1 Thessalonians (Ojibwa)

11

11:1b.1TH.011.001 ᓃᓇᐎᓐᑦ ᐅᐅᐌ ᓂᑑᔑᐲᐃᑲᓂᓈᓐ ᑆᓬ, ᓵᐃᓬᐊᔅ, ᑎᒪᑎ ᙮ ᑭᑑᔑᐲᐊᒫᑰᒻ ᑮᓇᐙ ᐅᑌᐺᑕᒨᒃ ᑳᒫᐗᒋᐊᓇᒥᐋᔦᒃ ᐃᐃᒫ ᑌᓴᓬᐊᓇᐃᑳᐎ ᐆᑌᓈᕽ ᐁᔮᔦᒃ, ᒥᓂᒃ ᑳᐐᒌᐎᓀᒃ ᑭᔐᒪᓂᑑ ᑳᐅᔫᓯᒥᓐᒡ, ᑲᔦ ᑳᑎᐯᒋᑫᒡ ᒋᓴᔅ X᙮ ᑭᑲᐙᐸᑕᒧᐙᒻ ᐅᑭᔐᐙᑎᓯᐎᓐ, ᐅᐱᓵᓂᓯᐎᓐ ᑲᔦ᙮

11:2b.1TH.011.002 ᒨᔕᒃ ᓂᒦᑴᒋᐎᐋᓈᓐ ᑭᔐᒪᓂᑑ ᐁᒫᒥᑴᓂᒥᑰᔦᒃ ᐁᐊᓇᒥᐋᔮᕽ᙮

11:3b.1TH.011.003 ᔑᑾᔥ ᐊᐲ ᑯ ᐁᐊᓇᒥᐁᑕᐗᑭᒡ ᑭᔐᒪᓂᑑ ᑳᐅᔫᓯᒪᕽ, ᒨᔕᒃ ᓂᒫᒥᑴᑖᒥᓐ ᐃᐃᐌ ᑳᐅᒋ ᐃᔑᒋᑫᔦᒃ ᐁᐅᑌᐺᑕᒧᐎᓂᔦᒃ, ᑲᔦ ᐁᐅᒋᑭᒋᐊᓄᑮᔦᒃ ᓵᑭᐃᐌᐎᓂᕽ, ᑲᔦ ᑕᔥ ᐁᐅᒋᔕᔒᐯᑕᒣᒃ, ᐗᐐᑫ ᐁᑫᒋᓈᐅᔦᒃ ᐁᐐᐱᑕᑯᔑᕽ ᐊᐊ ᑳᑎᐯᓂᒥᓇᕽ ᒋᓴᔅ X᙮

11:4b.1TH.011.004 ᑳᐐᒋᐅᑌᐺᑕᒨᒥᑰᔦᒃ! ᑭᑭᑫᓂᒥᑰᒻ ᐁᓵᑭᐃᓀᒃ ᑭᔐᒪᓂᑑ ᐁᑮᐅᓈᐸᒥᓀᒃ᙮

11:5b.1TH.011.005 ᐃᓇᔥᑫ ᓴ ᐁᑮᐱ ᐃᔑᐐᑕᒫᑰᔦᒃ ᒥᓍᒋᒧᐎᓐ, ᑳᐐᓐ ᐁᑕ ᓂᑑᓂᓈᓂᕽ ᑭᑮᐱ ᐃᔑᑲᑲᓅᓂᑰᓰᒻ᙮ ᐃᐃᐌ ᐋᓃᔥ ᐅᒪᔥᑲᐎᓰᐎᓐ ᑭᔐᒪᓂᑑ ᓂᑮᐐᒋᐃᑯᒥᓐ, ᑭᔐᒪᓂᑑ ᐅᑕᒑᑾᓐ ᐁᑮᐃᔑᐊᓄᑮᓂᒡ, ᐗᐐᑫ ᐁᑮᑫᒋᓈᐁᑕᒫᕽ ᐁᑌᐺᑕᒫᕽ ᒥᓍᒋᒧᐎᓐ᙮ ᑫᑮᓇᐙ ᑭᑭᑫᓂᒥᓈᒻ ᐋᓃᓐ ᐁᔑᒥᓄᐱᒫᑎᓯᔮᕽ ᒥᓂᑭᑯ ᑳᑮᐐᒋᑖᒥᑰᔦᒃ, ᑮᓇᐙ ᑯ ᐁᑮᐅᒋ ᐃᔑᒋᑫᔮᕽ᙮

11:6b.1TH.011.006 ᓃᓇᐎᓐᑦ ᑭᑮᓈᓈᐱᓇᐎᓈᒻ ᐁᔑᐱᒫᑎᓯᔮᕽ, ᑲᔦ ᑭᑮᓈᐱᒋᑫᐙᒻ ᑳᑎᐯᒋᑫᒡ ᑳᑮᐃᔑᒥᓄᒋᑫᒡ᙮ ᔑᑾ ᐋᓇᐐᓐ ᐁᑮᑭᒋᑲᒀᑕᑭᑑᔦᒃ, ᐌᔩᑉ ᑭᑮᐅᑖᐱᓈᓈᐙ ᐃᐃᐌ ᑳᐃᔑᐐᑕᒫᑰᔦᒃ, ᑭᔐᒪᓂᑑ ᐅᑕᒑᑾᓐ ᐁᑮᐅᒌᒌᑫᑕᒧᔥᑳᑰᔦᒃ᙮

11:7b.1TH.011.007 ᒦᑕᔥ ᑳᑮᐅᒋ ᑭᑭᓇᐙᑌᓂᒥᓀᒀ ᑲᑭᓇ ᐊᐎᔭ ᐅᑌᐺᑕᒨᒃ, ᒥᓂᒃ ᐃᐃᒫ ᒫᓯᑑᓂᔮᐗᑮᕽ ᑳᐊᔮᐙᒡ ᑲᔦ ᐊᑫᔮᐗᑮᕽ ᙮

11:8b.1TH.011.008 ᑮᓇᐙ ᐋᓃᔥ ᑮᐅᒋᓅᑖᑾᓂᓂ ᑳᑎᐯᒋᑫᒡ ᐅᑎᐹᒋᒥᑰᐎᓐ, ᑳᐐᓐ ᐃᑕᔥ ᐁᑕ ᐃᒫ ᒫᓯᑑᓂᔮᐗᑮᕽ ᑲᔦ ᐊᑫᔮᐗᑮᕽ ᒋᐃᔑᓅᑖᑾᒃ᙮ ᐋᔕ ᒥᓯᐌ ᑮᐃᔑᓅᑖᑳᓂᐗᓐ ᐁᔑᑌᐺᑕᐌᒃ ᑭᔐᒪᓂᑑ᙮ ᑳᐐᓐ ᒣᒬᒡ ᓃᓇᐎᓐᑦ ᓂᐐᑕᒪᐙᓯᐙᓈᓂᒃ ᐊᐎᔭᒃ ᐁᔑᐌᐱᓯᔦᒃ᙮

11:9b.1TH.011.009 ᐐᓇᐙ ᑯ ᑲᑭᓇ ᑭᑕᔑᒥᑯᐙᒃ ᐋᓃᓐ ᐁᔑᐲᑎᑲᔑᔮᕽ ᐊᐲ ᑲᑮᑮᔫᑕᒥᑰᔦᒃ, ᑲᔦ ᐋᓃᓐ ᑳᔑᑴᑫᑕᒣᒃ ᐁᑮᐃᔑᐌᐱᓀᒀ ᒪᓂᑑᑳᓇᒃ, ᐁᑮᑌᐺᑕᐌᒃ ᑭᔐᒪᓂᑑ, ᐁᑮᐐᐊᓄᑮᑕᐌᒃ᙮ ᒦ ᐊᐌ ᑭᔐᒪᓂᑑ ᐁᑌᐺᐎᓂᐎᒡ ᑲᔦ ᐁᐱᒫᑎᓯᐎᓂᐎᒡ᙮

11:10b.1TH.011.010 ᑭᑎᐹᒋᒥᑯᐙᒃ ᑲᔦ ᐁᐊᔕᐙᐸᒥᒣᒃ ᑭᔐᒪᓂᑑ ᐅᑯᓯᓴᓐ, ᑭᒋᑮᔑᑯᕽ ᒋᐱᐅᒋᓈᑯᓯᓂᒡ, ᒦ ᐊᐌ ᒋᓴᔅ ᐌᑯᓯᓯᒫᐎᒡ, ᐊᐊᐌ ᑳᑮᑮᐌᐱᒫᑎᓯᐃᑯᒡ ᑭᔐᒪᓂᑑᓐ ᑮᐃᔥᒀᓂᐳᒡ᙮ ᒦ ᐊᐌ ᒋᓴᔅ ᑳᔖᐾᐃᓇᕽ ᐁᑳ ᒋᐸᑕᑯᔥᑳᑯᓯᐗᕽ ᑭᔐᒪᓂᑑ ᐅᓂᔥᑳᑎᓯᐎᓐ ᑳᐐᐱᑕᑯᔑᓅᒪᑲᓂᓂᒃ᙮

12

12:1b.1TH.012.001 ᑳᐐᒋᐅᑌᐺᑕᒨᒥᑰᔦᒃ, ᑮᓇᐙ ᑭᑭᑫᑖᓈᐙ ᐁᑳ ᐊᓂᔖ ᐁᑮᐱ ᐃᔑᑮᔫᑕᒥᑰᓯᐌᒃ᙮

12:2b.1TH.012.002 ᑲᔦ ᑭᑭᑫᓂᒥᓈᒻ ᐋᓃᓐ ᑳᐃᔑᐌᐱᓯᔮᕽ ᒋᑆ ᐱᐅᑎᓯᑰᔦᒃ, ᐌᑎ ᑳᑮᐃᔖᔮᕽ ᐱᓬᐃᐹᐃ ᐆᑌᓈᕽ, ᐃᐃᒫ ᑳᑮᐃᔑᑲᒀᑕᑭᐃᑰᔮᕽ, ᐁᑮᐊᑲᒋᐌᑖᑾᒃ ᑳᑑᑖᑰᔮᕽ᙮ ᐊᐲ ᑕᔥ ᐯᐅᑎᓯᑰᔦᒃ ᐃᐃᒫ ᑌᓴᓬᐊᓇᐃᑳᕽ, ᑫᔮᐱ ᓲᑭᑌᐁᐎᓐ ᓂᑮᒦᓂᑯᓈᓐ ᑭᔐᒪᓂᑑ᙮ ᐋᓇᐐᓐ ᐁᑮᑲᑴᐗᓂᔥᑴᐃᔭᒥᑣ ᓃᐱᐗᐞ ᐊᐎᔭᒃ, ᒫᓄ ᑭᑮᑭᒋᐐᑕᒫᑰᒻ ᑭᔐᒪᓂᑑ ᐅᒥᓍᒋᒧᐎᓐ᙮

12:3b.1TH.012.003 ᑳᐐᓐ ᐋᓃᔥ ᑲᑮᓇᐎᔥᑭ ᑭᑭᓄᐊᒫᑫᐎᓐ ᓂᑮᑌᐺᑕᓰᒥᓐ ᒋᐅᒋᑲᑮᑴᓄᑕᒫᕽ᙮ ᑳᐐᓐ ᑲᔦ ᐁᑳ ᑳᐯᑫᑖᑾᓯᓄᒃ ᓂᑑᒋᑲᑮᑭᒥᐌᓰᒥᓐ᙮ ᑳᐐᓐ ᑲᔦ ᓂᐗᔦᔑᒫᓯᐙᓈᓂᒃ ᐊᐎᔭᒃ᙮

12:4b.1TH.012.004 ᐐᓐ ᐃᑕᔥ ᐐᓐ ᑭᔐᒪᓂᑑ ᓂᑮᒥᓍᐸᒥᑯᓈᓐ – ᒦ ᐊᐌ ᐁᑮᐸᒥᓇᒧᐃᔭᒥᓐᒡ ᐃᐃ ᒥᓍᒋᒧᐎᓐ ᒋᐐᑕᒫᑫᔮᕽ᙮ ᒦᑕᔥ ᐅᐌ ᐁᔑᑮᑭᑐᔮᓐ᙮ ᑳᐐᓐ ᓂᑮᐐᑲᑴ ᓇᓇᐁᑕᒥᐋᓯᐙᓈᓂᒃ ᐃᑭ ᑳᑲᑲᓅᓇᑭᑣ᙮ ᓇᐗᒡ ᐐᓐ ᑭᔐᒪᓂᑑ ᓂᐐᓇᓇᐁᑕᒥᐋᓈᓐ᙮ ᒦ ᐊᐌ ᓂᑎᓀᑕᒧᐎᓂᓈᓂᕽ ᑳᐅᒋᑯᒋᐃᔭᒥᓐᒡ᙮

12:5b.1TH.012.005 ᔑᑾ ᑭᑭᑫᓂᒥᓈᒻ ᐋᓃᓐ ᑳᑮᐃᔑᒋᑫᔮᕽ: ᑳᐐᓐ ᐐᑳ ᑭᑮᒥᒋᒪᒣᓍᓱᒥᑰᓰᒻ ᒋᐅᒋᑲᔥᑭᒥᑰᔦᒃ᙮ ᑳᐐᓐ ᐯᑭᔥ ᑭᑮᐱᒥᓴᐌᑕᒫᑰᓰᒻ ᑫᑰᓐ ᐁᐱᑲᓅᓂᑰᔦᒃ᙮ ᑭᔐᒪᓂᑑ ᓂᐙᐸᒥᑯᓈᓐ ᐁᑌᐺᔮᕽ᙮

12:6b.1TH.012.006 ᔑᑾ ᑳᐐᓐ ᑭᑮᐱᑲᑴᑲᔥᑭᒥᑰᓰᒻ ᒋᒥᓍᒋᒥᔮᕽ, ᑳᐐᓐ ᑲᔦ ᐯᑳᓂᓯᐙᒡ ᓂᑮᐊᑕᐌᓂᒫᓯᐙᓈᓂᒃ ᒋᒪᒥᓍᒋᒥᔭᒥᑣ᙮

12:7b.1TH.012.007 ᓃᓇᐎᓐᑦ X ᐅᑎᔑᓂᔕᐙᑲᓇᐞ᙮ ᓂᑌᐃᓀᑖᑯᓯᒥᓐ ᒋᑮᐃᑰᔦᑭᐸᓐ, ᒦᔑᔑᓈᒻ ᑫᑰᓐ, ᑲᔦ ᑭᒋ ᐃᓀᓂᒥᔑᓈᒻ, ᒋᑮᐃᑰᔦᑭᐸᓐ᙮ ᑳᐐᓐ ᐃᑕᔥ ᓂᑮᐃᔑᒋᑫᓰᒥᓐ ᐃᐃᐌ᙮ ᐃᓇᔥᑫ ᐊᐎᔭ ᐃᑴ ᑳᓅᓈᐗᓱᒡ, ᑭᒋᐌᐌᓂ ᐁᔑᑲᓇᐌᓂᒫᐗᓱᒡ, ᒦ ᐯᔑᑾᓐ ᑲᔦ ᓃᓇᐎᓐᑦ ᑭᑮᐃᔑᑲᓇᐌᓂᒥᑰᒻ ᐁᑮᐐᒌᐎᑰᔦᒃ, ᓅᑳᒡ ᐁᑮᐃᔑᑲᓅᓂᑰᔦᒃ᙮

12:8b.1TH.012.008 ᑳᐐᓐ ᓂᑮᐃᓀᑕᓰᒥᓐ ᐁᑕ ᒋᐐᑕᒫᑰᔦᒃ ᑭᔐᒪᓂᑑ ᐅᒥᓍᒋᒧᐎᓐ᙮ ᑳᐐᓐ ᐃᑯᑕᓄ ᒋᐅᒋᐸᑭᑎᓇᒫᕽ ᓂᐱᒫᑎᓯᐎᓂᓈᓂᓐ ᐃᐃᐌ ᐁᐲᒋᓵᑭᐃᑰᔦᒃ᙮

12:9b.1TH.012.009 ᑳᐐᒋᐅᑌᐺᑕᒨᒥᑰᔦᒃ, ᑫᒋᓈᒡ ᑭᒫᒥᑲᐎᓄᑕᐎᓈᒻ ᐁᔑᑭᒋᐊᓄᑮᔮᕽ ᒣᒀ ᐁᑮᐐᒋᐊᔮᒥᑰᔦᒃ, ᐁᑮᐅᒋᒑᑮᐃᑎᓱᔮᕽ᙮ ᐁᑮᔑᑲᒃ, ᐁᑎᐱᑲᒃ ᓂᑮᐊᓄᑮᑕᒫᓱᒥᓐ ᐁᑲᑴᑲᔥᑭᑕᒫᓱᔮᕽ ᑫᐋᐸᒋᑑᔮᕽ᙮ ᑳᐐᓐ ᐋᓃᔥ ᓂᑮᐃᓀᑕᓰᒥᓐ ᐗᑭᒐᔭᐄ ᒋᓂᑯᓯᑸᐃᑰᔦᒃ ᒣᒀ ᐁᐐᑕᒫᑰᔦᒃ ᑭᔐᒪᓂᑑ ᐅᒥᓍᒋᒧᐎᓐ᙮

12:10b.1TH.012.010 ᑮᓇᐙ ᑭᑮᐃᔑᐙᐸᒥᓈᒻ ᐁᓈᑎᓯᔮᕽ᙮ ᑭᔐᒪᓂᑑ ᑲᔦ ᓂᑮᐙᐸᒥᑯᓈᓐ᙮ ᒣᒀ ᐁᑮᐐᒋᐊᔮᒥᑰᔦᒃ ᒥᓯᐌ ᓂᑮᑲᑴ ᑾᔭᑯᒋᑫᐋᓈᓐ ᑭᔐᒪᓂᑑ, ᑲᔦ ᓂᑮᑾᔭᒀᑎᓯᒥᓐ᙮ ᑳᐐᓐ ᑫᑰᓐ ᓂᑮᐃᔑᒋᑫᓰᒥᓐ ᑫᑮᐅᒋ ᐊᓈᒣᓂᒥᑰᔮᑭᐸᓐ᙮

12:11b.1TH.012.011 ᑭᑮᐃᔑᑑᑖᑰᒻ ᐁᑕᓱᐯᔑᑯᔦᒃ ᑖᐱᔥᑰ ᐃᓂᓂ ᑳᐅᑌᑌᒫᐎᒡ ᑳᑑᑕᐙᒡ ᐅᓃᒑᓂᓴᐞ᙮

12:12b.1TH.012.012 ᑭᑮᐋᔩᓱᒥᑰᒻ, ᑭᑮᑳᑮᓱᒥᑰᒻ, ᐌᐌᓂ ᑭᑮᐃᑰᒻ ᒋᑲᑴᒥᓄᐃᔑᐌᐱᓯᔦᒃ, ᒋᑲᑴᓇᓇᐁᑕᒥᐁᒃ ᑭᔐᒪᓂᑑ᙮ ᒦ ᐋᓃᔥ ᐊᐊᐌ ᑳᐊᑐᒥᓀᒃ ᒋᐅᑑᑭᒫᒥᔦᒃ ᑲᔦ ᒋᐙᐸᑕᒧᐌᒃ ᐅᑭᒋᐅᓂᔑᔑᐌᑖᑯᓯᐎᓂᕽ ᐃᐃᒫ ᐁᑕᔑᑭᒫᐎᒡ᙮

12:13b.1TH.012.013 ᐅᐅᐌ ᑕᔥ ᑲᔦ ᒨᔕᒃ ᓂᑑᒋᒦᑴᒋᐎᐋᓈᓐ ᑭᔐᒪᓂᑑ᙮ ᐊᐲ ᐯᐐᑕᒫᑰᔦᒃ ᐅᐅ ᑭᔐᒪᓂᑑ ᐅᑎᑭᑐᐎᓐ, ᑭᑮᐅᑖᐱᓈ ᐁᑮᓅᑕᒣᒃ᙮ ᑳᐐᓐ ᑭᑮᐃᓂᑕᓰ ᐃᓂᓃᓈᕽ ᐁᐅᒌᒪᑲᒃ᙮ ᑭᑮᐃᔑᐅᑖᐱᓈᒻ ᑳᑮᐐᑕᒫᑰᔦᒃ ᑭᔐᒪᓂᑑ ᐅᑎᑭᑐᐎᓐ ᐁᐋᐗᓂᓂᒃ, ᒦ ᐃ ᑌᐺ ᑳᑎᓄᐗᓂᓂᒃ᙮ ᑲᔦ ᒪᔮ ᑳᐊᓄᑮᒪᑲᓂᓂᒃ ᐁᑌᐺᑕᒣᒃ ᐁᐅᒋᐋᒋᐱᒫᑎᓯᔦᒃ᙮

12:14b.1TH.012.014 ᑳᐐᒋᐅᑌᐺᑕᒨᒥᑰᔦᒃ, ᐯᔑᑾᓐ ᑭᑮᐃᔑᐌᐱᓯᒻ ᑖᐱᔥᑰ ᑳᑮᐃᔑᐌᐱᓯᐙᒡ ᐅᑌᐺᑕᒨᒃ ᐃᐃᒫ ᒎᑏᔮᐎ ᐊᑮᕽ ᑳᐊᔮᐙᒡ, ᒦᐗᑭᑭ ᐯᐸᑳᓐ ᐊᔮᐎᓂᕽ ᑳᒫᐗᒋᐊᓇᒥᐁᑕᐙᐙᒡ ᑭᔐᒪᓂᑑᓐ, ᐁᑌᐺᑕᐙᐙᒡ X ᒋᓴᓲᓐ᙮ ᐋᓃᔥ ᑫᑮᓇᐙ ᑭᑌᐺᑕᒧᐎᓂᐙ ᑭᑮᐅᒌᑳᑯᐙᒃ ᐃᑭ ᑭᐐᒋᐅᒌᒫᑲᓂᐙᒃ ᑌᓴᓬᐊᓇᐃᑳᕽ, ᑖᐱᔥᑰ ᐐᓇᐙ ᒎᑏᔮᐎ ᐊᑮᕽ ᑳᑮᐃᔑᐅᒌᑳᑯᐙᒡ ᐃᐃ ᒎᐗᐞ᙮

12:15b.1TH.012.015 ᒦ ᐋᓃᔥ ᐅᑯ ᑎᓄ ᒎᐗᒃ ᑳᑮᓂᓵᐙᐸᓐ ᐃᐃ ᑭᔐᒪᓂᑑᓐ ᐅᑎᐹᒋᒧᐎᓂᓃᒥᐸᓃᐞ᙮ ᑲᔦ ᐅᑮᓂᓵᐙᓐ ᐃᓂ ᒋᓴᓲᓐ ᐃᓂ ᑳᑎᐯᒋᑫᓂᒡ ᐁᐋᐎᓂᒡ᙮ ᔑᑾ ᑫᓃᓇᐎᓐᑦ ᓂᑮᐅᒌᑳᑯᓈᓂᒃ ᓂᑲᑮᑴᐎᓂᓈᓐ᙮ ᑳᐐᓐ ᐅᓀᐱᒋᒥᓉᑕᒥᐋᓯᐙᐙᓐ ᑭᔐᒪᓂᑑᓐ᙮ ᐅᒦᐌᓂᒫᐙᐞ ᑲᑭᓇ ᐯᒫᑎᓯᓂᒡ᙮

12:16b.1TH.012.016 ᐃᓇᔥᑫ ᓴ, ᓂᑮᐅᒋᐃᑯᓈᓂᒃ ᐃᑭ ᒎᐗᒃ: ᑫᑯ ᑲᑮᑭᒫᑫᒀᓂᒃ ᐃᑭ ᑳᒎᐎᐎᓯᒀ, ᓂᑮᐃᑯᓈᓂᒃ, ᐁᑳ ᐁᐃᓀᓂᒫᓯᒀ ᐯᑳᓂᓯᓂᒡ ᐊᐎᔭᐞ ᒋᐱᒫᑎᓯᓂᒡ᙮ ᒨᔕᒃ ᑮᓂᑖᒪᒋᑑᑕᒨᒃ ᐅᑯᐌᓂᐗᒃ, ᐲᓂᔥ ᐅᐅ ᓅᑯᒻ ᒫᐗᒡ ᐁᐊᓂᐅᒻᐺᔩᒪᑲᓂᓂᑭᓐ ᐅᒪᒋᑑᑕᒧᐎᓂᐙᓐ᙮ ᒦ ᐃ ᑫᑲᐲ ᑳᐅᒋᐸᑕᑯᔥᑳᑯᐙᒡ ᐃᐃ ᑭᔐᒪᓂᑑ ᐅᓂᔥᑳᑎᓯᐎᓐ!

12:17b.1TH.012.017 ᐅᐅᐌ ᑕᔥ ᑲᔦ ᑭᐐᑕᒫᑰᒻ, ᑳᐐᒋᐅᑌᐺᑕᒨᒥᑰᔦᒃ: ᑳᐐᓐ ᓃᓇᐎᓐᑦ ᑭᑮᐴᓀᓂᒥᑰᓰᒻ ᐃᐃ ᐊᐲ ᐊᒋᓇ ᐁᑮᐸᑫᐎᓂᑰᔦᒃ᙮ ᓂᐐᔭᐎᓈᓂᕽ ᐁᑕ ᑭᑮᐸᑫᐎᓂᑰᒻ᙮ ᑭᑮᐊᑕᐌᓂᒥᑰᒻ ᒦᓇᐙ ᒋᐙᐸᒥᑰᔦᒃ, ᐙᐐᑫ ᐁᑮᒣᑕᓴᐌᓂᒥᑰᔦᒃ᙮

12:18b.1TH.012.018 ᑌᐺ ᓂᑮᐊᑕᐌᑖᒥᓐ ᒋᐱᑮᔫᑕᒥᑰᔦᒃ᙮ ᓃᓐ ᑆᓬ ᒨᔕᒃ ᓃᓐ ᐃᑯ ᓂᑖᓇᐐᑲᑴᐃᔖ᙮ ᐊᐊ ᑕᔥ ᓭᑕᓐ ᓂᑮᐗᓂᔥᑴᐃᑯᓈᓐ ᐁᑳ ᒋᐃᔖᓯᐙᕽ᙮

12:19b.1TH.012.019 ᑮᓇᐙ ᓴ ᐃᑭ ᒪᔮ ᑳᑫᒋᓈᐁᓂᒪᑭᑣ ᐁᐅᑌᐺᑕᒧᐎᓂᐙᒡ, ᑮᓇᐙ ᓴ ᑯ ᑳᐅᒋᑭᒋᒥᓉᑕᒫᕽ, ᑮᓇᐙ ᓴ ᑫᐅᒋᐙᐎᔐᑕᒫᕽ ᓂᐸᑭᓈᑫᐎᓂᓈᓐ ᐹᓂᒫ ᐙᐸᒪᑭᒡ ᑕᑯᔑᕽ ᑳᑎᐯᒋᑫᒡ ᒋᓴᔅ᙮

12:20b.1TH.012.020 ᑌᐺ ᑮᓇᐙ ᑭᐙᐎᔐᓂᒥᑰᒻ, ᑮᓇᐙ ᑭᑭᒋᒥᓉᑕᒥᐃᓈᒻ!

13

13:1b.1TH.013.001 ᐅᓵᒻ ᐃᑕᔥ ᑭᑮᑸᓄᒥᑰᒻ ᐁᑮᓅᑕᓯᐙᕽ ᐋᓃᓐ ᐁᔑᐊᔮᔦᒃ᙮ ᒦᐃ ᑳᐅᒋᑮᔐᑕᒫᕽ ᓃᓀᑕᐎᓐᑦ ᐃᐃᒫ ᐋᑎᓰᐎ ᐆᑌᓈᕽ ᒋᐃᔥᑸᔮᕽ᙮

13:2b.1TH.013.002 ᐊᐊ ᑕᔥ ᑎᒪᑎ ᑭᑮᐃᔑᓂᔕᐊᒫᑰᒻ ᒋᒫᐗᑎᓯᓀᒃ᙮ ᓃᒋᑭᐌᓈᓐ ᓂᑎᓀᓂᒫᓈᓐ, ᑲᔦ ᐅᐐᑑᑲᐙᓐ ᑭᔐᒪᓂᑑᓐ ᐁᐐᑕᒫᑫᒡ ᐃᐃᐌᓂ ᐅᒥᓍᒋᒧᐎᓂᓂ Xᑕᓐ᙮ ᒦ ᐃᐌ ᒋᐋᔩᓱᒥᓀᒃ ᑳᑮᐅᒋᒪᐗᑎᓯᓀᒃ ᑲᔦ ᒋᒪᔥᑲᐎᑳᐸᐎᔦᒃ ᑭᑌᐺᔦᑕᒧᐎᓂᐙᕽ᙮

13:3b.1TH.013.003 ᑳᐐᓐ ᓂᑮᐊᑕᐌᑕᓰᒥᓐ ᐯᔑᒃ ᑳᑕᔑᔦᒃ ᒋᐋᓇᐌᒋᑫᒡ ᐅᓵᒻ ᐁᐅᒌᑭᑲᓂᐎᒡ ᐅᑌᐺᑕᒧᐎᓐ᙮ ᐃᓇᔥᑫ ᓴ ᑮᓇᐙ ᑭᑭᑫᑖᒻ ᒦ ᐅᐌ ᑳᐃᓀᓂᒥᓇᕽ ᐊᐊ ᑭᔐᒪᓂᑑ, ᒋᐅᒌᑳᑰᔭᕽ ᑭᑌᐺᑕᒧᐎᓂᓈᓐ᙮

13:4b.1TH.013.004 ᐋᓃᔥ ᒣᒀ ᐁᑮᐐᒋᐊᔮᒥᑰᔦᒃ, ᑮᔖᒡ ᑭᑮᐐᑕᒫᑰᒻ: ᑭᑲᐅᒌᑳᑰᒻ ᐅᐅ ᑭᑌᐺᔦᑕᒧᐎᓂᓈᓐ, ᑭᑮᐃᑰᒻ᙮ ᔑᑾ ᑭᑭᑫᑖᒻ ᒦ ᐃᐌ ᒪᔮ ᑳᑮᐃᔑᐌᐱᓯᔦᒃ᙮

13:5b.1TH.013.005 ᒦ ᐅᐌ ᑳᑮᐅᒋ ᐃᔑᓂᔕᐊᒪᐎᓇᑰᒃ ᐊᐊ ᑎᒪᑎ: ᓂᑮᐐᐋᑯᑭᑫᑖᓐ ᑮᔥᐱᓐ ᑫᔮᐱ ᐁᐅᑌᐺᑕᒧᐎᓂᐌᑴᓐ᙮ ᒫᑭᔖ ᐅᑮᑲᑴᐗᓈᐃᑯᐙᓐ ᐃᓂ ᓭᑕᓇᓐ, ᑭᑮᐃᓀᓂᒥᓂᓂᒻ᙮ ᑮᔥᐱᓐ ᐋᓇᐌᒋᑫᔦᑭᐸᓐ, ᒦ ᐊᓂᔖ ᒋᑮᐊᓄᑮᔮᑭᐸᓐ᙮

13:6b.1TH.013.006 ᐋᔕ ᑕᔥ ᓂᑮᐱᑮᐌᐅᑎᓯᑯᓈᓐ ᐊᐊ ᑎᒪᑎ, ᐁᑮᐃᔖᒡ ᑳᐃᔑᐊᔮᔦᒃ᙮ ᑭᑎᐹᒋᒥᑯᐙ ᑫᔮᐱ ᐁᔑᑌᐺᔦᑕᒣᒃ ᑲᔦ ᐁᔑᓵᑭᐃᑎᔦᒃ᙮ ᔑᑾ ᓂᐐᑕᒫᑯᓈᓐ ᐁᒥᓄᒫᒥᑴᓂᒥᔮᕽ ᑲᔦ ᐁᐐᓅᑌᐙᐸᒥᔮᕽ, ᒦ ᐯᔑᑾᓐ ᑫᓃᓇᐎᓐᑦ ᐁᔑᐊᑕᐌᑕᒫᕽ ᒋᐙᐸᒥᑰᔦᒃ᙮

13:7b.1TH.013.007 ᑳᐐᒋᐅᑌᐺᑕᒨᒥᑰᔦᒃ, ᐊᐲ ᑯ ᒣᒋᓭᔮᕽ ᐁᑲᑾᑕᑭᐃᑰᔭᕽ, ᒦ ᐃᒫ ᐌᒋᓭᒃ ᓂᓱᑭᑌᐁᐎᓂᓈᓐ, ᐁᒥᑴᓂᒥᑰᔦᒃ ᐁᔑᑌᐺᑕᒣᒃ᙮

13:8b.1TH.013.008 ᐗᐐᑫ ᓴ ᑯ ᓅᑯᒻ ᓂᑑᒋᒥᓄᓭᒥᓐ ᓂᐱᒫᑎᓯᐎᓂᓈᓂᕽ ᐁᑭᑫᓂᒥᑰᔦᒃ ᐁᓲᑭᑌᐺᑕᐌᒃ ᐊᐊ ᑳᑎᐯᒋᑫᒡ᙮

13:9b.1TH.013.009 ᐋᓃᓐ ᐁᐲᒋᒦᑴᒋᐎᐊᑭᒡ ᑭᔐᒪᓂᑑ ᑮᓇᐙ ᐅᒋ! ᐋᓃᓐ ᑫᔑᓇᓈᑯᒪᑭᒡ ᐃᐃ ᒥᓂᒃ ᒌᑫᑕᒧᐎᓐ ᐁᔑᒨᔑᑑᔮᕽ ᐁᒥᑴᓂᒥᑰᔦᒃ ᐁᑲᓅᓇᑭᒡ?

13:10b.1TH.013.010 ᑕᓱᑮᔑᒃ ᑲᔦ ᑕᓱᑎᐱᒃ ᐗᐐᑫ ᓂᑎᔑᐸᑯᓭᑖᒥᓐ ᒋᐅᑎᓵᐸᒥᑰᔦᒃ ᐱᒌᓇᒃ, ᑲᔦ ᒋᓇᑭᓇᒫᑰᔦᒃ ᑭᑌᐺᔦᑕᒧᐎᓂᐙᕽ ᐋᓃᓂᑯ ᑳᐃᔑᓅᑌᓭᔦᒃ᙮

13:11b.1TH.013.011 ᒫᓄ ᓂᑲᐃᔑᐎᓂᑯᓈᓐ ᒋᐅᑎᓯᑰᔦᒃ, ᒦ ᐃ ᐁᔑᐸᑯᓭᓂᒪᑭᑣ ᑳᐅᔫᓯᒪᕽ ᑭᔐᒪᓂᑑ ᑲᔦ ᒋᓴᔅ ᑳᑎᐯᓂᒥᓇᕽ᙮

13:12b.1TH.013.012 ᑳᑎᐯᒋᑫᒡ ᒫᓄ ᑭᑲᒦᓂᑯᐙ ᐊᐗᔑᒣ ᒋᒫᒌᔥᑳᒪᑲᓂᓂᒃ ᑭᓵᑭᐃᑎᐎᓂᐙ ᑲᔦ ᑲᑭᓇ ᐯᒫᑎᓯᐙᒡ ᒋᓵᑭᐁᒀ, ᑖᐱᔥᑰ ᑫᓃᓇᐎᓐᑦ ᐁᔑᓵᑭᐃᑰᔦᒃ᙮

13:13b.1TH.013.013 ᐲᓂᔥ ᒋᒪᔥᑲᐎᓰᐃᓀᒃ ᑭᑌᐃᐙᕽ, ᐁᑳ ᑫᑰᓐ ᒋᐃᔑᐊᔮᓯᐌᒃ, ᑭᔐᒪᓂᑑᓈᕽ ᐁᑕ ᒋᐅᒋᐋᐸᑎᓯᔦᒃ, ᒦ ᐃᐌ ᒋᐃᓈᑎᓯᔦᒃ ᐹᓂᒫ ᐃᓈᓴᒥᑳᐸᐐᑕᐌᒃ ᑭᔐᒪᓂᑑ ᑳᐅᔫᓯᒪᕽ, ᐊᐲ ᐱᑕᑯᔑᕽ ᑳᑎᐯᓂᒥᓇᕽ ᒋᓴᔅ – ᒥᓂᒃ ᐃᑕᔥ ᐃᑯ ᑳᑎᐯᓂᒫᒡ ᐅᑲᐱᐐᒌᐙᐞ ᐃᐃ ᐊᐲ᙮

14

14:1b.1TH.014.001 ᔑᑾ ᐅᐅ ᐸᑳᓐ ᑫᑰᓐ ᑭᐐᐐᑕᒫᑰᒻ, ᑳᐐᒋᐅᑌᐺᑕᒨᒥᑰᔦᒃ᙮ ᑭᑮᐃᔑᑭᑭᓄᐊᒫᑰᒻ ᐋᓃᓐ ᑫᐃᔑᑾᔭᑯᔥᑳᔦᒃ, ᐋᓃᓐ ᑫᐃᔑ ᑲᑴ ᓇᓇᐁᑕᒥᐁᒃ ᑭᔐᒪᓂᑑ᙮ ᐋᔕ ᐅᐅᐌ ᑭᑎᔑᒋᑫᒻ᙮ ᐅᐅ ᑕᔥ ᓅᑯᒻ ᑭᐸᑯᓭᓂᒥᑰᒻ, ᑭᑑᒋᐊᔮᒀᒥᒥᑰᒻ ᐅᐐᓱᐎᓂᕽ ᑳᑎᐯᒋᑫᒡ ᒋᓴᔅ, ᑫᔮᐱ ᒋᓂᑭᒋᐅᓂᔑᔑᕽ ᑭᑎᔑᒋᑫᐎᓂᐙ᙮

14:2b.1TH.014.002 ᐋᓃᔥ ᑭᑭᑫᑖᒻ ᑳᑮᐃᔑᑭᑭᓄᐊᒫᑰᔦᒃ, ᑳᑎᐯᒋᑫᒡ ᒋᓴᔅ ᐅᑲᔥᑭᐁᐎᓯᐎᓂᕽ ᐁᑮᐅᒋᑲᓅᓂᑰᔦᒃ᙮

14:3b.1TH.014.003 ᒦ ᐅᐌ ᑳᐊᑕᐌᑖᑯᓯᔦᒃ, ᑭᔐᒪᓂᑑᓈᕽ ᐁᑕ ᒋᐅᒋᐋᐸᑎᓯᔦᒃ, ᐁᑳ ᐐᓐ ᒋᑲᑮᐹᒋᒋᑫᓯᐌᒃ᙮

14:4b.1TH.014.004 ᑮᓇᐙ ᑳᐃᓂᓃᐎᔦᒃ ᑲᑭᓇ ᑭᑖᑭᑫᑖᒻ ᐋᓃᓐ ᐃᓇᑫ ᑾᔭᒃ ᑫᔑᐐᐎᔦᑭᐸᓐ, ᐁᔑᒥᓍᐸᑕᕽ ᑭᔐᒪᓂᑑ ᒋᑲᑴᑑᑕᒣᒃ, ᒥᓄᐐᓱᐎᓐ ᒋᐊᔮᔦᒃ᙮

14:5b.1TH.014.005 ᑫᑯ ᓇᓈᐱᓇᐙᑫᒀᓂᒃ ᑳᐅᑌᐺᑕᒧᐎᓂᓯᒀ᙮ ᐋᓃᔥ ᑌᐱᓈᒃ ᐃᑯ ᐅᒥᓴᐌᑕᒧᐎᓂᐙᕽ ᐃᔑᐱᒫᑎᓯᐗᒃ, ᐁᑭᑫᓂᒫᓯᒀ ᑭᔐᒪᓂᑑᓐ᙮

14:6b.1TH.014.006 ᑫᑯ ᐊᐎᔭ ᐅᑲᒪᒋᒋᑫᐋᓰᓐ ᐐᒋᐅᑌᐺᑕᒨᓐ ᒋᑭᒨᑎᒡ ᐐᐎᓂ᙮ ᐋᓃᔥ ᑭᑮᐊᔮᒀᒥᒥᑰᒻ ᐅᐅᐌ: ᐊᐌᓀᓐ ᐃᑯ ᑫᑑᑕᒧᑴᓐ, ᐃᓂ ᑳᑎᐯᒋᑫᓂᒡ ᐅᑲᐋᒀᑯᓂᑰᓐ, ᑭᑮᐃᑰᒻ᙮

14:7b.1TH.014.007 ᐃᓇᔥᑫᔥ ᑳᐐᓐ ᐊᓅᒡ ᒋᐃᔑᒋᑫᔭᑭᐸᓐ ᑳᑮᐅᒋᓇᑐᒥᓇᕽ ᑭᔐᒪᓂᑑ, ᐃᐃ ᓴ ᐐᓐ ᒋᑾᔭᒀᑎᓯᐗᕽ, ᑭᔐᒪᓂᑑᕽ ᐁᑕ ᒋᐃᓈᐸᑎᓯᔭᕽ᙮

14:8b.1TH.014.008 ᑮᔥᐱᓐ ᐊᐎᔭ ᐐᐲᑯᓇᕽ ᐅᐅ ᑭᑭᓄᐊᒫᑫᐎᓐ, ᑳᐐᓐ ᐁᑕ ᐃᓂᓂᐗᓐ ᐅᑖᓇᐌᓂᒫᓰᓐ, ᐃᓂ ᓴ ᐐᓐ ᑭᔐᒪᓂᑑᓐ ᑳᐋᓇᐌᓂᒫᒡ᙮ ᒦ ᐊᐌ ᑭᔐᒪᓂᑑ ᑳᑭᑭᔥᑲᒨᓂᓀᒃ ᐅᑕᒑᑾᓐ ᒫᐗᒡ ᑳᑾᔭᒀᑎᓰᐌᑖᑯᓯᓂᒡ᙮

14:9b.1TH.014.009 ᑳᐐᓐ ᒣᒬᒡ ᑭᑲᐅᔑᐲᐊᒫᑰᓰᒻ ᒋᓵᑭᐁᒀ ᑭᐐᒋᐅᑌᐺᑕᒨᒥᐙᒃ᙮ ᐋᔕ ᑭᔐᒪᓂᑑ ᑭᑮᑭᑭᓄᐊᒫᑯᐙ ᒋᓵᑭᐃᑎᔦᒃ᙮

14:10b.1TH.014.010 ᑲᔦ ᒦ ᐯᔑᑾᓐ ᐁᔑᓵᑭᐁᒀ ᑲᑭᓇ ᑭᐐᒋᐅᑌᐺᑕᒨᒥᐙᒃ ᒥᓯᐌ ᒫᓯᑑᓂᔮᐗᑮᕽ ᑳᐊᔮᐙᒡ᙮ ᐅᐅ ᑕᔥ ᑭᐸᑯᓭᓂᒥᑰᒻ, ᑳᐐᒋᐅᑌᐺᑕᒨᒥᑰᔦᒃ: ᑫᔮᐱ ᐊᐗᔑᒣ ᑲᑴᓵᑭᐃᑎᒃ᙮

14:11b.1TH.014.011 ᔑᑾ ᑲᑴᓃᑳᓀᑕᒧᒃ ᐅᐅᐌ ᑳᑮᐃᔑᑲᑲᓅᓂᑰᔦᒃ: ᑲᑴᓴᑲᑲᒥᓯᒃ᙮ ᑲᑴᒥᓄᒋᑫᒃ ᑮᓇᐙ ᑭᑕᓄᑮᐎᓂᐙᕽ, ᑮᓇᐙ ᑯ ᑭᓃᒌᐙᓐ ᒋᐸᒥᐃᑯᔦᒃ᙮

14:12b.1TH.014.012 ᒦ ᐃᐌ ᑭᑲᐃᔑ ᒥᓄᒋᑫᐗᑫᓂᒥᑯᐙᒃ ᐃᑭ ᐁᑳ ᑳᐅᑌᐺᑕᒧᐎᓂᓯᒀ᙮ ᔑᑾ ᑳᐐᓐ ᒣᒬᒡ ᑭᑲᐊᐯᓂᒧᓰᒻ ᐸᑳᓐ ᒥᓂᒌᓐ ᒋᐸᒥᐃᑯᔦᒃ᙮

14:13b.1TH.014.013 ᑳᐐᒋᐅᑌᐺᑕᒨᒥᑰᔦᒃ, ᑭᓇᑕᐌᓂᒥᑰᒻ ᒋᑭᑫᑕᒧᐌᒃ ᐋᓃᓐ ᑫᐃᔑᐌᐱᓯᐙᒡ ᐃᑭ ᐅᑌᐺᑕᒨᒃ ᑳᑮᐃᔥᒀᐱᒫᑎᓯᐙᒡ᙮ ᑫᑯ ᑭᒋᑲᔥᑫᑕᑫᒃ ᑖᐱᔥᑰ ᐁᔑᒋᑫᐙᒡ ᐃᑭ ᐁᑳ ᑳᐅᑕᐯᓂᒧᐎᓂᓯᒀ᙮

14:14b.1TH.014.014 ᑮᓇᐎᓐᑦ ᑭᑌᐺᔦᓂᒫᓈᓐ ᒋᓴᔅ ᑌᐺ ᐁᑮᓂᐳᐸᓐ, ᒦᑕᔥ ᐃᐃ ᒦᓇᐙ ᐁᑮᑮᐌᐱᒫᑎᓯᒡ᙮ ᔑᑾ ᒦ ᐃ ᑕᐊᔨᑎᐗᒃ ᐃᑭᐌᓂᐗᒃ ᑳᑮᐃᔥᒀᐱᒫᑎᓯᐙᒡ ᑳᑮᑌᐺᑕᐙᐙᒡ ᐃᓂ ᒋᓴᓲᓐ᙮ ᑭᔐᒪᓂᑑᓐ ᐅᑲᐃᔑᐎᓂᑯᐙᓐ ᒋᓂᐐᒌᐙᐙᒡ ᐃᓂ ᒋᓴᓲᓐ ᐃᐃ ᐊᐲ ᐱᑕᑯᔑᓂᓂᒡ᙮

14:15b.1TH.014.015 ᑭᑑᒋᐐᑕᒫᑰᒻ ᐃᑕᔥ ᐅᐅ ᑳᐃᔑᔭᒥᓐᒡ ᐊᐊ ᑳᑎᐯᒋᑫᒡ: ᑮᓇᐎᓐᑦ ᒥᓂᒃ ᑫᔮᐱ ᑫᐱᒫᑎᓯᔭᕽ ᐲᓂᔥ ᒋᐱᑕᑯᔑᕽ ᑳᑎᐯᒋᑫᒡ, ᑳᐐᓐ ᑭᑲᓃᑳᓂᔥᑲᐙᓯᐙᓈᓂᒃ ᐃᑭᐌᓂᐗᒃ ᐋᔕ ᑳᑮᓅᑌᐃᔥᒀᐱᒫᑎᓯᐙᒡ᙮

14:16b.1TH.014.016 ᑕᓅᑖᑾᓐ ᔖᑯᐌᐎᓐ ᐃᐃ ᐊᐲ, ᑕᑭᔒᐌ ᐯᔑᒃ ᒫᐗᒡ ᐌᑭᒫᐌᑖᑯᓯᒡ ᐁᒐᓬ᙮ ᑕᓅᑖᑯᑕᒪᐙ ᑭᔐᒪᓂᑑ ᐃᐌ ᑭᒋᐴᑖᒋᑲᓂᕽ ᐁᓉᓂᒃ᙮ ᒦ ᐃ ᐊᐲ ᑳᑎᐯᒋᑫᒡ ᑎᐱᓇᐌ ᑭᒋᑮᔑᑯᕽ ᑕᐱᐅᒋᓅᒪᑫᐃᔖ᙮ ᔑᑾ ᒦ ᐃ ᐊᐲ ᐐᓇᐙ ᓂᑕᒻ ᑕᑮᐌᐱᒫᑎᓯᐗᒃ ᐃᑭᐌᓂᐗᒃ ᑳᑮᑌᐺᑕᐙᐙᒡ Xᑕᓐ ᑳᑮᐃᔥᒀᐱᒫᑎᓯᐙᒡ᙮

14:17b.1TH.014.017 ᒦᑕᔥ ᑫᑮᓇᐎᓐᑦ, ᐋᓃᓂᑯ ᒥᓂᒃ ᑫᑕᔑᔭᕽ ᑫᔮᐱ ᒋᐱᒫᑎᓯᔭᕽ ᐃᐃ ᐊᐲ, ᑭᑲᑫᑕᑐ ᐃᔥᐱᔥᑳᐃᑰᒥᓐ ᐌᑎ ᐗᑸᑳᕽ ᒋᓂᐐᒋᐅᑴᓅᒪᒀ᙮ ᒦ ᐃᒫ ᓀᐗᒋᑮᔑᒃ ᒥᒋᑲᑭᓇ ᑭᑲᑭᓵᐸᒫᓈᓐ ᐊᐊ ᑳᑎᐯᒋᑫᒡ᙮ ᔑᑾ ᒦ ᐃᐌ ᐊᐸᓀ ᑯ ᒋᐐᒋᔭᔮᒪᕽ᙮

14:18b.1TH.014.018 ᒦ ᐅᐌ ᐃᑭᑐᐎᓐ ᐃᔑᒫᒥᑲᐙᓱᑎᒃ ᒋᐅᒋᓲᑭᑌᐁᔥᑯᑖᑎᔦᒃ᙮

15

15:1b.1TH.015.001 ᑳᐐᒋᐅᑌᐺᑕᒨᒥᑰᔦᒃ, ᑳᐐᓐ ᒣᒬᒡ ᑫᑰᓐ ᑭᑲᐅᔑᐲᐊᒫᑰᓰᒻ ᒋᐐᑕᒫᕽ ᐃᓂ ᑫᑰᓇᓐ ᑫᓂ ᐃᔑᓭᑭᓐ, ᑲᔦ ᐋᓃᓐ ᐊᐲ ᑫᐱᐅᒋᒋᓭᑭᓐ᙮

15:2b.1TH.015.002 ᐋᔕ ᐌᐌᓂ ᑭᑭᑫᑖᒻ ᐁᑳ ᐊᐎᔭ ᒪᔮ ᒋᐐᑕᓯᒃ ᐋᓇᐲ ᑫᐅᒋᒋᓭᓂᒃ᙮ ᑖᐱᔥᑰ ᐁᑯᔥᑯᐎᒋᑫᒡ ᐊᐎᔭ ᑳᓃᐹᑭᒨᑎᒡ, ᑕᑯᔥᑯᑕᑯᔑᓐ ᐊᐊ ᑳᑎᐯᒋᑫᒡ ᐃᐃ ᑮᔑᑲᓂᓂᒃ ᒋᓈᑯᑑᒡ ᐅᒪᔥᑲᐎᓰᐎᓐ᙮

15:3b.1TH.015.003 ᔑᑾ ᑖᐱᔥᑰ ᐊᐊ ᐃᑴ ᐁᐊᔓᓂᑖᐎᑭᓈᐗᓱᒡ, ᐁᒥᒋᐊᑕᐸᑾᓅᓄᒡ ᒋᐐᓴᑳᐱᓀᒡ, ᒦ ᐃᐌ ᑫᐃᔑᐌᐱᓯᐙᒡ ᐃᑭ ᐯᒫᑎᓯᐙᒡ᙮ ᒣᒀ ᐁᐃᑭᑐᐙᒡ, ᓂᒥᓄᓭᒥᓐ, ᑳᐐᓐ ᓂᓇᓃᓵᓂᓯᓰᒥᓐ, ᒦᑕᔥ ᓭᓴᑰᒡ ᐅᑲᐱᐅᑎᓯᑯᓈᐙ ᐅᓂᔑᐗᓈᒋᐃᑰᐎᓂᐙ᙮ ᑳᐐᓐ ᐅᑲᑲᔥᑭᑑᓰᓈᐙ ᒋᑕᐸᓰᑑᐙᒡ᙮

15:4b.1TH.015.004 ᑳᐐᒋᐅᑌᐺᑕᒨᒥᑰᔦᒃ, ᑳᐐᓐ ᑮᓇᐙ ᐃᐃᒫ ᑲᔥᑮᑎᐱᑲᓄᕽ ᑭᑕᔮᓰᒻ᙮ ᑳᐐᓐ ᑖᐱᔥᑰ ᐊᐎᔭ ᐁᑯᔥᑯᐎᓂᑯᒡ ᐅᑮᒨᒋᔥᑲᓐ ᑭᑖᐃᔑᐊᔮᓰᒻ᙮ ᑳᐐᓐ ᑮᓇᐙ ᑭᑲᑯᔥᑯᐎᓂᑯᓰᒻ ᐊᐲ ᐱᐅᒋᒋᓭᓂᒃ ᐊᐊ ᑳᑎᐯᒋᑫᒡ ᐅᑮᔑᑲᓅᒻ᙮

15:5b.1TH.015.005 ᑲᑭᓇ ᑭᑎᓀᑖᑯᓯᒻ ᐁᐅᒌᔦᒃ ᐙᓭᔮᕽ ᑲᔦ ᑮᔑᑲᓄᕽ᙮ ᑳᐐᓐ ᑮᓇᐎᓐᑦ ᐃᐃᒫ ᑭᑑᒌᓰᒥᓐ ᑎᐱᑲᓄᕽ᙮ ᑳᐐᓐ ᐃᐃᒫ ᐁᑲᔥᑮᑎᐱᑲᒃ ᑭᑎᔑᑎᐯᑖᑯᓯᓰᒥᓐ᙮

15:6b.1TH.015.006 ᐃᑭ ᑕᔥ ᑯᑕᒃ ᒦ ᐃ ᐁᓀᑖᑯᓯᐙᒡ ᐁᐅᑕᒥᒀᒥᐙᒡ᙮ ᑫᑯ ᑕᔥ ᑮᓇᐎᓐᑦ ᐃᐃ ᑭᑲᓈᐱ ᐃᔑᐊᔮᓰᒥᓐ᙮ ᑕᑲ ᑭᑲᐃᔑᓈᑯᓯᒥᓐ ᑖᐱᔥᑰ ᐊᐎᔭ ᒨᔕᒃ ᐁᐊᔨᓈᐱᒡ ᑲᔦ ᐁᑯᔥᒀᐙᒋᐊᔮᒡ᙮

15:7b.1TH.015.007 ᐃᓇᔥᑫ ᐁᑎᐱᑲᒃ, ᒦ ᐃ ᐊᐲ ᓀᐹᓂᐗᕽ; ᒦ ᐅ ᐊᐲ ᐋᓂᓐᑦ ᐁᔑᑮᐗᔥᑴᐲᐙᒡ ᐁᑎᐱᑲᓂᓂᒃ᙮

15:8b.1TH.015.008 ᑮᓇᐎᓐᑦ ᐃᑕᔥ ᒦ ᑖᐱᔥᑰ ᐱᔑᔑᒃ ᐁᑮᔑᑲᒃ ᐃᐃᐌ ᑭᑎᓈᑎᓯᐎᓂᓈᓐ᙮ ᒦ ᐃᐌ ᐅᒋ ᑯᔥᒀᐙᒋᐊᔮᑖ᙮ ᐃᓈᐸᒋᑑᑖ ᑌᐺᔦᑕᒧᐎᓐ, ᓵᑭᐃᐌᐎᓐ ᑖᐱᔥᑰ ᔑᒫᑲᓂᔥ ᐲᐙᐱᒃ ᑳᐋᑰᔥᑳᑯᑦ ᐅᑳᑭᑲᓂᕽ᙮ ᔑᑾ ᑫᒋᓈᐁᑕᑖ ᐁᐐᔖᐾᐃᑰᔭᕽ, ᑖᐱᔥᑰ ᒦᑳᓱᐙᓄᒀᓇᓐ ᐁᐱᓯᑲᒪᕽ ᑫᓈᑕᒫᑯᔭᕽ᙮

15:9b.1TH.015.009 ᐋᓃᔥ ᑳᐐᓐ ᑮᓇᐎᓐᑦ ᑭᑮᐃᓇᓯᑯᓰᓈᓐ ᑭᔐᒪᓂᑑ ᐅᓂᔥᑳᑎᓯᐎᓐ ᒋᐸᑕᑯᔥᑳᑯᔭᕽ, ᒦ ᓴ ᐃᐌ ᒋᐅᒋᔖᐾᐃᓇᕽ ᑳᑎᐯᒋᑫᒡ ᒋᓴᔅ X ᐅᒋ᙮

15:10b.1TH.015.010 ᒦ ᐊᐌ ᒋᓴᔅ ᑳᑮᓂᐳᑕᒪᐎᓇᕽ, ᒦᑕᔥ ᑮᔥᐱᓐ ᑫᔮᐱ ᐱᒫᑎᓯᐗᕽ ᐊᐲ ᑕᑯᔑᕽ, ᑮᔥᐱᓐ ᑲᔦ ᓅᑌᐃᔥᒀᐱᒫᑎᓯᔭᕽ, ᑭᑲᐐᒋᐱᒫᑎᓰᒫᓈᓐ᙮

15:11b.1TH.015.011 ᒦ ᐃᐌ ᐅᒋ ᓲᑭᑌᐁᔥᑯᑖᑎᒃ, ᐐᒋᐃᑎᒃ ᐁᑕᓱᐯᔑᑯᔦᒃ ᒋᓲᑭᑳᐸᐎᔦᒃ, ᐯᔑᑾᓂᑯ ᐁᐱ ᐃᔑᐐᒋᐃᑎᔦᒃ᙮

15:12b.1TH.015.012 ᔑᑾ ᑭᐸᑯᓭᓂᒥᑰᒻ, ᑳᐐᒋᐅᑌᐺᑕᒨᒥᑰᔦᒃ: ᒥᓋᑭᒥᑾᒃ ᐃᑭ ᐅᓃᑳᓇᑭᓱᒃ ᑳᐊᓄᑮᑕᒧᐙᒡ ᐊᓇᒥᐋᐎᓐ ᐃᐃᒫ ᐁᔮᔦᒃ᙮ ᐋᓃᔥ ᐅᑮᐃᓇᓯᑯᐙᓐ ᑳᑎᐯᒋᑫᓂᒡ ᒋᒫᒦᓄᒥᓀᒀ᙮

15:13b.1TH.015.013 ᐗᐐᑫ ᑭᑌᓂᒥᑾᒃ ᐅᑯᐌᓂᐗᒃ, ᐅᒋᓵᑭᐃᑾᒃ ᐅᑕᓄᑮᐎᓂᐙ᙮ ᑲᔦ ᑮᓇᐙ ᒥᓄᐐᒌᑎᒃ᙮

15:14b.1TH.015.014 ᔑᑾ ᑭᑲᑳᓱᒥᑰᒻ, ᑳᐐᒋᐅᑌᐺᑕᒨᒥᑰᔦᒃ: ᑮᔥᐱᓐ ᐐᒥᒋᐅᑖᒋᐃᑣ ᐋᓂᓐᑦ, ᑭᑲᐊᔮᒀᒥᒫᐙᒃ ᒋᑴᑭᒋᑫᐃᑎᓱᐙᒡ᙮ ᔑᑾ ᓲᑭᑌᐁᔥᑲᐎᑾᒃ ᐃᑭ ᑳᐗᑫᒥᑯᔥᑳᑌᑕᒧᐙᒡ᙮ ᐃᑭ ᑕᔥ ᑲᔦ ᐁᑳ ᑳᓵᐱᐊᔮᓯᒀ, ᐐᒋᐃᑾᒃ᙮ ᔕᔒᐯᓂᒥᑾᒃ ᑲᑭᓇ ᐊᐎᔭᒃ᙮

15:15b.1TH.015.015 ᑫᑯ ᐊᐎᔭ ᐅᑲᓈᐱᑑᑕᐙᓰᓐ ᐊᐎᔭᓐ ᒪᒋᒋᑫᐃᑯᒡ᙮ ᒨᔕᒃ ᐃᑕᔥ ᑲᑴᒥᓄᒋᑫᐃᑎᒃ, ᑲᔦ ᑲᑭᓇ ᐯᒫᑎᓯᐙᒡ ᒥᓄᒋᑫᐃᑾᒃ᙮

15:16b.1TH.015.016 ᒨᔕᒃ ᑖᐱᑕᐎᒌᑫᑕᒧᒃ᙮

15:17b.1TH.015.017 ᑫᑯ ᑭᐱᑕᓇᒥᐋᑫᒃ᙮

15:18b.1TH.015.018 ᐋᓃᓂᑯ ᐃ ᐃᔑᐌᐸᒃ, ᒦᑴᒋᐌᑕᒧᒃ᙮ ᒦ ᐋᓃᔥ ᐅᐅᐌ ᑭᔐᒪᓂᑑ ᑳᐃᓀᓂᒥᓀᒃ, ᒋᐃᓈᑎᓯᔦᒃ ᐁᐐᒌᐌᒃ X ᒋᓴᔅ᙮

15:19b.1TH.015.019 ᑫᑯ ᑭᐱᑎᓂᒫᑫᒃ ᑭᔐᒪᓂᑑ ᐅᑕᒑᑾᓐ ᐃᐃ ᑳᐐᑑᑕᒥᓂᒡ᙮

15:20b.1TH.015.020 ᑮᔥᐱᓐ ᐊᐎᔭ ᐐᑲᓅᒋᑫᑕᒪᐙᒡ ᑭᔐᒪᓂᑑᓐ, ᑫᑯ ᔒᑭᑕᐙᑫᒃ᙮

15:21b.1TH.015.021 ᒣᒀ ᑮᑭᑐᒡ ᐃᑕᔥ ᑲᑭᓇ ᑫᑰᓐ ᑭᑲᓈᑲᓱᑕᐙᐙ᙮ ᑭᑲᐅᑖᐱᓈᓈᐙ ᐌᓂᔑᔑᓂᓂᒃ᙮

15:22b.1TH.015.022 ᒥᓂᒃ ᐃᑕᔥ ᑫᑰᓐ ᐌᓂᔑᔑᓯᓂᓂᒃ ᑳᐐᓐ ᐊᐙᒡ ᐸᑮ ᑭᑲᑕᐎᓇᒪᐙᑕᓰᓈᐙ᙮

15:23b.1TH.015.023 ᔑᑾ ᓂᐸᑯᓭᓂᒫ ᑭᔐᒪᓂᑑ, ᒦ ᐊᐌ ᐱᓵᓂᓯᐎᓐ ᑳᒦᓂᓇᕽ: ᒫᓄ ᐐᓐ ᑭᔐᒪᓂᑑ ᑭᑲᐃᔑᐃᑯᐙ ᒥᓯᐌ ᐐᓀᑕ ᒋᐃᓈᐸᒋᐃᓀᒃ᙮ ᒫᓄ ᑭᑲᑲᓇᐌᓂᒥᑯᐙ ᐁᓂᑯᑴᑖᑯᓯᔦᒃ᙮ ᑲᔦ ᑭᑕᒑᑯᐙᐞ, ᑭᐱᒫᑎᓯᐎᓂᐙᓐ, ᑭᐐᔭᐎᐙᓐ ᑭᑲᑲᓇᐌᑕᒫᑯᐙ, ᐲᓂᔥ ᐊᐲ ᑕᑯᔑᕽ ᑳᑎᐯᒋᑫᒡ ᒋᓴᔅ X, ᐁᑳ ᐊᐙᒡ ᑫᑰᓐ ᒋᒥᑭᑳᑌᓯᓄᒃ ᒋᐃᔑᐊᔮᓯᐌᒃ᙮

15:24b.1TH.015.024 ᒦ ᐅᐌ ᐁᔑᐸᑯᓭᑕᒫᑰᔦᒃ᙮ ᑭᔐᒪᓂᑑ ᑭᑲᐃᔑᒋᑫᐃᑯᐙ, ᐋᓃᔥ ᑌᐺᔦᑖᑯᓯ ᑭᔐᒪᓂᑑ ᑳᐊᑐᒥᓀᒃ᙮

15:25b.1TH.015.025 ᑳᐐᒋᐅᑌᐺᑕᒨᒥᑰᔦᒃ, ᐊᓇᒥᐁᑕᒪᐎᔑᓈᒻ᙮

15:26b.1TH.015.026 ᑭᔐᒪᓂᑑᕽ ᐅᒋ ᐅᒌᒥᑾᒃ ᑲᑭᓇ ᑭᐐᒋᐅᑌᐺᑕᒨᒥᐙᒃ ᑖᐱᔥᑰ ᐁᐐᒋᔖᓂᑎᔦᒃ᙮ ᒦ ᐅᐌ ᓇᑫ ᐃᔑᐴᔔᐃᑎᒃ᙮

15:27b.1TH.015.027 ᐅᐅ ᓴ ᑲᔦ ᑭᑕᔮᒀᒥᒥᓂᓂᒻ, ᑳᑎᐯᒋᑫᒡ ᐁᐊᐱᒧᔮᓐ: ᐁᑕᓱᐯᔑᑯᐙᒡ ᐅᑌᐺᑕᒨᒃ ᑕᐊᓇᒥᑕᒪᐙᐗᒃ ᐅᐅ ᓂᑑᔑᐲᐃᑲᓂᓈᓐ᙮

15:28b.1TH.015.028 ᐅᑭᔐᐙᑎᓯᐎᓐ ᒋᓴᔅ X ᑳᑎᐯᓂᒥᓇᕽ ᑭᑲᐐᒌᐎᑯᐙᒻ᙮ ᒦ ᐃᐌ᙮