ᓃᓐ ᑆᓬ, ᑳᐅᒋ ᑭᐸᐅᑰᔮᓐ X ᒋᓴᔅ᙮ ᓂᐐᒌᐙ ᑎᒪᑎ ᑮᒋᑭᐌᓯᓈᓐ᙮ ᑭᑑᔑᐲᐊᒫᑰ ᑮᓐ ᐹᐃᓬᐄᒪᓐ ᑳᓵᑭ ᐐᒌᐎᑰᔭᓐ ᓂᐐᑕᓄᑮᒫᑲᓂᓈᓐ᙮

ᐃᑭ ᑲᔦ ᓂᑕᑯ ᐅᔑᐲᐊᒪᐙᓈᓂᒃ ᐅᑌᐺᑕᒨᒃ ᑳᒫᐗᒋᐃᑎᐙᒡ ᑭᐙᑳᐃᑲᓂᕽ ᐊᐊ ᑲᔦ ᓂᑕᐌᒫᓈᓐ ᐋᐱᔭ ᐅᒋ Xᐃᕽ᙮ ᐊᐊ ᑲᔦ ᓃᒋ ᔑᒫᑲᓂᔒᒥᓈᓐ ᐋᕒᑭᐸᔅ ᙮

ᑕᑲ ᑭᔐᒪᓂᑑ ᑰᓯᓈᓐ, ᑳᑎᐯᒋᑫᒡ ᒋᓴᔅ X ᑲᔦ ᑭᑲ ᔕᐌᓂᒥᑯᐙ ᒋᒦᓂᓀᒀ ᑲᔦ ᐱᓵᓀᑕᒧᐎᓐ᙮

ᓃᒋᑭᐌ ᐹᐃᓬᐄᒪᓐ ᐁᑕᔂ ᑮᐊᓇᒥᐋᔮᓐ ᑭᑕᓇᒥᐁᑕᒪᐎᓐ ᐁᒦᑴᒋᐌᓂᒪᒃ ᑲᔦ ᓂᑭᔐᒪᓂᑑᒻ᙮

ᓂᓈᓅᑕᒻ ᐁᔕᐌᓂᒥᒪᒡ ᑲᑭᓇ ᑭᔐᒪᓂᑑ ᐅᐱᒫᑎᓰᒪᐞ, ᐁᑌᐺᔦᓂᒪᒡ ᑲᔦ ᑳᑎᐯᒋᑫᒡ ᒋᓴᔅ᙮

ᒦᑕᔥ ᐁᔑ ᐊᓇᒥᐋᔮᓐ ᐅᐅ ᑳᔑ ᐐᒌᑎᔭᕽ ᐃᐃᒫ ᑭᑌᐺᑕᒧᐎᓂᓈᓂᕽ, ᒦᔥ ᐋᒌᑫ ᒋᓂᓯᑐᑕᒪᕽ ᑲᑭᓇ ᐁᔑ ᔕᐌᓂᒥᓇᕽ ᐁᐐᒋ ᐱᒫᑎᓰᒪᕽ X᙮

ᓃᒋᑭᐌᓯ, ᐐᑫ ᓴ ᓂᑑᒋᑭᒋᒌᑫᑕᒻ, ᓂᑑᒋᒪᔥᑲᐌᑕᒻ ᑲᔦ ᐃᐃ ᑳᔑ ᓵᑭᐃᐌᔭᓐ᙮ ᑲᑭᓇ ᑭᒌᑭᐋᒃ ᐅᑌᐃᐙᕽ ᑭᔐᒪᓂᑑ ᐅᐱᒫᑎᓰᒪᐞ᙮

ᒦᑕᔥ ᑳᐅᒋ ᑌᐸᑫᓂᒧᔮᓐ ᐁᐅᐐᒋᑭᐌᑎᔭᕽ ᐃᐃᒫ Xᐃᕽ ᒋᑮᐊᓅᓂᓈᐹᓐ ᐋᓃᓐ ᑫᑮᐃᔑᒋᑫᔭᐸᓐ᙮

ᐁᓵᑭᐃᓈᓐ ᑕᔥ, ᑭᐐᒥᒋ ᑲᑴᒋᒥᓐ᙮ ᓃᓐ ᐄᑐᒃ ᐊᐊ ᑆᓬ ᐊᑭᐌᓯ, ᑭᐸᐙᑲᓐ ᐅᒋ X ᒋᓴᔅ᙮

ᒦᑕᔥ ᐅᐅᐌ ᐁᔑ ᑲᑴᒋᒥᓈᓐ, ᐁᑲᑴᑗᑕᒪᐗᒃ ᐅᓀᓯᒪᔅ ᑳᐅᑯᓯᓯᔮᓐ ᐃᐃᒫ Xᐃᕽ᙮ ᐅᑌᑌᓐ ᐁᑮᐃᓇᐌᒥᒡ ᐅᑕᒑᑯᕽ ᒣᒀ ᐁᑭᐸᐅᑰᐗᒃ᙮

ᒦ ᐗᐊ ᐅᑖᓈᕽ ᑫᑰᓐ ᑳᑮᐃᓈᐸᒋᐋᓯᐗᒡ᙮ ᓅᑯᒻ ᑕᔥ ᑭᑭᑖᐸᒋᐋ, ᑫᓃᓐ ᑕᔥ ᓂᑭᑖᐸᒋᐋ᙮

ᒦᑕᔥ ᐊᐊ ᑳᑮᐌᓂᔕᐊᒪᐎᓈᓐ ᑖᐱᔥᑰ ᓂᑌᐞ ᐁᐃᔑᓂᔕᐊᒪᐎᓈᓐ᙮

ᓂᓇᑕᐌᓂᒫ ᐅᐅᒫ ᒋᑮᐊᔮᐸᓐ ᒋᐐᒋᐃᐸᓐ ᐅᐅ ᑳᑭᐸᐅᑰᔮᓐ ᒥᓍᒋᒧᐎᓐ ᐅᒋ᙮ ᐐᓐ ᒋᐐᒋᐃᐸᓐ ᒋᑮᓈᐱᔥᑲᐎᑭᐸᓐ᙮

ᑳᐐᓐ ᑕᔥ ᑫᑰᓐ ᓂᐐᐃᔑᒋᑫᓰ ᐁᔑ ᐊᑕᐌᑕᓯᐗᓐ᙮ ᒦᔥ ᐁᔑ ᒥᓴᐌᑕᒫᓐ ᑮᓐ ᐃᑯ ᐃᐃ ᑭᑎᓀᑕᒧᐎᓂᕽ ᒋᐅᒋ ᐃᔑᒋᑫᔭᓐ᙮ ᑳᐐᓐ ᑫᑰᓐ ᓂᐐᐃᔑᒋᑫᓰ ᐹᓂᒫ ᑮᐃᓀᑕᒪᓐ᙮

ᒦ ᒫᐐᓐ ᐃᐃ ᑳᑮᐅᒋ ᓇᑲᓂᒃ ᐊᒋᓇ, ᐊᐲ ᑕᔥ ᐱᑮᐌᒡ ᒨᔕᒃ ᒋᐐᒌᐎᒃ᙮

ᑳᐐᓐ ᐐᓐ ᐁᑕ ᐊᓄᑮᐋᑲᓂᕽ ᒋᐃᓇᑭᒪᒡ, ᑳᓵᑭᐃᓐᒡ ᑎᓄ ᐐᒋᑭᐌᒫ ᒋᐃᓀᓂᒪᒡ᙮ ᐐᑫ ᓃᓐ ᓂᑭᑖᐸᑌᓂᒫ᙮ ᓇᐗᒡ ᑕᔥ ᑮᓐ ᑭᑲ ᑭᑖᐸᑌᓂᒫ ᐁᑎᓄᐎᒡ ᐊᓄᑮᐋᑲᓐ ᑲᔦ ᑕᔥ ᐅᐐᒋᑭᐌᓰᒫ ᐁᑌᐺᔦᓂᒫᒡ Xᑕᓐ᙮

ᑮᔥᐱᓐ ᑕᔥ ᐃᓀᓂᒥᔭᓐ ᑭᐐᑕᓄᑮᒫᑲᓐ, ᑮᐌ ᐅᑖᐱᓐ ᑕᔥ ᑖᐱᔥᑰ ᓃᓐ ᑫᑮ ᑑᑕᐎᔭᐸᓐ᙮

ᑮᔥᐱᓐ ᑕᔥ ᑫᑰᓐ ᑳᐃᔑ ᐗᓂᑑᑕᐎᓄᑴᓐ, ᑮᔥᐱᓐ ᑲᔦ ᑫᑰᓐ ᒪᓯᓇᐊᒪᐎᒃ, ᓃᓐ ᐃᐃ ᒪᓯᓇᐃᑫᐃᔑᓐ᙮

ᓃᓐ ᓴ ᐱᑯ ᑳᐅᔑᐲᐊᒪᐎᓈᓐ: ᓃᓐ ᐃᑯ ᑭᑲ ᑎᐸᐊᒪᐎᓐ᙮ ᑳᐐᓐ ᒣᒬᒡ ᒋᒫᒥᑰᓄᑕᒪᐎᓈᓐ, ᑮᓐ ᐄᑐᒃ ᐃᑯ ᑭᒪᓯᓇᐊᒪᐎᔥ ᐃᐃᐌ ᑳᑮᐃᔑ ᐐᒋᐃᓈᐹᓐ᙮

ᑕᑲ ᑕᔥ ᑳᓵᑭᐃᓈᓐ ᓃᒋᑭᐌᓯ, ᒥᓄᑑᑕᐎᔑᓐ ᑳᑎᐯᒋᑫᒡ ᐅᒋ᙮ ᑭᑑᐐᒋᑭᐌᓰᒥᓐ ᐄᑐᒃ ᐃᐃᒫ Xᐃᕽ᙮ ᐐᒋᐃᔑᓐ ᒋᒌᑫᑕᒫᓐ᙮

ᐅᐅ ᑕᔥ ᑳᐃᔑᐲᐊᒪᐎᓈᓐ ᐁᑲᑴᒋᒥᓈᓐ, ᓂᑭᑫᑖᓐ ᐃᐃ ᒋᐃᔑᒋᑫᔭᓐ᙮ ᓂᑭᑫᑖᓐ ᐃᑯ ᐊᐗᔑᒣ ᒋᐃᔑᒋᑫᔭᓐ᙮

ᑲᔦ ᑕᔥ ᑭᑲᑴᒋᒥᓐ ᒋᑾᔮᒋᑑᔭᓐ ᐸᑫᒋᑲᓐ ᑫᔑ ᓂᐹᔮᓐ᙮ ᒦᔥ ᐁᔑ ᐸᑯᓭᑕᒫᓐ ᑭᔐᒪᓂᑑ ᒋᐃᔑᒋᑫᒡ ᑲᑭᓇ ᑳᔑ ᑲᑴᒋᒣᒃ ᒦᓇᐙ ᒋᐱᑮᐌᓄᑕᐎᓇᑰᒃ᙮

ᑫᐐᓐ ᐁᐸᐸᕒᐊᔅ ᑭᐴᔔᐃᑯᐙ ᑳᐐᒋᑭᐸᐅᑰᒥᒡ ᐅᐅᒫ X ᒋᓴᓯᕽ ᐅᒋ᙮

ᐃᑭ ᑲᔦ ᑳᐐᑕᓄᑮᒪᒀ ᑭᐴᔔᐃᑯᐙᒃ᙮ ᒦᔥ ᐁᔑᓂᑳᓱᐙᒡ ᒫᕒᒃ, ᐁᕒᐃᔅᑖᕒᑲᔅ, ᑏᒪᔅ, ᐊᐊ ᑲᔦ ᓬᐅᒃ ᙮

ᑕᑲ ᑳᑎᐯᒋᑫᒡ ᒋᓴᔅ X ᑳᔑ ᑭᔐᐙᑎᓯᒡ ᑭᑲ ᐐᒌᐎᑯᐙᒻ᙮