Proverbs (Paite)

1

1:1b.PRO.001.001 Israel kumpipa, David tapa Solomon paunakte:

1:2b.PRO.001.002 Pilna leh hilhna theih ding; theisiamna thute theikak ding;

1:3b.PRO.001.003 Thilhih pilhuaia hilhna mu ding, diktatna leh vaihawm leh hawmsiamna ah;

1:4b.PRO.001.004 Mi mawlte kianga kivensiamna pe ding, tangval kianga theihna leh ngentelna;

1:5b.PRO.001.005 Mi pilin a jak theiha, sinsiamnaa a pun theihna dingin; huan theihsiam miin thuphate a phak theihna ding;

1:6b.PRO.001.006 Paunak leh lima thugen theisiam ding; mipilte thute, gentehna thugen theihhakte theisiam dingin.

1:7b.PRO.001.007 Toupa kuhtak theihna kipatna ahi: himahleh mihaiin pilna leh hilhna a musit.

1:8b.PRO.001.008 Ka tapa, na pa hilhna ja in, na nu dan mangngilh ken:

1:9b.PRO.001.009 Na lu adingin deihhuai lungtangjem leh na ngawng vial ding khainiangte hi ding ulah ahi ngala.

1:10b.PRO.001.010 Ka tapa, mikhialten a honzol ua leh, pha sakpih ken.

1:11b.PRO.001.011 Honjui in, sisan I buk ding ua, a jiak beiin mi hoihte a gukin I tang ding uh, a chih uleh:

1:12b.PRO.001.012 Seol bangin amaute a hingin I nawmvalh ding ua, huan, kokhuk sunga pai sukte bangin, a pumin:

1:13b.PRO.001.013 Van manpha tengteng I mu ding ua, gallaktein I inte uh I dimsak ding uh;

1:14b.PRO.001.014 Na tan kou laka ma sep lut dinga; sumbawm khat I nei khawm ding ua:

1:15b.PRO.001.015 Ka tapa, lampi ah amau toh ton ken; a lampi ua kipan na khe kaikikin:

1:16b.PRO.001.016 Gilou hih dingin a khe uh a tai ngala, huan sisan suah dingin a kinoh uhi.

1:17b.PRO.001.017 Vasa himhim mitmuh in, len a kiphah thawn ngala:

1:18b.PRO.001.018 Huan hiaiten amau sisan ngeia tang ua, amau hinna ngei a gukin a buk uhi.

1:19b.PRO.001.019 Huchibangin michih punnaa duhgawlte lampi ahi hi; huaia neitute hinna a lak mang sak sek hi.

1:20b.PRO.001.020 Kongzing ah ngaihtakin pilna a kikoua; mun liante ah a aw a suaha;

1:21b.PRO.001.021 Mipi omkhawmte mun pipen ah a kikoua; kongpite lutna ah, khopi ah, a thute a gen:

1:22b.PRO.001.022 Bang tan ahia, nou mi mawlten, mawlna na it ding uh? Nuihsanmiten nuihsana amaute a kipah ding ua, mihaiten theihna a huat ding uh?

1:23b.PRO.001.023 Ka salhna ah kihei unla: ngaiin na tunguah ka kha ka sung bo ding, na kianguah ka thute ka theisak ding hi.

1:24b.PRO.001.024 Ka sap a, na nial jiakun: ka bante ka jaka, kuamahin a limsak kei uh;

1:25b.PRO.001.025 Himahleh ka thupha tengteng bangmahlou in na koih ua, ka salhnate a bangmah na deih kei uh:

1:26b.PRO.001.026 Ken leng na tuahsiatna ni un ka honnuihsan dia; na launa uh a hongtun chiangin kon chiamnuih ding;

1:27b.PRO.001.027 Huihpi banga na launa uh a hongtun chiangin; pingpei banga na tuahsiatna uh a hongtun chiang in; lungkhamna leh dahna na tung ua a hongtun chiangin.

1:28b.PRO.001.028 Huai hun chiangin kei a honsam ding ua, himahleh ka dawng kei ding; thanuam takin a honzong ding ua, himahleh a honmu kei ding uh:

1:29b.PRO.001.029 Theihna a huat ua, Toupa kihtakna a zon louh jiak un:

1:30b.PRO.001.030 Ka thupha laka bangmah a deih kei ua; ka salhna tengteng a musit uh:

1:31b.PRO.001.031 Huaijiakin a lampi uh gah a ne ding ua, amau thusawmte ngeiin a vah ding uh.

1:32b.PRO.001.032 Mimawlte nungtolhna in amaute a hihlum dia, mihaite hausaknain amau hihmang ding ahih jiakin.Himahleh kuapeuh kei honngaikhia bittakin a teng ding ua, gilou launa pang louin a muang ding uh.

1:33b.PRO.001.033 Himahleh kuapeuh kei honngaikhia bittakin a teng ding ua, gilou launa pang louin a muang ding uh.

2

2:1b.PRO.002.001 Ka tapa, ka thute na sana, ka thupiakte nanga na khol khawm leh;

2:2b.PRO.002.002 Huchia pilna lama na bil na doha, theihsiamna lama na lung na suk leh;

2:3b.PRO.002.003 Ahi, theihkakna na sap a, theihsiamna dinga na aw na suah leh;

2:4b.PRO.002.004 Dangka banga huai na zona, gou sel banga huai na zon leh;

2:5b.PRO.002.005 Huchiin Toupa kihtakna na theisiam dinga, Pathian theihna na mu ding hi.

2:6b.PRO.002.006 Toupan lah pilna a pe ngala; a kam akipanin theihna leh theihsiamna a hong pai.

2:7b.PRO.002.007 Midika dingin pilna hoih a khol khawma, muanhuainaa omte amaute ading in lum ahi;

2:8b.PRO.002.008 Vaihawmna lampite a ven theihna dingin, a misiangthoute lampi ahawi theihna dingin.

2:9b.PRO.002.009 Huchiin diktatna leh vaihawmna na theisiam dia, huan, hawmsiamna, ahi, lampi hoih chiteng.

2:10b.PRO.002.010 Na lungtang sungah pilna a honglut sin ngala, huan na kha adingin theihna a nuam ding hi;

2:11b.PRO.002.011 Ngentelnain nang a honveng dia, theihsiamnain nang a honkem ding hi.

2:12b.PRO.002.012 Gilou lampi akipan honhun khe ding, mi thil hoihlou gente akipan;

2:13b.PRO.002.013 Tanna lampite mangngilh, khomial lampite a pai ding;

2:14b.PRO.002.014 Gilou hih ding kipaka, gilou hoihlouhnaa nuamsa;

2:15b.PRO.002.015 A lampite ua kawia, a lampite ua diklou te;

2:16b.PRO.002.016 Numei lamdang akipan nang honhun ding, mikhualnu a thute toha maitangphatnu akipan mahmahin;

2:17b.PRO.002.017 Aman a tuailai lawm a nusia, a Pathian thukhun a mangngilh hi:

2:18b.PRO.002.018 A inn in lah sihna lam a doha, a lampiten misite lam:

2:19b.PRO.002.019 Amah kiang hoh kuamah a kik nawn kei ua, kuamahin hinna lampite a pha zou sam kei uhi:

2:20b.PRO.002.020 Mi hoihte lampia na pai theiha, mi diktatte lampi na zuih theihna dingin.

2:21b.PRO.002.021 Mi tangte gamsunga teng ding ahi ua, huan a sungah mi hoihkimte a om tawntung ding uh.Himahleh giloute gam akipan satkhiakin a om ding ua, huan lepchiah taka hihte huai akipan zungkalh khiakin a om ding uh.

2:22b.PRO.002.022 Himahleh giloute gam akipan satkhiakin a om ding ua, huan lepchiah taka hihte huai akipan zungkalh khiakin a om ding uh.

3

3:1b.PRO.003.001 Ka tapa, ka dan mangngilh ken; himahleh ka thupiakte na lungtangin kem hen:

3:2b.PRO.003.002 Nite sawtna leh, damsung kumte leh muanna, nanga hongkibehlap ding ahi ngala.

3:3b.PRO.003.003 Chitna leh thutak in nang honnuse kei hen: Na ngawng kimvelin vial inla; na lungtang dohkan tungah amaute gelh in:

3:4b.PRO.003.004 Huchiin Pathian leh mihing mitmuhin deihsakna leh theihsiamna hoih na mu ding hi.

3:5b.PRO.003.005 Na lungtang tengteng toh Toupa ah muang inla, nangmah theihsia, na ah kinga ken:

3:6b.PRO.003.006 Na lampite tengteng ah amah thei inla, huan aman na lampite a pitang ding hi.

3:7b.PRO.003.007 Nangmah mit ah pil ken la; Toupa kihta inla, gilou taisan in:

3:8b.PRO.003.008 Na lai adingin damna ahi dinga, na guhte adingin guhngek.

3:9b.PRO.003.009 Na vanin Toupa zahtak in, na punna tengtenga gahmasate tohin:

3:10b.PRO.003.010 Huchiin hauhnain na pangte a dim dia, na belte uain thakin a dimlet ding hi.

3:11b.PRO.003.011 Ka tapa, Toupa sawina musit kenla; a salhna leng chimtak sam ken:

3:12b.PRO.003.012 Toupan lah a itte a sal ngala; pan a kipahna tapa a salh bangin.

3:13b.PRO.003.013 Pilna mu mi leh theihsiamna mu miin nuam a sa hi.

3:14b.PRO.003.014 Huaia vante lah dangka vante sangin a hoihzo ngala, huan huaia punna dangkaeng hoih sangin.

3:15b.PRO.003.015 Rubi suang sangin a manpha jaw: huan amah toh na thil deihte na tehpih theikei ding.

3:16b.PRO.003.016 A khut taklam ah nite sawtna a oma; a khut veilam ah hausaknate leh zahtakhuaina.

3:17b.PRO.003.017 A lampite nuamna lampite ahia, a lampite tengteng muanna ahi.

3:18b.PRO.003.018 Amah lenchintente adingin hinna sing ahi: amah nei den michihin nuam a sa uhi.

3:19b.PRO.003.019 Toupan pilnain lei a mukhiaa; theihsiamnain vante a hihkipta hi.

3:20b.PRO.003.020 A theihnain thuknate a kitama, huan vanten a daitui a taksak uh.

3:21b.PRO.003.021 Ka tapa, na mitte akipan amaute paimang sak ken; pilna hoih leh ngentelna kem gige in;

3:22b.PRO.003.022 Huchiin na kha adingin hinna ahi ding ua, na ngawng adingin kilawmna.

3:23b.PRO.003.023 Huchiin bittakin na lampi ah na pai dinga, na khe a kisui kei ding hi.

3:24b.PRO.003.024 Na lup chiangin, na lau kei dia: ahi, na lum dinga, na ihmut a lim ding.

3:25b.PRO.003.025 Lau guihna kihta ken, a hongpai chiangin, giloute hihgawpna leng lau sam ken:

3:26b.PRO.003.026 Toupa na muanpi ahi sin ngala, na khe laka omlou dingin a veng ding hi.

3:27b.PRO.003.027 A mudingte akipan thilhoih it ken, hih dinga na khut thilhihtheihnaa a om laiin.

3:28b.PRO.003.028 Na insakinkhang kiangah, na kianga na neih laiin, paiin, hong nawn in, huchiin jingsang chiangin ka pe ding, chi ken.

3:29b.PRO.003.029 Na insakinkhang siatna ding gilou ngaihtuah ken, na kiangah bittakin a teng chih thei in.

3:30b.PRO.003.030 A jiak beiin mi toh kina ken, gilou bangmah na tunga a hih kei leh.

3:31b.PRO.003.031 Hiamgamna mi eng ken, a lampite laka bangmah tel ken.

3:32b.PRO.003.032 Kilawmlou lah Toupa adingin kihhuai ahi ngala: himahleh a thuguk mi tangte kiangah a om.

3:33b.PRO.003.033 Toupa hamsia migiloute in ah a om; himahleh mi diktatte tenna vual a jawl hi.

3:34b.PRO.003.034 Aman nuihsanhatte a nuihsana, himahleh kingainiamte kiangah hehpihna a pia hi.Mi pilin thupina gou a luah ding; himahleh zumna mihaite kaisanna ahi ding hi.

3:35b.PRO.003.035 Mi pilin thupina gou a luah ding; himahleh zumna mihaite kaisanna ahi ding hi.

4

4:1b.PRO.004.001 Ka tapate, pa hilhna ja un, theihsiam na thei dingin limsak un:

4:2b.PRO.004.002 Thuginpi hoih lah ka honpe ngala; ka dan taisan kei un.

4:3b.PRO.004.003 Ka pa dingin tapa ka hi ngala, ka nu mitmuha nou leh it keleuleu.

4:4b.PRO.004.004 Huan a honsinsaka, ka kiangah, na lungtangin ka thute lenden hen; ka thupiakte jui inla, huan hing in:

4:5b.PRO.004.005 Pilna neiin, theihsiamna nei in: mangngilh ken, ka kama thute akipan lunglel ken:

4:6b.PRO.004.006 Huai mangngilh kenla, nang a honhawi dinga; amah it inla, aman a hon kem ding hi.

4:7b.PRO.004.007 Pilna thil pipen ahi; huaijiakin pilna la in: ahi, na muhsa tengteng toh theihsiamna la in.

4:8b.PRO.004.008 Amah pahtawi inla, a man nang honkaisangsak ding: zahtakna a hontun dia, amah na kawi laiin.

4:9b.PRO.004.009 Na lua dingin kilawmna kizepna a honpe dia: kilawmna manglukhu nang a honpe ding hi.

4:10b.PRO.004.010 Aw ka tapa, ka gente ja inla, sang in; huchiin na damsung kumte a tam ding hi.

4:11b.PRO.004.011 Pilna lampi ah ka honkisinsaktaa; tanna lampite ah ka honpita hi.

4:12b.PRO.004.012 Na pai chiangin, na kalsuante haksain a om kei dia; na tai leh, na kisui puk kei ding.

4:13b.PRO.004.013 Hilhna kip takin lenin; pai sak ken: amah vom in; amah lah na hinna ahi ngala.

4:14b.PRO.004.014 Migiloute lampi ah lut ken, gilou mite lampi ah pai ken.

4:15b.PRO.004.015 Pel khia inla, a kiangah pai ken; kiheisan inla, pai vengveng in.

4:16b.PRO.004.016 Poi a khoih kei ngal uleh, a ihmu ngal kei ua; kuahiam a puksak kei uleh, a ihmutna uh lakmangin a om hi.

4:17b.PRO.004.017 Gitlouhna tanghou lah a ne ngal ua, hiamgamna uain a dawn uhi.

4:18b.PRO.004.018 Himahleh mi diktatte lampi khovak tung bang ahi, sunlaitak takna tang semsem.

4:19b.PRO.004.019 Migiloute lampi khomial bang ahi: a kisuihna uh a theikei uh.

4:20b.PRO.004.020 Ka tapa, ka thute limsak in; ka gente ah na bil doh in.

4:21b.PRO.004.021 Na mitte akipan amaute lamang ken; na lungtang lakah vom in.

4:22b.PRO.004.022 Amau mute ading in hinna ahi ngal ua, a sa uh adingin damna.

4:23b.PRO.004.023 Thanopna tengteng toh na lungtang kem in; huai akipan lah hinna tuinakte a luang ngala.

4:24b.PRO.004.024 Nang akipan kam hoihlou koih mang inla, nang akipanin muk kilawmloute gamlapiah koih in.

4:25b.PRO.004.025 Na miten tang takin en uhenla, na etna na maah tang hen.

4:26b.PRO.004.026 Na khe lampi pheisak inla, huan na lampi tengteng hihkipin omsak inKhut taklam ah hiam veilam ah hiam pial ken: gilou akipanin na khe suan in.

4:27b.PRO.004.027 Khut taklam ah hiam veilam ah hiam pial ken: gilou akipanin na khe suan in.

5

5:1b.PRO.005.001 Ka tapa, ka pilna limsak in; ka theihsiamna na bil doh in:

5:2b.PRO.005.002 Ngentelna na vom theihna, na mukten theihna a kep theih ding un.

5:3b.PRO.005.003 Numei lamdang mukten lah khuaiju a takkhe sak ngala, huan a kam sathau sangin a nal jaw:

5:4b.PRO.005.004 Himahleh a tawpna nanung gamsai bangin a khaa, namsau hiamtuah bangin ahiam hi.

5:5b.PRO.005.005 A khete sihna lamah a pai suka; a kalsuanten Seol a pom a len chinten;

5:6b.PRO.005.006 Huchiin hinna lampi phei a mu kei hi: a lampite a kip keia aman a theikei hi.

5:7b.PRO.005.007 Huaijiakin tuin, ka tapate, honngaikhia unla, ka kama thute akipan pai mang kei un.

5:8b.PRO.005.008 Amah akipanin na lampi gamla pi ah suan mangin, a in kongkhak naiah hongpai ken:

5:9b.PRO.005.009 Huchilouin jaw midangte kiangah na zahtakhuaina na pe kha ding a, na kumte gilou kiangah:

5:10b.PRO.005.010 Huchilouin jaw na hatna in mikhualte a vah kha ding ua, gamdang mi in ah na seogimnate a om kha ding;

5:11b.PRO.005.011 Huan, na sa leh na pumpi hihgawpa a om laiin na tawpna nanung ah na sun kha ding:

5:12b.PRO.005.012 Huan, hilhna naza nuam lou hina tel ing e, ka lungtangin salhna namusitna tel e, na chi kha ding;

5:13b.PRO.005.013 hon sinsakmite aw na mang keia, kei honhilhte lam leng ka bilin ka nadoh kei:

5:14b.PRO.005.014 Omkhawmte leh kikhawmpite lakah gilou tengteng ah siatna ka nahita mahmah hi.

5:15b.PRO.005.015 nangmah tuibem akipanin tuite dawn in, nangmah tuileh akipanin tuiluang laite.

5:16b.PRO.005.016 Na tuinakneite sukthanghuai gawpa om ding hia, kongzing ahte na tui luite?

5:17b.PRO.005.017 Nangmah ading kia hi uhenla, nang kianga mikhualte ding hi louin.

5:18b.PRO.005.018 Na tuikhuk vualjawlin om hen; huan na tuailai ji ah kipak in.

5:19b.PRO.005.019 Deihhuai sazukpi leh heksiam sakhipi bang. A itna leh ngaihnatnain chik lai peuhin leng nang honlungkimsak gige hen; huan a itnaa vakin om gige in.

5:20b.PRO.005.020 Bangdingin ahia, ka tapa, numei lamdang vaka om ding na hia, mikhual ang kawi ding na hia?

5:21b.PRO.005.021 Mihing lampite lah Toupa mit maah a om ngala, huan aman a lampi te tengteng a pheisak hi.

5:22b.PRO.005.022 Amah thulimlouhnaten giloute aman dinga, a khelhna guitea kanin a om ding hi.Hilhna taksap jiakin a si dinga; a khelhna thupina ah a pai khial ding hi.

5:23b.PRO.005.023 Hilhna taksap jiakin a si dinga; a khelhna thupina ah a pai khial ding hi.

6

6:1b.PRO.006.001 Ka tapa, na inveng adia moh khu dia na din leh, mikhual adinga na khut na kichiam leh,

6:2b.PRO.006.002 Na kama thute a awk na hiha, na kama thute a mat na hih leh,

6:3b.PRO.006.003 Tuin hiai hihin, ka tapa, nang leh nang kihonkhiain, na inveng khut sungah na hongom chih theiin; kuanin, nang leh nang kiniamkhiak inla, na inveng vangen ngutngut in.

6:4b.PRO.006.004 Na mitte ihmu sak kenla, na mitvunte leng lusu sak sam ken.

6:5b.PRO.006.005 Gamvakpa khuta sakhipi bangin kihonkhia in, thangkampa khuta vasa bangin.

6:6b.PRO.006.006 Miksi kiangah hoh in, nang thadah; a lampite ngaihtuah inla, pil in:

6:7b.PRO.006.007 Hausa, heutu, hiam vaihawmmi, neilouin,

6:8b.PRO.006.008 Nipi chiangin a an a sutuaha, pawltak chiangin a an a kaikhawm hi.

6:9b.PRO.006.009 Bang tan ihmu ding na hia, aw thadah? Na ihmutna akipan chikchianga thou ding na hia?

6:10b.PRO.006.010 Neukha ihmut lai, neukha lusuk, ihmu dinga neukha khutte khep:

6:11b.PRO.006.011 Huchiin na gentheihna guta bangin a hongpai dia, huan na taksapna mi kigalvan bangin.

6:12b.PRO.006.012 Mi phatuam lou, mi gilou; kam kiuangsak toh a vaka;

6:13b.PRO.006.013 A mittein chiamtehna a bawla, a khetein thu a gena, a khutzung tein chiamtehna a bawl;

6:14b.PRO.006.014 A lungtang sungah hoihlouhna a oma, gilou a gel gige; kilemlouhna a tuh naknak.

6:15b.PRO.006.015 Huaijiakin a tuahsiatna thakhatin a hongtung dia; thakhata kek gawp in a om dia, a hihdamna beiin.

6:16b.PRO.006.016 Toupan a muhdah thil guk a oma; ahi, amah adia kihhuai sagih a om hi:

6:17b.PRO.006.017 Mit kiuangsakte, lei juauthei, mi hoih sisan suah khutte;

6:18b.PRO.006.018 Ngaihtuahna gilou ngaihtuah lungtang, siatna hih dinga kin tai khete;

6:19b.PRO.006.019 Juau thugen palai taklou, leh unaute laka kilemlouhna tuh.

6:20b.PRO.006.020 Ka tapa, na pa thupiak juiin, huan na nu dan mangngilh ken:

6:21b.PRO.006.021 Na lungtang tungah vial gige inla, na ngawng kimah khihin.

6:22b.PRO.006.022 Na vak chiangin, nang a honpi ding: na ihmut chiangin, nang a honveng ding hi; huan na khanloh chiangin, nang a honhoupih ding.

6:23b.PRO.006.023 Thupiak lah khawnvak ahi ngala: huan dan vakna ahi; huchiin hilhna taihilhna hinna lampi ahi:

6:24b.PRO.006.024 Numei gilou akipan nang honkem ding, mikhual lei maitangphatna akipanin.

6:25b.PRO.006.025 Na lungtangin a kilawmna lunggulh ken; a mitvuntein nang honman kei hen.

6:26b.PRO.006.026 Numaei kijuaknu jiakin pasal tanghou thema matin a om hi: huchiin angkawmnun hinna manpha a zong sek hi.

6:27b.PRO.006.027 Min a ang sungah mei a la thei diam, a puante a kang kei diam?

6:28b.PRO.006.028 Ahihkeileh mi suangkuangthei sa tungah a vak thei diam, a khete a kang kei diam?

6:29b.PRO.006.029 Huchibangin kuapeuh a inveng ji huan; kuapeuh amah khoih gawtlouh a om kei ding.

6:30b.PRO.006.030 Miten guta a musit kei ua, a gil kiallaia a kha lungtaisak dinga a guk leh:

6:31b.PRO.006.031 Himahleh muha a om leh, azah sagihin a din ding; a ina vantengteng a pe ding hi.

6:32b.PRO.006.032 Kuapeuh angkawm theisiamna bei ahi: amah kha hihse dinga a hih ahi.

6:33b.PRO.006.033 Liamnate leh zumhuaite a mu ding; huan a zahpihhuaina nulmang ahi kei ding.

6:34b.PRO.006.034 Mullitna lah mi thangpaihna ahi ngala; huchiin phulak ni chiangin a hawi kei ding hi.Tatna a limsak kei dinga; thilpiak tampi pe lechin leng, lungdamin a om kei ding hi.

6:35b.PRO.006.035 Tatna a limsak kei dinga; thilpiak tampi pe lechin leng, lungdamin a om kei ding hi.

7

7:1b.PRO.007.001 Ka tapa, ka thute kemin, na kiangah ka thupiakte khol khawm in;

7:2b.PRO.007.002 Ka thupiakte kem inla hing in; huan ka dan na mit tang bangin

7:3b.PRO.007.003 Na khutzungte tungah vial inla; na lungtang suangpek tungah gelh in.

7:4b.PRO.007.004 Pilna kiangah, ka sanggamnu na hi, chiin la, huan theihsiamna na tanaunu chiin:

7:5b.PRO.007.005 Numei lamdang akipan nang a honkep theihna ding un, a thutea maitangphatnu mikhual akipan.

7:6b.PRO.007.006 Ka in tohlet ah ka tohletkhakna ah ka en paisuaka;

7:7b.PRO.007.007 Huan mi mawlte lakah ka ena, tuailaite lakah ka theikaka, tangval theihsiamna beipa,

7:8b.PRO.007.008 A omnaning china kongzinga paisuaka, a in lam juana pai jelpa;

7:9b.PRO.007.009 Khomuiin, ni nitaklamin, jan mial bibek leh khomial ah.

7:10b.PRO.007.010 Huan, ngaiin, numei khat, kijuak puansilh silh, lungtang kivain a nakituahpiha.

7:11b.PRO.007.011 Amah ahi lawlawa, a tum tuntuna; a khe a in ah a om gige kei:

7:12b.PRO.007.012 Konhzinga om ton a oma, mun liantea a om ton a oma, ning chiteng a buk jel hi.

7:13b.PRO.007.013 Huchiin aman a manta, amah a tawpta, huan zummoh maitang tohin a kiangah:

7:14b.PRO.007.014 Lemna kithoihnate ka kiangah a om; tuiin ka thuchiamte ka peta hi,

7:15b.PRO.007.015 Huaijiakin nang tuak dingin ka hongpai khiaa, na mel thanuamtaka zong dingin, ka honmuta hi,

7:16b.PRO.007.016 Ka tutna nuam pialkhang phah ze hoihtea zep, ka phah khinta, Aigupta khau puan gialte toh.

7:17b.PRO.007.017 Ka lupna murra, aloe, leh sinamonin ka namtui sakta.

7:18b.PRO.007.018 Hongpai in, jingsang matan I itna dimset I la ding; itnain I kilungmuan tuah ding.

7:19b.PRO.007.019 Ka pasal lah in ah a om ngal keia, khual gamla ah a zin hi:

7:20b.PRO.007.020 Sum ip a kitawia; kha a lik chiangin in ah a hongpai ding, a chi a.

7:21b.PRO.007.021 A thugen siamnain amah a kipe sakta, a muka maitangphatnatein amah a sawlmang ta hi.

7:22b.PRO.007.022 Amah a jui paha, goh dinga bawngtal a pai bangin, hiam mihai bawlhoihna dia sikkhau khihmi bangin;

7:23b.PRO.007.023 Thalin a sin a kap pailet tan; tang lama vasa a kintat bangin, huan huai tuh a hinna gun a hih a theikei hi.

7:24b.PRO.007.024 Tuin, ka tapate, huaijiakin honngaikhia un, ka kama thute limsak un.

7:25b.PRO.007.025 Na lungtang amah lampi lam ah awn kei henla, lampite lamah pai mang kei hen.

7:26b.PRO.007.026 Amah lah tampi liamsain a pailumlettaa: ahi, a thahsate mi hat tampi ahi uh.A in Seol zotna lampi ahi, sihna dantante juana suk pai.

7:27b.PRO.007.027 A in Seol zotna lampi ahi, sihna dantante juana suk pai.

8

8:1b.PRO.008.001 Pilna a kikouin, theihsiamnain a aw a suah kei maw?

8:2b.PRO.008.002 Lampia mun sangta tungah, lampite kisutna ah, a dinga;

8:3b.PRO.008.003 Kongpite biangah, khopi lutna ah, kongkhaktea pai lutna ah, nakpiin a kikou a:

8:4b.PRO.008.004 Noute, aw mite, ka sam: huan ka aw mite tapa kiangah ahi.

8:5b.PRO.008.005 Aw nou mimawlte, kivensiamna theisiam un; huan, nou mi haite, lungtang theisiam nei un.

8:6b.PRO.008.006 Ja un, thil hoihpenpente gen ding lah ka hi ngala; huan ka mukte honna thil dikte ahi ding hi.

8:7b.PRO.008.007 Ka kamin thuthak gen ding ahi ngala; huan gitlouhna ka muk adingin kihhuai ahi.

8:8b.PRO.008.008 Ka kama thute tengteng diktatna ah a om; huaiteah bangmah hei hiam kilawmlou hiam a om kei hi.

8:9b.PRO.008.009 A theisiam kuapeuh adingin a kichian vek ua, theihna mu amaute adingin a dik hi.

8:10b.PRO.008.010 Ka hilhna sang unla, dangka hilouin; dangkaeng hoihpen sangin theihna.

8:11b.PRO.008.011 Rubi suang sangin pilna lah a hoihzo ngaka; huan deihhuai thilte tengteng huai toh tehpih theih ahi kei uh.

8:12b.PRO.008.012 Kei pilnain kivensiamna ka tenna dingin ka bawla, huan theihna leh theihkakna ka mu hi.

8:13b.PRO.008.013 Toupa kihtak gilou huat ding ahi; kisaktheihna leh, kiotsakna leh, gilou lampi leh kam hoihlou, ka hua hi.

8:14b.PRO.008.014 Thupha keia ahi, theihna hoih: theihsiamna ka neia; hatna ka nei.

8:15b.PRO.008.015 Kei jiakin kumpipaten vai a hawm ua, lalten dikna thu a pia uh.

8:16b.PRO.008.016 Kei jiakin lalten vai a hawm ua, milianten, leia vaihawmte tengtengin.

8:17b.PRO.008.017 Kei honitte amau ka ita; thanuam taka honzongten honmu ding uh.

8:18b.PRO.008.018 Hauhsakna leh zahtakna ka kiangah a om; ahi, hauhsakna leh diktatna pangsawtte.

8:19b.PRO.008.019 Ka gah dangkaeng sangin a hoihjaw, ahi, dangkaeng hoih sangin; ka sum muhna dangka hoihpen sangin.

8:20b.PRO.008.020 Diktatna lampi ka juia, vaihawmna lampite lakah:

8:21b.PRO.008.021 Kei honitte van ka luahsak theiha, a goubawmte uh ka dimsak theihna dingin.

8:22b.PRO.008.022 Toupan a lampi kipattungin a honneia, nidanga a thilhihte main.

8:23b.PRO.008.023 Khantawna kipan, a tunga kipan ahihkeileh lei om maa kipan koih kip ka hi.

8:24b.PRO.008.024 Thuknate a om louh laiin, lak khiakin ka oma; luikhuk tuia dimte a om loh lai un.

8:25b.PRO.008.025 Mualte a omkip main, tangte om main lak khiakin ka om:

8:26b.PRO.008.026 Lei hiam, gamte hiam, ahihkeileh khovel leivui kipatna a bawl nai louh laiin.

8:27b.PRO.008.027 Vante a hihkip laiin, huaiah ka om: tui thuk maikaiha bemvilvel a koih laiin:

8:28b.PRO.008.028 Tunga vante a bawl kip laiin: tui thukte tuikhukte a honghat lai un:

8:29b.PRO.008.029 Tuipi kianga a gi a piak laiin, huchia tuiten a thupiak tunga a tatlek louhna ding un: lei suangphumte achiamteh laiin:

8:30b.PRO.008.030 Huailaiin a kiangah ka om, nasemmi heutu bangin: huan nitengin a kipahna ka hi a, a maa kipak gigein;

8:31b.PRO.008.031 A tentheihna leiah; huan ka kipahna mite tapate kiangah a om hi.

8:32b.PRO.008.032 Huaijiakin tuin, ka tapate, hon ngaikhia unla: ka lampite jui miten nuam a sa ngal ua.

8:33b.PRO.008.033 Hilhna ja unla, pil un, huai tuh deilou kei un.

8:34b.PRO.008.034 Mi kei honjain nuam a sa hi, ka kongpia niteng vangin, ka kongkhakte khuamtea ngakin.

8:35b.PRO.008.035 Kuapeuh honmuin hinna a mu un, Toupa deihsakna tang ding ahi ngal ua.Himahleh kuapeuh ka tunga thilhihkhialin amah kha a hihdik kei hi: kei honhuaten sihna a it uhi.

8:36b.PRO.008.036 Himahleh kuapeuh ka tunga thilhihkhialin amah kha a hihdik kei hi: kei honhuaten sihna a it uhi.

9

9:1b.PRO.009.001 Pilnain a in a lamkhina, a khuam sagihte a phuta:

9:2b.PRO.009.002 A gante a goutaa: a uain leng a helta hi; a dohkan leng a bawl khinta.

9:3b.PRO.009.003 A nungakte a sawlkhe taa, khopi munsang penpente tungah a kikou a,

9:4b.PRO.009.004 Mi mawl peuhmah, hiai lamah hong kihei hen: theihsiamna neilou amah tungtang ahihleh, aman a kiangah,

9:5b.PRO.009.005 Hongin, ka tanghou ne unla, ka helsa ka uain dawn un, a chi hi.

9:6b.PRO.009.006 Pai khia unla, nou mi mawlte, hing un; theihsiamna lampi ah pai un.

9:7b.PRO.009.007 Musitmi bawl hoihin amaha dingin zumhuaina a mu: huan kuapeuh migilou salin amah adingin minsiatna a mu.

9:8b.PRO.009.008 Musitmi sal dahin, nang a honho kha ding: mi pil salin, huan nang a honit ding.

9:9b.PRO.009.009 Mi pil kiangah hilhna pe lechin, a pilzo lai dinga: mi diktat sinsakin,

9:10b.PRO.009.010 Toupa kihtak pilna bul ahi: mi siangthou theihna theihsiamna ahi.

9:11b.PRO.009.011 Kei jiakin na nite lah hihtam ahi dinga, na damsung kumte lah hihpun ahi ding hi.

9:12b.PRO.009.012 Na pil leh, nangmah adia pil na hi. Huan mi na muhsit leh, nang kian na po ding hi.

9:13b.PRO.009.013 Numei hai a aphuai; mimawl ahia, bangmah a theikei.

9:14b.PRO.009.014 Huan a in konhkhak ah a tu a, khopi munsangtea tutphah tungah,

9:15b.PRO.009.015 A vial paite sam ding, a lampite ua pai jelte,

9:16b.PRO.009.016 Mi mawlte, hiai laiah hongkihei heh: huan amah theihsiamna neilou tungtang ahihleh, aman a kiangah,

9:17b.PRO.009.017 Tui gukte a khuma, aguka tanghou nak a nuam hi, a chi.Himahleh aman huailaiah misite a om uh chi a theikei; a mi sapte Seol thuk ah a om uh chih.

9:18b.PRO.009.018 Himahleh aman huailaiah misite a om uh chi a theikei; a mi sapte Seol thuk ah a om uh chih.

10

10:1b.PRO.010.001 Solomon paunakte. Tapa pilin pa kipak a bawl: Himahleh tapa hai a nu gikna ahi.

10:2b.PRO.010.002 Gitlouhna sumten bangmah a lohtak kei: himahleh diktatnain sihna akipan a tankhia.

10:3b.PRO.010.003 TOUPAN mi diktat kha a kialsih a phal kei ding; himahleh migilou akipan a tankhia.

10:4b.PRO.010.004 Khut zeol zanga thilhihmi a honggentheia: himahleh mi thanuam khutin hauhsakna a bawl hi.

10:5b.PRO.010.005 Nipi laia lakhawmpa tapa pil ahi: himahleh pawltak huna ihmupa zumhuaina omsak tapa ahi.

10:6b.PRO.010.006 Midiktat lu tungah vualjawlnate a oma: himahleh migilou kam hiamgamna in a tuam hi.

10:7b.PRO.010.007 Midik theihgigena a nuama: himahleh mi gilou min a muat mang ding.

10:8b.PRO.010.008 Lungtanga pilin thupiakte a sang dinga: himahleh mihai haihama puk ding.

10:9b.PRO.010.009 tang taka pai hoihtakin a paia: himahleh a lampite kilawmlousak theih in a om ding hi.

10:10b.PRO.010.010 Amita chiamtehna bawlin lungkham na a omsaka; himahleh mihai haiham a puk ding.

10:11b.PRO.010.011 Mi diktat kam hinna tuikhuk ahi: himahleh hiamgamna in gilou kam a tuam hi.

10:12b.PRO.010.012 Huatna in kidouna a tokthou, himahleh itna in tatlekna tengteng a khuh hi.

10:13b.PRO.010.013 Theihkak theihna neimi muk ah pilna muhin a om: himahleh chiang theihsiamna neilou mi nungjang a ding ahi.

10:14b.PRO.010.014 Mi pilten theihna a khol khawm ua: himahleh mihai kamin siatna a neih.

10:15b.PRO.010.015 Mi haisa hauhsakna a khopi muanhuai ahi: mi genthei siatna a gentheih uh ahi.

10:16b.PRO.010.016 Mi diktat sepgimna in hinna a juana; gilou punna in khelhna lam.

10:17b.PRO.010.017 Bawlhoihna limsak hinna lampi ah a om a: himahleh salhna donlou a paikhial hi.

10:18b.PRO.010.018 Huatna sel juautheimukte a kipan ahia; huan mi gensiatna gen mihai ahi.

10:19b.PRO.010.019 Thu tampite ah tatlekna a omlou keia: himahleh a mikte thuzoh in piltakin a hih ahi.

10:20b.PRO.010.020 Mi diktat lei dangka hoihpen bang ahi: migilou lungtang a thamatna neuchik ahi.

10:21b.PRO.010.021 Mi diktat mukten mi tampi a vaka: himahleh mihaite theihsiamna taksap jiakin a si uh.

10:22b.PRO.010.022 Toupa vualjawl na in, hauhsakna a bawl a, huan huaiah lungkham na a behlap kei hi.

10:23b.PRO.010.023 Gitlouhna hih mihai a dingin ki sukhalh na bang ahi: huan huchibang in theisiam mi a dingin pilna ahi.

10:24b.PRO.010.024 Mi gilou launa, amah tungah a hongtung ding: midiktat deih phal in a om ding hi.

10:25b.PRO.010.025 Pingpei in a honkhen chiangin, migilou a om nawn kei: himahleh mi diktat khantawn suangphum ahi.

10:26b.PRO.010.026 zuthuk in ha a suksiat bangin meikhu in mit a susia a, huchibang mah in amah sawlte a dingin mi zongjaw tuh a om hi.

10:27b.PRO.010.027 Toupa kihtakin nite a sausaka himahleh mi gilou kumte hihtom ahi ding.

10:28b.PRO.010.028 Mi diktat lametna kipahna ahi ding, himahleh mi gilou lametna a mangthang ding.

10:29b.PRO.010.029 Toupa lampi mi tante a dingin kulh muanhuai ahi; himahleh migilou nasemmite a dingin siatna ahi.

10:30b.PRO.010.030 Mi diktat suan mang ahi ngeikei ding: himahleh mi gilou gamsungah a teng kei ding hi.

10:31b.PRO.010.031 Mi diktat kamin pilna a hontun a: himahleh lei ginalou satkhiak iin a om ding.Mi diktat mukten laktuak bang ahia a theia, himahleh migilou kamin ginatlouhna a gen hi.

10:32b.PRO.010.032 Mi diktat mukten laktuak bang ahia a theia, himahleh migilou kamin ginatlouhna a gen hi.

11

11:1b.PRO.011.001 Bukna diklou Toupa a dingin kihhuai ahi, himahleh gikdan dik a kipahpih lam ahi.

11:2b.PRO.011.002 Kisaktheihna a hongpai chiangin, zumna a hongpai; himahleh mi kiniamkhiakte kiangah pilna a om hi.

11:3b.PRO.011.003 Mi tangte dikna in amau a pi ding, himahleh mi lepchiahte hoihlouhna in amau ahihse ding hi.

11:4b.PRO.011.004 Thangpaih niin hauhsak a phatuam kei, himahleh diktatna in sihna a kipan a hunkhia hi.

11:5b.PRO.011.005 Mi hoihkim diktatna in a lampi a seksak dia; himahleh migilou a gitlouhna ah a puk ding hi.

11:6b.PRO.011.006 Mi tangte diktatna in amau a suaktasak dinga; himahleh lepchiah taka hihte amau poikhoihna a lakin a om ding uhi.

11:7b.PRO.011.007 Mi gilou a sih chiangin, a lametna a mangthang ding: huan thulimlouh na lametna a mangthang hi.

11:8b.PRO.011.008 Mi dktat buaina laka kipan suah taksakin a oma, huan a mun ah migilou a hongpai hi.

11:9b.PRO.011.009 A kama Pathian limsaklou min a innveng a hihsia a: himahleh theihna jiakin mi diktat suahtaksakin a om hi.

11:10b.PRO.011.010 Mi diktat adia a hoih jel chiangin. Khopi a kipak a; huan gilou a manthat chiangin, kikouna a om.

11:11b.PRO.011.011 Mi tang vualjawlna jiakin khopi tawisangin a om: himahleh mi gilou kama hihsiat in a om hi.

11:12b.PRO.011.012 Kuapeuh a innveng musit pilna bei ahi: himahleh thiesiam mi a dai dide.

11:13b.PRO.011.013 Tangthu genmi banga vialvakin thuguk a taklang: himahleh lungsim muanhuai in thu a im hi.

11:14b.PRO.011.014 Kipina pil omlouhna munah, mite a puk ua: himahleh thupha gen tampi omna ah bitna om hi.

11:15b.PRO.011.015 Kuapeuh mikhual adia a mohkhu kia ding in na asa ding himahleh mohkhu dia dinna hua a muang hi.

11:16b.PRO.011.016 Numei deihtak huai in zahtak huai na anei gige: huan pasal hiamgam in hauhsakna anei gige.

11:17b.PRO.011.017 Mi ching theiin amah kha a dingin a hihhoih a: himahleh mi gilou in amah sa ahih buai hi.

11:18b.PRO.011.018 Mi gilou in khema loh a sang: himahleh diktatna in kipahmah muan anei hi.

11:19b.PRO.011.019 Kuapeuh diktatna a ding kip hinna a tung hi: huan kuapeuh gilou delh in amah sihna dingin a hih ahi.

11:20b.PRO.011.020 A lungtang ua hoihlou te Toupa a dingin kihhuai ahi ua: himahleh a lampi ua hoihkim te a kipahna ahi.

11:21b.PRO.011.021 Khut kilen mahle uh, mi gilou gawtlouh in a om kei ding: himahleh diktat chi suahtak sak in a om ding.

11:22b.PRO.011.022 Vok nak sunga dangkaeng suang bangin, huchi bangin numei melhoih ngeltel na nei ahi.

11:23b.PRO.011.023 Mi diktat deihlam hoih kia ahi a: himahleh mi gilou lametna thangpaih na ahi.

11:24b.PRO.011.024 A thehjak a om a, huan a pung semsem; huan a kilawm khenga it a om a, himahleh taksap lam amanoh lel hi.

11:25b.PRO.011.025 Misiam thausak in a om ding, huan kuapeuh tui buak amah leng tui buah in a om ding hi.

11:26b.PRO.011.026 Kuapeuh buh leh bal it miten amah a hamsiat ding uh: himahleh kuapeuh a juak lujang ah vualjawl na a om ding hi.

11:27b.PRO.011.027 Kuapeuh hoih thanuam taka zong in deihsak na a zong: himahleh kuapeuh siatna zong, amah tungah a hong tung ding.

11:28b.PRO.011.028 Kuapeuh a hauhsak na muang a puk ding: himahleh mi diktat nah hing bangin a lun ding hi.

11:29b.PRO.011.029 Kuapeuh amah inn hih buai in huih a luah ding: huan mihai lung tang pil dikha ahi ding hi.

11:30b.PRO.011.030 Mi diktat gah hinna ding ahi; huan kuapeuh a pil in kha te aman hi.Ngai in, mi diktat te lei ah thuk in a om ding. Mi gilou leh mi khial kinak thuk sem nan chia!

11:31b.PRO.011.031 Ngai in, mi diktat te lei ah thuk in a om ding. Mi gilou leh mi khial kinak thuk sem nan chia!

12

12:1b.PRO.012.001 Kuapeuh bawl hoih na it in theih na a it hi: himahleh kuapeuh salhna hua ahai ahi.

12:2b.PRO.012.002 Mi hoih in Toupa deihsak na a loh ding: himahleh mi gilou ngaihtuah mipa moh a tang sak ding.

12:3b.PRO.012.003 Gitlouh na in mi a phutkip kei ding: himahleh diktat jung a kisuan ngeikei ding.

12:4b.PRO.012.004 Numei hoih a pasal a dingin manglukhu ah: himahleh zumhuai bawl nu a guhte ah muat na bang ahi.

12:5b.PRO.012.005 Mi diktat ngaihtuah na a dik a: himahleh mi gilou thu te khem na ahi.

12:6b.PRO.012.006 Mi gilou thute sisan suah dia buk na ahi a: himahleh mi tang kam amau a suaktasak ding hi.

12:7b.PRO.012.007 Mi gilou te zoh in a om ua, huan a om kei uh: himahleh mi diktat te inn a ding ding.

12:8b.PRO.012.008 Mihing a pilna bangbang a phat in a om ding: himahleh kuapeuh lungtang hoih lou muhsit in a om ding.

12:9b.PRO.012.009 Kuapeuh amah kingai thupi a, tanghou neilou mi sang in kuapeuh zahtak zek a om a sikha nei mi a hoih jaw.

12:10b.PRO.012.010 Mi diktat in a gan hinna a limsak hi: himahleh mi gilou chitna nemte a khel mahmah.

12:11b.PRO.012.011 Kuapeuh a gam lei let in tanghou tampi a nei ding: himahleh mi bang mah lou nung delh mi theihsiam na bei ahi.

12:12b.PRO.012.012 Mi gilou in mi gilou te len a deih a: himahleh mi diktat te zung in gah a suang hi.

12:13b.PRO.012.013 Mukte taklek na ah mi gilou a ding in thang a om a: himahleh mi diktat buai na a kipan a hong pao khe ding.

12:14b.PRO.012.014 Amuk gah in mi hoih a tai in a om dinga: huan mihing khut te hih te a kinga piak ahi ding.

12:15b.PRO.012.015 Mihai lampi amah mit ah a dik a; himahleh kuapeuh a pil in thupha a ngai khai hi.

12:16b.PRO.012.016 Mihai buai na tu mahmah a theih ahi: himahleh mi pilvang in zahlak na a sel.

12:17b.PRO.012.017 Kuapeuh thutak gen in diktat na a ensak a, himahleh palai juau in khemna.

12:18b.PRO.012.018 Namsau sut banga pilvang lou taka pau a om a: himahleh mipil lei dam na ahi.

12:19b.PRO.012.019 Thutak lei khantawn in hih kipin a om ding: himahleh lei juau thei jaw mitphiat kal khat leh a ding leh ahi.

12:20b.PRO.012.020 Gilou gel te lungtang ah khemna a om: himahleh lemna thupha gente kiangah nuam na a om hi.

12:21b.PRO.012.021 Mi diktat te kiangah siat na a hong tung kei dia: himahleh mi gilou gilou in dim ding.

12:22b.PRO.012.022 Muk juau thei te Toupa a dingin kih huai ahi: himahleh mi diktak a hih te a kipah na ahi uh.

12:23b.PRO.012.023 Mi pilvangin theih na a sel a: himahleh mi hai lungtang in hai na a phuang khia.

12:24b.PRO.012.024 Mi thanuam khut in vaihawm na a po dia: himahleh mithadah sep ding nuai a koih in a om ding hi.

12:25b.PRO.012.025 Mi lungtang gikna in a kun saka; himahleh thu hoih in a kipaksak hi.

12:26b.PRO.012.026 Mi diktat a innveng a dingin pitu ahi a: himahleh mi gilou lampi in a maute a pai khial sak hi.

12:27b.PRO.012.027 Mi thadah in a gam vakna a amat a hau keia: himahleh mite van manpha mi thanuam a ding ahi.Diktatna lampi ah hinna a om; huai a lampi ah sih na a om kei.

12:28b.PRO.012.028 Diktatna lampi ah hinna a om; huai a lampi ah sih na a om kei.

13

13:1b.PRO.013.001 Tapa pilin a pa hilhna a jaa: himahleh musittuin a salhna a za kei.

13:2b.PRO.013.002 Min a kam gahin hoih a ne ding hi: himahleh lepchiah mi khain hiamgamna a ne ding hi.

13:3b.PRO.013.003 Kuapeuh a kam vengin a hinna a voma: himahleh kuapeuh a mukte hong jain siatna a nei ding.

13:4b.PRO.013.004 Thadah khain a deiha, bangmah a neikei: himahleh thanuam kha thausakin a om ding.

13:5b.PRO.013.005 Mi diktatin juau a hua: himahleh mi gilou huathuai ahia, zumna a tung sek.

13:6b.PRO.013.006 Lampia mi tang amah diktatnain a veng: himahleh mikhial jaw gitlouhnain a man hi.

13:7b.PRO.013.007 Amah leh amah hausaa kibawl a om, himahleh bangmah a neikei: amah leh amah genthei a kibawl a om, himahleh hauhsakna thupi a nei hi.

13:8b.PRO.013.008 Mihing hinna tatman a hausakna ahi: himahleh gentheiin vaulauna a za kei hi.

13:9b.PRO.013.009 Mi diktat vakna a kipaka: himahleh mi gilou khawnvak a kithat ding.

13:10b.PRO.013.010 Kisaktheih jiakin kiselna kia a honga: himahleh hoihtaka thuhilh pilna ahi.

13:11b.PRO.013.011 Bangmahloua hauhsakna muh a kiam ding: himahleh sepgimna jiaka lakhawm a pung ding hi.

13:12b.PRO.013.012 Lametna hal sawtin lungtang a china saka: himahleh deih a hongtun chiangin, hinna sing ahi.

13:13b.PRO.013.013 Kuapeuh thu musitin a tungah siatna a tun hi: himahleh kuapeuh thupiak kihta kipahmah piakin a om ding.

13:14b.PRO.013.014 Mi pil dan hinna tuikhuk ahi, sihna thangtea kipana paimangna ding.

13:15b.PRO.013.015 Theihsiamna hoihin deihsakna a piaa: himahleh lepchiah mi lampi a phok hi.

13:16b.PRO.013.016 Mi pilvang peuhmahin theihna tohin na a sema: himahleh mi haiin diklouhna a theh jak.

13:17b.PRO.013.017 Sawltak gilou hoihlou ah a puka: himahleh sikadingmi muanhuai danna ahi.

13:18b.PRO.013.018 Gentheihna leh zumna bawlhoihna nial kiangah a om dia: himahleh salhna limsak zahtakin a om ding.

13:19b.PRO.013.019 Deih hihpichin khaa dingin a nuama: himahleh gilou akipan paimang mihaite adingin kihhuai ahi.

13:20b.PRO.013.020 Mi pilte toh tonin, huchiin na pil ding: himahleh mi haite kithuahpihin huaijiakin a thuak ding.

13:21b.PRO.013.021 Hoihlouin mikhialte a delha: himahleh diktatmi hoiha thukin a om ding hi.

13:22b.PRO.013.022 Mi hoihin gouluah a tate tate kiangah a nutsiat; mikhial hausakna mi diktat adia kholkhawmin a om hi.

13:23b.PRO.013.023 Genthei loukhouhna ah an tampi a om: himahleh diklouhna jiaka suksiat a om hi.

13:24b.PRO.013.024 Kuapeuh achiang zang louin a tapa a mudaha: himahleh amah itin amah thanuamtakin a sawi jel hi.Mi diktatin a kha lungkimna tanin a nea: himahleh mi gilou gilpi a tasam ding.

13:25b.PRO.013.025 Mi diktatin a kha lungkimna tanin a nea: himahleh mi gilou gilpi a tasam ding.

14

14:1b.PRO.014.001 Numei pil tengin a in a lama: himahleh mi haiin amah khutin a phel sia.

14:2b.PRO.014.002 Amah tanaa omin Toupa a kihtaa: himahleh a lampitea hoihlouin amah a musit hi.

14:3b.PRO.014.003 Mi hai kam sungah kisaktheihna chiang a om: himahleh mi pil mukten huaite a hawi ding hi.

14:4b.PRO.014.004 Bawngtalte omlouhna ah, anpiakkuang a sianga: himahleh bawngtal hatna jiakin nakpia punna a om.

14:5b.PRO.014.005 Theihpih ginomin juau a gen kei ding: himahleh theihpih juautheiin juau a gen hi.

14:6b.PRO.014.006 Musittuin pilna a zonga, a mu kei hi: himahleh theihsiamna neia ding in theihna a baih hi.

14:7b.PRO.014.007 Mihai a omna ah lutin, amah ah theihna mukte na mu kei ding.

14:8b.PRO.014.008 Mi pilvang pilna a lampi theihsiam ahia: himahleh mi haite haina khemna ahi.

14:9b.PRO.014.009 Mi haiin mohna a nuihsana: himahleh mi tangte lakah hoih deihna a om hi.

14:10b.PRO.014.010 Lungtangin amah khatna a theia; huan mikhualin a nuamsakna a tokbuai kei hi.

14:11b.PRO.014.011 Mi giloute in suksiatin a om ding: himahleh mi tang a pha ding hi.

14:12b.PRO.014.012 Mihing adia lampi dika kilawm a oma, himahleh huai tawpna sihna lampite ahi.

14:13b.PRO.014.013 Lungtang nuihna nangawn lungkhamna ahia; huan vualnopna tawpna gikna ahi.

14:14b.PRO.014.014 Lungtanga nungtolhmi amah lampitea damsakin a om ding: huan mi hoih amah maha kipana hihlungkimin a om ding hi.

14:15b.PRO.014.015 Mi mawlin thu chih a uma: himahleh mi pilvangin a paina hoihtakin a en hi.

14:16b.PRO.014.016 Mi pilin a kihtaa, gilou akipan a pai mang: himahleh mi haiin musittakin a kipuaa, a kimuang.

14:17b.PRO.014.017 Kuapeuh heh baih haitakin a ta ding: huan ngaihtuah gilou mi huatin a om hi.

14:18b.PRO.014.018 Mi mawlin haina a luah ding: himahleh mipilvang theihna khuksakin a om ding.

14:19b.PRO.014.019 Hoih maah hoihlou a kuna; huan diktat kongpite ah gilou.

14:20b.PRO.014.020 Genthei amah inveng mahmah muhdahin a om: himahleh hausain lawm tampi a nei hi.

14:21b.PRO.014.021 A inveng musitin thil a hihkhiala: himahleh mi genthei hehpih, aman nuam a sa hi.

14:22b.PRO.014.022 Hoihlou ngaihtuahte a paikhial kei umaw? himahleh chitna leh thutak hoih ngaihtuah kiangah a om ding.

14:23b.PRO.014.023 Sepgimna tengtengah phatuamna a om: himahleh mukte houlimna taksapna lam kia ah a pai.

14:24b.PRO.014.024 Mi pil manglukhu a hausakna uh ahia: himahleh mi haite haina a haina kia uh ahi.

14:25b.PRO.014.025 Theihpih dikin khate a suakta saka: himahleh juaute genin khemna a omsak.

14:26b.PRO.014.026 Toupa kiktakna ah muanna hat a oma: huan a nauten bukna mun a nei ding uh.

14:27b.PRO.014.027 Toupa kihtak hinna tuikhuk ahi, sihna thangte akipan paimangna dingin.

14:28b.PRO.014.028 Mipi tamna ah kupipa thupina a om: himahleh mipite omlouhna lal siatna ahi.

14:29b.PRO.014.029 Kuapeuh a heh hak theihsiamna thupi akipan ahi: himahleh kuapeuh lungtomin haina a tawisang hi.

14:30b.PRO.014.030 Lungtang hoih sa hinna ahi: himahleh hajatna guhte muatna ahi.

14:31b.PRO.014.031 Kuapeuh genthei nuaisiahin a Bawlpa a simmoh hi: himahleh kuapeuh tasam tunga chitna neiin amah a zah.

14:32b.PRO.014.032 Mi gilou a gilou hihnaa paih lutin a oma: himahleh mi diktatin a sihna ah lametna a nei hi.

14:33b.PRO.014.033 Theihsiamna nei lungtang ah pilna a khawla: himahleh mihaite sunglam panga om kitheihsakin a om.

14:34b.PRO.014.034 Diktatnain nam a tawisanga: himahleh khelhna mi kuapeuh adingin zahlakna ahi.Sikha pil taka gamta lamah kumpipa deihsakna a oma: himahleh zumna omsak tungah a thangpaihna a om hi.

14:35b.PRO.014.035 Sikha pil taka gamta lamah kumpipa deihsakna a oma: himahleh zumna omsak tungah a thangpaihna a om hi.

15

15:1b.PRO.015.001 Dawnna nemin thangpaihna a hei manga: himahleh thu siain hehna a tokthou hi.

15:2b.PRO.015.002 Mi pil leiin theihna a gen dika: himahleh mi haite kamin haina a sung khia.

15:3b.PRO.015.003 TOUPA mitte mun chitengah a oma, hoihlou leh hoih veng gigein.

15:4b.PRO.015.004 Lei damthei hinna sing ahi: himahleh huaia kilawmlouhna kha sukkhapna ahi.

15:5b.PRO.015.005 Mi haiin a pa bawlhoihna a musita: himahleh kuapeuh salhna limsakin pilvanna a mu hi.

15:6b.PRO.015.006 Mi diktat in ah gou tampi a om: himahleh mi gilou summuhna buaina ahi.

15:7b.PRO.015.007 Mi pil mukten theihna a phalha: himahleh mihai lungtangin huchibangin a hih kei.

15:8b.PRO.015.008 Mi gilou kithoihna TOUPA adingin kihhuai ahi: himahleh mi tang thumna a kipahna ahi.

15:9b.PRO.015.009 Migilou lampi TOUPA adingin kihhuai ahi: himahleh kuapeuh diktatna jui a it hi.

15:10b.PRO.015.010 Lampi manghilhmi amah adingin bawlhohna haksatak a oma: huan kuapeuh taihilhna mudah a si ding.

15:11b.PRO.015.011 Seol leh Abaddon TOUPA maah a om uh: mite tate lungtangte bangzah pheta tamzaw ade aw:

15:12b.PRO.015.012 Musitmin salha om nuam a sa kei: mi pil kiang a juan kei ding hi.

15:13b.PRO.015.013 Lungtang nuamin mel kipak a bawla: himahleh lungtang dalhna jiakin lungsim a puakkham hi.

15:14b.PRO.015.014 Theihsiamna nei lungtangin theihna a zong: himahleh mi haite kam hainain a kivak hi.

15:15b.PRO.015.015 Gimthuak nite tengteng hoihlou ahi: himahleh kuapeuh lungtang kipakin ankuang luina a nei gige hi.

15:16b.PRO.015.016 Tawm chik a hoihjaw TOUPA launa toh, huaia gou thupi leh buaina sangin.

15:17b.PRO.015.017 Itna omnaa antehlouhing nekding a hoihjaw, bawngtal thau leh huaia muhdahna sangin.

15:18b.PRO.015.018 Mi thangpaiin kinialna a tokthoua: himahleh kuapeuh heh hakin kinakna a damsak hi.

15:19b.PRO.015.019 Thadah lampi ling daikalh bang ahi: himahleh mi tang lampi lam liana bawl ahi.

15:20b.PRO.015.020 Tapa pilin pa kipak a bawla: himahleh mi haiin a nu a musit hi.

15:21b.PRO.015.021 Pilna beia dingin haina nuamsakna ahi: himahleh theisiam miin a paina a tangsak hi.

15:22b.PRO.015.022 Thupha omlouhna ah, thiltupte a vuaksuak: himahleh thupha gen tam na ah hihkipin a om uh.

15:23b.PRO.015.023 A kama dawnna ah min nuamsakna a nei: huan a huna thu khat, hoih hina mah e:

15:24b.PRO.015.024 Mi pil adingin hinna lampi a pai toua, nuai lama Seol akipan a pai mang theihna dingin.

15:25b.PRO.015.025 TOUPAN kisathei in a zungkalh khiak ding: himahleh meithai gamgi a hihkip ding.

15:26b.PRO.015.026 Lunggel giloute TOUPA adingin a kihhuaia: himahleh lungsim siangthoute thugen amah kipah lam ahi.

15:27b.PRO.015.027 Punnaa duhgawlin amah in a hihtuaia: himahleh kuapeuh thilpiak hua a hing ding.

15:28b.PRO.015.028 Mi diktat lungtangin dawng dingin a kisina: himahleh mi gilou kamin thil hoihlou a sung khia.

15:29b.PRO.015.029 TOUPA mi gilou akipan gamla ah a oma: himahleh mi diktat thumna a ja hi.

15:30b.PRO.015.030 Mitte vaknain lungtang a kipak saka: huan tanchin hoihin guhte a thausak hi.

15:31b.PRO.015.031 Hinna taihilhnate ngaikhia bil mi pilte lakah a om gige ding.

15:32b.PRO.015.032 Kuapeuh bawlhoihna nialin amah kha a musit ahi: Himahleh kuapeuh taihilhna ngaikhiain theihsiamna a mu hi.TOUPA kihtak pilna hilhna ahi; huan zahtakna maah kiniamkhiakna a pai hi.

15:33b.PRO.015.033 TOUPA kihtak pilna hilhna ahi; huan zahtakna maah kiniamkhiakna a pai hi.

16

16:1b.PRO.016.001 Lungtang kisakkholna mihinga ahi: himahleh lei dawnna TOUPA akipan ahi.

16:2b.PRO.016.002 Mihing lampi tengteng amah mit ah a sianga: himahleh TOUPAN khate a buk jel hi.

16:3b.PRO.016.003 TOUPA kiangah na nasepte kemsak inla, huan na ngaihtuahnate hihkipin a om ding hi.

16:4b.PRO.016.004 TOUPAN thil chiteng a tawpna dingin a bawlta: ahi, gilou nangawn gilou ni adingin.

16:5b.PRO.016.005 Mi chih lungtang kisathei TOUPA adingin kihhuai ahi; thei in, gawtlouhin a om kei ding.

16:6b.PRO.016.006 Chitna leh thutakin thulimlouhna suksiang ahi: huan TOUPA kihtaknain mite hoihlou akipan apai mang uh.

16:7b.PRO.016.007 Mihing lampiten TOUPA a suklungkim chiangin, a melmate nangawn amah toh kilem dingin a bawl hi.

16:8b.PRO.016.008 Diktatna toh tawmchik a hoihjaw diklouhna toh summuhna thupi sangin.

16:9b.PRO.016.009 Mihing lungtangin a lampi a ngaihtuaha: himahleh TOUPAN a kalsuante a bawlsak hi.

16:10b.PRO.016.010 Kumpipa muk ah pathian thu a om: a kamin vaihawmnate ah a talek kei ding hi.

16:11b.PRO.016.011 Bukna dik leh tehna dik TOUPAA ahi uh: ip gikna tengteng a nasep ahi.

16:12b.PRO.016.012 Kumpipate adingin gilou hih kihhuai ahi: mangtutphah lah diktatnaa hihkip ahi ngala.

16:13b.PRO.016.013 Muk diktatte kumpipate kipahna ahi; huan kuapeuh a dik a it uh.

16:14b.PRO.016.014 Kumpipa thangpaihna sihna sawltakte bang ahi: himahleh mi pilin a hihlungdam ding hi.

16:15b.PRO.016.015 Kumpipa mel vakna ah hinna a om; huan a deihsakna vuah nanung meipi bang ahi.

16:16b.PRO.016.016 Pilna muh dangkaeng sangin nak hoihjawk hina e: ahi, theihsiamna muh dangka sanga tel jawk ding ahi.

16:17b.PRO.016.017 Mi tang lamlian hoihlou akipana pai mang ahi: kuapeuh a lampi kemin a kha a hawi hi.

16:18b.PRO.016.018 Kisaktheihna siatna maah a paia, huan lungsim kiuangsak pukna maah.

16:19b.PRO.016.019 Gentheite toh lungsim niamkiaka om a hoihjaw, kisathei toh gallak hawm sangin.

16:20b.PRO.016.020 Kuapeuh thu limsakin hoih a mu ding: huan kuapeuh TOUPA a muang, aman nuam a sa hi.

16:21b.PRO.016.021 Lungtang pil pilvang a chi ding uh; huan muk khumna in sinsiamna a pungsak hi.

16:22b.PRO.016.022 Theihsiamna huai neia dingin hinna luikhuk ahi: himahleh mi haite bawlhoihna a haina uh ahi.

16:23b.PRO.016.023 Mi pil lungtangin a kam a hilha, huan a muk ah sinsiamna a behlap hi.

16:24b.PRO.016.024 Thu kipahhuai khuaizu-khak bang ahi, khaa dia khum, guhte adia damna.

16:25b.PRO.016.025 Mihing adia dika kilawm lampi a om, himahleh huai tawpna sihna lampite ahi.

16:26b.PRO.016.026 Semgim mi gilkialnain amaha dingin a semgima: a kamin lah huai amah akipan a lunggulh ngala.

16:27b.PRO.016.027 Mi thulimlouin siatna a ngaihtuah: huan a muk ah mei sa bang a om hi.

16:28b.PRO.016.028 Mi kiuangsakin kinakna a theh jaka: huan huauhatmiin lawm bulte a khen jak hi.

16:29b.PRO.016.029 Hiamgam min a inveng a khema, a hoihlou lam lampi ah a pi.

16:30b.PRO.016.030 Kuapeuh a mit si, thil hoihloua ngaih ding ahi; kuapeuh a muk chihin hoihlou a hontunsak nak hi.

16:31b.PRO.016.031 Lutang kang thupina manglukhu ahi, diktatna lampi ah muhin a om hi.

16:32b.PRO.016.032 Kuapeuh hehhak mihat sangin a hoihjaw; huan kuapeuh a lungsim thuzoh khopi lasangin.Angsungah ai a kisana; himahleh huaia hihpaisuakna jaw TOUPA akipan ahi.

16:33b.PRO.016.033 Angsungah ai a kisana; himahleh huaia hihpaisuakna jaw TOUPA akipan ahi.

17

17:1b.PRO.017.001 Tanghou gaw huaia muanna toh a hoihjaw, in kinaknaa dim sangin.

17:2b.PRO.017.002 Sikha pil taka hihin tapa zumhuaina omsak tungah vai a hawm ding, huan unaute laka goutanna ah tan a nei ding hi.

17:3b.PRO.017.003 Huansiangna bel dangka ading ahi, huan meipi dangkaeng ading: himahleh TOUPAN lungtangte a endik.

17:4b.PRO.017.004 Hoihlou hihmin gilou mukte a limsaka; huan juauhatin siatna lei a bil a doh hi.

17:5b.PRO.017.005 Kuapeuh genthei musitin amah Bawlpa a simmoh ahi; huan kuapeuh tuahsiatni a kipak gawt louhin a om kei ding hi.

17:6b.PRO.017.006 Naupangte naupangte mi upate manglukhu ahi uh; huan naupang thupina a pate uh ahi.

17:7b.PRO.017.007 Thugen hoih mi hai toh a kilawm kei: muk juauthei lal toh a kilawm kei sem.

17:8b.PRO.017.008 A nei mit ah thilpiak suangmantam bang ahi: koilam peuha a kiheina ah, a lohching hi.

17:9b.PRO.017.009 Kuapeuh tatlekna khuhin itna a zong hi: himahleh kuapeuh thubuaia nuam nasain lawm pite a khendalh hi.

17:10b.PRO.017.010 Theihsiamna nei mi sungah taina a lut thuk jaw mihai sunga vuakna za khat sangin.

17:11b.PRO.017.011 Mi hoihlouin helna kia a zonga; huaijiakin sawltak khel amah dou dinga sawlin a om ding.

17:12b.PRO.017.012 Vompi a noute laksaka omin mi tuak hen, a hainaa mi hai sangin.

17:13b.PRO.017.013 Kuapeuh hoih sika gilou kipahman pia, a in akipan gilou a pai mang kei ding.

17:14b.PRO.017.014 Kinakna kipatna min tui a khahkhiak bang ahi: buaijiakin kinakna a om main, kiselna pai sanin.

17:15b.PRO.017.015 Kuapeuh gilou siamtangsak, kuapeuh mi diktat mohpaih, amau gel TOUPA adingin kihhuai ahi tuaktuak uhi.

17:16b.PRO.017.016 Huaijiakin pilna lei dingin mi hai khut ah a man a om ahia, theihsiamna a neikei chih theiin?

17:17b.PRO.017.017 Lawmin chiklaipeuhin a it gigea, huan vangtahna dingin unau khat a piang hi.

17:18b.PRO.017.018 Mi theihsiamna beiin khut a benga, a inveng maah mohkhu dingin a hongom.

17:19b.PRO.017.019 Kinakna deihin tatlekna a deih hi: kuapeuh a kongpi dom sangin siatna a zong hi.

17:20b.PRO.017.020 Kuapeuh lungtang sia neiin hoih a mu kei: huan lei hoihlou nei siatna ah a puk hi.

17:21b.PRO.017.021 Kuapeuh mi hai suangin a lungkhamna dingin a suanga; huan mi hai pan nuamsakna a neikei.

17:22b.PRO.017.022 Lungtang nuamsa damdawi hoih ahi: himahleh lungsim puakkham in guhte a keusak.

17:23b.PRO.017.023 Mi gilouin a sunga kipanin thilpiak a la khiaa, vaihawmna lampi kilawmlou sak dingin.

17:24b.PRO.017.024 Theihsiamna nei mi maah pilna a om: himahleh mi hai mitte lei tawpah a om hi.

17:25b.PRO.017.025 Tapa hai a pa adingin lungkhamna ahi, amah piangsaknu adingin khatna.

17:26b.PRO.017.026 Mi diktat gawt leng a hoih keia, mi lian a tanna uh jiaka jep leng.

17:27b.PRO.017.027 Kuapeuh a thute sitin theihna a neia: huan kuapeuh lungsim vot akipan theisiam mi ahi.Mi hai nangawn, a daih dide laiin, pila sim ahi: a mukte a chih laiin, pilvang banga ngaih ahi.

17:28b.PRO.017.028 Mi hai nangawn, a daih dide laiin, pila sim ahi: a mukte a chih laiin, pilvang banga ngaih ahi.

18

18:1b.PRO.018.001 Kuapeuh kituamseh amah deihlam a zong hi, huan pilna hoih teng teng tungah a thangpai hi.

18:2b.PRO.018.002 Theihsiamna ah mi haiin kipahna a neikei, himahleh a lungtang a kitatlat theihna ding ahi.

18:3b.PRO.018.003 Mi gilou a hong chiangin, muhsitna leng a hongpaia, Zahtaklouhna toh zumna a hongpai.

18:4b.PRO.018.004 Mihing kam thute tui thukte bang ahi; pilna tuikhuk luite luang bang ahi.

18:5b.PRO.018.005 Gilou mi san a hoih kei, vaihawmnaa midiktat paih khiak leng.

18:6b.PRO.018.006 Mi hai mukte kiselna ah a luta, huan a kamin jepna a sam hi.

18:7b.PRO.018.007 Mi hai kam a siatna ahi, huan mukte a kha thang ahi uh.

18:8b.PRO.018.008 Huauhatmi thute tanghou limtak bang ahia, huan gil sungnungpen pen ah a tum suk uh.

18:9b.PRO.018.009 A nasepna zeol leng susemi adingin unau ahi.

18:10b.PRO.018.010 TOUPA min insang muanhuai ahi; mi diktat huaiah a tai luta, a bit hi.

18:11b.PRO.018.011 Mi hau hauhsakna a khopi muan ahi, amah ngaihdana kulhbang sang tak bang.

18:12b.PRO.018.012 Siatna maah mihing lungtang a kiuangsaka, zahna maah kiniamkhiak na a pai hi.

18:13b.PRO.018.013 Kuapeuh a jak maa dawnna pia, amah adingin haina leh zumna ahi.

18:14b.PRO.018.014 Mihing lungsimin a batlouhna a dom ding; himahleh lungsim puakkham kuan a thuak zou ding!

18:15b.PRO.018.015 Mi pilvang lungtangin theihna a mu a; huan mi pil bilin theihna a zong hi.

18:16b.PRO.018.016 Mihing thilpiakin amah adingin omna a bawla, huan mi thupite maah amah a pi.

18:17b.PRO.018.017 Kuapeuh a gen masa dikin a kilang phota; himahleh a inveng a hongpaia amah a zongkhia hi.

18:18b.PRO.018.018 Aisanin kiselna a dai saka, huan mi hatte kikalah a khen hi.

18:19b.PRO.018.019 Unau hihkhasiat khopi muan sangin lak a haksa jaw: huan huchibang kiselna kulhpi sikchiangte ahi.

18:20b.PRO.018.020 Mihing gilpi a kama gahin a dim ding: a mukte punnaa hihlungkimin a om ding hi.

18:21b.PRO.018.021 Sihna leh hinna lei thilhihtheihna ah a om; huan huai itten huai gah a ne ding uh.

18:22b.PRO.018.022 Kuapeuh ji muin thil hoih a mu a, TOUPA akipan deihsakna a mu hi.

18:23b.PRO.018.023 Gentheiin kamdamin a khem seka: himahleh hausain khauhtakin a dawng hi.Kuapeuh lawm tampite bawlin amah siatna a hiha: himahleh unau sanga ginom jaw lawm khat a om hi.

18:24b.PRO.018.024 Kuapeuh lawm tampite bawlin amah siatna a hiha: himahleh unau sanga ginom jaw lawm khat a om hi.

19

19:1b.PRO.019.001 Ginoma om mi genthei tuh mihau a muktea kilawm gen leh mi hai sangin a hoihjaw hi

19:2b.PRO.019.002 Huailouin, kha theihna beia a om ding a hoih kei; Huan kuapeuh a khea man-gang a khial nak hi.

19:3b.PRO.019.003 Mihing hainain a lampi a hihsiaa; huan a lungtangin TOUPA a hek.

19:4b.PRO.019.004 Hausaknain lawmte tampi a behlapa; himahleh mi genthei a lawm akipan khemin a om.

19:5b.PRO.019.005 Theihpih taklou gawt louhin a om kei ding; huan kuapeuh juau gen a suak ta kei ding.

19:6b.PRO.019.006 Mi tampiin mi siam deihsakna a ngen ding ua; huan mi chih thilpiakte pia adingin lawm ahi.

19:7b.PRO.019.007 Mi genthei unaute tengtengin amah a hua ua; amah akipan bangchia gamlain ahia a lawmte a paiuh! Thutein amau a delha, himahleh a pai khin uh.

19:8b.PRO.019.008 Kuapeuh pilna muin a kha a ita; kuapeuh theihsiamna kemin hoih a mu ding hi.

19:9b.PRO.019.009 Theihpih taklou gawt louhin a om kei dinga; kuapeuh juau gen a mangthang ding.

19:10b.PRO.019.010 Nuamtat mi hai adingin a kilawm keia; sikha lalte tunga vaihawm a kilawm kei diak.

19:11b.PRO.019.011 Mihing ngentelnain amah a hehhak saka; huan a tatlekna paikan a thupina ahi.

19:12b.PRO.019.012 Kumpipa thangpaihna humpinelkai humham bang ahi; himahleh a deihsakna loupa tunga daitui bang ahi.

19:13b.PRO.019.013 Tapa hai a pa tuahsiatna ahi; huan ji hanhat a intung keh gige ahi.

19:14b.PRO.019.014 In leh hauhsaknate pate akipan gouluah ahi: himahleh ji pil TOUPA akipan ahi.

19:15b.PRO.019.015 Thadahna nakpia ihmutna ah a paia; huan mi thadahin gilkial a thuak ding.

19:16b.PRO.019.016 Kuapeuh thupiak juiin a kha a kem; himahleh kuapeuh a lampitea pilvang lou a si ding.

19:17b.PRO.019.017 Kuapeuh genthei hehpihna neiin TOUPA adingin a leitawi saka, huan a thil hoih hih amah adin nawn ding.

19:18b.PRO.019.018 Lametna a om laiin na tapa sawi in; huan a siatna dingin na lungtang koih kip hen.

19:19b.PRO.019.019 Nakpitaka thangpai min gawtna a thuak ding: amah na hut khiak leh, huaituh na hih kik nawn kul ding ahi ngala.

19:20b.PRO.019.020 Thupha ja inla, hilhna sangin, na tawpna nanunga na pil theihna dingin.

19:21b.PRO.019.021 Mihing lungtang ah thugel tampi a oma; himahleh TOUPA thupha, huaimah a ding ding hi.

19:22b.PRO.019.022 Mihing deih thusam a migitna tehna ahi; huan mi genthei mijuauthei sangin a hoihjaw hi.

19:23b.PRO.019.023 TOUPA kihtak hinna lam zotna ahi; huan kuapeuh huai nei lungkimin a om gige ding; giloua vehin a om kei ding hi.

19:24b.PRO.019.024 Mi thadahin kuangsung ah a khut a phuma, huchiin a kam ah huai tuh a hontun nawn ngap kei hi.

19:25b.PRO.019.025 Simmohhat sat in, mi mawlin pilvangdana sin ding; huan theih siamna nei salin, huan theihna a theisiam ding.

19:26b.PRO.019.026 Kuapeuh a pa tunga hiamgama, a nu delh mang, zumna omsak leh simmohna tun tapa ahi.

19:27b.PRO.019.027 Theihna thute akipana lammang lel din, ka tapa, hilhna jak tawp in.

19:28b.PRO.019.028 Theihpihmi phattuamna neilouin vaihawmna a simmoh: Huan mi gilou kamin thulimlouhna a nawmvalh hi.Muhsithatmi adingin vaihawmnate bawlkholhsa ahi, mihai nungjang adingin vuaknate.

19:29b.PRO.019.029 Muhsithatmi adingin vaihawmnate bawlkholhsa ahi, mihai nungjang adingin vuaknate.

20

20:1b.PRO.020.001 Uain muhsithat ahia, zu khauh kilaihat ahi; huan kuapeuh huaia paikhial a pil kei hi.

20:2b.PRO.020.002 Kumpipa kihtakhuaina humpinelkai humham bang ahi: kuapeuh amah hihhehin amah hinna siatna dingin thil a hihkhial hi.

20:3b.PRO.020.003 Mihing a dingin kinakna akipan kidangkoih zahtakhuaina ahi: hiamhleh mi hai peuhmahin kinakna a bawl ding hi.

20:4b.PRO.020.004 Mi thadahin phavangin lei a let kei ding; huaijiakin pawltak chiangin a zong dia, bangmah a neikei ding.

20:5b.PRO.020.005 Mihing lungtang ah thuphagel tui thuk bang ahi; himahleh theihsiamna nei min huai tuh a suah khe ding hi.

20:6b.PRO.020.006 Mi tampiin amah tunga mi siam mi a tuak ding: himahleh mi ginom kuan a mu ding?

20:7b.PRO.020.007 Mi dik amah muanhuainaa om amah nungin a tate a hampha uhi.

20:8b.PRO.020.008 Kumpipa vaihawmna mangtutphah tunga tuin a mitin gilou tengteng a theh jak hi.

20:9b.PRO.020.009 Kuan, ka lungtang ka hihsianga, ka khelhna akipan ka siangthou, a chi thei dia?

20:10b.PRO.020.010 Bukna chi tuamtuam leh, tehna chi tuamtuam, a nih tuaktuak un TOUPA ading kihhuai ahi.

20:11b.PRO.020.011 Naupang nangawnin a thilhihin amah leh amah a kitheisaka, a nasep a siangthou hia, a dik hia chih.

20:12b.PRO.020.012 Zathei bil leh, muthei mit, TOUPA a nih tuaktuakun a bawl hi.

20:13b.PRO.020.013 Ihmut it ken, na genthei kha ding hi; na mit hak in, huchiin tanghouin na tai ding hi.

20:14b.PRO.020.014 A leimiin, Bangmah ahi kei, bangmah ahi kei, a chi: himahleh a pai khit nungin, huaichiangin a kiuangsak hi.

20:15b.PRO.020.015 Dangkaeng a om, rubi suang tampi: himahleh theihsiamna mukte juel suangmantam ahi uh.

20:16b.PRO.020.016 A puan mikhual adia mohkhuhna la in; huan amah mikhualte dia mohkhuh na kichiamna dingin len in.

20:17b.PRO.020.017 Juautheihna tanghou mihing adingin a khuma; himahleh a nungin a kam suanghumin a dim ding hi.

20:18b.PRO.020.018 Thiltup chiteng thuhoihgela hihkip ahi; huan pina pilin nang kidouna na bawl.

20:19b.PRO.020.019 Kuapeuh tangthugen banga pai vialvialin thugukte a kitheisak hi: huaijiakin kuapeuh a mukte zapia hong kithuahpih dah in.

20:20b.PRO.020.020 Kuapeuh a pa hiam a nu hiam hamsiat, jan khomial penpen ah a khawnvak heklup ahi ding hi.

20:21b.PRO.020.021 Kinohtaka gouluah muh tawpna vualjawl ahi kei ding hi.

20:22b.PRO.020.022 Gilou ka thuk ding, chi ken: TOUPA ngak in, aman a honhondam ding hi.

20:23b.PRO.020.023 Bukna chi tuamtuam TOUPA adingin kihhuai ahi: huan khaina diklou a hoih kei.

20:24b.PRO.020.024 Mihing painate TOUPA akipan ahi; huchi a hihchiangin bang chiin mihingin a lampi a theisiam dia?

20:25b.PRO.020.025 Mihing adingin, A siangthou, chih mawkmawk thang ahi, huan a nunga thukan dinga thuchiam.

20:26b.PRO.020.026 Kumpipa pilin migiloute a haiha, a tunguah chilna kangtalaikhe a pai sak hi.

20:27b.PRO.020.027 Mihing lungsim TOUPA khawnvak ahi, gilpi sunglam sungnungpenpen a veka zongin.

20:28b.PRO.020.028 Chitna leh thutakin kumpipa a hawia; huan a mangtutphah chitna-a let kip ahi.

20:29b.PRO.020.029 Tangvalte thupina a hatna uh ahi: huan putekte kilawmna a lutang kang uh ahi.Keh zoua satnain thil hoihlou a singsianga: satnain gilpi sunggil lamte a jel hi.

20:30b.PRO.020.030 Keh zoua satnain thil hoihlou a singsianga: satnain gilpi sunggil lamte a jel hi.

21

21:1b.PRO.021.001 Kumpipa lungtang Toupa khuta om ahi tuilampite bangain; a utna lamlam ah a hei hi.

21:2b.PRO.021.002 Mihing lampi chiteng amah mit ah a dik a; himahleh TOUPAN lungtangte a buk hi.

21:3b.PRO.021.003 Diktatna leh vaihawmna hih kithoihna sangin TOUPA adingin a laktak jaw hi.

21:4b.PRO.021.004 Mit-hah sang leh, lungtang kisathei, mi gilou khawnvak nasan, khwlhna ahi.

21:5b.PRO.021.005 Mi pil ngaihtuahnaten hauhsakna lam kia a nawta; himahleh mi chih kinohhat taksapna lam kiaah a kinoh hi.

21:6b.PRO.021.006 Lei juautheia gou muh tuimei langkhat langkhata mutleng bang ahi; huaite zong min sihna a zong uh.

21:7b.PRO.021.007 Mi gilou hiamgamnain amaute a tai mang ding, vaihawmna hih a nial jiakun.

21:8b.PRO.021.008 Amah mohnaa dimpa lampi a kawi mahmah; himahleh misiangthou a hihleh, a thilhih a dik ahi.

21:9b.PRO.021.009 Intungvum ninga ten a hoihjaw, in zapisunga numei selhat toh ten sangin.

21:10b.PRO.021.010 Mi gilou khain hoihlou a deiha; a invengin a mit ah deihsakna a mu kei hi.

21:11b.PRO.021.011 Muhsithatmi gawta a om chiangin, mi pil mawl bawl pilin a om hi; huan mi pil hilha a om chiangin, theihna a mu hi.

21:12b.PRO.021.012 Mi diktatin mi gilou inkuan a ngaihtuah; mi giloute amau siatna dingin vuallela a omdan uh.

21:13b.PRO.021.013 Kuapeuh genthei kahnaa bil hum, amah leng a kap ding, himahleh jakin a om kei ding.

21:14b.PRO.021.014 Aguka thilpiakin hehna a nemzou huan angsunga vantawiin heh mahmahna.

21:15b.PRO.021.015 Mi diktat adingin vaihawmna hih kipahna ahi, himahleh thulimlou hihte adingin siatna ahi.

21:16b.PRO.021.016 Theihsiamna lampi lampi akipan vak mang mi misite kikhopna ah a khawl ding.

21:17b.PRO.021.017 Kuapeuh nopbawlna it mi genthei ahi ding; kuapeuh uain leh sathau hai a hau kei ding uh.

21:18b.PRO.021.018 Mi gilou diktatmi adingin tatnasum ahia, huan mi lepchiah mi tang mun ah a hongpai hi.

21:19b.PRO.021.019 Gam keua ten a hoihjaw, numei kiselhat leh kinakhat kiang sangin.

21:20b.PRO.021.020 Mi pil tenna ah gou leh sathau manpha a om; himahleh mi haiin huaituh a nawmvalh vek hi.

21:21b.PRO.021.021 Kuapeuh diktatna leh chitna delhin hinna, diktatna leh zahtakhuaina a mu ding.

21:22b.PRO.021.022 Mi pil mihatte khopi ah a kaha, huailaia muanna hatna a phel hi.

21:23b.PRO.021.023 Kuapeuh kamsima, pau louin buainate akipan a kha a kem hoih hi.

21:24b.PRO.021.024 Mi kasathei leh uang, amin muhsithat ahi, kisakthiehna otsaknain thil a hih jel hi.

21:25b.PRO.021.025 Thadahmi deihin amah a thata; a khutten sepgim a nial ngal uh.

21:26b.PRO.021.026 Nituma duhgawl taka huaiham a oma; himahleh mi diktatin a pia a, a it kei hi.

21:27b.PRO.021.027 Mi gilou kithoihna kikhuai ahi, lungsimgilou toh huau sem ahi de aw!

21:28b.PRO.021.028 Theihpih juauthei a mangthang ding; himahleh a ja min kalhvuallouhin thu a gending.

21:29b.PRO.021.029 Mi gilouin a maitang a taksaka himahleh mi tang ahihlebel, a lampite a bawlhoih hi.

21:30b.PRO.021.030 TOUPA kalhin pilna hiam theihsiamna hiam thupha hiam a om kei hi.Kidou ni adingin sakol bawlsa ahi; himahleh Vualzohna TOUPA ahi.

21:31b.PRO.021.031 Kidou ni adingin sakol bawlsa ahi; himahleh Vualzohna TOUPA ahi.

22

22:1b.PRO.022.001 Hauhsakna thupite sangin min hoih tel jawk ding ahi, dangka leh dangkaeng sangin deihsakna a ithuai.

22:2b.PRO.022.002 Hausa leh genthei a kituak khawm ua, amaute teng bawl TOUPA ahi.

22:3b.PRO.022.003 Mi pilvangin hoihlou a mu a, a bu. Himahleh mi mawlin a phu jela, a thuak loh hi.

22:4b.PRO.022.004 Kiniamkhiakna leh Toupa kihtakna lohtak hausaknate, zahtakhuaina leh hinna ahi.

22:5b.PRO.022.005 Lingte leh tangte mi hoihlou lampi ah a om: kuapeuh a kha kemin huaite a gamlat ding hi.

22:6b.PRO.022.006 A paina ding lampi ah naupang chil in, huan a upat hun nangawnin leng huai akipan a paimang kei ding hi.

22:7b.PRO.022.007 Mihauin genthei tungah vai a hawma, huan leitawimi leitawisakmi adingin sikha ahi.

22:8b.PRO.022.008 Kuapeuh thulumlouhna tuhin tuahsia a la ding: huan a hehna chiang a lohching kei ding.

22:9b.PRO.022.009 Kuapeuh khuttawilian mit nei vualjawlin a om ding: mi genthei kianga a tanghou akipan a piak jiakin.

22:10b.PRO.022.010 Muhsitnatmi delh khia in, huan kinakna a pai khe ding hi: ahi, kisualna leh zumhuaina a tawp ding.

22:11b.PRO.022.011 Kuapeuhlungtang siangthouna it, a mukte deihhuaina jiakin kumpipa a lawm ahi ding hi.

22:12b.PRO.022.012 Theihna nei amah TOUPA mitin a vom hoih ding, himahleh lepchiah mi thute a pai ahi.

22:13b.PRO.022.013 Thadahin, Po lamah humpinelkai a om: kongzing ah thahin om ding, a chi.

22:14b.PRO.022.014 Numei lamdangte kam kokhuk thuk ahi: kuapeuh TOUPA kihmi huaiah a ke lut ding.

22:15b.PRO.022.015 Haina naupang lungtang sunga hen lopin a oma: himahleh bawldikna chiangin amah akipan gamla pi-ah a delhkhe ding.

22:16b.PRO.022.016 Kuapeuh a punna khansakna dia mi genthei nuaisiaha, kuapeuh mi hau kianga pia, taksapna a tung lel hi.

22:17b.PRO.022.017 Na bil doh inla, mi pil thute ja in, huan ka theihna lamah na lungtang suk in.

22:18b.PRO.022.018 Na sunga na kep leh thil nuam ahi ngala, na muka hihkip khawma a om aleh.

22:19b.PRO.022.019 Na muanna TOUPA ah a hih theihna dingin, tunniin na kiangah, nang mahmah kiangah ka theisak hi.

22:20b.PRO.022.020 Thuphate leh theihna tungtanga thil hoih penpente na kiangah ka gelhkhinta kei maw.

22:21b.PRO.022.021 Thutak thutea taktakna nang hontheisak dingin, huchia amau nang honsawlte kianga thutak thute na puak kik theihna dingin?

22:22b.PRO.022.022 A gentheih jiakin, genthei lok ken, kongpi ah gimthuak leng nuaisiah sam ken.

22:23b.PRO.022.023 TOUPAN lah a thu uh a gen sin ngala, amau lokte hinna a lok ding hi.

22:24b.PRO.022.024 Mi hehmi toh kijawl kenla, huan thangpaihhatmi toh kithuah ken.

22:25b.PRO.022.025 A lampite na sin kha dia, na kha adingin thang na mu kha ding hi.

22:26b.PRO.022.026 Khutbengte laka khat hikenla, ahihkeileh leibate jiaka mohkhu apangate laka leng hi sam ken.

22:27b.PRO.022.027 Piak ding na neih kei leh, bangdinga na nuaia kipan na lupna lamang ding ahia?

22:28b.PRO.022.028 Na pipute koihkipsa, tanga gamgi suan ken.A nasepa kizen mi na mu hia? Kumpipate maah a ding dinga: mi thulimloute maah a ding kei ding hi.

22:29b.PRO.022.029 A nasepa kizen mi na mu hia? Kumpipate maah a ding dinga: mi thulimloute maah a ding kei ding hi.

23

23:1b.PRO.023.001 Vaihawmmi toh ne dinga na tut chiangin, na maa om amah hoih takin ngaihtuah in.

23:2b.PRO.023.002 Huan anhai mi na hih leh, na gawl ah temta koih ding na hi.

23:3b.PRO.023.003 A anlimte duh lo ken; an khemnaa dim ahi uh chih thei in.

23:4b.PRO.023.004 Hausa dingin kigimsak ken; nangmah pilna akipan tawp in.

23:5b.PRO.023.005 A om loupi tungah na mit na koih ding maw? Hauhsaknaten lah amaua dingin kha a kibawl ngal ua, vanlam juana leng muvanlai bangin.

23:6b.PRO.023.006 Mi sumchit neih tanghou ne ken a anlimte leng duh sam ken.

23:7b.PRO.023.007 Amah a kisim bangin, huchibang ahi: Ne inla dawn in, na kiangah a chi a; himahleh a lungtang nang kiangah a om kei hi.

23:8b.PRO.023.008 Na an nek na lo khe dinga, na thu hoihte na mansuah ding.

23:9b.PRO.023.009 Mi hai jakin thugen ken, na thute pilna lah muhsit ding ahi ngala.

23:10b.PRO.023.010 Tanga gamgi suan ken; pa neilou louah lut ken:

23:11b.PRO.023.011 Amaute tanpa lah a hat ngala; na siatna dingin amau thu gen sak ding hi.

23:12b.PRO.023.012 Na lungtang hilhna lamah suk inla, na bilte theihna thute lamah.

23:13b.PRO.023.013 Naupang laka bawlhoihna it dah in: chiangin vo lechin leng, a si kei ding hi.

23:14b.PRO.023.014 Chiangin amah na vo dinga, huan Seol akipan a kha na suakte sak ding.

23:15b.PRO.023.015 Ka tapa, na lungtang a pil leh, ka lungtang a kipak ding, keia mahmah:

23:16b.PRO.023.016 Ahi, ka lungtangin nuam a sa ding a, na mukten thil dik a gen chiangun.

23:17b.PRO.023.017 Na lungtangin mikhialte eng kei hen; himahleh ni tumin TOUPA kihtakna ah om in:

23:18b.PRO.023.018 Kipahman lah a om taktak ngala; huchiin na lametna satkhiak ahi kei ding.

23:19b.PRO.023.019 Ja in, ka tapa pil in, huchiin lampi ah na lungtang pi in.

23:20b.PRO.023.020 Uain haite lakah om ken; sa haite lakah:

23:21b.PRO.023.021 Zukhamhat leh anhai genthei ding uh ahi ngal a: huan ihmuthainain puansia in mi tuam ding hi.

23:22b.PRO.023.022 Nang honsuang na pa thu ngaikhia inla, a upat chiangin na nu musit ken.

23:23b.PRO.023.023 Thutak lei inla, juak ken; ahi, pilna leh, hilhna leh theihsiamna.

23:24b.PRO.023.024 Mi diktat pa nakpi takin a kipak ding: huan kuapeuh ta pil suangiin amah akipan nuamsakna a nei ding.

23:25b.PRO.023.025 Na nu leh na pa kipaksak inla, nang honsuangnu nuamsasak in.

23:26b.PRO.023.026 Ka tapa, na lungtang honpia inla, na mitte ka lampite ah kipak uhen.

23:27b.PRO.023.027 Kijuak lah guam thukpi ahi ngala; huan numei lamdang kokhuk kochik ahi.

23:28b.PRO.023.028 Ahi, suamhatmi bangin a buka, huan mite lakah lepchiah a pungsak hi.

23:29b.PRO.023.029 Tunggikna kuana nei? Lungkhamna kuan a nei? Kinaknate kuan a nei? Phunna kuan a nei? Akipatna kuan liamnate a nei? mit sannakuan a nei?

23:30b.PRO.023.030 Uaina peng-opten; uain lehbulh zong dia kuanten.

23:31b.PRO.023.031 A san lain uain en ken, nou sunga a jia a suah lain, nemtaka a pai suk lain.

23:32b.PRO.023.032 Atawp chiangin gulpi bangin a keia, guldekpak bangin guin a zen hi.

23:33b.PRO.023.033 Na miten thil lamdangte a mu ding lungtangin thil hoihloute a genkhe ding hi.

23:34b.PRO.023.034 Ahi, tui laia lum bang na hi dinga, ahihkeileh long khuam dawna lum bang.A honsat ua, na ka sa kei; a honvua ua, bangmahin ka vei kei; chikchiangin ka halh dia? Zong nawn-nawn veng, na chiding.

23:35b.PRO.023.035 A honsat ua, na ka sa kei; a honvua ua, bangmahin ka vei kei; chikchiangin ka halh dia? Zong nawn-nawn veng, na chiding.

24

24:1b.PRO.024.001 Mi giloute siatna dingin enlah ken, a kiang ua om ut sam ken:

24:2b.PRO.024.002 A lungtang un lah nuaisiahna a sin ngala, huan a mukte un siatna thu a gen ahi.

24:3b.PRO.024.003 Pilna jiakin in lamin a oma; theihsiamnain hihkipin a om:

24:4b.PRO.024.004 Huan theihnain dantante hihdimin a om hausakna manpha leh nuamte tengtengin.

24:5b.PRO.024.005 Mi pil a hat: ahi, theihna miin hatna a pungsak.

24:6b.PRO.024.006 Pina pilin na galdouna bawl ding na hi ngala: huan thuhilhmi tampite ah bitna a om.

24:7b.PRO.024.007 Mi hai adingin pilna a sang lua: kongpi ah a kam ka kei.

24:8b.PRO.024.008 Kuapeuh hoihlou hih ngaihtuah, miten siatna deihmi a chi ding uh.

24:9b.PRO.024.009 Mi hai ngaihtuahna khelhna ahi: huan musitmi mite adingin kihhuai ahi.

24:10b.PRO.024.010 Vangsiat nia na bah leh, na hatna a neu.

24:11b.PRO.024.011 Sihna lama puak manga omte suaktasak in, huan thaha om dia mansate nangman suaktasak in.

24:12b.PRO.024.012 Ngaiin, hiai ka theikei uh, na chih leh: lungtangte bukpan huaituh a hgaihtuah kei maw? huan na kha kempan, huaituh a theikei maw? huan michih kiangah a thilhih bangin a pe kei ding maw?

24:13b.PRO.024.013 Ka tapa, khuaiju ne in, a hoih ngala; huan cheap khum khuaikhak:

24:14b.PRO.024.014 Huchiin pilna na kha lama ding ahi chih na thei ding: na muh leh, huchiin kipahman a om ding, huan na lametna sat khiak ahi kei ding hi.

24:15b.PRO.024.015 Aw giloupa, mi diktat omna dou dingin tang ken; a khawlna mun hihsiatsak hen:

24:16b.PRO.024.016 Mi diktat lah sagih vei a puka, huan a thou nawn ngala; himahleh migilou tuahsia zohin a om ding hi.

24:17b.PRO.024.017 Na melma a puk lain nuamsa ken, zoha a om lain na lungtang kipak kei hen:

24:18b.PRO.024.018 TOUPAN huai a mu khain, amah a kipahpih kei khain, huan amah akipan a thanpaihna a hei mang kha ding hi.

24:19b.PRO.024.019 Gilou hihte jiakin kilungkhamsak dah in: giloute ah leng eng sam ken:

24:20b.PRO.024.020 Mi gilou adinga kipahman om lou ding ahi ngala: mi gilou khawnvak hek lupin a om ding.

24:21b.PRO.024.021 Ka tapa, TOUPA leh kumpipa kihta in: huan a koimahmah leng thumanlou ken.

24:22b.PRO.024.022 A mau apana-siatna lah thakhata om guih ding ahi ngala: huan amaute apan tuah siatna kua ahia thei?

24:23b.PRO.024.023 Hiaite leng mi pil thugente ahi. Vaihawmna mite deihsaktuam neih a hoih kei.

24:24b.PRO.024.024 Kuapeuh mi gilou kianga, Na diktat hi, chi peumah; miten amah a hamsiat ding ua, namten amah a kih ding.

24:25b.PRO.024.025 Himahlel amah salte adingin kipahna ahi ding, huan a tunguah vualjawlna hoih a hongtung ding.

24:26b.PRO.024.026 Dawnna dik pia mukte a tawpa.

24:27b.PRO.024.027 Polamah na thilhih bawlkhol inla, lou sungah nang adingin huai tuh mansain bawl in; huan huainungin na in lam in.

24:28b.PRO.024.028 A bul beiin na inveng siatna dingin theihpihmi hi ken; huan na mukte in khem ken.

24:29b.PRO.024.029 Ka tunga a hih bangin amah tungah leng ka hih ding, chi ken; mi a nasep bangin ka thuk ding.

24:30b.PRO.024.030 Thadahmi lou kiangah ka paia, huan theihsiamna bei mi grephuan kiangah;

24:31b.PRO.024.031 Huan, ngaiin, lignin a khannelh khin veka, huaia aloma louling-neiin a khuhtaa, huan huaia asuang bangte a chim khinta.

24:32b.PRO.024.032 Huchihlaiin ka ena, hoih takin ka ngaihtuaha: ka mua, hilhna ka sangta hi.

24:33b.PRO.024.033 Alah ihmut neu chik, lusuk neu chik, ihmut khut khawng khek zek.Huchibangin suamhatmi bangin na gentheihna a hongpai dinga; huan mi kigalvan bangin na taksapna.

24:34b.PRO.024.034 Huchibangin suamhatmi bangin na gentheihna a hongpai dinga; huan mi kigalvan bangin na taksapna.

25

25:1b.PRO.025.001 Nipi laia vuk bangin leh, pawltak laia vuah bangin, huai bangin zahtakhuaina mihai adingin a kilawn kei hi.

25:2b.PRO.025.002 Kawlgit a vakvai bangin, phialphiah a len lai bangin, huchimahbangin hamsia bulneilou a tangtung kei.

25:3b.PRO.025.003 Zepna sakol ading, kamkaihna sabengtung ading, huan chiang mihaite nungjang ading.

25:4b.PRO.025.004 Mihai a haina dungjuin dawng ken, huchilouinjaw nang leng amah na bang kha ding.

25:5b.PRO.025.005 Mihai a haina bangin dawng in, amah kideihna ah a pil kha ding hi.

25:6b.PRO.025.006 Kuapeuh mihai khuta thu khakin amah khete a tan khiaa, siatna ding a dawn hi.

25:7b.PRO.025.007 Khebai khete a kikhai nelnel: huaibangmahin mihaite kam sunga gentehna ahi.

25:8b.PRO.025.008 Suang chiankhawma suangmanpha ip bang in, huaibangin kuapeuh zahtak-huaina mihai kianga pai ahi.

25:9b.PRO.025.009 Zukhamhat khute lut tou ling bangin, huaibangmahin mihaite kam sunga gentehna ahi.

25:10b.PRO.025.010 Mihai leh mi vialvak guaimi, thalkapsiammi liamsak jelmi bang ahi.

25:11b.PRO.025.011 Ui amah luak lama kik nawn bangin, huaimah bangin a haina sunzom mihai ahi.

25:12b.PRO.025.012 Amah kideihnaa pil mi na mu hi? Amah akipan sangin mihai akipan lametna a om jaw hi.

25:13b.PRO.025.013 Pawltak huan vuk vot bangin, huchiin sawltak ginom amah sawlte adingin ahi; a pute kha lah a hihhalh ngala,

25:14b.PRO.025.014 Vuah pai lou meipite leh huih bangin, huchiin kuapeuhdikloutaka a thilpiaktea kiuangsak ahi hi.

25:15b.PRO.025.015 Dohtheih mahmahnain, vaihawmpa thuzoh ahi, huan lei nemin guh a hih tan ding.

25:16b.PRO.025.016 Khuaju na muta hia? nang adia hun lel ne in; huchilouin jaw na vah dinga, na lo kha ding hi.

25:17b.PRO.025.017 Na inveng in ah na khe vang sakin; huchilouinjaw a honchimtakin, a honmudah kha ding.

25:18b.PRO.025.018 Mi a inveng siatna theihpih juaugen khetbuk leh, namsau leh, thal hiam ahi.

25:19b.PRO.025.019 Buai huna mi ginomloua muanna ha tong bang leh, khepek guh kilawi bang ahi.

25:20b.PRO.025.020 Mi kho vot laia puansilh suah bangin kuapeuh lungtang gik adinga lasa ahi.

25:21b.PRO.025.021 Na melma a gil a kial leh, nekding tanghou amah pia in, huan a dang a tak leh, dawn ding tui amah pia in:

25:22b.PRO.025.022 A lu tunga meiam sek khawm lah na hi ngala, huan TOUPAN ki pahman nang a honpe ding hi.

25:23b.PRO.025.023 Mal huihin vuah a honzu sak paha; huchibangin migensiatna leiin heh mel a bawl hi.

25:24b.PRO.025.024 In tung ninga ten, in sung jaa kiselhat numei toh tenkhawm sangin a hoih jaw.

25:25b.PRO.025.025 Kha dangtaka dia tui vote bangin, huai banging am gamla akipan tanchin hoih tuh ahi.

25:26b.PRO.025.026 Tuikhuk suknit leh, tuinak hihsiat bangin, huchibang mi diktat mi gilou maa lampi pia tuh ahi.

25:27b.PRO.025.027 Khuaiju tampi nek a hoih kei: huchimahbangin mite dingin amau thupina zon khiak thupina ahi kei.Amah a lungsim thuzohna bei khopi chimsa leh bang neilou bang ahi.

25:28b.PRO.025.028 Amah a lungsim thuzohna bei khopi chimsa leh bang neilou bang ahi.

26

26:1b.PRO.026.001 Nipi laia vuk bangin leh, pawltak laia vuah bangin, huai bangin zahtakhuaina mihai adingin a kilawn kei hi.

26:2b.PRO.026.002 Kawlgit a vakvai bangin, phialphiah a len lai bangin, huchimahbangin hamsia bulneilou a tangtung kei.

26:3b.PRO.026.003 Zepna sakol ading, kamkaihna sabengtung ading, huan chiang mihaite nungjang ading.

26:4b.PRO.026.004 Mihai a haina dungjuin dawng ken, huchilouinjaw nang leng amah na bang kha ding.

26:5b.PRO.026.005 Mihai a haina bangin dawng in, amah kideihna ah a pil kha ding hi.

26:6b.PRO.026.006 Kuapeuh mihai khuta thu khakin amah khete a tan khiaa, siatna ding a dawn hi.

26:7b.PRO.026.007 Khebai khete a kikhai nelnel: huaibangmahin mihaite kam sunga gentehna ahi.

26:8b.PRO.026.008 Suang chiankhawma suangmanpha ip bang in, huaibangin kuapeuh zahtak-huaina mihai kianga pai ahi.

26:9b.PRO.026.009 Zukhamhat khute lut tou ling bangin, huaibangmahin mihaite kam sunga gentehna ahi.

26:10b.PRO.026.010 Mihai leh mi vialvak guaimi, thalkapsiammi liamsak jelmi bang ahi.

26:11b.PRO.026.011 Ui amah luak lama kik nawn bangin, huaimah bangin a haina sunzom mihai ahi.

26:12b.PRO.026.012 Amah kideihnaa pil mi na mu hi? Amah akipan sangin mihai akipan lametna a om jaw hi.

26:13b.PRO.026.013 Thadahin, Lampi ah humpinelkai a om; humpinelkai kongzing ah a om, a chi.

26:14b.PRO.026.014 Kongkhak a kopja ah a kihei jel bangin, huaibangin thadah a lupna tungah a om.

26:15b.PRO.026.015 Thadahin kuang sungah a khut a thun; huaituh a kam tun nawn dingin a ngap kei hi.

26:16b.PRO.026.016 Thadah amah kideihna ah a piljaw, a san pe thei ding mi sagih sangin.

26:17b.PRO.026.017 Kuapeuh paisuak a, amaha hilou kinakna a kihihbuai, ui a bila man bang ahi.

26:18b.PRO.026.018 Mihai meiekte, thal leh sihna pai bang in;

26:19b.PRO.026.019 Huaibangin mi a inveng khema, Chiamnuih ka hika hia? chi bangin a om hi.

26:20b.PRO.026.020 Sing taksap jiakin mei a mit a: huan huauhatmi om louhna ah, kinakna a bei hi.

26:21b.PRO.026.021 Suangkuangtheite meisum sa a ding bangin leh sing mei a ding bangin: huchibang kinak hat mi kilanna uangsak ahi.

26:22b.PRO.026.022 Huauhatmi thute an limtak bang ahi, huan gilpi sungnungpen ah a tumsuk hi.

26:23b.PRO.026.023 Leibel limlangtuia luan bangin lungtang gilou muk a zolin a nal!

26:24b.PRO.026.024 Mihuathatmiin a muk in a theh dalh a, a lungtang in khemna a pai.

26:25b.PRO.026.025 Kilawmna thu a gen chiang in, amah um ken; a lungtang ah lah kihhuai sagih a om ngala:

26:26b.PRO.026.026 A huatna zekhemna in kituam mahleh, khawmpite maah tangpi muh in a gitlouhna etsak ahi ding hi.

26:27b.PRO.026.027 Kuapeuh khuk tou huaiah a ke ding: huan kuapeuh suang khuk, amah tungah hong kileh ding hi.Lei juau theiin a hihliamsate a mudaha maitangphathat kamin siatna a bawl hi.

26:28b.PRO.026.028 Lei juau theiin a hihliamsate a mudaha maitangphathat kamin siatna a bawl hi.

27

27:1b.PRO.027.001 Jingchiang thu ah kiuangsak ken; niin bang ahia a honsuahsak ding lah na theikei ngala.

27:2b.PRO.027.002 Midangin nang hon phat uhen, nangmah mah kam hilouin; mikhualin nangmah mah mukte hilouin.

27:3b.PRO.027.003 Suang agika, piaunel a gik hi; himahleh mihai lungjinna huaite gel sangin a gikjaw hi.

27:4b.PRO.027.004 Thangpaihna a gilou, hehna a khel; himahleh thiikna maah kua a ding thei dia?

27:5b.PRO.027.005 A langtanga salhna itna selguk sangin a hoihjaw.

27:6b.PRO.027.006 Lawm liamna te a ginom: himahleh melma tawpna a loliap hi.

27:7b.PRO.027.007 Kha gilvahin khuaikhak a chimtaka: himahleh kha gilkial adingin thil kha chiteng a khum hi.

27:8b.PRO.027.008 Vasa a buk akipan a vakvai bangin, huaibang in a mun akipan mi vakvai ahi.

27:9b.PRO.027.009 Nuhtheih leh gimnamtuiin lungtang a kipaksaka: huai bangmah mihing lawm khumna lungsimtaka thupha a hongpai ahi.

27:10b.PRO.027.010 Na lawm mah mah, na pa lawm manghilh ken; na tuahsiatna niin na unau in ah hoh ken: inveng a naia om unau gamla pia om sangin ahoih jaw hi.

27:11b.PRO.027.011 Ka tapa, pil in, ka lungtang kipak sak in, kei hontai ka dawn theihna dingin.

27:12b.PRO.027.012 Mi pil in hoih lou a mua, a bu hi: himahleh mi mawlin a awlmoh keia, a thuak loh hi.

27:13b.PRO.027.013 Mikhual a ding mohkhu dia om a puansilh la in; huan numei lamdang adia mohkhu dia om chiamkamna dingin len in.

27:14b.PRO.027.014 Kuapeuh aw ngaihtaka, jingsanga bel taka thoua, vualzawl, amah adingin hamsiaa sim ahi ding hi.

27:15b.PRO.027.015 Vuahchin nia vuah ju leh numei kinak hat a kibang:

27:16b.PRO.027.016 Kuapeuh amah khou tuh huih khou bang ahia, khut taklama sathau ham bang ahi.

27:17b.PRO.027.017 Sikin sik ahiamsaka; huaimahbangin mihingin a lawm mel a himsak hi.

27:18b.PRO.027.018 Kuapeuh theipi kung kem in huaia a gah a ne ding; huan kuapeuh a pu ngak zahtakin a om ding hi.

27:19b.PRO.027.019 Tuia maitangin maitang a muh bangin, huaimah bangin mihing lungsim ah mihinna a kimu.

27:20b.PRO.027.020 Seol leh abaddon a lungkim ngei kei ua, huan mihing mitte a lungkim ngeikei uh.

27:21b.PRO.027.021 Huansiangna bel dangka ading ahi, huan meipi dangkaeng a ding, huchiin mihing phatnaa zeetin a om.

27:22b.PRO.027.022 Mihai sum sungah buh taisate lakah sukin su mahlecin, huchipiin leng amah akipanin a haina a paimang kei lai ding hi.

27:23b.PRO.027.023 Na belamhonte omdan thei dingin thanuam in, huan na ganhonte hoih takin en in:

27:24b.PRO.027.024 Hauhsaknate lah khantawn ading ahi ngal keia; huan manglukhuin suan tengteng a daihzou hia?

27:25b.PRO.027.025 Buhpawl puakin a oma, huan loupa nou a kilang, mualte loupate a kilakhawm ahi.

27:26b.PRO.027.026 Belamnouten na puansilh ding honpe ding, huan kelten na lou man ding:Huan na an dingin, na inkote an dingin kel nawitul kiching a om ding hi; huan na nungakte vakna dingin.

27:27b.PRO.027.027 Huan na an dingin, na inkote an dingin kel nawitul kiching a om ding hi; huan na nungakte vakna dingin.

28

28:1b.PRO.028.001 Mi gilou kuamah delhlouhin a tai: himahleh mi diktat humpinelkai bangin a hangsan hi.

28:2b.PRO.028.002 Gam tatlekna jiakin mi tampi huaiah lalte ahi: himahleh theisiam leh theihna nei mite jiakin huaia gam bel suksau ahi ding hi.

28:3b.PRO.028.003 Mi taksap hau mi genthei nuaisiah vuahpi ju an nuse lou bang ahi.

28:4b.PRO.028.004 Amau dan manghilh ten mi gilou a phat ua: himahleh huchibang dan juite amau tungah a thangpai uhi.

28:5b.PRO.028.005 Mi hoihlouin vaihawmna a theisiam kei: himahleh amau TOUPA zong ten thil tengteng a theisiam uh.

28:6b.PRO.028.006 A lampitea hoihlou mi hau sangin a thutaknaa om mi genthei a hoih jaw hi.

28:7b.PRO.028.007 Kuapeuh dan jui tapa pil ahi: himahleh kuapeuh an hai mite toh kithuahin a pa a zumsak hi.

28:8b.PRO.028.008 Kuapeuh a neih a nou leh a punga tamsakin mi genthei hehpih mi amah dingin a lakhawm hi.

28:9b.PRO.028.009 Kuapeuh dan za lou dinga a bil kaihei tuh a thumna nasan kihhuai ahi.

28:10b.PRO.028.010 Kuapeuh lampi giloua midik lamhaihsak, amah kokhuk mahmah ah amah a ke lut ding hi: himahleh mi hoihkimin gou hoih a luah ding hi.

28:11b.PRO.028.011 Mi hausa amah ngaihin a pil a; himahleh mi genthei theihsiamna neiin amah a zong khia hi.

28:12b.PRO.028.012 Mi diktat a vualzoh chiangin, thupina lian a om: himahleh mi gilou a thoh changin, mite a bu uh.

28:13b.PRO.028.013 Kuapeuh a tatlekna khuk a lohching kei ding: himahleh kuapeuh huaite thuphatawia manghilhin chitna a mu ding uh.

28:14b.PRO.028.014 Lauthei gige mi a hampha hi: himahleh a lungtang saksak gige siatna ah a ke ding hi.

28:15b.PRO.028.015 Humpinelkai humham leh vompi hawk bangin; huaimah bangin mi gentheite tunga vaihawmmi gilou ahi.

28:16b.PRO.028.016 Vaihawmmi theisiamna tasam tuh nuaisiahhatmi thupi ahi: himahleh kuapeuh huaihamna huain a nite a sausak ding.

28:17b.PRO.028.017 Mi kuapeuh mi himhim sisana dim kokhuk sungah a tai lut ding; kuapeuhin len kei hen.

28:18b.PRO.028.018 Kuapeuh tangtaka om suahtaksakin a om ding: himahleh kuapeuh a lampi tea hoihlou a pukzo ding hi.

28:19b.PRO.028.019 Kuapeuh a gam leiletin tanghou tampi a nei ding: himahleh kuapeuh mi bangmahlou nung juiin gentheihna kiching a nei ding hi.

28:20b.PRO.028.020 Mi ginomin vualjawlna a hau ding: himahleh kuapeuh hau dinga kintat gawt louhin aomkei ding.

28:21b.PRO.028.021 Mite deihsaktuam neih ahoih kei: tanghou them jiakin mi a talek ding leng ahi sam kei hi.

28:22b.PRO.028.022 Kuapeuh deihgawl-sumchit hausakna delhin a kinoha, huan a tungah taksapna a hongtung sin chih a theikei.

28:23b.PRO.028.023 Kuapeuh mi deihsaknaa salin a leia maitangphathatmi sangin deihsakna tamsem a nungin a mu ding hi.

28:24b.PRO.028.024 Kuapeuh a nu hiam a pa hiam loka, Tatlekna ahi kei, chi; amah mah hihsemi kithuahpih ahi hi.

28:25b.PRO.028.025 Kuapeuh lungsim duhgawlin kinakna a tokthou hi: himahleh kuapeuh TOUPAa muanna koih thausakin a om ding hi.

28:26b.PRO.028.026 Kuapeuh amah lungtanga muang mihai ahi: himahleh kuapeuh piltaka om, suahtaksakin a om ding hi.

28:27b.PRO.028.027 Kuapeuh genthei kianga pia a tasam kei dinga: himahleh kuapeuh a mit selin hamsia tampi a nei ding hi.Mi gilou a thoh chiangin, mite a bu ua: himahleh a manthat chiangun, mi diktat a pung hi.

28:28b.PRO.028.028 Mi gilou a thoh chiangin, mite a bu ua: himahleh a manthat chiangun, mi diktat a pung hi.

29

29:1b.PRO.029.001 Kuapeuh salhna om naka genhak thakhatin a puakjak dinga, hih damna om louin.

29:2b.PRO.029.002 Mi diktatte a pun chiangun, mite a kipak uh: himahleh mi gillouin vaihawmna a puak chiangin, mite a thumthum uh.

29:3b.PRO.029.003 Kuapeuh pilna itin apa a kipaksaka; himahleh kuapeuh kijuakte kithuahpihin a sum a mawkzatbei hi.

29:4b.PRO.029.004 Kumpipan vaihawmnain gam a hihkipa: himahleh kuapeuh thilpiak phut teiteiin a hihsia hi.

29:5b.PRO.029.005 Mi a inveng maitangphatin kalsuante adingin len a jak sak hi.

29:6b.PRO.029.006 Mi hoihlou tatlekna ah thang a om: himahleh mi diktatin la a saa, a kipak hi.

29:7b.PRO.029.007 Mi diktatin mi genthei thu a theihpih a: mi gilouin huai thei dingin theihsiamna a neikei hi.

29:8b.PRO.029.008 Mi simmohhatten khopi a hal ua: himahleh mi pilten thangpaihna a heimang uh.

29:9b.PRO.029.009 Mi pilin mi hai a kiselpih leh, a heh hiam a nui hiam, khawlna a om kei ding hi.

29:10b.PRO.029.010 Sisan duhna dangtakin amah mi hoihkim a mudah: huan mi tang a hihleh, a hinna a zong uhi.

29:11b.PRO.029.011 Mi haiin a hehna tengteng a gena: himahleh mi pilin a genkhe keia, a khemdai hi.

29:12b.PRO.029.012 Vaihawmiin juauthu a ngaihkhiak leh, a sikhate tengteng gilou ahi uh.

29:13b.PRO.029.013 Mi genthei leh nuaisiahhat a kituak khawm ua: TOUPA a nih tuak uh mitte a sukvaksak hi.

29:14b.PRO.029.014 Kumpipa ginomtaka gentheite ngaihtuah, khantawnin a mangtutphah a kip ding hi.

29:15b.PRO.029.015 Chiang leh salhnain pilna a pia: himahleh naupang amah thuthua omsakin a nu adingin zumna a omsak hi.

29:16b.PRO.029.016 Giloute a pun chiangun, tatlekna a pung hi: himahleh mi diktatin a pukna uh a en ding hi.

29:17b.PRO.029.017 Na tapa bawlhoihin, awlna a honpe ding hi; ahi, na kha adingin nuamna a honpe ding hi.

29:18b.PRO.029.018 Mengmuhna om louhna ah, miten khamna a paikhia uh: himahleh kuapeuh dan jui, aman nuam a sa hi.

29:19b.PRO.029.019 Sikha thutea bawl hoih in a om kei ding: a limsak kei ding thei mahleh.

29:20b.PRO.029.020 A thutea man gang mi na mu hia? amah akipan sangin mihai akipanin lametna a omjaw hi.

29:21b.PRO.029.021 Kuapeuh a naupan akipana a sikha nuamtattaka kemin a tawptawpin amah tapa honghiin a nei ding hi.

29:22b.PRO.029.022 Mi hehin kinakna a tok thoua, huan mi thangpaiin tatlekna a hau hi.

29:23b.PRO.029.023 Mihing kisaktheihnain amah a lai naim ding: himahleh kuapeuh lungsim kiniamkhiakin zahtatna a mu ding.

29:24b.PRO.029.024 Kuapeuh gutami toh kithuahin amah kha a mudah hi: nakpitaka ngetna a jaa huan bangmah a gen kei.

29:25b.PRO.029.025 Mihing kihtaknain thang a hontawia: himahleh kuapeuh TOUPAa a muanna koih a bit ding hi.

29:26b.PRO.029.026 Mi tampiin vaihawmmi deihsakna a zong ua: himahleh mihing vaihawmna TOUPA akipan a hongpai ahi.Mi diklou mi diktat adingin kihhuai ahi: huan kuapeuh lampia tang migilou adingin kihhuai ahi.

29:27b.PRO.029.027 Mi diklou mi diktat adingin kihhuai ahi: huan kuapeuh lampia tang migilou adingin kihhuai ahi.

30

30:1b.PRO.030.001 Massa mi Jakeh tapa Agur thute: Huai miin Ithiel kiangah, Ithiel leh Ukal kiangah:

30:2b.PRO.030.002 Chihtaktakin kuamah sangin ka hai jawa, mihing theihsiamna ka neikei:

30:3b.PRO.030.003 Pilna ka sin naikeia, Mi siangthou theihna leng ka neikei, a chi.

30:4b.PRO.030.004 Van ah kua a kahtoutain a hongkum suka? A khuttun sungah kuan huih a lakhawmtaa? a puansilhin kuan tuite a tuna? Lei tawpna tengteng kuan a hihkiptaa? a min banga hia. huan a tapa min bang ahia, na theih leh?

30:5b.PRO.030.005 Pathian thu chiteng ettel ahi: amaha muangte adingin lum ahi.

30:6b.PRO.030.006 A thute ah behlap ken, a honsal dia, juautheia muhin na om kha ding hi.

30:7b.PRO.030.007 Thil nih ka hon ngen: ka sih main huaite honkitheihmoh-bawl ken:

30:8b.PRO.030.008 Bangmahlou leh juau keia kipan gamlapi ah suan in: Gentheihna hiam hauhsaknate hiam hon pe ken: kei a kiphamoh anin hon vak in.

30:9b.PRO.030.009 Huchilouinjaw ka khamin, nang kon kitheihmawhbawlin, TOUPA kua ahia? Ka chi kha ding hi. Ahihkeileh, ka gentheiin, ka guin, ka pathian min thanghuaitakin ka bawl kha ding hi.

30:10b.PRO.030.010 A pu kiangah sikha gense ken, huchilouinjaw nang a honhamsiat dia, mohtansakin na om ding.

30:11b.PRO.030.011 A pa uh hamsiat suan khat a oma, a nu uh vualjawl lou.

30:12b.PRO.030.012 Amau mittea siangthou suan khat a oma, ahi alah a nitna ua kipan silsiang louh ahi uh.

30:13b.PRO.030.013 Suan khat aoma, Aw a mitte uh sanghah hina e: huan a mitkhu vunte sansakin a om hi.

30:14b.PRO.030.014 A hate uh namsau bang, leh a hate uh temta bang suan khat a om uh, lei akipan migenthei leh, tasamte mite laka kipana nekbeina dingin.

30:15b.PRO.030.015 Votin tanu nih a neia, honpia in, honpia in, chiin kikou ua. Thil thum lungkimsak theih ngeilouh a om uh, ahi, li, Hun e. chi lou:

30:16b.PRO.030.016 Han; leh sul hut; lei tuia hihlungkima om lou; huan mei, hun e chi lou.

30:17b.PRO.030.017 Mit a pa nuihsan leh, a nu thuman musit, guam vaakten a tawm ding ua, muvanlai nouten a ne ding uh.

30:18b.PRO.030.018 Thil thum kei adingin lamdang lua a om ua, ahi, ka theih louh li:

30:19b.PRO.030.019 Huihkhuaa muvanlai lampi; suangpi tunga gulpi lampi; tuipi laka long lampi leh pasal nungak toh a lampi.

30:20b.PRO.030.020 Huaimah bangin angkawmhat numei lampi ahi; a nea, zapiin a kamkaa, Gitlouhna ka hih kei, achi hi.

30:21b.PRO.030.021 Thil thum jiakin lei a linga, huan thil li a puak zohlouh jiakin;

30:22b.PRO.030.022 Sikha kumpipa honghih lai leh mihai an kham lai;

30:23b.PRO.030.023 Numei huathuaitakin pasal a neiha, sikha nungakin a pi a luahin.

30:24b.PRO.030.024 Lei tungah aneu thil li a om ua himahleh apil mahmah uh:

30:25b.PRO.030.025 Miksite hatlou mite ahi ua, himahleh nipi laiin a nek ding uh a sutuah ua;

30:26b.PRO.030.026 Kawlsajawte hatlou pawl tak ahi ua, himahleh suangpi hengte ah a in uh a bawl uhi:

30:27b.PRO.030.027 Khaukhupten kumpipa a neikei ua, himahleh a honhonin a vekun kilemin a pai uh;

30:28b.PRO.030.028 Inhikte na khuta na tawi theih ahi ua; himahleh kumpipate inpite ah a teng uh.

30:29b.PRO.030.029 A paichiang ua thupi thil thum a om ua, ahi, apai chiangua thupi, li:

30:30b.PRO.030.030 Humpinelkai, gamsa laklaka hatpenpen, bangmah ma ah a kihei mang kei hi;

30:31b.PRO.030.031 Kidouna-sakol; keltal leng; huan kumpipa, a mite maa pai,

30:32b.PRO.030.032 Na kiletsaka haitaka na gamtat leh, ahihkeileh ngaihtuahna gilou na neih leh, na kam tungah na khut koih in,Nawitui peiin mokhon a omsaka, nak hekin sisan a suahkhe sak: huchimahbangin thangpaihna paisuakin kilaina a omsak hi.

30:33b.PRO.030.033 Nawitui peiin mokhon a omsaka, nak hekin sisan a suahkhe sak: huchimahbangin thangpaihna paisuakin kilaina a omsak hi.

31

31:1b.PRO.031.001 Kumpipa Lemuel thute; a nun amah ahilh thu:

31:2b.PRO.031.002 Bang ahia, ka tapa? Huan bang ahia, Aw ka sul tapa? Huan bang ahia, Aw ka thuchiam tapa?

31:3b.PRO.031.003 Na hatna numeite kiangah pe kenla, kumpipate hihsia te kiangah leng na lampite pe sam ken.

31:4b.PRO.031.004 Kumpipate ading ahi kei, Aw Lemuel, uain dawn kumpipate ading ahi kei; Zu khauh koia om ahia, chih leng lalte ading ahi sam kei.

31:5b.PRO.031.005 Huchilouin jaw a dawn un, dan a manghilh un, gimthuak kuapeuh vaihawmna a kaikawi kha ding uh.

31:6b.PRO.031.006 Mangthang dia mansa kiangah zu khauh pia un, khaa haksasa kiangah uain:

31:7b.PRO.031.007 Dawn masak unla, a gentheihna manghilh sakun, a haksatna theigige nawn kei hen.

31:8b.PRO.031.008 Pauttheilou a ding in na kam ka in, sukgawpa om mi huchibangte tengteng thu ah.

31:9b.PRO.031.009 Na kam ka inlan, diktakin vaihawm in, gentheite leh tasamte kiangah vaihawmsak in.

31:10b.PRO.031.010 Numei hoih kuan a mu dia? aman lah rubi suang tunglam pek ah a om ngala.

31:11b.PRO.031.011 A pasal lungtangin amah a muanga, punna taksapna a neikei ding hi.

31:12b.PRO.031.012 A damsung ni tengin amah a hih hoiha, a hihse kei.

31:13b.PRO.031.013 Samul leh jija a zonga, a khutin kilawptakin na a sem hi.

31:14b.PRO.031.014 Sumsinmi longte bang ahia: gamla akipanin a an a hontawia.

31:15b.PRO.031.015 Jan ahih lai in leng a thou a, a inkote kiangah an a pia a, a sikhanute kiangah a sep ding uh.

31:16b.PRO.031.016 Lou a ngaihtuaha, a leia; a khuta gahtein grephhuan a bawl hi.

31:17b.PRO.031.017 Hatnain a kawng a gaka, a khutte a hatsak hi.

31:18b.PRO.031.018 A sumsitna vante a phatuam hi chih a mu a; janin a khawnvak a mit kei hi.

31:19b.PRO.031.019 A khutte muikhut ah a ngaa, huan a khutte muiah a nga hi.

31:20b.PRO.031.020 Gentheite lamah a khut a jaka; ahi, tasamte lam a sawk hi.

31:21b.PRO.031.021 A inkote jiakin vuk a kihta keia; a inkote tengteng lah puansan- auin a kithuam ua.

31:22b.PRO.031.022 Puanphah zehoih mantam a kibawla; a puansilh puanmalngat leh sandup ahi.

31:23b.PRO.031.023 Kongpite ah pasal theihin a oma, gama upate laka a tut laiin.

31:24b.PRO.031.024 Puan hoih puansilh a bawla, a juaka; sumsinmi kiangah kawngakte a pekhia hi.

31:25b.PRO.031.025 Hatna leh zahkaina a puansilh ahi; huan hun hongtung ding a nuihsan hi.

31:26b.PRO.031.026 Pilnain a kam a kaa; huan siamna dan a lei ah a om hi.

31:27b.PRO.031.027 A inkote lampihoih takin a ena, huan thadahna tanghou a ne kei hi.

31:28b.PRO.031.028 A tate a thou ua, huan amah nuamsa a chi uhi; a pasalin leng, amah a phata,

31:29b.PRO.031.029 Tanu tampiten hoih takin a hih ua, himahleh nang jaw amaute tengteng na khup vek hi, chiin.

31:30b.PRO.031.030 Deihsakna khemnain a dima, huan kilawmna bangmahlou ahi: himahleh numei TOUPA laudan siam, phatin a om ding hi.A khuta gahte amah pia un; huan kongpite ah a thilhihten amah phat hen.

31:31b.PRO.031.031 A khuta gahte amah pia un; huan kongpite ah a thilhihten amah phat hen.