Israel kumpipa, David tapa Solomon paunakte:

Pilna leh hilhna theih ding; theisiamna thute theikak ding;

Thilhih pilhuaia hilhna mu ding, diktatna leh vaihawm leh hawmsiamna ah;

Mi mawlte kianga kivensiamna pe ding, tangval kianga theihna leh ngentelna;

Mi pilin a jak theiha, sinsiamnaa a pun theihna dingin; huan theihsiam miin thuphate a phak theihna ding;

Paunak leh lima thugen theisiam ding; mipilte thute, gentehna thugen theihhakte theisiam dingin.

Toupa kuhtak theihna kipatna ahi: himahleh mihaiin pilna leh hilhna a musit.

Ka tapa, na pa hilhna ja in, na nu dan mangngilh ken:

Na lu adingin deihhuai lungtangjem leh na ngawng vial ding khainiangte hi ding ulah ahi ngala.

Ka tapa, mikhialten a honzol ua leh, pha sakpih ken.

Honjui in, sisan I buk ding ua, a jiak beiin mi hoihte a gukin I tang ding uh, a chih uleh:

Seol bangin amaute a hingin I nawmvalh ding ua, huan, kokhuk sunga pai sukte bangin, a pumin:

Van manpha tengteng I mu ding ua, gallaktein I inte uh I dimsak ding uh;

Na tan kou laka ma sep lut dinga; sumbawm khat I nei khawm ding ua:

Ka tapa, lampi ah amau toh ton ken; a lampi ua kipan na khe kaikikin:

Gilou hih dingin a khe uh a tai ngala, huan sisan suah dingin a kinoh uhi.

Vasa himhim mitmuh in, len a kiphah thawn ngala:

Huan hiaiten amau sisan ngeia tang ua, amau hinna ngei a gukin a buk uhi.

Huchibangin michih punnaa duhgawlte lampi ahi hi; huaia neitute hinna a lak mang sak sek hi.

Kongzing ah ngaihtakin pilna a kikoua; mun liante ah a aw a suaha;

Mipi omkhawmte mun pipen ah a kikoua; kongpite lutna ah, khopi ah, a thute a gen:

Bang tan ahia, nou mi mawlten, mawlna na it ding uh? Nuihsanmiten nuihsana amaute a kipah ding ua, mihaiten theihna a huat ding uh?

Ka salhna ah kihei unla: ngaiin na tunguah ka kha ka sung bo ding, na kianguah ka thute ka theisak ding hi.

Ka sap a, na nial jiakun: ka bante ka jaka, kuamahin a limsak kei uh;

Himahleh ka thupha tengteng bangmahlou in na koih ua, ka salhnate a bangmah na deih kei uh:

Ken leng na tuahsiatna ni un ka honnuihsan dia; na launa uh a hongtun chiangin kon chiamnuih ding;

Huihpi banga na launa uh a hongtun chiangin; pingpei banga na tuahsiatna uh a hongtun chiang in; lungkhamna leh dahna na tung ua a hongtun chiangin.

Huai hun chiangin kei a honsam ding ua, himahleh ka dawng kei ding; thanuam takin a honzong ding ua, himahleh a honmu kei ding uh:

Theihna a huat ua, Toupa kihtakna a zon louh jiak un:

Ka thupha laka bangmah a deih kei ua; ka salhna tengteng a musit uh:

Huaijiakin a lampi uh gah a ne ding ua, amau thusawmte ngeiin a vah ding uh.

Mimawlte nungtolhna in amaute a hihlum dia, mihaite hausaknain amau hihmang ding ahih jiakin.Himahleh kuapeuh kei honngaikhia bittakin a teng ding ua, gilou launa pang louin a muang ding uh.

Himahleh kuapeuh kei honngaikhia bittakin a teng ding ua, gilou launa pang louin a muang ding uh.

Ka tapa, ka thute na sana, ka thupiakte nanga na khol khawm leh;

Huchia pilna lama na bil na doha, theihsiamna lama na lung na suk leh;

Ahi, theihkakna na sap a, theihsiamna dinga na aw na suah leh;

Dangka banga huai na zona, gou sel banga huai na zon leh;

Huchiin Toupa kihtakna na theisiam dinga, Pathian theihna na mu ding hi.

Toupan lah pilna a pe ngala; a kam akipanin theihna leh theihsiamna a hong pai.

Midika dingin pilna hoih a khol khawma, muanhuainaa omte amaute ading in lum ahi;

Vaihawmna lampite a ven theihna dingin, a misiangthoute lampi ahawi theihna dingin.

Huchiin diktatna leh vaihawmna na theisiam dia, huan, hawmsiamna, ahi, lampi hoih chiteng.

Na lungtang sungah pilna a honglut sin ngala, huan na kha adingin theihna a nuam ding hi;

Ngentelnain nang a honveng dia, theihsiamnain nang a honkem ding hi.

Gilou lampi akipan honhun khe ding, mi thil hoihlou gente akipan;

Tanna lampite mangngilh, khomial lampite a pai ding;

Gilou hih ding kipaka, gilou hoihlouhnaa nuamsa;

A lampite ua kawia, a lampite ua diklou te;

Numei lamdang akipan nang honhun ding, mikhualnu a thute toha maitangphatnu akipan mahmahin;

Aman a tuailai lawm a nusia, a Pathian thukhun a mangngilh hi:

A inn in lah sihna lam a doha, a lampiten misite lam:

Amah kiang hoh kuamah a kik nawn kei ua, kuamahin hinna lampite a pha zou sam kei uhi:

Mi hoihte lampia na pai theiha, mi diktatte lampi na zuih theihna dingin.

Mi tangte gamsunga teng ding ahi ua, huan a sungah mi hoihkimte a om tawntung ding uh.Himahleh giloute gam akipan satkhiakin a om ding ua, huan lepchiah taka hihte huai akipan zungkalh khiakin a om ding uh.

Himahleh giloute gam akipan satkhiakin a om ding ua, huan lepchiah taka hihte huai akipan zungkalh khiakin a om ding uh.

Ka tapa, ka dan mangngilh ken; himahleh ka thupiakte na lungtangin kem hen:

Nite sawtna leh, damsung kumte leh muanna, nanga hongkibehlap ding ahi ngala.

Chitna leh thutak in nang honnuse kei hen: Na ngawng kimvelin vial inla; na lungtang dohkan tungah amaute gelh in:

Huchiin Pathian leh mihing mitmuhin deihsakna leh theihsiamna hoih na mu ding hi.

Na lungtang tengteng toh Toupa ah muang inla, nangmah theihsia, na ah kinga ken:

Na lampite tengteng ah amah thei inla, huan aman na lampite a pitang ding hi.

Nangmah mit ah pil ken la; Toupa kihta inla, gilou taisan in:

Na lai adingin damna ahi dinga, na guhte adingin guhngek.

Na vanin Toupa zahtak in, na punna tengtenga gahmasate tohin:

Huchiin hauhnain na pangte a dim dia, na belte uain thakin a dimlet ding hi.

Ka tapa, Toupa sawina musit kenla; a salhna leng chimtak sam ken:

Toupan lah a itte a sal ngala; pan a kipahna tapa a salh bangin.

Pilna mu mi leh theihsiamna mu miin nuam a sa hi.

Huaia vante lah dangka vante sangin a hoihzo ngala, huan huaia punna dangkaeng hoih sangin.

Rubi suang sangin a manpha jaw: huan amah toh na thil deihte na tehpih theikei ding.

A khut taklam ah nite sawtna a oma; a khut veilam ah hausaknate leh zahtakhuaina.

A lampite nuamna lampite ahia, a lampite tengteng muanna ahi.

Amah lenchintente adingin hinna sing ahi: amah nei den michihin nuam a sa uhi.

Toupan pilnain lei a mukhiaa; theihsiamnain vante a hihkipta hi.

A theihnain thuknate a kitama, huan vanten a daitui a taksak uh.

Ka tapa, na mitte akipan amaute paimang sak ken; pilna hoih leh ngentelna kem gige in;

Huchiin na kha adingin hinna ahi ding ua, na ngawng adingin kilawmna.

Huchiin bittakin na lampi ah na pai dinga, na khe a kisui kei ding hi.

Na lup chiangin, na lau kei dia: ahi, na lum dinga, na ihmut a lim ding.

Lau guihna kihta ken, a hongpai chiangin, giloute hihgawpna leng lau sam ken:

Toupa na muanpi ahi sin ngala, na khe laka omlou dingin a veng ding hi.

A mudingte akipan thilhoih it ken, hih dinga na khut thilhihtheihnaa a om laiin.

Na insakinkhang kiangah, na kianga na neih laiin, paiin, hong nawn in, huchiin jingsang chiangin ka pe ding, chi ken.

Na insakinkhang siatna ding gilou ngaihtuah ken, na kiangah bittakin a teng chih thei in.

A jiak beiin mi toh kina ken, gilou bangmah na tunga a hih kei leh.

Hiamgamna mi eng ken, a lampite laka bangmah tel ken.

Kilawmlou lah Toupa adingin kihhuai ahi ngala: himahleh a thuguk mi tangte kiangah a om.

Toupa hamsia migiloute in ah a om; himahleh mi diktatte tenna vual a jawl hi.

Aman nuihsanhatte a nuihsana, himahleh kingainiamte kiangah hehpihna a pia hi.Mi pilin thupina gou a luah ding; himahleh zumna mihaite kaisanna ahi ding hi.

Mi pilin thupina gou a luah ding; himahleh zumna mihaite kaisanna ahi ding hi.

Ka tapate, pa hilhna ja un, theihsiam na thei dingin limsak un:

Thuginpi hoih lah ka honpe ngala; ka dan taisan kei un.

Ka pa dingin tapa ka hi ngala, ka nu mitmuha nou leh it keleuleu.

Huan a honsinsaka, ka kiangah, na lungtangin ka thute lenden hen; ka thupiakte jui inla, huan hing in:

Pilna neiin, theihsiamna nei in: mangngilh ken, ka kama thute akipan lunglel ken:

Huai mangngilh kenla, nang a honhawi dinga; amah it inla, aman a hon kem ding hi.

Pilna thil pipen ahi; huaijiakin pilna la in: ahi, na muhsa tengteng toh theihsiamna la in.

Amah pahtawi inla, a man nang honkaisangsak ding: zahtakna a hontun dia, amah na kawi laiin.

Na lua dingin kilawmna kizepna a honpe dia: kilawmna manglukhu nang a honpe ding hi.

Aw ka tapa, ka gente ja inla, sang in; huchiin na damsung kumte a tam ding hi.

Pilna lampi ah ka honkisinsaktaa; tanna lampite ah ka honpita hi.

Na pai chiangin, na kalsuante haksain a om kei dia; na tai leh, na kisui puk kei ding.

Hilhna kip takin lenin; pai sak ken: amah vom in; amah lah na hinna ahi ngala.

Migiloute lampi ah lut ken, gilou mite lampi ah pai ken.

Pel khia inla, a kiangah pai ken; kiheisan inla, pai vengveng in.

Poi a khoih kei ngal uleh, a ihmu ngal kei ua; kuahiam a puksak kei uleh, a ihmutna uh lakmangin a om hi.

Gitlouhna tanghou lah a ne ngal ua, hiamgamna uain a dawn uhi.

Himahleh mi diktatte lampi khovak tung bang ahi, sunlaitak takna tang semsem.

Migiloute lampi khomial bang ahi: a kisuihna uh a theikei uh.

Ka tapa, ka thute limsak in; ka gente ah na bil doh in.

Na mitte akipan amaute lamang ken; na lungtang lakah vom in.

Amau mute ading in hinna ahi ngal ua, a sa uh adingin damna.

Thanopna tengteng toh na lungtang kem in; huai akipan lah hinna tuinakte a luang ngala.

Nang akipan kam hoihlou koih mang inla, nang akipanin muk kilawmloute gamlapiah koih in.

Na miten tang takin en uhenla, na etna na maah tang hen.

Na khe lampi pheisak inla, huan na lampi tengteng hihkipin omsak inKhut taklam ah hiam veilam ah hiam pial ken: gilou akipanin na khe suan in.

Khut taklam ah hiam veilam ah hiam pial ken: gilou akipanin na khe suan in.

Ka tapa, ka pilna limsak in; ka theihsiamna na bil doh in:

Ngentelna na vom theihna, na mukten theihna a kep theih ding un.

Numei lamdang mukten lah khuaiju a takkhe sak ngala, huan a kam sathau sangin a nal jaw:

Himahleh a tawpna nanung gamsai bangin a khaa, namsau hiamtuah bangin ahiam hi.

A khete sihna lamah a pai suka; a kalsuanten Seol a pom a len chinten;

Huchiin hinna lampi phei a mu kei hi: a lampite a kip keia aman a theikei hi.

Huaijiakin tuin, ka tapate, honngaikhia unla, ka kama thute akipan pai mang kei un.

Amah akipanin na lampi gamla pi ah suan mangin, a in kongkhak naiah hongpai ken:

Huchilouin jaw midangte kiangah na zahtakhuaina na pe kha ding a, na kumte gilou kiangah:

Huchilouin jaw na hatna in mikhualte a vah kha ding ua, gamdang mi in ah na seogimnate a om kha ding;

Huan, na sa leh na pumpi hihgawpa a om laiin na tawpna nanung ah na sun kha ding:

Huan, hilhna naza nuam lou hina tel ing e, ka lungtangin salhna namusitna tel e, na chi kha ding;

hon sinsakmite aw na mang keia, kei honhilhte lam leng ka bilin ka nadoh kei:

Omkhawmte leh kikhawmpite lakah gilou tengteng ah siatna ka nahita mahmah hi.

nangmah tuibem akipanin tuite dawn in, nangmah tuileh akipanin tuiluang laite.

Na tuinakneite sukthanghuai gawpa om ding hia, kongzing ahte na tui luite?

Nangmah ading kia hi uhenla, nang kianga mikhualte ding hi louin.

Na tuikhuk vualjawlin om hen; huan na tuailai ji ah kipak in.

Deihhuai sazukpi leh heksiam sakhipi bang. A itna leh ngaihnatnain chik lai peuhin leng nang honlungkimsak gige hen; huan a itnaa vakin om gige in.

Bangdingin ahia, ka tapa, numei lamdang vaka om ding na hia, mikhual ang kawi ding na hia?

Mihing lampite lah Toupa mit maah a om ngala, huan aman a lampi te tengteng a pheisak hi.

Amah thulimlouhnaten giloute aman dinga, a khelhna guitea kanin a om ding hi.Hilhna taksap jiakin a si dinga; a khelhna thupina ah a pai khial ding hi.

Hilhna taksap jiakin a si dinga; a khelhna thupina ah a pai khial ding hi.

Ka tapa, na inveng adia moh khu dia na din leh, mikhual adinga na khut na kichiam leh,

Na kama thute a awk na hiha, na kama thute a mat na hih leh,

Tuin hiai hihin, ka tapa, nang leh nang kihonkhiain, na inveng khut sungah na hongom chih theiin; kuanin, nang leh nang kiniamkhiak inla, na inveng vangen ngutngut in.

Na mitte ihmu sak kenla, na mitvunte leng lusu sak sam ken.

Gamvakpa khuta sakhipi bangin kihonkhia in, thangkampa khuta vasa bangin.

Miksi kiangah hoh in, nang thadah; a lampite ngaihtuah inla, pil in:

Hausa, heutu, hiam vaihawmmi, neilouin,

Nipi chiangin a an a sutuaha, pawltak chiangin a an a kaikhawm hi.

Bang tan ihmu ding na hia, aw thadah? Na ihmutna akipan chikchianga thou ding na hia?

Neukha ihmut lai, neukha lusuk, ihmu dinga neukha khutte khep:

Huchiin na gentheihna guta bangin a hongpai dia, huan na taksapna mi kigalvan bangin.

Mi phatuam lou, mi gilou; kam kiuangsak toh a vaka;

A mittein chiamtehna a bawla, a khetein thu a gena, a khutzung tein chiamtehna a bawl;

A lungtang sungah hoihlouhna a oma, gilou a gel gige; kilemlouhna a tuh naknak.

Huaijiakin a tuahsiatna thakhatin a hongtung dia; thakhata kek gawp in a om dia, a hihdamna beiin.

Toupan a muhdah thil guk a oma; ahi, amah adia kihhuai sagih a om hi:

Mit kiuangsakte, lei juauthei, mi hoih sisan suah khutte;

Ngaihtuahna gilou ngaihtuah lungtang, siatna hih dinga kin tai khete;

Juau thugen palai taklou, leh unaute laka kilemlouhna tuh.

Ka tapa, na pa thupiak juiin, huan na nu dan mangngilh ken:

Na lungtang tungah vial gige inla, na ngawng kimah khihin.

Na vak chiangin, nang a honpi ding: na ihmut chiangin, nang a honveng ding hi; huan na khanloh chiangin, nang a honhoupih ding.

Thupiak lah khawnvak ahi ngala: huan dan vakna ahi; huchiin hilhna taihilhna hinna lampi ahi:

Numei gilou akipan nang honkem ding, mikhual lei maitangphatna akipanin.

Na lungtangin a kilawmna lunggulh ken; a mitvuntein nang honman kei hen.

Numaei kijuaknu jiakin pasal tanghou thema matin a om hi: huchiin angkawmnun hinna manpha a zong sek hi.

Min a ang sungah mei a la thei diam, a puante a kang kei diam?

Ahihkeileh mi suangkuangthei sa tungah a vak thei diam, a khete a kang kei diam?

Huchibangin kuapeuh a inveng ji huan; kuapeuh amah khoih gawtlouh a om kei ding.

Miten guta a musit kei ua, a gil kiallaia a kha lungtaisak dinga a guk leh:

Himahleh muha a om leh, azah sagihin a din ding; a ina vantengteng a pe ding hi.

Kuapeuh angkawm theisiamna bei ahi: amah kha hihse dinga a hih ahi.

Liamnate leh zumhuaite a mu ding; huan a zahpihhuaina nulmang ahi kei ding.

Mullitna lah mi thangpaihna ahi ngala; huchiin phulak ni chiangin a hawi kei ding hi.Tatna a limsak kei dinga; thilpiak tampi pe lechin leng, lungdamin a om kei ding hi.

Tatna a limsak kei dinga; thilpiak tampi pe lechin leng, lungdamin a om kei ding hi.

Ka tapa, ka thute kemin, na kiangah ka thupiakte khol khawm in;

Ka thupiakte kem inla hing in; huan ka dan na mit tang bangin

Na khutzungte tungah vial inla; na lungtang suangpek tungah gelh in.

Pilna kiangah, ka sanggamnu na hi, chiin la, huan theihsiamna na tanaunu chiin:

Numei lamdang akipan nang a honkep theihna ding un, a thutea maitangphatnu mikhual akipan.

Ka in tohlet ah ka tohletkhakna ah ka en paisuaka;

Huan mi mawlte lakah ka ena, tuailaite lakah ka theikaka, tangval theihsiamna beipa,

A omnaning china kongzinga paisuaka, a in lam juana pai jelpa;

Khomuiin, ni nitaklamin, jan mial bibek leh khomial ah.

Huan, ngaiin, numei khat, kijuak puansilh silh, lungtang kivain a nakituahpiha.

Amah ahi lawlawa, a tum tuntuna; a khe a in ah a om gige kei:

Konhzinga om ton a oma, mun liantea a om ton a oma, ning chiteng a buk jel hi.

Huchiin aman a manta, amah a tawpta, huan zummoh maitang tohin a kiangah:

Lemna kithoihnate ka kiangah a om; tuiin ka thuchiamte ka peta hi,

Huaijiakin nang tuak dingin ka hongpai khiaa, na mel thanuamtaka zong dingin, ka honmuta hi,

Ka tutna nuam pialkhang phah ze hoihtea zep, ka phah khinta, Aigupta khau puan gialte toh.

Ka lupna murra, aloe, leh sinamonin ka namtui sakta.

Hongpai in, jingsang matan I itna dimset I la ding; itnain I kilungmuan tuah ding.

Ka pasal lah in ah a om ngal keia, khual gamla ah a zin hi:

Sum ip a kitawia; kha a lik chiangin in ah a hongpai ding, a chi a.

A thugen siamnain amah a kipe sakta, a muka maitangphatnatein amah a sawlmang ta hi.

Amah a jui paha, goh dinga bawngtal a pai bangin, hiam mihai bawlhoihna dia sikkhau khihmi bangin;

Thalin a sin a kap pailet tan; tang lama vasa a kintat bangin, huan huai tuh a hinna gun a hih a theikei hi.

Tuin, ka tapate, huaijiakin honngaikhia un, ka kama thute limsak un.

Na lungtang amah lampi lam ah awn kei henla, lampite lamah pai mang kei hen.

Amah lah tampi liamsain a pailumlettaa: ahi, a thahsate mi hat tampi ahi uh.A in Seol zotna lampi ahi, sihna dantante juana suk pai.

A in Seol zotna lampi ahi, sihna dantante juana suk pai.

Pilna a kikouin, theihsiamnain a aw a suah kei maw?

Lampia mun sangta tungah, lampite kisutna ah, a dinga;

Kongpite biangah, khopi lutna ah, kongkhaktea pai lutna ah, nakpiin a kikou a:

Noute, aw mite, ka sam: huan ka aw mite tapa kiangah ahi.

Aw nou mimawlte, kivensiamna theisiam un; huan, nou mi haite, lungtang theisiam nei un.

Ja un, thil hoihpenpente gen ding lah ka hi ngala; huan ka mukte honna thil dikte ahi ding hi.

Ka kamin thuthak gen ding ahi ngala; huan gitlouhna ka muk adingin kihhuai ahi.

Ka kama thute tengteng diktatna ah a om; huaiteah bangmah hei hiam kilawmlou hiam a om kei hi.

A theisiam kuapeuh adingin a kichian vek ua, theihna mu amaute adingin a dik hi.

Ka hilhna sang unla, dangka hilouin; dangkaeng hoihpen sangin theihna.

Rubi suang sangin pilna lah a hoihzo ngaka; huan deihhuai thilte tengteng huai toh tehpih theih ahi kei uh.

Kei pilnain kivensiamna ka tenna dingin ka bawla, huan theihna leh theihkakna ka mu hi.

Toupa kihtak gilou huat ding ahi; kisaktheihna leh, kiotsakna leh, gilou lampi leh kam hoihlou, ka hua hi.

Thupha keia ahi, theihna hoih: theihsiamna ka neia; hatna ka nei.

Kei jiakin kumpipaten vai a hawm ua, lalten dikna thu a pia uh.

Kei jiakin lalten vai a hawm ua, milianten, leia vaihawmte tengtengin.

Kei honitte amau ka ita; thanuam taka honzongten honmu ding uh.

Hauhsakna leh zahtakna ka kiangah a om; ahi, hauhsakna leh diktatna pangsawtte.

Ka gah dangkaeng sangin a hoihjaw, ahi, dangkaeng hoih sangin; ka sum muhna dangka hoihpen sangin.

Diktatna lampi ka juia, vaihawmna lampite lakah:

Kei honitte van ka luahsak theiha, a goubawmte uh ka dimsak theihna dingin.

Toupan a lampi kipattungin a honneia, nidanga a thilhihte main.

Khantawna kipan, a tunga kipan ahihkeileh lei om maa kipan koih kip ka hi.

Thuknate a om louh laiin, lak khiakin ka oma; luikhuk tuia dimte a om loh lai un.

Mualte a omkip main, tangte om main lak khiakin ka om:

Lei hiam, gamte hiam, ahihkeileh khovel leivui kipatna a bawl nai louh laiin.

Vante a hihkip laiin, huaiah ka om: tui thuk maikaiha bemvilvel a koih laiin:

Tunga vante a bawl kip laiin: tui thukte tuikhukte a honghat lai un:

Tuipi kianga a gi a piak laiin, huchia tuiten a thupiak tunga a tatlek louhna ding un: lei suangphumte achiamteh laiin:

Huailaiin a kiangah ka om, nasemmi heutu bangin: huan nitengin a kipahna ka hi a, a maa kipak gigein;

A tentheihna leiah; huan ka kipahna mite tapate kiangah a om hi.

Huaijiakin tuin, ka tapate, hon ngaikhia unla: ka lampite jui miten nuam a sa ngal ua.

Hilhna ja unla, pil un, huai tuh deilou kei un.

Mi kei honjain nuam a sa hi, ka kongpia niteng vangin, ka kongkhakte khuamtea ngakin.

Kuapeuh honmuin hinna a mu un, Toupa deihsakna tang ding ahi ngal ua.Himahleh kuapeuh ka tunga thilhihkhialin amah kha a hihdik kei hi: kei honhuaten sihna a it uhi.

Himahleh kuapeuh ka tunga thilhihkhialin amah kha a hihdik kei hi: kei honhuaten sihna a it uhi.

Pilnain a in a lamkhina, a khuam sagihte a phuta:

A gante a goutaa: a uain leng a helta hi; a dohkan leng a bawl khinta.

A nungakte a sawlkhe taa, khopi munsang penpente tungah a kikou a,

Mi mawl peuhmah, hiai lamah hong kihei hen: theihsiamna neilou amah tungtang ahihleh, aman a kiangah,

Hongin, ka tanghou ne unla, ka helsa ka uain dawn un, a chi hi.

Pai khia unla, nou mi mawlte, hing un; theihsiamna lampi ah pai un.

Musitmi bawl hoihin amaha dingin zumhuaina a mu: huan kuapeuh migilou salin amah adingin minsiatna a mu.

Musitmi sal dahin, nang a honho kha ding: mi pil salin, huan nang a honit ding.

Mi pil kiangah hilhna pe lechin, a pilzo lai dinga: mi diktat sinsakin,

Toupa kihtak pilna bul ahi: mi siangthou theihna theihsiamna ahi.

Kei jiakin na nite lah hihtam ahi dinga, na damsung kumte lah hihpun ahi ding hi.

Na pil leh, nangmah adia pil na hi. Huan mi na muhsit leh, nang kian na po ding hi.

Numei hai a aphuai; mimawl ahia, bangmah a theikei.

Huan a in konhkhak ah a tu a, khopi munsangtea tutphah tungah,

A vial paite sam ding, a lampite ua pai jelte,

Mi mawlte, hiai laiah hongkihei heh: huan amah theihsiamna neilou tungtang ahihleh, aman a kiangah,

Tui gukte a khuma, aguka tanghou nak a nuam hi, a chi.Himahleh aman huailaiah misite a om uh chi a theikei; a mi sapte Seol thuk ah a om uh chih.

Himahleh aman huailaiah misite a om uh chi a theikei; a mi sapte Seol thuk ah a om uh chih.

Solomon paunakte. Tapa pilin pa kipak a bawl: Himahleh tapa hai a nu gikna ahi.

Gitlouhna sumten bangmah a lohtak kei: himahleh diktatnain sihna akipan a tankhia.

TOUPAN mi diktat kha a kialsih a phal kei ding; himahleh migilou akipan a tankhia.

Khut zeol zanga thilhihmi a honggentheia: himahleh mi thanuam khutin hauhsakna a bawl hi.

Nipi laia lakhawmpa tapa pil ahi: himahleh pawltak huna ihmupa zumhuaina omsak tapa ahi.

Midiktat lu tungah vualjawlnate a oma: himahleh migilou kam hiamgamna in a tuam hi.

Midik theihgigena a nuama: himahleh mi gilou min a muat mang ding.

Lungtanga pilin thupiakte a sang dinga: himahleh mihai haihama puk ding.

tang taka pai hoihtakin a paia: himahleh a lampite kilawmlousak theih in a om ding hi.

Amita chiamtehna bawlin lungkham na a omsaka; himahleh mihai haiham a puk ding.

Mi diktat kam hinna tuikhuk ahi: himahleh hiamgamna in gilou kam a tuam hi.

Huatna in kidouna a tokthou, himahleh itna in tatlekna tengteng a khuh hi.

Theihkak theihna neimi muk ah pilna muhin a om: himahleh chiang theihsiamna neilou mi nungjang a ding ahi.

Mi pilten theihna a khol khawm ua: himahleh mihai kamin siatna a neih.

Mi haisa hauhsakna a khopi muanhuai ahi: mi genthei siatna a gentheih uh ahi.

Mi diktat sepgimna in hinna a juana; gilou punna in khelhna lam.

Bawlhoihna limsak hinna lampi ah a om a: himahleh salhna donlou a paikhial hi.

Huatna sel juautheimukte a kipan ahia; huan mi gensiatna gen mihai ahi.

Thu tampite ah tatlekna a omlou keia: himahleh a mikte thuzoh in piltakin a hih ahi.

Mi diktat lei dangka hoihpen bang ahi: migilou lungtang a thamatna neuchik ahi.

Mi diktat mukten mi tampi a vaka: himahleh mihaite theihsiamna taksap jiakin a si uh.

Toupa vualjawl na in, hauhsakna a bawl a, huan huaiah lungkham na a behlap kei hi.

Gitlouhna hih mihai a dingin ki sukhalh na bang ahi: huan huchibang in theisiam mi a dingin pilna ahi.

Mi gilou launa, amah tungah a hongtung ding: midiktat deih phal in a om ding hi.

Pingpei in a honkhen chiangin, migilou a om nawn kei: himahleh mi diktat khantawn suangphum ahi.

zuthuk in ha a suksiat bangin meikhu in mit a susia a, huchibang mah in amah sawlte a dingin mi zongjaw tuh a om hi.

Toupa kihtakin nite a sausaka himahleh mi gilou kumte hihtom ahi ding.

Mi diktat lametna kipahna ahi ding, himahleh mi gilou lametna a mangthang ding.

Toupa lampi mi tante a dingin kulh muanhuai ahi; himahleh migilou nasemmite a dingin siatna ahi.

Mi diktat suan mang ahi ngeikei ding: himahleh mi gilou gamsungah a teng kei ding hi.

Mi diktat kamin pilna a hontun a: himahleh lei ginalou satkhiak iin a om ding.Mi diktat mukten laktuak bang ahia a theia, himahleh migilou kamin ginatlouhna a gen hi.

Mi diktat mukten laktuak bang ahia a theia, himahleh migilou kamin ginatlouhna a gen hi.

Bukna diklou Toupa a dingin kihhuai ahi, himahleh gikdan dik a kipahpih lam ahi.

Kisaktheihna a hongpai chiangin, zumna a hongpai; himahleh mi kiniamkhiakte kiangah pilna a om hi.

Mi tangte dikna in amau a pi ding, himahleh mi lepchiahte hoihlouhna in amau ahihse ding hi.

Thangpaih niin hauhsak a phatuam kei, himahleh diktatna in sihna a kipan a hunkhia hi.

Mi hoihkim diktatna in a lampi a seksak dia; himahleh migilou a gitlouhna ah a puk ding hi.

Mi tangte diktatna in amau a suaktasak dinga; himahleh lepchiah taka hihte amau poikhoihna a lakin a om ding uhi.

Mi gilou a sih chiangin, a lametna a mangthang ding: huan thulimlouh na lametna a mangthang hi.

Mi dktat buaina laka kipan suah taksakin a oma, huan a mun ah migilou a hongpai hi.

A kama Pathian limsaklou min a innveng a hihsia a: himahleh theihna jiakin mi diktat suahtaksakin a om hi.

Mi diktat adia a hoih jel chiangin. Khopi a kipak a; huan gilou a manthat chiangin, kikouna a om.

Mi tang vualjawlna jiakin khopi tawisangin a om: himahleh mi gilou kama hihsiat in a om hi.

Kuapeuh a innveng musit pilna bei ahi: himahleh thiesiam mi a dai dide.

Tangthu genmi banga vialvakin thuguk a taklang: himahleh lungsim muanhuai in thu a im hi.

Kipina pil omlouhna munah, mite a puk ua: himahleh thupha gen tampi omna ah bitna om hi.

Kuapeuh mikhual adia a mohkhu kia ding in na asa ding himahleh mohkhu dia dinna hua a muang hi.

Numei deihtak huai in zahtak huai na anei gige: huan pasal hiamgam in hauhsakna anei gige.

Mi ching theiin amah kha a dingin a hihhoih a: himahleh mi gilou in amah sa ahih buai hi.

Mi gilou in khema loh a sang: himahleh diktatna in kipahmah muan anei hi.

Kuapeuh diktatna a ding kip hinna a tung hi: huan kuapeuh gilou delh in amah sihna dingin a hih ahi.

A lungtang ua hoihlou te Toupa a dingin kihhuai ahi ua: himahleh a lampi ua hoihkim te a kipahna ahi.

Khut kilen mahle uh, mi gilou gawtlouh in a om kei ding: himahleh diktat chi suahtak sak in a om ding.

Vok nak sunga dangkaeng suang bangin, huchi bangin numei melhoih ngeltel na nei ahi.

Mi diktat deihlam hoih kia ahi a: himahleh mi gilou lametna thangpaih na ahi.

A thehjak a om a, huan a pung semsem; huan a kilawm khenga it a om a, himahleh taksap lam amanoh lel hi.

Misiam thausak in a om ding, huan kuapeuh tui buak amah leng tui buah in a om ding hi.

Kuapeuh buh leh bal it miten amah a hamsiat ding uh: himahleh kuapeuh a juak lujang ah vualjawl na a om ding hi.

Kuapeuh hoih thanuam taka zong in deihsak na a zong: himahleh kuapeuh siatna zong, amah tungah a hong tung ding.

Kuapeuh a hauhsak na muang a puk ding: himahleh mi diktat nah hing bangin a lun ding hi.

Kuapeuh amah inn hih buai in huih a luah ding: huan mihai lung tang pil dikha ahi ding hi.

Mi diktat gah hinna ding ahi; huan kuapeuh a pil in kha te aman hi.Ngai in, mi diktat te lei ah thuk in a om ding. Mi gilou leh mi khial kinak thuk sem nan chia!

Ngai in, mi diktat te lei ah thuk in a om ding. Mi gilou leh mi khial kinak thuk sem nan chia!

Kuapeuh bawl hoih na it in theih na a it hi: himahleh kuapeuh salhna hua ahai ahi.

Mi hoih in Toupa deihsak na a loh ding: himahleh mi gilou ngaihtuah mipa moh a tang sak ding.

Gitlouh na in mi a phutkip kei ding: himahleh diktat jung a kisuan ngeikei ding.

Numei hoih a pasal a dingin manglukhu ah: himahleh zumhuai bawl nu a guhte ah muat na bang ahi.

Mi diktat ngaihtuah na a dik a: himahleh mi gilou thu te khem na ahi.

Mi gilou thute sisan suah dia buk na ahi a: himahleh mi tang kam amau a suaktasak ding hi.

Mi gilou te zoh in a om ua, huan a om kei uh: himahleh mi diktat te inn a ding ding.

Mihing a pilna bangbang a phat in a om ding: himahleh kuapeuh lungtang hoih lou muhsit in a om ding.

Kuapeuh amah kingai thupi a, tanghou neilou mi sang in kuapeuh zahtak zek a om a sikha nei mi a hoih jaw.

Mi diktat in a gan hinna a limsak hi: himahleh mi gilou chitna nemte a khel mahmah.

Kuapeuh a gam lei let in tanghou tampi a nei ding: himahleh mi bang mah lou nung delh mi theihsiam na bei ahi.

Mi gilou in mi gilou te len a deih a: himahleh mi diktat te zung in gah a suang hi.

Mukte taklek na ah mi gilou a ding in thang a om a: himahleh mi diktat buai na a kipan a hong pao khe ding.

Amuk gah in mi hoih a tai in a om dinga: huan mihing khut te hih te a kinga piak ahi ding.

Mihai lampi amah mit ah a dik a; himahleh kuapeuh a pil in thupha a ngai khai hi.

Mihai buai na tu mahmah a theih ahi: himahleh mi pilvang in zahlak na a sel.

Kuapeuh thutak gen in diktat na a ensak a, himahleh palai juau in khemna.

Namsau sut banga pilvang lou taka pau a om a: himahleh mipil lei dam na ahi.

Thutak lei khantawn in hih kipin a om ding: himahleh lei juau thei jaw mitphiat kal khat leh a ding leh ahi.

Gilou gel te lungtang ah khemna a om: himahleh lemna thupha gente kiangah nuam na a om hi.

Mi diktat te kiangah siat na a hong tung kei dia: himahleh mi gilou gilou in dim ding.

Muk juau thei te Toupa a dingin kih huai ahi: himahleh mi diktak a hih te a kipah na ahi uh.

Mi pilvangin theih na a sel a: himahleh mi hai lungtang in hai na a phuang khia.

Mi thanuam khut in vaihawm na a po dia: himahleh mithadah sep ding nuai a koih in a om ding hi.

Mi lungtang gikna in a kun saka; himahleh thu hoih in a kipaksak hi.

Mi diktat a innveng a dingin pitu ahi a: himahleh mi gilou lampi in a maute a pai khial sak hi.

Mi thadah in a gam vakna a amat a hau keia: himahleh mite van manpha mi thanuam a ding ahi.Diktatna lampi ah hinna a om; huai a lampi ah sih na a om kei.

Diktatna lampi ah hinna a om; huai a lampi ah sih na a om kei.

Tapa pilin a pa hilhna a jaa: himahleh musittuin a salhna a za kei.

Min a kam gahin hoih a ne ding hi: himahleh lepchiah mi khain hiamgamna a ne ding hi.

Kuapeuh a kam vengin a hinna a voma: himahleh kuapeuh a mukte hong jain siatna a nei ding.

Thadah khain a deiha, bangmah a neikei: himahleh thanuam kha thausakin a om ding.

Mi diktatin juau a hua: himahleh mi gilou huathuai ahia, zumna a tung sek.

Lampia mi tang amah diktatnain a veng: himahleh mikhial jaw gitlouhnain a man hi.

Amah leh amah hausaa kibawl a om, himahleh bangmah a neikei: amah leh amah genthei a kibawl a om, himahleh hauhsakna thupi a nei hi.

Mihing hinna tatman a hausakna ahi: himahleh gentheiin vaulauna a za kei hi.

Mi diktat vakna a kipaka: himahleh mi gilou khawnvak a kithat ding.

Kisaktheih jiakin kiselna kia a honga: himahleh hoihtaka thuhilh pilna ahi.

Bangmahloua hauhsakna muh a kiam ding: himahleh sepgimna jiaka lakhawm a pung ding hi.

Lametna hal sawtin lungtang a china saka: himahleh deih a hongtun chiangin, hinna sing ahi.

Kuapeuh thu musitin a tungah siatna a tun hi: himahleh kuapeuh thupiak kihta kipahmah piakin a om ding.

Mi pil dan hinna tuikhuk ahi, sihna thangtea kipana paimangna ding.

Theihsiamna hoihin deihsakna a piaa: himahleh lepchiah mi lampi a phok hi.

Mi pilvang peuhmahin theihna tohin na a sema: himahleh mi haiin diklouhna a theh jak.

Sawltak gilou hoihlou ah a puka: himahleh sikadingmi muanhuai danna ahi.

Gentheihna leh zumna bawlhoihna nial kiangah a om dia: himahleh salhna limsak zahtakin a om ding.

Deih hihpichin khaa dingin a nuama: himahleh gilou akipan paimang mihaite adingin kihhuai ahi.

Mi pilte toh tonin, huchiin na pil ding: himahleh mi haite kithuahpihin huaijiakin a thuak ding.

Hoihlouin mikhialte a delha: himahleh diktatmi hoiha thukin a om ding hi.

Mi hoihin gouluah a tate tate kiangah a nutsiat; mikhial hausakna mi diktat adia kholkhawmin a om hi.

Genthei loukhouhna ah an tampi a om: himahleh diklouhna jiaka suksiat a om hi.

Kuapeuh achiang zang louin a tapa a mudaha: himahleh amah itin amah thanuamtakin a sawi jel hi.Mi diktatin a kha lungkimna tanin a nea: himahleh mi gilou gilpi a tasam ding.

Mi diktatin a kha lungkimna tanin a nea: himahleh mi gilou gilpi a tasam ding.

Numei pil tengin a in a lama: himahleh mi haiin amah khutin a phel sia.

Amah tanaa omin Toupa a kihtaa: himahleh a lampitea hoihlouin amah a musit hi.

Mi hai kam sungah kisaktheihna chiang a om: himahleh mi pil mukten huaite a hawi ding hi.

Bawngtalte omlouhna ah, anpiakkuang a sianga: himahleh bawngtal hatna jiakin nakpia punna a om.

Theihpih ginomin juau a gen kei ding: himahleh theihpih juautheiin juau a gen hi.

Musittuin pilna a zonga, a mu kei hi: himahleh theihsiamna neia ding in theihna a baih hi.

Mihai a omna ah lutin, amah ah theihna mukte na mu kei ding.

Mi pilvang pilna a lampi theihsiam ahia: himahleh mi haite haina khemna ahi.

Mi haiin mohna a nuihsana: himahleh mi tangte lakah hoih deihna a om hi.

Lungtangin amah khatna a theia; huan mikhualin a nuamsakna a tokbuai kei hi.

Mi giloute in suksiatin a om ding: himahleh mi tang a pha ding hi.

Mihing adia lampi dika kilawm a oma, himahleh huai tawpna sihna lampite ahi.

Lungtang nuihna nangawn lungkhamna ahia; huan vualnopna tawpna gikna ahi.

Lungtanga nungtolhmi amah lampitea damsakin a om ding: huan mi hoih amah maha kipana hihlungkimin a om ding hi.

Mi mawlin thu chih a uma: himahleh mi pilvangin a paina hoihtakin a en hi.

Mi pilin a kihtaa, gilou akipan a pai mang: himahleh mi haiin musittakin a kipuaa, a kimuang.

Kuapeuh heh baih haitakin a ta ding: huan ngaihtuah gilou mi huatin a om hi.

Mi mawlin haina a luah ding: himahleh mipilvang theihna khuksakin a om ding.

Hoih maah hoihlou a kuna; huan diktat kongpite ah gilou.

Genthei amah inveng mahmah muhdahin a om: himahleh hausain lawm tampi a nei hi.

A inveng musitin thil a hihkhiala: himahleh mi genthei hehpih, aman nuam a sa hi.

Hoihlou ngaihtuahte a paikhial kei umaw? himahleh chitna leh thutak hoih ngaihtuah kiangah a om ding.

Sepgimna tengtengah phatuamna a om: himahleh mukte houlimna taksapna lam kia ah a pai.

Mi pil manglukhu a hausakna uh ahia: himahleh mi haite haina a haina kia uh ahi.

Theihpih dikin khate a suakta saka: himahleh juaute genin khemna a omsak.

Toupa kiktakna ah muanna hat a oma: huan a nauten bukna mun a nei ding uh.

Toupa kihtak hinna tuikhuk ahi, sihna thangte akipan paimangna dingin.

Mipi tamna ah kupipa thupina a om: himahleh mipite omlouhna lal siatna ahi.

Kuapeuh a heh hak theihsiamna thupi akipan ahi: himahleh kuapeuh lungtomin haina a tawisang hi.

Lungtang hoih sa hinna ahi: himahleh hajatna guhte muatna ahi.

Kuapeuh genthei nuaisiahin a Bawlpa a simmoh hi: himahleh kuapeuh tasam tunga chitna neiin amah a zah.

Mi gilou a gilou hihnaa paih lutin a oma: himahleh mi diktatin a sihna ah lametna a nei hi.

Theihsiamna nei lungtang ah pilna a khawla: himahleh mihaite sunglam panga om kitheihsakin a om.

Diktatnain nam a tawisanga: himahleh khelhna mi kuapeuh adingin zahlakna ahi.Sikha pil taka gamta lamah kumpipa deihsakna a oma: himahleh zumna omsak tungah a thangpaihna a om hi.

Sikha pil taka gamta lamah kumpipa deihsakna a oma: himahleh zumna omsak tungah a thangpaihna a om hi.

Dawnna nemin thangpaihna a hei manga: himahleh thu siain hehna a tokthou hi.

Mi pil leiin theihna a gen dika: himahleh mi haite kamin haina a sung khia.

TOUPA mitte mun chitengah a oma, hoihlou leh hoih veng gigein.

Lei damthei hinna sing ahi: himahleh huaia kilawmlouhna kha sukkhapna ahi.

Mi haiin a pa bawlhoihna a musita: himahleh kuapeuh salhna limsakin pilvanna a mu hi.

Mi diktat in ah gou tampi a om: himahleh mi gilou summuhna buaina ahi.

Mi pil mukten theihna a phalha: himahleh mihai lungtangin huchibangin a hih kei.

Mi gilou kithoihna TOUPA adingin kihhuai ahi: himahleh mi tang thumna a kipahna ahi.

Migilou lampi TOUPA adingin kihhuai ahi: himahleh kuapeuh diktatna jui a it hi.

Lampi manghilhmi amah adingin bawlhohna haksatak a oma: huan kuapeuh taihilhna mudah a si ding.

Seol leh Abaddon TOUPA maah a om uh: mite tate lungtangte bangzah pheta tamzaw ade aw:

Musitmin salha om nuam a sa kei: mi pil kiang a juan kei ding hi.

Lungtang nuamin mel kipak a bawla: himahleh lungtang dalhna jiakin lungsim a puakkham hi.

Theihsiamna nei lungtangin theihna a zong: himahleh mi haite kam hainain a kivak hi.

Gimthuak nite tengteng hoihlou ahi: himahleh kuapeuh lungtang kipakin ankuang luina a nei gige hi.

Tawm chik a hoihjaw TOUPA launa toh, huaia gou thupi leh buaina sangin.

Itna omnaa antehlouhing nekding a hoihjaw, bawngtal thau leh huaia muhdahna sangin.

Mi thangpaiin kinialna a tokthoua: himahleh kuapeuh heh hakin kinakna a damsak hi.

Thadah lampi ling daikalh bang ahi: himahleh mi tang lampi lam liana bawl ahi.

Tapa pilin pa kipak a bawla: himahleh mi haiin a nu a musit hi.

Pilna beia dingin haina nuamsakna ahi: himahleh theisiam miin a paina a tangsak hi.

Thupha omlouhna ah, thiltupte a vuaksuak: himahleh thupha gen tam na ah hihkipin a om uh.

A kama dawnna ah min nuamsakna a nei: huan a huna thu khat, hoih hina mah e:

Mi pil adingin hinna lampi a pai toua, nuai lama Seol akipan a pai mang theihna dingin.

TOUPAN kisathei in a zungkalh khiak ding: himahleh meithai gamgi a hihkip ding.

Lunggel giloute TOUPA adingin a kihhuaia: himahleh lungsim siangthoute thugen amah kipah lam ahi.

Punnaa duhgawlin amah in a hihtuaia: himahleh kuapeuh thilpiak hua a hing ding.

Mi diktat lungtangin dawng dingin a kisina: himahleh mi gilou kamin thil hoihlou a sung khia.

TOUPA mi gilou akipan gamla ah a oma: himahleh mi diktat thumna a ja hi.

Mitte vaknain lungtang a kipak saka: huan tanchin hoihin guhte a thausak hi.

Hinna taihilhnate ngaikhia bil mi pilte lakah a om gige ding.

Kuapeuh bawlhoihna nialin amah kha a musit ahi: Himahleh kuapeuh taihilhna ngaikhiain theihsiamna a mu hi.TOUPA kihtak pilna hilhna ahi; huan zahtakna maah kiniamkhiakna a pai hi.

TOUPA kihtak pilna hilhna ahi; huan zahtakna maah kiniamkhiakna a pai hi.

Lungtang kisakkholna mihinga ahi: himahleh lei dawnna TOUPA akipan ahi.

Mihing lampi tengteng amah mit ah a sianga: himahleh TOUPAN khate a buk jel hi.

TOUPA kiangah na nasepte kemsak inla, huan na ngaihtuahnate hihkipin a om ding hi.

TOUPAN thil chiteng a tawpna dingin a bawlta: ahi, gilou nangawn gilou ni adingin.

Mi chih lungtang kisathei TOUPA adingin kihhuai ahi; thei in, gawtlouhin a om kei ding.

Chitna leh thutakin thulimlouhna suksiang ahi: huan TOUPA kihtaknain mite hoihlou akipan apai mang uh.

Mihing lampiten TOUPA a suklungkim chiangin, a melmate nangawn amah toh kilem dingin a bawl hi.

Diktatna toh tawmchik a hoihjaw diklouhna toh summuhna thupi sangin.

Mihing lungtangin a lampi a ngaihtuaha: himahleh TOUPAN a kalsuante a bawlsak hi.

Kumpipa muk ah pathian thu a om: a kamin vaihawmnate ah a talek kei ding hi.

Bukna dik leh tehna dik TOUPAA ahi uh: ip gikna tengteng a nasep ahi.

Kumpipate adingin gilou hih kihhuai ahi: mangtutphah lah diktatnaa hihkip ahi ngala.

Muk diktatte kumpipate kipahna ahi; huan kuapeuh a dik a it uh.

Kumpipa thangpaihna sihna sawltakte bang ahi: himahleh mi pilin a hihlungdam ding hi.

Kumpipa mel vakna ah hinna a om; huan a deihsakna vuah nanung meipi bang ahi.

Pilna muh dangkaeng sangin nak hoihjawk hina e: ahi, theihsiamna muh dangka sanga tel jawk ding ahi.

Mi tang lamlian hoihlou akipana pai mang ahi: kuapeuh a lampi kemin a kha a hawi hi.

Kisaktheihna siatna maah a paia, huan lungsim kiuangsak pukna maah.

Gentheite toh lungsim niamkiaka om a hoihjaw, kisathei toh gallak hawm sangin.

Kuapeuh thu limsakin hoih a mu ding: huan kuapeuh TOUPA a muang, aman nuam a sa hi.

Lungtang pil pilvang a chi ding uh; huan muk khumna in sinsiamna a pungsak hi.

Theihsiamna huai neia dingin hinna luikhuk ahi: himahleh mi haite bawlhoihna a haina uh ahi.

Mi pil lungtangin a kam a hilha, huan a muk ah sinsiamna a behlap hi.

Thu kipahhuai khuaizu-khak bang ahi, khaa dia khum, guhte adia damna.

Mihing adia dika kilawm lampi a om, himahleh huai tawpna sihna lampite ahi.

Semgim mi gilkialnain amaha dingin a semgima: a kamin lah huai amah akipan a lunggulh ngala.

Mi thulimlouin siatna a ngaihtuah: huan a muk ah mei sa bang a om hi.

Mi kiuangsakin kinakna a theh jaka: huan huauhatmiin lawm bulte a khen jak hi.

Hiamgam min a inveng a khema, a hoihlou lam lampi ah a pi.

Kuapeuh a mit si, thil hoihloua ngaih ding ahi; kuapeuh a muk chihin hoihlou a hontunsak nak hi.

Lutang kang thupina manglukhu ahi, diktatna lampi ah muhin a om hi.

Kuapeuh hehhak mihat sangin a hoihjaw; huan kuapeuh a lungsim thuzoh khopi lasangin.Angsungah ai a kisana; himahleh huaia hihpaisuakna jaw TOUPA akipan ahi.

Angsungah ai a kisana; himahleh huaia hihpaisuakna jaw TOUPA akipan ahi.

Tanghou gaw huaia muanna toh a hoihjaw, in kinaknaa dim sangin.

Sikha pil taka hihin tapa zumhuaina omsak tungah vai a hawm ding, huan unaute laka goutanna ah tan a nei ding hi.

Huansiangna bel dangka ading ahi, huan meipi dangkaeng ading: himahleh TOUPAN lungtangte a endik.

Hoihlou hihmin gilou mukte a limsaka; huan juauhatin siatna lei a bil a doh hi.

Kuapeuh genthei musitin amah Bawlpa a simmoh ahi; huan kuapeuh tuahsiatni a kipak gawt louhin a om kei ding hi.

Naupangte naupangte mi upate manglukhu ahi uh; huan naupang thupina a pate uh ahi.

Thugen hoih mi hai toh a kilawm kei: muk juauthei lal toh a kilawm kei sem.

A nei mit ah thilpiak suangmantam bang ahi: koilam peuha a kiheina ah, a lohching hi.

Kuapeuh tatlekna khuhin itna a zong hi: himahleh kuapeuh thubuaia nuam nasain lawm pite a khendalh hi.

Theihsiamna nei mi sungah taina a lut thuk jaw mihai sunga vuakna za khat sangin.

Mi hoihlouin helna kia a zonga; huaijiakin sawltak khel amah dou dinga sawlin a om ding.

Vompi a noute laksaka omin mi tuak hen, a hainaa mi hai sangin.

Kuapeuh hoih sika gilou kipahman pia, a in akipan gilou a pai mang kei ding.

Kinakna kipatna min tui a khahkhiak bang ahi: buaijiakin kinakna a om main, kiselna pai sanin.

Kuapeuh gilou siamtangsak, kuapeuh mi diktat mohpaih, amau gel TOUPA adingin kihhuai ahi tuaktuak uhi.

Huaijiakin pilna lei dingin mi hai khut ah a man a om ahia, theihsiamna a neikei chih theiin?

Lawmin chiklaipeuhin a it gigea, huan vangtahna dingin unau khat a piang hi.

Mi theihsiamna beiin khut a benga, a inveng maah mohkhu dingin a hongom.

Kinakna deihin tatlekna a deih hi: kuapeuh a kongpi dom sangin siatna a zong hi.

Kuapeuh lungtang sia neiin hoih a mu kei: huan lei hoihlou nei siatna ah a puk hi.

Kuapeuh mi hai suangin a lungkhamna dingin a suanga; huan mi hai pan nuamsakna a neikei.

Lungtang nuamsa damdawi hoih ahi: himahleh lungsim puakkham in guhte a keusak.

Mi gilouin a sunga kipanin thilpiak a la khiaa, vaihawmna lampi kilawmlou sak dingin.

Theihsiamna nei mi maah pilna a om: himahleh mi hai mitte lei tawpah a om hi.

Tapa hai a pa adingin lungkhamna ahi, amah piangsaknu adingin khatna.

Mi diktat gawt leng a hoih keia, mi lian a tanna uh jiaka jep leng.

Kuapeuh a thute sitin theihna a neia: huan kuapeuh lungsim vot akipan theisiam mi ahi.Mi hai nangawn, a daih dide laiin, pila sim ahi: a mukte a chih laiin, pilvang banga ngaih ahi.

Mi hai nangawn, a daih dide laiin, pila sim ahi: a mukte a chih laiin, pilvang banga ngaih ahi.

Kuapeuh kituamseh amah deihlam a zong hi, huan pilna hoih teng teng tungah a thangpai hi.

Theihsiamna ah mi haiin kipahna a neikei, himahleh a lungtang a kitatlat theihna ding ahi.

Mi gilou a hong chiangin, muhsitna leng a hongpaia, Zahtaklouhna toh zumna a hongpai.

Mihing kam thute tui thukte bang ahi; pilna tuikhuk luite luang bang ahi.

Gilou mi san a hoih kei, vaihawmnaa midiktat paih khiak leng.

Mi hai mukte kiselna ah a luta, huan a kamin jepna a sam hi.

Mi hai kam a siatna ahi, huan mukte a kha thang ahi uh.

Huauhatmi thute tanghou limtak bang ahia, huan gil sungnungpen pen ah a tum suk uh.

A nasepna zeol leng susemi adingin unau ahi.

TOUPA min insang muanhuai ahi; mi diktat huaiah a tai luta, a bit hi.

Mi hau hauhsakna a khopi muan ahi, amah ngaihdana kulhbang sang tak bang.

Siatna maah mihing lungtang a kiuangsaka, zahna maah kiniamkhiak na a pai hi.

Kuapeuh a jak maa dawnna pia, amah adingin haina leh zumna ahi.

Mihing lungsimin a batlouhna a dom ding; himahleh lungsim puakkham kuan a thuak zou ding!

Mi pilvang lungtangin theihna a mu a; huan mi pil bilin theihna a zong hi.

Mihing thilpiakin amah adingin omna a bawla, huan mi thupite maah amah a pi.

Kuapeuh a gen masa dikin a kilang phota; himahleh a inveng a hongpaia amah a zongkhia hi.

Aisanin kiselna a dai saka, huan mi hatte kikalah a khen hi.

Unau hihkhasiat khopi muan sangin lak a haksa jaw: huan huchibang kiselna kulhpi sikchiangte ahi.

Mihing gilpi a kama gahin a dim ding: a mukte punnaa hihlungkimin a om ding hi.

Sihna leh hinna lei thilhihtheihna ah a om; huan huai itten huai gah a ne ding uh.

Kuapeuh ji muin thil hoih a mu a, TOUPA akipan deihsakna a mu hi.

Gentheiin kamdamin a khem seka: himahleh hausain khauhtakin a dawng hi.Kuapeuh lawm tampite bawlin amah siatna a hiha: himahleh unau sanga ginom jaw lawm khat a om hi.

Kuapeuh lawm tampite bawlin amah siatna a hiha: himahleh unau sanga ginom jaw lawm khat a om hi.

Ginoma om mi genthei tuh mihau a muktea kilawm gen leh mi hai sangin a hoihjaw hi

Huailouin, kha theihna beia a om ding a hoih kei; Huan kuapeuh a khea man-gang a khial nak hi.

Mihing hainain a lampi a hihsiaa; huan a lungtangin TOUPA a hek.

Hausaknain lawmte tampi a behlapa; himahleh mi genthei a lawm akipan khemin a om.

Theihpih taklou gawt louhin a om kei ding; huan kuapeuh juau gen a suak ta kei ding.

Mi tampiin mi siam deihsakna a ngen ding ua; huan mi chih thilpiakte pia adingin lawm ahi.

Mi genthei unaute tengtengin amah a hua ua; amah akipan bangchia gamlain ahia a lawmte a paiuh! Thutein amau a delha, himahleh a pai khin uh.

Kuapeuh pilna muin a kha a ita; kuapeuh theihsiamna kemin hoih a mu ding hi.

Theihpih taklou gawt louhin a om kei dinga; kuapeuh juau gen a mangthang ding.

Nuamtat mi hai adingin a kilawm keia; sikha lalte tunga vaihawm a kilawm kei diak.

Mihing ngentelnain amah a hehhak saka; huan a tatlekna paikan a thupina ahi.

Kumpipa thangpaihna humpinelkai humham bang ahi; himahleh a deihsakna loupa tunga daitui bang ahi.

Tapa hai a pa tuahsiatna ahi; huan ji hanhat a intung keh gige ahi.

In leh hauhsaknate pate akipan gouluah ahi: himahleh ji pil TOUPA akipan ahi.

Thadahna nakpia ihmutna ah a paia; huan mi thadahin gilkial a thuak ding.

Kuapeuh thupiak juiin a kha a kem; himahleh kuapeuh a lampitea pilvang lou a si ding.

Kuapeuh genthei hehpihna neiin TOUPA adingin a leitawi saka, huan a thil hoih hih amah adin nawn ding.

Lametna a om laiin na tapa sawi in; huan a siatna dingin na lungtang koih kip hen.

Nakpitaka thangpai min gawtna a thuak ding: amah na hut khiak leh, huaituh na hih kik nawn kul ding ahi ngala.

Thupha ja inla, hilhna sangin, na tawpna nanunga na pil theihna dingin.

Mihing lungtang ah thugel tampi a oma; himahleh TOUPA thupha, huaimah a ding ding hi.

Mihing deih thusam a migitna tehna ahi; huan mi genthei mijuauthei sangin a hoihjaw hi.

TOUPA kihtak hinna lam zotna ahi; huan kuapeuh huai nei lungkimin a om gige ding; giloua vehin a om kei ding hi.

Mi thadahin kuangsung ah a khut a phuma, huchiin a kam ah huai tuh a hontun nawn ngap kei hi.

Simmohhat sat in, mi mawlin pilvangdana sin ding; huan theih siamna nei salin, huan theihna a theisiam ding.

Kuapeuh a pa tunga hiamgama, a nu delh mang, zumna omsak leh simmohna tun tapa ahi.

Theihna thute akipana lammang lel din, ka tapa, hilhna jak tawp in.

Theihpihmi phattuamna neilouin vaihawmna a simmoh: Huan mi gilou kamin thulimlouhna a nawmvalh hi.Muhsithatmi adingin vaihawmnate bawlkholhsa ahi, mihai nungjang adingin vuaknate.

Muhsithatmi adingin vaihawmnate bawlkholhsa ahi, mihai nungjang adingin vuaknate.

Uain muhsithat ahia, zu khauh kilaihat ahi; huan kuapeuh huaia paikhial a pil kei hi.

Kumpipa kihtakhuaina humpinelkai humham bang ahi: kuapeuh amah hihhehin amah hinna siatna dingin thil a hihkhial hi.

Mihing a dingin kinakna akipan kidangkoih zahtakhuaina ahi: hiamhleh mi hai peuhmahin kinakna a bawl ding hi.

Mi thadahin phavangin lei a let kei ding; huaijiakin pawltak chiangin a zong dia, bangmah a neikei ding.

Mihing lungtang ah thuphagel tui thuk bang ahi; himahleh theihsiamna nei min huai tuh a suah khe ding hi.

Mi tampiin amah tunga mi siam mi a tuak ding: himahleh mi ginom kuan a mu ding?

Mi dik amah muanhuainaa om amah nungin a tate a hampha uhi.

Kumpipa vaihawmna mangtutphah tunga tuin a mitin gilou tengteng a theh jak hi.

Kuan, ka lungtang ka hihsianga, ka khelhna akipan ka siangthou, a chi thei dia?

Bukna chi tuamtuam leh, tehna chi tuamtuam, a nih tuaktuak un TOUPA ading kihhuai ahi.

Naupang nangawnin a thilhihin amah leh amah a kitheisaka, a nasep a siangthou hia, a dik hia chih.

Zathei bil leh, muthei mit, TOUPA a nih tuaktuakun a bawl hi.

Ihmut it ken, na genthei kha ding hi; na mit hak in, huchiin tanghouin na tai ding hi.

A leimiin, Bangmah ahi kei, bangmah ahi kei, a chi: himahleh a pai khit nungin, huaichiangin a kiuangsak hi.

Dangkaeng a om, rubi suang tampi: himahleh theihsiamna mukte juel suangmantam ahi uh.

A puan mikhual adia mohkhuhna la in; huan amah mikhualte dia mohkhuh na kichiamna dingin len in.

Juautheihna tanghou mihing adingin a khuma; himahleh a nungin a kam suanghumin a dim ding hi.

Thiltup chiteng thuhoihgela hihkip ahi; huan pina pilin nang kidouna na bawl.

Kuapeuh tangthugen banga pai vialvialin thugukte a kitheisak hi: huaijiakin kuapeuh a mukte zapia hong kithuahpih dah in.

Kuapeuh a pa hiam a nu hiam hamsiat, jan khomial penpen ah a khawnvak heklup ahi ding hi.

Kinohtaka gouluah muh tawpna vualjawl ahi kei ding hi.

Gilou ka thuk ding, chi ken: TOUPA ngak in, aman a honhondam ding hi.

Bukna chi tuamtuam TOUPA adingin kihhuai ahi: huan khaina diklou a hoih kei.

Mihing painate TOUPA akipan ahi; huchi a hihchiangin bang chiin mihingin a lampi a theisiam dia?

Mihing adingin, A siangthou, chih mawkmawk thang ahi, huan a nunga thukan dinga thuchiam.

Kumpipa pilin migiloute a haiha, a tunguah chilna kangtalaikhe a pai sak hi.

Mihing lungsim TOUPA khawnvak ahi, gilpi sunglam sungnungpenpen a veka zongin.

Chitna leh thutakin kumpipa a hawia; huan a mangtutphah chitna-a let kip ahi.

Tangvalte thupina a hatna uh ahi: huan putekte kilawmna a lutang kang uh ahi.Keh zoua satnain thil hoihlou a singsianga: satnain gilpi sunggil lamte a jel hi.

Keh zoua satnain thil hoihlou a singsianga: satnain gilpi sunggil lamte a jel hi.

Kumpipa lungtang Toupa khuta om ahi tuilampite bangain; a utna lamlam ah a hei hi.

Mihing lampi chiteng amah mit ah a dik a; himahleh TOUPAN lungtangte a buk hi.

Diktatna leh vaihawmna hih kithoihna sangin TOUPA adingin a laktak jaw hi.

Mit-hah sang leh, lungtang kisathei, mi gilou khawnvak nasan, khwlhna ahi.

Mi pil ngaihtuahnaten hauhsakna lam kia a nawta; himahleh mi chih kinohhat taksapna lam kiaah a kinoh hi.

Lei juautheia gou muh tuimei langkhat langkhata mutleng bang ahi; huaite zong min sihna a zong uh.

Mi gilou hiamgamnain amaute a tai mang ding, vaihawmna hih a nial jiakun.

Amah mohnaa dimpa lampi a kawi mahmah; himahleh misiangthou a hihleh, a thilhih a dik ahi.

Intungvum ninga ten a hoihjaw, in zapisunga numei selhat toh ten sangin.

Mi gilou khain hoihlou a deiha; a invengin a mit ah deihsakna a mu kei hi.

Muhsithatmi gawta a om chiangin, mi pil mawl bawl pilin a om hi; huan mi pil hilha a om chiangin, theihna a mu hi.

Mi diktatin mi gilou inkuan a ngaihtuah; mi giloute amau siatna dingin vuallela a omdan uh.

Kuapeuh genthei kahnaa bil hum, amah leng a kap ding, himahleh jakin a om kei ding.

Aguka thilpiakin hehna a nemzou huan angsunga vantawiin heh mahmahna.

Mi diktat adingin vaihawmna hih kipahna ahi, himahleh thulimlou hihte adingin siatna ahi.

Theihsiamna lampi lampi akipan vak mang mi misite kikhopna ah a khawl ding.

Kuapeuh nopbawlna it mi genthei ahi ding; kuapeuh uain leh sathau hai a hau kei ding uh.

Mi gilou diktatmi adingin tatnasum ahia, huan mi lepchiah mi tang mun ah a hongpai hi.

Gam keua ten a hoihjaw, numei kiselhat leh kinakhat kiang sangin.

Mi pil tenna ah gou leh sathau manpha a om; himahleh mi haiin huaituh a nawmvalh vek hi.

Kuapeuh diktatna leh chitna delhin hinna, diktatna leh zahtakhuaina a mu ding.

Mi pil mihatte khopi ah a kaha, huailaia muanna hatna a phel hi.

Kuapeuh kamsima, pau louin buainate akipan a kha a kem hoih hi.

Mi kasathei leh uang, amin muhsithat ahi, kisakthiehna otsaknain thil a hih jel hi.

Thadahmi deihin amah a thata; a khutten sepgim a nial ngal uh.

Nituma duhgawl taka huaiham a oma; himahleh mi diktatin a pia a, a it kei hi.

Mi gilou kithoihna kikhuai ahi, lungsimgilou toh huau sem ahi de aw!

Theihpih juauthei a mangthang ding; himahleh a ja min kalhvuallouhin thu a gending.

Mi gilouin a maitang a taksaka himahleh mi tang ahihlebel, a lampite a bawlhoih hi.

TOUPA kalhin pilna hiam theihsiamna hiam thupha hiam a om kei hi.Kidou ni adingin sakol bawlsa ahi; himahleh Vualzohna TOUPA ahi.

Kidou ni adingin sakol bawlsa ahi; himahleh Vualzohna TOUPA ahi.

Hauhsakna thupite sangin min hoih tel jawk ding ahi, dangka leh dangkaeng sangin deihsakna a ithuai.

Hausa leh genthei a kituak khawm ua, amaute teng bawl TOUPA ahi.

Mi pilvangin hoihlou a mu a, a bu. Himahleh mi mawlin a phu jela, a thuak loh hi.

Kiniamkhiakna leh Toupa kihtakna lohtak hausaknate, zahtakhuaina leh hinna ahi.

Lingte leh tangte mi hoihlou lampi ah a om: kuapeuh a kha kemin huaite a gamlat ding hi.

A paina ding lampi ah naupang chil in, huan a upat hun nangawnin leng huai akipan a paimang kei ding hi.

Mihauin genthei tungah vai a hawma, huan leitawimi leitawisakmi adingin sikha ahi.

Kuapeuh thulumlouhna tuhin tuahsia a la ding: huan a hehna chiang a lohching kei ding.

Kuapeuh khuttawilian mit nei vualjawlin a om ding: mi genthei kianga a tanghou akipan a piak jiakin.

Muhsitnatmi delh khia in, huan kinakna a pai khe ding hi: ahi, kisualna leh zumhuaina a tawp ding.

Kuapeuhlungtang siangthouna it, a mukte deihhuaina jiakin kumpipa a lawm ahi ding hi.

Theihna nei amah TOUPA mitin a vom hoih ding, himahleh lepchiah mi thute a pai ahi.

Thadahin, Po lamah humpinelkai a om: kongzing ah thahin om ding, a chi.

Numei lamdangte kam kokhuk thuk ahi: kuapeuh TOUPA kihmi huaiah a ke lut ding.

Haina naupang lungtang sunga hen lopin a oma: himahleh bawldikna chiangin amah akipan gamla pi-ah a delhkhe ding.

Kuapeuh a punna khansakna dia mi genthei nuaisiaha, kuapeuh mi hau kianga pia, taksapna a tung lel hi.

Na bil doh inla, mi pil thute ja in, huan ka theihna lamah na lungtang suk in.

Na sunga na kep leh thil nuam ahi ngala, na muka hihkip khawma a om aleh.

Na muanna TOUPA ah a hih theihna dingin, tunniin na kiangah, nang mahmah kiangah ka theisak hi.

Thuphate leh theihna tungtanga thil hoih penpente na kiangah ka gelhkhinta kei maw.

Thutak thutea taktakna nang hontheisak dingin, huchia amau nang honsawlte kianga thutak thute na puak kik theihna dingin?

A gentheih jiakin, genthei lok ken, kongpi ah gimthuak leng nuaisiah sam ken.

TOUPAN lah a thu uh a gen sin ngala, amau lokte hinna a lok ding hi.

Mi hehmi toh kijawl kenla, huan thangpaihhatmi toh kithuah ken.

A lampite na sin kha dia, na kha adingin thang na mu kha ding hi.

Khutbengte laka khat hikenla, ahihkeileh leibate jiaka mohkhu apangate laka leng hi sam ken.

Piak ding na neih kei leh, bangdinga na nuaia kipan na lupna lamang ding ahia?

Na pipute koihkipsa, tanga gamgi suan ken.A nasepa kizen mi na mu hia? Kumpipate maah a ding dinga: mi thulimloute maah a ding kei ding hi.

A nasepa kizen mi na mu hia? Kumpipate maah a ding dinga: mi thulimloute maah a ding kei ding hi.

Vaihawmmi toh ne dinga na tut chiangin, na maa om amah hoih takin ngaihtuah in.

Huan anhai mi na hih leh, na gawl ah temta koih ding na hi.

A anlimte duh lo ken; an khemnaa dim ahi uh chih thei in.

Hausa dingin kigimsak ken; nangmah pilna akipan tawp in.

A om loupi tungah na mit na koih ding maw? Hauhsaknaten lah amaua dingin kha a kibawl ngal ua, vanlam juana leng muvanlai bangin.

Mi sumchit neih tanghou ne ken a anlimte leng duh sam ken.

Amah a kisim bangin, huchibang ahi: Ne inla dawn in, na kiangah a chi a; himahleh a lungtang nang kiangah a om kei hi.

Na an nek na lo khe dinga, na thu hoihte na mansuah ding.

Mi hai jakin thugen ken, na thute pilna lah muhsit ding ahi ngala.

Tanga gamgi suan ken; pa neilou louah lut ken:

Amaute tanpa lah a hat ngala; na siatna dingin amau thu gen sak ding hi.

Na lungtang hilhna lamah suk inla, na bilte theihna thute lamah.

Naupang laka bawlhoihna it dah in: chiangin vo lechin leng, a si kei ding hi.

Chiangin amah na vo dinga, huan Seol akipan a kha na suakte sak ding.

Ka tapa, na lungtang a pil leh, ka lungtang a kipak ding, keia mahmah:

Ahi, ka lungtangin nuam a sa ding a, na mukten thil dik a gen chiangun.

Na lungtangin mikhialte eng kei hen; himahleh ni tumin TOUPA kihtakna ah om in:

Kipahman lah a om taktak ngala; huchiin na lametna satkhiak ahi kei ding.

Ja in, ka tapa pil in, huchiin lampi ah na lungtang pi in.

Uain haite lakah om ken; sa haite lakah:

Zukhamhat leh anhai genthei ding uh ahi ngal a: huan ihmuthainain puansia in mi tuam ding hi.

Nang honsuang na pa thu ngaikhia inla, a upat chiangin na nu musit ken.

Thutak lei inla, juak ken; ahi, pilna leh, hilhna leh theihsiamna.

Mi diktat pa nakpi takin a kipak ding: huan kuapeuh ta pil suangiin amah akipan nuamsakna a nei ding.

Na nu leh na pa kipaksak inla, nang honsuangnu nuamsasak in.

Ka tapa, na lungtang honpia inla, na mitte ka lampite ah kipak uhen.

Kijuak lah guam thukpi ahi ngala; huan numei lamdang kokhuk kochik ahi.

Ahi, suamhatmi bangin a buka, huan mite lakah lepchiah a pungsak hi.

Tunggikna kuana nei? Lungkhamna kuan a nei? Kinaknate kuan a nei? Phunna kuan a nei? Akipatna kuan liamnate a nei? mit sannakuan a nei?

Uaina peng-opten; uain lehbulh zong dia kuanten.

A san lain uain en ken, nou sunga a jia a suah lain, nemtaka a pai suk lain.

Atawp chiangin gulpi bangin a keia, guldekpak bangin guin a zen hi.

Na miten thil lamdangte a mu ding lungtangin thil hoihloute a genkhe ding hi.

Ahi, tui laia lum bang na hi dinga, ahihkeileh long khuam dawna lum bang.A honsat ua, na ka sa kei; a honvua ua, bangmahin ka vei kei; chikchiangin ka halh dia? Zong nawn-nawn veng, na chiding.

A honsat ua, na ka sa kei; a honvua ua, bangmahin ka vei kei; chikchiangin ka halh dia? Zong nawn-nawn veng, na chiding.

Mi giloute siatna dingin enlah ken, a kiang ua om ut sam ken:

A lungtang un lah nuaisiahna a sin ngala, huan a mukte un siatna thu a gen ahi.

Pilna jiakin in lamin a oma; theihsiamnain hihkipin a om:

Huan theihnain dantante hihdimin a om hausakna manpha leh nuamte tengtengin.

Mi pil a hat: ahi, theihna miin hatna a pungsak.

Pina pilin na galdouna bawl ding na hi ngala: huan thuhilhmi tampite ah bitna a om.

Mi hai adingin pilna a sang lua: kongpi ah a kam ka kei.

Kuapeuh hoihlou hih ngaihtuah, miten siatna deihmi a chi ding uh.

Mi hai ngaihtuahna khelhna ahi: huan musitmi mite adingin kihhuai ahi.

Vangsiat nia na bah leh, na hatna a neu.

Sihna lama puak manga omte suaktasak in, huan thaha om dia mansate nangman suaktasak in.

Ngaiin, hiai ka theikei uh, na chih leh: lungtangte bukpan huaituh a hgaihtuah kei maw? huan na kha kempan, huaituh a theikei maw? huan michih kiangah a thilhih bangin a pe kei ding maw?

Ka tapa, khuaiju ne in, a hoih ngala; huan cheap khum khuaikhak:

Huchiin pilna na kha lama ding ahi chih na thei ding: na muh leh, huchiin kipahman a om ding, huan na lametna sat khiak ahi kei ding hi.

Aw giloupa, mi diktat omna dou dingin tang ken; a khawlna mun hihsiatsak hen:

Mi diktat lah sagih vei a puka, huan a thou nawn ngala; himahleh migilou tuahsia zohin a om ding hi.

Na melma a puk lain nuamsa ken, zoha a om lain na lungtang kipak kei hen:

TOUPAN huai a mu khain, amah a kipahpih kei khain, huan amah akipan a thanpaihna a hei mang kha ding hi.

Gilou hihte jiakin kilungkhamsak dah in: giloute ah leng eng sam ken:

Mi gilou adinga kipahman om lou ding ahi ngala: mi gilou khawnvak hek lupin a om ding.

Ka tapa, TOUPA leh kumpipa kihta in: huan a koimahmah leng thumanlou ken.

A mau apana-siatna lah thakhata om guih ding ahi ngala: huan amaute apan tuah siatna kua ahia thei?

Hiaite leng mi pil thugente ahi. Vaihawmna mite deihsaktuam neih a hoih kei.

Kuapeuh mi gilou kianga, Na diktat hi, chi peumah; miten amah a hamsiat ding ua, namten amah a kih ding.

Himahlel amah salte adingin kipahna ahi ding, huan a tunguah vualjawlna hoih a hongtung ding.

Dawnna dik pia mukte a tawpa.

Polamah na thilhih bawlkhol inla, lou sungah nang adingin huai tuh mansain bawl in; huan huainungin na in lam in.

A bul beiin na inveng siatna dingin theihpihmi hi ken; huan na mukte in khem ken.

Ka tunga a hih bangin amah tungah leng ka hih ding, chi ken; mi a nasep bangin ka thuk ding.

Thadahmi lou kiangah ka paia, huan theihsiamna bei mi grephuan kiangah;

Huan, ngaiin, lignin a khannelh khin veka, huaia aloma louling-neiin a khuhtaa, huan huaia asuang bangte a chim khinta.

Huchihlaiin ka ena, hoih takin ka ngaihtuaha: ka mua, hilhna ka sangta hi.

Alah ihmut neu chik, lusuk neu chik, ihmut khut khawng khek zek.Huchibangin suamhatmi bangin na gentheihna a hongpai dinga; huan mi kigalvan bangin na taksapna.

Huchibangin suamhatmi bangin na gentheihna a hongpai dinga; huan mi kigalvan bangin na taksapna.

Nipi laia vuk bangin leh, pawltak laia vuah bangin, huai bangin zahtakhuaina mihai adingin a kilawn kei hi.

Kawlgit a vakvai bangin, phialphiah a len lai bangin, huchimahbangin hamsia bulneilou a tangtung kei.

Zepna sakol ading, kamkaihna sabengtung ading, huan chiang mihaite nungjang ading.

Mihai a haina dungjuin dawng ken, huchilouinjaw nang leng amah na bang kha ding.

Mihai a haina bangin dawng in, amah kideihna ah a pil kha ding hi.

Kuapeuh mihai khuta thu khakin amah khete a tan khiaa, siatna ding a dawn hi.

Khebai khete a kikhai nelnel: huaibangmahin mihaite kam sunga gentehna ahi.

Suang chiankhawma suangmanpha ip bang in, huaibangin kuapeuh zahtak-huaina mihai kianga pai ahi.

Zukhamhat khute lut tou ling bangin, huaibangmahin mihaite kam sunga gentehna ahi.

Mihai leh mi vialvak guaimi, thalkapsiammi liamsak jelmi bang ahi.

Ui amah luak lama kik nawn bangin, huaimah bangin a haina sunzom mihai ahi.

Amah kideihnaa pil mi na mu hi? Amah akipan sangin mihai akipan lametna a om jaw hi.

Pawltak huan vuk vot bangin, huchiin sawltak ginom amah sawlte adingin ahi; a pute kha lah a hihhalh ngala,

Vuah pai lou meipite leh huih bangin, huchiin kuapeuhdikloutaka a thilpiaktea kiuangsak ahi hi.

Dohtheih mahmahnain, vaihawmpa thuzoh ahi, huan lei nemin guh a hih tan ding.

Khuaju na muta hia? nang adia hun lel ne in; huchilouin jaw na vah dinga, na lo kha ding hi.

Na inveng in ah na khe vang sakin; huchilouinjaw a honchimtakin, a honmudah kha ding.

Mi a inveng siatna theihpih juaugen khetbuk leh, namsau leh, thal hiam ahi.

Buai huna mi ginomloua muanna ha tong bang leh, khepek guh kilawi bang ahi.

Mi kho vot laia puansilh suah bangin kuapeuh lungtang gik adinga lasa ahi.

Na melma a gil a kial leh, nekding tanghou amah pia in, huan a dang a tak leh, dawn ding tui amah pia in:

A lu tunga meiam sek khawm lah na hi ngala, huan TOUPAN ki pahman nang a honpe ding hi.

Mal huihin vuah a honzu sak paha; huchibangin migensiatna leiin heh mel a bawl hi.

In tung ninga ten, in sung jaa kiselhat numei toh tenkhawm sangin a hoih jaw.

Kha dangtaka dia tui vote bangin, huai banging am gamla akipan tanchin hoih tuh ahi.

Tuikhuk suknit leh, tuinak hihsiat bangin, huchibang mi diktat mi gilou maa lampi pia tuh ahi.

Khuaiju tampi nek a hoih kei: huchimahbangin mite dingin amau thupina zon khiak thupina ahi kei.Amah a lungsim thuzohna bei khopi chimsa leh bang neilou bang ahi.

Amah a lungsim thuzohna bei khopi chimsa leh bang neilou bang ahi.

Nipi laia vuk bangin leh, pawltak laia vuah bangin, huai bangin zahtakhuaina mihai adingin a kilawn kei hi.

Kawlgit a vakvai bangin, phialphiah a len lai bangin, huchimahbangin hamsia bulneilou a tangtung kei.

Zepna sakol ading, kamkaihna sabengtung ading, huan chiang mihaite nungjang ading.

Mihai a haina dungjuin dawng ken, huchilouinjaw nang leng amah na bang kha ding.

Mihai a haina bangin dawng in, amah kideihna ah a pil kha ding hi.

Kuapeuh mihai khuta thu khakin amah khete a tan khiaa, siatna ding a dawn hi.

Khebai khete a kikhai nelnel: huaibangmahin mihaite kam sunga gentehna ahi.

Suang chiankhawma suangmanpha ip bang in, huaibangin kuapeuh zahtak-huaina mihai kianga pai ahi.

Zukhamhat khute lut tou ling bangin, huaibangmahin mihaite kam sunga gentehna ahi.

Mihai leh mi vialvak guaimi, thalkapsiammi liamsak jelmi bang ahi.

Ui amah luak lama kik nawn bangin, huaimah bangin a haina sunzom mihai ahi.

Amah kideihnaa pil mi na mu hi? Amah akipan sangin mihai akipan lametna a om jaw hi.

Thadahin, Lampi ah humpinelkai a om; humpinelkai kongzing ah a om, a chi.

Kongkhak a kopja ah a kihei jel bangin, huaibangin thadah a lupna tungah a om.

Thadahin kuang sungah a khut a thun; huaituh a kam tun nawn dingin a ngap kei hi.

Thadah amah kideihna ah a piljaw, a san pe thei ding mi sagih sangin.

Kuapeuh paisuak a, amaha hilou kinakna a kihihbuai, ui a bila man bang ahi.

Mihai meiekte, thal leh sihna pai bang in;

Huaibangin mi a inveng khema, Chiamnuih ka hika hia? chi bangin a om hi.

Sing taksap jiakin mei a mit a: huan huauhatmi om louhna ah, kinakna a bei hi.

Suangkuangtheite meisum sa a ding bangin leh sing mei a ding bangin: huchibang kinak hat mi kilanna uangsak ahi.

Huauhatmi thute an limtak bang ahi, huan gilpi sungnungpen ah a tumsuk hi.

Leibel limlangtuia luan bangin lungtang gilou muk a zolin a nal!

Mihuathatmiin a muk in a theh dalh a, a lungtang in khemna a pai.

Kilawmna thu a gen chiang in, amah um ken; a lungtang ah lah kihhuai sagih a om ngala:

A huatna zekhemna in kituam mahleh, khawmpite maah tangpi muh in a gitlouhna etsak ahi ding hi.

Kuapeuh khuk tou huaiah a ke ding: huan kuapeuh suang khuk, amah tungah hong kileh ding hi.Lei juau theiin a hihliamsate a mudaha maitangphathat kamin siatna a bawl hi.

Lei juau theiin a hihliamsate a mudaha maitangphathat kamin siatna a bawl hi.

Jingchiang thu ah kiuangsak ken; niin bang ahia a honsuahsak ding lah na theikei ngala.

Midangin nang hon phat uhen, nangmah mah kam hilouin; mikhualin nangmah mah mukte hilouin.

Suang agika, piaunel a gik hi; himahleh mihai lungjinna huaite gel sangin a gikjaw hi.

Thangpaihna a gilou, hehna a khel; himahleh thiikna maah kua a ding thei dia?

A langtanga salhna itna selguk sangin a hoihjaw.

Lawm liamna te a ginom: himahleh melma tawpna a loliap hi.

Kha gilvahin khuaikhak a chimtaka: himahleh kha gilkial adingin thil kha chiteng a khum hi.

Vasa a buk akipan a vakvai bangin, huaibang in a mun akipan mi vakvai ahi.

Nuhtheih leh gimnamtuiin lungtang a kipaksaka: huai bangmah mihing lawm khumna lungsimtaka thupha a hongpai ahi.

Na lawm mah mah, na pa lawm manghilh ken; na tuahsiatna niin na unau in ah hoh ken: inveng a naia om unau gamla pia om sangin ahoih jaw hi.

Ka tapa, pil in, ka lungtang kipak sak in, kei hontai ka dawn theihna dingin.

Mi pil in hoih lou a mua, a bu hi: himahleh mi mawlin a awlmoh keia, a thuak loh hi.

Mikhual a ding mohkhu dia om a puansilh la in; huan numei lamdang adia mohkhu dia om chiamkamna dingin len in.

Kuapeuh aw ngaihtaka, jingsanga bel taka thoua, vualzawl, amah adingin hamsiaa sim ahi ding hi.

Vuahchin nia vuah ju leh numei kinak hat a kibang:

Kuapeuh amah khou tuh huih khou bang ahia, khut taklama sathau ham bang ahi.

Sikin sik ahiamsaka; huaimahbangin mihingin a lawm mel a himsak hi.

Kuapeuh theipi kung kem in huaia a gah a ne ding; huan kuapeuh a pu ngak zahtakin a om ding hi.

Tuia maitangin maitang a muh bangin, huaimah bangin mihing lungsim ah mihinna a kimu.

Seol leh abaddon a lungkim ngei kei ua, huan mihing mitte a lungkim ngeikei uh.

Huansiangna bel dangka ading ahi, huan meipi dangkaeng a ding, huchiin mihing phatnaa zeetin a om.

Mihai sum sungah buh taisate lakah sukin su mahlecin, huchipiin leng amah akipanin a haina a paimang kei lai ding hi.

Na belamhonte omdan thei dingin thanuam in, huan na ganhonte hoih takin en in:

Hauhsaknate lah khantawn ading ahi ngal keia; huan manglukhuin suan tengteng a daihzou hia?

Buhpawl puakin a oma, huan loupa nou a kilang, mualte loupate a kilakhawm ahi.

Belamnouten na puansilh ding honpe ding, huan kelten na lou man ding:Huan na an dingin, na inkote an dingin kel nawitul kiching a om ding hi; huan na nungakte vakna dingin.

Huan na an dingin, na inkote an dingin kel nawitul kiching a om ding hi; huan na nungakte vakna dingin.

Mi gilou kuamah delhlouhin a tai: himahleh mi diktat humpinelkai bangin a hangsan hi.

Gam tatlekna jiakin mi tampi huaiah lalte ahi: himahleh theisiam leh theihna nei mite jiakin huaia gam bel suksau ahi ding hi.

Mi taksap hau mi genthei nuaisiah vuahpi ju an nuse lou bang ahi.

Amau dan manghilh ten mi gilou a phat ua: himahleh huchibang dan juite amau tungah a thangpai uhi.

Mi hoihlouin vaihawmna a theisiam kei: himahleh amau TOUPA zong ten thil tengteng a theisiam uh.

A lampitea hoihlou mi hau sangin a thutaknaa om mi genthei a hoih jaw hi.

Kuapeuh dan jui tapa pil ahi: himahleh kuapeuh an hai mite toh kithuahin a pa a zumsak hi.

Kuapeuh a neih a nou leh a punga tamsakin mi genthei hehpih mi amah dingin a lakhawm hi.

Kuapeuh dan za lou dinga a bil kaihei tuh a thumna nasan kihhuai ahi.

Kuapeuh lampi giloua midik lamhaihsak, amah kokhuk mahmah ah amah a ke lut ding hi: himahleh mi hoihkimin gou hoih a luah ding hi.

Mi hausa amah ngaihin a pil a; himahleh mi genthei theihsiamna neiin amah a zong khia hi.

Mi diktat a vualzoh chiangin, thupina lian a om: himahleh mi gilou a thoh changin, mite a bu uh.

Kuapeuh a tatlekna khuk a lohching kei ding: himahleh kuapeuh huaite thuphatawia manghilhin chitna a mu ding uh.

Lauthei gige mi a hampha hi: himahleh a lungtang saksak gige siatna ah a ke ding hi.

Humpinelkai humham leh vompi hawk bangin; huaimah bangin mi gentheite tunga vaihawmmi gilou ahi.

Vaihawmmi theisiamna tasam tuh nuaisiahhatmi thupi ahi: himahleh kuapeuh huaihamna huain a nite a sausak ding.

Mi kuapeuh mi himhim sisana dim kokhuk sungah a tai lut ding; kuapeuhin len kei hen.

Kuapeuh tangtaka om suahtaksakin a om ding: himahleh kuapeuh a lampi tea hoihlou a pukzo ding hi.

Kuapeuh a gam leiletin tanghou tampi a nei ding: himahleh kuapeuh mi bangmahlou nung juiin gentheihna kiching a nei ding hi.

Mi ginomin vualjawlna a hau ding: himahleh kuapeuh hau dinga kintat gawt louhin aomkei ding.

Mite deihsaktuam neih ahoih kei: tanghou them jiakin mi a talek ding leng ahi sam kei hi.

Kuapeuh deihgawl-sumchit hausakna delhin a kinoha, huan a tungah taksapna a hongtung sin chih a theikei.

Kuapeuh mi deihsaknaa salin a leia maitangphathatmi sangin deihsakna tamsem a nungin a mu ding hi.

Kuapeuh a nu hiam a pa hiam loka, Tatlekna ahi kei, chi; amah mah hihsemi kithuahpih ahi hi.

Kuapeuh lungsim duhgawlin kinakna a tokthou hi: himahleh kuapeuh TOUPAa muanna koih thausakin a om ding hi.

Kuapeuh amah lungtanga muang mihai ahi: himahleh kuapeuh piltaka om, suahtaksakin a om ding hi.

Kuapeuh genthei kianga pia a tasam kei dinga: himahleh kuapeuh a mit selin hamsia tampi a nei ding hi.Mi gilou a thoh chiangin, mite a bu ua: himahleh a manthat chiangun, mi diktat a pung hi.

Mi gilou a thoh chiangin, mite a bu ua: himahleh a manthat chiangun, mi diktat a pung hi.

Kuapeuh salhna om naka genhak thakhatin a puakjak dinga, hih damna om louin.

Mi diktatte a pun chiangun, mite a kipak uh: himahleh mi gillouin vaihawmna a puak chiangin, mite a thumthum uh.

Kuapeuh pilna itin apa a kipaksaka; himahleh kuapeuh kijuakte kithuahpihin a sum a mawkzatbei hi.

Kumpipan vaihawmnain gam a hihkipa: himahleh kuapeuh thilpiak phut teiteiin a hihsia hi.

Mi a inveng maitangphatin kalsuante adingin len a jak sak hi.

Mi hoihlou tatlekna ah thang a om: himahleh mi diktatin la a saa, a kipak hi.

Mi diktatin mi genthei thu a theihpih a: mi gilouin huai thei dingin theihsiamna a neikei hi.

Mi simmohhatten khopi a hal ua: himahleh mi pilten thangpaihna a heimang uh.

Mi pilin mi hai a kiselpih leh, a heh hiam a nui hiam, khawlna a om kei ding hi.

Sisan duhna dangtakin amah mi hoihkim a mudah: huan mi tang a hihleh, a hinna a zong uhi.

Mi haiin a hehna tengteng a gena: himahleh mi pilin a genkhe keia, a khemdai hi.

Vaihawmiin juauthu a ngaihkhiak leh, a sikhate tengteng gilou ahi uh.

Mi genthei leh nuaisiahhat a kituak khawm ua: TOUPA a nih tuak uh mitte a sukvaksak hi.

Kumpipa ginomtaka gentheite ngaihtuah, khantawnin a mangtutphah a kip ding hi.

Chiang leh salhnain pilna a pia: himahleh naupang amah thuthua omsakin a nu adingin zumna a omsak hi.

Giloute a pun chiangun, tatlekna a pung hi: himahleh mi diktatin a pukna uh a en ding hi.

Na tapa bawlhoihin, awlna a honpe ding hi; ahi, na kha adingin nuamna a honpe ding hi.

Mengmuhna om louhna ah, miten khamna a paikhia uh: himahleh kuapeuh dan jui, aman nuam a sa hi.

Sikha thutea bawl hoih in a om kei ding: a limsak kei ding thei mahleh.

A thutea man gang mi na mu hia? amah akipan sangin mihai akipanin lametna a omjaw hi.

Kuapeuh a naupan akipana a sikha nuamtattaka kemin a tawptawpin amah tapa honghiin a nei ding hi.

Mi hehin kinakna a tok thoua, huan mi thangpaiin tatlekna a hau hi.

Mihing kisaktheihnain amah a lai naim ding: himahleh kuapeuh lungsim kiniamkhiakin zahtatna a mu ding.

Kuapeuh gutami toh kithuahin amah kha a mudah hi: nakpitaka ngetna a jaa huan bangmah a gen kei.

Mihing kihtaknain thang a hontawia: himahleh kuapeuh TOUPAa a muanna koih a bit ding hi.

Mi tampiin vaihawmmi deihsakna a zong ua: himahleh mihing vaihawmna TOUPA akipan a hongpai ahi.Mi diklou mi diktat adingin kihhuai ahi: huan kuapeuh lampia tang migilou adingin kihhuai ahi.

Mi diklou mi diktat adingin kihhuai ahi: huan kuapeuh lampia tang migilou adingin kihhuai ahi.

Massa mi Jakeh tapa Agur thute: Huai miin Ithiel kiangah, Ithiel leh Ukal kiangah:

Chihtaktakin kuamah sangin ka hai jawa, mihing theihsiamna ka neikei:

Pilna ka sin naikeia, Mi siangthou theihna leng ka neikei, a chi.

Van ah kua a kahtoutain a hongkum suka? A khuttun sungah kuan huih a lakhawmtaa? a puansilhin kuan tuite a tuna? Lei tawpna tengteng kuan a hihkiptaa? a min banga hia. huan a tapa min bang ahia, na theih leh?

Pathian thu chiteng ettel ahi: amaha muangte adingin lum ahi.

A thute ah behlap ken, a honsal dia, juautheia muhin na om kha ding hi.

Thil nih ka hon ngen: ka sih main huaite honkitheihmoh-bawl ken:

Bangmahlou leh juau keia kipan gamlapi ah suan in: Gentheihna hiam hauhsaknate hiam hon pe ken: kei a kiphamoh anin hon vak in.

Huchilouinjaw ka khamin, nang kon kitheihmawhbawlin, TOUPA kua ahia? Ka chi kha ding hi. Ahihkeileh, ka gentheiin, ka guin, ka pathian min thanghuaitakin ka bawl kha ding hi.

A pu kiangah sikha gense ken, huchilouinjaw nang a honhamsiat dia, mohtansakin na om ding.

A pa uh hamsiat suan khat a oma, a nu uh vualjawl lou.

Amau mittea siangthou suan khat a oma, ahi alah a nitna ua kipan silsiang louh ahi uh.

Suan khat aoma, Aw a mitte uh sanghah hina e: huan a mitkhu vunte sansakin a om hi.

A hate uh namsau bang, leh a hate uh temta bang suan khat a om uh, lei akipan migenthei leh, tasamte mite laka kipana nekbeina dingin.

Votin tanu nih a neia, honpia in, honpia in, chiin kikou ua. Thil thum lungkimsak theih ngeilouh a om uh, ahi, li, Hun e. chi lou:

Han; leh sul hut; lei tuia hihlungkima om lou; huan mei, hun e chi lou.

Mit a pa nuihsan leh, a nu thuman musit, guam vaakten a tawm ding ua, muvanlai nouten a ne ding uh.

Thil thum kei adingin lamdang lua a om ua, ahi, ka theih louh li:

Huihkhuaa muvanlai lampi; suangpi tunga gulpi lampi; tuipi laka long lampi leh pasal nungak toh a lampi.

Huaimah bangin angkawmhat numei lampi ahi; a nea, zapiin a kamkaa, Gitlouhna ka hih kei, achi hi.

Thil thum jiakin lei a linga, huan thil li a puak zohlouh jiakin;

Sikha kumpipa honghih lai leh mihai an kham lai;

Numei huathuaitakin pasal a neiha, sikha nungakin a pi a luahin.

Lei tungah aneu thil li a om ua himahleh apil mahmah uh:

Miksite hatlou mite ahi ua, himahleh nipi laiin a nek ding uh a sutuah ua;

Kawlsajawte hatlou pawl tak ahi ua, himahleh suangpi hengte ah a in uh a bawl uhi:

Khaukhupten kumpipa a neikei ua, himahleh a honhonin a vekun kilemin a pai uh;

Inhikte na khuta na tawi theih ahi ua; himahleh kumpipate inpite ah a teng uh.

A paichiang ua thupi thil thum a om ua, ahi, apai chiangua thupi, li:

Humpinelkai, gamsa laklaka hatpenpen, bangmah ma ah a kihei mang kei hi;

Kidouna-sakol; keltal leng; huan kumpipa, a mite maa pai,

Na kiletsaka haitaka na gamtat leh, ahihkeileh ngaihtuahna gilou na neih leh, na kam tungah na khut koih in,Nawitui peiin mokhon a omsaka, nak hekin sisan a suahkhe sak: huchimahbangin thangpaihna paisuakin kilaina a omsak hi.

Nawitui peiin mokhon a omsaka, nak hekin sisan a suahkhe sak: huchimahbangin thangpaihna paisuakin kilaina a omsak hi.

Kumpipa Lemuel thute; a nun amah ahilh thu:

Bang ahia, ka tapa? Huan bang ahia, Aw ka sul tapa? Huan bang ahia, Aw ka thuchiam tapa?

Na hatna numeite kiangah pe kenla, kumpipate hihsia te kiangah leng na lampite pe sam ken.

Kumpipate ading ahi kei, Aw Lemuel, uain dawn kumpipate ading ahi kei; Zu khauh koia om ahia, chih leng lalte ading ahi sam kei.

Huchilouin jaw a dawn un, dan a manghilh un, gimthuak kuapeuh vaihawmna a kaikawi kha ding uh.

Mangthang dia mansa kiangah zu khauh pia un, khaa haksasa kiangah uain:

Dawn masak unla, a gentheihna manghilh sakun, a haksatna theigige nawn kei hen.

Pauttheilou a ding in na kam ka in, sukgawpa om mi huchibangte tengteng thu ah.

Na kam ka inlan, diktakin vaihawm in, gentheite leh tasamte kiangah vaihawmsak in.

Numei hoih kuan a mu dia? aman lah rubi suang tunglam pek ah a om ngala.

A pasal lungtangin amah a muanga, punna taksapna a neikei ding hi.

A damsung ni tengin amah a hih hoiha, a hihse kei.

Samul leh jija a zonga, a khutin kilawptakin na a sem hi.

Sumsinmi longte bang ahia: gamla akipanin a an a hontawia.

Jan ahih lai in leng a thou a, a inkote kiangah an a pia a, a sikhanute kiangah a sep ding uh.

Lou a ngaihtuaha, a leia; a khuta gahtein grephhuan a bawl hi.

Hatnain a kawng a gaka, a khutte a hatsak hi.

A sumsitna vante a phatuam hi chih a mu a; janin a khawnvak a mit kei hi.

A khutte muikhut ah a ngaa, huan a khutte muiah a nga hi.

Gentheite lamah a khut a jaka; ahi, tasamte lam a sawk hi.

A inkote jiakin vuk a kihta keia; a inkote tengteng lah puansan- auin a kithuam ua.

Puanphah zehoih mantam a kibawla; a puansilh puanmalngat leh sandup ahi.

Kongpite ah pasal theihin a oma, gama upate laka a tut laiin.

Puan hoih puansilh a bawla, a juaka; sumsinmi kiangah kawngakte a pekhia hi.

Hatna leh zahkaina a puansilh ahi; huan hun hongtung ding a nuihsan hi.

Pilnain a kam a kaa; huan siamna dan a lei ah a om hi.

A inkote lampihoih takin a ena, huan thadahna tanghou a ne kei hi.

A tate a thou ua, huan amah nuamsa a chi uhi; a pasalin leng, amah a phata,

Tanu tampiten hoih takin a hih ua, himahleh nang jaw amaute tengteng na khup vek hi, chiin.

Deihsakna khemnain a dima, huan kilawmna bangmahlou ahi: himahleh numei TOUPA laudan siam, phatin a om ding hi.A khuta gahte amah pia un; huan kongpite ah a thilhihten amah phat hen.

A khuta gahte amah pia un; huan kongpite ah a thilhihten amah phat hen.