Obadiah (Latin)

1

1:1b.OBA.001.001visio Abdiae haec dicit Dominus Deus ad Edom auditum audivimus a Domino et legatum ad gentes misit surgite et consurgamus adversum eum in proelium

1:2b.OBA.001.002ecce parvulum te dedi in gentibus contemptibilis tu es valde

1:3b.OBA.001.003superbia cordis tui extulit te habitantem in scissuris petrae exaltantem solium suum qui dicit in corde suo quis detrahet me in terram

1:4b.OBA.001.004si exaltatus fueris ut aquila et si inter sidera posueris nidum tuum inde detraham te dicit Dominus

1:5b.OBA.001.005si fures introissent ad te si latrones per noctem quomodo conticuisses nonne furati essent sufficientia sibi si vindemiatores introissent ad te numquid saltim racemos reliquissent tibi

1:6b.OBA.001.006quomodo scrutati sunt Esau investigaverunt abscondita eius

1:7b.OBA.001.007usque ad terminum emiserunt te omnes viri foederis tui inluserunt tibi invaluerunt adversum te viri pacis tuae qui comedunt tecum ponent insidias subter te non est prudentia in eo

1:8b.OBA.001.008numquid non in die illa dicit Dominus perdam sapientes de Idumea et prudentiam de monte Esau

1:9b.OBA.001.009et timebunt fortes tui a meridie ut intereat vir de monte Esau

1:10b.OBA.001.010propter interfectionem et propter iniquitatem in fratrem tuum Iacob operiet te confusio et peribis in aeternum

1:11b.OBA.001.011in die cum stares adversus quando capiebant alieni exercitum eius et extranei ingrediebantur portas eius et super Hierusalem mittebant sortem tu quoque eras quasi unus ex eis

1:12b.OBA.001.012et non despicies in die fratris tui in die peregrinationis eius et non laetaberis super filios Iuda in die perditionis eorum et non magnificabis os tuum in die angustiae

1:13b.OBA.001.013neque ingredieris portam populi mei in die ruinae eorum neque despicies et tu in malis eius in die vastitatis illius et non emitteris adversum exercitum eius in die vastitatis illius

1:14b.OBA.001.014neque stabis in exitibus ut interficias eos qui fugerint et non concludes reliquos eius in die tribulationis

1:15b.OBA.001.015quoniam iuxta est dies Domini super omnes gentes sicut fecisti fiet tibi retributionem tuam convertet in caput tuum

1:16b.OBA.001.016quomodo enim bibisti super montem sanctum meum bibent omnes gentes iugiter et bibent et absorbent et erunt quasi non sint

1:17b.OBA.001.017et in monte Sion erit salvatio et erit sanctus et possidebit domus Iacob eos qui se possederant

1:18b.OBA.001.018et erit domus Iacob ignis et domus Ioseph flamma et domus Esau stipula et succendentur in eis et devorabunt eos et non erunt reliquiae domus Esau quia Dominus locutus est

1:19b.OBA.001.019et hereditabunt hii qui ad austrum montem Esau et qui in campestribus Philisthim et possidebunt regionem Ephraim et regionem Samariae et Beniamin possidebit Galaad

1:20b.OBA.001.020et transmigratio exercitus huius filiorum Israhel omnia Chananeorum usque ad Saraptham et transmigratio Hierusalem quae in Bosforo est possidebit civitates austri

1:21b.OBA.001.021et ascendent salvatores in montem Sion iudicare montem Esau et erit Domino regnum