1 Corinthians (Shuar)

11

11:1b.1CO.011.001 Wi Pápruitjai, Jesukrístu akatramu. Yus nuna wakerak, ni akatramuri Atí tusa anaitiukmai. Wi, ii yachi Sústinisjai, ju Papí akupeaji.

11:2b.1CO.011.002 Ashí Yus-shuar Kurintiu péprunam iruntrumna nu ju Papí akupeaji. Atumka Jesukrístujai tsaninkiu asarum yusna árume. Atumsha tura Ashí shuar Jesukrístun Enentáimtuiniana nunasha Yus ti pénker awajsatniun Wakerawai.nincha incha Jesukrístu mai metek Uuntrinti.

11:3b.1CO.011.003 Yus ii Aparí tura ii Uuntri Jesukrístusha waitnentramainia ásar yainmakarti imiatkinchanum tuke shiir pujustinian.

11:4b.1CO.011.004 Yusan áujkun yuminsan atumin shiir Enentáimtajrume. Jesukrístujai tsaninkia pujakrumin Yus shiir Enentáimturmawai.

11:5b.1CO.011.005 Jesukrístujai tsaninkia pujakrumin Yus atumin ti Yáinmawai Ashí pénker ana nu Enentáimtakrum tuke shiir chichastinian.

11:6b.1CO.011.006 Kristu juna Túramniaiti Tíchamkaj~i. Ashí yamaikia uminkiayi.

11:7b.1CO.011.007 Tuma asamtai Ashí Yus Súramna nu atsumatsrume. Nu Túrakrum ii Uuntri Jesukrístu tatin tuke Nákarme.

11:8b.1CO.011.008 Tura iniaitsuk tuke emettamattawai ii Uuntri Jesukrístu Támatai atumi tunaarin pachischatin.

11:9b.1CO.011.009 Jesukrístu ii Uuntrinti. Niijiai tsaninkia Pujusúk tusa Yus achirmakmarme. Tura Nii tana nuna tuke umiktatui.

11:10b.1CO.011.010 Yatsuru, ii Uuntri Jesukrístu naari pachisan, seajrume métek Enentáimpratarum tusan. Níisháa Níisháa Enentáimprairap antsu chikichik Enentáijiai métek Enentáimsa pujustarum.

11:11b.1CO.011.011 Atum yajauch chicharnaisarum pujarme. Kruí shuari tu ujatkarmatai Tájarme.

11:12b.1CO.011.012 Kame Júnis awai: Chíkich "Wi Páprunuitjai" tuiniawai. Chíkich "Apurusnaitjai" tuiniawai. Chikichcha "Wi Pítrunuitjai" tuiniawai. Chikichcha "Wi Kristu-shuaraitjai" tuiniawai.

11:13b.1CO.011.013 ṡWarí, nuinkia, Kristu akantramukait. Páprusha Krúsnum jarutramkamaashi. Tura Papru naari pachisa imiaimiukaitrum?

11:14b.1CO.011.014 Atumin Untsurí imiaichu asan shiir Enentáimjai. Aya Krispu Káyujai Jímiarchiniak imiaimjai.

11:15b.1CO.011.015 Nújainkia shuar "Papru Náariin imiaimiuitjai" Tíchamniaiti.

11:16b.1CO.011.016 Maa, nekas, Estepanasa shuarincha imiaimjai tura Chíkich wi imiaimiun nékatsjai.

11:17b.1CO.011.017 Kristu imiakrattia tusa akuptukchamai antsu uwempratin chichaman etserkat tusa akuptukmai. Tura ti neka chichainia Núnisan chichaatsjai shuar wi shiir chichaamun Enentáimprarain tusan. Antsu Yúpichuch chichaajai Kristu Krúsnum jakamuk paant Atí tusan.

11:18b.1CO.011.018 Kristu Krúsnum jarutramkamu étsereaji. Antsu Yus-shuarchaka menkaakatniunam wéana nu, "ántraiti nu chicham" tu Enentáimainiawai. Antsu Yus-shuarti, uwempratniunam wéakur, "nu chichamjai Yusa kakarmari takusminiaiti" tu Enentáimji.

11:19b.1CO.011.019 Núnisan tawai Yus-Chicham yaunchu aarma: "Ju nunkanmayan ti neka ainiana nuna chichamen emesrattajai; ti unuimiararu ainianak ántar awajsattajai" tawai Yus ni chichamen.

11:20b.1CO.011.020 Iis, ju nunkanam uwempratin chicham íruntsuk. Nu chichaman Ashí mash Yus ántar awajsaiti. Ti neka ainiana nusha, jintinkiartin ainiana nusha, Ashí ju nunkanmayan unuimiar ti chichastinian nékana nusha, nu shuar mash "wi Tájana nujai pénker pujusam uwemprattame" tu Enentáimiainiawai. Tura Núnaka mash Yus penké ántar najanaiti.

11:21b.1CO.011.021 Aya ni nékamujai aents Yúsan nekaacharmiayi. Núnisan Atí tusa Yus Túramiayi, Timiá neka asa. Antsu Ashí aentsun Yus ni chichamejai uwemtikratniun wakerimiayi. Chíkich "ántraiti" tuiniana nu chichamjain~ki Yus Niin Enentáimtuinia Núnaka uwemtikratniun wakerak Túramiayi.

11:22b.1CO.011.022 Israer-shuar "aentsti Túrachminian iniakmasta, wi nekaataj" tuiniawai. Kriaku shuarsha "ti Enentáimsam, mash pénker Jíikim turuttia wisha métek Enentáimprataj" tuiniawai.

11:23b.1CO.011.023 Iikia antsu Kristu Krúsnum jarutramkamuk étsereaji. Israer-shuarsha "ju chicham natsantaiti" tu Enentáimiainiawai. Israer-shuarchasha "ju chicham ántraiti" tu Enentáimiainiawai.

11:24b.1CO.011.024 Tura Yus achikiarma, Niiniu ajasarat tusa, Israer-shuarsha Israer-shuarchasha mai metek "Kristu Krúsnum jarutramak Yusa kakarmarincha ni nekatairincha paant iniakmasmiayi" tu Enentáimji.

11:25b.1CO.011.025 "Yusa nekatairi ántraiti" tuiniawai aents, Túrasha Imiá nekas pénkeraiti. "Yusa kakarmarisha jeatsui" tuiniawai aents, Túrasha Imiá nekas kakarmaiti.

11:26b.1CO.011.026 Enentáimtumastarum yatsuru. Yus achirmakmarme Niiniu ajastinian, tura ju nunkanam ti neka ainia Núnisan Atumíin ti neka íruntsui. Ti akupniusha ti nankaamakusha Atumíin íruntsui.

11:27b.1CO.011.027 Antsu ju nunkanam nékachua Núnis ana nuna Yus achikiuiti ti neka nuna Iniatsáartinian. Tura ju nunkanam kakarmachua Núnis ana nunasha Yus achikiuiti kakarma nuna Iniatsáartinian.

11:28b.1CO.011.028 Péejchachincha, nakitsamuncha, ántrachincha, Yus achikiuiti Ashí nankaamantu írunna nuna amuktinian.

11:29b.1CO.011.029 Nújainkia chikichkisha Yusjai waantu Enentáimprachminiaiti.

11:30b.1CO.011.030 Tura Yus atumin Krístujai tsanin apujtamsaiti. Tura Kristu Enentáimtusar Yus nekas nekatainkia nekaattaji. Kristu Enentáimtakrin Yus shiir Enentáimturmaji, pénker awajtamji, tura uwemtikramji.

11:31b.1CO.011.031 Yus-Papinium yaunchu aarma Núniskete: "Shuar nankaamantu Enentáimprataj Tákunka ii Uuntri Yus Túramun wararsati."

12

12:1b.1CO.012.001 Wisha, yatsuru, atumiin jeamaj nui Yus-chichaman ti neka chichainia aintsan tura íwiasanak ujakchamajrume.

12:2b.1CO.012.002 Tura atumjai pujakun aya chikichkiniak nekaatniun Enentáimpramjai. Júiti: Jesukrístu, tura Jesukrístu Krúsnum jakamu.

12:3b.1CO.012.003 Nékayatan kakarmachu Sapíjmiashím jearmiajrume.

12:4b.1CO.012.004 Yus-Chichaman ujaakun ti neka chichainia aintsan nupetkataj tu Enentáimturchamajrume. Antsu Yusa kakarmarincha tura ni Wakanincha paant iniakmasan Yus-Chichaman ujakmajrume.

12:5b.1CO.012.005 Aentsu nekatairijiai Yus Enentáimtuschatniuiti antsu Yusa kakarmari paant nekaarum Yus Enentáimtustiniaitrume. Nuní asamtai Yus-Chichaman tu ujakmajrume.

12:6b.1CO.012.006 Túmaitiat Yusa nekatairi átsuk. Yúsnan unuimiararujai Yusa nekatairin áujmatji. Tura Yusa nekatairinkia aentsu nekatairi aintsachuiti. Ju nunkanam akupin ainia nuna nekatairinchuiti Yúsnaka. Ju nunkanam akupniuka ishichik pujus amuukachartatuak.

12:7b.1CO.012.007 Yaunchu ju nunka atsain Yus iin uwemtikrampratniun Enentáimpramiayi ti shiir pujusarmi tusa. Ju Yusa Enentáimmiari yaunchu nekanachmiayi, tura yamaikia nu nekaar áujmatji.

12:8b.1CO.012.008 Ju nunkanam akupniuka nuna penké nekaacharmiayi. Nékainiakka ii Uuntri Timiá shiira nuna, Krúsnum Máacharu aayi.

12:9b.1CO.012.009 Yaunchu Yus-Papinium aarchamukait: "Shuar Yúsan aneana nuna Yus ti Shíiran susattawai. Susattana nuka Timiá pénker asamtai shuar Wáinkiachman, antukchamuncha, Enentáimtachmancha Yus susattawai" tu aarmaiti.

12:10b.1CO.012.010 Tura Yusa Wakaní ii Enentáin pujurtamuk Yus suramsattajnia nuna Yamái paant jintintramji. Nu Wakancha imia Yus Enentáimmiancha mash nékawai.

12:11b.1CO.012.011 Shuar Enentáimna nuna Chíkich shuar nekaamniakait. Antsu aya Ní Enentáijiain nékatsuk. Núnisan aya Yusa Wakaní Yúsnan paant nékawai.

12:12b.1CO.012.012 Ju nunkanmaya aents Enentáimiainia nujai Yusna nekaachminiaiti. Antsu Yusa Wakanin iin Súramaj nujai Yus shiir tsankatramajnia nu nekaamniaitji.

12:13b.1CO.012.013 Yusa Wakaní jintintramji Yúsnan chichastinian Nii wakera aintsan. Ni chichamen Súramji. Túramtai ii nékamujai Yúsna étsertsuji. Tuma asamtai imia Yusna nuka Yusjai pénker wekainia nu Jintíaji.

12:14b.1CO.012.014 Yus-shuarcha Yusa Wakaníniun ántatsui ántraiti tusa. Aya Yusa Wakaní jintintiamniaitkiui Yus-shuarcha nuna penké nekaachmin ainiawai.

12:15b.1CO.012.015 Antsu Yusa Wakanin takaku Ashí mash iis, pénkera nuna nekaamniaiti. Nii Túrana nunasha Chíkich shuar Súmamtikiachminiaiti.

12:16b.1CO.012.016 Yus-Papinium yaunchu aarmaiti: "ṡYusa Enentáimmiari ya neka. Tura Yúsan ya jintintiamniait?" tu aarmaiti. Tuma ain iikia Yus-shuar ájinia nu, Kristu Enentáimna Núnisrik Enentáimji.

13

13:1b.1CO.013.001 Tura wikia, yatsuru, nuik ai atumjai pujakun Yusa Wakanín umirniun chichastinia aintsanak atumjai chichastinian tujinkiamjai. Antsu ayash wakeramu umirin asakrumin Krístunam katsuarcharujai chichastinia aintsanak atumjai chichasmajai.

13:2b.1CO.013.002 Uchi Kuírach naman ayurachminiaiti antsu aya umuntsatniuiti. Núnisan aya Yúpichuchin ujakmajrume, itiurchat ana nu tujintiakrumin. Tura yamaisha itiurchat ana nu tuke tujintiarme.

13:3b.1CO.013.003 Tuke ayash wakeramu umirniuitrume. Yajauch Enentáimtunaiyakrum tura katsumnaiyakrum akantramuitrume. Nujai Páantaiti átum ayash wakeramu umirniuitrume. Yúsnan Enentáimticharujai métek wekainiaitrume.

13:4b.1CO.013.004 Atumíinkia shuar "wi Páprunuitjai" tuiniatsuk. Chikichcha "wi Apurusnaitjai" tuiniatsuk. Tu chichaakrum ayash wakeramu umirniuitrume.

13:5b.1CO.013.005 Wátsek. Wi Papru ti pénkeraashitiaj. Apurussha ti pénkeraashit. Antsu iisha aya Yusa takarniurintji. Yus-Chicham étserkurin ii Uuntri Enentáimtuschamkuram. Ii Uuntri takatan Chíkich Chíkich suramsamajnia nuke takasmaji.

13:6b.1CO.013.006 Wi Yus-Chichaman étserkun arakan araktinia ainis takasmajai. Apurussha entsan ukatramai. Tura Yus nu arakan tsakatmarmai.

13:7b.1CO.013.007 Arakan araana nusha, entsan ukatna nusha ántrachukait. Antsu Yusak arakan tsakatmaru asa Ashí Túrachukait.

13:8b.1CO.013.008 Arakan araana nusha, entsan ukatna nusha métek ainiawai. Túmaitkiuisha takasmajai métek Yus akiktatui. Pénker takasmatainkia pénker akiktatui.

13:9b.1CO.013.009 Wisha Apurussha Yusa takatri mai tsaninkiar takaaji. Tura Yus Atumí Enentáin takaakui atumsha Yusa Núnkea aintsaitrume. Jeasha Enentáimpramniaiti. Yus atumjai takaak Jeá jeamtinia aintsan takaawai.

13:11b.1CO.013.011 Jea jeamainiak, emka uunt kaya Nunká init ikiursar kaki awajsatin ainiawai. Tura nuyanka nu kayanam ekeniar Júkitniuiti jea wewe Atí tusa. Wikia Jeá jeammin ti unuiniamiarua aintsanak uunt kaya Nunká emka ikiustinian nekaan, Núnisnak Jesukrístunun emka ujakmajrume. Tura Jesukrístu uunt kaya kaki ikiusma ainis asa Nínkiti nui jea ekenkatin. Iis, Ashí Enentáimtustinia nankaamas Jesukrístu Enentáimtustiniaiti. Nu asamtai Jesukrístunun emka ujakmajrume. Yus nuna etserkatniun tsankatrukuiti. Wi emka, uunt kaya ikiursatniua aintsan, Jesukrístunun ujakmajrume. Tura nuyanka Chíkich shuar ekeniar jeammin ainiawai. Tura anearti pénker jeamtinian.

13:12b.1CO.013.012 Tura jea jeamainiak nii wakerak pénker ana nujai jeamminiaiti. Nii pénker jeamtinian wakerak kurijiaisha, Kuítjaisha, Shíirmach kayajaisha jeamminiaiti. Chíkich jeamkuka numijiaisha, kenkujaisha, nukajaisha jeamminiaiti. Núnisan shuar Yúsnan takaak pénker takasminiaiti Túrasha Nánkamas takasminiaiti.

13:13b.1CO.013.013 Tura amuukatin tsawant jeakui Ashí ni takatri paant átatui. Nu tsawantaisha Yúsaiya ji átatui tura nu jisha ni takatri pénkera nunasha tura yajauchia nunasha nekapsattawai.

13:14b.1CO.013.014 Tura shiir jeamuka tura nu jeasha esaachmatainkia shiir akinkiattawai.

13:15b.1CO.013.015 Antsu Nánkamas jeamuka imianinki jiniumia uwemprattawai, tura ni jeamma esaa penké atsuttawai.

13:16b.1CO.013.016 Enentáimpratarum. Yusa Wakaní Atumíin Pujá asamtai Yusa Jee ajasuram nu nékatsrumek.

13:17b.1CO.013.017 Shuar Yusa Jeen émeseakuinkia Yus nu shuaran emesrattawai. Yusa Jeenka Timiá shiir asamtai Túrattawai. Nu Jea atumketrume.

13:18b.1CO.013.018 Ju nunkanmayan unuimiarua Núnisrum "ti nekaitjai" tu Enentáimtumasrum ananmamawairap. Antsu ju nunkanmayan nékachu ainis ajas Yúsnan ti shiir Unuimiártiniaiti.

13:19b.1CO.013.019 Ju nunkanmaya aents nékainia nuna Yus "ántraiti" tawai. Yus-Papinium aarmaiti: "Ju nunkanmayan unuimiarun ni Enentáimmiajain Yus sumamtikiattawai."

13:20b.1CO.013.020 Tura nu arantcha aarmaiti: "Uunt Yuska "unuimiaru Enentáimmiancha penké ántraiti" tawai."

13:21b.1CO.013.021 Tuma asamtai "Páprunuitjai Tárumna nusha, "Apurusnaitjai", tura "Pítrunuitjai" Tárumna nusha ántar Enentáimprume, nii aya aents ásarmatai. Tu Enentáimprarum warasairap. Antsu nekaatarum. Ashí írunna nu atumin yainmaktiniaiti.

13:22b.1CO.013.022 Páprusha, Apurussha, Pítrusha, ju nunkanmayasha, iwiaakmasha, Jákatniusha, Yamái írunna nusha, ukunam átatna nusha, mash atumniaiti shiir yainmaktin.

13:23b.1CO.013.023 Atumsha Krístunuitrume, tura Krístusha Yúsnaiti.

14

14:1b.1CO.014.001 Júnisan Ashí shuar Enentáimturmastiniaitji. Iikia aya Kristu Yáintrintji. Kristu akatramurintji Yusna yaunchu nekaachma ana nu Yamái etserkatin.

14:2b.1CO.014.002 Wátsek, akatramuka Tána nujai métek umiktiniaiti.

14:4b.1CO.014.004 Wi umikmancha umikchamuncha ii Uuntri Kristu nékawai. Atum Enentáimturarmena nusha tura Chíkich aents Enentáimturainia nusha Wíjiainkia ántraiti. Imia Wíkisha nekamatsjai. Kame winia tunaarun penké Wáintsujai tura aya nujai "pénkeraitjai" Tíchamniaitjai. Ninki Yus iirui.

14:5b.1CO.014.005 Tsawant jeamtai ii Uuntri Kristu atak Tátatui. Tura Ashí Yamái kiritniunam uukma nuna tura shuar Ashí Enentáimprarma nunasha paant awajsattawai. Nu tsawant jeatsain shuar umikiuashit tusarum Enentáimtusairap. Tura nu tsawantai Yus Ashí pénker umikiarun shiir awajsattawai. Pénker umikiuncha ishichik umikiuncha takasmajai métek Yus shiir awajsattawai.

14:6b.1CO.014.006 Atum "Ju shuar pénkeraiti tura Chíkich pénkerchaiti" tu Akannáirarum penké Tíchatniuitrume, yatsuru. Nuka paant Atí tusan "Atum "Wi Páprunuitjai" tura "Wi Apurusnaitjai" Tíirap" tajai. Antsu aya Yus-Papinium aarmajai métek Enentáimsatarum.

14:7b.1CO.014.007 Ameka Chíkich shuarjai méteketme. Tura Ashí takakmena nusha Yus amasmaiti. Tura Yus amasu asamtai ṡitiurak áminiukea aintsam nujai nankaamantu ajai tu Enentáimtumam?

14:8b.1CO.014.008 ṡTi Kuítrinniua aintsan tura Ashí takakua aintsan Enentáimtsurmek. Iin nankaakarum uunt Kapitián ajasua aintsan Enentáimtsurmek? Nekas uunt Kapitián ajasrumka maak. Nuinkia iisha atumjai akupkaintji.

14:9b.1CO.014.009 Chíkich shuar mash nankaamantu ainis ainiakuisha Yus iin ni akatramurin Ashí Amúamunam apujtamsaitji. Tu Enentáimpramniaiti. "Yajauch ainiawai, Máatái" tu pujurtamji shuar. Tura Yusa suntarisha Ashí Juyá shuarsha iin iistai tusar Káutramkaitji.

14:10b.1CO.014.010 Iikia atumjai jeatsji. Kristu shuari asakrin nékachua ainis Enentáimturmaji shuar. Atum antsu Krístunam Tí nékachuashitrum. Iikia kakarmachuitji. Atum Timiá kakarmaitrume. Atumka ti penkeraitrume. Antsu iikia Muíjtiaintji.

14:11b.1CO.014.011 Tuke yamaisha tsukamaji, kitiamaji, entsartin atsumaji. Katsumpramji. Jeasha atsumaji.

14:12b.1CO.014.012 Ii ewejéjai takaakur ti Pimpíaji. Shuar katsekramainiaji Túrasha iikia shiir chichamjai aiyaji. Itiurchat awajtamainiakuisha katsunteaji.

14:13b.1CO.014.013 Tsanumprutmakrincha tuke shiir chichaaji. Tsuata aintsarik tuke yamaisha Ashí yajauchia Núnisan ajapramatniun Enentáimturmainiaji.

14:14b.1CO.014.014 Atumin aya iniatsaartajtsan Juní aattsujrume. Antsu winia aneamu uchirua aintsan jintintjarme.

14:15b.1CO.014.015 Atumin Yus-Chichaman ujaakun Yus-shuar ajastinian unuiniamjarme. Nujai Jesukrístu Enentáimtakrumin Atumí Aparía aintsan ajasmajai. Chíkich shuar Krístunun Jintintrámatin Timiá Untsurí ákuisha aya wiki Atumí Aparíntjai.

14:16b.1CO.014.016 Tuma asamtai wi wekaajna aintsan wekasatarum atumsha.

14:17b.1CO.014.017 Nu Túratarum tusan winia aneamu uchirun Timiutéun akuptukmajrume. Niisha ii Uuntri Krístun Enentáimtamunam winia uchiruiti tura Krístun Enentáimtak tuke shiir wekaawai. Túrasha wi Krístujai wekaamun ataksha Enentáimtikramprattawai. Núiti Ashí Yus-shuarnum wena Jintíajna nuka.

14:18b.1CO.014.018 Papru yamaikia iraishtatui Enentáimturainiak Chíkich Chíkich nankaamantuitjai tu Enentáimtumainiawai.

14:19b.1CO.014.019 Antsu Yus wakerakuinkia Wárik iitjam tusan wakerajai. Nuinkia nankaamantu chichamen antukchattajai antsu Wátskea, ni Túramurisha Iistái.

14:20b.1CO.014.020 Yus akupeana Nú shuar aya Chíchainiatsui antsu Yusa kakarmarin iniaktuiniawai.

14:21b.1CO.014.021 Wátsek, ṡWarí Enentáimprum? Atum tuke Núnisan Enentáimkiurminkia wi winin Asutiátniuitjarme. Tura pénker Enentáimkiurminkia, aneakun shiir chichasminiaitjarme. ṡAtumsha Túa wakerarum?

15

15:1b.1CO.015.001 Atumíin shuar ti Tunáa tura awai. Ju Yamái Ashí nekanaiti. Nu shuar ni Aparí nuwé achikiuiti. Timia tunaaka nu tsanirmamu Yus-shuarchanumsha atsawai.

15:2b.1CO.015.002 ṡNu tunaajaisha tuke nankaamantu Enentáimprumek? Antsu uuttiniaitrume. Nu shuar Tunáa Túraka Atumíinia akankatniuiti.

15:3b.1CO.015.003 Ayashur pujachkuisha wi nui Pujáa aintsan nuna tunaarin paant nekaamjai, tura Asutiátniuiti tajai.

15:4b.1CO.015.004 Tuma asamtai átum Káunkakrumin ii Uuntri Jesukrístu kakarmarijiai tura wi nui Pujáa aintsanak, ii Uuntri Jesukrístu kakarmarijiai

15:5b.1CO.015.005 nu shuar uunt iwianchnum surunkatniuiti ni ayashi wakeramuri amukati tusa. Nujai ni wakani uwemprattawai ii Uuntri Jesukrístu Támatai.

15:6b.1CO.015.006 "Iikia pénkeraitji" Tárumna nu ántraiti, Tunáa Atumíin tuke akui. Iis, "Karía ishichik yuminnium enketam mash karimtiktsuk" tiniu ainiawai. Núnis átatui ju tunaajai.

15:7b.1CO.015.007 Tuma asamtai nu Karía ukartarum yajauch awajturmasaij tusarum. Núnisrum ju tunaanumia kanakrum pénker átatrume. Yaunchu Enentái Karía Núnis amuukatniuiti. Ashí yamarmak yuminia aintsan ajasuitrume. Tanta wakapruachusha Enentáimpratai. Israer-shuar paskua nampernum aya wakapruachu tantan yuu ainiawai. Atumí tunaari atsakui atumsha nu Námper-tantaa aintsar pénker ajasuitrume. Paskua nampertincha Israer-shuar murikiun main ainiawai. Núnisan Kristu jaka ii murikria ainis ajasuiti.

15:8b.1CO.015.008 Tuma asamtai iisha paskua Námper Nájanku pujakur tuke Núnisan shiir wekasatniuitji. Tuma asamtai Ashí yajauch tunaasha írunna nuka Karía yaunchu nawamua aintsankete. Nuka atsutniuiti. Antsu nekas ana nuka shiir Enentáimsar wekasatniuitji. Nuka yuminia aintsankete.

15:9b.1CO.015.009 Nuik papin aatramajrumna nui "Tsanirma shuarjainkia iischatniuitrume" Tímiajrume.

15:10b.1CO.015.010 Ju nunkanam Yus-shuarchaka aya tsanirma, aya kuitniak ikiauwin, aya kasak, aya ántar-yusan tikishmatin ainiatsuk. Nú shuarjainkia penké iischatniuitkiurmeka ju nunkanmaya Jíinkintrume. Núnaka Tátsujai.

15:11b.1CO.015.011 Antsu wi Tájana nu Júiti, Shuar "Yus-shuaraitjai" Tákunka tura Tunáa Túriniaitkuinkia niijiai iischatniuitrume. Tsanirmasha, Kuítian ikiauwincha, ántar-yusan tikishmatniusha, tsanumniusha, nampencha, kasasha "Yus-shuaraitjai" Tákuinkia iischatniuitrume. Penké niijiai Yurumáshtiniaitrume.

15:13b.1CO.015.013 Yus-shuarcha tunaari pachischatniuitjai. Yus Núnaka iistatui. Atumka antsu Atumíin Yus-shuar ainia nuna tunaari iistiniaitrume. Tuma asamtai nu shuar tunaarintin Atumíiya akankatarum.

16

16:1b.1CO.016.001 Yus-shuarka Chíkich Yus-shuarjai itiurchat pujakka Kapitiánjai chichas iwiarashtiniaiti Yus-shuarcha asamtai. Antsu Yus-shuar írunna nujai iwiarati.

16:2b.1CO.016.002 Enentáimpratarum. Amuukatin tsawantai Yus-shuarka Ashí ju nunkanmaya shuara tunaari mash nekaawartatui. Tura Ashí Tunáa nekaatniuitkiurmeka itiur Yúpichuchia nu nekaashtatrum.

16:3b.1CO.016.003 Nu arantcha Yusa suntari Túramurisha nekaattaji pénkerashit tusar~i. Nayaimpiniam Túrawarma nekaatniuitkiurkia itiura ju nunkanmaya nu tujinkiattaj~i.

16:4b.1CO.016.004 Pai, itiurchat ákuinkia Yus-shuar penké tujintiainiana nujai iwiaratarum antsu.

16:5b.1CO.016.005 Natsaruk tusan nuna Tájarme. Warí, ṡAtumíini chikichkisha atsawak ni yachi itiurchatri pénker iwiaramnia?

16:6b.1CO.016.006 ṡUrukamtai Yus-shuar ni yachijiai itiurchat pujakka Yus-shuarchanum wea iwiaratniun?

16:7b.1CO.016.007 Atumí itiurchatri kapitiannium jukirmeka nujainkia átum tujinkiamu Páantaiti. Natsantchakait. Itiurchat ana nusha ṡurukamtai antsu katsuntram Asakáatsum? Kasamkamusha ṡurukamtai katsuntram Asakáatsum?

16:8b.1CO.016.008 Antsu átumka Nuámtak yachijiai itiurchat Awajnáiyarme tura Kasárnáiyarme.

16:9b.1CO.016.009 Tunáa Túrinkia Yus akupeamunam pachiinkiachmin ainia nu nékatsrumek. Anannawairap. Ashí tsanirma nusha, ántar-yusan tikishmatniusha, nuamtak aishmanjai tsanirmasha,

16:10b.1CO.016.010 kasasha, Ashí Kuítian ikiauwincha, nampencha, tsanumniusha, yajauch chichainia nusha, Chíkich shuaran anankawar atantin ainia nusha Yus akupeamunma Nuí penké wayashtin ainiawai.

16:11b.1CO.016.011 Atumíiyasha Chíkich Chíkich nuna Túrin armai. Tura yamaikia ii Uuntri Jesusa kakarmarijiaisha tura ii Yusri Wakani kakarmarijiai atumi Enentái shiir ajasuiti, atumsha Yusna ajasurme, tura tuke pénker ajasurme.

16:12b.1CO.016.012 "Ashí Túramniaitjai" tiniu ainiawai tura nekasaiti. Tuma ain mash Yáinkiashtatui pénker wekasatniun. Nekas Ashí Túramniaitjai tura Nánkamas Túratniujai nupetnakchattajai.

16:13b.1CO.016.013 Junasha tiniu ainiawai: "Apatuk wakejainchu tura wake apatkujainchu mai ántraiti." Apatkujai wakesha nekas mai metek Enentáimpratin ainiawai tura Yus mai metek amuktatui. Núnisan ii ayashi ii Uuntri Krístunuiti tura Kristu ii ayashi nérenniuiti. Tuma asamtai ii Ayashíjiai tsanirmashtiniaiti.

16:14b.1CO.016.014 Tura Yus ii Uuntri Jesusan iniantkimia Núnisan ii Ayashíncha nu kakarmarijiai iniantkittiawai.

16:15b.1CO.016.015 Ashí ii ayashiin Kristu Ayashímkiaiti. ṡNu átumka nékatsrumek? Winia ayashrusha Kristu Ayashíiya asamtai ṡitiurak nuna Tsanirí Ayashín najanattaj? Penké Túrachminiaitjai.

16:16b.1CO.016.016 Kame ṡjusha nékatsrumek? Aishman tsanirijiai tsaninkiar chikichik ayashtinia ainis ajainiawai. Núnisan Yus-Papinium aarmaiti: Mai chikichik ayashtinia ainis ajasartatui.

16:17b.1CO.016.017 Tura shuar ii Uuntri Krístujai tsaninkia mai Chikichík wakantin ajainiawai.

16:18b.1CO.016.018 Tuma asamtai tsanirmatniunmaya Yajáyan wainkiarum tsékentiarum. Chíkich Tunáa írunna nu ii Ayashínkia ti yajauch awajeatsui. Túrasha shuar tsanirmakka Ní ayashiniak yajauch awajeawai.

16:19b.1CO.016.019 Yusa Wakaní ame Enentáimin pujurtamu asamtai, ame ayashim ni jeente. Nu Wakanínkia Yus amasuiti. ṡNuka nékatsrumek? Tuma asamtai ame ayashmi nérenchaitme.

16:20b.1CO.016.020 Kristu numpejai sumakma asamtai, ayashmisha wakanmisha Yusna ainiawai. Yusna asamtai ayashmijiai pénker Túratniuitme, Yus shiir Awájnástí tusam.

17

17:1b.1CO.017.001 Ayu. Atum aatrurmarmena nuna yamaikia ujaktajrume. Shuar nuatteachkusha pénkeraiti.

17:2b.1CO.017.002 Tura ti tsanirmatniun Enentáimtuinia ásar Ashí aishman Ní nuwenak nuatkati tura Ashí nuwa Ní aishrinin iniumkati.

17:3b.1CO.017.003 Aishmansha ni aishri asa nuwen Túratniua nuna umiktiniaiti. Núnisan nuwasha ni nuwe asa ni aishrin Túratniua nuna umiktiniaiti.

17:4b.1CO.017.004 Núwaka ninki ni Ayashí nérenniuchuiti, antsu ni aishriniuiti. Núnisan aishmansha ninki ni Ayashí nérenniuchuiti, antsu ni nuwénuiti.

17:5b.1CO.017.005 Ni ayashi suritnaikiashtin ainiawai. Tura mai itit awajnaitsuk Yus áujsatin wakeruiniak ishichik tsawant kanakmin ainiawai. Tura nuinkia atak tsanin pujustin ainiawai. Túracharmatainkia uunt iwianch, Satanás, tunaanum iniartinian útsutkattawai katsuntratniun tujintiakui.

17:6b.1CO.017.006 Ayu. Tura nuna aarayatan Nújainkia "Ashí shuar Páchitsuk nuatkatniuiti" Tátsujai. Nuatkatniuitkiumka pénkeraiti.

17:7b.1CO.017.007 Túramtai "Ashí wijiai métek nuatkachuitkiuinkia maak ainti" tajai. Tura Yus Ashí shuaran Imiá métek najanachuiti. Chikichan nuatkatniun Súsaiti, tura chikichan Yúpichuch katsuntratniun Súsaiti.

17:8b.1CO.017.008 Natsancha wajencha juna Tájai, "Wijiai métek nuattsuk pujusrumka pénkeraiti."

17:9b.1CO.017.009 Tura katsuntratniun tujinkiarka nuatkarti. Ti katsuntrachmin nekapeakum nuatkatin pénkeraiti.

17:10b.1CO.017.010 Nuatnaikiarun antsu Tájai, "Nuwa nuatkamuka ni aishrin ikiukchatniuiti" tajai. Núnaka ii Uuntri Kristu akupkaiti aya winia chichampruchuiti.

17:11b.1CO.017.011 Túramtai ni aishrin ikiukkia ninki atak nuatnatsuk Pujustí tura tsanin pujustinian wakerakka ataksha ni aishriin waketkiti. Núnisan aishmansha ni nuwen ajapashtiniaiti.

17:12b.1CO.017.012 Chíkich shuaran juna Tájai wikia, ii Uuntri Kristu juna akupkachuiti. Yus-shuara nuwenka Yus-shuarchaitkiunka tura ni aishrijiai pujustinian wakerakka pénkeraiti; ajapashtiniaiti, Tájai.

17:13b.1CO.017.013 Núnisan Yus-shuara aishri Yus-shuarchaitkiunka tura ni nuwejai pujustinian wakerakka pénkeraiti; ikiukchatniuiti.

17:14b.1CO.017.014 Nu nuwaka "Yus-shuarchajai tsanin pujakun Yusjai yajauch ajastatjai" tu Enentáimprashtiniaiti. Antsu nii Yus-shuar asamtai ni aishri niijiai Pujá asa pénker ajasminiaiti Yusjai. Núnisan Núwaka Yus-shuarchaitiat ni aishri Yus-shuaraitkiuinkia niijiai tsanin Pujá asa pénker ajasminiaiti Yusjai. Núnisan ni Uchirísha pénker ajasmin ainiawai Yusjai. Núnischaitkiuinkia ni Uchirí Yus-shuarcha Uchiría aintsar ainti.

17:15b.1CO.017.015 Tura aishmansha nuwasha Yus-shuarcha ana nu kanaktinian wakerakka Túrati. Yus-shuar nujai ankantaiti. Núnisan asati. Tuke Máaniaktinian Yus nakitramaji.

17:16b.1CO.017.016 ṡNúwaka ni aishri Yus-shuar ajastatna nuna nekas nékawak. Tura aishmansha ni nuwe Yus-shuar ajastatna nuna nekas nékawak? Yus-shuarcha nuka wétinia wakerakka Wetí.

17:17b.1CO.017.017 Wátsek. Shuarka Yus-shuar ajaska Yus niin najanama aintsan tuke átiniaiti. Pujumia aintsan pujusminiaiti. Núnaka Ashí Yus-shuarnum akupeajai.

17:18b.1CO.017.018 Iis, Yus-shuar ajasuka Israer-shuaraitkiunka tuke Israer-shuar Atí. Tura Israer-shuarchaitkiunka Israer-shuar ajastin Enentáimprashtiniaiti.

17:19b.1CO.017.019 Israer-shuaraitkiumsha tura Israer-shuarchaitkiumsha nuka Enentáimtuschatniuiti. Aya Yus tana nu umirkatin nekas Enentáimtustiniaiti.

17:20b.1CO.017.020 Yus-shuar ajasuka nuik pujumia aintsan pujusminiaiti.

17:21b.1CO.017.021 Chíkich shuara takarniuri asam ti itiurchat pujakmesha itiurchat Enentáimpráip. Tura ankant Jíinkimniaitkiumka Jíinkitiá.

17:22b.1CO.017.022 Ankantchaitkiumka ankantaitkiumsha ju Enentáimpratá. Takarniuka Yus-shuar ajas tuke Chíkich shuara takarniurinkiusha shiir Enentáimpratniuiti Kristu niin tunaanumia ankant awajsamtai. Tura shuar takarniuchua nu, Yus-shuar ajas Kristu takarin ajasuiti.

17:23b.1CO.017.023 Ti Wáitsamiayi Kristu iin ankant awajtamsatniun. Ni numpejai sumakma asarum shuar emetamu airap.

17:24b.1CO.017.024 Tuma asamtai shuar Yus-shuar ajas nuik pujumia aintsan yamaisha Pujústí tura Yusan Enentáimtus wekasati.

17:25b.1CO.017.025 Nuwa natsa Túratniua nuna yamaikia áujmatjai. Kristu juna akupkachmai tura Kristu anenkratmari ti nekapsa asamtai wi Tájana nu antukminiaiti.

17:26b.1CO.017.026 Tuma asamtai juna Tájai. Ti iturchatnum Pujá asakrin shuar aya Júnisan nuattsuk pujustin pénkeraiti.

17:27b.1CO.017.027 Nuatkaitkiumka Núwem ikiukip. Nátsaitkiumka nuwa eakaip.

17:28b.1CO.017.028 Tura nuatkumka Tunáa Túratsme. Nuwasha iniurtukka niisha Tunáa Túrachuiti. Túrasha nuatnaikiaru itiurchatan ti Wáinkiartatui ju nunkanam. Nú itiurchatnumia wi uwemtikraintjai.

17:29b.1CO.017.029 Yatsuru, juna Tájarme. Ishichik tsawant taasai. Juyanka nuatkaru ainia nuka aya ni nuarin Enentáimprashtiniaiti antsu Yúsna Enentáimtustiniaiti.

17:30b.1CO.017.030 Núnisan tuke Yúsnan Enentáimsar uutainia nusha uutcha aintsar pujustin ainiawai. Warainia nusha warascharua aintsar pujustin ainiawai. Súmainia nusha sumakcharua aintsar pujustin ainiawai. Ju nunkanmayajainkia itit awajmamsashtiniaitji.

17:31b.1CO.017.031 Núnisan aya Jú nunkanam pénker pujustin ti takaschatniuiti. Ashí Jú nunkanmayanka amuukatniuiti.

17:32b.1CO.017.032 Jú nunkanmayajain itit ajaschak tusan wakerajrume. Nátsaka Yúsnan Enentáimtawai ni wakera nuna umiktinian.

17:33b.1CO.017.033 Túrasha nuatkaka ju Nunkanmcyan Enentáimtawai ni nuarin shiir Enentáimtiksattsa.

17:34b.1CO.017.034 Núnisan nuwa Nátsasha nuatkamusha Niisháa Enentáimiainiawai. Nuwa natsa Yúsnan Enentáimtawai ni Ayashísha ni Wakanísha tuke Yúsjai shiir Atí tusa. Tura Nuátkamuka ju nunkanmayan Enentáimtawai ni Aishrín shiir Enentáimtiksattsa.

17:35b.1CO.017.035 Atumin Yáintajtsan juna Tájarme. Itiurchat awajsattsan wakeratsjai antsu shiir wekaakrum itit awajtsuk Yus shiir Enentáimtustarum tusan wakerajai.

17:36b.1CO.017.036 Tura shuar ni nawantri natsan nuatnaikiati Tákunka pénkeraiti. Nawantrin natsa tuke apujsatniun nakitiakka surukminiaiti. Nusha tunaachuiti.

17:37b.1CO.017.037 Tura Chíkichka tuke natsan apujsataj Tákunka nekas pénkeraiti. Apujsatin itiurchatchaitkiuinkia tura ni nawantri nuatnakchatniuitkiuinkia apujsatniuiti. Apujsanka nekas pénker Túraiti.

17:38b.1CO.017.038 Tuma asamtai nuatmamtikianka pénker Túrayi tura apujsanka nu nankaamas pénker Túrayi.

17:39b.1CO.017.039 Nuwa aishri iwiaaku pujakuinkia tuke niijiai tsanin pujustiniaiti. Tura ni aishri jakamtai ankant ajas ni wakera nujai Yus-shuaran iis nuatnaikiamniaiti,

17:40b.1CO.017.040 tura tuke nuatnatskesha nu nankaamas nekas shiir pujustatui. Tú Enentáimjai wikia tura Yusa Wakanísha métek Tátsuash.

18

18:1b.1CO.018.001 Ayu. Yamaikia yurumkasha namansha ántar-yusnum susamun áujmatsattajai. Jujai Túratniua nuka mash nékaji. Tura shuar "ti nékaitjai" Enentáimkiunka nujainkia "neka asan nankaamantuitjai" tu Enentáimiui. Antsu shuar Chíkich shuaran aneakka niin pénker Atí tusa yayawai.

18:2b.1CO.018.002 Shuar "ti nékaitjai" Tákunka nekas nekaatniua Núnaka unuimiarchaiti.

18:3b.1CO.018.003 Tura Yúsan aneana Núnaka Yus pénker nékawai.

18:4b.1CO.018.004 Wátsek. Antar-yus susamu Yúatin junis Enentáimpratniuiti. Yuska aya chikichkiiti. Tura Chíkich Yus atsakui,

18:5b.1CO.018.005 aentsu yusri nayaimpinmasha nunkasha írunna nuka penké ántar ainiawai. Kame aentsu Yúsrisha tura uuntrisha ti írunui.

18:6b.1CO.018.006 Tura iikia nékaji, aya chikichik Yus awai, nusha ii Aparínti. Ashí írunna nuna najanaiti tura ni wakera nuna umikiat tusa najatmamji iin. Ii Uuntrisha chikichkiiti, Jesukrístu. Niijiainkia Ashí najanamuiti. Tura iisha ni kakarmarijiai iwiaaku pujaji.

18:7b.1CO.018.007 Tuma asamtai ántar-yus susamu yuamniaiti tura Yus-shuar awai juna nékainiatsna nu. Nu shuar ántar-yusan yaunchu tikishmatraru ásar Nú yusan susamun yuawarka itiurchat Enentáimprar "Enentáirui yajauch ajasjai" tiartatui.

18:8b.1CO.018.008 Watsek, yuamujai Yus iin shiir Enentáimtikrampratniun jeatsui. Yuarkia nujai pénker áchattaji tura Yúachrikia yajauch áchattaji.

18:9b.1CO.018.009 Ankantaitme Yúatin wakerakmeka. Tura anearta. Ame Yúakmin Chíkich shuar itiurchat Enentáimna nusha ámin Wáitmak Yúanka ni Enentáin Tunáa ajastatui.

18:10b.1CO.018.010 Iistá. Ameka neka asam ántar-yusa jeen wayam tura nui Yúakminkia ame yatsum nui Wáitmákchanpiash. Tura niisha itiurchat Enentáimiat ántar-yus susamun Yúashtimpiash.

18:11b.1CO.018.011 Nújainkia ame nékamujai ame yatsum Kristu jaka uwemtikramia nu yajauch ajastatui.

18:12b.1CO.018.012 Túramtai ame yatsum itiurchat Enentáimna nu yajauch awajeakum Krístunmasha Tunáa Túraitme.

18:13b.1CO.018.013 Nu asamtai winia yatsurun wi Yúajna nujai yajauch awajeaknaka namannaka penké yuashtatjai nii Tunáa ajasain tusan.

19

19:1b.1CO.019.001 Ashí Kristu akatramuri Túratniua nuna wisha Túramniaitjai ni akatramuri asan. Iis, wisha ii Uuntri Jesusan Wáinkiaitjai tura wisha Jesukrístu takatrin takaajai. Winia takatrujain átumka Yus-shuar ajasuitrume.

19:2b.1CO.019.002 Chíkich shuar "Kristu akatramurinchuiti" Túrutainiakuisha átumka winia takatrujai Yus-shuar ajasu asakrumin nujai wi nekas Kristu akatramurintiaj nu paant nekaamniaiti. Tura tu Enentáimtursatniuitrume.

19:3b.1CO.019.003 Ashí shuar "Kristu akatramurinchuiti" Túrutainia nuna juna Tájai.

19:4b.1CO.019.004 Wisha Yus-Chichaman etserkataj tusan Shuárnum iraakun Ashí ajampruinia nuna yuamniaitjai tura umarminiaitjai.

19:5b.1CO.019.005 Tura Pítrusha, Jesusa yachisha, tura Chíkich akatramusha irainiak ni nuwen Yus-shuar ainia nuna jukimnia ainiawai. Wisha Núnisnak Túramniaitjai.

19:6b.1CO.019.006 Chíkich akatramuka kuit susamujai Yus-Chichaman etserainiawai. Wisha Pirnapísha Núnisrik Túramniaitji. Kame ṡaya iichikik takastiniaitiaj~i?

19:7b.1CO.019.007 Suntarka ṡNí Kuítrijiaimpiash takaa? ṡTsanimpian Aráa nu nuna neren Yúatsuk. Wáakan wainiua nusha muntsurin úmatsuk? Núnisan Yus-Chichaman étsera nusha Nú takasmanumia Yurumámniaiti.

19:8b.1CO.019.008 Aya aents Enentáimmian chichaatsjai. Muisais akupkamunmasha métek tawai.

19:9b.1CO.019.009 Muisais akupkamunam aarmaiti: "Turu takaak jinkiaia saepen pakartaj tusa Nájakui ni Nují Jinkiatáshtiniaiti. Antsu ni wakerak yuati." Tu aarmaiti. Tura Yus aya Túrunak Enentáimprachmiayi jujai.

19:10b.1CO.019.010 Antsu iin jujai nekaawarat tusa Tímiayi. Jinkiain araana nusha tura Júukmatai saepen pakaana nusha nuna jinkiain mai Yurumátin ainiawai. Paant Atí tusa Yus nuna aarmiayi.

19:11b.1CO.019.011 Tuma asamtai Yus-Chicham atumiin etserkakrin Nuyá átum takakrumna nujai iin ajamsatniuitrume. ṡNusha itiurchatkait?

19:12b.1CO.019.012 Chíkich akatramu Atumíin irutainiak ajamsamun yuamniaitkuinkia iikia nekas Túramniaitji ii etserkamujai Yus-shuar ajasakrumin. Tura wikia antsu Túrachuitjai. Atsumaknasha Ashí itiurchat ana nuna katsuntramjai Kristu shiir chichamen étserkui shuar itiurchat Enentáimturarain tusan.

19:13b.1CO.019.013 Ashí shuar ni Yúsriniun tuke pujurin ainia nu, ni yusri jeen írunna nuyan Yurumáiniawai. Tura yus-sutai namanken maawar Nuyá Yurumáiniawai.

19:14b.1CO.019.014 Núnisan Yus-Chichaman etserniua nuka Yúsnan takasu asamtai pénker ajamsatniuiti. Nuna Kristu akupkamiayi.

19:15b.1CO.019.015 Tura wisha ajamsamun yuamniaitiatan tuke winia Kuítrujai Yurumámjai. Tura yamaisha Surúsúk tusan aattsujrume. Antsu nuna Túrutsuk jakanka maak Aíntjai.

19:16b.1CO.019.016 Uwempratin chichaman wi étserkun aya Nújain "ti penkeraitjai" Enentáimtumatsjai. Kame Yus nuna Túratniun surusuncha itiurkatjak. Nuna Túrachkunka ti itiurchat pujusaintjai.

19:17b.1CO.019.017 Wakerakun étserkunka, warasminiaitjai. Tura nakitiaknasha tuke Yus surusmanka umiktiniaitjai.

19:18b.1CO.019.018 Tura jujai antsu nekas warasminiaitjai: Wi Túramnian iniaisan chikichnan takatsuk aya winia Kuítrujain uwempratin chichaman étserjai. Nujai waraakun akikma aintsankete.

19:19b.1CO.019.019 Chíkich shuara takarniuchuitiatan Ashí shuara takarniuriya aintsanketjai Kristu shuari Untsurí ajasarat tusan.

19:20b.1CO.019.020 Israer-shuarjai pujakun niisha Yus-shuar ajasarti tusan Israer-shuara aintsan ajai. Kame Muisaisa akupkamuri umirkatin ainiakui wisha aun umirkashtiniaitiatnak umirniuitjai.

19:21b.1CO.019.021 Tura Israer-shuarchasha Yus-shuar ajasarti tusan, nu shuar Muisaisa akupkamurin umirkashtin ainiakui, wisha nuna umirkashtinia aintsan ajai. Tura Kristu akupeana nuna umirkatin asan nekas Yus akupkamun umirniuitjai.

19:22b.1CO.019.022 Yusjai katsuarchasha ti penker Yus-shuar ajasarti tusan wisha katsuarcha aintsan ajai. Chíkich Chíkich shuarjai métek ajajai ishichkisha Yus-shuar ajasarti tusan.

19:23b.1CO.019.023 Ashí wi Túraj Núnaka uwempratin chicham tuke shiir Atí tusan Túrajai. Tura nu chichamjai wisha atsumtsuk shiir wekaajai.

19:24b.1CO.019.024 Shuar nekapnaisatniusha Untsurí tsékentin átsuk tura aya chikichik awakmatsuk. Ninki, awakmakun Súsatniua Nú shiirmachin achiktatui. Núnisrum kakarum ajasrum awakmak Shíirmachin achiktinia aintsarum Yusna takastarum.

19:25b.1CO.019.025 Shuar nakurak nekapnaisatin ainia nuka nupetmaktaj Tákunka Ashí itit awajea nuna ikiuiniawai. Iisha Núnisrik nu Enentáijiai Yusna nu takastiniaitji. Nakuruinia nu shuar awakmakun tawasap Súsatniua nuna achikiarsha Nú tawaspan Wárik kajinmatkimniaiti. Antsu Yus iin amastatjinia Nú tawasap tuke amuukashtatui.

19:26b.1CO.019.026 Wikia aya Nánkamsan tsékeatsjai. Nasejai maania aintsan Máaniatsjai.

19:27b.1CO.019.027 Antsu winia ayashrun awatinia aitkiasnak umimtikiajai. Túrachkunka chikichan unuiniariatan winiasha awakmakun Súsatniua Nú shiirmachin Yus surustinian nakitrurainti.

110

110:1b.1CO.110.001 Enentáimpratarum, yatsuru. Yus yaunchu ii uuntrin Ashí métek Yáinmiayi. Nusháa yuranmijiai jintian nekapruamiayi. Tura Ashí ii uuntri nu yuranmin apapekar wearmiayi. Ashí Núnisar Kapaaku Nayaantsan Yus akankamunam wekasar katitkiarmiayi.

110:2b.1CO.110.002 Tura Muisaisan umirkar yuranminiam tura nayaantsanam Ashí imiaimiu aintsan ajasarmiayi.

110:3b.1CO.110.003 Núnisan Ashí mash Yusnumia yurumkan yuawarmiayi.

110:4b.1CO.110.004 Entsancha Ashí mash Yus susamunak umararmiayi. Kame Yus kayanmaya entsan akupkamtai Ashí umararmiayi. Krístusha, Nú kaya aintsan, niijiai tuke weakui ni Wakaní atsumamurin Krístunmayan takusarmiayi.

110:5b.1CO.110.005 Tuma ain Yus ti Yáinmaitiat ni wakeramun umikcharmiayi. Tura ásar ni nunkeen jeatsuk atsamu nunkanam ti Untsurí Jákarmiayi.

110:6b.1CO.110.006 Iisha nujai unuimiartiniaitji. Iikia ni wakeriarmia aintsar~i yajauchia nu wakerukchatniuitji.

110:7b.1CO.110.007 Nu asamtai ántar-yus ni Túrawarmia aintsarum tikishmatrairap. Iis, jiru yusri shiir awajenakui Yus-Papinium aarmaiti, "Nu shuar Yurumáwar nampekar Námper ti najanawarmiayi." Tu aarmaiti.

110:8b.1CO.110.008 Nii Túrawarmia Núnisrik iikia tsanirmashtiniaitji. Nuna Túrawar paintitres mir (23.000) chikichik tsawantai Jákarmiayi.

110:9b.1CO.110.009 Iisha Tunáa Túrar "Yus Asutiuáshtatui" tu Enentáimprashtiniaitji. Niisha nuna Túrawar napijiai esaim Untsurí Jákarmiayi.

110:10b.1CO.110.010 Yussha yajauch áujmatsashtiniaiti. Nuna Túrawarmatai Yus ni suntarin akupak Untsurín maawarmiayi.

110:11b.1CO.110.011 Yaunchu ii uuntrijiai Túrunamu iin Amúamu tsawantnum pujajnia nuna jintintramat tusa aarmaiti.

110:12b.1CO.110.012 Tuma asamtai shuar "Tunaanum iniaarchattajai" Tákunka anearti. Anearchamka iniaarminiaitme.

110:13b.1CO.110.013 Tura ame itiurchatrumka aya amek nekapeatsme. Chíkich shuarsha nu itiurchatjai métek nekapsatin ainiawai. Jusha ti Enentáimpramniaiti. Ame katsuntratin tujintiamna nuna nankaamas itiurchatan Yuska pénker asa tsankatramatsui. Antsu itiurchat tarutrammatai, nu itiurchatnum pujamin Yuska uwempratniun jintintramattawai. Nújainkia katsuntrattame.

110:14b.1CO.110.014 Nu asamtai aneamu yatsuru penke ishichkisha ántar-yus enentaimtusairap.

110:15b.1CO.110.015 Atumsha nékatsrumek. Wi Tájana nu nekaschakait.

110:16b.1CO.110.016 Kristu jakamu Enentáimtustin Námper najanar Yus áujeaji Kristu numpen nakumea nu shiir Atí tusar. Tura métek umarar nujai Kristu numpé métek Enentáimtaji taji. Tura apatkusha Púurar~i tura métek yuar~i nujai Kristu Ayashí iin jarutramkamu métek Enentáimtaji taji.

110:17b.1CO.110.017 Apatkusha chikichkiitiat Púuram Untsurí ajatsuk. Iisha Núnisrik Untsuríitiatar nu apatuk métek yuar~i métek Enentáimprar chikichik ayashtinia aintsar aji.

110:18b.1CO.110.018 Israer-shuartisha Enentáimpratai. Yus-sutai namanken yuinia nu, métek yuawar Yusan métek Enentáimtuiniatsuk.

110:20b.1CO.110.020 Núnisan Yus-shuarcha ántar-yus sutai namanken suiniak nekas-Yusan suiniatsui antsu yajauch wakanin suiniawai. Kame ántar-yus ainiak penké ántar ainiawai, iwiaakuchu ainiawai. Nu namansha sutai namanketiat pénker namankete, yajauchichuiti. Aya junak tajai. Yus-shuarcha ántar-yus sutai namanken suiniakui amesha niijiai métek yuamka yajauch wakanniasha niijiai métek Enentáimtajai tame. Nu antsu yajauchiiti.

110:21b.1CO.110.021 Kristu numpen nakumea nu úmakrum íwianch susamua nuka umarchatniuitrume. Kristu ayashin nakumea nu Yúakrumka íwianch susamua nuka Yúashtiniaitrume.

110:22b.1CO.110.022 ṡWarí, Yus akajkatin wakeramek. Iisha niin nupetkamniashitiaj~i?

110:23b.1CO.110.023 "Ashí Túramniaitjai" tiniu ainiawai. Ayu, tura mash Yáintkiashtatui pénker wekasatniun. Nekas Ashí Túramniaitjai tura mash Yáintkiashtatui wakaniur kakaram ajastin.

110:24b.1CO.110.024 Nú arantcha Chíkich Yáintincha Enentáimpratniuitji. Aya iiniuk pachischatniuitji.

110:25b.1CO.110.025 Naman Súmakum inintrutsuk sumakta. Tura ántar-yusan susamusha yajauchichuashit Enentáimtsuk Páchitsuk yuata.

110:26b.1CO.110.026 Ashí ju nunkasha tura Ashí írunna nusha Yúsnachuk ainia. Tuma asamtai pénker ainiawai.

110:27b.1CO.110.027 Yus-shuarchasha yurumkan ajampramkuisha Ashí mash yajauchichuashit tu Enentáimtsuk Páchitsuk yuamniaitme.

110:28b.1CO.110.028 Tura Chíkich chichaak "Juka ántar-yus susamu namankete" Túramkuinkia nuikia yuawaip. Yúakminkia nu shuar itiurchat Enentáimprattawai.

110:29b.1CO.110.029 Ame Páchitsuk yuamniaitkiumnisha nii antsu Yúachmin asa itiurchat Enentáimprattawai. Tura amesha Tíchatameash "ṡUrukamtia nii tujintiakui wi Yúachminiaitiaj.

110:30b.1CO.110.030 Wi Yúsan yuminsan Yúakuisha urukamtia itiurchat Enentáimturainia. Yus yuminsachmakait?" Tíchatameash.

110:31b.1CO.110.031 Ayu, Yúakmesha úmakmesha Ashí Túramna nusha Ashí shuar Yúsan shiir Enentáimtusarti tusam Túratá.

110:32b.1CO.110.032 Tuma asamtai ii Túramujai Chíkich shuar tunaanum ajuashtiniaitji. Israer-shuarsha, Israer-shuarchasha, Yus-shuarsha Ashí Yáintiniaitji.

110:33b.1CO.110.033 Wisha Ashí shuaran Yáintinian tuke Enentáimjai. Ashí shuar uwemprarti tusan wi wakeraj nuna Enentáimtsuk niin Yáintinian tuke pujurjai.

111

111:1b.1CO.111.001 Kristu turamia aintsan takaajai wisha. Atumsha Núnisrum wi takaajna aintsarum takastarum.

111:2b.1CO.111.002 Yatsuru, átum winia tuke Enentáimturarum wi Tímiajrumna nu umirniuitrume. Tuma asakrumin shiir Enentáimtajrume.

111:3b.1CO.111.003 Nu arantcha ujaajrume. Yus Apa Krístun akupea aintsan Kristu Ashí aishmankan akupeawai. Núnisan aishmansha ni nuwen akupeawai.

111:5b.1CO.111.005 Iijiainkia shuar Yus áujenak tura Núnisan Yus-Chichaman étserainiak aishman etsenkrukchatniuiti antsu nuwa Múuknum nukumaktiniaiti. Tuma asamtai aishman nui etsenkrakka natsantaiti. Tura nuwa Múuknum nukumakchanka natsantaiti. Intiashin tsupimiarua aintsankete.

111:6b.1CO.111.006 Nuwa Múuknum nukumaktinian nakitiakka intiashin Tsupírtí nuikia. Watsek, nuwa ni intiashin tsupirtinian nakitiakka, tura awampratniun natsamakka Múuknum nukumakti nuikia.

111:7b.1CO.111.007 Aishmankka Yúsan nakumeawai. Yusna shiir ana nuna Nakúmkáttsa Yus aishmankan najanamiayi. Tuma asamtai aishmankka etsenkrukchatniuiti. Antsu nuwanka aishmanna shiir ana nuna Nakúmkáttsa Yus najanamiayi.

111:8b.1CO.111.008 Iis, Yus aentsun najaneak nuwanmayan aishmankan najanachmiayi antsu aishmanka Ukunchíjiai nuwan najanamiayi.

111:9b.1CO.111.009 Nuwan Yáinkiát tusa aishmankan najanachmiayi antsu aishmankan Yáinkiát tusa nuwan najanamiayi.

111:10b.1CO.111.010 Tuma asamtai Núwaka Múuknum nukumaktiniaiti, nayaimpinmaya aencha iisarti tusa.

111:11b.1CO.111.011 Ayu, tura aishman nuwajainchu atsuinti tura nuwasha Núnisan aishmanjainchu atsuinti. Yus ju nunkan Núnisan Atí tusa najanaiti.

111:12b.1CO.111.012 Iis, Yus nuwan aishmannumia najanamiayi tura aishmansha nuwanmaya akiiniaiti. Tura Yus mai najanaiti.

111:13b.1CO.111.013 Enentáimpratarum atumsha. Nuwa Múuknum nukumatsuk Yus áujsatin ṡpénkerkait?

111:14b.1CO.111.014 Ii shuartinkia aishman intiash ajakin natsantchakait.

111:15b.1CO.111.015 Antsu Núwaka intiash ajakin pénkerchakait. Múuknum nukumaktinian susamuiti.

111:16b.1CO.111.016 Watsek, shuar tuke umiktinian nakitiakka juna nekaati, iisha tura Ashí Yus-shuartisha aya tu Enentáimji.

111:17b.1CO.111.017 Yamái aarattajrumna nujain shiir Enentáimtatsjarme. Atum irunkuram Yáiniaiktiniaitrume tuke pénker wekasatin. Atum antsu iruntrarum yajauch awajnaiyarme.

111:18b.1CO.111.018 Wats, Yusa Jeen irunkuram Atumsháa Enentáimprarum kanakurme. Kame tu ujatkarmai. Nekaschashit.

111:19b.1CO.111.019 Tuke tupartatrumek Yúsnan ti nekana nu shuar paant nekanat tusarmea. Antsu kajernaikiar kanaktin pénkerchaiti.

111:20b.1CO.111.020 Kanakin asarum Kristu jakamu enentaimtustin nampernum atum iruntrarum Yúarmena nu nekas Yúsnachuiti.

111:21b.1CO.111.021 Iis, Ashí Ní yurumken itiaawai ai Yurumáttsa tura chikichan Nákatsuk Niá Niá wari yuattsa wakerawai. Chíkichkia ishichik itiaana nu tsukamawai tura chikichcha nampekarai.

111:22b.1CO.111.022 Yurumkan ishichik itiaana nu Iniatsáarchamek. Atum aitkiarum Núnisan Yusa jeen Yurumáshtiniaiti. Natsantaiti. Warí, Chíkich jea átsuk ai Yurumátin. ṡWarimpait. Jujai Shíirash áujsatjarum? Atsá. Jujai shiir áujsachminiaitjarme.

111:23b.1CO.111.023 Ii Uuntri Kristu jintintruama Núnaka ujakmajrume. Jútas tuke Súratsain, nu kashi ii Uuntri Jesus apatkun Jukí

111:24b.1CO.111.024 Yusan yuminsamiayi. Nuyá puur Tímiayi "Yuatarum. Jusha winia ayashruiti; atumin jarutramkatta Núiti. Ju Yúakrum Winia Enentáimtursatarum" Tímiayi.

111:25b.1CO.111.025 Núnisan Yurumá umik pininnasha achik Tímiayi "Ju pinin Yamaram Chichamaiti. Tura winia numpar Puármatai Yamaram Chicham nekas uminkiattawai tawai. Ju tuke úmakrum Winia Enentáimtursatarum" Tímiayi.

111:26b.1CO.111.026 Tuma asamtai ju apatuk Yúakrum tura pininsha úmakrum ii Uuntri Kristu jakamuri Enentáimtarme. Kristu Táatsain ju tuke Túratniuitrume.

111:27b.1CO.111.027 Tuma asamtai shuar Yusan Enentáimtutsuk ju apatkun yuawar tura ju pininnumiancha umarar Kristu ayashincha ni numpencha yajauch Enentáimta asa Tunáa Túraiti.

111:28b.1CO.111.028 Nu asamtai Ashí shuar ju apatkun Yútsuk tura ju pininnumiancha úmutsuk ni Enentáin iwiaratniuiti Yusjai.

111:29b.1CO.111.029 Kristu Ayashí jakamu Enentáimtutsuk Yúakka tura úmakka nuna tura asa Asutniáttawai.

111:30b.1CO.111.030 Atumsha tura asarum jaarme tura pimpiruitrume. Chikichcha Jákaru ainiawai.

111:31b.1CO.111.031 Imia-iik iimiakrinkia Yus iin Asutiámachaintji.

111:32b.1CO.111.032 Tura ii Enentáin Yus yajauchia nuna Wáiniuk Asutiámji. Túrachkunka Ashí Yus-shuarchajai Súmamtikramawaintji.

111:33b.1CO.111.033 Tuma asamtai, yatsuru, iruntrar Yurumáttsa matsatkurmeka Nákastarum métek Yurumátin.

111:34b.1CO.111.034 Shuar tsukamakka ni jéeniin~ki Yurumáti. Nújainkia yajauchijiai irunchakrumin Yus Asutiámashtatrume. Ayu, Chíkich aatrururmena Núnaka wi ai jean iwiarattajai.

112

112:1b.1CO.112.001 Yusa Wakaní Ashí ni shuarin Súana nuna Yamái ujaktatjarme. Nekaatarum, yatsuru. Yus-shuar shiir takasarti tusa Yusa Wakaní juna Súsaiti.

112:2b.1CO.112.002 Yaunchu átum Yus-shuar tuke ajatsuk Chíkich shuarjai métek ántar-yus tikishmatramarme. Niisha ántar-yus ásar áujmattramsachmin ármiayi.

112:3b.1CO.112.003 Tura Jújain shuar Yusa Wakaní kakarmarijiai chichaana nu nekaamniaiti. Yusa Wakaníjiainkia shuar "Jesus yajauchiiti" Tíchamniaiti. Núnisan aya Yusa Wakaníjiain "Jesus winia Uuntur asa akuptuktiniaiti" Tíminiaiti.

112:5b.1CO.112.005 Yusa takatri íruntsuk. Tura Yusa Wakanín~ki Ashí nuna takastinian Súsaiti. Tura shuar Yus-shuara Uuntri chikichik ain Ashí Yusa takatrin métek takaatsui. Antsu chikichkin Ashí nankaamas pénker takaawai. Yusa Wakanísha nuna shiir takasat tusa Súawai. Tura Nii wakera nuna Ninki ni shuarin chikichik chikichik Niisháa Niisháa Súawai.

112:6b.1CO.112.006 Yúskete Ashí ni shuarin Niisháa takamtikeana nu. Ninki Ashí ni shuari Enentáin takaak takatnasha shiir takamtikeawai.

112:7b.1CO.112.007 Yusak Túratin Súam Yusa Wakaní kakarmari paant átatui nu takasmanum. Tura Ashí shuar Ní takatrijiai Yáiniaiktin ainiawai.

112:8b.1CO.112.008 Júnaka Yus takamtikeawai. Nékana nu shuarnasha, unuimiarua nunasha Yúsnan ujaktinian Súawai. Tura mai shuaran Yusa Wakaní kakarmarijiai nuna Túratniun Súsaiti.

112:9b.1CO.112.009 Chikichnasha Yúsan áujenak Yúsan ti Enentáimtusar nekas itiurchat ana nuna iwiaratniun Súawai. Nincha Yusa Wakaní kakarmarijiai nuna takastinian Súsaiti. Chikichnasha jaan Tsuártinian Súawai.

112:10b.1CO.112.010 Chikichnasha aents ninki Túrachminian Túratniun Súawai. Chikichnasha Yúsnan etserkatniun Súawai. Chikichnasha shuar wari yajauch wakannia pénker wakanniasha apatka nekaatniun Súawai. Chikichnasha Niisháa chichaman chichastinian Súawai. Chikichnasha Niisháa chichasman Jintíatniun Súawai.

112:11b.1CO.112.011 Tura Ashí shuara Enentáin nu Wakanik takaawai. Tura Nii wakera nuna ankant ankant Súawai takastinian.

112:12b.1CO.112.012 Iikia Kristu Ayashía aintsar~i Ayashímkiaitji. Kristu Ayashí muchitmarisha írunui. Niisha Túmaitiat chikichik ayashtiniaiti.

112:13b.1CO.112.013 Tura imianiakrin Yusa Wakaní chikichik awajtamsamji, Kristu Ayashía aintsan. Israer-shuarsha, Israer-shuarchasha, ti itiurchat takaana nusha, ankant ainia nusha, Ashí Yamái chikichik ajasuitji. Tura Yusa Wakaní pimiutkamuitji Niijiai tsaninkia pujakur.

112:14b.1CO.112.014 Ayashi muchitmari aya chikichkichuiti.

112:15b.1CO.112.015 Tuma asamtai, winia nawer uwejruchuitiat tuke winia ayashrunuiti.

112:16b.1CO.112.016 Winia Kuíshrusha Jíiruchuitiat tuke winia ayashrunuiti.

112:17b.1CO.112.017 Wátsek winia ayashur aya Jíikitkiuinkia ṡitiurak antukaintiaj? Winia ayashrusha aya Kuíshkitkiuinkia ṡWaríjiain nekapsaintiaj?

112:18b.1CO.112.018 Nu asamtai Yus winia ayashru muchitmari ni wakeramunam ikiusuiti.

112:19b.1CO.112.019 Chikichik muchitmajain ṡayash áminkiait?

112:20b.1CO.112.020 Antsu Untsurí muchitma akuisha chikichik ayashkiiti. Iisha Núnisrik Chíkich Chíkich Iisháa takayatrik métek takasar Yus wakeramu takamtsuk Umíaji.

112:21b.1CO.112.021 Winia jiiru pénker ain winia Uwejrúncha wakerishtatjak. Winia muukarsha pénker ain winia nawernasha wakerishtatjak. Núnisan Yus-shuar shiir Enentáimtumak ni yachin "atsumatsjame" Tíchamniaiti.

112:22b.1CO.112.022 Antsu ii muchitmari ishichik Enentáimtajnia nu atsakuinkia ti atsumawaintji.

112:24b.1CO.112.024 Chíkich muchitmasha, iimiancha nu, shiir iwiarmamtaji. Tura nu muchitmaka shiir iisminia nujai nankaamas pénker wainji. Iis, shiircha nu antsu pénker wainji. Yus ii ayashin Núnisan Atí tusa najanamiayi.

112:25b.1CO.112.025 Nujainkia Ayashí muchitmari Máanaitsuk métek Yáiniainiawai.

112:26b.1CO.112.026 Chikichik muchitmaram najaimiakum Ashí ayashnium Wáitiatsmek. Núnisan chikichik muchitmaram ayap ajakum Ashí ayashnium shiir átsumek.

112:27b.1CO.112.027 Núniskete Kristu Ayashíjiai Ayashímkiaj~i nu. Tura Chíkich Chíkich ni muchitmari aji.

112:28b.1CO.112.028 Ayashnium muchitma írunna aintsan Yus ni shuarin Untsurí takatan Súsaiti. Emka Yus akatramu, Nuyá ni chichamen etserin, Nuyá jintinkiartin, Nuyá aents Túrachminian Túrin, Nuyá Tsuákratin, Nuyá Yáinkratin, Nuyá akupin, Nuyá Niisháa chichamjai chicharin, mash írunui.

112:29b.1CO.112.029 ṡAshí Yus akatramuk ainia. Ashí Yus-Chichaman etserniuk ainia. Ashí jintinkratniuk ainia. Aents Túrachminian Ashí Túriniak ainia.

112:30b.1CO.112.030 Ashí Tsuákratniuk ainia. Ashí Niisháa chichamjai chichamtiniak ainia. Ashí Niisháa chichamjai chichasman jintinkratniuk ainia? Atsá. Túmachuiti.

112:31b.1CO.112.031 Túmaitkuinkia pénkera nu takastin wakeruktarum. Tura Imiá pénkera nuna jui jintintiatjarme.

113

113:1b.1CO.113.001 Ju nunkanmaya aentsu chichamen Untsurí chichayatnak tura nayaimpinmaya aentsu chichamencha chichayatnak anenkratchaknaka tampur meserua aintsanak aya ten-ten ajajai. Penké ántranak chichaajai.

113:2b.1CO.113.002 Yus-Chichamnasha ti shiir étseriatnak, Túrasha Ashí uukmancha tura Ashí nekaamniancha nékayatnak, Túrasha Yúsan ti Enentáimtusan Murá umuchiayatnak, anenkratchaknaka penké ántraitjai.

113:3b.1CO.113.003 Ashí wi takakjana nuna atsumainian Súayatnak tura Yus shiir awajsattsan winia Ayashrúncha aesawarti tusan surumayatnak tura anenkratchaknaka ántranak Túraitjai.

113:4b.1CO.113.004 Anenkartaka wari kajeatsui, Tsánkaiti, Chíkich shuaran shiir awajniuiti, péejchach asa waantu Enentáimtumatsui.

113:5b.1CO.113.005 Anenkartaka natsanta nuna Túrichuiti, Níiniunak Enentáimchaiti, kajechuiti, Páchichuiti.

113:6b.1CO.113.006 Chikicha tunaarin wararchaiti antsu pénker shuaran wararniuiti.

113:7b.1CO.113.007 Anenkartaka aya katsunteawai. Tsanú chichamnasha nakitiawai antsu aya pénker ana nuna Nákawai. Tunáa shuar shiir Ajastí tusa tuke Nákawai.

113:8b.1CO.113.008 Anenkrattainkia tuke amuukashtiniaiti. Antsu ju nunka amuukmataisha Yus-Chicham etserkatin atsuttawai, tura Niisháa chichamjai unuimiatsuk chichastincha amuukattawai, tura Ashí nekanamtai unuimiartincha atsuttawai.

113:9b.1CO.113.009 Kame yamaikia aya ishichik nékaji. Yus-Chichamsha amutsuk étsereaji.

113:10b.1CO.113.010 Túra ukunam mash nekanamtai Yámankamtaik nekaamuka ántar átatui.

113:11b.1CO.113.011 Yaunchu wi uchich asan uchichia aintsan Enentáimkiun chichasmajai. Antsu yamaikia uunt ajasan uchiniun iniaisaitjai.

113:12b.1CO.113.012 Núnisrik Yamái ju nunkanam Yus paant Wáintsuji. Ispik kusurunam iimsatniua aintsankete. Antsu ukunam mai métek paant wainniaikiattaji. Yamaikia aya ishichik nékajai. Nui antsu Yus winia nékara aintsanak nekaattajai.

113:13b.1CO.113.013 Watsek, menaintiu amuukashtin ainiawai. Ju ainiawai: Yus shiir Enentáimtustin, shiir ana nu Nákastin, tura anenkrattai. Ju menaintiunmasha anenkrattainkia Ashí nankaamakuiti.

114

114:1b.1CO.114.001 Nu asamtai, anenkratin atarum. Tura Núnisrumek Yúsnan pénkera nu takastin wakeruktarum. Imiankaska Yus-Chicham etserkatin pénkeraiti.

114:2b.1CO.114.002 Nújainkia Niisháa chichamjai unuimiatsuk chichastin pénkerchaiti. Iis, nu shuar Chíkich shuarjai chichatsuk aya Yusjai chichaawai. Ni chichame penké antukchamniaiti. Yusa Wakaní niin chichastinian Súawai Túrasha tana nu nekaachminiaiti.

114:3b.1CO.114.003 Antsu Yus-Chichaman étserea nuka shuaran yayawai. Shuaran Ikiatsuártasa, tura Ikiakártasa, Túrasha atsankrattsa yayawai.

114:4b.1CO.114.004 Niisháa chichamjai unuimiatsuk chichaana nuka aya ninki katsuartinian Yáinmamui. Antsu Yus-Chichaman étserea nuka Ashí Yus-shuaran Ikiatsuáwai.

114:5b.1CO.114.005 Atumsha Ashí mash Niisháa chichamjai chichastinian wakerajrume. Túrasha nuna nankaamas Yus-Chicham etserkatniun wakerajrume. Aya chichastinjainkia ju Imiá pénkerchakait. Kame chichasma Jintíakmeka maak. Nujai Yus-shuar tsakarartatui.

114:6b.1CO.114.006 Enentaimpratarum, yatsuru. Nui iraakun aya Niisháa chichamjai chichaaknaka ṡitiura Yáintatjarum? Antsu Yus winia jintintruamuncha tura wi nékajna nunasha étserkunka Yáintatjarme. Yus-Chichamnasha tura Ashí Yúsnancha jintinkiuncha Yáintatjarme.

114:7b.1CO.114.007 Peemsha tura tumansha wi Tájana aintsan ainiawai. Pénker Tuntuíyamuka paant nekaamniaiti. Tura pénker Tuntuíyachkuinkia, nu Tuntuíyamu nekaachminiaiti.

114:8b.1CO.114.008 Suntarsha mesetnum wéenakui ni Kapitiántri ni wakeramun ujaktinian kachun umpuawai. Paant umpuakuinkia suntarsha ni wakeramun nekaawartatui. Tura paant umpuachkuinkia suntarsha ṡitiurak mesetnum wétinian iwiarat?

114:9b.1CO.114.009 Atumjaisha Núniskete. Nekaachmin chichamjai chichaakminkia ṡTámena nuna itiur nekaawartata? Nase chichartsumeash.

114:10b.1CO.114.010 Ju nunkanmaya chichamka ti Untsurí írunui. Nu chichaman nékakka Ashí antukmin ainiawai.

114:11b.1CO.114.011 Tura Chíkich shuara chichamen ántachkunka Níijiainkia yajaya apachia aintsanak ajajai. Niisha Wíjiainkia yajaya apachia aintsankete.

114:12b.1CO.114.012 Tuma asamtai, Yusa takatri ti wakera asarum Ashí Yus-shuaran ikiarartatna Nú takat nekas wakeruktarum.

114:13b.1CO.114.013 Nu asamtai Niisháa chichamjai chichaitkiumka chichasumna nu jintiartin Yus seata.

114:14b.1CO.114.014 Niisháa chichamjai Yusan áujeaknaka nekas winia wakantrujai áujeajai tura áujsajna nuna nékatsjai.

114:15b.1CO.114.015 Antsu wikia Júnisan Enentáimjai. Yúsan áujeakun winia wakantrujaisha áujsattajai tura Enentáimtsuk áujsashtatjai. Kantamkuncha kantamaj nuna Enentáimkiun winia wakantrujaisha kantamattajai.

114:16b.1CO.114.016 Amesha shuar iruntramunam aya wakanmijiai Niisháa chichamjai Yus shiir yuminsakmincha nekaachmin asamtai nékachuka ámijiai métek áujsatniun jeatsui.

114:17b.1CO.114.017 Ti shiir Yus yuminsam áujeatsmeash tura Chíkichka Yusjai Ikiakáatsme.

114:18b.1CO.114.018 Ashí átum Nusháa chichamjai chicharmena nuna nankaamas wikia chichaajai. Nuna Yusan yuminsajai.

114:19b.1CO.114.019 Túmaitiatnak Untsurí chichamjai chichasan ántumtikiashtinjainkia nankaamas Yus-shuar iruntramunmanka aya senku chichamchijiain tiintjai, paant jintintiawartaj tusan.

114:20b.1CO.114.020 Yatsuru, uchia aintsarum Enentáimprairap. Kuirchia aintsarum Tunáa Túrashtin Enentáimpratarum tura Chíkich írunna nujai uunt Enentáimpratniua aintsarum Enentáimpratarum.

114:21b.1CO.114.021 Yus-Papinium aarmaiti: ""Yajaya shuaran akupkan Niisháa chichamjai chichastatjai. Tura Nújaisha anturtukchartatui" tawai Yus." Tu aarmaiti.

114:22b.1CO.114.022 Nújainkia Páantaiti, Nusháa chichamjai chichastinkia Yus-shuarchan ashamtikiar Enentáimtikratniun Yus Súsaiti. Yus-shuaran tu Enentáimtikratniun Súsachuiti. Antsu Yus-Chichaman etserkatniunka Yus-shuarchan Enentáimtiktsuk Yus-shuaran Yáintinian Súsaiti.

114:23b.1CO.114.023 Tuma ain, nékachusha tura Yus-shuarchasha Yus-shuar iruntramunam wayanka tura Ashí Niisháa chichamjai chichainianak Wáinkianka "mash waurka ajasarai" Enentáimturmarchartatuak.

114:24b.1CO.114.024 Tura Yus-Chicham étserkurminkia nékachusha tura Yus-shuarchasha nui wayanka Ashí Tárumna nujai ni tunaarin iimias Enentáimturtatui.

114:25b.1CO.114.025 Nújainkia ni Enentáin úumak ana nuna paant Wáiniak tikishmatar Yusan shiir awajsattawai. Tura "nekas Yus atumjai pujawai" Títiatui.

114:26b.1CO.114.026 Ayu, Júnisaiti, yatsuru. Atum irunkurmin shuar takastinian Yus niin susamu Túratí. Kantamátniuncha, jintintiatniuncha, Yus iwiainiakman ujaktinniasha, Nusháa chichamjai chichastinniasha, Nusháa chichasman Jintíatniuncha, Ashí Yus-shuar Yusjai tsakararti tusar juna mash takasarti.

114:27b.1CO.114.027 Nusháa chichamjai chichainiakka chikichik chikichik chichasarti. Tura Jímiarchik menaintiuchiksha chichasarti. Tura ni timianka jintiartiniaiti.

114:28b.1CO.114.028 Jintiartin atsakuinkia Nusháa chichamjai iruntramunam chichaschatniuiti. Antsu ninki Yusjai chichasti.

114:29b.1CO.114.029 Núnisan jimiarchiksha menaintiuchiksha Yus-Chichaman etserkarti. Tura Chíkich shuar nui iruntrar ni etserkamun Enentáimprarti pénkerashit tusar.

114:30b.1CO.114.030 Tura chikichik chichaakui Yus chikichan nui pujana nuna yamaram chichaman Súakuinkia emka chichaa nu Iniáisatí.

114:31b.1CO.114.031 Núnisrum Yus-Chicham etserkatin wakerarmena nu chikichik chikichik chichasrum Ashí jeattarme. Nújaisha Yus-shuar unuimiarar kakarartatui.

114:32b.1CO.114.032 Yúsnan étserainia nuka tuke Enentáimprar chichastin ainiawai. Enentáimtsuk Nánkamsan chichasmin ainiatsui.

114:33b.1CO.114.033 Yuska pachimtak chichaman nakitiak shiir chichasmanak wakerawai. Chíkich nunkanmasha Ashí Yus-shuar iruntramunam Túrainia aintsarum Túratniuitrume atumsha.

114:34b.1CO.114.034 Yus-shuar iruntramunam nuwa chichastin surimkiamuiti. Yus akupea Núnisan Núwaka chichatsuk umin átin ainiawai.

114:35b.1CO.114.035 Inintrustininian wakerakka ni jeen waketkin ni aishrin nui aniasti. Ashí iruntramunam nuwa chichastin natsantaiti.

114:36b.1CO.114.036 Jusha Enentáimpratarum. Yus-Chicham atumjai nankamnachmai. Núnisan aya atumiinin Yus-Chicham jeartamchaiti. Chíkich nunkanmasha Yus-shuarti Túrutai Enentáimpratniuitrume atumsha.

114:37b.1CO.114.037 Atumíin shuar "Yus-Chichaman tuke etserniuitjai" Enentáimtumatsuash. Tura Chíkich shuarsha "Yusa Wakaní tuke winia akuptaiti" Enentáimtumatsuash. Nu shuarka wi aatjarmena nuna Enentáimprar "nekas Yúsnan Tíniuiti" Tiartí.

114:38b.1CO.114.038 Tu Táchakuinkia niisha ántrar ainiawai.

114:39b.1CO.114.039 Nu asamtai, yatsuru, Yus-Chicham etserkatin wakeruktarum. Nusháa chichamjai unuimiatsuk chichastincha surimkiairap.

114:40b.1CO.114.040 Túmaitiat antukchamin awajtsuk Ashí shiir Túratarum.

115

115:1b.1CO.115.001 Ataksha, yatsuru, uwempratin chichaman wi etserkamaj nuna atumin Enentáimtikrattsan wakerajrume. Nu chichamsha atumsha Enentáimturarum tariarurme.

115:2b.1CO.115.002 Nu chichamsha átum ántar Enentáimtachkurmeka uwempraitrume. Wi ujakmajrum nu tuke Enentáimtaitkiurmeka nekas uwempraitrume.

115:3b.1CO.115.003 Winia ujatkamunak ujakmajrume. Nu chichamsha Ashí nankaamas uuntaiti. Júiti nu chicham: Ii tunaarin Asakártasa Kristu jarutramkamiaji, Yus-Papinium tana Núnisan.

115:4b.1CO.115.004 Tura jakamtai iwiarsarmiayi. Nuyá Menaintiú tsawant tsawarmanum Yus Niin iniantkimiayi, Yus-Papinium tana Núnisan.

115:5b.1CO.115.005 Nantakisha Pítrun wantintiukmiayi, Nuyá ni akatramurin wantintiukmiayi.

115:6b.1CO.115.006 Nuyanka kiniantusa (500) nankaamas Yus-shuaran wantintiukmiayi. Nú shuarnumiasha ishichik Jákaru ainiawai tura Untsurí tuke pujuiniawai.

115:7b.1CO.115.007 Nuyasha Sántiakun tura Nuyá Ashí ni akatramurin wantintiukmiayi.

115:8b.1CO.115.008 Ashí Amúamunmasha winiasha wantintiurkamiayi, wi yajauch wekaa ain.

115:9b.1CO.115.009 Wisha Yus-shuaran ti yajauch awajsa asan Chíkich Yus-akatramujai ímianchaitjai. Nekas winia pénkerujai ni akatramurintjai Tíchamniaitjai.

115:10b.1CO.115.010 Antsu Yus ti shiir anentak winia Enentáirui pujurtus pénker najataiti. Nu asamtai winia kakarmarjai takaschaitjai, antsu Yus, anenkartin asa, winia Enentáirui takaakui Ashí ni akatramurin nankaamas takasuitjai.

115:11b.1CO.115.011 Tura wi takaakuisha tura ni takainiakuisha mai pénkerkete. Nu chichamka mash étsereaji tura nu chichamsha átum Enentáimtusmarme.

115:12b.1CO.115.012 Iisha "Kristu jakamunmaya nantakniuiti" tu étsereaji. ṡItiur nuikia shuar jakamunmaya nantakchatniuiti tuinia?

115:13b.1CO.115.013 Jakamunmaya nantakchatniuitkiuinkia nuikia Krístusha nantakchaiti.

115:14b.1CO.115.014 Tura Kristu nantakchaitkiuinkia ii ujajnia nu penké ántraiti, atumsha Kristu Enentáimtarmena nusha ántraiti.

115:15b.1CO.115.015 Núnisaitkiuinkia iisha "Yus Krístun iniantkimiayi" Tákur waitruamji. Iis, nekas jakamunmaya nantakchamniaitkiuinkia nuikia nekas Yus Krístun iniantkichuiti.

115:16b.1CO.115.016 Jaka nantakchatniuitkiuinkia imia Krístusha iniantkichmaiti.

115:17b.1CO.115.017 Tura Kristu iniantkichmaitkiuinkia átum Kristu Enentáimtamusha penké ántraiti. Tunaarmisha Asakárchamu ainiawai.

115:18b.1CO.115.018 Núnisaitkiuinkia Yus-shuar Jákaru ainia nu tuke menkakaru ainiawai.

115:19b.1CO.115.019 Iikia Kristu Enentáimtusar tuke Niijiai shiir pujustin Nákaji. Tura aya Jú nunkanam pujustiniaitkiurkia Kristu ántar Enentáimtakrin Ashí nankaamas waitnentrampratniuitji.

115:20b.1CO.115.020 Antsu imiankas Kristu jakamunmaya nantakniuiti. Ashí ukunam jakanmaya tuke Jákashtinian nantakiartatna nuna Nii émtukuiti.

115:22b.1CO.115.022 Yaunchu Atan Tunáa Túramtai Ashí shuar Jákatin ainiawai. Núnisan yamaikia Krístujain tuke atakka Jákashtinian nantakiartiniaiti. Iis, chikichik aishmanjain Jákatin nankamnamiayi. Nuka Atankauyayi. Núnisan chikichik aishmanjai nantaktin nankamnamiayi. Nuka Krístuiti.

115:23b.1CO.115.023 Yus wakerana nui Yusna nu mash nantakiartatui: Kristu emka-juukma aintsan émtukim nantakniuiti tura atak ju nunkanam tara Ashí ni shuarin Júuktinia aintsan iniantkittiawai.

115:24b.1CO.115.024 Nuinkia mash amuukattawai. Nui Kristu Ashí Kapitiánniasha, Ashí akupniuncha, Ashí Núnisan Jú nunkanam írunna nunasha nupetak emesrattawai. Krístusha Ashí mash ni Aparín susattawai. Tura Yus Apa Ashí akupin átatui nuikia.

115:25b.1CO.115.025 Iis, Júnisan átatui. Emka Yus Apa Ashí ni nemasrin nupetak Krístun susattawai akupin Atí tusa.

115:26b.1CO.115.026 Tura ni nemasrin nupetak Ashí Amúamunam Jákatniuncha nupetkattawai.

115:27b.1CO.115.027 Yus Apa Ashí Krístun Súsaiti Ashí akupin Atí tusa. Yus-Papinium tu aarmaiti. Tura "Ashí Krístun Súsaiti" Táyat Yus Apancha susamuiti Tátsui. Antsu Yus Apa Ashí Niin susa asa Ninki Súsachmaiti.

115:28b.1CO.115.028 Tura Yus Apa Ashí mash ni Uchirin Krístun nekas susamtai Kristu nuikia Ashí akupin ajas atak ni Aparín mash awantuki Núnisan surumaktatui. Nuinkia Yuska tuke Ashí nankaamantu átatui.

115:29b.1CO.115.029 Ayu. Tura shuar jakan Enentáimtusar imiantinniasha ṡurukamtia nuna Túruinia? Jákaru nantakchatniuncha ṡurukamtai imianainia?

115:30b.1CO.115.030 Iikia ṡurukamtai tuke Jáninkiaruitiaj~i? Nantakchatniuitkiuinkia ántra Wáitsaintji.

115:31b.1CO.115.031 Atsá, penké aintsachuiti. Nu asamtai átum ii Uuntri Jesukrístu Enentáimtakrumin wi shiir Enentáimtajrume. Tura wisha tuke tsawantin ti itiurchat pujakun Jákatniua aintsan pujajai.

115:32b.1CO.115.032 Jakamunmaya nantakchatniuitkiuinkia wi ántranak kajen shuarjai Ipisiunam Máaniakuitjai. Maa, uunt Yawáa ainis kajen ármai. Wats, Núnisaitkiuinkia antsu "Yurumár nampektai, kashin Jákashtatjik" titiai nuikia.

115:33b.1CO.115.033 Anannawairap. "Pénkeraitiatam yajauch shuarjai tsaninkia wekakmeka yajauch Máatrattame" tiniu ainiawai.

115:34b.1CO.115.034 Tunáa ikiuakrum pénker wekasatin shiir Enentáimpratarum. Iis, shuar Yúsan nékainiachu tuke awai. Atumin natsaaruk tusan Tájarme.

115:35b.1CO.115.035 Shuarsha inintruschaimpiash ṡJákarusha itiurak nantakiarat. Nantakiarsha Warí ayashniak takusarat?

115:36b.1CO.115.036 Enentáimtsuk inintrawai. Jinkiaí araamsha jaka aintsan Amúatsuk. Túrayat tsapaatsuk.

115:37b.1CO.115.037 Tsapaitniurisha araatsme antsu trikiu jinkiaichisha Chíkich áraka jinkiaichirisha araame.

115:38b.1CO.115.038 Nuyá tsapaakuisha Yus wakerana Núnisan Ní tsapaitniurincha Súawai. Tura ankant ankant tsapaitniurinkia Súsaiti.

115:39b.1CO.115.039 Núnisan Ashí ayash métekcha ainiawai. Aentsnaka niishaaiti. Kuntinniasha niishaaiti. Nanamtinniasha namaknasha Niisháa ainiawai.

115:40b.1CO.115.040 Nayaimpiniam yaa írunui tura ju nunkanam írunna nujai Nusháa iimtin ainiawai. Nayaimpinmayasha nunkayasha Shíirmari nushaiti.

115:41b.1CO.115.041 Etsá wincharisha nantunusha Yáanusha mash nushaaiti. Nuamtak yaaksha chikicha wincharinkia chikichnajainkia nushaaiti.

115:42b.1CO.115.042 Núniskete jaka nantaktincha. Káurtinnium iwiarsam Jákashtinnium nantaawai.

115:43b.1CO.115.043 Antra nu iwiarnawai, shiira nu nantaawai. Kakarmachua nu iwiarnawai, kakarma nu nantaawai.

115:44b.1CO.115.044 Juyá ayash iwiarnawai, nayaimpinmaya ayash nantaawai. Juyá ayash átsuk. Núnisan nayaimpinmaya ayashsha awai.

115:45b.1CO.115.045 Yus-Papinium Nuní aarmaiti: "Emka aishman ni naari Atan, aents ajas iwiaaku ajasmiayi." Tu aarmaiti. Ukunmanka, yamaram Atanka aintsan, Kristu, wakan asa, Ashí aentsun nekas iwiaaku átinian susamniaiti.

115:46b.1CO.115.046 Nayaimpinmaya ayashkia émkachuiti antsu Juyá ayash émkaiti tura Nuyá nayaimpinmaya nu.

115:47b.1CO.115.047 Emka aishman nunkajai najanamu asa nunkayaiti. Ukunmaya aishmansha ii Uuntri Kristu asa nayaimpinmayaiti.

115:48b.1CO.115.048 Atanka aintsan ainia nusha Juyá ayashtin ainiawai. Kristu aintsan ainia nusha nayaimpinmaya ayashtin ainiawai.

115:49b.1CO.115.049 Yamái Juyá ainiakur ukunam nayaimpinmaya ayashtin ajastatji.

115:50b.1CO.115.050 Juna Tájarme, yatsuru. Ayash Númpentin asa nayaimpiniam, Yus akupeana nui, wayachminiaiti. Iis, Káutainkia Káurchatniunam wayachminiaiti.

115:51b.1CO.115.051 Yaunchu uukma nu Yamái nekaatarum. Ashí Jákashtatji, Túmaitiatar Ashí Yapajniáttaji.

115:52b.1CO.115.052 Tura pusar~i Muíttsarnin ti Wárik Yapajniáttaji. Tura Ashí amuukai tusa umpuartatui. Nú Umpúamunmasha Yus-shuar Jákaru ainia nu atak Jákashtinian nantakiartatui. Iisha nuin Yapajniáttaji.

115:54b.1CO.115.054 Jú kautainkia Yamái Jákatniuitiat Káurchamnia ajastiniaiti. Túrasha Jákachmin átatui. Nu Túrunamtaisha Yus-Papinium aarma uminkiattawai: "Jákatniun Yus nupetak amukuiti.

115:55b.1CO.115.055 ṡItiur Jákatjik yamaikia. Jákatniusha itiur nupettamkan mantamataj~i?" Tu aarmaiti.

115:56b.1CO.115.056 Yaunchu Yus akupkamu tiniu asamtai shuar Tunáa tura Jákatniuiti.

115:57b.1CO.115.057 Yamái antsu ii Uuntri Jesukrístu Túramujai Jákatniunka Yus nupetkaiti. Tura incha nujai uwempratniun amaakui shiir Yúminkiaji.

115:58b.1CO.115.058 Nu asamtai, aneamu yatsuru, kakaram ajasrum yawetsuk nankaamas Yusa takatri takastarum. Ii Uuntri Krístujai tsaninkia takaarum nuka penké ántrachuiti. Nu paant nékarme.

116

116:1b.1CO.116.001 Yusa kuitri irurtinkia, Yus-shuaran Karasea nunkanam Tímiaj Núnisnak atumniasha Tájarme.

116:2b.1CO.116.002 Ashí tumintin, Yus Súramna aintsam akankam ikiusta. Nújainkia wi jeattaj nui yaunchu akankamu mash irurmin átatui.

116:3b.1CO.116.003 Nui jeancha átum anaiyarmena nu shuaran papijiai Jerusarénnum akupkattajai. Tura Atumí Kuítrumin aisha ii yachin Súsartatui.

116:4b.1CO.116.004 Wisha wéminiaitkiuinkia wijiai wéartatui.

116:5b.1CO.116.005 Wi Masetúnia nunkanam wétiniaitjai tura Nuyá Kurintiunam jeattajai.

116:6b.1CO.116.006 Nuisha Untsurí tsawant pujuschatjash. Ishichik nantusha wéchamnianum pujuschatjash. Tura wi atak wéakui atumsha Yáintkiarum shiir akuptukchattarpash.

116:7b.1CO.116.007 Aya Wárik nankaamaktinian nakitiajai. Antsu Yus wakerakuinkia Untsurí tsawant atumjai pujustaj tajai.

116:8b.1CO.116.008 Tura juin Ipisiunam Pintikustís nampernum pujustatjai.

116:9b.1CO.116.009 Juinkia Yusa takatri Tí shiir takastin awai. Tura Untsurí shuar wi takaamun nakitiainiawai.

116:10b.1CO.116.010 Timiutéu nui jeamtainkia, shiir awajsatarum; sapijmiakain. Niisha wijiai métek Yusa takatrin takaawiti.

116:11b.1CO.116.011 Nu asamtai nakitrairap. Antsu Yáinkrum Winí shiir akupkatarum. Chíkich yachijiai Tatí tusan Nákajai.

116:12b.1CO.116.012 Apurusnasha Chíkich yachijiai Winí Iirmasartí tusan ti seamjai tura penkesha nakiarmai. Kame nii ankant aku nui winishtimpiash.

116:13b.1CO.116.013 Aneara tariarum Yus nekas Enentáimtustarum. Aishmanchakaitrum, kakaram ajastarum.

116:14b.1CO.116.014 Anenkartamujai mash Túratarum.

116:15b.1CO.116.015 Ayu, yatsuru. Estepanasa shuari Ashí emka Akaya nunkanam Yus-shuar ajasarman nékarme. Niisha Yus-shuaran Yáintajtsar tuke takainiawai.

116:16b.1CO.116.016 Niisha tura Ashí niijiai métek Yáinkiar takainia Nú shuar seatmana nu tuke Túratarum.

116:17b.1CO.116.017 Estepanassha Jurtunátusha Akaikiusha Atumíiya Táarmatai shiir waraajai. Atum Yajá pujakrum tujintiarmena nuna Túrawarmai.

116:18b.1CO.116.018 Niisha winia shiir Enentáimtikrurarai. Núnisan shiir Enentáimtikramprattarme. Nuní aents tuke shiir Enentáimtustiniaiti.

116:19b.1CO.116.019 Asia nunkanmaya Yus-shuar Amikmáatmainiawai. Akirasha ni nuwe Prisirajaisha Ashí Yus-shuar ni jeen Yus-Chichaman irunturarusha Jesusa Náariin Amikmáatmainiawai.

116:20b.1CO.116.020 Ashí ii yachisha Amikmáatmainiawai. Nuámtaksha shiir awajnaisrum Amikmáaniatarum.

116:21b.1CO.116.021 Wi Papru asan Júchiniak winia uwejrujai aaran amikmaajrume.

116:22b.1CO.116.022 Ii Uuntri Jesukrístun aneachuka yajauchiniam yuminkramu Atí. "Ii Uuntrí, wari Tatá."

116:23b.1CO.116.023 Ii Uuntri Jesukrístu yainmakarti.

116:24b.1CO.116.024 Jesukrístunu asakrumin atumin Ashí ti aneajrume. Nu Atí.