Ephesians (Paite)

1

1:1b.EPH.001.001 Paula, Pathian deihlama Kris Jesu sawltakin, misiangthou Ephesa khuaa om Kris Jesu-a mi ginomte kiangah:

1:2b.EPH.001.002 Pathian i Pa leh Toupa Jesu Kris kianga kipan hehpihna leh lemna na kiang uah om hen.

1:3b.EPH.001.003 I Toupa Jesu Kris Pa leh Pathian phatin om hen. Aman vanmun khawnga khalam vualjawlna chitengin eite kris ah honvualjawlta,

1:4b.EPH.001.004 Amah maia siangthou leh dembeia om dinga leitung pian maa eite honnateltak bang ngeiin.

1:5b.EPH.001.005 Aman a deiha a tup bangbangin, eite Jesu Kris vanga a tate hi dingin, itna jiakin honnasepkhol khinta,

1:6b.EPH.001.006 Huchi-a It-a a honpiak hondeihsakna thupi mahmah pahtawina i hih theihna dingin.

1:7b.EPH.001.007 A sisan jiakin Amah ah tatkhiakna, huai a hehpihna hauhdan bangbanga i tatleknate ngaihdamna ngei i tangta hi,

1:8b.EPH.001.008 Tua hehpihna tuh chillou hialin aman eite a honpeta.

1:9b.EPH.001.009 A thiltup, Kris-a a gelkhiak, bangbangin a deihlam thuguk tuh pilna leh theihsiamna ngenin eite hontheisakta ngala;

1:10b.EPH.001.010 Huai a deihlam thilgel bel; hunbi hongkim chianga, thil tengteng-vana omte leh leitunga omte-Kris-a gawmkhawma a suktuah vek ding tuh ahi.

1:11b.EPH.001.011 Amah deihlam, a lunggel bangbanga thilbangkim semkhepa tup bang ngeiin, amah mah-ah

1:12b.EPH.001.012 Koute, Kris-a ana lamen masate, a thupina pahtawina dinga hing dingin sehkholhin kana omkhinta uhi.

1:13b.EPH.001.013 Huan, noute, thutak thu, na hotdamna tanchinhoih uh ngaikhiaa gin leng gingtate leng, amah ah chiamsa Kha Siangthou-a chiamtehin na om uhi;

1:14b.EPH.001.014 Huai Kha Siangthou bel i gouluah ding tatna kim i luah matenga, Pathian thupina dinga, khamna ahi.

1:15b.EPH.001.015 Huaijiakin ken leng Toupa Jesua ginna na lak ua om, misiangthoute tengteng tunga na kitheihsak jel uh ka najakin,

1:16b.EPH.001.016 Ka thumnate ah na min uh lou-in nou jiaka kipahthu gen ka tawp kei hi;

1:17b.EPH.001.017 I Toupa Jesu Kris Pathian, thupina Pan Amah theihna lam thu-a pilna leh kilakna kha nou a honpiak theihna dingin,

1:18b.EPH.001.018 Huchia, na lungsim mitte uh hihvaka hongoma, na theihna ding un-huaibel, Aman nou a honsapna lametna bang; misianthoute-a a gouluah hauhsaknate bang;

1:19b.EPH.001.019 Huan, a gingta eite-a A thilhihtheihna thupina tehvuallouh, huai A hatna thupi sep bang jela,

1:20b.EPH.001.020 Kris-a a sepzohtak, huchia amah misi lak akipana a kaihthoha, vanmun khawnga A taklama a tutsaka,

1:21b.EPH.001.021 Lalnate, thuneihnate, thilhihtheihnate, vaihawmna tengteng tung leh tu khovel kia hilou-a khovel hongtung ding nangawna minsak chiteng tung tham peka a koih laia a sepzoh chih bang.

1:22b.EPH.001.022 Huan Aman bangkim a khe nuai ah a koiha, amah tuh bangkim tengteng tunga Suptuam lutangin a bawl,Huai saptuam tuh a pumpi a hi-a, amah bang kima bangkim hihdimpa tangchinna ngei.

1:23b.EPH.001.023 Huai saptuam tuh a pumpi a hi-a, amah bang kima bangkim hihdimpa tangchinna ngei.

2

2:1b.EPH.002.001 Nou leng na tatlekna uleh na khelhnate uh jiaka si na hih lai un a honhihhinga;

2:2b.EPH.002.002 Huaite ah, tumalamin hiai khoveldan bangin na naom ua, huihkhuaa thuneihna lal, tua thumanglou tate sunga sem lelpa kha dan bangin.

2:3b.EPH.002.003 Huai thumanglou tate lakah eite leng tumalamin sa duhgawlna hihin, i sa utnate bangin i om vek ua, midangte bangmahin thangpaihna taa piang him i hi uhi.

2:4b.EPH.002.004 Himahleh, Pathianin hehpihna hauin a honitna thupitak jiakin,

2:5b.EPH.002.005 Tatleknate jiaka si i hih hilhial laiin leng, Kris toh a honhihhinga (hehpihnaa hotdam na hita uh),

2:6b.EPH.002.006 Kris Jesu ah amah toh a honkaithou-a van munte ah amah kiangah a hontusak hi:

2:7b.EPH.002.007 Huchia hun hong tung ding te khawnga, Kris Jesu-a i tunga migitna neia, a hehpihna nak hauhdan tuh a etsak theihna dingin.

2:8b.EPH.002.008 Ginna jiaka hehpihnaa hotdam na hi ngalua; huai leng noumaua suak ahi keia, Pathian thawnpiak ahi;

2:9b.EPH.002.009 Thilhih jiak ahi kei, huchilou injaw min a suang kha ding uhi.

2:10b.EPH.002.010 Thil hoih hih dingin Kris Jesu ah siamna omin, amah khut suak i hi ngalua; huai thil hoih hih tuh i khosakdan dingin Pathianin a bawlkhol ahi.

2:11b.EPH.002.011 Huaijiakin, tumalama nou saa Jentelte, saa khuta sum, zeksum, a chihteun zeksumlouh, honchihte u aw,

2:12b.EPH.002.012 Huchihlaiin, Kris lou-in Isrealte khua-leh-tui toh kimidangin khovel ah lametna neilou leh Pathian lou-a omin, thuchiam thukhun lakah mikhualin na om uh chih thei gige un.

2:13b.EPH.002.013 Tun bel, Kris Jesu ah nou nidanglaia gamlapia omte, Kris sisana hihnaiin na hongomta uhi.

2:14b.EPH.002.014 Amah tuh i kilemna ahi ngala; aman ei nihte tuh khata siamin i kikala kimelmakna banglai tuh a hihchimta,

2:15b.EPH.002.015 Thusehte leh dan thupiakte a saa hihmangin; huchia nihte tuh Amaha mihing thak khata siama kilemna a bawl theihna dingin;

2:16b.EPH.002.016 Huan, kros jiaka nihte tuh pumpi khata Pathian toh honkilemsak theiha, kimelmakna a beisak theihna dingin.

2:17b.EPH.002.017 Huan, a hongpaiin, nou gamlapia omte kiangah lemna tanchin hoih honhilha, naichika omte kiangah leng lemna tanchin hoih a hilh sam hi.

2:18b.EPH.002.018 Amah jiakin Kha kibanga Pa kiang lut theihna i nei tuaktuak uhi.

2:19b.EPH.002.019 Huchiin, tun tuh zin leh leng na hi nawnta kei ua, misiangthoute toh tualsung khat leh Pathian inkuanpihte na hi zota uhi.

2:20b.EPH.002.020 Kris Jesu ngei tuh a ninga suang kiphamoh pen hiin, sawltakte leh jawlneite suangphum tunga lam na hi uhi;

2:21b.EPH.002.021 Amahah tuh suang lep tuam chiat, kituak tak a suktuahin, Toupa ah temple siangthou a suak hi;Noute leng amah ah, Khaa Pathian omna ding huaia lep khawm na hi uhi.

2:22b.EPH.002.022 Noute leng amah ah, Khaa Pathian omna ding huaia lep khawm na hi uhi.

3

3:1b.EPH.003.001 Huchi a hih jiakin, kei Paula, nou Jentelte jiaka Kris Jesu hentain,

3:2b.EPH.003.002 Nou adinga Pathian hehpihna kepna na a honpiak lam na theita ngei ding ua;

3:3b.EPH.003.003 Huchia thuguk ka kianga theihsaka a omdan, tumaa tom chika ka gelh bangin.

3:4b.EPH.003.004 Huaia na sim un Kris thuguk ka theihdan na theithei ding uhi.

3:5b.EPH.003.005 Huaituh tulaia a sawltak siangthoute leh a jawlnei siangthoute kiangah Kha theihsakin a omta bangin, tumalamin leng mihing tate kiangah theihsakin a om ngei kei hi;

3:6b.EPH.003.006 Huaituh hiai ahi, Tanchin Hoih jiakin Kris Jesu ah, Jentelte gouluahpihte, pumpi hiangte, thuchiam tanpihte ahi uhi.

3:7b.EPH.003.007 A thilhihtheihna sepdan banga, a thawna piak Pathian hehpihna tuh a honpiak bang jelin huai tanchin hoih nasemtu dinga bawl ka hi.

3:8b.EPH.003.008 Kei, misiangthou tengtenga neupen sanga neujaw kiangah hiai hehpihna piak ahi: Kris hauhsakna suikhiak vuallouh Jentelte kiangah gen dingin;

3:9b.EPH.003.009 Huan, Pathian thil bangkim siampaa tangtawna sela naom, thuguk thilseh tuh bang ahia chih mi tengteng musak dingin;

3:10b.EPH.003.010 Huchia, Pathian pilna chiteng tuh vanmun khawnga lalnate leh thuneihnate kianga, saptuamte zanga, tu huna theihsak ahihna dingin;

3:11b.EPH.003.011 Hiai tuh tangtawn thiltup, Toupa Jesu Kris Jesua a tup leh sep dan ahi.

3:12b.EPH.003.012 Huai Kris Jesu i gin jiakin amahmahah maingalna leh hangtaka lut theihna i nei hi.

3:13b.EPH.003.013 Huchiin, noute jiaka ka gimthuak jiakin lungkelou dingin ka honngen hi, huaite tuh na thupina uh ahi.

3:14b.EPH.003.014 Huai jiakin Pa maah ka khukdin jela;

3:15b.EPH.003.015 Lei leh vana inkuan chiteng min phuah khiakna pa,

3:16b.EPH.003.016 A thupina hauhdan bang jela, a Kha jiaka mihing sung lama thilhihtheihnaa hihhata a honom sak theihna dingin,

3:17b.EPH.003.017 Huan, Kris ginna jiaka na lungtang ua a ten theihna dingin, nou itnaa zungkai leh kingakna neia omin,

3:18b.EPH.003.018 Misiangthou tengteng toh a zatdan, a saudan, a sandan, leh a thukdan khawng theih chian theihna leh,

3:19b.EPH.003.019 Kris itna theih phaklouh, Pathian tangchinna chitengteng banga hihdima na om theihna ding un.

3:20b.EPH.003.020 Huan, eimaha sem jel thilhihtheihna bangin, i nget leh i ngaihtuah tengteng sanga thupi zo tham hih theipa kiang ngeiah,Khantawnin suan tengteng tanin, saptuam te leh Kris Jesu ah thupina om hen. Amen.

3:21b.EPH.003.021 Khantawnin suan tengteng tanin, saptuam te leh Kris Jesu ah thupina om hen. Amen.

4

4:1b.EPH.004.001 Huaijiakin, noute sapa na omna utoh kikhoma om dingin kei Toupaa hentain ka honngen hi,

4:2b.EPH.004.002 Kingaihniamna leh migitna tengteng, thuaktheihna toh, itnaa kithuakzou zo chiata,

4:3b.EPH.004.003 Lemnaa Khaa kipumkhatna vom chinten dingin.

4:4b.EPH.004.004 A Honsapna pen lametna mun khata sap na hih mahbang un pumpi khat leh Kha khat kia a om;

4:5b.EPH.004.005 Toupa khat, ginna khat, baptisma khat,

4:6b.EPH.004.006 Bangkim Pathian leh Pa khat kia a oma; amah tuh bangkim tungah a oma, bangkim a mu suaka, bangkim sungah a om hi.

4:7b.EPH.004.007 Himahleh, Kris thilpiak tehna bang jelin hehpihna tuh i kiang chiat ah piak a om hi.

4:8b.EPH.004.008 Huaijiakin ahi, Tung lama a kahtouh laiin matte tampi a pia, mihingte kiangah leng thilpiakte a pia, a chihna.

4:9b.EPH.004.009 Huchiin, A kah tou, chih tuh, lei mun nuainung pente banga a hongsuk masak phot keileh, bangchi a hita ding leh?

4:10b.EPH.004.010 Hongsukpen tuh, thil tengteng a hihdim theihna dingin, van tengteng tung peka kah toupa mah ahi.

4:11b.EPH.004.011 Huan, khenkhatte sawltak hi dingin, khenkhatte jawlnei hi dingin, khhenkhatte Tanchin Hoih gen dingin, khenkhatte pastor hi dingin, khenkhatte thuhilh dingin a pia hi:

4:12b.EPH.004.012 Huai tuh misiangthoute thopna ding, nasepna sepna ding, Kris pumpi lam touhna dingin:

4:13b.EPH.004.013 Huai tuh ginna leh Pathian Ta theihna lama thukituaka, pichinga, Kris tangchinna latdan banga i vek ua i hongom masiaha ding ahi.

4:14b.EPH.004.014 Huchi-a mihingte diklouhna zekhemna banga lepchiah pila khem tawmtawma oma thuhilhna huih chitenga langkhat langkhata sep leh mut lengleng, naupang i hih nawn louhna dingun.

4:15b.EPH.004.015 Itnaa thutak gena, bangkima Amah, lupen, Kris ngeia i khanlet jawk ding uh ahi.

4:16b.EPH.004.016 Amah akipan pumpi tengteng, kizopna chiteng sep jiaka, lemtaka suktuah leh kizomkhawma, hiang chihin sep dingdan bangtaka a sep chiangin pumpi a khanga itna ah amah leh amah akilam tou hi.

4:17b.EPH.004.017 Tuin hiai ka genin Toupa ah kontheisak ahi, Jentelte a lungsim ginatlouhna uh pu-a a om bangun, na om nawn mahmah ding uh ahi kei;

4:18b.EPH.004.018 Amau tuh a lungtang uh tak jiaka theihtheihlouhna jiakin Pathian hinna theihtheihna a pan posiahin a om uhi;

4:19b.EPH.004.019 A khenggawpta ua, sianglou chiteng hihna lama huaihamin jautatna ah a kipumpiak uhi.

4:20b.EPH.004.020 Nou jaw huchibangin kris thu na zil kei uhi!

4:21b.EPH.004.021 A thu jaa amaha thuhilhna om khin na hih peuhmah uleh, jesua thutak a om bangin.

4:22b.EPH.004.022 Na pianken lui uh, na nidanglai hindan uh segawpsa suahkhia unla,

4:23b.EPH.004.023 Na lungsim Kha uah a thakin hongom unla,

4:24b.EPH.004.024 Pianken thak, diktatna leh sianthounaa Pathian batpiha siampen silh un.

4:25b.EPH.004.025 Huchiin, juaugen tawpsanin, noumau inveng kiangah thudiktak gen chiat un; kihiang tuah chiat na hi ngal ua.

4:26b.EPH.004.026 Heh unla, khelh jaw khial kei un; na hehna uh niin tum pih kei hen.

4:27b.EPH.004.027 Diabol leng mun awn sam kei un.

4:28b.EPH.004.028 Gutain gu nawnta kei hen; tasam kianga piak ding a neih theihna dingin, a khuta thil hoih semin gim jaw hen.

4:29b.EPH.004.029 Thu sia peuhmah na kam ua kipanin pawt kei hen; a khawk dan bang jela bawl hoih dingin thu hoih peuhmah pawt jaw hen, a ngaikhete adinga hehpihna a hohnghih theihna dingin.

4:30b.EPH.004.030 Huan, Pathian Kha Siangthou tuh hihlungkham kei un, tatna nia dingin amahah chiamteh na hi uhi.

4:31b.EPH.004.031 Khatna bang, thangpaihna bang, hehna bang, hanna bang, gensiatna tengteng tawpsanin omta hen, gitlouhna tengteng toh.Huan, kihehpih chiata lainatna neiin om unla, Pathianin Krisa a honngaihdam bangin, noumau leng kingaidam tuah chiat un.

4:32b.EPH.004.032 Huan, kihehpih chiata lainatna neiin om unla, Pathianin Krisa a honngaihdam bangin, noumau leng kingaidam tuah chiat un.

5

5:1b.EPH.005.001 Huchiin, a ta deihtakte bangin Pathian omdan late hi un;

5:2b.EPH.005.002 Huan, Krisin a honit a, namtui dinga Pathian kianga thilpiak ding leh kithoihna dinga i sika dia a kipiak bang mahin itnaah om un.

5:3b.EPH.005.003 Himahleh, mi siangthoute hiha kilawm himin kingaih leh sianglou tengteng huaihamna toh, na lak uah loh khakin om kei hen.

5:4b.EPH.005.004 Zahmohte, thuginalou gente, chiamniuh thu nangawn huaite bang a kilawm lou hi; huaite hih sangin kipahthu gen jaw un.

5:5b.EPH.005.005 Kingaihhat leh mi thanghuai leh, mi huaiham himhimin (mi huaiham jaw milim bemi a hi) Kris leh Pathian gamah tanding himhim a neikei uh chih na thei mahmah ngal ua.

5:6b.EPH.005.006 Kuamahin thuginalou peuhin honkhem kei uhen; huai thilte jiakin Pathian thangpaihna tuh thumanglou tate tungah a tung naknak ahi.

5:7b.EPH.005.007 Huaijiakin amau kikoppih kei un.

5:8b.EPH.005.008 Tuma lamin mial na hi ua, tun jaw Toupa ah vak na honghita uhi; vak tate bangin om un;

5:9b.EPH.005.009 Vak gah tuh hoihna leh, diktatna leh, thutak tengteng ahi;

5:10b.EPH.005.010 Toupa kipahna lamtak bang ahi hiam zong un.

5:11b.EPH.005.011 Huan, mial thilhih gah nei ngei loute ah leng panna himhim neikei unla, pan naksangin a diklouhdan uh theisak jaw un.

5:12b.EPH.005.012 A guka a thilhih nakte utuh a gen leng a zumhuai ngala.

5:13b.EPH.005.013 Himahleh, thil bangkim a diklouhdan muhtheiha om tuh vak hihlat ahi nak hi; muhtheiha om peuhmah tuh vak ahi ngala.

5:14b.EPH.005.014 Huaijiakin, Nang ihmu! hak inla, misi laka kipan thou in. Huchiin, Krisin vak honpe ding, chih ahi.

5:15b.EPH.005.015 Huan, mi pil loute banga om louin, mi pilte banga om jawin, na omdan uah pilvang un;

5:16b.EPH.005.016 Nite a hoih louh jiakin hun na neih sungun atam theipen sem jel un.

5:17b.EPH.005.017 Huaijiakin hai nuam dah unla, Toupa deihlam bang ahia chih thei jaw un.

5:18b.EPH.005.018 Huan, uain khamin om kei un, huaiah tuh kideklouhna a om ngala; Khaa dimin om jaw un,

5:19b.EPH.005.019 Phatna late, Pathian late, khalam latea kihoupih chiata Toupa kianga na lungtang tengteng ua ging kilawm bawl leh lasain, leh.

5:20b.EPH.005.020 I Toupa Jesu Kris mina, Pathian, Pa ngei kianga, bangkim tunga kipahthu gen gigein.

5:21b.EPH.005.021 Kris laudansiamin kiniamkhiak chiat un.

5:22b.EPH.005.022 Jite aw, Toupa kianga na kiniamkhiak bang un, noumau pasalte kiangah kiniamkhiak un.

5:23b.EPH.005.023 Kris tuh amah ngei pumpi hondampa hi a, saptuamte lutang a hih mahbangin, pasal tuh ji lutang ahi ngala.

5:24b.EPH.005.024 Huchiin, saptuamte Kris kianga a kiniamkhiak mahbang un jite tuh bangkim ah a pasalte uh kiangah kiniamkhiak uhen.

5:25b.EPH.005.025 Pasalte aw, na jite uh it un, Krisin saptuamte a ita, a sik ua a kipiak bangin,

5:26b.EPH.005.026 Huchia amau tuh tuia sila thua a hihsiangthou theihna dingin;

5:27b.EPH.005.027 Huan, huchia, saptuamte tuh ninbang lou leh, vuai lou leh, huchibang thil mawngmawng pu loua, siangthou leh gensiatbeia om jawa, amah leh amah tuh saptuamte thupi taka a kipiak theihna dingin.

5:28b.EPH.005.028 Huchimahbangin pasalten leng amau pumpi mah bangin amau jite tuh a it ding uh ahi. Amah ji itpa tuh amah kiit ahi.

5:29b.EPH.005.029 Kuamahin amah sa mah aho ngei ngal keia, a vakin a deihthoh zo nak hi, Krisin saptuamte a vaka a deihthoh mah bangin;

5:30b.EPH.005.030 A pumpi hiangte i hi ngal ua.

5:31b.EPH.005.031 Huaijiakin pasalin a nu leh a pa paisanin a ji a len chinten dinga, huan, a nih un sa pumkhat a honghita ding uh.

5:32b.EPH.005.032 Hiai thuguk tuh a thupi hi, himahleh ken jaw Kris leh saptuamte thu ahi ka gen.Abang abang hileh, nou laka kuapeuhmah in amah a kiit bang in a ji it hen; ji mahin leng a pasal zahtak dingin pilvang hen.

5:33b.EPH.005.033 Abang abang hileh, nou laka kuapeuhmah in amah a kiit bang in a ji it hen; ji mahin leng a pasal zahtak dingin pilvang hen.

6

6:1b.EPH.006.001 Naupangte aw, Toupa ah na nute uleh na pate uh thu mang un: huai tuh thil dik ahi ngala.

6:2b.EPH.006.002 Na nu leh na pa zahtak in, (hiai tuh thupiak chiam nei masapen a hi),

6:3b.EPH.006.003 Huchiin nang adingin a hoih dia, lei ah leng na dam sawt ding hi.

6:4b.EPH.006.004 Huan, nou pate aw, na tate uh hihthangpai kei unla, Toupa thuzohna ah leh hilhna ah kem jaw un.

6:5b.EPH.006.005 Sikhate aw, Kris thumang bangin laudansiam leh linga lungtang khatin sa dana na pute uh thu mang un:

6:6b.EPH.006.006 Mihing hihkipakte maimah banga mitmei kia veng louin, Kris sikha banga lungtanga Pathian deihlam hih jawin,

6:7b.EPH.006.007 Mihing nasem phet hi louin, Toupa nasem bang jawa chitaktak kawma nasemin,

6:8b.EPH.006.008 Mi chihin thil hoih a hih chiat peuhmah uh Toupa kianga kipanin a ngei mah a mu nawn ding uh chih theiin, bawi hiam, bawi louin hiam himahleh.

6:9b.EPH.006.009 Huan, nou heutute aw, huchimahbangin, amau leh noumau Heutupa tuh van ah a om chih leh, aman mi deihsak tuam a neikei chih theiin vau louin a tunguah hih sam un.

6:10b.EPH.006.010 A tawppenin, Toupa ah leh a hatna thagui ah thilhihtheihna neiin hongom un.

6:11b.EPH.006.011 Diabol zekhemnate na dou zoh theihna ding un Pathian galvan kimin kivan un.

6:12b.EPH.006.012 I doute jaw sa leh sisan ahi ngal kei ua, lalnate leh, thuneihna te leh, tu -a omlel mial tunga khovel vaihawmte leh, van mun khawnga kha gilouhon omte ahi jaw uhi.

6:13b.EPH.006.013 Huaijiakin, ni hoih loua na dou zohna ding un leh na hihzoh vek nung ua leng na din theihna ding un, Pathian galvan kim la un.

6:14b.EPH.006.014 Huan, na kawng uh thutaka gakin, diktatna awmphaw zangin,

6:15b.EPH.006.015 Lemna tanchin hoih vanzat tuh na khe ua bunin ding un:

6:16b.EPH.006.016 Huaite ban ah ginna lum la unla, huaiin mi gilou thal kuangthei tengteng na hihmit thei ding uhi.

6:17b.EPH.006.017 Huan, hotdamna lukhu leh Kha namsau, Pathian thu la unla.

6:18b.EPH.006.018 Thumna leh ngetna chitengin bangchik laipeuhin leng Khaah thum un. Huailam pangah tuh misiangthou tengteng adingin phatuamngai leh ngen bilbelin limsak un;

6:19b.EPH.006.019 Tanchin hoih thuguk hangsan taka theisak dinga, ka kam ka kata thugen saka ka om theihna dingin kei dingin leng honnget sak un.

6:20b.EPH.006.020 Ka gen ding bang hangsan taka ka gen theihna dingin. Huai tanchin hoih palai khainiang bun ka hi.

6:21b.EPH.006.021 Himahleh, nou leng bangchibanga ka om, ka tanchin na theihtheihna ding un, Taikika, Toupaa unau deihtak leh nasempa muanhuaiin bangkim a honthei sak ding.

6:22b.EPH.006.022 Huaijiakin amah na kiang uah ka honsawl ahi, ka tanchin uh na theihna ding uh leh, aman na lungtang uh a khamuan sak theihna dingin.

6:23b.EPH.006.023 Pa Pathian leh Toupa Jesu kris kianga kipan lemna leh ginna tel itna unaute kiangah om hen.I Toupa Jesu Kris tul loua itte tengteng kiangah hehpihna om hen. Amen.

6:24b.EPH.006.024 I Toupa Jesu Kris tul loua itte tengteng kiangah hehpihna om hen. Amen.