Mark (Shona)

1

1:1b.MAR.001.001 Kutanga kweEvhangeri yaJesu Kristu, Mwanakomana waMwari.

1:2b.MAR.001.002 Sezvazvakanyorwa muvaprofita zvichinzi, tarira ndinotuma munyai wangu pamberi pako. Uchakunatsira nzira yako.

1:3b.MAR.001.003 Inzwi rounodana murenje, Gadzirai nzira yaShe, ruramisai migwagwa yake.

1:4b.MAR.001.004 Johane wakavuya achibhabhatidza murenje. Achiparidza rubhabhatidzo rwokutendevuka vakanganwirwe zvivi.

1:5b.MAR.001.005 Nyika yose yeJudhea naveJerusarema vose vakabudira kwaari. Vakabhabhatidzwa naye murwizi rwaJoridhani vachizvirevurura zvivi zvavo.

1:6b.MAR.001.006 Johane wakanga akapfeka nguvo yamakushe ekamera nebhanire reganda muchivuno chake. Waidya mhashu novuchi bwesango.

1:7b.MAR.001.007 Akaparidza achiti, shure kwangu kunovuya mumwe unesimba kupfuvureni. Wandisina kufanira kukotama kuti ndisununugure rukanda rweshangu dzake.

1:8b.MAR.001.008 Ini ndakakubhabhatidzai nemvura asi Iye uchakubhabhatidzai noMweya Mutsvene. Kubhabhatidzwa kwaJesu. (Mat. 3.1317; Ruka 3. 2122.)

1:9b.MAR.001.009 Namazuva iwayo Jesu wakabva Nazareta muGarirea, akabhabhatidzwa naJohane muJoridhani.

1:10b.MAR.001.010 Pakarepo achibuda mumvura wakavona denga rakazarurwa noMweya uchiburuka pamusoro pake senjiva.

1:11b.MAR.001.011 Inzwi rikabva kudenga richiti, Ndiwe Mwanakomana wangu unodikamwa, wandinofarira. Kuidzwa kwaJesu. (Mar. 4. 1-11; Ruka 4.1-13,)

1:12b.MAR.001.012 Pakarepo Mweya wakamubudisira kurenje.

1:13b.MAR.001.013 Akava murenje mazuva makumi mana achiidzwa naSatani. Wakanga ari kuzvikara vatumwa vakamushumira. Jesu unodana vadzidzi vokutanga. (Mat. 4.12-22; Ruka 5.1-11.)

1:14b.MAR.001.014 Johane wakati asungwa, Jesu akasvika Garirea achiparidza Evhangeri yovushe bwaMwari.

1:15b.MAR.001.015 achiti, nguva yazadziswa, vushe bwaMwari bwaswedera pedo. Tendevukai mutende Evhangeri.

1:16b.MAR.001.016 Wakati achifamba pagungwa reGarirea, akavona Simoni naAndrea munununa waSimoni vachikandira vutava mugungwa nokuti vakanga vari vabati vehove.

1:17b.MAR.001.017 Jesu akati kwavari: Nditeverei, kuti ndikuitei vabati vavanhu.

1:18b.MAR.001.018 Vakasiya vutava bwavo pakarepo, vakamutevera.

1:19b.MAR.001.019 Wakati apfuvura zvishoma akavona Jakobho mwanakomana waZebhedhi naJohane munununa wake vachigadzira vutava mugwa.

1:20b.MAR.001.020 Akavadana pakarepo vakasiya baba vavo Zebhedhi mugwa navaranda, vakamutevera. Jesu unoperesa munhu waiva nomweya wakaipa pakepernaume. (Ruka 4. 31-37.)

1:21b.MAR.001.021 Vakapinda Kapernaume pakarepo nomusi wesabata, akapinda musinagoge akadzidzisa.

1:22b.MAR.001.022 Vakashamiswa nedzidziso yake nokuti wakavadzidzisa sounesimba, asingaiti savanyori.

1:23b.MAR.001.023 Zvino musinagoge ravo makanga munomunhu wakanga anomweya wetsvina. Wakadanidzira

1:24b.MAR.001.024 achiti, tinemhaka yeiko nemi, Jesu weNazareta? Mavuya kuzotiparadza kanhi? Ndinokuzivai kuti ndimi ani, muri Mutsvene waMwari.

1:25b.MAR.001.025 Zvino Jesu akamuraira akati, nyarara ubude kwaari!

1:26b.MAR.001.026 Mweya wetsvina ukamubvundisa, ndokudanidzira nenzwi guru, ndokubuda kwaari.

1:27b.MAR.001.027 Vakashamiswa vose,zvikuru kudai kuti vakavhunzana pakati pavo,vachiti, Chinyiko ichi? dzidziso iyi itswa ndeyeiko?nokuti une simba rokuraira kunyange,mweya yakaipa,huye inomuterera.

1:28b.MAR.001.028 Pakarepo mukurumbira wake ukanzwikwa panyika yose yakapoteredza Garirea. Jesu unoporesa mai vomukadzi waPetro navamwe. (Mat. 8. 14-17; Ruka 4. 38-44.)

1:29b.MAR.001.029 Pakarepo vakati vachibva musinagoge, vakapinda mumba maSimoni naAndrea, Jakobho naJohane vanavo.

1:30b.MAR.001.030 Mai vomukadzi waSimoni vakanga vavete vachirwara nefivhiri. Pakarepo vakamuvudza izvozvo.

1:31b.MAR.001.031 Akaenda akavabata noruvoko, akavamutsa. Fivhiri ikavarega. Vakavashandira.

1:32b.MAR.001.032 Madekwana zuva ravira, vakaisa kwaari vose vakanga vachirwadziwa navakanga vakabatwa nomweya yakaipa.

1:33b.MAR.001.033 Guta rose rakanga ravungana pamukova.

1:34b.MAR.001.034 Akaporesa vazhinji vakanga vachirwadziwa namarudzi akasiyana -siyana ezvirwere. Akabudisa mweya yakaipa mizhinji; asi wakanga asingatenderi mweya yakaipa kutaura, nokuti yakanga ichimuziva.

1:35b.MAR.001.035 Mangwanani kuchinerima, wakamuka akabuda akaenda kunzvimbo murenje,akandonyengeterapo.

1:36b.MAR.001.036 Simoni navakanga vanaye vakamutevera.

1:37b.MAR.001.037 Vakamuwana vakati kwaari, vose vanokutsvakai.

1:38b.MAR.001.038 Akati kwavari, ngatiende kumwe kumisha iri pedo, kuti tindoparidza ikokovo nokuti ndizvo zvandakavuyira.

1:39b.MAR.001.039 Akaenda, akaparidza mumasinagoge avo paGarirea rose achibudisa mweya yakaipa. Jesu unoporesa munhu una maparembudzi. (Mt. 8. 2-4; Ruka 5.12-14.)

1:40b.MAR.001.040 Zvino munhu unamaperembudzi akavuya kwaari. Akakumbira zvikuru kwaari, ndokufugama pamberi pake akati kwaari, kana muchida munogona kundinatsa.

1:41b.MAR.001.041 Jesu akamunzwira ngoni, akatambaunudza ruvoko rwake akamubata akati kwaari, ndinoda, chinatswa.

1:42b.MAR.001.042 Pakarepo achangotaura maperembudzi akabva kwaari, akanatswa.

1:43b.MAR.001.043 Zvino akamuraira kwazvo, akamuendisa pakarepo.

1:44b.MAR.001.044 Akati kwaari, chenjera kuti urege kuvudza munhu chinhu asi enda uzviratidze kumuPirisita ubayire pamusoro pokunatswa kwako zvakarairwa naMosesi chive chapupu kwavari.

1:45b.MAR.001.045 Asi iye wakabuda akatanga kuzvivudza vanhu vazhinji nokuparidza shoko iro nokudaro Jesu wakanga asingagoni kupinda muguta pachena asi wakanga ari kunze panzvimbo murenje. Vakavuya kwaari vachibva kumativi ose.

2

2:1b.MAR.002.001 Akapindazve Kapernaume pashure pamamwe mazuva zvikazikamwa kuti uri mumba.

2:2b.MAR.002.002 Pakarepo vazhinji vakavungana nokudaro vakashaiwa nzvimbo, kunyange pamukova, akaparidza shoko kwavari.

2:3b.MAR.002.003 Vakavuya vakaisa kwaari munhu wakanga akafa mitezo, akatakurwa navanhu vana.

2:4b.MAR.002.004 Zvino vakanga vasingagoni kuswedera kwaari nokuda kwavazhinji, vakazarura denga paakanga ari, vakati variputsa vakaburusa nhovo pakanga pavete munhu wakanga akafa mitezo.

2:5b.MAR.002.005 Jesu wakati achivona kutenda kwavo akati kunowakanga akafa mitezo, mwana wakangamwirwa zvivi zvako.

2:6b.MAR.002.006 Zvino vamwe vanyori vakanga vageremo vakafunga mumoyo yavo vachiti,

2:7b.MAR.002.007 uyu unorevereiko kudaro? Unomhura Mwari, ndianiko unogona kukanganwira zvivi asi mumwe chete ndiye Mwari?

2:8b.MAR.002.008 Pakarepo Jesu achiziva mumweya make kuti vanofunga kudaro mumoyo yavo akati kwavari, munofungireko zvinhu izvi mumoyo yenyu?

2:9b.MAR.002.009 Chinyiko chakareruka kuti kunowakafa mitezo, wakanganwirwa zvivi zvako kana kuti simuka tora nhovo dzako ufambe?

2:10b.MAR.002.010 Asi kuti muzive kuti Mwanakomana womunhu unesimba panyika rokukanganwira zvivi, akati kumunhu wakanga akafa mitezo.

2:11b.MAR.002.011 Ndinoti kwauri, simuka tora nhovo dzako, uende kumba kwako!

2:12b.MAR.002.012 Pakarepo akasimuka akatora nhovo, ndokubuda pamberi pavo vose. Naizvozvo vose vakashamiswa vakarumbidza Mwari vachiti, hatina kumbovona zvakadai. Kudanwa kwaRevhi. (Mat. 9, 9-13; Ruka 5.27-32.)

2:13b.MAR.002.013 Wakabudazve akaenda kugungwa, vazhinji vose vakavuya kwaari akavadzidzisa.

2:14b.MAR.002.014 Wakati achipfuvura akavona Revhi mwanakomana waArfeo agere panotereswa, akati kwaari, nditevere. Akasimuka akamutevera.

2:15b.MAR.002.015 Zvino wakati agere pakudya mumba make, vateresi vazhinji navatadzi vakagara naJesu navadzidzi vake nokuti vakanga vari vazhinji vaimutevera.

2:16b.MAR.002.016 Zvino vanyori navaFaraise vakati vachimuvona achidya navatadzi navateresi vakati kuvadzidzi vake, mudzidzisi unodyireiko navateresi navatadzi?

2:17b.MAR.002.017 Jesu wakati achizvinzwa akati kwavari, usingarwari haatsvaki chiremba asi unorwara. Handina kuvuya kuzodana vakarurama asi vatadzi kuti vatendevuke. Kuzvinyima zvokudya. (Mat, 9. 14-17;R uka 5. 33-39.)

2:18b.MAR.002.018 Vadzidzi vaJohane navaFarisi vakanga vachizvinyima zvokudya, vakavuya vakati kwaari, vadzidzi vaJohane navadzidzi vavaFarise vanozvinyimireiko zvokudya asi vadzidzi venyu havazvinyimi neiko?

2:19b.MAR.002.019 Jesu akati kwavari, shamwari dzechikomba dzingazvinyima zvokudya seiko chikomba chichiri kwavari? Havangazvinyimi zvokudya chikomba chichiri kwavari.

2:20b.MAR.002.020 Asi mazuva achasvika achazobviswa chikomba kwavari, zvino nenguva iyo vachazvinyima zvokudya.

2:21b.MAR.002.021 Hakuno munhu unosonera chiremo chitsva panguvo yakasakara nokuti chiremo chitsva chinobvarura nguvo yakasakara vuri rikanyanya.

2:22b.MAR.002.022 Hakunomunhu unodira waini itsva muhombodo tsaru nokuti waini inoparusa hombodo, waini nehombodo zvikafa asi waini itsvainodirwa muhombodo itsva. Jesu Ishe weSabata. (Mat. 12. 1-8; Ruka 6. 1-5.

2:23b.MAR.002.023 Wakati achifamba muminda, nomusi wesabata, vadzidzi vake vakatanga kutanha hura vachifamba.

2:24b.MAR.002.024 VaFarise vakati kwaari, tarirai vanoitireiko zvisina kutenderwa nomusi wesabata?

2:25b.MAR.002.025 Akati kwavari, hamunakurava here zvakaitwa naDhavhidhi musi waakanga ashaiwa, aziya, iye navakanga vanaye?

2:26b.MAR.002.026 Kuti wakapinda mumba maMwari, Abhiatari ari muPirisita mukuru akadya zvingwa zvokuratidza zvakanga zvisina kutenderwa kudyiwa asi navaPirisita voga, akapavo vaivanaye?

2:27b.MAR.002.027 Akati kwavari, sabata yakaitirwa munhu, munhu haana kuitirwa sabata.

2:28b.MAR.002.028 Naizvozvo Mwanakomana womunhu ndiye Ishe wesabatavo.

3

3:1b.MAR.003.001 Wakapindazve musinagoge, zvino kwakanga kunomunhu wakanga anoruvoko rwakawonyana.

3:2b.MAR.003.002 Vakamutarisisa kuvona kana angamuporesa nomusi wesabata kuti vamupomere mhosva.

3:3b.MAR.003.003 Zvino wakati kumunhu wakanga anoruvoko rwakawonyana, simuka pakati pavo!

3:4b.MAR.003.004 Akati kwavari, zvakatenderwa here nesabata kuita zvakanaka kana zvakaipa, kuponesa munhu kana kuvuraya? Vakanyarara.

3:5b.MAR.003.005 Zvino wakati aringa-ringa achivatarira nokutsamwa ane shungu nokuda kokuwoma kwemoyo yavo. Akati kumunhu, tambanudza ruvoko rwako. Akarutambanudza ruvoko rwake rukaporeswa rukava sorumwe.

3:6b.MAR.003.006 Zvino vaFarise vakati vabuda vakandorangana pakarepo navaHerodhe pamusoro pake kuti vangamuvuraya sei. Jesu unoporesa vazhinji. (Mat. 12. 15-16; Ruka 6. 17-19.)

3:7b.MAR.003.007 Zvino Jesu wakaenda navadzidzi vake kugungwa, vanhu vazhinji vakamutevera vachibva Garirea nokuJudhea,

3:8b.MAR.003.008 neJerusarema neIdumea nemhiri kwaJoridhani nokunyika yeTire neSidhoni, vanhu vazhinji-zhinji vakati vanzwa zvaanoita vakavuya kwaari.

3:9b.MAR.003.009 Akavudza vadzidzi vake kuti kagwa kamugarire nokuda kwavazhinji kuti varege kumumanikidza.

3:10b.MAR.003.010 Nokuti wakanga aporesa vazhinji, naizvozvo vose vakanga vana marwere vakamumanikidza kuti vamunyangate.

3:11b.MAR.003.011 Nemweya yetsvina yakati yamuvona yaiwira pasi pamberi pake, ikadanidzira ichiti, Ndiwe Mwanakomana waMwari!

3:12b.MAR.003.012 Akairaira zvikuru kuti irege kumuzivisa pachena. Jesu unodana vadzidzi vake. (Mat. 10. 1- 4; Ruka 6. 12-16.)

3:13b.MAR.003.013 Zvino wakakwira mugomo akadana vaakanga achida, vakavuya kwaari.

3:14b.MAR.003.014 Akagadza vanegumi navaviri kuti vagare naye, avatume kuti vaparidze;

3:15b.MAR.003.015 Vuye vave nesimba rekuporesa nokubudisa mweya yakaipa.

3:16b.MAR.003.016 Akatumidza Simoni zita rinonzi Petro,

3:17b.MAR.003.017 naJakobho mwanakomana waZebhedi naJohane munununa waJakobho akavatumidza ivo mazita anonzi Boanergesi ndokuti vanakomana vokutinhira;

3:18b.MAR.003.018 naAndrea naFiripo naBartoromeo naTomasi naJakobho mwanakomana waArfeo naTadeo naSimoni muKanani.

3:19b.MAR.003.019 naJudhasi Iskarioti wakamupa ndukiravo. Zvino wakapinda mumba Kumhura Mweya Mutsvene. (Mat. 12. 22-32; Ruka 11. 14-20.)

3:20b.MAR.003.020 vazhinji vakavungana naye nokudaro vakanga vasingagoni kunyange kudya chingwa.

3:21b.MAR.003.021 Vanhu vokwake vakati vachizvinzwa vakabuda kuzomubata nokuti vakati unopenga.

3:22b.MAR.003.022 Navanyori vakanga vaburuka vachibva Jerusarema vakati, una Beerzeburi unodudisa mweya yakaipa nomuchinda wemweya yakaipa.

3:23b.MAR.003.023 Zvino akavadanira kwaari akati kwavari nemifananidzo, Satani ungabudisa Satani seiko?

3:24b.MAR.003.024 Kana vushe bwuchizvipesanisa, vushe uhwo habwungagoni kumira.

3:25b.MAR.003.025 Kana imba ichizvipesanisa, imba iyo haingagoni kumira.

3:26b.MAR.003.026 Kana Satani achizvimukira akazvipesanisa haangagoni kumira asi unopera.

3:27b.MAR.003.027 Hakuno munhu ungapinda mumba momurume unesimba akatora nhumbi dzake asati ambosunga murume unesimba zvino ungaparadza imba yake.

3:28b.MAR.003.028 Zvirokwazvo ndinoti kwamuri vanakomana vavanhu vachakanganwirwa zvivi zvose nokumhura kose kwavanomhura Mwari nako.

3:29b.MAR.003.029 Asi aninani wamhura Mweya Mutsvene haangakanganwirwi nokusingaperi asi uri panjodzi yokurashiwa.

3:30b.MAR.003.030 Nokuti vakati unomweya wetsvina. Vukama naJesu. (Mat. 12.46-50; Ruka 8. 19-21.)

3:31b.MAR.003.031 Zvino mai vake navanunuuna vake vakavuya, vakamira kunze vakatumira nhume kwaari kumudana.

3:32b.MAR.003.032 Vazhinji vakanga vagere vakamukomba vakati kwaari, tarirai mai venyu navanununa venyu nehanzvidzi dzenyu vari kunze vachikutsvakai.

3:33b.MAR.003.033 Akavapindura akati, mai vangu navanununa vangu ndivana aniko?

3:34b.MAR.003.034 Zvino akaringaringa vanhu vakanga vagere vakamukona akati, tarirai mai vangu navanununa vangu!

3:35b.MAR.003.035 Nokuti aninani unoita kuda kwaMwari ndiye munununa wangu nehanzvadzi namai.

4

4:1b.MAR.004.001 Zvino wakatangazve kudzidzisa pagungwa. Vanhu vazhinji-zhinji vakavunganira kwaari, nokudaro wakapinda mugwa. Akagaramo mugungwa. Vazhinji vose vakanga vari pedo negungwa pamhenderekedzo.

4:2b.MAR.004.002 Akavadzidzisa zvizhinji nemifananidzo akati kwavari pakudzidzisa kwake,

4:3b.MAR.004.003 Teererai, mukushi wakabuda kundokusha.

4:4b.MAR.004.004 Wakati achikusha dzimwe mbeu dzakawira panzira; Shiri dzokudenga dzikavuya dzikadzidya.

4:5b.MAR.004.005 Dzimwe dzakawira parukangarabwe, padzakanga dzisinevhu zhinji. Dzikamera pakarepo nokuti dzakanga dzisinevhu rakadzika.

4:6b.MAR.004.006 Asi zuva rakati rabuda, dzikapiswa dzikawoma nokuti dzakanga dzisina mudzi.

4:7b.MAR.004.007 Dzimwe dzakawira miminzwa, minzwa ikamera ikadzivhunga, dzikasabereka zvibereko.

4:8b.MAR.004.008 Dzimwe dzakawira muvhu rakanaka, dzikabereka zvibereko nokuti dzakakura dzikawanza dzikabereka makumi matatu namakumi matanhatu nezana.

4:9b.MAR.004.009 Akati kwavari, une nzeve dzokunzwa ngaanzwe.

4:10b.MAR.004.010 Wakati ari oga, vakanga vanaye navanegumi navaviri vakamubvunza zvemifananidzo.

4:11b.MAR.004.011 Akati kwavari, imi makapiwa zvakavanzika zvovushe hwaMwari asi kunaava vari kunze zvose zvinoitwa nemifananidzo.

4:12b.MAR.004.012 Kuti kuvona vavone asi varege kuvonesesa nokunzwa vanzwe asi varege kunzwisisa kuti zvimwe varege kutendevuka, vakangamwirwe zvivi zvavo.

4:13b.MAR.004.013 Zvino akati kwavari, hamuzivi here mufanandizo uyu? Muchaziva seiko mifananidzo yose?

4:14b.MAR.004.014 Mukushi unokusha shoko.

4:15b.MAR.004.015 Vari munzira panokushwa shoko ndivo vanoti kana vanzwa, pakarepo Satani unovuya ndokubvisa shoko rakakushwa mukati mavo.

4:16b.MAR.004.016 Navakakushwa parukangarabwe vakaita saizvozvo, ndivo vanoti kana vanzwa shoko rakakushwa, vanorigamuchira pakarepo nomufaro,

4:17b.MAR.004.017 Asi havanomudzi mavari, asi ndivo vechinguva chiduku. Pashure kana kutambudzika nokuvengwa zvichivuya nokuda kweshoko, pakarepo vanogumburwa.

4:18b.MAR.004.018 Vamwe vanokushwa muminzwa ndivo vanonzwa shoko,

4:19b.MAR.004.019 asi kufunganya kwenyika nokunyengera kwefuma nokuchiva zvimwe zvinopinda zvichivhunga shoko, rikashaiwa zvibereko.

4:20b.MAR.004.020 Vakakushwa muvhu rakanaka ndivo vanonzwa shoko, vakarigamuchira, vakabereka mumwe makumi matatu, mumwe makumi matanhatu, mumwe zana. Mufananidzo woMwenje. (Mat. 5. 15-16; Ruka 8. 16-18; 11. 33-36.)

4:21b.MAR.004.021 Zvino wakati kwavari, mwenje uripo kuti uiswe pasi pedengu kana pasi pomubhedha here? Hauzipo kuti uiswe pachigadziko here?

4:22b.MAR.004.022 Nokuti hapana chinhu chakavanzika chisingazovoneswi, hapana chakavigwa chisingazobudi pachena.

4:23b.MAR.004.023 Kana munhu ane nzeve dzokunzwa ngaanzwe.

4:24b.MAR.004.024 Zvino akati kwavari, chenjerai zvamunonzwa, chiyero chamunoyera nacho nemi muchayerwa nacho, mukawedzerwa.

4:25b.MAR.004.025 Nokuti unacho uchapiwa, asi usina uchatorerwa nechaanacho. Kukura kwovushe hwokudenga.

4:26b.MAR.004.026 Zvino akati, vushe bwaMwari bwakafanana nomunhu unodzvara mbeu muvhu.

4:27b.MAR.004.027 Akavata akamuka,vusiku namasikati, mbeu inomera ichikura iye asingazivi kuti zvinoitika sei.

4:28b.MAR.004.028 Ivhu rinongobereka haro, pakutanga chipande, pashure hura, pashure zviyo zvakakora pahura.

4:29b.MAR.004.029 Kana zvibereko zvaibva, pakarepo unocheka nebanga nokuti kucheka kwasvika Mufananidzo wembeu yemastarda. (Mat. 13. 31-32; Ruka 13, 18-19.)

4:30b.MAR.004.030 Zvino wakati, vushe hwaMwari tichahufananidza neiko? Tichahwuenzanisira nomufananidzo upiko?

4:31b.MAR.004.031 Hwakafanana netsanga yemastarda, iyo kana ichidzvarwa muvhu iduku kumbeu dzose dzapanyika.

4:32b.MAR.004.032 Asi kana yadzvarwa, inomera ichiva huru kumirivo yose ichiita matavi makuru akadaro kuti shiri dzokudenga dzinogara pamumvuri wayo.

4:33b.MAR.004.033 Akasireva shoko kwavari nemifananidzo mizhinji yakadaro, pavaigona kunzwa napo.

4:34b.MAR.004.034 Haana kutaura navo kunze kwemifananidzo asi waidudzira vadzidzi vake zvose vari voga. Jesu unonyaradza dutu remhepo. (Mat. 8. 23-27; Ruka 8. 22-25.)

4:35b.MAR.004.035 Zvino nezuva iro ava madekwana wakati kwavari, ngatiyambukire mhiri.

4:36b.MAR.004.036 Vakasiya vanhu vazhinji vakaenda naye mugwa akangodaro mamwe magwa akanga aiva naye.

4:37b.MAR.004.037 Zvino dutu guru remhepo rakamuka, mafungu emvura akarova mugwa, rikange roda kuzara.

4:38b.MAR.004.038 Asi Iye wakanga ari mushure megwa avete pamutsago, vakamumutsa, vakati kwaari, mudzidzisi, hamunehanya kunyangwe tofa here?

4:39b.MAR.004.039 Akamuka akaraira mhepo, akati kugungwa, nyarara ugadzikane! Mhepo ikanyarara, kudzikama kukuru kukavapo.

4:40b.MAR.004.040 Zvino akati kwavari, munotyireiko kudaro? Hamunokutenda here?

4:41b.MAR.004.041 Vakatya nokutya kukuru, vakataurirana vachiti, ndianiko uyu nokuti mhepo kunyange negungwa zvinomuteerera.

5

5:1b.MAR.005.001 Vakasvika mhiri kwegungwa kunyika yavaGerasa.

5:2b.MAR.005.002 Zvino wakati abuda mugwa, pakarepo akasongana nomunhu waiva nomweya wetsvina, achibva kumarinda.

5:3b.MAR.005.003 Uyo waigara mumarinda, kwakanga kusina munhu wakanga achagona kumusunga kunyange neketani.

5:4b.MAR.005.004 Nokuti kazhinji waisungwa nezvisungo zvamakumbo namaketani asi waidambura maketani nokudashura zvisungo. Kwakanga kusina munhu waigona kumunyorovesa.

5:5b.MAR.005.005 Nguva dzose vusiku namasikakti, waigara mumarinda nomumakomo achidanidzira, achizvicheka namabwe.

5:6b.MAR.005.006 Zvino wakati achivona Jesu ari kure, akamhanya, ndokumunamata.

5:7b.MAR.005.007 Akadanidzira nenzwi guru akati, ndine mhaka yeiko nemi Jesu, Mwanakomana waMwari Wokumusoro-soro? Ndinokupikirai naMwari kuti murege kunditambudza.

5:8b.MAR.005.008 Nokuti akati kwaari, buda pamunhu iwe mweya wetsvina!

5:9b.MAR.005.009 Akamubvunza akati, zita rako ndianiko? Akati kwaari, Regioni ndiro zita rangu nokuti tiri vazhinji.

5:10b.MAR.005.010 Akakumbira zvikuru kwaari kuti arege kuidzinga panyika iyo.

5:11b.MAR.005.011 Zvino kwakanga kuripo pagomo boka guru renguruve dzakanga dzichifura.

5:12b.MAR.005.012 Ikakumbira zvikuru kwaari ichiti, titumirei kunguruve kuti tindopinda madziri.

5:13b.MAR.005.013 Akaitendera. Mweya yetsvina ikabuda ikapinda munguruve. Boka rikamhanyira kumawere kugungwa, dzinenge dzaiva zvuru zviviri, dzikafira mugungwa.

5:14b.MAR.005.014 Vaidzifudza vakatiza vakandovudza izvozvo muguta naparuwa. Vakavuya kuzovona zvaitwa.

5:15b.MAR.005.015 Vakavuya kuna Jesu vakavona wakanga ane mweya yakaipa agere, akapfeka ari munhu kwaye, iye waiva neRegioni vakatya.

5:16b.MAR.005.016 Vaya, vakanga vazvivona, vakarondedzera zvakaitirwa, iye wakanga ane mweya yakaipa nenguruvevo.

5:17b.MAR.005.017 Vakatanga kukumbira zvikuru kwaari kuti abve munyika yavo.

5:18b.MAR.005.018 Zvino wakati achipinda mugwa, iye waiva nemweya yakaipa akakumbira zvikuru kwaari kuti agare naye.

5:19b.MAR.005.019 Asi Jesu haana kumutendera, asi wakati kwaari, enda kumba kwako, kuhama dzako, uvaudze zvinhu zvikuru zvawakaitirwa naShe, napawakaitirwa ngoni napo.

5:20b.MAR.005.020 Akaenda akatanga kuparidza munyika yeDhekapori zvinhu zvikuru zvaakaitirwa naJesu. Vakashamiswa vose. Jesu unoporesa mukadzi unobuda ropa vuye unomutsa mwanasikana waJairosi. (Mat. 9. 18-26; Ruka 8, 41-56.)

5:21b.MAR.005.021 Jesu wakati ayambukira mhiri negwa, vanhu vazhinji vakavunganira kwaari, wakanga ari pagungwa.

5:22b.MAR.005.022 Mumwe wavakuru vesinagoge wainzi Jairosi akasvika, akati achimuvona, akazviwisira pasi petsoka dzake.

5:23b.MAR.005.023 Akakumbira zvikuru kwaari achiti, mukunda wangu muduku wotandadza, vuyai muise mavoko enyu pamusoro pake aporeswe ararame.

5:24b.MAR.005.024 Akaenda naye, vanhu vazhinji vakamutevera, vachimumanikidza.

5:25b.MAR.005.025 Zvino mumwe mukadzi waiva nokurwara kwokubuda ropa makore anegumi namaviri.

5:26b.MAR.005.026 Wakanga avoneswa nhamo nevarapi vazhinji, apedza zvose zvaakanga anazvo, asina kutongobatsirwa, asi kungonyanyiswa.

5:27b.MAR.005.027 Wakati anzwa zvaJesu, akavuya pakati pavanhu vazhinji vaiva mashure, akabata nguvo yake.

5:28b.MAR.005.028 Nokuti wakati, kana ndikabata nguvo yake bedzi, ndichaponeswa.

5:29b.MAR.005.029 Pakarepo tsime rake reropa rikapwa, akanzwa muviri wake kuti waporeswa pakurwara kwake.

5:30b.MAR.005.030 Pakarepo Jesu wakati achiziva mukati make kuti simba rakabuda kwaari, akatendevuka pakati pavanhu vazhinji akati, ndianiko wabata nguvo dzangu?

5:31b.MAR.005.031 Vadzidzi vake vakati kwaari, munovona vanhu vazhinji vanokumanikidzai, zvino mungati seiko ndiani wandibata?

5:32b.MAR.005.032 Zvino wakaringa-ringa kuti avone wakaita izvozvo.

5:33b.MAR.005.033 Mukadzi wakatya nokudedera achiziva zvaaitirwa, akavuya ndokuzviwisira pamberi pake, ndokumuvudza zvirokwazvo zvose.

5:34b.MAR.005.034 Akati kwaari, mukunda, kutenda kwako kwakuponesa, enda norugare, upore pakurwara kwako.

5:35b.MAR.005.035 Wakati achataura vamwe veimba yomukuru wesinagoge vakasvika vakati, mukunda wenyu wafa, muchatambudzireiko mudzidzisi?

5:36b.MAR.005.036 Jesu wakati achinzwa shoko rakataurwa akati kumukuru wesinagoge, usatya tenda bedzi.

5:37b.MAR.005.037 Akasatendera munhu kumutevera asi, Petro naJakobho naJohane munununa waJakobho.

5:38b.MAR.005.038 Vakasvika mumba momukuru wesinagoge, akawana iri mhere-mhere navanochema zvikuru navanorira.

5:39b.MAR.005.039 Akapinda akati, kwavari, munoitireiko mhere-mhere muchichema? Mwana haana kufa asi uvete.

5:40b.MAR.005.040 Vakamuseka. Akavabudisa vose, akatora baba vomwana namai navaakanga anavo, akapinda kwakanga kunomwana.

5:41b.MAR.005.041 Akabata ruvoko rwomwana, akati kwaari, Tarita kumi! Ndokuti kana zvichishandurwa, musikana ndinoti kwauri, Muka!

5:42b.MAR.005.042 Pakarepo musikana wakasimuka, akafamba, nokuti waiva namakore anegumi namaviri. Vakashamiswa nokushama kukuru.

5:43b.MAR.005.043 Akavaraira zvikuru kuti zvirege kuzikanwa nomunhu. Akati, ngaapiwe zvokudya.

6

6:1b.MAR.006.001 Wakabvapo, akasvika kunyika yake. Vadzidzi vake vakamutevera.

6:2b.MAR.006.002 Musi wesabata wakati wasvika, akatanga kudzidzisa musinagoge, vanhu vazhinji vakati vachimunzwa, vakashamiswa vachiti, munhu uyu wawanepiko izvozvi? Kuchenjera kwakapiwa munhu uyu ndokweiko? Namabasa esimba akadai anoitwa namavoko ake?

6:3b.MAR.006.003 Ko uyu haazi muvezi here, mwanakomana waMaria, nomukoma waJakobho naJose naJudha naSimoni? Nehanzvadzi dzake hadzisi pakati pedu here? Vakagumburwa naye.

6:4b.MAR.006.004 Jesu akati kwavari, muporofita haangashaiwi kukudzwa, asi munyika yake, nokuhama dzake, nomumba make.

6:5b.MAR.006.005 Akasagona kubata basa resimba ipapo asi wakaisa mavoko ake pamusoro pavairwara vashoma, akavaporesa.

6:6b.MAR.006.006 Akashamiswa nokusatenda kwavo. Ipapo wakapota nemisha achidzidzisa. Vanegumi navaviri vanotumwa kuparidza nokuporesa. (Mat. 10. 1-42; Mar. 3. 13-19; Ruka 6. 12-16; 9. 1-6.)

6:7b.MAR.006.007 Zvino wakadanira kwaari vane gumi navaviri, akatanga kuvatuma vaviri-vaviri, akavapa simba pamusoro pemweya yetsvina.

6:8b.MAR.006.008 Akavaraira kuti varege kutongotora zvomunzira asi mudonzvo bedzi. Varege kutora chingwa nehombodo nemari muchikwama.

6:9b.MAR.006.009 Asi vafuke shangu, varege kupfeka nguvo mbiri.

6:10b.MAR.006.010 Akati kwavari pose pamunopinda mumba mugaremo, kusvikira muchibvapo.

6:11b.MAR.006.011 Pose pavasingakugamuchiriyi nokukunzwai, kana muchibvapo, muzuze guruva riri patsoka dzenyu, chive chapupu kwavari.

6:12b.MAR.006.012 Vakabuda, vakaparidza kuti vanhu vatendevuke.

6:13b.MAR.006.013 Vakabudisa mweya yakaipa mizhinji, vakazodza vazhinji vairwara mafuta, vachivaporesa. Kuvurawa kwaJohane Mubhabhatidzi. (Mat. 14. 1-12; Ruka 9.7-9.)

6:14b.MAR.006.014 Zvino mambo Herodhe wakazvinzwa, nokuti zita rake rakanga rakurumbira, akati: Johane Mubhabhatidzi wakamuka kuvakafa, saka masimba awa anobata maari.

6:15b.MAR.006.015 Vamwe vakati: NdiEria; vamwe vakati: Muporofita wakafanana nomumwe wavaporofita.

6:16b.MAR.006.016 Asi Herodhe wakati achizvinzwa, akati: NdiJohane wakamuka, kuvakafa uya wandakagura musoro.

6:17b.MAR.006.017 Nokuti Herodhe wakanga atuma vanhu, akabata Johane, akamusunga mutorongo nokuda kwaHerodhiasi, mukadzi waFiripo, mununununa wake, nokuti wakanga amuwana.

6:18b.MAR.006.018 Nokuti Johane wakanga ati kunaHerodhe: Haunakutenderwa kuti uve nomukadzi womunununa wako.

6:19b.MAR.006.019 Herodhiasi akamuvenga, akada kumuvuraya, akasagona;

6:20b.MAR.006.020 nokuti Herodhe wakanga achitya Johane, achiziva kuti munhu wakarurama, mutsvene, akamuchengeta zvakanaka. Wakati amunzwa, akakanganiswa kwazvo, akasifara kumunzwa.

6:21b.MAR.006.021 Asi zuva rakafanira rakati rasvika, Herodhe nezuva rokuberekwa kwake akaitira madzishe ake navakuru vezvuru zvamazana navabati vakuru veGarirea mutambo mukuru;

6:22b.MAR.006.022 zvino mwanasikana waHerodhiasi amene wakapinda, akatamba, akafadza Herodhe navakanga vagere pakudya naye; mambo akati kumwanasikana: Kumbira kwandiri chaunoda, ndikupe.

6:23b.MAR.006.023 Akamupikira, achiti: Chaunokumbira kwandiri ndichakupa, kusvikira pahafu yovushe hwangu.

6:24b.MAR.006.024 Akabuda, akati kunamai vake: Ndichakumbireiko? Vakati: Musoro waJohane Mubhabhatidzi.

6:25b.MAR.006.025 Pakarepo akakurumidza kupinda kunamambo, akakumbira achiti ndinoda kuti mundipe mundiro ikozvino musoro waJohane mubhabhatidzi.

6:26b.MAR.006.026 Ipapo mambo akazvidya moyo kwazvo, asi wakanga asingadi kumurambira nokuda kwokupika kwake, vuye nokuda kwavakanga vagere naye pakudya.

6:27b.MAR.006.027 Pakarepo mambo akatuma murwi, akaraira kuti avuye nomusoro wake.

6:28b.MAR.006.028 Akaenda, akamugura musoro mutorongo, akavuya nomusoro wake mundiro, akaupa musikana, musikana ndokuupa mai vake.

6:29b.MAR.006.029 Vadzidzi vake vakati vachizvinzwa, vakavuya vakatora mutumbu wake, vakauviga mubwiro. Vanezvuru zvishanu vanopiwa zvokudya naJesu. (Mat. 14. 13-21; Ruka 9. 10-17; Joh. 6. 1-14.)

6:30b.MAR.006.030 Zvino vaapostora vakavunganira kunaJesu, vakamuvudza zvose zvavakanga vaita, nezvavakanga vadzidzisa.

6:31b.MAR.006.031 Akati kwavari: Vuyai imi muri moga kunzvimbo murenje, muzorore zvishoma; nokuti kwakanga kunavazhinji vaivuya navaienda, vakasava nenguva kunyange yokudya.

6:32b.MAR.006.032 Vakaenda negwa kunzvimbo murenje vari voga.

6:33b.MAR.006.033 Vanhu vakavavona vachienda, vazhinji vakamuziva, vakamhanyira vose ikoko, vachibva pamaguta ose, vakavatangira kusvika kwaari.

6:34b.MAR.006.034 Zvino wakati achibuda mugwa, akavona vazhinji-zhinji, akavanzwira tsitsi, nokuti vakanga vakafanana namakwai asinomufudzi; akatanga kuvadzidzisa; zvizhinji.

6:35b.MAR.006.035 Zvino zuva rodo kuvira, vadzidzi vake vakavuya kwaari, vakati: Pano inzvimbo murenje, zuva rodo-kuvira;

6:36b.MAR.006.036 vaendisei, kuti vaende kuruwa nemisha yakapoteredza, vandozvitengera zvokudya nokuti hapana chavangadya.

6:37b.MAR.006.037 Akapindura, akati kwavari: imi muvapei zvavangadya. Vakati kwaari: Tingaenda kundotenga zvingwa namadhenari anamazana maviri,* tivape vadye here?

6:38b.MAR.006.038 Akati kwavari: Munezvingwa zvinganiko? Endai mutarire. Vakati vaziva, vakati: Zvishanu, nehove mbiri.

6:39b.MAR.006.039 Zvino akavaraira kuti vagarise vose pasi pavuswa hunyoro vakaita mapoka-mapoka.

6:40b.MAR.006.040 Vakagara pasi vakaita mapoka-mapoka anezana naanamakumi mashanu.

6:41b.MAR.006.041 Zvino akatora zvingwa zvishanu nehove mbiri, akatarira kudenga, akavonga, akamedura zvingwa, akapa vadzidzi vake, kuti vazviise pamberi pavo; nehove mbiri akadzigovera vose.

6:42b.MAR.006.042 Vakadya vose, vakaguta.

6:43b.MAR.006.043 Vakavunganidza zvimedu, matengu anegumi namaviri akazadzwa, nezvehove vo.

6:44b.MAR.006.044 Vakanga vadya zvingwa vaiva varume vanezvuru zvishanu. Jesu unofamba pamusoro pemvura. (Mat. 14. 22-33; Joh. 6. 15-21.)

6:45b.MAR.006.045 Pakarepo akagombedzera vadzidzi vake kuti vapinde mugwa, vamutungamirire kuyambukira mhiri Betsaida, iye achiendisa vanhu vazhinji.

6:46b.MAR.006.046 Akati awonekana navo, akaenda mugomo kundonyengetera.

6:47b.MAR.006.047 Ava madekwana igwa rakanga riri pakati pegungwa, iye ari oga panyika.

6:48b.MAR.006.048 Zvino wakati achivona kuti vanotambudzika nokukwasva, nokuti mhepo yakanga ichivadzivisa, nenguva inenge seyechina yovusiku, akavuya kwavari achifamba pamusoro pegungwa; akada kupfuvura.

6:49b.MAR.006.049 Zvino vakati vachimuvona achifamba pamusoro pegungwa, vakati madzimudzangara, vakaridza mhere.

6:50b.MAR.006.050 Nokuti vose vakamuvona, vakamanikidzwa; akataura navo, akati kwavari: Tsungai moyo, ndini, musatya.

6:51b.MAR.006.051 Akakwira kwavari mugwa, mhepo ikanyarara; vakashamiswa kwazvo-kwazvo mumoyo yavo.

6:52b.MAR.006.052 Nokuti vakanga vasati vanzwisisa shoko rezvingwa, nokuti moyo yavo yakanga iri mikukutu. Jesu unoporesa vanhu paGenesareti. (Mat. 14. 34-36.)

6:53b.MAR.006.053 Vakati vayambukira mhiri, vakasvika kunyika yeGenesareti, vakasungira igwa pamhenderekedzo.

6:54b.MAR.006.054 Vakati vabuda mugwa, pakarepo vanhu vakamuziva,

6:55b.MAR.006.055 vakamhanyira munyika yose iyo, vakatanga kutakura vairwara panhovo dzavo, vakavaisa pavainzwa kuti ndiko kwaari.

6:56b.MAR.006.056 Pose paakapinda pamisha napamaguta, naparuwa, vakaradzika vairwara pamigwagwa, vakakumbira zvikuru kwaari kuti vabate kunyange mupendero wenguvo dzake chete; vose vakamubata vakaporeswa.

7

7:1b.MAR.007.001 Zvino vaFarise navamwe vavanyori vaibva Jerusarema, vakavunganira kwaari;

7:2b.MAR.007.002 vakavona vamwe vavadzidzi vake vachidya namavoko anetsvina, ndokuti asina kushambwa.

7:3b.MAR.007.003 Nokuti vaFarise, navaJudha vose havadyi vasina kumboshamba mavoko kwazvo, vachichengeta tsika dzavakuru.

7:4b.MAR.007.004 Kana vachidya padare havangadyi vasina kumboshamba; nezvimwe zvizhinji zviri po zvavakanga vagamuchira, kuti vazvichengete, zvinoti: Kusuka mikombe, nehari, nemidziyo yendarira.

7:5b.MAR.007.005 Ipapo vaFarise navanyori vakamubvunza, vachiti: Vadzidzi venyu vanoregeiko kufamba netsika dzavakuru, zvavanodya chingwa namavoko anetsvina?

7:6b.MAR.007.006 Akati kwavari: Isaya wakaporofita kwazvo pamusoro penyu, imi vanyengeri, sezvakanyorwa, zvichinzi: Vanhu ava vanondikudza nemiromo yavo, Asi moyo yavo iri kure neni.

7:7b.MAR.007.007 Asi vanondinamata pasina, Vachidzidzisa dzidziso, iri mirairo yavanhu.

7:8b.MAR.007.008 Munosiya mirairo yaMwari, muchichengeta tsika dzavanhu.

7:9b.MAR.007.009 Akati kwavari: Zvirokwazvo, munoramba murairo waMwari, kuti muchengete tsika dzenyu;

7:10b.MAR.007.010 nokuti Mosesi wakati: Kudza baba vako namai vako, vuye, unotuka baba namai, ngaafe norufu.

7:11b.MAR.007.011 Asi imi munoti: Kana munhu achiti kunababa vake kana mai vake: Chinhu chipi nechipi chamaiti munobatsirwa nacho kwandiri chava Korbani, ndokuti chava chipo kunaMwari,

7:12b.MAR.007.012 hamuchamutenderi kuitira baba vake namai vake chinhu.

7:13b.MAR.007.013 muchitorera shoko raMwari simba netsika dzenyu dzamakachengeta, nezvinhu zvizhinji zvakadaro munozviita.

7:14b.MAR.007.014 Akadanira zve kwaari vanhu vazhinji akati kwavari: Nditererei mose, munzwisise!

7:15b.MAR.007.015 Hapanechinhu kunze kwomunhu chingamusvibisa, kana chichipinda maari; asi zvinobuda maari, ndizvo zvinosvibisa munhu. {

7:16b.MAR.007.016 Kana munhu anenzeve dzokunzwa, ngaanzwe.}

7:17b.MAR.007.017 Zvino; wakati abva kuvanhu vazhinji, apinda mumba, vadzidzi vake vakamubvunza zvomufananidzo uyo.

7:18b.MAR.007.018 Akati kwavari: Nemi vo hamunzwisisi saizvozvo here? Hamunzwisisi here kuti zvose zviri kunze, kana zvichipinda mumunhu, hazvipindi mumoyo make asi mudumbu, zvichirashwa kunze, kana zvichipinda mumunhu, hazvigoni kumusvibisa?

7:19b.MAR.007.019 Nokuti hazvipindi mumoyo make asi mudumbu, zvichirashwa kunze; nokutaura kwakadaro wakanatsa zvokudya zvose.

7:20b.MAR.007.020 Ipapo akati: Zvinobuda mumunhu ndizvo zvinosvibisa munhu.

7:21b.MAR.007.021 Nokuti mukati, mumoyo yavanhu munobuda mifungo yakaipa, novupombwe, nokuba, nokuvuraya.

7:22b.MAR.007.022 novufeve, noruchiva, nokuipa, nokunyengera, novutere, neziso rinegodo, nokutuka, namanyawi, novupenzi;

7:23b.MAR.007.023 zvakaipa izvozvo zvose zvinobva mukati, zvinosvibisa munhu. Jesu unoporesa mwanakomana womukadzi weSiraofenike. (Mat. 15- 21-28.)

7:24b.MAR.007.024 Wakasimuka ipapo.akasimuka akaenda kunyika yeTire neSidoni; akapinda mumba, asingadi kuzikanwa nomunhu; akakoniwa kuzvivanza.

7:25b.MAR.007.025 Nokuti mumwe mukadzi, waiva nomwanasikana muduku, wakanga anomweya wetsvina, wakati achimunzwa, akavuya akazviwisira pasi petsoka dzake.

7:26b.MAR.007.026 Zvino iye mukadzi waiva muGiriki, worudzi rwaveSirofenike; akaramba achikumbira kwaari kuti abudise mweya wakaipa pamwanasikana wake.

7:27b.MAR.007.027 Akati kwaari: Vana ngavatange kuguta, nokuti hazvina kunaka kutora chingwa chavana, ndokuchikandira imbwanana.

7:28b.MAR.007.028 Akapindura, akati kwaari: Hongu, Ishe, kunyange nembwanana vo dzinodya pasi petafura zvimedu zvavana.

7:29b.MAR.007.029 Akati kwaari: Nokuda kweshoko iro, enda; mweya wakaipa wabva pamwanasikana wako,

7:30b.MAR.007.030 Akaenda kumba kwake, akawana mwana avete pamubeda, mweya wakaipa wabva. Jesu unoporesa munhu wematsi panyika yeDhekapori.

7:31b.MAR.007.031 Zvino wakati achibva zve munyika yeTire, akaenda napakati peSidoni kugungwa reGarirea, napakati penyika yeDhekapori.

7:32b.MAR.007.032 Vakaisa kwaari munhu wematsi, waikakamira vakakumbira zvikuru kuti aise ruvoko rwake pamusoro pake.

7:33b.MAR.007.033 Akamubvisa pakati pavanhu vazhinji, ndokuenda naye parutivi, akapinza munwe munzeve dzake, akapfira mate, ndokubata rurimi rwake.

7:34b.MAR.007.034 Ipapo akatarira kudenga, akagomera akati, kwaari: Efata, ndokuti: Dzivuka.

7:35b.MAR.007.035 Pakarepo nzeve dzake dzakadzivuka, chisungo chorurimi rwake chakasununguka, akataura zvakanaka.

7:36b.MAR.007.036 Zvino wakavaraira, kuti varege kuvudza vanhu; asi iye achinyanya kuvaraira, ivo vakanyanyisa kuparidza izvozvo.

7:37b.MAR.007.037 Vakashamiswa zvikuru-kuru, vachiti: Wakaita zvose zvakanaka; wakaita matsi kuti dzinzwe, nembeveve kuti dzitaure.

8

8:1b.MAR.008.001 Namazuva iwayo zvakwakanga kunavazhinji-zhinji, vakanga vasinazvavangadya akadanira vadzidzi vake kwaari, akati kwavari:

8:2b.MAR.008.002 Ndinetsitsi navanhu vazhinji, nokuti atova mazuva matatu avakagara neni vasina zvavangadya.

8:3b.MAR.008.003 Kana ndikavaendisa kumusha kwavo vanenzara, vachaziya panzira; vamwe vavo vanobva kure.

8:4b.MAR.008.004 Vadzidzi vake vakapindura, vakati kwaaari: Munhu ungawanepiko murenje muno, zvingwa zvingagutisa vanhu ava?

8:5b.MAR.008.005 Akavabvunza, akati: Munezvingwa zvinganiko? Vakati: Zvinomwe.

8:6b.MAR.008.006 Zvino akaraira vanhu vazhinji kuti vagare pasi, akatora zvingwa zvinomwe, akavonga, akazvimedura, ndokupa vadzidzi vake, kuti vaise pamberi pavo; vakazviisa pamberi pavazhinji.

8:7b.MAR.008.007 Vuye vakanga vanehove duku shomanene; zvino akadziropafadza, akati zviiswe vo pamberi pavo.

8:8b.MAR.008.008 Vakadya, vakaguta, ndokuvunganidza zvimedu zvakasara, matengu manomwe.

8:9b.MAR.008.009 Vanenge vaiva zvuru zvina; akavaendisa.

8:10b.MAR.008.010 Pakarepo akapinda mugwa navadzidzi vake, akasvika kumativi enyika yeDarmanuta. Jesu unoramba kuratidza chiratidzo. (Mat. 16. 1-4.)

8:11b.MAR.008.011 Zvino vaFarise vakabuda, vakatanga kuita nyaya naye, vachitsvaka kwaari chiratidzo chinobva kudenga, vachimuidza.

8:12b.MAR.008.012 Akagomera zvikuru pamweya wake, akati: Rudzi urwu runotsvakireiko chiratidzo? Zvirokwazvo ndinoti kwamuri: Rudzi urwu harungapiwi chiratidzo.

8:13b.MAR.008.013 Ipapo akavasiya, akapinda zve mugwa, akayambukira mhiri. Jesu unodudzira shoko rembiriso yavaFarise navaSadhuse. (Mat. 16. 5-12.)

8:14b.MAR.008.014 Vakanga vakanganwa kutora zvingwa; vakanga vasinezvingwa, asi chimwe bedzi.

8:15b.MAR.008.015 Zvino akavaraira, akati: Chenjerai, mutye mbiriso yavaFarise nembiriso yaHerodhe.

8:16b.MAR.008.016 Vakarangana vakati: Unodaro nokuti hatine zvingwa.

8:17b.MAR.008.017 Zvino Jesu wakati achizviziva, akati kwavari: Munorangana nemhaka yeiko kuti hamunezingwa? Hamuzivi, nokunzwisisa here? Moyo yenyu ichiri mikukutu here?

8:18b.MAR.008.018 Zvamunameso, hamuvoni here? Zvamunenzeve, hamunzwi here? Hamurangariri here?

8:19b.MAR.008.019 Musi wandakamedurira vanezvuru zvishanu zvingwa zvishanu, makanonga matengu manganiko azere nezvimedu? Vakati kwaari: Gumi namaviri.

8:20b.MAR.008.020 Nomusi wandakamedurira vanezvuru zvina zvingwa zvimwe, makanonga matengu manganiko akazadzwa nezvimedu? Vakati: Manomwe.

8:21b.MAR.008.021 Akati kwavari: Ko hamunzwisisi nazvino here? Jesu unosvinudza bofu paBetsaida

8:22b.MAR.008.022 Zvino wakasvika Betsaida; vakavuya nebofu, vakakumbira zvikuru kwaari, kuti amunyangate.

8:23b.MAR.008.023 akabata ruvoko rwebofu, akamuisa kunze kwomusha, ndokupfira mate pameso ake, akaisa mavoko pamusoro pake, akamubvunza kana achivona chinhu.

8:24b.MAR.008.024 Iye akatarira, akati: ndinovona vanhu, ndinovavona vachifamba vakafanana nemiti.

8:25b.MAR.008.025 Zvino akaisa zve mavoko pamusoro pameso ake,iye akatarisisa, akaporeswa akavona zvose zvakanaka.

8:26b.MAR.008.026 Akamuendesa kumba kwake akati: usatongopinda mumusha kana kuvudza munhu mumusha. Petro unopupura kuti Jesu ndiye Kristu. (Mat. 16. 13-20; Ruka 9. 18-22; Joh. 6. 68, 69.)

8:27b.MAR.008.027 Zvino Jesu navadzidzi vake vakaenda kumisha yeKesaria Firipo; munzira akabvunza vadzidzi vake akati kwavari: Vanhu vanoti ndini aniko?

8:28b.MAR.008.028 Vakapindura vachiti kwaari: Vamwe vanoti: Johane Mubhabhatidzi; vamwe, Eria, vamwe zve, mumwe wavaporofita.

8:29b.MAR.008.029 Zvino akavabvunza, akati: Ko imi munoti ndini ani? Petro akapindura, akati kwaari: Ndimi Kristu.

8:30b.MAR.008.030 Akavaraira zvikuru kuti varege kuzivisa munhu pamsoro pake.

8:31b.MAR.008.031 Zvino akatanga kuvadzidzisa kuti Mwanakomana womunhu unofanira kutambudzika zvizhinji nokurashwa navakuru, navaPirisita vakuru, navanyori, avurawe, amuke zve mazuva matatu apfuvura.

8:32b.MAR.008.032 Akataura shoko iro pachena. Zvino Petro akaenda naye vari voga, akatanga kumuraira.

8:33b.MAR.008.033 Asi iye wakatendevuka, ndokutarira vadzidzi vake, akaraira Petro akati: Ibva shure kwangu, Satani, nokuti haurangariri zvinhu zvaMwari, asi zvinhu zvavanhu. Kutevera Jesu (Mat. 16. 24-27; Ruka 9. 23-26.)

8:34b.MAR.008.034 Zvino wakadanira kwaari vanhu va zhinji navadzidzi vake, akati kwavari: Kana munhu achida kuvuya shure kwangu, ngaazvirambe, asimudze muchinjikwa wake, anditevere.

8:35b.MAR.008.035 Nokuti aninani unoda kuponesa vupenyu bwake, ucharashikirwa nabwo, asi aninani unorashikirwa novupenyu bwake nokuda kwangu nokweEvhangeri, uchavuponesa.

8:36b.MAR.008.036 Nokuti munhu uchagobatsirweiko kana awana nyika yose akarashikirwa novupenyu hwake?

8:37b.MAR.008.037 Nokuti munhu ucharipeiko kuti adzikinure vupenyu hwake?

8:38b.MAR.008.038 Nokuti aninani unonyara pamusoro pamashoko angu parudzi urwu rwovupombwe nokutadza, Mwanakomana womhunhu uchanyara vo pamusoro pake, musi waanovuya nokubwinya kwake naBaba vake navatumwa vatsvene.

9

9:1b.MAR.009.001 Zvino wakati kwavari: Zvirokwazvo ndinoti kwamuri: Vamwe varipo kunavamire pano, vasingazovoni rufu, vasati vavona vushe bwaMwari bwuchivuya nesimba.

9:2b.MAR.009.002 Mazuva matanhatu akati apfuvura, Jesu akatora Petro, naJokobo, naJohane, akaenda navo kurutivi mugomo refu, vari voga; akashanduka pamberi pavo.

9:3b.MAR.009.003 Nguvo dzake dzikapenya, dzikachena zvikuru; hakunomusuki pano panyika, ungagona kudzichenesa dzikadaro.

9:4b.MAR.009.004 Ipapo Eria naMosesi vakavonekwa navo, vachitaurirana naJesu.

9:5b.MAR.009.005 Petro akapindura, akati kunaJesu: Rabhi, zvakanaka zvatiri pano; ngativake matumba matatu, rimwe renyu, rimwe raMosesi, rimwe raEria.

9:6b.MAR.009.006 Nokuti wakanga asingazivi chaanotaura, nokuti vakatya zvikuru.

9:7b.MAR.009.007 Zvino gore rikavuya rikavafukidza, inzwi rikabuda mugore, richiti: Uyu Mwanakomana wangu unodikanwa, mumunzwei!

9:8b.MAR.009.008 Kamwe, vakati vachiringaringa, havanakuzovona munhu, asi Jesu bedzi anavo.

9:9b.MAR.009.009 Zvino vakati vachiburuka mugomo, akavaraira kuti varege kuvudza munhu zvavakanga vavona kusvikira Mwanakomana womunhu amuka kuvakafa.

9:10b.MAR.009.010 Vakarichengeta shoko iro, vachiita nyaya pakati pavo, kuti kumuka kwavakafa chinyiko?

9:11b.MAR.009.011 Vakamubvunza, vachiti: Vanyori vanotaurireiko vachiti, Eria unofanira kutanga kuvuya?

9:12b.MAR.009.012 Akati kwavari: Eria uchatanga kuvuya hake, avandudze zvinhu zvose, asi kwakagonyorwa seiko zvoMwanakomana womunhu, kuti uchatambudzika zvikuru nokuzvidzwa?

9:13b.MAR.009.013 Asi ndinoti kwamuri, Eria wakatosvika, vakamuitira zvose pavakanga vachida napo, sezvazvakanyorwa pamusoro pake. Jesu unoporesa mukomana unezvipusha (Mat. 17. 14-21; Ruka 9. 37-43.)

9:14b.MAR.009.014 Vakati vasvika kuvadzidzi, vakavona vanhu vazhinji-zhinji, vakavakomba, navanyori vachiita nyaya navo.

9:15b.MAR.009.015 Pakarepo vazhinji vose vakati vachimuvona, vakashamiswa kwazvo, vakamhanyira kwaari, vakamukwazisa.

9:16b.MAR.009.016 Akavabvunza, akati: Munoita nyaya neiko navo?

9:17b.MAR.009.017 Mumwe wavazhinji akamupindura, akati: Mudzidzisi, ndavuya kwamuri nomwanakomana wangu, unomweya wembeveve.

9:18b.MAR.009.018 Kwose kwaanomubata, unomuwisira pasi, achipupuma furo, achigeda-geda meno, vuye unowonda kwazvo; ndakataura navadzidzi venyu kuti vaubudise, vakasagona.

9:19b.MAR.009.019 Akavapindura, akati: Haiwa, rudzi rusingatendi, ndichagara nemi kusvikira riniko? Ndichakuitirai moyo murefu kusvikira riniko Vuyai naye kwandiri.

9:20b.MAR.009.020 Vakavuya naye kwaari; wakati achimuvona, pakarepo mweya ukamubvundisa, akawira pasi, akakunguruka, achipupuma furo.

9:21b.MAR.009.021 Zvino akabvunza baba vake, akati: Yava nguva yakadiniko kubvira izvozvi zvichimuwira? Akati: Kubva pavuduku bwake.

9:22b.MAR.009.022 Kazhinji wakamuwisira mumoto kana mumvura kuti umuparadze; asi kana muchigona kuita chinhu, mutinzwire tsitsi, mutibatsire.

9:23b.MAR.009.023 Jesu akati kwaari: Kana iwe uchigona kutenda, zvose zvingaitika kunounotenda.

9:24b.MAR.009.024 Pakarepo baba vomwana vakadanidzira, vachiti: Ndinotenda, ndibatsirei pakusatenda kwangu.

9:25b.MAR.009.025 Zvino Jesu wakati achivona vanhu vazhinji vachimhanyirana pamwe chete, akaraira mweya wetsina, akati kwauri: Iwe, mweya wembeveve namatsi, ndinokuraira kuti ubve maari, urege kupindazve maari!

9:26b.MAR.009.026 Ukadanidzira, ukamubvundisa zvikuru ukabuda; akafanana nomunhu wakafa, nokudaro vazhinji vakati: Wafa.

9:27b.MAR.009.027 Asi Jesu wakabata ruvoko rwake, akamusimudza, iye akasimuka.

9:28b.MAR.009.028 Zvino wakati apinda mumba, vadzidzi vake vakamubvunza vari voga vachiti: Isu takanga tisingagoni neiko kuubudisa?

9:29b.MAR.009.029 Akati kwavari: Rudzi urwu harungatongobudi, asi nokunyengetera. Jesu unotaura zvorufu rwake nokumuka kwake. (Mat. 17. 22-23; Ruka 9. 43-45.)

9:30b.MAR.009.030 Vakabva ipapo, vakagura neGarirea, akaramba kuti zvizikamwe nomunhu.

9:31b.MAR.009.031 Nokuti wakadzidzisa vadzidzi vake, akati kwavari: Mwanakomana womunhu uchaiswa mumavoko avanhu, vachamuvuraya; kana avurawa, uchamuka zvemazuva matatu apfuvura.

9:32b.MAR.009.032 Asi havanakunzwisisa shoko iro, vakatya kumubvunza. Mukuru pavushe bwokudenga, nezvigumbuso. (Mat. 18. 1-11; Ruka 9. 46-50.)

9:33b.MAR.009.033 Vakasvika Kapernaume; zvino wakati ava mumba, akavabvunza, achiti: Makanga muchiita nyaya yeiko munzira?

9:34b.MAR.009.034 Vakaramba vanyerere, nokuti vakanga vaita nharo pakati pavo munzira, kuti mukuru ndiani.

9:35b.MAR.009.035 Ipapo akagara pasi, akadana vanegumi navaviri, akati kwavari: Kana munhu achida kuva wokutanga, uchazova weshure kunavose nomuranda wavose.

9:36b.MAR.009.036 Akatora mwana muduku, akamuisa pakati pavo; akamufungatira mumavoko, akati kwavari:

9:37b.MAR.009.037 Aninani unogamuchira mumwe wavaduku vakadai nezita rangu, unondigamuchireni; aninani unondigamuchira ini, haandigamuchiri ini, asi uyo wakandituma.

9:38b.MAR.009.038 Johane akati kwaari: Mudzidzisi, tavona munhu achibudisa mweya yakaipa muzita renyu, tikamudzivisa, nokuti haana kutitevera.

9:39b.MAR.009.039 Jesu akati: Musamudzivisa, nokuti hakunomunhu ungaita basa re simba nezita rangu, ungakurumidza kutaura zvakaipa pamusoro pangu.

9:40b.MAR.009.040 Nokuti usingapesani nesu, unesu.

9:41b.MAR.009.041 Nokuti aninani unokunwisai mukombe wemvura muzita rangu, nemhaka yokuti muri vaKristu, zvirokwazvo ndinoti kwamuri, haanakurashikirwa nomubairo wake.

9:42b.MAR.009.042 Aninani unogumbusa mumwe wavaduku ava vanotenda kwandiri, zvirinani kwaari kuti guyo guru risungirirwe pamutsipa wake, akandirwe mugungwa.

9:43b.MAR.009.043 Kana ruvoko rwako ruchikugumbusa, urugure; zvirinani kwauri kuti upinde muvupenyu uri chirema, pakuenda muGehena, mumoto usingadzimwi, unamavoko maviri.

9:44b.MAR.009.044 Apo pasingafi honye yavo, napasingadzimwi moto.

9:45b.MAR.009.045 Kana rutsoko rwako ruchikugumbusa, urugure; zvirinani kwauri kuti upinde muvupenyu uchikamhina, pakukandirwa muGehena, unetsoka mbiri.

9:46b.MAR.009.046 Apo pasingafi honye yavo, napasingadzimwi moto.

9:47b.MAR.009.047 Kana ziso rako richikugumbusa, urirashe; zvirinani kwauri kuti upinde muvushe; hwokudenga uneziso rimwe, pakukandirwa muGehena, unameso maviri.

9:48b.MAR.009.048 Apo pasingafi honye yavo, napasingadzimwi moto.

9:49b.MAR.009.049 Nokuti mumwe nomumwe ucharungwa nomoto.

9:50b.MAR.009.050 Munyu wakanaka; asi kana munyu usichavavi, mungaurunga neiko? Ivai nomunyu mukati menyu mugare norugare pakati penyu.

10

10:1b.MAR.010.001 Zvino wakasimukapo, akasvika munyika yeJudhea, nemhiri kwaJoridhani, vanhu vazhinji-zhinji vakavunganira zve kwaari; akavadzidzisa zve sezvaakanga achisiita,

10:2b.MAR.010.002 VaFarise vakavuya kwaari, vakamubvunza, vachiti: Murume wakatenderwa kurasha mukadzi wake here?

10:3b.MAR.010.003 Akapindura, akati kwavari: Mosesi wakakuraireiko?

10:4b.MAR.010.004 Vakati: Mosesi wakatendera murume kunyora rugwaro rwokumuramba, nokumurasha.

10:5b.MAR.010.005 Jesu akati kwavari; Wakakunyorerai murairo iwoyo nokuda kwovukukutu bwemoyo yenyu.

10:6b.MAR.010.006 Asi kubva pakutanga kwokusikwa wakavaita murume nomukadzi.

10:7b.MAR.010.007 Nokuda kwaizvozvo murume uchasiya baba vake namai vake, akanamatira mukadzi wake;

10:8b.MAR.010.008 ava vaviri vachava nyama imwe; nokudaro havachiri vaviri, asi nyama imwe.

10:9b.MAR.010.009 Zvino izvo Mwari zvaakasonganisa, munhu ngaarege kuzviparadzanisa.

10:10b.MAR.010.010 Zvino mumba vadzidzi vakamubvunza zve pamusoro paizvozvo.

10:11b.MAR.010.011 Akati kwavari: Aninani unorasha mukadzi wake, akawana mumwe, unoita vupombwe kwaari.

10:12b.MAR.010.012 Vuye kana iye mukadzi akarasha murume wake, akawanikwa nomumwe, unofeva. Jesu unoropafadza vanana. (Mat. 19. 13-15; Ruka 18. 15-17.)

10:13b.MAR.010.013 Zvino vakavuya navana vaduku kwaari, kuti avanyangate; asi vadzidzi vakavaraira.

10:14b.MAR.010.014 Zvino Jesu wakati azvivona, akatsamwa, akati kwavari; Regai vana vaduku vavuye kwandiri, musavadzivisa, nokuti vushe bwaMwari ndobwavakadai.

10:15b.MAR.010.015 Zvirokwazvo ndinoti kwamuri: Aninani usingagamuchiri vushe bwaMwari somwana muduku, hangatongopindi mabwuri

10:16b.MAR.010.016 Ipapo akavafungatira mumavoko, akavaropafadza, ndokuisa mavoko pamusoro pavo. Jaya mufumi.. (Mat. 19. 16-30; Ruka 18. 18-30.)

10:17b.MAR.010.017 Zvino wakati achibuda kunzira, mumwe akamhanyira kwaari, akafugama pamberi pake akamubvunza, achiti: Mudzidzisi wakanaka, ndingaiteko kuti ndigare nhaka yovupenyu husingaperi?

10:18b.MAR.010.018 Jesu akati kwaari: Unondiidzireiko wakanaka? Hakuna wakanaka, asi mumwe chete, iye Mwari.

10:19b.MAR.010.019 Mirairo unoiziva, inoti, usavuraya, usaita vupombwe, usaba, usapupura nhema, usanyengera, kudza baba vako namai vako.

10:20b.MAR.010.020 Akati kwaari: Mudzidzisi, izvi zvose ndakazvichengeta kubva pavuduku bwangu.

10:21b.MAR.010.021 Jesu akamutarira akamuda, akati kwaari: Unoshaiwa chinhu chimwe chete; enda, utengese zvose zvaunazvo upe varombo, uve nefuma kudenga; ugovuya, unditevere.

10:22b.MAR.010.022 Asi wakasviba moyo neshoko iro, akaenda neshungu nokuti wakanga anefuma zhinji.

10:23b.MAR.010.023 Ipapo Jesu akaringa-ringa, akati kuvadzidzi vake: Vanefuma vacharemerwa sei kupinda pavushe hwaMwari!

10:24b.MAR.010.024 Vadzidzi vakashamiswa namashoko ake. Asi Jesu wakapindura zve, akati kwavari: Vana, zvinorema sei kunavano vimba nefuma kupinda pavushe bwaMwari!

10:25b.MAR.010.025 Kamera ingarerukirwa kupinda paburi redumho, kumufumi kupinda muvushe hwaMwari.

10:26b.MAR.010.026 Ipapo vakakahadzika zvikuru, vakati kwaari: Ndianiko ungagoponeswa?

10:27b.MAR.010.027 Zvino Jesu wakati achivatarira, akati: Kuvanhu izvi hazvibviri, asi kuna Mwari zvose zvinobvira.

10:28b.MAR.010.028 Petro akatanga kutaura kwaari, achiti: Tarirai isu takasiya zvose tikakuteverai,

10:29b.MAR.010.029 Jesu akati: Zvirokwazvo ndinoti kwamuri: Hakunomunhu wakasiya imba, kana vanununa, kana hanzvadzi, kana mai, kana baba, kana vana, kana minda, nokuda kwangu nokweEvhangeri,

10:30b.MAR.010.030 usingazopiwi zvinezana nenguva ino, dzimba navanunununa, nehanzvadzi, namadzimai, navana, neminda, pamwe chete nokutambudzwa, novupenyu bwusingaperi nenguva inovuya.

10:31b.MAR.010.031 Asi vazhinji vokutanga vachava vokupedzisira, novokupedzira vachava vokutanga. Jesu unovavudza zvorufu rwake nokumuka kwake. (Mat. 20. 17-19; Ruka 19. 31-33.)

10:32b.MAR.010.032 Zvino vakanga vari munzira, vachikwira Jerusarema; Jesu wakanga acivatungamirira; vakashamiswa; navakanga vachitevera, vakatya. Ipapo akatora zve vanegumi navaviri, akatanga kuvavudza izvo zvaakanga oda kuitirwa, achiti:

10:33b.MAR.010.033 Tarirai tinokwira Jerusarema Mwanakomana womunhu uchaiswa kuvaPirisita vakuru navanyori; vachamutongera rufu, nokumuisa kuvahedheni.

10:34b.MAR.010.034 Vachamuseka, nokumupfira mate, nokumurovesa, nokumuvuraya; kana mazuva matatu apfuvura, uchamuka zve. Vana vaZebhedhi vanokumbira kuva vakuru. (Mat. 20. 20-28.)

10:35b.MAR.010.035 Zvino Jakobho naJohane, vanakomana vaZebhedhi, vakavuya kwaari, vakati kwaari: Mudzidzisi, tinoda kuti mutiitire sezvatinokumbira kwamuri.

10:36b.MAR.010.036 Akati kwavari: Munoda kuti ndikukitireiko?

10:37b.MAR.010.037 Vakati kwaari: Tigarisei pakubwinya kwenyu, mumwe kuruvoko rwenyu rworudyi, mumwe kuruboshwe,

10:38b.MAR.010.038 Asi Jesu wakati kwavari:Hamuzivi zvamunokumbira.Mungagona kumwira pamukombe pandinomwira ini, nokubhabhatidzwa norubhabhatidzo rwandinobhaptidzwa narwo here?

10:39b.MAR.010.039 Vakati kwaari: Tingagona, Jesu akati kwavari: Muchamwira henyu pamukombe pandinomwira ini, nokubhabhatidzwa nokurubhabhatidzo rwandinobhabhatidzwa narwo ini;

10:40b.MAR.010.040 asi kugara kuruvoko rwangu rworudyi, kana kuruboshwe, handizini ndinopa, asi ndezvavakazvigadzirirwa izvo.

10:41b.MAR.010.041 Vanegumi vakati vachizvinzwa, vakatanga kutsamwira Jakobho naJohane.

10:42b.MAR.010.042 Ipapo Jesu akavadanira kwaari, akati kwavari: Munoziva kuti avo vanonzi machinda avahedheni anovaraira, navakuru vavo vanoita simba navo.

10:43b.MAR.010.043 Zvino pakati penyu ngazvirege kuva kudaro; asi aninani unoda kuva mukuru pakati penyu, ngaave mushumiri wenyu;

10:44b.MAR.010.044 aninani unoda kuva wokutanga pakati penyu, ngaave muranda wavose.

10:45b.MAR.010.045 Nokuti Mwanakomana womunhu naiye haana kuvuya kuzoshumirwa, asi kushumira, nokupa vupenyu bwake ruve rudzikinuro rwavazhinji. Jesu unosvinudza Bartimeo paJeriko. (Mat. 20. 2934; Ruka 18. 3543.)

10:46b.MAR.010.046 Vakasvika Jeriko; zvino wakati achibuda Jeriko navadzidzi vake navazhinji-zhinji, Bartimeo, mwanakomana waTemeo, raiva bofu riri rombe, wakanga agere panzira.

10:47b.MAR.010.047 Iye wakati anzwa, kuti ndiJesu weNazareta, akatanga kudanidzira, achiti; Jesu Mwanakomana waDhavhidhi, ndinzwirei ngoni!

10:48b.MAR.010.048 Vazhinji vakamuraira kuti anyarare, asi iye wakanyanya kudanidzira kwazvo, achiti; Mwanakomana waDhavhidhi, ndinzwirei ngoni!

10:49b.MAR.010.049 Ipapo Jesu akamira, akati: Mudanei. Vakadana bofu vachiti kwariri tsunga moyo simuka unokudana.

10:50b.MAR.010.050 Ipapo akarasha nguvo yake akasimuka, akaenda kunaJesu.

10:51b.MAR.010.051 Jesu akamupindura, akati kwaari: Unoda kuti ndikuitireiko? Bofu rikati kwaari: Raboni, kuti ndivone.

10:52b.MAR.010.052 Jesu akati kwaari; Enda hako, kutenda kwako kwakuponesa. Pakarepo akavona, akatevera Jesu munzira.

11

11:1b.MAR.011.001 Vakati vachiswedera Jerusarema, paBetfage neBetania, pagomo reMiorivhi, akatuma vaviri vavadzidzi vake,

11:2b.MAR.011.002 akati kwavari: Endai kumusha wakatarisana nemi; pakarepo kana muchipinda mauri, muchawana mhuru yembongoro yakasungirwa, isina-kumbotaswa nomunhu; muisunugure, mugovuya nayo.

11:3b.MAR.011.003 Kana munhu akati kwamuri: Munoitireiko kudaro? Muti: Ishe unoida. Pakarepo uchaitumira zve pano.

11:4b.MAR.011.004 Vakaenda, vakandowana mhuru yembongoro yakasungirwa kunze pamukova, pamharadzano dzenzira, vakaisunungura.

11:5b.MAR.011.005 Vamwe vakanga vamirepo, vakati kwavari: Munoiteiko zvamunosunungura mhuru yembongoro?

11:6b.MAR.011.006 Vakavavudza sezvavakarairwa naJesu; vakavarega.

11:7b.MAR.011.007 Zvino vakavuya nemhuru yembongoro kunaJesu;vakakandira nguvo dzavo pamusoro payo; akagara pamusoro payo.

11:8b.MAR.011.008 Vazhinji vakawarira nguvo dzavo panzira, navamwe mashizha avakanga vatema kubundo.

11:9b.MAR.011.009 Avo vakanga vachitungamira, navakanga vachitevera vakadanidzira, vachiti: Hosana, ngaakudzwe iye unovuya muzita raShe.

11:10b.MAR.011.010 Ngabwukudzwe vushe bwaBaba vedu Dhavhidhi bwunovuya! Hosana kumusoro-soro!

11:11b.MAR.011.011 Ipapo Jesu wakapinda Jerusarema mutembere; akati aringa-ringa zvinhu zvose, zuva zvarakanga ravira, akabuda, akaenda Betania navanegumi navaviri. Jesu unotuka muvonde wakanga usingabereki. (Mat. 21. 18-22.)

11:12b.MAR.011.012 Fume mangwana vakati vachibva Betania, akaziya;

11:13b.MAR.011.013 Zvino wakati achivona muvonde uri kure, unamashizha, akaendako, achiti, zvimwe ungawana chinhu pauri; zvino achisvika pauri, haana kuwana chinhu, asi mashizha bedzi; nokuti yakanga isi nguva yamavonde.

11:14b.MAR.011.014 Akapindura, akati kwauri: Kusava nomunhu, unozodya zvibereko pauri nokusingaperi. Vadzidzi vake vakazvinzwa. Jesu unonatsa tembere. (Mat. 21. 12-17; Ruka 19. 45-48; Joh. 2. 13-17.)

11:15b.MAR.011.015 Vakasvika Jerusarema; akapinda mutembere, akatanga kubudisa vaitengesa, navaitenga mutembere; akawisa matafura avaitsinhanhisa mari, nezvigaro zvavaitengesa njiva.

11:16b.MAR.011.016 Akasatendera munhu kuti atakure nhumbi mutembere.

11:17b.MAR.011.017 Akadzidzisa, achiti kwavari: Hakuna kunyorwa here kuchinzi: imba yangu ichanzi imba yokunyengetera yamarudzi ose? Asi imi makaiita bako ramakororo.

11:18b.MAR.011.018 VaPirisita vakuru navanyori vakati vachizvinzwa, vakatsvaka pavangamuvuraya napo; nokuti vakanga vachimutya, nokuti vazhinji vose vakashamiswa nokudzidzisa kwake.

11:19b.MAR.011.019 Zvino, nguva dzose kana ava madekwana, aienda kunze kweguta,

11:20b.MAR.011.020 Vakati vachipfuvura napo mangwanani, vakavona muvonde wawoma kubva pamidzi.

11:21b.MAR.011.021 Petro akarangarira, akati kwaari: Rabhi, tarirai muvonde wamakatuka wawoma.

11:22b.MAR.011.022 Jesu akapindura, akati kwavari: Ivai nokutenda kunaMwari.

11:23b.MAR.011.023 Zvirokwazvo ndinoti kwamuri: mumwe nomumwe unoti kugomo iri: Simudzwa, ukandwe mugungwa, asinganyunyuti mumoyo make, asi achitenda kuti zvaanoreva zvichaitika, uchava nazvo.

11:24b.MAR.011.024 Saka ndinoti kwamuri; Zvinhu zvose zvose zvamunonyengeterera nokukumbira, tendai kuti mazvigamuchira, mugova nazvo.

11:25b.MAR.011.025 Kana mukamira muchinyengetera, kangamwirai kana munemhaka nomumwe, kuti naBaba venyu vari kudenga, vakukamganwirei kudarika kwenyu;

11:26b.MAR.011.026 asi kana musingakangamwiri imi naBaba venyu vari kudenga havangakukangamwiriyi imi kudarika kwenyu. Simba raJesu rinobvepi. (Mat. 21. 23-27; Ruka 20. 1-8.)

11:27b.MAR.011.027 Vakasvika zve Jerusarema. Zvino wakati achifamba mutembere, vaPirisita vakuru navanyori navakuru vakavuya kwaari;

11:28b.MAR.011.028 vakati kwaari; Munoita zvinhu izvozvi nesimba ripiko? Ndianiko wakakupai simba iri, kuti muite izvi?

11:29b.MAR.011.029 Jesu akati kwavari: neni ndichakubvunzai vo shoko rimwe, mundipindure, neni ndichakuvudzai vo simba randinoita naro zvinhu izvozvi.

11:30b.MAR.011.030 Rubhabhatidzo rwaJohane rwakabva kudenga here kana kuvanhu? Ndipindurei,

11:31b.MAR.011.031 Vakataurirana, vachiti: Kana tikati, kudenga, uchati: Makagoregerei kumutenda?

11:32b.MAR.011.032 Asi tingati, kuvanhu, here? Vakanga vachitya vanhu vazhinji, nokuti vose vakanga vachiti Johane muporofita zvirokwazvo.

11:33b.MAR.011.033 Vakapindura vachiti kuna Jesu; Hatizivi. Jesu akati kwavari: Neni handingakuvudziyi vo simba randinoita naro zvinhu izvi.

12

12:1b.MAR.012.001 Zvino wakatanga kutaura navo nemifananidzo, achiti: Mumwe munhu wakanga asima munda wemizambiringa, akaukomba noruzhowa, akachera pokusvinira, akavaka chirindo, akaupa varimi, ndokufamba rwendo.

12:2b.MAR.012.002 Nenguva yezvibereko akatuma muranda kuvarimi, kuti apiwe navarimi zvibereko zvomunda wemizambiringa.

12:3b.MAR.012.003 Vakamubata, vakamurova, vakamudzosa asina,

12:4b.MAR.012.004 Akatuma zve mumwe muranda kwavari; vakamutaka nambwe, vakamutema musoro, vakamunyadza.

12:5b.MAR.012.005 Akatuma zve mumwe, vakamuvuraya; navamwe vazhinji, vakarova vamwe, nokuvuraya vamwe.

12:6b.MAR.012.006 Zvino wakanga achinomwanakomana mumwe, mudikanwa; akamutuma kwavari pakupedzisira, achiti: Vachakudza mwanakomana wangu,

12:7b.MAR.012.007 Asi varimi ivavo vakataurirana, vachiti: Uyu ndiye mugari wenhaka; vuyai timuvuraye, nhaka igova yedu.

12:8b.MAR.012.008 Vakamubata, vakamuvuraya, vakamubudisa kunze kwomunda wemizambiringa.

12:9b.MAR.012.009 Zvino mwene womunda wemizambiringa uchaiteiko? Uchavuya, akaparadza varimi ivavo, akapa vamwe varimi munda wemizambiringa.

12:10b.MAR.012.010 Ko hamuna kutongorava here rugwaro urwu, runoti: Ibwe rakarashwa navavaki, Ndiro rakazova musoro wekona;

12:11b.MAR.012.011 Izvozvo zvakaitwa naShe, Zvinoshamisa pameso edu?

12:12b.MAR.012.012 Ipapo vakatsvaka kumubata, asi vakatya vanhu vazhinji; nokuti vakanga vachiziva kuti wakavareva ivo nomufananidzo iwoyo; vakamusiya, vakabvapo. Kuripira Kesari mutero. (Mat. 22. 15-23; Ruka 20. 20-26.)

12:13b.MAR.012.013 Zvino vakatuma kwaari vamwe vavaFarise navaHerodhe, kuti vamubate pakutaura kwake.

12:14b.MAR.012.014 Vakavuya, vakati kwaari: Mudzidzisi, tinoziva kuti ndimi wazvokwadi, musingarangariri zvinovonekwa zvomunhu; hamutariri zviri kunze kwomunhu, asi munodzidzisa nzira yaMwari nezvokwadi: Munhu unotenderwa kuripira Kesari mutero here, kana kwete?

12:15b.MAR.012.015 Ticharipa here, kana tirege kuripa Asi iye achiziva kunyengera kwavo, akati kwavari: Munondiidzireiko? Vuya nedhenari* kwandiri, ndirivone,

12:16b.MAR.012.016 Vakavuya naro. Ipapo akati kwavari: Mufananidzo uyu norunyoro urwu ndezvani? Vakati kwaari: ZvaKesari,

12:17b.MAR.012.017 Jesu akati kwavari: Ipai Kesarai zvaKesari, naMwari zvaMwari. Vakashamiswa zvikuru naye. Vanobvunza Jesu pamusoro pokumuka kwavakafa. (Mat. 22. 23-33; Ruka 20. 27-40.

12:18b.MAR.012.018 Zvino vaSadhuse vakavuya kwaari, ivo vanoti hakuna kumuka kwavakafa, vakamubvunza vachiti:

12:19b.MAR.012.019 Mudzidzisi, Mosesi wakatinyorera kuti, kana mukoma womunhu akafa, akasiya mukadzi asinomwana munununa wake atore mukadzi wake, amutsire mukoma wake vana.

12:20b.MAR.012.020 Zvino kwakanga kunavanakomana vomunhu mumwe vanomwe; wedangwe akatora mukadzi, akafa asina vana.

12:21b.MAR.012.021 Wechipiri akamutora, akafa asingasiyi vana; nowechitatu; akadaro vo.

12:22b.MAR.012.022 Navanomwe vose havana kuva nomwana; shure kwavose mukadzi akafa vo.

12:23b.MAR.012.023 Zvino pakumuka kwavakafa, kana vachimuka, uchava mukadzi waniko kwavari? Nokuti wakanga ari mukadzi wavose vanomwe.

12:24b.MAR.012.024 Jesu akati kwavari: Hamuna kurashika here, nemhaka yokusaziva magwaro nesimba raMwari?

12:25b.MAR.012.025 Nokuti kana vachimuka kuvakafa, havawani kana kuwaniswa; asi vakaita savatumwa kudenga.

12:26b.MAR.012.026 Kana kuri kumutswa kwavakafa, hamunakurava here pabhuku yaMosesi pashoko regwenzi, kuti Mwari wakataura naye, akati: Ndini Mwari waAbhurahamu, naMwari waIsaka, naMwari waJakobho?

12:27b.MAR.012.027 Haazi Mwari wavakafa, asi wavapenyu marashika kwazvo. Murairo mukuru. (Mat. 22. 34-40; Ruka 10. 25-27.)

12:28b.MAR.012.028 Zvino mumwe wavanyori wakanga anzwa kutaurirana kwavo, achiziva kuti wakanga avapindura zvakanaka, wakavuya, kumubvunza achiti: Murairo wokutanga payose ndoupiko?

12:29b.MAR.012.029 Jesu akapindura, akati; Wokutanga ndiwoyu: Inzwai vaIsraeri, Ishe Mwari wedu, ndiye Ishe mumwe chete!

12:30b.MAR.012.030 Ida Ishe Mwari wako, nomoyo wako wose, nomweya wako wose, nokufunga kwako kwose, nesimba rako rose.

12:31b.MAR.012.031 Wechipiri ndiwoyu; Ida wokwako sezvaunozvida iwe. Hakunomurairo mukuru kunaiyeyo,

12:32b.MAR.012.032 Zvino munyori akati kwaari: Zvakanaka mudzidzisi, mareva zvirokwazvo, kuti ndiye mumwe chete, hakuno mumwe kunze kwake;

12:33b.MAR.012.033 nokumuda iye nomoyo wose, nokufunga kwose, nesimba rose, nomoyo wako wose, nokuda wokwako sezvaanozvida iye, zvinopfuvura zvikuru zvipiriso zvose zvinopiswa chose nezvibayiro.

12:34b.MAR.012.034 Zvino, Jesu wakati achivona kuti wapindura nokufunga,akatikwaari: Hausi kure novushe bwaMwari. Kukasava nomunhu wakazotsunga kumubvunza chinhu. Kristu Mwanakomana waDhavidhi. (Mat. 22. 41-46; Ruka 20. 41-44.)

12:35b.MAR.012.035 Zvino Jesu wakati achidzidzisa mutembere, akapindura, akati: Vanyori vanoreva seiko kuti Kristu ndiye mwanakomana waDhavhidhi?

12:36b.MAR.012.036 Dhavidhi amene wakati noMweya Mutsvene: Ishe wakati kunaShe wangu; Gara kurudyi rwangu, Kusvikira ndaisa vavengi vako Pasi petsoka dzako.

12:37b.MAR.012.037 Dhavidhi amene unomuidza Ishe, ungagova mwanakomana wake seiko Vazhinji-zhinji vakanga vachifara kumunzwa. Jesu unonyevera vadzidzi vake. (Mat. 23. 1-12; Ruka 20. 45-47.)

12:38b.MAR.012.038 Zvino pakudzidzisa kwake wakati: Chenjerai vanyori, vanoda kufamba nenguvo refu, nokukwaziswa padare

12:39b.MAR.012.039 nezvigaro zvapamberi mumasingagoge, nenzvimbo dzapamberi pamitambo;

12:40b.MAR.012.040 vachiparadza dzimba dzechirikadzi, vachinyengetera neminyengetero mirefu. Ivava vachatongerwa zvakaipa nokupfuvurisa. Jesu unorumbidza chipo chechirikadzi. (Ruka 21. 1-4.)

12:41b.MAR.012.041 Zvino wakanga agere akatarisana nechivigiro chemari, akatarira vanhu vazhinji vachiisa mari muchivigiro; vafumi vazhinji vakanga vachiisa zvizhinji.

12:42b.MAR.012.042 Kukasvika chirikadzi, waiva murombo, akaisa tumari tuviri tuduku tunoita fadini.

12:43b.MAR.012.043 Akadanira vadzidzi vake kwaari, akati kwavari: Zvirokwazvo ndinoti kwamuri: Chirikadzi iyi, iri murombo yakaisa zvizhinji kunavo vose vakaisa muchivigiro;

12:44b.MAR.012.044 nokuti avo vose vakaisa vachitora pazvizhinji zvavo; asi iye wakaisa achitora pakushaiwa kwake, zvose zvaakanga anazvo, zvose zvaaifanira kurarama nazvo.

13

13:1b.MAR.013.001 Wakati achibuda mutembere, mumwe wavadzidzi vake akati kwaari: Mudzidzisi, tarirai mabwe, kunaka! Nedzimba kunaka!

13:2b.MAR.013.002 Jesu akati kwaari: Unovona dzimba idzi huru? Hakungaregwi ibwe pamusoro pebwe, risingazowisirwi pasi.

13:3b.MAR.013.003 Zvino wakati agere pagomo reMiorivhi, pakatarisana netembere, Petro, naJakobho, naJohane, naAndrea vakamubvunza vari voga, vachiti:

13:4b.MAR.013.004 Tivudzei kuti izvozvi zvichagova riniko? Nechiratidzo chichava chipiko, kana izvozvi zvose zvoda kuitwa?

13:5b.MAR.013.005 Zvino Jesu akatanga kuvavudza, akati: Chenjerai kuti murege kutsauswa nomunhu.

13:6b.MAR.013.006 Vazhinji vachavuya nezita rangu, vachiti: Ndini Kristu, vachitsausa vazhinji.

13:7b.MAR.013.007 Kana muchinzwa zvokurwa, neguhu rokurwa, musavhunduka; izvozvo zvinofanira kumboitika; asi kuguma kuchigere kusvika.

13:8b.MAR.013.008 Nokuti rudzi ruchamukira rudzi, vushe hwuchamukira vushe; kudengenyika kwenyika kuchavapo kunedzimwe nzvimbo; nenzara dzichavapo, ndiko kutanga kwenhamo

13:9b.MAR.013.009 Zvichenjerei imi, nokuti vachakuisai kumakurukota, vuye mucharobwa mumasinagoge, muchaiswa pamberi pavabati namadzimambo nokuda kwangu, chichave chapupu kwavari.

13:10b.MAR.013.010 NeEvhangeri inofanira kutanga kumboparidzirwa marudzi ose.

13:11b.MAR.013.011 Kana vachienda nemi kukutongwa, vachikuisai kumakurukota, musambofunganya zvamuchataura, asi taurai chamunenge mapiwa nenguva iyo. Nokuti hamuzimi munotaura, asi ndiMweya Mutsvene.

13:12b.MAR.013.012 Mukoma uchaisa munununa kurufu, nababa mwana wavo; navana vachamukira vabereki vavo nokuvavurayisa.

13:13b.MAR.013.013 Muchavengwa navose nokuda kwezita rangu; asi unotsunga kusvikira pakuguma uchaponeswa.

13:14b.MAR.013.014 Zvino kana muchivona nyangadzi yokuparadza imire pasina kufanira kumira (unorava ngaacherekedze), vari muJudhea ngavatizire kumakomo;

13:15b.MAR.013.015 uri pamusoro pedenga reimba ngaarege kuburuka, kana kupinda kuzotora chinhu mumba make.

13:16b.MAR.013.016 Nouri mumunda ngaarege kudzokera shure kuzotora nguvo yake.

13:17b.MAR.013.017 Vachava nenhamo vanemimba navanomwisa namazuva iwayo!

13:18b.MAR.013.018 Nyengeterai kuti kutiza kwenyu kurege kuva pachando.

13:19b.MAR.013.019 Nokuti namazuva iwayo kuchavapo kutambudzika, kusatikwambovapo kwakadaro, kubva pakutanga kwokusikwa kwakasikwa naMwari, kusvikira zvino, vuye hakuchazovipo.

13:20b.MAR.013.020 Dai Ishe asaitapudza mazuva iwayo, hakunenyama yairarama; asi nokuda kwavakasanangurwa,vaakasanangura wakatapudza mazuva iwayo.

13:21b.MAR.013.021 Zvino kana munhu achiti kwamuri: Tarirai Kristu uri pano, tarirai uri papo, regai kutenda.

13:22b.MAR.013.022 Nokuti vana Kristu venhema vachamuka, navaporofita venhema, vachaita zviratidzo nezvinoshamisa, kuti vatsause vakasanangurwa, kana zvichibvira.

13:23b.MAR.013.023 Asi chenjerai imi; tarirai, ndagara ndakuvudzai zvose!

13:24b.MAR.013.024 Asi namazuva iwayo, shure kwokutambudzika ikoko, zuva richasviba, nomwedzi hauchazobwinyi,

13:25b.MAR.013.025 nenyeredzi dzichawa kudenga, namasimba ari kudenga achazununguswa.

13:26b.MAR.013.026 Ipapo vachavona Mwanakomana womunhu achivuya mumakore nesimba guru nokubwinya.

13:27b.MAR.013.027 Ipapo uchatuma vatumwa, akavunganidza vakasangangurwa vake kunobva mhepo ina, kubva kurutivi rumwe rwenyika kusvikira kunorumwe rutivi rwokudenga.

13:28b.MAR.013.028 Dzidzai pamuvonde mufananidzo wawo; kana davi rawo rava nyoro, mashizha achitunga, munoziva kuti zhezha rava pedo.

13:29b.MAR.013.029 Saizvozvo imi vo, kana movona izvozvo zvichiitwa, zivai kuti vava pedo pamukova.

13:30b.MAR.013.030 Zvirokwazvo ndinoti kwamuri: Rudzi urwu harungatongopfuvuri, kusvikira izvozvo zvose zvaitika.

13:31b.MAR.013.031 Denga nenyika zvichapfuvura, asi mashoko angu haangatongopfuvuri.

13:32b.MAR.013.032 Asi kana riri zuva iro nenguva iyo, hakuna unozviziva, kunyange vatumwa vokudenga, kunyange Mwanakomana asi Baba.

13:33b.MAR.013.033 Chenjerai, murinde, nokunyengetera; nokuti hamuzivi kuti nguva ichasvika rini.

13:34b.MAR.013.034 Zvakaita somunhu wakaenda kuneimwe nyika, akasiya imba yake, akapa varanda vake simba, mumwe nomumwe basa rake, akaraira murindi womukova kuti arindire.

13:35b.MAR.013.035 Naizvozvo rindai, nokuti hamuzivi musi mwene weimba waanovuya nawo, kana madeko, kana pakati povusiku, kana pakurira kwehuku, kana mangwanani;

13:36b.MAR.013.036 kuti arege kuvuya kamwekamwe, akakuwanai muvete.

13:37b.MAR.013.037 Zvandinokuvudzai imi, ndinovudza vose, ndichiti: Rindai!

14

14:1b.MAR.014.001 Zvino mazuva maviri akanga asara pakusvika kwepaseka nomutambo wezvingwa zvisinembiriso. VaPirisita vakuru navanyori vakanga vachitsvaka mutovo wavangamubata nawo namano, kuti vamuvuraye.

14:2b.MAR.014.002 Nokuti vakati: Zvirege kuitwa pamutambo, kuti kurege kuva nebope pakati pavanhu. Jesu unozodzwa nomukadzi paBetania. (Mat. 26. 6-13; Joh. 12. 1-8.)

14:3b.MAR.014.003 Zvino wakati paBetania, mumba maSimoni wamaperembudzi, avapakudya, mumwe mukadzi akavuya anechinu chearbastera chaive nechi zoro cenardo chakanakisa chine mutengo mukuru; akaputsa chinu cearbstera, akachidurura pamusoro wake.

14:4b.MAR.014.004 Asi vamwe vakanga varipo vakatsamwa pamoyo yavo, vakati: Kuparadza ikoko kwechizoro kwakaitirweiko?

14:5b.MAR.014.005 Nokuti chizoro ichi chingadai chatengeswa namadhenari anopfuvura mazana matatu,* akapiwa varombo Vakatsamwira mukadzi.

14:6b.MAR.014.006 Asi Jesu wakati: Muregei. Munomutambudzireiko? Wakandiitira basa rakanaka.

14:7b.MAR.014.007 Nokuti varombo munavo nguva dzose, nguva ipi neipi yamunoda, mungavaitira zvakanaka; asi ini hamuneni nguva. Dzose.

14:8b.MAR.014.008 Wakaita paakagona napo; wakagara azodzera muviri wangu kuvigwa.

14:9b.MAR.014.009 Zvirokwazvo ndinoti kwamuri: Kwose kunozoparidzirwa Evhangeri panyika dzose, zvakaitwa naye zvicharebwa vo, vamurangarire nazvo. Judhasi Iskarioti unotsvaka kutengesa Jesu. (Mat. 26. 14-16; Ruka 22. 3-6.)

14:10b.MAR.014.010 Judhasi Iskarioti, mumwe wavanegumi navaviri, wakaenda kuvaPirisita vakuru, kuti amuise kwavari.

14:11b.MAR.014.011 Ivo vakati vachizvinzwa, vakafara, vakamupikira kuti vachamupa mari. Ipapo akatsvaka mutovo waangamuisa kwavari nawo panguva yakafanira. Paseka Nechirairo. (Mat. 26. 17-30; Ruka 22. 7-23.)

14:12b.MAR.014.012 Nezuva rokutanga rezvingwa zvisinembiriso, musi wavaibayira paseka nawo, vadzidzi vakati kwaari: Munoda kuti tikugadzirirepiko pamungadya paseka?

14:13b.MAR.014.013 Akatuma vadzidzi vake vaviri, akati kwavari: Endai muguta, ipapo muchasangana nomunhu akatakura chirongo chemvura; mumutevere iye.

14:14b.MAR.014.014 Paanenge achipinda, muti kumwene weimba: Zvanzi nomudzidzisi: Imba yangu yavaeni iripiko, mandingadyira paseka navadzidzi vangu?

14:15b.MAR.014.015 ipapo iye amene uchakutaridzai imba huru yokumusoro, yakarongedzwa, yakagadzirwa; mutigadzirirepo.

14:16b.MAR.014.016 Vadzidzi vake vakabuda, vakasvika muguta, vakandowana sezvavakanga vavudzwa naye; vakagadzira paseka.

14:17b.MAR.014.017 Ava madekwana, akavuya navanegumi navaviri.

14:18b.MAR.014.018 Zvino vakati vagere pakudya, Jesu akati: Zvirokwazvo ndinoti kwamuri: Mumwe wenyu uchandipandukira, iye unodya neni.

14:19b.MAR.014.019 Ipapo vakatanga kuva neshungu, mumwe nomumwe akati kwaari: Ndini here?

14:20b.MAR.014.020 Akati kwavari: Ndomumwe wavanegumi navaviri, unoisa ruvoko neni mundiro.

14:21b.MAR.014.021 Nokuti Mwanakomana womunhu unoenda hake, sezvakanyorwa pamusoro pake; asi unenhamo munhu uyo, Mwanakomana womunhu waanopandukirwa naye, kwaiva nani kumunhu uyu kana asina kuberekwa.

14:22b.MAR.014.022 Zvino vakati vachidya, Jesu akatora chingwa, akachiropafadza, akachimedura, ndokuvapa, achiti: Torai, ichi ndiwo muviri wangu.

14:23b.MAR.014.023 Akatora mukombe, akavonga, akavapa, vakanwa vose pauri.

14:24b.MAR.014.024 Akati kwavari: Ichi iropa rangu nesungano itsva, rinodururirwa vazhinji.

14:25b.MAR.014.025 Zvirokwazvo, ndinoti kwamuri: Handichazonwi zve zvibereko zvomuzambiringa, kusvikira zuva iro randichazonwa naro, zvava zvitsva, muvushe bwaMwari.

14:26b.MAR.014.026 Zvino vakati vaimba rwiyo, vakabuda, vakaenda kugomo reMiorivhi. Jesu unovudza Petro kuti uchamuramba. (Mat. 26. 31-35; Ruka 22. 31-34; Joh. 13. 36-38.)

14:27b.MAR.014.027 Zvino Jesu wakati kwavari: Imi mose muchagumburwa kwandiri, nokuti kwakanyorwa, kuchinzi: Ndicharova mufudzi, namakwai achaparadzwa.

14:28b.MAR.014.028 Asi kana ndamutswa,ndichakutunga mirirai Garirea.

14:29b.MAR.014.029 Zvino Petro akati kwaari: Kunyange vose vakagumburwa, ini kwete.

14:30b.MAR.014.030 Jesu akatikwaari: Zvirokwazvo ndinoti kwauri, kuti nhasi, vusiku bwuno, jongwe risati rarira kaviri, uchandiramba katatu.

14:31b.MAR.014.031 Asi iye wakareva nokusimbisa, achiti: Kunyange ndikafanira kufa nemi, handingatongokurambiyi ini. Navose vakadaro vo Jesu muGetsemani (Mat. 26. 36-46; Ruka 22. 39-46.)

14:32b.MAR.014.032 Zvino vakasvika panzvimbo inonzi Getsemani, akati kuvadzidzi vake: Garai pano, ini ndichindonyengetera.

14:33b.MAR.014.033 Akatora Petro naJakobho naJohane, akatanga kuvhunduka kwazvo nokudumbirwa.

14:34b.MAR.014.034 Akati kwavari: Mweya wangu uneshungu kwazvo, kusvikira pakufa; garai pano murinde.

14:35b.MAR.014.035 Akapfuvura mberi zvishoma, akawira pasi, akanyengetera kuti kana zvichibvira, nguva ipfuvure kwaari.

14:36b.MAR.014.036 Akati: Aba, Baba, zvose zvinobvira kwamuri, bvisai mukombe uyu kwandiri, asi kuda kwangu ngakurege kuitwa,asi kuda kwenyu..

14:37b.MAR.014.037 Zvino akasvika, akavawana vavata; akati kunaPetro: Simoni, uvete here? Wakanga usingagoni kurinda nguva imwe chete here?

14:38b.MAR.014.038 Rindai, munyengetere, kuti murege kupinda mukuidzwa; mweya unoda hawo, asi nyama hainesimba.

14:39b.MAR.014.039 Akaenda zve, akanyengetera achireva mashoko iwayo.

14:40b.MAR.014.040 Akaenda zve, akavawana vavata, nokuti meso avo akanga abatwa nehope kwazvo; vakasaziva zvavangamupindura.

14:41b.MAR.014.041 Akaenda zve rwechitatu, akati kwavari: Chivatai henyu, muzorore; Mwanakomana womunhu woiswa mumavoko avatadzi.

14:42b.MAR.014.042 Simukai, tiende; tarirai, wondiisa kwavari vava pedo. Kusungwa kwaJesu. (Mat. 26. 47-56; Ruka 22. 47-53; Joh. 18.1-11.)

14:43b.MAR.014.043 Pakarepo, achataura, Judhasi, mumwe wavanegumi navaviri, akasvika, anavanhu vazhinji vakabata minondo netsvimbo, vachibva kuvaPirisita vakuru navanyori navakuru.

14:44b.MAR.014.044 Zvino iye, wakamupandukira, wakanga avapa chiratidzo, achiti: Uyo wandinosveta ndiye, mumubate muende naye makamusunga zvakabata.

14:45b.MAR.014.045 Zvino wakati asvika, pakarepo akaswedera kwaari, akati: Rabhi! Akamusveta zvikuru.

14:46b.MAR.014.046 Ipapo vakaisa mavoko kwaari, vakamubata.

14:47b.MAR.014.047 Zvino mumwe wavakanga vamirepo, wakavhomora munondo wake, akatema muranda womuPirisita mukuru, akagura nzeve yake.

14:48b.MAR.014.048 Ipapo Jesu akapindura, akati kwavari: Mabuda kuzondibata neminondo netsvimbo, sendiri gororo here?

14:49b.MAR.014.049 Ndakanga ndinemi mazuva ose, ndichikudzidzisai mutembere, mukarega kundibata, asi izvi zvaitwa, kuti Magwaro aitike.

14:50b.MAR.014.050 Ipapo vakamusiya vose, vakatiza.

14:51b.MAR.014.051 Zvino rimwe jaya rakamutevera, rakapfeka mucheka bedzi pamuviri, vakaribata;

14:52b.MAR.014.052 asi rakasiya mucheka, rikatiza risinenguvo, Jesu pamberi pomuPirisita mukuru navakuru. (Mat. 26. 57-68; Ruka 22. 63-71; Joh. 18.12-24.)

14:53b.MAR.014.053 Zvino vakaisa Jesu kumuPirisita mukuru; vaPirisita vakuru vose navakuru navanyori vakavunganira kwaari.

14:54b.MAR.014.054 Petro wakanga amutevera ari kure kusvikira paruvazhe rwomuPirisita mukuru; akanga agere navatariri, achidziya moto.

14:55b.MAR.014.055 Zvino vaPirisita vakuru namakurukota ose vakatsvaka chapupu pamusoro paJesu kuti vamuvuraye, asi vakashaiwa

14:56b.MAR.014.056 Nokuti vazhinji vaimupupurira nhema, asi kupupura kwavo kwakapesana.

14:57b.MAR.014.057 Vamwe vakasimuka, vakamupupurira nhema, vachiti:

14:58b.MAR.014.058 Takamunzwa isu achiti: Ndichaputsa tembere iyi; yakavakwa namavoko, ndikavaka imwe namazuva matatu, isina kuvakwa namavoko.

14:59b.MAR.014.059 Asi kupupura kwavo kwakapesana.

14:60b.MAR.014.060 Zvino muPirisita mukuru akasimuka pakati pavo, akabvunza Jesu, achiti: Haupinduri chinhu here? Chinyi ichi chavanokupomedzera?

14:61b.MAR.014.061 Asi iye wakaramba anyerere, asingapinduri chinhu. MuPirisita mukuru akamubvunza zve, akati kwaari: Ndiwe Kristu, Mwanakomana wounokudzwa here?

14:62b.MAR.014.062 Jesu akati: Ndini. Nemi muchavona Mwanakomana womunhu agere kurudyi rwesimba, achivuya namakore okudenga.

14:63b.MAR.014.063 Ipapo muPirisita mukuru akabvarura nguvo dzake, akati: Tichatsvakireiko zvapupu?

14:64b.MAR.014.064 Manzwa kumhura kwake Mwari; munofungeiko? Ipapo vose vakamutongera kuti unofanira kufa.

14:65b.MAR.014.065 Vamwe vakatanga kumupfira mate, vakafukidza meso ake, vakamurova netsiva, vachiti kwaari: Profita; navatariri vakamurova namavoko. Kuramba kwaPetro. (Mat. 26. 69-75; Ruka 22. 54-62; Joh. 18. 16-18, 25-27.)

14:66b.MAR.014.066 Zvino Petro achiri panze paruvazhe, mumwe wavashandiri vomuPirisita mukuru akasvika,

14:67b.MAR.014.067 akavona Petro achidziya moto, akamutarira, akati: Newevo wakanga unaJesu weNazareta!

14:68b.MAR.014.068 Asi iye wakaramba, achiti: Handizivi kana kunzwisisa zvaunoreva; akabuda panze kuruvazhe rwapamberi, jongwe rikarira.

14:69b.MAR.014.069 Zvino mushandiri akamuvona, akatanga zve kureva kunavakanga varipo, achiti: Uyu ndomumwe wavo!

14:70b.MAR.014.070 Asi iye wakaramba zve. Nguva duku yakati yapfuvura, vakanga vamirepo vakati zve kuna Petro: Zvirokwazvo, uri mumwe wavo, nokuti newe vo uri muGarirea nokuti rurimi rwako runotenderana nazvo.

14:71b.MAR.014.071 Ipapo akatanga kutuka nokupika, achiti: Handimuzivi munhu uyu wamunoreva.

14:72b.MAR.014.072 Pakarepo jongwe rikarira rwechipiri; ipapo Petro akarangarira shoko rakanga rarebwa kwaari naJesu rokuti: Jongwe risati rarira kaviri, uchandiramba katatu. Zvino wakati achifunga izvozvo, akachema.

15

15:1b.MAR.015.001 Pakarepo mangwanani vaPirisita vakuru vakarangana navakuru navanyori namakurukota ose, vakasunga Jesu, vakaenda naye, vakamuisa kunaPirato.

15:2b.MAR.015.002 Pirato akamubvunza, akati: Ndiwe Mambo wavaJudha here? Akapindura, akati kwaari: Ndizvo zvamataura.

15:3b.MAR.015.003 VaPirisita vakuru vakaramba vachimupomera zvizhinji asi haana kuvapindura chinhu.

15:4b.MAR.015.004 Pirato akamubvunza zve akati: Haupinduri chinhu here? Chinzwa, vanokupomera, zvizhinji seiko!

15:5b.MAR.015.005 Asi Jesu haana kuzopindura chinhu, Pirato akashamiswa nazvo.

15:6b.MAR.015.006 Zvino pamutambo waisivasunungurira musungwa mumwe, wavanenge vaikumbira.

15:7b.MAR.015.007 Zvino kwakanga kunomumwe wainzi Barabhasi, wakanga asungwa pamwe chete navamwe vakanga vamutsa bope, vakavuraya vanhu pabope irero.

15:8b.MAR.015.008 Vanhu vazhinji vakakwira, vakatanga kukumbira kunaPirato kuti avaitire saizvozvo.

15:9b.MAR.015.009 Pirato akavapindura, akati: Munoda kuti ndikusunungurirei Mambo wavaJudha here?

15:10b.MAR.015.010 Nokuti wakanga achiziva kuti vaPirisita vakuru vakanga vamuisa kwaari negodo.

15:11b.MAR.015.011 Zvino vaPirisita vakuru vakakurudzira vanhu vazhinji, kuti vakumbire kuti zvirinani avasunungurire Barabhasi.

15:12b.MAR.015.012 Pirato akapindura zve, akati kwavari: Ndichagoiteiko naiye, wamunoti ndiye Mambo wa vaJudha?

15:13b.MAR.015.013 Vakadanidzira zve, vachiti: Murovere pamuchinjikwa!

15:14b.MAR.015.014 Pirato akati kwavari: Wakagotadzeiko? Vakanyanyisa kudanidzira vachiti: Murovere pamuchinjikwa!

15:15b.MAR.015.015 Zvino Pirato, nokuti wakanga achida kufadza vanhu vazhinji, akavasunungurira Bharabhasi, asi Jesu wakamurovesa, akamuisa kwavari kuti aroverwe pamuchinjikwa. Jesu unodadirwa navarwi. (Mat. 27. 27-31; Joh. 19. 2, 3.)

15:16b.MAR.015.016 Zvino varwi vakamuisa mukati moruvazhe, imo muimba yomubati, vakavunganidza hondo yose;

15:17b.MAR.015.017 vakamupfekedza nguvo tsvuku, vakaruka korona yeminzwa, vakamudzika iyo.

15:18b.MAR.015.018 Vakatanga kumukwazisa, vachiti: Kwaziwai, Mambo wavaJudha!

15:19b.MAR.015.019 Vakamurova musoro norutsanga, vakamupfira mate, vakafugama namabvi, vakamunamata.

15:20b.MAR.015.020 Vakati vamuseka, vakamubvisa nguvo tsvuku, ndokumupfekedza nguvo dzake, vakaenda naye kundomurovera pamuchinjikwa. Jesu unoroverwa pamuchinjikwa. (Mat. 27. 32-56; Ruka 23. 26-49; Joh. 19. 17-37.)

15:21b.MAR.015.021 Zvino vakamanikidza mumwe, wakanga achipfuvura achibva kuruwa, wainzi Simoni weKurini, baba vaArekesndro naRufo, kuti atakure muchnjikwa wake.

15:22b.MAR.015.022 Vakamuisa kunzvimbo inonzi Gorogota, ndokuti nzvimbo yedehenya, kana zvichishandurwa.

15:23b.MAR.015.023 Vakamupa waini, yakavhenganiswa nemura, asi iye wakazviramba.

15:24b.MAR.015.024 Vakati vamurovera pamuchinjikwa,, vakagovana nguvo dzake, vachikanda mijenya pamusoro padzo, kuti mumwe nomumwe apiwe chake.

15:25b.MAR.015.025 Yakanga iri nguva yechitatu, vakamurovera pamuchinjikwa.

15:26b.MAR.015.026 Norugwaro rwemhosva yake rwakanga rwakanyorwa pamsoro pake, ruchiti: MAMBO WAVAJUDHA.

15:27b.MAR.015.027 Vakarovera pamuchinjikwa pamwe chete naye makororo maviri, mumwe kurudyi rwake, mumwe kuruboshwe. [

15:28b.MAR.015.028 Rugwaro rukaitika, runoti: Wakarabwa pamwe chete navadariki vomurairo.]

15:29b.MAR.015.029 Navaipfuvura vakamutuka, vachidzungudza misoro yavo, vachiti: Iwe, wokuputsa tembere, nokuivaka zve namazuva matatu,

15:30b.MAR.015.030 chizviponesa iwe, uburuke pamuchinjikwa!

15:31b.MAR.015.031 Saizvozvo vaPirisita vakuru navanyori vakamuseka pakati pavo,vachiti: Wakaponesa vamwe, zvino haagoni kuzviponesa.

15:32b.MAR.015.032 Kristu, Mambo wavaIsraeri, ngaaburuke zvino pamuchinjikwa, kuti tivone titende. Navakanga varoverwa pamwe chete naye vakamuzvidza.

15:33b.MAR.015.033 Zvino yakatiyava nguva yechitanhatu, rima rikavapo panyika yose kusvikira panguva yepfumbamwe.

15:34b.MAR.015.034 Nenguva yepfumbamwe Jesu akadana nenzwi guru, achiti: Eroi, Eroi, rama Sabaktani! Ndokuti, kana zvichishandurwa: Mwari wangu, Mwari wangu, mandisiyireiko?

15:35b.MAR.015.035 Vamwe vakanga vamirepo vakati vachizvinzwa, vakati: Chinzwai, unodana Eria.

15:36b.MAR.015.036 Ipapo mumwe wakamhanya, akazadza chipanje nevhinega, akachiisa parutsanga, ndokumunwisa, achiti: Regai timboona kana Eria achizovuya kumuburusa.

15:37b.MAR.015.037 Ipapo Jesu akadana nenzwi guru, akabudisa mweya wake.

15:38b.MAR.015.038 Chidziro chetembere chikabvaruka napakati, kubva kumsoro kusvikira pasi.

15:39b.MAR.015.039 Zvino mukuru wezana wakanga amirepo akatarisana naye, wakati achivona mutovo wokufa kwake, akati: Zvirokwazvo, munhu uyu wakanga ari Mwanakomana waMwari.

15:40b.MAR.015.040 Navakadzi vakanga varipo, vakatarira vari kure; pakati pavo kwakanga kuna Maria Magdarene, naMaria mai vaJakobho muduku naJose, naSarome;

15:41b.MAR.015.041 ndivo vaimutevera achi muGarirea vachimushandira, navamwe vakadzi vazhinji vakanga vakwira Jerusarema naye. Kuvigwa kwaJesu. (Mat. 27-57-66; Ruka 23. 50-56; Joh. 19. 38-42.)

15:42b.MAR.015.042 Zvino ava madeko, zvarakanga riri zuva rokugadzirira, ndokuti rinotangira sabata,

15:43b.MAR.015.043 Josefa weArimatea, mumwe wamakurukota, munhu wakakudzwa iye amene wakanga achigarira vo vushe bwaMwari wakavuya akapinda nokutsunga kunaPirato, akakumbira mutumbu waJesu.

15:44b.MAR.015.044 Pirato akashamiswa achinzwa kuti wakanga atofa; akadana mukuru wezana, akamubvunza kana akanguva afa.

15:45b.MAR.015.045 Zvino wakati azvinzwa kumukuru wezana, akapa Josefa mutumbu.

15:46b.MAR.015.046 Iye wakatenga mucheka, akamuburusa, akamuputira nomucheka, ndokumuviga mubwiro bwakanga bwakacherwa pabwe, ndokukungurusira ibwe pamuromo wobwiro.

15:47b.MAR.015.047 Maria Magdarene, naMaria mai vaJose, vakavona paakavigwa.

16

16:1b.MAR.016.001 Sabata yakati yapfuvura, Maria Magdarene, naMaria mai vaJakobho, naSarome, vakatenga zvinonhuwira, kuti vaende kuzomuzodza.

16:2b.MAR.016.002 Mangwanani nomusi wokutanga wevhiki, vakaenda, kubwiro, zuva robuda.

16:3b.MAR.016.003 Vakataurirana, vachiti: Ndianiko uchatikungurusira ibwe pamukova wobwiro?

16:4b.MAR.016.004 Zvino vakati vachitarira, vakavona kuti ibwe rakanga ratokunguruswa, nokuti raiva guru-guru.

16:5b.MAR.016.005 Vakapinda mubwiro, vakavona jaya, rakanga rigere kurudyi, rakapfeka nguvo chena yakareba, vakavhunduka.

16:6b.MAR.016.006 Rikati kwavari: Musavhunduka, munotsvaka Jesu weNazareta, wakanga aroverwa pamuchinjikwa; wamuka, haapo pano; tarirai pavakanga vamuisa.

16:7b.MAR.016.007 Asi endai, mundovudza vadzidzi vake naPetro, kuti unokutungamirirai Garirea, muchandomuvonako, sezvaakakuvudzai.

16:8b.MAR.016.008 Vakabuda, nokukurumidza vakatiza vachibva pabwiro, nokuti vakanga vabatwa nokudedera nokushamiswa; vakasavudza munhu chinhu, nokuti vakanga vachitya.

16:9b.MAR.016.009 Zvino wakati amuka mangwanani nomusi wokutanga wevhiki, akazviratidza pakutanga kunaMaria Magdarene, waakanga abudisa mweya yakaipa minomwe kwaari.

16:10b.MAR.016.010 Iye akaenda kundovudza avo vaiva naye,vakanga vachichema nokurira.

16:11b.MAR.016.011 Ivo vakati vachinzwa kuti uri mupenyu, vuye kuti wakavonekwa naye, vakasatenda.

16:12b.MAR.016.012 Shure kwaizvozvo wakazviratidza nomuwe mutovo kunavaviri vavo, vakanga vachifamba muruwa.

16:13b.MAR.016.013 Naivo vo vakaenda, vakandovudza vamwe; naivo vakasavatenda vo.

16:14b.MAR.016.014 Pashure wakazviratidza kunavanegumi nomumwe, vagere pakudya; akavapa mhaka pamusoro pokusatenda kwavo novukukutu hwemoyo yavo, nokuti havana kutenda vaya vakanga vamuvona amuka.

16:15b.MAR.016.015 Akati kwavari: Endai munyika yose muparidzire zvisikwa zvose Evhangeri.

16:16b.MAR.016.016 Unotenda, akabhabhatidzwa, uchaponeswa; asi usingatendi uchatongwa.

16:17b.MAR.016.017 Zviratidzo izvi zvichava navanotenda: Vachabudisa mweya yakaipa nezita rangu, vachitaura nendimi itsva;

16:18b.MAR.016.018 vachabata nyoka; kunyange vakanwa chinhu chinovuraya, hachingavarwadzi; vachaisa mavoko pamusoro pavarwere, vakapora. Kukwira kwaJesu. (Ruka 24. 50-53; Mab. 1. 9-11.)

16:19b.MAR.016.019 Zvino Ishe Jesu wakati ataura navo, akagamuchirwa kudenga, akagara kuruvoko rworudyi rwaMwari.

16:20b.MAR.016.020 Ivo vakaenda, vakaparidza kwose-kwose, Ishe achibata navo, achisimbisa shoko nezvitidzo zvaiva navo. Amen.