John (Shuar)

1

1:1b.JOH.001.001 Ashí nankamamia Nú yaunchu Yusa Uchirí tuke pujuyayi. Niisha Yúsan ti paant awajeakui, Chícham Tíminiaiti. Chichamsha Yusjai pujuyayi. Chichamsha Yúsauyayi.

1:2b.JOH.001.002 Yámankamtaik Niisha pujuyayi Yusjai.

1:3b.JOH.001.003 Ashí najanamu ainia nu Niijiai najanamuiti. Nii najanachmaka penké atsawai.

1:4b.JOH.001.004 Niisha iwiaaku átinia nérenniuti. Nu iwiaaku atincha Tsáapninia ainis Yusna ana nuna Ashí shuaran paant nekamtikiamniaiti.

1:5b.JOH.001.005 Nu Tsáapnin kiritniunam Tsáapniawai. Tura kiritniusha Tsáapninian ikiajniaktinian tujinkiaiti.

1:6b.JOH.001.006 Aishman ámiayi, Yus akupkamu, ni naari Juan.

1:7b.JOH.001.007 Niisha Tsáapnin chichaman etserkatajtsa Támiayi. Nuna étseruk Ashí umirkarat tusa Támiayi.

1:8b.JOH.001.008 Juansha nu Tsáapninchauyayi. Ayatik akupkamuyayi Tsáapnin chichaman etserkat tusa.

1:9b.JOH.001.009 Nu Tsáapninkia nekas tsaapniniaiti. Ju nunkanam taa Ashí shuaran Enentáin Tsáapniartiniaiti.

1:10b.JOH.001.010 Chichamsha taramiayi ju nunkanam. Tura nunkasha ni najanamu ain, nunkaya aents Niin nekaacharmiayi.

1:11b.JOH.001.011 Támiayi ni nunkén tura ni shuarsha ni Enentáin itiaacharmiayi.

1:12b.JOH.001.012 Tuma ain Chíkich shuar Niin Enentáimtuiniak ni Enentáin itiaawarua nuna Yusa Uchirí ajastinian Yus tsankatkamiayi.

1:13b.JOH.001.013 Niisha Yusa Uchirí ajasar ataksha Númpentin Ayashímkiacharmai. Aentsnúmia akiiniachu ainiawai niisha. Aishman wakeramujaisha akiiniacharmai. Antsu Yúsnumia akiiniawaru ásar Yusa Uchirí ainiawai.

1:14b.JOH.001.014 Nú Chichamsha ayashtin ajas iijiai Núkap tsawant pujumiayi. Yusa anenkratairijiai piakuyi. Aya nekasa nunak chichaamiayi. Núnisan ni pénkerin, aya Yusa Uchiri chikichkia nu takusminia nuna iniakmamiayi. Nusha iisha paant Wáinkiaitji.

1:15b.JOH.001.015 Juansha Niin neka asa, étseruk Tímiayi "Júiti wi Tímiaj nu: "Winia ukuruini winittiana nu Wíjiainkia émkaiti. Maa, wi atsaisha tuke pujuyayi" tiniujai." Tu etserkamiayi.

1:16b.JOH.001.016 Chichamsha ti anenkartin asa Ashí pénker ana nuna iniaitsuk Súramji.

1:17b.JOH.001.017 Yusa akupeamurin Muisais yaunchu jintintraiti, antsu aneatniuncha tura Ashí nekas ana nunasha Jesukrístu jintintraiti.

1:18b.JOH.001.018 Chikichkisha Yúsan penké Wáinkiachuiti. Tura ni Uchirí chikichkia nu tuke Niijiai Tsaníaku asa Yúsan paant awajturmasuitji.

1:19b.JOH.001.019 Jerusarénnumia Israer-shuar ni Pátririncha Riwí-shuarjai Juankai akupkarmiayi Yákit tusar.

1:20b.JOH.001.020 Inintruiniakui paant ujakmiayi. "Wikia Krístuchuitjai" Tímiayi.

1:21b.JOH.001.021 Takui ataksha aniasarmiayi "ṡNuikia Yáitiam. Yúsnan etserin yaunchu amia Nú Eríaskaitiam?" tiarmiayi. Juansha "Atsá, Núchaitjai" Tímiayi. Nuyá ataksha aniasarmiayi "Nuikia ṡYúsnan etserin Tátinia Núkáitiam?" tiarmiayi. Niisha "Atsá" Tímiayi.

1:22b.JOH.001.022 Takui "ṡNu arantcha Yáitiam. Iin akuptamkajnia nusha Warí Títiataj~i. Warintia Enentáimiam?" tiarmiayi.

1:23b.JOH.001.023 Juansha Tímiayi "Yúsnan etserin Isayas yaunchu timia Núitjai. Niisha aarmiayi "Aents atsamu nunkanam shuar untsumui "Ii uuntri Jintí naka awajsatarum," tu untsumui." Núnaka Isayas aaruiti. Tura wikia untsumna Nú shuaraitjai" Tímiayi.

1:24b.JOH.001.024 Juanjai chichainiakka Pariséu akupkarma ármiayi.

1:25b.JOH.001.025 Niisha tiarmiayi "Nuikia Krístuchuitiatmesha, Eríaschaitiatmesha, Yúsnan etserin Tátinia Núchaitiatmesha ṡurukamtai imiakratam?" tiarmiayi.

1:26b.JOH.001.026 Juansha Tímiayi "Wikia entsajain imiakratjai. Tura átum írutramunam shuar átum nékatsrumna nu wajaawai.

1:27b.JOH.001.027 Niisha winia ukuruini winiayat Wíjiainkia ti nankaamantuiti. Nii ti pénker asamtai wisha ni sapatri jinkiamurincha atitrachminiaitjai" Tímiayi.

1:28b.JOH.001.028 Nuka Petapara peprunam Túrunamiayi. Petaparasha Juan imiakratmia nui Jurtan entsa amain amai.

1:29b.JOH.001.029 Nuyá kashin Juan Jesusan winian Wáiniak Tímiayi "Iistarum. Núiti Yusa Murikri Ashí aentsu tunaarin Júana nu.

1:30b.JOH.001.030 Núiti wi timiaj nu, "Winia ukurui winiana nu Wíjiainkia nankaamantuiti. Tura wi atsaisha tuke pujuyayi" Tímiajai.

1:31b.JOH.001.031 Wisha Niin nekaachmajai. Tura Ashí Israer-shuar Niin nekaawarat tusan imiakin Támajai" Tímiayi.

1:32b.JOH.001.032 Nuyá Tímiayi "Yusa Wakanin Yámpitsa Núnin nayaimpinmayan Táarun Wáinkiámjai. Tura ekemsamai.

1:33b.JOH.001.033 Nu Túruntsain tuke Niin nekaachmajai. Tura Yuska winia imiakrattinian akuptak turutmiai "Chikichik shuarnum Yusa Wakaní tara ekemsa Wáinkiam, nujai nekaattame. Yusa Pénker Wakaníjiai imiakratniua Núiti" Túrutmiayi. Tura nujai Niin nekaamjai.

1:34b.JOH.001.034 Yamaikia wainkia asan ti paant nékajai Tí nekas Yusa Uchirínti" Tímiayi Juan.

1:35b.JOH.001.035 Kashincha ataksha Juan nui wajasmiayi ni unuiniamuri Jímiarjai.

1:36b.JOH.001.036 Jesussha nui nankaamakui Juan Tímiayi "Iistarum, Yusa Murikrí áuwiti."

1:37b.JOH.001.037 Juanka unuiniamuri nuna antukar mai Jesusan pataatukarmiayi.

1:38b.JOH.001.038 Jesussha úkumur iimias nu Jímiaran wininian Wáinkiámiayi. Tura Tímiayi "ṡYa earum?" Niisha "Uuntá, ṡtui pujam?" tiarmiayi.

1:39b.JOH.001.039 Jesussha Tímiayi "Wats, iitiarum." Niisha wear ni pujutairin Wáinkiarmiayi. Tura Aankú ajasmatai nu tsawantai nui kintiamprarmiayi.

1:40b.JOH.001.040 Juanka chichamen antukar Jesusan pataatukaruka Jímiar ármiayi. Chikichik Antresauyayi. Niisha Semun Pitru yachiiyayi.

1:41b.JOH.001.041 Antressha Wárik ni yachi Semunkan eaktajtsa wémiayi. Tura Wáiniak "Misías Wáinkiaji" Tímiayi. Misíaska ni chichamen "Kristu" tawai. Krístuka Israer-shuaran yainkiarat tusa Yus anaikiamuiti.

1:42b.JOH.001.042 Nuyá Antres ni yachi Semunkan Jesus pujamunam jukimiayi. Jesussha Wáiniak Tímiayi "Ametme Semun, Junasa Uchirí. Túrasha Sépas átatme." Sépaska Israer-shuar chichamnum kaya tawai. Tura Kriaku chichamnum nuka Pítruiti.

1:43b.JOH.001.043 Kashincha Jesus Kariréa nunkanam wétajtsa pujumiayi. Tura Jiripin Wáiniak "Nemartusta" Tímiayi.

1:44b.JOH.001.044 Jiripisha Petsaitia péprunmayauyayi. Antressha Pítrusha nu péprunmayauyayi.

1:45b.JOH.001.045 Nuyá Jiripi Natanaéran eakmiayi. Tura Wáiniak Tímiayi "Muisais Yus akupkamu papinium "Anaikiamu Tátatui" tu aarchamkia. Yaunchu Yúsnan etserniusha ujakcharmakia. Nu shuar Wáinkiaji. Jesusaiti, Jusé Uchirí. Nasarét péprunmayaiti."

1:46b.JOH.001.046 Natanaérsha Tímiayi "ṡNasarétnumia pénker shuar áminkiait?" Jiripisha "Winim Iitiá" Tímiayi.

1:47b.JOH.001.047 Jesussha Natanaéran Tíjiuch winian Wáiniak Tímiayi "Ju shuar iistarum. Ti pénker Israer-shuaraiti. Penké anankartichuiti."

1:48b.JOH.001.048 Natanaérsha Tímiayi "ṡItiur nékaram?" Jesussha Tímiayi "Jiripi tuke untsurmatsain Wáinkiájme ikiu numirin ejamkam wajamin."

1:49b.JOH.001.049 Natanaér nuikia Tímiayi, "Uunta, nekas Yusa Uchirínme. Israer-shuar akupniuitme" Tímiayi.

1:50b.JOH.001.050 Tura Jesus Tímiayi "ṡAya wi "Ikiu numirin ajamkam wajamin Wáinkiájme" takui Winia Enentáimturamek? Antsu nuna nankaamas nekaachmin ana nusha Wáinkiáttame" Tímiayi.

1:51b.JOH.001.051 Nuyasha Jesus Tímiayi "Wi nekas Tájarme, Aents Ajasu asan atumsha nayaim uranmianum Yusa suntari Winin tara waka ajainia Wáinkiáttarme." Tu Tímiayi.

2

2:1b.JOH.002.001 Menaintiu tsawant nankaamasmatai nuatnaikiatin Jísat Kaná péprunam ámiayi. Kaná péprusha Kariréa nunkanmauyayi. Jesusa Nukurísha nui pujumiayi.

2:2b.JOH.002.002 Jesussha ni unuiniamurisha nu nuatnaiyamunam ipiaamu ármiayi.

2:3b.JOH.002.003 Umutai amuukamtai Jesusa Nukurí Tímiayi "Umutai amuukai. Penké takakainiatsui."

2:4b.JOH.002.004 Tura Jesus Tímiayi "Nukuá, ṡurukamtai Winia Túrutam? Iniáitiústá. Winia kakarmar iniakmastin jeaatsui."

2:5b.JOH.002.005 Nuyá umutain Wáinmainia nuna ni Nukurí Tímiayi "Ashí ni tana nu Umiktárum."

2:6b.JOH.002.006 Nui kayajai najanamu yumi-yaraatai sais (6) ámiayi. Nu yaraatainmaya Israer-shuar ni ewejéncha ni nawencha nijiamau ármiayi Yus shiir Enentáimtursatí tusar. Chíkich Chíkich yaraatainium uchenta (80) Rítrusha, sian (100) Rítrusha yumi wayamniauyayi.

2:7b.JOH.002.007 Nuyá Jesus umutain Wáinmaun "Ju yaraatai aimpratarum" Tímiayi. Takui mete aimprarmiayi.

2:8b.JOH.002.008 Aimprarmatai Jesus Tímiayi "Pai, ishichik shikikrum Námper chicharu suutarum." Tutai Nútiksan Túrawarmiayi.

2:9b.JOH.002.009 Jista chicharusha nu umutai ajasun Nekáprámiayi. Yaraatainmaya yumi jusamun nekaachmai niisha tura umutai ajamau jusaru ásar nékarmai. Jista chicharusha nuwatun untsuk

2:10b.JOH.002.010 Tímiayi "Jístanmanka pénker umutain emka Suíniatsuk. Tura jémararmatainkia Tímianchan suiniatsuk. Túrasha ámeka pénker umutai ikiusam Yamái Jíikchamek" Tímiayi.

2:11b.JOH.002.011 Jesus Túramu Kananum Kariréa nunkanam Túrunamiayi. Nújainkia Jesus emka ni kakarmarin paant iniaktusmiayi. Nuna iisar ni unuiniamurisha Niin Enentáimtusarmiayi.

2:12b.JOH.002.012 Nuyá Kapernáum péprunam wémiayi. Ni Nukurísha ni yachisha ni unuiniamurisha nemariarmiayi. Nuisha Untsurí tsawant pujusarmiayi.

2:13b.JOH.002.013 Israer-shuara namperi, paskua tutai, ishichik ajasmatai Jesus Jerusarénnum wémiayi.

2:14b.JOH.002.014 Nui Jeá Yusa Uunt Jeen Súruinian Wáinkiámiayi. Turuncha murikniasha yampitsnasha Súrin ármiayi. Chikichcha ni misarin pujusar Kuítian Yapajíniancha Wáinkiámiayi.

2:15b.JOH.002.015 Nuna Wáiniak yaranken chapikmar asutkiartutain najana nujai Ashí waakartiuk murikrintiuk aa Jíirmiayi. Kuítian yapajniu misarincha ayantar ni Kuítrin Nunká utsankarmiayi.

2:16b.JOH.002.016 Yampitsan Súrinniasha Tímiayi "Nuka Juyá Jíitiarum. Winia Aparu Jeen surutai jea najanawairap" Tímiayi.

2:17b.JOH.002.017 Nuna iisar ni unuiniamuri yaunchu Yus-Papinium aarman Enentáimprarmiayi. Ju aarmaiti: "Ame Jeem shiir Atí tusan ti wakerukuitjai."

2:18b.JOH.002.018 Nuikia Israer-shuara uuntri Jesusan aniasarmiayi "Juna Túramniaitjai tusam ṡWarí kakarmak iniakmastatam?"

2:19b.JOH.002.019 Jesussha Tímiayi "Ju Jea Sáakiakrumin Menaintiú Tsawantaí iniantaittiajai Wikia."

2:20b.JOH.002.020 Israer-shuarsha tiarmiayi "Kuarentisáis (46) uwitin juna jeamtinian pujursarmiayi. Amesha Menaintiú tsawantai Jeamtámeash."

2:21b.JOH.002.021 Kame Jesus "Jea" chichayat ni ayashin Tímiayi.

2:22b.JOH.002.022 Tuma asamtai Jesus ukunam jakamunmaya nantakmiatai ni unuiniamuri ni timian Enentáimprar ni chichamencha tura yaunchu Yus-Papinium aarmancha "Nekasaiti" tu Enentáimtusarmiayi.

2:23b.JOH.002.023 Paskua Námpertin ti Untsurí Jerusarénnum pujuarmia nu, Jesus aents tujintiamun Túramtai, nuna Wáinkiar Niin nekas Enentáimtusarmiayi.

2:24b.JOH.002.024 Tuma ain Jesus Ashí neka asa ninkia Enentáimtuscharmiayi.

2:25b.JOH.002.025 Ninki Ashí shuara Enentáin neka asa Chíkich ujatkat tusa atsumchamiayi.

3

3:1b.JOH.003.001 Shuar ámiayi ni naari Nikiutému. Niisha Pariséu asa nii tuinia aintsan Yúsnan takauyayi. Niisha Israer-shuara uuntriyayi.

3:2b.JOH.003.002 Niisha kashi Jesusai irastajtsa wé Tímiayi "Uuntá, Shuáran unuiniarat tusa Yus Akúptámkaiti. Nu paant nékaji. Yúsaiyanchuitkiumka aentsti tujintiamu Túramna nu tujinkiaintme' Tímiayi.

3:3b.JOH.003.003 Jesussha Tímiayi "Tí nekas Tájame. Atak yamaram akiiniachuka Yus akupeamunam pachiinkiashtatui."

3:4b.JOH.003.004 Tutai Nikiutému aniasmiayi "ṡItiurak shuar uunta nu ataksha akiiniat. Ataksha ni Nukurí ampujén enkempramniakait atak akiiniatniuna?"

3:5b.JOH.003.005 Ataksha Jesus Tímiayi "Ti nekas Tájame. Shuar entsayasha tura Wakanniumiasha akiiniachuka Yus akupeamunam penké pachiinkiashtatui.

3:6b.JOH.003.006 Ayashniumia akiinia nuka ayashchakait. Núnisan Wakanniúmia akiinia nuka wakanchakait.

3:7b.JOH.003.007 Wi "atak yamaram akiiniatniuiti" takui itiurchat Enentáimpraip.

3:8b.JOH.003.008 Nase Enentáimpratá. Nase Nánkamsan Umpúawai. Amesha ántame tura tuyan Winiá Túrasha tuin weti nékatsme. Núniskete Ashí Wakanniúmia akiinia nu."

3:9b.JOH.003.009 Tuma asamtai Nikiutémusha atak anias "ṡJusha itiurak áminiait?" Tímiayi.

3:10b.JOH.003.010 Jesus aikmiayi "Ame Israer-shuara jintinniurintiatmesha ṡitiura nékatsmea?

3:11b.JOH.003.011 Ti nekasan Tájame. Nekas nékakur chichaaji. Iismajnia nusha ujaaji. Tuma ain ii chichame ántatsrume.

3:12b.JOH.003.012 Aya ju nunkanmaya Túramu ujaam ántachkurmeka ṡitiurak nayaimpinmaya Túramusha antuktarum?'

3:13b.JOH.003.013 `Shuar chikichkisha nayaimpiniam waka atsawai. Aya Wiki, nayaimpinmaya taran Aents Ajasu asan, Túraitjai. Tura Wikia nayaimpinmayaitjai.

3:14b.JOH.003.014 Tura Winiasha, Aents Ajasu ain, mantuawartatui. Iis, yaunchu Israer-shuar atsamunam wekainiak napijiai ti Jáiniakui tuke tsuamarti tusa Muisais napin Jirú najana Yakí numiniam awajaimiayi. Núnisnak Wisha awajnitniuitjai.

3:15b.JOH.003.015 Nújainkia Ashí Winia Enentáimturna nuka jinium wétsuk Yusai tuke iwiaaku pujustatui."

3:16b.JOH.003.016 Yuska Ashí shuaran ti anea asa, ni Uchirin chikichik ana nuna Shuáran uwemtikrarat tusa tsankatkamiayi. Ashí shuar Niin Enentáimtana nu, jinium wécharat tusa, antsu Yúsnum tuke iwiaaku pujusarat tusa ni Uchirín Akúpturmakmiaji.

3:17b.JOH.003.017 Yus aentsun kajerak jinium surukat tusa ni Uchirín akupkachmiayi. Antsu uwemtikrarat tusa akupkamiayi.

3:18b.JOH.003.018 Yusa Uchirín Enentáimtana nuka jinium penké surunkashtiniaiti. Tura Niin Enentáimtatsna nuka, Yusa Uchirín chikichik ana nuna Enentáimtachu asa, Páchitsuk jinium surukmaiti.

3:19b.JOH.003.019 Yusa Uchiri Tsáapninia aintsan ii tunaari paant awajturmaji. Nu Tsáapnisha ju nunkanam Táraiti. Shuar Tunáa ti tura ásar Tsáapninian nakitrar kiritniun wakeriarmai. Nuna tura ásar jinium surunkaruiti.

3:20b.JOH.003.020 Ashí tunaan Túruinia nuka Tsáapninian Muíjiainiawai. Túrawar yupitiainiawai ni Tunáa Túramu paant ajasai tusa.

3:21b.JOH.003.021 Antsu Ashí nekas Túratniun umiiniana nuka Tsáapninian weantainiawai. Yus ni Enentái pujuram Tsáapninium takainiawai. Nuka ti paantaiti.

3:22b.JOH.003.022 Nuyá Jesussha ni unuiniamurijiaisha Jutía nunkanam wear nui pujusar imiakratiarmiayi.

3:23b.JOH.003.023 Juansha Enun nunkanam, Sarim Tíjiuchia nui, imiakratuk pujumiayi entsa nui Núkap aa asamtai. Tura aents Táarmatai imiainiarmiayi.

3:24b.JOH.003.024 Nusha Juánkan sepunam enkenatsain Túrunamiayi.

3:25b.JOH.003.025 Tura Juanka unuiniamuri Israer-shuarjai jianaiktinian nankamawarmiayi. "ṡYa imiakratma Imiá pénkerait?" tusar áujmatiarmiayi.

3:26b.JOH.003.026 Juánkai inintrustai tusar wéarmiayi. "Uunta, ame nuik Jurtan entsa amain pujakum shuar nui Pujá "Núiti Yusa Murikri" Tíchamkum. Yamaikia imiakratui tura Ashí shuar Niin nemarainiawai" tiarmiayi.

3:27b.JOH.003.027 Tutai Juan Tímiayi "Ashí kakarmaka aya Yúsaiyanchakait.

3:28b.JOH.003.028 Wisha paant Tímiajai "Wikia Krístuchuitjai antsu ni jintin iwiarat tusan emka akupkamuitjai." Nusha antukmarme.

3:29b.JOH.003.029 Kame shuar nuwan nuatna nuna aishrinti. Nuatnaiyak aishman nuwejai áujnainiakui, ni amikrisha nuna antuk ti waraatsuk. Wisha Núnisnak aents Jesusai wénakui ti waraajai.

3:30b.JOH.003.030 Niisha tuke nankaamaku uunt ajastiniaiti antsu wikia tuke Tímiancha ajastiniaitjai." Juan tu chichasmiayi.

3:31b.JOH.003.031 Nayaimpinmaya tara nuka Ashí nankaamakuiti. Nunkaya nuka, nunkaya asa Jú nunkanmayanak áujmatui. Nayaimpinmaya tara nuka Ashí nankaamakuiti

3:32b.JOH.003.032 tura nui antukmancha iismancha áujmatui. Túrasha ni chichamen ántuiniatsui.

3:33b.JOH.003.033 Antsu ni chichamen ántana nuka "Yusa chichame Imiá nekasaiti" tawai.

3:34b.JOH.003.034 Yus akupkamuka Yusa chichamen étserui. Yuska ni Wakanín ementutsuk susa asamtai tu étserui.

3:35b.JOH.003.035 Yus Apa ni Uchirín anea asa Ashí ana nuna Iistí tusa ataksaiti.

3:36b.JOH.003.036 Shuar Yusa Uchirín Enentáimta nuka yamaram iwiaakmanum akiinia asa tuke Yusai shiir pujustiniaiti. Antsu Yusa Uchirín Enentáimtatsna nuka nu iwiaakmanum akiiniachuiti antsu Yus tuke niin kajerkaiti.

4

4:1b.JOH.004.001 "Jesus Untsurí shuaran ni nemarin awajeawai; kame Juanjai nankaamas Untsurí imiaawai" taman Pariseu shuar antukarmiayi.

4:2b.JOH.004.002 Nekaska Jesus imiakratchamiayi, antsu ni unuiniamuri Túrawarmiayi.

4:3b.JOH.004.003 Pariséu nu chichaman antukarman Jesussha Nekáa Jutía nunkanmaya jiinki Kariréa nunkanam waketkimiayi.

4:4b.JOH.004.004 Wáketuk Samaria nunkanmaani nankaamaktiniuyayi.

4:5b.JOH.004.005 Samaria nunkanam wéak Sekar péprunam jeamiayi. Nu pepru jeastatuk Jakupa nunke ámiayi. Jakupsha nu nunkan ni Uchirín Jusen Tí yaunchu susamiayi.

4:6b.JOH.004.006 Nuisha yumirmat ámiayi. Jakup taurma asamtai "Jakupa yumirmatri" tiarmiayi. Tutupin jeamtai Jesussha pimpiki winis yumirmat ayamach pujusmiayi.

4:7b.JOH.004.007 Nui pujai Samarianmaya nuwa Yumí shikiktajtsa Támiayi. Tura Jesus "Entsa surusta" Tímiayi.

4:8b.JOH.004.008 Jesusa unuiniamurisha yurumkan péprunam sumaktajtsa wéaru asamtai aya Jesusak pujumiayi.

4:9b.JOH.004.009 Samarianmaya nuwa Jesusan Tímiayi "ṡItiura Israer-shuaraitiatmesha Samarianmaya nuwa aisha entsa seatam?" Kame Israer-shuar Samarianmaya shuarjainkia penké chichachu ásar nuna Tímiayi.

4:10b.JOH.004.010 Jesussha Tímiayi "Yus Súamu nékakmeka tura entsa surusta Tájam nusha nékakmeka ame antsu Seattínme tura Wikia iwiaaku entsan amasaintjai."

4:11b.JOH.004.011 Nuwasha Tímiayi "Uunta, entsasha ti initiaiti tura shikiktincha takaktsume. ṡTuyan iwiaaku entsasha surustam?

4:12b.JOH.004.012 Ii uuntri Jakup ju yumirmatan taur juyanak niisha ni Uchirísha ni Waakarísha umararmiayi. Nuyá ikiurtamkimiaji. ṡAmesha Jakupjai nankaamas kakarmakaitiam?"

4:13b.JOH.004.013 Jesussha Tímiayi "Ashí shuar ju entsan umarka ataksha kitiamtiatui.

4:14b.JOH.004.014 Antsu Wi Súajna Nú entsan umarka penké kitiamchattawai. Antsu nu entsa Wi susamuka ni Enentáin Púkunia aintsan tuke pajamtiatui nujai tuke iwaaku Pujustí tusa.

4:15b.JOH.004.015 Tutai nuwa Tímiayi "Uuntá, winiasha nu entsa surusta. Wisha kitiamcha átaj. Tura ju entsancha shikiktinian Táchataj" Tímiayi.

4:16b.JOH.004.016 Nuyasha Jesus Tímiayi "Aishrum untsukam utitia, turam jui Tatá."

4:17b.JOH.004.017 Nuwasha "Winia aishur atsawai" Tímiayi. Tutai Jesus Tímiayi "Maa, nekas tame. Aishrum atsawai.

4:18b.JOH.004.018 Kame ame aishrum senku (5) takusuitme. Yamái takakmena nusha ame aishrumchaiti. Nekas tame."

4:19b.JOH.004.019 Nuna antuk nuwasha Tímiayi "Uunta, ame Yúsnan etserniuchukaitiam.

4:20b.JOH.004.020 Ii uuntrinkia tuke Samarianam pujuarmia nu Jú nainnium Yúsan tikishmatrarmiayi. Antsu átum Israer-shuar árumna nu aya Jerusarénnum Yus Tikíshmátratniuiti Tárume."

4:21b.JOH.004.021 Jesus Tímiayi "Nuwá, Enentáimsata. Tsawant jeattawai átum Jú Náinniumsha Tátsuk tura Jerusarénnumsha wétsuk Yus Apa tikishmatratin.

4:22b.JOH.004.022 Atum tikishmatrum nuka nékatsrume. Iikia tikishmatrajnia nu nékaji. Israer-shuarnumia Uwemtikkiartin winiakui nékaji.

4:23b.JOH.004.023 Tsawant winittiana nu Yamái jeayi. Ashí shuar Yus Apan nekas tikishmatainiakka tuke wakanjai tuke Enentáijiaisha awajitsuk tikishmatrartatui. Núnisan tikishmatrurat tusa wakerawai Yus Apa.

4:24b.JOH.004.024 Yuska Wakaniiti tura Ashí Niin tikishmatainia nuka tuke Wakaníjiai tura tuke Enentáijiai awajitsuk tikishmatratin ainiawai."

4:25b.JOH.004.025 Nuwasha Tímiayi "Anaikiamua nu Tátiniaiti. Nusha Krístuiti. Niisha taa Ashí jintintramattaji."

4:26b.JOH.004.026 Jesus Tímiayi "Wiitjai. Amin chichaajmena Nú Kristuitjai."

4:27b.JOH.004.027 Nuin ni unuiniamuri Táarmiayi tura nuwajai chichaa pujan Wáinkiar ti Enentáimprurarmiayi. Tumaitiat "ṡWarí wakerakmea nuwajai chichaam?" Títinian arantukarmiayi.

4:28b.JOH.004.028 Nuyanka nuwa ni yumirin ikiuki péprunam we Ashí aentsun Tímiayi

4:29b.JOH.004.029 "Winiirum iitiarum, shuar Ashí wi Túramun Túruta nu. ṡJuka Krístuittiya?"

4:30b.JOH.004.030 Tutai péprunmaya Jíinkiar Jesus pujamunam wearmiayi.

4:31b.JOH.004.031 Jeainiatsain ni unuiniamuri seak tiarmiayi "Uunta, Yurumáta."

4:32b.JOH.004.032 Tura Jesus Tímiayi "Wi Yúatniunka takakjai átum nékachman."

4:33b.JOH.004.033 Ni uniuniamurisha Nuámtak anniasarmiayi "ṡChíkich shuar yurumak Itiarím Tátsuash?" tiarmiayi.

4:34b.JOH.004.034 Tura Jesus Tímiayi "Winia akuptukua nuna wakeramuri Túrakun tura ni takatrin takaakun Wíjiainkia Yurumátniua aintsan Ikiakáatui.

4:35b.JOH.004.035 Atumka "Tuke kuatru nantu árak Júuktin taasai" Tátsurmek. Túrasha Wi Tájarme, shuar wininia nu iistarum. Yus-Chicham ni Enentáin araamuiti. Tura Júuktin tsawant jeayi.

4:36b.JOH.004.036 Arakan Júaka akinkiatniuiti. Júukmataisha nu shuar uwemprar tuke iwiaaku pujusartatui. Núnisan arakan araana nusha Júana nusha mai metek warasartatui.

4:37b.JOH.004.037 Tiniu armia nuka nekasaiti: "Chikichik araawai Chíkichcha Júawai."

4:38b.JOH.004.038 Iis, Chíkich araakmamu Júuktinian akupkaitjarme. Atum araachiatrumek Chíkich takasmanum atumsha pachiintiukuitrume" Tímiayi.

4:39b.JOH.004.039 Tura Núwaka péprunam Jeá "Ashí wi Túramun ujatkayi" takui Untsurí shuar Jesusan ti shiir Enentáimtusarmiayi. Niisha Samarianmaya shuar ármiayi.

4:40b.JOH.004.040 Nu asamtai Ashí Jesusai taar niijiai Pujusát tusa seawarmiayi. Tutai Jesus Jimiará tsawant nui pujusmiayi.

4:41b.JOH.004.041 Nú shuar Untsurí ni chichamen antukar Jesusan ti shiir Enentáimturarmiayi.

4:42b.JOH.004.042 Nuyá nuwan tiarmiayi "Yamaikia aya ame chichammijiain Jesus Enentáimtatsji antsu imia iisha ni chichamen anturkaji. Tura nékaji nekas Krístuiti, Ashí shuaran Uwemtikin."

4:43b.JOH.004.043 Jimiará tsawant nankaamasmatai Jesus Samaria nunkanmaya jiinki Kariréa nunkanam wémiayi.

4:44b.JOH.004.044 Kariréasha Jesusa nunke asamtai, ainsha Jesus timia aintsan ámiayi: "Yúsnan etserniun Ashí shuar pénker anturainiawai antsu nuna nunkeyanka niin anturainiatsui."

4:45b.JOH.004.045 Tuma ain Kariréa nunkanam jeamtai auya shuarsha Jerusarénnum paskua Námpernum wearu ásar tura Ashí ni Túramun nui wainkia ásar ti shiir awajsarmiayi.

4:46b.JOH.004.046 Nuyá Jesus Kaná péprunam atak Támiayi. Nu péprunmasha nuik Jesus yumin umutai awajsamiayi. Jesussha nui pujai Yajá péprunam Kapernáumnum akupniu takarin ámiayi. Ni Uchirísha jaa tepemiayi.

4:47b.JOH.004.047 Niisha Jesus Jutíanmaya Kariréa nunkanam taman antuk Jesusai wémiayi. Tura ni Uchirí Jákatin tepakui ni jeen we ni Uchirín tsuarat tusa Jesusan seamiayi.

4:48b.JOH.004.048 Jesussha Tímiayi "Aya aents Túrachminian Túrakui iisrum aya Nújain Winia Enentáimtarme."

4:49b.JOH.004.049 Tura takarin Tímiayi "Uunta, winia uchir Jáatsain wari winitia."

4:50b.JOH.004.050 Nuinkia Jesus Tímiayi "Jeemiin waketkitia. Yamaikia ame uchiram pénker ajasai." Tutai Nú aishman Jesus Táman antuk wémiayi.

4:51b.JOH.004.051 Ni jeen Jeátemámtai ni takarniuri inkiun tiarmiayi "Yamaikia uchiram pénker ajasai."

4:52b.JOH.004.052 Apasha inintrusmiayi nantu urukaim pénker ajasma. Niisha tiarmiayi "Yau, nantu pukuntamtai, tsuemun michatramai" tiarmiayi. Nuna antuk Uchí Aparísha Enentáimsamai.

4:53b.JOH.004.053 Nantu pukunta ai Jesus "Ame uchiram pénker ajasai" timia Nuní ain michatraiti. Tuma asamtai niisha Ashí ni shuarisha Jesusan nekas Enentáimturarmiayi.

4:54b.JOH.004.054 Jesus nu Túramujai ni kakarmarin Jimiará iniakmasmiayi. Nunasha Jutíanmaya jiinki Kariréa nunkanam Jeá Túramiayi.

5

5:1b.JOH.005.001 Nu nankaamasmatai, Israer-shuar namperan najanainiakui Jesus ataksha Jerusarénnum waketkimiayi.

5:2b.JOH.005.002 Jerusarén yama wayamunam murik wayatin waiti Tíjiuch amia nui entsa pajamtai jeammauyayi. Nu pajamtain Petesta tiarmiayi. Nuna Wáitirisha senku (5) ármiayi.

5:3b.JOH.005.003 Nui Untsurí Jáiniak nunkanam tepearmiayi. Kusurusha shutuapsha tampemakusha tepesar entsa miartukat tusa Nákasarmiayi.

5:4b.JOH.005.004 Kame ni Tátaj taku Yusa suntari Táuyayi entsan umuchkiattsa. Nuyanka emka shuar Entsá Wayá nu ni Jáamuriya Tsuámarmiayi.

5:5b.JOH.005.005 Aishman Traintiúchu (38) uwi jaa Tepá nui ámiayi.

5:6b.JOH.005.006 Jesussha nu shuaran nui tepan Wáinkiámiayi. Tura Untsurí uwitin jaa tepan Nekáa aniasmiayi "ṡShiir ajastiniak wakeram?"

5:7b.JOH.005.007 Tutai jaasha Tímiayi "Uunta, entsa muchitkiui ṡwinia yaki Enkétát? Kame wi Enkemátaj tai Chíkich emka Enkemáiniawai."

5:8b.JOH.005.008 Nuyá Jesus Tímiayi "Nantaktia. Ame peakrum jukim Wetá."

5:9b.JOH.005.009 Nu chichamtaik aishman shiir ajasmiayi. Tura ni peakrin Jukí wémiayi. Nusha ayampratin tsawantai Túrunamiayi.

5:10b.JOH.005.010 Tuma asamtai Israer-shuar shiir ajasun tiarmiayi "Yamái ayampratin tsawantaiti. Peakrum Júkishtiniaitme" tiarmiayi.

5:11b.JOH.005.011 Aishmansha Tímiayi "Winia tsuara nu "Peakrum jukim Wetá" turutni" Tímiayi.

5:12b.JOH.005.012 Nuinkia aniasarmiayi "ṡYa "Peakrum jukim Wetá" Túramam?" tiarmiayi.

5:13b.JOH.005.013 Tura aishmansha Niin Tsuárun nékachmiayi. Untsurí shuar nui aa asamtai tura Jesus weu asamtai niin nekaachmiayi.

5:14b.JOH.005.014 Atak Jesus Yusa Uunt Jeen aishmankan Wáiniak Tímiayi "Antukta. Yamaikia shiir ajasume. Atak Tunáa Túrawaip; nu arant Ajasáim" Tímiayi.

5:15b.JOH.005.015 Nuinkia aishman Jesus niin Tsuárman Nekáa Israer-shuaran ujakmiayi.

5:16b.JOH.005.016 Tuma asamtai ayampratin tsawantai Túramtai Israer-shuar Jesusan maatai tusar aintrarmiayi.

5:17b.JOH.005.017 Tura Jesus Tímiayi "Wina Apar tuke yamaisha takawiti. Núnisnak Wisha takaajai."

5:18b.JOH.005.018 Tutai Israer-shuar nuna nankaamas maatai tusa wakeriarmiayi. Ayampratin tsawantai takaakui kajerkarmiayi. Tura nu arantcha "Yus winia Aparuiti" takui Yusjai métek Enentáimtumawai tusar nu arant kajerkarmiayi.

5:19b.JOH.005.019 Nuyá Jesus Tímiayi "Ti nekas Tájarme, Yusa Uchirínkia ni Enentáijiain takaatsui. Antsu aya winia Apar takaana nuna iisan métek takaajai. Ashí winia Apar Túramun Wisha ni Uchirí asan métek takaajai.

5:20b.JOH.005.020 Ni Uchirí asamtai winia Apar anentui tura Ashí tura nuna iniakturui. Tura nuna nankaamas tujinkiamnian iniaktursattawai Wisha Túratniun. Tura nuna Túrakui ashamkattarme.

5:21b.JOH.005.021 Winia Apar jakamunmayan iwiaaku ajasat tusa Ni wakerana nuna inianteatsuk. Núnisnak, ni Uchirí asan, Wi wakeraj nuna iwiaaku Awájsámniaitjai.

5:22b.JOH.005.022 Winia Aparka Súmamtiktsui antsu shuar Súmamtikiatniun ni Uchirín Súsaiti.

5:23b.JOH.005.023 Tuma asamtai Ashí shuar Yus Apan shiir awajainia aintsan ni Uchiríncha métek shiir awajsatin ainiawai. Yus Apa ni Uchirín akupka asamtai, Uchin shiir awajeatsna nuka Yus Apancha shiir awajeatsui' Tímiayi.

5:24b.JOH.005.024 `Ti nekasaiti. Winia chichamprun ántana Nú shuarka Winia Akuptukun Enentáimtak ni iwiaakmarin tuke amuukashtinian takakui. Nu shuarsha Ayashí iwiaakuitiat Jákauyi antsu Yamái nekas iwiaakuiti. Tuma asa sumamashtatui.

5:25b.JOH.005.025 Ti nekasaiti. Tsawant winittiana nu jeayi. Nu tsawant jaka ainia nu Wi untsumman antukar umirkarka iwiaaku ajasartatui.

5:26b.JOH.005.026 Iis, winia Apar iwiaaku awajsatniun takakui. Tura Winiasha, ni Uchirí asamtai, iwiaaku awajsatniun surusuiti.

5:27b.JOH.005.027 Nu arantcha wi Aents Ajasu asamtai, shuaran Súmamtikiatniun surusuiti.

5:28b.JOH.005.028 "Ju chicham itiurchataiti" Enentáimprairap. Atak tsawantai wi untsumman Ashí Jákaru ainia nu antukartatui.

5:29b.JOH.005.029 Tura Ashí iwiarsamunmaya Jíinkiartatui. Pénker Túrawarusha nantakiar tuke iwiaaku pujusartatui. Antsu Tunáa Túrawarusha nantakiar jinium surunkartatui' Tímiayi.

5:30b.JOH.005.030 `Imia Wíki takaatsjai. Antsu Yus tana Núnisnak Súmamtikeajai. Wi wakeraj nuna Enentáimtsuk antsu winia Apar wakera nuna wakerukan, Nii akupta asamtai, awajitsuk Súmamtikjai.

5:31b.JOH.005.031 Aya Wiki "Yúsaiyaitjai" Tákunka winia chichamur ántar ainti.

5:32b.JOH.005.032 Chikichcha awai. Niisha "Yúsaiyaiti" Túrutui. Ni chichamesha Imiá nekasaiti.

5:33b.JOH.005.033 Atumsha Juankai wi Túramu inintrusmarme tura nii timia nu nekasaiti.

5:34b.JOH.005.034 Tuma ain aents Táman atsumatsjai. Antsu Juanka chichame Enentáimkiuram uwempratarum tusan Tájarme.

5:35b.JOH.005.035 Juansha jiya Núnis keemai. Atumsha ishichik tsawantin Nú Tsáapninnium warastin Enentáimpramarme.

5:36b.JOH.005.036 Tura Winia "Yúsaiyaiti" Túrutna nu, Juanjai nankaamas pénkeran takakjai. Wi takasma Núiti. Winia Apar takastinian surusma nuna takaakun nujai Páantaiti Yus Apa akupkamuitjai.

5:37b.JOH.005.037 Winia Aparsha, akuptuku asa, ayamprutui. Túrasha átumka ni chichamesha antukchaitrume tura Wáintiash Wáinkiachuitrume.

5:38b.JOH.005.038 Yus Apa akuptukuiti. Tuma asamtai Winia Enentáimturchakrum winia Aparu chichamesha atumi Enentáin wayachuiti.

5:39b.JOH.005.039 Atumka Yus-Chicham yaunchu aarma nui iwiaaku átinian Wáinkiataj tusarum ti unuimiaruitrume. Nu chichamsha Wínian áujmatui.

5:40b.JOH.005.040 Tuma ain nekas iwiaaku átaj tusarum Winí Tátin nakitiarme" Tímiayi.

5:41b.JOH.005.041 "Shuar Winia "Shíiraiti" Túrutainiakuisha nuna Páchiatsjai.

5:42b.JOH.005.042 Maa, Wi nékajrume. Atumka Yus aneatsrume.

5:43b.JOH.005.043 Winia Apar akuptukmatai Táwitjai Túrasha nakitrarme. Antsu Chíkichka Ní Enentáijiain jeartamkuinkia nuka átum wakerarme.

5:44b.JOH.005.044 Atumka Nuámtak "Shiir Enentáimtursatí" tu Enentáimtunaiyarme. Tura Yus Enentáimturma nuka Páchiatsrume. Nújainkia ṡitiurak Yus Enentáimtustam?

5:45b.JOH.005.045 "Ii tunaarin Yusai etserturmaktatji" turutiirap. "Muisais akupkamun umirkan uwemprattajai" Tátsurmek. Antsu Muisais aarma nujai Atumí tunaari etsernaktatui.

5:46b.JOH.005.046 Iis, Muisais Winia aatrurmiayi. Atumsha ni timia Enentáimtakrumka Winiasha Enentáimturaintrume.

5:47b.JOH.005.047 Tura ni aarma Enentáimtachkurmeka ṡitiurak wi tama Enentáimtustarum?" Tímiayi Jesus.

6

6:1b.JOH.006.001 Nu nankaamasmatai Jesus Kariréa antumiannum amain katinmiayi. Nu antumiansha Tipirias antumian tuiniawai. Jimiará Náartiniaiti.

6:2b.JOH.006.002 Untsurí shuar Jesus ti Jáinian Timiá Wárik tsuan Wáinkiaru ásar Niin nemariarmiayi.

6:4b.JOH.006.004 Israer-shuara paskuanamperi ishichik ajasmatai Jesussha ni unuiniamurijiai Náinnium waka nui pujusmiayi.

6:5b.JOH.006.005 Jesussha Untsurí aents wininian Wáiniak Jiripin Tímiayi "Timiá Untsurí shuar ayuratniusha ṡtuyan yurumak sumaktaj~i?' Tímiayi.

6:6b.JOH.006.006 Kame Jesuska Nii Túrattana nuna neka asa Jiripi warittin tusa Tímiayi.

6:7b.JOH.006.007 Jiripisha Nuyá Tímiayi "Timiá nukap kuitjai tanta sumakmesha Ashí ishichik susamsha jeachaintjia" Tímiayi.

6:8b.JOH.006.008 Nuyá Chíkich unuiniamuri Antres, Pitru yachi, Tímiayi

6:9b.JOH.006.009 "Uchi jui senku (5) tantan Jimiará namakjai takakui. Ausha Timiá Untsurínmasha jeatpiash" Tímiayi.

6:10b.JOH.006.010 Nuyanka ""Ashí pujustarum" titiarum" Tímiayi Jesus. Aishmansha nuwasha uchisha irunmiayi. Tura Chírichri Núkap aa asamtai nuisha senku mir (5.000) aishman pujusarmiayi.

6:11b.JOH.006.011 Jesussha nu tantan achik Yúsan yuminkias ni unuiniamurin susamiayi. Niisha Ashí nui pujuinian Súsarmiayi. Namaknasha Núnisan Ashí ni wakeriarmiania nuna Súsarmiayi.

6:12b.JOH.006.012 Jémararmataisha Jesus ni unuiniamurin Tímiayi "Ampirma Júukrum chankinnium chumpiatarum. Wasúrnákain."

6:13b.JOH.006.013 Niisha senku (5) tantanmaya ampirman Júukar tuse (12) chankinnium aimkiarmiayi.

6:14b.JOH.006.014 Nu shuarsha Jesus Túramun iisar tiarmiayi "Ju nekas Yúsnan etserin Tátinia Núchakait."

6:15b.JOH.006.015 Shuar Jesusan uunt akupin awajsataj tutai Jesus Nekáa Ninki Náinnium wémiayi.

6:16b.JOH.006.016 Kíakui Jesusa unuiniamuri antumiannum wearmiayi.

6:17b.JOH.006.017 Káshisha Jesus tuke Táchamtai uunt kanunam Enkemáwar Kapernáum péprunam wéenak Jíinkiarmiayi.

6:18b.JOH.006.018 Tura nase ti Umpúakui Chíchimi ti wajaimiayi.

6:19b.JOH.006.019 Ajapén ajasar Jesus Entsá Pátatek nanamas Tíjiuch winian Wáinkiar ashamkarmiayi.

6:20b.JOH.006.020 Tura Jesus "Wiitjai. Ashamprukairap" Tímiayi.

6:21b.JOH.006.021 Nújainkia ti shiir warasar kanunam itiaawarmiayi. Tura nu chichamtaik ni wéamunam jeawarmiayi.

6:22b.JOH.006.022 Kashincha Chíkich shuar amain ayuramunam kanararu nekaawarmai. Jesusa unuiniamuri Jesusjainchu chikichik kanu amia nujai wéarun nekaawarmai.

6:23b.JOH.006.023 Nui chichak matsatai Tipirias péprunmaya Chíkich kanu Táarmiayi. Yau Jesus Yúsan yuminkias tantan ayuramunam Tíjiuch Táarmatai

6:24b.JOH.006.024 nu shuar, Jesussha ni unuiniamurisha nui atsuiniakui, nu kanunam Enkemáwar Kapernáum péprunam Jesusan Eáktajtsa wearmiayi.

6:25b.JOH.006.025 Entsa amain Jesusan Wáinkiar aniasarmiayi "Uunta, ṡUrutía juisha Támam?"

6:26b.JOH.006.026 Jesussha Tímiayi "Ti nekas Tájarme. Aents tujintiamu Nekáa asarum éatsurme. Antsu tanta yuarum jémaru asarum éatrume.

6:27b.JOH.006.027 Juyá yurumak amuukatin asamtai ti pachisairap. Antsu amuukashtin yurumak tuke iwiaaku pujustinian amaana nu takarsatniuiti. Nú yurumkanka Wi, Aents Ajasu asan, susattajrume. Yus Apa nuna Túratniun surus "Juka Shuáran Yáinkiartiniaiti" Túrutui" Tímiayi.

6:28b.JOH.006.028 Tutai inintrusarmiayi "ṡWarí Túratniuitiaj~i Yus wakerana nu umiktin?"

6:29b.JOH.006.029 Jesussha Tímiayi "Yus akupta asa Winia Enentáimtursarat tusa wakerawai."

6:30b.JOH.006.030 Tutai aniasarmiayi "ṡAentsti tujintiamuka Warí Túrattam ii iisar Amin nekas Enentáimtustin? Chikichcha Túratá.

6:31b.JOH.006.031 Yaunchu ii uuntri aents atsamunam Maná yurumkan nayaimpinmaya susamun Yurumáwarmiayi. Yus-Chichamnum Núnik aarmaiti: "Nayaimpinmaya yurumkan Yus susamiayi." Tu aarmaiti" tiarmiayi.

6:32b.JOH.006.032 Jesussha Tímiayi "Wi Tájana nu nekasaiti. Muisais Atumí uuntrin nayaimpinmaya yurumkan Súsachmiayi. Antsu winia Apar Yamái nekas apatkun nayaimpinmaya Súramui.

6:33b.JOH.006.033 Iis, Yusaiya apatkunka, nayaimpinmaya Tára nu Súramui tura nekas apatuk asa Ashí shuaran nekas iwiaakman Súawai."

6:34b.JOH.006.034 Tutai "Uunta, nu apatuk tuke amasta" tiarmiayi.

6:35b.JOH.006.035 Tura Jesussha Tímiayi "Wiitjai nu apatuk nekas iwiaakman Súana nu. Winí winiana Nú shuar penké tsukamashtatui, tura Winia Enentáimturna nusha tuke kitiaarchattawai.

6:36b.JOH.006.036 Túrasha wi Túramu Wáinkiurmesha winia chichamur Enentáimtatsrume.

6:37b.JOH.006.037 Ashí shuaran winia Apar tsankatrukarmiania nu, Wíi shuar ajasartatui. Winin winiana Núnaka penké nakitrashtatjai.

6:38b.JOH.006.038 Wi wakeraj nuna Túratniun Táchaitjai antsu Winia akuptukmia nuna umirkatniun Táwitjai.

6:39b.JOH.006.039 Winia Apar akuptukuiti tura juna wakerawai. Ashí winia tsankatrukman Emenkátsuk amuukatin tsawantai iniantkiarat tusa wakerawai.

6:40b.JOH.006.040 Yus Apa wakerana nu Júiti. Ashí shuar Winia "Yusa Uchirinti" tu Enentáimturkui yamaram iwiaakman tuke takusat tusa wakerawai. Nú shuarnaka amuukatin tsawantai iniantkittiajai" Tímiayi Jesus.

6:41b.JOH.006.041 Tura Jesus "Wiitjai, nayaimpinmaya apatuk akupkamu" takui Israer-shuar Jesusan áujmatiarmiayi.

6:42b.JOH.006.042 Tura tiarmiayi "Ju Jesuschakait, Jusé Uchiríya nu. Iikia ni Aparísha Nukurísha nékatsjik. ṡItiurak "Nayaimpinmaya Táraitjai" ta?" tiarmiayi.

6:43b.JOH.006.043 Jesussha Tímiayi "Tu áujmatrukairap.

6:44b.JOH.006.044 Shuáran winia Apar Akúpturkachuitkiuinkia penké weanturkachainti. Tura Winia akupturna nuna amuukatin tsawantai Iniántkíttiajai.

6:45b.JOH.006.045 Yúsnan etserniu aarmarin tawai "Ashí Yus jintintiamu ártatui". Núnisan Ashí Yusa chichamen antukar unuimiatainiakka Winí Táiniawai' Tímiayi.

6:46b.JOH.006.046 `Aya Wiki Yúsaiya tau asan Yúsan Wáinkiaitjai. Chíkichka penké Wáinkiachuiti.

6:47b.JOH.006.047 Ti nekas Tájarme. Winia Enentáimturna Nú shuarka yamaram iwiaakman amuukashtinian takakui.

6:48b.JOH.006.048 Wikia iwiaakman Súana Nú apatkuitjai.

6:49b.JOH.006.049 Iis, Atumí uuntri aents atsamunam Maná yurumkan Yúawariatcha Ashí Jákarmiayi.

6:50b.JOH.006.050 Antsu Wi Tájana Nú apatkun shuar Yúakka Jákachartatui.

6:51b.JOH.006.051 Wikia nayaimpinmaya iwiaaku apatkuitjai. Nu apatkun shuar yuakka tuke iwiaaku átiniaiti. Nu apatkun Wi susattaj nusha winia ayashruiti. Ashí shuar Yusai iwiaaku pujusarti tusan winia ayashrun susattajai" Tímiayi Jesus.

6:52b.JOH.006.052 Nuyá Nuámtak áujmattsar tiarmiayi "ṡItiurak ni ayashinkesha ayurtamattaj~i?" tiarmiayi.

6:53b.JOH.006.053 Jesussha Tímiayi "Ti nekas Tájarme, Wi Aents Ajasu asamtai winia ayashur Yúatniuitrume. Winia ayashur Yúachmeka tura winia numpar umarchamka nekas iwiaaku pujatsrume.

6:54b.JOH.006.054 Winia ayashrun Yúana nuka tura winia numparun úmakka yamaram iwiaakman amuukashtinian takakui. Tura nu shuaran amuukatin tsawantai Iniántkíttiajai.

6:55b.JOH.006.055 Winia ayashruka nekas yurumkaiti tura winia numparsha nekas umutainti.

6:56b.JOH.006.056 Winia ayashruncha Yúaka tura winia numparnasha úmaka Wijiai tsanin pujawai tura Wisha nu shuarjai tsaninkian pujajai.

6:57b.JOH.006.057 Yus Apa, Winia akuptukuka, nu iwiaakma nérenniuiti. Tuma asamtai ni iwiaakmariin iwiaaku pujajai. Núnisan Winia yurakka winia iwiaakmarui iwiaaku pujustatui.

6:58b.JOH.006.058 Nayaimpinmaya apatkun tajai. Ju apatuk Maná yurumka aintsachuiti. Atumí uuntri Maná yurumkan yuawarsha Ashí Jákarmiayi. Antsu ju apatkun shuar Yúakka tuke iwiaaku pujustatui" Tímiayi Jesus.

6:59b.JOH.006.059 Núnaka Jesus Israer-shuar iruntainiam unuiniarmiayi.

6:60b.JOH.006.060 Nu chichaman antukar Jesusa unuiniamuri chicharainiak "Nii tana nu ti itiurchat asamtai ṡyaki antukminiait?" tiarmiayi.

6:61b.JOH.006.061 Jesussha ni áujmatman Nekáa Tímiayi "Atum "ju chicham itiurchataiti" Tárumek.

6:62b.JOH.006.062 Wátsek, Wi nayaimpiniam pujumiaj nui waketkimtaisha ṡurukawaintrumek?

6:63b.JOH.006.063 Warí, aya wakanik iwiaakman Súwaiti. Ayashkia penké aantraiti nekas iwiaaku awajsatniun. Wi Tájana nujai Imiá nekas wakankia iwiaaku awajsamniaiti" Tímiayi Jesus.

6:64b.JOH.006.064 Tura Jesus Niin Enentáimtachun tura Niin suruktatna nunasha yaunchu neka asa ni unuiniamurin Tímiayi "Atumíincha winia chichamprun Enentáimtachu tuke awai.

6:65b.JOH.006.065 Nu asamtai Tímiajrume "Shuáran winia Apar akupturkachmaitkiuinkia penké weanturkachainti" Tímiajai" Tímiayi Jesus.

6:66b.JOH.006.066 Nuyasha ni nemarniuri Untsurí armia nu Jesusan ikiukiar atakka Niijiai wekasacharmiayi.

6:67b.JOH.006.067 Nuyá Jesus ni tuse (12) unuiniamurin chicharainiak "ṡAtumsha wétin wakerarmek?" Tímiayi.

6:68b.JOH.006.068 Semun Pítrusha áikmiayi "Uunta, ṡYáinin wetaj~i? Ame chichammijiain nekas iwiaaku áminiaiti.

6:69b.JOH.006.069 Ame Kristu asam nekas iwiaaku Yusa Uchirínme. Nuka Enentáimtusar ti paant nékaji" Tímiayi.

6:70b.JOH.006.070 Jesussha Tímiayi "Ashí tuse (12) árumna nu achikiuitjiarme nekas Wíi shuar ajastin. Tuma ain Atumíin chikichik iwianchiiti" Tímiayi.

6:71b.JOH.006.071 Nuna taku Jútas Iskariútin, Semunka Uchirín, Enentáimtus Tímiayi. Jútassha ni unuiniamurintiat Jesusan ukunam surukmiayi.

7

7:1b.JOH.007.001 Nu nankaamasmatai Jesus Kariréa nunkanam wekaimiayi. Jutía nunkanam wéchamiayi Israer-shuara uuntri nui Máataj tutai.

7:2b.JOH.007.002 Tura Israer-shuar aak aakmatai namperi jeatemamtai

7:3b.JOH.007.003 Jesusa yachi wishikiainiak tiarmiayi "ṡUrukamtai juisha pujam? Jutía nunkanam Wetá, aisha ame unuiniamuram Túram nuna iisarat.

7:4b.JOH.007.004 Ashí shuar nekaawarat Tákumka úukam Túrawaip. Ti tujintiamu Túriniaitkiumka Ashí shuar iimmianum Túratá" tiarmiayi.

7:5b.JOH.007.005 Ni yachisha ishichkisha Niin Enentáimtachu ásar tiarmiayi.

7:6b.JOH.007.006 Tura Jesus Tímiayi "Winia tsawantur nampernum wétin jeatsui. Atumjainkia Nánkamas tsawant wétin pénkeraiti.

7:7b.JOH.007.007 Ju nunkanmaya aents atumniaka kajertamatsrume. Antsu ni tunaarin etsertin asamtai Wíniaka kajertuiniawai.

7:8b.JOH.007.008 Atumka nampernum wetarum. Wikia tsawantur jeachkui wéatsjai."

7:9b.JOH.007.009 Juna tinia Jesuska Kariréa nunkanam Juákmiayi.

7:10b.JOH.007.010 Ni yachi wearmatai Jesussha nampernum wémiayi. Tura nekarawarain tusa úumak wémiayi.

7:11b.JOH.007.011 Israer-shuara uuntrisha Námper irunturmanum eakar "Nu aishmansha ṡtuin Pujá?" tiarmiayi.

7:12b.JOH.007.012 Ashí shuarsha Niin áujmatiarmiayi. Chíkich "pénkeraiti" tiarmiayi. Tura chikichcha "Pénkerchaiti. Aya anankartawai" tiarmiayi.

7:13b.JOH.007.013 Tura Israer-shuara uuntrin ashamainiak uuk áujmatiarmiayi.

7:14b.JOH.007.014 Nampersha ajapén ajasmatai Jesus Yusa Uunt Jeen Wayá Shuáran unuiniamiayi.

7:15b.JOH.007.015 Israer-shuara uuntrisha nuna iisar ti Enentáimsar chichaak "Jusha Unuimiátrachiatcha ṡitiurak Imiá neka?" tiarmiayi.

7:16b.JOH.007.016 Jesussha Tímiayi "Wi unuiniajna nu winia chichampruchuiti antsu Winia akuptukua Núnan unuiniajai.

7:17b.JOH.007.017 Yus wakerana nuna shuar nekas umiktinian wakerakka winia chichamprun nekaattawai. Nekas Yúsnaitkiuinkia, nuna nekaattawai. Aya wi Enentáimmiajain chichaakuisha, nuna nekaattawai.

7:18b.JOH.007.018 Ni Enentáimmiajai chichaana nuka Ashí shiir Enentáimtursarti tusa chichaawai. Antsu niin akupka nuna shiir awajsarti tusa wakerak, nekas Wáitratsuk tawai.

7:19b.JOH.007.019 Muisais Yusa akupkamurin Atumí uuntrin amaschamka. Tuma ain nu umitsuk mantuatin wakerutarme" Tímiayi Jesus.

7:20b.JOH.007.020 Nu shuarsha tiarmiayi "Wáurtsumek. ṡYa mantamataj tusa wakera?"

7:21b.JOH.007.021 Jesussha Tímiayi "Ayampratin tsawantai Chikichkí Túramtai ti Enentáimtsurmek.

7:22b.JOH.007.022 Muisais Ashí tsupirnaktinian akupkachmiayi. Antsu ni uuntrinkia nuna akupka ainiawai. Tuma ain átumka Muisais akupkamu umiktai tusarum ayampratin tsawantaisha uchi aishman Tsúpirnaitrume.

7:23b.JOH.007.023 Wátsek, Muisais akupkamu uminkiati tusarum ayampratin tsawantaisha uchi aishman Tsúpirkurmekaka ṡurukamtai Wi ayampratin tsawantai aishmanka Ayashí takamtsuk Tsuármatai kajertarum?

7:24b.JOH.007.024 Shuar Túrana nu iisam Wárik Súmamtikiawaip. Antsu Inintrúsam paant nekaam, nekasa nu Enentáimtusta" Tímiayi Jesus.

7:25b.JOH.007.025 Nuyá Jerusarénnumia shuar tiarmiayi "Maatai tuinia Núchakait.

7:26b.JOH.007.026 Tura nui Ashí ántamunam étserui tura suntar Páchiniatsui. ṡIi uuntrisha "Nekas Krístuiti" tu Enentáimtuiniawash?

7:27b.JOH.007.027 Antsu nekas Kristu taa tuyan Winiá nekanashtatui tura ju pujamuka Ashí nékaji" tiarmiayi.

7:28b.JOH.007.028 Jesus nuna antuk, Yusa Uunt Jeen Wajá kakaram chichaak Tímiayi "Winia nekararum Tuyá winiaj nu nékarme. Kame Núnisrum Enentáimprume. Tura winia Enentáirjai Táchaitjai antsu winia Apar akuptukuiti. Niisha ti nekas akupniusha átumka nékatsrume.

7:29b.JOH.007.029 Antsu Winia akuptukuitkiui aiya tau asan Wikia nékajai" Tímiayi.

7:30b.JOH.007.030 Nuyá sepunam enkeataj Táyat achikcharmiayi ni tsawantri jeachu asamtai.

7:31b.JOH.007.031 Tura Untsurí shuar Niin Enentáimtusar "Kristu ta ṡnuna nankaamas aentsti tujintiamun Túratpiash?" tiarmiayi.

7:32b.JOH.007.032 Pariséusha Israer-patri uuntrisha Jesusnan timian antukar suntaran akupkarmiayi Jesusan achikiar sepunam enkeawarat tusar.

7:33b.JOH.007.033 Nuyá Jesussha Tímiayi "Aya ishichik tsawant atumjai pujustatjai. Nuyá ataksha Winia akuptuku pujana nui waketkittiajai.

7:34b.JOH.007.034 Atumka Eátkáttarme tura Wi wéajna nui wéchamniaitkiuram Wáitkiashtatrume."

7:35b.JOH.007.035 Israer-shuarsha nuamtak aniniaisarmiayi "ṡJusha tui wéakuin iisha Wáinkiashtataj~i. Israer-shuar apachnium pujuinia nui we apachin unuiniartatuak.

7:36b.JOH.007.036 Nii timia nu itiurkit. "Atumka Eátkáttarme tura Wi wéajna nui wéchamniaitkiuram Wáitkiashtatrume" tana nu itiurkit?" tiarmiayi.

7:37b.JOH.007.037 Jista Amúamunam ti shiir najanawarmia nu tsawantai Jesus wajaki kakaram chichaak Tímiayi "Shuar ni Enentáin kitiamakka Winin taa umar kitiakén Imíkráti.

7:38b.JOH.007.038 Winia Enentáimturna nuka ni Enentáiya entsa wa aintsan yamaram iwiaakman Súana Nú entsa jiinkittiawai."

7:39b.JOH.007.039 Nuna taku Jesus "Ashí Yúsan Enentáimtusarun Yusa Shiir Wakaní Súsatniuiti" Tímiayi. Tura Núnisan Yus-Papiniumsha aarmaiti. Antsu Jesus tuke nayaimpiniam wéatsain Yusa Wakaní shuar Súsachmauyayi.

7:40b.JOH.007.040 Chíkich shuarsha nuna antukar "Ju nekas Yúsnan etserin Tátinia Núiti" tiarmiayi.

7:41b.JOH.007.041 Chikichcha "Juka nekas Krístuiti" tiarmiayi. Tura Chíkichkia Jesus Kariréanmayaiti tu Enentáimiainiak tiarmiayi "Warí, ṡKariréa nunkanmaya Kristu áminkiait?

7:42b.JOH.007.042 Yus-Papinium paant tawai "Krístuka yaunchu uunt akupin Tawit weeanmaya akiiniatniuiti, tawai. Tura Tawitia pépruriya Pirinnumia átiniaiti" tawai" tiarmiayi.

7:43b.JOH.007.043 Tuma asamtai shuar Niisháa Niisháa Enentáimprar kanakiarmiayi.

7:44b.JOH.007.044 Chíkich aiya nuka "sepunam enkeatai" tiarmiayi Túrasha Túracharmiayi.

7:45b.JOH.007.045 Suntarsha waketkiarmiayi. Tura Pariséusha Israer-patri uuntrisha "ṡUrukamtai itiachuram?" tiarmiayi.

7:46b.JOH.007.046 Suntarsha tiarmiayi "Chikichkisha ju aishman chichaa aanis chichaschaiti" tiarmiayi.

7:47b.JOH.007.047 Nuyá Pariséu tiarmiayi "Atumsha anannarume.

7:48b.JOH.007.048 Pariséutisha uuntcha nuna Enentáimtuiniawash.

7:49b.JOH.007.049 Penké shuarka yaunchu akupkamun nékachua nuka yajauchiniam yuminkramu ainiawai" tiarmiayi.

7:50b.JOH.007.050 Nikiutémusha, kashi Jesusan tarimia nu, Pariséuitiat Tímiayi

7:51b.JOH.007.051 "Ii shuartikia, shuar ni Túramun etserkamu ántutsuk Súmamtikiachminiaiti" Tímiayi.

7:52b.JOH.007.052 Nuinkia niisha tiarmiayi "Wats, amesha Kariréanmayanchuashitiam. Yus-Chicham áujsam nekaattame. Kariréanmaya Yúsnan etserin penké Táiniatsui" tiarmiayi.

7:53b.JOH.007.053 Nuyá Ashí ni jeen waketkiarmiayi.

8

8:1b.JOH.008.001 Tura Jesuska Uriwiu Náinnium wémiayi.

8:2b.JOH.008.002 Tura kashin tsawar Yusa Uunt Jeen atak Támatai Ashí shuar Niin Káutkarmiayi. Túrawarmatai Jesus pujus unuiniarmiayi.

8:3b.JOH.008.003 Nuyá Israer-shuara jintinniurisha Pariséusha nuwan Wáinmakman Jesusan itiariarmiayi. Tura Ashí iruntramunam ajapén awajsarmiayi.

8:4b.JOH.008.004 Tura Jesusan tiarmiayi "Uunta, ju nuwa tsanirma Pujá achinkiayi.

8:5b.JOH.008.005 Muisais akupkamunmasha nuna Túraka "kayajai tukurar Máatniuiti" tawai. ṡAmesha warintmea?" tiarmiayi.

8:6b.JOH.008.006 Aya mamikmar nekapsatai tusar tiarmiayi. Niin sumamtikiatniun wakeriarmiayi. Nuyá Jesus Tsuntsumá ni uwejéjai Nunká aarmiayi.

8:7b.JOH.008.007 Tura tuke Iníam wajaki Tímiayi "Ayu, atumiiya Tunáa Túrichu ákunka kayan achik niin emka tukuti" Tímiayi.

8:8b.JOH.008.008 Tura nuna ti, ataksha Tsuntsumá Nunká aimiayi.

8:9b.JOH.008.009 Tura ni chichamen antukar ni Enentáin sumamawar uuntnumia Jukí chikichik chikichik jiinki wéarmiayi. Ashí wéarmatai Jesus Ninki Nuwájai Juákmiayi.

8:10b.JOH.008.010 Jesussha wajaki aya nuwanak Wáiniak Tímiayi "ṡAmin Súmamtikramainia nusha tuin pujuinia. Chikichkisha áwak?" Tímiayi.

8:11b.JOH.008.011 Niisha "Atsá, Uunta. Chikichkisha atsawai" Tímiayi. Nuyá Jesus Tímiayi. "Ayu. Wisha Súmamtikiatsjame. Yamaikia weme atakka Tunáa Túrawaip" Tímiayi.

8:12b.JOH.008.012 Ataksha Jesus Yusa Uunt Jeen iruntrarun Tímiayi "Ju nunkanam Wi Tsáapninia aintsan shuara Enentáin Tsáapniajai. Ashí Wijiai tsanin wekaana Nú shuar ni Enentáin kiritniunam wekasashtatui antsu Tsáapnin yamaram iwiaakman Súana nujai wekasattawai."

8:13b.JOH.008.013 Pariséu nuikia tiarmiayi "Ame pénkerum tau asam Támena nu aantraiti."

8:14b.JOH.008.014 Jesus Tímiayi "Tuyá winiaj tura tui weaj nu nékatsrume, tura Wikia nékajai. Tuma asan winia pénkerun Táyatnak Tájana nu pénkeraiti.

8:15b.JOH.008.015 Ju nunkanmaya aents Enentáimmiajai Enentáimtakrum ti Súmamtikrume. Tura Wikia chikichkinkesha Súmamtiktsujai.

8:16b.JOH.008.016 Tura Súmamtikkiunka awajitsuk Túrajai. Iis, Wiki shuar Túramun pénkerashit tusan Enentáimtsujai antsu winia Apar Winia akuptukua nusha Wijiai métek shuar Túramun nékawai.

8:17b.JOH.008.017 Atumí akupkamuriin aarmaiti: "Jimiará shuar mai Nú chichamnak Tákuinkia nu chicham nekasaiti."

8:18b.JOH.008.018 Wátsek Wisha winia Aparsha mai métek taji. Winia Aparsha akuptukuiti" Tímiayi.

8:19b.JOH.008.019 Tutai "ṡAme apasha tui Pujá?" tiarmiayi. Jesussha Tímiayi "Atumka Winiasha winia Aparsha nékatsrume. Winia nékarkurmeka winia Aparsha nekaawaintrume."

8:20b.JOH.008.020 Nuna Yusa Uunt Jeen Yusa Kuítrin suinia nui Tímiayi. Tuma ain sepunam enkeatniun achikcharmiayi ni tsawantri jeachu asamtai.

8:21b.JOH.008.021 Jesus ataksha Tímiayi "Wikia wéajai. Atumsha Eátkáttarme tura wi wéamunam wéchamniaitkiuram Atumí tunaarijiain jakattarme."

8:22b.JOH.008.022 Israer-shuarsha tiarmiayi "Wi wéamunam wéchamniaitrume" tutai, nuinkia Máamatpiash" tiarmiayi.

8:23b.JOH.008.023 Nuinkia Jesus Tímiayi "Atumka nunkayaitrume antsu Wikia nayaimpinmayaitjai. Ju nunkayaitrume tura Wikia juyanchuitjai.

8:24b.JOH.008.024 Tuma asamtai Tájarme "Atumi tunaarijiai jakattarme." Nekas Wi Tájana Núitjai. Tura nu Enentáimtachkurmeka atumi tunaarijiai jakattarme" Tímiayi.

8:25b.JOH.008.025 Niisha aniasarmiayi "ṡAmesha Yáitiam?" Jesussha Tímiayi "Yaunchu Tájarme.

8:26b.JOH.008.026 Nu arantcha atumin Súmamtikiatjarum tusan ti Tíminiaitjai. Winia Apar akuptukua nuka tuke nekasa nuna tawai. Tura aya ni taman antukan Ashí shuaran nunak tajai" Tímiayi.

8:27b.JOH.008.027 Tuma ain ni Aparin áujmatman penké nekaacharmiayi.

8:28b.JOH.008.028 Tuma asamtai Tímiayi "Aents Ajasuitjiana ju, numiniam ajintruarum Yakí takuriakrumin Nújainkia nekarattarme. Wi Tájana Núitjai tura winia Enentáirjain takatsuk aya winia Apar unuitiurmanak Tájai.

8:29b.JOH.008.029 Winia akuptukua nuka tuke Wíjiain pujawai. Winia Apar wakeramun tuke shiir Túrakui ikiurkichuiti" Tímiayi.

8:30b.JOH.008.030 Tutai Untsurí shuar Niin nekas Enentáimtusarmiayi.

8:31b.JOH.008.031 Israer-shuaran Niin shiir Enentáimtusarmia nuna Jesus Tímiayi "Wi Tájarmena nu yawetsuk Túrakrumka nekas winia unuiniamur átatrume.

8:32b.JOH.008.032 Nújaisha Timiá nekas ana nu nekaattarme tura nekas ankant ajastatrume" Tímiayi.

8:33b.JOH.008.033 Niisha tiarmiayi "Iisha Apraám weeaitji. Chikicha takarniur átai tusar penké emetachmaitji. ṡUrukamtai "Ankant ajastatrume" tame?" tiarmiayi.

8:34b.JOH.008.034 Jesus Tímiayi "Timiá nekasaiti, Ashí shuar tunaan Túruinia nuka nu tunaajai emetamuiti. Tuma asa takarniua Núnisan ajasuiti.

8:35b.JOH.008.035 Takarniusha ajapnamnia asamtai Yus atumin ajapramamniaitrume. Tura Akupniu Uchirínkia ni Aparíjiai tuke pujawai.

8:36b.JOH.008.036 Tuma asamtai Akupniu Uchirí ankant awajtamsamtainkia Imiá nekas ankant pujustatrume.

8:37b.JOH.008.037 Atum Apraám weeaitrume nékajai. Túmaitiatrum winia chichamur ántachu asarum mantuataj Tárume.

8:38b.JOH.008.038 Winia Apar iniaktursamun áujmatjai. Atumka Atumí uuntri timia Túrarme" Tímiayi.

8:39b.JOH.008.039 Tutai niisha tiarmiayi "Iikia Israer-shuar asakrin ii uuntrinkia Apraámaiti" tiarmiayi. Tura Jesus Tímiayi "Nekas Enentáimin Apraám weeaitkiurmeka Níiya Núnis Túrawaintrume.

8:40b.JOH.008.040 Nekas ana nuna Yus iniaktursamtai nuna ujakjarme, tuma ain mantuataj tarume. Apraámka Nuní Túrachmiayi.

8:41b.JOH.008.041 Antsu Atumí uuntri Túrana aintsarum Túrarme" Tímiayi. Tutai niisha tiarmiayi "Warí, tsanirnumia akiiniachuitji. Ii uuntri Yúskete. Niisha ii Aparínti."

8:42b.JOH.008.042 Tura Jesus Tímiayi "Yus nekas atumi Aparíntkiuinkia Winiasha Anentíntrume Yúsnumia tau asamtai. Wisha winia Enentáimmiarjai jui Táchaitjai antsu Yus akuptukuiti.

8:43b.JOH.008.043 ṡUrukamtai Wi Tájana nu Imiá nékatsrum? Wi Tájana nu nakitia asarum winia chichamur ántatsrume.

8:44b.JOH.008.044 Atumí Aparínkia uunt iwianchiiti. Tura niiniu asarum nii wakera nu Túrarme. Yámankamtaiksha uunt iwianchkia tuke mankartiniaiti. Nekas ana nunasha nakitiawai tuke Wáitrin asa. Wáitraksha Níiniunak chichaawai. Iis, waitia uuntri asa tuke Wáitriniaiti.

8:45b.JOH.008.045 Tura Wikia nekas takui átum Enentáimturtsurme.

8:46b.JOH.008.046 ṡYaki Chikichkí tunaajai Súmamtikruamniait? Nuikia Wi nekasa nuna tau aisha ṡurukamtai Enentáimturtsuram?

8:47b.JOH.008.047 Yús-shuarka Yus timian ántawai tura átum Yúsnachu asarum Wi Tájana nu nakitiarme" Tímiayi.

8:48b.JOH.008.048 Nuikia Israer-shuar tiarmiayi "Maa, ti nekas Tátsujik "Ame Samarianmaya Shuáraitme. Tuke yajauch ainiawai nusha. Nu arantcha iwianchrukuitme amesha" nekas taji" tiarmiayi.

8:49b.JOH.008.049 Jesussha Tímiayi "Iwianchrukchaitjai. Ayatik winia Aparun shiir Enentáimtikiajai. Tura átumka yajauch chichartarme.

8:50b.JOH.008.050 Wikia "shiir Enentáimturarti" Tátsujai Túrasha Yuska Ashí shuar Winia shiir Enentáimturat tusa wakerawai. Niisha Yus asa Ashí shuar Túramun pénkerashit tusa nekaattawai.

8:51b.JOH.008.051 Ti nekasaiti. Wi Tájana nuna Enentáimta Nú shuarka penké Jákashtiniaiti" Tímiayi.

8:52b.JOH.008.052 Nuinkia Israer-shuar tiarmiayi "Pai, yamaikia ti paant íwianch takakme. Apraámsha Ashí Yúsnan etserniusha Jákaruiti tura Ame "Wi Tájana nuna Enentáimtaka penké Jákashtiniaiti" Tátsumek tiarmiayi.

8:53b.JOH.008.053 ṡNuinkia ii uuntri Apraám nankaamaskaitiam. Niisha tura Yúsnan etserniusha Jákacharuk ainia. Itiurak Imiá nankaamantu Enentáimtumam?" tiarmiayi.

8:54b.JOH.008.054 Jesussha Tímiayi "Wiki shiir Enentáimtumaknaka penké aantraiti. Antsu Winia shiir Enentáimturna nu winia Aparuiti. Nusha átumka "winia Yúsruiti" Tárumna Núiti.

8:55b.JOH.008.055 Nusha Táyatrum Niin nékatsrume. Wikia Niin nékajai. "Niin nékatsjai" Tákunka atumjai métek Wáitrin aintjai. Tura Niin neka asan Nii tana nuna tuke Túriniaitjai.

8:56b.JOH.008.056 Apraámka, Atumí uuntri, Imiá yaunchu Jákaitiat Wi ju nunkanam Tátinian wararas Nákasmiayi. Tura Wáitiak ti shiir warartusmiayi" Tímiayi.

8:57b.JOH.008.057 Nuyá Israer-shuar Jesusan tiarmiayi "Warí, senkuenta (50) Uwí takaktsume Túmaitiatam Apraáman Wáinkiámjai tame."

8:58b.JOH.008.058 Jesussha Tímiayi "Ti nekas Tájarme, Apraámka pujatsain Wikia pujajai" Tímiayi Jesus.

8:59b.JOH.008.059 Nuna takui kayan achikiar "Jesusan tukutai" tiarmiayi. Tura Jesus úumak ni matsatmanum ajapénin weak Yusa Uunt Jeenia jiinki wémiayi.

9

9:1b.JOH.009.001 Jesus ni unuiniamurijiai wesa aishmankan kusuru akiinian Wáinkiamiayi.

9:2b.JOH.009.002 Ni unuiniamurisha aniasarmiayi "Uunta, jusha ṡurukamtai kusuru akiiniawit. Yana tunaarijiain kusuru akiiniait. Niiniujaimpiash, Aparíniujaimpiash Túrunawit?" tiarmiayi.

9:3b.JOH.009.003 Jesus Tímiayi "Ni tunaarijiainchusha ni Aparíniujainchusha Túrunaiti. Antsu Yus ni Ayashín Túratniua nu paant Atí tusa Túrunaiti.

9:4b.JOH.009.004 Tsawaikia takastiniaiti. Yamaikia Winia akuptukua nuna Takatrín Túratniuitjai. Kashi ajasmatai takastin atsuttawai.

9:5b.JOH.009.005 Jú nunkanam pujakun shuara Enentáin Tsáapnimtikratniuitjai" Tímiayi.

9:6b.JOH.009.006 Nuna chichas Nunká usukmi nunkajai pachimiar kusuru jiin yakarmiayi.

9:7b.JOH.009.007 Nuyá chichaak "Siruí pajamtai entsanam nijiamauta" Tímiayi. Siruísha nu chichamnum "akupkamu" tawai. Kusurusha we nijiamar pénker iimiar Támiayi.

9:8b.JOH.009.008 Nuyá ni írutkamurisha nuik Wáinin ármia nusha tiarmiayi "Juka pujus tuke Kuítian seamniuya Núchakait."

9:9b.JOH.009.009 Chíkich "Ee, Núkete" tiarmiayi. Chikichcha "Atsá, Núchaiti; kame nuash tumainti" tiarmiayi. Tura ninki "Ee, wiitjai" Tímiayi.

9:10b.JOH.009.010 Tutai aniiniak "ṡItiurak yamaikia iimiam?" tiarmiayi.

9:11b.JOH.009.011 Niisha Tímiayi "Aishman Jesusa nu tsakusan Jíirun yakartur "Siruí pajamtai entsanam nijiamauta" turutmiai. Takui wena nijiamaran paant iimpramjai" Tímiayi.

9:12b.JOH.009.012 Tutai "Nu aishmansha tuin Pujá" tiarmiayi. Niisha "Cha, nékatsjai" Tímiayi.

9:13b.JOH.009.013 Nuyá kusuru Tsuárman Pariséunam Júkiarmiayi.

9:14b.JOH.009.014 Kame Jesus kusurun tsuarmia nui ayampratin tsawantauyayi.

9:15b.JOH.009.015 Tuma asamtai Pariséusha itiurak iimnium tusar aniasarmiayi. Niisha Tímiayi "Jiiruin tsakusan Yakaarámtai, nijiamaran paant iimjiai."

9:16b.JOH.009.016 Nuyá Chíkich Pariséu shuarnumia nuamtak tunaiyar "Juna Tsuáruka Yúsaiyanchuiti. Kame ayampratin tsawantai Túraiti" tiarmiayi. Tura chikichcha "Tunáa shuaraitkiuinkia Júnisan Túratniun tujinkiaayi" tiarmiayi. Nujai akannaikiarmiayi.

9:17b.JOH.009.017 Tsuármancha ataksha aniasarmiayi "Amin Tsuármarua nu ṡWarí Enentáimtam?" tiarmiayi. Tutai "Wikia "Yúsnan etserniuiti" tajai" Tímiayi.

9:18b.JOH.009.018 Tura Israer-shuar nekas kusuruitiat Yamái iimiui tu Enentáimtuscharmiayi Pariseu. Tuma ásar ni Aparíncha untsukar

9:19b.JOH.009.019 inintrusarmiayi "ṡAme uchiram kusuru akiinia Tárumna nukait. Itiurak yamaikia iimia?" tiarmiayi.

9:20b.JOH.009.020 Ni Aparísha tiarmiayi "Ii Uchirínkia kusuru akiiniama nu nékaji.

9:21b.JOH.009.021 Tura iisha nékatsji itiurak yamaikia iimia. ṡYátsuk pénker Tsuáruit? Niisha uuntchakait, nii aniastarum. Ninki ujatmakarti" tiarmiayi.

9:22b.JOH.009.022 Sapijmiak tiarmiayi. Israer-shuara uuntrinkia "Jesus Yus akupkamu asa nekas Krístuiti" tuinia Núnaka Israer-shuara iruntainmaya jiiki akupnakti tiniu ásarmatai tsuarma Aparí ashamkarmiayi.

9:23b.JOH.009.023 Nu asamtai ni Aparí "Niisha uuntchakait, nii aniastarum" tiarmiayi.

9:24b.JOH.009.024 Nuinkia Israer-shuara uuntri kusuru Tsuárman ataksha untsuk tiarmiayi "Yus iimmianum nekasa nu Titiá, ju aishmankka tunaarinniuiti nékaji" tiarmiayi.

9:25b.JOH.009.025 Tutai Tímiayi "Kame tunaarinchashit. Nékatsjai. Antsu junak nékajai. Yaunchu kusuruitiatan yamaikia iimjiai."

9:26b.JOH.009.026 Ataksha aniiniak "ṡItiurtámkama. Itiur iimtikrammia?" tiarmiayi.

9:27b.JOH.009.027 Niisha Tímiayi "Yaunchu Tájarme tura anturtatsrume. ṡUrukamtai ataksha titi tusa wakerarum. Niiniu ajastin Enentáimprurmek?" Tímiayi.

9:28b.JOH.009.028 Nuinkia katsekkar "Ameka Ní shuarinme. Tura iikia Muisaisa Shuárintji, tiarmiayi.

9:29b.JOH.009.029 Yus Muisaisan akupkaiti iikia nékaji antsu nu aishman nékatsji. ṡTuyantskait?" tiarmiayi.

9:30b.JOH.009.030 Aishman tsuarma Tímiayi "ṡAusha itiurtsuk áminiait? Winia iimtikrurma nu átumka nékatsrume tuyankit.

9:31b.JOH.009.031 Paant nékaji tunaarinniun Yus anturtsui. Tikishmatar ni wakeramun Túruinia nunak anturui.

9:32b.JOH.009.032 Yáunchusha kusuru akiinian Tsuáruka tuke atsuwaiti.

9:33b.JOH.009.033 Ju aishman Yúsaiyanchuitkiunka penké Túrachaayi" Tímiayi.

9:34b.JOH.009.034 Nuinkia tiarmiayi "Ameka tunaarintin akiiniaitiatmesha ṡin jintintin átaj tamek?" Nuna tiar jiiki awemarmiayi.

9:35b.JOH.009.035 Kusuru Tsuárman jiiki awemarma nuna Jesus nekaamiayi. Tura Wáiniak "Yusa Uchiría nu Enentáimtamek" Tímiayi.

9:36b.JOH.009.036 Tsuarma Tímiayi "Uunta, turuttia wisha nekaan Enentáimtustaj."

9:37b.JOH.009.037 Jesussha Tímiayi "Wainme. Wiitjai ámijiai chichaajna nu."

9:38b.JOH.009.038 Tutai, tikishmatar "Uunta, Enentáimtajme" Jesusan Tímiayi.

9:39b.JOH.009.039 Nuyá Jesus Tímiayi "Shuara Enentáin nekaan, akantratajtsan Táwitjai. Ni Enentáin kusuru ain iimtiktinian tura ananmamuk "Yusnan nekaan paant iimjiai" tana nuna ukusturtinian Táwitjai" Tímiayi.

9:40b.JOH.009.040 Tutai Pariséu shuar nui pujuarmia nu nuna antukar "ṡNuinkia iikia kusurukaitiaj~i?" tiarmiayi.

9:41b.JOH.009.041 Jesussha Tímiayi "Atum kusuruitkiurmeka Atumí tunaari Wáinchakrum sumamachu aintrume. Tura "paant iimjiai" tau asarum sumamaitrume" Tímiayi.

10

10:1b.JOH.010.001 Jesus Tímiayi "Wi Tájana nu ti nekasaiti. Shuar murikiun takakna nu ni murikrin wenuimiunam kashi ikiuawai. Tura murik wenuimiunam pujuiniakui yajauch shuar murikiun kasamkatniun wakerakka Wáitiniam wayachmin asa tanishnum waruk Yajá wayawainti.

10:2b.JOH.010.002 Antsu murikiu Wáinniuka Wáitiniam wayaawai.

10:3b.JOH.010.003 Waiti Wáinniuka nekas murikiun Wáinniun Wáitin uratui. Muriksha ni Wáinniuri chichamen nékainiawai. Niisha Ashí ni murikrin chikichik chikichik Náarin anaitius Untsúawai. Tura tsawaikia ni murikrin jiiki ayurtainiam yarumui.

10:4b.JOH.010.004 Tura Ashí ni murikrin jiir émtuki wéawai. Muriksha ni chichamen ántuiniak untsuam nemarainiawai.

10:5b.JOH.010.005 Chíkich Shuárnaka nékachu ásar nemarainiatsui. Antsu ni chichamen nékainiachu ásar pisainiawai."

10:6b.JOH.010.006 Nu métek-taku chichamnaka Jesus áujmatsamiayi tura shuar antukar nekaacharmiayi.

10:7b.JOH.010.007 Nuyá Jesus Tímiayi "Ti nekasan Tájarme. Wenuimiu Wáitiri murik wainia nuka Wiitjai. Shuarsha murikiu aintsar Winí wayamin ainiawai.

10:8b.JOH.010.008 Wi Táatsain Ashí Táaruka kasa ainiak winia shuarun kasamkatai tusa wakeriarmiayi. Tura winia murikiur Wíi shuar ainiak nu shuaran anturkacharmiayi.

10:9b.JOH.010.009 Wikia Wáititjai. Ashí Winin wayaaka uwemprattawai. Tura murikiua aintsan wenuimiunmaya jiinki pénker Yurumáttawai tura atak Wayá ayamprattawai' Tímiayi.

10:10b.JOH.010.010 `Kásaka aya kasamkatniuncha Máatniuncha emesratniuncha wakerawai. Antsu Wikia yamaram iwiaakman tuke shiir atsumtsuk takusarti tusan Táwitjai.

10:11b.JOH.010.011 Wikia pénker Wáinniuitjai. Pénker Wáinniuka ni murikrin uwemtikrartaj tusa jakattawai.

10:12b.JOH.010.012 Antsu aya kuitjai takauka ni murikrichu ainiakui tura nekas Wáinniuchu asa pénker Wáintsui. Kame uunt Yawá winiakui murikiun ikiuki pisaawai. Uunt yawasha murikiun achik tsakinmawai.

10:13b.JOH.010.013 Nu shuarsha akikiam Takáa asa murikiun Enentáimtatsui. Nu asamtai aya pisaawai' Tímiayi.

10:15b.JOH.010.015 `Wikia pénker Wáinniuitjai. Winia Aparsha nékarui. Wisha Aparun nékajai. Núnisnak murikrun nékajai tura winia murikrusha nékarui. Wisha murikiun uwemtikrataj tusan jakattajai.

10:16b.JOH.010.016 Chíkich muriknasha takakjai. Nusha ju wenuimiunmayanchu ainiawai. Nunasha itiattajai. Nu muriksha Winia umirtukar Ashí métek matsamsar Chikichík wenuimiunmaya ajasartatui tura chikichik Wáinin átatui' Tímiayi.

10:17b.JOH.010.017 `Winia murikrun uwemtikrataj tusan jakattajai turan atak nantaktiatjai. Nu asamtai winia Apar anentui.

10:18b.JOH.010.018 Wi wakerakun jakattajai. Wi wakerachkuinkia Chíkichkia mantuachminiaiti. Jákatniuncha tura nantaktinniasha winia Apar surusuiti" Tímiayi Jesus.

10:19b.JOH.010.019 Israer-shuarsha nuna antukar Niisháa Enentáimprar kanakiarmiayi.

10:20b.JOH.010.020 Untsurí tiarmiayi "ṡUrukamtai ántarum Wáuruk tausha. Yajauch wakanin takaktsuk?"

10:21b.JOH.010.021 Tura chikichcha tiarmiayi "ṡYajauch wakantrinniusha Núnisan chichasminkiait. Yajauch wakantrinniusha kusurun iimtikramniashit?" tiarmiayi.

10:22b.JOH.010.022 Micha nantutin Israer-shuar Jerusarénnum namperan najanainiawai. Nu nampernumsha Yusa Uunt Jee atak jeamman Enentáimtuiniawai.

10:23b.JOH.010.023 Jesussha Yusa Uunt Jee áachiniam wekasamiayi Sarumúnka Wáitiria nui.

10:24b.JOH.010.024 Israer-shuarsha Niin téntakar tiarmiayi "ṡAme nekas Krístukaitiam? Ju chichamaik etserkata. ṡUrukamtia nekas paant Tátsum?" tiarmiayi.

10:25b.JOH.010.025 Tutai Jesus Tímiayi "Yaunchu tiniu ain Enentáimturachmarme. Winia Apar akupkamun takaajna nu ti paant awajtawai.

10:26b.JOH.010.026 Tura átumka winia murikruchu asarum Enentáimturtsurme.

10:27b.JOH.010.027 Wisha winia murikrun untsuam anturtuiniak nemartuiniawai. Wisha Wínianak mash nékajai.

10:28b.JOH.010.028 Tura yamaram iwiaakman tuke Jákashtinian Súajai. Nu asamtai niisha menkakachartatui antsu Wi wainkia asamtai ṡyaki jurutkit?

10:29b.JOH.010.029 Winia Apar murikiun surusuiti. Niisha Ashí nankaamas kakaram asamtai ṡyaki uwejéyan atankit?

10:30b.JOH.010.030 Wisha winia Aparjai iisha aya chikichkiitji" Tímiayi Jesus.

10:31b.JOH.010.031 Tutai Israer-shuarsha atak kayan achikiar tukutaj tiarmiayi.

10:32b.JOH.010.032 Jesussha Tímiayi "Winia Aparu kakarmarijiai ti untsuri pénkera nuna takasuitjai. ṡTújaimpia mantuattarum?"

10:33b.JOH.010.033 Israer-shuarsha Niin tiarmiayi "Pénker Túra asakmin Máataj Tátsuji antsu Yus yajauch chicharkumin Túrattaji. Ameka Shuáraitiatam Yusa nuke Enentáimtumame" tiarmiayi.

10:34b.JOH.010.034 Nuyá Jesussha Tímiayi "Atumí akupeamuriin Yus timia nu aarmaiti: "Atum Yúsaitrume" tawai.

10:35b.JOH.010.035 Kame Yus-Papinium aarma nu tuke nekaschakait. Tuma asamtai ni chichamen antukarun Yuska "Yúsaitrume" takui nuikia ti nekaschakait.

10:36b.JOH.010.036 Niisha Yúsaitkiuinkia nuikia Yus Apa anaikia ju nunkanam akupkamu asan ti nekas Yúschakaitiaj. Nújainkia wi "Yusa Uchiríntjai" takui ṡitiurak "Yusan yajauch chicharui" Túrutrum?

10:37b.JOH.010.037 Winia Apar Túramu Túrachkuinkia Enentáimtursairap.

10:38b.JOH.010.038 Tura nekas Túrakuinkia Enentáimtursatarum. Tura Winia nakitrakrumsha nuikia wi Túramu Enentáimtustarum. Nujainkia winia Apar Winin pujamu Ashí nekaattarme. Núnisnak Wisha Niin pujajai. Iisha chikichkiitji."

10:39b.JOH.010.039 Tutai ataksha sepunam enkeatai tiarmiayi. Túrasha Jesus uwempramiayi.

10:40b.JOH.010.040 Nuyá Jesus Jurtan entsa amain wé yaunchu Juan imiakrattainium pujusmiayi.

10:41b.JOH.010.041 Ti Untsurí shuar iyuwar tiarmiayi "Nekas Juanka aentsti tujintiamun Túrachiat Ashí Jesusnan Tímia nu nekasaiti" tu tiarmiayi.

10:42b.JOH.010.042 Nuisha Untsurí Jesusan Enentáimtusarmiayi.

11

11:1b.JOH.011.001 Petania péprunam aishman, ni naari Rásaru, jaa pujumiayi. Nu péprunam Marí ni kaijiai Mártajai pujumiayi.

11:2b.JOH.011.002 Niisha Rásaru umai ármiayi. Nu Marisha ukunmanka kunkuinian sumak Jesusan kuer ni Intiashíjiai japirmiayi.

11:3b.JOH.011.003 Tura Rásaru jaakui ni umai Jesusan chichaman akuptuiniak tiarmiayi "Uunta, ame amikrum jaawai."

11:4b.JOH.011.004 Jesussha nuna antuk Tímiayi "Tuke jakataj tusa jaatsui. Antsu Yusa kakarmarisha tura ni Uchirí kakarmarisha Jú sunkur Tsuármanum paant Atí tusa jaawai."

11:5b.JOH.011.005 Jesus Mártancha ni kaincha tura ni umai Rásaruncha nekas aneemiayi.

11:6b.JOH.011.006 Túmaitiat Rásaru jaawai taman antukiat ni pujamunam Jimiará tsawant pujusmiayi.

11:7b.JOH.011.007 Nuyá ni unuiniamurin "Ataksha Jutía nunkanam Wetái" Tímiayi.

11:8b.JOH.011.008 Tura ni unuiniamurisha tiarmiayi "Uunta, nuiksha Israer-shuar kayajai tukurmar mantamatai Tícharmaka. ṡNui ataksha wétai Támek?"

11:9b.JOH.011.009 Jesussha ju métek-taku chichaman Tímiayi "Tsawaikia Páantchakait. Tsawai wekaana nu paant asamtai tukumkashtatui.

11:10b.JOH.011.010 Tura kashi wekaana nusha kirit asamtai Tukumkáttawai. Núnisan Wíi tuke pujakun winia takatrun takastiniaitjai. Túraknasha itiurchatan Wáinkiashtatjai."

11:11b.JOH.011.011 Nuyásha Jesus atak Tímiayi "Ii amikri Rásaru kanarai. Wi ishintiartatjai."

11:12b.JOH.011.012 Tutai ni unuiniamuri tiarmiayi "Uunta, aya kanarka nuinkia pénker ajastatui."

11:13b.JOH.011.013 Jesuska Rásaru jakamu nékayat "kanarai" Tímiayi. Tura ni unuiniamuri Rásaru kajinmakua aintsan kanarai Enentáimprarmiayi.

11:14b.JOH.011.014 Jesus nuikia ti paant Tímiayi "Rásaru yamaikia jakayi.

11:15b.JOH.011.015 Tura nui pujuscha asan Kúntuts pujatsjai. Jean Túrattajna nu iisrum ti nekas Enentáimtursattarme. Nuna nekaan shiir Enentáimjai. Wátsek, iyutai."

11:16b.JOH.011.016 Nuyá Jimiampramu Tumas Chíkich unuiniamuri nui armia nuna "Iisha weri Niijiai métek jakatai" Tímiayi.

11:17b.JOH.011.017 Nui taa, Rásarun kuatru tsawant ikiusman Wáinkiamiayi.

11:18b.JOH.011.018 Petania pépruka Jerusarénnumia Menaintiú kirumitru ainis Tíjiuchiiti.

11:19b.JOH.011.019 Tuma asamtai untsuri Israer-shuar Mártasha Marísha, ni umai jakamtai uutkui atsankrataj tusa weriarmiayi.

11:20b.JOH.011.020 Mártasha Jesus Tíjiuch ajasun Nekáa inkiuntajtsa wémiayi. Antsu Marikia Jeá pujumiayi.

11:21b.JOH.011.021 Tura Marta Jesusan inkiun Tímiayi "Uunta, Ame pujakminkia winia umar Jákachaayi.

11:22b.JOH.011.022 Tura tuke nékajai Ashí Yus seamna nuna Súramui."

11:23b.JOH.011.023 Jesussha Tímiayi "Ame umaimisha nantaktiatui."

11:24b.JOH.011.024 Mártasha Tímiayi "Nekas, Ashí amuamunam Jákaru nantaktin tsawantai nantaktiatui. Nuna nékajai."

11:25b.JOH.011.025 Nuyá Jesus Tímiayi "Iwiaaku átinia nérentin asan Wikia iniantkartiniaitjai. Winia Enentáimturna nuka jakasha nantaktiatui.

11:26b.JOH.011.026 Tura Ashí iwiaaku pujana nusha Winia Enentáimturaka penke Jákashtatui. ṡNu nekasaiti tu Enentáimtamek?"

11:27b.JOH.011.027 Niisha "Ee, Uunta, ame Yusa Uchirínme. Krístuitme, uwemtikkiartin Jú nunkanam Tátinia nu" Tímiayi.

11:28b.JOH.011.028 Mártasha nuna ti, ni kai Marin untsuk úukan Tímiayi "Uunt jui taa untsurmawai."

11:29b.JOH.011.029 Marisha nuna antuk Wárik wajaki Jesusa iyuttsa wémiayi.

11:30b.JOH.011.030 Jesussha péprunam jeatsuk Marta inkiunmanum pujumiayi.

11:31b.JOH.011.031 Marí wari wajaki wématai Israer-shuar nu jeanam atsankrattsa pujuiniasha nuna iisar weriarmiayi. Iwiarsamunam uuttiasa wéatsuash tusa weriarmiayi.

11:32b.JOH.011.032 Marisha Jesus pujamunam Jeá tikishmatar Tímiayi "Uunta, Ame pujakminkia winia umar Jákachaayi."

11:33b.JOH.011.033 Jesussha Marincha tura niijiai uutuncha Wáiniak Wáitnentaimta asa ti Kúntuts pujusmiayi.

11:34b.JOH.011.034 Tura "Tui iwiarsamarum" Tímiayi. Niisha "Uunta, iitia" tiarmiayi.

11:35b.JOH.011.035 Jesussha uutmiayi.

11:36b.JOH.011.036 Israer-shuarsha "Ti aneatsuk" tiarmiayi.

11:37b.JOH.011.037 Tura Chíkich "Kusuru Tsuáruchukait. Nii pujakuisha Rásaru Jákaampiash" tiarmiayi.

11:38b.JOH.011.038 Jesussha ti kuntuts Enentáimiar iwiarsamunam Weankámiayi. Náinnium asa paka taurma áuyayi. Tura kaya atutkamuyayi.

11:39b.JOH.011.039 Tura Jesus "Kaya jurustarum" Tímiayi. Rásaru umai Marta Tímiayi "Uunta, kuatru tsawant Jákaiti. Mejeatsuk' Tímiayi.

11:40b.JOH.011.040 Tura Jesus Tímiayi "Yus Enentáimtakmeka Yusa kakarmari Wáinkiattame Tíchamkajam."

11:41b.JOH.011.041 Nuikia kayarin uratiarmatai Jesus nayaimpin iis Tímiayi "Aparu, Winia anturtakmin yuminsajme.

11:42b.JOH.011.042 Winiasha tuke anturtame tura ju shuaran pénker Enentáimtikrataj tusan tajai. Ame akuptukuitmena nuna nekarmawarti."

11:43b.JOH.011.043 Nuna tinia kakaram untsuak "Rásaru Jíinkitia" Tímiayi.

11:44b.JOH.011.044 Nujainkia penuarmartiuk jiinkimiayi. Yapinmasha jaanchjiai ijiamuyayi. Tura Jesus "Atirtarum. Wéti" Tímiayi.

11:45b.JOH.011.045 Untsurí Israer-shuar Marin nemariaru Jesus Túramun iisar Enentáimtusarmiayi.

11:46b.JOH.011.046 Tura Chíkichkia Pariséunam wear Jesus Túramun ujakarmiayi.

11:47b.JOH.011.047 Nuna antukar Pariséusha Israer-patri uuntrisha Ashí naamka uunt armia nujai iruntrar tiarmiayi "ṡWarí itiurkamniait? Nu shuarka aentsti tujintiamun ti Túratsuk.

11:48b.JOH.011.048 Aya Júnik iniaiyakrinkia Ashí shuar Niin Enentáimtuschartatuak. Nuyá Rúmanmaya apach taar mesetan najanawartatui tura iin amutmakar Yusa Uunt Jeencha emesrartatui."

11:49b.JOH.011.049 Nu uwitin Kaipias Israer-patri uuntriyayi. Niisha Tímiayi "Atumka nékatsrume.

11:50b.JOH.011.050 ṡAshí Israer-shuar mesertin pénkerkait. Antsu aya chikichik shuar Jákatin pénkerchakait?" Tímiayi.

11:51b.JOH.011.051 Kaipiaska aya ni Enentáimmiajain Tíchamiayi. Antsu nu uwitin Israer-patri uuntri asamtai Yus nuna Enentáimtikramiayi. Nújainkia Israer-shuar Jesus jaruktinian ujakmiayi.

11:52b.JOH.011.052 Tura aya Israer-shuarnakcha antsu niijiaisha Ashí nunkanam Yus-shuar ajasarun irurtajtsa Jákatniuyi.

11:53b.JOH.011.053 Tuma asamtai nu tsawantinin Israer-shuara uuntri Jesus Máatai tusar áujmatsarmiayi.

11:54b.JOH.011.054 Nu asamtai Jesus paant wantiniak Israer-shuarnum wekaichmiayi. Antsu Jutía nunkanmaya jiinki atsamu nunkanam Eprain pepru Tíjiuch wémiayi. Tura nui pujusmiayi ni unuiniamurijiai.

11:55b.JOH.011.055 Israer-shuara namperi paskua ishichik jatemsamtai Untsurí shuar Yajá péprunmaya Jerusarénnum Káunkarmiayi. Kame paskua jeatsain Muisais timia Núnisan ni Ayashísha Enentáisha iwiarnarat tusa wakeriarmiayi.

11:56b.JOH.011.056 Jesusnasha eak yujarmiayi. Tura Yusa Uunt Jeen pujusar nuamtak aniniaisar "ṡWarí Enentáimiam. Jístanam tatimpiash?" tiarmiayi.

11:57b.JOH.011.057 Pariséusha Israer-patri uuntrisha akupainiak "Jesus Pujá nekaamka ujatkata" tiarmiayi. Jesusan sepunam enkeatai tusar tiarmiayi.

12

12:1b.JOH.012.001 Paskua Jísat jeatin sais tsawant ajasmatai Jesus Petania péprunam wémiayi. Jesus jakamunmaya iniantkimia Nú Rásaru nuin pujumiayi.

12:2b.JOH.012.002 Jesus jeamtai ayurawarmiayi. Rásarusha niijiai Yurumámiayi. Mártasha yurumkan iwiasmakmiayi.

12:3b.JOH.012.003 Tura Marikia kunkuinian ti kuitjai ritru ajapén sumak itiamiayi. Tura Jesusa nawen kuer ni intiashijiai japirmiayi. Jeasha nu kunkuinjai ti shiir kunkunmiayi.

12:4b.JOH.012.004 Jútas Iskariúti, Semunka Uchirí, nui pujumiayi. Niisha Jesusa unuiniamurintiat ukunam Jesusan surukmiayi Máawarat tusa. Niisha Tímiayi

12:5b.JOH.012.005 "ṡUrukamtai nu kunkuinian ti kuitjai surukchama Kuítrinchan Súsatniun?"

12:6b.JOH.012.006 Kame Kuítrinchan Enentáimtak Tíchamiayi. Antsu unuiniamu Kuítrin wainkia asa Yúpichuch kasamkamniuyayi. Tuma asa nuna Tímiayi.

12:7b.JOH.012.007 Tura Jesus Tímiayi "Iniaisata. Wi iwiarnakui kuératniun sumak ikiurtusuiti.

12:8b.JOH.012.008 Kuítrincha tuke atumjai íruntsuk. Antsu Wikia atumjai tuke pujuschattajai" Tímiayi.

12:9b.JOH.012.009 Israer-shuarsha Jesus Petania péprunam pujan antukar Jesus iistaitsar weriarmiayi. Rásaruncha Jesus jakamunmaya iniantkimiua nusha iyutai tusar wearmiayi.

12:10b.JOH.012.010 Túramtai Israer-patri uuntrinkia chichaman jurusarmiayi Rásaru maatai tusar.

12:11b.JOH.012.011 Untsurí Israer-shuar Rásaru iniantkimiun nekaawar Israer-patrin ikiukiar Jesusan Enentáimtusarmiayi. Túrawarmatai Rásaruncha Máatniun wakerukarmiayi.

12:12b.JOH.012.012 Paskua namperan pachiintiuktajtsa ti Untsurí shuar Jerusarénnum wearmiayi. Kashin tsawar Jesus Nú peprunam Tátinian nekaawarmiayi.

12:13b.JOH.012.013 Niisha tintiuki nuké ainis nukan Júurar Jesusan inkiuntai tusar Jíinkiarmiayi. Túrawar untsumainiak "Shiir tati, tiarmiayi. Yusa kakarmarijiai winiana nu Tí pénkeraiti. Israer-shuara uuntri asa shiir Atí" tu untsumiarmiayi.

12:14b.JOH.012.014 Jesussha umpuurun Wáiniak entsamkamai. Núnisan aarmaiti Yus-Chichamnum:

12:15b.JOH.012.015 "Seun péprunmaya shuara, ashamkairap. Atumí Akupniuri umpuurunam entsamak winiawai."

12:16b.JOH.012.016 Nu chichamaik Jesusa unuiniamuri nu Túrunamun nekaacharmiayi. Tura ukunam Jesus nayaimpiniam shiir waketkimtai Enentáimprarmiayi. Ashí Jesusna aarma Núnisan Túrunamiayi.

12:17b.JOH.012.017 Jesus Rásarun iwiarsamunmaya iniantkimiun Wáinkiarua Nú shuar nuna áujmatiarmiayi.

12:18b.JOH.012.018 Tuma asamtai shuar Jesus nu tujintiamun Túramtai nekaawar Jesusan inkiunktaj tusar Jíinkiarmiayi.

12:19b.JOH.012.019 Tura Pariséusha nuamtak tiarmiayi "Iis, penké tujinkiaji. Maa iista, Ashí shuar Niin nemarainiatsuk."

12:20b.JOH.012.020 Paskua nampernum Yus shiir awajsatniun Jerusarénnum weriaruka Untsurí nunkanmaya shuar ármiayi. Kriaku apachcha ármiayi.

12:21b.JOH.012.021 Niisha Jiripin weantukarmiayi. Kame nu Jiripi Petsaitia péprunmayauyayi. Petsaitia péprusha Kariréa nunkanam awai. Nincha Kriaku apach seainiak "Uunta, Jesusjai chichastaitsar wakeraji" tiarmiayi.

12:22b.JOH.012.022 Jiripisha Antresan Werí ujakmiayi. Nuyá niijiai métek tsaninkiar Jesusan weriar ujakarmiayi.

12:23b.JOH.012.023 Jesussha Tímiayi "Wi Aents Ajasuitjiana ju tsawantur jeayi. Túramtai shiir Awájnástatjai.

12:24b.JOH.012.024 Wi Tájana nu ti nekasaiti. Jinkiaia ántsanketjai. Araachmaka ninki pujatsuk. Antsu araamka tsapain jinkiaichiri kaushmariat nerek ti Untsurí ajatsuk. Núnisnak Wi jakamtai ti Untsurí shuar yamaram iwiaakman takusartatui.

12:25b.JOH.012.025 Shuarsha jinkiaia nuke aya ju nunkanam pénker pujustinian Enentáimkiunka ántar pujak nekas iwiaakmarin emenkaktatui. Tura ju nunkanam pénker pujustinian Enentáimtsuk Jákatniuncha ashamchaa Nú shuarka nekas iwiaakman Wáiniak tuke iwiaaku átatui.

12:26b.JOH.012.026 Shuar winia átaj takunka nemartusti. Túranka Wi pujajna nui Wíi shuar tuke átatui. Núnisan Wíi shuar winia takatrun Takáa nuna winia Aparsha shiir Enentáimtustatui' Tímiayi.

12:27b.JOH.012.027 `Yamaikia Enentáirui ti itiurchat pujajai. ṡWarittiajak. "Aparu, ju Túrunatniunmaya uwemtikrurta" titiajash? Antsu Jú Túrunatniun Táwitjai.

12:28b.JOH.012.028 Aparu, wi Túramujai Ashí shuar ame Náarmin shiir Enentáimturarti" Tímiayi Jesus. Tutai nayaimpinmaya chichaman antukarmiayi. "Winia Náarun shiir awajsaitjai tura ataksha shiir awajsattajai" Tímiayi.

12:29b.JOH.012.029 Shuarsha nui pujuinia "ipiamtachuashit" tiarmiayi. Tura chikichcha "Nayaimpinmaya suntar Niin chichasai" tiarmiayi.

12:30b.JOH.012.030 Jesussha Tímiayi "Wi antuktinian chichaschayi antsu átum nekaatarum tusa chichasai.

12:31b.JOH.012.031 Yamaikia nunkanam makumatin jeayi. Tura íwianch ju nunkanam akupniua nu nupetnak ajapnattawai.

12:32b.JOH.012.032 Tura numiniam awajnaintai Ashí nunkanmayanka shuar Enentáimturartatui" Tímiayi.

12:33b.JOH.012.033 Juna taku Krúsnum Jákatniun ujakmiayi.

12:34b.JOH.012.034 Shuarsha awajirar tiarmiayi "Yaunchu Yus akupkamu papiniumia áujsar nékaji. Kristu tutai tuke Jáatsuk iwiaaku pujustiniaiti. ṡItiurak nuikia "Aents Ajasu numiniam awajnaitniuiti" tame? Aents Ajasuka Krístuchukait, Yus anaikiamu. Núchaitkiuinkia Aents Ajasuka yait?" tiarmiayi.

12:35b.JOH.012.035 Nuinkia Jesus Tímiayi "Wi Tsáapninia aintsanketjai. Tsáapnisha Atumíin aya ishichik tsawantin Tsáapniartatui. Tsáapin ana juik wekasatarum kirit ajatsain. Kame kiritniunam wekaana nusha nékatsui itiuranimpia wea.

12:36b.JOH.012.036 Tsáapnin Wáinkiuram niin Enentáimtustarum. Túrakrum winia Tsáapnintrui wekasattarme." Jesussha nuna ti wémiayi uumak pujustaj tusa.

12:37b.JOH.012.037 Jesus aentsti tujintiamun ti Untsurí Túramtaisha Niin Enentáimtuscharmiayi.

12:38b.JOH.012.038 Yúsnan etserin Isayas yaunchu aarma uminkiatniuyi: "Uunta, ṡya ii ujam antukuit. Yusa kakarmarisha yana iniaktusuit?" tu aarmaiti.

12:39b.JOH.012.039 Nuna uminiak Jesusan Enentáimtuscharmiayi. Tura nu arantcha Isayas aarmiayi:

12:40b.JOH.012.040 "Yus niin kusuru awajsaiti tura ni Enentáincha Kátsuram awajsaiti. Ni jiijiai iimsain tusa tura ni Enentáijiai nekaawain tusa Túraiti. Kame ni tunaari iisar Enentáimtuiniakui Yus niin Tsuárainti" tu aarmaiti.

12:41b.JOH.012.041 Isayas yaunchu Jesusan nayaimpiniam ti shiir pujan Wáiniak nuna Tímiayi.

12:42b.JOH.012.042 Tuma ain Untsurí Israer-shuarsha tura ni uuntrinmayasha Jesusan nekas Enentáimtusarmiayi. Tura niisha Pariséun ashamainiak paant Tícharmiayi. Israer-shuara iruntairiya jiiki awetamaij tusa ashammiarmiayi.

12:43b.JOH.012.043 Yus shiir Enentáimtursati tutsuk antsu shuar shiir Enentáimtursati tusar Túrawarmiayi.

12:44b.JOH.012.044 Jesus kakantar untsumuk Tímiayi "Winia Enentáimturuk aya Winiak Enentáimturtsui antsu winia Aparun Winia akuptukua nunasha Enentáimtawai.

12:45b.JOH.012.045 Winia Wáitkiusha Winia Aparnasha Wáinui.

12:46b.JOH.012.046 Wikia Tsáapnin asan Winia Enentáimturainia nuka kiritniunam wekasain tusan ju nunkanam Táwitjai.

12:47b.JOH.012.047 Shuáran sumamtikiatniun Táchaitjai antsu uwemtikratniun Táwitjai. Tuma asamtai shuar winia chichamprun antuk Umíachkunka sumamaiti. Tura Wikia sumamtikiachuitjai.

12:48b.JOH.012.048 Winia nakitrur chichampruncha Enentáimtachuka sumamtikiamuiti. Wi timiaj nuka amuukatin tsawantai niin sumamtikiattawai.

12:49b.JOH.012.049 Wi Enentáimmiajain chichaatsjai. Winia Apar akattur akuptukuiti. Tura chichastinia nuna surusuiti.

12:50b.JOH.012.050 Wisha nékajai, Ashí winia Apar akupeamuka yamaram iwiaakman tuke amuukashtinian Súawai. Tuma asamtai winia Apar Túrutmia Núnisnak tajai" Tímiayi Jesus.

13

13:1b.JOH.013.001 Paskua Jísat jeatin Chikichík tsawant ajasmatai Jesusa tsawantri jeatemayi. Túramtai ju nunkan ikiuki ni Aparíin wétiniuyi. Jesussha nuna nekaamiayi. Ashí Níiniun ju nunkanam pujuinian tuke anea asa Amúamunmasha yapajitsuk tuke aneemiayi.

13:2b.JOH.013.002 Nu tsawantaisha murikiun Yúatin ármiayi. Tura Yurumátin jeatsain, uunt iwianch Semunka Uchirí Jútas Iskariúti Enentáin Jesusan surukat tusa Enentáimtikramiayi.

13:3b.JOH.013.003 Tura Jesus Yusaiya tau asa waketkitniuyi. Tura Yus Apa Ashí mash susamiayi akupin Atí tusa. Jesussha nuna Nekáa

13:4b.JOH.013.004 Chíkich yurumuk pujuiniai wajakmiayi. Tura pushirin aimiak awankéman emenmamamiayi.

13:5b.JOH.013.005 Nuyá nijiaamatainium entsan Yará ni unuiniamuri nawen nijiatramiayi. Tura awankémjai japirmiayi.

13:6b.JOH.013.006 Semun Pítrunam jeamtai Pítiur Tímiayi "Uunta, ṡWinia nawer nijiartaj tamek?"

13:7b.JOH.013.007 Jesussha Tímiayi "Wi Túrajna nu Yamái nékatsme tura ukunam nekaattame."

13:8b.JOH.013.008 Tura Pítiur Tímiayi "Penké winia nawer nijiarchattame." Jesussha Tímiayi "Wi nijiaachkuinkia Wijiai tsaninkia pujuschamniaitme."

13:9b.JOH.013.009 Tutai Semun Pítiur Tímiayi "Nuinkia, Uunta, aya nawerkechu antsu uwejrusha tura muukarsha nijiatrurta."

13:10b.JOH.013.010 Tura Jesus Tímiayi "Yamái mainkia Ayashí shiir asamtai aya nawenin Nijiamártiniaiti. Atumí Enentáin Ashí pénkeraitrume. Túrasha Ashí shuarcha" Tímiayi.

13:11b.JOH.013.011 Kame Jútas Niin suruktinian Nekáa "Ashí shuarcha" Tímiayi.

13:12b.JOH.013.012 Jesussha nijiar umik ni pushirin entsarmiayi. Tura atak pujus Tímiayi "ṡAtumsha Wi Túrajna nu nekaarmek?

13:13b.JOH.013.013 Wi Atumí Uuntri asamtai nekas "Uunta" Túrutrume. Nusha pénkeraiti.

13:14b.JOH.013.014 Tura Jintinniuitiatan tura Uuntaitiatan Atumí nawen nijiarchajak. Atumsha Núnisrumek nuamtak Náwem nijiatnairatarum.

13:15b.JOH.013.015 Atumin nekapruatsan Túramjai. Atumsha Núnisrumek Túratarum.

13:16b.JOH.013.016 Ti nekasan tajai. Takarniuka ni uuntri nankaamaschaiti. Akupkamusha akupea nuna nankaamaschaiti.

13:17b.JOH.013.017 Nu nekaarum Túrakrumka shiir átatrume.'

13:18b.JOH.013.018 `Tura Tájana nuna Ashí Tátsujrume. Anaikiaitiaj Núnaka Wi nékajai. Tura Yus-Chicham uminkiatniuiti, nékajai. Ju aarmaiti: "Wijiai yurumna nu winia nemasur ajasai."

13:19b.JOH.013.019 Nuka Túmatsain ujaajrume. Nuyá Túrunamtai Yusa Uchiríntjai nusha paant nekaattarme.

13:20b.JOH.013.020 Wi Tájana nu nekasaiti. Shuar Wi akupeaj nuna shiir itiaakka Winiasha shiir itiaarui. Tura Winia shiir itiaarna nusha Winia Akuptukuncha itiaawai" Tímiayi.

13:21b.JOH.013.021 Nuna ti, Jesus ni Enentáin ti itiurchat Enentáimpramiayi. Tura paant Tímiayi "Nekas tajai, chikichik jui atumjai pujana nu Winia surutkattawai."

13:22b.JOH.013.022 Tutai ni unuiniamuri nuamtak iiniaisar "ṡYanak ta?" tiarmiayi.

13:23b.JOH.013.023 Chikichík unuiniamuri, Jesus ti aneamu, Niijiai tsanin yurumuk pujumiayi.

13:24b.JOH.013.024 Tuma asamtai Semun Pítiur ni uwejéjai iniakmas "Aniasta, ṡyanak áujmata?" Tímiayi.

13:25b.JOH.013.025 Tutai Jesusan áyanmatsan aniasmiayi. "ṡYait, Uunta?" Tímiayi.

13:26b.JOH.013.026 Jesussha ayak "Tantan Túumnium ajunkan susattaj Núiti" Tímiayi. Nújain tantan Túumnium ajun Semunka Uchirín Jútas Iskariútin susamiayi.

13:27b.JOH.013.027 Tura Wárik Jútas tantan achikmatai íwianch ni Enentáin wayamiayi. Nuyá Jesus Tímiayi "Túrattamna nu Wárik Túrata."

13:28b.JOH.013.028 Tura Ashí nui yurumainiak pujuarmia nusha wariniak ta tusa nekaacharmiayi.

13:29b.JOH.013.029 "Kuítrincha kuit Súsarta" Tátsuash tu Enentáimprarmiayi. Tura chikichcha "nampernum Yurumátin atsumajnia nu sumakta" Tátsuash, tu Enentáimprarmiayi. Jútas Kuítian Wáinin asamtai tu Enentáimprarmiayi.

13:30b.JOH.013.030 Jútas tantan yua kashi ajasmanum Jíinkimiayi.

13:31b.JOH.013.031 Jútas Jíinkimtai Jesus Tímiayi "Wi Aents Ajasu asamtai winia kakarmar yamaikia paant átatui. Tura wi Túramujai Yusa kakarmarisha ti paant átatui.

13:32b.JOH.013.032 Wi Yusa kakarmarin paant awajeakui Wisha ni Uchirí asamtai winia kakarmarnasha Yuska Wárik paant awajsattawai.

13:33b.JOH.013.033 Uchichiru, atumjai ti Untsurí tsawant pujuschattajai yamaikia. Wi Israer-shuaran Tímiaj Nútiksanak atumin Tájarme. Atumsha Winia Eátkáttarme tura wi wéamunam winishtatrume.

13:34b.JOH.013.034 Ju yamaram akupeamun amaajai nuamtak mai anenai ajatarum tusan. Wi atumin aneajrumna Núnisrumek atumsha nuamtak mai anenai ajatniuitrume.

13:35b.JOH.013.035 Anenaiyakrumninkia nujai Ashí shuar "Kristu unuiniamuri ainiawai" Túramartatui.

13:36b.JOH.013.036 Semun Pítiur Jesusan aniasmiayi "Uunta, ṡtua wéam?" Jesussha Tímiayi "Wi wéajna nui yamaikia winichminiaitrume. Tura ukunam winittiarme."

13:37b.JOH.013.037 Nuyá Pítiur Tímiayi "Uunta, ṡurukamtai yamaikia winichminiaitiaj? Amin Yáintajtsan jakataj tajai."

13:38b.JOH.013.038 Jesussha Tímiayi "ṡNekasmek Táme? Ti nekas Tájame, atash shiniatsain Winia Menáintiú natsantrurtatme" Tímiayi.

14

14:1b.JOH.014.001 "Kúntuts pujusairap. Yus Enentáimtustarum, Winiasha Enentáimtursatarum.

14:2b.JOH.014.002 Winia Aparuí átum pujustin ti ankant awai. Tura nuna iwiarataj tusan Aparuí wéajai, nekasaiti. Nekaschaitkiuinkia ṡitiurak ujakaajrum?

14:3b.JOH.014.003 Tura iwiaaran amukan ataksha Tátatjai. Tura tana yaruaktatjarme, wi pujamunam atumsha Pujusúk tusan.

14:4b.JOH.014.004 Wi wéaj nu nékarme tura jintiasha nékarme" Tímiayi Jesus.

14:5b.JOH.014.005 Tumas Tímiayi "Uunta, Ame weam nu nékatsji. ṡJintiasha itiurak nekaattaj~i?"

14:6b.JOH.014.006 Jesussha Tímiayi "Wi nekas Jíntiaitjai. Wíjiainchu wekaana nuka winia Aparuí jeatniun penké tujintiawai. Tura Wisha tuke nekas tiniu asan nekas ana nuna Shuáran nékamtikiajai. Wisha Shuáran yamaram iwiaakman tuke amuukashtinian Súwitjai.

14:7b.JOH.014.007 Winia nékarkurmeka winia Aparsha nekaawaintrume. Yamaisha Nii Wáinkia asarum nékarme" Tímiayi.

14:8b.JOH.014.008 Nuinkia Jiripisha Tímiayi "Uunta, Apasha Wáinkiarka maak."

14:9b.JOH.014.009 Jesussha Tímiayi "Jiripi, atumjai ti pujusu aisha ṡtuke nékartsumek? Winia Wáitkia nuka Winia Aparnasha Wáinkiaiti. ṡItiurak, nuikia, "Apasha Wáinkiarka maak" tame?

14:10b.JOH.014.010 Winia Aparjai tsaninkian pujakun tura winia Aparsha Wijiai pujakui tuke chikichkiitji. ṡNu nékatsrumek? Wi Tájarmena nu Winia chichampruchuiti. Yus Apa Winí pujak ni wakeramun takaawai.

14:11b.JOH.014.011 Nekaatarum. Wisha winia Aparjai tsaninkia pujakur nekas chikichkiitji. "Nu chicham itiurchataiti" Enentáimkiurmeka wi Túramu nuikia Enentáimpratarum. Wi Túramujai chikichik ájinia nu Páantchakait.

14:12b.JOH.014.012 Wi Tájarmena nu ti nekasaiti. Winia Enentáimturna nu Wi Túrajna nuna Túrattawai. Tura winia Aparuí wéakui nuna nankaamas tujintiamun Túrattawai.

14:13b.JOH.014.013 Ashí Winia Enentáimtursarum seatrumna nuna amastatjai. Nújainkia winia Apar shiir awajnastatui.

14:14b.JOH.014.014 Winia Enentáimtursarum seakrumninkia Ashí Túrattajai' Tímiayi.

14:15b.JOH.014.015 `Atumsha anentkurmeka winia chichamur umiktarum.

14:16b.JOH.014.016 Tura wéakun winia Aparun chikichan akupturmakti tusan seattajai. Niisha atumjai tuke pujak atsantamprartatui.

14:17b.JOH.014.017 Nusha Yusa Wakaníinti. Yus-shuarcha Niin nekaachmin ainiawai. Tuma asamtai ni Enentáin wayachminiaiti. Antsu átumka atumi Enentáin pujakui Nii nékarme. Niisha Atumí Enentáin tuke pujustatui.

14:18b.JOH.014.018 Mitiaikia aitkiasnak ikiukchattajrume. Atumíin atak Tátatjai.

14:19b.JOH.014.019 Ishichik tsawant nankaamasmatai Chíkich shuar irunna nu Wáitkiachartatui. Tura Wi iwiaaku asamtai átumka nu iwiaakmajai pujustatrume. Tuma asarum Wáitkiattarme.

14:20b.JOH.014.020 Tura nu tsawantai ju nekaattarme. Wisha winia Aparjai tsaninkia pujakur chikichkiitji. Núnisnak Wisha atumjai tsaninkian pujajai. Tura atumsha Wijiai tsaninkia pujarme.

14:21b.JOH.014.021 Shuar Winia anentuka wi akupkamun Nekáa Umíawai. Nú shuarnaka winia Aparsha aneawai. Wisha niin aneajai tura nekarati tusan iniaktustatjai." Jesus nuna Tímiayi.

14:22b.JOH.014.022 Chíkich Jútas, Iskariútichu, Tímiayi "Uunta, ṡurukamtai Ashí shuarnum iniaktutskesha aya iin iniaktustatam?"

14:23b.JOH.014.023 Jesus Tímiayi "Winia anentuka Tájana nuna Enentáimtawai. Winia Aparsha nu shuaran aneattawai. Tura Wisha winia Aparnum nu shuarjai tsaninkia pujustatji.

14:24b.JOH.014.024 Antsu Winia anentchaka Tájana nuna Enentáimtatsui. Atum ántarmena Nú chichamka Wíniachuiti, antsu Yus Apa Winia akuptukua Núnaiti' Tímiayi.

14:25b.JOH.014.025 `Atumjai tuke pujakun nuna Tájarme.

14:26b.JOH.014.026 Yus Apa ni Shiir Wakanin atumin Yáinmak atsantamprarat tusa akupturmaktatrume. Wi seam Túrattawai. Nu Wakancha Ashí Wi ujakjarmena nuna atak Enentáimtikramprar Ashí unuitiamprartatui' Tímiayi.

14:27b.JOH.014.027 `Imiatkinchanum pujustarum. Imiatkinchanum pujajna Núnisrumek pujustarum tusan amaajai. Jú nunkanmanka warastin Wáinkiashtatrume. Antsu itiurchatnum pujayatrumkesha Wijiai imiatkinchanum pujustatrume. Ashamtsuk pujustarum. Itiurchat Enentáimprairap.

14:28b.JOH.014.028 Nuik timiaj nu antukmarme. Aparuí wena atak Atumiín Tátatjai. Winia Aparka Wijiai nankaamas uuntaiti. Tuma asamtai ti nekas anentkurmeka "Aparuí wéajai" takui Ashí warasaarme.

14:29b.JOH.014.029 Nuka Túmatsain ujaajrume. Túrunamtai Nuyá Winia Enentáimtursattarme" Tímiayi.

14:30b.JOH.014.030 `Jú nunkanmayan akupin winiakui atumjai Núkap chichaschattajai yamaikia. Wíniaka nupettukchamniaiti.

14:31b.JOH.014.031 Tura Wikia winia Aparun aneajai tura Nii akupturkama nuna tuke Túrajai. Ashí shuar nuna nekaawarti tusa Ashí Túrunatniuiti. Wajaktiarum. Juyá Wetái' Tímiayi.

15

15:1b.JOH.015.001 `Winia iwiaakmarun amaakun numi arakma aintsanketjai. Wikia kampuintjai atumsha kanawentrume. Winia Aparsha arakan Wáiniua Núnisaiti.

15:2b.JOH.015.002 Winia kanawernasha nereatsna Núnaka tsupik ájapeawai. Tura nereana Núnaka Púruawai Nú nukap nerekat tusa.

15:3b.JOH.015.003 Wi ujakjarmena nujai puruarmaitrume.

15:4b.JOH.015.004 Numí kanawesha kampuin áchitkiachkunka ninki nerekchamniaiti. Núnisrumek atumsha Winí áchitkiachkurmeka nerekchamniaitrume. Wi atumjai áchitkiaj Núnisrumek atumsha Winí tuke áchitkia atarum' Tímiayi.

15:5b.JOH.015.005 `Wikia kampuintjai atumsha kanawentrume. Kampuinkia kanawen áchitkia Núnisnak achiakjarme. Tura kanawe ni kampuinin áchitkia Núnisrum Winí áchitkia atarum. Túrakrumka Núkap nerektatrume. Antsu Wíjiainchuka pénker Túratin penké tujintiarme.

15:6b.JOH.015.006 Winí áchitkiachuka ajapam kukartatui. Kanawesha kukarmatai shuar irumkar aesawartatui' Tímiayi.

15:7b.JOH.015.007 `Tuke Winí áchitkiaitkiurmeka tura winia chichamprusha kajinmattsuk emetarmeka átum wakerarmena nu seakrumin amastatjai.

15:8b.JOH.015.008 Atum Núkap nereakrumninkia Ashí shuar "Nekas Jesusa unuiniamurinti" Túramartatui tura winia Aparnasha shiir awajsartatui.

15:9b.JOH.015.009 Winia Apar anenna Nútiksanak Wisha atumin aneajrume. Winia aneamur tuke atarum.

15:10b.JOH.015.010 Winia Aparu akupkamurin umiakun tuke ni aneamurintjai. Núnisrumek winia akupkamur umiakrumka tuke winia aneamur átatrume' Tímiayi.

15:11b.JOH.015.011 `Wi waraajna aintsarmek warastarum tusan nuna Tájarme. Tura ti shiir warastatrume.

15:12b.JOH.015.012 Wi akupkamu Júiti: "Wi aneajrumna Nútiksarmek Ashí anenaitiarum."

15:13b.JOH.015.013 Shuar ni amikrin Yáintaj tusa jakanka ti anenkartichukait.

15:14b.JOH.015.014 Wi akupeamu takaakrumka atumsha winia amikruitrume.

15:15b.JOH.015.015 Takarniuka ni uuntri takaana nuna nékatsui. Tuma asamtai "winia takarniuruitrume" Tátsujrume. Antsu Ashí winia Apar Táman ujaku asan "winia amikruitrume" Tájarme.

15:16b.JOH.015.016 Aya Atumí Enentáimsamurijiain Wíi shuar ajaschamarme. Antsu akatramur ajastarum tusan atumniaka achikjarme Wi. Winia takatur takastiniaitrume. Túrarum pénker Túratniuitrume nerektinia aintsarmek. Tura nu nere amuutsuk tuke átiniaiti. Tuma asamtai winia Apar searmena nuna amastatui.

15:17b.JOH.015.017 Júnaka akupeajrume: Nuamtak mai anenai ajatarum' Tímiayi.

15:18b.JOH.015.018 `Ju nunkanmaya shuar Winia emka nakitrurar atumniasha nakitramarme.

15:19b.JOH.015.019 Atumsha ju nunkanmaya shuaraitkiurminkia niiniua Nútiksan anenmaintrume. Antsu Wíi shuar ajastarum tusan ju nunkanmaya achikmajrume. Túramtai nekas ju nunkanmayanchuitrume yamaikia. Nu asamtai nu shuar nakitramainiawai.

15:20b.JOH.015.020 "Takarniuka ni uuntri nankaamaschaiti" Tíchamkajrum. Shuar Winia yajauch awajtusaru ásar atumniasha yajauch awajtamsartatui. Chikichcha umirtukaru ásar atumniasha umirtamkartatui.

15:21b.JOH.015.021 Winia Akuptukun nékachu ásar Winia Enentáimturkurmin yajauch awajtamsartatui' Tímiayi.

15:22b.JOH.015.022 `Wi tana Yus-Chichaman niin ujakchamtainkia tunaanum sumamacharaayi. Antsu ujakma ásar "Nékachkun Túraitjai" Tíchamin ainiawai.

15:23b.JOH.015.023 Winia nakitruinia nuka winia Aparnasha nakitiainiawai.

15:24b.JOH.015.024 Aents penké Túrachman Túrachuitkiuinkia tunaanum sumamacharainti. Antsu wi Túramun Wáinkiaru ainiayat Winiasha tura winia Aparnasha nakitiainiawai.

15:25b.JOH.015.025 Yaunchu Yus akupkamunam aarmaiti: "Penké ántar nakitrurarmai." Nu chicham uminkiati tusa Túrunaiti' Tímiayi.

15:26b.JOH.015.026 `Tura atsantamprattsa Yáinmana nuna winia Aparuiya akuptuktatjarme. Niisha tuke nekas tiniu Wakaniiti. Niisha Yusaiya taa atumin nekamtikramprattarme.

15:27b.JOH.015.027 Atumsha yaunchu Wijiai pujusu asarum nekamtikiattarme' Tímiayi.

16

16:1b.JOH.016.001 `Atum kanartukairum tusan Júnaka Tájarme.

16:2b.JOH.016.002 Israer-shuar iruntainiumia jiiki akuptamkattarme. Nu arantcha mantamainiaksha "Yúsan shiir awajsattsan Túrajai" Tiártatui.

16:3b.JOH.016.003 Nu shuar Winiasha tura winia Aparnasha nékachu ásar Túrutmawartatui.

16:4b.JOH.016.004 Núnaka Yamái Tájame. Tura Túrunamtai "Núnisan átiniaiti" timiaj nu nekaarum itiurchat Enentáimprairap' Tímiayi. `Atumjai tuke Pujá asan Núnaka yaunchu ujakchamajrume.

16:5b.JOH.016.005 Antsu yamaikia Wáketjai winia Akuptukmia nujai pujustaj tusan. Tuma ain wéajna nu inintratsrume.

16:6b.JOH.016.006 Antsu nuna takui ti kuntuts Enentáimprarme.

16:7b.JOH.016.007 Tura Wi wématai atumjainkia nuna nankaamas pénker átatui. Iis, Wi wéaknaka atumin yainmaktinia nuna akupkattajai tura wéachkuinkia Táchattawai. Nuka ti nekasaiti.

16:8b.JOH.016.008 Yusa Wakaní taa Ashí Jú nunkanmaya aentsun ju menaintiun nekamtikiattawai. Ni tunaari aan nekamtikiattawai. Pénker tunaajainchu wekasamniana nunasha nekamtikiattawai. Tura Yus tunaanum Súmamtikiamniana nunasha nekamtikiattawai.

16:9b.JOH.016.009 Winia Enentáimturainiachu Tunáarintin ainiawai.

16:10b.JOH.016.010 Winia Aparuí Wáketkui Wáitkiashtatrume. Tuma asamtai Ashí shuar wi pénker tunaajainchu wekaamun nekaawartatui.

16:11b.JOH.016.011 Tura ju nunkanam akupniunka Yus tunaanum Súmamtikia asa shuarnasha Súmamtikiamniaiti. Nuna paant nekaawartatui' Tímiayi.

16:12b.JOH.016.012 `Nu arantcha Núkap Tíintjiarme Túrasha átumka nekaachaintrume.

16:13b.JOH.016.013 Yusa Wakaní Ashí nekas tiniu asa Ashí nekasa nuna unuitiamprattarme. Ni Enentáimmiajai Tíchattawai antsu winia Aparuí antukma nuna ujatmaktatui. Ukunam átatna nunasha ujatmaktatui.

16:14b.JOH.016.014 Ashí Wínian ujatmak Winia shiir awajtustatui.

16:15b.JOH.016.015 Ashí winia Apar takakna nusha Wíniaiti. Nu asamtai "Ashí Wínian ujatmaktatui" tajai' Tímiayi.

16:16b.JOH.016.016 `Ishichik pujusrum Winia Wáitkiashtatrume. Nuyá ataksha ishichik pujusrum ataksha Wáitkiattarme. Wisha winia Aparuí wéajai" Tímiayi.

16:17b.JOH.016.017 Nuyá ni unuiniamuri nuamtak aniniaisarmiayi "ṡJú chichamsha warimpait? "Ishichik pujusrum Wáitkiashtatrume tura ataksha ishichik pujusrum Wáitkiattarme tura Aparuí wéajai" Tátsuk.

16:18b.JOH.016.018 "Ishichik pujusrum" tana nusha ṡwarimpait? Nii tana nu ántatsji" tiarmiayi.

16:19b.JOH.016.019 Jesussha niin aniastai Táman Nekáa Tímiayi "Ishichik pujusrum Wáitkiashtatrume Nuyá ataksha ishichik pujusrum Wáitkiattarme" Tímiajai. ṡNúchakait átum inintrustin wakerarmena nu?

16:20b.JOH.016.020 Ti nekas Tájarme: Atumka Kúntuts pujusrum uuttiatrume tura Yus-shuarcha Warásártatui. Tuma ain~ki átum Kúntuts pujayatrumek ukunam warastatrume.

16:21b.JOH.016.021 Iis, nuwasha jurertin tsawant jeamtai najaimiak Wáitiatsuk. Tura uchin jurerka ti waraak Wáitsamunka Enentáimtsui.

16:22b.JOH.016.022 Atumsha Núnisrumek yamaik Kúntuts pujarme. Tura atak iitjiarum tusan winiakui ti shiir Atumí Enentáin warastatrume. Nu warastinian jurutramkichminia ainiawai.'

16:23b.JOH.016.023 `Nu tsawantinkia penké ininsashtatrume. Ti nekas Tájarme Winia Enentáimtursarum winia Apar searum nuna Ashí amastatui.

16:24b.JOH.016.024 Yamaisha Winia Enentáimtursarum winia Apar seachurme. Seakrumninkia amastatui ti shiir warasaruk tusa' Tímiayi.

16:25b.JOH.016.025 `Métek-taku chichamjai nakumkan nuna Tímiajai. Tura ukunmanka nujai chichatsuk winia Aparnan paant ujaktatjarme.

16:27b.JOH.016.027 Nu tsawantai átumka Winia Enentáimtursarum winia Apar seattarme. Winia Aparsha atumin anea asamtai Wi Niin áujsatin atsumashtatrume. Winia anentu asarum tura winia Aparuíya taman Enentáimtakrumin Niisha anenmawai.

16:28b.JOH.016.028 Winia Aparuíya Jíinkin Jú nunkanam Táwitjai. Yamaikia Jú nunkanmaya Jíinkin ataksha Aparuí Wáketjai" Tímiayi.

16:29b.JOH.016.029 Nuyá ni unuiniamuri tiarmiayi "Yamaikia métek-taku chichamjainchu chichaame.

16:30b.JOH.016.030 Mash nékaitme. Shuar Amin ininmatsain pénker aimkiatin nékame. Nu nekaar Ame nekas Yúsnumiaitme tu Enentáimtaji" tiarmiayi.

16:31b.JOH.016.031 Tura Jesus Tímiayi "ṡNekasash Enentáimtarum?

16:32b.JOH.016.032 Ti warik átumka ashamkarum Niisháa tsakinmaktatrume tura Winiak ikiurkittiarme. Antsu winia Apar pujakui Wiki pujatsjai.

16:33b.JOH.016.033 Winia Enentáimturkuram imiatkinchanum pujusarat tusan Tájarme. Jú nunkanam ti Wáitsattarme. Tura Wi Jú nunkanmayan nupetka asamtai warastarum" Tímiayi Jesus.

17

17:1b.JOH.017.001 Nuna ti Jesus nayaimpinmaani iimias Tímiayi "Aparu, Yamái jeayi ame Uchiram shiir awajsatin. Núnisan ame Uchirmisha pénker awajtamsattawai.

17:2b.JOH.017.002 Ashí shuara Akupniuri najataitme. Nujainkia Winia surusumna Nú shuaran yamaram iwiaakman tuke amuukashtinian Súsaitjai.

17:3b.JOH.017.003 Aparu, Chíkich atsawai. Amek nekas Yúsaitme. Wisha Jesuskrístuitjai Ame akuptukmamna nu. Nu asamtai Ashí shuar nuna Enentáimtak yamaram iwiaakman tuke amuukashtinian takakui.'

17:4b.JOH.017.004 `Ashí Túratniun akuptukmamna nuna amukuitjai. Túran ju nunkanam shiir awajsaitjame.

17:5b.JOH.017.005 Nuna Túramtai, Aparu, ti yaunchu Jú nunka atsaisha Amijiai pujakui shiir awajtusmamna Núnismek yamaisha shiir awajtusta.'

17:6b.JOH.017.006 `Ashí Jú nunkanmaya surusmamna Nú shuaran Amin nekamtikiamjai. Aminiu ainiakui surusmame. Niisha ame chichammin Umirtámkaruiti.

17:7b.JOH.017.007 Ashí Wi takaajna nu Amek surusuitme. Niisha nuna nékainiawai.

17:8b.JOH.017.008 Ame chichamem surusmam nuna ujakam niisha Umirtámkaruiti. Ame akuptukakmin Amiiníya Táwitjai. Nu nekasaiti tu Enentáimtuiniawai.'

17:9b.JOH.017.009 `Niin yainkiarta tusan seajme. Jú nunkanmaya shuaran Amin Enentáimturmainiatsna nuna seattsujai. Antsu Ame surusmam nuna, Aminiu ajasarmatai, Yáinkiarta tusan seajme.

17:10b.JOH.017.010 Ashí Winia ainia nuka Aminiuiti. Tura Ashí Aminiu ainia nuka Winia ainiawai. Winia pénkerusha ni Túramunam paant awajsaiti.'

17:11b.JOH.017.011 `Wikia yamaikia Jú nunkanam pujuschattajai. Tura nu shuarka jui pujuartatui. Antsu Amijiai pujustajtsan winiakui Ashí surusumna nuka, Aparu, ti shiir asam ame kakarmarmijiai Wáinkiata. Wisha Amijiai chikichik ájinia Núnisan niisha Ashí iruntrar chikichik ajasarti.

17:12b.JOH.017.012 Jui niijiai pujakun ame kakarmarmijiai ti pénker Wáinkiamjai. Antsu Yus-Chichamnum aarma uminkiati tusa aya chikichik menkakaiti. Niisha tuke emesnartinia Núiti.'

17:13b.JOH.017.013 `Yamaikia Amiini winiajai. Tura jui tuke pujakun juna Tájame. Niisha Wi waraajna Núnisar ti shiir warasarat tusan tajai.

17:14b.JOH.017.014 Wi Jú nunkanmayanchuitjai. Niisha Núnisan Jú nunkanmayanchu ainiawai. Tuma asamtai ame chichammin Wi susamtai Jú nunkanmaya shuarka niin nakitiainiawai.

17:15b.JOH.017.015 Jú nunkanmaya Jíiki tusan seatsjame. Antsu íwianch niin nupetkain tusan seajme.

17:16b.JOH.017.016 Wi juyanchuitiaj aintsan niisha juyanchu ainiawai.

17:17b.JOH.017.017 Ame chichammin ti nekasa nuna ántuiniakui pénker awajsata.

17:18b.JOH.017.018 Juya shuarnum akuptukmam aintsan Wisha niin Chíkich shuarnum akupeajai.

17:19b.JOH.017.019 Aya Aminiunak takastaj tusan Enentáimtimjai. Túra asamtai niisha aya Aminiunak takastinian Enentáimpratin ainiawai' áujtak Tímiayi.

17:20b.JOH.017.020 `Aya Níiniunkeka seatsjame antsu Ashí ni chichamen antukar Winia Enentáimtursartatna nusha ame Yáinkiarta tusan seajme.

17:21b.JOH.017.021 Ashí niisha chikichkiniak Enentáimtusarti tusan seajme. Wisha Amesha, Aparu, chikichik ájinia Núnisan niisha Iijiai iruntrar chikichik ajastai tusar seajme. Wíi shuar chikichik najanata tusan seajme. Nuyá ju nunkanmaya shuar akuptukuitmena nuna nekaawartatui.

17:22b.JOH.017.022 Ame shiir awajtursamna Núnisnak Wisha niin shiir awajsaitjai. Iikia chikichik ájinia Núnisan niisha chikichik ajasarti tusan Túraitjai.

17:23b.JOH.017.023 Wi ni Enentáin pujakui Amesha Winin pujakmin penké chikichik ajasarti. Túramtai Ashí shuar juna nekaawartatui: Ame akuptukuitme, tura Winia anenmena aintsam nu shuarsha aneame. Wíi shuar chikichik ajasmajai Ashí shuar nuna nekaawartatui.'

17:24b.JOH.017.024 `Aparu, shuar surusmam nu, Wi pujustatjana nui pujusarti tusan seajme. Tura ti shiir awajtusmamna nuna iisarti tusan nuna seajme. Ju nunka najanchamunman tuke anentin asam ti shiir awajtusuitme.

17:25b.JOH.017.025 Aparu, ti pénker áminin ju nunkanmaya shuar nekarmainiatsui. Antsu Wi nékajme. Ju shuarsha ame akuptukman nékainiawai.

17:26b.JOH.017.026 Nú shuaran Amin nekarmawarti tusan jintintiaitjai. Tura nu arantcha jintintiattajai. Nújainkia Wisha ni Enentáin pujurkui Winia anenmena aintsan niisha anenkratin ajasartatui" áujtak Tímiayi Jesus.

18

18:1b.JOH.018.001 Jesussha nuna tinia amuk ni unuiniamurijiai Setrun Entsá katin numi arakmanum wémiayi.

18:2b.JOH.018.002 Jútassha Niin suruktajtsa pujumia nuka nu ajan nekaamiayi. Untsurí tsawant Jesus ni unuiniamurijiai nui iruntramtai Jútas Jesusan nui Wáinkiatniun Enentáimpramiayi.

18:3b.JOH.018.003 Tura Untsurí suntarjaisha Jesusan tariarmiayi. Pariséusha Israer-shuar Patri uuntrisha suntarnasha Yusa Jeen Wáiniuncha Jesusan achikiarat tusa akupkarmiayi. Niisha machitniasha nankincha Rámparancha jiniasha Júkiar weriarmiayi.

18:4b.JOH.018.004 Jesussha Ashí átinia nuna neka asa jiintiuki "ṡYa eaarum?" Tímiayi.

18:5b.JOH.018.005 Niisha "Nasarétnumia Jesus" tiarmiayi. Jesussha "Wiitjai" Tímiayi. Jútassha Jesusan surukua nu niijiai pujuarmiayi.

18:6b.JOH.018.006 Tura Jesus "Wiitjai" takui ti ashamkar úkumur waketainiak iniaararmiayi.

18:7b.JOH.018.007 Ataksha Jesus "ṡYa eaarum?" Tímiayi. Niisha "Nasarétnumia Jesus" tiarmiayi.

18:8b.JOH.018.008 Nuinkia Jesus Tímiayi "Wiitjai, Tájarme. Winia eatkurmeka Wíi shuar ainia juka waketkiarti" Tímiayi.

18:9b.JOH.018.009 Jesus nuik aujuk "Winia Apar surusma nu menkakacharai" timia nu uminkiati tusa Jesus "waketkiarti" Tímiayi.

18:10b.JOH.018.010 Nuyá Semun Pítiur machitian jusa Marku Kuíshin untsuurnumaani tsupirkamiayi. Markusha Israer-patri Uuntrí takarniuriyayi.

18:11b.JOH.018.011 Túramtai Jesus Pítrun Tímiayi "Machitrumka awainki ikiusta. Winia Apar Wáitsatniun surakuinkia ṡWáitsashtinkaitiaj?"

18:12b.JOH.018.012 Nuinkia apach suntarsha ni Kapitiántrisha Yusa Jeen wainniusha Jesusan achikiar jinkiawarmiayi.

18:13b.JOH.018.013 Nuyá Anasa jeen Júkiarmiayi. Anassha Kaipiasa Wearíyayi. Tura Kaipias nu uwitin Israer-patri uuntriyayi.

18:14b.JOH.018.014 Kaipiaska nuik "ṡAshí Israer-shuar mesertin pénkerkait. Antsu aya chikichik shuar Jákatin pénkerchakait?" timia Núiti.

18:15b.JOH.018.015 Semun Pítiur Chíkich unuiniamujai Jesusa uku weriarmiayi. Israer-patri uuntri Nú unuiniamunka nékauyayi. Tuma asamtai ni jeen jeawar, suntar Jesusjai aa tanishnum Wáiniakui niisha wayamiayi.

18:16b.JOH.018.016 Tura Pítiur aa Wáitiniam wajaamiayi. Túramtai Chíkich unuiniamu jiinki Wáitin Wáinia Nú nuwajai chichas Pítrun Awayámiayi. Nui nékanu asa Yúpichuch Awayámiayi.

18:17b.JOH.018.017 Waiti Wáinniusha Pítrun aniasmiayi "ṡAmesha nuna unuiniamurinchukaitiam?" Pítrusha "Atsá, Núchaitjai" Tímiayi.

18:18b.JOH.018.018 Tsetsek asamtai suntarsha tura nui takarniusha jinia Ikiapárar ni nawen anaak pujuarmiayi. Pítrusha nui pachiiniak anamuk pujumiayi.

18:19b.JOH.018.019 Israer-patri uuntri Jesusan aniasmiayi "Ame unuiniamurmesha ṡya ainia. Tura Warí niin jintintiaitiam?"

18:20b.JOH.018.020 Jesussha Tímiayi "Ashí iimiainiain tuke etserniuitjai. Israer-shuar iruntainmasha Yusa Uunt Jeencha Israer-shuar irunainia nui arantutsuk tuke etserkaitjai.

18:21b.JOH.018.021 ṡUrukamtai Winia inintiam? Winia chichamprun antukua nu aniastarum. Wi timian nii ujatmakarti. Wi timiancha niisha nékainiatsuk."

18:22b.JOH.018.022 Jesus nuna takui Yusa Jeen Wáiniua nu nui Pujá Jesusan yapiniam awati Tímiayi "ṡNúnisan nekas uuntnum chichastinkait?"

18:23b.JOH.018.023 Jesussha Tímiayi "ṡWarinmampa yajauch aa? Turuttia. Tura Tájana nu pénkeraitkiuinkia ṡurukamtai awattiniam?"

18:24b.JOH.018.024 Nuyá Anas Jesusan Jinkiá Kaipias takaamunam akupkamiayi Kaipias Patri uuntri asamtai.

18:25b.JOH.018.025 Tuke Anasa jeen chichainiai Pítiur jinia anamuk Puján shuar aniak "ṡAmesha Jesusa unuiniamurinchukaitiam?" tiarmiayi. Pítrusha "Atsá, Wíchaitjai" Tímiayi.

18:26b.JOH.018.026 Chíkich takarin, Marku shuari, nui pujumiayi. Pítiur Marku Kuíshin tsupirkamia nuna shuari asa Tímiayi "ṡAjanam Jesusjai wekaamin Wáinkiachmakajam?"

18:27b.JOH.018.027 Pítrusha ataksha "Atsá" tain atash shiniukmiayi.

18:28b.JOH.018.028 Nuyá Kaipiasaiya Jesusan Júkiar tsawant tsawaamunam apach Kapitián Piratu takatai jeanam ejeniarmiayi. Israer-shuarsha ni uuntri akupkamia nunisar wapik ajasaij tusar nu jeanam wayacharmiayi. Wayawarka paskua nampernum Yurumáchmin ármiayi.

18:29b.JOH.018.029 Nu asamtai Piratu niijiai chichastaj tusa Jíinki Tímiayi "ṡJú aishmansha Warí Tunáa Túrait?"

18:30b.JOH.018.030 Niisha "Tunaarinchaitkiuinkia amiini itiachaaji" tiarmiayi.

18:31b.JOH.018.031 Tutai Piratu Tímiayi "Atumek Júkirum Atumí akuptammarijiai ni tunaari nekaatarum." Israer-shuarsha tiarmiayi "Antsu iikia Israer-shuartikia Tunáa shuarsha Máachminiaitji."

18:32b.JOH.018.032 Yaunchu Jesus ni Jákatniurin Enentáimtus "Wi awajnaitniuitjai" Tímiayi. Niisha Krúsnum awajnain asamtai apach Máataijiai Nii timia nu uminkiammiayi.

18:33b.JOH.018.033 Piratusha atak Jeá Wayá Jesusan untsuk "ṡAmeka Israera Uunt Akupniurinkaitiam?" Tímiayi.

18:34b.JOH.018.034 Jesussha Tímiayi "ṡAmekek nu inintram. Kame Chíkich Túramainiatsuash?"

18:35b.JOH.018.035 Piratusha Tímiayi "ṡWi Israer-shuarkaitiaj? Amee shuarak Israer-patri uuntrijiai winin itiarmarai. ṡWarí Tunáa Túraitiam?"

18:36b.JOH.018.036 Nuinkia Jesus Tímiayi "Wi Jú nunkanam akupniuchuitjai. Juyaitkiuinkia Winia nemartuiniana nu Máanaikiaraayi. Túrawarmatai Israer-shuarnum surutkacharaayi. Antsu juyan akupniuchuitjai."

18:37b.JOH.018.037 Piratusha "ṡNuikia ame nekas uunt akupniukaitiam?" Tímiayi. Jesussha Tímiayi "Ee, ame Támena nu nekasaiti. Jú nunkanam akiinian Ashí shuaran nekas ana nuna ujaktinian Táwitjai. Ashí shuar nekas ana nuna umirniuka Wi Táman ántawai."

18:38b.JOH.018.038 Tura Piratu "ṡNekasa nusha warimpiait?" Tímiayi. Piratusha nuna ti, atak Israer-shuarjai chichastajtsa jiinki Tímiayi "Jú aishmanka tunaarin penké Wáittsujai.

18:39b.JOH.018.039 Tura Ashí uwitin paskua nampernum sepunmaya shuar ankant akupkatniuiti. Núnisrum tuke searme. Tuma asamtai, ṡyamaikia Israera Uunt Akupniurin ankant akupkattajak?" Tímiayi.

18:40b.JOH.018.040 Nuinkia Ashí kakantar untsumainiak "Ju akupkaip; antsu Parapás Akupkatá" tiarmiayi. Nu Parapássha Kásauyayi.

19

19:1b.JOH.019.001 Nuyá Piratu suntaran akupkamiayi Jesusan Asutiáwarat tusa.

19:2b.JOH.019.002 Suntarsha Jesusan wishikrar tawasap janki najanamun etsenkrumtikiarmiayi. Yamakai pushincha uunt akupniua aintsan aentsrarmiayi.

19:3b.JOH.019.003 Nuyá "Israera Uuntria, kakaram ajasta" tiar yapiniam awatiarmiayi.

19:4b.JOH.019.004 Nuyá Piratu atak jiinki Tímiayi "Atum Wáinkiarum nekaatarum tusan Jesusan Jíiktiatjai. Wikia tunaarinkia penké Wáittsujai."

19:5b.JOH.019.005 Tímiatai Jesussha jankin etsenkruku tura pushin yamakairman entsaru Jíinkimiayi. Tura Piratu nui Káunkarun tiarmiayi "Pai juiti, iistarum."

19:6b.JOH.019.006 Israer-patri uuntrisha suntarsha Jesusan iisar ataksha ataksha kakantar untsumainiak "Krúsnum jakati" tiarmiayi. Piratusha "Atum Júkiirum Máatarum. Ni tunaarin penké Wáittsujai" Tímiayi.

19:7b.JOH.019.007 Tura Israer-shuar tiarmiayi "Nu shuar "Yusa Uchiríntjai" takui Jákatniuiti. Iiniu akupeamu aarma nui Núniskete" tiarmiayi.

19:8b.JOH.019.008 Nuna antuk Piratusha nu nankaamas ashamkamiayi.

19:9b.JOH.019.009 Ataksha init Wayá Jesusan aniasmiayi "ṡTuyampaitiam?" Tura Jesussha penké áikchamiayi.

19:10b.JOH.019.010 Nuyá Piratu Tímiayi "ṡUrukamtia winia airtsum. Wi jeajna nu nékatsmek? Wakeraknaka Krúsnum Máatniuncha tura ankant akupkatniuncha jeajai."

19:11b.JOH.019.011 Tutai Jesussha Tímiayi "Yus nuna amaschaitkiuinkia penké tujinkiaintme. Nu asamtai amiin surutka nu ámin nankaamas tunaarinniuiti."

19:12b.JOH.019.012 Piratusha Nú chichamtaik Jesusan ankant akupkattsa wakerimiayi. Antsu Israer-shuar untsumainiak tiarmiayi "Ju ankant Iníakmeka ame uunt akupniu amikrinchuitme. Juka "úunt akupniuitjai" taku Atumí uunt Akupníuri nemasrinti" tu untsumkarmiayi.

19:13b.JOH.019.013 Piratusha taman antuk akupin pujutainium pujus Jesusan untsukmiayi. Nui kaya ukatkamu asamtai Israer-shuara chichamen Kapata anaikiarmiayi.

19:14b.JOH.019.014 Paskua jisat jeatsain nantu tutupin ajatsain Piratu Israer-shuaran Tímiayi "Uunt akupniuram iistarum."

19:15b.JOH.019.015 Tura Ashí "Jakati, jakati, Krúsnum Máatá" tu untsumkarmiayi. Tura Piratu "ṡAtumí uunt akupniurin Krúsnum Máattajak?" Tímiayi. Tura Israer-patri uuntri tiarmiayi "Atumí uunt Kapitiántrumek iin akuptamji. Chíkichka atsawai."

19:16b.JOH.019.016 Tutai Piratu Jesusan krusnum mantamnati tusa tsankatkarmiayi. Tutai niisha Jesusan Júkiar wearmiayi.

19:17b.JOH.019.017 Jesussha ni krusri yanaki Kúrkuta Náinnium wémiayi. Kúrkuta naarisha Israer-shuara chichamen "muuka ukunch" tawai.

19:18b.JOH.019.018 Nui Krúsnum ajintrurar awajainiarmiayi. Tura mai pae Jimiará shuaran chikichik chikichik awajainiarmiayi. Tura Jesus ajapén ámiayi.

19:19b.JOH.019.019 Piratusha Jesusa Krúsrin uunt aarman anujkamiayi. NASARETNUMIA JESUS, ISRAERA UUNT AKUPNIURI Tu aarmauyayi.

19:20b.JOH.019.020 Israer chichamjaisha Kriaku chichamjaisha Rúmanmaya chichamjaisha aarmauyayi. Menaintiu chichamnum aarma asamtai tura Jesusarén pepru Tíjiuch asamtai Israer-shuar ti Untsurí áujiarmiayi.

19:21b.JOH.019.021 Nu asamtai Israer-patri uuntri Piratun jeariar "Israera Uunt Akupniuri" aaraip. Antsu "Israera Uunt Akupniurintjai tawai" tu aarta" tiarmiayi.

19:22b.JOH.019.022 Tura Piratu nincha áikiar "Wi aaraj nuke átatui" Tímiayi.

19:23b.JOH.019.023 Suntarsha Jesusan Krúsnum awajainiar ni entsarmarin Kuátru akankar ankant ankant Júkiarmiayi. Tura ni pushirin apatsuk najanamu asamtai Jáaktinian nakitrarmiayi. Kame Yakíya nunkaani apaiyiachma takamtsukuyi.

19:24b.JOH.019.024 Tuma asamtai suntar tiarmiayi "Juka Jáakchatai. Antsu nakurakrin Yának ati nu jukiti." Nújainkia yaunchu Yus-Chichamnum aarma nu uminkiamiayi: "Winia entsarmarun akantrarmiayi tura nakurusar awakmakua nuna winia pushirun Súsarmiayi" aarmaiti.

19:25b.JOH.019.025 Krúsnumsha Jesusa Nukurísha Kriúpasa Nuarí Marisha tura Máktaranmaya Marisha wajaarmiayi.

19:26b.JOH.019.026 Jesus ni Nukuríncha tura ni ti aneamu unuiniamurincha nui wajan Wáiniak ni Nukurín Tímiayi "Nukuru, ju ame uchirmea aintsan Atí."

19:27b.JOH.019.027 Nuyá ni unuiniamurincha Tímiayi "Ju ame nukua aintsan Atí." Nu tsawantaik nu unuiniamuri ni jeen Jukí Awayámiayi.

19:28b.JOH.019.028 Nuyá Ashí uminkiamtai Jesus nuna Nekáa yaunchu Yus-Papinium aarma uminkiati tusa "kitiamajai" Tímiayi.

19:29b.JOH.019.029 Nuisha pininnum Churuín ámiayi. Tura shuar nuna uruchjai ejampar sapapjai ijiu mukunaati tusa susamiayi.

19:30b.JOH.019.030 Jesussha Churuínian najekaa "Ashí Túrunatniua nu mash uminkiai" Tímiayi. Nuna ti, muuken Nená jakamiayi.

19:31b.JOH.019.031 Nu tsawantai, kashinkia paskua Námper uunt tsawantri asamtai tura ayampratin tsawant aa asamtai, Israer-shuar jaka Ayashí nui paant ain tusa nakitrarmiayi. Nu asamtai Piratun seainiak "Krúsnum ajintrurma ainia nuna kankajin suntar kupirkarti. Nuyá wari Jákarmatai Krúsnumia Júkiarti" tiarmiayi.

19:32b.JOH.019.032 Nuyá suntarsha weriar emka Krúsnum amia nuna kankajin kupirkarmiayi. Nuyá chikichnasha Jesusjai atsankiar ajintrurma nuna kankajincha kupirkarmiayi.

19:33b.JOH.019.033 Tura Jesusan weantuk yaunchu Jákaiti tusa kankajin kupirtsuk

19:34b.JOH.019.034 suntar aya paenam ijiumiayi. Ijiumtaisha nu chichamtaik numpa yumijiai puarmiayi.

19:35b.JOH.019.035 Wi, Juan, nuna wainkia asan nekas tajai. Atumsha Yus Enentáimtustarum tusan Tí nekas tajai. Wi aarajna nu nekasaiti nékajai.

19:36b.JOH.019.036 Yaunchu Yus-Chichamnum aarma uminkiati tusa Túrunaiti: "Ni ukunchin kupirkachartatui" tu aarmaiti.

19:37b.JOH.019.037 Tura chikichcha: "Ijiuarmiania nuna Wáinkiartatui" tu aarmaiti.

19:38b.JOH.019.038 Nuyá Arimatéanmaya Jusé Jesusa Ayashín jukitiaj tusa Piratun seamiayi. Nu Jusé Jesusan Enentáimtaitiat Israer-shuara uuntrin ashamak paant nemarsachmiayi. Niisha seamtai Piratu "Jukitia" Tímiayi. Tutai Jusé Jesusa Ayashín jukimiayi.

19:39b.JOH.019.039 Nikiutémusha Jesusjai chichastaj tusa kashi tarimia nu Jimiará kunkuin pachimpramun ti nukap sumak itiamiayi. Mira kunkuinniasha Aruí kunkuinniasha sumakmiayi.

19:40b.JOH.019.040 Nuyá Jusé Nikiutémujai Jesusa Ayashín Júkiar kunkuinian kuérar jaanch esarmajai penuararmiayi. Israer-shuar tuke nunisar Ikiúu ármiayi.

19:41b.JOH.019.041 Jesus Krúsnum maamua nui aja Tíjiuch ámiayi. Nu ajanmasha waa Náinnium paka taurma ámiayi. Nusha yama taurma asamtai jaka nui ikiuschamuyayi.

19:42b.JOH.019.042 Nu waasha Tíjiuch asamtai tura Israer-shuara ayampratin tsawantri jeatemamtai Jesusa Ayashín nui iwiarsarmiayi.

20

20:1b.JOH.020.001 Tumintincha Káshik kirit ain Máktaranmaya Marí Jesus iwiarsamunam iistajtsa wémiayi. Jesusan iwiarsar kaya uuntjai waan atutkarmiayi. Tura Marí nui Jeá nu kaya uraimiun Wáinkiamiayi.

20:2b.JOH.020.002 Nuna Wáiniak Semun Pítiur pujamunam tsékenki wémiayi. Chíkich unuiniamuri Jesus ti anemia nusha nuisha pujumiayi. Tura Marí Tímiayi "Iwiarsamunmaya ii Uuntrin Júkiarai. Tura ṡTuíntsuk ikiusara?"

20:3b.JOH.020.003 Pítrusha Chíkich unuiniamurijiai Jíinkiar iwiarsamunam iyuwarmiayi.

20:4b.JOH.020.004 Mai métek tsékenkiar Pítiur jeatsain Chíkich unuiniamuri iwiarsamunam emka jeamiayi.

20:5b.JOH.020.005 Niisha wayatsuk Tsuntsumá iis penuarmarinkia nui tepan Wáinkiamiayi.

20:6b.JOH.020.006 Nuyá Semun Pítiur ukunam Jeá iwiarsamunam Wayá penuarmari nui tepan Wáinkiamiayi.

20:7b.JOH.020.007 Chíkich jaanchcha Jesusa muuken penuarma nusha nanerma Niisháa tepan Wáinkiamiayi.

20:8b.JOH.020.008 Nuyá Chíkich unuiniamuri emka tamia nusha iwiarsamunam wayamiayi. Niisha Túruna Wáiniak "Jesus nekas nantakni" tu Enentáimpramiayi.

20:9b.JOH.020.009 Nuna Wáintsuk Yus-Chichamnum "Jesus jakamunmaya nantaktiniaiti" aarman áujsariat nekaacharmiayi.

20:10b.JOH.020.010 Nuyá mai ni jeen waketkiarmiayi.

20:11b.JOH.020.011 Tura Marikia iwiarsamunam juak uutu pujumiayi. Niisha uutiatan Tsuntsumá iwiarsamunam iimsamiayi.

20:12b.JOH.020.012 Tura Jesusa Ayashí nuik tepesmanum nayaimpinmaya suntar puju entsaru Jímiar pujan Wáinkiamiayi. Chikichik Múuknumaani tura Chíkichka nawenmaani pujumiayi.

20:13b.JOH.020.013 Nayaimpinmaya suntarsha "ṡUrukamtai uutam?" tiarmiayi. Marísha Tímiayi "Winia Uuntrun jurutkiarai tura ṡtuintsuk ikiusara?"

20:14b.JOH.020.014 Nuna ti ayanmar Jesusan Wáiniak Niin nekaachmiayi.

20:15b.JOH.020.015 Jesus aniak "ṡUrukamtai uutam. Ya eaam?" Tímiayi. Marisha ajan Wáinniua nuiti tusa Tímiayi "Uunta, ame ni ayashi jukimkia, tui ikiusmam ujatkata wi jurumkitiaj" Tímiayi.

20:16b.JOH.020.016 Nuyá Jesus "Mariya" Tímiayi. Tutai niisha ayanmar "Rapuni" Tímiayi. Nusha Israer-chichamnum "Uuntá" tawai.

20:17b.JOH.020.017 Jesussha Tímiayi "Emetruawaip. Winia Aparui Wáatsjai. Antsu weme Wíi shuar Titiá "Winia Aparuí nayaimpiniam wéajai. Niisha Atumí Aparínti. Winia Yúsruiti tura Atumí Yúsrinti" tawai Titiá" Tímiayi.

20:18b.JOH.020.018 Nuyá Máktaranmaya Marisha Jesusa unuiniamurin Wáiniak "Wi Uuntan Wáinkiajai, Tímiayi. Niisha juna mash Túrutui" tu ujakarmiayi.

20:19b.JOH.020.019 Nu tsawantai, tumintin, ni unuiniamuri Israer-shuara uuntrin ashamainiak kashi iruntrar waiti epeni pujuarmiayi. Túrasha Jesus áyatik wayamiayi. Tura ajapén wajas "shiir pujustarum" Tímiayi.

20:20b.JOH.020.020 Nuna ti, Nuyá ni uwejen ajintruamuncha ni paen ijiumuncha iniakmasmiayi. Ni unuiniamurisha Uuntrin Wáinkiar shiir warasarmiayi.

20:21b.JOH.020.021 Ataksha Jesus "Shiir pujustarum, Tímiayi. Winia Apar akatar akuptukma Núnisnak Wisha akatran akupeajrume" Tímiayi.

20:22b.JOH.020.022 Nuyá ni matsatmanumaani Umpuí Tímiayi "Yusa Shiir Wakaní Atumí Enentáin wayati.

20:23b.JOH.020.023 Shuara tunaarinkia átum "Asakártí" Tákurminkia tsankurnartatui. Tura nu shuar "sumamati" Tákurminkia tuke sumama pujawai" Tímiayi Jesus.

20:24b.JOH.020.024 Tura chikichik unuiniamu, Jímiampramu Tumas, Jesus tamia nui pujuchmiayi.

20:25b.JOH.020.025 Tura ukunam chikich unuiniamuri ujainiak "Ii Uuntri Wáinkiaji" tiarmiayi. Tura Tumas Tímiayi "Ajintruamuri Wáinkian uwejrun awaintiuatniuitjai. Tura paenumsha awaintiuatniuitjai. Penké jaka asamtai aya nujai iniantkimiun Enentáimtustatjai" Tímiayi.

20:26b.JOH.020.026 Chíkich tumintin ataksha Jesusa unuiniamuri iruntrarmiayi. Nuinkia Tumassha niijiai pujuarmiayi. Tura waiti epenmianuman Jesus Wayá ajapén wajas "Shiir pujustarum" Tímiayi.

20:27b.JOH.020.027 Nuyá Tumasan Tímiayi "Winia uwejur iisam ame uwejem awaintiuata. Núnismek winia paerui uwejem awaintiuam Iistá. Tura arantutsuk nekas Enentáimtursata."

20:28b.JOH.020.028 Nuyá Tumas "Winia Uuntrua, nekas winia Yúsruitme" Tímiayi.

20:29b.JOH.020.029 Jesussha Tímiayi "Winia Wáitkiam nuin Enentáimtursame. Antsu Winia Wáittsuk Enentáimturaru nekas shiir ainiawai" Tímiayi.

20:30b.JOH.020.030 Aentsti tujintiamuncha Jesus Túramu ti Untsurí ju papinium aarchamu ainiawai. Tura ni unuiniamuri mash Wáinkiarmai.

20:31b.JOH.020.031 Antsu Jesuska Kristu asa Yusa Uchirínti tu Enentáimtustarum tusan Júnaka aarmajai. Tura Enentáimtakmin Jesus ni iwiaakmarin yamarma nuna amastatui.

21

21:1b.JOH.021.001 Tipirias antumianka Káanmatkariin Jesus ni Unuiniamurín wantintiukmiayi. Júnisan ámiayi.

21:2b.JOH.021.002 Semun Pítrusha Jímiampramu Tumassha Kananmaya Natanaérsha Sepetéu Uchirísha tura Chíkich Jímiar unuiniamurisha métek iruntrar pujuarmiayi.

21:3b.JOH.021.003 Semun Pítrusha "Namakan nekajai nankiattsan wéajai" Tímiayi. Chíkich mash "Iisha winittiaji" tiarmiayi. Wéar uunt kanunam enkemprar nu kashi achitsuk tsawararmiayi.

21:4b.JOH.021.004 Káshik ain Jesus Entsá Káanmatkaríin wantinkiamiayi tura ni unuiniamurisha Jesusan nekaacharmiayi.

21:5b.JOH.021.005 Jesussha Tímiayi "Uchiru, ṡnamak achikiurmek?" Niisha "Atsá" tiarmiayi.

21:6b.JOH.021.006 Tutai Jesus Tímiayi "Neka untsuurnumaani ajunkatarum. Nui achiktatrume." Nii timia Núnisan Túrawar namakan ti achikiar nekan Júsatniun tujinkiarmiayi.

21:7b.JOH.021.007 Nújainkia Jesusa unuiniamuri Jesus ti aneemia nu Pítrun Tímiayi "Ii Uuntrinti." Takui Pítrusha aimiaku asa ni pushirin entsar Entsá inianmiayi yukuak jeataj tusa.

21:8b.JOH.021.008 Chíkich unuiniamurisha jeachat pujuiniachuk nekan japiki kanujai Káanmatkanam jeawarmiayi.

21:9b.JOH.021.009 Káanmatkanam jeawar ji kaiir ámanum namakan Jiámun Wáinkiarmiayi. Tantancha Wáinkiarmiayi.

21:10b.JOH.021.010 Jesussha "Atum achikiurmena Nuyá Jiátin itiatarum" Tímiayi.

21:11b.JOH.021.011 Tutai Semun Pítiur kanunam we nekan nekartiuk Káanmatak japiki itiamiayi. Itiar namaknasha siantu senkuenta Nuyá tres (153) nekapmararmiayi. Ti Untsurí áyat nekasha Jáankachmiayi.

21:12b.JOH.021.012 Nuyá Jesussha "Yurumáitiarum" Tímiayi. Ni unuiniamurisha "aya ii Uuntri áminiaiti" tusar inintrustinian natsantiarmiayi.

21:13b.JOH.021.013 Nuyá Jesus wajaki tantan Jukí Súsarmiayi. Núnisan namaknasha Súsarmiayi.

21:14b.JOH.021.014 Jesus jakamunmaya nantaki jujai menaintiu ni unuiniamurin wantintiukarmiayi.

21:15b.JOH.021.015 Nuyá Yurumáwar Jesus Semun Pítrun aniasmiayi "Junasa Uchirí Semunka, ṡju shuar nankaamas anentmek?" Pítrusha Tímiayi "Ee, Uunta, wi wakerajam nu Ame nékame." Jesussha "Nuinkia winia murikiur ayuratniua aintsam Winia Enentáimturainia nu Yaintá" Tímiayi.

21:16b.JOH.021.016 Ataksha aniasmiayi "Junasa Uchirí Semunka, ṡWinia anentmek?" Pítrusha "Ee, Uunta, wi wakerajam nu Ame nékame" Tímiayi. Jesussha "Winia murikiur Wáinkiatá" Tímiayi.

21:17b.JOH.021.017 Nú ataksha aniasmiayi "Junasa Uchirí Semunka, ṡwinia wakerutamek?" Pítrusha menaintiu Iníam Kúntuts Enentáimiar Tímiayi "Uunta, Ashí nékame. Wi wakerajam nu Ame nékame." Jesussha Tímiayi "Winia murikiur ayurata.

21:18b.JOH.021.018 Maa, nekas Tájame. Natsa asamka iwiarmampram ame wakeramunam wéuyame. Tura uuntach ajasmeka ame kunturam ayaparakmin Chíkich aentstamprattawai tura ame wétin nakitiam nui juramkiartatui."

21:19b.JOH.021.019 Jesus Nújainkia Pítiur Máatniun ujakmiayi. Tura Núnisan jakamtai shuar Yúsan shiir awajsatniun ujakmiayi. Nuyá Pítrun "Nemartusta" Tímiayi.

21:20b.JOH.021.020 Pítrusha ayanmar Chíkich unuiniamurin Jesus ti anea nuna némarun Wáinkiamiayi. Kame nu unuiniamuka nuik Jesus Jáatsain Yurumáiniakui "Uunta, ṡya surutmaktata?" timia Núiti.

21:21b.JOH.021.021 Nincha Pítiur Wáiniak Jesusan aniasmiayi "Uunta, ṡjusha Warí urukatniuit?"

21:22b.JOH.021.022 Jesussha ayak "Wi wakeraknaka iwiaaku pujain Tátatjai Tíminiaitjai. Nuna Tákuisha ṡWarí itiurtama? Ameka nemartusta" Tímiayi.

21:23b.JOH.021.023 Nújainkia "Nu Unuiniamurí Jákashtatui' tusa Yus-shuarnum áujmatiarmiayi. Túrasha Jesus "Jákashtatui' Tíchamiayi antsu áyatik "Wi wakeraknaka iwiaaku pujain Tátatjai takuisha ṡWarí itiurtama?" Tímiayi.

21:24b.JOH.021.024 Wikia Nú unuiniamurintjai. Ju papincha aaru asan "mash nekasaiti' tajai. Ashí shuarsha Núnisaran Tuíniawai.

21:25b.JOH.021.025 Nu arantcha jui aarchamusha ti awai. Kame Ashí aamka ti Untsurí Papí asa Ashí nunkanam ikiuschamnia ainti. Nuke Atí.