keit/ dan̄ diſe beede gemainiglich verwandt ſeynd/ vnd wan
Bacchus hinder den Ofen ſitzt/ ſo haitzt die Venus ein/ vnd
ſeynd diſe ſo nahend beyeinander/ wie der Knopff bey der
Roſen; Auch zaigt es die oͤfftere Erfahrnuß/ daß Feuch-
tigkeit vnd Naͤſſe den Kalch anzuͤnde/ nit weniger thut
die Ubermaß deß Weintrinckens vngebuͤhrende Venus-
Flammen in dem verwanden Leib erwecken/ die Weiber
aber vnd Weinbeer machen mehriſten Thail alle Beutel
eytel/ vnnd gleichwie in dem Calender auff das Wein-
Monath das Winter-Monath folget/ alſo auff viles
vnd ohngezaͤmbtes Weinſauffen gehet es gemainiglich
kuͤhl her/ vnd ſchleicht die Armuth ein/ wie ein ſium-
mer
[5]vnd Mutter-Traum von dem Juda.
mer Bettler. Deſſenthalben ſoll Bacchus von Rechts we-
gen in einer Hand ein Regiments-Staab/ in der anderen
Hand ein Bettl-Staab fuͤhren/ nit weniger auch Venus
thut die Taſchen laͤhren/ bringen alſo die Kandl vnd Andl
ein Menſchen zu einen armen Wandl/ auff ſolchem Schlag
iſt es begegnet obbemeltem Hollaͤnder: welcher durch ſein
vnmaͤſſiges Leben nit allein das Gewiſſen beſchweret/
den Beutel geringert/ ſondern auch noch darzu ſich mit
groſſen Schulden uͤberladen/ dergeſtalten/ daß er zu Win-
terszeit nicht Noth habe vor ſeinem Hauß ein Bahn zu
fuͤhren/ zumahlen ihme ohne das die uͤberdruͤſſige Schul-
denforderer durch viles Lauffen den Weeg gebahnet; Die
Sach kam alſo weit/ daß er wie die Fleder-Maͤuß den
Tag haßte/ vnd ſich nicht traute ſehen zu laſſen/ auß Ur-
ſachen/ weil maͤnniglich ihn mauloffend anſchaute/ auch
mit Finger auff ihn deuttete; Diſer Schwiermer in ſeiner
tieffen Melancholey hatte bey naͤchtlicher Weil einen
Traum/ vnd gedunckte ihn/ als ſehe er einen Mann/ mit-
teren Aelters vnd feiner Leibs-Geſtalt/ welcher ihme ſei-
nen ſtraͤfflichen Wandel ſattſamb zu Gemuͤth fuͤhrte/
beynebens ſtarck befehle/ vnd einbinde/ er ſoll ſich ohnver-
zuͤglich nach der Statt Kempen befuͤgen/ allda werde er
auff der Brucken einen Menſchen antreffen/ der ihme ge-
wiſſe Mittel werd an die Hand raichen/ wordurch er zu
den vorigen Vermoͤgen gelangen kundte/ der erwacht
endlich/ vermerckt beynebens/ daß es ein Traum/ bildet
ihm dannoch ein/ es muͤßte etwas darhinder ſeyn/ gehet
deſtwegen den geraden Weeg von Dotrecht nach der
Statt Kempen/ verweilet daſelbſt einen gantzen Tag auff
der Bruck/ wird endlich uͤber ſich ſelbſten zornig/ daß er
einem nichtigen Traum ſo feſten Glauben gebe/ ſchlieſt
bey ſich wider mit diſer langen Naſen naher Hauß zu
kehren; Indem aber redet ihn ein Bettler an/ fragend/
A 3warumb
[6]Eltern/ Vatterland/ Herkommen
warumb er ein geraume Zeit ſo beſtuͤrtzt auff- vnd nider-
gangen/ ey ſagt er/ es hat mir getraumet/ daß ich an di-
ſem Orth werde ein Pflaſter uͤber meine Wunden/ will
ſagen/ ein Schluͤſſel zum vorigen gehabten Gluͤck finden;
finden? ja finden? ſagt der Bettler/ ein Narren-Kappen/
wirſt du da ertappen/ iſt das nicht ein vngereimbte Torꝛ-
heit auff einen Traum glauben/ vnd deſtwegen ein ſolche
Raiß auff ſich nemmen? du muſt wol ein leichtglaubiger
Tropff ſeyn/ ſagt der Bettler/ auff ſolche Weiß haͤtt ich
ſchon laͤngſt muͤſſen naher Dotrecht raiſen/ alldort ein
Schatz zu graben vnder einer Dorn-Hecken in diſem vnd
diſem Garten/ wie es mir getraumet/ vnnd erzehlt den
Traum mit allen Umbſtaͤnden/ auß welchen der Hollaͤn-
der augenſcheinlich wahrgenommen/ ſolches Orth ſeye
in ſeines Vatters Garten/ ſtellt ſich aber/ als achte er all
diß wenig/ gibt dem Bettler ein freundliches behuͤt dich
Gott/ vnd eylet nach Hauß auff Dotrecht, grabt vn-
der dem gedachten Dorn-Geſtraͤuß/ vnd findet warhaff-
tig einen groſſen Gold- vnd Silberreichen Schatz. Daß
diſer Traum/ auff welchem ſolche gewuͤnſchte Warheit
gefolgt/ ſolle ſeyn von GOtt kommen/ iſt es ein harter
Zweiffel/ glaub es dann erſt/ wann die Eſelin deß Pro-
pheten Balaams wird ja hierzu ſagen/ dann diſer gewiſſen-
loſe Schlemmer ſolche Gnad von dem belaydigten GOtt
nicht verdienet hat/ ſondern allem Anſehen nach hat der
argliſtige Sathan/ deme dergleichen verborgene Schaͤtz
wol bekandt/ diſem laſterhafften Geſellen ſolches offen-
bahrt/ damit er widerumb Mittel vnd Gelegenheit habe
ſeinen verdambten Lueder-Wandel ferners zu treiben/
vnd an die alte Suͤnden neue Miſſethaten zu knuͤpffen.
Vor Zeiten bey den Heyden war es allgewoͤhnlich/
daß man in dem Goͤtzen-Tempel das Nacht-Quartier ge-
nommen/ darinn geſchlaffen/ zu dem End/ damit ihnen
der
[7]vnd Mutter-Traum von dem Juda.
der Traum einige Wiſſenſchafft kuͤnfftiger Ding einbla-
ſe/ ſo dann oͤffters durch die boͤſe Feind geſchehen/ abſon-
derlich/ in den gefaͤhrlichen Kranckheiten hat der Teuffel
in dem Traum offenbahret gewiſſe Kraͤuter/ vnnd heyl-
ſame Mittel/ dardurch ſolche Leibs-Preſten zu wenden/
wie es Alexandro Magno vnd anderen begegnet; Mit
ſolchen phantaſtiſchen Geſichtern/ naͤchtlichen Geſtalten/
vnd oͤfftern Traum-Wercken betruͤgt annoch die alte
Schlang manchen ohnbehutſamen Menſchen/ worvon
es kombt/ daß bey vilen der Traum gleichſamb mit der
heiligen Schrifft in gleichem Gewicht iſt/ vnd ſuͤndigen
forderiſt hierinn die vorwitzige junge Toͤchter/ welche den
mehriſten Traumen von dem Heyrathen einen hartnecki-
gen Glauben ſtellen; Wie dann vor wenig Jahren in
dem Under-Oeſterreich einen ſolchen Kuͤttl-Affen getrau-
met/ ſie werde den jenigen heyrathen/ den ſie zu morgens
nach der Fruhe-Meß wird ſehen vor der Kirchen ſtehen/
wie ſie nun eyffrig auffgeſtanden/ vnd gantz ſchleunig nach
dem Gotts-Hauß geeylet/ trifft ſie bey der Kirchen-Pfor-
ten einen an in langer ſchwartzen Kutten/ vnnd einen
Chor-Rock/ woruͤber ſie dergeſtalten erbleicht/ in naͤrri-
ſcher Mainung/ ſie muß ein Geiſtlichen heyrathen/ daß ſie
krafftloß zur Erden geſuncken/ es war aber bey ihr ein
blinder Irꝛthumb/ dann diſer nur der Meßner deſſelbigen
Orths war/ welcher pflegte in wuͤrcklichem Kirchen-
Dienſt dergleichen Kleidung anzutragen; kaum hat Ab-
ſalon ſo vil Haar in ſeinem Strobl-Kopff/ kaum quacke-
tzen ſo vil Froͤſch in Egypten zur Pharaonis Zeiten/ wie
vil Weis der Hoͤlliſche Raub-Vogel gebrauchet dem Men-
ſchen zuſchaden/ abſonderlich in dem Traum/ dann gleich-
wie vnderſchidliche Aembter vnder den boͤſen Feinden ſeynd
außgetheilt/ alſo finden ſich nit wenig vnder diſer Satani-
ſchen Schaar/ welche den Namen vnd Titul tragen/ der
Traum-
[8]Eltern/ Vatterland/ Herkommen
Traum-Teuffel/ wie es dan̄ eines die H. Maria Ægniacen-
ſis, dem laydigen Satan/ welcher einen Gottſeeligen Mann
ſtaͤts durch verwegene Traum uͤberlaͤſtigte/ ſo weit getri-
ben/ daß er in gantz trutziger Geſtalt vor ihr erſchinen/
Jacob Car.
lib. 1. C.vnd als ſie fragte/ wer er ſeye? geantwort/ Ich bin der
jenige den du verfluchte mit deinem Gebett ge-
noͤthiget/ zu dir anhero zu kommen/ die du mir
meinen Freund mit Gewalt abzutringen dich
vnderfangeſt/ ich wird genannt der Traum-
Teuffel/ bethoͤrꝛe vnd fuͤhre nicht wenig Men-
ſchen hinder das Liecht.

Es iſt leicht zu glauben/ daß jener grobe Bauren Lim-
mel in Elſas ſeinen Traum von dergleichen Schmutz-En-
gel geſchoͤpfft habe/ dem Stock-Narꝛen traumte/ als er
ſehe im Schlaff ein ohn zahlbare Menge der Maͤuß/ ſo
auff den Aeckern vnd Trayd-Feldern groſſen Schaden ver-
urſachten/ ja es dunckt ihn/ als habe er mit ſeiner Kuͤn-
heit all diſe ſchaͤdliche Trayd-Dieb vertriben/ ſolchen
Traum legte er eigenſinnig dem Bauren Volck auß/ vnd
beweiſte/ wie daß durch die Maͤuß die Edel-Leut verſtan-
den ſeyn/ welche dem armen Vnderthan ſein Stuͤckl
Brodt immer abnagten/ ſeye demnach Gottes Willen/
daß ſich der gemaine Mann rechtmaͤſſig wider ſein Obrig-
keit aufflaine/ vnd zum Gewoͤhr greiffe; auß welchen
dann ein ſo blutiger Krieg entſtanden/ daß ſehr vil auß
dem hohen Adel vmbkommen/ der Bauren aber faſt in die
Hundert-Tauſend ins Graß gebiſſen/ iſt alſo deß boͤſen
Feinds einiger Liſt vnd Luſt den Menſchen in Traum/
durch Traum/ vnd mit Traum zubethoͤrꝛen/ dahero der
Prophet Jeremias vns ſchon laͤngſt gewarnet mit diſen
Jerem c.
29. v. 8.Worten: Diß ſagt der HErꝛ der Herꝛſchaaren
der
[9]vnd Mutter-Traum von dem Juda.
der Gott Iſrael/ laſſet euch euere Propheten
vnd Wahrſager/ die vnder euch ſeynd nicht be-
triegen/ vnd achtet auff euere Traum nicht/
die ihr traumet.

Gleichwol aber ſeynd nit alle Traum zuverwerffen/
auß Vrſachen/ weil GOtt der HErꝛ gar offt dem Men-
ſchen in Traum groſſe Geheimbnuſſen offenbahret/ ja
nit ſelten durch ſeine Engel ſolche Traum zuſchicket/ wel-
che zu weillen einen Vnderweiß oder Verweiß geben; von
Gott iſt geweſt jener Traum deß Joſephs/ welchem in
Schlaff vorkommen/ als binde er mit ſeinen Bruͤdern
Garben auff dem Feld/ vnd ſcheine endlich/ daß ſein Gar-
be allein ſich auffrichte/ der Bruͤdern aber ihre Garben
rings herumb die ſeine anbetten/ tieffe Reverenz vnnd
Complement machen; durch ſolchen Traum wolte Gott
ſchon von ferꝛen andeuten/ wie daß der gerechte Joſeph
zu hohen Wuͤrden ſoll gelangen/ ſeine Bruͤder aber der
Laggeyen Stell verꝛichten/ denen der Schneider-Meiſter
Neyd-Hart die Livere verfertiget.

Von Gott iſt geweſt ſein anderer Traum/ den er
ſeinen Bruͤdern erzehlte/ worinn er eigentlich ſahe/ daßGen. 37. c.
Sonn vnd Mond ſambt ailff Sternen ihn angebett/ in
welchen Nacht Geſicht die helle Warheit verhillt geweſt/
dann es war ein vermantelte Propheceyung/ daß er wer-
de ſehr hoch ſteigen/ die ailff Bruͤder aber werden ſich muͤſ-
ſen auff Aylffe legen/ vnd in nidertraͤchtigen Stand ver-
lieb nemmen/ ja es ſoll noch darzu kommen/ daß Vatter/
Mutter vnd alle Bruͤder ihm gebuͤhrmaͤſſig werden auff-
warten.

Von Gott in geweſt jener Traiꝛm deß Koͤniglichen
Mund-Schencken/ wie auch deß Hoff-Beckens bey dem
groſſen Pharao, welche Beede durch Koͤniglichen Befehl
Bin
[10]Eltern/ Vatterland/ Herkommen
in der Keichen verhafft lagen/ vnd eineſt zwey vngleiche
Traum hatten/ benanntlich dem Mundſchenck hat ge-
traumt/ als ſehe er vor ihm ein Weinſtock mit drey Re-
ben/ auch ſolche Preſſe/ nach dem ſie genug gezeitiget/ in
dem Mund-Becher Pharaonis, vnd raiche diſes Trinck-
Geſchirꝛ wuͤrcklich dem Koͤnig; Joſeph der gleichmaͤſſig
ein Gefangener war in ſolchem Kercker/ wird hoͤfflich er-
ſucht/ als einer von Gott erleuchter Traum-Außleger/
was doch diſes moͤchte bedeuten? Du/ antwort er/ wirſt
nach dreyen Tagen wider zum vorigen Ambt gelangen:
Bruder memento mei, mach dir ein Knopff auff die
Naſen/ vnd vergiß meiner nicht; der Hoff-Beck erzehlt
auch gantz vmbſtaͤndig ſeinen Traum/ wie daß er geſehen/
im Schlaff/ als trag er drey Koͤrb auff ſeinem Haubt/ vnd
waren in dem obern Korb allerley Brodt/ Laib/ Mund-
Semmel/ Pretzen/ Wecken/ vil lange/ kurtze/ krumpe
Gen. 4. v.
16.vnd gerade Kipffel ꝛc. Auch hats ihm gedunckt/ als freſ-
ſen die Voͤgel auß diſen Brodt-Korb; Joſeph was halſt
du darvon? Du/ ſagt Joſeph/ du wirſt den Koͤnig vmb
Gnad flehendlich erſuchen/ wirſt aber ein Korb erhalten/
vnd nach dreyen Tagen wird der Hencker auff deiner
Hochzeit tantzen/ der Galgen wird dir in Obern Stock ein
Logiament vergonnen/ im Lufft wirſt du das Lufft ſchoͤpf-
fen vergeſſen/ vnd die Raaben werden bey dir ein Frey-
Taffel haben. Auff beeden Seiten iſt ein ſolcher Auß-
gang gefolget/ wie es der Gerechte Joſeph angedeut:
Von GOtt iſt geweſt der Traum deß Salomons/ deß
Abrahams/ deß Nabuchodonoſors/ deß Jacobs/ ꝛc. Es
wird herentgegen im Zweiffel geſtellt/ von wem jener
Traum verurſachet worden/ welchen gehabt hat die Frau
Gemahlin deß Pilati/ damahlen als ſie in aller Fruhe den
Pagy zu ihrem Herꝛn geſchickt/ da er ſchon im Rath ge-
ſeſſen/ ihme die Ordinari-Poſt laſſen ablegen/ vn̄ beynebens
ernſt-
[11]vnd Mutter-Traum von dem Juda.
ernſtlich erſuchen/ er wolle ſich doch nicht vergreiffen an
Chriſto von Nazareth/ noch weniger ein ohnreiffes Vrthl
uͤber ihn faͤhlen/ dann ſie habe heut Nacht einen erſchroͤck-
lichen Traum deßhalben gehabt/ vnd nehme ab in allen
gantz Handgreifflich/ daß er ein gerechter vnd vnſchuldiger
Menſch ſeye; es ſeynd wol etliche der Mainung/ als ha-
be diſer Traum von dem boͤſen Feind hergeruͤhret/ der
durch ſolches Weib geſucht den Seeligmachenden Todt
deß HErꝛn zuverhindern/ es iſt aber der mehreſten Lehrer
einhellige Auſſag/ daß ſolcher von GOtt kommen/ dannCorn. c.
26. in
Matth.
ſo der Sathan haͤtte wollen hinderſtellig machen/ den
Todt Chriſti/ haͤtte er die Gemuͤther der Hebræer nit alſo
mit Neyd vnd Haß gegen ihm angefeuret; folget dem-
nach/ daß ſolchen Traum Gott habe geſchickt/ zumahlen
diſe deß Pilati Frau ein Gottſeelige Dama war/ mitFlavius
Dexter in
Chron. an.
34. n. 2.
Namen Claudia Procula, welche nachgehends an Chri-
ſtum eyfferigſt geglaubt/ vnd den Namen einer Heiligin
verdient.

GOtt der HErꝛ iſt nicht vngleich einem Magnet/
dann gleich wie diſer wunderſeltzam das harte Eyſen ziehet/
alſo ziehet der Mild-hertzigſte Erloͤſer die harte Suͤnder zu
ſich. Moyſes ware auff ein Zeit gantz heißbegierig dieExod. 33
Glory Gottes zuſehen/ deme aber Gott den Beſchaid ge-
ben/ er ſolle ihm auff den Rucken ſchauen. GOtt der
HErꝛ aber tragt auff den Rucken vnd Achſeln nichts an-
derſt als das verlohrne Laͤmbl/ welches er/ als ein guter
Hirt widerumben gefunden/ halt es alſo der Hoͤchſte fuͤr
ſein Glory/ wann er einen irꝛenden Suͤnder wider auff
den rechten Weeg bringet/ ja GOtt iſt wie der Aggſtein/
ſolcher ziecht durch verborgene Wuͤrckung an ſich das
Strohe. Nit weniger ziehet GOtt der HErꝛ an ſich denLuc. 15.
Suͤnder/ welcher dem vnfruchtbaren Stroh gantz gleich/
ja wol ein Stroh-Kopff ſelbſt zubenambſen/ als er vmb
B 2ein
[12]Eltern/ Vatterland/ Herkommen
ein geringes Affenſpil der Welt ſo ohnweißlich das Ewige
vertaͤndlet; ohnzahlbar aber ſcheinen die Manieren/ wor-
durch der Allmaͤchtige das ſuͤndige Adams-Kind zu ſich
locket/ vnd geſchicht gar offt durch einige Traum/ die er
Bolland.
22. Febr.manchen Laſter-Gemuͤt zuſchicket. Die ſeelige Margarita
von Cortona hat Gott zu ſich gezogen durch einen Hund/
welcher ſie bey dem Saum deß Rocks gefuͤhret hat hinder
ein dickes Geſtraͤuß/ vnd ihr alda gezeigt den todten/ vnd
bereits mit Wuͤrmen uͤberhilten Juͤngling/ den ſie ſo ohn-
ſinnig geliebt hat/ hat ihr alſo der Hund geſagt/ was ein
Menſch ſeye.

Den H. Ignatium Loiola hat GOtt zu ſich gezogen
durch ein ſtarcke Wunden an ſeinen Fuß in der Pompelo-
neſiſchen Belagerung/ worvon er ligerhafft worden/ vnd
zu Vertreibung der Zeit Geiſtliche Buͤcher geleſen/ welche
ihn alſo in der Liebe Gottes angefeuret/ hat demnach Ig-
natius mit krumpen Fuͤſſen lehrnen beſſer Chriſto nach-
folgen/ als mit geraden.

Den Gottſeeligen Petrum Conſalvum in Spanien
hat GOtt zu ſich gezogen durch ein Kottlacken/ dann als
er eines vor groſſer Maͤnge Volck mit abſonderlich Ge-
praͤng auff einen ſtoltzen Klepper den Damaſen zu Ehren/
daher trappte/ fallt er vnverhofft in ein wuͤſte Kottla-
cken/ worinn er als in einen Saw-Badt herumb gewaltzet
vnd einen Miſtfineken nit vngleich geſehen/ welches dann
jederman zu einem ohngeſtimmen Gelaͤchter bewogen/ er
aber wahr genommen/ daß ihn die Welt alſo außlachet/
reſolvirt ſich augenblicklich dieſelbe hingegen wider auß-
zulachen/ tritt in ein heiligen Orden/ vnd lebet Gottſee-
lig/ den hat gleichſam die Kottlacken/ das Gewiſſen ge-
ſaͤubert.

Den ſeeligen Joannem auß dem H. Orden Franci-
ſci hat GOtt durch die Schwein zu ſich gezogen/ dann als
diſer
[13]vnd Mutter-Traum von dem Juda.
diſer ein vornehmer Advocat ware/ vnd einmahl geſehen/
wie das einer die Schwein wolte in Stall treiben/ ſolche
aber auff alle Weiß widerſpenſtig ſich weigerten hineinzu-
gehen/ ſagte der Hirt auß Ohnwillen/ ey/ daß euch der
Teuffel hineinfuͤhre/ wie die Advocaten in die Hoͤll/ kaum
daß ſolche Wort vollendet/ ſeynd die Saͤw Hauffenweiß
hinein getrungen/ vnd eine uͤber die andere hinein geeylet/
welches diſen Advocaten dergeſtalten erſchroͤckt/ daß er
von Stund an der Welt den Rucken gezaigt/ vnd in den
ſtrengen Orden deß H. Franciſci getretten/ iſt alſo diſer
durch die Saͤwe in den Schaaf-Stall Gottes kommen.

Den muthwilligen Clericum hat GOtt zu ſich ge-Cæſ. hom.
5.
zogen durch die Wuͤrffel/ dann als ihm der H. Abbt Ber-
nardus begegnete/ vnnd zur ernſtlichen Bekehrung an-
friſchte/ meinethalben antwortet er/ Herꝛ Pater, wir
wollen wirfflen/ vnd ſo ihr mehrer Augen werfft als ich/
ſo will ich euer Moͤnich werden/ dafern aber ich euch an
Wurff uͤberwind/ ſo gehoͤret euer Roß mir zu/ der H.
Abbt laſt ſich in diſe Bedingnuß ein/ der freche Clericus
ziehet herauß drey falſche Wuͤrffel/ vnd wirfft gleich das
erſte mal 18. Augen/ der H. Bernardus wirfft auch voll der
Hoffnung/ da fallen zwey Wuͤrffel/ ein jeder mit 6. Au-
gen/ der dritte aber iſt Mitten von einander geſprungen/
vnd ein Theil 6. vnd der andere 5. Augen gezaigt/ welches
Wunder den Clericum in das Cloſter gezogen/ hat alſo
durch diß verſpillen das beſte gewonnen. Noch vil ande-
re Weiß hat der allerguͤtigſte Gott/ wordurch er den ir-
renden Menſchen zu ſich locket/ abſonderlich aber pflegt
er ſolches zuthun durch die Traum/ vnd ſchicket manchen
einen Traum/ der ihm an ſtatt eines Apoſtoliſchen Pre-
digers iſt; der ihm an ſtatt eines klaren Spiegels iſt/ worin
er die Warheit erſihet; der ihm an ſtatt eines Sporꝛens
iſt/ welcher ihn auff dem Weeg Gottes beſſer antreibet;
B 3der
[14]Eltern/ Vatterland/ Herkommen
der ihm an ſtatt eines Weckers iſt/ vnd von dem Schlaff
der Suͤnden auffmundert. Geſetzt/ es iſt jemand/ der
mit dem Cain neydig/ mit dem Abſalon ſtoltz/ mit dem
Ammon bueleriſch/ mit dem Achan diebiſch/ mit dem
Joab falſch/ mit dem Dathan lugenhafft/ mit dem Na-
bal liederlich/ vnd in allem ſuͤndig; dem traumer einmal
oder zweymal/ wie daß er vor Gottes Richter-Stul ſtehe/
vnd ſehe das groſſe Protocholl ſeiner Suͤnden/ das zor-
nige Angeſicht deß Richters/ die verſchwendte Bluts-
Tropffen deß Erloͤſers/ die verſaumbte guldene Zeit/ die
triumphierende hoͤlliſche Geiſter/ den auffgeſperꝛten Ra-
chen deß Teuffels/ ja es traumer ihm/ als waͤre er wuͤrck-
lich in diſes ewige We hinein geſtuͤrtzt/ aͤngſtiget ſich der-
maſſen ab im Schlaff/ daß er hieruͤber erwacht/ vnd fin-
det das Angeſicht mit kalten Schweiß uͤberloffen; glaub
du mir diſer Traum ruͤhret nicht anderſt/ woher? als von
GOtt/ welcher ſucht dich verlohrnes Laͤmbl mit ſolcher
Weiß auff den rechten Weeg zubringen/ dich auß dem
ſuͤndigen Egypten ins gelobte Land zufuͤhren/ dich in dem
Jordan der Pœnitenz von dem ſuͤndigen Außſatz zuraini-
gen/ vnd deine Seel als ein Selavin deß boͤſen Feinds wi-
derumb zu einer Burgerin deß Himmels zumachen.

Es traumet einem Juͤngling/ wie daß er ein groſſe
Welt-Kugel vor ſeiner ſehe/ mit vnderſchidlichen Schub-
Laͤdln/ die er alle auff das genaueſte durchſuchet/ vnnd
traumet ihm/ als habe er in dem erſten gefunden ein Lar-
ven mit Schellen verbraͤmbt/ in dem andern lauter faule
Fiſch; in dem dritten Staub vnd Aſchen mit etlichen zer-
brochnen Glaßſcherben vndermaͤnget; in dem vierdten ei-
nen wurmſtichigen Let-zelten mit einem Glaͤſſel Wermut/
in 5ten ein Zetl/ darauff diſe Wort ſtunden/ reimb dich
Bundtsſchuh. Die anderen Schub-Laͤdln waren alle
laͤhr/
[15]vnd Mutter-Traum von dem Juda.
laͤhr/ ꝛc. Welches ihm alſo verdroſſen/ daß er die Welt-
Kugel mit Fuͤſſen getretten/ vnnd als er im wehrenden
Schlaff den Fuß an die Bethwand geſtoſſen/ wird er
wachtſam: Glaub du mir/ entdecke diſen Traum deinem
verſtaͤndigen Beicht-Vatter/ begehre vnd bitte von Gott
deſſenthalben eine Erleuchtung/ du wirſt augenſcheinlich
finden/ daß der Traum nit laͤhr/ ſondern Gott wil auff
ſolche Weiß dich von der oͤden vnd ſchnoͤden Welt abſon-
dern/ damit du ihme in einem Geiſtlichen Stand deſto
eyffriger dieneſt.

Einem der gefaͤhrlich kranck liget/ vnd der Docto-
rum Recept vnd Concept einige Linderung nit bringen/Pererius
in Daniel.
l. 2.
traumet vnd kommet ihme im Schlaff vor/ als ſoll er ſich
verloben nacher Maria Zell in Steyermack/ nacher Ma-
ria Einſidl in Schweitz/ nacher Maria alten Oetting in
Bayren/ nacher Maria Taͤferl in Oeſterreich/ ꝛc. dort
werde er vnfehlbar bey der Mutter der Barmhertzigkeit
ſeine gewuͤnſchte Geſundheit erhalten/ als welche gar
recht in der Lauretaniſchen Lob-Verfaſſung/ Salus Infir-
morum, ein Heyl der Krancken benambſer wird; Glau-
be du mir/ diſer Traum iſt nicht laͤhr/ vnnd hat ſolchen
ohngezweiffelt dein lieber Schutz-Engel dir eingeben/ als
der da ſucht ſein liebſtes Pfleg-Kind vnder dem Mariani-
ſchen Schutz-Mantel zu verhuͤllen/ vnd den Eyffer zu di-
ſer mildeſten Himmels-Koͤnigin mehrer anzuflammen.

Zu wiſſen aber eigentlich/ welcher Traum gewiß
von GOtt herruͤhre/ koͤnnen vnfehlbare Kennzaichen nit
beygebracht werden/ vmb weilen auch der boͤſe Feind vn-
der einer heiligen Larven pflegt zu ſpillen/ doch iſt diſes
wol in Obacht zu nem̄en/ wan̄ man mit gutem Gewiſſen/
vnd nuͤchtern Magen ſchlaffen gehet/ auch ſich mit ge-
woͤhnlichem Gebett vnd Weybwaſſer bewaffnet/ daß ſel-
ten den hoͤlliſchen Lauͤeren in ſolchem Fall ein Zutritt von
GOtt
[16]Eltern/ Vatterland/ Herkommen
GOtt geſtattet wird; auch wol zu mercken/ wann GOtt
einem ein Traum ſchicket/ daß er gemainiglich pflege auch
deſſelben Gemuͤth zu erleuchten/ wie begegnet dem Abra-
ham, dem Jacob, dem Salomon, dem Daniel, dem Jo-
ſeph, dem frommen Hertzog in Bayren Guilelmo, von
welchem Drexel. Protr. Paragr. 38.

Die Mutter deß H. Eligij, die Mutter deß H. Furſei,
die Mutter deß H. Bonifacij, deß H. Willebrordi, deß H.
Bernardi, deß H. Dominici, Andreæ Corſini, Franciſci,
Roberti, Philippi, Benizij, Raienerij, Pabſt Pij I I. Leo-
nis X. \&c. haben Traum gehabt/ daß ſie werden Kinder
gebaͤhren/ welche zu groſſer Ehr vnd Heiligkeit ſollen ge-
langen/ zweiffelsohne ſeynd ſolche Traum von GOtt ge-
weſt; Wie es aber Ciboriæ der Mutter Judæ getrau-
met hat/ daß ſie werde ein Ertz-Schelmen auff die Welt
bringen/ von wem ſolcher Traum herkommen/ laß ich es
dem verſtaͤndigen Leſer uͤber/ von welchem mir getrau-
met/ daß er es zum beſten werde entoͤrteren vnd außlegen.

Der ohngluͤckſeelige EheſtandCiboriæ
vnd Ruben als Elteren deß Judæ.

NAchdeme die vngluͤckſeelige Ciboria ihrer ſchwaͤ-
ren Leibs-Frucht entbuͤrdet worden/ vnnd mit
dem Juda niderkommen/ hat ſie wol jene Freud
nicht geſchoͤpfft/ von welcher Chriſtus geſagt bey dem
Joan. 16. Ein Weib/ wann ſie gebaͤhret/ ſo hat
ſie Traurigkeit/ dann ihr Stund iſt kommen/
wann ſie aber das Kind gebohren hat/ ſo ge-
denckt ſie nicht mehr an die Angſt/ vmb der
Freud
[17]Vngluͤckſeeliger Eheſtand
Freud willen/ daß ein Menſch in die Welt ge-
bohren iſt; Sondern es war Ciboria gantz beſtuͤrtzt/
weilen ſie ein ſolchen Boͤßwicht ans Tag-Liecht gebracht/
der ihr gantze Freundſchafft wird verfinſtern. Waiger-
te demnach kurtzumb ihme die muͤtterliche Bruͤſt zu rai-
chen/ der keine andere Ammel/ als wie Romulus vnnd
Rhemus haben verdient; Ja damit ſie ſambt der Freund-
ſchafft deſſen kuͤnfftige Schandthaten nit anſichtig wur-
de/ iſt ſie von aller muͤtterlichen Naigung abgetretten/
den neugebohrnen großkopffenden Buben in ein Vimb-
ſen-Koͤrblein gelegt/ vnd dem wilden Meer uͤberantwor-Paloet. ibi-
dem.
Narciſs.
al Font.
fol. 53.
tet; zu ſchmertzen iſt/ daß er in dem Fahl dem gerechten
Moyſi gleichete: was an Galgen gehoͤrt/ ertrincket nit/
iſt abſonderlich an diſem jungen Luder wahr worden. Zu-
malen diſer junge Judas ohne Gefahr fort geſchwum-
men/ vnd von den Meer-Wellen in die Inſul Iſcarioth
getriben worden/ worvon er den Namen geſchoͤpfft/ gleich
damalen gienge die Koͤnigin ſelbigen Orths an dem Meer-
Ufer ſpatziern/ nimbt war/ daß ein Koͤrbl zum Geſtatt
ſchwimmet/ vnd weil ſie darinnen ein kleines Kind erſe-
hen/ befilcht ſie alſobald ſolches in aller Still nacher Hof
zutragen/ ſtelte ſich/ weil ſie ein geraume Zeit vnfrucht-
bar/ als waͤre ſie groß Leibs/ auch endlich durch Beyhuͤlff
anderer Weiber-Liſt/ zeigt ſie ſich als waͤr ſie nider kom-
men/ vnd diſes Kind gebohren/ da haiſt es wol/ wie groͤſ-
ſer der Schelm/ je beſſer das Gluͤck. Allhier iſt ſattſam ab-
zunehmen/ wie vngluͤckſeelig der Ehe-Stand Giboriæ vnd
Ruben der Eltern Judæ geweſt/ vmb weilen ſie ein ſol-
chen Unflat gezeiget/ iſt muthmaſſig/ daß ſolcher Eheſtand
mit andern Ohnthaten befleckt ſeye geweſt/ vnd weil er ſo
ſchlecht von Gott geſegnet ware.

Als der juͤngere Tobias auff ein Zeit wolte die FuͤßTobiæ. 6.
waſchen/ wird er anſichtig eines groſſen Fiſch/ ſo mit
Cauffge-
[18]Der Eltern deß Judæ.
auffgeſperꝛten Rachen ſchnell zum Geſtatt geſchwum̄en/
welchen er aber alsbald auß Befehl deß Engels auff das
truckne Ufer hinauß gezogen/ der Fiſch aber zappelte/ tantz-
te/ hupffte vor ſeinen Fuͤſſen der Geſtalten/ als wolt er
vor Freuden etliche naſſe Capriol ſchneiden/ worauff der
Engel alsbald dem Tobiæ geſchafft/ er ſolle den hupffen-
den Fiſch außwaiden/ vnd neben andern die Gall herauß
nehmen. Diſem Tobiæſiſchen Fiſch iſt nit vngleich der Ehe-
ſtand/ welcher aͤuſſerlich das Anſehen hat/ als ſteckt er vol-
ler Freuden/ aber du mein lieber Welt-Menſch beſchaue
diſen Fiſch einwendig/ da wirſt du ſchier nichts als Gall
antreffen in dem Eheſtand/ vil vnd faſt ohnzahlbare Bit-
terkeit finden.

Jenes Confect, in welches die erſte Eltern/ wol
rechte Stieff-Eltern gebiſſen/ vnd auff ſolches beiſſen/ das
buͤſſen gefolgt/ iſt nach etlicher Lehrer Auſſag kein Apffel
geweſt/ ſondern ein Indianiſche Feigen/ welche man noch
heutiges Tags die Adams-Frucht nennet/ iſt aber in we-
nigſten gleich den Feigen vnſerer Laͤnder/ ſondern gantz
rund/ vnd uͤberauß ſchoͤner Geſtalt/ als haͤtte ſie die Far-
Moming.
Dom.
Palm. 154.ben von einem Regenbogen entlehnet/ vnnd ſo man diſes
Obſt auffſchneidet/ find man darinn gantz natuͤrlich das
Creutz Chriſti mit allen Paſſions-Inſtrumenten/ welches
ja zuverwundern/ vnd ſoll eben diſe jene Frucht ſeyn ge-
weſt/ in welche Adam ſo ohnbedachtſam gebiſſen.

Diſes Obſt iſt ein eigentlicher Entwurff deß Ehe-
Stands/ welcher aͤuſſerlich den Schein hat/ als ſeye er
nichts als fuͤß/ ja ein lauteres Zucker-Gewoͤlb/ ein Hoͤnig-
Faß/ ein Hertzen-Feſt/ ein Freuden-Kalter/ ein Alcher-
mes Buͤxen/ ein Luſtgarten/ ja ein Himmliſches Schle-
cker-Biſſel/ aber/ aber/ vnd widerumb aber/ das Einwen-
dige ſtimbt nit zu mit dem Außwendigen/ dann einwen-
dig im Ehe-Stand nichts als Creutz vnd Leiden zufinden.
Lieber
[19]Vngluͤckſeeliger Eheſtand.
Lieber Welt-Aff/ verzeyhe es mir; daß ich dich alſo frembd
titulire/ gehe mit mir zur angenehmen Sommers-Zeit
ein wenig hinauß/ einen guͤnſtigen Lufft zuſchoͤpffen/ da
wirſt du gleich hoͤren der Nachtigal ihr villſtimmiges Fletl/
deß Gimpels ſein abgeſchmaches Feillen/ der Wachtl ihr
ſchlagende Hals-Uhr/ deß Guggu ſein baͤueriſches Wald-
Geſchray/ der Ambſel ihr gemeines Schleiffer-Liedl/ der
Lerchen ihr Te Deum laudamus, deß Stigelitz ſein Paſ-
ſarello \&c. Da wirſt du gleichfoͤrmig ſehen der Wiſen
ihr geſtickte Arbeit/ deß Waaſen gruͤnſammeten Toͤp-
pich/ der Felder ihr haͤuffige Fruchtbarkeit/ der Waͤlder
ihr luſtiges Lauber-Feſt/ aller Erd-Gewaͤchs froͤliche Auff-
erſtehung/ deß gantzen Erd-Bodens hochzeitliches Ge-
praͤng; gehe weiter/ vnd genieſſe der guldenen Zeit nach
Genuͤgen/ laß vns ein wenig ſpatzieren gehen auff der gruͤ-
nen Gſtaͤtten deß rauſchenden Fluß/ welcher mir vnd dir
vorkombt/ wie ein Spiegel in einer gruͤnen Rahm/ vnnd
wie ein fluͤſſender Cryſtall/ was noch mehr/ wir ſehen in
diſem Waſſer die ſchoͤnen gefaͤrbte Wolcken/ die ſchoͤne
ſtrallende Sonn/ den ſchoͤnen blauen Circk/ das ſchoͤne
helle Gewoͤlb/ den ſchoͤnen Himmel ſelbſten; demnach lie-
ber Bruder haſt Luſt in Himmel/ ſo ſtuͤrtz dich hinein/
vnd ſchicke mir fein foͤrderlich eine Staffeta, wie es im Him-
mel zugehet? da antwort diſer/ daß er in ſolchen Spil
pflege zu paͤſſen/ dann ſo er ſich moͤchte in dem Fluß hinein
ſencken/ wurde ſolcher den Namen verliehren/ vnd nach-
mals ein Stockfiſch-Bruͤh genennt werden/ in Bedenckung
ſeiner Thorheit/ dann in diſem Waſſer kein Himmel/
ſondern nur ein bloſſer Schein deß Himmels/ ja an ſtatt
deß Himmels wurde er das truͤbe Waſſer ſauffen/ vnd gar
den Vndergang leyden.

Es gibt ſo vil ohnbeſonnene Adams-Kinder/ wann
man von Eheſtand redet/ ſo ſpitzen ſie die Ohren wie der
C 2Schim-
[20]Der Eltern deß Judæ.
Schimmel/ da er ſicht den Haber-Sack ſchittlen/ es ſchlagt
ihnen die Puls/ als wolt ſie auff der Poſt reitten/ wann
nur die geringeſte Meldung geſchicht von der Hochzeit/ es
dunckt ihnen/ als ſeye in dem Eheſtand ein lauterer Him-
mel; O Limmel! es iſt weit gefaͤlt/ es iſt nur alſo der bloſ-
ſe Schein/ es iſt nichts darinn zufinden/ zugruͤnden als
truͤbes Waſſer/ verſtehe/ Betruͤbnuſſen vnd Widerwaͤr-
tigkeit.

Es kan nicht bald der Eheſtand lebendiger entworffen
werden/ als durch jenen Wunderbaum zu Aſca in Nider-
land/ allwo ein gemeines Bauern-Weib mit Schulden
alſo uͤberladen war/ daß ſie endlich auß Noth ihre eigene
Klaider den Juden allda vmb ein wenige Baarſchafft zu-
verpfaͤnden geſucht/ damit ſie nur in etwas die Credito-
ren befridigen moͤchte/ die Juden aber als verſtockte Sa-
thans-Gemuͤther tragen der armen Haut vor/ wie daß
ſie in Anſehung der Klaider nit einen Haller wolten vor-
ſtrecken/ wol aber ein zimbliche Summa Geld ihr in die
Haͤnd werffen/ wann ſie ihnen wolt ein Conſecrirte Ho-
ſtien einhaͤndigen/ welches gar fuͤglich moͤchte geſchehen
dazumahlen/ als ſie ſolche auß deß Prieſters-Hand empfan-
gen/ vnd ohnvermerckt anderer wider auß dem Maul zie-
hen wurde; das Weib laßt ſich von dem anerbottenen Geld
verblendē/ gehet bey Oeſterlicher Zeit zu dem Altar Gottes/
empfanget auff ihre verraͤtheriſche Zung das hoͤchſte Ge-
heimbnuß/ vnd nimbt ſolches widerumb auß dem Mund/
deß verruchten Vorhabens/ diſes den Hebræern zuuͤber-
liffern/ vnder Weegs aber nagte ſie der ohnruhige Ge-
wiſſens-Wurm der Geſtalten/ daß ſie ihr Gemuͤth veraͤn-
dert/ vnd ſolche Hoſtien in dem naͤchſt an dem Weeg ver-
dorꝛten Eſchenbaum verborgen/ nun ſihe Wunder! au-
genblicklich hierauff fangt der lang verdorbne Baum zu-
gruͤnen an/ vnd ſich mit ſchattenreichen Blaͤttern beklei-
den/
[21]Vngluͤckſeeliger Eheſtand
der/ weſſenthalben ein groſſer Zulauff deß Volcks entſtan-
den/ vnd was ſolches Wunder vergroͤſſert/ vil krumpe/
lahme/ blinde vnd andere preſthaffte Menſchen ihr ge-
wuͤnſchte Geſundheit erhalten/ der Herꝛ aber deſſelbigen
Grunds/ auff dem der Baum geſtanden/ empfunde hier-
durch ein mercklichen Schaden/ vmb Willen durch den
groſſen Zugang der Trayd-Acker ohnnutzbar zertretten
wurde/ gehet demnach hin/ vnd will ſolchen Baum vmb-
hauen/ vermerckt aber diſes groͤſte Wunder/ daß alle
Schaitten ſo herunder gefallen/ ein Geſtalt der blutigen
Creutz haͤtten/ vnd ſihet mit zuſammen geſchlagenen Haͤn-
den/ daß diſer Baum voller Creutz/ ja ein lauters Creutz/
welches nachmals der Geiſtlichen Obrigkeit iſt vmbſtaͤndig
angedeut worden/ ſambt freywilliger Bekandtnuß obbe-
melten Weibs-Bild.

Der Eheſtand iſt ein Baum/ welchen der Allmaͤch-
tige Gott ſelbſten gepflantzt hat/ diſer Baum gruͤnet der-
maſſen lieblich/ braitet ſeine Blaͤtter volle Zweig alſo auß/
daß er den Menſchen faſt die Augen vnd mit den Augen
das Gemuͤth auff Magnet-Arth ziehet/ derenthalben ein
ſo groſſe Menge zu diſem Baum eylet/ vnd denſelben vmb-
fanget; aber ſchauet ein wenig ihr Welt-Menſchen/ wie
diſer Baum beſchaffen/ werdet ſpuͤrꝛen/ daß er voller
Creutz/ ja faſt lauter Creutz daran/ darinn/ darumb.

Anno 1503. hat man zu Regenſpurg/ Nuͤrnberg/Lintur. ad
ſaſci. tem.
Landshut/ ꝛc. vnd andern Orthen auff den Klaidern der
Leut rothlechte Creutz gefunden/ welche von Himmel ge-
fallen/ vnd durch kein waſchen konten außgebracht wer-
den/ biß ſie endlich den 9ten Tag ſelbſt verſchwunden;
aber in dem Eheſtand regnet es nit nur ein Jahr einmal
Creutz/ ſondern wol alle Monat/ ja alle Wochen/ auch
offt alle Tag vnd Stund.

In Spanien auff allen Gebaͤuen/ welche D. Cardi-
C 3nal
[22]Der Eltern deß Judæ.
Euſ.
Niernb. l.
1. de Mir.nal Peter Conſalez de Mendoza hat auffrichten laſſen/
wachſet noch heutigen Tag durch ewiges Wunderwerck
ein Kraut wie ein Creutz/ welches der Andacht zugemeſ-
ſen wird/ die gedachter fromme Cardinal zu ſolchen hei-
ligen Sieg-Zaichen hatte/ aber in dem Eheſtand iſt ſolches
gar kein Wunder/ zumahlen nit allein Creutz auff dem
Hauß/ ſondern auch im Hauß/ Stuben vnd Cammer/
ja allenthalben wachſen.

Die ohngereimbte Iſraelitiſche Maul-Affen ſeynd
auff ein Zeit vhrdruͤſſig worden uͤber das ſuͤſſe Manna oder
Num. 11.Himmel-Brodt/ in welchem doch aller Safft vnd Krafft
ware/ ja ſie haben noch daruͤber dem Moyſt uͤble Maͤuler
angehengt/ den ſanfftmuͤthigen Mann mit Laͤſter-Wor-
ten angetaſt/ vnd ohnverſchambt ins Geſicht geſagt/ ſie
wuͤnſchten/ daß ſie noch in Egypten waren bey den Zwif-
feln/ ſolche wurden ihnen tauſentmal beſſer ſchmecken/ O
ihr vndanckbare Geſellen/ vnd ſtinckende Knoblach-Maͤu-
ler/ ſollen euch die Zwiffel angenehmer ſeyn? als das liebli-
che Manna? daß euch diſe das Hertz abſtoſſen/ ſo gibts
euch ein Krafft/ Pfui! aber ſag an du murriſch Geſind/
wo die mehriſten Zwiffel anzutreffen/ villeicht in Egypten?
ihr Zwiffel-Maͤuler ſagt die Warheit nit/ muͤſt wiſſen/
daß in dem Eheſtand die mehriſten zufinden/ allda ohne
Zweiffel gibts Zwiffel ohne Zahl: wie zwifflet nit mancher
ſein armes Weib? wie zwifflet nit manche ihren Mann/
wie zwifflen nit offt einen ſeine Kinder/ wie zwifflen nicht
manchen ſeine Dienſt-Botten/ ꝛc. Es gibt mit einem Wort
hierinn Zwiffel ohne Abgang/ Leyden ohne Zahl/ Elend
ohne Maß/ Keyerey ohne Grund/ in der Kuchel/ Stu-
ben vnd Cammer/ findet man offt lauter Jammer.

Der H. Petrus befand ſich eines in der Statt Jop-
pen/ vnd bettete/ in waͤhrenden Gebett gerath er in ein
Verzuckung/ vnnd wurde ihm gezaigt ein ſeltzames Ge-
ſicht/
[23]Vngluͤckſeeliger Eheſtand
ſicht/ er thaͤte wahrnemmen/ was maſſen ein groß leine-
nes Tuch mit vier Zipffen von Himmel herab gelaſſen
wurde zu ihm/ vnd als er in ſolches mit Fleiß hinein ſchau-
te/ merckte er/ daß ſo wol gehende Thier/ fliegende Thier/
vnd auch kriechende/ benan̄tlich Schlangen/ Attern/ Blind-
ſchleichen/ ꝛc. darinnen waren; hoͤrte beynebens ein Stim̄
von Himmel/ die ihm ſchaffe/ er ſoll auffſtehen/ alles di-
ſes ſchlachten vnd eſſen/ Petrus aber ſchuͤttlet hierzu den
Kopff/ ſagt/ HErꝛ das laß ich wol ſeyn/ dann niemahlen
nichts Unreines in mein Maul kommen.

Ich waiß zwar/ daß diſes Geſicht/ ſo dem Petro be-
gegnet/ voller Gehaimbnuß ware/ vnd vil ſchoͤne Auß-
deutungen von den heiligen Lehrern darauß gezogen wer-
den: Ich aber ſag es denen Eheleuthen/ daß ſie gar offt
ſolche Biſſel/ welche Petrus gewaigert zu eſſen/ ſchluͤcken
muͤſſen: Wie offt muß er Galgen-Vogel/ plumper E-
ſel/ fauler Hund/ barter Puͤffel/ vngeſchickter Gimpel/ ꝛc.
ſchluͤcken: wie offt muß ſie Beſtia, Krott/ Diebsvieh/
gifftige Schlang/ Teuffels-Aaß/ ꝛc. ſchluͤcken; vnd Ge-
dult tragen auß Sorg/ es moͤchte noch truͤberes Wetter
hernach folgen.

Darumb die Eheleuth muͤſſen ein guten Kopff ha-
ben/ dann ſie gar offt das Abkaͤmpeln leyden.

Die Eheleuth muͤſſen gute Zaͤhn haben/ dann ſie gar
offt muͤſſen etwas verbeiſſen.

Die Eheleuth muͤſſen gute Finger haben/ dann ſie
muͤſſen gar offt durch dieſelbe ſchauen.

Die Eheleuth muͤſſen ein guten Rucken haben/ dann
ſie gar vil muͤſſen uͤbertragen.

Die Eheleuth muͤſſen ein guten Magen haben/
dann ſie muͤſſen gar vil harte Brocken ſchluͤcken.

Die Eheleuth muͤſſen ein gute Leber haben/ dann
es kriecht ihnen gar offt etwas daruͤber.

Die Eheleuth muͤſſen gute Achßlen haben/ dann ſie
muͤſſen dieſelbe offt uͤber ein Sach ſchupffen.

Die Eheleuth muͤſſen gute Fuͤß haben/ dann es truckts
der Schuch gar vilfaͤltig: mit einem Wort/ Patientia, iſt
die erſte Hauß-Steuer/ ſo die Eheleuth haben muͤſſen:

Man wird bald nicht andaͤchtigere Leuth finden/
als die Eheleuth/ dann ſie gehen faſt alle Tag mit dem
Creutz/ vnd kommen mir ſie vor/ wie die Schiffel am Ge-
ſtatt/ welche zwar angebunden/ vnd ſcheinen als genieſ-
ſen ſie ein Ruhe/ man wird aber doch ſehen/ daß eines das
andere ſtoſſet/ alſo ſeynd gleichfoͤrmig die Eheleuth zuſam-
men gebunden durch das heilige Sacrament vnd einhelli-
ges Ja/ auch ſcheinet ihr Stand ein Ruheſtand/ man
wird aber dannoch mercken/ daß eines das ander plaget/
vnd thut es nicht haglen/ ſo zaigen ſie doch zu weilen die
Blitzer. Der Eheſtand mag endlich verglichen werden
der vergulten Archen deß Bunds im alten Teſtament/
auff welcher zway guldene Cherubin waren/ welche auß
Befehl Gottes einander muſten anſchauen; alſo im Ehe-
ſtand ſoll eins das andere freundlich anſehen/ vnd nit ſie
gegen Orient, vnd er gegen Occident, dann auff ſolche
Weiß ſeynd ſie gleich den Samſoniſchen Fuͤchſen/ welche
die Philiſtæiſche Felder in Brand geſteckt/ diſe waren zwar
zuſam̄en gebunden/ aber die Koͤpff waren weit voneinan-
der/ vnd ſchauete einer hi, der ander hot, O GOtt! das
iſt ein Spott.

Dahero meine Welt-Menſchen/ ſo euch doch die
Zaͤhn waͤſſeren nach dem Eheſtand/ ſo leget zuvor alles
wol auff die Waag-Schallen/ fahret nit gar zu gaͤhe in
Haber-Brein/ damit ihr euch das Maul nit verbrennet/
erwoͤget fein reifflich alle Umbſtaͤnd/ alle Eigenſchafften
vnd Naigungen ſelbiger Perſohn/ mit welcher ihr euch
wollet verbinden. Jenner muß ein ohnbedachtſammer
Lapp
[25]Ungluͤckſeeliger Eheſtand
Lapp ſein geweſt/ von deme das Evangelium regiſtrieret/Luc. c. 14.
wie daß er neben anderen zum Hochzeit-Mahl ein heffti-
ges Lad-Schreiben empfangen/ nachmahls aber perſohn-
lich nicht erſchinen/ ſondern durch die Diener/ ſo ihn zum
andertenmahl rufften/ folgende ohngereimbte Antwort
beybringen laſſen/ wie daß er habe ein Dorff gekauffet/ vnd
nun vonnoͤthen waͤre/ daß er hinauß gehe/ vnd ſelbiges be-
ſichtige/ ſoll ihn alſo entſchuldiget haben: Laß mir den
ein Stroh-Kopff ſeyn/ der etwas einkaufft/ welches er
noch nit geſehen/ er haͤtte fein ſollen vor dem Kauff das
Dorff genau beſichtigen/ den Augenſchein aller Innwoh-
ner vnd Underthanen einnemmen/ Grund vnd Acker vmb-
reitten/ ꝛc. Alſo ſoll man fein zuvor/ ehe man ſich in ehe-
liche Verbindnuß einlaſſet/ alles wol betrachten/ damit
man nit an ſtatt einer Gertraut/ ein Beeren-Haut/ an
ſtatt eines Paulen/ einen Faulen/ an ſtatt einer Dorothee/
ein Ach vnd Wehe/ anſtatt eines Philipps einen Villapp/
anſtatt einer Sybill ein Pfeffer-Muͤhl/ an ſtatt eines Mat-
thieſen einen Matto heyrathe; zuvor muß man alles er-
woͤgen/ auff daß man nit auff dem Roß-Marckt einen
Eſel einhandlet/ vnd Rueben fuͤr Raͤttich einkauffet.

Der groſſe Patriarch Abraham ſchickte eineſt ſeinenGen. c. 24.
Hoffmaiſter auß/ ſeinem jungen Herꝛn dem Iſaac ein
Braut zu ſuchen/ er gabe ihm aber ein abſonderliche In-
ſtruction, daß er ſoll ſehr behutſamb vnd mit moͤglichſter
Vorſichtigkeit vmbgehen/ nit gleich ſich in die nechſte auff-
gebutzte Docken vergaffen. Der verſtaͤndige Hoffmaiſter
Nahmens Eliezer fangt die Sach mit GOtt an/ vnd be-
fehlet dem Allerhoͤchſten diſes ſein wichtiges Geſchaͤfft/
beſchlieſſet auch durch Goͤttlichen Einſchlag bey ſich ſelb-
ſten/ jene zu erwoͤhlen/ dero Reichthumb in ruͤhmlichen
Sitten vnd Lob-wuͤrdigſten Tugenden wurde beſtehen/
ſetzet ſich demnach in Meſpootamia auſſer der Statt Na-
Dhor
[26]der Eltern deß Judæ.
hor bey einem Brunn nider/ zu ſehen was fuͤr Maͤdlen her-
auß gehen/ Waſſer zu ſchoͤpffen/ vnd die ihme/ ſambt de-
nen ſeinigen Cameelen/ wird freymuͤthig zu trincken geben/
die ſoll Braut ſeyn vnd kein andere.

Mein lieber Eliezer, du ſchickſt dich auff Welt-Ma-
nier nit recht zum kupplen/ ſo du wilſt etwas rechts auß-
klauben/ ſo gehe an einem vornehmen Feſt-Tag in die
Statt hinein/ da wirſt du mit Verwunderung ſehen/ wie
die junge Toͤchter auffgebutzt dahero tretten/ da gehet ei-
ne mit gekrauſten Haarlocken/ worinn ſechshundert Klaff-
ter ſeidene Baͤndl eingeflochten/ daß man ein halben Tag
brauchet dieſelbe widerumb abzuhaſpeln: Dort gehet ein
andere/ welche ſchon drey Tag ihr Geſicht in Eſels-Milch
eingebaitzt/ vnd auff ihren Wangen Roſen-Stauden oh-
ne Knoͤpff pflantzet/ wie gefallet dir diſe? Allda ſtehet ei-
ne/ welche ihre Lenden zuſammen gepreſt/ daß ihr auch
ſchier der Athem verarreſtieret/ vnd gantz rahn/ wo nit
gantz rein iſt. Wie gefallt dir diſe? Ich/ ſagt Eliezer, gib
nicht Achtung auff die bloſſe Geſtalt; wann dem alſo/ ſo
zaige ich dir ein andere/ ſiheſt du alldort dieſelbige/ welche
zwar im Ruckgrad von der Natur ein wenig beſchimpfft/
vnd auff einer Seyten die Arbeit erhebet/ entgegen hat ſie
Baarſchafft vil tauſend Ducaten/ wie gefallet dir diſe?
Gleich da kombt eine/ der zwar die geſtrenge Blatterſucht
Minatur-Arbeit ins Geſicht geſetzt/ ſo von lauter Tuͤpff-
len beſtehet/ vnd alſo der Glat-Hobel nicht mehr außgi-
bet/ herentgegen iſt ihr Vermoͤgen ſehr groß/ vnd hat noch
vil tauſend zu erben/ wie gefallt dir diſe? Da gleich hin-
der vns ſtehet eine/ die zwar an einem Fuß zu kurtz kom-
men/ vnd deſſentwegen noch hincket/ aber ſonſt Mittel
halber gehet ſie allen Befreunden vor/ wie gefallt dir di-
ſe? Ich/ ſagt Eliezer, habe kein Abſehung nach Reich-
thumb vnd Guͤter; So ſey es dann/ ich zaig dir gleich an-
dere
[27]Ungluͤckſeeliger Eheſtand
dere qualificierte Toͤchter/ da in dem groſſen Hauß vor
vnſer wohnt ein huͤpſche Fraͤule/ die zwar arm/ aber ſehr
von hohen Adel/ vnd iſt ihr Hauß verwandt mit der Ar-
chen Noë; Auch in der anderen Gaſſen iſt eine zwar nit
gar jung/ aber ſehr vornehmer vnd maͤchtiger Freund-
ſchafft/ vnd hangt ihr Stammen-Wappen noch an dem
Babyloniſchen Thurn; wie gefallt dir diſe? Ich/ ſagt E-
liezer, ſuche auch kein vornehme/ ſondern mein gnaͤdiger
Herꝛ der Abraham hat mir befohlen/ ich ſoll bey Leib kein
Tochter bringen von den Cananitern/ vnder welchen doch
vil reiche/ vil ſchoͤne/ vil adeliche anzutreffen/ aber keine
fromme vnd zuͤchtige/ begehre demnach kein andere/ als
ein ehrliches/ ein zuͤchtiges/ ein demuͤthiges vnd wolerzo-
genes Maͤdle/ weſſentwegen ich Eliezer meinen GOtt
inniglich gebetten/ daß er mir ein ſolches zuſchicke/ welche
er dann bekommen an der Rebecca, die er nicht gefragt
hat/ ob ſie reich ſeye? nit gefragt/ ob ſie adelich ſeye? vnd
ob ſie zwar von Angeſicht huͤpſch ware/ ſo iſt doch damah-
len ihr Auffzug ſchlecht geweſt/ dann man zum Waſſer
ſchoͤpffen keinen ſeidenen Mantò noch gebraͤmbten Rock
anleget/ ſondern er hatte pur betrachtet ihre Tugenden.

O wie weit ſeynd vnſere Zeiten/ bey denen man in
dergleichen Heyraths-Verbindnuſſen/ nur Geſtalt/ oder
Gewalt/ oder zahlt/ oder ein anderes verruchtes Abſehen
hat; Wie manche vermaledeyet die Stund/ in welcher
ſie den Maͤhel-Ring empfangen/ verflucht den Tag/ an
dem ſie alſo verblendet worden/ ſeufftzet uͤber das gegebene
Ja/ welches nunmehr ſo ohnzahlbare Nein außbruͤtet;
Aber meine Toͤchter diß uͤbel habt ihr euch ſelber geſchmi-
det/ in diſen Dorn ſeyt ihr freymuͤthig getretten/ diſen
Laſt habt ihr euch ſelbſten auffgebuͤrdet/ vnd ſolches Creutz
mit eigenen Haͤnden geſchnitzlet; auß Urſachen/ weil ihr
ſo gahe/ ſo ohnbeſunnen/ ſo fruhzeitig darzu geeylet habt/
D 2vnd
[28]der Eltern deß Judæ.
vnd nit vorhero alles in allem wol bedenckt/ deſtwegen
In Eccleſ.
c 7. v. 27.ſagt die Goͤttliche Schrifft: Verheyrathe dein Toch-
ter/ ſo haſt du ein groſſes Werck außgerichtet/
aber gibe ſie einem vernuͤnfftigen Mann. Un-
der anderen iſt in dem Eheſtand nit ein geringes Creutz ein
Ovetan.
hiſt. Hiſp.
l. 9. c. 11.boͤſes Weib. In der neuen Welt iſt ein Inſul mit Nah-
men Ceiba, allwo ſo dicke Baͤumer wachſen/ daß einen
allein vierzehen Maͤnner mit außgeſpannten Armben
kaum vmbfangen koͤnnen/ auß einem ſolchen Baum kund-
te man ein groſſes Creutz zimmeren/ aber ein boͤſes Weib
Proverb.
c. 21.iſt noch vil ein groͤſſeres Creutz: Es iſt beſſer/ ſagt die
H. Schrifft/ es iſt beſſer in wuͤſten Land wohnen/
als bey einen zanckiſchen vnd zornigen Weib.
Es iſt beſſer in der Wuͤſten ſich auffhalten bey gifftigen
Baſilisken/ bey grauſamen Amphisbenen/ bey erſchroͤck-
lichen Drachen/ bey ſchaͤdlichen Crocodilen/ bey wil-
den Salamandren/ bey blutgierigen Tigern/ bey zornigen
Loͤwen/ Beeren vnd Woͤlffen/ als bey einem boͤſen Weib.
Ein boͤß Weib iſt ein Schiffbruch ihres Manns/ iſt ein
ſtaͤter Wetter-Haan im Hauß/ iſt ein uͤbel lautende klap-
per Buͤchſen/ iſt ein Franckiſcher Stifflbalg/ den man faſt
alleweil ſchmieren ſoll/ iſt ein gewixter Wetter-Mantel/
in dem das Waſſer der Ermahnug nit eingehet/ iſt ein
Blaßbalg deß feurigen Zorns/ iſt ein Ziech-Pflafter deß
Geld-Beutels/ iſt ein Maul-Thier/ daß manchen armen
Mann zu todt beiſt/ iſt ein Quartier-Stuben aller Boß-
heit/ iſt ein einheimbiſcher Baum-Haͤckel/ iſt ein Braban-
diſche Stammen-Wappen/ darinn ein zanckiſcher Hunds-
Kopff/ iſt ein Freudhoff der guten Taͤg/ iſt ein gifftige
Schlangen/ ein bitteres Aloë, iſt ein uͤbler Sauerrampff/
iſt ein ewiger blaß mich an/ iſt ein Commiſſarin der
dreyen
[29]Vngluͤckſeeliger Eheſtand
dreyen Furien/ iſt das letzte Geſaͤtzl in Vatter vnſer/
erloͤſe vns von allen Vbeln/ iſt ein falſche Schatten
vnd Schaden-Uhr/ iſt ein hoͤlliſcher Brenn-Spiegl/ iſt
der Froͤlichkeit kehr auß/ iſt ein ſtets humbſetes Wepſen-
Neſt/ iſt des Vulcani ſein Veiß-Zang/ iſt ein immerwaͤh-
rendes Igl-Feſt/ iſt ein Haſpel der Vngelegenheiten/ iſt
ein Jahr-Marck der Zanck-Woͤrter/ iſt/ iſt/ iſt/ iſt/ daß
man nit ſattſam beſchreiben kan.

In Ober-Steyermarck iſt der Erd-Boden ſehr ohn-
neben/ vnd mehriſten Theil mit hohen Felſen vnd Bergen
beladen/ daß er alſo mit dergleichen natuͤrlichen Schantzen
nit wenig pranget/ vnd gleichſam dem Feind einen Trutz
biettet/ eines iſt/ was forderiſt in diſen Bergen wol in
Acht zunemmen/ wann nemblich zur heiſſen Sommers-
Zeit ein ſtarckes Wetter entſtehet/ vnd der Himmel ein
finſters Geſicht machet/ vnd die Wind gantz ohngeſtimm
anfangen zu ſauſen/ vnd die Voͤgelein ſich forchtſam vn-
der die dicke Aeſt ſalviren/ vnd die Baͤumer an allen Gli-
dern zittern/ vnd die ſchnelle Blitzer in dem ſchwartzen Ge-
wuͤlck Schlangenweiß ſchieſſen/ vnd es anfangt zu don-
nern/ ſo iſt es merckſam/ daß/ wann der zornige Himmel
einen Donner-Knall hoͤren laſſet/ derſelbe von dem Echo
oder Widerhall der Bergen drey vnd viermal verdopplet
wird/ nit ohne Entſetzung der frembden Leuth/ macht al-
ſo diſer Steyriſche Widerhall vil ein groͤſſern Tumult als
der Himmel ſelbſt/ in dem er einem Donner-Knall deß
Himmels vier andere trutzig nachklinget. Ein boͤß Weib
iſt zwar kein Berg/ ſondern ein Thal/ will ſagen ein Jam-
merthal/ hat demnach ſolche Eigenſchafften/ wie der Ber-
gen Echo in Ober-Steyr/ ereignet ſich zuweillen ein
rechtmaͤſſige Vrſach/ weſſenthalben der Mann in ein klei-
ne Vngedult gerathet/ vnd etwann mit einem einigen
vnglaten Wort außbricht/ da wird der zanckloſe Echo in
D 3dem
[30]Der Eltern deß Judæ.
dem Maul deß boͤſen Weibs nit allein wider ſchlimm nach-
ſchreyen/ ſondern noch mit zaͤchen gifftigen Schmach-
Worten verdopplen/ das haiſt alsdann gedonnert/ da
gehet es hernachmal nit anderſt her/ als wie in der Be-
hauſung deß Tubalcain, ſo laut H. Schrifft/ der erſte
Schmidt geweſt/ der in ſeiner ruſſigen Huͤtten den gan-
tzen Tag der Geſtalten gehammert auff dem Amboß/ daß
auch die Benachbarte ihre Ohren mit Baumwoll ver-
ſtopfften/ kein andere Beſchaffenheit hat es in einem
Hauß/ allwo ein boͤſes vnd zanckiſches Weib wohnet/
dann alldort hoͤrt man ſtaͤts das hammern vnd jammern/
was Wunder/ daß man nachgehends bey ſolchen Luſt-
Feur wenig Ragget findet/ wol aber gute Schlaͤg/ ꝛc. O
Elend! da gibts ſaubere Apollonien/ die ihren Maͤnnern
alſo die Zaͤhn zeigen/ da gibts ſaubere Lucien die ihren
Maͤnnern ſelbſt die Augen außkratzen/ da gibts ſaubere
Magdalenæ die an ſtatt der Fuͤß dem Mann den Kopff
waſchen/ da gibts ſaubere Cæcilien/ die an ſtatt der Or-
geln dem Mann ſelbſten den gantzen Tag anpfeiffen; da
gibts ſaubere Barbaræ, die an ſtatt deß Thurns/ die gan-
tze Zeit im Hauß turnieren/ da gibts ſaubere Margareth,
die an ſtatt deß Drachen ſelbſt voller Gifft ſeyn/ da gibts
ſaubere Dorotheen/ die an ſtatt der Roſen den Mann ei-
nen groben Knopff heiſſen/ an ſtatt der ſchoͤnen Aepffel
dem Mann die Feigen zeigen: O Elend!

Wunderliche Maniern ſeynd geweſt vor alten Zei-
Barceph.
c. 28.ten/ wann man zuſammen geheurat: Moyſes Barceph.
in ſeinem Buch Paradox. c. 28. ſchreibet: Als Gott dem
Adam ſein Braut/ nemblich die Eva vorgefuͤhret/ habe der
Adam ein Kraͤntzl geflochten auß dem ſchoͤnen gruͤnen
Graß deß Paradeyß/ vnd ihm es auff den Kopff ge-
ſetzt ꝛc.

Plutarchus ſchreibt/ es ſeye bey den Spartaniern
diſer
[31]Vngluͤckſeeliger Eheſtand
diſer Brauch geweſt/ daß man der Braut die Haar alle
von Kopff abgeſchnitten/ alsdann in Manns-Klaider an-
gelegter zum Braͤutigamb gefuͤhrt/ ein wunderlicher
Brauch! in Engelland iſt der Brauch/ daß die Braut ge-
eroͤnnet wird mit drey Cronen. In den Gotthiſchen Pro-Olauſ. c.
14.
vintzen iſt diſer halb lappiſche Brauch/ wann der Prieſter
ein paar Braut-Volck zuſammen gibt/ ſo ſchlagen die
Naͤchſten/ die darbey ſeyn/ der Braut vnd Braͤutigam ins
Geſicht: bey denen Roͤmern/ wann die Braut in die Be-
hauſung deß Braͤutigams gefuͤhrt worden/ hat man die
Braut etlichmal vmb vnd vmb gedraͤhet/ daß ihr der
Schwindel in Kopff geſtigen/ vnd die Thuͤr nit mehr fin-
den koͤnnen.

Vor allen aber iſt jener Brauch wunderlich/ von demHinc Uxo-
res tan-
quam un-
xores di-
ctas eſſe
volebant.
Servius 4. Æneid. ſchreibet/ vnd iſt ſolcher vor diſem al-
lenthalben ſehr in Obacht genommen worden/ daß man
nemblich die Thuͤr-Geſchwoͤllen/ wo die Braut eingefuͤhrt
wurde/ vorhero ſtarck mit Oel vnd Faiſten angeſchmiert;
was ſie durch ſolches ſchmieren haben wollen andeuten/ iſt
mir eigentlich nit bewuſt/ vermuethe aber gar gewiß/ daß
man durch diſes ſchmieren der neu angehenden Ehefrauen
habe wollen das Stillſchweigen einrathen/ dann ſo man
die Thuͤr einſchmiert/ ſo guͤrret ſie im wenigſten nit/ ſon-
dern halt das Maul/ wie die Mauß/ wann ſie beym Speck-
Laib ſchmarotzet/ alſo ſolle gleichmaͤſſig ein Weib vor al-
len das Maul halten/ ihr angelegen ſeyn laſſen; diſen
Rath gib ich faſt allen boͤſen Weibern/ gedencket meine
Weiber/ daß gemainiglich Krieg im Hauß entſtehet/ wan̄
man ſolche Maul-Trommel ruͤhrt/ gedencket/ daß man ge-
meiniglich die Feurglocken anſchlagt/ wan̄ die Flam̄en zum
Maul außſteigen; gedenckt daß man gemeiniglich die Or-
gel ſchlaget/ wann die Blaßbalg deß Mauls auffzogen
ſeyn/ gedenckt/ daß es gemeiniglich einſchlagt/ wanns auß
dem
[32]Der Eltern deß Judæ.
dem Maul ſo ſtarck donnert/ deſtwegen alles Ubel zuver-
huͤten/ haltet das Maul. Pcnteſilea ein Koͤnigin der A-
mazonen/ Camilla ein Koͤnigin der Volſcier/ Cleopa-
patra ein Koͤnigin der Egyptier/ Semiramidis ein Koͤ-
nigin der Babylonier/ Tomiris ein Koͤnigin der Maſlage-
ter/ Hippolita ein Koͤnigin der Amazonen/ Theuca ein
Koͤnigin der Illiricier/ Iphicratea ein Koͤnigin der Sa-
mier, Item ein Jambara bey den Longobardiern/ ein Te-
leſilla bey den Argiviern, ein Debora bey den Iſraelitern/
ein Artemiſia bey den Chariern, ein Tania bey den Tar-
toniern, ein Cyniſca bey den Lacedemoniern, ein Phe-
dalia bey den Thraciern, ein Mauvia bey den Saracenern,
ein Valoſca bey den Boͤhmen/ ein Marguarita bey den
Daͤhnen/ ein Marula bey den Venetianern/ ein Joanna
bey den Lotharingiern haben ein ewigen Ruhm/ Lob vnd
Glory/ vmb weilen ſie ſolche ſtarcke vnd heldenmuͤtige
Frauen geweſt ſeynd/ daß ſie ihre Feind Ritterlich uͤber-
wunden: Ihr Weiber wo ihr immer ſeyet in Teutſchland/
macht euch ebenfals einen groſſen Nahmen/ in Vber-
windung euer Feind; der Feind iſt nit groß/ er haiſt der
Obriſte Zanckenau/ ligt mit den ſeinen in Quartier zu
Graͤin/ Penzing/ Hadersdorff ꝛc. Diſen thut uͤberwin-
den/ gedencket daß Chriſtus der HErꝛ zu geſchloſſener
Thuͤr den Friden ſeinen Apoſteln gebracht/ alſo wird nit
weniger bey euch vnd vnder euch ein Frid ſeyn/ ſo ihr die
Thuͤr deß Mauls zugeſchloſſener haltet: aber vmbſonſt
Chronic.
Philipp.
Ferr.
Menſ. Feb.iſt diſes bey einem boͤſen Weib. Der H. Franciſcus Se-
raph. hat die Schwalmen zahm gemacht: der H. Bau-
dolinus hat die Wild-Aenden zahm gemacht: der H. A-
gricolus hat die Storchen zahm gemacht: der H. Fran-
In vita
Suriusciſcus Paulanus hat die Fiſch im Meer zahm gemacht/
der H. Sabba hat die Loͤwen zahm gemacht/ die H. Bri-
gitta hat die Fuͤchs zahm gemacht/ der H. Corbinianus
hat
[33]Vngluͤckſeeliger Eheſtand
hat die Beeren zahm gemacht/ der H. Kentingernus hatS. Anton.
in Chron.
Bollan. in
vita.
In vita PP.
ibidem.
die Woͤlff zahm gemacht/ der H. Dintanus hat die Hir-
ſchen zahm gemacht/ der H. Abbt Ammon hat die Dra-
chen zahm gemacht/ der H. Helenus hat die Attern zahm
gemacht; aber wer wird mir die Zung eines boͤſen Weib
zahm machen/ wer? es iſt diß folgende zwar ein Fabel/ zeigt
aber gar ſchoͤn/ wie die Weiber ſollen geſitt ſeyn.

Es iſt auff ein Zeit ein Weib gar zu vnbarmhertzig
von ihrem Mann geſchlagen worden/ alſo zwar/ daß ihr
das Angeſicht nit ohngleich war einem Reib-Stain/ wor-
auff blaue Schmolten geriben worden/ die Haar zimblich
außgeraufft/ daß ihr Kopff faſt dem Buͤrcken-Baum
gleichte in Februario, die Augen mit Waſſer gantz uͤber-
ſchwembt/ das Maul nit anderſt als wie ein ſchmutzige
Nacht-Lampen/ der Auffzug deß Mietters vnd Klaidung
ſahe zupfft auß/ wie ein ohnordentliche Taͤndler-Laden/
alſo uͤbel zugericht laufft ſie ins Feld hinauß/ in Willens
ihr ſelbſt das Leben zunehmen/ auß purer Verzweifflung/
es hats aber die Rew wider zuruck gehalten/ doch ſetzte ſie
ſich nider hinter einer Haßlnuß-Stauden/ lamentirte/
klagte/ ſeufftzte/ wainte/ rotzte/ ſchnopffetzte vnauß-
ſprechlich/ ach/ ſagte ſie/ ach ich elende Troͤpffin/ wie geht
es mir/ daß kein Wunder waͤr/ ich ſchnitt mir ſelber die
Gurgel ab. O mein lieber Paul ſeeliger/ Gnad dir Gott
im Himmel droben/ gelt du haſt mich niemahlen er-
zuͤrnt/ es iſt dir nit moͤglich geweſt/ wann man dich auff
ein Mahlzeit geruffen/ daß du ohne mich haſt ſeyn koͤn-
nen/ du haſt mich wol fleiſſig mit genohmen/ ach mein
Gott! wie wird ich anjetzo ſo ſchmaͤhlich fuͤr ein Fuß-Ha-
dern gehalten von dem jetzigen Mann/ hat ſich wol Mann!
ein Schinder/ ein Moͤrder/ ein Hund/ naͤmli naͤmli kom-
men nit zwey Himmelreich auff einander/ kein Wunder/
ja kein Wunder waͤrs/ ich thaͤt mir ſelbſt ein Layd an/
Edaß
[34]Der Eltern deß Judæ.
daß Gott erbarm! in dem ſie alſo ohngereimbt lamentir-
te/ ſihe/ da fangt die Haßlnuß-Stauden von freyen Stu-
cken an zureden/ mein Weib ſagt ſie/ ſiheſtu diſen nechſten
Aichenbaum an/ wie er zerzauſt vnd zerraufft iſt/ vnnd
ſchaue mich an/ wie ich gantz vnverletzt bin/ waiſt die Ur-
ſach? wann ein ſtarcker Sturm-Wind ſauſſet/ ſo iſt diſer
Aichbaum ſo ſtuͤtzig/ vnd widerſetzt ſich dem Wind/ deſt-
wegen wird er alſo zerfetzt vnd geſtimmlet/ ich aber Haßl-
nuß-Stauden/ wann ein ſolcher ohngeſtuͤmmer Wind
gehet/ woͤhre mich weiter nit/ ſondern wie der Wind ge-
het/ ſo naig ich mich/ vnd biege mich/ vnd gib alſo nach/
deſtwegen bleib ich ohnbeſchaͤdiget/ haͤtteſt du alſo mein
Weib auch deinem Mann nachgeben/ dich nit ſo hartnaͤ-
ckig widerſetzt/ ihme nit alſo zahmloß eingeredt/ vnd ein boͤß
Wort mit zehen andern vergolten/ ſo waͤr es dir nit alſo
uͤbel ergangen/ lehrne doch ein andersmal das Maul halten.

Ihr Weiber ſeyet ohne das mit der Martha be-
ſchaͤfftiget in Kucheln vnd Speiß-Gewoͤlber/ nembt ein
Lehr von einer Waag/ auff dero ihr etwann auff einen
Faſt-Tag etliche Scheitter Stockfiſch woͤget/ wann der
Stockfiſch ſchwaͤr vnd uͤbergewichtig iſt/ ſo werd ihr ſelbſt
ſehen/ daß die Zung der Waag ſich gegen dem ſchwaͤren
Stockfiſch naiget vnd nachgibet; iſt/ daß ihr zu Hauß ei-
nen groben vnd ohngeſchlachten Mann habt/ deme die
Stirn zum oͤfftermahlen mit truͤben Gewuͤlck uͤberzogen/
der mehrer Mucken im Kopff hat/ als geweſt ſeynd zur
Zeiten Pharaonis in Egypten/ vnnd ſolcher noch daruͤber
harte Wort hoͤren laſt/ ſo folgt meinem Rath/ neiget
euere Zung auch gegen diſen groben Stockfiſch/ gebt ihm
nach/ redet ihm nit zuwider/ haltet das Maul/ vnd fol-
get lieber dem Delphin nach/ welcher Fiſch zur Zeit deß
Vngewitters nur ſchertzen thut.

Als Chriſtus der HErꝛ nacher Capharnaum kom-
men
[35]Vngluͤckſeeliger Eheſtand
men mit dem Petro, haben ihn alſobald die Mautner ſtarckMatth. c.
17. v. 24.
\& ſeq.
angeſchnarcht/ wie iſt es/ ſagten ſie/ wo bleibt der ge-
buͤhrende Zoll-Groſchen? Geld her; hierauff ſagte Chri-
ſtus dem Petro gehe hin/ damit wir mit diſen ſchlimmen
Leuthen nit in ſchlimme Haͤndel gerathen/ ſo gehe hin ans
Meer/ wirff den Angel auß/ vnd nimb den Fiſch/ der
zum erſten darauff kombt/ greiff ihm in den Mund/ da
wirſt du ein ſilberen Groſchen finden/ denſelben nimb/ vnd
zahl fuͤr mich vnd dich: ihr Weiber ſolt auff zweyerley
Weiß den Fiſchen nacharten/ erſtlich iſt kein Thier auff
der Welt/ welches nit ein gewiſſe Stimm oder Geſchrey
von ſich gibt/ als wie die Hund bellen/ die Woͤlff heullen/
die Gaͤnß ſchnaderen/ die Hennen gacketzen/ die Saͤu gron-
nen/ die Schaaf blaͤren/ die Gaiß mecketzen/ die Katzen
gemaucketzen/ die Storchen klapperen/ die Beeren bru-
men/ die Ochſen bruͤllen/ ſo gar die Webſen vnd Mu-
cken ſumbſen/ aber der Fiſch hat kein eintzige Stimm/
deſtwegen ein Sinnbild deß Stillſchweigens/ welches
euch Weibern abſonderlich wol anſtaͤndig/ dafern ihr aber
doch das Maul nit koͤndt halten/ ſo ſchaut wenigſt/ daß/
gleich wie der Fiſch Petri Silber in Maul/ alſo ihr Gold
im Maul traget/ ſprechend/ mein guldener Mann/ was
iſt dir heut mehr/ daß du ſo ſchwuͤrig? mein guldener
Hanns Adam/ wie biſt du heut ſo ſeltzam/ mein guldener
Schatz/ ſchaff nur/ ich will alles vollziehen nach deinen ei-
nigen Willen: ſolchen Rath folgen woll die frommen
Weiber/ aber die Boͤſen nit/ vnd kondt einer faſt ehender
vnd leichter mit dem Joſue die Sonn arreſtiren in ihren
ſchnellen Lauff/ als die Zung eines boͤſen Weibs.

In Spanien ſeynd etliche Oerther als da Sierra,
Camor, Corduba \&c. Allwo Glocken gefunden werden/
die auff den heutigen Tag zu weillen ſich von freyen Stu-
cken ſelbſten Leitten/ vnd bedeutet dero Gleutt mehriſt
E 2theils
[36]Der Eltern deß Judæ.
Leonard.
Vair. l. 2.
de faſcino.Theils nichts guts. Zu Vilillâ nennet man auch ein
Wunder-Glocken/ welche ohne Menſchliche Hand-Anle-
gung etlich Monat ein Anzaigen gibt/ ehe vnd zuvor von
Vnchriftlichen Straiffen alldorten ein Einfall zugeſche-
Gobell.
Perſ. in
vita S. Mei-
nulphi.hen pfleget. In dem Cloſter Bodkhen, welches der Heil.
Mainulphus erbauet/ leuttet ſich ein Glocken ſelbſt vor
jeden Hintritt einer Cloſter-Frauen/ vnd wird annoch ey-
Maier. l. 3.
Hiſt. Flan-
dr. ad An.
1062.frig beobachtet. In Flandern gabe ein Glocken einen trau-
rigen Hall ohne Menſchen-Huͤlff bey angehender ſtrengen
Hungers-Noth. Boͤſe Weiber/ zanckiſche Weiber/
ohnruehige Weiber/ greineriſche Weiber ſeynd ſolchen
Glocken gantz gleich/ die auch znm oͤfftern ohne einige Vr-
ſach anfangen zuklingen/ daß auch die Kinder uͤber drey
Gaſſen von Schlaff erweckt werden/ daß auch der Mann
ſchier das Gehoͤr verliehrt/ wie ein reformirter Kunſt-
Staͤbler/ aber auch gemainiglich auff ſolchen freymuͤthi-
gen Klang folgt etwas Vbels. Jener nachdem ihm die
ſeinige mit tauſenterley Schmach-Woͤrter uͤberladen/ vnd
ein vngeſtuͤmme Lytaney ohne Pauſen geſungen/ fragt
endlich zu letzt/ ob ſie ſich nun genug gerainiget vnd pur-
girt, ja ſagts/ was dann? darauff gibt er ihr eins ins
Geſicht/ daß auß der Naſen haͤuffig das Blut herauß ge-
ſpritzt/ alſo recht ſagt er/ auff ein Purgier gehoͤrt ein Ader-
laß: dergleichen Ohnmanier iſt zwar bey den Maͤnnern
nit lobens werth/ dann ſie ſolten in etwas ein Mitleyden
tragen mit den Weibs-Bildern/ welche ſchwaͤcherer Ge-
muͤts vnd gebrechlicher Natur ſeyn; auch waiß man wol/
4. Reg.
c. 4.daß deß Propheten Eliſæi Diener der Wittib verſtorbnen
Sohn keines wegs hat koͤnnen aufferwecken mit dem
Stab/ wol aber der Prophet ſelbſten/ als er Mund auff
Mund gelegt/ vnnd auff gute Manier mit dem todten
Knaben vmbgangen; nit weniger ſollen die Maͤnner auch
mit guter vnd glimpfflicher Manier ihren Weibern be-
gegnen/
[37]Vngluͤckſeeliger Eheſtand
gegnen/ dann ſie alſo mit glater vnd freundlicher Ermah-
nung mehrer Nutzen ſchaffen/ als mit harten Straichen
vnd Pruͤglen/ wormit man oͤffter mehrer Teuffel hinein
ſchlagt als herauß.

Von dem Moyſes ſchreiben die alten Rabbiner et-
was wunderlichs/ ſo aber mehr den Schein eines Ge-
dichts/ als einer Geſchicht hat/ wie Moyſes bey dem Koͤ-
niglichen Hoff als ein Kind mit drey Jahren in Gegen-
wart deß Pharao ſchertzte/ iſt der Koͤnig da/ vnd ſetzt dem
kleinen Moyſi ſein Koͤnigliches Diadema auff den Kopff/Narciſſo
de Padre
falcon.
cap. 6.
vnd gibt ihm den guldenen Scepter in die Hand/ der
Kleine/ habe mit trutzigen Gebaͤrden ſolches von Kopff
herunder geriſſen/ den Scepter auß den Haͤnden ge-
worffen/ vnd beede mit Fuͤſſen getretten/ Holla! ſagte
hieruͤber Pharao/ daß hat ein Bedeutung/ vnd will ſchier
beſchlieſſen/ das Kind zuerwuͤrgen/ laſt aber deſſentwegen
alle ſeine hohen Miniſter vnd geheimbe Raͤth zuſammen
ruffen/ damit ſie uͤber ſolches wollen reifflich berathſchla-
gen/ was etwann moͤchte diſer Zufahl nach ſich ziehen/
auß welchen dann die mehriſten dahin genaigt/ man wolle
den dreyjaͤhrigen Moyſes probiren/ ob nit etwann ſolches
von Kindiſchen Vnverſtand habe hergeruͤhrt/ vnd ihme
koſtbare Kleynodien/ wie auch gluͤende Kohlen laſſen vor-
legen/ nach wem er nun werde greiffen/ koͤnne leichtlich
ein Anlaß geben/ zumercken/ was in ihm ſtecke; Moyſes
aber ſagen die Rabbiner, habe nach der gluͤenden Kohlen
gegriffen/ vnd mit ſolcher geſchwind ins Maul/ wordurch
er ſich alſo verbrennt/ daß er die Zeit ſeines Lebens nicht
hat recht reden koͤnnen/ ſondern ſtarck mit der Zung an-
geſtoſſen. Was die Rabbiner dißfals dem Moyſi zumeſ-
ſen/ iſt eigentlich wahr bey den boͤſen Weibern/ welche
mehriſt Theil nur mit dem Maul vnd mit der Zung ein-
bieſſen/ vnd ſich alldort zum mehriſten verbrennen; jene
E 3war
[38]Der Elteren deß Judæ.
war ein ſolche Hauß-Poſaunen/ welche ihren Mann fuͤr
einen Beicht-Spiegl diente/ dann ſo offt er ſein Beicht
wolte ſchrifftlich auffſetzen/ hat er vorhero ihr allezeit ein
Maultaſchen verſetzt/ worauff ſie angefangen/ du Hund
ſo ſchlag/ daß dir die Haͤnd erkrumpen/ es waͤr beſſer/ ſo
kondt es du kein ſolche Partitiſche Schrifften mehr auffſe-
tzen/ als wie vorgeſtern/ du Schelm ſo ſchlag wievil haſt
du mehr vor dreyen Tagen Geld verſpilt? du Hallunck/
ſchlagen kanſt du wol/ aber am Sonntag kanſt kein heilige
Meß hoͤren/ du Beſti/ es waͤr kein Wunder/ ich lauffet
darvon/ hauß gleichwol du Ehebrecheriſcher Dieb mit dei-
ner ſaubern Lißl/ ich wills noch wol erleben/ daß du an
liechten Galgen kombſt/ ſag Dieb? wo iſt das Geld hin-
kommen/ welches du diſes oder jenen Erben vnd Puppil-
len abgeſtollen ꝛc. Auff ſolche Weiß konte er gantz genau
ſein Beicht zuſammen bringen; ich bekenn es mit meinen
Gewiſſen/ daß ich zu Wienn ſelbſten zu einem ſolchen Spil
gerathen/ Beede/ Gott troͤſte ſie/ haben zur Peſt-Zeit die
Welt geſegnet/ ich ſahe ſie/ daß ſie auff Tiger-Arth alſo
ergrimmt war/ daß ſie von freyen Stuͤcken ein ſchwartz
gebaitzte Rahm/ worinn das Controfee ihres Manns/
mit den Zaͤhnen zerbiſſen/ worvon ihr das Mundſtuck et-
was ſchwartz worden/ vnd zugleich alſo mit den feurigen
Augen geglumbſet/ daß ſie einer natuͤrlichen Nacht-Eul
oder Hoͤllen-Kautzen gleichte/ ja ſo gar nahm ſie ein Kol-
len von dem Herdt/ lauffte auff den Gang hinauß/ vnd
mahlte einen Galgen an die Wand/ mit jaͤmmerlichen
Geſchray/ du Dieb/ du Kirchen-Dieb/ du Sacriſtey-
Dieb/ du Kelch-Dieb/ du Leuchter-Dieb/ du Lampen-
Dieb/ du Stock-Dieb ꝛc. Ja ohne einiges Anſtoſſen in die
vier vnd zwaintzig Dieb herauß geſchuͤtt/ ich nahme bey
ſolchen vngeſtuͤmmen Wetter den Weeg nach Hauß/ wie
aber die von ſolcher Poſaunen zuſammen geloffene Leuth
wahr
[39]Vngluͤckſeeliger Eheſtand
wahr genommen/ daß ich allda geweſt/ alſo haben ſie von
freyen Stucken geargwohnet/ es muͤſte diſer ein Kirchen-
Dieb ſeyn/ vnd ſeye ich alldort geweſt/ das Entfrembde
wider zubegehren/ hat wenig gefaͤhlt/ daß der gerechtiſte
Herꝛ nit in groſſes Elend gerathen.

O HErꝛ Gott! lieber mit bloſſen Fuͤſſen nacher Com-
poſtell rutſchen/ lieber bey lauter Enzian in die Koſt ge-
hen/ lieber alle Tag zweymal das hoͤltzene Kitzlen leyden
bey den Tuͤrcken/ lieber in Gottes Namen die Haͤnd auff
ewig den Galleeren opffern/ als bey einer ſolchen Schlan-
gen wohnen: der Koͤnig Salomon ſagt: Ein zancki-Prov. 19.
ſches Weib ſeye wie ein immer durchtrieffen-
des Tach. Bey einen ſolchen gibt nichts als lauter
Tropffen/ vnd was dann anderſt bey einen boͤſen zancki-
ſchen Weib? iſt nit der Mann ein armer Tropff/ der
ſolchen Hauß-Clarin ſtets hoͤren muß? ſeynd nit die
Dienſtbotten arme Tropffen? die ſo vil bey einem ſol-
chen Haußrummel muͤſſen außſtehen? ſeynd nit die Kin-
der arme Tropffen/ welche ein ſo bittere Mutter be-
kommen?

Es iſt jenem gar nit vor uͤbel zuhalten/ der eben der-
gleichen Fegfeur in dem Hauß hatte/ vnd als diſe in lang-
wuͤriger Kranckheit eines in ſo groſſe vnd lange Ohnmacht
gefallen/ daß ſie auch die Doctores ſelbſt fuͤr Todt gehal-
ten/ deſtwegen ſie in ein hoͤltzene Sarch gelegt/ vnd zum
Grab getragen/ wie man aber mit der Leuch an ein Eck-
Hauß vor bey gangen/ haben die ohnbehutſame Trager
angeſtoſſen/ durch welches das Weib erweckt/ vnnd von
freyen Stucken mit maͤnniglicher Verwunderung ange-
fangen zu leben/ vnd nach Jahr vnd Tag erſt geſtorben/
vnd als man damahlen die nothwendige Anſtalt machte
zur Begraͤbnuß/ auch vnder andern die Todten-Trager
ins
[40]Der Eltern deß Judæ.
ins Hauß kommen/ ſo ruffte ſie der Mann auff die Sei-
ten/ ſprechend ich bitte euch vmb Gottes Willen/ ſtoſ-
ſet halt nit mehr an/ ich will deſſenthalben ſchon ein-
ſtellen.

Vor Zeiten bey den Roͤmern hat man pflegen dem
Braͤutigam zu zuſchreyen/ ſis Cajus, ſeye du Cajus, der
Braut deſtgleichen/ ſis Caja, ſeye du Caja, jetzt iſt zwar
der Brauch abkommen/ aber Cajus vnd Caja regieren
dannoch noch/ dann es iſt das ewige Cajen im Hauß/ wo
iſt groͤſſere Keyerey als bey einem boͤſen Weib?

In dem Koͤnigreich Boͤhmen iſt ein Jungfrau geweſt
mit Namen Domka, welche auff ein Viertl Stund weit
hat koͤnnen ein gemaͤſte Kuhe tragen auff ihren Achſeln/
laß mir das [e]in ſtarckes Weib ſeyn; aber ein manche arme
Haut vnd Ehe-Weib muß noch mehrer tragen vnd uͤber-
Gen. c. 2.tragen/ abſonderlich wann ſie ein gifftigen vnd zornigen
Mann hat. Die H. Schrifft ſagt/ GOtt der HErꝛ bilde
den Menſchen von Staub der Erden/ vnd diß war der
Adam, vnd Gott der HErꝛ bauete auß der Rippen/ die
er von Adam genohmen/ ein Weib/ iſt demnach Adam
gebildet worden/ vnd die Eva gebauet/ nennt alſo GOtt
ſelbſt/ das Weib ein Gebaͤu: gleichwie nun ein Gebaͤu vil
Regen/ Wind/ Hagl/ Donner/ Schauer/ Schnee ꝛc.
leyden muß/ alſo auch nit weniger ein Weib vil außſte-
hen/ forderiſt wann ſie einen Schlegl-Leuter zu einem
Mann bekombt; der gecroͤnte Harpffeniſt David ver-
gleicht ein Weib einem Weinſtock an der Mauer deß
Hauß/ nun iſt es allwiſſentlich/ daß dergleichen Wein-
ſtoͤck gemeiniglich vmb Schutzwillen wegen der boͤſen Bu-
ben mit Doͤrner vnd Dorn-Stauden vmbfangen ſeyn/
alſo iſt auch ein Weib von den Doͤrnern der Truͤbſahl ſel-
ten frey/ vnd gleichwie kein Roſen ohne Doͤrner/ alſo
ſelten auch ein Roſina ohne Doͤrner der Muͤheſeeligkeit.
Es
[41]Vngluͤckſeeliger Eheſtand
Es hat Samſon vnder Weegs ein ſolche Courachse ge-
zaigt/ daß ſich hoͤchſt daruͤber zuverwundern/ in deme er
einen wilden Loͤwen angetroffen/ vnd denſelben gluͤcklich
erwuͤrget hat/ in der Ruckkehr fande er den todten Loͤwen
noch/ vnd vermerckt zugleich in deſſen todten Rachen ei-
nen Hoͤnig-Fladen/ nach welchen er nit allein die FingerJudie. 14.
geſchleckt/ ſondern auch darvon ein zimbliche Portion ſei-
ner Liebſten Dalilæ nach Hauß getragen; wo find man
jetzo ſolche Maͤnner/ die ſich alſo manierlich gegen ihren
Weibern zeigen/ daß wol/ an ſtatt Hoͤnigs tragen ſie offt
bitrere Gall nach Hauß/ vnnd weiſen einen ſolchen ohn-
maͤſſigen Zorn/ daß kein Wunder/ wann nachmal hier-
uͤber deß Weibs ſonſt veſte Gedult wurmſtichig wird.

Es hat GOtt der HErꝛ vnder andern dem Hebræi-
ſchen Volck diſes Gebort geben/ daß alles/ was Maͤnnli-
ches Geſchlecht/ ſoll dreymal im Jahr nacher Jeruſalem
gehen/ vnd alldar in dem Tempel Gottes erſcheinen/ war-Exod. 34.
umb daß Gott nicht ebenmaͤſſig den Weibern anbefoh-
len/ daß ſie diſe Kirchfahrt ſollen verrichten? etliche Leh-
rer ſeynd der Auſſag/ als habe der Allmaͤchtige Gott deſ-
ſenthalben keinen Befehl an die Weiber laſſen ergehen/
weil er wol wuſte/ daß das Weibliche Geſchlecht ohne
daß der Andacht ergeben/ vnnd alſo freymuͤthig nach dem
Tempel wurden kommen/ die Maͤnner aber/ welche gar
offt ein ſo guten Magen haben/ daß ſie ein gantz Monath
ohne Gebert koͤnnen leben/ haben deß ſcharpffen Decrets
vonnoͤthen gehabt: andere glauben/ es habe Gott nit wol-
len/ daß die Weiber ſollen nacher Jeruſalem raiſen/ ſon-
dern vilmehr zu Hauß bleiben/ dann diſem Geſchlecht
nichts beſſer anſtaͤndig/ als die Einſambkeit/ deſſentwegen
die Weiber an dem Zunahmen allezeit ein In tragen/
Bettlerin/ Baͤuerin/ Burgerin/Doctorin/ Graͤfin/
FFuͤr-
[42]Der Eltern deß Judæ.
Fuͤrſtin/ ꝛc. zuzeigen/ daß ſie in das Hauß gehoͤren; auch
tragen ſie gleichfoͤrmig den Titul Frauenzimmer/ wor-
durch ſattſam erwiſen wird/ daß ſie auff Schnecken Art
ſollen zu Hauß bleiben: widrigen fals muͤſſe man den Namẽ
aͤndern/ vn̄ an ſtat Frauen-Zimmer/ Frauen Gaſſen
Oleaſt.ſetzen/ vor allen aber dunckt mich/ daß derenthalben der
guͤtigiſte Gott nit habe diß Gebott denen Weibern gege-
ben/ weil Gott ſahe/ daß der Weeg nacher Jeruſalem
ſehr weit/ vnd alſo ſolche Raiß fuͤr die ſchwache Weibs-
Bilder etwas zu ſchwaͤr wurde fallen/ darumben mit ih-
nen diſpenſiret auß Mitleyden; vnd wolte hiermit der
Allmaͤchtige Gott ein Ermahnung geben/ wie man ein
Mitleyden tragen ſolte mit den Weibern/ ihnen in vilen
Sachen etwas uͤberſehen. Dem aber folgen vil Maͤnner
nit nach/ ſondern tractiren ihre Ehe-Gatten auff Dio-
cletianiſche Manier/ gedencken nit/ daß Joſeph in der
Flucht nacher Egypten ſeye zu Fuß gangen/ ſein Liebſte
Geſpons aber Mariam auff dem Eſel reitten laſſen/ zuzei-
gen/ daß man mit den Weibern ſoll glimpfflich vmbge-
Luc. 13.hen/ aber bey manchen verwirꝛten Kopff hafftet ſolche
Ermahnung wenig/ vnd ſagt zwar das Evangelium/ ein
Weib ſoll mit dem Sauerteig vmbgehen/ mancher ar-
mer Troͤpffin gehet es ſo ſauer gnug/ vnd hat bey ihr das
Jahr nit mehr als drey hundert fuͤnff vnd ſechtzig ſauere
Taͤg.

Wie Gott der HErꝛ wolte den Job ſtellen zu einem
Exempel vnd Exemplar/ zu einem Form vnd Formular
aller Sanfftmuth vnd Gedult/ hat er den boͤſem Feind
als einem Sucher vnd Verſucher der Menſchen zu ſich ge-
ruffen/ ihn folgends angeredt/ waiſt du was? Meiney-
diger Engel/ ich hab einen Menſchen auff Erden/ der heiſt
Job/ vnd verdient ein groß Lob/ den wirſt du auff kein
Weiß
[43]Ungluͤckſeeliger Eheſtand
Weiß in die wenigſte Vngedult ziehen/ probiers/ nimme
ihm Kinder vnd Rinder/ nimb ihm Hauß vnd Schmauß/
nimb ihm Geld vnd Zelt/ nimb ihm Gut vnd Blut/ nimbJob. c. 2.
v. 6.
ihm Thron vnd Reputation, wirſt dannoch nichts rich-
ten/ nimb ihm alles/ außgenommen ſein Seel laß mit
Ruhe. Cloſſa ſagt/ daß Gott durch die Seel nit verſtan-
den habe/ die Seel im Leib/ dann ſelbige der boͤſe Feind hat
verſucht vnd attaquirt/ ſondern vnder dem Namen Seel
hab er deß Jobs Frau verſtanden/ dahero geſchehen/ daß
der boͤſe Feind dem Job alles vnd alles hinweg geraufft/
außgenohmen ſein Weib/ der hat er den geringeſten
Schaden nit zugefuͤgt/ da ſcheinet es handgreifflich/ daß
vil Maͤnner aͤrger ſeynd als der Teuffel/ zumahlen diſer
Gottes Befehl in dem Fahl nachkommen/ dem Weib ver-
ſchont/ aber die Maͤnner haben ein ernſthafftes Gebott/
ſie ſollen ihre Weiber lieben/ wie Chriſtus die Kirchen/
ſollen ihnen nichts layds thun/ vnd dannoch folgen ſie dem
wenig nach/ zeigen ſich ſchlimmer/ als der Sathan iſt.

Wie GOtt der Allmaͤchtige die Erden erſchaffen/
vnd auß der Erden den Adam/ auch denſelbigen geſetzt zu
einem Welt-Regenten/ hat er wahr genommen/ daß diſer
gantz allein/ vnd deſtwegen ſchier etwas Melancholiſch/
demnach ihme auß ſeiner Rippen ein Weib erſchaffen/
welche aber bald mit ihren ohnbehutſamen vmbgaffen derGen. 3.
Schlangen ein ſchaͤdliche Audientz geben/ vnd hernach den
Adam in ein ſolche Waͤſch gebracht/ woran wir noch zu
truͤcknen/ gleich nach ſolcher geuͤbter Ohnthat/ ſteigt der
Allmaͤchtige herunder/ vnnd nach gegebenen ſcharpffen
Verweiß machte er diſem paar Ehe-Volck Kleyder von
Schaaf-Fehlen/ vnd Laͤmbl-Haͤut/ der Zeiten zehlet man
wenig dergleichen Eheſtand/ worinn beede in Lämbl-Håut
ſtecken/ es geſchicht oͤffter/ daß ſie zwar vnder einem ſolchen
Laͤmbl-Futter ſtecket/ er aber der Mann in einer Loͤwen-
F 2Haut/
[44]der Elteern deß Judæ.
Haut/ als der den gantzen Tag kein gutes Wort nit hoͤ-
ren laſt/ ſondern ſetzt in ſeinem Calender lauter Finſter-
nuß/ auff ſeinen Baumen wachſen nichts als Ohrfeigen/
in ſeinen Haͤnden find man nichts als Schlag-Uhren/ vn-
der ſeinen Speiſen find man nichts als Geſtoͤſſens/ auff
ſeinem Herdt find man nichts als Pruͤgl/ in ſeiner Karten
ſeynd nichts als Baſtoni/ in ſeinem A. B. C. iſt nichts als
r. r. r. r. ꝛc. Es ſagt die H. Schrifft/ der Mann ſeye das
Haupt deß Weibs/ nun weiß ich ſchon/ daß der Weiber
ihr mehriſte Kranckheiten nit beſtehen in Waſſerſucht/
Schwindſucht/ Gelbſucht ꝛc. Sondern in Haupt Wehe/
das Haupt thut ihnen zum oͤffterſten weh: O was iſt es
fuͤr ein Elend/ ein zornigen Mann haben!

Ihr Tummbs-Hiern/ ihr Wetter-Haan/ ihr Ti-
ger-Bruet/ ihr Piffels-Arth/ ihr Schlegl-Zweig/ ihr Am-
boß-Bruͤder/ ihr Kolbenſpitzer/ ihr Aeſthobler/ ihr Hack-
Prov. 27.ſtoͤck/ ihr Loͤwens Gemuͤther/ ja Ira in ſinu ſtulti requie-
ſcit, ihr vnſinnige Narren/ ihr furioſiſche Narren/ ihr wil-
de Narren/ ihr tolle Narren/ ihr wuͤttende Narren/ ihr
Werff-Narren/ ihr Schlag-Narren/ ihr Stoß-Narren/
ihr Hau-Narren/ ihr Schelt-Narren/ ihr Schrey-Narren/
ꝛc. was Nutzen ſchoͤpfft ihr auß euern vngezahmten Zorn.

Einer hat einmahl ein wunderſeltzamen Schuß ge-
than/ diſer gienge zur kuͤhlen Abends-Zeit mit keinem ande-
ren Geſpann als mit der geſpannten Flincken ſpatzieren/
war ein Student/ bey dem ohne daß die Freyheit vnder
die freyen Kuͤnſten gezehlt wird/ diſer hat auff einmal ei-
nen Haſen/ ein Fiſch/ vnd ein Vogel geſchoſſen/ einer war
auff der Erd/ der ander in Lufft/ der dritte in Waſſer/ iſt
alſo vil ſolche drey in einem Schuß zutreffen/ es hat ſich
aber alſo zugetragen/ da er neben dem Waſſer gangen/ er-
ſihet er vngefehr auff dem andern Gſtatt jenſeits deß Waſ-
ſers einen Haaſen ligen/ nach welchem er ohn Verzug ge-
zihlt
[45]Ungluͤckſeeliger Eheſtand
zihlt vnd geſchoſſen/ vnder waͤhrendem Schuß aber iſt ein
Fiſch im Waſſer auffgeſprungen/ den hat er zugleich ge-
troffen/ vnd gleich damahlen iſt ein Schwalm auff dem
Waſſer geflodert/ die hat er auch getroffen/ vnd forderiſt
jenſeits deß Teichs hat er den Haaſen erlegt/ alſo wunder-
lich auff einmal drey getroffen/ ꝛc. Einem Zornigen be-
gegnet diß wol oͤffter/ aber gereicht ihm ſolches zu keinem
Gluͤck/ daß er drey auff einmal trifft/ dann erſtlich mit
ſeinem ohnbaͤndigen Zorn trifft er GOtt/ vnd belaydiget
den Allerhoͤchſten/ er trifft den Naͤchſten/ an welchem er
den Zorn außgieſſet/ er trifft ſich ſelbſt/ weil er ihm hier-
durch ſelbſt an Leib vnd Seel den groͤſten Schaden zufuͤ-
get/ iſt alſo der Zorn gleichſam ein Lantzen mit drey Spi-
tzen/ wormit der Abſalon ermordt worden.

Erſtlich trifft ein Zorniger ſeinen Gott/ als der in ſei-Matth. 11.
ner Schul kein andere Lection hat auffgeben/ als diſcite à
me, quia mitis ſum \& humilis corde:Lehrnet von
mir/ der ich ſanfftmuͤthig vnd demuͤthig bin.

Es iſt die gebenedeyte Jungfrau Maria deſſentwe-
gen mit dem gerechten Joſeph vermaͤhlet worden/ damit
ſie an ihren ehrlichen Nahmen den wenigſten Schaden
nit leyde/ dann ſo fern ſie ein Kind gebohren haͤtte ohne
Vermaͤhlung/ waͤre ſie zweiffels ohne in ein boͤſes Ge-
ſchrey gerathen/ zumahlen ohne das der Hebræer Pfnudt-
Goſchen voll waren der Gaͤchwoͤrter/ Rachwoͤrter/
Schmachwoͤrter/ der Urſachen halber hat GOtt ihr zu-
geſellet ein reiniſten Geſponß/ damit ſelbiger ſolle ſein ein
Deck-Mantel ihrer Jungfraͤulichen Ehren/ wie nun ſol-
che durch Uberſchattung deß H. Geiſts empfangen/ vnd
bereits ihr reiniſter Leib zu wachſen ſcheinte/ vnd ſolches
der Joſeph wahrgenommen/ dem dazumahl die Geiſtliche
Gehaimnuſſen noch verborgen/ hat er ſich dannoch in we-
F 3nigſten
[46]Der Eltern deß Judæ.
nigſten daruͤber nit erzuͤrnet/ da doch ein anderer in ſol-
chen Fall in ohnglaubigen Zorn waͤre gerathen/ ſondern
er hat bey ſich ſelbſten beſchloſſen/ diſe ſchwangere Ge-
Matth. 1.ſponß in der Gehaime vnnd Stille von ſich zu ſchicken/
voluit occultè dimittere eam, daß aber diſer gerechtiſte
Joſeph von der geringſten Ohngedult nicht iſt angriffen
worden/ ruͤhret dahero/ ſpricht der H. Joannes Chryſoſt.
Joann.
Chryſ.
Hom. 4.
in Matth.weil nemblich der Athem Mariæ der reiniſten Jung-
frauen ihn zum oͤfftern anhauchte/ welcher Athem von
dem Lamb Gottes/ ſo in ihrem vnbefleckten Leib verſchloſ-
ſen war/ alle Sanfftmuth/ wie ein Schwamm das Waſ-
ſer an ſich gezogen/ deſſentwegen am Stammen deß Creu-
tzes Gall zu trincken ſich gewaigert/ \& cum guſtâſſet,
noluit bibere, dann er nit wolte zulaſſen/ daß einige Gall
oder Bitterkeit ſoll in ihm ſeyn/ ſondern er begehrte den
Nahm zu behalten eines ſuͤſſeſten JEſu; treffen dahero
vnd belaydigen GOtt alle die jenige/ welche voller Gall
Exod. 7.ſtecken/ welche vor Zorn gleich Blutroth werden/ wie
die Waͤſſer in Egypten von dem geringſten Straich deß
Daniel. 2.Aaronis Ruthen; es belaydigen GOtt alle die jenige/
welche ſeynd wie die Statua deß Koͤnigs Nabuchodono-
Gen. 40.ſor, ſo von dem kleineſten Stainl zu trimmern gangen;
es belaydigen GOtt alle die jenige/ welche ſeynd wie der
Pharao in Egypten/ der ſeinen Mund Becken wegen ei-
nes einigen Sand-Koͤrnl/ ſo er in Brodt gefunden/ hat
laſſen auffhencken; es belaydigen GOtt alle die jenige/
ſo da ſeynd wie das gluͤende Eyſen/ welches von dem ge-
ringeſten Tropffen Waſſer zupfupfetzen pflegt; es belay-
digen Gott alle die jenige/ welche ſeynd wie die Juden-
Kerſchen/ welche/ da man ſie nur anruͤhret/ bitter wer-
den; es belaydigen Gott alle die jenige/ welche ſeynd wie
ein geladene Buͤchſen/ ſo man ſelbige nur antaſtet vnd kuͤtz-
let/ gleich loß gehet vnd Feur gibt; es belaydigen GOtt
alle
[47]Vngluͤckſeeliger Eheſtand
alle die jenige/ welche ſeynd wie ein Spiegl/ wann man
ſelbige nur ein wenig anhauchet/ ſo macht er gleich ein fin-
ſters Geſicht; es belaydigen Gott all die jenige/ welche
ſeynd wie ein Orgl/ die man kaum darff ein wenig tupf-
fen/ ſo ſchreyts gleich; es belaydigen Gott all die jenige/
welche ſeynd wie ein Fluͤß-Pappier/ wan man mit der Feder
auff daſſelbe nur ein kleines Tuͤpffel macht/ ſo brait es
ſich weiß nit wie auß; es belaydigen Gott all die jenige/
welche ſeynd wie ein Schlag-Vhr/ ſo man in derſelben nur
ein kleines Zaͤpffel auffhebt/ ſo fangen alle Raͤder an zu-
lauffen vnd raffeln. Es belaydigen GOtt alle die jenige/
welche da ſeynd wie die Gockel-Haanen/ ſo diſe nur ein ei-
niges Haber-Koͤrnl in Miſt finden/ ſo fangen ſie an zu-
ſchreyen/ daß es das gantze Gefluͤglwerch hoͤret.

Bekannt iſt jene Geſchicht zu Antwerpen/ allwo ein
Kauffmann geweſt/ der wegen ſeines haͤuffigen Guts nit
wenig ſtoltzierte/ dann gemainiglich auff vil einnehmen/
folgt uͤbernehmen/ vnd auff vil uͤbernehmen kombt das Ab-
nehmen/ vnd tragt das vermehrte Geld gar offt kein ge-
wiſſere Laſchi als Stoltzheit; diſer auffgeblaſſene Han-
dels-Mann begehrte eineſt von einem beruͤhmten Mahler/
er wolle ihn vermoͤg ſeines bekannten Pembſel abmahlen/
es ſoll das gleichende Controfee nach Wunſch bezahlt
werden/ der Mahler ſparte auff ſolche gegebene Verhaiſ-
ſung weder Kunſt noch Arbeit/ ſondern fuͤhrte die Abbil-
dung alſo koͤſtlich vnd kuͤnſtlich/ als waͤr es mit dem Ori-
ginal ein Bluts-Verwandter Zwilling/ vnnd begunten
ſchier die todten Farben dem Bild ein Leben anſtreichen/
wo nit einſtreichen; alſo zwar/ daß mancher darvor ver-
weilte mit ohnbeſonnenen Gedancken/ es wurde reden/
nach dem es dann der Mahler alſo verfertiget/ vnd auff ge-
gebene Parolla die dreyſſig Thaller begehrte/ ſchuͤtlet der
Kauffmann hieruͤber den Kopff/ vnnd waigert auff alle
Weiß
[48]Der Eltern deß Judæ.
Weiß/ kaum die helfft diſes Preyß zuzahlen/ geht nach
Hauß/ vnd laſſet dem Mahler das Bild/ diſer Mahler
aber ein ſchlauher Geſell begehrt die Schmach zu rechnen/
ſetzt ſich derohalben nider/ vnnd ſteckt mit geſchwinden
Pembſel gedachtes Controfee in ein groſſe/ groſſe gefuͤt-
terte vnd mit Schellen wol beſpickte Narren-Kappen/
hengt es alsdann neben andern Bildern zum Gewoͤlb her-
auß/ ſolches/ weil es allen erkandtlich/ lockte herzu ein
Maͤnge der Leut/ die dann ein ohngeſtuͤmmes Gelaͤchter
erhebten/ vnd ſagte einer/ wie lang es ſey/ daß ſich diſer in die
Rarren-Zech habe einverleibt: der andere verwundert ſich/
daß der Kauffmann ſein Kopff mit Narren-Geleut ver-
ſehen/ wie die Schleſinger vnd Ober-Steyriſche Fuhr-
leut ihre Pferdt/ der dritte ſagte Spottweiß/ es muͤſſe
der Herꝛ ſein Kopff einmal an das Narren-Haͤußl geſtoſ-
ſen haben/ daß ihm ſolche Tippel auffgefahren/ ſolches
Geſchrey wachſte der Geſtalten/ daß es auch dem Kauff-
mann durch vertraute Leut zu Ohren kommen/ welcher
alſobald dem Mahler zugeeilt/ nach Begehren das Geld
erlegt/ aber er koͤnte diſe Schmach vnnd Spott in kein
Vergeſſenheit ſtellen/ weil ihm ſein eigene Bildnuß alſo
beſchimpfft worden.

Waiſt du nun Menſch/ wer du biſt? wann es dir
vnnd deiner ſchlipfferigen Gedaͤchtnuß entfallen/ ſo be-
ſchaue das erſte Blat der H. Schrifft/ allwo dir vndanck-
baren Geſchoͤpff die Erſchaffung der Welt/ wie auch die
eigentliche Beſchreibung deines erſten Stammen-Hauß
wird vor Augen kommen/ vnd dir fein weiſen/ dirs ver-
weiſen/ vnd dich vnderweiſen/ wie daß dich der guͤtigiſte
GOtt/ vermoͤg ſeiner Allmacht/ erſchaffen habe zu ſeinem
Eben-Bild/ du biſt demnach mein Menſch ein warhaff-
tes Contrafee Gottes/ an deme weder Kunſt noch Gunſt
geſparret/ du biſt ein edles vnd ſchoͤnes Bild/ du haſt ei-
nen
[49]Vngluͤckſeeliger Eheſtand
nen Willen vnd der iſt frey/ du haſt ein Gedaͤchtnuß/ vnd
die iſt merckſamb/ du haſt einen Verſtand/ vnd der iſt er-
leucht/ du haſt ein Seel/ vnd die iſt vnſterblich/ du lebeſt
mit den Thieren/ du wachſeſt mit den Baumen/ du ver-
ſteheſt mit den Engeln/ du trutzeſt mit allen Geſchoͤpff/
Sonn vnd Monn ſeynd weniger als du/ Golt vnd Sil-
ber ſeynd weniger als du/ Himmel vnd Erd ſeynd weni-
ger als du; du haſt etwas vom Feuer/ du haſt etwas vom
Lufft/ du haſt etwas vom Waſſer/ du haſt etwas von der
Erden/ du haſt etwas von den Thieren/ du haſt etwas
von den Englen/ du haſt etwas von GOtt/ du biſt ein
Innhalt aller Geſchoͤpff/ du biſt ein Maiſter-Stuck der
Goͤttlichen Handen/ du erkenneſt das Gute/ vnd vnder-
ſchaideſt das Boͤſe/ du verwirffeſt das ſchlechte/ vnnd
vmbfangeſt das gerechte/ du denckeſt an das vergange-
ne/ du erwoͤgeſt das gegenwertige/ du betrachteſt das
kuͤnfftige/ ꝛc. du mit einem Wort Menſch/ biſt das
ſchoͤnſte vnd edleſte Eben-Bild vnd Contrafee Gottes/
vnd ſchameſt dich nit? du dich nit? diſem anſehlichen E-
ben-Bild ein ſpoͤttliche Narren-Kappen auffzuſetzen/ wel-
ches da geſchicht durch den Zorn. Dann ſolcher den Men-
ſchen Verſtandloß machet/ vnd von freyen Stucken der
Narren-Schaar zugeſellet/ ſchaue du nur wie der Zorni-
ge außſihet! er funcklet mit den Augen/ daß er kondt dar-
mit ein Stroh-Tach anzuͤnden/ er wacklet mit dem Kopff/
als haͤt er die Fraiß im Hirn/ er faimbt mit dem Maul/ wie
ein Maͤſt-Schwein/ er blecket die Zaͤhn/ wie ein Ketten-
Hund/ er kuͤrret mit der Stimm wie ein verdorbener
Diſcantiſt/ er wuͤtt mit den Haͤnden wie ein toller Marx-
Bruder/ es ſtehen ihm die Haar/ wie ein Storchen-Neſt
auff ein Thurn/ er reiſt ſein Maul auff/ wie der Fiſch
gegen dem Tobias/ er zaigt ein Geſicht/ als waͤre er beym
Teuffel ins Bad gangen/ er tobt wie ein Panther-Thier/
Gvnd
[50]Der Eltern deß Judæ.
vnd ſihet mit einem Wort auß/ als wie ein vnſinniger
Narꝛ/ haiſt daß nicht dem edleſten Eben-Bild ein ſpoͤttli-
che Narren-Kappen auffſetzen? haift daß nit Gott belay-
digen?

Zur Zeiten Petri deß Apoſtels hat ein Hund geredt/
als welchem der H. Apoſtel befohlen/ er ſolle den Simon
Magum zu ſich ruffen/ welchem Befehl der Hund alſobald
Gehorſam gelaiſt/ in das Hauß hinein geloffen/ vnd mit
Joann. à
Bohro. in
Vita.Menſchlicher Stimm geſchrien/ Simondu ſolſt zum
Petrokommen/ er verlangt mit dir zureden.
Den H. Mamma hat ein bruͤllender Loͤw angeredt mit
diſen Worten: Willkomm O frommer Diener
Bolland.
tom. 2. in
Cant.Gottes/ du biſt ein Wohn-Platz deß H. Geiſtes.
Bey der Marter deß H. Charalampij hat ein Roß geredt/
vnd denen tyranniſchen Henckers-Knechten ein groſſen
Vorweiß geben/ vmb weilen ſie den gerechten Mann alſo
Trithem.
in Chron.verfolgten. Anno 1097. hat in Sachſen ein Ochs geredt/
vnd mit Menſchlicher Stimm zu einem Hirten dreymal
In act. SS.
MM.geſagt/ gehe hin die Chriſten werden Jeruſalem
erobern. Bey der Begraͤbnuß Coſmæ vnd Damiani
Ferrar. in
Cathalog.
SS 29.
Janu.hat ein Cammel geredt/ vnd vmbſtaͤndig gezeigt/ wohin
die H. Leiber ſollen gelegt werden. Den H. Julianum,
da er noch ein muthwilliger Welt-Menſch war/ hat ein
Hirſch angeredt/ vnnd ihme mit Menſchlicher Stimm
kuͤnfftige Begebenheit angedeut. Den H. Severinum
Bolland.
in act.hat ein Laͤmbl angeredt/ vnd ſich beklagt/ daß ers nit mit
ſich uͤber das Waſſer nimbt. Den H. Macarium hat
In vita PP.ein Drach angeredt. Zur Zeiten aber deß Propheten Ba-
laam hat ein Eſelin geredet/ vnd iſt ſich gleichwol nit ſo faſt
uͤber die Eſelin/ als uͤber den Propheten zuverwundern.
Balac der Moabiter Koͤnig ſchickt nach dem Propheten
Balaam einige Geſandten/ mit verſprechen einer zimblichen
Sum-
[51]Vngluͤckſeeliger Eheſtand
Summa Gelds/ er wolle doch kommen/ vnnd uͤber das
Volck Iſrael einen Fluch faͤhlen/ Geld richt nun alles in
der Welt. Der Balaam ſattlet die Eſelin/ vnd reittet al
ſo auff diſem langohrigen Poſt-Klepper darvon/ kombt in
einen engen Weeg/ allwo die Eſelin auff kein Weiß
wolte weiter gehen/ der Prophet wird etwas vngedultigs/
vnd ſchlagt ſie/ ohngeacht auch diſes/ wolte ſie nit fortge-
hen/ auß Vrſachen weil ſie einen Engel ſahe mit bloſſen
Schwerdt/ der ihr den Paß verſtelte/ ſchlagt demnach das
andertemal/ vnd verdopplet die Puͤff/ endlich falt die arme
Troͤpffin gar zu Boden/ wordurch ſie etwann dem guten
Balaam die Knieſcheiben an ein Kißl-Stein geriben/ auff
ſolches wurde er alſo zornig/ daß ers zum drittenmal der-
maſſen geſchlagen/ daß ihr die Haut geſtaubt/ worauff
diß Thier mit Gottes Behuͤlff angefangen mit Menſchli-Num. 22.
cap.
cher Stimm zureden: Warumb ſchlagſt du mich
zum drittenmal? Auff ſolches Wunder haͤtte der
Prophet ſollen gleichſamb am gantzen Leib erſtarren/
haͤtt ſollen an Haͤnden vnnd Fuͤſſen zitteren/ haͤtt ſol-
len die Haͤnd gehn Himmel heben/ vnnd ſprechen:
O GOtt/ O GOtt was iſt diß! das iſt ein Werck
deß Allerhoͤchſten/ oder deß boͤſen Feinds Anſchlag/
wann mich ſolt ein Eſelin/ oder Kuhe auff der Gaſſen an-
reden/ ich fiele vor Schroͤcken in ein Ohnmacht/ oder ich
erbleichte/ als wann ich waͤr von weiſſen Wachs poſſterd/
oder ich lauffte weiter/ als jemand durch ein Klaffterlan-
ges Perſpectiv ſehen kan/ ein Eſelin redet? vmb Gottes
Willen/ was iſt das fuͤr ein Meer-Wunder! ohngeacht
aber alles diſes/ erſchrickt der Prophet nit/ ſondern gibt
der Eſelin noch Antwort auff ihr warumb/ darumb:Paoleti.
Dom. 3.
Advent.
darumb ſchlag ich dich/ weil du es verdient
haſt/ vnd haſt deinen Spott mit mir getriben/
G 2wolte
[52]der Elteren deß Judæ.
wolte Gott ich haͤtte ein Schwerdt/ ich wolte
dich gar erwuͤrgẽ. Darauff die Eſelin noch weiter mit
der Klag fortgefahren/ bin ich dann nit dein Thier/
darauff du auff den heutigen Tag geritten? ſag
an/ hab ich dir einmal deßgleichen gethan? nie-
mahlen ſagt er/ ꝛc. Fuͤhrte alſo diſer Prophet ein gan-
tzen Zanck mit der Eſelin/ die ihme auff alles geantwort/
vnd hat ſich dannoch er daruͤber nit entruͤſt/ welches hoͤchſt
zuverwundern/ es war aber die Vrſach/ weil er alſo zor-
nig/ daß er nicht recht bey Verſtand war/ er hat vor Zorn
nit gewuſt/ was er thut/ er war halt damahlen ein vn-
ſinniger Narꝛ/ vnd da ſihet man augenſcheinlich/ daß der
Zorn einen ins Narren-Quartier loſſierer/ vnd der Menſch-
lichen Vernunfft beraubet/ pfui! haiſt daß nit Gott be-
laydigen/ vnd ſein ſchoͤneſtes Controfee auff ſolche Weiß
ſpoͤttlich beſchimpffen? das Meer iſt zwar allezeit bitter/
vnd alſo macht es gar ſelten ein ſuͤſſes Geſicht/ doch aber/
ſo es recht erzuͤrnet iſt/ zeigt es ſich faſt vnſinnig/ dann
wann die Sonn/ diſer Fuͤrſt der Geſtirn/ ſich hinder ein
ſchwartzen Vorhang der Wolcken verhuͤllet/ wann Nord-
Wind/ Oſt-Wind/ Weſt-Wind vnd Sud-Wind mit
vollen Backen anfangen zublaſen/ wann das helle Mit-
tag-Liecht mit einem traurigen Klag-Mantel wird uͤber-
zogen/ da fangen die Wellen deß Meers ſich alſo auffzu-
baumen/ als wolten ſie gegen den Wolcken ein Duell
fuͤhren/ da fangt diſes naſſe Element ein ſolchen fcurigen
Zorn zuzeigen/ daß man ein augenſcheinliche Vigil deß
Todts vor Augen ſihet/ dazumahlen iſt nichts anderſt zu-
hoͤren/ als ein erbaͤrmliches Geroͤß der wuͤttenden Wel-
len/ da iſt nichts anderſt zu ſehen/ als ein Modell vnd Ab-
riß deß Juͤngſten Tags/ man hoͤret/ ſihet vnd empfindet
nichts anderſt/ als ein erſchroͤckliches braſſeln vnnd raſ-
ſeln/
[53]Vngluͤckſeeliger Eheſtand
ſeln/ ſauſen vnd brauſen/ ſchlagen vnd plagen/ brummen
vnd ſummen/ reiben vnd treiben/ zwingen vnd tringen ꝛc.
Vnd was mehr dißfals in Acht zunehmen/ iſt/ daß/ wann
das Meer zornig iſt/ ſo wirfft es allen Vnflat von ſich an
das Geſtatt hinauß/ allerley ſtinckendes Aaß/ vnd Ohn-
ſauberkeit/ daß es einem den Magen auff Speyr einladet.
Fætida vomit.

Ein Zorniger iſt dem Meer dißfals nit ohngleich/
dann/ ſo man ihn auff die geringeſte Weiß belaydiget/ zum
Exempel: die Koͤchin verbrennt den Brein/ der Diener
zertrimmert das Glaß/ die Kinder ſingen ein uͤblen Trip-
pel/ die Frau redet ihm ein/ er wolle doch den Leuten nit
alſo leichtglaubig trauen/ vnd all das ſeinige auff die ver-
lohrne Wacht legen ꝛc. Da fangt er nit anderſt an/ als
wie das Meer zuwuͤtten/ wuͤtten vnd toben/ toben vnd
ſchreyen/ ſchreyen vnd kolleren/ kolleren vnd raaſen/ als
haͤtten ihm die Ohren-Huͤller in das Hirn eingebrochen/
als haͤtt er ein Tigerthier fuͤr ein Saug-Ammel gehabt/ als
haͤtt er in einem Faß den Berg herab ein oͤffteren kehrumb
gemacht/ gantz ohnſinnig/ vnd was das Gottloſiſte iſt ſo
wirfft er nit ohngleich dem Meer allerley Ohnflat herauß/
allerley Schmach-Woͤrtern/ allerley Schelt-Woͤrter/
allerley Laſter-Woͤrter/ allerley Fluch-Woͤrter/ allerley
Stich-Woͤrter/ allerley Schimpff-Woͤrter/ allerley
Spott-Woͤrter/ ja er haſplet gantze Legionen Teuffel
auß dem Maul/ als haͤtte ihms ein hoͤlliſche Furien hin-
ein geſponnen/ fætida vomit, vnd haiſt daß nicht GOtt
treffen/ vnd Gott belaydigen?

Jener Edlmann auß Schleſien hat es erfahren/ wieStengel.
tom. 3.
der Zorn ohnſinnige Narren macht/ da er einsmals auß
Zorn/ weil ihm kein Gaſt zum Panquet erſchinen/ die
Teuffel in der Hoͤll zu Gaſt geladen/ welche dann ohnver-
zuͤglich erſchinen/ das Hauß alſo eingenommen/ daß es
G 3noch
[54]Der Elteren deß Judæ.
noch heutiges Tags wegen ſolcher Geſpenſten ohnbewohn-
lich/ vnd hat ſich mit harter Muͤhe der Edlmann ſambt
den ſeinigen reterirt.

Jener Herodes hat es erfahren/ daß der Zorn ohn-
ſinnige Narren außbruͤtet/ in dem er einen ſtarcken Zorn
gefaſt uͤber die drey Koͤnigen/ nachmals ſolchen außgelaſ-
ſen an den vnſchuldigen Kindern/ worunder auch ſein ei-
genes Soͤhnlein/ dahero der jenige nit ohnweißlich geredt/
der da lieber wolte ſeyn deß Herodis Sau als Sohn.

Jener Matthias Corvinus Koͤnig in Hungarn hat
es erfahren/ daß der Zorn ohnſinnige Narren machet/ in
dem er wegen Abgang der Feigen ſich alſo erzuͤrnt/ daß er
das Taͤller mit Zaͤhnen zerbiſſen/ vnd daruͤber von Gwalt
Gottes getroffen worden.

Jener Spiller zu Bononien hat es erfahren/ daß der
Zorn vnſinnige Narren ſchnuͤtzlet/ als ſolcher ein ſtaͤtes
Vngluͤck in Spillen geſpuͤrt/ hat er ſich alſo erzuͤrnt/ daß
er im Grimmen ein Stein ergriffen/ denſelben Gottslaͤ-
ſterlich an ein Bildnuß der Mutter Gottes geworffen/
von welchem Wurff das haͤfftige Blut herauß gefloſſen.

Jener Xerxes hat es erfahren/ daß der Zorn ohnſin-
nige Narren zuͤglet/ in dem er ſich uͤber das Meer alſo er-
zuͤrnt/ vmb weil er kein Brucken konte ſchlagen/ daß er
von freyen Stucken das Meer mit Ruthenſtraichen/ vnd
etliche Fuß-Eiſen in ſelbiges werffen/ vnnd dreyhundert
Maultaſchen verſetzen laſſen. O Narr!

Jener Cajus Caligula hat es erfahren/ daß der Zorn
ohnſinnige Narren machet/ in dem diſer Kayſer Vorha-
bens ware auff einen beſtimbten Tag dem geſambten
Volck mit abſonderlichen Pomp ein Schau-Spil zuhalten/
daß aber denſelbigen Tag lauter Regen vnnd Vngewitter
war/ iſt er alſo erzuͤrnt worden/ daß er gantz grißgrim-
mig gegen Himmel geſchaut/ vnd mit frecher Stimm den
Gott
[55]Vngluͤckſeeliger Eheſtand
Gott Jupiter zu einem Duell herauß gefordert/ du Gott;
ſagte er/ biſt ein redlicher Kerl/ ſo woͤhre dich meiner/ ja
wurde alſo ohnſinnig/ daß er allen ſeinen Soldaten anbe-
fohlen/ ſie ſollen vnverzuͤglich die Pfeil gegen dem mißguͤn-
ſtigen Himmel abſchieſſen/ welches dann auch geſchehen/
vnd haben alle die jenige/ deren ein zimbliche Anzahl/ wel-
chen die herab fallende Pfeil blutige Koͤpff gemacht/ er-
kennet/ daß ihr Kayſer geſchoſſen ſeye.

Jener Cavalier bey Rudolpho dem Anderten hat esEnglgrav.
erfahren/ daß deß Zorns Vnderthanen ohnſinnige Narren
ſeyn/ als ſolcher Ambt halber dem Kayſer Morgen fruhe
das Waſſer brachte zum waſchen/ ihme aber der Teckel
von dem Cryſtallinen Glaß vngefehr entfallen/ hat er ſich
der Geſtalten erzuͤrnt/ daß er auch das Glaß mit Fury
zur Erden geworffen/ ſprechend/ hat der Teuffel den Sat-
tel/ ſo nehm er auch das Roß/ welches Cryſtallene Ge-
ſchirꝛ auff 400. Reichsthaller geſchaͤtz worden.

Jener hat es erfahren/ daß der Zorn vnſinnige Nar-
ren gebaͤhret/ als er in ſeinem Garten auff einen Baum
geſtigen/ in willens etliche Fruͤchten herab zu ſchuͤttlen/
da er aber faſt nichts darauff gefunden/ hat er ſich alſo er-
zuͤrnet/ daß er uͤberlaut geſchryen/ du verfluchter Baum
wilſt keine Aepffel tragen/ ſo trag Schelm vnd Dieb/ er
war dazumahlen ſelber darauff.

Jener hat es erfahren/ daß der Zorn nichts als ohn-
ſinnige Narren bringet/ als er wegen eines eintzigen
Schimpff-Worts/ ſo ſeiner Ehr ſchaͤdlich ſcheinte/ ſich
dermaſſen erzuͤrnet/ daß er mit dem Kopff gewaltthaͤtig
an ein Thuͤr gerennt/ vnd weil dieſelbige ohne das alt vnd
wurmſtichig/ alſo mit dem harten Schedl ſie leicht durch-
brochen/ in dem er aber wegen der ſchaͤdlichen Schifer den
Kopff nit mehr kunte zuruck ziehen vnd biß zur Ankunfft
deß Barbierers in diſem Narren-Arreſt verweilen muſte/
hat
[56]Der Eltern deß Judæ.
hat er endlich ſelbſt/ ob zwar voll der Schmertzen/ ſich deß
Lachens nit enthalten koͤnnen/ in Erachtung/ daß ihme
ſein naͤrriſcher Zorn einen ſolchen hiltzenen Kragen ange-
legt/ der da beſſer geſtaͤrckt war/ als die Kres zu Nuͤren-
berg.

Jener Handelsmann zu Wienn hats erfahren/ daß
der Zorn vnſinnige Narren fail hat/ als er wegen eines
einigen Fahler/ den er in der Speiß vermerckt/ ſich alſo er-
zuͤrnt/ daß er alle Schuͤſſel vnnd Taͤller hinder die Thuͤr
geworffen/ da ſolches der Gewoͤlb-Bueb erſehen/ ſagt er/
Herꝛ! haͤtt ich das gewiſt/ ſo haͤtt ich hinder der Thuͤr
auffgedecket.

Jener Vatter hats erfahren zu Freyburg in Meiſ-
ſen/ daß der Zorn vnſinnige Narren-Schellen auffſetzet/
da er ſich uͤber ſeinen halßſtaͤrrigen Sohn alſo erzuͤrnt/
welcher zu ihm zu gehen ſich waigerte/ daß er gewunſchen
hat/ du vermaledeytes Kind/ ich wolt/ du muͤſſeſt dein
Lebenlang dort ſtehen/ worauff alsbald durch Goͤttliche
Zulaſſung geſchehen/ daß der Sohn nit mehr konte vom
Orth gehen/ ſondern ſein Lebenlang dort verbleiben/ wie
man dann noch die vertieffte Fußſtapffen in dem hiltzenen
Boden alldorten zaiget.

So bleibt dann klar vnnd wahr/ daß der Zorn dem
Menſchen das edleſte Kleinod entziehet/ welches iſt der
Verſtand/ vnd hefftet alſo ſpoͤttlich an das Goͤttliche E-
ben-Bild die Narren-Kappen/ welches ohne allen Zweif-
fel den mildeſten GOtt hoͤchſt belaydiget.

Was das Feuer diſes freßgierige Element/ fuͤr Scha-
den der Welt habe zugefuͤgt/ wird es nicht leicht ein Fe-
der ſattſamb entwerffen/ die Brunſt vnder dem vnmenſch-
lichen Kayſer Nero zu Rom hat ſiben gantzer Tag ge-
Georg.
Prin.wehret. Anno 1476 iſt Franckenburg durch das Feuer
alſo zugericht worden/ daß kaum ein Orth uͤbergebliben/
wo
[57]Vngluͤckſeeliger Eheſtand.
wo ein Schwalm konte niſten. Anno 1086. ſeynd zu
Delpht tauſend zweyhundert ſchoͤneſte Haͤuſer in Aſchen
gelegt worden. Anno 1407. iſt Stockholm in Schweden
gantz verbrunnen/ worinn auch uͤber die anderthalb tau-
ſend Perſohnen gebliben. Durch das angeſteckte Feur
Kayſers Friderici Barbaroſſæ iſt die ſchoͤneſte Stadt
Mayland voͤllig verbrennt worden/ jene ſtattliche Bru-
cken/ welche Kayſer Carolus Magnus ohnweit MaintzChronic.
Philipp.
uͤber den Rhein in zehen Jahren mit vnglaublichen Vnko-
ſten kaum verfertiget/ iſt innerhalb drey Stunden in
Aſchen gelegen. Paſſau/ Crackau/ Glockau/ Moſcau/
Breßlau ꝛc. haben noch in der Gedaͤchtnuß/ was Scha-
den ſie von Feuer empfangen/ aber ſo man es recht erwoͤ-
get/ wird man handgreifflich finden/ daß durch das Feur
deß Zorns weit groͤſſers Vbel ſeye verurſachet worden/
zumahlen der Zorn nichts anderſt iſt/ als ein Entzuͤndung
deß Gebluͤts bey dem Hertzen/ dahero kombt das Sprich-
wort/ ſo jemand gantz erzuͤrnet/ es ſeye ſchon Feur im
Tach/ diſes Feuer hat von Anbeginn der Welt biß auff
diſe gegenwertige eiſene Zeiten ſo groſſen Schaden verur-
ſachet/ daß es auch gantze Fluͤß der Zaͤher nit gnugſam
koͤnnen beweinen: zur Zeit deß halßſtarrigen Pharaonis
ſeynd durch die wunderthaͤtige Ruthen deß Aarons alle
Fluͤß/ alle Baͤch/ alle Teucht/ alle Ciſtern/ alle Bruͤnn
in lauter Blut verkehrt worden; wann man das Blut
ſolle ſehen/ welches Anno Chriſti 66. der Zorn deß Kay-
ſers Nero vergoſſen. An. 93. der Zorn deß Kayſers Do-
mitiani vergoſſen. An. 100. der Zorn deß Kayſers Adria-
ni vergoſſen. An. 164. der Zorn Kayſers Marci Aurelij
vergoſſen. An. 204. der Zorn Kayſers Severi. An. 237.
der Zorn deß Kayſers Maximini. An. 254. der Zorn
Kayſers Decij. An. 361. der Zorn Kayſers Gallieni.
An. 368. der Zorn Kayſers Juliani vergoſſen ꝛc. Wann
Hman
[58]Der Eltern deß Judæ.
man das Blut ſoll ſehen/ welches der Zorn der Wenden/
der Arianer, der Saracener, vnd anderer vnzahlbarer Feind
der Kirchen vergoſſen haben/ zumahlen die erſte dreyhun-
dert Jahr nach Chriſto fuͤnff Millionen der Martyrer
gezehlt worden/ vnd biß auff vnſere Zeiten in die eilff Mil-
lionen die Anzahl ſolcher Blut-Zeugen geſtigen; wann
man das Blut ſoll ſehen/ welches die ohnzahlbare Krieg
in der Welt vergoſſen/ wann man endlich das Blut ſoll
ſehen/ welches der Zorn durch Vatter/ Mutter/ Bruder/
Schweſter/ Freund vnd Feinds-Handen vergoſſen/ durch
ſo vilfaͤltige grauſame Mordthaten/ ſo wurde der gantze
Erd-Boden gar leicht mit demſelben/ wie zur Zeiten Noe
mit dem Suͤndfluß uͤberſchwembt ſeyn. O du verdambter
Zorn! du biſt ein Moͤrder der Gemuͤther/ du biſt ein Zer-
trenner deß Fridens/ du biſt ein Gifft deß Lebens/ du biſt
ein Kupler deß Todts/ du biſt ein Tiger deß Menſchlichen
Bluts/ du biſt ein Brut der Hoͤllen/ du biſt ein Rauber
deß Verſtands/ du biſt ein Zunder deß Zwyſpalts/ du biſt
ein Schul der Narꝛheit/ du biſt ein Weeg deß Verder-
bens/ du biſt ein Porten alles Vnheyls.

Die Hebrærer ſeynd gleichwol mit ihrer Viehiſcher
Grauſamkeit nit ſo weit gerathen/ daß ſie das Vnderkleid
Chriſti haͤtten zertrennt oder zertheilt/ ſondern daſſelbige
gantz gelaſſen/ wie es dan̄ noch heutiges Tags zu Trier mit
hoͤchſter Andacht verehrt wird/ aber du tyranniſcher Zorn/
zertrenneſt taͤglich/ ja ſtuͤndlich das Kleid Chriſti/ welches da
iſt die Einigkeit vnder den Chriſten. Mir ſiehen die Haar ge-
gen Berg/ vnd geſtocken gleichſam alle Bluts-Tropffen
in Leib/ wann ich gedenck an daß jenige Tiger (dann den
Nahmen eines Menſchen er nicht verdienet) welcher ohn-
gefehr ſeinen Feind angetroffen/ denſelben grimmig zu
Boden geworffen/ den ſcharpffen Dolch an das Hertz ge-
Venet.ſetzt/ mit diſem trohenden Zuſatz/ der Todt iſt dir gewiß/
ſo
[59]Vngluͤckſeeliger Eheſtand
ſo fern du aber Gott vnd die allerheiligſte Dreyſaltigkeit
verlaugneſt/ ſo ſoll dir das Leben geſchenekt ſeyn/ der elen-
de Tropff auß Forcht deß vor Augen ſchwebenden Todts/
mit der getroͤſter Hoffnung/ er wol es nachmal durch ein
heylſame Beicht wider außloͤſchen/ verlaugnet Gott ſambt
allen Heiligen/ worauff ihm der andere geſchwind mit dem
Dolch das Hertz durchbohrt/ bey ſich ſelbſten frolockend/
daß er ihm nit allein das zeitliche/ ſondern auch das ewi-
ge Leben benohmen/ O Gott!

Dem David iſt es nit wol angeſtanden/ wie er den
Harniſch deß Sauls angelegt/ da er ſolt wider den vngeheu-
ren großgrindigen Goliath ſtreitten/ ſondern er beklagte/
wie daß er ſich ſo gar in den Harniſch nit kan ſchicken/
auch ſtehe ihm ſolcher nit wol an; alſo auch du mein
Chriſt/ der du durch das Blut deß ſanffmuͤthigſten Lamb
Gottes gewaſchen/ gedencke vor allen/ daß es dir gar nit
wol anſtehe/ ſo du wegen einer geringen Sachen ſo ge-
ſchwind in Harniſch kombſt/ vnd dich erzuͤrneſt/ welcher
Zorn Gott den HErꝛn belaydiget/ deinen Naͤchſten vnd
dich ſelbſten/ weil du hierdurch ſelbſten dir den Sententz
der ewigen Verdambnuß faͤhleſt/ vnd du ohngezaͤmbteſt
Tiger ſolcher Geſtalten nit verlangeſt am Juͤngſten Tag
von dem ewigen Richter geſtellt zuwerden vnder die Schaaf
ſeiner Außerwoͤhlten.

Obgedachter Koͤnig in Iſrael hat auff ein Zeit gantz
inbruͤnſtig zu Gott geſeufftzet in ſeinem 30. Pſal. 10. verſ.Pſal. 30.
Conturbatus eſt in ira oculus meus, anima mea, \&
venter meus.Erbarme dich meiner O HErꝛ/
dann ich werde geaͤngſtiget/ mein Aug iſt durch
den Zorn betruͤbt/ darzu mein Seel vnd mein
Bauch. Diß iſt das erſte ſo ich hoͤr/ der David hatte
das Bauchwehe/ vnd lamentirte deßhalben nit wenig/
H 2ſetzte
[60]Der Eltern deß Judæ.
ſetzte auch die Vrſach/ daß ein ſolches Vbel von Zorn her-
geruͤhrt/ da ſihet man den ſauberen Nutzen deß Zorns/ der
nit allein der Seelen hoͤchſt ſchaͤdlich/ ſondern auch be-
ſchwaͤrliche Leibs-Preß verurſacht/ Senertus ſchreibt/ daß/
wann ein Zorniger eſſe vnd trinck/ ſo ſeye diß ihme hoͤchſt
ſchaͤdlich/ dann damahlen die Speiß in dem Magen cor-
rumpirt wird/ vnd nachmals lauter Gifft dem Leib ver-
urſachet; was fuͤr ein Elend iſt es/ wann einer/ wie ein
außgezogener Froſch im Beth liget/ wann er krumpe Fin-
ger machet/ wie ein Schuſter Knaipp/ wann ihm die Ba-
cken ſchlampen wie die Schroͤdt-Beutel/ wann er die
Armb gantz ſafftloß/ krafftloß/ hafftloß haͤngen laſt/ wann
er/ wie Duck-Aenden mit dem Kopff wacklet/ wann er ſich
Ventus eſt
Ira peſti-
lens, ho-
minis in-
teriora de-
paſcens.zuſammen kruͤmpt wie ein Taſchen-Meſſer/ wanns ihme
in Bauch ſchneidt/ als haͤtte er junge Feder-Fechter darin̄/
wann er den gantzen Tag pfeifft wie ein Erd-Zeiſel/ wann
er gantze Nacht jugetzt wie ein junger Wolff/ wann er ſich
mit Lumpen vnd Fetzen einfaͤtſchet/ wie die Ziggeuner-
Kinder/ wann ihm die Gall in alle Glider marſchiret/
ja endlich die bluͤende Jahr der vnverhoffte Todt abſchneid:
wer iſt daran ſchuldig/ als allein der ohnbaͤndige Zorn?

Abſonderlich iſt der Zorn ein Gifft deß Eheſtands/
was Truͤbſahl dann empfindet nit ein Weib/ die ſolchen
zornigen Mann leyden muß/ welcher wegen deß geringe-
ſten Wuͤrml mit dem Jona erzuͤrnet/ in einem ſolchen
Hauß haiſt es nachmals willkomm Elend! a dio Einig-
keit! herein Vnfrid/ key dich fort Lieb.

In Vnder-Oeſterreich iſt ein Marck-Flecken mit Na-
Aventinus
lib. 5. an-
nal. Bojor.men Grein/ allwo das gefaͤhrlichſte Orth fuͤr die Schiff-
Leut/ ſo jemand auff dem Waſſer nacher Oeſterreich zu
raiſen Vorhabens iſt/ jaget ihm kein Orth mehrer Forcht
ein als Grein. Das Weiber Geſchlecht tragt forderiſt
darvon ein Abſcheuen/ vnd ſo man nun deſſen wenigſte
Mel-
[61]Ungluͤckſeeliger Eheſtand
Meldung thut/ zitteren ſie wie ein ſchweinene Sultz/ bin
ſelbſt einsmals durch diſes gefaͤhrliche Orth gefahren/ vnd
ware auch auff dem Schiff ein reicher Rabbiner oder Jud/
welcher/ kan es mit Gewiſſen beteuren/ ſich ob dem Orth
alſo entſetzt/ daß er gleich andern Chriſten das Creutz-Zai-
chen gemacht/ ich lachte diſe ſaubere Monſtrantzen ohne
Heiligthumb auß/ vnd verſicherte ihn beynebens/ wie
daß er nit werde erſauffen/ auß Vrſach/ was an Galgen
gehoͤrt/ findet in der Donau kein Grab: gedachtes Orth
iſt gefaͤhrlich wegen deß Strudels/ wie auch nit weniger
wegen deß Wuͤrbels oder Keſſels/ ſo gantze Schiff zuſchli-
cken maͤchtig iſt/ es hatte vor diſem den Namen Pœno-
ſtonos, alldar mitten in trohendem Waſſer Wellen ſtehet
empor ein hocher Fels/ anjetzo mit einem Crucifix gezeich-
net/ an welchem Orth der Teuffel in ſichtbarer Geſtalt
eines Mohren dem vorbeyfahrenden Kayſer Heinrich dem
Dritten/ vnd Brunoni dem Wuͤrtzburgiſchen Biſchoff er-
ſchinen/ auch nach vilen Troh-Woͤrtern wider verſchwun-
den ꝛc. Mit einem Wort/ bey Grein iſt ein uͤbles Orth/
aber verſichere euch Eheleuth/ Greinen Greinen vnd
ein zanckiſch Leben fuͤhren/ haltet nit weniger Vbel in ſich/
dann wo das vilfaͤltige Greinen iſt/ dort erkaltet die
Lieb/ dort wacklet die Treu/ dort verſchwindt die Einig-
keit/ dort verſauret das Gemuͤth/ dort ſchimplet die Red-
lichkeit/ dort mauſet die Wirthſchafft/ dort gaumetzt die
Kuchl/ dort zerlexet der Keller/ dort trauet die Stuben/
dort pfnottet die Cammer/ dort verwelcken die Mittel/
dort ſchlipffern die Kinder/ dort rutſchen die Menſcher/
dort fallen die Diener/ dort leydet das Gewiſſen/ dort
verdorꝛet die Geſundheit/ dort zertrimmert die Gotts-
Forcht/ dort iſt der Teuffel gar bey Grein.

Wie Chriſtus der HErꝛ ſeine Apoſtel außgeſandt/
H 3hat
[62]Der Eltern deß Judæ.
Luc. c. 10.hat er ihnen ernſthafft verbotten neben andern/ ſie ſollen
keine Stecken noch Staͤb mit ſich nehmen; ich frage aber
wie werden ſie uͤber die Graͤben ſpringen/ HErꝛ? wie wer-
den ſie ſich vor den boͤſen Ketten Hunden deſendiren/
HErꝛ? vnd wann der Weeg Berg auff iſt/ ſo muß ja
der Stecken ein hoͤltzene Vorſpann abgeben/ HErꝛ? ohn-
geacht alles diſes/ verbietet der Gebenedeyte HErꝛ denen
Apoſteln die Stecken/ vmb weilen dieſelbe ſeynd ein Sinn-
Bild vnd Zaichen deß ſchlagens vnd ſtoͤſſens: hat dahero
diſer Goͤttliche Maiſter/ ſo gar denen Apoſteln die noth-
wendige Stecken verbortten; wie vil mehr ſeynd euch ver-
botten zornige Maͤnner die ohnnoͤhige Pruͤgl mit denen
ihr wider alles Gewiſſen euere von Gott gegebene Ehe-
Gatten/ alſo ſchmaͤhlich tractiret/ hoͤrt ihr/ vnd ſchreibt
es auff euere Thuͤren/ zeichnet es auff euere Taffel/ regi-
ſtriret es in eure Hand-Buͤchl/ was harten Spruch nit
ich/ nit ein Cicero, nit ein Xenophon, nit ein Cato, nit
ein anderer Haydniſcher Philoſophus, ſondern ein groſ-
ſer H. Lehrer Joan. Chryſoſt. ſagt: daß ein ſolcher Mann/
kein Mann eigentlich zunennen/ ſondern ein grauſame
Beſtia, ja fuͤr ein Todtſchlaͤger vnd Moͤrder zuhalten.

Ihr Maͤnner habt endlich den Titul von Gott erhal-
ten/ daß ihr das Haupt genennt werdet. Vir caput eſt
mulieris, demnach ſo haltet euch/ wie es einem Haupt
gebuͤhrt/ muͤſt wiſſen/ daß das Haupt eines jedwedern
Menſchen uͤber das Hirn zwey Haͤutl hat/ deren eines ge-
Pia Mater
Dura Ma-
ter.nennt wird von denen Medicis die harte Mutter/ das an-
dere die ſanffte Mutter/ das Haͤutel Namens ſanffte
Mutter iſt weiter von dem Hirn/ als das andere/ vnd ſo
man das Haͤutl ſanffte Mutter verletzet/ muß der Menſch
ohnfehlbar ſterben/ zeigt deſtwegen die Natur ſelbſten/ daß
die harte Mutter ſoll weit von den Menſchen ſeyn/ die
Sanfftmuth aber nahet/ dann Sanfftmuth macht alles
gut.
[63]Vngluͤckſeeliger Eheſtand
gut. Wie vnſer HErꝛ vnd Heyland bey der VngeſtuͤmmeMatth. 8.
deß Meers in dem Schiffel geſchlaffen/ ſagen etliche Leh-
rer/ daß er nit habe recht geſchlaffen/ ſondern nur die Au-
gen zugeſchloſſen/ damit er nit ſehe die Kleinmuͤtigkeit ſei-
ner Apoſteln: deßgleichen auch ihr Maͤnner/ wann ihr
ſchon einige Maͤngel vnd Faͤhler ſpuͤret in euren Weibern/
muͤſt ihr auch zu weilen ein Aug zuthun/ vnd nit gleich
mit Schaͤrpffe verfahren. Die Weiber ſeynd ſonſt gena-
turt/ wie das Kraut/ mit Namen Baſilicum, wann man di-
ſes gemach vnd ſanfft ſtreichet/ ſo gibt es uͤberauß einen
lieblichen Geruch von ſich/ da man es aber ſtarck reibet/
ſtinckt es gar wild. Es ſcheint nichts vngereimbters/ als
wann die Maͤnner ſeynd wie der Eſau/ der gar rauch vnd
grob war; ihr Maͤnner koͤnnet euch wol ſpieglen an je-
nem/ was ſich bey dem H. Grab gleich nach der Vrſtaͤnd
Chriſti hat zugetragen/ allwo der gebenedeyte JEſus der
Magdalenæ vnd den zweyen andern Frauen-Zimmer einMarc. c.
16.
Befehl geben/ ſie ſollen eilfertig ſich zu den Apoſteln bege-
ben/ vnd ihnen andeuten/ daß er ſeye Siegreich/ Freuden-
reich/ vnd Glorreich von Todten aufferſtanden/ forderiſt
aber vnd vor allen ſollen ſie diſe troſtreiche Aviſa vnd Zei-
tung dem Peter bringen/ dicite diſcipulis \& Petro.
Warumb daß der HErꝛ hat wollen/ daß diſe drey from-
me Weiber abſonderlich dem Petro diſe Freudenvolle Zei-
tung ſollen ankuͤnden? Darumb/ es wuſte Chriſtus der
HErꝛ/ daß Petrus nunmehr ein Ertz-Feind der Weiber/
vnd ihme vorgenohmen die Zeit ſeines Lebens mit keinem
Raabensweib mehr zureden/ auß Vrſach/ weil er durch der
gleich Gefluͤgelwerch zu Hof in Mainaydigkeit vnd groͤſter
Vngelegenheit gerathen/ damit demnach der Zwyſpalt
zwiſchen dem Petro vnd den Weibern moͤchte geendet
werden/ vnd vorige Einigkeit verharren/ hat Chriſtus wol-
len/ daß diſe Weiber dem Petro ſolche Freudenvolle Zei-
tung
[64]Der Eltern deß Judæ.
tung brachten/ auff daß durch ſolche gute Manier wider
ein Vergleich geſchehe. Hat nun der gebenedeyte HErꝛ
auff allerley Weiß geſucht die Einigkeit zupflantzen/ den
Zwyſpalt zu daͤmpffen/ die Lieb einzufuͤhren/ den Vnfri-
den zuſtillen/ vnder ſolchen Perſohnen/ die einander nichts
verwandt: wie vil mehr iſt ſein Goͤttlicher Will/ daß die
Eheleuth in ohnzertrennter Einigkeit forderſt ſollen leben
vnd lieben. Wann demnach ſchon Patientia Gen. fœ-
minini, ſo iſt ſie doch euch Maͤnner nit uͤbel anſtaͤndig;
geſetzt/ es widerfahrt euch daſſelbe/ was den Propheten-
Kindern zu Eliſæi Zeiten geſchehen/ welche vermaint gu-
4. Reg. c. 4.te vnd geſunde Kraͤuter zu klauben/ vnd haben vnderdeſſen
bittere Colloquinten ertappet/ woruͤber ſie nachmahls
krumpe Maͤuler gemacht/ Mors in olla, vnd laut auffge-
ſchryen: der Todt iſt in Topff: geſetzt ihr habet an
ſtatt deß Biſam-Kraut ein Brenneſſel erdappt/ da ihr
gleichmaͤſſig ſchreyen koͤnt/ Mors in olla, der Todt iſt in
Topff/ der Hencker halts beym Kopff/ der Wurm iſt in
Kopff/ Gedult! geſetzt/ es begegnet euch wie jenem Scri-
benten/ der mit ſondern Fleiß einen vornehmen Wappen-
Briff abgeſchriben/ endlich aber an ſtatt der Straͤh-Buͤch-
ſen das Dinten-Faß erwiſcht/ vnd alſo ein grobe Sau
auffgehebt: geſetzt ihr habt nit mit geringer Auffmerck-
ſamkeit euch geſucht ein frommes Regerl/ habt aber an
ſtatt der Regerl ein Rigl gefunden/ der euch die gute Taͤg
ſperret/ Gedult.

Es hat David ebenmaͤſſig einen ſolchen ſtoltzen vnd
boͤſen Haußrummel gehabt/ die ihn auch gar einmahl vnder
die Raupen- vnd Lotter-Bueben Burſch gezehlt/ dannoch
liſt man nit/ daß er ſolchen Schmachwoͤrtern mit Ohn-
2. Reg. c. 6.manier waͤre begegnet/ dann es folgt nit/ weil die Maͤn-
ner von der Natur ein groͤbere Stimm ererbt/ als die
Weiber/ daß ſie gleichfoͤrmig ſollen ſeyn in Gebaͤrden:
Zuver-
[65]Ungluͤckſeeliger Eheſtand
Zu verwundern iſt uͤber jenigen/ von deme Stengelius re-Stengel.
de ovis
paſch.
giſtrieret/ deſſen Weib ein verborgene Schmach zu rech-
nen diſen Argliſt erdacht/ es klagte als ſie groſſes Leibs
war/ daß ſie einen/ ob zwar vngereimbten Luſt haͤtte/ vnd
dafern ſie ſelbigen nit konte buͤſſen/ wurde ohnfehlbar die
Leibsfrucht in Gefahr ſtehen/ entdeckte endlich auff ſein
viles Bitten/ wie daß ſie ein Korb voll Ayr habe/ vnd der
Luſt treibe ſie alle dieſelbige ihm in das Geſicht zu werffen/
der arme Narꝛ/ damit er moͤchte groͤſſeres Ubel verhuͤten/
ſetzet ſich gedultig nider/ laſſet ſich von diſem ſchalckhaff-
ten Weib dergeſtalten archibuſieren/ wordurch das An-
geſicht ein lauteres Ayren-Schmaltz außgeſehen/ außge-
nommen/ daß dem Gimpel das Saltz gemanglet: Es
wird endlich ſolche ſchier uͤbermaͤſſige Gedult nit erfor-
dert bev euch Maͤnner/ jedoch ein beſcheides vnd beſchaid-
nes Uberſehen ſtehet offt nit uͤbel an/ vnd da man doch die
zu weilen uͤberlaͤſtige Faͤhler deß Weibs abſtraffen will/
ſo muß man ſich erinneren/ daß die Statt Jericho nichtJoſue. 6.
mit Schieſſen vnd Stoͤſſen iſt erobert worden/ ſondern
mit lieblichen Poſaunen-Klang; Euch aber meine Wei-
ber iſt ſehr nothwendig die Gedult; in dero abſonderlich
beruͤhmt war die Mutter deß H. Vatters Auguſtini/Lib. 9.
Confeſſ.
c. 9.
welche ihren harten/ vngeſchliffenen vnd ohngeſtimmen
Mann Patritium mit ihrer anarthigen Sanfftmuth al-
ſo geſtillt/ daß er gleichſamb auß einem Wolff/ ein Laͤmbl
worden/ vnd alſo mit Chriſto faſt das Waſſer in WeinLib. 1. Reg.
c. 25. v.
30.
verwandlet. Es hat jenes beſcheide Weib mit Namen
Abigail, wie die H. Schrifft bezeugt/ einen Mann den
Nabal, welcher ein grober Huyſchuß von Hauß auß war/
laſt den dicken Rauſch außdaͤmpffen durch den Schlaff/
alsdann erſt zu Morgens Fruhe mit manierlicher Be-
ſchaidenheit ihme die Maͤngel vor Augen geſtellt/ haͤtte ſie
dem vollen Miſt-Stampff in ſeiner Trunckenheit etwas
Jzuge-
[66]Der Eltern deß Judæ.
zugeredt/ haͤtt er ihr ohnfehlbar das Geſicht mit der Fauſt
außgepeglet/ iſt dahero ſehr nothwendig die Gedult; es
wird auch ſo weit dem Weib erlaubt/ daß ſie mit guten
Fueg kan ein Simon im Hauß ſeyn/ verſtehe ſie Mahn/
nit ſie Mann/ ſondern ſie mahn ihn den Mann zu wei-
len wegen ſeiner Ohnform/ die er in ſeinen Gebaͤrden hat/
doch aber in allen muß die Freundlichkeit vnd Manier das
Vbergewicht halten/ ſonſt von vilen Katzen-Geſchrey fol-
get ein Donner-Wetter/ ſprechen die Natur-Kuͤndiger.

Der Koͤnig Saul war gar offt mit dem boͤſen Geiſt be-
ſeſſen/ weſſentwegen er getobt/ vnd gewuͤtt/ vnd ge-
ſchryen/ vnd geſprungen/ vnd geſtampfft/ vnd geheult/
vnd bruͤlt/ vnd kratzt/ vnd geworffen/ vnd geſchlagen/ vnd
geſtoſſen/ als wann er ohnſinnig waͤre/ vnd konte ihn kein
einiger Menſch beſaͤnfftigen außgenohmen der David mit
ſeiner wolgeſtimbten Harpffen vnd Cittern: ohnlaugbar
iſt es/ daß manches Weib einen Mann hat/ der gleichſam
gar offt die Stimm von einem Loͤwen/ die Zung von einer
Schlang/ die Augen von einem Tiger/ die Hand von Bee-
ren hat/ ſo iſt aber einer ſolchen Troͤpffin nichts rathſam-
bers/ als wann ſie mir dem David gute Saiten auffzie-
het; ein Beer hat diſe Natur/ wann man mu ihm ſchreyet
vnd ihme trohet/ ſo wird er wild/ ſo man aber ihme pfeifft
vnd ſchoͤn thut/ ſo wird er gantz zahm/ wie der Beer alſo
der Bernhard/ habts gehoͤrt ihr Weiber! es iſt ein Fiſch
im Meer mit Namen Polypus, der haͤfft ſich alſo ſtarck
an Felſen vnd Schroffen/ daß ehe er ſich laſt mit Gewalt
hinweg ziehen/ ehe laſt er ſich in vilen Stucken zerreiſſen/
wann man aber nur etliche Tropffen Oel auff ihn gieſſer/
alsdann weichet er freymuͤthig/ wie diſer Polypu alſo
der Hippolytus, habts gehoͤrt Weiber! das Meer-Waſ-
ſer iſt Befreund allen Saltzburgern/ da man aber es in
ein Geſchirꝛ weiſſes Wachs ſchuͤttet/ wird es gantz ſuͤß/
ſicut
[67]Vngluͤckſeeliger Eheſtand
ſicut mare ita maritus; verſtehet ihr auch Lateiniſch
Weiber? der Weinſtock bringt vil mehrer Frucht/ wann
man ihme die ohnnoͤthige Zweigel vnd Gſtraͤuſſel mit den
Haͤnden abropfft vnd abzopfft/ als wann mans mit dem
ſcharpffen Meſſer abſchnaidet/ wie der Weinſtock alſo der
Weintrincker; habts gehoͤrt Weiber? der Barbierer/ ſo
er will ein Adern eroͤffnen/ fahrt nit gleich mit der Lantzer
darein/ ſondern er ſtreicht/ ſchmaichlet vnd liebkoſer vor-
hero die Ader/ alſo auch ihr Weiber mit guter vnnd
glimpfflicher Manier werd ihr vil mehr außrichten; Ihr
habt zweiffels ohne oͤffter geſehen/ daß der boͤſen Bueben
ihre Bruͤgel/ ſo ſie in die Biern-Baumer werffen/ offt
daroben bleiben/ kombt nun einer hernach/ der den Baum
ſchuͤttlet/ wann er ſelben ſanfft ſchuͤttlet/ ſo fallen Biern
herunder/ ſchuͤttlet er aber mit Ohngeſtimm/ ſo fallt ihm
der Bruͤgel auff den Kopff/ waiß alſo nichts nothwendi-
geres den Weibern zu rathen/ als die Sanfftmuth vnd
Gedult: Jene Frau/ welche von ihrem Mann alſo hart
vnd tyranniſch gehalten worden/ daß er ſie gar in ein Ge-Moming.
155. Die
Palm.
woͤlb auch eingeſperꝛt/ vnd allgemach vor Hunger ſter-
ben laſſen/ hatte gezaigt ein Lobwuͤrdige Gedult/ zumah-
len nach ihrem Todt die Ziegel-Stain/ auff den ſie ihre
Fuͤß gehaltẽ/ in das klareſte Cryſtall ſeynd verkehrter gefun-
den worden. Gedult demnach in allen! auch Gedult ihr
Weiber/ ſo ihr vil Schmach vnd Ubles an euren Kindern
erlebet/ es geſchicht nichts ohne den Goͤttlichen Willen/
muͤſt aber wiſſen/ daß ein fridſamer vnd geſegneter Ehe-
ſtand ſelten mit boͤſen Kindern geſtrafft wird/ dahero ich
der ohnfehlbaren Mainung bin/ es ſeye zwiſchen Ciborio
vnd Ruben ein ſuͤndhaffter/ ein ohnteuer/ ein zanckiſcher
vnd ohngeſegneter Eheſtand geweſen/ zumahlen ſie
ein ſolchen Ertz-Schalcken den Judam in
die Welt gebracht.

Judas wird in der Inſul Iſcarioth/ von
dero er den Namen geſchoͤpfft/ bey Hof/ als ein
Koͤniglicher Printz aufferzogen/ ſo aber bald das
Gottloſe Gemuͤth durch ſeinen Neyd an Tag
geben.

ES laſſet ſich doch noch reden/ das gemeine Sprich-
wort/ wie groͤſſer der Schelm/ je beſſer das Gluͤck/
zumahlen diſer Judas von den Meer-Wellen
verſchont worden/ vnd ſo ohnverhofft zu diſer Wuͤrde ge-
langet/ daß er als ein Koͤniglicher Printz iſt aufferzogen
worden/ den hat man in ein verguldte Wiegen gelegt/
da ihme doch der Sautrog haͤtte ſollen die Herberg geben/
den hat man in die zartiſte Windlein eingefaͤtſcht/ da doch
dem Ohnflat die Ziggeuner-Fetzen zu gut waren; den hat
man mit Piſcotten-Koch geſpeiſet/ da doch ein ſolche Go-
ſchen die ſauere Ruben nit verdienet; den hat man auff
Koͤniglichen Armben liebkoſet/ da ihn doch der Hencker
haͤtt ſollen einwiegen: den hat manche Adeliche Dama mit
ihrer halb Engel-Stimm das aia pupeia zugeſungen/ da
doch dem kleinen Galgen-Vogl das Raaben-Geſchray ge-
buͤhret haͤtte: vor dem hat man die tieffeſte Reverentz ge-
ſchnitten/ vnd ſchier halben Theil mit gebognen Knyen
angebett/ dem man ehender haͤtte ſollen den Daumb
zwiſchen demzwey Finger weiſen; es wurde mittler Zeit
wider alles Verhoffen die Koͤnigin deſſelbigen Orths in der
Warheit groß Leibs/ vnd nachmahlen ein jnniglichen
ſchoͤnen Printzen auff die Welt gebracht/ worauff dann
wie billich vnd natuͤrlich alle ihre Liebs-Raigungen zu di-
ſem holdſeeligen Kind gezihlet/ vnd mittler weil die Affe-
cten gegen dem Judam/ als einem vnehrlichen Sohn ſie
gantz
[69]Namens Urſprung/ Jugend vnd Untugend.
gantz verlohren/ dergeſtalten/ daß die Koͤnigin ſambt der
Hofſtatt ihren Printzen uͤber alles geliebt/ den Judam
aber halb vnd halb verehret/ welches dann ſchon ein Zun-
der war/ ſo einen ohnloͤſchlichen Neyd hat angezuͤndt/ es
konte demnach Judas den Printzen mit keinem guten Aug
anſchauen/ ſondern kifflete ſtaͤts die Naͤgel ſeiner Finger/
machte dermaſſen ſauere Geſichter/ als waͤre Holtz-Apffel-
Moſt ſein ordinari Trunck/ er wurde gantz blaich vor
Neyd/ welcher ihm/ wie ein Schlangen/ das Hertz nagte/
vnd plagte/ vnd ſchlagte vnd zwagte; die Schwebel-Farb
iſt ihm hauffenweiß auff die Wangen gefallen/ der Neyd
ſparte endlich ſein Gottloſes Gemuͤth dahin/ daß er mit
eigenen Haͤnden den Koͤniglichen Printzen ermordt/ vnd
ware diß ſchon ein Vortrab/ daß er mit der Zeit/ Gottes
Sohn/ werde zum Todt helffen. O Neyd/ O Neyd.

Ein wunderlichen Traum hat jener ehrlicher Mann
gehabt/ welcher vor dem Schlaff Gewonheit halber pfleg-
te mit abſonderlicher Auffmerckſamkeit zu leſen in einem
Buch/ vnd als ihme dazumahlen ohngefehr die Materi
vor Augen kommen von jetzigem verruckten Welt-Lauff/
vnd nach langer Ableſung endlich ſanfft eingeſchlaffen/
traumte ihm folgender Geſtalt.

Ich nahme meinen Weeg durch ein vornehme
Stadt/ wolte meine vorwitzige Augen auff die Wayd fuͤh-
ren/ vnd einige ſchoͤne/ wie auch ſeltzame Sachen ſehen/
damit ich nachmals in begebender Gelegenheit an gehoͤri-
gen Orthen auch weiſen kunte/ daß ich nit wie ein Bruet-
Henn ſtaͤts zu Hauß gehockt/ ſondern mir auch getraut
frembdes Brodt zueſſen/ mein erſter Gang war nach Hof/
allda die Beſchaffenheit deß Pallaſts/ die Tracht deß Adels/
den Pomp deß Fuͤrſtens zuſehen/ da ich mich dann naͤchſt
der Hof-Porten befunden/ ſeynd mir zwey groſſe Thier be-
gegnet/ dergleichen ich mein Leben Tag nit bin anſichtig
J 3worden;
[70]Judæ Iſcariothis Zucht-Hauß/
worden; eines war alſo Speckfaiſt/ daß es mit ſeiner
Wohl-Wampen faſt den Erd-Boden koͤhrte/ das andere
ware dergeſtalten duͤrꝛ/ daß es ohne weitere Muͤhe dem
Bain-Draͤxler vnder ſein Arbeit taugte/ vnd weil ich ver-
merckt/ daß ſolche Thier/ wie deß Balaams Eſelin reden
konten/ war ich ſo kuͤnn oder vilmehr frech/ vnderſtund
mich zufragen/ wie es zu Hof hergehe/ weil dann das Fai-
ſte wegen uͤberhaͤuffigen Schmeer-Laſt vnd ſchnauffen nit
konte reden/ alſo gabe mir das Duͤrre/ ob zwar ſelbiges
Orth die Teutſche Sprach nit gebraͤuchlich/ folgende Ant-
wort:

Ach/ ach/ ach was wirſt du fuͤr Wunder Ding zu
Hof ſehen.

Du wirdſt zu Hof ſehen lauter Fechter/ aber nur ſol-
che/ die da uͤber die Schnur hauen.

Du wirſt zu Hof ſehen lauter Soldaten/ aber nur
ſolche/ die Partheyen/ oder ich hab gefaͤhlt/ Parthitereyen
wiſſen zufuͤhren.

Du wirſt zu Hof ſehen lauter Moͤſner/ aber nur
ſolche/ die mit der Sau-Glocken leitten.

Du wirſt zu Hof ſehen lauter Fiſcher/ aber nur ſol-
che/ die mit faulen Fiſchen vmbgehen.

Du wirſt zu Hof ſehen lauter Schneider/ aber nur
ſolche/ die einem ſuchen die Ehr abzuſchneiden/ vnd ein
Schandflecken anzuhencken.

Du wirſt zu Hof ſehen lauter Kauffleuth/ aber die
nur mit Bernheiter-Zeig handlen.

Du wirſt zu Hof ſehen lauter Draͤxler/ aber nur
ſolche/ die einem ſuchen ein Naſen zu draͤhen.

Du wirſt zu Hof ſehen lauter Hueter/ aber nur
ſolche/ die vnder dem Huͤetel wiſſen maiſterlich zuſpillen.

Du wirſt zu Hof ſehen lauter Mahler/ aber nur ſol-
che/ die einem was blaues fuͤr die Augen machen.

Du wirſt zu Hof ſehen lauter Fuhrleut/ aber nur
ſolche/ die einen hinder das Liecht fuͤhren.

Du wirſt zu Hof ſehen lauter Bildhauer/ aber nur
ſolche/ die einem das Maul machen.

Du wirſt zu Hof ſehen lauter Muſicanten/ aber nur
ſolche/ die das Placebo ſingen.

Du wirſt zu Hof ſehen lauter Geiger/ aber nur ſol-
che/ die einen zuſtimmen ſuchen.

Du wirſt zu Hof ſehen lauter Koͤch/ aber nur ſolche/
die einem die Suppen verſaltzen.

Du wirſt zu Hof ſehen lauter Schloſſer/ aber nur
ſolche/ die einem wollen ein Rigel ſchieſſen.

Du wirſt zu Hof ſehen lauter Tiſchler/ aber nur
ſolche/ die einem pflegen zuverleumbden.

Du wirſt zu Hof ſehen/ daß alldort die Redlichkeit/
wie der Palm-Eſel/ welcher das Jahr nur einmal ans
Liecht kombt.

Du wirſt zu Hof ſehen/ daß man alldar mit den
Wol-Meritirten vmbgehet/ wie mit dem Nußbaum/ zum
Lohn/ daß diſer Nuß tragt/ wirfft man mit Pruͤgl darein.

Du wirſt zu Hof ſehen/ daß alldort ſo vil Treu zu-
finden wie vil Speck in den Juden Kuchlen.

Du wirſt zu Hof ſehen/ daß man dort mit den Bedien-
ten vmbgebet/ wie mit den Lemonien/ wann kein Safft
mehr darinn/ ſo wirfft man ſie hinder die Thuͤr.

Du wirſt zu Hof ſehen/ daß alldorten die guten
Freund ſeynd/ wie die Stein auff dem Brett-Spill/ wel-
che nur den Namen Stein tragen/ vnd ſeynd beynebens
von Holtz.

Du wirſt zu Hof ſehen/ daß man allda die Nackende
beklaidet/ aber nur die Warheit/ dann dieſelbe bloſſer
nicht darff erſcheinen.

Du wirſt zu Hof ſehen/ daß man die Hungerige
ſpeiſet/ aber nur mit Worten.

Du wirſt zu Hof ſehen/ daß es mitten im Sommer
Eyß gefroren/ dann allda das ſchluͤpffern vnd fallen gar
zu gemein.

Du wirſt zu Hof ſehen/ daß allda wenig Metall/
aber vil Ertz/ vil Ertz-Dieb/ Ertz-Schelmen/ Ertz-Betruͤ-
ger ꝛc.

Du wirſt zu Hof ſehen/ daß allda ſchlechte Suppen/
aber vil Loͤfflerey.

Du wirſt zu Hof ſehen wenig Andacht/ aber vil Ver-
dacht.

Mit dergleichen langen Klag Regiſter thaͤte ſich das
duͤrre Thier alſo abmatten/ daß es mit der Sprach nit
mehr fort konte/ vnd hab ich mich abſonderlich ſehr ver-
wundert uͤber die Wolredenheit diſes Thiers/ daß es mit
ſo annehmlichen Farben die Beſchaffenheit deſſelbigen
Hofs entworffen: Weil ich aber auch einmahl auff dem
Hof-Pflafter ein Blattern gangen/ vnd mir alle Ding
ohne das wol bekannt/ alſo habe ich fernere Red von diß
abgeſchnitten/ vnd Wunder halber hab ich das Thier ge-
fragt/ auß was Urſachen es alſo zaunduͤrꝛ/ entgegen aber
das andere ſpeckfaiſt ſeye? worauff ich die Antwort er-
halten/ wie daß ſie beede die Hof-Tafel haben/ vnd ich
ſagte/ das duͤrre iſt lauter Lieb/ finde aber wenig bey Hof/
daß ich ſchier Hunger ſtirb; das andere aber friſt lauter
Neyd/ vnd findet ſolchen Uberfluß/ daß ihm ſchier der
Bauch zerſchnellet vor Fuetter: Es war aber mein Traum
noch nit auß; ſondern es hat mir ferners gedunckt/ als
begegnen mir zway Maͤnner auff der Gaſſen/ vnd truge
einer ein groſſen Sack uͤber die Achſeln/ dergeſtalten an-
gefuͤllt/ daß ihme Samſon haͤtte ſollen hierzu die Achſeln
leyhen/ wormit er die Statt-Pforten hat getragen/ der
arme Tropff ſchwitzte vnder ſolchem Laſt/ als kam er erſt
auß der Bad-Wahn/ ich foͤrchte augenblicklich/ er wurde
mit
[73]Namens Urſprung/ Jugend vnd Vntugend.
mit dem Sack zu Boden ſincken/ der Mainung war ich/
es muͤſſe Trayd darinn ſeyn/ wie in den Saͤcken der Bruͤ-
der deß Joſephs/ weil ich aber die Gewißheit nicht haͤtte/
fragte ich/ mit was dann der Sack ſeye angefuͤllt/ er gab
mir die Antwort/ mit lauter Neyd ſeye er alſo angeſchop-
pet; Der andere/ ſo diſen beglaitte/ tragte auch ein klei-
nes Hebammen-Koͤrbl/ mit rothen Leder uͤberzogen/ an
den Armben/ welches zwar dem Schein nach voll ange-
fuͤllt/ aber ſo gering/ daß mans leicht mit den Biſcotten
oder Hollehipen konte woͤgen/ vnd war nichts anders da-
rinn/ als lauter bruͤderliche Lieb: ich muſte doch das Orth
wiſſen/ wo diſe zway ſo vngleich auffgeladen/ da zaigten ſie
mir mit den Fingern auff ein gewiſſes Cloſter: Ich haͤtte
noch ein weiteren Traum/ vnd iſt mir geweſt/ als waͤre
ich auff einem Volckreichen Jahrmarckt/ allwo vnder-
ſchidliche Kauffmanns Huͤtten in hoͤltzerne Ordnung gar
fein außgetheilter zuſehen/ vnder andern kam mir vnder
die Augen ein Huͤtten/ in welcher ein bekannter Spital-
Maiſter fail hatte/ Wunder wegen wolt ich erfahren/
was doch diſer fuͤr Handelſchafft fuͤhre/ in deme ſeine Wah-
ren/ in lauter alte Spital-Lumpen eingewickelt/ gar ſchlech-
te Raritaͤten verſprochen/ ſo bericht er mich/ wie daß er
lauter Neyd vnd Lieb verkauffe/ wie theuer die Lieb? ſo
ſagt er/ die Ellen vmb 30. Reichsthaller/ entgegen aber
ſeye der Neyd vmb leichtern Werth/ vnd uͤberſteige deſſen
Preiß nit das jenige Tuch oder Loden/ auß welchen die
Croaten ihre Kepeneck machen/ die Ellen vmb 8. Gro-
ſchen. Gleich hierauff begegnete mir der Pedell von der
Univerſitaͤt/ mit zwey Buͤchern vnder den Armben/ vnd
war eins ſehr groß/ alſo daß ich vermuthet/ es muͤſte da-
rinn deß groſſen Calepini Allabotritta von allerley
Sprachen verfaſt ſeyn/ das kleine Buͤchel ſcheinte ein
Grammatic zuſeyn/ ſo ich vermaint/ daß ers den jun-
Kgen
[74]Judæ Iſcariothis Zucht-Hauß/
gen Knaben vnd Soͤhnen nach Hauß trage/ habe aber
mehrmahlen die Warheit nit getroffen/ dann in diſem
kleinen Werckl war mit Fractur geſchriben/ die Lieb vnder
den Gelehrten/ in dem groſſen Buch aber gantz eng ſchrifft-
lich zuſammen getragen der Neyd vnder den Gelehrten;
hierauff bin ich durch gar zu groſſes ſchreyen vnd klopffen
der Dienſtbotten im Hauß erwacht/ mein Mitgeſpann
aber mir an ſtatt der Morgen Suppen ein wolgeſchliffe-
nen Verweiß geben/ daß ich auff Ratzen-Arth biß vmb 9.
Uhr den Bolſter truckte/ ſetzte auch hinzu/ wie daß er
kaum zwey Stund habe geſchlaffen/ ſeye deſtwegen mir
neydig vmb mein lange Ruhe/ auff diſen Fruhe Filtz thaͤt
ich meine Glider/ bekenn die Schuld/ durch ohngeberti-
ges rantzen vnd ſtrecken in die Ordnung richten/ vnd den
Tag mit auffgeſperten Maul/ als gewoͤhnlicher Faullentz-
Poſaunen bewillkommen: nach dem waſchen aber gleich
mit gebogenen Knyen/ nach Gewonheit/ mein Gebett ver-
richt; der erſte Gedancken aber/ ſo ſich damahlen hat ein-
ſchleichender angemelt/ war diſer/ daß mir mein Mit-
Cammerat neydig war vmb den Schlaff/ wie auch der
verlaut deß lang gehabten Traums nichts anders war als
vom Neyd/ deſthalben ich die Augen gen Himmel ge-
wendt/ vnd mit zuſammen geſchlagenen Haͤnden in diſe
Seufftzer außgebrochen/ Allmaͤchtiger Gott! ſo iſt dann
kein Orth vnd Port: ſo iſt dann kein Land noch Stand/
ſo iſt dann kein Erd noch Heerd/ ſo iſt dann kein Zunfft/
noch Zuſammenkunfft/ ja oben vnd vnden/ bey Krancken
vnd Geſunden/ vnden vnd oben/ bey Adel vnd Groben/
dorten vnd dar/ in Geſellſchafft vnd Schaar/ dar vnd dor-
ten/ in Wercken vnd Worten/ iſt der verruchte Neyd.

Ich meines Theils gibe ſonſt dem Traum nicht leicht-
lich einen Glauben/ aber diſer Ehrlicher Mann/ in deſſen
Bueſen kein einige Falſchheit zu loſtren ſcheint/ gibet mit
ſeinen
[75]Namens Vrſprung/ Jugend vnd Vntugend.
ſeinen Traum-Geſicht die ſcheinbare vnd ohnlaugbare
Warheit an Tag/ ja gleich wie das Woͤrtl Neyd
mit vier Buchſtaben geſchriben/ wird alſo nit weniger
vergifften diß hoͤlliſche Schlangen-Bruet die vier Theil
der Welt:

Ich habs allezeit gehoͤrt/ habs allzeit geleſen/ habs
allzeit geſchriben/ habs allzeit geredt/ daß diſem alſo ſeye/
aber anjetzo vermercke ich/ daß nit allzeit wie die Eltern/
alſo die Kinder ſeyn/ Adam ein guter Vatter/ Cain ſein
Sohn ein Ertz-Boͤßwicht; Noë der Vatter ein Heiliger/
Cham ſein Sohn ein Heyloſer/ Abraham der Vatter ein
Gottſeeliger/ iſmaël ſein Sohn ein Gottloſer/ Iſaac der
Vatter ein Engel/ Eſau ſein Sohn ein Pengel/ Jacob der
Vatter ein Lambl/ Ruben ſein Sohn ein Trampel/ Da-
K 2vid
[76]Judæ Iſcariothis Zucht-Hauß/
vid der Vatter ein Freund Gottes/ Abſalon ſein Sohn
ein Feind Gottes ꝛc. Ja ich weiß/ vnd zaig ein Dama vor
dero Schoͤnheit die Helena auß Griechenland ſich muß
verkriechen. Ein Dama gegen dero Wolgeſtalt mit ſeinem
Auffbutz der Fruͤhling zu ſpat kombt/ ein Dama dero An-
geſicht Sonnenklar ſcheinender als die Sonnen; ein Da-
ma vor dero weiſſen Geſicht die Lilien ſchamroth werden/
ein Dama vor dero Annehmlichkeit auß Wunder die
Morgenroͤth erbleichen thut ꝛc. vnd dannoch diſe ſchoͤne
außerwoͤhlte Dama hat ein Tochter an dero ein hauffen
Ohnflat zuſehen/ dann ſie iſt wild wie ein Miſt-Hauffen/
ſchwartz wie ein Kohl-Hauffen/ ohngeſchickt wie ein
Scheitter-Hauffen/ hartnaͤckig wie ein Stein-Hauffen/
ohnrein wie ein Omaiß-Hauffen/ ſchaͤdlich wie ein Scheer-
Hauffen/ garſtig wie ein Kort-Hauffen/ ja wie der Teuf-
fel ſelbſt; diſe ſchoͤnſte Dama iſt die Tugend/ die Ehr/ die
Sim. Ma-
jol. fol.
135.Wiſſenſchafft/ ja alles Gutes/ ihr Tochter aber/ die ſie
gebaͤhret/ iſt der verdambte Neyd. In der Inſul Maltha
gibt es keine Schlangen/ in Sardinia gibt es keine Woͤlff/
in Teutſchland gibt es keine Crocodill, in Tuſcia gibt
es keine Raaben/ in Heleſponto gibt es keine Hund/ in
Island gibt es nichts Gifftig/ aber in der gantzen Welt iſt
Dan. c. 6.kein Orth/ allwo es keinen Neyd gibt.

Daniel war bey Hof/ vnd gar ein vornehmer Herꝛ
bey Hof/ ja er iſt ſo hoch geſtigen/ daß er bey dem Koͤnig
Darium alles vermoͤchte/ es hat auch diſer Koͤnig nie beſ-
ſer geſehen/ als wie Daniel ſein Aug-Apffel ware/ vnd
gehet es bey einem Monarchen allzeit recht her/ der ein ſol-
che rechte Hand hat/ wie da war der treue Daniel, nichts
deſtoweniger hat endlich diſer fromme Miniſter erfahren/
daß der Koͤnig auß dem beſten Wein der ſchaͤrpffiſte Eſſig
worden/ in dem er durch ohnmenſchliches Decretbefoh-
len/ den Daniel in die Loͤwen-Gruben zuwerffen/ vnd mit
ſolchen
[77]Namens Urſprung/ Jugend vnd Untugend.
ſolchen ſtattlichen Brocken die freßgierige Thier zuſaͤtti-
gen/ es war aber diſe Speiß zu gut fuͤr ſolche Gaͤſt: Nun
ſihe ich dirs an der Stirn an/ vnd kuͤtzlet dich der Vorwitz/
zu wiſſen das Verbrechen/ vnd die Ohnthat deß Daniels,
etwann iſt er ſeinem Koͤnig nit Treu geweſt/ dann ſonſt
die Treu zu Hof gantz waͤhrhafft/ vnd faſt noch Naglnen/
weil mans gar ſelten brauchet? etwann hat er ſich mit
Denari beſtechen laſſen/ vnd nachmals Spadi wider ſei-
nen eignen Koͤnig gebraucht/ vnd deſtwegen das Spil ver-
lohren? etwann hat er deß Koͤnigs Anſchlaͤg vnd reiffe
Rathſchluß dem Gegentheil erdeckt/ vnd alſo ſtraͤfflich
auß der Schul geſchwaͤtzt? etwann iſt er mit den Koͤnig-
lichen Renten vnd Geldern vmbgangen/ wie der Wolff
mit dem Schaaf theillen/ diſer theilte ſechs Schaaf mit
dem Hirten ſolcher Geſtalt/ das erſte gehoͤrt mein/ das an-
dere gehoͤrt ſonſt dein/ vnd nimbts auch zu ſich/ das dritte
gehoͤrt wider mein/ das vierdte gehoͤrt ſonſt von rechts-
wegen wider dein/ nimbts aber mehrmahlen zu ſich/ ꝛc.
iſt demnach dem Hirten nichts uͤberbliben. Es iſt etwann
der Daniel in ſeinen Hof-Dienſten ſchlaͤfferig geweſt/ vnd
ſich nur dazumahlen eingefunden/ wann einige Charge
vacirend worden? es hat etwann der Daniel gegen einer
oder der andern Hof Dames ein freundliche Grobheit/ oder
gar ein grobe Freundlichkeit erzeigt? nichts dergleichen/
gar nichts/ der Daniel war ein rechter/ ein gerechter/ ein
wolgeſchaffener/ ein rechtſchaffener/ ein wiſſenhaffter/
ein gwißhaffter Miniſter bey Hof/ kein ſchuldiger/ ſon-
dern ein ohnſchuldiger/ kein ſtraͤfflicher/ ſondern ohnſtraͤff-
licher Diener/ vnd noch darzu ein Prophet/ vnd noch dar-
zu ein Traum-Außleger/ vnd noch darzu ein Chroniſt;
wann dem alſo/ was hat ihn dann in die tyranniſche Loͤ-
wen-Gruben geſtuͤrtzt? frag nit lang/ ein Hof-Hund hat
ihn gebiſſen/ ein Hof-Katz hat ihn gekratzt/ ein Hof-Pfeil
K 3hat
[78]Judæ Iſcariothis Zucht-Hauß/
hat ihn getroffen/ er hats Maul an einer Hof-Suppen
verbrent/ er hat den Kopff an einer Hof-Thuͤr angeſtoſſen!
verſtehe es recht/ der Neyd zu Hof vnder den Miniſtern vnd
Hof-Herren hat ihn geſtuͤrtzt: ſo iſt es gangen Henrico
Grafen von Hollſtein/ bey dem Hof Eduardi deß Dritten/
Koͤnig in Engelland/ ſo iſt es gangen Belliſario dem groſ-
ſen Kriegs-Fuͤrſten bey dem Hof deß Kayſers Juſtiniani;
ſo iſt es gangen dem Ariſtidi/ dem Scipioni/ dem The-
miſtocli, dem Tullio, dem Epaminondæ, dem Socra-
ti, dem Pompeio, dem Iphicrati, dem Cononi, dem
Chabriæ, daß ſeynd aber laute frembde Namen; ſo iſt es
gangen vil Ferdinandis, Henricis, Rudolphis, Caſimi-
ris, Philippis, Conradis, Wolffgangis \&c. welche der
verdambte Neyd ins Elend geſtuͤrtzt hat. O Neyd! O
Neyd. Den Reyd findt ich ſchier auff dem Schlag/ wie
jener Baum: Es iſt einer geweſt/ der ihme durch vilfaͤlti-
ges Schaben vnd Graben ein zimblichen Sackvoll Duca-
ten geſamblet/ hatte aber deſſentwegen ſtaͤts ohnruhige
Gedancken/ auß Forcht/ es moͤcht ihm einer ſolchen gulde-
nen Schatz entfrembden/ ja er traute in dem Fall weder
dem Weib/ vil weniger den Dienſtbotten/ es gedunckten
ihm alle Rigl vnd Schloͤſſer zu ſchwach/ ſolche gelbe Ba-
tzen zu huͤten/ abſonderlich/ ſo er Geſchaͤfft halber muſte
abraiſen/ konte er niemahlen ruhig ſchlaffen/ wegen ſtaͤt-
ter Sorgen/ es moͤcht ihn diſer ſein guldener Innwohner
das Quartier veraͤndern; erſinnet demnach andere Mit-
tel/ vnd nimbt auff einen gewiſſen Tag ſein mit Gold ge-
fuͤlten Sack mit ſich/ ſteigt in ſeinen groſſen Garten auff
einen Baum/ vnd weil ſelbiger zwiſchen zwey groſſen Ae-
ſten etwas holl ware/ verbuͤrgt er ſeinen goldſeeligen
Schatz darein/ voller Freuden/ daß er ſelbigen alſo ſicher
ſalviert, empfande auch in ſeinem Gemuͤth nunmehr ein
begnuͤgten Ruheſtand/ was geſchicht aber! Sein Nach-
bar
[79]Namens Urſprung/ Jugrnd vnd Untugend.
bar war ein armer vnd elender Tropff/ der ſo vil Brodt-
Eſſer/ vnd kleine Burſch zu Hauß hat/ daß ſie ſchier uͤber
die Kinder Iſraël wachſeten/ ja er hoͤrte von diſer lebendi-
gen Orgl kein anderes Liedl/ den gantzen Tag/ als Paͤp-
pen/ Paͤppen/ ꝛc. nit moͤglich war es ihme/ das Haußwe-
ſen laͤnger zu erſchwingen/ forderiſt/ weil die uͤberdruͤſſige
Schulden-Forderer die Schnallen ſtaͤts in den Haͤuden
hatten/ vnd mit ſo vil Schuld-Scheinen auffgezogen/
daß er ſich faſt getrauet alle Kauffleuth alldar mit Star-
nitzlen zu verſehen; endlich haben ihn die verzweifflete
Gedancken ſo kleinmuͤthig gemacht/ daß er beſchloſſen/ lie-
ber zu ſterben/ als ſolches Elend ferners außzuſtehen/
nimbt zu diſem Zihl einen ſtarcken Strick/ ſteigt in deß
Nachbaren Garten ohnwiſſender auff denſelbigen Baum/
in welchen der reiche Nachbar das Gold verborgen/ faͤſſelt
bereits den Strick vmb den Halß/ wolte aber vorhero
vmbſehen/ ob er von jemand wurde wahrgenommen/ in
wehrenden vmbſchauen erblickt er den Sack Gelt in dem
hollen Baum/ ſchaͤtzt ihm ſolches fuͤr ein Goͤttliche Schi-
ckung/ erloͤſet alſobald den Halß von dem Arreſt/ ſteigt ey-
lends herab/ bald hurtiger als Zachæus, vnd vergiſt vor
Freuden den Strick auff dem Baum/ danckte GOtt vmb
diſes ohnverhoffte Gluͤck/ wormit er ſein Hauß-Wuͤrth-
ſchafft wider in den beſten Gang gebracht/ nit lang nach
diſem ſteigt obbenannter Geitz-Halß auff den Baum/ in
willens ſein guldenen Schatz ein Viſita zu geben/ auch
zugleich ſich mit deſſen Anblick zu ergoͤtzen/ als er aber er-
ſehen/ daß die Voͤgel außgeflogen/ war er dergeſtalten be-
ſtuͤrtzt/ daß er ſchier uͤber den Baum herunder gefallen/
Ach/ lamentierte er/ ſo iſt dann hin/ ſo iſt dann auß/ ſo iſt
dann weck das jenige/ welches ich vil Jahr am Maul er-
ſparꝛt habe/ ach/ was fang ich nunmehr an! wann ich nur
ein Strick haͤtte/ ſo wolt ich gleich damit mein vngluͤckſee-
liges
[80]Judæ Iſcariothis Zucht-Hauß/
liges Leben enden/ vnd wie er ſich vmbgeſchaut voll der
Verzweifflung/ ſihet er gleich neben ſeiner den Strick han-
gen/ welchen der andere vergeſſen/ verweilt dahero nicht
lang/ ſondern mit dem Halß geſchwind in die Maͤſchen/
vnd erhenckt ſich/ hangte alſo diſes ſaubere Obſt an dem
Baum/ den kein anderer als der Hencker doͤrffte ſchuͤttlen.
Ein wunderſeltzamer Baum iſt diſer geweſt/ in deme er
einem das Leben gebracht/ dem anderen aber das Leben
genommen/ einem hat er auß der Noth geholffen/ den an-
deren hat er zum Todt gezogen/ einen hat er auß dem E-
lend errett/ den anderen hat er in das Elend geſtuͤrtzt/ ei-
nem hat er das Hertz erfreuet/ dem anderen hat er das
Hertz abgeſtoſſen.

Auff gleichen Schlag tragt es ſich zu mit dem Ney-
digen/ als welchem deß Rechſten Gluͤck ihme ein Ungluͤck
iſt/ ja eines anderen ſein Seegen/ iſt dem Neydigen ein
Degen/ der ihn verwundet; eines anderen ſein Hayl/ iſt
dem Neydigen ſein Sail/ ſo ihn erdroßlet/ eines anderen
ſein Guet/ iſt dem Neydigen ein Gluet/ ſo ihn brennet;
eines anderen ſein Wuͤrde/ iſt dem Neydigen ein Buͤrde/
vnder dero er ſchwitzet; eines anderen ſein Kunſt/ iſt dem
Neydigen ein Dunſt/ ſo ihm die Augen peyniget/ eines
anderen ſein Doctrin/ iſt dem Neydigen ein Ruin/ ſo ihm
ſchadet; eines anderen ſein Schatz/ iſt dem Neydigen ein
Katz/ ſo ihn kratzet; eines anderen ſein Freud/ iſt dem
Neydigen ein Leyd/ ſo ihme das Hertz quellet; eines an-
deren ſein Hoͤhe/ iſt dem Neydigen ein Wehe/ ſo ihn pla-
get; eines anderen ſein Grueß/ iſt dem Neydigen ein
Bueß/ ſo ihn trucket; eines anderen ſein Schein/ iſt dem
Neydigen ein Peyn/ ſo ihn ſchmertzet.

Saubere Bruͤder hat Joſeph gehabt/ wann das
Bruͤder ſeynd/ ſo muß man die Haͤfen-Decken vnder die
Credentz zehlen/ wann das Bruͤder ſeynd/ ſo koͤnnen die
Schle-
[81]Namens Urſprung/ Jugend vnd Untugend.
Schlechen-Stauden auch Weinſtoͤck benambſet werden/
wann das Bruͤder ſeynd/ ſo kan man den Wolff auch ei-
nen Burgermaiſter der Schaaf nennen/ nit Bruͤder/ ſon-
dern Außbruͤter alles Ubels ſeynd ſie geweſt/ vnd haben
ſie das Sch. ſo wol in ihrem Titul verdienet/ als der Ju-
das Iſearioth; Wie der ehrliche Juͤngling Joſeph ihnen
auß bruͤderlicher Auffrichtigkeit ſeinen Traum erzehlt/
auß welchem man wol vermuthen hat koͤnnen/ daß er
nit laͤhr ſeye/ ſondern ein Propheceyung ſeines kuͤnfftigen
Gluͤcks/ ſeynd ſie alſobald daruͤber gantz erblaicht/ was!
ſagten ſie/ du junger Tauben-Schnabel/ ſolſt du ein Koͤ-
nig werden/ vnd ſoll dein Gluͤck ſo hoch ſteigen/ daß wir
dir ſollen auffwarten/ vnd die Knye biegen/ ey bieg dir
der Hencker den Hals/ du uͤbermuͤtiger Bueb ꝛc. ſie waren
uͤber ihn alſo verbittert/ daß ſie ihn nit konten anſchauen/
ja dahin/ durch den verdambten Neyd getriben/ daß ſie be-
ſchloſſen/ diſen ihren Brudern zuerwuͤrgen; aber laſt ein
wenig mit euch reden ihr Schaaf-Hirten/ ob ihr zwar bil-
licher haͤttet ſollen Sau-Hirten abgeben/ hoͤrt mich an/
entweder iſt es wahr/ daß ewer Bruder ein Koͤnig wird
oder nit? iſt es nit wahr/ ſo lacht uͤber ſolchen laͤhrẽ Traum/
vnd foppet lieber durch bruͤderlichen Schertz diſen euren
jungen ABC Schmid/ gebt ihm einen Hirten-Kolben in
die Hand/ an ſtatt deß Seepters/ vnd ſagt lachender Weiß/
gruͤß dich Gott Euer Majeſtaͤt ꝛc. iſt es aber wahr/ daß
er ſoll Koͤnig werden/ ſo ſolt ihr euch deſthalben nit zuͤr-
nen/ ſondern vilmehr frolocken/ vnd ſagen alſo/ wird vn-
ſer Bruder Joſeph ein Koͤnig/ ſo iſt es vns die groͤſte Ehr/
vnd vnſerm gantzen Hauß ein ewiger Ruhm/ ja da werden
wir nit mehr vnſere ſchmutzige Hirten-Taſchen mit einem
alt-bachenem Kipffel angefuͤllter tragen/ ſondern ein jeder
auß vns wird ſeyn Galanthomo, wie wird es vns ſo wol
ſchmecken/ wann man vns Gnaͤdige Herren wird
Lſchelten/
[82]Judæ Iſcariothis Zucht-Hauß/
ſchelten/ da wird gar gewiß der Bruder Ruben Obriſter
Hoffmaiſter werden; da wird gar gewiß der Bruder Za-
bulon zu der Cammer-Præſidenten Stell gelangen; da
kans dem Bruder Iſachar nit faͤhlen/ daß er nit Obriſter
Kuchl-Meiſter wird/ er iſſet ohne das gar gern gute Biſ-
ſel; der Bruder Simeon wird ohne Zweiffel Obriſter Cam-
merer werden/ dann er kan mit den Complementen vmb-
ſpringen/ denckt es an mich/ der Bruder Aſer wird Obri-
ſter Jaͤgermeiſter/ der wird ſich der hetzen/ da wirds an-
derſt hergehen/ jetzt muͤſſen wir vnſere Magen mit ſauren
Ruben außſchoppen/ dort wird man vns andere Biſſel
auffſetzen/ ey Gott geb das vnſer Sepperl ein Koͤnig wird!
dergleichen Reden haͤtten ſollen die Bruͤder Joſephs fuͤh-
ren/ aber der verdambte Neyd hat ihnen den Verſtand
verruckt/ die Vernunfft verkehrt/ vnd wolten ſie lieber
ſchlimme vnd arbeitſame Taͤg leyden/ als den Joſeph in
Koͤniglicher Wuͤrde ſehen/ O hoͤlliſcher Neyd! der Ney-
dige iſt ſchon zufriden mit ſeiner Armuth/ wann er nur ſi-
het/ daß ſein Naͤchſter nit reich wird; der Neydige find ein
Contento an ſeinem Elend/ wann er nur merckt/ daß es
ſeinem Naͤchſten auch nit wol gehet; der Neydige beklagt
ſich nit ſeines Vnverſtand/ vnd Vnwiſſenheit/ wann er
nur ſihet/ daß ſein Naͤchſter auch nit vil kan; der Neydige
bleibt gern verworffen/ wann er nur find/ daß ſein Naͤch-
ſter nit vorkombt; den Neydigen betruͤbt nit ſein Vnge-
ſtalt/ vnd Larven-Geſicht/ wann er nur weiſt/ daß ſein
Naͤchſter auch nit ſchoͤn iſt/ O verfluchter Neyd! du ſutz-
leſt vnd ſaugeſt/ auß der Gall das Hoͤnig/ vnd auß dem
Hoͤnig die Gall/ dann deß Nechſten Vbel macht dir gut/
vnd deß Nechſten Gut macht dir uͤbel/ O! O! O!

Jener reiche Praſſer/ von deme Meldung geſchicht
in Evangelio, hatte alle Tag Kirch-Tag/ er war alle Tag
wol auff/ vnd voll auff/ er war zwar kein Soldat/ iſt doch
allezeit
[83]Namens Urſprung/ Jugend vnd Vntugend.
allezeit mit Kruͤgen vmbgangen/ er war kein groſſer Do-
ctor, hat ſich doch gern in der Bibiothec auffgehalten/
et war kein Fiſcher/ thaͤtte doch ſtaͤts in naſſen arbeiten/
er war Vormittag nit nuͤchter/ zu Mittag hatte er einen
Rauſch/ auff dem Abend war er voll/ ſein hauſen war
ſchmauſen/ ſein ſchmauſen war brauſen/ ſein brauſen war
pfnauſen/ alles eſſen vnd trincken/ vnd anders gut Leben/
hat ihm ſein Vatter zum Heurath-Gut geben/ aber auffLuc. 16.
ein ſolche ſchlemmeriſche daͤmmeriſche Vigil iſt ein harter
Feyrtag kommen/ da nemblich diſer reiche Geſell in dem
hoͤlliſchen Feur begraben worden; der arme Bettler aber/
ſo nur vmb die Broͤßl ſuppliciret, die ſonſt der Diana, der
Melampus, der Coridon, der Budl/ vnder den Taffeln zu-
ſam̄en klauben/ iſt mit groſſen Freuden vnd Triumph in die
Glory getragen worden. Jetzt ſteht zu fragen/ wie der ar-
me Bettler gehaiſſen hat/ vnd der reiche Mann? deß
Bettlers ſein Nahm iſt allbekandt/ Lazarus, aber deß Rei-
chen Namen weiſt weder Evangeliſt, noch Scripturiſt,
noch Gloſſiſt, noch Commentariſt, \&c. niemand/ gleich-
wol bin ich der Mainung/ ich wolt errathen ſeinen Namen/
er war ein vornehmer Herꝛ/ man hat ihn ihr Gnaden ge-
ſcholten/ vnd hat allem Anſehen nach/ Herꝛ Neydhard
von Neydlingen gehaiſſen/ auß Vrſachen/ wie er ſchon
bereits in der Hoͤll geſeſſen/ hat er faſt mit ohnſinniger
Stimm geſchryen zu dem Abraham, Vatter Abraham
ich bitt/ ich bitt/ ich bitt/ ſchicke doch den Lazarum, daß
er mit einem Tropffen Waſſer mein feurige Zung erkuͤh-
le. Diſer reiche Vogl iſt ein Freyherꝛ/ oder wenigſt ein
Land-Mann geweſt/ ſoll er ihm dann nit eingebildet ha-
ben/ es ſchickte ſich nit/ daß der Seelige ſoll den Verdamb-
ten nachgehen/ es thaͤt ſich ja uͤbel reimen/ ſo ich auff der
Gaſſen anſichtig wurde eines vornehmen Herꝛn/ da er
L 2zum
[84]Judæ Iſcariothis Zucht-Hauß/
zum Fenſter hinauß ſchaut/ vnd ich hinauff ſchreyte/ Gnaͤ-
diger Herꝛ/ ſteigt herunder/ vnd ſpendirt mir etwas/ auff
daß ich mir kan etliche Buͤcher kauffen/ ich main die La-
ckey wurden mich einen groben Muͤnch tauffen/ vnd ſa-
gen/ ich ſoll hinauff kommen/ vnd anderthalb Stund
herauſſen warten/ dann jetzt ſeye ein Jud beym Gnaͤdigen
Herꝛn ꝛc. Alſo haͤtt auch der reiche Geſell in der Hoͤll ſollen
ſchreyen/ O Vatter Abraham mach doch Gelegenheit/
vnd bring es bey Gott auß/ daß ich zum Lazarum hinauff
darff vmb ein einiges Troͤpffel Waſſer. Es hat aber der
verdambte Praſſer deſſentwegen nit hinauff begehrt zu
den Lazarum, dann/ wann er denſelben in ſo groſſer Glo-
ry/ Thron vnd Cron haͤtte geſehen/ waͤr er ihme deſthal-
ben neydig geweſt/ vnd waͤr ihm ſolches haͤrter ankommen/
als die Hoͤll ſelbſt. Dann ein Neydiger leydet ohnauß-
ſprechlich/ wann er ſihet/ daß es ſeinem Naͤchſten wol ge-
het. Dahero ſeynd die Neydige/ wie ſeynd ſie? ſie ſeynd
wie die Nacht-Eulen/ dieſelbigen koͤnnen kein Liecht ſehen/
deſtwegen fliegen ſie hin vnd her/ darumb vnd daran/ vnd
wollens außloͤſchen/ alſo die Neydige moͤgen vnd koͤnnen
nicht ſehen/ wann jemand erleucht iſt/ vnd glantzet mit
Tugenden. Die Neydige ſeynd/ wie ſeynd ſie? ſie ſeynd
wie die Kott-Keffer/ diſe ſaugen auch auß der ſchoͤneſten
Roſen nur das Gifft/ nit das Hoͤnig/ alſo die Neydige ſu-
chen an ihren Gegentheil/ nur was Maͤngelhafft/ das
Gute verſchweigen ſie/ die Neydige ſeynd/ wie ſeynd ſie?
ſie ſeynd wie die Feillen oder Raſpeln/ welche verzehren/
blagen/ beiſſen vnd reiſſen andere Sachen/ aber verder-
ben ſich ſelbſt darmit/ alſo die Neydigen ſehen/ wie ſie den
Naͤchſten moͤgen ſchaden/ vnd verzehren ihr einiges Leibs
vnd Seelen Heyl/ die Neydige ſeynd/ wie ſeynd ſie? ſie
ſeynd wie die Bronnen/ welche gemainiglich kalt ſeynd/
wann das Wetter warm iſt/ vnd gemainglich warm/ wan̄
das
[85]Namens Urſprung/ Jugend vnd Untugend.
das Wetter forderiſt in Winter kalt iſt/ alſo dem Neydi-
gen iſt uͤbel/ wanns andern wol gehet/ vnd iſt ihme wol/
wanns andern uͤbel gehet. Die Neydigen ſeynd/ wie ſeynd
ſie? ſie ſeynd wie der Donner/ welcher mehriſt Theil nur
hohe Gebaͤu trifft/ vnd nit nidere/ alſo die Neydige nur
die jenige haſſen/ welche von Gott erhoͤhet ſeyn/ die Ney-
dige ſeynd/ wie ſeynd ſie? ſie ſeynd wie die Wachtlen/ di-
ſe ſchlimme Voͤgel ſeufftzen allezeit/ wann die Sonn auff-
gehet/ alſo ſeynd die Neydige beſchaffen/ welche alsdann
ſeufftzen/ vnd es ſchmertzlich empfinden/ wann ſie ſehen
den Naͤchſten in Ehr vnd Reichthumben auffgehen vnd
wachſen/ die Neydige ſeynd/ wie ſeynd ſie? ſie ſeynd wie
ein Baum/ vnder dem noch junge Baͤuml wachſen/ diſe
aber vndertruckt der groſſe Baum mit ſeinen Aeſten/ dann
er nit leyden will/ daß ihm einer ſoll gleich wachſen: alſo
auch ein Neydiger befleiſſet ſich/ wie ers kan zuwegen brin-
gen/ daß einer von nidern nit zu hoͤhern Stand ſoll gelan-
gen/ die Neydige ſeynd/ wie ſeynd ſie? ſie ſeynd wie die
jenige/ ſo am Fieber Kranck ligen/ denen kommen auch
ſuͤſſe Speiſen bitter vor/ alſo kan die Neydige nichts mehrer
verbittern/ als wann der Naͤchſte gutes vnd ſuͤſſes Gluͤck
genieſſet/ die Neydige ſeynd/ wie ſeynd ſie? ſie ſeynd wie die
Fliegen/ welche gemainiglich dem Menſchen nur an den
jenigen plagen/ wo er vngeſund oder verwundt iſt/ alſo
die Neydige nur daſſelbige an ihren Naͤchſten ſuchen/ was
tadlhafft iſt/ das Tugendſame vnd Lobwuͤrdige verſchwei-
gen ſie freymuͤthig/ die Neydigen ſeynd/ wie ſeynd ſie?
ſie ſeynd wie die Aemper an einen Brunn/ wann einer hin-
under fallt/ ſo ſteigt der ander in die hoͤhe/ kombt einer
herauff/ ſo fallt der ander hinunder/ alſo iſt dem Neydi-
gen wol/ vnd befindet ſich wol auff/ wann er ſihet ſeinen
Naͤchſten fallen/ vnd ſo ſein Naͤchſter hoch ſteigt/ thut ſich
der Neydige daruͤber beſtuͤrtzen. O du verdambtes Laſter[!]
L 3du
[86]Judæ Iſcariothis Zucht-Hauß/
du biſt ein Maden der Seelen/ noch mehr/ du biſt ein Apo-
ſtema deß Hertzens/ noch mehr/ du biſt ein Peſt der fuͤnff
Sinnen; noch mehr/ du biſt ein Gifft der Glider/ noch
mehr/ du biſt ein gefaͤhrliches Fieber deß Gebluͤts/ noch
mehr/ du biſt ein Schwindel deß Haupts/ noch mehr/ du biſt
ein Finſternuß deß Verſtands/ noch mehr/ du biſt ein Hen-
cker vnd Folterer/ vnd Tyrann deß menſchlichen Leibs; an-
dere Laſter haben dan̄och ein wenige Freud/ vnd eingebildte
Ergoͤtzlichkeit: die Buelſchafft mit der Berſabæa hat gleich-
wol dem David das Hertz ein wenig verzuckert: wie Hero-
des ein Koſtgeher/ vnd Bethgeher geweſt iſt bey ſeines Bru-
ders Frauen/ hat er gleichwol darvon ein augenblickliches
Contento geſchoͤpfft: Wie Nabuchodonoſor ſich fuͤr
einen GOtt auffgeworffen/ vnd auß Hochmuth vnd
Ubermuth ſich hat laſſen anbetten/ hat den Narren gleich-
wol ſolche groſſe Reputation gekitzlet: Wie der reiche
Geſell alle Tag geſchlempt/ hat ihm doch ſolches taͤgliche
Gurgl-Waſſer ein Freud gemacht: Wie der Achan gar
zu lange Finger gehabt/ vnd uͤber das ſibende Gebott geſtol-
pert/ hat er dannoch ein Freud gehabt/ daß er ohne Muͤhe
iſt reich worden: Wie die Philiſtæer dem Samſon die Au-
gen außgeſtochen/ vnd er nach Verlurſt ſeiner Staͤrck/ er ih-
nen hat muͤſſen durch die Finger ſehen/ haben ſie eine Ergoͤtz-
lichkeit gehabt/ weil ſie ſich an ihrem Feind gerechnet haben.
Wie der Zachæus Partiten gemacht/ vnd auß frembden
Haͤuten huͤpſche braite Riemen geſchnitten/ hat es ihm
ein Freud gebracht/ in Summa/ alle Laſter haben ein Hoͤ-
nig/ ob zwar im geringen Gewicht/ an ſich/ vnd in ſich/
vnd bey ſich/ aber der Neydige findet nichts als Leyden/
ja der Neydige empfindet ein ſtaͤtten Dorn/ der ihn ver-
wundet/ hat ein ſtaͤtten Wurm/ der ihm das Gemuͤth
naget/ leydet ein ſtaͤttes Schwerdt/ ſo ihm das Hertz durch-
tringet/ hat ein ſtaͤtten Hammer/ der ihm das Hertz zer-
ſchlaget/
[87]Namens Urſprung/ Jugend vnd Untugend.
ſchlaget/ leydet ein ſtaͤtte Schlangen/ die ihme das Hertz
peyniget/ hat ein ſtaͤttes Tiger/ ſo ihm das Hertz verzeh-
ret/ leydet ein ſtaͤtten Wolff/ der ihm das Hertz friſſet/
hat ein ſtaͤttes Uhr-Werck/ ſo ihm das Hertz beun-
ruhiget;

O du verdambtes Laſter. Andere Laſter laſſen ſich in
etwas vertuſchen/ verhuͤllen/ verbergen/ vnd zaigt ſich
mancher außwendig heilig/ vnd iſt innwendig heylloß.
Zaigt ſich offt einer außwendig ein Simon Petrus, vnd
iſt einwendig ein Simon Magus. Es ſtellt ſich offt einer
außwendig ein Philippus Apoſtel/ vnd iſt einwendig ein
Philippus Melancthon, es ſtecket gar offt in einer neuen
vnd guten Schaid ein roſtige Paſſauer-Kling; auch trifft
man offt ein ſchoͤne Nuß an/ dero wurmſtichige Kern
nachmahls dem Auffbeiſſer ein Grauſen machet; Aber
der Neydige kan ſein Laſter nit verbergen/ es iſt ihme das
Angeſicht ein Verraͤther/ die eingefallene Wangen/ die
finſtere Augen/ die Berg-gruͤne Lefftzen/ die buͤrckene Stirn/
die gifftige Seufftzer/ die melancholiſche Gebaͤrden/ das
Zwizeren der Zaͤhn/ ſein mageres/ außgeſelchtes/ Schwe-
belfaͤrbiges Angeſicht/ iſt ein ſattſamer Tolmetſcher ſei-
nes einwendigen Neyds: Ein Neydiger mag eſſen/ was
er will/ wie er will/ wann er will/ wie vil er will/ wo er
will/ ſo wird er doch Hundsmager bleiben/ weil alles bey
ihm in Gifft verwandlet wird; wie recht hat der Poët den
Neydigen entworffen mit folgenden Verſen.

Dahero GOtt der HErꝛ den Cain ſelbſten gefragt/
nachdem er ſeine Haͤnd in deß Bruders Blut gewaſchen;
Genel. 4.Quare concidit facies tua? Cain, warumb iſt dir das
Angeſicht alſo eingefallen? der Geſell war ſo mager wie
ein Ladſtecken/ es war aber deſſen kein andere Urſach/ als
der verdambte Neyd/ als welcher ein Gifft iſt der menſch-
lichen Geſundheit.

Es iſt zwiſchen dem weiſſen vnd dem ſchwartzen/
zwiſchen dem Eſau vnd dem Jacob, zwiſchen dem Staͤttl
Hai vnd der groſſen Statt Jericho, zwiſchen dem Egypti-
ſchen Knoblach vnd dem Himmliſchen Manna, zwiſchen
dem
[89]Namens Urſprung/ Jugend vnd Untugend.
dem David vnd dem Goliath kein ſo groſſer Underſchied/
als zwiſchen dem Himmel vnd der Hoͤli/ ja ohne alle Gleich-
nuß. Dann im Himmel iſt lauter Freud/ in der Hoͤll
lauter Leyd: im Himmel iſt lauter Lachen/ in der Hoͤll
lauter Krachen/ im Himmel iſt lauter Guet/ in der Hoͤll
lauter Gluet/ im Himmel iſt nichts als Suͤß/ in der Hoͤll
iſt nichts als Spieß: im Himmel iſt lauter Luſt/ in der
Hoͤll iſt lauter Ohnluſt; der Himmel iſt ein Wohnplatz
der Außerwoͤhlten/ iſt ein Hauß der Belohnung/ iſt ein
Thron der Goͤttlichen Majeſtaͤt/ iſt ein Loſament der Hei-
ligen/ iſt ein Tempel deß Liechts/ iſt ein Paradeyß der
Freuden/ iſt ein Herberg der Seeligen/ iſt ein Erquickung
der Betruͤbten/ ꝛc. Die Hoͤll iſt entgegen ein Folterbanck
der Verdambren/ iſt ein Kercker der vngluͤckſeeligen Ewig-
keit/ iſt ein Senckgruben deß Ohnflaths/ iſt ein Orth der
Finſternuß/ iſt ein Quartier der boͤſen Geiſter/ iſt ein Inn-
halt alles Elends/ ꝛc. Im Himmel iſt alles/ was ergoͤtzet/
erfreuet/ erluſtiget/ erquicket/ erhoͤhet/ ꝛc. In der Hoͤll iſt
alles/ was peyniget/ was ſchmertzet/ was brennet/ was
quellet/ was martert/ ꝛc. vnd dannoch iſt der Teuffel
theuerer mit der Hoͤll/ als GOtt mit dem Himmel/ dann
ein Neydiger ſo vil leydet vmb der Hoͤll willen/ wann
er nur halben Thail thaͤte wegen GOtt außſtehen/ ſo wur-
de es ihme der Allerhoͤchſte mit der ewigen Cron vergel-
ten: Æmilius, Æmilianus, Baſilius, Baſilianus, Caſſius,
Caſſianus, Claudius, Claudianus, Donatus, Donatia-
nus, Euthychius, Eutychianus, Flavius, Flavianus,
Gordius, Gordianus, Julius, Julianus, Lucius, Lucia-
nus, Marcus, Marcianus, Marius, Marianus, Pontius,
Pontianus, Primus, Primianus, \&c. ſeynd Martyrer
vnd Blutzeugen Chriſti/ haben vil gelitten zu Cæſaræa,
zu Nicomedia, zu Rom/ zu Alexandria, zu Antiochia,
zu Aquileia, zu Laodicea, \&c. vil gelitten vmb den Him-
Mmel;
[90]Judæ Iſcariothis Zucht-Hauß/
mel; aber ein Neydiger leydet vil mehr vmb die Hoͤll/ O
verruchtes Laſter!

Ein mancher wird wegen ſeiner Wiſſenſchafft zu
groſſen Wuͤrden erhoͤhet/ wie es dann billich/ vnd iſt nichts
ſchaͤdlichers/ als wann man ohnverſtaͤndige Stroh-Hirn
hinauff ſetzet; Bekannt iſt es ſattſamb/ daß GOtt der
Allmaͤchtige gantz vmbſtaͤndig das Gebaͤu der Archen vor-
gezaichnet/ auch beynebens gar genau befohlen/ er ſoll
Ochſen/ Eſel/ ſambt denen Thieren in dem vnderen Stock
loſſieren/ die Menſchen aber in das obere Zimmer/ es haͤtt
ſich ja nit gereimbt/ wann Ochſen- vnd Eſel-Koͤpff haͤtten
in dem oberen Gaden reſidieret/ vnd die Menſchen her-
unden/ ob zwar bey der jetzigen verkehrten Welt gar offt
die Erfahrnuß bezeuget/ daß faſt gleiche Beſchaffenheit
ſeye zwiſchen dem Topff vnd dem Knopff/ zumahlen ein
voller Topff auff dem Herd herunden ſtehet vnd leydet/
daß ihm die Augen uͤbergehen/ ein laͤhrer Topff aber/ der
ſtehet oben auff der Stoͤll: alſo wird nit ſelten ein laͤhrer
Topff in die Hoͤhe zur Officia erhoben/ vnd ein Kopff-vol-
ler Wiſſenſchafft muß herunden bleiben. Ein manches-
mahl/ ob zwar nit ohne mercklichen Schaden/ folgt man
dem Brunnen nach/ allwo der laͤhre Amper heroben iſt/
der angefuͤlte entgegen vndertruckt; Thorrecht haben
die Philiſtæer gebandlet/ wie ſie den Abgott Dagon ver-
ehret/ der einen Fiſch-Kopff hatte/ noch uͤbler iſt es/ wann
man der Zeit manchen muß verehren/ der ein Stockfiſch-
Kopff hat; Die Natur iſt ein witzige Mutter/ als wel-
che dem kleinen Fingerl an der Hand das Ambt auffge-
tragen/ daß er ſolle Ohren-Raumer ſeyn/ nit aber dem
Daum oder Zaig-Finger/ weil ſich demnach der kleine
beſſer hierzu ſchicket/ als die andere: deßgleichen ſoll man
fein zu Aembter vnd Officia erheben die jenige/ welche ge-
ſchickt ſeynd/ vnd nit ohngeſchickt. Die Baͤumer/ ob
ſchon
[91]Namens Urſprung/ Jugend vnd Vntugend.
ſchon etliche grobe vnd ohngeſchlachte Kerl vnder ihnen/
ſeynd dannoch ſo beſcheid geweſt/ ſagt die H. Schrifft/
daß ſie einhellig die Dorn-Stauden zum Koͤnig erwoͤhlt
haben/ vnd glaub ich darumb/ weil ſolche ſpitzfindig/ vns
zu einer Lehr/ daß die Spitzftindige vnd Witzige vor allen
Plumpen ſollen den Vorzug haben. Wann zu Ingol-
ſtatt in Bayren/ die Studenten auß anarthigen Muth-
willen einige Ungelegenheit verurſachen/ vnd etwann
auff der Gaſſen die Stain alſo wetzen/ daß ihnen das
Feuer zum Augen außgehet/ werden ſie auff der Univer-
ſitet in die Keichen geſetzt/ beklagen ſich aber dazumahlen
nichts mehrers als wegen eines Nacht-Geſpenſts/ ſo ſie
insgemain den Pentzen nennen/ welches gantz ohne Kopff
iſt/ alſo ſoll warhafftig manches Orth/ Statt/ Gemain
nichts mehrers ſchroͤcken/ als wann ſie ein Obrigkeit ohne
Kopff haben/ verſtehe ohne Verſtand; dann wir Teut-
ſche gemainiglich die jenige/ die ſich von Stroh-Hofen
ſchreiben/ ohne Kopff benambſen; die jetzige Welt folgt
layder! gar offt den Baumaiſtern nach/ welche die Knoͤpff
zu hoͤchſt deß Tachs ſetzen/ lamentieren doch/ andere zu
geſchweigen/ auch die Bauren/ wann ihre vorgeſetzte
Pfleger grobe Knoͤpff ſeynd. Groſſe Herren/ gemaine Re-
public, geſambte Staͤtt/ ſolten es dem H. Geiſt diſer drit-
ten Goͤttlichen Perſohn nachthun/ als welche in Feuers-
Geſtalt ſich auff die Koͤpff der Apoſtlen/ vnd nit anderſt-
wohin geſetzt/ es iſt ſo wol ſchaͤndlich als ſchaͤdlich/ wann
man nit den Kopff/ ſondern die Haͤnd oder das anver-
wandte Gebluͤt beobachtet/ mit allem Fleiß hat Chriſtus
der HErꝛ ſeinen Vettern Joannem nit zum Pabſtthumb
erwoͤhlt/ ſondern Petrum, damit wir in Außthailung der
Aembter nit ſollen beobachten die Verwandſchafft/ ſon-
dern die Wiſſenſchafft; Ohnweißlich hat gehandlet Hen-
ricus der Achte in Engelland/ der ſeinen Koch zu einem
M 2ſtatt-
[92]Judæ Iſcariothis Zucht-Hauß/
ſtattlichen Ambt erhoben/ vmb weilen er ihme ein wolge-
ſchmackte Speiß zugericht. Wann die Voͤgel konten re-
den/ ſo man ſie ſolte fragen/ wer ſie alſo in die Hoͤhe brin-
get/ wurden ſie ohngezweifflet antworten/ nichts anderſt
als die Federn/ durch ſolche/ vnd mit ſolchen kommen ſie
alſo empor/ dahero thun gar weißlich die jenige groſſe
Monarchen vnd Fuͤrſten/ welche dieſelbige zur Hochheit
vnd Wuͤrden promoviren/ ſo ein gute Feder haben/ daß
iſt Verſtand vnd Wiſſenſchafft/ auff gleiche Weiß ſeynd
gar vil zu hoͤchſten Ehren gelanget/ vnd hat Agathoclem
Koͤnig in Sicilien nit gemacht ſein Stammen-Hauß/ als
Beierling
litt. M.der eines Hafners Sohn war/ dem Leſco Koͤnig in Poh-
len hat nit die Cron auffgeſetzt ſein vralter Adl/ als der
eines Bauren Sohn war; vnd hat Primislaum nit Koͤ-
nig in Boͤhmen gemacht ſein altes Herkommen/ als der
erſt vom Pflug war; vnd hat Tamerlanem den Kayſer
nit zu diſer hoͤchſten Wuͤrde geholffen ſein adeliches Hauß/
als der nur eines Holtz-Hackers Sohn war; vnd hat
Willigiſum nit zum Ertz-Biſchoffen geweicht ſein vral-
tes Geſchlecht/ als der nur eines Wagners Sohn war/
ſondern alle diſe haben die Verdienſten vnd Wiſſenſchaff-
ten erhebet/ wie es dann noch auff den heutigen Tag ge-
ſchicht/ daß ſolcher geſtalten offt auß gemainen Leuthen
vornehme werden; aber dazumahlen erhebt ſich der Neyd;
was Neyder hat nit David gehabt/ wie er alſo uͤberſich
kommen: was Neyder hat nit der redliche Mardochæus
gehabt/ wie er bey dem Hof Aſſueri alſo fortkommen/
was Neyder haben nicht die drey Knaben gehabt bey den
Babyloniſchen Edel-Leuthen/ wie ſie alſo hoch kommen:
was Neyder hat nit Stephanus gehabt/ wie er alſo bey den
Leuthen in ſo gutes Concept kommen: was Neyder hat
nit IEſus vnſer Heyland gehabt/ wie er alſo bey dem
Volck ſo vil golten/ O Neyd! was Neyder hat nit taͤg-
lich
[93]Namens Urſprung/ Jugend vnd Untugend.
lich jener/ der durch ſeine Meriten hoch ſteiget/ ja die Ney-
der laſſen offt nit nach/ bewoͤgen alle Stain/ ſchuͤttlen alle
Baumer/ brechen alle Mauer/ ſpitzen alle Degen/ ſo lang
vnd vil/ biß ſie einen ſolchen auß dem Sattl heben/ die Fe-
dern rupffen/ den Stuel zucken/ daß er uͤbern Hauffen
fallt/ nachmahls ſchutzen ſie vor/ aber vnder deß Teuffels
ſeinen Mantl/ vnder deß Sathans ſeiner Spanniſchen
Wand/ vnder deß Lucifers ſeinen Vorhang/ wie daß ſol-
cher deſthalben gefallen/ vom Ambt vnd Ehr kommen/
weil er ſich uͤbernommen/ ſich nit mehr gekennt/ vnd an-
dere nur uͤber die Achſeln geſchaut/ O verdambter Neyd!
So iſt dann dir deß Nechſten Roſen ein ſtechender Dorn?
ja/ ſo iſt dann dir deß Nechſten Hoͤnig ein Gall? ja. So
iſt dann dir deß Nechſten Alchermes ein Gifft? ja. So
iſt dann dir deß Nechſten Scepter ein Ochſen-Zehn? ja.
So iſt dann dir deß Nechſten Freud ein Krieg? ja. O du
Teuffels-Martyrer.

Ein anderer gelangt durch ſeine hoͤchſt-ruͤhmliche
Tapfferkeit zu einer vornehmern Charge im Feld/ vnd
ſeynd wenig Jahr/ da ihn der Gefreuter mit Bernheut-
tern geſpeiſt/ jetzt haiſt es/ Burſch ins Gewoͤhr/ der Ob-
riſt kombt/ aber diſen hat ſein Gluͤck geſchmidet/ die oͤffte-
re erzaigte Generoſitet im Feld/ alſo iſt es vor diſem ge-
weſt/ alſo ſoll es ſeyn/ daß man die jenige promoviret/
welche da ſeynd wie der Granat-Apffel/ diſe Frucht hat
ein rechte Cron auff/ auß Urſachen/ weil die Natur geſe-
hen/ daß der Granat-Apffel einwendig lauter rothe Hertzl
habe/ alſo gedachte ſie/ ſeye es billich/ wo ſo vil Hertz/ ſoll
auch Cron vnd Lohn ſeyn/ dann ein wolbehertzter Soldat
verdienet/ daß man ihn ehret vnd forthelffet: Soldaten/
welche da ſeynd wie der Sallat/ wo mehr Oel als ſcharpf-
fer Eſſig/ die verdienen nichts.

Soldaten/ die ins Quartier eylen/ wie die Schwal-
men ins warme Sommerland/ verdienen nichts.

Soldaten/ die vor dem Feind zitteren/ wie ein eſpe-
nes Laub/ verdienen nichts.

Soldaten/ die ein Grauſen haben vor dem Streitt/
als haͤtten ſie einmahl ein Haar darinn gefunden/ verdie-
nen nichts.

Soldaten/ die da wuͤnſchen ihre Roß haͤtten 6. Fuͤß/
damit ſie deſto hurtiger moͤchten durchgehen/ verdienen
nichts.

Soldaten/ die weniger Wundmaͤhl-Zaichen/ als
der Raab weiſſe Federn/ verdienen nichts.

Soldaten/ die lieber tummeln als Trummeln hoͤ-
ren/ verdienen nichts.

Soldaten/ die lieber den guldenen Adler am Wuͤrths-
Hauß/ als den ſchwartzen Adler am Kriegs-Fahn ſehen/
verdienen nichts.

Soldaten/ die mehr nach Lachſi, als Goruaſchi
trachten/ verdienen nichts.

Soldaten/ die nur den Bauren zwagen/ vnd mit
gluͤender Schauffel alſo mit ihm Stock ſchlagen/ daß den
armen Tropffen von Michaëli biß auff Georgi nit mehr
Niderſitzen geluͤſtet/ verdienen nichts. Aber Soldaten/
die ſich tapffer vnd ritterlich halten/ verdienen alles/ dann
ein Feder-Buſch auff dem Hut macht kein Soldaten/
ſonſt waͤr auch der Widhopff ein Kriegs-Officier; ein
Scharpen vmb die Lenden macht kein Soldaten/ ſonſt
waͤren auch die Engel am Fronleichnambs-Tag Solda-
ten. Die Beckel-Hauben auff dem Kopff macht kein
Soldaten/ ſonſt waͤren auch die Koth-Lerchen Soldaten.
Ein Spieß uͤber die Achſeln macht kein Soldaten/ ſonſt
waͤren auch die Landbotten Soldaten/ ſondern ein anſeh-
liche
[95]Namens Urſprung/ Jugend vnd Untugend.
liche Tapfferkeit/ ohnerſchrockene Generoſitet, vnd ohn-
uͤberwindlicher Helden-Muth macht einen Soldaten:

Jener auß Ober-Sachſen/ mit Nahmen BenedictZeiler. I.
4. fol. 39[.]
von Fontana hat ſich Anno 1499. in dem Schweitzer-
Krieg/ vnd einer Schlacht der Graubinder mit den Ty-
rollern/ nahet der Molſer-Hayd tapffer gehalten/ indem
er deß Feinds Schantz mannlich erſtigen/ vnd da er ein-
wendig verletzt worden/ mit einer Hand das verwundte
Inngewayd gehalten/ vnd mit der anderen ſich gewoͤhret/
ein ſolcher verdient ewiges Lob vnd Lohn/ wann aber der-
gleichen einer erhebt wird/ was Neyder zuͤglet er ihm au-
genblicklich/ der Neyd wirfft ihm alle Tag ein Bruͤgl vn-
der die Fuͤß/ der Neyd ſperꝛt ihm alle Tag faſt den Paß zu
der Victori, der Neyd verſtopfft ihm faſt alle Tag die
Trompeten im Feld; der Neyd vertheuert ihm faſt alle
Stund das Schieß-Pulver/ vnd darff nit ſchieſſen/ auß
Forcht/ er wecke auff das Kind auß dem Schlaff. Der
Neyd fallt ihm vnd ſeinem Pferdt alle Augenblick in
Zaum/ vnd diß iſt faſt das jenige/ was vns ſo vil Sieg
vnd Victori auß den Haͤnden rafflet/ wir nennen es hoͤff-
lich die Kriegs-Competenzen/ aber ſolche Competenz-
Waffen hat der Teuffel in der Werckſtatt deß Neyds
geſchmidet/ O Neyd! Auff ſolche Weiß iſt dir deß Nech-
ſten Erhoͤchung deine Erniderung/ nicht anderſt; auff
ſolchen Schlag iſt dir deß Nechſten Purpur ein ſtechendes
Cilicium, nicht anderſt; auff ſolche Manier iſt dir deß
Nechſten Gelt-Taſchen ein Maul-Taſchen/ nit anderſt;
auff diſe Modi iſt dir deß Nechſten wunderliches Lob ein
Wunden/ nit anderſt; dergeſtalt iſt deß Nechſten Gnad/
dir Ihr Geſtreng/ nit anderſt/ O Neyd!

Es kombt gar offt ein Armer zu groſſer Reichthum/
vnd hat fuͤrwahr der Saul/ damahlen wenig Sammet1. Reg. 9[.]
angetragen/ wie er die Eſel ſeines Vatters Gis geſucht/
iſt
[96]Judæ Iſcariothis Zucht-Hauß/
iſt gleichwol hernach ein reicher Koͤnig worden; eines ar-
men Holtzhackers leinene Struͤmpff/ vnd andere zerriſſene
Bettlers-Lumpen verzweifflen nit an ihrem Gluͤck; auch
iſt nichts neues/ daß offt abgeſchabene Ziggeuner-Win-
del durch den Stampff verkehret worden in das ſchoͤnſte
Pappier/ worauff man mit Gold vnd Silber ſchreibet.
Pagata de
admir. n.
92.Der jenige Kuͤhe-Stall/ in welchem die Heil. Jungfrau
Euphemia gedient hat/ iſt nunmehr in einen ſchoͤnen koſt-
baren Gold- vnd Silberreichen Tempel verwandlet/ alſo
geſchicht wol oͤffter/ daß gemaine Stall Knecht vnd Stall-
Diern zu groſſen Ehren vnd Habſchafften kommen; jene
drey Krotten/ wol ein garſtiges Thier/ in dem vralten
Frantzoͤſiſchen Wappen/ ſeynd durch Anlaitung deß Him-
mels nun anjetzo in ſchoͤne Lilien verkehret; dergleichen
hat die Welt oͤffter geſehen/ daß auß denſelbigen/ ſo arm
vnd verworffen waren/ vornehme vnd reiche Leuth wor-
den; Es ſeynd gewiſſe Wuͤrm/ welche ſich den gantzen
Winter durch in ein freywilliges Grab einſperren/ vnd
gar todt ligen/ bey angehendem warmen Sommer aber
werden die ſchoͤnſten Weinfalter darauß/ welche mit vil-
farbigen Fluͤgel als reiche Sonnen-Voͤgerl prangen/ biſt
du nun Menſch ein armer Erd-Wurm/ vnd tritt dich
faſt jedermann mit Fuͤſſen/ auch dein gantze Habſchafft
kanſt in einem Bettl-Sack ſalviren/ ſo hoffe dannoch/
dann wol oͤffter das Gluͤck in der armen Leuth Haͤuſer hat
eingekehrt/ es koͤnnen dir noch wol die Fluͤgel wachſen/
wormit du dich weit uͤber deines Nechſten Vermoͤgen er-
hebeſt; geſchicht es dann/ daß ein ſolcher entweder durch
aignen Schwaiß vnd Arbeit/ oder durch beyfallenden
Gluͤck/ oder durch vnverhoffte Erbſchafft zu Mittel ge-
langt/ wie man dann dergleichen vil zehlet/ was Neyder
verfolgen ihm nit alſobald? man vergunnt ihn das Biſ-
ſel nit/ ſo er mit gutem Gewiſſen erworben/ da haiſt es/
er
[97]Namens Urſprung/ Jugend vnd Untugend.
er hat gut reich zu ſeyn/ er hat dem Kayſerlichen Beutel
zimblich die Regiſter gezogen/ er hat die Puppillen-Gel-
ter nit ein wenig geſchrepfft/ er hat der Stieff-Kinder
das ihrige huͤpſch ſauber durch die Haͤchel gezogen/ der
karge Narꝛ weiſt/ wie vil man Knoͤdl auß einem Maͤßl
Meel ſchnitzlet/ zuͤglet er doch auß ſeinen Dienſtbotten
lauter Cartheuſer/ vnd haben ſie nur einen Faſt-Tag/ der
wehret das gantze Jahr/ ꝛc. O Neyd! hat er dir dann was
layds gethan/ daß du ihm alſo die Zaͤhn zaigeſt? er ſchlagt
dich nit/ wie der Cain ſeinen Bruder/ er ſticht dich nit/ wie
der Joab den Abſalon, er beiſt dich nit/ wie die Beeren die
Eliſæiſche Knaben/ er ſtoſt dich nit/ wie der Engel den
Petrum in der Keichen/ er wirfft dich nit/ wie der David
den Goliath/ er brennt dich nit/ wie die Samſoniſche
Fuͤchs die Felder der Philiſtæer/ er haut dich nit/ wie Pe-
trus den Malchum, er nimbt dich nit beym Haar/ wie der
Engel den Habacuc, er thut dir kein einiges Layd an/ ja/
ja/ ja/ ſagt der Neydige/ ich leyde ohnbeſchreibliche Peyn/
wann ich ſihe/ daß dem Nechſten wol gehet/ das iſt mir
uͤber rauffen/ ſtoſſen/ hauen/ brennen/ werffen/ ſchlagen/
beiſſen/ ſtechen vnd wuͤrgen; O du Teuffels-Martyrer!

Die Welt hat zum oͤfftern weitberuͤhmte Kuͤnſtler
gehabt/ dero Kunſtreiche Haͤnd ein manchesmahl die Na-
tur ſchamroth gemacht haben/ vnd iſt hoͤchſte Verwunde-
rung geweſt/ daß ſich der Menſchen Witz ſo weit erſtre-
cke; Jene Werckmaiſter haben ſchier ſtainene Mirackel
gemacht/ welche die ſtattliche Thuͤren zu Cremona, Bo-
nonien, Venedig/ Straßburg vnd Wienn haben auff-
gefuͤhrt; In Æthiopia iſt ein uͤberauß ſchoͤne Kirch/Alvarez
c. 44.
welche mit allen Saͤulen vnd Altaͤren auß einem einigen
Stain außgeholt vnd gebaut. Der vornehmſte KoͤnigDe rebus
Sin. l, 3.
in Sina hat 79. Pallaſt/ dero einer auß Gold/ der ander
auß Silber/ der dritte auß Marmol/ Helffenbein/ ꝛc. ja
Ngantze
[98]Judæ Iſcariothis Zucht-Hauß/
gantze Zimmer auß Edlgeſtain ſeynd. Die jenige Mai-
ſter haben ein ewigen Nahmen erworben/ welche die
Brucken zu Prag in Boͤhmen/ die Brucken zu Dreßden
in Sachſen/ die Brucken zu Londen in Engelland/ vnd die
Gell. l. 10.
art. 12.Brucken zu Regenſpurg verfertiget; Ein Kunſt-Stuck
iſt geweſt jene hiltzene Tauben/ welche trutz einer lebendi-
gen im Lufft geflogen/ durch innerliches Uhrwerck/ vnd
Brun.von Archita gemacht worden. Ein Kunſt-Stuck iſt je-
ne Uhr zu Prag am Rathhauß/ ſo faſt ein eyſener Jahrs-
Calender zu nennen/ weil nemblich der gantze Himmels-
Lauff darinn begriffen/ vnd alle Monath/ Wochen/
Stund vnd Augenblick der Planeten Lauff angedeutet
Plin. lib.
7. c. 21.wird. Ein Kunſt-Stuck hat Myrmecides gezaigt/ wie er
auß Helffenbain ein Wagen ſambt Pferdt vnd Gutſcher
alſo klein vnd kuͤnſtlich geſchnitten/ daß man alles vnder
dem Fluͤgel einer kleinen Fliegen hat koͤnnen verhuͤllen.
Ein Kunſt-Stuck iſt jene Kirch in Engelland zu Salisbur,
welche ſo vil Fenſter als Taͤg im Jahr/ ſo vil Saͤulen als
Stund im Jahr/ ſo vil Porten als Monath im Jahr/
Froͤlich
Itin.hat; Ein Kunſt-Stuck iſt die Kirch zu Ulm/ an wel-
cher hundert vnd eilff Jahr gearbeitet worden; Ein Wun-
derwerck der Welt iſt der Tempel Dianæ, deſſen Gebaͤu
zwayhundert vnd zwaintzig Jahr gewehret. Ein Kunſt-
Schott.Stuck war jene Statua oder Bildnuß zu Panormi in Si-
cilia, welche durch innerliches Uhrwerck die Lauten ge-
ſchlagen/ vnd hin vnd her auff Menſchen-Arth ſpatzieren
gangen. Ein Kunſt-Stuck war jenes Gſchloͤſſel/ wel-
ches ein Teutſcher Schloſſer dem Pabſt Paulo dem IV.
uͤberraicht/ vnd darfuͤr auff die ſechshundert Gulden be-
kommen. Ein Kunſt-Stuck iſt jene groſſe Glocken zu
Erdfuhrt/ welche Gerard Woie gegoſſen/ an dero vier
vnd zwaintzig ſtarcke Maͤnner zu leutten haben/ vnd wird
ihr Klang bey haitterem Himmel auch auff vier teutſche
Meil
[99]Namens Urſprung/ Jugend vnd Untugend.
Meil gehoͤret. Lauter Kunſt-Stuck ſeynd/ was da ſchier
uͤber Menſchen-Verſtand gemahlet haben Titianus, Baſ-
ſiſanus, Mutianus, Bonarota, Urbinus, Berninus, Sal-
viatus, Sandratus, Blumbinus, Dominichinus, Dona-
tellus, Bandinellus, Zucca vnd Zuccarus, \&c. lauter
Kunft-Stuck ſeynd/ was da auß Holtz vnd Stain gehaut
haben Sanſouinus, Franzioſinus, Vaſoldus, Marianus,
Mochus, Poggus, Lorenzetus, \&c. vnd dannoch diſe
alle obbenannte Maiſter vnd Kuͤnſtler ſeynd dem biſſigen
Neyd nit entgangen/ ja vil deren wegen der Neyder kein
ſicheren Fuß auß dem Hauß geſetzt/ etliche von denen
Neydern grauſamb ermordt worden/ etliche durch die
Neyder mit tauſenderley Schmachreden an der Ehr ver-
letzt worden; ja es haben ſich einige gefunden/ die auß
Neyd gegen diſen Kuͤnſtlern ſich ſelbſt ermordt/ damit ſie
nit laͤnger dero Lob moͤchten anhoͤren/ vnd dero Kunſt
anſchauen/ O verdambter Neydhard! du wirſt aͤrger ge-
brennt als Laurentius, wann man dein Nechſten lobet/
du wirſt mehrer geſtainiget als Stephanus, wann man
dein Nechſten ehret; du wirſt grauſamer gequellet als
Sebaſtianus, wann man deinen Nechſten hervor ſtrei-
chet; du leydeſt ein groͤſſeres Creutz als Andreas, wann
man deinen Nechſten preyſet; O Teuffels-Martyrer!

Es ſeynd nit alle Laͤmbel deß Jacobs weiß geweſt/
ſondern ſehr vil auch geſpraͤngt vnd geſchecket/ es ſeynd
nit in allen drey Koͤrben Mund-Semmel geweſt/ von
denen deß Pharaonis Pfiſterer getraumet/ ſondern in ei-
nem iſt auch ſchwartz Geſindl-Brodt geweſt: Es ſeynd
nit lauter Tauben vnd Paradeyß-Voͤgel in der Archen
Noë geweſt/ ſondern auch Gimpel vnd Nacht-Eulen.
In dem Netz Petri ſeynd nit lauter Fohrellen vnd Saͤlb-
ling geweſt/ ſondern auch grobe Stockfiſch; Abraham
hat ſein Verlaſſenſchafft nit gleich außgethailet/ ſondern
N 2einem
[100]Judæ Iſcariothis Zucht-Hauß/
einem mehr geben/ dem andern weniger/ alſo hat die Na-
tur kein Gleichheit in Außthailung der Geſichter/ ſon-
dern einem ein ſchoͤnere Geſtalt ſpendiret/ als dem ande-
ren/ vnd alſo ſeynd nit alle Weibs-Bilder ſchoͤn vnd wol-
geſtalt/ ſondern es gibt auch ſchaͤndliche vnd ohngeformb-
te Geſichter/ dahero wie der Koͤnig Aſſuerus ſeine Vaſthi
abgedancket/ vnd ein andere Frau-Gemahlin zu erkiſen
beſchloſſen/ hat er in alle Landſchafften außgeſchickt jun-
ge Maͤdl zu ſuchen/ aber ſchoͤne/ keine Großmaul-Aſiati-
ſche/ keine Langnaß-Arcadiſche/ keine Gelbfarb-Hele-
ſpontiſche/ keine Grauaug-Cappadociſche/ keine Buckl-
hafft-Atlantiſche/ keine Grobhaut-Mauritaniſche/ keine
Ohngeſchickt-Trapezuntiſche/ keine/ ſondern lauter ſchoͤ-
ne/ ja die allerſchoͤnſte ſoll man außerleſen/ auß denen er
nachmahls ein beliebige Koͤnigin erwoͤhlen koͤnne: Nach-
deme Ihro Majeſtaͤt dem Koͤnig Aſluero die wolgeſtalti-
ſte Toͤchter ſeynd vorgefuͤhrt worden/ hat vor allen ſeinen
Augen wolgefallen ein uͤberauß ſchoͤnes Maͤdl mit Nah-
Eſther. 15.men Eſther, welche er dann ohnverzuͤglich zu einer Koͤ-
niglichen Frauen-Gemahlin außerwoͤhlt/ aber da haͤtte
jemand ſollen die Gemuͤther der anderen einſehen/ was
Neydvolle Gedancken ſie gegen diſem Juden-Toͤchterl ge-
ſchoͤpfft/ ach/ dachte eine/ das Schelmen-Vieh hat ja das
Gluͤck/ daß ihr der Hencker das Geſicht pegle; die Beſtia,
ſagt etwann ein andere bey ihr ſelbſt/ ich wolt/ ſie haͤtt
an ſtatt ihrer ſchwartzen Augen ein paar glaͤferne Wam-
mes-Knoͤpff von einem Fleckſteder; die dritte gedacht/
waͤr ich ein Spinnerin/ ich wolt ihr bey der Nacht das
Geſicht zurichten/ daß ſie morgens fruhe ſolte ein Zi-
tracht haben/ wie ein Schwediſcher Mantl-Kragen; die
Hoͤppin! wuͤnſchte ein andere/ waͤr ich nur ein gifftiges
Wiſſerl/ ich wolt ſie im Hof-Garten einmahl anblaſen/
daß ſie ſolt Rauden vnd Kraͤtzen bekommen/ daß man alle
Tag
[101]Namens Urſprung/ Jugend vnd Untugend.
Tag ein Land-Metzen kundt von ihr ſchaben: als wann
ich/ ſagt ein andere/ nit auch ſchoͤn waͤre/ was wolten end-
lich ſein ihre Roͤßl im Geſicht/ das hat nun ein jede K[r]eb-
ſen-Richterin/ das weiſſe Fehl/ welches ſie hat/ hat ein an-
dere auch/ vnd wer waiß/ obs nit noch einmahl die Blat-
tern hat/ vnd alsdann ein Geſicht bekombt/ wie ein ge-
rupfftes Sauleder uͤber ein Bauren-Kummet; diſe der-
gleichen Competenz-Fraͤule ſeynd vor Neyd gegen der
Eſther ſchier geſtorben; Dergleichen Begebenheiten
ſeynd faſt noch taͤglich in dieſer verkehrten Welt/ vnd iſt
eine der anderen vmb ihr ſchoͤne Geſtalt/ ſo ſie von Got-
tes Haͤnden bekommen/ neydig/ ja manche will GOtt in
ſeinen Geſchoͤpffen einreden/ vnd gleichſamb beſſer machen
als er/ auch die Natur ſchimpfflich corrigieren/ damit ſie
nur auch der anderen nichts nachgebe an der Geſtalt; ſie
ſteht vorn Spiegel ſo lang/ daß ihr moͤchten Blattern an
Fuͤſſen aufffahren/ ſie krauſt vnd zauſt ihre Haar vnd
ziechts ſtreng/ als waͤren ſie in einem ſtaͤtten Novitiat, da
muß ein Haarlocken krump ſeyn/ der ander noch kruͤmper/
der dritte zum krumpeſten/ da muß vil Haar ſeyn/ dort we-
nig Haar/ da muß gar ſchitter ſeyn/ wie das Trayd der
armen Leuthen/ da muß in die Hoͤhe ſtehen wie ein Rai-
ger-Buſch/ da muß hinauß ſtehen wie ein Bachſteltzen-
Schwaiff/ da muß herunder hencken wie ein Bier-Zai-
ger/ da muß die Schaidl ſein wie ein Lateiniſch Ypſilon,
da muß rauch ſeyn/ dort glat/ da gemiſcht/ da pleſant,
dort negligant, da galant: Die Lenden muͤſſen geſchnie-
ret ſeyn/ eng ſeyn/ gebunden ſeyn/ zwickt ſeyn/ zwungen
ſeyn/ vnd bald mehrer leyden/ als die Iſraeliter in Egyp-
ten/ vnd muß der Leib ſo rahn ſeyn/ wie ein zugeſpitzter
Zucker-Hut/ da muß ſich das Geſicht waſchen laſſen/ rei-
ben laſſen/ pollieren laſſen/ faͤrben laſſen/ ziehren laſſen/
zaͤhren laſſen/ ziehen laſſen/ daß es ſich ſchier mit deß Ba-
N 3laams
[102]Judæ Iſcariothis Zucht-Hauß/
laams Eßlin moͤcht beklagen/ damit aber das Fehl rain
bleibe/ nimbt ſie bey der Nacht ein Larven uͤber das Ge-
ſicht/ das ihr ſchier der Athem verkuͤrtzt wird/ da friſt ſie
Kreiden/ Wachs/ Terbenthin/ Saltzſtain/ Froͤſchbainer/
Schnecken-Pulver/ damit nur die Haut nit Braunaue-
riſch wird/ damit die Wangen zu Weiſſenburg bleiben/
damit die Lefftzen zu Rottenburg loſſieren/ da legt ſie ſo
enge Schueh an/ daß ſie faſt keine groͤſſere Fußſtapffen im
Sand laſt/ als die Rohr-Aendl/ es geſchicht aber alles dar-
umb/ weil ſie der Nechſtin neydig iſt vmb ihre Geſtalt/
vnd nit gern hoͤren wolt/ daß ein andere ſchoͤner ſoll ſeyn
als ſie. O ſauberes Muſter! Pachomius hat vil gelit-
ten in der Wuͤſten; Paphnutius hat vil gelitten in der
Einoͤde. Onuphrius hat vil gelitten in der Wildnuß/
aber du leydeſt mehr/ dannoch iſt die Belohnung vngleich/
dann jenen hat GOtt vmb ihr Leyden die Seeligkeit er-
thailt/ dir vmb dein Leyden wird der Teuffel auff ewig
die Hoͤll ſpendiren.

Theagenes war ein ſolcher praver vnd ritterlicher
Held/ daß ſeine Victori vnd Sieg an allen Orthen er-
ſchallen/ vnd weil man dazumahlen die Verdienſten meh-
rer auff die Waag-Schallen gelegt hat/ als der Zeit/ vnd
vor diſem einen die Fauſt fauſtum, das iſt/ gluͤckſeelig
gemacht/ alſo iſt gleichmaͤſſig nit allein zu Lebzeiten ſeine
ohnuͤberwindliche Tapfferkeit vergolten worden/ ſondern
auch/ man wolte nach dem Todt ſein Lob verewigen/ zu
ſolchem Ende/ iſt ihme ein ſtattliche Saul mit ſeiner
Bildnuß auffgericht worden/ welches aber einem Miß-
goͤnner vnd Neyder dergeſtalten in die Naſen gerochen/
daß er alle Nacht dieſelbige Saulen ein halbe Stund nach
Genuͤgen abgebruͤglet/ weil aber ſolches neydige Bueben-
ſtuck gar zu lang gewehrt/ vnd einem jeden ſein Arbeit
ſolle belohnet werden/ alſo iſt diſem Neydhard begegnet/
da
[103]Namens Vrſprung/ Jugend vnd Vntugend.
da er eineſt mitten im Bruͤgl vnd Gaißlen begriffen/ daß
die Statua oder Bildnuß herunder gefallen/ vnd dero ſtai-
nene Kopff dem anderen ſein Eſel-Kopff gaͤntzlich zer-
ſchmettert; O wie recht! dann der Neydige ſchadet nie-
mand mehrer als ihme ſelbſt/ er iſt ſein aigener Hencker
vnd Tyrann/ er ſchleifft ihm ſelbſten den Degen/ mit deme
ſein Hertz immer vnd immer verwundt wird/ er iſt dem
Tiger ſo gleich/ als die Woͤlffin dem Wolff/ dann das
Tiger durch die liebliche Muſte alſo ergrimmet/ daß es
ſein aigenes Fleiſch mit Zaͤhnen zerbeiſt/ alſo der Neyder
nit weniger ihme ſelbſt das Hertz zerreiſt/ wann er ſiher
deß Nechſten ſein Wolſtand.

Was der verlohrne Sohn vor ein Landsmann ge-
weſt/ iſt eigentlich nit bekannt/ ich glaube aber ein Irꝛlaͤn-
der; wie er gehaiſſen hat/ iſt nit bewuſt/ ich glaube aber
Malefacius, von was vor einem Orth er ſich geſchriben
hab/ allweil er ein Edelmann/ hat man noch nit erfah-
ren/ ich glaub aber wol von Maͤdlſperg vnd Frauhofen/ ꝛc.
was er im Wappen gefuͤhrt/ hat es niemand beſchriben/
ich glaube aber wol ein Sau-Magen in gruͤnem Feld:
Diſer Geſell raiſte mit wolgeſpicktem Beutel in die Laͤn-
der vnd Provintzen/ aber auß denſelben iſt er nit froͤm-
mer/ ſondern ſchlimmer kommen/ vnd werden noch gar
offt manchem adelichen Juͤngling die Laͤnder in Elender
verwandlet/ auch raiſet nicht ſelten ein guter Germanus
auß/ vnd kombt ein ſchlechter Hermanus nach Hauß;
Was Ehr vnd Ruhm iſt es dann dem anſehlichen FlußEin groſſer
Fluß Sa-
vus die
Sau ge-
nannt.
Donau/ daß er in die Laͤnder raiſt/ durch Schwaben/
Bayren/ Oeſterreich/ Ungaru/ endlich aber in die Sau
flieſt; Der fromme Jacob hat auff ſeiner Raiß ein Lait-
ter gen Himmel geſehen/ aber layder vil auß vnſerem Adl
finden auff ihrer Raiß ein Laitter in die Hoͤll; Wann
der Zeit niemand geraiſt iſt/ ſo halt man ihn fuͤr einen
Stu-
[104]Judæ Iſcariothis Zucht-Hauß/
Stuben-Hocker/ der ſein Lager hinder dem Ofen auffge-
ſchlagen/ aber ſagt mir liebe halb Teutſche/ dann gantze
ſeyet ihr ſchon lang nit mehr geweſt/ iſt es nit wahr?
Ihr ſchicket euere Soͤhn auß/ damit ſie in frembden Laͤn-
dern mit groſſem Unkoſten frembde Laſter lehrnen/ da ſie
doch mit wenigerem Unkoſten zu Hauß die Tugenden er-
werbten/ ſpitzfindiger kommen ſie nit zuruck/ außgenom-
men/ daß ſie neue Modi von Spitzen mit ſich bringen/
galanter kommen ſie nit zuruck/ muſt nur ſeyn/ daß Ga-
lant vom Galaniſieren herruͤhret/ herꝛlicher in Klaydern
kehren ſie zwar offt nach Hauß/ es waͤre aber beſſer ehrli-
cher als herꝛlicher/ neue Modi-Huͤt/ Modi-Barocken/
Modi-Kraͤgen/ Modi-Roͤck/ Modi-Hoſen/ Modi-
Struͤmpff/ Modi-Schueh/ Modi-Baͤnder/ Modi-Knoͤpff/
auch Modi-Gewiſſen ſchleichen durch euere Raiß in vn-
ſer liebes Teutſchland/ vnd veraͤnderen ſich euere Narren-
Kuͤttel taͤglich mit dem Mondſchein/ es werden bald muͤſ-
ſen die Schneider ein hohe Schul auffrichten/ worauff ſie
Doctormaͤſſig gradieren/ vnd nachmahls den Titl Ihr Ge-
ſtreng Herꝛ Modi-Doctor erhalten/ wann ich alle Modi-
Roͤck von vier vnd zwaintzig Jahren beyeinander haͤtt/ ich
wolt darmi[t] faſt einen Fuͤrhang vor die Sonnen machen/
daß man beym Tag muſte mit der Latern gehen/ oder weni-
giſt getraute ich mir gantz Tuͤrckey darmit zu verhuͤllen/
daß ihnen die Conſtantinopolitaner moͤchten einbilden/
ihr Machomet wolt mit ihnen blind Katzen ſpielen/ ꝛc. Ein
alte Hex hat auff Begehren deß Koͤnigs Sauls den Pro-
pheten Samuel vom Todten erweckt/ damit er durch ihn
den Außgang ſeiner Waffen wiſſen moͤcht; Es wird
bald dahin kommen/ daß man auch denſelben Schneider
vnd Maiſter wird wuͤnſchen vom Todten zu erwecken/
welcher der ſchoͤnen Eſther das Klayd gemacht/ als ſie
den Augen deß Aſſueri ſo wolgefaͤllig war; Vor Jahren
iſt
[105]Namens Urſprung/ Jugend vnd Untugend.
iſt in einer vornehmen Statt ein Klayder-Policey auff-
kommen/ vnd durch ſcharpffes Decret einem jeden uͤber
ſtandmaͤſſig zu halten verbotten worden/ es hat aber ſol-
ches ein geringe Zeit getauret/ weſtwegen der abgeſtorbe-
nen Policey einer diſe Grabſchrifft auffgericht.

Nimbt alſo gar zu ſtarck uͤberhand der Klayder-
Pracht/ welche mehriſt andere Nationen vns mit hoͤchſtem
Schimpff ſpendiren/ bringt demnach das Außſchwaiffen
in frembde Provintzen vns Teutſchen offt mehrer Laſt als
Luſt ins Land/ ꝛc. Auff gleichen Schlag hat wenig guts
erlehrnt der verlohrne Sohn in frembden Laͤndern/ ſon-
dern ſein Studieren war Galaniſieren/ ſeine Buͤcher wa-
ren die Becher/ ſein Lateiniſch Reden war Proficiat, ſein
Waͤliſch Reden war Brindiſi, ſein Boͤhmiſch Reden war
Saſdravi, ſein Teutſch Reden war geſegne es GOtt/ ꝛc.
mit einem Wort/ er war ein ſauberer Bruder voller Lu-
der/ ein Vagant, ein Bachant, ein Amant, ein Turbant,
ein Diſtillant, \&c. Nachdem er nun dergeſtalten das ſeine
verſchwendt in frembden Provintzen/ vnd ſambt dem Ge-
wiſſen auch die Klayder zerriſſen/ welcher wol mit War-
heit hat koͤnnen ſagen dem Vatter/ was die Bruͤder Jo-
ſeph ohne Warheit dem Jacob vorgetragen/ als ſie ihm
den blutigen Rock gezaigt/ fera peſſima, \&c. Ein uͤbles
Thier hat den Joſeph alſo zugericht; ein uͤbles Thier hat
den verlohrnen Sohn alſo zugericht/ ein uͤbles Thier der
guldene Adler/ ein uͤbles Thier der guldene Greiff/ ein uͤb-
les Thier der guldene Hirſch/ ein uͤbles Thier der guldene
OBeer/
[106]Judæ Iſcariothis Zucht-Hauß/
Beer/ ꝛc. diſe Thier der Wuͤrthshaͤuſer haben das Buͤr-
ſchel alſo zugericht/ daß ihme die Hoſen alſo durchſichtig
worden wie ein Fiſcher-Netz/ daß ihm der Magen zuſam-
men geſchnurfft wie ein alter Stiffel-Balg/ vnd der Spie-
gel ſeines Elends auff dem ſchmutzigen Wammes-Ermel
zu ſehen war/ ꝛc. Nachdem endlich diſem Fruͤchtl das Sau-
Convict nit mehr geſchmeckt/ ſeynd ihm heylſamere Ge-
dancken eingefallen/ er ſolle ohnverzuͤglich zu ſeinem alten
Vatter kehren/ vnd bey deſſen Fuͤſſen ein gluͤckliches Ge-
hoͤr ſuchen/ welches ihme dann nach allen Wunſch von
ſtatten gangen/ vnd iſt dem ſchlimmen Vocativo ſein ai-
gener Vatter gantz liebhafft vmb den Halß gefallen/ dem
ſonſt ein Strick am Halß gebuͤhret/ ja mit abſonderli-
chen Freuden vnd Jubeln iſt er in die vaͤtterliche Behau-
ſung eingefuͤhret worden/ alle ſchnelle Anſtalt gemacht
zur Kuchl vnd Keller/ vnd muſte gleich das beſte vnd ge-
meſte Kalb geſchlacht werden/ kocht werden/ gereſt wer-
den/ bratten werden/ ꝛc. auff die Seyten mit den zerriſſe-
nen Lumpen/ ein ſammeten Rock her/ ein Hut mit Blu-
maͤſchi her/ ein guldenen Ring her/ Spilleuth her/ alle-
gro; Underdeſſen kombt der andere Bruder nach Hauß/
hoͤrt aber von fern geigen/ pfeiffen/ leuren/ tantzen/ hupf-
fen/ jugetzen/ jaugetzen/ ꝛc. Holla, ſagt er/ was iſt das/
potz Taͤubel/ was iſt das! es wird ja mein Schweſter nit
Hochzeit haben/ hab ich doch heut Fruhe noch vmb kein
Braut gewuſt/ in dem er in diſen Gedancken ſchwebet/
ſo bringt ihme einer ein Glaß Wein zum Fenſter herauß/
der Hauß-Knecht laufft ihm entgegen mit der Zeitung/
ſein Bruder ſeye nach Hauß kommen/ deme ſo ſchlecht in
der Frembde gangen/ er ſoll hurtig hinein gehen auff ein
kaͤlbernes Braͤrl/ diſer wurde alſobald bieruͤber gantz blaich
vor lauter Neyd/ vmb weilen man ſeinem Bruder alſo
auffgewartet/ er ſetzte ſich vor der Hauß-Thuͤr nider/ er
kifflet
[107]Namens Urſprung/ Jugend vnd Vntugend.
kifflet die Naͤgel/ er knarret mit den Zaͤhnen/ er kratzt im
Kopff/ er rumpfft die Naſen/ er ſeufftzet von Hertzen/ er
faſt vnd plaget ſich alſo durch den Neyd/ daß wenig ge-
faͤhlt/ daß er vom Schlag nit getroffen worden/ O Narꝛ!
Waͤr diſer Giſpus lieber hinein gangen/ haͤtte den Bru-
der bewillkombt/ vnd ſo er ihm endlich auch ein Filtz haͤtt
geben/ der ohne das kein Hut mit ſich gebracht/ haͤrt es
wenig Schaden verurſacht/ waͤr er mit ihm zu Tiſch ge-
ſeſſen/ haͤtte den kaͤlberen Bratten helffen verzehren/ etli-
che Geſund-Truͤnck ſein wacker beſchaid gethan/ auch bey
der hell-klingenden Schallmeyen/ ꝛc. ein oͤffteren Hupff
herumb geſprungen/ vnd anderthalb Schueh-Sohlen ab-
getantzt/ ſo waͤr es vil beſſer geweſt/ vnd GOtt nit alſo
belaydiget/ aber mit ſeinem Faſten/ mit ſeinem Neyd/
der ihn mehr gequellt/ als die feurige Schlangen das
Volck Iſrael/ hat er die Hoͤll verdient; ſonſt iſt Truͤbſahl
ein Straß zum Himmel-Saal/ ſonſt iſt Leyden ein Weeg
zun ewigen Freuden/ ſonſt ſeynd Schmertzen allezeit ein
Vortrab deß ewigen Schertzen/ aber deß neydigen Lap-
pen ſein Marter iſt ein Leykauff der ewigen Verdambnnß.

Chriſtus der HErꝛ nimbt auff ein Zeit drey liebe A-Matth. 17.
poſtel mit ſich auff den Berg Thabor/ vnd zaigt ihnen all-
da in ſeiner Erklaͤrung die Glory in Compendio, den
Himmel in einem Abriß/ die Seeligkeit in einem Modell;
zaigt ihnen/ das kein Pembſel koͤnne entwerffen/ kein Fe-
der beſchreiben/ kein Zung außſprechen/ vnd kein Hertz
faſſen die Glory ſeiner Herꝛlichkeit/ vnd die Herꝛlichkeit
ſeiner Glory: Zaigt ihnen was ein Arbeiß gegen den
Berg Olympum, was ein Sand-Koͤrnlein gegen dem
Babyloniſchen Thurn/ was ein Troͤpffel Morgen-Thau
gegen dem groſſen Meer/ was ſeynd die Welt-Freuden
gegen den himmliſchen Freuden; zaigt ihnen das Schlimp/
Schlamp/ Schlodi ſeye aller Reichthumb Croeſi; das
O 2Dilli,
[108]Judæ Iſcariothis Zucht-Hauß/
Dilli Dalli Haͤußlbauen/ ſeye aller Pracht Pompei, das
Lirum Larum, ſeye aller Wolluſt Sardanapali gegen der
mindiſten Ergoͤtzlichkeit deß Himmels; zaigt ihnen/ wann
der gantze Erdboden ſoll ſeyn ein lauteres Pappier/ vnd
das groſſe tieffe Meer ein lautere Dinten/ vnd alle ge-
ſpitzte Graͤſel lautere Federn/ vnd alle lebendige Geſchoͤpff
lauter Schreiber/ vnd wurden mit diſen Federn/ auß di-
ſer Dinten/ auff diſes Pappier biß auff den Juͤngſten
Tag ſchreiben/ alles was froͤlich/ freundlich/ fridlich ſie
moͤchten erſinnen/ ſo konten ſie dannoch nit ein halbes
Loth der ewigen Freuden erraichen; Nachdeme ſolcher
geſtalten Chriſtus ihnen ſein Herꝛlichkeit vnd Glory in
etwas entworffen/ hat er nachgehends den Berg herab
ihnen den dreyen ernſthafft verbotten/ ſie ſollen diß/ was
ſie geſehen/ keinem einigen entdecken/ auch den Apoſtlen
nit/ auch den anderen Juͤngern nit/ ſondern alles mit ge-
naueſter Verſchwigenheit verhuͤllen/ auß Urſachen/ da-
fern ſie den anderen haͤtten offenbahret/ daß ſie Chriſti
deß HErꝛn Verklaͤrung/ Herꝛlichkeit vnd Glory geſehen/
haͤtten gleich die andere Apoſtel einen Neyd gefaſt gegen
diſen dreyen/ in Bedenckung/ daß ſie mehrer gelten bey
dem Goͤttlichen Maiſter/ aber O gebenedeyteſter GOtt!
ſoll dann auch ein Neyd gefunden werden vnder den Apo-
ſteln/ vnder den Juͤngern deß HErꝛn/ vnder denen/ die
ein vollkommenen Wandel fuͤhren? was dann/ auch
noch heutiges Tags iſt der Neyd in den Cloͤſtern/ es iſt
der Neyd offt ſo haimblich in Geiſtlichen Haͤuſern/ daß
er mit manchen Moͤnchen zu Tiſch ſitzet/ mit ihnen offt
in die Metten auffſtehet/ mit ihnen ins Capittl-Hauß
gehet/ mit ihnen gleiche Kappen traget/ ꝛc. verwundere
dich nit/ es iſt auch das Manna oder Himmel-Brodt
wurmſtichig worden/ es iſt der Neyd ein Wurm/ der Clo-
ſter-Wandel ein Manna; es iſt auch vnder dem Waitzen
im
[109]Namens Urſprung/ Jugend vnd Untugend.
im Evangelio ein Unkraut gewachſen/ ein Unkraut iſt der
Neyd/ der Waitzen ſeynd die Ordens-Leuth; es iſt auch
vnder denen Soldaten Joſue ein Dieb gefunden worden/
ein Dieb iſt der Neyd/ Soldaten Chriſti ſeynd die Geiſt-
liche; Es iſt auch in der Archen Noë ein ſchlimmer Boͤß-
wicht der Cham geweſt/ ein ſolcher boͤſer Geſell iſt der
Neyd/ das Cloſter iſt ein Archen Noë; dergleichen Exem-
pel ſcheinet ohnnoͤthig beyzubringen/ weil ſolche nur gar
zu bekandt; iſt demnach kein Stand/ wo der Neyd nicht
hat Beſtand/ iſt kein Hauß/ wo der Neyd nit hauſet/ iſt
kein Platz/ wo der Neyd nit darein platzt/ iſt kein Woh-
nung/ wo der Neyd nit wonhafft/ iſt kein Geſellſchafft/
wo der Neyd nit ſein Herꝛſchafft/ iſt kein Banck/ wo der
Neyd nit ſeinen Sitz hat.

Was der Neyd/ wie der Neyd/ hat erfahren Ha-
braym vnder dem Tuͤrckiſchen Kayſer Solyman, diſer
Habraym war auß einem geringen Dorff gebuͤrtig/ von
keinem vornehmen Gebluͤt/ wie die Welt gaggetzt; ob
zwar deß Bettlers Blut ſo roth iſt als deß Edlmanns/
es war ſein Herkommen von Bauren/ ſein Einkommen
wie beyn Bauren/ ſein Außkommen wie vndern Bauren/
aber ſeyn Auffkommen blib nit beyn Bauren/ vnd wann
ſchon ſein Hauß mit Stroh bedeckt war/ ſo befande ſich
doch kein Stroh in ſeinem Hirn/ ſondern ſein reiffer Ver-
ſtand/ vnd gute Vernunfft zogen ihn vom Bauren-Feld
ins Kriegs-Feld/ zu verſuchen/ ob ihme der Saͤbel mehrer
Gluͤck werde zueſchneiden als das Pflug-Eyſen/ wie es
dann nit lang angeſtanden/ daß er mittelſt ſeiner beruͤhm-
ten Tapfferkeit vnd Kriegsmuth zu hohen Ehren erho-
ben worden/ vnd wurde er vnder den Baſſen nit der ge-
ringſte geſchaͤtzt/ ja Kayſer Solyman ſahe/ daß die Ver-
dienſten ſeines getreueſten Habraym noch nit nach Ge-
buͤhr belohnt waͤren/ erkiſet demnach ihn zu der hoͤchſten
O 3Di-
[110]Judæ Iſcariothis Zucht-Hauß/
Dignitet vnd Wuͤrde nach ſeiner Kayſerlichen Perſohn/
vnd ſtellt ihn als einen groſſen Vezier/ Habraym aber/
ehe vnd bevor er diſen hoͤchſten Ehren-Guͤpffel angetret-
ten/ da er eineſt gantz allein bey dem Kayſer war/ hat er
ihn gantz demuͤtigiſt gebetten/ allergnaͤdigiſter vnd ohn-
uͤberwindlichſter HErꝛ vnd GOtt auff Erden/ ich bitt/
ich bitt abermahlen Euer Majeſtaͤt/ ſie wollen doch mei-
ne Perſohn nit mehrer erheben/ noch ferners befoͤrderen/
dann ſonſt wird mir die groſſe Ehr nichts als Neyd vnd
Mißgunſt außbruͤtten/ daß ich nachmahls wird muͤſſen
das Leben daruͤber einbuͤſſen/ darauff ſchwur ihm der Kay-
ſer hoch vnd theuer/ er wolte ihm gewiß bey lebendigem
Leib das Leben nit nemmen/ was geſchahe? Hohe Guͤpf-
fel werden mehriſt von den Winden angetaſt/ hohe Thuͤrn
werden gemainiglich von dem Donner getroffen/ hohe
Ehren werden gemainiglich von den Neydern verfolgt/
wie das Liecht von der Fledermauß/ dahero auch die Ney-
der bey dem Solymaniſchen Hof nit gefeyert/ biß ſie ein
Feuer angeblaſen uͤber den Habraym, vnd denſelben bey
dem Tuͤrckiſchen Kayſer in ſo groſſen vnd ſchaͤdlichen
Verdacht gebracht/ daß Solyman gaͤntzlich geſonnen/ erſt-
benannten Groß-Vezier zu toͤdten/ konte aber nit wegen
ſeines abegelegten Ayds/ fragte demnach ſeinen Tuͤrcki-
ſchen Prieſter/ wie doch dißfalls der Sach zu rathen waͤ-
re/ der gabe ihm ohnverweilt diſen Beſchayd/ er koͤndt es
[J]ovius lib.
33. pag.
267.nit in den Kopff bringen/ oder glauben/ daß die Schlaf-
fende vnder die Lebendige zu zehlen/ derowegen ſoll der Kay-
ſer den Habraym im Schlaff laſſen erſtechen/ dann auff
ſolche Weiß konte auch der Ayd-Schwur ohnverbrochen
bleiben/ welcher einig vnd allein diſes Lauts geweſt/ daß
dem Vezier bey lebendigem Leib nichts uͤbles widerfahren
ſolte/ darauff dann die Execution ſchleunig erfolgte/ vnd
ein Kaͤmmerling bey naͤchtlicher Weil den beruͤhmte-
ſten
[111]Namens Urſprung/ Jugend vnd Vntugend.
ſten Habraymum erſtechen muͤſſen/ alſo bleibt darbey/
daß der Neyd ſein Frey-Tafel zu Hof habe/ vnd hat ſol-
cher Hof-Hund ſchon manchen dergeſtalten gebiſſen/ daß
ihme die Wunden noch ſchwuͤrig ſeynd/ verwundere aber
ſich niemand hieruͤber/ dann es bereits der Welt-Lauff/
daß der jenige beneydet wird/ vnd verfolgt/ der wol dienet/
deftwegen liſt man das Woͤrtl Dien zuruck Neid.

Was der Neyd/ wie der Neyd/ hat erfahren Belli-Buſſieres
in Floſ.
Hiſt.
ſarius, diſer weltkuͤndige Kriegs-Fuͤrſt/ nachdeme diſer uͤber
drey Thail der Welt triumphierte/ nachdem er in Aſia
den Perſiſchen Koͤnig Coſroen, in Affrica den Gilimer,
in Europa den Gottiſchen Monarchen Theodatum ob-
geſieget; nachdem er bey Rom in einem Tag neun vnd
ſechtzig tauſend der Feind erleget/ nachdem er das Roͤmi-
ſche Reich/ vermittelſt ſeines ohnuͤberwindlichen Helden-
muths in hoͤchſten Gluͤck vnd Ehrenſtand geſetzt/ vnd al-
les uͤberwunden/ außgenommen die Neyder/ welchen das
groſſe Lob vnd Gluͤck Belliſarij alſo mißfallen/ daß ſie ſo
lang vndergraben/ wie die Maulwurff/ daß ſie ſo lang ge-
gruͤblet/ wie die Hennen in dem Sand/ daß ſie ſo lang al-
les durchſuchet/ wie die Bein in dem Garten/ biß ſie end-
lich das Hertz deß Kayſers vmbgekehrt/ den Belliſarium
in Ohngnad gebracht/ daß zur Letzt dem maͤchtigiſten
Welt-Helden die Augen ſeynd außgeſtochen worden/
damit er den Neyd mit blutigen Zaͤhern moͤchte bewai-
nen/ der arme Tropff/ nachdem er keine Augen mehr hat-
te/ konte erſt recht ſehen/ was der Hof-Neyd fuͤr ſcharpffe
Zaͤhn habe/ ſein Elend wachſte ſo weit/ daß er auch das
Bettl-Brodt von dem Vorbeygehen ſamblen muͤſt/ vnd
zehlte er offt ſeine wenige Pfenning in ſeinem huͤltzeren
Schuͤſſerl/ deme vorhero gantze Koͤnigreich zu eng waren;
ich glaub gar wol/ er ſeye offt auff einem Eckſtain der
Gaſſen geſeſſen/ ſeinen Hut auff ſeinen Stecken geſetzt/
ſelben
[112]Judæ Iſcariothis Zucht-Hauß.
ſelben offt vmb vnd vmb getraͤhet/ vnd darbey das wan-
ckelmuͤthige Gluͤck betracht/ fuͤrwahr/ fuͤrwahr hat Belli-
ſar, der arme Narꝛ/ ſo gantz vnd gar/ ja Sonnenklar/ ge-
nommen war/ daß Neyds-Gefahr/ die Tugend plage im-
merdar/ diß folgende Liedl geſungen.

Der Neyd iſt wie ein gewiſſes Glaß/ welches die
ABC. Schmid das Mucken-Glaß nennen/ dann ſo je-
mand durch diſes Glaß ein Mucken anſchaut/ ſo gedunckt
ihm diß faſt ſo groß zu ſeyn/ wie ein ſchwartzer Ketten-
Hund/ dann ſolches Glaß alles vergroͤſſert/ wann man
ein Floh durch diß Glaß beſchauet/ ſo ſcheint er ſchier/ als
wie ein halb gewachſener Rhinoceros auß Armenia, \&c.
alſo auch vergroͤſſert der Neyd den allergeringeſten Mān-
gel deß Nechſten/ ſchneidet auß einem jeden ohnbehutſa-
men Schritt ein Sacrilegium, ſchnitzlet auß dem gering-
ſten Woͤrtl ein Gottslaͤſterung/ kocht auß einem jeden
ehrlichen Geſpaiß einen Ehebruch/ vnd wanns zum loben
kombt/ vnd er zu deß Nechſten Ruhm auch etwas ſolle
ſetzen/ ſo waͤre vonnoͤthen/ man thaͤte dem Fantaſten die
Zung loͤſen/ da man aber den Rechſten außrichtet/ vnd
durch die Haͤchel ziecht/ da ſchreibt er gleich mit Fractur-
Feder darein/ ꝛc.

Was der Neyd/ wie der Neyd/ hat erfahren der H.
Gregorius Biſchoff zu Agrigent, wie diſer fromme
Mann durch Goͤttliche Anordnung zu diſer hohen Wuͤr-
de
[113]Namens Urſprung/ Jugend vnd Untugend.
de gelanget/ ſeynd ihme deſſentwegen zwey ſehr neydig ge-
weſt/ allweilen ſie ſelbſt vmb ſolche gebuelet/ haben auch
allerley teuffliſche Anſchlaͤg erdicht/ wie ſie doch moͤchten
den frommen Mann in offentliche Schand vnd Unehren
ſtuͤrtzen; Nachdem er einmahl bey naͤchtlicher Weil demSurius in
Vit. 23.
Novembr.
Gottsdienſt embſigiſt abgewart/ haben vnderdeſſen erſt-
gedachte zwey Boͤßwicht Sabinus vnd Teſſelinus ein all-
bekannt Statt-Fetzen vnd beſchreytes Weibs-Bild durch
Gelt dahin beredt/ daß ſie ſich in deß Biſchoffs Beth ge-
legt/ nachdem er dann von der Kirchen nach Hauß durch
die gantze Geiſtlichkeit/ dem Gebrauch nach/ beglait wor-
den/ ſpringt diſer vnverſchambte Grind-Schippel in bey-
ſeyn aller auß dem Beth/ wordurch das Geſchray alſo-
bald mit 6. Fluͤglen gleichſamb hin vnd her geflogen/ die
ohngezaͤmbte Zungen freymuͤthig darein platzten/ Gre-
gorius ſeye ein ſauberer Biſchoff/ ſchicket ſich zum Bift-
thumb/ wie ein krumpe Sichel in ein Meſſer-Schaid;
ja/ ja ſagte mancher/ die Geiſtliche ſeynd wie die Glo-
cken/ die leutten anderen in die Kirchen/ vnd ſie bleiben
ſelbſt darauß/ ſie machen vns die Hoͤll ſo haiß/ den Teuf-
fel ſo ſchwartz/ GOtt ſo ſtreng/ vnd ſie luedern mehr
als wir Welt Zaͤrtling/ jetzt ſicht man/ wie ein Kutten
zu weilen fuͤr ein Schelmen Futterall ſeye/ ꝛc. dergleichen
Spottwoͤrter fuͤhrten die Welt-Maͤuler/ die alle zu ver-
ſtopffen vil Baumwohl vonnoͤthen waͤre: Es war auch
die Geiſtlichkeit uͤber diß nit ein wenig geaͤrgert/ abſon-
derlich aber diſe zwey Neydhard ſchryen diſes Geſchicht
auß mit ſolcher Ohngeſtimme/ daß ſie faſt ſo haiſſer wor-
den/ wie ein abgeſtandener Muſicant, ihr Neyd wuͤrckte
endlich ſo vil/ daß man Gregorium in offentlichen Ker-
cker geworffen/ vnd auff alle Weiß das ſaubere paar
Ertz-Schelmen dahin getrungen/ man ſolte Gregorium
aller Wuͤrden entſetzen/ aber GOtt defendierte ſein Un-
Pſchuld/
[114]Judæ Iſcariothis Zucht-Hauß/
ſchuld/ indeme zum oͤfftern in Gegenwart viler/ die eyſe-
ne Band wunderbarlich von Fuͤſſen gefallen/ die zwey
gottloſe Neyder aber in dem Angeſicht gantz kohlſchwartz
worden/ mit welcher hoͤlliſchen Larven ſie ſattſamb ihre
Unthat an Tag gegeben; O allerliebſter GOtt/ vnd
gerechriſter Richter! ſo du oͤffter dergleichen Farb ſolleſt
anſtreichen den jenigen/ welche auß Neyd einen verfolgen/
vnd waiß nit was erdichte Schand-Thaten ihme anklep-
pen/ wie vil wurden muͤſſen ihr Vatterland in Maurita-
nia ſuchen/ vnd in dem Angeſicht den ſchwartzen Cor-
dabon tragen/ weil ſie einwendig Corda mala verborgen.

Was der Neyd/ wie der Neyd/ hat erfahren jener
Kuͤrſchner zu Wienn/ welcher ſich gar wol/ ob zwar ar-
beitſamb bey dem ſeinigen befunden/ auch weil er GOtt
forderiſt vor Augen gehabt/ die H. Meß an keinem Tag
außgelaſſen/ ſo ihme nit die Unpaͤßlichkeit deß Leibs ein
Verhindernuß gemacht/ iſt er deſto mehr in ſeiner Hauß-
Wuͤrthſchafft vnd Haabſchafft geſegnet worden/ welches
dann bey ſeinen Nechſten den Neyd deſto mehrer anflam-
mete/ als nun gedachter Kuͤrſchner vmb etlich hundert
Thaller ſchoͤne Zobel-Baͤlg waſchen wolte/ iſt der andere
auß verdambten Neyd/ ſo Gewiſſenloß/ vnd wirfft ohn-
vermerckter ein ohngeloͤſchten Kalch ins Waſſer/ nach-
dem dann der gute Kuͤrſchner ſeiner Mainung nach die
Zobel genugſamb gewaſchen/ vnd nachmahls auffgehen-
cket/ ſo ſeynd ihnen die Haar alle außgefallen/ als haͤtten
die Haͤut ein hitziges Fieber gehabt/ vnd hat der arme
Mann mit wainenden Augen muͤſſen ſehen/ daß er auß
einem Kuͤrſchner ein Barbierer worden. Der Neyd iſt
halt alſo gearthet/ daß ihme nit wol/ ſo lang dem ande-
ren wol/ es iſt ihme damahlen uͤbel/ wann es dem Nech-
ſten nit uͤbel gehet. Die heiligen Lehrer ſeynd mehriſten
Thail der einhelligen Auſſag/ daß ein ohnzahlbare Maͤnge
der
[115]Namens Vrſprung/ Jugend vnd Vntugend.
der boͤſen Feind im Lufft zwiſchen Himmel vnd Erden
ſchwebe/ dannoch aber allerſeits ihr Hoͤll leyden/ weil
nemblich der Neyd/ den ſie ſchoͤpffen/ in Anſchung der groſ-
ſen Gnaden/ welche GOtt den ſuͤndigen Menſchen auch
nach vilfaͤltigem Fall erthailt/ ihnen an ſtatt der hoͤlliſchen
Peyn iſt.

Was der Neyd/ wie der Neyd/ erfahren auch die
Prediger/ vnd hats erfahren der H. Bernardinus Senen-Ribaidine-
ra in Flore
Sanct.
ſis, welcher bey ſeinen Apoſtoliſchen Predigen ein ſolchen
Zulauff hatte/ daß man vermaint/ die gantze Welt han-
ge an der Zungen Bernardini, aber es hatte diß bey etli-
chen ſolchen Neyd angezuͤndt/ daß ſie ſo gar bey dem
Pabſt Martino V. diſen Bernardinum angeklagt/ vnd
neben anderen vilfaͤltigen Injurien forderiſt angeben/ wie
daß Bernardinus ein neue Manier im Predigen auff-
bringe/ vnd auff der Cantzel allezeit ein gewiſſe Tafel/ wor-
auff der fuͤſſeſte Nahmen JEſus/ dem Volck zaige/ ſol-
che Neyder waren ſo embſig in der Verfolgung/ daß ſo
gar diſer Apoſtoliſche Prediger nach Rom citirt worden/
daſelbſt ſich zu verantworten/ es iſt aber hierdurch deß
Gottſeeligen Manns Lob nur vergroͤſſert worden bey dem
Paͤbſtlichen Stuel/ vnd denen Neydern uͤber Willen die
Naſen erlaͤngert worden; es iſt mit einem Wort/ der
Neyd ein ſtaͤtter Beglaits Mann deß Lobs/ vnd der Tu-
genden. Und gleichwie kein Liecht ohne Schatten/ alſo
auch kein Ehr vnd Lob ohne Neyd.

Was der Neyd/ wie der Neyd/ hat erfahren David
von dem Saul, der Adam von dem Lucifer, der Jacob
von dem Eſau, der Iſaac von den Paleſtinern/ der Mar-
dochæus von dem Aman, der Abel von dem Cain: Pe-
trus de Vincis beym Hof Kayſers Friderici II. Corne-
lius Gallus beym Hof Kayſers Auguſti: Clitus beym
Hof deß groſſen Alexandri: Plaucianus beym Hof Kay-
P 2ſers
[116]Deß Judæ Barth/
Rich. A-
xiom. fol.
410.Severi: Seianus beym Hof Kayſers Tiberij: Eutro-
pius beym Hof Kayſers Theodoſij deß Anderten: Nar-
ſetes beym Hof Kayſers Phoccæ: Carbulo beym Hof
Kayſers Neronis.