Numbers (Latin)

1

1:1b.NUM.001.001locutusque est Dominus ad Mosen in deserto Sinai in tabernaculo foederis prima die mensis secundi anno altero egressionis eorum ex Aegypto dicens

1:2b.NUM.001.002tollite summam universae congregationis filiorum Israhel per cognationes et domos suas et nomina singulorum quicquid sexus est masculini

1:3b.NUM.001.003a vicesimo anno et supra omnium virorum fortium ex Israhel et numerabitis eos per turmas suas tu et Aaron

1:4b.NUM.001.004eruntque vobiscum principes tribuum ac domorum in cognationibus suis

1:5b.NUM.001.005quorum ista sunt nomina de Ruben Elisur filius Sedeur

1:6b.NUM.001.006de Symeon Salamihel filius Surisaddai

1:7b.NUM.001.007de Iuda Naasson filius Aminadab

1:8b.NUM.001.008de Isachar Nathanahel filius Suar

1:9b.NUM.001.009de Zabulon Heliab filius Helon

1:10b.NUM.001.010filiorum autem Ioseph de Ephraim Helisama filius Ammiud de Manasse Gamalihel filius Phadassur

1:11b.NUM.001.011de Beniamin Abidan filius Gedeonis

1:12b.NUM.001.012de Dan Ahiezer filius Amisaddai

1:13b.NUM.001.013de Aser Phegihel filius Ochran

1:14b.NUM.001.014de Gad Heliasaph filius Duhel

1:15b.NUM.001.015de Nepthali Ahira filius Henan

1:16b.NUM.001.016hii nobilissimi principes multitudinis per tribus et cognationes suas et capita exercitus Israhel

1:17b.NUM.001.017quos tulerunt Moses et Aaron cum omni vulgi multitudine

1:18b.NUM.001.018et congregaverunt primo die mensis secundi recensentes eos per cognationes et domos ac familias et capita et nomina singulorum a vicesimo anno et supra

1:19b.NUM.001.019sicut praeceperat Dominus Mosi numeratique sunt in deserto Sinai

1:20b.NUM.001.020de Ruben primogenito Israhelis per generationes et familias ac domos suas et nomina capitum singulorum omne quod sexus est masculini a vicesimo anno et supra procedentium ad bellum

1:21b.NUM.001.021quadraginta sex milia quingenti

1:22b.NUM.001.022de filiis Symeon per generationes et familias ac domos cognationum suarum recensiti sunt per nomina et capita singulorum omne quod sexus est masculini a vicesimo anno et supra procedentium ad bellum

1:23b.NUM.001.023quinquaginta novem milia trecenti

1:24b.NUM.001.024de filiis Gad per generationes et familias ac domos cognationum suarum recensiti sunt per nomina singulorum a viginti annis et supra omnes qui ad bella procederent

1:25b.NUM.001.025quadraginta quinque milia sescenti quinquaginta

1:26b.NUM.001.026de filiis Iuda per generationes et familias ac domos cognationum suarum per nomina singulorum a vicesimo anno et supra omnes qui poterant ad bella procedere

1:27b.NUM.001.027recensiti sunt septuaginta quattuor milia sescenti

1:28b.NUM.001.028de filiis Isachar per generationes et familias ac domos cognationum suarum per nomina singulorum a vicesimo anno et supra omnes qui ad bella procederent

1:29b.NUM.001.029recensiti sunt quinquaginta quattuor milia quadringenti

1:30b.NUM.001.030de filiis Zabulon per generationes et familias ac domos cognationum suarum recensiti sunt per nomina singulorum a vicesimo anno et supra omnes qui poterant ad bella procedere

1:31b.NUM.001.031quinquaginta septem milia quadringenti

1:32b.NUM.001.032de filiis Ioseph filiorum Ephraim per generationes et familias ac domos cognationum suarum recensiti sunt per nomina singulorum a vicesimo anno et supra omnes qui poterant ad bella procedere

1:33b.NUM.001.033quadraginta milia quingenti

1:34b.NUM.001.034porro filiorum Manasse per generationes et familias ac domos cognationum suarum recensiti sunt per nomina singulorum a viginti annis et supra omnes qui poterant ad bella procedere

1:35b.NUM.001.035triginta duo milia ducenti

1:36b.NUM.001.036de filiis Beniamin per generationes et familias ac domos cognationum suarum recensiti sunt nominibus singulorum a vicesimo anno et supra omnes qui poterant ad bella procedere

1:37b.NUM.001.037triginta quinque milia quadringenti

1:38b.NUM.001.038de filiis Dan per generationes et familias ac domos cognationum suarum recensiti sunt nominibus singulorum a vicesimo anno et supra omnes qui poterant ad bella procedere

1:39b.NUM.001.039sexaginta duo milia septingenti

1:40b.NUM.001.040de filiis Aser per generationes et familias ac domos cognationum suarum recensiti sunt per nomina singulorum a vicesimo anno et supra omnes qui poterant ad bella procedere

1:41b.NUM.001.041quadraginta milia et mille quingenti

1:42b.NUM.001.042de filiis Nepthali per generationes et familias ac domos cognationum suarum recensiti sunt nominibus singulorum a vicesimo anno et supra omnes qui poterant ad bella procedere

1:43b.NUM.001.043quinquaginta tria milia quadringenti

1:44b.NUM.001.044hii sunt quos numeraverunt Moses et Aaron et duodecim principes Israhel singulos per domos cognationum suarum

1:45b.NUM.001.045fueruntque omnes filiorum Israhel per domos et familias suas a vicesimo anno et supra qui poterant ad bella procedere

1:46b.NUM.001.046sescenta tria milia virorum quingenti quinquaginta

1:47b.NUM.001.047Levitae autem in tribu familiarum suarum non sunt numerati cum eis

1:48b.NUM.001.048locutusque est Dominus ad Mosen dicens

1:49b.NUM.001.049tribum Levi noli numerare neque ponas summam eorum cum filiis Israhel

1:50b.NUM.001.050sed constitue eos super tabernaculum testimonii cuncta vasa eius et quicquid ad caerimonias pertinet ipsi portabunt tabernaculum et omnia utensilia eius et erunt in ministerio ac per gyrum tabernaculi metabuntur

1:51b.NUM.001.051cum proficiscendum fuerit deponent Levitae tabernaculum cum castra metanda erigent quisquis externorum accesserit occidetur

1:52b.NUM.001.052metabuntur autem castra filii Israhel unusquisque per turmas et cuneos atque exercitum suum

1:53b.NUM.001.053porro Levitae per gyrum tabernaculi figent tentoria ne fiat indignatio super multitudinem filiorum Israhel et excubabunt in custodiis tabernaculi testimonii

1:54b.NUM.001.054fecerunt ergo filii Israhel iuxta omnia quae praeceperat Dominus Mosi

2

2:1b.NUM.002.001locutusque est Dominus ad Mosen et Aaron dicens

2:2b.NUM.002.002singuli per turmas signa atque vexilla et domos cognationum suarum castrametabuntur filiorum Israhel per gyrum tabernaculi foederis

2:3b.NUM.002.003ad orientem Iudas figet tentoria per turmas exercitus sui eritque princeps filiorum eius Naasson filius Aminadab

2:4b.NUM.002.004et omnis de stirpe eius summa pugnantium septuaginta quattuor milia sescentorum

2:5b.NUM.002.005iuxta eum castrametati sunt de tribu Isachar quorum princeps fuit Nathanahel filius Suar

2:6b.NUM.002.006et omnis numerus pugnatorum eius quinquaginta quattuor milia quadringenti

2:7b.NUM.002.007in tribu Zabulon princeps fuit Heliab filius Helon

2:8b.NUM.002.008omnis de stirpe eius exercitus pugnatorum quinquaginta septem milia quadringenti

2:9b.NUM.002.009universi qui in castris Iudae adnumerati sunt fuerunt centum octoginta sex milia quadringenti et per turmas suas primi egredientur

2:10b.NUM.002.010in castris filiorum Ruben ad meridianam plagam erit princeps Elisur filius Sedeur

2:11b.NUM.002.011et cunctus exercitus pugnatorum eius qui numerati sunt quadraginta sex milia quingenti

2:12b.NUM.002.012iuxta eum castrametati sunt de tribu Symeon quorum princeps fuit Salamihel filius Surisaddai

2:13b.NUM.002.013et cunctus exercitus pugnatorum eius qui numerati sunt quinquaginta novem milia trecenti

2:14b.NUM.002.014in tribu Gad princeps fuit Heliasaph filius Duhel

2:15b.NUM.002.015et cunctus exercitus pugnatorum eius qui numerati sunt quadraginta quinque milia sescenti quinquaginta

2:16b.NUM.002.016omnes qui recensiti sunt in castris Ruben centum quinquaginta milia et mille quadringenti quinquaginta per turmas suas in secundo loco proficiscentur

2:17b.NUM.002.017levabitur autem tabernaculum testimonii per officia Levitarum et turmas eorum quomodo erigetur ita et deponetur singuli per loca et ordines suos proficiscentur

2:18b.NUM.002.018ad occidentalem plagam erunt castra filiorum Ephraim quorum princeps fuit Helisama filius Ammiud

2:19b.NUM.002.019cunctus exercitus pugnatorum eius qui numerati sunt quadraginta milia quingenti

2:20b.NUM.002.020et cum eis tribus filiorum Manasse quorum princeps fuit Gamalihel filius Phadassur

2:21b.NUM.002.021cunctus exercitus pugnatorum eius qui numerati sunt triginta duo milia ducenti

2:22b.NUM.002.022in tribu filiorum Beniamin princeps fuit Abidan filius Gedeonis

2:23b.NUM.002.023et cunctus exercitus pugnatorum eius qui recensiti sunt triginta quinque milia quadringenti

2:24b.NUM.002.024omnes qui numerati sunt in castris Ephraim centum octo milia centum per turmas suas tertii proficiscentur

2:25b.NUM.002.025ad aquilonis partem castrametati sunt filii Dan quorum princeps fuit Ahiezer filius Amisaddai

2:26b.NUM.002.026cunctus exercitus pugnatorum eius qui numerati sunt sexaginta duo milia septingenti

2:27b.NUM.002.027iuxta eum fixere tentoria de tribu Aser quorum princeps fuit Phegihel filius Ochran

2:28b.NUM.002.028cunctus exercitus pugnatorum eius qui numerati sunt quadraginta milia et mille quingenti

2:29b.NUM.002.029de tribu filiorum Nepthalim princeps fuit Ahira filius Henan

2:30b.NUM.002.030cunctus exercitus pugnatorum eius quinquaginta tria milia quadringenti

2:31b.NUM.002.031omnes qui numerati sunt in castris Dan fuerunt centum quinquaginta septem milia sescenti et novissimi proficiscentur

2:32b.NUM.002.032hic numerus filiorum Israhel per domos cognationum suarum et turmas divisi exercitus sescenta tria milia quingenti quinquaginta

2:33b.NUM.002.033Levitae autem non sunt numerati inter filios Israhel sic enim praecepit Dominus Mosi

2:34b.NUM.002.034feceruntque filii Israhel iuxta omnia quae mandaverat Dominus castrametati sunt per turmas suas et profecti per familias ac domos patrum suorum

3

3:1b.NUM.003.001haec sunt generationes Aaron et Mosi in die qua locutus est Dominus ad Mosen in monte Sinai

3:2b.NUM.003.002et haec nomina filiorum Aaron primogenitus eius Nadab dein Abiu et Eleazar et Ithamar

3:3b.NUM.003.003haec nomina filiorum Aaron sacerdotum qui uncti sunt et quorum repletae et consecratae manus ut sacerdotio fungerentur

3:4b.NUM.003.004mortui sunt Nadab et Abiu cum offerrent ignem alienum in conspectu Domini in deserto Sinai absque liberis functique sunt sacerdotio Eleazar et Ithamar coram Aaron patre suo

3:5b.NUM.003.005locutus est Dominus ad Mosen dicens

3:6b.NUM.003.006adplica tribum Levi et fac stare in conspectu Aaron sacerdotis ut ministrent ei et excubent

3:7b.NUM.003.007et observent quicquid ad cultum pertinet multitudinis coram tabernaculo testimonii

3:8b.NUM.003.008et custodiant vasa tabernaculi servientes in ministerio eius

3:9b.NUM.003.009dabisque dono Levitas

3:10b.NUM.003.010Aaron et filiis eius quibus traditi sunt a filiis Israhel Aaron autem et filios eius constitues super cultum sacerdotii externus qui ad ministrandum accesserit morietur

3:11b.NUM.003.011locutusque est Dominus ad Mosen dicens

3:12b.NUM.003.012ego tuli Levitas a filiis Israhel pro omni primogenito qui aperit vulvam in filiis Israhel eruntque Levitae mei

3:13b.NUM.003.013meum est enim omne primogenitum ex quo percussi primogenitos in terra Aegypti sanctificavi mihi quicquid primum nascitur in Israhel ab homine usque ad pecus mei sunt ego Dominus

3:14b.NUM.003.014locutus est Dominus ad Mosen in deserto Sinai dicens

3:15b.NUM.003.015numera filios Levi per domos patrum suorum et familias omnem masculum ab uno mense et supra

3:16b.NUM.003.016numeravit Moses ut praeceperat Dominus

3:17b.NUM.003.017et inventi sunt filii Levi per nomina sua Gerson et Caath et Merari

3:18b.NUM.003.018filii Gerson Lebni et Semei

3:19b.NUM.003.019filii Caath Amram et Iessaar Hebron et Ozihel

3:20b.NUM.003.020filii Merari Mooli et Musi

3:21b.NUM.003.021de Gerson fuere familiae duae lebnitica et semeitica

3:22b.NUM.003.022quarum numeratus est populus sexus masculini ab uno mense et supra septem milia quingentorum

3:23b.NUM.003.023hii post tabernaculum metabuntur ad occidentem

3:24b.NUM.003.024sub principe Eliasaph filio Lahel

3:25b.NUM.003.025et habebunt excubias in tabernaculo foederis

3:26b.NUM.003.026ipsum tabernaculum et operimentum eius tentorium quod trahitur ante fores tecti foederis et cortinas atrii tentorium quoque quod adpenditur in introitu atrii tabernaculi et quicquid ad ritum altaris pertinet funes tabernaculi et omnia utensilia eius

3:27b.NUM.003.027cognatio Caath habebit populos Amramitas et Iessaaritas et Hebronitas et Ozihelitas hae sunt familiae Caathitarum recensitae per nomina sua

3:28b.NUM.003.028omnes generis masculini ab uno mense et supra octo milia sescenti habebunt excubias sanctuarii

3:29b.NUM.003.029et castrametabuntur ad meridianam plagam

3:30b.NUM.003.030princepsque eorum erit Elisaphan filius Ozihel

3:31b.NUM.003.031et custodient arcam mensamque et candelabrum altaria et vasa sanctuarii in quibus ministratur et velum cunctamque huiuscemodi supellectilem

3:32b.NUM.003.032princeps autem principum Levitarum Eleazar filius Aaron sacerdotis erit super excubitores custodiae sanctuarii

3:33b.NUM.003.033at vero de Merari erunt populi Moolitae et Musitae recensiti per nomina sua

3:34b.NUM.003.034omnes generis masculini ab uno mense et supra sex milia ducenti

3:35b.NUM.003.035princeps eorum Surihel filius Abiahihel in plaga septentrionali castrametabuntur

3:36b.NUM.003.036erunt sub custodia eorum tabulae tabernaculi et vectes et columnae ac bases earum et omnia quae ad cultum huiuscemodi pertinent

3:37b.NUM.003.037columnaeque atrii per circuitum cum basibus suis et paxilli cum funibus

3:38b.NUM.003.038castrametabuntur ante tabernaculum foederis id est ad orientalem plagam Moses et Aaron cum filiis suis habentes custodiam sanctuarii in medio filiorum Israhel quisquis alienus accesserit morietur

3:39b.NUM.003.039omnes Levitae quos numeraverunt Moses et Aaron iuxta praeceptum Domini per familias suas in genere masculino a mense uno et supra fuerunt viginti duo milia

3:40b.NUM.003.040et ait Dominus ad Mosen numera primogenitos sexus masculini de filiis Israhel a mense uno et supra et habebis summam eorum

3:41b.NUM.003.041tollesque Levitas mihi pro omni primogenito filiorum Israhel ego sum Dominus et pecora eorum pro universis primogenitis pecoris filiorum Israhel

3:42b.NUM.003.042recensuit Moses sicut praeceperat Dominus primogenitos filiorum Israhel

3:43b.NUM.003.043et fuerunt masculi per nomina sua a mense uno et supra viginti duo milia ducenti septuaginta tres

3:44b.NUM.003.044locutusque est Dominus ad Mosen

3:45b.NUM.003.045tolle Levitas pro primogenitis filiorum Israhel et pecora Levitarum pro pecoribus eorum eruntque Levitae mei ego sum Dominus

3:46b.NUM.003.046in pretio autem ducentorum septuaginta trium qui excedunt numerum Levitarum de primogenitis filiorum Israhel

3:47b.NUM.003.047accipies quinque siclos per singula capita ad mensuram sanctuarii siclus habet obolos viginti

3:48b.NUM.003.048dabisque pecuniam Aaron et filiis eius pretium eorum qui supra sunt

3:49b.NUM.003.049tulit igitur Moses pecuniam eorum qui fuerant amplius et quos redemerant a Levitis

3:50b.NUM.003.050pro primogenitis filiorum Israhel mille trecentorum sexaginta quinque siclorum iuxta pondus sanctuarii

3:51b.NUM.003.051et dedit eam Aaroni et filiis eius iuxta verbum quod praeceperat sibi Dominus

4

4:1b.NUM.004.001locutusque est Dominus ad Mosen et Aaron dicens

4:2b.NUM.004.002tolle summam filiorum Caath de medio Levitarum per domos et familias suas

4:3b.NUM.004.003a tricesimo anno et supra usque ad quinquagesimum annum omnium qui ingrediuntur ut stent et ministrent in tabernaculo foederis

4:4b.NUM.004.004hic est cultus filiorum Caath tabernaculum foederis et sanctum sanctorum

4:5b.NUM.004.005ingredientur Aaron et filii eius quando movenda sunt castra et deponent velum quod pendet ante fores involventque eo arcam testimonii

4:6b.NUM.004.006et operient rursum velamine ianthinarum pellium extendentque desuper pallium totum hyacinthinum et inducent vectes

4:7b.NUM.004.007mensam quoque propositionis involvent hyacinthino pallio et ponent cum ea turibula et mortariola cyatos et crateras ad liba fundenda panes semper in ea erunt

4:8b.NUM.004.008extendentque desuper pallium coccineum quod rursum operient velamento ianthinarum pellium et inducent vectes

4:9b.NUM.004.009sument et pallium hyacinthinum quo operient candelabrum cum lucernis et forcipibus suis et emunctoriis et cunctis vasis olei quae ad concinnandas lucernas necessaria sunt

4:10b.NUM.004.010et super omnia ponent operimentum ianthinarum pellium et inducent vectes

4:11b.NUM.004.011nec non et altare aureum involvent hyacinthino vestimento et extendent desuper operimentum ianthinarum pellium inducentque vectes

4:12b.NUM.004.012omnia vasa quibus ministratur in sanctuario involvent hyacinthino pallio et extendent desuper operimentum ianthinarum pellium inducentque vectes

4:13b.NUM.004.013sed et altare mundabunt cinere et involvent illud purpureo vestimento

4:14b.NUM.004.014ponentque cum eo omnia vasa quibus in ministerio eius utuntur id est ignium receptacula fuscinulas ac tridentes uncinos et vatilla cuncta vasa altaris operient simul velamine ianthinarum pellium et inducent vectes

4:15b.NUM.004.015cumque involverint Aaron et filii eius sanctuarium et omnia vasa eius in commotione castrorum tunc intrabunt filii Caath ut portent involuta et non tangant vasa sanctuarii ne moriantur ista sunt onera filiorum Caath in tabernaculo foederis

4:16b.NUM.004.016super quos erit Eleazar filius Aaron sacerdotis ad cuius pertinet curam oleum ad concinnandas lucernas et conpositionis incensum et sacrificium quod semper offertur et oleum unctionis et quicquid ad cultum tabernaculi pertinet omniumque vasorum quae in sanctuario sunt

4:17b.NUM.004.017locutusque est Dominus ad Mosen et Aaron dicens

4:18b.NUM.004.018nolite perdere populum Caath de medio Levitarum

4:19b.NUM.004.019sed hoc facite eis ut vivant et non moriantur si tetigerint sancta sanctorum Aaron et filii eius intrabunt ipsique disponent opera singulorum et divident quid portare quis debeat

4:20b.NUM.004.020alii nulla curiositate videant quae sunt in sanctuario priusquam involvantur alioquin morientur

4:21b.NUM.004.021locutus est Dominus ad Mosen dicens

4:22b.NUM.004.022tolle summam etiam filiorum Gerson per domos ac familias et cognationes suas

4:23b.NUM.004.023a triginta annis et supra usque ad annos quinquaginta numera omnes qui ingrediuntur et ministrant in tabernaculo foederis

4:24b.NUM.004.024hoc est officium familiae Gersonitarum

4:25b.NUM.004.025ut portent cortinas tabernaculi et tectum foederis operimentum aliud et super omnia velamen ianthinum tentoriumque quod pendet in introitu foederis tabernaculi

4:26b.NUM.004.026cortinas atrii et velum in introitu quod est ante tabernaculum omnia quae ad altare pertinent funiculos et vasa ministerii

4:27b.NUM.004.027iubente Aaron et filiis eius portabunt filii Gerson et scient singuli cui debeant oneri mancipari

4:28b.NUM.004.028hic est cultus familiae Gersonitarum in tabernaculo foederis eruntque sub manu Ithamar filii Aaron sacerdotis

4:29b.NUM.004.029filios quoque Merari per familias et domos patrum suorum recensebis

4:30b.NUM.004.030a triginta annis et supra usque ad annos quinquaginta omnes qui ingrediuntur ad officium ministerii sui et cultum foederis testimonii

4:31b.NUM.004.031haec sunt onera eorum portabunt tabulas tabernaculi et vectes eius columnas et bases earum

4:32b.NUM.004.032columnas quoque atrii per circuitum cum basibus et paxillis et funibus suis omnia vasa et supellectilem ad numerum accipient sicque portabunt

4:33b.NUM.004.033hoc est officium familiae Meraritarum et ministerium in tabernaculo foederis eruntque sub manu Ithamar filii Aaron sacerdotis

4:34b.NUM.004.034recensuerunt igitur Moses et Aaron et principes synagogae filios Caath per cognationes et domos patrum suorum

4:35b.NUM.004.035a triginta annis et supra usque ad annum quinquagesimum omnes qui ingrediuntur ad ministerium tabernaculi foederis

4:36b.NUM.004.036et inventi sunt duo milia septingenti quinquaginta

4:37b.NUM.004.037hic est numerus populi Caath qui intrat tabernaculum foederis hos numeravit Moses et Aaron iuxta sermonem Domini per manum Mosi

4:38b.NUM.004.038numerati sunt et filii Gerson per cognationes et domos patrum suorum

4:39b.NUM.004.039a triginta annis et supra usque ad annum quinquagesimum omnes qui ingrediuntur ut ministrent in tabernaculo foederis

4:40b.NUM.004.040et inventi sunt duo milia sescenti triginta

4:41b.NUM.004.041hic est populus Gersonitarum quos numeraverunt Moses et Aaron iuxta verbum Domini

4:42b.NUM.004.042numerati sunt et filii Merari per cognationes et domos patrum suorum

4:43b.NUM.004.043a triginta annis et supra usque ad annum quinquagesimum omnes qui ingrediuntur ad explendos ritus tabernaculi foederis

4:44b.NUM.004.044et inventi sunt tria milia ducenti

4:45b.NUM.004.045hic est numerus filiorum Merari quos recensuerunt Moses et Aaron iuxta imperium Domini per manum Mosi

4:46b.NUM.004.046omnes qui recensiti sunt de Levitis et quos fecit ad nomen Moses et Aaron et principes Israhel per cognationes et domos patrum suorum

4:47b.NUM.004.047a triginta annis et supra usque ad annum quinquagesimum ingredientes ad ministerium tabernaculi et onera portanda

4:48b.NUM.004.048fuerunt simul octo milia quingenti octoginta

4:49b.NUM.004.049iuxta verbum Domini recensuit eos Moses unumquemque iuxta officium et onera sua sicut praeceperat ei Dominus

5

5:1b.NUM.005.001locutusque est Dominus ad Mosen dicens

5:2b.NUM.005.002praecipe filiis Israhel ut eiciant de castris omnem leprosum et qui semine fluit pollutusque est super mortuo

5:3b.NUM.005.003tam masculum quam feminam eicite de castris ne contaminent ea cum habitaverim vobiscum

5:4b.NUM.005.004feceruntque ita filii Israhel et eiecerunt eos extra castra sicut locutus erat Dominus Mosi

5:5b.NUM.005.005locutus est Dominus ad Mosen dicens

5:6b.NUM.005.006loquere ad filios Israhel vir sive mulier cum fecerint ex omnibus peccatis quae solent hominibus accidere et per neglegentiam transgressi fuerint mandatum Domini atque deliquerint

5:7b.NUM.005.007confitebuntur peccatum suum et reddent ipsum caput quintamque partem desuper ei in quem peccaverint

5:8b.NUM.005.008sin autem non fuerit qui recipiat dabunt Domino et erit sacerdotis excepto ariete qui offertur pro expiatione ut sit placabilis hostia

5:9b.NUM.005.009omnes quoque primitiae quas offerunt filii Israhel ad sacerdotem pertinent

5:10b.NUM.005.010et quicquid in sanctuarium offertur a singulis et traditur manibus sacerdotis ipsius erit

5:11b.NUM.005.011locutus est Dominus ad Mosen dicens

5:12b.NUM.005.012loquere ad filios Israhel et dices ad eos vir cuius uxor erraverit maritumque contemnens

5:13b.NUM.005.013dormierit cum altero viro et hoc maritus deprehendere non quiverit sed latet adulterium et testibus argui non potest quia non est inventa in stupro

5:14b.NUM.005.014si spiritus zelotypiae concitaverit virum contra uxorem suam quae vel polluta est vel falsa suspicione appetitur

5:15b.NUM.005.015adducet eam ad sacerdotem et offeret oblationem pro illa decimam partem sati farinae hordiaciae non fundet super eam oleum nec inponet tus quia sacrificium zelotypiae est et oblatio investigans adulterium

5:16b.NUM.005.016offeret igitur eam sacerdos et statuet coram Domino

5:17b.NUM.005.017adsumetque aquam sanctam in vase fictili et pauxillum terrae de pavimento tabernaculi mittet in eam

5:18b.NUM.005.018cumque steterit mulier in conspectu Domini discoperiet caput eius et ponet super manus illius sacrificium recordationis et oblationem zelotypiae ipse autem tenebit aquas amarissimas in quibus cum execratione maledicta congessit

5:19b.NUM.005.019adiurabitque eam et dicet si non dormivit vir alienus tecum et si non polluta es deserto mariti toro non te nocebunt aquae istae amarissimae in quas maledicta congessi

5:20b.NUM.005.020sin autem declinasti a viro tuo atque polluta es et concubuisti cum altero

5:21b.NUM.005.021his maledictionibus subiacebis det te Dominus in maledictionem exemplumque cunctorum in populo suo putrescere faciat femur tuum et tumens uterus disrumpatur

5:22b.NUM.005.022ingrediantur aquae maledictae in ventrem tuum et utero tumescente putrescat femur et respondebit mulier amen amen

5:23b.NUM.005.023scribetque sacerdos in libello ista maledicta et delebit ea aquis amarissimis in quas maledicta congessit

5:24b.NUM.005.024et dabit ei bibere quas cum exhauserit

5:25b.NUM.005.025tollet sacerdos de manu eius sacrificium zelotypiae et elevabit illud coram Domino inponetque super altare ita dumtaxat ut prius

5:26b.NUM.005.026pugillum sacrificii tollat de eo quod offertur et incendat super altare et sic potum det mulieri aquas amarissimas

5:27b.NUM.005.027quas cum biberit si polluta est et contempto viro adulterii rea pertransibunt eam aquae maledictionis et inflato ventre conputrescet femur eritque mulier in maledictionem et in exemplum omni populo

5:28b.NUM.005.028quod si polluta non fuerit erit innoxia et faciet liberos

5:29b.NUM.005.029ista est lex zelotypiae si declinaverit mulier a viro suo et si polluta fuerit

5:30b.NUM.005.030maritusque zelotypiae spiritu concitatus adduxerit eam in conspectu Domini et fecerit ei sacerdos iuxta omnia quae scripta sunt

5:31b.NUM.005.031maritus absque culpa erit et illa recipiet iniquitatem suam

6

6:1b.NUM.006.001locutus est Dominus ad Mosen dicens

6:2b.NUM.006.002loquere ad filios Israhel et dices ad eos vir sive mulier cum fecerit votum ut sanctificentur et se voluerint Domino consecrare

6:3b.NUM.006.003vino et omni quod inebriare potest abstinebunt acetum ex vino et ex qualibet alia potione et quicquid de uva exprimitur non bibent uvas recentes siccasque non comedent

6:4b.NUM.006.004cunctis diebus quibus ex voto Domino consecrantur quicquid ex vinea esse potest ab uva passa usque ad acinum non comedent

6:5b.NUM.006.005omni tempore separationis suae novacula non transibit super caput eius usque ad conpletum diem quo Domino consecratur sanctus erit crescente caesarie capitis eius

6:6b.NUM.006.006omni tempore consecrationis suae super mortuum non ingredietur

6:7b.NUM.006.007nec super patris quidem et matris et fratris sororisque funere contaminabitur quia consecratio Dei sui super caput eius est

6:8b.NUM.006.008omnes dies separationis suae sanctus erit Domino

6:9b.NUM.006.009sin autem mortuus fuerit subito quispiam coram eo polluetur caput consecrationis eius quod radet ilico et in eadem die purgationis suae et rursum septima

6:10b.NUM.006.010in octavo autem die offeret duos turtures vel duos pullos columbae sacerdoti in introitu foederis testimonii

6:11b.NUM.006.011facietque sacerdos unum pro peccato et alterum in holocaustum et deprecabitur pro eo quia peccavit super mortuo sanctificabitque caput eius in die illo

6:12b.NUM.006.012et consecrabit Domino dies separationis illius offerens agnum anniculum pro peccato ita tamen ut dies priores irriti fiant quoniam polluta est sanctificatio eius

6:13b.NUM.006.013ista est lex consecrationis cum dies quos ex voto decreverat conplebuntur adducet eum ad ostium tabernaculi foederis

6:14b.NUM.006.014et offeret oblationem eius Domino agnum anniculum inmaculatum in holocaustum et ovem anniculam inmaculatam pro peccato et arietem inmaculatum hostiam pacificam

6:15b.NUM.006.015canistrum quoque panum azymorum qui conspersi sunt oleo et lagana absque fermento uncta oleo ac libamina singulorum

6:16b.NUM.006.016quae offeret sacerdos coram Domino et faciet tam pro peccato quam in holocaustum

6:17b.NUM.006.017arietem vero immolabit hostiam pacificam Domino offerens simul canistrum azymorum et libamenta quae ex more debentur

6:18b.NUM.006.018tunc radetur nazareus ante ostium tabernaculi foederis caesarie consecrationis suae tolletque capillos eius et ponet super ignem qui est subpositus sacrificio pacificorum

6:19b.NUM.006.019et armum coctum arietis tortamque absque fermento unam de canistro et laganum azymum unum et tradet in manibus nazarei postquam rasum fuerit caput eius

6:20b.NUM.006.020susceptaque rursum ab eo elevabit in conspectu Domini et sanctificata sacerdotis erunt sicut pectusculum quod separari iussum est et femur post haec potest bibere nazareus vinum

6:21b.NUM.006.021ista est lex nazarei cum voverit oblationem suam Domino tempore consecrationis suae exceptis his quae invenerit manus eius iuxta quod mente devoverat ita faciet ad perfectionem sanctificationis suae

6:22b.NUM.006.022locutus est Dominus ad Mosen dicens

6:23b.NUM.006.023loquere Aaron et filiis eius sic benedicetis filiis Israhel et dicetis eis

6:24b.NUM.006.024benedicat tibi Dominus et custodiat te

6:25b.NUM.006.025ostendat Dominus faciem suam tibi et misereatur tui

6:26b.NUM.006.026convertat Dominus vultum suum ad te et det tibi pacem

6:27b.NUM.006.027invocabunt nomen meum super filios Israhel et ego benedicam eis

7

7:1b.NUM.007.001factum est autem in die qua conplevit Moses tabernaculum et erexit illud unxitque et sanctificavit cum omnibus vasis suis altare similiter et vasa eius

7:2b.NUM.007.002obtulerunt principes Israhel et capita familiarum qui erant per singulas tribus praefecti eorum qui numerati fuerant

7:3b.NUM.007.003munera coram Domino sex plaustra tecta cum duodecim bubus unum plaustrum obtulere duo duces et unum bovem singuli obtuleruntque ea in conspectu tabernaculi

7:4b.NUM.007.004ait autem Dominus ad Mosen

7:5b.NUM.007.005suscipe ab eis ut serviant in ministerio tabernaculi et tradas ea Levitis iuxta ordinem ministerii sui

7:6b.NUM.007.006itaque cum suscepisset Moses plaustra et boves tradidit eos Levitis

7:7b.NUM.007.007duo plaustra et quattuor boves dedit filiis Gerson iuxta id quod habebant necessarium

7:8b.NUM.007.008quattuor alia plaustra et octo boves dedit filiis Merari secundum officia et cultum suum sub manu Ithamar filii Aaron sacerdotis

7:9b.NUM.007.009filiis autem Caath non dedit plaustra et boves quia in sanctuario serviunt et onera propriis portant umeris

7:10b.NUM.007.010igitur obtulerunt duces in dedicationem altaris die qua unctum est oblationem suam ante altare

7:11b.NUM.007.011dixitque Dominus ad Mosen singuli duces per singulos dies offerant munera in dedicationem altaris

7:12b.NUM.007.012primo die obtulit oblationem suam Naasson filius Aminadab de tribu Iuda

7:13b.NUM.007.013fueruntque in ea acetabulum argenteum pondo centum triginta siclorum fiala argentea habens septuaginta siclos iuxta pondus sanctuarii utrumque plenum simila conspersa oleo in sacrificium

7:14b.NUM.007.014mortariolum ex decem siclis aureis plenum incenso

7:15b.NUM.007.015bovem et arietem et agnum anniculum in holocaustum

7:16b.NUM.007.016hircumque pro peccato

7:17b.NUM.007.017et in sacrificio pacificorum boves duos arietes quinque hircos quinque agnos anniculos quinque haec est oblatio Naasson filii Aminadab

7:18b.NUM.007.018secundo die obtulit Nathanahel filius Suar dux de tribu Isachar

7:19b.NUM.007.019acetabulum argenteum adpendens centum triginta siclos fialam argenteam habentem septuaginta siclos iuxta pondus sanctuarii utrumque plenum simila conspersa oleo in sacrificium

7:20b.NUM.007.020mortariolum aureum habens decem siclos plenum incenso

7:21b.NUM.007.021bovem de armento et arietem et agnum anniculum in holocaustum

7:22b.NUM.007.022hircumque pro peccato

7:23b.NUM.007.023et in sacrificio pacificorum boves duos arietes quinque hircos quinque agnos anniculos quinque haec fuit oblatio Nathanahel filii Suar

7:24b.NUM.007.024tertio die princeps filiorum Zabulon Heliab filius Helon

7:25b.NUM.007.025obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

7:26b.NUM.007.026mortariolum aureum adpendens decem siclos plenum incenso

7:27b.NUM.007.027bovem de armento et arietem et agnum anniculum in holocaustum

7:28b.NUM.007.028hircumque pro peccato

7:29b.NUM.007.029et in sacrificio pacificorum boves duos arietes quinque hircos quinque agnos anniculos quinque haec est oblatio Heliab filii Helon

7:30b.NUM.007.030die quarto princeps filiorum Ruben Helisur filius Sedeur

7:31b.NUM.007.031obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

7:32b.NUM.007.032mortariolum aureum adpendens decem siclos plenum incenso

7:33b.NUM.007.033bovem de armento et arietem et agnum anniculum in holocaustum

7:34b.NUM.007.034hircumque pro peccato

7:35b.NUM.007.035et in hostias pacificorum boves duos arietes quinque hircos quinque agnos anniculos quinque haec fuit oblatio Helisur filii Sedeur

7:36b.NUM.007.036die quinto princeps filiorum Symeon Salamihel filius Surisaddai

7:37b.NUM.007.037obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

7:38b.NUM.007.038mortariolum aureum adpendens decem siclos plenum incenso

7:39b.NUM.007.039bovem de armento et arietem et agnum anniculum in holocaustum

7:40b.NUM.007.040hircumque pro peccato

7:41b.NUM.007.041et in hostias pacificorum boves duos arietes quinque hircos quinque agnos anniculos quinque haec fuit oblatio Salamihel filii Surisaddai

7:42b.NUM.007.042die sexto princeps filiorum Gad Heliasaph filius Duhel

7:43b.NUM.007.043obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

7:44b.NUM.007.044mortariolum aureum adpendens siclos decem plenum incenso

7:45b.NUM.007.045bovem de armento et arietem et agnum anniculum in holocaustum

7:46b.NUM.007.046hircumque pro peccato

7:47b.NUM.007.047et in hostias pacificorum boves duos arietes quinque hircos quinque agnos anniculos quinque haec fuit oblatio Heliasaph filii Duhel

7:48b.NUM.007.048die septimo princeps filiorum Ephraim Helisama filius Ammiud

7:49b.NUM.007.049obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

7:50b.NUM.007.050mortariolum aureum adpendens decem siclos plenum incenso

7:51b.NUM.007.051bovem de armento et arietem et agnum anniculum in holocaustum

7:52b.NUM.007.052hircumque pro peccato

7:53b.NUM.007.053et in hostias pacificas boves duos arietes quinque hircos quinque agnos anniculos quinque haec fuit oblatio Helisama filii Ammiud

7:54b.NUM.007.054die octavo princeps filiorum Manasse Gamalihel filius Phadassur

7:55b.NUM.007.055obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

7:56b.NUM.007.056mortariolum aureum adpendens decem siclos plenum incenso

7:57b.NUM.007.057bovem de armento et arietem et agnum anniculum in holocaustum

7:58b.NUM.007.058hircumque pro peccato

7:59b.NUM.007.059et in hostias pacificorum boves duos arietes quinque hircos quinque agnos anniculos quinque haec fuit oblatio Gamalihel filii Phadassur

7:60b.NUM.007.060die nono princeps filiorum Beniamin Abidan filius Gedeonis

7:61b.NUM.007.061obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

7:62b.NUM.007.062mortariolum aureum adpendens decem siclos plenum incenso

7:63b.NUM.007.063bovem de armento et arietem et agnum anniculum in holocaustum

7:64b.NUM.007.064hircumque pro peccato

7:65b.NUM.007.065et in hostias pacificorum boves duos arietes quinque hircos quinque agnos anniculos quinque haec fuit oblatio Abidan filii Gedeonis

7:66b.NUM.007.066die decimo princeps filiorum Dan Ahiezer filius Amisaddai

7:67b.NUM.007.067obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

7:68b.NUM.007.068mortariolum aureum adpendens decem siclos plenum incenso

7:69b.NUM.007.069bovem de armento et arietem et agnum anniculum in holocaustum

7:70b.NUM.007.070hircumque pro peccato

7:71b.NUM.007.071et in hostias pacificorum boves duos arietes quinque hircos quinque agnos anniculos quinque haec fuit oblatio Ahiezer filii Amisaddai

7:72b.NUM.007.072die undecimo princeps filiorum Aser Phagaihel filius Ochran

7:73b.NUM.007.073obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

7:74b.NUM.007.074mortariolum aureum adpendens decem siclos plenum incenso

7:75b.NUM.007.075bovem de armento et arietem et agnum anniculum in holocaustum

7:76b.NUM.007.076hircumque pro peccato

7:77b.NUM.007.077et in hostias pacificorum boves duos arietes quinque hircos quinque agnos anniculos quinque haec fuit oblatio Phagaihel filii Ochran

7:78b.NUM.007.078die duodecimo princeps filiorum Nepthalim Achira filius Henan

7:79b.NUM.007.079obtulit acetabulum argenteum adpendens centum triginta siclos fialam argenteam habentem septuaginta siclos ad pondus sanctuarii utrumque plenum simila conspersa oleo in sacrificium

7:80b.NUM.007.080mortariolum aureum adpendens decem siclos plenum incenso

7:81b.NUM.007.081bovem de armento et arietem et agnum anniculum in holocaustum

7:82b.NUM.007.082hircumque pro peccato

7:83b.NUM.007.083et in hostias pacificorum boves duos arietes quinque hircos quinque agnos anniculos quinque haec fuit oblatio Achira filii Henan

7:84b.NUM.007.084haec in dedicatione altaris oblata sunt a principibus Israhel in die qua consecratum est acetabula argentea duodecim fialae argenteae duodecim mortariola aurea duodecim

7:85b.NUM.007.085ita ut centum triginta argenti siclos haberet unum acetabulum et septuaginta siclos una fiala id est in commune vasorum omnium ex argento sicli duo milia quadringenti pondere sanctuarii

7:86b.NUM.007.086mortariola aurea duodecim plena incenso denos siclos adpendentia pondere sanctuarii id est simul auri sicli centum viginti

7:87b.NUM.007.087boves de armento in holocaustum duodecim arietes duodecim agni anniculi duodecim et libamenta eorum hirci duodecim pro peccato

7:88b.NUM.007.088hostiae pacificorum boves viginti quattuor arietes sexaginta hirci sexaginta agni anniculi sexaginta haec oblata sunt in dedicatione altaris quando unctum est

7:89b.NUM.007.089cumque ingrederetur Moses tabernaculum foederis ut consuleret oraculum audiebat vocem loquentis ad se de propitiatorio quod erat super arcam testimonii inter duos cherubin unde et loquebatur ei

8

8:1b.NUM.008.001locutus est Dominus ad Mosen dicens

8:2b.NUM.008.002loquere Aaroni et dices ad eum cum posueris septem lucernas contra eam partem quam candelabrum respicit lucere debebunt

8:3b.NUM.008.003fecitque Aaron et inposuit lucernas super candelabrum ut praeceperat Dominus Mosi

8:4b.NUM.008.004haec autem erat factura candelabri ex auro ductili tam medius stipes quam cuncta ex utroque calamorum latera nascebantur iuxta exemplum quod ostendit Dominus Mosi ita operatus est candelabrum

8:5b.NUM.008.005et locutus est Dominus ad Mosen dicens

8:6b.NUM.008.006tolle Levitas de medio filiorum Israhel et purificabis eos

8:7b.NUM.008.007iuxta hunc ritum aspergantur aqua lustrationis et radant omnes pilos carnis suae cumque laverint vestimenta sua et mundati fuerint

8:8b.NUM.008.008tollant bovem de armentis et libamentum eius similam oleo conspersam bovem autem alterum de armento tu accipies pro peccato

8:9b.NUM.008.009et adplicabis Levitas coram tabernaculo foederis convocata omni multitudine filiorum Israhel

8:10b.NUM.008.010cumque Levitae fuerint coram Domino ponent filii Israhel manus suas super eos

8:11b.NUM.008.011et offeret Aaron Levitas munus in conspectu Domini a filiis Israhel ut serviant in ministerio eius

8:12b.NUM.008.012Levitae quoque ponent manus suas super capita boum e quibus unum facies pro peccato et alterum in holocaustum Domini ut depreceris pro eis

8:13b.NUM.008.013statuesque Levitas in conspectu Aaron et filiorum eius et consecrabis oblatos Domino

8:14b.NUM.008.014ac separabis de medio filiorum Israhel ut sint mei

8:15b.NUM.008.015et postea ingrediantur tabernaculum foederis ut serviant mihi sicque purificabis et consecrabis eos in oblationem Domini quoniam dono donati sunt mihi a filiis Israhel

8:16b.NUM.008.016pro primogenitis quae aperiunt omnem vulvam in Israhel accepi eos

8:17b.NUM.008.017mea sunt omnia primogenita filiorum Israhel tam ex hominibus quam ex iumentis ex die quo percussi omnem primogenitum in terra Aegypti sanctificavi eos mihi

8:18b.NUM.008.018et tuli Levitas pro cunctis primogenitis filiorum Israhel

8:19b.NUM.008.019tradidique eos dono Aaroni et filiis eius de medio populi ut serviant mihi pro Israhel in tabernaculo foederis et orent pro eis ne sit in populo plaga si ausi fuerint accedere ad sanctuarium

8:20b.NUM.008.020feceruntque Moses et Aaron et omnis multitudo filiorum Israhel super Levitas quae praeceperat Dominus Mosi

8:21b.NUM.008.021purificatique sunt et laverunt vestimenta sua elevavitque eos Aaron in conspectu Domini et oravit pro eis

8:22b.NUM.008.022ut purificati ingrederentur ad officia sua in tabernaculum foederis coram Aaron et filiis eius sicut praeceperat Dominus Mosi de Levitis ita factum est

8:23b.NUM.008.023locutus est Dominus ad Mosen dicens

8:24b.NUM.008.024haec est lex Levitarum a viginti quinque annis et supra ingredientur ut ministrent in tabernaculo foederis

8:25b.NUM.008.025cumque quinquagesimum annum aetatis impleverint servire cessabunt

8:26b.NUM.008.026eruntque ministri fratrum suorum in tabernaculo foederis ut custodiant quae sibi fuerint commendata opera autem ipsa non faciant sic dispones Levitas in custodiis suis

9

9:1b.NUM.009.001locutus est Dominus ad Mosen in deserto Sinai anno secundo postquam egressi sunt de terra Aegypti mense primo dicens

9:2b.NUM.009.002faciant filii Israhel phase in tempore suo

9:3b.NUM.009.003quartadecima die mensis huius ad vesperam iuxta omnes caerimonias et iustificationes eius

9:4b.NUM.009.004praecepitque Moses filiis Israhel ut facerent phase

9:5b.NUM.009.005qui fecerunt tempore suo quartadecima die mensis ad vesperam in monte Sinai iuxta omnia quae mandaverat Dominus Mosi fecerunt filii Israhel

9:6b.NUM.009.006ecce autem quidam inmundi super animam hominis qui non poterant facere pascha in die illo accedentes ad Mosen et Aaron

9:7b.NUM.009.007dixerunt eis inmundi sumus super animam hominis quare fraudamur ut non valeamus offerre oblationem Domino in tempore suo inter filios Israhel

9:8b.NUM.009.008quibus respondit Moses state ut consulam quid praecipiat Dominus de vobis

9:9b.NUM.009.009locutusque est Dominus ad Mosen dicens

9:10b.NUM.009.010loquere filiis Israhel homo qui fuerit inmundus super anima sive in via procul in gente vestra faciat phase Domino

9:11b.NUM.009.011mense secundo quartadecima die mensis ad vesperam cum azymis et lactucis agrestibus comedent illud

9:12b.NUM.009.012non relinquent ex eo quippiam usque mane et os eius non confringent omnem ritum phase observabunt

9:13b.NUM.009.013si quis autem et mundus est et in itinere non fuit et tamen non fecit phase exterminabitur anima illa de populis suis quia sacrificium Domino non obtulit tempore suo peccatum suum ipse portabit

9:14b.NUM.009.014peregrinus quoque et advena si fuerit apud vos faciet phase Domini iuxta caerimonias et iustificationes eius praeceptum idem erit apud vos tam advenae quam indigenae

9:15b.NUM.009.015igitur die qua erectum est tabernaculum operuit illud nubes a vespere autem super tentorium erat quasi species ignis usque mane

9:16b.NUM.009.016sic fiebat iugiter per diem operiebat illud nubes et per noctem quasi species ignis

9:17b.NUM.009.017cumque ablata fuisset nubes quae tabernaculum protegebat tunc proficiscebantur filii Israhel et in loco ubi stetisset nubes ibi castrametabantur

9:18b.NUM.009.018ad imperium Domini proficiscebantur et ad imperium illius figebant tabernaculum cunctis diebus quibus stabat nubes super tabernaculum manebant in eodem loco

9:19b.NUM.009.019et si evenisset ut multo tempore maneret super illud erant filii Israhel in excubiis Domini et non proficiscebantur

9:20b.NUM.009.020quotquot diebus fuisset nubes super tabernaculum ad imperium Domini erigebant tentoria et ad imperium illius deponebant

9:21b.NUM.009.021si fuisset nubes a vespere usque mane et statim diluculo tabernaculum reliquisset proficiscebantur et si post diem et noctem recessisset dissipabant tentoria

9:22b.NUM.009.022si biduo aut uno mense vel longiori tempore fuisset super tabernaculum manebant filii Israhel in eodem loco et non proficiscebantur statim autem ut recessisset movebant castra

9:23b.NUM.009.023per verbum Domini figebant tentoria et per verbum illius proficiscebantur erantque in excubiis Domini iuxta imperium eius per manum Mosi

10

10:1b.NUM.010.001locutus est Dominus ad Mosen dicens

10:2b.NUM.010.002fac tibi duas tubas argenteas ductiles quibus convocare possis multitudinem quando movenda sunt castra

10:3b.NUM.010.003cumque increpueris tubis congregabitur ad te omnis turba ad ostium foederis tabernaculi

10:4b.NUM.010.004si semel clangueris venient ad te principes et capita multitudinis Israhel

10:5b.NUM.010.005sin autem prolixior atque concisus clangor increpuerit movebunt castra primi qui sunt ad orientalem plagam

10:6b.NUM.010.006in secundo autem sonitu et pari ululatu tubae levabunt tentoria qui habitant ad meridiem et iuxta hunc modum reliqui facient ululantibus tubis in profectione

10:7b.NUM.010.007quando autem congregandus est populus simplex tubarum clangor erit et non concise ululabunt

10:8b.NUM.010.008filii Aaron sacerdotes clangent tubis eritque hoc legitimum sempiternum in generationibus vestris

10:9b.NUM.010.009si exieritis ad bellum de terra vestra contra hostes qui dimicant adversum vos clangetis ululantibus tubis et erit recordatio vestri coram Domino Deo vestro ut eruamini de manibus inimicorum vestrorum

10:10b.NUM.010.010si quando habebitis epulum et dies festos et kalendas canetis tubis super holocaustis et pacificis victimis ut sint vobis in recordationem Dei vestri ego Dominus Deus vester

10:11b.NUM.010.011anno secundo mense secundo vicesima die mensis elevata est nubes de tabernaculo foederis

10:12b.NUM.010.012profectique sunt filii Israhel per turmas suas de deserto Sinai et recubuit nubes in solitudine Pharan

10:13b.NUM.010.013moveruntque castra primi iuxta imperium Domini in manu Mosi

10:14b.NUM.010.014filii Iuda per turmas suas quorum princeps erat Naasson filius Aminadab

10:15b.NUM.010.015in tribu filiorum Isachar fuit princeps Nathanahel filius Suar

10:16b.NUM.010.016in tribu Zabulon erat princeps Heliab filius Helon

10:17b.NUM.010.017depositumque est tabernaculum quod portantes egressi sunt filii Gerson et Merari

10:18b.NUM.010.018profectique sunt et filii Ruben per turmas et ordinem suum quorum princeps erat Helisur filius Sedeur

10:19b.NUM.010.019in tribu autem filiorum Symeon princeps fuit Salamihel filius Surisaddai

10:20b.NUM.010.020porro in tribu Gad erat princeps Heliasaph filius Duhel

10:21b.NUM.010.021profectique sunt et Caathitae portantes sanctuarium tamdiu tabernaculum portabatur donec venirent ad erectionis locum

10:22b.NUM.010.022moverunt castra et filii Ephraim per turmas suas in quorum exercitu princeps erat Helisama filius Ammiud

10:23b.NUM.010.023in tribu autem filiorum Manasse princeps fuit Gamalihel filius Phadassur

10:24b.NUM.010.024et in tribu Beniamin dux Abidan filius Gedeonis

10:25b.NUM.010.025novissimi castrorum omnium profecti sunt filii Dan per turmas suas in quorum exercitu princeps fuit Ahiezer filius Amisaddai

10:26b.NUM.010.026in tribu autem filiorum Aser erat princeps Phagaihel filius Ochran

10:27b.NUM.010.027et in tribu filiorum Nepthalim princeps Achira filius Henan

10:28b.NUM.010.028haec sunt castra et profectiones filiorum Israhel per turmas suas quando egrediebantur

10:29b.NUM.010.029dixitque Moses Hobab filio Rahuhel Madianiti cognato suo proficiscimur ad locum quem Dominus daturus est nobis veni nobiscum ut benefaciamus tibi quia Dominus bona promisit Israheli

10:30b.NUM.010.030cui ille respondit non vadam tecum sed revertar in terram meam in qua natus sum

10:31b.NUM.010.031et ille noli inquit nos relinquere tu enim nosti in quibus locis per desertum castra ponere debeamus et eris ductor noster

10:32b.NUM.010.032cumque nobiscum veneris quicquid optimum fuerit ex opibus quas nobis traditurus est Dominus dabimus tibi

10:33b.NUM.010.033profecti sunt ergo de monte Domini via trium dierum arcaque foederis Domini praecedebat eos per dies tres providens castrorum locum

10:34b.NUM.010.034nubes quoque Domini super eos erat per diem cum incederent

10:35b.NUM.010.035cumque elevaretur arca dicebat Moses surge Domine et dissipentur inimici tui et fugiant qui oderunt te a facie tua

10:36b.NUM.010.036cum autem deponeretur aiebat revertere Domine ad multitudinem exercitus Israhel

11

11:1b.NUM.011.001interea ortum est murmur populi quasi dolentium pro labore contra Dominum quod cum audisset iratus est et accensus in eos ignis Domini devoravit extremam castrorum partem

11:2b.NUM.011.002cumque clamasset populus ad Mosen oravit Moses Dominum et absortus est ignis

11:3b.NUM.011.003vocavitque nomen loci illius Incensio eo quod succensus fuisset contra eos ignis Domini

11:4b.NUM.011.004vulgus quippe promiscuum quod ascenderat cum eis flagravit desiderio sedens et flens iunctis sibi pariter filiis Israhel et ait quis dabit nobis ad vescendum carnes

11:5b.NUM.011.005recordamur piscium quos comedebamus in Aegypto gratis in mentem nobis veniunt cucumeres et pepones porrique et cepae et alia

11:6b.NUM.011.006anima nostra arida est nihil aliud respiciunt oculi nostri nisi man

11:7b.NUM.011.007erat autem man quasi semen coriandri coloris bdellii

11:8b.NUM.011.008circuibatque populus et colligens illud frangebat mola sive terebat in mortario coquens in olla et faciens ex eo tortulas saporis quasi panis oleati

11:9b.NUM.011.009cumque descenderet nocte super castra ros descendebat pariter et man

11:10b.NUM.011.010audivit ergo Moses flentem populum per familias singulos per ostia tentorii sui iratusque est furor Domini valde sed et Mosi intoleranda res visa est

11:11b.NUM.011.011et ait ad Dominum cur adflixisti servum tuum quare non invenio gratiam coram te et cur inposuisti pondus universi populi huius super me

11:12b.NUM.011.012numquid ego concepi omnem hanc multitudinem vel genui eam ut dicas mihi porta eos in sinu tuo sicut portare solet nutrix infantulum et defer in terram pro qua iurasti patribus eorum

11:13b.NUM.011.013unde mihi carnes ut dem tantae multitudini flent contra me dicentes da nobis carnes ut comedamus

11:14b.NUM.011.014non possum solus sustinere omnem hunc populum quia gravis mihi est

11:15b.NUM.011.015sin aliter tibi videtur obsecro ut interficias me et inveniam gratiam in oculis tuis ne tantis adficiar malis

11:16b.NUM.011.016et dixit Dominus ad Mosen congrega mihi septuaginta viros de senibus Israhel quos tu nosti quod senes populi sint ac magistri et duces eos ad ostium tabernaculi foederis faciesque ibi stare tecum

11:17b.NUM.011.017ut descendam et loquar tibi et auferam de spiritu tuo tradamque eis ut sustentent tecum onus populi et non tu solus graveris

11:18b.NUM.011.018populo quoque dices sanctificamini cras comedetis carnes ego enim audivi vos dicere quis dabit nobis escas carnium bene nobis erat in Aegypto ut det vobis Dominus carnes et comedatis

11:19b.NUM.011.019non uno die nec duobus vel quinque aut decem nec viginti quidem

11:20b.NUM.011.020sed usque ad mensem dierum donec exeat per nares vestras et vertatur in nausiam eo quod reppuleritis Dominum qui in medio vestri est et fleveritis coram eo dicentes quare egressi sumus ex Aegypto

11:21b.NUM.011.021et ait Moses sescenta milia peditum huius populi sunt et tu dicis dabo eis esum carnium mense integro

11:22b.NUM.011.022numquid ovium et boum multitudo caedetur ut possit sufficere ad cibum vel omnes pisces maris in unum congregabuntur ut eos satient

11:23b.NUM.011.023cui respondit Dominus numquid manus Domini invalida est iam nunc videbis utrum meus sermo opere conpleatur

11:24b.NUM.011.024venit igitur Moses et narravit populo verba Domini congregans septuaginta viros de senibus Israhel quos stare fecit circa tabernaculum

11:25b.NUM.011.025descenditque Dominus per nubem et locutus est ad eum auferens de spiritu qui erat in Mosen et dans septuaginta viris cumque requievisset in eis spiritus prophetaverunt nec ultra cessarunt

11:26b.NUM.011.026remanserant autem in castris duo viri quorum unus vocabatur Heldad et alter Medad super quos requievit spiritus nam et ipsi descripti fuerant et non exierant ad tabernaculum

11:27b.NUM.011.027cumque prophetarent in castris cucurrit puer et nuntiavit Mosi dicens Heldad et Medad prophetant in castris

11:28b.NUM.011.028statim Iosue filius Nun minister Mosi et electus e pluribus ait domine mi Moses prohibe eos

11:29b.NUM.011.029at ille quid inquit aemularis pro me quis tribuat ut omnis populus prophetet et det eis Dominus spiritum suum

11:30b.NUM.011.030reversusque est Moses et maiores natu Israhel in castra

11:31b.NUM.011.031ventus autem egrediens a Domino arreptas trans mare coturnices detulit et dimisit in castra itinere quantum uno die confici potest ex omni parte castrorum per circuitum volabantque in aere duobus cubitis altitudine super terram

11:32b.NUM.011.032surgens ergo populus toto die illo et nocte ac die altero congregavit coturnicum qui parum decem choros et siccaverunt eas per gyrum castrorum

11:33b.NUM.011.033adhuc carnes erant in dentibus eorum nec defecerat huiuscemodi cibus et ecce furor Domini concitatus in populum percussit eum plaga magna nimis

11:34b.NUM.011.034vocatusque est ille locus sepulchra Concupiscentiae ibi enim sepelierunt populum qui desideraverat egressi autem de sepulchris Concupiscentiae venerunt in Aseroth et manserunt ibi

12

12:1b.NUM.012.001locutaque est Maria et Aaron contra Mosen propter uxorem eius aethiopissam

12:2b.NUM.012.002et dixerunt num per solum Mosen locutus est Dominus nonne et nobis similiter est locutus quod cum audisset Dominus

12:3b.NUM.012.003erat enim Moses vir mitissimus super omnes homines qui morabantur in terra

12:4b.NUM.012.004statim locutus est ad eum et ad Aaron et Mariam egredimini vos tantum tres ad tabernaculum foederis cumque fuissent egressi

12:5b.NUM.012.005descendit Dominus in columna nubis et stetit in introitu tabernaculi vocans Aaron et Mariam qui cum issent

12:6b.NUM.012.006dixit ad eos audite sermones meos si quis fuerit inter vos propheta Domini in visione apparebo ei vel per somnium loquar ad illum

12:7b.NUM.012.007at non talis servus meus Moses qui in omni domo mea fidelissimus est

12:8b.NUM.012.008ore enim ad os loquor ei et palam non per enigmata et figuras Dominum videt quare igitur non timuistis detrahere servo meo Mosi

12:9b.NUM.012.009iratusque contra eos abiit

12:10b.NUM.012.010nubes quoque recessit quae erat super tabernaculum et ecce Maria apparuit candens lepra quasi nix cumque respexisset eam Aaron et vidisset perfusam lepra

12:11b.NUM.012.011ait ad Mosen obsecro domine mi ne inponas nobis hoc peccatum quod stulte commisimus

12:12b.NUM.012.012ne fiat haec quasi mortua et ut abortivum quod proicitur de vulva matris suae ecce iam medium carnis eius devoratum est lepra

12:13b.NUM.012.013clamavitque Moses ad Dominum dicens Deus obsecro sana eam

12:14b.NUM.012.014cui respondit Dominus si pater eius spuisset in faciem illius nonne debuerat saltem septem dierum rubore suffundi separetur septem diebus extra castra et postea revocabitur

12:15b.NUM.012.015exclusa est itaque Maria extra castra septem diebus et populus non est motus de loco illo donec revocata est Maria

13

13:1b.NUM.013.001profectus est de Aseroth fixis tentoriis in deserto Pharan

13:2b.NUM.013.002ibi locutus est Dominus ad Mosen dicens

13:3b.NUM.013.003mitte viros qui considerent terram Chanaan quam daturus sum filiis Israhel singulos de singulis tribubus ex principibus

13:4b.NUM.013.004fecit Moses quod Dominus imperarat de deserto Pharan mittens principes viros quorum ista sunt nomina

13:5b.NUM.013.005de tribu Ruben Semmua filium Zecchur

13:6b.NUM.013.006de tribu Symeon Saphat filium Huri

13:7b.NUM.013.007de tribu Iuda Chaleb filium Iepphonne

13:8b.NUM.013.008de tribu Isachar Igal filium Ioseph

13:9b.NUM.013.009de tribu Ephraim Osee filium Nun

13:10b.NUM.013.010de tribu Beniamin Phalti filium Raphu

13:11b.NUM.013.011de tribu Zabulon Geddihel filium Sodi

13:12b.NUM.013.012de tribu Ioseph sceptri Manasse Gaddi filium Susi

13:13b.NUM.013.013de tribu Dan Ammihel filium Gemalli

13:14b.NUM.013.014de tribu Aser Sthur filium Michahel

13:15b.NUM.013.015de tribu Nepthali Naabbi filium Vaphsi

13:16b.NUM.013.016de tribu Gad Guhel filium Machi

13:17b.NUM.013.017haec sunt nomina virorum quos misit Moses ad considerandam terram vocavitque Osee filium Nun Iosue

13:18b.NUM.013.018misit ergo eos Moses ad considerandam terram Chanaan et dixit ad eos ascendite per meridianam plagam cumque veneritis ad montes

13:19b.NUM.013.019considerate terram qualis sit et populum qui habitator est eius utrum fortis sit an infirmus pauci numero an plures

13:20b.NUM.013.020ipsa terra bona an mala urbes quales muratae an absque muris

13:21b.NUM.013.021humus pinguis an sterilis nemorosa an absque arboribus confortamini et adferte nobis de fructibus terrae erat autem tempus quando iam praecoquae uvae vesci possunt

13:22b.NUM.013.022cumque ascendissent exploraverunt terram a deserto Sin usque Roob intrantibus Emath

13:23b.NUM.013.023ascenderuntque ad meridiem et venerunt in Hebron ubi erant Ahiman et Sisai et Tholmai filii Enach nam Hebron septem annis ante Tanim urbem Aegypti condita est

13:24b.NUM.013.024pergentesque usque ad torrentem Botri absciderunt palmitem cum uva sua quem portaverunt in vecte duo viri de malis quoque granatis et de ficis loci illius tulerunt

13:25b.NUM.013.025qui appellatus est Neelescol id est torrens Botri eo quod botrum inde portassent filii Israhel

13:26b.NUM.013.026reversique exploratores terrae post quadraginta dies omni regione circuita

13:27b.NUM.013.027venerunt ad Mosen et Aaron et ad omnem coetum filiorum Israhel in desertum Pharan quod est in Cades locutique eis et omni multitudini ostenderunt fructus terrae

13:28b.NUM.013.028et narraverunt dicentes venimus in terram ad quam misisti nos quae re vera fluit lacte et melle ut ex his fructibus cognosci potest

13:29b.NUM.013.029sed cultores fortissimos habet et urbes grandes atque muratas stirpem Enach vidimus ibi

13:30b.NUM.013.030Amalech habitat in meridie Hettheus et Iebuseus et Amorreus in montanis Chananeus vero moratur iuxta mare et circa fluenta Iordanis

13:31b.NUM.013.031inter haec Chaleb conpescens murmur populi qui oriebatur contra Mosen ait ascendamus et possideamus terram quoniam poterimus obtinere eam

13:32b.NUM.013.032alii vero qui fuerant cum eo dicebant nequaquam ad hunc populum valemus ascendere quia fortior nobis est

13:33b.NUM.013.033detraxeruntque terrae quam inspexerant apud filios Israhel dicentes terram quam lustravimus devorat habitatores suos populum quem aspeximus procerae staturae est

13:34b.NUM.013.034ibi vidimus monstra quaedam filiorum Enach de genere giganteo quibus conparati quasi lucustae videbamur

14

14:1b.NUM.014.001igitur vociferans omnis turba flevit nocte illa

14:2b.NUM.014.002et murmurati sunt contra Mosen et Aaron cuncti filii Israhel dicentes

14:3b.NUM.014.003utinam mortui essemus in Aegypto et non in hac vasta solitudine utinam pereamus et non inducat nos Dominus in terram istam ne cadamus gladio et uxores ac liberi nostri ducantur captivi nonne melius est reverti in Aegyptum

14:4b.NUM.014.004dixeruntque alter ad alterum constituamus nobis ducem et revertamur in Aegyptum

14:5b.NUM.014.005quo audito Moses et Aaron ceciderunt proni in terram coram omni multitudine filiorum Israhel

14:6b.NUM.014.006at vero Iosue filius Nun et Chaleb filius Iepphonne qui et ipsi lustraverant terram sciderunt vestimenta sua

14:7b.NUM.014.007et ad omnem multitudinem filiorum Israhel locuti sunt terram quam circuivimus valde bona est

14:8b.NUM.014.008si propitius fuerit Dominus inducet nos in eam et tradet humum lacte et melle manantem

14:9b.NUM.014.009nolite rebelles esse contra Dominum neque timeatis populum terrae huius quia sicut panem ita eos possumus devorare recessit ab illis omne praesidium Dominus nobiscum est nolite metuere

14:10b.NUM.014.010cumque clamaret omnis multitudo et lapidibus eos vellet opprimere apparuit gloria Domini super tectum foederis cunctis filiis Israhel

14:11b.NUM.014.011et dixit Dominus ad Mosen usquequo detrahet mihi populus iste quousque non credent mihi in omnibus signis quae feci coram eis

14:12b.NUM.014.012feriam igitur eos pestilentia atque consumam te autem faciam principem super gentem magnam et fortiorem quam haec est

14:13b.NUM.014.013et ait Moses ad Dominum ut audiant Aegyptii de quorum medio eduxisti populum istum

14:14b.NUM.014.014et habitatores terrae huius qui audierunt quod tu Domine in populo isto sis et facie videaris ad faciem et nubes tua protegat illos et in columna nubis praecedas eos per diem et in columna ignis per noctem

14:15b.NUM.014.015quod occideris tantam multitudinem quasi unum hominem et dicant

14:16b.NUM.014.016non poterat introducere populum in terram pro qua iuraverat idcirco occidit eos in solitudine

14:17b.NUM.014.017magnificetur ergo fortitudo Domini sicut iurasti dicens

14:18b.NUM.014.018Dominus patiens et multae misericordiae auferens iniquitatem et scelera nullumque innoxium derelinquens qui visitas peccata patrum in filios in tertiam et quartam generationem

14:19b.NUM.014.019dimitte obsecro peccatum populi tui huius secundum magnitudinem misericordiae tuae sicut propitius fuisti egredientibus de Aegypto usque ad locum istum

14:20b.NUM.014.020dixitque Dominus dimisi iuxta verbum tuum

14:21b.NUM.014.021vivo ego et implebitur gloria Domini universa terra

14:22b.NUM.014.022attamen omnes homines qui viderunt maiestatem meam et signa quae feci in Aegypto et in solitudine et temptaverunt me iam per decem vices nec oboedierunt voci meae

14:23b.NUM.014.023non videbunt terram pro qua iuravi patribus eorum nec quisquam ex illis qui detraxit mihi intuebitur eam

14:24b.NUM.014.024servum meum Chaleb qui plenus alio spiritu secutus est me inducam in terram hanc quam circuivit et semen eius possidebit eam

14:25b.NUM.014.025quoniam Amalechites et Chananeus habitant in vallibus cras movete castra et revertimini in solitudinem per viam maris Rubri

14:26b.NUM.014.026locutusque est Dominus ad Mosen et Aaron dicens

14:27b.NUM.014.027usquequo multitudo haec pessima murmurat contra me querellas filiorum Israhel audivi

14:28b.NUM.014.028dic ergo eis vivo ego ait Dominus sicut locuti estis audiente me sic faciam vobis

14:29b.NUM.014.029in solitudine hac iacebunt cadavera vestra omnes qui numerati estis a viginti annis et supra et murmurastis contra me

14:30b.NUM.014.030non intrabitis terram super quam levavi manum meam ut habitare vos facerem praeter Chaleb filium Iepphonne et Iosue filium Nun

14:31b.NUM.014.031parvulos autem vestros de quibus dixistis quod praedae hostibus forent introducam ut videant terram quae vobis displicuit

14:32b.NUM.014.032vestra cadavera iacebunt in solitudine

14:33b.NUM.014.033filii vestri erunt vagi in deserto annis quadraginta et portabunt fornicationem vestram donec consumantur cadavera patrum in deserto

14:34b.NUM.014.034iuxta numerum quadraginta dierum quibus considerastis terram annus pro die inputabitur et quadraginta annis recipietis iniquitates vestras et scietis ultionem meam

14:35b.NUM.014.035quoniam sicut locutus sum ita faciam omni multitudini huic pessimae quae consurrexit adversum me in solitudine hac deficiet et morietur

14:36b.NUM.014.036igitur omnes viri quos miserat Moses ad contemplandam terram et qui reversi murmurare fecerant contra eum omnem multitudinem detrahentes terrae quod esset mala

14:37b.NUM.014.037mortui sunt atque percussi in conspectu Domini

14:38b.NUM.014.038Iosue autem filius Nun et Chaleb filius Iepphonne vixerunt ex omnibus qui perrexerant ad considerandam terram

14:39b.NUM.014.039locutusque est Moses universa verba haec ad omnes filios Israhel et luxit populus nimis

14:40b.NUM.014.040et ecce mane primo surgentes ascenderunt verticem montis atque dixerunt parati sumus ascendere ad locum de quo Dominus locutus est quia peccavimus

14:41b.NUM.014.041quibus Moses cur inquit transgredimini verbum Domini quod vobis non cedet in prosperum

14:42b.NUM.014.042nolite ascendere non enim est Dominus vobiscum ne corruatis coram inimicis vestris

14:43b.NUM.014.043Amalechites et Chananeus ante vos sunt quorum gladio corruetis eo quod nolueritis adquiescere Domino nec erit Dominus vobiscum

14:44b.NUM.014.044at illi contenebrati ascenderunt in verticem montis arca autem testamenti Domini et Moses non recesserunt de castris

14:45b.NUM.014.045descenditque Amalechites et Chananeus qui habitabant in monte et percutiens eos atque concidens persecutus est usque Horma

15

15:1b.NUM.015.001locutus est Dominus ad Mosen dicens

15:2b.NUM.015.002loquere ad filios Israhel et dices ad eos cum ingressi fueritis terram habitationis vestrae quam ego dabo vobis

15:3b.NUM.015.003et feceritis oblationem Domino in holocaustum aut victimam vota solventes vel sponte offerentes munera aut in sollemnitatibus vestris adolentes odorem suavitatis Domino de bubus sive de ovibus

15:4b.NUM.015.004offeret quicumque immolaverit victimam sacrificium similae decimam partem oephi conspersae oleo quod mensuram habebit quartam partem hin

15:5b.NUM.015.005et vinum ad liba fundenda eiusdem mensurae dabit in holocausto sive in victima per agnos singulos

15:6b.NUM.015.006et arietis erit sacrificium similae duarum decimarum quae conspersa sit oleo tertiae partis hin

15:7b.NUM.015.007et vinum ad libamentum tertiae partis eiusdem mensurae offeret in odorem suavitatis Domino

15:8b.NUM.015.008quando vero de bubus feceris holocaustum aut hostiam ut impleas votum vel pacificas victimas

15:9b.NUM.015.009dabis per singulos boves similae tres decimas conspersae oleo quod habeat medium mensurae hin

15:10b.NUM.015.010et vinum ad liba fundenda eiusdem mensurae in oblationem suavissimi odoris Domino

15:11b.NUM.015.011sic facietis

15:12b.NUM.015.012per singulos boves et arietes et agnos et hedos

15:13b.NUM.015.013tam indigenae quam peregrini

15:14b.NUM.015.014eodem ritu offerent sacrificia

15:15b.NUM.015.015unum praeceptum erit atque iudicium tam vobis quam advenis terrae

15:16b.NUM.015.016locutus est Dominus ad Mosen dicens

15:17b.NUM.015.017loquere filiis Israhel et dices ad eos

15:18b.NUM.015.018cum veneritis in terram quam dabo vobis

15:19b.NUM.015.019et comederitis de panibus regionis illius separabitis primitias Domino

15:20b.NUM.015.020de cibis vestris sicut de areis primitias separatis

15:21b.NUM.015.021ita et de pulmentis dabitis primitiva Domino

15:22b.NUM.015.022quod si per ignorantiam praeterieritis quicquam horum quae locutus est Dominus ad Mosen

15:23b.NUM.015.023et mandavit per eum ad vos a die qua coepit iubere et ultra

15:24b.NUM.015.024oblitaque fuerit facere multitudo offeret vitulum de armento holocaustum in odorem suavissimum Domino et sacrificium eius ac liba ut caerimoniae postulant hircumque pro peccato

15:25b.NUM.015.025et rogabit sacerdos pro omni multitudine filiorum Israhel et dimittetur eis quoniam non sponte peccaverunt nihilominus offerentes incensum Domino pro se et pro peccato atque errore suo

15:26b.NUM.015.026et dimittetur universae plebi filiorum Israhel et advenis qui peregrinantur inter vos quoniam culpa est omnis populi per ignorantiam

15:27b.NUM.015.027quod si anima una nesciens peccaverit offeret capram anniculam pro peccato suo

15:28b.NUM.015.028et deprecabitur pro ea sacerdos quod inscia peccaverit coram Domino inpetrabitque ei veniam et dimittetur illi

15:29b.NUM.015.029tam indigenis quam advenis una lex erit omnium qui peccaverint ignorantes

15:30b.NUM.015.030anima vero quae per superbiam aliquid commiserit sive civis sit ille sive peregrinus quoniam adversum Dominum rebellis fuit peribit de populo suo

15:31b.NUM.015.031verbum enim Domini contempsit et praeceptum illius fecit irritum idcirco delebitur et portabit iniquitatem suam

15:32b.NUM.015.032factum est autem cum essent filii Israhel in solitudine et invenissent hominem colligentem ligna in die sabbati

15:33b.NUM.015.033obtulerunt eum Mosi et Aaron et universae multitudini

15:34b.NUM.015.034qui recluserunt eum in carcerem nescientes quid super eo facere deberent

15:35b.NUM.015.035dixitque Dominus ad Mosen morte moriatur homo iste obruat eum lapidibus omnis turba extra castra

15:36b.NUM.015.036cumque eduxissent eum foras obruerunt lapidibus et mortuus est sicut praeceperat Dominus

15:37b.NUM.015.037dixit quoque Dominus ad Mosen

15:38b.NUM.015.038loquere filiis Israhel et dices ad eos ut faciant sibi fimbrias per angulos palliorum ponentes in eis vittas hyacinthinas

15:39b.NUM.015.039quas cum viderint recordentur omnium mandatorum Domini nec sequantur cogitationes suas et oculos per res varias fornicantes

15:40b.NUM.015.040sed magis memores praeceptorum Domini faciant ea sintque sancti Deo suo

15:41b.NUM.015.041ego Dominus Deus vester qui eduxi vos de terra Aegypti ut essem vester Deus

16

16:1b.NUM.016.001ecce autem Core filius Isaar filii Caath filii Levi et Dathan atque Abiram filii Heliab Hon quoque filius Pheleth de filiis Ruben

16:2b.NUM.016.002surrexerunt contra Mosen aliique filiorum Israhel ducenti quinquaginta viri proceres synagogae et qui tempore concilii per nomina vocabantur

16:3b.NUM.016.003cumque stetissent adversum Mosen et Aaron dixerunt sufficiat vobis quia omnis multitudo sanctorum est et in ipsis est Dominus cur elevamini super populum Domini

16:4b.NUM.016.004quod cum audisset Moses cecidit pronus in faciem

16:5b.NUM.016.005locutusque ad Core et ad omnem multitudinem mane inquit notum faciet Dominus qui ad se pertineant et sanctos adplicabit sibi et quos elegerit adpropinquabunt ei

16:6b.NUM.016.006hoc igitur facite tollat unusquisque turibula sua tu Core et omne concilium tuum

16:7b.NUM.016.007et hausto cras igne ponite desuper thymiama coram Domino et quemcumque elegerit ipse erit sanctus multum erigimini filii Levi

16:8b.NUM.016.008dixitque rursum ad Core audite filii Levi

16:9b.NUM.016.009num parum vobis est quod separavit vos Deus Israhel ab omni populo et iunxit sibi ut serviretis ei in cultu tabernaculi et staretis coram frequentia populi et ministraretis ei

16:10b.NUM.016.010idcirco ad se fecit accedere te et omnes fratres tuos filios Levi ut vobis etiam sacerdotium vindicetis

16:11b.NUM.016.011et omnis globus tuus stet contra Dominum quid est enim Aaron ut murmuretis contra eum

16:12b.NUM.016.012misit ergo Moses ut vocaret Dathan et Abiram filios Heliab qui responderunt non venimus

16:13b.NUM.016.013numquid parum est tibi quod eduxisti nos de terra quae lacte et melle manabat ut occideres in deserto nisi et dominatus fueris nostri

16:14b.NUM.016.014re vera induxisti nos in terram quae fluit rivis lactis et mellis et dedisti nobis possessiones agrorum et vinearum an et oculos nostros vis eruere non venimus

16:15b.NUM.016.015iratusque Moses valde ait ad Dominum ne respicias sacrificia eorum tu scis quod ne asellum quidem umquam acceperim ab eis nec adflixerim quempiam eorum

16:16b.NUM.016.016dixitque ad Core tu et omnis congregatio tua state seorsum coram Domino et Aaron die crastino separatim

16:17b.NUM.016.017tollite singuli turibula vestra et ponite super ea incensum offerentes Domino ducenta quinquaginta turibula Aaron quoque teneat turibulum suum

16:18b.NUM.016.018quod cum fecissent stantibus Mosen et Aaron

16:19b.NUM.016.019et coacervassent adversum eos omnem multitudinem ad ostium tabernaculi apparuit cunctis gloria Domini

16:20b.NUM.016.020locutusque Dominus ad Mosen et Aaron ait

16:21b.NUM.016.021separamini de medio congregationis huius ut eos repente disperdam

16:22b.NUM.016.022qui ceciderunt proni in faciem atque dixerunt fortissime Deus spirituum universae carnis num uno peccante contra omnes tua ira desaeviet

16:23b.NUM.016.023et ait Dominus ad Mosen

16:24b.NUM.016.024praecipe universo populo ut separetur a tabernaculis Core et Dathan et Abiram

16:25b.NUM.016.025surrexitque Moses et abiit ad Dathan et Abiram et sequentibus eum senioribus Israhel

16:26b.NUM.016.026dixit ad turbam recedite a tabernaculis hominum impiorum et nolite tangere quae ad eos pertinent ne involvamini in peccatis eorum

16:27b.NUM.016.027cumque recessissent a tentoriis eorum per circuitum Dathan et Abiram egressi stabant in introitu papilionum suorum cum uxoribus et liberis omnique frequentia

16:28b.NUM.016.028et ait Moses in hoc scietis quod Dominus miserit me ut facerem universa quae cernitis et non ex proprio ea corde protulerim

16:29b.NUM.016.029si consueta hominum morte interierint et visitaverit eos plaga qua et ceteri visitari solent non misit me Dominus

16:30b.NUM.016.030sin autem novam rem fecerit Dominus ut aperiens terra os suum degluttiat eos et omnia quae ad illos pertinent descenderintque viventes in infernum scietis quod blasphemaverint Dominum

16:31b.NUM.016.031confestim igitur ut cessavit loqui disrupta est terra sub pedibus eorum

16:32b.NUM.016.032et aperiens os suum devoravit illos cum tabernaculis suis et universa substantia

16:33b.NUM.016.033descenderuntque vivi in infernum operti humo et perierunt de medio multitudinis

16:34b.NUM.016.034at vero omnis Israhel qui stabat per gyrum fugit ad clamorem pereuntium dicens ne forte et nos terra degluttiat

16:35b.NUM.016.035sed et ignis egressus a Domino interfecit ducentos quinquaginta viros qui offerebant incensum

16:36b.NUM.016.036locutusque est Dominus ad Mosen dicens

16:37b.NUM.016.037praecipe Eleazaro filio Aaron sacerdotis ut tollat turibula quae iacent in incendio et ignem huc illucque dispergat quoniam sanctificata sunt

16:38b.NUM.016.038in mortibus peccatorum producatque ea in lamminas et adfigat altari eo quod oblatum sit in eis incensum Domino et sanctificata sint ut cernant ea pro signo et monumento filii Israhel

16:39b.NUM.016.039tulit ergo Eleazar sacerdos turibula aenea in quibus obtulerant hii quos incendium devoravit et produxit ea in lamminas adfigens altari

16:40b.NUM.016.040ut haberent postea filii Israhel quibus commonerentur ne quis accedat alienigena et qui non est de semine Aaron ad offerendum incensum Domino ne patiatur sicut passus est Core et omnis congregatio eius loquente Domino ad Mosen

16:41b.NUM.016.041murmuravit autem omnis multitudo filiorum Israhel sequenti die contra Mosen et Aaron dicens vos interfecistis populum Domini

16:42b.NUM.016.042cumque oreretur seditio et tumultus incresceret

16:43b.NUM.016.043Moses et Aaron fugerunt ad tabernaculum foederis quod postquam ingressi sunt operuit nubes et apparuit gloria Domini

16:44b.NUM.016.044dixitque Dominus ad Mosen

16:45b.NUM.016.045recedite de medio huius multitudinis etiam nunc delebo eos cumque iacerent in terra

16:46b.NUM.016.046dixit Moses ad Aaron tolle turibulum et hausto igne de altari mitte incensum desuper pergens cito ad populum ut roges pro eis iam enim egressa est ira a Domino et plaga desaevit

16:47b.NUM.016.047quod cum fecisset Aaron et cucurrisset ad mediam multitudinem quam iam vastabat incendium obtulit thymiama

16:48b.NUM.016.048et stans inter mortuos ac viventes pro populo deprecatus est et plaga cessavit

16:49b.NUM.016.049fuerunt autem qui percussi sunt quattuordecim milia hominum et septingenti absque his qui perierant in seditione Core

16:50b.NUM.016.050reversusque est Aaron ad Mosen ad ostium tabernaculi foederis postquam quievit interitus

17

17:1b.NUM.017.001et locutus est Dominus ad Mosen dicens

17:2b.NUM.017.002loquere ad filios Israhel et accipe ab eis virgas singulas per cognationes suas a cunctis principibus tribuum virgas duodecim et uniuscuiusque nomen superscribes virgae suae

17:3b.NUM.017.003nomen autem Aaron erit in tribu Levi et una virga cunctas eorum familias continebit

17:4b.NUM.017.004ponesque eas in tabernaculo foederis coram testimonio ubi loquar ad te

17:5b.NUM.017.005quem ex his elegero germinabit virga eius et cohibebo a me querimonias filiorum Israhel quibus contra vos murmurant

17:6b.NUM.017.006locutusque est Moses ad filios Israhel et dederunt ei omnes principes virgas per singulas tribus fueruntque virgae duodecim absque virga Aaron

17:7b.NUM.017.007quas cum posuisset Moses coram Domino in tabernaculo testimonii

17:8b.NUM.017.008sequenti die regressus invenit germinasse virgam Aaron in domo Levi et turgentibus gemmis eruperant flores qui foliis dilatatis in amigdalas deformati sunt

17:9b.NUM.017.009protulit ergo Moses omnes virgas de conspectu Domini ad cunctos filios Israhel videruntque et receperunt singuli virgas suas

17:10b.NUM.017.010dixitque Dominus ad Mosen refer virgam Aaron in tabernaculum testimonii ut servetur ibi in signum rebellium filiorum et quiescant querellae eorum a me ne moriantur

17:11b.NUM.017.011fecitque Moses sicut praeceperat Dominus

17:12b.NUM.017.012dixerunt autem filii Israhel ad Mosen ecce consumpti sumus omnes perivimus

17:13b.NUM.017.013quicumque accedit ad tabernaculum Domini moritur num usque ad internicionem cuncti delendi sumus

18

18:1b.NUM.018.001dixitque Dominus ad Aaron tu et filii tui et domus patris tui tecum portabitis iniquitatem sanctuarii et tu et filii tui simul sustinebitis peccata sacerdotii vestri

18:2b.NUM.018.002sed et fratres tuos de tribu Levi et sceptro patris tui sume tecum praestoque sint et ministrent tibi tu autem et filii tui ministrabitis in tabernaculo testimonii

18:3b.NUM.018.003excubabuntque Levitae ad praecepta tua et ad cuncta opera tabernaculi ita dumtaxat ut ad vasa sanctuarii et altare non accedant ne et illi moriantur et vos pereatis simul

18:4b.NUM.018.004sint autem tecum et excubent in custodiis tabernaculi et in omnibus caerimoniis eius alienigena non miscebitur vobis

18:5b.NUM.018.005excubate in custodia sanctuarii et in ministerio altaris ne oriatur indignatio super filios Israhel

18:6b.NUM.018.006ego dedi vobis fratres vestros Levitas de medio filiorum Israhel et tradidi donum Domino ut serviant in ministeriis tabernaculi eius

18:7b.NUM.018.007tu autem et filii tui custodite sacerdotium vestrum et omnia quae ad cultum altaris pertinent et intra velum sunt per sacerdotes administrabuntur si quis externus accesserit occidetur

18:8b.NUM.018.008locutus est Dominus ad Aaron ecce dedi tibi custodiam primitiarum mearum omnia quae sanctificantur a filiis Israhel tibi tradidi et filiis tuis pro officio sacerdotali legitima sempiterna

18:9b.NUM.018.009haec ergo accipies de his quae sanctificantur et oblata sunt Domino omnis oblatio et sacrificium et quicquid pro peccato atque delicto redditur mihi et cedet in sancta sanctorum tuum erit et filiorum tuorum

18:10b.NUM.018.010in sanctuario comedes illud mares tantum edent ex eo quia consecratum est tibi

18:11b.NUM.018.011primitias autem quas voverint et obtulerint filii Israhel tibi dedi et filiis ac filiabus tuis iure perpetuo qui mundus est in domo tua vescetur eis

18:12b.NUM.018.012omnem medullam olei et vini ac frumenti quicquid offerunt primitiarum Domino tibi dedi

18:13b.NUM.018.013universa frugum initia quas gignit humus et Domino deportantur cedent in usus tuos qui mundus est in domo tua vescetur eis

18:14b.NUM.018.014omne quod ex voto reddiderint filii Israhel tuum erit

18:15b.NUM.018.015quicquid primum erumpet e vulva cunctae carnis quam offerunt Domino sive ex hominibus sive de pecoribus fuerit tui iuris erit ita dumtaxat ut pro hominis primogenito pretium accipias et omne animal quod inmundum est redimi facias

18:16b.NUM.018.016cuius redemptio erit post unum mensem siclis argenti quinque pondere sanctuarii siclus viginti obolos habet

18:17b.NUM.018.017primogenitum autem bovis et ovis et caprae non facies redimi quia sanctificata sunt Domino sanguinem tantum eorum fundes super altare et adipes adolebis in suavissimum odorem Domino

18:18b.NUM.018.018carnes vero in usum tuum cedent sicut pectusculum consecratum et armus dexter tua erunt

18:19b.NUM.018.019omnes primitias sanctuarii quas offerunt filii Israhel Domino tibi dedi et filiis ac filiabus tuis iure perpetuo pactum salis est sempiternum coram Domino tibi ac filiis tuis

18:20b.NUM.018.020dixitque Dominus ad Aaron in terra eorum nihil possidebitis nec habebitis partem inter eos ego pars et hereditas tua in medio filiorum Israhel

18:21b.NUM.018.021filiis autem Levi dedi omnes decimas Israhelis in possessionem pro ministerio quo serviunt mihi in tabernaculo foederis

18:22b.NUM.018.022ut non accedant ultra filii Israhel ad tabernaculum nec committant peccatum mortiferum

18:23b.NUM.018.023solis filiis Levi mihi in tabernaculo servientibus et portantibus peccata populi legitimum sempiternum erit in generationibus vestris nihil aliud possidebunt

18:24b.NUM.018.024decimarum oblatione contenti quas in usus eorum et necessaria separavi

18:25b.NUM.018.025locutusque est Dominus ad Mosen dicens

18:26b.NUM.018.026praecipe Levitis atque denuntia cum acceperitis a filiis Israhel decimas quas dedi vobis primitias earum offerte Domino id est decimam partem decimae

18:27b.NUM.018.027ut reputetur vobis in oblationem primitivorum tam de areis quam de torcularibus

18:28b.NUM.018.028et universis quorum accipitis primitias offerte Domino et date Aaron sacerdoti

18:29b.NUM.018.029omnia quae offertis ex decimis et in donaria Domini separatis optima et electa erunt

18:30b.NUM.018.030dicesque ad eos si praeclara et meliora quaeque obtuleritis ex decimis reputabitur vobis quasi de area et torculari dederitis primitias

18:31b.NUM.018.031et comedetis eas in omnibus locis vestris tam vos quam familiae vestrae quia pretium est pro ministerio quo servitis in tabernaculo testimonii

18:32b.NUM.018.032et non peccabitis super hoc egregia vobis et pinguia reservantes ne polluatis oblationes filiorum Israhel et moriamini

19

19:1b.NUM.019.001locutusque est Dominus ad Mosen et Aaron dicens

19:2b.NUM.019.002ista est religio victimae quam constituit Dominus praecipe filiis Israhel ut adducant ad te vaccam rufam aetatis integrae in qua nulla sit macula nec portaverit iugum

19:3b.NUM.019.003tradetisque eam Eleazaro sacerdoti qui eductam extra castra immolabit in conspectu omnium

19:4b.NUM.019.004et tinguens digitum in sanguine eius asperget contra fores tabernaculi septem vicibus

19:5b.NUM.019.005conburetque eam cunctis videntibus tam pelle et carnibus eius quam sanguine et fimo flammae traditis

19:6b.NUM.019.006lignum quoque cedrinum et hysopum coccumque bis tinctum sacerdos mittet in flammam quae vaccam vorat

19:7b.NUM.019.007et tunc demum lotis vestibus et corpore suo ingredietur in castra commaculatusque erit usque ad vesperam

19:8b.NUM.019.008sed et ille qui conbuserit eam lavabit vestimenta sua et corpus et inmundus erit usque ad vesperam

19:9b.NUM.019.009colliget autem vir mundus cineres vaccae et effundet eos extra castra in loco purissimo ut sint multitudini filiorum Israhel in custodiam et in aquam aspersionis quia pro peccato vacca conbusta est

19:10b.NUM.019.010cumque laverit qui vaccae portaverat cineres vestimenta sua inmundus erit usque ad vesperum habebunt hoc filii Israhel et advenae qui habitant inter eos sanctum iure perpetuo

19:11b.NUM.019.011qui tetigerit cadaver hominis et propter hoc septem diebus fuerit inmundus

19:12b.NUM.019.012aspergetur ex hac aqua die tertio et septimo et sic mundabitur si die tertio aspersus non fuerit septimo non poterit emundari

19:13b.NUM.019.013omnis qui tetigerit humanae animae morticinum et aspersus hac commixtione non fuerit polluet tabernaculum Domini et peribit ex Israhel quia aqua expiationis non est aspersus inmundus erit et manebit spurcitia eius super eum

19:14b.NUM.019.014ista est lex hominis qui moritur in tabernaculo omnes qui ingrediuntur tentorium illius et universa vasa quae ibi sunt polluta erunt septem diebus

19:15b.NUM.019.015vas quod non habuerit operculum nec ligaturam desuper inmundum erit

19:16b.NUM.019.016si quis in agro tetigerit cadaver occisi hominis aut per se mortui sive os illius vel sepulchrum inmundus erit septem diebus

19:17b.NUM.019.017tollent de cineribus conbustionis atque peccati et mittent aquas vivas super eos in vas

19:18b.NUM.019.018in quibus cum homo mundus tinxerit hysopum asperget eo omne tentorium et cunctam supellectilem et homines huiuscemodi contagione pollutos

19:19b.NUM.019.019atque hoc modo mundus lustrabit inmundum tertio et septimo die expiatusque die septimo lavabit et se et vestimenta sua et mundus erit ad vesperam

19:20b.NUM.019.020si quis hoc ritu non fuerit expiatus peribit anima illius de medio ecclesiae quia sanctuarium Domini polluit et non est aqua lustrationis aspersus

19:21b.NUM.019.021erit hoc praeceptum legitimum sempiternum ipse quoque qui aspergit aquas lavabit vestimenta sua omnis qui tetigerit aquas expiationis inmundus erit usque ad vesperam

19:22b.NUM.019.022quicquid tetigerit inmundus inmundum faciet et anima quae horum quippiam tetigerit inmunda erit usque ad vesperum

20

20:1b.NUM.020.001veneruntque filii Israhel et omnis multitudo in desertum Sin mense primo et mansit populus in Cades mortuaque est ibi Maria et sepulta in eodem loco

20:2b.NUM.020.002cumque indigeret aqua populus coierunt adversum Mosen et Aaron

20:3b.NUM.020.003et versi in seditionem dixerunt utinam perissemus inter fratres nostros coram Domino

20:4b.NUM.020.004cur eduxistis ecclesiam Domini in solitudinem ut et nos et nostra iumenta moriantur

20:5b.NUM.020.005quare nos fecistis ascendere de Aegypto et adduxistis in locum istum pessimum qui seri non potest qui nec ficum gignit nec vineas nec mala granata insuper et aquam non habet ad bibendum

20:6b.NUM.020.006ingressusque Moses et Aaron dimissa multitudine tabernaculum foederis corruerunt proni in terram et apparuit gloria Domini super eos

20:7b.NUM.020.007locutusque est Dominus ad Mosen dicens

20:8b.NUM.020.008tolle virgam et congrega populum tu et Aaron frater tuus et loquimini ad petram coram eis et illa dabit aquas cumque eduxeris aquam de petra bibet omnis multitudo et iumenta eius

20:9b.NUM.020.009tulit igitur Moses virgam quae erat in conspectu Domini sicut praeceperat ei

20:10b.NUM.020.010congregata multitudine ante petram dixitque eis audite rebelles et increduli num de petra hac vobis aquam poterimus eicere

20:11b.NUM.020.011cumque elevasset Moses manum percutiens virga bis silicem egressae sunt aquae largissimae ita ut et populus biberet et iumenta

20:12b.NUM.020.012dixitque Dominus ad Mosen et Aaron quia non credidistis mihi ut sanctificaretis me coram filiis Israhel non introducetis hos populos in terram quam dabo eis

20:13b.NUM.020.013haec est aqua Contradictionis ubi iurgati sunt filii Israhel contra Dominum et sanctificatus est in eis

20:14b.NUM.020.014misit interea nuntios Moses de Cades ad regem Edom qui dicerent haec mandat frater tuus Israhel nosti omnem laborem qui adprehendit nos

20:15b.NUM.020.015quomodo descenderint patres nostri in Aegyptum et habitaverimus ibi multo tempore adflixerintque nos Aegyptii et patres nostros

20:16b.NUM.020.016et quomodo clamaverimus ad Dominum et exaudierit nos miseritque angelum qui eduxerit nos de Aegypto ecce in urbe Cades quae est in extremis finibus tuis positi

20:17b.NUM.020.017obsecramus ut nobis transire liceat per terram tuam non ibimus per agros nec per vineas non bibemus aquas de puteis tuis sed gradiemur via publica nec ad dextram nec ad sinistram declinantes donec transeamus terminos tuos

20:18b.NUM.020.018cui respondit Edom non transibis per me alioquin armatus occurram tibi

20:19b.NUM.020.019dixeruntque filii Israhel per tritam gradiemur viam et si biberimus aquas tuas nos et pecora nostra dabimus quod iustum est nulla erit in pretio difficultas tantum velociter transeamus

20:20b.NUM.020.020at ille respondit non transibis statimque egressus est obvius cum infinita multitudine et manu forti

20:21b.NUM.020.021nec voluit adquiescere deprecanti ut concederet transitum per fines suos quam ob rem devertit ab eo Israhel

20:22b.NUM.020.022cumque castra movissent de Cades venerunt in montem Or qui est in finibus terrae Edom

20:23b.NUM.020.023ubi locutus est Dominus ad Mosen

20:24b.NUM.020.024pergat inquit Aaron ad populos suos non enim intrabit terram quam dedi filiis Israhel eo quod incredulus fuerit ori meo ad aquas Contradictionis

20:25b.NUM.020.025tolle Aaron et filium eius cum eo et duces eos in montem Or

20:26b.NUM.020.026cumque nudaveris patrem veste sua indues ea Eleazarum filium eius et Aaron colligetur et morietur ibi

20:27b.NUM.020.027fecit Moses ut praeceperat Dominus et ascenderunt in montem Or coram omni multitudine

20:28b.NUM.020.028cumque Aaron spoliasset vestibus suis induit eis Eleazarum filium eius

20:29b.NUM.020.029illo mortuo in montis supercilio descendit cum Eleazaro

20:30b.NUM.020.030omnis autem multitudo videns occubuisse Aaron flevit super eo triginta diebus per cunctas familias suas

21

21:1b.NUM.021.001quod cum audisset Chananeus rex Arad qui habitabat ad meridiem venisse scilicet Israhel per exploratorum viam pugnavit contra illum et victor existens duxit ex eo praedam

21:2b.NUM.021.002at Israhel voto se Domino obligans ait si tradideris populum istum in manu mea delebo urbes eius

21:3b.NUM.021.003exaudivitque Dominus preces Israhel et tradidit Chananeum quem ille interfecit subversis urbibus eius et vocavit nomen loci illius Horma id est anathema

21:4b.NUM.021.004profecti sunt autem et de monte Or per viam quae ducit ad mare Rubrum ut circumirent terram Edom et taedere coepit populum itineris ac laboris

21:5b.NUM.021.005locutusque contra Deum et Mosen ait cur eduxisti nos de Aegypto ut moreremur in solitudine deest panis non sunt aquae anima nostra iam nausiat super cibo isto levissimo

21:6b.NUM.021.006quam ob rem misit Dominus in populum ignitos serpentes ad quorum plagas et mortes plurimorum

21:7b.NUM.021.007venerunt ad Mosen atque dixerunt peccavimus quia locuti sumus contra Dominum et te ora ut tollat a nobis serpentes oravit Moses pro populo

21:8b.NUM.021.008et locutus est Dominus ad eum fac serpentem et pone eum pro signo qui percussus aspexerit eum vivet

21:9b.NUM.021.009fecit ergo Moses serpentem aeneum et posuit pro signo quem cum percussi aspicerent sanabantur

21:10b.NUM.021.010profectique filii Israhel castrametati sunt in Oboth

21:11b.NUM.021.011unde egressi fixere tentoria in Hieabarim in solitudine quae respicit Moab contra orientalem plagam

21:12b.NUM.021.012et inde moventes venerunt ad torrentem Zared

21:13b.NUM.021.013quem relinquentes castrametati sunt contra Arnon quae est in deserto et prominet in finibus Amorrei siquidem Arnon terminus est Moab dividens Moabitas et Amorreos

21:14b.NUM.021.014unde dicitur in libro bellorum Domini sicut fecit in mari Rubro sic faciet in torrentibus Arnon

21:15b.NUM.021.015scopuli torrentium inclinati sunt ut requiescerent in Ar et recumberent in finibus Moabitarum

21:16b.NUM.021.016ex eo loco apparuit puteus super quo locutus est Dominus ad Mosen congrega populum et dabo ei aquam

21:17b.NUM.021.017tunc cecinit Israhel carmen istud ascendat puteus concinebant

21:18b.NUM.021.018puteus quem foderunt principes et paraverunt duces multitudinis in datore legis et in baculis suis de solitudine Matthana

21:19b.NUM.021.019de Matthana Nahalihel de Nahalihel in Bamoth

21:20b.NUM.021.020de Bamoth vallis est in regione Moab in vertice Phasga et quod respicit contra desertum

21:21b.NUM.021.021misit autem Israhel nuntios ad Seon regem Amorreorum dicens

21:22b.NUM.021.022obsecro ut transire mihi liceat per terram tuam non declinabimus in agros et vineas non bibemus aquas ex puteis via regia gradiemur donec transeamus terminos tuos

21:23b.NUM.021.023qui concedere noluit ut transiret Israhel per fines suos quin potius exercitu congregato egressus est obviam in desertum et venit in Iasa pugnavitque contra eum

21:24b.NUM.021.024a quo percussus est in ore gladii et possessa est terra eius ab Arnon usque Iebboc et filios Ammon quia forti praesidio tenebantur termini Ammanitarum

21:25b.NUM.021.025tulit ergo Israhel omnes civitates eius et habitavit in urbibus Amorrei in Esebon scilicet et viculis eius

21:26b.NUM.021.026urbs Esebon fuit regis Seon Amorrei qui pugnavit contra regem Moab et tulit omnem terram quae dicionis illius fuerat usque Arnon

21:27b.NUM.021.027idcirco dicitur in proverbio venite in Esebon aedificetur et construatur civitas Seon

21:28b.NUM.021.028ignis egressus est de Esebon flamma de oppido Seon et devoravit Ar Moabitarum et habitatores excelsorum Arnon

21:29b.NUM.021.029vae tibi Moab peristi popule Chamos dedit filios eius in fugam et filias in captivitatem regi Amorreorum Seon

21:30b.NUM.021.030iugum ipsorum disperiit ab Esebon usque Dibon lassi pervenerunt in Nophe et usque Medaba

21:31b.NUM.021.031habitavit itaque Israhel in terra Amorrei

21:32b.NUM.021.032misitque Moses qui explorarent Iazer cuius ceperunt viculos et possederunt habitatores

21:33b.NUM.021.033verteruntque se et ascenderunt per viam Basan et occurrit eis Og rex Basan cum omni populo suo pugnaturus in Edrai

21:34b.NUM.021.034dixitque Dominus ad Mosen ne timeas eum quia in manu tua tradidi illum et omnem populum ac terram eius faciesque illi sicut fecisti Seon regi Amorreorum habitatori Esebon

21:35b.NUM.021.035percusserunt igitur et hunc cum filiis suis universumque populum eius usque ad internicionem et possederunt terram illius

22

22:1b.NUM.022.001profectique castrametati sunt in campestribus Moab ubi trans Iordanem Hierichus sita est

22:2b.NUM.022.002videns autem Balac filius Sepphor omnia quae fecerat Israhel Amorreo

22:3b.NUM.022.003et quod pertimuissent eum Moabitae et impetum eius ferre non possent

22:4b.NUM.022.004dixit ad maiores natu Madian ita delebit hic populus omnes qui in nostris finibus commorantur quomodo solet bos herbas usque ad radices carpere ipse erat eo tempore rex in Moab

22:5b.NUM.022.005misit ergo nuntios ad Balaam filium Beor ariolum qui habitabat super flumen terrae filiorum Ammon ut vocarent eum et dicerent ecce egressus est populus ex Aegypto qui operuit superficiem terrae sedens contra me

22:6b.NUM.022.006veni igitur et maledic populo huic quia fortior me est si quo modo possim percutere et eicere eum de terra mea novi enim quod benedictus sit cui benedixeris et maledictus in quem maledicta congesseris

22:7b.NUM.022.007perrexerunt seniores Moab et maiores natu Madian habentes divinationis pretium in manibus cumque venissent ad Balaam et narrassent ei omnia verba Balac

22:8b.NUM.022.008ille respondit manete hic nocte et respondebo quicquid mihi dixerit Dominus manentibus illis apud Balaam venit Deus et ait ad eum

22:9b.NUM.022.009quid sibi volunt homines isti apud te

22:10b.NUM.022.010respondit Balac filius Sepphor rex Moabitarum misit ad me

22:11b.NUM.022.011dicens ecce populus qui egressus est de Aegypto operuit superficiem terrae veni et maledic ei si quo modo possim pugnans abicere eum

22:12b.NUM.022.012dixitque Deus ad Balaam noli ire cum eis neque maledicas populo quia benedictus est

22:13b.NUM.022.013qui mane consurgens dixit ad principes ite in terram vestram quia prohibuit me Deus venire vobiscum

22:14b.NUM.022.014reversi principes dixerunt ad Balac noluit Balaam venire nobiscum

22:15b.NUM.022.015rursum ille multo plures et nobiliores quam ante miserat misit

22:16b.NUM.022.016qui cum venissent ad Balaam dixerunt sic dicit Balac filius Sepphor ne cuncteris venire ad me

22:17b.NUM.022.017paratum honorare te et quicquid volueris dare veni et maledic populo isti

22:18b.NUM.022.018respondit Balaam si dederit mihi Balac plenam domum suam argenti et auri non potero inmutare verbum Domini Dei mei ut vel plus vel minus loquar

22:19b.NUM.022.019obsecro ut hic maneatis etiam hac nocte et scire queam quid mihi rursum respondeat Dominus

22:20b.NUM.022.020venit ergo Deus ad Balaam nocte et ait ei si vocare te venerunt homines isti surge et vade cum eis ita dumtaxat ut quod tibi praecepero facias

22:21b.NUM.022.021surrexit Balaam mane et strata asina profectus est cum eis

22:22b.NUM.022.022et iratus est Deus stetitque angelus Domini in via contra Balaam qui sedebat asinae et duos pueros habebat secum

22:23b.NUM.022.023cernens asina angelum stantem in via evaginato gladio avertit se de itinere et ibat per agrum quam cum verberaret Balaam et vellet ad semitam reducere

22:24b.NUM.022.024stetit angelus in angustiis duarum maceriarum quibus vineae cingebantur

22:25b.NUM.022.025quem videns asina iunxit se parieti et adtrivit sedentis pedem at ille iterum verberabat

22:26b.NUM.022.026et nihilominus angelus ad locum angustum transiens ubi nec ad dextram nec ad sinistram poterat deviari obvius stetit

22:27b.NUM.022.027cumque vidisset asina stantem angelum concidit sub pedibus sedentis qui iratus vehementius caedebat fuste latera

22:28b.NUM.022.028aperuitque Dominus os asinae et locuta est quid feci tibi cur percutis me ecce iam tertio

22:29b.NUM.022.029respondit Balaam quia commeruisti et inlusisti mihi utinam haberem gladium ut te percuterem

22:30b.NUM.022.030dixit asina nonne animal tuum sum cui semper sedere consuesti usque in praesentem diem dic quid simile umquam fecerim tibi at ille ait numquam

22:31b.NUM.022.031protinus aperuit Dominus oculos Balaam et vidit angelum stantem in via evaginato gladio adoravitque eum pronus in terram

22:32b.NUM.022.032cui angelus cur inquit tertio verberas asinam tuam ego veni ut adversarer tibi quia perversa est via tua mihique contraria

22:33b.NUM.022.033et nisi asina declinasset de via dans locum resistenti te occidissem et illa viveret

22:34b.NUM.022.034dixit Balaam peccavi nesciens quod tu stares contra me et nunc si displicet tibi ut vadam revertar

22:35b.NUM.022.035ait angelus vade cum istis et cave ne aliud quam praecepero tibi loquaris ivit igitur cum principibus

22:36b.NUM.022.036quod cum audisset Balac egressus est in occursum eius in oppido Moabitarum quod situm est in extremis finibus Arnon

22:37b.NUM.022.037dixitque ad Balaam misi nuntios ut vocarent te cur non statim venisti ad me an quia mercedem adventui tuo reddere nequeo

22:38b.NUM.022.038cui ille respondit ecce adsum numquid loqui potero aliud nisi quod Deus posuerit in ore meo

22:39b.NUM.022.039perrexerunt ergo simul et venerunt in urbem quae in extremis regni eius finibus erat

22:40b.NUM.022.040cumque occidisset Balac boves et oves misit ad Balaam et principes qui cum eo erant munera

22:41b.NUM.022.041mane autem facto duxit eum ad excelsa Baal et intuitus est extremam partem populi

23

23:1b.NUM.023.001dixitque Balaam ad Balac aedifica mihi hic septem aras et para totidem vitulos eiusdemque numeri arietes

23:2b.NUM.023.002cumque fecisset iuxta sermonem Balaam inposuerunt simul vitulum et arietem super aram

23:3b.NUM.023.003dixitque Balaam ad Balac sta paulisper iuxta holocaustum tuum donec vadam si forte occurrat mihi Dominus et quodcumque imperaverit loquar tibi

23:4b.NUM.023.004cumque abisset velociter occurrit ei Deus locutusque ad eum Balaam septem inquit aras erexi et inposui vitulum et arietem desuper

23:5b.NUM.023.005Dominus autem posuit verbum in ore eius et ait revertere ad Balac et haec loqueris

23:6b.NUM.023.006reversus invenit stantem Balac iuxta holocaustum suum et omnes principes Moabitarum

23:7b.NUM.023.007adsumptaque parabola sua dixit de Aram adduxit me Balac rex Moabitarum de montibus orientis veni inquit et maledic Iacob propera et detestare Israhel

23:8b.NUM.023.008quomodo maledicam cui non maledixit Deus qua ratione detester quem Dominus non detestatur

23:9b.NUM.023.009de summis silicibus videbo eum et de collibus considerabo illum populus solus habitabit et inter gentes non reputabitur

23:10b.NUM.023.010quis dinumerare possit pulverem Iacob et nosse numerum stirpis Israhel moriatur anima mea morte iustorum et fiant novissima mea horum similia

23:11b.NUM.023.011dixitque Balac ad Balaam quid est hoc quod agis ut malediceres inimicis vocavi te et tu e contrario benedicis eis

23:12b.NUM.023.012cui ille respondit num aliud possum loqui nisi quod iusserit Dominus

23:13b.NUM.023.013dixit ergo Balac veni mecum in alterum locum unde partem Israhelis videas et totum videre non possis inde maledicito ei

23:14b.NUM.023.014cumque duxisset eum in locum sublimem super verticem montis Phasga aedificavit Balaam septem aras et inpositis supra vitulo atque ariete

23:15b.NUM.023.015dixit ad Balac sta hic iuxta holocaustum tuum donec ego pergam obvius

23:16b.NUM.023.016cui cum Dominus occurrisset posuissetque verbum in ore eius ait revertere ad Balac et haec loqueris ei

23:17b.NUM.023.017reversus invenit eum stantem iuxta holocaustum suum et principes Moabitarum cum eo ad quem Balac quid inquit locutus est Dominus

23:18b.NUM.023.018at ille adsumpta parabola sua ait sta Balac et ausculta audi fili Sepphor

23:19b.NUM.023.019non est Deus quasi homo ut mentiatur nec ut filius hominis ut mutetur dixit ergo et non faciet locutus est et non implebit

23:20b.NUM.023.020ad benedicendum adductus sum benedictionem prohibere non valeo

23:21b.NUM.023.021non est idolum in Iacob nec videtur simulacrum in Israhel Dominus Deus eius cum eo est et clangor victoriae regis in illo

23:22b.NUM.023.022Deus eduxit eum de Aegypto cuius fortitudo similis est rinocerotis

23:23b.NUM.023.023non est augurium in Iacob nec divinatio in Israhel temporibus suis dicetur Iacob et Israheli quid operatus sit Deus

23:24b.NUM.023.024ecce populus ut leaena consurget et quasi leo erigetur non accubabit donec devoret praedam et occisorum sanguinem bibat

23:25b.NUM.023.025dixitque Balac ad Balaam nec maledicas ei nec benedicas

23:26b.NUM.023.026et ille nonne ait dixi tibi quod quicquid mihi Deus imperaret hoc facerem

23:27b.NUM.023.027et ait Balac ad eum veni et ducam te ad alium locum si forte placeat Deo ut inde maledicas eis

23:28b.NUM.023.028cumque duxisset eum super verticem montis Phogor qui respicit solitudinem

23:29b.NUM.023.029dixit ei Balaam aedifica mihi hic septem aras et para totidem vitulos eiusdemque numeri arietes

23:30b.NUM.023.030fecit Balac ut Balaam dixerat inposuitque vitulos et arietes per singulas aras

24

24:1b.NUM.024.001cumque vidisset Balaam quod placeret Domino ut benediceret Israheli nequaquam abiit ut ante perrexerat ut augurium quaereret sed dirigens contra desertum vultum suum

24:2b.NUM.024.002et elevans oculos vidit Israhel in tentoriis commorantem per tribus suas et inruente in se spiritu Dei

24:3b.NUM.024.003adsumpta parabola ait dixit Balaam filius Beor dixit homo cuius obturatus est oculus

24:4b.NUM.024.004dixit auditor sermonum Dei qui visionem Omnipotentis intuitus est qui cadit et sic aperiuntur oculi eius

24:5b.NUM.024.005quam pulchra tabernacula tua Iacob et tentoria tua Israhel

24:6b.NUM.024.006ut valles nemorosae ut horti iuxta fluvios inrigui ut tabernacula quae fixit Dominus quasi cedri propter aquas

24:7b.NUM.024.007fluet aqua de situla eius et semen illius erit in aquas multas tolletur propter Agag rex eius et auferetur regnum illius

24:8b.NUM.024.008Deus eduxit illum de Aegypto cuius fortitudo similis est rinocerotis devorabunt gentes hostes illius ossaque eorum confringent et perforabunt sagittis

24:9b.NUM.024.009accubans dormivit ut leo et quasi leaena quam suscitare nullus audebit qui benedixerit tibi erit ipse benedictus qui maledixerit in maledictione reputabitur

24:10b.NUM.024.010iratusque Balac contra Balaam conplosis manibus ait ad maledicendum inimicis meis vocavi te quibus e contrario tertio benedixisti

24:11b.NUM.024.011revertere ad locum tuum decreveram quidem magnifice honorare te sed Dominus privavit te honore disposito

24:12b.NUM.024.012respondit Balaam ad Balac nonne nuntiis tuis quos misisti ad me dixi

24:13b.NUM.024.013si dederit mihi Balac plenam domum suam argenti et auri non potero praeterire sermonem Domini Dei mei ut vel boni quid vel mali proferam ex corde meo sed quicquid Dominus dixerit hoc loquar

24:14b.NUM.024.014verumtamen pergens ad populum meum dabo consilium quid populus tuus huic populo faciat extremo tempore

24:15b.NUM.024.015sumpta igitur parabola rursum ait dixit Balaam filius Beor dixit homo cuius obturatus est oculus

24:16b.NUM.024.016dixit auditor sermonum Dei qui novit doctrinam Altissimi et visiones Omnipotentis videt qui cadens apertos habet oculos

24:17b.NUM.024.017videbo eum sed non modo intuebor illum sed non prope orietur stella ex Iacob et consurget virga de Israhel et percutiet duces Moab vastabitque omnes filios Seth

24:18b.NUM.024.018et erit Idumea possessio eius hereditas Seir cedet inimicis suis Israhel vero fortiter aget

24:19b.NUM.024.019de Iacob erit qui dominetur et perdat reliquias civitatis

24:20b.NUM.024.020cumque vidisset Amalech adsumens parabolam ait principium gentium Amalech cuius extrema perdentur

24:21b.NUM.024.021vidit quoque Cineum et adsumpta parabola ait robustum est quidem habitaculum tuum sed si in petra posueris nidum tuum

24:22b.NUM.024.022et fueris electus de stirpe Cain quamdiu poteris permanere Assur enim capiet te

24:23b.NUM.024.023adsumptaque parabola iterum locutus est heu quis victurus est quando ista faciet Deus

24:24b.NUM.024.024venient in trieribus de Italia superabunt Assyrios vastabuntque Hebraeos et ad extremum etiam ipsi peribunt

24:25b.NUM.024.025surrexitque Balaam et reversus est in locum suum Balac quoque via qua venerat rediit

25

25:1b.NUM.025.001morabatur autem eo tempore Israhel in Setthim et fornicatus est populus cum filiabus Moab

25:2b.NUM.025.002quae vocaverunt eos ad sacrificia sua at illi comederunt et adoraverunt deos earum

25:3b.NUM.025.003initiatusque est Israhel Beelphegor et iratus Dominus

25:4b.NUM.025.004ait ad Mosen tolle cunctos principes populi et suspende eos contra solem in patibulis ut avertatur furor meus ab Israhel

25:5b.NUM.025.005dixitque Moses ad iudices Israhel occidat unusquisque proximos suos qui initiati sunt Beelphegor

25:6b.NUM.025.006et ecce unus de filiis Israhel intravit coram fratribus suis ad scortum madianitin vidente Mose et omni turba filiorum Israhel qui flebant ante fores tabernaculi

25:7b.NUM.025.007quod cum vidisset Finees filius Eleazari filii Aaron sacerdotis surrexit de medio multitudinis et arrepto pugione

25:8b.NUM.025.008ingressus est post virum israhelitem in lupanar et perfodit ambos simul virum scilicet et mulierem in locis genitalibus cessavitque plaga a filiis Israhel

25:9b.NUM.025.009et occisi sunt viginti quattuor milia homines

25:10b.NUM.025.010dixitque Dominus ad Mosen

25:11b.NUM.025.011Finees filius Eleazari filii Aaron sacerdotis avertit iram meam a filiis Israhel quia zelo meo commotus est contra eos ut non ipse delerem filios Israhel in zelo meo

25:12b.NUM.025.012idcirco loquere ad eos ecce do ei pacem foederis mei

25:13b.NUM.025.013et erit tam ipsi quam semini illius pactum sacerdotii sempiternum quia zelatus est pro Deo suo et expiavit scelus filiorum Israhel

25:14b.NUM.025.014erat autem nomen viri israhelitae qui occisus est cum Madianitide Zambri filius Salu dux de cognatione et tribu Symeonis

25:15b.NUM.025.015porro mulier madianitis quae pariter interfecta est vocabatur Chozbi filia Sur principis nobilissimi Madianitarum

25:16b.NUM.025.016locutusque est Dominus ad Mosen dicens

25:17b.NUM.025.017hostes vos sentiant Madianitae et percutite eos

25:18b.NUM.025.018quia et ipsi hostiliter egerunt contra vos et decepere insidiis per idolum Phogor et Chozbi filiam ducis Madian sororem suam quae percussa est in die plagae pro sacrilegio Phogor

26

26:1b.NUM.026.001postquam noxiorum sanguis effusus est dixit Dominus ad Mosen et Eleazarum filium Aaron sacerdotem

26:2b.NUM.026.002numerate omnem summam filiorum Israhel a viginti annis et supra per domos et cognationes suas cunctos qui possunt ad bella procedere

26:3b.NUM.026.003locuti sunt itaque Moses et Eleazar sacerdos in campestribus Moab super Iordanem contra Hierichum ad eos qui erant

26:4b.NUM.026.004a viginti annis et supra sicut Dominus imperarat quorum iste est numerus

26:5b.NUM.026.005Ruben primogenitus Israhel huius filius Enoch a quo familia Enochitarum et Phallu a quo familia Phalluitarum

26:6b.NUM.026.006et Esrom a quo familia Esromitarum et Charmi a quo familia Charmitarum

26:7b.NUM.026.007hae sunt familiae de stirpe Ruben quarum numerus inventus est quadraginta tria milia et septingenti triginta

26:8b.NUM.026.008filius Phallu Heliab

26:9b.NUM.026.009huius filii Namuhel et Dathan et Abiram isti sunt Dathan et Abiram principes populi qui surrexerunt contra Mosen et Aaron in seditione Core quando adversum Dominum rebellaverunt

26:10b.NUM.026.010et aperiens terra os suum devoravit Core morientibus plurimis quando conbusit ignis ducentos quinquaginta viros et factum est grande miraculum

26:11b.NUM.026.011ut Core pereunte filii illius non perirent

26:12b.NUM.026.012filii Symeon per cognationes suas Namuhel ab hoc familia Namuhelitarum Iamin ab hoc familia Iaminitarum Iachin ab hoc familia Iachinitarum

26:13b.NUM.026.013Zare ab hoc familia Zareitarum Saul ab hoc familia Saulitarum

26:14b.NUM.026.014hae sunt familiae de stirpe Symeon quarum omnis numerus fuit viginti duo milia ducentorum

26:15b.NUM.026.015filii Gad per cognationes suas Sephon ab hoc familia Sephonitarum Aggi ab hoc familia Aggitarum Suni ab hoc familia Sunitarum

26:16b.NUM.026.016Ozni ab hoc familia Oznitarum Heri ab hoc familia Heritarum

26:17b.NUM.026.017Arod ab hoc familia Aroditarum Arihel ab hoc familia Arihelitarum

26:18b.NUM.026.018istae sunt familiae Gad quarum omnis numerus fuit quadraginta milia quingentorum

26:19b.NUM.026.019filii Iuda Her et Onan qui ambo mortui sunt in terra Chanaan

26:20b.NUM.026.020fueruntque filii Iuda per cognationes suas Sela a quo familia Selanitarum Phares a quo familia Pharesitarum Zare a quo familia Zareitarum

26:21b.NUM.026.021porro filii Phares Esrom a quo familia Esromitarum et Amul a quo familia Amulitarum

26:22b.NUM.026.022istae sunt familiae Iuda quarum omnis numerus fuit septuaginta milia quingentorum

26:23b.NUM.026.023filii Isachar per cognationes suas Thola a quo familia Tholaitarum Phua a quo familia Phuaitarum

26:24b.NUM.026.024Iasub a quo familia Iasubitarum Semran a quo familia Semranitarum

26:25b.NUM.026.025hae sunt cognationes Isachar quarum numerus fuit sexaginta quattuor milia trecentorum

26:26b.NUM.026.026filii Zabulon per cognationes suas Sared a quo familia Sareditarum Helon a quo familia Helonitarum Ialel a quo familia Ialelitarum

26:27b.NUM.026.027hae sunt cognationes Zabulon quarum numerus fuit sexaginta milia quingentorum

26:28b.NUM.026.028filii Ioseph per cognationes suas Manasse et Ephraim

26:29b.NUM.026.029de Manasse ortus est Machir a quo familia Machiritarum Machir genuit Galaad a quo familia Galaaditarum

26:30b.NUM.026.030Galaad habuit filios Hiezer a quo familia Hiezeritarum et Elec a quo familia Elecarum

26:31b.NUM.026.031et Asrihel a quo familia Asrihelitarum et Sechem a quo familia Sechemitarum

26:32b.NUM.026.032et Semida a quo familia Semidatarum et Epher a quo familia Epheritarum

26:33b.NUM.026.033fuit autem Epher pater Salphaad qui filios non habebat sed tantum filias quarum ista sunt nomina Maala et Noa et Egla et Melcha et Thersa

26:34b.NUM.026.034hae sunt familiae Manasse et numerus earum quinquaginta duo milia septingentorum

26:35b.NUM.026.035filii autem Ephraim per cognationes suas fuerunt hii Suthala a quo familia Suthalitarum Becher a quo familia Becheritarum Tehen a quo familia Tehenitarum

26:36b.NUM.026.036porro filius Suthala fuit Heran a quo familia Heranitarum

26:37b.NUM.026.037hae sunt cognationes filiorum Ephraim quarum numerus triginta duo milia quingentorum

26:38b.NUM.026.038isti sunt filii Ioseph per familias suas filii Beniamin in cognationibus suis Bale a quo familia Baleitarum Azbel a quo familia Azbelitarum Ahiram a quo familia Ahiramitarum

26:39b.NUM.026.039Supham a quo familia Suphamitarum Hupham a quo familia Huphamitarum

26:40b.NUM.026.040filii Bale Hered et Noeman de Hered familia Hereditarum de Noeman familia Noemitarum

26:41b.NUM.026.041hii sunt filii Beniamin per cognationes suas quorum numerus quadraginta quinque milia sescentorum

26:42b.NUM.026.042filii Dan per cognationes suas Suham a quo familia Suhamitarum hae cognationes Dan per familias suas

26:43b.NUM.026.043omnes fuere Suhamitae quorum numerus erat sexaginta quattuor milia quadringentorum

26:44b.NUM.026.044filii Aser per cognationes suas Iemna a quo familia Iemnaitarum Iessui a quo familia Iessuitarum Brie a quo familia Brieitarum

26:45b.NUM.026.045filii Brie Haber a quo familia Haberitarum et Melchihel a quo familia Melchihelitarum

26:46b.NUM.026.046nomen autem filiae Aser fuit Sara

26:47b.NUM.026.047hae cognationes filiorum Aser et numerus eorum quinquaginta tria milia quadringentorum

26:48b.NUM.026.048filii Nepthalim per cognationes suas Iessihel a quo familia Iessihelitarum Guni a quo familia Gunitarum

26:49b.NUM.026.049Iesser a quo familia Iesseritarum Sellem a quo familia Sellemitarum

26:50b.NUM.026.050hae sunt cognationes filiorum Nepthalim per familias suas quorum numerus quadraginta quinque milia quadringentorum

26:51b.NUM.026.051ista est summa filiorum Israhel qui recensiti sunt sescenta milia et mille septingenti triginta

26:52b.NUM.026.052locutusque est Dominus ad Mosen dicens

26:53b.NUM.026.053istis dividetur terra iuxta numerum vocabulorum in possessiones suas

26:54b.NUM.026.054pluribus maiorem partem dabis et paucioribus minorem singulis sicut nunc recensiti sunt tradetur possessio

26:55b.NUM.026.055ita dumtaxat ut sors terram tribubus dividat et familiis

26:56b.NUM.026.056quicquid sorte contigerit hoc vel plures accipient vel pauciores

26:57b.NUM.026.057hic quoque est numerus filiorum Levi per familias suas Gerson a quo familia Gersonitarum Caath a quo familia Caathitarum Merari a quo familia Meraritarum

26:58b.NUM.026.058hae sunt familiae Levi familia Lobni familia Hebroni familia Mooli familia Musi familia Cori at vero Caath genuit Amram

26:59b.NUM.026.059qui habuit uxorem Iochabed filiam Levi quae nata est ei in Aegypto haec genuit viro suo Amram filios Aaron et Mosen et Mariam sororem eorum

26:60b.NUM.026.060de Aaron orti sunt Nadab et Abiu et Eleazar et Ithamar

26:61b.NUM.026.061quorum Nadab et Abiu mortui sunt cum obtulissent ignem alienum coram Domino

26:62b.NUM.026.062fueruntque omnes qui numerati sunt viginti tria milia generis masculini ab uno mense et supra quia non sunt recensiti inter filios Israhel nec eis cum ceteris data possessio

26:63b.NUM.026.063hic est numerus filiorum Israhel qui descripti sunt a Mosen et Eleazaro sacerdote in campestribus Moab supra Iordanem contra Hiericho

26:64b.NUM.026.064inter quos nullus fuit eorum qui ante numerati sunt a Mose et Aaron in deserto Sinai

26:65b.NUM.026.065praedixerat enim Dominus quod omnes morerentur in solitudine nullusque remansit ex eis nisi Chaleb filius Iepphonne et Iosue filius Nun

27

27:1b.NUM.027.001accesserunt autem filiae Salphaad filii Epher filii Galaad filii Machir filii Manasse qui fuit filius Ioseph quarum sunt nomina Maala et Noa et Egla et Melcha et Thersa

27:2b.NUM.027.002steteruntque coram Mosen et Eleazaro sacerdote et cunctis principibus populi ad ostium tabernaculi foederis atque dixerunt

27:3b.NUM.027.003pater noster mortuus est in deserto nec fuit in seditione quae concitata est contra Dominum sub Core sed in peccato suo mortuus est hic non habuit mares filios cur tollitur nomen illius de familia sua quia non habet filium date nobis possessionem inter cognatos patris nostri

27:4b.NUM.027.004rettulitque Moses causam earum ad iudicium Domini

27:5b.NUM.027.005qui dixit ad eum

27:6b.NUM.027.006iustam rem postulant filiae Salphaad da eis possessionem inter cognatos patris sui et ei in hereditate succedant

27:7b.NUM.027.007ad filios autem Israhel loqueris haec

27:8b.NUM.027.008homo cum mortuus fuerit absque filio ad filiam eius transibit hereditas

27:9b.NUM.027.009si filiam non habuerit habebit successores fratres suos

27:10b.NUM.027.010quod si et fratres non fuerint dabitis hereditatem fratribus patris eius

27:11b.NUM.027.011sin autem nec patruos habuerit dabitur hereditas his qui ei proximi sunt eritque hoc filiis Israhel sanctum lege perpetua sicut praecepit Dominus Mosi

27:12b.NUM.027.012dixit quoque Dominus ad Mosen ascende in montem istum Abarim et contemplare inde terram quam daturus sum filiis Israhel

27:13b.NUM.027.013cumque videris eam ibis et tu ad populum tuum sicut ivit frater tuus Aaron

27:14b.NUM.027.014quia offendistis me in deserto Sin in contradictione multitudinis nec sanctificare me voluistis coram ea super aquas hae sunt aquae Contradictionis in Cades deserti Sin

27:15b.NUM.027.015cui respondit Moses

27:16b.NUM.027.016provideat Dominus Deus spirituum omnis carnis hominem qui sit super multitudinem hanc

27:17b.NUM.027.017et possit exire et intrare ante eos et educere illos vel introducere ne sit populus Domini sicut oves absque pastore

27:18b.NUM.027.018dixitque Dominus ad eum tolle Iosue filium Nun virum in quo est spiritus et pone manum tuam super eum

27:19b.NUM.027.019qui stabit coram Eleazaro sacerdote et omni multitudine

27:20b.NUM.027.020et dabis ei praecepta cunctis videntibus et partem gloriae tuae ut audiat eum omnis synagoga filiorum Israhel

27:21b.NUM.027.021pro hoc si quid agendum erit Eleazar sacerdos consulet Dominum ad verbum eius egredietur et ingredietur ipse et omnes filii Israhel cum eo et cetera multitudo

27:22b.NUM.027.022fecit Moses ut praeceperat Dominus cumque tulisset Iosue statuit eum coram Eleazaro sacerdote et omni frequentia populi

27:23b.NUM.027.023et inpositis capiti eius manibus cuncta replicavit quae mandaverat Dominus

28

28:1b.NUM.028.001dixit quoque Dominus ad Mosen

28:2b.NUM.028.002praecipe filiis Israhel et dices ad eos oblationem meam et panes et incensum odoris suavissimi offerte per tempora sua

28:3b.NUM.028.003haec sunt sacrificia quae offerre debetis agnos anniculos inmaculatos duos cotidie in holocaustum sempiternum

28:4b.NUM.028.004unum offeretis mane et alterum ad vesperam

28:5b.NUM.028.005decimam partem oephi similae quae conspersa sit oleo purissimo et habeat quartam partem hin

28:6b.NUM.028.006holocaustum iuge est quod obtulistis in monte Sinai in odorem suavissimum incensi Domini

28:7b.NUM.028.007et libabitis vini quartam partem hin per agnos singulos in sanctuario Domini

28:8b.NUM.028.008alterumque agnum similiter offeretis ad vesperam iuxta omnem ritum sacrificii matutini et libamentorum eius oblationem suavissimi odoris Domino

28:9b.NUM.028.009die autem sabbati offeretis duos agnos anniculos inmaculatos et duas decimas similae oleo conspersae in sacrificio et liba

28:10b.NUM.028.010quae rite funduntur per singula sabbata in holocausto sempiterno

28:11b.NUM.028.011in kalendis autem id est in mensuum exordiis offeretis holocaustum Domino vitulos de armento duos arietem unum agnos anniculos septem inmaculatos

28:12b.NUM.028.012et tres decimas similae oleo conspersae in sacrificio per singulos vitulos et duas decimas similae oleo conspersae per singulos arietes

28:13b.NUM.028.013et decimam decimae similae ex oleo in sacrificio per agnos singulos holocaustum suavissimi odoris atque incensi est Domino

28:14b.NUM.028.014libamenta autem vini quae per singulas fundenda sunt victimas ista erunt media pars hin per vitulos singulos tertia per arietem quarta per agnum hoc erit holocaustum per omnes menses qui sibi anno vertente succedunt

28:15b.NUM.028.015hircus quoque offeretur Domino pro peccatis in holocaustum sempiternum cum libamentis suis

28:16b.NUM.028.016mense autem primo quartadecima die mensis phase Domini erit

28:17b.NUM.028.017et quintadecima die sollemnitas septem diebus vescentur azymis

28:18b.NUM.028.018quarum dies prima venerabilis et sancta erit omne opus servile non facietis in ea

28:19b.NUM.028.019offeretisque incensum holocaustum Domino vitulos de armento duos arietem unum agnos anniculos inmaculatos septem

28:20b.NUM.028.020et sacrificia singulorum ex simila quae conspersa sit oleo tres decimas per singulos vitulos et duas decimas per arietem

28:21b.NUM.028.021et decimam decimae per agnos singulos id est per septem agnos

28:22b.NUM.028.022et hircum pro peccato unum ut expietur pro vobis

28:23b.NUM.028.023praeter holocaustum matutinum quod semper offertis

28:24b.NUM.028.024ita facietis per singulos dies septem dierum in fomitem ignis et in odorem suavissimum Domino qui surget de holocausto et de libationibus singulorum

28:25b.NUM.028.025dies quoque septimus celeberrimus et sanctus erit vobis omne opus servile non facietis in eo

28:26b.NUM.028.026dies etiam primitivorum quando offertis novas fruges Domino expletis ebdomadibus venerabilis et sancta erit omne opus servile non facietis in ea

28:27b.NUM.028.027offeretisque holocaustum in odorem suavissimum Domino vitulos de armento duos arietem unum et agnos anniculos inmaculatos septem

28:28b.NUM.028.028atque in sacrificiis eorum similae oleo conspersae tres decimas per singulos vitulos per arietes duas

28:29b.NUM.028.029per agnos decimam decimae qui simul sunt agni septem hircum quoque

28:30b.NUM.028.030qui mactatur pro expiatione praeter holocaustum sempiternum et liba eius

28:31b.NUM.028.031inmaculata offeretis omnia cum libationibus suis

29

29:1b.NUM.029.001mensis etiam septimi prima dies venerabilis et sancta erit vobis omne opus servile non facietis in ea quia dies clangoris est et tubarum

29:2b.NUM.029.002offeretisque holocaustum in odorem suavissimum Domino vitulum de armento unum arietem unum agnos anniculos inmaculatos septem

29:3b.NUM.029.003et in sacrificiis eorum similae oleo conspersae tres decimas per singulos vitulos duas decimas per arietem

29:4b.NUM.029.004unam decimam per agnum qui simul sunt agni septem

29:5b.NUM.029.005et hircum pro peccato qui offertur in expiationem populi

29:6b.NUM.029.006praeter holocaustum kalendarum cum sacrificiis suis et holocaustum sempiternum cum libationibus solitis hisdem caerimoniis offeretis in odorem suavissimum incensum Domino

29:7b.NUM.029.007decima quoque dies mensis huius septimi erit vobis sancta atque venerabilis et adfligetis animas vestras omne opus servile non facietis in ea

29:8b.NUM.029.008offeretisque holocaustum Domino in odorem suavissimum vitulum de armento unum arietem unum agnos anniculos inmaculatos septem

29:9b.NUM.029.009et in sacrificiis eorum similae oleo conspersae tres decimas per vitulos singulos duas decimas per arietem

29:10b.NUM.029.010decimam decimae per agnos singulos qui sunt simul septem agni

29:11b.NUM.029.011et hircum pro peccato absque his quae offerri pro delicto solent in expiationem et holocaustum sempiternum in sacrificio et libaminibus eorum

29:12b.NUM.029.012quintadecima vero die mensis septimi quae vobis erit sancta atque venerabilis omne opus servile non facietis in ea sed celebrabitis sollemnitatem Domino septem diebus

29:13b.NUM.029.013offeretisque holocaustum in odorem suavissimum Domino vitulos de armento tredecim arietes duos agnos anniculos quattuordecim inmaculatos

29:14b.NUM.029.014et in libamentis eorum similae oleo conspersae tres decimas per vitulos singulos qui sunt simul vituli tredecim et duas decimas arieti uno id est simul arietibus duobus

29:15b.NUM.029.015et decimam decimae agnis singulis qui sunt simul agni quattuordecim

29:16b.NUM.029.016et hircum pro peccato absque holocausto sempiterno et sacrificio et libamine eius

29:17b.NUM.029.017in die altero offeres vitulos de armento duodecim arietes duos agnos anniculos inmaculatos quattuordecim

29:18b.NUM.029.018sacrificiaque et libamina singulorum per vitulos et arietes et agnos rite celebrabis

29:19b.NUM.029.019et hircum pro peccato absque holocausto sempiterno sacrificioque eius et libamine

29:20b.NUM.029.020die tertio offeres vitulos undecim arietes duos agnos anniculos inmaculatos quattuordecim

29:21b.NUM.029.021sacrificiaque et libamina singulorum per vitulos et arietes et agnos rite celebrabis

29:22b.NUM.029.022et hircum pro peccato absque holocausto sempiterno et sacrificio et libamine eius

29:23b.NUM.029.023die quarto offeres vitulos decem arietes duos agnos anniculos inmaculatos quattuordecim

29:24b.NUM.029.024sacrificiaque eorum et libamina singulorum per vitulos et arietes et agnos rite celebrabis

29:25b.NUM.029.025et hircum pro peccato absque holocausto sempiterno sacrificioque eius et libamine

29:26b.NUM.029.026die quinto offeres vitulos novem arietes duos agnos anniculos inmaculatos quattuordecim

29:27b.NUM.029.027sacrificiaque et libamina singulorum per vitulos et arietes et agnos rite celebrabis

29:28b.NUM.029.028et hircum pro peccato absque holocausto sempiterno sacrificioque eius et libamine

29:29b.NUM.029.029die sexto offeres vitulos octo arietes duos agnos anniculos inmaculatos quattuordecim

29:30b.NUM.029.030sacrificiaque et libamina singulorum per vitulos et arietes et agnos rite celebrabis

29:31b.NUM.029.031et hircum pro peccato absque holocausto sempiterno sacrificioque eius et libamine

29:32b.NUM.029.032die septimo offeres vitulos septem arietes duos agnos anniculos inmaculatos quattuordecim

29:33b.NUM.029.033sacrificiaque et libamina singulorum per vitulos et arietes et agnos rite celebrabis

29:34b.NUM.029.034et hircum pro peccato absque holocausto sempiterno sacrificioque eius et libamine

29:35b.NUM.029.035die octavo qui est celeberrimus omne opus servile non facietis

29:36b.NUM.029.036offerentes holocaustum in odorem suavissimum Domino vitulum unum arietem unum agnos anniculos inmaculatos septem

29:37b.NUM.029.037sacrificiaque et libamina singulorum per vitulos et arietes et agnos rite celebrabis

29:38b.NUM.029.038et hircum pro peccato absque holocausto sempiterno sacrificioque eius et libamine

29:39b.NUM.029.039haec offeretis Domino in sollemnitatibus vestris praeter vota et oblationes spontaneas in holocausto in sacrificio in libamine et in hostiis pacificis

30

30:1b.NUM.030.001narravitque Moses filiis Israhel omnia quae ei Dominus imperarat

30:2b.NUM.030.002et locutus est ad principes tribuum filiorum Israhel iste est sermo quem praecepit Dominus

30:3b.NUM.030.003si quis virorum votum Domino voverit aut se constrinxerit iuramento non faciet irritum verbum suum sed omne quod promisit implebit

30:4b.NUM.030.004mulier si quippiam voverit et se constrinxerit iuramento quae est in domo patris sui et in aetate adhuc puellari si cognoverit pater votum quod pollicita est et iuramentum quo obligavit animam suam et tacuerit voti rea erit

30:5b.NUM.030.005quicquid pollicita est et iuravit opere conplebit

30:6b.NUM.030.006sin autem statim ut audierit contradixerit pater et vota et iuramenta eius irrita erunt nec obnoxia tenebitur sponsioni eo quod contradixerit pater

30:7b.NUM.030.007si maritum habuerit et voverit aliquid et semel verbum de ore eius egrediens animam illius obligaverit iuramento

30:8b.NUM.030.008quo die audierit vir et non contradixerit voti rea erit reddet quodcumque promiserat

30:9b.NUM.030.009sin autem audiens statim contradixerit et irritas fecerit pollicitationes eius verbaque quibus obstrinxerat animam suam propitius ei erit Dominus

30:10b.NUM.030.010vidua et repudiata quicquid voverint reddent

30:11b.NUM.030.011uxor in domo viri cum se voto constrinxerit et iuramento

30:12b.NUM.030.012si audierit vir et tacuerit nec contradixerit sponsioni reddet quodcumque promiserat

30:13b.NUM.030.013sin autem extemplo contradixerit non tenebitur promissionis rea quia maritus contradixit et Dominus ei propitius erit

30:14b.NUM.030.014si voverit et iuramento se constrinxerit ut per ieiunium vel ceterarum rerum abstinentiam adfligat animam suam in arbitrio viri erit ut faciat sive non faciat

30:15b.NUM.030.015quod si audiens vir tacuerit et in alteram diem distulerit sententiam quicquid voverat atque promiserat reddet quia statim ut audivit tacuit

30:16b.NUM.030.016sin autem contradixerit postquam rescivit portabit ipse iniquitatem eius

30:17b.NUM.030.017istae sunt leges quas constituit Dominus Mosi inter virum et uxorem inter patrem et filiam quae in puellari adhuc aetate est vel quae manet in parentis domo

31

31:1b.NUM.031.001locutusque est Dominus ad Mosen dicens

31:2b.NUM.031.002ulciscere prius filios Israhel de Madianitis et sic colligeris ad populum tuum

31:3b.NUM.031.003statimque Moses armate inquit ex vobis viros ad pugnam qui possint ultionem Domini expetere de Madianitis

31:4b.NUM.031.004mille viri de singulis tribubus eligantur Israhel qui mittantur ad bellum

31:5b.NUM.031.005dederuntque millenos de cunctis tribubus id est duodecim milia expeditorum ad pugnam

31:6b.NUM.031.006quos misit Moses cum Finees filio Eleazari sacerdotis vasa quoque sancta et tubas ad clangendum tradidit ei

31:7b.NUM.031.007cumque pugnassent contra Madianitas atque vicissent omnes mares occiderunt

31:8b.NUM.031.008et reges eorum Evi et Recem et Sur et Ur et Rebe quinque principes gentis Balaam quoque filium Beor interfecerunt gladio

31:9b.NUM.031.009ceperuntque mulieres eorum et parvulos omniaque pecora et cunctam supellectilem quicquid habere potuerant depopulati sunt

31:10b.NUM.031.010tam urbes quam viculos et castella flamma consumpsit

31:11b.NUM.031.011et tulerunt praedam et universa quae ceperant tam ex hominibus quam ex iumentis

31:12b.NUM.031.012et adduxerunt ad Mosen et Eleazarum sacerdotem et ad omnem multitudinem filiorum Israhel reliqua etiam utensilia portaverunt ad castra in campestribus Moab iuxta Iordanem contra Hiericho

31:13b.NUM.031.013egressi sunt autem Moses et Eleazar sacerdos et omnes principes synagogae in occursum eorum extra castra

31:14b.NUM.031.014iratusque Moses principibus exercitus tribunis et centurionibus qui venerant de bello

31:15b.NUM.031.015ait cur feminas reservastis

31:16b.NUM.031.016nonne istae sunt quae deceperunt filios Israhel ad suggestionem Balaam et praevaricari vos fecerunt in Domino super peccato Phogor unde et percussus est populus

31:17b.NUM.031.017ergo cunctos interficite quicquid est generis masculini etiam in parvulis et mulieres quae noverunt viros in coitu iugulate

31:18b.NUM.031.018puellas autem et omnes feminas virgines reservate vobis

31:19b.NUM.031.019et manete extra castra septem diebus qui occiderit hominem vel occisum tetigerit lustrabitur die tertio et septimo

31:20b.NUM.031.020et de omni praeda sive vestimentum fuerit sive vas et aliquid in utensilia praeparatum de caprarum pellibus et pilis et ligno expiabitur

31:21b.NUM.031.021Eleazar quoque sacerdos ad viros exercitus qui pugnaverant sic locutus est hoc est praeceptum legis quod mandavit Dominus Mosi

31:22b.NUM.031.022aurum et argentum et aes et ferrum et stagnum et plumbum

31:23b.NUM.031.023et omne quod potest transire per flammas igne purgabitur quicquid autem ignem non potest sustinere aqua expiationis sanctificabitur

31:24b.NUM.031.024et lavabitis vestimenta vestra die septimo et purificati postea castra intrabitis

31:25b.NUM.031.025dixitque Dominus ad Mosen

31:26b.NUM.031.026tollite summam eorum quae capta sunt ab homine usque ad pecus tu et Eleazar sacerdos et principes vulgi

31:27b.NUM.031.027dividesque ex aequo praedam inter eos qui pugnaverunt et egressi sunt ad bellum et inter omnem reliquam multitudinem

31:28b.NUM.031.028et separabis partem Domino ab his qui pugnaverunt et fuerunt in bello unam animam de quingentis tam ex hominibus quam ex bubus et asinis et ovibus

31:29b.NUM.031.029et dabis eam Eleazaro sacerdoti quia primitiae Domini sunt

31:30b.NUM.031.030ex media quoque parte filiorum Israhel accipies quinquagesimum caput hominum et boum et asinorum et ovium cunctarumque animantium et dabis ea Levitis qui excubant in custodiis tabernaculi Domini

31:31b.NUM.031.031feceruntque Moses et Eleazar sicut praeceperat Dominus

31:32b.NUM.031.032fuit autem praeda quam exercitus ceperat ovium sescenta septuaginta quinque milia

31:33b.NUM.031.033boum septuaginta duo milia

31:34b.NUM.031.034asinorum sexaginta milia et mille

31:35b.NUM.031.035animae hominum sexus feminei quae non cognoverant viros triginta duo milia

31:36b.NUM.031.036dataque est media pars his qui in proelio fuerant ovium trecenta triginta septem milia quingenta

31:37b.NUM.031.037e quibus in partem Domini supputatae sunt oves sescentae septuaginta quinque

31:38b.NUM.031.038et de bubus triginta sex milibus boves septuaginta duo

31:39b.NUM.031.039de asinis triginta milibus quingentis asini sexaginta unus

31:40b.NUM.031.040de animabus hominum sedecim milibus cesserunt in partem Domini triginta duae animae

31:41b.NUM.031.041tradiditque Moses numerum primitiarum Domini Eleazaro sacerdoti sicut ei fuerat imperatum

31:42b.NUM.031.042ex media parte filiorum Israhel quam separaverat his qui in proelio fuerant

31:43b.NUM.031.043de media vero parte quae contigerat reliquae multitudini id est de ovium trecentis triginta septem milibus quingentis

31:44b.NUM.031.044et de bubus triginta sex milibus

31:45b.NUM.031.045et de asinis triginta milibus quingentis

31:46b.NUM.031.046et de hominibus sedecim milibus

31:47b.NUM.031.047tulit Moses quinquagesimum caput et dedit Levitis qui excubant in tabernaculo Domini sicut praeceperat Dominus

31:48b.NUM.031.048cumque accessissent principes exercitus ad Mosen et tribuni centurionesque dixerunt

31:49b.NUM.031.049nos servi tui recensuimus numerum pugnatorum quos habuimus sub manu nostra et ne unus quidem defuit

31:50b.NUM.031.050ob hanc causam offerimus in donariis Domini singuli quod in praeda auri potuimus invenire periscelides et armillas anulos et dextralia ac murenulas ut depreceris pro nobis Dominum

31:51b.NUM.031.051susceperuntque Moses et Eleazar sacerdos omne aurum in diversis speciebus

31:52b.NUM.031.052pondo sedecim milia septingentos quinquaginta siclos a tribunis et centurionibus

31:53b.NUM.031.053unusquisque enim quod in praeda rapuerat suum erat

31:54b.NUM.031.054et susceptum intulerunt in tabernaculum testimonii in monumentum filiorum Israhel coram Domino

32

32:1b.NUM.032.001filii autem Ruben et Gad habebant pecora multa et erat illis in iumentis infinita substantia cumque vidissent Iazer et Galaad aptas alendis animalibus

32:2b.NUM.032.002venerunt ad Mosen et ad Eleazarum sacerdotem et principes multitudinis atque dixerunt

32:3b.NUM.032.003Atharoth et Dibon et Iazer et Nemra Esbon et Eleale et Sabam et Nebo et Beon

32:4b.NUM.032.004terram quam percussit Dominus in conspectu filiorum Israhel regionis uberrimae est ad pastum animalium et nos servi tui habemus iumenta plurima

32:5b.NUM.032.005precamurque si invenimus gratiam coram te ut des nobis famulis tuis eam in possessionem ne facias nos transire Iordanem

32:6b.NUM.032.006quibus respondit Moses numquid fratres vestri ibunt ad pugnam et vos hic sedebitis

32:7b.NUM.032.007cur subvertitis mentes filiorum Israhel ne transire audeant in locum quem eis daturus est Dominus

32:8b.NUM.032.008nonne ita egerunt patres vestri quando misi de Cadesbarne ad explorandam terram

32:9b.NUM.032.009cumque venissent usque ad vallem Botri lustrata omni regione subverterunt cor filiorum Israhel ut non intrarent fines quos eis Dominus dedit

32:10b.NUM.032.010qui iratus iuravit dicens

32:11b.NUM.032.011si videbunt homines isti qui ascenderunt ex Aegypto a viginti annis et supra terram quam sub iuramento pollicitus sum Abraham Isaac et Iacob et noluerunt sequi me

32:12b.NUM.032.012praeter Chaleb filium Iepphonne Cenezeum et Iosue filium Nun isti impleverunt voluntatem meam

32:13b.NUM.032.013iratusque Dominus adversum Israhel circumduxit eum per desertum quadraginta annis donec consumeretur universa generatio quae fecerat malum in conspectu eius

32:14b.NUM.032.014et ecce inquit vos surrexistis pro patribus vestris incrementa et alumni hominum peccatorum ut augeretis furorem Domini contra Israhel

32:15b.NUM.032.015qui si nolueritis sequi eum in solitudine populum derelinquet et vos causa eritis necis omnium

32:16b.NUM.032.016at illi prope accedentes dixerunt caulas ovium fabricabimus et stabula iumentorum parvulis quoque nostris urbes munitas

32:17b.NUM.032.017nos autem ipsi armati et accincti pergemus ad proelium ante filios Israhel donec introducamus eos ad loca sua parvuli nostri et quicquid habere possumus erunt in urbibus muratis propter habitatorum insidias

32:18b.NUM.032.018non revertemur in domos nostras usquequo possideant filii Israhel hereditatem suam

32:19b.NUM.032.019nec quicquam quaeremus trans Iordanem quia iam habemus possessionem nostram in orientali eius plaga

32:20b.NUM.032.020quibus Moses ait si facitis quod promittitis expediti pergite coram Domino ad pugnam

32:21b.NUM.032.021et omnis vir bellator armatus Iordanem transeat donec subvertat Dominus inimicos suos

32:22b.NUM.032.022et subiciatur ei omnis terra tunc eritis inculpabiles et apud Dominum et apud Israhel et obtinebitis regiones quas vultis coram Domino

32:23b.NUM.032.023sin autem quod dicitis non feceritis nulli dubium quin peccetis in Dominum et scitote quoniam peccatum vestrum adprehendet vos

32:24b.NUM.032.024aedificate ergo urbes parvulis vestris et caulas ac stabula ovibus ac iumentis et quod polliciti estis implete

32:25b.NUM.032.025dixeruntque filii Gad et Ruben ad Mosen servi tui sumus faciemus quod iubet dominus noster

32:26b.NUM.032.026parvulos nostros et mulieres et pecora ac iumenta relinquemus in urbibus Galaad

32:27b.NUM.032.027nos autem famuli tui omnes expediti pergemus ad bellum sicut tu domine loqueris

32:28b.NUM.032.028praecepit ergo Moses Eleazaro sacerdoti et Iosue filio Nun et principibus familiarum per tribus Israhel et dixit ad eos

32:29b.NUM.032.029si transierint filii Gad et filii Ruben vobiscum Iordanem omnes armati ad bellum coram Domino et vobis fuerit terra subiecta date eis Galaad in possessionem

32:30b.NUM.032.030sin autem noluerint transire vobiscum in terram Chanaan inter vos habitandi accipiant loca

32:31b.NUM.032.031responderuntque filii Gad et filii Ruben sicut locutus est Dominus servis suis ita faciemus

32:32b.NUM.032.032ipsi armati pergemus coram Domino in terram Chanaan et possessionem iam suscepisse nos confitemur trans Iordanem

32:33b.NUM.032.033dedit itaque Moses filiis Gad et Ruben et dimidiae tribui Manasse filii Ioseph regnum Seon regis Amorrei et regnum Og regis Basan et terram eorum cum urbibus suis per circuitum

32:34b.NUM.032.034igitur extruxerunt filii Gad Dibon et Atharoth et Aroer

32:35b.NUM.032.035Etrothsophan et Iazer Iecbaa

32:36b.NUM.032.036et Bethnemra et Betharan urbes munitas et caulas pecoribus suis

32:37b.NUM.032.037filii vero Ruben aedificaverunt Esbon et Eleale et Cariathaim

32:38b.NUM.032.038et Nabo et Baalmeon versis nominibus Sabama quoque inponentes vocabula urbibus quas extruxerant

32:39b.NUM.032.039porro filii Machir filii Manasse perrexerunt in Galaad et vastaverunt eam interfecto Amorreo habitatore eius

32:40b.NUM.032.040dedit ergo Moses terram Galaad Machir filio Manasse qui habitavit in ea

32:41b.NUM.032.041Iair autem filius Manasse abiit et occupavit vicos eius quos appellavit Avothiair id est villas Iair

32:42b.NUM.032.042Nobe quoque perrexit et adprehendit Canath cum viculis suis vocavitque eam ex nomine suo Nobe

33

33:1b.NUM.033.001hae sunt mansiones filiorum Israhel qui egressi sunt de Aegypto per turmas suas in manu Mosi et Aaron

33:2b.NUM.033.002quas descripsit Moses iuxta castrorum loca quae Domini iussione mutabant

33:3b.NUM.033.003profecti igitur de Ramesse mense primo quintadecima die mensis primi altera die phase filii Israhel in manu excelsa videntibus cunctis Aegyptiis

33:4b.NUM.033.004et sepelientibus primogenitos quos percusserat Dominus nam et in diis eorum exercuerat ultionem

33:5b.NUM.033.005castrametati sunt in Soccoth

33:6b.NUM.033.006et de Soccoth venerunt in Aetham quae est in extremis finibus solitudinis

33:7b.NUM.033.007inde egressi venerunt contra Phiahiroth quae respicit Beelsephon et castrametati sunt ante Magdolum

33:8b.NUM.033.008profectique de Phiahiroth transierunt per medium mare in solitudinem et ambulantes tribus diebus per desertum Aetham castrametati sunt in Mara

33:9b.NUM.033.009profectique de Mara venerunt in Helim ubi erant duodecim fontes aquarum et palmae septuaginta ibique castrametati sunt

33:10b.NUM.033.010sed et inde egressi fixere tentoria super mare Rubrum profectique de mari Rubro

33:11b.NUM.033.011castrametati sunt in deserto Sin

33:12b.NUM.033.012unde egressi venerunt in Dephca

33:13b.NUM.033.013profectique de Dephca castrametati sunt in Alus

33:14b.NUM.033.014egressi de Alus Raphidim fixere tentoria ubi aqua populo defuit ad bibendum

33:15b.NUM.033.015profectique de Raphidim castrametati sunt in deserto Sinai

33:16b.NUM.033.016sed et de solitudine Sinai egressi venerunt ad sepulchra Concupiscentiae

33:17b.NUM.033.017profectique de sepulchris Concupiscentiae castrametati sunt in Aseroth

33:18b.NUM.033.018et de Aseroth venerunt in Rethma

33:19b.NUM.033.019profectique de Rethma castrametati sunt in Remmonphares

33:20b.NUM.033.020unde egressi venerunt in Lebna

33:21b.NUM.033.021et de Lebna castrametati sunt in Ressa

33:22b.NUM.033.022egressi de Ressa venerunt in Ceelatha

33:23b.NUM.033.023unde profecti castrametati sunt in monte Sepher

33:24b.NUM.033.024egressi de monte Sepher venerunt in Arada

33:25b.NUM.033.025inde proficiscentes castrametati sunt in Maceloth

33:26b.NUM.033.026profectique de Maceloth venerunt in Thaath

33:27b.NUM.033.027de Thaath castrametati sunt in Thare

33:28b.NUM.033.028unde egressi fixerunt tentoria in Methca

33:29b.NUM.033.029et de Methca castrametati sunt in Esmona

33:30b.NUM.033.030profectique de Esmona venerunt in Moseroth

33:31b.NUM.033.031et de Moseroth castrametati sunt in Baneiacan

33:32b.NUM.033.032egressique de Baneiacan venerunt in montem Gadgad

33:33b.NUM.033.033unde profecti castrametati sunt in Hietebatha

33:34b.NUM.033.034et de Hietebatha venerunt in Ebrona

33:35b.NUM.033.035egressique de Ebrona castrametati sunt in Asiongaber

33:36b.NUM.033.036inde profecti venerunt in desertum Sin haec est Cades

33:37b.NUM.033.037egressique de Cades castrametati sunt in monte Hor in extremis finibus terrae Edom

33:38b.NUM.033.038ascenditque Aaron sacerdos montem Hor iubente Domino et ibi mortuus est anno quadragesimo egressionis filiorum Israhel ex Aegypto mense quinto prima die mensis

33:39b.NUM.033.039cum esset annorum centum viginti trium

33:40b.NUM.033.040audivitque Chananeus rex Arad qui habitabat ad meridiem in terra Chanaan venisse filios Israhel

33:41b.NUM.033.041et profecti de monte Hor castrametati sunt in Salmona

33:42b.NUM.033.042unde egressi venerunt in Phinon

33:43b.NUM.033.043profectique de Phinon castrametati sunt in Oboth

33:44b.NUM.033.044et de Oboth venerunt in Ieabarim quae est in finibus Moabitarum

33:45b.NUM.033.045profectique de Ieabarim fixere tentoria in Dibongad

33:46b.NUM.033.046unde egressi castrametati sunt in Elmondeblathaim

33:47b.NUM.033.047egressi de Elmondeblathaim venerunt ad montes Abarim contra Nabo

33:48b.NUM.033.048profectique de montibus Abarim transierunt ad campestria Moab super Iordanem contra Hiericho

33:49b.NUM.033.049ibique castrametati sunt de Bethsimon usque ad Belsattim in planioribus locis Moabitarum

33:50b.NUM.033.050ubi locutus est Dominus ad Mosen

33:51b.NUM.033.051praecipe filiis Israhel et dic ad eos quando transieritis Iordanem intrantes terram Chanaan

33:52b.NUM.033.052disperdite cunctos habitatores regionis illius confringite titulos et statuas comminuite atque omnia excelsa vastate

33:53b.NUM.033.053mundantes terram et habitantes in ea ego enim dedi vobis illam in possessionem

33:54b.NUM.033.054quam dividetis vobis sorte pluribus dabitis latiorem et paucis angustiorem singulis ut sors ceciderit ita tribuetur hereditas per tribus et familias possessio dividetur

33:55b.NUM.033.055sin autem nolueritis interficere habitatores terrae qui remanserint erunt vobis quasi clavi in oculis et lanceae in lateribus et adversabuntur vobis in terra habitationis vestrae

33:56b.NUM.033.056et quicquid illis facere cogitaram vobis faciam

34

34:1b.NUM.034.001locutus est Dominus ad Mosen

34:2b.NUM.034.002praecipe filiis Israhel et dices ad eos cum ingressi fueritis terram Chanaan et in possessionem vobis sorte ceciderit his finibus terminabitur

34:3b.NUM.034.003pars meridiana incipiet a solitudine Sin quae est iuxta Edom et habebit terminos contra orientem mare Salsissimum

34:4b.NUM.034.004qui circumibunt australem plagam per ascensum Scorpionis ita ut transeant Senna et perveniant in meridiem usque ad Cadesbarne unde egredientur confinia ad villam nomine Addar et tendent usque Asemona

34:5b.NUM.034.005ibitque per gyrum terminus ab Asemona usque ad torrentem Aegypti et maris Magni litore finietur

34:6b.NUM.034.006plaga autem occidentalis a mari Magno incipiet et ipso fine cludetur

34:7b.NUM.034.007porro ad septentrionalem plagam a mari Magno termini incipient pervenientes usque ad montem Altissimum

34:8b.NUM.034.008a quo venies in Emath usque ad terminos Sedada

34:9b.NUM.034.009ibuntque confinia usque Zephrona et villam Henan hii erunt termini in parte aquilonis

34:10b.NUM.034.010inde metabuntur fines contra orientalem plagam de villa Henan usque Sephama

34:11b.NUM.034.011et de Sephama descendent termini in Rebla contra fontem inde pervenient contra orientem ad mare Chenereth

34:12b.NUM.034.012et tendent usque Iordanem et ad ultimum Salsissimo cludentur mari hanc habebitis terram per fines suos in circuitu

34:13b.NUM.034.013praecepitque Moses filiis Israhel dicens haec erit terra quam possidebitis sorte et quam iussit dari Dominus novem tribubus et dimidiae tribui

34:14b.NUM.034.014tribus enim filiorum Ruben per familias suas et tribus filiorum Gad iuxta cognationum numerum media quoque tribus Manasse

34:15b.NUM.034.015id est duae semis tribus acceperunt partem suam trans Iordanem contra Hiericho ad orientalem plagam

34:16b.NUM.034.016et ait Dominus ad Mosen

34:17b.NUM.034.017haec sunt nomina virorum qui terram vobis divident Eleazar sacerdos et Iosue filius Nun

34:18b.NUM.034.018et singuli principes de tribubus singulis

34:19b.NUM.034.019quorum ista sunt vocabula de tribu Iuda Chaleb filius Iepphonne

34:20b.NUM.034.020de tribu Symeon Samuhel filius Ammiud

34:21b.NUM.034.021de tribu Beniamin Helidad filius Chaselon

34:22b.NUM.034.022de tribu filiorum Dan Bocci filius Iogli

34:23b.NUM.034.023filiorum Ioseph de tribu Manasse Hannihel filius Ephod

34:24b.NUM.034.024de tribu Ephraim Camuhel filius Sephtan

34:25b.NUM.034.025de tribu Zabulon Elisaphan filius Pharnach

34:26b.NUM.034.026de tribu Isachar dux Faltihel filius Ozan

34:27b.NUM.034.027de tribu Aser Ahiud filius Salomi

34:28b.NUM.034.028de tribu Nepthali Phedahel filius Ameiud

34:29b.NUM.034.029hii sunt quibus praecepit Dominus ut dividerent filiis Israhel terram Chanaan

35

35:1b.NUM.035.001haec quoque locutus est Dominus ad Mosen in campestribus Moab super Iordanem contra Hiericho

35:2b.NUM.035.002praecipe filiis Israhel ut dent Levitis de possessionibus suis

35:3b.NUM.035.003urbes ad habitandum et suburbana earum per circuitum ut ipsi in oppidis maneant et suburbana sint pecoribus ac iumentis

35:4b.NUM.035.004quae a muris civitatum forinsecus per circuitum mille passuum spatio tendentur

35:5b.NUM.035.005contra orientem duo milia erunt cubiti et contra meridiem similiter duo milia ad mare quoque quod respicit occidentem eadem mensura erit et septentrionalis plaga aequali termino finietur eruntque urbes in medio et foris suburbana

35:6b.NUM.035.006de ipsis autem oppidis quae Levitis dabitis sex erunt in fugitivorum auxilia separata ut fugiat ad ea qui fuderit sanguinem exceptis his alia quadraginta duo oppida

35:7b.NUM.035.007id est simul quadraginta octo cum suburbanis suis

35:8b.NUM.035.008ipsaeque urbes quae dabuntur de possessionibus filiorum Israhel ab his qui plus habent plures auferentur et qui minus pauciores singuli iuxta mensuram hereditatis suae dabunt oppida Levitis

35:9b.NUM.035.009ait Dominus ad Mosen

35:10b.NUM.035.010loquere filiis Israhel et dices ad eos quando transgressi fueritis Iordanem in terram Chanaan

35:11b.NUM.035.011decernite quae urbes esse debeant in praesidia fugitivorum qui nolentes sanguinem fuderint

35:12b.NUM.035.012in quibus cum fuerit profugus cognatus occisi eum non poterit occidere donec stet in conspectu multitudinis et causa illius iudicetur

35:13b.NUM.035.013de ipsis autem urbibus quae ad fugitivorum subsidia separantur

35:14b.NUM.035.014tres erunt trans Iordanem et tres in terra Chanaan

35:15b.NUM.035.015tam filiis Israhel quam advenis atque peregrinis ut confugiat ad eas qui nolens sanguinem fuderit

35:16b.NUM.035.016si quis ferro percusserit et mortuus fuerit qui percussus est reus erit homicidii et ipse morietur

35:17b.NUM.035.017si lapidem iecerit et ictus occubuerit similiter punietur

35:18b.NUM.035.018si ligno percussus interierit percussoris sanguine vindicabitur

35:19b.NUM.035.019propinquus occisi homicidam interficiet statim ut adprehenderit eum percutiet

35:20b.NUM.035.020si per odium quis hominem inpulerit vel iecerit quippiam in eum per insidias

35:21b.NUM.035.021aut cum esset inimicus manu percusserit et ille mortuus fuerit percussor homicidii reus erit cognatus occisi statim ut invenerit eum iugulabit

35:22b.NUM.035.022quod si fortuito et absque odio

35:23b.NUM.035.023et inimicitiis quicquam horum fecerit

35:24b.NUM.035.024et hoc audiente populo fuerit conprobatum atque inter percussorem et propinquum sanguinis quaestio ventilata

35:25b.NUM.035.025liberabitur innocens de ultoris manu et reducetur per sententiam in urbem ad quam confugerat manebitque ibi donec sacerdos magnus qui oleo sancto unctus est moriatur

35:26b.NUM.035.026si interfector extra fines urbium quae exulibus deputatae sunt

35:27b.NUM.035.027fuerit inventus et percussus ab eo qui ultor est sanguinis absque noxa erit qui eum occiderit

35:28b.NUM.035.028debuerat enim profugus usque ad mortem pontificis in urbe residere postquam autem ille obierit homicida revertetur in terram suam

35:29b.NUM.035.029haec sempiterna erunt et legitima in cunctis habitationibus vestris

35:30b.NUM.035.030homicida sub testibus punietur ad unius testimonium nullus condemnabitur

35:31b.NUM.035.031non accipietis pretium ab eo qui reus est sanguinis statim et ipse morietur

35:32b.NUM.035.032exules et profugi ante mortem pontificis nullo modo in urbes suas reverti poterunt

35:33b.NUM.035.033ne polluatis terram habitationis vestrae quae insontium cruore maculatur nec aliter expiari potest nisi per eius sanguinem qui alterius sanguinem fuderit

35:34b.NUM.035.034atque ita emundabitur vestra possessio me commorante vobiscum ego enim sum Dominus qui habito inter filios Israhel

36

36:1b.NUM.036.001accesserunt autem et principes familiarum Galaad filii Machir filii Manasse de stirpe filiorum Ioseph locutique sunt Mosi coram principibus Israhel atque dixerunt

36:2b.NUM.036.002tibi domino nostro praecepit Dominus ut terram sorte divideres filiis Israhel et ut filiabus Salphaad fratris nostri dares possessionem debitam patri

36:3b.NUM.036.003quas si alterius tribus homines uxores acceperint sequetur possessio sua et translata ad aliam tribum de nostra hereditate minuetur

36:4b.NUM.036.004atque ita fiet ut cum iobeleus id est quinquagesimus annus remissionis advenerit confundatur sortium distributio et aliorum possessio ad alios transeat

36:5b.NUM.036.005respondit Moses filiis Israhel et Domino praecipiente ait recte tribus filiorum Ioseph locuta est

36:6b.NUM.036.006et haec lex super filiabus Salphaad a Domino promulgata est nubant quibus volunt tantum ut suae tribus hominibus

36:7b.NUM.036.007ne commisceatur possessio filiorum Israhel de tribu in tribum omnes enim viri ducent uxores de tribu et cognatione sua

36:8b.NUM.036.008et cunctae feminae maritos de eadem tribu accipient ut hereditas permaneat in familiis

36:9b.NUM.036.009nec sibi misceantur tribus sed ta maneant

36:10b.NUM.036.010ut a Domino separatae sunt feceruntque filiae Salphaad ut fuerat imperatum

36:11b.NUM.036.011et nupserunt Maala et Thersa et Egla et Melcha et Noa filiis patrui sui

36:12b.NUM.036.012de familia Manasse qui fuit filius Ioseph et possessio quae illis fuerat adtributa mansit in tribu et familia patris earum

36:13b.NUM.036.013haec sunt mandata atque iudicia quae praecepit Dominus per manum Mosi ad filios Israhel in campestribus Moab super Iordanem contra Hiericho