31
ᓃᓐ ᒞᓐ ᑳᓃᑳᓂᓯᔮᓐ ᑭᑑᔑᐲᐊᒪᐎᓐ᙮ ᑮᓐ ᑳᓵᑭᐐᒌᐎᓈᓐ ᑫᔭᔅ, ᑌᐺ ᑳᓵᑭᐊᒃ᙮
ᑳᓵᑭᐃᓈᓐ, ᓂᑎᔑᐸᑯᓭᓂᒻ ᒥᓯᐌ ᐱᑯ ᒋᐃᔑᒥᓄᓭᔭᓐ, ᒋᒥᓄᐊᔮᔭᓐ ᑲᔦ, ᑳᔑᑭᑫᓂᒥᓈᓐ ᐁᐃᔑᒥᓄᓭᔭᓐ ᑭᑕᒑᑯᐱᒫᑎᓯᐎᓂᕽ᙮
ᐋᐱᒋ ᓂᑮᒥᓉᑕᒻ ᐊᐲ ᐅᑕᓇᒥᐋᒃ ᑮᐱᑕᑯᔑᓄᐙᑦ ᐁᑮᑎᐹᒋᒥᒀ ᐁᑭᒋᐌᑕᒪᓐ ᑳᑌᐺᐌᑖᑾᒃ ᑎᐹᒋᒧᐎᓐ, ᐁᐃᔑᐱᒫᑎᓯᔭᓐ ᑲᔦ ᑳᐃᓇᑌᒃ ᑌᐺᐎᓐ᙮
ᒦᑕᔥ ᐃᐃ ᒫᐗᒡ ᑫᑰᓐ ᑳᒥᓉᑕᒧᐃᑯᔮᓐ ᑮᓅᑕᒫᓐ ᓂᓃᒑᓂᓴᒃ ᑮᐃᔑᐱᒫᑎᓯᐙᒡ ᑌᐺᐎᓂᕽ᙮
ᑮᓐ ᑳᓵᑭᐃᓈᓐ, ᐋᐱᒋ ᓴ ᑾᔭᒃ ᑭᑎᔑᒋᑫ ᐃᐃ ᑳᔑᓂᑖ ᐐᒋᐊᑣ ᐅᑕᓇᒥᐋᒃ, ᐃᑭᐌᓂᐗᒃ ᐃᑯ ᑲᔦ ᑳᐲᐎᑌᑲᑕᐎᒀ᙮
ᑮᐱᑎᐹᒋᒧᐗᒃ ᑕᔥ ᑲᔦ ᐅᐅᒫ ᑳᔑᒫᐗᒋᐃᑎᔮᕽ ᐅᑕᓇᒥᐋᒃ ᐁᑮᐐᑕᒫᑫᐙᒡ ᐋᓃᓐ ᐁᔑᓵᑭᐃᐌᔭᓐ᙮ ᑭᑲᒥᓄᒋᑫ ᐐᒋᐊᑣ ᒋᒫᒑᐙᒡ, ᑭᔐᒪᓂᑑ ᓇᑫ ᑳᔑᒥᓍᐸᑕᕽ᙮
ᒦᐄᑐᒃ ᑳᑮᐅᒋᒫᒑᐙᒡ ᐁᐸᐹᐊᓄᑮᑕᐙᐙᒡ Xᑕᓐ᙮ ᑳᐐᓐ ᓴ ᑫᑰᓂᓂ ᐅᑮᐅᑖᐱᓇᒪᐙᓯᐙᐙᐞ ᑳᐊᓇᒪᐁᐙᑎᓯᓯᓂᒃ ᑫᑮᐃᔑᐐᒋᐃᑯᐙᐸᓐ᙮
ᒦᑕᔥ ᐁᔑᓈᑾᒃ ᑮᓇᐎᓐᑦ ᒋᐐᒋᐊᒀᐸᓐ ᐃᑭ ᑎᓄ ᐃᓂᓂᐗᒃ ᒦᑕᔥ ᐃᐃ ᐁᐐᑕᓄᑮᒪᑭᑣ ᐃᐃ ᑳᐸᐹᑕᔑᑕᒧᐙᒡ ᑌᐺᐎᓐ᙮
ᓂᑮᐅᔑᐲᐊᒪᐙᒃ ᑕᔥ ᐃᑭ ᐅᑕᓇᒥᐋᒃ ᑳᔑᐅᑸᓄᐙᒡ᙮ ᐊᐊ ᑕᔥ ᑕᔮᒐᕒᐊᐲᔅ ᑳᓂᑖ ᑲᑴ ᓂᑕᒣᑖᑯᓯᒡ ᑳᐐᓐ ᐅᒋᑕ ᓂᐸᐹᐱᓯᔅᑭᑖᑯᓰᓈᓐ᙮
ᑮᔥᐱᓐ ᑕᔥ ᐱᑕᑯᔑᓈᓐ, ᓂᐐᑕᔑᑕᒧᐙᓐ ᐋᓃᓐ ᐁᔑᒋᑫᒡ, ᐅᒋᑕᑯ ᐁᓂᑖ ᐊᓈᒥᒥᔭᒥᓐᒡ᙮ ᑳᐐᓐ ᑕᔥ ᑌᐺᓰ ᐃ ᑳᐃᑭᑐᒡ᙮ ᑌᒥᓂᒃ ᐃᑕᔥ ᐁᐃᓀᑕᓯᒃ ᐃᐃ ᑳᐃᔑᒋᑫᒡ, ᑳᐐᓐ ᑲᔦ ᐅᑖᐎᓂᕽ ᐅᐲᑎᑲᓈᓰᐞ ᐅᑕᓇᒥᐋᐞ ᑳᐱᒥᐊᔮᓂᒡ᙮ ᐅᑭᐱᑎᓈᐞ ᑲᔦ ᐃᐃ ᑳ ᐊᑕᐌᑕᒥᓂᒡ ᐃᐃ ᐁᐐᐃᔑᒋᑫᓂᒡ᙮ ᒦᑕᔥ ᐁᔑᓵᑭᒋᐌᐱᓈᒡ ᐃᐃᒫ ᑳᔑᒫᐗᒋᐃᑎᓂᒡ ᐅᑕᓇᒥᐋᐞ᙮
ᑳᓵᑭᐐᒌᐎᓈᓐ, ᑫᑯ ᑲᑴᓈᐱᑑᑕᑫᓐ ᑳᒪᒋᓈᑾᒃ᙮ ᐃᐃ ᑑᑕᓐ ᑳᐅᓂᔑᔑᒃ᙮ ᐊᐎᔭ ᓴ ᑳᑑᑕᕽ ᑳᐅᓂᔑᔑᓂᓂᒃ, ᑭᔐᒪᓂᑑᕽ ᐅᒋᑎᐯᑖᑯᓯ᙮ ᐊᐊ ᑕᔥ ᐐᓐ ᑳᑑᑕᕽ ᑳᒪᒋᓈᑾᓂᓂᒃ, ᑳᐐᓐ ᐄᓴᓐ ᐅᑑᒋᐙᐸᒫᓰᓐ ᑭᔐᒪᓂᑑᓐ᙮
ᑕᒦᒐᕒᐃᔭᔅ ᑕᔥ ᑲᑭᓇ ᐊᐎᔭᓐ ᐅᒥᓍᒋᒥᑰᓐ᙮ ᑳᐃᔑᑌᐺᔮᑐᑌᓂᒃ ᑲᔦ ᐅᐱᒫᑎᓯᐎᓐ ᐅᒋᒥᓍᐸᒋᑲᓂᐎ᙮ ᑫᓃᓇᐎᓐᑦ ᑕᔥ ᓂᑕᑯᒥᓍᒋᒫᓈᓐ᙮ ᑭᑭᑫᑖᓐ ᐄᑐᒃ ᓂᑎᐹᒋᒧᐎᓂᓈᓐ ᐁᑌᐺᒪᑲᒃ᙮
ᓃᐱᐗᐞ ᐃᓴ ᑭᑖᐃᓂᓐ, ᑳᐐᓐ ᑕᔥ ᐃᐃ ᓂᐐᐃᔑᐲᐃᑫᓰ᙮
ᓂᐸᑯᓭᓂᒻ ᑕᔥ ᐐᐸ ᒋᐙᐸᒥᓈᓐ, ᒦᓴ ᐃ ᐊᐲ ᑫᑲᑲᓅᓂᑎᔭᕽ᙮
ᐱᓵᓐ ᐊᔭᔮᓐ᙮ ᑳᓵᑭᐐᒌᐗᒀ ᐅᐅᒫ ᑭᐴᔔᐃᑰᒃ᙮ ᐐᑕᒪᐤ ᐁᐴᔔᐊᑭᑣ ᑳᓵᑭᐊᑭᑣ ᐌᑎ ᑲᑭᓇ ᑳᐊᔭᐙᒡ᙮ ᒦᐃ ᒥᓂᒃ ᐁᔑᐲᐊᒪᐎᓈᓐ᙮
- Holder of rights
- Multilingual Bible Corpus
- Citation Suggestion for this Object
- TextGrid Repository (2025). Ojibwa Collection. 3 John (Ojibwa). 3 John (Ojibwa). Multilingual Parallel Bible Corpus. Multilingual Bible Corpus. https://hdl.handle.net/21.11113/0000-0016-AF74-1