Pathian limsakloute hoihsak banga om ngeilou-a, mi khialte lampi a leng ding lou-a, musitte tutphah a leng tu ngeilou mi tuh a hampha hi;

A kipahna tuh TOUPA danah ahi jawa; a dan thu tuh sun leh janin a ngaihtuah ngitnget hi;

Amah jaw tui luang kianga sing suan, a huna gah jel, a nah leng kai ngeilou bang ahi a; a thilhih peuhmah tuh a lamzang jel ding hi.

Pathian limsakloute bel huchibang ahi kei ua; buhsi huihin a mutleng mang bang ahi jaw uhi;

Huaijiakin mi Pathian limsakloute jaw vaihawmna maah a ding theikei ding uh, mi khialte leng mi diktatte kikhopna ah a ding thei sam kei ding uhi;TOUPAN mi diktatte lampi tuh a thei naknak ngala; mi khialte lampi bel a mangthang ding hi.

TOUPAN mi diktatte lampi tuh a thei naknak ngala; mi khialte lampi bel a mangthang ding hi.

Bangachia nam chih heh uh ahia, bangchia mi chihin thil phatuam lou ngaihtuah uh ahia?

Lei tunga kumpipate a kisa duamduam ua, heututen leng TOUPA leh a thaunilh tuh a sawm chiat ua,

A gaknate uh hihtat in, a khauhualte uh ei akipan I pai mang ding uh, chiin.

Van a tupa a nui dia: TOUPAN amaute a nuihsan ding;

Huai khit chiangin hehin a kianguah tuh a gen dinga, thangpai takin amau tuh a hih mangbangta ding hi:

Keimah mahin ka tang siangthou Zion ah ka kumpipa ka tusakta ahi, a chi a.

Thusehsa ka gen ding hi: TOUPAN ka kiangah, Nang jaw ka tapa na hi; a; tuniin ka honnei khia ahi;

Hon ngenin, huchiin na gouluah dingin nam chih ka honpe dia, kawlmong tawp tanin na gou dingin leng ka honpe ding;

Amaute tuh sik chiangin na hihkham dia; belvelten bel a paih khap bang un na pai kham dinga. A chi-a.

Huchiin kumpipate aw, pilta unla: leitunga vaihawmte aw, thuzohin omta un;

Laudan siamin TOUPA na sem unla, ling khawmin kipan un;TOUPA tuh tawp unla, huchi keileh a heh dia, lam lakah na mangthang kha ding uh, a thangpai zok ding hi. Amah a a ginna uh koihte tengteng a hampha uhi.

TOUPA tuh tawp unla, huchi keileh a heh dia, lam lakah na mangthang kha ding uh, a thangpai zok ding hi. Amah a a ginna uh koihte tengteng a hampha uhi.

TOUPA, kei hondoute pung hina mahmah u e! Kei honsualte tampi ahi uhi;

Amaha dingin Pathian ah panpihna himhim a om kei, chi-a, ka hinna tungtang thu gente tampi a om uhi. Selah.

Himahleh, TOUPA aw, nang tuh ka kim ka velin ka phaw na hi a; ka lu dom kangpa na hi hi;

Ka awin TOUPA tuh ka sama, a tang siangthou akipanin a hondawng jel hi. Selah.

Kei ka lum tuh ka na ihmuta a; ka khanglou nawna; TOUPAN a honna len gige ahi;

Hondou a, hon um suakte, mi sing khat nangawn ka kihta kei ding.

TOUPA aw, thou inla; ka Pathian aw honhondamin: kei a hondoute tengteng tuh a biang guh uah na khen pahpaha; Pathian limsaklou mite ha tuh na kikhong saka;Hotdamna tuh TOUPA-a ahi: Na vualjawlna tuh na mite tungah om hen. Selah.

Hotdamna tuh TOUPA-a ahi: Na vualjawlna tuh na mite tungah om hen. Selah.

Ka diktanna Pathian aw, ka honsap chiangin hondawngin; ka mangbat chiangin nang na honhihnavak jela: honhehpih inla, ka thumna honngaihkhiak sakin.

Mihing tate aw, ka thupina bang tan ahia zahlaknaa na suahsak ding uh? Bangtan ahia thil bangmahlou tuh na thupi sak ding ua, juauthu na zon ding uh? Selah

TOUPAN Pathian limsak mi amaha dingin a koih tuam chih thei jaw un: Amah ka sap peuhmah chiangin, TOUPAN a honngaikhe ding hi.

Kihta unla, thil hihkhial kei un: na lupna tunguah na lungtang uah na lungtang un ngaihtuah unla, dia sipsip un. Selah

Diktatna kithoihna lan unla, TOUPA tuh gingtan un.

Hoihna himhim kuan ahia honmusak ding? chite tampi a om uhi. TOUPA, nangmah mahin na mel vakin honsun vakin;

A buh leh a uain uh a hongkhan chianga a kipahna sang ua, kipahna thupijaw ka lungtang ah na omsak hi.Khamuang takin ka lum dia, ih leng ka ihmu ding: TOUPA, nangmah mah ahi kei kia a leng bit taka honom sak gige.

Khamuang takin ka lum dia, ih leng ka ihmu ding: TOUPA, nangmah mah ahi kei kia a leng bit taka honom sak gige.

TOUPA aw, ka thute ah na bil hondoh inla, ka ngaihtuahna ngaihtuah in;

Ka kumpipa leh ka Pathian, ka kikou aw ngaikhiain: na kianga thum ka hi ngala;

TOUPA aw, jingsangin ka aw na naza jel dinga; jingsangin ka thumna na maah ka gel hoih dimdiam dinga, ka honna hungaih jel ding hi.

Gilousalou kipahpih Pathian na hi ngal keia: mi khialte tuh na kiangah a tung kei ding hi;

Mi ki-uangsakte tuh na mitmuhin a ding theikei ding ua: gitlouhna na semte tengteng na hua hi;

Juau genhatte tuh na hihmang dinga: TOUPAN sisan suahhat leh khemhat mi tuh a kih nilouhlouh hi.

Kei bel, na hoihna phatnain, na inn ah ka honglut dinga: laudan honsiam kawmin na biakin siangthou lam ngain ka honbe jel ding hi;

TOUPA aw, ka melmate jiakin na diktat vangin honpi inla; na lampi tuh ka maah kichian sakin.

A kam uah ginomna himhim a om keia; a sunglam utuh gitlouh satlouhna ngen ahi: a gawl utuh han kihong ahi a; a lei un mi a phat khempeuh uhi;

Pathian aw, amaute tuh siamlouh tang sakin amau hoihsakna ngeite tuh pukna dingin zang uhen; a tatlekna tampi jiak un sawnkhianin; na tungah a hel ngal ua.

Nangmah a a ginna uh koihte tengteng bel nangmah ah kipak uhenla, na humbit jel jiakin nuamin kikou nilouhlouh uhen; na min itte leng nangmah ah kipak takin om uhen;Mi diktat tuh vual na jawl ding ahi ngala; TOUPA aw, amah tuh phaw bang in deihsaknain na umsuak ding hi.

Mi diktat tuh vual na jawl ding ahi ngala; TOUPA aw, amah tuh phaw bang in deihsaknain na umsuak ding hi.

TOUPA aw, hehin honsal kenla, thangpaiin honsawi sam ken.

Toupa aw, honhehpihin, ka gim gawpta ngala: TOUPA aw, hondam sakin; ka guhte khawng lah a na vekta ngala;

Ka hinna leng nakpitaka hihmangbatin a om hi: TOUPA aw, nang bangtan ahia non etsim ding?

TOUPA aw, hongkik nawn inla, ka hinna hondamin: na hoihna phatna jiakin honhondamin;

Sih nungin nang theihgegena a om ngal keia: Sheol ah kuan ahia na tunga kipahthu gen ding?

Ka mauna lamah ka bahta; jan tengin ka lupna tuh tui ah ka kilam saka; ka lupna tuh ka khituiin ka kawtsak jel hi;

Ka mit tuh lungkhamna jiakin a se hulhula; hondoute jiakin a hongtek deuhdeuhta a.

Nou, na gilou semte tengteng aw, honpaisan vek un; TOUPAN ka kahging a zata ngala;

TOUPAN hehpihna ka nget lah a ngaikheta a; TOUPAN ka thumna tuh a kipahpih ding hi;Hondoute tengteng tuh a zahlak un a mangbang mahmah ding ua; a kik nawm ding ua, thakhatin a hongzahlak guih ding uhi.

Hondoute tengteng tuh a zahlak un a mangbang mahmah ding ua; a kik nawm ding ua, thakhatin a hongzahlak guih ding uhi.

TOUPA, ka Pathian aw, nangmah ah ka ginna ka ngaa: hondelhte tengteng lakah honhondamin honhumbitin:

Huchilou injaw, humbitpa om louin humpinelkai bangin, ka hinna a bot nen kha ding hi.

TOUPA ka Pathian aw, huchi banga hih ka nahiha, ka khut a khelhna naom a hih a,

Ka lawm tuh khelhna a thuk ka na hih leh, (A hi, bangmahlou-a hondou tuh ka humbit a nahi jaw):

Melmain ka hinna delhin, delh pha mai hen aw; ahi, ka hinna tuh leiah chil pukin, ka thupina tuh leivui lakah koih mai hen. Selah.

TOUPA aw, hehin thou inla, hondoute thangpaihna dou din kisa inla: kei dingin kihihhalhin; vaihawmna ding thu na peta hi;

Huchiin mi chih kikhawm khawmten honum suak uhen: huan, nang tuh a tunguah sang piin kik nawnin;

TOUPA michih mi chih vai a hawmsak jel: TOUPAN aw, keimah a ka diktatna leh ka lungsim hoihna om bang jelin vai honhawmsakin.

Giloute gitlouhna hongtawpta le aw, mi diktatte jaw hihkipin: Pathian diktatin lungtangte leh lungsimte a enchian jel hi;

Ka phaw tuh Pathian kiangah a om, amah jaw lungtang diktakpu hondampa ahi hi;

Pathian tuh vaihawmpa diktat ahi, ahi, ni tengin mi giloute tunga lunghihlouhna nei Pathian ahi.

Mi a kihei kik kei leh aman a namsau a tathiam ding; a thalpeu tuh a laia, a manta hi;

Sihna vanzatte tuh amah thahna dingin leng a bawl dimdiamta hi; a thalte thalte tuh kuangtheiin a bawla;

Enin, gilouhna a zinpih; ahi, thilhihkhelhna a paia, juauthu a piangsakta hi;

Kokhuk a bawla, thuk piin a tou-a, amah khuk-toh ah a keta hi;

A thilhihkhelhna tuh amah lutung mah ah a hongkik nawn ding, hiamgam taka a thilhih tuh amah sipmah ah a ke ding hi.TOUPA tuh a diktatna jiakin, a kiangah kipahthu ka gen ding: TOUPA tungnungpen min phatin leng la ka sa ding hi.

TOUPA tuh a diktatna jiakin, a kiangah kipahthu ka gen ding: TOUPA tungnungpen min phatin leng la ka sa ding hi.

TOUPA ka TOUPA aw, leitung tengteng-ah na min hoih hina tele! Na thupina thu van tungahte khawng na koiha;

Melma leh phulami daihsakna dingin, nang hondoute jiakin naungekte leh nawine laite kama pawtin hatna na hihkip hi.

Na van, na khutsuakte, kha leh aksi na sehte khawng, ka ngaihtuah chiangin,

Miching bang ahia, huchitel na limsak? Mihing tapa leng bang ahia, huchitela na veh? Ka chi a.

Amah jaw Pathian sanga nuai zel phetin na bawla, thupina leh pahtawina na khusak ngala;

Na khutsuak tungahte khawng thu na nei saka; a khe nuai-ahte khawng bangmapeuhmah na koih a:

Belam leh bawng tengteng toh, ahi, gamsate khawng to-leng;

Tunga leng vasa leh tuipi ngasate, tuipi-a lampi tawn peuhmahte toh.TOUPA kou TOUPA aw, leitung tengtengah na min hoih hina tel e!

TOUPA kou TOUPA aw, leitung tengtengah na min hoih hina tel e!

TOUPA kiangah ka lungtang tengtengin kipahthu ka gen dinga; na thillamdang hih tengteng ka theisak ding hi;

Nangmah ah ka kipakin ka nuam ding a: nang Tungnungpen aw, na min phatin la ka sa ding hi.

Hondoute a taijak tak un, na maah a kipalpuk ua, a mangthang uhi;

Kei adia kilawm himahleh ka thu-ah nang kei na hon gum ngala; diktaka vaihawmin laltutphahah na tu a.

Nam chih na thihilha, gilou-saloute na hihmangthanga, a min uh leng khantawn khantawnin na thaimangta hi;

Doumite tuh a mangbang vek ua, khantawn adingin bangmah neilouin a omta uhi; na kho sukgamsate tuh, amaute theihgigena nangawn toh leng a mangthang hi.

TOUPA bel khantawn adingin kumpipain a tu a; a laltutphah tuh vaihawmna dingin a bawlta hi;

Aman tuh khovel kizen takin vai a hawmsak dinga, khentuam neilouin mi chih vai a hawm ding hi.

Nuaisiahte din TOUPA thu bukna ahi lai ding, buai hun chianga bukna;

Huchiin na min theiten a honmuang ding ua; nang jaw TOUPA, nangmah honzongte na paisan ngei ngal keia.

TOUPA, Zion a om phatin lasa unla; mite lakah a thil hihte hilh un;

Sisan suah thu dongtel jelpan amau lah a theigige ngala; migenthei kikou aw a mangngilh ngeikei hi.

TOUPA aw, honhehpih inla; sihna kongkhak akipan honkaikhe jelpa, honhote jiaka ka mangbatna enin;

Nangmah phatna tengteng ka theih sak theihna dingin: Zion tanu kongpi khawng ah, na honhotdamna ah ka nuam ding hi.

Nam chih tuh a kokhuk bawl uah a tum ua; a guka a len jak uah amau khe mah a awkta hi.

TOUPA tuh a kihilta a, vai a hawmta a: mi gilou-salou tuh amah khutsuak mah ah a awk nak hi. Higgaion. Selah.

Mi gilou-saloute tuh Sheol ah a kik nawn ding uh. Nam chih Pathian manggilh hatte tengteng tuh;

Tagahte mangngilhin a om nilouh louh kei ding ua, gentheite lametna tuh khantawnin leng a mang sam kei ding hi.

TOUPA aw, thou dihve; mihing peuhmah vualzou kei hen: nam chih tuh na mitmuh ah vaihawm sakin om hen:TOUPA aw, amau lau sakin; nam chihin mihing lel ahi uh chih kithei uhen. Selah.

TOUPA aw, amau lau sakin; nam chihin mihing lel ahi uh chih kithei uhen. Selah.

TOUPA aw, bangachia gamla pi-a ding nak na hia? Bangchia mangbat lai banga kisal nak?

Mi gilou-salou kisaktheihna jiakin mi gentheite delh ekin a om uhi; a thil gilou ngaihtuah khiakte uah amau mah awk uhen.

Mi gilou-salou in a lungtang utlam a suanga, mi huaihamin TOUPA a paikhia a, a musit nak hi.

Mi gilou-salou in kisaktheih mel puin, A phut kei ding, a chichi a. A ngaihtuahna tengteng tuh, Pathian a om kei, chih ngen ahi.

A omdante tuh ckiklai peuhin leng a kip hima; na vaihawmnate tuh tunglam gamla pi-ah, a muh bat louhah, a om hi: Amah doute tengteng lah a nuihsan maimah ngala;

A lungsim in, Ka ling kei ding; khang tengteng phain leng mangbangin ka om kei ding, a chi hi.

A kam tuh hamselohna te, khemna te, engbawlna tein a dima; a lei nuaiah thilhihkhelh na leh siatna a om hi.

Kho tenga a guka tanna munahte khawng a tu jela; mun dai khawngah giloulou mite a that jel hi: a mitin bangmah hih theilou mi a guktan nak ahi;

Humpinelkaiin a kua a guktan bangin aman tuh mun dai ah a guktan jel hi; mi genthei man dingin a tang jela: mi genthei tuh a man ngeia, hichiin a lenin a kai mang naknak hi.

A khupboha, a kuna, bangmah hih theilou mite a mi hatte uh hihpukin a om naknak uhi;

A lungsim ah, Pathianin a mangngilh ahi: a mai a sela, chikmah chiangin a mu kei ding, a chi.

Toupa aw, thou in; Pathian aw, na khut honlikin: mi gentheite mangngilh ken;

Bangjiakin ahia mi gilou-salouin Pathian a muhsit, a lungsima, Na phut kei ding, a chih nak?

Muh jaw na mu khin thama; na khuta thuk ding thilhihkhial leh hihvuina na en ngala: bangmah hih theilou mi na kiangah a kikemsak jela; Pa neilou panpihpa na hi naknak hi.

Mi gilousalou ban sutan inla, mi gilou, gitlouhna zong khiain, na muh het louh mateng;

Toupa tuh khantawn khantawn adin KUMPIPA ahi a: nam chih amah gam akipanin a mangthangta uhi.

Toupa, kingainiamte deihna na ngaikhia a: a lungtang uh na kisa sak dinga, a bil uleng na za sak ding hi:Pa neiloute leh engbawlte, leitung min a engbawl nawn louhna ding un, a vai uh hawmsak dingin.

Pa neiloute leh engbawlte, leitung min a engbawl nawn louhna ding un, a vai uh hawmsak dingin.

Toupa ah ka ginna ka nga jela: bangchidan ahia ka hinna kianga, Na mual uah vasa bangin leng mang un:

En dih ua, lungtang diktakpu mial nuaia a kap theihna ding un, mi gilou-salouten thalpeu a lai ua, a thal utuh a khau ah a bulh chiat uhi;

Suangphumte hihsiata om leh, mi diktatin bang ahia a hih theih ding? na chih uh.

TOUPA tuh a biakin siangthou ah a oma, TOUPA tuh a laltutphah leng van ah a om; mihing tate a mitin a ena, a mitvunin a hihchian jel hi.

TOUPAN tuh mi diktat a hihchian jela: mi gilou-salou leh hiamgamna deihte bel a hinnain a ho nak hi.

Mi gilou-saloute tungah thangte a ke sak dinga; mei leh kat leh huih mulkimhuai tak tuh anou tan ding uh ahi ding hi.TOUPA lah a diktat ngala; diktatna a deih naknak hi mi diktatten a mel a mu ding uhi.

TOUPA lah a diktat ngala; diktatna a deih naknak hi mi diktatten a mel a mu ding uhi.

TOUPA, honpanpih in; Pathian limsak mi lah a om nawnta ngal kei ua; mihing tate lak akipan mi ginom lah a mangta ngal ua.

Mi chihin a innvengte kiangah thu bangmahlou maimai a gengen uhi: maitang phatna leh khemna lungtang puin thu a gen nak uhi.

TOUPAN maitang phatna muk tengteng a atkhe dinga, thu kisathei genna lei toh:

Amau tuh, I leiin I zou ding ua; I mukte tuh eimaha ngei a ka, kua ahia I tunga lal om? a chi uh.

TOUPAN tuh, Gentheite a simmoh jiak uleh, tagahte thum jiakin, ka thou pah ngal dia; a nuihsan tak uh bit takin ka omsak ding, a chi a;

TOUPA thute tuh thu siangthou tak ahi a; dangka leitunga haltuina meia etkhiaka, sagih vei hih siangthou zohsa bang ahi.

TOUPA aw, nang tuh amau na kem hoih dinga, hiai khangthakte lakah chiklai peuhin leng na humbit ding.Mihing tate lakah khelhna pahtawia a omin, mi gilou-salou a vialvak nak uhi.

Mihing tate lakah khelhna pahtawia a omin, mi gilou-salou a vialvak nak uhi.

TOUPA aw, bangtan ahia non mangngilh nilouhlouh ding? Bangtan ahia kei akipana na mai na sel ding?

Ni tumin ka lungtang a lungkhamna neiin bangtan ahia ka lungsim a ka gelgel ding? bangtan ka melma ka tunga tawisan hi ding ahia?

TOUPA ka Pathian aw, ngaihtuah inla, hondawng dih ve: ka mit honhihvak sak inla, huchilouin jaw sihna ihmutin ka ihmu kha ding hi.

Ka melmain, Amah ka zouta, a chi kha ding hi; ka lin leh kei hondoute a kipak kha ding uhi.

Himahleh ken jaw na zahngaihna ka muang ahi; non hotdamna ah ka lungtang akipak ding:Ka tunga hoih taka a hih tak jiakin: TOUPA pahtawiin la ka sa ding hi.

Ka tunga hoih taka a hih tak jiakin: TOUPA pahtawiin la ka sa ding hi.

Mihai in a lungsimin, Pathian a om kei, a chi a. A kigawp khin ua, thil kihhuai tak a hih ua; thil hoih hih himhim a om kei uhi.

Theisiama, Pathian zong mawngmawng a om u hiam, chiin, TOUPAN vanakipanin mihing tate a ensuk hi.

A hilou lamah a pialta vak ua, nintakin a na om chiatta ua; kuamah thil hoih hih himhim a om kei ua, khat lel leng a om kei hi.

Thilhihkhialte tengtengin theihna himhim a neikei ua hia? Tanghou a nek bang un ka mite a nezou vek ua, TOUPA lah a sam ngei sam kei uhi.

Huaiah tuh lau tuntunin a om ua; Pathian tuh mi diktat suante laka a om jiakin;

Mi genthei suangtuahnate tuh na selphou jel uhi, TOUPA tuh a kihumbitna a hih jiakin.Israelte hotdamna tuh Zion akipanin hongpawt mahleh, aw! TOUPAN a mite sala a om uh a pi kik nawn chiangin, huai hun chiangin Jakobte a nuamta ding ua, Israelte a kipakta ding uhi.

Israelte hotdamna tuh Zion akipanin hongpawt mahleh, aw! TOUPAN a mite sala a om uh a pi kik nawn chiangin, huai hun chiangin Jakobte a nuamta ding ua, Israelte a kipakta ding uhi.

TOUPA, na puanin ah kua a hongzintung dia? Na tang siangthou ah kua hongom ding?

Diktaka om, kizen taka hiha, a lungtanga thu taktak gen mi pen.

A leia mi gen ngeilou-a, a lawm tunga leng thil hihkhial ngeilou a, a invengte min leng gense ngeilou mi pen.

Mi gilou tak tuh a muhsitin a om naknak hi; TOUPA laudan siamte bel a pahtawi nak hi. Amah adinga poi ding nangawn kichiam khina hih lamdang ngeilou mi.A pung delh dinga a sum leitawi sak ngeilou mi, a siam jaw siamlouh tangsak dinga golhna leng la ngeilou mi pen. Huchi bang thil hihmi tuh, bangchik mahin a ling kei ding hi.

A pung delh dinga a sum leitawi sak ngeilou mi, a siam jaw siamlouh tangsak dinga golhna leng la ngeilou mi pen. Huchi bang thil hihmi tuh, bangchik mahin a ling kei ding hi.

Pathian aw, honhumbitin: nangmah ah ka ginna ka koih ngala.

TOUPA kiangah. Nang tuh ka TOUPA na hi a; Nang loungal hoihna himhim ka neikei.

Lei a mi siangthou omte jaw, amau jaw mi hoih, ka kipahna tengteng omna ahi uh, ka chi ahi.

TOUPA pathian dang khennaa zangte tuh, a lungkhamnate uh a pung ding: a sisan dawn kithoihna uh ken jaw ka lan kei dinga, ka mukin a minte uh ka lou sam kei ding hi.

TOUPA tuh ka goutan ding leh ka nou tan ding ahi: nang tuh ka tuam non hihkip sak jela.

Tehna khaute tuh mun nuam tak khawngah ka tuam dingin a keta ahi; ahi, gou hoih tak ka luahta ahi.

TOUPA, suangtuahsakpa, ka phat dinga: ahi, janchiang bangin ka lungsim honhilhpil jel hi.

TOUPA tuh ka maah ka omsak gige a; ka taklama a om jiakin ka ling kei ding hi.

Huaijiakin ka lungtang akipana, ka thupina a nuam hi: ka sa leng bit takin a om ding hi.

Ka kha lah Sheol kiangah na nuse sin ngal keia: Na mi siangthou muatna mu dingin lah na phal sin sam kei hi.Nang hinna lampi non theisak dinga; na maah nuam dimletna a om hi; na khut taklamah khantawn kipahna ding a om hi.

Nang hinna lampi non theisak dinga; na maah nuam dimletna a om hi; na khut taklamah khantawn kipahna ding a om hi.

TOUPA aw, ka dikna thu ja inla, ka kikou husa ngaikhia inla; ka thumna, juauthu genhat muka pawt hi lou-ah, bil na doh in;

Ka tungthu pukna tuh na ma akipana pawt hi henla; na mitin khentuam neih louhna en hen.

Ka lungtang na enchian a; janin na hongpha a; non endikta a bangmah na mu het kei a; ka kamin a genkhial kei ding ka chi chiltel ahi;

Mihing thilhih ah jaw, na muka thu pawt jiakin mihing ngongtat lampi-a pai lou dingin ka kikem hoih ahi;

Ka kalsuanten na lampi tuh a tawn ziahziaha, ka khete a tal ngeikei hi.

Pathian aw, ka honsam jela, nang lah non dawng dinga: kei lamah na bil hondoh inla, ka thugen ngaikhia in;

Nangmaha ginna koih peuhmahte kianga, na khut taklama amau sualte hondam jelpa aw, na chitna lamdang kilang sakin.

Mit laimu bangin honkem inla, na kha nuaiahte honbu sakin.

Mi gilou-salou honhihsiaa, hondou-a honum kim lakah.

Amaute tuh amau thau-a umin a om ua, a kam un kisathei takin thu a gen jel uhi;

Tuin jaw ka kalsuanna peuhmah uah a honum suakta a, leia honhihpuk dingin a mitte khawng uh ka tunguah a tusak uhi;

Amah tuh humpinelkai sa keih ut mahmah bang leh, humpinelkai lunlai mun dai peuha buk niloulouh bang lel ahi.

TOUPA aw, thou inla, amah maituah pih inla, kun sakin: ka hinna tuh mi gilou-salou lakah na namsauin humbit inla.

TOUPA aw, na khutin mihingte lakah, khovel mihingte lakah, humbitin; amau tuam jaw tu damsunga a neih uh ahi a, a gil uh na gouin na dimsak naknaka; tate lungkim hunt akin a nei ua, a sum zat val uh a tangekte uh a sihsan jel uhi.Ken jaw diktatna neiin na mel ka mu dinga; nangmah batna neia ka hah hun chiangin ka lungkim hun mahmah ding hi.

Ken jaw diktatna neiin na mel ka mu dinga; nangmah batna neia ka hah hun chiangin ka lungkim hun mahmah ding hi.

TOUPA, ka hatna aw, ka honit hi.

TOUPA tuh ka suangpi leh ka kulhpi leh, honhumbitpa ahi; ka Pathian ka suangpi kip tak ahi a, amah ah ginna ka koih ding; ka phaw leh ka hotdamna ki leh, ka insang ahi;

Phat tuak TOUPA ka sam dinga, huan hondoute lakah hotdamin ka om ding hi.

Sihna khauhualten a hongaka, Pathian limsaklouhna tuikhangten honlau sak a;

Sheol khauhualten a hongak suaka: sihna thangte ka kimvelin a om hi.

Ka lungkhama TOUPA tuh ka sama, ka Pathian ka sam hi. Aman a biakin akipanin ka aw a ja a, a maa ka kikou husa tuh a bil ah a lutta hi.

Huaitakin lei a linga, a kisat ta a, a heh jiakin tangte leng a kingakna nangawn toh a kisatin a lingta hi;

A nak akipanin meikhu ajamtou lunglunga, a kama pawt meiin a kang juajua a, huaiin meihol leng a hihkuang phomphom hi.

Aman tuh vante leng a kunsaka, a hoh sukta a; a khe nuaiah te khawng mial bikbek a hongom hi.

Cherub tungah a tuanga, a lengta a, ahi, huih khuate-ah a leng vengveng hi.

Mial tuh a bukna munah, amah umna buktain, a bawla; tuia mialna, vana meipite mah;

A maa vakna jiakin a meipite athenga, gialte leh meiamte a ke toktok uhi.

TOUPA tuh van tung khawngah a ging dodopa, Tungnungpenin a aw a suaksaka; gialte leh meiamte a ke toktok uhi.

Huan, a thalte tuh a kap khia a, amau tuh a hihjakta hi; ahi, khua khawng a phe zolzol nilouha, ahihbuai vengvung hi.

Huaitakin, TOUPA aw, na tai dinga, na naka hu pawtin a mut ek jiakin, tui luannate a hongkilanga, leilung kingaknate hihlatin a omta hi.

Aman tuh tunglam akipanin a honsawka, honlena; tui tampi akipan honkai khia hi;

Kei galhat tak lakah honhumbita, honhote lakah leng; kei dingin a hat lojen ngal ua;

Amau tuh ka vangtah niin honsual ua, himahlen TOUPA ka ginpi pen ahi;

Aman tuh mun awngthawl takah honpi khiaa; ka tunga a kipah jiakin honhumbit ta ahi.

TOUPAN ka diktatdan bang ngeiin ka tungah a hiha; ka khutte a siangthoudan bang ngeiin a hondin ahi;

TOUPA lampite ka tawna, ka Pathian kiang akipan gilou takin ka pai mang ngei ngal keia;

A vaihawmna tengteng ka maah a om naka, a thu sehte tuh ka pai ngei ngal kei a;

Amah lakah gensiatbei leng ka hi a, ka siatna akipan ka kihuikhe jel hi.

Huaijiakin TOUPAN ka diktatdan bang jelin honna dinta a, ka khutte a mitmuha a sianthou bang jelin.

Mihehpihthei takte lakah hehpihtheitakin na kihihlang dinga; mihoihkimte lakah hoihkimin na kihihlang dinga;

Misiangthoute lakah siangthouin na kihihlang dinga; huan, genhakte lakah genhakin na kihihlang ding hi;

Gimthuak mite hondam ding na hih ngala; mikisatheite bel na hihniam ding hi;

Nang ka khawnvak na hondet sak ding ahi ngala: TOUPA ka Pathianin ka mialna a hihvak ding hi.

Nang hon panpihin gal ka delh ngala; ka Pathian panpih mahin kulh dai ka tawmkan ahi.

Pathian jaw, a lampi a hoihkima, TOUPA thu tuh etdik a hita hi; amaha ginna koih tengteng adingin amah tuh phaw ahi.

TOUPA lou Pathian kua a oma ahia? I Pathian lou suangpi kua a oma ahia?

Hatna hontengsakpa leh ka lampi hihhoihkimpa Pathian mah;

Aman ka khe zukpi khe bangin a bawla, ka mun sangpi ahte khawng a honom sak hi;

Ka khutte uh gal kap dingin a chila, huchiin ka banten leng dal thalpeu a lai zou hial hi.

Nang na hotdamna phaw leng non piaa: na khut taklamin honkaia, na kingaihniamnain na honbawllianta hi.

Ka nuaia ka kalsuanna na hihliana, huchiin ka khete a teu kei hi;

Hondoute ka delh dinga, ka delh pha mai ding: hihmanthata a om masiah uh ka kihei kikta kei ding hi.

A thoh nawn theihlouhna ding un ka sat tan dia: ka khe nuaiah a puk ding uhi;

Nang kidouna adingin hatna ka taiah non tengsak ngala: honsualte tuh ka nuaiah na zouta hi.

Honhote ka hihmangthat theihna dingin, nang hondoute tuh honnung lehngatsan dingin na omsakta hi.

Amau tuh a kikou ua, himahleh hondampa ding kuamah a om kei uh: TOUPA mah tuh a sam ua, himahleh a dawng tuan kei hi.

Huaitakin leivui huih mutleng bang mai in ka sat nena: kholak buannawi bangphetin ka pai kheta hi.

Nang mite kilaina lakah non humbita; nam chih lutang dingin na honsiama, ka theih ngeilouh miten ka nek ka tak a bawlta ding uhi.

Ka tanchin a jak tak un ka thu a mang ding ua; mikhualte ka kiangah a kipe ding uhi.

Mikhualte a vul ding ua, a in sang ua kipanin ling kawmin a hongsuk ding uhi.

TOUPA tuh a hing hi; ka suangpi tuh phatin om henla; honhondampa Pathian tuh pahtawiin om hen:

Phu honlaksakpa leh, mi chih ka nuaia zoupa Pathian mahmah.

Amah hondoute lakah honhonkhia a: ahi, nang kei honsualte tunglamah non domkanga: mi hiamgamte lak akipan na honhumbit jel hi.

Huaijiakin, TOUPA aw, nam chih lakah kipahthu ka honhilh dinga, nang phatin la ka sa ding hi.Aman tuh hotdamna thupitak a kumpipa bawl kiangah a pejela; a thaunilhpa tungah, David leh a suante tung ngeiah, khantawnin a chitna a langsak ding hi.

Aman tuh hotdamna thupitak a kumpipa bawl kiangah a pejela; a thaunilhpa tungah, David leh a suante tung ngeiah, khantawnin a chitna a langsak ding hi.

Vanten Pathian thupidan a theisak ua; huihkhua lian takin a khutsuak a sulang hi.

Sunin sun kiangah thu a gen sawn jela, janin jan kiangah theihna a sulang sawnsawn hi.

Thugen himhim leh pau himhim a om keia; a aw uh bila jak theih ahi kei hi;

A tehna khau uh leilung luah tengteng ah jam suaksakin a oma; a thu uh kawlmong phain a thang kheta hi. Huaite ah ni adingin puanin a jaka,

Huai ni tuh mouneipa dinga dantan akipan pawt bang ahi a, mi hat tak bangin, a taina lampi-a a tai ding tuh nuam a sa naknak hi.

A pawtna tuh kawlmong tawp akipanin ahi a, a tai kawina tuh a tawp lehlam tanin ahi a, a satdan theilou-a selguk himhim a om kei hi.

TOUPA dan tuh a hoihkima, hinna a halhsak jel hi; TOUPA thutheihsak tuh a muanhuaia, mi mawl a pilsak jeljel hi.

TOUPA thuzohna tuh a dika, lungtang a kipak sak naknak: TOUPA thupiak tuh a siangthou-a, mitte ahihvak naknak hi;

TOUPA laudansiam tuh a sianga, khantawna dingin a om hi: TOUPA vaihawmnate tuh a taka, a kizen kimvel vek ahi.

Huaite tuh dangkaeng sangin a deihhuai jaw ahi, ahi, dangkaeng siangthou tampi sangin leng: khuaiju leh khuaikhak sangin leng a khumjaw ahi.

Huai lou leng huaitein na sikha tuh taihilhin ka om jel hi; huaite zuih tuh kipahman thupi tak neihna ahi jel hi.

Kuan ahia amah diklouhnate theithei ding? Diklouhna kiselte lakah honhui khiain.

Thil hihkhial teitei lou dingin na sikha honlen chinten inla; ka tungah amaute thunei sak ken! huchiin hoihin ka om dinga, tatlekna thupi tak lakah gensiat beiin ka om ding hi.TOUPA aw, ka suangpi leh hontanpa, ka kama thupawtte leh ka lungtanga ngaihtuahnate na mitmuhin kipahpihhuai hi hen.

TOUPA aw, ka suangpi leh hontanpa, ka kama thupawtte leh ka lungtanga ngaihtuahnate na mitmuhin kipahpihhuai hi hen.

Mangbat niin TOUPAN hondawng hen! Jakob Pathian minin hon liahkhuh hen!

Mun siangthou akipanin panpihna honsawlsak henla, Zion akipanin honhihhat hen!

Na thillat tengteng tuh theigige henla, na halmang thillat tuh kipahpih hen! Selah.

Na lungtang deihlam honpia henla, na lunggel tengteng honlohchingsak hen.

Na hotdamna ah nuamin la ka sa ding ua, ka Pathian min un ka puanjakte uh ka jak lai ding uh! TOUPAN na ngetna tengteng honlohchingsak hen!

TOUPAN a thaunilh tuh a hondam chih tuin ka theita; a khut taklam hotdamna thain a van siangthou akipanin amah a hondawng ding hi.

Khenkhatin kangtalaite a muang ua, khenkhatin sakolte a muang uhi: En jaw TOUPA i Pathian min I lou zo ding uhi.

Amau jaw a kun ua, a pukta ua; ei jaw I thou ua, I ding tang zota hi.TOUPA, hondamin: i sap chiangin Kumpipan hondawng hen.

TOUPA, hondamin: i sap chiangin Kumpipan hondawng hen.

TOUPA aw, kumpipa tuh na hatna ah a nuam dinga, na hotdamna ah nuamsa na zoujen inchia!

A lungtang deihlam lah na pia a, a muka a thil nget lah na phal lou kei hi. Selah.

Hoihnaa vualzohnatein na dawn ngala: dangkaeng siangthou lallukhu na khusak hi.

Aman tuh hinna hon ngena, na piaa khantawn khawtawna damna.

Na hotdamna ah a thupina a lian mahmah ahi: pahtawina leh thupina tungah na nga jel hi.

Khantawna dingin vualjawlna liantak muin na bawl ngala: Na ma a nopsaknain na kipak sak hi.

Kumpipan TOUPA tuh a muang ngala, tungnungpen chitna jiakin a ling kei ding hi.

Na khutin nang hondoute tengteng tuh a zongkhe vek dinga: na khut taklamin nang hondoute a zongkhe ding hi.

Na heh hun chiangin amau tuh haltuina mei kuang lutlut bangin na bawl ding. TOUPAN amau tuh hehin a valh khin dinga, meiin a kang mang mai ding hi.

A gahte uh lei akipan na hihmang dinga, a suante uh tuh mihing tate lak akipanin na hihmang behlap ding hi.

Na tungah thil gilou hih a tum ngal ua; thil gilou a ngaihtuah khia ua, a hihtangtung thei ngal kei uhi.

Nang amau tuh na kihei sak dek ngala, na thalpeu khaute tuh a maitang uah laisain na bawl ding hi.TOUPA aw, na hatnaah pahtawiin hongomin: huchiin na thilhihtheihna phatin la ka sa ding uhi.

TOUPA aw, na hatnaah pahtawiin hongomin: huchiin na thilhihtheihna phatin la ka sa ding uhi.

Ka Pathian, ka Pathian, bangachia honpaisan? Bangachia honpanpih dinga na gamlat mahmaha, ka thumna thute akipana na gamlat?

Ka Pathian aw, sunin ka kikou-a, himahleh na dawng tuan keia; janin leng ka kikou-a, ka dai tuan kei hi.

Himahleh, nang Israelte phatnaa tengpa aw, nang jaw na siangthou hi.

Ka pipute uh nang honna muang ua: a muang ua, huchiin nang na humbit jel hi.

Nang honsam ua, huchiin, humbitin a om jel ua: honmuang ua, huchiin zahlakin a om ngeikei uhi.

Kei jaw mihing himhim ka hi keia, tangtel phet ka hi a; mihingte gensiat leh mite muhsit ka hi.

A honmu peuhin honnuihsan ua, a muk uh a lawksak ua, a lu uh a sing uh;

TOUPA muang hi ven, aman amah humbit leh ake: a tunga a kipah jiakin humbit leh ake, a chi ua.

Nang tuh sul akipana honlakhepa na hi a: ka nu nawi tunga ka om laiin nang non gingta sakta hi.

Sul akipan himin nangmah tungah ngak ka nahi a: nang tuh ka nu gilsung himah ka Pathian na hi hi.

Hon gamlat mahmah ken; mangbatna ding anai ngala; panpihpa ding himhim a om tuan kei hi.

Bawngtal tampiin honum suak ua: Basan gama bawngtal hat takten hon um suak dedup uhi;

Humpineilkai duhgawl humham hat bangin a kam un honkamkat khum uhi.

Tui banga buak khiakin ka oma, ka guh tengteng leng a kilawi hi; ka lungtang tuh khuainun bang ahia, ka gil lakah a zul khinta hi;

Ka tha tuh belpei bangin a keu khina; ka lei leng ka dangtawngah a belh bikbeka; nang sihna leivuiah nonpi lutta hi.

Uiten a honum suak ngal ua: thil hoihlou hih omkhawmten hon um bit ua; ka khut leh ka khete a vut uhi.

Ka guh tengteng ka sim theia; amau lah honenin hon ensal ua;

Ka puansilhte a kihawm ua, ka puannak dingin ai a san uhi.

Nang bel, TOUPA aw, hon-gamlat mahmah ken! hon Hihhatpa aw, honpanpih dingin hongkin in!

Ka hinna tuh namsau lakah humbit inla; ka neih sun pentak tuh ui thilhihtheihna lakah humbit in!

Humpinelkai kam akipanin hon hondam inla; ahi, gam bawngtal ki akipanin ka kha hondam in!

Ka uanaute kiangah na min ka hilh dinga: kikhawmte lakah ka honphat ding hi;

TOUPA laudansiamte aw, amah phat un! Jakob suan teng teng aw, amah pahtawi un: Israel suan tengteng aw, amah kihta un:

Aman gimthuakmi gimdan a musit ngal keia, a kih sam kei hi; a mai lah a lakah a sel kei hi; amah a sapin a ngaikhe jaw hi.

Kikhopna thupitaka ka honphat jelna jaw nang maha ahi: amah laudan siamte maah ka thuchiam ka tangtun ding hi.

Thunuailutten a ne ding ua, a tai ding uh: amah zongten TOUPA a phat ding uh: na lungtang uh khantawnin hingin om hen!

Kawlmong mi tengteng in leng a thei nawn ding ua, TOUPA lam a ngata ding uh: nam chiha chi chih na maah a kun ding uhi.

Gam tuh TOUPAA ahi a, nam chih tunga vaihawmpa ahi ngala.

Leia mi neizou tengtengten a ne un chibai a buk ding ua; leivui dia paisuak ding tengteng tuh a maah a hongkun ding uh, amau hinna hingsak gige theiloute.

Chi suanin amah nek leh tak a a bawl dinga; khangthak hongom nawnte kiangah TOUPA tanchin a hilh ding ua;A hongpai ding ua, nam hongpawt ding kiangah, A hihkhinta, chiin, a diktatdan a hontheisak ding uh.

A hongpai ding ua, nam hongpawt ding kiangah, A hihkhinta, chiin, a diktatdan a hontheisak ding uh.

TOUPA tuh honchingpa ahi a; ka tasam kei ding hi:

Aman loupa hingnou mitmet munah honkhual sak jela: khawlna tui gei peuh ah a honpi jel hi;

Ka hinna a hon bawlhoih sak jela, amah min jiakin diktatna lampi ah honpi jel hi.

A hi, sihna lim guam tawn mahleng, gilou himhim ka lau kei ding; khetbuk leh na chiangin hon khamuan jel hi.

Hondoute mitmuhin ka maah dohkan na bawlkhol a: ka lutang thau na hilhkhina, ka nou a dimlet hi.Pellou in hoihna leh chitna in ka damsung tengin honjui jel dinga; huchiin TOUPA inn ah khantawin ka om nilouhta ding hi.

Pellou in hoihna leh chitna in ka damsung tengin honjui jel dinga; huchiin TOUPA inn ah khantawin ka om nilouhta ding hi.

Leitung leh a sunga thil om tengteng TOUPA-a ahi a; khovel leh a suanga tengteng toh;

Tuipi tungah amah muhkhiak ahi ngala, luipi tungah leng a hihkip ahi.

TOUPA tang ah kua a paitou ding, a mun siangthou ah kua a ding ding?

Khut siang leh lungtang siangthou nei a, a lungsim thuhimlou lama koih ngeiloua, khem tuma kichiam ngeilou mi.

Aman tuh TOUPA kiang akipan vualjawlna a mu dinga, a hondampa Pathian kiang akipan diktanna leng a mu ding hi.

Huai tuh amah zongmi suan ahi. Jakob Pathian aw, na mel zongte mah. Selah.

Kongpite aw, na lu tung uh sangsak un: nou khantawn kongkhakte aw, kikhai sang un! huchia thupina Kumpipa honglut theihna dingin.

Thupina Kumpipa kua ahia? TOUPA hat tak leh thilhihthei tak, TOUPA, kidounaa thilhihthei tak, a hi!

Kongpite aw, na lu tung uh sangsak unla, ahi, khantawn kongkhakte aw, kikhai sang un! huchia thupina Kumpipa honglut theihna dingin.Tua thupina Kumpipa kua ahia? Sepaihte TOUPA, amah mah tuh thupina Kumpipa ahi. Selah.

Tua thupina Kumpipa kua ahia? Sepaihte TOUPA, amah mah tuh thupina Kumpipa ahi. Selah.

TOUPA aw, ka lungsim na kiangah ka koih den jela.

Ka Pathian aw, nang ka honmuang hi, zahlakin honomsak kenla; hondoute honzoh phal ken.

A hi, nang honngak himhim kuamah zahlakin a om kei ding uh. A jiak om lou-a lepchiah taka gamtate jaw zahlakin a om ding uh.

TOUPA aw, na lampite hontheisak inla; na lamtate tanchin honhilhin.

Na thutak ah hopi inla, hon hilhin. Nang hon hondampa Pathian na hi ngala: nitumin kon ngak nilouh hi.

TOUPA aw, na lainatna leh na chitnate theigige in; tuma a na om tawntung sa ahi ngala.

Ka valnou lai khelhnate leh ka tatleknate theigige kenla; TOUPA aw: na hoihna jiakin, na chitna bang jelin hontheigige in.

TOUPA jaw a hoih in a dik ahi: huai jiakin mi khialte lampi a musak ding hi.

Thunuailutte tuh vaihawmna dikah a pi dinga: thunuailutte tuh amah lampi tanchin leng a hilh ding hi.

A thukhun leh a thutheihsakte juite adingin TOUPA lampi tengteng tuh chitna leh thutak ahi.

TOUPA aw, na min jiakin ka thu limlouhna ngaidamin, thupi tak ahi ngala.

TOUPA laudan siam mi kua ahia? Huai mi tuh a lampi tel ding a musak ding hi.

A hinna tuh nuamsatakin a om ding; a suanten gam tuh a luah ding uhi.

TOUPA thuguk amah laudansiamte kiangah a om, a thukhun tuh amaute a theisak ding hi.

Ka mitin TOUPA lam a en gige a: aman ka khete len akipanin a lakhe ding ahi ngala.

Kei lam hongnga inla, honhehpihin; chim leh haksatakin ka om ngala.

Ka lungtang buainate a hongthupita a; ka mangbatna akipan honpi khiain aw.

Ka haksatna leh ka thuakdan ngaihtuah inla, ka khelhna tengteng ngaidamin.

Hondoute ngaihtuah dih, tampi ahi ua: nakpi petmahin a honhua behlap uhi.

Ka hinna vom hoih inla, hon humbit in aw: zahlakin honomsak kenla, nang ah ka ginna ka koih ngala.

Ka lungsim hoihna leh ka diknain honhumbitin. Ka honngak nilouh ngala.Pathian aw, Israelte a mangbatna tengteng ua kipan tankhia in.

Pathian aw, Israelte a mangbatna tengteng ua kipan tankhia in.

TOUPA aw, vai hon hawmsakin, lungsim hoihtak puiin ka om ngala, ginglah louin leng ka muang hi.

TOUPA aw, hon enchianin honsin inla; ka lungsim leh ka lungtang hihsiangthou in.

Na chitna ka maah a om ngala, na thutak ah ka om jel sam hi.

Mi bangmahlou phette kiangah ka tu ngeikeia; lepchiahte kiangah leng ka lut sam kei ding hi.

Thil hoihlou hihte kikhawmte tuh ka mudaha, mi gilousaloute kiangah ka ut kei ding.

Ka khutte gensiat beinain ka sil dinga, huchibangin, TOUPA aw, na maitam ka vel ding hi:

Kipahthu genna ka hihging theiha, na thil lamdang hih tengteng thute ka hilh theihna dingin.

TOUPA, na omna in ka ita, na thupina omna leng.

Ka hinna mi khialte lakah lakhawm kenla, ka hinna leng sisan suahhatte lakah lakhawm sam ken.

A khut uah ngaihtuah gilou a oma, a khut taklam uh golhnain a dim hi.

Himahleh kei jaw lungsim hoih puiin ka om ding: hontan inla, honhehpihin.Ka khe mun tam takah a dinga; kikhopna bangah TOUPA a phat ding hi.

Ka khe mun tam takah a dinga; kikhopna bangah TOUPA a phat ding hi.

TOUPA ka vakna leh honhondampa ahi; kua ka lau dia? TOUPA ka hinna insang ahi: kua ka kihta dia?

Thil hoihlou hihte, hondoute leh ka melmaten, ka sa nek tuma honsual lai un, a kisui ua, a puk chiat uh.

Sepaih pawlten honsual tumin hon-giahkhum mahle uh ka lungtangin a kihta kei ding; ka tungah kidouna hongsuak mahleh, huchi piin leng ka gingta chinten ding hi.

TOUPA kiangah thil khat ka ngena, huai mahmah ka zong ding; TOUPA kilawmdan mu ding leh, a biakinn a thu dong dingin ka damsung tenga TOUPA inn a ka om gige theihna dingin.

Mangbat niin a bukta ah hon koihkhian ding ahi ngala, a humbitna puanin ah honsel dinga; suangpi tungah honkha kai ding hi.

Tunah hondoute, honumsuakte tunglamah ka lu dopkangin a om ding; huchiin, a puanin ah nuam na kithoihnate ka lan dinga; la kasa ding.

TOUPA aw, ka aw-a ka honsap leh ngaikhia inla; honhehpih inla, dawn leng hondawngin.

Ka mel zong un, chi-a na gen laiin, ka lungtangin na kiang ah, TOUPA. Na mel ka zong ding, kachi a.

Ka lakah na mai sel kenla; na sikha heh in hih mang ken, nang jaw hon panpihpa na hi gige a; hon hondampa Pathian aw, hon paikhe kenla hon paisan het ken.

Ka nu leh ka pan honpai santa ngal ua, hihmahleh TOUPAN honpom lai ding.

TOUPA aw, na lampi hon ensak inla; ka melma te jiakin lampi phei mahmah ah honpiin.

Hondoute ut-uta hih dingin honpe mahmah ken; theipih diklouten hon sual ua, nunsiat thu sekhe nakten.

Mi hing gamah TOUPA hoihna muh kigingta keileng ka bahta ding hi.TOUPA ngak nilouhin; hat takin om inla, na lungtang kihih hangin; ahi, TOUPA ngak nilouh in.

TOUPA ngak nilouhin; hat takin om inla, na lungtang kihih hangin; ahi, TOUPA ngak nilouh in.

TOUPA aw, honsam ding hi ing; ka suangpi, kei lamah na bil ngongsak ken: huchilou injaw; nang nondaih san leh, kokhuka lutsukte bang lelin ka hongom kha ding hi.

Kon sapa, ka khutte na biakna mun siangthou lama ka jaak leh, hehpih ka ngetna awte ngaikhiain.

Mi gilou-salou lakah leh thilhihkhialte lakah honkai mang khawm ken; huaiten a invengte u kiangah lemna thu a gen vak na ua, himahleh a lungtang uahte thilhihkhelhna a theh ngal ua.

A thilhih bang zel un leh, a thilhihte gitlouh bangdan jelin thuk inla a khut ua a nasep bang jelin thuk inla; a gitlouh man uh mu sakin.

TOUPA nasepte leh a khuta a thilhih tuh a limsak louh jiak un aman amau bawlhoih louin a hihse ding hi.

Hehpih ka ngetna awte a ngaihkhiak jiakin TOUPA phatin om hen.

TOUPA tuh ka hatna leh ka phaw ahi a; ka lungtangin amah a muang; huchiin huhin ka om hi; huaijiakin ka lungtang nakpi takin a nuama; ka lain amah ka phat ding hi.

TOUPA tuh a hatna uh ahi a, a thaunilh adingin hotdamna insang ahi.Na mite hondam inla, na gouluah ding tuh vualjawl-in: amaute vak inla, khantawnin pom in.

Na mite hondam inla, na gouluah ding tuh vualjawl-in: amaute vak inla, khantawnin pom in.

Mi thilhihtheitak tate aw, TOUPA kiangah pia unla, TOUPA kiangah thupina leh hatna pia un.

TOUPA kiangah a min thupina pia unla; siangthou kilawmna silhin TOUPA chibai buk un.

TOUPA aw tuh tui tungahte a ginga: thupina Pathian tuh a hongging doldola, TOUPA mah tuh tui tampi tungah a hongging hi.

TOUPA aw tuh thilhihtheitak ahi a; TOUPA aw tuh thupi tak ahi.

TOUPA awin sidar singte a hihtan dinga; ahi, TOUPAN Lebanon tanga sidar singte a hihtan lemlum jel hi.

Bawngnou bangin amaute a diang saka: Lebanon leh Sirion tangte tuh gam bawngtalnou bang main.

TOUPA awin meikuangte a phelh jel.

TOUPA awin gamdai sing a linga: TOUPA Kades gamdai a lingsak jel hi.

TOUPA awin zukpite bang nou a se saka, gammang singnahte khawng a nuai keu vek hi; a biakin ah thil bangkim, A thupi e, a chi chiat jel uhi.

TOUPA tuh Tuichim laiin kumpipain a tu-a, ahi, TOUPA tuh khantawn adingin kumpipa dingin a tu ahi.TOUPAN a mite kiangah hatna a pe dinga, TOUPAN a mite khamuannain vual a jawl ding hi.

TOUPAN a mite kiangah hatna a pe dinga, TOUPAN a mite khamuannain vual a jawl ding hi.

TOUPA aw, kon pahtawi dinga; nang non kaikhiaa hondoute non awikhum sak louh jiakin.

TOUPA ka Pathian aw, kon sama, nang na honhihdamta hi.

TOUPA aw, nang ka hinna Sheol akipan na pi khia a; kokhuka ka paisuk louhnadingin nang na honhum hing jel hi.

A mi siangthoute aw, TOUPA phatin lasa unla, a min siangthou phat un.

A hehna tuh mitphiatkal phet ahi ngala; a deihsakna ah hinna a om hi; kahna giak dingin nitaklam chiah a honglut theia, jingsangin bel nuamna a hongtung nak hi.

Ken jaw nuam ka sak laiin, Chikmah chiangin ka ling kei ding, ka chi a.

TOUPA nang na deihsakna jiakin ka mual tuh na ding kipsak ta a; himahleh na mai na sela, ka hong mangbangta hi.

TOUPA aw, nang kon sama; TOUPA kiang mahah hehpihna ka ngen hi:

Kokhuka ka paisuk leh, ka sisan ah punna bang ahia om ding! Leivuiin honphat ding hia? na thutak a gen sin maw?

TOUPA aw, ngaikhia inla, hon hehpihin: TOUPA, nang honpanpihpa hiin.

Ka sunna kei dingin lamna na suak saka; ka saiip puan non suahsaka, kipahna nontengsak hi.Ka thupina dai nilouh lou-a, nangmah phata la a sakna dingin TOUPA ka Pathian aw, khantawnin kipahthu ka honhilh gige ding hi.

Ka thupina dai nilouh lou-a, nangmah phata la a sakna dingin TOUPA ka Pathian aw, khantawnin kipahthu ka honhilh gige ding hi.

Toupa aw, nangmah ah ka ginna ka koih jela; chickmah chiangin leng zahlakin hon omsak kenla: na diktatna jiakin honhumbit in.

Kei lamah na bil hondoh inla; honhumbit menin: kei dingin suangpi kiptak, hon hondamna dingin bitna in’ hong hi in.

Nang tuh ka suangpi leh ka kulhpi nahi ngala; huaijiakin na min jiakin hon piin hon kaiin.

Ka awkna dinga aguka len a phah lak uah honkai khiain; nang ka insang na hi ngala.

Na khut ah ka kha kon kemsak hi: Toupa aw, thutak Pathian, nang non tanta hi.

Thil bangpeuh ginalou peuh ngaihtuahte tuh ka hua a; ken bel Toupa ka kamuang ahi.

Na chitna jiakin ka nuamin ka kipak dinga; ka mangbatna na mu gige ngala; ka hinna a mangbat laiin leng na theigige hi.

Huan, hondoumi khut ah nang non khumta keia; ka khe mun awng thawl takah na nga zota hi.

Toupa aw, honhehpihin, mangbangin ka om ngala; ka mit lungkham na jiakin a se huaihuai ahi, ka hinna leh ka pumpi nangawn.

Ka damsung lungkhamna in a mangbangta ngeia, ka kumte thum na in a beita hi: ka thulimlouhna jiakin ka tha a jaw a, ka guhte leng a segawp hi.

Hondoute jiakin ka min a hong seta a, ahi ka vengte lakah nakpi in a seta hi, ka meltheihte a dingin leng kihtakhuaipi ka hita hi: kho laka hon muten lah hon taisan ta ngal ua.

Misi a mangngilh bangtak un mangngilh in ka om a: bel kitam bang lel ka hita hi.

Mi tampi hon hekna ka za ngala, ka kima kihtakhuai om tuh hon sawm khawm lai un, ka hinna hon laksak a tum uhi.

Himahleh, Toupa aw, ka hon muanga: ka Pathian nahi ka chi a.

Ka hunte na khut ah a oma, hondoute khut a kipan leh hon sim mohte lakah honhumbit in.

Na melin na sikha hon sunvak in; na chitna jiakin hon hondam in.

Toupa aw, zahlakin hon omsak ken; kon sam ngala: mi gilousalou zahlak in om uhen la, Sheol ah dai dinden in om uhen.

Muk juautheite pau theilou in om uhen; huaiten tuh kisathei leh musit kawmin pau taltakin mi diktat te a gense jel uhi.

Na hoihna, nangmah laudamsiamte a dingin na kholkhawm tuh thupi natel e aw! Mihing tate mitmuha muanna koihte a dinga na hih sak pen tak.

Amau tuh mihing omna lakah na humbitna mitmuh in na selgu dinga: lei selhatna lakah bukta ah na koih gu ding hi.

Toupa phatin om hen: a chitdan lamdang tak tuh khopi kiptak ah a hon musak ngala.

Kei lah, ka hamhaih in, Na itmuh a kipan paih mangin ka omta, ka na chi maimah a; himahleh ka hon sapa hehpihna kon ngetna awte nana za ngala.

A mi siangthou tengtengte aw, Toupa it un: Toupan mi ginom a humbit a, kisatheitaka gamta tuh nakpi tkain a thuk jel hi.Toupa lamen tengtengte aw, hattakin om unla, na lungtang uh hangsak un.

Toupa lamen tengtengte aw, hattakin om unla, na lungtang uh hangsak un.

A tatlekna ngaihdam a om a, a khelhna khuh a om in, nuam a sa hi.

Mi, Toupan thulimlouhna neia a seh louha, a kha a zekhemna him him om lou in nuam a sa hi.

Ka khelhna ka gen khiak louh laiin, nitum a ka mau nilouhna in ka guhte a tatkhin vekta hi.

Sun leh jan in na khutin non delh ngala: ka tui nawnna leng, khal nisa in thil ahih lamdang bangin, a hong lamdang hialta hi. Selah.

Ka khelhna na kiang ah ka kithan a, ka thulimlouhna ka imta kei hi, Ka tatlekna Toupa kiangah ka pulak dinga, ka chi a; huchiin ka khelh thulimlouhna tuh na ngaidamta hi. Selah.

Huaijiakin, Pathian limsak mi chihin zon muh baihlama na om laiin na kiangah thum chiat uhen; tui liante a honglet hun chiangin amau tuh a pha zou kei ding hi.

Nang tuh ka bukna mun na hi a: nang mangbatna lakah non hum bit ding hi; humbitna late in non umsuak sak ding. Selah.

Na paina ah ka hon hilh pil dia, ka honchil ding: ka mit a hon en gige kawmin ka hon suangtuahsak jel ding hi.

Ngaihtuahna neilou sakol hiam, sabengtung hiam bang in om kenla: tuate vante tuh let kipna dinga sikbah leh kaihkhawlna khau ahi a, huchilouin na kiang naiah a hoingpai kei ding uhi.

Mi gilou-salou a dingin lungkhamna tampi a om ding: Toupa muang bel chitna in a umsuak zo ding hi.Mi diktatte aw, Toupa ah nuam in kipak unla: lungtang diktak pu tengteng aw, nuamin kikou un.

Mi diktatte aw, Toupa ah nuam in kipak unla: lungtang diktak pu tengteng aw, nuamin kikou un.

Mi diktatte aw, Toupa ah nuamin lasa un: midik adingin Pathian phat a kilawm him ahi.

Kaihgingin Toupa kiangah kipahthu gen unla; pekging gui sawm neiin amah phat in lasa un.

Amah pahtawiin la thak sa unla; husa thupi toh siamtak in tum un.

Toupa thu a dika; a thilhih tengteng muanhuai taka hih ahi ngala.

Diktatna leh vaihawmna dik a it naknaka; leitung Toupa chitnain a dim hi.

Toupa thuin vante siam ahi a; huaia omte tengteng leng a kama hu a siam ahi uhi.

Aman tuipi tuite bangkhat koih khawm bangin a bawl khawma: tui thukpi te tuh koihkhawmna in ah te khawng a koih hoih jel hi.

Leitungluah tengteng in Toupa laudan siam henla; khovela om tengteng amah lauin om uhen.

Aman a gen a, a hong omta a; thu a pia a, a hong om kipta ngala.

Toupan namchih lunggelna tuh bangmahlou in a om saka: mi chih ngaihtuahna te tuh bangmah phattuamna neilou in a siam hi.

Toupa lunggelna bel khantawnin a om kip dinga, a lungtanga ngaihtuahte khang tengteng tanin a om kip ding hi.

Toupa Pathin nei nam tuh a hampha uhi; amah gouluah dia a tel mite mah.

Toupan van a kipan in en a; mihing tate tengteng a mu naknak.

Lei a om tengteng a omna mun a kipanin a hon en jel hi.

Amaute tengteng lungtang sekpan a thilhih tengteng uh a enkhia hi.

Kumpipa himhim sepaih tam jiak lela humbit ahi ngeikei: mihat thahat jiak lela tatkhiak ahi sam kei.

Bitna dingin sakol bangmah ahi kei: a hat mahmah jiak lelin kuamah a humbit tuan kei ding hi.

Ngai dih, Toupa mit tuh amah laudan siamte tungah a tu gige a, a chitna lam ente tungah.

A hinna uh sihna laka humbit ding leh kial tun a amau tunghing dingin.

I hinna in Toupa a ngak nilouha; amah hon panpihpa leh i phaw uh ahi.

Amah ah i lungtang a nuam ding ahi, a min siangthou i muan jiak in.Toupa aw, na chitna tuh ka tunguah om hen, kon lamet bang jel un.

Toupa aw, na chitna tuh ka tunguah om hen, kon lamet bang jel un.

Chiklai peuhin leng Toupa tuh ka phat dinga: amah phatna ka kam ah a pawt gige ding hi.

Ka hinna in Toupa a suang dinga: thunuailutten huai a za ding ua, a kipak ding uhi.

Aw, Toupa hon phatpih unla, a min pahtawi chiat ni.

Toupa ka zonga huan aman hon dawnga, ka kihtaklam peuhmah lakah a hon humbit ahi.

Amah a en ua, huan, a hong vakta uhi; a melte uh chikmah in a zum kei ding.

Hiai mi genthei a kikou a, huan Toupan a ja a, a mangbatna tengtengah a honkhe ta hi.

Amah laudansiamte tuh, a kim a vel uah Toupa angelin a om khuma, a humbit jel.

Aw, Toupa hoihdan chiam him dih ua: amaha muanna koih mi a hampha hi.

A mi siangthoute aw, Toupa laudansiam un: amah laudansiamte a ding in taksapna himhim a om louh jiak in.

Humpinelkai lunlaite tuh a tasam un a gilkial naknak uhi: Toupa zongte jaw thil hoih himhim a tasam kei ding uhi.

Kisa un, naupangte, ka thu ngaikhia un: Toupa laudan ka honhilh ding hi.

Hoihna a muh theihna ding un, hinna deiha damsawt ut mi kua ahia!

Na lei tuh gilou lakah veng hoih inla, na muk tuh khemna thu genlou dingin veng hoih in.

Gilou paisan inla, thilhoih hih in; lemna zong inla, a delhin delh in.

Toupa mit in mi diktatte lam a en gige a, a bilin a sap uh za ding in a ngaikhe gige hi.

Toupa melin thilhihkhialte a dou naknaka, amau theih gigena tuh lei akipana hihmangthang dingin.

Mi diktatte a kikou ua, huan Toupan a naja a, a mangbatna tengteng uah a honkheta hi.

Toupan lungtang khasiate a vanaih jeljel a, lungsima kisik peuhmahte a hondam jeljel hi.

Mi dik haksatnate a tama, himahleh Toupan huai tengtengah a honkhe gige ahi.

A guh tengteng a kem hoih a, khat lel leng hihtan ahi kei hi.

Thil hoihlou in mi gilou-saloute a hihlum dinga: dik hoten siamlouh a tang ding uhi.Toupan a sikhate hinna a tan ngitnget a; amaha muanna koihte tuh khat leng siamlouh tang a om kei ding uhi.

Toupan a sikhate hinna a tan ngitnget a; amaha muanna koihte tuh khat leng siamlouh tang a om kei ding uhi.

Toupa aw, honsualte nang sualin: hondoute nang douin.

Phaw neu leh phaw lian lenin, honpanpih dingin ding in:

Tei leng phawi inla, hon delhte lam na dalin: ka hinna kiangah, Na hondampa ka hi, chi in.

Ka hinna hihmang tuma zongte zahlak saka hihzumin om uhen: hon hihsiatna dinga thubawlte, taijak sakin gending theilou hialin om uhen.

Toupa angelin hawl kawm jela buhsi huihin a mutleng bangin om uhen.

Toupa angelin delh kawm jela, a lampi uh mial tak leh nal tak hi hen.

A jiak omlouin honmatna ding un a len uh kokhuk ah a phah gu ua, a jiak omlouin ka hinna kiakna dingin kokhuk a tou ngal uhi.

A ki ginlouh laiin siatna a tungah tung henla; a len phah gukah amah mah awk henla: huaiah ke sia hen.

Huchiin ka hinna Toupa ah a nuam ding hi: a hotdamna ah a kipak ding.

Ka guh tengteng in, Toupa, migenthei a lanzoh vuallouh laka humbitpa ahi, tagah leh genthei, a hihgampa laka humbitpa, nang bang mawngmawng kua a om? a chi ding.

Theihpih diktatlou hialte a hong ding ua; ka thiltheih hetlouh thu ahte thu a hon dong ua.

Ka hinna in thil tan khop in thil hoih thil sia in a hondin hi.

Ken bel, a damlouh lai un, ka puansilh tuh saiip ahi a: ka hinna anngawlin ka hih genthei ngala; ka thumna tuh keimah angsung ngeiah a hongkik nawn hi.

Ka lawm hiam, ka unau hiam leng hi heh aw a tung ua ka omdan ding bang in ahi ka om: mi a nu kah bangin sunin ka kun hi.

Himahleh kei ka bai leh amau a kipak sem ua, a kikhawm hial ua: mi vuak hatte honsual ding in a kikhawm ua, huai lah ka nathei ngal kei a: tawpnuam louin honhih ek uhi.

Ankuang luina a nuihja chiamnuihna gente bang phetin a ha uh hon gawi khum uhi.

Toupa, nang bangtan ahia na et ding? Ka hinna hihsiat a tupna lak uah honkhia inla, ka neih sunpen humpinelkai lakah hon khia in.

Kikhopna thupi takah kipahthu ka honhilh dinga: mi tampi lakah ka hon phat ding hi.

Ka melmaten diklou takah hon otsan kei uhen: bangmah lou a honhote leng a mit un kihoupih sam kei uhen.

Kituahna thu himhima gen ngal kei ua: hiai gam a om hiathiat te khemna thute a ngaihtuah jaw uhi.

Ahi, a kam un hon kamkat khum ua; Ku! Ku! i mitin i muta a chi ua.

Toupa aw, nang na mu hi, daihsan ken. Toupa aw, hon gamlat mahmah ken.

Ka Pathian leh ka Toupa aw, ka vaihawm dingin, ahi, ka thu a hon gum dingin, kihalhsak inla, hakin.

Toupa ka Pathian aw, na diktatna bangjelin vai honhawm sak inla; amauten hon otsan kei uhen.

A lungsim un, Nuam e! Huchi bang a keimaw i deih, chi kei uhen. Amah i valh khinta, chi sam kei uhen.

Ka siatna tunga kipakte zahlak leh gending beiin om chiat uhenla; ka tung a kiliansakte zahlakna leh zumna silhsakte zahlakna leh zumna silhsak in om uhen.

Ka diktatna tunga kipakte nuama kikouin kipak takin om uhenla: Ahi, a sikha vangphatna tunga kipak sak Toupa tuh pahtawiin om hen, chi gige uhen.Huchiin, ka leiin na diktatna thu a gen dinga, na phatna thu leng nitumin a gen ding hi.

Huchiin, ka leiin na diktatna thu a gen dinga, na phatna thu leng nitumin a gen ding hi.

Mi gilou-salou tatlekna in ka lungtang sungah thu a gena, A mitmuh ah Pathian kihtakna himhim a omkei, chi in.

A thulimlouhna a mukhe kei ding ua, a pai tuan kei ding uh, chiin. Amah mitmuhin amah mah a kiphat tawm ngala.

a A kama thupawt te thulimlouhna leh khemna thu gen ahi naka: pil leh thilhoih hih a tawpta ahi.

A lupna ah thil thulimlou a gel gige a; lampi hoihlou ah a pai teitei a: gilou tuh a kih kei hi.

Toupa aw, na chitna tung van khawng ah a om a; na ginomna in tung van dumte a su hi.

Na diktatana Pathian tangte bang ahi; na vaihawmte tuh tui thuk talkhauh bang ahi; Toupa aw, mihing leh gamsa na humbit jela.

Pathian aw, na chitna tuh manpha hi na e! Mihing tate na kha nuaiah a tu jel uhi.

Amau tuh na in sung thil hoih in a tai mahmah ding ua; na kipahna luia na dawn sak ding hi.

Hinna tuikhuk na kiangah a om ngala: na vakah vak ka mu ding uhi.

Aw, nangmah theite tungah na chitna kitheisak zel inla; lungtang diktak pute tungah leng na diktatna langsak jelin.

Kisathei khe tuh honsual dingin kei lam ah kalsuan dah henla, mi gilou salou khut in leng hon delh mang kei hen.Huailaiah thulimlouhna hihte a puk ua; sawnpuk ahi ua, a thou thei nawn kei ding uhi.

Huailaiah thulimlouhna hihte a puk ua; sawnpuk ahi ua, a thou thei nawn kei ding uhi.

Thil hoihlou hihte jiakin kihih lungkham nuam dah inla, diklou taka hihte leng eng ken.

Loupa bang in at paihin a om zok ding ua, louhing bang in a vuai ding uh ahi ngal ua.

Toupa muang inla, thil hoih hih in; hiai gamah om inla, ginomna delh jelin.

Toupa tungah leng kipak in; huchiin na lungtang deihlamte a honpe ding hi.

Na omdan ding Toupa tungah nga inla; amah muang in, aman ahih vek ding.

Na dikdan vak bang in a suaksak dinga, na siamtandan leng sunlai bang maiin.

Toupa ah khawl inla, amah ngak nilouhlouh in; a omdana vangphatna mute jiakin kihihlungkham nuam dah in, ngaihtuahna giloute pichinmi jiakin.

Heh tawpsan inla, thangpaih kisik in: ki hihlungkham nuam ken, thil hihkhelh ah a hong ke maimah nak hi.

Thilhoihlou hihte hih mangin a om dek ngal ua: Toupa ngakten bel gam a luah ding uhi.

Sawtlou kal chik in mi gilou salou a om nawnta ngal kei dia: ahi a omna mun uh enen mah le chin, a omta kei ding hi.

Thunuailutten bel gam a luah ding ua; ki tuahna thupitak tungah a ki pak ding uhi.

Mi gilou-salou in mi diktat a sawma, a ha a gawi khum nak hi.

Toupan amah a nuihsan ding. A ni a hongtung dek chih a theih jiak in.

Genthei leh tagahte hihpuk ding leh omdan dikte hihlum ding in mi gilou-salouten namsau a phawi ua, a thalpeute uh a lai uhi.

A namsau un amau lungtang a sun dinga, a thalpeute uh hihtanin a om ding hi.

Mi diktat thil tawmchik neih tuh mi gilou-salou tampi thil neih keihkuihte sangin a hoihjaw ahi.

Mi gilou-salou bante hihtanin a om dek ngala: mi dik bel Toupan a len gige ding ahi.

Toupan mi hoihkimte nite tuh a theia; a gouluah ding uh khantawna om gige ding ahi.

Hun hoihlou ah a zahlak kei ding ua; kial kum inleng a vah ding uhi.

Mi gilou-saloute bel a mangthang ding ua, Toupa doute leng loupa hing didep bang ahi ding uh; hihmanthat in a om ding ua, meikhu in a jammang ding uhi.

Mi gilou-salou in a leitawia, a pe nawn kei naka; mi dik in bel mi a hehpih a, a pe zo nak hi.

A vualjawlna muten gam a luah ding ua, a hamsiatte tuh hihmanthat in a om ding uhi.

Mi kalsuante tuh Toupa hihkip ahi a; a lampi ah a kipak nak hi.

Puk mahleh, lupden sakin jaw a om tel kei ding hi; Toupan a khutin a len gige ngala.

Naupang ka na hita a, tuin tek ka hong hita a, himahleh mi diktat limsaklouha a omlam ka mu ngeikei hi, a suante anngolh leng ka mu ngei sam kei hi.

Mi a hehpih gige a, a leitawi sak jela; a suante leng a hampha nak uhi.

Gilou paisan inla, thil hoih hih in; huchiin khantawnin teng gige in.

Toupan vaihawm diktatna a deih naknak ngala, a mi siangthoute tuh a paisan ngeikei hi, khantawn a ding in kep hoih in a om uh: mi gilou-salou suante bel hihmangin a om ding uhi.

Mi dikten gam a luah ding ua, a sungah khantawn in a om ding uh.

Mi dik kamin pilna thu a gen naknak, a leiin vaihawm diktatna thu a gen gige hi.

A Pathian dan tuh a lungtang ah a oma; a kalsuan himhim a tolh kei ding hi.

Mi gilou-salou in mi diktat a enkhia a, hihlup a tum gige hi.

Toupan amah a khut ah a nose kei dinga, a vaihawm hun chiangin siamlouh tansak a phal sam kei ding hi.

Toupa tuh ngak inla, lampi tuh tawn in, huchiin gam luah dingin a hon pahtawi ding hi: mi gilou-saloute hihmanthata a om utuh na mu ding hi.

Mi gilou-salou nakpi taka thu neia, a pouna muna singnou dawng thenthon banga, ka biambuam lai ka mu a.

Himahleh lampi ah mi a va pai ua, huan, ngai dih, amah a na omtakei maimaha; ahi, ka zonga, himahleh muh theih ahi ta kei hi.

Mi gensiatbei chiamteh inla, mi diktak tuh en in, huchibang mite tawpna ding jaw khamuanna hi ding ahi ngala.

Talek te bel a kituaka hihsiat in a om chiat ding ua, mi gilou-salou tawpna ding tuh hihmanthat a hita ding hi.

Ahihhangin mi diktatte hotdamna tuh Toupa akipanin ahi; amah tuh mangbat laia kulhpi muan ahi.Toupan amau a panpihin a humbit a, amah ah a kituklut jiak un mi gilou-salou te lakah humbitin a hondam hi.

Toupan amau a panpihin a humbit a, amah ah a kituklut jiak un mi gilou-salou te lakah humbitin a hondam hi.

Toupa aw, hehin hontai kenla; thangpaiin honsawi sam ken.

Na thalte tuh ka sa ah a tala, na khut tuh ka tungah a tu bukbuk ngala.

Na lunghihlouhna jiakin ka sa ah damlai himhim a om kei hi; ka thulimlouhna jiakin ka guhte ah damlai himhim a om sam kei hi.

Ka thulimlouhnaten ka lu a tum manga, puakgik tak bang, ka puak zoh vuallouh ahi.

Ka haina jiakin ka chikehte a uihin a se khinta hi.

Ka chi a na a, ka kun ngiungiaua; nitumin lungkham in ka mau ka mau hi.

Ka kawng a lum huthut veka; ka sa ah leng damlai himhim a om kei hi.

Ka baha, ka sidup keihkuiha; ka lungtang noplouhna jikain ka thum hithit hi.

Toupa ka deihlam tengteng na theia; ka thumna leng na lakah sel ahi kei hi.

Ka lung a phu dupdupa, hatna ka neita kei; ka mit vakna nasanin hon omlouh santa hi.

Hon itte leh ka lawmte ka natna lakah a kihuikhe jel ua; ka sanggamte leng gamla pi ah a ding uhi.

Ka hinna hihmang tuma zongten honmatna ding un thang a kam ua; ka siatna ding zongten leng thu hoihlou takte a gen nak uhi; nitumin khemna thute a ngaihtuah uhi.

Himahleh kei tuh bengngong bangin za louin ka om a; pau theilou mi kamka ngeilou bangin ka om hi.

A hi, mi pau za theilou, a kama taihilhna mawngmawng pawt ngeilou bang in ka om hi.

Toupa aw, nangmah kon lamen ngala; Toupa ka Pathian aw, nang non dawng hi.

Huchilou in jaw hon otsan dia, ka khe a teu takin ka tungah a kihihlian kha ding uh, ka chi ahi.

Ka puk dekdek ngala, ka lungngaihna leng ka maah a om gige hi.

Ka thulimlouhna tuh ka pulak dinga; ka khelhna jiaka lungngaiin ka om ding ahi.

Himahleh hondoute a halh ua, a hat uhi: diklou pi a hon hote kilawmlou piin a pung ua.

Thilhoih thil gilou a thuk nakte tuh thilhoih ka delh jiak in hondoute ahi uhi.

Toupa aw, honpai san mahmah kenla; ka Pathian aw, hon gamlat mahmah ken.Toupa hondampa aw, hon panpih ding in, kin meng in.

Toupa hondampa aw, hon panpih ding in, kin meng in.

Ka leia thil ka hihkhelh louhna dingin ka omdante ka veng hoih dinga; mi gilou-saloute ka maa a om sung teng uh ka kam mukgak nain ka gak ding ka chi.

Huchiin dai didein pau louin ka om a, a hoihlam ah leng ka dai dide a; himahleh ka lungngaihna tuh tohthohin a om zosopa.

Ka sung ah ka lung a sa vutvut; ka ngaihtuah ka ngaihtuah in mei tuh a kuang khia a; huan, ka leiin thu ka genta hi.

Toupa, ka tawpna ding leh, ka damchiang ding, bangchi ahi, chih, hon theisak inla; ka hinna bek in dan hontheisak in.

Ngaiin, ka damsung tuh khutpek tan phetin na siama; ka kum tuh na mitmuhin bangmah tham ahi keia; mi chih a hoih lai pen un a vek un bangmahlou lel ahi uhi. Selah.

Mi chih nuamsa bangin a vak ngei ua; a mawk buai ngei nak uhi. Gou a khawl khawm ua, a luah ding lah a theikei uhi.

Huan, Toupa, tunah bang ka ngak dia? Nangmah ah ahi ka lametna a om.

Ka tatlekna tengteng lakah honhonkhia inla: mihai gensiat in hon omsak ken.

Nangmah hih a hih jiak in ka pau keia, ka kam leng ka ka kei hi.

Na hasotna ka kiang akipan honlak suansak inla; na khut khaka hihman ka hi hi.

Mi a tatlekna jiaka thuhilha na sawiin, a deihlai pen leikha bangin na hihse naka; mi chih bangmahlou lel ahi uhi. Selah.

Toupa aw, ka thumna ngaikhia inla, ka kikou na ah na bil doh inla; ka khitui kia daihsan ken: na mikhual ka hi a, ka pipute tengteng bangin zintammi ka hi ngala.Aw, hiai a kipan ka pawta, ka omlouh paisuak vengveng main, ka halh nawnna ding in honhawi in.

Aw, hiai a kipan ka pawta, ka omlouh paisuak vengveng main, ka halh nawnna ding in honhawi in.

Toupa ka ngakngaka: huchiin aman a ngeingaiha, ka kikou tuh a zata hi.

Manthatna kokhuk a kipan, buannawi diadua a kipan a honkhai khetou a: huan, ka khe tuh suangpi tungah a nga a, ka kalsuante a hihkip hi.

La thak ka kam ah koiha, i Pathian phatna: mi tampi in huai tuh a mu ding ua, a lau ding ua, Toupa a muang ding uh.

Toupa a muana nei a, ki sathei te leh thujuau a kipana kihemkhiate tuh a hampha hi.

Toupa ka Pathian aw, nang thillamdang na hihte leh koumau lam non ngiahtuahnate a tam mahmaha, huaite na maa hihlat zoh vual ahi kei ding.

Kithoihna leh thillat tungah kipahna himhim na neikeia; ka bilte non honsakta a; halmanga thillat leh khelhna dinga thillat na phut kei hi.

Huaitakin, ken, Ngaiin, ka hongpai hi; laibu jial ah ka thu gelh ahi.

Ka Pathian aw, na deihlam hih ka kipahlam tak ahi; ahi, na dan thu ka lungtang ah a om gige hi, ka chi a.

Kikhopna thupitak ah diktatna thu hoih ka tangkoupiha; Toupa aw, ngaiin, ka kam ka it kei ding chih na thei hi.

Na diktatna ka lungtang sungah ka im keia; na ginomna leh na hotdamna thu ka tangkoupih zo ding; Na chitna leh na takna kikhopna thupi taka mite lakah ka selkei ding hi.

Toupa aw, na lainatnate ka lakah it kenla; na chitna leh na takna in honhumbit gige in.

Thil hoihlou sim zohlouh in hon umsuak ngala, ka thulimlouhnaten hon delhphaa, huchiin ka dak theita keia; huaite tuh ka samzang te sangin a tamjaw a, ka lungtang a tawlta hi.

Toupa aw, hehpihtak in honhumbit inla; Toupa aw, honpanpih ding in kin in.

Ka hinna hihmang tuma zongte zahlak leh zum takin om chiat uhen; ka siatna tunga kipakte kik nawn in hih zuminom uhen.

Awihang, awihang! Honchite a zahlak jiak un mangbang takin om uhen.

Nang hon zongte tengteng nangmah ah nuamtak leh kipak takin om uhenla; na hotdamna itten, Toupa pahtawiin om hen, chi gige uhen.Kei jaw genthei leh jawngsan ka hi a, himahleh Toupan honngaihtuah jela; nang hon panpihpa leh hon humbitpa na hia; ka Pathian aw, sawt hal mahmah ken.

Kei jaw genthei leh jawngsan ka hi a, himahleh Toupan honngaihtuah jela; nang hon panpihpa leh hon humbitpa na hia; ka Pathian aw, sawt hal mahmah ken.

Gentheite ngaihtuah mi a hampha hi, mangbat niin Toupan amah a humbit ding hi.

Toupan amah humbitin a hihhing dinga, leiah vualjawl in a om ding; amah douten ututa a bawl dingin pe ken.

Toupan a gimna lupna munah a hihhat dinga; nang a chi a nat lai in a lupna na bawlsak vek jel hi.

Toupa aw, honhehpih inla, ka hinna hihdam in, na tungah thil ka hihkhial ngal a, ka chi a.

Hondouten, chikchiang in a siin, a min a mang de aw! Chiin, hon gensia uh.

Huan a lak ua kuahiamin a hongveh laiin, thu bangmahlou maimai a gen jela; a lungtang in thulimlouhna a lakhawm naka; a pawt khiak takin mi a hilh jel hi.

Honhote tengteng in hon gensiain a kihuau ua: honhihsiatna ding uh a ngaihtuah ua.

Natna hoihlou takin a man kipta, tu-a lum a thou nawn ta kei ding a chi ua.

A hi, ka lawm kithuahpih theih, ka muantak, ka tanghou nekpih ngeiin a khetul ka tungah a likta hi.

Hiamhleh, Toupa aw, nang honhehpih inla, amau ka thuk theihna dingin honkai thou nawnin.

Hiaiah ka tungah na kipak chih ka thei hi, hondou in a honzoh louh jiakin.

Kei jaw lungsim hoihtak ka putna ah nangman non lenchinten a, Na maah khantawn adingin non koih hi.Toupa, Israel Pathian, Khantawn akipan khantawn pha in phat in om hen, Amen, Amen.

Toupa, Israel Pathian, Khantawn akipan khantawn pha in phat in om hen, Amen, Amen.

Sakhi tal, luita tui duha nak hawkhawk bangin, Pathian aw, ka hinna nangmah duhin a nak hawkhawk ahi.

Ka hinna Pathian duh in, Pathian hing duhin, a dangtak ahi; chikchiang in ahia Pathian ma ka tun dinga, A mai ka muh ding.

Ka khitui sun leh jan in ka an ahia, Na Pathian koia om ahia leh! Honchi nilouhlouh ua.

Hiai thil ka thei gige a, ka hinna ka sungah ka sungbua a, mipi laka ka paiin, nuamna leh phatna ging toh, mi tampi khawlni-a Pathian biakin juana a ma uh ka kaih jel dante.

Ka hinna aw, bangachia kun nilouh? Bangachia ka sunga buai? Pathian lamen in; a melma damna jiakin amah ka honphat ding ahi ngala, hon panpihpa leh ka Pathian.

Ka Pathian aw, ka hinna ka sungah a kun nilouh; huaijiakin Jordan leh Hermon gam akipan, Mizar tang akipanin kon thei gige ahi.

Na tui luang ging juajua khawngah tuithuk leh tuithuk a kisam ua: na tui kihawt leh na tui kisep tengteng in honvuk tumta hi.

Himahleh, Toupan a chitna tuh sunin thu a pe ding a, a lain jan chiah honompih ding hi, ka hinna Pathian kiang a thumna in.

Pathian ka suangpi kiang ah, Bangdia honmangngilh na hia! Bangdinga melma nuaisiahna jiaka lungkhama ka mau vialvial nak! ka chi ding hi.

Ka guh a namsau om bang maiin hondouten hon gense gige ua; Na Pathian koia om ahia leh! honchi nilouhlouh ua.Ka hinna aw, Bangachia kun nilouh? Bangachia ka sung a buai? Pathian lamen in: amah ka honphat ding ahi ngala, hon panpihpa leh ka Pathian ahi.

Ka hinna aw, Bangachia kun nilouh? Bangachia ka sung a buai? Pathian lamen in: amah ka honphat ding ahi ngala, hon panpihpa leh ka Pathian ahi.

Pathian aw, vai honhawmsak inla, Pathian limsaklou nam tungah ka thu hon genpih in: aw, mi khemhat mi mi diklou lakah honnumbit in.

Nang ka hatna Pathian na hi ngala; bangdingin ahia non pampaih ding? Bangdingin ahia melma nuaisiahna jiaka lungkhama ka mau vialvial nak?

Aw, na vak leh na thutak sawl khia inla, amauten honpi uhen; na tang siangthou leh na om nate hon tun uhen.

Huchiin, Pathian maitam kiangah ka pai ding, Pathian ka nuamna mahmah kiang ah. Pathian, ka Pathian aw, kaihgingin leng kon phat ding hi.Ka hinna aw, bangachia kun nilouh? Bangachia ka sunga buai na hia? Pathian lamen in: amah ka honphat ding ahi ngala, honpanpihpa leh ka Pathian.

Ka hinna aw, bangachia kun nilouh? Bangachia ka sunga buai na hia? Pathian lamen in: amah ka honphat ding ahi ngala, honpanpihpa leh ka Pathian.

Pathian aw, nidang laia a damlai ua na thilhihte ka pipute un honhilh uh ka bil un ka ja ua.

Namte na khutin na hawlkhiaa, amau na phuta; miten a sugima, na paikhia.

Gam luah dinga amau namsaua a lak uh ahi kei a, amau bana kihumbit leng ahi kei uhi; a tung ua na kipah jiakin na khut taklam leh, na ban leh, na mel vakin ahi jaw.

Pathian aw, nang ka Kumpipa na hi: Jakob humbitna dingin thu pia in.

Nangmah jiakin ka melmate uh ka si pai ding ua; na min jiakin honsualte ka chil ekek ding uhi.

Ka thalpeu ka muang kei dinga, ka namsauin honhondam sam kei ding.

Hondoute lak ah nang non hondam zota hi, honhote na zaklaksak behlap hi.

Nitumin Pathian ka suang ding ua, na min khantawn in ka phat ding uhi. Selah.

Tun jaw nang non khah khia a, non hihzum a; ka sepaih honte u lakah lah na pawtkhe ngeikei hi.

Melmate lakah non taijak saka: honhoten sum a deihdeih uh a lauhi.

Nang nek ding a seh belam bang in non pia a; namchih lakah non hihdalh behlap hi.

Na mite bangmahlou in na khawngta a, a man uh lah a tam het kei hi.

Nang ka kim ua mite gensiatin non omsaka, ka kiangnai ua mite muhsit leh nuihsan in non omsak.

Nang namchih lakah a selam gentehna in non omsaka, michih laka mite lu sinsanin non omsak hi.

Ka zumna nitum in ka maah a om gige a, ka zahlaknain hon tuam zouta hi.

Genthangmi leh gense mi aw jiak leh, melma leh phulami jiakin.

Huai tengteng ka tunguah a tunga; himahleh kon mangngilh ngeikei ua, na thukhun ah juauin ka hih ngeikei uhi.

Ka lungtang uh a kihei nawn kei a, ka kalsuante un na lampi a paisan ngeisam kei hi.

Nang sehalte omna ah non bawl ek a, sihna lima non tuamna ding in.

I Pathian min i mangngilh hiam, gamdang Pathian lamah i khutte i jak hiam.

Pathian in huai tuh a zong khe kei dia hia! Lungtang thugukte a thei gige ngala.

Ahi, nangmah jiakin nitumin thah in ka om gige ua; belam goh dingte banga seh ka hi uhi.

Toupa aw, halh tanla, bangachia ihmu! hak inla, khantawnin hon khah khe ken.

Bangjiakin ahia na mai na sela, ka haksatdan u leh nuaisiah ka thuakdan uh na mangngilh nak.

Ka hinna uh leivui siin a kun a; ka gilpi uh lah leiah a belh bikbek ngala.Honpanpih dingin thou inla, na chitna jiakin hon tan in.

Honpanpih dingin thou inla, na chitna jiakin hon tan in.

Ka lungtang thil hoihin a let nawinawia: kumpipa tungtang thu-a ka la phuah ka gen ding hi: ka lei tuh laigelh siamtak kolom ahi.

Mihing tate sang in na mel a hoihjawa; hehpihna na muk a sun ahi; huaijiakin Pathian in khantawn adingin vual a honjawl ahi.

Aw, mihat, na namsau na kawngah vom in, na thupina leh na kilawmna toh.

Thutak leh thunuailutna leh diktatna jiakin na kilawmna silhin lamzang takin sakol tunga tuang in pai jel in: huchiin na khut taklamin thil mulkimhuaite a honhilh ding ahi.

Na thal a zuma; michih na nuaiah a puk jel uh: kumpipa melmate lungtang ah a tal hi.

Pathian aw, na laltutphah tuh khantawn in a om ding ahi: khentuam neihlouhna lalchiang tuh na gam lalchiang ahi.

Diktatna na deiha, gilou-salou na hua hi, huaijiakin, Pathian, na Pathian in, na lawmte sangin nakpi in nuamna thau a honnilhta hi.

Na puansilh tengteng tuh murra gimte, aloe gimte, sing gimte a nam vungvung a; saiha a bawl kumpipa ina kaihging chi tuamtuam ging hongpawtten a honhihnuam ahi.

Na numei hoihte lakah kumpipate tanute a pang sam ua; na taklam ah Ophir dangkaenga kijemin kumpinu a ding hi.

Ka tanu aw, ngaikhia inla, ngaihtuah inla, bildoh in; na mite leh na pa ina mite mangngilh in.

Huchiin kumpipan na melhoin a deih ding hi, amah tuh i Toupa ahi ngala; huan amah chibai buk jelin.

Tura tanu tuh thilpiak tawi in huaiah a om ding a; mi laka hausate ngeiin na hehpihna a ngen ding uhi.

Kumpipa insung a kumpipa tanu tuh a thupi zou hilhiala: a puansilh tuh dangkaenga zep kilawm ahi.

Puan khui kilawm silhin kumpipa kiangah a pi ding ua: amah jui a lawm nungakte tuh, na kiangah a pi ding uh.

Kipak leh nuamin a pi ding ua: kumpipa in ah a lut ding uh.

Na pate sikin na tate a om ding ua, amau tuh leitung tengteng ah milian in na bawl ding.Na min tuh suan tengteng ah theih gige dingin ka bawl ding: huaijiakin michihin khantawn khantawnin kipahthu a honhilh ding uh.

Na min tuh suan tengteng ah theih gige dingin ka bawl ding: huaijiakin michihin khantawn khantawnin kipahthu a honhilh ding uh.

Pathian i kihumbitna leh i hatna, mangbat laia huh pahpahpa nai gige ahi.

Huaijiakin leitung hongkidangin, mualte tuipi sung pekah kisuan mahleh i lau kei ding uh.

A tuite tuh ging honhon in phul butbut mahleh, a kihawt thupi jiakin mualte ling duamduam mahleh, i lautuan sam kei ding. Selah.

Lui khat a om a, huai lui katen Pathian khopi a kipak sak jel, tungnungpen omna mun siangthou tak.

Pathian a laitakah a om a, a ling kei ding: Pathianin phalvak chiangin a panpih ding hi.

Nam chih a ging huthut a, gamte a linga: aman a aw a suaha leitung a hongtui khinta hi.

Sepaihte Toupa i kiang uah a oma: Jakob Pathian tuh i insang ahi. Selah

Kisa un, Toupa thilhihte en un, leitung a thil a hihsiatdan.

Aman kidounate kawlmong phain a hihtawp a; thalpeu a hihtana, tei tuh a sat tan hi; kangtalaite mei ah a hal tum hi.

Dai unla, Pathian kahi chih thei un: nam chih lakah pahtawi in ka om dinga, leiah pahtawiin ka om ding hi.Sepaihte Toupa i kiang uah a oma; Jakob Pathian tuh i insang ahi. Selah.

Sepaihte Toupa i kiang uah a oma; Jakob Pathian tuh i insang ahi. Selah.

Mi khempeuhte aw, na khut uh beng unla; nuamna awin Pathian kaing ah kikou un.

Toupa Tungnungpen a kihtakhuai ngala; leitung tengteng ah kumpipa thupitak ahi.

Aman mi chih i nuai uah a zo dinga, namchih i khe nuai ah a zou ding hi.

Aman i gouluah ding a hon tel sak ding hi, a it Jakob suanpen gam mah. Selah.

Pathian tuh kikou aw toh a paitou a, Toupa tuh pengkul ging toh a pai touta hi.

Pathian phatin lasa unla, phatin lasa un; i kumpipa phatin lasa unla, phatin lasa un.

Pathian tuh khovel tengteng kumpipa ahi ngala: theisiama phatin lasa un.

Pathian tuh namchih tungah kumpipa in a tu a: Pathian a laltutphah siangthou ah a tu hi.Abraham Pathian mite hi dingin mi chih laka miliante a om khawm ua: leitung phawte Pathiana ahi ngal ua: amah tuh nakpi taka pahtawiin a om hi.

Abraham Pathian mite hi dingin mi chih laka miliante a om khawm ua: leitung phawte Pathiana ahi ngal ua: amah tuh nakpi taka pahtawiin a om hi.

Toupa a thupi a, nakpi taka phat ding ahi, i Pathian khopi ah, a tang siangthou ah.

A sandan a kilawm, khovel tengteng kipahna, Zion tang ahi, mallam panga. Kumpipa thupi tak khopi.

A inpi ahte Pathian in insang a hihdan a kitheisaka.

Ngaiin, kumpipate tuh a kikhawm khawm ua, a pai khawmta uhi.

A mu ua, huchiin lamdang a sa ua; a mangbang ua, a paimang pah uhi.

Huaiah linna in a mana; numei nauvei natna in a matlai bang in.

Suahlam huih in Tarshis long liante a nahihse jel hi.

Sepaihte Toupa khopi ah, i Pathian khopi ah, bila i jak bang takin i muta: Pathianin huai khopi khantawn adingin a hihkip ding. Selah.

Pathian aw, na biakin sunggil ah na chitna ka ngaihtuahta uhi.

Pathian aw, na min bang ngeiin na phatna tuh kawlmong phain a om a: na khut taklam tuh diktatna in a dim hi.

Na vaihawmnate jiakin Zion tang kipak takin om henla, Juda tanute nuamin om uhen.

Zion kim ah, a kimvelin pai unla: a galven insangte leng sim un.

A kulhte chiamteh hoih unla, a inpite ngaihtuah un; khangthak hong om nawnte kianga na hilh theihna ding un.Hiai Pathian khantawn khantawna i Pathian hi ding ahi ngala: sih tanpha a leng honpipa ahi ding hi.

Hiai Pathian khantawn khantawna i Pathian hi ding ahi ngala: sih tanpha a leng honpipa ahi ding hi.

Mi khempeuhte aw, hiai ngaikhia unla; khovela om tengtengte aw, bil na doh un.

Mi neu leh mi lian, mi hau leh mi jawng in leng.

Ka kamin pilna thu a gen dinga; ka lungtang ngaihtuah tuh theihsiamna thu ahi ding hi.

Genteh thu ah ka bil ka doh dinga: ka thugil gen tuh kaihging in ka gentel ding hi.

Ni hoihloute ah, ka khetul bula thulimlouhna in honum suak inleng, bangdingin ka lau dia!

Amau sum muanga, amau hauhna thupitak suangten.

Kuamah in a unau leng a tan theikei hial ding uh, Pathian kiangah tatna leng a piaksak thei sam kei ding uhi.

(A hinna uh tatna dingin thil thupi zat ding ahi a, khantawn a leng a ngimangim louh mai ding ahi).

A dam gige a, muatna a muhlouhna ding in.

Mi pilte leng a si ua, mi hai leh mi mawlte leng a mang tuaktuak ua, a sum uh midangte a nawtsiat jelte utuh a thei ngala.

A lungsim ngaihtuah dan utuh, a inte uh khantawna om ding bang leh, a om nate uh suan tengteng tana om ding bang in ahi; a gamte uh amau min mah a tamsak uhi.

Himahleh mihing pahtawi in a om gige kei ua: gamsa mangthangte bang phet ahi uhi.

Hiai tuh kihaimuante tuah ahia, a tan ua kipakte tawpna. Selah.

Belam hon bangin Sheol a dinga seh ahi ua, sihna amau in a kivak ding hi: jingsang lamin mi diktatten a tunguah thu a nei ding ua; a omna himhim uh a omlouh na dingin, a kilawmna uh Sheol hihsiat ding ahi ding hi.

Ka hinna bel Pathianin Sheol khua akipan a tan khe dinga; aman honkipahpih ding ahi ngala. Selah.

Mi hihhauha a hong oma, a insung thupina a hongthupi huthut inleng, lau ken.

A sih hun chiang in bangmah a keng kei ding hi; a thupina in jui khe lou ding ahi ngala.

A damlaiin nuamsa kisa mahleh, amah adia hoih a hih laiin phat loh mahleh.

A suangte suante lam ah a pai dia, vak a mu ngeikei ding uh.Mihing, pahtawia oma, theihsiamna nei tuanlou jaw, gamsa mangthang jelte bang phet ahi uhi.

Mihing, pahtawia oma, theihsiamna nei tuanlou jaw, gamsa mangthang jelte bang phet ahi uhi.

Pathian, Pathian mahmah, Toupan thu a gena, leitung ni suahna lam akipana a tumna lam tanin a samta hi.

Kilawm kim dimdema, Zion akipan in Pathian tuh a vak kheta hi.

I Pathian tuh a hong dinga, a dai nilouh kei ding: amah ma ah mei a kang juajua dinga, a kimah huihpi thupi a nung ding hi.

A mite vai a hawm theihna ding intunglam vante leh lei a sam ding.

Ka mi siangthoute ka kiangah honpi khawm unla, kithoiha thukhungte ngei, chiin.

Huchiin, vanten a diktatna a tangkoupih ding ua, amah Pathian ngei tuh vaihawmpa ahi ngala. Selah.

Ka mite aw, ngaikhia unla, thu ka gen ding hi; Israel aw, ngaikhia in, ka honhilhchian sak ding hi: kei Pathian, na Pathian ngeingei ka hi.

Na kithoihnate jiakin ka hontai kei ding; na halmang thillatte ka maah a om gige ngala.

Na in a kipan bawngtal himhim ka lakhe kei dinga, na ganhuang akipan keltalte leng ka la khe sam kei ding hi.

Gam nuaia sa chiteng kei a ahi ngala, tang sang khat tung a gan omte leng.

Tanga vasa tengteng ka thei veka: gamsate leng keia ahi.

Gilkial mahleng kon hilh kei ding: leilung leh a sunga thil om tengteng keia ahi ngala.

Bawngtal sa ka nein kel sisan ka dawn dia hiam!

Pathian kiangah kipahthugen kithoihna tuh lan jaw inla; na thuchiam leng Tungnungpen lakah tangtun in.

Huan, mangbat ni in honsam lechin, kon humbit dinga, huan nang nonpahtawi ding hi, a chi a.

Migilou-salou kiangah bel, Pathianin, Ka thuseh bangchidana na kama lou na hia!

Thuhilhna na hua a, ka thute na nunglamah na pai jel ngala.

Guta na muh in phaje na sakpih a, angkawmpate na koppih gige behlap hi.

Na kam tuh gilou kiangah na pia a. Na leiin khemna a bawl gige hi.

Tu kawmin na unau na kalha; nangmah nute tapa ngeingei na hek nak hi.

Huai thil tuh na hiha, himahleh ka dai nilouha; huchiin nangmah bang geihin non gingta hi: himahleh ka hon taia, na mitmuhin kizom jelin ka hihlang ding hi.

Nou Pathian mangngilhte aw, hiai ngaihtuah dih ua! Huchilou injaw ka honbot nen kha ding hi, noumau honhumbit ding himhim lah a om dek ngal keia.Kuapeuh kipahthugen kithoihna lanin a hon pahtawi jel hi, huan a omdan kem hoih kiangah Pathian hotdamna ka ensak ding hi, a chi a.

Kuapeuh kipahthugen kithoihna lanin a hon pahtawi jel hi, huan a omdan kem hoih kiangah Pathian hotdamna ka ensak ding hi, a chi a.

Pathian aw, na chitna dungjuiin hon hehpih inla; na lainatna thupi mahmah dungjuiin.

Ka thulimlouhnate hon silsiang sak vilvel inla, ka khelhna honsilsiangsak in.

Ka tatleknate ka theigige ngala: ka khelhna tuh ka maah a om nilouhlouh hi.

Na tungah, na tung kia ah thil ka hihkhial a, na mitmuh in thil gilou ka nahihta hi: thu na gena siamtanga na om theiha, vai na hawma, gensiatbeia na om theihna dingin.

Ngaiin, thulimlouhna a suktuah in ka oma; ka nun khelhnain honnapai hi.

Ngaiin, sunggil lamah takna na deih naknaka: huchiin a kimulou lamah pilna non theisak ding hi.

Husopin honsiangsak inla, huan ka siang ding: honsil siang lechin, huchiin vuk sangin ka ngou zo ding hi.

Nopna leh kipahna tuh bilin hon zasakin; na guh suktante a kipah theihna dingin.

Ka khelhnate lakah na mai sel inla, ka thulimlouhna tengteng nul mangin.

Pathian aw, keimah ah lungtang siangthou tak siam inla; ka sungah kha diktak siam thak nawnin.

Na kiang akipanin honpaimang kenla; na kha siangthou honlaksak ken.

Na hotdamna kipahna hon pe nawn inla; na Kha khutin honlen gigein.

Huchiin talekte na lampi tungtang ka hilh dinga; huan, mi khialte nang lam a nga nawn ding uhi.

Pathian, nang honhondampa Pathian aw, sisan suahnate lakah hontankhiain; huchiin ka leiin na diktatna thu kipak takin lain a sa ding hi.

Toupa aw, nang ka muk hong in; huan ka kamin na phatna a theisak ding hi.

Kithoihna tungah kipahna na nei ngal keia; huchi hilou hileh ka pe dinga: halmanga thillat tungah lungdamna himhim na neikei hi.

Pathian deihlam kithoihnate jaw kha khasia ahi. Pathian aw, lungtang khasia leh kisik tuntun jaw na musit kei ding hi.

Na deihlamtakin Zion tungah thilhoih hih inla; Jerusalem kulh lem in.Huchiin diktatna kithoihnate tungah kipahna na neita dinga, halmanga thillat leh halmanga pumpiak tungah: huan na maitam tungah bawngtalte a lanta ding uh.

Huchiin diktatna kithoihnate tungah kipahna na neita dinga, halmanga thillat leh halmanga pumpiak tungah: huan na maitam tungah bawngtalte a lanta ding uh.

Mi hat aw, bangachia thil hihkhelh suang na hia! Pathian chitna tunga gitlouhna bang dia suang?

Na leiin nitengin thil gilou-salou a suangtuah nak; mulmet tem hiam tak khemhat bangin.

Hoih sangin gilou na deih jaw a; diktatna thugen sangin juau thugen na deih jaw hi. Selah.

Nang lei mi khemhat aw, thu mi valh zou thei tengteng tuh na deih nak hi.

Pathianin khantawn a dingin a honhihzou sam dinga, a honman dinga, na omna akipanin a honkaikhe dinga, mihing gam akipan a honbot khe ek ding hi. Selah

Mi diktatten leng a mu un a lau ding ua, a nuihsan ding ua.

En di uh, hiai mi ahi, Pathian a kulhpi-a siam nuamlou a a hauhna thupitak muang jaw a, a gitlouh- satlouhna a kihihhat vial, chiin.

Kei jaw, Pathian ina oliv sing sel liahliah bang kahi: Pathian chitna khantawn khantawn in ka muang ding hi.Huai na hih jiakin, khantwan in kipahthu kon hilh ding: na misiangthoute mitmuhah na min ka ngakngak ding, a hoih ngala.

Huai na hih jiakin, khantwan in kipahthu kon hilh ding: na misiangthoute mitmuhah na min ka ngakngak ding, a hoih ngala.

Mi haiin a lungtangin, Pathian a om kei, a chi naknak. A se khin ua, thil thulimlou kihhuaitak a hih uh; kuamah thilhoih hih himhim a om kei uh.

Theisiama Pathian zong himhim a om uhiam chih thei dingin Pathianin van akipan in mihing tatea vaen suka.

A lehngat chiat ua; nin takin a na om vekta ua; kuamah thil hoih hih himhim a om kei ua, khat lel leng a om kei uh.

Thilhihkhialten theih himhim a neikei ua hia! Tanghou a nek bang un ka mite a ne khin ua, Pathian lah a ngeingaih sam kei uhi.

Launa om louhna ah a lau petpet ua: Pathianin nang hon umpa guhte a dalhsak jiakin: Pathianin amau a muhsit jiakin, amau na zahlak sak.Israelte hotdamna tuh Zion akipanin hongpawt him le aw! Pathianin a mite sala a om uh a pi kik nawn chiangin, huai hun chiangin Jakobte a nuam ding ua, Israelte a kipak ding uh.

Israelte hotdamna tuh Zion akipanin hongpawt him le aw! Pathianin a mite sala a om uh a pi kik nawn chiangin, huai hun chiangin Jakobte a nuam ding ua, Israelte a kipak ding uh.

Pathian aw, na minin honhondam inla, na hatna in vai honhawm sakin.

Pathian aw, ka thumna ngaikhia inla; ka kama thu suakhete bil doh in.

Mikhualten honsualta ngal ua, mi ngongtatten ka hinna hihmang tumin a zong ua: Pathian tuh a ma uah a koih kei uhi. Selah.

Ngaiin, Pathian hon panpihpa ahia: Toupa tuh ka hinna lente laka ahi.

Aman gitlouhna tuhka melmate tungah a thuk ding: nang amau tuh na thutakna jiakin hihmangthangin.

Keimah deih thu-a thil lanin na kiangah ka kithoih dinga; Toupa aw, na min tuh ka phat ding, a hoih jiakin.Ka mangbatna tengteng ah non tankheta ngala; hondoute tunga ka deihtel tuh ka mitin a muta hi.

Ka mangbatna tengteng ah non tankheta ngala; hondoute tunga ka deihtel tuh ka mitin a muta hi.

Pathian aw, ka thumna ah bil nadoh inla; hehpih ka ngetna ah kisel ken.

Honja inla, hondawng in: ka mangbut thu jiakin ka mau vialviala, ka thum nilouhlouh hi.

Melma husa in honhihmangbang; mi gilou-salou nuaisiahnain a honvuk ua, hehin honsawi ngal ua.

Ka sungah ka lungtang a na mahmah a: sih mulkimnaten hondelh khum hi.

Lauthawnna leh linnain honbawma, launain a honkhuh khinta hi.

Huan, ken, vakhu banga kha neih ut hina tel ing e, aw! Huchiin ka leng mang dinga, khamuang takin ka om ding.

Ngaiin, gamla pi-ah ka vialvak dia, gamdai ah ka om ding hi. Selah.

Huih thupi leh huih bukna munah ka pai meng ding, ka chi a.

Toupa aw, a lei uh hihsiain hihkek in; khopi ah ngongtatna leh ki-uina ka mu ngala.

Sun leh janin khopi kulh dawnah a vialvak ua: a sungah thulimlouhna leh haksatna a om hi.

Gitlouh-satlouhna a sungah a oma: nuaisiahna leh zekhemnain kholak a pawtsan ngeikei.

Hon gensia lah melma ahi ngal keia; hileh jaw, ka thuak thei zo ding: ka tunga kihihlian tuh honhua lah ahi sam keia; hileh jaw, ka buksan ding hi.

Himahleh, nang, ka mibatpih, ka lawm, kithuahpih theih na hi ngala.

Kam khum takin i kihou khawm jela, mipi laka Pathian biakin ah i pawt jela.

Sihna a tunguah hontung guih henla, kohawm ah a hingin paisuk uhen: gitlouh- satlouhnate a omna uah leh a gilsung uah tekhawng a om ngala.

Ken jaw Pathian ka sam dinga; huchiin Toupan honhondam ding hi.

Nitaklam bang jingsang bang, sun bangin ka bangbat thu ka genin ka thum dinga, huchiin aman ka aw a ngaikhe ding hi.

Ka tunga kidouna lakah ka hinna khamuang takin a humbit taa: honsualte lah a tam ngal ua.

Pathian, nidang laia om gigein, a ngaikhe dia, amau a dawng ding. Selah

Amah toh kituakte tungah a khut a lika: a thukhun tuh a hihbuahta hi.

A kam tuh nawitui khal bangin a nema, a lungtang bel kidouna ahi ngala; a thute tuh sathau sangin a nala, himahleh namsau phawisate ah ngala.

Na puakgik Toupa tungah nga lechin, huchiin aman nang a honhihhat ding hi. Mi diktat tuh chikmahin leng a hihlin a phal kei ding hi.Himahleh, P athian aw, nang amaute manthatna kohawmah na pai suk sak dind; sisan suahhat leh khemhat mite tuh a damsung kimkhat uleng a dam zou kei ding uhi; ken bel nang kon muang hi.

Himahleh, P athian aw, nang amaute manthatna kohawmah na pai suk sak dind; sisan suahhat leh khemhat mite tuh a damsung kimkhat uleng a dam zou kei ding uhi; ken bel nang kon muang hi.

P athian aw, honhehpih inla; mihingin honvalh khit a tum ngal ua: nitumin honsualin honnuaisiah hi.

Ka melmaten nitumin honvalh zoh a tum ua: kisatheitaka honsualte lah a tam ngal ua.

Ka lau chiangin, nangmah kon muang hi.

Pathian ah a thu ka phat dinga; Pathian ka gingta a, ka lau kei ding; sa in bang a honchih thei dia!

Nitumin ka thute a la kawi ua: a ngaihtuahna tengteng tuh ka hatlouhna ding lam ngen ahi.

A kikhawm ua, a bu ua, ka khapte achiamteh ua, ka hinna hihmang tuma a ngak nak jiak un.

Thulimlouhna in a suahtak san ding ua hia! Pathian aw, hehin michih hihniamin.

Nang ka vakvaihnate na chiamteh a: ka khituite na savun thawl ah thunin; na laibu-ah a tuang chiat kei ua hia!

Kon sap hun ngeingeiin hondoute tuh a taijak ding ua: hiai ka thei, Pathianin honpanpih hi.

Pathian ah a thu ka phat dinga: Toupa ah a thu ka phat ding hi.

Pathian ka gingtaa, ka lau kei ding; mihingin bang a honchih thei dia!

Pathian aw, na kiangah thuchiamte ka neia: kipahthugen kikhopnatein ka honthuk ding hi.Ka hinna sihna lakah na humbit a; ka khete puk lou dingin na humbit jel keia hia! mihing vaka Pathian maa ka vak theihna dingin.

Ka hinna sihna lakah na humbit a; ka khete puk lou dingin na humbit jel keia hia! mihing vaka Pathian maa ka vak theihna dingin.

Pathian aw, honhehpihin, honhehpihin; ka hinna nangmah ah a hongpuk lut ngala: ahi, na kha nuai ka tuh ding, vangtahnate a then masiah.

Pathian Tunungpen ka sam ding: Pathian bangkim honhih sakpa.

Honvalh khit tumpan a hon gensiat hun chiangin aman van akipanin a honsawl dinga, honhondam ding hi; Selah.

Ka hinna humpinelkai lakah a oma; mi meia kang lakah ka luma, mihing tate lakah; huaite ha tuh tei leh thal ahia, a lei u tuh namsau hiamtak ahi.

Pathian aw, nang van khen pekah pahtawiin hongom in! Na thupina leitung tengteng tungah hongom hen!

Ka khe awkna dingin len a phah ua; ka hinna a kun khiikheia: ka maah kokhuk a tou ua; amau mah a laitakah a kia uhi. Selah.

Ka lungtang a kip ahi, Pathian aw, ka lungtang a kip ahi: la kasa dinga, ahi, phatna la kasa ding hi.

Ka thupina, halhin; pekging leh kaihgingte aw, halh un: kei tuh jingkhangin ka halh ding hi.

Toupa aw, mi chih lakah te nang kipahthu kon holh ding a: nam chih lakah nangmah phatin la kasa ding hi.

Na chitna van sun khopin a thupi ngala, na thutak tuh vandum sun khopin a thupi ahi.Pathian aw, nang tuh van khen pekah pahtawiin na omta in; na thupina tuh leitung tengteng tungah hong omta hen.

Pathian aw, nang tuh van khen pekah pahtawiin na omta in; na thupina tuh leitung tengteng tungah hong omta hen.

Diktatna thu dai didein maw na gen taktak uh! Mihing tate aw, diktakin maw vai na hawm uh!

Ahi, na lungtang uah thil thulimlou na hih nak ua; leitungah na khut ua thil ngongtatna na buk khia uhi.

Migilou-saloute a nu uh gilsung akipanin leng Pathian laka khenin a om ua: a suah tak un juau thugenin a vak mang jel uhi.

A gu uh gul gu bang ahia: thangtom bengngong a bil hum bang tuh ahi uhi.

Huaiin gul aitawite aw tuh a ngaikhe jel keia, bangchibanga siamin bum mahle uh leng.

Pathian aw, a kam uah a hate uh tansak inla: Toupa aw, humpinelkai hatsanlaite ha lianpipite tuh tong khia in.

Amau tuh tui hattaka luang bangin tuimang uhenla: a thalte a a ngimin, sat tan bangin om jel hen.

Dokdawn, tuia, mang maimah jel bang hileh: a hunlou a numei nau neih, ni mel himhim mu lou bang hi hen aw.

Na belte un ling satna a theihma un leng aman pingpeiin a la mang ding. A hinglai leh a kuanglai leng.

Mi diktatin phulakna a muhin a kipak dinga: mi gilou-salou sisan ah a khe a sil ding hi.Huchiin miten, mi diktat adingin kipahman a hongom taktaka: lei ah vaihawmpa Pathian a hongom taktak ahi, a chi ding uhi.

Huchiin miten, mi diktat adingin kipahman a hongom taktaka: lei ah vaihawmpa Pathian a hongom taktak ahi, a chi ding uhi.

Ka Pathian aw, hondoute lakah honhumbit inla; honsualte lak akipan mun sangah honsuan in.

Thilhihkhialte lakah honhumbit inla, sisan suah hatte lakah honhondam in.

Toupa aw, ka tatlekna jiak hilouin, ka khelh jiak leng hilouin, ngaiin, ka hinna a tang gige ngala, mi hatte honsual dingin a kikhawm uhi.

Ka khelh louh piin leng a tai ua, a kisa ua: honpanpih dingin kihihhalh inla, en in.

Toupa aw, sepaihte Pathian, Israelte Pathian, nangmah ngei nam chih gawt dingin thou inla: mi lepchiah gilou takte peuhmah hawi ken. Selah.

Nitaklam chiangin a hong nawn ua, ui bang in a ham vengvung ua, khopi a kim avel ah a pai uhi.

Ngaiin a kam un a saik khia ua; a muk uah namsaute a oma: kua a thei a oma! A chi maimah uhi.

Himahleh, Toupa aw, nang amau tuh na nuihsan zo dinga; nam chih na nuihsan phet ding hi.

Ka hatna aw, kon ngak nilouh ahi, Pathian ka insang ahi ngala.

Ka tunga ching Pathianin a hondon dinga: Pathianin ka melmate tungah ka thudeih a hon musak ding hi.

Amau tuh that kenla, huchilou injaw ka miten a mangngilh kha ding ua: Toupa aw, ka phaw pen uh, Na thilhihtheihna in hihdalh inla, hihniam in.

A kam khelhna jiak un leh a muk ua thu pawt jiakin a kisaktheihna ngei uah awk uhen, a thu gen jel uh hamselohna leh juauthu jiakin leng.

Amaute thangpaiin hihmangthang inla, a om nawn louhna ding un hihmangthang inla, Pathianin Jakobte lakah vai a hawm chih theichiat uhen, kawlmong phain.

Huan, nitaklamin hong uhenla, ui bangin ham vengvung uhenla, khopi a kim a velah pai uhen.

Amau tuh nekding zongin a vak a vak ding ua, a tai kei uleh a om janhak ding uhi.

Himahleh ken na hatna thu lain kasa dinga; ahi, jingsang in na chitna thu nuamtakin lain kasa ding hi: nang ka insang, ka mangbatni-a ka kihumbitna na hi ngala.Ka Hatna aw, nang phatin la kasa dinga; Pathian ka insang, ka tunga siam Pathian ahi ngala.

Ka Hatna aw, nang phatin la kasa dinga; Pathian ka insang, ka tunga siam Pathian ahi ngala.

Pathian aw, nang non khah khia a, non hihsia a; nong hehtaa; hontungding nawn in aw.

Hiai gam na hih linga, na khangsak ta hi: a khangkhamte tuh siam hoih nawn inla; a ling a ling ngala.

Na mite thil haksa pipi na tuak saka: hoihna uain non dawn sakta a.

Nang laudansiamte kiangah puanjak na peta a, thutak jiaka jak a hihtheihna dingin. Selah.

Na deihtakte humbita a om theihna ding un, na khut taklam in hondam inla, hondawng in.

Pathianin a siangthouna ah hichi bangin a gen, Ka nuam dinga: Sekem khua ka hawm dinga, Sukkoth guam leng ka hawmjak ding hi.

Gilead gam keia ahia, Manassi gam keia ahia; Ephraim gam leng ka lu humbitna ahia; Judia gam ka lalchiang ahi.

Moab gam ka kisilna bel ahia; Edom gamah ka khedap ka pai ding: Philistia gam, nang jaw keimah jiakin kikou tanla, chiin.

Khopi kiptak ah kuan a honpilut dia! Edom gamah kuan ahia honpi ding!

Pathian aw, nangmah mahin non deihlouh ka hi kei ua hia? Pathian aw, ka sepaihte kiang uah lah na pawt ngal ta keia.

Melma te sual dingin honpanpih in, mihing panpihna bangmah lou maimai ahi ngala.Pathian jiakin hang takin ka hih ding: amah tuh i melmate sikden dingpa ahi ngala.

Pathian jiakin hang takin ka hih ding: amah tuh i melmate sikden dingpa ahi ngala.

Pathian aw, ka kikou husa na ja inla; ka thumna ngaikhia in.

Ka lungtang a bah laiin kawlmong akipanin kon sam ahi: suangpi kei sanga sangjaw ah honpi in.

Nang tuh kei dingin humbitna melmate lakah galven insang kiptak nahi ngala.

Na puanin ah khantawnin ka om dinga: na kha nuai bukna munah ka muang ding hi. Selah.

Pathian aw, nang ka thuchiamte na ngaikhe ngala: na min laudansiamte gamluah tuh non pia hi.

Kumpipa damsung hihsau in: a kumte suan tampi bang ahi ding.

Pathian maah khantawnin a om gige ding: aw, amah a humbit theihna leh thutak bawlin.Huchiin ka thuchiamte nitenga ka hih theihna dingin, khantawn in na min phat in la kasa ding hi.

Huchiin ka thuchiamte nitenga ka hih theihna dingin, khantawn in na min phat in la kasa ding hi.

Ka hinna in Pathian kia a ngaka, amah akipan in ka hotdamna a hongpawt ding ahi.

Amah kia ka suangpi leh ka hon hondampa ahi. Ka insang ahia, nakpi takin ka ling kei ding hi.

Noute tengtengin, hihlum dingin, bang awn bang leh gawl puk dekdek bangin, bangtan ahia mi khat na sual ding uh?

A thupina akipana sawnkhe ding lelin a kihou ua; juau gen tuh a kipah lamtak uh ahia: a kam un a vualjawl ua, himahleh a lungsim un hamsia a loh jel ngal uhi. Selah.

Ka hinna, Pathian kia ngakin; ka lametna amah kianga kipan a pawt ahi ngala.

Amah kia ka suangpi leh ka hotdamna ahi: ka insang ahia; ka ling kei ding.

Pathian kiangah ka hotdamna leh ka thupina a oma: ka hatna suangpi leh ka kihumbitna tuh Pathian ah a om hi.

Nou mipite aw, chiklai peuhin leng amah muang unla, na lungtang uh ama ah sungbua un: Pathian eia dingin kihumbitna ahi. Selah.

Mi nam niamte tuh bangmahlou lel ahi ua, mi nam liante leng juau lel ahi uhi: bukna ah a paitou ding ua; bangmahlou maimai sangin a jang jaw uhi.

Nuaisiahna muang kei unla; mi hiamgamhat suanin nei sam kei unla: hauhnate a hongkhan leh a tungah na lungtang uh nga kei un.

Pathianin khatvei a gen a; hiai nihvei tak ka zata hi; thilhihtheihna tuh Pathian a ahi chih.Toupa aw, chitna tuh nanga mah ahi a: michih a thilhih bangbang un na thuk ngal jela.

Toupa aw, chitna tuh nanga mah ahi a: michih a thilhih bangbang un na thuk ngal jela.

Pathian aw, nang ka Pathian na hi a; jingsangpiin kon zong hi: ka hinna nangmah duhin a dangtaka, ka sain a honngai ahi, gam keu leh gim tui omlouhna ah.

Huchimah bangin mun siangthou ah ka hon en gige hi, na thilhihtheihna leh na thupina mu dingin.

Na chitna ka hinna sanga a hoihjawk jiakin ka muk in a honphat ding hi.

Huchi mahbang in ka damsung tengin ka honphat ding: na minin ka khutte ka jak ding hi.

Ka hinna tuh guhngek leh thaua tai bangin a tai dinga; ka min kipah muk puin a honphat ding hi.

Ka lupna tunga kon theihgige laiin, jana na tungtang thu ka lunggel laiin.

Nang tuh honpanpihpa nahi ngala, na kha nuaiah nuamin la kasa ding hi.

Ka hinna in honjui tetteta: na khut taklamin non kai jel hi.

Ka hinna hihmang tuma zongte leimun nuainung ahte khawng a lut ding ua.

Namsau thilhihtheihna kiangah piak ahi ding uhi: sehalte tan a hita ding uhi.Kumpipa bel Pathian ah a nuam dinga: amah lou a kichiam peuhmah in a suang ding ua, juauthu gen hat kamte tuh huma om ding ahih jiak in.

Kumpipa bel Pathian ah a nuam dinga: amah lou a kichiam peuhmah in a suang ding ua, juauthu gen hat kamte tuh huma om ding ahih jiak in.

Pathian aw, ka mangbat thu-ah ka aw na naja inla: melmate lauhhuaina lakah ka hinna humbitin.

Thil hoihlou hhte kihou gukna lakah honsel in; thilhihkhialte buai vengvung lakah.

Amau tuh namsau bangin a lei uh a tathiam ua, huan, a thalte uh thu khate ngei thu a ngim ua.

Mi gensiatbeite mun daia a kap theihna ding un: lau louin khatvei thuin a kap guih ngal uhi.

Thil gilou hih dingin a kihasuan ua; thang a guka kam thu bangah a kihou jel ua: kuan huaite a mu dia? A chi ua.

Thulimlouhna a zong khia ua; Hahkat takin i zongta, a chi ua: a sunglam ngaihtuahna leh lungtang tuh thuk takah ahi ngala.

Himahleh Pathianin amau a kap ding a: Thakhatin thala liamin a om ding uhi.

Huchibangin, amau lei ngeiin a mau a dou jiakin, kisuiin a om ding uhi: amau muten a lu uh a sing uhi.

Huchiin, mi tengtengin a lau ding ua: Pathian nasep tuh a gen ding uhi, a thilhih tuh pil takin a ngaihtuah ding uhi.Mi diktatte tuh Toupa ah a kipak ding uh; lungtang diktat pu tengteng ten a suang ding uhi.

Mi diktatte tuh Toupa ah a kipak ding uh; lungtang diktat pu tengteng ten a suang ding uhi.

Pathian aw, Zion ah phatna in hongngak nilouh hi: thuchiam na lakah tangtung sak in.

Thumna zapa aw, na kiangah sa tengteng a hongpai ding hi.

Thulimlouhnaten honzou naknaka: ka tatleknate uh tuh nang na silsiang ding hi.

Mi, na biakin huangsung intuala om thei dinga na tela, na kiang na naihsakin nuam a sa hi: na in hoihnain ka tai ding ua, na biakin mun siangthou hoihna in.

Pathian honhondampa aw, thil mulkimhuaiten diktattakin na hondawng ding hi; nang kawlmonga mi tengteng leh tuipi tunga gamlapi-a omte lametna na hia.

Thihihtheihna a taia kingaka, nangmah hatnaa mualte hihkippa na hi hi.

Tuipi ging honhon, a kihot ging honhonte leh mi chih chiak vengvung hihdaipa na hi.

Kawlmong tawpa omten leng na theihsaknate a lau ua: jingsang leh nitak paikhiaknate nuamin na kikou sak hi.

Lei na veha, tuiin na khaia, nakpi petmahin na hih hoih hi; Pathian lui tuh tuiin a dima: lei huchi banga na bawl nungin amau dingin buh na bawlsak jel hi.

Leilehte tuh tui tampiin na vaka; a saichian tuh na khengsak hi: vuahtuiin na nemsaka. A thilpoute na vualjawl jel.

Kum tuh na hoihna na khusaka; na paina lam tuh thil hoihin a tak hi.

Gamdaia gan tatna munahte khawng a taka. Tangte leng nuamna gak suakin a om hi.Gan tetna munte gan honin a luahsuaka; guamte leng buhin a khuhsuak hi; nuamin a kikou ua, la a sa uhi.

Gan tetna munte gan honin a luahsuaka; guamte leng buhin a khuhsuak hi; nuamin a kikou ua, la a sa uhi.

Leilung luah tengteng aw, Pathian pahtawiin nuamin kikou unla.

A min thupidan tuh la in sa khia unla: a phatna hihthupi un.

Pathian kiangah, Na thilhihte mulkimhuai na e! Na thilhihtheihna thupidan thu-ah nangmah melmate na kiangah a kipelut ding uhi.

Lei tung luah tengtengin chibai honbuk ding ua. Nangmah phatin la a sa ding uh, chi un. Selah.

Kisa un, Pathian thilhihte en un; mihing tate tunga a thilhih ah a kihtakhuai ahi.

Aman tuipi leigaw a suaksaka; luipi khein a pai kai ua: huaiah amah ah i kipak uhi.

A thilhihtheihna in khantawnin vai a hawma; a mitin nam chih a en hi: helhatte kipahtawi kei uhen. Selah.

Mi chihte aw, I Pathian uh phat unla, amah phatna husa tuh theisak un.

Aman tuh i hinna uh a hihhing gige a, i khete hihsuan a phal kei hi.

Pathian aw, nang non enchian a; dangka sik etchet bangin non enchian ahi.

Nang len ah non piluta; ka kawng uah puakgik tak non koiha.

Mihingte, kangtalai tunga tuangin, ka lu tunguah na pai saka; mei leh tui ah ka pai suak ua; himahleh mun hausa takah lut dingin non pi khia ahi.

Halmanga thillatte toh na in ah ka lut dinga, ka thuchiamte na lakah ka tangtungsak ding hi.

Ka mukin a gena, mangbang a ka om laia kamin a gente mah.

Sa thau tak halmanga thillatte na kiangah ka lan dinga, belampate hal namtui toh; bawngpate, kelte toh ka lan ding hi. Selah.

Kisa un, Pathian laudansiam tengteng aw, ngaikhia un. Huchiin, ka hinna adinga a thilhih tuh ka hontheisak ding hi.

Amah tuh ka kamin ka sama, ka leia pahtawiin a om hi.

Ka lungtanga thulimlou ka limsak leh Toupan honngaikhe kei dinga

Himahleh, Pathianin honngaikhe taktaka; ka thumna husa a limsak ahi.Pathian, ka thumna vuaksuak sak lou-a, ka laka a chitna tawp sam lou tuh phatin om hen.

Pathian, ka thumna vuaksuak sak lou-a, ka laka a chitna tawp sam lou tuh phatin om hen.

Pathian in honhehpih hen la, vual honjawl henla, a mel tuh i tunguah honvak sak hen. Selah.

Na lampi tuh leitunga mi theih a hihtheiha, na hotdamna tuh nam chih kianga theih a hihtheihna ding in.

Pathian aw, mi chihin hon phat hen; mi khempeuhten hon phat hen.

Aw, namchih kipak taka om in, nuam lasa uhen: Nang mi chih tuh khentuam neilou-a vaihawm sakin, leitung a namchih na uk ngala. Selah.

Pathian aw, mi chihin honphat uhen; mi chitengten honphat uhen.

Leiin a thil pou a pia a: Pathian, koumau Pathian ngeiin, honvualjawl ding.Pathianin vual a honjawl dinga; kawlmong a mi tengteng inleng amah a lau ding uhi.

Pathianin vual a honjawl dinga; kawlmong a mi tengteng inleng amah a lau ding uhi.

Pathian thou henla, a melmate hihjakin om uhen; amah hote leng a maah taikek uhen.

Meikhu mutmanga a om bangin, amau mut mangin: khuainun mei luma a zul bangin mi gilou-saloute Pathian maah mangthang uhen.

Mi diktatte bel kipak takin om uhenla; Pathian maah nuam u henla; Pathian maah nuam uhen: ahi, kipak takin nuam uhen.

Pathian pahtawiin lasa unla, a min phatin lasa un: kangtalaia gamdaite paisuakna dingin lamlian ding sung vum unla: a min tuh Toupa ahi; a maah nuam un.

Pathian a omna siangthou a om, pa neiloute Pa leh meithaite ngaihtuahpa ahi.

Pathian in mi tangkhatte inkuan lakah a pangsaka: mi hentate a pi khiaa, vangphatna ah a pi lut hi: helhatte jaw gam keu ah a om uhi.

Pathian aw, na mite makaia na hongpawta, gamdaia na paisuak laiin. Selah.

Lei a ling dupdupa, vante leng Pathian maah a takkhiaa: Sinai tang hilhial leng Pathian maah, Israelte Pathian maah, a ling dudup hi.

Pathian aw, nang vuah tampi na zu saka, na gouluah ding, a bah laiin, na hihkip hi.

Na heuten huailaiah panmun a khoh ua: Pathian aw, nang na hoihna in gentheite a dingin na bawl hi.

Toupan thu a pia a, tanchin genmi numeite tuh pawl lianpi ahi ua.

Sepaihte kumpipate a taikek ua: inngaknun gal lak sum tuh a hawma.

Vakhu kha dangkaeng a luana, a kha mong leng dangkaengte sela luan bangin, belam huang kal khawng bangah om mahle uh.

Bangkimhihtheiin huaia kumpipate a hihjak lai tuh, Zalmon tanga vuk zuk lai bang ahi hi.

Pathian tang tuh Basan tang ahi a; Basan tang tuh tang sangpi ahi.

Tang sangtakte aw, Pathianin a omna dinga a tang deih, bangdia hajaa en. Ahi, Toupa tuh huailaiah khantawnin a om nilouh ding ahi.

Pathian kangtalai asing asinga, asang asanga tampi ahi: Toupa tuh, Sinai tanga om bangin, huai lakah mun siangthou ah a omta hi.

Nang tuh tunglamah na paitou a, na matte tuh salin na pi a: mihingte lakah thilpiakte na mu a, ahi, helhatte lakah leng: Toupa Pathian tuh a kiang ua a om theihna dingin.

Toupa ka puak uh niteng a hon puak sakpa, honhondampa Pathian phatin om hen. Selah.

Pathian tuh eia dingin kihumbitna Pathian ahi; sihna akipan hotkhiaknate Toupa Jehovaha ahi.

Himahleh Pathianin amah melmate lu a sat phel phua ding, a siamlouhna a pai jel lu vun sam pha tak.

Toupan, Basan gam akipanin ka pi nawn dinga tuipi nuai thuk tak akipan ka pi nawn ding.

Na khe tuh sisana na diah theiha, na ui leiten na doute laka tan a neih theihna dingin a chi a.

Pathian aw, na pailaite khawng a mu ua, i Pathian i kumpipa mun siangthou a a pailai khawng.

Nungak khuang bengte lakah, lasa pawlte a pai masa ua, tumging tumpawlin a jui uhi.

Kikhopnate ah Pathian phat unla. Israel tuinaka pawtte aw, Toupa tuh phat un.

Huaiah nautum Benjamin a vaihawmpa un a om chiauchiau, Juda miliante leh a upate uh, Zebulun miliante, Naphtali miliante toh.

Na Pathian in na thilhihtheihna thu a piaa: Pathian aw, kou dinga thil non hihsak tuh hihhatin.

Jerusalema na biakin jiakin kumpipaten kipahmante a honpuak ding uhi.

Dangkate sikdenin sialluang laka gamsahangte taihilhin; Bawngtal tampi, michih bawngnoute toh kidou ut mi khempeuh a hihjakta hi.

Aigupta gam akipanin mi liante a hongpawt ding ua; Ethiopiate a khut uh Pathian lama jak dingin a kintat ding uh.

Leitung gamte aw, Pathian pahtawiin lasa unla; aw, Toupa phat in lasa un. Selah.

Vante van nidang laia omte tunga tuangpamah. Ngaiin, a aw a suah e, a aw thupitak mahmah.

Pathian kiangah hatna pia un: a thupina tuh Israelte tungah a oma, a hatna tuh van dumte ah a om hi.Pathian aw, na mun siangthou akipan in na kihtakhuai ahi. Amah Israelte Pathian ngeiin a mite kiangah hatna leh thilhihtheihna a pe jel ahi. Pathian phatin om hen.

Pathian aw, na mun siangthou akipan in na kihtakhuai ahi. Amah Israelte Pathian ngeiin a mite kiangah hatna leh thilhihtheihna a pe jel ahi. Pathian phatin om hen.

Pathian aw, honhondam in; tuite lah ka hinna phain a lutta ngala.

Buannawi thukpi, siksan himhim om louhna ah, ka tum hulhul hi: Tui thukpi tui lian hontupna ahte, ka na lutta hi.

Ka kikouna lamin ka baha; ka dang a keu khinta; ka Pathian ka ngakna ah ka mit a vai khinta hi.

Bangmahlou a honhote ka samzang sangin a tam ua: dikloupi a hondou a honhihmangthat tumte tuh mi hat tak ahi uhi: huchiin ka lak het louh tuh ka penawn hi.

Pathian aw, nang ka haidan na thei hi; ka siamlouhnate leng na lakah sel ahi kei hi.

Toupa aw, sepaihte Pathian, nangmah ngakte keimah jiakin zahlak kei uhen: Israelte Pathian aw, nangmah zongte keimah jiakin hihzumin om kei uhen.

Nangmah jiaka gensiat ka thuak jiakin, zumnan ka mai a khuh khinta hi.

Ka unaute lakah mikhual ka na hitaa, ka nu naute lakah theih ngeilouh mi ka na hita hi.

Na in a ka phatuamngaihnain honne khina; nangmah gensete gensiatnate ka tungah kibungta hi.

Ka kaha, anngawl kawma ka hinna ka sawi leh, huai lah gensiata ka omna phet ahia.

Ka puansilha saiip ka zat leh, amau dia hoihlou lama gentehna ka na hi jela.

Kulh konga tuten ka tungtangthu a gen ua; zukhamhatte lasak ka nahita hi.

Himahleh, Toupa aw, ken jaw, hun kipahhuaiah ahi, ka thum; Pathian aw, na chitna thupi jiakin na hotdamna thupi takin hondawng in.

Buannawi akipan honhumbit inla, hontum sak mahmah ken; honhote lakah leh tui thukpi akipan humbitin hon omsak in.

Tui lianin hontum mang kei henla, tui thuk piin leng honvalh kei hen, kokhuk inleng a kam honchih khum kei hen.

Toupa aw, hondawng in; na chitna a hoih ngala; na lainatna thupidan bang jelin kei lam hongnga in.

Na sikha lakah na mai leng sel ken; ka mangbang ngala; hondawng meng in.

Ka hinna honnaihin, tan inla; hondoute jiakin hon humbit in.

Nang mi hon gensiatnate, ka zahlaknate, ka zumnate na thei hi: hondoute na maah a om vek uhi.

Mi hon gensiatna in ka kha a sia a; nakpi takin ka lungkham behlap hi: huchiin hon hehpih ding ka zonga, himahleh kuamah a om ngal kei ua; honkhamuan dingte ka zong nawna, himahleh kuamah ka mu sam kei hi.

Ka an dingin banghiam kha a honpiak behlap ngal ua; ka dangtakin lah uain thuk dawn dingin honpia uhi.

A ma ua a dohkan uh thang honghi hen; khamuang taka a om lai un pial honghi hen.

A mitte uh, a muh theihlouhna ding un, hihmialin om hen; a kawngte uh kivuang sak gige in.

Na lungkimlouh mahmahna tuh a tunguah sungbua inla, na heh thangpaihnain amau tuh man hen.

A omna uh gam henla; a puanin khawng uah kuamah om kei hen.

Na satpa tuh a sawi ua, na sukliamte lungkhamna leng a gen ngal nak uhi.

A thulimlouhna uh thulimlouhnain behlap inla; amau na diktatna ah lut kei uhen.

Amau tuh hinna bu akipan nulmang in om uhenla, mi diktat lakah gelh hi kei uhen.

Himahleh kei genthei tak leh lungkham tak ka hia: Pathian aw, na hotdamna in mun sangah honkoih in.

Pathian min lain ka phat dinga, kipahthu genin amah ka pahtawi ding hi.

Huchibangin bawngtal hiam, ki leh chinnei bawngpa hiam, sangin Toupa a kipaksak zo ding hi.

Thunuailutten huai a mu ua, a kipak uhi: nou Pathian zongte aw, na lungtang uh hingin om hen.

Toupan tagahte ngaikhiain, a hentate tuh a musit ngal kei hi.

Lei leh vanin amah phat hen, tuipite leh a sung ua thil tang thei peuhmahte toh.

Pathianin Zion honkhiain, Juda khuate a siam dek ngala: huchiin huaiah a om ding ua, neih toh a thuah ding uh.A sikhate suanten leng a gouluah ding ua; a min itte a sungah a om ding uhi.

A sikhate suanten leng a gouluah ding ua; a min itte a sungah a om ding uhi.

Pathian aw, honhumbit dingin kin inla; Toupa aw, honpanpih dingin kin mengin.

Ka hinna hihmang tuma zongte zahlakin zum uhen, ka siatna zonga kipakte.

Ku! Ku! Chite a zahlak jiak un taikek sakin om uhen.

A honzongte tengteng nangmah ah nuamtak leh kipaktakin om uhen la; na hotdamna itten, Pathian pahtawiin om hen, chi gige uhen.Himahleh kei jaw genthei leh tagah tak ka hi a; Pathian aw, ka kiangah hongpai meng in: nang honpanpihpa leh honhumbitpa na hi a; Toupa aw, sawt hal mahmah ken.

Himahleh kei jaw genthei leh tagah tak ka hi a; Pathian aw, ka kiangah hongpai meng in: nang honpanpihpa leh honhumbitpa na hi a; Toupa aw, sawt hal mahmah ken.

Toupa aw, nangmah ah ka ginna ka koih jel hi; chikmah chiangin zahlakin honomsak ken.

Na diktatna vangin honhumbitin, honhonkhia inla: kei lamah na bil hondohin, honhondam in.

Kei dingin omna suangpi, ka hohtheih gigena ding, hong hiin: nang honhondam dingin thu na pia a; ka suangpi leh ka kulhpi na hi ngala.

Ka Pathian aw, mi gilou- salou khut akipan honhonkhia in, mi diktatlou leh nunsia khut akipan.

Toupa Pathian aw, nang ka lamet na hi ngala: ka naupan chik akipan ka hon muan na hi hi.

Ka nu gil akipan him in nangmah kaihin ka om jela: ka nu sung akipan honlakhepa na hi: nangmah ahi, ka honphat gige ding.

Mitampi theihin thillamdang kahi a; himahleh nang ka kihumbitna kiptak na hi.

Ka kam nang phatna in a dim ding, nitumin na pahtawinain a dim ding hi.

Ka tek chiangin honpaikhe kenla, ka tha a jawt chiangin hon paisan ken.

Ka melmaten ka tungtangthu a gen ngal ua; ka hinna tangte leng a kikou uhi.

Pathianin a paisanta: delh unla, man un; humbitpa ding himhim a om ngal keia chiin.

Pathian aw, hon gamlat mahmah ken: ka Pathian aw, honpanpih dingin kin in.

Ka hinna tunga melmate zahlak leh mangthangin om uhenla; ka siatna ding zongte gensiatna leh zumnaa khuhin om uhen.

Himahleh ken jaw ka lamen gige dinga, ka honphat semsem ding hi.

Ka kamin na diktatna thu a gen ding a, nitumin ka hotdamna thu a gen dinga: a tamdan ka thei ngal keia.

Toupa Pathian thilhih thupiakte toh ka hongpai ding a: a diktatna, nangmah diktatna thu kia, ka gen ding hi.

Pathian aw, ka naupan chik akipan nang non hilha; tu tanin na thillamdang hihte ka theisak gige hi.

A hi, Pathian aw, ka teka ka sam a kan hun inleng hon paisan mahmah ken; na hatna tuh khangthak nawnte kiangah leh, na thilhihtheihna hongom lai dingte kianga ka theihsak mateng.

Pathian aw, na diktatna leng a sang mahmah ahi; Pathian aw, nang thil thupitakte hihpa, nangmah bang kua a om?

Nang, buaina tampi leh thupitak honmusakpan non hingsak nawn dinga, lei thukpi akipan non pi khe nawn ding hi.

Nang ka thupina honhihkhangsak inla, hongkihei nawn inla, hon khamuan in.

Pekgingin leng ka hon phat dinga, ka Pathian aw, na thutak ngei ka phat ding. Nang Israelte Mi Siangthou aw, kaihging toh nangmah phatin la ka sa ding hi.

Nangmah phata la ka sak chiangin ka muk a nuam mahmah dinga; ka hinna na tat mah leng a nuam mahmah ding hi.Ka leiin leng nitumin na diktatna thu a gen ding; ka siatna ding zongte a zahlak un a zumta ngal ua.

Ka leiin leng nitumin na diktatna thu a gen ding; ka siatna ding zongte a zahlak un a zumta ngal ua.

Pathian aw, na vaihawmnate kumpipa kiangah pia inla, na diktatna kumpipa tapa kiangah pia in.

Na mite tuh diktatnain vai a hawmsak dinga, na mi gentheite tuh vaihawmna dikin vai a hawmsak ding hi.

Tanglian leh tangneu ten diktatnain mite kiangah khamuanna a hontun ding uhi.

Aman mi laka gentheite tuh vai a hawmsak dinga, tagah tate tuh a hondam dinga, nuaisiahpa bel a hihjan ding hi.

Tunga ni a om sungin a kikou ding ua, kha om sungin leng, suan om sung tengteng inleng.

Amah tuh loupa gawitan tunga vuah kia bangin a ke dinga; lei vak vuah tui bang maiin.

A damlai un mi dikte tuh a pha luahluah ding uh, huan, khamuanna thupidan, kha om louh masiahin.

Aman tuipi akipana tuipi dang phain leng thu a nei ding, luipi akipan kawlmong phain leng.

Gamdaia omte tuh a maah a kun ding ua: a melmaten leng leivui a liak ding uhi.

Tarsis gam leh tuikulh gam kumpipaten kipahman a hontawi ding ua; Sheba leh Seba gam kumpipaten thilpiakte a honlan ding uhi.

Ahi, kumpipa tengteng tuh a maah a khupboh ding ua: nam chitengin a na a sem ding uhi.

Gentheiin a sap chiangin aman a humbit dinga, mi tagah, panpihpa neilou leng a humbit ding hi.

Mi genthei leh tagahte a hehpih dinga, tagahte hinna a hondam ding hi.

A hinna uh tuh nuaisiahna leh hiamgamna lak akipan a tan dinga, a sisan uh amah ngaihdan in manpha tak ahi ding ahi ngala.

Huan, a hing ding ua; Sheba gam dangkaeng akipana piak ahi dinga: miten amah a thumsak gige ding uhi; nitumin vual a jawlsak ding uhi.

Leiah, mualvum peuhah, buh tampi a om dinga; a vui tuh Lebanon bangin a ling suausuau dinga, khuaa mite bel loupa bangin a pha lihliah ding uhi.

A min tuh khantawnin a om tawntung dinga; a min tuh ni a om sungin tatlak louin a om jel dinga; mite tuh amah ah vualjawl in a om ding ua; nam chih ten amah tuh hampha a chi ding uhi.

Toupa Pathian, Israelte Pathian phatin om hen, amah kiain thillamdang a hih jela.

A min thupi tak khantawnin phatin leng om henla; lei pumpi leng a thupinaa hihdimin om hen. Amen, Amen.Jesai tapa David thumnate a beita hi.

Jesai tapa David thumnate a beita hi.

Pathian tuh Israelte tungah a nahoih ngei e, lungtang siangthoute tunga.

Himahleh ken jaw ka siktal dekdeka; ka kalsuante a teu dekdek ahi.

Mi gilou-saloute vangphatdan ka muhin mi mangte ka eng ngala.

A sih lai un thuakna himhim a neikei ua: a hatna u tuh a kip zosop ngala.

Mi dang banga gimthuakin a om kei uhi. Midang banga gawtin leng a om sam kei uhi.

Huaijiakin kisaktheihnain khainiang bangin a ngawng uh a vela; hiam gamnain puansilh bangin a tuam hi.

Thau jiakin a mit uh a pawng leulaw u a: lungtang thudeih sanga thupi a nei uhi.

A nuihsan ua, giloutakin nuaisiahna thu a gen ua: kisaktheihnain a pau uhi.

A kam uh van khawngah a koih ua, a lei un leitung a pha suak jel hi.

Huaijiakin a mite tuh huaiah a kik nawn ua. Tui nou-a dim tuh amau dawn siang sipsipin om hi.

Pathianin bangchin a thei dia? Tungnungpenin theihna a nei dia hia? a chi ua.

En dih, hiaite khawng mi gilou-saloute ahi uhi; nuamsa taka om gigein a hau deuhdeuh jel uhi.

A thawn maiin ahi, ka lungtang ka hihsiana, ka khutte gensiatbeia ka sil.

Nitumin gawtin ka oma, jingsang tengin sawiin ka om ngala.

Huchi bangin ka gen ding, na chitaleng; ngaidih, taka hih ka na hi ding.

Huai tuh ka theihtheihna dingdan ka ngaituahin, Keia dingin a na lua ahi.

Pathian mun siangthou a ka luta, a beina ding uh ka ngaituah masiah.

Amau tuh mun nal takahte na koih ngeia; siatna ahte khawng na pai khe jel hi.

Bangchidan ahia mitphiat kal kiaa a ingam tak u aw! thil mulkimhuai taktea hihmanthat vekin a omta uhi.

Min khanloh nunga mang bangmah a sak louh bang un, Toupa aw, na halh hunin amau lim leng bangmah na sa kei ding hi.

Ka lungsim lungkhama a oma ka lungtanga suta ka om laiin.

Mi mawl leh bangmah theilou ka hi a, na lakah gamsa bang phet ka hi hial hi.

Himahleh na kiangah ka om gige a: ka khut taklam na len gige hi.

Nang na lemtheihnain non pi dinga, huai nung chiangin thupina ah non kipahpih ding hi.

Van ah nang lou ngal kua ka neia? Lei ah leng nang lou ngal ka deih kuamah a om kei hi.

Ka sa leh ka lungtang a bahta a: himahleh Pathian tuh khantawna ka lungtang utna ding leh ka tantuan ding ahi.

Ngaiin, nangmah gamlata omte a mangthang dek ua: a hon angkawmsan peuhmahte tuh na hihmangta ahi.Kei adingin bel Pathian naih a hoiha: Toupa Pathian tuh ka kihumbitnain ka neia, na nasep tengteng thu ka hilh theihna dingin.

Kei adingin bel Pathian naih a hoiha: Toupa Pathian tuh ka kihumbitnain ka neia, na nasep tengteng thu ka hilh theihna dingin.

Pathian aw, bangdinga honpai mang den ding na hia oi? Bangdinga na gantatna muna belamte tunga na hehna a khut?

Na mite kikhawmte, nidang laia na lei, nam na gou dinga na tat, thei gige in; na omna nak Zion tang toh.

Khantawn siatna lamah na khe khaiin, melmaten mun siangthou ah thil gilou chiteng a hihta uhi.

Nangmah doute na mite kikhawmte lakah a awng juajua ua; achiamnate uh chiamtehna dingin a takta uhi.

Mi singbawk heipi a ngimte bangin a kimu ua.

Tunah a thil- khuak kilawm tengteng uh heita leh sekin a hihse chiat uhi.

Na mun siangthou a hal ua; na min omna leia tum khop hialin a hihbuahta uhi.

A lungsim un, A vekin i hihse ding, a chi ua: hiai gama Pathian kikhopna in tengteng a halse khinta uhi.

I kichiamtehnate uh i muta kei ua: jawlnei himhim a omta kei uhi; a sawt dingdan thei himhim i lak uah leng a om kei hi.

Pathian aw, melmain bangtan ahia hon gensiat ding? Galin na min khantawnin a gense dia hia?

Bangdingin ahia, na khut, na khut taklam na lak tak? Pholh khe nawn inla, amaute hihmang in.

Himahleh, Pathian tuh nidanglai tana ka Kumpipa ahi, lei lai taka hotdamna siampa pen.

Nang na hatnain tuipi na kikhensaka nang tuia drakonte na kitamsak hi.

Nang tuh ole lute na jansaka, amah tuh gamdai mi omte kiangah an dingin na pia hi.

Nang tuikhuk leh tuilian na khena; nang lui lian taktakte na kangsak hi.

Sun nanga ahi a, jan leng nanga ahi. Nang khovak leh nisa na ngaihtuah hi.

Nang leitung gamgite tengteng na khung vek hi: nang nipi leh phalbi na siam ahi.

Toupa aw, hiai theigige in, melmain a hon gensiata; nam haipiin na min a gensiat.

Aw na vakhu hinna gam sahang kiangah pe mahmah kenla; na mi gentheite hinna khantawnin leng mangngilh sam ken.

Thukhun tuh honkhawksa in: leimun mial tata hiamgamna omnain a dim ngala.

Aw, nuaisiahna thuakte zahlakin kihei kei uhenla: genthei leh tagahten na min phat uhen.

Pathian aw, thou inla, nangmah thu tuh kigen tawm inla, mi haiin nitumin a hon gensiatdan theigigr in.Nangmah galte husa tuh mangngilh ken: a hon sualte chiak vengvung tuh a toupai gige ahi.

Nangmah galte husa tuh mangngilh ken: a hon sualte chiak vengvung tuh a toupai gige ahi.

Pathian aw, kipahthu ka honhilh uhi; kipahthu kon hilh uhi, na min a nai jiakin: min na thillamdang hih thute a gengen uhi.

Hun seh pen ka muh hun chiangin diktakin vai ka hawm ding hi.

Lei leh a sunga om tengteng a zul khinta: ken a bante ka phut ahi. Selah.

Mi uangte kiangah, Uang takin om kei un, ka chi a: mi gilou-saloute kiangah, Na ki uh sangsak kei unla, leng ka chi hi.

Na ki uh tuh tunglamah hihsang kei unla; ngawng golh jenin thu gen kei un.

Sansakna tuh suahlam akipan ahi kei laia, tumlam akipan leng ahi kei, simlam akipanlah ahi sam kei hi.

Pathian tuh vaihawmpa ahi jaw: Aman khat a niamsak a, khat a sangsak jel hi.

Toupa khut ah nou a om ngala, a uain a phula; thildang toh helin a dima, huai apat a bung khiaa; pellouin a neng nangawn leia mi gilou-salou tengtengin a dawn siang sipsip ding uhi.

Himahleh ken jaw khantawnin ka theisak dinga, Jakob Pathian phatin la ka sa ding hi.Mi gilou-saloute ki tengteng leng ka hihtan dinga; mi diktatte ki jaw sansakin a om ding hi.

Mi gilou-saloute ki tengteng leng ka hihtan dinga; mi diktatte ki jaw sansakin a om ding hi.

Judate lakah Pathian theihin a oma; Israelte lakah a min a thupi hi.

Salem ah bawkta a oma. Huan, amah omna tuh Zion ah a om hi.

Huaiah thalpeu thalte a hihsiaa: phawte, namsaute, kidounate toh. Selah.

Nang tuh thupitak leh hoihtak na hi a, sathah tangte sangin.

Lungtang phaten loh a tuak ua, a ihmu uh a ihmu denta uhi; mi hatte leng kuamahin a khut uh a lik theita kei uhi.

Jakob Pathian aw, na sawina jiakin kangtalai leh sakol leng gending theilou in a om tuaktuak uhi.

Nang, nangmah mah, lau ding na hi: na heh peuhmah leh, kua ahia na mitmuha ding thei ding?

Na vaihawm thu van akipanin na theisaka; lei a laua, a daita hi.

Leia mi thunuailut tengteng hondam dinga, Pathian tuh vaihawm dinga a thoh laiin. Selah.

Pellouin mihing hehnain nang a honphat dinga: hehna valin na kigak ding hi.

Thu chiam inla, Toupa na Pathian lak uah hihtangtung un: a kima mi tengteng in kihtak dingpa tuh kipahmante hontawisak uhen.Aman lalte kha a sat khe ding a; amah tuh leia kumpipate adingin a kihtak huai ahi.

Aman lalte kha a sat khe ding a; amah tuh leia kumpipate adingin a kihtak huai ahi.

Ka aw in Pathian ka sam dinga; ka aw in Pathian ngei tuh ka sam dinga, amah kei lamah bil a hondoh ding hi.

Ka buai niin Toupa ka zonga: ka khut tuh jan chiangin leng khaikhe louin ka jak gige a; ka hinnain khamuanna a deih kei.

Pathian ka thei gige a, ka buai naknak: ka ngaihtuaha, ka kha a bah naknak. Selah.

Ka mitte mitmeisuanin non let saka: pau theilou khopin ka buai hi.

Nidanglaite khawng ka ngaihtuaha, tanga- tuana kumte.

Jana ka lasak tuh ka thithak nawna: ka lungtang ah ka kingaihtuah naka, ka khain leng phatuamngai takin a zong hi.

Toupan khantawnin a khahkhe dia eita aw? Chikmah chiangin a kipakta kei dia eita aw?

A chitna tuh a mang den tawntung dia eita aw? a thuchiam tuh suan tengteng phain a mang dia eita aw?

Pathianin hehpih a mangngilh a eita aw? hehin lainatnate tuh a khakta a eita aw? Selah.

Huan, huai tuh ka hatlouhna jiak ahi; himahleh Tungnungpen khut taklam kumte ka thei gige ding hi.

Toupa thilhih thute ka gen dinga: nidang laia na thillamdang hihte ka thei gige ding hi.

Na nasep tengteng ka ngaihtuah dinga, na thilhihte leng ka sut ding hi, ka chi a.

Pathian aw, na lampi tuh mun siangthou ah a oma: Pathian bang Pathian thupi kua a oma?

Nang thillamdang hihpa Pathian na hi a: mi chih lakahte na hatdan na theisak jel hi.

Na banin na mite na honkhia, Jakob leh Joseph tate. Selah.

Tuiten a honmu ua, Pathian aw, tuiten nang a honmu ua, a kikou ua; tui thukpite leng a ling uhi.

Meipiten tui a sungbua ua; vanten aw a suah ua: na thalte leng a phe zolzol hi.

Na van ging husa pingpei ah a oma; khophiaten khovel a tanvak zolzola: lei tuh kisingin a ling dopdop hi.

Na lampi tuh tuipi ah a om a, na lampite tuh tui zatakah a oma, na khapte theih ahi kei hi.Mosi leh Aron khutin na mite belam hon bangin na pipi hi.

Mosi leh Aron khutin na mite belam hon bangin na pipi hi.

Ka mite aw, ka dan thu-ah bil nadoh unla: ka kama thute ah na bil uh hondoh un.

Gentehna thuin ka kamka dinga: nidanglaia thugil gente ka gen khe ding:

Huaite i bil un i ja ua, i lungsimin leng I thei uhi, a piputen leng a honhilh uhi.

Huaite tuh a tate uh lakah i im kei ding ua, khangthak hongom ding kiangah TOUPA phatna thu leh, a hatdan leh a thillamdang pipi hih dante I hilh zo ding uhi.

Jakobte laka thutheihsak tuh a hihkipa, Israelte lakah dan a sepa, huaite tuh i pipute kiangah thupiakin a piaa, amau huai thu tuh a tate u kianga a theihsak ding un:

Khangthak hongom ding naupang hongpiang dingten, a theihtheihna ding uh, huaite tuh a thou ua, a thou ua, a tate u kianga a hilh sawn jel ding un:

A lametna uh Pathiana a a koih theih ua, Pathian thilhihte a mangngilh louhna ding ua, a thupiakte a zon jawkna ding un:

Leh, a pipute bang ua, suan genhak tak leh helhat suan lungtang bawl diklou, Pathian laka lungsim ginomlou pua a om louhna ding un.

Ephraim suante galthuama kithuama, thalpeu tawiin, kisual niin a taikek ua:

Pathian thukhun a jui kei ua, a dana om leng a ut kei ua:

A thilhihte a mangngilh ua, a thil lamdang hih a muhsakte toh.

A pipute uh mitmuhah thillamdang pipite ahih jela. Aigupta gamah Zoan pawnah.

Tuipi a khen hoka, amau a galkaisaka: tuite tuh bangkhat koih khawm venvon bangin a khawlsak meuhmouh hi.

Sun chiangin meiin a pi a, jan khuain mei vakin leng a pipi hi.

Gamdai ah suangpite a kitam saka, tui thukpi akipan bang maiin dawnding tampi a pia hi.

Suangpi akipanin luite a pawt khe saka, tuite luipi bangin a luang khe sak hi.

Huchi pipiin leng a tungah thil a hihkhial lailai ua, gam keu ah Tungnungpen tungah a hel uhi.

A gongthak uh hihdamna dinga anek ding uh ngenin a lungtang un Pathian a zeet uhi.

Ahi, Pathian kalhin thu a gen ua; Gamdai ah Pathianin dohkan a bawlkhol thei diam maw?

Ngaiin, suangpi a sat a, tuite khawng a hongkikhoh khiaa, luite tuh a piau ah a dimleta; an leng a pe thei nalai diam maw? A mite adingin sa a bawlkhol diam maw? A chi ua.

Huchiin TOUPAN a na jaa, a hehta a: Jakobte tungah mei a hongkuang kheta a, Israelte tungah hehna hongsuakta hi;

Pathian a gingta kei ua, a hotdamna leng a muan louh jiak un.

Himahleh tunglam van dumte thu a pia a, van kongkhakte a honsaka:

A nek ding un manna a tunguah a zu saka, van buh tuh a kiang uah a pia hi.

Mihingten angel ann a ne ua: vahna khopin ann a honpia a.

Suahlam huih van ah a nungsaka: a thilhihtheihnain sim huih a nung sak hi.

Sa tuh leivui zah khawng tak a tunguah a zusaka, vasa kha nei tuipi-a piaunel zah tak:

A giahna mun tak uah a ke saka, a omna buk kim khawng uah.

Huchiin a ne ua, a vah ngial ua; a lunggulh uh a kiang uah a pia hi.

A gongthakna uh a dai naikei a, a an uh a kam uah a om laia,

Huchih laitakin Pathian hehna tuh a tunguah a tunga, a mi hoihhoihte uh khenkhat a thata, Israel tangvalte a sat puk helhhulh hi.

Huchi piin leng thil a hihkhial lailai ua, thillamdang hihte a gingta tuan kei uh,

Huaijiakin a damsung nite uh bangmahlou phetin a hihmangsaka, a damsung kumte uh launain a hihmansak lai hi.

Amaute a thah chiangin amah a zong ua: a kik nawn ua, jingsangpiin Pathian a zonguhi.

Pathian tuh a suangpi uh ahi chih leh Pathian Tungnungpen a tanpa uh ahi chih a thei khe jel uhi.

Himahleh amah a kam un achiamnuih phat ua, a lei un a kiangah juauthu a gen uhi.

A lungtang uh amah lakah a dik ngal keia, a thukhun ah lah a ginom sam kei uh.

Himahleh, amah bel lainatnaa dim a hih jiakin a thulimlouhna uh a ngaidama, amau a hihmang kei hi. ahi, tamvei pi a hehna a la kika. a thangpaihna a vekin a tokthou nuam kei jel hi.

Sa leltak a hih uh a theigige a: huih, kik nawnlou dinga nung mang jel bangin.

Gamdai ah a tungah hel munin, gam keu ah amah hihlungkham mun hina tel u e!

A kihei kik nawn un Pathian a zeet ua, Israelte mi siangthou a hihvui naknak uhi.

A khut a theigige kei ua, melma laka a humbit ni a theigige sam kei uhi.

Huchi-a Aigupta gama achiamtehnate a koiha, Zoan pawnah a thillamdang hihte leng a koiha;

A luipi uh sisan a suaksaka, a luite uh leng sisan a suaksak hi, huchiin a dawn theita kei uhi.

A lak uah thou tampi a sawla, huaiin amau a ne khina; ukengte leng a sawla, huaiin amau a hihmangta hi.

A thil poute u leng lung kiangah a piaa, a sepgim gah uh khaupe kiangah a pia hi.

A grep guite uh gialin a hihsia a. a theipi kungte u leng vukin a hihsia hi.

A ganta u leng gial kiangah a pia a, a ganhonte uh kek sa velvol kiangah a pia hi.

A hehna thupi tak a tunguah a khia a, thangpaihna te, lunghihlouhna mahmahte, mangbatna te, gilou angel honte,

A hehna adingin lam a bawlsaka’a hinna uh sihna lakah a humbit keia, a hinna uh hi kiangah a pezota hi.

Aigupta gama ta chil om tengteng a hihluma, Ham puanintea a hatna gah masa pente uh.

Himahleh amah mite tuh belam bangin a pi khia a, ganhon bangin gamdai ah a pi hi.

Bit takin a pi a, huchiin bangmah a lau kei ua: himahleh tuipiin a melmate uh a khuh khinta hi.

Huan, a mun siangthou gamgi a pi tunga, hiai tang, a khut taklama a lei.

Nam chih a ma uah a delh khia a, amau khaua tehin gouluah dingin a hawma, a puaninte uah Israel namte a omsakta ahi.

Himahleh, Pathian Tungnungpen tuh a zeet ua, a tungah a hel ua, a thutheihsakte lah a jui ngal kei uhi.

Kihei nawnin, a pipute u bangin lepchiah takin a gamta zota uhi: thalpeu muanhuai lou bangin a pai kawi uhi.

A mun sangte un amah tuh a hihheh ngala, a milim siamte un a mullit sak ahi.

Pathianin huai a najakin a heha, Israelte a kih mahmah hi.

Huchiin Shiloh biakbuk mihing laka apuanin koih, a paisan a:

A hatna salah a mansaka, a thupina melma khut ah a mansak nawn hi.

A mite namsau kiangah a piaa; a gouluah ding tungah a hehta hi.

Meiin a tangvalte uh a kangmanga, a nungakte un kitenna himhim a neita kei uhi.

A siampute uh namsaua hihpukin a om ua; a meithaite uh a kap himhim kei uhi.

Huchih laiin, TOUPA, mi ihmu a khanglou bangin a khangloutaa, mi hat uain jiaka kikou bangin.

Amah melmate tuh a sat kika, khantawn min siatna a lohsakta hi.

Huailou leng Jospeh puanin a deih keia, Ephraim nam leng a telta kei hi;

Juda nam tuh a tel zota a, a it Zion tang mah.

A in siangthou tuh van sangte bangin a lama, khantawn dinga a hihkip leilung bangin.

A sikha David tuh a tela, belam huang akipante a la khiaa:

Belampu nou kaite zuihna akipanin a pi khiaa, a mite Jakobte leh a gouluah ding Israelte vak dingin.Huchiin aman a lungtang uh hoihna bangjelin amaute a vaka; khut siamin a pita hi.

Huchiin aman a lungtang uh hoihna bangjelin amaute a vaka; khut siamin a pita hi.

Pathian aw, nam chih na gouluah dingah a lut ua; na biakin siangthou hihnin ua; Jerusalem suang chim a vum uhi.

Na sikhate luang tuh tungleng vasate an dingin a pia ua, na mi siangthoute sa tuh gamsate kiangah a pia ua.

A sisan uh Jerusalem kimah tui bangin a sung bua ua; amau vui ding lah kuamah a om ngal kei ua.

I kim ua mite gensiatin I na om ua, I kiangnai khawnga mite muhsit leh nuihsatin I naom ta uhi.

TOUPA aw, bangtan ahia na heh nilouhlouh ding? Na mullitna tuh mei bangin a kuang ding ahia?

Nangmah theilou nam chih tungah na hehna sung buain, na min kou gam tungahte khawng leng.

Jakobte tuh a ne khin ua; a omna uh a hihgamta ngal ua.

Ka pipute uh thulimlouhnate ka lak uah theigige ken: na lainatnain honnadon pah hen. Nakpitaka hihniamin ka omta ngal ua.

Honhondampa Pathian aw, na min thupina dingin honpanpih inla; na min jiakin honbumbit inla, ka khelhnate uh sil siangin.

Bangachia nam chihin, A Pathian uh koia om ahia leh? Na sikhate sisan pawt phulakna ka mitmuh un nam chih lakah theih hi hen.

Henta thumna na maah tung hen: na thilhihtheihna thupidan bang jelin si dinga sehte tuh humbit inla:

TOUPA aw, nang a hon gensiatna uh, ka kiangnai uate tungah aleh sagih veiin thuk in.Huchiin, kou na mite, na gan tatna muna belamten, khantawnin kipahthu ka honhilh ding uhi: suan tengteng tanin nangmah phatna tuh ka theisak jel ding uhi.

Huchiin, kou na mite, na gan tatna muna belamten, khantawnin kipahthu ka honhilh ding uhi: suan tengteng tanin nangmah phatna tuh ka theisak jel ding uhi.

Israelte chingpa, Belam pawl banga Josephte pipa, bil na doh in: nang cherubte tunga tu, hongvak khia in.

Ephraimte leh Benjaminte leh Manasite mitmuhin na hatna tokthou inla, honhondam dingin hongpai in.

Pathian aw, honkihei sak nawn inla; na mel hihvak in, huchiinhotdamin ka om ding uhi.

TOUPA aw, sepaihte Pathian, bangtan ahia na mite thumna tunga na heh ding?

Amaute khitui-tanghouin na vaka, khitui dawn dingin tehna lian takin na pe jel hi.

Nang ka kim ua mite adingin kinakna din non bawl naka: ka melmate uh a nui chiat nak uhi.

Sepaihte Pathian aw, honkihei sak nawn inla: na mel hihvak in, huchin hotdamin ka om ding uhi.

Aigupta gam akipan grep gui na honla a: nam chih na delh khiaa, na suanta hi.

A ma na hih siang jela, thutakin zung a kaia, gam tuh a luah vek hi.

Tangte a lim tuamin a om chiat, ahiangte Pathian sidar singte bang hial ahi.

A hiangte tuh tuipi tanin a jam suak saka a selte Luipi phain.

Bangachia a huangte hihsia na hia? Lampi a pai peuhmahin a sat kheta uhi.

Gamnuaia ngalin a hihsia a, gamsaten leng a ne uhi.

Sepaihte Pathian aw, hehpih takin kihei nawnin; van akipanin honensuk inla, hiai grep gui en inla, hongveh in.

A kung na khut taklamin a suan leh, ahiang nang dia na khauhsak toh.

Mei ah a kangta, phukin a omta: na mela salhna jiakin a mangthang jel hi.

Na taklama mi tungah na khut om hen, mihing tapa nang dia na hihhat tungah.

Huchiin kon kiksan kei ding ua: honhihhalh inla, huchiin na minka lou ding hi.TOUPA aw, sepaihte Pathian, hon kihei sak nawn inla; na mel hihvak in. huchiin hotdamin ka om ding uhi.

TOUPA aw, sepaihte Pathian, hon kihei sak nawn inla; na mel hihvak in. huchiin hotdamin ka om ding uhi.

Pathian honhihhatpa pahtawiin nuamtakin lasa unla; Jakobte Pathian pahtawin nuam takin kikou un.

Phatna lasa unla, khuangnou te, kaihging ngaihnophuaite, pekging te toh hontawi un.

Kha thakin pengkul mut unla, kha lika I ankuangluina thupi niin.

Israelte dinga thuseh ahi ngala, Jakobte Pathian dan ahi.

Huai tuh Joseph te laka thutheihsakna dingin a seh ahi. Aigupta gam tunga a pai khiak laiin: ka theihlouh pau ka jak laiin.

A liangjang thil gik akipanin ka lasuana: a khutte loh akipana khahin a om hi.

Mangbatniin non sama, ka honhumbita; van ging bukna munah ka hon dawnga; Meribah tuiahte khawng ka hon zeet ahi. Selah

Ka mite aw, ngaikhia unla, ka hontheihsak bangin; Israelte aw, ka thu ngaikhe nuamle uteh aw!

Gam dang Pathian himhim na lak uah a om ding uh ahi keia; mi dang Pathian himhim na biak ding uh leng ahi kei hi.

Kei, TOUPA na Pathian uh ka hi a, Aigupta gam akipan honpi khepa tak: na kam uh lian kat unla, ka hihdim ding ahi.

Himahleh ka miten ka aw a ngaikhe sam kei ua; Israelten hon deih kei uhi.

Huchiin a lungtang uh genhakdan bang jela om dingin ka khahzamta ahi, amau hoihsak banga a om na ding un.

Aw, ka miten ka thu ngaikhiain, Israelte ka lampi-ahte pai le u aw:

A melmate uh ka hihneu zokin, amau galte tungah ka khut ka lik ding hi.

TOUPA hote a kiangah a kipe lut ding uhi; amau hun bel a om nilouhlouh ding ahi.Nou bel buh hoihpenin kon vak ding hi; suangpi-a khuaijuin ka hontaisak ding ahi.

Nou bel buh hoihpenin kon vak ding hi; suangpi-a khuaijuin ka hontaisak ding ahi.

Pathian tuh Pathian kikhopna bawlah a dinga; Pathiante lakah vai ahawm hi.

Bangtan ahia diklou taka vai na hawm ua, mi gilou-saloute, na deihsak tuam ding uh? Selah

Gentheite leh paneiloute vai tuh hawm unla; haksa thuakte leh tagahte tungah hihdik un.

Gentheite leh tagahte gum unla; migilousalou khut akipan humbit un.

A theikei ua, theihsiamna leng a neikei uh; mialah a kileh a kileh ua: leilung kingakna tengteng tuh a lingta a.

Pathiante na hi ua, na vek un Tungnungpen tate na hi ua, ka chi hi.

Himahleh mihingte bang phetin na hongsi ding ua, mi lian khat bangin na hongpuk ding uhi.Pathian aw, thou inla, lei vai hawmsak in: nam chih na gouluah ding ahi ngala.

Pathian aw, thou inla, lei vai hawmsak in: nam chih na gouluah ding ahi ngala.

Pathian aw, paulou in om kenla: Pathian aw, dai nilouh ken, om maimai mahmah ken.

Ngaiin, nangmah melmate a lum lutlut ua: nangmah hote a dak hawkhawk uhi.

Na mite lepchiahtakin a sawm ua, na mi selgukte tungah a selamin a kihou a kihou khawm uhi.

Kisa dih ua, a nam uh mangsak khopin i hihmang ding uh: Israel min himhim theihgigea a om nawn louhna dingin, a chi ua.

Thu khat satin a kihou ua; na tungah a selama hih dingin thu a kichiam khawm uhi.

Edomte leh Israelte puan innte, Moabte leh Haggarte;

Gebalte leh Ammonte leh Amelekte; Philistiate Tura khuaa omte toh:

Assuriate leng amau lamah a pang sam ua; Lot suante tuh a panpih uhi. Selah

Amau tuh Midiante tunga na hih bangte, Kison luia Sisera tunga na hih bangte, Jabin tunga na hih bangtein hih sam in.

Huai mite tuh Endor khua ah a mang ua; lei adingin eklei bang lel a na hita uhi.

A miliante uh Oreb leh Zeeb bangin bawl inla, ahi, a kumpipate tengteng uh Zebah leh Zalmunna bangin bawl in.

Huai miten, Pathian omnate I luah sak ding uh, a chi ua.

Ka Pathian aw, amaute tuh leivui kipei lunglung bangin bawlin: buhsi huih mutleng uakuak bang lelin.

Gam kang mei bang leh, tang kang meikuang bangin.

Amau tuh na huihpiin delh inla, na huih thupi takin hihlau in.

TOUPA aw, na min a zon theihna ding un a mel uh zumnain hihdimin.

Khahtawnin zahlak leh mangbang takin om uhenla; ahi, hihzuma omin mangthang uhen.Nangmah kia tuh Jehovah minpu, leitung tengteng tunga Tungnungpen na hi chih a theihna ding un.

Nangmah kia tuh Jehovah minpu, leitung tengteng tunga Tungnungpen na hi chih a theihna ding un.

Sepaihte TOUPA aw, na omnate deihhuai natel e!

Ka hinnain TOUPA biakin huangsung intualte tuh a ngai mahmaha, ahi, a bahpih hiala; ka lungtang leh ka sa tuh Pathian hing kiangah a kikou khia.

A hi, kawlgitin in a mu a, lensiamin leng amaha adingin bu a mu a, a nou koihna dingin sepaihte TOUPA aw, ka Kumpipa leh ka Pathian, huai tuh nangmah maitamte ngei ahi hi.

Na inn a omten nuam a sa ua; nang a honphat gige ding uhi, Selah.

Nangmaha hatnanei min nuam a sa hi; a lungtanga Zion naihna lamliante om in.

Kahna guam tuh a tot un, tuikhuk omnate a bawl ua, ahi, vuahtui ke masain vualjawlnain a khuh lel hi.

Hatna akipanin hat nawn semna ah a pai ua, Zion ah Pathian maah a kimusak chiat uhi.

TOUPA aw, Sepaihte Pathian, ka thumna hon ngaikhia inla: Jakobte Pathian aw, bil na dohin. Selah.

Pathian ka phaw pen u aw, enin, na thaunilhpa mel enin.

Na biakin huang sung intuala ni khat om tuh mun danga ni sang khat sangin a hoihzo ngala. Gitlouhna puaninte-a om sangin I Pathian ina kongkhakngak hih leng ka ut jaw ahi.

TOUPA Pathian tuh ni leh phaw ahi ngala: TOUPAN hehpihna leh thupina a pe dinga: diktaka omte lakah thil hoih himhim a it kei ding hi.Sepaihte TOUPA aw, nangmah muang min nuam asa hi.

Sepaihte TOUPA aw, nangmah muang min nuam asa hi.

TOUPA, na gam tungah na kipaka: Jakobte, sala a om utuh na pi kik nawnta ahi.

Na mite thulimlouhnate na ngaidama, a gitlouhna tengteng uh na khuh khinta ahi. Selah.

Na thangpaihna tengteng tuh na la manga: na hehna thupitak na kiheisanta hi.

Honhondampa Pathian aw, honkihei sak nawn inla, ka tung ua na hehna tuh tawpsak in.

Ka tunguah na heh nilouhlouh dia hia? Na hehna tuh suan tengteng tanin na kitheisak jel dia hia?

Nangmaha na mite a kipah theihna ding un non hihhalh nawn kei dia hia?

TOUPA aw, na chitna tuh honmu sak inla, na hotdamna leng honpia in.

TOUPA Pathian thu gen dingka ngaikhe ding: a mite leh a mi siangthoute kiangah khamuanna thu a gen dek ngala: himahleh amau tuh haina lamah kihei nawnta kei uhen.

A hotdamna tuh amah kihtate naihin a om ngeingei nak hi; I gam ua thupina a om theihna dingin.

Chitna leh thutak a kituak a; diktatna leh kituahna a kitawpa,

Thutak tuh lei akipanin a dawn khiaa; diktatnain van akipanin a hontan sukta hi.

Ahi, TOUPAN thil hoih a pe dinga; I gamin leng a thilpou a pe ding hi.Diktatnain ama a kai dinga; a khapte tuh lampi-ah a siam ding hi.

Diktatnain ama a kai dinga; a khapte tuh lampi-ah a siam ding hi.

TOUPA aw, keilam ah na bil hondoh inla, hondawngin; genthei leh tagah lua ka hi hi.

Ka hinna vom hoih inla; Pathian limsak mi ka hi ngala: ka Pathian aw, nangmah muang na sikha, hondamin.

TOUPA aw, honhehpih inla; nitumin ka honsam ngala.

Na sikha hinna hihnuam in; TOUPA aw, ka lungsim na kiangah ka koih det jiakin.

TOUPA, nang, na hoiha, ngaihdam na ngapa, a honsam peuhmah tungah chitna na hau ngal hi.

TOUPA aw, ka thumna ah na bil na dohin; hehpih kon ngetna aw ngaikhia in.

Ka mangbatna niin kon sam dinga a, lah non dawng ding hi,

TOUPA aw, pathiante lakah nang bang himhim a om kei ua; na thilhihte bang thilhih himhim leng a om kei hi.

TOUPA aw, na siam nam chihte a hongpai ding ua, na maah a hongkun ding ua, na min a honpahtawi ding uhi.

Nang na thupi ngala, thillamdangte leng na hihjela; nangmah kia Pathian na hi hi.

TOUPA aw, na lampi tuh honensak inla, na thutak ah ka omding hi. Na min lau dingin lungtang khat honpu sakin.

TOUPA ka Pathian aw, ka lungtang tengtengin ka honphat dinga; na min khantawnin ka pahtawi ding hi.

Ka tunga na chitna a thupi jiakin, ka hinna kokhuk nuainungpen akipan na humbit ngala.

Pathian aw, mi kisatheiten honsual ua, mi ngongtat omkhawmten ka hinna hihmang tumin a zong ua, nang tuh a ma uah a honkoih kei nak uhi.

Himahleh, TOUPA aw, nang tuh Pathian, lainatnaa dim, mi hehpihthei, lungnel, chitna leh thutak hau, na hi.

Keilam hongnga inla, aw, honhehpihin, na sikha kiangah na hatna pia inla, na sikhanu ta hondam in.Hoihna ding chiamtehna honlak in; honhoten huai tuh a muh ua, a zahlakna ding un, TOUPA, nang non panpih-a, non khamuan jiakin.

Hoihna ding chiamtehna honlak in; honhoten huai tuh a muh ua, a zahlakna ding un, TOUPA, nang non panpih-a, non khamuan jiakin.

A suangphum tuh tang siangthoute ah a om hi.

TOUPAN Zion kulh kongkhakte Jakob omna tengteng sangin a it jaw ahi.

Pathian khopi aw, na tungtangthu thupi takin a gen uhi. Selah.

Hontheite lakah pang sam uh chih Rahab leh Babulon tungtangthu ka gen ding: Philistia leh Tura, Ethiopia toh, en un; hiai mi huailaia piang ahi.

A hi, hiai mi leh hua mi amaha piang ahi ua: Tungnungpen ngeiin amah tuh a hihkip ding, chih, Zion tungtangthu a gen ding uhi.

TOUPAN, mi chih min a gelh chiangin, Hiai mi tuh huaia piang ahi, chiin, a sim ding, Selah.Lasaten, a lamte toh, Ka tuikhuk tengteng tuh nangmah ah ahi a om, a chi ding uhi.

Lasaten, a lamte toh, Ka tuikhuk tengteng tuh nangmah ah ahi a om, a chi ding uhi.

TOUPA aw, honhumbitpa Pathian, sun leh janin na maah ka kikou gigea;

Ka thumna na maah lut henla; ka kikou husa ah na bil hondohin;

Ka hinna mangbatnatein a dima, ka hinnain Sheol a honnaihta ngala.

Kokhuka paisukte laka sim khawm ka hi a; hatna himhim neilou mi bang ka hi a;

Gal thahte han-a lumte banga misi laka paih khiak ka hi; huaite tuh na theih tak louh, na khut akipan hihman ahi uhi.

Kokhuk nuainungpenah non lum sakta a, mun mial tak, thupi-ah.

Na hehnain hondelh khuma, nang na tui kihawt tengtengin gim non thuaksakta a. Selah.

Ka meltheihte hon gamlatin na om saka; amau adia kihhuai piin non bawlta a: khakkhumin ka oma, ka pawt khe theikei ahi.

Gimthuakna jiakin ka mit a se hiaihiaia: TOUPA aw, ni tengin kon sam ahi, nang lamah ka khutte khawng ka jaka.

Misite adingin thillamdang na hih dek ahia? Sisaten thouin a honphat ding ua hia? Selah.

Na chitdan tuh hana theihsakin, na ginomdan tuh Manthatna Muna theihsakin a om dia hia?

Na thillamdang hihte tuh mialah theihin a om dia hia? Na diktatna gamah theihin a om dek nawn ahia?

TOUPA aw, ken jaw kon sama, ka thumnain jingsangin a hondon hi.

TOUPA, bangachia ka hinna khah khia na hia? Bangachia ka laka na mai sel?

Ka naupan chil akipan gimthuak leh si dekdekin ka oma; na thil mulkimhuaite ka thuakin hihlungbuaiin ka om hi:

Na heh mahmahnain hon vuk manga; na thil mulkimhuaiten honhihmangta a.

Huaiten nitumin tui bangin honumsuak ua; ka kim ka velin honum chiat uhi.Honitpa leh ka lawm tuh hon gamlatin a omsakta a, ka mel theihnate mial ah na omsakta ahi.

Honitpa leh ka lawm tuh hon gamlatin a omsakta a, ka mel theihnate mial ah na omsakta ahi.

TOUPA chitna thute tuh khantawnin lain ka sa dinga: ka kamin na ginomdan suan tengteng tanin ka theisak ding.

Chitna tuh khantawn adingin leptouhin a om dinga; na ginomna tuh vante ah ngei na hihkip ding, ka chita ahi.

Ka mitel kiangah thu ka khunga, ka sikha David kiangah ka kichiamta a;

Na suante khantawn adingin ka hihkip dinga, na laltutphah leng suan tengteng taninka lemtou ding, chiin. Selah.

TOUPA aw, vanten na thillamdang hih a phat ding uh; mi siangthoute kikhopna ah na ginomna leng a phat ding uhi.

Tung vandumte ah TOUPA toh kiteh thei ding kua a oma? Mi thilhihhhteitak tate laka TOUPA bang.

Mi siangthoute kihou khawmna ah Pathian kihtakhuai tak, a kim khawnga mi tengteng sanga kihtakpen ding, kua ahia?

TOUPA sepaihte Pathian aw, A aw, nang banga mi hat kua a oma? Na ginomna na kimah a om ngala.

Nang tuipi kisaktheihna vai na hawma: a tuikihawt kisep laite uh na hihdai hi.

Nang Rahab gal thah bangin na hihkham dimdema; nangmah galte tuh na ban tha hatin na keksakta hi.

Vante nangmaha ahi a, lei leng nangmaha ahi: khovel leh a sunga omteng nangmah muhkhiak ahi.

Sim leh mal nangmah siam ahia: Tabor leh Hermon na min jiak in a nuam hi.

Nang ban thilhihtheitak na neia: na khut a hata, na khut taklam tuh pahtawiin a om hi.

Diktatna leh vaihawmna dik tuh na laltutphah kingakna ahi a: chitna leh thutak tuh n amaah a pai hi.

Husa kipahhuai ja, namten nuam a sa ua: TOUPA aw, amau tuh na mel vakah a vak uhi.

Na min jiakin nitumin a nuam ua, diktatna jiakin pahtawiin a om uhi.

Nang ahatna uh thupina na ahi ngala: na deihsakna jiakin ka ki uh pahtawiin a om ding.

Ka phaw uh TOUPA a ahi ngala: ka kumpipa uh Israelte Mi Siangthou ahi.

Huai laiin na mi siangthoute kiangah kilaknain thu na gena, mi hattak khat tungah panpihna ka ngaa; mi khat mite laka tel khiak ka pahtawita hi, chiin.

Ka sikha David tuh ka mukheta a; ka thau siangthouin amah ka nilhtaa:

Ka khut a kiangah hihkipin a om dinga; ka banin amah a hihhat dinga; ka banin amah a hihat ding hi.

Melmain a lakah a phut kei ding; thulimlouhna tain leng a hihgim kei ding hi.

Amah galte a maah ka sat puk dinga, amah hote ka bawl ek ding.

Amah kiangah bel ka ginomna leh ka chitna a om ding hi; ka min jiakin a ki tuh pahtawiin a om ding hi.

A khut tuh tuipi-ah ka nga sak dinga, a khut taklam tuh luipite ah.

Aman, Nang ka Pa, ka Pathian, ka kihotdamna suangpi na hi, chiin, honsam ding.

Huan, ken amah tuh ta masain ka siam dinga, leia kumpipate lakah tungnungpenin ka bawl ding hi.

Ka chitna tuh khantawnin amah adingin ka kep hoih sak dinga, ka thukhun tuh a kiangah a om kip ding hi.

A chi suante tuh khantawnin ka omsak dinga, a laltutphah van om lai siahin ka omsak ding hi.

A taten ka dan a lehngatsan ua, ka vaihawmnate banga a om louh ua.

Ka thuseh a tatlekna a neih ua, ka thupiakte a kep hoih kei uleh.

A tatleknate uh chiangin ka hongkan dinga, a thulimlouhnate uh jepin ka hongkan ding hi.

Himahleh, ka chitna tuin a kiang akipan ka laksak vek kei dinga, ka ginomna tuh juau a suak din leng ka phal sam kei ding.

Ka thukhun ka suse kei dinga, ka muka thupawt leng ka hihlamdang sam kei ding hi.

Khatvei ka siangthouna louin ka kichiama, David kiangah juau ka gen kei ding;

A chi suante tuh khantawnin a om ding ua, a laltutphah ka maah ni bangin a om ding hi.

Kha bangin khantawn adingin hihkipin a om dinga, van duma theihpih ginom bangin, a chi a, Selah.

Himahleh nang na khahkhiain na deih keia, na thau nilhpa tungah na hehta ahi,

Na sikha thukhun tuh na kiha: a lallukhu leia pai khe hialin na hihniamta hi.

A huang tengteng na hihpuka; a kulh pite na hihse ta hi.

Lampi a pai peuhmahin a thil a laksak jel uh.

Amah doute khut taklam tuh na pahtawia; a melma tengteng na hihnuamsata hi,

Ahi, a namsau ma tuh na beng peka, amah tuh kisualna ah na ding kip sakta kei hi.

A vakna tuh na hihtawp saka, a laltutphah leiah na pai kheta hi.

A tangvallai nite uh na hihtom saka; amah tuh zahlaknain na khuhta ngala. Selah.

TOUPA aw, bangtan ahia na buk nilouh ding? Bangtan ahia na hehna tuh mei banga a kuan ding?

Aw, ka hun a tom dingdan theigige inla; mihing tate tengteng siam gina kei natel chia!

Kua mi ahia sih ni mel mulou ahinga, Sheol khut akipana a hinna humbit ding? Selah.

TOUPA, nidanglaia na hehpihna, na ginomna David kianga kichiama na chiam, koia om a hita a?

TOUPA, na sikhate a gensiatnauh theigige in; nam hat takte tengteng gensiatna ka angsunga ka thuak jeldan.

TOUPA aw, nang hondoute gensiatna, na thaunilhpa khapte gensiatna mah,TOUPA tuh khantawnin phatin om hen. Amen, Amen.

TOUPA tuh khantawnin phatin om hen. Amen, Amen.

TOUPA, nang tuh suan tengteng tana ka omna uh na hia.

Tangte pian maa, leitung leh khovel na bawlkhiak ma inleng; khantawn akipan khantawn phain leng nang tuh Pathian na hi.

Nang mihing tuh manthatna ah na kiksaka; Mihingtate aw, kik un, na chi jel hi.

Nang sehin kum sang khat tuh janmangta bang phet ahi ngala, jan ven khat sung bang phet ahi.

Amau tuh tui lian bangin na taimang a; khang khat ihmu bang phet ahi uh: jingsanga loupa dawn khia bang ahi uh.

Jingsangin a hongpouin a hongdawn khiaa; nitaklamin phukin a oma, a vuai hi.

Na hehna a hihmanin ka om ua, na thangpaihna a hihmangbata leng ka om jiak un.

Ka thulimlouhnate uh na maah na koiha, ka khelhna gukte uh na mel vakah na koihta hi.

Ka damsung ni tengteng uh na hehna ah a mang jela: ka dam sung kumte uh tangthu bangin ka tawpsak uhi.

Ka damsung kumte uh kum sawmsagih a hi-a, hatna jiakin kum sawmgiat leng ahi thei hi; himahleh a sawtna tuh sepgimna leh lungngaihna lel a hi-a; a mang paha, kou leng ka leng mang jel uhi.

Kuan ahia na hehna thilhihtheihdan theia, nangmah kihtak dingdan banga na hehna theilou?

Ka damsung nite uh simdan honhilhin, pilna lungtang ka neih loh hialna ding un.

TOUPA aw, hong kik nawnin; bangtan ahia na heh ding? Na sikhate tungthuah na lungsim kihei sakin.

Aw, jingsangin na chitnain hontai sakin; ka damsung tengteng ua ka nuam ua ka kipah theihna ding un.

Nang na honhihgim ni leh, thil hoihlou ka tuah kum sung hu te bang un honkipaksakin.

Na nasep tuh na sikhate kiangah kithei henla, na thupina tuh a tate kiang uah kithei hen.Huan, TOUPA ka Pathian uh kilawmna tuh ka tunguah om hen: ka khut nasep uh ka tunguah leng hihkipin; ahi, ka khut nasep uh hihkipin.

Huan, TOUPA ka Pathian uh kilawmna tuh ka tunguah om hen: ka khut nasep uh ka tunguah leng hihkipin; ahi, ka khut nasep uh hihkipin.

Tungnungpen bukna muna ommi Bangkimhihthei lim ah a om gige ding hi.

TOUPA tungthu-ah, Amah tuh ka kihumbitna leh ka kulhpi; ka Pathian, ka muan ahi, ka chi ding.

Aman tuh thangkammi thang lakah leh hi hoihlou tak lakah nang a honhondam ding ahi.

A khain a honkhuh dinga, a kha nuaiah na muang ding hi; a thutak tuh pho neu leh pho lian ahi.

Jana thil mulkimhuai na lau kei dinga. suna thal hongleng zong na lau kei ding hi:

Mialnuaia hi leng jel tuh na lau kei dinga, sun laia thil hihsia siatna tuh na lau sam kei ding hi.

Na sikah sang a puk ding ua, na taklamah leng sing a puk ding uhi; himahleh nang jaw a honnaih kei ding hi.

Na mitin na en dinga, migilousaloute ditna tuh a muhin na mu lel ding hi.

TOUPA aw, nang tuh ka kihumbitna na hi ngala! tungnungpen tuh na omnain na nei hi;

Thil hoihlou himhimin a hontuak kei dinga, hi himhim inleng na puanin a honnaih sam kei ding hi.

Na lampi tenga honhumbit dingin, na tungthu-ah jaw a angelte thu pe ding ahi ngala.

A khut un hondom ding ua, huchilouinjaw na khein suang na sui khakha ding hi.

Humpinelkai leh gul gial tuh na sikden dinga; humpinelkai hatlai leh gulpi tuh na chil ek ding hi.

Ka tunga a itna a ngak jiakin amah ka humbit dinga: ka min a theih jiakin mun sangah ka khatou ding hi.

Aman honsam dinga, huan, ka dawng ding; kei tuh mangbat laiin a kiangah ka om dinga: amah tuh ka humbitin ka pahtawi ding hi.Damsawtnain ka hihlungkim dinga, ka hotdamna leng ka musak ding hi.

Damsawtnain ka hihlungkim dinga, ka hotdamna leng ka musak ding hi.

TOUPA kianga kipahthu gen leh, Tungnungpen aw, na min phata lasak tuh thilhoih tak ahi a:

Jingsanga na chitna hihlat leh, jan tenga na ginomna hihlat,

Thil tum theih gui sawm neite, pekging te, kaihging tum khasiathuaite toh, a hoih hi.

TOUPA, nang na nasepin non kipaksak ngala: na khut thilhihte jiakin nuamin la ka sa ding hi.

TOUPA aw, na thilhihte thupi hina tele! na ngaihtuahnate tuh a thuk nalawmlawm e!

Mi mawlin hiai tuh a theikei hi; mi haiin a theisiam sam kei hi:

Mi gilou-saloute loupa banga a hongnou ua, thilhihkhialte tengteng a hongphat letlot un, khantawn a dinga hihmana hongom ding uh a ahi, chih.

TOUPA aw, nang jaw khantawna ding sangpi a om tawntung na hi.

TOUPA aw, ngai dih, nang hondoute, ngai dih, nang hondoute mangthang dek uhi; thilhihkhialte tengteng hihjakin a om vek ding uhi.

Himahleh ka ki tuh gam bawngtal ki bangin na pahtawia: thau thaka nilh ka hita hi.

Ka mitin leng ka galte tunga ka thudeih a mu dia, ka bilin kei hondou gilou-saloute tunga ka thudeih a za ding.

Mi diktat tuh tum bangin a pha zeizoia dinga: Lebanon tanga sidar sing bangin a khang huthut ding hi.

TOUPA inn a suante tuh I Pathian biakin huang sung inntual ah a pha zeizoi ding hi.

Upat nungin leng a gah lailai ding uhi; tui pai kiihkeihin a hing didip ding uhi.TOUPA tuh mi diktat ahi chih theihsakna dingin: amah tuh ka suangpi ahi a, amah ah diktatlouhna himhim aom kei hi.

TOUPA tuh mi diktat ahi chih theihsakna dingin: amah tuh ka suangpi ahi a, amah ah diktatlouhna himhim aom kei hi.

TOUPA tuh kumpipain a tu-a a thupinain a kithuama; TOUPA tuh a kithuama, hatnain a taiah a kigakta hi: khovel leng, a lin theihlouhna dingin, hihkipin a om hi.

Na laltutphah tuh nidanglaia na nahihkipsa ahi a: nang tuh khantawn a omsa na hi.

Luipiten, TOUPA aw, a suah ua, luipiten a aw uh a suah ua, luipiten a ging thupitak uh a suah uhi.

Tui tampi awte sangin, tuipi kihawt hattakte sangin leng, tunglama TOUPA tuh a hatjaw ahi.Na thutheihsakte tuh a muanhuai mahmaha: TOUPA aw, khantawnin siangthouna na in toh a kilawm ahi.

Na thutheihsakte tuh a muanhuai mahmaha: TOUPA aw, khantawnin siangthouna na in toh a kilawm ahi.

TOUPA aw, nang phulakna thunei Pathian, nang phulakna thunei, Pathian, vak khiain.

Nang leia vaihawmpa, kisa inla: kisatheite tuh a gitlouhman uh thuk in.

TOUPA, mi gilou-saloute bangtan ahi, mi gilou-saloute bangtan ahia a vualzoh ding uh?

Amau tuh a mawk pau ua, kisathei takin thu a gen ua: thilhihkhialte tengteng tuh a kiphat tawm uhi.

TOUPA aw, na mite a keknen sak ua, na gouluah tuh a hihgim uhi.

Meithai leh mikhual a that ua, pa neilou tuh a that uhi.

TOUPAN a mu kei ding, Jakobte Pathianin a ngaihtuah sam kei ding, a chi uhi.

Mi laka mi mawlte aw, ngaihtuah un: mi haite aw, chikchiangin ahia na pil ding uh?

Bil phutpan a za kei dia hia? Mitsiampan a mu kei dia hia?

Nam chih thuzohpana taihilh kei dia hia, mihing pilna hilhpan?

TOUPAN mihing ngaihtuahte bangmahlou phet ahi chih a theia.

TOUPA aw, mi na thuzoha, na dan thu akipan na hilhmi a hampha hi.

Mi gilou adia kokhuk toha a om masiah, mangbat nite na khawlsan theihsakna din,

TOUPAN a mite a pia khe dek ngal keia, a goutan tuh a paisan sam kei ding hi.

Vaihawmna tuh diktatna lamah a kik nawn dia: lungtang diktak pu tengtengin huai a jui ding uhi.

Kua ahia thilhoihlou hihte hondou sak dinga kisa ding? Kua ahia thilhihkhialte hondou sak dinga ding ding?

TOUPA honpanpihpa hi kei leh, ka hinna tuh kintakinmun dai ah a omta ding hi.

Ka khe a teua, ka chihin, aw TOUPA, na chitnain a hon kai hi.

Ka lungsima ngaihtuah tampi ka neih laiin, na khamuannaten ka hinna a hihnuam jel hi.

Gitlouh-satlouhna laltutphah, dana thilhihkhelhna omsakin, nang honkithuahpihna a nei dia hia?

Mi diktat hinna sual tumin a pungkhawm duamduam ua, sisan gensiatbei tuh siamlouh a tangsak nak uhi.

Himahleh TOUPA tuh ka insang ahi a: ka Pahtian jaw ka kihumbitna suangpi ahi.Aman tuh amau khelhna ngei a tunguah a kesaka, amau hoihlouhna mahah a hihmangthang dinga; TOUPA I Pathianin a hihmang ding hi.

Aman tuh amau khelhna ngei a tunguah a kesaka, amau hoihlouhna mahah a hihmangthang dinga; TOUPA I Pathianin a hihmang ding hi.

Aw hongpai un, TOUPA pahtawiin nuamtakin la I sa ding uh: I hotdamna suangpi pahtawiin nuam takin I kikou ding uhi.

Kipahthu genin a maah pai ni e, phatna lasaa amah pahtawiin nuam takin aw isuah ding uhi.

TOUPA Pathian a thupi mahmah jiakin, Pathian tengteng tungah Kumpipa thupitak ahi.

Amah khut ah lei mun thuktakte tuh a oma: mualdawn sang takte leng amaha mah ahi.

Tuipi amaha ahi a, amah bawl ahi ngala; gam leng a khut suak ahi.

Aw hongpai unla, biain kun ni e: TOUPA honsiampa maah i khukdin ding uh.

Amah tuh i Pathian a hi-a, eite tuh a gantatna muna mite leh, a khuta belamte I hi ngal ua. Tuniin a aw na zak uleh,

Meribaa a hih bang un na lungtang uh khauhsak kei un, gamdaia Massah ni bangin:

Huailaiin na pipute un honkhem ua, honzeet ua, ka thilhih tuh a mu uhi.

Kum sawmli sung hilhial huai suante tungah ka lunghikei hi. A lungtang ua ngaihkhelh hat mi ahi ua, ka lampite leng a theikei uhi, ka chi a:Huaijiakin, Ka khawlna ah a lutkei ding uh, chiin, hehin ka kichiam hi.

Huaijiakin, Ka khawlna ah a lutkei ding uh, chiin, hehin ka kichiam hi.

Aw, TOUPA pahtawiin la thak sa unla: leilung luahte tengteng aw, TOUPA phatawiin lasa un.

TOUPA pahtawiin lasain, a min phat unla; ni tengin a hotdamna thu theisak un.

Nam chih lakah a thupina gen unla, mi chih peuhmahte lakah a thillamdang hihte gen un.

TOUPA tuh a thupi a, nakpitaka phat ding ahi ngala: Pathian tengteng sanga kihtak ding ahi.

Mipite pathiante tuh milimte ahi ngal ua: TOUPAN bel vante a bawl ahi.

Pahtawina leh thupina a maah a om ua: hatna leh kilawmna tuh a mun siangthou ah a om uhi.

Mi chih a chi chihte aw, TOUPA kiangah pia unla, TOUPA kiangah thupina leh hatna pia un.

TOUPA kiangah a min thupina pia unla: thillatding tawiin a biakin huang sung intual ahte khawng hongpai un.

Aw, siangthou kilawmna silhin TOUPA bia unla: lei lung luah teng teng aw, a maah ling un.

Nam chih lakah, TOUPA kumpipain a tu, chi un: khovel mah leng, a lin theihlouhna dingin, hihkipin a omhi: aman khentuam neilouin mi chih vai tuh a hawm ding hi.

Vante kipaktakin om henla, lei leng nuamtakin om hen; tuipi leh a sunga thil om tengteng lum honhon uhen;

Lou leh a sunga om tengteng kipaktakin om henla; huai hunin gamnuaia sing tengtengin nuamin la a sa ding uh;TOUPA maah: amah tuh a hongpai dek ahi; lei vaihawm dingin a hong dek ngala: khovel tuh diktattakin vai a hawmsak dinga, mi chihte tuh a thutakin vai a hawmsak ding hi.

TOUPA maah: amah tuh a hongpai dek ahi; lei vaihawm dingin a hong dek ngala: khovel tuh diktattakin vai a hawmsak dinga, mi chihte tuh a thutakin vai a hawmsak ding hi.

TOUPA kumpipain a tu-a; lei tuh nuam takin om hen; tuikulh gam tampi takte tuh kipak takin om hen.

Meite leh mial sah bekbuk tuh a kimah a oma; diktatna vaihawmna dik tuh a laltutphah kingakna hi.

A ma lamah mei a paia, a kima amah galte tuh a kangmang hi.

A khophiaten khovel a salvak zolhzolha: leiin a mu a, a ling hi.

Tangte khuainun bangin TOUPA maah a zul khina, khovel tengteng TOUPA maah.

Vanten a diktatna a tangkoupih jel ua, mi khempeuhin a thupidan a muta uhi.

Milim siamtawm nasemte tengteng zahlakin om uhen, milim suangte mah: nou pathian tengteng aw, amah bia un.

Zion tangin a jaa, kipak takin a oma, Judia tanute leng nuamsa takin aom uh; TOUPA aw, na vaihawmte jiakin.

TOUPA, nang tuh leitung tengteng tung pekah pahtawiin na om hi.

TOUPA itte, aw, gilou lehngatsan un: aman a mi siangthoute hinna a vom hoiha; amau tuh mi gilousalou khut akipan a humbit nak hi.

Mi diktat adingin khua a vaka, lungtang diktakpu adingin kipahna a om hi.Mi diktatte aw, TOUPA ah kipak takin om unla; a min siangthou tuh phat un.

Mi diktatte aw, TOUPA ah kipak takin om unla; a min siangthou tuh phat un.

Aw, TOUPA pahtawiin la thak sa un; t hillamdang takte a hihta ngala: a khut taklam leh a ban siangthouin amah a dingin hotdamna a hihsakta hi.

TOUPAN a hotdamna a theisaka: a diktatna tuh nam chih mitmuhin chiantakin a langsakta hi.

Israel inkuanpihte tunga a chitna leh a ginomdan a theigige a: kawlmonga mi tengtengin leng I Pathian hotdamna a muta uhi.

Leilung luah tengteng aw, TOUPA pahtawiin nuamsa takin kikou unla: kikou khia unla nuamsain lasa un, ahi, phatna lasa un.

Kaihging toh TOUPA phatin lasa un: kaihging leh phatna la husa toh.

Pengkul te leh pengkul bi nei ging toh kumpipa, TOUPA maah, nuamsa takin kikou un.

Tuipi leh a sunga thil om tengteng lum honhon hen; khovel leh a sunga tengteng toh:

Luipiten a khut uh beng uhenla; tangten nuamin lasa khawm uhen,TOUPA maah; lei vaihawm dingin a hongpai dek ngala khovel tuh diktat takin vai a hawmsak ding a, khentuam neilou in mi chih vai a hawmsak ding hi.

TOUPA maah; lei vaihawm dingin a hongpai dek ngala khovel tuh diktat takin vai a hawmsak ding a, khentuam neilou in mi chih vai a hawmsak ding hi.

TOUPA kumpipain a tu-a; mi chih ling uhen: amah tuh cherubte tungah a tu-a; lei ling hen.

TOUPA tuh Zion kho sungah thupi tak ahi a; mi chihte tungah tungnung tham ahi.

Amau na min thupitak lauhuaitak tuh phat uhen: amah lah a siangthou hi.

Kumpipa hatnain vaihawmna a ita; nang khentuam neih louhna na hihkip jela, nang Jakobte lakah vai na hawma, diktat takin na hih jel hi.

TOUPA I Pathian uh pahtawi unla, a khe ngakna bulah bia un: amah tuh a siangthou ahi.

A siampute lakah Mosi leh Aron, a min loute lakah Samuel; amau tuh TOUPA a sam un, aman a dawngta ahi,

Mei dingah a kiang uah thu a gena: a thutheihsakte leh thuseh a piak tuh a jui jel uhi.

Aw TOUPA ka Pathian uh, nang amaute na dawnga: nang amau ngaidampa Pathian na hi, a thilhih tunguahte phu la jel mahlechin leng.TOUPA i Pathian pahtawi unla, a tang siangthou ah bia un; TOUPA i Pathian a siangthou ngala.

TOUPA i Pathian pahtawi unla, a tang siangthou ah bia un; TOUPA i Pathian a siangthou ngala.

Gam tengteng aw, TOUPA pahtawiin nuamsa takin kikou un.

Kipak kawmin TOUPA na sem unla: lasa kawmin a maah hongpai un.

TOUPA tuh Pathian ahi chih thei un: honbawlpa amah ahi a, amaha I hi ua; a mite leh a gantatna muna belamte I hi.

Kipahthu gen kawmin a kongkhak ah lut unla, phat kawmin a biakin huangsung intul ah lut un: a kiangah kipathu gen unla, a min phat un.TOUPA a hoih ngala: a chitna tuh khantawnin a om ding hi: a muanhuaidan tuh suan tengteng tanin a om ding hi.

TOUPA a hoih ngala: a chitna tuh khantawnin a om ding hi: a muanhuaidan tuh suan tengteng tanin a om ding hi.

Chitna leh vaihawmna dik thu tuh lain ka sa dinga: TOUPA aw, nangmah phatin la ka sa ding..

Lam hoih kimah pil takin ka om dinga: aw chikchiangin ahia ka kianga na hongpai ding? Ka in sungah lungtang hoihkim puin ka om ding hi.

Thil hoihlou himhim ka mitmuhah ka koih kei ding: lam pialte thilhih ka hua ahi; keimah ah bang kei ding hi.

Lungtang genhakin honpaisan dinga: thil gilou himhim ka theikei ding hi.

Kuapeuh a vengte a guka gen tuh, huai mi tuh ka hihmang dinga: mi sang leh lungtang kisathei pu mi tuh ka thuak theikei ding hi.

Hiai gama mi muanhuaite tungah ka mit a tu dinga, ka kianga a om theihna ding un: lam hoihkim tawn tuh, huai miin ka na a sem ding hi.

Khemhat tuh ka in sungah a omkei dinga: juauhat mi tuh ka mitmuhah hihkipin a om kei ding hi.Jingsang tengin hiai gama mi gilousalou tengteng ka hihmang dinga: TOUPA khopi akipan thilhihkhialte tengteng hihmang dingin.

Jingsang tengin hiai gama mi gilousalou tengteng ka hihmang dinga: TOUPA khopi akipan thilhihkhialte tengteng hihmang dingin.

TOUPA aw, ka thumna ngaikhia inla, ka kikou husa na kiang tung hen.

Ka mangbat niin ka lakah na mai sel kenla: kei lamah na bil hondohin; ka honsap hun chiangin hondawng pahin.

Ka damsung nite meikhu bangin a jam manga, ka guhte tuh taptung bangin a saa.

Ka lungtang tuh loupa bangin hailumin a oma, a vuai zouta hi; ann nek leng ka mangngilhta ngala.

Ka thum husa jiakin ka guhte tuh ka sa ah a belh bikbek ahi.

Gamdai tuivapi bang ka hi a: kho tul simbu bang phet ka na hita hi.

Ka hak gige a, kawlgit in tunga amah kiaa om bang ka na hita hi.

Hondouten nitumin hon gensia ua: ka tunga hangsanten keimah banga om dingin hamsia a lou nak uhi.

Vut tuh an bangin ka ne a, ka dawn dingin khitui toh ka helta ngala.

Na lunghih louh mahmah leh na heh jiakin: nang non dom kanga, na honpai mangta ngala.

Ka damsung nite tuh limliap kiam bang ahi a; loupa bangin ka vuaita hi.

TOUPA aw, nang bel khantawnin na om dinga; nangmah theihgigena leng suan tengteng phain a om lai ding hi.

Na thou dinga, Zion tang tuh na hehpih dinga: amah lah hehpih a hunta ngala, ahi, hun seh tuh a tungta hi.

Na sikhaten a suangte a it un, a leivui leng a hehpih ngal uhi.

Huchiin nam chihin TOUPA mintuh a lau ding ua, leia kumpipate tengtengin na thupina leng a lau ding uhi.

TOUPAN Zion khua dingsakta ngala, a thupina kithuamin a kimuta hi;

Tagahte thumna tuh a limsaka, a thumna uh a musit kei hi.

Huai tuh khangthak hongom ding adingin gelh ahi dinga: nam siama hongom di in TOUPA tuh a phat ding.

Aman a mun siangthou sangpi akipanin a en suka; TOUPAN van akipanin lei a mu a;

Suangkulhtang thum ngaikhe ding leh, si dinga sehte sut dingin;

Huchi-a miten Ziona TOUPA min tuh a genthang ua, Jerusalema a phatna tuh a genthang theihna ding un.

Mite a kikhawm khawm ua, lalgamte toh, TOUPA nasem ding in.

Aman lam lakah ka tha a bahsaka; ka damsung tuh a hihtom hi.

Ka Pathian aw, ka hatlai nite khawngin honla mang ken, ka chia: nang kum tuh suan om sung tengtengin a om ding hi.

Leitung kingakna tuh nidanga na phum sa ahi a; vante leng na khutsuak ahi.

Huaite tuh a hongmang dinga, nangjaw na om tawntung ding hi: ahi, huai tengteng tuh puansilh bangin a honglui dinga; puan bangin na khek dinga, a honglamdangta ding hi.

Nang jaw na ngeingeia, na kumten bei ni himhim a neikei ding.Na sikhate tate tuh a om gige ding ua, a suangte uh na maah hihkipin a om ding uhi.

Na sikhate tate tuh a om gige ding ua, a suangte uh na maah hihkipin a om ding uhi.

Ka hinna aw, TOUPA phat inla; ka sunga om tengteng aw, a min siangthou phat in!

Ka hinna aw, TOUPA phat inla, a thilhih hoih tengteng mangngilh ken.

Aman na thulimlouhna tengteng a ngaidam jela; na natna tengteng a hihdam jel.

Manthatna lak akipan nahinna a tan jela; chitna leh lainatnate a honkhusak jel hi.

Na kam tuh thil hoihin a taisaka; huchiin na valnouna mupi banga siam thakin a om nawn naknak hi.

TOUPAN, nuaisiaha thuak tengteng adingin, thil kizente hihsakin, vaite a hawmsak nak hi.

A lampite Mosi a theisaka, a thilhihte tuh Israel suante leng a theisak hi.

TOUPA tuh lainatnaa dim, mi hehpihtheitak, lungnel tak, chitna hautak ahi.

Aman a taikei dinga; a hehna tuh a pai nilouhlouh sam kei ding hi.

I khelhnate bangin I tunguah a hih keia, I thulimlouhnate bangin leng a honthuk sam kei hi.

Van leitung sang taka a om bangin, amah laute tungah a chitna tuh a lian mahmah ahi.

Suahlam leh tumlama kigamlat bangin, I tatlekna te tuh eimah a kipan in a koih mgangta hi.

Pa in a tate a hehpih bangin, TOUPAN amah laute tuh a hehpih naknak.

I pumpi kibawldan a theia, leivui lel I hi chih a theih jiakin.

Mihing jaw, a damsung nite loupa bang ahi a; pawna pak bangin a lun nak hi.

Huihin a muta, a mang jel ahi; a omnain a thei nawnta kei ding hi.

TOUPA chitna bel amah kihtate tungah khantawn akipanin khantawn phain a om dinga, a diktatna leng a tusuan a tasuan tan un a om ding hi.

A thukhun jui peuhmahte leh, a thuhilhte man tuma theigige peuhmahte tungah.

TOUPAN a laltutphah tuh vanah a hihkipa; a gamin bangkim tungah vai a hawm hi.

A thu ngaikhia a, a thumang nou a angelten aw, hatnaa thupite aw, TOUPA tuh phat un.

A sepaihte aw, a deihlam hiha nasemte aw, TOUPA tuh phat un.A vaihawmna mun peuhmaha a thilhih tengteng aw, TOUPA tuh phat un: ka hinna aw, TOUPA tuh phatin.

A vaihawmna mun peuhmaha a thilhih tengteng aw, TOUPA tuh phat un: ka hinna aw, TOUPA tuh phatin.

Ka hinna aw, TOUPA tuh phatin, TOUPA ka Pathian aw, nang na thupi mahmaha; pahtawinain leh thupinain na kithuam hi.

Nang vak tuh puan bangin na silha; vante puanintung bangin na kai palha;

Aman a dantan sunggil kalvaite tuite khawngah a khunga; meipi tuh kangtalaiin a bawla; huih kha tungah a vak hi:

A angelten tuh huihina suaksaka; a nasemte tuh meikuang juajuain a suaksak hi.

Leitung kingaknate tuh na phuma, khantawna lin louhna dingin.

Nang leilung tuh thukpi puan bangin na silhsaka; tuite tang tungah tekhawng a om pheuphou hi.

Na taihilhna jiakin a taimanga; na van-ging husa jiakina paimang pahta a;

Tang khawngah a pai tou a, guam ah tekhawng a pai suka, amah dia mun na bawlsakna lamah.

A kan louh dingin gi na khunga, lei tup mang dinga a kiknawn tak louhna dingin.

Aman guam ahte khawng luinakte a sawl khiaa; tangkal khawngah a luang hi.

Huaiten tuh gamsa khempeuh kiangah dawnding a pia ua; Gam sabengtungten a dangtak uh a hihdai uhi.

A dung uah tungleng vasaten omna a nei ua, singbawk lak khawngah a ham uhi.

Aman a dantan tungnung akipanin tangte tuiin a vaka: lei tuh na thilhih gahtein a vaka: lei tuh na thilhih gahtein a tai uhi.

Loupa gante adingin a pousaka, haichi tuh mihing zatdin a pousak hi: lei akipan nekding pawtsak theihna dingin:

Mihing lungtang kipahsakna uain toh, a mai kilawmsakna ding thau toh, mihing lungtang hihhatna tanghou toh.

TOUPA singte tuh a taisak hi; Lebanon tanga sidar sing a suante mah.

Huaiah vasaten bu a sep ua: vaiva bel meilah singte a in ahi.

Tang sangte sathak ading ahi a; suangpite zusapi adingin kihumbitna ahi.

Aman kha hunbi theihna dingin a sepa: niin tum hun theigige hi.

Nang mial na bawla, jan a honghi jel hi, huai hunin gamnuaia sa khempeuhte a ta khia uhi.

Humpinelkai hatlaiten a sa mat ding uh, humham khumin, Pathian kiang akipan a nekding uh a zong uhi.

Ni suaka, a pai mang uh, a omna khuk chiat uah a lum jel uhi.

Mihing tuh na semin apawta, nitaklam tanin a semgim hi.

TOUPA aw, na thilhihte tam hina tele! Pilnain na bawl vek ahi; leilung na hauhsaknain a dim hi.

Pamah tuipi a oma, thupi, lianpi tak, huaiah thil bokvaka pai sim zohlouh a oma, sa neu leh sa liante.

Huailaiah meilong liante a pai uh; huailaiah ole a om, a sunga mawl dinga na bawl ngei.

Huai tengtengin a honngak chiat ua, a huntaka a ann uh na piak jelna dingin.

A kiang ua na piak peuhmah a tawm ua; na khut ua jaka, hoihnain a tai jel uhi.

Na mai na sela, a lungjing ua, a hatna uh na laksaka, a si ua, amau leivui ah a kik nawn uhi.

Na kha na sawl khiaa, siamin a om jel uhi; leitung leng na bawl thak nawn jel hi.

TOUPA thupina tuh khantawin om henla; TOUPA tuh a nasepah nuam hen:

Aman lei a ena, a ling nak; tangte a khoiha, a khu khe nak hi.

Ka damsung tengin TOUPA pahtawiin la ka sa dinga: ka hinlai tengin ka Pathian phatin la ka sa ding hi.

Ka ngaihtuahna tuh amaha dingin khumtak hi hen: kei tuh TOUPA ah ka nuam ding hi.Mi khialte lei akipanin hihmanin om uhenla, mi gilou-saloute om nawnta kei uhen! Ka hinna aw, TOUPA phatin! TOUPA tuh phat un!

Mi khialte lei akipanin hihmanin om uhenla, mi gilou-saloute om nawnta kei uhen! Ka hinna aw, TOUPA phatin! TOUPA tuh phat un!

Aw, TOUPA kiangah kipahthu gen unla, amin lou un; mi chih lakah a thilhihte theisak un.

Amah pahtawiin lasa unla, amah phatin lasa un; a thillamdang hih tengteng thuin houlim un.

A min siangthou tuh suang un: TOUPA zongte lungtang nuamsa hen.

TOUPA leh a hatna zong unla: a mel zong gige un.

A hihzohsa a nasep lamdangte, a thillamdangte, leh a kama vaihawmnate tuh theigige un;

A sikha Abraham suante aw, a telte Jakob tate aw.

Amah tuh TOUPA i Pathian ahi a; a vaihawmte leitung tengtengah a om hi.

A thukhun khantawnin a thei naknak, suan sang khat tana a thu na piak ngei;

Abraham kianga a thukhun leh, Isaak kianga a kichiamna ngei;

Huaimah tuh thuseh adingin Jakob kiangah a hihkipa, Israel kiang khantawn thukhun dingin.

Kanaan gam na kiangah ka honpe dinga, na gou tantuam ding chiin.

Mi tawmchik phet a hihlai un; ahi, tawmchik phet, huai gamah mikhual ahi ngal ua;

Nam tuamtuam kiangah a pai vialvial ua, gam tuamtuam akipanin mi tuamtuamte kiangah.

Kuamah nuaisiah a phal keia: ahi, amau jiakin kumpipate leng a taihilha:

Ka thaunilhte khoih kei unla, ka jawlneite himhim leng hihna kei un, chiin.

Huai gama ke dingin kial a sam a; nek ding himhim a omsakta kei hi.

A ma uah mi a sawla; Joseph sikha dinga juakin a oma:

A khete tuh kolin a hihna ua; sik khainiang bunin a omta a.

A thu a tun masiah, TOUPA thuin amah tuh a zeet ngitnget hi.

Kumpipan mi a sawl khiaa, a suta, a khahta a, mi chih vaihawmpa ngeiin.

A innsunga heutu ding leh, a sum tengteng tunga vaihawm dingin a bawla:

A mi liante a ututa hen ding leh; a upate hihpil dingin.

Israel leng Aigupta gamah a hoha; Jakob tuh Ham gamah a omta dih hi.

A mite tuh nakpi takin a pungsaka, amau doute sangin a hihhat zota hi.

A mite ho dingin a lungtang uh a lehngatsaka, a sikhate tunga lepchiah taka hih dingin.

A sikha Mosi a sawla, a mitel Aron toh.

Amau achiamnate a lak uah a ensak ua, Ham gamah thillamdangte a ensak uhi.

Aman mial a sawla, a hihmialta a; huchiin a thute tuh a nialta kei uhi.

A tuite uh sisan a suaksaka, a ngasate uh a hihlumta hi.

A gam uh ukengin a dimta a, a kumpipate uh dantan sungah nangawn leng.

Aman thu a gena, huchiin thou tampi hongpai ua, hik leng a gamsung tengteng uah a hongom uhi.

A kiang uah vuah sikin gial a pia a, a gam uah meikuang jualjual leng a peta hi.

A grep guite u leh a theipi kungte uh a hihsi a; a gam ua singte leng a kitansakta hi.

Aman thu a gena, huchiin khaupeta a hongpai ua, lungte toh, sim zoh vuallouhin.

Huaiten a gam ua haichi khempeuh a gai ua, a lei gahte uleng a gai uhi.

A gam ua ta masa om tengteng a thata, a hatna tengteng gah masapente uh.

Huchiin, dangka leh dangkaeng toh a pi kheta a; amah namte lakah mi hatlou khat leng a om kei hi.

A pawt lai un Aiguptate a kipak ua: amau tuh a lau tak jiak un.

Aman aliah dingin mei a kaisaka, jana tanvak dingin mei leng a pia hi.

A ngen ua, huchiin vamin a honpia a, van an-in amau a taisakta hi,

Suangpi a honga, huchiin tui a hongpawt juajua a, mun keute ah lui bangmaiin a luangta hi.

A thu siangthou a theigige ngala, a sikha Abraham toh.

Huchiin, a mite tuh nuamsa takin a pi kheta a, a mitelte tuh lasa kawmkawm jelin.

Huan, nam chih gamte a kiang uah a piaksaka: amau tuh mi chih sepkhiaksa a luahta uhi.A thusehte a zuih theihna ding un, a dante tuh a vom hoihna dingin, TOUPA phat un.

A thusehte a zuih theihna ding un, a dante tuh a vom hoihna dingin, TOUPA phat un.

TOUPA tuh phat un, Aw, TOUPA kiangah kipahthu hilh un; amah lah a hoih ngala: a chitna leng khantawna om ding ahi ngala.

Kua ahia TOUPA thilhih thupitakte gen theia a phatna tengteng theisak vek thei?

Vaihawmna kem hoihten nuam a sa uhi, chiklai peuha leng diktat taka hihmi toh.

TOUPA aw, na mite na deihsaknain hontheigige inla, aw, na hotdamna toh hongvehin;

Na mi telte hamphatna ka muhtheiha, na namte kipahna ah ka nopsak theiha, na gouluahte toh ka suan theihna dingin.

Ka pipute utoh thil ka na hihkhial ua, thilgilou ka hih ua, gilou takinka hihta uhi.

Ka pipute un Aigupta gama na thillamdang hihte a theisiam kei ua; na chitna thupitak a theigige ta kei ua; tuipi ah a hel zota ua, Tuipi San ah.

Huchi pipiin leng a mah minjiakin amau a hondamtaa, a thilhihtheihna thupitak a theihsakna dingin.

Tuipi San a taia, huchiin a kangta a; huan amau gamdaia pi paisuak bangin tui thukte ah a pi paisuakta hi.

Amau homi khut akipan a hondama, melma khut akipan a tanta hi.

Tuiten amau doute a khuh khina, khat leng dama pawt a om ta kei uhi.

Huai laiin a thute a gingta ua; a phatna la a sa uhi.

Himahleh a thilhihte tuh a mangngilh zok ua; a lunggelna tuh a ngak ngamta kei uhi;

Gamdai ah thil a lungulh mahmah ua, gam keu ah Pathian a zeetta uhi.

A thil nget uh a pia a; himahleh a hinna uah gawnna a lutsakta hi.

A giah mun uah Mosi a hazata ua, TOUPA mi siangthou Aron toh.

Lei tuh a kamkaa, Dathan a valhta, Abiram pawlte tuh a khuh khinvek hi.

A pawl lak uah mei hihkuanin a hongoma, meikuang ah mi gilousaloute a kangmangta uhi.

Horeb tang ah bawngnou lim a siam ua, a lim sun tuh a beta uhi.

Huchibangin a thupina uh bawngtal loupa ne bangphet a suaksakta uhi.

Pathian a hondampa uh a mangngilhta ua, Aigupta gama thil thupi taktak.

Ham gama thillamdangte, Tuipi San dung athil mulkimhuaite hihte.

Huaijiakin, a hihmang kha dinga, chi-a, a hehna hihkik dingin a mi tel Mosi tuh a lutna dingah a maah na ding kei ngial le houh, a hihmang ding chih a gen hi.

A hi, gam deihhuai tak a ngaineu ua, a thu tuh a gingta nuam kei ua;

A puanin uahte khawng a phun zota ua, TOUPA aw tuh a ngaikhe nuam kei uhi.

Huaijiakin amau lamah a khut ajaka, amaute tuh gamdaia a hihpukna ding leh,

A chi suan dingte uh nam chih laka a hihpuka, gam china a hihjakna dingin.

Boal-peor lamah a velh ua, misi kianga thil latte tuh a ne samta uhi.

Huchibangin a thilhihte un amah a hihheh ua; huchiin a tunguah hi honlengta hi.

Huai laiin Phinehas a dinga, vai a hawma: huchiin hi tuh daihsakin a omta hi.

Huai tuh amah tunga diktatnaa seh ahi, khantawnin suan tengteng tanin.

Meribah tuite ah tekhawng leng amah a hihheh ua, huchiin amau jiakin Mosi tungah thilhoihlou a tung hialta hi.

A kha tungah a hel ua, a mukin kilawmlou pi thu a gen jiakin;

TOUPAN a kiang ua hihman thu a piak bangin mipite a hihmang kei ua.

Nam chih tuh a kihelpih ua, a thilhihte uh tuh a ching jaw ua;

A milim nate khawng uh a sem ua; huaite tuh amau adingin thang a honghita:

A hi, dawi kiangah tekhawng a tapate a tanute un a kithoih ua.

Sisan gensiatbei, a tapate uleh a tanute u sisan ngei a suahta ua, huaitein Kanaan gam milimte kiangah a kithoih uhi; huai gam tuh sisanin a na ninta hi.

Huchibangin a nasepte ua hihbuahin a om ua, a thilhihte un ang a kawmta uhi.

Huaijiakin TOUPA a mit tungah a thangpaitaa, a gouluah tuh a kih hi.

Huchiin amau tuh nam chihkhut ah a paia; amau hoten a tunguah vai a hawmta uhi.

Amau douten a nuaisiah ua, a khut nuai uah hihneuin a omta uhi.

Tamveipi amau a humbita; himahleh a lunggelna uah a hel nak uhi, a gitlou a satlouhna uah hihniamin aomta uhi.

Huchi pipiin leng aman, a kikou husa uh a jain, a mangbat uh a limsak ahi.

A thukhun tuh amau a theisak gigea a chitna thupidan bang jelin alungsim a kisikta hi.

Sala pite tengteng tuh amau a hehpihsak hi.

TOUPA ka Pathian u-aw, honhondam inla, nam chih laka kipan honpikhawmin, na min siangthou phat ding leh na phatna suang dingin.TOUPA, Israelte Pathian, phatin om heh, khantawn akipan khantawn phain leng. Mi tengtengin, Amen, chi uhen, TOUPA tuh phat un.

TOUPA, Israelte Pathian, phatin om heh, khantawn akipan khantawn phain leng. Mi tengtengin, Amen, chi uhen, TOUPA tuh phat un.

Aw TOUPA kiangah kipahthu hilh un; amah tuh a hoih ngala: a chitna leng khantawnin a om ding ahi ngala.

TOUPA mi tatten huchibang gen uhen, doumi khut akipan a tatten.

Gam teng akipan a pi khawma, suahlam leh tumlam, simlam leh mallam akipan tekhawngin.

Gamdaia gam keu lampi ah a vakvak ua; mihing omna khua himhim a mu kei uhi.

Gilkial leh dangtakin a hinna uh a gilsung uah a bahta hi.

Huaitakin a buaina uah TOUPA a sam ua, aman a lungkhamna ua kipanin a humbitta.

Mihing omna khuaa a pai theihna ding un, lampi tangtak ah a pikheta hi.

Aw, mihingten TOUPA a chitna jiak leh, mihing tate tunga a thillamdang hihte jiakin phat himhim le u aw!

Aman hinna thil lunggulh mahmah tuh a taisakin, hinna gilkial tuh vahsak jel ngala.

Mial nuaia leh sihna lima tu-a, gimthuakna leh sikkhau a hente mahmah;

Pathian thu tungahte a hel ua, Tungnungpen lunggel tuh a ngaihneu jiak un:

Aman a lungtang uh sepgimnain a minsakta a; a puk ua, panpihpa ding himhim lah a om ngal kei a.

Huai takin a buaina uah TOUPA a sam ua, aman a buaina ua kipan a pi khia a, a hennate uh a suktat sakta hi.

Mial nuai akipan leh sihna lim akipan a pi khia a, a henna uh a suktat sakta hi.

Aw, mihingten TOUPA a chitna jiakin leh, mihing tate tunga a thillamdang hihte jiakin phat himhim le u aw!

Aman dal kongkhakte tuh a chimsaka, a kalhna sik tawnte tuh a hihtanta ngala.

Mi haite a tatlekna jiak un leh, a gitlouh-satlouhnate u jiakin a kihihgim nak uhi.

A hinna un nek theih chiteng a kiha; sihna kulh kongkhakte a naih jel uhi.

Huaitakin a buaina uah TOUPA a sam ua, aman a mangbatna ua kipanin a hondam jel hi.

A thu tuh a sawl khia a, amau tuh a damsak jel hi, a mahthatna ding ua kipanin a humbit jel hi.

Aw, mihingten TOUPA a chitna jiakin leh, mihing tate tunga a thillamdang hihte jiakinphat himhim leu aw!

Amau kipahthugen kithoihnate tuh lan uhenla, a thilhihte uh lasain hilh uhen.

Tuipi-a long liana vapai suka, tui za tak tung khawnga na sem semten:

Huaiten TOUPA thilhihte leh, tui thupi-a a thillamdang hihte a mu jel uhi.

Aman thu a pia a, huihpi a nungsaka, huaiin a tuikihawtte tuh a sangsak hi.

Vanah a pai tou luamluam ua, thukpi ah a pai suk nawn luamluam jel uhi: mangbatna jiakin a hinna uh a zulbei jel hi.

Zukham bangin a sawi hoihoi ua, a tuan loklok ua, omdan ding himhim a theikei nak uhi.

Huaitakin a buaina uah TOUPA a sam ua, aman a mangbatna ua kipanin a pi jel hi.

Huihpi a daisak duama, huchiin a tuikihawtte a dai duam jel hi.

Huan, a daihtak jiakin a kipak ua; huchiin aman a omna ding uh longkhawlna ah a pi tung jel hi.

Aw, mihingten TOUPA a chitna jiakin leh, mihing tate tunga a thillamdang hihte jiakin phat mahmah le u-aw!

Amau tuh mite kikhopna ah amah phat uhenla, upate tutana ah phat uhen.

Aman luipite tuh gamdai a suaksak jela, tuinakte leng lei keu a suaksak jel hi.

Gam hoih tuh gam keu mah leng a suaksak jel, a sunga omte genhak jiakin.

Gamdai tuh dilin a suaksak jela, gam keu leng tuinak a suaksak jel hi.

Huaiah gilkialte a omsaka, omna ding khua a bawl ua.

Loute a neih ua, grep huante a bawl ua, a gah hong pungte a muh theihna ding un.

Amau tuh vual a jawla, huchiin nakpi taka hihpunin a om ua; a gante uh a kiam a phal kei hi.

Huan, nuaisiahte, gimthuaknate, lungkhamna te jiakin a kiamta hiaihiai ua, a kun ngiungiauta leuleu uhi.

Aman miliante tungah muhsitna a sungbuaa, gamdai, lampi himhim omlouhna ah a vak saksaka.

Himahleh gentheite tuh gimthuakna akipanin mun sangah a khatou hi, gan hon bangin inkuanpihte asiamsak hi.

Mi diktatten huai a mu ding ua, a kipak ding uh; thulimlouhna tengtengin a kam a hum ding hi.Kuapeuh pilin huaite a kem hoih ding ua, TOUPA chitnate a ngaihtuah ding uhi.

Kuapeuh pilin huaite a kem hoih ding ua, TOUPA chitnate a ngaihtuah ding uhi.

Pathian aw, ka lungtang a kip hi; la a sa ding, ahi, phatna la ka sa ding, ka thupina ngeiin.

Pekging leh kaihging te aw, halh un: kei jaw jingkhangin ka halh ding.

TOUPA aw, mi chih lakah tekhawng kipahthu ka honhilh ding: nam chih lakah nangmah phatin la kasa ding hi.

Na chitna tuh van khup hialin a thupi ngala, na thutakin vandumte leng a sun hial hi.

Pathian aw, nang van khup thamin pahtawiin hongom in: na thupina leitung tengteng tungah pahtawiin leng om hen.

Na deih takte humbita a omtheihna ding un, na khut taklaminhondam inla, hondawngin.

Pathianin a sianthouna ah hichibangin agena, Nuam ka sa dinga: Sekemkhua tuh ka hawm dinga, Sukkoth guam tuh ka hawmjak ding.

Gilead gam tuh keia ahi a; Manasi gam leng ka lu humbitna ahi a: Juda gam tuh ka lalchiang ahi.

Moab gam tuh ka kisilna bel ahia; Edom gamah ka khedap ka pai dinga; Philistia gam tuh ka kikou khum ding hi.

Khopi kulhnei ah kuan a honpi lut dia? Edom gamah kuan a honpi dia?

Pathian aw, nang honkhah khia hilou na hi maw? Pathian aw, ka sepaihhonte u kiangah lah na pawt samta ngal keia.

Galte sual dingin honpanpihin: mihing panpihna jaw bangmahlou phet ahi ngala.Pathian jiakin hangtakin ka hih ding uh: amah lah hondoute sikdenpa ding ahi ngal.

Pathian jiakin hangtakin ka hih ding uh: amah lah hondoute sikdenpa ding ahi ngal.

Ka phat Pathian aw, dai nilouh ken:

Migilou-salou kam leh kam khemhat tuh ka tungah a hang ngal ua: amau tuh lei juautheiin ka kiangah thu a gen uhi.

Huatna thuin honum suak ua, bangmahlouin a hondou uhi.

Ka it jiakin a hondoute a honghita uhi: himahleh kei jaw thum thum dingin ka kipe chinten hi.

Aman thil hoih tuh thil gilouin honthuk ua, ka itna tuh huatna mahin a honthuk uhi.

Nang a tungah mi gilou koih inla: a tak lamah hekmi ding hen.

Vaihawmsaka a om chiangin siamlouh tangin pawt henla: a thumna tuh khelhna ah suak hen.

A damsung nite tuh tom henla; a heutu hihna midangin tang hen.

A tate tuh pa louin om uhenla, a ji mahleng meithaiin om hen.

A tate tuh mi vakvai honghiin, khutdoh uhenla; a nekding uh a mun gamsiate ah zong uhen.

A pung delha dangka leitawisakin a neih tengteng laksak vek henla; mikhualten a sepgim gah lok uhen.

A tunga chitna langsak jel ding kuamah om sam kei uhenla; a ta paneiloute hehpihpa ding kuamah om kei hen.

A suante hihmanin om uhen la; khangthak hongom nawnah a min uh nul mangin om hen.

A pipute uh gitlouh-satlouhna TOUPA kiangah theigigein om henla: a nu khelhna tuh nul mangin om kei hen.

Huaite tuh TOUPA maah om gige heh. Aman a mau theihgigena lei akipan a hihmang theihna dingin.

Chitna latsak nadan a theihlouh ua, mi genthei tagah leh khasiate hihlup tuma a sawi zosop jiak un:

A hi, mi hamsiat tuh a utlam ahi a, huchiin amah tungah a hongtunga: mi vualjawl tuh a kipahlam ahi keia, huchiin amah gamlat piin a om hi.

Puanak tual silh bangin hamsiatnain a kivana, huai tuh a gilsung khawngah tui bangina luta, a guh khawngah thau bangin a leng lut hi.

Huai tuh amah a dingin silh gige puansilh bangin om henla, a kigak jelna kawnggak mahleng hi hen.

Huai tuh hondoute leh ka hinna gensete TOUPAN a thukna ahi.

Himahleh, TOUPA Pathian aw, nang na min jiakin honhehpih inla: na chitna a hoih jiakin honhumbit in.

Genthei leh tagah tak ka hia, ka lungtang tuh ka gilsungah liamin a om ngal hi.

Lim kiamlam bangin ka manga: khaupe bangin mutlengin ka om hi.

Ka khukte ann ngawl jiakin a hatta keia; ka sain thau himhim a puta kei hi.

Amau gensiat ka nahita a; honmuh tak un a lu uh a sing jel uhi.

TOUPA ka Pathian aw, honpanpih inla; aw na chitna bang jelin honhondamin;

Huai tuh na khut ahi, chih a theih ua, TOUPA, nang na hih ahi chih a theihna ding un.

Amau hamsiat uhen, nang jaw vualjawl jawin: a thoh tak un a zahlak ding ua, na sikha bel a nuamsa ding hi.

Hondoute zumna puansilh sakin om uhenla, puannak-a kivan bangin amau zahlaknain kivan uhen.

Ka kamin TOUPA kiangah kipahthu nakpi takin ka gen dinga; ahi, mipi lakah amah ka phat ding hi.Amah tuh tagahte taklamah a dinga, a hinna vaihawmsakte laka hondam dingin.

Amah tuh tagahte taklamah a dinga, a hinna vaihawmsakte laka hondam dingin.

TOUPAN, ka toupa kiangah, Na melmate na khe ngaknaa ka siam masiah ka taklamah tuin, a chi a.

TOUPAN na hatna chiang Zion tang akipanin a sawlkhe ding: nang nangmah doute lakah vaihawmin.

Na mite na thilhihtheihna ni-ah amau utthuin a kipe jel uhi. Siangthou kilawmna ah, jingsang gilsung akipanin, na valnou daitui tuh na nei hi.

TOUPA a kichiama, a kisik nawnta kei ding, Nang jaw Melkisedek omdan banga khantawn Siampu na hi a, chiin.

TOUPA na taklama omin a heh niin kumpipate a sattan lemlum ding hi.

Nam chih lakah vai a hawm dinga, munte tuh luang-in a hihdim dinga, gam tampi-ah lu tuh a sat kham lemlum ding hi.Lam laka luita a dawn dinga: huaijiakin a lu tuh a tawisang ding hi.

Lam laka luita a dawn dinga: huaijiakin a lu tuh a tawisang ding hi.

TOUPA tuh phat un. Mi diktakte kikup khawmna ah leh kikhopna ah, ka lungtang tengtengin TOUPA kiangah kipahthu ka hilh ding hi.

TOUPA thilhihte tuh a thupi-a, a tunga kipak peuhten zon khiak ahi naknak hi.

A nasep tuh a zahtakhuaiin a thupi ahi a; a diktatna tuh khantawna om ding ahi.

Aman a thillamdanghihte a theigige saka: TOUPA tuh mi hehpihtheitak, chitna a dim ahi.

Amah laute kiangah nekding a piaa; a thukhun tuh khawntawnin a theigige ding.

A thilhihte thilhihtheihdan a mite kiangah a langsaka, nam chih gouluah ding a kiang ua piain.

A khut thilhihte thutak leh vaihawmna dik ahi a: a thuzohna thu tengteng tuh muanhuai ahi.

Huaite tuh khantawn khantawn adingin hihkipin a oma, thutak leh diktata hih ahi chiata.

Aman a mite kiangah tatna a honsawla; a thukhuntuh khantawn adingin a sepa; a min tuh a siangthouin a zahtakhuai ahi.TOUPA kihtak tuh pilna bul ahi a; huchi banga hihmiten theihsiamna hoih a nei uhi; amah phatna tuh khantawna om ding ahi.

TOUPA kihtak tuh pilna bul ahi a; huchi banga hihmiten theihsiamna hoih a nei uhi; amah phatna tuh khantawna om ding ahi.

TOUPA tuh phat un, TOUPA kihta miin nuam a sa hi, a thupiaktea nakpi taka kipak miin.

A suante tuh lei ah hattakin a om ding ua: mi diktatte suan tuh vualjawl in a om ding uhi.

A in ah sum leh hauhsakna a oma: a diktatna tuh khantawna om ding ahi.

Mi dik adingin mialah vakna a hongpawt khiaa: amah mi hehpihtheipi, chitnaa dim diktat ahi.

Mi hehpiha leitawisak jel mi tuh hoihin a vuk naka; amah tuh kizen takin a khosa ding hi.

Bangchikmah chianga ling lou ding ahi ngala: mi diktat tuh khawntawna theihgigein a om ding hi.

Tanchin hoihlou takte a lau kei ding: TOUPA muangin a lungtang tuh a kip ahi.

A lungtang tuh a kipa, a lau kei ding, amah doute tunga a thudeih tung tuh a muh masiah.

A hawmjaka, tagahte kiangah a pia, diktatna tuh khawntawna om ding ahi: a ki tuh pahtawinaa pahtawiin a om ding hi.Mi gilou-salouin huai tuh a mu dinga, a heh dinga, aha a gawi ding a, a zulmang ding, mi gilou-saloute deihlam tuh a mang ding hi.

Mi gilou-salouin huai tuh a mu dinga, a heh dinga, aha a gawi ding a, a zulmang ding, mi gilou-saloute deihlam tuh a mang ding hi.

TOUPA tuh phat un. Aw TOUPA sikhate aw, phat unla, TOUPA min tuh phat un.

TOUPA min tuh phatin om hen, Tua kipana, khantawnin.

Ni suahna akipana a tumna phain TOUPA min phat ding ahi.

TOUPA tuh nam chihte tungah tungnungpek ahi a, a thupinain vante a khup tham ahi.

Tunglama tutphah nei, TOUPA i Pathian bang kua ahia,

Vana thil omte leh leia thil omte en dinga akihihniam?

Aman genthei leivui akipan, a kaithoua, tagah tuh eklei akipan a dom kang jel hi.

Mi liante kianga omsak theihna dingin, a mite mi liante kiang ngeingei ah.Aman numei ching tuh inlehlou a kepsaka, tulehta nei nu nuamsa takin a bawl jel hi. Toupa phat un.

Aman numei ching tuh inlehlou a kepsaka, tulehta nei nu nuamsa takin a bawl jel hi. Toupa phat un.

Israelte Aigupta gam akipan a pawt ua, Jakob inkuanpihte ngei melmak mi lak akipan a pawt lai un.

Judate tuh a mun siangthou a honghita ua, Israelte tuh a vaihawmna gam mah a honghita uhi.

Tuipiin huai tuh a mu a, a taimanga; Jordan lui tuh kiksakin a omta hi.

Tang liante tuh belamtalte bangin a diang ua, mual neute tuh belampa noute bangin.

Aw nang tuipi, bang na chi a ahia, na taimang tak? Nang Jordan, bang a hi- a ahia, na kik nawntak?

Nou tang liante aw, bang na chi ua ahia, belampa noute banga na dian tak uh?

Nang leilung, TOUPA maah ling in, Jakobte Pathian maah:Aman suangpa tuh dil a suaksaka, meisuang tuh tuinak a suaksak hi.

Aman suangpa tuh dil a suaksaka, meisuang tuh tuinak a suaksak hi.

TOUPA aw, kou honpelou in, koumau honpe louin, na min thupina pe jawin, na chitna leh na thutak jiakin.

Bangachi-a nam chihin, a Pathian uh koia om ahia? Chi uh ahia?

Ka Pathian u lah van ah a om ngala: a utut a hih ahi.

A milimte uh dangka leh dangkaeng ahi ua, mihing khutsuak ahi uhi.

Kam bang a nei ua, lah a pau kei ua; mit bang a nei ua, lah a mu theikei ua:

Bil bang a nei ua, lah a za theikei ua: nak bang a nei ua, lah gim aza theikei ua;

Khut bang a nei ua, bangmah lah a khoih theikei ua; khe bang a nei ua, lah a pai theikei ua; a dang un lah a pau thei sam kei uhi.

Huai bawlte tuh huaite bangin a om ding ua; ahi, huai muang peuhmah te.

Israelte aw, TOUPA tuh muang un: amah amau panpihpa leh a phaw uh ahi.

Aron inkuanpihte aw, TOUPA tuh muang un: amah amau panpihpa leh a phaw uh ahi.

TOUPA laute aw, TOUPA muang un: amau panpihpa leh a phaw uh ahi.

TOUPAN hon theigige a; vual a jawl ding: Israel inkuanpihte tuh vual a jawl dinga: Aron inkuanpihte tuh vual a jawl ding hi.

TOUPA laute tuh vual a jawl ding, a lian a neuin.

TOUPAN nou honhihpung deuhdeuh hen, nou leh na tate uh toh.

TOUPA vualjawlna mute na hi uh, amah tuh lei leh van siampa ahi.

Vante TOUPA vante ahi a; leilung bel mihing tate kiangah a pia ahi.

Misiten TOUPA tuh a phat kei ua, mun dai taka pai sukte himhimin lah a phat sam kei uh;Kou bel TOUPA tuh ka phat ta ding uh, tu akipana, khantawnin, TOUPA tuh phat un.

Kou bel TOUPA tuh ka phat ta ding uh, tu akipana, khantawnin, TOUPA tuh phat un.

TOUPA ka it ahi, ka aw leh ka ngetnate a ngaihkhiak jiakin.

Kei lama a bil a hondoh jiakin ka damsung tengin amah ka sam ding hi.

Sihna khauhualten honviala, Sheol natnaten honmana: mangbatna leh lungkhamna ka na tuak hi.

Huaitakin TOUPA min tuh ka lou a: Aw TOUPA, hehpihtakin ka hinna humbitin, chiin.

TOUPA tuh mi hehpihtheitak leh diktattak ahi a; ahi, i Pathian uh mi lainatthei tak ahi.

TOUPAN mi mawlte tuh a humbit naka: hihniamin ka oma, aman honhondamta hi.

Ka hinna aw, na khawlna ah kik nawnta in; TOUPAN lah na tungah hoih takin a hihta ngala.

Ka hinna sihna lakah, ka mitte khitui lakah, ka khete pukna lakah na humbit ngala.

Mihing gamah TOUPA maah ka vak ding hi.

Ka gingta a, thu ka gen ding ahi: nakpi taka hihgimin ka om hi.

Ka lungvaiin, Mi tengteng juau ahi uh, ka na chita mawka.

Ka tunga a thilhih hoih tengteng jiakin TOUPA kiangah bang ahia ka piak thuk sam ding?

Hotdamna nou ka la dinga, TOUPA min kalou ding hi.

Ka thuchiamte tuh TOUPA lakah ka tangtun ding, ahi, a mite tengteng maah.

A mi siangthoute sihna tuh TOUPA theihin manpha pi ahi.

TOUPA aw, na sikha ka hi mahmah hi: na sikha, na sikhanu tapa, ka hi; non henna tuh na sutta hi.

Kipahthugenna kithoihnate tuh ka honlan dinga, TOUPA min tuh ka lou ding hi.

Ka thuchiamte tuh TOUPA lakah ka tangtun ding, ahi, a mite tengteng maah;TOUPA biakin huangsung intual a h, Jerusalem aw, na laitakah ka tangtun ding hi. TOUPA phat un.

TOUPA biakin huangsung intual a h, Jerusalem aw, na laitakah ka tangtun ding hi. TOUPA phat un.

Aw, nam chihte aw, TOUPA phat unla; mi chihte aw, amah phat un.A chitna tuh i tunguah a thupiin; TOUPA thutak tuh khantawna om ding a hih jiakin. TOUPA tuh phat un.

A chitna tuh i tunguah a thupiin; TOUPA thutak tuh khantawna om ding a hih jiakin. TOUPA tuh phat un.

Aw, TOUPA kiangah kipahthu gen un; amah lah a hoih ngala: a chitna leng khantawna om ding a hih jiakin.

A chitna tuh khantawnin a om ding chih, Israelten gen uhen.

A chitna tuh khantawnin a om ding chih, Aron inkuanpihten gen uhen.

A chitna tuh khantawnin a om ding chih, TOUPA kihtaten gen uhen.

Ka mangbatna akipanin TOUPA tuh ka sama: TOUPAN hondawnga, mun awngthawl ah honomsakta hi.

TOUPA tuh kei lama pang ahi a: ka lau kei ding: mihing in bang a honchih thei dia:

TOUPA tuh kei lama pang honpanpihte laka ahi: huaijiakin hondoute tungah ka thudeihtel tuh ka mu ding hi.

Mihing muan sangin TOUPA a muanna koih tuh a hoihjaw hi.

Mi liante gintak sangin TOUPA a ginna koih tuh a hoihjaw ahi.

Nam chihin honum suak ua; amau TOUPA minin ka hihmang ding.

Amau tuh honum suak ua; ahi, honum suak ua; amau tuh TOUPA minin ka hihmang ding hi.

Khuaite bangin honum suak ua; ling meiluang bangin mih sakin a omuh: amau tuh TOUPA minin ka hihmang ding hi.

Ka pukna dingin honsut ek na tum jualjuala: himahleh TOUPAN a honna panpih geih hi.

TOUPA tuh ka hatna leh ka la ahi: ka hotdamna leng a honghita hi.

Kipahna leh hotdamna husa tuh midiktatte puanin ah a om nak hi: TOUPA khut taklamin hang takin a hih nak hi.

TOUPA khut taklam tuh pahtawiin a om naknaka; TOUPA khut taklamin hang takin a hih naknak hi.

Ka si kei ding, ka dam ding hi, TOUPA thilhihte tuh ka theisak zo ding.

TOUPAN nakpi takin honthuzoha: sihna kiangah jaw honpe tel kei hi.

Diktatna kulh kongkhakte honhonsak un: huaite ah ka lut dinga. TOUPA kiangah kipahthu ka hilh ding hi.

Hiai tuh TOUPA kongkhak ahi; mi diktatte tuh a lut ding uh.

Na kiangah kipahthu ka gen ding, nang hon dawngin, honhondampa na hita ngala.

Inlamte suang deihlouhpen a ning a suang phatuampen ana hita hi.

Huai tuh TOUPA hih a hi-a; I mitmuh uah a lamdang ahi.

Hiai TOUPA in seh tuh ahi, hiaiah i nuam un i kipak ding uh.

TOUPA aw, hehpih takin hondam inla. TOUPA aw, hehpih takin vangphatna honsawlin.

TOUPA mina hongpaiin nuam a sa hi: TOUPA in akipanin vual ka honjawl uhi.

TOUPA tuh Pathian ahi, aman vak a honpia a: kithoihna ding tuh khauhualin khih uhen, maitam ki khawngah mahmah.

Nang tuh ka Pathian na hi-a, kipahthu ka honhilh dinga: ka Pathian na hi-a, ka honpahtawi ding hi.Aw, TOUPA kiangah kipahthu hilh un; amah lah a hoih ngala; a chitna lah khantawna om ding ahi ngala.

Aw, TOUPA kiangah kipahthu hilh un; amah lah a hoih ngala; a chitna lah khantawna om ding ahi ngala.

Lampia mi hoihkimten nuam a sa uhi, TOUPA dan juiten.

A thutheihsakte juiten nuam a sa uhi, lungtang tengtenga amah zongten.

A hi, amau diktatlouhna himhim a hih kei ua: a lampite ah a pai jel uhi.

Nang na thuzohna thute tuh thupiakin non pia a, phatuamngaihtaka ka zuih theihna ding un.

Aw, na thusehte tuh jui dingin ka omdante hihkipin om leh aw;

Huai hun chiangin ka zahlak kei dinga, na thupiakte tengteng khawk ka sak hun chiangin.

Lungtang diktak puin kipahthu ka honhilh ding hi. Na vaihawmna dikte tuh kazil hun chiangin.

Na thuseh tuh ka jui dinga: aw, honpaisan den ken.

Valnouin, bangchin ahia a omdan a hihsiangthou ding? Na thu bang jela a omdan venghoihin.

Ka lungtang tengtengin kon zonga; aw, na thupiakte ka paisan jaw phal mahmah ken.

Na tunga thil ka hihkhelh louhna dingin na thu tuh ka lungtangah ka kem khawm hi.

TOUPA aw, nang nuam nasa hi; na thusehte honzil sakin.

Na kama na vaihawm pawt tengteng ka mukin ka theisakta hi.

Na thutheihsak lamah nuam ka saa, hauhsakna tengtenga nuam ka sak bang hialin.

Na thuzohna thute ka ngaihtuah ding a, na lampite ka limsak behlap ding hi.

Na thuseh tungte khawngah ka kipak dinga: na thu tuh ka mangngilh kei ding hi.

Ka hin theihna dinginna sikha tungah hoih takinhihin; huchiin na thu ka jui ding hi.

Na dan thu akipan thillamdang ka muh theihna dingin, ka mitte honhihvaksakin.

Leiah mikhual ka hi a; na thupiakte ka lakah imken.

Ka hinna tuh kitam gawpin aoma, chiklai peuha na vaihawmnate a ngaih jiakin.

Mi kisathei, hamsiat thuakte tuh na taihilha, na thupiakte vakmangsan nakte mahmah.

Gensiatna leh muhsitna ka kiang akipan la mangin; na thutheihsakte lah ka jui ngala.

Mi liante leng a tu ua, honkalh ua; himahleh na sikhain na thusehte a ngaihtuah jaw ahi.

Na thutheihsakte ka kipahna ahi a, thupha honhilh te ahi uh.

Ka hinna tuh leivuiah a belh bikbeka; na thu bang jelin honhihhalhin.

Ka omdante ka hontheisaka, nang non dawnga: na thusehte tuh honzil sakin.

Na thuzohna lam tuh hontheisiam sakin: huchiin na thillamdang hih thute ka ngaihtuah ding hi.

Ka hinna lungkham jiakin a tuimang naka: na thu bang jelin honhihhatin.

Omdan diklou ka kiang akipan lasuan inla; na dan hehpihtakinhonpia in.

Omdan muanhuai ka tela; na vaihawmnate ka maah ka omsak hi.

Na thutheihsakte ah ka belh chinten a; TOUPA aw, honzahlak sak ken.

Na thupiak lamah ka tai dinga, ka lungtang na hihlet hun chiangin.

TOUPA aw, na thuseh lampi tuh honensakin; huchiin a tawpphain ka tawn ding hi.

Theihsiamna honpia in, huchiin, na dan tuh ka kem hoih ding hi, ahi, ka lungtang tengtengin ka jui ding hi.

Na thupiak lampi-ah honpai sakin, huaiah ka kipak ngala.

Na thutheihsak lamah ka lungtang kihei sakin, huaihamna lamah hi louin.

Thil bangmahlou phet enlou dingin ka mit kaihei inla, na lampite ah honhihhalhin.

Na thu tuh na sikha kiangah hihkipin, huai tuh nangmah launa ahi.

Keia dia gensiatna ka kihtak tuh la mangin; na vaihawmte lah a hoih ngala.

Ngaiin, na thuzohna thute tuh theih ka ut gigea: na diktatna jiakin honhihhalhin.

TOUPA aw, na chitnate tuh ka kiangah hongpai hen, na hotdamna ngei, na thu bang jelin.

Huchiin, hon gensete dawnna ding ka nei dinga, na thu lah ka muang ngala.

Huan, thutak thu tuh ka kam akipan lakhe vek kenla; na vaihawmnate lah ka lamen gige ngala.

Huchiin na dan ka jui gige dinga, khantawn khantawnin.

Huan, noplenna ah ka vak dinga; na thuzohna thute lah ka zong ngala.

Na thutheihsak thute kumpipate maah ka gen dinga, ka zum kei ding hi.

Huan, na thupiak, ka it tungte ah ka kipak ding hi.

Na thupiak, ka it lamte ah, ka khutte ka jak dinga; na thusehte tuh ka ngaihtuah ding hi.

Na sikha kianga thuchiam tuh theigigein. Nang non lamet sak jiakin.

Huai tuh ka gimthuakna ah leng ka khamuanna ahi: na thuin lah a honhihhalhta ngala.

Kisatheiten nakpitakin honnuihsan ua: himahleh na dan tuh ka pai hoisan kei hi.

TOUPA aw, nidanglaia na vaihawmte ka theigige a, ka kikhamuan jel hi.

Lunghihlouhnain nakpi takin hon buak khumta a, mi gilousalou-na dan paisante jiakin.

Ka khualzinna in ah na thusehte ka la ahi ngitnget hi.

TOUPA aw, janchiangin na min ka theigige hi, na dan leng ka jui gige hi.

Huai tuh ka neia, na thuzohna thute ka vom hoih jiakin.

TOUPA tuh ka tantuan ahi a: na thu ka jui ding chih ka gen khinta hi.

Ka lungtang tengtengin na hehpihna ka ngena: na thu bang jelin honhehpihin.

Ka omdante ka ngaihtuaha, na thutheihsak lamah ka kalsuan hi.

Ka kintata, na thupiakte jui dingin ka zekai kei hi;

Mi gilou-salou khauhualten hongak lom gigea; himahleh na dan tuh ka mangngilh kei hi.

Jan laiin kipahthu honhilh dingin ka thou dinga, na vaihawm diktatte jiakin.

Nangmah laute tengteng leh na thuzohna thute juite lawm ka hi.

TOUPA aw, leilung na chitnain a dim ahi: na thusehte honhilhin.

TOUPA aw, na thu bangin na sikha tuh na hihhoih jel hi.

Ngaihtuah siamna leh theihna honhilhin; na thupiakte lah ka gingta ngala.

Hihhaksate ka om main ka vakmang naka: tunjaw na thu ka juita hi.

Nang na hoiha, thil hoih leng na hiha: na thusehte honhilhin.

Kisatheiten ka tungah juau a phuaktawm ua: ka lungtang tengtengin na thuzohna thute tuh ka vom hoih ding hi.

A lungtang uh sungthau bangin a thaua; Keia bel na dan tungah ka kipak naknak.

Na thusehte ka zil theihna dinga hihhaksata ka na om a hoih hi.

Dangkaeng leh dangka sang tampi sangin na kama dan pawt keia ding a hoihjaw hi.

Na khutin honsiamin, honsek ahi: na thupiakte ka zil theihna dingin theihsiamna honpiain.

Nangmah lauten honmu ding ua, a kipak ding uh; na thu ka lamet gige jiakin.

TOUPA aw, na vaihawmte a dik chih leh, nang ginom takin ahi, non hihgim chih ka thei hi.

Na sikha kianga na thuchiam bang jelin hehpihtakin na chitna ka khamuanna ding hihen.

Ka hin theihna dingin na chitnate ka kiangah hongpai hen: na dan tuh ka kipahna ahi ngala.

Kisathei zahlakin om uhen; dikloupiin honhihniamta ngal ua: himahleh na thuzohna thute ka ngaihtuah ding hi.

Nang honlaute keilam hongnga uhen, na thutheihsakte a thei ding uhi.

Ka zahlak louhna dingin ka lungtang na thusehte ah hoihkimin om hen.

Ka hinna na hotdamna ngaiin a baha: himahleh na thu ka lamen gige hi.

Na thu etnain ka mit a vai khintaa, nang chikchianga hon khamuan ding na hia? Ka chi, ka chi –a

Meikhu uk savun thawl bang ka nahita ngala; himahleh na thusehte ka mangngilh kei hi.

Na sikha kum chiang ding bangtan hi ding ahia, honsimmohte tungah chikchiangin ahia vai na hawm ding?

Mi kisathei, na dan banga om louten ka kiakna dingin kokhukte bang a tou ua.

Na thupiak tengteng a ginom ahi: amau diklou piin honsimmoh nak uh; honpanpihin.

Amau tuh leiah na honhihmang dekdek ua; himahleh na thuzohna thute lah ka kiheisan ngal kei hi.

Na chitna bang jelin honhihhalhin: huan, na kama thutheihsak ka jui ding hi.

TOUPA aw, khantawn adingin na thu tuh van ah kiptakin a om hi.

Na ginomna suan tengteng phain a om ding hi: leilung na hihkipa, a om gige hi.

Huaite tuh tuiin na vaihawmte bangin a om gige a thil tengteng lah na sikhate ahi ngal ua.

Na dan ka kipahna hi kei lejaw, ka gimthuakna a mangthangta ding hi inga.

Na thuzohna thute tuh chikpeuhin leng ka mangngilh kei ding: nang lah huaitein nonhilhhalhta ngala.

Nanga ka hi, honhondamin; na thuzohna thute lah ka zong ngala.

Mi gilou-salouten honhihmang tumin honngak nak ua; himahleh na thutheihsakte ka ngaihtuah ding hi.

Hoihkimna tengteng tawpna ka muta; na thupiak tuh a za ngei e.

Aw, na dan deih hi natel ing e! nituma ka ngaihtuah nak tuh ahi.

Na thupiakten hondoute sanga piljaw in honbawla; khantawna ka kianga a om gige nak jiakin.

Honhilhte tengteng sangin pilna ka nei jaw ahi; na thutheihsakte ka ngaihtuah a hih nak jiakin.

Tekte sangin ka theisiam jaw ahi, na thuzohna thute ka vom hoih jiakin.

Na thu ka zuih theihna dingin lampi gilou himhim ah ka khete a kalsuan ka phal kei hi.

Na vaihawmna lak apat ka pial kei; nang non hilh jiakin.

Na thute ka kama dingin khum hina tele! ahi, ka kama dingin khuaiju sangin a khumjaw hi.

Na thuzohna thute jiakin theihsiamna ka nei jel: huaijiakin omdan diklou peuhmah ka hua hi.

Na thu tuh ka khe adingin khawnvak ahi a, ka lampi adingin vakna ahi.

Na vaihawmna diktatte jui dingin ka kichiama, ka hihkip lai hi.

Nakpi taka hihhaksatin ka oma; TOUPA aw, na thubang jelin honhihhalhin.

TOUPA aw, hehpih takin ka kam deihthu-a thilpiakte na sang inla, na vaihawmnate honhilhin.

Ka hinna ka khut ah a om naknaka; himahleh, na dan ka mangngilh ngeikei hi.

Migilou-salouten ka awkna dingin thang a kam ua; himahleh na thuzohna thute ka vakmang san kei hi.

Na thutheihsakte khantawna gouluah din ka la a; ka lungtang hihnuampen ahi ngala:

Khantawnin, a tawp phain, na thusehte banga hih dingin ka lungtang ka hoihsak hi.

Lungsim kiplou neite ka hua a: Na dan tuh ka deih ahi.

Nang ka bukna mun leh ka phaw na hi a; na thu ka lamet ahi.

Nou thil hoihlou hihte aw, hongpaisan un; ka Pathian thilpiakte ka vom hoih theihna dingin.

Ka hin theihna dingin na thu bang jelin honlen nilouh inla, ka lamet tungah zahlakin honomsak ken.

Honkaiin, huchiin ka bit dinga, na thusehte ka khawksa gige ding ahi.

Na thusehte vakmang sante tengteng na musita; a khemna ulah juau ahi ngala.

Leia mi gilou-salou tengteng banghiam ek sia bangin a hihmang jela: huaijiakin na thutheihsakte ka deih ahi.

Ka sa nangmah lauin a linga: na vaihawmnate leng ka lau hi.

Vai ka hawma, diktakin ka hih jel ahi: honnuaisiahte lakah honngeingaih lou ken.

Na sikha tungtang thu ah, a hoihna a bultum in: kisatheiten honnuaisiah kei uhen.

Na hotdamna etnain ka mit a vaikhinta a, na thu diktat tak etna tohin.

Na chitna bang jelin na sikha tungah hih inla, na thusehte honhilh in.

Na sikha ka hi a, theihsiamna honpia in; na thutheihsakte ka theihna dingin.

TOUPA, sep a hunta; na dan bangmahlouin a bawlta ngal ua.

Huaijiakin na thupiakte dangkaeng sangin ka deih ahi; ahi, dangkaeng siangthou sangin leng.

Huaijiakin thil peuhmah thu-a na thuzohna thu tengteng tuh dikin ka theia; omdan dikou peuhmah ka hua ahi.

Na thutheihsakte a lamdang ahi: huaijiakin ka hinnain a vom hoih gige a.

Na thu hilhchetin mite a hihvaka: mi mawlte a theisiam sak jel hi.

Ka kam zapiin ka kaa, ka ha hawphawpa: na thupiakte ka lunggulh jiakin.

Kei lam honga inla, honhehpih in, na min deihte na hehpih bangin.

Ka khe kalsuante na thu-ah hihkip inla; gitlouhna himhim ka tungah thu neisak ken.

Mihing nuaisiahna lakah honhumbit in; huchiin na thuzohna thute ka jui ding hi.

Na melin na sikha sunvak inla; na thusehte honhilhin.

Ka khitui lui tui bangin a luang khia a, na dan a zuih louh jiakun.

TOUPA aw, nang na dika, na vaihawmte leng a dik ahi.

Na thutheihsakte tuh diktat tak leh ginom mahmahin thu na piaa.

Ka phattuamngaih nain honhih mangthangta, hondouten na thu a mangngilhtak jiakun.

Na thu sianthou mahmah ahi; huaijiakin na sikhain a deih hi.

Mi neu leh mi muhsit ka hi a: himahleh na thuzohna thute ka mangngilh ngeikei hi.

Na diktatna khantawn diktatna ding ahi a, na dan leng thutak ahi.

Mangbatna leh lunglaunain hon buak khumta a; himahleh na thupiakte tuh ka kipahna ahi.

Na thutheihsakte khantawn adingin a dik ahi: theihsiamna honpia in, huchiin, ka hing gige ding hi.

Ka lungtang tengtengin kon sama; TOUPA aw, hondawng in: na thusehte ka kem hoih ding hi.

Kon sam jela; hondawng in, huchiin na thutheihsakte ka jui ding hi.

Phalvak main ka thou-a, huhna deihin ka kikou-a; na thute ka lamen hi.

Na thu ka ngaihtuah theihna dingin jan vente main, ka mitte a hak uhi.

Na chitna bang jelin ka aw ngaikhia inla; TOUPA aw, na vaihawmnate bang jelin honhihhalh in.

Ngaihtuah gilou delhten a honnaih ua: amau jaw na dan gamlata om ahi uhi.

TOUPA aw, nang jaw na naia; na thupiak tengteng thutak ahi.

Nidanglaiin, na thutheihsakte akipanin, huaite khantawn adinginna hihkip chih ka na theita hi.

Ka haksatna ngaihtuah inla, honhumbit in; na dan lah ka mangngilh ngei ngal keia;

Ka thu hon genpih inla, hontan in na thu bang jelin honhihhalh in.

Hotdamna tuh mi gilou-saloute lakah a gamla ahi: na thusehte a zuih louh jiakun.

TOUPA aw, na chitnate tuh a thupi ahi; na vaihawmnate bang jelin honhihhalh in.

Honsimmohte leh hondoute tampi ahi ua, himahleh na thutheihsakte ka pai kawi san kei hi.

Lepchiah taka hihte ka ena, ka lungkim kei hi; na thu a zuih louh jiakun.

Na thuzohna thute ka deihdan ngaihtuah inla, TOUPA aw, na chitna bangbangin honhihhalh in.

Na thu kigawmkhawm tuh thutak ahi a; na vaihawmna diktat chiteng leng khantawnin a om nilouh ding hi.

Mi lianten a jiak omlou in hon simmoh ua: himahleh ka lungtang in na thute ahi, a kihtak.

Na thu ah nuam kasa a, thil thupipi gallaka mu bangin.

Juau thu ka huain ka kih a; na dan bel ka deih ahi.

Ni khatin sagih vei kon phat jel ahi, na vaihawm diktatte jiakin.

Na dan deihten khamuanna thupitak a nei ua; pukna himhim a neikei uhi.

Toupa aw, na hotdamna ka lamen a, na thupiakte bangin ka hih jel hi.

Ka hinnain na thutheihsakte a jui gige a: ka deih mahmah hi.

Na thuzohna thute leh na thutheihsakte thu ka jui jela; ka omdan tengteng na maa om ahi ngala.

Toupa aw, kon sap husa na maah hongnai hen: na thu bangbangin theihsiamna honpia in.

Hehpih ka ngetna na maah tung hen: na thu bangbangin honhumbitin.

Ka mukin phatna thu gen hen: nang na thusehte non zilsak jel jiakin.

Ka leiin na thu phatin lasa hen; na thupiak tengteng diktatna a hih jiakin.

Na khut thu honpanpih dingin mansain om hen: na thuzohna thute lah ka telta ngala.

Toupa aw, na hotdamna ka lunggulh naka; na dan ka kipahna ahi.

Ka hinna thu hing hen, huchiin a honphat ding hi; na vaihawmnaten leng honpanpih hen.Belam mang bangin ka vak manga; na sikha zong in; na thupiakte lah ka mangngilh nei ngal keia.

Belam mang bangin ka vak manga; na sikha zong in; na thupiakte lah ka mangngilh nei ngal keia.

Ka mangbatna ah Toupa ka sama, huchiin aman hondawng hi.

Toupa aw, muk juautheite lakah leh lei mi khemhat lakah ka hinna humbit in.

Nang lei khemhat, na kiangah bang a honpia ding ua, bang a honbehlap ding ua?

Mi hat thal zumtakte, Juniper sing lingte toh.

Mashekte gama ka om leh Kedarte puanin laka ka om ka tung a gik hi.

Ka hinnain lemna hote kiangah sawtpi omna a neita hi.Ken kituah ka uta; himahleh thu ka gen takin kidou a ut nak uhi.

Ken kituah ka uta; himahleh thu ka gen takin kidou a ut nak uhi.

Tangte lamah ka mit ka suantou ding: koilam akipanin ahia honpanpihna a hongtun ding?

Honpanpihna tuh Toupa lei leh van bawlpa kiang akipanin a hongtung ding hi.

Aman na khe kisuan a phal kei dinga; nangmah chingpa tuh a lusu kei ding hi.

Ngaiin Israelte chingpa a lusuin a ihmu sam kei ding hi.

Toupa nangmah chingpa ahi: Toupa na taklama nang honliahpa ahi.

Sunin niin a honhai kei dia, janin khain leng a honsun sam kei ding hi.

Toupan gilou chiteng lakah a hon ching dia; na hinna a ching ding hi.Toupan na pawt leh na lut a ching dinga, tua kipana, khantawnin.

Toupan na pawt leh na lut a ching dinga, tua kipana, khantawnin.

Toupa in ah hoh ni, ka kianga a chih lai un ka kipaka.

Jerusalem aw, na kulh kongkhak sungah ka khete uh a dinga hi.

Jerusalem, khopi banga lam kiptaka gawmkhawm:

Toupa min phat dingin huaiah namte a paitou jel ua, Toupa namte tuh, Israelte kianga thutheihsakna dingin.

Huaiah lah vaihawmna dingin laltutphahte tun ahi ngala, David inkuanpihte laltutphahte.

Jerusalem khamuanna dingin ngetsak un: nang hondeihte a navak uhi.

Na kulh sungte ah khamuanna om henla, na inpi ahte khawng navakna om hen.

Ka uanute leh ka lawmte jiakin na sungah khamuanna om hen, ka chi ding.Toupa I Pathian ni jiakin na hoihna ding ka zong ding.

Toupa I Pathian ni jiakin na hoihna ding ka zong ding.

Aw, nang vana tu, nang lamah ka mit ka suantou jel hi.

Ngaiin, sikhate mitin a pu uh khutlam a et nak bangin leh, sikhanu mitin a pi khutlam a et nak bangin, I mitin leng Toupa lam a en nilouh ahi, hon hehpih masiah.

Toupa aw, honhehpih in, honhehpih in, muhsitnain ka dim sinsen uhi.Mi nuamsate simmohna leh kisatheite muhsitnain ka hinna uh a dim vinven hi.

Mi nuamsate simmohna leh kisatheite muhsitnain ka hinna uh a dim vinven hi.

Eilama pang Toupa hilou hileh, Israelten chi uhen;

Miten honsual lai un eilama pang Toupa hilou hileh:

Huailai mahin amau eite a honhing valhta ding ua, I tung ua a thangpaih lai un

Huailai mahin tuiten a hontum mangta dinga, luiin I hinna a vak tumta ding hi.

Huailai mahin tui kisatheiten I hinna a vuktumta ding hi.

Sa- mat banga mat dinga a ha ua hopeloupa Toupa phatin om hen.

Thangkamte thang akipat vasa a suakta bangin I hinna a suakta hi, thang a setaa, eite I suakta zenzen uhi.Honpanpihna ding tuh TOUPA lei leh van bawlpa min ah a om chiin.

Honpanpihna ding tuh TOUPA lei leh van bawlpa min ah a om chiin.

Toupa muangte tuh Zion tang hihlin vuallouh, khantawna om gige ding bang tuh ahi.

Tangte Jerusalem kima a om bangin Toupa tuh a mite kimah a om jela. Tua kipana, khantawnin.

Gilou- salou lalchiang lah mi diktat tan tungah a kinga kei dinga; midiktatten a khut ua thulimlouhna a khoih kei uleh.

Toupa aw, hoih taka omte tungah hoih takin hih in, a lungtang ua diktaka omte tungah leng.A lampi kawi khawng ua pialte bel Toupan thilhihkhialte toh a pi khe ding. Israelte tungah khamuanna om hen.

A lampi kawi khawng ua pialte bel Toupan thilhihkhialte toh a pi khe ding. Israelte tungah khamuanna om hen.

Toupan Zion salte a pi kik nawn laiin, mang neita bang hial I hi ua.

Huailaiin I kam uh nuihin a dima, i lei uh lasaknain: huailaiin nam chih lakah, Toupan a mau adingin thil thupi pite a hihsak ahi, a chi ua.

Toupan thil thupitak honhihsaka; I kipak mahmah ahi.

Toupa aw, sala ka tang uh honpi kik nawn in, simlam luite bangin.

Khitui ke kawma tuhten nuamsa takin a at ding uhi.Kap kawmin buh chi kuan khiakpih mahle uh, a buhphal te uh tawiin nuamsain a hongpai nawn ding uhi.

Kap kawmin buh chi kuan khiakpih mahle uh, a buhphal te uh tawiin nuamsain a hongpai nawn ding uhi.

Toupan in a lam kei leh, a lamten a semgim thawn phet uhi: Toupan khopi a ven hoih kei leh, a vengmi a hak thawn lel ahi.

Jingsangpiin na thou ua, na khawl hak mahmah ua, sepgimna an na nek uh: nou din a thawn lel ahi: a mi deihtak bel ihmut a pe nak ngala.

Ngaiin, tate tuh Toupa laka I goutan ahi ua: gila gah tuh a kipahman honpiak ahi.

Hatlai tate tuh mi hat khuta thal omte bang ahi uhi.A thal bawm thala dim neimi tuh kipak takin a om naknak ahi; kulh konga a doute uh a biak lai un leng a zahlak kei ding uhi.

A thal bawm thala dim neimi tuh kipak takin a om naknak ahi; kulh konga a doute uh a biak lai un leng a zahlak kei ding uhi.

Toupa lau peuhmahten nuam a sa uh, a lampi tawnten.

Na khut sepgim gah lah na ne sin ngala: kipak takin na om dinga, navakin leng na om ding hi.

Na ji tuh, na in jula grep gui gah nuam mahmah bangin a om ding hi: na tate tuh, na dohkan kimah, oliv selte bangin a om ding uh.

Ngaiin, Toupa laumi tuh huchi bangin vualjawlin a om ding uhi.

Toupan Zion akipanin honvualjawl ding hi: huchiin, na damsung tengin Jerusalem hoihna na mu ding hi.A hi, na tute tuh na mu dinga! Israelte tungah khamuanna om hen.

A hi, na tute tuh na mu dinga! Israelte tungah khamuanna om hen.

Ka naupan chik akipan min tamveipi honmangbangsak ua. Israelten chi uhen:

Ka naupan chik akipan min tamveipi honmangbangsak ua: himahleh hon zou tuan kei ua.

Leiletten ka nungjang ah lei a let ua; a leileh kuangte uh a sausak ngial uhi.

Toupa a diktat ahi: mi gilou- saloute khauhualte tuh a at tatta a: chiin.

Amau zahlak leh taijak sakin om uhen, Zion hote tengteng mah.

A khansang maa vuai maimah jel, in tunga loupa bangin om uhen:

Huai loupain buh atmin a khut a hihdim ngei keia, buhphal tel khawm-min leng a angsung a hihdim ngei sam kei hi.Toupa vualjawlna na tunguah om hen: Toupa minin vual hon jawl uhi, a paikhenmiten a chi ngal sam kei uhi.

Toupa vualjawlna na tunguah om hen: Toupa minin vual hon jawl uhi, a paikhenmiten a chi ngal sam kei uhi.

Toupa aw, tui thupi akipanin kon sama.

Toupa, ka aw ngaikhia in: hehpih ka ngetna aw na bilin ngaikhia in.

Toupa, nang thulimlouhnate na chiamteh leh, Toupa aw, kua a ding zouta dia?

Himahleh na kiangah ngaihdamna a om ahi, kihtaka na om theihna dingin.

Toupa tuh ka ngak gigea, ka hinnain a ngak gigea, a thu leng ka lamen ahi.

Avengmin jingsang khovak a ngaklah sangin, ka hinnain Toupa a ngaklah ahi. A hi, avengmin jingsang khovak a ngaklah sangin.

Israelte aw, Toupa lamen un, Toupa kiangah lah chitna a om ngala, a kiangah tatna tampi leng a om hi.Huchiin aman Israelte tuh a thulimlouhna tengteng ua kipan a honkhe ding hi.

Huchiin aman Israelte tuh a thulimlouhna tengteng ua kipan a honkhe ding hi.

Toupa, ka lungtang a kisathei keia, ka mitte a sanghah lo sam ngei keia; thil thupi takte ah ka kisangsak sam keia, keia dingin thil lamdang luate ah leng.

Ka hinna ka khi, a, ka daisakta ngeia; naupang nawinek tawpta a nu kianga om bangin, ka hinna naupang nawinek tawpta bangin ka kiangah a om hi.Israelte aw, Toupa lamen un, tua kipana, khantawnin.

Israelte aw, Toupa lamen un, tua kipana, khantawnin.

Toupa, David a haksat thuakna tengteng theihpih in;

Toupa kianga kichiam, Jakob mi hatpa kianga thu achiamdan;

Ka omna in ah ka lut het kei dia, ka lupna ah ka kah sam kei ding hi;

Ka miten a sin ka phal kei dinga ka mit vunte leng a sit uh ka phal sam kei ding;

Toupa mun ding ka zon suah masiah, Jakob mi hatpa omna ding chiin.

Ngaiin, a thu tuh Sphratathan-ah ka ja ua; sing gamah ka muta uhi.

Amah omnate ah ka lut ding ua; a khe ngakna bulah chibai ka buk ding uhi.

Toupa aw, thou inla, na khawl mun dingah lutin; nang toh na hatna bawm toh.

Na siampute tuh diktatnain kivan uhenla; na mi siangthoute nuamsain kikou uhen.

Na sikha David jiakin na thaunilh mel tuh kiheisak nawn ken.

Toupan David kiangah thutakin a kichiamta a; huai tuh a lehngatsan kei ding hi: na pumpi gaha mi laltutphah ka tusak ding.

Na taten ka thukhun leh ka thutheihsak, amau ka hilh ding a zuih uleh, a tate u leng khantawnin na laltutphah ah a tu jel ding uh, chiin.

Toupan Zion lah a tel ngala; a omna dingin a deih hi.

Hiai khantawn adinga ka khawlmun ding ahi: hiaiah ka om nilouh ding; ka deihlam ahi ngala.

A nek ding tampiin vual ka jawl dia; a mi gentheite uh tanghouin ka taisak ding hi.

A siampute hotdamnain ka van dinga; a mi siangthoute nuamsain a kikoukou ding uhi.

Huaiah David ki tuh ka sel khe sak ding: ka thaunilh adingin khawnvak ka septa hi.Amah doute tuh zahlaknain ka van dinga, amah tungah jaw a lallukhu a te sengsung ding hi, chiin.

Amah doute tuh zahlaknain ka van dinga, amah tungah jaw a lallukhu a te sengsung ding hi, chiin.

Ngaiin, unaute kituak diamdiama om khawm a nak hoihin, a nuam mahmah hi!

Lu-a thau manpha tak, khamula luangkhia, Aron khamul ngeia luangkhiaa, a puannak tual monga luang khia bang ahi.Hermon daitui chim Zion tangtea ke jel bang ahi; huaiah Toupan vualjawlna thu a piaa, khantawna hinna ding ngei.

Hermon daitui chim Zion tangtea ke jel bang ahi; huaiah Toupan vualjawlna thu a piaa, khantawna hinna ding ngei.

Ngai un, Toupa sikha, Toupa ina jana ding jel tengteng aw, Toupa phat un.

Na khutte uh munsiangthou lamah jak unla, Toupa phat un.Toupan Zion akipanin honvualjawl hen; lei leh van bawlpa ngeiin.

Toupan Zion akipanin honvualjawl hen; lei leh van bawlpa ngeiin.

Toupa phat un. Toupa min tuh phat un; Toupa sikhate aw, amah tuh phat un:

Nou Toupa ina dinga, I Pathian in huangsung intuala dingte a,

Toupa phat un; Toupa lah a hoih ngala; A min phatin lasa un, a nuam ngala.

Toupan Jakobte amah adingin a tel ngla, Israelte a goutuam dingin a tel hi.

Toupa tuh thupi tak ahi chih leh, i Toupa tuh Pathian tengteng sangin a tungnung ahi chih, I thei ngala.

Toupan a ut peuhmah a hih jela, van khawngah, lei khawngah, tuipi khawngah, tuithukpi tengteng khawngah leng.

Aman meipite tuh kawlmong akipanin a paitou saka; khophiate vuahin a siam hi; a sunin akipante bangin huih a la khe jel hi.

Aman Aigupta gam ta masate a hihluma, mihing leh sate leng.

Aigupta gam aw, amah chiamtehnate leh thillamdangte na sungah a honsawla, Pharo tungah leh a sikha tengteng tungah.

Aman nam tampi a hihluma, kumpipa thupi taktakte a thata.

Sihon Amorte kumpipa leh Og Bashan gam kumpipa leh, Kanaan gama mi tengteng.

A gam uh gouluah dingin a pia a, a mi Israelte goutan dingin.

Toupa aw, na min tuh khantawnin a om dinga; Toupa aw, nangmah theihgigena tuh suan om sung tengtengin leng a om ding hi.

Toupan a mite vai a hawmsakin, a sikhate tungthu-ah a lungsim lah a kisik dek ngala.

Nam chih milimte tuh dangka leh dangkaeng ahi ua, mihing khutsuak ahi uhi.

Kam bang a nei ua, lah a pau ngal kei ua; mitte a nei ua, lah a mu ngal kei ua;

Bilte a nei ua, lah a za ngal kei ua; a kam uah lah hatna himhim a om sam kei hi.

Huaite bawlte tuh huaite bangin a om ding uh, a chi, huaite gingta peuhmahte.

Israel inkuanpihte aw, Toupa tuh phat un: Aron inkuanpihte aw, Toupa tuh phat un:

Levi inkuan pihte aw, Toupa tuh phat un; Toupa laumite aw, Toupa tuh phat un.Toupa Zion akipanin phatin om hen, Jerusalema tengpa ngei, Toupa phat un.

Toupa Zion akipanin phatin om hen, Jerusalema tengpa ngei, Toupa phat un.

Aw, Toupa kiangah kipahthu hilh un: amah lah a hoih ngala; a chitna leng khantawna om ding ahi ngala.

Aw, pathiante Pathian kiangah kipahthu hilh un: a chitna lah khantawna om ding ahi ngala.

Aw, kumpipate Toupa kiangah kipahthu hilh un: a chitna lah khantawnin a om sin ngala.

Amah kia thillamdang thupitak hih jelpa kiangah: a chitna lah khantawnin a om sin ngala.

Pilnaa van siampa kiangah: a chitna lah khantawnin a om sin ngala.

Lei tui tunga koih jiajuapa kiangah: a chitna lah khantawna om ding ahi ngala.

Vaksakpa thupitak kiangah: a chitna lah khantawnin a om sin ngala.

Ni, suna vaihawm dingin: a chitna lah khantawnin a om sin ngala.

Kha leh aksite, jana vaihawm dingin: a chitna lah khantawnin a om sin ngala.

Aiguptate ta masa hihlumpa kiangah: a chitna lah khantawnin a om sin ngala.

Israelte a lak ua kipana pi khepa kiangah: a chitna lah khantawnin a om sin ngala.

Khut hat leh banjakin: a chitna lah khantawnin a om sin ngala.

Tuipi San kikhensak hokpa kiangah: a chitna lah khantawnin a om sin ngala.

Israelte a laitaka galkah saka: a chitna lah khantawnin a om sin ngala.

Pharo leh a sepaihte bel Tuipi Sana hihmangpa kiangah: a chitna lah khantawnin a om sin ngala.

A mite gamdaia pipa kiangah: a chitna lah khantawnin a om sin ngala.

Kumpipa thupi taktakte hihlumpa kiangah: a chitna lah khantawnin a om sin ngala.

Kumpipa minthang taktak thatpa kiangah: a chitna lah khantawnin a om sin ngala.

Sihon Amorte kumpipa: a chitna lah khantawnin a om sin ngala.

Og Bashan gam kumpipa: a chitna lah khantawnin a om sin ngala:

A gam goutan dia pia: a chitna lah khantawnin a om sin ngala.

A sikha Israel goutan pepa kiangah: a chitna lah khantawnin a om sin ngala.

Aman I nam niam laiin hon theigigea: a chitna lah khantawnin a om sin ngala:

Hondoute lakah honhumbita: a chitna lah khantawnin a om sin ngala.

Aman sa tengteng kiangah nekding a piaa: a chitna lah khantawnin a om sin ngala.Aw, van Pathian kiangah kipahthu hilh un: a chitna lah khantawnin a om sin ngala.

Aw, van Pathian kiangah kipahthu hilh un: a chitna lah khantawnin a om sin ngala.

Babulon lui gei khawngah huailaiah i tu-a, ahi, i kap jela, Zion i ngaihtuahin.

Huaia muisumte khawngah i kaihgingte i khai ua.

Zion la khat honsaksak un, chiin, huaiah sala honpiten lasa dingin honsawl ua, honhihgentheiten lah nuamsa dingin leng honchi ngal nak uhi.

Mi gam peuhah Toupa la bangchin i sa thei dia?

Jerusalem aw, ka honmangngilh aleh, ka khut taklamin a thilsiam mangngilh sam hen.

Kon theihgige kei aleh, ka lei ka dangtawngah belh bikbek hen; ka nopsakna pen sanga Jerusalem ka deih jawk ka leh.

Toupa aw, Jerusalem ni jaw Edom suante tungah a selamin theigige in: a suangphum nangawn leng chimsak un, chimsak un, chite.

Babulon tanu aw, hihmana om ding; ka tung ua na hih banga honthuk ding tuh kipakin a om ding hi.Na tanu noute honla saka, suangpa satna dia zangpa ding tuh kipak takin a om ding hi.

Na tanu noute honla saka, suangpa satna dia zangpa ding tuh kipak takin a om ding hi.

Na kiangah ka lungtang tengtengin kipahthu ka gen dinga: pathiante maah nangmah phatin la ka sa ding hi.

Na biakin siangthou lam ngain chibai ka honbuk dia, na chitna leh na thutak jiakin na min ka phat ding: na thu tuh na min mawngmawng sangin na hihlianta ngala.

Kon sap niin nang non dawnga, ka hinna hihhatin non hasuana.

Toupa aw, leia kumpipate tengtengin kipahthu a honhilh ding ua, na kama thupawtte lah a zata ngal ua.

A hi, Toupa omdan thute lain a sa ding ua: Toupa thupidan lah a thupi ngala.

Toupa tungnungtak ahi naa, mi neute a limsak jel hi: mi kisatheite bel gamlapi akipanin a thei hi.

Mangbatna lakah vak mahleng leng nang non hihhalh ding; hondoute heh sual dingin na khut na jak dinga, na khut taklam in non hondam ding hi.Toupan ka tungtanga a hih ding tuh a tangtun ding hi: Toupa aw, na chitna tuh khantawnin a om dinga; nangmah khut thilhihte tawpsan ken.

Toupan ka tungtanga a hih ding tuh a tangtun ding hi: Toupa aw, na chitna tuh khantawnin a om dinga; nangmah khut thilhihte tawpsan ken.

Toupa aw, nang ngentel takin non ensuaka, non theita hi.

Nang ka tut leh ka din na thei naknaka, ka ngaihtuahna tuh gamlapi akipanin leng na thei thei hi.

Ka pai leh ka lup non entel jela, ka omdan tengteng na thei vek hi.

Ngaiin, Toupa aw, nang na theih siang vek louh, ka lei ah thu himhim a om kei hi.

Nang ka nunglam leh ka mallamah non umsuaka, ka tungah na khut na koih lai hi.

Huchitela theihna kei dingin a lamdang lua a; a sang tela, ka pha zou kei hi.

Na kha kiang akipanin koiah ka pai dia? Na ma akipan koiah ka tai mang dia?

Van ah kahtou ning chileng, huaiah lah na om ngala: Sheol ah lupna bawl ning chileng ngaiin, huaiah leng na om jel ngala.

Jing kha jakin, tuipi tawp pekah vaom ning chi leng;

Huaiah leng na khutin non pi dinga, na khut taklamin honlen ding ahi ngala.

Pellouin mialin honkhuh zouvek ding a, ka kima vak tuh jan ahi ding chi dek lengleng;

Mialin leng nang lakah bangmah a liah keia, jan lah sun bangin a vakjaw ahi: nang dingin mial leh vak a kibang salpsap hi.

Nangmah ngeiin ka lungsim na neia: ka nu gilsungah non phankhawm hi.

Na kiangah kipahthu kon hilh dinga; lauhuai tak leh lamdang pi-a bawl ka hih jiakin: na thilhihte lah lamdang tak ahi a; huai tuh ka hinnain a theitel mahmah hi.

A guka bawla ka oma, lei mun nuainungpena kilawmtaka bawla ka om laiin, ka guh ka tang nang lakah selin a om kei hi.

Ka lim kibawl kim nailou tuh na mitin a mu-a, na laibu ah ka hiangte tengteng gelh vek ahi, ani sima bawlin a om jela, khat leng a om nai louh laiin.

Pathian aw, na ngaihtuahnate kei adingin manpha hina tele! a gawmkhawmna thupi hina tele!

Sim dek mahleng, a tamdan tuh piaunel sangin a tam zo ding: ka khanloh aleh, na kiangah ka om nilouh naknak ahi.

Pathian aw, mi gilou-saloute na thah ngei dinga; huchiin sisan suah hat miten honpaisan ding.

Amau tuh gilou takin nang a hon gensia un, nangmah douten na min tuh a genthanghuai nak uhi.

Toupa aw, nangmah hote ka ho kei ahia? Nangmah sualte tungah ka lung kim lou kei ahia?

Amau tuh huat petmahin ka huaa: hondoute dingin ka sep chiat hi.

Pathian aw, ngentel takin honen suak inla, ka lungtang thei in: honchian inla, ka ngaihtuahnate thei in.Huan, kei ah gilou-salou lam mawngmawng a om hiam om lou, en inla, khantawn lampi ah honpi in.

Huan, kei ah gilou-salou lam mawngmawng a om hiam om lou, en inla, khantawn lampi ah honpi in.

Toupa aw, mi gilou lakah honhumbit inla; mi ngongtat lakah honhum in:

Amau tuh a lungtang uah thilhihkhelhte a ngaihtuah ua: dou dingin a kikhawm gige uhi.

A lei uh gul bangin ahiamsak ua; a neh sung uah thangtom gu a om hi. Selah.

Toupa aw, mi gilou-salou khut lakah honkem hoih inla; mi ngongtat lakah honhum in: amau tuh ka khe kalsuante sawnkawi a tum uhi.

Mi kisatheiten ka awkna dingin thang a guk kam ua, khauhualte toh; lam sikah len a phah ua; ka awkna dingin thangte a kam uhi. Selah.

Toupa kiangah, nang jaw ka Pathian na hi: Toupa aw, hehpih ka nget awte na bil na doh in.

Toupa Pathian aw, non hotdamna hihhatpa aw, nang kisual ni chiah ka lu non khuhsaka.

Toupa aw, mi gilou-salou deihlamte jaw phal kenla; a ngaihtuahna gilou tuh piching sak ken; huchi kei leh a kipahtawi kha ding uhi, ka chia. Selah.

Honumsuakte lu tuh, amau muka thugilou a gen un khuh hen.

Meiamte a tunguah kia henla: meia paihin om uhenla; a thoh tak louhna ding un kokhuk thupi takah paihin om uhen.

Thu hoihlou genpa tuh lei ah hihkipin a om kei dinga: mi ngongtat hihse dingin thil hoihlouin a zong ding hi.

Toupan gim thuakte a thu uah a gum ding chih ka thei, tagahte adin diktakin vai a hawm ding.Pellouin mi diktatten na min maah a om ding uhi.

Pellouin mi diktatten na min maah a om ding uhi.

Toupa, kon sam hi, ka kiangah hongpai meng inla: kon sapin ka aw ah bil na dohin.

Ka thumna gimnamtui bangin na maah hih khiakin om henla; ka khut jak tuh nitaklam kithoihna bangin om hen

Toupa aw, ka kam bulah vengmi tusak inla; ka muk kongkhak veng in.

Gilou-salou thilte thilhihkhial mite hihpih dingin, ka lungtang thil hoihlou himhim lamah kiheksak kenla; a neklimte uh honen sak ken.

Mi diktatin honsat hen, migitna ahi ding; hontaihilh hen; himahleh migilouten ka lu thaunilh ngei kei hen, a nasep giloute uh huain ka thum gige ngala.

Amau mohpaih dingte kianga piakkhiak a hih chiangin, Toupa thu a dik chih a thei ding uh.

Min lei a leha a hihjan bangin a guhte uh hankoutangah hihdalhin a om ding.

Toupa Pathian aw, ka mitin nang lam lah a en ngal naka: nangmah ah ka muanna ka nga gige; ka hinna tuh vuaktangin nuse ken.

Ka awkna dinga thang a kam lak uah honhum in, thilhihkhialte thang lakah te toh.Ken ka khen laiin, migilou-salou tuh amau len ah te khawng kelut uhen.

Ken ka khen laiin, migilou-salou tuh amau len ah te khawng kelut uhen.

Ka awin, Toupa ka sama; ka awin Toupa kiangah hehpihna ka gen jel

A maah ka mangbat thu ka gena; a maah ka buaina ka theisak jel.

Ka kha ka sunga a bahlaiin, nangmah ngaiin ka lampi na theia. Ka paina lampi-ah ka awkna dingin thang a guk kam uhi.

Ka taklamah om inla, en dih, kuamah honthei himhim a omta kei ua; ka kihumbitna a omta keia; kuamah himhimin ka hinna a limsakta kei uhi.

Toupa aw, kon sama; nang ka kihumbitna, mihing gama ka tantuam na hi, ka chi a.

Ka kikou husa ngaikhia in; nakpi taka hihniamin ka omta ngala. Honsimmohte lakah honhumbit in; kei sangin a hat zo ngalua.Na min ka phat theihna dingin, ka hinna suangkulh akipanin pi khia in: mi diktatten honum suak ding ua; nang hoihtaka non hih ding jiakin.

Na min ka phat theihna dingin, ka hinna suangkulh akipanin pi khia in: mi diktatten honum suak ding ua; nang hoihtaka non hih ding jiakin.

Toupa aw, ka thumna ngaikhia inla; hehpih ka ngetna ah bil doh inla; na giomna jiak leh na jiakin hondawng in.

Na sikha tungah vaihawm ken; na mitmuh ah mihing himhim siamtang a om ding lah a om ngal kei ua.

Melmain lah ka hinna a simmoh ngala; ka hinna tuh leiah a sat puka: sawtpi-a sisate bangin, mun mial takte ah honomsak hi.

Huaijiakin ka kha tuh ka gil sungah a baha: ka lungtang tuh ka gilsungah a mangbangta hi.

Nidanglai nite tuh ka theigige a; na thilhih tengtengte ka ngaihtuah jela na khut nasepte tuh ka sut jel hi.

ka khutte nang lamah ka jak jela; ka hinna, gam jawngkhaltak bangin, nangmah ah a dangtak nak hi. Selah.

Toupa aw, hondawng meng in, ka kha a bah dek hi; ka lakah na mai sel ken; huchilouin jaw kokhuk guama paisukta bang lelin ka naom kha ding hi.

Jingsangin na chitna thu hontheisak in; nang lah kon muang ngala; ka paina ding lampi hontheisak in; ka lungsim lah na kiangah ka koih kip jel ngala.

Toupa aw hondoute lakah hin humbit in; non nasel dingin na kiangah kongtai ahi.

Na deihlam hih honkisinsak in; ka Pathian lah na hi ngala: na kha hoih in lamphei ah honpi jel hen.

Toupa aw, na min jiakin honhihhalh inla: na diktatna jiakin ka hinna mangbatna akipan pikhia in.Na chitna jiakin hondoute hihmang inla, ka hinna hih mangbangte tengteng hihmang in; na sikha lah ka hi ngala.

Na chitna jiakin hondoute hihmang inla, ka hinna hih mangbangte tengteng hihmang in; na sikha lah ka hi ngala.

Toupa ka suangpa tuh phatin om hen, aman ka khutte galkap a zilsak jela, ka khutzungte dou dingin a chil jel hi.

Ka chitna leh ka kulhpi, ka insang leh honhumbitpa, ka phaw leh ka muanna ngakna ka nuaia ka mite zoujelpa ahi.

Toupa mihing kua ahia a hiha, na theih naknak? Mihing tapa leng kua ahia a hiha, na ngaihtuah naknak?

Mihing jaw bangmahlou bang lel ahi a: a damsung nite lim mang jel bang ahi.

Toupa aw, na vante kunsakin hongpai suk inla: tangte koih in, huchiin a khukhe ding uhi.

Khua phesak inla, amau tuh dalhsakin: na thalte tuh kap khia inla, hihbuai gawp in.

Tunglam akipanin na khutin honsawk inla; honhonkhia inla, tuilian akipanin:

A kam un bangmahlou peuh a gen ua, a khut taklam utuh khut taklam diklou ahi.

Pathian aw, nangmah pahtawiin la thak ka sa dinga: pekging gui sawm nei toh nangmah phatin la ka sa ding hi.

Amah ahi, kumpipate kianga hotdamna piaa, namsau mi hihsethei laka a sikha David honkhepa pen.

Honhonkhia inla, mikhualte khut akipan honhumbit in, a kam un thu bangmahlou peuh a gen nak ua, a khut taklam uh khuttaklam diklou ahi.

Ka tate uh a hongvalnou ua sing nou didip banga a om ua; ka tanute u leng inpi omdan gel banga a ninga suangkhuak banga a om hun un;

Ka buhinte uh a dima, thil chichih a om phetphuta; ka belamte un leng nou a sang asanga tam. A sing asinga tam ka mun ua a neih chiang un;

Ka bawngte uh a hongsuan phata; nou neihsiat himhim a pmlouha; insungloh himhim leh pawtkhia himhim a omlouha, ka konhzingte ua kikou husa himhim a om louh chiangin;Huchibanga om mite tuh kipak takin a om nak uhi: ahi, Toupa Pathian a nei mite tuh kipak takin a om nak uhi.

Huchibanga om mite tuh kipak takin a om nak uhi: ahi, Toupa Pathian a nei mite tuh kipak takin a om nak uhi.

Kumpipa aw, ka Pathian, kon pahtawi dinga; na min khantawn khantawnin ka phat ding hi.

Nitengin kon phat dinga; na min khantawn khantawnin ka phat ding hi.

Toupa tuh a thupi-a, nakpi taka phat ding ahi; a thupidan tuh suikhiak vual ahi kei hi.

Suan khatin suandang kiangah na thilhihte tuh a phat sawnsawn ding ua, na thilhih thupitakte tuh a theisak ding uhi.

Nangmah pahtawina kilawmdan thupitak lehm na thillamdang-hihte ka ngaihtuah ding hi.

Miten na thilhih mulkimhuaitakte hatdan a gen ding ua; ken leng na thupidan ka theisak sam ding hi.

Na hoihna thupitak a theih uh a gen ding ua, na diktatna tuh nuamsa takin lain a sa ding uhi.

Toupa mi hehpihthei, chitnaa dim; lungnel, chitna thupitak nei ahi.

Toupa bangkim tungah leng a hoih ahi; a chitnate tuh a thilsiam tengteng tungah a oma.

Toupa aw, na thilsiam tengtengin na kiangah kipahthu a honhilh ding ua; misiangthouten leng nang a hon phat ding uhi.

Na gam thupidan thu genin, na thil hihtheihna thu tuh houlimna dingin a honzang ding ua;

Mihing tate kianga a thilhih thupitakte leh, a gam kilawmna thupidan theisak dingin.

Na gam tuh khantawn gam ding ahi a, na thu neihna tuh suan omsung tengtengin a om gige ding hi. Toupa tuh a thute ah a muanhuaia, a nasepte ah deihsak a siam hi.

Toupan pukte tengteng a len gige jela, kun kheukheua om tengteng a kaitang jel hi.

Amau tengteng mit tuh nang tungah a tu a; a hun takah a annek ding uh na pia hi;

Na khut na jaka, thil hing teng deih tuh na hihtaisak hi.

Toupa tuh a lampi tengteng a dika, a nasep peuhmah mi hehpihthei ahi.

Toupa tuh amah minlou tengteng kiangah a nai hi, thudika amah lou peuhmahte kiangah.

Amah laute deihlam tuh a hihtangtung dinga; a kahna uh leng a za dinga, amau tuh a hondam ding hi.

Amah itte tengteng tuh Toupan a hawia; Ahihhangin migilou tuh a hihmangthang ding hi.Toupa phatna tuh ka kamin a gen dinga; huan sa peuhmahin a min siangthou tuh khantawn khantawnin phat uhen!

Toupa phatna tuh ka kamin a gen dinga; huan sa peuhmahin a min siangthou tuh khantawn khantawnin phat uhen!

Toupa phat un! Ka hinna aw, Toupa phat in.

Ka damsung tengin Toupa ka phat dinga; ka hin laitengin ka Pathian phatin la ka sa ding hi.

Mi liante gingta kei unla, mihing tapa panpihna himhim omlouhna, gingta sam kei un.

A naknain a pawtsana, amah tuh lei ah a kik nawna; huai ni mahin a ngaihtuahnate tuh a mang pah ahi.

Jakob Pathian a panpih dia nei miin nuam a sa hi, a lametna tuh Toupa a Pathian ah a om:

Aman van leh lei a bawla, tuipi leh a sunga om tengteng, aman tuh thudik a vom gige hi.

Nuaisiaha omte adinga vai a hawm saka, gilkialte kiangah an a pia. Hentate Toupan a suaktasak hi;

Toupan mittawte mit a hihvak saka; kun kheukheute Toupan a kaitanga; Toupan mi diktatte a it hi;

Toupan mikhualte a venga; nu-bei-pabeite leh meithaite a khotuaha; ahihhangin migiloute lampi a lumlehsak hi.Toupan khantawnin vai a hawm ding. Zion aw, na Pathianin, suanteng tanin. Toupa phat un!

Toupan khantawnin vai a hawm ding. Zion aw, na Pathianin, suanteng tanin. Toupa phat un!

Toupa phat un! I Pathian phata lasak a hoih ngal; amah jaw mi deihsak a siama, phat a kilawm him ahi.

Toupan Jerusalem a dingsak nawna; Israel delh khiakte a pi khawm nawn hi.

Khasiate a hihdama, a liamnate utuh a tuam jel hi.

Aksi tamdan a sima; a min uh a sa chiat jel hi.

I Toupa a thu[i-a. thilhihtheihna lamah leng hattak ahi; a pilnain tawpin a neikei ding hi.

Toupan thunuailutte a len gige a; mi gilou-saloute leiah a hihniam jel hi.

Kipahthugena Toupa pahtawiin lasa unla; kaihging toh I Pathian phatin lasa un

Aman van meipi a khuhsaka, lei adingin vuah a sutuaha, tangte ah loupa a pousak hi.

Aman sa kiangah a nekding uh a pe jela, va-aknou hamhamte kiangah toh.

Aman tuh sakol hatna tungah a kipak keia; mihing khe tungte ah leng kipahna himhim a neikei naknak hi.

Toupan amah laute tungah kipahna a nei jela, a chitna lamente tungah.

Jerusalem aw, Toupa phat un; Zion aw, na Pathian phat in.

Aman na kulh kongkhakte kalhna sing tawnte a khauhsaka; na sunga na tate om lah vual a jawl ngala.

Na gamgi singah lemna a siama; buh hoihpen chiin a honhihdim jel ahi.

A thupiak tuh leiah a sawl khiaa: a thu tuh hattakin a tai hi.

Vukju tuh belam mul bangin a pia a; vuk kia vut bangin a theh jak hi.

A tui khal tuh tanghou them nen bangin a paikhia: amah votna maah kua ahia ding thei ding?

A thu a sawl khiaa, huaite tuh a huih a nungsaka, huchiin tuite a hongluang jel hi.

A thu tuh Jakobte kiangah a langsaka, a thusehte leh a vaihawmte leng Israelte kiangah a langsak jel hi.Aman kua nam tungah mah huchi bangin a hih ngeikeia; a vaihawmte lah a thei sam kei uhi. Toupa tuh phat un!

Aman kua nam tungah mah huchi bangin a hih ngeikeia; a vaihawmte lah a thei sam kei uhi. Toupa tuh phat un!

Toupa phat un! Van akipante Toupa phat unla: tunglamahte khawng amah phat un.

A angelten tengteng aw, amah phat unla; a sepaihte tengteng aw amah phat un!

Ni leh khate aw, amah phat unla; aksi vakte tengteng aw, amah phat un!

Vante vante aw, amah phat unla, van tunga tui omte aw, amah phat un!

Huaiten Toupa min phat uhen: aman thu a piaa, siamin a naomta ngal ua.

Aman huaite khantawn khantawn adingin a hihkipa: khen nawn theihlouh dingin a gite uh a khung kipta.

Lei akipanin nou Drakonte leh tuithuk tengteng aw, Toupa phat un!

Mei leh gialte, vuk ju leh meipite aw, a thu jui jel huihpite aw:

Tang lian leh tang neu tengteng aw sing gah nuamte leh sidar sing tengteng te aw:

Gamsate leh gam tengtengte aw; ganhingte leh tungleng vasate aw;

Leia kumpipate leh mi- mi chih khempeuhte aw; mi liante leh leia vaihawm tengtengte aw:

Nungak leh tangvalte, putek leh naupangte aw, Toupa phat un!

Huaiten Toupa min phat uhen; amah min kia lah tawisangin a om ngala: a thupinain lei leh van a khup tham a.A mite adin ki a tungdingta, a misiangthou tengteng adin phatna mah; amah kiang naia om Israel mite ading. Toupa phat un!

A mite adin ki a tungdingta, a misiangthou tengteng adin phatna mah; amah kiang naia om Israel mite ading. Toupa phat un!

Toupa phat un! Toupa pahtawiin la thak sa unla, mi siangthoute kikhopna ah a phatna lasa un.

Israelte tuh amau siampa tungah kipak uhenla; Zion tate a kumpipa u tungah nuam uhen.

A min tuh louin phst ehenla; khuangta leh kaihging toh amah phatin lasa uhen.

Toupa lah a mite tungah a kipak ngal naka; thunuailutte tuh hotdamnain a jem ding hi.

Mi siangthoute tuh thupina ah kipak takin om uhenla: a lupna tunguahte nuamin lasa uhen!

Pathian pahtawia phatna tuh a kam uah om henla, namsau hiam tuah a khut uah leng om hen.

Nam chih tunga phu laa, mi chih tunga gawtna tungsak ding leh,

A kumpipate uh khainianga hena, a mi hoihte uh sikkolte bunsak ding lehVaihawm gelhkhiaksaa a tung ua thulel dingin: huai kilawmna tuh a mi siangthou tengtengin a nei chiat ua. Toupa tuh phat un!

Vaihawm gelhkhiaksaa a tung ua thulel dingin: huai kilawmna tuh a mi siangthou tengtengin a nei chiat ua. Toupa tuh phat un!

Toupa phat un! Pathian a mun siangthou ah phat unla: a thilhihtheihna huihkhua zapi-ah amah tuh phat un!

A thilhih thupitakte jiakin amah tuh phat unla: a thupi mahmah dan bang jelin amah tuh phat un!

Pengkul ging in amah phat unla: pekging leh kaihgingin amah phat un!

Khuangta leh lamin amah phat unla: kaihging chi tuamtuam leh tamngaiin amah tuh phat un!

Dakkhutbet ngaihtakin amah phat unla; dakkhutbet ngaihtakin amah phat un!Bangkim, ha thei peuhmahin Toupa phat hen! Toupa tuh phat un!

Bangkim, ha thei peuhmahin Toupa phat hen! Toupa tuh phat un!