Philemon (Latin)

1

1:1b.PHM.001.001Paulus vinctus Iesu Christi et Timotheus frater Philemoni dilecto et adiutori nostro

1:2b.PHM.001.002et Appiae sorori et Archippo commilitoni nostro et ecclesiae quae in domo tua est

1:3b.PHM.001.003gratia vobis et pax a Deo Patre nostro et Domino Iesu Christo

1:4b.PHM.001.004gratias ago Deo meo semper memoriam tui faciens in orationibus meis

1:5b.PHM.001.005audiens caritatem tuam et fidem quam habes in Domino Iesu et in omnes sanctos

1:6b.PHM.001.006ut communicatio fidei tuae evidens fiat in agnitione omnis boni in nobis in Christo Iesu

1:7b.PHM.001.007gaudium enim magnum habui et consolationem in caritate tua quia viscera sanctorum requieverunt per te frater

1:8b.PHM.001.008propter quod multam fiduciam habentes in Christo Iesu imperandi tibi quod ad rem pertinet

1:9b.PHM.001.009propter caritatem magis obsecro cum sis talis ut Paulus senex nunc autem et vinctus Iesu Christi

1:10b.PHM.001.010obsecro te de meo filio quem genui in vinculis Onesimo

1:11b.PHM.001.011qui tibi aliquando inutilis fuit nunc autem et tibi et mihi utilis

1:12b.PHM.001.012quem remisi tu autem illum id est mea viscera suscipe

1:13b.PHM.001.013quem ego volueram mecum detinere ut pro te mihi ministraret in vinculis evangelii

1:14b.PHM.001.014sine consilio autem tuo nihil volui facere uti ne velut ex necessitate bonum tuum esset sed voluntarium

1:15b.PHM.001.015forsitan enim ideo discessit ad horam a te ut aeternum illum recipere

1:16b.PHM.001.016iam non ut servum sed plus servo carissimum fratrem maxime mihi quanto autem magis tibi et in carne et in Domino

1:17b.PHM.001.017si ergo habes me socium suscipe illum sicut me

1:18b.PHM.001.018si autem aliquid nocuit tibi aut debet hoc mihi inputa

1:19b.PHM.001.019ego Paulus scripsi mea manu ego reddam ut non dicam tibi quod et te ipsum mihi debes

1:20b.PHM.001.020ita frater ego te fruar in Domino refice viscera mea in Domino

1:21b.PHM.001.021confidens oboedientia tua scripsi tibi sciens quoniam et super id quod dico facies

1:22b.PHM.001.022simul autem et para mihi hospitium nam spero per orationes vestras donari me vobis

1:23b.PHM.001.023salutat te Epaphras concaptivus meus in Christo Iesu

1:24b.PHM.001.024Marcus Aristarchus Demas Lucas adiutores mei

1:25b.PHM.001.025gratia Domini nostri Iesu Christi cum spiritu vestro amen