John (Zulu)

1

1:1b.JOH.001.001 Ekuqaleni wayekhona uLizwi, uLizwi wayekuNkulunkulu, uLizwi wayenguNkulunkulu.

1:2b.JOH.001.002 Yena lowo wayekhona ekuqaleni kuNkulunkulu.

1:3b.JOH.001.003 Konke kwavela ngaye; ngaphandle kwakhe akuvelanga lutho kukho konke okuvelileyo.

1:4b.JOH.001.004 Ukuphila kwakukuye, ukuphila kwakungukukhanya kwabantu;

1:5b.JOH.001.005 ukukhanya kukhanya ebumnyameni, kepha ubumnyama abukwamukelanga.

1:6b.JOH.001.006 Kwavela umuntu ethunyiwe nguNkulunkulu, igama lakhe linguJohane.

1:7b.JOH.001.007 Lowo wezela ubufakazi ukuba afakaze ngokukhanya, ukuze bonke bakholwe ngaye.

1:8b.JOH.001.008 Yena wayengesikho ukukhanya, kepha wayengozofakaza ngokukhanya.

1:9b.JOH.001.009 Kwakungukukhanya okuqinisileyo okukhanyisa wonke umuntu, okwase kuza ezweni.

1:10b.JOH.001.010 Wayekhona ezweni, izwe lavela ngaye; kepha izwe alimazanga.

1:11b.JOH.001.011 Weza kokwakhe, abakhe abamamukelanga.

1:12b.JOH.001.012 Kepha bonke abamamukelayo wabapha amandla okuba babe ngabantwana bakaNkulunkulu, labo abakholwa egameni lakhe,

1:13b.JOH.001.013 abangazalwanga ngagazi, nantando yenyama, nantando yendoda, kodwa bazalwa nguNkulunkulu.

1:14b.JOH.001.014 ULizwi waba yinyama, wakha phakathi kwethu, sabona inkazimulo yakhe, inkazimulo njengeyozelwe yedwa kuYise, egcwele umusa neqiniso.

1:15b.JOH.001.015 UJohane wafakaza ngaye, wamemeza wathi: “Nguyena lo ebengisho ngaye ukuthi: ‘Lowo ozayo emva kwami uvelile ngaphambi kwami, ngokuba wayekhona kuqala kunami.’ ”

1:16b.JOH.001.016 Ngokuba ekugcwaleni kwakhe samukele sonke umusa phezu komusa.

1:17b.JOH.001.017 Ngokuba umthetho wanikezwa ngoMose, umusa neqiniso kwavela ngoJesu Kristu.

1:18b.JOH.001.018 Akakho oke wabona uNkulunkulu; iNdodana ezelwe yodwa esesifubeni sikaYise yiyona embonakalisile.

1:19b.JOH.001.019 Lokhu kungubufakazi bukaJohane mhla abaJuda bethuma abapristi namaLevi bephuma eJerusalema ukuba bambuze ukuthi: “Wena ungubani na?”

1:20b.JOH.001.020 Wavuma, kaphikanga, wavuma wathi: “Angisiye uKristu mina.”

1:21b.JOH.001.021 Bambuza bathi: “Uyini pho? Ungu-Eliya na?” Wathi: “Angisiye.” “UngumProfethi na?” Waphendula wathi: “Qha.”

1:22b.JOH.001.022 Base bethi kuye: “Ungubani na? ukuze sibaphendule abasithumileyo; uzisho ukuthi ungubani na?”

1:23b.JOH.001.023 Wathi: “Ngiyizwi lomemeza ehlane, ethi: ‘Lungisani indlela yeNkosi,’ ” njengalokho washo u-Isaya umprofethi.

1:24b.JOH.001.024 Labo ababethunyiwe babevela kubaFarisi.

1:25b.JOH.001.025 Bambuza-ke, bathi kuye: “Pho, ubhapathizelani, uma ungesiye uKristu, no-Eliya, nomProfethi, na?”

1:26b.JOH.001.026 UJohane wabaphendula wathi: “Mina ngibhapathiza ngamanzi; umi phakathi kwenu eningamaziyo:

1:27b.JOH.001.027 yena ozayo emva kwami, omchilo wesicathulo sakhe ngingafanele ukuwuthukulula.”

1:28b.JOH.001.028 Lokho kwenzeka eBethabara ngaphesheya kweJordani, lapho uJohane wayebhapathiza khona.

1:29b.JOH.001.029 Ngangomuso wabona uJesu eza kuye, wathi: “Bheka, iWundlu likaNkulunkulu elisusa izono zezwe.

1:30b.JOH.001.030 Nguye ebengisho ngaye, ngithi: ‘Emva kwami kuza umuntu owavela ngaphambi kwami, ngokuba wayekhona kuqala kunami.’

1:31b.JOH.001.031 Nami bengingamazi; kodwa ukuze abonakaliswe ku-Israyeli, ngalokho ngizile ngibhapathiza ngamanzi.”

1:32b.JOH.001.032 UJohane wafakaza wathi: “Ngibonile uMoya ehla ezulwini njengejuba, wahlala phezu kwakhe.

1:33b.JOH.001.033 Nami bengingamazi, kodwa owangithuma ukubhapathiza ngamanzi wathi kimi: ‘Lowo oyakubona uMoya ehla ahlale phezu kwakhe, nguyena obhapathiza ngoMoya oNgcwele.’

1:34b.JOH.001.034 Mina ngibonile, ngafakaza ukuthi: Lo uyiNdodana kaNkulunkulu.”

1:35b.JOH.001.035 Ngangomuso futhi wayemi uJohane nababili kubafundi bakhe.

1:36b.JOH.001.036 Ebona uJesu ehamba, wathi: “Bheka, nanto iWundlu likaNkulunkulu.”

1:37b.JOH.001.037 Abafundi ababili bezwa ekhuluma, bamlandela uJesu.

1:38b.JOH.001.038 Khona uJesu waphenduka, wababona belandela, wathi kubo: “Nifunani na?” Bathi kuye: “Rabi,” okungukuthi ngokuhunyushwa: Mfundisi, “uhlalaphi na?”

1:39b.JOH.001.039 Wathi kubo: “Wozani nibone.” Ngakho-ke beza babona lapho ehlala khona; bahlala naye ngalolo suku; kwakungaba yihora leshumi.

1:40b.JOH.001.040 Omunye walabo ababili abamuzwa uJohane balandela uJesu wayengu-Andreya umfowabo kaSimoni Petru;

1:41b.JOH.001.041 yena wafumana kuqala umfowabo uSimoni, wathi kuye: “Simfumene uMesiya,” okungukuthi ngokuhunyushwa uKristu.

1:42b.JOH.001.042 Wamyisa kuJesu; uJesu wambheka wathi: “Wena unguSimoni kaJona; uzakubizwa ngokuthi uKhefase,” okuhunyushwa ngokuthi uPetru.

1:43b.JOH.001.043 Ngangomuso wayefuna ukuya eGalile, wafumana uFiliphu; uJesu wathi kuye: “Ngilandele.”

1:44b.JOH.001.044 UFiliphu wayengowaseBetsayida, umuzi ka-Andreya noPetru.

1:45b.JOH.001.045 UFiliphu wafumana uNathanayeli, wathi kuye: “Simfumene lowo aloba ngaye emthethweni uMose kanye nabaprofethi, uJesu waseNazaretha, indodana kaJosefa.”

1:46b.JOH.001.046 UNathanayeli wathi kuye: “Kungase kuvele okuhle eNazaretha na?” UFiliphu wathi kuye: “Woza ubone.”

1:47b.JOH.001.047 UJesu wabona uNathanayeli eza kuye, wathi ngaye: “Bheka, umIsrayeli uqobo okungekho nkohliso kuye.”

1:48b.JOH.001.048 UNathanayeli wathi kuye: “Ungazelaphi na?” UJesu waphendula, wathi kuye: “Ungakabizwa nguFiliphu, uphansi komkhiwane, ngakubona.”

1:49b.JOH.001.049 UNathanayeli wamphendula wathi: “Rabi, uyiNdodana kaNkulunkulu, uyiNkosi ka-Israyeli.”

1:50b.JOH.001.050 UJesu waphendula, wathi kuye: “Ukholwa ngokuba ngithe kuwe ngakubona uphansi komkhiwane na? Uzakubona okukhulu kunalokho.”

1:51b.JOH.001.051 Wathi kuye: “Ngiqinisile, ngiqinisile ngithi kini: Nizakubona izulu livuliwe nezingelosi zikaNkulunkulu zenyuka, zehla phezu kweNdodana yomuntu.”

2

2:1b.JOH.002.001 Kwathi ngosuku lwesithathu kwakukhona umshado eKhana laseGalile; wayekhona lapho unina kaJesu.

2:2b.JOH.002.002 NoJesu nabafundi bakhe babemenyiwe emshadweni.

2:3b.JOH.002.003 Kwathi ukuba lisweleke iwayini, unina kaJesu wathi kuye: “Kabanalo iwayini.”

2:4b.JOH.002.004 UJesu wathi kuye: “Mame, ungene ngani kokwami na? Isikhathi sami asikafiki.”

2:5b.JOH.002.005 Wathi unina ezincekwini: “Nayikuphi akusho kini anokwenza.”

2:6b.JOH.002.006 Kwakukhona lapho izimbiza zamatshe eziyisithupha zibekwe ngesiko lokuhlamba labaJuda, ziphethe yileso naleso izilinganiso ezimbili noma ezintathu.

2:7b.JOH.002.007 UJesu wathi ezincekwini: “Gcwalisani izimbiza ngamanzi;” zazigcwalisa-ke.

2:8b.JOH.002.008 Wayesethi kuzo: “Yikhani manje, niyise kumphathi wokudla;” zayisa-ke.

2:9b.JOH.002.009 Umphathi wokudla ezwa amanzi aphenduke iwayini, engazi ukuthi livelaphi, kepha izinceku ezaziwakhile amanzi bezazi, umphathi wokudla wabiza umyeni, wathi kuye:

2:10b.JOH.002.010 “Wonke umuntu ubeka iwayini elimnandi kuqala, kuthi lapha sebephuze kakhulu, akhiphe elibi kunalo; wena ugcinile elimnandi kuze kube manje.”

2:11b.JOH.002.011 Lokho ukuqala kwezibonakaliso wakwenza uJesu eKhana laseGalile ebonakalisa inkazimulo yakhe; abafundi bakhe bakholwa nguye.

2:12b.JOH.002.012 Ngasemva kwalokho wehlela eKapernawume, yena, nonina, nabafowabo, nabafundi bakhe, bahlala khona izinsuku ezingeziningi.

2:13b.JOH.002.013 Lalisondele iPhasika labaJuda; uJesu wakhuphukela eJerusalema.

2:14b.JOH.002.014 Wafumana ethempelini abathengisa ngezinkomo nangezimvu nangamajuba, nabahlezi beshintsha imali.

2:15b.JOH.002.015 Wayesenza inkalivasi ngezintambo, waxosha bonke ethempelini, nezimvu nezinkomo, wachitha imali yabashintshayo, wagumbuqela amatafula,

2:16b.JOH.002.016 wathi kwabathengisa ngamajuba: “Susani lokhu lapha, ningayenzi indlu kaBaba indlu yokuthengelana.”

2:17b.JOH.002.017 Abafundi bakhe bakhumbula ukuba kulotshwe ukuthi: “Ukushisekela indlu yakho kuyangidla.”

2:18b.JOH.002.018 Ngakho-ke abaJuda baphendula, bathi kuye: “Usitshengisa isibonakaliso sini ukuba wenze lokhu na?”

2:19b.JOH.002.019 UJesu waphendula, wathi kubo: “Bhidlizani leli thempeli, ngizakulivusa ngezinsuku ezintathu.”

2:20b.JOH.002.020 Ngakho bathi abaJuda: “Leli thempeli kwaba yiminyaka engamashumi amane nesithupha lakhiwa, wena-ke uzakulivusa ngezinsuku ezintathu na?”

2:21b.JOH.002.021 Kepha wayekhuluma ngethempeli lomzimba wakhe.

2:22b.JOH.002.022 Kuthe esevukile kwabafileyo, abafundi bakhe bakhumbula ukuthi washo njalo kubo; bakholwa ngumbhalo nezwi abelishilo uJesu. .

2:23b.JOH.002.023 Kwathi eseJerusalema ngePhasika emkhosini, abaningi bakholwa egameni lakhe bebona izibonakaliso zakhe azenzayo;

2:24b.JOH.002.024 kepha uJesu yena kabethembanga ukuba abhobokelane nabo, ngokuba wayebazi bonke,

2:25b.JOH.002.025 nangokuba engaswele nobani amfakazele ngomuntu; wayekwazi yena okuphakathi komuntu.

3

3:1b.JOH.003.001 Kwakukhona umuntu wakubaFarisi, nguNikodemu igama lakhe, isikhulu sabaJuda.

3:2b.JOH.003.002 Lowo-ke weza kuye ebusuku, wathi kuye: “Rabi, siyazi ukuthi ungumfundisi ovele kuNkulunkulu, ngokuba akakho ongenza lezi zibonakaliso ozenzayo, uma uNkulunkulu engenaye.”

3:3b.JOH.003.003 UJesu waphendula, wathi kuye: “Ngiqinisile, ngiqinisile ngithi kuwe: Uma umuntu engazalwa ngokusha, angewubone umbuso kaNkulunkulu.”

3:4b.JOH.003.004 UNikodemu wathi kuye: “Umuntu angazalwa kanjani esemdala na? Angangena ngokwesibili esiswini sikanina, azalwe, na?”

3:5b.JOH.003.005 Waphendula uJesu, wathi: “Ngiqinisile, ngiqinisile ngithi kuwe: Uma umuntu engazalwa ngamanzi nangoMoya, angengene embusweni kaNkulunkulu.

3:6b.JOH.003.006 Lokho okuzelwe yinyama kuyinyama; nalokho okuzelwe nguMoya kungumoya.

3:7b.JOH.003.007 Ungamangali ngokuba ngithe kuwe: ‘Nimelwe ukuzalwa ngokusha.’

3:8b.JOH.003.008 Umoya uphephetha lapha uthanda khona; uyaluzwa udumo lwawo, kodwa kawazi lapho uvela khona nalapho uya khona; banjalo bonke abazelwe nguMoya.”

3:9b.JOH.003.009 UNikodemu waphendula, wathi kuye: “Lokhu kungenzeka kanjani na?”

3:10b.JOH.003.010 UJesu waphendula, wathi kuye: “Wena ungumfundisi ka-Israyeli, awukwazi lokhu na?

3:11b.JOH.003.011 Ngiqinisile, ngiqinisile ngithi kuwe: Sikhuluma esikwaziyo, sifakaza ngesikubonileyo; kepha anibamukeli ubufakazi bethu.

3:12b.JOH.003.012 Nxa nginitshelile okomhlaba, kanakholwa; ningakholwa kanjani, uma nginitshela okwasezulwini na?

3:13b.JOH.003.013 Akakho owenyukele ezulwini, kuphela yena owehla ezulwini, iNdodana yomuntu.

3:14b.JOH.003.014 Njengokuba uMose waphakamisa inyoka ehlane, kanjalo iNdodana yomuntu imelwe ukuphakanyiswa

3:15b.JOH.003.015 ukuba yilowo nalowo okholwa yiyo abe nokuphila okuphakade.

3:16b.JOH.003.016 “Ngokuba uNkulunkulu walithanda izwe kangaka, waze wanikela ngeNdodana yakhe ezelwe yodwa ukuba yilowo nalowo okholwa yiyo angabhubhi, kodwa abe nokuphila okuphakade.

3:17b.JOH.003.017 Ngokuba uNkulunkulu kayithumelanga iNdodana ezweni ukuba yahlulele izwe, kodwa ukuba izwe lisindiswe ngayo.

3:18b.JOH.003.018 Okholwa yiyo kahlulelwa; ongakholwa usahlulelwe, lokhu engakholwanga egameni leNdodana ezelwe yodwa kaNkulunkulu.

3:19b.JOH.003.019 Ukwahlulela kuyilokhu ukuba ukukhanya kufikile ezweni, kepha abantu bathanda ubumnyama kunokukhanya, ngokuba imisebenzi yabo ibimibi.

3:20b.JOH.003.020 Ngokuba yilowo nalowo owenza okubi uzonda ukukhanya, akezi ekukhanyeni ukuba imisebenzi yakhe ingasolwa.

3:21b.JOH.003.021 Kepha owenza iqiniso uyeza ekukhanyeni, ukuze imisebenzi yakhe ibonakaliswe ukuthi yenziwe kuNkulunkulu.”

3:22b.JOH.003.022 Ngasemva kwalokho uJesu weza nabafundi bakhe ezweni laseJudiya; wahlala khona nabo, wabhapathiza.

3:23b.JOH.003.023 Naye uJohane wayebhapathiza e-Enoni eduze neSalimi, ngokuba amanzi ayemaningi lapho; beza babhapathizwa.

3:24b.JOH.003.024 Ngokuba uJohane wayengakafakwa etilongweni.

3:25b.JOH.003.025 Kwase kuvela ukuphikisana phakathi kwabafundi bakaJohane nabaJuda ngokuhlambulula.

3:26b.JOH.003.026 Base beza kuJohane, bathi kuye: “Rabi, lowo owayenawe phesheya kweJordani, owamfakazelayo, bheka, uyabhapathiza, bonke beza kuye.”

3:27b.JOH.003.027 UJohane waphendula wathi: “Umuntu angelwamukele utho, uma engaluphiwanga luvela ezulwini.

3:28b.JOH.003.028 Nina ngokwenu niyangifakazela ukuba ngathi: ‘Angisiye uKristu mina, kodwa ngithunyiwe ngaphambi kwakhe.’

3:29b.JOH.003.029 Onomlobokazi ungumyeni, kepha umhlobo womyeni omiyo emuzwa uthokoza nokuthokoza ngezwi lomyeni. Le ntokozo yami isiphelele.

3:30b.JOH.003.030 Umelwe ukukhula yena, nginciphe mina.

3:31b.JOH.003.031 “Ovela phezulu uphezu kwakho konke; ovela emhlabeni ungowomhlaba, ukhuluma okomhlaba. Ovela ezulwini uphezu kwakho konke.

3:32b.JOH.003.032 Akubonileyo nakuzwileyo lokho ufakaza ngakho; kepha akakho owamukela ubufakazi bakhe.

3:33b.JOH.003.033 Owamukele ubufakazi bakhe ulubekile uphawu lokuthi uNkulunkulu uqinisile.

3:34b.JOH.003.034 Ngokuba lowo uNkulunkulu amthumileyo ukhuluma amazwi kaNkulunkulu; ngokuba akaniki uMoya ngokulinganisela.

3:35b.JOH.003.035 UYise uyayithanda iNdodana, wanikela konke esandleni sayo.

3:36b.JOH.003.036 Okholwa yiNdodana unokuphila okuphakade; kepha ongakholwa yiNdodana kayikubona ukuphila, kodwa intukuthelo kaNkulunkulu ihlezi phezu kwakhe.”

4

4:1b.JOH.004.001 Kwathi ukuba iNkosi yazi ukuthi abaFarisi bezwile ukuba uJesu wenza abafundi, ebhapathiza abaningi kunoJohane,

4:2b.JOH.004.002 ingani uJesu uqobo kabhapathizanga, kodwa kwakubhapathiza abafundi bakhe,

4:3b.JOH.004.003 yamuka eJudiya, yaphindela eGalile.

4:4b.JOH.004.004 Kwakuswelekile ukuba adabule iSamariya.

4:5b.JOH.004.005 Khona wafika emzini waseSamariya ogama lawo yiSikhari, eduze nesiqinti uJakobe asinika uJosefa indodana yakhe.

4:6b.JOH.004.006 Wawukhona lapho umthombo kaJakobe. Ngakho uJesu ekhathele ukuhamba wayesehlala ngasemthonjeni. Kwakungaba yihora lesithupha.

4:7b.JOH.004.007 Owesifazane waseSamariya weza ezokukha amanzi. UJesu wathi kuye: “Ngiphuzise.”

4:8b.JOH.004.008 Ngokuba abafundi bakhe babehambile baya emzini beyothenga ukudla.

4:9b.JOH.004.009 Khona owesifazane waseSamariya wathi kuye: “Yini ukuba wena ongumJuda ucele ukuphuziswa yimi engingowesifazane waseSamariya na?” Ngokuba abaJuda abadlelani namaSamariya.

4:10b.JOH.004.010 UJesu waphendula, wathi kuye: “Uma ubusazi isipho sikaNkulunkulu nokuthi ngubani othi kuwe: ‘Ngiphuzise,’ nga ucele kuye, yena nga ekunikile amanzi aphilayo.”

4:11b.JOH.004.011 Wathi kuye: “Nkosi, awuphethe lutho lokukha amanzi, umthombo ujulile; uwathathaphi, pho, lawo manzi aphilayo na?

4:12b.JOH.004.012 Kanti wena umkhulu yini kunobaba uJakobe owasinika lo mthombo, waphuza kuwo, yena kanye namadodana akhe nemihlambi yakhe, na?”

4:13b.JOH.004.013 Waphendula uJesu, wathi kuye: “Yilowo nalowo ophuza lawa manzi uyakubuye ome;

4:14b.JOH.004.014 kepha lowo oyakuphuza amanzi engiyakumnika wona kasayikoma naphakade; kepha amanzi engiyakumnika wona, phakathi kwakhe ayakuba ngumthombo wamanzi aphuphumayo, kube ngukuphila okuphakade.”

4:15b.JOH.004.015 Owesifazane wathi kuye: “Nkosi, ngiphe lawo manzi ukuba ngingomi, ngingabe ngiseza ukukha lapha.”

4:16b.JOH.004.016 Wathi kuye: “Hamba ubize indoda yakho, uze lapha.”

4:17b.JOH.004.017 Owesifazane waphendula wathi: “Anginandoda.” UJesu wathi kuye: “Usho kahle ukuthi: ‘Anginandoda;’

4:18b.JOH.004.018 ngokuba usuke waba namadoda ayisihlanu; le onayo kalokhu akusiyo indoda yakho. Lokhu ukusho ngeqiniso.”

4:19b.JOH.004.019 Owesifazane wathi kuye: “Nkosi, ngiyabona ukuthi ungumprofethi wena.

4:20b.JOH.004.020 Okhokho bethu babekhulekela kule ntaba; nina-ke nithi iseJerusalema indawo lapho kufanele kukhulekelwe khona.”

4:21b.JOH.004.021 UJesu wathi kuye: “Sifazane, kholwa yimi, isikhathi siyeza, lapho ningasayikukhuleka kuBaba nakule ntaba naseJerusalema.

4:22b.JOH.004.022 Nina nikhuleka kweningakwaziyo, thina sikhuleka kwesikwaziyo; ngokuba insindiso ivela kubaJuda.

4:23b.JOH.004.023 Kodwa isikhathi siyeza, sesikhona namanje, lapho abakhulekayo abaqinisileyo beyakukhuleka kuBaba ngomoya nangeqiniso; ngokuba uBaba ufuna abakhuleka kuye abanjalo.

4:24b.JOH.004.024 UNkulunkulu unguMoya; abakhuleka kuye bafanele ukukhuleka ngomoya nangeqiniso.”

4:25b.JOH.004.025 Owesifazane wathi kuye: “Ngiyazi ukuthi uMesiya uyeza, othiwa uKristu; nxa esefikile yena, uyakusitshela konke.”

4:26b.JOH.004.026 UJesu wathi: “Nginguye mina engikhuluma nawe.”

4:27b.JOH.004.027 Ngaleyo nkathi bafika abafundi bakhe; bamangala ngokuba ekhuluma nowesifazane; nokho akubangakho owathi: “Ufunani na?” noma: “Ukhulumelani naye na?”

4:28b.JOH.004.028 Owesifazane wayeseshiya imbiza yakhe, waya emzini, wathi kubantu:

4:29b.JOH.004.029 “Wozani nibone umuntu ongitshele konke engikwenzileyo; kungebe nguye uKristu na?”

4:30b.JOH.004.030 Baphuma emzini, beza kuye.

4:31b.JOH.004.031 Kusenjalo abafundi bamncenga bathi: “Rabi, yidla.”

4:32b.JOH.004.032 Kepha wathi kubo: “Nginokudla engikudlayo eningakwaziyo.”

4:33b.JOH.004.033 Base bekhuluma bodwa abafundi, bethi: “Ukhona yini omlethele ukudla na?”

4:34b.JOH.004.034 UJesu wathi kubo: “Ukudla kwami kungukwenza intando yongithumileyo, ngifeze umsebenzi wakhe.

4:35b.JOH.004.035 Anisho yini ukuthi izinyanga zisezine kufike ukuvuna na? Bhekani, ngithi kini: Phakamisani amehlo enu, nibone ukuthi amasimu asemhlophe, aselungele ukuvunwa.

4:36b.JOH.004.036 Ovunayo wamukeliswa umvuzo, abuthe isithelo kube ngukuphila okuphakade ukuba ohlwanyelayo athokoze kanye novunayo.

4:37b.JOH.004.037 Ngokuba kulokhu liqinisile izwi lokuthi: ‘Omunye uyahlwanyela, omunye avune.’

4:38b.JOH.004.038 Mina nganithumela ukuvuna lokho eningakusebenzanga; abanye basebenzile, nina-ke ningene emsebenzini wabo.”

4:39b.JOH.004.039 AmaSamariya amaningi alowo muzi akholwa nguye ngezwi lowesifazane owafakaza ngokuthi: “Ungitshele konke engikwenzileyo.”

4:40b.JOH.004.040 Athe ukuba eze kuye amaSamariya, amncenga ukuba ahlale nawo; wahlala khona izinsuku ezimbili.

4:41b.JOH.004.041 Bakholwa abaningi kakhulu futhi ngenxa yezwi lakhe.

4:42b.JOH.004.042 Base bethi kowesifazane: “Asisakholwa ngokulanda kwakho nje, ngokuba sesizizwele ngokwethu, siyazi ukuthi lo ngempela unguMsindisi wezwe.”

4:43b.JOH.004.043 Kepha emva kwezinsuku ezimbili waphuma lapho ukuya eGalile.

4:44b.JOH.004.044 Ngokuba uJesu uqobo wafakaza ngokuthi umprofethi kaziswa ezweni lakubo.

4:45b.JOH.004.045 Kuthe-ke ukuba afike eGalile, abaseGalile bamamukela bebone konke akwenzayo eJerusalema emkhosini; ngokuba nabo babezile emkhosini.

4:46b.JOH.004.046 UJesu wayesephinda eza eKhana laseGalile, lapho enza khona amanzi abe yiwayini. Kwakukhona induna ethile yenkosi endodana yayo yayigula eKapernawume.

4:47b.JOH.004.047 Yathi ukuba izwe ukuthi uJesu ufikile eGalile evela eJudiya, yaya kuye, yamncenga ukuba ehle aphulukise indodana yayo, ngokuba yayisizakufa.

4:48b.JOH.004.048 Ngakho-ke uJesu wathi kuyo: “Uma ningaboni izibonakaliso nezimangaliso, anisoze nakholwa.”

4:49b.JOH.004.049 Induna yenkosi yathi kuye: “Nkosi, yehla engakafi umntanami.”

4:50b.JOH.004.050 Wathi kuyo uJesu: “Hamba, indodana yakho iphilile.” Lowo muntu wakholwa yizwi alishilo kuye uJesu, wahamba.

4:51b.JOH.004.051 Kwathi esehla, izinceku zakhe zamhlangabeza, zathi umntanakhe uphilile.

4:52b.JOH.004.052 Wayesezibuza isikhathi aqale ngaso ukuba ngcono; khona zathi kuye: “Umkhuhlane umyekile izolo ngehora lesikhombisa.”

4:53b.JOH.004.053 Wayeseqonda uyise ukuthi yilona lelo hora uJesu asho ngalo kuye ukuthi: “Indodana yakho iphilile.” Wakholwa yena nendlu yakhe yonke.

4:54b.JOH.004.054 Leso siyisibonakaliso sesibili uJesu asenza efikile eGalile evela eJudiya.

5

5:1b.JOH.005.001 Emva kwalokho kwakukhona umkhosi wabaJuda; uJesu wakhuphukela eJerusalema.

5:2b.JOH.005.002 Kukhona-ke eJerusalema ngasesangweni lezimvu ichibi elithiwa ngesiHeberu iBethesda, linemipheme eyisihlanu.

5:3b.JOH.005.003 Kwakulele kuyo abagulayo abaningi kakhulu, izimpumputhe, nezinyonga, nabashwabeneyo, belindele ukuzanyazanyiswa kwamanzi.

5:4b.JOH.005.004 Ngokuba ingelosi yayehla izikhathi ngezikhathi, izamazamise amanzi, kuthi lowo ongene kuqala emva kokuzanyazanyiswa kwamanzi asinde esifweni sakhe, noma enasifo sini.

5:5b.JOH.005.005 Kwakukhona lapho umuntu othile owayesegule iminyaka engamashumi amathathu nesishiyagalombili.

5:6b.JOH.005.006 UJesu embona elele, azi ukuthi usenesikhathi eside enjalo, wathi kuye: “Uyathanda ukusinda na?”

5:7b.JOH.005.007 Ogulayo wamphendula wathi: “Nkosi, anginamuntu wokungifaka echibini, nxa amanzi ezanyazanyiswa; kuthi ngiseza, kwehle omunye phambi kwami.”

5:8b.JOH.005.008 UJesu wathi kuye: “Sukuma, uthabathe uhlaka lwakho, uhambe.”

5:9b.JOH.005.009 Wayesephila masinyane lowo muntu, wathabatha uhlaka lwakhe, wahamba. Kwakuyisabatha ngalolo suku.

5:10b.JOH.005.010 Khona base bethi abaJuda kophilisiweyo: “Yisabatha, akuvunyiwe uthwale uhlaka.”

5:11b.JOH.005.011 Wabaphendula wathi: “Ongiphilisileyo nguyena othe kimi: ‘Thabatha uhlaka lwakho, uhambe.’ ”

5:12b.JOH.005.012 Bambuza bathi: “Ngubani lowo muntu othe kuwe: ‘Thabatha uhlaka lwakho uhambe,’ na?”

5:13b.JOH.005.013 Kepha ophilisiweyo wayengazi ukuthi ungubani, ngokuba uJesu wayemukile lapho, kukhona isixuku kuleyo ndawo.

5:14b.JOH.005.014 Emva kwalokho uJesu wamfumana ethempelini, wathi kuye: “Bheka, uphilisiwe; ungabe usona, funa wehlelwe ngokubi kunalokho.”

5:15b.JOH.005.015 Wamuka lowo muntu, watshela abaJuda ukuthi nguJesu omphilisileyo.

5:16b.JOH.005.016 Ngenxa yalokho abaJuda bamzingela uJesu, ngokuba wakwenza lokho ngesabatha.

5:17b.JOH.005.017 Kepha wabaphendula wathi: “UBaba usebenza kuze kube manje, nami ngiyasebenza.”

5:18b.JOH.005.018 Ngalokho-ke abaJuda kwayikhona befuna kakhulu ukumbulala, ngokuba wayengaphulile isabatha kuphela, kodwa wabuye wathi uNkulunkulu unguYise, ezenza olingana noNkulunkulu.

5:19b.JOH.005.019 Khona uJesu waphendula, wathi kubo: “Ngiqinisile, ngiqinisile ngithi kini: INdodana ingenze lutho ngokwayo, kuphela lokho ebona uYise ekwenza, ngokuba lokho akwenzayo yena, neNdodana iyakwenza kanjalo.

5:20b.JOH.005.020 Ngokuba uYise uyayithanda iNdodana, uyikhombisa konke akwenzayo yena; woyikhombisa imisebenzi emikhulu kunalena ukuba nimangale.

5:21b.JOH.005.021 Ngokuba njengalokhu uYise evusa abafileyo, abaphilise, kanjalo neNdodana iyabaphilisa labo ethanda ukubaphilisa.

5:22b.JOH.005.022 Ngokuba noYise kahluleli muntu; ukunike iNdodana konke ukwahlulela

5:23b.JOH.005.023 ukuba bonke bazise iNdodana, njengokuba bazisa uYise. Ongayazisi iNdodana kamazisi noYise oyithumileyo.

5:24b.JOH.005.024 “Ngiqinisile, ngiqinisile ngithi kini: Ozwa izwi lami, akholwe ngongithumileyo, unokuphila okuphakade; akayi ekwahlulelweni, kepha usephumile ekufeni, wangena ekuphileni.

5:25b.JOH.005.025 Ngiqinisile, ngiqinisile ngithi kini: Isikhathi siyeza, sesikhona namanje, lapho abafileyo beyakulizwa izwi leNdodana kaNkulunkulu; abezwayo bayakuphila.

5:26b.JOH.005.026 Ngokuba njengalokhu uYise enokuphila ngokwakhe, kanjalo uyiphile neNdodana ibe nokuphila ngokwayo.

5:27b.JOH.005.027 Uyiphile amandla okwahlulela, ngokuba iyiNdodana yomuntu.

5:28b.JOH.005.028 “Ningamangali ngalokho, ngokuba isikhathi siyeza, lapho bonke abasemathuneni beyakulizwa izwi layo,

5:29b.JOH.005.029 abenze ukulunga baphumele ekuvukeni kokuphila, abenze okubi ekuvukeni kokulahlwa.

5:30b.JOH.005.030 Mina ngingenze lutho ngokwami; ngahlulela njengalokho engikuzwayo; ukwahlulela kwami kulungile, ngokuba ngingafuni eyami intando kepha intando yongithumileyo.

5:31b.JOH.005.031 “Uma ngizifakazela mina, ubufakazi bami abuqinisile.

5:32b.JOH.005.032 Ngomunye ofakaza ngami; ngiyazi ukuthi ubufakazi angifakazela ngabo buqinisile.

5:33b.JOH.005.033 “Nina nithumele kuJohane, walifakazela iqiniso.

5:34b.JOH.005.034 Kepha mina angibamukeli ubufakazi kumuntu; kodwa ngisho lokhu ukuba nisindiswe.

5:35b.JOH.005.035 Yena wayeyisibani esivuthayo nesikhanyayo; nina-ke benithanda ukuthokoza isikhashana ekukhanyeni kwakhe.

5:36b.JOH.005.036 “Kepha nginabo ubufakazi obukhulu kunobukaJohane, ngokuba imisebenzi uBaba anginike yona ukuba ngiyifeze, yona le misebenzi engiyenzayo, iyangifakazela ukuthi uBaba ungithumile.

5:37b.JOH.005.037 NoBaba ongithumileyo ufakazile ngami. Anizange nizwe izwi lakhe, anisibonanga isimo sakhe.

5:38b.JOH.005.038 Nezwi lakhe aninalo elihleziyo phakathi kwenu, ngokuba amthumileyo yena lowo anikholwa nguye.

5:39b.JOH.005.039 Nihlola imibhalo, ngokuba nithi ninokuphila okuphakade kuyo; yiyona efakaza ngami.

5:40b.JOH.005.040 Kepha anivumi ukuza kimi ukuba nibe nokuphila.

5:41b.JOH.005.041 “Mina angamukeli udumo kubantu.

5:42b.JOH.005.042 Kepha ngiyanazi nina ukuthi aninalo uthando lukaNkulunkulu phakathi kwenu.

5:43b.JOH.005.043 Ngize egameni likaBaba, aningamukeli; uma kuza omunye ngelakhe igama, niyakumamukela yena.

5:44b.JOH.005.044 Ningakholwa kanjani nina enidumisana nodwa, ningalufuni udumo oluvela kuNkulunkulu yedwa, na?

5:45b.JOH.005.045 “Ningacabangi ukuthi ngiyakunimangalela kuBaba; ukhona onimangalelayo, uMose enithemba kuye.

5:46b.JOH.005.046 Ngokuba uma benikholwa nguMose, beniyakukholwa yimina, ngokuba yena waloba ngami.

5:47b.JOH.005.047 Kodwa uma ningakholwa yimibhalo yakhe, niyakukholwa kanjani ngamazwi ami na?”

6

6:1b.JOH.006.001 Emva kwalokho uJesu wamuka waya phesheya kolwandle lwaseGalile olungolwaseTiberiya.

6:2b.JOH.006.002 Samlandela isixuku esikhulu, ngokuba babebona izibonakaliso azenzayo kwabagulayo.

6:3b.JOH.006.003 UJesu wenyukela entabeni, wahlala phansi khona nabafundi bakhe.

6:4b.JOH.006.004 Laliseduze iPhasika, umkhosi wabaJuda.

6:5b.JOH.006.005 Kuthe uJesu ephakamisa amehlo, wabona ukuthi isixuku esikhulu siza kuye, wathi kuFiliphu: “Sizakuzithengaphi izinkwa ukuba badle laba na?”

6:6b.JOH.006.006 Washo njalo emvivinya, ngokuba yena wayekwazi azakukwenza.

6:7b.JOH.006.007 UFiliphu wamphendula wathi: “Izinkwa zawodenariyu abangamakhulu amabili zingebanele, kube yilowo nalowo athole ingcosana.”

6:8b.JOH.006.008 Omunye wabafundi bakhe, u-Andreya umfowabo kaSimoni Petru, wathi kuye:

6:9b.JOH.006.009 “Kukhona umfana lapha onezinkwa zebhali eziyisihlanu nezinhlanzana ezimbili; kepha kuyini lokho kwabaningi kangaka na?”

6:10b.JOH.006.010 UJesu wathi: “Bahlaliseni abantu.” Kwakukhona utshani obuningi kuleyo ndawo. Ahlala phansi-ke amadoda, umumo wawo kungathi izinkulungwame eziyisihlanu.

6:11b.JOH.006.011 UJesu wazithabatha izinkwa, wabonga, wayesezabela ababehlezi phansi, kanjalo futhi nezinhlanzana, njengokuthanda kwabo.

6:12b.JOH.006.012 Kuthe sebesuthi, wathi kubafundi bakhe: “Buthani imvuthuluka eseleyo, kungachitheki lutho.”

6:13b.JOH.006.013 Base bebutha, bagcwalisa iziqabetho eziyishumi nambili ngemvuthuluka yezinkwa eziyisihlanu zebhali eyasala kwabadlileyo.

6:14b.JOH.006.014 Kwathi-ke abantu bebona isibonakaliso uJesu asenzayo, bathi: “Impela lo ungumProfethi ozayo ezweni.”

6:15b.JOH.006.015 Ngakho-ke uJesu azi ukuthi bazakuza, bambambe, bambeke inkosi, wamonyukela futhi entabeni yena yedwa.

6:16b.JOH.006.016 Sekuhlwa abafundi bakhe bewukela elwandle,

6:17b.JOH.006.017 bangena emkhunjini, bawela ulwandle beya eKapernawume. Kwase kuhlwile, uJesu wayengakafiki kubo.

6:18b.JOH.006.018 Kwavunguza umoya omkhulu, lwavuka ulwandle.

6:19b.JOH.006.019 Khona sebegwedlile kungathi amastadiyu angamashumi amabili nanhlanu noma amashumi amathathu, babona uJesu ehamba phezu kolwandle, esondela emkhunjini; bethuka.

6:20b.JOH.006.020 Kepha wathi kubo: “Yimina, ningesabi.”

6:21b.JOH.006.021 Khona bafuna ukumngenisa emkhunjini, umkhumbi wawusufika masinyane ezweni ababeya kulo.

6:22b.JOH.006.022 Ngangomuso isixuku esasingaphesheya kolwandle sabona kungekho omunye umkhunjana khona, sazi ukuthi ubumunye nje nokuthi uJesu wayengangenanga emkhunjini kanye nabafundi bakhe, kepha ukuthi abafundi bakhe babewele bodwa,

6:23b.JOH.006.023 kodwa eminye imikhunjana evela eTiberiya yafika eduze nendawo lapho badla khona isinkwa, iNkosi ibongile;

6:24b.JOH.006.024 isixuku sathi ukubona ukuthi uJesu akakho lapho nabafundi bakhe, sangena emikhunjaneni, naso saya eKapernawume sifuna uJesu.

6:25b.JOH.006.025 Kwathi ukuba bamfumane phesheya kolwandle, bathi: “Rabi, ufike nini lapha na?”

6:26b.JOH.006.026 UJesu wabaphendula wathi: “Ngiqinisile, ngiqinisile ngithi kini: Aningifuni ngokuba nabona izibonakaliso, kepha ningifuna ngokuba nadla izinkwa, nasutha.

6:27b.JOH.006.027 Ningasebenzeli ukudla okuphelayo kepha ukudla okuhlala kuze kube ngukuphila okuphakade, eyakunipha khona iNdodana yomuntu, ngokuba uYise uNkulunkulu ubekile uphawu kuyona.”

6:28b.JOH.006.028 Bathi-ke kuye: “Singenzani ukuba sisebenze imisebenzi kaNkulunkulu na?”

6:29b.JOH.006.029 Waphendula uJesu, wathi kubo: “Umsebenzi kaNkulunkulu yilowo ukuba nikholwe nguye amthumileyo.” 6:29 1 Joh. 3:23.

6:30b.JOH.006.030 Ngakho bathi kuye: “Pho, wenza sibonakaliso sini ukuba sibone, sikholwe nguwe, na? Usebenzani na?

6:31b.JOH.006.031 Okhokho bethu badla imana ehlane njengokulotshiweyo ukuthi: ‘Wabapha isinkwa esivela ezulwini ukuba badle.’ ”

6:32b.JOH.006.032 UJesu wayesethi kubo: “Ngiqinisile, ngiqinisile ngithi kini: Kwakungesiye uMose owanipha isinkwa esivela ezulwini, kodwa uBaba unipha isinkwa soqobo esivela ezulwini.

6:33b.JOH.006.033 Ngokuba isinkwa sikaNkulunkulu singuye owehla ezulwini, olipha izwe ukuphila.”

6:34b.JOH.006.034 Khona bathi kuye: “Nkosi, siphe njalonjalo leso sinkwa.”

6:35b.JOH.006.035 UJesu wathi kubo: “Mina ngiyisinkwa sokuphila; ozayo kimi kasoze alamba, nokholwa yimi kasoze oma.

6:36b.JOH.006.036 Kepha ngithe kini: Ningibonile, nokho anikholwa.

6:37b.JOH.006.037 Konke angipha khona uBaba kuyakuza kimi; ozayo kimi angisoze ngamlahlela ngaphandle.

6:38b.JOH.006.038 Ngokuba ngehle ezulwini kungengukuba ngenze intando yami, kodwa ukuba ngenze intando yongithumileyo.

6:39b.JOH.006.039 Lokhu kuyintando yongithumileyo ukuba konke angiphe khona ngingalahlekelwa lutho kukho, kodwa ngikuvuse ngomuhla wokuphela.

6:40b.JOH.006.040 Ngokuba lokhu kuyintando kaBaba ukuba yilowo nalowo obona iNdodana, akholwe yiyo, abe nokuphila okuphakade; ngiyakumvusa mina ngomuhla wokuphela.”

6:41b.JOH.006.041 Khona abaJuda bakhonona ngaye, ngokuba ethe: “Ngiyisinkwa esehle ezulwini.”

6:42b.JOH.006.042 Bathi-ke: “Lona akusiye uJesu indodana kaJosefa, uyise nonina sibazi na? Usesho kanjani, pho, ukuthi: ‘Ngehle ezulwini,’ na?”

6:43b.JOH.006.043 UJesu waphendula, wathi kubo: “Ningakhononi phakathi kwenu.

6:44b.JOH.006.044 Akakho ongeza kimi, uma uBaba ongithumileyo engamdonsi; mina-ke ngiyakumvusa ngomuhla wokuphela.

6:45b.JOH.006.045 Kulotshiwe kubaprofethi ukuthi: ‘Bonke bayakuba ngabafundiswe nguNkulunkulu.’ Yilowo nalowo ozwile kuBaba, wafunda, uyeza kimi.

6:46b.JOH.006.046 Akusikho ukuthi ukhona oke wambona uBaba, kuphela ovela kuNkulunkulu; nguyena ombonile uBaba.

6:47b.JOH.006.047 Ngiqinisile, ngiqinisile ngithi kini: Okholwayo unokuphila okuphakade.

6:48b.JOH.006.048 Mina ngiyisinkwa sokuphila.

6:49b.JOH.006.049 Okhokho benu badla imana ehlane, bafa.

6:50b.JOH.006.050 Lesi siyisinkwa esehla ezulwini ukuba umuntu adle kuso, angafi.

6:51b.JOH.006.051 Mina ngiyisinkwa esiphilayo esehla ezulwini. Uma umuntu edla lesi sinkwa, uyakuphila phakade; futhi-ke isinkwa engizakusinikela ngenxa yokuphila kwezwe siyinyama yami.”

6:52b.JOH.006.052 Base bephikisana bodwa abaJuda, bethi: “Lo angasinika kanjani inyama yakhe, siyidle, na?”

6:53b.JOH.006.053 Khona uJesu wathi kubo: “Ngiqinisile, ngiqinisile ngithi kini: Uma ningayidli inyama yeNdodana yomuntu, niphuze igazi layo, aninakuphila phakathi kwenu.

6:54b.JOH.006.054 Odla inyama yami, aphuze igazi lami, unokuphila okuphakade; mina ngiyakumvusa ngomuhla wokuphela.

6:55b.JOH.006.055 Ngokuba inyama yami ingukudla isibili, negazi lami lingukuphuza isibili.

6:56b.JOH.006.056 Odla inyama yami, aphuze igazi lami, uhlala kimi, nami kuye.

6:57b.JOH.006.057 Njengalokho uBaba ophilayo ungithumile, nami ngiphila ngoBaba, lowo ongidlayo naye uyakuphila ngami.

6:58b.JOH.006.058 Lesi siyisinkwa esehle ezulwini, kungenjengalokho okhokho benu badla imana, bafa; osidlayo lesi sinkwa uyakuphila phakade.”

6:59b.JOH.006.059 Lokho wakukhuluma esinagogeni efundisa eKapernawume.

6:60b.JOH.006.060 Ngakho-ke abaningi kubafundi bakhe bekuzwa lokho bathi: “Lilukhuni leli zwi; ngubani ongalizwa na?”

6:61b.JOH.006.061 Kepha uJesu azi phakathi kwakhe ukuthi abafundi bakhe bayakhonona ngalokho, wathi: “Lokhu kuyanicunula na?

6:62b.JOH.006.062 Pho, uma nibona iNdodana yomuntu yenyukela lapho yayikhona kuqala, niyakuthini na?

6:63b.JOH.006.063 NguMoya ophilisayo, inyama ayisizi lutho; amazwi engiwakhulume kini angumoya, angukuphila.

6:64b.JOH.006.064 Kepha bakhona abanye phakathi kwenu abangakholwa. Ngokuba uJesu wazi kwasekuqaleni ukuba ngobani abangakholwa nokuba ngubani ozakumkhaphela.”

6:65b.JOH.006.065 Wayesethi: “Kungenxa yalokho ngithe kini: Akakho ongeza kimi uma engakuphiwe nguBaba.”

6:66b.JOH.006.066 Emva kwalokho abaningi babafundi bakhe babuyela emuva, ababe besahamba naye.

6:67b.JOH.006.067 Ngakho uJesu wathi kwabayishumi nambili: “Nani nithanda ukumuka na?”

6:68b.JOH.006.068 USimoni Petru wamphendula wathi: “Nkosi, siyakuya kubani na? Amazwi okuphila okuphakade akuwe.

6:69b.JOH.006.069 Siyakholwa, siyazi ukuthi wena ungoNgcwele kaNkulunkulu.”

6:70b.JOH.006.070 UJesu wabaphendula wathi: “Mina anginikhethanga nina abayishumi nambili na? Kepha omunye kini ungusathane.”

6:71b.JOH.006.071 Wayekhuluma ngoJuda Iskariyothe kaSimoni, ngokuba nguye obezakumkhaphela engomunye wabayishumi nambili.

7

7:1b.JOH.007.001 Emva kwalokho uJesu wahamba eGalile, ngokuba wayengathandi ukuhamba eJudiya, lokhu abaJuda bebefuna ukumbulala.

7:2b.JOH.007.002 Kwase kusondele umkhosi wabaJuda, owamadokodo.

7:3b.JOH.007.003 Base bethi kuye abafowabo: “Muka lapha, uye eJudiya, ukuze nabafundi bakho babone imisebenzi yakho oyenzayo.

7:4b.JOH.007.004 Ngokuba akukho muntu owenza utho ekusithekeni, efuna yena uqobo lwakhe abe sobala. Uma wenza lezi zinto, zibonakalise wena kulo izwe.”

7:5b.JOH.007.005 Ngokuba nabafowabo babengakholwa nguye.

7:6b.JOH.007.006 Ngakho-ke uJesu wathi kubo: “Isikhathi sami asikafiki, isikhathi senu silungile njalo.

7:7b.JOH.007.007 Izwe lingenizonde nina, kepha mina liyangizonda, ngokuba ngifakaza ngalo ukuthi imisebenzi yalo mibi.

7:8b.JOH.007.008 Yenyukani nina, niye emkhosini; mina angenyukeli manje kulo mkhosi; ngokuba esami isikhathi asikapheleli.”

7:9b.JOH.007.009 Eseshilo lokho kubo wahlala eGalile.

7:10b.JOH.007.010 Sebenyukele emkhosini abafowabo, naye-ke wenyuka, kungesobala kepha kungathi kungasese.

7:11b.JOH.007.011 Khona abaJuda bamfuna emkhosini, bathi: “Uphi yena na?”

7:12b.JOH.007.012 Kwaba khona ukukhonona okukhulu ngaye phakathi kwezixuku. Abanye bathi: “Muhle;” abanye bathi: “Qha, ngokuba udukisa abantu.”

7:13b.JOH.007.013 Nokho kwakungekho muntu owakhuluma obala ngaye ngokwesaba abaJuda.

7:14b.JOH.007.014 Kuthe sekuphakathi komkhosi, uJesu wenyukela ethempelini, wafundisa.

7:15b.JOH.007.015 Ngakho abaJuda bamangala bathi: “Lona uyazi kanjani imibhalo engafundanga na?”

7:16b.JOH.007.016 Khona uJesu wabaphendula wathi: “Imfundiso yami akusiyo eyami kodwa ngeyongithumileyo.

7:17b.JOH.007.017 Uma umuntu ethanda ukwenza intando yakhe, uzakwazi ngemfundiso noma ivela kuNkulunkulu noma ngizikhulumela okwami.

7:18b.JOH.007.018 Okhuluma ngokwakhe ufuna udumo lwakhe; kepha ofuna udumo lomthumileyo lowo uqinisile; akukho ukungalungi kuye.

7:19b.JOH.007.019 UMose kaninikanga yini umthetho na? Nokho akakho kini ogcina umthetho. Nifunelani ukungibulala na?”

7:20b.JOH.007.020 Isixuku saphendula sathi: “Unedemoni wena; ngubani ofuna ukukubulala na?”

7:21b.JOH.007.021 UJesu waphendula, wathi kubo: “Munye umsebenzi engiwenzile, niyamangala nonke.

7:22b.JOH.007.022 Ngokuba uMose uninikile ukusoka — kungesikho ukuthi kuvela kuMose kodwa kokhokho — niyamsoka umuntu nangesabatha.

7:23b.JOH.007.023 Uma umuntu amukela ukusoka ngesabatha ukuze kungeqiwa umthetho kaMose, pho, ningithukuthelela ngokuba ngaphulukisa umuntu ngokuphelele ngesabatha na?

7:24b.JOH.007.024 Ningahluleli ngokwamehlo, kepha yahlulelani ukwahlulela okulungileyo.”

7:25b.JOH.007.025 Base bethi abanye kwabaseJerusalema: “Lo akusiye yini abafuna ukumbulala na?

7:26b.JOH.007.026 Bheka, ukhuluma obala, kabasho lutho kuye. Kungaba ngukuthi ababusi sebazi isibili ukuthi lo unguKristu na?

7:27b.JOH.007.027 Kodwa lo siyamazi lapho evela khona; kepha uKristu, nxa efika, akakho owazi lapho evela khona.”

7:28b.JOH.007.028 Ngakho uJesu wamemeza efundisa ethempelini, wathi: “Niyangazi, niyazi futhi ukuthi ngivelaphi; mina-ke angizizelanga, kodwa ongithumileyo uqinisile, eningamaziyo nina.

7:29b.JOH.007.029 Ngiyamazi mina, ngokuba ngivela kuye, futhi nguye ongithumileyo.”

7:30b.JOH.007.030 Ngakho bafuna ukumbamba, kepha akubangakho owambeka isandla, ngokuba isikhathi sakhe sasingakafiki.

7:31b.JOH.007.031 Kepha esixukwini abaningi bakholwa nguye, bathi: “UKristu, nxa esefikile, uyakwenza izibonakaliso eziningi kunalezo azenzileyo lona na?”

7:32b.JOH.007.032 AbaFarisi bezwa isixuku sikhonona ngalezo zinto ngaye; abapristi abakhulu nabaFarisi base bethuma izikhonzi ukuba zimbambe.

7:33b.JOH.007.033 Ngakho-ke uJesu wathi: “Kuseyisikhashana ngikhona kini, besengimuka, ngiye kongithumileyo.

7:34b.JOH.007.034 Niyakungifuna, ningangifumani, nalapho ngikhona, ningeze nina.”

7:35b.JOH.007.035 Ngakho abaJuda bakhuluma bodwa, bathi: “Uzakuya ngaphi lo lapho singayikumthola na? Uyakuya kwabahlakazekileyo kumaGreki, afundise amaGreki, na?

7:36b.JOH.007.036 Lizwi lini leli alishoyo lokuthi: ‘Niyakungifuna, ningangifumani,’ nokuthi: ‘Lapho ngikhona, ningeze nina,’ na?”

7:37b.JOH.007.037 Kepha ngosuku lokugcina olukhulu lomkhosi uJesu wema wamemeza wathi: “Uma ekhona owomileyo, akeze kimi, aphuze.

7:38b.JOH.007.038 Okholwa yimi, njengokusho kombhalo, esiswini sakhe kuyakugobhoza imifula yamanzi aphilayo.”

7:39b.JOH.007.039 Washo lokho ngoMoya abazakumamukela abakholwa nguye, ngokuba uMoya wayengakafiki, lokhu uJesu wayengakakhazimuliswa.

7:40b.JOH.007.040 Abanye besixuku sebezwa lawa mazwi bathi: “Lo ungumprofethi isibili.”

7:41b.JOH.007.041 Abanye bathi: “Lo unguKristu.” Kepha abanye bathi: “Kanti uKristu uvela eGalile na?

7:42b.JOH.007.042 Awushongo yini umbhalo ukuthi uKristu uvela enzalweni kaDavide naseBetlehema, emzaneni lapho wayekhona uDavide na?”

7:43b.JOH.007.043 Ngakho kwaba khona ukwahlukana ngaye esixukwini.

7:44b.JOH.007.044 Abanye-ke kubo babethanda ukumbamba; kepha akubangakho owambeka izandla.

7:45b.JOH.007.045 Zafika-ke izikhonzi kubapristi abakhulu nakubaFarisi. Bathi kuzo: “Animlethanga ngani na?”

7:46b.JOH.007.046 Izikhonzi zaphendula zathi: “Akuzange kukhulume muntu njengokuba kukhuluma lowo muntu.”

7:47b.JOH.007.047 Ngakho abaFarisi baziphendula bathi: “Kanti nani nidukisiwe na?

7:48b.JOH.007.048 Ukhona yini ezikhulwini nakubaFarisi oke wakholwa nguye na?

7:49b.JOH.007.049 Kodwa lesi sixuku esingawazi umthetho siqalekisiwe.”

7:50b.JOH.007.050 Wayesethi kubo uNikodemu owake weza kuye engomunye wabo:

7:51b.JOH.007.051 “Konje umthetho wakithi uyamlahla yini umuntu ungakamuzwa kuqala, uze wazi akwenzayo, na?”

7:52b.JOH.007.052 Baphendula, bathi kuye: “Kanti nawe ungowaseGalile na? Phenyisisa, ubone ukuthi akuveli mprofethi eGalile.”

7:53b.JOH.007.053 Base behamba, kwaba yilowo nalowo waya ekhaya.

8

8:1b.JOH.008.001 Khona uJesu waya eNtabeni Yeminqumo.

8:2b.JOH.008.002 Ekuseni kakhulu wabuye weza ethempelini; abantu bonke beza kuye; wayesehlala phansi, wabafundisa.

8:3b.JOH.008.003 Kepha ababhali nabaFarisi baletha kuye owesifazane ebanjwe ephinga; sebemmise phakathi kwabo,

8:4b.JOH.008.004 bathi kuye: “Mfundisi, lo wesifazane ubanjwe esoqotsheni lokuphinga.

8:5b.JOH.008.005 Emthethweni uMose wasiyala ngabanje ukuba bakhandwe ngamatshe. Pho, wena uthini na?”

8:6b.JOH.008.006 Bakusho lokho bemlinga, ukuze babe nokummangalela. Kepha uJesu wakhothama, waloba ngomunwe emhlabathini.

8:7b.JOH.008.007 Wathi besambuza njalo, walulama, wathi kubo: “Ongenasono phakathi kwenu kaqale amphonse ngetshe.”

8:8b.JOH.008.008 Waphinda wakhothama, waloba emhlabathini.

8:9b.JOH.008.009 Bathi ukuzwa lokho, belahlwa yizinhliziyo zabo baphuma ngabanye, beqalela kwabadala kwaze kwaba ngabokugcina, uJesu wasala yedwa; nowesifazane wayemi khona.

8:10b.JOH.008.010 UJesu wayeselulama; engaboni muntu ngaphandle kowesifazane wathi kuye: “Sifazane, baphi labo bamangaleli bakho na? Akakho okulahlayo na?”

8:11b.JOH.008.011 Wayesethi: “Akakho, Nkosi.” Wathi-ke uJesu kuye: “Nami angikulahli; hamba, ungabe usona.”

8:12b.JOH.008.012 Ngakho uJesu waphinda wakhuluma kubo, wathi: “Mina ngingukukhanya kwezwe; ongilandelayo kasoze ahamba ebumnyameni, kodwa woba nokukhanya kokuphila.”

8:13b.JOH.008.013 Khona bathi kuye abaFarisi: “Uyazifakazela wena; ubufakazi bakho ubuqinisile.”

8:14b.JOH.008.014 UJesu waphendula, wathi kubo: “Noma ngizifakazela mina, ubufakazi bami buqinisile, ngokuba ngiyazi ukuthi ngavelaphi nokuthi ngiyaphi; kepha nina anazi ukuthi ngivelaphi nokuthi ngiyaphi.

8:15b.JOH.008.015 Nina nahlulela ngokwenyama, kepha mina angahluleli muntu.

8:16b.JOH.008.016 Nakuba ngahlulela, ukwahlulela kwami kungokuqinisileyo, ngokuba ngingengedwa, kodwa yimina nongithumileyo.

8:17b.JOH.008.017 Yebo, kulotshiwe nasemthethweni wakini ukuthi ubufakazi babantu ababili bungobuqinisileyo.

8:18b.JOH.008.018 Mina ngingozifakazelayo; noBaba ongithumileyo ufakaza ngami.”

8:19b.JOH.008.019 Base bethi kuye: “Uphi uyihlo na?” UJesu waphendula ngokuthi: “Anazi nami naBaba; uma beningazi mina, nga nimazi noBaba.”

8:20b.JOH.008.020 Lawo mazwi wawakhuluma ngasemphongolweni weminikelo efundisa ethempelini; akubangakho ombambayo, ngokuba isikhathi sakhe sasingakafiki.

8:21b.JOH.008.021 Khona waphinda wathi kubo: “Ngiyamuka mina, niyakungifuna, nifele ezonweni zenu; lapho ngiya khona mina, ningeze nina.”

8:22b.JOH.008.022 Base bethi abaJuda: “Imbala uzakuzibulala yini, lokhu ethi: ‘Lapho ngiya khona mina, ningeze nina,’ na?”

8:23b.JOH.008.023 Wathi kubo: “Nina ningabaphansi, mina ngingowaphezulu; nina ningabaleli zwe, mina angingowaleli zwe.

8:24b.JOH.008.024 Ngakho-ke ngathi kini nizakufela ezonweni zenu; ngokuba uma ningakholwa ukuthi nginguye, nizakufela ezonweni zenu.”

8:25b.JOH.008.025 Base bethi kuye: “Wena ungubani na?” Wathi kubo uJesu: “Lokho enganitshela khona kwasekuqaleni.

8:26b.JOH.008.026 Nginezinto eziningi enginokuzikhuluma nokwahlulela ngani, kepha ongithumileyo uqinisile, nami engakuzwa kuye ngikukhuluma ezweni.”

8:27b.JOH.008.027 Kabazanga ukuthi ukhuluma kubo ngoYise.

8:28b.JOH.008.028 Wayesethi uJesu: “Nxa seniyiphakamisile iNdodana yomuntu, khona-ke nizakwazi ukuthi nginguye nokuthi angenzi lutho ngokwami, kodwa ngikhuluma lokhu njengokuba uBaba engifundisile.

8:29b.JOH.008.029 Ongithumileyo unami, kangishiyanga ngedwa, ngokuba ngenza njalo okuthandeka kuye.”

8:30b.JOH.008.030 Esakhuluma lokho, abaningi bakholwa nguye.

8:31b.JOH.008.031 Khona uJesu wathi kubaJuda abase bekholiwe nguye: “Uma nimi ezwini lami, ningabafundi bami isibili;

8:32b.JOH.008.032 niyakulazi iqiniso, neqiniso liyakunikhulula.”

8:33b.JOH.008.033 Bamphendula bathi: “Siyinzalo ka-Abrahama thina, asibonange sibe yizigqila zamuntu; wena usho kanjani ukuthi: ‘Nizakuba ngabakhululekileyo’ na?”

8:34b.JOH.008.034 UJesu wabaphendula wathi: “Ngiqinisile, ngiqinisile ngithi kini: Yilowo nalowo owenza isono uyisigqila sesono.

8:35b.JOH.008.035 Isigqila kambe asihlali phakade endlini; kepha indodana ihlala phakade.

8:36b.JOH.008.036 Ngakho-ke uma iNdodana inikhulula, niyakuba ngabakhululekileyo impela.

8:37b.JOH.008.037 Ngiyazi ukuthi niyinzalo ka-Abrahama; kepha nifuna ukungibulala, ngokuba izwi lami lingenandawo kini.

8:38b.JOH.008.038 Ngikhuluma lokho engikubonile mina kuBaba; nani-ke nenza lokho enikuzwile kuyihlo.”

8:39b.JOH.008.039 Baphendula, bathi kuye: “Ubaba ngu-Abrahama.” UJesu wathi kubo: “Uma beningabantwana baka-Abrahama; beniyakwenza imisebenzi ka-Abrahama.

8:40b.JOH.008.040 Kodwa kalokhu nifuna ukungibulala mina muntu onitshele iqiniso, engilizwe kuNkulunkulu; u-Abrahama kakwenzanga lokho.

8:41b.JOH.008.041 Nina nenza imisebenzi kayihlo.” Bathi kuye: “Thina asizalwanga ngokuphinga; sinobaba munye, uNkulunkulu.”

8:42b.JOH.008.042 Wathi kubo uJesu: “Uma uNkulunkulu ebenguyihlo, beniyakungithanda mina, ngokuba ngafika ngivela kuNkulunkulu; ngokuba angizizelanga ngokwami, kepha yena ungithumile.

8:43b.JOH.008.043 Yini ukuba ningayizwisisi inkulumo yami na? Kungokuba aninakuzwa izwi lami.

8:44b.JOH.008.044 Nina ningabakayihlo uSathane, nithanda ukwenza izinkanuko zikayihlo. Yena wayengumbulali wabantu kwasekuqaleni, akemi eqinisweni, ngokuba iqiniso lingekho kuye. Nxa ekhuluma amanga, ukhuluma okungokwakhe, lokhu engumqambimanga noyise wawo.

8:45b.JOH.008.045 Kepha mina, ngokuba ngikhuluma iqiniso, anikholwa yimi.

8:46b.JOH.008.046 Ngumuphi kini ongangilahla ngesono na? Uma ngikhuluma iqiniso, anikholwa yimi ngani na?

8:47b.JOH.008.047 OngokaNkulunkulu uzwa amazwi kaNkulunkulu; kungakho ningezwe nina, ngokuba anisibo abakaNkulunkulu.”

8:48b.JOH.008.048 Baphendula abaJuda, bathi kuye: “Asisho kahle yini ukuthi ungumSamariya nokuthi unedemoni na?”

8:49b.JOH.008.049 UJesu waphendula wathi: “Anginademoni, kepha ngidumisa uBaba; nina-ke niyangidumaza.

8:50b.JOH.008.050 Mina-ke angifuni olwami udumo; ukhona ofunayo nowahlulelayo.

8:51b.JOH.008.051 Ngiqinisile, ngiqinisile ngithi kini: Uma umuntu egcina izwi lami, akasoze akubona ukufa naphakade.”

8:52b.JOH.008.052 Bathi kuye abaJuda: “Manje sesiyazi ukuthi unedemoni; u-Abrahama wafa, nabaprofethi; wena-ke uthi: ‘Uma umuntu egcina izwi lami, kasoze akuzwa ukufa naphakade.’

8:53b.JOH.008.053 Wena umkhulu yini kunobaba u-Abrahama osewafa na? Nabaprofethi sebafa. Uzenza bani na?”

8:54b.JOH.008.054 UJesu waphendula wathi: “Uma ngizidumisa mina, udumo lwami luyize; nguBaba ongidumisayo, enisho ngaye ukuthi unguNkulunkulu wenu.

8:55b.JOH.008.055 Kanti animazanga, kepha mina ngiyamazi. Uma ngithi angimazi, ngingaba ngumqambimanga njengani. Kepha ngiyamazi, ngigcina izwi lakhe.

8:56b.JOH.008.056 U-Abrahama uyihlo wathokozela ukubona usuku lwami, walubona, wajabula.”

8:57b.JOH.008.057 Base bethi kuye abaJuda: “Awukabi naminyaka engamashumi ayisihlanu, kanti u-Abrahama usuke wambona na?”

8:58b.JOH.008.058 UJesu wathi kubo: “Ngiqinisile, ngiqinisile ngithi kini: Engakabikho u-Abrahama, ngangikhona mina.”

8:59b.JOH.008.059 Base bethatha amatshe ukuba bamkhande. Kepha uJesu wasithela, waphuma ethempelini.

9

9:1b.JOH.009.001 Wathi edlula, wabona umuntu owayeyimpumputhe kwasekuzalweni kwakhe.

9:2b.JOH.009.002 Abafundi bakhe bambuza bathi: “Rabi, ngubani owonayo, lona noma abazali bakhe, aze azalwe eyimpumputhe na?”

9:3b.JOH.009.003 UJesu waphendula wathi: “Akonanga noma yena noma abazali bakhe, kodwa ukuze kubonakaliswe kuye imisebenzi kaNkulunkulu.

9:4b.JOH.009.004 Ngimelwe ukusebenza imisebenzi yongithumileyo, kusesemini; buyeza ubusuku, lapho kungesebenze muntu.

9:5b.JOH.009.005 Ngisekhona ezweni ngingukukhanya kwezwe.”

9:6b.JOH.009.006 Eseshilo lokho wafela amathe emhlabathini, wenza udaka ngamathe, waninda amehlo ayo ngodaka.

9:7b.JOH.009.007 Wathi kuyo: “Hamba uyogeza echibini laseSilowama,” okuhunyushwa ngokuthi oThunyiweyo; yamuka-ke, yageza, yeza ibona.

9:8b.JOH.009.008 Ngakho abakhelene nayo nababeyibonile phambili iyisinxibi bathi: “Akusiye lo owayehlezi enxiba na?”

9:9b.JOH.009.009 Abanye bathi: “Nguyena,” abanye bathi: “Qha, kepha ufana naye;” yena wathi: “Nginguye.”

9:10b.JOH.009.010 Base bethi kuye: “Pho, amehlo akho avulwe kanjani na?”

9:11b.JOH.009.011 Waphendula yena, wathi: “Umuntu othiwa uJesu wenza udaka, wagcoba amehlo ami, wathi kimi: ‘Yana eSilowama, ugeze.’ Ngaya, ngageza, ngabona.”

9:12b.JOH.009.012 Bathi kuye: “Uphi yena na?” Wathi: “Angazi.”

9:13b.JOH.009.013 Bamyisa kubaFarisi lowo okade eyimpumputhe.

9:14b.JOH.009.014 Kwakuyisabatha mhla uJesu enza udaka, evula amehlo akhe.

9:15b.JOH.009.015 Khona nabaFarisi futhi bambuza ukuthi ukuthole kanjani ukubona. Wathi kubo: “Waninda amehlo ami ngodaka, ngageza, sengiyabona.”

9:16b.JOH.009.016 Ngakho abanye kubaFarisi bathi: “Lona kaveli kuNkulunkulu, lokhu engagcini isabatha.” Abanye bathi: “Umuntu oyisoni angazenza kanjani izibonakaliso ezinje na?” Kwaba khona ukwahlukana phakathi kwabo.

9:17b.JOH.009.017 Khona baphinda bathi kuyo impumputhe: “Wena uthini ngaye, lokhu evule amehlo akho, na?” Yathi: “Ungumprofethi.”

9:18b.JOH.009.018 Kepha abaJuda abakholwanga ngaye ukuthi wabeyimpumputhe nokuthi usethole ukubona, baze babiza abazali bakhe lowo osethole ukubona.

9:19b.JOH.009.019 Bababuza bathi: “Lo uyindodana yenu enithi ngayo yazalwa iyimpumputhe na? Pho, isibona kanjani manje na?”

9:20b.JOH.009.020 Abazali bakhe base bephendula bethi: “Siyazi ukuthi lo uyindodana yethu nokuthi wazalwa eyimpumputhe;

9:21b.JOH.009.021 kepha ukuthi usebona kanjani kalokhu asazi, nokuthi ngubani ovule amehlo akhe asazi; mbuzeni yena, usekhulile, uzozikhulumela yena.”

9:22b.JOH.009.022 Abazali bakhe basho lokho, ngokuba besaba abaJuda. Ngokuba abaJuda base bevumelene ngokuthi, uma ekhona ovuma ukuba unguKristu, kakhishwe esinagogeni.

9:23b.JOH.009.023 Ngakho-ke abazali bakhe bathi: “Usekhulile, mbuzeni yena.”

9:24b.JOH.009.024 Bambiza-ke ngokwesibili lowo muntu owabeyimpumputhe, bathi kuye: “Mnike uNkulunkulu udumo; thina siyazi ukuthi lowo muntu uyisoni.”

9:25b.JOH.009.025 Yena wayesephendula ethi: “Nokuba uyisoni angazi; kunye engikwaziyo, ukuthi bengiyimpumputhe, manje sengiyabona.”

9:26b.JOH.009.026 Bathi-ke kuye: “Wenzeni kuwe na? Uwavule kanjani amehlo akho na?”

9:27b.JOH.009.027 Wabaphendula wathi: “Kade nginitshela, kepha anizwanga; nifunelani ukuzwa futhi na? Niyafuna yini nani ukuba ngabafundi bakhe na?”

9:28b.JOH.009.028 Bamthuka bathi: “Nguwe ongumfundi wakhe, kepha thina singabafundi bakaMose.

9:29b.JOH.009.029 Siyazi ukuthi uNkulunkulu wakhuluma kuMose, kodwa lo asimazi lapha evela khona.”

9:30b.JOH.009.030 Waphendula lowo muntu, wathi kubo: “Lokhu kuyisimangaliso ukuthi nina anazi lapho evela khona, ingani uvule amehlo ami.

9:31b.JOH.009.031 Siyazi ukuthi uNkulunkulu akazizwa izoni, kodwa uma umuntu emesaba uNkulunkulu, ayenze intando yakhe, uyamuzwa lowo.

9:32b.JOH.009.032 Selokhu kwathini akuzange kuzwakale ukuthi ukhona owavula amehlo ozelwe eyimpumputhe.

9:33b.JOH.009.033 Uma lo ebengaveli kuNkulunkulu, ubengenakwenza lutho.”

9:34b.JOH.009.034 Baphendula, bathi kuye: “Wena wazalwa ezonweni ngokwempela, wena ufundisa thina na?” Base bemkhiphela phandle.

9:35b.JOH.009.035 UJesu wezwa ukuthi bamkhiphele phandle; kwathi emfumana, wathi: “Uyakholwa yiNdodana kaNkulunkulu na?”

9:36b.JOH.009.036 Waphendula yena, wathi: “Ingubani, Nkosi, ngize ngikholwe yiyo, na?”

9:37b.JOH.009.037 UJesu wathi kuye: “Usuyibonile; okhuluma nawe yiyona.”

9:38b.JOH.009.038 Wayesethi: “Ngiyakholwa, Nkosi.” Wakhuleka kuye.

9:39b.JOH.009.039 Wathi uJesu: “Mina ngizele ukwahlulela kuleli zwe ukuba abangaboniyo babone, nababonayo babe yizimpumputhe.”

9:40b.JOH.009.040 Labo kubaFarisi ababenaye bezwa lokho, bathi kuye: “Pho, nathi siyizimpumputhe na?”

9:41b.JOH.009.041 Wathi kubo uJesu: “Ukuba beniyizimpumputhe, ngabe aninasono. Kepha manje nithi: ‘Siyabona;’ isono senu sihlezi.

10

10:1b.JOH.010.001 “Ngiqinisile, ngiqinisile ngithi kini: Ongangeni ngesango esibayeni sezimvu, kodwa ekhwela ngenye indawo, lowo uyisela nomphangi.

10:2b.JOH.010.002 Kepha ongena ngesango ungumalusi wezimvu.

10:3b.JOH.010.003 Umlindisango uyamvulela lowo; nezimvu ziyalizwa izwi lakhe; ubiza ezakhe izimvu ngamagama, aziholele phandle.

10:4b.JOH.010.004 Nxa esezikhiphile ezakhe zonke, uhamba phambi kwazo, izimvu zimlandele, ngokuba zilazi izwi lakhe.

10:5b.JOH.010.005 Kepha umfokazi azisoze zamlandela, kodwa ziyakumbalekela, ngokuba zingalazi izwi labafokazi.”

10:6b.JOH.010.006 UJesu washo lo mfanekiso kubo; kepha bona abezwisisanga ukuba kuyini lokho akukhuluma kubo.

10:7b.JOH.010.007 Ngakho-ke uJesu wabuye wathi kubo: “Ngiqinisile, ngiqinisile ngithi kini: Mina ngiyisango lezimvu.

10:8b.JOH.010.008 Bonke abafike ngaphambi kwami bangamasela nabaphangi, kepha izimvu azibezwanga.

10:9b.JOH.010.009 Mina ngiyisango; uma umuntu engena ngami, uyakusindiswa, angene, aphume, afumane idlelo.

10:10b.JOH.010.010 Isela kalizi kungengokweba nokubulala nokubhubhisa; mina ngize ukuba babe nokuphila, babe nakho kuchichime.

10:11b.JOH.010.011 “Ngingumalusi omuhle. Umalusi omuhle udela ukuphila kwakhe ngenxa yezimvu.

10:12b.JOH.010.012 Okhokhelwayo engesiye umalusi, izimvu zingesizo ezakhe, ebona impisi iza, ushiya izimvu, abaleke — impisi izibhozomele, izihlakaze —

10:13b.JOH.010.013 ngokuba engokhokhelwayo, engazinakekeli izimvu.

10:14b.JOH.010.014 “Mina ngingumalusi omuhle; ngiyazazi ezami, nezami ziyangazi,

10:15b.JOH.010.015 njengalokhu uBaba uyangazi, nami ngiyamazi uBaba; ngidela ukuphila kwami ngenxa yezimvu.

10:16b.JOH.010.016 Nezinye izimvu nginazo ezingesizo ezalesi sibaya; nalezo ngimelwe ukuziletha; ziyakuzwa izwi lami, kube mhlambi munye nomalusi munye.

10:17b.JOH.010.017 Ngalokho uBaba uyangithanda, ngokuba ngidela ukuphila kwami ukuba ngibuye ngikuthabathe.

10:18b.JOH.010.018 Akakho ongangamuka ukuphila kwami, kodwa ngikudela ngokwami; nginamandla okukudela, nginamandla okubuye ngikuthabathe. Lo myalo ngiwamukele kuBaba.”

10:19b.JOH.010.019 Kwaba khona futhi ukwahlukana phakathi kwabaJuda ngalawo mazwi.

10:20b.JOH.010.020 Abaningi kubo bathi: “Unedemoni, uyahlanya; nimlalelelani na?”

10:21b.JOH.010.021 Abanye bathi: “Lawo mazwi akusiwo awomuntu onedemoni; imbala idemoni lingavula amehlo ezimpumputhe na?”

10:22b.JOH.010.022 Khona kwakungumkhosi wokuhlanjululwa kwethempeli eJerusalema, kusebusika.

10:23b.JOH.010.023 UJesu wayehamba ethempelini emphemeni kaSolomoni.

10:24b.JOH.010.024 Base bemhaqa abaJuda bethi kuye: “Koze kube nini ulibazisa izinhliziyo zethu na? Uma wena unguKristu, sitshele ngokuchachileyo.”

10:25b.JOH.010.025 UJesu wabaphendula wathi: “Nganitshela, kodwa anikholwanga; imisebenzi engiyenzayo egameni likaBaba yiyona efakaza ngami.

10:26b.JOH.010.026 Kodwa nina anikholwa, ngokuba anisibo abezimvu zami.

10:27b.JOH.010.027 Izimvu zami ziyalizwa izwi lami; nami ngiyazazi, ziyangilandela;

10:28b.JOH.010.028 ngizinika ukuphila okuphakade, azisoze zabhubha naphakade; akakho ongazihlwitha esandleni sami.

10:29b.JOH.010.029 UBaba onginikileyo mkhulu kunabo bonke; akakho ongazihlwitha esandleni sikaBaba.

10:30b.JOH.010.030 Mina noBaba simunye.”

10:31b.JOH.010.031 AbaJuda base bebuye bethatha amatshe ukuba bamkhande.

10:32b.JOH.010.032 UJesu wabaphendula wathi: “Nginitshengise imisebenzi eminingi emihle evela kuBaba; yimuphi umsebenzi kulena eningikhandela wona na?”

10:33b.JOH.010.033 Bamphendula abaJuda, bathi: “Asikukhandi ngenxa yomsebenzi omuhle kepha ngenxa yokuhlambalaza, ngokuba wena ungumuntu ozenza uNkulunkulu.”

10:34b.JOH.010.034 UJesu wabaphendula wathi: “Akulotshiwe yini emthethweni wakini ukuthi: ‘Ngithe: Ningonkulunkulu,’ na?

10:35b.JOH.010.035 Uma wathi bangonkulunkulu bona eleza kubo izwi likaNkulunkulu — nombhalo ungeqiwe —

10:36b.JOH.010.036 nithi ngaye uYise amahlukanisileyo, wamthumela ezweni, ukuba uyahlambalaza, ngokuba ngithe: ‘NgiyiNdodana kaNkulunkulu,’ na?

10:37b.JOH.010.037 Uma ngingenzi imisebenzi kaBaba, maningakholwa yimi.

10:38b.JOH.010.038 Kepha uma ngiyenza, nakuba ningakholwa yimi, kholwani yimisebenzi, ukuze nazi, niqonde ukuthi uBaba ukimi, nami ngikuBaba.”

10:39b.JOH.010.039 Base befuna futhi ukumbamba, kepha waphunyuka esandleni sabo.

10:40b.JOH.010.040 Waphinda wamuka, waya phesheya kweJordani kuleyo ndawo lapho uJohane waqala ukubhapathiza khona, wahlala lapho.

10:41b.JOH.010.041 Nabaningi beza kuye, bathi: “UJohane nempela akenzanga sibonakaliso nasinye, kepha konke uJohane akusho ngalowo muntu kwakuqinisile.”

10:42b.JOH.010.042 Abaningi bakholwa nguye lapho.

11

11:1b.JOH.011.001 Kwakukhona othile ogulayo, uLazaru waseBethaniya umuzi wakubo kaMariya nodadewabo uMarta.

11:2b.JOH.011.002 UMariya kwakunguye owagcoba iNkosi ngamafutha, wesula izinyawo zayo ngezinwele zakhe, omnewabo uLazaru wayegula.

11:3b.JOH.011.003 Ngakho-ke odadewabo bathumela kuye, bathi: “Nkosi, bheka, lo omthandayo uyagula.”

11:4b.JOH.011.004 UJesu esekuzwile lokho wathi: “Lokhu kugula akusikho okokufa, kodwa kungenxa yenkazimulo kaNkulunkulu ukuba iNdodana kaNkulunkulu ikhazimuliswe ngakho.”

11:5b.JOH.011.005 Kepha uJesu wayebathanda oMarta nodadewabo noLazaru.

11:6b.JOH.011.006 Ngakho-ke kwathi ezwa ukuthi uyagula, wahlala futhi izinsuku ezimbili endaweni abe kuyo.

11:7b.JOH.011.007 Emva kwalokho wathi kubafundi bakhe: “Asibuye, siye eJudiya.”

11:8b.JOH.011.008 Abafundi bathi kuye: “Rabi, abaJuda basand’ ukufuna ukukukhanda ngamatshe; usaya futhi khona na?”

11:9b.JOH.011.009 UJesu waphendula wathi: “Awakho yini amahora ayishumi nambili emini na? Uma umuntu ehamba emini, akakhubeki, ngokuba ubona ukukhanya kwaleli zwe.

11:10b.JOH.011.010 Kodwa uma umuntu ehamba ebusuku, uyakhubeka, ngokuba kungekho ukukhanya kuye.”

11:11b.JOH.011.011 Wakhuluma lokho; emva kwalokho wathi kubo: “ULazaru umhlobo wethu ulele, kepha ngiyahamba ukuba ngimvuse ebuthongweni.”

11:12b.JOH.011.012 Abafundi bakhe base bethi kuye: “Nkosi, uma elele, uyakusinda.”

11:13b.JOH.011.013 Kepha uJesu wayekhuluma ngokufa kwakhe, kepha bona babethi ukhuluma ngokulala ubuthongo.

11:14b.JOH.011.014 Ngakho-ke uJesu wathi kubo ngokuchachileyo: “ULazaru ufile;

11:15b.JOH.011.015 ngiyathokoza ngenxa yenu ukuthi bengingekho, ukuze nikholwe; kepha asiye kuye.”

11:16b.JOH.011.016 Khona uTomase, othiwa uDidimu, wathi kubafundi abakanye naye: “Asihambe nathi, ukuze sife kanye naye.”

11:17b.JOH.011.017 Kwathi-ke esefika uJesu, wamfumana esenezinsuku ezine ethuneni.

11:18b.JOH.011.018 IBethaniya laliseduze neJerusalema, kungaba ngamastadiyu ayishumi nanhlanu.

11:19b.JOH.011.019 Abaningi kubaJuda babefikile koMarta noMariya ukubakhuza ngomnewabo.

11:20b.JOH.011.020 Ngakho uMarta esezwe ukuthi uJesu uyeza, waya ukumhlangabeza, kepha uMariya wahlala endlini.

11:21b.JOH.011.021 Wayesethi uMarta kuJesu: “Nkosi, uma ubukhona, umnewethu nga engafanga;

11:22b.JOH.011.022 kepha ngiyazi nakalokhu ukuthi nokuba yini ongakucela kuNkulunkulu, uNkulunkulu uzakukunika khona.”

11:23b.JOH.011.023 UJesu wathi kuye: “Umnewenu uzakuvuka.”

11:24b.JOH.011.024 UMarta wathi kuye: “Ngiyazi ukuthi uyakuvuka ekuvukeni ngosuku lokugcina.”

11:25b.JOH.011.025 UJesu wathi kuye: “Mina ngingukuvuka nokuphila; okholwa yimi, noma efa, wophila.

11:26b.JOH.011.026 Nalowo ophila, akholwe yimi, kasoze afa naphakade. Uyakholwa yilokho na?”

11:27b.JOH.011.027 Wathi kuye: “Yebo, Nkosi, ngiyakholwa ukuthi wena unguKristu, iNdodana kaNkulunkulu, obezakuza ezweni.”

11:28b.JOH.011.028 Eseshilo lokho wamuka wabiza uMariya udadewabo ngasese, wathi: “UMfundisi ukhona, uyakubiza.”

11:29b.JOH.011.029 Yena-ke ekuzwa lokho wasuka masinyane, waya kuye.

11:30b.JOH.011.030 Kepha uJesu wayengakafiki emzini, kodwa wayesekuleyo ndawo uMarta amhlangabeza kuyo.

11:31b.JOH.011.031 AbaJuda ababesendlini naye bemkhuza, bebona uMariya esuka masinyane ephuma, bamlandela, bathi: “Uya ethuneni ukuba akhale khona.”

11:32b.JOH.011.032 UMariya esefike lapho ekhona uJesu, embona, wawa ngasezinyaweni zakhe, wathi: “Nkosi, uma ubukhona, umnewethu nga engafanga.”

11:33b.JOH.011.033 Ngakho uJesu embona ekhala, nabaJuda abafika naye bekhala, wabubula emoyeni, wakhathazeka;

11:34b.JOH.011.034 wathi: “Nimbekephi na?” Bathi kuye: “Nkosi, woza ubone.”

11:35b.JOH.011.035 UJesu wakhala izinyembezi.

11:36b.JOH.011.036 Ngakho-ke abaJuda bathi: “Bheka, ukumthanda kwakhe okungaka.”

11:37b.JOH.011.037 Kepha abanye kubo bathi: “Lo owavula amehlo empumputhe wayengekwenze yini ukuba yena lo angafi na?”

11:38b.JOH.011.038 Ngakho uJesu, ebubula futhi phakathi kwakhe, wafika ethuneni. Lalingumhume, kwakukhona itshe phezu kwawo.

11:39b.JOH.011.039 Wathi uJesu: “Susani itshe.” UMarta, udadewabo wofileyo, wathi kuye: “Nkosi, usenuka; ngokuba sezizine.”

11:40b.JOH.011.040 UJesu wathi kuye: “Angishongo yini kuwe ukuthi uma ukholwa, uzakubona inkazimulo kaNkulunkulu, na?”

11:41b.JOH.011.041 Balisusa-ke itshe. Kepha uJesu waphakamisa amehlo, wathi: “Baba, ngiyakubonga ngokuba ungizwile.

11:42b.JOH.011.042 Bengazi mina ukuthi ungizwa njalo, kodwa ngenxa yesixuku esingiphahlileyo ngishilo lokho, ukuze bakholwe ukuthi nguwena ongithumileyo.”

11:43b.JOH.011.043 Esekhulume lokho wamemeza ngezwi elikhulu, wathi: “Lazaru, phuma.”

11:44b.JOH.011.044 Waphuma ofileyo eboshwe izinyawo nezandla ngezindwangu, ubuso bakhe bumboziwe ngeduku. UJesu wathi kubo: “Mthukululeni, nimyeke ahambe.”

11:45b.JOH.011.045 Khona abaningi kubaJuda ababezile kuMariya bebona abekwenzile, bakholwa nguye.

11:46b.JOH.011.046 Kepha abanye babo baya kubaFarisi, babatshela abekwenzile uJesu.

11:47b.JOH.011.047 Ngalokho abapristi abakhulu nabaFarisi base bemema umphakathi, bathi: “Siyakwenze njani na? Lo muntu wenza izibonakaliso eziningi;

11:48b.JOH.011.048 uma simyeka njalo, bazakukholwa nguye bonke; amaRoma ayakufika, asamuke indawo nesizwe.”

11:49b.JOH.011.049 Kepha othile wabo, uKayafase, engumpristi omkhulu walowo mnyaka, wathi kubo: “Anazi lutho nina;

11:50b.JOH.011.050 aniqondi futhi ukuthi kunilungele ukuba umuntu oyedwa afele abantu, isizwe sonke singabhubhi.”

11:51b.JOH.011.051 Lokho kakushongo ngokwakhe, kodwa engumpristi omkhulu walowo mnyaka waprofetha ukuba uJesu wayezakufa ngenxa yesizwe;

11:52b.JOH.011.052 kungengenxa yesizwe kuphela, kepha ukuba abuthele ndawonye abantwana bakaNkulunklu abahlakazekileyo, babe munye.

11:53b.JOH.011.053 Kusukela kulolo suku baceba ukuba bambulale.

11:54b.JOH.011.054 Ngakho uJesu kabuyange esahamba obala phakathi kwabaJuda, kepha wamuka lapho, waya ezweni eliseduze nehlane emzini othiwa i-Efrayimi; wahlala khona nabafundi bakhe.

11:55b.JOH.011.055 Lase liseduze iPhasika labaJuda; abaningi abavela emaphandleni bakhuphukela eJerusalema ngaphambi kwePhasika ukuba bazihlambulule.

11:56b.JOH.011.056 Ngakho bamfuna uJesu, bexoxa bemi ethempelini, bethi: “Nithini na? Akayikuza nempela emkhosini na?”

11:57b.JOH.011.057 Abapristi abakhulu nabaFarisi babekhiphe umyalo wokuthi uma kukhona owaziyo lapho ekhona, ababikele, ukuze bambambe.

12

12:1b.JOH.012.001 Ngakho kuseyizinsuku eziyisithupha ngaphambi kwePhasika, uJesu wafika eBethaniya, lapho wayekhona uLazaru uJesu amvusa kwabafileyo.

12:2b.JOH.012.002 Base bemenzela ukudla khona; uMarta wayephaka, kepha uLazaru wayengomunye wababehlezi ekudleni naye.

12:3b.JOH.012.003 UMariya wayesethatha ilitra lamafutha enadi lodwa elinenani elikhulu, wagcoba izinyawo zikaJesu, wesula izinyawo zakhe ngezinwele zakhe; indlu yagcwala iphunga lamafutha.

12:4b.JOH.012.004 Kepha uJuda Iskariyothe, omunye wabafundi bakhe obezakumkhaphela, wathi:

12:5b.JOH.012.005 “Yini ukuba lawa mafutha engathengiswanga ngawodenariyu abangamakhulu amathathu, kwaphiwa abampofu, na?”

12:6b.JOH.012.006 Washo lokho kungengokuba ekhathalele abampofu, kepha ngokuba eyisela, ephethe isikhwama, eba okufakwa kuso.

12:7b.JOH.012.007 Ngakho uJesu wathi: “Myeke ukuba awalondolozele usuku lokumbelwa kwami.

12:8b.JOH.012.008 Ngokuba abampofu ninabo njalo, kepha mina aninami njalo.”

12:9b.JOH.012.009 Ngakho isixuku esikhulu sabaJuda sezwa ukuthi ulapho. Beza-ke kungengenxa kaJesu kuphela, kepha nokuba babone uLazaru abemvusile kwabafileyo.

12:10b.JOH.012.010 Kepha abapristi abakhulu benza icebo lokuba babulale noLazaru,

12:11b.JOH.012.011 ngokuba ngenxa yakhe abaningi babaJuda bamuka bakholwa nguJesu.

12:12b.JOH.012.012 Ngangomuso abantu abaningi abafike emkhosini sebezwile ukuthi uJesu uyeza eJerusalema,

12:13b.JOH.012.013 bathatha amahlamvu esundu, baphuma ukumhlangabeza. Bamemeza bathi: “Hosiyana! Ubusisiwe ozayo egameni leNkosi, yebo, iNkosi ka-Israyeli.”

12:14b.JOH.012.014 UJesu esefumene imbongolo entsha wakhwela kuyo njengokulotshiwe ukuthi:

12:15b.JOH.012.015 “Ungesabi, ndodakazi yaseSiyoni; bheka, iNkosi yakho iza, ikhwele etholeni lembongolo.”

12:16b.JOH.012.016 Lokho abafundi bakhe abakuqondanga ekuqaleni; kodwa esekhazimulisiwe uJesu, base bekhumbula ukuthi kulotshiwe lokho ngaye nokuthi babekwenzile lokho kuye.

12:17b.JOH.012.017 Ngakho safakaza isixuku esasinaye, lapho ebiza uLazaru aphume ethuneni, emvusa kwabafileyo.

12:18b.JOH.012.018 Ngenxa yalokho isixuku saya samhlangabeza, ngokuba sase sizwile ukuthi wayesenzile leso sibonakaliso.

12:19b.JOH.012.019 Ngakho abaFarisi bakhuluma bodwa, bathi: “Niyabona ukuthi anisizi lutho; bheka, izwe lonke liyamlandela.”

12:20b.JOH.012.020 Kwakukhona amaGreki athile phakathi kwababenyuka ukuba bakhuleke emkhosini.

12:21b.JOH.012.021 Lawo-ke aya kuFiliphu waseBetsayida laseGalile, acela kuye, athi: “Nkosi, sithanda ukubona uJesu.”

12:22b.JOH.012.022 UFiliphu weza wamtshela u-Andreya. Weza u-Andreya noFiliphu, basho kuJesu.

12:23b.JOH.012.023 UJesu waphendula, wathi kubo: “Sesifikile isikhathi sokuba ikhazimuliswe iNdodana yomuntu.

12:24b.JOH.012.024 Ngiqinisile, ngiqinisile ngithi kini: Uma inhlamvu kakolweni iwela emhlabathini ingafi, ihlala yodwa; kepha uma ifa, ithela izithelo eziningi.

12:25b.JOH.012.025 Lowo othanda ukuphila kwakhe ulahlekelwa yikho, nozonda ukuphila kwakhe kuleli zwe uyakukulondela ukuphila okuphakade.

12:26b.JOH.012.026 Uma umuntu engikhonza, akangilandele; nalapha ngikhona mina, soba khona nesikhonzi sami. Uma umuntu engikhonza, uBaba uyakumazisa lowo.

12:27b.JOH.012.027 “Kalokhu umphefumulo wami ulusizi, ngizakuthini na? Baba, ngisindise kulo mzuzu. Kodwa ngenxa yalokhu ngize kulo mzuzu.

12:28b.JOH.012.028 Baba, khazimulisa igama lakho.” Kwase kufika izwi livela ezulwini, lithi: “Ngilikhazimulisile, ngobuye ngilikhazimulise.”

12:29b.JOH.012.029 Ngakho abantu ababemi bezwa bathi: “Beliduma;” abanye bathi: “Ingelosi ikhulume kuye.”

12:30b.JOH.012.030 UJesu waphendula wathi: “Leli zwi alizanga ngenxa yami kepha ngenxa yenu.

12:31b.JOH.012.031 Kalokhu kungukwahlulelwa kwaleli zwe; kalokhu umbusi waleli zwe uzakuxoshwa.

12:32b.JOH.012.032 Mina, nxa ngiphakanyiswa emhlabeni, ngiyakubadonsela kimi bonke.”

12:33b.JOH.012.033 Lokho-ke wakusho efanekisa ukufa okumfanele afe ngakho.

12:34b.JOH.012.034 Ngakho isixuku samphendula sathi: “Sizwile emthethweni ukuthi uKristu uyakuma phakade; usho kanjani wena ukuthi iNdodana yomuntu imelwe ukuphakanyiswa na? Ingubani le Ndodana yomuntu na?”

12:35b.JOH.012.035 Wayesethi kubo uJesu: “Kuseyisikhashana ukukhanya kukhona kini. Hambani nise nokukhanya, ukuze ubumnyama bunganehleli. Ohamba ebumnyameni akazi ukuthi uya ngaphi.

12:36b.JOH.012.036 Nise nokukhanya kholwani ngukukhanya, ukuze nibe ngabantwana bokukhanya.” Washo lokho uJesu, wamuka, wasithela kubo.

12:37b.JOH.012.037 Kepha noma ebezenzile izibonakaliso ezingaka phambi kwabo, abakholwanga nguye

12:38b.JOH.012.038 ukuba izwi lika-Isaya umprofethi ligcwaliseke, alikhuluma lokuthi: “Nkosi, ngubani owakholwa ngukushumayela kwethu na? Ingalo yeNkosi yambulelwa bani na?”

12:39b.JOH.012.039 Ngalokho babengekholwe, ngokuba u-Isaya washo futhi ukuthi:

12:40b.JOH.012.040 “Uphuphuthekisile amehlo abo, wayenza lukhuni inhliziyo yabo, funa babone ngamehlo, baqonde ngenhliziyo, baphenduke, ngibaphulukise.”

12:41b.JOH.012.041 U-Isaya wakusho lokho, ngokuba ebona inkazimulo yakhe, ekhuluma ngaye.

12:42b.JOH.012.042 Nokho abaningi nasezikhulwini bakholwa nguye, kodwa ngenxa yabaFarisi abakuvumanga, funa bakhishwe esinagogeni;

12:43b.JOH.012.043 ngokuba babethanda udumo lwabantu kunodumo lukaNkulunkulu.

12:44b.JOH.012.044 Khona uJesu wamemeza wathi: “Okholwa yimi kakholwa yimi kepha ngongithumileyo.

12:45b.JOH.012.045 Obona mina ubona ongithumileyo.

12:46b.JOH.012.046 Ngize ezweni ngingukukhanya ukuba yilowo nalowo okholwa yimi angahlali ebumnyameni.

12:47b.JOH.012.047 “Uma umuntu ezwa amazwi ami engawalondi, lowo angimahluleli mina, ngokuba angizanga ukuba ngahlulele izwe, kepha ukuba ngisindise izwe.

12:48b.JOH.012.048 Ongalayo engawamukeli amazwi ami unomahlulelayo; izwi engalikhulumayo yilona eliyakumahlulela ngosuku lokugcina.

12:49b.JOH.012.049 Ngokuba mina angikhulumanga ngokwami, kodwa uBaba ongithumileyo nguye onginike umyalo wokuba ngizakuthini, ngikhulumeni.

12:50b.JOH.012.050 Ngiyazi ukuthi umyalo wakhe ungukuphila okuphakade. Ngakho-ke lokho engikukhulumayo ngikukhuluma njengalokho uBaba angitshela khona.”

13

13:1b.JOH.013.001 Kwathi ngaphambi komkhosi wePhasika uJesu azi ukuthi isikhathi sakhe sesifikile ukuba amuke kuleli zwe, aye kuYise, ebathandile abakhe abasezweni wabathanda kwaze kwaba sekupheleni.

13:2b.JOH.013.002 Sekudliwa, uSathane esekufake enhliziyweni kaJuda Iskariyothe kaSimoni ukuba amkhaphele,

13:3b.JOH.013.003 uJesu ekwazi ukuthi uYise unikele konke ezandleni zakhe nokuthi wavela kuNkulunkulu, futhi ubuyela kuNkulunkulu,

13:4b.JOH.013.004 wasuka ekudleni, wabeka izingubo zakhe, wathabatha indwangu, wakhwica.

13:5b.JOH.013.005 Emva kwalokho wathela amanzi emcengezini, waqala ukugeza izinyawo zabafundi, wazesula ngendwangu abekhwice ngayo.

13:6b.JOH.013.006 Wafika-ke kuSimoni Petru. Wathi kuye: “Nkosi, wena ugeza izinyawo zami na?”

13:7b.JOH.013.007 UJesu waphendula, wathi kuye: “Lokhu engikwenzayo awukwazi manje, kodwa uzakukuqonda emva kwalokhu.”

13:8b.JOH.013.008 UPetru wathi kuye: “Awusoze wageza izinyawo zami naphakade.” UJesu waphendula wathi: “Uma ngingakugezi, awunasabelo nami.”

13:9b.JOH.013.009 USimoni Petru wathi kuye: “Nkosi, akungabi yizinyawo zodwa kepha nezandla nekhanda.”

13:10b.JOH.013.010 UJesu wathi kuye: “Ogeziweyo kadingi lutho, kuphela ukugezwa izinyawo, kepha ugezekile wonke. Nina-ke nigezekile, kodwa angisho nonke.”

13:11b.JOH.013.011 Ngokuba emazi obezakumkhaphela kungalokho athi: “Anigezekile nonke.”

13:12b.JOH.013.012 Esegeze izinyawo zabo wathabatha izingubo zakhe, wabuye wahlala, wathi kubo: “Niyakwazi yini engikwenzile kini na?

13:13b.JOH.013.013 Ningibiza nithi: ‘Mfundisi, Nkosi;’ nisho kahle, ngokuba ngiyikho.

13:14b.JOH.013.014 Uma-ke mina, iNkosi noMfundisi, ngigeze izinyawo zenu, nani-ke nifanele ukugezana izinyawo.

13:15b.JOH.013.015 Ngokuba ngininikile isibonelo ukuba nenze nani njengokuba ngenzile kini.

13:16b.JOH.013.016 Ngiqinisile, ngiqinisile ngithi kini: Inceku ayinkulu kunenkosi yayo, nothunyiweyo kamkhulu kunomthumileyo.

13:17b.JOH.013.017 Uma nazi lokho, nibusisiwe uma nikwenza.

13:18b.JOH.013.018 “Angikhulumi ngani nonke; ngiyabazi engibakhethileyo; kodwa nga kugcwaliseka umbhalo othi: “ ‘Odla isinkwa sami ungiphakamisele isithende sakhe.’

13:19b.JOH.013.019 “Kusukela manje ngiyanitshela kungakenzeki ukuba, nxa sekwenzeka, nikholwe ukuthi nginguye.

13:20b.JOH.013.020 Ngiqinisile, ngiqinisile ngithi kini: Owamukela engimthumayo wamukela mina; ongamukelayo mina wamukela ongithumileyo.”

13:21b.JOH.013.021 UJesu eseshilo lokho wakhathazeka emoyeni, wafakaza wathi: “Ngiqinisile, ngiqinisile ngithi kini: Omunye wenu uyakungikhaphela.”

13:22b.JOH.013.022 Abafundi babhekana bengabaza ukuthi ukhuluma ngobani.

13:23b.JOH.013.023 Kwakuhlezi ekudleni omunye wabafundi bakhe uJesu amthandayo, encike esifubeni sikaJesu.

13:24b.JOH.013.024 USimoni Petru wayesemqhweba ethi: “Yisho ukuthi ubekhuluma ngobani na?”

13:25b.JOH.013.025 Yena encike esifubeni sikaJesu wathi kuye: “Nkosi, ngubani na?”

13:26b.JOH.013.026 Ngakho waphendula uJesu, wathi: “Yilowo engiyakumcwilisela ucezu, ngimnike lona.” Eselucwilisile-ke ucezu, walunika uJuda Iskariyothe.

13:27b.JOH.013.027 Emva kocezu uSathane wayesengena kuye. Wayesethi kuye uJesu: “Okwenzayo kwenze masinyane.”

13:28b.JOH.013.028 Kepha akabakho kwababehlezi ekudleni owayekwazi lokho ukuthi ukusho ngani kuye.

13:29b.JOH.013.029 Kepha abanye bacabanga ukuthi, ngokuba uJuda ephethe isikhwama, uJesu uthi kuye: “Thenga esikuswele emkhosini,” noma ukuthi kabele abampofu okuthile.

13:30b.JOH.013.030 Kuthe eseluthathile ucezu waphuma masinyane; kwakuse busuku.

13:31b.JOH.013.031 Ngakho esephumile, uJesu wathi: “Kalokhu iNdodana yomuntu ikhazimulisiwe, noNkulunkulu ukhazimulisiwe kuyo.

13:32b.JOH.013.032 Uma uNkulunkulu ekhazimulisiwe kuyo, noNkulunkulu uyakuyikhazimulisa kuye, uyakuyikhazimulisa masinyane.

13:33b.JOH.013.033 “Bantwanyana, ngise khona nani isikhashana. Niyakungifuna, nanjengalokho ngasho kubaJuda ukuthi lapho ngiya khona ningeze nina, ngisho nakinina manje.

13:34b.JOH.013.034 “Ngininika umyalo omusha wokuba nithandane; njengalokhu nginithandile, nani nithandane.

13:35b.JOH.013.035 Ngalokho bonke bayakukwazi ukuthi ningabafundi bami, uma nithandana.”

13:36b.JOH.013.036 USimoni Petru wathi kuye: “Nkosi, uya ngaphi na?” UJesu waphendula wathi: “Lapho ngiya khona, ungengilandele kalokhu; kepha uyakungilandela kamuva.”

13:37b.JOH.013.037 Wathi kuye uPetru: “Nkosi, ngingekulandele kalokhu ngani na? Ngizakudela ukuphila kwami ngenxa yakho.”

13:38b.JOH.013.038 UJesu waphendula wathi: “Uzakudela ukuphila kwakho ngenxa yami na? Ngiqinisile, ngiqinisile ngithi kuwe: Iqhude alizukukhala, ungakangiphiki kathathu.”

14

14:1b.JOH.014.001 “Inhliziyo yenu mayingakhathazeki. Kholwani nguNkulunkulu, nikholwe nayimi.

14:2b.JOH.014.002 Ekhaya likaBaba kukhona izindlu eziningi; uma bekungenjalo, bengiyakunitshela ukuthi ngiya ukunilungisela indawo.

14:3b.JOH.014.003 Nanxa ngiya nginilungisela indawo, ngobuye ngize, nginibuyisele kimi ukuba lapho ngikhona nibe khona nani.

14:4b.JOH.014.004 Nalapho ngiya khona niyayazi indlela.”

14:5b.JOH.014.005 UTomase wathi kuye: “Nkosi, asazi lapho uya khona; siyazi kanjani indlela na?”

14:6b.JOH.014.006 UJesu wathi kuye: “Mina ngiyindlela, neqiniso, nokuphila; akakho oza kuBaba ngaphandle kwami.

14:7b.JOH.014.007 Uma beningazi mina, beniyakumazi noBaba; kusukela manje niyamazi, nimbonile.”

14:8b.JOH.014.008 UFiliphu wathi kuye: “Nkosi, sikhombise uYihlo, kusanele.”

14:9b.JOH.014.009 UJesu wathi kuye: “Isikhathi esingaka nginani, awukangazi, Filiphu, na? Ongibonile mina ubonile uBaba; usho kanjani ukuthi: ‘Sikhombise uYihlo,’ na?

14:10b.JOH.014.010 Awukholwa ukuthi ngikuBaba, noBaba ukimi, na? Amazwi engiwakhulumayo mina kini angiwakhulumi ngokwami; kepha uBaba ohlezi kimi wenza imisebenzi yakhe.

14:11b.JOH.014.011 Kholwani yimi ukuthi ngikuBaba, noBaba ukimi; uma kungenjalo, kholwani ngenxa yale misebenzi.

14:12b.JOH.014.012 Ngiqinisile, ngiqinisile ngithi kini: Okholwa yimi, imisebenzi engiyenzayo mina naye uyakuyenza, nemikhulu kunale uyakuyenza; ngokuba mina ngiya kuBaba.

14:13b.JOH.014.013 Noma yini eniyakukucela egameni lami ngiyakukwenza ukuba uBaba akhazimuliswe eNdodaneni.

14:14b.JOH.014.014 Uma nicela utho kimi egameni lami, ngolwenza.

14:15b.JOH.014.015 “Uma ningithanda, niyakugcina imiyalo yami.

14:16b.JOH.014.016 Ngiyakucela kuBaba aniphe omunye uMduduzi wokuba ahlale kini phakade,

14:17b.JOH.014.017 uMoya weqiniso, izwe elingemamukele, ngokuba lingamboni, lingamazi; nina niyamazi yena, ngokuba uhlala nani, uyakuba kini.

14:18b.JOH.014.018 Angiyikunishiya niyizintandane; ngiyeza kini.

14:19b.JOH.014.019 Kuseyisikhashana izwe lingasangiboni, kepha niyangibona nina, ngokuba ngiphila mina, nani nizakuphila.

14:20b.JOH.014.020 Ngalolo suku niyakukwazi nina ukuba ngikuBaba, nani nikimi, nami ngikini.

14:21b.JOH.014.021 Onemiyalo yami ayigcine, nguyena ongithandayo; ongithandayo uyakuthandwa nguBaba, nami ngiyakumthanda, ngizibonakalise kuye.”

14:22b.JOH.014.022 UJuda, ongesiye u-Iskariyothe, wathi kuye: “Nkosi, kwenziwa yini ukuba uyakuzibonakalisa kithina, ungazibonakalisi kulo izwe, na?”

14:23b.JOH.014.023 UJesu waphendula, wathi kuye: “Uma umuntu engithanda, uyakugcina izwi lami; uBaba uyakumthanda; siyakuza kuye, sihlale naye.

14:24b.JOH.014.024 Ongangithandiyo kagcini amazwi ami, nezwi enilizwayo akusilo elami kepha ngelikaBaba ongithumileyo.

14:25b.JOH.014.025 “Ngikhulume lokho kini ngisahlezi nani.

14:26b.JOH.014.026 Kepha uMduduzi, uMoya oNgcwele, uBaba ayakumthumela egameni lami uyakunifundisa konke, anikhumbuze konke enginitshele khona.

14:27b.JOH.014.027 Ukuthula ngikushiya kinina, ukuthula kwami nginipha khona. Akunjengokupha kwezwe ukunipha kwami. Inhliziyo yenu mayingakhathazeki, ingesabi.

14:28b.JOH.014.028 “Nizwile ukuthi nganitshela ngathi: Ngiyamuka, kepha ngiyabuyela kini. Uma beningithanda, beniyakujabula, ngokuba ngiya kuBaba, lokhu uBaba mkhulu kunami.

14:29b.JOH.014.029 Manje senginitshelile kungakenzeki, ukuze nikholwe, nxa sekwenzekile.

14:30b.JOH.014.030 Angisayikukhuluma okuningi nani, ngokuba uyeza umbusi wezwe, kepha akanalutho kimi,

14:31b.JOH.014.031 kodwa kungukuba izwe lazi ukuthi ngiyamthanda uBaba nokuthi ngenza njengokuba uBaba engiyalile. “Sukumani simuke lapha.

15

15:1b.JOH.015.001 “Mina ngingumvini owonawona, uBaba ungumlimi.

15:2b.JOH.015.002 Yilelo nalelo gatsha elikimi, elingatheli izithelo, uyalisusa. Yilelo nalelo elithela izithelo uyalihlunga ukuba lithele kakhulu.

15:3b.JOH.015.003 Nina senihlanzekile ngezwi engilikhulume kinina.

15:4b.JOH.015.004 Hlalani kimi, nami kini. Njengalokhu igatsha lingethele izithelo ngokwalo, kuphela uma lihlala emvinini, kunjalo nani, kuphela uma nihlala kimi.

15:5b.JOH.015.005 “Mina ngingumvini, nina ningamagatsha; ohlala kimi, nami kuye, lowo uthela izithelo eziningi; ngokuba ngaphandle kwami ningenze lutho.

15:6b.JOH.015.006 Uma umuntu engahlali kimi, ulahlwa ngaphandle njengegatsha, abune; bawabuthe, bawaphonse emlilweni, ashe.

15:7b.JOH.015.007 Uma nihlala kimi, namazwi ami ehlala kini, niyakucela enikuthandayo, nikwenzelwe.

15:8b.JOH.015.008 UBaba uyakhazimuliswa ngalokhu ukuba nithele izithelo eziningi, nibe ngabafundi bami.

15:9b.JOH.015.009 “Njengalokho uBaba engithandile, nami nginithandile; hlalani othandweni lwami.

15:10b.JOH.015.010 Uma nigcina imiyalo yami, niyakuhlala othandweni lwami, njengalokho mina ngigcinile imiyalo kaBaba ngihlala othandweni lwakhe.

15:11b.JOH.015.011 Nginitshelile lokho ukuba ukuthokoza kwami kube kini, nokuthokoza kwenu kugcwale.

15:12b.JOH.015.012 “Yilo umyalo wami wokuba nithandane, njengalokho nginithandile.

15:13b.JOH.015.013 Akakho onothando olukhulu kunalolo lokuba adele ukuphila kwakhe ngenxa yabahlobo bakhe.

15:14b.JOH.015.014 Ningabahlobo bami, uma nenza lokhu enginiyala ngakho.

15:15b.JOH.015.015 Angisasho ukuthi niyizinceku, ngokuba inceku ayikwazi ukuthi inkosi yayo yenzani, kepha ngithe ningabahlobo nina, ngokuba konke engikuzwile kuBaba nginazisile khona.

15:16b.JOH.015.016 Aningikhethanga nina, kodwa mina nginikhethile nina, nganibeka ukuba niphume, nithele izithelo, nezithelo zenu zihlale ukuba noma yini eniyakukucela kuBaba egameni lami aninike khona.

15:17b.JOH.015.017 Nginiyala ngalezo zinto, ukuze nithandane.

15:18b.JOH.015.018 “Uma izwe linizonda, niyazi ukuthi langizonda mina ngaphambi kwenu.

15:19b.JOH.015.019 Uma beningabezwe, izwe belizakuthanda okwalo, kepha lokhu ningesibo abezwe kodwa nganikhetha mina ezweni, kungalokho izwe linizonda.

15:20b.JOH.015.020 Khumbulani izwi enganitshela lona mina lokuthi: ‘Inceku ayinkulu kunenkosi yayo.’ Uma bengizingele mina, nani bayakunizingela; uma begcina izwi lami, nelenu bayakuligcina.

15:21b.JOH.015.021 Kepha konke lokho bayakukwenza kini ngenxa yegama lami, ngokuba bengamazi ongithumileyo.

15:22b.JOH.015.022 Uma bengingafikile, ngakhuluma kubo, ngabe abanasono; kepha kalokhu kabanazaba ngesono sabo.

15:23b.JOH.015.023 Ozonda mina uzonda noBaba.

15:24b.JOH.015.024 Uma bengingenzanga phakathi kwabo imisebenzi engenziwanga ngomunye, ngabe abanasono, kepha kalokhu babonile, bangizonda nami noBaba.

15:25b.JOH.015.025 Kodwa kunjalo ukuba kugcwaliseke izwi elilotshiweyo emthethweni wakubo lokuthi: ‘Bangizonda ngeze.’

15:26b.JOH.015.026 “Nxa esefikile uMduduzi engiyakumthumela kini evela kuBaba, uMoya weqiniso, ophuma kuBaba, nguyena oyakufakaza ngami.

15:27b.JOH.015.027 Nani niyafakaza, ngokuba beninami kwasekuqaleni.

16

16:1b.JOH.016.001 “Lokho ngikukhulume kini ukuba ningakhubeki.

16:2b.JOH.016.002 Bayakunikhipha emasinagogeni, yebo, siyeza isikhathi sokuba lowo onibulalayo uyakuthi ukhonza uNkulunkulu.

16:3b.JOH.016.003 Lokhu-ke bayakukwenza ngokuba bengamazanga uBaba nami;

16:4b.JOH.016.004 kepha lokho ngikukhulume kini, ukuze kuthi, nxa kufika leso sikhathi, nikhumbule ukuthi nganitshela khona; anginitshelanga lokho kwasekuqaleni, ngokuba benginani.

16:5b.JOH.016.005 “Manje ngiyamuka, ngiya kongithumileyo; akakho kinina ongibuza ukuthi: ‘Uya ngaphi na?’

16:6b.JOH.016.006 Kepha ngokuba ngikhulume lokho kini, inhliziyo yenu igcwele usizi.

16:7b.JOH.016.007 Kodwa mina nginitshela iqiniso lokuthi kunilungele ukuba ngimuke; ngokuba uma ngingamuki, uMduduzi kayikuza kini; kepha uma ngimuka, ngiyakumthumela kini.

16:8b.JOH.016.008 Lapho esefikile yena, uyakuqondisa izwe ngesono, nangokulunga, nangokwahlulela:

16:9b.JOH.016.009 ngesono, ngokuba bengakholwa yimi;

16:10b.JOH.016.010 ngokulunga, ngokuba ngiya kuBaba, ningabe nisangibona;

16:11b.JOH.016.011 ngokwahlulela, ngokuba umbusi waleli zwe wahlulelwe.

16:12b.JOH.016.012 “Ngise nokuningi okokunitshela, kodwa ningekuthwale manje.

16:13b.JOH.016.013 Kepha nxa esefikile yena, uMoya weqiniso, uzakuniholela kulo lonke iqiniso; ngokuba akayikukhuluma ngokwakhe, kodwa lokho akuzwayo uyakukukhuluma, anibikele okuzayo.

16:14b.JOH.016.014 Uyakungikhazimulisa, ngokuba uyakuthatha kokwami anibikele khona.

16:15b.JOH.016.015 Konke uBaba anakho kungokwami; ngalokho-ke ngithe uyakuthatha kokwami, anibikele.

16:16b.JOH.016.016 “Kusezakuba yisikhashana ningabe nisangibona, kubuye kube yisikhashana ningibone, ngokuba ngiya kuBaba.”

16:17b.JOH.016.017 Ngakho abanye kubo abafundi bakhe base bekhuluma bodwa, bethi: “Kuyini lokho akushoyo kithi ukuthi: ‘Kusezakuba yisikhashana ningabe nisangibona, kubuye kube yisikhashana ningibone,’ nokuthi: ‘Ngokuba ngiya kuBaba,’ na?”

16:18b.JOH.016.018 Bathi: “Kuyini lokho akushoyo ukuthi: ‘Yisikhashana,’ na? Asazi ukuba uthini.”

16:19b.JOH.016.019 UJesu wazi ukuthi bebethanda ukumbuza, wathi kubo: “Niyabuzana ngalokho engikushiloyo ukuthi: ‘Kusezakuba yisikhashana ningabe nisangibona kubuye kube yisikhashana ningibone,’ na?

16:20b.JOH.016.020 Ngiqinisile, ngiqinisile ngithi kini: Niyakukhala nilile nina, kepha izwe liyakujabula; niyakuba lusizi nina, kepha usizi lwenu luyakuphendulwa lube ngukuthokoza.

16:21b.JOH.016.021 Owesifazane, nxa esabeletha, ulusizi, ngokuba sifikile isikhathi sakhe; kepha nxa esembelethile umntwana, akabe esakhumbula ubuhlungu ngenxa yentokozo yokuba kuzelwe umuntu ezweni.

16:22b.JOH.016.022 Nani-ke nilusizi manje, kepha ngiyakubuye nginibone, inhliziyo yenu ithokoze; intokozo yenu akakho onganamuka yona.

16:23b.JOH.016.023 Ngalolo suku aniyikubuza lutho kimi. Ngiqinisile, ngiqinisile ngithi kini: Lokhu eniyakukucela kuBaba egameni lami uyakuninika khona.

16:24b.JOH.016.024 Kuze kube kalokhu anicelanga lutho egameni lami. Celani, niyakwamukeliswa ukuba intokozo yenu igcwale.

16:25b.JOH.016.025 “Ngikhulume lokho kini ngemifanekiso; isikhathi siyeza, lapho ngingasayikukhuluma ngemifanekiso; kodwa ngiyakunitshela ngoBaba ngokusobala.

16:26b.JOH.016.026 Ngalelo langa niyakucela egameni lami; angisho kini ukuthi ngiyakunicelela mina kuBaba;

16:27b.JOH.016.027 ngokuba uBaba uqobo uyanithanda, ngokuba ningithandile nina, nakholwa ukuthi mina ngavela kuNkulunkulu.

16:28b.JOH.016.028 Ngavela kuBaba, ngeza ezweni; ngiyalishiya futhi izwe, ngibuyela kuBaba.”

16:29b.JOH.016.029 Abafundi bakhe bathi kuye: “Bheka, manje usukhuluma ngokusobala, awusakhulumi mfanekiso.

16:30b.JOH.016.030 Kalokhu siyazi ukuthi wazi konke, awudingi ukuba umuntu akubuze; ngalokho siyakholwa ukuba wavela kuNkulunkulu.”

16:31b.JOH.016.031 UJesu waphendula wathi: “Seniyakholwa manje na?

16:32b.JOH.016.032 Bhekani, isikhathi siyeza, yebo, sesifikile sokuba nihlakazeke, yilowo nalowo aye kokwakhe, ningishiye ngingedwa; nokho angingedwa, lokhu uBaba unami.

16:33b.JOH.016.033 “Lokho ngikukhulume kini ukuba nibe nokuthula kimi. Ezweni niyakuba lusizi, kepha yimani isibindi, mina ngilinqobile izwe.”

17

17:1b.JOH.017.001 UJesu wakhuluma lokho; wayesephakamisela amehlo akhe ezulwini, wathi: “Baba, isikhathi sifikile; khazimulisa iNdodana yakho, ukuze iNdodana ikukhazimulise wena,

17:2b.JOH.017.002 njengalokho uyiphile amandla phezu kwenyama yonke ukuba bonke oyiphe bona ibaphe ukuphila okuphakade.

17:3b.JOH.017.003 Ukuphila okuphakade yilokhu ukuba bazi wena Nkulunkulu wedwa oqinisileyo, nomthumileyo, uJesu Kristu.

17:4b.JOH.017.004 Ngikukhazimulisile emhlabeni, ngifeze umsebenzi ongiphe wona ukuba ngiwenze.

17:5b.JOH.017.005 Manje-ke ngikhazimulise wena Baba, kuwe uqobo, ngenkazimulo ebenginayo ngikuwe, izwe lingakabikho.

17:6b.JOH.017.006 “Ngibonakalisile igama lakho kubantu ongiphe bona kwabasezweni; babengabakho, wangipha bona; baligcinile izwi lakho.

17:7b.JOH.017.007 Sebazi ukuthi konke ongiphe khona kuvela kuwe.

17:8b.JOH.017.008 Ngokuba amazwi ongiphe wona ngibaphile wona, bawamukela, bazi isibili ukuthi ngavela kuwe, bakholwa ukuthi wangithuma wena.

17:9b.JOH.017.009 Ngiyabakhulekela bona; angikhulekeli izwe kepha labo ongiphe bona, ngokuba bengabakho.

17:10b.JOH.017.010 Konke okwami kungokwakho, nokwakho kungokwami; ngikhazimulisiwe kubona.

17:11b.JOH.017.011 Angisekho ezweni mina, basezweni bona, mina ngiza kuwe. Baba ongcwele, bagcine egameni lakho labo ongiphe bona, ukuze babe munye njengathi.

17:12b.JOH.017.012 Lapho ngise nabo ezweni, ngabagcina egameni lakho labo ongiphe bona, ngabalonda; akakho kubo owalahleka, kuphela indodana yokulahlwa, ukuba kugcwaliseke umbhalo.

17:13b.JOH.017.013 “Sengiza kuwe kalokhu; ngikhuluma lokhu ezweni ukuba babe nokuthokoza kwami, kugcwale kubo.

17:14b.JOH.017.014 Mina ngibanikile izwi lakho; izwe labazonda, ngokuba bengesibo abezwe, njengalokhu nami angisiye owezwe.

17:15b.JOH.017.015 Angiceli ukuba ubasuse ezweni; kepha ngicela ukuba ubalonde kokubi.

17:16b.JOH.017.016 Abasibo abezwe, njengalokhu nami angisiye owezwe.

17:17b.JOH.017.017 Bangcwelise ngeqiniso, izwi lakho liyiqiniso.

17:18b.JOH.017.018 Njengalokho wangithumela ezweni, nami ngibathumela ezweni.

17:19b.JOH.017.019 Ngiyazingcwelisa ngenxa yabo ukuba bangcweliswe nabo ngeqiniso.

17:20b.JOH.017.020 “Angiceleli laba bodwa kepha nalabo abakholwa yimi ngezwi labo

17:21b.JOH.017.021 ukuba bonke babe munye, njengalokhu wena Baba ukimi, nami ngikuwe, ukuba nabo babe kithina, ukuze izwe likholwe ukuthi wena ungithumile.

17:22b.JOH.017.022 Nenkazimulo ongiphe yona ngiyiphile bona, ukuze babe munye, njengalokhu thina simunye,

17:23b.JOH.017.023 mina kubona, nawe kimina, ukuba bapheleliswe ebunyeni, ukuze izwe lazi ukuba wena ungithumile, wabathanda, njengalokho ungithandile.

17:24b.JOH.017.024 “Baba, ngithanda ukuba labo ongiphe bona nabo babe khona nami lapha ngikhona, ukuze babone inkazimulo yami ongiphe yona; ngokuba wangithanda, kungakasekelwa izwe.

17:25b.JOH.017.025 “Baba olungileyo, izwe kalikwazanga, kepha mina ngikwazile, nalaba bazile ukuthi ungithumile.

17:26b.JOH.017.026 Ngibazisile igama lakho, ngizakubazisa lona ukuba uthando ongithande ngalo lube kubo, nami ngibe kubo.”

18

18:1b.JOH.018.001 UJesu esekhulume lawo mazwi waphuma kanye nabafundi bakhe, waya phesheya komfudlana iKedroni, lapho kwakukhona insimu angena kuyo yena nabafundi bakhe.

18:2b.JOH.018.002 NoJuda owamkhaphelayo wayeyazi leyo ndawo, ngokuba uJesu wayevama ukuhlangana khona nabafundi bakhe.

18:3b.JOH.018.003 Khona uJuda, esethole isigaba samabutho nezikhonzi kubapristi abakhulu nabaFarisi, waya lapho, benezihlanti nezibani nezikhali.

18:4b.JOH.018.004 Khona uJesu ekwazi konke okuyakumehlela waphuma, wathi kubo: “Nifuna ubani na?”

18:5b.JOH.018.005 Bamphendula bathi: “UJesu waseNazaretha.” UJesu wathi kubo: “Yimina.” UJuda omkhaphelayo wayemi nabo.

18:6b.JOH.018.006 Kuthe-ke ukuba athi kubo: “Yimina,” bahlehla nyovane, bawa phansi.

18:7b.JOH.018.007 Waphinda wababuza wathi: “Nifuna ubani na?” Bathi: “UJesu waseNazaretha.”

18:8b.JOH.018.008 UJesu waphendula wathi: “Nginitshelile ukuthi yimina; uma-ke nifuna mina, bayekeni laba, bahambe,”

18:9b.JOH.018.009 ukuba ligcwaliseke izwi alishiloyo lokuthi: “Kulabo ongiphe bona angilahlekelwanga namunye.”

18:10b.JOH.018.010 USimoni Petru enenkemba wayihosha, wayigenca inceku yompristi omkhulu, wayinquma indlebe yokunene. Igama lenceku lalinguMalkusi.

18:11b.JOH.018.011 Khona uJesu wathi kuPetru: “Faka inkemba emgodleni wayo; angiyikusiphuza kanti isitsha anginike sona uBaba na?”

18:12b.JOH.018.012 Njalo-ke isigaba nenduna yenkulungwane nezikhonzi zabaJuda bambamba uJesu, bambopha;

18:13b.JOH.018.013 baqala bamyisa ku-Anase, ngokuba engumukhwe kaKayafase obengumpristi omkhulu walowo mnyaka.

18:14b.JOH.018.014 UKayafase kambe nguye owaluleka abaJuda ngokuthi kubalungele ukuba kufe umumtu abe munye ngenxa yesizwe.

18:15b.JOH.018.015 USimoni Petru walandela uJesu nomunye umfundi. Lowo mfundi wayaziwa ngumpristi omkhulu, wangena noJesu egcekeni lompristi omkhulu;

18:16b.JOH.018.016 kepha uPetru wayemi ngaphandle emnyango. Waphuma-ke lowo mfundi omunye owaziwa ngumpristi omkhulu, wakhuluma nomlindikazi womnyango, wamngenisa uPetru.

18:17b.JOH.018.017 Intombazana elinda emnyango yayisithi kuPetru: “Imbala nawe awusiye owabafundi balowo muntu na?” Wathi yena: “Angisiye.”

18:18b.JOH.018.018 Kwakumi khona izinceku nezikhonzi zibasile umlilo wamalahle, ngokuba kwakumakhaza, zotha; noPetru wayenazo otha.

18:19b.JOH.018.019 Kepha umpristi omkhulu wabuza uJesu ngabafundi bakhe nangemfundiso yakhe.

18:20b.JOH.018.020 UJesu wamphendula wathi: “Ngikhulumile obala ezweni. Ngezikhathi zonke bengifundisa esinagogeni nasethempelini, lapho abaJuda bonke bebuthana khona, angikhulumanga lutho ngasese.

18:21b.JOH.018.021 Ubuzelani kimi na? Buza kulabo abezwile lokho engakukhuluma kubo; bheka, bona bayakwazi engakushoyo.”

18:22b.JOH.018.022 Esasho lokho, esinye isikhonzi esasimi khona sammukula uJesu, sathi: “Uphendula umpristi omkhulu kanjalo na?”

18:23b.JOH.018.023 UJesu wasiphendula wathi: “Uma ngikhulume kabi, fakaza ngalobo bubi; kodwa uma kukuhle, ungishayelani na?”

18:24b.JOH.018.024 U-Anase wamthumela eboshiwe kuKayafase umpristi omkhulu.

18:25b.JOH.018.025 Kepha uSimoni Petru wayemi otha. Bathi-ke kuye: “Imbala nawe awusiye owabafundi bakhe na?” Waphika yena, wathi: “Angisiye.”

18:26b.JOH.018.026 Enye yezinceku zompristi omkhulu, eyisihlobo salowo ondlebe yaso uPetru abeyinqumile, yathi: “Angikubonanga yini mina ensimini unaye na?”

18:27b.JOH.018.027 Wabuye waphika uPetru; masinyane lakhala iqhude.

18:28b.JOH.018.028 Base bekhipha uJesu kuKayafase, bemyisa endlini yokwahlulela; kwakusekuseni. Kepha bona kabangenanga enqabeni ukuba bangangcoli kodwa babe nokudla iphasika.

18:29b.JOH.018.029 Khona uPilatu waphumela kubo, wathi: “Nimthwesa cala lini lo muntu na?”

18:30b.JOH.018.030 Baphendula, bathi kuye: “Uma lona ebengesiye owenza okubi, nga singamlethanga kuwe.”

18:31b.JOH.018.031 Khona uPilatu wathi kubo: “Mthatheni nina, nimahlulele ngomthetho wakini.” Bathi kuye abaJuda: “Asivunyelwe ukubulala umuntu,”

18:32b.JOH.018.032 ukuba kugcwaliseke izwi likaJesu alishilo lapha ebonisa ukuthi uyakufa ngokufa okunjani.

18:33b.JOH.018.033 UPilatu wabuye wangena enqabeni, wabiza uJesu, wathi kuye: “Wena uyinkosi yabaJuda na?”

18:34b.JOH.018.034 UJesu waphendula wathi: “Uzisholo lokhu wena, noma kusho abanye kuwe ngami na?”

18:35b.JOH.018.035 UPilatu waphendula wathi: “Kanti ngingumJuda yini mina na? Isizwe sakini nabapristi abakhulu bakunikezele kimi; wenzeni na?”

18:36b.JOH.018.036 UJesu waphendula wathi: “Umbuso wami awusiwo owaleli zwe. Uma umbuso wami ubungowaleli zwe, izikhonzi zami zaziyakulwa ukuba nginganikezelwa kubaJuda. Kepha kalokhu umbuso wami awusiwo owalapha.”

18:37b.JOH.018.037 Wayesethi uPilatu kuye: “Kanti nokho uyinkosi na?” UJesu waphendula wathi: “Usho khona. Ngiyinkosi; ngizalelwe lokho, ngafikela lokho ezweni ukuba ngifakazele iqiniso. Bonke abeqiniso bayalizwa izwi lami.”

18:38b.JOH.018.038 Wathi uPilatu kuye: “Iqiniso liyini na?” Eseshilo lokho wabuye waphumela kubaJuda, wathi kubo: “Angifumani cala kuye.

18:39b.JOH.018.039 Kepha ninesiko lokuba nginikhululele omunye ngePhasika; ngakho niyathanda ukuba nginikhululele inkosi yabaJuda na?”

18:40b.JOH.018.040 Khona babuye bamemeza bonke, bathi: “Qha lona, kodwa uBaraba.” Kepha uBaraba wayengumphangi.

19

19:1b.JOH.019.001 UPilatu wayesemthatha uJesu, wamshaya.

19:2b.JOH.019.002 Amabutho aluka umqhele wameva awufaka ekhanda lakhe, amembathisa ingubo ebubende;

19:3b.JOH.019.003 aya kuye, athi: “Bayede, nkosi yabaJuda!” Ammukula.

19:4b.JOH.019.004 UPilatu wabuye waphuma, wathi kubo: “Bhekani, ngimkhiphela kini, ukuze nazi ukuba angifumani cala kuye.”

19:5b.JOH.019.005 Wayesephuma uJesu ethwele umqhele wameva nengubo ebubende. Wathi kubo uPilatu: “Bhekani lo muntu!”

19:6b.JOH.019.006 Bathi bembona abapristi abakhulu nezikhonzi, bamemeza bathi: “Mbethele, mbethele esiphambanweni!” UPilatu wathi kubo: “Mthatheni nina, nimbethele esiphambanweni, ngokuba angifumani cala kuye.”

19:7b.JOH.019.007 Kepha abaJuda bamphendula bathi: “Sinomthetho thina; ngalo mthetho ufanele ukufa, ngokuba ezenzile iNdodana kaNkulunkulu.”

19:8b.JOH.019.008 Kuthe uPilatu ezwa lelo zwi, kwayikhona esaba kakhulu,

19:9b.JOH.019.009 wabuye wangena enqabeni, wathi kuJesu: “Ungowaphi wena na?” Kepha uJesu kamphendulanga.

19:10b.JOH.019.010 Khona wathi uPilatu kuye: “Awukhulumi kimi na? Awazi ukuthi nginamandla okukukhulula, nginamandla futhi okukubethela esiphambanweni na?”

19:11b.JOH.019.011 UJesu waphendula wathi: “Ngabe awunamandla neze phezu kwami, ukuba awuwanikwanga ngaphezulu. Ngalokho-ke onginikele kuwe unesono esikhulu.”

19:12b.JOH.019.012 Ngalokho uPilatu wayefuna ukumkhulula. Kepha abaJuda bamemeza bathi: “Uma ukhulula lona, awusiye umhlobo kaKesari; osuka ezenza inkosi, umelene noKesari.”

19:13b.JOH.019.013 Kuthe uPilatu esezwa lawo mazwi wamkhiphela ngaphandle uJesu; wahlala esihlalweni sokwahlulela endaweni ethiwa eGandaywe ngamatshe kodwa ngesiHeberu iGabatha.

19:14b.JOH.019.014 Kwakungolokulungisela iPhasika kungathi ihora lesithupha. Wathi kubaJuda: “Bhekani inkosi yenu.”

19:15b.JOH.019.015 Ngakho bamemeza bathi: “Susa, susa, mbethele esiphambanweni!” Wathi kubo uPilatu: “Ngibethele inkosi yenu na?” Abapristi abakhulu baphendula bathi: “Asinankosi, uKesari kuphela.”

19:16b.JOH.019.016 Wayesemnikela kubo ukuba abethelwe esiphambanweni. Bamthatha-ke uJesu, bahamba naye.

19:17b.JOH.019.017 Waphuma ezithwalele isiphambano, waya endaweni ethiwa iNdawo Yekhanda, ethiwa ngesiHeberu iGolgotha.

19:18b.JOH.019.018 Bambethela khona nabanye ababili kanye naye ngalapha nangalapha, uJesu ephakathi.

19:19b.JOH.019.019 Kepha uPilatu waloba isaziso, wasibeka esiphambanweni. Kwakulotshiwe ukuthi: UJESU WASENAZARETHA, INKOSI YABAJUDA.

19:20b.JOH.019.020 Khona abaningi babaJuda bafunda leso saziso; ngokuba indawo leyo, lapho uJesu wabethelwa khona esiphambanweni, yayiseduze nomuzi. Kwakulotshiwe ngesiHeberu, nangesiRoma, nangesiGreki.

19:21b.JOH.019.021 Base bethi abapristi abakhulu babaJuda kuPilatu: “Ungalobi ukuthi: ‘Inkosi yabaJuda,’ kepha ukuba yena wathi: ‘NgiyiNkosi yabaJuda.’ ”

19:22b.JOH.019.022 UPilatu waphendula wathi: “Engikulobile ngikulobile.”

19:23b.JOH.019.023 Kuthe amabutho esembethele uJesu esiphambanweni, athatha izingubo zakhe, azenza izabelo ezine, kwaba yilelo nalelo butho laba nesabelo, neyembe futhi. Kepha iyembe lalingenamthungo, lalukiwe lonke kusukela phezulu.

19:24b.JOH.019.024 Ngakho-ke akhuluma odwa, athi: “Asingalidabuli, kodwa asilenzele inkatho yokuthi liyakuba ngelikabani,” ukuze kugcwaliseke umbhalo othi: “Babelana izingubo zami, benzelana inkatho ngesambatho sami.” Lokho-ke akwenza amabutho.

19:25b.JOH.019.025 Kepha kwakumi ngasesiphambanweni sikaJesu unina kanye nodadewabo kanina, uMariya umkaKleyophase, noMariya Magdalena.

19:26b.JOH.019.026 Kuthe uJesu ebona unina nomfundi amthandayo bemi ngakhona, wathi kunina: “Mame, bheka indodana yakho.”

19:27b.JOH.019.027 Wayesethi kumfundi: “Bheka unyoko.” Kusukela kuleso sikhathi umfundi lowo wamyisa kwakhe.

19:28b.JOH.019.028 Emva kwalokho uJesu, ekwazi ukuthi konke sekuphelelisiwe ukuba umbhalo ugcwaliseke, wathi: “Ngomile.”

19:29b.JOH.019.029 Kwakubekiwe khona isitsha sigcwele uviniga; khona bachoma ilula ligcwele uviniga othini lwehisopi, baliyisa emlonyeni wakhe.

19:30b.JOH.019.030 Kwathi ukuba uJesu ewamukele uviniga, wathi: “Kufeziwe;” wagebisa ikhanda, wafa.

19:31b.JOH.019.031 Khona abaJuda, ngokuba kwakungolokulungisela, ukuze izidumbu zingahlali esiphambanweni ngesabatha, ngokuba lolo suku lwesabatha lwalulukhulu, banxusa uPilatu ukuba yaphulwe imilenze yabo, basuswe.

19:32b.JOH.019.032 Ayeseza-ke amabutho, ayaphula imilenze yowokuqala neyomunye owayebethelwe naye.

19:33b.JOH.019.033 Esefika kuJesu, ebona ukuthi usefile, kawayaphulanga imilenze yakhe;

19:34b.JOH.019.034 kodwa elinye lamabutho lamgwaza ohlangothini ngomkhonto, kwaphuma masinyane igazi namanzi.

19:35b.JOH.019.035 Obonileyo ufakazile, ubufakazi bakhe buqinisile; yena-ke uyazi ukuthi ukhuluma iqiniso, ukuze nikholwe nani.

19:36b.JOH.019.036 Ngokuba lokho kwenzeka ukuba kugcwaliseke umbhalo othi: “Akuyikwaphulwa thambo lakhe.”

19:37b.JOH.019.037 Futhi omunye umbhalo uthi: “Bayakumbheka abamgwazileyo.”

19:38b.JOH.019.038 Emva kwalokho uJosefa wase-Arimatheya, engumfundi kaJesu kepha ekufihla ngokwesaba abaJuda, wacela kuPilatu ukuba asuse isidumbu sikaJesu; uPilatu wavuma-ke. Wayesefika, wasisusa isidumbu sikaJesu.

19:39b.JOH.019.039 Kweza noNikodemu owafika kuye kuqala ebusuku, waletha ixube lenhlaka nomhlaba kungathi amalitra ayikhulu.

19:40b.JOH.019.040 Ngakho base besithatha isidumbu sikaJesu, basisonga ngezindwangu zelineni kanye namakha njengesiko labaJuda lokumbela.

19:41b.JOH.019.041 Khona ngakuleyo ndawo, lapho wayebethelwe khona esiphambanweni, kwakukhona insimu, nasensimini kukhona ithuna elisha okwakungazange kubekwe muntu kulo.

19:42b.JOH.019.042 Bambeka lapho-ke uJesu ngenxa yolokulungisela lwabaJuda, ngokuba ithuna laliseduze.

20

20:1b.JOH.020.001 Kwathi ngosuku lokuqala lweviki uMariya Magdalena wafika ethuneni ekuseni kusemnyama, wabona itshe lisusiwe ethuneni.

20:2b.JOH.020.002 Khona wayesegijima waya kuSimoni Petru nakulowo mfundi omunye uJesu amthandayo, wathi kubo: “Bayisusile iNkosi ethuneni, asazi lapha beyibeke khona.”

20:3b.JOH.020.003 Ngakho wayesephuma uPetru nomunye umfundi, beza ethuneni.

20:4b.JOH.020.004 Bagijima bobabili kanyekanye; kepha umfundi omunye wagijima kakhulu kunoPetru, wafika kuqala ethuneni;

20:5b.JOH.020.005 elunguza wabona izindwangu zelineni zikhona, kepha akangenanga.

20:6b.JOH.020.006 Khona wafika noSimoni Petru emlandela, wangena ethuneni, wabona izindwangu zelineni zikhona,

20:7b.JOH.020.007 neduku ebelisekhanda lakhe libekiwe lingekho ezindwangwini zelineni, kepha lisongwe lilodwa kwenye indawo.

20:8b.JOH.020.008 Khona wayesengena nomfundi omunye ofike kuqala ethuneni, wabona, wakholwa;

20:9b.JOH.020.009 ngokuba bebengakawuqondi umbhalo wokuthi ubefanele ukuvuka kwabafileyo.

20:10b.JOH.020.010 Base bemuka abafundi, baphindela kubo.

20:11b.JOH.020.011 Kepha uMariya wema ethuneni ngaphandle ekhala; esakhala walunguza ethuneni;

20:12b.JOH.020.012 wabona izingelosi ezimbili zembethe okumhlophe, zihlezi, enye ngasekhanda nenye ngasezinyaweni, lapho isidumbu sikaJesu besilele khona.

20:13b.JOH.020.013 Zona-ke zathi kuye: “Mame, ukhalelani na?” Wathi kuzo: “Bayithathile iNkosi yami, futhi angazi ukuthi bayibekephi.”

20:14b.JOH.020.014 Eseshilo lokho waphenduka, wabona uJesu emi, kepha wayengazi ukuthi nguJesu.

20:15b.JOH.020.015 UJesu wathi kuye: “Mame, ukhalelani na? Ufuna bani na?” Kepha yena ethi ngumphathi wensimu wathi kuye: “Nkosi, uma umsusile, ngitshele ukuthi umbekephi, ngiye ngiyakumthatha mina.”

20:16b.JOH.020.016 UJesu wathi kuye: “Mariya!” Waphenduka, wathi kuye ngesiHeberu: “Rabuni,” okungukuthi: “Mfundisi.”

20:17b.JOH.020.017 UJesu wathi kuye: “Ungangithinti, ngokuba angikenyukeli kuBaba. Kepha yana kubazalwane bami, ubatshele ukuthi ngenyukela kuBaba noYihlo, kuNkulunkulu wami noNkulunkulu wenu.”

20:18b.JOH.020.018 UMariya Magdalena weza wabikela abafundi ukuthi: “Ngiyibonile iNkosi,” nokuthi: “Ishilo lokho kimi.”

20:19b.JOH.020.019 Kwathi-ke kusihlwa ngalolo suku, olokuqala lweviki, iminyango ivaliwe lapho abafundi bekhona ngokwesaba abaJuda, uJesu wafika wema phakathi kwabo, wathi kubo: “Ukuthula makube kinina.”

20:20b.JOH.020.020 Eseshilo lokho wabakhombisa izandla nohlangothi lwakhe. Base bethokoza abafundi beyibona iNkosi.

20:21b.JOH.020.021 Khona uJesu wabuye wathi kubo: “Ukuthula makube kinina. Njengokuba uBaba engithume mina, nami ngiyanithuma nina.”

20:22b.JOH.020.022 Kwathi ukuba asho njalo, wabaphephetha, wathi kubo: “Yamukelani uMoya oNgcwele.

20:23b.JOH.020.023 Enibathethelela izono zabo bathethelelwe; nenibabamba ngazo babanjiwe.”

20:24b.JOH.020.024 Kepha uTomase, omunye kwabayishumi nambili, othiwa uDidimu, wayengekho kubo mhla efika uJesu.

20:25b.JOH.020.025 Ngakho-ke abanye abafundi bathi kuye: “Siyibonile iNkosi.” Kepha wathi kubo: “Uma ngingaboni ezandleni zayo inxeba lezipikili, ngifake umunwe wami enxebeni lezipikili, ngifake isandla sami ohlangothini lwayo, angisoze ngakholwa.”

20:26b.JOH.020.026 Emva kwezinsuku eziyisishiyagalombili abafundi bakhe babesendlini futhi, uTomase enabo. UJesu wafika iminyango ivaliwe, wema phakathi kwabo, wathi: “Ukuthula makube kinina.”

20:27b.JOH.020.027 Wayesethi kuTomase: “Zisa lapha umunwe wakho, ubone izandla zami; zisa isandla sakho, usifake ohlangothini lwami; ungabi ngongakholwayo kodwa okholwayo.”

20:28b.JOH.020.028 UTomase waphendula, wathi kuye: “Nkosi yami, Nkulunkulu wami!”

20:29b.JOH.020.029 UJesu wathi kuye: “Ngokuba ungibonile, ukholiwe na? Babusisiwe abakholwa bengabonanga.”

20:30b.JOH.020.030 Izibonakaliso ezinye eziningi uJesu wazenza phambi kwabafundi bakhe, ezingalotshiwe kule ncwadi.

20:31b.JOH.020.031 Kodwa lezi zilotshiwe ukuba nikholwe ukuthi uJesu unguKristu, iNdodana kaNkulunkulu, nokuba nikholwe, nibe nokuphila egameni lakhe.

21

21:1b.JOH.021.001 Emva kwalokho uJesu wabuye wazibonakalisa kubafundi ngaselwandle lwaseTiberiya; wazibonakalisa kanje:

21:2b.JOH.021.002 kwakukhona ndawonye oSimoni Petru, noTomase othiwa uDidimu, noNathanayeli waseKhana laseGalile, nabakaZebedewu, nabanye ababili kubafundi bakhe.

21:3b.JOH.021.003 USimoni Petru wathi kubo: “Ngiya kodoba.” Bathi kuye: “Nathi sihamba nawe.” Base bephuma, bangena emkhunjini; kepha ngalobo busuku ababambanga lutho.

21:4b.JOH.021.004 Kuthe sekusa, uJesu wayemi ogwini. Kepha abafundi babengazi ukuthi nguJesu.

21:5b.JOH.021.005 UJesu wathi-ke kubo: “Bantwana, aninakho ukudla na?” Bamphendula bathi: “Qha.”

21:6b.JOH.021.006 Wayesethi kubo: “Phonsani inetha ngakwesokunene somkhumbi, nizakuthola.” Base bephonsa, ababe besaba namandla ukulidonsa ngenxa yobuningi bezinhlanzi.

21:7b.JOH.021.007 Khona lowo mfundi uJesu amthandayo wathi kuPetru: “YiNkosi.” USimoni Petru, ekuzwa ukuthi yiNkosi, wagqoka, ngokuba wayehamba ze, waziphonsa elwandle.

21:8b.JOH.021.008 Kepha abanye abafundi beza ngesikebhe, ngokuba bebengekude nenhlabathi kepha kungathi izingalo ezingamakhulu amabili, bedonsa inetha linezinhlanzi.

21:9b.JOH.021.009 Kuthe sebephumele emhlabathini, babona umlilo wamalahle, nezinhlanzi zibekwe kuwo, nesinkwa.

21:10b.JOH.021.010 UJesu wathi kubo: “Lethani izinhlanzi kwenizibambe manje.”

21:11b.JOH.021.011 Wasuka uSimoni Petru, walihudulela emhlabathini inetha. Ligcwele izinhlanzi ezinkulu, ziyikhulu namashumi ayisihlanu nantathu; noma zingako, inetha alidabukanga.

21:12b.JOH.021.012 UJesu wathi kubo: “Wozani nidle.” Kepha akwabakho kubafundi owaba nesibindi sokumbuza ngokuthi: “Ungubani wena na?” Bazi ukuthi yiyo iNkosi.

21:13b.JOH.021.013 UJesu weza, wathabatha isinkwa, wabapha, nezinhlanzi futhi.

21:14b.JOH.021.014 Lokho sekungokwesithathu uJesu ebonakaliswa kubafundi, esevukile kwabafileyo.

21:15b.JOH.021.015 Khona sebedlile uJesu wathi kuSimoni Petru: “Simoni kaJona, uyangithanda kunalaba na?” Wathi kuye: “Yebo, Nkosi, uyazi wena ukuthi ngiyakuthanda.” Wathi kuye: “Yipha amawundlu ami.”

21:16b.JOH.021.016 Wabuye wathi kuye ngokwesibili: “Simoni kaJona, uyangithanda na?” Wathi kuye: “Yebo, Nkosi, uyazi wena ukuthi ngiyakuthanda.” Wathi kuye: “Yalusa izimvu zami.”

21:17b.JOH.021.017 Wathi kuye ngokwesithathu: “Simoni kaJona, uyangithanda na?” UPetru wadabuka ngokuba wathi kuye ngokwesithathu: “Uyangithanda na?” Wathi kuye: “Nkosi, wazi konke wena, uyazi ukuthi ngiyakuthanda.” UJesu wathi kuye: “Yipha izimvu zami.

21:18b.JOH.021.018 Ngiqinisile, ngiqinisile ngithi kuwe: Usemusha wawugqoka, uhambe lapho uthanda khona; kepha nxa usumdala, uyakwelula izandla zakho, omunye akugqokise, akuyise lapho ungathandi khona.

21:19b.JOH.021.019 Kepha wakusho lokho ekhomba ukufa azakumdumisa uNkulunkulu ngakho.” Eseshilo lokho wathi: “Ngilandele.”

21:20b.JOH.021.020 UPetru ephenduka wabona umfundi uJesu amthandayo elandela, oyena futhi wayencike esifubeni sakhe ekudleni, nowathi: “Nkosi, ngubani ozakukukhaphela na?”

21:21b.JOH.021.021 Kuthe uPetru embona lowo, wathi kuJesu: “Nkosi, kepha lona, pho?”

21:22b.JOH.021.022 UJesu wathi kuye: “Uma ngithanda ukuba ahlale ngize ngifike, kuyini kuwe na? Wena landela mina.”

21:23b.JOH.021.023 Ngakho-ke leli zwi laphumela kubazalwane lokuthi lowo mfundi akayikufa. Kanti uJesu akashongo ukuthi akayikufa kodwa ukuthi: “Uma ngithanda ukuba ahlale ngize ngifike, kuyini kuwe na?”

21:24b.JOH.021.024 Nguye lo mfundi ofakaza ngalezi zinto nokulobile lokhu; siyazi ukuthi ubufakazi bakhe buqinisile.

21:25b.JOH.021.025 Kukhona nezinye izinto eziningi azenza uJesu; uma zilotshiwe zona ngazinye, ngithi nezwe lonke lingezanele izincwadi ezingalotshwa.