James (Latin)

1

1:1b.JAM.001.001Iacobus Dei et Domini nostri Iesu Christi servus duodecim tribubus quae sunt in dispersione salutem

1:2b.JAM.001.002omne gaudium existimate fratres mei cum in temptationibus variis incideritis

1:3b.JAM.001.003scientes quod probatio fidei vestrae patientiam operatur

1:4b.JAM.001.004patientia autem opus perfectum habeat ut sitis perfecti et integri in nullo deficientes

1:5b.JAM.001.005si quis autem vestrum indiget sapientiam postulet a Deo qui dat omnibus affluenter et non inproperat et dabitur ei

1:6b.JAM.001.006postulet autem in fide nihil haesitans qui enim haesitat similis est fluctui maris qui a vento movetur et circumfertur

1:7b.JAM.001.007non ergo aestimet homo ille quod accipiat aliquid a Domino

1:8b.JAM.001.008vir duplex animo inconstans in omnibus viis suis

1:9b.JAM.001.009glorietur autem frater humilis in exaltatione sua

1:10b.JAM.001.010dives autem in humilitate sua quoniam sicut flos faeni transibit

1:11b.JAM.001.011exortus est enim sol cum ardore et arefecit faenum et flos eius decidit et decor vultus eius deperiit ita et dives in itineribus suis marcescet

1:12b.JAM.001.012beatus vir qui suffert temptationem quia cum probatus fuerit accipiet coronam vitae quam repromisit Deus diligentibus se

1:13b.JAM.001.013nemo cum temptatur dicat quoniam a Deo temptor Deus enim intemptator malorum est ipse autem neminem temptat

1:14b.JAM.001.014unusquisque vero temptatur a concupiscentia sua abstractus et inlectus

1:15b.JAM.001.015dein concupiscentia cum conceperit parit peccatum peccatum vero cum consummatum fuerit generat mortem

1:16b.JAM.001.016nolite itaque errare fratres mei dilectissimi

1:17b.JAM.001.017omne datum optimum et omne donum perfectum desursum est descendens a Patre luminum apud quem non est transmutatio nec vicissitudinis obumbratio

1:18b.JAM.001.018voluntarie genuit nos verbo veritatis ut simus initium aliquod creaturae eius

1:19b.JAM.001.019scitis fratres mei dilecti sit autem omnis homo velox ad audiendum tardus autem ad loquendum et tardus ad iram

1:20b.JAM.001.020ira enim viri iustitiam Dei non operatur

1:21b.JAM.001.021propter quod abicientes omnem inmunditiam et abundantiam malitiae in mansuetudine suscipite insitum verbum quod potest salvare animas vestras

1:22b.JAM.001.022estote autem factores verbi et non auditores tantum fallentes vosmet ipsos

1:23b.JAM.001.023quia si quis auditor est verbi et non factor hic conparabitur viro consideranti vultum nativitatis suae in speculo

1:24b.JAM.001.024consideravit enim se et abiit et statim oblitus est qualis fuerit

1:25b.JAM.001.025qui autem perspexerit in lege perfecta libertatis et permanserit non auditor obliviosus factus sed factor operis hic beatus in facto suo erit

1:26b.JAM.001.026si quis autem putat se religiosum esse non refrenans linguam suam sed seducens cor suum huius vana est religio

1:27b.JAM.001.027religio munda et inmaculata apud Deum et Patrem haec est visitare pupillos et viduas in tribulatione eorum inmaculatum se custodire ab hoc saeculo

2

2:1b.JAM.002.001fratres mei nolite in personarum acceptione habere fidem Domini nostri Iesu Christi gloriae

2:2b.JAM.002.002etenim si introierit in conventu vestro vir aureum anulum habens in veste candida introierit autem et pauper in sordido habitu

2:3b.JAM.002.003et intendatis in eum qui indutus est veste praeclara et dixeritis tu sede hic bene pauperi autem dicatis tu sta illic aut sede sub scabillo pedum meorum

2:4b.JAM.002.004nonne iudicatis apud vosmet ipsos et facti estis iudices cogitationum iniquarum

2:5b.JAM.002.005audite fratres mei dilectissimi nonne Deus elegit pauperes in hoc mundo divites in fide et heredes regni quod repromisit Deus diligentibus se

2:6b.JAM.002.006vos autem exhonorastis pauperem nonne divites per potentiam opprimunt vos et ipsi trahunt vos ad iudicia

2:7b.JAM.002.007nonne ipsi blasphemant bonum nomen quod invocatum est super vos

2:8b.JAM.002.008si tamen legem perficitis regalem secundum scripturas diliges proximum tuum sicut te ipsum bene facitis

2:9b.JAM.002.009si autem personas accipitis peccatum operamini redarguti a lege quasi transgressores

2:10b.JAM.002.010quicumque autem totam legem servaverit offendat autem in uno factus est omnium reus

2:11b.JAM.002.011qui enim dixit non moechaberis dixit et non occides quod si non moechaberis occides autem factus es transgressor legis

2:12b.JAM.002.012sic loquimini et sic facite sicut per legem libertatis incipientes iudicari

2:13b.JAM.002.013iudicium enim sine misericordia illi qui non fecit misericordiam superexultat autem misericordia iudicio

2:14b.JAM.002.014quid proderit fratres mei si fidem quis dicat se habere opera autem non habeat numquid poterit fides salvare eum

2:15b.JAM.002.015si autem frater aut soror nudi sunt et indigent victu cotidiano

2:16b.JAM.002.016dicat autem aliquis de vobis illis ite in pace calefacimini et saturamini non dederitis autem eis quae necessaria sunt corporis quid proderit

2:17b.JAM.002.017sic et fides si non habeat opera mortua est in semet ipsam

2:18b.JAM.002.018sed dicet quis tu fidem habes et ego opera habeo ostende mihi fidem tuam sine operibus et ego ostendam tibi ex operibus fidem meam

2:19b.JAM.002.019tu credis quoniam unus est Deus bene facis et daemones credunt et contremescunt

2:20b.JAM.002.020vis autem scire o homo inanis quoniam fides sine operibus otiosa est

2:21b.JAM.002.021Abraham pater noster nonne ex operibus iustificatus est offerens Isaac filium suum super altare

2:22b.JAM.002.022vides quoniam fides cooperabatur operibus illius et ex operibus fides consummata est

2:23b.JAM.002.023et suppleta est scriptura dicens credidit Abraham Deo et reputatum est illi ad iustitiam et amicus Dei appellatus est

2:24b.JAM.002.024videtis quoniam ex operibus iustificatur homo et non ex fide tantum

2:25b.JAM.002.025similiter autem et Raab meretrix nonne ex operibus iustificata est suscipiens nuntios et alia via eiciens

2:26b.JAM.002.026sicut enim corpus sine spiritu emortuum est ita et fides sine operibus mortua est

3

3:1b.JAM.003.001nolite plures magistri fieri fratres mei scientes quoniam maius iudicium sumitis

3:2b.JAM.003.002in multis enim offendimus omnes si quis in verbo non offendit hic perfectus est vir potens etiam freno circumducere totum corpus

3:3b.JAM.003.003si autem equorum frenos in ora mittimus ad consentiendum nobis et omne corpus illorum circumferimus

3:4b.JAM.003.004ecce et naves cum magnae sint et a ventis validis minentur circumferuntur a modico gubernaculo ubi impetus dirigentis voluerit

3:5b.JAM.003.005ita et lingua modicum quidem membrum est et magna exultat ecce quantus ignis quam magnam silvam incendit

3:6b.JAM.003.006et lingua ignis est universitas iniquitatis lingua constituitur in membris nostris quae maculat totum corpus et inflammat rotam nativitatis nostrae inflammata a gehenna

3:7b.JAM.003.007omnis enim natura bestiarum et volucrum et serpentium etiam ceterorum domantur et domita sunt a natura humana

3:8b.JAM.003.008linguam autem nullus hominum domare potest inquietum malum plena veneno mortifero

3:9b.JAM.003.009in ipsa benedicimus Dominum et Patrem et in ipsa maledicimus homines qui ad similitudinem Dei facti sunt

3:10b.JAM.003.010ex ipso ore procedit benedictio et maledictio non oportet fratres mei haec ita fieri

3:11b.JAM.003.011numquid fons de eodem foramine emanat dulcem et amaram aquam

3:12b.JAM.003.012numquid potest fratres mei ficus olivas facere aut vitis ficus sic neque salsa dulcem potest facere aquam

3:13b.JAM.003.013quis sapiens et disciplinatus inter vos ostendat ex bona conversatione operationem suam in mansuetudine sapientiae

3:14b.JAM.003.014quod si zelum amarum habetis et contentiones in cordibus vestris nolite gloriari et mendaces esse adversus veritatem

3:15b.JAM.003.015non est ista sapientia desursum descendens sed terrena animalis diabolica

3:16b.JAM.003.016ubi enim zelus et contentio ibi inconstantia et omne opus pravum

3:17b.JAM.003.017quae autem desursum est sapientia primum quidem pudica est deinde pacifica modesta suadibilis plena misericordia et fructibus bonis non iudicans sine simulatione

3:18b.JAM.003.018fructus autem iustitiae in pace seminatur facientibus pacem

4

4:1b.JAM.004.001unde bella et lites in vobis nonne hinc ex concupiscentiis vestris quae militant in membris vestris

4:2b.JAM.004.002concupiscitis et non habetis occiditis et zelatis et non potestis adipisci litigatis et belligeratis non habetis propter quod non postulatis

4:3b.JAM.004.003petitis et non accipitis eo quod male petatis ut in concupiscentiis vestris insumatis

4:4b.JAM.004.004adulteri nescitis quia amicitia huius mundi inimica est Dei quicumque ergo voluerit amicus esse saeculi huius inimicus Dei constituitur

4:5b.JAM.004.005aut putatis quia inaniter scriptura dicat ad invidiam concupiscit Spiritus qui inhabitat in nobis

4:6b.JAM.004.006maiorem autem dat gratiam propter quod dicit Deus superbis resistit humilibus autem dat gratiam

4:7b.JAM.004.007subditi igitur estote Deo resistite autem diabolo et fugiet a vobis

4:8b.JAM.004.008adpropiate Domino et adpropinquabit vobis emundate manus peccatores et purificate corda duplices animo

4:9b.JAM.004.009miseri estote et lugete et plorate risus vester in luctum convertatur et gaudium in maerorem

4:10b.JAM.004.010humiliamini in conspectu Domini et exaltabit vos

4:11b.JAM.004.011nolite detrahere de alterutrum fratres qui detrahit fratri aut qui iudicat fratrem suum detrahit legi et iudicat legem si autem iudicas legem non es factor legis sed iudex

4:12b.JAM.004.012unus est legislator et iudex qui potest perdere et liberare tu autem quis es qui iudicas proximum

4:13b.JAM.004.013ecce nunc qui dicitis hodie aut crastino ibimus in illam civitatem et faciemus quidem ibi annum et mercabimur et lucrum faciemus

4:14b.JAM.004.014qui ignoratis quid erit in crastinum quae enim est vita vestra vapor est ad modicum parens deinceps exterminatur

4:15b.JAM.004.015pro eo ut dicatis si Dominus voluerit et vixerimus faciemus hoc aut illud

4:16b.JAM.004.016nunc autem exultatis in superbiis vestris omnis exultatio talis maligna est

4:17b.JAM.004.017scienti igitur bonum facere et non facienti peccatum est illi

5

5:1b.JAM.005.001age nunc divites plorate ululantes in miseriis quae advenient vobis

5:2b.JAM.005.002divitiae vestrae putrefactae sunt et vestimenta vestra a tineis comesta sunt

5:3b.JAM.005.003aurum et argentum vestrum eruginavit et erugo eorum in testimonium vobis erit et manducabit carnes vestras sicut ignis thesaurizastis in novissimis diebus

5:4b.JAM.005.004ecce merces operariorum qui messuerunt regiones vestras qui fraudatus est a vobis clamat et clamor ipsorum in aures Domini Sabaoth introiit

5:5b.JAM.005.005epulati estis super terram et in luxuriis enutristis corda vestra in die occisionis

5:6b.JAM.005.006addixistis occidistis iustum non resistit vobis

5:7b.JAM.005.007patientes igitur estote fratres usque ad adventum Domini ecce agricola expectat pretiosum fructum terrae patienter ferens donec accipiat temporivum et serotinum

5:8b.JAM.005.008patientes estote et vos confirmate corda vestra quoniam adventus Domini adpropinquavit

5:9b.JAM.005.009nolite ingemescere fratres in alterutrum ut non iudicemini ecce iudex ante ianuam adsistit

5:10b.JAM.005.010exemplum accipite fratres laboris et patientiae prophetas qui locuti sunt in nomine Domini

5:11b.JAM.005.011ecce beatificamus qui sustinuerunt sufferentiam Iob audistis et finem Domini vidistis quoniam misericors est Dominus et miserator

5:12b.JAM.005.012ante omnia autem fratres mei nolite iurare neque per caelum neque per terram neque aliud quodcumque iuramentum sit autem vestrum est est non non uti non sub iudicio decidatis

5:13b.JAM.005.013tristatur aliquis vestrum oret aequo animo est psallat

5:14b.JAM.005.014infirmatur quis in vobis inducat presbyteros ecclesiae et orent super eum unguentes eum oleo in nomine Domini

5:15b.JAM.005.015et oratio fidei salvabit infirmum et adlevabit eum Dominus et si in peccatis sit dimittentur ei

5:16b.JAM.005.016confitemini ergo alterutrum peccata vestra et orate pro invicem ut salvemini multum enim valet deprecatio iusti adsidua

5:17b.JAM.005.017Helias homo erat similis nobis passibilis et oratione oravit ut non plueret super terram et non pluit annos tres et menses sex

5:18b.JAM.005.018et rursum oravit et caelum dedit pluviam et terra dedit fructum suum

5:19b.JAM.005.019fratres mei si quis ex vobis erraverit a veritate et converterit quis eum

5:20b.JAM.005.020scire debet quoniam qui converti fecerit peccatorem ab errore viae suae salvabit animam eius a morte et operit multitudinem peccatorum