Ephesians (Romani)

1

1:1b.EPH.001.001 O Pavlo, ek apostle le Jesus Kristosko katar e voia le Devleski, kal shave le Devleske kai si ande Ephesus, ai kai beshen phangle ka Jesus Kristo.

1:2b.EPH.001.002 O mishtimos, ai e pacha, te avel tumenge dine katar O Del amaro Dat, ai amaro Devlesko O Jesus Kristo.

1:3b.EPH.001.003 Swuntsome te avel O Del ai O Dat amaro Devlesko O Jesus Kristo, kai swuntsosardia ame, ande but lashimata kai aven katar O Del ando rhaio ando Kristo.

1:4b.EPH.001.004 Ande leste O Del alosardia ame, mai anglal sar te avel e lumia, saxke te avas swuntsi ai bi doshako angla leste ande dragostia.

1:5b.EPH.001.005 Wo shinadiasas ame ande peski dragostia te avas leske shave katar O Jesus Kristo, wo manglia ke drago sas leske.

1:6b.EPH.001.006 Luvudisaras le Devles anda barimos peske lashimasko, kai dia ame ande pesko shav kai si leske o mai drago.

1:7b.EPH.001.007 Ke palai martia le Kristoski chi mai sam phangle, ai amare bezxa iertimele.

1:8b.EPH.001.008 O Del sikadia amenge kodia sode de barvalo lo ando lashimos,

1:9b.EPH.001.009 kai dia ame but dieli te zhanas te avas pachivale ai gojaver, dia ame te zhanas so mangelas te kerel, ai kai sas garado kai mangliasas mai anglal te kerel ando Kristo.

1:10b.EPH.001.010 Ai kodia so O Del getola kana getolape e lumia si te chidel so godi si ando rhaio ai pe phuv; te avel iek Devles O Kristo.

1:11b.EPH.001.011 Ande amaro phanglimos le Kristosa liam amaro skepimos, ke O Del alosardiasas ame mai anglal pala pesko plano, ai O Del kerel swako diela sar manglia wo te kerel.

1:12b.EPH.001.012 Luvudisaras o barimos e Devlesko ame kai samas le pervi te pachas ame.

1:13b.EPH.001.013 Vi tume kana ashundian e vorba le chachimaski, e lashi viasta kai andia tumenge o skepimos; tume pachaian tume ando Kristo, antunchi O Del semnosardia tume peske anavesa kana dia tume O Swunto Duxo kai shinadiasas.

1:14b.EPH.001.014 O Swunto Duxo sas dino amenge pala so O Del shinadia peske narodoske sar barvalimos, ai wo shinavel amenge ke O Del dela te na mai aven vov si phangle, kodola kai si leske, luvudin lesko barimos.

1:15b.EPH.001.015 Anda kodia akana kai ashundem pa tumaro pachamos karing O Del O Jesus ai tumari dragostia sa kodolenge kai si le Devleske.

1:16b.EPH.001.016 Sagda naisiv le Devleske anda tumende, da ma goji tumende ande murho rhugimos;

1:17b.EPH.001.017 ai mangav katar O Del amaro Devlesko O Jesus Kristo, O Dat o luvudime, te del tume O Swunto Duxo, kai kerela tume te haliaren ai kai sikavela tumenge le Devles, kadia de mishto kai zhanena les.

1:18b.EPH.001.018 Mangav te del tume e vediara andel iakha tumare ileske; saxke te dikhen ka che pachamos O Del akhardia tume, ai o barvalimos le luvudimasko kai; shinadia peske narodoske.

1:19b.EPH.001.019 Ai savatar putiera de bari si les amenge kai pachas ame. Kadia putiera si sa kucha kai O Del sikadia butia zorasa.

1:20b.EPH.001.020 Kana zhuvindisardia le Kristos, ai thodia les te beshel pe peski rik e chachi ando rhaio.

1:21b.EPH.001.021 Kotse O Kristo thodino lo opral pa sa le kai poronchin, ai sa le putiera, ai sa le zora, ai sa le than kai poronchin, ai sa le kolaver anava kai sai aven, na ferdi akana numa pe mai angle.

1:22b.EPH.001.022 O Del thodia swako diela telal punrhe le Kristoske, ai dia kai khangeri sar o mai baro gazda,

1:23b.EPH.001.023 e khangeri si o stato le Kristosko, ai ande late si kai O Kristo kotselo wo kai perel sa e lumia.

2

2:1b.EPH.002.001 Mai anglal mule sanas pala tumare dosha ai tumare bezexa.

2:2b.EPH.002.002 Ai mai anglal traiinas sar traiilas kadia lumia, tume lenas tume pala baro kai poronchil pel putieri le duxonge kai si ando cheri, ai kodola duxuria akana keren buchi andel manush kai chi mai pachan o mui le Devlesko.

2:3b.EPH.002.003 Ame savorhe samas sar lende, iame traiisaras te plachas amare statos, ai kerasas so mangelas amaro stato ai amari goji. Ai iame samas shave la xoliarike sar le kolaver.

2:4b.EPH.002.004 Numa O Del kai si barvalo ande pesko lashimos pala pesko bari dragostia, kai samas leske drago.

2:5b.EPH.002.005 Ke kana samas mule pala amare dosha, dia ame traio le Kristosa. Pala lashimos le Devlesko si ke san skepime.

2:6b.EPH.002.006 Ande amaro phanglimos le Kristosa O Del andia ame ka traio lesa, te traiisaras lesa ande lumia kai si ando rhaio:

2:7b.EPH.002.007 ai te sikavel ande vriama kai avela o baro barvalimos peske lashimasko, ai kai samas leske drago ando Jesus Kristo.

2:8b.EPH.002.008 Ke pala lashimos sanas skepime pala pachamos, ai kodo skepime chi avel tumendar, numa e podarka le Devleski si,

2:9b.EPH.002.009 nai vov si pala so kerel o manush, saxke te na luvudilpe khonik.

2:10b.EPH.002.010 Ke O Del kerdia ame te avas astarde ka Jesus Kristo, saxke te avel ame iek traio barvalo ai te keras o mishtimos, kodo mishtimos kai lashardia mai anglal saxke te keras les.

2:11b.EPH.002.011 Tume kai chi san Zhiduvuria, tume kai le Zhiduvuria mothon tumenge bi semnome, ai won kai bushon le semnome ando stato katar le manush, den tume goji ke sanas ande kodia vriama dur katar O Kristo, tume sanas streinuria ai chi sanas anda narodo kai sas alome katar O Del, tume chi sanas andel Alleince kai sas thodine po shinaimos kai sas kerdo katar O Del peske narodoske, tume kai traiin ande lumia bi pachamasko ai bi Devlesko.

2:13b.EPH.002.013 Numa akana, astarde le Kristosa, tume kai sanas dur, akana san pasharde katar o rat le Kristosko.

2:14b.EPH.002.014 Ke O Kristo andia amenge e pacha, kana kerdia andal Zhiduvuria ai anda kodola kai Nai Zhiduvuria iek narodo, kana dia pesko stato peradia o zido kai sas mashkar lende,

2:15b.EPH.002.015 aterdiardia o zakono le Zhidovongo, peske zakonosa ai peska krisasa, te kerel anda kodola dui vitsi iek narodo nevo, ai kadia e pacha.

2:16b.EPH.002.016 Pala peski martia pe trushul O Kristo mudardia e xoli, le trushulesa chidia andek than le duie vitsen ande iek stato ai kerdia e pacha mashkar O Del ai won.

2:17b.EPH.002.017 Kadia O Kristo avilo te anel e lashi viasta le pachaki tumenge kai chi san Zhiduvuria, kai sanas dur katar O Del, ai le Zhiduvuria, kai sas pasha leste.

2:18b.EPH.002.018 Katar O Kristo ame savorhe, Zhiduvuria ai Nai Zhiduvuria avas ka Dat pala iek Swunto Duxo.

2:19b.EPH.002.019 Akana, tume kai chi san Zhiduvuria chi mai san streinuria, vai manush kai avilian anda averik, numa san akana chache manush anda narodo Devlesko, ai san andai familia le Devleski,

2:20b.EPH.002.020 vi tume san so kerdiol pe kai wushtel pel fundani thodine katar le apostluria ai le profeturia, o bax o angluno si O Jesus Kristo.

2:21b.EPH.002.021 Wo si kai ankerel e zor pe so godi kerdilia, ai wo bariarel te kerdiol iek khangeri Swunto ando Del.

2:22b.EPH.002.022 Lesa tume san ande so kerdiol te kerdion sa le kolavrensa iek kher kai O Del beshel katar Swunto Duxo.

3

3:1b.EPH.003.001 Anda kodia, me, o Pavlo, o manush phandado le Jesus Kristosko tumenge kai chi san Zhiduvuria,

3:2b.EPH.003.002 tume ashundian kai O Del ande pesko lashimos dia ma kadia buchi te kerav tumenge.

3:3b.EPH.003.003 O Del sikadia mange peske ginduria kai sas garade, ai ramosardem vari so pa kodia diela,

3:4b.EPH.003.004 ai kana jinena sai haliaren so zhanav pa gindo o garado pa Jesus Kristo.

3:5b.EPH.003.005 Mai anglal kado gindo o garado chi zhanenas les le manush, numa O Del sikadia les akana katar pesko Swunto Duxo peske Swuntone apostlonge ai le profetonge.

3:6b.EPH.003.006 Me phenav tumenge: katar e lashi viasta le manush kai Nai Zhiduvuria shinado lenge te avel le le Zhidovonsa. O swuntsomos kai O Del garavel peske narodoske; vi won si anda iak stato, ai vi lenge si so shinadia O Del ando Jesus Kristo.

3:7b.EPH.003.007 Kerdilem ek pasturi te angerav e lashi viasta palai podarka kai O Del anda pesko lashimos dia ma ande peski putiera.

3:8b.EPH.003.008 Me sim o mai tele katar kodola kai si mai tele anda sa o narodo le Devlesko; ai O Del dia ma kadia podarka, te anav ka kodola kai Nai Zhiduvuria e lashi viasta kai mothol pa barvalimos o baro le Kristosko;

3:9b.EPH.003.009 ai te anav sa le manushen te dikhen sar o garaimos le Devlesko trobul te kerdiol, kado sas garado ando Del de anda gor la lumiako, O Del kerdia swako fielo pala Jesus Kristo.

3:10b.EPH.003.010 Saxke akana le khangeriasa, le zora ai le putieri la lumiake kai si ando cheri te zhanen e goji le Devleski ande soste godi.

3:11b.EPH.003.011 O Del kerdia kadia vorta sar mangelas de demult kai kerdia le Jesus Kristosa amaro Del.

3:12b.EPH.003.012 Le Kristosa andek than ai pala amaro pachamos ande leste, chi mai sam phangle ai sai sikadiuas angla Del sa amare ilesa.

3:13b.EPH.003.013 Akana, mangav tumendar, te na xasaren tumaro pachamos pala chinuimos kai si ma tumenge; ke tumenge avela baro luvudimos.

3:14b.EPH.003.014 Anda kodia, dav changa angla Dat amare Devlesko O Jesus Kristo.

3:15b.EPH.003.015 Kai lestar sa le famili ando rhaio ai pe phuv len lesko chacho anav.

3:16b.EPH.003.016 Mangav katar O Del te ande pesko barvalimos o luvudime, te del tume te aven zurale la putierasa katar pesko Swunto Duxo ande tumende.

3:17b.EPH.003.017 Ai O Kristo te beshel ande tumare ile pala pachamos. Mangav te avel tumaro pachamos zuralo ande dragostia le Devleski.

3:18b.EPH.003.018 Ai sa le Devleske narodosa, tume sai haliaren sode e dragostia le Kristoski buflo lo, ai lungo, vucho, ai profondo;

3:19b.EPH.003.019 ai te zhanen tume leski dragostia, marka ke khonik nashti zhanel sa, ai te avel pherdo ande sa le dieli le Devleske.

3:20b.EPH.003.020 E kodo kai si les e putiera te kerel mai but sar so ame mangas vai gindisaras, katar e putiera kai kerel buchi ande amende.

3:21b.EPH.003.021 Ka Del te avel o luvudimos ande khangeri ai ando Jesus Kristo ande swako vriama, Amen.

4

4:1b.EPH.004.001 Me kai sim o manush phandado le Devlesko: mangav tumendar, phiren vorta sar O Del manglia kana akhardia tume.

4:2b.EPH.004.002 Te na aven shoxar barimatange, kovle te aven lashe, ai aven rhavda sa data, zhutin iek kavreske la dragostiamasa.

4:3b.EPH.004.003 Thon zor te traiin andek than sar iek kai del O Swunto Duxo katar e pacha, kai astarel tume iek kavreste.

4:4b.EPH.004.004 Ferdi iek stato si, ai iek Swunto Duxo, ai ferdi iek pachamos si, kodo kai akhardia tume O Del.

4:5b.EPH.004.005 Ferdi iek Devles, iek pachamos, ai iek bolimos;

4:6b.EPH.004.006 Ferdi iek Del si ai Dat savorhengo, kai poronchil pe savorhenge, ai kerel buchi ande savorhende, ai traiil ande savorhende.

4:7b.EPH.004.007 Sakones anda amende sas les dini iek podarka pala so manglia te del O Kristo.

4:8b.EPH.004.008 Sar mothol E Vorba le Devleski, "Kana O Kristo anklisto opre ando rhaio, angerdia pesa manush kai sas phangle, ai dia podarki kal manush.

4:9b.EPH.004.009 So znachil kodia ke anklisto opre? Kodia znachil ke mai anglal hulisto andel thana kai si le mai tele ande phuv.

4:10b.EPH.004.010 Kodo kai hulisto tele sa kodo si kai anklisto o mai opre ando rhaio, saxke te perel swako diela.

4:11b.EPH.004.011 Wo si kai dia podarki ka swako manush; dia unen te aven apostluria, aver te aven profeturia, kaver te angeren e lashi viasta, ai kaver te aven manush kai den duma pa Del, ai uni te sicharen.

4:12b.EPH.004.012 Kerdia kadia te lasharel le Devleske narodos te keren e buchi le Devleski, antunchi e khangeri kai si o stato le Kristosko avela zurali ando pachamos.

4:13b.EPH.004.013 Ai kadia aresasa savorhe andek than ande iek pachamos, ai te zhanas pa Shav le Devlesko; sar iek manush baro kerdo palai musura vorta sar si O Kristo.

4:14b.EPH.004.014 Antunchi chi mai avasa glate, kai parhuven penge ginduria ande so pachanpa, ke phendia amenge vari kon aver diela, vai zhanglia sar te xoxavel ame, ai kodo xoxaimos kerel te miazol amenge ke chachimos si.

4:15b.EPH.004.015 Numa phenas o chachimos la dragostiasa, sagda dasa duma pa chachimos, ai traiisarasa ando chachimos ai te aresas mai but ai mai but sar O Kristo, kai wo si o shero peske statosko.

4:16b.EPH.004.016 Ai lesa sa o stato zhal mishto, ai swako kotor zhutil le kolavres, saxke so trobul sa o stato te ankerel andek than ande iek stato. Ai te bariol zuralo ande dragostia.

4:17b.EPH.004.017 Ashun, so mothav ai phenav ando anav le Devlesko, na mai phiren sar le manush kai chi zhanen le Devles,

4:18b.EPH.004.018 ai kai lenpe pala pengi goji intaino, ai lengi goji ando tuniariko la, ai nai le vov si o traio kai del O Del ke chi zhanen kanchi, ai lengo ilo defial zuralo lo.

4:19b.EPH.004.019 Chi mai zhanen vov si so si lazhav, dine pengo stato te keren le dieli le bi vuzhe, chi aterdion vov si, ai ingerde le katar penge ginduria le chorhe te keren so godi si nasul.

4:20b.EPH.004.020 Numa tume chi sichilian kadala dieli katar O Kristo.

4:21b.EPH.004.021 Tume ashundian pa leste, ai sicharde tume sar shave Devleske o chachimos kai si ando Jesus.

4:22b.EPH.004.022 Tume trobul te shuden tumaro phurano traio kai sikavelas sar phirenas mai anglal, kodo phurano traio kai leske ginduria le chordane angeren kai martia.

4:23b.EPH.004.023 Trobul tume te aven sa nevearde ande tumare ile ai ande tumari goji.

4:24b.EPH.004.024 Len pe tumende o nevo traio, kai si kerdo te miazol po Del ai sikadiol ando traio o chacho ai vuzho kai anel o chachimos.

4:25b.EPH.004.025 Anda kodia na mai xoxaven, ai mothon savorhe o chachimos tumare vortakoske, ke savorhe andek than sam ande iek stato.

4:26b.EPH.004.026 Te xoliavon, arakhen tume te na peren ando bezex; na ankeren tumari xoli sorho dies.

4:27b.EPH.004.027 Na meken o beng te kerel so mangel.

4:28b.EPH.004.028 Kodo kai chorelas te na mai chorel, numa te tholpe te kerel buchi le vastensa, te niril wo pesko traio malades, ai te avel les te sai zhutil le manush kai trobul o zhutimos.

4:29b.EPH.004.029 Na mothon chi iek zhungali vorba, numa mothon ferdi vorbi lashe kai zhutin le kolavren te barion ando pachamos, ai te den atweto ka iek zhutimos te keren mishtimos kodolenge kai ashunen tumende.

4:30b.EPH.004.030 Na nekezhin le Devleske Swuntone Duxos, ke O Swunto Duxo si o semno kai O Del thodia anda tumende, si o shinaimos kai o dies avela kana O Del skepil tu.

4:31b.EPH.004.031 Shuden dur tumendar o nasulimos, ai xoli, ai chingara, ai tsipimata, ai te xan tume avrensa. Kadalendar dieli te na avel ande tumaro traio.

4:32b.EPH.004.032 Numa aven lashe iek kavresa, lashe ilenge, iertin iek kavreske, sar O Del iertisardia tumen ando Kristo.

5

5:1b.EPH.005.001 Tume san le shave kai si drago le Devleske, kerdion sar leste.

5:2b.EPH.005.002 Ai phiren ande dragostia sar O Kristo kai sas les dragostia amenge, diape wo ka Del amenge sar ek podarka ai ek sakrifis ka Del kai kandel shukar ai kai plachal les Devles.

5:3b.EPH.005.003 Tume san o narodo le Devlesko, no akana chi trobul te avel chi iek kurvia, ai chi iek bi vuzhimos, vai te avel tumenge drago so si le kolavres, chi iek anda kadala dieli te na aven mashkar tumende.

5:4b.EPH.005.004 Ai nai chi mishto te mothon zhangale vorbi, dzile vai chorhe; numa mai bini te naisin le Devles.

5:5b.EPH.005.005 Ke tume zhanen mishto, chi iek manush kai kerel o kurvimos, vai o bi vuzho manush, vai o manush kai mangel so si nai lesko, vai manush kai rhugilpe kal ikoni, chi zhala ando rhaio le Kristosko ai le Devlesko.

5:6b.EPH.005.006 Te na dziliarel tume khonik dzile vorbensa, ke pala kasavendar dosha si kai e xoli le Devleski si te avel pe kodola kai chi mangen te pachan lesko mui.

5:7b.EPH.005.007 Te na avel tume kanchi ka save manushensa.

5:8b.EPH.005.008 Tume sanas mai anglal ando tuniariko, numa akana kai san le Devlesa ande vediara. Phiren sar manush kai si la vediarake.

5:9b.EPH.005.009 Ke e vediara kerel but lashimos, ai so si vorta, ai o chachimos.

5:10b.EPH.005.010 Len sama so si drago le Devleski.

5:11b.EPH.005.011 Ai te na avel tume kanchi kodolensa kai keren dieli intaino, ai kai si le tuniarikoske. Numa keren te sikadion kodola dieli ande vediara.

5:12b.EPH.005.012 Inker lazhav amenge te mothas so kodola manush keren chordanes.

5:13b.EPH.005.013 Kana sa kodola dieli thodine le ande vediara, dichol mishto so si kodola dieli.

5:14b.EPH.005.014 Ke so godi si porhime kerdiol vediara. Ke E Vorba le Devleski mothol, "Wushti opre tu kai soves. Wushti opre mashkar le mule! Ai O Kristo anela tuke e vediara."

5:15b.EPH.005.015 Len sama mishto sar phiren. Na phiren sar manush kai chi zhanen, numa sar manush kai zhanen.

5:16b.EPH.005.016 Keren mishtimos ando sako diela kai maladiol tumenge, ke andel diesa kai traiisaras chorhe le.

5:17b.EPH.005.017 Anda kodia, na aven dzile, numa thon zor te haliaren sar O Del mangel te keren.

5:18b.EPH.005.018 Na machon le molasa, ke kodia kerela te avel tume xhorho traio; numa te aven pherdo ando Swunto Duxo.

5:19b.EPH.005.019 Den duma iekavreske andel vorbi le Psalmoske, ai jilia, ai le jilia le Devleske, jilaben jilia ai Psalms ka Del, ai luvudin les sa tumare ilesa.

5:20b.EPH.005.020 Sagda de naisimos ka Del ai O Dat ando anav amaro Devleske O Jesus Kristo pala swako fielo.

5:21b.EPH.005.021 Respektin iek kavreske pala kai si tume le Kristoske.

5:22b.EPH.005.022 Rhomniale, respektin tumare rhomen, sar respektin le Devles.

5:23b.EPH.005.023 Ke o rhom si o gazda peska rhomniako sar O Kristo si o gazda la khangeriako; ke O Kristo si o skepitori la khangeriako ke e khangeri si lesko stato.

5:24b.EPH.005.024 Sa le rhomnia trobul te respektin penge rhomen ande swako fielo sar e khangeri respektil le Kristos.

5:25b.EPH.005.025 Tume le rhom, te avel tumenge drago tumare rhomnia saikfielo sar O Kristo sas leske drago e khangeri ai dia pesko traio.

5:26b.EPH.005.026 Wo kerdia kadia te kerel andai khangeri te sai avel le Devleski kana xaladia la le paiesa ai la vorbasa.

5:27b.EPH.005.027 Ke mangel te nakhavel angla peste e khangeri, ande sa pesko shukarimos, ande pesko vuzhimos, ai bi doshako, bi pechetengo, ai chi iek avre doshensa.

5:28b.EPH.005.028 No le rhom trobul te avel lenge drago lenge rhomnia sar si lenge drago pengo stato. Kodo kai drago leske leski rhomni wo drago lo peske.

5:29b.EPH.005.029 Khonik shoxar nas leske gratsia lesko stato; numa pravarel peske statos ai lel sama lestar, sar O Kristo lel sama katar e khangeri;

5:30b.EPH.005.030 Ke ame sam manush anda lesko stato, e khangeri.

5:31b.EPH.005.031 E Vorba le Devleski mothol, "Pala kodia, o rhom mekela peske dades ai peska da te traiil peska rhomniasa, ai andal dui zhene kerdiola ferdi iek."

5:32b.EPH.005.032 Baro chachimos mothol E Vorba le Devleski ai trutno te haliarel, me haliarel ke pa Kristo mothol ai pai e khangeri.

5:33b.EPH.005.033 Numa vi tumenge si te len tume pala late: trobul swako rhom te avel leske drago leski rhomni sar si wo peske drago, ai swako rhomni te respektil peske rhomnes.

6

6:1b.EPH.006.001 Tume le glate trobul angla Del te pachan o mui tumare niamongo, ke kodia si vorta, malades.

6:2b.EPH.006.002 "Respektisar che dades ai cha da" ai kado si o pervo zakono zhidovisko kai sas dino kai si les iek shinaimos:

6:3b.EPH.006.003 O shinaimos si: "Te respektis che dades ai cha da, tu traiis lungo vriama pe phuv ai avel tu but mishtimos."

6:4b.EPH.006.004 Ai tume le dada, na keren tumare glatensa bi malades ai te xoliavon, numa bariaren le ando sicharimos, ai sicharen le pa Del.

6:5b.EPH.006.005 Tume le slugi, pachan o mui tumare gazdengo kai si katse pe phuv, respektin le ai izdran angla lende; ai chache ilesa, sar te podaisardianas le Kristos.

6:6b.EPH.006.006 Na raduin tume ferdi te keren kodia kana tumare gazda len sama pe tumende te aven lenge drago; numa kerel e voia le Devleski sa tumare ilesa, sar slugi le Kristoske.

6:7b.EPH.006.007 Keren tumari buchi sar slugi la voiasa, sar te kerdianas buchi le Devleski, ai na ferdi le manushenge.

6:8b.EPH.006.008 Den tume goji, ke kon godi, sluga vai iek kai kerel buchi pala pochin, lela katar O Del so trobul te avel leske pala mishtimos kai kerdia.

6:9b.EPH.006.009 Ai tume le gazda, keren sakadia karing tumare slugi; ai na daraven le ke chinuina le. Den tume goji ke tumaro gazda si ando rhaio; ai kai leske savorhe iekfielo le.

6:10b.EPH.006.010 Murhe phral, roden tumari zor ando Del ai ande leski putiera.

6:11b.EPH.006.011 Len pe tumende sa e armia kai O Del del tume, saxke te inkeren kai xetrenia le bengeski ai te na peren ando atsaimos le bengesko.

6:12b.EPH.006.012 Ke chi maras ame le manushensa kai si les stato ai rat, numa maras ame kodolensa kai nai le stato, o nasulimos kai poronchil pe lumia kai ame chi dikhas, le angeluria le bengeske, le putieri kai poronchin pe kadia lumia kai si tuniariko.

6:13b.EPH.006.013 Anda kodia, len pe tumende sa e armia le Devleski akana! Ai porme kana avela o dies o chorho, te maresa zurales o duzhmaia zhando gor, ai kana nakhela kodo dies o chorho tu inker sai inkeres.

6:14b.EPH.006.014 Te aven gata: te avel tume o chachimos sar iek prashtia chidi pe tumaro mashkar; len pe tumende so si vorta sar iek charolakolinako;

6:15b.EPH.006.015 Len le papucha kai grebin tume te ingeren e lashi viasta la pachaki;

6:16b.EPH.006.016 ai opral pa sa kadala dieli, len o buklie sar o vusharimos le pachamasko, kai kodolesa sai mudarena sa le flishila iagake kai aven katar o beng.

6:17b.EPH.006.017 Len e staji le skepimaski, ai e sabia le Swuntone Duxoski, kadia si E Vorba le Devleski.

6:18b.EPH.006.018 Rhugis ande swako vriama ando Swunto Duxo sar wo ingerel. Rhugis tu swako data kana trobul vari so, arakhes tu ai sagda rhugis ai na aterdios. Na bustren te rhugis pala sa le shave le Devleske.

6:19b.EPH.006.019 Rhugin tume vi mange, saxke O Del te del ma le vorbe le chache kana dava duma, ai kana phenava sa murhe ilesa te kerav te zhanen e lashi viasta kai si garadi.

6:20b.EPH.006.020 Me sim ek tradino te phenav e lashi viasta le Devleski, marka ke sim phanglo le lantsona akana. Rhugin tume te sai dav duma bi darako sar trobulpe te kerav.

6:21b.EPH.006.021 Tychicus, amaro kuchi phral fidel lo ai zhutil ande buchi le Devleski, wo mothola tumenge sa pa mande, saxke te zhanen so kerdiol anda mande.

6:22b.EPH.006.022 Me tradav les tumende, saxke te mothol tumenge sar sam, ai te mai raduinpe tumare ile.

6:23b.EPH.006.023 O Del O Dat ai le Devles O Jesus Kristo te del sa le phralen e pacha ai e dragostia le pachamasa.

6:24b.EPH.006.024 O lashimos le Devlesko te avel sa kodolensa kai si lenge drago amaro Devles O Jesus Kristo andek dragostia kai shoxar chi merel.