2 Corinthians (Shuar)

21

21:1b.2CO.021.001 Wi Pápruitjai Jesukrístu akatramu. Yus nuna wakerakui ni akatramuri anaikiamuitjai. Ii yachi Timiutéujai Yus-shuar Kurintiu péprunam íruntrumna nuna áatjarme. Kame Ashí Akaya nunkanam Yusna ajasurmena nunasha áatjarme.

21:2b.2CO.021.002 Apa Yussha, ii Uuntri Jesukrístusha shiir Enentáimturma ásar imiatkinchanum tuke shiir pujustinian Yáinmakarat tusan wakerajrume.

21:3b.2CO.021.003 Ii Uuntri Jesukrístu Apari, ii Yusri ana nuna naari uunt awajsatai. Niisha ii Aparínti. Iin waitnentramaji. Tura Niisha ii Yúsrinti. Tuma asa iin tuke atsantamji.

21:4b.2CO.021.004 Ii Wáitiajnia nui Yuska iin atsantamji. Tura iin atsantamjinia Nútiksarik iisha Chíkich shuar Wáitiainia nuna atsankrarat tusa Túrutmaji.

21:5b.2CO.021.005 Warí, Kristu Wáitsamuri Núkap pachiinkiaitjinia Núnisrik ni atsankramurin Núkap pachiinkiaitji.

21:6b.2CO.021.006 Tuma asamtai, Wáitiajnia nu, Yusa uwemtikrampratniuri tura ni atsankratniuri atumsha takustarum tusar Wáitiaji. Tura Yus iin atsantampramjinia nu, Yusa uwemtikrampratniuri tura ni atsankratniuri átum takustarum tusar atsankramuitji. Wats, átum uwemtikramu tura atsankramu asarum, ii Wáitsajnia Nútiksarmek Wáitiayatrum shiir Enentáimsarum katsuntramniaitrume.

21:7b.2CO.021.007 Tura "Túrattawai" tu Enentáimtajrume. Warí, átum iijiai métek Wáitsaitrume. Núnisan iijiai métek Yus atsantamtsurmek.

21:8b.2CO.021.008 Yatsurtiram, iikia Asia nunkanam ti itiurchat Wáinkiamjinia nu nekaatarum tusar wakeraji. Imiá itiurchat Wáinkiar iikia katsuntratin jeachmaji.

21:9b.2CO.021.009 Nu itiurchatnumia "iwiaaku Jíinkishtatji" tu Enentáimsamji. Túrasha "iikia tujinchaitji" tu Enentáimtumatsuk, antsu jakamunmayan inianniua Nú Yúsan Enentáimtusarat tusa nu Túrunamji.

21:11b.2CO.021.011 Jakamnia itiurchatnumia Yuska uwemtikrampramji. Tura yamaisha uwemtikrampratajtsa pujurtamji. Tura atumsha iin Yus áujtakrumninkia "Yuska tuke uwemtikramprattaji" taji. Tura Untsurí shuar Yus aujsa asakrumin, ii uwempra asakrin Untsurí shuar Yúsan yuminsartatui.

21:12b.2CO.021.012 Yatsurtiram, ju nekaatarum tusar wakeraji. Ju nunkanam pujusar tura nekaska atumjai pujusar anantsuk tura Yus umirkar wekaimji. Aya ii nekatairijiain wekaichamji. Antsu Yus iin waitnentrama asa pénker wekasatniun Yainmakmaji.nu nekaar shiir Enentáimji.

21:13b.2CO.021.013 Aatjarmena nu Páantaiti. Atum áujsarum nekaatin jearmena nunak aarjai. Chikichan nekaachminian aatsjai. Pénker nekaatarum tusan wakerajrume.

21:14b.2CO.021.014 Ishichik nékayatrumek Nú Núkap tuke nekaki wetarum tusan wakerajrume. Nuinkia Jesukrístu Tátinia Nú tsawantai átum winia shiir Enentáimtursattarme. Tura átum pénker wekasa asakrumin shiir Enentáimtustatjarme.

21:15b.2CO.021.015 Tura ii shiir enentaimtuniaj nuna nékakun ataksha Yusa waitnenkartutairi nekapsak tusan ataksha atumiin irastinian wakerimjai.

21:16b.2CO.021.016 Masetúnia nunkanmaani wéakun iirkuta nankaikitjiarum tusan Enentáimmiajai. Tura Wáketkuncha ataksha iistajrum tusan wakerimjai. Túramtai wi Jutía nunkanam weakui átum Yáintkiatarum tusan atumin iistinian wakerimjai.

21:17b.2CO.021.017 Nuinkia ṡurukamtai Túrachmaj? ṡPénker Enentáimtsukek "wetajai" Tímiaj? ṡWi Yus-shuarcha nunisan, Jimiará chichamtiniaiti, Tú Enentáimtursarumek?

21:18b.2CO.021.018 Núchaiti. Yus tana nuna Tímiatrusan Umíana Nútiksarik iikia ii chichame umiktai tusar wakeraji. Jú chichamaik, "Ee, Atsá" Tátsuji.

21:19b.2CO.021.019 Wisha Serpanujai Timiutéujai Yusa Uchiri Jesukristunun ujakmajrume. Niisha Jú chichamaik, "Ee, Atsá" Tíchaiti. Antsu nii tana nuna tuke Umíawai.

21:20b.2CO.021.020 Niijiaisha Yus tana nu Tímiatrusan uminiui. Tuma asamtai Jesukrístu Enentáimtakur "nii tana nuna nekas Túrattawai" tu Enentáimji. Tu Enentáimsar Yusa naari shiir awajeaji.

21:21b.2CO.021.021 Atumniasha incha Ikiakátmajnia nu Yúsaiti. Krístunu ajasu asakrin Túrutmaji. Tura anaitiamak Niiniu awajtamji.

21:22b.2CO.021.022 Tura ukunam ii achiktatjinia nuna, nekas amastatjai tusa Yus ni Wakanin ii Enentáin apujturmaji. Nujai Níiniuitji tusar paant nékaji.

21:23b.2CO.021.023 Atumíin itiurchatan Wáinkiaij tusan nakitiakun Atumí péprurin Kurintiunam jeachmajai. Wáitrakuinkia "Yus iirsati" tajai.

21:24b.2CO.021.024 "Aya wi Tájana Nútiksarmek Yus Enentáimtustarum" waantu Enentáimtumasar nu titin nakitiaji. Yus nekas Enentáimtusmaajai kakaarme. Antsu nekas warastarum tusar wakeraji.

22

22:1b.2CO.022.001 Tuma asamtai, atak Kúntuts awajsaijrum tusan nakitiakun, "Atumí tunaari íwiartsurminin jeashtatjai" Tímiajai.

22:2b.2CO.022.002 Wi atumin Kúntuts awajkuncha, ṡyaki winia waramtikrusat? Aya atumek, wi nuik Kúntuts awajsamjarmena nuke waramtikrusminiaitrume.

22:3b.2CO.022.003 Wi jeakun Atumí tunaari íwiartsurminin Kúntuts Enentáimsaij tusan nakitiakun, nu papin aarmaj Nútiksanak aarmajai. Warí, atumketrume winia waramtikrustin.

22:4b.2CO.022.004 Nekaatarum. Nu papin aarmiajai. Kúntuts awajsatjarum tusan aarchamjai; antsu ti aneajrumna nu nekaatarum tusan wakerakun aatramajrume.

22:5b.2CO.022.005 Túrasha Kúntuts awajtusmia nu, aya Wíniak Kúntuts awajtuschamai. Antsu atumniasha ishichik Kúntuts awajtamsayi. Patasa chichasaij tusan "ishichik" tajai.

22:6b.2CO.022.006 Kame nu aishmankan iruntra chicharkarum Wáitkiasmarum nuke Máakete.

22:7b.2CO.022.007 Antsu yamaikia tsankuratniuitrume. Shiir Enentáimtikratniuitrume. Niisha Imiá Kúntuts pujus Nú arant Ajasáin tusarum Túratniuitrume.

22:8b.2CO.022.008 Túrakrum nii nekas anearmena nu paant iniaktustarum tusan seajrume.

22:9b.2CO.022.009 Kame "aajna nuna umirtukartimpiash" Tímiajai. Kame nuna nekaataj tusan wakerakun nu papin nuik aatramjarme.

22:10b.2CO.022.010 Atum tsankurearmena Nú shuaran wisha Núnisnak tsankureajai. Tura tsankuratin ákuinkia, wi tsankurajna nu Ashí atumnian Enentáimtusan, Kristu iimmianum Túrajai.

22:11b.2CO.022.011 Kame uunt iwianch Satanás iin emestampratajtsa wakerana nusha nékaji. Tuma asamtai, Túrawain tusar tsankuratniuitji.

22:12b.2CO.022.012 Krístunu shiir chichaman Trúas péprunam etserkatajtsan jean, ti pénker takastinian Wáinkiamjai.

22:13b.2CO.022.013 Túrasha ii yachi Titiun Wáinkiachu asan, shiir Enentáimsatniun tujinkiamjai. Tura asamtai Trúasnumia aentsun áujsan ikiukiaran Masetúnia nunkanam wémiajai.

22:14b.2CO.022.014 Kristu Jesusjai Yuska incha nupetmamtikramak ewekatmasuitji. Tuma asamtai Nincha ti shiir Yúminsa pujajai. Tura kukuj~i Kunkúakui, Ashí nékainia Núnisan ii etserkamujai Kristu shiir chichamen Yuska Ashí aentsun nekamtikiainiawai.

22:15b.2CO.022.015 Kristu iin pujurtamu asamtai Yusjai nekapsamka iikia Kunkúaji. Ii Kunkúajnia nuna uwemtikramu ainia nusha tura uwemtikrachma ainia nusha nekapramnia ainiawai.

22:16b.2CO.022.016 Menkakatniunam weena nuka ii Kunkúajnia nuna jakamnia mejea nekapramji. Tura iwiaaku átinnium weena nuka iwiaaku átin Kunkúa nekapramji. Maa, nu Túratniuncha ṡyaki Jeá?

22:17b.2CO.022.017 Kame Untsurí aents Kuítian achiktaj tusar Yusa chichamen yapajinia Núniskechuitji. Antsu Krístunu ajasu asar, Yus akupkamu asar, Yus iimmianum anantsuk esetsar étsereaji.

23

23:1b.2CO.023.001 ṡNu Tákurninkia, "ataksha ninki waantu Enentáimtumainiawai," tu Enentáimsarmek? ṡChíkich Túruinia Núnisrik, "Ju aishman nekas Yus-Chichaman etserin ainiawai" tusa Papí aarma atumin iniaktustinkiaitiaj~i? ṡChíkich iniaktustin Nú Papí atumin seatniukaitiaj~i?

23:2b.2CO.023.002 Atsá. Atumka ii papiria Núniskechukaitrum. Ii Enentáin nu Papí aarmaiti. Tura Nú Papí áujsatniua Núnisan Ashí aents Atumí Túramuri Wáinkiar ii etserkamaj nu, Papru nekas Yusa takatrin takaawai tusa nekaamnia ainiawai.

23:3b.2CO.023.003 Iis, Tátsujak. Papí aarma Núnisketrume. Nu Papí Kristu aarmaiti tura iisha Nú Papí atumin Súaji. Tíntiajainchu antsu iwiaaku Yusa Wakaníjiai aarmaiti. Kayanmasha aarchamuiti; antsu shuara Enentáin, auka, aarmaiti.

23:4b.2CO.023.004 Kame Krístunu asar, Yus Enentáimta asar, nusha Tíminiaitji, taji.

23:5b.2CO.023.005 Ju nékaji; imia iik penké tujinkiaitji. Antsu ii Túrajnia nu Yus ni kakarmarin Súramkurin Túraji.

23:6b.2CO.023.006 Yamaram chichaman Yus najanamia nuna, incha pénker etserkatniun suramsaitji. Yaunchu aarma chichamnum, Ashí takamtsuk umirkachrikia tuke jakamniuyaji. Antsu yamaram chichamnum, Yuska ni Wakaníjiai yamaram wekasatniun Súramji. Yusa kakarmarijiai nu chicham étserji.

23:7b.2CO.023.007 Yaunchu chichamnaka kayanam aar Yus Muisaisan susamiayi. Susamia nui, Muisaisa yapi ti wincha ajasmiayi. Túrunamtai Israer-shuar ni yapin iistinian tujinkiarmiayi. (Túrasha nu wincha mushatmaki wémiayi.) Túrasha nu chichaman shuar umirkatniun tujintiakui, nu chichamsha aya tuke Jákatniunam Shuáran ejemiayi. Túmayatan winchajai susamuyayi.

23:8b.2CO.023.008 Tura yamaram chichaman Yusa Wakaní Súramna nu, nujai nankaamas Shíiraiti.

23:9b.2CO.023.009 Kame mesertinnium ejeana Nú chicham winchajai susamuyayi. Tura nujai nankaamas Yúsnum ejeana Nú chichamka Yus iimmianum pénkeraiti.

23:10b.2CO.023.010 Iista; yamaram ana nu Imiá shiir asa, yaunchu wincha amia Núnaka mushatmamtikiui.

23:11b.2CO.023.011 Núkap arur pujuschamnia nu wincha áchamkia. Kame tuke átinia nuke nujai nankaamas Shíiraiti.

23:12b.2CO.023.012 Nu nékakur ti paant étserji.

23:13b.2CO.023.013 Muisais Túramia Nútiksarik Túratsji. Ii uuntri Israer-shuar ni yapin wincha ajas menkaan Wáinkiarain tusa tarachjai ni yapin Muisaiska nukumakmiayi.

23:14b.2CO.023.014 Tura nu arantcha Muisaisan anturkarmia nuna Enentáisha nukukmauyayi. Nekaatniun tujinkiarmiayi. Tura yamaisha Núnisan yaunchu aarma chichaman áujsam antukar nekaatniun tujintiainiawai. Kristu Enentáimtuschatin ni Enentáin nukukma nu Yapajiáchmaiti. Aya Krístujai nuka Yapajiámniaiti.

23:15b.2CO.023.015 Yamaisha Muisaisa aarmarin áujsar nékainiatsui, ni Enentáimmiari nukurkamu asa.

23:16b.2CO.023.016 Tura aencha ni Enentái Yapajiá Uuntna ajasmataikia ni Enentáimmiariya nukurkamu ana nu jusamuiti.

23:17b.2CO.023.017 "Uunt" Tájinia nu, Yusa Wakaníiti. Uunt Yusa Wakaní pujana nui ankant ajastiniaiti.

23:18b.2CO.023.018 Nuke asamtai, iisha ii yapi tarachjai nukukchamu asar íspikia Núnisketji. Uunt Kristu pénkeri iniakmaji. Kristu pénkeri Nú Núkap takaki wéakur, Krístujai métek ajastasa pujaji. Yusa Wakaníkia nuna Túrawai.

24

24:1b.2CO.024.001 Yus iin waitnentrama asa ni chichamen etserkatniun ataktamsaitji. Tuma asamtai yawetsuk takaaji.

24:2b.2CO.024.002 Uuka Túratin ana Nuyá tura natsanmai ana nuyasha kanakmiaji. Anankatai tusar wekaatsuji. Tura Yus-Chichamjai nakuratsji. Etserkur aya Yus-Chicham tana Núchik étserji. Ashí aents nuna antukar, "nekas Núiti Yus-Chicham" tiarat tusar Túraji. Wi Tájana nuna Yus nékawai.

24:3b.2CO.024.003 Uwempratin Chicham ii étserjinia nu Páantaiti. Ayatik menkakatniunam weena nu "Páantchaiti" Tuíniawai.

24:4b.2CO.024.004 Uunt iwianch, ju Nunká uuntri ana nu, nu aentsu Enentáin ukusturuiti. Uunt Krístunu shiir chichaman ii étsermajai Tsáapnin Enentáimprarain tusa ukustawai. Nu Kristu Yúsan ímiatrusan nakumui.

24:5b.2CO.024.005 Iisha étserkur, Jesukristu ii Uuntrinti tu étsereaji. Iikia Atumí uuntrintji Tátsuji. Antsu, Jesus ii uuntri asamtai, atumi Yáintrintji, taji.

24:6b.2CO.024.006 Yaunchu kiritin aan Yus Tsáapin ati tusa Tsáapnin awajsachmakia. Nú Yúsaiti ii Enentáin tsaapnin awajtamsamia nu. Nu tsaapnijiai ni shiirmarin, Jesukrístu iniakmia nuna, Ashí aents nekaawarat tusar Jesukristunun étsereaji.

24:7b.2CO.024.007 Nu Tsáapin Imiá pénker ana nuna ii ayashiin Yus ikiusuiti. Tura ii ayashi kakarmachu, nuwe najanamua aanin asamtai, Warí, kakaram ájinia nu Yúsnumiachukait. Ii ai nuna nekaawarat tusa Yuska ni Tsáapnintrin ii ayashiin ikiusuiti.

24:8b.2CO.024.008 Tuma asamtai ii itiurchatri árentmaku árinin tuke jiinkimniaitji. "Itiurkatjik" taji, Túrasha Yus Yáinmaji.

24:9b.2CO.024.009 Aents pataaturmainiakrincha Yus ikiurmatsji. Emesrataj Tukamá tujintiainiawai.

24:10b.2CO.024.010 Kame Krístun Máataj tusa tuke wakeriarmia Núnisan incha tuke mantamataj turamainiaji. Túrasha Jákachu asar Kristu kakarmari ii ayashiin iniakmaji.

24:11b.2CO.024.011 Iisha Jesusna ajasu asar wekaajnia nui tuke tsawant Tsúumainium jasattuk ajaji. Túrar ii ayashi jakamniaitiat nu ayashnium Jesusa iwiaakmari paant iniakmaji.

24:12b.2CO.024.012 Iisha Yus-Chicham étserkur ii ayashiin jasattuk ajaji, tuma ain atumsha umikiu asarum nekas iwiaaku atin Wáinkiarme.

24:13b.2CO.024.013 Yus-Papinium yaunchu aarmanum: "Yúsan Enentáimtusmajai, tuma asan etserkamjai" Tátsuk. Iisha Núnisrik Yus Enentáimtusar wekaaji. Tuma asar étserji.

24:14b.2CO.024.014 Yus kakarmaiti. Uunt Jesusan jakamunmayan iniantkimiayi. Incha Núnisan Jesusjai iniantamkittiaji. Tura atumjai métek ni pujamunam juramkittiaji. Nusha paant nékaji.

24:15b.2CO.024.015 Atumsha Untsurí aencha Yus-Chicham antukakrumin, Yus Yáinmakurme. Tuma asamtai atumsha Nútiksarmek Yus yuminsarum pujarme. Nujai Yusa naari uunt awajsamuiti. Nu nekaar Wáitsatin ashamatsji.

24:16b.2CO.024.016 Tura yaweatsji. Ii ayashi amuiki wéakuisha ii Enentáinkia yamaram ajaki wéawai.

24:17b.2CO.024.017 Warí, ukunam tuke shiir pujustatjinia nu Enentáimtakrikia, ju nunkanam Wáitiajnia nu, ti itiurchataitiat, aya yamaiya asa tiikia itiurchatchaiti, tura Wárik nankaamawai. Túrasha ii itiurchatrijiai Yuska ti shiir ana nuna amuukachmin ana nuna Núkap suramsattaji.

24:18b.2CO.024.018 Tuma asamtai Wáinjinia nu ti Enentáimtatsji. Antsu Wáintsujnia nu nekas Enentáimtaji. Wáinjinia nusha aya yamaiyaiti. Antsu Wáintsujnia nuka tuke amuukachminiaiti.

25

25:1b.2CO.025.001 Wats ju nékaji. Nayaimpiniam ii shiir pujustinian amuukachmin ayashin Yus najanamun ikiurtamsaitji. Aents najanachmaiti nu. Tuma asamtai ii ayashi emesnakuisha Warí itiurtamajia. Nuka aaka Núnisan amuukamniaiti.

25:2b.2CO.025.002 Ju ayashnium pujusar Wáitiaji, taji. Yamaram ayash nayaimpiniam pujana nu achiktai tusar wakeraji.

25:3b.2CO.025.003 Ayashtichu ajasaij tusar, yamaram ayashtin ajastaitsar wakeraji. Pushía Núnik yamaram ayash iin nukurmaktai tusar wakeraji.

25:4b.2CO.025.004 Tura jui ayashjai pujusar Wáitsar pujakur shiir Enentáimtsuji. Arut Pushí aiktinia Núnisrik ju ayash ikiuktiaitsar Tátsuji. Antsu yamaram Pushí entsartinia Núnisrik yamaram ayashnium tuke Pujusmí tusar taji. Iista, ju ayash amuukachminkiait. Yamaram ayashnium pujusar tuke iwiaaku pujustatji.

25:5b.2CO.025.005 Yamaram ayashintin ajastinian iwiarturmaruitjinia nu Yúsaiti. Tura nekas Túrattajai tusa ni Wakanin suramsaitji.

25:7b.2CO.025.007 Ju nékaji. Ju ayashnium pujajnia juinkia Uunt Jesusjai pujatsji. Tuma asamtai, Wáinjinia nu ti Enentáimtutsuk Yus Enentáimtusar tuke shiir Enentáimsar wekaaji.

25:8b.2CO.025.008 Tura ju ayashniumia Jíinkir Uunt Jesusjai tuke pujustaitsar wakeraji. Tura Túrattaji tu nékaji.

25:9b.2CO.025.009 Tuma asamtai ju ayashnium pujakrisha tura ju ayash ikiukrisha Uunt Jesus tuke waramtiksatai taji.

25:10b.2CO.025.010 Warí, ju ayashjai ii Túramajnia nu ujakam, "pénkeraiti", "yajauchiiti" Kristu turutit tusar, Ashí iisha Uunt Kristui jeatniuitji. Tura ii Túramujai métek akirmaktatji.

25:11b.2CO.025.011 Tuma asamtai ju nékaji: Uunt umirkashtin ti Tsúumainti. Nu nekaar Ashí shuar Yus-shuaran awajsataj tusar ti takaaji. Tura incha Yus nékarmaji. Tura ii Túramuri átumka Atumí Enentáin paant nékarme, tajai.

25:12b.2CO.025.012 Ataksha, "wi pénkeraitjai" tusar nu Tátsuji. Antsu, ii Túramu Nekáa asakrumin Enentáiniam ana nuna Enentáimtsuk aya Pátatkea nujai warainia Nú shuar tsanumprutmainiakui yaintkiatarum tusar taji.

25:13b.2CO.025.013 "Wáurkaiti" turamainiajiash. Nusha Warí, itiurtamajia. Ashí Túrajnia nu, Yus aneakur tura atumin Yáintai tusar Túraji.

25:14b.2CO.025.014 Kame Ashí ii Túrajnia nu Kristu anenkrattairijiai Túraji. Kame ju nékaji: Kristu Ashí shuaran jaruku asamtai, Yus iimmianum Ashí iisha jaka Núnisaitji.

25:15b.2CO.025.015 Kristu Ashí shuaran jaruk nantarkimiayi. Tuma asamtai Krístunam iisha iwiaaku pujajnia jui, iik wararmamtsuk, Kristu umirkatniuitji.

25:16b.2CO.025.016 Tura yamaisha aya ni ayashi iirsar, "nu shuar pénkeraiti" tura "nu shuar yajauchiiti," titin tujintiaji. Kame yaunchu aya ni ayashi iirsar "Kristu yajauchiiti" tu Enentáimsamiaji. Tura yamaikia Yapajiár, esetsar Enentáimkiur "Kristu Yusa Uchirínti" taji.

25:17b.2CO.025.017 Tuma asamtai, Krístunu Ajasúka yamaram najanamuiti. Yaunchu Enentáimtairi menkakayi. Antsu Núnaka iikias ni Enentáimtairi nekas yamarmaiti yamaikia.

25:18b.2CO.025.018 Nunasha Yus Túraiti. Iin nawampramkattsa Krístun akupturmakuitji. Tura nu etserkatniun incha ataktamsaitji.

25:19b.2CO.025.019 Yuska iin tunaarinniutin Asutiámatniun nakitiak Krístujai nawampramkamiaji. Tura incha Yus-shuartin nu ujaktinian ataktamsaitji.

25:20b.2CO.025.020 Krístunu ataksamu asar, Yuska "winia Uchirjai nawamnaikiatarum" tusa ii wenejai atumin seatmarme. Tuma asakrin, Kristu Náariin "Túratarum" Tájarme.

25:21b.2CO.025.021 Krístuka tunaan penké Túrachmiayi. Túmanak ii tunaariin Yus Krístun makuumiayi. Nuna tura Krístunam makuuchmin awajtamsamiaji.

26

26:1b.2CO.026.001 Ni Papiriin Yus yaunchu Isayasan juna Tímiayi: Tsawant jeamtai, ame seatmena nuna anturkamjame. Uwempratin tsawant jeamtaisha yainmajme. Wats yamaikia Yus seatin jeayi.

26:2b.2CO.026.002 Yamái Yúsnum uwempratin jeayi. Tuma asamtai, iikia Yusa takatrin pachitkiajnia nu, Yusa anenkrattairi pénker achiktarum tusar seajrume.

26:3b.2CO.026.003 Tura "Papru etserkamuri ántraiti" Tíarain tusar Chíkich yajauch Enentáimtiktsuk pénker wekaaji.

26:4b.2CO.026.004 Nekas Yusa takarniurintji nuna paant nekaawarat tusar Wáitiayatrik, atsumayatrik, itiurchatnum pujayatrik shiir katsunteaji.

26:5b.2CO.026.005 Ju itiurchat Wáinkiamji: katsumpramkarmaji; sepunam Enketmáwarmiaji; Charáa-Charáa awajtamiarmiaji; takatcha ti itiurchat takasmiaji; kanutsuk pujumiaji; tura tsukasha ti tsukammiaji.

26:6b.2CO.026.006 Tunáa nakitrar wekaaji; Yus-Chicham Unuimiátraitji; shiir Enentáijiai katsuntrar wekaaji. Chíkich shuar pénker awajeaji; Yusa Wakaní pujurtamkurin shuar nekas aneaji;

26:7b.2CO.026.007 nekas chicham ana nu étsereaji; tura Yusa kakarmarisha Nú paant iniakmaji. Tura ni nemasrin nupettukain tusa suntar ni tantarin Júana Núnisrik iisha ii nemasri íwianch nupettamkaij tusar ii Yusri tuke umirkar wekaaji.

26:8b.2CO.026.008 Shuar shiir Enentáimturmainiakrincha, yajauch Enentáimturmainiakrincha, pénker chichartamainiakrincha, yajauch chichartamainiakrincha tuke Yusjai shiir wekaaji. "Wáitruiniawai" turamainiakrincha tuke nekas chichaaji.

26:9b.2CO.026.009 "Nu aents nékatsji" turamainiakrincha Yusnumka nékanji; Jákatin Tsúumainnium wekayatrik tuke iwiaaku pujaji; Asutiámuitiatrik mantamnatsji. Yusa takarniurintiaj nu Ashí nujai paant nekaamniaiti.

26:10b.2CO.026.010 Kúntuts pujayatrik ii Enentáinkia waraaji; Kuítrinchaitiatrik Chíkich shuar Kuítrintin awajeaji; penké takakchiatrik Ashí Wáinji.

26:11b.2CO.026.011 Yatsurtiram, Kurintiunam pujarmena nu, Ashí paant ujakchamkajrum. Ti aneajrumna nu nékarme.

26:12b.2CO.026.012 Wikia atumin paant chichastajtsan wakerajrume; antsu átumka anenttsuk paant chichastin nakitrarme.

26:13b.2CO.026.013 Winia uchirua Núnisnak chichaajrume; wi tuke paant chichaarjarmena Núnisrumek atumsha Atumí Enentáin ana nu, paant ujatkatarum tusan seajrume.

26:14b.2CO.026.014 Yus-shuar Yus-shuarchajai tsaninktinian Enentáimsashtiniaiti. Warí, ṡYusan umirna Nú shuar, iwianchin umirna Nú shuarjai métek Enentáimiainiawak? ṡTsáapnisha kiritjai Máimtek áminkiait?

26:15b.2CO.026.015 ṡKrístuka uunt iwianchjai nawamnaikiamniakait? ṡYus-shuar Yus-shuarchajai tsanin shiir pujusminkiait?

26:16b.2CO.026.016 ṡIwiaaku Yusa jeencha ántar-yus pujustinkiait? Tura atumsha iwiaaku Yusa jéentrume. Yus Ninki ni Papiriin juna Tíchamka: Niijiai tsaninkia pujusan, niijiai wekasartatjai tura ni Yusri átatjai; tura niisha Wíi aents ajasartatui.

26:17b.2CO.026.017 Tuma asamtai junasha Tímiayi: Nii matsatainia Nuyá Jíinkitiarum, tura niiya kanaktiarum, tawai Uunt Yus; tura yajauch ana nu antinkiairap. Túrakrumninkia awayattajrume.

26:18b.2CO.026.018 Tura Atumí Apari átatjai; átumka winia uchir átatrume. Nuna Wi Imiá kakaram uunt Yus asan tajai. Tu aarmaiti.

27

27:1b.2CO.027.001 Tuma asamtai aneamur yatsurtiram, nusha, Yus Tímia nu, iin Túramji. Nu tuma asamtai ii ayashi tura ii Enentáisha yajauch ajasain tusar, Ashí Tunáa ana Nuyá kanaktiniaitji. Túrar "Yusak nekas ii uuntrinti" takur, ii ayashisha, ii Enentáisha takamtsuk tuke tsawant Yus iiktustiniaitji.

27:2b.2CO.027.002 Ataksha nawamnaikiatai. Iikia shuar yajauch awajsachmaji; yajauch jintintrachmaji; anankachmaji.

27:3b.2CO.027.003 Makuutai tusan nuna Tátsujai. Antsu nuik Tíchamkajrum, iwiaaku pujakrisha jakarsha átumka ii Enentáin áchitkiarme.

27:4b.2CO.027.004 Araantutsuk aatjarme; shiir Enentáimjai. Itiurchatnum pujayatnak, atumin Enentáimtusan Enentairuí kakaram Enentáimsan waraajai.

27:5b.2CO.027.005 Jui Masetúnianum penké ayamprachmaji. Antsu ti Wáitsamji. Aentsnumia itiurchat Wáinkiamji, tura ii Enentáijiainkia ashamkamji.

27:6b.2CO.027.006 Tura Kúntuts pujakrincha Yus Ikiakátmartinian nékawai. Tuma asamtai Titiún akupturkamai. Nujai winia Enentáirun Ikiakármai.

27:7b.2CO.027.007 Tura átum nii Ikiakármarumna nuna Titiu ujatkamai. Nuna antukan ti warasmajai. Títiuka átum iirsatin wakerarmena nuna ujatkamai; Túrunamia nuna Kúntuts Enentáimmiarumna nusha, tura winia anentu asarum Enentáimturumna nuna ujatkamai. Nuna antukan Nú nankaamas warasmajai.

27:8b.2CO.027.008 Papí nuik akupkamaj nu áujsarum Kúntuts Enentáimprarme; Núnaka nékajai. Túrasha ii akupmainchu Túraitjai Tátsujai. Eta, nuikkia Tímiajai, Túrasha yamaikia Tátsujai. Papí áujsarum ishichik Kúntuts Enentáimprarumna nuna nekaan waraajai.

27:9b.2CO.027.009 Kame Kúntuts Enentáimprakrumin waraatsjai. Antsu Atumí tunaari nekaarum Kúntuts Enentáimprarum Atumí Enentái Yusjai Yapajiá asakrumin nuna nekaan waraajai. Kame Yus wakerana Nútiksarmek Kúntutsrum katsuntearme; tuma asamtai iikia nu papijiai yajauch awajsachji.

27:10b.2CO.027.010 Nekaatarum. Yus wakerana Nútiksan Kúntuts katsunteakka ni Enentái Yúsnum Yapajiáwai. Nuinkia ni Tunaaríya uwempraiti. Nuka "Túrumainchu Túraitjai" Tíchamniaiti. Antsu Yusan Enentáimtutsuk Kúntuts pujakka ni Enentái Yapajiáshtatui; Yapajítsuk ni Tunaaríya uwemtsuk jakattawai.

27:11b.2CO.027.011 Tura iistarum; Yus wakerana Nútiksarmek Atumí Kúntutsri katsuntearme. Tuma asarum wi aatjarmena nu esettsarum Enentáimtusurme. Atumí Túramuri ujatkatajtsa wakerimiarme. Tura nu Tunáa nakitramarme; tura ashamkamarme. Tura yajauchin Túramia nu Asutiámarme. Tura winia anentu asarum wi timia Tímiatrusrumek turatai tusarum ti wakerimiarme. Nu tura asakrumin pénker Túrarmena nu, paant iniakmarme.

27:12b.2CO.027.012 Kame yajauchin Túramia nuna ni tunaarin iniaisat tusan wakerakun, tura Wáitias pujumia nu atak shiir Enentáimsati tusan wakerakun nu papin aatramjarme. Tura Nú nankaamas átum Yúsnum iin anearmena nu nekamatarum tusan aatramjarme.

27:13b.2CO.027.013 Atum umikiu asarum waraakrumin iisha shiir Enentáimji. Tura shiir itiaamarumna nuna Titiu waraak ujatkamtai Nú nankaamas shiir waraaji.

27:14b.2CO.027.014 Atumin shiir Enentáimtajrumna nuna Titiun ujakmajai. Tura nuna nekas aan Titiu nekaamai. Tuma asamtai atumin natsantrachmajrume. Kame atumin tuke nekas ana nuna Tímiajrume. Núnisan atumnian Titiun Tímiaj nusha nekasauyi.

27:15b.2CO.027.015 Tura Títiuka atumin Enentáimturmas ti waraawai. "Jiatmaktajtsa winiatsuash" tusarum ti ashamkachurmek. Túmayatrum, nii pénker tati tusarum pachischarme. Tura nii taa seatmarma nu umikiurme. Títiuka nuna Enentáimias waraawai.

27:16b.2CO.027.016 Tura wikia, átum pénker Túramurmin nekaan tura pénker Túrawartatui tu Enentáimsan waraajai.

28

28:1b.2CO.028.001 Yatsurtiram, Masetúnia Núnkanmaya Yus-shuaran Yus waitnentainia nuna Yamái ujaktatjarme.

28:2b.2CO.028.002 Ti itiurchatnum nekapsamu ainiawai. Túmayatan warainiawai. Tura ti Kuítrincha ainiayatan emeentutsuk Kuítrinniua Núnisan suiniawai.

28:3b.2CO.028.003 Juna wi paant nekaan ujaajrume. Niisha wakeramujai Súsatniun jeainia nuna Súiniawai; tura Nú nankaamassha Súiniawai.

28:4b.2CO.028.004 Yus-shuaran Kuítrinchan Súsartaitsa ti wakeruiniak, nu Túratniun ti seatmarmaji.

28:5b.2CO.028.005 Tura ii Enentáimmiaj Nú nankaamas Túrawarmiayi. Emka Yúsnum ninki sumamawarmiayi. Tura Yusa wakeramuri Túrattaji tusar incha "Yáintajrume" turammiaji.

28:6b.2CO.028.006 Tuma asamtai, "Masetúnia nunkanam kuit Júuktin nankamamamna nu, Kurintiu peprunmasha amukta" tusar Titiu seamiaji.

28:7b.2CO.028.007 Atumsha Ashí pénker Túratin ti nékarme. Yus Enentáimtustincha, unuiniartincha, ju nunkanmaya nekaatniusha, iin aneatniusha nuka Ashí nékarme. Wats, jusha Túratarum. Yus-shuar Kuítrincha ainia nu achikiarat tusarum Titiu Támatai Núkap susatarum.

28:8b.2CO.028.008 Kame Atumí uuntria Núnisnak akupeatsjarme, Túratniuitrume tusan. Antsu Chíkich shuar ni Kuítrin susartasa ti wakeruinia nuna atumin ujakan, Atumí anenkrattairi nekaspashi tusan nekapsatajtsa pujajai.

28:9b.2CO.028.009 Ii uuntri Jesukrístu waitnenkartutairi nékarme. Ashí takakuyayi, tura atumin anenma asa Kuítrincha Núnisan ajasmiayi. Ju nunkanam Kuítrincha Núnis ajasmatai átum nayaimpiniam Kuítriniak tusa Túramiayi.

28:10b.2CO.028.010 Juna Enentáimjai. Nuik uwitin, "Yáintatji" Tíchamkarum. Tura nu Túratin ti wakerimiarme.

28:11b.2CO.028.011 Nankamamarmena nu yamaikia amuktarum. Nuik ti wakerimiarmena Núnisrumek yamaisha Súsatin jearmena nu susatarum.

28:12b.2CO.028.012 Iistarum. Ni Kuítrin Yúsan nekas susatajtsa wakerakuinkia, nii jeana nuna susat tusa Yus wakerawai. "Jeana Nú nankaamas susati" Tátsui Yus.

28:13b.2CO.028.013 Chíkich ti Núkap susarum atumnia Táasat tusan Tátsujai.

28:14b.2CO.028.014 Antsu Ashí métek takusarat tusan tajai. Iis atumsha yamaikia ti nukap takakrume; nujai atsuma nu Súsatniuitrume. Ukunam Chíkich tsawantai átum atsumashtarmeash. Nuinkia niisha atumin suramsarti. Nu Túratin ákuinkia Ashí métek takustin átatui.

28:15b.2CO.028.015 Yusa Papiriin yaunchu aarman Núnis Tátsuk: Núkap takusmia nu ampirchamiayi; tura ishichik takusmia nu atsumachmiayi.

28:16b.2CO.028.016 Tura wi aneajrumna Núnisan atumin aneatniun Yus Titiun susamiayi. Tuma asamtai Yúsan yuminsan pujajai.

28:17b.2CO.028.017 Iis, wi takui wétinian wakerimiayi. Tura Nú nankaamas, atumin anenma asa, ni Enentáijiain wéawai.

28:18b.2CO.028.018 Tura Chíkich Yus-shuar Titiujai akupkatajtsa pujaji. Nu shuar Yusa Chichamen ti penker etserainakui, Ashí Yus-shuar iruntramunam niin pénker áujmatainiawai.

28:19b.2CO.028.019 Tura Nú shuarnaka ii tsaniakmari Atí tusar Ashí Yus-shuar iruntramunam nuna anaikiarmiayi. Iijiai Kuítian jukiarti tusar anaikiarmiayi. Iis Yusa Náarin Ashí aents uunt najanawarat tusar tura Ashí shuar Atumí tsankarin nekaawarat tusar nu takat Túratsjik.

28:20b.2CO.028.020 Iis, ju kuit ii jukittiajnia nu, Núkap asamtai, aents tsanumprutmawaraij tusar, Titiujai tura ju shuarjaisha wéaji.

28:21b.2CO.028.021 Yus iimmianumsha, aents iimmianumsha ii naka wekaajnia nuna nekaawarat tusar Túraji.

28:22b.2CO.028.022 Nu Jimiará shuarjai Chíkich Yus-shuar akupeaji. Yusa takatrin takastasa ti wakerana nu nekas nékaji. Tura átum Yáintin ti wakerarmena nuna Nekáa niisha atumiin jeataj tusa ti wakerawai. Nuna Túmak Yusa takatrin takastinian wakerana nuna paant iniakmawai.

28:23b.2CO.028.023 Tura aisha Chíkich shuar Titiun nekaataitsar anintruiniakuisha, "Titiu Papru tsaniakmarinti. Incha Yáinmaktajtsa Páprujai takaawai" titiarum. Chíkich Yus-shuaran nekaataitsar anintruiniakuisha, "Yus-shuar akupkamu ainiawai, tura Kristu Náarin shiir awajin ainiawai" titiarum.

28:24b.2CO.028.024 Tura Atumí anenkrattairi Ashí Yus-shuar nekaawarat tusarum, nu shuar pénker itiaatarum. Nu Túrakrum, atumnia ii shiir Tímiaj nu nekasaiti tu iniaktustatrume.

29

29:1b.2CO.029.001 Kame átum Yus-shuar Kuítrincha Súsatin wakerarme; nuna nékajai. Tuma asan Núnaka aatrachminiaitjarme.

29:2b.2CO.029.002 Atumsha Súsatin wakera asakrumin wi nunasha shiir Enentáimsan, "Akaya nunkanmaya shuar nuik uwitinia wakerusmatak Yáintinian wakeruiniawai" tusan Masetúnianmaya Shuáran ujaajai.

29:3b.2CO.029.003 Tura "Kuítniasha Súsatniun ti wakeruiniawai" Tímiaj nuna, "Wáitiaiti" Tíarain tusan nakitiajai. Tuma asan, kuit susatajtsa wakerarum nu iwiaratarum tusan nu menaintiu Yus-shuaran nuna Yáinmakarat tusan emka akupenajai.

29:4b.2CO.029.004 Wi ukunam Masetúnianmaya shuarjai atumiin jean, kuit Súsatin Tímiarmena nuna iwiarachman Wáinkian natsaraij tusan, tura atumsha natsarairum tusan Túrajai. Warí, "Súsatniun ti wakeruiniawai" tuke tu wéatsjak.

29:5b.2CO.029.005 Nu tuma asamtai, au takui Súarme tu Enentáimsarain tusan ju Yus-shuaran emka akupenajai. Niisha nu Kuítian iwiaratniun Yáinmakarti, tajai. Nuinkia wisha Masetúnianmaya shuarjai ukunam jeawakrin, nu kuit atumsha nekas Atumí Enentáijiain~ki Súsatin wakerarmena nu nekaamnia átatui.

29:6b.2CO.029.006 Tura junasha paant Tájarme: ishichik araana nu ishichik Júuktatui. Núkap araana nusha Núkap Júuktatui. Kuit Súsatniusha Núniskete.

29:7b.2CO.029.007 Tura Ashí shuar ni Enentáin Enentáimsana nunak susati. "Nakitiayatnak susatjai" Tíchamniaiti. "Turutainiakui susatjai" Tíchamniaiti. Shiir Enentáimias Súana nuna Yuska shiir Enentáimtawai.

29:8b.2CO.029.008 Ashí pénker ana nuna suramsatniun Yus tujintiatsui. Nujai átum atsumashtatrume. Tura chikichan Yáintin Núkap takustatrume.

29:9b.2CO.029.009 Yus-Papinium ju aarma awai: Kuítrinchan Núkap susayi; nuna tura, tuke Túratin átatui.

29:10b.2CO.029.010 Arakmaun araakan Súana nusha Yúsaiti. Tura yurumkan Súana nusha Yúsaiti. Niisha átum pénker araatniun suramsattarme. Tura araarumna nujai pénker Túratarum tusa araakrumin ipiampartatui.

29:11b.2CO.029.011 Tuma asamtai Núkap juukma takaku asarum, Núkap Súsatin jeattarme. Nuinkia Súarmena nuna ii uwejeyan Chíkich Yus-shuar achikiar Yúsan yuminsartatui.

29:12b.2CO.029.012 Warí, ju kuit Yus-shuar Kuítrincha Súakrin ni atsumamurincha atsumachartatui. Tura Nú nankaamas Yúsan ti yuminsartatui.

29:13b.2CO.029.013 Nu shuar Yáintai tusarum tura Ashí Yus-shuar yaintai tusarum Súatsrumek. Nujai Kristu shiir chichamen umiarmena nuna nékainiawai. Tura Kuítrum emeentutsuk sua asakrumin niisha Yusa Náarin uunt awajsartatui.

29:14b.2CO.029.014 Kame Yus atumin ti waitnentramainiakui Kuítrum Súatsrumek. Sua asakrumin nu shuar atumin ti anenmainiak Yúsan áujturmasartatui.

29:15b.2CO.029.015 ḂTura Ashí iisha ii Yusri ti yuminsatniuitji! ṡIn Súramjinia nuna yaki Jintíartinian Jeá?

210

210:1b.2CO.210.001 Wats, "Papru iijiai pujak péejchach ajawai, tura Yajá pujak kakaram chichaawai" Chíkich shuar turutainiatsuk. Kame imia wiki Papru Kristu anenkartutairijiai juna seatjarum tusan pujajai.

210:2b.2CO.210.002 Atumí weatkamuriya shuar chichainiak "Papru ni tsaniakmarijiai ju nunkanam akupin ajastai tusar wakeruiniak jintintiainiawai" turutainia nuna Kíishtumaktajtsan Enentáimjai. Wisha atumiin jean kakaram chichaschataj tusan, nu antukairap tu seajrume.

210:3b.2CO.210.003 Aentstanka nunkanmaya aentsuitji, Túrasha Jú aents maania aintsar Máaniatsji.

210:4b.2CO.210.004 Ju nunkanmaya nankijiai Máaniatsji antsu ii nankiri Yusa kakarmarinti. Nujai iwianchi kakarmari Núpeteaji.

210:5b.2CO.210.005 Ju nunkanmaya aentsu Jintíamurinkia tura waantu Enentáimtumamurinkia, Yus nekaatniun itit awajea nuka, nu nankijiai Núpeteaji. Tura Ashí ju nunkanmaya Enentáimsatin yapajniak, emetamu aintsan, Kristun umirkarat tusar nu nankijiai Núpeteaji.

210:6b.2CO.210.006 Nekas umirkatin átum jeawakrumninkia nuinkia umirkatniun tuke nakitiainia nu, Yusa kakarmarijiai Asutiáttaji, tajai.

210:7b.2CO.210.007 Atumsha aya Pátatek ana nu iiyarme. Wats, shuar nekas Krístunu ajasman nekamaka, Núnisan winiasha Krístunuiti tu Enentáimtursatniuiti.

210:8b.2CO.210.008 Yusa kakarmarijiai akupeaji tuke Tákuncha natsaamatsjai. Nu kakarman atumin pénker jintintiatarum tusa Kristu suramsaitji. Kame atumin emesratniun suramsachuitji.

210:9b.2CO.210.009 "Ni aarmarijiai awaktamkatajtsa wakerutmaji" Tátsurpash. Núchaiti.

210:10b.2CO.210.010 "Papru aarmari ti kakaram ainiawai, tura jui pujak kakarmachuiti; tura etserkatniuncha nékatsui" turutainiawai.

210:11b.2CO.210.011 Wats, tuinia nuka junasha nekaawarti. Yajá pujakur kakaram aajinia Núnisrik atumjai pujakrisha kakaram Túrattaji.

210:12b.2CO.210.012 "Wiki Imiá pénkeraitjai" tuinia nujai méteketji Tátsuji. Ní shuaraitji Tátsuji. Warí, niisha imia ninki nekapmamainiawai. Tura ni ai iisar "nu nankaamas pénkeraitjai" tu wéenawai. Nuna Túruiniak netse Túruiniawai.

210:13b.2CO.210.013 Antsu iikia, ii nekamatin jeajnia Nú nankaamas waantu ajaschattaji. Ii takastatjinia nui Yus Ninki jintintramji. Nu arant wéatsji. Kame atumiin takastinian Yus tsankatramkaitji.

210:14b.2CO.210.014 Tuma asamtai, Tájinia nu Yus tsankatramka Nú iniankas Túratsji. Warí, iisha emka Kristu chichamejai Atumíin jeachmakaj~i. "Emka jeamji" Tájinia nu ántrar Tátsuji. Kame Yus tsankatramakrin jeamji.

210:15b.2CO.210.015 Chíkich takasmanum iikia waantu Enentáimtumasar, "ii takatrinti" Tátsuji. Antsu Yamái Enentáimtarmena Nú nankaamas Yus Enentáimtustarum tusar wakeraji. Nu Túrakrumninkia Atumíin tuke takasminiaitji.

210:16b.2CO.210.016 Nuyasha Chíkich takaana nui takatsuk átum pujarmena Nú arant pujuinia nusha Yus-Chicham ujaktaj tusar wakeraji. Nu Túrar Chíkich shuar takasma "íiniuiti" Tíchattaji.

210:17b.2CO.210.017 Tura pénker Enentáimtumastaj tusa wakerakka, Yúsnaitjai tusa pénker Enentáimtumasti.

210:18b.2CO.210.018 Warí, ninki "pénkeraitjai" tumamna nuka anturkachminiaiti. Antsu Uunt "pénkeraiti" tana Nú shuar nekas pénkeraiti.

211

211:1b.2CO.211.001 Waurua Núnisnak chichastatjana nu anturtukaintrumeash. Ee, anturtuktarum tusan seajrume.

211:2b.2CO.211.002 Atumniasha Krístunak anajmamtikrajrume. Tura nuwa Chíkich aishmankan nékatsuk ni aishrijiain~ki nuatnaiya Núnisrumek átum chikicha chichame umirtsuk aya ni chichamen~ki umiakrumin Krístuí ejetaj tusan wakerajrume. Nuna Túrataj tusan atumin akasmatajrume. Nu akasmaktinian Yus surusuiti.

211:3b.2CO.211.003 Túrasha íwianch ni nekatairijiai emka nuwa Epan anankamia Nútiksan atumniasha Yusa jintiya awajimtikramar Kristu aneashtinian Enentáimtikramprarmatai anankamu airum tusan tsuutajrume.

211:4b.2CO.211.004 Warí, Chíkich shuar Jesusnan Nusháa étserkamujai Táiniakuisha pénker ántarme. Tura Nusháa wakan achikiam, Nusháa chichamjai uwempramniaiti tu etserainiakuisha, nekasapitia Tárume.

211:5b.2CO.211.005 Kame "Yúsnumia akatramu asar etserkatin Imiá nékaitji" tuinia nujai nankaamas nékaitjai, tu Enentáimjai.

211:6b.2CO.211.006 Ti pénker chichastinian nékachiatnak winia nekaatairsha taamtsui. Núnaka ii Túramurijiai tuke paant iniakmaji.

211:7b.2CO.211.007 "Akirkata" Tútsuk Yus-Chichaman atumin ujakmajrumna nui ṡTunáa Túrajak? Atum ankant ajastarum tusan wikia péejchach ajasu asan, "etserkamunam akirkata" Tíchamjarme.

211:8b.2CO.211.008 Antsu atumin Yáintaj tusan pujakun Chíkich Yus-shuarnumia Kuítian suruiniakui achikmiajai. Nuna Túran ni Kuítrin emeentukmiajai.

211:9b.2CO.211.009 Tura atumjai pujusan atsumaknasha atumniaka seachjarme. Masetúnianmaya Yus-shuar taar, wi atsummiajna nuna surusarmiayi. Nu tuma asamtai Tájarme, seachjarme tura seashtatjarme.

211:10b.2CO.211.010 Ashí Akaya nunkanam nuna ujaktinian suritrukchartatui. Nuna Tákun Kristu nekasrijiai tajai.

211:11b.2CO.211.011 ṡUrukamtai nuna taja? ṡAtumin aneachu asanak taja? Atsá. Aneajrumna nuna Yus nékawai.

211:12b.2CO.211.012 Túrasha wi Túrajna nuna tuke turu wétatjai. "Papru Túrana Núnisrik Túraji" tuinia nuna Tíarain tusan Túrattajai.

211:13b.2CO.211.013 Warí, niisha Yúsnumia akatrachma ainiawai. Anankartin ainiawai. "Kristu akatramurintji" Tumá átaj tusar wekainiawai.

211:14b.2CO.211.014 Nusha urukaku Túmait Tíchamniaiti. Warí, imia Satanáskesha "nayaimpinmaya akatramuitjai" Tumá átaj tusa wekaatsuk.

211:15b.2CO.211.015 Nuinkia imia ni suntarisha pénkeran Túrawai Tumá atai tusar wekasachartinkiait; Túrasha ni amuamurinkia Tunáa Túriarma nujai métek Nekapmá Asutiátin átatui.

211:16b.2CO.211.016 Ataksha Tájarme "Wáurkaiti" tu Enentáimtursacharti. Kame "Wáurkaiti" tu Enentáimturiatrumek, chichastin tsankatruktarum. Ishichik waantu Enentáimtumastaj tusan wakerajai.

211:17b.2CO.211.017 Tura waantu Enentáimtumastaj Tájana nu, Uunta tsankatramurijiai Tátsujai. Antsu waurka Núnisnak chichaajai.

211:18b.2CO.211.018 Untsurí ju nunkanam uunt ajasar ti waantu Enentáimtumainiakui wisha ishichik waantu Enentáimtumastatjai.

211:19b.2CO.211.019 Imiá nékayatrum waurka ainia nu shiir Enentáimtusrum ánturearme.

211:20b.2CO.211.020 Niisha atumin takamtikramainiakuisha, kasartamainiakuisha, Atumí nérenniuri ajainiakuisha, yajauch chichartamainiakuisha, yapimin awattamainiakuisha Ashí nu katsuntearme.

211:21b.2CO.211.021 Natsamayatnak Tájarme Ḃiikia nu Túratin kakarmachuuji! Wats, niisha araanainiatsna nuna wisha araantatsjai. (Waurka Núnisnak chichaajai.)

211:22b.2CO.211.022 Niisha Ipríu-shuar ainiakuisha wisha Núnisnak Ipríu-shuaraitjai. Israer-shuar ainiakuisha wisha Núnisnak Israer-shuaraitjai. Apraáma weeatri ainiakuisha pai, wisha Núnisnak.

211:23b.2CO.211.023 Kristu takarniurintji, tuiniawai. Wikia aujai nankaamasaitjai. Kame nuna Tákun waurka Núnisnak chichaajai. Kame niijiai nankaamas takasuitjai; niijiai nankaamas Asutiámuitjai; niijiai nankaamas sepunam enkeamuitjai; ti Núkap Jáninkiamjai.

211:24b.2CO.211.024 Israer-shuar Chikichkí achirkacharmai. Antsu Tímiajni senku jea achirkarmai. Tura emka achirkarmia nui awa-awatatkua trainta nuiwi ejeyarmiayi. Tura nu Tímiajni senku jea achirkarmia nuisha Nútiksan nujai métek awatturarmiayi.

211:25b.2CO.211.025 Numijiai Menaintiú awatturarmai. Kayajaisha mantuatai tusar Chikichkí tukurarmai, kanusha Menaintiú wayamai wi enkempran wekaimiaj nui. Tura nayaantsanam ajapén chikichik kashi nui pujusan tsawarmajai tura nu tsawantcha tuke pujusmajai.

211:26b.2CO.211.026 Ti nukap wekasaitjai. Tura Entsá wekasan Tsúumainian Wáinkiaitjai. Tura kasa shuarjaisha, Wíi shuarjaisha tura yajaya shuarjaisha Tsúumainian Wáinkiaitjai. Péprunmasha, kampuniunmasha, nayaantsanmasha Tsúumainian Wáinkiaitjai. Wait Yus-shuarsha yajauch awajtustaj tusar wakeriarmai.

211:27b.2CO.211.027 Itiurchatnasha ti Wáinkiaitjai; takatnasha ti takasuitjai. Ti Untsurí Kánutsuk pujusuitjai. Tsukamaknasha, kitiamaknasha Wáitsaitjai. Ti ijiarmaitjai. Pushir Táasmatai Tsetsekruí Wáitsaitjai.

211:28b.2CO.211.028 Tura nuna nankaamas, kaarka kijin Júkitniua Núnisnak Yus-shuar pénker wekainiawash tusan Ashí tsawant ti Enentáimsan pujajai.

211:29b.2CO.211.029 Chikichik Yus-shuar kakarmachu pujakui wisha kakarmachu nekapeajai. Shuar chikichan tunaanum ajuawarmatainkia wisha natsamakun kajekan Wáitiajai.

211:30b.2CO.211.030 Maa, waantu chichastin ákuinkia, antsu winia kakarmachu awajtuinia nuna ujakan waantu ajasaintjai.

211:31b.2CO.211.031 Yus, ii Uuntri Jesukristu Apari ana nu (ni naari tuke shiir awajsamu Atí) wi Wáitratsjana nuna nékawai.

211:32b.2CO.211.032 Tamasku péprunam pujai nu nunkanmaya akupin winia Jinkiá juruktiaj tusa wakerak pepru tanish téntakma Wáitiriin suntaran apujsamiayi. Aretas uunt Kapitián pujai Túramiayi.

211:33b.2CO.211.033 Túrasha uunt chankinnium enketawar pepru aa tanishri aankamunam jiiki itiararmiayi. Tu uwempramiajai.

212

212:1b.2CO.212.001 Kame wiki shiir chicharmamsatniun nakitiajai. Túmayatnak iimiarjana nuna tura uunt Yus iniaktursamia nuna ujaktiniaitjarme.

212:2b.2CO.212.002 Krístun umirin ana Nú aishmankan nékajai. Nu aishman Jimiará nayaimpin nankaikin Menaintiú nayaimpiniam junakniuiti. Nusha katurse Uwí nankaamasuiti. Kame ayashtiuk wakaashit, tura ayashtichu wakaashit. Núnaka nékatsjai; aya Yúsak nékawai.

212:3b.2CO.212.003 Tura nekas junakniua Núnaka nékajai. Ayashtiuk wakaashit, ayashtichu wakaashit, Núnaka aya Yúsak nékawai.

212:4b.2CO.212.004 Yus-shuara Wakaní shiir pujutainium junakmiayi. Nuisha paant awajsachmin ana nuna antukmiayi. Nii antukmia Nú chicham paant awajsatniun suritkiamuiti.

212:5b.2CO.212.005 Nu aishmanka Túrunamuri nankaamakuiti tajai. Tura wikia nankaamakuitjai Túmamtsuk, kakarmachuitjiana nuna paant ujaajai.

212:6b.2CO.212.006 Nankaamakuitjai Túmamtiaj tusan wakeraknaka nekas Tíminiaitjai, ántran Tíchaintjai. Túrasha Túratsjai. Winia Túramuruk Wáinkiarum winia chichampruk antukrum, waritia Enentáimsarum nujai métek Enentáimtursatarum tusan wakerajai.

212:7b.2CO.212.007 Wi nayaimpiniam Wáinkiamajna nu Timiá pénker asamtai ántar waantu Enentáimtumaschatniun, janki mesertinia Núnisan winia ayashrui najaimiatniun sunasmiajai. Nuka wi Wáitsatin Satanásnumia akupkamuiti.

212:8b.2CO.212.008 Nuka jurutkitia tusan Uuntan Menaintiú seamjai.

212:9b.2CO.212.009 Tuma ain Uunt winia turutmiayi "Atsá. Jaa pujayatmek winia waitnenkartutairjai shiir pujame. Shuar kakarmachun winia kakarmarun Wi suakui Ashí aents nu shuara ayashiin winia kakarmarun Wáiniainiawai." Tuma asamtai, Kristu kakarmari winia ayashrui paant ati tusan kakarmachuitiatnak araantatsjai.

212:10b.2CO.212.010 Tuma asamtai, wi Krístun aneakui shuar katsekruiniakuisha, kajertuiniakuisha, winia Kuítrusha, kakarmarsha atsain waraajai. Kame Ashí itiurchat ana nui kakarmachuitiatnak kakaram nekapeajai.

212:11b.2CO.212.011 Wi "pénkeraitjai" Túmamkun waurua Núnisnak chichaajai. Tura atumsha winia pénker chichartusminiaitiatrumek, Túrachu asakrumin tu chichasjai. Warí, wi penké ántraitiatnak, "ti pénker akatramuitji" tumamainia Nú nunkaachichuitjai.

212:12b.2CO.212.012 Atumjai pujumiaj nui, itiurchat ámanman katsuntran takasmiajai. Yuska ni kakarmarin iniakmastaj tusa ti uuntan aents tujintiamun Túratniun surusmiayi. Nujai "Papru nekas winia akatramuruiti" tusa paant iniakmasmiayi.

212:13b.2CO.212.013 Warí, Chíkich Yus-shuaran Yáinmiaj Núnisnak atumniasha Yáinmajrume. Ayatik atumin "kuit surusta" Tíchamjarme. ḂNu yajauchiitkiuinkia tsankurturtarum!

212:14b.2CO.212.014 Jújainkia Menaintiú iwiarnarjai atumin iistaj tusan. Tura jeaknaka, "etserkamun akirkatarum" Tíchattajrume. Atumí Kuítrin wakeratsjai. Antsu atumin wakerajrume. Warí, winia uchirchakaitrum. Uchisha Aparín Kuítian ikiauntukchatniuiti. Antsu apari ni Uchirín Kuítian ikiauntuktiniaiti.

212:15b.2CO.212.015 Atumniasha Yáintaj tusan Ashí takakjana juna ajapawaintjai, tura winia kakarmarnasha Ashí Emenkákaintjai. Wi ti wakeramaitiatrum átumka ishichik wakerutarminin Túrawaintjai.

212:16b.2CO.212.016 Túrasha Chíkich shuar chichainiak "Nekasaiti; Papru ninki ii Kuítrin jurutramkichmaji. Túrasha anankartuatniun neka asa iin anankramachmiashia" turutainiatsuk.

212:17b.2CO.212.017 ṡNusha itiura? ṡShuáran wi akupkamaj nujai Kuítrumin achikjak?

212:18b.2CO.212.018 Atumin iirmasat tusan Titiun "Wetá" Tímiajai. Tura niin atamprit tusan Chíkich Yus-shuaran akupkamjai. ṡTitiusha Kuítrumin juruttramkimkiarum? ṡWisha niisha mai metek Enentáimsar métek takaschamkaj~i?

212:19b.2CO.212.019 ṡWarí Enentáimsarum? ṡAtum pénker ainiawai turutik tusar nu Tájik? Antsu, aneamu yatsurtiram, ii Tájinia nu atumin Yúsnum Ikiakártajrum tusar taji.

212:20b.2CO.212.020 Wi atumiin jeaknasha, wi Wáitkiataj tusan wakeraj nuna Wáinkiashtatjai, tu Enentáimsan itiurchat Enentáimjai. Tura atumsha wakerarmena Núnisrumek Wáinkiashtatrume, tu Enentáimjai. Yajauch chicharnaikiatniuncha, yajauch Enentáimtunaistinniasha, kajernaikiatniuncha, ninki Enentáimtumastinniasha, tsanumpratniuncha, Mái-tunai ajatniuncha, waantu Enentáimtumastinniasha, yajauch wekasatniuncha, Ashí nuna Wáinkiashtajash tusan itiurchat Enentáimjai.

212:21b.2CO.212.021 Tura wi jeaknasha, átum yajauch Túratniusha, tsanirmatniusha tura yajauch ti wakerarmena nu, yaunchu Túriniarmena nu, Untsurí shuartiram iniaisachurmena nuna nekashtajash. Tura Enentáim yapajitsuk tuke tura asakrumin uutchatjash tajai. Kame wi átum umikchamun nekaamtai Yus winia Iniatsátrattawai tusan Tsúumajai.

213

213:1b.2CO.213.001 Jujai Menaintiú iistajrum tusan winiajai. Ashí iwiaratin ana nu, Jimiará tura Menaintiú shuara chichamejai iwiarnartatui.

213:2b.2CO.213.002 Wi atumjai pujachiatnak, atumjai Pujáa Núnisnak aatjarme. Yaunchu Tunáa Túrimiarmena nuna tura Ashí Shuártirmin wi nuik Tímiajrumna nuna ataksha Tájarme, wi atak tana tunaarum iwiareachkurminkia iniaisashtatjarme.

213:3b.2CO.213.003 Nuinkia wi Kristu kakarmarijiai chichaajna nu nekaattarme. Nu nekaataj tusarum wakeratsrumek. Tura Krístuka kakarmachuchuiti. Antsu Atumí Enentáin kakaram takaawai.

213:4b.2CO.213.004 Kristu nekas kakarmachua Nútiksan Krúsnum Máamuitiat, Yusa kakarmarijiai iwiaakuiti. Ayashnium Kristu kakarmachu nekapmia Núnisrik iikia kakarmachuitji. Túrasha Yusa kakarmarijiai ni takatri takaaji. Nu atumin iniakmastatji.

213:5b.2CO.213.005 "Nekas Yúsan umirniuashitiaj" tusarum nekamatarum. Iimiastarum. Antar Yus-shuarchaitkiurmeka Jesukrístu Atumí Enentáin pujurtama nu nekaattarme.

213:6b.2CO.213.006 Tura iikia ántar Yus-shuarchaitji nu nekaatarum tusan wakerajai.

213:7b.2CO.213.007 Tura átum Tunáa Túrawáirum tusar Yus seaji. Aents iin pénker Enentáimtikramprat tusar Tátsuji. "Antar ainiawai" Túramprinin, átum pénker wekasatarum tusar wakeraji.

213:8b.2CO.213.008 Warí, Yusa nekas chichame emesratin tujintiaji. Antsu ii Túrajnia nu Yusa nekas chichamejai Túraji.

213:9b.2CO.213.009 Tuma asamtai, átum kakarmaitkiurminkia iikia kakarmachuitiatar shiir Enentáimji. Atumsha nekas kakaram Ajasúk tusar Yus tuke seaji.

213:10b.2CO.213.010 Atumin emesratin Yuska winia akuptatsui. Antsu Yus akuptukuiti atumin Ikiakártinian. Tuma asamtai, wi Atumíin jeaknaka kakaram chicharkaijrum tusan winitsuk ju papin aatjarme.

213:11b.2CO.213.011 Ayu, yatsurtiram, shiir pujustarum. Krístunam tuke kakaram ajastarum. Yus shiir Enentáimtikramprarti. Chikichík Enentáik Enentáimsatarum. Shiir awajnaisarum pujustarum. Tura Yus anenmarmena nu, shiir Enentáimtikramna nu atumjai pujurtamsattarme.

213:12b.2CO.213.012 Yúsnum shiir Enentáimtunaisrum amikmaanaisatarum.

213:13b.2CO.213.013 Ashí Yus-shuar ainia nu amikmaatmarme.

213:14b.2CO.213.014 Uunt Jesukrístu waitnenkartutairi, Yusa anenkrattairisha Atumíin pujurtamsati. Tura Yusa Wakanísha tuke nemartamsarti. Nu Atí.