1 Timothy (K'iche')

1

1:1b.1TI.001.001Ri Pabʼlo, Apostol rech ri Jesus Kristo, rumal ri utaqanik ri Dyos Qakolonel e rumal ri Kristo Jesus che qeyeʼbʼal,

1:2b.1TI.001.002chrech ri Timoteʼo, ri areʼ che qastzij walkʼuwaʼl pa ri kojonik, chrech ri areʼ ri sipanik, ri loqʼoqʼebʼal kʼuʼx e ri nimalaj utzil rech ri Dyos Tatxel e rech ri Kristo Jesus Qajawxel.

1:3b.1TI.001.003Aretaq chiʼ ri in xinmajij nubʼe kinbʼe pa ri Masedoniʼa, xinta chawech arech katkanaj kan pa ri Efeso, arech ri at kattaqan chkech enikʼaj taq winaq che man kkikʼut ta chik nikʼaj tzij che kaxlan taq tzij,

1:4b.1TI.001.004e mikojon chrech nikʼaj tzij che ejoʼs taq tzij e mikojon chrech nikʼaj mayilqʼijsaq che man kʼo ta ukʼisik; e weriʼ, xas xuwi kubʼan kʼax e man kʼo ta chrech kupatanij ri urayibʼal Dyos, che tikitajinaq pa ri kojonik.

1:5b.1TI.001.005Ri kraj we taqanik riʼ, are nabʼe kraj ri loqʼoqʼebʼal kʼuʼx che petinaq pa jun utzalaj animaʼ, petinaq pa jun utzalaj chomanik, e pa jun qastzijalaj kojonik.

1:6b.1TI.001.006Enikʼaj winaq, che man xekanaj ta kan pa weriʼ, xeqaj pa nikʼaj joʼs taq tzij;

1:7b.1TI.001.007ri eʼareʼ, kkichomaj che enim taq ajtij chrech ri Pixabʼ, kʼatekʼuriʼ, man ketaʼm ta ri jastaq kkibʼij, e xoqujeʼ, man ketaʼm ta ri jastaq che eʼajtijabʼ chrech.

1:8b.1TI.001.008Jeʼ nakʼut, ri uj qetaʼm chik, che ri Pixabʼ xas utz wi, we utz ukojik kqabʼano.

1:9b.1TI.001.009Kʼatekʼuriʼ, qas chnaʼtaj bʼaʼ chqech che ri Pixabʼ man xbʼan taj rumal kech ri eʼutz taq winaq xane xbʼanik rumal kech ri man enimanel taj e ri eʼajchʼojabʼ, rumal kech ri man kekojon taj, ri eʼajmakibʼ, ri eʼareʼ che ketzelaj uwach ri Tyox e ri Dyos, ri eʼareʼ che kkikamisaj ri kinan kitat, ri eʼareʼ che ekamisanel,

1:10b.1TI.001.010ri kemakun rukʼ achi ixoq, ri eʼareʼ che kekikʼayij ri winaq, ri ejoʼs taq winaq, ri eʼareʼ ri ma kekojon ta chrech ri tzij kkʼutik,

1:11b.1TI.001.011ri tzij che utz chnuwach ri Utzalaj Tzij rech ri uqʼijil ri Dyos che ri areʼ utzalaj ubʼantajik, e ri tzij che xya chwech ri in.

1:12b.1TI.001.012Kinmaltyoxin chrech ri Areʼ, ri xyaʼow chwech ri in, ri nuchuqʼabʼ, ri areʼ che are ri Kristo Jesus Qajawxel, che in utz xinrilo e xinusikʼij arech kinuxik in rajchak,

1:13b.1TI.001.013ri in, che ojer kanoq, xinbʼij ri itzel puwiʼ ri Dyos, in bʼanal kʼax chrech ri Komon Tyox, in bʼil re ri itzel puwiʼ ri Tyoxlaj. Kʼatekʼuriʼ, ri in xkuytaj uwach ri numak, rumal rech, che ri in, man wetaʼm taj ronojel ri xinbʼano, ri in, in kaxlanlaj winaq chuwach ri kojonik;

1:14b.1TI.001.014kʼatekʼuriʼ, ri usipanik ri Qajawxel sibʼalaj xkʼojiʼ uwiʼ wukʼ ri in e xoqujeʼ jeriʼ ri kojonik e ri loqʼoqʼebʼal kʼuʼx rech ri Kristo Jesus.

1:15b.1TI.001.015Qastzij na kʼut we tzij riʼ e xas taqalik kkʼam uqʼabʼ we kjikibʼaxik ubʼixik: Ri Kristo Jesus, xpe pa we uwachulew che kikoloxik ri eʼajmakibʼ; e in ri in nabʼe chkech ri eʼajmakibʼ.

1:16b.1TI.001.016Kʼatekʼuriʼ, we ri in xinriq kuybʼal numak, weriʼ xbʼantajik arech chi pa ri in kuqʼalajisaj nabʼe ri ukochʼonik ri Jesus Kristo, arech jun kʼutbʼal chkiwach konojel ri chi rajawaxik wi che kekojon na chrech ri areʼ, arech kkʼojiʼ ri junalikalaj kikʼaslemal.

1:17b.1TI.001.017Chrech ri Ajawinel, chech ri ajaw chubʼeqʼij chubʼesaq, ri areʼ che qastzij Dyos, ri man kilitaj taj, ri areʼ che xuwi jun chi Dyos, ¡chrech ri areʼ utzalaj taq tzij, chech areʼ ri qʼijil chubʼeqʼij chubʼesaq! ¡Amen!

1:18b.1TI.001.018Are waʼ we tzij riʼ, che ri in kinbʼij chawech ri at, at Timoteʼo, che at walkʼuwaʼl; ri tzij xbʼix pawiʼ che junam bʼenaq rukʼ ri kitzij ri eqʼaxel taq utzij ri Dyos. Rukʼ si we tzij riʼ, utzalaj bʼaʼ ri chʼoʼj chabʼanaʼ.

1:19b.1TI.001.019Qas chajeqebʼaʼ awukʼ ri kojonik e ri utzalaj chomabʼal; ekʼo nikʼaj che rumal che man xkikʼol ta weriʼ kukʼ, xkibʼan itzel pa ri kikojonik,

1:20b.1TI.001.020chkixoʼl we nikʼaj winaq riʼ, ekʼo ri Himeneʼo e ri Alejandro, ri eʼareʼ che xeʼinya chech ri Satanas, arech kketaʼmaj che man kkibʼij ta chi jumul itzel taq tzij puwiʼ ri Dyos.

2

2:1b.1TI.002.001Ri in, nabʼe, are qas kinchilbʼej, che chiwech qas chita bʼaʼ e chixchʼaw bʼaʼ rukʼ ri Dyos, qas chitzʼonoj bʼaʼ chech ri Dyos e qas chixmaltyoxin chech ri areʼ rech toqʼobʼisabʼal kiwach konojel ri winaq;

2:2b.1TI.002.002pakiwiʼ ri eʼajawinel, pakiwiʼ ri kʼo kikowinem arech, kkʼojiʼ jun jaʼmarilalaj qakʼaslemal qukʼ, rukʼ tabʼalalaj kʼaslemal rukʼ ri Dyos, e che qas taqal chqij ri uj.

2:3b.1TI.002.003Are waʼ weriʼ, ri qas utz chuwach ri Dyos Qajawxel e jewaʼ ri qas urayibʼal ri areʼ.

2:4b.1TI.002.004Ri areʼ, kraj keʼukol konojel winaq e che konojel kebʼe pa ri saqalajtzij.

2:5b.1TI.002.005Rumal rech che ri Dyos, xa jun chi Dyos e xa jun ri kchʼaw paqawiʼ ri uj ujwinaq rukʼ ri Dyos, che are ri Kristo Jesus che jun achi ri areʼ,

2:6b.1TI.002.006xujach ribʼ arech jun tojbʼal kech konojel ri winaq. Are waʼ ri utzalaj qʼatbʼaltzij chrij chi pa we ukamik riʼ,

2:7b.1TI.002.007e chrech weriʼ, ri in xinokisax in ajtij e in apostol – ri in kinbʼij ri saqalajtzij ma xa ta inbʼanaltzij, ri in in ajtij chkech ri man eʼajjudiʼos taj, chi pa ri kojonik e chi pa ri saqalajtzij.

2:8b.1TI.002.008Kʼatekʼuriʼ, ri in, kinwaj che chi nimalaj konojel winaq chechʼaw bʼaʼ rukʼ ri Dyos pa ronojel kʼolbʼal, e chkiwaʼlisaj bʼaʼ ri kiqʼabʼ chikaj, e ma ta bʼaʼ kʼo ri oyowal e ri chʼoʼj.

2:9b.1TI.002.009Ri eʼixoqibʼ, chkikojoʼ bʼaʼ ri katzʼyaq e kkinaʼ kibʼ che ri uwiqik kibʼ e utz ukʼolik kibʼ rukʼ ri katzʼyaq; makipachʼuj ri kiwiʼ rukʼ qʼan taq pwaq on rukʼ jelikalaj taq abʼaj, on rukʼ utzalaj taq payuʼ.

2:10b.1TI.002.010Xane chkatzʼyaqij kibʼ rukʼ utzalaj taq chak jacha ri taqal chkij ri eʼixoqibʼ che kechakun pa ri ukʼaslemal ri Dyos.

2:11b.1TI.002.011Aretaq chiʼ kyaʼ ri tijonik ibʼ, rajawaxik che ri ixoq, man kʼo ta jun tzij kubʼij, xaq jaʼe choʼq chrech ri kbʼixik.

2:12b.1TI.002.012Ri in, man kinyaʼ ta bʼe chrech ri ixoq che kkʼutun chech ri tzij, xoqujeʼ che ri areʼ kubʼij jun pixabʼ chech ri achi. Xas rajawaxik wi che ri areʼ, man kʼo ta jun tzij kubʼij.

2:13b.1TI.002.013Rumal rech che are nabʼe xbʼan ri Adam e kʼateʼ xbʼan chi ri Eva.

2:14b.1TI.002.014Kʼatekʼuriʼ, man are ta ri Adam xsubʼik, xane are ri ixoq xsubʼik e xubʼan ri ma yaʼtal taj.

2:15b.1TI.002.015Kʼatekʼuriʼ, ri areʼ kkoltaj na riʼ rumal rech kuxik nanxel we ri areʼ kuwonej ribʼ e we kkanaj pa ri kojonik, pa ri loqʼoqʼebʼal kʼuʼx pa ri tyoxlaj kʼaslemal.

3

3:1b.1TI.003.001Tzij na kʼut, che utz we tzij riʼ: ri jun che kraj kubʼan ajyuqʼ, waʼ we chak riʼ, jun utzalj chak.

3:2b.1TI.003.002Xa je kʼuriʼ, rajawaxik che man kʼo ta jun etzelal pa ri ukʼaslemal, rajawaxik che rachajil xa jun ixoq, man sibʼalaj amajaʼ taj kutijo, xuwi kchʼawik ri rajawaxik, utz kukʼ ri winaq, utz kikʼulaxik ri winaq kubʼano, kkowin che ukʼutik ri tzij,

3:3b.1TI.003.003man kutij ta ri amajaʼ, man ajchʼoʼj taj, rajawaxik che kmeʼl winaq, ajtzukul ri utzil, man are ta kuloqʼoqʼej ri pwaq.

3:4b.1TI.003.004Rajawaxik che utzalaj ajqʼataltzij pa ri rachoch e kubʼano che ri eralkʼuwaʼl keniman chrech ri utzij jacha ri taqal chkij.

3:5b.1TI.003.005Rumal rech, we jun, man kʼo ta qʼatal utzij pa ri rachoch, ¿la kkowin kʼuriʼ chech ubʼanik utz kukʼ ri Komon rech ri Dyos?

3:6b.1TI.003.006Rajawaxik che ri areʼ, man jun kʼakʼ winaq ta pa ri kojonik, rumal rech che we jeriʼ, weneʼ ri nimal kkowin chrech ri areʼ e ri areʼ kbʼe pa ri uqʼatbʼaltzij ri kʼaxtok.

3:7b.1TI.003.007Xoqujeʼ, rajawaxik che ri man ekʼo ta qukʼ, utz kkil ri areʼ, arech man ketzelaj ta uwach e che ri areʼ, man ktzaq ta pa ri jetaq kʼambʼal kukoj ri Kʼaxtok.

3:8b.1TI.003.008Ri ediʼakonos, xoqujeʼ rajawaxik eʼutz taq achijabʼ, kkikʼol kitzij, man kkitij ta sibʼalaj amajaʼ, e man itzel taj kkibʼan che utzukuxik ri pwaq.

3:9b.1TI.003.009Chkikʼoloʼ bʼaʼ ri awatalik rech ri kojonik pa jun utzalaj chomabʼal.

3:10b.1TI.003.010Nabʼe, utz kilik na riʼ kbʼanik, kʼatekʼuriʼ, we man kʼo ta jun itzel kilitaj chkech, kyaʼ bʼaʼ riʼ chkech ri chak rech diʼakono.

3:11b.1TI.003.011Ri eʼixoqibʼ, xoqujeʼ ri eʼareʼ, rajawaxik che eʼutz, makibʼij ri itzel tzij pakiwiʼ ri winaq, xoqujeʼ makitij sibʼalaj amajaʼ, pa ronojel makikʼex bʼaʼ ri kitzij.

3:12b.1TI.003.012Ri ediʼakonos, rajawaxik che xa jun ri kixoqil e utzalaj qʼataltzij kkibʼan chkixoʼl ri eralkʼuwaʼl e pa ri kachoch.

3:13b.1TI.003.013Ri eʼareʼ, che eʼutz kkibʼan pa we chak riʼ, kkichʼak jun utzalaj kʼolibʼal riʼ e kkichʼak kichuqʼabʼ riʼ pa ri kojonik chrech ri Kristo Jesus.

3:14b.1TI.003.014Aretaq chiʼ kintzʼibʼaj weriʼ, xas weyeʼm wi che aninaq waʼ kinopan na riʼ awukʼ.

3:15b.1TI.003.015Kʼatekʼuriʼ, we kinbʼiytajik, rajawaxik che ri at, awetaʼm ri qas utz kʼaslemal pa ri rachoch ri Dyos –che are ri Komon Tyox rech ri kʼaslik Dyos, che are raqanja e are utikbʼalil ri saqalajtzij.

3:16b.1TI.003.016Jeʼ nakʼuriʼ, nimalaj ubʼantajik waʼ ri Awatalik chrech ri ukʼaslemaxik ri Dyos: Xqʼalajisaxik pa ri bʼaqilal, xsukʼubʼaxik pa ri Uxlabʼxel, xilitaj uwach kumal ri eʼanjelibʼ, xyaʼ ubʼixik chkech ri jetaq amaqʼ, xkojon ri uwachulew chrech xyakik e xyaʼ nimalaj uqʼijil.

4

4:1b.1TI.004.001Jeʼ na kʼut, ri Uxlabʼxel saqalaj ubʼixik kubʼij, che pa ri ukʼisbʼalil ri uwachulew ekʼo enikʼaj winaq riʼ che kkipaqchiʼj na uwach ri kojonik e kkijatʼij na kibʼ riʼ rukʼ joʼs taq uxlabʼal e rukʼ taq utzij ri Kʼaxtok,

4:2b.1TI.004.002rumal rech che utz kkita riʼ ri kitzij ri kebʼ kipalaj taq winaq che tʼiqom ri qʼaqʼalaj chʼichʼ pa ri kichomabʼal;

4:3b.1TI.004.003we winaq riʼ kkiqʼil ri kʼulanem, kkiqʼil ri jetaq wa che utijik rij xbʼan rumal ri Dyos e arech rukʼ maltyoxibʼal chrech ri Dyos kkitij ri ekojoninaq e ri ketaʼm ri saqalajtzij.

4:4b.1TI.004.004Rumal rech, che ronojel ri jastaq xubʼan ri Dyos, xas utz wi e yaʼtalik ktijik we ri winaq kutij rukʼ maltyoxinik.

4:5b.1TI.004.005Ri Utzij ri Dyos e ri chʼawem rukʼ ri Dyos, are ktyoxrisan rech weriʼ.

4:6b.1TI.004.006We ri at, kakʼut weriʼ chkiwach ri eʼachalaxik; ri at, al jun utzalaj rajchak riʼ ri Kristo Jesus, at tzuqum riʼ rukʼ ri tzij rech ri kojonik e rukʼ ri utzalaj tzij che ri at aterneʼbʼem jeʼ jas at jun utzalaj tijoxel chkixoʼl nimalaj konojel.

4:7b.1TI.004.007Kʼatekʼuriʼ; ri jetaq tzij che rech we uwach ulew e ri jetaq molom tzij che kech ri riʼj taq chuchuʼibʼ, chapaqchiʼj bʼaʼ uwach. Chakojoʼ bʼaʼ achuqʼabʼ pa ri kʼaslemal rukʼ ri Dyos.

4:8b.1TI.004.008Ri ukojik chuqʼabʼ rukʼ ri bʼaqilal man qas ta kʼo upatan; kʼatekʼuriʼ ri kʼaslemal rukʼ ri Dyos utz chrech ronojel, rumal rech che rukʼam ri chiʼnik rech ri kʼaslemal, jun kʼaslemal che rech we uwachulew riʼ e jun kʼaslemal che kpe na riʼ chweʼq kabʼij.

4:9b.1TI.004.009Qastzij na kʼut we tzij riʼ, xoqujeʼ kujkowinik kqakojo.

4:10b.1TI.004.010We ri uj, kʼo ri kʼax kqariqo e kqakoj ri qachuqʼabʼ rumal rech che kʼo ri qeyebʼal chrij ri kʼaslik Dyos, ri areʼ che kolonel chi nimalaj qonojel, e are sibʼalaj kolonel chkech ri kekojonik.

4:11b.1TI.004.011Chayaʼ bʼaʼ ubʼixik e chakʼutuʼ bʼa weriʼ.

4:12b.1TI.004.012Mkʼojiʼ bʼaʼ jun, che kretzelaj awach rumal rech che majaʼ katriʼjobʼik. Kʼatekuriʼ, chabʼanaʼ bʼaʼ, at jun wachbʼal kʼutbʼal chkiwach ri kekojonik, rukʼ ri atzij, rukʼ ri akʼaslemal, rukʼ ri loqʼoqʼebʼal akʼuʼx, rukʼ ri at sukʼil pa ronojel.

4:13b.1TI.004.013Chi aretaq chiʼ, majaʼ kinopan awukʼ, chatok bʼaʼ il chrech usikʼixik uwach ri tzʼibʼatalik, chrech ri pixbʼanik kukʼ ri winaq e chakʼutuʼ bʼaʼ ri tzij chkiwach.

4:14b.1TI.004.014Matzoqopij bʼaʼ ri usipanik ri Uxlabʼaxel uyaʼom chawech, ri xyaʼtaj chawech rumal ri tzij rech jun qʼaxel utzij ri Dyos e rumal che ri eqariʼjabʼ xkikoj kiqʼabʼ pawiʼ ri at.

4:15b.1TI.004.015Rukʼ ronojel awanimaʼ chawilij e chabʼanaʼ weriʼ, arech chi nimalaj konojel kkilo, che ri at, utz at bʼenaq.

4:16b.1TI.004.016Chawila awibʼ at e qas chawilaʼ ri ukʼutik ri tzij, qas bʼaʼ chatkanaj pa we jun bʼe riʼ. Rukʼ weriʼ, kakol na awibʼ at riʼ e keʼakol riʼ ri kkita ri atzij.

5

5:1b.1TI.005.001Mabʼan bʼaʼ kʼax chrech jun riʼj tataʼ rukʼ kʼax taq tzij, chabʼij bʼaʼ kebʼ oxibʼ tzij chrech, jacha chrech jun tatxel; e chkech ri eʼakʼojol chabʼanaʼ bʼaʼ chkech jacha eʼawachalal,

5:2b.1TI.005.002chkech ri eriʼj taq chuchuʼibʼ, jacha jas enanaxel; e chkech ri alitomabʼ, jacha jas eʼawanabʼ pa ronojel sukʼil.

5:3b.1TI.005.003Nim cheʼawilaʼ wi ri emalkaʼn taq ixoqibʼ –ri in are kinbʼij, ri eqas malkaʼn–

5:4b.1TI.005.004We jun malkaʼn ixoq ekʼo ral on ekʼo riʼ taq umam, rajawaxik, che ri akʼalabʼ chketaʼmaj ukʼaslemaxik ri Dyos nabʼe kukʼ ri ekachalal e chketaʼmaj bʼaʼ utojik chkech ri ekinan tat ri xkibʼan che kikʼiyisaxik ri eʼareʼ. Weriʼ, utz chuwach ri Dyos.

5:5b.1TI.005.005Kʼatekʼuriʼ, ri jun che qastzij melkaʼn e man ekʼo ta chi rachalal, ri are kʼo ri reyeʼbʼal chrij ri Dyos e chi paqʼij e chi chaqʼabʼ kchʼaw rukʼ ri Dyos e chi kchoman puwiʼ ri utzij ri Dyos.

5:6b.1TI.005.006Kʼatekʼuriʼ, ri malkaʼn ixoq che xuwi kchoman chrech taq ri urayibʼal, puneʼtaj kʼaslik, chi kaminaq chi wi riʼ.

5:7b.1TI.005.007Xoqujeʼ; waʼ weriʼ chbʼij bʼaʼ, arech ri eʼareʼ man kʼo ta jun etzelal kriqitaj kukʼ.

5:8b.1TI.005.008We kʼo jun winaq, ma kubʼan ta ri utzil chkech ri erachalaxik pa rachoch, ri areʼ riʼ, xupaqchiʼj na kʼu riʼ ri ukojonik e sibʼalaj itzel chi na chuwach jun che man kʼo ta ukojonik.

5:9b.1TI.005.009Pa ri kijuqʼat ri emalkanibʼ, xuwi ktzʼibʼax kibʼi ri ixoqibʼ che oxkʼal chi kijunabʼ e che erixoqil xa jun chi achi kanoq.

5:10b.1TI.005.010Rajawaxik, che ri areʼ kukʼutuʼ che utz xubʼan pa ri ukʼaslemal: xeʼukʼiyisaj ri eral, utz kikʼulaxik ri winaq ubʼanom, xeʼuchʼaj ri etyoxlaj taq winaq xubʼan ri utzil chkech ri winaq che kiriqom kʼax e utz xukʼaslemal pa ronojel.

5:11b.1TI.005.011Ri emalkaʼn che majaʼ eriʼjabʼ, matzʼibʼaj kibʼiʼ chkixoʼl ri emalkaʼn, rumal rech, ri eʼareʼ aretaq chiʼ kpe chkech ri nikʼaj taq kirayibʼal che kukʼuleʼlaj uwach ri Kristo, ri eʼareʼ kkaj kekʼuliʼ chi jumul.

5:12b.1TI.005.012Xa jekʼuriʼ, kʼo qʼatbʼaltzij pakiwiʼ rumal rech che man xkikʼol taj ri xkiya kitzij chrech nabʼe kanoq.

5:13b.1TI.005.013Kʼatekʼuriʼ, aretaq chiʼ man kʼo ta jun jas uwach kkibʼano, kebʼe pa ronojel taq ja; e man xuwi taj che man kʼo ta jun jas kkibʼano, xane xoqujeʼ keʼok chech ubʼanik sibʼalaj tzij, keʼok che rilik e che unimik kibʼ pa ri man kʼo ta kech chech e keʼok che ubʼixik ri jastaq che man utz taj.

5:14b.1TI.005.014Ri in, are kwaj, che ri emalkaʼn che majaʼ eriʼj, chkibʼanaʼ chi bʼaʼ jumul ri kikʼaslemal, chkʼojiʼ bʼaʼ kalkʼuwaʼl, chkibʼanaʼ bʼaʼ qʼatbʼaltzij pa ri kachoch, xa jeriʼ waʼ, ri kikʼulel man kkowin ta riʼ kubʼij jun tzij pakiwiʼ.

5:15b.1TI.005.015Jeʼ nakʼut, ekʼo ejujun chik che ekʼo chi rukʼ ri Satanas.

5:16b.1TI.005.016We kʼo jun ixoq che kʼo ukojonik, kʼatekʼuriʼ kʼo jun malkaʼm ixoq chkixoʼl ri erachalal, chi chubʼanaʼ ri utzil chrech ri areʼ, arech man kuyaʼ ta jun eqaʼn chkech ri Komon Tyox, e xa jeriʼ, ri Komon Tyox, kkowin riʼ chkilixik ri qastzij emalkaʼnibʼ.

5:17b.1TI.005.017Ri eqariʼjal, che utz ubʼanik kkibʼan ri kichak, utz riʼ che eʼareʼ kamul kitojbʼal kkiriqo; e chech weriʼ, xas are enabʼe ri kkiriq kʼax aretaq chiʼ kkiyaʼ ubʼixik e kkikʼut ri Tzij.

5:18b.1TI.005.018Ri tzʼibʼatalik, jewaʼ neʼ kubʼij: Makoj bʼaʼ tzʼapibʼal uchiʼ ri amaʼ wakax che kupochʼ ri triko, xoqujeʼ, ri ajchak, rajawaxik che kʼo ri tojbʼal uchak.

5:19b.1TI.005.019Chakojoʼ bʼaʼ, ri tzij kbʼix puwiʼ jun qariʼjal, we ekebʼ on eʼoxibʼ winaq kebʼinik.

5:20b.1TI.005.020Ri eʼareʼ che kbʼix ri tzij pakiwiʼ, cheʼayajaʼ chkiwach konojel, arech ri enikʼaj chik kkʼojiʼ kixibʼrikil.

5:21b.1TI.005.021Ri in, kinta chawech chuwach ri Dyos, chuwach ri Kristo Jesus e chkiwach ri eʼutz taq anjelibʼ echaʼom: Qas utz ubʼanik chabʼanaʼ we pixabʼ riʼ e xaq are mawilo ri kibʼantajik ri winaq.

5:22b.1TI.005.022Xaq aninaq makoj aqʼabʼ puwiʼ jun winaq. Chʼakʼoloʼ awibʼ e maya awach rukʼ ri umak jun winaq chik. At chʼajchʼoj ukʼolik awibʼ chabʼanʼa.

5:23b.1TI.005.023Matij chi bʼaʼ xaq utukel joron. Chatijaʼ bʼa ri amajaʼ chech ri apam e chech ri jetaq ayabʼil.

5:24b.1TI.005.024Si chanim waʼ kilitajik ri kimak ejujun winaq aretaq chiʼ majaʼ kbʼan qʼatojtzij pakiwiʼ; kʼatekʼuriʼ, ri kimak ejujun chik chi kʼateʼ naʼtam kilitajik;

5:25b.1TI.005.025ri jeʼlikalaj taq kbʼanik xas kilitaj wi riʼ, kʼatekʼuriʼ, we kʼo ri man utz taj kqabʼano, man awatalik ta riʼ kkanajik.

6

6:1b.1TI.006.001Konojel ri eʼajchakibʼ rukʼ jun ajaw, rajawaxik nim kkil wi ri ekajaw, arech man kʼo ta itzel puwiʼ ri ubʼiʼ ri Dyos e ri Tzij.

6:2b.1TI.006.002(a) Kʼatekʼuriʼ, ri ekʼo kajaw che kʼo kikojonik, maketzelaj bʼaʼ kiwach eʼareʼ rumal rech che kachalal kibʼ; xane are sibʼalaj utzalaj kipatanaxik chi na chkibʼanaʼ, rumal rech che ri keʼkipatanij junam ri kikojonik kʼolik e erachiʼl ri Dyos. 2(b) Rajawaxik, che ri at, kayaʼ ubʼixik e kakʼut weriʼ.

6:3b.1TI.006.003We kʼo jun winaq kubʼij jun chik tzij e ma kkanaj kan ta rukʼ we tzij riʼ, ri Utzij ri Qajawxel Jesus Kristo, che jun tzij che are ri kbʼe rukʼ ri kʼaslemanik pa ri Dyos,

6:4b.1TI.006.004ri jun winaq riʼ, umoyrisam ri nimal, man kʼo ta unoʼjbʼal: xane are kutzukuj nikaj taq chomabʼal chik che man utz taj, e kutzukuj ri choʼj rukʼ taq ri tzij; rukʼ weriʼ, kpe ri itzel taq rayibʼal, ri chʼoʼj, ri kʼax, ri itzel chomabʼal puwiʼ ri winaq,

6:5b.1TI.006.005ri nimalaj taq chʼoʼj che man kʼo ta ukʼisik e weriʼ chi kech wi ri winaq che man utz ta kichomabʼal kʼolik e che ri man ekʼo ta pa ri saqalajtzij; ri eʼareʼ kkichomaj, che ri kʼaslemanik rukʼ Dyos xa rech chʼakoj pwaq riʼ.

6:6b.1TI.006.006Jeʼ na kʼut, ri kʼaslemanik rukʼ ri Dyos, utz riʼ chrech ri jun winaq che ma kraj ta chi nim jastaq rech chuwach ri kʼolik.

6:7b.1TI.006.007Rumal rech, che ri uj, man kʼo ta jun jas uwach xqakʼam uloq chuwach we uwachulew, xoqujeʼ nakʼut, man kʼo ta jun jas uwach kqakʼam bʼiʼ waʼ chuwach ri areʼ.

6:8b.1TI.006.008We kʼo qawa e we kʼo qatzʼyaq, ri uj chqachomaj bʼaʼ che utz qabʼanom riʼ.

6:9b.1TI.006.009Ri eʼareʼ, che are kkaj kʼo sibʼalaj kiqʼinomal, ketzaq pa ri itzel, pa ri kʼat, pa ri sibʼalaj itzel rayibʼal e weriʼ, keʼukʼam ubʼi ri winaq pa ri uchupik kiwach.

6:10b.1TI.006.010Rumal rech, che ri urabʼ ronojel itzel, are ri loqʼoqʼebʼal kʼuʼx chrij ri pwaq. Ekʼo jujun winaq, che xkiloqʼoqʼej ri pwaq, naj xebʼe wi chrech ri kikojonik, e ri kalmaʼ xmayowik rumal sibʼalaj kʼax.

6:11b.1TI.006.011Kʼatekʼuriʼ, ri at, che at achi at rech ri Dyos, chatel ubʼik rukʼ anim chech weriʼ, are chawoqotaj ri sukʼil, ri kʼaslemanik rukʼ ri Dyos, ri kojonik, ri loqʼoqʼebʼal kʼuʼx, ri kochʼonik, ri kiʼal.

6:12b.1TI.006.012Utz uchʼojixik chʼabʼanaʼ ri chʼoʼj rech ri kojonik, chabʼochiʼj ri junalik kʼaslemal ri at sikʼim wi e che xajikibʼa ri atzij chrij chkiwach sibʼalaj winaq.

6:13b.1TI.006.013Ri in, kinta chawech chuwach ri Dyos, ri areʼ che kuyaʼ ri qakʼaslemal nimalaj qonojel e chuwach ri Kristo Jesus, che pa taq uqʼijil ri Ponsiʼo Pilato, xukʼut ri jun utzalaj kʼutbʼal,

6:14b.1TI.006.014chakʼoloʼ bʼaʼ ri pixabʼ chi pa sukʼil e pa ri chʼajchʼojil chi kʼateʼ na pa ri Uqʼalajisanik ri Qajawxel Jesus Kristo,

6:15b.1TI.006.015jun qʼalajisanik che xas kukʼut wi riʼ pa taq ri qʼij che chʼikom kanoq ri utzalaj rech e ri xa jun chi Ajawinel, ri Ajawinel kech ri eʼajawinel e ri ajawxel kech ri eʼajawxel

6:16b.1TI.006.016ri xuwi areʼ che kʼo junalikalaj ukʼaslemal, ri areʼ che kʼo pa jun saqil jawiʼ man loqʼ taj kuyaʼ kbʼe wi jun, che man kʼo ta jun winaq rilom, xoqujeʼ man kkowin taj krilo chech ri areʼ ri qʼijil, ri chuqʼabʼalil chubʼeqʼij chubʼesaq: Amen.

6:17b.1TI.006.017Chkech ri eqʼinomabʼ rech we uwachulew riʼ, chʼabʼij bʼaʼ chkech, che man kkibʼan ta qʼatbʼaltzij pakiwiʼ ri enikʼaj chik chi pa ri kibʼantajik uloq ri eʼareʼ, man kkikubʼa ta kikʼuʼx chrech ri jetaq qʼinomal che kjaʼr ubʼik, xane are chkikubʼaʼ kikʼux chrij ri Dyos, ri areʼ che sibʼalaj kuyaʼ chqech ronojel jas uwach, arech tzʼaqat ukojik kqabʼano.

6:18b.1TI.006.018Chkibʼanaʼ bʼaʼ ri utzil, cheqʼinomar bʼaʼ rukʼ ri utz taq kichak; chkiyaʼaʼ bʼaʼ ri jastaq rukʼ jun utzalaj kanimaʼ; chketaʼmaj bʼaʼ ujachik uwach ri jastaq kech,

6:19b.1TI.006.019e rukʼ waʼ weriʼ, kkichʼak na riʼ jun utzalaj kiyakbʼal, e rukʼ na kʼu riʼ, kekowin na riʼ kkiloqʼ ri junalikalaj kʼaslemal.

6:20b.1TI.006.020¡Ayum! Timoteʼo, qas bʼa chakʼoloʼ ri ukʼolibʼal ri tzij; chaqʼilaʼ bʼaʼ awibʼ chrech ri xaq tzij che man rech ta ri kojonik, xoqujeʼ chaqʼilaʼ awibʼ chech ri kʼuleʼlan tzij kubʼan ri man tzij taj noʼjinik.

6:21b.1TI.006.021Ekʼo neʼ ejujun winaq che xkiya kan ri kikojonik rumal rech che are xebʼe rukʼ weriʼ. Chkʼojiʼ bʼaʼ ri usipanik ri Dyos iwukʼ.