Acts (Shuar)

1

1:1b.ACT.001.001 Amikiur Tiúpiru: Nuik akupkamiaj Nú papinium Ashí Jesus Túramia nuna aatramiajme. Tura unuitiampramiaj nunasha aatramiajme. Yámankamtaiknumia,

1:2b.ACT.001.002 nayaimpiniam wétsuk, Ashí Nii Túramia nuna Tímiajme. Jesuska, nayaimpiniam wakettsuk Yusa Wakaní kakarmarijiai Túratniua nuna ni akatramurin jintintiawarmiayi.

1:3b.ACT.001.003 Tura jaka nantaki, Jesus Tímiajaik wantintiukmiayi ni akatramurin. Tura kuarenta (40) tsawant niin wantintiukarmiayi. Nuna tura nekas iwiaakjai tusa iniakmasmiayi, nekaawarat tusa. Tura Yusa akupeamuri urukukit nuna mash ujakmiayi.

1:4b.ACT.001.004 Jesuska ni akatramurijiai tuke pujus, niin chicharuk "Jerusarénnumia wéerap, Tímiayi. Winia Apar "amastatjai" Tímia nuna, paant ujakchamkajrum. Nu Túrunat tusarum Jerusarénnum Nákastarum, Tímiayi.

1:5b.ACT.001.005 Tuke Enentáimsatarum. Juan entsajai Atumí ayashin imiatmimiarme. Túrasha Wárik Yusa Wakanísha atumniasha tarutmar, Atumí Enentáin enkemprutmattarme. Nusha Enentái imiantin aintsankete" Tímiayi.

1:6b.ACT.001.006 Tura Jesusjai irunar matsamas anintriarmiayi "Uunta, Israer-shuar ájinia nu, ankant ajasakrin iiniuk Akupin atak naamkatin Yamaí jeayash" tiarmiayi.

1:7b.ACT.001.007 Jesus aimiuk Tímiayi "Winia Apar Túrattana nu Warí tsawantinik Túrunatí nu nekaatniusha atumniachuiti. Apar Ninki neka asa ni kakarmarijiain Túrattawai.

1:8b.ACT.001.008 Tura atumsha Yusa Wakaní kakarmarin sunastatrume. Nii taa enkemprutmamtai kakaram ajasrum, Wíi Túramu etserkattarme. Emka jui Jerusarén péprunam etserkattarme. Nuyá Ashí Jutía Núnkanam, tura arant Samaria nunkanmasha, tura Nú arant Ashí Núnkanam werum, Wíi Túramu etserkattarme" Tímiayi Jesus.

1:9b.ACT.001.009 Nuyá chichas amir, Ashí ni akatramuri ii wajainiai, Jesus nayaimpinmaani junakmiayi. Wéa-wéakui yurankim mash Niin Amuámiayi. Tuma asamtai ni akatramuri Niin Wáinkiacharmiayi.

1:10b.ACT.001.010 Tura Jesus waakkui ni akatramurisha Yakí ii wajainiai, Jimiará aishman puju entsaru nui wantintiukarmiayi. Tura ayamach wajattsarmiayi.

1:11b.ACT.001.011 Nu aishmansha Jesusa akatramurin tiarmiayi "Kariréanmaya aishmanka, ṡurukamtai nayaimpinmaani Imiá iimprum? Ju Jesusak Atumíya nayaimpiniam wea Wáinkiarumna Núnisan ataksha winittiawai" tiarmiayi.

1:12b.ACT.001.012 Tuasua amikmatai Jesusa akatramuri Uriwiu Náinniumia akaikiar Jerusarénnum waketkiarmiayi. Uriwiu naincha Jerusarénnumsha Tíjiuchiiti, Chikichík kirumitrua Núnisan.

1:13b.ACT.001.013 Tura Jerusarénnum jeawarmiayi. Nui jeawar, Jeá wayawar Yakí Wákararmiayi. Nui Pítrusha, Jakupusha, Juansha, Antressha, Jiripisha, Tumassha, Parturumísha, Mateusha, tura Arpeu Uchirí Jakupusha, Nuyá ásump Semunsha, Jakupu yachi Jútassha, Tímian wayawarmiayi.

1:14b.ACT.001.014 Jusha mash tuke iruniarmiayi Jesusa yachijiai. Tura Jesusa Nukurí Marijiai, Nuyá Chíkich nuwajaisha tuke iruniarmiayi, Yus áujsatai tusar.

1:15b.ACT.001.015 Nui Siántu painti (120) aents iruntrarmia nui Pítiur chichastaj tusa wajakmiayi.

1:16b.ACT.001.016 Pítiur juna Tímiayi "Yatsurtírmesha, Umarutírmesha antuktarum. Yuska yaunchu ni Papiriin Jutasnan aamtikramiayi. Jútas akiintsain Tawitkia, Yusa Wakani jintintiam Jutasnan aarmiayi. Jesusan achik surukarmia Nú shuaran nekapruamia Núiti. Kame Tawitia aarmari Yus-Chicham asa Tímianak uminkiatniuyi.

1:17b.ACT.001.017 Nú Jutaska ii írutramuitiat, ii takaamurin Páchitkiaitiat,

1:18b.ACT.001.018 Tunáa tura nujai Kuítian achik nunkan sumakmiayi. Tura piniakum iniaan tantane Páttimiayi.

1:19b.ACT.001.019 Tuma asamtai Ashí Jerusarénnum pujuarmia nu, nuna nekaawar Nú nunkan "Numpa Nunka" anaikiarmiayi.

1:20b.ACT.001.020 Kame Sarmu papinium Tawitkia juna aarchamkia: "Ni jeesha itiarak Atí. Nu jeanmanka penké Pujuschartí." Tura "Ni takatri Chíkich atankiti." Tu aarmaiti' Tímiayi.

1:21b.ACT.001.021 `Tuma asamtai yamaikia Chíkich anaikiatniuitji. Tura Nánkamas achikchatniuitji. Antsu ii nemartamkau Atí. Uunt Jesus iijiai pujumia nui tuke Niin nemarsamia nu Atí.

1:22b.ACT.001.022 Juan Jesusan imiaimiania Nú tsawantnumia Jukí, Jesus nayaimpiniam wémiania Nú tsawantan Tímianu ejé tuke Niijiai wekaimia nu Atí. Nu shuar Enentáimtusar, chikichik achiktai. Iisha iruntrar Jesusa nantakmiari Etserkamí tusar Túramí" Tímiayi Pítiur.

1:23b.ACT.001.023 Tura Nuyá Jimiará shuaran anaikiarmiayi. Matíasan anaikiarmiayi. Tura chikichnasha Jusen, ni Chíkich naari Parsapas, tura apach Náarinkia Justu, nunasha anaikiarmiayi.

1:25b.ACT.001.025 Tura Nuyá Yus-shuar Yúsan áujainiak juna tiarmiayi "Ii Uuntri, Amesha Ashí shuara Enentái nékame. Jui awai Jimiará aishman. Jútas Tunáa Túrak Jákatniunam wéak akatramu takatan ikiukmiayi. Yamaikia Jútasa takatri achikiat tusam, ṡTuá achikium, Uunta? Paant iniakmasta." Tu aujsarmiayi.

1:26b.ACT.001.026 Tura Israer-shuara Túrutairi Núnisan, wats yaki nupetmakat tusar Túrawarmiayi. Tura Matías nupetmakmiayi. Túrunamtai Matíasnak pachikiarmiayi.

2

2:1b.ACT.002.001 Pintikiustís Náartin Jísat jeamtai, Chikichík jeanman nuin Yus-shuar tuakarmiayi.

2:2b.ACT.002.002 Tumai aya aneachma nayaimpinmaya nasea aintsan téter ajaki winian antukarmiayi. Ashí mash Jeá pujuarmia nuka antukarmiayi.

2:3b.ACT.002.003 Tura nui pujuiniai ji wajai kea aaniun Wáinkiarmiayi. Túruna ankant ankant puunak tarurarmiayi.

2:4b.ACT.002.004 Tuma asamtai Yusa Wakaní Ashí ni Enentáin pimiutkarmiayi. Túram chichasarat tusa Yusa Wakaní ni nekatairi Súsarmiayi. Tuma asamtai nujai niisha Chíkich chichaman chichasarmiayi.

2:5b.ACT.002.005 Nui Jerusarénnum Yus Táman umirin Israer-aents ármiayi. Ashí nunkanmaya Jerusarénnum taar matsamarmiayi.

2:6b.ACT.002.006 Tura Túrunamia nuna antukar Káunkarmiayi. Tura Ashí shuar ni chichamejain chichaamun antukarmiayi. Tuma ásar, warinkit, tu Enentáimsarmiayi.

2:7b.ACT.002.007 Nekaachar ashamkarmiayi. "Warinkit, tunaim ajarmiayi. Ju aents Chíkich Chíkich chichaman chichainia nu, Ashí Kariréanmayanchukait, tiarmiayi.

2:8b.ACT.002.008 Tura iisha ankant ankant ii chichamenka ántatsjik. Ausha urukainiakua, nunak chichainiawa, tiarmiayi.

2:9b.ACT.002.009 Jui Ashí nunkanmaya aents pujuiniatsjik. Partianmaya, Eramnumiasha, Misiuputámianmayasha, Puntanmayasha, tura Asia nunkanmayasha,

2:10b.ACT.002.010 Príjianmayasha, Pampirianmayasha, Ejiptunmaya tura Aprikianmaya Serinia Nú nankaamasnumiasha pujuiniatsjik, tiarmiayi. Nuyasha ii shuarsha Ruma péprunmaya yaunchu taar jui matsatainiawai. Chikichcha tuke Israer-shuar ainiawai. Tura chikichcha Israer-shuar ajastaj tusa Israer Túrutairin mash Túruiniawai.

2:11b.ACT.002.011 Kritianmayasha Arapianmaya pujuiniaji. Tura Ashí mash ii chichamejaisha Yusa pénker Túramuri ántaji" tiarmiayi.

2:12b.ACT.002.012 Ashí aents nuna nékachu ásar ashamkarmiayi. Tura Nuámtak aniniaisarmiayi "ṡWarinminiait ju?"

2:13b.ACT.002.013 Tura chikichcha wishikiarmiayi. "Nampeku ainiatsuash" tiarmiayi.

2:14b.ACT.002.014 Nuinkia Pítiur, Chíkich áuntse Jesusa akatramurijiai wajaki, kakantar chichasmiayi. Chichaak Tímiayi "Jutíanmaya shuartiram, Jerusarénnumiatirmesha antuktarum. Wi Títiatjana nu antukrum pénker Enentáimpratarum.

2:15b.ACT.002.015 Ju aishman, nampekarai, Tárumna nu, nampekcharai. Warí, nantu Imiá ishichik takuni. ṡAisha itiurak?

2:16b.ACT.002.016 Antsu Yúsnan etserin, ni naari Juér, yaunchu aarmia nu, Yamái Túrunayi, Tímiayi.

2:17b.ACT.002.017 Juna aarmiayi: "Yus tawai "Jú nunka amuukatin jeatemamtai, winia Wakantrun Ashí aentsnum akupkattajai, yumi yaraanua aintsan. Atumí uchiri, Atumí nawantrisha Yusa chichamen áujmatiartatui. Tura Nátsaka iimiarartatui. Tura uuntka mesekramiartatui.

2:18b.ACT.002.018 Tura aishmansha nuwasha winia takartin ainia Núnaka winia Wakantrun akuptukartatjai. Túram niisha Wíi Túramun áujmatiartatui.

2:19b.ACT.002.019 Yakí nayaimpiniam, aents Túrachminian iniakmastatjai. Tura nunkanmasha winia kakarmarun iniakmastaj tusan numpancha, jiniasha, mukuintiuncha yuranmia aintsan akupkattajai.

2:20b.ACT.002.020 Tura Tsawái nantusha kajinkiattawai. Tura nantusha mushatmar numpa Núniktatui. Uunt tsawant achikmiajna nu jeatsain, Túrunattawai. Nú tsawantcha Imiá nekas uunt átatui.

2:21b.ACT.002.021 Nuinkia Ashí shuar nekas winia kakarmarun seana nuka uwemprartatui" Tímiayi Yus." Núnis Juér aarmiayi' Tímiayi Pítiur.

2:22b.ACT.002.022 Tuke chichaak: `Israernumia shuartiram, wi Títiatjana nu antuktarum. Nasarétnumia Jesusnan tajai. Nú Jesusan Yus shiir Enentáimtawai. Yuska, átum ti Enentáimprarum ni kakarmarin paant nekaatarum tusa, Nú Jesusan ti Ikiakármiayi. Tura Jesusjai aentsti Túrachminian Yuska Túramiayi, átum iimmianum. Nuka ti paant nékarme, Tímiayi.

2:23b.ACT.002.023 Tura Jesus surunkamia nuna Yuska yaunchu, Túruntsain, paant nekaamiayi. Túrasha Yus Enentáimmia nujai métek Túrawarmiayi. Tura atumek emetarum Jesus jukimiarme. Nú arant, Krúsnum Máatarum, Tunáa shuar Tímiarme.

2:24b.ACT.002.024 Túramunak Yus Jesusan Jákatniun nupetmamtik iniantkimiayi, tuke Jákachmin asamtai.

2:25b.ACT.002.025 Iimiata, ii uuntri Tawit Jesusnan kantamprua juna aarmiayi: Uuntan tuke pujurtan Wáinmiajai. Winia pujurtakui awajkamu áchattajai.

2:26b.ACT.002.026 Tuma asamtai winia Enentáirjaisha Niin shiir Enentáimtusmiajai. Tura wenurjaisha shiir chichaman chichamiajai. Jáaknasha shiir Enentáimsan jakattajai, aneantiniapitjia tusan.

2:27b.ACT.002.027 Winia wakaniur, Yusru, Jákatniunam ikiurtuschattame. Wi ame Uchirmetjai, Tunaarincha. Túmaitkui anentu asam ayashur Káurtin tsankatrukchattame.

2:28b.ACT.002.028 Tura iwiaaku átin jintia jintintrutamame. Tura tuke pujurtakum waramtikrustatme. Tu aarmiayi Tawit' Tímiayi.

2:29b.ACT.002.029 Pítiur tuke chichaak: `Páantchakait. Ii uuntri Tawit yaunchu Jákaiti. Tura iwiarsamuiti. Ni iwiarsamuri iini pujatsuk.

2:30b.ACT.002.030 Túrasha Tawitkia Yúsnan etserniuyayi. Tuma asa Yus Tímia nuna nekaamiayi. Yus Tawitian chicharuk Tímiayi "Ame akupniuitme. Nekas Tájame, ukunam ame iniannamurminian Kristu akiiniattawai. Niisha Akupin anainiaktatui, amea aintsan." Nuna Yus Táman Tawit nekaamiayi.

2:31b.ACT.002.031 Neka asa, Túruntsain Tawit, wainkia Nútiksan, Kristu nantaktintrin aarmiayi. Kristu Túrunatniurin chicharuk Tímiayi "ni Wakaníncha Jákatniunam ikiukchatniuyi. Ayashíncha Káurtinian tsankatkashtiniuyi."

2:32b.ACT.002.032 Au Krístun Tímia nu Jesusaiti. Nu Jesusnak Yus iniantkimiayi. Nuka iisha neka asar étsereaji.

2:33b.ACT.002.033 Yuska, Jesus nankaamantuiti tusa ni untsuurini apujsaiti. Tura ni Wakanín Jesusan Súsaiti, Nii yaunchu Tímia Nútiksan. Tuma asamtai jusha átum antukurmena nuna, tura iisurmena nunasha Yus suramsaiti.

2:34b.ACT.002.034 Tawitkia ayashtiuk nayaimpiniam Wákachmiayi. Tura Nú Tawitiak juna aarmiayi: "Uunt Yus winia Uuntrun Tímiayi "akupin pujutainium, winia untsuuruini Pujustá.

2:35b.ACT.002.035 Ame nemasrumin nupetkattajai. Nu Túruntsain jui Pujustá' Tímiayi." Nuní aarmaiti Jesusnan, Tímiayi.

2:36b.ACT.002.036 Tura ii, Israer aentsti, Jesus Krúsnum maaitji, Tímiayi. Jú Jesus Máamjinia nuna Yuska Uunt Akupin anaikiamiayi. Túrasha Jesussha iin uwemtikkiartin Krístuiti. Ashí Aentstíram nu pénker nekaatarum" Tímiayi Pítiur.

2:37b.ACT.002.037 Nuna antukar wake mesekarmiayi. Tura Pitruncha Chíkich akatramuncha aniasarmiayi "Yatsuru, ṡnuinkia itiurkatjik?" tiarmiayi.

2:38b.ACT.002.038 Tutai Pítrusha chichaak "Atumí tunaari ikiuktiaj tusarum Yus nekas Enentáimtustarum. Tura Ashí shuartiram Jesukrístu naari pachisrum imiantiarum. Nuinkia Atumí tunaarin Yus tsankurtamprattarme. Túrunawakrumin Yuska ni Wakanin suramsattarme, Tímiayi.

2:39b.ACT.002.039 Yus Tímia nuka atumin Túramprume. Atumí Uchiríncha tura Ashí arant matsatainia nunasha tawai. Kame ii Yusri aentsun untsuktaj tusa wakerana nuna tawai" Tímiayi.

2:40b.ACT.002.040 Nú chichamjai tura nuyasha Pítiur tuke jintintiuk Tímiayi "Yajauch shuara Asutiátniuri átatna Nuyá uwempratarum" Tímiayi.

2:41b.ACT.002.041 Tuma asamtai nuna antukarmia nuka imianiarmiayi. Nú tsawantai Menaintiú mir (3000) aents Yus-shuar ajasarmiayi.

2:42b.ACT.002.042 Ashí nu shuar Jesusa akatramuri jintintiarmia nuna Tímiatrusan antukarmiayi. Tura irunar shiir Enentáimtunaisar yurumin ármiayi. Túrawar, Kristu Enentáimtustin namperin najanin ármiayi. Túrawar Yúsan áujiarmiayi.

2:43b.ACT.002.043 Tura Yuska aentsti Túrachminian Jesusa akatramurijiai Túramiayi ni kakarmarin iniakmastaj tusa. Tuma asamtai Ashí aents nuna Wáinkiar ashamkarmiayi.

2:44b.ACT.002.044 Yúsan umirkaruka Ashí métekrak pujuarmiayi. Tura Ashí niiniu armia nuna sunaisarmiayi.

2:45b.ACT.002.045 Ni nunken surukar, ni takakmarincha surukar, atsumainia nuna Súarmiayi.

2:46b.ACT.002.046 Tuke tsawantak Yusa Uunt Jeen Káuniarmiayi. Tura ni jeencha iruntrar warainiak Kristu Enentáimtustin Námper najanin ármiayi. Tura nankaamantu Enentáimtumatsuk, yurumkan ajamnainiarmiayi.

2:47b.ACT.002.047 Túrawar, Yuska ti uuntaiti, tu wearmiayi. Tura Ashí aents niin shiir Enentáimtiarmiayi. Tura Uunt Yus tuke tsawant shuaran uwemtikiar Yus-shuar írunmanum íkiaunki wémiayi.

3

3:1b.ACT.003.001 Chíkich tsawantai, nantu nunkaach ajasmatai, Pítiur Juanjai, Yusa Uunt Jeen Yus áujsatai tusar wearmiayi, Israer-shuar tuke turin armia Nútiksaran.

3:2b.ACT.003.002 Tura aishman, ni akiiniamurinia wekaicha amia nu, nui aa Wáitiniam tuke tsawant pujumiayi. Nu aishmannasha ni shuari Entsakí Júkiar Nú Wáitiniam apujin ármiayi, nui shuar wayan Kuítian seat tusar. Nú Wáitisha, Shiir Waiti, tutaiyayi.

3:3b.ACT.003.003 Tura Nú shutuapsha Pitrun Juanjai wayan Wáinkiamiayi. Wáiniak Kuítian seamiayi.

3:4b.ACT.003.004 Tura Pítiur Juanjai apajas iisarmiayi. Tura Nú aishmannasha chicharuk "Iirsata" Tímiayi.

3:5b.ACT.003.005 Aishmansha, surustatuapi, tu Enentáimias, iimsamiayi.

3:6b.ACT.003.006 Nuyá Pítiur chichaak "Kuítrusha atsawai, Tímiayi. Kurisha atsawai. Antsu Kuítjai nankaamas takakjana nuna amastajai. Wats, Nasarétnumia Jesukrístu kakarmarijiai wajakim wekasata" Tímiayi.

3:7b.ACT.003.007 Tinia iniais, Pítiur ni untsuurini achik awajkimiayi. Túram ni nawesha, wanusesha kakaram ajasmiayi.

3:8b.ACT.003.008 Tura niisha wajaki nantent ajakmiayi. Nuyasha wekasamiayi. Tura Pítrujaisha Juánjaisha Yusa Uunt Jeen wayawarmiayi. Nuik shutuapka Wayá nantent nantent ajak Yusa Náarin shiir pachimiayi.

3:9b.ACT.003.009 Ashí aents pujuarmia nu, niin wekaan Wáinkiarmiayi. Tura ni chichamen anturkarmiayi.

3:10b.ACT.003.010 Tura chichainiak "Nuik Yusa Uunt Jeen Wáitirin, Shiir Waiti tutainium, nu aishman tuke pujuuya Núchakait" tiarmiayi. Tura ni Túrunamurin nekaawar, ti ashamkar Nusháa Enentáimsarmiayi.

3:11b.ACT.003.011 Shutuapka pénker ajasu asa Pítrujai Juánjaisha penké tsurachmiayi. Tura aents nui pujuarmia nu, warinkit tusar, Jeáshkiri tsékenki wearmiayi. Nuka Sarumúnna tiniu ármiayi.

3:12b.ACT.003.012 Aents Káunkarun Pítiur Wáiniak, chicharuk "Israer-shuartiram, ṡurukamtai winiasha Imiá iirum? tiarmiayi. ṡIisha pénker asarik~i tsuarmaj~i? ṡIi kakarmarijiainkik~i ewekamsamaj~i?

3:13b.ACT.003.013 Atsá. Antsu Yuska ni Uchirin Jesusan Ashí nankaamantu awajsaiti. Ii uuntri Apraamsha, Isaksha tura Jakupsha Enentáimtin armia Nú Yusan tajai. Atumka Jesus nakitrarum Kapitián Piratuí surukmarme. Tura Piratu akupkataj tau atumsha suritkiamarme.

3:14b.ACT.003.014 Jesus pénker Nákak Enentáimniuyana nu "akupnakchati" Tímiarme. Antsu Shuáran main akupnakat tusarum wakerimiarme.

3:15b.ACT.003.015 Túrarum iwiaaku átinian Amaana nu maamarme. Tuma ain Yuska Niin jakamunmaya iniantkimiayi. Nuka iisha neka asar étsereaji.

3:16b.ACT.003.016 Tura ju aishman jui wajaana ju tura nékarmena ju, Yusa Uchiri naari Enentáimta asa kakaram ajasuiti. Jesus Enentáimtusu asa nekas pénker ajasuiti. Nusha Wáinniu asarum nékarme' Tímiayi.

3:17b.ACT.003.017 `Wats, yatsurtiram, wi nékajai. Atumsha Atumí uuntrijiai Jesusan Túramarmena nu nékatsuk Túramarme.

3:18b.ACT.003.018 Tura nu Túramurmijiai Yus yaunchu Tímia nu Tímianak umikiurme. Ni Krísturi Wáitsatniuya nuna Yuska Ashí ni etserniurin aamtikramiayi.

3:20b.ACT.003.020 Wats, yamaikia tunaaruminia kanaktiarum. Túrarum Yúsnumaani Ayantártarum, tunaarun Asakárat tusarum. Túrunawakrumninkia, atumin uwemtikramprarat tusa Yus yaunchu anaikiamia nuna akupturmaktatrume. Nusha Jesukristuiti. Tura Niijiai Enentáimin ayampratin átatui.

3:21b.ACT.003.021 Tura yamaikia Jesukrístu nayaimpiniam pujustiniaiti, Ashí iwiarnatsain. Yuska ukunam ataksha nunkan shiir awajsattawai. Nuna ni etserniurin Tsáapin Enentái takaku armia nuna yaunchu aamtikramiayi.

3:22b.ACT.003.022 Tuma asa Muisais ii aparin Tímiayi: "Atumi Uunt Yusri ukunam etserniun akupturmaktatrume, winia akuptukmia Núnisan. Nuámtaktirminia achik akupturmaktatrume. Tura nii Títiatna nu umirkatarum" Tímiayi.

3:23b.ACT.003.023 Nánkamas aents nu etserniun chichamen Umíachkunka emesnartatui. Tura Israer-shuarnum Páchitkia áchattawai. Núnisan aarmiayi Muisaissha' Tímiayi.

3:24b.ACT.003.024 Pítiur tuke chichaak `Iimiata, Yúsnan etserin Samuer ju tsawantin Túratniuri etserkamiayi. Nuyá Ashí Yúsnan etserniusha tuke nuna etseriarmiayi.

3:25b.ACT.003.025 Etseriarmia nuka atumin Túramprume. Tuma asa átum pénker pujustinian Yuska ii uuntri Apraáman ju chichaman susamiayi. "Nekas Tájame, ame shuarum akiiniattana nujai Ashí aentsnasha shiir awajsattajai' Tímiayi. Tura ii uuntrin Tímia Núnaka incha Túramji, Tímiayi.

3:26b.ACT.003.026 Iimiata, Yus ni Uchirín iniantkimia nui, atumin emka akupturmakmiarme. Atumsha, Atumí tunaariya kanaktiarum tusa, tura atumin shiir awajtamsatniun wakerak Túramiayi." Nunak Tímiayi Pítiur.

4

4:1b.ACT.004.001 Pítrusha Juanjai Yusa chichamen aentsun jintintiainiak pujuarmiayi. Jesus nantakin asamtai aencha nantaktin ainiawai, tiarmiayi. Tura chichaak pujuiniai Israer-patri Táarmiayi. Tura Yusa Uunt Jeen wainniu uuntrisha Satuséu aentcha Táarmiayi. Taar Pitruncha Juánnasha kajerkarmiayi, niisha Jesusa nantakmiari chichaman jintintinia asamtai.

4:3b.ACT.004.003 Yamaikia Kíawai, kashin Iismí tusar achik sepunam enkea iniaisarmiayi.

4:4b.ACT.004.004 Tura Pitrun nuik anturkarmia Nú aents Untsurí Yus-shuar ajasarmiayi. Nuik Yus-shuaraim tura yamaiyaim iruram ti Untsurí ajasarmiayi. Aya aishmankak, senku mir (5000) aents ármiayi.

4:5b.ACT.004.005 Kashin tsawarmatai Israer-shuara akupniuri, ni uuntrisha, tura ni jintinniurisha Jerusarénnum iruntrarmiayi.

4:6b.ACT.004.006 Nuisha Anassha, Israer-patri uuntri anaikiamu amia nu, tura Kaipiassha, Juansha, Arejantrusha, tura Israer-patri Kapitiántri shuarisha Tímian iruntrarmiayi.

4:7b.ACT.004.007 Iruntrar Pitruncha Juánnasha utitiarum tusar akupkarmiayi. Tura itiarmatai, ajapén awajsarmiayi. Tura aniasarmiayi "Kame ṡyana kakarmarijiai, yana chichamejai Túrarum?" tiarmiayi.

4:8b.ACT.004.008 Tutai Nuyá Pítiur, ni Enentáin Yusa Wakaní pimiutkamu asa Tímiayi "Akupniutiram, tura uuntirmesha antuktarum.

4:9b.ACT.004.009 Ju aishman nuik shutuap amia nu pénker ajasmari anintrarme. Kame itiurak pénker ajasuit Tátsurmek.

4:10b.ACT.004.010 Urukamtia úuktataj. Anintrakrumin iisha paant Títiatji, Israernumia shuar Ashí nekaawarat tusar. Ju aishman Jesukrístu kakarmarijiai pénker ajasuiti. Nasarétnumia Jesukrístun, átum Máamurmena nuna, tura Yus jakamunmaya iniantkimiania nuna tajai, Tímiayi.

4:11b.ACT.004.011 Nú Jesuska kayaa aintsankete. Atumsha jeamniutiram, Nú kaya yajauchiiti, Tímiarme Jesusna. Túrasha Túramaitiatan Niisha jeanam emka apujsamua Núnisan ajasuiti, Tímiayi.

4:12b.ACT.004.012 Tura Chíkichjai uwempratin penké atsawai. Ju nunkanam ii chikicha naari pachisar uwempratin atsaji. Jesuskete ii uwemtikrampratniun Yus suramsamiaj nu" Tímiayi Pítiur.

4:13b.ACT.004.013 Pítrusha Juansha Nánkamas shuara aintsan ármiayi. Núkap unuimiarcharu ármiayi. Tura unuimiarchaitiat, arantutsuk etseriarmiayi. Aentsu uuntri Núnaka nekaawar "Nékachuitiat, itiura sapijmiatskesha chichainia" tiarmiayi. Tura, jusha Jesusa nemarin ármia Núiti tiar nekaawarmiayi.

4:14b.ACT.004.014 Nuyasha aishman pénker ajasmia nu niijiai nui wajamiayi. Tuma asamtai, niisha ai wajakui, Israer-shuara uuntrinkia, pénker ajaschaiti Títiai Tukamá tujinkiarmiayi.

4:15b.ACT.004.015 Tuma ásar, iik nuamtak áujmatsatai tusar, Pítrusha Juansha shutuapsha aa awemartai, tiarmiayi.

4:16b.ACT.004.016 Tura áujmatainiak tiarmiayi "Ju Pítrusha ju Juansha itiurkatjik. Ju uunt Túrunamun Jerusarénnum matsatainia nu Ashí nékainiatsuk. Wáitiaiti titin tujintiaji, tiarmiayi.

4:17b.ACT.004.017 Tura, Ashí aents nekaawarain tusar yamaik jiaktai. "Ju Jesusa naari pachisrum penké jintintiawarairap," titiai" tiarmiayi.

4:18b.ACT.004.018 Tura árusan Pitruncha Juánnasha shutuapnasha ataksha untsukarmiayi. Tura chicharkarmiayi. "Jesusa naari penké áujmatsairap. Tura Jesusa Túramuri penké jintintiairap" tiarmiayi.

4:19b.ACT.004.019 Tutai Pítiur Juanjai aimkiarmiayi "Enentáimpratarum. ṡYus warinia wakera? ṡIikia Yus umirtsuk Atumí chichamen umirkatniukaitiaj~i? tiarmiayi.

4:20b.ACT.004.020 Nekaatarum. Iisha iisjinia nu, tura antukjinia nusha ii etsertsuk pujustin tujintiaji." Tu aimkiarmiayi.

4:22b.ACT.004.022 Shutuáp pénker ajasmia nu kuarenta (40) Uwí nankaamas takakuyayi. Ni pénker ajasmarin aents nekaawar, "juka aentsti Túrachminiaitji" tusar Yusa naarin uunt awajsarmiayi. Tuma asamtai aentsu uuntri Pitruncha, Juannasha Asutiátai Tukamá aentsun ashamainiak áyatik chicharkar iniaisarmiayi.

4:23b.ACT.004.023 Pítiur Juanjai ankant ajasar ni írutramuriin waketkiarmiayi. Tura jeawar Israer-patri uuntri tura aentsu uuntrisha niin tiarmia nuna mash etserkarmiayi.

4:24b.ACT.004.024 Nu ujakam antukar métekrak Yúsan áujuk tiarmiayi "Winia Uunt Yusru, Amesha nayaimpisha nunkasha najanaitme. Nayaantsasha tura jui írunna nusha najanamiame, tiarmiayi.

4:25b.ACT.004.025 Tura Tawit ámin umirtamin amia nu ju aamtikramiame: "ṡUrukamtai Ashí nunkanmaya aents charaatum ajainia? ṡTura Israer-shuarsha urukamtai ántar chichaman Enentáimiainia?

4:26b.ACT.004.026 Uunt Kapitián ármia nuka chichaman jurusarmiayi Uunt Yúsan. Tura pepru uuntrisha iruntrar Uunt Yúsan kajerkarmiayi. Ni anaikiamurin Krístun Nútiksan kajerkarmiayi."

4:27b.ACT.004.027 Tu aarmaiti, Uunta, tura nekasaiti. Erutis apachi Kapitiántri Punsiu Piratujai Jú péprunam iruntrarmiayi. Niisha yajaya shuarjai tura Israernumia shuaraim nuim iruntrarmiayi. Ame Uchirmin Jesusan tunaarinchan kajerkarmiayi. Jesuska Ame anaikiamiame, winia takatrun Túrat tusam.

4:28b.ACT.004.028 Tura ame Enentáimjai iwiaramamna nu uminkiatniuiti. Tura apachcha Jesusan kajerainia ásar, Ame iwiaramamna Tímianak umikiarmiayi.

4:29b.ACT.004.029 Uunta, iisia kajertamainiaj nu. Jes, Aminiu asakrin áujmatramtsujik. Túmaitkuisha ame chichamem ii ashamtsuk etserkatin ame kakarmaram amasta.

4:30b.ACT.004.030 Tura ame kakarmarmijiai jaasha Tsuártin amasta. Ame Uchiram Jesus tunaarincha nujai ii aentsti Túrachmin Túratniusha amasta. Aents Yusa kakarmarin nekaawarat tusam Túrata" tiarmiayi.

4:31b.ACT.004.031 Tura Yúsan Tú áujas umikmatai nuin irunar pujuiniain úurkamiayi. Túrunamtai Ashí shuara Enentáin Yusa Wakaní pimiutkarmiayi. Túmaitkiui ashamtsuk Yusa chichamen etserkarmiayi.

4:32b.ACT.004.032 Yus-shuar ajasarmia nu, ti untsuritiat, Ashí Chikichík enentainiak Enentáimainiak, ni takaku armia nuna, aya Wíniakete Tútsuk, jusha Ashí iiniu ainiawai, tiarmiayi.

4:33b.ACT.004.033 Tura Jesusa akatramurisha, Yus ti yayamu ásar, Yusa kakarmarijiai Uunt Jesusa nantakmiarin tuke etseras pujuarmiayi.

4:34b.ACT.004.034 Tura Ashí Yus-shuarka nunkan takakusha jean takaku armia nusha, Núnaka surukar Kuítian itiariarmiayi.

4:35b.ACT.004.035 Tura itiaar Jesusa akatramurin Súarmiayi. Akatramusha susam, niisha atsumainia nuna Súarmiayi. Tuma asamtai shuar atsumaka penké atsuarmiayi.

4:36b.ACT.004.036 Chikichík shuar, ni naari Jusé, nunkan takakuyayi. Jesusa akatramurisha Jusen Chíkich Náarin apujtusarmiayi, Pirnapín. Nu Náarisha, shiir Enentáimtikkiartin tawai. Tura Pirnapísha Riwí aentsuyayi. Tura ni akiiniamuri Núnkenka Chípriiyayi.

4:37b.ACT.004.037 Niisha ni nunken surukmiayi. Tura nu Kuítian Itiá Jesusa akatramurin Súsarmiayi.

5

5:1b.ACT.005.001 Tura Chíkich aishman, ni naari Ananías, ni nuwe Sapirjai ni nunken surukarmiayi.

5:2b.ACT.005.002 Niisha nunkan suruk Kuítian emeenak akanak Jukí Jesusa akatramurin Werí takamtsukea Nútikias susamiayi. Ni nuwesha, Sapir, nuna Túran nekaamiayi.

5:3b.ACT.005.003 Túramtai Pítiur chichaak "Ananíasa, ṡurukamtai uunt iwianch Enentáimin enkemturmatai, Yusa Wakanín anankataj tusam nunka surukam kuit achikiumna nu akankam ikiurmasam? Tímiayi.

5:4b.ACT.005.004 Entá, nuinkia nunka áminiuchukait. Surukumna nu kuitcha áminiuchukait. Nusha, ṡurukataj tusamea tu Enentaímpram? Amesha aya aentsnum Wáitruachume. Antsu Yusnumsha Wáitruame" Tímiayi Pítiur.

5:5b.ACT.005.005 Tutai Ananías nuna antuk Nú chichamaik jakamiayi. Tura Ashí shuar nuna antuk nekaawar ti ashamkarmiayi.

5:6b.ACT.005.006 Nú turunamtai aishman tariar Ananías jakan penuararmiayi. Túrawar iwiarsatai tusar Júkiarmiayi.

5:7b.ACT.005.007 Tura Ananíasa nuwe arur, Menaintiú ura nankaamasai Támiayi. Túrasha ni aishri jakanka nekaachmiayi.

5:8b.ACT.005.008 Támatai Pítiur nuwan Tímiayi "Turuttia. Atum nunka surukurmena nui, ṡkuit itiarumna Núnikik surukuram?" Tímiayi. Tutai nuwa Tímiayi "Ee, Núnik surukji."

5:9b.ACT.005.009 Tutai Pítiur Tímiayi "ṡUrukamtai atumsha Uunt Yusa Wakaní nekapkamsatai tusarum Imiá Enentáimprarum? Pai, Iisiá. Ame aishrumin iwiarsatai tusar Júkiaria nu wininiawai. Tura yamaikia amincha juramkiartatui" Tímiayi.

5:10b.ACT.005.010 Tutai nu chichamaik niisha imia Pitru wajamunam jaka iniaantmiayi. Aishman wayaj Tukamá jaka tepan Wáinkiarmiayi. Túramtai Júkiar ni aishrinin ayamach iwiarsarmiayi.

5:11b.ACT.005.011 Tura Ashí Yus-shuar armia nu tura Ashí aencha nuna antukarmia nu ti ashamkarmiayi.

5:14b.ACT.005.014 Tura Ashí Yus-shuar Yusa Uunt Jeen shikiriin irunin ármiayi. Nu shikirisha, Sarumúnna, tu anaikiamuiti. Tura Chíkichmamtinkia nuim iruntratniun ashamiarmiayi. Túmainiayatan, ti pénker ainiawai, tu wearmiayi. Tura Yus-shuar Yusa kakarmarin iniakmasarmiayi. Túra asamtai Imiá Untsurí aents Yus-shuar ajasarmiayi.

5:15b.ACT.005.015 Tura Chíkich aents ni shuari jainia nuna Jintiá amamtikiarmiayi. Peakjai Júkiar, tampunmasha enkeawar Júkiar Jintiá ayamach aepsarmiayi. Pítiur nankaamak ni Wakanínsha enkemprutmawainti tusar nu shuar Túrawarmiayi.

5:16b.ACT.005.016 Núnisan arantia shuarsha ti Untsurí ni shuari Jáinian tura iwianchrukuncha nui Jerusarénnum itiarmiayi. Tura Ashí nui Táaruka Tsuámararmiayi.

5:17b.ACT.005.017 Israer-patri uuntri, tura Satuséu aencha niijiai pujuarmia nu suiir iiniak

5:18b.ACT.005.018 Jesusa akatramurin achikiar enkeawarmiayi.

5:19b.ACT.005.019 Túrasha kashi Uunt Yusa suntari nayaimpinmaya tara Sepú Wáitirin uraimiayi. Tura Jesusa akatramurin aa Jíikiarmiayi.

5:20b.ACT.005.020 Tura Tímiayi "Wetarum. Tura Yusa Uunt Jeen wajasrum Yusjai tuke iwiaaku átinia nu etserkatarum" Tímiayi.

5:21b.ACT.005.021 Nuna antukar kashin tsawar Káshik Yusa Uunt Jeen wayawar jintintiawarmiayi. Nu Túmainiai Israer-patri uuntri, tura niijiai pujuarmia nusha iruntrarmiayi. Tura Israer-shuara uuntri, naamka armia nuna iruntrami tusa untsukarmiayi. Ashí iruntrar akatar akupkarmiayi, Jesusa akatramuri sepunmaya itiatarum tusar.

5:22b.ACT.005.022 Tura suntarsha sepunam jeariar Jesusa akatramurin Wáinkiacharmiayi. Atsawai tukam Táarmiayi.

5:23b.ACT.005.023 Taar chichainiak "Sepú waiti asakamua Tímianisan aa Wáinkiaji, tiarmiayi. Tura suntar Wáitin iimpru wajainia Wáinkiaji. Tura waiti urair wayaj~i tukamar Atsá Wáinkiaji" tiarmiayi.

5:24b.ACT.005.024 Israer-patri uuntri, tura Yusa Uunt Jeen wainniu uuntrisha, nu chichaman antukar, "tsej ausha ṡurutiak nunasha iniaisarat?" tiarmiayi.

5:25b.ACT.005.025 Nu chichamaik aishman taa Tímiayi "Aishman átum sepunam enkeamarmena nu, Yusa Uunt Jeen wajasar aentsun jintintiuk pujuiniawai" Tímiayi.

5:26b.ACT.005.026 Túrunamtai Yusa Uunt Jeen wainniu uuntri ni suntarijiai wear achik itiarmiayi. Túrasha penké aents kayajai tukurmaraij tusar, yajauch awajtsuk itiarmiayi.

5:27b.ACT.005.027 Tura achik itiaar Israer-shuar naamka pujamunam naka awajsarmiayi.

5:28b.ACT.005.028 Tura Israer-patri uuntri Tímiayi "Iisha atumin Chicháa chicharu awajsar, Jesusa naari pachisrum etserkairap tusar akupkachmakajrum. Túrasha, ṡantukurmek? Atsá. Mash Jerusarénnum átum etserkamu pampankai. Jes, átum, Jesusan Máawarai, iin Tátsurmek. Nusha iin makuutai tusarum Tárume" tiarmiayi.

5:29b.ACT.005.029 Nuyá tutai Pítiur Chíkich Jesusa akatramurijiai chichainiak "Iikia aentsjainkia iniankasar Yus emka umirkatniuitji, tiarmiayi.

5:30b.ACT.005.030 Jesus atumek Krúsnum Máamurmena nuna ii iwiaaku Yusri Niin iniantkimiayi.

5:31b.ACT.005.031 Yus ni kakarmarijiai Niin nankaamantu awajsamiayi. Tura nekas Akupniuiti tusa ni untsuurini apujsamiayi. Tura aentsun Uwemtikniuiti. Israer-shuar Enentái Yapajiáwar tunaarinia uwemprarat tusa Yus Túraiti.

5:32b.ACT.005.032 Nu tuma asamtai iisha nu nekaar étsereaji. Tura Yusa Wakanísha nuna étsereawai. Túrasha aya Yusa umirkarua nunak ni Wakanín Súsaruiti" Tímiayi Pítiur.

5:33b.ACT.005.033 Tutai nuna antukar ti kajerkarmiayi. Túrawar, maatai tusar wakeriarmiayi.

5:34b.ACT.005.034 Tura nui Israer-shuara uuntri pujumiayi, ni naari Kamarír. Niisha Pariséunam Páchitkiauyayi. Tura akupeamun jintinniuriyayi. Túmakui Ashí aents niin shiir Enentáimtin ármiayi. Tura niisha wajaki Tímiayi "Ju aishman aa ishichik wajasarti" Tímiayi.

5:35b.ACT.005.035 Nuyásha irunar matsamarmia nuna chicharuk "Israer shuartiram, ju aishman Tú Túratai tu Enentáimsarumna nu aneartarum.

5:36b.ACT.005.036 Enentáimsatarum. Nuik aishman Tiútas wantinkiachmakia. Niisha Kapitiániitjai takui, kuatru Siántu (400) shuar nemarkarmiayi. Tura ukunam niin maawarmatai, ni némarkamurisha pisararmiayi. Túrunawar Nuní amuukamiayi.

5:37b.ACT.005.037 Ukunmasha, iruntrar nekapmartin tsawantincha Kariréanmaya Jútas wantinkiachmaka. Tura nincha Nútiksan ti Untsurí nemarkarmiayi. Túman Máawarmiayi. Nu Túrunamtai Nútiksan ni némarkamurisha pisararmiayi.

5:38b.ACT.005.038 Jes, tuma asamtai nu aishman aa wajainia nu iniaisatarum. Auka pachisairap. Au tumainia nu aya aentsnaketkuinkia amuukattawai.

5:39b.ACT.005.039 Tura antsu Yúsnaitkuinkia atumsha amuktai tukamarum tujinkiattarme. Aneartarum. Iniaiyachkurmeka nu Tumá pujusrum Yusjai Máanikchattarmeash" Tímiayi Kamarír.

5:40b.ACT.005.040 Tú tutai Tímianak umikiarmiayi. Túrasha Jesusa akatramurin untsukar Asutiáwarmiayi. Tura chicharuk "Jesusa naari pachisrum penké ishichkisha etserkairap" tiarmiayi. Tú tiar akupkarmiayi.

5:41b.ACT.005.041 Jesusa akatramurisha Israer-shuara uuntri pujamunmaya Jíinkiarmiayi. Tura Wáitsamniaitrume tusa Yuska Jesusa naari pachia asakrin ii natsantin Wáitsatniun tsankatramkaitji tusar ti shiir Enentáimsar wearmiayi.

5:42b.ACT.005.042 Tura Jesukrístunun áujmatsatniun penké iniaisacharmiayi. Antsu tuke tsawant Yusa Uunt Jeencha tura Chíkich jeanmasha Páchitsuk etseriarmiayi.

6

6:1b.ACT.006.001 Nú tsawantin Yusan umirkaru ti kawenkar ármiayi. Tura tuke tsawant yurumak Súsatin ámiayi. Túmakui Yus-shuar Kriaku chichaman chicharmia nu, Israer-shuaran kajeriarmiayi. "Tuke tsawantin yurumak Súarmena nui Atumí waje ti nukap Súarme. Tura iiniuka ishichik Súarme" tiarmiayi.

6:2b.ACT.006.002 Túruinia Jesusa tuse akatramuri Ashí Yus-shuaran irurar tiarmiayi "Iisha Yus-Chicham etserkatin iniaisar yurumak Súsachminiaitji.

6:3b.ACT.006.003 Tuma asamtai yatsurtiram, Atumíinia siati aishman Eáktárum yurumkan Súsarat tusarum. Pénker wekainia nu, tura neka shuar, Yusa Wakaní pimiutkamu ainia nu achiktarum.

6:4b.ACT.006.004 Iikia antsu Yus áujkir unuiniakratkir Yusa chichame etserkir wétatji" tiarmiayi.

6:5b.ACT.006.005 Akatramu tiarmia nuna Ashí aents Enentáimsar pujuarmiayi. Túmainiak Estepankan anaikiarmiayi. Estepansha Yúsan tuke Enentáimtiniuyayi. Tura Yusa Wakanísha pimiutkamuyayi. Chíkich aishmankan anaikiarmiayi, niisha Jiripi, tura Nuyá Purukuru, Nikianúrsha, Nuyá Temun, Parmenassha, Nikiurássha. Nikiurássha Antiukía nunkanmayaitiat Israernancha Ashí umirniuyayi.

6:6b.ACT.006.006 Tura nu siati aishmankan Jesusa akatramurin itiariarmiayi. Táarmatai, akatramusha, Yus áujtusar, anaikiaji tusar Múuknumsha ni uwejen awantsarmiayi.

6:7b.ACT.006.007 Túrasha Yusa chichamenka tuke pampanki wémiayi. Nui Jerusarénnumsha Yus-shuar ti kawenkarmiayi. Tura imia Israer-patrisha Untsurí Yus-Chichaman umiriarmiayi.

6:8b.ACT.006.008 Estepansha Yusa waitnenkartutairi pimiutkamuyayi. Tura Yusa kakarmarisha pimiutkamuyayi. Tuma asa aentsti Túrachminian shuar írunmanum Túramiayi. Nu shuar Yusa kakarmarin nekaawarat tusa Túramiayi.

6:9b.ACT.006.009 Israer-shuar iruntai jea, ni naari Ankantin, ámiayi. Nuyá aishmansha tura Serini nunkanmaya aishmansha, tura Chíkich nunka Arijiantrianmayasha, Serisianmayasha, Asianmayasha, Tímian Estepanjai áujmatsatai tusar Káutkarmiayi.

6:10b.ACT.006.010 Estepan Yusa Wakaní nekatairijiai Tímianak Chicháa asamtai, nu aishman Estepanjai inkiunaikiar nupetkataj Tukamá tujinkiarmiayi.

6:11b.ACT.006.011 Tuma asamtai suiir Enentáimtuiniak Chíkich aentsun Estepankan tsanumprurarat tusar Eákarmiayi. Estepan Muisaisnasha Yúsnasha yajauch áujmatui, titiarum tusar akikiarmiayi.

6:12b.ACT.006.012 Penké aentsun, tura uunt ainia nunasha, jintintin ármia nujaisha chichaman Júsar yajauch Enentáimtikrarmiayi. Tura Estepankan Jintiá akirtuawar achikiarmiayi. Túrawar Israer-shuar naamka matsamarmia nui Júkiarmiayi.

6:13b.ACT.006.013 Tura wait chichamtinian itiarmiayi. Niisha taar chicharainiak "Yusa Uunt Jeen ti pénker ana nu, tura Yusa akupkamurincha ju Estepan tuke yajauch chicharui, tiarmiayi.

6:14b.ACT.006.014 Nú arantcha ju Estepan Tímia nu antukji, tiarmiayi. Estepan chichaak "Nasarétnumia Jesuska Yusa Uunt Jeen Sáaktiatui, tura Nuyá Muisais iin ikiurtamkimiaj nunasha Yapajiáttawai" Tímiayi. Nusha Estepan Tímia nu antukji" tiarmiayi. Tura nunasha penké ántar tsanumprurarmiayi.

6:15b.ACT.006.015 Nuyasha Ashí Israer-shuar naamka iruntramunam pujuarmia nu Estepankan iiyaj Tukamá ni yapin nayaimpinmaya suntara yapiya Nuní iiran Wáinkiarmiayi.

7

7:1b.ACT.007.001 Tuma Wáiniak Israer-patri uuntri Estepankan aniasmiayi "ṡJu tuinia nu nekaskait?" Tímiayi.

7:2b.ACT.007.002 Tutai niisha aimkiamiayi "Winia uuntrutirmesha, yatsurtirmesha anturtuktarum. Ii Waantu Yusri ii Uuntrín Apraáman wantintiukmiayi. Apraámka Misiuputámia-Kartea nunkanam pujai, Aran nunkanam wéatsain, nui wantintiukmiayi.

7:3b.ACT.007.003 Tura wantintiuk Tímiayi "Ame nunkemsha áminiurmesha ikiukim nunka Wi iniaktustatjamena nui Wetá" Tímiayi Yus.

7:4b.ACT.007.004 Tutai Apraám Misiuputámia-Kartea nunkan ikiuki Aran nunkanam pujustaj tusa wémiayi. Nuyá ni Aparí jakamtai "Arant Wetá" Tímiayi Yus. Nuna taku ju nunkan ii pujajnia jui pujsamiayi.

7:5b.ACT.007.005 Túrayat nunkan ishichkisha Súsachmiayi ju nunkanam. Antsu "Ukunam amastatjai. Ame jakakmin ame uchirmin susattajai" Tímiayi. Tura Apraama Uchirí penké atsan Nuní Tímiayi Yus.

7:6b.ACT.007.006 Nuyasha Yus Tímiayi "Ame uchirmesha írara Núnisaran Chíkich nunkanam pujusartatui. Nuisha emetamu itit awajtai pujuartatui. Kuatru Siántu (400) Uwí, Tímianu Uwí Wáitsartatui, Tímiayi.

7:7b.ACT.007.007 Túrasha, Wi Asutiáttajai ame Shuárumin Wáitkia Núnaka, Tímiayi. Túram Nuyá Nú nunkanmaya Shiákartatui. Tura Winia Enentáimtursartatui Jú nunkanam' Tímiayi.

7:8b.ACT.007.008 Yus tuke Apraámnasha chicharuk `Yamaikia Wíi-shuar asarum tsupirnaktiniaitrume. Tuma asam amesha uchiram aishmankach akiiniamtai, Wi Tímiajna Núnismek, Sirkunsisiún tutai, shunichiri nuape tsupirkata, Tímiayi. Tura Chícham Wi yamaikia ámijiai najanaj nu nekas uminkatniuiti tusam nusha Túrata" Tímiayi Yus. Tuma asamtai ni Uchirí Isak akiiniamtai, uchu tsawant nankaamasmatai, Apraám niin tsupirkamiayi. Tura Isaksha ukunam ni tuse (12) uchirin ii uuntri armia nunasha Nútiksan Túramiayi.

7:9b.ACT.007.009 Tura niisha ni yachin Jusen suiir iiyarmiayi. Túmainiak Ejiptu nunkanam Júkiarat tusar surukarmiayi. Túrasha Yus némarkauyayi.

7:10b.ACT.007.010 Tuma asa, Ashí ni itiurchatriinia uwemtikramiayi. Tura waitnenkartutairincha nekatairincha susamiayi. Tuma asamtai Ejiptunam uunt akupin Paraún Ejiptu nunkaa akupniuri ajasat tura ni jeen Wáinniuri ajasat tusa anaikiamiayi."

7:11b.ACT.007.011 `Tímiatam tsuka tura itiurchatcha ámiayi Ejiptu Núnkanam. Tura jui Kanaan nunkanmasha Núnisan ámiayi. Tuma asamtai ii uuntri yurumkan penké Wáincharmiayi.

7:12b.ACT.007.012 Tura Jakup, Ejiptunam yurumak ikiusma awai taman antuk ni Uchirín akupkarmiayi. Túrasha wekaicha wearmiayi. Wats, ii uuntriniun ujaajrume.

7:13b.ACT.007.013 Tura ii uuntri atak Ejiptunam wéenak Jusesha, Wíitjai takui ni yachi Jusen nekaawarmiayi. Tura Jusé "Yatsur ainiawai" takui Paraun, antuk "au shuarapitia" Tímiayi.

7:14b.ACT.007.014 Nuyanka Jusé ni yachin chicharuk "Apar itiatarum uchirtuk" Tímiayi. Nu shuarsha Untsurí, setenta senku (75) matsamarmiayi.

7:15b.ACT.007.015 Nuní tutai Jakupsha ni shuarijiai Ejiptunam pujustai tusar wearmiayi. Tura ukunam Nú nunkanman jakamiayi. Tura ni uchirisha ii uuntri ainia nu, Núnisaran Nú nunkanman Jákarmiayi.

7:16b.ACT.007.016 Tura atak ukunam ni shuari Sikiam nunkanam ni ukunchin Júkiar iwiarsarmiayi. Kame Sikiam nunkanam Apraámka yaunchu Játsuk Amura Uchirí nunken sumakmiayi. Túramtai nui iwiarsarmiayi' Tímiayi.

7:17b.ACT.007.017 `Yus, Apraáman chicharuk "Nekas wi susattajme" Tímiania Nú tsawant jeatemamtai, Ejiptu nunkanam Israer-aents pampanki ti kawenkarmiayi.

7:18b.ACT.007.018 Nu tsawantincha Ejiptunam Chíkich akupin naamka ámiayi, tura Jusen nekaachmiayi nii.

7:19b.ACT.007.019 Nu akupin ii yaunchu uuntrin anankawar yajauch awajiarmiayi. "Atumí Uchirí Kuírchich ana nu ajapa ikiuktiarum" tu wémiayi. Pampankarain tusa Tímiayi.

7:20b.ACT.007.020 Tiri iniaisamunam Muisais akiiniamiayi. Muisaisnaka Yus shiir Enentáimtimiai. Tura ni Nukurí menaintiu nantu takusmiayi.

7:21b.ACT.007.021 Tura Nuyá ajapa ikiuktin jeamtai Entsá apujsamiayi. Uunt Paraunka nawantri Muisaisan wainiak jukimiayi. Achik, ni uchirinia Tímiatrusan Jukí tsakatmarmiayi.

7:22b.ACT.007.022 Tuma asa Muisais Unuimiátrauyayi Ashí Ejiptu aents nékarmia nuna. Túramurisha chichamesha kakarmauyayi.'

7:23b.ACT.007.023 Estepan tuke étseruk juna Tímiayi: `Nuyá Muisais kuarenta (40) Uwí takaku asa Israer aentsun iyutaj tusa wakerimiayi, ni shuari asamtai.

7:24b.ACT.007.024 Nuyá we Ejiptunmaya aishman ni shuarin Máatasa pujurun Wáinkiamiayi. Tura Muisais ni shuarin ayamprak Ejiptunmaya aishmankan Máamiayi.

7:25b.ACT.007.025 Wíi turamujai Yuska Israer-aentsun uwemtikrattawai, tu nekaamiayi Muisais, Yus timia asamtai. Tura Israer-aencha aintsaran nékainiawai tu Enentáimsamiayi. Túrasha ninkia nekaacharmiayi.

7:26b.ACT.007.026 Kashin tsawar Muisais ni shuari Jímiar maani pujuinian Wáinkiamiayi. Tura nawamnaikiarat tusa "ṡUrukamtai nuamtak yatsumjaisha yajauch awajniarum?" Tímiayi.

7:27b.ACT.007.027 Tutai emka nankaama nu Muisaisan Kárut Shitiá "ṡYa amincha ii akuptamin tura ii chichartamin anaitiamkamam?

7:28b.ACT.007.028 ṡWiniasha Maantuátaj tusam wakeramek, yau Ejiptunmaya aishman Máamamna Nútiksamkea?" Tímiayi.

7:29b.ACT.007.029 Nuna antuk Muisaiska Matian nunkanam pisar, Nú nunkanam kuarenta (40) Uwí yajaya aintsan pujumiayi. Nú nunkanam pujus, nuatak, Jimiará uchin yajutmarmiayi.

7:30b.ACT.007.030 `Kuarenta Uwí nankaamas, nu atsamu nunkanam Senai Náinnium Tíjiuch Yusa suntari nayaimpinmaya taa Muisaisan wantintiukmiayi. Numi uchich ukat-ukatin keamunam wantinkiamiayi.

7:31b.ACT.007.031 Muisais, nuna kean wainiak ashamkamiayi. Tura weantuk iistaj Tukamá Uunt Yusa chichamen antukmiayi.

7:32b.ACT.007.032 Yus Tímiayi "Wiitjai Yus. Ame uuntrumi Apraáma Isaka, Jakupa Yúsrintjai" Tímiayi. Tutai antuk Muisaiska ti kuraimiayi sapijin. Tura iistinian tujinmiayi.

7:33b.ACT.007.033 Nuyá Uunt Yus Tímiayi "Uuntrun shiir awajsataj tusam, ame sapatrum ukuinkiam ikiuktia, wajamna nui Wi pujakui.

7:34b.ACT.007.034 Nuyá nekaata, Tímiayi. Wíi-aents Ejiptunam Wáitias pujuinia nuna Wáinkiajai. Tura uutainia nunasha antukjai. Tuma asamtai uwemtikrataj tusan tarajai. Wats, akupkatjame ámin. Ejiptunam waketkitia" Yus Tímiayi Muisaisan.'

7:35b.ACT.007.035 Estepan tuke étseruk: `Ju Muisaisan ni shuari "ṡYa amincha ii akuptamin tura ii chichartamin átinniasha anaitiamkamam?" tiarmia nuna Yuska akupniun anaik uwemtikrarat tusa awainki akupkamiayi. Numiniam ni suntari wantintiukmia nuna chichamejai Yuska Muisaisan akupkamiayi, Tímiayi.

7:36b.ACT.007.036 Muisaisaiti Israer-aentsun Ejiptunmayan uwemtikramia nu. Yusa kakarmarin nekaawarat tusa, aentsti Túrachminian Untsurín Túramiayi Ejiptu nunkanam. Nuyá Kapaantin Nayaantsanmasha, tura Nuyá kuarenta (40) uwitin atsamunam pujuiniaisha ti kakarman iniaktusmiayi.

7:37b.ACT.007.037 Jú Muisaisak Israer-shuaran chicharuk "Atumíinianak etserniun Yus ukunam anaikiattawai, winia anaitiukma aintsan. Tuma asamtai nu shuarsha umirkamniuram" Tímiayi.

7:38b.ACT.007.038 Jú Muisais Israer-aentsjai atsamunam pujumiayi. Senái nainnium Yusa suntari Níijiaisha pujumiayi. Tura Muisaiska ii uuntrijiai pujumiayi. Níiyaiti iwiaaku pujustin chichaman sunasmia nu. Iin ujatmaktinian sunasmiayi.'

7:39b.ACT.007.039 `Túrasha ii yaunchu uuntri Muisaisan umirkatniun nakitiarmiayi. Aaniuk Imiá umirtaint tusar Ejiptunam waketkitniun wakeriarmiayi.

7:40b.ACT.007.040 Túmainiak Muisais Yusjai chichastajtsa Murá wématai nu shuar Muisaisa yachin Arunkan tiarmiayi "Ii yusri Najanatá, ii nemarsatin. Aaniusha Muisaissha Ejiptunmaya iin juramkiyatcha Tútsuk weruma" tiarmiayi.

7:41b.ACT.007.041 Nuyá Wáakachia aaniun najanawarmiayi. Túrawar, Júiti ii yusri tusar, kuntinian maantuawarmiayi, nu susatai tusar. Tura ni uwejejai najanamun iisar ti wararsarmiayi.

7:42b.ACT.007.042 Nuna Túruinian Wáiniak Yus, iniaisajai taku, niiya kanakmiayi. Nii wakerak yaan tikishmatrarti, Tímiayi. Tuma asamtai, yaunchu Yusa etserniuri Juní aarmiayi: ""Israer-aentsu, kuarenta (40) uwitin atsamunam wekaimiarmena nui, ṡWiniak kuntin maanturtuamarum? Winia surustai tusarum penké Túrachurme, Tímiayi Yus.

7:43b.ACT.007.043 Antsu, Muruk naartin ántar-yusa pujamurin jukimiarme. Tura Chíkich ántar-yussha, ni naari Rempan, yaa aanin najanarum nusha jukimiarme. Júkin asakrumin Atumí nunkeya jukin, Tímiai Papirúnia nunkan nankaiki akupkatjarme" Tímiayi Yus." Nuní aarmaiti' Tímiayi.

7:44b.ACT.007.044 Estepan tuke étseruk: `Yus Muisaisan Tímiayi "Wi akupeamu chicham ikiunsatin Jeá aaniun Wi iniaktusjamna Tímiatrusmek atsamunam Najánatá" Tímiayi. Tutai Muisais Yus Tímianak umikmiayi. Nu jean ii uuntri yaunchu takaku ármiayi.

7:45b.ACT.007.045 Nu jean ni uchiri akintkiar akintkiar wearmiayi. Ukunam, Jú nunka achiktin jeamtai, Yuska Kapitián Jusuejai Jú nunkanmaya aentsun jiiki akupkarmiayi. Tura ii uuntri Kapitián Jusuejai winiarmia nu, nu jeancha Jú nunkanam itiarmiayi. Tura Tawit uunt akupin Náamtsain, ii uuntrisha nu jean takaku ármiayi.

7:46b.ACT.007.046 Kame Yus Tawitian Yájau Enentáimtichmiayi. Tuma asamtai Tawit Yus shiir pujustinian jean jeamtinian seamiayi.

7:47b.ACT.007.047 Túrasha antsu Tawitia Uchirí Sarumún Yusa jeen jeammiayi.

7:48b.ACT.007.048 Túrasha aents jeammanuman Uunt Yus pujuschamniaiti. Jes, yaunchu Yusa etserniuri Yus Tímia nuna aarchamkia.

7:49b.ACT.007.049 Juna aarmiayi: "Nayaimpikia winia pujutairuiti. Nunkanmasha nawer tarimiui. ṡWarí jea najatruatai tusarmea tarum? Tímiayi Uunt Yus. Tura Wi ayampratniusha, ṡtui aa?

7:50b.ACT.007.050 Wiki winia uwejrujain Ashí najanachmakiaj" Tímiayi.'

7:51b.ACT.007.051 Estepan tuke étseruk: `Tura átumka Israer-shuartirmeka Atumí Enentáijiai tuke umichuitrume. Atumí kuishisha weaktsui tura Yus nékachua Núniniaitrume. Yusa Wakaníjiaisha tuke nemasnaikiaitrume. Tura Atumí yaunchu uuntrijiai métek Túrarme' Tímiayi.

7:52b.ACT.007.052 `Iisia, Atumí uuntrisha Yusa etserniurin tuke kajerin ármiayi, Tímiayi. Tura Nú arant Atumí uuntrisha Tunaarincha Tátatui tu etseru wekaan, Máacharmakia. Jes, Nútiksarmek yamaisha, Tunaarincha Támania nusha atumek anankarum Máachmakuram, Tímiayi.

7:53b.ACT.007.053 Tura Yusa suntari nayaimpinmaya Yusa chichamen susamuitiatrum atumsha penké umikchamarme" Tímiayi Estepan.

7:54b.ACT.007.054 Israer-aencha Estepan tu chichaamu antukar Imiá kajerkar nain Kátetete awajiarmiayi.

7:55b.ACT.007.055 Tura Estepansha Imiá Yusa Wakaní pimiutkamuyayi. Tuma asa nayaimpinmaani iimias, Yusa wincharin, tura Yusa untsuurinini Jesusan wajan Wáinkiamiayi.

7:56b.ACT.007.056 Tumá Wáiniak Israer-aentsun Tímiayi "Núá iiskua, nayaimp uranniun Wáinjai. Tura Jesusan, Aents Ajasu tutaiya nuna Yusa untsuurinini wajan Wáinjai" Tímiayi.

7:57b.ACT.007.057 Támaitiat niisha kuishin akiriarmiayi, tura achiktai tusar Charáa tiar Ashí wajatkiarmiayi.

7:58b.ACT.007.058 Túrawar, péprunmaya arant Júkiarmiayi. Tura antuk etserkarmia nu pushirin aikiar, natsa Sauru wajamunam au iisti tusar aeprusarmiayi. Tura Máawartai tusar kayajai tukurarmiayi Estepankan.

7:59b.ACT.007.059 Tura Estepanka tukamaitiat Yúsan áujsamiayi. Tura áujuk "Uuntru Jesusá, winia wakantrusha jurutkitia" Tímiayi.

7:60b.ACT.007.060 Tura tikishmar aujuk "Uunta, ju winia Túrutainiana ju makuip" Tímiayi. Tura nuna ti iniais, jakamiayi.

8

8:1b.ACT.008.001 Estepaṉkan Máawarmatai Sauru, pénnkeraiti, tímiayi. Tura aishman Yúsan pénker Enentáimta armiania nu, Estepanka ayashincha iwiarsarmiayi, tura aneenak ti uutiarmiayi. Tura Nú tsawantai Yus-shuaran Jerusarénnum pujuarmia nuna ti kajerkatin nankamnamiayi.

8:3b.ACT.008.003 Sáuruka Yus-shuaran kajerak ti pataat wémiayi. Túmak nui Jeá Wayá, nui Wayá aishmannasha nuwancha Wáinkianka japiki Jukí sepunam enkeataj tusa Túrimiayi. Tumakui Yus-shuar Jerusarénnumia pisarar Jutía nunkanam, tura Samaria nunkanmasha jeawarmiayi. Jesusa akatramurinkia antsu Jerusarénnuman juakarmiayi.

8:4b.ACT.008.004 Túrasha Jerusarénnumia aents pisararmia nu, arant wénaksha tuke Yusa chichamen etserkini yujarmiayi.

8:5b.ACT.008.005 Tura Jiripi Jerusarénnumia we tura Chíkich péprunam Samaria Núnkanam ámiania nui Jeá, chichaak "Yus anaikiamu ana nu Jesusaiti" tu etsermiayi.

8:6b.ACT.008.006 Túrakui aents iruntrar Chikichík Enentáijiai Jiripi étsereamun Titiú pujusar antukarmiayi. Yusa kakarmarin nekaawarat tusa aentsti Túrachminian Túrimia nunasha Wáiniarmiayi.

8:7b.ACT.008.007 Ti Untsurí aents iwianchruku ármia nuna Jiripi nu iwianchin jiirki akuptiarmiayi. Tura íwianch Jíiniainiak kakantar Charáa tiar Jíiniarmiayi. Tura ti Untsurí emearusha shutuapsha pénker ajasarmiayi.

8:8b.ACT.008.008 Tuma asamtai Nú péprunmayanka Ashí shuar ti warasar pujuarmiayi.

8:9b.ACT.008.009 Tura Nú nunkanam uwishin Semun pujumiayi. Nuikkia wi ímianaitjai tusa Samarianmaya aentsun ananniuyayi.

8:10b.ACT.008.010 Tuma asamtai Ashí aents úmamkesar uchichisha, uuntcha, niin anturiarmiayi. Tura tiarmiayi "Ju Semunsha Yusa kakarmarijiai aitkiawai."

8:11b.ACT.008.011 Tura ti Untsurí Uwí wawekratmarijiai anankarta asamtai, umirkarmiayi nu aents.

8:12b.ACT.008.012 Túrasha Jiripi Yusa akupeamurin, tura Jesukrístununcha shiir chichaman etserkamiayi. Tura, nuna antukar nuwasha aishmansha umikiar imian wearmiayi.

8:13b.ACT.008.013 Semunsha imia uwishniuitiat Yus-Chichaman Enentáimtus imianmiayi. Tura Jiripijiai tsanin wekaimiayi. Yusa kakarmarin shuar nekaawarat tusa Jiripikia aentsti Túrachminian Túrimiayi. Nuna Wáiniak Semun ti Enentáimsamiayi.

8:14b.ACT.008.014 Tura Jesusa akatramurisha Jerusarénnum pujuarmia nui Samarianmaya aents Yusa chichamen umirainiawai taman nekaawarmiayi. Tuma asamtai Pitruncha Juánnasha Nekáa ikiuutarum tusa akupkarmiayi.

8:16b.ACT.008.016 Tura Samarianmaya Yus-shuarsha aya Uunt Jesusa Náariin imianiarmiayi. Yusa Wakanínkia Tárachmiayi. Tuma asamtai Pítrusha Juanjai nui jeawar Samarianmaya Yus-shuara Enentáin Yusa Wakaní pimiutkarat tusan Yusan áujtusarmiayi.

8:17b.ACT.008.017 Tura áujsua umikiar Pítiur Juanjai ni uwején Nú Yus-shuaran awantsarmiayi. Nuinkia Yusa Wakaní taramiayi.

8:18b.ACT.008.018 Jesusa akatramuri uweje awasmanum Yusa Wakaní taramtai, Semunsha nuna Wáiniak, kuitjai nu kakarman sumaktaj, Tímiayi.

8:19b.ACT.008.019 Tura Jesusa akatramurin chicharuk Tímiayi "Winiasha kuitjai surustarum nu kakaram. Wisha Nútiksanak Nánkamas aentsnum winia uwejur awantsam Yusa Wakaní tarurat tusan tajai" Tímiayi.

8:20b.ACT.008.020 Tutai Pítiur Tímiayi Semunkan "Ameka Kuítrumjai métek menkakatniuitme. Warí, Yus amaana nu ṡkuitjai sumaktinkiait?

8:21b.ACT.008.021 Yus esetram Enentáimtachu asam nu Túramu pachistincha penké tujinkiame, Tímiayi.

8:22b.ACT.008.022 Enentáimprata. Túram Yus seata. Enentáimtamna nuna Yus tsankurtamprashtimpiash.

8:23b.ACT.008.023 Nékajme, tsaankea aintsan Yapá Enentáimin pimiutramkaiti. Tura tunaarmiin Jinkiámua Núniniaitme" Tímiayi.

8:24b.ACT.008.024 Tutai Semun aimkiamiayi "Uunt Yus aujtursatarum. Túrutrumna nuna Túrunawaij tusan tajai" Tímiayi.

8:25b.ACT.008.025 Nuyasha Jesusa akatramuri Jesusa Túramurin Nú aentsun ujakarmiayi. Tura wésar Samaria nunkanam pepru ámunmanka Yus-Chichaman nui etserkiar, nui etserkiar Jerusarénnum waketkiarmiayi.

8:26b.ACT.008.026 Tura Yus ni suntarin nayaimpinmayan Jiripincha akuptukmiayi. Niisha chicharuk Tímiayi "Wátskea. Juya jiinkim Jerusarénnumia jintia Enkasa péprunam wea Nuní weme, anaraani Wetá. Nú Jíntiaka atsamu nunkanam nankaamawai' Tímiayi.

8:27b.ACT.008.027 Tutai Jiripisha wémiayi. Jintiá wesa Itiupianmaya aishmankan Wáinkiamiayi. Nú aishmansha Itiupia nunka akupniurin, ni naari Kantasen takarniuyayi. Kantaseka Núwauyayi. Tura nu aishman ti neka asa nuna Kuítrin iirniuyayi. Nú aishmansha Yúsan áujsataj tusa Jerusarénnum wéu Wáketmiayi.

8:28b.ACT.008.028 Karetanam enkemar wesa, Yusa etserniuri Isayas aarmia nuna aujki wémiayi.

8:29b.ACT.008.029 Wats, Jiripi Nú jintianam wéakui, Yusa Wakaní niin Tímiayi "Nú kareta Amayánta."

8:30b.ACT.008.030 Tura Jiripisha Amayán, Yusa etserniuri Isayasa aarmarin áujun antuk, chicharuk "ṡAujeamna nu nékamek?" Tímiayi.

8:31b.ACT.008.031 Tutai Nú aishman Tímiayi "ṡItiurak nekaataj? ṡYaki jintintruat?" Tímiayi. Tura antsu iijiai Wetái tusa, Jiripincha enker jukimiayi karetanam.

8:32b.ACT.008.032 Nu Papí aarman áujmia nu Júuyayi: "Murikiua aitkiasan Jákatniunam Júkiarmiayi. Tura uchich murik, ure Tsúpiram chichaatsna Núnisan niisha chichakchamiayi.

8:33b.ACT.008.033 Nincha Iniatsárarmiayi. Túrasha penké chichamnaka Tútsuk tsankamakmiayi. Niisha nunkanam iwiaaku Pujá maamu asamtai, ṡyaki nuna áujmatkat~i?" Nuní aarma ámiayi.

8:34b.ACT.008.034 Kantase takarniuri Jiripin aniasmiayi "Waitneasam turuttia, tu aarma nusha, ṡyana ta? ṡYusa etserniuri Nínkik Túmama? ṡChikichnash ta?" Tímiayi.

8:35b.ACT.008.035 Nuyá Jiripi nu aarman áujtus "Juka Jesusnan tawai" Tímiayi. Tura Nú arantcha Yus-Chichaman ujakmiayi.

8:36b.ACT.008.036 Nuyá entsa ámanum nankaamak aishman Jiripin chicharuk "Jui Entsá jeaji. Wikia jui imianchamniakaitiaj" Tímiayi.

8:37b.ACT.008.037 Tutai Jiripisha Tímiayi "Tuke Enentáimjai Jesus nekas Enentáimtakminkia Túramniaitjame." Tutai aishman chichaak "Ee nekasaiti, Jesukrístuka Yusa Uchirínti tajai" Tímiayi.

8:38b.ACT.008.038 Tura, karetan awajas mai Jíinkiar Entsá wearmiayi. Nui Jiripikia Kantase takarniurin imiaimiayi.

8:39b.ACT.008.039 Tura kukar Jíinkiarmatai Uunt Yusa Wakaní Jiripinkia jukimiayi. Tuma asamtai Kantase takarniurisha Jiripin Wáinkiachmiayi. Túrasha ninkia waras wémiayi.

8:40b.ACT.008.040 Jiripisha jeachat Asutu péprunam wantinkiamiayi. Tura Nuyá jiinki péprunam Nuí Wayá, Nuí Wayá Yus-Chichaman etserki we, Sesaria peprunam jeamiayi.

9

9:1b.ACT.009.001 Nuna tumai, Jerusarénnum Uunt Jesusan umirkarmia nuna Máataj tusa áujmattan Sáuruka penké iniaichamiayi. Tuma asa Israer-patri uuntri iyutaj tusa werimiayi.

9:2b.ACT.009.002 Tura jeari Tímiayi "Papí ame naarmijiai aaram surusta. Wi nuna Papí jukin timiai Tamasku péprunam jean, Israer-shuar iruntainiam wayattajai. Túran Nú papijiai Jesusan umirkaru ainia nuna, Nánkamsan achikiartatjai. Túran aishmannasha nuwancha achikian jinkian, jui Jerusarénnum enkeataj tusan ikiaankattajai" Tímiayi.

9:3b.ACT.009.003 Tura Papí susam Sauru Jintiá wéai, Tamasku péprunam nuntumsai nui aya aneachma nayaimpinmaya Tsáapin jiitsumir téntakmiayi niin.

9:4b.ACT.009.004 Túrunamtai Sauru Nunká iniaarmiayi. Tura nayaimpinmaya chichaamun antukmiayi. "Sauru, Sauru, ṡUrukamtai yajauch awajtustaj tusam Imiá pataaturam?" Tímiayi.

9:5b.ACT.009.005 Táman antuk "ṡAmesha, Yáitiam, uunta?" Tímiayi Sauru. Tutai ataksha aimkiamiayi "Wikia Jesusaitjai. Ame pataaturmena Núitjai, Tímiayi. Wíi aents pataatamna nui, amek Enentáimin yajauch awajmamsame, waaka sankanmiak numin ijiuma Núnismek" Tímiayi.

9:6b.ACT.009.006 Nuyanka Sauru sapijin kuranki Tímiayi "Nuinkia Uunta, ṡwi warinia itiurkat tusamea wakeram?" Tímiayi. Tutai Uunt chichaak "Wajakim weme péprunam Wayatá, Tímiayi. Nui jeawakmin ame Túratamna nuna turamiartatui" Tímiayi.

9:7b.ACT.009.007 Tura Sáurujai irunar wearmia nu, chichaamun antukarmiayi. Tura aentsnaka penké Wáinkiacharmiayi. Tuma ásar ti ashamkarmiayi.

9:8b.ACT.009.008 Nuyá Sauru Nunká Tepá nantakmiayi. Tura Wáinmaktaj Tukamá Wáinmakchamiayi. Tuma asamtai Chíkich shuar uwejnum enkekiar Júkiarmiayi Tamaskunam.

9:9b.ACT.009.009 Nui Jeá menaintiu tsawant iimtsuk tura yurumtsuk penké úmutsuk pujumiayi.

9:10b.ACT.009.010 Nui Tamaskunam Yus-shuar Ananías ámiayi. Niin mesekranam Uunt Jesus Tímiayi "Ananíasa." Tutai "ṡWarí wakeram, Uunta?" Tímiayi.

9:11b.ACT.009.011 Nuyá Uunt Jesus Tímiayi "Wajakim jintia, Naka tutaiya nui Wetá. Nuisha Jutasa jeen jeam, Társunmaya Sáurun eaktaj tusan winijiai, Titiá, Tímiayi. Niisha Yúsan áujuk pujawai.

9:12b.ACT.009.012 Tura juna mesekranam ipiatkamjai Sáurun. Aishman Wayá ni uwejéjai ántiawai, ataksha iimit tusa. Nú aishmanka ámetme, Ananíasa" Tímiayi Jesus.

9:13b.ACT.009.013 Táman antuk Ananías chichaak "Túrasha Uunta, ju aishman ame aentsrumin Jerusarénnum ti yajauch awajchakait. Ni yajauch Túramurín ti Untsurí aents ujatainiawai, Tímiayi.

9:14b.ACT.009.014 Tura yamaisha Israer-patri chicharniun Papirín takakui. Tura nujai ame Náarmin Páchiaj nuna achik jukitiaj tusa Tímiajaisha tarutramji" Tímiayi Ananías.

9:15b.ACT.009.015 Tutai Uunt Jesus Tímiayi "Aankisha Wetá. Ju aishmankan winia etserniur Atí tusan achikjai Wi. Niisha Israer-shuarchancha tura Kapitiánniasha tura Israer-shuarnasha Wínian etserin átatui, Tímiayi.

9:16b.ACT.009.016 Tura Sauru winia Náarun Páchia asa ti Wáitsattana Núnaka niin iniaktustatjai" Tímiayi Jesus.

9:17b.ACT.009.017 Tura Jesus Táman umirak Ananías Sauru pujamunam wémiayi. Tura jeari Wayá uwején awantas Tímiayi "Yatsuru Sauru, Uunt Jesus Jintiá wantintiurmakmamna nusha ame ataksha iimiat tusa, tura Yusa Wakanísha Enentáimin pimiutramkat tusa winia akuptukai" Tímiayi.

9:18b.ACT.009.018 Nu chichamaik ni jiiya Namaká saepeya aanin iniaarmiayi. Túrunamtai ataksha iimmiayi. Túruna wajaki we imianmiayi.

9:19b.ACT.009.019 Nuyasha Yurumámiayi. Tura Yurumásha kakaram ajasmiayi. Tura Yus-shuarjai Tamaskunam Wárumchik tsawant pujusmiayi.

9:20b.ACT.009.020 Nuyanka Sauru Israer-shuara iruntairin Wayá Jesusa Túramurin etserkamiayi. Etseruk Tímiayi "Nekasaiti, ju Jesus Yusa Uchirínti" Tímiayi.

9:21b.ACT.009.021 Nuna Ashí Anturú pujuiniaka "ṡAusha urukakua aania? tiarmiayi. Entá ju aishmansha Jerusarénnum Jesusan Enentáimtuinian ti pataatimia Núchakait. Tura Tímiajaisha nuna achik Israer-patri akupniuriin jukitiaj tusa tamia Núchakait" tiarmiayi.

9:22b.ACT.009.022 Tura Sáurusha sapijmiatsuk etsermiayi. "Ju Jesus nekas aentsun Uwemtikniuiti" tu etsermiayi. Tura ti paant étserkui, Tamaskunmaya Israer-aents, nekaschaiti titiaj Tukamá tujinkiarmiayi.

9:23b.ACT.009.023 Tura ukunam, Israer-aents Sáurun maatai tusar chichaman jurusarmiayi.

9:24b.ACT.009.024 Tura Sáurusha nu chicham jurusman nekamamiayi. Israer-aents pepru Jíinmanum tuke tsawaisha, Káshisha achikiar maatai tusar jintian akirtiarmiayi.

9:25b.ACT.009.025 Nuna antukar Yus-shuar Sáurun chiiknium kashi enkeawar itiararmiayi. Pepru tanishnum itiarar awemarmiayi.

9:26b.ACT.009.026 Tura Sauru Jerusarénnum Jeá Yus-shuarjai iruntrattsa wakerimiayi Túrasha ninkia ashamiarmiayi. Sáurusha nekas Yus-shuar ajaschaiti tusar ashamiarmiayi.

9:27b.ACT.009.027 Túmainiain Pirnapí Jesusa akatramuri matsatmanum jukimiayi Sáurun. Tura nui ejé Tímiayi "Ju Sauru Jintiá wesa Uunt Jesusan Wáinkiaiti. Tura Yus chicharkaiti. Tuma asa Sauru Tamaskunam sapijmiatsuk Jesusa Náarin etserkaiti" Tímiayi.

9:28b.ACT.009.028 Tura Sauru Jerusarénnum Juákmiayi. Tura Yus-shuarjai irunar pujumiayi.

9:29b.ACT.009.029 Nuyasha Yus, etserkata tutai, sapijmiatsuk Jesusa Túramurin etsermiayi. Tura Israer-shuar Kriaku chichaman chichau ármia nu, nui pujuarmiayi. Sáurusha nu shuarjai áujmatsarmiayi. Túrasha nu shuar Sáurun itiur Máatjik tusar chichaman juriarmiayi.

9:30b.ACT.009.030 Tura Yusai yachi ármia nu, chicham jurusman nekaawarmiayi. Neka ásar Sáurun Sesaria peprunam Júkiarmiayi. Tura nuyasha Tarsu péprunam akupkarmiayi.

9:31b.ACT.009.031 Tura Jutíanmaya, Kariréanmayasha, Samarianmayasha Yus-shuar shiir Tímiajnisan ajasar kakaram ajasarmiayi. Yúsan ashamainia ásar, tura Yusa Wakaní yayamu ásar kawenki kawenki wearmiayi.

9:32b.ACT.009.032 Tura Pítiur Yusai yachi armiania nui Iráa wekaimiayi. Wekaak Yus-shuar Rítianam matsamarmia nuisha iraumiayi.

9:33b.ACT.009.033 Nuisha Rítianam Jeá aishmankan Eneas Náartinian Wáinkiamiayi. Niisha emearu asa wekaicha uchu Uwí aya tépenuyayi.

9:34b.ACT.009.034 Tura Pítiur chicharuk "Eneasa, Jesukrístu Tsuármawai. Nantaktia. Tura esekmatairam iwiarata" Tímiayi. Tutai Eneas nu chichamaik nantakmiayi.

9:35b.ACT.009.035 Nuna Túman Wáinkiar Rítianmaya aents tura Sarunmaya aencha Enentáimprar Uunt Yusan nemarsarmiayi.

9:36b.ACT.009.036 Túrasha Jupe péprunam nuwa Yus-shuar pujuyayi, ni naari Tapitia. Tura nusha Kriaku chichamjainkia Túrkas tuiniawai. Nu nuwasha nui pujus tuke pénker Túriniuyayi. Tura niisha Nútiksan yai wémiayi.

9:37b.ACT.009.037 Nu tsawantinik Túrkas sunkuran jateemak jakamiayi. Túrunamtai ayashin nijiarar Yakí tesaamunam aepsarmiayi.

9:38b.ACT.009.038 Jupe péprusha Rítianmaya Tíjiuch ámiayi. Júpenmaya Yus-shuar Rítianam Pítiur pujan nekaawar Jimiará aishmankan akatrar akupkarmiayi, Júpenam wari Winití tusar.

9:39b.ACT.009.039 Nui tutai Pítiur niijiai wémiayi. Tura Támatai jaka tepemia nui Awayáwarmiayi. Nui wayamtai waje pujuarmia nu uutkiar Pítrun téntakarmiayi. Túrawar pushirin, Túrkas iwiaaku pujus najankamia nuna iniaktusarmiayi.

9:40b.ACT.009.040 Nuyanka Pítiur aa akupkarmiayi Ashí. Tura niisha ninki tikishmar Yúsan áujsamiayi. Nuyasha nuwan jaka tepaan iis Tímiayi "Tapitia nantaktia." Tutai niisha iimi Pítiur wajaan Wáiniak nantaki pujusmiayi.

9:41b.ACT.009.041 Tura Pítrusha nuwan uwejnum achik awajkimiayi. Tura iniais Yus-shuar ármia nuna tura wajencha untsukar Túrkas iwiaaku ajasun iniaktusarmiayi.

9:42b.ACT.009.042 Nu Túrunamun Ashí aents Jupe péprunmaya nekaawarmiayi. Túrawar Untsurí aents Uunt Jesusan umirkarmiayi.

9:43b.ACT.009.043 Tura Pítruka Jupe péprunam Untsurí tsawant nuapen-iwiarin Semunka jeen pujusmiayi.

10

10:1b.ACT.010.001 Sesaria péprunam Kurniriu naartin suntara Kapitiántri pujumiayi. Ni suntari Itiaria nunkanmaya ármiayi.

10:2b.ACT.010.002 Nu Kapitián Kurniriu ni shuarijiai, Yuska nankaamantuiti, tu Enentáimtiarmiayi. Tuma ásar Yúsan Enentáimtin ármiayi. Tura Nútiksan Kuítniasha takakchan Yáintaj tusa Israer-shuaran Súuyayi. Tura tuke tsawant Yúsan áujtiniuyayi.

10:3b.ACT.010.003 Chíkich tsawantai, nantu aanku ajasai Kurniriu iimiarmiayi. Yusa suntari Yus nayaimpinmaya akupkamu, ni pujamunam Utuá "Kurniriuá" Tímiayi.

10:4b.ACT.010.004 Kurniriuá tutai, Yusa suntarin ashamak iimia pujumiayi. Tura "ṡWarimpiait, Uunta?" Tímiayi. Tutai Yusa suntari Tímiayi "Ame seamun Yus anturtamkai. Tura atsumainia nu yayakmin Yus shiir Enentáimturmawai' Tímiayi.

10:5b.ACT.010.005 Tura Yusa suntari Kurniriun tuke chicharuk "Wats, áminiuram Júpenam akupkata. Semun, Chíkich naari Pítiur, Tatí tusam akuptukta, Tímiayi.

10:6b.ACT.010.006 Nu Semunsha Chíkich Semunjai pujawai. Nuka nuapen-iwiarin Semunkaiti. Tura ni jeesha nayaantsanam ayaamach pujawai, Tímiayi. Nui jeawakmin, ame Túratamna nuna Semun Pítiur turamtatui" tinia ikiukmiayi.

10:7b.ACT.010.007 Tura Yusa suntari waketkimtai, Kurniriuka ni takarniurin Jímiaran itiamiayi. Tura suntaran chikichkiniak nemarsat tusa itiamiayi. Nu suntar ni írutramuriyayi. Tura Yúsan Enentáimtiniuyayi.

10:8b.ACT.010.008 Kurniriusha ni Túrunamurin Ashí Ujáa-Já awajas Jupe péprunam akupkarmiayi.

10:9b.ACT.010.009 Kashin tsawantai Kurniriu suntari Júpenam nuntumsarai, tutupin ai Pítiur jea Yakí Wáakunam Yúsan áujsatajtsa wakamiayi.

10:10b.ACT.010.010 Pítrusha ti tsukamak Yurumátaj tusa wakerimiayi. Túrasha yurumkan iniarainiai Pítiur íkiajtiusmak,

10:11b.ACT.010.011 nayaimp uranmianum wankaram tarachia aanin tura nuna tsakarin jinkiakman Tárun Wáinkiamiayi.

10:12b.ACT.010.012 Nu tarachnium yajasma irunmiayi. Wekainiusha, nanamtincha, tura napisha enkemiarmiayi.

10:13b.ACT.010.013 Tumai Yus Pitrun chicharuk "Pitru, wajakim maam yuata" Tímiayi.

10:14b.ACT.010.014 Tutai Pítiur Tímiayi "Atsá Uunta. Ii Israer-shuartikia yajauch yajasma ainia nu tura Yúatin surimkiamu ana nuka penké Yúchaitji. Tuma asamtai Júnaka wikia yuashtatjai" Tímiayi.

10:15b.ACT.010.015 Túrasha Pitrun atak Yus chicharuk "Wi, pénkeraiti, Tájana nu, yajauchiiti, tiip" Tímiayi.

10:16b.ACT.010.016 Nuka Menaintiú Túrunamiayi. Tura nuyasha tarach ataksha nayaimpiniam wakamiayi.

10:17b.ACT.010.017 Nuna Túrunan Wáiniak Pitiur wariniak aaniuncha Wáinkiaj tusa Enentáimia pujai Kapitián Kurniriu ayakma armia nu, anintruiniak jeawariayi.

10:18b.ACT.010.018 Tura jeawar kakantar untsummiar "ṡSemun, Pítiur, juin Pujá?" tiarmiayi.

10:19b.ACT.010.019 Tura Pítruka iimiarmarin tuke Enentáimia pujai Yusa Wakaní chichaak "Menaintiu aishman untsurmainiawai, Tímiayi.

10:20b.ACT.010.020 Wajakim akaikim arantutsuk au nemariarta, Wi akupkamu asamtai" Tímiayi.

10:21b.ACT.010.021 Nuna antuk Pítiur taramiayi. Tura aishmankan Kurniriu akupkamia nuna wajainian Wáiniak "Wiitjai Pítiur. Atum eatrumna Núitjai. ṡWarí tarintrum?" Tímiayi.

10:22b.ACT.010.022 Tutai niisha tiarmiayi "Iisha Kapitián Kurniriu akupkamu taji. Kurniriuka aishman pénkeraiti. Yúsan Enentáimtiniaiti. Tura Israer-aencha niin shiir Enentáimtuiniawai. Níiya winiaji, tiarmiayi. Kame nuik, Yusa suntari, nayaimpinmaya akupkamu, ii Kapitiántrin Tímiayi "Pitrun Untsukát akupkata. Nii Tatí. Tura nii Títiatna nu pénker anturkata" Tímiayi. Nuna ii Kapitiántrin takui iisha winiji" tiarmiayi.

10:23b.ACT.010.023 Tutai Pítiur Jeá Awayámiayi. Tura nu kashi nui kanararmiayi. Kashin tsawarar Pítiur niijiai wearmiayi. Túrasha Júpenmaya Yus-shuarsha niin nemariarmiayi.

10:24b.ACT.010.024 Nuyá tsawarar Sesaria péprunam, Kurniriu Nákamun jeariarmiayi. Kurniriuka ni shuarin tura ni nekas amikrin, nekaatarum tusa untsuk ikiaankamiayi.

10:25b.ACT.010.025 Tura Pítrusha jeamtai Kurniriu aa jiintiuki Pitrun tikishmatramiayi.

10:26b.ACT.010.026 Túrasha Pítiur awajki Tímiayi "Wajaktia. Wisha aya aentsketjai. Amea Núnisketjai" Tímiayi.

10:27b.ACT.010.027 Tura chichasar Jeá wayawarmiayi. Tura Wayá, Untsurí aents matsatun Wáinkiamiayi.

10:28b.ACT.010.028 Nuyá Pítiur chichaak Tímiayi "Amikrua, atumsha nékarme. Iin Israer aentstinkia, Chíkich aentsjai pachiniarchatniuitrume, tura ni jeencha wayashtiniaitrume iin jintintramin turamainiaji, Tímiayi. Túrasha Yuska ni Enentáimsamurin Wíniaka paant iniaktursayi. Túmaitkiui wikia Nánkamas aentsun yajauchiiti, tura auka wapikiaiti, Tíchamniaitjai, Tímiayi.

10:29b.ACT.010.029 Tuma asamtai, untsurkurmin, Páchitsuk winimjai. Túmaitkiui nekaataj tusan wakerajai. ṡUrukamtai untsurkamarum?" Tímiayi.

10:30b.ACT.010.030 Tutai Kurniriu Tímiayi "Kuatru tsawant nankaamasai tura nantusha juni ai, wikia yurumtsuk Yúsan áujsamjai, kiarai áujsatin ana nuna. Túran chichai, aishman, ni entsatairi wincharpatniun, naka wajatran Wáinkiamjai, Tímiayi.

10:31b.ACT.010.031 Niisha chichartak turutmiayi "Kurniriu, Yus ame áujman anturtamkayi. Tura shuar atsumainia Yáinmamna nunasha nekarmayi, turutmiai, Tímiayi.

10:32b.ACT.010.032 Tuma asamtai, Jupe péprunam akatramuram akupkata. Semun Pítrun Itiatí. Nu Semun Pítrusha, Chíkich Semunjai pujawai. Nuapen-iwiarin Semunkaiti nuka. Tura ni jeesha nayaantsanam ayamach pujawai. Niisha taa ámin chichartamkattawai" turutmiai, Tímiayi.

10:33b.ACT.010.033 Túrutkui, wi umikian aentsun Wárikmasan ámin akuptukjame utitia tusan. Tura nékasen taume. Tuma asamtai iisha jui Yus iimmianum pujuiniaji. Tuma asamtai, Ashí Uunt Yus ámin au ujakarta Túramna nu, iisha antuktai tusar pujaji" Tímiayi Kurniriu.

10:34b.ACT.010.034 Nuyá Pítiur chichaak "Ayu. Yus iimmianum Ashí aents métekrak ainiawai nekas nékajai, Tímiayi.

10:35b.ACT.010.035 Antsu Ashí nunkanam Nánkamas aents Yúsan umirak pénker tura nuna, Yus Nú aentsun shiir Enentáimtawai, Tímiayi.

10:36b.ACT.010.036 Yuska shiir chichaman Israer-aentsun akuptukmiayi. Nui chichaak "shuar Jesukrístu naarin Páchiakka, Yusjai nawamnaikiatin átiniaiti, Tímiayi. Nú Jesukristu Ashí shuara Uuntrinti' Tímiayi Yus.

10:37b.ACT.010.037 Túrasha Kariréa nunkanam nankamak Ashí Israer nunkanam Túrunamia nu paant nékarme. Imiakratin Juan imiaak etserak amukmia Nú tsawantin nankamamiayi.

10:38b.ACT.010.038 Tura jusha nékatsrumek, Tímiayi. Nasarétnumia Jesus, Yus Anaikiamu asa, Yusa Wakaní kakarmarijiai pénker Túriniuyayi. Iwianchruku Wáitias pujuarmia nuna pénker awajsamiayi. Yus Niin pujurma asa Ashí nuna Túriniuyayi.

10:39b.ACT.010.039 Tura Israer-aents matsatkamunam tura imia Jerusarén péprunmasha Jesus Túramia nu, iisu asar, iisha étsereaji. Tura ayu, Niin achikiar Krúsnum Máacharmakia, Tímiayi.

10:40b.ACT.010.040 Tura menainti tsawant jeamtai Yus Niin iniantkimiayi. Tura ataksha iwiaintiurtamkachmakaj~i, Tímiayi.

10:41b.ACT.010.041 Ashí aentsnumka wantinkiachmiayi. Antsu íniak nuik, etserin atarum tusa Yus achirmakmiaj Nú aentstiniak wantintiurmakmiaji, Tímiayi. Au nekas jakamunmaya nantakmiatai iisha Niijiai tsaninkiar Yurumámji, Tímiayi.

10:42b.ACT.010.042 Tura Jesussha iin akuptamkaitji. Jesuska "Wiitjai Yus Anaikiamun, Tímiayi. Ashí aentsun, juka makuumawai, Túrasha juka makuumatsui, Wiki Títiniaitjai. Kame Ashí aentsun, jaka ainia nuna tura iwiaaku ainia nunasha, Wíkiitjai nuna Títinian" Tímiayi Jesus. Nusha átum werum ujatruktarum, Jesus turammaji, Tímiayi.

10:43b.ACT.010.043 Ya shuarak Jesusa Náarin pachia Nú shuarnaka tunaarin tsankurattawai, nuna Ashí Yúsnan etserniusha yaunchu etseriarmiayi" Tímiayi.

10:44b.ACT.010.044 Tura Pítiur tuke chichaak pujai, tura chikichcha Antúu pujuiniai Yusa Wakaní tarurarmiayi.

10:46b.ACT.010.046 Tuma ásar ankant ankant Chíkich chichamjai chichasarmiayi. Túmainiak, Yus ti pénkeraiti, tiarmiayi. Tura Israer-shuar, Yus-shuar armia nuka Pítrujai Táarmia nu, nuna antukar ti Enentáimsarmiayi. Maa, Yusa Wakanísha Israer-shuarcha ainia nunasha tarurcharaik, tu Enentáimsarmiayi

10:47b.ACT.010.047 Túmakui Pítiur chichaak "ṡYaki surimkiat ju aents imiantinian? Warí nincha ínia aintsan Yusa Wakaní tarurcharaik" Tímiayi.

10:48b.ACT.010.048 Nuyá Pítiur, Jesukrístu Náariin imiantiarum tusa akupkarmiayi. Tura nuyasha Pitrunka, niijiai ishichik tsawant pujustinian seawarmiayi.

11

11:1b.ACT.011.001 Israer-shuarchasha Yusa chichamen umirkarai Táman Jesusa akatramurisha tura Jutíanmaya Yus-shuarsha antukarmiayi.

11:2b.ACT.011.002 Túmainiak Pítiur Jerusarénnum jeamtai, Israer-shuar Yus-shuar ármia nu chichainiak

11:3b.ACT.011.003 "ṡUrukamtia Israer-aents ainiachusha iyumam? ṡTura aujai tsaninkiam urukamtai Yurumámum?" tiarmiayi.

11:4b.ACT.011.004 Tutai Pítiur Ashí Yámankamtaiknumia Túrunamun ujakmiayi.

11:5b.ACT.011.005 Chichaak Tímiayi "Wikia Jupe péprunam pujumjai. Tura nui Yusan auju pujusan iimiarmajai. Tura wankaram tarachia aanin kuatru tsakarin jinkiakma, nayaimpinmaya Táarun Wáinkiamjai. Tura wi pujamunam jeartimiai, Tímiayi.

11:6b.ACT.011.006 Tura nui iiyaj tukaman init yajasman, napincha, nanamtinniasha enketainian Wáinkiamjai, Tímiayi.

11:7b.ACT.011.007 Tura chichaman antukmajai "Pitru wajakim maam yuata" Túrutun antukmajai, Tímiayi.

11:8b.ACT.011.008 Túrutkui "Atsá, Uunta, aanin wapiknaka, Israer-aents yuatin surimkiamu ana Núnaka tuke Yúchaitjai" Tímiajai, Tímiayi.

11:9b.ACT.011.009 Atak Nuyá Túrutuk "Wi, pénkeraiti, Tájana nu, ámeka, yajauchiiti, tiip" turutmiai, Tímiayi.

11:10b.ACT.011.010 Nunasha Menaintiú Túrunan Wáinkiamjai. Túruna nayaimpiniam mash waketkimiai, Tímiayi.

11:11b.ACT.011.011 Nui Túruna pujai Menaintiú aishman Sesarianmaya akupkamu, winia eatainiak wi pujamunam tarutiarmiai, Tímiayi.

11:12b.ACT.011.012 Tura nui Yusa Wakaní chichartak "Arantutsuk aujai Wetá" Túrutkui, wémajai. Tura ju sais Yus-shuarjai wi wémajai. Túrunar ashinkiar Kurniriu jeen wayamji, Tímiayi.

11:13b.ACT.011.013 Niisha chichaak "Jearui Yusa suntari nayaimpinmaya taa wajan Wáinkiamjai, Tímiayi. Tura niisha chichartak "Jupe péprunam Semun Pítiur Tatí tusam aishman akatram akupkata.

11:14b.ACT.011.014 Pítrusha taa, itiura amesha tura áminiurmesha tunaarminia uwemprattam nuna turamtatui." Yusa suntari Nuní turutmiayi" tu ujatkamiayi Kurniriu' Tímiayi.

11:15b.ACT.011.015 `Wi chichastasan Júarai, Yusa Wakaní tarurarmiayi, Yámankamtaik iin tarutrampramiaj Nútiksan, Tímiayi.

11:16b.ACT.011.016 Nuinkia Uunt Jesus timian Enentáimpramjai. Niisha Tíchamka "Juan entsajain imiakratmiayi. Tura antsu Yusa Wakanínkia imiantinia aintsan Atumí Enentáin enkemprutmattarme." Nu timian Enentáimpramjai, Tímiayi.

11:17b.ACT.011.017 Atumsha Enentáimpratarum. Uunt Jesukrístu umirkamiaj nui, incha Yuska ni Wakanín suramsamiaji. Tura iin suramsamiaj Núnisan Yus nincha ni Wakanín Súsarmiayi. Nuna tura asamtai, wikia, Túrashtiniaiti, Yúsan Títinkiaitiaj" Tímiayi Pítiur.

11:18b.ACT.011.018 Tura Pítiur taman antukar mitiat Wáinkiar "Nekasaiti, Israer-shuarchancha ni Enentáin Yapajiáwarmatai tuke iwiaaku átinian Yuska niin Súsaruiti" tiarmiayi. Tusar Yusa Náarin ti shiir awajsarmiayi.

11:19b.ACT.011.019 Estepankan Máawarmia nui, Chíkich Yus-shuarnasha maatai tusar pataatiarmiayi. Túram Chíkichkia pisarar Pinisia nunkanam, Chipri nunkanmasha, tura Antiukía péprunmasha wearmiayi. Tura nui jeawar Yus-Chichaman chikichnaka ujatsuk aya Israer-aentsnak ujakarmiayi.

11:20b.ACT.011.020 Tura niijiai Chipri nunkanmaya pisararmia nu Serini nunkanmayasha Yus-shuar ármiayi. Nuka Antiukíanam jeawar Israer-shuarchan Uunt Jesusa Túramurin ujakarmiayi.

11:21b.ACT.011.021 Tura Uunt Jesus Ikiakárma ásar, Nú nunkanmaya aents ti Untsurí yaunchu Túrutairin iniaisar Jesusan Enentáimtuiniak Yus-shuar ajasarmiayi.

11:22b.ACT.011.022 Tura nu chichaman antukar, Jerusarénnumia Yus-shuar, ame Iyutá tusar, Pirnapín Antiukíanam akupkarmiayi.

11:24b.ACT.011.024 Pirnapísha Jeá, Yus Nú shuaran uwemtikrarma nuna Wáiniak warasmiayi. Pirnapísha pénker aishmankauyayi. Yusa Wakanísha pimiutkamuyayi. Tura Yúsan nekas umirkauyayi. Tuma asamtai nu shuaran mash jintintiainiak chicharuk "Tuke Enentáimjai umirkarum Yus nemarsatarum." Tu chicharak ikiukmiayi. Tura nuisha Nú arant Untsurí aents Yusai kawenkarmiayi.

11:25b.ACT.011.025 Nuna turasua amik Pirnapí Tarsu péprunam wémiayi Sáurun Wáinkiataj tusa. Tura Wáiniak Antiukía péprunam jukimiayi.

11:26b.ACT.011.026 Tura nui jeawar, Nú péprunmaya Yus-shuarjai iruntrar Chikichík Uwí pujusarmiayi. Yus-Chichaman Untsurí Shuáran ujaak pujuarmiayi. Tura nui Antiukía péprunmanka Yus-shuaran émkaka, Kristu shuari, tiarmiayi.

11:27b.ACT.011.027 Nuyá Yusnan etserin Jerusarénnumia Táarmiayi Antiukíanam.

11:30b.ACT.011.030 Túmainiai Chikichík etserin, ni naari Akaapu, Yus-shuar matsatmanum ajapén wajaki chichasmiayi. Tura Yusa Wakaní nekatairijiai chichaak "Ti tsuka Ashí Núnkanam átatui" Tímiayi. Tuma asamtai Antiukíanmaya Yus-shuar chichainiak "Jutía nunkanmaya Yus-shuar ainia nu Yáintai" tiarmiayi. Ankant ankant ni wakeriarmia Núnik Súsarmiayi. Tura Nú Kuítniasha Jutíanmaya Yus-shuara uuntrin akuptukarmiayi. Pirnapísha Sáurusha Nú Kuítian Júkiarmiayi. Tura Akaapu Tímia Núnisan Túrunamiayi, akupin Krautiu pujai.

12

12:1b.ACT.012.001 Nu tsawantai akupin Erutis Yus-shuaran Máataj tusa chichaman jurus aentsrin ishiakmiayi.

12:2b.ACT.012.002 Tura Juanka yachin Jakupun suen tsupirkar Máawarmiayi.

12:3b.ACT.012.003 Nuna tura Máawarmatai Israer-aents Wáinkiar "juka pénkeraiti" tiarmiayi. Erutissha nuna antuk, Pítrusha achikrum itiatarum tusa akupkarmiayi. Núnaka wakapruachu tanta yuatin nampertin Túrawarmiayi.

12:4b.ACT.012.004 Pítruncha achik itiarmatai, Erutis sepunam enkeata tusa akupkamiayi. Tura sepunam suntarsha ankant ankant, kuatru kuatru, ashikia Tiasisáis (16) irunar Pitrun téntakarmiayi. Tura, ju Jísat nankaamasmatai, Mantamnatí tusan jiiktiatjai aents iruntramunam, tu Enentáimsamiayi Erutis.

12:5b.ACT.012.005 Túramu asa Pítruka sepunam pujumiayi. Tura suntarsha mijiatrutsuk iiyarmiayi. Túramunak Yus-shuarka, Pitrun Yáinkiat tusar iniaitsuk Yúsan ti áujiarmiayi.

12:6b.ACT.012.006 Wats, Erutis, kashin Jíiktiajai takui, Nú kashi Pítruka Jimiará suntar wajamunam etema tepes kanarmiayi. Tura Jimiará jirujai jinkiamuyayi. Tura Chíkich suntarka Jíinmanum ii wajarmiayi.

12:7b.ACT.012.007 Tumai aya aneachma Yusa suntari nayaimpinmaya taa ajapén wajasmiayi. Túrunamtai jeanmanka Tsáapin ajasmiayi. Tura Yusa suntarisha Pitrun Páenum antin ishintiarmiayi. Tura jirusha Pitru uwejéya sayat atiniamiayi.

12:8b.ACT.012.008 Tura Yusa suntari Tímiayi "Kaki emenmamata. Túram sapatrumsha aweekata" Tímiayi. Tutai Pítiur Túramiayi. Nuyá chichaak "Pushiram entsarta. Túram nemartusta" Tímiayi.

12:9b.ACT.012.009 Tutai Pítiur nemarsamiayi. Túrasha Pítruka, mesekranmaapi Júniaja, tu Enentáimsamiayi.

12:10b.ACT.012.010 Túrasha emka suntar iimia wajan nankaikiarmiayi. Tura nuyasha Chíkich suntar iimia wajan nunasha nankaikiarmiayi. Tura nuyasha Jíintiainium jiru waiti ámanum jeawarmatai, Nú Wáitisha ímia-ninki kuat uranmiayi. Túrunamtai Jíinkiarmiayi. Tura Jintiá ishichik wésan, Yusa suntari Pitrun Níiniak ikiukmiayi.

12:11b.ACT.012.011 Túram Pítiur Enentáimiar Tímiayi "Yamaikia nékajai. Mesekranmachuiti. Antsu Uunt Yus ni suntarin nekas akupturkayi. Erutis mantuataj tusan pujurtana Nuyá Yusa suntari winia uwemtikrurai. Tura Israer-aents Túrutatajtsa wakeriarmia nuyasha uwemtikrurai" Tímiayi.

12:12b.ACT.012.012 Nuna tu Enentáimias Nekáa, Marí jeen wémiayi. Nú Marisha Juan Márkusan Nukuríyayi. Nú jeanam Untsurí aents irunar Yúsan auju matsatainiai Pítiur jeamiayi.

12:13b.ACT.012.013 Tura Jeá aa Wáitin tuntuimiayi, wayataj tusa. Túmakui nuwa uchich, ni naari Ruti, Yákit tusa iyumiayi.

12:14b.ACT.012.014 Tura jeari, Pitru chichamen anturak ti shiir Enentáimsamiayi. Túmak Wáitin urattsuk ikiuki, init matsatainian Werí "Pítiur taa Wáitiniam wajaawai" Tímiayi.

12:15b.ACT.012.015 Tutai "Wáurtsumek" tiarmiayi. Tútaisha Núwaka "Atsá nekasaiti" Tímiayi. Tútaisha Nú arant "Níichuiti. Antsu ni Wakaní Túratsuash" tiarmiayi.

12:16b.ACT.012.016 Tu chichainiain Pítruka tuke Tuntuí wajamiayi. Tura Wáitin uraj Tukamá Pitrun Wáinkiar ashamkarmiayi.

12:17b.ACT.012.017 Ashamak chichainiakui Pítiur, uweje Takuí itiatmamtikiarmiayi. Tura Nuyá Uunt Yus sepunmayan uwemtikramun ujakmiayi. Tura "Ju chicham Jakupu tura Chíkich Yus-shuarsha ujaktarum" Tímiayi. Nuna ti iniais jiinki arant wémiayi.

12:18b.ACT.012.018 Kashin tsawar suntarsha Pitrun Atsá Wáinkiar "Chuwa urukakua menkaka. Ayawa urukattajia" tiarmiayi. Pítiur Túrunamun nékachu ásar nuna tiarmiayi.

12:20b.ACT.012.020 Túrunamtai Erutis chichaak Pítiur eaktarum tusa akupkarmiayi, Túrasha Wáinkiacharmiayi. Túrunamtai Erutis suntaran untsukar, Pítrun iisarmia nuna aniasarmiayi "ṡPítiur itiura menkakama?" Tímiayi. Niisha aimiainiachkui, nu suntaran Mantámnatí tusa akupkamiayi. Erutissha Tirunmaya tura Setúnmaya aentsjaisha nemasnaikiarmiayi. Túmayatan Jutía nunkan ikiuki Sesaria péprunam pujustaj tusa Erutis wémiayi. Sesaria péprusha Tiru péprunam Tíjiuchiiti. Setúnmaya aents Tirunmaya aentsjai Erutisa nunkeyan yurumkan Súmainia ásar, Erutisjai nawamnaikiatniun wakeriarmiayi. Tuma asamtai métekrak Enentáimsar, Erutisa takarniuri penkeri, ni naari Parastu, niijiai emka amikmawar Nuyá Erutisan weriar shiir matsamsatniun seawarmiayi.

12:21b.ACT.012.021 Tuma asamtai tsawant jeamtai Erutissha akupin entsatai pushin entsarmiayi. Tura akupin pujutainium pujus aentsun ikiaanak áujmatmiayi.

12:22b.ACT.012.022 Nui pujus chichaakui aents untsumainiak tiarmiayi "Ju chichaa pujana juka aenchaiti. Antsu nekaska Yúsaiti" tiarmiayi.

12:23b.ACT.012.023 Tumai nuyaik Yusa suntari nayaimpinmaya Tarí Erutisan jaa awajsamiayi. Tuma asamtai nusha aka yuam jakamiayi. Erutissha Yusan waantu awajtsuk ninki waantu Enentáimtuma asa Túruna jakamiayi.

12:24b.ACT.012.024 Túrunamtaisha Yusa chichamenka Nú arant pampanki wémiayi. Túmaki Ashí Núnkanam anturamiayi.

12:25b.ACT.012.025 Tura Pirnapísha Sáurusha ni takatrin amukar Jerusarénnumia Antiukíanam waketainiak Juan Márkusan Júkiarmiayi.

13

13:1b.ACT.013.001 Antiukíanmaya Yus-shuarnum Yusnan etserin Páchitra ármiayi. Nútiksan Yus-Chichaman jintinniurisha ármiayi. Pirnapísha tura Mukusa Semunsha, Nuyá Chíkich, Serinianmaya Rúsiusha tura akupin Erutisa tsakatkesha, ni naari Manaen, Sáurusha Tímianu ármiayi.

13:2b.ACT.013.002 Tura Chíkich tsawantai niisha yurumtsuk Yúsan áujeak pujuiniai Yusa Wakaní Tímiayi "Pirnapísha, Sáurusha akanturkitiarum, Tímiayi. Wi takatan Súsaitjiana nuna takasarat tusarum Túratarum" Tímiayi.

13:3b.ACT.013.003 Tutai ijiarma Yusan aujsua amikiar, shiir wetarum tusar ni uwején Sáurun Pirnapíncha awantkarmiayi. Túrawar Antiukíanmaya akupkarmiayi.

13:4b.ACT.013.004 Tura nuyanka Yusa Wakaní akupkam Pirnapísha Sáurusha Jíinkiar Serusia péprunam jeawarmiayi. Tura Nuyá uunt kanunam enkemprar Chipri nunkanam jeawarmiayi.

13:5b.ACT.013.005 Juansha Yáintaj tusa némarkauyayi. Nui Saraminia péprunam jeawar Israer-shuar iruntai jeanam wayawar Yus-Chichaman etseriarmiayi.

13:6b.ACT.013.006 Tura Chipri nunkanam pepru ainia nui Wáirkutak Papus péprunam jeawarmiayi. Nui jeawar Israer-aents uwishin ni naari Parjesúsan Wáinkiarmiayi. Ni Chíkich Náarinkia Erimiasauyayi. Niisha uwishniuitiat, Yúsnan étsereajai, Tíniuyayi.

13:7b.ACT.013.007 Akupin Serjiu Páurujai pujuyayi. Nu akupniusha ti pénker Enentáimniuyayi. Tura Pirnapín Sáuruncha chichaman akuptukmiayi, taarti tusa. Kame Yus-Chichaman antuktaj tusa wakerak untsukmiayi.

13:8b.ACT.013.008 Tura uwishin Erimias nuna nakitiak "Auka pénkerchaiti" Tímiayi. Akupniusha Yúsan umirkain tusa nuna Tímiayi.

13:9b.ACT.013.009 Nuyanka Sauru, ni Chíkich naari Papru, Yusa Wakaní pimiutkamu asa, nu uwishniun úmamkemas iis Tímiayi

13:10b.ACT.013.010 "Ameka Wáitiaitme. Anankartiniaitme. Yajauchiitme. Maaj, iwianchiitme. Tura Ashí pénker ana nuka Imiá nakitniuitme. Tsej, ṡurukamtai Yusa jinti naka ana nu emeskim weam?

13:11b.ACT.013.011 Paij, yamaikia Uunt Yus Asutiámattawai. Yamaikia amesha jiimi kusurmatai Untsurí tsawant Tsáapnin penké iischattame" Tímiayi. Tura Nú chichamaik jii kusurmatai kirit iimiuk chikichan eamiayi enkeki jurukit tusa.

13:12b.ACT.013.012 Nu Túrunamtai akupin nuna Wáinak, ti Enentáimpramiayi. Túruna Uunt Yusa chichamen Enentáimtur umikmiayi.

13:13b.ACT.013.013 Nuyá Juan waketki Jerusarénnum wémiayi. Tura antsu Pápruka ni tsaniakmarijiai kanunam enkemprar Pápus péprunka ikiukiar Pirji péprunam jeawarmiayi. Nusha amaini Pampiria nunkanam pujawai.

13:14b.ACT.013.014 Nuyá Pirji péprun nankaikiar Antiukía péprunam jeawarmiayi. Nú Antiukíasha Pisitia nunkanam pujawai. Nui jeawar Israer-shuar ayampratin tsawantin, nuka Sáwartin, Israer-shuar iruntai jeanam wayawar pujusarmiayi.

13:15b.ACT.013.015 Tura nui Yus-Papinium yaunchu aarman áujas aminkiamtai, Israer-shuar iruntai jeanam iirniuri Páprun tiarmiayi "Yatsuru, Jintíatin chicham takakkurmeka yamaik titiarum. Antukarmí" tiarmiayi.

13:16b.ACT.013.016 Tutai Papru wajaki uweje takuimiayi. Tura chichaak "Israer-shuartiram, tura Yúsan umirkataj tusa wakerarmena nu antuktarum, Tímiayi.

13:17b.ACT.013.017 Ii Yusri ii yaunchu uuntrin Israer-shuartin achikmiayi. Tura niisha írara Núnik Ejiptunam matsatainiai Yuska niin Páchiniak uunt awajsarmiayi. Yus ni kakarmarijiai Nú nunkanmaya ii yaunchu uuntrin uwemtikrarmiayi.

13:18b.ACT.013.018 Túrasha atsamu nunkanam ii uuntrin kuarenta (40) uwitin Yuska aya Kátsuntramiayi.

13:19b.ACT.013.019 Tura nuyanka siati aentsun Mátsatkainian, Kanaan nunkanam matsamarmia nuna amukarmiayi. Nú nunkan ii yaunchu uuntrin susataj tusa Yus Túramiayi.

13:20b.ACT.013.020 Nuyanka ii uuntri akupniurin, Juís Tútain, anaikiamiayi. Tura chikichan ukunam anaiki anaiki wémiayi. Nuna tura Túraakua kuatru Siántu senkuenta (450) Uwí ejemiayi. Samuersha Yúsnan etserin Náamtsáin nuna Túrimiayi Yus.

13:21b.ACT.013.021 Tura nuyanka aencha Juísan nakitiainiak, uunt akupin Náamkat tusar Yúsan seawarmiayi. Tuíniakui Yuska Sesa Uchirín Saúran anaikiamiayi. Nú Saúra uuntrinkia Pinjamínkiauyayi. Tura Saúrsha kuarenta (40) Uwí Nú aentsun akupkat tusa Yus tsankatkamiayi.

13:22b.ACT.013.022 Tura Saúr Náamkan ataksha Yus awainkimiayi. Tura Nuyá iiksan Nú nunkanam uunt akupin Atí tusa Tawitian anaikiamiayi. Tura Yuska juna Tawitnian Tímiayi "Isaí Uchirín Tawitian winia Enentáir jeamtai achirmakjai. Tura Winia umirtin átatui" Tímiayi.

13:23b.ACT.013.023 Wats, Tawit weeanmaya Jesusaiti. Tura Yuska Israer-aentsun Uwemtikrartinian Jesusan anaitiukmiayi, yaunchu timiarin Uminkiát tusa.

13:24b.ACT.013.024 Jesuska Táatsain Juan Ashí Israer-shuaran tunaarinia Enentáimtumar imiantinian ujakmiayi.

13:25b.ACT.013.025 Tura Juansha ni Jákatniuri jeatemamtai, chichaak "Atum Enentáimtarmena Núchaitjai. Wikia Yusa anaikiamuri, Kristu tutai, Nákarmena Núchaitjai. Antsu Ninkia winia ukunmarui winittiawai. Tura Niisha Wíjiainkia ti nankaamantu asamtai wikia sapatrincha atitrataj Tíchamniaitjai" Tímiayi.'

13:26b.ACT.013.026 `Pai, yatsurtiram, Apraám weeatiram, tura Ashí Yus ashamkarum umirkaitrumna nu, antuktarum. Ju uwempratin chichamka iiniuiti, Tímiayi.

13:27b.ACT.013.027 Iis, Jesusa Túrunatniurin Yuska yaunchu ni etserniurin aamtikrachmakia. Tura ukunam Jerusarénnumia shuar ni akupniurijiai tuke Sáwartin nuna áujeatskesha penké nekaacharmiayi. Tuma ásar Jesuska Yusa Uchirinti Tícharmiayi. Tura, Jakatí, tiarmia nui, Jesusa Túrunatniurin, Yus yaunchu chichakmia nuna, Tímiatrusaran umikiarmiayi, Tímiayi.

13:28b.ACT.013.028 Jesuska penké tunaamkachunak yamaikia Mantamnatí tusar Piratun seawarmiayi, Tímiayi.

13:29b.ACT.013.029 Tura Yusa Papiriin Ashí Jesusnan Tímia nuna Tímiannak umikiarmiayi. Tura Nuyá Krúsnumia itiarar iwiarsarmiayi.

13:30b.ACT.013.030 Túramunak Yus jakamunmayan iniantkimiayi.

13:31b.ACT.013.031 Jesuska jakamunmaya nantaki, yaunchu Kariréanmaya Jerusarénnum Niijiai irutka wéarmia nuna Núkap tsawantin pujus wantintiukmiayi. Nú shuaraiti yamaikia Jesusa Túrunamurin etserainia nu' Tímiayi.

13:32b.ACT.013.032 `Iisha Núnisrik shiir chichaman Yus yaunchu ii apachrin tiarmia nu étsereaji.

13:33b.ACT.013.033 Iisha Israer-Weeá asakrin, Yuska Jesusan iniantkimia nujai ii apachrin anajmatramia nuna Yamái uminkiaiti. Kame Sarmu Jímiar papinium ju aarmaiti: "Ameka winia Uchiruitme. Túmaitkiui yamaikia winia iwiaakmar susamuitme."

13:34b.ACT.013.034 Tura Yuska Jesusa nantakmiarin jintintiak, tura ni ayashi Káurchatniun jintintiak, Chíkich Sarmu papinium juna aamtikramiayi: "Nekas pénkeran Tawitian anajmatramaj nuna atumin amastatjai."

13:35b.ACT.013.035 Tura Nú arant, Nú paant Atí tusa, Chíkich Sarmu papinium ju aarma awai: "Yusa, ame Uchiram aneamna nuna ayashi Káurtincha tsankatkashtatme." '

13:36b.ACT.013.036 `Nekaatarum, yatsurtiram, Yuska Tawitia ayashin Tíchamiayi nuna. Tawitkia Yus Tímian amuk jakamiayi. Túrasha ni ayashinkia Káurmiayi.

13:37b.ACT.013.037 Tura antsu Yus iniantkimia nuna ayashinkia penké Káurchamiayi.

13:38b.ACT.013.038 Tuma asamtai, yatsurtiram nekaatarum. Jesusjainkete Tunáa Asakártin.

13:39b.ACT.013.039 Tura Muisais yaunchu akupkamia nujai Tunáa tsankurnarchamnia nu, yamaikia Jesusjai tsankurnartiniaiti.

13:41b.ACT.013.041 Yúsnan etserin juna aarmiayi: "Enentáimpratarum wishikkiartintiram. Ashamkatarum. Túrarum menkatumpratarum. Wi Yus asan, átum pujarmena nui, aents Túrachminian Túratajna nusha penkesh nekaashtatrume, Chíkich ujatmainiakuisha." Tu aarmaiti. Tuma asamtai yatsurtiram, aneartarum atumin nuna Túrutmawairum, Yusnan etserin aarma tana Nútiksan." Nuna chichaak amukmiayi Papru.

13:42b.ACT.013.042 Tura Nuyá Papru Pirnapíjiai jiinki wéenakui aents chichainiak "Chíkich Sáwartincha Jútiksarmek etserkatarum" tiarmiayi.

13:43b.ACT.013.043 Tura Nuyá iruntsua tsenkeenak Israer-shuarsha, tura Chíkichkia Israer ajasarusha, Yúsan umirkatajtsa wakeriarmia nuka, Páprun Pirnapíncha nemarsarmiayi. Niisha nu aentsun chicharuk "Yusa anenkrattairi Enentáimtusrum kakartarum" tiarmiayi.

13:44b.ACT.013.044 Tura Chíkich Sáwartinkia nu péprunmaya ti Untsurí aents Yus-Chicham antuktai tusar tuakarmiayi.

13:45b.ACT.013.045 Tura Israer-shuarka ti Untsurí aentsun tuakarun Wáinkiar, suir iiniak, ti kajerkarmiayi. Tuma asamtai Páprun katsekkar "Ju chichaana juka ántar tawai" tiarmiayi.

13:46b.ACT.013.046 Támaitiat Pápruka Pirnapíjiai arantutsuk chichainiak tiarmiayi "Israer-aentstirmin, atumin emka Yus-Chicham ujaktiniuji. Túrasha átum Támaitiatrum nakitramarme. Tura atumsha nakitia asarum, Yúsnum tuke iwiaaku pujuschamnia ajasurme, Tímiayi. Tuma asamtai iikia yamaikia Israer-aencha ujaktai tusar weraji, tiarmiayi.

13:47b.ACT.013.047 Nu Túratarum tusa, Uunt Yus akuptamtsujik. Jes, ni Papiriin juna tawai: "Israer-shuarcha Winia nekarawarat tusan anaitiukjame. Tura Ashí nunkanmaya aents uwemprarat tusan akuptajme." Tu aarmaiti" Tímiayi.

13:48b.ACT.013.048 Nú chichaman antukar Israer-shuarcha ti wararsar "Uunt Yus tana nuka Imiá pénkeraiti" tiarmiayi. Tura, tuke iwiaaku pujusmin armia nu Yus-shuar ajasarmiayi.

13:49b.ACT.013.049 Tú tumaki Yus-Chicham Nú nunkanam Ashí jamarmiayi.

13:50b.ACT.013.050 Túrasha nuwan, Yúsan pénker Enentáimtuinian tura pénker wekainian, Israer-shuarka yajauch Enentáimtikrarmiayi. Aishman penkeri ármia nunasha, yajauch Enentáimtikrarmiayi. Túram Páprun Pirnapíncha katsekkar, chichaman irunturar najatawarmiayi. Tú-turukiar ni nunkeya jiiki awemarmiayi.

13:51b.ACT.013.051 Túram Papru Pirnapíjiai, ju aentska yajauchiiti tusar, wéenak naweyan nunkan akakekiar ikiukiarmiayi. Túrawar Ikiuniu péprunam wearmiayi.

13:52b.ACT.013.052 Yusa Wakanísha Pimiútkamu ásar Yus-shuarka ti warasarmiayi.

14

14:1b.ACT.014.001 Ikiuniu péprunam Papru Pirnapíjiai jeawar Israer-shuar iruntai jeanam wayawarmiayi. Túrunawar Yus-Chichaman etserkarmiayi. Túram ti Untsurí Israer-shuar ármia nu, Israer-shuarcha ármia nusha Yúsan umirkarmiayi.

14:2b.ACT.014.002 Tura Chíkich Israer-shuar, Yúsan umirkacharu ármia nu, Yus-shuaran kajerkarat tusar Israer-shuarchan yajauch Enentáimtikrarmiayi.

14:3b.ACT.014.003 Tuma asamtai Papru Pirnapíjiai Nú Núnkanam ti nukap tsawant pujusarmiayi. Tura Uunt Yúsan Enentáimtuinia ásar, arantutsuk Yusa waitnenkratairin etserkarmiayi. Tura, etserinia nu winia kakarmarjainti tusa, Yuska aents Túrachminian najanmamtikiawarmiayi.

14:4b.ACT.014.004 Tura Ikiuniunmaya aentska Jímiar kanakarmiayi. Chíkichkia Israer-shuar tuinia nu nekasaiti, tiarmiayi tura Chíkichkia Jesusa akatramuri tuinia nu nekasaiti, tiarmiayi.

14:5b.ACT.014.005 Tura Nuyá Israer-shuarchajai Israer-shuarka chichasar pepru uuntrijiai chichasarmiayi. Tura Papru Pirnapíjiai katsekkar tura kayajai tukurar, yajauch awajsatniun nankamawarmiayi.

14:6b.ACT.014.006 Túrasha Papru Pirnapíjiai nuna anturmamkar, Ristra péprunam wearmiayi. Nuyasha Tirpi péprunam wearmiayi. Nu péprusha mai Rikiaunia nunkanam pujuiniawai.

14:7b.ACT.014.007 Tura Yus-Chichaman etserkarmiayi.

14:8b.ACT.014.008 Ristra péprunam tunamaru aishman pujumiayi. Ni akiiniamuriya tuke wekaichauyayi.

14:9b.ACT.014.009 Nú aishman Papru chichaamun Antúu pujumiayi. Túman Papru úmamkemas niin iismiayi. Niisha, Yusa kakarmarijiai tsuamartatjai, tu Enentáimiun Papru nekaamiayi.

14:10b.ACT.014.010 Tura Pápruka kakantar chicharuk "Wajakim wewe ajasam wajasta" Tímiayi. Tutai aishman wiut kutsuar wajaki wekaimiayi.

14:11b.ACT.014.011 Papru Túramia nuna aents Wáinkiar Rikiaunia chichamjai untsumainiak "Yuska aishmanka aanin ajasaru iin tarutramarji" tiarmiayi.

14:12b.ACT.014.012 Pirnapínkia, Júpitir Náartin Yúsaiti, tiarmiayi. Tura Páprunka, Mirkiuriu Náartin Yúsaiti, tiarmiayi. Pápruka chichau asamtai tu anaikiarmiayi.

14:13b.ACT.014.013 Nú pepru jeamunam Júpitir Náartin yusa jeen pujumiayi. Tura Júpitir Náartin yusa Pátriri kukujin iwiarkamun, Wáakajai itiamiayi. Tura niisha ni aentsrijiai Wáakan maatai tusar pujuarmiayi. Tura tikishmatrar ajamsatai, tiarmiayi.

14:14b.ACT.014.014 Tura Jesusa akatramuri Pirnapísha Páprusha nuna nekaawar, auka nakitiaji tusar, ni pushirin jaararmiayi. Túrawar aents írunmanum pachiniawarmiayi.

14:15b.ACT.014.015 Tura tiarmiayi "Shuara, ṡurukamtai aitkiarum? Iisha Yúschaitji. Atumea aankiitji, tiarmiayi. Penké ántrarum Túrarmena nu ikiukrum, nekas Yus nemarsatarum tusar iisha taji. Nekas Yuska nayaimpincha, nunkancha, nayaantsancha, tura Ashí nui írunna nunasha najanaiti, tiarmiayi.

14:16b.ACT.014.016 Jes, aents ni Enentáimmiarijiain wekasarat tusa Yuska yaunchu tsankatkamiayi.

14:17b.ACT.014.017 Tuma ain shuaran pénker awajsamujai Wiitjai Nekas Yus tusa paant awajmamsamiayi. Kame yumi yutuktinian nayaimpinmaya akupturmaji. Tura ejemarar Warasarmí tusa yurumak nerektinniasha Súramji" Tímiayi.

14:18b.ACT.014.018 Túrasha Pápruka Tímianu Támaitiat, nuna anturtsuk Wáakan maawar niin tikishmatrar ajamsataitsa wakeriarma nuna suritkiachminiak suritkiarmiayi nu aentsun.

14:19b.ACT.014.019 Tura Nuyá Antiukíanmaya Ikiuniunmayasha Israer-shuar Táarmiayi. Taar Nuyá aentsun Páprun yajauch awajsatniun Enentáimtikrarmiayi. Tú tutai Páprun kayajai tukurarmiayi. Tura jakayi tiar péprunmaya japiki Júkiar arant aepsarmiayi.

14:20b.ACT.014.020 Túrasha Yus-shuar Páprun tariar téntakarmiayi. Túram nuinkia Papru wajaki wé ataksha péprunam wayamiayi. Tura kashin tsawarar Papru Pirnapíjiai Tirpi péprunam wearmiayi.

14:21b.ACT.014.021 Tírpinium pujusar uwempratin chichaman etserkarmatai Untsurí shuar Yúsan umirkarmiayi. Nú shuaran Yus-Chichaman jintintia amuukar Rístranam, Ikiuniunam, Antiukíanmasha waketkiarmiayi.

14:22b.ACT.014.022 Waketainiak "Ashí Yus tana nu Tímiatrusrumek tuke umirkatarum" Tuíniak Yus-shuaran Ikiakárarmiayi. Tura niin tiarmiayi, "Yusa akupeamuriin pachiinkiataj Tákurkia ti Wáitsatniuitji."

14:23b.ACT.014.023 Tura Yus-shuar írunmanum Yus-shuaran Wáinniun anaikiarmiayi. Yurumtsuk Yúsan áujsar chicharainiak, "umirkarumna Nú Yus iirmasarti" tiar ikiukiarmiayi.

14:24b.ACT.014.024 Nuyá Pisitia nunkanam nankaamakiar Pampiria nunkanam jeawarmiayi.

14:25b.ACT.014.025 Nui jeawar Pirji péprunam Yus-Chichaman etserkar Nuyá Ataria péprunam wearmiayi.

14:26b.ACT.014.026 Nui kanunam enkemprar, yaunchu Jíinkiarmia Nú Antiukía péprunam waketkiarmiayi. Páprusha Pirnapísha tuke Jíintsain Nú Antiukíanmaya Yus-shuar chichainiak, Yusa takatri Túrattarmena nuna Yus waitnentramak Yáinmakarti, tiar akupkarmiayi nuik~i.

14:27b.ACT.014.027 Nú Antiukíanam jeawar, Yus-shuaran irurar, Ashí Yus niin Yáinkiarmia nuna ujakarmiayi. Tura Nútiksan Israer-shuarchan Uunt Yus uwemtikrataj tusa untsukmia nunasha ujakarmiayi.

14:28b.ACT.014.028 Tura Nuyá Yus-shuarjai Papru Pirnapíjiai Núkap tsawant pujusarmiayi.

15

15:1b.ACT.015.001 Nu tsawantin aishman Israer nunkanmaya wear, Antiukíanam jeawar Yus-shuaran jintintiainiak "Muisais Tímia Nútiksarmek tsupirnaktin ana nu Túrachkurmeka uwemprashtatrume" tiarmiayi.

15:2b.ACT.015.002 Tuma asamtai Papru Pirnapíjiai, Núchaiti tusar, Nú aishmanjai ti kakaram chicharnaikiarmiayi. Túrasha nuu Enentáiniak Enentáimsatniun tujinkiarmiayi. Tuma asamtai Antiukíanmaya Yus-shuar Páprun Pirnapíncha, atumsha Chíkich aentsjai Jerusarénnum wétarum tusar akupkarmiayi. "Tura nui Jesusa akatramurisha Yus-shuaran Wáinniusha iniasrum itiurmainkit tusarum pénker nekaatarum" tiarmiayi.

15:3b.ACT.015.003 Papru Pirnapísha akupkamu ásar wéenak Pinisia nunkanam, Samaria nunkanmasha nankaamainiak Israer-shuarcha Yus-shuar ajasman Yus-shuaran ujakarmiayi. Tura Yus-shuarsha nuna antukar ti warasarmiayi.

15:4b.ACT.015.004 Tura Páprusha Pirnapísha Jerusarénnum jeawarmatai Jesusa akatramurisha Yus-shuara Wáinniurisha tura penké Yus-shuarsha itiawarmiayi. Tura niisha Túrunamia nuna mash etserkarmiayi.

15:5b.ACT.015.005 Túrasha Pariséu aencha, Yus-shuar ajasarmiania nu, wajakiar chichainiak "Muisais tsupirnaktinian akupkamia nuna tura Nú arant Ashí Muisais Tímia nunasha Israer-shuarchasha umirkatin ainiawai" tiarmiayi.

15:6b.ACT.015.006 Nuyasha Jesusa akatramurisha Yus-shuaran Wáinniusha nu chichaman nekaatai tusar iruntrarmiayi.

15:7b.ACT.015.007 Chichasua umikiarmatai Pítiur wajaki Tímiayi, "Yatsurtiram, Yus nuik winia chichartak "Israer-shuarchasha winia chichamprun antukar umikiarat ujakarta" tu anaitiukmia nu nékarme.

15:8b.ACT.015.008 Tura Yus Ninki Ashí aentsu Enentáin neka asa, Wíi shuar ajasmin ainiawai tusa, ni Wakanin Israer-shuarchancha susamiayi, iin suramsamiaj Nútiksan.

15:9b.ACT.015.009 Yus incha aushatka awajtamsachmaji, Tímiayi. Antsu métekraketji. Tuma asamtai niisha Yúsan Enentáimtuiniakui, Yuska Enentáiyan ni tunaarin japirarmai, Tímiayi.

15:11b.ACT.015.011 Tura iikia nékaji niiya aantsarik Jesukrístu waitnenkartutairijiai uwempraitji. Nuinkia ṡurukamtia Yus uwempraru ainiawai taisha, átum Muisais yaunchu akupkamia nu umikiarat tusarum wakerarum? Nu Túrakrumka Yus Túrana nu jeatsui tarume. Tura nuka kaarka aintsanchakait. Warí, ii uuntrisha tura iisha Ashí Muisais Tímia nu umiktin tujinkiamji. Tuma asamtai, ṡurukamtai Nú Káarkasha Israer-shuarchasha aentskatin wakerarum?" Tímiayi Pítiur.

15:12b.ACT.015.012 Pítiur nuna tutai Pirnapísha Páprusha chichainiak, "Israer-shuarchasha ni kakarmarin nekaawarat tusa aentsti Túrachminian Túratniun Yuska ti Yáinmakmaji" Tú ujuam mitiat Wáinkiar Antúu pujuarmiayi.

15:13b.ACT.015.013 Nuna ujasua amikmatai, Jakupusha Tímiayi "Yatsurú, antuktarum.

15:14b.ACT.015.014 Nuik Túrachman Yus Túramia nuna ii yachi Semun Pítiur ujatmakji. Júiti: Yuska Israer-shuarcha waitnentak Winia ajasarat tusa chikishtarchiniak achikiuiti" Tímiayi.

15:15b.ACT.015.015 Jusha Yúsnan etserin yaunchu aarmia nu Tímiatrusan Túrunayi. Júiti aarma:

15:16b.ACT.015.016 "Israer-aents meserar, jea Sáanakniua aintsan ainiawai. Tura ukunam ataksha tana, Tawitia jeen Sáanaki ana nuna, ataksha najanattajai. Juakai nuna achikian ataksha awajrattajai.

15:17b.ACT.015.017 Ashí nunkanmaya aents, Israer-shuarcha ainia nu, winia Náarun pachinia nu, Winia eatkarat tusan Túrattajai.

15:18b.ACT.015.018 Uunt Yus nuna yaunchu ujakmiayi." Tu aarmaiti' Tímiayi.

15:19b.ACT.015.019 `Tuma asamtai, yatsurtiram, wi Tájarme: Israer-shuarcha Yus-shuar ajasaru ainiana nu, imiatik awajsachmi.

15:21b.ACT.015.021 Iimiatarum, Ashí péprunam Israer-shuar iruntainiam Yáunchuyan tuke Sáwartin Muisaisa aarmarin jintintiainiatsuk. Tuma asamtai, áyatik aatratai ju "Antar-yus susamu ana nu iniaisatarum. Antar-yusan susamu asamtai yajauchiiti. Tura tsanirmawairap. Tura kajemtikramua nu yuawairap. Tura numpasha umarairap." Tu aatratai' Tímiayi Jakupu.

15:22b.ACT.015.022 Nuyá Jesusa akatramurisha Yus-shuaran Wáinniusha Nuyá Ashí Yus-shuaraim Enentáimsarmiayi. "Papru Pirnapíjiai wéakui, shuar niijiai nenakar Antiukíanam akupkatai" tiarmiayi. Tuma ásar Jútas Parsapasan, Sérasnasha anaikiarmiayi. Niisha mai uunt Yus-shuar ármiayi.

15:23b.ACT.015.023 Tura niijiai ju papin aarman akupkarmiayi: "Iisha Jesusa akatramuri tura Yus-shuara wainniuri tura Ashí Yus-shuaraitjinia nu, atumin Israer-shuarcha árumna nu, Antiukíanam, Sírianam, tura Sirisianmasha, ju Papí akupeaji.

15:24b.ACT.015.024 Juyá aents ii chichamejainchu atumiin jeartamarai. Túrawar, tsupirnaktin ana nu, tura Ashí Muisais akupkamia nu Túratarum, turammiarme. Nunasha ni chichamejain turamarmayi. Nu chicham atumsha antukrum Nushá Enentáimprarum "Entá nuyanka itiurkatjik" Tárume.

15:25b.ACT.015.025 Tuma asamtai nu nekaar, iisha métekrak Enentáimsar, Jimiará aishman akupkatin anaikiamji. Ju aishman ii aneamu yachi Páprujai Pirnapíjiaisha atumin iirmasarat tusar akupeaji.

15:26b.ACT.015.026 Papru tura Pirnapísha ii Uuntri Jesukrístunam surumakarmiayi, ni takatrisha tsuumai ain Túrami tusar.

15:27b.ACT.015.027 Niijiai Jútassha tura Sérassha akupeaji. Ii chichaajnia nuna niisha ni wenejai atumin ujatmakartatui.

15:29b.ACT.015.029 Kame Túratin asamtai iisha Yusa Wakaníjiai ju aartin Enentáimsaji. Naman ántar-yus susamu ana nu yuawairap. Tura numpasha umarairap. Kajemtikramu ana nusha yuawairap. Tura penké tsanirmawairap. Nuyasha Chíkichkia Nú nankaamas Tíchattaji. Tura antsu nu iniaisarmeka, pénker átatrume. Ayu, Yus Wáitmakarti." Tu aarman akupkarmiayi.

15:30b.ACT.015.030 Tura Antiukíanam akupkam wearmiayi. Nui jeawar Yus-shuaran irurar, papin Súsarmiayi.

15:31b.ACT.015.031 Tura Antiukíanmaya Yus-shuarsha nu papin áujsar, pénker Jintíamu chichaman aarman Wáinkiar, ti shiir Enentáimsarmiayi.

15:32b.ACT.015.032 Tura Jútassha, Sérassha, ímia niisha Yus-Chichaman etserin ásar, Yus-Chichaman Núkap jintintiawar, Yus-shuaran Ikiakárarmiayi.

15:33b.ACT.015.033 Tura nui ishichik tsawant pujusarmatai, Yus-shuarka, pénker waketkitiarum, tiar akupkarmiayi.

15:34b.ACT.015.034 Tura Séras Juáktinian wakerukmiayi.

15:35b.ACT.015.035 Páprusha Pirnapíjiai juakarmiayi Antiukíanam. Niisha Chíkich aentsjai Yus-Chichaman étseruk pujuarmiayi.

15:36b.ACT.015.036 Nuyá ukunam Papru Tímiayi Pirnapín "Ashí péprunam iisha Yus-Chicham etserkamaj nui Yusai ii yachi ainia nusha Urukák pujuinia iyutai" Tímiayi.

15:37b.ACT.015.037 Pirnapíkia Juan Márkusan iijiai winiti tusa wakerimiayi.

15:38b.ACT.015.038 Tura Pampiria nunkanam Juan Márkussha Niisháa weu asamtai tura Yusa takatrin iniaisa asamtai, Pápruka ayatniun nakitramiayi.

15:39b.ACT.015.039 Papru Pirnapíjiai ti kakannairar kanakarmiayi. Tura Pirnapíkia Márkusan ayaki Chípriniam wémiayi.

15:40b.ACT.015.040 Pápruka Sérasan ayaki wéakui Yús-shuar Yus Yáinmakarti tinia akupkarmiayi.

15:41b.ACT.015.041 Tura Siria nunkanmaani Wekaráktak, Yus-shuaran Ikiakárkutak Sirisianam jeamiayi.

16

16:1b.ACT.016.001 Papru Sérasjai Tirpi pepru iirkutak Ristra péprunam jeawarmiayi. Tura nui Rístranam Yus-shuaran Wáinkiarmiayi, ni naari Timiutéu. Ni Nukurínkia Israer-shuar Yus-shuarauyayi. Tura ni Aparínkia Kriaku aentsuyayi.

16:2b.ACT.016.002 Tura Ristra péprunmaya Ikiuniu péprunmayasha Yus-shuar ármia nu, Timiutéu pénker wekaawai, tiarmiayi.

16:3b.ACT.016.003 Kame Pápruka Timiutéun uyuuntusat tusa wakera asa, Timiutéu apari Kriaku-apachin nekaawarmatai Israer-shuar nui pujuarmia nu yajauch Enentáimprarain tusa tsupirmamtikiamiayi.

16:4b.ACT.016.004 Tura Nuyá Papru Timiutéujai Ashí péprunam nui sétur nui sétur wéenak Jesusa akatramurisha Yus-shuaran Wáinniusha Jerusarénnum nuik jintintian umiktarum tusa ujarkutak wearmiayi.

16:5b.ACT.016.005 Tu ujamu ásar Yus-shuar Nú arant Yúsan Enentáimturar kakararmiayi. Tura Ashí tsawant kawenki wearmiayi.

16:6b.ACT.016.006 Tura Yusa Wakaníkia Páprun Yus-Chichaman Asia nunkanam ujaktinian tsankatkachmiayi. Tuma asamtai Pirijia nunkanam tura Karasea nunkanam airkutak,

16:7b.ACT.016.007 Misia nunka jeatniunam jeawarmiayi. Túrunawar "Pitinia nunkanam wetai" tiarmiayi. Túrasha Yusa Wakaní nuisha wétinian suritkiarmiayi.

16:8b.ACT.016.008 Tuma asamtai Misia nunkanam menantki Truas péprunam pachiniawarmiayi.

16:9b.ACT.016.009 Nui jeawar Papru kashi iimiarmiayi. Masetúnia nunkanmaya aishmankan wajan Wáinmiayi. Nu aishman Páprun chicharuk "Winitritia. Yáintkiamnium" Tímiayi.

16:10b.ACT.016.010 Nuyanka tu iimiarmatai, wisha Páprujai wetai tusar iwiarnarmiaji. Tura Yus incha Nú nunkanam ni chichame etserkat tusa ti nekas untsurmakrin wéaji, Tímiaji.

16:11b.ACT.016.011 Tura nuyanka kanunam enkemprar Truas péprunmaya Jíinkir Samutrásia nunkanam jeamiaji. Tura kashin tsawar nuyanka katiarar Niápuris péprunam jeamiaji.

16:12b.ACT.016.012 Tura Niápurisnumia Náwek Jiripiusnum jeamiaji. Nui Jiripius péprunmanka Rúmanmaya aents matsamsa ármiayi. Tura Nú péprusha Masetúnia nunkanam nekas uunt pepruyayi. Tura nuisha seturmaji.

16:13b.ACT.016.013 Nuyá Sáwartin tsawarmatai pepru ikiukir Entsá supichik wémiaji. Yus áujsatniun iruntrarmia nui pujusar, nuwa iruntrarmia nu Yus-Chicham ujakarmiaji.

16:14b.ACT.016.014 Nui Tiatira péprunmaya nuwa, ni naari Ritia Wáinkiamiaji. Niisha tarach yamakain pénkeran Súriniuyayi. Yúsnasha shiir awajniuyayi. Yus-Chichaman Papru etserkamia nuna niisha pénker anturkamiayi. Túman, Uunt Yus Papru chichaamun umirkat tusa ni Enentáin takasmiayi.

16:15b.ACT.016.015 Túruna Nú nuwa Níiniurijiai imianmiayi. Tura nuyasha chichaak "Yus-shuar nekas ajasai Túrutkurmeka winia jearui winitiarum" Tímiayi. Tura nui jeawakrin setumtikrampramiaji.

16:16b.ACT.016.016 Tura Nuyá ukunam Yus aujsatai tusar wekaamar nuwach nekaamin-iwianch enkemtuamu inkiunmakmiaji. Nu nuwachikia misatkauyayi. Niisha nékamkui nérenniurisha ti kuitriniawarmiayi.

16:17b.ACT.016.017 Tura Nú nuwach incha Pápruncha pataaturmamiaji. Tura kakantar untsumuk "Ju aishmansha nekas Uunt Yúsan umirkaru ainiawai. Tuma asa niisha atumin uwempratin chichaman ujatmarme" Tímiayi.

16:18b.ACT.016.018 Tura Nú nuwachisha ti Núkap tsawant tu wekaimiayi. Titmakui, Papru ayanmar iwianchin chicharuk "Jesukristu naarijiai Tájame: Jíinkitiá ni Enentáiya" Tímiayi. Tutai íwianchkia Nú chichamaik jiinkimiayi.

16:19b.ACT.016.019 Tura nuwachi nérenniurisha, íwianch jiiki awematniun nekaawar, Páprun Sérasnasha kajerak achikiar pepru uuntri iisarat tusar ajapén Júkiarmiayi.

16:20b.ACT.016.020 Tura pepru uuntriin ejeniar tiarmiayi "Ju aishman Israer-shuar ainiawai. Tura iin Páchim Enentáimtikramainiaji.

16:21b.ACT.016.021 Tura iisha Rúmanmaya aents árin, ii Túrachminian, iikia asumprachman jintintramainiaji" tiarmiayi.

16:22b.ACT.016.022 Tura nuyanka Ashí aents Páprun Sérasnasha kajerkarmiayi. Túramtai pepru uuntri chichainiak "Pushiri aitkiarum numijiai Asutiátarum" tiarmiayi.

16:23b.ACT.016.023 Tura Nuyá ti asutsua amikiar sepunam enkeawarmiayi. Tura Sepú-iinian chicharuk "Ti pénker Iistá pisararain" tiarmiayi.

16:24b.ACT.016.024 Nu chichaman antuk, Sepú-iin ti init Awayámiayi, tura nawen numi najanamujai tee chanuntamiayi. Tú tura ikiukmiayi.

16:25b.ACT.016.025 Tura kashi ajapén Papru Sérasjai Yusan áujainiak kantampriarmiayi. Tura Chíkich enkeamusha nuna Antúu pujuarmiayi.

16:26b.ACT.016.026 Tu pujuiniai aya aneachma ti kakantar uurkamiayi. Tura sepusha muchitramiayi. Túrunamtai Sepú Wáitirisha Ashí urantrarmiayi. Tura aents jirujai enkekar jinkiamusha mash atiniakarmiayi.

16:27b.ACT.016.027 Túrunamtai Sepú-iin shintiarmiayi. Tura Wáitisha mash uranar aan Wáiniak, enkeamusha jiiniar Shiákchariash tusa ni puniariniak ukuiniak Máamattsa pujumiayi.

16:28b.ACT.016.028 Tura Papru untsuak "Amek yajauch awajmamsaip. Ashí pujuiniaji" Tímiayi.

16:29b.ACT.016.029 Tutai Sepú-iincha jinia ekeemak tsékenki wayamiayi. Tura Papru Sérasjai pujamunam kuranki jearmiayi.

16:30b.ACT.016.030 Tura aa jiiki aniasmiayi "Uunta, ṡWarí itiurkattaj uwemprataj tusana?" Tímiayi.

16:31b.ACT.016.031 Tutai niisha tiarmiayi "Uunt Jesukrístu nekas Enentáimtustá. Túrakmeka amesha, tura áminiurmesha uwemprattarme" tiarmiayi.

16:32b.ACT.016.032 Tura Nuyá Ashí ni jeen pujuarmia nunasha Yus-Chichaman ujakarmiayi.

16:33b.ACT.016.033 Tura tsawant irankai Sepú-iincha Páprun Sérasjai numpamnamurin nijiararmiayi. Túramtai nuyasha Sepú-iincha nuarijiai uchirijiai imianiarmiayi.

16:34b.ACT.016.034 Túramtai nuyasha ni jeen Júkiarmiayi. Tura nuisha ayurawarmiayi. Tura Sepú-iincha niiniurijiai Yus-shuar ajasu ásar ti shiir warasarmiayi.

16:35b.ACT.016.035 Kashin tsawar pepru uuntri, Páprun Sérasjai akupkata tusar suntaran Sepú-iinian akuptukarmiayi.

16:36b.ACT.016.036 Tura nuyanka Sepú-iin Páprun Tímiayi "Yamaikia pepru uuntri chichaman akupturmakai, átum wétinian. Tuma asamtai yamaikia pénkerak Jíinkitiarum" Tímiayi.

16:37b.ACT.016.037 Túrasha Papru suntaran chicharuk Tímiayi "Warí, iisha Ruma aents árinin, niisha chichaman iwiartsuk Ashí shuar iimiainiain Asutiámamji. Túrawar sepunam enketmamji. Tura ṡurukamtai yamaikia uuk akuptamkataj tusa wakeruinia? Atsá. Antsu uuntcha ninki taar jiirmaktiai" Tímiayi.

16:38b.ACT.016.038 Tutai suntarsha waketkiar nuna ujakarmiayi pepru uuntrin. Tutai niisha ti ashamkarmiayi Ruma aentsun nekaawar.

16:39b.ACT.016.039 Túmak ashamainiak Páprun Sérasan weriarmiayi tsankurturtarum titiai tusar. Nuyasha sepunmaya Jíikiar "Yamaikia Wáitneasrum wetarum" tiarmiayi.

16:40b.ACT.016.040 Papru Sérasjai Nuyá Jíinkiar Ritia jeen wearmiayi. Tura Yus-shuaran Ikiakárar ikiukiarmiayi.

17

17:1b.ACT.017.001 Papru Sérassha wéenak Ampipuris péprunam Apurunia péprunmasha nankaamakutak Tisarúnikia péprunam jeawarmiayi. Nui Israer-shuara iruntai jee ámiayi.

17:2b.ACT.017.002 Tura Pápruka nuna tuke Túrin asa nu jeanam wémiayi. Tura nuisha menaintiu Sáwartin Yus-Chichaman paant etsermiayi.

17:3b.ACT.017.003 Tura Páprusha Yus-Chicham tana Tímiatrusan jintintiarmiayi. Tura Krístusha Wáitias Jákatniuyi, tura nuyasha jakayat nantaktiniuyi, Tímiayi. Tura nuyasha chicharuk "Wi Jesusnan atumin ujaajrumna nusha Yusa anaikiamurin Kristu Tútain Tájarme" Tímiayi Papru.

17:4b.ACT.017.004 Nuna takui Israer-aents chikishtarchik umikiarmiayi. Túrawar Paprujai Sérasjaisha tsaninkiarmiayi. Tura Kriaku aencha ti Untsurí Yúsan umirkarmiayi. Tura nuwa penkeri armia nusha Nútiksaran umikiarmiayi.

17:5b.ACT.017.005 Tura Israer-shuarka Yus-shuar ajascharmia nu, Páprun Sérasnasha suiir iisarmiayi. Túrawar Chíkich yajauch aishman naki Yujáu armia nujai chichasar nu peprunam Charáa Charáa ajarmiayi. Tura Páprun Sérasnasha achikiar aentsu uuntrin suruktai tusar Jasunka jeen árenkarmiayi.

17:6b.ACT.017.006 Túrasha Páprun Sérasnasha awetrar, Jasunkan tura Chíkich Yus-shuarnasha achikiar japirkutak Júkiarmiayi. Tura pepru uuntriin Juíniak tiarmiayi "Ju aishmansha Ashí nunkanam charaatum Ajá wekarmia nu yamaikia Tímiajai tarutramarji.

17:7b.ACT.017.007 Tura ju Jasun ni jeen itiaarmiayi. Tura niisha Ashí mash Rúmanmaya uunt akupniu chichamen nakitiainiawai, tiarmiayi. Tura jes, Chíkich akupin awai, tuiniawai. Niisha Jesusaiti, turamainiaji" tiarmiayi.

17:8b.ACT.017.008 Nu chichaman antukar, aents nui pujuarmia nu, uuntrimiak charaatum ajarmiayi.

17:9b.ACT.017.009 Tura Jasun Chíkich Yus-shuarjai Papru nekas awemattaji tusar, paij, kuit ikiuaji, tiarmiayi. Nuna takui pepru uuntri niin akupkarmiayi.

17:10b.ACT.017.010 Nuinkia Nú kashi Yus-shuar Páprun Sérasnasha Piría péprunam akupkarmiayi. Tura nui jeawar Israer-shuar iruntai jeanam wearmiayi.

17:11b.ACT.017.011 Piríanmaya aentska Tisarúnikianmaya aentsjainkia nankaamas pénker Enentáimkia ármiayi. Tuke Enentáijiai Yus-Chichaman ántiarmiayi. Túrawar tuke tsawant imia ninkisha Papru tana nuna nekasashit tusar Yusa papirin ii wearmiayi.

17:12b.ACT.017.012 Tuma ásar Untsurí shuar Yus-shuar ajasarmiayi. Tura Kriaku aents nuwa penkeri armia nusha aishmansha umikiarmiayi.

17:13b.ACT.017.013 Túrasha Tisarúnikianmaya Israer-shuarka Papru Yus-Chichaman Piría péprunam étserun antukar nui weriar charaatum awajiarmiayi.

17:14b.ACT.017.014 Túmainiakui Yus-shuar Páprun árutsuk nayaantsanam akupkarmiayi. Tura Séraska Timiutéujai nuin Piríanam juakarmiayi.

17:15b.ACT.017.015 Tura Páprun nemariarmia nu Atenas péprunam niin ejeyarmiayi. Tura niisha waketainiakui, Papru chichaman akatar akupkamiayi, Sérassha Timiutéusha Wárik Winiartí tusa.

17:16b.ACT.017.016 Tura Papru Atenas péprunam pujus Sérasnasha Timiutéuncha Nákamiayi. Nui Nú péprunam ántar-yus ti írunkui Páprusha Kúntuts Enentáimmiayi.

17:17b.ACT.017.017 Tuma asa Israer-shuar iruntai jeanam Israer-shuarjai tura Chíkich aents Yúsan Enentáimtiarmia nujai chichasmiayi. Tura tuke tsawant pepru ajapén aentsjai inkiunaikiar chichasarmiayi.

17:18b.ACT.017.018 Nuyá chichaman jintin Chíkich naari, ipikiuriu, armia nu, tura chikichcha, ni naari, estuikiu, armia nusha Páprun áujmatsarmiayi. Chikichcha tiarmiayi "Imiá chichamtincha jusha waritramtajik." Tura chikichcha tiarmiayi "Yajaya yusnan etserniuchuashit." Páprusha Jesusa Túrunamurin tura aents jakamunmaya nantaktinian étserkui nuna tiarmiayi.

17:19b.ACT.017.019 Nuyanka aents iruntainiam, naari Ariupaku Támanum Páprun Júkiarmiayi. Nuisha tuke irunin ármiayi. Nui Páprun aniasarmiayi "Iisha ame yamaram Támena nu nekaatai tusar wakeraji, tiarmiayi.

17:20b.ACT.017.020 Amesha Nusháa chicham jintiniaitme. Túmaitkiui ju chichamsha warintiuak tusar nekaatai tusar wakeraji" tiarmiayi.

17:21b.ACT.017.021 (Atenasnumia aencha tura Chíkich nunkanmaya shuar nui pujuarmia nusha aya yamaram chicham amia nunak ántiarmiayi. Tura aya nunak áujmatiarmiayi.)

17:22b.ACT.017.022 Nuyanka Papru Ariupakunam ajapén wajaki Tímiayi "Atenasnumia aishmantiram, wi nékajai, atumsha atumi yusri ainia Nuyá tsurakchamniaitrume, Tímiayi.

17:23b.ACT.017.023 Kame wi nuik Atumí yusri Enentáimtutainiam iistaj tukaman nui jeachin iwiaramun, JU NEKAACHMA YUSNAITI, tu aarman Wáinkiamjai. Wátsek, ju Yus átum nékachiatrum tikishmatrumna nuna ujaktajrume' Tímiai.

17:24b.ACT.017.024 `Nekaatarum, nu Uunt Yuska Ashí nunkan tura nui írunna nuna najanaiti. Tura Niisha nayaimpin nunkancha nérenniurinti. Tura aents najanamu jeanam Nú Yuska pujuchuiti.

17:25b.ACT.017.025 Niisha aents Yáinkiat tusa atsumatsui. Warí, imia-ninki Niisha ii iwiaakmarin, ii mayattairincha tura Ashí írunna nunasha Súramtsujik, Tímiayi.

17:26b.ACT.017.026 Nekaatarum. Nuu numpanmayanak Ashí aentsun najanamiayi Ashí nunkanam matsamsarat tusa. Tura Yuska ii tsawantrin nekapmaiti; ii pujustinniasha Nútiksan nakakmiayi.

17:27b.ACT.017.027 Winia Eátkar Wáitkiarat tusa Yus nuna Túrayi. Túrasha Yus jeashtaka pujurtamtsuji, Tímiayi.

17:28b.ACT.017.028 Jes, iisha Yusjai iwiaakji. Yusjai muchitiaji. Tura Yusjai ii kakarmari takakji. Nútiksan Atumí Papí-aintri Tíchamka "Ashí incha Yus najatmaitji."

17:29b.ACT.017.029 Tura iisha Yus najatma asakrin kuri najanamusha, Yúsaiti, tu Enentáimsashtiniaitji, Tímiayi. Tura kuit-yussha, kaya-yussha aents Enentáimsar najanamuka, Yúsaiti tu Enentáimsashtiniaitji, Tímiayi.

17:30b.ACT.017.030 Aents Yúsan nékainiachuk Túrawarmiania nuna Yuska Yáunchuka pachischamiayi. Túrasha yamaikia Yus Ashí aentsun chicharuk "Tunaaruminia Enentáimpratarum" Túramji, Tímiayi.

17:31b.ACT.017.031 Yuska aishmankan anaikiaiti. Nú aishman Ashí aentsti, Yáki pénkeran Túriniait, Yáki yajauchin Túriniait Núnaka nekarmattaji. Nú aishman Yus akupkamun tuke Enentáimtakui Yus niin anaikiaiti. Tura tsawant Nú Túrunatin átatna nuna Yus Ninki achikiuiti. Túrasha nekas anaikiajai tusa, tura Ashí aentstiram nekaatarum tusa Nú aishmankan jakamunmaya iniantkimiayi" Tímiayi Papru.

17:32b.ACT.017.032 Tura nuna jakamunmaya nantaktinian áujmatun antukar chikichcha wishikiarmiayi. Tura Chíkich "Yamaikia Máakete. Antsu Chíkichawantin Antukmí" tiarmiayi.

17:33b.ACT.017.033 Tutai Papru iniaisamiayi.

17:34b.ACT.017.034 Tura Chíkich aentska Papru Táman umikiar niin nemarsarmiayi. Nuisha Tiuníseu Páchitkiauyayi. Niisha Ariupaku aentsuyayi. Tura nuyasha nuwa, ni naari Támaris, tura Chíkich aencha Nútiksaran nemariarmiayi Páprun.

18

18:1b.ACT.018.001 Nuyanka Papru Atenas péprun ikiuki Kurintiu péprunam wémiayi.

18:2b.ACT.018.002 Tura nui Israer-shuaran ni naari Akiran Wáinkiamiayi. Akiraka Puntu nunkanam akiiniauyayi. Tura ukunam Itiaria nunkanam pujai uunt akupin Krautiu Ashí Israer-shuaran Ruma péprunmaya awemarmiayi. Rúmaka Itiaria nunkanmaiti. Nui awemamu ásar Akira Kurintiunam nuik Támiayi nuwe Pirisírajai. Tura Pápruka Akiran chichastaj tusa werimiayi.

18:3b.ACT.018.003 Akirasha Páprusha mai juna takau ármiayi, tarach ti Núparman jea najantain najanin ármiayi. Tuma asamtai Papru Akirai seturmiayi nu takat Túrawartai tusa.

18:4b.ACT.018.004 Tura tuke Sáwartin Papru Israer-shuar iruntai jean wéuyayi. Nuisha Israer-aentsun Kriaku-aentsnasha Nútiksaran Yus-Chichaman ujakar Enentáimtikrarmiayi.

18:5b.ACT.018.005 Tura Nuyá Séras Timiutéujai Masetúnianmaya Táarmatai Pápruka mijiatrutsuk Yus-Chichaman étseruk "Yusa anaikiamuri Kristu, atum Nákarmena nu Jesusaiti" Tímiayi.

18:6b.ACT.018.006 Tura Támaitiat Nú chichaman nakitiarmiayi. Túmainiak Páprun katsekkarmiayi. Tuma asamtai Papru, nuinkia ikiuajrume tusa, ni pushirin pear Tímiayi "Atumek makuumarme. Tura wikia Yusai makuumatsjai. Yamaikia Israer-shuarcha ainia nuna Yus-Chichaman ujakartaj tusan werajai" Tímiayi.

18:7b.ACT.018.007 Tura nuyanka Israer-shuar iruntai jeanmaya jiinki, Yúsan Enentáimtin aishman Justu jeen wémiayi. Ni jeenka Israer-shuara iruntai jeen ayamach pujumiayi.

18:8b.ACT.018.008 Israer-shuar iruntai jea chicharniuri, Krispu, Uunt Jesusan nekas Enentáimturmiayi. Túruna nuarijiai uchirijiaisha Yúsan umirkamiayi. Tura Chíkich aencha Kurintiunmaya armia nu Nútiksaran Yus-Chichaman antukar, Jesusan Enentáimtusar imianiarmiayi.

18:10b.ACT.018.010 Nuyá Uunt Yus Páprun mesekran ipiatkamiayi. Chicharuk "Penké ímiatik awajtamsachartatui Wi ámijiai pujakui. Ju péprunmasha Untsurí aents Winia ajasartin írunui. Tuma asamtai ashamtsuk winia chichamur tuke etserkata" Tímiayi Yus.

18:11b.ACT.018.011 Tura nui Kurintiu peprunam Jimiará Uwí ejesattuk Yus-Chichaman étseruk pujumiayi.

18:12b.ACT.018.012 Tura Kariun, Akaya nunka akupniuri anaikiamu ai, Israer-aents Páprun kajerkarmiayi. Tura kajerainiak akupniunam irunturarmiayi. Túrawar Páprun Júkiar ejeniarmiayi.

18:13b.ACT.018.013 Tu Túrawar akupniun chicharainiak "Ju aishman Yúsan umirkatniun Muisais akupkamia Núnaka iikias Ausháa Jintíawai" tiarmiayi.

18:14b.ACT.018.014 Tura Páprusha chichastaj Táunak, Kariunka Israer-shuaran Tímiayi "Jusha nekas Tunáa Túrakuinkia, tura akupniun umirchakuinkia, Tárumna nuna anturkaintjarme.

18:15b.ACT.018.015 Túrasha aya chichamnak tura aya Náariniak Atumí uuntri akupkamia nunak tau asamtai, atumek Nuámtak iistarum Tájarme. Wikia nu chichamnum pachinkiatniun nakitiajai" Tímiayi.

18:16b.ACT.018.016 Taku aa Jíikmiayi.

18:17b.ACT.018.017 Tura nuyanka Kriaku aents Israer-shuar iruntai jea uuntrin Sústinisian achikiar awatiarmiayi akupniusha iimmianuman. Túrasha akupin Kariunka Túranak penké pachischamiayi.

18:18b.ACT.018.018 Tura ni jeen waketkiarmatai, Papru nu péprunam Untsurí tsawant pujusmiayi. Tura nuyasha ukunam Yusai yachi ármiania nuna áujas ikiuak Pirisírajai ni aishri Akirajai Senkrea péprunam wearmiayi. Nui Israer-shuar Túrutain Umíak Papru ni intiashin awampramiayi, nuik Yúsan Tímiaj nuna Yamái Umíajai tusa. Nuinkia kanunam enkemprarmiayi Siria nunkanam waketkitiai tusar.

18:19b.ACT.018.019 Tura Nuyá Ipisiu péprunam jeawar Pápruka Pirisíran tura Akiran ikiukmiayi. Tura Israer-shuar iruntai jeanam Wayá Israer-shuar irunar pujuarmia nujai chichasmiayi.

18:20b.ACT.018.020 Tura niisha Páprun juin Pujustá tusar seawarmiayi. Túrasha Támaitiat, tujintiajai, Tímiayi.

18:21b.ACT.018.021 Nuyanka áujas ikiuak "Wisha Jerusarénnum Námper átatna nuna pachiintiuktiniaitjai. Tura Yus akuptakuinkia atak tatajai atumin iistaj tusan" Tímiayi. Tura kanunam enkemar Ipisiunmaya Jíinkimiayi.

18:22b.ACT.018.022 Nuyá Pápruka Sesaria péprunam Jeá, nuyanka Jerusarénnum wémiayi, Yus-shuaran nui áujsataj tusa. Tura Nuyá Antiukíanam wémiayi.

18:23b.ACT.018.023 Tura Antiukíanam ishichik pujus ataksha weak Karasea nunkanam tura Pirijia nunkanmaani Wekaráktak wémiayi. Tura weak Yus-shuar matsamarmia nuna chicharak Ikiakárarmiayi.

18:24b.ACT.018.024 Tumáa pujai Arijiántria péprunmaya Israer-aents Apurus Ipisiu péprunam jeamiayi. Niisha Yusa yaunchu papirin ti pénker nekaamiayi. Etserkatniuncha ti nékauyayi.

18:25b.ACT.018.025 Uunt Yus Tímia nunasha Unuimiátrauyayi. Tura tuke Enentáijiai chichasmiayi. Jesusa Túramurin pénker jintinniuyayi. Túrasha aya Juan imiakratmanak nekaamiayi.

18:26b.ACT.018.026 Ju Apurus arantutsuk Israer-shuar iruntai jeanam chichamiayi. Tura Pirisíra Akirajai ni étserman anturkar, nincha akanki Júkiar Yusa chichamen ni nekaachmia nuna Núkap jintintrarmiayi.

18:27b.ACT.018.027 Nuyá ukunam Apurus, Akaya nunkanam wétaj takui, Ipisiunmaya Yus-shuar Yáinkiar Papí aarar atakas akupkarmiayi. Nú aentsnum pénkerak jeat tusar Túrawarmiayi. Tura Akayanam Jeá, Nú aentsun Yusa waitnenkratairijiai uwempraru ármia nuna ti Yáinkiarmiayi.

18:28b.ACT.018.028 Tura Apurus Israer-aentsjai paant chichasmiayi. Túrasha Yusa Papirijiai, Jesussha nekas Yusa anaikiamurinti tusa paant Jintíak nincha nupetkamiayi.

19

19:1b.ACT.019.001 Tura Apuruska Kurintiunam Pujái Pápruka Náinniumaani Wekaráktak, Ipisiunam jeamiayi. Tura nuisha Yus-shuaran Wáinkiamiayi.

19:2b.ACT.019.002 Tura aniasmiayi "Atumsha Yus-shuar ajasmarmena nui, ṡYusa Wakaní Atumí Enentáin enkemturmakaitrum?" Tutai niisha tiarmiayi "Atsá. Iikia nuka penke áyatkisha ántichuitji Yusa Wakaní awai Támaka" tiarmiayi.

19:3b.ACT.019.003 Tutai Papru aniasmiayi "Entá, ṡnuikia atumsha Warí Enentáimsarmea imianmiarum?" Tímiayi. Tutai niisha tiarmiayi "Juan jintintramamiaj nu iisha Enentáimsar imianmiaji" tiarmiayi.

19:4b.ACT.019.004 Tutai Papru Tímiayi "Juansha, tunaarminia Enentáimprarum imiantiarum, Tíchamka. Nuyá Tíchamka, winia ukurui winittiana nu nekas Enentáimtustarum. Niisha Jesus Yusa anaikiamurinti, tu ujatmakchamka" Tímiayi Papru.

19:5b.ACT.019.005 Nuna antukar niisha Uunt Jesusa Náarin Enentáimtusar Ataksháa imianiarmiayi.

19:6b.ACT.019.006 Tura Papru ni uwejejai niin antinmatai Yusa Wakaní tarurarmiayi. Túram Chíkich chichamjai chichasarmiayi. Túrunawar Yus-Chichaman etseriarmiayi.

19:7b.ACT.019.007 Nusha tuse (12) aishman ármiayi.

19:8b.ACT.019.008 Tura nuisha menaintiu nantutin Papru Israer-shuar iruntai jeanam Werí Yusa akupeamurin pachis arantutsuk etsermiayi. Túrak Nú aentsun ujaak Yúsnan nekasaiti tu Enentáimtikrarmiayi.

19:9b.ACT.019.009 Tura Chíkichka ni Enentáin ti Ikiatsuárarmiayi. Túrunawar umiktinian penké nakitiainia ásar aents ántamunam Yusa jintin penké yajauch chicharkarmiayi. Tuma asamtai Papru Yus-shuarnaka akanki yaruak Tiranu iskuirariin tuke tsawant Yus-Chichaman ujaarmiayi.

19:10b.ACT.019.010 Nuna Túruki Jimiará Uwí etserkamiayi. Túramu asamtai Ashí Asia nunkanmaya aents Israer-shuar tura Israer-shuarcha Uunt Jesusa Túramurin antukarmiayi.

19:11b.ACT.019.011 Tura aentsti Túrachminian Túrat tusa Yuska ni kakarmarin Páprun susamiayi.

19:12b.ACT.019.012 Jáanchniasha pushincha Papru antinman Júkiar, Nánkamas jaa shuaran ejetim, Nú jaa shuarsha nuna antinkiar pénker ajaarmiayi. Iwianchrukusha nuna antinkiar, íwianch Jíinkimtai ankant ajaarmiayi.

19:13b.ACT.019.013 Tura Chíkich Israer-aents uwishin ármiayi. Tura niisha Chíkich Chíkich péprunam wear iwianchrukun iwianchrin jiirki akuptin ármiayi. Tuma asa niisha Jesusa Náarijiai iwianchin jiiktiai tusar, iwianchin chichartuiniak "Nu Jesus Papru ujaana nuna Náarijiai Jíinkitiarum Tájarme" tiarmiayi.

19:14b.ACT.019.014 Tura Israer Patri uuntri Esewia Náartin, siati uchiri ármia nu, nuna Túriarmiayi.

19:15b.ACT.019.015 Túrasha Jesusa Náarijiai Jíinkitia, tuiniakui, iwianchcha Tímiayi "Jesusnaka nékajai. Tura Pápruncha nékajai. Tura atumsha, ṡYátsukaitrum?" Tímiayi.

19:16b.ACT.019.016 Nuna tinia iwianchruku aishman tsékenki Nú aishmankan kakaram katsumak nupetkarmiayi. Túram ti katsumam niisha Misú tura numpamnawar Jíinkiar pisararmiayi.

19:17b.ACT.019.017 Nusha Ipisiu péprunam Túrunamiayi. Túrunamtai Ipisiu péprunmaya Israer-shuarsha tura Israer-shuarchasha nuna Túrunamun nekaawar ti ashamkarmiayi. Tura Uunt Jesusa Náarin shiir awajsarmiayi.

19:18b.ACT.019.018 Túmainiai Untsurí shuar Yúsan umirkaru Yus-shuar ajatsuk Tunáa Túrawarmia nuna paant ujakarmiayi.

19:19b.ACT.019.019 Tura Untsurí uwishniumawarmia nu, wawekratai Papí ármia nuna itiarmiayi. Itiar, juka iniaiyaji tusar, Ashí iimiainiain aesawarmiayi. Nú Papí aesawarmia nuna Kuítrisha senkuenta mir (50.000) nankaamasauyayi.

19:20b.ACT.019.020 Tu Túrunamtai Uunt Yusa chichame pampanki tura nupetmaki wémiayi.

19:21b.ACT.019.021 Tuma asamtai nuyasha Pápruka Masetúnia nunkanam Akaya nunkanmasha irautjai tu Enentáimsamiayi. Tura nuyasha Jerusarénnum waketkitjai, Tímiayi. Tura Nuyá ukunam Ruma péprunmasha wetajai, tu Enentáimsamiayi.

19:22b.ACT.019.022 Masetúnia wétin asa Papru ni tsaniakmarin Masetúnia nunkanam emka akupkamiayi. Timiutéun Erastujai akupkarmiayi. Tura ninkia Asia nunkanam seturmiayi.

19:23b.ACT.019.023 Pápruka tuke Ipisiunam Pujái, Nuyá aents Yus-Chichaman nakitiainiak charaatum ajarmiayi.

19:24b.ACT.019.024 Iis, nui Ipisiunam kaya-yusa jee ámiayi. Nu yus Núwauyayi, Tiana naartin. Tura aishman, Timitriu naartin, Nú jean nakumak uchichin najanniuyayi kuitjai. Tura niisha Nú takatjai ti Kuítrintin ajasmiayi. Tura Chíkich aishman Nú takatan takarmia nunasha ti Kuítrintin awajsarmiayi.

19:25b.ACT.019.025 Timitriusha niijiai takarmia nuna ikiaanak, chikichnasha niijiai métek-taku takarmia nunasha ikiaanak niijiai charaatum ajarmiayi. Timitriusha Tímiayi "Winia írutramutiram antuktarum. Iisha ju takat takaajnia jujai ti kuit Achíatsjik.

19:26b.ACT.019.026 Tura atumsha ju Papru Wáintrumna nu tura ántarmena nu chichaak "Ashí aents najanamu yuska ántar ainiawai" tatsuk. Nuna tau asa, jui Ipisiunam, tura arant Ashí Asia nunkanam, ni Yúsrin iniaisarat tusa Enentáimtikrarai. Tuma asamtai Untsurí aents, ii yusri Tiánan ikiuiniak, Papru tana nuna umirainiatsuk.

19:27b.ACT.019.027 Papru tu étserkui, iisha itiurchat pujuschattajik. Kuit ii achiaj nuka menkakashtatuak. Tura Nú arantcha ii yusri Tiana jeen shuar iniaisachartatuak. Tura Nuyá Asia nunkanmayasha tura Ashí nunkanmaya aencha, ii yusri Tiana shiir awajainia nuna Yapajiáwar aun nakitrachartatuak" Tímiayi Timitriu.

19:28b.ACT.019.028 Nuna antukar aencha ti kajekar charaatum ajarmiayi. Túmainiak "Ipisiu shuartikia, aya Tianak wakeraji" tu untsummiarmiayi.

19:29b.ACT.019.029 Nuinkia aents Páchim Enentáimprarmiayi. Túmainiak Masetúnianmaya Kayuncha Aristárkuncha Páprun nemarin ármia nuna achikiar japirkutak iruntai jeanam Júkiarmiayi.

19:30b.ACT.019.030 Tura Pápruka iruntai jeanam Wayá chichastaj taun, Nuyá Yus-shuar ármia nu, nuna suritkiarmiayi.

19:31b.ACT.019.031 Tura Asia nunkanmaya uuntri, Páprun amikri ásar, ainkia wayawain tusar chichaman akuptukarmiayi.

19:32b.ACT.019.032 Túrasha irunar pujuarmia nu, Páchim Enentáimprar, Chíkichka Nusháa untsummiarmiayi. Tura chikichcha Nútiksaran Ausháa untsummiarmiayi. Tura Chíkichka ti Untsurí, nekaachar "wariniak irunturara" tiarmiayi.

19:33b.ACT.019.033 Chíkich nui wajarmia nu charaatum amia nuna Israer-shuaran Arejántrun jintintrar eem shitiawarmiayi. Arejántrusha Kayun tura Aristárkuncha ayampruktinian wakerak takamatsatarum tusa uwején takuimiayi.

19:34b.ACT.019.034 Túrasha aents iruntrarmia nu, juka Israer-shuaraiti tusa nekaawar, Nú arant charaatum ajainiak "Ipisiu shuartikia aya Tianak wakeraji" ímia-imiatainiakua Tí nukap pujursarmiayi.

19:35b.ACT.019.035 Ipisiu pepru Papí-aintrisha aentsun itiatmamtik Tímiayi "Ipisiu Shuártiram antuktarum. Ii uunt yusri Tiana jee iistinia iichukaitiaj~i. Tura ni nakumkamurisha nayaimpinmaya iniarmiania nusha iischatniukaitiaj~i. Tura nunasha Ashí aents paant nékainiatsuk, Tímiayi.

19:36b.ACT.019.036 Warí, Núnaka Ashí aents nékainia asamtai atumsha itiatkatarum. Túrarum Enentáimtsuk yajauch Túrawairap, Tímiayi.

19:37b.ACT.019.037 Iimiatarum. Ju aishman átum itiarumna nu, ii Yúsrin yajauch chicharkacharai. Tura ni jeen yajauch awajsacharai.

19:38b.ACT.019.038 Wats, Timitriu tura niijiai takainiana nu Tunáa Túramun ujaktai tusar wakeruiniakka pepru penkerin werishtinkiait. Nuinkia Máimtek Iwiainiakartí.

19:39b.ACT.019.039 Tura Chíkich chicham ákuinkia pénker iruntrarum iwiaratarum.

19:40b.ACT.019.040 Kame ju Yamái Túrunamun nekaawar Rúmanmaya Kapitián "Ii uunt Kapitiántri yajauch awajsatai tusarum Túrachurmeash" turamchatjiash. Warí, niisha "ṡUrukamtai charaatum ajarum?" takuisha, aimkiatin penké tujinkiattaji" Tímiayi.

19:41b.ACT.019.041 Tura Papí-aint nuna tuasua amik "Aukete. Wétarum" Tímiayi.

20

20:1b.ACT.020.001 Charaatum ajasua amikiarmatai Papru Yus-shuaran untsuk Yusnan jintintrataj tusa ikiaankarmiayi. Tura áujas ikiuki Masetúnianam wémiayi.

20:2b.ACT.020.002 Nú nunkanam Wekaráktak, Yus-shuaran jintintrar Ikiakárarmiayi. Tura nuyasha Krisia nunkanam jeamiayi.

20:3b.ACT.020.003 Nui menaintiu Nántuk pujusmiayi. Tura nuyanka kanujai Siria nunkanam wétasa pujus Israer-shuar Chícham jurusman anturmamak "antsu nunkan Masetúnianmaani wetajai" Tímiayi.

20:4b.ACT.020.004 Tura Piríanmaya aishman Súpater naartin Páprun atamprimiayi. Tura Tisarúnikianmaya Aristárkusha Sekuntusha Tírpinmaya Kayusha Timiutéusha Asianmaya Tíkikiusha, Trújimiusha Ashí nu shuar Jiripius peprunam Páprun atampriarmiayi.

20:5b.ACT.020.005 Túrawar niisha emki wear Trúas péprunam jeawarmiayi.

20:6b.ACT.020.006 Tura iisha wakapruachu tanta yutai jisat amuukamtai, iisha Jiripius péprunmaya Jíinkir, kanunam enkemprar Masetúnia nunkanmaya Jíinkimji. Tura senku tsawant nankaamasmanum emki wearmia nu amaiyankarmiaji Trúasnum. Tura nuisha siati tsawant pujusarmiaji.

20:7b.ACT.020.007 Tura tumintin Kíarai Jesukrístu Enentáimtusar Yurumátai tusar iruntrarmiaji. Tura Papru Yus-shuaran jintintramiayi. Kame Pápruka kashinkia wétin asa chichaa-chichaakua kashi ajapén ejemiayi.

20:8b.ACT.020.008 Tura Yakí menaintiu Pátaranam, tesaamu ámia nui iruntrarmiaji. Nuisha ji ekemarma Untsurí irunmiayi.

20:9b.ACT.020.009 Tura nuisha natsa Eutikiu, aankamunam ayamas pujusmiayi. Tura Papru ti esaram chichaakui nu Nátsasha kari pujumiayi. Tumáa pujus kanaki Yakí Pátanmaya akaiki iniaamiayi. Tura penké jakan Júsarmiayi.

20:10b.ACT.020.010 Tura Papru akaatuki tsuntsumprua miniakkamiayi. Tura Yus-shuaran chicharainiak "Ashamkairap. Ataksha iwiaakui" Tímiayi.

20:11b.ACT.020.011 Nuyá ataksha Papru wakamiayi. Tura tantan puukar Yurumáwarmatai, tuke chichaa-chichaakua tsawantmarmiayi Papru.

20:12b.ACT.020.012 Eutikiuncha iwiaakun ni jeen Júkiarmiayi. Tura Ashí aents shiir Enentáimsarmiayi.

20:13b.ACT.020.013 Wats, Papru Asun péprunam nunkan we jeatajtsa wakerimiayi. Tura incha, átumka kanunam wétarum, turamkurin, iikia emkir wémaji Asunnum.

20:14b.ACT.020.014 Nui Asunnum inkiunaikiar, Páprusha kanunam enkempramtai, Mitiríniniam jeamji.

20:15b.ACT.020.015 Tura Nuyá Jíinkir, kashin tsawarar Sámus péprunam jeamji. Tura nuyanka Trujiriunam jear ayampramji. Nuyasha kashin tsawarar Miritiunam jeamji.

20:16b.ACT.020.016 Pápruka Jerusarénnum wari wétajtsa wakerimiayi, Pintikiustís naartin Jístatin pachiinkiataj tusa. Tuma asamtai, Asia nunkanam ti Núkap pujustinian nakitiak "Ipisiunam wéchattajai" Tímiayi.

20:17b.ACT.020.017 Túrasha Papru tuke Miritiunam pujus, Ipisiunmaya Yus-shuara uuntrin winitiarum tusa untsukarmiayi.

20:18b.ACT.020.018 Ni taarmatai Papru Tímiayi "Atumsha wi Asia nunkanam pujusan itiura Túraj nu nékarme.

20:19b.ACT.020.019 Atumjai tuke tsawant pujumaj nui, nankaamantuchu Enentáimtumasan, uutchim winia Uuntrun takatrin takasmiajai. Tura Israer-shuar yajauch awajtustinian wakerutainiain tuke takasmiajai.

20:20b.ACT.020.020 Ashí pénker ana nu nekaatarum tusan mijiatrutsuk jintintiamjarme. Iruntramarmena nui tura ankant ankant Atumí jeen pujumarmena nuisha Yus-Chichaman ujakmajrume, Tímiayi.

20:21b.ACT.020.021 Tura Israer-shuarnasha Israer-shuarchancha Nútiksanak, enentai Yapajiárum Uunt Jesukrístu umirkatarum, Tímiajrume.

20:22b.ACT.020.022 Tura Yamái Jerusarénnum wéajai, Yusa Wakaní Túrutkui. Nuisha Túrunatana nunasha nekamatsuk wéajai.

20:23b.ACT.020.023 Tura Yusa Wakaní iniakturkui juna nékajai, Ashí pepru wi jeattajna nui Enketátai tusar Nákarainiawai. Tura ti Wáitsatniun nekapsattajai.

20:24b.ACT.020.024 Kame wikia Jákashtajash. Túrasha Warí winia itiurtawa. Wikia Yusa jintiin warasan wekasataj tusan wakerajai. Yusai wea-wéakuan Jáakun iniaisataj tajai. Tura Nuyá takatan Uunt Jesus surusmia nuna pénker amuktaj tusan wakerajai. Jes, Jesus chichartak "Yus Wáitnenkartana Nú chicham etserkata" turutchamka' Tímiayi.

20:25b.ACT.020.025 `Tura, yatsurtiram, Ashí Yúsnan atumin paant ujakjarme. Yamaikia Wíniaka atakka Wáitkiashtatrume.

20:27b.ACT.020.027 Nekaatarum, Ashí Yusa wakeramurin wisha penké úurtsuk ujakjarme. Tuma asamtai atumin Títiajtsan wakerajrume, Chikichík shuara Wakaní jinium wéakuisha wikia penké makuumashtatjai.

20:28b.ACT.020.028 Tuma asamtai emka atumek iimiastarum. Túrarum Nuyá Chíkich Yus-shuar iistarum. Yus-shuaran Wáinin ajastarum tusa, Yusa Wakaní achirmakurme. Yus-shuar ainia Núnaka ni numpejain Uunt Jesus sumakchakait.

20:29b.ACT.020.029 Kame wi wématai, Chíkich Táartatui. Núnaka nékajai. Tura niisha, Yus-shuaran amukartajtsa wakeriartatui, uunt yawasha murikiun amuinia aintsan.

20:30b.ACT.020.030 Túrasha nemartusarat tusar wakeruiniak atumiinian wait chichaman unuikiartin wantinkiartatui.

20:31b.ACT.020.031 Tuma asamtai yatsurtiram, aneartarum. Wisha Menaintiú uwitin tsawaisha Káshisha uutchim ankant ankant unuiniamajrumna nu kajinmatkiirap' Tímiayi.

20:32b.ACT.020.032 `Pai, yamaikia, yatsuru, Yus Yáinmakarti. Yusa anenkrattairi nékaitrumna Nú chichamsha kakarmaiti. Nú chicham átum katsuarar kakaram wekasatniun yainmakarti. Kame Nú chicham atumi Enentáin pujakui, Yus ni shuarin matsamsatniun anajmatramia nui pachiinkiattarme.

20:33b.ACT.020.033 Wats, wisha Chikichkí shuara Kuítrin waririncha wakerutkachuitjai.

20:34b.ACT.020.034 Antsu winia uwejrujai takasan wi atsummiaj nuna sumarmakmajai. Tura winia írutkamuru atsumamurincha wiki sumakmiajai. Nuka paant nékarme.

20:35b.ACT.020.035 Kame átum takasrum, atsumainia nusha Yáintarum tusan jintintiajrume. Wats, Uunt Jesusa chichame Enentáimsami. "Achíana nujainkia nankaamas, Súana nuka shiir waraawai" Tíchamka" Tímiayi.

20:36b.ACT.020.036 Nuna tuasua amik Papru tikishmarmiayi. Tura Ashí niijiai iruntrarmia Nú shuar Yúsan áujsarmiayi.

20:38b.ACT.020.038 Tura Papru nuik chichaak "Atakka Wáitkiashtatrume" tiniu asamtai, ti Kúntuts pujuiniak, uutchim Páprun miniaksarmiayi. Túrawar kanunam ejeniarmiayi.

21

21:1b.ACT.021.001 Tura Nuyá Yus-shuar aujsa ikiukir kanunam enkempramji. Tura ínkiuasmak Kus péprunam jeamji. Tura kashin tsawarar Rútas péprunam jeamji. Tura nuyanka Patara péprunam jeamji.

21:2b.ACT.021.002 Tura nui Pataranam pujusar, Chíkich kanu Pinisia péprunam wea Wáinkiamji. Túmakui nui enkemprar wémaji.

21:3b.ACT.021.003 Nui wésar Chipri nunkaka Wáinkiamji. Chíprikia menanmaani aa ikiuakur Sírianam jeamji. Kánuka Tiru péprunam Jeá pujustiniuyi, Káarak Núkap ikiuktin akui. Tuma asamtai iisha Tírunam jear kanunmaya Jíinkir péprunam wayamji.

21:4b.ACT.021.004 Nui Yus-shuar Wáinkiar nuin siati tsawant pujusmaji. Tura Yus-shuaran Yusa Wakaní ujakam Páprun chicharainiak "Jerusarénnumka wéchatniuitme" tiarmiayi.

21:5b.ACT.021.005 Tura siati tsawant nankaamasmatai Jíinkimji. Ashí Yus-shuar ármia nu Núwentuk uchirtiuk nemartamkamji, péprunam iniankatmaktiai tusar. Káanmatkanam jear tikishmarar Yus áujsamji.

21:6b.ACT.021.006 Tura nu amikiar nuinkia áujnaisar ikiukiarmaji. Tura iikia kanunam enkemprakrin ninkia ni jeen waketkiarmiayi.

21:7b.ACT.021.007 Iisha Tirunmaya entsak wea-wéakuar Turumáitianam nuin Jíintramji. Tura nui jearsha Yusai yachi ármia nu chichasar nuin Chikichkí tsawant pujusmaji.

21:8b.ACT.021.008 Kashin tsawarar Nuyá Jíinkir nunkan weri Sesaria péprunam jeamji. Nui Jiripi jeen jear pujusmaji. Jiripikia Yus-Chichaman etserniuyayi. Nuik Jerusarénnum siati aishmankan Yusa takatrin Wáinkiarat tusar anaikiarmia Nú Jiripiiti.

21:9b.ACT.021.009 Jiripisha kuatru nawantrin yarumkauyayi nuatnakchan. Niisha Yusa chichamen etserin ármiayi.

21:10b.ACT.021.010 Tura iisha Jiripi jeen Wárum tsawantak pujarin Jutía nunkanmaya aents Yusa etserniuri, Akapu Náartin Támiayi.

21:11b.ACT.021.011 Niisha taa Papru emenmamkarin achikmiayi. Tura achik ninki ni nawen tura uwejéncha jinkiamamiayi. Nuna tura Tímiayi "Yusa Wakaní tawai, juna emenmamka nérenniurin Israer-aents Jútikia Jinkiáwar Israer-shuarchanum surukartatui, tawai" Tímiayi.

21:12b.ACT.021.012 Iisha nu antukar Papru Tímiaji "Jerusarénnumka weep." Sesarianmaya Yus-shuarsha Núnisan Páprun tiarmiayi.

21:13b.ACT.021.013 Tutai Papru Tímiayi "ṡUrukamtai uutkuram winia Enentáirui Kúntuts awajtarum? Tímiayi. Wi Jesusna asamtai Jerusarénnum jinkiatainiakuisha Mántuiniakuisha ashamatsjai" Tímiayi.

21:14b.ACT.021.014 Tura iisha Papru emetatai tukamar tujinkiar "wats, nuinkia Uunt Yus wakera nu Tímianak Atí" tiarmaji.

21:15b.ACT.021.015 Nu tiri iniaisar iwiarnarar Jerusarénnum wémaji.

21:16b.ACT.021.016 Chíprinmaya yaunchu Yus-shuar Manasun ni jeen Jerusarénnum takakuya nuna ikiatmastinian wakerimiayi. Tuma asamtai Sesarianmaya ishichik Yus-shuar nemartamainiak Manasunnasha Júkiarmiayi.

21:17b.ACT.021.017 Tura iisha Jerusarénnum jeawakrin, nui warasar Yus-shuar ti shiir áujtamsarmiaji.

21:18b.ACT.021.018 Tura kashin tsawar Papru iimiak Jakupu jeen wémiaji. Nuisha Yus-shuara uuntri matsamarmiayi.

21:19b.ACT.021.019 Páprusha áujas amik, Israer-shuarchanum ni étsermajai Yus Túramia nuna Yámankamtaikniumia Jukí chikichkimias ujakar ujakar awajsamiayi.

21:20b.ACT.021.020 Papru taman antukar "Yus ti pénkerchakait" tiarmiayi. Tura Páprun ju chichaman tiarmiayi "Támena nu pénkeraiti, Yatsurú, Túrasha Israer-shuar Timiá Untsurí Yus-shuar ajasu ainiayat, "Ashí Muisais akupkamia nu umiktiniaitji" tuiniawai.

21:21b.ACT.021.021 Nú arant yajaya aents taar, chichartamainiak "Pápruka Nusháa jintintiui, turamainiawai. Israer-shuar Chíkich nunkanam pujuinia nuna Muisaisa akupkamuri umirkashtin Pápruka jintintiui, turamainiawai. Israer-shuarti tsupirnaktin ana nu Túrashtinian tura Ashí Israer-shuar Túrutai iniaisatniun Papru imia Israer-shuaran jintintui, turamainiawai."

21:22b.ACT.021.022 Wátsek, yatsuru, nuinkia itiurmainkit. Ame Tátintrumin aents nekaawarka jui kajertamainiak Káutramkachartatuak.

21:23b.ACT.021.023 Wats, antsu nuinkia, ju Túrata yatsuru. Jui kuatru aishman Yúsan yaunchu tiarmia nuna umiktasa pujuiniawai.

21:24b.ACT.021.024 Nii Júkiarta. Túram niisha Muisais akupkamia nuna umikiar nijiaamainiakui, amesha nijiaamarta. Núnismek Kuítniasha ni susatin ana nu amesha akikmatkarta. Niisha Ashí umikiarmatai, ni intiashin awampratin áchattawak. Nu aishmanka intiashin awampran Israer-aents Wáinkiar, anturtamkarainia nu, nekaschaiti, turamartatui. Antsu, Pápruka Muisais akupkamia Tímianak Túrawai, turamartatui.

21:25b.ACT.021.025 Túrasha yatsuru, nekaata, Israer-shuarcha Yus-shuarka Papí yaunchu akuptukmiaji. Israer-shuarti Túratin ana nu Ashí mash Túratarum Tátsuji, tu aatramji. Tura antsu namanken Máawar ántar-yusan susamu Yúashtiniaitrume, Tímiaji. Tura numpasha umarchatniuitrume, kajemtikramusha Yúashtiniaitrume. Tura tsanirmashtiniaitrume. Tu aatramji" tiarmiayi.

21:26b.ACT.021.026 Nuyá tiniu asamtai Papru Nú kuatru aishmankan Júkiarmiayi. Tura kashin tsawarar Níimiak nijiaamararmiayi, Muisais timia Nútiksaran. Tura Yúsan tiarmia nuna Wárik umiktinian tura Muisais timia nuna Yus Súsatniun ujaktajtsa Papru Yusa Uunt Jeen wayamiayi.

21:27b.ACT.021.027 Túrasha nu siati tsawant amusattuk ajatemsai, Asianmaya Israer-aents Paprun Yusa Uunt Jeen pujan Wáinkiarmiayi. Túrawar charaatum ajakiar Páprun achikiarmiayi.

21:28b.ACT.021.028 Achikiar untsumainiak "Israer-Shuártiram iin Yáinmaktarum. Ashí nunkanam Muisais akupkamurincha Israer-shuarti Túrutairincha, ju Yusa Uunt Jeencha yajauch chicharea nu achikji, tiarmiayi. Warí, Kriaku aentsun Awayáshtinia nuna Awayá nujai Yamái ju Jeancha yajauch awajturmaji" tiarmiayi.

21:29b.ACT.021.029 Jes, nuik Ipisiunmaya Trúpimiu Páprujai péprunam wekaan Wáinkiaruyi. Wáinkiaru ásar, Yusa Uunt Jeen wayayi, tu Enentáimsar tiarmiayi.

21:30b.ACT.021.030 Tuiniakui aents Ashí mash charaatum ajakiar tseke Táarmiayi. Túrawar Páprun achikiar japirkutak Yusa Uunt Jeeya Jíikiarmiayi. Túrawar Wáitincha Nú chichamaik epentrarmiayi.

21:31b.ACT.021.031 Tura maatai tusar matsamtuiniai suntara Kapitiántri Jerusarénnumia aents Ashí charaatum ajainian antukmiayi.

21:32b.ACT.021.032 Kapitiáncha ni suntarin tura sarjentuncha irur tseke weriarmiayi aents pujuarmia nui. Aencha suntaran tura Kapitiánin Wáinkiar, Páprun Asutíniayat iniaisarmiayi.

21:33b.ACT.021.033 Kapitiánka Páprun jeari achikmiayi. Tura Jimiará jirujai jinkiamiayi. Nuyasha aniasmiayi "ṡNiisha yait? ṡWarinia Túrait?" Tímiayi.

21:34b.ACT.021.034 Túrasha aencha Untsurí chichaman untsummiarmiayi. Túmainiakui Kapitiáncha penké nekaachmiayi. Tuma asamtai Páprunka suntar pujamunam Júkiarmiayi.

21:35b.ACT.021.035 Tura suntar pujamunam Wáitiniam jeawar Páprun entsaki Júkiarmiayi aents Imiá kajerainia asamtai.

21:36b.ACT.021.036 Tura aencha ukunmaani pataakar, Mantamnatí, tu untsummiarmiayi.

21:37b.ACT.021.037 Tura Papru suntarnum Awayám, Páprusha Kapitiánin Kriaku chichamjai chichaak "Wi ishichik chichasaintjame" Tímiayi. Tutai Kapitián chichaak "Warí, ṡamesha Kriaku chicham chichastin nékamek? Tímiayi.

21:38b.ACT.021.038 Nuinkia amesha ṡEjiptunmaya Shuárchakaitiam? ṡNuik kuatru mir (4000) aents, mankartin tutai atsamunam yaruakchamkam? ṡKapitiánjai meset najanataj tusa Túrachmakum?" Tímiayi.

21:39b.ACT.021.039 Tutai Papru Tímiayi "Núchaitjai. Antsu wikia Israer aentsuitjai. Sirisia nunkanam uunt pepru Tarsu Náartin ana nui akiiniaitjai. Tura waitneasam ju aents chichastin tsankatrukta" Tímiayi.

21:40b.ACT.021.040 Tura Kapitián, ayu, tutai, Papru watainium wajas, mitiat pujustarum tusa uwején takuimiayi. Tura aents itiatkarmatai Israer-chichamjai chichasmiayi.

22

22:1b.ACT.022.001 Papru chichaak juna Tímiayi: "Yatsurtiram, tura uuntur árumna nu antuktarum. Wikia Pápruitjai. Kíishtumaktaj tusan Títiatjana nu waitneasrum anturtuktarum" Tímiayi.

22:2b.ACT.022.002 Tura Papru Israer chichaman chichaakui, aents nuna antukar Nú nankaamas itiatkarmiayi.

22:3b.ACT.022.003 Nui Papru chichaak "Wikia Israer-shuaraitjai. Tarsu pepru Sirisia nunkanam ana nui akiiniaitjai. Túmaitiatnak jui Jerusarénnum tsakaruitjai. Tura unuikiartin Kamaríran chichamen unuimiaruitjai. Tuma asan ii uuntri akupkarmia nuna Ashí umirkaitjai. Tura átum Yamái Túrarmena nuna wisha Nútiksanak Yusna ana nuna tuke Enentáijiai wakerukuitjai.

22:4b.ACT.022.004 Tura Jesusan umirkaru ármia nuna Máataj tusan pataatukni wekaimiajai. Túran aishmankan nuwancha achikian sepunam enkeataj tusan Túrimiajai.

22:5b.ACT.022.005 Israer-patri uuntrisha Israer-shuara uuntrisha Tamaskunam ii-shuar Susatá tusar papin ataktusar akuptukarmia nuna ninkia nékainiawai. Jesusan umirkarun achikia ikiaankan jui Jerusarénnum Asutniáwarat tusan werimjai' Tímiayi.

22:6b.ACT.022.006 `Tura wi Jintiá wéai Tamaskunam jeastatuk ajasai nantu tutupin ai aya aneachma nayaimpinmaya newaat wajantruntmiayi.

22:7b.ACT.022.007 Túrunamtai wisha Nunká iniaarmajai. Nuyanka chichaamun antukmajai. Chichartak "Sauru, Sauru, ṡurukamtia Imiá pataaturam?" turutmiai.

22:8b.ACT.022.008 Takui wi aniasmajai "ṡAmesha Yáitiam, Uunta?" Tutai "Wikia Nasarétnumia Jesusaitjai. Ame pataaturmena Núitjai" turutmiai.

22:9b.ACT.022.009 Wijiai pujuarmia nu, newaat wajantun Wáinkiar ti ashamkarmai. Túrasha ninkia Túrutun antukcharmai.

22:10b.ACT.022.010 Tura wi Tímiajai "ṡNuinkia, Uunta, Warí itiurkattaj?" Tímiajai. Tutai Uunt chichartak "Wajakim Tamaskunam Wetá. Nuisha ame Túrattamna nuna ujatmakartatui" turutmiai, Tímiayi.

22:11b.ACT.022.011 Kame wikia Nú newaat ajakun iisan jiiru kusurmai. Tuma asamtai winia tsaniakmar enkeki jurukiar Tamaskunam ejetiarmai' Tímiayi.

22:12b.ACT.022.012 Papru tuke aujmatki wéawai. `Tura nui Tamaskunam aishman Ananías pujumai. Niisha Yúsan aneak, Muisais akupkamia nuna umirkauyi. Tura Nú péprunmaya Israer-shuar ármia nu niin pénker Enentáimtiarmiai.

22:13b.ACT.022.013 Nú Ananías winia iirsataj tusa Támai. Taa turutmai "Yatsuru Sauru, pénker iimtia." Túrutkui Nú chichamaik pénker iimmiajai. Túrunan Ananíasnasha Wáinkiamjai.

22:14b.ACT.022.014 Tura Ananías chichaak "Iwiaaku Yus, winia wakeramurun nekartuat tusa winia Uchirnasha, tunaarinchaa nuna, iisat tusa, winia chichampruncha antukat tusa ámin yaunchu Yus anaitiamkaiti.

22:15b.ACT.022.015 Amesha Papru, Yusna ana nu iisumna nusha antukumna nusha Ashí aents ujakartatme.

22:16b.ACT.022.016 Tuma asamtai yamaisha ṡWarí Nákam? Tunaarun Asakátrurat tusam Uunt Jesus Enentáimtusam weme ni Náari pachisam imiantia" turutmai.'

22:17b.ACT.022.017 `Tura Jerusarénnum waketkin Yusa Uunt Jeen wémajai Yúsan áujsataj tusan. Nui iimiarmajai.

22:18b.ACT.022.018 Nui Jesus chichartak "Jui Jesusarénnum Wíi Túramur etserkattamna nuna antukchartatui. Tuma asamtai wari Jíinkim Wetá" turutmiai.'

22:19b.ACT.022.019 `Túrutkui wi Tímiajai "Túrasha Uunta, Juyá aents wi Israer-shuara iruntai jeen wayan Amin umirtamkarmia nuna nui matsatun achikian awatin sepunam enkeawarmia nuna nékainiawai.

22:20b.ACT.022.020 Tura Nuyá Aminiu etserniun Estepankan Máiniakuisha wisha wajamjai. Túruiniakui, "pénkeraiti" Tímiajai. Nú arantcha ni pushirin iirsamjai" Tímiajai.'

22:21b.ACT.022.021 `Túrasha Uunt Jesus winia turutmai "Wetá. Israer-shuarcha matsatainia nui akupkatjame" turutmai" Tímiayi Papru.

22:22b.ACT.022.022 Nui matsamarmia nu, Núnaka antukarka untsumtan Juáriarmiayi. "Juka Mantamnatí. ṡUrukamtaik iwiaakusha pujusat?" tiarmiayi.

22:23b.ACT.022.023 Tura aentska Paprun kajerainiak, ti untsumainiak pushirin tujaat ajapawar nunkancha nankimkiamaikia ajarmiayi.

22:24b.ACT.022.024 Tura Kapitián nuna Wáiniak Páprun suntar pujamunam Awayámiayi. Tura suntaran chicharuk "Atum Asutiárum aimtikiatarum. ṡUrukamtaik aents niin kajerainiak Imiá untsumainia? Nekaatarum" Tímiayi.

22:25b.ACT.022.025 Tura Páprun Asutiátai tusar Jinkiárar awajsam Pápruka Kapitiánin chicharuk "ṡRúmanmaya aents áyatik Asutiámniakait, ni Túramuri nekartsuk?" Tímiayi.

22:26b.ACT.022.026 Nuna Táman antuk Kapitiáncha uunt Kapitiánin ujaktaj tusa Werí chichaak "Maaj, Túrataj tamena nu anearta. Ju aishman Rúmanam pachitkaiti" Tímiayi.

22:27b.ACT.022.027 Nuna antuk uunt Kapitián Páprun Werí aniasmiayi "ṡAmesha nekasmek Rumanam pachitkaitiam?" Tímiayi. Tutai Papru "Ee" Tímiayi.

22:28b.ACT.022.028 Tutai "Wikia ti Kuítian akikmakmiajai Rúmanam pachiinkiatniun" uunt Kapitián Tímiayi. Tutai Papru Tímiayi "Túrasha winia aparka Rúmanam pachitkia asamtai, wisha Rúmanam pachiinkian akiiniaitjai" Tímiayi.

22:29b.ACT.022.029 Nuna takui Páprun Asutiátaj tiarmia nuna Wárik iniaisar Jíiniar wearmiayi. Tura imia uunt Kapitiáncha Rúmanam pachitkian Jinkiá asa ashamkamiayi.

22:30b.ACT.022.030 Tuma asa kashin tsawar uunt Kapitián, urukamtaik Páprun Imiá kajerainia, nekaataj tusa wakerak Paprun Werí Jinkiámun atirmiayi. Tura Israer-patri uuntrin Chíkich naamka armia Nújaisha ikiaankamiayi. Tura nuinkia ni matsatmanum Páprun itiar ajapén awajsamiayi.

23

23:1b.ACT.023.001 Papru Israer-patri naamkarin úmamkes iis "Wíi shuartiram antuktarum. Uchichik tuke yamaisha Yus iimmianum pénker wekainuitjai" Tímiayi.

23:2b.ACT.023.002 Papru nuna takui Israer-patri uuntri Ananías, ni suntarin Paprui ayamas pujuarmia nuna "Wenunam awatiarum" Tímiayi.

23:3b.ACT.023.003 Tutai Papru Tímiayi "Tsej, Jimiará chichamtinia Iimiatá, Yus amincha Asutiámattawai. Muisais akupeana nuna umiatsui tusam yajauch turutattsam pujame. Entá, ṡnuinkia urukamtia Muisais Tímia nuka iniaisam ame suntarum winia Asutiátarum tame?" Tímiayi.

23:4b.ACT.023.004 Tura nuna takui nui wajarmia nu Páprun tiarmiayi "ṡMaaj, amesha Patri uuntri Imiá yajauchisha chichaream?"

23:5b.ACT.023.005 Tutai Papru Tímiayi "Yatsuru, wisha Patri uuntri áutskaitia Tíchamjai. Nékaitkiunka Núnaka Tíchaajai. Kame wisha nékajai, Yus-Chichamnum tawai "Atumí uuntri yajauch chicharkairap" tawai" Tímiayi.

23:8b.ACT.023.008 Israer-aentsu uuntriya Jimiará írutka ármiayi. Satuséu aents tura Nuyá Pariséu aents Nusháa írutkan Pápruka nekaamiayi. Kame Satuséu aentska, jakamunmaya nantaktincha Yusa suntarisha aentsu Wakanísha tura iwianchcha atsawai, tiniu ármiayi. Antsu Pariséu aentska, nuka Ashí awai, tiniu ármiayi. Nuna Nekáa Papru kakantar chichaak "Wikia Pariséu aentsuitjai. Wíi shuarsha Pariséu ainiawai. Wikia Ashí shuar jakamunmaya ukunam nantaktin átatui tu jintiamun, nekaatai tusar itiariarmiayi" Tímiayi. Tura Papru nuna takui Pariséu aents tura Satuséu aencha Nuámtak kajernaikiarmiayi. Túrunawar Kánasaran Nusháa Nusháa Enentáimprarmiayi.

23:9b.ACT.023.009 Nuinkia Ashí aents charaatum ajarmiayi. Tura Israer-shuara jintinniuri Pariséunam írutka armia nu wajakiar tiarmiayi "Ju aishman tunaan penké Túrichuiti. Yusa suntari Chíkich wakancha niin nekas chichaschamashi. ṡYa neka?" tiarmiayi.

23:10b.ACT.023.010 Ti charaatum ajainiakui suntara Kapitiántri Páprun achiarchartimpiash tusa suntaran untsuk, "Jiiktiarum, Túrarum suntar pujamunam Awayátarum" Tímiayi.

23:11b.ACT.023.011 Nuyá kashi Papru Uuntri mesekra ipiatuk "Kakaram ajasta, Papru. Jui Jerusarénnum winia ujakarumna Núnismek Rúmanmasha ujaktatme" Tímiayi.

23:12b.ACT.023.012 Nuyá kashin tsawarmatai Israer-aents Páprun maatai tusar chichaman jurusarmiayi. "Papru Máachkurkia yurumtsuk tura penké úmutsuk matsamsattaji. Máachrikia yajauchiniam yuminkramu atai" tiarmiayi.

23:13b.ACT.023.013 Nuna tiarmia nuka kuarenta (40) nankaamas ármiayi.

23:14b.ACT.023.014 Tura Israer-patri uuntrin tura Israer-aentsu uuntrincha weriar "Papru Máachkurkia penké yurumtsuk pujustatji. Máachrikia yajauchiniam yuminkramu atai" taji.

23:15b.ACT.023.015 Tuma asamtai Ashí Israer-patri naamkarijiai suntara Kapitiántri seatarum, Papru Tatí tusarum. "Kashin Papru itiata, titiarum. Papru tana nu iisha nekas nekaatai tusar wakeraji" titiarum. Túrawakrumin iisha maatai tusar ninkia Táatsain Nákaktatji" tiarmiayi.

23:16b.ACT.023.016 Tura Papru awe Nú chichaman antuk suntar pujamunam taa Páprun ujakmiayi.

23:17b.ACT.023.017 Tuma asamtai Pápruka suntara Kapitiántrin untsuk "Ju uchi uunt Kapitiánnium jukitia. Niisha chichaman takakui" Tímiayi.

23:18b.ACT.023.018 Kapitiáncha uchin uunt Kapitiánnium ejé Tímiayi "Papru enkeamu pujana nu winia untsurak "Ju uchi uunt Kapitiánnium jukitia. Chichaman takakui" Túrutui" Tímiayi.

23:19b.ACT.023.019 Uunt Kapitiáncha Nú uchin enkeki arantach Jukí chicharuk "ṡWarí turuttiaj tame?" Tímiayi.

23:20b.ACT.023.020 Tutai uchi Tímiayi "Israer-aents Páprun chichaman jurusarai. "Papru Túramuri ti paant nekaatai tusar kashin Israer-shuara uuntriin ejetarum" turamartatui.

23:21b.ACT.023.021 Tura amesha nuna takui anturkaip. Kuarenta (40) nankaamas Jintiá akirtua pujurainiawai. Tura "Papru Máachkurkia yurumtsuk tura úmutsuk matsamsattaji" tuiniawai. Tuma asamtai yamaisha ámin Tití tusa Nákarmainiawai" Tímiayi uchi.

23:22b.ACT.023.022 Tura uunt Kapitiáncha uchin chicharuk "Ame Túrutmena nu Chíkich aents penké ujakaraip' Tímiayi. Nuna ti, uchin akupkamiayi.

23:23b.ACT.023.023 Nuyanka uunt Kapitiáncha Chíkich Kapitiánin Jímiaran Itiá chichaak "Urum, kashi ajapén ajastatuk ai, Untsurí suntar ikiaankarta. Jimiará Sián (200) aya Náwek, setenta (70) kawainium eketka, Nuyá Chíkich Jimiará Sián (200) Nánkijiain Sesaria nunkanam wétin iwiarata.

23:24b.ACT.023.024 Páprusha kawainium ekemkatin iwiarturta. Túrarum pénkerak ejetarum akupin Piriksai" Tímiayi.

23:25b.ACT.023.025 Tura niijiai ju chichaman aatrar akuptukmiayi:

23:26b.ACT.023.026 "Ti pénker akupin Píriks, wikia Krautiu Rísias ju papin aatjame.

23:27b.ACT.023.027 Israer-aents ju aishmankan maatai tusar wakeruiniak achikiarmiayi. Tura niisha Rúmanmaya aentsuitkui wikia nuna nekaan suntarjai werin jukimjai.

23:28b.ACT.023.028 Wikia ṡurukamtaik achikiaruit? tusan Israer-patri naamkarin jukimjai niin.

23:29b.ACT.023.029 Páprunka ii uuntri akupkamurin umiatsui tusar niin kajeriarmiayi. Pápruka yajauch Túrachu asa mantamnachminiuyayi. Sepunmasha enkemachminiuyayi.

23:30b.ACT.023.030 Tura wisha Israer-aents niin Máatniun chichaman jurusman nekaan amiin akuptajme. Nuyasha niin kajerainia nunasha tajai "Atumsha Piriksai werum átum warinma kajerarum nu Títiarum" tajai. Ayu. Júchiniak Tájame." Nuna tu aatar akuptukmiayi.

23:31b.ACT.023.031 Tura suntarsha ni uunt Kapitiántri Tímia Nútiksaran Páprun kashi Júkiarmiayi Antipatris péprunam.

23:32b.ACT.023.032 Kashin tsawarar suntar aya Náwek wearmia nuka waketrarmiayi. Tura kawainium eketrainiaka Páprujai wearmiayi.

23:33b.ACT.023.033 Sesaria péprunam jeawar papin Piriksan Súsarmiayi. Tura Pápruncha nui ejeniarmiayi.

23:34b.ACT.023.034 Akupniusha Papí aujsua amik Páprun aniasmiayi "Amesha, ṡTuí akiiniaitiam?" Tutai "Sirisia nunkanmayaitjai" Tímiayi.

23:35b.ACT.023.035 Nuna takui akupin Tímiayi "Wátskea kajertamainia nu taar turamainiakui anturkatjame" Tímiayi. Tura nuyanka uunt akupin Erutisa jeen Awayá apujsamiayi, suntar iisarat tusa.

24

24:1b.ACT.024.001 Tura senku tsawant nankaamasai Israer-patri uuntri, ni naari Ananías, Sesarianam Támiayi. Tura Israer-aentsu uuntri tura ti unuimiaru chichamtincha, ni naari Térturu nujai Táarmiayi. Ju aents Páprun kajerainia ásar akupniunam wearmiayi.

24:2b.ACT.024.002 Nui Páprun itiarmatai Térturu chichatan Juármiayi. "Uunt akupin Píriks, amesha yaimiu asakmin iisha shiir matsatainiaji. Tura Imiá neka asakmin Ashí aents Tímiatrusrik matsatainiaji.

24:3b.ACT.024.003 Tuma asakmin iisha Ashí matsatmanum tuke tsawant ti shiir yuminsamajme, uunta.

24:4b.ACT.024.004 Tura amesha ti Núkap chicham antuktin nakitiatspash. Tuma asamtai antsu ishichik waitneasam anturtukta, Tímiayi.

24:5b.ACT.024.005 Ju aishman Papru, sunkura utsukratniua Núniniaiti. Niisha Ashí nunkanam mesetan najanatniun Israer aentsun Ikiakáiniaiti. Tura Jesusa aentsri, Nasarénu tuinia nuna uuntrinti.

24:6b.ACT.024.006 Nú arantcha Yusa Uunt Jeen yajauch awajsataj tusa pujuru Wáinkiar achikmaji. Ii uuntri tana nujai métek Asutiátai tusar wakerimji.

24:7b.ACT.024.007 Túrarin nuyanka Kapitián Rísias taa tapit achik jurutramkimiaji.

24:8b.ACT.024.008 Tura atumek akupin Piriksai werum nui aujmatkatarum, turamaji, Tímiayi. Tuma asamtai amesha Píriks, Papru aniasta. Nuinkia ii Tájinia nu nekasaiti, nu nekaattame" Tímiayi Térturu.

24:9b.ACT.024.009 Tura Israer-aents pujuarmia nu "Nekasaiti Ashí ni tana nu" tiarmiayi.

24:10b.ACT.024.010 Nuyá Píriks, uwejejai, Papru chichasat tusa iniaktusmiayi. Túram Papru Tímiayi "Amesha uunta, ju aentsu akupniuri ti Untsurí uwitin pujusuitme. Tuma asamtai nuikia shiir Enentáimsan Páchitsuk chichastatjai.

24:11b.ACT.024.011 Wats, wi Túramur nekartuata. Yúsan áujsataj tusan Jerusarénnum wi wémajna nu tuse (12) tsawant nankaamasai.

24:12b.ACT.024.012 Nuisha yajauch áujmatki weai Wáitkiacharmai. Yusa Uunt Jeencha tura Israer-shuara aujtai jeencha tura pepru Jíntianmasha aentsnum Charáa Charáa Ajá wekaai penké Wáitkiacharmai, Tímiayi.

24:13b.ACT.024.013 Ju aents jui matsatainia nu Wíniaka penké turutchamnia ainiawai.

24:14b.ACT.024.014 Túrasha juna paant ujaajme. Jesus yamarman Jintíana nuna Umíajai. Kame Israer-aentska Wáitiaiti tuinia nuna wikia Umíajai. Túrasha nuna Túran ii uuntri Yusri akupkamia nunak umiktasan pujajai. Jes, Ashí Muisais aar akupkamia nuna tura Ashí Yúsnan yaunchu etserin aar akupkarmia nunasha uminiaitjai.

24:15b.ACT.024.015 Tura jakaasha nantaktin átatui, tajai. Warí, pénker aents Nútiksan yajauch aencha nantakiartatui imia Israer-shuar tuiniatsuk. Tura wisha Nútiksanak Túrunatniuiti tajai.

24:16b.ACT.024.016 Tura wisha tiniu asan, wikia winia Enentáirui Yus iimmianum makuumatsuk wekasataj tajai. Tura aentsnumsha Nútiksanak penké makuumatsuk wekaajai' Tímiayi.

24:17b.ACT.024.017 `Tura, uunta, Untsurí uwitin Chíkich Chíkich nunkanam wekaasuan amikian winia shuarui Támajai. Kuítrinchan Kuítian susataj tusan tura Yusa Kuítrincha niin susataj tusan Támajai.

24:18b.ACT.024.018 Túran wisha, Muisais jintinmia Nútiksanak nijiaamaran, Yusa Uunt Jeen pujumiajai. Untsurí aents charaatum ajainiasha atsumiayi. Nui wiki Pujái Asianmaya Israer-aents Wáitkiarmiayi.

24:19b.ACT.024.019 Tura wi yajauch Túraitkuinkia winia Wáitkiarainia nu Táchatniukait ámin ujatmaktasa.

24:20b.ACT.024.020 Túrachkuinkia jui pujuinia nu, Israer-patri naamkari matsatmanum wi pujumajna nui yajauch Túramun nékainiakka turutiarti.

24:21b.ACT.024.021 Kame, ""jakamunmaya nantakminiaiti" tau asamtai makuurtiajtsarum pujarme" matsatmanum Tímiaj nujai turutchartimpiash. Nú arantka yajauch Túramun penké nekartuacharmai" Tímiayi Papru.

24:22b.ACT.024.022 Táman antuk Píriks, Kristu shuari Túramun paant Nekáa, aanik iniaisamiayi. "Antsu Kapitián Risias Támatai nuinkia nu chichaman nekaatjai" Tímiayi.

24:23b.ACT.024.023 Tura Nuyá suntara Kapitiántrin chichaak "Ju Pápruka tuke emetnati. Tura ishichkikia ankant apujsatarum. Tura Nuyá ni amikri taa Yáintaj takui suritkiairap" Tímiayi.

24:24b.ACT.024.024 Tura Nuyá Chíkich tsawantai ataksha Píriks ni nuwejai Tursirajai Támiayi. Núwenka Israer-shuarauyayi. Pírikska "Papru itiatarum" Tímiayi. Papru Jesukrístunun étserkui antimiayi.

24:25b.ACT.024.025 Tura Pápruka yajauchiniam wekasashtincha naka wekasatniuncha, tura ukunam Yus Tunáa aentsnaka Asutiátniuiti takui Piríkska ashamak Tímiayi "Antsu yamaikia Máakete. Tura ataksha wi ankant pujakun untsukmijiam" Tímiayi.

24:26b.ACT.024.026 Tura, ankant ajastaj tusa Papru Kuítian akirkashtimpiash, tu Enentáimias, Píriks tuke Untsúu wémiayi, chichastai tusa.

24:27b.ACT.024.027 Tura nuyanka Jimiará Uwí nankaamasmatai Píriks akupin Náamkamu ajapnamiayi. Tura Chíkich aents, ni naari Pursiu Jistu akupin Náamkamiayi. Tura Pírikska, Israer-aents pénker Enentáimtursarat tusa wakerak, Páprun sepunam tuke ikiukmiayi.

25

25:1b.ACT.025.001 Jístusha akupkatin takatan nankaamataj tusa Sesaria péprunam Támiayi. Tura Menaintiú tsawant nankaamasmatai Nuyá we Jerusarénnum jeamiayi.

25:2b.ACT.025.002 Nuisha Israer-patri uuntri tura Israer-aentsu penkerisha Páprun tsanumprurtai tusar Jístun weriarmiayi.

25:3b.ACT.025.003 Tura tiarmiayi "Waitneasam Páprusha Jerusarénnum akupkata" tiarmiayi. Jintiá maatai tusar wakeruiniak nuna tiarmiayi.

25:4b.ACT.025.004 Tutai Jistu Tímiayi "Atsá. Páprusha Sesaria péprunam sepunam enkeamu pujawai. Tura wikia nui Wárik waketkittiajai" Tímiayi.

25:5b.ACT.025.005 Nuyá niin Tímiayi "Atumsha penkeri árumna nu, wijiai Sesarianam wétiniaitrume. Tura Nú aishmanka tunaari ákuinkia nuisha Títiniaitrume" Tímiayi.

25:6b.ACT.025.006 Jístuka Jerusarénnum ishichik tsawant pujusmiayi. Kame uchu tsawant tura tias tsawantcha pujuschiawash. Nuyá ataksha Sesarianam waketkimiayi. Tura nui Jeá kashin tsawar, akupin pujutainium pujus "Papru itiatarum" Tímiayi.

25:7b.ACT.025.007 Tura Papru wayamtai, Israer-aents Jerusarénnumia taarmia nu Káunkarmiayi. Túrawar ti nukap chichainiak "Tunáa Túraiti Pápruka" tu tiarmiayi. Túrasha penké uyumamtikiacharmiayi.

25:8b.ACT.025.008 Pápruka chichamprumak Tímiayi "Wisha tunaan penké Túrachuitjai. Israera uuntri aarmarincha umirkaruitjai. Tura Yusa Uunt Jeencha yajauch awajsachuitjai. Tura uunt Kapitiánniasha yajauch penké chicharkachuitjai" Tímiayi.

25:9b.ACT.025.009 Jístuka Israer-aents pénker Enentáimtursarat tusa wakerak, Páprun Tímiayi "Wakerakminkia Jerusarénnum Wemí. Wisha nui ame Túramurmin nekaatjai" Tímiayi.

25:10b.ACT.025.010 Tutai Papru Tímiayi "Amesha paant nékame, Israer-aentsnum tunaan penké Túrachjai. Tuma asamtai Rúmanmaya uunt akupniun wisha winia Túramurun ujaktiniaitjai, nekartuati tusan.

25:11b.ACT.025.011 Wisha jakamnia Tímianu Tunáa Túranka, Jákatniuncha ashamatsjai. Tura antsu turutainia nu nekaschaitkiuinkia Wíniaka Israer-shuarnum surunkachminiaitjai tajai. Tuma asamtai seajme, Wíi Túramun uunt akupin Sésar nekartuati" Tímiayi.

25:12b.ACT.025.012 Tutai, Nuyá ni írutramurijiai chichasua amik, Jistu Páprun Tímiayi "Uunt akupniui wétaj tusam seame. Tuma asamtai nui wétatme" Tímiayi.

25:13b.ACT.025.013 Tura ishichik tsawant nankaamasmatai akupin Akripia ni nuwejai Pirinísejai Jístun áujsataj tusa Sesarianam wearmiayi.

25:14b.ACT.025.014 Tura untsuri tsawant pujusarmiayi. Tura nui pujuiniai Jístuka Papru Túrunamun akupniun ujaak Tímiayi "Jui aishman pujawai. Píriks niin achik enkea ikiukmiayi, Tímiayi.

25:15b.ACT.025.015 Kame wikia Jerusarénnum Pujái Israer-patri uuntri tura Israer-aentsu uuntrisha, Papru yajauchin Túraiti tusar Káutrukarmiayi, Tímiayi. Mantamnati tusam akupkata, tu seattiarmiayi.

25:16b.ACT.025.016 Takui wi Tímiajai "Iisha Rúmanmaya aentstikia Chícham nékatsuk, mantamnati tusar akupeatsji. Tsanumpruinia nu, emka Táartin ainiawai. Tura Nuyá chichamprumatsain mantamnati tusar akupeatsji iisha" Tímiajai.

25:17b.ACT.025.017 Tiniu asan, Táarmatai, wikia Nákatsuk kashin tsawaran akupin pujutainium pujusan, Papru itiatarum tusan akupkamjai.

25:18b.ACT.025.018 Tura Páprun tsanumprurtai tusar taar chichainiaksha, wi Enentáimmiajna Núnaka Tícharmiayi.

25:19b.ACT.025.019 Antsu áyatik Yus umirkar Túmatairin Papru nuna Túrachai, tiarmiayi. Tura nuyasha aishman Jesus naartin nantaki iwiaakui tawai Pápruka, tiarmiayi. Nunak tiarmiayi.

25:20b.ACT.025.020 Tura wikia Nú chichaman Túratniun nékachu asan, Páprun aniasmajai "ṡAmesha Jerusarénnum wétaj tusam wakeramek? Nui nu chichaman nekartamawarti" Tímiajai.

25:21b.ACT.025.021 Túrasha "Atsá. Juin pujustajai. Rúmanmaya uunt akupin Akustu Sésar nekartuati" Tímiayi Papru. Takui, "nuinkia tuke sepunam Pujustá. Tura wi ukunam uunt akupniun akuptuktatjame" Tímiajai" Tímiayi Jistu.

25:22b.ACT.025.022 Nuyá Akripia chichaak "Wisha itiursanak nu aishman chichaamun anturkaj" Tímiayi. Tutai Jistu Tímiayi "Amesha kashinkia anturkattame".

25:23b.ACT.025.023 Tura kashin tsawar Akripia Pirinísejai taar, iwiaa-iwiarmamu ajas wayawarmiayi. Suntara uuntrijiai tura Nú péprunmaya uuntrijiai wayawarmiayi. Tura nui Jistu, "Papru itiatarum" Tímiayi.

25:24b.ACT.025.024 Tura Papru Támatai Jistu Tímiayi "Uunt Akripia, tura Ashí aentstiram matsatrumna nu, pai, ju aishman iistarum. Ti Untsurí Israer-aents Jerusarénnumsha tura jui Sesarianmasha ju aishmankan Páprun kajerainiak yajauch chichartuiniawai. Tura tuke iniaitsuk, mantamnatniuiti, turutainiawai.

25:25b.ACT.025.025 Túrasha Wíjiainkia Tunáa jakamnianka Túrachuiti. Kame niisha "uunt akupin Akustu Sésar nekartuati" takui, wisha niin akupkataj tusan wakerajai.

25:26b.ACT.025.026 Tura wariniak uunt akupniun aatrataj nuna nékachu asan, Páprun atumin itiarjarme. Tura nekaska, Akripia, ame iniasta tusan itiarjame. Túrawakmin wi wariniak aartaj nuna nekaatjai.

25:27b.ACT.025.027 Warí wisha, ni yajauch Túramurin aattsuk, uunt akupniunam akupkashtiniaitjai" Tímiayi.

26

26:1b.ACT.026.001 Jistu nuna tutai Akripia Páprun Tímiayi "Wats, amesha tu timi chichamprumakta" Tímiayi. Tutai Papru uweje Takuí chichatan juarmiayi.

26:3b.ACT.026.003 Chichaak Tímiayi "Uunt Akripia, ii Israer-shuarti Túrutai ainia nu amesha nékame. Tura Ashí ii chicharnaiyajnia nusha nékame. Tuma asamtai Yamái wisha ámin chichamprumaktaj tau asan shiir Enentáimjai. Israer-aents turutainia nuna mash ujaktatjame. Waitneasam pénker anturtukta' Tímiayi.

26:4b.ACT.026.004 `Wi úchichik winia nunkarui tura Jerusarénnumsha pujusan wi Túramajna nuna Ashí Wíi aents Israer ainia nu nékainiawai.

26:5b.ACT.026.005 Pariséu ajasan, ni akupeamurin itiurchat ain Ashí takamtsuk tuke umirniuitjai. Nunasha nékainiawai tura wakeruiniakka etserkamnia aintui.

26:6b.ACT.026.006 Túrasha wikia, jakamunmaya nantaktin átatui, tiniu asamtai Wíniaka emetruawar itiariarmiayi. Túrasha Núnaka Yuska ii uuntrin yaunchu Tímiayi. Yus Tímia nuna Túrunattawai wisha tiniu asamtai itiariarmiayi, Tímiayi.

26:7b.ACT.026.007 Tura Ashí mash Israer-shuarti, tuse (12) aents matsatka ájinia nu, ju nantaktin chichaman Yus Tímia nuna Túrunati tusar Nákainiaji. Tuma asar Yus áujkur~i, tsawaisha Káshisha Nú Enentáimtuiniaji. Tura wisha Nú chichamnak Enentáimta asamtai Wíniaka kajertuiniawai, uunt Akripia.

26:8b.ACT.026.008 Warí, atumsha "Yus jakancha iniantkimniaiti" Tátsurmek' Tímiayi.

26:9b.ACT.026.009 `Tura wisha Yáunchuka Nasarétnumia Jesusnan umirkaruka kajerkatniuiti, tu Enentáimniuyajai.

26:10b.ACT.026.010 Tura Jerusarénnum Yus-shuar ármia nuna kajerkarmiajai. Israer-patri uuntri chichamejai Untsurí aentsun Jesusnan umirkarmia nuna sepunam enkeamiajai. Tura Nú shuaran Máiniakuisha wikia pénkeraiti tu wémiajai.

26:11b.ACT.026.011 Tura Israer-shuara iruntai jeen wayan ti Asutiármiajai, Jesusnan umirkatniun iniaisarat tusan. Tura Imiá kajerkaran Chíkich nunkanmasha pataatu wearmiajai achiktaj tusan' Tímiayi.

26:12b.ACT.026.012 `Tura Israer-patri uuntri tsankatrukmatai, papin ni surusarmia nujai, Tamasku péprunam wétaj tusan Jíinkimiajai.

26:13b.ACT.026.013 Tura, uunta, nantu tutupin ai, Jintiá wéai newaat ajaki ti Tsáapin, Tsawái nantujai nankaamas etsantrutramiayi. Tura wijiai wearmia nunasha Núnisaran etsantrurarmiayi.

26:14b.ACT.026.014 Tura Túrunamtai Ashí Nunká tepetar Wáinkiarmiaji. Wiki Israer-chichamjai Túrutun antukmajai "Sauru, Sauru, ṡurukamtai Imiá pataaturam? Amek Enentáimin yajauch awajmamsame, Wáaka sankanmiak numin ijiuma Núnismek. Wíi aents kajera asam Túruname" turutmai.'

26:15b.ACT.026.015 `Túrutkui wisha "ṡAmesha Yáitiam, Uunta?" Tímiajai. Tutai Uunt turutmai "Wisha Jesusaitjai, ame pataatamna Núitjai.

26:16b.ACT.026.016 Tura nantakim wajaktia. Winia takartusminiam tusan wantintiukjame. Tura ame Wáinkiamna nusha etserkattame. Tura ukunam wantintiuktatjame. Wáinkiatamna nusha etserkamnium, turutmai.

26:17b.ACT.026.017 Tura nuyasha turutmai, Wats yamaisha Israer-shuarchanum akupkatjame. Tura Israer-shuar kajertamainiakuisha, tura Chíkich aents kajertamainiakuisha ayampruktatjame, turutmai.

26:18b.ACT.026.018 Pénker jintintiata tusan akupeajme. Kame aencha kiritniumia Jíinkiar Tsáapninium wekasarat tusan, tura iwianchin umirtsuk Yúsan umirkarat tusan akupeajme. Tura Winia Enentáimtursarmatai Wisha ni tunaarin tsankurattajai. Nuna Túran Yusna ajasaru ainiana nujai apujsattajai." Nuna Jesus turutmai' Tímiayi.

26:19b.ACT.026.019 `Tuma asamtai, uunt Akripia, Uunt Jesus nayaimpinmaya wantintiurak turutmia nuna umirkataj tusan pujajai.

26:20b.ACT.026.020 Enentai Yapajiáwar Yus-shuar ajastinian, emka Tamaskunam pujuarmia nuna ujakarmiajai. Tura nuyasha Jerusarénnumian, Jutía nunkanmayancha tura Nútiksanak Israer-shuarchancha nuna ujakarmiajai. Tura ujainiakun "Yus-shuar ajasmarum paant ajasat tusarum, pénker Túratarum" Tímiajai Ashí shuaran.

26:21b.ACT.026.021 Tura wi Yusa Uunt Jeen Pujái, Israer-shuar achirkar emetruawar Mántuatai Tukamá tujintrukarmiayi, Yus winia yaintiu asamtai.

26:22b.ACT.026.022 Yus winia yaintiu asamtai, iniaitsuk tuke Yus-Chichaman ujainiajai. Uunt ainia nunasha, tura péejchach ainia nunasha ujainiajai. Tura Muisaissha, Yúsnan etserniusha tiarmia nunak étsereajai. Nú arantka Tátsujai.

26:23b.ACT.026.023 Krístuka Wáitsatniuyayi, tura jakasha émak nantaktiniuyayi, ii uuntri tiniu ármiayi. Tura Krístuka nantaki Yusa chichamen ii aentsun tura Israer-shuarchancha Nútiksan ujaktiniuyayi. Nuna tu tiarmiayi. Tura Núnaka wisha tu ujainiajai" Tímiayi Papru.

26:24b.ACT.026.024 Tura nuna takui Jistu kakantar Tímiayi "Maaj, Papru, Wáurme. Imiá unuimiatu asam Wáurkame" Tímiayi.

26:25b.ACT.026.025 Tutai Papru Tímiayi "Atsá uunt Jistu, Wáurtsujai. Antsu wi Tájana nuka ti nekasaiti.

26:26b.ACT.026.026 Wi Tájana nuna, uunt Akripia jui pujana nuka nékawai. Tuma asamtai arantutsuk niin chichareajai. Kame ju Túrunamu ti paant asamtai niisha nékawai, tajai" Tímiayi.

26:27b.ACT.026.027 Nuyá Akripian chicharuk "Yaunchu Yúsnan etserin aarmari, nekasapitia Tátsumek, uunt Akripia. Wikia nékajme. Nekasaiti, tame" Tímiayi.

26:28b.ACT.026.028 Takui Akripia chichaak "Maaj, ishichik awajtame Papru, Yus-shuar ajastin" Tímiayi.

26:29b.ACT.026.029 Tutai Papru Tímiayi "Tura Ishichík chichamjaisha Untsurí chichamjaisha, amesha uunt Akripia, tura Ashí winia anturtukurmena nu, wijiai métek Ajasúk tusan wakerajai. Tura antsu wia Núnisan Jinkiámua Núnaka wakeratsjai" Tímiayi.

26:30b.ACT.026.030 Papru nuna tuasua amikmatai akupniusha, uunt Kapitiáncha, Pirinísesha, tura nui Ashí pujuarmia nu wajakiarmiayi.

26:31b.ACT.026.031 Tura arant wear, Túrunamun chichasarmiayi. Tura tiarmiayi "Ju aishman mantamnamnian tunaamkachuiti tura penkesha sepunmasha enkeachminiaiti" tiarmiayi.

26:32b.ACT.026.032 Tura Akripia Jístun Tímiayi "Ju aishman "uunt akupin nekarati" Tíchaitkuinkia akupmai makuitji" Tímiayi.

27

27:1b.ACT.027.001 Tura Páprun Ruma péprunam akupkatniun Enentáimsarmiayi. Rúmaka Tímiai, Itiaria nunkanam pujawai. Wisha Páprujai wémiajai. Pápruncha tura chikichnasha achikma ármia nunasha Akustunu tutai suntara Kapitiántrijiai nenakar akupkarmiayi. Nú Kapitiáni naari Júriuiti.

27:2b.ACT.027.002 Tura Atramitiunmaya kanu Asia nunkanam pepru ármia nui wétasa pujumia nu enkemprarmiaji. Tura Tisarúnikianmaya aishman, ni naari Aristárku, iin Páchitkiauyayi. Tisarúnikiasha Masetúnia nunkanmaiti.

27:3b.ACT.027.003 Nui enkemprar kashin tsawarar Sitiun péprunam jeamiaji. Nui jeawakrin Kapitián Juriu, Páprun waitnentak Tímiayi "Ame amikrumiin Wetá. Au iirmasarti" Tímiayi.

27:4b.ACT.027.004 Tura Sitiunnumia Jíinkir, kanujai wesar nase tukumpramprakrin Chipri Núnkaka menanmaani aa ikiukmiaji.

27:5b.ACT.027.005 Tura nayaantsanam wesar Sirisia tura Pampiria nunkanam ayamchik nankamakir Mira péprunam jeamiaji. Nuka Risia nunkanmaiti.

27:6b.ACT.027.006 Nui jear Nú kanu ikiukmiaji tura Chíkich kanu Arijiántrianmaya taa Itiaria nunkanam wétasa pujumiayi. Nú kanunam suntara Kapitiántri, enkempratarum, turammiaji.

27:7b.ACT.027.007 Tura Untsurí tsawant Yáitmataik we-wémiaji tura ti Wiántkar Nítiunam jeastatuk ajasmiaji. Tura nuisha nase tuke tukumkarta asamtai Sarmun nunkanam ayamchik nankaamakir, Kritia nunkanam áawinini ayamchik wémiaji.

27:8b.ACT.027.008 Tura Kritia nunkanam ayamchik wesar itiurchat akui Wáitsar wea-wéakuar "Shiir Pujutai" tutainium jeamiaji. Nusha Rasea péprunam Tíjiuchiiti.

27:9b.ACT.027.009 Yáitmataik wea asar ti Táasmaji. Tura yumi yututai jeatema asa ti Tsúumainiuyayi nayaantsanam wétin.

27:10b.ACT.027.010 Tura Papru chicharuk "Amikru antuktarum. Wi nékajai, Yamaí wéakrikia ti Tsúumainti. Kanusha tura Káarak kanunam enketainia nusha menkarattawai. Tura iisha Núnisrik kajinchatjiash" Tímiayi.

27:11b.ACT.027.011 Suntara Kapitiántrinkia Páprunka anturtsuk, Kanú wianniurin Kapitiántrincha tura Kanú Kapitiántrincha chichamen anturkarmiayi.

27:12b.ACT.027.012 Tura nui Shiir Pujutai tutainium yumitin pujustin pénkerchaitkui "Nuinkia juyanka wéartai. Pinise péprunam jeamainchuashit" Ashí tiarmiayi. Nú péprusha Kritia nunkanam nayaants ayamach pujawai. Nú péprunam yumitin pujustinian wakeriarmiayi, arakia nunkaani kakaram nase Nú péprunam jeachu asamtai.

27:13b.ACT.027.013 Tuma asamtai ukunam nase nunkaania Tápiriri ajakui, ii wétin yamaikia pénkeraiti, tu Enentáimsarmiayi. Túmakui kanu emetai jiru Júusar Jíinkir Krítianam ayamchik wearmiaji.

27:14b.ACT.027.014 Túrasha árusan arakia kakaram nase, Nuristi tuinia nu tukumpramiayi.

27:15b.ACT.027.015 Nase kanun tukumpra asamtai iisha atsantratin penké tujinkiamiaji. Túmakui, aankisha juramkitiai tusar iniaisamiaji.

27:16b.ACT.027.016 Tura Kritia nunkanam áawinini nankaamakur nuinkia nase ishichik mijiantmatai, uchich kanu japikir wémiaj nu ti takasar uunt kanunam enkermiaji.

27:17b.ACT.027.017 Tura enkerar chapikjai uunt kanun Jinkiárarmiayi wewe najanatai tusar. Tura Náikim mukutniunam, Serti tutainium nase juramkishtajiash tusar, kanunam Yakí tarach aan itiararmiayi. Nu tarach nase útsuktin tusar nenarma ármiayi. Túrawar áyatik nase juramkitiai, tiarmiayi.

27:18b.ACT.027.018 Tura kashin tsawarmatai nasesha Chíchimisha Tímiatrusan kakaram aa asamtai kanunmayan Káarak irunmia nuna nayaantsanam ajapawarmiayi.

27:19b.ACT.027.019 Menaintiú tsawant nankaamasmatai iisha ii uwejéjain kanunam Kárak iruniarmia nusha Entsá utsankarmiaji.

27:20b.ACT.027.020 Tura Untsurí tsawant tsawaisha etsantrachmiayi tura Káshisha yaasha tsaparcharmiayi. Tura nasesha ti kakantar tukumpramkurin "Yamaikia uwempratin atsawai" tiarmiaji.

27:21b.ACT.027.021 Tura iisha ti Untsurí tsawant yurumtsuk matsatu asakrin, Papru ajapén wajaki Tímiayi "Amikru winia nuik Krítianmayanka Jíintsuk anturtukuitkiurminkia Yamái ju itiurchatnum pujutsuk tura emenkatmatsuk pujuaaji' Tímiayi.'

27:24b.ACT.027.024 `Yamái kashi winia Yusru suntari nayaimpinmaya wantintiurkayi. Nú Yúsan umirkaitjiana nu akupturkayi. Tura nu taruti "Ashamkaipia Papru, turutui. Amesha Ruma péprunam uunt akupniunam jeattame. Tura chikichnasha ámijiai kanunam enketainia ásarmatai uwempratniun Yus tsankatkarai" turutui. Tuma asamtai, amikru, shiir Enentáimsatarum. Atumsha mash uwemprattarme. Túrasha Kánuka mesertatui.

27:25b.ACT.027.025 Wisha winia Yúsrun nekas Enentáimtajai. Yusa suntari turutainia nuna nekas tu Túrunattawai, tajai. Tuma asamtai kakartarum.

27:26b.ACT.027.026 Tura Chíchimisha nunka uchich Pújakmanum nui patatmittiaji" Tímiayi.

27:27b.ACT.027.027 Ayu, katurse (14) tsawant nankaamasmatai Nú kashi Atria nayaantsanam jeamiaji. Nui nase Nánkamas juram wémiaji. Nuyanka kashi ajapén wiantin armia nu nunka ámunam jeateman nekaawarmiayi.

27:28b.ACT.027.028 Tura Urutmá Kúnakit tusa nekapmamiayi. Túram Tráinta sais (36) Mítruuyayi. Nuyasha ékemsan ataksha nekapmamiayi. Nuinkia painti siati (27) Mítru nekapmamiayi. Tuma asa Nunká anumsatuk ajasun nekaawarmiayi.

27:29b.ACT.027.029 Tura kayanam ijiukai tusar ashamainiak kuatru jirun kijinian chapikjai Kanú senkarin Jinkiáwar Entsá ajunkarmiayi. Kijin asamtai, init Tepeámtai nase juramkichmi tusar Túrawarmiayi. Tura wake mesekar, tsawarti tusar matsamarmiayi.

27:30b.ACT.027.030 Tura matsatainiai wiantin armia nu, iikia uchich kanunam enkemprar pisarchatjiash tu Enentáimsarmiayi. Túmainiak Kanú nujinia Chíkich jirun ajuntai tawa Nútiksaran uchich kanun ajuntai tusar pujuarmiayi.

27:31b.ACT.027.031 Tura tuma Wáiniak Papru suntara Kapitiántrin tura ni suntarincha ujakmiayi. "Ausha uunt kanunman enketainiachkuinkia atumsha uwemprashtatrume" Tímiayi.

27:32b.ACT.027.032 Tutai suntarsha uchich Kanú chapikrin tsupirkar Entsá ajunkarmiayi.

27:33b.ACT.027.033 Tura kashin Káshik Papru Ikiakártasa wakerak Tímiayi "Ishichkisha Yurumátarum. Atumsha katurse (14) tsawant Kánutsuk yurumtsuk pujarme.

27:34b.ACT.027.034 Seajrume, ishichkisha Yurumárum kakaram ajastarum, uwemprataj tusarum. Iimiata, nekaatarum, imiatkisha Túmatsuk péemkattarme" Tímiayi.

27:35b.ACT.027.035 Nuna tuasua amik Papru apatkun achik Yúsan yuminsamiayi Ashí iimmianuman. Tura puuk yuamiayi.

27:36b.ACT.027.036 Tura apatkun yuan Wáinkiar, Ashí aents shiir Enentáimsar Yurumáwarmiayi.

27:37b.ACT.027.037 Nusha Ashí aents irurmaka Jimiará Sián Nuyá ataksha setenta sais (276) ármiayi.

27:38b.ACT.027.038 Yurumáwar ejemakar, yurumkanka Entsá utsankarmiayi, uunt kanu Wampú ajasat tusar.

27:39b.ACT.027.039 Tura tsawarmatai wiantin armia nu, nunkan nekaacharmiayi. Túrasha énkentamunam Káanmatak aan Wáinkiar "Ai kanu anuntai" tiarmiayi.

27:40b.ACT.027.040 Nuyá jiru Entsá ajunman chapikrin tsupirkar Entsá ikiukiarmiayi. Tura kanait Jinkiárma ármia nuna chapikrin tsupirkarmiayi. Tura tarach Kanú nujiin amia nuna nenakarmiayi. Túram kanu Káanmatkanam anumsatuk ajasmiayi.

27:41b.ACT.027.041 Tura wainchi Jímiar ámunam Jeá kanu Entsá Wayá tepeamiayi. Tura Kanú senkarinkia Chíchimi Yakí takuir Ajíamu asa kupintramiayi.

27:42b.ACT.027.042 Suntarsha, achik Júamu armia Nú shuaran Máataj tusa wakeriarmiayi, yukuak pisararain tusar.

27:43b.ACT.027.043 Tura Kapitiáncha Páprun uwemtikrataj tau asa nuna Túratniun tsankatkachmiayi. Antsu chichaak "Emka yukuaktin nékarmena nu yukuakrum péemkatarum, Tímiayi.

27:44b.ACT.027.044 Nuyá Chíkichkia kanunmaya numi, kame Nánkamas numi achikrum awamkarum péemkatarum" Tímiayi. Tu Túrawar Ashí iwiaakuk Jíintrarmiayi.

28

28:1b.ACT.028.001 Tura Ashí iwiaakuk Jíintrar, nu nunka Marta naartin nekaamiaji.

28:2b.ACT.028.002 Tura nui matsamin armia nu, shiir awajtamsarmiaji. Tuma asamtai iisha tsetsema asakrin, tura yumisha Yútakui, uunt jinia Ikiapárarmiayi. Tura "anamaitiarum" turammaji.

28:3b.ACT.028.003 Pápruka jinia kukarun ikiaanak jinium pataamiayi. Túmawai napi tsuéran ashamak jiinki, Papru uwején nemaramiayi.

28:4b.ACT.028.004 Tura Nú nunkanmaya aents, Papru uwején napi nemaran Wáinkiar "Ju aishmansha Shuáran maichuashit, tiarmiayi. Nayaantsanmaya uwempraitiatan ni yusri iwiaaku átinian suritiawai" tiarmiayi.

28:5b.ACT.028.005 Páprusha ni uwején pear napin jinium awanmiayi. Tura penkesha yajauch ajaschamiayi.

28:6b.ACT.028.006 Tura niisha Eárchatpiash tusar ii pujuarmiayi. "Túmatskesha jaka inianchatpiash" tiarmiayi. Túrasha ti Núkap pujussha penké najaweachmiayi. Túrunamtai, nuinkia Nusháa Enentáimprar "Pápruka Yúschashit" tiarmiayi.

28:7b.ACT.028.007 Nú nunkanam aentsu penkeri ámiayi ni naari Pupriu. Nú Pupriu ni jeen iin itiaarmamiaji. Tura Menaintiú tsawant yurumkancha suramsarmiaji.

28:8b.ACT.028.008 Tura nui pujarin Pupriu apari tsuer, numpajai ijiarki Jáamiayi. Túmakui Papru Werí iyumiayi. Tura Yúsan áujtus amik uwején niin awantkamiayi. Túram pénker ajasmiayi.

28:9b.ACT.028.009 Nu Túramun nekaawar, Nú nunkanmaya aents jaa armia nu tariar, niisha pénker ajasarmiayi.

28:10b.ACT.028.010 Túram incha ti shiir Enentáimturmasar Núkap ajampramsamiaji. Túram ukunam ii wétin jeamtai Ashí ii atsumamun suramsarmiaji.

28:11b.ACT.028.011 Ii wétsuk Nú nunkanam Menaintiú nantu pujusmiaji. Tura Nuyá Chíkich kanunam enkempramiaji. Nu kanusha Arijiántrianmaya yaunchu tau Menaintiú nantu yumi Yútakui nui pujumiayi. Nú kanu nujiin numi-yus najankamu Jímiar ekemiarmiayi, ni Náarinkia Kástur tura Púruks.

28:12b.ACT.028.012 Iisha nui enkemprar weri Serakúsa péprunam jeamiaji. Nui Menaintiú tsawant pujusarmiaji.

28:13b.ACT.028.013 Tura Jíinkir nuyanka nayaantsa ayamach weri Rijiu péprunam jeamiaji. Nui kanarmiaji. Tura kashin anaria nase suut umpuunti Támiayi. Tuma asamtai Nú kashinkia Putiuri péprunam jeamiaji.

28:14b.ACT.028.014 Nui jeawakrin Yus-shuar pujuarmia nu, ni jeen juramkimiaji. Tuma asamtai nuin Chikichkí tumin pujusmiaji. Tura nuyanka nunkan Rúmanmaani wémiaji.

28:15b.ACT.028.015 Tura Rúmanmaya Yus-shuar, ii jeatniurin neka ásar Jintiá inkiunmaktai tusar winiarmiayi. Chíkichkia Apiu pepru Támanum Táarmiayi, tura Chíkichkia, Menaintiu Jea tutainium Táarmiayi. Nuna Káunkan Wáiniak Papru shiir Enentáimias Yúsan yuminsamiayi.

28:16b.ACT.028.016 Tura ii Rúmanam jeawakrin Kapitián Juriu achikia yarumman Rúmanmaya uunt Kapitiánin ejetimiayi. Túrasha, Pápruka jea ikiamas Niisháa Pujustí, tiarmiayi. Tura Páprun iisat tusa Chikichík suntarnak ni jeen apujtusarmiayi.

28:17b.ACT.028.017 Nuyá Menaintiú tsawant nankaamasmatai Pápruka Rúmanmaya Israer-aentsu penkerin untsuk ikiaanak "Yatsurtiram antuktarum. Wisha Israer-aentsun yajauchin penké Túrachmiajai. Tura ii uuntri akupkarmia nunasha yajauch chicharkachmiajai. Tuma ain Jerusarénnum winia achirkar Rúmanmaya aentsnum surutkarmiayi.

28:18b.ACT.028.018 Tura nu aencha winia anintsar, akupkatai, turutiarmiayi, wisha penké yajauchin, mantamnamnia Tímianu Túrachu asamtai.

28:19b.ACT.028.019 Túrasha Israer-shuarka "Atsá, akupkairap" turutiarmiayi. Nu tuma asamtai, "antsu uunt akupin nekarati" Tímiajai. Wikia Wíi shuara tunaarin Kapitiánin ujaktinian Táchaitjai.

28:20b.ACT.028.020 Tuma asamtai, yatsurtirmin, atumin untsukjarme chichastaj tusan. Yusa anaikiamuri, Israer-shuarti Nákajnia nu Táwiti wi tu étserkui, jui achikiar Jinkiámu pujajai" Tímiayi Papru.

28:21b.ACT.028.021 Tutai niisha tiarmiayi "Iisha Jutía nunkanmaya aentsti, ame yajauch Túramu Papí penké Wáinkiachuitji. Tura ii shuar Nuyá Táarainia nusha "au yajauch Túraiti" tu ujatmakcharmaji.

28:22b.ACT.028.022 Túrasha Ashí nunkanam yamaram chichaman jintinian yajauch chicharainiawai tama antukji. Tuma asamtai amesha nu warintia Enentáimtam nekaatai tusar wakeraji" tiarmiayi.

28:23b.ACT.028.023 Nú tsawantai iruntrami tiarmia Nú tsawant jeamtai, ti untsuri aents Papru pujamunam iruntrarmiayi. Papru jintintiainiak Muisais yaunchu aar akupkamia nujai tura Chíkich Yúsnan etserniu aarmarijiaisha, Jesus nekas Yusa Anaikiamurinti tusa paant jintintiawarmiayi. Nuna tura Káshik nankaama Yus akupeamunam pachiinkiatniun étse-étserkua kiarai iniaisamiayi.

28:24b.ACT.028.024 Tura Papru Táman antukarmia nu, Chíkichkia, nekasaiti tusar umikiarmiayi. Tura antsu Chíkichkia, nekaschaiti tusar umikcharmiayi.

28:25b.ACT.028.025 Chikichkí enentaik~i Enentáimsatin Atsá asamtai, jiinki weartasa pujuarmiayi. Túmainiakui Papru chichaak "Nékasen Yusa Wakaní yaunchu Yúsnan etserniu, Isayas naartin aarmarijiai ii uuntrin chicharuk juna Tímiayi:

28:26b.ACT.028.026 "Ame weme au aents ju titia: "Antutka ántakrumsha nekaashtatrume, Iitkia iyakrumsha Wáinkiashtatrume.

28:27b.ACT.028.027 Warí, au shuara Enentái katsuarai; Kuishijiai ántaksha ántichua Núnin ainiawai, Jiisha epetkamua aanin ainiawai, Iyaksha Wáinkiain tusa, ántaksha antukain tusa Enentáimkiusha nekaawain tusa, Winí uwemprain tusa, tura Winí tsuamarain tusa Túrunayi". Nuní aarmaiti.

28:28b.ACT.028.028 Tuma asamtai, nekaatarum. Yamaikia Yusai uwempratin ana nuna Israer-shuarsha susamuiti. Tura ninkia nekas umikiartatui" Tímiayi.

28:29b.ACT.028.029 Tura Papru nuna ti iniaisamtai Israer-shuar nuamtak Núkap chicharnaiyasua wearmiayi.

28:30b.ACT.028.030 Tura Pápruka nuin jea ikiamsamunam Jimiará Uwí pujusmiayi. Tura Ashí aents niin iyutaj tusa wearmia nuna ni jeen itiaamiayi.

28:31b.ACT.028.031 Tuma asamtai Papru arantutsuk urukuk Yus akupeamunam ati, Uunt Jesukrístu Túramurincha Ashí etserkamiayi. Nútiksan etserkatniuncha Páprun penké suritkiacharmiayi.