Romans (Quichua)

1

1:1b.ROM.001.001 Pablo, Jesucristora sirvij, cayashca shu apóstol nishca Dios cachashca runa tucungaj, chicanyachishca aca Diospa evangelio shimira rimangaj.

1:2b.ROM.001.002 Dios ñaupa horasmanda cai evangelio shimira cusha nica paimanda rimajguna quillcashca santo Quillcaunai.

1:3b.ROM.001.003 Cai Quillcauna paihua Churi ñucanchi Señor Jesucristomanda rimanauca. Paiga Davidpa miraigunamanda miraj aca paihua aichai.

1:4b.ROM.001.004 Paiga Diospa Churi nisha ushanahua rimashca aca, Santo Espiritumanda, huañushcaunamanda causarishca raigu.

1:5b.ROM.001.005 Paimanda gracia nishca yangamanda üaquishcara charinchi, apóstol nishca cachashca runauna tucusha, tucui llactauna evangelio shimira quirisha casungaj, paihua shutira llaquishcamanda.

1:6b.ROM.001.006 Cangunas chigunamanda anguichi, Jesucristojguna tucungaj cayashcauna.

1:7b.ROM.001.007 Tucui canguna Roma nishca llactai tiajgunama quillcauni, Dios llaquishcauna, chicanyachishcauna anguichi. Gracia nishca ali iyairas cushi shunguras charichi, ñucanchi Yaya Diosmanda, Señor Jesucristomandas.

1:8b.ROM.001.008 Ñaupa punda, ñuca Diosta agrasini Jesucristomanda tucui cangunaraigu. Canguna quirishca entero mundui rimashcami.

1:9b.ROM.001.009 Ñuca espiritui Diosta sirviuni paihua evangelio shimira rimausha. Paimi ricun imasnara mana saquishallara cangunara iyariuni ñuca Diosta mañashcaunai.

1:10b.ROM.001.010 Diosta rugauni imasnais pai munajpi ñuca alira purisha cangunajma shamusha chari.

1:11b.ROM.001.011 Cangunara ricusha nini, shu almai cuyashcara cangunahua saquingaj, cangunara shinzhiyachingaj;

1:12b.ROM.001.012 Casna nisha nini, ñuca cangunahua parijumanda cushi tucungaj, ñucanchi ishquindi quiriushcai, canguna quirishca ñuca quirishcas.

1:13b.ROM.001.013 Munani, uquiuna, canguna yachangaj imasna ashca cuti cangunajma shamusha nicani, astaun cuna horasgama arcarishcani, ñuca cangunamanda ima aparishcara tupangaj, imasnara shu gentilgunamanda tupashcani.

1:14b.ROM.001.014 Ñucaga griegounamas mana griegounamas, yachajgunamas mana yachajgunamas dibiyuj ani.

1:15b.ROM.001.015 Shinajpi, ñuca ushanagama, puruntu mani evangelio shimira rimangaj, canguna Romai tiajgunamas.

1:16b.ROM.001.016 Ñucaga evangeliomanda mana pingarinichu. Caimi Diospa ushana tucui quirijgunara quishpichingaj, ñaupa punda judiogunama, shinallara griegounamas.

1:17b.ROM.001.017 Cai evangelioi Dios alichishca causana ricurimun quirinahua callarisha, quirinahua tucuringagama; imasna quillcashca tian: Ali runa pai quirishcamanda causanga.

1:18b.ROM.001.018 Dios piñarishca ahua pachamanda ricurimun tucui paita mana ricsijgunamas, tucui manali rajgunamas, paiguna Diospa cierto shimira uyanara arcasha paiguna manali rashcaunamanda;

1:19b.ROM.001.019 Ima Diosmanda ricsishcaras, Dios chita paigunama ricuchicami.

1:20b.ROM.001.020 Diosmanda mana ricuihuajguna, paihua huiñaigama ushana, pai Dios asnearas ali ricurimunaun, cai pacha rashca horasmanda. Caiguna intindinaushcami pai rashcaunamanda. Chi raigumanda runauna cutipanara mana ushanaunzhu, Mana yachacanichu, nisha.

1:21b.ROM.001.021 Paigunaga Diosta ricsishallara, paita mana ahuayachinaucachu quiquin Dios cuenta, maspas paita mana agrasinauca. Astaumbas paiguna iyaushcai upa tucunauca, paiguna upa shungu llandu tucuca.

1:22b.ROM.001.022 Paiguna, umayujguna manchi, nisha, upauna tucunauca.

1:23b.ROM.001.023 Mana ismuihuaj Diospa sumaj ajta turcanauca, ismuihuaj runa samii, pishcuuna, chuscu chaquiyujguna, machacuiuna samiunais.

1:24b.ROM.001.024 Chi raigumanda Dios paigunara cuca irusta rangaj paiguna shungu ucha munaibi, parijumanda paiguna aichara huajlichingaj.

1:25b.ROM.001.025 Diospa cierto shimira turcasha, llulla shimira uyanauca, tucuira raj Diosta randimanda pai rashcaunara alabanauca, ahuayachinauca. Paita alabashca achu huiñaigama. Amen.

1:26b.ROM.001.026 Chi raigumanda Dios chigunara pinganaita munaira rangaj cuca, huarmiuna paigunama cushca rana samira saquisha, mana cushca samira ranauca.

1:27b.ROM.001.027 Shinallara cariuna huarmiunahua puñunara saquisha, salinashca cuenta, irus ucha aicha munaibi caripura pinganaita rasha, paigunajpi paiguna irus rashcamanda paganara apinaun.

1:28b.ROM.001.028 Maspas, imasna paiguna Diosta iyarinara mana munanaupi, Dios paigunara saquica nuspasha causaibi causangaj, mana valijgunara rangaj.

1:29b.ROM.001.029 Tucui manali ranara yapajta ranauca: Shujhua tacarina, irusta rana, cullquira yapajta munana, manalirana, shujpajta munasha ricuna, runara huañuchina, macanauna, umachinauna, manalira rimanauna,

1:30b.ROM.001.030 piñajguna, shimihua huajllchijguna, Diosta chijnijguna, camijguna, mas tucuisiquiuna, Atun mani nijguna, manalira rangaj iyajguna, yayaunara mana uyajguna,

1:31b.ROM.001.031 upauna, shimira mana pactachijguna, shungu Ülajguna, shinzhi shunguuna, mana llaquijguna.

1:32b.ROM.001.032 Caigunaga Diospa taripanara intindisha, imasna casna rajguna huañuna anaun, cai samiunara ranaun, maspas casna rajgunara cariyachinaun.

2

2:1b.ROM.002.001 Chi raigumanda imaras rimanara mana ushanguichu, pi taripaj runas; imais shujta taripangui canllarara causayachingui, can taripaj ashas cai samillara raungui.

2:2b.ROM.002.002 Astaun yachanchi imasna Dios tarípashca ciertomi tucui casna rajgunahua.

2:3b.ROM.002.003 Canga casna rajgunara taripasha, shinallara chi tupullara raungui, ¿iyanguichu can Diospa tarípanamanda quishpishami, nisha?

2:4b.ROM.002.004 Canga, ¿Diospa atun ali shungura, pai ahuantashcaras, paihua chapaisiqui shunguras pishiyachinguichu? ¿Manzhu ricsingui imasna paihua ali shungu canda arrepentiringaj pushamun?

2:5b.ROM.002.005 Astaun camba shungu shinzhi ashcamanda, mana arrepentirishcamanda, piñarinara tandachingui can quiquinbajta, pinariña punzhai, Diospa ali justo taripana ricurina punzhai.

2:6b.ROM.002.006 Diosga caran dueñora pai rashca tupura pagangami:

2:7b.ROM.002.007 Ali rasha rajgunama, sumaj tucunaras, aü shutiras; huiñai causaira mascajgunama Dios huiñai huiñai causaira pagangami.

2:8b.ROM.002.008 Astaumbas camijgunama, cierto shimira mana uyajgunama, astaun manali shimira uyajguna asha, piñanaras piñarinaras pagangami.

2:9b.ROM.002.009 Tormendarinaras, turbarinaras, tucui manali raj runama pagangami, ñaupa punda judiogunama, shinallara griegounamas.

2:10b.ROM.002.010 Astaumbas, sumaj tucunara, ali shutira, cungailla causanara pagashca anga tucui alira rajgunama, ñaupa punda judiogunama, shinallara griegounamas.

2:11b.ROM.002.011 Dios tucui runaunara chi tupullara ricun.

2:12b.ROM.002.012 Tucui ley camachishca shimi illajguna camachishca shimi illajlla huañunaungami. Tucui camachishca shimii causajguna ucharajpiga, camachishca shimimanda taripashca anaunga.

2:13b.ROM.002.013 Ley camachishca shimira uyajgunalla mana ali tucunaunzhu Diospa ñaupajpi, astaun camachishca shimira rajgunami ali tucunaun.

2:14b.ROM.002.014 Gentilguna ley camachishca shimira mana charishallara, shinashas paiguna munaimandalla camachishca shimira pactachisha, caiguna camachishca shimira mana charishas, paiguna quiquinbajllara camachishca shimiyuj tucunaun.

2:15b.ROM.002.015 Paiguna shina rasha, camachishca shimi yachachishcaunara paiguna shungüi quillcashca ajta ricuchinaun, paiguna iyaibi shina rimausha, paiguna iyaiguna huaquingunara causayachisha, huaquingunama lugarda cusha,

2:16b.ROM.002.016 Señor taripana punzhai, imahoras runauna pacashcara Jesucristo tarípangami, ñuca evangelio shhnii rimashcasna.

2:17b.ROM.002.017 Canga, judio shutira charingui, ley camachishca shimiis samaungui, Diospi cushiyaungui,

2:18b.ROM.002.018 can Diospa munaira yachangui, ley camachishca shimii yachachishcamanda, ali ranara munaungui,

2:19b.ROM.002.019 can iyaungui, ñausaunara ricuchij mani, llandui tiajguna punzha mani nisha,

2:20b.ROM.002.020 mana yachajgunara yachachij, huahuaunaras yachachij asha, ley camachishca shimii yachana tupura cierto shimi tupuras charingui.

2:21b.ROM.002.021 Canga, shujta yachachij, ¿manzhu can quiquinllarara yachachiungui? Can, ama shuhuaichu, nisha rimaushallara, canga shuhuangui?

2:22b.ROM.002.022 Can, ama tacarichu nishallara, shujhua tacaringuichu? Can runa rashca diosta chijnishallara, ¿paihua huasira huajlichinguichu?

2:23b.ROM.002.023 Can ley camachishca shimii ahuayasha, leyra mana pactachisha ¿Diosta mana valichinguichu?

2:24b.ROM.002.024 Imasna quillcashca tian: Diospa shutira camishcami gentilgunai cangunaraigumanda.

2:25b.ROM.002.025 Cierto pacha circuncisión nishcara rana valinmi, can ley camachishca shimira huacachijpi, astaumbas can ley shimira mana huacachijpi, can circuncisionda rashca mana valin, circuncisión illaj cuenta tucun.

2:26b.ROM.002.026 Shinajpi, imahoras circuncisión illaj aj ley camachishca ranaunara huacachiun, ¿manzhu chi circuncisión illaj aj ña circuncisionda rana cuenta tucunga?

2:27b.ROM.002.027 Maican runaga pagarimushcamanda circuncisión illaj asha, astaumbas ley camachishca shimira ali pacha huacachisha, canda causayachingami, can ley shimiras circuncisiondas charishallara, ley shimira mana huacachijpi.

2:28b.ROM.002.028 Mana judiochu canzhama aichallai ricurij, shinallara mana circuncisionzhu canzha aichallai ricurij.

2:29b.ROM.002.029 Astaumbas shungu ucumanda aj judio cierto judiomi. Cierto circuncisionga shungu ucuimi, espiritui, mana quillcamandalla. Paihua alabana mana runamandachu, astaun Diosmandami.

3

3:1b.ROM.003.001 ¿Judio runa imaira yalin? ¿imajta valin circuncisión?

3:2b.ROM.003.002 Ashcami, tucuibi. Ñaupa punda, paigunama Diospa shimira cushca aca.

3:3b.ROM.003.003 ¿Paigunamanda huaquinguna mana quirijguna ashca, imarai? ¿Paiguna mana quiríshcaga Diospa cierto shimira huajlichingachu?

3:4b.ROM.003.004 Mana pacha. Astaumbas, Dios cierto achu, maspas tucui runa llullaj achu, imasna quillcashcasna: Can ali tucuchu can tucui rimaushcaunai, vencingaj canda tarípaushcais.

3:5b.ROM.003.005 Shinajpi, ñucanchi ucharashca Dios ali ajta yalichisha, ¿imara nishun? ¿Manzhu Dios manali anga ucharashcara livachisha? Runasna rimauni.

3:6b.ROM.003.006 Mana pacha. Shina tucujpi, ¿imasnara Dios mundura taripanma?

3:7b.ROM.003.007 Astaun, ñuca llullamanda, Dios cierto ajta yalichishca ajpi paita ahuayachingaj, ¿imarasha ñuca chara uchayuj cuenta taripai tucunichu?

3:8b.ROM.003.008 Shinallara, ¿imarasha mana nishun: Uchara rangaichi ali tucungaj? Huaquingunaga ñucanchira caminaun, paiguna casnami rimanaun, nisha. Paiguna causayachina ali anmaca.

3:9b.ROM.003.009 Shinajpi, ¿imarai? ¿Ñucanchiga, paigunara yalinchichu? Mana pacha. Ña causayachishcanchi judiogunaras gentilgunaras imasna paiguna tucui ucha mandashcai tianaun.

3:10b.ROM.003.010 Imasna quillcashca tian: Ali runa illan, mana shujllas tian.

3:11b.ROM.003.011 Illan intindij runa, Diosta mascajpas illan.

3:12b.ROM.003.012 Tucui anzhurinaushca, pariju mana valijguna tucunaushca. Alira rajga illan, mana shujpas tianzhu.

3:13b.ROM.003.013 Paiguna tunguri pascaríshca pambana uctusna; calluhua umachinaun; machacui ambi paiguna shimii tian;

3:14b.ROM.003.014 Paiguna shimi manali shimihuas ayaj shimihuas undajta tian.

3:15b.ROM.003.015 Paiguna chaquiuna uctalla callpanaun yahuarda talingaj.

3:16b.ROM.003.016 Tularinas llaquirinas paiguna ñambiunai tianaun.

3:17b.ROM.003.017 Cushi causana nambira mana ricsinaushcachu.

3:18b.ROM.003.018 Paiguna ñahui ñaupajpi, Diosta manzhana mana tianzhu.

3:19b.ROM.003.019 Shinajpi, caita yachanchi: Ley tucui ima rimashcaras ley mandashcai tiajgunama riman; tucui shimi ishcarichu, tucui mundu Dios taripanai tiachu.

3:20b.ROM.003.020 Ley shimira pactachina ranaunahua pi aichas mana alichishca tucunzhu Diospa ñaupajpi. Leymandaga uchara ricsi tucunmi.

3:21b.ROM.003.021 Cuna leymanda chican, Dios alichishca ricurimunmi, ley nishca shimiis Diosmanda rimajguna shimiunais rimashcami.

3:22b.ROM.003.022 Caimi Dios munashca ali causana, Jesucristoi quirishcamanda tucui paita quirijgunama, mana pitas chicanyachisha.

3:23b.ROM.003.023 Tucui runauna ucharanaushcami, Diospa sumajmanda anzhurinaushcami;

3:24b.ROM.003.024 Astaun, yangamanda alichishca anaun, Diospa gracia nishca yangamanda llaquishcaraigu, Cristo Jesús paigunara randishcamanda.

3:25b.ROM.003.025 Paitaga Dios ricuchica shu pagana cuenta, paihua yahuar talirishcamanda, quirishcah.ua chasqui tucungaj. Caitaga Dios rarca paihua ali shungura ricuchingaj, ñaupa horas ucha rashcaunara mana ricushcaraigu, pai chapaisiqui ashcamanda,

3:26b.ROM.003.026 cai horasllai, Dios pai ali ashcara ricuchingaj; paiga ali tucuchu, shinallara Jesuspi quirijgunara alichingaj.

3:27b.ROM.003.027 Shinajpi, ¿alabarina tiangachu? Illan. ¿Ima sami leymanda? ¿Ali ranauna leymandachu? Mana, astaumbas shu quirina leymandami.

3:28b.ROM.003.028 Shinasha ricsinchi imasnara shu runa ali tucun pai quirishcamandalla, ley ranauna illaj.

3:29b.ROM.003.029 Diosga, ¿judiogunajllachu? ¿Manzhu shinallara gentilgunajpas? Cierto, shinallara gentilgunajpa Diosmi.

3:30b.ROM.003.030 Diosga shujllami. Pai circuncisionda apijgunara shinallara mana apijgunaras alichingami paiguna quirishcamanda.

3:31b.ROM.003.031 Shinajpi, ¿ley shimira tulanchichu quirinamanda? Mana pacha, astaun ley shimira shinzhiyachinchi.

4

4:1b.ROM.004.001 Ñucanchi yaya Abrahanmandaga, ¿imara nishun pai aichai rashcaunamanda? Paiga, ¿imara tupacachu?

4:2b.ROM.004.002 Abraham, pai rashcaunamanda ali tucushca asha, charinmi alabaringaj, astaumbas mana Diospa ñaupajpi.

4:3b.ROM.004.003 ¿Quillcashcaiga, imara nin? Abraham Diospi quirica, nin, chimanda alimi nisha rimashca aca.

4:4b.ROM.004.004 Tarabaj runama, pai ganashca cullqui mana cuyashcasna iyanachu, astaun dibishcamanda.

4:5b.ROM.004.005 Maicans, mana tarabajpi, astaun manalira rajta alichij Diospi quirijpi, paihua quirina ali tucunami nishca anga.

4:6b.ROM.004.006 Imasna David shinallara riman: Cushimi shu runa imahoras ali ranaunara mana ricujllaira, Dios paita, Alimi angui, nin.

4:7b.ROM.004.007 Casna nisha: Cushiunami maicanguna ucharashcaunara perdonashca asha, maicanguna uchaunara quillpashcami.

4:8b.ROM.004.008 Cushimi maican runa Señor paita mana: Uchayuj angui, nijpi.

4:9b.ROM.004.009 ¿Cai cushi tucushcaga, circuncisionda apijgunamallachu? ¿manzhu shinallara circuncisionda mana apijgunamas? Ña nishcanchi Abraham quirishcaga ali tucuna iyashca aca.

4:10b.ROM.004.010 ¿Imahoras pai ali tucushca iyashcachu aca? ¿pai circuncisionda rashca huashai, pai circuncisionda manara rashcai? Mana pai circuncisionda rashca huashai, astaumbas manara rashcai.

4:11b.ROM.004.011 Abraham circuncisionda apica shu ricuchina cuenta, pai ñaupa horas quirishcamanda ali tucushca cierto ajta ricuchingaj, pai circuncisionda manara apijllaira. Chasna maca Abraham tucui circuncisionda mana apijgunamanda yaya tucungaj, paigunajmas paiguna quirina ali tucushca iyashca achu.

4:12b.ROM.004.012 Shinallara yaya tucuca circuncisionda apijgunama, mana circuncisionllara apijgunamas, astaun shinallara ñucanchi yaya Abraham quirishca aitaushcai catijgunamas, imasna pai circuncisionda manara apishcai quirij aca.

4:13b.ROM.004.013 Dios cushca shimira Abrahanmas paihua miraigunamas mana cushcachu aca pai ley shimira pactachishcamanda, pai mundura apij tucungaj, astaun pai Diospi quirisha ali tucushcamanda.

4:14b.ROM.004.014 Shinajpi, ley shimira catijguna herederos nishca apijguna tucujpiga, quirina mana valinzhu, shimi cushcas mana sirvinzhu.

4:15b.ROM.004.015 Leyga piñarinara apamun, astaun ley illajpi, uchas shinallara illanmi.

4:16b.ROM.004.016 Chiraigumanda Dios cushca shimira quirijgunama cushca aca, yanga llaquishcamanda cui tucungaj, shinallara cierto tucungaj tucui Abraham miraigunama. Mana leyra rajgunamalla cushca aca, astaun quirijgunamas, imasna Abraham quirishcasna. Shinajpi Abraham tucui ñucanchi yaya tucun,

4:17b.ROM.004.017 pai quirishca Diospa ñaupajpi; imasna quillcashca tian: Canda ashca llactauna yayara churashcani. Diosga huañushcaunama causaira cun, shinallara illajgunara cayaun tiajgunara cuenta.

4:18b.ROM.004.018 Abrahanga, ima chapanaras mana charisha, chapashallara quiriuca, ashca llactaunahua yaya tucungaj, paita rimashcasna: Chasnallara camba miraiguna tucunaungami, nisha.

4:19b.ROM.004.019 Paiga mana sambayacachu pai quiriushcai, shinallara paihua aicha ña huañushcasna ajta mana riparacachu, pai ñaca patsac huatayuj ashallara, shinallara Sara huahua ricuna aicha huañushcaras mana riparacachu.

4:20b.ROM.004.020 Shinallara pai Dios cushca shimira quiricami. Pactaringami, nisha. Maspas quirisha, pai shinzhi tucuca, Diosta ahuayachisha.

4:21b.ROM.004.021 Abraham ali pacha yachaca imasnara tucui imaras Dios rasha nishcara, paihua shimira cusha, paimi ali pacha ushaca pactachingaj.

4:22b.ROM.004.022 Chiraigu pai quirishcamanda Dioshua alimi nishca aca.

4:23b.ROM.004.023 Cai shimi mana pai quiquinmallara quillcashcachu aca, pai alimi nishca asha,

4:24b.ROM.004.024 astaun ñucanchimas, cai ali tucushca ñucanchimas iyashca anga, ñucanchi Señor Jesusta huañushcaunamanda atarichij Diospi quirijgunama.

4:25b.ROM.004.025 Paiga ñucanchi manali rashcaunamanda cushca aca, maspas causachishca aca ñucanchi alichishcauna tucungaj.

5

5:1b.ROM.005.001 Dioshua alichishcauna manchi ñucanchi quirishcamanda, cushiras charinchi Dioshua, ñucanchi Señor Jesucristomanda.

5:2b.ROM.005.002 Paimanda caí gracia nishca Dios llaquihuashcara apishcanchi quirishcamanda, chihui shinzhi shayarinchi shinallara cushiyanchi Diospa sumajta chapausha.

5:3b.ROM.005.003 Maspas, tormendarishcaunai cushiyanchi, caita yachasha: Tormendarinauna ahuantaj shungura iñachin;

5:4b.ROM.005.004 Ahuantaj shungura Dios alimi nin; Dios ali nishca shungumanda chapana iyai iñan;

5:5b.ROM.005.005 Shinallara chapana iyai mana pingachinzhu, Dios llaquishcara ñucanchi shungüi talishca aca ñucanchima cushca Santo Espiritumanda.

5:6b.ROM.005.006 Ñucanchi chara irqui tono ajllaira, Dios cushca horaspi, Cristo manalúmamanda huañuca.

5:7b.ROM.005.007 Ali runa randimanda shu runa huañunma chari. Astaun shu ali shungu runamanda, shu runa huañusha ninma.

5:8b.ROM.005.008 Astaumbas Dios pai quiquin llaquishcara ñucanchima ricuchin, ñucanchi chara uchayujguna ajllaira, Cristo ñucanchi randimanda huañuca.

5:9b.ROM.005.009 Maspas, ñucanchi cuna Dioshua ali tucusha Cristo yahuarmanda, paimanda Dios piñarishcara quishpishun.

5:10b.ROM.005.010 Ñucanchi, chijnijguna ashallara, Dioshua amigopura tucucanchi paihua Churi huañushcaraigu, astaun mas cuna amigopura asha, quishpichi tucushun pai causashcamanda.

5:11b.ROM.005.011 Maspas, Diospi cushiyanchi, ñucanchi Señor Jesucristomanda, cunaga paimanda amigopura tucushcanchi.

5:12b.ROM.005.012 Chiraigumanda imasna shu runamandalla ucha mundui icuca, uchamanda huañuis icuca, shinallarami huañui tucui runaunama shamuca, paiguna tucui ucharashcamanda,

5:13b.ROM.005.013 Ley shimi manara tiaushcai, ucha mundui tiauca, astaumbas ley illajpi, ucha mana ricurinzhu.

5:14b.ROM.005.014 Shinajllaira huañui mandaca Adanmanda Moisesgama, Adán ucharashca samira mana rajgunamas. Adanga huasha shamungarau Ruñara ricuchijmi.

5:15b.ROM.005.015 Dios yanga cuyashcaga mana ucha samichu aca. Shu runa manali rashcamandalla ashcauna huañunauca, maspas ashcaunama Diospa gracia nishca yangamanda llaquishca yaparica. Shinallara Dios cuyashca shu runa yanga llaquishcamanda yaparica. Cai runa Jesucristomi.

5:16b.ROM.005.016 Shinallara Dios yangamanda cuyashca mana shu runa ucharashca cuentallachu aca. Taripana cierto pacha shu uchamanda shamuca, causayachingaj, astaun Dios cuyashcaga ashca uchauna raigumanda shamuca runaunara Dioshua alichishca tucungaj.

5:17b.ROM.005.017 Shu runa ucharashcamandalla, huañui mandaca. Cunaga maspas shu sapalla Jesucristomanda ashca gracia nishcaras Dioshua alichina cuyashcaras apijguna causaibi mandanaungami.

5:18b.ROM.005.018 Shinajpi, imasna shu ucharashcamandalla taripana tucui runaunama shamuca causayachingaj, shinallara shu ali ranara rashcamandalla gracia nishca shamuca tucui runaunama, paiguna causaibi Dioshua alichishca tucungaj.

5:19b.ROM.005.019 Chi raigumanda imasna shu runa mana casushcamandalla ashcauna uchayuj tucunauca, shinallara shu Runa casushcamandalla ashcauna Dioshua ali tucunaungami.

5:20b.ROM.005.020 Ley shimiga icucami uchara yapachingaj, astaumbas ucha mirarijpi gracia nishca Dios yangamanda llaquishca yalijta yaparica.

5:21b.ROM.005.021 Shinajpi, imasna ucha mandaca huañunagama, shinallara gracia mandachu Dios alichishca causanamanda huiñai causaigama, ñucanchi Señor Jesucristomanda.

6

6:1b.ROM.006.001 Shinajpi, ¿imara nishun? ¿uchara rasha catishunzhu gracia nishca yaparingaj?

6:2b.ROM.006.002 Mana pacha. Ñucanchi ucharangaj huañushcauna asha, ¿imarasha cuti ucharanai causashun?

6:3b.ROM.006.003 ¿Manzhu yachanguichi imasna tucui ñucanchi Cristo Jesuspi bautisashcauna paihua huañuibi bautisashca acanchi?

6:4b.ROM.006.004 Paihua pariju pambashca anchi huañuibi ñucanchi bautisarishcai. Imasna Cristo huañushcaunamanda causarimuca Yaya sumaj ushanamanda, shinallara ñucanchi mushuj causaibi purishunchi.

6:5b.ROM.006.005 Ñucanchi Cristohua pariju tarpushca ashaga pai huañushca tonoi, shinallara paihua pariju ricurimushun pai causarishca tonoi.

6:6b.ROM.006.006 Caita yachanchi: Ñucanchi rucu runa, ñucanchi rucu causai, Cristohua pariju chacatashca aca, ucha aicha tucuchingaj, ñucanchi ama mas ucharanara sirvingaj.

6:7b.ROM.006.007 Huañushca runaga ucharanamanda ña alichishcami.

6:8b.ROM.006.008 Ñucanchi Cristohua pariju huañushaga, paihua pariju causashun nisha, quirinchi.

6:9b.ROM.006.009 Caita yachasha: Cristo huañushcaunamanda causarishca asha, mana cuti huañunzhu. Huañui paita cuti mana mandanzhu.

6:10b.ROM.006.010 Cristo huañushca ashaga, uchamanda huañuca shu cutilla, astaun pai cuna causaushca causana Diospajta causaun.

6:11b.ROM.006.011 Shinallara canguna cierto pacha ucharangaj huañushca mani nisha iyaichi, astaun Diospajta causajguna, ñucanchi Señor Jesucristoi.

6:12b.ROM.006.012 Ucharana ama mandachu canguna huañunalla aichai, pai manali munashcaunara uyangaj.

6:13b.ROM.006.013 Shinallara canguna aicha partiunara uchara rangaj ama cuichichu; astaun cangunallara Diosma cuichi, huañushcaunamanda causajguna cuenta, canguna aicha partiunara shinallara Diosma cuichi aliranara rangaj.

6:14b.ROM.006.014 Uchaga cangunara mana mandangachu, canguna mana ley shimi mandashcai tiaunguichichu, astaumbas gracia nishca yangamanda llaquishcai.

6:15b.ROM.006.015 Shinajpi, ¿imarai? ¿Uchara rashunzhu ñucanchi mana ley ucui tiausha, astaun gracia nishcai? Mana pacha.

6:16b.ROM.006.016 ¿Manzhu yachanguichi imasna punas canguna aichara cunguichi paita uyangaj, paihua sirvijguna tucunguichi, canguna paita uyasha, uchara sirvijguna asha huañungaj, casujguna asha aliuna tucungaj?

6:17b.ROM.006.017 Shinashas Diosta agrasinchi imasna canguna ñaupa horas uchara sirvijguna acanguichi, cunaga shungumanda cai yachana samira uyashcanguichi, cai yachanama entregashca acanguichi catingaj.

6:18b.ROM.006.018 Canguna uchamanda llushpichishca asha, ali ranara sirvijguna tucushcanguichimi.

6:19b.ROM.006.019 Runasna rimauni, canguna aicha irqui sami ashcaraigu. Imasna ñaupa canguna aichara cucanguichi irus ranara manali ranaras sirvisha irus tucungaj, shinallara cuna canguna aichara cuichi ali ranara sirvingaj, canguna chuyaj tucungaj.

6:20b.ROM.006.020 Shinajpi canguna ucharanara sirvina horaspi, ali ranamanda liuriuna acanguichi.

6:21b.ROM.006.021 ¿Imara pallacanguichi chi tupui causashcamanda, canguna chigunamanda cuna pingarisha? Casna ranauna huañuibi tucurinaun.

6:22b.ROM.006.022 Cuna horasga, ucharanamanda llushpichishca asha, Diosta sirvijguna tucusha, canguna chuyajguna tucunguichi, puchucaibi huiñai causaira charinguichi.

6:23b.ROM.006.023 Uchamanda pagana huañuimi, randi Dios yangamanda cuyashcaga huiñai causaimi, ñucanchi Señor Jesucristoi.

7

7:1b.ROM.007.001 Manzhu yachanguichi, uquiuna, imasna ley camachishca shimi runara mandan tucui pai causana punzhaunai? Ley shimira yachajgunama quillcauni.

7:2b.ROM.007.002 Cariyuj huarmiga carira uyana anga pai causaushca horaspi, ley mandashcamanda. Astaumbas cari huañujpi, huarmi llushpirishca anga cari mandanamanda.

7:3b.ROM.007.003 Shinasha, cari causaupi, huarmi shu carihua llutarijpi, shujhua tacarij nishca anga, astaumbas cari huañujpi, huarmi chi leymanda llushpirishcami, mana shujhua tacarij anga shu carihua llutarijpi.

7:4b.ROM.007.004 Shinallara canguna, ñuca uquiuna, huañushca anguichi ley ñaupajpi, Cristo aichai huañushcaraigu, canguna shujpa tucungaj, huañushcaunamanda atarijpa, ñucanchi Diospajta aparishca muyura cuenta apar ingaj.

7:5b.ROM.007.005 Ñucanchi aichai causaushcai, leymanda ucha munai ñucanchi aichai tarabasha, huañuira apachica.

7:6b.ROM.007.006 Cunaga, leymanda llushpichishca anchi, ñucanchira mandaj

7:7b.ROM.007.007 Shinajpi, ¿imara nishun? ¿leyga uchachu? Mana pacha. Astaumbas ley illajpi ñuca uchara mana yachaimacani. Shinallara shujpajta munanara mana yachaimacani ley mana nishca ajpi: Ama shujpajta munaichu.

7:8b.ROM.007.008 Uchaga, leymanda valirisha, tucui shujpajta munanaras icuchica ñuca shungüi. Ley illajpiga, ucha huañushcami.

7:9b.ROM.007.009 Shinashas, ñuca ñaupa horas leyra mana riparasha causaucani, astaumbas ley camachishca shimi shamujpi, ucha causarica, ñuca huañucani.

7:10b.ROM.007.010 Shinajpi caita taricani: Camachishca shimi causaira cungaj iyashca asha, ñucara huañuchica.

7:11b.ROM.007.011 Uchaga, camachishcaunamanda valirisha, ñucara umaca, camachishcaunamandas ñucara huañuchica.

7:12b.ROM.007.012 Shinajpi ley shimi cierto pacha chuyajmi, shinallara camachishca shimi chuyajmi, alimi, valijmi.

7:13b.ROM.007.013 ¿Leyga, ali ashallara huañuna tucucachu ñucahua? Mana pacha. Astaun uchaga, pai irus ajta ricuchingaj, ley ali ashallara ñucajta huañunara rarca. Chasna maca camachishcaunamanda ucha irus tupu yapajta irus ajta ricuchica.

7:14b.ROM.007.014 Yachanchi imasna ley espirituma riman, ñucaga aichalla mani, ucha ranama catushca.

7:15b.ROM.007.015 Ñuca rashcara mana intindinichu, ñuca munashcaraga mana raunichu; astaun ñuca chijnishcara, chita rauni.

7:16b.ROM.007.016 Ñucaga ñuca mana munashcara rausha ley ali ashcara ricsini.

7:17b.ROM.007.017 Shinajpi, mana ñucachu chita rauni, astaun ñuca aichai tiaj^ucha chita raun.

7:18b.ROM.007.018 Ñuca yachani imasna ñucajpi, ñuca aichai, ali rana mana tianzhu. Ñuca ali rana munaira charini, astaumbas alira rangaj mana pactanichu.

7:19b.ROM.007.019 Ñucaga, ñuca munashca alira mana raunichu, astaun ñuca mana munashca manalira, chillara rauni.

7:20b.ROM.007.020 Ñucaga, ñuca mana munashcara rasha, mana ñucachu rauni, astaumbas ñuca aichai tiaj ucha, chita raunmi.

7:21b.ROM.007.021 Shinajpi, ñuca alira rasha nisha, cai ley shimira tupauni: Manalirana ñucajpi tian.

7:22b.ROM.007.022 Ñuca shungu ucui, Diospa ley shimii cushiyauni.

7:23b.ROM.007.023 Shinajpi, shu ley shimira ricuni ñuca aicha partiunai, caiga ñuca iyaibi tiaj ley shimihua macanun, ñucara apisha nin, ñuca aicha partiunai tiaj ucharana leyra rangaj.

7:24b.ROM.007.024 ¡Pogri runami ani! ¿Pita ñucara cai huañuna aichamanda llushpichihuangachu?

7:25b.ROM.007.025 Diosta agrasini, ñucanchi Señor Jesucristomanda. Shina tucunmi: ñuca iyaibi Diospa leyra sirvini, astaumbas ñuca aichai ucharana leyra sirvini.

8

8:1b.ROM.008.001 Cunaga, Cristo Jesuspi tiajguna ima causaras mana charinaunzhu, mana aicha munaira catisha astaun Espiritura.

8:2b.ROM.008.002 Espíritu mandashca ley, Cristo Jesuspi causaira cusha, ñucara llushpichihuaca ucharana leymandas huañuna leymandas.

8:3b.ROM.008.003 Ley shimi mana ushashcara, irqui tucujpi aicha mana valishcamanda, Dios chita rarca, paihua Churira cachasha uchayuj aicha samii, ucha raigumanda. Shina rasha Dios uchara causayachica aichai.

8:4b.ROM.008.004 Dios chita rarca, ñucanchi Espíritu munashcai purijguna asha, mana aicha munashcai, ñucanchi ley shimii alira camachishcara pactachingaj.

8:5b.ROM.008.005 Aicha munaira catijguna aicha munaira iyanaun, randi Espíritu munaira catijguna Espíritu munaira iyanaun.

8:6b.ROM.008.006 Aicha munaira iyana huañuimi, randi Espíritu munaira iyana causaimi, cushi shungumi.

8:7b.ROM.008.007 Aicha munaira iyana Diosta chijnin, Dios camachishca shimira mana uyan, mana ushan.

8:8b.ROM.008.008 Shinasha aicha munaibi causajguna Diosta cushiyachinara mana ushanaun.

8:9b.ROM.008.009 Cangunaga mana aicha munaibi causaunguichichu, astaumbas Espíritu munaibi, Diospa Espíritu canguna ucui causaupi. Maicans Cristo Espiritura mana charisha, mana paihuajmandachu.

8:10b.ROM.008.010 Astaun Cristo cangunajpi tiaupi, aicha cierto pacha huañushcami ucharaigu, randi espíritu causaun ali ashcaraigu.

8:11b.ROM.008.011 Jesusta huañushcaunamanda causachij Espíritu canguna ucui causausha, Cristo Jesusta huañushcaunamanda causachij Dios shinallara canguna huañunalla aichara causachingami paihua Espiritumanda, pai canguna ucui tiaupi.

8:12b.ROM.008.012 Shinajpi, uquiuna, mana dibiyujchu anchi aichama, aicha munaibi causangaj.

8:13b.ROM.008.013 Canguna aicha munaibi causausha huañunguichimi, astaumbas Espiritumanda aicha ranaunara huañuchisha, causaunguichimi.

8:14b.ROM.008.014 Tucui Diospa Espíritu pushashcauna, caigunami Diospa churiuna anaun.

8:15b.ROM.008.015 Canguna esclavo cuenta sirvina iyaira mana apicanguichi cuti manzhaihua tiangaj, astaun churi cuenta apiña iyaira, Abba, Yaya, nisha caparingaj.

8:16b.ROM.008.016 Quiquin Espiritullara ñucanchi espiritui riman imasna ñucanchi Diospa churiuna manchi.

8:17b.ROM.008.017 Ñucanchi churiuna ashaga, shinallara herederos nishca apijguna anchi, Diosmanda cushcara apijguna; Cristohua pariju apijguna anchi, ñucanchi paihua pariju tormendachishca ajpi, paihua pariju sumacyachishca angaj.

8:18b.ROM.008.018 Caita cierto pacha yachani: ñucanchi cuna horas tormendarishca mana imaschu, astaun ñucanchi huasha horas ricurij sumacyachishca ashcami valin.

8:19b.ROM.008.019 Munai munaihua tucui Dios rashcauna Diospa churiuna ricurimunara chapanaun.

8:20b.ROM.008.020 Tucui Dios rashcaunaga mana valij tucunauca, mana paiguna munaimanda astaun casna raj Diospa munaimanda, pai chapanahua shina rasha.

8:21b.ROM.008.021 Tucui Dios rashcaunara shinallara ismunamanda llushpichishca anaunga ama chita sirvingaj, Diospa churiuna gusto sumaj Hurí tucushcai icungaj.

8:22b.ROM.008.022 Yachanchi imasna shu huarmi huahuahua nanachijpi, shinallara tucui Dios rashcauna pariju nanachinaun cunagama.

8:23b.ROM.008.023 Mana chigunalla, astaun ñucanchis, Espiritura charijguna, ñaupa punda aparishca cuenta, shinallara shungu ucui, huacanchi; Dios ñucanchira churiunasna apingaraushcara chapaunchi, caimi ñucanchi aichara cuti randina.

8:24b.ROM.008.024 Chapausha quishpichi tucucanchi, astaun ima ricurijtas mana chapanallachu. ¿Ricuríjtaga imarasha chapana?

8:25b.ROM.008.025 Randi, ñucanchi mana ricurijta chapausha, ahuantasha chapaunchimi.

8:26b.ROM.008.026 Shinallara Espíritu ñucanchi irqui ajta yanapaun, imasna ñucanchi ministishcara mañangaj mana ali yachanchichu, astaun quiquin Espíritu ñucanchimanda mañaun, mana rimaihuaj shimihua rugasha.

8:27b.ROM.008.027 Astaumbas, shungura ricuj Dios Espíritu munashcara yachan. Espirituga quirijgunamanda mañaun, Dios munashcasna.

8:28b.ROM.008.028 Yachanchi imasna Diosta llaquijgunama tucui pariju yanaparín ali tucungaj, pai munashcamanda cayashcaunama.

8:29b.ROM.008.029 Pai ñaupamanda ricsishca runaunara ajllaca, paihua Churisna ricurijguna tucungaj, Churiga ashca uquiunamanda ñaupa punda pagarij tucungaj.

8:30b.ROM.008.030 Ajllashcaunara shinallara cayaca, cayashcaunara alichica, alíchishcaunara shinallara sumacyachica.

8:31b.ROM.008.031 ¿Caimandaga, imara nishun? Dios ñucanchihua tiajpi ¿pita ñucanchihua contra tucungai?

8:32b.ROM.008.032 Dios paihua quiquin Churira mana mitsacachu, astaun paita cuca tucui ñucanchi randimanda, ¿manzhu paihua pariju tucuira ñucanchima cuyangai?

8:33b.ROM.008.033 ¿Pita píos ajllashcaunara causayachingachu? Diosga alichijmi.

8:34b.ROM.008.034 ¿Pita ñucanchira causayachingachu? Cristo huañushca, causarishca, maspas Diospa ali maquii tiaun, paiga shinallara ñucanchimanda mañaun.

8:35b.ROM.008.035 ¿Pita ñucanchira anzhuchingai Cristo llaquishcamanda? ¿Tormendarina, huacana, yarcai, llatan tucuna, huañuna, sauli—caiguna anzhuchihuanaungachu?

8:36b.ROM.008.036 Imasna quillcashca tian: Camba raigumanda tucui punzha huañuchishca manchi. Huañuchina borregounasna iyashca manchi.

8:37b.ROM.008.037 Astaun cai tucuibi yalijta vencijguna manchi, ñucanchira llaquij Cristo raigumanda.

8:38b.ROM.008.038 Chi raigumanda, cierto yachani imasna huañuna, causana, angelguna, atunguna, ushajguna, cuna horas tiajguna, huasha horas shamujgunas,

8:39b.ROM.008.039 ahuai tiaj, ucui tiajpas, ima causajpas, mana ñucanchira anzhuchinara ushanzhu Diospa llaquinamanda, caí llaquinaga Cristo Jesús ñucanchi Señorbimi.

9

9:1b.ROM.009.001 Cierto shimira rimauni Cristoi, mana llullanichu. Ñuca iyai casnami riman Santo Espiritui.

9:2b.ROM.009.002 Asneara llaquiriuni, nanashalla catihuan ñuca shungüi.

9:3b.ROM.009.003 Ñuca uquiunara llaquishcamanda, paiguna aichai ñuca aillu asha, ñucallara munaimacani maldiciashca angaj, Cristomanda anzhurí tucungaj.

9:4b.ROM.009.004 Israélguna anaun, paigunamandami churisna apiña, sumaj tucuna, Dioshua pactachishca shimi, camachishca shimira cushcas, alabanas, Dios cushca shimiunas.

9:5b.ROM.009.005 Paigunajmi yayauna, paigunamandami Cristo shamuca, paihua aichai. Cristoga quiquin Diosmi, tucui ahuara tiaj, huiñai huiñaigama bendiciashca. Amen.

9:6b.ROM.009.006 Mana ciertochu Diospa shimi mana valij tucushca. Mana tucui Israelmanda mirajguna quiquin Israel runaunachu.

9:7b.ROM.009.007 Shinallara Abrahanmanda miraiguna ashas, mana tucui Abrahamba churiunachu; astaumbas nin: Isacmanda pagarijgunaga quiquin miraigunami nishca anga.

9:8b.ROM.009.008 Caita nisha nin: Aichamanda churiuna mana Diospa quiquin churiunachu, astaun cushca shimimanda churiuna caigunami quiquin miraiguna.

9:9b.ROM.009.009 Cushca shimi casnami nin: Paihua tiempoi shamushami, Sara shu churira charingami.

9:10b.ROM.009.010 Maspas: Rebeca shinallara shu carumanda ishqui huahuara tupaca, ñucanchi yaya Isacmanda.

9:11b.ROM.009.011 Shinajpi, huahuauna manara pagarijllaira, manara ima aliras manaliras rajllairas, Dios munashca pai ajllashcasna tucuchu, mana rashcaunamanda astaun Dios cayashcamanda,

9:12b.ROM.009.012 rimashca aca: Ñaupa punda churi quipara sirvingami, nisha.

9:13b.ROM.009.013 Imasna quillcashca tian: Jacobda llaquicani, Esáuraga chijnicani.

9:14b.ROM.009.014 Shinashas, ¿imara nishun? ¿Dios mana alichu? Mana pacha.

9:15b.ROM.009.015 Astaumbas Dios Moisesta nin: Maicandas llaquisha, llaquishami; maicandas yanapasha, yanapashami.

9:16b.ROM.009.016 Chi raigumanda, mana munajmandachu, mana camajmandachu, astaumbas Dios llaquishcamandami.

9:17b.ROM.009.017 Quillcashcai Faraonma nin: Cai quiquin raigumanda canda sicachishcani, canmanda ñuca ushaira ricuchingaj, ñuca shuti rimai tucuchu entero mundui.

9:18b.ROM.009.018 Shinashas, Dios maicanda llaquisha nisha llaquin, maicandas shungura shinzhiyachisha nisha shinzhiyachin.

9:19b.ROM.009.019 Rimahuanguimi: Shinasha, ¿imaraigu piñarinzhu? ¿Pi paihua munaira arcanzhu?

9:20b.ROM.009.020 Astaumbas can, runa, ¿Pitangui can Diosta cutipangaj? Allpa mangaga paita llutajta ningachu: ¿Imaraigu ñucara casna llutahuashcangui?

9:21b.ROM.009.021 ¿Manzhu llutaj huarmi ushaira charin mangallpamanda shu inu mangara llutangaj, mañasha shu yanga mangara?

9:22b.ROM.009.022 ¿Imarai, Dios pai piñashcara ricuchisha nijpi, pai ushanara yachachisha nijpis, unaira chapasha piñana ajgunara ahuantaca, tucuchingaj puruntushcaunara,

9:23b.ROM.009.023 shinallara paihua sumajta ashca valij tupura yachachisha nisha, pai llaquishcaunama ricuchica, ñaupa horasmanda puruntushcaunama, paigunara sumacyachingaj?

9:24b.ROM.009.024 Ñucanchi chiguna manchi, pai cayashcauna, mana judiogunamandallachu, astaumbas gentilgunamandas.

9:25b.ROM.009.025 Imasna shinallara Oseaspa quillcai nin: Mana ñuca runauna ajgunara, ñuca runaunami nishami; mana llaquishcaunaras llaquishcaunami, nishami.

9:26b.ROM.009.026 Shinallara maibi rimashca aca: Canguna mana ñuca runauna anguichichu, nijpi, chihui nishca anga: Causaj Diospa churiunami.

9:27b.ROM.009.027 Shinallara Isaías, Israelgunamanda caparisha nin: Israel churiuna lamar tiyu cuenta yupashca asha, shinajllaira puchujgunalla quishpichi tucunaungami;

9:28b.ROM.009.028 Señorga pai causayachishcara mundui pactachingami alira rashas, uctalla rashas.

9:29b.ROM.009.029 Shinallara imasna Isaías ñaupara nica: Ejercitounamanda Señor ñucanchijta shu miraira mana saquishcajpiga, Sodoma cuenta tucunchi maca, Gomorra cuenta ricurimunchimaca.

9:30b.ROM.009.030 Shinajpi, ¿imara nishun? Gentilguna ali causanara mana catijguna asha, ali tucunama pactamunaushca, caimi quirinamanda ali tucuna.

9:31b.ROM.009.031 Astaumbas, Israel ali tucuna ley shimira catijguna asha, mana pactamunauca chi ali tucuna leyra.

9:32b.ROM.009.032 ¿Imaraigumanda? Paiguna catimunauca mana quirinahua astaun ley shimimanda ranaunahua. Chi raigumanda, nijtana rumii nijtasha cuenta urmanauca.

9:33b.ROM.009.033 Imasna quillcashca tian: Caiga Sión llactai shu nijtana rumira churauni, shu urmachina rumiras. Maicans paihuajpi quirisha mana pingaringachu.

10

10:1b.ROM.010.001 Uquiuna, cierto pacha ñuca shungüi munasha, Diosta mañauni Israelmanda, paiguna quishpingaj.

10:2b.ROM.010.002 Ñuca paigunamanda nini, Diosta ashcara llaquinaunmi, astaun mana yachanahua.

10:3b.ROM.010.003 Paigunaga Dios cushca ali tucunara mana ricsisha, paiguna quiquin rashca ali tucunara catisha nisha, Diosmanda ali tucunara mana uyanaucachu.

10:4b.ROM.010.004 Cristo ley shimira tucuchishcami, tucui paita quirij runa ali tucuchu.

10:5b.ROM.010.005 Moisés leymanda ali tucunara cuentan, casna nisha: Caigunara raj runa paigunamanda causanga.

10:6b.ROM.010.006 Astaun quirinamanda ali tucuna casnami nisha nin: Ama nichu camba shungüi: ¿Pi ahuama sicangachu? (Caimi nin, Cristora irguchingaj);

10:7b.ROM.010.007 shinallara, ¿Pi ucuma irgungachu? (Caimi nin, Cristora huañushcaunamanda sicachingaj.)

10:8b.ROM.010.008 Astaun, ¿imara nin? Rimashca shimi camba mayanllaimi,

10:9b.ROM.010.009 Casnami nin: Camba shimihua rimausha, Jesús Señormi, nisha, shinallara camba shungüi Dios Cristora huañushcaunamanda causachishcara quirisha, quishpichishca angui.

10:10b.ROM.010.010 Corazonhua runa quirin ali tucungaj, shinallara shimihua riman, quirinimi nisha, quishpi tucungaj.

10:11b.ROM.010.011 Quillcashcai shinami nin: Pi runas paihuajpi quirisha mana pingaringachu.

10:12b.ROM.010.012 Mana chican chicanzhu judiogunahua grieogunahua. Tucuihua Señor ali shungumi tucui paita cayajgunahua.

10:13b.ROM.010.013 Tucui Señorba shutira cayaj quishpichishca anga.

10:14b.ROM.010.014 ¿Imarasha shu mana quirishca Diosta cayanaungachu? ¿Imarasha shu mana uyashca quishpichijta quirinaungachu? ¿Imarasha uyanaungachu, shu rimaj runa illajpi?

10:15b.ROM.010.015 ¿Imarasha rímanaungachu mana cachashca ajpi? Imasna quillcashca tian: ¡Ima sumajtairi cushi shimira rimajguna chaquiuna, shinallara evangelio shimira rimajguna chaquiunas.

10:16b.ROM.010.016 Shinashas, mana tucui uyanaucachu evangeliora. Isaías nin: Señor, ¿pita ñucanchi rimashcara quirishcachu?

10:17b.ROM.010.017 Shinajpi, quirina uyanamandami shamun, shinallara uyanas Diospa shimimandami shamun.

10:18b.ROM.010.018 Maspas nini: ¿Manzhu uyanaushca? Cierto pacha. Astaun: Paiguna shimi entero mundui pasashcami. Paiguna rimashcaunas mundu puchucai pundagama pasanaushcami. ^

10:19b.ROM.010.019 Shinallara nini: ¿Israélguna manzhu yachanauca? Ñaupa punda Moisés nin: Cangunara piñachisha shu yanga runaunahuas, iyai illaj runaunahuas cangunara piñachisha.

10:20b.ROM.010.020 Maspas, Isaías, pajlla pambai rimasha nin: Mana mascahuajguna ñucara tupahuanauca. Ñucara ricuchihuacani ñucara mana tapujgunama.

10:21b.ROM.010.021 Astaumbas, Israelmanda rimausha: Entero punzha maquira pascacani mana uyaj mana munaj runaunama, nin.

11

11:1b.ROM.011.001 Shinajpi nini: ¿Diosga paihua runaunara ichushcachu? Mana pacha. Ñucas Israel runa mani, Abrahamba miraimanda, Benjaminba aülumanda.

11:2b.ROM.011.002 Dios pai ñaupa horas ricsishca runaunara mana ichushcachu. ¿Manzhu uyangui imara nin Quillcashcai, Eliasmanda rimasha, imasna Elias Israelmanda piñasha Dioshua riman:

11:3b.ROM.011.003 Señor, nisha, canmanda rimajgunara huañuchinaushca, camba altares nishcaunara tulanaushca; ñuca sapalla tiauni, maspas ñucara mascahuanaun huañuchingaj?

11:4b.ROM.011.004 Astaun, Dios cutipasha, ¿imara nin? Ñucajta canzhis huaranga runaunara huacachishcani, nica, cunguri mucuhua mana cungurijgunara Baalba ñaupajpi.

11:5b.ROM.011.005 Shinallarami cai punzhaunais, puchujguna tianaun, Diospa gracia nishca ajllashcamanda.

11:6b.ROM.011.006 Caiga graciamanda asha, mana ranamandachu. Mana shina ajpis, gracia ña mana graciachu. Shinallara ranaunamanda asha, caiga mana graciachu. Mana shina ajpis, rana ña mana ranachu.

11:7b.ROM.011.007 ¿Imara? Israel paiguna mascashcara mana pactanaucachu, randi ajllashcaunaga pactanaucami. Shujgunaga shinzhiyashca tucunauca.

11:8b.ROM.011.008 Imasna quillcashca tian: Dios paigunara shu upa shungura cuca, mana ricuj ñahuiunara, mana uyaj rinriunaras, cuna punzhagama.

11:9b.ROM.011.009 Davidga nin: Paiguna micuna mesa tujlla cuenta tucuchu, ticta cuenta, shu nijtana, shu cuti pagana.

11:10b.ROM.011.010 Paiguna ñahuiuna llanduyaríchu ama ricungaj; paiguna huasha tullu cumurichu huiñaigama.

11:11b.ROM.011.011 Ñuca nini: Urmangajchu nijtanauca? Mana pacha. Astaumbas paiguna nijtashcamanda, quishpichina gentilgunama shamuca, Israélguna ricusha tigramunauchu.

11:12b.ROM.011.012 Israélguna ucharashca mundura charijyachijpi, shinallara paiguna anzhurina gentilgunara charijyachijpi, ¿manzhu paiguna tigramuna tucuira mas mas charijyachinga?

11:13b.ROM.011.013 Cangunara rimauni, gentilguna. Imasna ñuca gentilgunama Dios cachashca runa mani, ñuca tarabanara ahuayachiuni,

11:14b.ROM.011.014 imara raushas ñuca ailluunara iyarichingaj, paigunamanda huaquinguna quishpichi tucungaj.

11:15b.ROM.011.015 Paiguna Diosmanda anzhurinaga mundura mayanllayachijpi, Dioshua cuti amigo tucujpi, ¿imara angái paiguna cuti chasquina? ¿Manzhu huañushcaunamanda causarina anga?

11:16b.ROM.011.016 Ñaupa pucuj muyu chicanyachishca ajpi, shinallarami tucui muyuunas chicanyachishca anaunga. Sapi chicanyachishca ajpi, shinallarami pallcauna chicanyachishca anaunga.

11:17b.ROM.011.017 Huaquin pallcauna paquirishca ajpi, can shu sachamanda yanga olivo nishca pallca asha, canga paquirishcauna randi yurai satishca ajpi, can olivo yuramanda paihua sapiras, paihua causana yacuras apiusha,

11:18b.ROM.011.018 ama burlaichu pallcaunara. Burlasha ama cungaringui can, imasna can pallcalla asha mana sapira shayachingui, astaun sapi canda shayachiun.

11:19b.ROM.011.019 Can ningui chari: pallcauna paquirinaushca aca ñuca yurai sati tucungaj.

11:20b.ROM.011.020 Alimi. Paiguna mana quirishcaraigu paquinaushca aca, astaun can camba quirinamanda shayaringui. Ama mas tucuichu, astaun manzhai.

11:21b.ROM.011.021 Dios quiquin pallcaunara mana perdonasha, shinallara canda mana perdonangachu.

11:22b.ROM.011.022 Ricupai Diospa ali shungura, paihua shinzhi shunguras: Dios shinzhi aca urmajgunahua, astaun canhua ali shungu aca, canga paihua ali shungüi tiaupi. Mana ajpi, cambas shinallara pitishca angui.

11:23b.ROM.011.023 Paigunasga, paiguna mana quiriushcai mana saquirijpi, shinallarami sati tucunaunga yurai. Dios yapa ushajmi paigunara cuti satingaj.

11:24b.ROM.011.024 Canga sachamanda yanga olivo yuramanda pitishca ajpi, astaun Dios mana cushca samii ali quiquin olivo yurai satishca acangui, ¿manzhu maspas caiguna, quiquin olivomanda pallcauna ajpi, cutillara paiguna quiquin olivo yurai sati tucunaunga?

11:25b.ROM.011.025 Canguna, uquiuna, cai pacashca shimira yachaichi, nisha munani, canguna ama mas tucuisiqui tucungaj; huaquin Israelgunahua shungu shinzhiyashcami, gentilguna pactajta bendiciai tucunagama.

11:26b.ROM.011.026 Shinajpi tucui Israel quishpichi tucungami, imasna quillcashcasna: Sionmanda Llushpichij shamunga; Jacobmanda ucharanara quichungami.

11:27b.ROM.011.027 Caimi ñuca pactachina shimi paigunahua, ñuca paiguna uchara quichuna punzhai.

11:28b.ROM.011.028 Shinasha, evangeliomanda rimajpi, judioguna chijnishcauna tucunaushca canguna raigumanda, astaun Dios ajllashcamanda rimajpi, llaquishcauna anaun, yayauna llaquishca raigumanda.

11:29b.ROM.011.029 Dios cushca cuyanaunas pai cayashcas mana turcaihuajchu.

11:30b.ROM.011.030 Imasna canguna ñaupa horas Diosta mana uyajguna acanguichi, astaumbas cuna Dios llaquishcara pactashcanguichi Israélguna mana uyashcaraigu,

11:31b.ROM.011.031 shinallara cuna caiguna mana uyajguna anaushcami, paiguna cangunara llaquishcasna shinallara llaqui tucunauchu.

11:32b.ROM.011.032 Diosga tucui runaunara mana uyajgunami nica, tucui paigunara llaquisha bendiciangaj.

11:33b.ROM.011.033 ¡Ima ashca valij tupurai Diospa iyais, paihua yachanas! ¡Mana tupuihuajchu paihua taripanauna, mana ricuihuajchu paihua ñambiuna!

11:34b.ROM.011.034 ¿Señorba iyaira pi yachacachu? ¿Pi paita camachijchu aca?

11:35b.ROM.011.035 ¿Pita imaras paima ñaupara cuca, huasha pagai tucungaj?

11:36b.ROM.011.036 Paihuajmi, paihuajtas, paimandas tucui imas tian. Paiga alabashca achu huiñai huiñaigama. Amen.

12

12:1b.ROM.012.001 Shinashas, uquiuna, Dios cangunara llaquishca raigumanda, cangunara rugauni, canguna cuerpo nishca aichara Diosta cuyaichi, shu causaj sacrificio cuenta, chuyajlla, Dioshua chasquihuajllami. Caimi canguna Diosta iyaihua alabana.

12:2b.ROM.012.002 Cai mundu causana samiraga ama catiringuichi. Randi turcarichi, canguna iyaira mushujyachishcamanda, Diospa ali sumaj chasquihuajlla munaira yachangaj.

12:3b.ROM.012.003 Ñucaga nini, Dios ñucara cushca gracia nishca aü iyaimanda, caran cangunahua tiaj dueñoma nini, pai quiquinmanda ama yapajta iyarichu, atun mani nisha, astaun ali tupulla iyarichi Dios caran dueñora cushca quirina tupui.

12:4b.ROM.012.004 Imasnara shu cuerpoi ashca partiuna tian, shinashas mana tucui partiuna shina ranara charinaun,

12:5b.ROM.012.005 shinallara ñucanchi ashca aicha partipura asha, shu aichalla, shu cuerpolla anchi Cristoi, caran dueño chi shujgunahua aicha partiuna cuenta asha.

12:6b.ROM.012.006 Shinajpi, caran dueño shu tono shu tono cuyashcara charinchi, ñucanchira cushca graciamanda; Diosmanda rimana ajpi quirina tupui achu;

12:7b.ROM.012.007 sirvina ajpis, sirvichu; yachachijga yachachichu;

12:8b.ROM.012.008 camachijga, camachichu; cuyajga, ali shungumanda cuyachu; mandajga, ricushalla mandachu; alira rajga, cushi shungumanda rachu.

12:9b.ROM.012.009 Canguna llaquina, cierto llaquina achu; manali ranara chijnichi, ali ranara catichi.

12:10b.ROM.012.010 Parijumanda llaquinuichi, uquipura cuenta; caran dueño shujgunara ahuayachisha.

12:11b.ROM.012.011 Canguna ranaunai ama quillasha raichi; sindij almahua Señorda sirvisha.

12:12b.ROM.012.012 Cushihua chapasha, tormendarinais ahuantasha, mana saquisha mañasha.

12:13b.ROM.012.013 Quirijguna ministishcaunara yanapaichi, shamujgunara pasiachisha.

12:14b.ROM.012.014 Cangunara molestajgunara alira rimasha bendiciaichi. Bendiciaichi, ama maldiciaichichu.

12:15b.ROM.012.015 Cushiunahua cushiyaichi; huacajgunahua huacaichi.

12:16b.ROM.012.016 Shu shunguyujlla aichi cangunapura, ama mas tucujguna aichi, astaun progriunahua compañaichi. Ama yachaj tucuichichu canguna quiquin iyaibi.

12:17b.ROM.012.017 Pitas manalira manalihua ama pagaichichu. Aliranara ricuchichi tucui runauna ñaupajpi.

12:18b.ROM.012.018 Ranalla ajpi, canguna ushanagama, cushihua causaichi tucui runaunahua.

12:19b.ROM.012.019 Cangunamanda ama cutipaichu, ñuca llaquishcauna, astaumbas lugarda cuichi Dios piñangaj. Quillcashca tian: Cutipana ñucajmi, ñuca randi pagasha, Señor nin.

12:20b.ROM.012.020 Shinashas, canda chijnij yarcaihua huañujpi, paita carangui; upinaichijpis upichingui; shina rasha paita pingachinguima.

12:21b.ROM.012.021 Manalihua ama vencí tucuichu, randi manalira alihua venci.

13

13:1b.ROM.013.001 Caran runa gobiernora uyachu; pi gobiernos mana tian Dios mana munajpi; gobiernounaraga Dios churashcami.

13:2b.ROM.013.002 Maicambas gobiernora arcasha, Dios mandashcara arcan; arcajgunaga causayanara apinaun paigunajta.

13:3b.ROM.013.003 Taripajgunaga ali rajgunara mana manzhachingaj tianaun, astaun manali rajgunara. ¿Gobiernora mana manzhasha ningui? Alira rai, gobierno canda alabangami.

13:4b.ROM.013.004 Paiga Diosta sirvijmi, canda yanapangaj. Astaun, can manalira rasha, manzhai; mana yangamandachu esparara apaun. Gobierno Diosta. sirvijmi, paimanda pagajmi, manali rajta livachingaj.

13:5b.ROM.013.005 Chi raigumanda gobiernora uyangaj ministirinmi, mana livanamandalla manzhasha, astaun ali rana iyaimanda.

13:6b.ROM.013.006 Shinallara gobiernoma paganara pagaichi. Paiguna Diosta sirvijgunami, cai quiquinllara rangaj.

13:7b.ROM.013.007 Dibiyashcara pagaichi tucuiunama; gobierno cullqui ajpi cullquira, pagana ajpi paganara, manzhana ajpi manzhanara, ahuayachina ajpis ahuayachinara.

13:8b.ROM.013.008 Pitas ama imaras dibiyaichichu, astaun parijumanda llaquinaungaj. Maicans paihua mayambi causajta llaquisha, ley shimira pactachishcami.

13:9b.ROM.013.009 Shinajpi: Ama shujhua tacaríchu, ama huañuchinguichu, ama shuhuanguichu, shujmanda ama llullanguichu, ama yapajta munanguichu. Shu camachishca shimi tiashas, cai shimii icun: Can cuentallara camba mayambi causajta llaquina mangui.

13:10b.ROM.013.010 Llaquinaga paihua mayambi causajta mana huajlichinzhu. Shinajpi, ley shirnira pactachijga llaquinmi.

13:11b.ROM.013.011 Horasta ricsinguichi, ña puñunamanda lliccharina horasmi. Ñucanchi quíshpina ña mas mayanllayamushcami ñucanchi ñaupa quírishca horasmanda.

13:12b.ROM.013.012 Tuta pasashcami, ña punzhayaun. Llandu tuta ranaunara ichushunchi, punzha iru churarinara churarishunchi.

13:13b.ROM.013.013 Punzhai cuenta purishunchi, ali shunguhua, ama yapajta micusha, ama machasha, ama shujhua tacarisha, ama nuspasha causausha, ama macananausha, ama chijnishas.

13:14b.ROM.013.014 Astaun quiquin Jesucristora churaríchi, shu churarina cuenta; aichara ama casuichi paihua munaira rangaj.

14

14:1b.ROM.014.001 Ansalla quirij runara chasquichi, astaun mana pai iyashcaunara taripangaj.

14:2b.ROM.014.002 Huaquin runa tucuira micunami nin; shujga, ansalla quirij asha, pangaunallara micun.

14:3b.ROM.014.003 Micuj runaga ama asichu mana micujta. Shinallara mana micuj runa ama taripachu micujta. Dios paita chasquishcami.

14:4b.ROM.014.004 ¿Pitangui can, shujpa sirvijta taripangaj? Paihua quiquin patronba ñaupajpi shayarin, urman. Shayaringami, Señorga ushajmi paita shayachingaj.

14:5b.ROM.014.005 Shu runa shu punzha shu punzha chicanyachin, shujga tucui punzha shinallarami, nin. Caran dueño paihua quiquin iyaira ali pacha yachachu.

14:6b.ROM.014.006 Maican runas punzhara chicanyachisha, shina raun Diospa ñaupajpi; punzhara mana ricuj runas Diospa ñaupajpi punzhara mana ricun. Shinallara aichara micuj runa Diospa ñaupajpi micun, Diosta agrasisha; mana micuj runa Diospa ñaupajpi mana micun, shinallara Diosta agrasin.

14:7b.ROM.014.007 Pi runas causausha, mana paihuajtachu causaun; pi runas huañusha, mana paihuajtachu huañun.

14:8b.ROM.014.008 Causaushas, Diospa ñaupajpi causaunchi; huañushas, Diospa ñaupajpi huañunchi. Causaushas, huañushas, Señorbajguna anchi.

14:9b.ROM.014.009 Chi raigumanda Cristo huañuca, atarica, causarica, pai Señor tucungaj huañushcaunamanda, shinallara causajgunamandas.

14:10b.ROM.014.010 Shinajpi can, ¿imarasha camba uquira taripangui? Canga shinallara ¿imarasha camba uquira asiungui? Tucui ñucanchi Cristo taripana ñaupajpi shayarina anchi.

14:11b.ROM.014.011 Quillcashcami tian: Causauni ñuca, Señor nin, ñuca ñaupajpi tucui cunguri mucu cunguringami, tucui callu Diosta ricsingami.

14:12b.ROM.014.012 Shinajpi caran dueño pai quiquinmanda Diosta cuentangami.

14:13b.ROM.014.013 Ama parijumanda taripashunchi, astaun ricuichi nijtachinaras urmachinaras ama churangaj camba uqui ñaupajpi.

14:14b.ROM.014.014 Suca yachani, ñuca quirini Señor Jesuspi, imasnara mana imas iruschu pai quiquinmanda, randi pi runas imas irusmi iyajpi, paihuajmi irus tucunga.

14:15b.ROM.014.015 Astaumbas can camba uquira llaquichisha micunamanda, ña mana llaquishcahua puriunguichu. Ama huajlichichu camba uquira camba micunamanda, imasna Cristo paimanda huañucami.

14:16b.ROM.014.016 Can ali ranaga ama manali rimai tucuchu.

14:17b.ROM.014.017 Dios mandana pacha mana micunachu, mana upinachu, astaun ali causana, ganas shungu, cushi shungus, Santo Espiritui.

14:18b.ROM.014.018 Maican runa cai samiunai Cristora sirvisha Diosta cushiyachin, runaunahuas alimi nishca anga.

14:19b.ROM.014.019 Shinajpi imaras ganas shungura cusha, imaras parijumanda shinzhiyachisha, caigunara catishunchi.

14:20b.ROM.014.020 Diospa tarabanara ama huajlichichu micunamanda. Tucui micuna micunallami, astaumbas mana valinzhu shujgunara nijtachishca urmachingaj micunahua.

14:21b.ROM.014.021 Alimi aichara mana micungaj, vinoras mana upingaj, imaras mana rangaj, camba uquira ama urmachingaj, ama piñaringaj, ama irquiyangaj.

14:22b.ROM.014.022 Canga, ¿quirinara charinguichu? Charilla canllara Diospa ñaupajpi. Cushimi maican runas mana paulara causayachij pai alimi nishcamanda.

14:23b.ROM.014.023 Maican runas micunamanda ima chari nisha micuj causayachishcami, mana quirisha micushcamanda. Tucuira mana quirinahua rashcaga uchami.

15

15:1b.ROM.015.001 C 1 Shinajpi, ñucanchi shinzhiuna asha, irquiuna api ajta yanapana anchi, mana ñucanchillarara cushiyasha.

15:2b.ROM.015.002 Ñucanchimanda caran dueño paihua mayambi causajta cushiyachichu, alira rashcai, paita shinzhiyachingaj.

15:3b.ROM.015.003 Quiquin Cristo mana paillarara cushiyachica; astaun quillcashcasna: Canda camijguna camishcauna ñuca ahuai urmanauca.

15:4b.ROM.015.004 Ñaupa horas quillcashcauna ñucanchira yachachingaj quillcanaushca aca ñucanchi chapanara charingaj, Quillcashcauna ñucanchira yanapasha ahuantangaj cariyangajpas.

15:5b.ROM.015.005 Ahuantaj, cushiyachij Dios cangunara cuchu cangunapura shu iyaillara charingaj Cristo Jesusmanda,

15:6b.ROM.015.006 canguna shu iyaillahua, shu shimillahua Diosta sumacyachingaj, paimi ñucanchi Señor Jesucristo Yaya.

15:7b.ROM.015.007 Chi raigumanda parijumanda chasquinuichi, imasna Cristo ñucanchira chasquica, Diosta sumacyachingaj.

15:8b.ROM.015.008 Cangunara nini, Cristo Jesús judiogunara sirvij tucuca Dios cierto ajta ricuchingaj, Dios yayaunama shimi cushcauna ali ajta ricuchingaj.

15:9b.ROM.015.009 Shinallara gentilguna Diosta sumacyachinauchu pai llaquishcaraigumanda, imasna quillcashcasna: Chi raigumanda camba shutira rimasha gentilguna chaupi shungüi, camba shutira cantashami.

15:10b.ROM.015.010 Cutillara nin: Cushiyaichi, gentilguna, canguna runaunahua.

15:11b.ROM.015.011 Cutillara: Señorda alabaichi, tucui gentilguna. Paita ahuayachichi, tucui runauna.

15:12b.ROM.015.012 Cutillara, Isaías nin: Isaihua sapi tiangami, pai ataringami gentilgunara mandangaj; gentilguna paihuajpi chapanaunga.

15:13b.ROM.015.013 Cunaga chapanara cuj Dios cangunara undachichu tucui cushihua, tucui ganas shunguhuas, canguna quirinai, canguna undanauchu ali chapanahua, Santo Espíritu cushca ushanahuas.

15:14b.ROM.015.014 Nuca cangunara ali yachani, ñuca uquiuna, imasna canguna ali shunguhuas tucui yachanahuas undashca anguichi. Shinajllaira parijumanda camachinara ushanguichi.

15:15b.ROM.015.015 Shinajpi, uquiuna, cangunara quillcashcani, pajlla pambai rimasha, cangunara iyachingaj Dios ñucama cushca graciamanda;

15:16b.ROM.015.016 ñuca Jesucristora sirvij tucungaj gentilgunama, Diospa evangeliora camachisha, gentilguna shu ali sacrificio cuenta tucungaj, Santo Espirituhua chuyayachishca, chasquinalla tucungaj.

15:17b.ROM.015.017 Shinajpi imaras charinimi Cristo Jesuspi cushiyangaj, ñuca Diospajta sirvishcai.

15:18b.ROM.015.018 Rimanara mana munanichu shujguna rashcaunara, astaumbas rimasha imaras Cristo ñucamanda rashcara gentilguna uyangaj, shimiunahuas, rashcaunahuas, munanaita ranaunahuas, atun ushanahuas, Diospa Espíritu yanapashcamanda.

15:19b.ROM.015.019 Shinajpi Jerusalenmanda, muyujta siríj llactaunais, Ilírico nishca partigama, tucui partiunara undachishcani Cristo evangelio shimihua.

15:20b.ROM.015.020 Shinarasha tarabacani evangelio shimira yachachingaj, mana Cristo shutira ñaupa horas uyashca llactaunai, shu runa rashca ahuai ama shayachingaj,

15:21b.ROM.015.021 Astaun, imasna quillcashca tian: Paimanda mana rimashcauna ricunaungami, paimanda mana imahoraspas uyajguna intindinaungami.

15:22b.ROM.015.022 Chi raigumanda ashca cuti arcashca acani cangunajma shamungaj.

15:23b.ROM.015.023 Randi cuna mana mas lugar tiajpi cai partiunai, shinallara ña ashca huataunai cangunajma shamusha nisha iyarishcani,

15:24b.ROM.015.024 ñuca España llactama riusha, cangunajma shamusha. Pasausha, cangunara ricusha nini, shinallara munani cangunahua ñambii cachai tucungaj, ñuca cangunahua pasiashca huasha.

15:25b.ROM.015.025 Cunaga llucshiuni Jerusalenma ringaj, chihuaj quirijgunara sirvingaj.

15:26b.ROM.015.026 Macedonia Acaya partiunai tiajguna munanauca shu cuyanara cachangaj Jerusalembi tiaj ministiu quirijgunama.

15:27b.ROM.015.027 Casna munanauca, maspas dibiyujguna anaun. Imasna gentilguna chigunamanda alma bendiciongunara apinaushca, ministirinmi paigunama aicha bendiciongunara cachangaj.

15:28b.ROM.015.028 Shinasha, caita raí pasashca huasha, cai cuyashcara entregashca huasha, cangunajpi pasiasha España partima ringaj.

15:29b.ROM.015.029 Ñuca yachani imasna cangunajma pactamusha, ashca bendicionhua shamusha Cristo evangelio shimimanda.

15:30b.ROM.015.030 Cangunara rugauni, uquiuna Señor Jesucristomanda, Santo Espíritu llaquishcamandas, ñucara yanapanguichi, ñucamanda Diosta mañasha,

15:31b.ROM.015.031 ñuca llushpirichu Judeai tiaj mana quirijgunamanda, shinallara Jerusalembi tiaj quirijguna ñuca sirvishcamanda cuyashcara chasquinauchu;

15:32b.ROM.015.032 ñuca cushihua cangunajma pactamuchu Dios munashcamanda, ñuca cangunahua pariju samangaj.

15:33b.ROM.015.033 Cushi shungura cuj Dios tucui cangunahua tiachu. Amen.

16

16:1b.ROM.016.001 Ricuichi, nini, ñucanchi pañi, Febe nishcara, pai Cencreaspi tiaj iglesiara sirvijmi.

16:2b.ROM.016.002 Paita chasquichi Señorba shutii, quirijpurasna, paita imara cangunamanda ministishcais yanapaichi. Paiga ashcaunara yanapajmi, ñucaras.

16:3b.ROM.016.003 Priscilandi Aquilandi saluraichi, ñucahua pariju tarabajguna Cristo Jesusta sirvinai.

16:4b.ROM.016.004 Paiguna causaira churanauca ñucara quishpichingaj; paigunara agrasinchi maña ñucalla, astaun tucui gentilguna iglesiaunandi.

16:5b.ROM.016.005 Shinallara paiguna huasii tiaj iglesiara saluraichi. Ñuca llaquishca Epeneto nishcara saluraichi, pai Acayamanda ñaupa punda Cristoi quirijmi.

16:6b.ROM.016.006 Saluraichi Mariara, paiga ashcara tarabashcami cangunamanda.

16:7b.ROM.016.007 Andrónico Junias nishcaunara saluraichi, ñuca quiquin ailluna, ñucahua pariju chonda cularbi compañajguna, cachashca runauna llaquishcauna, shinallara ñucamanda ñaupara Cristoi quirijguna.

16:8b.ROM.016.008 Amplias nishcara saluraichi, ñuca Señorbi llaquishca amigo.

16:9b.ROM.016.009 Saluraichi Urbano nishcara, pai ñucanchira yanapaj Cristo Jesusta sirvinai, shinallara ñuca llaquishca Estaquis nishcara.

16:10b.ROM.016.010 Apeles nishcara saluraichi, Cristora sirvishcai alimi nishca runa. Saluraichi Aristóbulo huasü tiajgunara.

16:11b.ROM.016.011 Ñuca aillu Herodión nishcara saluraichi, Narciso huasii tiajgunaras, Señorbi ajgunara.

16:12b.ROM.016.012 Trifena Trifosa nishcaunara saluraichi, Señorda sirvisha tarabajgunara. Saluraichi llaquishca Pérsida nishcara, Señorbi ashcara tarabaj huanriimi.

16:13b.ROM.016.013 Saluraichi Rufo nishcara, Señor ajllashca runara, shinallara paihua mamara, paiga ñuca mama cuentami.

16:14b.ROM.016.014 Asíncríto, Flegonte, Hermas, Patrobas, Hermes nishcaunara saluraichi, paigunahua pariju tiaj uquiunandi.

16:15b.ROM.016.015 Saluraichi Filólogo, Julia nishcaunara, Nereo nishcaras paihua panindi, shinallara Olimpas nishcara, tucui paigunahua pariju tiaj quirijgunandi.

16:16b.ROM.016.016 Parijumanda saluranuichi shu chuyaj muchanahua. Tucui Cristo iglesiauna cangunara saluranaun.

16:17b.ROM.016.017 Cangunara rugauni, uquiuna, tucui quirijgunara chaupichijgunara ricsichi, tucui urmachijgunaras, canguna uyashca ali yachanara huajlichijgunaras. Paigunamanda anzhurichi.

16:18b.ROM.016.018 Casnauna mana ñucanchi Señor Jesucristora sirvinaunzhu, astaun paiguna quiquin icsara, mishqui uyarij shimiunahua, yanga alabana shimiunahuas yachai illajgunara umachinaun.

16:19b.ROM.016.019 Canguna casuna tupu tucuigunama uyarishcami; chi raigumanda cangunamanda cushiyauni. Maspas ñuca munani canguna ali ranai iyaiyuj tucungaj, astaun manali ranai yachai illajguna.

16:20b.ROM.016.020 Cushira cuj Dios uctalla Satanasta aitanga canguna chaqui ucui. Ñucanchi Señor Jesucristo gracia nishca ali iyai cangunahua tiachu.

16:21b.ROM.016.021 Ñucara yanapaj Timoteo, ñuca ailluuna Lucio, Jasón, Sosípater nishcauna cangunara saluranaun.

16:22b.ROM.016.022 Ñuca Tercio, cai quillcara quillcaj, cangunara salurauni Señorbi.

16:23b.ROM.016.023 Gayo nishca, ñucara charij, shinallara iglesiara charij paihua huasii, cangunara saluraun. Erasto nishca, tesorero nishca llacta cullquira cuiraj runa, cangunara saluraun, shinallara ñucanchi uqui Cuarto nishca.

16:24b.ROM.016.024 Ñucanchi Señor Jesucristo gracia nishca tucui cangunahua achu. Amen.

16:25b.ROM.016.025 Dios cangunara shinzhiyachinara ushan, imasna nin ñuca evangelioi, shinallara Señor Jesucristo camachishcais, imasna Dios pai pacashca shimira ricuchin, huiñaünanda pacashcara.

16:26b.ROM.016.026 Astaun, cuna horas ricuchishcami, shinallara Diosmanda rimajguna Quillcashcaunai ricurin, imasna huiñai tiaj Dios

16:27b.ROM.016.027 Sapalla yachaj Diosta ahuayachishca achu Jesucristomanda huiñai huiñaigama. Amen.