2 John (Ojibwa)

21

21:1b.2JO.021.001 ᓃᓐ ᒞᓐ ᑳᓃᑳᓀᑖᑯᓯᔮᓐ, ᑭᑑᔑᐲᐊᒪᐎᓐ, ᑮᓐ ᑳᑮᐅᓀᑖᑯᓯᔭᓐ ᐃᑴ, ᑭᓃᒑᓂᓴᒃ ᑲᔦ᙮ ᑌᐺ ᓴ ᑭᓵᑭᐃᓂᓂᒻ᙮ ᑳᐐᓐ ᓃᓐ ᐁᑕ ᑳᓵᑭᐃᓇᑰᒃ, ᑲᑭᓇ ᓴ ᑳᑭᑫᑕᒧᐙᒡ ᑌᐺᐎᓐ ᑭᓵᑭᐃᑯᐙᒃ᙮

21:2b.2JO.021.002 ᐋᓃᔥ ᐃᐃ ᑌᐺᐎᓐ ᑭᑭᑭᔥᑳᑯᒥᓐ, ᑭᑲᐐᒌᐎᑯᒥᓐ ᑲᔦ ᓀᐱᒡ ᐃᑯ᙮

21:3b.2JO.021.003 ᑭᔐᐙᑎᓯᐎᓐ, ᑰᐹᓯᓈᑰᐎᓐ, ᐱᓵᓂᓯᐎᓐ ᑲᔦ ᑭᑲᐐᒌᐎᑯᒥᓐ, ᐁᐅᒌᒪᑲᒃ ᑭᔐᒪᓂᑑᕽ ᑳᐅᔫᓯᒥᓐᒡ, ᒋᓴᔅ Xᐃᕽ ᑲᔦ ᑳᐅᑯᓯᓯᒥᑯᒡ ᑳᐅᔫᓯᒥᒥᓐᒡ, ᒋᑕᑯᐊᔮᔦᒃ ᑌᐺᐎᓐ, ᓵᑭᐃᐌᐎᓐ ᑲᔦ᙮

21:4b.2JO.021.004 ᐋᐱᒋ ᑕᔥ ᓂᑮᑭᒋᒌᑫᑕᒻ ᐁᑮᓅᑕᒫᓐ ᐋᓂᑕ ᑭᓃᒑᓂᓴᒃ ᐁᐃᔑᐱᒧᓭᐙᒡ ᑌᐺᐎᓂᕽ ᑖᐱᔥᑰ ᑳᐅᔫᓯᒥᓐᒡ ᑳᑮᐃᓈᑯᓂᓇᕽ᙮

21:5b.2JO.021.005 ᒦᓴ ᐅ ᐁᔑᑲᑴᒋᒥᓈᓐ, ᑮᓐ ᑳᐃᑴᐎᔭᓐ, ᒫᓄ ᒋᓵᑭᐃᑎᔭᑭᐸᓐ ᑲᑭᓇ ᑳᑕᔑᔭᕽ᙮ ᑳᐐᓐ ᐐᓐ ᐅᔥᑭ ᐃᓈᑯᓂᑫᐎᓐ ᑳᑕᔑᑕᒫᓐ, ᐃᐃᐌ ᐅᔕ ᑳᑕᔑᑕᒫᓐ ᐋᔕ ᑳᑮᒫᒌᐊᔮᔭᕽ ᑮᒫᒌᑌᐺᑕᒪᕽ᙮

21:6b.2JO.021.006 ᒦᑕᔥ ᐅᐅᐌ ᓵᑭᐃᐌᐎᓐ ᐁᔑᓯᕽ, ᒋᐃᔑᐱᒧᓭᐗᑭᐸᓐ ᑭᔐᒪᓂᑑ ᐅᑎᓈᑯᓂᑫᐎᓂᕽ᙮ ᒦᑕᔥ ᐅᐅ ᐃᓈᑯᓂᑫᐎᓐ ᐋᔕ ᑳᑮᓅᑕᒣᒃ ᑮᒫᒌᐊᓇᒥᐋᔦᒃ, ᓵᑭᐃᑎᐎᓂᕽ ᒋᐃᔑᐱᒧᓭᔦᒃ᙮

21:7b.2JO.021.007 ᐋᓃᔥ ᐹᑎᓄᐗᒃ ᐅᐗᓂᔑᒥᐌᒃ ᑳᒫᒑᐙᒡ ᒥᓯᐌ ᐊᑮᕽ ᐁᐸᐹᐃᔖᐙᒡ, ᐁᐃᔑᐸᐹᑭᑭᓄᐃᑫᐙᒡ ᒋᓴᔅ Xᑕᓐ ᑌᐺ ᐃᓂᓃᓈᕽ ᐁᑮᐃᔑᐅᐐᔭᐎᓯᓂᒃ᙮ ᒦᓴ ᐗᐊ ᑎᓄ ᐅᐗᓂᔑᒥᐌ, ᑳᑲᑴᓇᑳᔥᑲᐙᒡ Xᑕᓐ, ᑳᐃᓂᓐᒡ᙮

21:8b.2JO.021.008 ᑲᓇᐌᓂᑎᓱᒃ ᑕᔥ ᒋᐗᓂᑑᓯᐌᒃ ᓃᓇᐎᓐᑦ ᑳᑮᐊᓄᑳᑕᒫᕽ ᑮᓇᐙ ᒋᑲᔥᑭᑕᒫᑰᔦᒃ, ᐃᔑᒋᑫᒃ ᐃᑕᔥ ᒋᒨᔥᑭᓀᑎᐸᐊᒫᑰᔦᒃ᙮

21:9b.2JO.021.009 ᐊᐎᔭ ᑕᔥ ᐹᔑᒋᔥᑳᒡ, ᐃᔑᐊᔮᓯᒃ ᑲᔦ ᑾᔭᒃ ᑭᑭᓄᐊᒫᑫᐎᓂᕽ ᑳᐃᓈᒋᒥᒥᓐᒡ Xᑕᓐ, ᑳᐐᓐ ᐄᓴᓐ ᐅᑕᔮᐙᓰᓐ ᑭᔐᒪᓂᑑᓐ᙮ ᐊᐊ ᑕᔥ ᐐᓐ ᒨᔕᒃ ᑳᐊᔮᒡ ᐃᐃᒫ ᓇᑫ ᐃᔑᑭᑭᓄᐃᑫᐎᓂᕽ, ᐅᑕᔮᐙᓐ ᑳᐅᔫᓯᒥᒥᓐᒡ, ᐃᓂ ᑲᔦ ᐅᑯᓯᓯᒫᓐ᙮

21:10b.2JO.021.010 ᑮᔥᐱᓐ ᐊᐎᔭ ᐱᓈᓯᑲᐎᓀᒃ ᐲᑑᓯᒃ ᐃᑕᔥ ᐅᐅ ᑎᓄ ᐃᔑᑭᑭᓄᐃᑫᐎᓐ, ᑫᑯ ᐲᑎᑲᓈᑫᒃ ᑭᑖᐎᓂᐙᕽ, ᑫᑯ ᑲᔦ ᐊᐙᒡ ᐃᑯ ᐃᓈᑫᒃ: ᐴᔓ ᓃᒌ᙮

21:11b.2JO.021.011 ᐊᐎᔭ ᓴ ᑯ ᑳᐴᔔᐋᒡ ᑫᐐᓐ ᓴ ᐃᔑᐐᒋᐃᐌ ᑾᔭᒃ ᑳᐃᔑᒋᑫᓯᓂᒃ᙮

21:12b.2JO.021.012 ᓃᐱᐗᐞ ᓴ ᓂᑕᔮᓐ ᑫᐃᔑᐲᐃᑫᔮᐹᓐ, ᑳᐐᓐ ᑕᔥ ᒪᓯᓇᐃᑲᓐ, ᐅᔑᐲᐃᑲᓈᐳ ᓂᐐᐋᐸᒋᑑᓰᓐ᙮ ᓂᐸᑯᓭᑖᓐ ᐅᔕ ᐁᐐᒪᐗᑎᓯᓇᑰᒃ, ᒋᐅᒋᔥᑲᐎ ᑲᑲᓅᓂᑎᔭᕽ, ᑮᓇᐎᓐᑦ ᓴ ᐐᑫ ᒋᒥᓉᑕᒪᕽ᙮

21:13b.2JO.021.013 ᐃᓂᐌᓂᐗᐞ ᑕᔥ ᐅᓃᒑᓂᓴᐞ ᑳᐅᓈᐸᒥᓐᒡ ᑮᒋᑴ, ᑭᐴᔔᐃᑯᐙᒻ!