2 Timothy (Shuar)

21

21:1b.2TI.021.001 Wi Pápruitjai. Yus wakerakui Jesukrístu akatramuri ajasuitjai. Ashí Jesukrístujai tsaninkiarun "Nekas iwiaaku átinian susattajai" Tíniuiti Yus. Tuma asa nuna etserkat tusa akuptukuiti.

21:2b.2TI.021.002 Aneamu uchiru, Timiutéu, ju Papín aateajme. Yus Apasha tura ii Uuntri Jesukrístusha ti anenma ásar waitnentramainiak imiatkinchanum shiir pujustinian yainmakarti.

21:3b.2TI.021.003 Tsawaisha Káshisha Yúsan áujeakun ámin tuke Enentáimtusan ti shiir Yúsan Yúminkiajai. Winia weatur Túrawarmia Nútiksanak Yúsan Enentáimtakun ti shiir awajeajai.

21:4b.2TI.021.004 Kanakmiaj nui eantramiam nuna tuke Enentáimtajme. Ataksha wararnaisatai tusan iitniun wakerajme.

21:5b.2TI.021.005 Yus nekas shiir Enentáimtiniaitmena nuna nékajai. Nukuchrum Ruítiasha tura ame nuku Eunisiasha emka Yúsan nekas Enentáimtin ármiayi. Amesha Núnisketme.

21:6b.2TI.021.006 Tuma asakmin Tájame: Yusna Takasái tusan winia uwejrun ámin awanteakui Yus kakarman suramsamia nujai atak kakaram takasta.

21:7b.2TI.021.007 Yus Sápij Enentáin suramsachuitji. Antsu kakaram ajastinniasha anenaitniuncha pénker wekasatniuncha suramsaitji.

21:8b.2TI.021.008 Ii Uuntri Jesukrístunu etserkatin natsantraip. Níiniun étserkun sepunam pujamusha étserkum natsantruraip. Antsu Yus kakaram awajtamkui ame étseream nujai shuar yajauch Túramainiakui surimiamtsuk Wáitsatin Enentáimtumarta.

21:9b.2TI.021.009 Ii pénker Túrichu árinin Yus iin anenma asa uwemtikramar pénker Túratniunam apujtamsaitji. Iisha Jesukrístujai tsaninkiaru asakrin tura Yus nuna Túratniun wakerak Túramiayi. Yaunchu ju nunka atsaisha iin tuke waitnentrampramiaji.

21:10b.2TI.021.010 Tura Yamái iin Uwemtikkiartin Jesukrístu Támatai nu anenmamu paant ajasuiti. Niisha Jákatniun nupetak emesramiayi. Tura uwempratin chichamjai Jáchatai iwiaakman paant awajturmaji.

21:11b.2TI.021.011 Nuna etserkat tusa Yus anaitiukmiayi. Tura akattur Israer-shuarchanum akuptukmiayi.

21:12b.2TI.021.012 Túruta asamtai ti Wáitiajai. Túrasha Yúsan nekas Enentáimta asan natsamatsjai. Imiá kakaram asa amuukatin tsawant jeatsain Ashí Wínian susamaj nuna ti penker waitruktatui.

21:13b.2TI.021.013 Shiir chichaman jintintiamajmena nuke emetata. Jesukrístujai tsaninkiu asar Yus nekas Enentáimtaji tura nujai anenkratniuitji. Tuke Núnismek Túrata.

21:14b.2TI.021.014 Yus ámin takasat tusa suramsamu shiir takasta. Tura Yusa Wakani iin pujurtamaj nuna kakarmarijiai Túrata.

21:15b.2TI.021.015 Asia nunkanmaya shuar mash iniaitiusarmai. Nu nekaachmaashum. Nu shuarnumia Pijirusha Ermujenessha armai.

21:16b.2TI.021.016 Antsu Unisépuru Niisháa shuar amai. Ti nukap shiir Enentáimtikrurmai. Tura wi sepunam pujamuncha natsantrurchamai. Ii Uuntri Kristu ni shuarincha waitnentrarti.

21:17b.2TI.021.017 Rúmanam taasha natsantrutsuk eatak Wáittsuk Iniaitiúschamiayi.

21:18b.2TI.021.018 Ipisiu péprunam pujarin ti yainmakmiaj nu paant nékame. Tuma asamtai amuukatin tsawant jeamtai nincha Uunt Yus waitnentrati.

22

22:1b.2TI.022.001 Amesha, Uchirú, Jesukrístujai tsaninkiu asam nu kakarmajai kakaram ajasta.

22:2b.2TI.022.002 Untsurí ántuiniamunam wi etserkamaj nu, shuar umikmin ainia nu jintintiawaram chikichnasha jintintiawarat tusam akupkarta.

22:3b.2TI.022.003 Ame ti penker Jesukrístu suntari asam Wáitsatin katsuntrata.

22:4b.2TI.022.004 Suntarka ni uuntri tana nunak umiktin asa Chíkich takatan pachintiukchatniuiti.

22:5b.2TI.022.005 Núnisan nakurincha nakurustinia nujai métek nakurachkunka nekas pénkeran awakmakun Súsatniua nuna achikchamniaiti.

22:6b.2TI.022.006 Ataksha Núnisan shuar ajan takaana nu, Ashí shuara nankaamas nuyan Yúashtinkiait.

22:7b.2TI.022.007 Wats, ju menaintiu métek-taku chicham ainiawai. Pénker Enentáimtakmin ii Uuntri Kristu paant awajturmastatui.

22:8b.2TI.022.008 Jesukrístu jaka nantakmia nu Enentáimprata. Tura Uunt akupin Tawit ni weatri asamtai Jesussha uunt akupin átiniaiti. Núiti wi uwempratin chichaman étsereaj nu.

22:9b.2TI.022.009 Nuna étsereakun sepunam jirujai jinkiamu pujakun Wáitiajai. Túrasha Yus-Chicham jinkiachminiaiti.

22:10b.2TI.022.010 Ashí shuar ni shuari arti tusa Yus achikiarua nuna Yáintajtsan Ashí itiurchatan katsunteajai. Nujai Jesukrístujai tsaninkiaru ásar uwemprar tuke shiir pujusartatui Yusjai.

22:11b.2TI.022.011 Ju Imiá nekasaiti: Jesukrístujai Jákaitkiurkia Níijiaisha tuke iwiaaku pujustatji.

22:12b.2TI.022.012 Wáitiakrisha Niijiai akupkattaji. Natsantakrinkia Niisha natsantramprattaji.

22:13b.2TI.022.013 Umichuitkiurniisha Ninkia tuke uminiaiti. Warí, Yuska ni Enentáimmiajain Yapajniátsuk tuke umiktiniaiti.

22:14b.2TI.022.014 Shuar jintintiakum ju Enentáimtikrata. Ii Uuntri Yus iimmianum chichamjai yajauch tunaiyarain tusam chicharkarta. Nu tunaitin penké aantraiti antsu ántuiniana nuna yajauch awajenawai.

22:15b.2TI.022.015 Yus-Chicham tuke Enentáimjai pénker Unuimiátram shiir jintintiawarta. Túrakum Yus pénker iirsat tusam pénker takarin Atá. Túramka Yusai natsaarchattame.

22:16b.2TI.022.016 Jú nunkanmayanak ántar áujmatin ainia nujai kanaktia. Shuar nuna áujmatainiak tunaanum nuna nankaamas Wáiniawai.

22:17b.2TI.022.017 Ni jintiniamusha sunkurjai métek pampaawai. Iminíusha tura Piritiusha nu shuar ainiawai.

22:18b.2TI.022.018 Niisha nekas chichaman iniaisar tura Ashí Yus-shuar nantaktincha nankaamasai Tuíniakui Chíkich Chíkich shuar Yúsan naka Enentáimtuiniatsui yamaikia.

22:19b.2TI.022.019 Túrasha Yus Ashí nankaamas Enentáimtustinia nuna paant awajsaiti. Júnisaiti: "Uunt Yus ni shuarin nékainiawai," tura Nuyá "Ashí Kristu shuari ainia nu tunaanumia kanakiarti."

22:20b.2TI.022.020 Kuítrinniu jeen kurijiai najanamusha kuitjai najanamusha írunui. Nújainkia ti shiira nu takastin ainiawai. Tura numijiai najanamusha nuwejai najanamusha írunui. Antsu Nújainkia nekasmiancha ainia nu takastin ainiawai.

22:21b.2TI.022.021 Núniskete Yusa Takatríjiai. Ashí tunaanumia kanakir pénker wekasar shiira nu takasmin átatji. Kame Ashí pénkera nu takasmin asakrin ii Uuntri Jesukrístu wakerak pénker takata nui apujtamsamniaitji.

22:22b.2TI.022.022 Natsá wakerutai iniaisam esetram pénker wekasata. Amesha Ashí shuar shiir Enentáijiai Yúsan áujena nujai Yus nekas Enentáimtakum aneniakum ti shiir Pujustá.

22:23b.2TI.022.023 Enentáimtsuk chichainiak aya ántar tunaitinian chichainia nu Pachisáirap. Nusha aya némasmanainiawai.

22:24b.2TI.022.024 Ii uuntri Jesukrístu takarniuka Chíkich shuarjai nemasmanaikiashtiniaiti, antsu Ashí shuarjai pénker nawamnaikiatniuiti. Tura Waitnentáimturar pénker jintintiatniuiti.

22:25b.2TI.022.025 Tura umircha shuarnasha Yus ni Enentáin yapajtiakui nekas chichaman shiir Enentáimturarat tusa pénker Enentáijiai jintintiatniuiti.

22:26b.2TI.022.026 Nujai íwianch ni wakeramu Túrawarat tusa achikmaitiatan uwemprartatui.

23

23:1b.2TI.023.001 Amuukatin tsawant jeakui ti itiurchat átatui.

23:2b.2TI.023.002 Shuar aya ninki Enentáimtumasartatui. Kuítian ti wakeriartatui. Nankaamantu Enentáimtumarartatui. Yúsnasha yajauch chicharsartatui. Aparíncha umirkachartatui. Yuminsatniuncha nékachu ártatui. Ashí Yúsnancha Enentáimtuschartatui.

23:3b.2TI.023.003 Aneetsuk waitnenkartichu ártatui. Tsanumin ártatui. Ni Ayashí wakeramun katsuncha ártatui. Aya kajen ártatui. Ashí pénker Túrinia nuna nemasri ártatui.

23:4b.2TI.023.004 Amikrincha surukartatui. Arantsuk tunaan Túrawartatui. Waantu Enentáimin ártatui. Yúsan nakitrar aya ni wakeramunak Enentáimtusartatui.

23:5b.2TI.023.005 Yusa kakarmari "ántraiti" Tuíniak pénker umirkachartatui. Túrasha Yúsan umirua Núnisar Túrawartatui. Nu shuar penké Pachisáip.

23:6b.2TI.023.006 Nu shuarsha shiir chichayatan anankawar Jeá Wáiniawai. Tura nuwa esetar Enentáimchan nekas tunaarinniun anankainiawai. Nu nuwa Ashí yajauch wakeramujai anannainiawai.

23:7b.2TI.023.007 Tuma ásar Ashí shuara chichamen tuke ántuiniayatan nekas-chichaman nekaatniun tujintiainiawai.

23:8b.2TI.023.008 Yaunchu Ejiptu nunkanam Muisais uunt akupniujai chichaakui Jimiará iwishin, Jánissha Jámprissha, Muisaisan kajerainiak "ántar tawai" tiarmiayi. Núnisan ju shuar nekas-chichaman nakitiainiawai. Naka Enentáimiainiachu ásar Yúsnan naka Jintíatniun penké tujintiainiawai.

23:9b.2TI.023.009 Túrasha nuna nankaamas kuakchartatui. Shuar ti paant ni netse Túruiniamurin nekarawartatui. Núnisan nu Jimiará iwishniujai Túrunamiayi.

23:11b.2TI.023.011 Tura ámeka wi Tímiaj nu umireame. Wi Yusjai shiir wekaamusha métek Túriniaitme. Wi Enentáimmiasha nékaitme. Aintruiniakui Wáitsamaj nu nékame. Tura Yúsan Enentáimtakun tura anenkratkun shiir Enentáijiai katsuntramjai. Antiukía péprunmasha, Ikiuniu péprunmasha, Ristra péprunmasha Ashí yajauch Túrutawarmatai Wáitsamaj nu paant nékame. Túrasha ii Uuntri uwemtikrurmiayi.

23:12b.2TI.023.012 Nekasaiti, shuar Jesukrístujai shiir Túrataj Tákunka ni nemasri aintiam ti Wáitsatniuiti.

23:13b.2TI.023.013 Tura Ashí anankartin ainia nusha kame Ashí yajauch shuarsha Nú yajauch Túrukiar wétatui. Iwianchjai anankamu ásar chikichnasha anankiar weartatui.

23:14b.2TI.023.014 Antsu ámeka unuimiam nu Imiá nekasaiti tu Enentáimtakum tuke emetata. Jintintramawarmia Nú shuarsha Wáitrichua nu nékame.

23:15b.2TI.023.015 Uchichinmayan Yus-Chicham nékame. Yus-Chichamka uwempratniun jintintramamniaiti. Nusha "Jesukrístu nekas Enentáimtakum uwemprattame" tawai.

23:17b.2TI.023.017 Ni Papirin aarat tusa Yus ni shuarin aamtikramiayi. Ashí shuar ni Chichamen nekaawar pénker Túrawarat tusa Túramiayi. Tuma asamtai Yus-Papí shuartin unuiniakartin asa Imiá penkeraiti. Tunáa Túrajnia nu Yus-Papijiai nekamatniuitji. Tura awajiakrincha Yus-Papí Núnaka paant jintintramji. Nuyá naka wekasatniun jintintramji.

24

24:1b.2TI.024.001 Ii Uuntri Jesukrístu amuukatin tsawantai Uunt Akupin ajas iwiaakuncha tura Jákaruncha Ashí pénker Túramuncha tura yajauch Túramuncha nekaattawai. Tuma asamtai Niisha tura Yus Apasha iimiainiamunam juna akateajme.

24:2b.2TI.024.002 Uwempratin chicham etserkata. Yúpichuchia nuisha tura itiurchata nuisha tuke etserkata. Yus-Chicham nekas Enentáimtikrarta. Tura shiir Enentáimtusam chicharkam Yáintaj tusam unuiniararta.

24:3b.2TI.024.003 Ukunmanka pénker chichaman nakitrar ii wakeraj Núchik nekaatai tusar, shuar teremak pénker pujuschamnia nekapea aintsan, nankaamas unuimiaru atai tusar, Nánkamas unuikiartinian ti Untsurí eakartatui.

24:4b.2TI.024.004 Nekas shiir chichaman iniaisar ikiuiniak ántar áujmatsamun Enentáimtusartatui.

24:5b.2TI.024.005 Antsu ámeka tuke pénker Túratin wakerakum Ashí itiurchat katsuntrata. Uwempratin chicham étserkum takatrum pénker umikta.

24:6b.2TI.024.006 Ishichik ajasai winia iwiaakmar Yusai surumaktin. Mantamnan nayimpiniam wétin jeatimiai.

24:7b.2TI.024.007 Shuar kakaram maanainia Núnisnak tuke kakaram takasmajai. Tséken pénker tsekea aintsanak yawetsuk takasmajai. Tura Yus-Chichaman nekas akasmatkun pénker Wáinkiaitjai.

24:8b.2TI.024.008 Tuma asamtai tawasap nukajai najanamu tsékena susamua aintsan wisha pénker Túramunam akinkiattajai. Tura aya Wíniak akirkashtatui. Antsu Ashí ni Tátinian shiir Enentáijiai Nákainia nunasha nekas pénkera nuna akikiartatui.

24:9b.2TI.024.009 Wárik iiraitin Enentáimturata.

24:10b.2TI.024.010 Témas aya Jú nunkanmayanak wakerak ajapa ikiuruk Tisarúnikia péprunam weyi. Tura Kresentisha Karasea nunkanam weyi. Núnisan Títiusha Tarmasia nunkanam weyi.

24:11b.2TI.024.011 Túrawarmatai aya Rúkas wijiai pujawai. Márkus eaka Wáinkiam ame itiartitia. Jui ti penker yainkiamniaiti.

24:12b.2TI.024.012 Tura Tíkikiunka Ipisiu péprunam akupkamjai.

24:13b.2TI.024.013 Tura winiakum nuparam Pushí Trúas péprunam Karpu jeen ikiukmiaj nu takurtuktia. Núnisan nuparam Papísha tura nekaska penké Papí takurtuktia.

24:14b.2TI.024.014 Arejántruka jirujai takawa nu ti yajauch awajtusuiti. Túrutaitkiuisha ni Túramujai métek Yus Akiktí.

24:15b.2TI.024.015 Nu amesha pénker Wáinkiatá. Ii étsereamun penké nakitiawai.

24:16b.2TI.024.016 Emka akupniunam ayamprumaktaj tusan chichaakui chikichkisha Yáintkiacharmiayi. Antsu sapijmiainiak ikiurkiarmiayi. Yus nu shuaran yajauch Enentáimturcharka maak.

24:17b.2TI.024.017 Tura ii Uuntri Jesukrístu ni kakarmarin surus yaintkiamiayi. Nujai uwempratin chichaman Ashí nunkanam Israer-shuarcha antukarti tusan etserkamjai. Tura Núnisan akupniunmayasha ii Uuntri uwemtikrurmiayi.

24:18b.2TI.024.018 Tura Núnisan Ashí yajauchia Nuyá uwemtikrurmatai Nii akupeana nui nayaimpiniam jeattajai. Ninki tuke shiir awajnasti. Núnisan Atí.

24:19b.2TI.024.019 Piriskancha ni aishri Akirancha amikmainiajai. Núnisnak Unisépuru shuarincha amikmainiajai.

24:20b.2TI.024.020 Erastu Kurintiu péprunam juakmai. Tura Trúpimiunka Miritiu péprunam jaan ikiukmiajai.

24:21b.2TI.024.021 Michá nantu jeatsain iiraitin Enentáimturata. Tura Eupurusha Putentesha Ríniusha Kráutiasha tura Ashí Yus-shuarsha amikmaatmainiawai.

24:22b.2TI.024.022 Ii Uuntri Jesukrístu ámijiai tsanin Pujustí. Tura Yus Ashí pénker waitmakarti. Nuke Atí.