Matthew (Zulu)

1

1:1b.MAT.001.001 Incwadi yokuzalwa kukaJesu Kristu, indodana kaDavide, indodana ka-Abrahama.

1:2b.MAT.001.002 U-Abrahama wazala u-Isaka, u-Isaka wazala uJakobe, uJakobe wazala uJuda nabafowabo;

1:3b.MAT.001.003 uJuda wazala oFaresi noZara kuTamari, uFaresi wazala u-Esiromu, u-Esiromu wazala u-Aramu;

1:4b.MAT.001.004 u-Aramu wazala u-Aminadaba, u-Aminadaba wazala uNasoni, uNasoni wazala uSalimoni;

1:5b.MAT.001.005 uSalimoni wazala uBowasi kuRakhabi, uBowasi wazala u-Obede kuRuthe, u-Obede wazala uJesayi;

1:6b.MAT.001.006 uJesayi wazala uDavide, inkosi. UDavide wazala uSolomoni kumka-Uriya;

1:7b.MAT.001.007 uSolomoni wazala uRobowamu, uRobowamu wazala u-Abiya, u-Abiya wazala u-Asafa;

1:8b.MAT.001.008 u-Asafa wazala uJosafati, uJosafati wazala uJoramu, uJoramu wazala u-Oziya;

1:9b.MAT.001.009 u-Oziya wazala uJothamu, uJothamu wazala u-Akazi, u-Akazi wazala uHezekiya;

1:10b.MAT.001.010 uHezekiya wazala uManase, uManase wazala u-Amoni, u-Amoni wazala uJosiya;

1:11b.MAT.001.011 uJosiya wazala uJekoniya nabafowabo ngesikhathi sokuthunjelwa eBabiloni.

1:12b.MAT.001.012 Kwathi emva kokuthunjelwa eBabiloni uJekoniya wazala uSalatiyeli, uSalatiyeli wazala uZorobabeli;

1:13b.MAT.001.013 uZorobabeli wazala u-Abiyudi, u-Abiyudi wazala u-Eliyakimi, u-Eliyakimi wazala u-Azori;

1:14b.MAT.001.014 u-Azori wazala uSadoki, uSadoki wazala u-Akimi, u-Akimi wazala u-Eliyudi;

1:15b.MAT.001.015 u-Eliyudi wazala u-Eleyazare, u-Eleyazare wazala uMathani, uMathani wazala uJakobe;

1:16b.MAT.001.016 uJakobe wazala uJosefa, indoda kaMariya, azalwa nguye uJesu othiwa uKristu.

1:17b.MAT.001.017 Zinjalo-ke izizukulwane zonke ezisukela ku-Abrahama ziye kuDavide, ziyizizukulwane eziyishumi nane; nezisukela kuDavide ziye ekuthunjelweni eBabiloni ziyizizukulwane eziyishumi nane; nezisukela ekuthunjelweni eBabiloni ziye kuKristu ziyizizukulwane eziyishumi nane.

1:18b.MAT.001.018 Ukuzalwa kukaJesu Kristu kwaba nje: unina uMariya esemiselwe uJosefa, bengakahlangani wafunyanwa ekhulelwe ngoMoya oNgcwele.

1:19b.MAT.001.019 Kepha uJosefa indoda yakhe engumuntu olungileyo, engathandi ukumthela ihlazo, wayefuna ukumlahla ngasese.

1:20b.MAT.001.020 Esazindla ngalokho, bheka, ingelosi yeNkosi yabonakala kuye ngephupho, ithi: “Josefa, ndodana kaDavide, ungesabi ukumthatha uMariya umkakho, ngokuba lokho akukhulelweyo kungoMoya oNgcwele.

1:21b.MAT.001.021 Uzakuzala indodana, uyiqambe igama lokuthi uJesu, ngokuba nguye oyakusindisa abantu bakhe ezonweni zabo.”

1:22b.MAT.001.022 Lokhu konke kwenzeka ukuba kugcwaliseke okwakhulunywa yiNkosi ngomprofethi ukuthi:

1:23b.MAT.001.023 “Bheka, intombi iyakukhulelwa, izale indodana; bayakuyiqamba igama lokuthi u-Emanuweli,” okungukuthi ngokuhunyushwa “uNkulunkulu unathi”.

1:24b.MAT.001.024 UJosefa esevukile ebuthongweni wenza njengalokho imyalile ingelosi yeNkosi, wamthatha umkakhe;

1:25b.MAT.001.025 akaze aya kuye, waze wazibula ngendodana; wayiqamba igama lokuthi uJesu.

2

2:1b.MAT.002.001 UJesu esezelwe eBetlehema laseJudiya emihleni kaHerode inkosi, bheka, kwafika izazi eJerusalema, zivela empumalanga, zithi:

2:2b.MAT.002.002 “Uphi lowo ozelwe eyinkosi yabaJuda na? Ngokuba sibonile inkanyezi yakhe kwelasempumalanga, size ukukhuleka kuye.”

2:3b.MAT.002.003 UHerode inkosi esekuzwile lokho wakhathazeka neJerusalema lonke kanye naye.

2:4b.MAT.002.004 Wabutha bonke abapristi abakhulu nababhali besizwe, wabuza kubo ukuthi uKristu uzakuzalelwaphi.

2:5b.MAT.002.005 Bathi kuye: “EBetlehema laseJudiya, ngokuba kulotshiwe kanjalo ngomprofethi ukuthi:

2:6b.MAT.002.006 “ ‘Nawe Betlehema, lizwe lakwaJuda, kawusiye omncane nakanye kubabusi bakwaJuda, ngokuba kuyakuvela kuwe umbusi oyakwalusa isizwe sami u-Israyeli.’ ”

2:7b.MAT.002.007 Khona uHerode, ezibizile izazi ngasese, wabuzisisa kuzo isikhathi inkanyezi ebonakele ngaso,

2:8b.MAT.002.008 wazithuma eBetlehema, wathi: “Hambani nibuzisise ngomntwana; kuyakuthi nxa nimfumene, ningitshele ukuba nami ngiye ngikhuleke kuye.”

2:9b.MAT.002.009 Seziyizwile inkosi, zamuka; bheka, inkanyezi ezayibona kwelasempumalanga yahamba phambi kwazo, yaze yafika yema phezu kwalapho umntwana ekhona.

2:10b.MAT.002.010 Zathi ukuyibona inkanyezi, zathokoza ngokuthokoza okukhulu kakhulu.

2:11b.MAT.002.011 Zase zingena endlini, zabona umntwana noMariya unina, zawa phansi, zakhuleka kuye, zavula amagugu azo, zamkhunga ngezipho: igolide namakha nenhlaka.

2:12b.MAT.002.012 Kwathi ziyaliwe nguNkulunkulu ngephupho ukuba zingabuyeli kuHerode, zabuyela ezweni lakubo ngenye indlela.

2:13b.MAT.002.013 Sezimukile, bheka, ingelosi yeNkosi yabonakala kuJosefa ngephupho, ithi: “Vuka uthabathe umntwana nonina, ubalekele eGibithe, uhlale khona, ngize ngikutshele; ngokuba uHerode uzakumfuna umntwana ukuba ambhubhise.”

2:14b.MAT.002.014 Wavuka-ke, wathabatha umntwana nonina ebusuku, wamuka waya eGibithe,

2:15b.MAT.002.015 wahlala khona, waze wafa uHerode, ukuze kugcwaliseke okwakhulunywa yiNkosi ngomprofethi ukuthi: “Ngayibiza indodana yami iphume eGibithe.”

2:16b.MAT.002.016 Khona uHerode, esebonile ukuthi izazi zimphambile, wathukuthela kakhulu, wathumela wabulala bonke abantwana besilisa baseBetlehema nasendaweni yonke yangakhona, abaminyaka mibili nangaphansi njengesikhathi abesibuzisisile kuzo izazi.

2:17b.MAT.002.017 Khona kwagcwaliseka okwakhulunywa ngoJeremiya umprofethi ukuthi:

2:18b.MAT.002.018 “Kwezwakala izwi eRama, ukukhala nokulila okukhulu, uRakheli ekhalela abantwana bakhe, engavumi ukududuzwa, ngokuba abasekho.”

2:19b.MAT.002.019 Kepha uHerode esefile, bheka, ingelosi yeNkosi yabonakala ngephupho kuJosefa eGibithe, yathi:

2:20b.MAT.002.020 “Vuka uthabathe umntwana nonina, uye ezweni lakwa-Israyeli; ngokuba sebefile ababezingela ukuphila komntwana.”

2:21b.MAT.002.021 Wasuka-ke, wathabatha umntwana nonina, wafika ezweni lakwa-Israyeli.

2:22b.MAT.002.022 Kepha ezwa ukuthi sekubusa u-Arkelawu eJudiya esikhundleni sikaHerode uyise, wesaba ukuya khona; eseyaliwe nguNkulunkulu ngephupho wamuka waya kwelaseGalile;

2:23b.MAT.002.023 wafika wakha emzini othiwa iNazaretha ukuba kugcwaliseke okwakhulunywa ngabaprofethi ukuthi: “Uyakubizwa ngokuthi umNazaretha.”

3

3:1b.MAT.003.001 Ngaleyo mihla kwavela uJohane uMbhapathizi eshumayela ehlane laseJudiya, ethi:

3:2b.MAT.003.002 “Phendukani, ngokuba umbuso wezulu ususondele!”

3:3b.MAT.003.003 Ngokuba nguye akhuluma ngaye umprofethi u-Isaya, ethi: “Izwi lomemezayo ehlane, lithi: ‘Lungisani indlela yeNkosi, nenze imikhondo yayo iqonde.’ ”

3:4b.MAT.003.004 Yena uJohane wayenengubo yoboya bekamela noqhotho lwesikhumba okhalweni lwakhe; ukudla kwakhe kwakuyizinkumbi nezinyosi zasendle.

3:5b.MAT.003.005 Khona kwaphumela kuye iJerusalema, neJudiya lonke, nezwe lonke laseJordani,

3:6b.MAT.003.006 babhapathizwa nguye emfuleni iJordani bevuma izono zabo.

3:7b.MAT.003.007 Kepha kwathi ebona abaningi kubaFarisi nabaSadusi beza embhapathizweni, wathi kubo: “Nzalo yezinyoka, ngubani onibonise ukubalekela intukuthelo ezayo na?

3:8b.MAT.003.008 Ngakho vezani izithelo ezifanele ukuphenduka.

3:9b.MAT.003.009 Ningacabangi ukuba ningasho phakathi kwenu ukuthi: ‘Sinobaba u-Abrahama;’ ngokuba ngithi kini: UNkulunkulu angamvusela u-Abrahama abantwana kulawa matshe.

3:10b.MAT.003.010 Izembe selibekiwe empandeni yemithi; ngakho yonke imithi engatheli izithelo ezinhle iyanqunywa, iphonswe emlilweni.

3:11b.MAT.003.011 “Mina nginibhapathiza ngamanzi, kube ngukuphenduka; kepha yena oza emva kwami unamandla kunami engingafanele ukuthwala izicathulo zakhe; yena uzakunibhapathiza ngoMoya oNgcwele nangomlilo,

3:12b.MAT.003.012 ombenge yakhe yokwela isesandleni sakhe; uzakushanelisisa isibuya sakhe, abuthele amabele enqolobaneni yakhe; kepha amakhoba uzakuwashisa ngomlilo ongacimekiyo.”

3:13b.MAT.003.013 Khona uJesu evela eGalile wafika kuJohane eJordani ukuba azobhapathizwa nguye.

3:14b.MAT.003.014 Kepha uJohane wamalela wathi: “Yimi engiswela ukubhapathizwa nguwe; wena uza kimi na?”

3:15b.MAT.003.015 UJesu waphendula, wathi kuye: “Vuma kalokhu, ngokuba kusifanele ukugcwalisa kanjalo ukulunga konke.” Khona wayesemvumela.

3:16b.MAT.003.016 UJesu esebhapathiziwe wakhuphuka masinyane emanzini; bheka, izulu lavuleka, wabona uMoya kaNkulunkulu ehla njengejuba, eza phezu kwakhe.

3:17b.MAT.003.017 Bheka, kwavela izwi ezulwini, lithi: “Lo uyiNdodana yami ethandekayo engithokozile ngayo.”

4

4:1b.MAT.004.001 Khona uJesu waholelwa nguMoya ehlane ukuba alingwe nguSathane.

4:2b.MAT.004.002 Esezilile ukudla izinsuku ezingamashumi amane nobusuku obungamashumi amane, wagcina walamba.

4:3b.MAT.004.003 Kwafika umlingi, wathi kuye: “Uma uyiNdodana kaNkulunkulu, yisho ukuba lawa matshe abe yizinkwa.”

4:4b.MAT.004.004 Kepha waphendula wathi: “Kulotshiwe ukuthi: ‘Akusinkwa sodwa umuntu ayakuphila ngaso kodwa ngamazwi onke aphuma emlonyeni kaNkulunkulu.’ ”

4:5b.MAT.004.005 Khona uSathane wamthatha, wamyisa emzini ongcwele, wammisa esiqongweni sethempeli,

4:6b.MAT.004.006 wathi kuye: “Uma uyiNdodana kaNkulunkulu, ziphonse phansi; ngokuba kulotshiwe ukuthi: “ ‘Uyakuyaleza izingelosi zakhe ngawe, zikuthwale ngezandla, ungaze waqhuzuka etsheni ngonyawo lwakho.’ ”

4:7b.MAT.004.007 UJesu wathi kuye: “Kulotshiwe futhi ukuthi: ‘Ungayilingi iNkosi uNkulunkulu wakho.’ ”

4:8b.MAT.004.008 USathane wabuye wamyisa entabeni ende kakhulu, wamkhombisa imibuso yonke yezwe nenkazimulo yayo;

4:9b.MAT.004.009 wathi kuye: “Konke lokhu ngizakukunika khona, uma uziwisa phansi, ukhuleke kimi.”

4:10b.MAT.004.010 Khona uJesu wathi kuye: “Suka, Sathane, ngokuba kulotshiwe ukuthi: ‘Wokhuleka eNkosini uNkulunkulu wakho, umkhonze yena yedwa.’ ”

4:11b.MAT.004.011 USathane wayesemshiya; bheka, kwafika izingelosi, zamkhonza.

4:12b.MAT.004.012 Kuthe esezwile ukuthi uJohane uboshiwe, wamuka waya eGalile.

4:13b.MAT.004.013 Wasuka eNazaretha, weza wahlala eKapernawume elingaselwandle emikhawulweni yakwaZabuloni neyakwaNafetali

4:14b.MAT.004.014 ukuba kugcwaliseke okwakhulunywa ngo-Isaya umprofethi ukuthi:

4:15b.MAT.004.015 “Izwe lakwaZabuloni nezwe lakwaNafetali ngaselwandle ngaphesheya kweJordani, iGalile labezizwe,

4:16b.MAT.004.016 isizwe esasihlezi ebumnyameni sibonile ukukhanya okukhulu, nababehlezi ezweni nasethunzini lokufa kuphumele kubo ukukhanya.”

4:17b.MAT.004.017 Kusukela kuleso sikhathi uJesu waqala ukushumayela nokusho ukuthi: “Phendukani, ngokuba umbuso wezulu ususondele.”

4:18b.MAT.004.018 UJesu ehamba ngaselwandle lwaseGalile wabona izelamani ezimbili, uSimoni othiwa uPetru no-Andreya umfowabo, bephonsa inetha elwandle; ngokuba babe ngabadobi.

4:19b.MAT.004.019 Wayesethi kubo: “Ngilandeleni; ngiyakunenza nibe ngabadobi babantu.”

4:20b.MAT.004.020 Base bewashiya masinyane amanetha, bamlandela.

4:21b.MAT.004.021 Esedlulela phambili wabona ezinye izelamani ezimbili, uJakobe kaZebedewu, noJohane umfowabo, besemkhunjini kanye noZebedewu uyise, belungisa amanetha abo; wababiza.

4:22b.MAT.004.022 Base beshiya masinyane umkhumbi noyise, bamlandela.

4:23b.MAT.004.023 UJesu walihamba lonke elaseGalile efundisa emasinagogeni abo, eshumayela ivangeli lombuso, ephulukisa abantu ezifweni zonke nasebuthakathakeni bonke.

4:24b.MAT.004.024 Udumo lwakhe lwezwakala ezweni lonke laseSiriya; baletha kuye bonke abagulayo abaphethwe yizifo ngezifo nobuhlungu, nabakhwelwe ngamademoni, nabanesithuthwane, nabafe uhlangothi, wabaphulukisa.

4:25b.MAT.004.025 Izixuku eziningi zamlandela zivela eGalile, naseDekapholi, naseJerusalema, naseJudiya, nangaphesheya kweJordani.

5

5:1b.MAT.005.001 Kwathi ebona izixuku, wenyukela entabeni; esehlezi phansi, abafundi bakhe beza kuye.

5:2b.MAT.005.002 Wayesevula umlomo wakhe, wabafundisa wathi:

5:3b.MAT.005.003 “Babusisiwe abampofu emoyeni, ngokuba umbuso wezulu ungowabo.

5:4b.MAT.005.004 Babusisiwe abakhalayo, ngokuba bayakududuzwa.

5:5b.MAT.005.005 Babusisiwe abamnene, ngokuba bayakudla ifa lomhlaba.

5:6b.MAT.005.006 Babusisiwe abalambele, bomele ukulunga, ngokuba bayakusuthiswa.

5:7b.MAT.005.007 Babusisiwe abanesihawu, ngokuba bayakuhawukelwa.

5:8b.MAT.005.008 Babusisiwe abanenhliziyo ehlanzekileyo, ngokuba bayakubona uNkulunkulu.

5:9b.MAT.005.009 Babusisiwe abalamulayo, ngokuba bayakuthiwa abantwana bakaNkulunkulu.

5:10b.MAT.005.010 Babusisiwe abazingelwa ngenxa yokulunga, ngokuba umbuso wezulu ungowabo.

5:11b.MAT.005.011 “Nibusisiwe, nxa benithuka, benizingela, bekhuluma konke okubi ngani, beqamba amanga ngenxa yami.

5:12b.MAT.005.012 Jabulani, nithokoze, ngokuba umvuzo wenu mkhulu ezulwini; ngokuba kanjalo babazingela abaprofethi abananduleleyo.

5:13b.MAT.005.013 “Nina ningusawoti womhlaba, kepha uma usawoti edumele, ubusawoti bovuswa ngani na? Akasasizi lutho, kuphela ukulahlwa ngaphandle, anyathelwe ngabantu.

5:14b.MAT.005.014 “Nina ningukukhanya kwezwe. Umuzi owakhe entabeni ungesitheke.

5:15b.MAT.005.015 Nomuntu kasokheli isibani, asibeke phansi kwesitsha, kodwa usifaka othini; khona siyabakhanyisela bonke abasendlini.

5:16b.MAT.005.016 Kanjalo makukhanye ukukhanya kwenu phambi kwabantu ukuba babone imisebenzi yenu emihle, badumise uYihlo osezulwini.

5:17b.MAT.005.017 “Ningathi ngize ukuchitha umthetho nabaprofethi; angizanga ukuchitha, ngize ukugcwalisa.

5:18b.MAT.005.018 Ngokuba ngiqinisile ngithi kini: Kuze kudlule izulu nomhlaba, akusoze kwadlula gamana linye nasicashana sinye somthetho, kuze kufezeke konke.

5:19b.MAT.005.019 Ngakho-ke oweqa owodwa kule miyalo emincinyane, afundise abantu kanjalo, uyakuthiwa omncinyane embusweni wezulu; kepha oyigcinayo, ayifundise, lowo uyakuthiwa mkhulu embusweni wezulu.

5:20b.MAT.005.020 Ngokuba ngithi kini: Uma ukulunga kwenu kungadluli okwababhali nokwabaFarisi, anisoze nangena embusweni wezulu.

5:21b.MAT.005.021 “Nizwile kwathiwa kwabasendulo: ‘Ungabulali; yilowo nalowo obulalayo uyakuba necala lokwahlulelwa.’

5:22b.MAT.005.022 Kepha mina ngithi kini: Yilowo nalowo othukuthelela umfowabo uyakuba necala lokwahlulelwa; noshoyo kumfowabo ukuthi: ‘Silima,’ uyakuba necala emphakathini; noshoyo ukuthi: ‘Siwula,’ uyakuba necala lokulahlwa esihogweni somlilo.

5:23b.MAT.005.023 “Ngakho-ke nxa uletha umnikelo wakho e-altare, ukhumbula lapho ukuthi umfowenu unamagqubu nawe,

5:24b.MAT.005.024 shiya lapho umnikelo wakho phambi kwe-altare, uhambe kuqala ubuyisane nomfowenu, andukuba uze unikele umnikelo wakho.

5:25b.MAT.005.025 “Shesha uzwane nolwa nawe nisesendleleni, funa olwa nawe akunikele kumahluleli, umahluleli akunikele esikhonzini, uphonswe etilongweni.

5:26b.MAT.005.026 Ngiqinisile ngithi kuwe: Kawusoze waphuma khona, uze ukhiphe ifadingi lokugcina.

5:27b.MAT.005.027 “Nizwile kwathiwa: ‘Ungaphingi.’

5:28b.MAT.005.028 Kepha mina ngithi kini: Yilowo nalowo obuka owesifazane, amkhanuke, usephingile naye enhliziyweni yakhe.

5:29b.MAT.005.029 Uma iso lakho lokunene likukhubekisa, likhiphe, ulilahle; ngokuba kungcono kuwe ukuba kubhubhe sibe sinye ezithweni zakho kunokuba wonke umzimba wakho uphonswe esihogweni.

5:30b.MAT.005.030 Noma isandla sakho sokunene sikukhubekisa, sinqume, usilahle; ngokuba kungcono kuwe ukuba kubhubhe sibe sinye ezithweni zakho kunokuba wonke umzimba wakho uphonswe esihogweni.

5:31b.MAT.005.031 “Kwathiwa: ‘Yilowo nalowo olahla umkakhe kamnike incwadi yesahlukaniso.’

5:32b.MAT.005.032 Kepha mina ngithi kini: Yilowo nalowo olahla umkakhe kungengenxa yokuphinga umenza aphinge, noganwa ngolahliweyo uyaphinga.

5:33b.MAT.005.033 “Nizwile futhi kwathiwa kwabasendulo: ‘Ungafungi amanga, kepha uqinise izifungo zakho eNkosini.’

5:34b.MAT.005.034 Kepha mina ngithi kini: Ningafungi nakanye, noma izulu, ngokuba liyisihlalo sobukhosi sikaNkulunkulu,

5:35b.MAT.005.035 noma umhlaba, ngokuba uyisenabelo sezinyawo zakhe, noma iJerusalema, ngokuba lingumuzi weNkosi enkulu.

5:36b.MAT.005.036 Ungafungi nekhanda lakho, ngokuba awunakuphendula nalunye unwele lube mhlophe nokuba lube mnyama.

5:37b.MAT.005.037 Kepha izwi lenu malibe ngokuthi: Yebo, yebo; qhabo, qhabo. Okudlula lokhu kuvela kokubi.

5:38b.MAT.005.038 “Nizwile kwathiwa: ‘Iso ngeso, izinyo ngezinyo.’

5:39b.MAT.005.039 Kepha mina ngithi kini: Ningamelani nokubi, kodwa uma umuntu ekumukula esihlathini sokunene, mphendulele nesinye.

5:40b.MAT.005.040 Nofuna ukukumangalela, akwamuke ingubo, mnike nejazi.

5:41b.MAT.005.041 Nosuka ekucindezela ukuba uhambe imayela libe linye, hamba naye abe mabili.

5:42b.MAT.005.042 Muphe ocela kuwe, ungamfulatheli ofuna ukutsheleka kuwe.

5:43b.MAT.005.043 “Nizwile kwathiwa: ‘Wothanda umakhelwane wakho, uzonde isitha sakho.’

5:44b.MAT.005.044 Kepha mina ngithi kini: Thandani izitha zenu, nibabusise abaniqalekisayo, nibaphathe kahle abanizondayo, nibakhulekele abanizingelayo

5:45b.MAT.005.045 ukuba nibe ngabantwana bakaYihlo osezulwini; ngokuba yena uphumisa ilanga lakhe phezu kwababi nabahle, anise imvula phezu kwabalungileyo nabangalungile.

5:46b.MAT.005.046 Ngokuba uma nithanda abanithandayo, ninamvuzo muni na? Abenzi njalo nabathelisi na?

5:47b.MAT.005.047 Futhi uma nibingelela abafowenu bodwa, nenza lukhulu luni na? Abenzi njalo nabezizwe na?

5:48b.MAT.005.048 Ngakho-ke manibe ngabapheleleyo, njengokuba uYihlo wasezulwini ephelele.

6

6:1b.MAT.006.001 “Kepha qaphelani ningenzi ukulunga kwenu phambi kwabantu ukuba nibonwe yibo, funa ningabi nawo umvuzo kuYihlo osezulwini.

6:2b.MAT.006.002 “Ngakho-ke nxa wabela isipho, ungakhalisi icilongo phambi kwakho, njengalokhu kwenza abazenzisi emasinagogeni nasemigwaqweni ukuba badunyiswe ngabantu. Ngiqinisile ngithi kini: Sebewamukele umvuzo wabo.

6:3b.MAT.006.003 Kepha wena, nxa wabela isipho, isandla sakho sokhohlo masingakwazi esikwenzayo esokunene,

6:4b.MAT.006.004 ukuze isipho sakho sibe sekusithekeni; noYihlo obona ekusithekeni uzakukuvuza.

6:5b.MAT.006.005 “Nalapho nikhuleka, ningabi njengabazenzisi, ngokuba bethanda ukukhuleka bemi emasinagogeni nasezinhlanganweni zezindlela ukuba babonwe ngabantu. Ngiqinisile ngithi kini: Sebewamukele umvuzo wabo.

6:6b.MAT.006.006 Kepha wena, nxa ukhuleka, ngena ekamelweni lakho, uthi usuvale umnyango wakho ukhuleke kuYihlo osekusithekeni; noYihlo obona ekusithekeni uzakukuvuza.

6:7b.MAT.006.007 Kodwa nxa nikhuleka, ningathemelezi njengabezizwe, ngokuba bathi bayakuzwiwa ngokukhuluma kwabo okuningi.

6:8b.MAT.006.008 Ngakho-ke maningafani nabo; ngokuba uYihlo uyakwazi enikuswelayo ningakaceli kuye.

6:9b.MAT.006.009 Ngakho-ke anokhuleka kanje, nithi: “ ‘Baba wethu osezulwini, malingcweliswe igama lakho;

6:10b.MAT.006.010 mawufike umbuso wakho; mayenziwe intando yakho emhlabeni njengasezulwini;

6:11b.MAT.006.011 usiphe namuhla isinkwa sethu semihla ngemihla;

6:12b.MAT.006.012 usithethelele amacala ethu, njengalokhu nathi sibathethelela abanecala kithi;

6:13b.MAT.006.013 ungasingenisi ekulingweni, kodwa usikhulule kokubi; ngokuba umbuso ungowakho, namandla, nenkazimulo, kuze kube phakade. Amen.’

6:14b.MAT.006.014 “Ngokuba uma nithethelela abantu iziphambeko zabo, noYihlo wasezulwini uyakunithethelela nani.

6:15b.MAT.006.015 Kepha uma ningathetheleli abantu iziphambeko zabo, noYihlo akayikunithethelela iziphambeko zenu.

6:16b.MAT.006.016 Futhi nxa nizila ukudla, ninganyukumali njengabazenzisi; ngokuba bona banyakamisa ubuso babo, ukuze babonakale kubantu ukuthi bazilile. Ngiqinisile ngithi kini: Sebewamukele umvuzo wabo.

6:17b.MAT.006.017 Kepha wena, nxa uzila, gcoba ikhanda lakho, ugeze ubuso bakho,

6:18b.MAT.006.018 ukuze ungabonakali kubantu ukuthi uzilile kodwa kuYihlo osekusithekeni; noYihlo obona ekusithekeni uzakukuvuza.

6:19b.MAT.006.019 “Ningazibekeleli ingcebo emhlabeni, lapho kona inundu nokugqwala, nalapho amasela efohla khona, ebe.

6:20b.MAT.006.020 Kepha zibekeleleni ingcebo ezulwini, lapho kungoni inundu nokugqwala, nalapho amasela engafohli khona, ebe.

6:21b.MAT.006.021 Ngokuba lapho kukhona ingcebo yakho, nenhliziyo yakho iyakuba khona lapho.

6:22b.MAT.006.022 “Isibani somzimba yiso. Ngakho uma iso lakho lilihle, uzakukhanya umzimba wakho wonke.

6:23b.MAT.006.023 Kepha uma iso lakho lilibi, uzakuba mnyama umzimba wakho wonke. Ngakho uma ukukhanya okukuwe kungubumnyama, ubumnyama bukhulu kangakanani!

6:24b.MAT.006.024 “Akakho ongakhonza amakhosi amabili. Ngokuba uyakuzonda enye, athande enye, noma abambelele kwenye, adelele enye. Ningekhonze uNkulunkulu noMamona.

6:25b.MAT.006.025 “Ngalokho-ke ngithi kini: Ningakhathazeki ngokuphila kwenu ukuthi niyakudlani noma niyakuphuzani, nangomzimba wenu ukuthi niyakwembathani. Ukuphila akukukhulu kunokudla nomzimba kunesambatho na? 6:25 Luk. 12:22; Fil. 4:6; Heb. 13:5; 1 Pet. 5:7.

6:26b.MAT.006.026 Bukani izinyoni zezulu ukuthi azihlwanyeli, azivuni, azibekeleli ezinqolobaneni; nokho uYihlo wasezulwini uyazondla. Nina kanizidluli kakhulu na? 6:26 AmaH. 147:9; Luk. 12:6.

6:27b.MAT.006.027 Ngumuphi kini ongelekela ebudeni bakhe ingalo ibe nye ngokukhathazeka na?

6:28b.MAT.006.028 “Nikhathazekelani ngesambatho na? Qaphelani iminduze yasendle ukuthi imila kanjani; kayikhandleki, kayiphothi;

6:29b.MAT.006.029 kepha ngithi kini: NoSolomoni ebukhazikhazini bakhe bonke wayengembathisile okomunye wayo.

6:30b.MAT.006.030 Uma uNkulunkulu embathisa kanjalo utshani basendle obukhona namuhla, ngomuso buphonswe eziko, akayikunembathisa kakhulu nina eninokukholwa okuncane na?

6:31b.MAT.006.031 Ngakho-ke ningakhathazeki nithi: ‘Siyakudlani?’ noma: ‘Siyakuphuzani?’ noma: ‘Siyakwembathani na?’

6:32b.MAT.006.032 Ngokuba konke lokhu abezizwe bayakufunisisa; ingani uYihlo wasezulwini uyazi ukuthi niyakudinga konke lokhu.

6:33b.MAT.006.033 Kodwa funani kuqala umbuso kaNkulunkulu nokulunga kwakhe, khona konke lokhu kuyakwenezelwa nina.

6:34b.MAT.006.034 Ningakhathazeki ngengomuso, ngokuba ingomuso iyakukhathalela okwayo. Inkathazo yosuku yanele lona.

7

7:1b.MAT.007.001 “Ningahluleli ukuba ningahlulelwa.

7:2b.MAT.007.002 Ngokuba ngokwahlulela enahlulela ngakho nani niyakwahlulelwa ngakho, nangaleso silinganiso enilinganisa ngaso nani niyakulinganiselwa ngaso.

7:3b.MAT.007.003 “Ubhekelani ucezwana olusesweni lomfowenu, kepha ugongolo olusesweni lakho awuluboni, na?

7:4b.MAT.007.004 Ungasho kanjani kumfowenu ukuthi: ‘Ake ngikhiphe ucezwana olusesweni lakho;’ bheka, ugongolo lusesweni lakho.

7:5b.MAT.007.005 Mzenzisi, khipha kuqala ugongolo esweni lakho, khona-ke uzakubonisisa ukukhipha ucezwana esweni lomfowenu.

7:6b.MAT.007.006 “Ninganiki izinja okungcwele, ningaphonsi amaparele enu phambi kwezingulube, funa ziwanyathele ngezinyawo zazo, ziphenduke, ziniklebhule.

7:7b.MAT.007.007 “Celani, khona nizakuphiwa; funani, khona nizakufumana; ngqongqothani, khona nizakuvulelwa.

7:8b.MAT.007.008 Ngokuba yilowo nalowo ocelayo uyamukeliswa, nofunayo uyafumana, nongqongqothayo uzakuvulelwa.

7:9b.MAT.007.009 “Noma ngumuphi umuntu kini ongathi, uma indodana yakhe icela isinkwa, ayinike itshe,

7:10b.MAT.007.010 noma icela inhlanzi, ayinike inyoka na?

7:11b.MAT.007.011 Ngakho-ke uma nina enibabi nazi ukubapha abantwana benu izipho ezinhle, kakhulu uYihlo osezulwini uzakubapha okuhle abacela kuye.

7:12b.MAT.007.012 Ngakho-ke konke nokungakanani enifuna ukuba abantu bakwenze kini, kwenzeni nani kanjalo kubo; ngokuba lokhu kungumthetho nabaprofethi.

7:13b.MAT.007.013 “Ngenani ngesango elincane; ngokuba isango libanzi nendlela inkulu eyisa ekubhujisweni; baningi abangena khona.

7:14b.MAT.007.014 Kepha isango lincane nendlela iyingcingo eyisa ekuphileni; bayingcosana abayifumanayo.

7:15b.MAT.007.015 “Xwayani abaprofethi bamanga abeza kini bembathise okwezimvu, kepha ngaphakathi bayizimpisi eziphangayo.

7:16b.MAT.007.016 Niyakubazi ngezithelo zabo. Kungakhiwa yini izithelo zomvini emeveni noma amakhiwane ekhakhasini na?

7:17b.MAT.007.017 Kanjalo yilowo nalowo muthi omuhle uthela izithelo ezinhle, kepha umuthi omubi uthela izithelo ezimbi.

7:18b.MAT.007.018 Umuthi omuhle ungethele izithelo ezimbi, nomuthi omubi ungethele izithelo ezinhle.

7:19b.MAT.007.019 Yilowo nalowo muthi ongatheli izithelo ezinhle uyanqunywa, uphonswe emlilweni.

7:20b.MAT.007.020 Njalo-ke niyakubazi ngezithelo zabo.

7:21b.MAT.007.021 “Asibo bonke abashoyo kimi ukuthi: ‘Nkosi, Nkosi,’ abayakungena embusweni wezulu, kuphela owenza intando kaBaba osezulwini.

7:22b.MAT.007.022 Abaningi bayakuthi kimi ngalolo suku: ‘Nkosi, Nkosi, asiprofethanga yini ngegama lakho, sakhipha amademoni ngegama lakho, senza imisebenzi eminingi yamandla ngegama lakho, na?’

7:23b.MAT.007.023 Khona ngiyakufakaza kubo ukuthi: ‘Angizange nginazi; sukani kimi nina benzi bokubi.’

7:24b.MAT.007.024 “Ngalokho yilowo nalowo owezwa lawa mazwi ami, awenze, uyakufaniswa nendoda ehlakaniphileyo eyakha indlu yayo phezu kwedwala.

7:25b.MAT.007.025 Layithela imvula, kwafika izikhukhula, kwavunguza imimoya, yayishaya leyo ndlu; kepha kayiwanga, ngokuba yayisekelwe yidwala.

7:26b.MAT.007.026 Kodwa yilowo owezwa lawa mazwi ami, angawenzi, uyakufaniswa nendoda eyisiwula eyakha indlu yayo phezu kwesihlabathi.

7:27b.MAT.007.027 Layithela imvula, kwafika izikhukhula, kwavunguza imimoya, yayishaya leyo ndlu, yawa, kwaba kukhulu ukuwa kwayo!”

7:28b.MAT.007.028 Kwathi uJesu eseqedile lawo mazwi, izixuku zamangala ngokufundisa kwakhe;

7:29b.MAT.007.029 ngokuba wayebafundisa njengonamandla, kungenjengababhali babo.

8

8:1b.MAT.008.001 Kwathi esehlile entabeni, zamlandela izixuku eziningi.

8:2b.MAT.008.002 Bheka, kwafika onochoko, wakhuleka kuye, wathi: “Nkosi, uma uthanda, ungangihlambulula.”

8:3b.MAT.008.003 Wayeselula isandla, wamphatha, wathi: “Ngiyathanda; hlambuluka.” Wayesehlambuluka masinyane ochokweni lwakhe.

8:4b.MAT.008.004 UJesu wayesethi kuye: “Bheka, ungatsheli muntu, kepha hamba uzibonakalise kumpristi, uyise umnikelo owayalelwa nguMose, kube ngubufakazi kubo.”

8:5b.MAT.008.005 Kwathi esangena eKapernawume, kweza kuye induna yekhulu, yamncenga yathi:

8:6b.MAT.008.006 “Nkosi, umfana wami ulele endlini, ufe uhlangothi, ukhwelwe kakhulu ngubuhlungu.”

8:7b.MAT.008.007 Wathi kuyo: “Mina ngizakuza ngimphulukise.”

8:8b.MAT.008.008 Induna yekhulu yaphendula yathi: “Nkosi, angifanele ukuba ungene phansi kophahla lwami, kepha yisho izwi nje, khona umfana wami uyakusinda.

8:9b.MAT.008.009 Ngokuba nami ngingumuntu ophansi kwamakhosi, nginamabutho phansi kwami; ngithi kwelinye: ‘Hamba,’ lihambe; ngithi kwelinye: ‘Woza,’ lize; nasencekwini yami: ‘Yenza lokhu,’ ikwenze.”

8:10b.MAT.008.010 UJesu ekuzwa lokho wamangala, wathi kwabamlandelayo: “Ngiqinisile ngithi kini: Angizange ngifumane kwa-Israyeli ukukholwa okungaka kumuntu.

8:11b.MAT.008.011 Kepha ngithi kini: Abaningi bayakuza bevela empumalanga nasentshonalanga, bahlale ekudleni no-Abrahama no-Isaka noJakobe embusweni wezulu, 8:11 Luk. 13:28.

8:12b.MAT.008.012 kodwa abantwana bombuso bayakukhishelwa ebumnyameni obungaphandle; lapho kuyakuba khona ukukhala nokugedla amazinyo.”

8:13b.MAT.008.013 UJesu wayesethi enduneni yekhulu: “Hamba, makube kuwe njengokukholwa kwakho.” Umfana wasinda ngaso leso sikhathi.

8:14b.MAT.008.014 UJesu wayesengena endlini kaPetru, wabona umkhwekazi wakhe elele phansi enomkhuhlane.

8:15b.MAT.008.015 Waphatha isandla sakhe, umkhuhlane wamyeka; wavuka, wamkhonza.

8:16b.MAT.008.016 Kwathi sekuhlwile, baletha kuye abaningi abakhwelwe ngamademoni, wakhipha omoya ngezwi, waphulukisa bonke abagulayo,

8:17b.MAT.008.017 ukuze kugcwaliseke okwakhulunywa ngo-Isaya umprofethi ukuthi: “Yena wabetshatha ubuthakathaka bethu, wathwala izifo zethu.”

8:18b.MAT.008.018 Kwathi uJesu ebona isixuku simhaqile, wayala ukuba kuwelelwe ngaphesheya.

8:19b.MAT.008.019 Kwase kufika umbhali, wathi kuye: “Mfundisi, ngizakukulandela, noma uya ngaphi.”

8:20b.MAT.008.020 UJesu wayesethi kuye: “Izimpungushe zinemigodi, nezinyoni zezulu zinezidleke, kepha iNdodana yomuntu kayinandawo, lapho ingacamelisa khona ikhanda.”

8:21b.MAT.008.021 Kodwa omunye wabafundi bakhe wathi kuye: “Nkosi, ngivumele ngiye kuqala ukuyakummbela ubaba.”

8:22b.MAT.008.022 Kepha uJesu wathi kuye: “Ngilandele; yeka abafileyo bembele abafileyo babo.”

8:23b.MAT.008.023 Wayesengena emkhunjini; abafundi bakhe bamlandela.

8:24b.MAT.008.024 Bheka, kwavuka isiphepho esikhulu elwandle, umkhumbi waze wagujuzelwa ngamaza; kepha yena wayelele.

8:25b.MAT.008.025 Basondela, bamvusa, bathi: “Nkosi, sisindise, safa.”

8:26b.MAT.008.026 Wayesethi kubo: “Nesabelani nina bokukholwa okuncane na?” Khona wavuka wakhuza umoya nolwandle, kwaba khona ukuthula okukhulu.

8:27b.MAT.008.027 Kepha abantu bamangala, bathi: “Unjani lo ukuba nomoya nolwandle kumlalele na?”

8:28b.MAT.008.028 Kwathi esefikile ngaphesheya ezweni lamaGadara, kwahlangana naye ababili abakhwelwe ngamademoni, bephuma emathuneni, beyizidlova ezinkulu ngangokuba kwakungedlule muntu ngaleyo ndlela.

8:29b.MAT.008.029 Bheka, bamemeza bathi: “Sinamsebenzi muni nawe Ndodana kaNkulunkulu? Uze lapha ukusizwisa ubuhlungu, kungakabi yiso isikhathi, na?”

8:30b.MAT.008.030 Manje kwakukhona kude nabo umhlambi wezingulube eziningi ziklabile.

8:31b.MAT.008.031 Amademoni amncenga athi: “Uma usikhipha, sithume ukuba singene emhlambini wezingulube.”

8:32b.MAT.008.032 Wathi kuwo: “Hambani.” Ayesephuma, angena ezingulubeni; bheka, umhlambi wonke wagulukudela eweni, waphonseka elwandle, wafela emanzini.

8:33b.MAT.008.033 Kodwa ababezalusa babaleka, baya emzini, babika konke, nalokho okwehlele abakhwelwe ngamademoni.

8:34b.MAT.008.034 Bheka, umuzi wonke waphuma ukuyomhlangabeza uJesu; bathe bembona, bamncenga ukuba amuke emikhawulweni yelakubo.

9

9:1b.MAT.009.001 Wayesengena emkhunjini, wawela, weza emzini wakubo.

9:2b.MAT.009.002 Bheka, baletha kuye umuntu ofe uhlangothi elele ohlakeni. UJesu ebona ukukholwa kwabo wathi kofe uhlangothi: “Yima isibindi, ndodana; uthethelelwe izono zakho.”

9:3b.MAT.009.003 Bheka, abathile kubabhali bathi phakathi kwabo: “Lo uyahlambalaza.”

9:4b.MAT.009.004 UJesu ezazi izizindlo zabo wathi: “Nizindlelani okubi ezinhliziyweni zenu na?

9:5b.MAT.009.005 Ngokuba yikuphi okulula ukuthi: ‘Uthethelelwe izono zakho,’ noma ukuthi: ‘Vuka uhambe,’ na?

9:6b.MAT.009.006 Kepha ukuze nazi ukuthi iNdodana yomuntu inamandla emhlabeni okuthethelela izono —” khona wathi kofe uhlangothi: “Vuka, uthabathe uhlaka lwakho, uye endlini yakho.”

9:7b.MAT.009.007 Wavuka, waya endlini yakhe.

9:8b.MAT.009.008 Kepha izixuku zikubona zethuka, zamdumisa uNkulunkulu onikile abantu amandla anjalo.

9:9b.MAT.009.009 Esadlula lapho uJesu wabona umuntu othiwa uMathewu ehlezi endaweni yokuthela, wathi kuye: “Ngilandele.” Wasuka-ke, wamlandela.

9:10b.MAT.009.010 Kwathi ehlezi ekudleni endlini, bheka, kwafika abaningi abathelisi nezoni, bahlala badla noJesu nabafundi bakhe.

9:11b.MAT.009.011 AbaFarisi bekubona lokho bathi kubafundi bakhe: “Yini ukuba umfundisi wenu adle nabathelisi nezoni na?”

9:12b.MAT.009.012 Ekuzwa lokhu wathi: “Abaphilileyo abadingi inyanga, ngabagulayo bodwa.

9:13b.MAT.009.013 Kepha hambani nifunde ukuba kuthini ukuthi: ‘Ngifuna isihawu, hhayi umhlatshelo.’ Ngokuba angizanga ukubiza abalungileyo kepha izoni ukuba ziphenduke.”

9:14b.MAT.009.014 Khona kwase kufika kuye abafundi bakaJohane, bathi: “Yini ukuba thina nabaFarisi sizila ukudla; kepha abafundi bakho abazili ngani na?”

9:15b.MAT.009.015 UJesu wathi kubo: “Abayeni bangalila yini, umyeni enabo na? Kodwa kuzakufika izinsuku, lapho umyeni ezakususwa kubo; yikhona-ke bezakuzila.

9:16b.MAT.009.016 Akakho obekela isiziba sendwangu engakashukeki engutsheni endala, ngokuba lokhu okubekelwa kuyo kuyaklebhula engutsheni, kwande ukuklebhuka.

9:17b.MAT.009.017 Akuthelwa futhi iwayini elisha ezimvabeni ezindala, funa izimvaba ziqhume, newayini lichitheke, nezimvaba zonakale. Kodwa iwayini elisha balithela ezimvabeni ezintsha, kulondeke kokubili.”

9:18b.MAT.009.018 Esakhuluma lokhu kubo, bheka, kwafika umphathi othile, wakhuleka kuye, wathi: “Indodakazi yami ifa khona manje; kepha woza, ubeke isandla sakho phezu kwayo, izakuphila.”

9:19b.MAT.009.019 Wasuka-ke uJesu, wamlandela kanye nabafundi bakhe.

9:20b.MAT.009.020 Bheka, owesifazane owayenomopho iminyaka eyishumi nambili weza emva kwakhe, wathinta umphetho wengubo yakhe.

9:21b.MAT.009.021 Ngokuba wayethi phakathi kwakhe: “Uma ngingathinta nje ingubo yakhe, ngizakusindiswa.”

9:22b.MAT.009.022 UJesu ephenduka wambona, wathi: “Yima isibindi, ndodakazi; ukukholwa kwakho kukusindisile.” Wasinda owesifazane, kusukela kuleso sikhathi.

9:23b.MAT.009.023 UJesu esefikile endlini yomphathi, ebona khona ababethi bemitshingo nesixuku esixokozelayo,

9:24b.MAT.009.024 wathi kubo: “Dedani, ngokuba intombazana ayifile, kodwa ilele.” Bamhleka usulu.

9:25b.MAT.009.025 Isixuku sesikhishiwe, wangena, wayibamba ngesandla; yavuka intombazana.

9:26b.MAT.009.026 Udumo lwalokho lwezwakala ezweni lonke langakhona.

9:27b.MAT.009.027 Esadlula lapho uJesu, izimpumputhe ezimbili zamlandela, zamemeza zathi: “Sihawukele, ndodana kaDavide!”

9:28b.MAT.009.028 Esengenile endlini, izimpumputhe zeza kuye. UJesu wathi kuzo: “Niyakholwa yini ukuthi ngingakwenza lokhu na?” Zathi kuye: “Yebo, Nkosi.”

9:29b.MAT.009.029 Khona wathinta amehlo azo, wathi: “Makwenzeke kini njengokukholwa kwenu.”

9:30b.MAT.009.030 Ayesevuleka amehlo azo. UJesu waziyalisisa, wathi: “Qaphelani ukuba kungaziwa muntu.”

9:31b.MAT.009.031 Kepha zaphuma, zamdumisa kulo lonke lelo zwe.

9:32b.MAT.009.032 Ekuphumeni kwazo, bheka, kwalethwa kuye isimungulu esinedemoni.

9:33b.MAT.009.033 Idemoni selikhishiwe, isimungulu sakhuluma. Izixuku zamangala, zathi: “Akuzange kubonwe okunje kwa-Israyeli.”

9:34b.MAT.009.034 Kepha abaFarisi bathi: “Ukhipha amademoni ngenkosi yamademoni.”

9:35b.MAT.009.035 UJesu wayihamba imizi yonke nemizana efundisa emasinagogeni abo, eshumayela ivangeli lombuso, ephulukisa izifo zonke nokugula konke.

9:36b.MAT.009.036 Kepha ebona izixuku wabanesihe ngazo, ngokuba zazikhathazekile, zihlakazekile njengezimvu ezingenamalusi.

9:37b.MAT.009.037 Wayesethi kubafundi bakhe: “Ukuvuna kukhulu, kodwa izisebenzi ziyingcosana.

9:38b.MAT.009.038 Ngakho-ke nxusani eNkosini yokuvuna ukuba ithume izisebenzi, ziye ekuvuneni kwayo.”

10

10:1b.MAT.010.001 Wayesebabiza abafundi bakhe abayishumi nambili, wabanika amandla phezu kwawomoya abangcolileyo ukuba babakhiphe, nawokuphulukisa izifo zonke nokugula konke.

10:2b.MAT.010.002 Amagama abaphostoli abayishumi nambili yilawa: owokuqala nguSimoni othiwa uPetru, no-Andreya umfowabo, noJakobe kaZebedewu, noJohane umfowabo,

10:3b.MAT.010.003 noFiliphu, noBartolomewu, noTomase, noMathewu umthelisi, noJakobe ka-Alfewu, noThadewu,

10:4b.MAT.010.004 noSimoni umKhanani, noJuda Iskariyothe owamkhaphelayo.

10:5b.MAT.010.005 Laba abayishumi nambili uJesu wabathuma, wabayala wathi: “Ningayi ngendlela yabezizwe, ningangeni emzini wamaSamariya;

10:6b.MAT.010.006 kodwa yanini kakhulu ezimvini ezilahlekileyo zendlu ka-Israyeli.

10:7b.MAT.010.007 Ekuhambeni kwenu shumayelani nithi: ‘Umbuso wezulu ususondele.’

10:8b.MAT.010.008 Phulukisani abagulayo, nivuse abafileyo, nihlambulule abanochoko, nikhiphe amademoni. Namukelisiwe ngesihle, yiphani ngesihle.

10:9b.MAT.010.009 Ningaphathi golide, nasiliva, nathusi emixhakeni yenu,

10:10b.MAT.010.010 nasikhwama sendlela, namabhantshi amabili, nazicathulo, naludondolo, ngokuba isisebenzi sifanele ukudla kwaso.

10:11b.MAT.010.011 “Nakumuphi umuzi noma umuzana eniyakungena kuwo, cingani ofaneleyo kuwo, nihlale khona, nize nimuke.

10:12b.MAT.010.012 Ekungeneni kwenu endlini niyibingelele.

10:13b.MAT.010.013 Uma indlu ifanele, ukuthula kwenu makuze phezu kwayo; kodwa uma ingafanele, ukuthula kwenu makubuyele kini.

10:14b.MAT.010.014 Yilowo nalowo ongayikunamukela engawezwa amazwi enu, anothi niphuma kuleyo ndlu noma kulowo muzi, nivuthulule uthuli ezinyaweni zenu.

10:15b.MAT.010.015 Ngiqinisile ngithi kini: Kuyakuba ngcono ezweni laseSodoma nakwelaseGomora ngosuku lokwahlulelwa kunakulowo muzi.

10:16b.MAT.010.016 Bhekani, ngiyanithuma ninjengezimvu phakathi kwezimpisi; ngakho-ke hlakaniphani njengezinyoka, nibe mnene njengamajuba.

10:17b.MAT.010.017 “Kepha xwayani abantu, ngokuba bayakunikhaphela emiphakathini, banishaye emasinagogeni abo.

10:18b.MAT.010.018 Niyakuyiswa nangaphambi kwababusi namakhosi ngenxa yami, kube ngubufakazi kubo nakwabezizwe.

10:19b.MAT.010.019 “Kepha kuyakuthi, nxa benikhaphela, ningakhathazeki ngokuthi niyakukhuluma kanjani nokuthi niyakuthini, ngokuba niyakuphiwa ngaso leso sikhathi eniyakukukhuluma.

10:20b.MAT.010.020 Ngokuba akuyinina enikhulumayo kodwa uMoya kaYihlo okhuluma kini.

10:21b.MAT.010.021 “Kepha umuntu uyakukhaphela umfowabo ekufeni, noyise umntanakhe; abantwana bayakuvukela abazali babo, bababulale.

10:22b.MAT.010.022 Niyakuzondwa ngabantu bonke ngenxa yegama lami; kodwa okhuthazelayo kuze kube sekupheleni lowo uyakusindiswa.

10:23b.MAT.010.023 Nxa benizingela komunye umuzi, anobalekela komunye; ngokuba ngiqinisile ngithi kini: Aniyikuqeda imizi yakwa-Israyeli, ingakafiki iNdodana yomuntu.

10:24b.MAT.010.024 “Umfundi kaphezu komfundisi, nenceku kayiphezu kwenkosi yayo.

10:25b.MAT.010.025 Kumanele umfundi abe njengomfundisi wakhe, nenceku ibe njengenkosi yayo. Uma bebizile umninindlu ngokuthi uBelzebule, kakhulu abendlu yakhe.

10:26b.MAT.010.026 “Ngakho-ke ningabesabi; ngokuba akukho okusitshekelweyo okungayikwambulwa nokufihliweyo okungayikwaziwa.

10:27b.MAT.010.027 Lokhu enginitshela khona ebumnyameni, kukhulumeni ekukhanyeni; nalokhu enikuzwayo endlebeni, kushumayeleni phezu kwezindlu.

10:28b.MAT.010.028 Ningabesabi ababulala umzimba bengenamandla okubulala umphefumulo, kepha kakhulu mesabeni onamandla okubhubhisa nomphefumulo nomzimba esihogweni.

10:29b.MAT.010.029 Akuthengwa yini imizwilili emibili ngendibilishi na? Kepha akuyikuwa phansi namunye kuyo ngaphandle kukaYihlo.

10:30b.MAT.010.030 Kodwa kini zibaliwe nezinwele zonke zekhanda lenu.

10:31b.MAT.010.031 Ngakho maningesabi; nina niyayidlula imizwilili eminingi.

10:32b.MAT.010.032 “Ngalokho-ke yilowo nalowo oyakungivuma phambi kwabantu, nami ngiyakumvuma phambi kukaBaba osezulwini;

10:33b.MAT.010.033 kepha lowo oyakungiphika phambi kwabantu, nami ngiyakumphika phambi kukaBaba osezulwini.

10:34b.MAT.010.034 “Ningasho ukuthi ngize ukuletha ukuthula emhlabeni; angizanga ukuletha ukuthula kepha inkemba.

10:35b.MAT.010.035 Yebo, ngize ukuphambanisa umuntu noyise, nendodakazi nonina, nomalokazana noninazala.

10:36b.MAT.010.036 Nezitha zomuntu kuyakuba ngabendlu yakhe.

10:37b.MAT.010.037 “Othanda uyise nonina kunami kangifanele; nothanda indodana noma indodakazi kunami kangifanele;

10:38b.MAT.010.038 nongathabathi isiphambano sakhe, angilandele, kangifanele.

10:39b.MAT.010.039 Ofumana ukuphila kwakhe uyakulahlekelwa yikho; olahlekelwa ngukuphila kwakhe ngenxa yami uyakukufumana.

10:40b.MAT.010.040 “Onamukela nina uyangamukela mina; ongamukela mina uyamamukela ongithumileyo.

10:41b.MAT.010.041 Owamukela umprofethi ngegama lomprofethi uyakuzuza umvuzo womprofethi; nowamukela olungileyo ngegama lolungileyo uyakuzuza umvuzo wolungileyo.

10:42b.MAT.010.042 Yilowo nalowo oyakuphuzisa abe munye kulaba abancinyane, ngisho inkezo eyodwa yamanzi aqandayo ngegama lomfundi, ngiqinisile ngithi kini: Kasoze alahlekelwa ngumvuzo wakhe.”

11

11:1b.MAT.011.001 Kwathi ukuba uJesu aqede ukuyala abafundi bakhe abayishumi nambili, wamuka lapho ukuyofundisa nokushumayela emizini yabo.

11:2b.MAT.011.002 Kwathi-ke uJohane esetilongweni, ezwile ngemisebenzi kaKristu, wathumela ngabafundi bakhe,

11:3b.MAT.011.003 wathi kuye: “Wena unguye ozayo, noma sobheka omunye na?”

11:4b.MAT.011.004 UJesu waphendula, wathi kubo: “Hambani nimlandise uJohane lokhu enikuzwayo nenikubonayo ukuthi:

11:5b.MAT.011.005 Izimpumputhe ziyabona, izinyonga ziyahamba, abanochoko bayahlanjululwa, izithulu ziyezwa, abafileyo bayavuswa, abampofu bayashunyayezwa ivangeli;

11:6b.MAT.011.006 ubusisiwe ongayikukhubeka ngami.”

11:7b.MAT.011.007 Kepha sebemuka laba, uJesu waqala ukukhuluma ezixukwini ngoJohane, wathi: “Naphuma naya ehlane ukuyobonani na? Umhlanga ontengantengiswa ngumoya na?

11:8b.MAT.011.008 Kanti naphuma ukuyobonani na? Umuntu owembethe ezinothonotho na? Bhekani, abembethe ezinothonotho basezindlini zamakhosi.

11:9b.MAT.011.009 Kodwa naphumelani na? Ukubona umprofethi na? Yebo, ngithi kini: Odlula umprofethi.

11:10b.MAT.011.010 Nguye okulotshwe ngaye ukuthi: “ ‘Bheka, ngiyathuma isithunywa sami phambi kobuso bakho esiyakulungisa indlela yakho phambi kwakho.’

11:11b.MAT.011.011 “Ngiqinisile ngithi kini: Kwabazelwe ngabesifazane akuvelanga omkhulu kunoJohane uMbhapathizi; kepha omncane embusweni wezulu mkhulu kunaye.

11:12b.MAT.011.012 Kepha kusukela emihleni kaJohane uMbhapathizi kuze kube manje umbuso wezulu uyafuzulwa, nabafuzulayo bayawuphanga.

11:13b.MAT.011.013 Ngokuba abaprofethi bonke nomthetho baprofetha, kwaze kwafika uJohane.

11:14b.MAT.011.014 Uma nivuma ukukwamukela, lo ungu-Eliya obezakufika.

11:15b.MAT.011.015 Onezindlebe makezwe.

11:16b.MAT.011.016 “Kepha lesi sizukulwane ngiyakusifanisa nani na? Sifana nabantwana abahlezi ezigcawini bememeza abanye bethi:

11:17b.MAT.011.017 ‘Sinibethele imitshingo, anisinanga; salilisela, anikhalanga.’

11:18b.MAT.011.018 “Ngokuba uJohane wafika engadli, engaphuzi; bathi: ‘Unedemoni.’

11:19b.MAT.011.019 INdodana yomuntu yafika idla, iphuza; bathi: ‘Bhekani, umuntu oyisiminzi nesiphuzi, umhlobo wabathelisi nowezoni.’ Kodwa ukuhlakanipha kuvunyiwe ngabantwana bakho.”

11:20b.MAT.011.020 Wayeseqala ukujezisa imizi okwakwenziwe kuyo iningi lemisebenzi yakhe yamandla, ngokuba ingaphendukanga, wathi:

11:21b.MAT.011.021 “Maye kuwe Korazini! Maye kuwe Betsayida! Ngokuba uma kwakwenziwe eTire naseSidoni imisebenzi yamandla eyenziwe kini, ngakube kade yaphenduka ngesaka nangomlotha.

11:22b.MAT.011.022 Kepha ngithi kini: Kuyakuba ngcono kulo iTire neSidoni ngosuku lokwahlulelwa kunakini.

11:23b.MAT.011.023 Nawe Kapernawume uyakuphakanyiselwa ezulwini na? Uyakwehliselwa eHayidese ngokuba uma yayenziwe eSodoma imisebenzi yamandla eyenziwe kuwe, ngabe likhona nanamuhla.

11:24b.MAT.011.024 Kepha ngithi kini: Kuyakuba ngcono kulo izwe laseSodoma ngosuku lokwahlulelwa kunakuwe.”

11:25b.MAT.011.025 Ngalelo hora uJesu wakhuluma wathi: “Ngiyakubonga, Baba, Nkosi yezulu nomhlaba, ngokuba ukufihlile lokhu kwabahlakaniphileyo nabanokuqonda, wakwambulela izingane;

11:26b.MAT.011.026 yebo, Baba, ngokuba kwaba kuhle phambi kwakho ukuba kube njalo.

11:27b.MAT.011.027 “Konke ngikunikelwe nguBaba; akakho owazi iNdodana, kuphela uYise; akakho futhi owazi uYise, kuphela iNdodana nalowo iNdodana ethanda ukumambulela yena.

11:28b.MAT.011.028 “Zanini kimi nina nonke enikhatheleyo nenisindwayo, mina ngizakuniphumuza.

11:29b.MAT.011.029 Bekani ijoka lami phezu kwenu, nifunde kimi, ngokuba ngimnene, ngithobile ngenhliziyo; khona imiphefumulo yenu iyakufumana impumuzo.

11:30b.MAT.011.030 Ngokuba ijoka lami lihle, nomthwalo wami ulula.”

12

12:1b.MAT.012.001 Ngaleso sikhathi uJesu wadabula amasimu ngesabatha; abafundi bakhe babelambile, baqala ukukha izikhwebu, badla.

12:2b.MAT.012.002 Kepha abaFarisi bebona lokho bathi kuye: “Bheka, abafundi bakho benza okungavunyelwe ukuba kwenziwe ngesabatha.”

12:3b.MAT.012.003 Wathi kubo: “Anifundanga yini akwenzayo uDavide msukwana elambile kanye nababe naye

12:4b.MAT.012.004 ukuthi wangena endlini kaNkulunkulu, wadla izinkwa zokubukwa okungavunyelwe ukuba zidliwe nguye nababe naye kodwa ngabapristi kuphela, na?

12:5b.MAT.012.005 Futhi anifundanga yini emthethweni ukuthi ngesabatha abapristi bayalona isabatha ethempelini, bangabi nacala, na?

12:6b.MAT.012.006 Kodwa ngithi kini: ‘Kukhona lapha okukhulu kunethempeli.’

12:7b.MAT.012.007 Kepha uma benazi ukuba kuyini lokhu ukuthi: ‘Ngifuna isihawu, hhayi umhlatshelo,’ nga ningabalahlanga laba abangenacala.

12:8b.MAT.012.008 Ngokuba iNdodana yomuntu iyinkosi yesabatha.”

12:9b.MAT.012.009 Wamuka lapho, wangena esinagogeni labo.

12:10b.MAT.012.010 Bheka, kwakukhona umuntu onesandla esishwabeneyo; bambuza bathi: “Kuvunyelwe yini ukuphulukisa ngesabatha na?” — ukuze bammangalele.

12:11b.MAT.012.011 Kepha wathi kubo: “Ngumuphi umuntu kini enemvu eyodwa, uma iyele emgodini ngesabatha, ongayikuyibamba, ayikhiphe, na?

12:12b.MAT.012.012 Pho-ke, umuntu udlula imvu kangakanani. Ngakho-ke kuvunyelwe ukwenza okuhle ngesabatha.”

12:13b.MAT.012.013 Khona wathi kulowo muntu: “Yelula isandla sakho.” Wayeseselula, sasinda saba njengesinye.

12:14b.MAT.012.014 Base bephuma abaFarisi, benza isigungu ngaye ukuba bambhubhise.

12:15b.MAT.012.015 Kepha uJesu ekwazi lokho wamuka lapho. Bamlandela abaningi, wabaphulukisa bonke.

12:16b.MAT.012.016 Wabayalisisa ukuba bangamzwakalisi,

12:17b.MAT.012.017 ukuze kugcwaliseke okwakhulunywa ngo-Isaya umprofethi ukuthi:

12:18b.MAT.012.018 “Bheka, inceku yami engiyikhethileyo, othandiweyo wami othokoza ngaye umphefumulo wami, ngiyakuzisa uMoya wami phezu kwakhe, amemezele ukwahlulela kubo abezizwe.

12:19b.MAT.012.019 Akayikubanga, akayikubangalasa, akakho oyakulizwa izwi lakhe ezitaladini.

12:20b.MAT.012.020 Umhlanga ofecekileyo akayikuwaphula, umongo othunqayo akayikuwucima, aze aphumelelise ukwahlulela, kunqobe.

12:21b.MAT.012.021 Izizwe ziyakwethembela egameni lakhe.”

12:22b.MAT.012.022 Kwase kulethwa kuye okhwelwe yidemoni, eyimpumputhe eyisimungulu; wamphulukisa, kwaze kwathi oyisimungulu wakhuluma, wabona.

12:23b.MAT.012.023 Zase zimangala kakhulu izixuku zonke, zathi: “Lo asiyo indodana kaDavide na?”

12:24b.MAT.012.024 Kepha abaFarisi bekuzwa bathi: “Lo uwakhipha amademoni ngoBelzebule kuphela, umbusi wamademoni.”

12:25b.MAT.012.025 Kepha uJesu ezazi izizindlo zabo wathi kubo: “Yilowo nalowo mbuso owahlukene wodwa uyachitheka, nalowo muzi nokuba indlu eyahlukene yodwa ingeme.

12:26b.MAT.012.026 Uma uSathane emkhipha uSathane, wahlukene yedwa. Pho, umbuso wakhe uyakuma kanjani na?

12:27b.MAT.012.027 Uma mina ngikhipha amademoni ngoBelzebule, amadodana enu awakhipha ngobani na? Ngalokho-ke wona ayakuba ngabahluleli benu.

12:28b.MAT.012.028 Kepha uma mina ngikhipha amademoni ngoMoya kaNkulunkulu, umbuso kaNkulunkulu usufikile phela kini.

12:29b.MAT.012.029 “Futhi umuntu angangena kanjani endlini yesiqhwaga, aphange impahla yaso, uma engabophi kuqala isiqhwaga, andukuba aphange indlu yaso, na?

12:30b.MAT.012.030 “Ongenami umelene nami; ongabuthi nami uyahlakaza.

12:31b.MAT.012.031 Ngalokho ngithi kini: Abantu bayakuthethelelwa zonke izono nokuhlambalaza, kepha ukuhlambalaza uMoya akuyikuthethelelwa.

12:32b.MAT.012.032 Yilowo nalowo okhuluma izwi elimelene neNdodana yomuntu uyakuthethelelwa; kepha lowo okhuluma elimelene noMoya oNgcwele akayikuthethelelwa nakuleli zwe nakwelizayo.

12:33b.MAT.012.033 “Yenzani umuthi ube muhle, nesithelo sawo sibe sihle; noma nenze umuthi ube mubi, nesithelo sawo sibe sibi; ngokuba umuthi waziwa ngesithelo sawo.

12:34b.MAT.012.034 Nzalo yezinyoka, ningakhuluma kanjani okuhle nibabi na? Ngokuba umlomo ukhuluma ngokuchichima kwenhliziyo.

12:35b.MAT.012.035 Umuntu omuhle ukhipha okuhle engcebeni yakhe enhle; nomuntu omubi ukhipha okubi engcebeni yakhe embi.

12:36b.MAT.012.036 Kepha ngithi kini: Amazwi onke ayize abawakhulumayo abantu bayakuzilanda ngawo ngosuku lokwahlulelwa.

12:37b.MAT.012.037 Ngokuba ngamazwi akho uyakuthethwa, nangamazwi akho uyakulahlwa.”

12:38b.MAT.012.038 Kwase kuphendula abathile kubabhali nabaFarisi, bathi: “Mfundisi, sithanda ukubona isibonakaliso esenziwa nguwe.”

12:39b.MAT.012.039 Kepha waphendula, wathi kubo: “Isizukulwane esibi nesiphingayo sifuna isibonakaliso; kepha asiyikunikwa sibonakaliso, kuphela isibonakaliso sikaJona umprofethi.

12:40b.MAT.012.040 Ngokuba njengalokho uJona wayesesiswini somkhomo izinsuku ezintathu nobusuku obuthathu, kanjalo-ke neNdodana yomuntu iyakuba sebuthunjini bomhlaba izinsuku ezintathu nobusuku obuthathu.

12:41b.MAT.012.041 Amadoda aseNineve ayakusukuma ekwahlulelweni kanye nalesi sizukulwane, asilahle; ngokuba aphenduka ngokushumayela kukaJona; bhekani, kukhona lapha okukhulu kunoJona.

12:42b.MAT.012.042 Inkosikazi yaseningizimu iyakusukuma ekwahlulelweni kanye nalesi sizukulwane, isilahle; ngokuba yavela emikhawulweni yomhlaba izakuzwa ukuhlakanipha kukaSolomoni; bhekani, lapha kukhona okukhulu kunoSolomoni.

12:43b.MAT.012.043 “Nxa umoya ongcolileyo esephumile kumuntu, uyadabula izindawo ezingenamanzi efuna ukuphumula, angakufumani.

12:44b.MAT.012.044 Khona uthi: ‘Ngizakubuyela endlini yami engaphuma kuyo;’ esefikile, ayifumane ize, ishaneliwe, ihlotshisiwe.

12:45b.MAT.012.045 Abesehamba-ke, abuye nabanye omoya abayisikhombisa ababi kunaye, bangene bahlale khona; kuthi ukugcina kwalowo muntu kuba kubi kunokuqala. Kuyakuba njalo nakulesi sizukulwane esibi.”

12:46b.MAT.012.046 Esashumayela ezixukwini, bheka, unina nabafowabo babemi ngaphandle befuna ukukhuluma naye.

12:47b.MAT.012.047 Omunye wathi kuye: “Bheka, unyoko nabafowenu bemi ngaphandle befuna ukukhuluma nawe.”

12:48b.MAT.012.048 Kepha waphendula, wathi komtshelileyo: “Ngubani umame, nabafowethu ngobani na?”

12:49b.MAT.012.049 Welula isandla sakhe ngakubafundi bakhe, wathi: “Bhekani nangu umame nabafowethu.

12:50b.MAT.012.050 Ngokuba yilowo nalowo owenza intando kaBaba osezulwini nguye ongumfowethu nodadewethu nomame.”

13

13:1b.MAT.013.001 Ngalolo suku uJesu waphuma endlini, wahlala phansi ngaselwandle.

13:2b.MAT.013.002 Kwase kubuthana kuye izixuku eziningi, waze wangena emkhunjini, wahlala phansi, uquqaba lonke lumi ogwini.

13:3b.MAT.013.003 Wakhuluma kubo okuningi ngemifanekiso, wathi: “Bhekani, kwaphuma umhlwanyeli ukuyohlwanyela.

13:4b.MAT.013.004 Ekuhlwanyeleni kwakhe enye imbewu yawela ngasendleleni; kwafika izinyoni, zayidla zayiqeda.

13:5b.MAT.013.005 Kepha enye yawela edwaleni, lapho yayingenamhlabathi omningi khona; yamila masinyane, ngokuba ingenamhlabathi ojulileyo.

13:6b.MAT.013.006 Kodwa seliphumile ilanga, yahwamuka; nangokuba ingenampande, yabuna.

13:7b.MAT.013.007 Kepha enye yawela emeveni; ameva akhula, ayiminyanisa.

13:8b.MAT.013.008 Kepha enye yawela emhlabathini omuhle; yathela isithelo, enye ngekhulu, enye ngamashumi ayisithupha, enye ngamashumi amathathu.

13:9b.MAT.013.009 Onezindlebe makezwe.”

13:10b.MAT.013.010 Kwase kufika abafundi bakhe, bathi kuye: “Ukhulumelani kubo ngemifanekiso na?”

13:11b.MAT.013.011 Waphendula-ke, wathi kubo: “Nina niphiwe ukwazi izimfihlakalo zombuso wezulu; kodwa bona kabakuphiwanga.

13:12b.MAT.013.012 Ngokuba yilowo nalowo onakho uyakuphiwa, kuvame; kodwa lowo ongenakho uyakwamukwa nalokho anakho.

13:13b.MAT.013.013 Kungalokhu ngikhuluma kubo ngemifanekiso, ngokuba noma bebona, kababoni, noma bezwa, kabezwa, kabaqondi.

13:14b.MAT.013.014 Kugcwaliseka kubo isiprofetho sika-Isaya sokuthi: “ ‘Ngokuzwa niyakuzwa, ningaze naqonda; ngokubona niyakubona, ningaze nabonisisa;

13:15b.MAT.013.015 ngokuba inhliziyo yalesi sizwe isiyaba lukhuni, bezwa kanzima ngezindlebe, amehlo abo bawacimezile, funa mhlawumbe babone ngamehlo, bezwe ngezindlebe, baqonde ngenhliziyo, baphenduke, ngibaphulukise.’

13:16b.MAT.013.016 “Kodwa abusisiwe amehlo enu, lokhu ebona, nezindlebe zenu, lokhu zizwa.

13:17b.MAT.013.017 Ngokuba ngiqinisile ngithi kini: Baningi abaprofethi nabalungileyo ababefisa ukubona enikubonayo, abakubonanga, nokuzwa enikuzwayo, abakuzwanga.

13:18b.MAT.013.018 “Yizwani-ke nina umfanekiso womhlwanyeli.

13:19b.MAT.013.019 Yilowo nalowo olizwa izwi lombuso engaliqondi ufikelwa ngomubi ohlwitha okuhlwanyelwe enhliziyweni yakhe. Yilowo ohlwanyelwe ngasendleleni.

13:20b.MAT.013.020 Ohlwanyelwe edwaleni nguye olizwa izwi, alamukele masinyane ngokuthokoza;

13:21b.MAT.013.021 kepha kanampande phakathi kwakhe, kodwa uhlala isikhashana nje, kuthi sekuvele ukuhlupheka nokuzingelwa ngenxa yezwi, akhubeke masinyane.

13:22b.MAT.013.022 Futhi-ke ohlwanyelwe emeveni nguye olizwa izwi, kepha iminako yalesi sikhathi nokukhohlisa kwengcebo kuminyanisa izwi, abe ngongatheliyo.

13:23b.MAT.013.023 Kepha ohlwanyelwe emhlabathini omuhle nguye olizwa izwi, aliqonde, athele impela isithelo, omunye aveze ngekhulu, omunye ngamashumi ayisithupha, omunye ngamashumi amathathu.”

13:24b.MAT.013.024 Omunye umfanekiso wawubeka kubo, wathi: “Umbuso wezulu ufaniswa nomuntu owahlwanyela imbewu enhle ensimini yakhe;

13:25b.MAT.013.025 kepha abantu besalele, kwafika isitha sakhe, sahlwanyela ukhula phakathi kwamabele, samuka.

13:26b.MAT.013.026 Kwathi ukuba likhule ikhaba, kuthele isithelo, khona kwabonakala nokhula.

13:27b.MAT.013.027 “Kwase kufika izisebenzi zomnumzane, zathi kuye: ‘Nkosi, awuhlwanyelanga imbewu enhle ensimini yakho na? Pho, ilutholephi ukhula na?’

13:28b.MAT.013.028 “Wathi kuzo: ‘Lokhu kwenziwe ngumuntu oyisitha.’ “Izisebenzi zathi kuye: ‘Uthanda ukuba siye ukulubutha na?’

13:29b.MAT.013.029 “Kodwa wathi: ‘Qha, funa nithi, nxa nibutha ukhula, nisiphule amabele kanye nalo.

13:30b.MAT.013.030 Yekani kukhule kokubili ndawonye, kuze kuvunwe; ngesikhathi sokuvuna ngiyakuthi kwabavunayo: Buthani kuqala ukhula, nilubophe izinyanda ukuba lushiswe, nibuthele amabele engotsheni yami.’ ”

13:31b.MAT.013.031 Omunye umfanekiso wawubeka kubo, wathi: “Umbuso wezulu ufana nenhlamvu yesinaphi ayithatha umuntu, wayihlwanyela ensimini yakhe;

13:32b.MAT.013.032 yona kambe incinyane kunazo zonke izimbewu, kepha uma isikhulile, inkulu kunezilimo, iba ngumuthi, kuze kufike izinyoni zezulu, zakhele emagatsheni awo.”

13:33b.MAT.013.033 Wabatshela omunye umfanekiso wathi: “Umbuso wezulu ufana nemvubelo ayithatha owesifazane, wayifaka ezilinganisweni ezintathu zempuphu, kwaze kwabila konke.”

13:34b.MAT.013.034 Konke lokho uJesu wakukhuluma ezixukwini ngemifanekiso; ngaphandle komfanekiso kakhulumanga lutho kubo,

13:35b.MAT.013.035 ukuze kugcwaliseke okwakhulunywa ngomprofethi ukuthi: “Ngizakuvula umlomo wami ngemifanekiso, ngiphimisele okufihlakeleyo, selokhu kwasekelwa umhlaba.”

13:36b.MAT.013.036 Khona wazishiya izixuku, weza endlini. Basondela kuye abafundi bakhe, bathi: “Sichasisele umfanekiso wokhula ensimini.”

13:37b.MAT.013.037 Wayesephendula, ethi kubo: “Ohlwanyela imbewu enhle yiNdodana yomuntu;

13:38b.MAT.013.038 insimu yizwe; imbewu enhle yibo abangabantwana bombuso; kodwa ukhula ngabantwana bomubi;

13:39b.MAT.013.039 kepha isitha esaluhlwanyelayo nguSathane; ukuvuna kungukuphela kwezwe; nabavuni yizingelosi.

13:40b.MAT.013.040 Ngakho-ke njengokuba ukhula luyabuthwa, lushiswe emlilweni, kuyakuba njalo ekupheleni kwezwe.

13:41b.MAT.013.041 INdodana yomuntu iyakuthuma izingelosi zayo, zibuthe, zikhiphe embusweni wayo konke okukhubekisayo nabenza okubi,

13:42b.MAT.013.042 zibaphonse eziko lomlilo; lapho kuyakuba khona ukukhala nokugedla amazinyo.

13:43b.MAT.013.043 Khona abalungileyo bayakukhanya njengelanga embusweni kaYise wabo. Onezindlebe makezwe.

13:44b.MAT.013.044 “Umbuso wezulu ufana nengcebo efihlwe ensimini, yafunyanwa ngumuntu, wayithukusa; ngokuthokoza kwakhe uyahamba, athengise ngakho konke anakho, athenge leyo nsimu.

13:45b.MAT.013.045 “Futhi umbuso wezulu ufana nomthengi ofuna amaparele amahle;

13:46b.MAT.013.046 eselifumene iparele linye elinenani elikhulu, waya wathengisa ngakho konke anakho, walithenga.

13:47b.MAT.013.047 “Futhi umbuso wezulu ufana nenetha elaphonswa elwandle, lihlanganisa zonke izinhlobo;

13:48b.MAT.013.048 lithe seligcwele, balidonsela ogwini, bahlala phansi, babuthela ezinhle ezitsheni, kepha ezimbi bazilahla.

13:49b.MAT.013.049 Kuyakuba njalo ekupheleni kwezwe; kuyakuphuma izingelosi, zahlukanise ababi nabalungileyo,

13:50b.MAT.013.050 zibaphonse eziko lomlilo; lapho kuyakuba khona ukukhala nokugedla amazinyo.

13:51b.MAT.013.051 “Nikuqondile konke lokho na?” Bathi kuye: “Yebo.”

13:52b.MAT.013.052 Wayesethi kubo: “Ngakho-ke yilowo nalowo mbhali ofundiselwe umbuso wezulu ufana nomuntu, umnumzane, okhipha engcebeni yakhe okusha nokudala.”

13:53b.MAT.013.053 Kwathi uJesu eseqedile leyo mifanekiso, wamuka lapho.

13:54b.MAT.013.054 Esefikile emzini wakubo wabafundisa esinagogeni labo, baze bamangala, bathi: “Lo ukuthathaphi lokhu kuhlakanipha nalawa mandla na?

13:55b.MAT.013.055 Lo akasiyo indodana yombazi na? Unina kathiwa uMariya, nabafowabo asithi oJakobe, noJosefa, noSimoni, noJuda na?

13:56b.MAT.013.056 Nawodadewabo abakho yini bonke lapha kithi na? Pho, lo ukuthathaphi konke lokhu na?”

13:57b.MAT.013.057 Bakhubeka ngaye. Kepha uJesu wathi kubo: “Umprofethi kadelelwa ngaphandle kwasezweni lakubo nasendlini yakwabo.”

13:58b.MAT.013.058 Akenzanga lapho imisebenzi eminingi yamandla ngenxa yokungakholwa kwabo.

14

14:1b.MAT.014.001 Ngaleso sikhathi uHerode umtetrarki waluzwa udumo lukaJesu,

14:2b.MAT.014.002 waze wathi ezincekwini zakhe: “Lo nguJohane uMbhapathizi; yena uvukile kwabafileyo; kungalokho lawa mandla asebenza kuye.”

14:3b.MAT.014.003 Ngokuba uHerode wayembambile uJohane, wambopha, wamfaka etilongweni ngenxa kaHerodiya umkaFiliphu umfowabo,

14:4b.MAT.014.004 lokhu uJohane wayethe kuye: “Awuvunyelwe ube naye.”

14:5b.MAT.014.005 Kuthe efuna ukumbulala, wesaba abantu, ngokuba bathi ungumprofethi.

14:6b.MAT.014.006 Kepha ngosuku lokuzalwa kukaHerode indodakazi kaHerodiya yasina phambi kwabo, yamjabulisa uHerode,

14:7b.MAT.014.007 kwenzeka ukuba ayithembise ngesifungo ukuyipha lokho engakucela.

14:8b.MAT.014.008 Yona isifundisiwe ngunina yathi: “Ngiphe lapha ngoqwembe ikhanda likaJohane uMbhapathizi.”

14:9b.MAT.014.009 Inkosi yadabuka, kepha ngenxa yezifungo zayo nangenxa yababehlezi nayo ekudleni yayaleza ukuba inikwe,

14:10b.MAT.014.010 yathuma yamnquma uJohane ikhanda etilongweni.

14:11b.MAT.014.011 Ikhanda lakhe lalethwa ngoqwembe, lanikwa intombazana; yaliyisa kunina.

14:12b.MAT.014.012 Kwafika abafundi bakhe, bathabatha isidumbu, basimbela; baya bambikela uJesu.

14:13b.MAT.014.013 Wathi uJesu esekuzwile lokho, wamuka lapho ngomkhumbi, waya endaweni eyihlane eyedwa. Kepha izixuku zathi sezikuzwile, zamlandela ngezinyawo ziphuma emizini.

14:14b.MAT.014.014 Waphuma, wabona isixuku esikhulu; waba nesihe ngaso, waphulukisa abagulayo babo.

14:15b.MAT.014.015 Selishonile, abafundi bakhe beza kuye, bathi: “Le ndawo iyihlane, isikhathi sesihambile; mukisa izixuku ukuba ziye emizaneni, zizithengele ukudla.”

14:16b.MAT.014.016 Kepha uJesu wathi kubo: “Akuswelekile ukuba bamuke; bapheni nina ukudla.”

14:17b.MAT.014.017 Bathi kuye: “Asinalutho lapha, kuphela izinkwa eziyisihlanu nezinhlanzi ezimbili.”

14:18b.MAT.014.018 Wayesethi: “Ziletheni lapha kimi.”

14:19b.MAT.014.019 Wayeseyala izixuku ukuba zihlale phansi etshanini, wazithabatha izinkwa eziyisihlanu nezinhlanzi ezimbili, wabheka ngasezulwini, wazibusisa, wazihlephula, wabanika abafundi izinkwa, abafundi baphakela izixuku.

14:20b.MAT.014.020 Badla bonke, basutha, babutha imvuthuluka eseleyo, iziqabetho eziyishumi nambili ezigcwele.

14:21b.MAT.014.021 Kepha abadlayo kwakungathi amadoda ayizinkulungwane eziyisihlanu ngaphandle kwabesifazane nabantwana.

14:22b.MAT.014.022 Wayesecindezela masinyane abafundi ukuba bangene emkhunjini, bamandulele ukuya phesheya, aze amukise izixuku.

14:23b.MAT.014.023 Esezimukisile izixuku wenyukela entabeni eyedwa ukuyokhuleka; sekuhlwile, wayeyedwa lapho.

14:24b.MAT.014.024 Kepha umkhumbi wawususukile amastadiyu amaningi emhlabathini, ushukunyiswa ngamaza, ngokuba umoya wawuphambene nabo.

14:25b.MAT.014.025 Ngomlindo wesine wobusuku weza kubo ehamba phezu kolwandle.

14:26b.MAT.014.026 Kepha abafundi sebembonile ehamba phezu kolwandle bashaywa luvalo, bethi yisithunzi; bakhala ngokwesaba.

14:27b.MAT.014.027 Kodwa uJesu wakhuluma kubo masinyane, wathi: “Yimani isibindi; yimina, ningesabi.”

14:28b.MAT.014.028 UPetru wayesephendula, wathi kuye: “Nkosi, uma kunguwe, yisho ukuba ngize kuwe phezu kwamanzi.”

14:29b.MAT.014.029 Wayesethi: “Woza.” Wehla-ke uPetru emkhunjini, wahamba phezu kwamanzi, weza kuJesu.

14:30b.MAT.014.030 Kepha ebona umoya wesaba; eseqala ukushona wakhala wathi: “Nkosi, ngisindise!”

14:31b.MAT.014.031 Masinyane uJesu welula isandla, wambamba, wathi kuye: “Awu, wena onokukholwa okuncinyane, ungabazeleni na?”

14:32b.MAT.014.032 Sebekhwele emkhunjini, umoya wanqamuka.

14:33b.MAT.014.033 Abasemkhunjini bakhuleka kuye, bathi: “Ngempela uyiNdodana kaNkulunkulu.”

14:34b.MAT.014.034 Sebewelile bafika ezweni laseGenesaretha.

14:35b.MAT.014.035 Athi ukumazi amadoda aleyo ndawo, athuma izigijimi kulo lonke izwe langakhona; baletha kuye bonke abagulayo.

14:36b.MAT.014.036 Bamncenga ukuba bathinte nje umphetho wengubo yakhe; bonke abawuthinta basindiswa.

15

15:1b.MAT.015.001 Khona abaFarisi nababhali bafika kuJesu bevela eJerusalema, bathi:

15:2b.MAT.015.002 “Yini ukuba abafundi bakho beqe isiko labadala na? Ngokuba abahlambi izandla nxa bedla isinkwa.”

15:3b.MAT.015.003 Kepha waphendula, wathi kubo: “Nani, yini ukuba neqe umyalo kaNkulunkulu ngenxa yesiko lenu na?

15:4b.MAT.015.004 Ngokuba uNkulunkulu wathi: ‘Yazisa uyihlo nonyoko,’ nokuthi: ‘Othuka uyise noma unina makafe nokufa.’

15:5b.MAT.015.005 Kepha nina nithi: ‘Oshoyo kuyise noma kunina ukuthi: Kungumnikelo lokho ongabe usizwe yimi ngakho,’

15:6b.MAT.015.006 akayikwazisa uyise noma unina; kanjalo nilenze laba yize izwi likaNkulunkulu ngesiko lenu.

15:7b.MAT.015.007 Bazenzisi, waprofetha kahle ngani u-Isaya, ethi:

15:8b.MAT.015.008 ‘Lesi sizwe singidumisa ngezindebe zomlomo, kepha inhliziyo yaso ikude nami;

15:9b.MAT.015.009 kodwa bangikhonza ngeze befundisa izifundiso eziyimiyalo yabantu.’ ”

15:10b.MAT.015.010 Wayesebabiza abantu, wathi kubo: “Yizwani, niqonde.

15:11b.MAT.015.011 Akusikho okungena emlonyeni okungcolisa umuntu; kepha okuphuma emlonyeni lokhu kungcolisa umuntu.”

15:12b.MAT.015.012 Khona kwasondela abafundi bakhe, bathi kuye: “Uyazi ukuthi abaFarisi bathe bezwa lelo zwi, bakhubeka na?”

15:13b.MAT.015.013 Kepha waphendula wathi: “Yileso naleso sithombo esingatshalwanga nguBaba wasezulwini siyakusishulwa.

15:14b.MAT.015.014 Bayekeni; bangabaholi abayizimpumputhe; kepha nxa impumputhe ihola impumputhe, ziyakuyela emgodini zombili.”

15:15b.MAT.015.015 UPetru waphendula, wathi kuye: “Sichasisele lo mfanekiso.”

15:16b.MAT.015.016 Wayesethi: “Kanti nani nisengabangaqondiyo na?

15:17b.MAT.015.017 Anikaqondi yini ukuthi konke okungena emlonyeni kuya esiswini, kuze kulahlelwe ngaphadle na?

15:18b.MAT.015.018 Kepha okuphuma emlonyeni kuvela enhliziyweni; lokho-ke kuyamngcolisa umuntu.

15:19b.MAT.015.019 Ngokuba enhliziyweni kuvela izizindlo ezimbi, ukubulala, ukuphinga, ubufebe, ukweba, ukufakaza amanga, ukuhlambalaza.

15:20b.MAT.015.020 Yilezo zinto ezimngcolisayo umuntu; kodwa ukudla ngezandla ezingahlanjiwe akumngcolisi umuntu.”

15:21b.MAT.015.021 UJesu ephuma lapho wamuka, waya emaphandleni aseTire naseSidoni.

15:22b.MAT.015.022 Bheka, kwavela emikhawulweni yakhona owesifazane waseKhanani, wakhala wathi: “Ngihawukele, Nkosi, Ndodana kaDavide! Indodakazi yami ikhwelwe kabi yidemoni.”

15:23b.MAT.015.023 Kepha akamphendulanga ngazwi. Base besondela kuye abafundi bakhe, bamncenga, bathi: “Mmukise ngokuba uyakhala emva kwethu.”

15:24b.MAT.015.024 Kodwa waphendula wathi: “Angithunyelwanga kwabanye, kuphela ezimvini ezilahlekileyo zendlu yakwa-Israyeli.”

15:25b.MAT.015.025 Kepha wayeseza, wakhuleka kuye wathi: “Nkosi ngisize.”

15:26b.MAT.015.026 Waphendula wathi: “Akukuhle ukuthatha isinkwa sabantwana, usiphonse ezinjaneni.”

15:27b.MAT.015.027 Yena wathi: “Yebo, Nkosi; kepha nezinjana zidla imvuthuluka ewa etafuleni labaninizo.”

15:28b.MAT.015.028 Khona uJesu waphendula, wathi kuye: “O mame, kukhulu ukukholwa kwakho; makube kuwe njengokuthanda kwakho.” Indodakazi yakhe yasinda kusukela kuleso sikhathi.

15:29b.MAT.015.029 Wasuka lapho uJesu, wafika ngaselwandle lwaseGalile, wenyukela entabeni, wahlala phansi khona.

15:30b.MAT.015.030 Kwase kusondela kuye izixuku eziningi zinezinyonga, nezimpumputhe, nezimungulu, nezilima, nabanye abaningi, zababeka ngasezinyaweni zakhe; wabaphulukisa, 15:30 Isaya 35:5.

15:31b.MAT.015.031 baze bamangala abantu bebona izimungulu zikhuluma, izilima zisindile, izinyonga zihamba, izimpumputhe zibona; bamdumisa uNkulunkulu ka-Israyeli.

15:32b.MAT.015.032 UJesu wayesebabiza abafundi bakhe, wathi: “Ngiyasihawukela isixuku, ngokuba sekuyizinsuku ezintathu sihlezi kimi, singenanto yokudla; angithandi ukubamukisa belambile, funa mhlawumbe baphele amandla endleleni.”

15:33b.MAT.015.033 Bathi kuye abafundi: “Singazitholaphi ehlane izinkwa ezingaka zokuba kusuthe isixuku esingaka na?”

15:34b.MAT.015.034 Wathi kubo uJesu: “Ninezinkwa ezingaki na?” Bathi: “Eziyisikhombisa, nezinhlanzana eziyingcosana.”

15:35b.MAT.015.035 Wayala isixuku ukuba sihlale phansi;

15:36b.MAT.015.036 wazithabatha izinkwa eziyisikhombisa nezinhlanzi, wabonga, wazihlephula, wanika abafundi, abafundi baphakela izixuku.

15:37b.MAT.015.037 Badla bonke, basutha, babutha imvuthuluka eseleyo, amaqoma ayisikhombisa agcwele.

15:38b.MAT.015.038 Kepha abadlayo babe yizinkulungwane ezine zamadoda ngaphandle kwabesifazane nabantwana.

15:39b.MAT.015.039 Esezimukisile izixuku wangena emkhunjini, wafika emikhawulweni yaseMagadana.

16

16:1b.MAT.016.001 AbaFarisi nabaSadusi beza bemlinga bacela kuye ukuba ababonise isibonakaliso esivela ezulwini.

16:2b.MAT.016.002 Kepha waphendula, wathi kubo: “Kusihlwa nithi: ‘Loba lisile, lokhu izulu libhejile;’

16:3b.MAT.016.003 kuthi kusasa nithi: ‘Namuhla lizakuphendula, ngokuba libhejile, liguqubele.’ Kanti ukuma kwezulu niyakwazi ukukuchaza, kepha izibonakaliso zezikhathi aniziqondi na?

16:4b.MAT.016.004 Isizukulwane esibi nesiphingayo sifuna isibonakaliso, kepha asiyikunikwa sibonakaliso, kuphela isibonakaliso sikaJona umprofethi.” Wabashiya, wamuka.

16:5b.MAT.016.005 Sebefike phesheya, abafundi bakhe babekhohliwe ukuphatha izinkwa.

16:6b.MAT.016.006 UJesu wayesethi kubo: “Anobheka nixwaye imvubelo yabaFarisi nabaSadusi.”

16:7b.MAT.016.007 Baphendulana bodwa, bathi: “Kungokuba singaphathanga izinkwa.”

16:8b.MAT.016.008 Kepha ekwazi lokho uJesu wathi: “Nina bokukholwa okuncane, yini ukuba niphendulane nodwa ngokuthi kungokuba ningenazinkwa na?

16:9b.MAT.016.009 Anikaqondi yini, futhi anizikhumbuli izinkwa eziyisihlanu zezinkulungwane eziyisihlanu nokuthi nabutha iziqabetho ezingaki na?

16:10b.MAT.016.010 Nezinkwa eziyisikhombisa zezinkulungwane ezine nokuthi nabutha amaqoma amangaki na?

16:11b.MAT.016.011 Aniqondi ngani ukuthi bengingakhulumi kini ngesinkwa na? Kepha xwayani imvubelo yabaFarisi nabaSadusi.”

16:12b.MAT.016.012 Khona baqonda ukuthi kashongo ukuba baxwaye imvubelo yezinkwa kepha isifundiso sabaFarisi nabaSadusi.

16:13b.MAT.016.013 UJesu esefikile emaphandleni aseKesariya Filipi wababuza abafundi bakhe, wathi: “Abantu basho ukuthi iNdodana yomuntu ingubani na?”

16:14b.MAT.016.014 Bathi: “Abanye basho uJohane uMbhapathizi; abanye basho u-Eliya; abanye basho uJeremiya noma omunye wabaprofethi.”

16:15b.MAT.016.015 Wathi kubo: “Nina-ke nithi ngingubani na?”

16:16b.MAT.016.016 USimoni Petru waphendula wathi: “Wena unguKristu, iNdodana kaNkulunkulu ophilayo.”

16:17b.MAT.016.017 UJesu waphendula, wathi kuye: “Ubusisiwe wena Simoni kaJona, ngokuba inyama negazi akukwambulelanga lokhu kodwa uBaba osezulwini.

16:18b.MAT.016.018 Nami-ke ngithi kuwe: Wena unguPetru; phezu kwaleli dwala ngiyakulakha ibandla lami; amasango eHayidese awayikulahlula.

16:19b.MAT.016.019 Ngiyakukunika izihluthulelo zombuso wezulu. Oyakukubopha emhlabeni koba kuboshiwe nasezulwini, nalokho oyakukukhulula emhlabeni koba kukhululiwe nasezulwini.”

16:20b.MAT.016.020 Khona wabayala abafundi ukuba bangatsheli muntu ukuthi nguye onguKristu.

16:21b.MAT.016.021 Kusukela kuleso sikhathi uJesu waqala ukubonisa abafundi bakhe ukuba umelwe ukuya eJerusalema, ahlushwe ngokuningi ngamalunga nangabapristi abakhulu nababhali, abulawe, kepha avuswe ngosuku lwesithathu.

16:22b.MAT.016.022 UPetru wayesemthatha, waqala ukumkhuza, wathi: “Musa, Nkosi, lokho akusoze kwenziwa kuwe.”

16:23b.MAT.016.023 Yena waphenduka, wathi kuPetru: “Buyela emva kwami, Sathane; uyisikhubekiso kimi, ngokuba awuqondi okukaNkulunkulu kepha okwabantu.”

16:24b.MAT.016.024 Khona uJesu wathi kubafundi bakhe: “Uma umuntu ethanda ukuza emva kwami, makazidele, athabathe isiphambano sakhe, angilandele.

16:25b.MAT.016.025 Ngokuba yilowo nalowo othanda ukusindisa ukuphila kwakhe uyakulahlekelwa yikho; kepha olahlekelwa ngukuphila kwakhe ngenxa yami uyakukufumana.

16:26b.MAT.016.026 Ngokuba kuyakumsizani umuntu, uma ezuza izwe lonke, onakalelwe ukuphila kwakhe, na? Yingabe uyakukhiphani umuntu, kube yisihlengo sokuphila kwakhe, na?

16:27b.MAT.016.027 Ngokuba iNdodana yomuntu iyakuza ngenkazimulo kaYise kanye nezingelosi zayo; khona-ke iyakuvuza yilowo nalowo ngesenzo sakhe.

16:28b.MAT.016.028 Ngiqinisile ngithi kini: Bakhona abanye kwabemi lapha abangayikuzwa ngempela ukufa, baze bayibone iNdodana yomuntu iza embusweni wayo.”

17

17:1b.MAT.017.001 Emva kwezinsuku eziyisithupha uJesu wathatha oPetru, noJakobe, noJohane umfowabo, wakhuphukela nabo entabeni ende bebodwa.

17:2b.MAT.017.002 Waphenduka esinye isimo phambi kwabo; ubuso bakhe bakhanya njengelanga, izingubo zakhe zaba mhlophe njengokukhanya.

17:3b.MAT.017.003 Bheka, kwabonakala kubo oMose no-Eliya bekhuluma naye.

17:4b.MAT.017.004 Wathatha uPetru wathi kuJesu: “Nkosi, kuhle ukuba silapha. Uma uthanda, ngizakwakha lapha amadokodo amathathu, elinye libe ngelakho, elinye libe ngelikaMose, elinye libe ngelika-Eliya.”

17:5b.MAT.017.005 Esakhuluma, bheka ifu elikhanyayo labasithibeza; bheka, kwavela izwi efwini, lathi: “Lo uyiNdodana yami ethandekayo engithokozile ngayo; yizweni.”

17:6b.MAT.017.006 Kuthe sebezwa lokho abafundi, bawa ngobuso babo, besaba kakhulu.

17:7b.MAT.017.007 Kepha uJesu wasondela, wabathinta, wathi: “Sukumani, ningesabi.”

17:8b.MAT.017.008 Kepha bephakamisa amehlo abo ababonanga muntu, kuphela uJesu yedwa.

17:9b.MAT.017.009 Besehla entabeni, uJesu wabayala wathi: “Ningatsheli muntu lowo mbono, ize ivuke iNdodana yomuntu kwabafileyo.”

17:10b.MAT.017.010 Bambuza abafundi, bathi: “Pho, basholoni ababhali ukuthi u-Eliya umelwe ukufika kuqala na?”

17:11b.MAT.017.011 Waphendula wathi: “Nempela u-Eliya uyeza, uyakubuyisela konke.

17:12b.MAT.017.012 Kepha ngithi kini: U-Eliya sewafika; abamazanga nokho, kodwa benza kuye abakuthandayo. Kanjalo neNdodana yomuntu iyakuhlushwa yibo.”

17:13b.MAT.017.013 Khona abafundi baqonda ukuba ubekhuluma kubo ngoJohane uMbhapathizi.

17:14b.MAT.017.014 Sebefikile esixukwini, kweza kuye umuntu, waguqa ngamadolo phambi kwakhe,

17:15b.MAT.017.015 wathi: “Nkosi, hawukela indodana yami, ngokuba inesithuthwane, ihlupheka kabi, lokhu iwela kaningi emlilweni, kaningi emanzini.

17:16b.MAT.017.016 Ngiyilethe kubafundi bakho, kepha bahluleka ukuyiphulukisa.”

17:17b.MAT.017.017 UJesu waphendula wathi: “O! sizukulwane esingakholwayo nesiphambeneyo, koze kube nini nginani na? Koze kube nini nginibekezelela na? Yiletheni lapha kimi.”

17:18b.MAT.017.018 UJesu wayeseyikhuza, idemoni laphuma kuyo; umfana waphulukiswa kusukela kuleso sikhathi.

17:19b.MAT.017.019 Khona kwafika abafundi kuJesu bebodwa, bathi: “Thina besingemkhiphe ngani na?”

17:20b.MAT.017.020 Wayesethi kubo: “Kungenxa yokukholwa kwenu okuncane. Ngokuba ngiqinisile ngithi kini: Uma ninokukholwa njengembewu yesinaphi, niyakuthi kule ntaba: ‘Suka lapha, uye laphaya,’ iyakusuka; akukho okuyakunahlula.

17:21b.MAT.017.021 Kepha lolo hlobo aluphumi ngaphandle kokuba kube ngokukhuleka nokuzila ukudla.”

17:22b.MAT.017.022 Besahambahamba eGalile, uJesu wathi kubo: “INdodana yomuntu izakukhashelwa ezandleni zabantu;

17:23b.MAT.017.023 bazakuyibulala, kepha ngosuku lwesithathu izakuvuswa.” Badabuka kakhulu.

17:24b.MAT.017.024 Kwathi ukuba bafike eKapernawume, abaqoqi bemali yethempeli beza kuPetru, bathi: “Umfundisi wenu akayitheli imali yethempeli na?”

17:25b.MAT.017.025 Wathi: “Uyayithela.” Esengene endlini uJesu wamandulela, wathi: “Usho ukuthini, Simoni? Amakhosi omhlaba athatha kubaphi intela nenkokhiso, kumadodana awo noma kubafo, na?”

17:26b.MAT.017.026 Wathi: “Kubafo.” UJesu wayesethi: “Ngakho-ke amadodana akhululekile.

17:27b.MAT.017.027 Kodwa-ke ukuba singabakhubekisi, yana elwandle, uphonse udobo, ubambe inhlanzi ephuma kuqala; wothi ukuba uyivule umlomo, uzakufumana imali; yithathe, ubanike, usithelele mina nawe.”

18

18:1b.MAT.018.001 Ngaleso sikhathi abafundi basondela kuJesu, bathi: “Ngubani omkhulu embusweni wezulu na?”

18:2b.MAT.018.002 Wayesebiza umntwana, wammisa phakathi kwabo,

18:3b.MAT.018.003 wathi: “Ngiqinisile ngithi kini: Uma ningaphenduki, nibe njengabantwana, anisoze nangena embusweni wezulu.

18:4b.MAT.018.004 Ngakho-ke yilowo nalowo oyakuzithoba njengalo mntwana nguyena omkhulu embusweni wezulu.

18:5b.MAT.018.005 Nalowo oyakwamukela umntwana onje abe munye ngegama lami uyangamukela mina.

18:6b.MAT.018.006 Kodwa okhubekisa abe munye kulaba abancinyane abakholwa yimi, kungcono kuye ukuba itshe lokusila ligaxwe entanyeni yakhe, azikiswe ekujuleni kolwandle.

18:7b.MAT.018.007 “Maye kulo izwe ngenxa yezikhubekiso! Ngokuba izikhubekiso zimelwe ukufika, kepha maye kumuntu esiza ngaye isikhubekiso!

18:8b.MAT.018.008 Kepha uma isandla sakho sikukhubekisa, kumbe unyawo lwakho, kunqume, ukulahle; kungcono kuwe ukuba ungene ekuphileni uyingini noma unyonga kunokuba uphonswe emlilweni ophakade unezandla zombili nezinyawo zombili.

18:9b.MAT.018.009 Noma iso lakho likukhubekisa, likhiphe, ulilahle. Kungcono kuwe ukuba ungene ekuphileni uneso linye kunokuba uphonswe esihogweni somlilo unamehlo omabili.

18:10b.MAT.018.010 Bhekani ningadeleli namunye kulaba abancinyane, ngokuba ngithi kini: Izingelosi zabo ezulwini zibona njalo ubuso bukaBaba osezulwini.

18:11b.MAT.018.011 Ngokuba iNdodana yomuntu ize ukusindisa okulahlekileyo.

18:12b.MAT.018.012 “Nithini na? Uma umuntu enezimvu eziyikhulu, kuduke enye kuzo, akazishiyi ezingamashumi ayisishiyagalolunye nesishiyagalolunye ezintabeni, ahambe ayofuna edukileyo, na?

18:13b.MAT.018.013 Athi uma eyithola, ngiqinisile ngithi kini, uthokoza ngayo kakhulu kunangezingamashumi ayisishiyagalolunye nesishiyagalolunye ezingadukanga.

18:14b.MAT.018.014 Kanjalo akusiyo intando kaYihlo osezulwini ukuba kubhubhe noyedwa kulaba abancinyane.

18:15b.MAT.018.015 “Kepha uma umfowenu ekona, hamba umsole ninodwa naye. Uma ekuzwa, woba umzuzile umfowenu.

18:16b.MAT.018.016 Kodwa uma engakuzwa, thatha futhi abe munye noma bebabili kanye nawe ukuba onke amazwi aqiniswe ngomlomo wawofakazi ababili noma abathathu.

18:17b.MAT.018.017 Uma enqaba ukubezwa, tshela ibandla; uma enqaba ukuzwa nalo ibandla, makabe kuwe njengowezizwe nomthelisi.

18:18b.MAT.018.018 “Ngiqinisile ngithi kini: Konke eniyakukubopha emhlabeni koba kuboshiwe ezulwini, nakho konke eniyakukukhulula emhlabeni koba kukhululiwe ezulwini.

18:19b.MAT.018.019 “Futhi ngiqinisile ngithi kini: Uma ababili kini emhlabeni bevumelana noma ngaluphi udaba abalucelayo, bayakulwenzelwa nguBaba osezulwini.

18:20b.MAT.018.020 Ngokuba lapho kubuthene ababili noma abathathu egameni lami, ngikhona lapho phakathi kwabo.”

18:21b.MAT.018.021 Khona kwasondela uPetru, wathi kuye: “Nkosi, umfowethu uyakungona kangaki, ngimthethelela, na? Kuze kube kasikhombisa na?”

18:22b.MAT.018.022 UJesu wathi kuye: “Angisho kuwe ukuthi kuze kube kasikhombisa kodwa kuze kube kamashumi ayisikhombisa aphindwe kasikhombisa.

18:23b.MAT.018.023 “Ngalokho umbuso wezulu ufaniswa nomuntu oyinkosi obethanda ukubalisana nezinceku zakhe.

18:24b.MAT.018.024 Kwathi eseqale ukubala, kwalethwa kuye enye enecala lamatalenta ayizinkulungwane eziyishumi.

18:25b.MAT.018.025 Kepha ingenalutho lokukhokha, inkosi yayala ukuba kuthengiswe ngayo, nangomkayo, nangabantabayo, nangakho konke enakho, kukhokhwe.

18:26b.MAT.018.026 Ngalokho inceku yawa phansi, yakhuleka kuyo, yathi: ‘Ake ungibekezelele, ngizakukukhokhela konke.’

18:27b.MAT.018.027 Inkosi yaleyo nceku inesihe yayikhulula, yayithethelela icala.

18:28b.MAT.018.028 “Kepha kwathi isiphuma leyo nceku, yafumana enye yezinceku ezikanye nayo enecala kuyo lawodenariyu abayikhulu, yayibamba, yayiklinya, yathi: ‘Khokha icala lakho.’

18:29b.MAT.018.029 “Khona inceku ekanye nayo yawa phansi, yayincenga yathi: ‘Ake ungibekezelele, ngizakukukhokhela.’

18:30b.MAT.018.030 Kepha ayivumanga, kodwa yahamba, yayifaka etilongweni, ize ilikhokhe lelo cala.

18:31b.MAT.018.031 “Izinceku ezikanye nayo zathi ukubona okwenzekileyo, zadabuka kakhulu, zaya zabika enkosini yazo konke okwenzekileyo.

18:32b.MAT.018.032 Khona inkosi yayo yayibiza, yathi kuyo: ‘Nceku embi, lonke lelo cala ngikuthethelele lona ngokuba wangincenga;

18:33b.MAT.018.033 nga ungayihawukelanga yini inceku ekanye nawe, njengokuba nami ngikuhawukele, na?’

18:34b.MAT.018.034 Inkosi yayo yathukuthela, yayinikela kubaphathi betilongo, ize ikhokhe lonke icala layo.

18:35b.MAT.018.035 “Kanjalo naye uBaba osezulwini uyakwenza kini, uma ningathetheleli ngezinhliziyo zenu kube yilowo nalowo umfowabo.”

19

19:1b.MAT.019.001 Kwathi uJesu eseqedile lawo mazwi, wamuka eGalile, weza emikhawulweni yaseJudiya phesheya kweJordani.

19:2b.MAT.019.002 Izixuku ezinkulu zamlandela, waziphulukisa khona.

19:3b.MAT.019.003 Kwase kusondela kuye abaFarisi, bamlinga bathi: “Kuvunyelwe yini ukuba indoda ilahle umkayo noma ngaliphi icala na?”

19:4b.MAT.019.004 Waphendula, wathi kubo: “Anifundanga yini ukuthi owadala ekuqaleni wabenza owesilisa nowesifazane,

19:5b.MAT.019.005 wathi: ‘Ngenxa yalokho umuntu uyakushiya uyise nonina, anamathele kumkakhe; labo ababili bayakuba nyamanye,’ na?

19:6b.MAT.019.006 Ngakho abasebabili, kodwa banyamanye. Ngakho-ke lokho akuhlanganisileyo uNkulunkulu, umuntu makangakwahlukanisi.”

19:7b.MAT.019.007 Bathi kuye: “Pho, uMose wayalelani ukuthi makanikwe incwadi yesahlukaniso, alahlwe, na?”

19:8b.MAT.019.008 Wathi kubo: “Ngenxa yobulukhuni benhliziyo yenu uMose wanivumela ukwahlukana nabo omkenu, kepha kusukela kwasekuqaleni kwakungenjalo.

19:9b.MAT.019.009 Namanje ngithi kini: Yilowo nalowo olahla umkakhe kungengokuphinga, aganwe ngomunye, uyaphinga; noganwa ngolahliweyo uyaphinga.”

19:10b.MAT.019.010 Abafundi bathi kuye: “Uma injalo indaba yomuntu nomkakhe, akukuhle ukuganwa.”

19:11b.MAT.019.011 Kepha wathi kubo: “Akusibo bonke abangalamukela leli zwi, kuphela abakunikiweyo.

19:12b.MAT.019.012 Ngokuba kukhona abathenwa abazalwa benjalo kwasesiswini sikanina; kukhona nabathenwa abathenwe ngabantu; kukhona futhi abathenwa abazithenileyo ngenxa yombuso wezulu. Ongakwamukela lokho akwamukele.”

19:13b.MAT.019.013 Khona kwalethwa kuye abantwanyana ukuba abeke izandla phezu kwabo, akhuleke; kepha abafundi babakhuza.

19:14b.MAT.019.014 UJesu wayesethi: “Vumelani abantwana, ningabenqabeli ukuza kimi, ngokuba umbuso wezulu ungowabanjalo.”

19:15b.MAT.019.015 Wayesebeka izandla phezu kwabo; wamuka lapho.

19:16b.MAT.019.016 Bheka-ke, kwasondela kuye othile, wathi: “Mfundisi, ngiyakwenzantoni enhle ukuba ngibe nokuphila okuphakade na?”

19:17b.MAT.019.017 Wathi kuye: “Ungibuzelani ngokuhle na? Munye ongomuhle. Kepha uma uthanda ukungena ekuphileni, gcina imiyalelo.”

19:18b.MAT.019.018 Wathi kuye: “Miphi na?” UJesu wathi: “Yile: Ungabulali, ungaphingi, ungebi, ungafakazi amanga;

19:19b.MAT.019.019 yazisa uyihlo nonyoko; wothanda umakhelwane wakho njengalokhu uzithanda wena.”

19:20b.MAT.019.020 Insizwa yathi kuye: “Konke lokho ngikugcinile; ngisasilalelweni na?”

19:21b.MAT.019.021 UJesu wathi kuye: “Uma uthanda ukuphelela, hamba uthengise ngempahla yakho, uphe abampofu, khona uzakuba negugu ezulwini; uze ungilandele.”

19:22b.MAT.019.022 Yathi insizwa ukuba izwe leli zwi, yamuka idabukile, ngokuba yayinengcebo enkulu.

19:23b.MAT.019.023 Kepha uJesu wathi kubafundi bakhe: “Ngiqinisile ngithi kini: Onothileyo uyakungena kalukhuni embusweni wezulu.

19:24b.MAT.019.024 Futhi ngithi kini: Kulula ukuba ikamela lingene ngentunja yosungulo kunokuba onothileyo angene embusweni kaNkulunkulu.”

19:25b.MAT.019.025 Sebezwile lokho abafundi bethuka kakhulu, bathi: “Pho, kungasindiswa bani na?”

19:26b.MAT.019.026 Kepha uJesu ebabheka wathi kubo: “Kubantu akunakwenzeka; kepha kuNkulunkulu kungenzeka konke.”

19:27b.MAT.019.027 Khona uPetru wathatha wathi kuye: “Bheka, thina sishiye konke, sakulandela. Pho, siyakutholani na?”

19:28b.MAT.019.028 Wathi kubo uJesu: “Ngiqinisile ngithi kini: Nina eningilandeleyo, ngokuphindukuzalwa lapho iNdodana yomuntu isihlezi esihlalweni senkazimulo yayo, nani niyakuhlala ezihlalweni zobukhosi eziyishumi nambili, nahlulele izizwe eziyishumi nambili zakwa-Israyeli.

19:29b.MAT.019.029 Nalowo oshiye izindlu, noma abafowabo, noma odadewabo, noma uyise, noma unina, noma abantwana, noma amazwe ngenxa yegama lami, uyakwamukeliswa okuphindwe kaningi, adle ifa lokuphila okuphakade.

19:30b.MAT.019.030 Kepha abaningi abokuqala bayakuba ngabokugcina, nabokugcina babe ngabokuqala.

20

20:1b.MAT.020.001 “Ngokuba umbuso wezulu ufana nomuntu ongumninindlu owaphuma ekuseni ukuqasha izisebenzi ziye esivinini sakhe.

20:2b.MAT.020.002 Esevumelene nezisebenzi ngodenariyu ngosuku, wazithumela esivinini sakhe.

20:3b.MAT.020.003 “Waphuma futhi ngehora lesithathu, wabona abanye bemi esigcawini, bengenzi lutho;

20:4b.MAT.020.004 nakubo wathi: ‘Yanini nani esivinini; ngiyakuninika okufaneleyo.’

20:5b.MAT.020.005 Baya-ke. “Waphuma futhi ngehora lesithupha nangelesishiyagalolunye, wenze njalo.

20:6b.MAT.020.006 Esephuma ngehora leshumi nanye wafumana abanye bemi, wathi kubo: ‘Nimeleni lapha usuku lonke ningenzi lutho na?’

20:7b.MAT.020.007 “Bathi kuye: ‘Ngokuba akakho osiqashileyo.’ “Wathi kubo: ‘Hambani nani, niye esivinini.’

20:8b.MAT.020.008 “Kepha selishonile, umninisivini wathi enduneni yakhe: ‘Biza izisebenzi, uzikhokhele imali yazo, uqale ngezokugcina, ugcine ngezokuqala.’

20:9b.MAT.020.009 “Kuthe befika abehora leshumi nanye, kwaba yilowo nalowo wamukela udenariyu.

20:10b.MAT.020.010 Sekuza abokuqala, bathi bazakwamukela okukhulu; kepha nabo bamukela udenariyu ngabanye.

20:11b.MAT.020.011 Kepha sebamukela bakhonona ngomninindlu,

20:12b.MAT.020.012 bathi: ‘Laba abokugcina basebenze ihora linye nje, ubalinganise nathi esithwalile ubunzima nesifudumezi semini.’

20:13b.MAT.020.013 “Waphendula, wathi komunye wabo: ‘Mngane, angikoni; kanti asivumelananga ngodenariyu na?

20:14b.MAT.020.014 Thatha okwakho, uhambe; kepha ngiyathanda ukunika lo wokugcina njengawe.

20:15b.MAT.020.015 Angivunyelwe ukwenza engikuthandayo ngokungokwami na? Kumbe iso lakho libi, ngokuba mina ngimuhle na?’

20:16b.MAT.020.016 “Kanjalo abokugcina bayakuba ngabokuqala, nabokuqala babe ngabokugcina.”

20:17b.MAT.020.017 Kwathi uJesu esezakwenyukela eJerusalema, wathatha abafundi abayishumi nambili, wagudluka nabo; besesendleleni, wathi kubo:

20:18b.MAT.020.018 “Bhekani, sikhuphukela eJerusalema; iNdodana yomuntu izakukhashelwa kubapristi abakhulu nababhali; bazakuyinqumela ukuba ife,

20:19b.MAT.020.019 bayikhaphele kwabezizwe ukuba iklolodelwe, ishaywe, ibethelwe esiphambanweni; kepha ngosuku lwesithathu izakuvuswa.”

20:20b.MAT.020.020 Khona kwafika kuye unina wamadodana kaZebedewu kanye namadodana akhe; wakhuleka, wacela into kuye.

20:21b.MAT.020.021 Yena wathi kuye: “Ufunani na?” Wathi kuye: “Yisho ukuba lawa madodana ami amabili ahlale, enye ngakwesokunene sakho, enye ngakwesokhohlo sakho embusweni wakho.”

20:22b.MAT.020.022 UJesu waphendula wathi: “Anikwazi enikucelayo. Ningasiphuza yini isitsha engizakusiphuza na?” Bathi kuye: “Singakwenza.”

20:23b.MAT.020.023 Wathi kubo: “Yebo, nizakusiphuza isitsha sami, kepha ukuhlala ngakwesokunene sami nangakwesokhohlo akusikho okwami ukuphana ngakho, kodwa kungokwalabo abakulungiselwe nguBaba.”

20:24b.MAT.020.024 Bathi ukuzwa lokho abayishumi, bazithukuthelela izelamani ezimbili.

20:25b.MAT.020.025 Kepha uJesu wababiza, wathi: “Niyazi ukuthi ababusi bezizwe bazenza amakhosi phezu kwazo, nezikhulu zazo ziphethe amandla phezu kwazo.

20:26b.MAT.020.026 Akunjalo phakathi kwenu, kodwa yilowo nalowo ofuna ukuba mkhulu phakathi kwenu makabe yisikhonzi senu;

20:27b.MAT.020.027 nalowo ofuna ukuba ngowokuqala phakathi kwenu makabe yinceku yenu,

20:28b.MAT.020.028 njengalokho iNdodana yomuntu ingezelanga ukukhonzwa kepha ukukhonza nokunikela ukuphila kwayo, kube yisihlengo sabaningi.”

20:29b.MAT.020.029 Sebephuma eJeriko, isixuku esikhulu samlandela.

20:30b.MAT.020.030 Bheka, kwakuhlezi izimpumputhe ezimbili ngasendleleni; kuthe zizwa ukuthi uJesu uyadlula, zamemeza zathi: “Nkosi, Ndodana kaDavide, sihawukele!”

20:31b.MAT.020.031 Kepha isixuku sazikhuza ukuba zithule, kodwa kwayikhona zimemeza kakhulu, zithi: “Nkosi, Ndodana kaDavide, sihawukele!”

20:32b.MAT.020.032 UJesu wema, wazibiza wathi: “Nifuna ukuba nginenzeleni na?”

20:33b.MAT.020.033 Zathi kuye: “Nkosi, ukuba amehlo ethu avuleke.”

20:34b.MAT.020.034 UJesu waba nesihe, waphatha amehlo azo; zase zibona masinyane, zamlandela.

21

21:1b.MAT.021.001 Kwathi ukuba basondele eJerusalema, sebefikile eBetfage ngaseNtabeni Yeminqumo, uJesu wathuma abafundi ababili,

21:2b.MAT.021.002 wathi kubo: “Hambani niye emzaneni obhekene nani, nizakufumana masinyane imbongolo ikhulekiwe nethole linayo; zithukululeni, nizilethe kimi.

21:3b.MAT.021.003 Uma umuntu esho utho kini, anothi: ‘INkosi iyazidinga;’ uyakuzithumela masinyane.”

21:4b.MAT.021.004 Kepha lokho kwenzeka ukuba kugcwaliseke okwashiwo ngumprofethi othi:

21:5b.MAT.021.005 “Yishoni kuyo indodakazi yaseSiyoni ukuthi: Bheka, iNkosi yakho iza kuwe, imnene, ikhwele embongolweni, yebo, etholeni, inkonyane yesilwane esiboshelwayo.”

21:6b.MAT.021.006 Abafundi bahamba, benza njengokuba uJesu ebatshelile,

21:7b.MAT.021.007 baletha imbongolo nethole, babeka izingubo zabo phezu kwazo, wahlala phezu kwazo.

21:8b.MAT.021.008 Iningi lesixuku lendlala izingubo zalo endleleni, kepha abanye bagawula amahlamvu emithini, bawendlala endleleni.

21:9b.MAT.021.009 Izixuku ezazihamba phambili nezazimlandela zamemeza zathi: “Hosiyana kuyo iNdodana kaDavide! Ubusisiwe ozayo egameni leNkosi. Hosiyana kweliphezulu!”

21:10b.MAT.021.010 Kwathi esangena eJerusalema, umuzi wonke wanyakaza, wathi: “Ngubani lo?”

21:11b.MAT.021.011 Izixuku zathi: “Lo ungumprofethi, uJesu waseNazaretha laseGalile.”

21:12b.MAT.021.012 UJesu wayesengena ethempelini, waxosha bonke abathengisayo nabathengayo ethempelini, wagumbuqela amatafula abashintshelana imali nezihlalo zabathengisa ngamajuba.

21:13b.MAT.021.013 Wathi kubo: “Kulotshiwe ukuthi: ‘Indlu yami iyakubizwa ngokuthi indlu yokukhuleka,’ kepha nina niyenza ‘umhume wabaphangi.’ ”

21:14b.MAT.021.014 Kwase kufika kuye izimpumputhe nezinyonga ethempelini, waziphulukisa.

21:15b.MAT.021.015 Kepha abapristi abakhulu nababhali, bebona izimangaliso azenzayo nabantwana bememeza ethempelini, bethi: “Hosiyana kuyo iNdodana kaDavide,” bacasuka,

21:16b.MAT.021.016 bathi kuye: “Uyakuzwa lokhu abakushoyo laba na?” UJesu wathi kubo: “Yebo, anizange nifunde yini ukuthi: ‘Emlonyeni wezingane nowabancelayo uzilungisele indumiso,’ na?”

21:17b.MAT.021.017 Wayesebashiya, waphuma emzini, waya eBethaniya, walala khona.

21:18b.MAT.021.018 Kepha ekuseni esebuyela emzini walamba.

21:19b.MAT.021.019 Wabona umkhiwane owodwa ngasendleleni, weza kuwo; akafumananga lutho kuwo, amaqabunga odwa. Wayesethi kuwo: “Akungabe kusavela sithelo kuwe naphakade.” Umkhiwane wabuna khona lapho.

21:20b.MAT.021.020 Bekubona lokho abafundi bamangala bathi: “Umkhiwane ubune kanjani masinyane na?”

21:21b.MAT.021.021 UJesu wayesephendula, ethi kubo: “Ngiqinisile ngithi kini: Uma ninokukholwa, ningangabazi, aniyikwenza okomkhiwane kuphela, kodwa noma nithi kule ntaba: ‘Nqukuleka, uphonseke elwandle,’ kuyakwenzeka;

21:22b.MAT.021.022 nakho konke eningakucela ngokukhuleka nikholwa niyakukwamukeliswa.”

21:23b.MAT.021.023 Kuthe engena ethempelini, kweza kuye abapristi abakhulu namalunga esizwe, esafundisa, bathi: “Ukwenza lokhu ngagunya lini na? Futhi ngubani okunike leli gunya na?”

21:24b.MAT.021.024 UJesu waphendula, wathi kubo: “Nami ngizakunibuza izwi libe linye; uma ningitshela lona, nami ngizakunitshela ukuthi ngenza lokhu ngagunya lini.

21:25b.MAT.021.025 Ukubhapathiza kukaJohane kwavelaphi, ezulwini nokuba kubantu, na?” Bakhulumisana bodwa, bathi: “Uma sithi: ‘Ezulwini,’ uzakuthi kuthi: ‘Pho, anikholwanga nguye ngani na?’

21:26b.MAT.021.026 Kepha uma sithi: ‘Kubantu,’ siyasesaba isixuku; ngokuba bonke bathi uJohane ungumprofethi.”

21:27b.MAT.021.027 Base bemphendula uJesu, bethi: “Asazi.” Wayesethi kubo naye: “Nami anginitsheli ukuthi ngenza lokhu ngagunya lini.”

21:28b.MAT.021.028 “Kepha nithini na? Umuntu wayenamadodana amabili; waya kweyokuqala, wathi: ‘Mntanami, hamba, uyosebenza namuhla esivinini.’

21:29b.MAT.021.029 “Yaphendula yathi: ‘Angithandi;’ kodwa ngasemuva yaguquka, yaya.

21:30b.MAT.021.030 “Wayeseya kwenye, washo kanjalo. Yona yaphendula yathi: ‘Ngiyaya, nkosi;’ kepha kayiyanga.

21:31b.MAT.021.031 “Yiyiphi kulawa amabili eyenza intando kayise na?” Bathi kuye: “Eyokuqala.” UJesu wathi kubo: “Ngiqinisile ngithi kini: Abathelisi nezifebe bangena phambi kwenu embusweni kaNkulunkulu.

21:32b.MAT.021.032 Ngokuba uJohane weza kini ngendlela yokulunga, anikholwanga nguye; kepha abathelisi nezifebe bakholwa nguye; kodwa nina, khona nikubona, aniguqukanga nakamuva, nize nikholwe nguye.” 21:32 Luk. 3:10.

21:33b.MAT.021.033 “Yizwani omunye umfanekiso. Kwakukhona umuntu, umninindlu, owatshala isivini, wasibiyela ngothango, wemba khona isikhamo, wakha isiqongo sokulinda, wasiqashisa kubalimi, waya kwelinye izwe.

21:34b.MAT.021.034 Kwathi sekusondele isikhathi sezithelo, wathuma izinceku zakhe kubalimi ukuba zithathe izithelo zakhe.

21:35b.MAT.021.035 “Abalimi bazibamba izinceku zakhe, enye bayishaya, enye bayibulala, enye bayikhanda ngamatshe.

21:36b.MAT.021.036 Waphinda wathuma ezinye izinceku eziningi kunezokuqala; benze njalo nakulezo.

21:37b.MAT.021.037 Ekugcineni wathuma kubo indodana yakhe, ethi: ‘Bayakuyazisa indodana yami.’

21:38b.MAT.021.038 “Kepha kwathi abalimi bebona indodana, bakhuluma bodwa, bathi: ‘Lo uyindlalifa; wozani siyibulale, sidle ifa layo.’

21:39b.MAT.021.039 Base beyibamba, bayiphonsa ngaphandle kwesivini, bayibulala.

21:40b.MAT.021.040 “Pho-ke, mhla kufika umninisivini, uzakubenze njani labo balimi na?”

21:41b.MAT.021.041 Bathi kuye: “Uzakubabhubhisa kabi labo ababi, isivini sakhe sinikwe abanye abalimi abayakumnika izithelo ngezikhathi zazo.”

21:42b.MAT.021.042 UJesu wathi kubo: “Anizange nifunde yini emibhalweni ukuthi: “ ‘Itshe abalinqabayo abakhi lona laba yinhloko yegumbi; lona lavela eNkosini; liyisimangaliso emehlweni ethu,’ na?

21:43b.MAT.021.043 “Ngalokho ngithi kini: Niyakwamukwa umbuso kaNkulunkulu, uphiwe isizwe esiyakuveza izithelo zawo.

21:44b.MAT.021.044 Owayo phezu kwaleli tshe uyakuphohlozwa; kepha yilowo nalowo eliyakuwela phezu kwakhe liyakumcolisa.”

21:45b.MAT.021.045 Abapristi abakhulu nabaFarisi beyizwa imifanekiso yakhe bazi ukuthi ukhuluma ngabo.

21:46b.MAT.021.046 Base befuna ukumbamba; kepha bazesaba izixuku, ngokuba zazithi ungumprofethi.

22

22:1b.MAT.022.001 UJesu wathatha wakhuluma futhi kubo ngemifanekiso, wathi:

22:2b.MAT.022.002 “Umbuso wezulu ufaniswa nomuntu oyinkosi, owenzela indodana yakhe umshado.

22:3b.MAT.022.003 Wathuma izinceku zakhe ukubiza abamenyiweyo emshadweni; kepha abavumanga ukuza.

22:4b.MAT.022.004 “Waphinda wathuma ezinye izinceku, wathi: ‘Shonini kwabamenyiweyo ukuthi: Bhekani, sengilungisile ukudla kwami; izinkabi zami nokunonileyo sekuhlatshiwe; konke sekulungile, wozani emshadweni.’

22:5b.MAT.022.005 “Kepha badelela, bahamba; omunye waya ensimini yakhe, omunye waya entengweni yakhe.

22:6b.MAT.022.006 Abaseleyo babamba izinceku zakhe, baziphatha kabi, bazibulala.

22:7b.MAT.022.007 Kepha inkosi yathukuthela, yathuma amabutho ayo, yabulala labo babulali, yashisa umuzi wabo.

22:8b.MAT.022.008 “Khona yathi ezincekwini zayo: ‘Umshado usulungiselwe, kepha abamenyiweyo bebengafanele;

22:9b.MAT.022.009 ngakho-ke hambani niye ezinhlanganweni zezindlela, nibizele emshadweni bonke eningabafumana.’

22:10b.MAT.022.010 Lezo zinceku zaphuma, zaya ezindleleni, zabutha bonke ezabafumanayo, ababi nabahle; indlu yomshado yagcwala abahleziyo ekudleni.

22:11b.MAT.022.011 “Kuthe inkosi ingena ukubona abahleziyo ekudleni, yabona khona umuntu obengayembethe ingubo yomshado;

22:12b.MAT.022.012 yathi kuye: ‘Mngane, ungene kanjani lapha ungayembethe ingubo yomshado na?’ Kepha wathula.

22:13b.MAT.022.013 “Khona inkosi yathi ezincekwini: ‘Mbopheni izinyawo nezandla, nimphonse ebumnyameni obungaphandle; lapho kuyakuba khona ukukhala nokugedla amazinyo.’

22:14b.MAT.022.014 “Ngokuba baningi ababiziweyo, kepha bayingcosana abakhethiweyo.”

22:15b.MAT.022.015 Khona abaFarisi basuka, bacebisana ukuba bamhile ngezwi.

22:16b.MAT.022.016 Bathuma kuye abafundi babo kanye nabakaHerode, bathi: “Mfundisi, siyazi ukuthi uqinisile, ufundisa indlela kaNkulunkulu ngeqiniso; awukhathali ngamuntu, ngokuba awubheki ubuso babantu.

22:17b.MAT.022.017 Ngakho sitshele, uthini wena? Kuvunyelwe ukuthela kuKesari noma qha?”

22:18b.MAT.022.018 Kepha uJesu ebazi ububi babo wathi: “Bazenzisi, ningilingelani na?

22:19b.MAT.022.019 Ngitshengiseni imali yokuthela,” bamtshengisa udenariyu.

22:20b.MAT.022.020 Wayesethi kubo: “Ngokabani lo mfanekiso nalo mbhalo na?”

22:21b.MAT.022.021 Bathi: “NgokaKesari.” Khona wathi kubo: “Ngakho-ke nikani uKesari okukaKesari noNkulunkulu okukaNkulunkulu.”

22:22b.MAT.022.022 Sebezwile lokho bamangala, bamshiya, bamuka.

22:23b.MAT.022.023 Ngalolo suku kwafika kuye abaSadusi abathi akukho ukuvuka kwabafileyo, bambuza

22:24b.MAT.022.024 bathi: “Mfundisi, uMose wathi: ‘Uma umuntu efa engenabantwana, umfowabo kamngene umkakhe, amvusele umfowabo inzalo.’

22:25b.MAT.022.025 Kwakukhona-ke kithi izelamani eziyisikhombisa: owokuqala waganwa, wafa; engenanzalo washiya umkakhe kumfowabo.

22:26b.MAT.022.026 Kanjalo nowesibili nowesithathu, kwaze kwaba kowesikhombisa.

22:27b.MAT.022.027 Emva kwabo bonke wafa umfazi.

22:28b.MAT.022.028 Pho, ekuvukeni kwabafileyo uyakuba ngumkabani kwabayisikhombisa, lokhu bonke babe naye, na?”

22:29b.MAT.022.029 Kepha uJesu waphendula, wathi kubo: “Nidukile ningayazi imibhalo namandla kaNkulunkulu.

22:30b.MAT.022.030 Ngokuba ekuvukeni kwabafileyo abaganwa, abendiswa, kodwa banjengezingelosi ezulwini.

22:31b.MAT.022.031 Kepha maqondana nokuvuka kwabafileyo anifundanga yini okwakhulunywa kini nguNkulunkulu, ethi:

22:32b.MAT.022.032 ‘Mina nginguNkulunkulu ka-Abrahama, noNkulunkulu ka-Isaka, noNkulunkulu kaJakobe,’ na? Akasiye uNkulunkulu wabafileyo kodwa owabaphilayo.”

22:33b.MAT.022.033 Kwathi izixuku zikuzwa lokho, zamangala ngokufundisa kwakhe.

22:34b.MAT.022.034 AbaFarisi sebezwile ukuthi uJesu ubathulisile abaSadusi, babuthana ndawonye.

22:35b.MAT.022.035 Omunye wabo, isazimthetho, wamlinga, wathi:

22:36b.MAT.022.036 “Mfundisi, ngumuphi umyalo omkhulu emthethweni na?”

22:37b.MAT.022.037 UJesu wathi kuye: “ ‘Woyithanda iNkosi uNkulunkulu wakho ngayo yonke inhliziyo yakho, nangawo wonke umphefumulo wakho, nangayo yonke ingqondo yakho.’

22:38b.MAT.022.038 Yilowo umyalo omkhulu nowokuqala.

22:39b.MAT.022.039 Owesibili ofana nawo uthi: ‘Wothanda umakhelwane wakho njengalokhu uzithanda wena.’

22:40b.MAT.022.040 Kuleyo miyalo emibili kubambelela umthetho wonke nabaprofethi.”

22:41b.MAT.022.041 Besabuthene abaFarisi, uJesu wababuza,

22:42b.MAT.022.042 wathi: “Nithini ngoKristu na? Uyindodana kabani na?” Bathi kuye: “EkaDavide.”

22:43b.MAT.022.043 Wathi kubo: “Pho, uDavide ngoMoya wambiza kanjani ngokuthi iNkosi, ethi:

22:44b.MAT.022.044 “ ‘INkosi yathi eNkosini yami: “Hlala ngakwesokunene sami, ngize ngibeke izitha zakho phansi kwezinyawo zakho.” ’

22:45b.MAT.022.045 “Ngakho-ke uma uDavide embiza ngokuthi iNkosi, uyindodana yakhe kanjani na?”

22:46b.MAT.022.046 Kwakungekho obengamphendula ngazwi; emva kwalolo suku akwabe kusabakho muntu onesibindi sokumbuza lutho.

23

23:1b.MAT.023.001 Khona uJesu wakhuluma ezixukwini nakubafundi bakhe,

23:2b.MAT.023.002 wathi: “Ababhali nabaFarisi bahlezi esihlalweni sikaMose.

23:3b.MAT.023.003 Ngakho-ke konke abanitshela khona, kwenzeni, nikugcine, kodwa ningenzi njengemisebenzi yabo; ngokuba bayakhuluma, bangenzi;

23:4b.MAT.023.004 babopha imithwalo enzima, bayibeke emahlombe abantu; kepha bona abavumi ukuyifukula ngomunwe wabo.

23:5b.MAT.023.005 “Kepha imisebenzi yonke yabo bayenza ukuba babonwe ngabantu; amafilakteriyu abo bawenza abe banzi, bawenze abe makhulu amachopho.

23:6b.MAT.023.006 Bathanda izindawo ezingenhla ekudleni nezihlalo eziphambili emasinagogeni,

23:7b.MAT.023.007 nokubingelelwa ezigcawini, nokubizwa ngabantu ngokuthi ‘Rabi’.

23:8b.MAT.023.008 “Kepha nina maningabizwa ngokuthi ‘Rabi’; ngokuba munye umfundisi wenu, nina nonke ningabazalelwane.

23:9b.MAT.023.009 Ningabizi muntu emhlabeni ngokuthi uyihlo; ngokuba munye uyihlo, osezulwini.

23:10b.MAT.023.010 Futhi ningabizwa ngokuthi abaholi; ngokuba munye umholi wenu, uKristu.

23:11b.MAT.023.011 Kodwa omkhulu kini akabe yisikhonzi senu.

23:12b.MAT.023.012 Kepha yilowo nalowo oziphakamisayo uzakuthothiswa, nalowo ozithobayo uzakuphakanyiswa.

23:13b.MAT.023.013 “Maye kinina babhali nabaFarisi, bazenzisi, ngokuba nivalela abantu umbuso wezulu! Ngokuba aningeni nina, nabangenayo anibavumeli ukungena.

23:14b.MAT.023.014 Maye kinina babhali nabaFarisi, bazenzisi, ngokuba nidla izindlu zabafelokazi, nangokuzenzisa nenza imikhuleko emide! Ngalokho-ke niyakwamukeliswa ukulahlwa okukhulu.

23:15b.MAT.023.015 “Maye kinina babhali nabaFarisi, bazenzisi, ngokuba nihamba ulwandle nomhlaba ukuba nithole nokuba iproselite lilinye, lithi selaba njalo nilenze indodana yesihogo ngokuphindiwe kunani!

23:16b.MAT.023.016 “Maye kinina baholi abayizimpumputhe enithi: ‘Ofunga ithempeli akulutho, kodwa ofunga igolide lethempeli uzibophile!’

23:17b.MAT.023.017 Ziwula, zimpumputhe, ngokuba yikuphi okukhulu kunegolide nethempeli elingcwelisa igolide na?

23:18b.MAT.023.018 Futhi: ‘Yilowo ofunga i-altare akulutho, kodwa ofunga umnikelo ophezu kwalo uzibophile.’

23:19b.MAT.023.019 Zimpumputhe, yikuphi okukhulu kunomnikelo ne-altare elingcwelisa umnikelo na?

23:20b.MAT.023.020 Ngakho-ke ofunga i-altare ufunga lona nakho konke okuphezu kwalo.

23:21b.MAT.023.021 Nofunga ithempeli ufunga lona nohlezi kulo.

23:22b.MAT.023.022 Nofunga izulu ufunga isihlalo sobukhosi sikaNkulunkulu nohlezi phezu kwaso. 23:22 Math. 5:34.

23:23b.MAT.023.023 “Maye kinina babhali nabaFarisi, bazenzisi, ngokuba nithela okweshumi kwesinkuntshane, nokwentshungu, nokodonqa, niyeke okunzima komthetho: ukwahlulela nesihawu nokukholwa! Benimelwe ukwenza lokhu, ningakuyeki nalokho.

23:24b.MAT.023.024 Baholi abayizimpumputhe, nihluza insensane, niginge ikamela.

23:25b.MAT.023.025 “Maye kinina babhali nabaFarisi, bazensizi, ngokuba nihlambulula ingaphandle lenkezo nesitsha, kepha ngaphakathi kugcwele impango nokuhuheka!

23:26b.MAT.023.026 Mfarisi oyimpumputhe, hlanza kuqala ingaphakathi lenkezo, ukuze kuhlanzeke nengaphandle layo.

23:27b.MAT.023.027 “Maye kinina babhali nabaFarisi, bazenzisi, ngokuba nifana namaliba acakiweyo abonakala emahle ngaphandle, kanti ngaphakathi agcwele amathambo abafileyo nokungcola konke!

23:28b.MAT.023.028 Kanjalo nani ngaphandle nibonakala kubantu nilungile, kanti ngaphakathi nigcwele ukuzenzisa nobubi.

23:29b.MAT.023.029 “Maye kinina babhali nabaFarisi, bazenzisi, ngokuba nakha amaliba abaprofethi, nihlobisa amathuna abalungileyo!

23:30b.MAT.023.030 Nithi: ‘Uma sasikhona emihleni yawobaba, sasingayikuhlanganyela nabo egazini labaprofethi.’

23:31b.MAT.023.031 Kanjalo niyazifakazela nina ukuthi ningamadodana ababulala abaprofethi.

23:32b.MAT.023.032 Nani gcwalisani isilinganiso sawoyihlo.

23:33b.MAT.023.033 “Zinyoka, nzalo yamabululu, niyakukubalekela kanjani ukulahlwa kwasesihogweni na?

23:34b.MAT.023.034 Ngakho-ke, bhekani, mina ngithuma kini abaprofethi, nabahlakaniphileyo, nababhali; abanye kubo niyakubabulala, nibabethele; abanye niyakubashaya emasinagogeni enu, nibaxoshe imizi ngemizi

23:35b.MAT.023.035 ukuba kufike phezu kwenu igazi lonke elilungileyo elachithwa emhlabeni, kusukela egazini lika-Abela olungileyo kuze kube segazini likaZakariya indodana kaBarakiya enambulala phakathi kwethempeli ne-altare.

23:36b.MAT.023.036 Ngiqinisile ngithi kini: Konke lokhu kuyakufika phezu kwalesi sizukulwane.

23:37b.MAT.023.037 “Jerusalema, Jerusalema, wena obulala abaprofethi nokhanda ngamatshe abathunyelwe kuwe, kukangaki ngithanda ukubuthela ndawonye abantwana bakho njengesikhukukazi sibuthela amazinyane aso phansi kwamaphiko aso, kepha anivumanga.

23:38b.MAT.023.038 Bhekani, indlu yenu isisala nani.

23:39b.MAT.023.039 Ngokuba ngithi kini: Anisayikungibona nize nithi: ‘Ubusisiwe ozayo egameni leNkosi.’ ”

24

24:1b.MAT.024.001 Kuthe uJesu ephuma ethempelini, emuka, kwasondela abafundi bakhe ukumtshengisa izakhiwo zethempeli.

24:2b.MAT.024.002 Waphendula, wathi kubo: “Anikuboni konke lokhu na? Ngiqinisile ngithi kini: Akuyikushiywa lapha itshe phezu kwetshe elingayikudilizelwa phansi.”

24:3b.MAT.024.003 Esahlezi eNtabeni Yeminqumo, abafundi beza kuye bebodwa, bathi: “Sitshele ukuthi lokhu kuyakuba nini, nesibonakaliso sokuza kwakho nesokuphela kwezwe siyakuba yini na?”

24:4b.MAT.024.004 UJesu waphendula, wathi kubo: “Qaphelani ningadukiswa muntu.

24:5b.MAT.024.005 Ngokuba kuyakuza abaningi ngegama lami, bathi: ‘Mina nginguKristu,’ badukise abaningi.

24:6b.MAT.024.006 Niyakuzwa izimpi namahemuhemu ezimpi. Bhekani ningethuki, ngokuba kumelwe ukuba kwenzeke, kepha ukuphela koba kungakafiki.

24:7b.MAT.024.007 Ngokuba isizwe siyakuvukela isizwe, nombuso uvukele umbuso, kube khona indlala nokuzamazama komhlaba izindawo ngezindawo.

24:8b.MAT.024.008 Kepha konke lokho kungukuqala kwemihelo.

24:9b.MAT.024.009 “Lapho-ke bayakunikhaphela osizini, banibulale; niyakuzondwa yizizwe zonke ngenxa yegama lami.

24:10b.MAT.024.010 Khona-ke abaningi bayakukhubeka, bakhaphelane, bazondane.

24:11b.MAT.024.011 Kuyakuvela abaprofethi bamanga abaningi, badukise abaningi.

24:12b.MAT.024.012 Ngenxa yokwanda kokubi kuzakuphola uthando lwabaningi.

24:13b.MAT.024.013 Kodwa okhuthazelayo kuze kube sekupheleni nguyena oyakusindiswa.

24:14b.MAT.024.014 Leli vangeli lombuso liyakushunyayelwa ezweni lonke, kube ngubufakazi ezizweni zonke, andukuba kufike ukuphela.

24:15b.MAT.024.015 “Ngakho-ke nxa nibona amanyala encithakalo ashiwo nguDaniyeli umprofethi emi endaweni engcwele — ofundayo makaqaphele

24:16b.MAT.024.016 khona abaseJudiya mababalekele ezintabeni,

24:17b.MAT.024.017 ophezu kwendlu angehli ukuyothatha okusendlini yakhe,

24:18b.MAT.024.018 osensimini angabuyeli emuva ukuyothatha ingubo yakhe.

24:19b.MAT.024.019 Kepha maye kwabakhulelweyo nabancelisayo ngalezo zinsuku!

24:20b.MAT.024.020 Khulekani ukuba ukubaleka kwenu kungabi sebusika nangesabatha.

24:21b.MAT.024.021 Ngokuba lapho kuyakuba khona usizi olukhulu olungazange lube khona kwasekuqaleni kwezwe kuze kube manje nolungasayikuba khona.

24:22b.MAT.024.022 Uma lezo zinsuku zingafinyezwanga, bekungesindiswe muntu; kepha ngenxa yabakhethiweyo lezo zinsuku ziyakufinyezwa.

24:23b.MAT.024.023 Khona uma umuntu ethi kini: ‘Bhekani, nangu uKristu,’ noma: ‘Nanguya,’ ningakholwa.

24:24b.MAT.024.024 Ngokuba kuyakuvela okristu bamanga nabaprofethi bamanga, baveze izibonakaliso ezinkulu nezimangaliso, ukuze kudukiswe nabakhethiweyo, uma kungenzeka.

24:25b.MAT.024.025 Bhekani, senginitshelile ngaphambili.

24:26b.MAT.024.026 “Ngakho-ke uma bethi kini: ‘Bhekani, usehlane,’ ningaphumi; noma bethi: ‘Bhekani, usendlini,’ ningakholwa;

24:27b.MAT.024.027 ngokuba njengonyazi luphuma empumalanga, lubonakale kuze kube sentshonalanga, kuyakuba njalo ukufika kweNdodana yomuntu.

24:28b.MAT.024.028 Nomaphi lapho kukhona isidumbu, kulapho amanqe eyakubuthana khona.

24:29b.MAT.024.029 “Kepha masinyane emva kosizi lwalezo zinsuku “ ‘ilanga liyakufiphazwa, nenyanga ayiyikukhanya, nezinkanyezi ziyakuwa ezulwini, namandla ezulu ayakuzanyazanyiswa.’

24:30b.MAT.024.030 “Khona kuyakubonakala ezulwini isibonakaliso seNdodana yomuntu, bese zikhala izizwe zonke zomhlaba, zibone iNdodana yomuntu iza emafwini ezulu, inamandla nenkazimulo enkulu.

24:31b.MAT.024.031 Iyakuthuma izingelosi zayo ngokukhala okukhulu kwecilongo, ziqoqe abakhethiweyo bayo emimoyeni yomine, kusukela emkhawulweni omunye wezulu kuze kube komunye.

24:32b.MAT.024.032 “Fundani umfanekiso emkhiwaneni; nxa igatsha lawo selithamba, lihlume amaqabunga, niyazi ukuthi ihlobo seliseduze.

24:33b.MAT.024.033 Kanjalo nani, nxa nibona konke lokhu, yazini ukuthi iseduze ngasemnyango.

24:34b.MAT.024.034 Ngiqinisile ngithi kini: Lesi sizukulwane asiyikudlula kungakenzeki konke lokhu.

24:35b.MAT.024.035 Kuyakudlula izulu nomhlaba, kepha amazwi ami awasoze adlula.

24:36b.MAT.024.036 “Kepha lolo suku nalelo hora akakho owazi lutho ngalo nazingelosi zasezulwini, naNdodana, nguBaba kuphela.

24:37b.MAT.024.037 Ngokuba njengasemihleni kaNowa, kuyakuba njalo ukufika kweNdodana yomuntu.

24:38b.MAT.024.038 Ngokuba njengasezinsukwini lezo ezandulela uzamcolo babedla, bephuza, beganwa, bendiswa, kwaze kwafika usuku uNowa angena ngalo emkhunjini,

24:39b.MAT.024.039 abazanga kwaze kwafika uzamcolo wabakhukhula bonke, kuyakuba njalo ukufika kweNdodana yomuntu.

24:40b.MAT.024.040 Khona-ke kuyakuba khona ababili ensimini, omunye athathwe, omunye ashiywe;

24:41b.MAT.024.041 ababili boba besila etsheni, omunye athathwe, omunye ashiywe.

24:42b.MAT.024.042 “Ngakho-ke lindani, ngokuba anazi ukuthi iNkosi yenu iyakufika ngaluphi usuku.

24:43b.MAT.024.043 Kepha anokwazi lokhu ukuthi, uma umninindlu ebewazi umlindo isela eliyakufika ngawo, ubeyakulinda, angavumi ukuba indlu yakhe ifohlwe.

24:44b.MAT.024.044 Ngalokho nani hlalani nilungele, ngokuba iNdodana yomuntu iyakufika ngesikhathi eningasicabangiyo.

24:45b.MAT.024.045 “Pho, ngubani oyinceku ethembekileyo neqondayo, inkosi yayo eyimisile phezu kwabendlu yayo ukuba ibanike ukudla ngesikhathi sakho na?

24:46b.MAT.024.046 Ibusisiwe leyo nceku, okuyakuthi kufika inkosi yayo, iyifumane yenze njalo.

24:47b.MAT.024.047 Ngiqinisile ngithi kini: Iyakuyimisa phezu kwakho konke enakho.

24:48b.MAT.024.048 Kodwa uma leyo nceku embi ithi enhliziyweni yayo: ‘Inkosi yami ilibele,’

24:49b.MAT.024.049 iqale ukushaya izinceku ezikanye nayo, idle, iphuze nezidakwa,

24:50b.MAT.024.050 inkosi yaleyo nceku iyakufika ngosuku engayibhekile ngalo nangehora engalaziyo,

24:51b.MAT.024.051 iyinqamule kabili, iyimisele isabelo sayo kanye nabazenzisi; kuyakuba khona lapho ukukhala nokugedla amazinyo.

25

25:1b.MAT.025.001 “Khona umbuso wezulu uzakufaniswa nezintombi eziyishumi ezathatha izibani zazo, zaphuma ukuyohlangabeza umyeni.

25:2b.MAT.025.002 Kepha eziyisihlanu kuzo zaziyiziwula, neziyisihlanu zazihlakaniphile.

25:3b.MAT.025.003 Ngokuba eziyiziwula zithatha izibani kaziwaphathanga amafutha.

25:4b.MAT.025.004 Kodwa ezihlakaniphileyo zaphatha amafutha ezitsheni kanye nezibani zazo.

25:5b.MAT.025.005 Umyeni esalibele, zozela zonke, zalala.

25:6b.MAT.025.006 “Kepha phakathi kobusuku kwamenyezwa ukuthi: ‘Nangu umyeni; phumani niye kumhlangabeza!’

25:7b.MAT.025.007 “Khona zavuka lezo zintombi zonke, zalungisa izibani zazo.

25:8b.MAT.025.008 Eziyiziwula zase zithi kwezihlakaniphileyo: ‘Sipheni amafutha kwawenu, ngokuba izibani zethu ziyacima.’

25:9b.MAT.025.009 “Kepha ezihlakaniphileyo zaphendula zathi: ‘Qha, funa angasaneli thina nani. Okungcono hambani niye kwabathengisayo, nizithengele.’

25:10b.MAT.025.010 “Zisaya kuthenga, wafika umyeni. Ezazilungele zangena naye emshadweni; kwavalwa emnyango.

25:11b.MAT.025.011 “Ngasemuva zafika nezinye izintombi, zathi: ‘Nkosi, nkosi, sivulele.’

25:12b.MAT.025.012 “Kepha waphendula wathi: ‘Ngiqinisile ngithi kini: Anginazi.’

25:13b.MAT.025.013 “Ngakho lindani, ngokuba anilwazi usuku nehora.

25:14b.MAT.025.014 “Ngokuba kunjengomuntu owathi eyakuhambela kwelinye izwe wabiza izinceku zakhe, wazinika impahla yakhe;

25:15b.MAT.025.015 enye wayinika amatalenta ayisihlanu, enye aba mabili, enye laba linye, kwaba yileyo naleyo njengamandla ayo; wamuka-ke.

25:16b.MAT.025.016 Lowo obamukele amatalenta ayisihlanu wahamba masinyane, wasebenza ngawo, wazuza amanye ayisihlanu.

25:17b.MAT.025.017 Kanjalo obamukele amabili wazuza amanye amabili.

25:18b.MAT.025.018 Kepha obamukele lalinye waya wemba emhlabathini, wayifihla imali yenkosi yakhe.

25:19b.MAT.025.019 “Kepha emva kwesikhathi eside yafika inkosi yalezo zinceku, yalandisana nazo.

25:20b.MAT.025.020 Weza obamukele amatalenta ayisihlanu, waletha amanye amatalenta ayisihlanu, wathi: ‘Nkosi, wanginika amatalenta ayisihlanu; bheka, ngizuze amanye amatalenta ayisihlanu.’

25:21b.MAT.025.021 “Inkosi yakhe yathi kuye: ‘Kuhle, nceku enhle nethembekileyo, uthembekile ezintweni eziyingcosana; ngizakukubeka phezu kokuningi; ngena ekuthokozeni kwenkosi yakho.’

25:22b.MAT.025.022 “Weza nobamukele amatalenta amabili, wathi: ‘Nkosi, wanginika amatalenta amabili; bheka, ngizuze amanye amatalenta amabili.’

25:23b.MAT.025.023 “Inkosi yakhe yathi kuye: ‘Kuhle, nceku enhle nethembekileyo, uthembekile ezintweni eziyingcosana; ngizakukubeka phezu kokuningi; ngena ekuthokozeni kwenkosi yakho.’

25:24b.MAT.025.024 “Kepha weza nobamukele italenta lalinye, wathi: ‘Nkosi, bengikwazi ukuthi ungumuntu olukhuni; uvuna lapho ungahlwanyelanga khona, ubutha lapho ungafazanga khona;

25:25b.MAT.025.025 ngesaba, ngaya ngalithukusa emhlabathini italenta lakho; bheka, nakhu okwakho.’

25:26b.MAT.025.026 “Kepha inkosi yakhe yaphendula, yathi kuye: ‘Nceku embi nevilaphayo, ubukwazi ukuthi ngivuna lapha ngingahlwanyelanga khona, ngibutha lapha ngingafazanga khona, na?

25:27b.MAT.025.027 Ngakho wawumelwe ukubeka imali yami kwabebhange, mina-ke ekufikeni kwami ngabe ngitholile okwami kanye nenzalo.

25:28b.MAT.025.028 “ ‘Ngakho mamukeni italenta, nilinike onamatalenta ayishumi.

25:29b.MAT.025.029 Ngokuba yilowo nalowo onakho uyakuphiwa, avame; kepha ongenakho uyakwamukwa nalokho anakho.

25:30b.MAT.025.030 Leyo nceku engasiziyo yiphonseni ebumnyameni obungaphandle; lapho kuyakuba khona ukukhala ngokugedla amazinyo.’

25:31b.MAT.025.031 “Kepha nxa iNdodana yomuntu iza ngenkazimulo yayo nezingelosi zonke ezingcwele kanye nayo, khona izakuhlala esihlalweni sayo senkazimulo;

25:32b.MAT.025.032 kuzakubuthelwa phambi kwayo izizwe zonke, ibahlukanise abanye kwabanye, njengomalusi ahlukanisa izimvu nezimbuzi,

25:33b.MAT.025.033 imise izimvu ngakwesokunene sayo kepha izimbuzi ngakwesokhohlo.

25:34b.MAT.025.034 “Khona iNkosi izakuthi kwabangakwesokunene sayo: ‘Zanini nina enibusisiwe nguBaba, nidle ifa lombuso eniwulungiselweyo selokhu kwasekelwa umhlaba.

25:35b.MAT.025.035 Ngokuba ngangilambile, nangipha ukudla; ngangomile, nangiphuzisa; ngangingumfokazi, nangingenisa;

25:36b.MAT.025.036 ngihamba ze nangembathisa; ngangigula, nangihamba; ngangisetilongweni, neza kimi.’

25:37b.MAT.025.037 “Khona bayakuyiphendula abalungileyo ngokuthi: ‘Nkosi, sakubona nini ulambile sakupha ukudla, noma womile sakuphuzisa, na?

25:38b.MAT.025.038 Sakubona nini ungumfokazi sakungenisa, noma uhamba ze sakwembathisa, na?

25:39b.MAT.025.039 Sakubona nini ugula, noma usetilongweni, seza kuwe, na?’

25:40b.MAT.025.040 “Isiyakuphendula iNkosi, ithi kubo: ‘Ngiqinisile ngithi kini, njengokuba nikwenzile komunye walaba bafowethu abancane, nikwenzile kimi.’

25:41b.MAT.025.041 “Khona iyakuthi kwabangakwesokhohlo: ‘Dedani kimi nina baqalekisiweyo, niye emlilweni ophakade olungiselwe uSathane nezingelosi zakhe.

25:42b.MAT.025.042 Ngokuba ngangilambile, aningiphanga ukudla; ngangomile, aningiphuzisanga;

25:43b.MAT.025.043 ngangingumfokazi, aningingenisanga; ngihamba ze aningembathisanga; ngigula, ngisetilongweni, aningihambanga.’

25:44b.MAT.025.044 “Khona bayakuphendula nabo, bathi: ‘Nkosi, sakubona nini ulambile, noma womile, noma ungumfokazi, noma uhamba ze, noma ugula, noma usetilongweni, singakukhonzanga, na?’

25:45b.MAT.025.045 “Khona iyakubaphendula ithi: ‘Ngiqinisile ngithi kini: Lokho eningakwenzanga komunye walaba abancinyane anikwenzanga nakimi.’

25:46b.MAT.025.046 “Laba bayakumuka, baye ekujezisweni okuphakade, kodwa abalungileyo baye ekuphileni okuphakade.”

26

26:1b.MAT.026.001 Kwathi uJesu eseqedile onke lawo mazwi, wathi kubafundi bakhe:

26:2b.MAT.026.002 “Niyazi ukuthi emva kwezinsuku ezimbili kuyiPhasika; iNdodana yomuntu izakukhashelwa ukuba ibethelwe esiphambanweni.”

26:3b.MAT.026.003 Khona kwabuthana abapristi abakhulu namalunga esizwe egcekeni lompristi omkhulu othiwa uKayafase.

26:4b.MAT.026.004 Bacebisana ukuba bambambe uJesu ngobuqili, bambulale.

26:5b.MAT.026.005 Kepha bathi: “Makungabi ngomkhosi, funa kube khona isiyaluyalu esizweni.”

26:6b.MAT.026.006 Kuthe uJesu eseBethaniya endlini kaSimoni owayenochoko,

26:7b.MAT.026.007 kwafika kuye owesifazane ephethe umfuma we-alabaste wamafutha anenani elikhulu, wawathela ekhanda lakhe ehlezi ekudleni.

26:8b.MAT.026.008 Kepha abafundi bakhe bebona lokho bathukuthela, bathi: “Kwenzelwani lokho kuchitha na?

26:9b.MAT.026.009 Ngokuba lokho nga kuthengisiwe ngokukhulu, kwaphiwa abampofu.”

26:10b.MAT.026.010 Kepha uJesu ekwazi lokho wathi kubo: “Nimhluphelani owesifazane na? Ngokuba usebenzile umsebenzi omuhle kimi;

26:11b.MAT.026.011 ngokuba abampofu ninabo njalo, kepha mina aninami njalo.

26:12b.MAT.026.012 Ngokuba lapho ethela lawo mafutha emzimbeni wami, ukwenzele ukungilungisela ukumbelwa.

26:13b.MAT.026.013 Ngiqinisile ngithi kini: Nomaphi lapho liyakushunyayelwa khona leli vangeli ezweni lonke, kuyakukhulunywa nangalokho akwenzileyo, kube yisikhumbuzo ngaye.”

26:14b.MAT.026.014 Khona kwasuka omunye wabayishumi nambili othiwa uJuda Iskariyothe, waya kubapristi abakhulu,

26:15b.MAT.026.015 wathi: “Niyakunginikani, ngimkhaphele kini, na?” Base bemnika izinhlamvu zesiliva ezingamashumi amathathu.

26:16b.MAT.026.016 Kusukela lapho wafuna ithuba lokumkhaphela.

26:17b.MAT.026.017 Kepha ngosuku lokuqala lwesinkwa esingenamvubelo abafundi beza kuJesu, bathi: “Uthanda ukuba sikulungiselephi ukuba udle iphasika na?”

26:18b.MAT.026.018 Wathi: “Hambani niye emzini kumuntu othile, nithi kuye: ‘Uthi uMfundisi: Isikhathi sami siseduze; ngizakwenza iphasika kwakho kanye nabafundi bami.’ ”

26:19b.MAT.026.019 Abafundi benza-ke njengokuba uJesu ebayalile; balungisa iphasika.

26:20b.MAT.026.020 Kwathi sekuhlwile, wayehlezi ekudleni nabafundi abayishumi nambili.

26:21b.MAT.026.021 Besadla, wathi: “Ngiqinisile ngithi kini: Omunye kini uzakungikhaphela.”

26:22b.MAT.026.022 Badabuka kakhulu, baqala ukusho kuye, kwaba yilowo, nalowo, ukuthi: “Kungaba yimi, Nkosi, na?”

26:23b.MAT.026.023 Kepha waphendula wathi: “Ofake isandla kanye nami esitsheni nguyena ozakungikhaphela.

26:24b.MAT.026.024 INdodana yomuntu iyamuka kambe njengokulotshiwe ngayo, kepha maye kulowo muntu iNdodana yomuntu ekhashelwa ngaye! Nga kukuhle kulowo muntu ukuba kazalwanga.”

26:25b.MAT.026.025 Wayesephendula uJuda omkhaphelayo, wathi: “Kungaba yimi, Rabi, na?” Wathi kuye: “Usho khona.”

26:26b.MAT.026.026 Besadla, uJesu wathabatha isinkwa, wasibusisa, wasihlephula, wanika abafundi bakhe, wathi: “Thabathani nidle; lokhu kungumzimba wami.”

26:27b.MAT.026.027 Wayesethabatha isitsha, wabonga, wabanika, wathi: “Phuzani nonke kuso;

26:28b.MAT.026.028 ngokuba lokhu kuyigazi lami lesivumelwano elithululwa ngenxa yabaningi kukho ukuthethelelwa kwezono.

26:29b.MAT.026.029 Kepha ngithi kini: Kusukela manje angisayikuphuza kulesi sithelo somvini, kuze kufike lolo suku engiyakusiphuza ngalo nani sisisha embusweni kaBaba.”

26:30b.MAT.026.030 Kwathi sebehlabelele igama lokubonga, baphuma, baya eNtabeni Yeminqumo.

26:31b.MAT.026.031 Khona uJesu wathi kubo: “Nina nonke nizakukhubeka ngami ngalobu busuku, ngokuba kulotshiwe ukuthi: ‘Ngiyakushaya umalusi, izimvu zomhlambi zihlakazeke’;

26:32b.MAT.026.032 kodwa emva kokuvuswa kwami ngiyakunandulela ukuya eGalile.”

26:33b.MAT.026.033 UPetru waphendula, wathi kuye: “Noma bonke beyakukhubeka ngawe, mina angisoze ngakhubeka.”

26:34b.MAT.026.034 UJesu wathi kuye: “Ngiqinisile ngithi kuwe: Ngalobu busuku, lingakakhali iqhude, uzakungiphika kathathu.”

26:35b.MAT.026.035 UPetru wayesethi kuye: “Noma ngingaze ngife nawe, angisoze ngakuphika.” Basho njalo nabafundi bonke.

26:36b.MAT.026.036 Khona uJesu wafika nabo endaweni ethiwa iGetsemane, wathi kubafundi: “Hlalani lapha, ngisaya kukhuleka laphaya.”

26:37b.MAT.026.037 Wathatha uPetru namadodana amabili kaZebedewu, waqala ukuba nomunyu nosizi.

26:38b.MAT.026.038 Khona wathi kubo: “Umphefumulo wami ulusizi kakhulu kuze kube sekufeni; hlalani lapha, nilinde kanye nami.”

26:39b.MAT.026.039 Waqhubeka ingcosana, wawa ngobuso bakhe, wakhuleka wathi: “Baba, uma kungenzeka, akudlule kimi lesi sitsha; nokho kungabi njengokuba ngithanda mina, kodwa njengokuba uthanda wena.”

26:40b.MAT.026.040 Wayeseza kubafundi, wabafumana belele; wathi kuPetru: “Kanti beningelinde nami ihora libe linye na?

26:41b.MAT.026.041 Lindani, nikhuleke ukuba ningangeni ekulingweni; umoya uyavuma, kepha inyama ibuthakathaka.”

26:42b.MAT.026.042 Wabuye waya ngokwesibili, wakhuleka wathi: “Baba, uma lesi sitsha singedlule kimi ngingasiphuzanga, mayenziwe intando yakho.”

26:43b.MAT.026.043 Esebuya futhi wabafumana belele, ngokuba amehlo abo ayenzima.

26:44b.MAT.026.044 Wabuye wabashiya, waya wakhuleka ngokwesithathu esho futhi lona lelo zwi.

26:45b.MAT.026.045 Khona wafika kubafundi, wathi kubo: “Nisalele namanje niphumula; bhekani, ihora selisondele, iNdodana yomuntu isiyakhashelwa ezandleni zezoni.

26:46b.MAT.026.046 Sukumani sihambe; bhekani, ongikhaphelayo usesondele.”

26:47b.MAT.026.047 Esakhuluma, bheka, kwafika uJuda, omunye wabayishumi nambili, enesixuku esikhulu sinezinkemba nezinduku, sivela kubapristi abakhulu namalunga esizwe.

26:48b.MAT.026.048 Kepha omkhaphelayo wayebanike isiboniso sokuthi: “Lowo engiyakumanga nguye; mbambeni yena.”

26:49b.MAT.026.049 Wafika masinyane kuJesu, wathi: “E Rabi!” Wamanga.

26:50b.MAT.026.050 UJesu wayesethi kuye: “Mngane, ubabeleni na?” Khona basondela, babeka izandla kuJesu, bambamba.

26:51b.MAT.026.051 Bheka, omunye kwababe noJesu welula isandla, wahosha inkemba yakhe, wayigenca inceku yompristi omkhulu, wayinquma indlebe.

26:52b.MAT.026.052 UJesu wayesethi kuye: “Buyisela inkemba yakho endaweni yayo, ngokuba bonke abaphatha inkemba bayakubhubha ngenkemba.

26:53b.MAT.026.053 Ingabe uthi ngingecele kuBaba angithumele manje amalegiyona ezingelosi adlula ishumi nambili na?

26:54b.MAT.026.054 Pho-ke ingagcwaliseka kanjani imibhalo yokuthi kumelwe ukuba kube njalo na?”

26:55b.MAT.026.055 Ngaleso sikhathi uJesu wathi ezixukwini: “Niphumile kungathi nize kumphangi, niphethe izinkemba nezinduku ukungibamba, na? Bengihlezi ethempelini imihla ngemihla ngifundisa, anangibamba.

26:56b.MAT.026.056 Kepha konke lokho kwenzekile ukuba kugcwaliseke imibhalo yabaprofethi.” Khona bonke abafundi bamshiya, babaleka.

26:57b.MAT.026.057 Ababembambile uJesu bamusa kuKayafase umpristi omkhulu, lapho kwakubuthene khona ababhali namalunga.

26:58b.MAT.026.058 Kepha uPetru wamlandela ekude kwaze kwaba segcekeni lompristi omkhulu; wangena phakathi, wahlala phansi nezikhonzi ukuba abone isigcino.

26:59b.MAT.026.059 Abapristi abakhulu nomphakathi wonke bafuna ubufakazi bamanga ngoJesu, ukuze bambulale;

26:60b.MAT.026.060 kepha ababufumananga, nakuba kwafika ofakazi abaningi bamanga. Kodwa kamuva kwavela ababili,

26:61b.MAT.026.061 bathi: “Lo wathi: ‘Nginamandla okudiliza ithempeli likaNkulunkulu, ngibuye ngilakhe ngezinsuku ezintathu.’ ”

26:62b.MAT.026.062 Kwase kusukuma umpristi omkhulu, wathi kuye: “Awuphenduli lutho na? Kuyini abakufakaza ngawe laba na?”

26:63b.MAT.026.063 Kepha uJesu wathula. Wayesethi kuye umpristi omkhulu: “Ngikufungisa uNkulunkulu ophilayo ukuba usitshele uma unguKristu, iNdodana kaNkulunkulu.”

26:64b.MAT.026.064 UJesu wayesethi kuye: “Usho khona. Nokho ngithi kini: Kusukela manje niyakubona iNdodana yomuntu ihlezi ngakwesokunene saMandla, iza emafwini ezulu.”

26:65b.MAT.026.065 Khona umpristi omkhulu waklebhula izingubo zakhe, wathi: “Usehlambalazile; sisaswelelani ofakazi na? Bheka, kalokhu nikuzwile ukuhlambalaza kwakhe.

26:66b.MAT.026.066 Nithini na?” Kepha baphendula bathi: “Ufanele ukufa.”

26:67b.MAT.026.067 Base bemkhafulela ngamathe ebusweni, bamdushuza, kepha abanye bammukula,

26:68b.MAT.026.068 bathi: “Siprofethele, Kristu; ngubani okushayileyo na?”

26:69b.MAT.026.069 Kepha uPetru wayehlezi ngaphandle egcekeni; kweza kuye intombazana, yathi: “Nawe ubunoJesu waseGalile.”

26:70b.MAT.026.070 Kodwa waphika phambi kwabo bonke, wathi: “Angikwazi lokhu okushoyo.”

26:71b.MAT.026.071 Kwathi esephumele esangweni, enye intombazana yambona, yathi kwababe lapho: “Lona ube noJesu waseNazaretha.”

26:72b.MAT.026.072 Waphika futhi ngokufunga, wathi: “Angimazi lowo muntu.”

26:73b.MAT.026.073 Emva kwesikhashana ababemi khona basondela, bathi kuPetru: “Nempela nawe ungomunye wabo, ngokuba nokukhuluma kwakho kuyakudalula.”

26:74b.MAT.026.074 Khona waqala ukuthuka nokufunga, wathi: “Angimazi lowo muntu.” Masinyane lase likhala iqhude.

26:75b.MAT.026.075 UPetru wayesekhumbula izwi likaJesu abelishilo lokuthi: “Iqhude lingakakhali, uzakungiphika kathathu.” Waphumela phandle, wakhala kamunyu.

27

27:1b.MAT.027.001 Kwathi sekusile, bonke abapristi abakhulu namalunga esizwe benza icebo ngoJesu lokuba bambulale;

27:2b.MAT.027.002 bambopha, bamuka naye, bamnikela kuPilatu umbusi.

27:3b.MAT.027.003 Khona uJuda owamkhaphelayo, ebona ukuthi ulahliwe, wazisola, wabuyisela izinhlamvu zesiliva ezingamashumi amathathu kubapristi namalunga,

27:4b.MAT.027.004 wathi: “Ngonile ukuba ngikhaphele igazi elingenacala.” Bona bathi: “Kuyini lokho kithi na? Zibonele wena.”

27:5b.MAT.027.005 Wayesephonsa izinhlamvu zesiliva ethempelini, wamuka, waziphanyeka.

27:6b.MAT.027.006 Kepha abapristi abakhulu bazithatha izinhlamvu zesiliva, bathi: “Akuvunyelwe ukuzifaka emnikelweni, ngokuba kuyimali yegazi.”

27:7b.MAT.027.007 Benza icebo, bathenga ngayo insimu yombumbi, ibe ngeyokumbela abafokazi.

27:8b.MAT.027.008 Ngalokho insimu leyo ithiwa insimu yegazi kuze kube namuhla.

27:9b.MAT.027.009 Khona kwagcwaliseka okwashiwo ngomprofethi uJeremiya ukuthi: “Bathatha izinhlamvu zesiliva ezingamashumi amathathu, inani lowamiselwa inani onani lakhe lamiswa ngamadodana ka-Israyeli;

27:10b.MAT.027.010 bakhokha ngazo insimu yombumbi, njengokuba iNkosi ingiyalile.”

27:11b.MAT.027.011 Kepha uJesu wayemi phambi kombusi; umbusi wambuza wathi: “Wena uyinkosi yabaJuda na?” UJesu wathi kuye: “Usho khona.”

27:12b.MAT.027.012 Kwathi lapho abapristi abakhulu namalunga bemthwesa icala, kaphendulanga lutho.

27:13b.MAT.027.013 Khona uPilatu wathi kuye: “Awuzwa yini lokho okungaka abakufakaza ngawe na?”

27:14b.MAT.027.014 Akaze amphendula nakwelilodwa izwi, umbusi waze wamangala kakhulu.

27:15b.MAT.027.015 Kepha ngomkhosi umbusi wayejwayele ukukhululela isixuku isiboshwa sibe sinye esasisithanda.

27:16b.MAT.027.016 Ngaleso sikhathi babe nesiboshwa esidumileyo esithiwa uBaraba.

27:17b.MAT.027.017 Ngakho sebebuthene, uPilatu wathi kubo: “Nithanda ukuba nginikhululele bani, uBaraba nokuba uJesu othiwa uKristu, na?”

27:18b.MAT.027.018 Ngokuba wayekwazi ukuthi bamnikele ngomhawu.

27:19b.MAT.027.019 Esahlezi esihlalweni sokwahlulela, umkakhe wathumela kuye, wathi: “Ungabi nandaba kulowo muntu olungileyo; ngokuba ngihluphekile kakhulu namuhla ngaye ephusheni.”

27:20b.MAT.027.020 Kepha abapristi abakhulu namalunga bancenga izixuku ukuba zicele uBaraba, zimbulale uJesu.

27:21b.MAT.027.021 Wayesephendula umbusi, wathi kubo: “Nithanda ukuba nginikhululele muphi kulaba ababili na?” Bathi: “UBaraba.”

27:22b.MAT.027.022 UPilatu wathi kubo: “Pho-ke, ngimenze njani uJesu othiwa uKristu na?” Bonke bathi: “Makabethelwe esiphambanweni.”

27:23b.MAT.027.023 Wayesethi: “Ngokuba wenze bubi buni na?” Kepha bamemeza kakhulu, bathi: “Makabethelwe esiphambanweni.”

27:24b.MAT.027.024 UPilatu esebona ukuthi akanakwenza lutho nokuthi isiphithiphithi sesanda kakhulu, wathatha amanzi, wahlamba izandla phambi kwesixuku, wathi: “Anginacala egazini lalo muntu; ziboneleni nina.”

27:25b.MAT.027.025 Abantu bonke base bephendula bethi: “Igazi lakhe malibe phezu kwethu naphezu kwabantwana bethu.”

27:26b.MAT.027.026 Wayesebakhululela uBaraba, kepha wamshaya uJesu, wamnikela ukuba abethelwe esiphambanweni.

27:27b.MAT.027.027 Khona amabutho ombusi ayesemthatha uJesu, amngenisa enqabeni, aqoqela kuye ibutho lonke.

27:28b.MAT.027.028 Amhlubula, amembathisa ingubo ebomvu,

27:29b.MAT.027.029 aluka umqhele wameva, awufaka ekhanda lakhe, nomhlanga esandleni sakhe sokunene, aguqa ngamadolo phambi kwakhe, ambhinqa athi: “Bayede, nkosi yabaJuda!”

27:30b.MAT.027.030 Amkhafulela ngamathe, athatha umhlanga, amshaya ekhanda lakhe.

27:31b.MAT.027.031 Esembhinqile amhlubula ingubo, amembathisa izingubo zakhe, amuka naye ukuyombethela esiphambanweni.

27:32b.MAT.027.032 Esaphuma afumana umuntu waseKhurene, nguSimoni igama lakhe; amcindezela lowo ukuba athwale isiphambano sakhe.

27:33b.MAT.027.033 Esefikile endaweni ethiwa iGolgotha okungukuthi iNdawo Yekhanda,

27:34b.MAT.027.034 amphuzisa iwayini elixutshwe nenyongo; kepha kuthe elizwa, akathandanga ukuliphuza.

27:35b.MAT.027.035 Esembethele esiphambanweni abelana izingubo zakhe, enzelana inkatho;

27:36b.MAT.027.036 ahlala amlinda khona.

27:37b.MAT.027.037 Abeka ngaphezu kwekhanda lakhe icala lakhe libhalwe ngokuthi: LO NGUJESU, INKOSI YABAJUDA.

27:38b.MAT.027.038 Kwabethelwa kanye naye abaphangi ababili, omunye ngakwesokunene nomunye ngakwesokhohlo.

27:39b.MAT.027.039 Kepha abadlulayo bamhlambalaza benikina amakhanda abo,

27:40b.MAT.027.040 bathi: “Wena odiliza ithempeli, ubuye ulakhe ngezinsuku ezintathu, zisindise, uma uyiNdodana kaNkulunkulu, wehle esiphambanweni.”

27:41b.MAT.027.041 Kanjalo nabapristi abakhulu bambhinqa kanye nababhali namalunga, bathi:

27:42b.MAT.027.042 “Wasindisa abanye, angezisindise yena; uyinkosi yakwa-Israyeli, akehle manje esiphambanweni, sikholwe nguye.

27:43b.MAT.027.043 Wethembile uNkulunkulu; makamkhulule manje, uma emthanda, ngokuba wathi: ‘NgiyiNdodana kaNkulunkulu.’ ”

27:44b.MAT.027.044 Kepha nabaphangi ababebethelwe esiphambanweni kanye naye bamdumaza kanjalo.

27:45b.MAT.027.045 Kepha kusukela ngehora lesithupha kwaba mnyama emhlabeni wonke, kwaze kwaba yihora lesishiyagalolunye.

27:46b.MAT.027.046 Kepha ngehora lesishiyagalolunye uJesu wamemeza ngezwi elikhulu, wathi: “Eli, Eli, lama sabaktani?” okungukuthi: “Nkulunkulu wami, Nkulunkulu wami, ungishiyeleni na?”

27:47b.MAT.027.047 Abanye kwababemi khona bekuzwa bathi: “Lo ubiza u-Eliya.”

27:48b.MAT.027.048 Masinyane omunye kubo wagijima, wathatha ilula, waligcwalisa ngoviniga, walihloma emhlangeni, wamphusiza.

27:49b.MAT.027.049 Kepha abanye bathi: “Yeka, sibone uma u-Eliya eza ukumsindisa.”

27:50b.MAT.027.050 UJesu wabuye wamemeza ngezwi elikhulu, wafa.

27:51b.MAT.027.051 Bheka-ke, isihenqo sethempeli sadabuka kabili, kusukela phezulu kuze kufike phansi; umhlaba wazamazama, amadwala aqhekezeka;

27:52b.MAT.027.052 amathuna avuleka, imizimba eminingi yabangcwele ababelele yavuka;

27:53b.MAT.027.053 baphuma emathuneni emva kokuvuka kwakhe, bangena emzini ongcwele, babonakala kwabaningi.

27:54b.MAT.027.054 Kepha induna yekhulu nababe nayo belinda uJesu sebebona ukuzamazama nalokho okwenzekileyo besaba kakhulu, bathi: “Nempela lo ube yiNdodana kaNkulunkulu.”

27:55b.MAT.027.055 Kwakukhona lapho abesifazane abaningi bebukela, bekude, ababemlandele uJesu bevela eGalile, bemkhonza;

27:56b.MAT.027.056 phakathi kwabo kwakukhona oMariya Magdalena, unina kaJakobe nokaJose, nonina wamadodana kaZebedewu.

27:57b.MAT.027.057 Sekuhlwile, kwafika umuntu ocebileyo wase-Arimatheya, igama lakhe nguJosefa, owayengumfundi kaJesu naye;

27:58b.MAT.027.058 lo waya kuPilatu, wacela isidumbu sikaJesu. Khona uPilatu wayala ukuba anikwe sona.

27:59b.MAT.027.059 UJosefa wasithatha isidumbu, wasisonga ngendwangu enhle ehlanzekileyo,

27:60b.MAT.027.060 wasibeka ethuneni lakhe elisha ayeliqophe edwaleni, wagingqela itshe elikhulu emnyango wethuna, wahamba.

27:61b.MAT.027.061 Kepha kwakukhona lapho uMariya Magdalena nomunye uMariya behlezi phambi kweliba.

27:62b.MAT.027.062 Kepha ngangomuso okungolulandela usuku lokulungisela abapristi abakhulu nabaFarisi babuthana kuPilatu,

27:63b.MAT.027.063 bathi: “Nkosi, sikhumbula ukuthi lowo mkhohlisi esekhona wathi: ‘Emva kwezinsuku ezintathu ngizakuvuka.’

27:64b.MAT.027.064 Ngakho yala ukuba iliba ligcinwe kuze kube lusuku lwesithathu ukuba abafundi bakhe bangaze bafike bamebe, bathi kubantu: ‘Uvukile kwabafileyo;’ kuthi inkohliso yokugcina ibe mbi kuneyokuqala.”

27:65b.MAT.027.065 UPilatu wathi kubo: “Nampa abalindi; hambani niligcine njengokubona kwenu.”

27:66b.MAT.027.066 Base behamba, baligcina iliba, babeka uphawu etsheni bekanye nabalindi.

28

28:1b.MAT.028.001 Kepha ekupheleni kwesabatha ngovivi lolokuqala lweviki kwafika uMariya Magdalena nomunye uMariya, beza ukuyobona iliba.

28:2b.MAT.028.002 Bheka, kwaba khona ukuzamazama komhlaba okukhulu, ngokuba ingelosi yeNkosi yehla ezulwini, yeza yagingqa itshe, yahlala phezu kwalo.

28:3b.MAT.028.003 Ukubonakala kwayo kwakunjengonyazi, nesambatho sayo sasimhlophe njengongqoqwane.

28:4b.MAT.028.004 Kepha abalindi bathuthumela ngokuyesaba, baba njengabafileyo.

28:5b.MAT.028.005 Kodwa ingelosi yaphendula, yathi kwabesifazane: “Ningesabi nina; ngokuba ngiyazi ukuthi nifuna uJesu obebethelwe esiphambanweni;

28:6b.MAT.028.006 kakho lapha, ngokuba uvukile njengokusho kwakhe; zanini nibone indawo lapho ebelele khona.

28:7b.MAT.028.007 Hambani masinyane, nitshele abafundi bakhe ukuthi uvukile kwabafileyo; bhekani, uyanandulela ukuya eGalile, nizakumbona khona. Bhekani, nginitshelile.”

28:8b.MAT.028.008 Base beshesha bamuka ethuneni benokwesaba nokuthokoza okukhulu, bagijima baya ukubikela abafundi bakhe.

28:9b.MAT.028.009 Bheka, uJesu wabahlangabeza, wathi: “Sanibona.” Besondela babamba izinyawo zakhe, bakhuleka kuye.

28:10b.MAT.028.010 Khona uJesu wathi kubo: “Ningesabi; hambani, nibikele abafowethu ukuba bahambe baye eGalile; bayakungibona khona.”

28:11b.MAT.028.011 Besahamba, bheka, abanye kubalindi bafika emzini, babikela abapristi abakhulu konke okwenzekileyo.

28:12b.MAT.028.012 Sebebuthene namalunga benza icebo, banika amabutho imali eningi, 28:12 Math. 27:64.

28:13b.MAT.028.013 bathi: “Shonini ukuthi abafundi bakhe beza ebusuku, bameba silele.

28:14b.MAT.028.014 Uma kuzwakala lokho kumbusi, siyakuncengana naye thina, nina ningakhathazeki.”

28:15b.MAT.028.015 Ayeseyithatha imali, enza njengokufundiswa kwawo. Leli zwi landa phakathi kwabaJuda kuze kube namuhla.

28:16b.MAT.028.016 Kepha abafundi abayishumi nanye baya eGalile kuleyo ntaba uJesu ayebayalele yona;

28:17b.MAT.028.017 sebembona bakhuleka kuye, kepha abanye bangabaza.

28:18b.MAT.028.018 UJesu wasondela, wakhuluma kubo, wathi: “Ngiphiwe amandla onke ezulwini nasemhlabeni;

28:19b.MAT.028.019 ngalokho hambani nenze izizwe zonke abafundi, nibabhapathize egameni likaYise neleNdodana nelikaMoya oNgcwele,

28:20b.MAT.028.020 nibafundise ukugcina konke enginiyale ngakho; bhekani, mina nginani izinsuku zonke kuze kube sekupheleni kwezwe.”