2 Thessalonians (Ojibwa)

21

21:1b.2TH.021.001 ᓃᓇᐎᓐᑦ ᐃᑯ ᓂᑑᔑᐲᐃᑲᓂᓈᓐ ᑆᓬ, ᓯᓬᐯᓇᔅ, ᑎᒪᑎ ᙮ ᑮᓇᐙ ᑭᑑᔑᐲᐊᒫᑰᒻ ᑌᓴᓬᐊᓇᐃᑳᕽ ᑳᑕᔑᐊᓇᒥᐋᔦᒃ, ᐁᐐᒌᐎᓀᒃ ᑭᔐᒪᓂᑑ ᑳᐅᔫᓯᒪᕽ ᑲᔦ ᑳᑎᐯᒋᑫᒡ ᒋᓴᔅ X᙮

21:2b.2TH.021.002 ᔕᐌᓂᒥᑰᐎᓐ, ᑯᔥᒀᐙᑌᑕᒧᐎᓐ ᑭᑲᒦᓂᑯᐙ ᑭᔐᒪᓂᑑ ᑳᐅᔫᓯᒫᐎᒡ ᑲᔦ ᑳᑎᐯᒋᑫᒡ ᒋᓴᔅ X᙮

21:3b.2TH.021.003 ᑳᐐᒋᐅᑌᐺᑕᒨᒥᑰᔦᒃ, ᐃᓇᑌ ᒨᔕᒃ ᒋᓇᓈᑯᒪᑭᒡ ᑭᔐᒪᓂᑑ ᐁᒥᑴᓂᒥᑰᔦᒃ᙮ ᑾᔭᒃ ᐃᐃᐌ ᒋᑑᑕᒪᕽ ᐋᓃᔥ ᐊᐗᔑᒣ ᑭᒋᒫᒌᑭᓐ ᑭᑌᐺᔦᑕᒧᐎᓂᐙ ᑲᔦ ᐁᐊᓂᒥᔖᒃ ᑭᓵᑭᐃᑎᐎᓂᐙ ᑲᑭᓇ ᐁᔑᓵᑭᐃᑎᔦᒃ᙮

21:4b.2TH.021.004 ᐋᑎ ᐱᑯ ᑳᐃᔑᐊᓇᒥᐁᑕᐎᓐᒡ ᑭᔐᒪᓂᑑ ᑭᑎᔑᒪᒦᒀᓂᑰᒻ, ᐋᓃᔥ ᒥᓴᐙ ᓴ ᐐᓐ ᐁᐅᒌᑳᑰᔦᒃ ᑲᔦ ᐁᐅᒋ ᑲᒀᑕᑭᐃᑰᔦᒃ, ᑫᔮᐱ ᑭᒪᔥᑲᐌᑖᒻ, ᑫᔮᐱ ᑭᑌᐺᔦᑖᒻ᙮ ᒦ ᐅ ᐁᓈᒋᒥᑰᔦᒃ᙮

21:5b.2TH.021.005 ᒦ ᐅ ᑲᔦ ᑳᐅᒋᑭᑫᑖᑾᓂᓂᒃ ᐁᑾᔭᑾᓂᓂᒃ ᑭᔐᒪᓂᑑ ᐅᑎᓈᑯᓂᑫᐎᓐ, ᐋᓃᔥ ᐃᐃᐌ ᑳᐃᔑᐌᐱᓯᔦᒃ ᑭᑲᐅᒋ ᑌ ᐃᓀᑖᑯᓯᒻ ᐃᐃᒫ ᒋᐊᔮᔦᒃ ᐅᑎᐯᒋᑫᐎᓂᕽ᙮ ᒦ ᐋᓃᔥ ᐃᐃᐌ ᐌᒋᑲᒀᑕᑭᑑᔦᒃ᙮

21:6b.2TH.021.006 ᑾᔭᒃ ᐃᑕᔥ ᐐᓐ ᐅᑲᓇᓇᐊᑑᓐ, ᒣᔥᑾᒡ ᑲᒀᑕᑭᑑᐎᓐ ᐅᑲᒦᓈᐞ ᐃᐃᐌᓂᐗᐞ ᑲᑲᒀᑕᑭᐃᓀᒀ᙮

21:7b.2TH.021.007 ᑮᓇᐙ ᑳᑲᒀᑕᑭᑑᔦᒃ ᒫᒪᐤ ᑭᑲᒦᓂᑯᓈᓐ ᒋᐊᓉᐱᔭᕽ ᐊᐊ ᑭᔐᒪᓂᑑ, ᒦ ᐃ ᐊᐲ ᑭᒋᑮᔑᑯᕽ ᐱᐅᒋᓈᑯᓯᒡ ᐊᐊ ᑳᑎᐯᒋᑫᒡ ᒋᓴᔅ, ᐁᐐᑭᑭᑕᑯᔑᓅᒫᒡ ᐃᐃ ᐅᑌᒐᓬᐃᒪᐞ ᐁᒪᔥᑲᐎᓰᓂᒡ,

21:8b.2TH.021.008 ᑲᔦ ᐃᔥᑯᑌ ᑫᒪᔥᑲᐗᑾᓀᓂᒃ ᐁᐱᑭᑭᓯᒡ ᐅᑲᒣᔥᑯᒋᑎᐸᐊᒪᐙᐞ ᐊᐌᓀᓇᐞ ᐃᑯ ᐁᑳ ᑳᑭᑫᓂᒫᓯᓂᒃ ᑭᔐᒪᓂᑑᓐ, ᑲᔦ ᒥᓂᒃ ᓴ ᑯ ᐊᐎᔭᓐ ᑳᑌᐺᑕᓯᓂᒃ ᐃᐃᐌ ᐅᒥᓍᒋᒥᑰᐎᓐ ᑳᑎᐯᓂᒥᓇᕽ ᒋᓴᔅ᙮

21:9b.2TH.021.009 ᐅᑯ ᑕᐃᔑᑎᐸᐊᒪᐙᐗᒃ ᒋᓀᐱᒋᐊᔮᐙᒡ ᓂᔑᐗᓈᑎᓯᐎᓂᕽ᙮ ᑕᓀᐱᒋᐸᑫᐎᓈᐗᒃ ᐁᑳ ᒋᐙᐸᒫᓯᒀ ᑳᑎᐯᒋᑫᓂᒡ ᑲᔦ ᐁᔑᐙᓭᔮᓂᒃ ᐅᒪᔥᑲᐎᓰᐎᓂᓂ᙮

21:10b.2TH.021.010 ᒦ ᐃᐌ ᐊᐲ ᐁᔑᑮᔑᑲᒃ ᐁᐐᐲᔖᒡ ᑳᑎᐯᒋᑫᒡ ᐁᐐᑭᑕᑭᒥᑯᒡ ᐃᐃ ᐅᑾᔭᒀᑎᓰᒪᐞ ᑲᔦ ᐁᐐᒫᒪᑳᓯᓈᑯᒡ ᐃᐃ ᒥᓂᒃ ᑳᑌᐺᑖᑯᒡ᙮ ᑲᔦ ᑮᓇᐙ ᑭᑲᑕᑯᐊᔮᒻ ᐃᐃ ᐊᐲ, ᐋᓃᔥ ᑭᑮᑌᐺᑖᒻ ᓂᑎᐹᒋᒧᐎᓂᓈᓐ ᑳᑮᐐᑕᒫᑰᔦᒃ᙮

21:11b.2TH.021.011 ᒦ ᓴ ᑯ ᐊᐸᓀ ᐌᒋᐊᓇᒥᐁᑕᒫᑰᔦᒃ, ᐊᐊ ᑭᑭᔐᒪᓂᑑᒥᓈᓐ ᒋᐊᐲᑕᑭᒥᓀᒃ ᒋᐅᑎᓵᐸᑕᒣᒃ ᐃᐃᐌ ᐱᒫᑎᓯᐎᓐ ᑳᐃᔑᐊᑐᒥᓀᒃ, ᒫᓄ ᑲᔦ ᐅᑲᑎᐱᓴᑣᓐ ᐌᑯᓀᓐ ᐃᑯ ᒥᓄᑫᑰᓐ ᑳᑮᐃᓀᑕᒣᒃ ᒋᑑᑕᒣᒃ, ᑲᔦ ᑲᑭᓇ ᑫᑰᓐ ᑭᑌᐺᔦᑕᒧᐎᓂᐙᕽ ᑳᐐᐅᒋᐊᓄᑳᑕᒣᒃ ᐅᑲᑎᐱᓴᑣᓐ᙮

21:12b.2TH.021.012 ᒦᑕᔥ ᐅᓄ ᑫᑰᓇᓐ ᐃᔑᒋᑳᑌᑭᓐ ᑮᓇᐙ ᑕᐅᒋᑭᑌᒋᑳᑌᓂ ᐅᐐᓱᐎᓐ ᐊᐊ ᑳᑎᐯᓂᒥᓇᕽ ᒋᓴᔅ, ᔑᑾ ᑲᔦ ᑮᓇᐙ ᑭᑲᑕᑯᒦᓂᑯᐙ ᐅᑭᑌᑖᑯᓯᐎᓐ᙮ ᐅᓄᔥ ᑲᑭᓇ ᑕᐅᒌᒪᑲᓅᓐ ᐅᔕᐌᒋᑫᐎᓂᕽ ᐊᐊ ᑭᑭᔐᒪᓂᑑᒥᓈᓐ ᑲᔦ ᑳᑎᐯᒋᑫᒡ ᒋᓴᔅ X᙮

22

22:1b.2TH.022.001 ᑳᐐᒋᐅᑌᐺᑕᒨᒥᑰᔦᒃ! ᓂᑲᐐᑕᔑᑖᓐ ᐋᓃᓐ ᐁᓀᑖᑾᓂᓂᒃ ᐅᑕᑯᔑᓄᐎᓐ ᑳᑎᐯᓂᒥᓇᕽ ᒋᓴᔅ X, ᐃᐃ ᑲᔦ ᑫᔑᒫᒪᐎᓈᓯᑲᐗᕽ ᐃᐃᒫ ᐁᔑᐊᔮᒡ᙮ ᑭᐸᑯᓭᓂᒥᓂᓂᒻ

22:2b.2TH.022.002 ᐁᑳ ᐐᐸ ᒋᐗᑲᐎᓂᑰᓯᐌᒃ ᑭᓈᓈᑲᑕᐌᒋᑲᓂᐙᕽ᙮ ᑳᐐᓐ ᐐᐸ ᑭᑲᒥᑯᔥᑳᒋᐃᑯᓰᐙ ᐊᐎᔭ ᐁᐃᑭᑐᒡ ᐋᔕ ᐁᐱᐅᒋᒋᓭᓂᒃ ᑳᑎᐯᒋᑫᒡ ᐅᑮᔑᑲᓅᒻ, ᒫᑭᔖ ᐊᐎᔭ ᐅᒋᑲᑭᑐᒡ ᐊᒑᑯᓈᕽ, ᒫᑭᔖ ᑲᔦ ᑮᐃᑭᑐᒻ ᓃᓇᐎᓐᑦ ᐁᑮᐃᔑᐲᐃᑫᔮᕽ᙮

22:3b.2TH.022.003 ᑫᑯ ᑭᑲᐗᓂᒥᑯᓰᐙ ᐊᐎᔭ ᐋᓃᓂᑯ ᑫᐃᑭᑐᑴᓐ᙮ ᑳᐐᓐ ᐃᐃ ᑕᐃᔑᓭᓯᓅᓐ ᑮᔑᑲᓐ, ᐹᓂᒪ ᐁᑕ ᒥᓯᐌᑲᒥᒃ ᑮᐋᒋᐃᑎᓱᓈᓂᐗᕽ ᐁᐌᐱᓈᐙᒡ ᐃᓂ ᑳᑎᐯᒋᑫᓂᒡ, ᑲᔦ ᐊᐲ ᐱᐊᔮᒡ ᐊᐊ ᐗᐐᑫ ᑳᑎᐯᓂᒥᑯᒡ ᒪᒋᒋᑫᐎᓐ – ᒦ ᐊᐌ ᐱᒌᓇᒃ ᓂᔑᐗᓈᑎᓯᐎᓂᕽ ᑫᐃᔑᐌᐱᓂᓐᒡ᙮

22:4b.2TH.022.004 ᐐᓐ ᐐᐃᔥᐯᑖᑯᐃᑎᓱ, ᑲᑭᓇ ᐁᐐᒦᑳᑕᕽ ᑳᐊᓇᒥᐁᑕᒫᑕᒧᐙᒡ ᐃᑭ ᐯᒫᑎᓯᐙᒡ, ᑲᔦ ᑲᑭᓇ ᑫᑰᓐ ᑳᒪᓂᑑᐌᑖᑾᓂᓂᒃ᙮ ᐐᓐ ᐃᐃᒫ ᐐᓇᒪᑕᐱ ᐃᐃᒫ ᐲᑎᒃ ᑭᔐᒪᓂᑑ ᐅᐙᑳᐃᑲᓂᕽ, ᐐᓐ ᐁᐐᐃᓇᑭᑎᓱᒡ ᐁᑭᔐᒪᓂᑑᐎᒡ᙮

22:5b.2TH.022.005 ᑳᐐᓐ ᐃᓇ ᑭᒫᒥᑲᐎᓰᒻ? ᑲᑭᓇ ᑭᑮᐐᑕᒪᐎᓂᓂᒻ ᒣᒀ ᑮᐐᒌᐎᓇᑰᒃ᙮

22:6b.2TH.022.006 ᑫᑰᓐ ᐃᑕᔥ ᑭᐱᒌᑫᒪᑲᓐ ᐁᑳ ᒋᐅᒋᒋᓭᓯᓄᒃ᙮ ᑮᓇᐙᔥ ᑭᑭᑫᑖᓈᐙ ᐌᑯᓀᓐ ᐃᐃ ᑳᑭᐱᐊᔮᒃ᙮ ᒪᔮ ᑕᔥ ᐃᑯ ᐊᐲ ᑳᐅᓀᒋᑳᑌᒃ ᒋᐅᒋᒋᓭᓂᒃ, ᑕᓈᑯᓯ ᐊᐊ ᑳᒫᒪᐎᒪᒑᑎᓯᒡ᙮

22:7b.2TH.022.007 ᐋᔕ ᑕᔥ ᐱᒪᓄᑮᒪᑲᓐ ᐃᐃ ᒪᒋᒋᑫᐎᓐ ᐋᑲᐗᔭᐄ ᑳᐃᔑᐊᓄᑮᒪᑲᒃ᙮ ᑳᐐᓐ ᐐᓐ ᓀᐗᒐᔭᐄ ᑕᐃᔑᐌᐸᓯᓅᓐ ᐃᐃ ᑳᐐᐃᔑᐌᐸᒃ, ᐹᓂᒫ ᓴ ᑯ ᐃᑯᒋ ᒫᒌᓂᓐᒡ ᐊᐊᐌ ᑳᑭᐱᔥᑭᑫᒡ᙮

22:8b.2TH.022.008 ᒦᔥ ᐃᐃ ᐊᐲ ᑕᓈᑯᐃᑎᓱ ᐊᐊ ᑳᒫᒪᐎᒪᒑᑎᓯᒡ᙮ ᐊᐊ ᑕᔥ ᑳᑎᐯᒋᑫᒡ ᐱᒌᓇᒃ ᐅᑲᓂᓵᓐ ᐃᓂ ᑳᒪᒋᒋᑫᓂᒡ, ᐃᐃ ᐅᐸᑭᑕᓈᒧᐎᓐ ᐅᑑᓂᕽ ᐁᐅᒋᓭᓂᒃ ᐁᐐᐋᐸᒋᑑᒡ᙮ ᐅᑲᓂᔑᐗᓈᒋᐋᓐ, ᐅᐙᓭᓯᐎᓐ ᐁᐐᐱᐊᔑᒋᓈᑯᓯᒡ, ᑕᑯᔑᕽ᙮

22:9b.2TH.022.009 ᐊᐊ ᑕᔥ ᑳᒫᒪᐎᒪᒑᑎᓯᒡ ᑫᐱᓈᑯᐃᑎᓱᒡ, ᑕᐐᐱᑭᑮ ᐅᑲᔥᑭᐁᐎᓯᐎᓂᓂ ᐃᓂ ᓭᑕᓇᓐ ᙮ ᐅᑲᑑᑖᓇᓐ ᒪᒫᑕᐎᒋᑫᐎᓇᓐ, ᑭᑭᓇᐙᒋᒋᑲᓇᓐ ᑲᔦ ᑳᒪᒪᔭᑭᓈᑾᓂᓂᑭᓐ ᐁᐐᑲᑴᐗᔦᔑᑫᒡ᙮

22:10b.2TH.022.010 ᑲᑭᓇ ᑯ ᐃᓂ ᒪᒋᑫᑰᓇᓐ ᐅᑲᐋᐸᒋᑑᓇᓐ ᐁᐐᑲᑴ ᑲᑮᓇᐎᔥᑭᒫᒡ ᒥᓂᒃ ᐊᐎᔭᓐ ᑳᐐᓂᔑᐗᓈᑎᓯᓂᒡ᙮ ᑳᐐᓐ ᐋᓃᔥ ᐅᑮᓵᑭᑑᓰᓈᐙ ᐃᐃ ᑌᐺᐎᓐ, ᑳᐐᓐ ᐅᑑᑖᐱᓇᓰᓈᐙ ᐃᐃ ᒋᐅᒋᐱᒫᒋᐃᑣᐸᓐ᙮

22:11b.2TH.022.011 ᒦ ᐃᐌ ᑭᔐᒪᓂᑑ ᑫᐅᒋᐲᒋᓂᔕᐊᒪᐙᒡ ᐃᐃ ᑫᐗᔦᔑᐃᑯᐙᒡ, ᑫᑲᔥᑭᐃᑯᐙᒡ ᒋᑌᐺᔦᑕᒧᐙᒡ ᐃᐃ ᐁᑳ ᑳᑌᐺᒪᑲᓯᓂᓂᒃ᙮

22:12b.2TH.022.012 ᒦᑕᔥ ᐃᐃ ᒋᐹᑖᔮᑯᓂᑲᓂᐎᐙᒡ ᒥᓂᒃ ᐃᑯ ᐃᑭᐌᓂᐗᒃ ᑳᑌᐺᑕᓯᒀ ᐃᐃ ᑌᐺᐎᓐ, ᓇᐗᒡ ᐃᐃᐌᓂ ᐁᑮᒥᓉᑕᒧᐙᒡ ᒪᒋ ᐃᓈᑎᓯᐎᓐ᙮

22:13b.2TH.022.013 ᑳᐐᒋᐅᑌᐺᑕᒨᒥᑰᔦᒃ, ᑮᓇᐙ ᑳᓵᑭᐃᓀᒃ ᑭᔐᒪᓂᑑ! ᑮᓇᐙ ᓂᑑᒋᒦᑴᒋᐎᐋ ᑭᔐᒪᓂᑑ, ᐋᓃᔥ ᒫᐗᒡ ᓃᑳᓐ ᑭᑮᐅᓀᓂᒥᑯᐙ ᒋᐱᒫᒋᐃᑰᐎᓯᔦᒃ, ᐁᑮᐃᔑᐊᓄᑮᓂᒡ ᐅᑕᒑᑾᓐ ᑭᔐᒪᓂᑑ, ᐐᓐ ᐃᑯ ᒋᑎᐯᓂᒥᓀᒃ, ᑲᔦᔥ ᐁᑮᑌᐺᑕᒣᒃ ᑌᐺᐎᓐ᙮

22:14b.2TH.022.014 ᒦ ᐅᐌ ᑳᐃᔑᐊᑐᒥᓀᒃ, ᒦ ᐅᐌ ᒥᓍᒋᒧᐎᓐ ᓃᓇᐎᓐᑦ ᑳᑮᐐᑕᒫᑰᔦᒃ, ᒋᐅᒋᐊᑐᒥᓀᒃ ᒋᐅᒋᑌᐱᐱᑕᒫᓱᔦᒃ ᐅᑭᑌᑖᑯᓯᐎᓐ ᑳᐐᐸᑴᓇᒪᐎᓀᒃ ᑳᑎᐯᓂᒥᓇᕽ ᒋᓴᔅ X᙮

22:15b.2TH.022.015 ᐊᐤ, ᑳᐐᒋᐅᑌᐺᑕᒨᒥᑰᔦᒃ! ᐋᔩᒋᑳᐸᐎᒃ, ᒥᒋᒥᓇᒧᒃ ᑲᑭᓇ ᑳᑮᐋᓂᑫᑭᑭᓄᐊᒫᑰᔦᒃ, ᒥᓂᒃ ᓴ ᑯ ᑳᐱᓯᑕᐎᔮᕽ ᑲᔦᔥ ᑳᐃᔑᐲᐊᒫᑰᔦᒃ᙮

22:16b.2TH.022.016 ᓂᐸᑯᓭᓂᒫ ᐐᓐ ᑎᐱᓇᐌ ᑳᑎᐯᓂᒥᓇᕽ ᒋᓴᔅ X ᑲᔦ ᑭᔐᒪᓂᑑ ᑭᑌᑌᓈᓐ ᑳᑮᓵᑭᐃᓇᕽ, ᑲᔦ ᐁᔕᐌᓂᒥᓇᕽ ᑳᑮᐅᒋᒦᓂᓇᕽ ᒪᔥᑲᐌᑕᒧᐎᓐ ᐱᔑᔑᒃ ᑫᐐᒌᐎᑯᔭᕽ ᑲᔦ ᒪᔥᑲᐎ ᐊᐯᓂᒧᐎᓐ᙮

22:17b.2TH.022.017 ᓂᐸᑯᓭᓂᒫ ᒋᒪᔥᑲᐌᑕᒥᐃᓀᒃ ᑲᔦ ᒋᒪᔥᑲᐎᓰᐃᓀᒃ ᑲᑭᓇ ᑫᑰᓐ ᒋᒥᓄᑑᑕᒣᒃ ᑲᔦ ᒋᒥᓄᑲᑭᑐᔦᒃ᙮

23

23:1b.2TH.023.001 ᒦᓇᐙ ᑕᔥ ᑭᑲᑴᒋᒥᓂᓂᒻ, ᑳᐐᒋᐅᑌᐺᑕᒨᒥᑰᔦᒃ, ᐊᓇᒥᐁᑕᒪᐎᔑᓈᒻ ᒋᒫᒌᔥᑳᒪᑲᓂᓂᒃ ᑳᑎᐯᒋᑫᒡ ᐅᑎᐹᒋᒧᐎᓐ, ᑲᔦᔥ ᒋᓂᑭᒋ ᐃᓀᒋᑳᑌᓂᒃ ᑖᐱᔥᑰ ᑲᔦ ᑮᓇᐙ ᐁᔑᑭᒋ ᐃᓀᑕᒣᒃ᙮

23:2b.2TH.023.002 ᑲᔦ ᒋᐸᐲᐃᔭᒥᓐᒡ ᐊᐊ ᑭᔐᒪᓂᑑ ᐁᑳ ᒋᐅᑎᓵᓯᐗᑭᑣ ᐃᑭ ᑳᓴᓇᑭᓯᐙᒡ, ᐃᑭ ᑲᔦ ᑳᒪᒋ ᐃᔑᐌᐱᓯᐙᒡ, ᐁᑳ ᑫᑰᓐ ᒋᑑᑕᐎᓯᔭᒥᑣ᙮ ᐋᓃᔥ ᑳᐐᓐ ᑲᑭᓇ ᐊᐎᔭ ᐅᑌᐺᑕᒧᐎᓂᓰ᙮

23:3b.2TH.023.003 ᑌᐺᐎᓂᐎ ᑕᔥ ᐊᐊ ᑳᑎᐯᒋᑫᒡ᙮ ᒦ ᐊᐌ ᑫᓲᑭᒪᔥᑲᐎᓰᐃᓀᒃ ᑲᔦ ᑫᒦᑖᑴᓇᒪᐎᓀᒃ ᐃᓂ ᒪᒋᐊᔭᐋᓐ᙮

23:4b.2TH.023.004 ᓂᑎᔑᐃᑯᓈᓐ ᐃᑕᔥ ᐊᐊ ᑳᑎᐯᒋᑫᒡ ᐁᐅᒋᑾᔭᑴᓂᒥᑰᔦᒃ, ᐋᔕ ᐁᑮᐱ ᐃᔑᒋᑫᔦᒃ ᑳᑮᐃᔑᐐᑕᒫᑰᔦᒃ ᑲᔦ ᑫᔮᐱ ᒋᐊᓂ ᐃᔑᒋᑫᔦᒃ᙮

23:5b.2TH.023.005 ᒫᓄ ᑕᔥ ᑳᑎᐯᒋᑫᒡ ᑭᑲᑭᑭᓄᐊᒫᑯᐙ ᐯᔑᑾᓐ ᐃᑯ ᒋᐃᔑᓵᑭᐃᐌᔦᒃ ᑖᐱᔥᑰ ᐐᓐ ᑭᔐᒪᓂᑑ ᐁᔑᒋᑫᒡ, ᑲᔦᔥ ᒋᐃᔑᒪᔥᑲᐌᑕᒣᒃ ᑖᐱᔥᑰ ᑫᐐᓐ X ᑳᑮᐃᔑᒪᔥᑲᐌᑕᕽ᙮

23:6b.2TH.023.006 ᑳᐐᒋᐅᑌᐺᑕᒨᒥᑰᔦᒃ! ᑭᑎᔑᑲᑳᓱᒥᑰᒻ ᐅᐐᓱᐎᓂᕽ ᑳᑎᐯᓂᒥᓇᕽ ᒋᓴᔅ X: ᑭᑲᒪᓈᐐᒌᐙᐙ ᐊᐌᓀᓐ ᐃᓴ ᑯ ᐅᑌᐺᑕᒧ ᑳᐐᒥᒋᐅᑖᒋᐃᑯᓯᒡ ᐁᓵᐱᐊᓄᑮᓯᒃ, ᐁᐱᓯᑕᓯᒃ ᐃᐃ ᑭᑭᓄᐊᒫᑎᐎᓐ ᑳᑮᐐᑕᒫᑰᔦᒃ᙮

23:7b.2TH.023.007 ᑮᓇᐙ ᐋᓃᔥ ᐌᐌᓂ ᑭᑭᑫᑖᒻ ᒋᓈᐱᒋᑫᔦᒃ ᑳᑮᐃᔑᐙᐸᒥᔮᕽ᙮ ᑳᐐᓐ ᐃᒫ ᓂᑮᑕᔑᑭᑎᒥᓰᒥᓐ ᑳᐃᔑᐊᔮᔦᒃ᙮

23:8b.2TH.023.008 ᑳᐐᓐ ᓂᑮᐐᒥᒋᐊᔕᒥᑰᓰᒥᓐ᙮ ᑲᔦ ᐁᑎᐱᑲᒃ ᑲᔦ ᐁᑮᔑᑲᒃ ᓂᑮᑭᒋᐊᓄᑮᒥᓐ, ᓃᓇᐎᓐᑦ ᓂᑮᐐᐋᐸᒋᑑᒥᓐ ᓂᑕᔨᔒᐎᓂᓈᓂᓐ ᐁᑳ ᐁᐐᑯᓯᑸᐃᑰᓯᐌᒃ᙮

23:9b.2TH.023.009 ᐋᓇᐐᓐ ᓂᑮᑌᐃᓀᑖᑯᓯᒥᓐ ᒋᑮᐸᒥᐃᔮᑭᐸᓐ, ᔖᑰᒡ ᐃᑕᔥ ᓂᑮᐊᓄᑮᑕᒫᓱᒥᓐ, ᑮᓇᐙ ᒋᑭᑭᓇᐙᐸᒥᔮᕽ ᑳᐃᓈᑎᓯᔮᕽ᙮

23:10b.2TH.023.010 ᒣᒀ ᓴ ᐁᑮᐐᒋᐊᔮᒥᑰᔦᒃ ᑭᑮᐃᔑᐊᔮᒀᒥᒥᑰᒻ: ᑮᔥᐱᓐ ᐊᐎᔭ ᐃᓀᑕᓯᒃ ᒋᐊᓄᑮᒡ, ᒫᓄ ᑳᐐᓐ ᑕᐐᓯᓂᓰ᙮

23:11b.2TH.023.011 ᐋᓃᔥ ᓂᓅᑖᒥᓐ ᐋᓂᑕ ᐁᐊᔮᔦᒃ ᑳᒥᒋᐊᔮᓂᓯᐱᒫᑎᓯᐙᒡ, ᐁᒥᒋᓅᒋᑕᒪᐙᐙᒡ ᐸᑳᓐ ᐊᐎᔭᓐ ᐅᑕᔨᑎᐎᓂᓂ᙮

23:12b.2TH.023.012 ᐅᑯ ᑎᓄ ᓂᑎᔑᑲᑳᓱᒫᓈᓂᒃ ᑳᑎᐯᒋᑫᓂᒡ ᒋᓴᔅ Xᑕᓐ, ᑯᔥᒀᐙᑎᓯᐎᓂᕽ ᒋᐃᓇᓄᑮᐙᒡ ᒋᐸᒥᐃᑎᓱᐙᒡ᙮

23:13b.2TH.023.013 ᑳᐐᒋᐅᑌᐺᑕᒨᒥᑰᔦᒃ! ᑫᑯ ᐴᓂᑑᑫᒃ ᑭᒥᓄᐊᓄᑮᐎᓂᐙ᙮

23:14b.2TH.023.014 ᑮᔥᐱᓐ ᐊᐎᔭ ᑳᐐᓀᐱᒋᐱᓯᑕᓯᒃ ᐅᓄᐌᓂᐗᓐ ᑳᐃᔥᐲᐊᒫᕽ, ᑭᑭᓇᐙᑌᓂᒥᒃ ᐊᐊ ᐁᑎᓄᐎᒡ᙮ ᑫᑯ ᐐᒋᐋᑫᒃ, ᒋᐊᑲᒋᐃᑯᒡ ᐅᑎᔑᒋᑫᐎᓐ᙮

23:15b.2TH.023.015 ᑫᑯ ᐐᓐ ᐃᔑᓇᐙᑫᒃ ᒋᔒᑫᓂᒣᒃ, ᐋᒋᑯ ᑭᑲᑲᑮᑭᒫᐙ, ᑮᒋᔖᓂᐙ ᒋᐃᓇᑭᒣᒃ᙮

23:16b.2TH.023.016 ᐊᐊ ᑳᑎᐯᒋᑫᒡ ᑳᓂᑖ ᒦᑭᐌᒡ ᑯᔥᒀᐙᑌᑕᒧᐎᓐ, ᐐᓐ ᐃᑯ ᑎᐱᓇᐌ ᑭᑲᒦᓂᑯᐙ ᒨᔕᒃ, ᐋᓃᓂᑯ ᐁᔑᐌᐱᓯᕽ᙮ ᑳᑎᐯᒋᑫᒡ ᑲᑭᓇ ᑭᑲᐐᒌᐎᑯᐙ᙮

23:17b.2TH.023.017 ᓃᓐ ᐃᑯ ᑎᐱᓇᐌ ᓂᓂᓐᒡ ᓂᑖᐸᒋᑑᓐ ᐁᐅᔑᐲᐊᒫᓐ ᐅᐅ: ᓃᓐ ᑆᓬ ᑭᐴᔔᐃᓂᓂᒻ᙮ ᒦ ᑯ ᐃᐌ ᐁᔑᐲᐃᑫᔮᓐ᙮

23:18b.2TH.023.018 ᐅᔕᐌᒋᑫᐎᓐ ᑳᑎᐯᓂᒥᓇᕽ ᒋᓴᔅ X ᒥᒋᑲᑭᓇ ᑭᑲᐊᔑᒋᐐᒌᐎᑯᒻ᙮