хъартайн кидбабин

teiHeader

сис зекъ̒къ̒в̂ен адейтев̂ жекӏу, несис зекъ̒къ̒в̂ен лъоно кид. олой сидахъулъ жедв̂а̄ елӏин несихъор:

„- ели койох рикьих"-лӏин обув̂ӯ елӏлӏен: „- хе, рикьи!" - лӏин.

кидбаби рикьен койох, уедрабин риссен. цихъхъо жедури ричин, кӏешана̄н кӏешана̄н. гьомонду ричентев̂ бухъен бетӏтӏвен. маркӏачӏун ракъ̒къ̒ен.

олой хинз̂о кидбазар тахъхъо рукан цӏи. хинз̂о жедури рикьен олор. йокъкъо йесв̂ен нелъа хъартайе̄ йӣхъеру кид. олой нелъа кидбе̄ енду елӏлӏен:

„- межи на̄р неххӣ йокъкъор! дин хъартайе̄ йӣхъеру йолъ, межин рихъе̄р- лӏин". олой кидбаза̄ елӏлӏен: „- лӏе, мин елалъ зенни, рокъв̂ал-лӏин". кидбе̄ елӏлӏен: „- а̄й, йикьиха̄лъ, хен хецийа нелъа̄":

олой хинз̂о йолӏеххен хъартай, кӏолӏлӏен жедв̂алъ хинз̂о, рихъерхо зекъ̒къ̒вен. хинз̂о жедв̂а кибдаза̄ курен ъидар мури, оссав̂ хӏон йохъхъен. жо хъартай тесоз хӏонелӏ лӏеххв̂ен, жедури кидбаби кичер ракъ̒къ̒ен. хекӏонен кӏолӏлӏен жо хъартай хинз̂о, рихъерхо зекъ̒къ̒вен жедури. хекӏон курен кидбаза̄ гьилӏу: ресав̂ цихъ рохъхъен. нелъа цихъхъей кидбаби рокӏлъен, жо хъартай оло лъехв̂ен. хъартайе̄ нелъастев̂ кӏицун йогъгъен, цихъ тӏитӏа бихӏвен, тӏитӏтӏен, цихъен лъекъерен. жо кӏолӏен кидбазалъ хинз̂о. олой хинз̂о нелъа̄ жедури кидбаби рихъерно зекъ̒къ̒в̂ен. рихъира етӏикӏа лӏехуза, гьичӏчӏа йегъв̂ене̄ курен матӏу. жо матӏу курен, жедв̂алъ болӏикь бохъхъен ралъад: тахъ̒хъ̒о̄зах - кидбаби, нахъ̒хъ̒о̄зах - хъартай. олой хъартайе̄ елӏлӏен кидбазахъор:

„- межи гьеду рохъхъӣ тахъ̒хъ̒ор, дин богъв̂о, межар енив̂лъун бичал - лӏин". хинз̂о кидбаза̄ елӏлӏен: „- дев̂хъо йизелъерчӏу аХӀинен йицо дев̂хъор ми, гьобой кӏолъо!- лӏин". олой нелъа̄ АХӀинен йиццен, кӏолӏлӏен, йиччен, хинз̂о шутӏен.

кидбабин идугъор рикьен, паракъат риччен.

цӏунтӏи, цӏвантӏи чайназ мАХӀилӏ, тӏекъурзо АХӀалӏ.