Luke (Romani)

1

1:1b.LUK.001.001 O Theophilus: But narodo zumade te ramon pa so kerdilia mashkar amende,

1:2b.LUK.001.002 ai won ramosarde so kerdilia sar sas amenge, kodola kai dikhle de anda gor, ai kai sas lenge phendo te phenen e vorba le Devleski.

1:3b.LUK.001.003 Ai akana me lem o gor mishto te zhanav so godi kerdilia de anda gor, miazilia mange mishto lasho te ramov tumenge pa kadala dieli kai sas.

1:4b.LUK.001.004 Me kerav kadia saxke tume te sai len po gor o chachimos kai sas tumenge phendo.

1:5b.LUK.001.005 Kana o Herod sas o amperato ande Judea, sas iek rashai kai bushol Zechariah, wo sas andal rasha kai busholas Abijah. Leski rhomni busholas Elizabeth, ai woi sas andai vitsa le rashaske kai busholas Aaron, o baro rashai.

1:6b.LUK.001.006 Won le dui zhene sas vorta angla Del, ai kerdia mishto sa le zakonuria ai sa le krisa le Devleski.

1:7b.LUK.001.007 Nas le glati ke e Elizabeth nashti avelas le glate, ai vi le dui zhene sas phure.

1:8b.LUK.001.008 Iek dies o Zechariah kerelas peski buchi le rashaski angla Del.

1:9b.LUK.001.009 Ke pala zakono le rashango, o Zacharias sas alosardia te zhal ande tampla te phabarelas e thumwiia pe altari.

1:10b.LUK.001.010 Sa o narodo rhugilaspe avri ka chaso kai phabarenas e Thumwiia.

1:11b.LUK.001.011 Ek angelo le Devlesko antunchi sikadilo ka Zachariah, wo beshelas pe chachi rik kai sas o altari kai phabarenas e Thumwiia.

1:12b.LUK.001.012 Kana o Zechariah dikhlia o angelos, wo sas nekezhisailo ai darailo.

1:13b.LUK.001.013 Numa o angelo phendia leske, "Na dara o Zechariah! O Del ashundia cho rhugimos, ai Elizabeth, chi rhomni dela tu iek shav kai akharesa les Iovano.

1:14b.LUK.001.014 Ai tu avesa defial raduime, ai but narodo raduilape kana kerdiola!

1:15b.LUK.001.015 Ke baro manush avela anglal iakha Devleske, ai shoxar chi pela mol ai chi iek pimos kai si alkolsa. Avela pherdo le Swuntone Duxoske kana kerdiola.

1:16b.LUK.001.016 Anelas palpale buten andal Zhiduvuria ka lenge Del.

1:17b.LUK.001.017 Wo zhala mai anglal lestar le duxosa ai la putierasa le profetoske o Elijah te thon pale andek than le daden ai le shaven ai te anen palpale kodolen kai chi pachaie o mui ka goji le manushenge kai sas chache; wo lasharela narodos vorta angla Del."

1:18b.LUK.001.018 O Zechariah phenel le angeloske, "Sar te zhanav ke so phenes si chaches? Ke phuro sim ai vi murhi rhomni."

1:19b.LUK.001.019 Ai o angelo del les atweto, "Me sim o Gabriel, me beshav angla Del, vo tradia ma te dav tusa duma ai te anav tuke kadia lashi vorba.

1:20b.LUK.001.020 Num chi pachaian murhe vorbi, kai savon avena pe kana avela e vriama. Anda kodia si te kerdios muto ai nashti desa duma zhi ka dies kai avela pe so phendem tuke."

1:21b.LUK.001.021 Ande kodia vriama le kolaver narodo azhukerenas o Zechariah, ai chudinaspe sostar beshel kadia but vriama kotse andre tampla.

1:22b.LUK.001.022 Kana anklisto avri nashti delas lensa duma, ai o narodo aliardia ke O Del sikadiasas leske vari so ande tampla. Wo sikavelas lenge le vastensa numa nashti delas duma.

1:23b.LUK.001.023 Kana o Zechariah getosardia peski vriama kai trobulas te podail ande tampla, gelo peste khere.

1:24b.LUK.001.024 Xantsi vriama pala kodia e Elizabeth leski rhomni pharisas, ai garadile panzh shon ando kher.

1:25b.LUK.001.025 Woi motholas ande peste, "Eta, so kerdia O Del mange, manglia te ankalavel ma akana so sas mange lazhav anglal manush!"

1:26b.LUK.001.026 Ai ando shovto shon O Del tradia o angelo kai bushol Gabriel andek foro kai bushol Galilee ando Nazareth.

1:27b.LUK.001.027 Kai iek shei bari kai trobulas te ansurilpe ieke manushesa kai bushol Josef, wo sas andai vitsa le amperatoski o David, o anav kodola zhuvliako kay sas shei bari busholas Maria.

1:28b.LUK.001.028 O angelo gelo late khere ai phendia lake, "Pacha tuke, tu kai O Del andia mishtimos, O Del tusa."

1:29b.LUK.001.029 E Maria daraili xantsi palal vorbia kai phendia lake, ai gindilas pa so phendia lake o angelo,

1:30b.LUK.001.030 O angelo phendia lake, "Na dara, Maria, ke drago sanas le Devleske.

1:31b.LUK.001.031 Si te aves phari ai avela tu iek shav kai desa les o anav Jesus.

1:32b.LUK.001.032 Baro avela ai akharena les O Shav le Devlesko kai si opre. O Del kerela anda leste amperato, sar sas o David, kodo kai sas mai anglal lestar.

1:33b.LUK.001.033 Ai poronchila po narodo kai si ande Israel kai bushon zhiduvuria sagda, ai leski amperetsia shoxar chi getolpe!"

1:34b.LUK.001.034 E Maria phendia le angeloske, "Sar sai kerdiola so mothos mange, ke shei bari sim?"

1:35b.LUK.001.035 O angelo dia atweto, "O Swunto Duxo avela pe tute, ai e putiera le Devleski. Vusharela tu sar iek vushalin, anda kodia avela akhardo Swunto O Shav le Devlesko ek glata kai kerdiola.

1:36b.LUK.001.036 Ai eta, Elizabeth chi vara, vi woi azhukerel iek shav. Marka ke si phuri, mothonas ke nashti avela glate, ai akana ka pesko shovto shon la.

1:37b.LUK.001.037 Ke kanchi nai so O Del nashti kerel."

1:38b.LUK.001.038 Antunchi Maria phendia, "Me sim e sluga Devleski, te avel mange sar tu phenes", ai o angelo gelotar.

1:39b.LUK.001.039 Ande kodia vriama e Maria sigo gelitar karing le plaia andek gav kai sas ande Judea.

1:40b.LUK.001.040 Geli ando kher ka Zechariah ai dia dies lasho kai Elizabeth.

1:41b.LUK.001.041 Kana Elizabeth ashundia so phendia lake e Maria, o glata mishtisailo ande late. Elizabeth pherdo sas le Swuntone Duxosa.

1:42b.LUK.001.042 Ai tsipisardia zurales. "O Del swuntsosardia tu mai but ke sar sa le zhuvlia ai lesko swuntsomos beshel pe glata kai avela tu!

1:43b.LUK.001.043 Kon si me, kai e dei murhi Devleski avel mande?

1:44b.LUK.001.044 Ke dikhes kana ashundem ke dian ma dies lasho o glata mishtisailo raduimastar ande mande.

1:45b.LUK.001.045 Tu raduime san kai pachaian tu so sas tuke phendo katar O Del ai kerdiola!"

1:46b.LUK.001.046 E Maria phendia, "Murho ilo naisil o barimos le Devlesko;

1:47b.LUK.001.047 Murho ilo pherdo raduimos lo pala Del murho skepitori.

1:48b.LUK.001.048 O Del dikhlia pe mande, leski sluga kai nai kanch! Numa akana ai sagda sa o manush akharena ma raduime.

1:49b.LUK.001.049 Ke O Del kai si les e putiera kerdia mange lasho dieli. Lesko anav si Swunto.

1:50b.LUK.001.050 Sikavel leski mila sagda ka kodola kai daran lestar, katar e vitsa po vitsa.

1:51b.LUK.001.051 Kerdia bare dieli leske vastesa, le zuralesa lia pal manush le barimata kai sas le ande ilo.

1:52b.LUK.001.052 Lia le amperaton anda penge amperetsia ai dia iek than kai si opre kal manush kai si lashe.

1:53b.LUK.001.053 Wo dia but lashimos ka kodola kai sas bokhale, ai tradia palpale le barvalen le vastensa mange.

1:54b.LUK.001.054 Wo garado leski vorba kai shinado sas ka le Zhidovon, ai avilo te zhutil leske naroduria le Zhidovon.

1:55b.LUK.001.055 Chi busterdia te sikavel leski mila karing o Abraham ai kodola kai sas mai palal lestar sagda.

1:56b.LUK.001.056 E Maria beshli peska varasa Elizabeth trin shon, porme gelitar peste khere.

1:57b.LUK.001.057 Kana e vriama avili kai Elizabeth trobulas te avel la iek glata sas la iek shav.

1:58b.LUK.001.058 O narodo kai beshelas pashai Elizabeth ai lake naimuria dine po gor ke O Del dias la kodo mishtimos, vi won raduisaile lasa.

1:59b.LUK.001.059 Kana o tsinorho sas kurkesko avile te shinen kotor anda lesko boriko; ai mangenas te del anav peske dadesko Zechariah,

1:60b.LUK.001.060 numa leski dei phendia, "Nichi, Iovano busholas." Numa phende lake,

1:61b.LUK.001.061 "Na khonik ande chi familia kai si les kado anav!"

1:62b.LUK.001.062 Antunchi phushle le vastensa le dades, te zhanen sar mangel te akharel o shav.

1:63b.LUK.001.063 O Zechariah manglia iek skafidi te ramol ai ramosardia, "Iovano busholas." ai savorhe chudisaile!

1:64b.LUK.001.064 Strazo o Zechariah sai delas duma ai liape te naisil le Devles zurales.

1:65b.LUK.001.065 Katar godi antunchi sa narodo kai beshelas pasha leste daraile, ai sa e viasta pa so kerdili geli kruglom karing le plaia ande Judea.

1:66b.LUK.001.066 Kon godi ashunelas so kerdilia denas pe goji ai denas pe duma, so avela kodia glata e putiera le Devleski sas chaches lesa.

1:67b.LUK.001.067 O Zechariah, o dat la glatako sas pherdo le Swuntone Duxosa, ai dia duma E Vorba le Devleski.

1:68b.LUK.001.068 Luvudime te avel le Devles, O Del le Zhidovongo, ke andia te lia sama pe pesko narodo ai skepisardia les.

1:69b.LUK.001.069 Dia ame iek putiera ai iek skepitori amenge kai sam andai vitsa le amperatoski o David leski sluga.

1:70b.LUK.001.070 Kadia si kai phendias, de mult katar swuntso profeturia:

1:71b.LUK.001.071 Phendiasas te skepil ame katar amare duzhmaia; ai katar e putiera katar kodola kai sam lenge griatsa.

1:72b.LUK.001.072 Inker sikavela peski mila amenge sar si kadia kodolenge kai sas mai anglal amendar, ai serela pe peski swinto vorba kai phendiasas te beshel amensa;

1:73b.LUK.001.073 Ke O Del phendiasas le Abramoske kadala dieli kai sas mai anglal amendar.

1:74b.LUK.001.074 Te ankalavel ame katar e putiera amare duzhmange, ai te podaisaras le Devles bi darako;

1:75b.LUK.001.075 Te sai avas swintsi ai vorta angla Del, swako dies ande amaro traio.

1:76b.LUK.001.076 Ai tu, murho tsinorho, avesa akhardo o profeto le Devlesko kai si opre, ke phiresa angla Del te lashares lesko drom;

1:77b.LUK.001.077 Ai te sikaves leske narodoske ke skepila le kana iertila lenge bezexa.

1:78b.LUK.001.078 Ke amaro Del lasholo, ai kerela te strefial pe amende iek vediara kai avel opral.

1:79b.LUK.001.079 Te sikavel e vediara kodolenge kai si ando tuniariko ai kai si ande vushalin la martiake, te ingerel amare punrhe po drom la pachako."

1:80b.LUK.001.080 Ai tsinorho bariolas ai o Swunto Duxo le Devlesko lel les zor ande leste. Wo beshlo ande pusta zhi ka dies kai sikadilo kal Zhiduvuria.

2

2:1b.LUK.002.001 Ande kodia vriama iek baro manush kai busholas Ceasar Augustus dia ordina te dikhen sode narodo sas ando them.

2:2b.LUK.002.002 Kana jinde le narodos e pervo data kana inker aver manush kai busholas Cyrenius sas baro pe them kai busholas Syria.

2:3b.LUK.002.003 Savorhe gele te ramonpe ando foro kai kerdiol.

2:4b.LUK.002.004 O Josef gelotar anda kado foro Nazareth kai sas ande Galilee te zhal ande Judea, andek foro kai busholas Bethlehem, kai kerdilo o amperato David. Ke wo sas andai vitsa le Davidoski.

2:5b.LUK.002.005 Gelo vi wo te ramol pe la Mariasa, kodia kai sas tomnime pala leste.

2:6b.LUK.002.006 Woi azhukerelas iek glata, kana sas ando Bethlehem e vriama avili kai o shav trobulas te kerdiol.

2:7b.LUK.002.007 O Shav kerdilo, o pervo andai lake glate, pachardia les andel poxtan ai thodia les ande liagano pel suluma ke nas than lenge ando hotelo.

2:8b.LUK.002.008 Ande kodo foro sas pastuxuria kai nakhavenas e riat pel kimpuria te garaven le bakriorhan.

2:9b.LUK.002.009 Ek angelo le Devlesko sikadilo lenge, ai o barimos le Devlesko strefial pe lende: ai won daraile,

2:10b.LUK.002.010 Numa o angelo phendia lenge, "Na daran! Ke me anav tumenge ek lashi viasta, kai raduila zurales sa le narodos.

2:11b.LUK.002.011 Kadia dies ando foro le Davidosko ek skepitori kerdilo, wo si o Kristo le Devles.

2:12b.LUK.002.012 Sar te prinzharen les arakhena iek tsinorho kai si pachardo andel poxtan ai ande liagano."

2:13b.LUK.002.013 Strazo angelosa but aver angeluria anda cheri luvudinas le Devles ai mothonas,

2:14b.LUK.002.014 "O barimos ka Del ke si ando rhaio, ai leski pacha dinila pe phuv kal manush kai si leske drago!"

2:15b.LUK.002.015 Kana le angeluria geletar katar le pastuxuria te zhantar ando rhaio, le pastuxuria denas pe duma mashkar pende, "Aven ando Bethlehem ke trobul te dikhas so si so O Del phendia amenge."

2:16b.LUK.002.016 Grebisaile te zhan ai kotse arakhle la Maria ai Josefos, ai dikhle o tsinorho kai sas ande liagano.

2:17b.LUK.002.017 Kana dikhle les phende so phendiasas lenge o angelo pai glata.

2:18b.LUK.002.018 Savorhe kai ashunde le pastuxuria chudisaile so phendesas lenge.

2:19b.LUK.002.019 Numa e Maria garavelas kodola dieli ande peske goji ai delas pe goji ande peste.

2:20b.LUK.002.020 Porme le pastuxria geletar palpale khere, jilabenas pa drom o barimos le Devlesko ai naisinas leske anda so ashunde ai dikhle; ke swako diela kerdili sar o angelo phendiasas lenge.

2:21b.LUK.002.021 Ek kurko pala kodia, kana e vriama avili te shinen lesko boriko, ai dine les o anav kai si Jesus, o anav kai phendiasas lenge o angelo te thon leske mai anglal sar te avel e Maria phari.

2:22b.LUK.002.022 Porme e vriama avili le Josefoske ai la Mariake te keren so o zakono le Mosesoske sas te vuzharenpe, antunchi andine o tsinorho ando foro kai si ando Jerusalem te sikaven o tsinorho ka Del.

2:23b.LUK.002.023 Ke ramome ando zakono le Devlesko, swako mursh glata o pervo kai kerdilo avela thodino rigate le Devlesko."

2:24b.LUK.002.024 Ai mai kerde vari so kai o zakono le Devlesko mangelas te den dui terne golumburia. (Turtledoves vai pigeons)

2:25b.LUK.002.025 Sas ando Jerusalem iek manush kai busholas Simeon. Kodo manush lasho sas ai respektilas le Devles, ai azhukerelas pala e vriama kana le Zhiduvuria avena skepime, ai O Swunto Duxo sas lesa.

2:26b.LUK.002.026 Ai O Swunto Duxo phendia leske ke chi merela mai anglal sar te dikhel le skepitores kai si tradino katar O Del.

2:27b.LUK.002.027 O Swunto Duxo sikavelas leske kai te zhal, o Simeon gelo ande tampla. O dat ai e dei le Kristoske andine pengo Shav O Jesus ande tamplo te keren so mangelas o zakono.

2:28b.LUK.002.028 O Simeon lia le Kristos ande peske vas ai naisilas le Devles, ai motholas:

2:29b.LUK.002.029 "Devla, akana so phendian kerdilia, ai sai mekes man te merav pachasa.

2:30b.LUK.002.030 Ke dikhlem murhe iakhensa cho skepimos, kai dian ka sa le thema:

2:32b.LUK.002.032 Vediara te sikavel sa le themenge kai si ande lumia, ai dela barimos ande Israel kai si cho narodo."

2:33b.LUK.002.033 O dat ai e dei le Kristoske chudisaile so motholas o Simeon pa Jesus.

2:34b.LUK.002.034 O Simeon swuntsosardia le ai phendia la Mariake e dei le Kristoski, O Del alosardia kadala glata te pherel ai te vazdel buten kai si ande Israel. Wo avela katar O Del kai le manush chi mangena.

2:35b.LUK.002.035 Ai kadia sikavela le ginduria kai si garade ando lengo ilo. Numa tu zhuvlio, e dukh dukhavela cho duxo sar ek sabia."

2:36b.LUK.002.036 Sas ek profeti, Anna busholas, woi sas e shei le manusheske kai busholas Phanuel, ande vitsa kodolenge kai bushon Asher. Phuri sas, traiisardiasas efta bersh le manushesa kai ansurisailisas lesa kana sas terni.

2:37b.LUK.002.037 Ai akana kai si phivli areslisas kal bersh kai sas oxtovardesh tai shtar bersh. Chi zhalastar anda tampla, numa podailas le Devles e diese ai e riate chi xalas ai rhugilaspe.

2:38b.LUK.002.038 Ande kodia momento aresli ai naisilas le Devles, ai delas duma pai glata sa kodolenge kai azhukerenas te skepil O Del o Jerusalem.

2:39b.LUK.002.039 kana kerde so godi mangelas o zakono le Devlesko geletar palpale ande Galilee, ande pengo foro kai bushol Nazareth.

2:40b.LUK.002.040 O tsinorho bariolas, ai zuriavolas ando duxo; ai gojaver sas e goji, ai o mishtimos le Devlesko sas po leste.

2:41b.LUK.002.041 Swako bersh o dat ai e dei le Kristoske zhanas ando Jerusalem pala O Dies O Baro le Zhidovongo.

2:42b.LUK.002.042 Kana O Jesus pherdilo desh u do bershengo gele te xan O Baro Dies le Zhidovongo sar keren swako bersh.

2:43b.LUK.002.043 Kana getosaile le diesa kana xanas O Baro Dies le Zhidovongo geletar, numa O Jesus beshlo ande Jerusalem, ai lesko dat ai leski dei chi zhanenas.

2:44b.LUK.002.044 Won gindinas ke O Jesus sas penge vortakonsa kai zhanas pa drom, phirde iek dies, porme rodenas les ka penge naimuria ai ka penge vortacha.

2:45b.LUK.002.045 Numa chi arakhle les, pale gele ande Jerusalem te roden les.

2:46b.LUK.002.046 O trito dies arakhel les ande tampla, beshelas tele mashkar le Zhiduvuria kai sicharenas o zakono le Devlesko, O Jesus ashunelas lende ai phushelas le vari so.

2:47b.LUK.002.047 Ai sa kai ashunde les chudinaspe che gojaver sas ai sar delas le atweto.

2:48b.LUK.002.048 Lesko dat ai leski dei chudisaile zurales kana dikhle les. Leski dei phendia leske, "Murho shav, sostar kerdian kadia? Cho dat ai me nekezhisas ai rodasas tu."

2:49b.LUK.002.049 Ai wo dia le atweto, "Sostar roden ma? Pate tume chi zhanen ke trobul te avav ando kher murho Dadesko?"

2:50b.LUK.002.050 Numa won chi haliarde so motholas lenge.

2:51b.LUK.002.051 Porme O Jesus gelotar palpale lensa ande Nazareth, ai pachalas lenge mui, leski dei garavelas sa le vorbi ande pesko ilo.

2:52b.LUK.002.052 O Jesus bariolas ande pesko stato ai vi leski goji, ai bariolas ande dragostia le Devleski ai le manushengi.

3

3:1b.LUK.003.001 Kado sas o desh u panshto bersh kai sas o baro themesko kai busholas Tiberius, ai Pontius Pilate sas guvernori ande Judea, o Herod poronchilas pe Galilee, ai lesko phral o Philip poronchilas pe phuv kai bushol Iturea ai Trachonitis; ai o Lisanias poronchilas pe Abilene,

3:2b.LUK.003.002 Ai Annas ai o Caiaphas sas le bare rasha. E vorba le Devleski geli zhi ka Iovano, o shav kodolesko kai bushol Zechariah, ande pusta.

3:3b.LUK.003.003 O Iovano gelo ande sa o them kruglom o pai kai zhal busholas Jordan. Motholas le narodoske, "Keiin tume katar che bezexa ai aven bolde, ai O Del iertila tumare bezexa."

3:4b.LUK.003.004 Kadia areslia so o profeto Isaiah ramosardiasas ande peske klishka, o glaso le manushesko kai tsipil ande pusta, lasharen o drom le Devlesko, keren leske droma vorta!

3:5b.LUK.003.005 So godi gropi mashkar le plaia aven pherdo sar le plaia ai le mai tsinorhe aven vortome, le droma kai nai vorta avena vortome. Le mai tsinorhe droma kai si chorhe aven vortome.

3:6b.LUK.003.006 Ai swako manush dikhela sar skepil O Del!"

3:7b.LUK.003.007 But narodo avelas kai Iovano te bolel le, ai motholas lenge, "Tume kai san sar o sap, kon sichardia tume ke sai den rigate anglai Swunto xoli kai si te avel?

3:8b.LUK.003.008 Keren tumaro zakono vorta kai sikaven kai keisardian katar tumaro bezex, ai na mothon ande tumende, 'Abraham si amaro dat.' Phenav tumenge chachimasa, O Del sai kerel manush le Abrahamoske katar kadale bax.

3:9b.LUK.003.009 O tover gatalo te shinel le krenzhi kal vuni, swako krenzha kai nai fruta si te avel shindi ai shudini ande iag."

3:10b.LUK.003.010 Antunchi o narodo phushelas les, "So trobul te keras?"

3:11b.LUK.003.011 Ai wo dia le atweto, "Kodo kai si les dui gada trobul te del iek ka kodo kai nai les, ai kodo kai si les xaben trobul te del kodo kai nai les."

3:12b.LUK.003.012 Uni manush kai lenas le love pal taksa, vi won avile te bolenpe ai phushle katar o Iovano, "Gazda, so trobul te keras?" Ai wo phendia lenge,

3:13b.LUK.003.013 "Na keren te pochinel o narodo ke so si o zakono."

3:14b.LUK.003.014 Ai vi ketani phushenas les, "Ai ame so trobul te keras?" ai wo phendia lenge, "Na len love kanikastar zorasa vai te xoxaven pe kodo manush. Numa aven raduime so si tumenge pochindo."

3:15b.LUK.003.015 O narodo ashunelas ai pachalaspe, savorhe gindinas ke o Iovano sas o skepitori (Messiah).

3:16b.LUK.003.016 Antunchi o Iovano phendia lenge, "Me bolav tume ando pai numa iek manush kai si mai zuralo mandar si te avel, ai me chi sim dosta lasho te phutrav le doria leske papuchenge. Wo bolela tume le Swuntone Duxosa ai iagasa.

3:17b.LUK.003.017 Ande lesko vas si le o pata te alol o jiv ai le suluma, wo chidela o jiv ande peske shtala, numa phabarela le suluma andek iag kai shoxar chi getolpe.

3:18b.LUK.003.018 Ai kadia motholas lenge so te keren kai o Iovano motholas e lashi viasta le narodoske.

3:19b.LUK.003.019 Numa o Iovano phendia zurale vorbi le guvernoske, o Herod, ke ansurisailo ieka zhuvliasa kai bushol Herodias, kai sas e rhomni leske phraleske, ai vi ke mai kerdiasas but aver chorhe dieli.

3:20b.LUK.003.020 Antunchi o Herod mai kerdia iek chorhi diela, thodia le Iovanos ande temnitsa.

3:21b.LUK.003.021 Kana sa narodo sas boldo, O Jesus vi vo boldiape, ai kana rhugilaspe o cheri phuterdilo.

3:22b.LUK.003.022 Ai O Swunto Duxo vulisto pe leste ande ek stato sar ek gulumbo, ai ek glaso avilo anda rhaio, "Tu san murho Shav kai san mange drago ai ande tute thav murho raduimos."

3:23b.LUK.003.023 Kana O Jesus nachinail peske buchi trenda bershengolo sas; le manush gindinas ke sas o shav le Josefosko, ai O Josef sas o shav le Helisosko,

3:24b.LUK.003.024 o shav le Matthatosko, o shav le Levisosko, o shav le Mechisosko, o shav le Jannaisosko, o shav le Josefosko,

3:25b.LUK.003.025 o shav le Mattathiasosko, o shav le Amososko, o shav le Nahumosko, o shav le Eslisosko, o shav le Naggaisosko,

3:26b.LUK.003.026 o shav le Maathosko, o shav le Mattathiasosko, o shav le Semeinosko, o shav le Josefosko, o shav le Jodasosko,

3:27b.LUK.003.027 o shav le Joananosko, o shav le Rhesasosko, o shav le Zerubbabelosko, o shav le Shealtielosko, o shav le Nerisosko,

3:28b.LUK.003.028 o shav le Melchisosko, o shav le Addisosko, o shav le Cosamosko, o shav le Elmadamosko, o shav le Erosko,

3:29b.LUK.003.029 o shav le Joshuasosko, o shav le Eliezerosko, o shav le Jorimosko, o shav le Matthatosko, o shav le Levisosko,

3:30b.LUK.003.030 o shav le Simeonosko, o shav le Judahosko, o shav le Josefosko, o shav le Jonamosko, o shav le Eliakimosko,

3:31b.LUK.003.031 o shav le Meleasosko, o shav le Mennasosko, o shav le Mattathasosko, o shav le Nathanosko, o shav le Davidosko,

3:32b.LUK.003.032 o shav le Jessesosko, o shav le Obedosko, o shav le Boazosko, o shav le Salmonosko, o shav le Nahshonosko,

3:33b.LUK.003.033 o shav le Amminadabosko, o shav le Adminosko, o shav le Arnisosko, o shav le Hezronosko, o shav le Perezosko, o shav le Judahosko,

3:34b.LUK.003.034 o shav le Iakovosko, o shav le Isaakosko, o shav le Abrahamosko, o shav le Terahosko, o shav le Nahorosko,

3:35b.LUK.003.035 o shav le Serugosko, o shav le Reusosko, o shav le Pelegosko, o shav le Eberosko, o shav le Shelahosko,

3:36b.LUK.003.036 o shav le Cainanosko, o shav le Arphaxadosko, o shav le Shemosko, o shav le Noahosko, o shav le Lamechosko,

3:37b.LUK.003.037 o shav le Methuselahosko, o shav le Enochosko, o shav le Jaredosko, o shav le Mahalaleelosko, o shav le Cainanosko,

3:38b.LUK.003.038 o shav le Enososko, o shav le Sethosko, o shav le Adamosko, o shav le Devlesko.

4

4:1b.LUK.004.001 O Jesus pherdo sas le Swuntone Duxosko kana gelotar katar o Jordan, ai sas angerdo katar O Swunto Duxo ande pusta.

4:2b.LUK.004.002 Kotse zumadia les o beng shtarvardesh dies ai chi xalia kanchi sa kodola dies, ai kana nakhle kodola dies bokhailo.

4:3b.LUK.004.003 Antunchi o beng phendia leske, "Te san tu O Shav le Devlesko, phen kadale bax te kerdion manrho."

4:4b.LUK.004.004 O Jesus dia les atweto, "E Vorba le Devleski mothol, 'O manush nashtil traiil ferdi anda manrho,'"

4:5b.LUK.004.005 Porme o beng angerdia les mai opre, ai sikadia leske strazo sa le amperetsi la phuviake.

4:6b.LUK.004.006 O beng phendia ka Jesus, "Dava tu sakadia putiera ai o barvalimos kadale amperetsiango, sa kadala dieli sas dini mange ai me sai dav le kaske mangav.

4:7b.LUK.004.007 Ferdi te desa changa angla mande dav le sa tuke."

4:8b.LUK.004.008 O Jesus dia les atweto, "E Vorba le Devleski mothol, 'Rhugisavo ka cho Del ai ferdi les podaisar.'"

4:9b.LUK.004.009 Antunchi o beng angerdia les ando Jerusalem ai thodia les ta opre pe tampla, ai phendia les, "Te san tu O Shav le Devlesko, shude tu katsar tele.

4:10b.LUK.004.010 Ke ramome ande Vorba le Devleski, 'Ke O Del dela ordina peske angelon te arakhen tu.'

4:11b.LUK.004.011 Ai phenel, 'Ankerena tu pe penge vas te na dukhaves cho punrho po bax.'"

4:12b.LUK.004.012 O Jesus dia les atweto, "E Vorba le Devleski mothol, 'Na zumav che Devles.'"

4:13b.LUK.004.013 Kana o beng getosardia te zumavel le Kristos sar wo manglia, wo meklia les xantsi vriama.

4:14b.LUK.004.014 O Jesus gelo palpale ande Galilee, ande putiera le Swuntone Duxoski. Sa o narodo delas duma pa leste kotsar.

4:15b.LUK.004.015 Wo sicharelas ande le synagoguria ai sa o narodo luvudisardia les.

4:16b.LUK.004.016 O Jesus gelo ando Nazareth kotse kai barilo sas, iek dies kana sas Sabato gelo ande synagogue sar kerelas butivar. Wushtilo opre te jinel E Vorba le Devleski.

4:17b.LUK.004.017 Dine les e klishka le profetoske kai busholas Isaiah. Phuterdia la ai arakhlia kai si ramome,

4:18b.LUK.004.018 "O Swunto Duxo le Devlesko pe mandelo, wo alosardia ma te anav e lashi viasta kal chorhe. Wo tradia ma te anav o skepimos kodolenge kai si phangle, ai te sastiarav le korhen, te skepiv le manushen kai si chinuime.

4:19b.LUK.004.019 Te mothav o bersh kai sikadiola o lashimos le Devlesko."

4:20b.LUK.004.020 Porme O Jesus phandadia e klishka ai dia la kal slugi la synagogaki ai beshlo tele. Sa o narodo kai sas ande synagogue dikhenas pe leste.

4:21b.LUK.004.021 Ai wo antunchi mothon lenge, "So jindem ande Vorba le Devleski sikadilia adies kana tume ashundian so jindem."

4:22b.LUK.004.022 Savorhe raduimesas karing O Jesus ai chudinaspe andal shukar vorbi kai motholas.

4:23b.LUK.004.023 Ai mothonas, "Nai kado o shav le Josefosko?" O Jesus phendia lenge, "Suguro si te mothol mange, 'Dokxtoro, sastiar tu tut.' Ai vi mothon mange, 'Ashundiam, so godi kerdian ando foro kai bushol Capernaum, kerdian sa kodola dieli katse ande cho foro.'"

4:24b.LUK.004.024 Porme mai phendia, "Phenav tumenge o chachimos, 'Chi iek profeto nai premisardo ande pesko foro kai kerdilo.

4:25b.LUK.004.025 Ashun mange, suguro ke sas but phivlia ande Israel, ande vriama kai sas o Elijah kana o breshind chi dia trin bersh ai dopash, ai ma nas xaben ando them.

4:26b.LUK.004.026 Ai O Del chi tradia kudules kai bushol Elisha lende numa kai ek zhuvli ka ma nas la rhom kai traiilas andek foro kai busholas Zarephath karing Sidon.

4:27b.LUK.004.027 Ai sas vi but lepuria (manush kai chirniolas ka lenge morchi) ando Israel kana sas o profeto o Elisha, inker chi iek anda lende chi sastilo, numa iek manush kai busholas Namaan ande Syria."

4:28b.LUK.004.028 Savorhe ande synagogue sas xoliariko kana ashunde kodola vorbi.

4:29b.LUK.004.029 Wushtilo opre, angerde O Jesus avri anda foro ai angerde les opre po plai kai lengo foro sas kerdo, te shuden les tele.

4:30b.LUK.004.030 Numa O Jesus nakhlo mashkar lende ai gelotar.

4:31b.LUK.004.031 Antunchi O Jesus gelo ando Capernaum, o foro ande Galilee, kai sicharelas le narodos dies savatosko.

4:32b.LUK.004.032 Kodo narodo chudimesas sar sicharelas, ke O Jesus delas duma putierasa.

4:33b.LUK.004.033 Ande synagogue sas iek manush kai sas ande leste ek beng; kodo manush tsipilas zurales.

4:34b.LUK.004.034 "So manges amendar, Jesus andai Nazareth? Tu avilian te mudares ame? Zhanav mishto ke O Swunto san kai si tradino karar O Del!"

4:35b.LUK.004.035 O Jesus dia duma zurales le bengesa, ai dia les ordina te na mai del duma ai te anklel avri anda manush! O beng peredia kodole manushes pe phuv angla sa o narodo ai anklisto avri anda leste, bi te kerel leske chi iek baio.

4:36b.LUK.004.036 Sa o narodo chudisailo ai mothonas iek kavreske, "Savata vorba? Kado manush del ordina putierasa ai zorasa le benges ai anklel avri!"

4:37b.LUK.004.037 Ai porme katar godi o narodo delas duma pa Jesus ande kodo foro.

4:38b.LUK.004.038 O Jesus gelotar andai synagogue ai gelo ka Simon leste khere. E sakra le Simonoski sas la e baro zharo, ai mangle katar O Jesus te sastiarel la.

4:39b.LUK.004.039 Pashilo karing late, ai dia duma zurales ai dia ordina le zharos, ai o zharo gelotar pa late, wushtilo opre ai podaisardia les.

4:40b.LUK.004.040 Kana o kham pelo tele, sa kodola kai sa le naswale kai sas len but fialuria naswalimata. Andine le ka Jesus ai thodia le vas pe lende ai sastiardia le.

4:41b.LUK.004.041 Ai vi but benga ankliste avri anda lende, ai tsipinas, "Tu san O Shav le Devlesko!" Numa O Jesus dias le trad te na mothon, ke zhanenas won ke wo sas o skepitori.

4:42b.LUK.004.042 Kana phuterdilo o dies O Jesus anklisto avri anda foro, ai gelotar vari kai te avel korkorho. But narodo rodelas les, kana arakhle les mangenas te ankeren les ai te na meken te zhaltar lendar.

4:43b.LUK.004.043 Numa O Jesus phendia lenge, "Trobul te phenav e lashi viasta le rhaioski le Devleski ande kolaver foruria, ke anda kodia O Del tradia ma."

4:44b.LUK.004.044 Vi delas duma pa Del ande le synagoguria ande Galilee.

5

5:1b.LUK.005.001 Andek dies O Jesus beshelas pasha maria le Gennersaretako, ai o narodo sas pasha leste te ashunen E Vorba le Devleski.

5:2b.LUK.005.002 Dikhlia dui chunuria pasha pai, le masharia nas kotse ke xalavenas penge siti.

5:3b.LUK.005.003 O Jesus anklisto ande iek chuno kai sas le Simonosko, ai mangle lestar te duriol xantsi mai dur katar e phuv. O Jesus beshlo tele ande chuno ai sicharelas le narodos.

5:4b.LUK.005.004 Kana getosardia te del duma, phendia le Simonoske, "An cho chuno pek than kai si baro pai, ai porme tu ai kodola kai si tusa shuden tumare siti te len mashe."

5:5b.LUK.005.005 O Simon phendia leske, "Gazda, sorho riat kerdiam buchi ai chi astardiam kanch, numa pala che vorbi shudav murhe siti tele ando pai."

5:6b.LUK.005.006 Ai kana shude le, won line but mashe, ke de but mashe kai sas lenge siti shinenas.

5:7b.LUK.005.007 Antunchi akharde penge vortakon, kai kerenas buchi ando kolaver chuno, te aven te zhutin le. Avile, ai pherde dui chunuria, de fial but mashe kai tasonas.

5:8b.LUK.005.008 Kana o Simon Petri dikhlia so kerdilia, pelo ande changende angla Jesus ai phendia, "Duriol mandar Devla, ke sim ek bezexalo manush!"

5:9b.LUK.005.009 O Simon ai vi kodola kai sas lesa chudisaile pala but mashe kai line sas.

5:10b.LUK.005.010 Sakadia sas le vortacha le Simonoske, o Iakov, o Iovano, le shave le Zebedoske. O Jesus phendia le Simonosko, "Na dara, de akanara le manushen astaren."

5:11b.LUK.005.011 Antunchi line penge chunuria ai tsirde le pe phuv, ai mekle sa ai linepe pala Jesus.

5:12b.LUK.005.012 Kana O Jesus sas andek foro avilo iek manush kai sas pherdo lepra, kana dikhlia O Jesus shudiape angla leste le mosa pe phuv, ai rhugisailo leste ai phendia, "Gazda, te mangesa sai sastiares ma!"

5:13b.LUK.005.013 O Jesus lunzhardia o vas, azbadia les ai phendia, "Me mangav ai akana te aves vuzho!" Ai strazo e lepra gelitar pa kado manush.

5:14b.LUK.005.014 O Jesus dia les trad "Na phen kanikaste so kerdem tuke, numa zhas sikav le rashange sar san, ai mudar la bakrorha kai o Moses dia sas ordina te sikaves savorhenge ke san sasto.

5:15b.LUK.005.015 Numa e viasta pe Jesus ashundesas mai but ai mai but, ai but narodo chidelaspe te ashunen leste, ai te sastion ande penge naswalimata.

5:16b.LUK.005.016 Numa O Jesus duriolas kai nas khonik korkorho te rhugilpe.

5:17b.LUK.005.017 Andek dies O Jesus sicharelas, uni Farizeanuria ai le manush kai sicharno zakono beshenas tele, won avile anda gava kai si ande Galilee ai Judea, ai anda Jerusalem, ai O Jesus sas les e putiera te sastiarel le naswalen.

5:18b.LUK.005.018 Uni manush avile, andine manushes po than kai nashti phirelas; won rodenas te anen les ando kher, ai te thon les angle leste, O Jesus.

5:19b.LUK.005.019 Numa chi zhanenas katar te keren te den ando kher, ke but narodo sas, ankliste po chardako, ai vuliarde les tele pai iek gropa kai sas opre le patosa mashkar o narodo ai angla Jesus.

5:20b.LUK.005.020 Kana O Jesus dikhlia lengo pachamos, wo phendia kal manushes "Che bezexa iertimele, murho vortako."

5:21b.LUK.005.021 Le Farizeanuria ai le Gramnoturia denas pe duma ande pende, ai phenenas, "Kon si kado manush kai del duma nasul pa Del? Chi iek manush sai iertil le bezexa, ferdi O Del sai iertil."

5:22b.LUK.005.022 O Jesus zhanglia lengo ginduria, ai phendia lenge,

5:23b.LUK.005.023 "Savendar ginduria si tume ando ilo? So si mai vushoro te phenel tu "Che bezexa iertimele" vai "Vushti opre ai phir?"

5:24b.LUK.005.024 "Numa ke zhanen ke O Shav le Manushengo pe phuv si les putiera te iertil le bezexa, ai phendia le bangeske, "Vushti opre, le cho than ai zha khere."

5:25b.LUK.005.025 Strazo vushtilo angla lende, lia pesko than kai beshelas pe leste, ai gelotar khere. Ai naisilas le Devles.

5:26b.LUK.005.026 Sa narodo chudisailo, naisin le Devles, ai darasa, phenenas, "Dikhliam adies shodo dieli."

5:27b.LUK.005.027 Pala kodia O Jesus anklisto avri ai dikhlia ieke manushes kai chidelas le love le guvernoske, wo busholas Levi, wo beshelas po than kai avenas le manush te pochinen e taksa, ai O Jesus phendia leske, "Aidi pala mande."

5:28b.LUK.005.028 Ai kodo manush vushtilo opre, meklia sa ai liape pala leste.

5:29b.LUK.005.029 Porme o Levi kerdia iek bari pachiv le Jesusos ando pesko kher. Ai but manush kai chidenas taksa ai aver narodo sas kai skafidi lensa.

5:30b.LUK.005.030 Uni Farizeanuria ai le Gramnoturia marenas mui pa leske disipluria, "Sostar tume xan ai pen le manushensa kai chiden love (taksa) ai le bezexalensa?"

5:31b.LUK.005.031 O Jesus phendia lenge, "Chi trobul o dokxtoro kodolen kai si saste, numa kodolen kai si naswale.

5:32b.LUK.005.032 Chi avilem te akharav le lashe manushen. Avilem te akharav le bezexalen."

5:33b.LUK.005.033 Ai phenen leske, "Le disipluria le Iovanoske ai vi le disipluria le Farizeanonge postin butivar ai rhuginpe, numa che disipluria xan ai pen."

5:34b.LUK.005.034 Ai O Jesus phendia lenge, "Sar sai postin le vortacha le rhomeske, kana o rhom lensa lo?

5:35b.LUK.005.035 Numa le dies aven, kai o rhom zhalatar, antunchi sai postina."

5:36b.LUK.005.036 Antunchi O Jesus phendia lenge ek paramichi: "Khonik chi shinel iek kotor andal neve tsalia te thol pal phurane tsalia, ke antunchi wo shinel le tsalia neve, ai o kotor kai shindia chi maladiol kal phurane.

5:37b.LUK.005.037 Khonik chi thol nevi mol andel phurane morchia; ke e mol e nevi shinel e morchi, ai e mol shordiol ai e morchi nai lashi.

5:38b.LUK.005.038 Numa trobul te thon e nevi mol andel nevi morchi.

5:39b.LUK.005.039 Ai khonik kana pela e mol phurai chi mangel nevi mol. E phurai mol mai lashi.

6

6:1b.LUK.006.001 Andek dies Savatone O Jesus nakhelas andel kimpuria le jiveske, leske disipluria lenas jiv, phagenas le jiv ande penge vas, ai xale.

6:2b.LUK.006.002 Uni Farizeanuria phende lenge, "Sostar keren so nai slobodo te keren Savatone?"

6:3b.LUK.006.003 O Jesus dia le atweto, "Pate chi jindian so kerdia o David, kana wo ai kodola kai sas lesa bokhale sas.

6:4b.LUK.006.004 Gelo ando kher le Devlesko, ai lia le manrhe (Shewbread), ai xalia ai dia kodolen kai sas lesa, ai nai slobodo te keren kadia de ferdi le rashange te xan kodo manrho?"

6:5b.LUK.006.005 Ai mai phendia lenge, "Ke O Shav le Manushesko si o Gazda po Savato."

6:6b.LUK.006.006 Aver dies pale Savatone O Jesus gelo ande synagogue ai sicharelas; ai kotse sas o manush kai o vas o chacho kodole le manushesko sas shuko.

6:7b.LUK.006.007 Le Gramnoturia ai le Farizeanuria mangenas te thon dosh pe leste. Lenas sama po Jesus te sastiarela vari kas Savatone.

6:8b.LUK.006.008 Numa O Jesus zhanelas lenge ginduria, ai phendia le manusheske kai sas lesko vas shuko, "Vushti opre, ai besh kata mashkaral." Vushtilo opre.

6:9b.LUK.006.009 Antunchi O Jesus phendia lenge, "Phushav tume, So si slobodo adies Savatosko te kerel mishtimos vai te kerel nasulimos; te sai skepis le manushes vai te mudares le manushes?"

6:10b.LUK.006.010 Wo dikhlia pe lende, ai phendia le manusheske, "Lunzhar cho vas," ai kodo manush lunzhardia pesko vas ai lesko vas sastilo.

6:11b.LUK.006.011 Savorhe xolaile ai denas pe duma mashkar pende so te keren le Jesusosko.

6:12b.LUK.006.012 Ande kodia vriama O Jesus gelo po plai te rhugilpe, ai sa e riat nakhlo te rhugilpe ka Del.

6:13b.LUK.006.013 Kana phuterdiol o dies O Jesus akhardia peske disiplon; ai alosardia desh u dui, ai akhardia le Apostles.

6:14b.LUK.006.014 Ai dia le anav, iek busholas o Simon kai akhardo sas o Petri ai lesko phral Andre, o Iakov ai o Iovano, o Philip ai o Bartholomew,

6:15b.LUK.006.015 Mate ai o Thomas, Iakov o shav le Alphaeusosko, ai o Simon akharenas les Zelotes.

6:16b.LUK.006.016 O Judas o shav le Iakovosko, ai Judas Iscariot, kodo kai purhisardia O Jesus.

6:17b.LUK.006.017 Ai avilo tele lensa katar e plaiing, ai terdilo pek than kai sas but narodo anda leske disipluria. Sas but narodo anda Judea ai anda Jerusalem, ai anda le gava Tire ai Sidon pasha pai, won avile te ashunen les, ai te aven saste anda penge naswalimos.

6:18b.LUK.006.018 Kodola kai sas chinuime katar o bi vuzho sastionas,

6:19b.LUK.006.019 ai sa o narodo rodelas te azbal le Jesusos, ke putiera anklelas angla leste, ai sastiarelas le savorhen.

6:20b.LUK.006.020 Antunchi O Jesus vazdia le iakha pe peske disipluria, ai phendia "Raduime te aven tume kai san chorhe; ke o rhaio le Devlesko tumaro si.

6:21b.LUK.006.021 Raduime te aven tume kai san bokhale akana; ke avela tume dino but.

6:22b.LUK.006.022 Raduime te aven tume kai roven akana; ke asana. Raduime te aven gretsona tume le manush, kana gonina tume, kana chinuina tume, ai kana shudena tumaro anav sar kanch pa O Shav le Manushesko.

6:23b.LUK.006.023 Raduin tume kodo dies, ai xoten raduimastar ke tumari podarka avela bari ando rhaio, ke kadia kerenas lenge dada le profetonsa.

6:24b.LUK.006.024 "Numa nasul avela tumenge kai san barvale, ke si tume swako fielo.

6:25b.LUK.006.025 Nasul avela tumenge kai si tume but xabe, ke avena bokhale. Nasul avela tumenge kai asan akana, ke nekezhis ai roves.

6:26b.LUK.006.026 Nasul avela, kana sa le manush phenena mishtimos pa tumende! Ke kadia kerenas lenge dada le profetonsa.

6:27b.LUK.006.027 "Numa me phenav tumenge kai ashunen ma te aven tumenge drago tumare duzhmaia, keren mishtimos kodolenge kai san lenge griatsia.

6:28b.LUK.006.028 Swuntson kodolen kai den tume armaia, rhugin kodolenge kai chi keren tumensa mishto.

6:29b.LUK.006.029 Te dela tu vari kon iek palma pai buka, de les vi le kolaver; te lela vari kon chi raxami, mek les te lel vi chi bunda.

6:30b.LUK.006.030 De kodoles kai mangel vari so tutar, ai te lel vari so tutar na manges palpale katar kodo kai dian les.

6:31b.LUK.006.031 So mangen tume te keren le kolaver tumenge, keren vi tume lenge.

6:32b.LUK.006.032 "Te aven tumenge drago kodola kai san vi tume lenge drago, che mishtimos keren? Vi le bezexale drago lenge kodola kai si vi won lenge drago.

6:33b.LUK.006.033 Te kerena mishtimos kodolenge kai keren tumenge mishtimos, che mishtimos keren? Vi le bezexale keren kadia.

6:34b.LUK.006.034 Ai te dena le kodolen kai tume zhanen ke vi won dena tumen, che mishtimos keren? Vi le bezexale den kal bezexale saxke te keren vi le sakadia.

6:35b.LUK.006.035 Numa te aven tumenge drago tumare duzhmaia, ai keren mishtimos lenge; den bi te azhukeren palpale. Ai tumari podarka avela bari ai aven shave le Devleski; ke O Del lasholo kodolensa kai chi naisin leske, ai vi kodolensa kai nai lashe.

6:36b.LUK.006.036 Aven lasho sar tumaro Dat, lasholo.

6:37b.LUK.006.037 "Na keren kris pe kanikaste, ai chi avel chi pe tumende kris; na thon dosh ai chi tume chi aven doshale; iertin ai vi tume aven iertime;

6:38b.LUK.006.038 Den, ai avela vi tumen dino; ai si tume dosta, ai vi mai but, sar den ka kolaver, avena palpale tumen mai but sar dian.

6:39b.LUK.006.039 Ai O Jesus phendia lenge aver paramichi, "Sar sai iek korho manush angerel avre korhes. Vi le dui peren ande gropa.

6:40b.LUK.006.040 O disiplo nai mai baro katar pesko gazda, numa swako disiplo kai phirela vorta avela sar pesko gazda.

6:41b.LUK.006.041 Sostar dikhes e sulum kai si ande iakh che phraleski, kana tut si tu khash ande chiri iakh?

6:42b.LUK.006.042 Vai sar sai mothos che phraleske, 'Phrala, mek ma te lav e sulum kai si tu ande iakh,' kana tu chi dikhes o khash kai si ande chiri iakh? O manush kai ankerdiol so chi san! Le avri mai anglal o khash kai si ande chiri iakh, ai antunchi dikhesa sar te ankalaves e sulum kai si ande iakh che phraleski.

6:43b.LUK.006.043 E lashi khash nashti bariol fruta chorhi, ai chi e chorhi khash chi bariol fruta lashi.

6:44b.LUK.006.044 Ke palai fruta dikhes te si e khash chorhi vai lashi. Le manush nashti chidenpe figi katar kanrhe, vai stuguro katar kanrhe.

6:45b.LUK.006.045 O manush o lasho, ankalavel lashe dieli anda lashimos ka si les anda ilo, ai o manush o chorho ankalavel chorhe dieli andal chorhe dieli kai si les garade, ke o manush mothol anda mui so si les ando ilo."

6:46b.LUK.006.046 " Sostar akharen ma, Devla, ai chi keren so mothav tumenge?

6:47b.LUK.006.047 Sikavava tumenge pe kaste miazol, swako manush kai avel mande ashunel murhe vorbi ai kerel le.

6:48b.LUK.006.048 Kodo manush si sar iek manush kai kerel iek kher, kerdia bari gropa, ai kerdia bax, fundania po bax, o pai kai xhal dia opral, o pai avilo po kher, ai o kher chi mishtisailo, ke kodo kher mishto kerdo sas.

6:49b.LUK.006.049 Numa kodo kai ashunel ai chi kerel so mothav, wo si sar iek manush kai kerdia iek kher pe phuv, bi fundaniako, o pai avilo pe kodo kher ai kodo kher pelo, ai chi mai arashilia kanch.

7

7:1b.LUK.007.001 Kana O Jesus getosardia sa pesko divano angla narodo, gelo ando Capernaum.

7:2b.LUK.007.002 Iek manush kai poronchilas pe iek shel ketani sas les iek sluga kai sas leske drago; ai kudia sluga sas naswalo, merimasko.

7:3b.LUK.007.003 Kodo manush kana ashundia pa Jesus, tradia phure Zhidovon leste te phushel les te avel te sastiarel lesko sluga.

7:4b.LUK.007.004 Avile ka Jesus, ai phushenas les, phenenas, " Kodo manush si respektime ai trobul te avela sasto.

7:5b.LUK.007.005 Ke kodo manush drago leske amaro narodo, ai wo kerdia amare synagogue."

7:6b.LUK.007.006 O Jesus gelo lensa, nas dur katar lesko kher, kana kodo manush kai poronchilas peske ketani, tradia peske vortachen te mothon le Devleski, "Na nashen pala mande, ke chi sim dosta vorta te aves mande khere.

7:7b.LUK.007.007 Sa anda kodia chi haliardema dosta vorta te zhav me karing tute, numa phen iek vorba, ai murho sluga avela sasto.

7:8b.LUK.007.008 Ke me kai trobul te kerav so mothon kodola kai si mai bare mandar, si ma ketani te lel murho vas, ai phenav iekeske, "Zha', ai kodo zhal; ai kolavreske mothav, 'Aidi', ai avel; ai murha slugaki mothav, 'Ker kadia', ai wo kerel.

7:9b.LUK.007.009 Kana O Jesus ashundia kadala vorbi, chudisailo ai boldinisailo karing o narodo kai lelas pala leste, ai phendia, "Me mothav tumenge, chi anda Israel chi arakhlem kasavestar pachamos,"

7:10b.LUK.007.010 Kana aresle khere le manush kai sas tradine katar kodo manush karing O Jesus, arakhle sasto o sluga kai sas naswalo.

7:11b.LUK.007.011 O kolaver dies O Jesus gelo andek gav kai bushol Nain; leske disipluria ai but narodo zhanas lesa.

7:12b.LUK.007.012 Kana areslo pasha o wudar le forosko, manush zhanas te gropon mules, iek zhuvli kai sas la ferdi iek shav, phivli sas, ai but narodo sas lasa kodo le gavesko.

7:13b.LUK.007.013 Kana O Del dikhlia la, pelia leski mila anda late, ai phendia lake, "Na rov!"

7:14b.LUK.007.014 Pashilo ai azbadia o khash kai sas o mulo andre; kodola manush kai ingerenas o khash terdile. O Jesus phendia. "Terno manush, me phenav tuke, Vushti opre!"

7:15b.LUK.007.015 O mulo vushtilo opre ai beshlo tele ai delas duma, ai O Jesus del les palpale ka peski dei.

7:16b.LUK.007.016 Savorhe daraile, ai luvudinas le Devles, ai mothonas, "Iek baro profeto si mashkar amende! O Del avilo te skepil pesko narodo!"

7:17b.LUK.007.017 E viasta pa Jesus geli ande sa e Judea, ai sa le foruria kai sas pashe.

7:18b.LUK.007.018 Le Iovanoske disipluria phende leske pa kadala dieli.

7:19b.LUK.007.019 O Iovano akhardia duien andal slugi ai tradia le karing O Jesus, te phushen lestar, "Tu san kodo kai trobulas te avel, vai trobul te azhukeras avres?"

7:20b.LUK.007.020 Kana aresle ka Jesus, phende, "O Iovano o baptisto tradia amen karing tute, te mothos, "Tu san kodo kai trobul te avel, vai trobul te azhukeras avres?"

7:21b.LUK.007.021 Ande kadia vriama O Jesus sastiardia bute manushen kai sas naswale, bange, kodola kai sas beng ande lende, ai phuterdia le iakha bute korhen.

7:22b.LUK.007.022 O Jesus dia atweto ka le Iovanoske disipluria, "Zhan palpale! Mothon le Iovanoske so dikhlian ai so ashundian! Le korhe dikhen, le bange phiren, le lepra vuzhile, le kashuke ashunen, le mule vushten, e lashi viasta si phendi le chorhe manushenge.

7:23b.LUK.007.023 Raduime te avel kodo kai chi rimol leske kanch!"

7:24b.LUK.007.024 Kana kodola kai tradia sas o Iovano geletar, O Jesus phendia le narodoske pai Iovano, "So gelian tume te dikhen ande pusta? Iek sulum kai mishtil katar e barval?

7:25b.LUK.007.025 Numa so gelian te dikhen? Iek manush kai si vuriardo ande shukar tsalia? Eta, kodola kai si le shukar tsalia, ai kai traiin ando mishtimos, kodola traiin andel khera le amperatonge!

7:26b.LUK.007.026 So gelian tume te dikhen? Iek profeto? E, me phenav tumenge, dikhliam mai but sar iek profeto.

7:27b.LUK.007.027 O Iovano si kodo kai si ramome, "Eta, tradav murha sluga kai anel e viasta angle tute, te lasharel o drom angla tute."

7:28b.LUK.007.028 Me phenav tumenge, "Mashkar kodole kai arakhadile katar e zhuvli nai mai bare de sar o Iovano o baptisto, inker o mai tsinorho ando rhaio le Devlesko mai baro lestar."

7:29b.LUK.007.029 Ai sa o narodo kai ashundia les, ai vi le manush kai chiden e taksa, phende ke vorta so phenel O Del, ai mekle te bolel o Iovano.

7:30b.LUK.007.030 Numa le Farizeanuria ai le ablokatura chi bolenas pe lestar, phende ke nas vorta so mothol O Del.

7:31b.LUK.007.031 "No pala kaste malaven kadala manush kadala vriamake, ai pe kaste miazon.

7:32b.LUK.007.032 Won miazon sar glate kai beshen ando bazari, ai kai den duma iek kavresa ai mothon, 'Jilabadiam ande tuturaza, ai tume chi kheldian ai jilabadian jilia miloso ai tume chi ruian.'

7:33b.LUK.007.033 O Iovano o baptisto avilo ai chi xal o manrho ai chi pel mol; ai tume mothon 'o beng si ande leste.'

7:34b.LUK.007.034 O Shav le Manushesko avilo, ai xalas ai pelas; ai tume phende, "Dikh, kado manush xal but ai pel but, ek vortakolo le manushensa kai chiden e taksa ai le bezexalensa!"

7:35b.LUK.007.035 Numa o chachimos sikadilo katar le glate.

7:36b.LUK.007.036 Iek Farisi mangliape katar O Jesus te xal lesa. O Jesus gelo ando kher le manushengo ai thodiape kai skafidi te xal.

7:37b.LUK.007.037 Sas iek zhuvli bezexali kai sas ando gav, kana ashundia ke O Jesus sas pa e skafidi ando kher le Farizeanongo, andini iek botela pherdo duxi.

7:38b.LUK.007.038 Ai beshelas pashal punrhe le Jesusoske, ai rovelas; ai lake asua chindarde le punrhe le Jesusoske, ai porme koslia leske balensa ai chumidia leske punrhe, ai thodia duxi pe lende.

7:39b.LUK.007.039 O Farisi kai akhardiasas le Jesusos ando pesko kher ai dikhlia so kerdilia, motholas ande peste, "Kado manush te avilino profeto, zhanglino so si kodia zhuvli kai azbal les; wo zhanglino ke bezexalila."

7:40b.LUK.007.040 O Jesus phendia leske, "Simon, si ma vari so te mothav tuke." O Simon phendia, "De duma, Gazda."

7:41b.LUK.007.041 Dui manush sas kai kamenas leske love, iek kamelas leske pansh shela teliara ai o kolaver panvardesh teliara.

7:42b.LUK.007.042 Sar nas le love te pochinen, wo chi mai manglia peske love lendar. No O Jesus phushel, "Savo andal dui avela lenge drago kodo manush?"

7:43b.LUK.007.043 O Simon dia atweto, "Me gindiv ke kuko kai diasas les mai but." O Jesus phendia leske, "Vorta phendian."

7:44b.LUK.007.044 Porme dikhlia pe zhuvli, ai phendia le Simonoske, "Dikhes kacha zhuvli? Avilem ande cho kher; ai chi dian ma vov si pai te xalavel murhe punrhe numa woi chindiatar le peske asuensa ai koslia le balensa.

7:45b.LUK.007.045 Chi chumidian ma, numa woi de sar avilem ando kher, sa murhe punrhe chumidel.

7:46b.LUK.007.046 Chi shordian vov si vuloi pe murho shero, numa woi shordia duxi pe murhe punrhe.

7:47b.LUK.007.047 Anda kodia mothav tuke, lake but bezexa iertimele, ke drago simas lake. Numa kodoles ke kai iertin xantsi, kodo volil xantsi."

7:48b.LUK.007.048 Ai O Jesus mothol la zhuvliake, "Che bezexa iertimele!"

7:49b.LUK.007.049 Kodola kai sas kai skafidi lesa mothon ande pende, "Kon si kado kai iertil vi le bezexa?"

7:50b.LUK.007.050 Numa O Jesus phendia la zhuvliake, "Cho pachamos skepisardia tu, zha pachasa."

8

8:1b.LUK.008.001 Porme O Jesus zhalas foro forestar, ai gav gavestar ai motholas e lashi viasta pa rhaio le Devlesko;

8:2b.LUK.008.002 ai xantsi zhuvlia kai sastilesas anda chorhe duxuria ai andal naswalimata: e Maria, kai akharenas la Magalena, ai anklistesas anda late le efta bengen;

8:3b.LUK.008.003 Joanna, e rhomni le Chazasosli, kai lele sama katar o amperato Herod; ai Susanna; ai but aver zhuvli kai zhutisarde le Jesososke penge mishtimasa.

8:4b.LUK.008.004 But manush avenas ai avenas anda foro forestar ka Jesus, ai kana o narodo chidinisailo, O Jesus phendia lenge ek paramichi.

8:5b.LUK.008.005 "Iek manush gelo te shudel peske sumuntsi; kana shudelas sumuntsi, uni pelia andal sumuntsi pasha drom, kai le manush phiravenas ai le sumuntsi sas telal punrhe, ai le chiriklia avile ai xale le.

8:6b.LUK.008.006 Ai uni pele po than kai sas bax; ai kana barile shuchile; ke nas vov si chingo.

8:7b.LUK.008.007 Ai uni pele mashkar le kanrhe; kodola kanrhe barile mashkar le patria ai tasade le.

8:8b.LUK.008.008 Uni sumuntsi pele ande lashi phuv; barile le sumuntsi ai dine fruta iek shel pek shel." Ai kana dia duma kadia, O Jesus phendia, "Ashun, kodo kai si les khan te ashunel, trobul e ashunel."

8:9b.LUK.008.009 Leske disipluria phushle les, "So znachil kadia paramichi?"

8:10b.LUK.008.010 O Jesus dia le atweto, "Ke tumenge sas shinado te zhanen so si garado pa e amperetsia le Devleski, numa le kolavrenge si phendo ande paramichi, saxke te dikhen numa chi dikhen, ai te ashunen numa chi haliaren kanch."

8:11b.LUK.008.011 "Eta, so znachil kadia paramichi: e sumuntsa si E Vorba le Devleski.

8:12b.LUK.008.012 Le sumuntsi kai pele pasha drom si kodola kai ashunen; numa o beng avel ai lel anda lengo ilo e vorba, ke zhanel ke te pachanape si te skepinpe.

8:13b.LUK.008.013 Le sumuntsi kai pele po than kai sas bax si kodola kai ashunen e vorba ai lel la raduimasa, numa nai vov si vuni ande lende; pachalpe xantsi vriama, ai kana avel o beng te zumavel le, peren.

8:14b.LUK.008.014 Le sumuntsi kai pele mashkar le kanrhe si kodola kai ashundesas; numa o nekazo, o barvalimos, ai le dieli le traioske tasaven le, ai lenge fruta shoxar chi bariol.

8:15b.LUK.008.015 Le sumuntsi kai pelia ande lashi phuv si kodola kai ashunen e vorba, won garaven la ande lasho ilo, ai ankeren e vorba, ai anen fruta chachimasa."

8:16b.LUK.008.016 "Khonik chi del iag iek lampo, ai te garavel les telai e vadra vai telai e skafidi, numa thol les opral pe skafidi te del e vediara savorhenge kai den ando kher.

8:17b.LUK.008.017 Ke nai kanchi garado, kai trobul te avel sikado; kanchi garado, kai trobul te zhanen ai te dikhen savorhe.

8:18b.LUK.008.018 No len sama sar ashunen; ke avela dino kodoles kai si les, numa ka kodo kai nai avela lestar lino vi savo gindin ke si les."

8:19b.LUK.008.019 E dei ai le phral le Jesusoske avile leste, numa nashti aresle leste pala but narodo.

8:20b.LUK.008.020 Ai mothol leske, "Chi dei ai che phral avri le, ai mangen te dikhen tu."

8:21b.LUK.008.021 O Jesus phendia lenge, "Murhi dei ai murhe phral si kodola kai ashunen E Vorba le Devleski, ai kai keren lesko zakono."

8:22b.LUK.008.022 Andek dies O Jesus anklisto ando pharaxoditsi peska disiplonsa ai phende lenge, "Aven pe kolaver rik le paieske," ai gele.

8:23b.LUK.008.023 Sar zhanas po pai O Jesus sovelas, ek bari barval avili po pai, ai pherdiolas o paraxodo le paiesa, ai xaiinas.

8:24b.LUK.008.024 Le disipluria pashile pasha Jesus, ai vushtiarde les, phenenas, "Gazda, Gazda, xaiisavas." Porme O Jesus vushtilo, ai dia mui pe barval ai po pai; ai terdili ai sas trankilo.

8:25b.LUK.008.025 Porme phendia le disiplonge, "Kai tumaro pachamos?" Daraile leske disipluria ai chudisaile, ai phende iek kavreske, "Che fielo manush kado? Ke dia mui pe barval ai pe maria, ai vi e barval ai e maria pachan lesko mui."

8:26b.LUK.008.026 Aresle ando them le manushengo kai bushon Gadarenes, kai si inchal e Galilee.

8:27b.LUK.008.027 Kana O Jesus vulisto pe phuv, avilo karing leste iek manush le forosko, kai sas ande leste but beng de dumut nas pe leste tsalia, ai vo chi beshelas khere numa andel mumuntsi.

8:28b.LUK.008.028 Kana dikhlia le Jesusos, tsipisardia ai shudiape ka leske punrhe ai phendia zurales, "So si mashkar tute ai mashkar mande; Jesus, tu O Shav le Devlesko kai si opre! So mangesa mandar, na chinuisar ma."

8:29b.LUK.008.029 O Jesus dia ordina ka o beng te anklel avri anda kodo manush. Butivar o bi vuzho tsodiasaspe anda leste; le manush phandenas les lantsonsa ai sastrensa pel punrhe ai vi pel vas, numa wo shinelas le, ai o beng angerelas les ande pusta.

8:30b.LUK.008.030 O Jesus phushlia les, "Sar bushos?" Wo dia atweto, "Le Legion" ke but beng sas ande leste.

8:31b.LUK.008.031 Le beng rhuginaspe ka Jesus te na zhan ando pai.

8:32b.LUK.008.032 Sas kotse po plai but bale kai xanas. Le beng manglepe katar O Jesus te sai den andel bale, ai O Jesus phendia lenge te zhan andel bale.

8:33b.LUK.008.033 Le beng ankliste avri anda kado manush ai dine andel bale; ai le bale shudepe pai xar ande maria, ai tasule.

8:34b.LUK.008.034 Le manush kai ningerenas le balen dikhle so kerdilia, nashle, ai phende e viasta so dikhle andel gava ai avrial le gava.

8:35b.LUK.008.035 Narodo zhalas te dikhel so kerdilia, avile ka Jesus, ai arakhle le manushes kai anklistesas le beng anda leste, ai beshelas tele kal punrhe le Jesusoske, vuriardo, ai leske goji vorta; ai daraile.

8:36b.LUK.008.036 Kodola kai dikhle so kerdiliasas phende sar kodo manush kai sas le beng ande leste sastilo.

8:37b.LUK.008.037 Antunchi sa o narodo kodole gavesko kai bushonas Gadarenes, rhugisaile ka Jesus te duriol lendar ke daranas. O Jesus anklisto ande pharaxoditsi, ai gelotar.

8:38b.LUK.008.038 O manush kai; ankliste sas le beng anda leste mangliape katar O Jesus, "Mek ma te zhav tusa." Numa O Jesus tradia les ai phendia les,

8:39b.LUK.008.039 "Zha ando cho kher, ai phen so godi kerdia tuke O Del." Gelotar ai phendia anda sa o foro so godi kerdia leske O Jesus.

8:40b.LUK.008.040 Kana avilo palpale O Jesus, o narodo primisarde les, ke savorhe azhukerenas les.

8:41b.LUK.008.041 Eta, avilo iek manush kai busholas Jairus, wo sas o baro pe synagogue; shudiape kal punrhe le Jesusoske, ai mangliape lestar te avel ande lesko kher.

8:42b.LUK.008.042 Ke sas les ferdi iek shei, kai sas desh u do bershengi merimaski sas. Numa sar O Jesus zhalas late le manush avenas pasha leste katar swako rik.

8:43b.LUK.008.043 Sas iek zhuvli, kai xasarelas pesko rat de desh u dui bersh, ai kai xaliasas sa peske love kal dokxturia, numa chi iek chi sastiardia la.

8:44b.LUK.008.044 Avili palal pala leste ai azbadia e tivala la bundako kai sas po Jesus, ai strazo o rat kai xasarelas terdilo.

8:45b.LUK.008.045 O Jesus phushlia, "Kon azbadian ma?" Numa savorhe phende ke chi azbade les, ai o Petri phendias, "Gazda, but narodo si pasha tute ai tu mothos "Kon azbadia ma?"

8:46b.LUK.008.046 Numa O Jesus phendia, "Vari kon azbadia ma; ke haliardem ke zor anklisto anda mande."

8:47b.LUK.008.047 Ai kana e zhuvli dikhlia ke nas garadi, geli ai izdralas, ai shudiape kal punrhe le Jesusoske, ai phendia angla sa o narodo sostar azbadia le Jesusos, ai sar sastili strazo.

8:48b.LUK.008.048 O Jesus phendia lake, "Murhi shei, cho pachamos sastiardia tu, zha pachasa."

8:49b.LUK.008.049 Sar delas duma inker, avilia vari kon katar o baro le kheresko, ai phendia, "Chi shei muli, na mai dziliaren le Jesusos.

8:50b.LUK.008.050 Numa O Jesus ashundia ai phendia ka Jairus, "Na dara; ferdi pachas tu, ai woi avela sastiarel."

8:51b.LUK.008.051 Kana areslo ka kher O Jesus chi meklia te del khonik lesa ando kher, ferdi o Petri, o Iovano, ai o Iakov, ai o dat ai e dei la glatake.

8:52b.LUK.008.052 Savorhensa roven ai pherde nekezhime. Antunchi O Jesus phendia, "Na roven; chi muli, numa sovel!"

8:53b.LUK.008.053 Asanas lestar, ke won zhanenas ke muli.

8:54b.LUK.008.054 Numa O Jesus lia la le vastesa, ai phendia zurales, "Vushti opre, Glata!"

8:55b.LUK.008.055 Ai lako duxo avilo ande late, ai strazo vushtilo opre; ai O Jesus phendia, "Den la te xal."

8:56b.LUK.008.056 Lako dat ai laki dei chudisaile, ai O Jesus phendia lenge te na mothon kanikaske.

9

9:1b.LUK.009.001 Jesus chidia andek than le desh u do disiplon ai dia le zor ai putiera pe sa le beng, ai e zor te sastiaren le naswalen.

9:2b.LUK.009.002 Tradia len te mothon e viasta le rhaioski le Devleski, ai te sastiaren le naswalen.

9:3b.LUK.009.003 Porme phendia lenge, "Na len kanchi tumensa kai zhan; chi rhai, chi gono, chi manrho, chi love, chi dui raxamia.

9:4b.LUK.009.004 Andel khera kai zhana, beshen kotsar zhi kana zhanatar.

9:5b.LUK.009.005 Ai te na primila tumen o narodo, anklen avri anda kodo gav, ai kosen e pulberia pa tumare punrhe te sikaven lenge so si won."

9:6b.LUK.009.006 Geletar, ai gele gav gavestar, ai phende e lashi viasta, sastiarenas le naswalen.

9:7b.LUK.009.007 Herod, o Tetrach, ashundia so godi kerdiolas, ai ferdi delas pe goji, ke uni mothonas ke o Iovano zhuvindisailo andal mule;

9:8b.LUK.009.008 Uni mothonas ke o Elijah sikadilo; ai uni, ke iek phurano profeto zhuvindisailo.

9:9b.LUK.009.009 Ai o Herod phendia, "Phendem te shinen o shero le Iovanosko; numa savo si, kado kai ashunav ai mothol kasavendar dieli?" Ai mangelas te dikhel les.

9:10b.LUK.009.010 Le desh u dui disipluria kana avile palpale, phende ka Jesus so godi kerde. Lia le pesa, ai gelo karing o foro kai bushol Bethsaida.

9:11b.LUK.009.011 Kana o narodo ashundia, liape pala leste, O Jesus primilas le, ai phendia lenge pa rhaio le Devlesko, ai sastiarelas kodolen kai trobulas te aven saste.

9:12b.LUK.009.012 Kana perelas e riat, le desh u dui disipluria avile leste, ai phende leske, "Trade le narodos te zhan andel gava ai kruglom te soven av te arakhen xaben ke katse kai sam pusta si."

9:13b.LUK.009.013 Numa O Jesus phendia lenge, "Den le tume te xan." Numa won phende, "Ferdi panzh manrhe ai dui mashe. Zhasa ame te chinas xaben kadale narodoske?"

9:14b.LUK.009.014 Sas pashte panzh mi zhene kotse. O Jesus phendia peske disiplonge, "Keren le te beshen tele ai te thon andek than po panvardesh zhene."

9:15b.LUK.009.015 Ai kerde kadia, kerde le te beshen tele.

9:16b.LUK.009.016 O Jesus lia le panzh manrhe ai le dui mashe, ai vazdia le iakha karing o rhaio, ai naisisardias, porme phaglia ai dia le ka peske disiplonge te den ka narodo.

9:17b.LUK.009.017 Savorhe xale ai chailile; ai le disipluria chide le kotora kai ashshilia desh u dui shkonitsi pherde sas.

9:18b.LUK.009.018 Andek jes O Jesus rhugilas pe korkorho, peske disipluria avile leste, ai phushlia le, "So mothon o narodo, ke sim?"

9:19b.LUK.009.019 Won phende, "O Iovano o baptisto; uni mothon, o Elijah; uni phenen, iek phurano profeto kai zhuvindisailo.

9:20b.LUK.009.020 Phendia lenge, "Kon mothon ke sim?" O Petri dia atweto, "O Kristo le Devlesko."

9:21b.LUK.009.021 Ai O Jesus dia le trad te na mothon kanikaske.

9:22b.LUK.009.022 Ai mai phendia, "Ke o Shav le manushesko chinuil but, wo avela shudino lendar, le phure, le bare le rashange, ai le Gramnoturia, Mudarena les ai o trito jes zhuvindila."

9:23b.LUK.009.023 Porme phendia savorhenge, "Te mangela vari kon te lelpe pala mande, te bustrel pe pes, ai te lel swako jes pesko trushul ai te lelpe pala mande.

9:24b.LUK.009.024 Ke kodo kai mangela te skepil pesko traio xasarela les; numa kodo kai xasarela pesko traio pala mande, skepila les.

9:25b.LUK.009.025 Ai so nirila o manush te avel leske sa e lumia, ai te xasarela pe pes?

9:26b.LUK.009.026 Ke kon godi lazhala mandar ai katar murhe vorbi, o Shav le Manushesko avela lestar lazhal, kana avela anda pesko barimos, ai ande barimos le Dadesko, ai le Swuntsi angeluria.

9:27b.LUK.009.027 Phenav tumenge chachimasa, uni kai si katse, chi merena mai anglal sar te dikhen o rhaio le Devlesko."

9:28b.LUK.009.028 Oxto jes pala kodia kana phendia kadala vorbi, O Jesus lia pesa O Petri ai o Iovano ai o Iakov, ai anklisto po plai te rhuginpe.

9:29b.LUK.009.029 Sar O Jesus rhugilaspe, lesko mui pharhudilo, ai leske tsalia parnile zurales.

9:30b.LUK.009.030 Eta, dui manush denas duma lesa, kai sas o Moses, ai o Elijah,

9:31b.LUK.009.031 Kai dichonas ande barimos, ai denas duma pai leski martia ando Jerusalem kai trobul te kerdiol.

9:32b.LUK.009.032 O Petri, ai kodola kai sas lesa sovenas, numa sar beshenas vushtiarde, dikhle o barimos le Jesusoske, ai le dui manush kai sas lesa.

9:33b.LUK.009.033 Sar le manush zhanastar katar O Jesus, o Petri phendia leske, "Gazda, mai mishto ke sam tusa. Keras trin tseri, tuke, iek le Mosesoske, iek o Elijahoske." Chi zhanelas so motholas.

9:34b.LUK.009.034 Sar divinilas kadia, ek nuvero vulisto pe lende; ai le disipluria daraile kana dikhle sar o nuvero vulisto pe lende.

9:35b.LUK.009.035 Ai anda nuvero avilo ek glaso, phenenas, "Kako si murho Shav kai si mange mai drago; ashunen leste."

9:36b.LUK.009.036 Kana ashundilo kodo glaso, O Jesus korkorho sas. Le disipluria chi mothonas kanch, ai ande kodia vriama chi phende kanikaske so dikhle.

9:37b.LUK.009.037 Pe terharin kana vuliste pai plaiin, but narodo avelas karing O Jesus.

9:38b.LUK.009.038 Ai mashkar o narodo ek manush tsipisardia, "Gazda, rhugiv ma tute, dikh pe murho shav, ke ferdi kado si ma!

9:39b.LUK.009.039 O beng lia kodo raklorho ai kerelas les te tsipil; ai drechinilas les zurales, ai zhala leske spuma anda mui. Chinuilas les ai chi mekelas les vushoro.

9:40b.LUK.009.040 Rhugisailem ka che disipluria te gonin le benges; ai nashtisarde."

9:41b.LUK.009.041 O Jesus phendia, "Tume kai chi pachan tume ai chorhe kai san! Sode virama trobul te beshav tumensa? Sode vriama rhevdiv tumen? An che shaves katse."

9:42b.LUK.009.042 Sar o shav pasholas karing O Jesus, o beng shudia les pe phuv, ai drechinisardia les zurales. Numa O Jesus gonisardia le benges, ai sastiardia le raklorhes, ai dia les palpale ka pesko dat.

9:43b.LUK.009.043 Ai savorhe chudisaile anda barimos le Devlesko. Ai sar savorhe dikhenas o lashimos kai kerelas O Jesus, phendia leske disiplonge.

9:44b.LUK.009.044 "Tumenge ashunen mishto so mothav; O Shav le Manushesko trobul te avel dino andal vas le manushenge."

9:45b.LUK.009.045 Numa won chi haliarde kadia vorba, ke garado sas lendar, saxke te na haliaren; ai daraile te phushen lestar pa kadia vorba.

9:46b.LUK.009.046 Le disipluria marenas mui mashkar pende, te zhanen savo sas mai baro anda lende.

9:47b.LUK.009.047 O Jesus zhanglia so gindinaspe, lia ieke raklorhes, ai thodia les pasha peste,

9:48b.LUK.009.048 Ai phendia lenge, "Kon godi primila ande murho anav kakala glata primil man, primil kodoles kai tradia ma. Ke kodo kai si o mai tsinorho mashkar tumende, kodo si o baro."

9:49b.LUK.009.049 O Iovano phendia, "Gazda, dikhliam ieke manushes kai gonil le bengen ande cho anav; ai ame aterdiardiam les, ke chi lelpe pala amende.

9:50b.LUK.009.050 "Na aterdiaren les: O Jesus phendia leske ai le kolaver disipluria, "Ke kon chi rimol tumaro zakono tumensalo."

9:51b.LUK.009.051 E vriama pasholas kana O Jesus avela lino ando rhaio, wo manglia te zhal ande Jerusalem.

9:52b.LUK.009.052 Tradia angla peste slugen kai gele; ai dine ande gav le Samaritanongo te lasharen lesko than,

9:53b.LUK.009.053 numa chi primisarde les, ke zhanas karing e Jerusalem.

9:54b.LUK.009.054 Kana le disipluria o Iakov, ai o Iovano dikhle so kerdiolas, phende, "Devla, mangas te akharas iag anda cheri te phabarel les, sar kerdias o Elijah?"

9:55b.LUK.009.055 O Jesus boldiape karing lende, ai tsipisardia pe lende; ai phendia, "Chi zhanen savestar chorho duxo avilo pe tumende.

9:56b.LUK.009.056 Ke O Shav le manushesko chi avilo te xasarel le manushen, numa te skepil le."

9:57b.LUK.009.057 Ai gele ando aver foro. Sar zhanas po drom, iek manush phendia ka Jesus, "Devla, lav pala tute kai godi zhasa."

9:58b.LUK.009.058 O Jesus phendia leske, "Le Renard si le gropi, ai le chiriklia si le kuiburia, numa O Shav le Manushes nai les chi iek than kai te thol pesko shero.

9:59b.LUK.009.059 Mai phendia avreske, "Aidi pala mande." Numa wo phendia, "Devla, mek mai anglal te gropov murhe dades."

9:60b.LUK.009.060 O Jesus phendia leske, "Mukh le mulen te gropon penge mulen, ai te zhan phen pa rhaio le Devlesko."

9:61b.LUK.009.061 Aver manush phendia, "Lava ma pala tute, Devla; numa mek ma te zhav mai anglal te dikhav murhe naimon."

9:62b.LUK.009.062 O Jesus phendia leske, "Kon godi thol o vas ka wurdon, ai dikhel palpale, nai vuzho ka rhaio le Devlesko."

10

10:1b.LUK.010.001 Pala kodia O Del mai alosardia aver eftavardesh slugi, ai tradia le dui po dui angla peste ande sa le gava, ai ande sa le thana, kai trobulas wo te zhal.

10:2b.LUK.010.002 Ai phendia lenge, "Bari buchi si te kerelpe, numa xantsi narodo si te keren buchi; rhugin tume ka Gazda la buchako te tradel manushen te keren leske buchi.

10:3b.LUK.010.003 Zhan! Tradav tume sar bakriorhe mashkar le ruv.

10:4b.LUK.010.004 Na ingeren tumensa le love, chi gono, chi papucha; ai nai mothon kanikaske droboitu pa drom.

10:5b.LUK.010.005 Kana zhana ando kher, mothon mai anglal, "E pacha te avel pe kado kher."

10:6b.LUK.010.006 Ai te beshela kotse ek mursh pachako, tumari pacha beshela pe leste; te na, pale avela tumende palpale.

10:7b.LUK.010.007 Beshen ande saifielo kher, xan ai pen so dena tumen, ke o buchari trobul te avel pochindo. Na zhan kher kherestar.

10:8b.LUK.010.008 Ande fersavo gav kai zhan, ai won primin tume, xan so avela tumen dino.

10:9b.LUK.010.009 Sastiaren le naswalen kai avena, ai mothon lenge, 'O rhaio le Devlesko pashilo pasha tumende.'

10:10b.LUK.010.010 Numa ande fersavo gav kai zhan, ai won chi primin tume, zhan pel droma ai mothon,

10:11b.LUK.010.011 "Kosas pe tumende e phulberia tumare gaveske kai astardilepe amare punrhe; numa de tu goji ke o rhaio le Devlesko pashilo pasha tumende!"

10:12b.LUK.010.012 Phenav tumenge, ando kodo dies la krisako kana le manush beshen angla Del, avela mai vushoro po Sodom, sar pe kodo foro.

10:13b.LUK.010.013 "Nasul tuke Chorazin! Nasul tuke Bethsaida! Ke te avino le mirakluria kerde ande Tyre ai Sidon kai sas kerde tumende, de dumult kamas te phiraven tsalia goneske, ai te thon zhego pe peste, te sikaven ke keisaile!"

10:14b.LUK.010.014 Numa po dies la krisako mai vushoro avela lenge e Tyre ai Sidon sar tumenge.

10:15b.LUK.010.015 Ai tu Capernaum, Avesa vazdini zhi ka rhaio? Nichi. Ta tele si te zhas ta ando iado!"

10:16b.LUK.010.016 O Jesus phendia leske disiplonge, "Kodo kai ashunel tumende, ashunel man; ai kado kai shudel tume, shudel man; ai kado kai shudel man, shudel kodoles kai tradia ma."

10:17b.LUK.010.017 Le eftavardesh avile palpale raduimasa, ai phende, "Devla, vi le beng daran amendar ande cho anav!"

10:18b.LUK.010.018 O Jesus phendia lenge, "Dikhavas le benges sar perelas anda cheri sar iek rhonjito.

10:19b.LUK.010.019 Ashun! Dem tume e putiera te phiren pel sapa ai le Skorpionki, ai pe sa e putiera le duzhanoske; ai kanch nashti dukhavela tumen.

10:20b.LUK.010.020 Numa na raduin tume ke le beng daran tumendar; numa raduin tume, tumare anava ramomele ando rhaio."

10:21b.LUK.010.021 Ande kodia vriama, O Jesus pherdo sas le Swuntone Duxosa, ai phendia, "Naisiv tuke, Murho Dat, Gazda le rhaioski ai la phuviako! Ke meklian te haliaren kodola kai si sar glate ai na kodola kai gindinpe gojaver ai le sichardo. Anda kodia, Murho Dat; Naisiv tuke ke chi voia sas te kerdiol kadia.

10:22b.LUK.010.022 "Swako fielo thodias ando murho vas Murho Dat. Ai khonik chi zhanel kon si O Shav, ferdi O Dat; ai khonik chi zhanel kon si O Dat, ferdi O Shav, ai kon kodi halol O Shav te mekel te zhanen le Dades."

10:23b.LUK.010.023 Porme boldinisailo karing le disipluria, ai phendia lenge korkorho, "Raduime le iakha kai dikhen so tume dikhen!

10:24b.LUK.010.024 Ke phenav tumenge, ke but profeturia ai amperatsi mangle te dikhen so tume dikhen, ai chi dikhle; te ashunen so tume ashunen, ai won chi ashunde."

10:25b.LUK.010.025 Iek ablakato la krisako vushtilo opre, ai zumadia les, phenel, "Gasda, so trobul te kerav te avel ma o traio kai chi mai getolpe?"

10:26b.LUK.010.026 O Jesus phendia leske, "So si ramome ando zakono? So jines tu?"

10:27b.LUK.010.027 Wo dia atweto ai phendia, "Te avel tuke drago O Del sa chi ilesa, sa che duxosa, sa che zorasa, sa che gindosa; ai te avel tuke drago cho vortako sar san tu."

10:28b.LUK.010.028 "Mishto dian atweto." Phendia O Jesus, "Ker kadia ai traiisa."

10:29b.LUK.010.029 O manush mangelas te miazol lasho sas, phushlia le Jesusoske, "Kon si murho vortako?"

10:30b.LUK.010.030 O Jesus phendia, "Iek manush vulelas andai Jerusalem ai zhalas ando Jericho, pelo mashkar le chor, kai chorde leske tsalia, marde les, ai geletar, ai mekle les dopash mulo.

10:31b.LUK.010.031 Iek rashai nakhelas kotsar ai dikhlia le manushes, numa nakhelas po drom pe kolaver rik.

10:32b.LUK.010.032 Saikfielo, iek manush katar e vitsa le Leviangi, nakhlo kotsar, kana dikhlia o manush kai sas mardo, avilo pasha leste numa nakhelas pe kolaver rik.

10:33b.LUK.010.033 Numa iek Samaritan kai phirelas, nakhlo kotsar, ai kana dikhlia les. Sas les mila pe leste.

10:34b.LUK.010.034 Gelo leste, thodia dirzi kotse kai sas shindo ai shordia vuloi ai mol, porme thodia les pe pesko magari, angerdia les ka kher (o kher kai le streinuria beshen), ai lia sama lestar.

10:35b.LUK.010.035 Pe terharin o manush andai Samaria lia dui shela teliara ai dia le ka gazda ando kher, ai phendia, "Le sama lestar; ai so zidisa mai but, dava le tuke kana avava palpale."

10:36b.LUK.010.036 "Savo anda kadala trin, miazol tuke sas o vortako kodolesko kai pelo mashkar le chor?"

10:37b.LUK.010.037 Dia atweto o ablokato, "Kuko si, kai sas leske mila ando kado manush. O Jesus phendia leske, "Zha, ai vi tu ker kadia."

10:38b.LUK.010.038 Sar o Jesus ai leske disipluria phirelas pa drom, avilo ande iek gav; kai iek zhuvli kai busholas Martha premisardia les ando pesko kher.

10:39b.LUK.010.039 Sas la iek phei kai busholas Maria. E Maria beshli kal punrhe le Jesusoske, ai ashunelas leski vorba.

10:40b.LUK.010.040 Numa e Martha kopaiime sas te kerel bucha ando kher, avili ai phenel, "Devla, nai tuke kanchi kai murhi phei mekel ma korkorho te podail? Phen lake te zhutil ma."

10:41b.LUK.010.041 O Jesus phendia lake, "Martha, martha, nekezhis tu ai mishtis tu pala but dieli.

10:42b.LUK.010.042 Iek diela ferdi trobul, e Maria alosardia o mai lasho kai chi avela line latar."

11

11:1b.LUK.011.001 Jesus rhugilaspe andek dies andek than, kana getosardia, iek anda leske disipluria phendia leske, "Devla, sichar amen te rhugisavas, sar o Iovano sichardia peske disiplon.

11:2b.LUK.011.002 O Jesus phendia lenge, "Kana rhugin tume, mothon,'Amaro Dat, kai san ando rhaio, te avel cho anav ankerdo Swunto. Chi amperetsia te avel, chi voia te kerdiol pe phuv sar ando rhaio.

11:3b.LUK.011.003 De amen adies amaro manrho sar swako dies.

11:4b.LUK.011.004 Iertisar amare bezexa; sar vi ame iertis kodolen kai keren bezexa karing amende. Na mek ame te zhas ando zumaimos; numa skepisar ame katar o nasul iek.'"

11:5b.LUK.011.005 Ai O Jesus phendia lenge, "Te zhas ka cho vortako ando lesko kher mashkar e riat, ai phenes leske, 'O Vortakona, de ma trin manrhe.

11:6b.LUK.011.006 Murho vortako phiravelpe ai terdilo ka murho kher, ai nai ma so dav les.'

11:7b.LUK.011.007 Ai andral anda pesko kher kodo vortako mothol leske, 'Na dzilar ma! O wudar vunzhe phandadolo, ai murhe shave ai me ando than sam, nashti wushtiav te dav tu manrho.'

11:8b.LUK.011.008 Phenav tumenge, vi te na wushtela te del les, ke lesko vortako si, wushtela ke dziliarel les ai dela les so godi trobul les.

11:9b.LUK.011.009 Ai me mothav tumenge, Mangen, avela tumende dino; roden, ai arakhena; maren, ai phutrena tumenge.

11:10b.LUK.011.010 Ke kon godi mangel lel, ai kodo kai rodel arakhel, ai phutren kodoleske kai marel.

11:11b.LUK.011.011 Savo anda tumende del bax peske shaves te mangela lestar manrho? Vai te del les sap te mangela lestar masho?

11:12b.LUK.011.012 Vai te mangel anrho, dela les skorpionka?

11:13b.LUK.011.013 Tume kai san nasul, zhanen sar te den lashe dieli tumare glaten. Sode mai but tumaro Dat kai si ando rhaio dela O Swunto Duxo kodolen kai mangen lestar."

11:14b.LUK.011.014 O Jesus gonisardia le benges kai sas muto; ai kana o beng anklisto avri, o manush dia duma, ai o narodo chudisailo.

11:15b.LUK.011.015 Numa uni phenanas, "Wo gonil le bengen katar o Beelzebub, o baro le bengengo.

11:16b.LUK.011.016 Ai uni te zumaven les, mangenas lestar te sikavel lenge vari so kai avel anda rhaio.

11:17b.LUK.011.017 Numa O Jesus zhanelas lenge ginduria, ai phendia lenge, "Swako amperetisa kai si xuladi pe peste si te xaiil, swako foro vai niamon(familia) kai si xulade pe peste chi ashena.

11:18b.LUK.011.018 Teala o beng gonil le benges, won si xulade pe peste, sar rhivdila ai ashela leski amperetsia? Numa tume phenen ke goniv le bengen katar o Beezebub.

11:19b.LUK.011.019 Ai te goniva me le bengen katar e putiera kai o Beelzebub del tumare shave, katar len won e putiera te gonin le bengen?

11:20b.LUK.011.020 Numa te goniva me le bengen katar o Swunto Duxo le Devlesko, antunchi e amperetsia le Devleski avilo pe tumende.

11:21b.LUK.011.021 Kana iek manush zuralo si les e armia te arakhel peske kher, lesko manjin kai si les arakhado lo.

11:22b.LUK.011.022 Numa te avela iek mai zuralo lestar, ai marel les, lel lestar sa e armia kai wo jinelas pe late, ai xulavel so si les.

11:23b.LUK.011.023 Kodo kai nai pe murhi rig chi zhutil ma, numa kerel nasul karing mande; ai kodo kai chi chidel mansa xulavel.

11:24b.LUK.011.024 Kana o bi vuzho anklisto avri anda manush, zhal ande pusta te rodel than te hodinil ai chi arakhel, ai mothol, 'Zhava palpale ande murho kher katar anklistem.'

11:25b.LUK.011.025 Ai kana aresel ande pesko kher, arakhel vuzhimos ai lashardo.

11:26b.LUK.011.026 Antunchi zhal, ai o beng anel aver efta beng mai sasul lestar; ai sa zhan te traiin ande kodo manush. Antunchi mai nasul leske de sar mai anglal.

11:27b.LUK.011.027 Kana O Jesus phenelas kodo divano, iek zhuvli dia duma mashkar o narodo, ai phendia leske, "Raduime te avel o ji kai ankerdia tu, ai le chucha kai pravarde tu."

11:28b.LUK.011.028 Ai O Jesus phendia, "Raduime mai bini kodola kai ashunen E Vorba le Devleski, ai kai garaven la."

11:29b.LUK.011.029 Sar but narodo avelas, O Jesus phendia, "Ferdi ek vitsa kai si nasul ai kai nai chachimasa le Devlesa mangen semno, numa chi iek chi avela dino, ferdi so kerdiliape ka profet o Jonah.

11:30b.LUK.011.030 Ke sar o Jonahas sas iek semno le manushengo kai sas ande foro Ninevah; sakadia O Shav le Manushesko avela le manushenge adies.

11:31b.LUK.011.031 E amperetisaika andai Sheba te wushtel o dies la krisako kadala vitsasa kai kris te dosharel len; woi avili dural te ashunel ka Solomon. Ke de sa gojaver sas ai akana si iek mai baro katar o Solomon katse!

11:32b.LUK.011.032 Le manush andai Nineveh si te wushten kadala vitsasa kai kris te dosharen len; ke kana o Jonah dia duma pa Del lenge won keisaile, ai akana iek mai baro katar o Jonah si katse!

11:33b.LUK.011.033 Khonik chi del iag ek lampo, ai te garavel les telai skafidi, numa thol les opral pe skafidi te del vediara savorhen kai si ando kher.

11:34b.LUK.011.034 Che iakha si sar ek lampo le statosko. Kana che iakha dikhen mishto sa cho stato pherdi la vediaraki; numa kana che iakha chi dikhen mishto sa cho stato si ando tuniariko.

11:35b.LUK.011.035 Le sama, e vediara kai si ande tute te na avel tuniariko.

11:36b.LUK.011.036 Te si sa cho stato pherdi la vediaraki, ai nai kanch ando tuniariko, avela sa cho stato ande vediara, sar ek lampo strefial pe tute la vediarasa."

11:37b.LUK.011.037 Sar O Jesus delas duma, ek Farisi manglia les te xal leste, gelo ai thodiape kai skafidi.

11:38b.LUK.011.038 O Farisi chudisailo kana dikhlia ke O Jesus chi xaladia mai anglal sar te xal.

11:39b.LUK.011.039 Numa o Devla phendia leske, "Tume Farizeanuria xalaven e kuchi ai o tiari avrial, numa andral tume san pherdo nasulimasko ai chorimasko.

11:40b.LUK.011.040 Prosto san! Pate O Del kai kerdia le avrial, chi kerdia vi andral?

11:41b.LUK.011.041 Numa den so si ande che kuchi ai tiari kal chorhe, ai swako diela avela vuzhi tumenge.

11:42b.LUK.011.042 "Nasul tumenge, Farizeanuria! Ke tume den ka Del desh anda ek shel e partia kai trobun te den andai mai tsinorhi dieli Mint, Rue, ai Herb, numa chi keren so si mai baro ando zakono, so si vorta, mila ai pachamos.

11:43b.LUK.011.043 "Nasul tumenge, Farizeanuria! Ke drago tumenge te beshen anglal pel skamina ande synagoguria, ai te phenen droboi tu le manushenge ande bazari.

11:44b.LUK.011.044 "Nasul tumenge, le Gramnoturia ai le Farizeanuria, tume manush kai ankerdion so chi san! Ke sar le mumunturia san kai chi dichon, ai le manush phiren pe lende ai chi dikhen le.

11:45b.LUK.011.045 Ek ablokato dia atweto, ai phendia leske, "Gazda, kai des duma kadia vi amende rimos."

11:46b.LUK.011.046 Ai O Jesus phendia, "Nasul tumenge ablakaturia! Ke thon but chino po narodo te ankeren tume chi tumare naiesa chi ankeren.

11:47b.LUK.011.047 Nasul tumenge! Ke tume thon le mumunturia le profetonge, kai tumare dada mudarde.

11:48b.LUK.011.048 Tume san marturia anda so kerde tumare dada, ke won mudarde le profeton, ai tume keren la mumunturia.

11:49b.LUK.011.049 "Anda kodia, e goji le Devleski phendia, 'Tradava lenge profeturia ai Apostles, ai mudarena unen ai chinuin avren.'

11:50b.LUK.011.050 Kai o rat le profetongo, kai sas shordo de sar kerdilia e lumia, avela nanglo te pochinen kado narodo.

11:51b.LUK.011.051 De katar o rat le pervone manushesko kai sas o Abel zhi ka rat le profetosko kai busholas Zacharias, kai mudarde mashkar o altari ai mashkar e tampla; chachimasa, mothav tumenge, 'Avela nanglo te pochinen kado narodo.'

11:52b.LUK.011.052 "Nasul tumenge ablakaturia! Ke lian e chaia kai phutrelas o vudar la gojako; chi dian andre tume, ai aterdiardian kodolen kai mangenas."

11:53b.LUK.011.053 Sar O Jesus zhalas kotsar, le Gramnoturia ai Farizeanuria xolailesas pe leste ai phushena lestar but dieli;

11:54b.LUK.011.054 Zumavenas te peraven les, te zumaven te sai mothol vari so kai nai vorta.

12

12:1b.LUK.012.001 Sa antunchi chidinisailo but narodo, ai kadia de but narodo sas kai phirenas pe iek kavreske punrhe, O Jesus phendia leske disiplonge mai anglal, "Arakhen tume katar e drozhdi le Farizeanongi. Kodia si kodola kai chi keren so mothon.

12:2b.LUK.012.002 So godi si garado avela sikado; ai swako garaimos avela zhanglo.

12:3b.LUK.012.003 Anda kodia, so godi mothona ando tuniariko avela ashundo ande vediara; ai so mothona ando khan andel sobi, avela phendo po chardako le kheresko.

12:4b.LUK.012.004 "Me phenav tumenge, murhe vortacha, "Na daran katar kodole kai mudarel o stato, ai pala kodia nashti mai keren kanchi mai but.

12:5b.LUK.012.005 Sikavava tumenge kastar trobul te daran: daran katar kodo kana si les e putiera te shudel tu ande iado. Me phenav tumenge, lestar daran.

12:6b.LUK.012.006 "Na bichin de panzhe chiriklian pa dui teliara? Numa chi iek anda lende nai bustardo angla Del.

12:7b.LUK.012.007 Ai vi tumare bal sa jinde le. Na daran, tume mon mai but sar but chiriklia.

12:8b.LUK.012.008 "Phenav tumenge, kon godi phenela ke si murho anglal manush, i me phenava ke si murho anglal le angeluria le Devleske;

12:9b.LUK.012.009 Numa kon godi phenela ke nai murho anglal manush, i me phenava ke nai murho anglal le angeluria le Devleske.

12:10b.LUK.012.010 "Ai kon godi dela duma nasul karing O Shav le Manushesko avela leske iertime; numa kon godi dela duma nasul karing o Swunto Duxo shoxar chi avela iertime.

12:11b.LUK.012.011 Kana ningerena tume angla le synagoguria ai le guvrnuria, ai le bare, na xan tume briga sar phenena vai so phenena:

12:12b.LUK.012.012 Ke o Swunto Duxo sicharela tumen ande kado chaso so te phenen."

12:13b.LUK.012.013 Vari kon phendia leske, "Gazda, phen murhe phraleske te xulavel mansa o barvalimos kai si ame."

12:14b.LUK.012.014 O Jesus phendia leske, "Tu manushale, kon thodian ma te kerav tumenge kris, ai te kerav o xulaimos?"

12:15b.LUK.012.015 Ai porme phendia lenge, "Arakhen tume zurales, te na avel tumenge drago zurales le barvalimata la phuviake, ke o traio le manushesko chi ashel anda pesko barvalimos, vi te avela defial barvalo."

12:16b.LUK.012.016 Ai phendia lenge aver paramichi, phenelas, ieke manusheske phuvia kai sas barvalo dine les but mishtimos.

12:17b.LUK.012.017 Ai wo gindilas ande peste, phenelas, 'So te kerav, kai nai ma dosta than te thav sa murhe fruti?'

12:18b.LUK.012.018 Ai phendia, 'Zhanav so te kerav, peravava murhe shteli, ai kerav mai bare; ai thava sa murho jiv ai murho mishtimos andre.'

12:19b.LUK.012.019 Ai phenava murho duxoske, "Murho duxo, si tu but mishtimos garado pe but bersh; akana hodinis, xas, pes, ai raduisavo."

12:20b.LUK.012.020 Numa O Del phendia leske, "Prosto san, e riat cho duxo avela lino; ai so lashardian kaske ashela?"

12:21b.LUK.012.021 Kadia si kodoleske kai chidel manjin peske, ai kai nai barvalo le Devlesko.

12:22b.LUK.012.022 O Jesus phendia leske disiplonge, "Anda kodia phenav tumenge, na daran anda tumaro traio, anda so xana, anda tumaro stato, andal tsalia te vuriarven tume.

12:23b.LUK.012.023 O traio mai baro sar o xabe, ai o stato mai but sar le tsalia.

12:24b.LUK.012.024 Dikhen pel chiriklia, chi shuden sumuntsi ai chi chiden, ai chi garaven xaben andel banuria; ai O Del pravarel le! Chi mon tume mai but sar le chiriklia?

12:25b.LUK.012.025 "Savo anda tumende te nekezhila sai lunzharel pesko traio xantsi?

12:26b.LUK.012.026 Te nashti kerena kanchi kai si tsinorhi diela, sostar nekezhin tume pa aver dieli?

12:27b.LUK.012.027 Dikhen sar barion le luluja, chi keren buchi, ai chi keren peske tsalia; ai inker mothav tumenge, chi o Solomon, ande sa pesko barvalimos nas kadia shukar huriardo sar iek luluji.

12:28b.LUK.012.028 O Del huriarvel e char kai si pel kimpuria adies, ai kai terhara avela shudini ande iag. Sode mai but huriarvel tumen, tume kai si tume xantsi pachamos?

12:29b.LUK.012.029 Ai tume, na roden so xana, ai so pena, ai na nekezhin tume.

12:30b.LUK.012.030 Ke kodia roden le manush kai chi zhanen le Devles. Tumaro Dat kai si ando rhaio zhanel ke trobul tumen sa kadala dieli.

12:31b.LUK.012.031 Roden mai anglal e amperetsia le Devleski ai O Del dela tume sa kadal dieli opral.

12:32b.LUK.012.032 Na daran, murhe bakriorha, ke tumaro Dat mangel te del tume e amperetsia.

12:33b.LUK.012.033 Bichinen so si tume, ai den kal chorhe; keren tumenge manjin kai chi rimolpe, kai chi nandiol ando rhaio, kai o chor nashti den andre te choren ai e rhuzhina nashti rimol.

12:34b.LUK.012.034 Ke kai si cho manjin, kotse si te avela cho ilo.

12:35b.LUK.012.035 "Aven gata ai huriardo, ai cho lampo del iag;

12:36b.LUK.012.036 Ai te aven sar manush kai azhukeren penge gazdas te avel ka abiav; Kana avela ai kana marela, won sai phutren leske.

12:37b.LUK.012.037 Raduime te aven le slugi, kana lengo gazda arakhela len gata kana avela palpale; chachimasa, phenav tumenge, thola peski prashtia, ai thola le te beshen tele kai skafidi, ai podaila le.

12:38b.LUK.012.038 O gazda sai avela mashkar la rachake vai mai pozno! Ai arakhela len gata. Raduime te aven le slugi.

12:39b.LUK.012.039 Te zhanen mishto, o gazda le kheresko te zhanelas kana o chor avel, wo lino sama sorho riat, ai chi meklino te phagavel lesko kher.

12:40b.LUK.012.040 Vi tume, aven gata. Ke O Shav le Manushesko avela ka chaso kai tume chi zhanena."

12:41b.LUK.012.041 O Petri phendia leske, "Devla, tu phenes kadia paramichi amenge vai savorhenge?"

12:42b.LUK.012.042 Ai O Del phendia, "Kon si o chacho ai gojaver sluga, kai o gazda thodias te lel sama ande lesko kher te pravarel le lengo xaben pe vriama kai trobul?

12:43b.LUK.012.043 Raduime te avel kodia sluga, kai lesko gazda arakhela les ke kerel peski buchi kana avela palpale.

12:44b.LUK.012.044 Chachimasa phenav tumenge, si te thol les baro pe so godi si les.

12:45b.LUK.012.045 "Numa kodia sluga te phenel peste, 'Murho gazda podail, chi avilo.' Ai marel le slugen, ai tholpe te xal, ai pel, ai te machol.

12:46b.LUK.012.046 O gazda kodola slugako si te avel andek dies kai wo chi azhukerel les, ai andek chaso kai wo chi zhanel, si te shinel les kotora, ai thol les kodolensa kai ankerdion so nai.

12:47b.LUK.012.047 "Ai kodo sluga kai zhanel so mangel lesko gazda, ai chi kerdia kanch, ai chi kerdia so manglia lesko gazda, avela mardo butivar.

12:48b.LUK.012.048 Numa wo kai chi zhanel so mangel lesko gazda, ai kerdia le dieli bi malades, trobul te avel mardo, avela mardo mai xantsi. Ka kodo manush kai sas dino but trobul te del but; te si but dino kal manush, won phushen mai but lestar.

12:49b.LUK.012.049 "Avilem te shudav iag pe phuv; ai sode kamlemas te avel vunzhe dino iag?

12:50b.LUK.012.050 Si iek bolimos kai me trobul te avav boldo; ai chi zhanav sar mai sigo te kerdiol kodo bolimos.

12:51b.LUK.012.051 Tume gindin ke avilem te anav e pacha pe phuv? Phenav tumenge, Nichi, avilem te hulavav.

12:52b.LUK.012.052 Ke dakanara panzh zhene ando iek kher hulade (chi aven iek fielo), trin chi malevana pala dui, ai dui chi malavena pala trin.

12:53b.LUK.012.053 Xuladia o dat katar o shav, ai o shav katar o dat; ai e dei katar e shei, ai e shei katar e dei; ai e sakra katar e bori, ai e bori katar e sakra."

12:54b.LUK.012.054 Ai mai phendia le narodoske, "Kana dikhen iek nuvero kai avel anda Westo, tume strazo mothon, del breshind, ai kodia kerdiol.

12:55b.LUK.012.055 Ai kana dikhen te phurdel e barval anda Souto, tume mothon, te avela tato, ai kodia kerdiol.

12:56b.LUK.012.056 Tume manush kai ankerdion so chi san! Tume sai den po gor le dieli la phuviake ai le chereske, apo sostar te na haliaren le dieli kai si adies?

12:57b.LUK.012.057 Ai sostar, chi den po gor, anda tumende so si vorta?

12:58b.LUK.012.058 Te thola vari kon dosh pe tute, ai te zhana andek than ka kher le forosko, zumav mai anglal te sai lashardios lesa pa drom, ke sai angerel tu anglai kris, ai e kris del tu kai zhandari ai zhandari thol tu ande temnitsa.

12:59b.LUK.012.059 Phenav tuke, chi anklesa kotsar avri, mai anglal ke sar te pochines so godi kames.

13

13:1b.LUK.013.001 Ande kadia vriama uni manush kai sas kotse phende le manushen andai Galilee ai amisardia lengo rat le zheganensa kai mudarde sas angla Del.

13:2b.LUK.013.002 O Jesus phendia lenge, "Tume gindin ke kodola manush kai sas andai Galilee mai bezexale sas sar sa le kolaver manush andai Galilee, ke chinuisarde kadia?

13:3b.LUK.013.003 Me phenav tume, Nichi, te na keina tume anda tumare bezexa, xasavona savorhe.

13:4b.LUK.013.004 Ai kodola desh u oxto manush kai pelo pe lende o baro kher ande Siloam, ai mudarde le, tume gindin ke mai doshale sas sar sa o narodo kai si ando Jerusalem?

13:5b.LUK.013.005 Phenav tumenge, Nichi, Numa te na keina tume ande tumare bezexa, xasavona savorhe."

13:6b.LUK.013.006 Ai mai phendia lenge ek paramichi, "Iek manush sas les ek pruing le figenge ande leske rez, gelo te rodel figi pa late, chi arakhlia kanch.

13:7b.LUK.013.007 Ai phendia kodoleske kai lel sama katar e rez, 'Dikh! De trin bersh si de sar avilem katse te rodav figi pe pruing le figenge, ai chi arakhlem kanch. Shin la, so mai mekhas te lel o than pe phuv intaiin?'

13:8b.LUK.013.008 O manush kai lelas sama katar e rez phendia leske, 'Devla! Mai mek la kado bersh. Pharhava e phuv ai thava so trobul;

13:9b.LUK.013.009 Ai amborim mai angle avela fruta, te na shinesa la.'"

13:10b.LUK.013.010 O Jesus sicharelas ande synagogue andek dies savatone.

13:11b.LUK.013.011 Ai eta, kotse sas iek zhuvli kai sas bi vuzho ande late, ai nashti vortolas pe de desh u oxto bersh. Bangi sas andal zea, ai nashtilas te vortolpe.

13:12b.LUK.013.012 Ai kana O Jesus dikhlia la, phendia lake, "Zhuvlio, sastilian."

13:13b.LUK.013.013 Ai thodia lesko vas pe late; ai strazo vortosaili, ai naisisardia le Devles.

13:14b.LUK.013.014 Numa o baro la synagogako xoliarikosas, ke O Jesus sastiardias po Savatone, ai o baro phendia la narodoske, "Shov dies si te kerelpe buchi, aven te sastion kadala diesa, ai na Savatone.

13:15b.LUK.013.015 Devla phendia leske, "Tu manush kai ankerdiol so chi san! Savo anda tumende Savatone chi phutrel andal shtali peske gurumlia vai peske magares, te angerel le te pen?

13:16b.LUK.013.016 Ai e zhuvli kai si e shei la Abrahamoski, ai kai o beng ankerelas la de desh u oxto bersh, chi trobulas te sastiarav la Savatone?"

13:17b.LUK.013.017 Sar delas duma, sa kodola manush kai sas leske duzhmaia, lazhaile sas; ai sa le manush raduimesas andal bucha shukar kai kerelas O Jesus.

13:18b.LUK.013.018 Porme O Jesus phendia, "Pe soste miazol e amperetsia le Devleski? Ai pe soste sai miazol?

13:19b.LUK.013.019 Si sar iek sumuntsa garchitsaki, kai iek manush lia, ai shudia ande peski niva; bariol, ai kerdiol ek baro khash; ai le chiriklia anda cheri beshle pel krenzhi."

13:20b.LUK.013.020 Ai mai phendia,

13:21b.LUK.013.021 "Pe soste miazol e amperetsia le Devleski? Si sar o drozhdi, kai ek zhuvli lias ai thodias ande trin musuri arho te puchilo sa o arho.

13:22b.LUK.013.022 Jesus nakhelas andel foruria ai andel gava, sicharelas, ai zhalas karing o Jerusalem.

13:23b.LUK.013.023 Vari kon phendia leske, "Devla, ferdi xantsi manush si kai avela skepime?" Ai O Jesus phendia lenge,

13:24b.LUK.013.024 "Thon zor te zhan pa e tang vurota; ke me phenav tumenge, but zumavena te zhan andre, numa nashtina.

13:25b.LUK.013.025 Kana o gazda le kheresko wushtela, ai phandavela o wudar, ai tumen beshen avri, ai chinaiina te maren anda o wudar, ai phenenas, 'Devla, Devla, phuter amenge,' ai wo phenela tumenge, 'Chi zhanav katar san.'

13:26b.LUK.013.026 Antunchi phenena, 'Xaliam ai piliam tusa, ai tu phendian cho zakono pe amare droma.'

13:27b.LUK.013.027 Ai wo phenela lenge, 'Phenav tumenge, chi zhanav katar san; zhantar mandar, sa tume bucharia le bezexeske.'

13:28b.LUK.013.028 Kotse kai roven ai kai chiden dandendar, kana dikhen la Abramos, ai o Isaak, ai o Iakov, ai sa le profeton, ande amperetsia le Devleski, ai tume avena shudine avri.

13:29b.LUK.013.029 Avena andai Easto, ai andai Westo, ai andai Norto, ai andai Southo ai thonpe kai skafidi ande amperetsia le Devleski.

13:30b.LUK.013.030 Ashun! Uni kai si palune aven anglune, ai uni kai si anglune aven palune."

13:31b.LUK.013.031 Sa kodo dies uni Farizeanuria avile, phenenas leske, "Zhatar katsar, ke o Herod mangel te mudarel tu."

13:32b.LUK.013.032 Ai wo phendia lenge, "Zhan, ai phenen kodola zhigeniaki, 'Dikh! Goniv le bengen ai sastiarav adies ai terhera, ai o trito dies getova murhi buchi.'

13:33b.LUK.013.033 Numa trobul te phirav adies, ai terhara, ai kolaver dies, ke chi maladiol kai ek profeto xasavol andai Jerusalem.

13:34b.LUK.013.034 Jerusalem! Jerusalem! Kai mudaren le profeton, ai kai shuden baxensa kodola kai si tumenge tradine! Sodivar manglem te chidav che shaven, sar ek kaini kai chidel peske puion tela peske phaka. Numa tume chi manglian.

13:35b.LUK.013.035 Dikh! Tumaro kher avela tumenge meklo; numa phenav tumenge, chi mai dikhena ma zhi kai chi mothona, Raduime kodo kai avel anda anav le Devlesko.'"

14

14:1b.LUK.014.001 Andek dies Savatone, O Jesus gelo ando kher ieke baresko le Farizeanonge te xal manrho po Sabato, ai kotse le manush lenas sama pe leste.

14:2b.LUK.014.002 Eta, ek manush kai o naswalimos kai sas les kerelas les te shuvliol, sas thodino angla Jesus.

14:3b.LUK.014.003 O Jesus mothol le ablakatonge ai le Farizeanonge, phenelas, "Si slobodo vai nichi te sastiarel pe Savatone?"

14:4b.LUK.014.004 Khonik chi phendia kanch. Antunchi O Jesus lunzhardia pesko vas pe kado manush ai sastiardia les, ai meklia les te zhaltar.

14:5b.LUK.014.005 Ai porme phendia lenge, "Savo anda tumende kai si les ek magari vai ek gurumli kai perela ande xaiin, chi skepila les strazo vi Savatone?"

14:6b.LUK.014.006 Ai khonik nashtisardia te del les atweto pa so phushlia le.

14:7b.LUK.014.007 Ai phendia ek paramichi le manushenge kai sas akharde, ke dikhelas kai rodenas le thana le anglune, phenelas,

14:8b.LUK.014.008 "Kana avesa akhardo vari kastar ka ek abiav, na tho tu ke pervo skamin, ke vari kon kai si mai baro tutar sai avela kai sas akhardo.

14:9b.LUK.014.009 Ai kodo kai akhardia tu ai wo ka abiav, avel te mothol tuke, "Me kotsan kakale manusheske;" No antunchi avela tuke mai lazhav te zhas te beshes mai palpale.

14:10b.LUK.014.010 Numa kana avesa akhardo, zha tho tu po skamin kai si ta palpale, kashke kodo kai akhardia tu avel ai mothol tuke, "Murho vortako, aida mai opre." No antunchi avela tuke mai pachiv angla kodola kai si kai e skafidi tusa.

14:11b.LUK.014.011 Ke kon godi vazdelpe avela meklo tele; ai kon godi mekelape tele avela vazdino opre."

14:12b.LUK.014.012 Porme O Jesus phendia kodoleske kai akhardia les, "Kon des xabe mashkar o dies vai telairiat, na akhar che vortakon, vai che phralen, vai che naiamon, vai chi kodolen kai beshen pasha tute le barvalen; ke akharen tu vi von, ai pochinena tuke so kerdian tu lenge.

14:13b.LUK.014.013 Numa kana keres pachiv, akhar le choren, le bange, kodola kai nashti phiren, ai le korhen:

14:14b.LUK.014.014 Ai avela tuke raduimos, ke won nashtina te keren tuke so kerdian tu lenge; numa avela tuke pochindo katar O Del kana le manush le Devlakane wushtena andai martia."

14:15b.LUK.014.015 Iek anda kodola kai sas kai skafidi kana ashundia kadala paramichi phendia leske, "Raduime kodo kai xala manrho ande amperetsia le Devleski."

14:16b.LUK.014.016 O Jesus phendia leske, "Sas ek manush kai kerdia pachiv, ai akhardo but narodo.

14:17b.LUK.014.017 Ai tradia peski sluga te akharel len kai sas akharde kai pachiv, "Aidi, ke akana sa gata!"

14:18b.LUK.014.018 Numa savorhe phenen vari so ke chi mangle te aven. O pervo phendia leske, "Chindem ek kimpo, ai trobul te zhav ai dikhav les; iertisar ma."

14:19b.LUK.014.019 Ai kaver phendia, "Chindem panzh zhute gurumlia, ai zhav te zumav le; iertisar ma."

14:20b.LUK.014.020 Ai kaver phendia, "Ansurisailem ek rhomni ai nashti avav."

14:21b.LUK.014.021 Kodia sluga gelo palpale, ai phendia sa kadala dieli ka lesko xazhainona. O xazhainona le kheresko xolailo ai phendia ka lesko sluga, "Zhas strazo pel droma ai vi pel vulitsi, ai anel le chorhe, ai le bange, ai le korhen, ai le bangole."

14:22b.LUK.014.022 Ai kodia sluga phendia, "Gazda, kerdem so phendian, ai si mai than inker."

14:23b.LUK.014.023 Ai o xazhainona phendia lesko sluga, "Zhas pel droma ai vurmi, ai akhares le kai pachiv, te avela pherdo murho kher.

14:24b.LUK.014.024 Numa phenav tuke, "Khonik anda sa kodolen kai sas akaharde zumavena murho xamaske!"

14:25b.LUK.014.025 But narodo zhanas lesa. Amboldesailo, ai phendia lenge,

14:26b.LUK.014.026 "Te vari manush avel mande, ai chi gretsol lesko dat, ai leski dei, ai leski zhuvli, ai leske shave, ai leske phrala, ai leske pheia, e, ai vi lesko traio, wo nashti avela murho disiplo.

14:27b.LUK.014.027 Ai kodo kai chi lel pesko trushul, ai avela pala mande, nashti avela murho disiplo."

14:28b.LUK.014.028 "Savo anda tumende, kai mangel te vazdel kher, chi rodel mai anglal, sode si te arasel leske, ai te si les dosta te getol?

14:29b.LUK.014.029 Daratar te lelape te kerel e buchi, nashti getola, ai savo godi dikhena pe leste asana lestar.

14:30b.LUK.014.030 Ai phenena, "Kado manush liape te kerel kher ai nashtisardia te getol les."

14:31b.LUK.014.031 "Vai savo amperato, zhala te kerel marimos kolaver amperatosa? Chi aterdiola mai anglal te lel sama te dashtila desh mie manushensa, sai zhal te marelpe pe kuko kai avel pe leste bish mie manushensa?

14:32b.LUK.014.032 Te na dashtila, wo tradela le manushen ka kolaver amperato kai si dur lestar, te mangel lestar e pacha.

14:33b.LUK.014.033 Anda kodia, zhido iek anda tumende te na mukhela sa so godi si les, nashti avel murho disiplo.

14:34b.LUK.014.034 "O lon si lasho, numa o lon te xasarela pesko skusno, sar kerena anda leste pale londo?

14:35b.LUK.014.035 Chi avela lasho chi la phuviake, ai chi le gunoieske, shuda les avri. Savo kai si le khan te ashunel, ashunel!"

15

15:1b.LUK.015.001 Sa le manush kai chidenas e taksa ai le bezexalenge pashile pasha Jesus te ashunen leste.

15:2b.LUK.015.002 Ai le Farizeanuria ai le Gramnoturia denas pe duma, phenenas, kado manush primil le bezexalen, ai xal lensa.

15:3b.LUK.015.003 Ai O Jesus phendia lenge ek paramichi,

15:4b.LUK.015.004 "Savo anda tumende, kai si les iek shel bakre, te xasarela ieka, chi mekela le kolaver iniavardesh tai inia ande pusta, ai zhal te rodel o iek kai xasailo, zhi kai arakhel les?

15:5b.LUK.015.005 Ai kana arakhel les, thol les pe peske zea, raduimelo,

15:6b.LUK.015.006 ai kana zhal khere, akharel peske vortakon ai le manush kai beshen pasha leste, phenelas lenge. Raduin tume mansa; ke arakhlem murho bakro kai sas xasardo.

15:7b.LUK.015.007 Phenav tumenge, "Avela mai but raduimos ando rhaio anda kodo iek bezexalo kai keisailo, de sar andal iniavardesh tai inia kai si vorta, kai chi trobul le te kein."

15:8b.LUK.015.008 "Vai savi zhuvli kai si la desh kotora rupeske, te xasarel iek, chi dela iag e memeli, ai shilavel o kher, ai rodel lokorhes zhi kai arakhel les?

15:9b.LUK.015.009 Ai kana arakhlia les, akharel peske vortakon ai le manushen kai beshen pasha late, phenelas, "Raduin tume mansa; ke arakhlem o kotor le rupesko kai xasardemas."

15:10b.LUK.015.010 Sakadia, phenav tumenge, "Si raduimos anglal angeluria le Devleske anda iek bezexalo kai keilpe."

15:11b.LUK.015.011 Ai wo phendia, ieke manushes sas les dui shave;

15:12b.LUK.015.012 O mai terno phendia peske dadeske, "Murho dat, de ma o barvalimos kai trobul te avel ma. Ai o dat dia les so trobulas te avel les dino.

15:13b.LUK.015.013 Xantsi dies pala kodia o mai terno shav kana lia so godi dia les lesko dat, gelotar andek them kai si dur, ai kotse xalia pesko barvalimos andek chorho traio.

15:14b.LUK.015.014 Kana xasardia sa so sas les, iek bari bokha avili ande kodo them; porme vunzhe aresli e vriama ke trobul les swako fielo, ai sas les nai kanch.

15:15b.LUK.015.015 Gelo te kerel buchi iek manushesko ande kodo themesko, kai tradia les pel kimpuria te pravarel le balen.

15:16b.LUK.015.016 Ai manglino te xal e kozha le kukuruzoski kai xanas le bale; numa khonik chi delas les.

15:17b.LUK.015.017 Ai kana wo ande peste delpe goji phendia, "Sode slugi ka murho dat, si le mai but xabe sar trobul le, ai me merav bokhatar!"

15:18b.LUK.015.018 Wushtiava ai zhava ka murho dat, ai phenava leske, "Murho dat, kerdem bezex karing O Del ai karing tute.

15:19b.LUK.015.019 Chi mai sim lasho te bushav cho shav; ker mansa sar iek anda che slugi."

15:20b.LUK.015.020 "Ai wushtilo, ai gelo ka pesko dat. Numa sar sas inker dur, lesko dat dikhlia les, ai pelia leske mila, ai nashlo, ai shudiape ka leske kox, ai chumidia les.

15:21b.LUK.015.021 O shav phendia leske, "Murho dat, kerdem bezex karing O Del ai karing tute. Chi mai sim lasho te bushav cho shav."

15:22b.LUK.015.022 Numa o dat phendia peske slugenge. "Anen mai sigo e mai shukar rhocha, ai den la pe leste, thon leske angrusti po nai, ai shpargati andel punrhe;

15:23b.LUK.015.023 Ai anen o vitselo o tsulo ai mudaren les, xas, ai veselisavas; ke murho shav kai sas mulo, avilo palpale ka traio;

15:24b.LUK.015.024 xasardo sas, ai akana arakhlia sas. Linepe te veselinpe."

15:25b.LUK.015.025 "Numa o shav o mai phuro pel kimpuria sas; kana avilo palpale ai pashilo pasha kher, ashundia le jilia ai o khelimos.

15:26b.LUK.015.026 Akhardia iekes andel slugenge, ai phushlia les, "So kerenpe?"

15:27b.LUK.015.027 Ai o sluga phendia leske, "Cho phral avilo palpale khere, ai cho dat mudardia o vitselo, ke cho dat premisardia les, ai mishto sas cho phral." akhardia les,

15:28b.LUK.015.028 O mai phuro phral xolailo sas, ai chi manglia te zhal ando kher; lesko dat anklisto avri, ai rhugisailo leste te avel andre.

15:29b.LUK.015.029 Ai o mai phuro phral phendia peske dades, "Dikh! De but bersh kerdem buchi tuke, ai sagda kerdem che zakonuria; ai shoxar chi dian ma iek buzhno te veselima murhe vortakonsa!

15:30b.LUK.015.030 Numa kana cho shav avilo khere, kodo kai xalia che love zhuvliansa kai sas le chorho traio, leske mudardian o vitselo o tsulo."

15:31b.LUK.015.031 Phendia leske, "Murho shav, sagda tu san mansa, ai so godi si ma chiro si.

15:32b.LUK.015.032 Numa trobulsardiam te keras ek pachiv, ai te veselisavas; ke cho phral sas mulo, ai akana traiil; sas xasardo, ai akana arakhlia sas.'"

16

16:1b.LUK.016.001 O Jesus mai phendia peske slugenge, "Iek manush barvalo sas les iek manush kai lelas sama katar lesko kher ai phuvia; ai andek dies vari kon phendia leske ke o manush kai lelas sama katar lesko kher ai phuvia zidilas pesko love.

16:2b.LUK.016.002 O gazda akhardia les, ai phendia leske, "So ashunav pa tute? Phen mange sar kerdian le dielensa kai thodem tu te les sama; ke nashti mai mekav tu te le sama katar murho kher vai phuvia."

16:3b.LUK.016.003 "O manush kai lelas sama katar o kher ai phuvia phenelas ande peste, "So te kerav akana? Kai murho gazda chi mai mekel ma te lav sama katar lesko kher ai phuvia: Nashti lasharav e phuv; lazhav mange te mangav zhutimos.

16:4b.LUK.016.004 Zhanav so kerava, kana gonila ma murho gazda, avela mange vortacha te primina ma pe lenge khera."

16:5b.LUK.016.005 Antunchi akhardia iek po iek sa kukulen kai kamenas vari so peske gazdaske, ai phendia le pervoneske, "Sode kames murhe gazdaske?"

16:6b.LUK.016.006 "Iek shel bidoia vuloi," phendia leske. Ai wo phendia leske, "Le cho tiketo, sigo besh tele, ai ramosar panvardesh."

16:7b.LUK.016.007 Porme phendia avreske, "Sode kames tu?" Phendia, "Iek shel musuri jiv. Ai wo phendia leske, "Le cho tiketo, ai ramosar oxtovardesh."

16:8b.LUK.016.008 Antunchi o manush barvalo phendia ka o bezexalo manush kai lelas sama katar lesko kher ai phuvia, "Kerdia mishto," Ke le manush anda kadia lumia si ande lengi vitsa mai gojaver de sar le manush la vediaraki.

16:9b.LUK.016.009 "Ai me phenav tumenge, keren tumenge vortacha le barvalimasa kadala phuviako, saxke, kana chi mai avela tume, won sai primina tume andek kher kai chi mai getolpe.

16:10b.LUK.016.010 Kodo kai si lasho andel tsinorhe dieli si lasho vi andel bare; ai kodo kai nai lasho andel tsinorhe dieli vi andel bare nai lasho.

16:11b.LUK.016.011 Te chi sanas lasho le barvalimasa la lumiako, kon jinel pe tute le barvalimasa chacho?

16:12b.LUK.016.012 Ai te chi sanas lasho andel kolavreske dieli, kon dela tume so si tumaro?

16:13b.LUK.016.013 Chi iek sluga nashti podail duie gazdan; ke wo gretsola iek ai leske drago o kolaver; astardiola ka iek, vai vurhitsila le kolavres. Nashti podais le Devles ai le love."

16:14b.LUK.016.014 Le Farizeanuria ashunde so phendia O Jesus, ai marenas mui lestar ke lenge drago sas le love.

16:15b.LUK.016.015 O Jesus phendia lenge, "Tume roden te kerdion vorta angal manush, numa O Del zhanel tumare ile; ke so miazol baro le manushenge nai kanch angla Del.

16:16b.LUK.016.016 O zakono le Mosesoske ai o ramomos le profetonge ashile zhi kai vriama le Iovanoske o baptisto; de katar kodia vriama e lashi viasta pa e amperetsia le Devleski phendi la, ai swako zumavel peska zorasa te del andre.

16:17b.LUK.016.017 Mai vushoro o cheri ai e phuv te naken, de sar e mai tsinorhi vorba kai si ando zakono te nakhel (te faltil).

16:18b.LUK.016.018 Kon godi kai dela drom peska rhomnia ai ansurilpe avriasa, kerdia kurvia; ai kon godi ansurilape zhuvliasa kai meklia la, lako rhom pale kerdia kurvia.

16:19b.LUK.016.019 "Sas ek manush barvalo, kai vuriarelaspe andel mai shukar tsalia ai le mai kuchi, ai swako dies sas les shukar traio ai xalas lasho xabe.

16:20b.LUK.016.020 Sas iek manush chorho kai busholas Lazarus, beshelas pasha lesko vudar, peske pugniansa kai sas pe leste.

16:21b.LUK.016.021 Kamlino te xal le kozhi kai perenas pai skafidi le barvaleske; ai inker le zhukel mai avenas te den la shibasa pa leske pugnia.

16:22b.LUK.016.022 O chorho manush mulo, ai le angeluria angerde les andel vas le Abrahamoske. Vi o barvalo mulo, ai groposarde les.

16:23b.LUK.016.023 Ai ando iado wo vazdia leske iakha, ai de dural diklia le Abrahomos ai o Lazarus sas pasha leste.

16:24b.LUK.016.024 O barvalo manush tsipisardia, "Murho dat, Abraham, av tuke mila anda mande, ai trades o Lazarus te chindarel o gor peske naiesko ando pai, ai te chindarel murhi shib; ke chinuiv zurales ande kadia iag!"

16:25b.LUK.016.025 Numa o Abraham phendia, "Murho shav, seres tu ke sas tu lashimos ande cho traio pe phuv, ai o Lazarus chinuisardia pe phuv; akana wo raduimelo ai tu chinuis."

16:26b.LUK.016.026 Inker si mashkar amende ai mashkar tumende iek bari gropa, saxke kukula kai mangen te nakhen katsar, tumende vai tumendar, amende nashtin.

16:27b.LUK.016.027 Porme o barvalo manush phendia, "Rhugiv ma tute, murho dat, O Abraham, trade o Lazarus ando kher murho dadesko:

16:28b.LUK.016.028 Ke si ma pansh phral; te mothol lenge te arakhenpe, te na aresen vi won ande parha."

16:29b.LUK.016.029 O Abraham phendia leske, "Si le o ramomos le Mosesosko ai le profetongo te phenen lenge, ashunen lende." Ai o barvalo manush phendia,

16:30b.LUK.016.030 "Nichi, murho dat, Abraham; numa te zhala vari kon andal mule karing lende, antunchi keinape."

16:31b.LUK.016.031 Numa o Abraham phendia leske, "Te na ashunena so mothol o Moses ai le profeturia, won chi pachana vi te zhuvindil vari kon andal mule."

17

17:1b.LUK.017.001 O Jesus phendia peske disiplonge, "Musai avel o zumaimos kai ingerel le manushen te peren ando bezex; numa nasul kodoleske kastar avel o zumaimos!

17:2b.LUK.017.002 Mai bini te avel ek baro bax phanglo ka peski kox kai te avel shudino ande bari maria, de sar te kerel iek anda kadala tsinorhe kai pachanpe ande mande te peren ando bezex.

17:3b.LUK.017.003 "Arakhen tume! Te kerela bezex cho phral, phen leske zurale vorbi; te keilpe ai boldela palpale, iertisar les.

17:4b.LUK.017.004 Te kerel bezex karing tute eftavar ande iek dies, ai eftavar avela tute, ai phenel, 'Keisailem anda so kerdem tuke.' Tu iertisar leske."

17:5b.LUK.017.005 Le Apostles phendia le Devleske, "De ame mai pachamos."

17:6b.LUK.017.006 Ai O Del phendia, "Te si tume pachamos sar iek sumuntsi garchitsaki, tu sai phenena kakala krenzhaki, 'Ankli avri andai phuv, ai tho tu ande maria!' ai kodia krenzha pachala tumaro mui."

17:7b.LUK.017.007 Savo anda tumende, kai si les ek sluga kai lasharel e phuv vai lel sama katar le bakre, phenela leske kana avela pal kimpuria. "Aidi sigo ai tho tu kai skafidi?"

17:8b.LUK.017.008 Vai chi phenela leske, "Lashar mange te xav, tho angla tute pishtiri ai podaisar ma zhi kai xav ai piiav; ai antunchi tu xasa ai pesa."

17:9b.LUK.017.009 Chi trobul te naisil le slugako anda so phendiasas leske te kerel, si vai nai?

17:10b.LUK.017.010 Vi tume, kana kerdian so godi sas phendo tumenge te keren, phenen, "Ame sam ferdi slugi; ame kerdiam ferdi so sas phendo amenge te keras."

17:11b.LUK.017.011 O Jesus zhalas ando Jerusalem, ai nakhelas mashkar e Samaria ai Galilee.

17:12b.LUK.017.012 Sar zhalas andek gav, desh manush kai sas lepra avile karing Jesus numa dural sas;

17:13b.LUK.017.013 vazde pengo glaso, ai phende, "Jesus! Tu o Gazda! Av tuke mila anda amende!"

17:14b.LUK.017.014 Ai kana O Jesus dikhlia le, phendia lenge, "Zhan sikadion kal rasha," ai pa drom kai zhanas kal rasha sastile.

17:15b.LUK.017.015 Iek anda lende, kana dikhlia ke sastilo, boldiape palpale, ai naisilas le Devleske zurales,

17:16b.LUK.017.016 shudiape le mosa pe phuv kal punrhe le Jesusoske, ai naisisardia leske; kodo manush sas ek Samaritano.

17:17b.LUK.017.017 O Jesus phendia, "Sastile sas le desh. Kai le kolaver inia?

17:18b.LUK.017.018 Ferdi kako streino avilo palpale te naisil le Devles."

17:19b.LUK.017.019 Porme O Jesus phendia, "Wushti ai zhas: cho pachamos sastiardian tu."

17:20b.LUK.017.020 Uni Farizeanuria phushle katar O Jesus kana avela e amperetsia le Devleski. O Jesus phendia lenge, "E amperetsia le Devleski chi avel te dikhen la le manush

17:21b.LUK.017.021 Khonik chi phenela, "Dikh! Katarlo!" vai "Kotelo!" Ke e amperetsia le Devleski mashkar tumende lo."

17:22b.LUK.017.022 O Jesus phendia le disiplonge, "Avena uni diesa kana mangenas te dikhen iek andal diesa O Shav le Manushesko, numa chi dikhena les.

17:23b.LUK.017.023 Uni phenena tumenge, "Dikh! Katar lo!" vai "Kote lo!" Na zhan pala lende.

17:24b.LUK.017.024 Sar o rhunjito sikadiol ai strefial anda iek gor le cheresko zhando kolaver gor, kadia aven O Shav le Manushesko kana avela lesko dies.

17:25b.LUK.017.025 Numa trobul mai anglal te chinuil but, te gonin les le manush.

17:26b.LUK.017.026 "Sar sas ando dies kana sas o Noah, sakadia si te avel kana avela O Shav le Manushesko.

17:27b.LUK.017.027 Le manush xanas, penas, ansurinas penge shaven zhi ka dies kai o Noah gelo ande pharaxodo, avilo baro pai, ai savorhe xasaile.

17:28b.LUK.017.028 Sar sas ando dies kana sas o Lot; sakadia le manush xanas ai penas, chinenas ai bichinenas, bariarenas ai kerenas khera;

17:29b.LUK.017.029 Numa o dies kai o Lot anklisto avri anda Sodom, iag ai Sulfer pelo anda cheri sar breshind, ai savorhe xasaile.

17:30b.LUK.017.030 Sakadia avela kana O Shav le Manushesko sikadiola.

17:31b.LUK.017.031 "Ande kodo dies, kodo kai si opral pesko kheresko, ai si les leske dieli ando kher, nashti hulela tele te les le; ai kuko kai si ando kimpo (niva), nashti zhal palpale ka pesko kher.

17:32b.LUK.017.032 Den tume goji kai zhuvli le manushesko kai busholas Lot.

17:33b.LUK.017.033 "Kodo kai rodela te skepil pesko traio xasarela les; ai kodo kai xasarela pesko traio skepila les.

17:34b.LUK.017.034 Phenav tumenge, kodia riat dui manush sovena ande iek pato; iek avela lino, ai iek ashela.

17:35b.LUK.017.035 Dui zhuvlia licharena jiv andek than; iek avela lini, ai iek ashela.

17:36b.LUK.017.036 Dui manush si te aven ande niva (kimpo); iek avel lino, ai iek ashela."

17:37b.LUK.017.037 Ai le disipluria phushle les, "Kai kerdiola kadia diela, Devla?" O Jesus phendia, "Kai si ek mulo stato, kotse chidenape le ulruria."

18

18:1b.LUK.018.001 O Jesus mai phendia lenge ek paramichi, te sikavel ke trobul sa data te rhugis tu, ai na aterdios;

18:2b.LUK.018.002 phenelas, "Sas andek foro iek ablakato, kai chi daralas katar O Del, ai vi chi respektisardia le manushen.

18:3b.LUK.018.003 Ai sas ek phivli ande kudo foro; woi avelas leste, phenelas, "Ker mange kris pek manush kai rodel mange nasul."

18:4b.LUK.018.004 Ai but vriama chi manglia te kerel lake so mangelas, numa antunchi phendia wo ande peste, "Chi darav katar O Del, ai chi respektiv le manush.

18:5b.LUK.018.005 Numa ke kodia phivli dziliarel ma, kerava lake so mangel, saxke te na mai avel te dziliarel ma."

18:6b.LUK.018.006 O Devla mai phendia, "Ashunen so phendia o chorho ablakato.

18:7b.LUK.018.007 O Del sar te na kerel vorta peske manushenge kai mangenas lestar kuriat ai kujes? Azhukerel lungo vriama te zhutil le?

18:8b.LUK.018.008 Phenav tumenge, kerela lenge sigo kris, numa kana O Shav le Manushesko avela, arakhela pachamos pe phuv?"

18:9b.LUK.018.009 O Jesus phendia kacha paramichi pal manush kai pachanpe ande pende, ai vurhitsisardia sa le kolaver.

18:10b.LUK.018.010 "Dui manush gele ande tamplo te rhuginpe; iek sas Farisi, ai o kaver sas manush kai chidelas e taksa.

18:11b.LUK.018.011 O Farisi ande punrhende rhugilaspe ande peste, "O Devla, naisiv tuke, ke chi sim sar le kolaver manush, kai si chor, nai chacho, kai keren kurvia, ai vi sar o manush kai chidelas e taksa.

18:12b.LUK.018.012 Postiv duvar ando kurko, dav desh anda ek shel partia."

18:13b.LUK.018.013 O manush kai chidelas e taksa, beshelas mai dur, chi tromalas te vazdel le iakha karing o cheri, numa marelaspe ande kolin, ai phendia, "O Devla te avel tuke mila anda mande kai sim bezexalo."

18:14b.LUK.018.014 Phenav tumenge, "Kado manush gelo peste khere iertime mai sigo ke sar o kolaver; ke kon godi vazdelape avela meklo tele; ai kodo kai mekelape tele avela vazdino."

18:15b.LUK.018.015 Andine ka Jesus le tsinorhe glaten, te thol peske vas pe lende; numa kana le disipluria dikhle, dine le trad.

18:16b.LUK.018.016 Numa O Jesus akhardia le glaten peste, "Mek te aven le glate mande, ai na aterdiaren le, ke e amperetsia le Devleski si kodolenge kai miazon sar lende.

18:17b.LUK.018.017 Phenav tumenge o chachimos, kako kai chi primila e amperetsia le Devleski sar ek glata nashti zhala andre."

18:18b.LUK.018.018 Iek manush la Krisako phushlia le Jesusos, "Lasho Gazda, so trobul te kerav te avel ma traio kai chi mai getol pe?"

18:19b.LUK.018.019 O Jesus phendia leske, "Sostar mothos mange lasho? Ke nai khonik lasho. O Del ferdi lasho."

18:20b.LUK.018.020 Zhanes le zakonuria, "Na ker kurvia, na mudar, na chor, na xoxav, preznaisar che dades ai cha da."

18:21b.LUK.018.021 O manush phendia, "Sa kadala zakonuria ankerdem de sar sim tsinorho."

18:22b.LUK.018.022 Kana O Jesus ashundia kodia, phendia leske, "Mai trobul te keres iek diela. Bichin sa so si tu, ai de kal chorhe, ai avela tu manjin ando rhaio; antunchi aidi pala mande."

18:23b.LUK.018.023 Kana kodo manush ashundia kodia, nekezhisailo; ke defial barvalo sas.

18:24b.LUK.018.024 Kana O Jesus dikhlia ke tristosailo, phendia, "Trutno kodolenge kai si le barvalimos te zhan ande amperetsia le Devleski.

18:25b.LUK.018.025 Ke mai vushoro te nakhel iek gemula andai iakh la suviaki, de sar iek barvalo manush te zhal ande amperetsia le Devleski.

18:26b.LUK.018.026 Le manush kai ashunenas leste phende, "Apo, kon sai avela skepime?"

18:27b.LUK.018.027 O Jesus phendia, "Le manush anda pende nashtin, numa le Devlesa vari so sai kerdiol."

18:28b.LUK.018.028 Antunchi o Petri phendia, "Dikh! Ame mekliam swako fielo ai liam ame pala tute." O Jesus phendia lenge,

18:29b.LUK.018.029 "Phenav tumenge o chachimos, Kon godi mekela kher, rhomni, vai phralen, dades, vai da, vai glaten pala e amperetsia le Devleski,

18:30b.LUK.018.030 avela les mai but pe kadia phuv, ai ande kolaver traio kai chi mai getolpe."

18:31b.LUK.018.031 Antunchi O Jesus lia le desh u do disiplon rigate, ai phendia lenge, "Ashun, ame zhas ando Jerusalem, ai so godi sas ramome katar le profeturia pa Shav le Manushesko kerdiola.

18:32b.LUK.018.032 Dena les kal manush kai Nai Zhiduvuria te marena mui lestar, ai chinuina les, ai chungardena pe leste, ai marena les le bichosa, ai mudarena les,

18:33b.LUK.018.033 ai o trito dies si te zhuvindil."

18:34b.LUK.018.034 Numa le disipluria chi haliarde so phendia lenge; ai kadala vorbi garadesas lendar, won chi haliarenas sar divinilas O Jesus.

18:35b.LUK.018.035 Kana O Jesus pasholas pasha Jericho, iek korho beshelas tele pasha drom, ai mangelas kristaradia:

18:36b.LUK.018.036 Kai ashundia le manushen sar nakhen, phushelas, "So si?"

18:37b.LUK.018.037 Phende leske, O Jesus anda Nazareth nakhel katsar.

18:38b.LUK.018.038 Numa wo tsipisardia, phenelas, "Jesus, tu Shav le Davidosko! Av tuke mila anda mande!"

18:39b.LUK.018.039 Le manush kai sas anglal tsipinas pe leste te ashel, numa wo tsipilas mai zurales, "Tu Shav le Davidosko! Av tuke mila anda mande."

18:40b.LUK.018.040 O Jesus aterdilo, ai phendia o korho te anen leste; ai kana andine les, phushlia les, phenelas,

18:41b.LUK.018.041 "So manges te kerav tuke?" Wo phendia, "Devla, Phuter murhe iakha te dikhav."

18:42b.LUK.018.042 O Jesus phendia leske, "Antunchi dikhes! Cho pachamos sastiardian tu."

18:43b.LUK.018.043 Ai strazo dikhlia, ai liape pala Jesus, ai luvudilaspe ka Del; ai sa o narodo kana dikhle so kerdilia luvudinaspa ka Del.

19

19:1b.LUK.019.001 O Jesus gelo ando Jericho, nakhlo anda foro.

19:2b.LUK.019.002 Sas iek manush barvalo kai busholas Zacchaeus. Wo sas o baro mashkar le manush kai chidenas e taksa,

19:3b.LUK.019.003 ai kado manush rodelas te zhanel kon si O Jesus; numa nashtilas katar o but narodo, ke tsinorho sas.

19:4b.LUK.019.004 Nashlo angle, ai anklisto pe ek khash kai busholas Sicamore te dikhel les; ke O Jesus sas te nakhel kotsar.

19:5b.LUK.019.005 Kana O Jesus areslo pe kodo than, vazdia le iakha opre, dikhlia les, ai phendia leske, "Zacchaeus, huli tele mai sigo, ke trobul adies te beshav ande cho kher."

19:6b.LUK.019.006 O Zacchaeus hulisto sigo tele, ai premisardia les peste raduimasa.

19:7b.LUK.019.007 Ai kana le manush dikhle so kerdilia, denas pe duma, phenenas, "O Jesus zhal te beshel le manusha kai si bezexalo."

19:8b.LUK.019.008 O Zacchaeus angla Jesus sa, ai phendia le Devleske, "Ashun Devla! Dav dopash anda murho barvalimos kal chorhe; ai te lem katar vari kon ande vari soste, dava les shtarvar mai but."

19:9b.LUK.019.009 O Jesus phendia leske, "O skepimos avilo adies ande kado kher, ke vi kako si iek shav le Abrahamosko.

19:10b.LUK.019.010 Ke O Shav le Manushesko avilo te rodel ai te skepil kon sas xasardo."

19:11b.LUK.019.011 Sar le manush ashunenas, O Jesus phendia lenge ek paramichi, ke pasha Jerusalem sas, ai ke gindinaspe ke e amperetsia le Devleski sas te sikadiol strazo.

19:12b.LUK.019.012 No O Jesus phendia, "Iek manush barvalo gelotar ande them dur te keren anda leste amperato ai te avel palpale.

19:13b.LUK.019.013 Ai akhardia peske desh slugen, ai dia sakones iek galbano sumnakuno, ai phendia lenge, "Keren buchi kadale sumnakasa zhi kai avav."

19:14b.LUK.019.014 Numa le manush kodole manusheske gretsosarde les, ai trade vari kas te phenen leske, "Chi mangas kado manush te avela amaro amperato."

19:15b.LUK.019.015 Kotse kai gelo kerde amperato anda leste, ai kana avilo palpale ande pesko them, wo akhardia le slugen kai dias len o sumnakai, wo manglia te zhanel sode mai but swako sluga sas les pala leski buchi.

19:16b.LUK.019.016 O pervo avilo ai phendia, "Gazda, nirisardem aver desh galbi le galbanosa kai dian ma.

19:17b.LUK.019.017 Ai o gazda phendia leske, "Mishto kerdian, lasho sluga; kai sanas lasho ande xantsi buchi, dava tu desh foruria te poronchis pe lende."

19:18b.LUK.019.018 O duito avilo ai phendia leske, "Gazda, nirisardem aver pansh galbi le galbanosa kai dian ma."

19:19b.LUK.019.019 O gazda phendia leske, "Vi tu poronchisa pe pansh foruria."

19:20b.LUK.019.020 Aver avilo phenelas, "Gazda, Dikh! Katse si cho galbano kai dian ma, garadem les ande poxtan.

19:21b.LUK.019.021 Ke darailem tutar, ke tu san manush zurale ilesko: tu les so chi dian, ai chides so chi bariardian."

19:22b.LUK.019.022 O amperato phendia leske, "Dav tu kris pala che vorbi, tu san chorho sluga, tu zhanesas ke sim manush zurale ilesko, lav so chi dem, ai chidav so chi bariardem.

19:23b.LUK.019.023 Apo, "Sostar chi thodian murhe love ande banka? Saxke, kana avilemas khere sas te bution?"

19:24b.LUK.019.024 Porme phendia kodolenge kai sas kotse, "Len lestar o galbano, ai den les ka kako kai si les desh."

19:25b.LUK.019.025 Le kolaver phendia leske, "Gazda, si les vunzhe desh galbi!"

19:26b.LUK.019.026 O Jesus phendia, "Me phenav tumenge, avela dino ka kuko kai si les; numa ka kuko kai nai, avela lino lestar vi so si les.

19:27b.LUK.019.027 Numa le manush kai chi mai le te avav lengo amperato, anen le katse, ai mudaren le angla mande."

19:28b.LUK.019.028 Kana phendia kodia paramichi, O Jesus gelotar angla manush te zhal ande Jerusalem.

19:29b.LUK.019.029 Kana pashilo pashai Bethphage ai Bethani karing e plai kai busholas E Plai le Maslinengi, O Jesus tradia dui anda peske disiplonge, phenelas,

19:30b.LUK.019.030 "Zhan ando gav kai si angla amende; ai kana aresena, arakhena kotse ieke magares kai si phanglo, pe kodo magari inker chi iek manush chi beshlo; phutren les, ai anen les katse.

19:31b.LUK.019.031 Te phushela tumen vari kon, "Sostar phutren le magares?" Tume phenen leske, "Ke trobul le Devles."

19:32b.LUK.019.032 Le disipluria kai sas tradino gele, ai arakhle sa le dieli sar O Jesus phendiasas lenge.

19:33b.LUK.019.033 Kana phutrenas le magares, o gazda phendia lenge, "Sostar phutren le magares?"

19:34b.LUK.019.034 Ai won phende, "Ke trobul le Devles."

19:35b.LUK.019.035 Angerde le magares ka Jesus; ai thode pe penge raxamia po magari, ai thode le Jesusos te beshel opral.

19:36b.LUK.019.036 Sar phirelas, won shudenas penge raxamia po drom.

19:37b.LUK.019.037 Ai kana pasholas pashai Jerusalem, karing e plaiing kai xulelas e plaiing kai bushol E Plaiing le Maslinenge, sa le disipluria raduime sas, ai dine naisimos ka Del pala sa le mirakluria kai dikhle; phenenas,

19:38b.LUK.019.038 "Raduime te avel o amperato kai avel ando anav le Devlesko! Pacha ando rhaio, ai o barimos te avel ando rhaio."

19:39b.LUK.019.039 Ai uni Farizeanonge kai sas mashkar o narodo, phende le Jesusoske, "Gazda, phen che disiplonge te terdion."

19:40b.LUK.019.040 Ai O Jesus phendia lenge, "Me phenav tumenge, te terdiona won te tsipin, le bax si te tsipin."

19:41b.LUK.019.041 Ai kana pasholas pasha foro, O Jesus dikhelas pe Jerusalem ai rovelas,

19:42b.LUK.019.042 ai phenelas, "Te zhanglianas ande kado dies le dieli kai si cha pachake! Numa akana garade le angla che iakha.

19:43b.LUK.019.043 Uni diesa avela pe tute kana che duzhmaia avena kruglom tutar, phandavena tu, ai chidena tu pa sako rik.

19:44b.LUK.019.044 Phagavena tu ai sa le manushen mashkar tute; ai chi mekena pe tute te ashel bax pe baxeste ke chi zhanglian e vriama kana O Del avilo te skepil tu."

19:45b.LUK.019.045 O Jesus avilo ande tampla, ai gonisardia sa kodolen kai bichinenas ai chinenas,

19:46b.LUK.019.046 ai phenel lenge, "Ramome, 'Murho kher si o kher le rhugimasko; numa tume kerdian anda leste kher chorengo.'"

19:47b.LUK.019.047 O Jesus sicharelas swako dies ande tampla, ai le bare rasha, ai le Gramnoturia, ai le bare le narodoske rodenas te mudaren le Jesusos.

19:48b.LUK.019.048 Numa chi zhanenas sar te keren; ke sa le manush drago lenge te ashunen leste.

20

20:1b.LUK.020.001 Andek dies, kana O Jesus sas ande tampla sicharelas le narodos ai delas duma e lashi viasta, le bare rasha ai le Gramnoturia, ai le mai phure avile.

20:2b.LUK.020.002 Ai phende leske, "Phen amenge, katar si tu kadia putiera te keres so keres? Vai kon si kodo kai dia tu kadia putiera?"

20:3b.LUK.020.003 O Jesus phendia lenge, "Vi me akana phushav tumendar ek divano,

20:4b.LUK.020.004 o bolimos le Iovanosko katar sas, anda rhaio vai manushendar?"

20:5b.LUK.020.005 Ai dinepe duma mashkar pende, phenenas, "Te phenasa 'Anda rhaio,' wo phenela, ' Sostar chi pachaian les?'

20:6b.LUK.020.006 Numa te phenasa, 'Katar le manush,' sa o narodo shudela bax pe amende; ke o narodo zhanelas ke o Iovano sas ek profeto.

20:7b.LUK.020.007 No won phende, 'Chi zhanas katar avilo.'"

20:8b.LUK.020.008 Ai O Jesus phendia lenge, "Chi me chi phenav tumenge katar che putiera kerav so kerav."

20:9b.LUK.020.009 Porme O Jesus phendia le narodoske ek paramichi: "Iek manush thodia te bariol rez, ai meklia les kaver manush te len sama, ai gelotar andek dur them but vriama.

20:10b.LUK.020.010 Kana avili e vriama te chidelpe o struguro, wo tradia ieke sluga karing le kolaver manush te lel lendar so trobul te avel lesko. Numa le manush kai chidenas o struguro marde les, ai trade les palpale bi kanchesko.

20:11b.LUK.020.011 Kodo manush mai tradia ieka sluga; ai pale marde les, chinuisarde les, ai trade les bi kanchesko.

20:12b.LUK.020.012 Numa kodo manush mai tradia mai ieka sluga, (o trito) ai won dukhade les, ai gonisarde les.

20:13b.LUK.020.013 Antunchi o gazda la rezako phendia, "So te kerav? Tradav murhe shaves kai si mange drago; amborim lena pe pala leste!"

20:14b.LUK.020.014 Numa kana le manush kai chidenas o struguro dikhle les, denas pe duma mashkar pende, "Kodo si o shav le gazdasko, mudaras les, ai e phuv ashela amenge!"

20:15b.LUK.020.015 Ai gonisarde les dur katar e rez, ai mudarde les. "Akana, so kerel lenge o gazda la rezako?" "Avela ai mudarela kodole manushen, ai dela e rez kal kolaver."

20:16b.LUK.020.016 Kana o narodo ashundia kodia, phendia, "Kasavatar diela nashti kerdiol!"

20:17b.LUK.020.017 O Jesus dikhlia pe lende, ai phendia, "So znachil kado ramomos? O bax kai shude kukula, saikfielo bax sas o bax kai trobulsarde."

20:18b.LUK.020.018 Kon godi perela pe kodo bax avela phaglo; ai kuko kai perela o bax wo avela lichardo."

20:19b.LUK.020.019 Le bare rasha ai le Gramnoturia dinepe duma sar te astaren les; ai won daranas anda le manushenge, ke won haliarde ke O Jesus lenge phendia kodia paramichi.

20:20b.LUK.020.020 Ai won lenas sama les, ai trade manushen te dikhen so kerel, kerenaspe sar chache manush, saxke te astaren les ande lesko divano, saxke te den les ka guvernori (kai si les e putiera te kerel sa wo mangel).

20:21b.LUK.020.021 Kodala manush phushle les, "Gazda, zhanas so phenes ai sichares si vorta, ai zhanas ke chi respektis iek manush mai but sar kaver, numa sichares o zakono le Devlesko chachimasa.

20:22b.LUK.020.022 Phen amenge, si amenge slobodo vai nai te pochinas taksa ka Caesar?"

20:23b.LUK.020.023 Numa O Jesus haliardia lenge nasul ginduria, ai phendia lenge, "Sostar tume zumaven ma?"

20:24b.LUK.020.024 Sikaven mange ek kotor rupone, "Kaske fatsa ai ramomos si kado?"

20:25b.LUK.020.025 Won phende, "O Caesar." O Jesus phendia lenge, "Den ka Caesar so si lesko, ai den ka Del so si le Devlesko."

20:26b.LUK.020.026 Nashti thode leske dosh pe kado divano angla narodo; numa chudisaile andal atweto kai dia le, ai chi mai phende kanch.

20:27b.LUK.020.027 Uni Saduseanuria avile ka Jesus, ke mothonas ke nai traio pala e martia; ai phushle,

20:28b.LUK.020.028 "Gazda, o Moses ramosardia o zakono amenge; "Te merela vari kasko phral, ai si les ek rhomni, ai nas les glate, lesko phral ansurilape leska rhomniasa, ai vazdel familia leske phraleske."

20:29b.LUK.020.029 Sas efta phral: o pervo ansurisailo, ai mulo bi te avel les glate, meklia rhomnia peske phraleske.

20:30b.LUK.020.030 Sakadia o duito,

20:31b.LUK.020.031 ai o trito, sakadia kerdilia vi le efta phralensa. Mule vi te aven le glate.

20:32b.LUK.020.032 Akana vi e zhuvli muli.

20:33b.LUK.020.033 Kana avela te zhuvindin le mule te zhan ando rhaio, saveski andal efta phral avela e rhomni ke savorhenge sas?"

20:34b.LUK.020.034 O Jesus phendia lenge, "Le mursh ai le zhuvlia la lumiake akana ansurinpe;

20:35b.LUK.020.035 Numa le mursh ai le zhuvlia kai sai zhuvindin andai martia ka traio ai te traiin ande kolaver lumia chi mai ansurinpe.

20:36b.LUK.020.036 Nashti mai meren; ke won avena sar le angeluria ai chi meren, ai avena shaves le Devleske, ke zhuvindisar le andai martia.

20:37b.LUK.020.037 Ai o Moses sikadia kai le mule zhuvindinas ka traio. Ande Vorba le Devleski kai mothol pai krenzha kai zhalas e iag, kana wo akharel les "O Del le Abrahamosko, O Del le Isakosko, ai O Del le Iakovosko."

20:38b.LUK.020.038 Ke wo nai O Del le mulengo, numa le zhuvindengo; savorhe traiin leske."

20:39b.LUK.020.039 Uni andal Gramnoturia phende, "Gazda, mishto dia duma."

20:40b.LUK.020.040 Ai chi mai tromanas te mai phushen les kanch.

20:41b.LUK.020.041 O Jesus phendia lenge, "Sar mothon ke O Kristo si Shav le Davidosko?

20:42b.LUK.020.042 Ke o David phendia ande Vorba le Devleski (Psalms), "O Del phendia murhe Devleske: Besh tele pa murhi chachi rik,

20:43b.LUK.020.043 zhi kai kerav anda che duzhmaia iek than te hodinis che punrhe pa lende."

20:44b.LUK.020.044 O David akhardia les Devla, sar sai avel vo lesko shav?"

20:45b.LUK.020.045 Sar sa o narodo ashunelas leste, O Jesus phendia peske disiplonge.

20:46b.LUK.020.046 Arakhen tume katar le Gramnoturia, kai si lenge drago te phiravenpe andel rhochi lunzhe, ai den le manush lasho dies pel droma, ai roden la mai lashe skamina ande synagogue, ai drago lenge te beshen ka shero la skafidiako kal pachiva.

20:47b.LUK.020.047 Ke tume xan le phivliange khera, ai rhugin tume lungo rhugimos te miazol ke lashe san: anda kodia si te perel mai phari kris pe tumende."

21

21:1b.LUK.021.001 O Jesus vazdia le iakha, ai dikhlia le barvale manushen thonas penge love ande gono ande tampla.

21:2b.LUK.021.002 Ai vi dikhlia ek chorhi phivli sar tholas dui xarkune kotora.

21:3b.LUK.021.003 Ai phendia, "Phenav tumenge chachimasa, kacha chorhi phivli thodia mai but de sar savorhe;

21:4b.LUK.021.004 Ke le barvale thode xantsi love anda lengo barvalimos; numa woi thodia so godi sas la te traiil.

21:5b.LUK.021.005 Uni zhene denas duma pal tampla, sar shukarenas o tampla le lashe baxensa ai podarki kai dine ka Del, O Jesus phendia lenge,

21:6b.LUK.021.006 "Sa so dikhena avela pherdo, chi ashela iek bax po kaver." Won phushen lestar,

21:7b.LUK.021.007 "Gazda, kana kerdiola kodia? Che semno avela kana kerdiona kodola?"

21:8b.LUK.021.008 O Jesus phendia, "Arakhen tume, te na atsaven tume khonik, ke but avena ande murho anav, phenenas, "Me sim o Kristo!" E vriama pashili, na len tume pala lende.

21:9b.LUK.021.009 Kana ashunena ke marenpe ai vieste kai marenpe ande uni thana, Na Daran; ke kodia musai te kerdiol, numa nai inker o gor.

21:10b.LUK.021.010 Antunchi O Jesus phendia lenge, "Iek them marelape aver themesa; ai iek amperetsia marelape avria amperetsiasa:

21:11b.LUK.021.011 Ai izdrala e phuv zurales, ai ande but thana chi avela dosta te xan, ai avela but naswalimos, ai kerdionape zhungale bucha kai chi mai dichilia, ai avela bare semnuria ando cheri.

21:12b.LUK.021.012 Numa mai anglal sar kodola dieli, lena tume le manush ai chinuina tume, dena tume kal synagoguria, thona tume andel temnitsi, angerena tume anglal la amperatsi ai le bare le foroske pala murho anav.

21:13b.LUK.021.013 Kodola kerdiona tumenge saxke te aven marturia.

21:14b.LUK.021.014 Na gindin tume mai anglal so te phenen, ai na daran.

21:15b.LUK.021.015 Ke dava tume le vorbi ai e goji, kai tumare duzhmaia nashti den ando gor vai te mothon ke nai kadia.

21:16b.LUK.021.016 Vi tumaro dat ai tumari dei purhila tume, ai tumare phral, ai tumare niamuria, ai tumare vortacha; ai mudaren buten anda tumende.

21:17b.LUK.021.017 Avena gratsia savorhenge pala murho anav.

21:18b.LUK.021.018 Numa chi xasavola chi iek bal anda tumaro shero.

21:19b.LUK.021.019 Ai kai inkerena zhando gor tume skepina tumaro traio le Devlesa.

21:20b.LUK.021.020 Kana dikhena ke le thema chidenape te marenpe pe Jerusalem, antunchi zhanen ke Jerusalem sigo avela peradi.

21:21b.LUK.021.021 Antunchi kodola kai si ande Judea trobula te nashen andel plaia; ai kodola kai si mashkaral ande Jerusalem trobula te zhantar; ai kodola kai si ande niva te na aven andel foruria.

21:22b.LUK.021.022 Ke kodola diesa avena diesa chorhe, ai te kerdiol so godi sas ramome.

21:23b.LUK.021.023 Nasul le zhuvliange kai si pharia glatasa, ai kodolen kai si le glate pe chuchi ande kodola dies! Ai avela baro nekazo ando them, ai xoli pe kado narodo.

21:24b.LUK.021.024 Le manush avena mudarde katar e sabia, ai aver avena line ai thode ande temnitsa mashkar sa le thema; ai le manush kai Nai Zhiduvuria phiren le punrhensa pai Jerusalem, zhi kai getolpe lenge vriama.

21:25b.LUK.021.025 "Kerdiola semnuria ando kham, ai ando shunuto, ai andal chererhaia; ai pe phuv avela dar mashkar le thema, kai chi mai zhanena so te keren. E maria ai le talazuria keren bunto;

21:26b.LUK.021.026 le manush merena daratar ke zhanena so kerdiola pe phuv; ke e putiera le chereski izdrala.

21:27b.LUK.021.027 Antunchi dikhena sar O Shav le Manushesko avela pel nuveria putierasa ai barimasa.

21:28b.LUK.021.028 Kana kadala dieli nachinaina te kerdiol, antunchi dikhen opre, ai vazden tumaro shero, ke tumaro skepimos pashelo."

21:29b.LUK.021.029 O Jesus phendia lenge ek paramichi, "Dikhen e pruing le figengi, ai sa le khash;

21:30b.LUK.021.030 sar barion ai anklen patria, tume dikhen ai zhanen ke o milai pashelo.

21:31b.LUK.021.031 Sakadia, kana dikhena kadala dieli ke kerdion, zhanen ke e amperetsia le Devleski pashela.

21:32b.LUK.021.032 Chachimasa, phenav tumenge, kadia vitsa chi nakhela zhi pon chi kerdion kadala dieli.

21:33b.LUK.021.033 O cheri ai e lumia nakhena, numa murhe vorbi shoxar chi nakhena.

21:34b.LUK.021.034 Arakhen tume! Na meken tumaro ilo te pherdiol pachiva ai mol, ai nekazo kadale traiosko, ai kodo dies avela pe tumende kana chi zhanen.

21:35b.LUK.021.035 Ke kodo dies avela sar iek selia pe sa kodola kai beshen pe sa e lumia.

21:36b.LUK.021.036 Arakhen tume! Ai rhugin tume sagda, saxke te avel tume zor te na kerdiol tumenge sa kadala dieli, ai te beshen ande punrhende angla Shav le Manushesko."

21:37b.LUK.021.037 E diese O Jesus sicharelas ande tamplo; ai e riat zhalas te beshel pe plaiin kai busholas Masleni.

21:38b.LUK.021.038 Ai sa o narodo diminiatsi avile leste ande tampla te ashunen leste.

22

22:1b.LUK.022.001 Akana e pachiv le manrheski bi drozhdengi pasholas kai busholas 'O Dies O Baro le Zhidovongo'.

22:2b.LUK.022.002 Ai le bare rasha ai le Gramnoturia rodenas sar te mudaren les; ke daranas katar o narodo.

22:3b.LUK.022.003 Antunchi o beng gelo ande Judas, kai akharenas les Iscariot, kai sas ek andal desh u dui disipluria.

22:4b.LUK.022.004 Ai o Judas gelo kal le bare rasha ai kal le bare le ketanenge, te del les ande lenge vas.

22:5b.LUK.022.005 Kodola manush raduisaile, ai shinade te den les love.

22:6b.LUK.022.006 Ai o Judas shinadia te lel le love, ai rodias sar te del les ande lenge vas, bi te zhanel o narodo.

22:7b.LUK.022.007 Antunchi o dies le manrhesko bi drozhdengo avilo, kana trobulas te mudaren le bakriorhan,

22:8b.LUK.022.008 ai O Jesus tradia le Petres ai le Ioanos, phenelas, "Zhan ai lasharen amende O Dies O Baro le Zhidovongo te xas."

22:9b.LUK.022.009 Ai won phende leske, "Kai manges te lasharas?"

22:10b.LUK.022.010 Wo phendia lenge, "Ashun, kana aresena ando foro, arakhena ieke manushes kai si les iek vaza paieske; len tume pala leste ando kher kai zhala.

22:11b.LUK.022.011 Ai phenena le gazdaske kodole kheresko, "Amaro gazda phenel tuke, 'Kai o than kai trobul te xav O Dies O Baro le Zhidovongo murhe displonsa?'"

22:12b.LUK.022.012 Wo sikavela tumenge iek bari soba opre kai si swako fielo andre; kotse lasharena.

22:13b.LUK.022.013 Geletar, ai arakhle sar phendiasas lenge; ai lasharde O Dies O Baro le Zhidovongo.

22:14b.LUK.022.014 Ai kana o chaso avilo, wo beshlo kai skafidi le desh u do disiplonsa.

22:15b.LUK.022.015 O Jesus phendia lenge, "Drago sas mange te xav kadia Dies O Baro le Zhidovongo tumensa mai anglal sar te chinuiv.

22:16b.LUK.022.016 Ke phenav tumenge, chi mai xava tumensa, zhi kai kerdiol ande e amperetsia le Devleski."

22:17b.LUK.022.017 Lia e kuchi, ai dias naisimos, ai phendia, "Len, ai pen savorhe anda late."

22:18b.LUK.022.018 Ke phenav tumenge, chi mai piiava andai fruta le struguroski, zhi kai e amperetsia le Devleski avel.

22:19b.LUK.022.019 Antunchi lia manrho, ai dias naisimos, phaglia les, ai dia lende, phenelas, "Kako si murho stato kai si dino tumenge; keren kadia te seren tume pa mande."

22:20b.LUK.022.020 Sakadia kana getosarde te xan manrho, wo lia e kuchi, phenelas, "Kacha kuchi ai o nevo kontrakto ando murho rat, kai shordilo pala tumende."

22:21b.LUK.022.021 Ashun! Kodo kai purhila ma, katse lo kai skafidi mansa.

22:22b.LUK.022.022 Ai chaches O Shav le Manushesko trobul te merel sar O Del manglia; numa nasul avela kodoleske kai purhila les!"

22:23b.LUK.022.023 Ai porme denaspe duma mashkar pende, savo si anda lende kai purhila les.

22:24b.LUK.022.024 Won marenas mui mashkar pende te zhanen savo anda lende avela o mai baro.

22:25b.LUK.022.025 O Jesus phendia lenge, "Le amperatsi kadala lumiake si le putiera pe pengo narodo, ai kodola manush bushon "Vortacha le manushenge."

22:26b.LUK.022.026 Numa te na avel tumenge sakadia; numa o mai baro kai si mashkar tumende musai avel sar o mai tsinorho; ai kuko kai si baro musai avel sar kuko sluga.

22:27b.LUK.022.027 Kon si o mai baro, kodo kai beshel kai skafidi vai kodo kai podail? Kodo si kai skafidi numa me sim mashkar tumende sar kodo kai podail.

22:28b.LUK.022.028 Tume san kodola kai rhevdisardian mansa kana avilo zumaimos pe mande.

22:29b.LUK.022.029 Anda kodia si ma e amperetsia te dav tumen, sar murho Dat dia man.

22:30b.LUK.022.030 Saxke te xan ai te pen kai murhi skafidi ande murhi amperetsia; ai te beshen pel bare skamina te den kris le desh u dui vitsi le Israelonge.

22:31b.LUK.022.031 Ai O Jesus phendia, "Simon, Simon Ashun! O beng manglia te sai chinol tu, sar chinolpe o jiv te thol les rigate katar le suluma;

22:32b.LUK.022.032 Numa rhugisailem anda tute, te na rimolpe cho pachamos. Ai kana avesa palpale mande. Tu musai zhutis che phralen te aven mai zurale."

22:33b.LUK.022.033 O Petri phendia leske, "Devla, me zhav tusa, ande temnitsa, ai kai martia!"

22:34b.LUK.022.034 Ai O Jesus phendia, "Petri, phenav tuke, o kurkorsho chi bashel adies, kai tu phenesa trivar ke chi zhanes ma."

22:35b.LUK.022.035 Ai mai phendia lenge, "Kana tradem tumen bi lovengo, bi gonesko, ai bi papuchengo, trobulsardia tume vari so?" Won phende, "Kanchi."

22:36b.LUK.022.036 Antunchi phendia lenge, "Numa, akana, kodo kai si les love, lel les, ai vi lesko gono; ai kodo kai nai les sabia, mek te bichinel peske raxami, ai chinel iek sabia.

22:37b.LUK.022.037 Ke phenav tumenge, o ramomos kai phenel, "Wo sas mashkar le chorenge," Musai te kerdiol vorta pa mande. Ke kadia kai sas ramome pa mande avela, chachimasa."

22:38b.LUK.022.038 Won phende, "Devla, Dikh! Katse si dui sebi." O Jesus phendia leske, "Dosta si!"

22:39b.LUK.022.039 Ai avilo avri anda foro, sar kerelas butivar, gelo po Plai le Maslinenge; ai leske disipluria linepe pala leste.

22:40b.LUK.022.040 Kana areslo po than, phendia lenge, "Rhugin tume saxke te na peren ando zumaimos."

22:41b.LUK.022.041 Ai porme durilo lendar xantsi tu sai shudes ek bax. Ai thodiape pe changende, ai rhugisailo,

22:42b.LUK.022.042 phenelas, "Murho Dat, te sai mek te nakhel kadia kuchi mandar; numa na murhi voia, chiri voia te avel kerdi."

22:43b.LUK.022.043 Strazo iek angelo anda rhaio avilo leste te del les zor.

22:44b.LUK.022.044 Sar chinolas, rhugilaspe mai zurales; ai le paia kai zhanas pa leste kerdionas sar bambi rateske kai perenas pe phuv.

22:45b.LUK.022.045 Kana rhugisailo wushtilo opre, ai avilo palpale ka peske disipluria, ai arakhlia le sovenas, kai nekezhinas.

22:46b.LUK.022.046 Ai phendia lenge, "Sostar soven? Wushten opre ai rhugin tume, te na peren ando zumaimos."

22:47b.LUK.022.047 Sar delas duma inker, o narodo avilo ai kodo kai busholas Judas, iek andal desh u dui disipluria, wo sas anglal, ai pashilo pasha Jesus te chumidel les.

22:48b.LUK.022.048 Ai O Jesus phendia leske, "Judas, pala kako chumidimos purhidian O Shav le Manushesko?"

22:49b.LUK.022.049 Kana kodola kai sas le Jesusosa, dikhle so kerdilia, phende leske, "Devla, trobul te das la sabiasa?"

22:50b.LUK.022.050 Ai iek anda lende dia la sabiasa, o sluga le bare rashasko, ai shindia lesko chacho khan.

22:51b.LUK.022.051 Numa O Jesus phendia, "Aterdion! Dosta si." Ai azbadia o khan pe kodole manushesko ai sastilo.

22:52b.LUK.022.052 Antunchi O Jesus phendia le bare le rashange, ai le barenge kai poronchinas la tamplaske, ai le mai phure, kai sas lesa. "Tume avilian, sar pala iek chor, le sabiensa, ai le khashtensa?"

22:53b.LUK.022.053 Swako dies simas tumensa ande tampla, ai chi thodian o vas pe mande; numa si tumaro chaso, ai putiera le tuniarikoski."

22:54b.LUK.022.054 Antunchi line les, angerde les ando kher le baro le rashasko. Ai o Petri liape pala lende de dural.

22:55b.LUK.022.055 Kerde iag mashkar e bar, ai beshle tele andek than, o Petri beshelas tele mashkar lende.

22:56b.LUK.022.056 Ek sluga dikhlia le Petres pashai iag, ai dikhelas pe leste, ai phendia, "Vi kado manush sas lesa."

22:57b.LUK.022.057 Numa o Petri phendia, "Zhuvlio, chi zhanav les."

22:58b.LUK.022.058 Pala kodia aver sluga dikhlia les, ai phendia, "Vi tu sanas lensa." O Petri phendia, "Manusha, chi sim me."

22:59b.LUK.022.059 Iek chaso pala kodia, aver manush phendia, "Suguro ke kado manush sas lesa; ke wo si Galilean."

22:60b.LUK.022.060 Ai o Petri phendia, "Manusha, chi zhanav so phenes, ai strazo sar delas duma o kurkorsho bashlo.

22:61b.LUK.022.061 Ai O Jesus boldinisailo, dikhlia po Petri, ai o Petri diape goji ka le vorbi kai O Jesus phendiasas leske, mai anglal sar te bashel o kurkorsho, tu phenesa trivar ke chi zhanes ma."

22:62b.LUK.022.062 Ai o Petri anklisto avri, ai ruia zurales.

22:63b.LUK.022.063 Ai le manush kai ankerenas le Jesusos, marenas mui lestar, ai marenas les,

22:64b.LUK.022.064 ai kana thode derza pe lesko mui, marde les palmi pe lesko mui ai phushle, "Kon mudardia tu?"

22:65b.LUK.022.065 Ai phende leske but zhangale vorbi ai asanas lestar.

22:66b.LUK.022.066 Kana phuterdilo o dies, le bare rasha, ai le phure le manushenge, ai le Gramnoturia avile andek than, ai ningerde les anglai kris. Phenenas,

22:67b.LUK.022.067 "Te san tu O Kristo? Phen amenge," O Jesus phendia lenge, "Te phenava tumenge, tume chi pachan;

22:68b.LUK.022.068 Ai te phushav tumen, tume chi den atweto, vai mek ma te zhav.

22:69b.LUK.022.069 Dakanara O Shav le Manushesko beshel pe rik e chachi, kai si e putiera le Devleski."

22:70b.LUK.022.070 Antunchi savorhe phenenas, "Tu san O Shav le Devlesko?" Ai wo phendia lenge, "Tume phenen, ke sim me."

22:71b.LUK.022.071 Ai won phende, "Chi mai trobul ame martero! Ke ame ashundiam so wo phendia anda pesko mui."

23

23:1b.LUK.023.001 Wushtilo savorhe ai ningerde les ka Pilate.

23:2b.LUK.023.002 Ai dosharenas les, phenenas, "Kado manush rimol amaro them ai vazdelpe o narodo pe amende, ai phenel le narodoske te na pochinen ka Caesar e taksa, ai phenelas ke wo si O Kristo, ek amperato."

23:3b.LUK.023.003 O Pilate phushel les, "San tu o amperato le Zhidovongo?" O Jesus phendia leske, "Tu mothos."

23:4b.LUK.023.004 O Pilate phendia ka le bare rashange ai le narodoske, "Me chi arakhav chi iek dosh ande kado manush.

23:5b.LUK.023.005 Numa mai xoliariko sas won, phenenas, "Kado manush vazdel o narodos, ai sicharel kodolen kai si ande Judah, zhal de Galilee ai de katsar naichidisardia.

23:6b.LUK.023.006 Kana o Pilate ashundia e vorba "Galilee," phushlia, "Kodo manush sas Galilean?"

23:7b.LUK.023.007 Kana ashundia ke O Jesus sas andai Galilee ai ke o Herod poronchilas ande Galilee, tradia les ka Herod. O Herod sas ande Jerusalem ande kodia vriama.

23:8b.LUK.023.008 Ai kana o Herod dikhlia O Jesus, raduisailo; ke demult mangelas te dikhel les, ke ashundia but vorbi pa leste; ai mangelas te dikhel les te kerel mirakluria angla leste.

23:9b.LUK.023.009 O Herod phushlia but vorbi katar o Jesusos, numa O Jesus chi phendia leske kanchi.

23:10b.LUK.023.010 Ai le bare rasha ai le Gramnoturia kotse sas, ai thonas dosh pe leste zurales.

23:11b.LUK.023.011 Ai o Herod peske ketanensa kerenas zhungales le Jesusosa, ai marenas mui lestar, ai dia pe leste iek rhocha shukar, ai pale tradia les ka Pilate.

23:12b.LUK.023.012 Sa kodo dies o Pilate ai o Herod kerdile vortacha, kai won mai anglal sas duzhmaia iek kavreske.

23:13b.LUK.023.013 Ai kana o Pilate chidia le bare rashan, ai le bare kai poronchin ai le narodos andek than,

23:14b.LUK.023.014 phendia lenge, "Tume andian mange kakale manushes, ke buntuil le narodos, ai me phushlem lestar angla tumende, ai chi arakhlem chi iek dosh ande leste. Nai chi iek diela kai tume dosharen les;

23:15b.LUK.023.015 Ai chi o Herod chi arakhlia dosh pe leste, ke wo tradia les amende. Kado manush chi kerdia kasavestar o baio kai trobul mudardo.

23:16b.LUK.023.016 Phenav le ketanenge te maren les le bichosa, ai porme mekav les te zhaltar."

23:17b.LUK.023.017 Ka swako pachiv sas ek zakono kai trobulas te mekel avri iekes anda temnitsa.

23:18b.LUK.023.018 Numa savorhen tsipinas andek than, phenenas, "Mudaren les! Mekes o Barabbas te zhaltar."

23:19b.LUK.023.019 O Barabbas sas ande temnitsa kai buntuisailo sas andek foro, ai kai mudardia vari kas.

23:20b.LUK.023.020 OPilate mai phendia lenge, "Meken le Jesusos te zhaltar."

23:21b.LUK.023.021 Numa narodo tsipilas, phenelas, "Karfosar les! Karfosar les!"

23:22b.LUK.023.022 O Pilate mai phendia lenge e trito data, "Savestar baio kerdia kado manush? Chi arakhlem kanch ande leste te avel mudardo: No mekava les kana avela mardo."

23:23b.LUK.023.023 Numa o narodo tsipilas mai zurales, ai mangena te karfon les. Pala pengo tsipimos o Pilate kerdia pe lende.

23:24b.LUK.023.024 O Pilate phendia, "So mangen avela pe tumaro."

23:25b.LUK.023.025 Meklia kodoles kai sas ande temnitsa kai kerdiasas baio ai mudardiasas kodo kai won mangenas; numa meklia le Jesusos pe lenge vas te keren so won mangen lesa.

23:26b.LUK.023.026 Sar ningerenas les, line pesa ieke manushes kai busholas Simon, andak foro kai busholas Cyrene, wo avelas andai them, ai thode les te ningerel o trushul pala Jesus.

23:27b.LUK.023.027 Ai linepe pala leste but narodo, ai zhuvlia kai rovenas ai nekezhinas pala leste.

23:28b.LUK.023.028 O Jesus boldiape karing kodola zhuvlia, ai phendia, "Sheiale anda Jerusalem, na roven pe mande, numa roven pe tumende, ai pe tumare glate.

23:29b.LUK.023.029 Ashun! Le diesa avena kai phenenas, "Raduime kodala zhuvlia kai nashti aven le glate, kodala kai shoxar nas le glate, ai kodala kai shoxar chi dine chuchi."

23:30b.LUK.023.030 Antunchi phenena le plaienge, "Peren pe amende;" ai phenena le plaiorhange, "Garaven ame."

23:31b.LUK.023.031 Ke te kerena kadia le khashtensa kai si zeleno, so kerena kana si shuko?"

23:32b.LUK.023.032 Aver dui manush sas ningerde le Jesusosa te aven mardo.

23:33b.LUK.023.033 Kana areslo po than, kai bushol "Calvary vai Shero," kotse karfosarde les po trushul, ai vi le duie choren, iek pe rik e chachi, ai iek pe rik o stingo.

23:34b.LUK.023.034 Antunchi O Jesus phendia, "Murho Dat, iertis le; ke chi zhanen so keren." Ai hulade leske tsalia, ai thodepe te dikhen kon niril leske tsalia.

23:35b.LUK.023.035 O narodo sas kotse ai dikhelas. Ai le bare manush kai poronchin marenas mui lestar, phenenas, "Skepisardia kavren; mek te skepil pe pes, te si wo O Kristo, kai alosardia O Del."

23:36b.LUK.023.036 Ai le ketani marenas mui lestar, ai avile leste, ai denas les shut.

23:37b.LUK.023.037 Ai phenenas leske, "Te san tu o amperato le Zhidovongo, skepisar tu tut."

23:38b.LUK.023.038 Opral pa lesko shero ramolaspe ande shiba le Greksisko, ai Latinesko, ai Zhiduviska, "Kado si O AMPERATO LE ZHIDOVONGO."

23:39b.LUK.023.039 Iek andal chor kai sas pasha leste, marelas mui lestar, phenelas, "Te san tu O Kristo, skepisar tu tut, ai ame."

23:40b.LUK.023.040 Numa kolaver chor phendia kolavreske, phenelas, "Chi daras katar O Del, tu kai mudardias ai avela kris pe tute?

23:41b.LUK.023.041 Ame, si kris pe amende; ke ame keras amensa kadia, ke chorhe sam kai kerdiam baiuria: numa kado chi kerdia chi iek baio.

23:42b.LUK.023.042 Ai phendia le Jesusoske "Devla, desa tu goji mande kana avesa ando chi amperetsia."

23:43b.LUK.023.043 Ai O Jesus phendia leske, "Phenav tuke chachimasa, adies vi tu avesa mansa ando rhaio."

23:44b.LUK.023.044 Kal desh u dui po mashkar le diesesko tuniariko avilo pe sa e lumia zhi kai trin chasuria.

23:45b.LUK.023.045 Ai o kham chi mai strefialas, ai e selia (kortina) ande tampla shindili ande donde de opral zhi tele.

23:46b.LUK.023.046 Ai kana O Jesus dias mui andek baro glaso, "Murho Dat, thav murho duxo ande che vas, ai phendia kadala vorbi, mulo.

23:47b.LUK.023.047 Akana kana o ketano diklia so kerdilia, luvudisardia O Del, phenelas, "Chaches kado manush vorta sas."

23:48b.LUK.023.048 Ai sa o narodo kai chidelas andek than te dikhel, kana dikhle so kerdilia, marenas pe kolin ai geletar khere.

23:49b.LUK.023.049 Sa leske vortacha, ai le zhuvlia kai linepe pala leste andai Galilee, de dural beshenas,dikhenas so kerdiolas.

23:50b.LUK.023.050 Sas iek manush kai busholas Josef andai foro kai bushol Arimathea, kado manush lasho sas ai vorta.

23:51b.LUK.023.051 Wo nas kana dosharde le Jesusos, wo sas andek foro busholas Arimathea, o foro le Zhidovongo, wo azhukerelas e amperetsia le Devleski.

23:52b.LUK.023.052 Kodo manush gelo ka Pilate, ai manglia te len o stato le Jesusosko.

23:53b.LUK.023.053 Gelo ai lia les tele pa trushul, ai vuluisardia les ando tsolo, ai thodia les ando greposhevo kai sas ando bax, kai inker khonik nas thodino.

23:54b.LUK.023.054 Parashtuine sas, ai o Savato nachinuilas.

23:55b.LUK.023.055 Ai le zhuvlia kai avile lesa andai Galilee linepe pala lende, ai dikhle o greposhevo ai sar sas thodino lesko stato.

23:56b.LUK.023.056 Porme gele palpale khere, ai lasharde le vuloia ai duxi le statoski; ai hodinisarde po dies le Savatosko, sar o zakono phenel te kerel.

24

24:1b.LUK.024.001 Kana phuterdilo o dies po pervo dies le kurkoske, avile ka greposhevo te angeren le vuloia ai duxuria kai lasharde sas.

24:2b.LUK.024.002 Numa dikhle e bax spidias palpale katar o greposhevo.

24:3b.LUK.024.003 Gele andre, numa chi arakhle o stato le Devlesko, Jesus.

24:4b.LUK.024.004 Sar chi zhanenas so kerdilia, dikhle dui manushen pasha lende kai sas vuriarde andel tsalia kai strefianas;

24:5b.LUK.024.005 Daraile, shudepe tele le mosa pe phuv, le manush phende lenge, "Sostar roden mashkar le mule kodoles kai si zhuvindo?

24:6b.LUK.024.006 Nai katse, numa wushtilo! Seren tume sar delas duma tumensa kana sas tumensa inker ande Galilee, phenelas,

24:7b.LUK.024.007 "O Shav le Manushesko te avel dino andel vas le bezexalenge, ai avela karfosardo po trushul, ai te zhuvindila o trito dies."

24:8b.LUK.024.008 Ai won dinepe goji leske vorbi,

24:9b.LUK.024.009 ai avile palpale khere katar o greposhevo, ai phende sa kodola dieli le desh u iek disiplonge, ai le kolavrenge.

24:10b.LUK.024.010 Kodia kai phendia kodola dieli le slugenge sas e Maria Magdalena, ai e Ioanna, ai e Maria e dei le Iakovoske, ai le kolaver zhuvlia kai sas lensa.

24:11b.LUK.024.011 Numa le disipluria gindinas ke so mothonas kodala zhuvlia nai chaches, ai chi pachaiele.

24:12b.LUK.024.012 Antunchi o Petri wushtilo opre ai nashlo ka greposhevo; bandilo tele, ai dikhlia ferdi le tsoluria, ai gelotar khere, ai chudisailo anda so kerdilia.

24:13b.LUK.024.013 Eta, sa kodo dies dui anda lende gele ande gav kai busholas Emmaus, kai sas desh u iek kilometeria vai efta maili anda Jerusalem,

24:14b.LUK.024.014 ai phenenas mashkar pende pa so godi kerdilia.

24:15b.LUK.024.015 Sar denas duma, O Jesus pashilo pasha lende, ai phirelas lensa.

24:16b.LUK.024.016 Numa lenge iakha nashti te dikhenas ke wo si.

24:17b.LUK.024.017 Ai phendia lenge, "Pa soste divinin ando tumaro phirimos nekazosa?"

24:18b.LUK.024.018 Iek anda lende, kai busholas Cleopas, phendia leske, "Tu san ek streino ando Jerusalem, ai chi zhanes so kerdilia kadala dies."

24:19b.LUK.024.019 Ai O Jesus phendia lenge, "So kerdilia?" Ai won phende leske, "Pa Jesus anda Nazareth, kai sas iek profeto, kai sas les bari putiera kana kerelas peske bucha, ai kana divinilas angla Del ai sa le manushenge;

24:20b.LUK.024.020 Ai sar amare bare kai poronchin dine les te den les kris, te karfon les po trushul.

24:21b.LUK.024.021 Ame gindisas ke wo sas kai sas te skepil o Israel; numa sa kadale dielensa, adies si o trito dies kai kadala dieli kerdile.

24:22b.LUK.024.022 Ai uni zhuvlia ande amare chudisarde amen, chaches ke won gele diminiatsi ka greposhevo;

24:23b.LUK.024.023 Numa chi arakhle lesko stato, avile te phenen amenge, ke angeluria sikadile lenge, ai phende lenge ke zhuvindolo.

24:24b.LUK.024.024 Uni kai sas amensa gele ka greposhevo, ai arakhle le dieli sar phende sas kodola zhuvlia; numa chi dikhle le Jesusos."

24:25b.LUK.024.025 Antunchi O Jesus phendia lenge, "Tume prosto manush. Ai kai o ilo lungo lo te pachal so godi phende le profeturia.

24:26b.LUK.024.026 Pate chi trobulas O Kristo te chinuil kadia, ai te zhal ande pesko barimos?"

24:27b.LUK.024.027 Porme phendia lenge so sas phendo pa leste ande Vorba le Devleski, de katar o Moses zhi ka sa le profeturia.

24:28b.LUK.024.028 Kana aresle pasha gav kai zhanas; O Jesus kerdia sar ke mangelas te zhal mai dur.

24:29b.LUK.024.029 Numa phende leske, "Besh amensa; ke perel e riat, ai o dies tsigniol." Ai gelo te beshel lensa.

24:30b.LUK.024.030 Sar sas lensa kai skafidi, lia o manrho, ai kana rhugisailo, phaglia o manrho, ai dia le.

24:31b.LUK.024.031 Antunchi lenge iakha phuterdile, ai prinzharde les; numa strazo bilailo.

24:32b.LUK.024.032 Ai denaspe duma won de won, "Nas sar iek iag kai phabolas anda amaro ilo; kana delas duma amensa pa drom, ai kana phenelas amenge pai Vorba le Devleski?"

24:33b.LUK.024.033 Wushtilo opre strazo, ai gele palpale ande Jerusalem, ai arakhle le kolaver desh u iek disipluria chidine andek than, ai le kolaver kai sas lensa.

24:34b.LUK.024.034 Phenenas, "Chaches O Del zhuvindisailo, ai sikadilo le Simonoske."

24:35b.LUK.024.035 Ai phenenas so kerdilia lensa pa drom, ai sar prinzharde les kana phagelas o manrho.

24:36b.LUK.024.036 Sar denas duma, O Jesus avilo mashkar lende, ai phendia lenge, "E pacha te avel tumensa,"

24:37b.LUK.024.037 Won daraile ai pherde dar sas, won gindinas ke dikhle ieke duxos,

24:38b.LUK.024.038 ai wo phendia lenge, "Sostar daran? Ai sostar kasavendar ginduria si tume ande tumaro ile?

24:39b.LUK.024.039 Dikhen murhe vas ai murhe punrhe, me sim, azban ma, ai dikhen! Ke o duxo nai les, chi morchi ai chi kokola, sar dikhen tume ke si man."

24:40b.LUK.024.040 Sar phenelas kodo divano, sikadia lenge peske vas ai peske punrhe.

24:41b.LUK.024.041 Ande pengo raduimos inker chi pachanas, ai chudinaspe, ai wo phendia lenge, "Si tume vari so te xav?"

24:42b.LUK.024.042 Won dine les masho peko, ai avjin.

24:43b.LUK.024.043 Lia ai xalia angla lende.

24:44b.LUK.024.044 Ai phendia lenge, "Kadala dieli kai phenavas tumenge, kana simas inker tumensa kai trobulas te kerdiol, so godi si ramome pa mande anda zakono le Mosesosko, ai andel le profetonge, ai andel Psalms."

24:45b.LUK.024.045 Antunchi phuterdia lengo ilo te sai haliaren E Vorba le Devleski.

24:46b.LUK.024.046 Ai phendia lenge, "Kadia si ramome, ke O Kristo chinuila, ai zhuvindila andai martia o trito dies;

24:47b.LUK.024.047 Ai ke o keimos ai o iertimos le bezexxengo avela phendo ande lesko anav sa le themenge, mai anglal ande Jerusalem.

24:48b.LUK.024.048 Tume san marturia pe kadala dieli.

24:49b.LUK.024.049 Ashun! Tradava pe tumende so murho Dat shinadia, numa tume beshen ando foro Jerusalem,zhi kai aven pherde putiera kai avel katar opral."

24:50b.LUK.024.050 Angerdia le karing e Bethani; ai vazdia le vas, ai swuntsosardia le.

24:51b.LUK.024.051 Ande kodia, kai swuntholas le, durilo lendar, ai gelotar ando rho.

24:52b.LUK.024.052 Won rhugisaile leste, ai geletar palpale ande Jerusalem bare raduimasa;

24:53b.LUK.024.053 Ai sagda sas ande tampla, bariarenas o anav le Devlesko ai swunthonas le Devles. Amen