Luke (Quichua)

1

1:1b.LUK.001.001 Ashca runauna ñucanchihua cierto tucushcaunara ali catimpuralla cuentangaj camanaushca,

1:2b.LUK.001.002 imasna ñucanchira yachachinauca callan horasmanda ñahuihua ricujguna, paiguna shimira camachijguna asha.

1:3b.LUK.001.003 Ñucamas shinallara alimi yachica, ali tapushca huasha canda tucuira callarinamanda catimpuralla quillcangaj, yapa ali Teófilo,

1:4b.LUK.001.004 canda yachachishca shimiuna ciertomi ashcara can ali yachangaj.

1:5b.LUK.001.005 Herodes Judea rey apu ashcai, shu Zacarías nishca sacerdote tiauca, Diospa huasii sirvij, Abías montonmanda. Paihua huarmi Aaromba ushushiunamanda aca, paihua shuti Elisabet.

1:6b.LUK.001.006 Ishquindi ali causajguna anauca Diospa ñaupajpi, causa illaj, tucui Dios mandashca shimiunai camachishcaunais purinauca.

1:7b.LUK.001.007 Churi illaj anauca, Elisabet huahuara mana ricuj "sha. Ishquindi ña rucu tucunauca.

1:8b.LUK.001.008 Zacarías pai sacerdote ranaunara rausha Diospa ñaupajpi, paihua monton rana horas ashcai,

1:9b.LUK.001.009 Sacerdote rana yachaira, incienso nishca mishqui asnaj ambira rupachica, Diospa huasii icusha.

1:10b.LUK.001.010 Tucui taucarimuj runauna canzhai chapanauca, Diosta mañausha, inciensora rupachina horaspi.

1:11b.LUK.001.011 Paihuajpi shu Señorbaj ángel ricurimuca, altar nishca incienso rupana mesa ali maquipurahua shayarisha.

1:12b.LUK.001.012 Zacarías paita ricusha ashcara manzharica.

1:13b.LUK.001.013 Angel paita nica: Zacarías ama manzhaichu. Can Diosta mañashcara uyashcami. Camba huarmi shu churira cambajta pagarichinga, paita Juan nishcara shutichingui.

1:14b.LUK.001.014 Can cushi tucunguimi, cushiyanguimi. Ashca runauna pai pagarishcamanda cushiyanaungami.

1:15b.LUK.001.015 Pai Diospa ñaupajpi atun tucungami. Vinoras urti upinaras mana upingachu. Santo Espirituhua undashca anga mama icsamanda pacha.

1:16b.LUK.001.016 Ashca Israelba churiunara tigrachinga paiguna Señor Diosma.

1:17b.LUK.001.017 Diospa ñaupajpi Eliaspa espirituhua paihua ushanahuas puringami, yayauna shunguunara churiunama tigrachingaj, mana uyajguna ali iyaiyujguna ranama, shu monton alichishca runaunara Señorbajta puruntungaj.

1:18b.LUK.001.018 Zacarías angelda nica: ¿Imasnara caita yachashachu? Ñuca rucu ani, ñuca huarmis shinallara rucuyaunmi.

1:19b.LUK.001.019 Angel cutipaca: Ñuca Gabriel ani, Diospa ñaupajpi shayaj. Cachamushca ani canhua rimangaj, cai ali shimira canda cuentangaj.

1:20b.LUK.001.020 Ña upa shimiyuj tucungui, rimanara mana ushangui cai tucui pactarina punzhagama, can. ñuca shimira mana quirishcaraigu. Cai tucui paihua horaspi pactaringami.

1:21b.LUK.001.021 Runaunaga Zacaríasta chapanauca, ¿ima tucun, nisha, pai Diospa huasii unaiyajpi?

1:22b.LUK.001.022 Pai llucshishaga, paigunara rimanara mana ushacachu. Shinajpi runauna pai ima nuspairas Diospa huasii ricushcami intindinauca. Paiga maquillahua ricuchisha rimaca, upa shimiyuj asha.

1:23b.LUK.001.023 Pai sirvina punzhauna tucurijpi, huasima rica.

1:24b.LUK.001.024 Chi punzhauna pasashca huasha, paihua huarmi Elisabet huahuara tupaca, pichca quilla tupura huasillai tiaca.

1:25b.LUK.001.025 Casnami Señor ñucahua rashca, nica, ñuca pingarishcara cuna quichusha nica runauna ñaupajmanda.

1:26b.LUK.001.026 Socta quillai, Dios Gabriel nishca angelda cachaca Galileai tiaj Nazaret nishca llactama.

1:27b.LUK.001.027 Cachamushca aca shu huanra huarmima, shu José nishca carihua pactachishca. Pai Davidpa aillumanda aca. Huanra huarmi María nishca aca.

1:28b.LUK.001.028 Angel paihuajpi icusha: Cushiyangui, nica, yapa llaquishca huarmi. Señor canhua tiaun. Huarmiunamanda yali bendiciashca angui.

1:29b.LUK.001.029 Huarmiga angelda ricusha, pai rimashca shimiunamanda turbarica. ¿Imarai cai salurashca? nisha iyaca.

1:30b.LUK.001.030 Shinajpi ángel huarmira nica: María ama manzhaichu, nisha, gracia nishca cushira tupashcangui Diospa ñaupajpi.

1:31b.LUK.001.031 Cuna, camba icsai huahuara tupangui, churira pagarichingui. Paita shutichingui JESÚS.

1:32b.LUK.001.032 Atun tucungami. Ahuai tiaj Diospa Churi nishca anga. Señor Dios paihua yaya Davidpa rey apu tiarinara paita cunga.

1:33b.LUK.001.033 Jacobpa aillu ahuai rey apu tucunga huiñai huiñaigama, pai mandana imahorasgamas mana tucuringachu.

1:34b.LUK.001.034 Shinajpi María angelda nica: ¿Ima rashara shina tucungairi? Carira mana charinichu.

1:35b.LUK.001.035 Angel cutipasha nica: Santo Espíritu camba ahuai shamunga, Ahuai tiaj Diospa ushana paiwa llanduwa canda quillpangami. Chi raigumanda pagarij santo huahua Diospa Churi nishca anga.

1:36b.LUK.001.036 Cunas camba aillu Elisabet shinallara churira tupashcami pai rucu ashcai, cuna socta quillara huahuara icsai charin, pai huahuara mana ricuj nishca ashallara.

1:37b.LUK.001.037 Dioshua mana imas mana raihuajchu, astaun paihua tucui raihuajmi.

1:38b.LUK.001.038 Shinajpi María nica: Caibi maní, Señorda sirvij huarmi. Can rimashcasna ñucahua rashca tucuchu. Angel paihua ñaupajmanda llucshisha rica.

1:39b.LUK.001.039 Chi punzhaunai, María atarisha urcu partima uctalla rica, shu Judá partii tiaj llactama.

1:40b.LUK.001.040 Zacaríaspa huasima icusha, Elisabetda saluraca.

1:41b.LUK.001.041 Elisabetga, María salurashcara uyajpi, huahua saltaca paihua icsai. Elisabet Santo Espirituhua undashca aca.

1:42b.LUK.001.042 Shinzhira rimasha nica: Bendiciashcangui can huarmiunamanda, bendiciashcami camba icsai tiaj huahuara.

1:43b.LUK.001.043 ¿Imarasha ñucama cushca aca, ñuca Señorba mama ñucama shamungaj?

1:44b.LUK.001.044 Ñuca rinri can salurashca shimira uyasha, huahua cushiyasha ñuca icsai saltaca.

1:45b.LUK.001.045 Quirij huarmi cushimi. Señor paita rimashca shimi pactaringami paihua.

1:46b.LUK.001.046 Shinajpi María nica: Ñuca alma Señorda ahuayachin.

1:47b.LUK.001.047 Ñuca espíritu ñucara Quishpichij Diospi cushiyan.

1:48b.LUK.001.048 Paita sirvij huarmi pogri ashcara ricushcami. Shinajpi cunamanda tucui miraiguna ñucara cushiyashcami ninaunga.

1:49b.LUK.001.049 Tucuira ushaj Dios atun ranaunara ñucahua rashcami. Chicanyachishcami paihua shuti.

1:50b.LUK.001.050 Pai llaquinaga tucui miraigunagama duranmi, tucui paita manzhajgunama.

1:51b.LUK.001.051 Atun ranaunara rarca paihua rigrahua, shinzhi shunguyujgunara chausica paiguna shungüi iyarishcaraigumanda.

1:52b.LUK.001.052 Ushajgunara quichucami paiguna apu tiarinamanda. Mansounara ahuayachica.

1:53b.LUK.001.053 Yarcachiujgunara aliunahua undachica. Charijgunara illajta cachacami.

1:54b.LUK.001.054 Dios paita sirvij Israelda yanapacami, pai llaquij shungura charisha.

1:55b.LUK.001.055 Caimanda ñucanchi yayaunahua rimaca, Abrahamhuas paihua miraigunahuas huiñai huiñaigama rimaca.

1:56b.LUK.001.056 María paihua tiauca quinsa quilla tupura. Chihuasha paihua huasima tigraca.

1:57b.LUK.001.057 Elisabet pagarichina horas pactarijpi, shu churira pagarichica.

1:58b.LUK.001.058 Mayanpura causajguna ailluunas Dios paita ashcara bendiciashcara uyasha, paihua cushiyanauca.

1:59b.LUK.001.059 Pusaj punzha huasha, huahuara circuncisión nishcara rangaj shamunauca. Paita shutichinauca Zacarías nisha, paihua yaya cuenta.

1:60b.LUK.001.060 Astaun paihua mama cutipaca: Mana, nisha, paihua shuti Juanmi.

1:61b.LUK.001.061 Paita ninauca: ¿Imaraigu, nisha, casna shutiyuj illan camba aillui?

1:62b.LUK.001.062 Shinajpi yayara maquihua ricuchisha tapunauca: ¿Camba huahua ima shutira churasha ningui?

1:63b.LUK.001.063 Zacarías shu quillcara mañasha: Paihua shuti Juanmi, nisha quillcaca. Tucui manzharinauca.

1:64b.LUK.001.064 Chi ratollai paihua shimi pascarica, paihua huatashca callu llushpirica, pai Diosta alabasha rimaca.

1:65b.LUK.001.065 Mayanpura causajguna manzharinauca. Cai tucuira cuentanaucami tucui Judea urcu partiunai.

1:66b.LUK.001.066 Tucui uyajguna caigunara huacachinauca paiguna shungüi, ¿Ima sami huahuara angai? nisha. Diospa maqui paihua tiauca.

1:67b.LUK.001.067 Paihua yaya Zacarías Santo Espirituhua undashca asha, Diosmanda rimaj cuenta rimaca, nisha:

1:68b.LUK.001.068 Bendiciashcami Israelba Señor Dios. Paihua runaunara ricushcami, randishcami.

1:69b.LUK.001.069 Shu ushaj Quishpichijta sicachishcami ñucanchijta. Paita sirvij Davidpa aillui,

1:70b.LUK.001.070 imasna rimaca paihua callarimanda aj ali rimajguna shimimanda.

1:71b.LUK.001.071 Ñucanchira chijnijgunamanda quishpichina, shinallara tucui ñucanchira chijnijguna maquimandas;

1:72b.LUK.001.072 ñucanchi yayaunahua alira rangaj, pai chuyaj pactachina shimira iyaringaj.

1:73b.LUK.001.073 Ñucanchi yaya Abrahanma paihua shutii cushca shimira iyarisha, ñucanchimas cuna aca,

1:74b.LUK.001.074 imasna ñucanchi, chijnijgunamanda llushpichishca asha, mana manzhasha, paita sirvinchi maca,

1:75b.LUK.001.075 chuya shunguhua ali shunguhuas paita sirvingaj paihua ñaupajpi, tucui ñucanchi causana punzhaunagama.

1:76b.LUK.001.076 Canga, ñuca huahua, Ahuai tiaj Diosmanda nishca angui, Señorbaj ñaupajpi purina angui paihua ñambiunara alichingaj,

1:77b.LUK.001.077 paihua runaunara quishpichina shimira yachachingaj, paiguna ucharashcaunara perdonai tucungaj,

1:78b.LUK.001.078 ñucanchi Dios shunguhua llaquishcamanda, mushuj punzha ahuamanda ñucanchira punzhayachin,

1:79b.LUK.001.079 llandu tutais huañuna llanduis causajgunara punzhayachingaj, ganaslla causana nambira ñucanchi chaquiunara pushangaj.

1:80b.LUK.001.080 Huahua iñasha rica, paihua espiritui shinzhi tucuca. Runa illashca partiunai tiauca pai Israelma ricurina punzhagama.

2

2:1b.LUK.002.001 Chi punzhaunai, Augusto César nishca atun apu shu mandashca shimira cuca tucui runauna shutiunara gobierno quillcai churachingaj.

2:2b.LUK.002.002 Cai ñaupa shutira yupana Cirenio nishca Siria llactai gobernador ashcai rashca aca.

2:3b.LUK.002.003 Tucui runa paihua quiquin llactama rica shutira quillcachingaj.

2:4b.LUK.002.004 José Galileamanda, Nazaret llactamanda sicaca, Belén nishca Davidpa llactama, pai Davidpa aülumanda miraj ajpi.

2:5b.LUK.002.005 Shutira churachingaj rica, paihua pactachishca huarmi Mariandi. Maríaga icsayuj aca.

2:6b.LUK.002.006 Paiguna chihui tiaushcai, huahua pagarina horas pactaríca.

2:7b.LUK.002.007 María paihua ñaupa punda churira pagarichica. Huahuara llachapai pülusha huagra micuna batiai sirichica. Hotel huasi undajta aca, mana lugar tiaca.

2:8b.LUK.002.008 Chi quiquin partii, borrego cuirajguna tianauca, paiguna borregounara ricunauca, cuiranauca tutai.

2:9b.LUK.002.009 Cungaimanda shu Señorba ángel ricurimuca paigunama, Señorba sumajta paiguna muyujta punzhajlla ricurica. Ashcara manzharinauca.

2:10b.LUK.002.010 Angel paigunara nica: Ama manzhaichichu, yapa ashca cushiyachij shimiunara cangunama apamuni. Tucui runaunaj anga.

2:11b.LUK.002.011 Cuna punzha Davidpa llactai cangunaj shu Quishpichij pagarishcami. Pai Cristo nishca Señormi.

2:12b.LUK.002.012 Caita ricusha ricsinguichi. Llachapai pillushca huahuara tupanguichimi, huagra micuna batiai sirijta.

2:13b.LUK.002.013 Cungaimanda angelhua pariju ashca angelguna ricurimunauca, Diosta alabasha ninauca:

2:14b.LUK.002.014 Dios sumacyachishca achu ahua pachai, cai pachais ganaslla, runaunaj ali munai achu.

2:15b.LUK.002.015 Angelguna paigunajmanda ahuama risha, cuirajguna paigunapura ninauca: Acuichi Belenma, imasna ashcaras ricungaj, Señor ñucanchira ricuchishcara.

2:16b.LUK.002.016 Shinasha uctalla shamunauca, Mariaras Joseras tupanaucami, huahuaras huagra micuna batiai sirijta.

2:17b.LUK.002.017 Huahuara ricusha, angelguna huahuamanda cuentashcara paigunama rimanauca.

2:18b.LUK.002.018 Tucui uyajgunaga cuirajguna cuentashcara uyasha manzharinauca.

2:19b.LUK.002.019 Maríaga cai tucuira paihua shungüi iyarisha huacachica.

2:20b.LUK.002.020 Borregora cuirajguna tigranauca, Diosta alabasha tucui paiguna uyashcamandas ricushcamandas, paigunara rimashcasna.

2:21b.LUK.002.021 Pusaj punzha pactanjpi huahuara circuncisionda rangaj, paita Jesús shutichinauca, cai shutira angelmanda cushca ajpi huahua manara tupajllaira icsai.

2:22b.LUK.002.022 Huarmi armana punzhauna pactarijpi Moisespa ley shimii nishcasna, huahuara pushamunauca Jerusalenma, Señorma ricuchisha cungaj.

2:23b.LUK.002.023 Imasna Señorba ley shimii quillcashca tian: Tucui icsamanda ñaupa llucshij cari huahua Diospa ñaupajpi santo nishca chicanyachishca angami, nisha.

2:24b.LUK.002.024 Shinallara Señorba ley shimii quillcashcasna, sacrificiora rangaj rinauca, ishqui urpira cusha, mana ajpi ishqui paloma huahuara.

2:25b.LUK.002.025 Shu Simeón nishca runa tiauca Jerusalembi, ali runa, Diosta llaquij, Israelba cariyanara chapau. Santo Espíritu paihua tiauca.

2:26b.LUK.002.026 Santo Espíritu paita yachachica: Can manara huañujllaira Señor Ajllashca Ruñara ricungui, nisha.

2:27b.LUK.002.027 Pai Santo Espíritu pushashca, templo nishca Diospa huasima shamuca. Huahua Jesuspa yayauna paita temploma pushamujpi, ley camachishca shimi nishcara paihua rangaj,

2:28b.LUK.002.028 Simeón huahuara apica paihua rigrai, Diosta bendiciasha nica:

2:29b.LUK.002.029 Cuna Señor canda sirvijta cushi shunguhua dispiringui, camba shimii rimashcasna.

2:30b.LUK.002.030 Ñuca ñahuihua camba quishpichinara ricushcani.

2:31b.LUK.002.031 Caita tucui runauna ñaupajpi alichishcangui;

2:32b.LUK.002.032 Velara Gentilgunara punzhayachingaj, camba Israel nishca runauna sumajtas.

2:33b.LUK.002.033 José Jesuspa mamandi tucuira huahuamanda rimashcaunara uyasha manzharinauca.

2:34b.LUK.002.034 Simeón paigunara bendiciaca, paihua mama Mariara nica: Cai huahua churashcami ashca Israelbi tiaj runauna urmangaj shinallara sicangajpas, shu ricurinas, maspas ashca runauna paimanda manali rimanaunga,

2:35b.LUK.002.035 ashca shunguunai iyashcauna ricurinauchu. Maspas shu espara camba almara pasajta tucsingami.

2:36b.LUK.002.036 Shinallara chihui tiauca Ana, shu Diosmanda rimaj huarmi, Fanuelba ushushi, Aser aillumanda. Yapa ashca rucu aca. Pai huanra ashcamanda canzhis huata tupura paihua carihua causauca.

2:37b.LUK.002.037 Chi huasha, pusaj chunga chuscu huata tupura huaccha huarmi aca. Templo nishca Diospa huasimanda mana llucshijchu aca, tutandi punzhandi Diosta sirvisha, sasisha, mañasha.

2:38b.LUK.002.038 Cai huarmi chi ratollai shamusha Diosta agrasica, cai huahuamanda tucui Jerusalembi tiau quishpinara chapajgunama rimaca.

2:39b.LUK.002.039 Tucui Señorba ley shimii quillcashcara pactachishca huasha, Galileama tigranauca, paiguna quiquin Nazaret llactama.

2:40b.LUK.002.040 Huahua iñasha rica, shinzhi tucusha, yachairas apisha. Diospa gracia nishca aH shungu paihua tiaca.

2:41b.LUK.002.041 Caran huata Jesuspa yayauna Jerusalenma pascua nishca istama rinauca.

2:42b.LUK.002.042 Huahua chunga ishqui huatayuj tucujpi, pariju Jerusalenma sicanauca, istai paiguna yachaira rangaj.

2:43b.LUK.002.043 Ista tucurishca huasha tigranauca, astaun huahua Jesús Jerusalembi saquirica, yayauna mana yachajllaira.

2:44b.LUK.002.044 Huahua amigounahua shamunmi iyasha, yayauna shu punzha tupura purinauca. Paita mascanauca ailluunahua, ricsishcaunahuas.

2:45b.LUK.002.045 Huahuara mana tarisha, Jerusalenma tigranauca paita mascangaj.

2:46b.LUK.002.046 Quinsa punzha pasashca huasha, huahuara templo huasii tupanauca, Moisés mandashca shimira yachachijguna chaupi shungüi tiajta, paigunara uyashas tapushas.

2:47b.LUK.002.047 Tucui paita uyajguna paihua iyairas pai cutipashcaras uyasha manzharinauca.

2:48b.LUK.002.048 Huahuara ricusha, yayauna manzharinauca. Paihua mama nica: Churihua, ¿Imarasha casnara rashcangui ñucanchihua? Yayandi ñucandi llaquirisha canda mascashcanchi.

2:49b.LUK.002.049 Shinajpi huahua Jesús paigunara nica: ¿Imaraigu mascahuacanguichi? ¿Manzhu yachacanguichi ñuca Yaya ranaunai tiana maní?

2:50b.LUK.002.050 Paigunaga huahua rimashcara mana intindinaucachu.

2:51b.LUK.002.051 Huahua paigunahua irguca Nazaretma. Paigunara uyaca. Paihua mama tucui caigunara huacachica paihua shungüi.

2:52b.LUK.002.052 Jesús iñauca yachanais gracia nishca ali shungüis, Diospa ñaupajpi runauna ñaupajpis.

3

3:1b.LUK.003.001 Tiberio César gobierno chunga pichca huatara tiaushcai, Poncio Pilato gobernador aca Judea partii, Herodes atun apu aca Galilea partii, paihua uqui Felipe atun apu aca Iturea Traconite partiunai, Lisanias atun apu aca Abilinia partii.

3:2b.LUK.003.002 Shinallara Anasndi Caifasndi sacerdote atun apuuna anauca. Chi horaspi Diospa shimi Zacariaspa churi Juanma shamuca, runa illaj partii.

3:3b.LUK.003.003 Juan tucui Jordan muyujta tiaj partiunama shamuca: Arrepentirichi nisha, bautisarichi canguna uchauna perdonai tucungaj,

3:4b.LUK.003.004 imasna quillcashcasna Diosmanda rimaj Isaías quillcashca quillcai: Runa illaj partii caparij runa: Señor purina nambira alichichi, nisha, paihua ñambiunara dirichuyachichi,

3:5b.LUK.003.005 tucui huaicu undachishca angami, tucui urcus tucui ichilla urcus urayangami; istu ñambiuna dirichuyashca anaungami, manali ñambiuna pambayachishca anaungami.

3:6b.LUK.003.006 Tucui runa Diospa quishpichinara ricungami.

3:7b.LUK.003.007 Juanga bautisangaj llucshijgunama nica: Machacuimanda mirajguna cuenta, ¿pita cangunara yachachica shamuj piñarinamanda miticungaj?

3:8b.LUK.003.008 Arrepentirina tupu ranaunara raichi; ama callarichichu cangunapura rimangaj: Abrahanmi ñucanchi yaya, nisha; cangunara nini, cai rumiunamanda, Dios churiunara atarichina ushañmi Abrahambajta.

3:9b.LUK.003.009 Maspas, amallara yurauna sapii hachara ña churashcami. Tucui yura mana ali aparijpi cuchushca anga, ninai shitashca anga.

3:10b.LUK.003.010 Shinajpi runauna paita: ¿Imara rashun? ninauca.

3:11b.LUK.003.011 Cutipasha, Juan paigunara nica: Maican runa ishqui churanara charisha illajgunama cuyachu, micunara charij runa shinallara rachu.

3:12b.LUK.003.012 Paihuajma shamunauca bautisaringaj gobierno cullquira apijguna, paita nisha: Señor, ¿imara rashun ñucanchi?

3:13b.LUK.003.013 Juan paigunara: Ama yapajta mañaichichu mandashcara yalisha, nica.

3:14b.LUK.003.014 Shinallara soldarouna paita tapunauca, nisha: Nucanchisga, ¿imara rashun? Juan nica: Imaras ama dsas quichuichi runaunamanda, ama llullasha rimaichichu, canguna ganashca cullquihua cushi tucuichi.

3:15b.LUK.003.015 Tucui runauna chapausha, paiguna shungu ucui tapunauca: Cai runaga Cristochu anga manzhu Cristo anga, nisha.

3:16b.LUK.003.016 Juan cutipasha, tucui runaunara nica: Ñuca cierto pacha cangunara yacui bautisani, astaun shuj ñucamanda yali ushaj, yali valij shamum, mana valijchu ani paihua zapatos huascara pascangajllas. Paiga Santo Espirituis ninais bautisangami.

3:17b.LUK.003.017 Paihua huairachina maquii tian, paihua cutana pambara pichangami, paihua trigo muyura tandachingami huacachina huasii, cararaga sindichingami huiñaigama mana huañuihuaj ninai.

3:18b.LUK.003.018 Cai camachishcaunahua ashca shu camachishcaunahuas Juan runaunara ali shimiunara yachachica.

3:19b.LUK.003.019 Shinajpi Herodes nishca atun apu, Juan paita camachishcaraigu Herodes paihua uqui Felipe huarmira apishcamanda, shinallara pai tucui manali rashcaunamanda,

3:20b.LUK.003.020 tucui ñaupa manali rashcaunai yapachica, Juanda chonda cularbi ishcaca.

3:21b.LUK.003.021 Imasna tucui runauna bautisarinauca, Jesuspas bautisashca aca; Diosta mañajpi ahua pacha pascarica.

3:22b.LUK.003.022 Santo Espíritu paihua ahuai irgumuca, aichayuj cuenta, urpisna. Ahua pachamanda shimi uyarica: Can ñuca llaquishca Churimi angui, nisha, cambajpi cushi ani.

3:23b.LUK.003.023 Jesús pai camachingaj callariushcai quinsa chunga huata tupura charij aca, paita José churimi iyanauca, paiga Eli churi.

3:24b.LUK.003.024 Pai Matatpa churi, Levi churi, Melqui churi, Jana churi, José churi,

3:25b.LUK.003.025 Matatíaspa churi, Amospa churi, Nahum churi, Esli churi, Nagai churi,

3:26b.LUK.003.026 Maatpa churi, Matatíaspa churi, Semei churi, José churi, Judá churi,

3:27b.LUK.003.027 Joana churi, Resa churi, Zorobabel churi, Salatiel churi, Neri churi,

3:28b.LUK.003.028 Melqui churi, Adi churi, Cosam churi, Elmodam churi, Er churi,

3:29b.LUK.003.029 Josué churi, Eliezer churi, Jorim churi, Matat churi,

3:30b.LUK.003.030 Levi churi, Simeón churi, Judá churi, José churi, Jonan churi, Eliaquim churi,

3:31b.LUK.003.031 Melea churi, Mainán churi, Matata churi, Natán churi,

3:32b.LUK.003.032 David churi, Isai churi, Obed churi, Boozpa churi, Salmón churi, Naason churi.

3:33b.LUK.003.033 Aminadab churi, Aram churi, Esrom churi, Farespa churi, Judá churi,

3:34b.LUK.003.034 Jacob churi, Isacpa churi, Abraham churi, Taré churi, Nacor churi,

3:35b.LUK.003.035 Serug churi, Ragau churi, Peleg churi, Heber churi, Sala churi,

3:36b.LUK.003.036 Cainan churi, Arfaxad churi, Sem churi, Noé churi, Lamec churi,

3:37b.LUK.003.037 Matusalém churi, Enoc churi, Jared churi, Mahalaleeí churi, Cainán churi,

3:38b.LUK.003.038 Enos churi, Set churi, Adán churi, Diospa churi.

4

4:1b.LUK.004.001 Jesús, Santo Espirituhua undarishca asha, Jordanmanda tigraca. Espíritu pushashca aca runa illashca partima.

4:2b.LUK.004.002 Chihui chuscu chunga punzha tupu tiaca. Supai apu paita tentaca. Imaras mana micucachu chi punzhaunai, chihuasha yarcachica.

4:3b.LUK.004.003 Shinajpi supai apu paita nica: Can Diospa Churi ashaga, cai rumira rimai tanda tucuchu.

4:4b.LUK.004.004 Jesús paita cutipasha: Quillcashca tianmi, nica, Mana tandallahua runa causangachu, astaun tucui Dios rimashca shimiunahua.

4:5b.LUK.004.005 Supai apu paita shu atun urcuma pushaca, tucui mundui tiaj llactaunara dsaslla ricuchica.

4:6b.LUK.004.006 Supai apu Jesusta nica: Caijtucui ushaira canda cusha, tucui cai llactauna sumajhua. Ñucama cushca ashca, ñuca munashcama cuni.

4:7b.LUK.004.007 Can tuama urmasha ñucara alabajpi, adorajpi, cushcangui tucuira.

4:8b.LUK.004.008 Jesús cutipasha paita nica: Anzhuri ñucajmanda, Satanás, quillcashca tian: Camba Señor Diosta adorana mangui, paulara sirvina angui.

4:9b.LUK.004.009 Paita pushaca Jerusalenma, templo huasi ahua pundai paita churaca. Paita nica: Can Diospa Churi asha, allpama saltai.

4:10b.LUK.004.010 Quillcashca tian: Paihua angelgunara mandangami canda cuirangaj, supai apu nica.

4:11b.LUK.004.011 Shinallara, Paiguna maquiunai canda apinaungami camba chaquira rumii ama nijtaringaj.

4:12b.LUK.004.012 Jesús cutipasha nica: Rimashca tian, Camba Señor Diosta ama tentanguichu.

4:13b.LUK.004.013 Tucui tentación nishca tucuríjpi, supai apu paimanda rica shu ratogama.

4:14b.LUK.004.014 Espíritu ushanahua Jesús Galileama tigraca, paimanda rimashcauna uyarica tucui chi rayara tiaj partiunai. 15 Judioguna tandarina huasiunai Jesús yachachica. Tucui runa paita alabaca.

4:16b.LUK.004.016 Jesús Nazaretma shamuca, pai iñashca llactama. Paihua yachaira shu samana punzhai judio tandarina huasii icuca, shayaríca quillcara ricungaj.

4:17b.LUK.004.017 Shu quillca paita cushca aca, Diosmanda rimaj Isaías quillcashca; Jesús quillcara pascasha, casna quillcashcara tupaca:

4:18b.LUK.004.018 Señorba Espíritu ñucahua tian, imasna ñucara talishca ali shimira rimangaj tsuntsuunama; ñucara cachamuca tormendarij shunguyujgunara alichingaj; ishcariajgunara rimangaj liuriyachingaj, ñausaunara rimangaj ricungaj; tormendachishcaunara llushpichingaj,

4:19b.LUK.004.019 Señor munashca huatara rimangaj.

4:20b.LUK.004.020 Jesús quillcara ishcasha sirvijma cuca, tiarica. Tucui tandarina huasii tiajguna paita ricunauca.

4:21b.LUK.004.021 Paigunara rimangaj callarica: Cuna punzha, nisha, cai Quillcashca Shimi pactarishcami canguna ñaupajpi.

4:22b.LUK.004.022 Tucui ali rimanauca, riparanauca, imasna Jesús ali shungu shimiunara rimashcara. Paiguna ninauca: ¿Manzhu cai José churi?

4:23b.LUK.004.023 Jesús paigunara nica: Canguna ñucara ninguichi chari: Médico, Doctor, canllara aliyairi. Ñucanchi uyashcanchi imasna ashca ali rashcaunara rashcangui Capernaumbi. Shinallara rai caibi, camba quiquin llactai.

4:24b.LUK.004.024 Jesús nica: Mana ima Diosmanda rimaj paihua quiquin llactai chasqui tucunzhu.

4:25b.LUK.004.025 Cierto pacha cangunara nini, ashca huaccha huarmiuna tianauca Israelbi Elias causaushca punzhaunai, imahoras ahua pacha ishcai tucuca quinsa huata socta quilla tupura, chimanda atun yarcai tiauca tucui llactai.

4:26b.LUK.004.026 Astaun mana pimas chigunama cachashcacbu aca Elias, astaun Sarepta nishca llactama, Sidonia partii tiaj, shu chihui tiaj huaccha huarmima.

4:27b.LUK.004.027 Maspas, ashca ismushca aicha llagayujguna tianauca Israel llactai, Diosmanda rimaj Elíseo causaushca horas, shinashas chigunamanda mana pihuas alichi tucucachu, astaun shu Siriamanda Naaman nishca runalla.

4:28b.LUK.004.028 Shinajpi caita uyasha ashcara piñarinauca tucui tandarina huasii tiajguna.

4:29b.LUK.004.029 Atarisha, Jesusta ichunauca llactamanda canzhama, paita pushanauca urcu pundama, huaicuma shitangaj nisha. Chi urcu ahuai Nazaret llacta tiaca.

4:30b.LUK.004.030 Astaumbas Jesús paiguna chaupi shungura pasasha ri pasaca.

4:31b.LUK.004.031 Jesús irguca Galileai tiaj Capernaum llactama. Paigunara yachachica samana punzhaunai.

4:32b.LUK.004.032 Runauna pai yachachishcara uyasha manzharinauca, ushaihua yachachishcaraigu.

4:33b.LUK.004.033 Chihui aj tandarina huasii, shu irus supai apishca runa tiauca. Cai runa shinzhira caparica:

4:34b.LUK.004.034 Saquihuai ñucanchira, nica. ¿Imara munangui ñucanchihua, Nazaretmanda Jesús? ¿Shamushcangui ñucanchira tucuchingaj? Canda ricsinimi pitangui can. Diospa Santo Churi angui.

4:35b.LUK.004.035 Jesús supaira piñaca, Upalla, nisha, llucshi paimanda. Shinajpi supai runara urmachisha paiguna chaupi shungüi, paimanda llucshica, runara mana huajlichisba.

4:36b.LUK.004.036 Tucui manzharisha tianauca, paigunapura rimanausha: ¿Ima shimirai cai? nisha ninauca. Ushaihua irus supaigunara llucchisha cachan.

4:37b.LUK.004.037 Jesuspa shuti rimashca aca tucui chi partii tiaj llactaunai,

4:38b.LUK.004.038 Jesús atarisha llucshica tandarina huasimanda, Simomba huasii icuca. Simomba huarmi mama ashca calenturahua siriuca, paita ruganauca huarmira alichingaj.

4:39b.LUK.004.039 Jesús huarmira ricusha, calenturara piñaca. Calenturaga chiriaca. Huarmi uctalla atarisha paigunara sirvica.

4:40b.LUK.004.040 Indi icujpi, tucui ungushcaunara charijguna ima tono ungüimandas ungushcaunara pushamunauca Jesuspajma. Paiga paihua maquira caran dueño ahuai churasha, paigunara alichica.

4:41b.LUK.004.041 Shinallara ashcaunamanda supaiguna caparisha llucshinauca, shina nisha: Can Diospa Churi angui. Astaumbas, Jesús paigunara piñasha lugarda mana cucachu rimangaj, paiguna Jesús Cristo ajta ricsishcamanda.

4:42b.LUK.004.042 Ña punzhayajpi Jesús llucshica, shu runa illaj partima rica. Runauna paita mascanauca, paita tupai risha paita arcasha ninauca: Ama richu ñucanchijmanda.

4:43b.LUK.004.043 Astaun Jesús paigunara nica: Ñuca shu llactaunama richu ministirin, Dios mandana pacha ali shimira paigunara rimangaj. Chihuajmi cachamushca ani.

4:44b.LUK.004.044 Jesús Galilea partii tiaj tandarina huasiunai yachachicami.

5

5:1b.LUK.005.001 Jesús, Genesaret nishca yacu cocha rayai tiaupi, runauna paihuajma taucarimunauca Diospa shimira uyangaj.

5:2b.LUK.005.002 Ishqui canoara ricuca pulaya mayanllai. Aichahuara apijguna canoamanda llucshishca huasha, licaunara maillarinauca.

5:3b.LUK.005.003 Jesús shu chiguna canoai icusha, Simomba canoa aca, Simonda mañaca: Ansa caruyachi, nica, pulayamanda. Shina rajpi, Jesús tiarisha runaunara yachachica canoamanda.

5:4b.LUK.005.004 Rimashca huasha, Jesús Simonda: Canoara apai, nica, chaupi lamarma, licaunara shitangaj, aichahuara apingaj.

5:5b.LUK.005.005 Simonga cutipasha paita nica: Yachachij, tuta pagarijta licashcanchi, imaras mana apishcanchichu; shina ajllaira can rimajpi, licara shitasha chari.

5:6b.LUK.005.006 Shina rasha aichahuara apinauca ashca supaira, lica liquirijta.

5:7b.LUK.005.007 Chishu canoai tiajgunara cayanauca shamusha yanapangaj. Shamunaucami, ishqui canoara undachinauca ñaca ñaca pambaringama.

5:8b.LUK.005.008 Simón Pedro caita ricusha, Jesuspa ñaupajpi cungurisha nica: Anzhuri ñucamanda, Señor. Uchayuj runa mani.

5:9b.LUK.005.009 Paiga manzharica, paihua pariju tiajgunandi, paiguna ashca aichahuara apishcaraigumanda.

5:10b.LUK.005.010 Shinallara tucuca Jacobhuas Juanhuas, Zebedeo churiuna, Simomba compañajguna. Jesús Simonda nica: Ama manzhaichu, cuna horasmanda runaunara licaj cuenta tucungaraungui.

5:11b.LUK.005.011 Canoauna allpama llutarijpi, cai runauna tucuira saquisha, Jesusta catinauca.

5:12b.LUK.005.012 Jesús shu llactai tiaupi, shu ashca llagayuj runa shamuca. Pai Jesusta ricusha, tuama urmaca paihua ñaupajpi. Jesusta rugaca: Señor, nisha, can munashaga ñucara alichinara ushangui.

5:13b.LUK.005.013 Shinajpi Jesús maquira chutasha paita llangaca: Munanimi, nisha, alichishca angui. Dsas, llaga ungüi paita saquica.

5:14b.LUK.005.014 Jesús palta mandaca: Pitas ama rimaichu, nica, astaun ri, sacerdotema ricuchiri, Moisés mandashcara cui canda pichangaj, can aliyashcara ricuchingaj paigunama.

5:15b.LUK.005.015 Shinajllaira Jesús mas mas uyarica tucui partii. Ashca runauna shamunauca paita uyangaj, alichi tucungaj paiguna ungüigunamanda.

5:16b.LUK.005.016 Astaun, Jesús anzhurica runa illaj partiunama, chihui Diosta mañaca.

5:17b.LUK.005.017 Shu punzha Jesús yachachiuca. Fariseos nishcauna, Moisés mandashca shimira yachachijgunas chihui tianauca. Paiguna tucui Galilea llactunamanda shamunaushca aca, Judea partimandas, Jerusalenmandas. Diospa ushai paihua tiauca ungushcaunara alichingaj.

5:18b.LUK.005.018 Huaquin runauna shu suchu runara pushamunauca, caitui sirijta. Paita huasii icuchingaj mascanauca, Jesuspa ñaupajpi churangaj.

5:19b.LUK.005.019 Ashca runauna taucarimushcamanda, maimandas runara icuchingaj mana tupanaucachu. Chi raigumanda huasi ahuara sicanauca, pascasha runara irguchinauca runauna chaupi shungüi, Jesuspa ñaupajpi.

5:20b.LUK.005.020 Jesús chi runauna quirishcara ricusha, suchu runara nica: Can ucha rashcaunara perdonashcangui.

5:21b.LUK.005.021 Shinajpi yachaira yachachijguna fariseogunandi pifíangaj callarinauca, nisha: ¿Pitangai cai runa casna irusta rimaj, Diosta camij? ¿Pita uchara perdonanara ushangai mana Dios asha?

5:22b.LUK.005.022 Jesús paiguna iyashcara riparasha, cutipasha nica: ¿Imara iyanguichiri canguna shungüi?

5:23b.LUK.005.023 ¿Imara mas rimaihuaj: Can ucharashcara perdonashcangui nina, mana ajpiga, Can atari, puri, ningaj?

5:24b.LUK.005.024 Astaun canguna yachangaj imasna ñuca, Runa Churi nishca, ushanara charini cai pachai uchara perdonangaj, suchu runara nin: Canda nini, atari, caitura apai, camba huasima ri.

5:25b.LUK.005.025 Chi ratollaira runa paiguna ñaupajpi atarisha, pai sirishca caitura apasha, ri pasaca paihua huasima, Diosta alabasha.

5:26b.LUK.005.026 Tucui manzharinauca, Diosta alabanauca. Ashcara manzhanauca: Shu munanaita rashcara ricushcanchi cuna punzha, ninauca.

5:27b.LUK.005.027 Caimanda huasha, Jesús llucshisha, shu impuesto nishca gobierno cullquira tandachij runara ricuca. Paihua shuti Levi aca. Cullquira tandachina huasii tiaca. Jesús paita: Catihuai, nica.

5:28b.LUK.005.028 Levi tucuira saquisha, atarisha, Jesusta catica.

5:29b.LUK.005.029 Leviga atun istara rarca paihua huasii. Ashca cullquira tandachijgunandi shu amigounandi paigunahua pariju tianauca micuna mesai.

5:30b.LUK.005.030 Yachaira yachachijguna fariseogunandi Jesús yachachishca runaunara piñanauca: ¿Imarasha micunguichi cullquira tandachijgunahua uchayujgunahuas? ninauca.

5:31b.LUK.005.031 Jesús cutipasha paigunara nica: Aliuna doctorda mana ministinaunzhu, astaun ungushcauna ministinaun.

5:32b.LUK.005.032 Ñuca shamucani, mana ali causajgunara cayangaj, astaun uchayujgunara cayangaj arrepentiringaj.

5:33b.LUK.005.033 Paiguna Jesusta ninauca: ¿Imarasha Juan yachachishca runauna caran rato sasinaun, Diosta mañanaun, shinallara ranaun fariseoguna yachachishca runaunas, astaun can yachachishca runauna micunaun upinaun?

5:34b.LUK.005.034 Jesús paigunara nica: Ushanguichichu borai tiau amigouñara sasichingaj, cari tiaushcallaira.

5:35b.LUK.005.035 Randi, cari paigunamanda quichuna punzhauna shamunaungami. Chi punzhaunai sasinaungami.

5:36b.LUK.005.036 Jesús shinallara paigunara shu yachachingaj cuentanara cuentaca: Mana pihuas mushuj churanamanda shu pitira pitinzhu rucu churanara remendangaj; shina rajpiga, mushuj churana liquiringa, maspas mushuj churanamanda piti mana ali ricuringachu rucu churanahua.

5:37b.LUK.005.037 Pihuas mushuj vinora mana churanzhu rucu cara puruunai, shina rajpiga mushuj vino puscuyasha purura tugyachin, vino talirin, carauna liquirisha pirdirinaun.

5:38b.LUK.005.038 Astaumbas, mushuj vino mushuj cara puruunai churana anga, chasna rajpi vinondi puruunandi duranaungami.

5:39b.LUK.005.039 Maspas, pi runas rucu vinora upishca huasha mushujta mana munanga. Rucu vino astaun mas alimi, ñinga.

6

6:1b.LUK.006.001 Casnami tucuca: Jesús shu tarpushca chagrara pasausha samana punzhai, pai yachachishca runauna trigo papajta aisanauca micungaj, muyura maquii cacusha.

6:2b.LUK.006.002 Huaquin fariseoguna paita ninauca: ¿Imaraigu chiguna mana raihuajta ranaun samana punzhai?

6:3b.LUK.006.003 Cutipasha Jesús paigunara nica: ¿Manzhu Quillcashcai ricushcanguichi imara rarca David pai yarcachishca horas paihua compañajgunandi?

6:4b.LUK.006.004 ¿Manzhu ricushcanguichi imasna Diospa huasii icusha, ricuchina tandara apisha micuca, paihuas pai compañajgunandi? Chi tandara micunara mana raihuajchu aca pihuas. Sacerdoteunalla micunara ushanauca.

6:5b.LUK.006.005 Jesús paigunara nica: Ñuca, Runa Churi nishca, shinallara samana punzhahua dueño maní.

6:6b.LUK.006.006 Shinallara shu samana punzhai Jesús tandarina huasii icusha yachachica. Chihui shu runa tiauca paihua ali maqui chaquirishca aca.

6:7b.LUK.006.007 Yachaira yachachijguna fariseogunandi Jesusta chapanauca, chi runara samana punzhai alichingachu, imara nisha, imaras tupangaj Jesusta culpangaj.

6:8b.LUK.006.008 Jesusga paiguna iyarishcara yachaca, shinajllaira chaquirishca maquiyujta nica: Atari, chaupi shungüi shayari. Runa atarisha shayarica.

6:9b.LUK.006.009 Shinajpi Jesús paigunara nica: Cangunara tapuni, ¿raihuaj chu samana punzhai aliranara manaliranara? ¿Raihuajchu causaira huacachina, causaira quichuna?

6:10b.LUK.006.010 Jesús tucui muyujta tiajgunara ricusha, runara nica: Maquira chutai. Runa shina rarca. Paihua maqui aliyashca aca.

6:11b.LUK.006.011 Fariseoguna ashcara piñarinauca, paigunapura rimananauca ima manalira rangajpas Jesushua.

6:12b.LUK.006.012 Chi punzhaunai Jesús urcuma rica mañangaj. Tuta pagarijta Diosta mañauca.

6:13b.LUK.006.013 Punzhayajpi Jesús pai yachachishca runaunara cayasha, paigunamanda chunga ishquira ajllaca, chigunara shinallara apóstol nishca cachashcauna shutichica.

6:14b.LUK.006.014 Caigunami anauca: Simón, paiga Pedro nishca aca, paihua uqui Andrés, Jacobo Juandi, Felipe Bartolomendi,

6:15b.LUK.006.015 Mateo Tomasndi, Alfeo churi Jacobo, Zelote nishca Simón,

6:16b.LUK.006.016 Judas, Jacobo uqui, shinallara Judas Iscariote, Jesusta entregaj runa.

6:17b.LUK.006.017 Jesús paigunahua irguca, shu pambai chapasha tiauca, pai yachachishca runaunahua, ashca runaunahua Judeamanda Jerusalenmandas, Tiro Sidon lamar pata partiunamandas. Cai tucui runauna shamunauca Jesusta uyangaj, paiguna ungüigunamanda alichi tucungaj.

6:18b.LUK.006.018 Shinallara irus supaihua tormendachishcauna shamunauca. Alichi tucunauca.

6:19b.LUK.006.019 Tucui runauna Jesusta llangangaj munanauca, ushai paimanda llucshijpi tucui runaunara alichingaj.

6:20b.LUK.006.020 Jesús paihua ñahuira atarichisha, pai yachachishca runaunara ricusha, paigunara rimaca: Cushiuna anguichi canguna pogriuna, nisha. Cangunajmi Dios mandana pacha.

6:21b.LUK.006.021 Cushiuna anguichi cuna horas yarcachijguna, sacsachishca anguichimi. Cushiyujguna anguichi cuna horas huacauguna, asinguichimi.

6:22b.LUK.006.022 Cushiuna anguichi runauna cangunara chijnijpi, cangunara chicanyachijpi paigunamanda, cangunara piñanaupi ñuca, Runa Churi nishcara, llaquishcaraigu.

6:23b.LUK.006.023 Cushiyaichi chi punzhai, cushi tucuichi. Cangunara pagana atunmi ahua pachai. Shina ranauca canguna yayauna Diosmanda rimajgunahua.

6:24b.LUK.006.024 Maspas, ¡Ayailla, charijguna! canguna cushira cunalla charinguichi.

6:25b.LUK.006.025 ¡Ayailla sacsashcauna! Yarcachinguichimi. ¡Ayailla, cuna horas asijguna! Llaquiringuichimi, huacanguichimi.

6:26b.LUK.006.026 ¡Ayailla canguna, runauna cangunamanda ali rimanaupi! Shina ranauca canguna yayauna llulla rimajgunahua.

6:27b.LUK.006.027 Uyajguna, cangunara nini: Llaquichi cangunahua contrauñara, alira raichi cangunara chijnijgunara.

6:28b.LUK.006.028 Bendiciaichi cangunara maldiciajgunara, mañaichi cangunamanda llullasha manalira rimajgunamanda.

6:29b.LUK.006.029 Pi runas camba mujluspi sajmajpi, chishu mujlusta paita ricuchi. Pi runas camba sacora quichujpi, paita ama mitsaichu camba camisaras.

6:30b.LUK.006.030 Maican mañajpi cui. Maican runa cambajta quichujpi, ama cuti mañaichu.

6:31b.LUK.006.031 Imasnara munanguichi runauna cangunahua ranauchu, shinallara paigunahua raichi canguna.

6:32b.LUK.006.032 Canguna alirajgunallara llaquijpi ¿imajta valin? Shinallara uchayujguna paigunara llaquijgunara llaquinaun.

6:33b.LUK.006.033 Canguna alira rajpi alira rajgunamallara, ¿imajta valin? Uchayujguna shinallara ranaun.

6:34b.LUK.006.034 Canguna imaras mañachijpi, huasha paigunamanda apingaj chapausha, ¿imajta valin? shinallara uchayujguna uchayujgunama mañachinaun, shina tupura yapashca cuti apingaj.

6:35b.LUK.006.035 Shinajpi cangunara chijnijgunara llaquichi, alira raichi, mañachichi, imaras mana cuti chapausha; canguna pagana atun manga. Ahuai tiaj Diospa churiuna anguichi. Paiga ali shungumi mana agrasijgunahua, manaliunahuas.

6:36b.LUK.006.036 Cangunaga ali llaquijguna aichi, imasna camba Yaya ali llaquijmi.

6:37b.LUK.006.037 Ama tarípaichichu, mana tarípashca anguichi. Ama causayachichu, mana causayashca anguichi. Perdonaichi, perdonashca anguichi.

6:38b.LUK.006.038 Cuichi, cangunama cui tucunguichimi, ali tupura, nitishcara, undajta. Imasna tupunguichi shinallara tupui tucunguichimi.

6:39b.LUK.006.039 Jesús paigunara shu yachachingaj cuentanara cuentaca: ¿Ushangachu, nica, shu ñausa runa shu ñausara pushangaj? ¿Manzhu ishquindi uctui urmanaunga?

6:40b.LUK.006.040 Yachachishca runaga mana yalinzhu paita yachachijta; astaun maicans ali yachachishca asha, paita yachachij cuenta tucunga.

6:41b.LUK.006.041 ¿Imarasha camba uqui ñahuii tiau polvohuara ricungui, camba quiquin ñahuii tiau caspira mana ricusha?

6:42b.LUK.006.042 ¿Imasnara ningui camba uquira: Uyai, ñuca camba ñahuimanda polvohuara llucchisha, can camba ñahuii tiaj caspira mana ricusha? ¡Ishqui shimiyuj! Ñaupa punda ichui caspira camba quiquin ñahuimanda, chi huasha alimi ricungui polvohuara camba uqui ñahuimanda ichungaj.

6:43b.LUK.006.043 Manali yura manali muyura aparin, ali yuraga ali muyura aparin.

6:44b.LUK.006.044 Caran yura pai aparishca muyumanda ricsinallami. Higo muyura mana pallanaunzhu quilambu cashamanda, shinallara uvillasta mana apinaunzhu chispumanda.

6:45b.LUK.006.045 Ali runa paihua shungüi huacachishca ali iyaimanda alira llucchin, manali runaga paihua shungu manali ajpi manalira llucchin. Shungu yalijta undashcamanda shimi riman.

6:46b.LUK.006.046 ¿Imarasha ñucara: Señor, señor, nisha, cayahuanguichi, ñuca mandashcara mana rashallara?

6:47b.LUK.006.047 Tucui ñucama shamuj runa, ñuca shimira uyaj, ñuca shimira pactachij, cangunara ricuchisha imasna ricurij ajta.

6:48b.LUK.006.048 Pai shu huasira raj runasna: allasha, ucura allaca, huasi istandira shayachica. Yacu undasha huasira nitica; randi mana ushacachu urmachingaj, huasi rumii shayachishca ajpi.

6:49b.LUK.006.049 Astaun, shu runa ñuca shimira uyashallara, mana pactachisha, pai casnami: Shu runa paihua huasira allpallai shayachica. Yacu undajpiga, huasi urmaca. Chi huasi urmasha llambura tucurica.

7

7:1b.LUK.007.001 Tucuira rimai pasashca huasha paita uyajgunama, Jesús icuca Capernaumbi.

7:2b.LUK.007.002 Shu soldaro capitamba sirvij runa huañunalla ungushca aca, capitanga paita yapa llaquica.

7:3b.LUK.007.003 Capitán Jesuspa shutira rimashcara uyasha, judiogunamanda rucuunara paihuajma cachaca, paita rugangaj, shamuchu nisha, paita sirvijta alichingaj.

7:4b.LUK.007.004 Paiguna Jesuspajma shamusha paita ashcara ruganauca: Cai capitán valinmi, nisha, caita rangaj.

7:5b.LUK.007.005 Paiga ñucanchi llactara llaquin, shinallara ñucanchij shu tandarina huasira sicachishca.

7:6b.LUK.007.006 Jesús paigunahua compañasha ri pasaca. Jesusga huasi mayanllai pactamujpi, capitán amigounara cachaca Jesusta rimangaj: Señor, nisha, ama molestarichu, mana valijchu ani can ñuca huasi ucui icungaj.

7:7b.LUK.007.007 Chi raigumanda ñucallara mana shamushcanichu canhua rimangaj, mana valijchu ani, nisha. Astaun, rimailla, ñuca sirvij ali tucungami.

7:8b.LUK.007.008 Ñuca mandashca runa ani, shinallara ñucahua soldarounara charini mandangaj. Shujta: Ri, nini, pai rinmi. Shujta: Shami, nini, paimi shamun. Ñuca sirvijta: Caita rai, nijpi, ranlla.

7:9b.LUK.007.009 Jesusga caita uyasha: Yapa alimi, nica. Voltiarisha Jesús paihua catijgunama nica: Cangunara nini, Israelbi casna quirinara mana tupashcanichu.

7:10b.LUK.007.010 Cachashca runauna huasima tigrasha, chi ñaupa ungushca sirvij runa aliyashcara tupanaucami.

7:11b.LUK.007.011 Chi huashalla, Jesús shu Naín nishca llactama rica, paihua pariju pai yachachishca runauna, ashca shu runaunandi.

7:12b.LUK.007.012 Llacta pungu mayambi pactaushcai, shu huañushca runara canzhama llucchinauca. Cai runa shujlla churi aca, mamaga huaccha huarmi aca. Paihua pariju ashca runauna compañanauca llactamanda.

7:13b.LUK.007.013 Señorga huarmira ricusha llaquirica, paita rimasha: Ama huacaichu, nica.

7:14b.LUK.007.014 Jesús llutarisha, aya cajonda llangaca. Huanduujguna shayarinauca. Jesús ayara: Malta, nica, atari, nini.

7:15b.LUK.007.015 Huañu runa tiarisha, rimangaj callarica. Jesús paita paihua mamama cuca.

7:16b.LUK.007.016 Tucui runauna manzharinauca. Diosta alabanauca, casna nisha: Shu atun Diosmanda rimaj llucshishcami ñucanchi chaupi shungüi. Dios paihua runaunara ricushcami.

7:17b.LUK.007.017 Jesuspa shuti uyarica tucui Judea partii, tucui muyujta tiaj partiunandi.

7:18b.LUK.007.018 Juan yachachishca runauna tucui cai rashcaunamanda Juanda cuentanauca.

7:19b.LUK.007.019 Juanga ishqui pai yachachishca runaunara cayasha, paigunara Señorbajma cachaca tapungaj: ¿Canzhu shamuna aj runa angui, mañasha shujtachu chapana anga?

7:20b.LUK.007.020 Runauna Jesusma shamusha, paita ninauca: Bautisaj Juan ñucanchira cachamuca cambajma tapungaj: ¿Canzhu shamuna aj runa angui, mañasha shujtachu chapana anga?

7:21b.LUK.007.021 Chi ratollaira Jesús ashcaunara paiguna ungüimandas nanaigunamandas irus supaigunamandas aHchicami, ashca ñausaunara ricujta rarca.

7:22b.LUK.007.022 Paigunara cutipasha nica: Richi, canguna ricushcara uyashcaras Juanda cuentaichi: ñausauna ricunaun, nisha, anga changauna ali purinaun, llagayujguna alichishcami anaun, upa rinriyujguna uyanaun, huañushcauna causachishca anaun, maspas pogriunama evangelio ali shimira rimashcami.

7:23b.LUK.007.023 Cushi shunguyujmi maican runa mana nijtarisha ñucahua.

7:24b.LUK.007.024 Juan cachamushca runauna rishca huasha, Jesús runaunama rimangaj callarica Juanmanda: ¿Imara ricungaj runa illaj partima llucshicanguichi? ¿Shu huaira cuyuchishca quihuara ricungajchu ricanguichi? nica.

7:25b.LUK.007.025 Astaumbas, ¿imara ricungaj llucshicanguichi? ¿Shu gusto llachapa churarishca runara? Gusto vaUj churanahua churarishcauna, charij cuenta causajguna, rey apu atun huasiunai tianaun.

7:26b.LUK.007.026 Cutillara cangunara nini: ¿Imara ricungaj llucshicanguichi? ¿Shu Diosmanda rimajta? Cierto nini, astaun shu rimajmanda yalira.

7:27b.LUK.007.027 Cai runamandami quillcashca tian: Ñuca rimaj runa camba ñahui ñaupajpi cachauni. Pai camba nambira camba ñaupajpi alichingami.

7:28b.LUK.007.028 Cangunara nini, huarmimanda pagarishcaunamanda, Bautisaj Juanmanda shu yali rimaj illan. Shinajllaira Dios mandana pachai tucuimanda yali ichilla runas Juanmanda yalimi.

7:29b.LUK.007.029 Tucui runauna paita uyasha, shinallara gobierno cullquira tandachijguna paita uyasha, Dios alimi nisha ninauca, shinallara bautisarinauca Juan rashca bautisanahua.

7:30b.LUK.007.030 Astaumbas fariseoguna, ley shimira camachijgunas Diospa shimii paigunamanda rimashcara ichunauca. Juanmanda mana bautisashca anauca.

7:31b.LUK.007.031 Señor nica: ¿Lnahuara cuna causaj runaunara ricuchisha? ¿Imasnara anaun?

7:32b.LUK.007.032 Cai runauna pujllaj huahuaunasnami. Huahuauna pulazai tiarisha caparinaun: Llautaunara cangunajta tucacanchi, astaun canguna mana bailacanguichichu; cangunajta huacacanchi astaumbas canguna mana huacacanguichichu.

7:33b.LUK.007.033 Bautisaj Juan shamuca, tandara mana micuj, vinoras mana upij, canguna nicanguichi: Supaira charin.

7:34b.LUK.007.034 Randi Runa Churi micujpas upijpas shamuca, cangunaga: Caiga micuisiqui, vinoras upisiqui, nisha nicanguichi, cullquira tandachijguna amigo, uchayujguna amigo.

7:35b.LUK.007.035 Randi, yachana ali nishcami tucui paihua churiunamanda.

7:36b.LUK.007.036 Shu fariseo runa Jesusta conviraca paihua pariju micungaj, fariseo huasii icusha mesai tiarica.

7:37b.LUK.007.037 Shu uchasapa huarmi tiauca llactai. Chi huarmi, Jesús fariseo huasii micuushcara uyasha, gusto asnaj ambira undachishca alabastro nishca rumi purura apamuca.

7:38b.LUK.007.038 Jesuspa huashai shayarisha paihua chaqui rayai huacasha tiauca. Pai huacashca iquihua Jesuspa chaquira ucuchica, paihua acchahua chaquira chaquichica, maspas Jesuspa chaquira muchaca, ambira talica chaquii.

7:39b.LUK.007.039 Jesusta conviraj fariseo runa cai tucuira ricusha, paihua shungüi nica: Cai runa Diosmanda rimaj ashaga ricsinmaca ima sami cai huarmi ajtas, cai paita llangaj huarmi uchasapa ajtas.

7:40b.LUK.007.040 Shinajpi Jesús cutipasha: Simón, nica: Shu shimira rimauni canda. Simonga: Rimairi, Señor, cutipaca.

7:41b.LUK.007.041 Jesús nica: Shu dibiyachij runa ishqui dibiyujgunara charica, shuj paita pichca patsaj cullquira dibiyaca, shujga pichca chungallara.

7:42b.LUK.007.042 Chi ishquiga imaras mana charínaucachu pagangaj, dueñoga íshquindira perdonaca. Rimahuai, cai ishquimanda ¿maicanda paita masta llaquingai?

7:43b.LUK.007.043 Simón cutipasha; Yachin, nica, yali dibiyuj runa mas llaquinma. Jesús paita: Cierto, nica, alimi iyashcangui.

7:44b.LUK.007.044 Shinajpi Jesús huarmima voltiarisha, Simonda rimasha, ¿cai huarmira ricunguichu? nica. Ñuca camba huasü icucani. Can yacura mana cuhuacanguichu chaquira maillangaj, astaun cai huarmi paihua iquihua ñuca chaquira maillashcami, paihua acchahua chaquichishcami.

7:45b.LUK.007.045 Can ñucara mana muchacanguichu, astaun cai huarmi pai icushca ratomanda pacha ñuca chaquira muchangaj mana saquishcachu.

7:46b.LUK.007.046 Can ñuca umai aceitera mana talicanguichu, astaun cai huarmi gusto asnaj ambira ñuca chaquii talicami.

7:47b.LUK.007.047 Chi raigumanda canda nini: pai ucharashcauna ashca ajllaira, tucuira perdonashcami, huarmi ashcara llaquihuashcamanda. Astaumbas maicans ansalla perdonashca asha, ansalla llaquin.

7:48b.LUK.007.048 Jesús huarmira: Can ucharashcauna perdonashcami, nica.

7:49b.LUK.007.049 Shinajpi, mesai tiajguna paigunapura rimangaj callarinauca: ¿Pitangai caiga uchaunara perdonangaj? nisha.

7:50b.LUK.007.050 Jesús huarmira: Can quirishca canda quishpichishcami. Cushilla ri, nica.

8

8:1b.LUK.008.001 Ansalla huasha, Jesús puriuca tucui llactaunama, tucui ichilla llactaunamas, Dios mandana pacha evangelio ali shimira rimasha. Paihua chunga ishqui runauna paihua pariju tianauca.

8:2b.LUK.008.002 Shinallara paihua pariju tianauca huaquin huarmiuna, irus supaigunamanda ungüigunamandas Jesús ñaupa horas alichishcauna, Magdalena nishca Marías, paimanda canzhis supaiguna llucchishcas chihui aca,

8:3b.LUK.008.003 shinallara Juana nishca Chuza huarmi, cai Chuza Herodespa mayordomo aca, shinallara Susana, ashca shu huarmiunandi. Caiguna Jesusta yanapanauca paiguna cullquihua.

8:4b.LUK.008.004 Ashca runauna caran llactamanda Jesusma shamunauca, Jesús yachachingaj cuentanara cuentasha, nica:

8:5b.LUK.008.005 Shu tarpuj runa llucshica paihua muyura tarpungaj. Tarpushallara, huaquin muyuuna ñambi rayai urmaca, aitai tucuca, pishcuuna muyura micunauca.

8:6b.LUK.008.006 Huaquin muyuuna rumi ahuai urmanauca. Iñasha chaquirica, yacu illajpi.

8:7b.LUK.008.007 Huaquin muyuuna casha ucui urmanauca; cashauna pariju iñasha, itayasha huañuchica.

8:8b.LUK.008.008 Shu muyuunaga ali allpai urmanauca. Iñasha, caran muyumanda shu patsaj muyura aparica. Jesús cai shimira cuentasha, caparisha: Uyaj rinriyuj uyachu, nica.

8:9b.LUK.008.009 Jesús yachachishca runauna paita tapunauca: ¿Imara nin cai cuentashca shimi? nisha.

8:10b.LUK.008.010 Jesús paigunara nica: Cangunama cushcami Dios mandana pacha pacashca shimira intindingaj, astaun shujgunama yachachingaj cuentanahua rimashca aca, ricusha ama ricsingaj, uyasha ama intindingaj.

8:11b.LUK.008.011 Caimi chi yachachingaj cuentana: Tarpushca muyu Diospa shimimi.

8:12b.LUK.008.012 Ñambi rayai urmajguna uyanauca, astaumbas uctalla supai apu shamun, shimira quichun paiguna shungumanda, ama quirisha quishpingaj.

8:13b.LUK.008.013 Rumi ahuai urmajguna, uyajgunami, cushihua shimira chasquinaun, astaumbas sapi illajguna asha, shu ratolla quirinaun, shu rato huasha tentashcahua anzhurinaun.

8:14b.LUK.008.014 Casha ucui urmajguna, uyashallara, cai causana tormendachishcaunahua, charishcaunahua, cai causana gustashcaunahua, itayai tucunaun, mana aparinaun.

8:15b.LUK.008.015 Astaun, ali allpai urmajguna, caiguna ali dirichu shunguhua uyashca shimira huacachinaun, aparisha catinaun.

8:16b.LUK.008.016 Pi runas velara apichisha, purui mana tapan, caitu ucui mana churan. Astaun mantacai churan icujguna velara ricungaj.

8:17b.LUK.008.017 Tucui ima pacashcaras ricuchishca anga, tucui ima quillpashcaras ricsichishca anga, velama shamungami.

8:18b.LUK.008.018 Shinasha cuiraichi imasna uyanguichi. Charij runama cushca anga; runa mana charijpiga, pai charinimi nisha iyashcara quichushca anga.

8:19b.LUK.008.019 Jesuspa mama uquiunandi paihuajma shamunauca. Pactanara mana ushanaucachu, ashca runauna taucarimushca raigumanda.

8:20b.LUK.008.020 Runauna paita ninauca: Camba mama camba uquiuna canzhai tianaun, canda ricusha ninaun.

8:21b.LUK.008.021 Shinajpi cutipasha Jesús paigunara nica: Diospa shimira uyasha pactachijguna, caigunami ñuca mama, ñuca uquiuna.

8:22b.LUK.008.022 Shu punzha Jesús canoai icuca pai yachachishca runaunahua. Paigunara nica: Yacu chimbama rishunchi. Shina nijpi, rinaucami.

8:23b.LUK.008.023 Paiguna riupi, Jesús puñuriaica. Shu shinzhi huaira atarica yacu cochai. Canoa yacuhua undarisha pambaringarauca.

8:24b.LUK.008.024 Jesusma shamusha, paita llicchachinauca: Señor, Señor, nisha, huañuunchi. Jesús lliccharisha huairaras tsajlastas piñaca, saquirinaucami, chunlla tucuca.

8:25b.LUK.008.025 Jesús runaunara nica: ¿Maibirai canguna, Quirinchimi nishca? Chucchusha manzharinauca, paigunapura rimananauca: ¿Pitangai cai? Paiga huairaunara yacuunaras mandan, paiguna casunaun, nisha.

8:26b.LUK.008.026 Gadarenos nishca runauna llactama rinauca, Galilea lamar chimbai tiaj llactama.

8:27b.LUK.008.027 Jesús, allpai llutarijpi, paita tupangaj shu supai apishca runa llactamanda shamuca. Unaimanda supai apishca aca. Llatan maca, mana huasii causaca, astaun aya huasiunai.

8:28b.LUK.008.028 Cai runaga, Jesusta ricusha, caparisha, paihua ñaupajpi tuama urmaca. Shinzhi shimihua caparisha: Atun Diospa Churi, nica, ¿imara munangui ñucahua? Canda rugauni, ama tormendachihuaichu.

8:29b.LUK.008.029 Jesús irus supaira mandaca runamanda llucshingaj. Unaimanda supai paita apishca, runa cadena huascahua huatashca aca, shinajpi huascara pitisha supai paita cachaca runa illashca partiunama.

8:30b.LUK.008.030 Jesús paita tapuca: ¿Ima shutira angui? nisha. Paiga cutipasha: Huaranga anchi, nica, ashca supaiguna paihuajpi icushca asha.

8:31b.LUK.008.031 Supaiguna Jesusta ruganauca paigunara ama ucu pachama cachangaj.

8:32b.LUK.008.032 Chi mayanllai ashca cuchiuna tiaca, urcui micusha. Supaiguna paita ruganauca, Lugarda cuhuai, nisha, cuchiunai icungaj. Lugarda cuca.

8:33b.LUK.008.033 Supaigunaga runamanda llucshisha cuchiunai icunauca. Cuchiuna peñasmanda saltasha, yacui urmasha chucaunaca.

8:34b.LUK.008.034 Cuirajgunaga shina tucushcara ricusha miticunauca. Rishaga cuentanauca llactai chi partí mayandas.

8:35b.LUK.008.035 Runauna llucshinauca chi tucushcaunara yachangaj. Jesusma shamunauca, supaira ichushca runara tupanauca, churarishcara, ali iyaiyujta, Jesuspa chaquii tiajta. Ricusha manzharinauca.

8:36b.LUK.008.036 Ricujguna cuentanauca imasna supai apishca runa quishpichishca aca.

8:37b.LUK.008.037 Shinajpi tucui Gadara llacta runauna, tucui muyujta causajgunandi Jesusta ruganauca, Ripaí, nisha, paiguna ashca manzhashca raigumanda. Jesusga canoai icusha tigraca.

8:38b.LUK.008.038 Chi supaira ichushca runa Jesusta rugaca paihua pariju tiangaj, astaumbas Jesús paita dispirica, casna rimasha:

8:39b.LUK.008.039 Tigrai, nica, camba huasima. Cuentai ri imasna Dios canda rashcara. Runa ricami, tucui llacta partii Jesús paihua sumaj rashcara cuentasha.

8:40b.LUK.008.040 Jesús tigrajpi, runauna paita cushihua apinauca. Tucui runauna paita chapanauca.

8:41b.LUK.008.041 Shinajpi shu Jairo nishca runa, tandarina huasii mandaj apu, shamucami. Jesuspa chaquii tuama urmasha, paita: Shamupai ñuca huasima, nisha rugaca.

8:42b.LUK.008.042 Shu sapalla ushushihuara charica, chunga ishqui huatayujta, huañusha siriuca. Jesús rijpiga ashca runauna paita nitirimunauca.

8:43b.LUK.008.043 Shu ungushca huarmi, paihua yahuar ricurisha mana saquiríca, ña chunga ishqui huatara. Tucui paihua cullquira gastashca doctorgunahua. Pihuas paita alichinara mana ushacachu.

8:44b.LUK.008.044 Cal huarmi Jesús huashamanda shamusha, paihua churana pundara llangaca. Cungaimanda paihua ungüi saquiríca.

8:45b.LUK.008.045 Shinajpi Jesús rimaca: ¿Pita ñucara llangahuacai? nisha. Tucui runa, Mana ñucachu acani, nisha, Pedro paihua compañajgunandi nica: Señor, ashca runauna canda nitirianaun, canda tangarianaun, ¿Imarasha ningui, ¿Pita ñucara llangacai?

8:46b.LUK.008.046 Jesús nica: Pi chari llangahuaca, ñucamanda ushai llucshishcara riparacani.

8:47b.LUK.008.047 Huarmi, pai mana pacashcara ricusha, chucchusha Jesuspa ñaupajpi tuama urmai shamuca, tucui runauna ñaupajpi imamanda Jesusta llangashcara nisha cuentaca, shinallara imasnara pai ña aliyashca aca.

8:48b.LUK.008.048 Jesús paita nica: Ushushi, can quirishca canda quishpichishcami. Cushihua ri.

8:49b.LUK.008.049 Jesús chara rimaullaira tandarina huasi apujmanda shu sirvij runa shamuca, apura rimaca: Camba ushushi ali huañuira huañuca, ama molestaichu Señorda, nica.

8:50b.LUK.008.050 Jesús caita uyasha, cutipaca: Ama manzhaichu, nisha, quirilla, huahua aliyangami.

8:51b.LUK.008.051 Jesús huasii icusha, mana pitas lugarda cuca paihua pariju icungaj. Pedrora, Jacobora, Juanda, huahua yayaras mamaras lugarda cuca icungaj.

8:52b.LUK.008.052 Tucui chihui tiajguna huacanauca, caparinauca huahuamanda. Jesusga paigunara: Ama huacaichichu, nica, huahua mana huañushcachu, puñunllami, nica.

8:53b.LUK.008.053 Tiajguna Jesusta asinauca, huahua ali huañushcara yachasha.

8:54b.LUK.008.054 Astaumbas Jesús huahuara maquimanda apisha, cayasha nica: Ushushi, atari.

8:55b.LUK.008.055 Shinajpi paihua alma tigramuca, chi ratollai huahua shayarica. Jesús: Micunara caraichi, nica.

8:56b.LUK.008.056 Yayauna manzharinauca. Jesús paigunara: Pitas ama rimaichichu, nica, cai rashcara.

9

9:1b.LUK.009.001 Jesús pai chunga ishqui yachachishca runaunara tandachisha, paigunara ursaras ushairas cuca tucui supaigunara ichungaj, ungüigunaras alichingaj.

9:2b.LUK.009.002 Dios mandana pacha shimira rimangaj paigunara cachaca, shinallara ungushcaunara alichingaj.

9:3b.LUK.009.003 Jesús paigunara nica: Imaras ama apaichichu puringaj, ima taunaras, ima bolsaras, ima tandaras, ima cullquiras, shinallara ishqui churanaras ama apaichichu.

9:4b.LUK.009.004 Maican huasiis icusha, chihui tiaichi, chimanda llucshichi.

9:5b.LUK.009.005 Maicambas cangunara mana chasquinaupi, canguna chi llactamanda llucshisha, chaquimanda polvora chausichi, paiguna manali rashcara ricuchingaj.

9:6b.LUK.009.006 Yachachishca runauna llucshishaga, tucui ichilla llactaunama purinauca, evangelio shimira rimasha, ungushcaunaras alichisha, tucui partiunai.

9:7b.LUK.009.007 Herodes atun apu Jesús tucui rashcaunara uyaca. ¿Imarai? nica. Huaquinguna ninauca: Juan huañushcamanda causarishcami.

9:8b.LUK.009.008 Shujgunaga: Elias ricurimunmi; shujgunas: Shu callan horas Diosmanda rimaj causarishcami, ninauca.

9:9b.LUK.009.009 Herodes rimaca: Juamba umara pitichicani, ¿pitangai cai runa casna uyashca? Paiga Jesusta ricusha nica.

9:10b.LUK.009.010 Apóstol nishca Jesús cachashca runauna tigramusha tucui paiguna rashcaunara cuentanauca. Jesusga paigunahua shu runa illashca partima anzhurica, Betsaida nishca llacta rayai.

9:11b.LUK.009.011 Ashca runa pai rishcara yachashaga Jesusta catinauca. Jesús paigunara chasquica, Dios mandana pacha shimira paigunara rimaca. Shinallara ungushcaunara alichica.

9:12b.LUK.009.012 Ña tutayaupi, paihua chunga ishqui runauna paihuajma shamunauca, paita: Dispiri runaunara, nisha, paiguna llactama micungaj puñungaj rinauchu. Caimi runa illashca parti.

9:13b.LUK.009.013 Jesús paigunara: Canguna caraichi runaunara, nica. Cutipanauca: Pichca tandallara ishqui aichahuandi charinchi, ñucanchi mana rijpiga micunara randingaj tucui cai runaunajta.

9:14b.LUK.009.014 Chi runauna pichca huaranga tupu anauca. Shinajpi Jesús pai yachachishca runaunara nica: Tiachichi pichca chunga pichca chunga caran montombi.

9:15b.LUK.009.015 Shina rasha tucui runaunara tiachinauca.

9:16b.LUK.009.016 Jesús chi pichca tandara ishqui aichahuandi apisha, ahuama ricusha, bendiciaca. Paquisha pai yachachishca runaunama cuca, runauna ñaupajpi churangaj.

9:17b.LUK.009.017 Tucui sajsajta micunauca. Puchujgunara tandachinauca, chunga ishqui suru tasara.

9:18b.LUK.009.018 Jesús sapalla tiausha, Diosta mañauca. Pai yachachishca runauna paihua pariju tianauca. Paigunara tapuca, nisha: ¿Pimi ninaundai ñucara?

9:19b.LUK.009.019 Cutipasha ninauca: Bautisaj Juan angui, ninaun; huaquinguna Elíasmi, ninaun; shujguna shu ñaupa horas Diosmanda rimaj causarimushcami, ninaun.

9:20b.LUK.009.020 Jesús nica: Cangunaga, ¿Pimi nisha nihuanguichi? Shinajpi Pedro cutipasha nica: Diospa Cristo angui.

9:21b.LUK.009.021 Jesusga paigunara mandaca: Ama pitas cuentaichichu, nisha.

9:22b.LUK.009.022 Shina nica: Ñuca, Runa Churi nishca, ashcara tormendaringaj ministirin; rucuuna, sacerdote apuuna, yachaira yachachijguna ichuhuanaunga, huañuchihuanaunga; randi, quinsa punzha huasha causarishami.

9:23b.LUK.009.023 Shinallara nica tucui runaunama: Shu runa ñucara catisha nijpi, paihua quiquinllara: Mana imaschu ani, nichu; paihua quiquin cruzta aparichu caran punzha, ñucara catimuchu.

9:24b.LUK.009.024 Maican runa paihua causaira huacachisha nisha, causaira pirdingami, maicans paihua causaira pirdisha ñucaraigumanda, paihua causaira quishpichingami.

9:25b.LUK.009.025 ¿Imajta sirvingai shu runa tucui mundura ganangáj, paulara tularijpi, paulara pirdirijpi?

9:26b.LUK.009.026 Maican runas ñucamandas ñuca shimimandas pingarijpi, casna runamanda ñuca, Runa Churi nishca, pingarishami ñuca shamuna horaspi, imahoras shamusha ñuca sumajhua, Yayahua sumajhuas, paihua chuyaj angelguna sumajhuas.

9:27b.LUK.009.027 Cierto pacha cangunara nini, caibi tiajgunamanda huaquinguna mana huañunaungachu Dios mandana pachara ricungagama.

9:28b.LUK.009.028 Casna rimashca huasha, shu pusaj punzha tupu pasashca huasha, Jesús Pedrora Juanda Jacoboras paihua pariju pushaca. Urcuma sicanauca Diosta mañangaj.

9:29b.LUK.009.029 Jesús mañajpi, pai mañaushca ratoi, paihua ñahui shu tono tucuca, paihua churana chiujlla ricurica.

9:30b.LUK.009.030 Shinajpi ishqui runauna paihua rimanauca: Moisés, Elias anauca.

9:31b.LUK.009.031 Caiguna gusto sumajhua ricurinauca. Jesushua rimanauca pai ringaraushcaras, Jerusalembi tucungaraushcaras.

9:32b.LUK.009.032 Pedroga paihua compañajgunandi puñuihua sambayashca anauca; randi mana puñusha Jesuspa sumajta ricunauca, shinallara chi ishqui runa Jesushua pariju shayajgunara.

9:33b.LUK.009.033 Shinajpi, cai ishqui anzhurijpi Jesuspajmanda, Pedro Jesusta: Señor, nica, ¿manzhu valinma caibi tiangaj? Quinsa huasihuara rangaichi, cambajta shuj, Moisespajta shuj, Eliaspajta shuj, pai rimashcara mana yachasha.

9:34b.LUK.009.034 Pai shina rimaushcai, shu puyu shamuca, paigunara quillpaca. Ashcara manzharinauca, puyui icusha.

9:35b.LUK.009.035 Puyu ucumanda shimi uyaríca: Caiga, ñuca llaquishca Churimi, paita uyaichi, nisha.

9:36b.LUK.009.036 Shimi uyarishca huasha, Jesús sapalla saquirica. Paiguna chunlla tucunauca. Chi punzhaunai pitas imaras mana cuentanaucachu paiguna ricushcara.

9:37b.LUK.009.037 Cayandi punzha urcumanda irgumushcai, ashca runauna shamunauca paigunara tupangaj.

9:38b.LUK.009.038 Chi runa montonmanda shuj caparisha: Yachachij, nica, ricupai ñuca churira, canda rugauni. Ñuca sapalla churimi.

9:39b.LUK.009.039 Shu supai paita apin, cungaimanda caparin, paita quihuichin, puscura talichin, ñaca ñaca paita mana saquin.

9:40b.LUK.009.040 Can yachachishca runaunara rugacani ichungaj, astaun mana ushanaucachu.

9:41b.LUK.009.041 Jesús cutipasha nica: ¡Ah, nisha, mana quirij mana uyaj miraiguna! ¿Imahorasgama cangunahua compañana ani, cangunara ahuantana ani? Camba churira pushamui.

9:42b.LUK.009.042 Huahua shamujllaira, supai paita allpama .urmachica, paita ashcara quihuichica. Astaun Jesús irus supaira piñaca, huahuara alichica. Jesús huahuara paihua yaya maquii cuca.

9:43b.LUK.009.043 Tucui mundu manzharinauca Diospa atun ushaira ricusha.

9:44b.LUK.009.044 Cai rimashcaunara ali pacha uyaichi: Ñuca, Runa Churi nishca, runauna maquii cushca asha.

9:45b.LUK.009.045 Paigunaga cai rimashcaunara mana intindinaucachu, maspas paiguna iyaimanda pacashca aca paiguna ama intindingaj. Manzhanaucami paita tapungaj cai shimiunamanda.

9:46b.LUK.009.046 Shinajpi yachachishca runauna paigunapura tapunanauca paigunamanda maican mas atun tucunga.

9:47b.LUK.009.047 Jesús paiguna shungüi iyarishcara riparasha, shu huahuara apisha shayachica paihua rayai.

9:48b.LUK.009.048 Jesús paigunara nica: Maicans cai huahuara chasquisha ñuca shutira llaquishcaraigumanda, ñucara chasquin. Maicans ñucara chasquisha ñucara cachamujtas chasquin. Cangunamanda maicans mas ichilla, mas manso shunguyuj tucusha, paiga mas atunmi anga.

9:49b.LUK.009.049 Shinajpi Juan cutipasha nica: Señor, shu runara ricucanchi, camba shutii supaigunara ichuuca. Paita: Ama raichu, nicanchi, pai mana ñucanchihua catij ashcaraigu.

9:50b.LUK.009.050 Jesús paita nica: Ama mitsaichichu. Maican runa mana ñucanchihua contra tiausha, pai ñucanchihuami.

9:51b.LUK.009.051 Tiempo pactarijpi Jesús ahua pachama apishca tucungaj, shinzhi munashcahua Jerusalenma ringaj callarica.

9:52b.LUK.009.052 Rimajgunara ñaupara cachaca. Icunauca shu Samaría runauna llactai paihuajta ñaupa puruntungaj.

9:53b.LUK.009.053 Astaun paita mana apinaucachu, paihua ñahui Jerusalenma riu ashcaraigu.

9:54b.LUK.009.054 Pai yachachishca runauna Jacobo Juandi caita ricusha: Señor, ninauca, ¿munanguichu ñucanchi ninara ahuapachamanda cachamunara paigunara rupachingaj, Elias rashcasna?

9:55b.LUK.009.055 Shinajpi Jesús voltiarisha paigunara piñaca: Canguna espíritu samira mana yachanguichu, nisha.

9:56b.LUK.009.056 Ñuca, Runa Churi nishca, mana shamucanichu runa almaunara pirdichingaj, astaun paigunara quishpichingaj. Shu llactama rinauca.

9:57b.LUK.009.057 Shinajpi paiguna rishallara, ñambii shu runa Jesusta nica: Señor, canda catisha maita can purijpis.

9:58b.LUK.009.058 Jesús paita nica: Chajauna paiguna puñuna uctura charinaun, pishcuunas paiguna tasinda, astaun ñuca, Runa Churi nishca, maibis mana charinichu umara samachingaj.

9:59b.LUK.009.059 Jesús shu runaraga nica: Catihuai. Runa cutipaca: Saquihuai ñaupa punda ñuca yayara pambai ringaj, nisha.

9:60b.LUK.009.060 Jesús paita nica: Huañushca samiunara saqui paiguna quiquin huañushcaunara pambangaj. Canga, ri, Dios mandana pacha shimira rimangaj.

9:61b.LUK.009.061 Shinajpi shu runa paita nica: Canda catisha, Señor, astaun lugarda cuhuai ñaupa punda ñuca huasii tiaj ailluunara dispiringaj.

9:62b.LUK.009.062 Jesús paita cutipaca: Pi runas allpara allana maquinara apisha paihua maquii, chi huasha huashama ricusha, mana yalinzhu Dios mandana pachai icungaj.

10

10:1b.LUK.010.001 Huashaga Señor shu canzhis chunga runaunara ajllaca. Caigunara ishquipura ishquipura paimanda ñaupara cachaca, tucui pai ringaraushca llactaunama.

10:2b.LUK.010.002 Paigunara nica: Pallanaga cierto pacha ashcami, astaun tarabajguna pishinaunmi. Chiraigumanda pallachij Señorda rugaichi tarabajgunara paihua pallanama cachangaj.

10:3b.LUK.010.003 Purichi. Ñuca cangunara borregouna cuenta cachauni, pumauna chaupi shungüi.

10:4b.LUK.010.004 Ama apaichichu cullqui huacachina cararas, bolsaras, zapato stas. Pitas ama saluraichichu ñambii.

10:5b.LUK.010.005 Maican huasira icusha, ñaupa punda rimaichi: Cushi tucuchu cai huasi, nisha.

10:6b.LUK.010.006 Ali shungu runa chihui tiajpi, camba cushi paihuajpi tiangami. Mana shina ajpis cambajma tigrangami.

10:7b.LUK.010.007 Chi huasillai tiai, micusha upisha imaras canda cunaupi. Tarabaj runa paita pagashca valinmi. Ama caran huasn pasiaichichu.

10:8b.LUK.010.008 Maican llactais icusha, runauna cangunara icuchijpi, imaras cangunama carashcara micuichi.

10:9b.LUK.010.009 Chihui tiaj ungushcaunaras alichichi, paigunara nisha: Dios mandana pacha cangunajma mayanllayamushcami.

10:10b.LUK.010.010 Astaumbas maican llactai icusha, runauna cangunara mana munanaupi, chi llacta ñambiunama llucshisha rimaichi:

10:11b.LUK.010.011 Camba llactamanda polvo ñucanchi chaquii llutarishcara chausinchi canguna ñaupajpi. Shinashas yachaichi: Dios mandana pacha cangunajma mayanllayamushcami.

10:12b.LUK.010.012 Cangunara nini, Sodoma llacta runauna pishi livachishca anaunga chi punzhai cai llactai tiaj runaunamanda.

10:13b.LUK.010.013 ¡Ayailla canmanda, Corazín! ¡Ayailla canmanda, Betsaida! Tiro Sidón llactaunai cambajpi munanaita rashcauna rashca ajpiga, ña unai arrepentinaushca anmaca, costal llachapais ushpais tiarisha.

10:14b.LUK.010.014 Tiro Sidón llactauna runauna cangunamanda pishi livachishca anaunga taripana punzhai.

10:15b.LUK.010.015 Canga, Capernaum, ahuagama ahuayachishca ashcangui, astaun ucu pachagama urayachishca tucunguimi.

10:16b.LUK.010.016 Maicans cangunara uyasha, ñucara uyanmi. Maicans cangunara mana munasha, ñucaras mana munanzhu. Maicans ñucara mana munasha, ñucara cachamujtas mana munanzhu.

10:17b.LUK.010.017 Chi cachashca canzhis chunga runauna cushihua tigramunauca: Señor, nisha supaigunas ñucanchira uyanaun camba shutimanda.

10:18b.LUK.010.018 Jesús nica: Ñuca Satanasta ricucani ahua pachamanda rayosna urmamujta.

10:19b.LUK.010.019 Cangunara ushaira cuni machacuiunara, uputintiunaras aitangaj, tucui chijnijguna ushanaras vencingaj; imas cangunara mana huajlichingachu.

10:20b.LUK.010.020 Shinashas supaiguna cangunara uyashcamanda ama cushiyaichichu, astaun canguna shutira ahua pachai quillcashcamanda, caimanda cushiyaichi.

10:21b.LUK.010.021 Chi quiquin ratoi, Jesús cushiyaca paihua almai. Canda alabani, Yaya, nica, can ahua pacha cai pachandi Señormi angui. Umayujgunamanda, yachachishcaunamandas, cai shimiunara pacacangui, astaun llullu huahuaunama ricuchishcangui. Ari, Yaya, shina rasha cushiyacangui.

10:22b.LUK.010.022 Tucui imaras ñuca maquii cushca aca ñuca Yayamanda. Pi runas Churira mana ricsinzhu, Yayalla paita ricsin. Pi runas Yayara mana ricsinzhu, Churilla paita ricsin, shinallara maicandas Churi ajllashcauna paita ricsichingaj.

10:23b.LUK.010.023 Jesús pai yachachishca runaunama voltiarisha, paiguna sapalla tiashcai: Cushiunami canguna ricushcaunara ricuj ñahuiuna, nica.

10:24b.LUK.010.024 Cangunara nini, ashca Diosmanda rimajguna, ashca rey apuuna canguna ricushcaunara ricungaj munanauca, astaun mana ricunaucachu; shinallara canguna uyashcara uyangaj munanauca, astaumbas mana uyanaucachu.

10:25b.LUK.010.025 Shu ley shimira yachaj runa shayarica Jesusta tentangaj. Pai rimasha: Yachachij, nica, ¿imara rashai ñuca huiñai huiñai causaira apingaj?

10:26b.LUK.010.026 Jesús paita nica: ¿Imara quillcashca tian ley nishca quillcai? ¿Imasnara ricungui can?

10:27b.LUK.010.027 Ley shimira yachaj cutipasha nica: Señorga camba Diosta llaquina mangui, tucui shunguhua, tucui almahua, tucui camba ursahua, tucui camba iyaihua. Shinallara camba mayambi causaj runara camba quiquin aicharasna llaquina angui.

10:28b.LUK.010.028 Jesús paita: Alimi rimashcangui, nica, caita rasha causanguimi.

10:29b.LUK.010.029 Ley shimira yachajga, ali tucusha nisha, Jesusta nica: ¿Pitangai ñuca mayambi causaj?

10:30b.LUK.010.030 Jesús cutipasha nica: Shu runa Jerusalenmanda Jérico nishca llactama irguca. Shuhuauna maquiunai urmaca, chiguna pai charishcara quichunauca, paita macasha chugrichinauca. Ñacalla huañushcara saquisha rinauca.

10:31b.LUK.010.031 Shu sacerdote runa chi nambira irguca. Chugrishca runara ricusha muyuchisha pasaca.

10:32b.LUK.010.032 Shinallara shu Levita nishca sacerdotera sirvij runa mayanlla shamusha, chugrishca runara ricusha, muyuchisha pasaca.

10:33b.LUK.010.033 Randi, shu Samaría llactamanda runa nambira pasausha, mayanllayamusha, chugrishca runara ricuca, paita ricusha paihua shungüi llaquirica.

10:34b.LUK.010.034 Pactamushaga, chugrishcaunara pilluca, aceitera vinoras talisha chugrishcaunai. Ruñara paihua burroi sicachisha, apasha rica tambo huasima, chihui paita cuiraca.

10:35b.LUK.010.035 Cayandi punzha pai ringaraushcai, ishqui cullquira llucchisha, cuiraj runara cuca: Paita ali pacha cuirangui, nisha rimaca. Imaras pishijpi can gastashcamanda, canda pagasha ñuca tigramushcai.

10:36b.LUK.010.036 Shinajpi Jesús nica: ¿Chi quinsa runaunamanda, maican mayambi causaj cuenta tucucachu shuhuauna maquii urmashca runahua?

10:37b.LUK.010.037 Ley shimira yachaj nica: Paita llaquij runami, yachin, Shinajpi Jesús paita: Ri, nica, shinallara rangui can.

10:38b.LUK.010.038 Jesús rishaga, shu ichilla llactai icuca. Shu Marta nishca huarmi paita chasquica paihua huasii.

10:39b.LUK.010.039 Cai Marta shu María nishca ñañara charica. María Jesuspa chaquii tiarisha, pai rimashca shimira uyaj aca.

10:40b.LUK.010.040 Astaun, Marta yapa turbarij aca paihua ranaunahua, Jesusma shamusha nica: Señor, ¿Manzhu ricungui imasnara ñuca ñaña ñucara saquín sapalla sirvingaj? Paita rimai ñucara yanapangaj.

10:41b.LUK.010.041 Jesús cutipaca: Marta, Marta, nisha, ashca cuiraisiqui angui can, ashca ranaunahua turbarishca angui.

10:42b.LUK.010.042 Shujlla ministirin. María mas valij partira ajllashcami, paimanda mana quichushca anga.

11

11:1b.LUK.011.001 Jesús shii llactai Diosta mañauca. Mañai pasashca huasha, shu pai yachachishca runa paita: Señor, nica, ñucanchiras yachachihuai mañangaj, imasna Juan shinallara pai yachachishca runaunara yachachica.

11:2b.LUK.011.002 Jesús paigunara nica: Canguna Diosta mañausha casna rimaichi: Ñucanchi ahua pachai tiaj Yaya, camba shuti ali rimashca achu. Shamuchu can mandana pacha. Can munashca tucuchu imasna ahua pachai shinallara cai pachais.

11:3b.LUK.011.003 Cuna punzha ñucanchi caran punzha micuna tandara cuhuapai.

11:4b.LUK.011.004 Ñucanchi ucharashcara perdonahuai imasna ñucanchi shinallara perdonanchi ñucanchira manali rajgunara. Ñucanchira ama pushahuaichu tentaciombi, astaun manalimanda llushpichihuapai.

11:5b.LUK.011.005 Shinallara Jesús nica: ¿Cangunamanda maican runa shu arnigora charisha, paihuajma risha chaupi tuta, paita ninguima: Amigo, quinsa tandara mañachihuai.

11:6b.LUK.011.006 Shu amigo pactamushcami ñambimanda, ñucaga imaras mana charinichu paita carangaj;

11:7b.LUK.011.007 manzhu chishu runa cutipanma: Ama tormendachihuaichu. Pungu ña ishcashcami, huahuauna ña ñucahua sirinaun caitui. Mana ushanichu llucshinara canda cungaj?

11:8b.LUK.011.008 Cangunara nini, amigo ashcaraigumandalla mana llucshisha, astaun runa paita molestashcamanda llucshingami tucui ministishcara cungaj.

11:9b.LUK.011.009 Cangunara nini: Mañaichi, cushcanguichimi. Mascaichi, tarmguichimi. Cayaichi, cangunama pascashca angami.

11:10b.LUK.011.010 Tucui mañaj apin. Mascaj tarín. Cayaj runama pascashca anga.

11:11b.LUK.011.011 ¿Cangunamanda maican yaya, paihua churi paita: Tandara carahuai, nijpi, yaya shu rumira cungachu? ¿Aichahuara mañajpi, yaya machacuira cungachu?

11:12b.LUK.011.012 ¿Lulunda mañajpi, yaya shu uputindira cungachu?

11:13b.LUK.011.013 Shinashas, canguna manaliuna asha, ali cuyashcara canguna churiunama cuyanara yachasha, ¿manzhu mas mas canguna ahua pacha Yaya Santo Espiritura cunga paita mañajgunara?

11:14b.LUK.011.014 Jesús shu supaira ichuca, upa shimi supai aca. Supai llucshijpi, runa ña rimaca. Runauna manzharinauca.

11:15b.LUK.011.015 Huaquingunaga ninauca: Beelzebú nishca supaiguna atun apu ushaihua cai runa supaigunara ichun.

11:16b.LUK.011.016 Shujgunaga, Jesusta tentangaj: Shu ahua pachamanda ricurinara ricuchihuai, ninauca.

11:17b.LUK.011.017 Jesusga paiguna iyaira intindisha, paigunara nica: Tucui llacta pai quiquinmanda chaupirisha, tucurishca anga. Shinallara shu huasi pai quiquinmanda chaupirisha tularingami.

11:18b.LUK.011.018 Shinallarami, Satanás pai quiquinmanda chaupirisha, ¿Imasna pai mandana pacha shayaringa? canguna ñuca Beelzebú ushaihua supaigunara ichuuni nisha.

11:19b.LUK.011.019 Ñucaga supaigunara ichusha Beelzebumanda, ¿canguna churiunaga pimanda supaigunara ichunaun? Chimanda paiguna cangunara taripanaun.

11:20b.LUK.011.020 Astaunga ñuca Diospa rerohua supaigunara ichujpi, ciertomi Dios mandana pacha cangunajma pactamushcami.

11:21b.LUK.011.021 Imahoras shu shinzhi runa paihua huasira ricun, pai charishcauna ali tucunaun.

11:22b.LUK.011.022 Astaumbas shu yali shinzhi runa shamusha, paita vencisha, tucui pai munashca esparaunara quichun, apashcaunara chaupin shujgunama.

11:23b.LUK.011.023 Maicambas mana ñucahua tiausha, ñucahua contra tucun. Maicambas mana ñucahua tandachisha, chausinmi.

11:24b.LUK.011.024 Imahoras irus supai shu runamanda llucshin, chaquishca partiunai purin, samanara mascasha, mana tarisha, casnami nin: Ñuca tigrasha ñuca llucshishca huasimallara.

11:25b.LUK.011.025 Shamujpis huasira ña sumajlla pichashcara alichishcara tupan.

11:26b.LUK.011.026 Shinajpi rin, chishu canzhis supaigunara, paimanda yali irusgunara, pushamun, huasii icusha chihui tiasha causanaun. Chi runa huasha causana ñaupa causanamanda yali mana valij tucun.

11:27b.LUK.011.027 Jesús chi shimiunara rimaushcai, shu huarmi chihui shayaj montonmanda, atarisha caparica: Cushimi canda aparij icsa, nisha; cushimi canda chuchuchij chuchuuna.

11:28b.LUK.011.028 Jesús cutipasha nica: Astaun, cushiunami Diospa shimira uyajguna, pactachijguna.

11:29b.LUK.011.029 Runauna paihuajma taucarimujpí, Jesús rimangaj callarica: Cuna horas causaj runauna manaliunami. Ricurinara mascanaun. Astaun shu ricurinara mana ricuchishca anga. Jonasllara ricurinara cuenta ricuchishca anga.

11:30b.LUK.011.030 Imasna Jonás Ninive llacta runaunama ricurína aca, shinallarami ñuca, Runa Churi nishca, cuna horas causajgunama shu ricurina cuenta tucushami.

11:31b.LUK.011.031 Taripana punzhai, Sur partimanda shamuj reina huarmi apu ataringami cuna horas causaj runaunara taripangaj, paigunara causayachingami. Pai caru partimanda shamuca Salomomba sabiro shimiunara uyangaj. Astaun, shu Salomónmanda yali caibi tiaun.

11:32b.LUK.011.032 Ninivemanda runauna atarinaungami taripana punzhai cuna horas causaj runaunahua, paigunara causayachingami. Jonás rimashcara uyasha arrepentirinauca. Astaun shu Jonasmanda yali caibi tiaun.

11:33b.LUK.011.033 Mana pihuas shu velara sindichisha tasa ucui churan, astaun ahuai huatan, tucui huasii icujguna velara ricungaj.

11:34b.LUK.011.034 Ñahuiga aichamanda vela cuentami. Camba ñahui ali ajpi, camba aicha punzhayachishca angami, astaun camba ñahui manali ajpi, entero aicha llandui tiaunga.

11:35b.LUK.011.035 Ricupai camba shungu ucui tiaj vela cuenta ama tuta tucuchu.

11:36b.LUK.011.036 Shinasha, tucui camba aicha punzhahua undarishca asha, mana ima partís llandui ashas, tucui punzhayachishca anga, imasna shu vela canda punzhayachin pai aitashcahua.

11:37b.LUK.011.037 Jesús rimai pasashca huasha, shu fariseo runa paita rugasha: Ñucahua pariju micui, nica. Jesús icusha mesai tiarica.

11:38b.LUK.011.038 Fariseo runaga paita ricusha manzharica, Jesús mana maillasha micungaraupi.

11:39b.LUK.011.039 Señorga paita: Cierto pacha, nica, canguna fariseo runauna vaso huasha partira pulato huasha partiras maillanguichi, astaun canguna shungu ucui ima shuhuanahuas, ima manali iyaigunahuas undarishca anguichi.

11:40b.LUK.011.040 Upauna, nica ¿huasha partira raj manzhu shinallara ucu partira rarca?

11:41b.LUK.011.041 Can charishcaunamanda tsuntsuunama cuichi, casna rasha tucui cangunama chuyaj tucungami.

11:42b.LUK.011.042 ¡Ayailla fariseoguna! Chunga partiunamanda shu partira Diosta cunguichi canguna mishqui pangamanda ayaj pangamandas, tucui pangaunamandas; astaumbas ali causanara Diosta llaquinaras cungarishcanguichi. Caigunara rangaj ministirica, chigunaras mana saquisha.

11:43b.LUK.011.043 ¡Ayailla fariseoguna! ali tiarinaunara mascanguichi tandarina huasiunai, pulasaunais saluranaras mascanguichi.

11:44b.LUK.011.044 ¡Ayailla yachaira yachachijguna, fariseogunas! ishqui shimiyujguna! Mana ricurij pambana uctuuna cuenta anguichi, runauna paiguna ahuai aitasha mana riparanaun.

11:45b.LUK.011.045 Shu ley shimira camachijga cutipasha: Yachachij, nica, casna rimasha can ñucanchira piñaungui.

11:46b.LUK.011.046 Jesús nica: ¡Ayailla shinallara canguna ley shimira camachijguna! Runaunara mana aparihuaj cargaunara apachinguichi, astaumbas canguna ichilla rerohua mana llanganguichichu yanapangaj.

11:47b.LUK.011.047 ¡Ayailla canguna! Diosmanda rimajguna pambana huasiunara sicachinguichimi, astaun canguna yayauna paigunara huañuchinauca.

11:48b.LUK.011.048 Shinasha canguna, ricujguna, Ari nijguna anguichi canguna yayauna rashcaunara. Cierto pacha canguna yayauna Diosmanda rimajgunara huañuchinauca, cangunasga paiguna pambana huasiunara sicachinguichi.

11:49b.LUK.011.049 Chi raigumanda Diospa sabiro shimi nica: Paigunama Diosmanda rimajgunara, cachashca runaunaras cachashami. Paigunamanda huaquingunara huañuchinaunga, huaquingunaras tormendachinaunga.

11:50b.LUK.011.050 Chi raigumanda cuna horas causau runauna causayachishca anaunga tucui Diosmanda rimajguna talishca yahuarmanda, mundu callarina horasmanda pacha,

11:51b.LUK.011.051 Abelmanda Zacaríasgama, cai Zacarías altarhua templo huasihua chaupi shungüi huañuchishca aca. Cangunara nini, tucui cai talirishca yahuarmanda cuna horas causajguna taripashca anaungami.

11:52b.LUK.011.052 Ayaüla, ley shimira camachijguna! Yachana pungu llavera quichucanguichi. Canguna mana icucanguichichu, astaun icusha nijgunara arcacanguichimi.

11:53b.LUK.011.053 Jesús cai shimiunara rimausha, yachaira yachachijgunas fariseogunas paita ashcara nitiringaj callarinauca, ashca shimiunara tapusha paita tormendachingaj.

11:54b.LUK.011.054 Ima shimiis paita urmachingaj mascanauca, paita culpangaj.

12

12:1b.LUK.012.001 Chi punzhaunai ashca huaranga runa tandarinauca, paigunapura aitaríjta. Jesús pai yachachishca runaunara ñaupa punda rimangaj callarica: Cuiraichi, nisha, fariseoguna tandara punguichina polvomanda; paiguna ishqui shimiyuj anaun.

12:2b.LUK.012.002 Ima quillparishcas pascashca anga. Ima pacashcas yachashca anga.

12:3b.LUK.012.003 Chiraigumanda can llandui rimashca shimiuna punzhai uyashca anaunga. Can huasi ucui rinrii rimashca shimiuna canzhai caparishca anga huasi pundamanda.

12:4b.LUK.012.004 Astaumbas, ñuca amigouna, cangunara nini: Ama manzhaichichu aichara huañuchijgunara, chi huasha imaras mana ushanaunzhu rangaj.

12:5b.LUK.012.005 Randi cangunara yachachisha pitara manzhana angai. Paita manzhaichi canguna causaira quichushca huasha ushaira charin ucu pacha ninai shitangaj. Shinasha cangunara nini: Paita manzhaichi.

12:6b.LUK.012.006 ¿Manzhu pichca ichilla pishcu ishqui reallla valin catungaj? Shina ajllaira chi pishcuunamanda Dios mana shujllaras cungarinzhu.

12:7b.LUK.012.007 Shinallara camba umai caran aechara yupashcami. Ama manzhaichichu, ashca pishcuunamanda yali valij anguichi.

12:8b.LUK.012.008 Cangunara nini, tucui runa ñucara ricsisha rimajpi runauna ñaupajpi, shinallara ñuca, Runa Churi nishca, paita ricsisha rimasharni Diospa angelguna ñaupajpi.

12:9b.LUK.012.009 Astaun maican runa ñucamanda mana rimajpi runauna ñaupajpi, paita shinallara Diospa angelguna ñaupajpi mana rimashcachu anga.

12:10b.LUK.012.010 Maican runa ñuca, Runa Churi nishcara, camijpi, paita perdonashca anga, astaun maican runa Santo Espiritura camijpi, mana perdonashcachu anga.

12:11b.LUK.012.011 Imahoras cangunara tandarina huasiunamas, taripajgunamas, apuunamas pushamunaupi, ama turbarichichu imara cutipashun, imara rimashun, nisha.

12:12b.LUK.012.012 Chi horasllai Santo Espíritu cangunara yachachinga imara rimana ashcaras.

12:13b.LUK.012.013 Chigunamanda shu runa paita nica: Yachachij, ñuca uquira rimai ñuca yayamanda apiñara ñucahua chaupichingaj.

12:14b.LUK.012.014 Jesusga paita nica: Amigo, ¿pi ñucara taripajta chaupichijta churacachu cangunajpi?

12:15b.LUK.012.015 Jesús paigunara nica: Ricuichi, cuiraichi tucui cullquira yalijta munanamanda. Runa causaibiga yapa ashca charinara mana ministirinzhu.

12:16b.LUK.012.016 Shu yachachisha cuentanara paigunara cuentaca: Shu charij runa allpa ashcara cuca pallaushca horaspi.

12:17b.LUK.012.017 Dueñoga paihua shungüi iyarica: ¿Imara rashai? nisha. Imais ñuca pallashcara huacachingaj mana charinichu.

12:18b.LUK.012.018 Casna rasha, nica, ñuca huacachina huasiunara tulasha, yali atungunara sicachisha, chihui tucui ñuca pallashcaunara ñuca charishcaras huacachisha.

12:19b.LUK.012.019 Ñuca almara rimasha: Alma, nisha, ashca charishcara charingui, ashca huatagama durangami. Samai, micui, upi, cushiyai.

12:20b.LUK.012.020 Dios paita nica: Upa runa, cuna tuta camba almara cayangaj shamunaunga. Can tandachishcaga, ¿pihuajta tucungai?

12:21b.LUK.012.021 Shinallarami shu runa tandachijpi paihuajllara, astaumbas Diosta mitsaj.

12:22b.LUK.012.022 Jesús pai yachachishca runaunara nica:, Chiraigumanda cangunara nini, Ama turbarichichu canguna causanamanda ¿imara micuna angai? nisha, shinallara canguna aichamanda ¿imara churarina angai? nisha.

12:23b.LUK.012.023 Canguna causai micunamanda yali valin, canguna aicha churanamanda yali valin.

12:24b.LUK.012.024 Iyarichi illahuangaunara, mana tarpunaun, mana pallanaun, huacachina huasiunaras mantacaras mana charinaun. Shinashas Dios paigunara caran. ¿Manzhu canguna pishcuunamanda mas yali valijguna anguichi?

12:25b.LUK.012.025 ¿Pita cangunamanda ashcara turbarisha shu chaupi rigra tupura yaparinara ushanguichu mas atun tucungaj?

12:26b.LUK.012.026 Shinashas, canguna ima ichilla ranaras mana ushasha, ¿imarasha turbaringuichichu atun ranaunamanda?

12:27b.LUK.012.027 Sisaunara iyarisha ricuichi imasna iñanaun. Mana tarabanaun, mana cauchunaun. Cangunara nini Salomón paihua tucui sumajhua mana churarishcachu aca shu cai sisauna cuenta.

12:28b.LUK.012.028 Shinajpi, Dios yanga quihuara casna churachijpi, cuna punzha allpai shayanlla, cayandi punzha ninai shitai tucun, ¿imasna astaun mas Dios cangunara churachingami, canguna ansalla quirij runauna ajllaira?

12:29b.LUK.012.029 Canguna ama turbarichichu, ¿imara micushun? ¿imara upishun? nisha. Shinallara ama manzharichichu.

12:30b.LUK.012.030 Cai tucuiunara mundu runauna mascanaun, astaumbas canguna caigunara ministishcara canguna Yaya yachanmi.

12:31b.LUK.012.031 Astaun, Dios mandana pachara mascaichi, cai tucuira cangunara yapashca anga.

12:32b.LUK.012.032 Ama manzhaichichu, ichilla monton runauna. Canguna Yaya paihua mandana pachara cangunama cuyasha nin.

12:33b.LUK.012.033 Canguna charishcaunara catuichi, tsuntsuunama cuyaichi. Cangunajta mana ismuj bolsaunara raichi. Mana tucurij valijgunara ahua pachai tandachichi. Chihui shuhuaj mana pactan, taula curus mana micun.

12:34b.LUK.012.034 Maibi can charishcauna tiajpi, chihui canguna shungu tianga.

12:35b.LUK.012.035 Chumbillishca tiajuichi, canguna velaunara sindishcara charíchi.

12:36b.LUK.012.036 Boramanda paihua patrón tigranara chapau runauna cuenta tucuichi; pai boramanda shamusha cayajpi, pungura dsas pascangaj.

12:37b.LUK.012.037 Cushi shunguyujmi chi sirvijguna, patrón shamusha puruntu chapaugunara tupangami. Cierto pacha cangunara nini, paillara chumbillingami, paigunara mesai tiachingami, paigunara sirvingaj shamungami.

12:38b.LUK.012.038 Patrón chaupi tuta shamusha, gallo cantashca huashalla shamusha, pai chi sirvijgunara chapaugunara tupanma, cushi shunguyujmi casna rasha sirvijguna.

12:39b.LUK.012.039 Caitaga yachaichi, dueño shuhuaj shamungaraushca horasta yachasha, chapanmaca, lugarda mana cunmaca paihua huasira icungaj.

12:40b.LUK.012.040 Canguna shinallara puruntushca tiaichi. Canguna mana iyashca horaspi ñuca, Runa Churi nishca, shamushami.

12:41b.LUK.012.041 Shinajpi Pedro paita: Señor, nica, ¿cai yachachingaj cuentashcara ñucanchimallachu cuentangui, manzhu tucui runaunamas?

12:42b.LUK.012.042 Señor paita nica: ¿Pitangairi shu ali cierto ali sabiro mayordomo, paihua patrón paita churangami paihua huasi ahuai micuna horaslla chihui tiajgunara carangaj?

12:43b.LUK.012.043 Cushi shunguyujmi chi sirvij runa, paihua patrón shamusha paita taringa casna rauta.

12:44b.LUK.012.044 Cierto pacha cangunara nini, tucui pai charishcara chi sirvijpa maquii churangami cuirangaj.

12:45b.LUK.012.045 Astaumbas chi sirvij runa paihua shungüi nijpi: Ñuca patrón unaiyaun shamungaj, shina nisha chishu sirvij runaunaras huarmiunaras callarin livachingaj, maspas pai micungaj upingaj machangaj callarijpi,

12:46b.LUK.012.046 shamungami chi sirvijpa patrón pai mana iyaushca punzhai, pai mana yachashca horaspi, paita shinzhira livachingami, mana quirijgunahua pariju paita churangami.

12:47b.LUK.012.047 Chi sirvij runa paihua patrón munashcara intindisha, astaun mana puruntusha, pai munashcara mana pactachisha, ashcara azuti tucungami.

12:48b.LUK.012.048 Astaumbas shu sirvij runa mana ricsisha shinasha azutina tupura rajllaira, ansallami azutishca anga. Maican runama ashcara cushca ajpiga, ashcara mañashca anga paimanda. Maicanma ashcara mingashca ajpi, paimanda mas mañashca anga.

12:49b.LUK.012.049 Ninara cai pachai shitangaj shamucani. ¿Imara mas munasha ña sindichishca ajpi?

12:50b.LUK.012.050 Shu bautisanahua bautisarina ani. Ashcara tormendarini pactaringagama.

12:51b.LUK.012.051 ¿Iyanguichichu ñuca cai pachama shamucani ganas causanaras cungaj? Mana, nini, astaun piñanaunara cungaj.

12:52b.LUK.012.052 Cuna horasmanda, shu huasii pichca runa tiajpi, quinsa shu partimanda ishqui chishu partimanda piñanausha tianaunga.

12:53b.LUK.012.053 Yayaga churihua macanaunga, churis yayahua. Mama ushushihua macanaunga, ushushis mamahua. Cari mama cachunhua macanaunga, cachun paihua cari mamahua.

12:54b.LUK.012.054 Jesús shinallara runaunara nica: Canguna shu puyura indi icuna partimanda shamujta ricusha, tamiangaraun, ninguichi. Shina tucun.

12:55b.LUK.012.055 Huaira sur nishca quinri partimanda huairajpi, rupaj tucunga, ninguichi. Shina tucun.

12:56b.LUK.012.056 ¡Ishqui shimiyujguna! nica, ahua pacharas cai pacharas ricurishcara ricsinara yachanguichi, ¿Imarashaga mana yachanguichu cai horasta?

12:57b.LUK.012.057 ¿Imaraigu cangunallara ali taripanara mana taripanguichi?

12:58b.LUK.012.058 Shinajpi, can apujma riña horas canhua piñarij runahua, paihua alichinara mascai ñambillaira, mana chasna rajpiga, pai canda aisasha pushanga apuma, paiga canda soldaro maquii churanga, soldaroga canda chonda cularbi ishcanga.

12:59b.LUK.012.059 Canda nini, chimanda mana llucshinguichu puchucai mediora pagangagama.

13

13:1b.LUK.013.001 Cai horaspi huaquinguna Jesusta cuentanauca imasna Pilato huaquin Galilea runaunara huañuchisha, paiguna quiquin yahuarda masaca paiguna rashca sacrificio yahuarhua.

13:2b.LUK.013.002 Jesús paigunara cutipaca: ¿Iyanguichichu cai Galilea runauna casnara tormendachishca ajpi, tucui Galilea runaunamanda yali uchayujguna aca? nisha.

13:3b.LUK.013.003 Mana, cangunara nini, astaumbas canguna mana arrepentirijpi, shinallara tucui huañunguichimi.

13:4b.LUK.013.004 Shinallara chi chunga pusac runauna imahoras Siloe nishca huasi paiguna ahuai urmasha huañuchijpi, ¿iyanguichichu chiguna tucui Jerusalembi tiaj runaunamanda yali uchayujmi anauca? nisha.

13:5b.LUK.013.005 Mana, cangunara nini, astaumbas canguna mana arrepentirijpi shinallarami tucui huañunguichimi.

13:6b.LUK.013.006 Shinallara Jesús cai yachachingaj cuentanara cuentaca. Shu runa shu higo muyu yurara paihua chagrai tarpushcara charica. Dueño shamuca muyura mascangaj, astaun mana aparishca aca.

13:7b.LUK.013.007 Cuiraj runara nica: Ña quinsa huata tupura muyura mascashcani cai higo yurai, astaumbas mana tupashcanichu. Cuchui, ¿imarashara yanga shayanga allpara gastachisha?

13:8b.LUK.013.008 Shinajpi cuiraj runa cutipasha: Señor, nica, cai huatallara saqui, yura muyujta allasha ali allpara churasha.

13:9b.LUK.013.009 Chi huasha ali muyura aparijpi alimi, mana aparijpiga cuchungui.

13:10b.LUK.013.010 Shu samana punzha Jesús tandarina huasii yachachiuca.

13:11b.LUK.013.011 Chihui shu huarmi tiauca, shu unguchij supaira charij, chunga pusac huata tupura. Huasha tullu cumuyashca puriuca, mana ansas dirichuyangaj ushacachu.

13:12b.LUK.013.012 Jesús paita ricusha cayaca: Huarmi, nica, camba ungüimanda llushpichishca angui.

13:13b.LUK.013.013 Shina nisha, Jesús paihua maquira paihua ahuai churaca. Dsaslla huarmi dirichuyaca. Huarmiga Diosta alabaca.

13:14b.LUK.013.014 Tandarina huasi apuga, Jesús samana punzhai huarmira alichishcamanda piñarisha chihuajgunara nica: Socta punzha tian tarabangaj. Chi punzhaunaiga shamichi alichi tucungaj. Ama shamichichu samana punzhai, nica.

13:15b.LUK.013.015 Shinajpi Señor paita cutipasha: Ishqui shimiyuj runa, nica, ¿manzhu caran dueño cangunamanda paihua huagrara paihua burrora liushpichin huasimanda, yacuma pushangaj, upichingaj samana punzhai?

13:16b.LUK.013.016 Astaun cai huarmi, Abrahamba ushushi asha, Satanás huatashca ashca cai chunga pusac huatara, ¿manzhu paita pascana aca shu samana punzhai?

13:17b.LUK.013.017 Jesús casna rimajpi, tucui paihua contra rimajguna pingarinauca, astaun tucui runauna cushiyanauca pai tucui munanaita rashcaunamanda.

13:18b.LUK.013.018 Jesús nica: ¿Imahuara ricuchishai Dios mandana pachara? ¿Imasnara angairi?

13:19b.LUK.013.019 Shu mostaza nishca muyu cuentami. Runa cai muyura apisha, chagrai tarpusha, muyu iñaca, atun yura tucuca, pishcuuna paiguna huasiunara ranauca paihua pallcaunai.

13:20b.LUK.013.020 Cutillara Jesús nica: ¿Imahuara ricuchishai Dios mandana pachara?

13:21b.LUK.013.021 Dios mandana pacha tandara punguichina polvo cuentami, shu huarmi apica, quinsa libra harina polvoi churaca, punguiringama saquica.

13:22b.LUK.013.022 Jesús atun llactaunara ichilla llactaunaras pasauca, runaunara yachachisha, Jerusalenma riusha.

13:23b.LUK.013.023 Shu runa paita: Señor, ¿nica, ansalla runauna quishpinaun?

13:24b.LUK.013.024 Jesús paigunara: Ursarichi, nica, quishqui pungura icungaj. Cangunara nini, ashcauna icungaj mascanaun, astaun mana ushanaungachu.

13:25b.LUK.013.025 Huasiyuj dueño atarisha, pungura ishcashca huasha canzhamanda cayangaj callaringuichi, Señor, Señor, pungura pascahuai, nisha. Paiga cutipasha cangunara ñinga: Mana ricsinichu cangunara maimanda chari anguichi.

13:26b.LUK.013.026 Shinajpi rimangaj callaringuichi: Camba ñaupajpi micushcanchi, upishcanchi, can yachachicangui ñucanchi pulazaunai, nisha.

13:27b.LUK.013.027 Paiga rimangami: Cangunara nini, mana yachanichu canguna maimanda chari anguichi. Rijuichi ñucajmanda tucui manalira rajguna.

13:28b.LUK.013.028 Chihui atun huacais quiñi mucunas tianga, imahoras canguna Abrahandas, Isactas, Jacobdas, tucui Diosmanda rimajgunaras, Dios mandana pachai tiajgunaras ricunguichi, cangunaga canzhama ichushcauna asha.

13:29b.LUK.013.029 Shamunaungami indi llucshina partimandas, indi icuna partimandas, norte nishca quinri partimandas, sur nishca quinri partimandas. Mesai tiarinaunga Dios mandana pachai.

13:30b.LUK.013.030 Ñaupa ajguna puchucaiguna anaunga, puchucaibi ajguna ñaupa pundai anaunga.

13:31b.LUK.013.031 Chi punzhallaira fañseogunamanda huaquinguna Jesusma shamunauca, paita ninauca: Llucshi, caimanda ri. Herodes canda huañuchisha ninmi.

13:32b.LUK.013.032 Jesusga paigunara: Richi, nica, cai sacha allcura rimai richi; casna rauni, supaigunara ichuni, ungushcaunara alichini cunas cayas, quinsa punzhaiga ñuca ranara tucuchini.

13:33b.LUK.013.033 Astaun ministirin ñuca nambira catingaj, cunas, cayas, minzhas. Mana usharinzhu shu Diosmanda rimaj huañungaj Jerusalenmanda canzhai.

13:34b.LUK.013.034 ¡Jerusalén, Jerusalén, Diosmanda rimajgunara huañuchij, cambajma cachashcaunara rumihua shitaj! ¡Masna cuti camba churiunara tandachingaj munacani, imasna atallba paihua huahuaunara rigra ucuma ugllaringaj, astaun mana munacanguichu!

13:35b.LUK.013.035 Canguna huasira chunlla saquishcami, maspas ñucara mana ricuhuanguichichu shamuna horas pactamungama imahoras ninguichi: Cushimi Señorba shutii shamuj runa.

14

14:1b.LUK.014.001 Jesús shu fariseo apu huasii icusha shu samana punzha micungaj, runauna paita chapanauca urmachingaj.

14:2b.LUK.014.002 Chihui shu ksa yacuhua punguirishca runa shamuca.

14:3b.LUK.014.003 Jesusga ley shimira yachajgunara fariseounaras: ¿Alichihuajchu, nica, samana punzhai?

14:4b.LUK.014.004 Paigunaga mana cutipanaucachu. Shinajpi Jesús ungushca runara apisha, paita alichica, paita dispirisha cachaca.

14:5b.LUK.014.005 Jesús runaunara nica: ¿Maican runa cangunamanda paihua burro, paihua huagra uctui urmajpi, manzhu ringai uctalla llucchingaj, samana punzha ajllaira?

14:6b.LUK.014.006 Mana pihuas paita cutipanara ushacachu.

14:7b.LUK.014.007 Jesús ricusha imasnara huaquinguna mesai ñaupa tiarinaunara ajllanauca, shu yachachingaj cuentanara cuentaca mesama convirashcaunara, casna nica:

14:8b.LUK.014.008 Can borama convirashca ashaga, ama tiarichu ñaupa tiarinai. Shu canmanda yali runa istama convirashca ima tiaunmami.

14:9b.LUK.014.009 Casna runa shamujpi, candas paitas conviraj dueño shamunga, canda rimanga: Llucshipai, amigo, ñinga, can tiaushcara cui cai runama. Shinajpi can pingarisha puchucai tiarinara apingaj callaringui.

14:10b.LUK.014.010 Astaun, can convirashca ashaga, puchucai tiarinai tiarigri. Casna rajpi canda conviraj dueño shamusha, canda ñinga: Amigo, mas ñaupajma tiarígri. Casna rajpi can ahuayachishca angui shu canhua pariju shamujguna ñaupajpi.

14:11b.LUK.014.011 Maicambas paillarara ahuayachisha pishiyachishca anga, astaun maicans paulara pishii iyasha ahuayachishca anga.

14:12b.LUK.014.012 Jesús paita convirajta shinallara nica: Can shu istara rasha, ama conviraichu camba aillullara, uquiunara, yayaunara, mayambi causaj charijgunaras. Paiguna canda cutipasha conviranara ushanaunga, pagai tucunguimi.

14:13b.LUK.014.013 Astaumbas can istara rasha, tsuntsuunara convirangui, pullu maquiunara, anga changaunaras, ñausaunaras.

14:14b.LUK.014.014 Can casna rasha, cushi tucungui. Caiguna canda paganara mana ushanaun, astaun can pagai tucungui ali runauna causarimuna punzhai.

14:15b.LUK.014.015 Shu paihua pariju mesai tiarij runa caita uyasha nica: Cushimi pi runas tandara micuj Dios mandana pachai.

14:16b.LUK.014.016 Shinajpi Jesús paita nica: Shu runa chishii atun micuna istara rarca, ashca runaunara conviraca.

14:17b.LUK.014.017 Micuna horas ña pactajpi, paita sirvijta cachaca convirashcaunara cayangaj, paigunara: Shami, ñingaj, tucui ña puruntushcami, nisha.

14:18b.LUK.014.018 Tucui convirashcaunaga: Mana lugarchu ani ningaj callarinauca. Ñaupa aj runa nica: Shu hacindara randishcani, llucshina mani ricungaj. Canda rugauni perdonahuapai, nisha.

14:19b.LUK.014.019 Shuj nica: Ña randishcani chunga aisaj huagraunara. Riunimi paigunara camangaj. Perdonahuapai, canda rugauni.

14:20b.LUK.014.020 Shujga, Ña casarashcani, nica, chi raigumanda mana ushanichu ringaj.

14:21b.LUK.014.021 Sirvijga tigramusha, cai tucuira paihua patronda cuentaca. Shinajpi dueño piñarisha paihua sirvijta nica: Uctalla ri, pulasaunama, llacta ñambiunamas. Caima pushamui tsuntsuunara, pullu maquiunara, anga chaquiunara, ñausaunaras.

14:22b.LUK.014.022 Sirvijga: Patrón, nica, can mandashcasnara rashcami. Shinajllaira chara lugar tiaun.

14:23b.LUK.014.023 Patronga sirvijta nica: Ri, yanga ñambiunama, chagra unamas, chihuajgunara aísasha pushamungaj, ñuca huasi undajta tucungaj.

14:24b.LUK.014.024 Cangunara nini, mana pihuas ñaupa convirashcaunamanda ñuca istara gustangachu.

14:25b.LUK.014.025 Ashca runauna Jesusta compañanauca. Jesús paigunama voltiarisha nica:

14:26b.LUK.014.026 Shu runa ñucama shamusha, mana paihua yayara, mamara, huarmira, churiunara, ushushiunara, paihua causanaras chijnisha, paiga ñuca yachachishca runa mana ushanzhu tucungaj.

14:27b.LUK.014.027 Shu runa mana paihua quiquin cruzta aparisha, ñucara catishas, mana ushanzhu ñuca yachachishca runa tucungaj.

14:28b.LUK.014.028 ¿Pita cangunamanda shu huasira rasha nisha, manzhu ñaupa punda tiaringa, cullquira yupangaj; ¿Pactangachu, nisha, manzhu pactanga, huasira tucuchingaj?

14:29b.LUK.014.029 Mana shina rajpi, istandira shayachishca huasha, mana ushanma tucuchingaj. Shinajpi tucui ricujguna asingaj callarinaunga.

14:30b.LUK.014.030 Casna nisha: Cai runa huasira sícachingaj callarica, astaun mana ushacachu tucuchinara.

14:31b.LUK.014.031 Shinallara maican rey apu, shu reyhua guerrangaj purisha, ¿manzhu ñaupara tiaringa iyaringaj, ushashachu imara nisha shu chunga huaranga soldarounahua ishqui chunga huaranga shamuj soldarounahua guerrangaj?

14:32b.LUK.014.032 Mana ushashaga, chi shu rey chara carui tiajllaira, runaunara cachangami amigopura tucungaj nisha.

14:33b.LUK.014.033 Shinajpi cangunamanda maicambas mana tucui pai charishcaunara saquisha, mana ushanzhu shu ñuca yachachishca runa tucungaj.

14:34b.LUK.014.034 Cachi yapa alimi, astaun cachi paihua mishquira pirdijpi, ¿imahuara cuti paita mishquiyachinga?

14:35b.LUK.014.035 Allpajpas basurajpas mana sirvin. Ichuna anga canzhama. Uyaj rinriyuj uyachu.

15

15:1b.LUK.015.001 Jesusma tucui cullquira tandachijguna, tucui uchayujguna shamunauca, paita uyangaj.

15:2b.LUK.015.002 Fariseoguna yachaira yachachijgunandi paimanda piñarinauca: Cai runa uchayujgunara chasquin, paigunahua micun, nisha.

15:3b.LUK.015.003 Jesús cai yachachingaj cuentanara paigunara cuentaca:

15:4b.LUK.015.004 ¿Maican runa cangunamanda shu patsaj borregounara charij, shu borrego chingaríjpi, manzhu chi iscun chunga iscun borregora saquingami runa illashca partii, paiga ringami chingarishcara mascangaj tupangagama?

15:5b.LUK.015.005 Tarijpiga, paihua rigrai churangami, cushiyasha.

15:6b.LUK.015.006 Huasima pactamusha, amigounaras mayambi causajgunaras tandachingami, paigunara: Cushiyaichi ñucahua, chingarishca borregora tarishcanimi, nisha.

15:7b.LUK.015.007 Shinallarami cangunara nini, ahua pachai yalira cushiyanaunga imahoras shu uchayuj runa arrepentirijpi iscun chunga iscun ali runaunamánda arrepentirinara mana ministinaupi.

15:8b.LUK.015.008 Shinallara, ¿maican huarmi chunga cullquira charisha, shujta chingachisha, manzhu shu vela purura sindichisha, huasira pichanga, ali pacha mascanga paihua cullquira taringagama?

15:9b.LUK.015.009 Tarishaga, paihua amigaunara mayambi causajgunaras tandachisha, paigunara: Cushiyaichi, ñuca chingachishca cullquira tarishcanimi, ñinga.

15:10b.LUK.015.010 Shinallarami cangunara nini, angelguna ñaupajpi cushi tianmi imahoras shu uchayuj runa arrepentirijpi.

15:11b.LUK.015.011 Shinallara Jesús nica, Shu runa ishqui churira charica.

15:12b.LUK.015.012 Quipa churi yayara rimaca: Yaya, nisha, ñuca apiña partira camba hacindamanda cuhuai. Yayaga pai charishcaunara chaupichisha churiunama cuca.

15:13b.LUK.015.013 Ansa punzhauna huasha, quipa churi tucui pai charishcara tandachisha, shu caru partima rica. Chihui nuspasha causasha, pai charishcara tucuchica.

15:14b.LUK.015.014 Tucuira ña yanga gastashca huasha, atun yarcai tiempo shamuca chi partii. Churiga yarcaihua huañungaj callarica.

15:15b.LUK.015.015 Ricami shu chi partii causaj runajma, paihua llutarica. Runaga paita cachaca paihua hacindama cuchiunara cuirangaj.

15:16b.LUK.015.016 Cuchi micunahua paihua icsara undachisha nica. Shinajllaira mana pihuas paita cuca micunara.

15:17b.LUK.015.017 Paiga iyarisha nica: ¿Masna ñuca yaya huasii tiau tarabajguna ashca micunara charinaun, ñucaga caibi yarcaihua huañuuni?

15:18b.LUK.015.018 Atarisha, ñuca yayajma rishami, paita nisha: Yayalla, ahua pacha ñaupajpis camba ñaupajpis uchara rashcanimi.

15:19b.LUK.015.019 Ña mana valijchu ani camba churi nishca tucungaj, shu cambajpi tarabaj runara cuenta apihuai.

15:20b.LUK.015.020 Atarishaga, paihua yayajma shamuca. Churiga chara carui shamujllaira, yaya paita ricuca, ricusha llaquirica churimanda. Yaya callpasha rica, paita ujllarisha muchaca.

15:21b.LUK.015.021 Churi yayara rimasha: Yayalla, nica, ahua pacha ñaupajpi camba ñaupajpis ucharashcani. Ña mana valijchu ani camba churi nishca tucungaj.

15:22b.LUK.015.022 Astaun yaya sirvijgunara nica: Ali churanara llucchichi, churachichi. Sortiasta reroi, zapatostas chaquii churachichi.

15:23b.LUK.015.023 Racu huagra huahuara apamichi, huañuchichi, ñucanchi micungaj. Istara rashunchi.

15:24b.LUK.015.024 Caiga ñuca churi huañushca aca, cuna causarishca; chingarishca aca, cunaga tarishcami. Cushiyangaj callarinauca.

15:25b.LUK.015.025 Paihua ñaupa churi chagrai tiauca. Pai shamusha, huasi mayambi pactamusha, tocaushcaras bailaushcaras uyaca.

15:26b.LUK.015.026 Shu sirvijta cayasha tapuca: ¿Imarai cai uyarina? nisha.

15:27b.LUK.015.027 Sirvijga paita: Camba uqui tigramushcami, nica. Camba yaya racu huagra huahuara huañuchishcami, pai alilla tigramushcamanda.

15:28b.LUK.015.028 Churiga piñarica, mana munacachu icunara. Yayaga llucshisha paita rugaca icungaj.

15:29b.LUK.015.029 Ñaupa churi yayara cutipasha: Riqui, Yaya, nica, ashca huatara canda sirvishcani, tucuibi can mandashcara pactachishcani. Imahoraspas shu chivohuallaras mana cuhuashcangui ñuca cushi tucungaj ñuca amigounahua.

15:30b.LUK.015.030 Astaumbas cai camba churi shamujpi, camba hacindara manali causaj huarmiunahua gastashca huasha, can paihuajta racu huagra huahuara huañuchishcangui.

15:31b.LUK.015.031 Shinajpi yaya paita: Churi, nica, tucui horas can ñucahua tiaungui. Tucui ñuca charishcauna cambajmi.

15:32b.LUK.015.032 Shinasha ministirica istara rangaj, cushi tucungaj, cai camba uqui huañushca aca, ña causarishcami; chingarishca aca, ña cuti tarishcami.

16

16:1b.LUK.016.001 Jesús pai yachachishca runaunara nica: Shu charij runa tiaca. Mayordomora charica. Cai mayordomomanda rimashca aca: Pai camba charishcara baratunmí, nisha.

16:2b.LUK.016.002 Patrón paita cayasha, nica: ¿Imarai cai ñuca canmanda uyashca? Cuentasta raí can mayordomo ashcamanda. Ña mana mas ushangui mayordomo tucungaj.

16:3b.LUK.016.003 Shinajpi mayordomo paihua shungüi nica: ¿Imara ranarai, ñuca patrón ñucara mayordomo tiashcamanda quichuhuan? Allanara mana ushanichu, mañashalla causanara mana ushanichu, pingarichihuanmi, nica.

16:4b.LUK.016.004 Ñuca yachani imara ranaras, ñucara mayordomo tiashcamanda llucchijpi cayai tucungaj amigouna huasiunai.

16:5b.LUK.016.005 Caran paihua patronda dibij runara cayasha, ñaupa shamujta nica: ¿Masnara dibingui ñuca patronda?

16:6b.LUK.016.006 Dibiyuj cutipaca: Shu patsac lata micuna aceitera. Mayordomo paita nica: Camba dibi quillcara api, uctalla tiari, pichca chungara quillcai.

16:7b.LUK.016.007 Chí huasha shujta nica: Canga, ¿masnara dibingui? Paiga shu patsac quintal trigo muyura, nica. Mayordomo paita: Camba quillcara api, nica, pusac chunga quintalda quillcai.

16:8b.LUK.016.008 Patronga mana valij mayordomora alabaca pai sabiro rashcamanda. Cai mundui causajguna punzhai causajgunamanda yali sabiro anaun runaunahua.

16:9b.LUK.016.009 Shinallara cangunara nini: Canguna cai uchayuj mundu cullquihua amigounara raichi, shina ajllaira cullqui tucurijpi amigouna cangunara chasquinaunga huiñaigama duraj tianaunai.

16:10b.LUK.016.010 Maican runa ali rajpi ansazhituhuai, shinallara ali rangami ashcai. Maican runa manali rajpi ansazhituhuai, shinallara manali rangami ashcai.

16:11b.LUK.016.011 Canguna mana ali rajpi yanga charishcaunahua, ¿pita cangunara ali cierto valijgunara cunga cuirangaj?

16:12b.LUK.016.012 Canguna shujpa charishcaunahua mana alira rajpi, ¿pita canguna quiquimbajta cunga charingaj?

16:13b.LUK.016.013 Mana pis ishqui patronda sirvina ushanzhu, shujta chijninga, chishujtaga llaquinga; shujhua ali tucunga, chishujtaga pishiyachinga. Cangunaga mana ushanguichu Diostas cullquiras sirvingaj.

16:14b.LUK.016.014 Fariseoguna shinallara cai Jesús rimashca shimiunara uyanauca. Paiguna cullquira llaquijguna asha, paita asinauca.

16:15b.LUK.016.015 Jesús paigunara nica: Canguna pactajta runauna manchi, ninguichi runauna ñaupajpi. Shina ajllaira Dios canguna shungura ricsin. Runapura valijmi nishcara Yaya Dios chijnin.

16:16b.LUK.016.016 Ley camachishca shimi Diosmanda rimajgunandi Bautisaj Juangama duranauca; chihuasha Dios mandana pachara rimashcami, tucui runaunaga aburinaun icungaj.

16:17b.LUK.016.017 Astaun raihuajmi ahua pachas cai pachas tucuringaj, randi ley shimimanda mana usharinzhu shu pundahuallas apashitangaj.

16:18b.LUK.016.018 Maican runa paihua huarmira ichusha, shujhua casarasha, tacarij runa tucun. Maican runa chi cari ichushca huarmira casarasha, shinallara shujhua tacarij tucun.

16:19b.LUK.016.019 Shu charij runa tiauca, gusto inu puca yuraj churanara churarishca. Caran punzha atun micuna istara rarca.

16:20b.LUK.016.020 Shinallara shu Lázaro nishca tsuntsu mañaj runa tiaca. Paihua aicha llagaunahua undashca aca, charij runa pungüi ichushca sirica.

16:21b.LUK.016.021 Charij runa mesamanda urmaj puchuunahua paihua icsara undachina munacami. Allcuuna shamunauca paihua llagaunara llacanauca.

16:22b.LUK.016.022 Tsuntsu runaga huañuca. Angelguna paita pushanauca Abraham tiashcama. Shinallara charij runa huañuca, pambashca aca.

16:23b.LUK.016.023 Ucu pachaiga, charij runa paihua ñahuira pascasha, Abrahanda ricuca carui, Lazaroras ricuca paihua rigrai.

16:24b.LUK.016.024 Shinajpi caparica: Yaya Abraham, llaquihuapai, nisha. Lazarora cachamupangui ñucama, paihua maqui rero pundara yacuhua ucuchichu ñuca callura chiriyachingaj. Cai ninai yapa tormendariuni.

16:25b.LUK.016.025 Abrahanga paita: Churi, nica, iyari imasna can causaushca horas camba ali charishcaunara charicangui, astaun Lázaro manaliunara. Paiga cuna caibi cushiyashcami, randi can tormendariungui.

16:26b.LUK.016.026 Maspas, shu atun huaicu tian canhua ñucanchihua chaupi chaupii. Pasana munajguna caimanda cambajma pasanara mana ushanaun, chimandas caimas mana ushanaun.

16:27b.LUK.016.027 Runa nica: Yaya canda rugauni Lazarora ñuca yaya huasima cachapangui.

16:28b.LUK.016.028 Pichca uquiyuj ani. Paigunama cachapangui ama shamunauchu cai tormendarinama.

16:29b.LUK.016.029 Abraham paita: Moisesta charinaun, Diosmanda rimajgunandi, caigunara uyanauchu, nica.

16:30b.LUK.016.030 Shinajpi runa: Mana, nica, Yaya Abraham, shuj huañushcaunamanda paigunama rimai rijpi, arrepentirinaunga.

16:31b.LUK.016.031 Astaun Abraham paita: Moisesta mana uyajpi, nica, shinallara mana uyanaungachu shuj huañushcaunamanda atarisha rimajpis.

17

17:1b.LUK.017.001 Jesús pai yachachishca runaunama: Ursamanda uchai nijtanauna shamunaungami, nica. Astaun ¡lastimalla casnai urmachij runa!

17:2b.LUK.017.002 Manara shu runa shu cai ichilla huahuaunara uchai urmachisha, astaun ali anmaca shu atun cutana rumira paihua cungai huatasha, paita lamarbi shitai tucungaj.

17:3b.LUK.017.003 Ricuichi cangunajmandallara. Camba uqui canmanda uchara rajpi, paita rimai. Pai arrepentirijpiga, paita perdonai.

17:4b.LUK.017.004 Pai canzhis cuti canmanda uchara rajpi shu punzhai, canzhis cuti cai punzhai tigramujpi, canda nisha: Arrepentirinimi. Paita perdonai.

17:5b.LUK.017.005 Señor cachashca runauna paita ninauca: Ñucanchi quirinara yapahuapai.

17:6b.LUK.017.006 Shinajpi Señor nica: Canguna quirina shu ichilla tarpuna muyu tupu ajpi, canguna cai yurara rimanguichimaca: Aisairi caimanda, nisha, lamarbi tarpuri. Cangunara uyanmaca.

17:7b.LUK.017.007 ¿Pita cangunamanda shu sirvij runara charisha, allpara huanuyachij, huagrara cuidaj, pai chagramanda tigramujpi, paita ninma: Icui, mesai tiari?

17:8b.LUK.017.008 Astaun, ¿manzhu ñinga: Micunara puruntui, chumbilli, sirvihuai, ñuca micushca upishca huashagama. Chihuasha micungui, upingui can?

17:9b.LUK.017.009 ¿Agrasinga chari paihua sirvijta pai mandashcara rashcaraigu? Mana, nisha, iyauni.

17:10b.LUK.017.010 Shinallara canguna, tucui cangunara mandashcara rashca huasha, nichi: Yanga sirvijguna manchi, ñucanchi rana ministishcallara rashcanchi.

17:11b.LUK.017.011 Jesús Jerusalenma riusha, Samariahua Galileahua chaupira pasauca.

17:12b.LUK.017.012 Shu ichilla llactai icusha, paita tupangaj llucshimunauca chunga llagayuj runauna. Carullai shayarinauca.

17:13b.LUK.017.013 Caparisha ninauca: ¡Jesús, Yachachij, llaquihuapai ñucanchira!

17:14b.LUK.017.014 Jesús paigunara ricusha: Richi, nica, sacerdoteunama ricuchichi. Paiguna riushcallai alichi tucunauca.

17:15b.LUK.017.015 Shinajpi paigunamanda shuj, pai aliyashcara ricusha, tigraca. Shinzhi shimihua caparisha, Diosta alabaca.

17:16b.LUK.017.016 Tuama urmaca Jesuspa chaquii, paita agrasisha. Paiga Samaria runa aca.

17:17b.LUK.017.017 Jesús cutipasha nica: ¿Manzhu chungapura anauca alichishcauna? ¿Chishu iscunga, maibirai?

17:18b.LUK.017.018 ¿Cai carumanda runalla tigramuca Diosta alabangaj?

17:19b.LUK.017.019 Jesús paita: Atari, nica, ri. Can quirishca canda quishpichishcamí.

17:20b.LUK.017.020 Fariseoguna Jesusta tapunauca: ¿imahorasta shamunga Dios mandana pacha? nisha. Jesús cutipasha nica: Dios mandana pacha mana ricuihuajchu shamunga.

17:21b.LUK.017.021 Mana rímanaungachu: Caibimi, chihuimi, nisha. Dios mandana pacha canguna chaupii tian.

17:22b.LUK.017.022 Jesús pai yachachishca runaunara nica: Punzhauna shamunaungami imahoras Runa Churi tiashca punzhaunamanda shujta ricusha ninguichimi, astaun mana ricunguichichu.

17:23b.LUK.017.023 Runauna cangunara ninaunga: Caibimi, chihuimi, nisha. Ama ringuichichu, ama catinguichichu paigunara.

17:24b.LUK.017.024 Imasna rayo shu parti cielomanda chishu partigama limpian, shinallarami tucunga ñuca, Runa Churi nishca, shamuna punzhai.

17:25b.LUK.017.025 Chi punzha manara shamujllaira, ministirin ñuca ashcara tormendachishca achu, shinallara cai horas aj runaunamanda ichushca tucuchu.

17:26b.LUK.017.026 Imasna tucuca Noé causana punzhaunai, shinallara tucunga ñuca shamuna punzhaunai.

17:27b.LUK.017.027 Runauna micunauca, upinauca, casaranauca, casarachinauca, Noé barcoi icuna punzhagama. Pai icushca huasha, yacu izhu shamuca, tucui paigunara tucuchica.

17:28b.LUK.017.028 Shinallara tucuca Lot nishca runa causana punzhaunai. Runauna micunauca, upinauca, randinauca, catunauca, tarpunauca, huasiunara shayachinauca;

17:29b.LUK.017.029 Lot Sodoma llactamanda llucshina punzhaga, chi quiquin punzhai, cielomanda ninas azufres tamiaca, tucuira tucuchica.

17:30b.LUK.017.030 Shinallara tucunga ñuca, Runa Churi nishca, ricurina punzhai.

17:31b.LUK.017.031 Chi punzhai, shu runa huasi pundai tiausha, paihua charishcauna huasi ucui ajpis, ama irguchu apingaj. Shinallara chagrai tiajga ama huashama tigrachu.

17:32b.LUK.017.032 Iyarichi Lotpa huarmi.

17:33b.LUK.017.033 Tucui runa paihua causaira quishpicningaj mascasha, pirdingami; tucui runa paihua causaira pirdisha quishpingami.

17:34b.LUK.017.034 Cangunara nini, chi tutai ishquipura shu caitui sirinaunga, shuj apishca anga, shujga saquishca anga.

17:35b.LUK.017.035 Ishqui huarmi pariju cutarinaunga. Shuj apishca anga, shujga saquishca anga.

17:36b.LUK.017.036 Ishqui runa chagrai tianaunga. Shuj apishca anga, shujga saquishca anga.

17:37b.LUK.017.037 Paigunaga Jesusta cutipasha, paita ninauca: ¿Maibira, Señor? Jesús paigunara nica: Maibis aicha sirin, chihuimi angauna tandarimunaunga.

18

18:1b.LUK.018.001 Shu yachachingaj cuentanara Jesús paigunara cuentaca runauna tucui horas mañanauchu, mana sambayasha.

18:2b.LUK.018.002 Casna nica: Shu llactai shu taripaj runa tiauca. Paiga Diosta mana manzhacachu, runaunara mana llaquicachu.

18:3b.LUK.018.003 Shinallara chi llactai shu huaccha huarmi tiaca. Paiga taripajma shamuca, paita nica: Ñucara yanapahuapai ñucara chijnij runamanda.

18:4b.LUK.018.004 Taripaj runa unaillara uyanara mana munacachu, astaun huasha paihua shungüi nica: Ñuca Diosta mana manzhashallara, runaunaras mana ricushallara,

18:5b.LUK.018.005 cai huaccha huarmi ñucara molestajllaira, paita yanapasha chari. Mana casna rajpi huarmi caran rato shamusha ñucara aburichinga.

18:6b.LUK.018.006 Señor nica: Uyaichi cai manali taripaj rimashcara.

18:7b.LUK.018.007 ¿Manzhu Dios pai ajllashcaunara yanapanga, paiguna tutandi punzhandi paita caparijpi? ¿Unaiyangachu paigunara cutipangaj?

18:8b.LUK.018.008 Cangunara nini, Dios uctalla paigunara uyangami. Ñuca, Runa Churi nishca, shamushaga, ¿quirinara tupashachu mundui?

18:9b.LUK.018.009 Huaquingunara, paiguna ali runa maní iyasha nijgunara, shujgunara chijnijgunara, Jesús shinallara paigunara cai yachachingaj cuentanara cuentaca:

18:10b.LUK.018.010 Ishqui runa templo huasima rinauca Diosta mañangaj, shujga fariseo runa maca, chishujga gobierno cullquira tandachij.

18:11b.LUK.018.011 Fariseo runaga, shayarisha, paihuajllarara mañaca, casna nisha: Dios, canda agrasini ñuca mana shu runauna cuenta tucunichu, shuhuajguna, manaliuna, shujhua tacarijguna, mana cai gobierno cullquira tandachij runa cuentachu ani.

18:12b.LUK.018.012 Ishqui cuti caran semanai sasiuni, tucui ñuca ganashcamanda shu chunga partira cuni.

18:13b.LUK.018.013 Gobierno cullquira tandachij runaga carui shayarisha, mana munacachu paihua ñahuira cieloma atarichisha ricungajllas, astaun paihua pichura huactasha, casna nica: Dios llaquihuapai ñucara, uchayuj runa maní.

18:14b.LUK.018.014 Cangunara nini, cai runa paihua huasima perdonashca rica, chishujga mana. Maican runa paillarara ahuayachisha pishiyachishca anga, maicans paillarara pishiyachisha ahuayachishca anga.

18:15b.LUK.018.015 Llullu huahuanara Jesusma pushamunaucaj paigunara llangasha bendiciachingaj. Yachachishca runaunaga ricusha paigunara piñanauca.

18:16b.LUK.018.016 Jesusga paigunara cayasha nica: Ichilla huahuaunara lugarda cuichi ñucama shamungaj, ama arcaichichu paigunara. Paiguna samiunajmi Dios mandana pacha.

18:17b.LUK.018.017 Cierto pacha cangunara nini, maicambas Dios mandana pachara mana ichilla huahuasna chasquijpi, mana pacha chihui icungachu.

18:18b.LUK.018.018 Shu valij runa Jesusta tapuca: Ali Yachachij, nisha, ¿imara ranarai ñuca huiñai causaira apingaj?

18:19b.LUK.018.019 Jesús paita nica: ¿Imarasha ñucara, Ali nisha rimahuanguiri? Pis mana alichu, Diosllami ali.

18:20b.LUK.018.020 Yachanguimi mandamientos nishca Dios mandashca shimiunara: Ama shujhua tacarichu, ama huañuchichu, ama shuhuaichu, ama shujgunamanda llullaichu, yayaras mamaras llaquina mangui.

18:21b.LUK.018.021 Paiga: Cai tucuira pactachishcani maltamanda pacha, nica.

18:22b.LUK.018.022 Jesús caita uyasha nica: Chara shuj pishinmi: Can tucui charishcara catuiri, tsuntsuunama cui. Valijtas charingui ahua pachai. Shami, catihuai.

18:23b.LUK.018.023 Shinajpi pai caita uyasha llaquirica, ashca charij ashcamanda.

18:24b.LUK.018.024 Jesusga pai ashca llaquirishcara ricusha nica: Tormendosmi charíjguna Dios mandana pachai icungaj.

18:25b.LUK.018.025 Shu camello nishca tormendariushas pasangallami tupulli uctura, randi shu charij runa astaun yali tormendoshua Dios mandana pachai icungami.

18:26b.LUK.018.026 Cai shimira uyajguna ninauca: ¿Pita quishpina ushangairi?

18:27b.LUK.018.027 Jesús paigunara nica: Runaunahua mana raihuajta Dioshua ali raihuajmi.

18:28b.LUK.018.028 Shinajpi Pedro nica: Ñucanchiga ñucanchi charishcaunara saquisha canda catishcanchi.

18:29b.LUK.018.029 Jesús paigunara nica: Cierto pacha cangunara nini, mana tianzhu shu runas paihua huasira, yayaunara, uquiunara, huarmira, churiunaras saquisha Dios mandana pachamanda,

18:30b.LUK.018.030 Astaun mas ashcara apingami cai horasgunai, shinallara shamuj tiempoi huiñai causaira charingami.

18:31b.LUK.018.031 Jesús paihua chunga ishqui runara pushasha, paigunara nica: Jerusalenma sicanchi. Tucui Diosmanda rimajguna quillcashca ñuca, Runa Churi nishcamanda, pactaringami.

18:32b.LUK.018.032 Gentilguna maquii entregashca anga, asishca, piñashca, tiucashca anga.

18:33b.LUK.018.033 Paita azutishca huasha huañuchinaunga. Astaun quinsa punzhai causaringami.

18:34b.LUK.018.034 Yachachishca runaunaga imaras mana intindinaucachu cai rimashcamanda. Cai shimi paigunamanda pacashca aca. Mana intindinaucachu Jesús paigunara rimashcara.

18:35b.LUK.018.035 Jesús Jericó nishca llacta mayanma shamujpi, shu ñausa runa ñambi rayai tiauca, Cullquira cuhuai, nisha mañasha.

18:36b.LUK.018.036 Ñausa runa ashca runaunara uyasha tapuca: ¿Imara tucun? nisha.

18:37b.LUK.018.037 Paita cuentanauca: Nazaretmanda Jesusmi pasaun, ninauca.

18:38b.LUK.018.038 Shinajpi pai caparisha: Jesús, Davidpa Churi, llaquihuapai, nica.

18:39b.LUK.018.039 Ñaupa shamuujguna paita piñanauca: Chunlla, ama caparichu, nisha. Paiga mas shinzhira caparisha: Davidpa Churi, llaquihuapai, nica.

18:40b.LUK.018.040 Shinajpi Jesús shayarisha, runara paihuajma pushamungaj cachaca. Runa shamujpi, Jesús paita tapuca:

18:41b.LUK.018.041 ¿Imara munangui ñuca canhua rangaj? nica. Runaga: Señor, ñuca ricuj tucungaj, nica.

18:42b.LUK.018.042 Jesús paita: Ricuj tucui, nica, can quirishca canda quishpichishcami.

18:43b.LUK.018.043 Chi ratollai ricucami. Jesusta catimuca, Diosta alabasha. Tucui runauna caita ricusha Diosta alabanauca.

19

19:1b.LUK.019.001 Jesús Jericó nishca llactara icusha, pasauca. 2 Shu Zaqueo nishca runa tiauca, gobierno cullquira tandachijguna apu maca, charij runa.

19:3b.LUK.019.003 Pai Jesusta ricusha nica, astaun mana ushacachu ashca runauna taucarimushcaraigu, pai ichilla runa asha.

19:4b.LUK.019.004 Ñaupajma callpasha, shu sicómoro nishca yurara sicaca. Jesús chita pasana maca.

19:5b.LUK.019.005 Jesús chima pactasha, ahuama ricusha, runara ricuca, paita nica: Zaqueo, uctalla irgüi. Cuna punzha ministirin ñuca camba huasii pasiangaj.

19:6b.LUK.019.006 Shinajpi uctalla irgumuca, cushihua paita chasquicami.

19:7b.LUK.019.007 Caita ricusha, tucui runauna piñanauca, Jesús shu uchayuj runahua tiangaj icushcami, nisha.

19:8b.LUK.019.008 Shinajpi Zaqueo shayarisha, Señorda nica: Señor, shu chaupi ñuca charishcara tusntsuunama cusha, pimandas umachisha ñuca yapajta apishca ajpi, chuscu cuti yapasha cutichisha.

19:9b.LUK.019.009 Jesús paita nica: Cunallara quishpina pactamun cai huasima, pais shu Abrahamba churi ajpi.

19:10b.LUK.019.010 Ñuca, Runa Churi nishca, shamucani pirdirishcara mascangaj quishpichingajpas.

19:11b.LUK.019.011 Runauna cai shimiunara uyajpi, Jesús paigunara shu yachachingaj cuentanara cuentaca, pai ña Jerusalén mayambi tiausha, runaunas Dios mandana pacha ñalla ricurina ajta iyanaujpi.

19:12b.LUK.019.012 Jesús nica: Shu valij runa caru llactama rica, chi llacta rey apu tucungaj, chihuasha tigramungaj.

19:13b.LUK.019.013 Paiga shu chunga sirvijgunara cayasha, chunga cullquira cuca: Tarabaichi, nisha, ñuca cuti tigranagama.

19:14b.LUK.019.014 Paihua llactai tiajgunaga paita chijninauca. Runaunara cachaca pai huashai paita ñingaj: Mana munanchichu can ñucanchi rey apu tucungaj.

19:15b.LUK.019.015 Pai tigramushcaiga, rey apu tucushca huasha, cayangaj cachaca chi cullquira cushca sirvijgunara, caran dueño ganashcara yachangaj.

19:16b.LUK.019.016 Ñaupa runa shamusha nica: Señor, camba cullqui chunga cullquira mas ganashcami.

19:17b.LUK.019.017 Señor paita: Ali sirvij mangui, nica, alimi rashcangui, can ansallai alira rashca ajpi, can chunga llacta ahuai apu tucungui.

19:18b.LUK.019.018 Shujpas shamuca: Señor, nica, camba cullqui pichca cullquira mas ganashcami.

19:19b.LUK.019.019 Paita shinallara nica: Cambas pichca llacta ahuai tucungui.

19:20b.LUK.019.020 Shujpas shamuca: Señor, nica, Caiga camba cullqui, shu llachapai pillusha huacachisha charícani.

19:21b.LUK.019.021 Canda manzhacani, can shu milli runa ajpi, can mana churashcara apij, can mana tarpushcara pallaj ajpi.

19:22b.LUK.019.022 Shinajpi señor paita nica: Mana ali sirvij, camba quiquin shimimandallara taripashca angui. Ñuca milli runa ajta yachacangui, ñuca mana churashcara apij, ñuca mana tarpushcara pallaj ajta.

19:23b.LUK.019.023 ¿Imaraigu ñuca cullquira mana churacangui bancoi mirangaj, ñuca tigramushcai ñuca cullquira mirashcandi apingaj?

19:24b.LUK.019.024 Chihui ajgunara nica: Paimanda cullquira quichuichi, chunga cullquira charijma cuichi.

19:25b.LUK.019.025 Paigunaga: Señor, ninauca, chunga cullquira charinmi.

19:26b.LUK.019.026 Shinajpi cangunara nini, charijgunama cushca anga, mana charijgunamanda paiguna charishcahuaras quichushca anga.

19:27b.LUK.019.027 Maspas ñucara chijnijgunara pushamuichi caima, paigunara huañuchichi ñuca ñaupajpi.

19:28b.LUK.019.028 Caita rimashca huasha, Jesús ñaupasha riuca, Jerusalenma sicasha.

19:29b.LUK.019.029 Jesús Betfagé Betanias nishca llactauna mayanma pactamusha, Olivos nishca urcuma pactasha, ishqui yachachishca runaunara cachaca.

19:30b.LUK.019.030 Paigunara nica: Richi chimbai tiaj ichilla llactama, chihui icusha shu malta burro huatashcara tupanguichimi, imahoraspas mana montashca. Pascaichi, apamichi.

19:31b.LUK.019.031 Maican runa cangunara: ¿Imaraigu burrora pascaunguichi? nijpi, casna rimasha cutipanguichi: Señor paita ministin, nisha.

19:32b.LUK.019.032 Cachashcauna rinaucami, rimashcasna tupanauca.

19:33b.LUK.019.033 Malta burrora pascajpi, dueñouna ninauca: ¿Imarasha pascaunguichi malta burrora?

19:34b.LUK.019.034 Paiguna: Señor ministishcaraigumanda, ninauca.

19:35b.LUK.019.035 Jesuspajma apamunauca. Paiguna churanara malta burroi churasha, Jesusta sicachinauca.

19:36b.LUK.019.036 Jesús pasaushcai, runauna churanara mandanauca ñambii.

19:37b.LUK.019.037 Olivos urcu irguna mayanma pactajpi, tucui yachachishca runauna cushiyasha, Diosta alabangaj callarinauca, shinzhi caparisha tucui pai munanaita rashcara ricushcamanda.

19:38b.LUK.019.038 Chasna nisha: ¡Bendiciashcami Señorba shutii shamuj rey apu; ahua pachai cushilla tucuchu, sumajpas ahuai tiachu!

19:39b.LUK.019.039 Shinajpi runa montonmanda huaquin fariseoguna Jesusta ninauca: Can yachachishca runaunara piñai.

19:40b.LUK.019.040 Jesús cutipasha paigunara nica: Cangunara nini, caiguna mana rimanaupiga rumiuna caparinaunma.

19:41b.LUK.019.041 Jesús entero llacta mayanma pactamusha, llactara ricusha huacaca,

19:42b.LUK.019.042 nisha: ¡Canga cai camba punzhallai can cushilla causana nambira ricsinguima! Astaun cunaga camba ñahuimanda pacashcami.

19:43b.LUK.019.043 Punzhauna shamunaunga imahoras canda chijnijguna can muyujta sancaunara churanaunga, canda ishcanaunga, tucui partimanda canda nitimunaunga.

19:44b.LUK.019.044 Canda tulanaungami allpama, shinallara camba churiunandi camba ucui. Shu rumillas mana saquinaungachu shu rumi ahuai, Dios cambajma pasiashca punzhara mana ricsishcaraigu.

19:45b.LUK.019.045 Jesús templo nishca Diosta alabana huasii icusha, chihui tiaj catujgunaras randijgunaras canzhama ichuca.

19:46b.LUK.019.046 Paigunara nica: Quillcashcami tian, Ñuca huasi shu Diosta mañana huasimi, cangunaga shu shuhuajguna uctura rashcanguichi.

19:47b.LUK.019.047 Caran punzha templo huasii yachachica, astaun sacerdote apuuna, yachaira yachachijgunandi, runauna apuunandi paita huañuchingaj mascanauca.

19:48b.LUK.019.048 Mana ushanaucachu chita ranara, tucui runauna ashca munaihua paita uyashcamanda.

20

20:1b.LUK.020.001 Shu punzha Jesús templo huasii tiausha, runaunara yachachica, evangelio ali shimiras rimaca. Sacerdote apuuna, yachaira yachachijgunandi, rucuunandi paihuajma shamunauca.

20:2b.LUK.020.002 Paita rimanauca, casna nisha: Rimahuai, ¿Ima mandanahua cai rashcaunara raungui? ¿Pi mandajpira casna raungui?

20:3b.LUK.020.003 Jesús cutipasha paigunara nica: Ñuca cangunara shinallara shu tapunara charini. Cutipahuaichi.

20:4b.LUK.020.004 Juamba bautisánaga, ¿ahua pachamandachu aca, runaunamandachu aca?

20:5b.LUK.020.005 Shinajpi, paigunapura rimananauca: Ñucanchi, Ahua pachamandami nijpiga, paimi ñinga: ¿Imarasha mana paita quiricanguichi? nisha.

20:6b.LUK.020.006 Ñucanchi, Runaunamandami, nijpiga, tucui runauna ñucanchira rumihua shitanaunga; paiguna ciertomi iyanaun Juan shu Diosmanda rimajmi.

20:7b.LUK.020.007 Cutipasha ninauca: Mana yachanchichu maimanda asnearas.

20:8b.LUK.020.008 Shinajpi Jesús paigunara nica: Ñucas cangunara mana rimashachu pi mandajpira ñuca casnaunara rani.

20:9b.LUK.020.009 Jesús runaunara cai yachachingaj cuentanara cuentangaj callarica: Shu runa, nisha, shu uvillas chagrara tarpuca, tarabajgunara pagara mañasha mañachica, chasna rasha unaiyangaj rica.

20:10b.LUK.020.010 Pallana horas pactarijpi, shu sirvij runara cachaca, tarabajguna uvillas aparishcara paita cungaj. Tarabajgunaga paita macasha, maquillahua illajta paita cuti cachanauca.

20:11b.LUK.020.011 Runa cuti shu sirvijta cachaca; paita shinallara macasha, camisha, maquillahua cachanauca.

20:12b.LUK.020.012 Ña quinsa cuti cachasha, runa shu sirvijta cachaca. Paitas chugrichisha canzhama shitanauca.

20:13b.LUK.020.013 Shinajpi chagrayuj dueño nica: ¿Imara rashai? Ñuca quiquin llaquishca churira cachasha, paita ricusha casunaunga chari.

20:14b.LUK.020.014 Tarabajgunaga paita ricusha paigunapura rimasha ninauca: Caimi cai chagrara apiña churi. Shamichi, paita huañuchishunchi, allpaga ñucanchij tucungami.

20:15b.LUK.020.015 Churira chagramanda ichunauca, paita huañuchinauca. ¿Imara rangairi chagrayuj dueñoga paigunara?

20:16b.LUK.020.016 Paiga shamungami, cai tarabajgunara huañuchisha tucuchingami, paihua chagrara shujgunama cungami. Fariseoguna paita uyasha ninauca: ¡Dios ama lugarda cuchu shina tucungaj!

20:17b.LUK.020.017 Jesús paigunara ricusha nica: ¿Imara nin cai quillcashca: Huasira sicachijguna mana munashca rumiga istandi siqui tucushcami?

20:18b.LUK.020.018 Tucui cai rumii urmajga paquirishca anga, astaun maican ahuai cai rumi urmamun, paiga polvolla tucungami.

20:19b.LUK.020.019 Sacerdote apuuna yachaira yachachijgunandi Jesusta apingaj ninauca chi ratollai, casna rimashca shimiuna paigunamanda rimashca ajta intindinauca; astaun runaunara manzhanauca.

20:20b.LUK.020.020 Jesusta camangaj, urmachingaj nisha, ricujgunara cachanauca, ali runa mani yanga rimasha nijgunara, pandachishca shimira apingaj nisha, paita gobernadorba maquii entregangaj.

20:21b.LUK.020.021 Paita tapunauca: Yachachij, nisha, yachanchi imasna can cierto shimira rimaungui, yachachiungui, runa ricurina samira mana riparangui, astaun Diospa nambira cierto pacha yachachingui.

20:22b.LUK.020.022 ¿Paganachu manzhu pagana impuesto nishca cullquira Cesarma?

20:23b.LUK.020.023 Jesusga paiguna sabiro iyaira ricsisha, paigunara nica: ¿Imarasha tentahuanguichi?

20:24b.LUK.020.024 Cullquira ricuchihuai. ¿Pihuajtai cai ñahui, cai quillcashca? Paiguna: Cesarbajmi, ninauca.

20:25b.LUK.020.025 Shinajpi Jesús paigunara nica: Shinajpi, Cesarbajta Cesarma cuichi, Diospajta Diosma cuichi.

20:26b.LUK.020.026 Shinasha ima panda shimiras tupangaj mana ushanaucachu runauna ñaupajpi, astaun pai sabiro shimihua cutipajpi, manzharisha upallayanauca.

20:27b.LUK.020.027 Chihuasha, huaquin Saduceos nishcauna Jesusbajma shamunauca, caiguna causarina illan nijguna asha. Jesusta tapunauca:

20:28b.LUK.020.028 Yachachij, nisha, Moisés ñucanchira quillcaca: Shu huarmiyuj runa huañujpi, mana churiyuj asha, paihua uqui chi huarmira apichu churiunara mirachingaj huañu uquijta.

20:29b.LUK.020.029 Shinajpi canzhis uquipura tianauca. Ñaupa uqui shu huarmira apica, shinasha churi illaj huañuca.

20:30b.LUK.020.030 Shinajpi quipa uqui huarmira apica, paihuas churi illaj huañuca.

20:31b.LUK.020.031 Chihuasha paimanda quipa uqui chi huarmira apica, shinallarami tucui chi canzhis uquiuna huarmira apisha churi illajlla huañunauca.

20:32b.LUK.020.032 Puchucaibi huarmis huañuca.

20:33b.LUK.020.033 Causarina punzhaiga, ¿maicambajta angái chi huarmi? Tucui canzhis paita apinauca huarmira rasha.

20:34b.LUK.020.034 Shinajpi Jesús paigunara cutipaca: Cuna tiempo churiuna casaranaun, shinallara casarangaj cunaun.

20:35b.LUK.020.035 Astaun maicanguna chishu tiempoma pactangaj, huañushcaunamanda causaringajpas valijguna nishca asha, mana casaranaun shinallara mana cunaun casarangaj.

20:36b.LUK.020.036 Ña mas huañunara mana ushanaun, astaun angelguna cuenta tucunaun, Diospa churiuna anaun, causarishca raigumanda.

20:37b.LUK.020.037 Astaumbas, huañushcauna causarinauna ajpi, quiquin Moisés caita yachachica, sindij yura nishca cuentashcai, imahoras pai Señormanda rimasha nin: Abrahamba Dios, Isacpa Dios, Jacobpa Dios.

20:38b.LUK.020.038 Diosga, mana huañushcauna Dioschu, astaun causajgunajmi. Paihua ñaupajpi tucui causanaun.

20:39b.LUK.020.039 Huaquin yachaira yachachijguna Jesusta cutipasha ninauca: Yachachij, alimi rimashcangui.

20:40b.LUK.020.040 Ña Jesusta más tapungaj mana camanaucachu, manzhashcamanda.

20:41b.LUK.020.041 Shinajpi Jesús paigunara rimaca: ¿Imasna ajpira ninaun Cristo Davidpa churimi, nisha?

20:42b.LUK.020.042 Quiquin David, Salmos nishca quillcai nin: Señor ñuca Señorda nica: Tiari ñuca ali maqui partima,

20:43b.LUK.020.043 canda chijnijgunara camba chaqui ucui churanagama.

20:44b.LUK.020.044 David paita, Señor, nisha, ¿imasnajpira paihua churimi ningái?

20:45b.LUK.020.045 Tucui runauna paita uyaushcai, Jesús pai yachachishca runaunara nica:

20:46b.LUK.020.046 Huacachichi yachaira yachachijgunamanda. Suni churanahua puringaj munanaun, salurashcaunara gustanaun pulasaunai, ñaupa tiarinaunara tandarina huasiunai, shinallara micunaunais.

20:47b.LUK.020.047 Paigunaga huaccha huarmi huasiunara tucuchinaun, yangamanda unaira mañashcaunara mañanaun. Caiguna yali causayuj anaunga.

21

21:1b.LUK.021.001 Jesús ricusha, charij runaunara ricuca, paiguna Diosma cuyana cullquira cullqui malai churajgunara.

21:2b.LUK.021.002 Shinallara shu tsuntsu huaccha huarmira ricuca, paiga ishqui mediora churaca.

21:3b.LUK.021.003 Jesús nica: Cierto pacha cangunara nini, cai tsuntsu huaccha huarmi tucui chishujgunamanda yalira churacami.

21:4b.LUK.021.004 Chishujguna puchuj cullquimanda Diosta cunauca, randi caí huarmi tsuntsu ashallara, pai tucui micuna randina cullquira churacami.

21:5b.LUK.021.005 Huaquin runauna templomanda rimanauca, ali ricurij rumiunahua cuyashcaunahuas sumacyachishca ajpi. Jesús paigunara nica:

21:6b.LUK.021.006 Cai canguna ricushcaunaraga, cangunara nini, punzhauna shamunaungami imahoras chi rumiuna shuj ahuai shuj ahuai mana saquirinaungachu, tucuira tulashca anga.

21:7b.LUK.021.007 Paita tapunauca: Yachachij, nisha, ¿imahorasta casna tucungairi? ¿Ima imara ricuringa cai tucui ñaua tucungaraupi?

21:8b.LUK.021.008 Shinajpi Jesús nica: Cuiraichi ama umachi tucungaj. Ashcauna ñuca shutii shamunaungami, Ñucaga Cristomi ani, nisha; shujguna: Tiempo ña mayanllayaunmi, nisha. Shinajllaira ama catinguichi paigunara.

21:9b.LUK.021.009 Canguna guerraunamanda revoluciongunamandas uyasha, ama turbarichichu. Caiguna ursamanda ñaupa punda tucunami; astaun mana uctallachu tucurina horas.

21:10b.LUK.021.010 Shinajpi Jesús paigunara nica: Shu rey apu shu rey apuhua guerrangami, shu gobierno shu gobiernohuas.

21:11b.LUK.021.011 Shinzhi allpa cuyunauna tianaunga; yarcai tiempounas, shinzhi ungüigunas tianaunga huaquin partiunai. Manzhanaita atun ricurinauna ahua pachamanda ricunaushca anga.

21:12b.LUK.021.012 Manara casna tucujllaira, runauna cangunara apinaunga, tormendachinaunga, tandarina huasiunama cunaunga, chonda culargunai ishcanaunga, rey apuuna ñaupajpi, gobernadorguna ñaupajpis pushashca anguichimi ñuca shutimanda.

21:13b.LUK.021.013 Caiguna cangunama vahnaungami ñucamanda rimangaj.

21:14b.LUK.021.014 Canguna shungüi ninguichi: Mana ñaupara iyarishachu imara rimangajpas chi punzhaunai canguna ama causayai tucungaj.

21:15b.LUK.021.015 Ñucalla shimiras iyairas cangunara cushami. Shinasha cangunara chijnijguna imaras cutipanara mana ushanaungachu.

21:16b.LUK.021.016 Cangunara entreganaungami canguna quiquin yayauna, uquiuna, ailluuna, amigounas. Cangunamanda huaquingunara huañuchinaungami.

21:17b.LUK.021.017 Tucui runauna cangunara chijninaungami ñuca shutimanda.

21:18b.LUK.021.018 Shinajllaira mana shu acchahuas canguna umamanda chingaringachu.

21:19b.LUK.021.019 Canguna ahuantasha chapasha, canguna almara gananguichi.

21:20b.LUK.021.020 Canguna Jerusalén llactara soldarounahua muyuchishcara ricusha, yachaichi pai tularina ña pactamushcami.

21:21b.LUK.021.021 Shinajpi Judeai tiajguna urcuunama miticunauchu, llactai tiajguna llucshinauchu, canzhai tiajguna ama cuti icunauchu llactai.

21:22b.LUK.021.022 Cai punzhaunaga pagana punzhaunami, tucui quillcashcauna pactaringaj.

21:23b.LUK.021.023 ¡Ayailla icsayujgunas huahuara iñachijgunas chi punzhaunai! Ashca tormendos tiangami cai pachai, ashca piñarinas cai runauna ahuai.

21:24b.LUK.021.024 Cuchillohua chugrishca huañunaunga, paigunara apisha apanaushca anga, tucui llactaunama cachanaushca anga. Gentiles nishcauna Jerusalén llactara aitanaungami, gentilguna mandana tiempouna pactaringagama.

21:25b.LUK.021.025 Shinajpi indiis, quillais, estrellasgunais ricurinauna ricurinaunga. Cai pachai runauna ashcami tormendarishca anaungami, lamar uyarishcamanda tsajlasmandas manzharisha.

21:26b.LUK.021.026 Runauna dismayarinaunga mundui shamungaraushcaunara manzhashcamanda iyashcamandas. Ahua pachai tiaj ushajguna cuyuchishca anaunga.

21:27b.LUK.021.027 Chi horaspi, ñuca, Runa Churi nishcara, ricuhuanaunga, puyui shamujta, ushanahuas ali sumajhuas.

21:28b.LUK.021.028 Cai tucui tucunauna callarijpi, shayarichi, umara atarichi, cangunara quishpichina ña mayanllami.

21:29b.LUK.021.029 Shinallara Jesús paigunara shu yachachingaj cuentanara cuentaca: Riqui, nica, higo yuraras tucui yuraunaras.

21:30b.LUK.021.030 Imahoras yurauna panga llucshingaj callarinaupi, ña yachanguichi rupai tiempo ña mayanllayaun.

21:31b.LUK.021.031 J Shinallarami canguna cai tucushcaunara ricusha, yachaichi Dios mandana pacha ña mayanllami.

21:32b.LUK.021.032 Cierto pacha cangunara nini, cai horas causajguna mana pasangachu cai tucui tucunagama.

21:33b.LUK.021.033 Ahua pachas cai pachas pasanaungami astaun ñuca shimiuna imahorasgama mana pasanaungachu.

21:34b.LUK.021.034 Ricuichi cangunallara, canguna shungu ama llashayangaj yalijta micushcamanda, machashcamandas, cai causana turbarinahua molestarishcamandas, cai punzha ama cungaimanda shamungaj cangunama.

21:35b.LUK.021.035 Ticta urmana cuenta cai punzha cungaimanda shamunga tucui cai pachai causajgunama.

21:36b.LUK.021.036 Chapaichi, tucui horas mañasha, canguna valijguna nishca tucungaj cai tucui shamuna ajgunara quishpingaj, ñuca, Runa Churi nishca ñaupajpi shayangaj.

21:37b.LUK.021.037 Punzhaga, Jesús yachachiuca templo huasii, tutaga Olivos nishca urcuma llucshij aca.

21:38b.LUK.021.038 Tutamandaga tucui runauna shamunauca paita uyangaj templo huasii.

22

22:1b.LUK.022.001 Pascua nishca puscu illaj tanda ista mayanllayauca. 2 Sacerdote atun apuuna yachaira yachachijgunandi mascanauca imasna rasha Jesusta huañuchingaj. Astaun runaunara manzhanauca.

22:3b.LUK.022.003 Iscariote nishca Judaspa shungüi Satanás ña icuca. Pai Jesuspa chunga ishquimanda shuj maca.

22:4b.LUK.022.004 Pai sacerdoteuna apuunama rimai rica, soldarouna capitangunahuas, imasna rasha Jesusta entregana asnearas.

22:5b.LUK.022.005 Paiguna cushiyanauca, Cullquira cushunmi, ninauca.

22:6b.LUK.022.006 Judas, Pactachishami, nica. Jesusta entregangaj mascaca runa mana riparashcai.

22:7b.LUK.022.007 Puscu illaj tanda ista punzha pactamuca, Pascua nishca borregohua sacrificiora rana aca.

22:8b.LUK.022.008 Jesús Pedroras Juandas cachaca, paigunara nisha: Richi, alichichi Pascua istara, ñucanchi micungaj.

22:9b.LUK.022.009 Paigunaga: ¿Maibira munangui alichingaj? ninauca.

22:10b.LUK.022.010 Pai nica: Llactai icujpi, llucshingami cangunara tupangaj shu yacu quisara astaj runa. Paita catichi pai icushca huasigama.

22:11b.LUK.022.011 Chi huasii dueñora rimaichi: Yachachij canda nin, ¿Maibirai shu ucu, ñuca chihui Pascua istara micungaj ñuca yachachishca runaunahua?

22:12b.LUK.022.012 Shinajpi pai cangunara shu atun ahuai aj ucura ña alichishcara ricuchinga. Chihui puruntuichi.

22:13b.LUK.022.013 Rinaucami. Jesús rimashcasna tupanauca. Pascua istara puruntunauca.

22:14b.LUK.022.014 Horas pactamujpi, Jesús mesai tiarica, pai cachashca runaunandi.

22:15b.LUK.022.015 Jesús paigunara nica: Ashcara munashcani cai Pascua istara cangunahua micungaj manara tormendarijllaira.

22:16b.LUK.022.016 Cangunara nini, caita mana mas micushachu, Dios mandana pachai pactarinagama.

22:17b.LUK.022.017 Vasora apisha, Diosta agrasica: Apichi, nica cangunapura chaupichichi.

22:18b.LUK.022.018 Cangunara nini, uvillas muyumanda mana mas upishachu Dios mandana pacha shamunagama.

22:19b.LUK.022.019 Tandara apisha, Diosta agrasica; tandara paquisha, paigunara cuca, paigunara nisha: Cai tanda ñuca aichami, canguna randimanda cushca. Caita raichi ñucara iyaringaj.

22:20b.LUK.022.020 Shinallara micui pasashca huasha, vasora apica, casna nisha: Cai vaso ñuca mushuj pactachina shimimi, ñuca yahuarbi, ñuca yahuar cangunamanda talirin.

22:21b.LUK.022.021 Caibi ñucara entregaj maqui ñucahua cai mesai tiaun.

22:22b.LUK.022.022 Cierto pacha ñuca, Runa Churi nishca, riunimi, Dios nishcasna. Astaun, ¡ayailla chi ñucara entregaj runa!

22:23b.LUK.022.023 Shinajpi paigunapura rimanaungaj callarinauca, ¿pita angai, nisha, ñucanchimanda casna rangarau?

22:24b.LUK.022.024 Yachachishca runaunapura rimananauca paigunamanda maican astaun atun tucunara.

22:25b.LUK.022.025 Jesusga paigunara nica: Llacta rey apuuna runaunara mandanaun; paigunara mandajgunaga aü rajguna nishcauna.

22:26b.LUK.022.026 Astaumbas cangunahua mana chasnachu anga. Cangunahua ñaupa ajga mas malta aj cuenta tucuchu, mandajga sirvij cuenta tucuchu.

22:27b.LUK.022.027 Maicanda mas atun, mesai tiarijchu, mesai sirvijchu? ¿Manzhu mesai tiarij mas atun? Astaumbas ñuca cangunahua shu sirvij cuenta ani.

22:28b.LUK.022.028 Cangunaga ñucahua tiajgunami ashcanguichi ñuca tormendarishcaunai.

22:29b.LUK.022.029 Ñucaga cangunara shu llactara cuni rey apuuna cuenta mandangaj, imasna ñuca Yaya ñucara cuhuashcami,

22:30b.LUK.022.030 canguna ñuca mesai, ñuca llactai micungaj upingaj, cangunas tíaríngaj rey apu tiarinaunai, Israelba chunga ishqui ailluunara tarípangaj.

22:31b.LUK.022.031 Señorga shinallara nica: Simón, Simón, Satanás canda mañashcami canda shushungaj, trigo muyura shushuna cuenta.

22:32b.LUK.022.032 Astaun canmanda rugashcani camba quirina ama pishiyachu. Canga tigramushca huasha, camba uquiunara shinzhiyachingui.

22:33b.LUK.022.033 Pedro paita: Señor, nica, ña maní canhua ringaj, mana chonda cularmalla astaun huañuigamas.

22:34b.LUK.022.034 Señor paita nica: Pedro, canda nini, gallo manara cantajllaira can quinsa cuti ñucamanda ninguimi: Paita mana ricsinichu.

22:35b.LUK.022.035 Jesús paigunara: Ñuca cangunara cullqui huacachina cara illaj, bolsa illaj, zapatos illajpas cachashcai, ¿imaras ministicanguichichu? Paiguna: Mana imaras, ninauca.

22:36b.LUK.022.036 Jesús paigunara nica: Cunaga nini, cullqui huacachina carayuj carara apai, bolsayuj bolsara apai. Espara illajga churarishcara catui, esparara randingaj.

22:37b.LUK.022.037 Cangunara nini, chara ministirin cai ñucamanda quillcashcaga pactarinami.

22:38b.LUK.022.038 Shinajpi paiguna ninauca: Señor, caibi ishqui esparara charinchi. Paiga: Bastami, nica.

22:39b.LUK.022.039 Jesús llucshisha, paihua yachaira, Olivos nishca urcuma rica, pai yachachishca runaunas catinauca.

22:40b.LUK.022.040 Chima pactajpi, Jesús paigunara nica: Mañaichi ama tentai tucungaj.

22:41b.LUK.022.041 Jesusga paigunamanda ansahualla anzhurisha, shu rumi shitashca tupui, cungurisha, Diosta mañaca.

22:42b.LUK.022.042 Jesús mañasha nica: Yaya, can munajpiga, ñucamanda cai tormendarina vasora cuenta pasachi. Shinashas, mana ñuca munashcasna astaun can munashcasna rashca achu.

22:43b.LUK.022.043 Shu ahua pachamanda ángel ricurimuca paita shinzhiyachingaj.

22:44b.LUK.022.044 Jesús nanajta tormendariushaga, mas shinzhira mañaca. Paihua umbi atun yahuar tiúi cuenta aca, allpagama urmaca.

22:45b.LUK.022.045 Jesús mañaushcamanda atarisha, pai yachachishca runaunajma shamusha, paigunara puñujgunara tupaca, llaquirishcamanda.

22:46b.LUK.022.046 Paigunara nica: ¿Imarasha puñunguichiri? Atarichi, mañaichi, ama tentai tucungaj.

22:47b.LUK.022.047 Jesús chara rimaullaira, ashca runauna shamunauca, paiguna ñaupalla Judas nishca runa, chi chunga ishquimanda shuj, llutarimuca Jesusta muchangaj.

22:48b.LUK.022.048 Shinajpi Jesús paita nica: Judas, ¿muchanahua, ñuca, Runa Churi nishcara, entregangui?

22:49b.LUK.022.049 Jesushuajguna imas tucungaraupi riparasha, paita ninauca: Señor, ¿esparahua chugrichishunzhu?

22:50b.LUK.022.050 Paigunamanda shuj shu sacerdote atun apura sirvijta chugríchica, paihua ali rinrira pitisha.

22:51b.LUK.022.051 Shinajpi Jesús cutipasha nica: Basta ña. Saqui, nica. Rinrira Üangasha alichicami.

22:52b.LUK.022.052 Jesús rimaca sacerdote apuunara, templo huasi guarda apuunara, rucuunaras, paita apingaj shamujgunaras: ¿Imarasha shuhuajma cuenta shamushcanguichi esparaunahua caspiunahua? nisha.

22:53b.LUK.022.053 Ñuca cangunahua tiashcani caran punzha templo huasii, mana apihuacanguichichu. Astaun cuna canguna horasmi, llandu tuta ushanauna horasmi, nica.

22:54b.LUK.022.054 Jesusta apisha, paita pushanauca sacerdote atun apu huasima. Pedroga carulla paita catica.

22:55b.LUK.022.055 Huasi chaupi shungüi tiaj patioi, paiguna ninara sindichisha, muyujta tiarinauca, Pedros paigunahua tiarica.

22:56b.LUK.022.056 Shu sirvij huarmiga, paita tiarijta ricusha, paimalla ricuca: Caihuas shinallara paihua tiauca, nica.

22:57b.LUK.022.057 Paiga, Mana, nisha, cutipaca. Huarmi, nica, paita mana ricsinichu.

22:58b.LUK.022.058 Shu rato huasha, shujpas shamusha nica: Can shinallara paigunamandami angui. Pedroga chi runara nica: Mana paigunamandachu ani.

22:59b.LUK.022.059 Shu hora tupu huasha, shujpas nica: Cierto pacha cai runas paihua pariju tiauca, pai Galileo runami.

22:60b.LUK.022.060 Pedro chi runara nica: Mana yachanichu can rimashcara. Chi ratollai, Pedro chara rimaullaira, gallo cantaca.

22:61b.LUK.022.061 Shinajpi Señor voltiarisha Pedrora ricuca. Pedroga Señor ñaupa rimashcara iyarica, imasna Jesús nishca aca: Manara gallo cantajllaira can quinsa cuti, Mana ricsinichu, ninguimi.

22:62b.LUK.022.062 Pedro canzhama llucshisha, llaquira huacaca.

22:63b.LUK.022.063 Jesusta cuiraj runauna paita asinauca, sajmanauca.

22:64b.LUK.022.064 Paihua ñahuira huatasha, sajmanauca ñahuii, paita tapusha: Rimai, nisha, ¿pita canda sajmaca?

22:65b.LUK.022.065 Ashca shu shimiunahua paita caminauca.

22:66b.LUK.022.066 Ña punzhayaupi, rucuuna tandarimunauca, sacerdote apuunahua, yachaira yachachijgunahuas, Jesusta pushamunauca gobiernoi mandajguna tandarinama, paita nisha:

22:67b.LUK.022.067 ¿Can Cristochu angui? Rimahuai ñucanchira. Jesús cutipaca: Ñuca rimajpis, mana quirihuanguichichu.

22:68b.LUK.022.068 Shinallara ñuca cangunara tapujpis, mana cutipahuanguichichu, mana cacharihuanguichichu.

22:69b.LUK.022.069 Randi, cuna horasmanda pacha ñuca, Runa Churi nishca, tiarishami Diospa ushana ali maqui partima.

22:70b.LUK.022.070 Tucui paita ninauca: ¿Canga Diospa Churichu angui? Jesús cutipaca: Cangunara shina ninguichiga.

22:71b.LUK.022.071 Shinajpi ninauca: ¿Ima shimirara mas ministina angairí? Ñucanchillara paihua quiquin shimimanda uyashcanchi.

23

23:1b.LUK.023.001 Shinajpi tucui chi montonguna atarisha Jesusta pushanauca Pilatojma.

23:2b.LUK.023.002 Jesusta causayachingaj callarinauca, casna nisha: Cai runara tupashcanchi runaunara huajlichijta. Ama pagaichichu, nisha, gobierno impuesto cullquira Cesar apuma. Ñuca Cristo rey apu mani, nisha.

23:3b.LUK.023.003 Shinajpi Pilato paita: ¿Canzhu Judio rey apu angui? nisha tapuca. Jesús cutipaca: Canda shina ninguiga.

23:4b.LUK.023.004 Pilato sacerdote apuunama runaunamas nica: Ima causaras mana tarinichu cai runai.

23:5b.LUK.023.005 Astaun paiguna mas tucunauca, casna nisha: Paiga runaunara turbachin, tucui Judeai yachachisha, Galileamanda cai partigama.

23:6b.LUK.023.006 Shinajpi Pilato Galilea shutira uyasha, tapucami: ¿Cai runa Galileamanda runachu? nisha.

23:7b.LUK.023.007 Jesús Herodes taripana partimanda shamuj ajta uyasha, Pilato paita Herodespajma cachaca. Herodes chi horas Jerusalembi tiauca.

23:8b.LUK.023.008 Herodes Jesusta ricusha cushiyaca; unaimanda Jesusta ricunara munaca. Paiga Jesusmanda ashcara uyaj aca, Jesús ima munanaita rashcaras ricungaj munaca.

23:9b.LUK.023.009 Herodes Jesusta ashcara tapuca, astaun Jesús imaras mana cutipacachu.

23:10b.LUK.023.010 Sacerdote apuunas yachaira yachachijgunas shinzhira rimasha paita causayachinauca.

23:11b.LUK.023.011 Shinajpi Herodes paihua soldarounandi Jesusta pishii urmachinauca, asinauca, paita gusto churanahua churachisha. Cuti paita Pilatojma cachaca.

23:12b.LUK.023.012 Chi punzha Pilato Herodes amigopura tucunauca, ñaupaga chijnijpura anauca.

23:13b.LUK.023.013 Shinajpi Pilato sacerdote apuunara, apuunaras, runaunaras cayaca.

23:14b.LUK.023.014 Paigunara nica: Canguna cai runara ñucajma cachamushcanguichi, Runaunara turbachij, nisha. Astaun paita canguna ñaupajpi tapushca huasha, canguna uchachishcara mana tarishcanichu paihuajpi.

23:15b.LUK.023.015 Shinallara Herodes mana imaras tarishcachu; ñuca paita Herodesma cachacani. Cai runa ima huañuchihuajlla ajtas mana rashcachu.

23:16b.LUK.023.016 Nuca paita cacharisha, livachishca huasha.

23:17b.LUK.023.017 Shu runara cacharina aca caran istai.

23:18b.LUK.023.018 Tucui runaunaga, parijulla caparisha ninauca: Cai runara ichui, Barrabasta cachari.

23:19b.LUK.023.019 Barrabasga chonda cularbi shitashca aca llactai macanaushcamanda, shu runara huañuchishcamandas.

23:20b.LUK.023.020 Cuti Pilato paigunara rimaca, Jesusta cacharishallara nisha.

23:21b.LUK.023.021 Astaun, runauna cutillara caparisha: Chacatai, chacatai, ninauca.

23:22b.LUK.023.022 Pilato ña quinsa cuti rimaca: ¿ima manalira rashcachu cai runa? Mana ima huañuna tupura rashcaras tarishcanichu paihuajpi. Paita livachishca huasha, cacharisha.

23:23b.LUK.023.023 Runaunaga shinzhi shimihua caparisha, Jesusta chacatashca achu ninauca. Paiguna shimiuna, sacerdote apuuna shimiunas vencinauca.

23:24b.LUK.023.024 Shinajpi Pilato paiguna munashcasna causayachica.

23:25b.LUK.023.025 Shinajpi paigunama chonda cularbi ishcashca turbachij huañuchij runara cacharíca. Jesustaga entregaca paiguna munashcasna rangaj.

23:26b.LUK.023.026 Jesusta pushasha, shu Cirene nishca llactamanda Simón nishcara apinauca, llacta canzhamanda shamujta. Cruzta paita apachinauca Jesuspa huashalla apamungaj.

23:27b.LUK.023.027 Ashca runauna paita catimunauca, huacau huarmiunandi, Jesusta nisha ashcara huacanauca.

23:28b.LUK.023.028 Astaun Jesús paigunama voltiarisha nica: Jerusalenmanda ushushiuna, ama ñucamanda huacaichichu, astaun canguna quiquinmanda; canguna churiunamandas huacaichi.

23:29b.LUK.023.029 Punzhauna shamunaungami imahoras ninaunga: Cushimi huahua illajguna, huahuara mana taríj icsauna, mana iñachij chuchuunas.

23:30b.LUK.023.030 Chi horas, atun urcuunara rimangaj callarinaunga: Urmaichi ñucanchi ahuai; ichilla urcuunaras: Quillpahuaichi, ninaunga.

23:31b.LUK.023.031 Yura verde ajllaira casna rashaga ¿imasnara ranaungai chaquishcai?

23:32b.LUK.023.032 Jesushua pariju ishqui manali raj runaunara pushamunauca, paigunaras huañuchingaj.

23:33b.LUK.023.033 Uma Tullu nishca pambama pactamusha, chihui Jesusta chacatanauca; shinallara chi ishqui manalira raj runaunaras, shujta ali partima, chishujta lluqui partima.

23:34b.LUK.023.034 Jesús nica: Yaya, paigunara perdonapai. Paiguna rashcara mana intindinaun. Paigunapura paihua churanara chaupisha, maicanda Uchayuj ajta camasha canauca.

23:35b.LUK.023.035 Runauna ricurinauca. Apuunas paita asinauca, nisha: Shujgunara quishpichica; paülarara quishpichichu, pai Cristo nishca Dios ajllashca ashaga.

23:36b.LUK.023.036 Shinallara soldarouna paita asinauca; llutarisha, ayaj vinora ricuchinauca.

23:37b.LUK.023.037 Can Judio rey apu ashaga, canllara quishpi, ninauca.

23:38b.LUK.023.038 Paihua uma ahuai quillcashca tiauca griego latín hebreo shimiunahua casna: Caimi Judioguna Rey Apu.

23:39b.LUK.023.039 Jesushua pariju huarcushca manali rajgunamanda shuj Jesusta camisha nica: Can Cristo ashaga, canllara quishpi, ñucanchiras quishpichihuai.

23:40b.LUK.023.040 Chishujga paita camachisha nica: ¿Manzhu can Diosta manzhangui, can shinajllaira causayachishca asha?

23:41b.LUK.023.041 Ñucanchi cierto pacha alira tormendarinchi, ñucanchi quiquin rashca tupumanda apiunchi. Cai runaga ima manaliras mana rashcachu.

23:42b.LUK.023.042 Pai Jesusta nica: Iyarihuapangui can, can mandana pachai shamusha.

23:43b.LUK.023.043 Shinajpi Jesús paita cutipaca: Cierto pacha canda nini, cuna punzhallara ñucahua pariju Paraíso nishca sumaj llactai tiaunguimi.

23:44b.LUK.023.044 Doce horasmanda pacha, tun llandu tucuca tucui partii, las tres chishi tupugama.

23:45b.LUK.023.045 Indi llanduyaca. Templo nishca Diospa huasii huayushca llachapa lliquirica chaupi chaupii.

23:46b.LUK.023.046 Shinajpi Jesús, shinzhira caparisha nica: Yaya, ñuca espiritura camba maquii entregauni. Casna nisha samai pitirica.

23:47b.LUK.023.047 Soldaro capitán casna tucushcara ricusha, Diosta alabaca, nisha: Cierto pacha cai runa ali runa aca.

23:48b.LUK.023.048 Tucui chihui taucariai runauna, casna tucushcara ricujguna, chita ricushca huasha tigranauca, paiguna pichura huactasha rinauca.

23:49b.LUK.023.049 Astaun tucui Jesusta ricsijguna, paita catimuj huarmiunandi, carumandallara cai tucushcaunara ricunauca.

23:50b.LUK.023.050 Shu José nishca runa tiaca, Arimateamanda shamuj. Arimatea shu Judea llacta aca. Cai José shu gobiernoi mandaj runa aca, ali runa.

23:51b.LUK.023.051 Cai runa shinallara Dios mandana pachara chapauca, mana munacachu chishujguna rimashcaunara, paiguna rashcaunaras.

23:52b.LUK.023.052 José Pilatoma risha, Jesuspa aichara mañaca.

23:53b.LUK.023.053 Jesuspa aichara irguchisha, shu mandana llachapahua pilluca,

23:54b.LUK.023.054 Cayandi punzha pascua ista tucungarauca, samana punzha ñalla punzhayangarauca.

23:55b.LUK.023.055 Galileamanda compañaj huarmiuna shinallara catimunauca, pambashca uctura ricunauca, imasna paihua aicha sirishcaras.

23:56b.LUK.023.056 Huarmiuna tigrasha, ali asnaj ambiunaras iraunaras alichinauca. Samana punzha samanauca, camachishca shimii rimashcasna.

24

24:1b.LUK.024.001 Samana ñaupa punda punzhai, tutamandallara, huarmiuna pambashca uctuma shamunauca, paiguna alichishca ali gusto asnaj ambiunara apamusha. Paigunahua shu huarmiuna shamunauca.

24:2b.LUK.024.002 Rumiga pambashca uctumanda shujma anzhuchishcara tupanauca.

24:3b.LUK.024.003 Icusha, Señor Jesuspa aichara mana tupanaucachu.

24:4b.LUK.024.004 Paiguna manzharisha shayarishcai, cungaimanda paigunahua pariju ishqui runauna chiujlla ricurij churanayuj shayarinauca.

24:5b.LUK.024.005 Huarmiuna manzharisha, allpama cumurijpi, runauna paigunara ninauca: ¿Imarashara causauta huañushcaunai mascaunguichiri?

24:6b.LUK.024.006 Illan caibi, astaun causarishcami. Iyarichi pai cangunara rimashcara chara Galileai tiaushcai.

24:7b.LUK.024.007 Casna nisha: Ministirin Runa Churi uchayuj runauna maquiunai entregashca achu, chacatashca achu, quinsa punzhai causarichu.

24:8b.LUK.024.008 Shinajpi paiguna iyarinauca pai rimashca shimiunara.

24:9b.LUK.024.009 Pambashca uctumanda tigrasha, cai tucuira cuentanauca chunga shujgunama, tucui chishujgunamas.

24:10b.LUK.024.010 Chi huarmiuna María Magdalena, Juana, Jacobo mama María anauca, shu huarmiunandi. Paiguna cai tucuira Jesús cachashca runaunama cuentanauca.

24:11b.LUK.024.011 Astaumbas, huarmiuna paigunama rimashca shimiuna locouna rimashca cuenta yachica. Mana quirinaucachu paigunara.

24:12b.LUK.024.012 Pedro atarisha, callpasha rica pambashca uctuma. Paiga ucuma ricusha, llachapaunallara ricuca. Huasima tigraca, casna tucushcaunamanda manzharisha.

24:13b.LUK.024.013 Chi punzhallaira, paigunamanda ishqui shu Emaus nishca ichilla llactama rinauca. Cai Emaus Jerusalenmanda ishqui samai tupu aca.

24:14b.LUK.024.014 Paiguna riushcai, tucui chi punzhaunai tucushcaunamanda rimanauca.

24:15b.LUK.024.015 Paigunapura cuentanausha rimanaushas riushcai, quiquin Jesús llutarimuca, paigunahua riuca.

24:16b.LUK.024.016 Astaun paiguna fíahuiuna arcashca anauca, paita ama ricsingaj.

24:17b.LUK.024.017 Jesús paigunara nica: ¿Imara rimanaunguichi cangunapura, canguna puriushcai? ¿Imarasha llaquiringuichiri?

24:18b.LUK.024.018 Paigunamanda shuj, Cleofas nishca, cutipaca: ¿Canllachu carumanda purij angui Jerusalembi, chihui cai punzhaunai tucushcaunara mana yachangaj?

24:19b.LUK.024.019 Shinajpi Jesús paigunara nica: ¿Ima tucushcaunaga? Paiguna cutipanauca: Nazaretmanda Jesusmanda. Pai shu Diosmanda rimaj runa aca, yapa ushajmi pai rashcaunahuas pai rímaushca shimiunahuas, Diospa ñaupajpi runauna ñaupajpis;

24:20b.LUK.024.020 shinallara imasnara sacerdote apuuna, ñucanchira mandaj apuunas paita entreganauca huañungaj, paita chacatanauca.

24:21b.LUK.024.021 Astaun ñucanchi iyacanchi pai Israelda Quishpichij tucuna maca. Ña quinsa punzhami cai tucui tucushca huasha.

24:22b.LUK.024.022 Shinajllaira ñucanchijmanda huaquin huarmiuna tuta ucura pambashca uctuma rijguna ñucanchira manzhachinaushca.

24:23b.LUK.024.023 Jesuspa aichara mana tupasha shamunaucami, Angelgunara ricushcanchi, nisha. Angelguna Jesús causaunmi ninauca.

24:24b.LUK.024.024 Ñucanchimandas huaquinguna pambashca uctuma rinauca, huarmiuna rimashcasna tarinauca, astaun Jesusta mana ricunaucachu.

24:25b.LUK.024.025 Shinajpi paigunara nica: Upauna, puruntu shungu illajguna, Diosmanda rimajguna tucui rimashcaunara quiringaj.

24:26b.LUK.024.026 ¿Manzhu ministirica Cristo tormendarichu cai tucuira, chi huasha paihua sumaj tiashcai icungaj?

24:27b.LUK.024.027 Moisesmanda pacha callarisha, tucui Diosmanda rimajguna quillcashcara catisha, tucui Quillcaunamanda paigunara ricuchica paimanda rimashca shimunara.

24:28b.LUK.024.028 Paiguna riushca ichilla llactama pactamunauca, Jesusga mas carama riu cuenta tucuca.

24:29b.LUK.024.029 Astaun paiguna paita saquichinauca, Ñucanchihua saquiri, nisha, ña chishi tucun, tutayaunmi. Pai icuca paigunahua saquiringaj.

24:30b.LUK.024.030 Paiga paigunahua mesai tiarisha tandara apica, bendiciaca, paquica, paigunara cuca.

24:31b.LUK.024.031 Shinajpi paiguna ñahuiuna pascai tucunauca, paita ricsinaucami. Astaun, cungaimanda pai chinganea, paigunajmanda illauca.

24:32b.LUK.024.032 Paigunapura ninauca: ¿Manzhu sindica ñucanchi shungu imahoras ñucanchihua rimauca, imahoras Quillcaunara ñucanchijma pascaca?

24:33b.LUK.024.033 Atarishaga chi horasllaira, Jerusalenma tigranauca. Chunga shuj runaunara tandarishcara tupanauca, compañajgunandi.

24:34b.LUK.024.034 Chihuajguna ninauca: Señor cierto pacha causarimushca, Simonma ricurimushca.

24:35b.LUK.024.035 Shinajpi paiguna cuentanauca paigunahua ñambii tucushcaunara, imasnara paita ricsinauca tandara paquiushcai.

24:36b.LUK.024.036 Paiguna chara chigunamanda rimaullaira, Jesús paiguna chaupi shungüi shayarisha, paigunara nica: Cushiyaichi.

24:37b.LUK.024.037 Shinajpi manzharisha, shu ayara ricushcasna iyanauca.

24:38b.LUK.024.038 Astaun Jesús paigunara nica: ¿Imarasha turbaringuichi, casna iyaiguna canguna corazombi shamujpi?

24:39b.LUK.024.039 Ñuca maquiunara ricuichi, ñuca chaquiunaras. Quiquin ñuca mani. Llangaichi ñucara, ricuichi, shu aya, shu espíritu mana aichayujchu, mana tulluyujchu, canguna ñuca charishcara ricushcasna.

24:40b.LUK.024.040 Casna rimasha, paihua maquiunaras chaquiunaras ricuchica paigunara.

24:41b.LUK.024.041 Paiguna chara mana quirisha cushiyashcamanda, manzharishas raushcallai, Jesús paigunara nica: ¿Imaras charinguichichu caibi micungaj?

24:42b.LUK.024.042 Shinajpi paita shu cusashca yacu aichahua pitira caranauca, ansa sacha mishquihua.

24:43b.LUK.024.043 Paiga apica, micuca paiguna ñaupajpi.

24:44b.LUK.024.044 Paigunara nica: Caigunami ñuca cangunara rimashca shimiuna, ñuca chara cangunahua tiaushcai. Ministirica pactaringaj tucui ñucamanda quillcashcauna Moisesba ley shimíis, Diosmanda rimashcaunais, Salmos nishca cantanaunais.

24:45b.LUK.024.045 Shinajpi, Jesús paiguna iyaira pascaca, Quillcaunara intindingaj.

24:46b.LUK.024.046 Paigunara nica: Casnami quillcashca aca, casnami ministirica Cristo tormendarichu huañushcaunamanda causarichu quinsa punzhai;

24:47b.LUK.024.047 paihua shutii yachachinauchu arrepentirinaras, ucharashcara perdonanaras tucui llactaunai, Jerusalenmanda callarisha.

24:48b.LUK.024.048 Canguna cai tucuira ricujguna anguichi.

24:49b.LUK.024.049 Ñuca Yaya cushca shimira canguna ahuai cachamusha. Astaun saquirichi Jerusalén llactallai ahuamanda ushanara cui tucunagama.

24:50b.LUK.024.050 Jesús paigunara canzhama pushaca, Betania llactagama. Paihua maquiunara ahuai chutachisha, paigunara bendiciaca.

24:51b.LUK.024.051 Paigunara bendiciaushallara, paigunamanda anzhurica, ahua pachama apashca aca.

24:52b.LUK.024.052 Paigunaga, Jesusta adorashca huasha, cushihua Jerusalenma tigranauca.

24:53b.LUK.024.053 Tucui horas templo nishca Diospa huasii tianauca, Diosta alabasha bendiciashas. Amen.