Luke (Hebrew)

1

1:1b.LUK.001.001 אחרי אשר רבים הואילו לחבר ספור המעשים אשר נאמנו בשלמות בתוכנו׃

1:2b.LUK.001.002 כאשר מסרום לנו הראים אתם בעיניהם מתחלה ואשר היו משרתי הדבר׃

1:3b.LUK.001.003 חשבתי לטוב גם אני החפש כל הדברים היטב מראשיתם לכתבם אליך בסדר תאופילוס האדיר׃

1:4b.LUK.001.004 למען תדע קשט האמרים אשר חנכת בם׃

1:5b.LUK.001.005 כהן היה בימי הורדוס מלך יהודה זכריה שמו ממשמרת אביה ולו אשה מבנות אהרן ושמה אלישבע׃

1:6b.LUK.001.006 ושניהם היו צדיקים לפני האלהים והלכי תם בכל מצות יהוה ובחקתיו׃

1:7b.LUK.001.007 ולא היה להם ילד כי אלישבע עקרה ושניהם באו בימים׃

1:8b.LUK.001.008 ויהי היום ויכהן לפני אלהים בסדר משמרתו׃

1:9b.LUK.001.009 וכמשפט עבודת הכהנים יצא גורלו להקטיר קטרת ויבא אל היכל יהוה׃

1:10b.LUK.001.010 וכל קהל העם היו מתפללים בחוץ בעת הקטרת׃

1:11b.LUK.001.011 וירא אליו מלאך יהוה עמד לימין מזבח הקטרת׃

1:12b.LUK.001.012 ויבהל זכריה בראותו אתו ואימה נפלה עליו׃

1:13b.LUK.001.013 ויאמר אליו המלאך אל תירא זכריהו כי נשמעה תפלתך ואלישבע אשתך תלד לך בן וקראת שמו יוחנן׃

1:14b.LUK.001.014 והיה לך לשמחה וגיל ורבים ישמחו בהולדו׃

1:15b.LUK.001.015 כי גדול יהיה לפני יהוה ויין ושכר לא ישתה ורוח הקדש ימלא בעודנו בבטן אמו׃

1:16b.LUK.001.016 ורבים מבני ישראל ישיב אל יהוה אלהיהם׃

1:17b.LUK.001.017 והוא ילך לפניו ברוח אליהו ובגבורתו להשיב את לב אבות על בנים ואת הסוררים לתבונת הצדיקים להעמיד ליהוה עם מתקן׃

1:18b.LUK.001.018 ויאמר זכריה אל המלאך במה אדע זאת כי אני זקנתי ואשתי באה בימים׃

1:19b.LUK.001.019 ויען המלאך ויאמר אליו אני גבריאל העומד לפני האלהים ושלוח אנכי לדבר אליך ולבשרך את זאת׃

1:20b.LUK.001.020 והנה תאלם ולא תוכל לדבר עד היום אשר תהיה זאת תחת כי לא האמנת בדברי אשר ימלאו למועדם׃

1:21b.LUK.001.021 והעם היה מחכה לזכריה ויתמהו כי אחר בהיכל׃

1:22b.LUK.001.022 ויהי בצאתו לא יכל לדבר אליהם וידעו כי מראה ראה בהיכל וירמז להם ועודנו נאלם׃

1:23b.LUK.001.023 ויהי כאשר מלאו ימי עבדתו וילך לו אל ביתו׃

1:24b.LUK.001.024 ויהי אחרי הימים האלה ותהר אלישבע אשתו ותתחבא חמשה חדשים ותאמר׃

1:25b.LUK.001.025 ככה עשה לי יהוה בימי פקדו אותי לאסף את חרפתי בתוך בני אדם׃

1:26b.LUK.001.026 ויהי בחדש הששי וישלח המלאך גבריאל מאת האלהים גלילה אל עיר אשר שמה נצרת׃

1:27b.LUK.001.027 אל בתולה מארשה לאיש אשר שמו יוסף מבית דוד ושם הבתולה מרים׃

1:28b.LUK.001.028 ויבא המלאך אליה החדרה ויאמר שלום לך אשת חן יהוה עמך ברוכה את בנשים׃

1:29b.LUK.001.029 והיא בראותה נבהלה לדברו ותאמר בלבה מה היא הברכה הזאת׃

1:30b.LUK.001.030 ויאמר לה המלאך אל תיראי מרים כי מצאת חן לפני האלהים׃

1:31b.LUK.001.031 והנך הרה וילדת בן וקראת את שמו ישוע׃

1:32b.LUK.001.032 והוא גדול יהיה ובן עליון יקרא ויהוה אלהים יתן לו את כסא דוד אביו׃

1:33b.LUK.001.033 ועל בית יעקב ימלך לעולם ועד ולמלכותו אין קץ׃

1:34b.LUK.001.034 ותאמר מרים אל המלאך איך תהיה זאת ואני אינני ידעת איש׃

1:35b.LUK.001.035 ויען המלאך ויאמר אליה רוח הקדש תבוא עליך וגבורת עליון תצל עליך על כן גם לקדוש הילוד יקרא בן אלהים׃

1:36b.LUK.001.036 והנה אלישבע קרובתך אשר קראו לה עקרה גם היא הרתה בן בזקנתה וזה לה החדש הששי׃

1:37b.LUK.001.037 כי לא יפלא מאלהים כל דבר׃

1:38b.LUK.001.038 ותאמר מרים הנני שפחת יהוה יהי לי כדברך ויצא מאתה המלאך׃

1:39b.LUK.001.039 ותקם מרים בימים ההם ותמהר ללכת ההרה אל עיר יהודה׃

1:40b.LUK.001.040 ותבא בית זכריה ותברך את אלישבע׃

1:41b.LUK.001.041 ויהי כשמע אלישבע את ברכת מרים וירקד הילד במעיה ותמלא אלישבע רוח הקדש׃

1:42b.LUK.001.042 ותקרא בקול גדול ותאמר ברוכה את בנשים וברוך פרי בטנך׃

1:43b.LUK.001.043 ומאין לי זאת אשר אם אדני באה אלי׃

1:44b.LUK.001.044 כי קול ברכתך בא באזני והנה רקד בשמחה הילד במעי׃

1:45b.LUK.001.045 ואשרי המאמינה כי המלא תמלא אשר דבר לה מאת יהוה׃

1:46b.LUK.001.046 ותאמר מרים רוממה נפשי את יהוה׃

1:47b.LUK.001.047 ותגל רוחי באלהי ישעי׃

1:48b.LUK.001.048 -84[ אשר ראה בעני אמתו כי הנה מעתה כל הדרות יאשרוני כי גדלות עשה לי שדי וקדוש שמו׃

1:49b.LUK.001.049 -84[׃

1:50b.LUK.001.050 וחסדו לדור דורים על יראיו׃

1:51b.LUK.001.051 גבורות עשה בזרעו פזר גאים במזמות לבבם׃

1:52b.LUK.001.052 הרס נדיבים מכסאותו וירם שפלים׃

1:53b.LUK.001.053 רעבים מלא טוב ועשירים שלח ריקם׃

1:54b.LUK.001.054 תמך בישראל עבדו לזכר את רחמיו׃

1:55b.LUK.001.055 כאשר דבר אל אבותינו לאברהם ולזרעו עד עולם׃

1:56b.LUK.001.056 ותשב מרים עמה כשלשה חדשים ותשב לביתה׃

1:57b.LUK.001.057 וימלאו ימי אלישבע ללדת ותלד בן׃

1:58b.LUK.001.058 וישמעו שכניה וקרוביה כי הגדיל יהוה את חסדו עמה וישמחו אתה׃

1:59b.LUK.001.059 ויהי ביום השמיני ויבאו למול את הילד ויקראו אתו זכריה על שם אביו׃

1:60b.LUK.001.060 ותען אמו ותאמר לא כי יוחנן יקרא׃

1:61b.LUK.001.061 ויאמרו אליה אין איש במשפחתך אשר נקרא בשם הזה׃

1:62b.LUK.001.062 וירמזו אל אביו לדעת מה השם אשר יחפץ להקרא לו׃

1:63b.LUK.001.063 וישאל לוח ויכתב עליו לאמר יוחנן שמו ויתמהו כלם׃

1:64b.LUK.001.064 ויפתח פיו ולשונו פתאם וידבר ויברך את האלהים׃

1:65b.LUK.001.065 ותפל אימה על כל שכניהם ויספר כל הדברים האלה בכל הרי יהודה׃

1:66b.LUK.001.066 וישימו כל השמעים אל לבם לאמר מה אפוא יהיה הילד הזה ויד יהוה היתה עמו׃

1:67b.LUK.001.067 וימלא זכריה אביו רוח הקדש וינבא לאמר׃

1:68b.LUK.001.068 ברוך יהוה אלהי ישראל כי פקד את עמו וישלח לו פדות׃

1:69b.LUK.001.069 וירם לנו קרן ישועה בבית דוד עבדו׃

1:70b.LUK.001.070 כאשר דבר בפי נביאיו הקדושים אשר מעולם׃

1:71b.LUK.001.071 ישועה מאיבינו ומיד כל שנאינו׃

1:72b.LUK.001.072 לעשות חסד עם אבותינו ולזכר את ברית קדשו׃

1:73b.LUK.001.073 את השבועה אשר נשבע לאברהם אבינו׃

1:74b.LUK.001.074 להצילנו מיד איבינו ולתתנו לעבדו בלי פחד׃

1:75b.LUK.001.075 בתמים ובצדקה לפניו כל ימי חיינו׃

1:76b.LUK.001.076 ואתה הילד נביא עליון תקרא כי לפני יהוה תלך לפנות את דרכיו׃

1:77b.LUK.001.077 לתת דעת הישועה לעמו בסליחת חטאתיהם׃

1:78b.LUK.001.078 ברחמי חסד אלהינו אשר בהם פקדנו הנגה ממרום׃

1:79b.LUK.001.079 להאיר לישבי חשך וצלמות ולהכין את רגלינו אל דרך השלום׃

1:80b.LUK.001.080 ויגדל הילד ויחזק ברוח ויהי במדברות עד יום הראתו אל ישראל׃

2

2:1b.LUK.002.001 ויהי בימים ההם ותצא דת מאת הקיסר אוגוסטוס לספר את כל ישבי תבל׃

2:2b.LUK.002.002 וזה המפקד היה הראשון בהיות קוריניוס שליט בסוריא׃

2:3b.LUK.002.003 וילכו כלם להתפקד איש לעירו׃

2:4b.LUK.002.004 ויעל גם יוסף מן הגליל מעיר נצרת אל יהודה לעיר דוד הנקראה בית לחם כי היה מבית דוד וממשפחתו׃

2:5b.LUK.002.005 להתפקד עם מרים המארשה לו והיא הרה׃

2:6b.LUK.002.006 ויהי בהיותם שם וימלאו ימיה ללדת׃

2:7b.LUK.002.007 ותלד את בנה הבכור ותחתלהו ותשכיבהו באבוס כי לא היה להם מקום במלון׃

2:8b.LUK.002.008 ורעים היו בארץ ההיא לנים בשדה ושמרים את משמרות הלילה בעדרם׃

2:9b.LUK.002.009 והנה מלאך יהוה נצב עליהם וכבוד יהוה הופיע עליהם מסביב וייראו יראה גדולה׃

2:10b.LUK.002.010 ויאמר אליהם המלאך אל תיראו כי הנני מבשר אתכם שמחה גדולה אשר תהיה לכל העם׃

2:11b.LUK.002.011 כי היום ילד לכם בעיר דוד מושיע אשר הוא המשיח האדון׃

2:12b.LUK.002.012 וזה לכם האות תמצאון ילד מחתל ומנח באבוס׃

2:13b.LUK.002.013 ויהי פתאם אצל המלאך המון צבא השמים והם משבחים את האלהים ואמרים׃

2:14b.LUK.002.014 כבוד במרומים לאלהים ובארץ שלום בבני אדם רצונו׃

2:15b.LUK.002.015 ויהי כאשר עלו מעליהם המלאכים השמימה ויאמרו הרעים איש אל רעהו נעברה נא עד בית לחם ונראה המעשה הזה אשר הודיענו יהוה׃

2:16b.LUK.002.016 וימהרו לבוא וימצאו את מרים ואת יוסף ואת הילד שכב באבוס׃

2:17b.LUK.002.017 ויראו וישמיעו את הדבר הנאמר אליהם על הגער הזה׃

2:18b.LUK.002.018 וכל השמעים תמהו על הדברים אשר דברו אליהם הרעים׃

2:19b.LUK.002.019 ומרים שמרה את הדברים האלה ותחשבם בלבה׃

2:20b.LUK.002.020 וישובו הרעים מהללים ומשבחים את האלהים על כל אשר שמעו וראו כפי אשר נאמר אליהם׃

2:21b.LUK.002.021 ויהי במלאת לנער שמנה ימים וימול ויקרא שמו ישוע כשם אשר קרא לו המלאך בטרם הרה בבטן׃

2:22b.LUK.002.022 וימלאו ימי טהרה לפי תורת משה ויעלהו לירושלים להעמידו לפני יהוה׃

2:23b.LUK.002.023 כאשר כתוב בתורת יהוה כל זכר פטר רחם יקרא קדש ליהוה׃

2:24b.LUK.002.024 ולתת קרבן כאמור בתורת יהוה שתי תרים או שני בני יונה׃

2:25b.LUK.002.025 והנה איש היה בירושלים ושמו שמעון והוא איש צדיק וחסיד מחכה לנחמת ישראל ורוח הקדש היה עליו׃

2:26b.LUK.002.026 ולו נגלה ברוח הקדש כי לא יראה מות עד ראותו את משיח יהוה׃

2:27b.LUK.002.027 ויבא ברוח אל המקדש ויהי כאשר הביאו הוריו את הנער ישוע לעשות עליו כמשפט התורה׃

2:28b.LUK.002.028 ויקחהו על זרעותיו ויברך את האלהים ויאמר׃

2:29b.LUK.002.029 עתה תפטר את עבדך כדברך אדני בשלום׃

2:30b.LUK.002.030 כי ראו עיני את ישועתך׃

2:31b.LUK.002.031 אשר הכינות לפני כל העמים׃

2:32b.LUK.002.032 אור לגלות עיני הגוים ותפארת ישראל עמך׃

2:33b.LUK.002.033 ויוסף ואמו תמהים על הדברים הנאמרים עליו׃

2:34b.LUK.002.034 ויברך אותם שמעון ויאמר אל מרים אמו הנה זה מוסד לנפילה ולתקומה לרבים בישראל ולאות מריבה׃

2:35b.LUK.002.035 וגם בנפשך תחתר חרב למען תגלינה מחשבות לבב רבים׃

2:36b.LUK.002.036 ותהי שם חנה אשה נביאה בת פנואל משבט אשר והיא באה בימים וחיתה עם בעלה שבע שנים אחרי בתוליה׃

2:37b.LUK.002.037 והיא אלמנה כארבע ושמנים שנה ולא משה מן המקדש ובצום ובתחנונים עבדה את האלהים לילה ויום׃

2:38b.LUK.002.038 ותקם בשעה ההיא ותגש להדות ליהוה ותדבר עליו באזני כל המחכים לגאלה בירושלים׃

2:39b.LUK.002.039 ויכלו את הכל כפי תורת יהוה וישובו הגלילה אל נצרת עירם׃

2:40b.LUK.002.040 ויגדל הנער ויחזק ברוח וימלא חכמה וחסד אלהים עמו׃

2:41b.LUK.002.041 ועלו הוריו ירושלים שנה בשנה לחג הפסח׃

2:42b.LUK.002.042 ויהי בהיותו בן שתים עשרה שנה ויעלו ירושלים כמשפט החג׃

2:43b.LUK.002.043 וימלאו את הימים וישובו ויותר ישוע הנער בירושלים ויוסף ואמו לא ידעו׃

2:44b.LUK.002.044 ויחשבו כי עם חבל הארחים הוא וילכו כדרך יום ויבקשהו בין הקרובים והמידעים׃

2:45b.LUK.002.045 ולא מצאהו וישבו ירושלים לבקשו׃

2:46b.LUK.002.046 ויהי אחרי שלשת ימים וימצאהו במקדש ישב בתוך המורים שמע אליהם ושאל אתם׃

2:47b.LUK.002.047 וכל השמעים אליו השתוממו על שכלו ועל תשובתיו׃

2:48b.LUK.002.048 ויהי כראותם אתו ויחרדו ותאמר אליו אמו בני מדוע ככה עשית לנו הנה אביך ואנכי בעצבת לב בקשנוך׃

2:49b.LUK.002.049 ויאמר אליהם למה זה בקשתם אתי הלא ידעתם כי עלי להיות באשר לאבי׃

2:50b.LUK.002.050 והם לא הבינו את הדבר אשר דבר אליהם׃

2:51b.LUK.002.051 וירד אתם ויבא אל נצרת ויכנע להם ואמו שמרה בלבה את כל הדברים האלה׃

2:52b.LUK.002.052 וישוע הלך וגדל בחכמה ומקומה ובחן עם אלהים ועם אנשים׃

3

3:1b.LUK.003.001 בשנת חמש עשרה למלכות הקיסר טיבריוס בהיות פונטיוס פילטוס הגמון ביהודה והורדוס שר רבע על הגליל ואחיו פילפוס שר רבע על מדינות יטור וטרכונה ולוסניס שר רבע על אבילין׃

3:2b.LUK.003.002 בימי הכהנים הגדולים חנן וקיפא היה דבר אלהים אל יוחנן בן זכריה במדבר׃

3:3b.LUK.003.003 ויבא אל כל ככר הירדן ויקרא טבילת התשובה לסליחת החטאים׃

3:4b.LUK.003.004 ככתוב בספר דברי ישעיהו הנביא קול קורא במדבר פנו דרך יהוה ישרו מסלותיו׃

3:5b.LUK.003.005 כל גיא ינשא וכל הר וגבעה ישפלו והיה העקב למישור והרכסים לבקעה׃

3:6b.LUK.003.006 וראו כל בשר את ישועת אלהים׃

3:7b.LUK.003.007 ויאמר אל המון העם היצאים להטבל על ידו אתם ילדי הצפעונים מי הורה אתכם להמלט מפני הקצף הבא׃

3:8b.LUK.003.008 לכן עשו פרי הראוי לתשובה ואל תדמו בנפשכם לאמר אברהם הוא אבינו כי אני אמר לכם כי מן האבנים האלה יכל האלהים להקים בנים לאברהם׃

3:9b.LUK.003.009 וכבר הושם הגרזן על שרש העצים והנה כל עץ אשר איננו עשה פרי טוב יגדע והשלך באש׃

3:10b.LUK.003.010 וישאלהו המון העם לאמר מה אפוא נעשה׃

3:11b.LUK.003.011 ויען ויאמר אליהם מי אשר לו כתנות שתים הוא יחלק לאשר אין לו ומי אשר לו מזון ככה יעשה גם הוא׃

3:12b.LUK.003.012 ויבאו גם מוכסים להטבל ויאמרו אליו רבי מה נעשה׃

3:13b.LUK.003.013 ויאמר אליהם אל תגבו יותר מחקכם׃

3:14b.LUK.003.014 וישאלהו גם אנשי הצבא לאמר ואנחנו מה נעשה ויאמר אליהם איש אל תזעזעו ואל תלשינו איש ויהי די לכם בשכרכם׃

3:15b.LUK.003.015 ויהי כאשר חכה העם וכלם חשבים בלבם לאמר אולי יוחנן הוא המשיח׃

3:16b.LUK.003.016 ויען יוחנן ויאמר לכלם הן אני טובל אתכם במים אבל בוא יבוא החזק ממני אשר אינני כדי להתיר את שרוך נעליו הוא יטבל אתכם ברוח הקדש ובאש׃

3:17b.LUK.003.017 אשר המזרה בידו להבר את גרנו ויאסף את דגנו אל אוצרו ואת המץ ישרפנו באש אשר לא תכבה׃

3:18b.LUK.003.018 וכן עוד דברים אחרים הרבה בשר וגם הזהיר את העם׃

3:19b.LUK.003.019 והורדוס שר רבע המדינה אשר הוכח על ידו על אדות הורודיה אשת אחיו פילפוס ועל אדות כל הרע אשר עשה הורדוס׃

3:20b.LUK.003.020 הוסיף על כל אלה גם את זאת ויסגר את יוחנן במשמר׃

3:21b.LUK.003.021 ויהי בהטבל כל העם וגם ישוע נטבל ומתפלל ויפתחו השמים׃

3:22b.LUK.003.022 וירד עליו רוח הקדש בדמות גוף כיונה ויהי קול מן השמים ויאמר אתה בני ידידי בך רצתה נפשי׃

3:23b.LUK.003.023 והוא ישוע בהחלו היה כבן שלשים שנה ויחשבהו לבן יוסף בן עלי׃

3:24b.LUK.003.024 בן מתת בן לוי בן מלכי בן יני בן יוסף׃

3:25b.LUK.003.025 בן מתתיה בן אמוץ בן נחום בן חסלי בן נגי׃

3:26b.LUK.003.026 בן מחת בן מתתיה בן שמעי בן יוסף בן יודה׃

3:27b.LUK.003.027 בן יוחנן בן רישא בן זרבלל בן שאלתיאל בן גרי׃

3:28b.LUK.003.028 בן מלכי בן אדי בן קוסם בן אלמדם בן ער׃

3:29b.LUK.003.029 בן יוסי בן אליעזר בן יורים בן מתת בן לוי׃

3:30b.LUK.003.030 בן שמעון בן יהודה בן יוסף בן יונם בן אליקים׃

3:31b.LUK.003.031 בן מליא בן מינא בן מתתה בן נתן בן דוד׃

3:32b.LUK.003.032 בן ישי בן עובד בן בעז בן שלמון בן נחשון׃

3:33b.LUK.003.033 בן עמינדב בן ארם בן חצרון בן פרץ בן יהודה׃

3:34b.LUK.003.034 בן יעקב בן יצחק בן אברהם בן תרח בן נחור׃

3:35b.LUK.003.035 בן שרוג בן רעו בן פלג בן עבר בן שלח׃

3:36b.LUK.003.036 בן קינן בן ארפכשד בן שם בן נח בן למך׃

3:37b.LUK.003.037 בן מתושלח בן חנוך בן ירד בן מהללאל בן קינן׃

3:38b.LUK.003.038 בן אנוש בן שת בן אדם בן אלהים׃

4

4:1b.LUK.004.001 וישוע שב מן הירדן מלא רוח הקדש וינהגהו הרוח המדברה׃

4:2b.LUK.004.002 וינסהו השטן ארבעים יום ולא אכל מאומה בימים ההם ואחרי אשר תמו וירעב׃

4:3b.LUK.004.003 ויאמר אליו השטן אם בן האלהים אתה אמר אל האבן הזאת ותהי ללחם׃

4:4b.LUK.004.004 ויען אתו ישוע הן כתוב כי לא על הלחם לבדו יחיה האדם כי על כל מוצא פי יהוה׃

4:5b.LUK.004.005 ויעלהו השטן על הר גבה ויראהו ברגע אחד את כל ממלכות תבל׃

4:6b.LUK.004.006 ויאמר אליו השטן לך אתן את כל הממשלה הזאת ואת כבודן כי נמסרה בידי ונתתיה לאשר אחפץ׃

4:7b.LUK.004.007 ועתה אם תשתחוה לפני הכל יהיה לך׃

4:8b.LUK.004.008 ויען ישוע ויאמר אליו סור ממני השטן כי כתוב ליהוה אלהיך תשתחוה ואתו תעבד׃

4:9b.LUK.004.009 ויביאהו ירושלים ויעמידהו על פנת בית המקדש ויאמר אליו אם בן האלהים אתה התנפל מזה מטה׃

4:10b.LUK.004.010 כי כתוב כי מלאכיו יצוה לך לשמרך׃

4:11b.LUK.004.011 וכי על כפים ישאונך פן תגף באבן רגלך׃

4:12b.LUK.004.012 ויען ישוע ויאמר אליו נאמר לא תנסה את יהוה אלהיך׃

4:13b.LUK.004.013 וככלות השטן כל מסה וירף ממנו עד עת׃

4:14b.LUK.004.014 וישב ישוע בגבורת הרוח אל הגליל ויצא שמעו בכל הככר׃

4:15b.LUK.004.015 והוא היה מלמד בבתי כנסיותיהם ויהללהו כלם׃

4:16b.LUK.004.016 ויבא אל נצרת אשר גדל שם וילך כמשפטו ביום השבת אל בית הכנסת ויקם לקרא בתורה׃

4:17b.LUK.004.017 ויתן לו ספר ישעיה הנביא ויפתח את הספר וימצא את המקום אשר היה כתוב בו׃

4:18b.LUK.004.018 רוח אדני עלי יען משח אתי לבשר ענוים׃

4:19b.LUK.004.019 שלחני לחבש לנשברי לב לקרא לשבוים דרור ולעורים פקח קוח לשלח רצוצים חפשים לקרא שנת רצון ליהוה׃

4:20b.LUK.004.020 ויהי כאשר גלל את הספר וישיבהו אל החזן וישב ועיני כל אשר בבית הכנסת נשאות אליו׃

4:21b.LUK.004.021 ויחל ויאמר אליהם היום נתמלא הכתוב הזה באזניכם׃

4:22b.LUK.004.022 וכלם העידהו ותמהו על דברי חן אשר יצאו מפיהו ויאמרו הלא זה הוא בן יוסף׃

4:23b.LUK.004.023 ויאמר אליהם הן תאמרו לי את המשל הזה רפא רפא את עצמך וככל אשר שמענו שנעשה בכפר נחום עשה כן גם פה בעיר מולדתך׃

4:24b.LUK.004.024 ויאמר אמן אמר אני לכם כי אין נביא רצוי בארץ מולדתו׃

4:25b.LUK.004.025 ואמת אני אמר לכם אלמנות רבות היו בישראל בימי אליהו בהעצר השמים שלש שנים וששה חדשים ורעב גדול היה בכל הארץ׃

4:26b.LUK.004.026 ולא נשלח אליהו אל אחת מהנה זולתי צרפתה אשר לצידון אל אשה אלמנה׃

4:27b.LUK.004.027 ומצרעים רבים היו בישראל בימי אלישע הנביא ולא טהר אחד מהם זולתי נעמן הארמי׃

4:28b.LUK.004.028 וימלאו כל אשר בבית הכנסת חמה בשמעם את אלה׃

4:29b.LUK.004.029 ויקומו וידיחו אותו אל מחוץ לעיר ויביאהו עד גב ההר אשר נבנתה עירם עליו למען השליכו מטה׃

4:30b.LUK.004.030 אך הוא עבר בתוכם וילך לדרכו׃

4:31b.LUK.004.031 וירד אל כפר נחום עיר הגליל וילמדם בשבתות׃

4:32b.LUK.004.032 וישתוממו על תורתו כי עצום דברו׃

4:33b.LUK.004.033 ואיש היה בבית הכנסת ובו רוח שד טמא ויצעק בקול גדול לאמר׃

4:34b.LUK.004.034 אתה מה לנו ולך ישוע הנצרי באת להאבידנו ידעתיך מי אתה קדוש האלהים׃

4:35b.LUK.004.035 ויגער בו ישוע לאמר האלם וצא ממנו ויפילהו השד בתוכם ויצא ממנו לא הרע לו׃

4:36b.LUK.004.036 ותפל אימה על כלם וידברו איש אל רעהו לאמר מה הדבר הזה כי בשלטן ובגבורה מצוה לרוחות הטמאה והמה יצאים׃

4:37b.LUK.004.037 ושמעו הולך בכל מקמות הככר׃

4:38b.LUK.004.038 ויקם מבית הכנסת ויבא ביתה שמעון וחמות שמעון אחזתה קדחת חזקה וישאלהו בעדה׃

4:39b.LUK.004.039 ויתיצב עליה ויגער בקדחת ותרף ממנה ותקם מהרה ותשרת אתם׃

4:40b.LUK.004.040 וכבוא השמש הביאו אליו כל אשר להם חלים חליים שונים וירפא אותם בשומו את ידיו על כל אחד מהם׃

4:41b.LUK.004.041 וגם שדים יצאו מרבים צעקים ואמרים אתה הוא המשיח בן האלהים ויגער בם ולא נתנם לדבר כי ידעו אשר הוא המשיח׃

4:42b.LUK.004.042 ויצא וילך לו כאור הבקר אל מקום חרבה והמון העם בקשהו ויבאו עדיו ויפצרו בו לבלתי סור מהם׃

4:43b.LUK.004.043 ויאמר להם הן עלי לבשר גם לערים האחרות את בשורת מלכות האלהים כי לזאת שלחתי׃

4:44b.LUK.004.044 ויהי קורא בבתי הכנסיות אשר בגליל׃

5

5:1b.LUK.005.001 ויהי כאשר נדחק המון העם לשמע את דבר האלהים והוא עמד על יד ים גניסר׃

5:2b.LUK.005.002 וירא שתי אניות עמדות על יד הים והדיגים יצאו מהן וידיחו את המכמרות׃

5:3b.LUK.005.003 וירד אל אחת מן האניות אשר היא לשמעון ויבקש ממנו להוליכו מעט מן היבשה אל הים וישב וילמד את העם מתוך האניה׃

5:4b.LUK.005.004 ויכל לדבר ויאמר אל שמעון הוליכה אל עמק הים והורידו את מכמרותיכם לצוד׃

5:5b.LUK.005.005 ויען שמעון ויאמר אליו מורה כל הלילה יגענו ולא לכדנו מאומה אך על פי דברך אוריד את המכמרת׃

5:6b.LUK.005.006 ויעשו כן וילכדו דגים הרבה מאד ותקרע מכמרתם׃

5:7b.LUK.005.007 ויניפו יד אל חבריהם אשר באמיה השנית לבוא אליהם ולעזרם ויבאו וימלאו את שתי האניות עד כי שקעו׃

5:8b.LUK.005.008 ויהי כראות שמעון פטרוס את זאת ויפל לברכי ישוע ויאמר אדני צא נא מעמי כי איש חוטא אנכי׃

5:9b.LUK.005.009 כי שמה החזיקה אותו ואת כל אשר אתו על ציד הדגים אשר צדו׃

5:10b.LUK.005.010 וכן גם את יעקב ואת יוחנן בני זבדי אשר התחברו עם שמעון ויאמר ישוע אל שמעון אל תירא מעתה צוד תצוד אנשים׃

5:11b.LUK.005.011 ויוליכו את האניות אל היבשה ויעזבו את הכל וילכו אחריו׃

5:12b.LUK.005.012 ויהי בהיותו באחת הערים והנה איש מלא צרעת וירא את ישוע ויפל על פניו ויתחנן אליו לאמר אדני אם תחפץ תוכל לטהרני׃

5:13b.LUK.005.013 וישלח את ידו ויגע בו ויאמר חפץ אנכי טהר ופתאם סרה ממנו הצרעת׃

5:14b.LUK.005.014 ויעד בו לבלתי ספר לאיש כי אם לך והראה אל הכהן והקרב קרבן על טהרתך כאשר צוה משה לעדות להם׃

5:15b.LUK.005.015 ושמעו הולך הלוך וגדל ויקבצו עם רב לשמוע ולהרפא בידו מתחלואיהם׃

5:16b.LUK.005.016 והוא סר אל המדברות ויתפלל׃

5:17b.LUK.005.017 ויהי באחד הימים והוא מלמד וישבו שם פרושים ומורי התורה אשר באו מכל כפרי הגליל ומיהודה וירושלים וגבורת יהוה היתה בו לרפוא׃

5:18b.LUK.005.018 והנה אנשים נושאים איש במטה והוא נכה אברים ויבקשו להביאו הביתה ולשום לפניו׃

5:19b.LUK.005.019 ולא מצאו דרך להכניסו מרב העם ויעלו הגגה ויורידהו ואת ערשו בין הרעפים לתוך הבית לפני ישוע׃

5:20b.LUK.005.020 וירא את אמונתם ויאמר אליו בן אדם נסלחו לך חטאתיך׃

5:21b.LUK.005.021 ויחלו הסופרים והפרושים לחשב מחשבות לאמר מי הוא זה המדבר גדופים מי יוכל לסלח חטאים מבלעדי האלהים לבדו׃

5:22b.LUK.005.022 וידע ישוע את מחשבותם ויען ויאמר אליהם מה אתם חשבים בלבבכם׃

5:23b.LUK.005.023 מה הוא הנקל האמר נסלחו לך חטאתיך אם אמר קום והתהלך׃

5:24b.LUK.005.024 אך למען תדעון כי בן האדם יש לו השלטן בארץ לסלח חטאים ויאמר אל נכה האברים אמר אני אליך קום ושא את ערשך ולך לך אל ביתך׃

5:25b.LUK.005.025 וימהר ויקם לעיניהם וישא את משכבו וילך לו אל ביתו מהלל את האלהים וישא את משכבו וילך לו אל ביתו מהלל את האלהים׃

5:26b.LUK.005.026 ושמה החזיקה את כלם ויברכו את האלהים וימלאו יראה ויאמרו כי נפלאות ראינו היום׃

5:27b.LUK.005.027 ויהי אחרי כן ויצא וירא מוכס ושמו לוי יושב בבית המכס ויאמר אליו לכה אחרי׃

5:28b.LUK.005.028 ויעזב את הכל ויקם וילך אחריו׃

5:29b.LUK.005.029 ויעש לו לוי משתה גדול בביתו ועם רב של מוכסים ואנשים אחרים היו מסבים עמהם׃

5:30b.LUK.005.030 -03[ וילונו הסופרים אשר בהם והפרושים על תלמידיו ויאמרו למה אתם אכלים אליהם הבריאים אינם צריכים לרפא כי אם החלים׃

5:31b.LUK.005.031 -03[׃

5:32b.LUK.005.032 לא באתי לקרוא הצדיקים כי אם החטאים לתשובה׃

5:33b.LUK.005.033 ויאמרו אליו הן תלמידי יוחנן צמים הרבה ואמרים תחנות וגם תלמידי הפרושים עשים כן ותלמידיך אכלים ושתים׃

5:34b.LUK.005.034 ויאמר אליהם התוכלו אנס בני החפה לצום והחתן עוד עמהם׃

5:35b.LUK.005.035 ואולם ימים באים ולקח מאתם החתן אז יצומו בימים ההמה׃

5:36b.LUK.005.036 וידבר אליהם גם אם המשל הזה אין איש מעלה מטלית של בגד חדש על בגד בלוי כי אז גם החדש יקרע וגם לא תשוה מטלית החדש לבלוי׃

5:37b.LUK.005.037 ואין איש נתן יין חדש בנאדות בלים כי אז היין החדש יבקע את הנאדות והוא ישפך והנאדות יאבדו׃

5:38b.LUK.005.038 אך יתן היין החדש בנאדות חדשים ושניהם יחדו ישמרו׃

5:39b.LUK.005.039 ואשר שתה יין ישן איננו חפץ עוד ביין חדש כי יאמר הישן הוא נעים ממנו׃

6

6:1b.LUK.006.001 ויהי בשבת השנית לספירת העמר עבר בין הקמה ויקטפו תלמידיו מלילת ויפרכו אתן בידיהם ויאכלו׃

6:2b.LUK.006.002 ויש מן הפרושים אשר אמרו אליהם למה אתם עשים את אשר איננו מתר לעשות בשבת׃

6:3b.LUK.006.003 ויען ישוע ויאמר אליהם הלא קראתם את אשר עשה דוד בהיותו רעב הוא ואשר היו אתו׃

6:4b.LUK.006.004 כאשר בא אל בית האלהים ויקח את לחם הפנים ויאכל וגם נתן לאשר אתו את אשר לא נכון לאכלו כי אם לכהנים לבדם׃

6:5b.LUK.006.005 ויאמר אליהם בן האדם גם אדון השבת הוא׃

6:6b.LUK.006.006 ויהי בשבת אחרת בא אל בית הכנסת וילמד ושם איש אשר יבשה ידו הימנית׃

6:7b.LUK.006.007 ויארבו לו הסופרים והפרושים לראות אם ירפא בשבת למען ימצאו עליו שטנה׃

6:8b.LUK.006.008 והוא ידע את מחשבותם ויאמר אל האיש אשר ידו יבשה קום ועמוד בתוך ויקם ויעמד׃

6:9b.LUK.006.009 ויאמר אליהם ישוע אשאלה אתכם דבר הנכון בשבת להיטיב אם להרע להציל נפש אם לאבד׃

6:10b.LUK.006.010 ויבט סביב אל כלם ויאמר לאיש פשט את ידך ויעש כן ותרפא ידו ותשב כאחרת׃

6:11b.LUK.006.011 והמה נמלאו חמה ויוסדו יחד מה לעשות לישוע׃

6:12b.LUK.006.012 ויהי בימים ההם ויצא ההרה להתפלל ויעמד כל הלילה בתפלה לאלהים׃

6:13b.LUK.006.013 ובהית הבקר אסף אליו את תלמידיו ויבחר מהם שנים עשר אשר גם קרא להם שליחים׃

6:14b.LUK.006.014 את שמעון אשר גם קראו פטרוס ואת אנדרי אחיו את יעקב ואת יוחנן את פילפוס ואת בר תלמי׃

6:15b.LUK.006.015 את מתי ואת תומא ואת יעקב בן חלפי ואת שמעון המכנה הקנא׃

6:16b.LUK.006.016 את יהודה בן יעקב ואת יהודה איש קריות אשר גם היה למוסר׃

6:17b.LUK.006.017 וירד אתם ויעמד במקום מישור והמון תלמידיו וקהל עם רב מכל יהודה וירושלים ומחוף ים צר וצידון אשר באו לשמע אתו ולהרפא מחלייהם׃

6:18b.LUK.006.018 וגם הנלחצים ברוחות טמאות וירפאו׃

6:19b.LUK.006.019 וכל ההמון מבקשים לגעת בו כי גבורה יצאה מאתו ורפאה את כלם׃

6:20b.LUK.006.020 והוא נשא את עיניו אל תלמידיו ויאמר אשריכם העניים כי לכם מלכות האלהים׃

6:21b.LUK.006.021 אשריכם הרעבים כעת כי תשבעו אשריכם הבכים כעת כי תשחקו׃

6:22b.LUK.006.022 אשריכם אם ישנאו אתכם האנשים ואם ינדו אתכם וחרפו והדיחו את שמכם כשם רע בעבור בן האדם׃

6:23b.LUK.006.023 שמחו ביום ההוא ורקדו כי הנה שכרכם רב בשמים כי כזאת עשו אבתיהם לנביאים׃

6:24b.LUK.006.024 אך אוי לכם העשירים כי כבר לקחתם את נחמתכם׃

6:25b.LUK.006.025 אוי לכם השבעים כי תרעבו אוי לכם השחקים כעת כי תתאבלו ותבכו׃

6:26b.LUK.006.026 אוי לכם אם כל האנשים משבחים אתכם כי כזאת עשו אבותיהם לנביאי השקר׃

6:27b.LUK.006.027 אבל אליכם השמעים אני אמר אהבו את איביכם היטיבו לשנאיכם׃

6:28b.LUK.006.028 ברכו את מקלליכם והתפללו בעד מכלימיכם׃

6:29b.LUK.006.029 המכה אתך על הלחי הטה לו גם את האחרת והלקח את מעילך אל תמנע ממנו גם את כתנתך׃

6:30b.LUK.006.030 וכל השאל ממך תן לו והלקח את אשר לך אל תשאל מאתו׃

6:31b.LUK.006.031 וכאשר תחפצו כי יעשו לכם בני האדם כן תעשו להם גם אתם׃

6:32b.LUK.006.032 ואם תאהבו את אהביכם מה הוא חסדכם כי גם החטאים אהבים את אהביהם׃

6:33b.LUK.006.033 ואם תיטיבו למטיביכם מה הוא חסדכם גם החטאים יעשו כן׃

6:34b.LUK.006.034 ואם תלוו את האנשים אשר תקוו לקבל מהם מה הוא חסדכם גם החטאים מלוים את החטאים למען יושב להם בשוה׃

6:35b.LUK.006.035 אבל אהבו את איביכם והיטיבו והלוו מבלי תוחלת ויהי שכרכם רב והייתם בני עליון כי טוב הוא גם לשכחי טובה ולרעים׃

6:36b.LUK.006.036 לכן היו רחמנים כאשר גם אביכם רחום הוא׃

6:37b.LUK.006.037 ואל תשפטו ולא תשפטו אל תחיבו ולא תחיבו נקו ותנקו׃

6:38b.LUK.006.038 תנו ותנתן לכם מדה טובה דחוקה וגדושה ומשפעה יתנו אל חיקכם כי במדה אשר אתם מודדים בה ימד לכם׃

6:39b.LUK.006.039 וישא משלו ויאמר אליהם היוכל עור לנהל את העור הלא יפלו שניהם אל הפחת׃

6:40b.LUK.006.040 אין תלמיד נעלה על רבו ודי לכל תלמיד שלם להיות כרבו׃

6:41b.LUK.006.041 ולמה זה אתה ראה את הקסם אשר בעין אחיך ואת הקורה בעינך לא תביט׃

6:42b.LUK.006.042 ואיך תאמר אל אחיך אחי הניחה לי ואסירה את הקסם אשר בעינך ואינך ראה את הקורה אשר בעינך החנף הסר בראשונה את הקורה מעינך ואחר ראה תראה להסיר את הקסם אשר בעין אחיך׃

6:43b.LUK.006.043 כי עץ טוב איננו עשה פרי משחת וגם עץ משחת איננו עשה פרי טוב׃

6:44b.LUK.006.044 כי כל עץ נכר בפריו כי אין אספים תאנים מן הקצים אף אין בצרים ענב מן הסנה׃

6:45b.LUK.006.045 האיש הטוב מאוצר לבבו הטוב מפיק את הטוב והאיש הרע מאוצר לבבו הרע מפיק את הרע כי משפעת הלב ימלל פיהו׃

6:46b.LUK.006.046 ולמה זה אתם קראים לי אדני אדני ואינכם עשים את אשר אני אמר׃

6:47b.LUK.006.047 כל הבא אלי ושומע את דברי ועשה אתם אורה אתכם למי הוא דומה׃

6:48b.LUK.006.048 דומה הוא לאיש בנה בית אשר העמיק לחפר וייסדו על הסלע וכבוא השטף פרץ הנהר בבית ההוא ולא יכל להניעו כי על הסלע יסודו׃

6:49b.LUK.006.049 ואשר שמע ולא עשה דומה לאיש אשר בנה בית על הקרקע בלי יסוד ויפרץ בו הנהר ויפל פתאם ויגדל שבר הבית ההוא׃

7

7:1b.LUK.007.001 ויהי אחרי כלותו לדבר את כל דבריו באזני העם ויבא אל כפר נחום׃

7:2b.LUK.007.002 ועבד לאחד משרי המאות חלה למות והוא יקר לו מאד׃

7:3b.LUK.007.003 וישמע את שמע ישוע וישלח אליו מזקני היהודים וישאל מאתו לבוא ולהושיע את עבדו׃

7:4b.LUK.007.004 ויבאו אל ישוע ויתחננו לו מאד ויאמרו ראוי הוא אשר תעשה בקשתו׃

7:5b.LUK.007.005 כי אהב עמנו הוא והוא בנה לנו את בית הכנסת׃

7:6b.LUK.007.006 וילך אתם ישוע ויהי כאשר קרב אל הבית וישלח אליו שר המאה על ידי רעיו לאמר לו בי אדני אל נא תטריח את עצמך כי אינני כדי שתבוא בצל קורתי׃

7:7b.LUK.007.007 ובעבור זאת גם את עצמי לא חשבתי ראוי לבוא אליך אך דבר נא דבר וירפא נערי׃

7:8b.LUK.007.008 כי גם אנכי איש נתון תחת השלטון יש תחת ידי אנשי צבא ואמרתי לזה לך והלך ולזה בוא ובא ולעבדי עשה זאת ועשה׃

7:9b.LUK.007.009 וישמע ישוע את דבריו ויתמה עליו ויפן ויאמר אל ההמון ההלך אחריו אמר אני לכם גם בישראל לא מצאתי אמונה גדולה כזאת׃

7:10b.LUK.007.010 וישובו השלוחים אל הבית וימצאו את העבד החלה והוא נרפא׃

7:11b.LUK.007.011 ויהי ממחרת וילך אל עיר ושמה נעים ורבים מתלמידיו הלכים אתו והמון עם רב׃

7:12b.LUK.007.012 הוא קרב אל שער העיר והנה מוציאים מת בן יחיד לאמו והיא אלמנה ועמה רבים מעם העיר׃

7:13b.LUK.007.013 וכראות אתה האדון נכמרו רחמיו עליה ויאמר לה אל תבכי׃

7:14b.LUK.007.014 ויגש ויגע בארון והנשאים עמדו ויאמר עלם אמר אני אליך קומה׃

7:15b.LUK.007.015 ויתעודד המת ויחל לדבר ויתנהו לאמו׃

7:16b.LUK.007.016 ותאחז כלם רעדה וישבחו את האלהים ויאמרו כי נביא גדול קם בקרבנו וכי פקד האלהים את עמו׃

7:17b.LUK.007.017 ויצא הדבר הזה בכל יהודה ובכל הככר׃

7:18b.LUK.007.018 ותלמידי יוחנן הגידו לו את כל אלה׃

7:19b.LUK.007.019 ויקרא אליו יוחנן שנים מתלמידיו וישלחם אל ישוע לאמר לו האתה הוא הבא אם נחכה לאחר׃

7:20b.LUK.007.020 ויבאו אליו האנשים ויאמרו יוחנן המטביל שלחנו אליך לאמר האתה הוא הבא אם נחכה לאחר׃

7:21b.LUK.007.021 בעת ההיא רפא רבים מחליים ומנגעים ומרוחות רעות ולעורים רבים נתן ראות עינים׃

7:22b.LUK.007.022 ויען ישוע ויאמר להם לכו והגידו ליוחנן את אשר ראיתם ואשר שמעתם כי עורים ראים ופסחים מתהלכים ומצרעים מטהרים וחרשים שומעים ומתים קמים ועניים מתבשרים׃

7:23b.LUK.007.023 ואשרי אשר לא יכשל בי׃

7:24b.LUK.007.024 ויהי כאשר הלכו להם שלוחי יוחנן ויחל לדבר אל המון העם על אדות יוחנן ויאמר מה זה יצאתם המדברה לראות הקנה אשר ינוע ברוח׃

7:25b.LUK.007.025 ואם לא מה זה יצאתם לראות האיש לבוש בגדי עדנים הנה המלבשים בגדי תפארת והמענגים בחצרות המלכים המה׃

7:26b.LUK.007.026 ועתה מה זה יצאתם לראות אם לראות איש נביא הן אני אמר לכם כי אף גדול הוא מנביא׃

7:27b.LUK.007.027 זה הוא אשר כתוב עליו הנני שלח מלאכי לפניך ופנה דרכך לפניך׃

7:28b.LUK.007.028 כי אמר אני לכם אין איש בילודי אשה גדול מיוחנן המטביל אך הקטן במלכות האלהים גדול הוא ממנו׃

7:29b.LUK.007.029 וכל העם והמכסים כשמעם הצדיקו את האלהים ויטבלו בטבילת יוחנן׃

7:30b.LUK.007.030 אך הפרושים ובעלי התורה נאצו את עצת האלהים על נפשם ולא נטבלו על ידו׃

7:31b.LUK.007.031 ויאמר האדון עתה אל מי אדמה את אנשי הדור הזה ואל מי הם דמים׃

7:32b.LUK.007.032 דמים הם לילדים הישבים בשוק וקראים זה אל זה ואמרים חללנו לכם בחלילים ולא רקדתם קוננו לכם קינה ולא בכיתם׃

7:33b.LUK.007.033 כי בא יוחנן המטביל לחם לא אכל ויין לא שתה ואמרתם שד בו׃

7:34b.LUK.007.034 ובא בן האדם והוא אכל ושתה ואמרתם הנה זולל וסבא ורע למוכסים ולחטאים׃

7:35b.LUK.007.035 ותצדק החכמה על ידי כל בניה׃

7:36b.LUK.007.036 ויבקש ממנו אחד מן הפרושים לאכל אתו לחם ויבא אל בית הפרוש ויסב׃

7:37b.LUK.007.037 והנה אשה אחת בעיר והיא חטאת שמעה כי הוא מסב בית הפרוש ותבא פך שמן המור׃

7:38b.LUK.007.038 ותעמד לרגליו מאחריו ותבך ותחל להרטיב את רגליו בדמעות ותנגב אתן בשערות ראשה ותשק את רגליו ותמשח אתן בשמן׃

7:39b.LUK.007.039 וירא הפרוש הקרא אתו ויאמר בלבו אלו היה זה נביא כי עתה ידע ידע מי היא זאת ואי זו היא הנגעת בו כי אשה חטאת היא׃

7:40b.LUK.007.040 ויען ישוע ויאמר אליו שמעון דבר לי אליך ויאמר רבי דבר׃

7:41b.LUK.007.041 שני חיבים היו לנשה אחד האחד חיב לו דינרים חמש מאות והשני דינרים חמשים׃

7:42b.LUK.007.042 ויהי באשר לא השיגה ידם לשלם וישמט את שניהם ועתה אמר נא מי משניהם ירבה לאהבה אתו׃

7:43b.LUK.007.043 ויען שמעון ויאמר אחשב כי האיש ההוא אשר הרבה להשמיט לו ויאמר אליו כן שפטת׃

7:44b.LUK.007.044 ויפן אל האשה ויאמר אל שמעון הראית את האשה הזאת הנה באתי אל ביתך ומים על רגלי לא נתת והיא הרטיבה את רגלי בדמעות ותנגב בשערותיה׃

7:45b.LUK.007.045 נשיקה לא נשקתני והיא מאז באתי לא חדלה מנשק את רגלי׃

7:46b.LUK.007.046 בשמן לא משחת את ראשי והיא בשמן המור משחה את רגלי׃

7:47b.LUK.007.047 לכן אני אמר אליך נסלחו לה חטאתיה הרבות כי הרבה אהבה ואשר נסלח לו מעט הוא אהב מעט׃

7:48b.LUK.007.048 ויאמר אליה נסלחו לך חטאתיך׃

7:49b.LUK.007.049 ויחלו המסבים עמו לאמר בלבם מי הוא זה אשר גם יסלח חטאים׃

7:50b.LUK.007.050 ויאמר אל האשה אמונתך הושיעה לך לכי לשלום׃

8

8:1b.LUK.008.001 ויהי אחרי כן ויעבר מעיר אל עיר ומכפר אל כפר קורא ומבשר את מלכות האלהים ושנים העשר אתו׃

8:2b.LUK.008.002 ונשים אשר נרפאו מרוחות רעות ומחליים מרים הנקראה מגדלית אשר גרשו ממנה שבעה שדים׃

8:3b.LUK.008.003 ויוחנה אשת כוזא סוכן הורדוס ושושנה ואחרות רבות אשר שרתהו מנכסיהן׃

8:4b.LUK.008.004 ויהי בהתאסף המון עם רב אשר יצאו אליו מעיר ועיר וידבר במשל׃

8:5b.LUK.008.005 הזורע יצא לזרע את זרעו ובזרעו נפל מן הזרע על יד הדרך וירמס ועוף השמים אכלו׃

8:6b.LUK.008.006 ויש אשר נפל על הסלע ויצמח וייבש כי לא היתה לו לחה׃

8:7b.LUK.008.007 ויש אשר נפל בתוך הקצים ויצמחו הקצים עמו וימעכהו׃

8:8b.LUK.008.008 ויש אשר נפל על האדמה הטובה ויצמח ויעש פרי מאה שערים כזאת דבר ויזעק מי אשר אזנים לו לשמע ישמע׃

8:9b.LUK.008.009 וישאלהו תלמידיו לאמר מה המשל הזה׃

8:10b.LUK.008.010 ויאמר לכם נתן לדעת את סודות מלכות האלהים ולאחרים במשלים למען בראתם לא יראו ובשמעם לא יבינו׃

8:11b.LUK.008.011 וזה הוא המשל הזרע דבר אלהים הוא׃

8:12b.LUK.008.012 ואשר על יד הדרך הם השמעים ואחר כן בא השטן ונשא את הדבר מלבם פן יאמינו ונושעו׃

8:13b.LUK.008.013 ואשר על הסלע הם המקבלים בשמחה את הדבר בשמעם ושרש אין להם רק לשעה מאמינים ובעת הנסיון יסגו אחור׃

8:14b.LUK.008.014 ואשר נפל בין הקצים הם השמעים והוליכם להם וימכו בדאגות ובעשר ובתאות החיים ופרי לא ישוו למו׃

8:15b.LUK.008.015 ואשר באדמה הטובה הם השמרים בלב טוב וטהור את הדבר אשר שמעו ועשים פרי בתוחלת׃

8:16b.LUK.008.016 ואין איש מדליק נר אשר יכסה אותו בכלי או ישימהו תחת המטה כי אם על המנורה יעלהו למען יראו כל באי הבית את האור׃

8:17b.LUK.008.017 כי אין דבר נעלם אשר לא יגלה ואין גנוז אשר לא יודע ובא לאור׃

8:18b.LUK.008.018 לכן ראו איך תשמעון כי כל אשר יש לו נתון ינתן לו וכל אשר אין לו גם את אשר הוא חשב להיות לו יקח ממנו׃

8:19b.LUK.008.019 ויבאו אליו אמו ואחיו ולא יכלו לגשת אליו מפני העם׃

8:20b.LUK.008.020 ויגד לו לאמר אמך ואחיך עמדים בחוץ והם חפצים לראותך׃

8:21b.LUK.008.021 ויען ויאמר אליהם אמי ואחי הם השמעים ועשים את דבר האלהים׃

8:22b.LUK.008.022 ויהי היום וירד אל אניה הוא ותלמידיו ויאמר אליהם נעברה אל עבר הים וישוטו הימה׃

8:23b.LUK.008.023 ויהי בלכתם באניה וישכב ויישן ורוח סערה ירדה על הים וישטפו עליהם המים ויהיו בסכנה׃

8:24b.LUK.008.024 ויגשו ויעירו אותו לאמר מורה מורה אבדנו ויעור ויגער ברוח ובמשברי ים וישתקו ותהי דממה׃

8:25b.LUK.008.025 ויאמר אליהם איה אמונתכם וייראו ויתמהו ויאמרו איש אל רעהו מי אפוא הוא המצוה גם את הרוחות ואת המים וישמעו לו׃

8:26b.LUK.008.026 ויעברו ויבאו אל ארץ הגדריים אשר ממול הגליל׃

8:27b.LUK.008.027 ויצא אל היבשה ויפגשהו איש מן העיר אשר שדים בו מימים רבים ובגד לא לבש ובבית לא ישב כי אם בקברים׃

8:28b.LUK.008.028 וירא את ישוע ויפל לפניו ויקרא בקול גדול מה לי ולך ישוע בן אל עליון מבקש אני ממך אשר לא תענני׃

8:29b.LUK.008.029 כי צוה את הרוח הטמא לצאת מן האיש כי ימים רבים חטף אתו ונאסר בזיקים ונשמר בכבלים והיה בנתקו את המוסרות ונדחף ביד השד אל המדברות׃

8:30b.LUK.008.030 וישאל אתו ישוע לאמר מה שמך ויאמר לגיון שמי כי שדים רבים נכנסו בו׃

8:31b.LUK.008.031 ויתחנן לו לבלתי צות אתם לרדת אל התהום׃

8:32b.LUK.008.032 ויהי שם עדר חזירים רבים על המרעה בהר ויתחננו לו כי יניח להם לבוא אל תוכם וינח להם׃

8:33b.LUK.008.033 ויצאו השדים מן האדם ההוא ויבאו בחזירים וישתער העדר מן המורד אל הים ויטבע׃

8:34b.LUK.008.034 וינוסו הרעים כראותם את אשר נעשה ויגידו הדבר בעיר ובכפרים׃

8:35b.LUK.008.035 ויצאו לראת את אשר נעשה ויבאו אל ישוע וימצאו שם את האדם אשר יצאו ממנו השדים ישב לרגלי ישוע מלבש וטוב שכל וייראו׃

8:36b.LUK.008.036 ויספרו להם הראים איך נרפא אחוז השדים׃

8:37b.LUK.008.037 ויבקשו ממנו כל המון חבל הגדריים ללכת מאתם כי אימה גדולה נפלה עליהם וירד אל האניה וישב׃

8:38b.LUK.008.038 ויבקש ממנו האיש אשר יצאו ממנו השדים לשבת אתו וישלח אתו ישוע באמרו׃

8:39b.LUK.008.039 שוב לביתך וספר הגדלות אשר עשה לך האלהים וילך לו וישמע בכל העיר את הגדלות אשר עשה לו ישוע׃

8:40b.LUK.008.040 ויהי בשוב ישוע ויקבל אתו העם כי כלם היו מחכים לו׃

8:41b.LUK.008.041 והנה בא איש ושמו יאיר והוא ראש בית הכנסת ויפל לרגלי ישוע ויתחנן לו לבוא אתו אל ביתו׃

8:42b.LUK.008.042 כי בת יחידה כשתים עשרה שנה היתה לו והיא נוטה למות ויהי בלכתו שמה וידחקהו המון העם׃

8:43b.LUK.008.043 ואשה זבת דם שתים עשרה שנה אשר הוציאה כל קנינה לרפאים ואין איש יכל לרפאתה׃

8:44b.LUK.008.044 היא קרבה מאחריו ותגע בציצת בגדו וזוב דמה עמד פתאם׃

8:45b.LUK.008.045 ויאמר ישוע מי זה נגע בי וכלם כחשו ויאמר פטרוס והעמדים אצלו מורה המון העם דחקים ולחצים אתך ואתה תאמר מי נגע בי׃

8:46b.LUK.008.046 ויאמר ישוע נגע בי אדם כי ידעתי אשר יצאה ממני גבורה׃

8:47b.LUK.008.047 ותרא האשה כי לא נסתרה ממנו ותחרד לקראתו ותפל לפניו ותגד באזני כל העם על מה נגעה בו ואיך נרפאה פתאם׃

8:48b.LUK.008.048 ויאמר אליה חזקי בתי אמונתך הושיעה לך לכי לשלום׃

8:49b.LUK.008.049 עודנו מדבר ואיש בא מבית ראש הכנסת ויאמר מתה בתך אל תטריח את המורה׃

8:50b.LUK.008.050 וישמע ישוע ויען ויאמר לו אל תירא אך האמן והיא תושע׃

8:51b.LUK.008.051 ויבא הביתה ולא הניח לאיש לבוא אתו בלתי אם לפטרוס וליעקב וליוחנן ולאבי הילדה ולאמה׃

8:52b.LUK.008.052 וכלם בכים וספדים לה ויאמר אל תבכו כי לא מתה אך ישנה היא׃

8:53b.LUK.008.053 וישחקו עליו באשר ידעו כי מתה׃

8:54b.LUK.008.054 והוא אחז בידה ויקרא לאמר הילדה קומי׃

8:55b.LUK.008.055 ותשב רוחה ותקם פתאם ויצו לתת לה לאכול׃

8:56b.LUK.008.056 וישתוממו אביה ואמה והוא צוה אתם לבלתי הגיד לאיש את אשר נעשה׃

9

9:1b.LUK.009.001 ויקרא אל שנים העשר ויתן להם גבורה ושלטן על כל השדים ולרפא חליים׃

9:2b.LUK.009.002 וישלחם לקרא את מלכות האלהים ולרפא את החלים׃

9:3b.LUK.009.003 ויאמר להם אל תקחו מאומה לדרך לא מטות ולא תרמיל ולא לחם ולא כסף ואל יהיה לאיש מכם שתי כתנות׃

9:4b.LUK.009.004 והבית אשר תבאו בו שם שבו לכם ומשם צאו׃

9:5b.LUK.009.005 וכל אשר לא יקבלו אתכם צאו מן העיר ההיא ונערו את העפר מעל רגליכם לעדות בהם׃

9:6b.LUK.009.006 ויצאו ויעברו בכפרים מבשרים את הבשורה ומרפאים בכל מקום׃

9:7b.LUK.009.007 וישמע הורדוס שר הרבע את כל אשר נעשה על ידו ותפעם רוחו כי יש אשר אמרו יוחנן קם מן המתים׃

9:8b.LUK.009.008 ויש שאמרו אליהו נראה ואחרים אמרו נביא קם מן הקדמונים׃

9:9b.LUK.009.009 ויאמר הורדוס הן אנכי נשאתי את ראש יוחנן מעליו ומי אפוא הוא אשר אני שמע עליו כזאת ויבקש לראותו׃

9:10b.LUK.009.010 וישובו השליחים ויספרו לו את כל אשר עשו ויקחם אליו ויסר לבדד אל מקום חרב אשר לעיר הנקראה בית צידה׃

9:11b.LUK.009.011 והמון העם כאשר ידעו את זאת הלכו אחריו ויקבלם וידבר אליהם על מלכות האלהים וירפא את הצריכים לרפואה׃

9:12b.LUK.009.012 והיום רפה לערב ושנים העשר קרבו ויאמרו אליו שלח נא את העם וילכו אל הכפרים והחצרים אשר סביבותינו ללון שם ולמצא מזון כי פה אנחנו במקום חרבה׃

9:13b.LUK.009.013 ויאמר אליהם תנו אתם להם לאכל ויאמרו אין לנו כי אם חמשת ככרות לחם ודגים שנים בלתי אם נלך ונקנה אכל לכל העם הזה׃

9:14b.LUK.009.014 כי היו כחמשת אלפי איש ויאמר אל תלמידיו הושיבו אתם שורות שורות חמשים בשורה׃

9:15b.LUK.009.015 ויעשו כן ויושיבו את כלם׃

9:16b.LUK.009.016 ויקח את חמשת ככרות הלחם ואת שני הדגים וישא עיניו השמימה ויברך עליהם ויפרס ויתן לתלמידיו לשום לפני העם׃

9:17b.LUK.009.017 ויאכלו כלם וישבעו וישאו מן הפתותים הנותרים להם שנים עשר סלים׃

9:18b.LUK.009.018 ויהי הוא מתפלל לבדד ויאספו אליו תלמידיו וישאל אתם לאמר מה אמרים עלי המון העם מי אני׃

9:19b.LUK.009.019 ויענו ויאמרו יוחנן המטביל ואחרים אמרים אליהו ואחרים אמרים נביא קם מן הקדמונים׃

9:20b.LUK.009.020 ויאמר אליהם ואתם מה אתם אמרים מי אני ויען פטרוס ויאמר משיח האלהים אתה׃

9:21b.LUK.009.021 ויצו אתם בגערה לבלתי הגיד לאיש את הדבר הזה׃

9:22b.LUK.009.022 ויאמר מן הצרך הוא אשר בן האדם יענה הרבה וימאס מן הזקנים והכהנים הגדולים והסופרים ויהרג וביום השלישי קום יקום׃

9:23b.LUK.009.023 ואל כלם אמר איש כי יחפץ ללכת אחרי יכחש בנפשו ויום יום ישא את צלבו והלך אחרי׃

9:24b.LUK.009.024 כי כל אשר יחפץ להושיע את נפשו תאבד נפשו ממנו וכל אשר יאבד את נפשו למעני הוא יושיענה׃

9:25b.LUK.009.025 כי מה יועיל האדם כי יקנה את כל העולם ואבד והשחית את נפשו׃

9:26b.LUK.009.026 כי כל אשר הייתי אני ודברי לו לחרפה הוא יהיה לחרפה לבן האדם כאשר יבא בכבודו ובכבוד האב והמלאכים הקדושים׃

9:27b.LUK.009.027 ובאמת אני אמר לכם יש מן העמדים פה אשר לא יטעמו מות עד כי יראו את מלכות האלהים׃

9:28b.LUK.009.028 ויהי כשמנה ימים אחרי הדברים האלה ויקח אליו את פטרוס ואת יוחנן ואת יעקב ויעל אל ההר להתפלל שם׃

9:29b.LUK.009.029 ויהי בהתפללו נשתנה מראה פניו ולבושו הלבין והבריק׃

9:30b.LUK.009.030 והנה שני אנשים מדברים אתו והמה משה ואליהו׃

9:31b.LUK.009.031 אשר נראו בכבוד והגידו את אחריתו אשר ימלאנה בירושלים׃

9:32b.LUK.009.032 ויהיו פטרוס ואשר אתו נרדמים ובהקיצם ראו את כבודו ואת שני האנשים העמדים עליו׃

9:33b.LUK.009.033 ויהי בהפרדם ממנו ויאמר פטרוס אל ישוע מורה טוב היותנו פה נעשה נא שלש סכות לך אחת ולמשה אחת ולאליהו אחת ולא ידע מה דבר׃

9:34b.LUK.009.034 הוא מדבר כזאת והנה ענן סכך עליהם וכבואם בענן נבעתו׃

9:35b.LUK.009.035 ויצא קול מן הענן אמר זה בני ידידי אליו תשמעון׃

9:36b.LUK.009.036 ובהיות הקול נשאר ישוע לבדו והמה החשו ולא הגידו דבר לאיש בימים ההם מכל אשר ראו׃

9:37b.LUK.009.037 ויהי ממחרת ברדתם מן ההר ויצא עם רב לקראתו׃

9:38b.LUK.009.038 והנה איש אחד מן העם צעק לאמר אנא רבי פנה נא אל בני כי יחיד הוא לי׃

9:39b.LUK.009.039 והנה רוח אחז בו ופתאם הוא מצעק והרוח מרוצץ אתו בהוריד רירו ומקשה לסור ממנו ובסורו ידכא אתו׃

9:40b.LUK.009.040 ואבקש מתלמידיך לגרשו ולא יכלו׃

9:41b.LUK.009.041 ויען ישוע ויאמר הוי דור חסר אמונה ופתלתל עד מתי אהיה עמכם ואסבל אתכם הבא הנה את בנך׃

9:42b.LUK.009.042 ויהי אך הקריב לבוא וירעצהו השד וירוצצהו וישוע גער ברוח הטמא וירפא את הנער וישיבהו לאביו׃

9:43b.LUK.009.043 וישתוממו כלם על גדלת האלהים ויהי בתמהם כלם על כל אשר עשה ויאמר ישוע אל תלמידיו׃

9:44b.LUK.009.044 שימו אתם באזניכם את הדברים האלה כי עתיד בן האדם להמסר בידי בני האדם׃

9:45b.LUK.009.045 והמה לא הבינו את המאמר הזה ונעלם הוא מדעתם וייראו לשאל אתו על המאמר הזה׃

9:46b.LUK.009.046 ויעל על לבבם לחשוב מי הוא הגדול בהם׃

9:47b.LUK.009.047 וירא ישוע את מחשבת לבם ויקח ילד ויעמידהו אצלו׃

9:48b.LUK.009.048 ויאמר אליהם כל אשר יקבל את הילד הזה לשמי אותי הוא מקבל וכל אשר יקבל אותי הוא מקבל את אשר שלחני כי הקטן בכלכם הוא יהיה הגדול׃

9:49b.LUK.009.049 ויען יוחנן ויאמר מורה ראינו איש מגרש שדים בשמך ונכלא אותו יען איננו הולך עמנו׃

9:50b.LUK.009.050 ויאמר ישוע אליו אל תכלאו כי כל אשר איננו נגדנו בעדנו הוא׃

9:51b.LUK.009.051 ויהי כמלאת ימי העלותו והוא שם את פניו ללכת ירושלים׃

9:52b.LUK.009.052 וישלח מלאכים לפניו וילכו ויבאו אל אחד מכפרי השמרונים להכין לו׃

9:53b.LUK.009.053 ולא קבלהו על אשר היו פניו הלכים ירושלים׃

9:54b.LUK.009.054 ויאמרו יעקב ויוחנן תלמידיו כראותם זאת לאמר אדנינו התרצה ונאמר כי תרד אש מן השמים ותאכלם כאשר עשה גם אליהו׃

9:55b.LUK.009.055 ויפן ויגער בם ויאמר הלא ידעתם בני רוח מי אתם׃

9:56b.LUK.009.056 כי בן האדם לא בא לאבד נפשות אדם כי אם להושיעם וילכו להם אל כפר אחר׃

9:57b.LUK.009.057 ויהי בלכתם בדרך ויאמר אליו איש אדני אלכה אחריך אל כל אשר תלך׃

9:58b.LUK.009.058 ויאמר אליו ישוע לשועלים יש חורי עפר ולעוף השמים קנים ובן האדם אין לו מקום להניח שם את ראשו׃

9:59b.LUK.009.059 ואל איש אחר אמר לך אחרי והוא אמר אדני תן לי ואלכה בראשונה לקבר את אבי׃

9:60b.LUK.009.060 ויאמר אליו ישוע הנח למתים לקבר את מתיהם ואתה לך הודע את מלכות האלהים׃

9:61b.LUK.009.061 ויאמר עוד איש אחר אלכה אחריך אדני אך הניחה לי בראשונה להפטר מבני ביתי׃

9:62b.LUK.009.062 ויאמר ישוע כל השם את ידו על המחרשה ומביט אחריו לא יכשר למלכות האלהים׃

10

10:1b.LUK.010.001 ואחרי כן הבדיל האדון עוד שבעים אחרים וישלחם לפניו שנים שנים אל כל עיר ומקום אשר בקש לבוא שמה׃

10:2b.LUK.010.002 ויאמר להם הן הקציר רב והפעלים מעטים לכן התחננו אל אדון הקציר וישלח פעלים לקצירו׃

10:3b.LUK.010.003 לכו נא הנני שלח אתכם ככבשים בין הזאבים׃

10:4b.LUK.010.004 אל תשאו כיס ולא תרמיל ולא נעלים ואל תשאלו לשלום איש בדרך׃

10:5b.LUK.010.005 ולכל בית אשר תבאו שם אמרו בראשונה שלום לבית הזה׃

10:6b.LUK.010.006 והיה כי יהיה שם בן שלום ונח עליו שלומכם ואם לא אליכם ישוב׃

10:7b.LUK.010.007 ובבית ההוא תשבו ותאכלו ותשתו משלהם כי שוה הפועל בשכרו אל תסעו מבית לבית׃

10:8b.LUK.010.008 וכל עיר אשר תבאו בה וקבלו אתכם אכלו שם את אשר ישימו לפניכם׃

10:9b.LUK.010.009 ורפאו את החולים אשר בקרבה ואמרו להם קרבה אליכם מלכות האלהים׃

10:10b.LUK.010.010 וכל עיר אשר תבאו בה ולא יקבלו אתכם צאו לכם אל רחובותיה ואמרו׃

10:11b.LUK.010.011 אף את עפר עירכם הנדבק ברגלינו ננערהו לכם אך ידע תדעו כי קרבה אליכם מלכות האלהים׃

10:12b.LUK.010.012 אני אמר אלכים כי לסדום יקל ביום ההוא מן העיר ההיא׃

10:13b.LUK.010.013 אוי לך כורזין אוי לך בית צידה כי הגבורות אשר נעשו בקרבכן אלו נעשו בצור ובצידון הלא כבר ישבו בשק ואפר ושבו׃

10:14b.LUK.010.014 אכן לצור וצידון יקל בדין מכם׃

10:15b.LUK.010.015 ואת כפר נחום אשר עד השמים התרוממת אל שאול תורדי׃

10:16b.LUK.010.016 השומע אליכם אלי הוא שומע והבוזה אתכם אותי הוא בוזה והבוזה אותי הוא בוזה את אשר שלחני׃

10:17b.LUK.010.017 וישובו השבעים בשמחה ויאמרו אדנינו גם השדים נכנעים לנו בשמך׃

10:18b.LUK.010.018 ויאמר אליהם ראיתי את השטן נפל כברק מן השמים׃

10:19b.LUK.010.019 הנה השלטתי אתכם לדרך על נחשים ועקרבים ועל כל גבורת האיב וכל דבר לא יזיק לכם׃

10:20b.LUK.010.020 אך בזאת אל תשמחו כי נכנעים לכם הרוחות כי אם שמחו על אשר נכתבו שמותיכם בשמים׃

10:21b.LUK.010.021 בשעה ההיא עלץ ישוע ברוח ויאמר אודך האב אדון השמים והארץ כי הסתרת את אלה מן החכמים והנבונים וגליתם לעללים הן אבי כי כן היה רצון מלפניך׃

10:22b.LUK.010.022 הכל נמסר לי מאת אבי ואין יודע מי הוא הבן בלתי האב ומי הוא האב בלתי הבן ואשר יחפץ הבן לגלותו לו׃

10:23b.LUK.010.023 ויפן אל תלמידיו לבדם ויאמר אשרי העינים הראות את אשר אתם ראים׃

10:24b.LUK.010.024 כי אני אמר לכם נביאים ומלכים רבים חפצו לראות את אשר אתם ראים ולא ראו ולשמע את אשר אתם שמעים ולא שמעו׃

10:25b.LUK.010.025 והנה אחד מבעלי התורה קם לנסותו ויאמר מורה מה אעשה ואירש חיי עולם׃

10:26b.LUK.010.026 ויאמר אליו מה כתוב בתורה ואיך אתה קורא׃

10:27b.LUK.010.027 ויען ויאמר ואהבת את יהוה אלהיך בכל לבבך ובכל נפשך ובכל מאדך ובכל מדעך ואת רעך כמוך׃

10:28b.LUK.010.028 ויאמר אליו כן השיבות עשה זאת וחיה׃

10:29b.LUK.010.029 והוא חפץ להצטדק ויאמר אל ישוע ומי הוא רעי׃

10:30b.LUK.010.030 ויען ישוע ויאמר איש אחד ירד מירושלים ליריחו ונפל בידי שדדים והם הפשיטהו וגם פצעהו ויעזבו אותו בין חיים למות וילכו להם׃

10:31b.LUK.010.031 ויקר המקרה כי ירד כהן אחד בדרך ההוא וירא אתו ויעבר מעליו׃

10:32b.LUK.010.032 וכן גם איש לוי פגע במקום ויגש וירא אתו ויעבר מעליו׃

10:33b.LUK.010.033 ואיש שמרוני הלך בדרך ויבא עליו וירא אתו ויהמו רחמיו׃

10:34b.LUK.010.034 ויגש אליו ויחבש את פצעיו ויסוכם בשמן ויין ויעלהו על בהמתו ויוליכהו אל המלון ויכלכלהו׃

10:35b.LUK.010.035 ולמחרת בנסעו הוציא שני דינרים ויתנם לבעל המלון ויאמר כלכל אותו ואת אשר תוסיף עוד להוציא עליו אני בשובי אשלמנו לך׃

10:36b.LUK.010.036 ועתה מי מאלה השלשה היה בעיניך הרע לנפל בידי השדדים׃

10:37b.LUK.010.037 ויאמר העשה עמו את החסד ויאמר אליו ישוע לך ועשה כן גם אתה׃

10:38b.LUK.010.038 ויהי בנסעם ויבא אל כפר אחד ואשה אחת ושמה מרתא אספה אותו אל ביתה׃

10:39b.LUK.010.039 ולה היתה אחות ושמה מרים אשר ישבה לרגלי ישוע לשמע אל דברו׃

10:40b.LUK.010.040 ומרתא יגעה ברב שרותה ותגש ותאמר הלא תשים על לבך אדני אשר אחותי עזבתני לשרת לבדי אמר נא אליה ותעזר לי׃

10:41b.LUK.010.041 ויען ישוע ויאמר לה מרתא מרתא את דאגת ומבהלת על הרבה׃

10:42b.LUK.010.042 אבל אחת היא מן הצרך ומרים בחרה לה החלק הטוב אשר לא יקח ממנה׃

11

11:1b.LUK.011.001 ויהי הוא מתפלל במקום אחד ויאמר אליו אחד מתלמידיו אחרי כלותו אדני למדנו להתפלל כאשר למד גם יוחנן את תלמידיו׃

11:2b.LUK.011.002 ויאמר אליהם כי תתפללו אמרו אבינו שבשמים יתקדש שמך תבוא מלכותך יעשה רצונך כמו בשמים כן בארץ׃

11:3b.LUK.011.003 את לחם חקנו תן לנו יום יום׃

11:4b.LUK.011.004 וסלח לנו את חובתנו כי סלחים גם אנחנו לכל החיב לנו ואל תביאנו לידי נסיון כי אם הצילנו מן הרע׃

11:5b.LUK.011.005 ויאמר אליהם מי בכם אשר יהיה לו אהב והלך ובא אליו בחצות הלילה ואמר אליו ידידי הלוני שלשת ככרות לחם׃

11:6b.LUK.011.006 כי אהבי בא אלי מן הדרך ואין לי דבר לשום לפניו׃

11:7b.LUK.011.007 והוא מלפנים יענה ויאמר אל תוגיעני כי כבר נסגרה הדלת וילדי שוכבים עמדי במטה לא אוכל לקום ולתת לך׃

11:8b.LUK.011.008 אני אמר לכם גם כי לא יקום לתת לו על היותו אהבו יקום בעבור עזות פניו ויתן לו ככל צרכו׃

11:9b.LUK.011.009 וגם אני אמר לכם שאלו וינתן לכם דרשו ותמצאו דפקו ויפתח לכם׃

11:10b.LUK.011.010 כי כל השאל יקבל והדרש ימצא ולדפק יפתח׃

11:11b.LUK.011.011 ומי בכם האב אשר ישאל ממנו בנו לחם ונתן לו אבן ואם דג היתן לו נחש תחת הדג׃

11:12b.LUK.011.012 או כי ישאלנו ביצה היתן לו עקרב׃

11:13b.LUK.011.013 הן אתם הרעים ידעים לתת מתנות טבות לבניכם אף כי האב מן השמים יתן את רוח הקדש לשאלים מאתו׃

11:14b.LUK.011.014 ויהי היום ויגרש שד והוא אלם ויהי אחרי צאת השד וידבר האלם ויתמהו העם׃

11:15b.LUK.011.015 ויש אשר אמרו בבעל זבוב שר השדים הוא מגרש את השדים׃

11:16b.LUK.011.016 ויש אשר נסוהו וישאלו ממנו אות מן השמים׃

11:17b.LUK.011.017 והוא ידע את מחשבותם ויאמר אליהם כל ממלכה הנחלקה על עצמה תחרב ובית יפל על בית׃

11:18b.LUK.011.018 וגם השטן אם נחלק על עצמו איככה תכון ממלכתו כי אמרתם שבבעל זבוב מגרש אני את השדים׃

11:19b.LUK.011.019 ואם אני מגרש את השדים בבעל זבוב בניכם במי הם מגרשים אתם על כן המה יהיו שפטיכם׃

11:20b.LUK.011.020 ואם באצבע אלהים מגרש אני את השדים הנה הגיעה אליכם מלכות האלהים׃

11:21b.LUK.011.021 בהיות הגבור שמר את חצרו והוא מזין והיה רכושו שלום׃

11:22b.LUK.011.022 ואם יבוא עליו חזק ממנו ותקפו ישא ממנו את נשקו אשר בטח בו ואת מלקחו יחלק׃

11:23b.LUK.011.023 כל אשר איננו אתי הוא לנגדי ואשר איננו מאסף אתי הוא מפזר׃

11:24b.LUK.011.024 הרוח הטמאה אחרי צאתה מן האדם תשוטט במקמות ציה לבקש לה מנוחה ולא תמצא אז תאמר אשובה נא אל ביתי אשר יצאתי משם׃

11:25b.LUK.011.025 ובבואה תמצא אתו מטאטא ומהדר׃

11:26b.LUK.011.026 ואחר תלך ולקחה שבע רוחות אחרות רעות ממנה ובאו ושכנו שם והיתה אחרית האדם ההוא רעה מראשיתו׃

11:27b.LUK.011.027 ויהי כדברו את הדברים האלה ואשה אחת מן העם נשאה את קולה ותאמר אליו אשרי הבטן אשר נשאתך והשדים אשר ינקת׃

11:28b.LUK.011.028 והוא אמר ואף כי אשרי השמעים והשמרים את דבר האלהים׃

11:29b.LUK.011.029 ויקבצו עם רב ויחל לדבר הדור הזה דור רע הוא אות הוא מבקש ואות לא ינתן לו בלתי אם אות יונה הנביא׃

11:30b.LUK.011.030 כי כאשר היה יונה לאנשי נינוה לאות כן יהיה גם בן האדם לדור הזה׃

11:31b.LUK.011.031 מלכת תימן תקום במשפט עם אנשי הדור הזה והרשיעה אותם כי באה מקצות הארץ לשמע את חכמת שלמה והנה יש פה גדול משלמה׃

11:32b.LUK.011.032 אנשי נינוה יקומו במשפט עם הדור הזה והרשיעהו כי הם שבו בקריאת יונה והנה יש פה גדול מיונה׃

11:33b.LUK.011.033 אין מדליק נר אשר ישימהו בסתר או תחת האיפה כי אם על המנורה למען יראו באי הבית את אורו׃

11:34b.LUK.011.034 נר הגוף הוא העין לכן בהיות עינך תמימה גם כל גופך יאור ובהיותה רעה וחשך גם גופך׃

11:35b.LUK.011.035 על כן השמר לך פן יחשך האור אשר בקרבך׃

11:36b.LUK.011.036 והנה אם גופך כלו אור ואין בו כל דבר חשך אז יאור כלו והיה כהאיר לך הנר בברק נגהו׃

11:37b.LUK.011.037 ויהי בדברו ויבקש ממנו פרוש אחד לאכל אתו לחם ויבא הביתה ויסב׃

11:38b.LUK.011.038 ויתמה הפרוש בראתו אשר לא נטל ידיו בראשונה לפני הסעודה׃

11:39b.LUK.011.039 ויאמר אליו האדון כעת אתם הפרושים מטהרים את הכום והקערה מחוץ והפנימי אשר בכם הוא מלא גזל ורשע׃

11:40b.LUK.011.040 הכסילים הלא עשה החיצון גם עשה את הפנימי׃

11:41b.LUK.011.041 אבל תנו לצדקה את אשר בם והנה הכל טהור לכם׃

11:42b.LUK.011.042 אך אוי לכם הפרושים כי תעשרו את המנתא ואת הפיגם ואת כל הירק ותעברו את המשפט ואת אהבת אלהים והיה לכם לעשות את אלה ולא להניח גם את אלה׃

11:43b.LUK.011.043 אוי לכם הפרושים כי תאהבו את מושב הראש בבתי הכנסיות ואת שאלות שלומכם בשוקים׃

11:44b.LUK.011.044 אוי לכם הסופרים והפרושים החנפים כי אתם כקברים הנסתרים ובני האדם מתהלכים עליהם ולא ידעו׃

11:45b.LUK.011.045 ויען אחד מבעלי התורה ויאמר אליו רבי בדבריך אלה תחרף גם אתנו׃

11:46b.LUK.011.046 ויאמר אוי גם לכם בעלי התורה כי עמסים אתם על בני האדם משאות כבדים מסבל ואתם בעצמכם אינכם נגעים במשאות גם באחת מאצבעותיכם׃

11:47b.LUK.011.047 אוי לכם כי בונים אתם את קברות הנביאים ואבותיכם הרגו אותם׃

11:48b.LUK.011.048 וכן אתם מעידים ורוצים במעשי אבותיכם כי המה הרגו אותם ואתם בונים את קבריהם׃

11:49b.LUK.011.049 בעבור זאת גם אמרה חכמת האלהים אשלח אליהם נביאים ושליחים ומהם יהרגו וירדפו׃

11:50b.LUK.011.050 למען ידרש מן הדור הזה דם כל הנביאים אשר נשפך למן הוסד הארץ׃

11:51b.LUK.011.051 מדם הבל עד דם זכריהו אשר נהרג בין המזבח ולבית הן אמר אני לכם דרוש ידרש מן הדור הזה׃

11:52b.LUK.011.052 אוי לכם בעלי התורה כי הסירתם את מפתח הדעת אתם לא באתם ואת הבאים מנעתם׃

11:53b.LUK.011.053 ויהי כדברו להם את אלה ויחלו הסופרים והפרושים לשטם אותו מאד ולהקשות לו בדברים רבים׃

11:54b.LUK.011.054 ויארבו לו ויבקשו לצודד דבר מפיהו למען ימצאו עליו שטנה׃

12

12:1b.LUK.012.001 ויהי עד כה ועד כה בהתאסף רבבות עם עד כי לחצו איש את רעהו ויחל לדבר אל תלמידיו בראשונה השמרו לנפשתיכם משאור הפרושים שהוא החנפה׃

12:2b.LUK.012.002 ואין דבר מכסה אשר לא יגלה ואין נעלם אשר לא יודע׃

12:3b.LUK.012.003 לכן כל אשר דברתם בחשך באור ישמע ואת אשר לחשתם לאזן בחדרים קרא יקרא על הגגות׃

12:4b.LUK.012.004 ואני אמר לכם ידידי אל תיראו מן הממיתים את הגוף ואחרי זאת אין לאל ידם לעשות עוד דבר׃

12:5b.LUK.012.005 אבל אורה אתכם את אשר תיראו יראו את אשר יש לו שלטן אחרי המיתו להשליך אל גיהנם הן אני אמר לכם אותו תיראון׃

12:6b.LUK.012.006 הלא חמש צפרים תמכרנה בשני אסרים ואין אחת מהן נשכחת לפני האלהים׃

12:7b.LUK.012.007 ואתם גם שערות ראשכם נמנות כלן לכן אל תיראו יקרתם מצפרים רבות׃

12:8b.LUK.012.008 ואני אמר לכם כל אשר יודה בי לפני האדם גם בן האדם יודה בו לפני מלאכי אלהים׃

12:9b.LUK.012.009 ואשר יכחש בי לפני האדם הוא יכחש לפני מלאכי אלהים׃

12:10b.LUK.012.010 וכל אשר ידבר דבר חרפה על בן האדם יסלח לו והמגדף את רוח הקדש לא יסלח לו׃

12:11b.LUK.012.011 וכאשר יביאו אתכם אל בתי הכנסיות ולפני הרשיות והשלטונים אל תדאגו איך או במה תצטדקו ומה תדברו׃

12:12b.LUK.012.012 כי רוח הקדש הוא יורה אתכם בשעה ההיא את הנכון לדבר׃

12:13b.LUK.012.013 ויאמר אליו אחד מן העם רבי אמר נא אל אחי ויחלק אתי את הירשה׃

12:14b.LUK.012.014 ויאמר אליו בן אדם מי שמני עליכם לשפט ולמחלק׃

12:15b.LUK.012.015 ויאמר אליהם ראו והשמרו לכם מבצע בצע כי חיי האדם אינם תלוים בהרבות נכסיו׃

12:16b.LUK.012.016 וישא משלו ויאמר אליהם לאמר שדה איש עשיר אחד עשה תבואה הרבה׃

12:17b.LUK.012.017 ויחשב בלבו לאמר מה אעשה כי אין לי מקום לכנוס בו את תבואתי׃

12:18b.LUK.012.018 ויאמר את זאת אעשה הרס את אסמי ובנה גדולים מהם ואכנסה שמה את כל יבולי וטובי׃

12:19b.LUK.012.019 ואמר לנפשי נפשי יש לך עתודות הרבה לשנים רבות הנפשי אכלי שתי ושישי׃

12:20b.LUK.012.020 והאלהים אמר לו אתה הכסיל בעצם הלילה הזה ידרשו ממך את נפשך ואשר הכינות לך למי יהיה׃

12:21b.LUK.012.021 זה חלק האצר לו אצרות ולא יעשיר באלהים׃

12:22b.LUK.012.022 ויאמר אל תלמידיו לכן אני אמר לכם אל תדאגו לנפשכם מה תאכלו ולגופכם מה תלבשו׃

12:23b.LUK.012.023 הנפש יקרה היא מן המזון והגוף יקר מן המלבוש׃

12:24b.LUK.012.024 התבוננו אל הערבים אשר אינם זרעים ואינם קצרים וגם אין להם מגורה ואוצר והאלהים מכלכל אותם ומה מעלים אתם מן העוף׃

12:25b.LUK.012.025 ומי זה מכם אשר בדאגתו יוכל להוסיף אמה אחת על קומתו׃

12:26b.LUK.012.026 ועתה הן מעט מזער אין ביכלתכם וליותר מה תדאגו׃

12:27b.LUK.012.027 התבוננו אל השושנים הצמחות ואינן טות ואינן ארגות ואני אמר לכם כי גם שלמה בכל הדרו לא היה לבוש כאחת מהנה׃

12:28b.LUK.012.028 ואם ככה ילביש אלהים את חציר השדה אשר היום ישנו ומחר ישלך לתוך התנור אף כי אתכם קטני האמונה׃

12:29b.LUK.012.029 גם אתם אל תדרשו מה תאכלו ומה תשתו ואל תהלכו בגדלות׃

12:30b.LUK.012.030 כי את כל אלה מבקשים גויי הארץ ואביכם הוא יודע כי צריכים אתם לאלה׃

12:31b.LUK.012.031 אך בקשו את מלכות האלהים ונוסף לכם כל אלה׃

12:32b.LUK.012.032 אל תירא העדר הקטן כי רצה אביכם לתת לכם את המלכות׃

12:33b.LUK.012.033 מכרו את רכושכם ותנו צדקה עשו לכם כיסים אשר לא יבלו ואוצר בשמים אשר לא יגרע לעולם אשר גנב לא יקרב אליו וסס לא יאכלהו׃

12:34b.LUK.012.034 כי במקום אשר אוצרכם בו שם יהיה גם לבבכם׃

12:35b.LUK.012.035 מתניכם יהיו חגורים והנרות דלקים׃

12:36b.LUK.012.036 ואתם היו דמים לאנשים המחכים לאדניהם מתי ישוב מן החתנה וכאשר יבוא ודפק יפתחו לו כרגע׃

12:37b.LUK.012.037 אשרי העבדים ההם אשר בבוא האדון ימצאם שקדים אמן אמר אני לכם כי יתאזר ויושיבם וילך לשרת אותם׃

12:38b.LUK.012.038 ואם יבוא באשמרה השנית או באשמרה השלישית וכן ימצא אשרי העבדים ההם׃

12:39b.LUK.012.039 וזאת דעו אשר אם ידע ידע בעל הבית באי זו שעה יבוא הגנב כי עתה שקד שקוד ולא יתן לחתר את ביתו׃

12:40b.LUK.012.040 לכן גם אתם היו נכונים כי בשעה אשר לא פללתם יבוא בן האדם׃

12:41b.LUK.012.041 ויאמר פטרוס אדנינו הלנו אתה אמר את המשל הזה אם גם לכל אדם׃

12:42b.LUK.012.042 ויאמר האדון מי הוא אפוא הסכן הנאמן והנבון אשר יפקידהו האדון על עבדתו לתת את ארחתם בעתו׃

12:43b.LUK.012.043 אשרי העבד ההוא אשר בבא אדניו ימצאהו עשה כן׃

12:44b.LUK.012.044 אמת אמר אני לכם כי על כל אשר יש לו יפקידהו׃

12:45b.LUK.012.045 והעבד ההוא אם יאמר בלבו בשש אדני לבוא והחל להכות את העבדים ואת השפחות ולאכל ולשתות ולשכר׃

12:46b.LUK.012.046 בוא יבוא אדני העבד ההוא ביום לא יצפה ובשעה לא ידע וישסף אותו וישים את חלקו עם הסוררים׃

12:47b.LUK.012.047 -74[ והעבד ההוא אשר ידע את רצון אדניו ולא הכין ולא עשה כרצונו יכה מכות רבות, ואשר לא ידע ועשה דברים אשר עליהם בן הכות הוא לא יכה כי אם מעט כי כל איש אשר נתן לו הרבה דרוש ידרש ממנו הרבה ואשר הפקידו בידו הרבה ישאלו מאתו יותר׃

12:48b.LUK.012.048 -74[׃

12:49b.LUK.012.049 להפיל אש על הארץ באתי ומה חפץ אני כי כבר בערה׃

12:50b.LUK.012.050 ועלי טבילה להטבל ומה יצר לי עד כי תשלם׃

12:51b.LUK.012.051 החשבים אתם כי באתי לתת שלום בארץ אני אמר לכם לא כי אם מחלקת׃

12:52b.LUK.012.052 כי מעתה חמשה בבית אחד יחלקו שלשה על שנים ושנים על שלשה׃

12:53b.LUK.012.053 האב יחלק על הבן והבן על האב האם על הבת והבת על האם החמות על הכלה והכלה על החמות׃

12:54b.LUK.012.054 ויאמר גם אל המון העם כראתכם את הענן עלה במערב ואמרתם גשם בא וכן יהיה׃

12:55b.LUK.012.055 ואם נשבה רוח הנגב תאמרו הנה חם בא וגם יבוא׃

12:56b.LUK.012.056 החנפים את פני הארץ והשמים ידעתם לבחן ואת העת הזאת איך לא תבחנו׃

12:57b.LUK.012.057 למה אף מנפשכם לא תשפטו את הישר׃

12:58b.LUK.012.058 כי כאשר תלך אל השר עם איש ריבך בעודך בדרך השתדל להנצל ממנו פן יסחב אותך אל השפט והשפט ימסרך אל השוטר והשוטר ישליכך אל בית הכלא׃

12:59b.LUK.012.059 ואני אמר לך לא תצא משם עד אם שלמת גם את הפרוטה האחרונה׃

13

13:1b.LUK.013.001 ויבאו אנשים בעת ההיא ויגידו לו על דבר הגלילים אשר פילטוס ערב דמם עם זבחיהם׃

13:2b.LUK.013.002 ויען ישוע ויאמר אליהם החשבים אתם כי הגלילים האלה היו חטאים מכל אנשי הגליל על אשר באה כזאת עליהם׃

13:3b.LUK.013.003 לא כי אמר אני לכם אם לא תשובו תאבדו כלכם גם אתם׃

13:4b.LUK.013.004 או שמנה העשר ההם אשר נפל עליהם המגדל בשלח וימיתם החשבים אתם כי היו אשמים מכל האנשים הישבים בירושלים׃

13:5b.LUK.013.005 לא כי אמר אני לכם אם לא תשובו תאבדו כלכם גם אתם׃

13:6b.LUK.013.006 וישא משלו ויאמר איש אחד היתה לו תאנה נטועה בכרמו ויבא לבקש בה פרי ולא מצא׃

13:7b.LUK.013.007 ויאמר אל הכרם הנה זה שלש שנים אנכי בא לבקש פרי בתאנה הזאת ואינני מוצא גדע אותה למה זה תשחית את האדמה׃

13:8b.LUK.013.008 ויען ויאמר אליו אדני הניחה אתה עוד השנה הזאת עד כי אעדר ושמתי דמן סביבותיה׃

13:9b.LUK.013.009 אולי תעשה פרי ואם לא בשנה הבאה תגדענה׃

13:10b.LUK.013.010 ויהי הוא מלמד בשבת באחד מבתי הכנסיות׃

13:11b.LUK.013.011 והנה אשה טעונת רוח חלי כשמנה עשרה שנה ותהי כפופה ולא יכלה לקום קומה זקופה׃

13:12b.LUK.013.012 ויהי בראות אתה ישוע ויקרא אליה ויאמר לה אשה החלצי מחליך׃

13:13b.LUK.013.013 וישם את ידיו עליה וכרגע קמה ותתעודד ותשבח את האלהים׃

13:14b.LUK.013.014 ויכעס ראש הכנסת על אשר רפא ישוע בשבת ויען ויאמר אל העם ששת ימים הם אשר תעשה בהם מלאכה לכן באלה באו והרפאו ולא ביום השבת׃

13:15b.LUK.013.015 ויען האדון ויאמר אליו החנף איש איש מכם הלא יתיר בשבת את שורו או את חמרו מן האבוס ויוליכהו להשקתו׃

13:16b.LUK.013.016 וזאת אשר היא בת אברהם ואשר השטן אסרה זה שמנה עשרה שנה הלא תתר ממוסרותיה ביום השבת׃

13:17b.LUK.013.017 ויהי כאמרו את הדברים האלה נכלמו כל מתקוממיו וישמח כל העם על כל הנפלאות הנעשות על ידו׃

13:18b.LUK.013.018 ויאמר למה דומה מלכות האלהים ואל מה אמשילנה׃

13:19b.LUK.013.019 דומה היא לגרגר של חרדל אשר לקחו איש וישימהו בגנו ויצמח ויהי לעץ גדול ועוף השמים יקנן בענפיו׃

13:20b.LUK.013.020 ויאמר עוד אל מה אדמה את מלכות האלהים׃

13:21b.LUK.013.021 דומה היא לשאר אשר לקחתו אשה ותטמנהו בשלש סאים קמח עד כי יחמץ כלו׃

13:22b.LUK.013.022 ויעבר בערים ובכפרים עבור ולמד וישם את דרכו לבוא ירושלים׃

13:23b.LUK.013.023 וישאלהו איש לאמר אדנינו המעט הם הנושעים׃

13:24b.LUK.013.024 ויאמר אליהם התאמצו לבוא בפתח הצר כי אמר אני לכם רבים יבקשו לבוא ולא יוכלו׃

13:25b.LUK.013.025 והיה מיום אשר יקום בעל הבית וסגר את הדלת ותחלו לעמד בחוץ ולדפק על הדלת לאמר אדנינו אדנינו פתח לנו וענה ואמר אליכם אינני יודע אתכם מאין אתם׃

13:26b.LUK.013.026 אז תחלו לאמר אכלנו ושתינו לפניך וברחבותינו למדת׃

13:27b.LUK.013.027 ויאמר אני אמר לכם אינני יודע אתכם מאין אתם סורו ממני כל פעלי האון׃

13:28b.LUK.013.028 ושם תהיה היללה וחרק השנים כאשר תראו את אברהם ויצחק ויעקב ואת כל הנביאים במלכות האלהים ואתם מגרשים החוצה׃

13:29b.LUK.013.029 ויבאו ממזרח וממערב ומצפון ומדרום ויסבו במלכות האלהים׃

13:30b.LUK.013.030 והנה יש אחרונים אשר יהיו ראשונים וראשונים אשר יהיו אחרונים׃

13:31b.LUK.013.031 ביום ההוא נגשו מן הפרושים ויאמרו אליו צא ולך מזה כי הורדוס מבקש להרגך׃

13:32b.LUK.013.032 ויאמר אליהם לכו ואמרו אל השועל הזה הנני מגרש שדים ופעל רפואות היום ומחר ובשלישי אבא עד קצי׃

13:33b.LUK.013.033 אבל הלוך אלך היום ומחר וממחרתו כי לא יתכן אשר יאבד נביא מחוץ לירושלים׃

13:34b.LUK.013.034 ירושלים ירושלים ההרגת את הנביאים והסקלת את הנשלחים אליה כמה פעמים חפצתי לקבץ את בניך כאשר תקבץ התרנגלת את אפרוחיה תחת כנפיה ואתם לא אביתם׃

13:35b.LUK.013.035 הנה ביתכם יעזב לכם שמם ואני אמר לכם כי ראה לא תראוני עד בוא העת אשר תאמרו ברוך הבא בשם יהוה׃

14

14:1b.LUK.014.001 ויהי בבאו בשבת אל בית אחד מראשי הפרושים לאכל לחם והמה ארבים לו׃

14:2b.LUK.014.002 והנה איש אחד לפניו אשר גופו צבה ממים׃

14:3b.LUK.014.003 ויען ישוע ויאמר אל בעלי התורה ואל הפרושים לאמר המתר לרפא בשבת אם לא ויחרישו׃

14:4b.LUK.014.004 ויאחז בו וירפאהו וישלחהו׃

14:5b.LUK.014.005 ויען ויאמר אליהם מי מכם אשר חמרו או שורו יפול אל הבאר ולא ימהר להעלותו ביום השבת׃

14:6b.LUK.014.006 ולא יכלו להשיב על זאת דבר׃

14:7b.LUK.014.007 וישא משלו אל הקרואים בראותו איך בחרו להם להסב בראש ויאמר אליהם׃

14:8b.LUK.014.008 כי יקרא אתך איש אל החתנה אל תסב בראש פן יקרא שמה איש נכבד ממך׃

14:9b.LUK.014.009 ובא הקרא אותך ואותו ואמר אליך פנה מקום לזה ואז תקום בכלמה לקחת את המקום האחרון׃

14:10b.LUK.014.010 אבל כי תקרא לך והסב במקום האחרון למען יבא הקרא אתך ואמר אליך אהובי עלה למעלה מזה והיה לך כבוד לפני המסבים עמך׃

14:11b.LUK.014.011 כי כל המרומם את עצמו ישפל והמשפיל את עצמו ירומם׃

14:12b.LUK.014.012 וגם אל האיש אשר קרא אותו אמר כי תעשה סעודת צהרים או סעודת ערב אל תקרא לאהביך ולאחיך ולקרוביך ולשכניך העשירים פן יקראו לך גם המה והיה לך לשלום׃

14:13b.LUK.014.013 אבל כי תעשה משתה קרא לעניים ולנשברים ולפסחים ולעורים׃

14:14b.LUK.014.014 ואשריך באשר אין להם לשלם לך כי ישלם לך בתחית הצדיקים׃

14:15b.LUK.014.015 וישמע זאת אחד מן המסבים ויאמר אליו אשרי האכל לחם במלכות האלהים׃

14:16b.LUK.014.016 והוא אמר אליו איש אחד עשה סעודה גדולה ויקרא לרבים׃

14:17b.LUK.014.017 וישלח את עבדו לעת הסעודה לאמר אל הקרואים באו כי כבר מוכן הכל׃

14:18b.LUK.014.018 ויחלו כלם פה אחד להתנצל ויאמר אליו הראשון שדה קניתי ועלי לצאת לראתו אבקש ממך נקני׃

14:19b.LUK.014.019 ואחר אמר חמשת צמדי בקר קניתי ואני הלך לבחן אותם אבקש ממך נקני׃

14:20b.LUK.014.020 ואחר אמר אשה לקחתי ובעבור זאת לא אוכל לבוא׃

14:21b.LUK.014.021 ויבא העבד ויגד את הדברים האלה לאדניו ויקצף בעל הבית ויאמר לעבדו מהר צא אל רחבות העיר ואל הוצותיה והבא הנה את העניים ואת הנשברים ואת העורים ואת הפסחים׃

14:22b.LUK.014.022 ויאמר העבד אדני כאשר צוית כן נעשה ויש עוד מקום׃

14:23b.LUK.014.023 ויאמר האדון אל העבד צא אל הדרכים ואל הגדרות ופצר בהם לבוא למען ימלא ביתי׃

14:24b.LUK.014.024 כי אני אמר לכם אין אחד מן האנשים הקרואים ההם אשר יטעם סעודתי׃

14:25b.LUK.014.025 והמון עם רב הלכים אתו ויפן ויאמר אליהם׃

14:26b.LUK.014.026 איש כי יבוא אלי ולא ישנא את אביו ואת אמו ואת אשתו ואת בניו ואת אחיו ואת אחיתיו ואף גם את נפשו לא יוכל להיות תלמידי׃

14:27b.LUK.014.027 ואשר לא ישא את צלבו ובא אחרי לא יוכל להיות תלמידי׃

14:28b.LUK.014.028 כי מי מכם החפץ לבנות מגדל הלא ישב בראשונה ויחשב את ההוצאות אם השג תשיג ידו להשלימו׃

14:29b.LUK.014.029 פן ישים את היסוד ולא יוכל לכלותו והיה כל הראים יקומו להלעיג לו לאמר׃

14:30b.LUK.014.030 כי זה האיש החל לבנות ולא יכל לכלות׃

14:31b.LUK.014.031 אז מי הוא המלך הקם להתגרות מלחמה במלך אחר ולא ישב בראשונה ויתיעץ אם יוכל בעשרת אלפים לערך לקראת הבא עליו בעשרים אלף׃

14:32b.LUK.014.032 ואם לא ושלח אליו מלאכים בעודנו רחוק לבקש שלום׃

14:33b.LUK.014.033 ככה כל איש מכם אשר לא נפטר מכל רכושו לא יוכל להיות תלמידי׃

14:34b.LUK.014.034 טוב המלח ואם המלח היה תפל במה יתקן׃

14:35b.LUK.014.035 לא יצלח גם לאדמה גם לדמן החוצה ישליכהו מי אשר אזנים לו לשמע ישמע׃

15

15:1b.LUK.015.001 ויהי בקרב אליו כל המוכסים והחטאים לשמע אותו׃

15:2b.LUK.015.002 וילונו הפרושים והסופרים לאמר הנה זה מקבל את החטאים ואכל אתם׃

15:3b.LUK.015.003 וידבר אליהם את המשל הזה לאמר׃

15:4b.LUK.015.004 מי זה האיש מכם אשר לו מאה כבשים ואבד לו אחד מהם ולא יטוש את התשעים ותשעה במדבר והלך אחרי האבד עד כי ימצאהו׃

15:5b.LUK.015.005 והיה כמצאו אתו ישימנו על כתפיו בשמחה׃

15:6b.LUK.015.006 ובא אל ביתו וקרא לאהביו ולשכניו יחד לאמר שמחו אתי כי מצאתי את שיי האבד׃

15:7b.LUK.015.007 אני אמר לכם כי כן תהיה שמחה בשמים על חוטא אחד השב יותר מעל תשעים ותשעה צדיקים אשר לא יצטרכו לתשובה׃

15:8b.LUK.015.008 או מי האשה אשר לה עשרה דרכמונים ואבד לה דרכמון אחד ולא תדליק נר ותטאטא את הבית ותחפש היטב עד כי תמצאהו׃

15:9b.LUK.015.009 והיה כמצאה אותו תקרא לרעותיה ולשכנותיה לאמר שמחנה אתי כי מצאתי את הדרכמון אשר אבד לי׃

15:10b.LUK.015.010 כן אני אמר לכם תהיה שמחה לנפי מלאכי אלהים על חוטא אחד אשר שב מחטאו׃

15:11b.LUK.015.011 ויאמר איש אחד היו לו שני בנים׃

15:12b.LUK.015.012 ויאמר הצעיר אל אביו אבי תנה לי את חלק הרכוש אשר יפל לי ויחלק להם את הנחלה׃

15:13b.LUK.015.013 ויהי מקץ ימים ויאסף הבן הצעיר את הכל וילך אל ארץ רחוקה ושם פזר את רכשו וילך בדרך סובאים וזוללים׃

15:14b.LUK.015.014 ואחרי כלותו את הכל היה רעב חזק בארץ ההיא ויחל להיות חסר לחם׃

15:15b.LUK.015.015 וילך וידבק באחד מבני המדינה בארץ ההיא וישלח אותו אל שדותיו לרעות חזירים׃

15:16b.LUK.015.016 ויתאו למלא את בטנו בחרובים אשר יאכלו החזירים ואין נתן לו׃

15:17b.LUK.015.017 וישב אל לבו ויאמר מה רבו שכירי אבי ויש להם לחם לשבע ואני אבד ברעב׃

15:18b.LUK.015.018 אקומה נא ואלכה אל אבי ואמר אליו אבי חטאתי לשמים ולפניך׃

15:19b.LUK.015.019 ונקלתי מהקרא עוד בנך שימני כאשר שכיריך׃

15:20b.LUK.015.020 ויקם ויבא אל אביו עודנו מרחוק ואביו ראהו ויהמו מעיו וירץ ויפל על צואריו וישקהו׃

15:21b.LUK.015.021 ויאמר אליו הבן אבי חטאתי לשמים ולפניך ואני נקלתי מהקרא עוד בנך׃

15:22b.LUK.015.022 ויאמר האב אל עבדיו הוציאו את השמלה הטובה מכלן והלבישהו ותנו טבעת על ידו ונעלים ברגליו׃

15:23b.LUK.015.023 והביאו את עגל המרבק וטבחו אתו ונאכלה ונשמח׃

15:24b.LUK.015.024 כי זה בני היה מת ויחי ואובד היה וימצא ויחלו לשמח׃

15:25b.LUK.015.025 ובנו הגדול היה בשדה ויהי כאשר בא ויקרב אל הבית וישמע קול זמרה ומחלות׃

15:26b.LUK.015.026 ויקרא אל אחד הנערים וישאל מה זאת׃

15:27b.LUK.015.027 ויאמר אליו כי בא אחיך ויטבח אביך את עגל המרבק על אשר הושב לו שלם׃

15:28b.LUK.015.028 ויחר לו ולא אבה לבוא הביתה ויצא אביו וידבר על לבו׃

15:29b.LUK.015.029 ויען ויאמר אל אביו הנה זה שנים רבות אני עבד אתך ומימי לא עברתי את מצותך ומימי לא נתת לי גדי למען אשיש עם רעי׃

15:30b.LUK.015.030 ויבא בנך זה אשר בלע את נחלתך עם הזנות ותזבח לו את עגל המרבק׃

15:31b.LUK.015.031 ויאמר אליו בני אתה תמיד עמדי וכל אשר לי לך הוא׃

15:32b.LUK.015.032 אבל נכון לשוש ולשמח כי אחיך זה היה מת ויחי ואבד היה וימצא׃

16

16:1b.LUK.016.001 ויאמר גם אל תלמידיו איש עשיר היה ולו פקיד על ביתו וילשינהו אליו באמרם כי מפזר הוא את קניניך׃

16:2b.LUK.016.002 ויקרא אתו ויאמר אליו מה זאת שמעתי עליך תן חשבון פקדתך כי לא תוכל להיות עוד פקיד׃

16:3b.LUK.016.003 ויאמר הפקיד בלבו מה אעשה כי יקח אדני ממני את הפקדה לעדר לא אוכל ולשאל על הפתחים אני בוש׃

16:4b.LUK.016.004 ידעתי מה אעשה למען יאספוני אל בתיהם בעת אוסר מפקדתי׃

16:5b.LUK.016.005 ויקרא אל כל איש אשר נשה בהם אדניו וישאל את הראשון כמה אתה חיב לאדני׃

16:6b.LUK.016.006 ויאמר מאת בתי שמן ויאמר אליו קח את שטרך ומהר שב וכתבת חמשים׃

16:7b.LUK.016.007 ואל אחר אמר כמה אתה חיב ויאמר מאת כר חטים ויאמר קח את שטרך וכתב שמנים׃

16:8b.LUK.016.008 וישבח האדון את פקיד העולה על אשר הערים לעשות כי בני העולם הזה ערומים הם בדורם מבני האור׃

16:9b.LUK.016.009 וגם אני אמר לכם עשו לכם אהבים בממון העולה למען בעת כלתו יאספו אתכם אל משכנות עולם׃

16:10b.LUK.016.010 הנאמן במעט מזער נאמן גם בהרבה והמעול במעט מזער מעול גם בהרבה׃

16:11b.LUK.016.011 לכן אם בממון העולה לא הייתם נאמנים את האמתי מי יפקיד בידכם׃

16:12b.LUK.016.012 ואם בדבר אשר לאחרים לא הייתם נאמנים את אשר לכם מי יתן לכם׃

16:13b.LUK.016.013 אין עבד אשר יוכל לעבד שני אדנים כי ישנא את האחד ויאהב את האחר או ידבק באחד ואת האחר יבזה לא תוכלו עבד את האלהים ואת הממון׃

16:14b.LUK.016.014 וישמעו כל זאת גם הפרושים אשר הם אהבי כסף וילעגו לו׃

16:15b.LUK.016.015 ויאמר אליהם אתם הם המצטדקים לפני האדם ואלהים יודע את לבבכם כי הגבה באדם תועבה הוא לפני האלהים׃

16:16b.LUK.016.016 התורה והנביאים עד יוחנן ומן אז והלאה בשורת מלכות האלהים וכל איש בחזקה יבוא בה׃

16:17b.LUK.016.017 אבל נקל כי יעברו השמים והארץ מאשר יפל קוץ אחד מן התורה׃

16:18b.LUK.016.018 כל איש המשלח את אשתו ולקח אחרת נאף הוא וכל הלקח את הגרושה מאישה נאף הוא׃

16:19b.LUK.016.019 איש עשיר היה והוא לבוש ארגמן ושש ויתעגג וישמח יום יום׃

16:20b.LUK.016.020 ואיש אביון ושמו לעזר משכב פתח שער ביתו והוא מלא אבעבעות׃

16:21b.LUK.016.021 ויתאו לשבע מן הפרורים הנפלים מעל שלחן העשיר וגם הכלבים באו וילקו אבעבעותיו׃

16:22b.LUK.016.022 ויהי כאשר מת האביון ויובל על ידי המלאכים אל חיק אברהם וימת גם העשיר ויקבר׃

16:23b.LUK.016.023 ובהיותו במכאבות בשאול וישא את עיניו וירא את אברהם מרחוק ואת לעזר בחיקו׃

16:24b.LUK.016.024 ויצעק ויאמר אבי אברהם חנני ושלח נא את לעזר ויטבל את קצה אצבעו במים למען קרר את לשוני כי עניתי במוקד הזה׃

16:25b.LUK.016.025 ויאמר אברהם בני זכר כי לקחת טובך בחייך וגם לעזר לקח את הרעות ועתה הוא ינחם ואתה תצטער׃

16:26b.LUK.016.026 ומלבד כל זאת שוחה גדולה מפסקת בינינו וביניכם לבלתי יוכלו עבור החפצים ללכת מפה אליכם ולבלתי יעברו משם אלינו׃

16:27b.LUK.016.027 ויאמר אם כן אבי שאל אני מאתך כי תשלח אתו אל בית אבי׃

16:28b.LUK.016.028 כי יש לי חמשה אחים למען יעיד בהם פן יבאו גם הם אל מקום המעצבה הזה׃

16:29b.LUK.016.029 ויאמר אברהם יש להם משה והנביאים אליהם ישמעון׃

16:30b.LUK.016.030 ויאמר לא כן אבי אברהם אך אם ילך אליהם אחד מן המתים אז ישובו׃

16:31b.LUK.016.031 ויאמר אליו אם לא ישמעו אל משה ואל הנביאים גם כי יקום אחד מן המתים לא יאמינו׃

17

17:1b.LUK.017.001 ויאמר אל תלמידיו אי אפשר שלא יבאו המכשלים אבל אוי לאיש אשר על ידו יבאו׃

17:2b.LUK.017.002 נוח לו שיתלה פלח רכב על צוארו וישלך אל הים מאשר יכשיל את אחד מהקטנים wאלה׃

17:3b.LUK.017.003 השמרו לנפשותיכם אם יחטא לך אחיך הוכח לו ואם ינחם סלח לו׃

17:4b.LUK.017.004 ואם יחטא לך שבע פעמים ביום ושב אליך שבע פעמים ביום ואמר נחמתי וסלחת לו׃

17:5b.LUK.017.005 ויאמרו השליחים אל האדון הוסף לנו אמונה׃

17:6b.LUK.017.006 ויאמר האדון לו היתה לכם אמונה כגרגר החרדל אז תאמרו אל התות הזה העקר והנטע בתוך הים וישמע לכם׃

17:7b.LUK.017.007 מי הוא זה מכם ולו עבד חרש או רעה אשר בבאו מן השדה יאמר אליו מהר גשה הנה והסב׃

17:8b.LUK.017.008 הלא יאמר אליו הכן לי ארוחת הערב וחגר מתניך ושרתני עד אם כליתי לאכל ולשתות ואחר תאכל ותשתה גם אתה׃

17:9b.LUK.017.009 הגם יתן תודה לעבד על עשתו את אשר צוהו אמרתי לא יתן׃

17:10b.LUK.017.010 ככה גם אתם אחרי עשותכם את כל אשר צויתם אמרו עבדים אין מועיל בם אנחנו כי רק את המטל עלינו לעשות עשינו׃

17:11b.LUK.017.011 ויהי בנסעו ירושלים והוא עבר בתוך שמרון והגליל׃

17:12b.LUK.017.012 ויבא אל כפר אחד ויפגעהו עשרה אנשים מצרעים והם עמדים מרחוק׃

17:13b.LUK.017.013 וישאו את קולם לאמר ישוע מורה חננו׃

17:14b.LUK.017.014 וירא אותם ויאמר אליהם לכו והראו אל הכהנים ויהי בלכתם ויטהרו׃

17:15b.LUK.017.015 ואחד מהם בראתו כי נרפא וישב וישבח את האלהים בקול גדול׃

17:16b.LUK.017.016 ויפל על פניו לרגליו ויודה לו והוא היה שמרוני׃

17:17b.LUK.017.017 ויען ישוע ויאמר הלא העשרה טהרו והתשעה איה הם׃

17:18b.LUK.017.018 האם לא נמצא אשר שב לתת כבוד לאלהים זולתי הנכרי הזה׃

17:19b.LUK.017.019 ויאמר אליו קום ולך אמונתך הושיעה לך׃

17:20b.LUK.017.020 וישאלהו הפרושים מתי תבוא מלכות האלהים ויען אתם לאמר מלכות האלהים לא תבוא במראה עינים׃

17:21b.LUK.017.021 ולא יאמרו הנה פה או הנה שם כי מלכות האלהים הנה בקרבכם היא׃

17:22b.LUK.017.022 ויאמר אל התלמידים ימים באים והתאויתם לראות יום אחד מימי בן האדם ולא תראו׃

17:23b.LUK.017.023 ואם יאמרו אליכם הנה שם הנה פה אל תלכו ואל תרוצו אחריהם׃

17:24b.LUK.017.024 כי כברק אשר יברק מקצה השמים ויאיר עד קצה השמים כן יהיה בן האדם ביומו׃

17:25b.LUK.017.025 אך בראשונה צריך הוא לסבל הרבה ולהמאס מן הדור הזה׃

17:26b.LUK.017.026 וכאשר היה נח כן יהיה בימי בן האדם׃

17:27b.LUK.017.027 אכלו ושתו נשאו נשים והשיאו נשים לאנשים עד היום אשר בא נח אל התבה ויבא המבול וישחת את כלם׃

17:28b.LUK.017.028 וכאשר היה בימי לוט אכל ושתה קנה ומכר נטע ובנה׃

17:29b.LUK.017.029 ויהי ביום אשר יצא לוט מסדום וימטר אש וגפרית מן השמים וישחת את כלם׃

17:30b.LUK.017.030 ככה יהיה ביום אשר יגלה בן האדם׃

17:31b.LUK.017.031 ביום ההוא איש אשר יהיה על הגג וכליו בבית אל ירד לשאת אתם ואיש אשר בשדה אל ישב הביתה׃

17:32b.LUK.017.032 זכרו את אשת לוט׃

17:33b.LUK.017.033 המבקש למלט את נפשו יאבדנה ואשר יאבד אתה יהיה׃

17:34b.LUK.017.034 אני אמר לכם בלילה ההוא שנים יהיו במטה אחת האחד יאסף והאחר יעזב׃

17:35b.LUK.017.035 שתים תהיינה טחנות יחד האחת תאסף והאחרת תעזב׃

17:36b.LUK.017.036 שנים יהיו בשדה ונאסף האחד והאחר יעזב׃

17:37b.LUK.017.037 ויענו ויאמרו אליו איה זאת אדנינו ויאמר אליהם באשר הפגר שם יקבצו הנשרים׃

18

18:1b.LUK.018.001 וגם משל דבר אליהם להתפלל תמיד ולא להתרפות׃

18:2b.LUK.018.002 ויאמר שופט היה בעיר אחת אשר לא ירא את האלהים ולא נשא פנים לאדם׃

18:3b.LUK.018.003 ואלמנה היתה בעיר ההיא ותבא אליו לאמר דינה את דיני ממריבי׃

18:4b.LUK.018.004 וימאן מיום אל יום ואחרי כן אמר בנפשו גם כי את האלהים אינני ירא ולאדם לא אשא פנים׃

18:5b.LUK.018.005 אעשה את דין האלמנה הזאת על הוגיעה אתי פן תבוא תמיד ותדכאני במלים׃

18:6b.LUK.018.006 ויאמר האדון שמעו את אשר אמר דין העולה׃

18:7b.LUK.018.007 והאלהים הלא הוא יעשה דין בחיריו הקראים אליו יומם ולילה גם כי יתמהמה להושיעם׃

18:8b.LUK.018.008 אני אמר לכם כי יעשה את דינם במהרה אך בן האדם בבאו הימצא אמונה בארץ׃

18:9b.LUK.018.009 ויוסף וישא משלו אל אנשים בטחים בנפשם כי צדיקים המה ואחרים נבזים בעיניהם ויאמר׃

18:10b.LUK.018.010 שני אנשים עלו אל המקדש להתפלל האחד פרוש והאחד מוכס׃

18:11b.LUK.018.011 ויתיצב הפרוש לבדו ויתפלל לאמר אלהים אודך כי אינני כאשר האדם הגזלים והעשקים והנאפים או גם כמכס הזה׃

18:12b.LUK.018.012 אני צם פעמים בשבוע אני מעשר את כל קניני׃

18:13b.LUK.018.013 והמוכס היה עמד מרחוק ולא אבה אף לשאת את עיניו לשמים כי אם תופף על לבו לאמר אלהים סלח לי החוטא׃

18:14b.LUK.018.014 אני אמר לכם כי ירד זה לביתו נצדק מזה כי כל המרים את נפשו ישפל ואשר ישפילה ירומם׃

18:15b.LUK.018.015 ויביאו אליו גם את הילדים למען יגע בהם ויראו התלמידים ויגערו בם׃

18:16b.LUK.018.016 ויקרא אתם ישוע אליו ויאמר הניחו לילדים לבוא אלי ואל תמנעום כי לאלה מלכות האלהים׃

18:17b.LUK.018.017 אמן אמר אני לכם כל אשר לא יקבל את מלכות האלהים כילד הוא לא יבא בה׃

18:18b.LUK.018.018 וישאלהו קצין אחד לאמר רבי הטוב מה לי לעשות ואירש חיי עולמים׃

18:19b.LUK.018.019 ויאמר אליו ישוע מדוע קראת לי טוב אין טוב בלתי אחד האלהים׃

18:20b.LUK.018.020 את המצות אתה יודע לא תנאף לא תרצח לא תגנב לא תענה עד שקר כבד את אביך ואת אמך׃

18:21b.LUK.018.021 ויאמר את כל אלה שמרתי מנעורי׃

18:22b.LUK.018.022 וישמע ישוע ויאמר עוד אחת חסרת מכר את כל אשר לך וחלק לעניים ויהי לך אוצר בשמים ובוא ולך אחרי׃

18:23b.LUK.018.023 ויהי כשמעו את זאת ויעצב מאד כי עשר גדול היה לו׃

18:24b.LUK.018.024 וירא ישוע כי נעצב ויאמר כמה יקשה לבעלי נכסים לבוא אל מלכות האלהים׃

18:25b.LUK.018.025 כי נקל לגמל עבר בתוך נקב המחט מבוא עשיר אל מלכות האלהים׃

18:26b.LUK.018.026 ויאמרו השמעים ומי יוכל להושע׃

18:27b.LUK.018.027 ויאמר מה שיפלא מבני אדם לא יפלא מאלהים׃

18:28b.LUK.018.028 ויאמר פטרוס הן אנחנו עזבנו את הכל ונלך אחריך׃

18:29b.LUK.018.029 ויאמר אליהם אמן אמר אני לכם אין איש אשר עזב את ביתו או את אבותיו או את אחיו או את אשתו או את בניו למען מלכות האלהים׃

18:30b.LUK.018.030 ולא יקח תחתיהם כפלים הרבה בעולם הזה ובעולם הבא חיי עולמים׃

18:31b.LUK.018.031 ויקח אליו את שנים העשר ויאמר להם הננו עלים ירושלימה וימלא כל הכתוב בידי הנביאים על בן האדם׃

18:32b.LUK.018.032 כי ימסר לגוים ויהתלו בו ויתעללו בו וירקו בפניו׃

18:33b.LUK.018.033 ואחרי הכותם אתו בשוטים ימיתוהו וביום השלישי קום יקום׃

18:34b.LUK.018.034 והם לא הבינו מאומה ויהי הדבר הזה נעלם מהם ולא ידעו את הנאמר׃

18:35b.LUK.018.035 ויהי בקרבו אל יריחו והנה איש עור ישב על הדרך והוא משאל׃

18:36b.LUK.018.036 וישמע את קול העם העבר וידרש לדעת מה זאת׃

18:37b.LUK.018.037 ויגידו לו כי ישוע הנצרי עובר׃

18:38b.LUK.018.038 ויצעק לאמר ישוע בן דוד חנני׃

18:39b.LUK.018.039 וההלכים בראשנה גערו בו להחשתו והוא הרבה עוד לצעק ישוע בן דוד חנני׃

18:40b.LUK.018.040 ויעמד ישוע ויצו להביאו אליו ויהי כאשר קרב וישאלהו לאמר׃

18:41b.LUK.018.041 מה חפצך כי אעשה לך ויאמר אדני כי אראה׃

18:42b.LUK.018.042 ויאמר אליו ראה אמונתך הושיעה לך׃

18:43b.LUK.018.043 ופתאם ראה וילך אחריו הלך ושבח את האלהים וכל העם בראותם זאת נתנו תודה לאלהים׃

19

19:1b.LUK.019.001 ויבוא ויעבר ביריחו׃

19:2b.LUK.019.002 והנה איש ושמו זכי מראשי המוכסים והוא עשיר׃

19:3b.LUK.019.003 ויבקש לראות את ישוע מי הוא ולא יכל מפני העם כי שפל קומה היה׃

19:4b.LUK.019.004 ויקדם וירץ ויעל על שקמה לראותו כי שם הדרך אשר יעבר בה׃

19:5b.LUK.019.005 ויהי בבאו אל המקום ההוא ויבט ישוע ויראהו ויאמר אליו זכי רד מהר כי צריך אני לשבת היום בביתך׃

19:6b.LUK.019.006 וימהר וירד ויאספהו בשמחה׃

19:7b.LUK.019.007 וילונו כל הראים לאמר בא ללון בבית איש חוטא׃

19:8b.LUK.019.008 ויעמד זכי ויאמר אל האדון הנה אדני את מחצית נכסי אני נתן לעניים ואם עשקתי איש אשיב לו ארבעתים׃

19:9b.LUK.019.009 ויאמר אליו ישוע היום היתה תשועה לבית הזה באשר בן אברהם גם הוא׃

19:10b.LUK.019.010 כי בא בן האדם לבקש ולהושיע את האבד׃

19:11b.LUK.019.011 ויהי הם שמעים את זאת ויסף שאת משל על אשר קרב לירושלים והמה חשבים כי מהרה תגלה מלכות האלהים׃

19:12b.LUK.019.012 על כן אמר איש אחד מן האדירים הלך אל ארץ רחוקה לקחת לו ממלכה ולשוב׃

19:13b.LUK.019.013 ויקרא אל עשרה מעבדיו ויתן להם עשרה מנים ויאמר להם סחרו בהם עד באי׃

19:14b.LUK.019.014 ובני עירו שנאים אותו וישלחו מלאכים אחריו לאמר לא נחפץ בזה כי ימלך עלינו׃

19:15b.LUK.019.015 ויהי אחרי קחתו את הממלכה וישב ויאמר לקרא את העבדים ההם אשר נתן להם את הכסף למען ידע מה הרויח כל אחד במסחרו׃

19:16b.LUK.019.016 ויבא הראשון ויאמר אדני מנה שלך הביא עשרת מנים׃

19:17b.LUK.019.017 ויאמר אליו כן העבד הטוב תחת אשר היית נאמן במעט מזער היה שליט על עשר ערים׃

19:18b.LUK.019.018 ויבא השני ויאמר אדני מנה שלך עשה חמשת מנים׃

19:19b.LUK.019.019 ויאמר גם לזה אף אתה היה על חמש ערים׃

19:20b.LUK.019.020 ויבא האחר ויאמר הא לך מנה שלך אשר היה אצלי צרור בסודר׃

19:21b.LUK.019.021 מפני יראתי אתך כי אתה איש קשה לקח את אשר לא הנחת וקצר את אשר לא זרעת׃

19:22b.LUK.019.022 ויאמר אליו מפיך אשפטך העבד הרע אתה ידעת כי אני איש קשה לקח את אשר לא הנחתי וקוצר את אשר לא זרעתי׃

19:23b.LUK.019.023 ולמה לא נתת את כספי לשלחני ואני בבואי הייתי תובע אותו במרבית׃

19:24b.LUK.019.024 ויאמר אל העמדים שם שאו ממנו את המנה ותנוהו אל אשר לו עשרת המנים׃

19:25b.LUK.019.025 ויאמרו אליו אדנינו יש לו עשרת מנים׃

19:26b.LUK.019.026 הן אני אמר לכם כי כל איש שיש לו ינתן לו ואשר אין לו יקח ממנו גם את אשר לו׃

19:27b.LUK.019.027 אבל את איבי ההם אשר לא חפצו מלכי עליהם הביאו אתם הנה והרגו אתם לפני׃

19:28b.LUK.019.028 ויכל לדבר הדברים האלה ויעבר לפניהם ויעל ירושלים׃

19:29b.LUK.019.029 ויהי בקרבו אל בית פגי ובית היני בהר הנקרא הר הזיתים וישלח שנים מתלמידיו לאמר׃

19:30b.LUK.019.030 לכו אל הכפר אשר ממולנו והיה בבואכם שמה תמצאו עיר אסור אשר לא ישב עליו אדם עד עתה התירו אתו והביאו׃

19:31b.LUK.019.031 וכי ישאל אתכם איש למה תתירהו כה תאמרו אליו יען כי האדון צריך לו׃

19:32b.LUK.019.032 וילכו השלוחים וימצאו כאשר דבר אליהם׃

19:33b.LUK.019.033 ויתירו את העיר ויאמר אליהם בעליו למה זה אתם מתירים את העיר׃

19:34b.LUK.019.034 ויאמרו האדון צריך לו׃

19:35b.LUK.019.035 ויביאהו אל ישוע וישליכו את בגדיהם על העיר וירכיבו עליו את ישוע׃

19:36b.LUK.019.036 ובנסעו הציעו את בגדיהם על הדרך׃

19:37b.LUK.019.037 ויקרב אל מורד הר הזיתים ויחלו כל המון התלמידים לשבח את האלהים בשמחה ובקול גדול על כל הגבורות אשר ראו לאמר׃

19:38b.LUK.019.038 ברוך המלך הבא בשם יהוה שלום בשמים וכבוד במרומים׃

19:39b.LUK.019.039 ומקצת פרושים אשר בתוך העם אמרו אליו רבי גער בתלמידיך׃

19:40b.LUK.019.040 ויען ויאמר אני אמר לכם כי אם יחשו אלה תזעקנה האבנים׃

19:41b.LUK.019.041 ויהי כאשר קרב וירא את העיר ויבך עליה לאמר׃

19:42b.LUK.019.042 לו ידעת אף את בעוד יומך הזה את דבר שלומך ועתה נעלם מעיניך׃

19:43b.LUK.019.043 כי ימים באים עליך ושפכו איביך סוללה סביביך והקיפוך וצרו עליך מכל עבריך׃

19:44b.LUK.019.044 וסחבו אותך ואת בניך בקרבך ולא ישאירו בך אבן על אבן עקב כי לא ידעת את עת פקדתך׃

19:45b.LUK.019.045 ויבא אל המקדש ויחל לגרש משם את המכרים ואת הקונים בו׃

19:46b.LUK.019.046 ויאמר אליהם הן כתוב ביתי בית תפלה הוא ואתם עשתים אותו למערת פריצים׃

19:47b.LUK.019.047 ויהי מלמד יום יום במקדש והכהנים הגדולים והסופרים וגם ראשי העם מבקשים לאבדו׃

19:48b.LUK.019.048 ולא מצאו מה לעשות כי כל העם דבקו אחריו לשמע אתו׃

20

20:1b.LUK.020.001 ויהי היום והוא מלמד את העם במקדש ומבשר ויגשו הכהנים והסופרים עם הזקנים׃

20:2b.LUK.020.002 ויאמרו אליו אמר נא לנו באי זו רשות אתה עשה את אלה או מי הוא הנתן לך את הרשות הזאת׃

20:3b.LUK.020.003 ויען ויאמר אליהם אף אני אשאלכם דבר ואמרו לי׃

20:4b.LUK.020.004 טבילת יוחנן המן השמים היתה אם מבני אדם׃

20:5b.LUK.020.005 ויחשבו בלבם לאמר אם נאמר מן השמים ואמר למה זה לא האמנתם לו׃

20:6b.LUK.020.006 ואם נאמר מבני אדם וסקלנו כל העם בעמדם על דעתם כי יוחנן נביא היה׃

20:7b.LUK.020.007 ויענו לא ידענו מאין׃

20:8b.LUK.020.008 ויאמר ישוע אליהם גם אני לא אמר לכם באי זו רשות אני עשה אלה׃

20:9b.LUK.020.009 ויחל לדבר אל העם את המשל הזה איש אחד נטע כרם ויתן אתו אל כרמים וילך בדרך מרחוק לימים רבים׃

20:10b.LUK.020.010 ולמועד שלח עבד אל הכרמים לתת לו מפרי הכרם והכרמים הכהו וישלחהו ריקם׃

20:11b.LUK.020.011 ויסף שלח עבד אחר ויכו גם אתו ויחרפהו וישלחהו ריקם׃

20:12b.LUK.020.012 ויסף לשלח שלישי וגם אתו פצעו ויגרשהו וידחפהו חוצה׃

20:13b.LUK.020.013 ויאמר בעל הכרם מה אעשה אשלחה את בני את ידידי כראותם אותו אולי יגורו מפניו׃

20:14b.LUK.020.014 וכראות אתו הכרמים נועצו יחדו לאמר זה הוא היורש לכו ונהרגהו ותהי לנו הירשה׃

20:15b.LUK.020.015 ויגרשו אותו אל מחוץ לכרם ויהרגהו ועתה מה יעשה להם בעל הכרם׃

20:16b.LUK.020.016 יבוא ויאבד את הכרמים האלה ויתן את הכרם לאחרים ויהי כשמעם ויאמרו חלילה מהיות כזאת׃

20:17b.LUK.020.017 ויבט בם ויאמר ומה הוא זה הכתוב אבן מאסו הבונים היתה לראש פנה׃

20:18b.LUK.020.018 כל הנפל על האבן ההיא ישבר ואת אשר תפל עליו תשחקהו׃

20:19b.LUK.020.019 ויבקשו הכהנים הגדולים והסופרים לשלח בו את ידם בעת ההיא וייראו מפני העם כי ידעו אשר עליהם דבר את המשל הזה׃

20:20b.LUK.020.020 ויארבו לו וישלחו מארבים והם נדמו כצדיקים למען ילכדו אותו בדבר להסגירו אל השררה ואל יד ההגמון׃

20:21b.LUK.020.021 וישאלהו לאמר רבי ידענו כי נכונה תדבר ותלמד ולא תשא פנים כי באמת מורה אתה את דרך אלהים׃

20:22b.LUK.020.022 המתר לנו לתת מס אל הקיסר אם לא׃

20:23b.LUK.020.023 ויכר את נכליהם ויאמר להם׃

20:24b.LUK.020.024 מה תנסוני הראוני דינר של מי הצורה והמכתב אשר עליו ויענו ויאמרו של הקיסר׃

20:25b.LUK.020.025 ויאמר אליהם לכן תנו לקיסר את אשר לקיסר ולאלהים את אשר לאלהים׃

20:26b.LUK.020.026 ולא יכלו ללכדו בדבר לפני העם ויתמהו על מענהו ויחרישו׃

20:27b.LUK.020.027 ויקרבו אנשים מן הצדוקים הכפרים בתחית המתים וישאלהו לאמר׃

20:28b.LUK.020.028 מורה משה כתב לנו כי ימות אח בעל אשה ובנים אין לו ולקח אחיו את אשתו והקים זרע לאחיו׃

20:29b.LUK.020.029 והנה היו שבעה אחים והראשון לקח אשה וימת לא בנים׃

20:30b.LUK.020.030 ויקח אתה השני וימת גם הוא לא בנים׃

20:31b.LUK.020.031 ויקח אתה השלישי וככה עשו אף השבעה ולא הניחו בנים וימותו׃

20:32b.LUK.020.032 ובאחרונה מתה גם האשה׃

20:33b.LUK.020.033 והנה בתחית המתים למי מהם תהיה לאשה כי היתה אשה לשבעה׃

20:34b.LUK.020.034 ויען ישוע ויאמר אליהם בני העולם הזה ישאו נשים ותנשאנה׃

20:35b.LUK.020.035 והזכים לנחל את העולם הבא ואת תחית המתים לא ישאו נשים ולא תנשאנה׃

20:36b.LUK.020.036 כי לא יוכלו עוד למות כי שוים הם למלאכים ובני אלהים המה בהיותם בני התקומה׃

20:37b.LUK.020.037 וגם משה רמז בסנה כי יקומו המתים בקראו את יהוה אלהי אברהם אלהי יצחק ואלהי יעקב׃

20:38b.LUK.020.038 והאלהים איננו אלהי המתים כי אם אלהי החיים כי כלם חיים לו׃

20:39b.LUK.020.039 ויענו מן הסופרים רבי יפה דברת׃

20:40b.LUK.020.040 ולא ערבו עוד את לבם לשאל אותו דבר׃

20:41b.LUK.020.041 ויאמר אליהם איך יאמרו על המשיח כי הוא בן דוד׃

20:42b.LUK.020.042 והוא דוד אמר בספר תהלים נאם יהוה לאדני שב לימיני׃

20:43b.LUK.020.043 עד אשית איביך הדם לרגליך׃

20:44b.LUK.020.044 הנה דוד קרא לו אדון ואיך הוא בנו׃

20:45b.LUK.020.045 ויאמר אל תלמידיו באזני כל העם׃

20:46b.LUK.020.046 הזהרו מן הסופרים החפצים להתהלך עטופי טלית ואהבים את שאלות שלומם בשוקים ואת מושבי הראש בבתי הכנסיות ואת מסבות הראש בסעודות׃

20:47b.LUK.020.047 הבלעים את בתי האלמנות ומאריכים תפלתם למראה עינים המה משפט על יתר יקחו׃

21

21:1b.LUK.021.001 ויבט וירא את העשירים משליכים את נדבותם לארון האוצר׃

21:2b.LUK.021.002 וירא גם אלמנה עניה נתנת בו שתי פרוטות׃

21:3b.LUK.021.003 ויאמר אמת אמר אני לכם כי האלמנה העניה הזאת נתנה יותר מכלם׃

21:4b.LUK.021.004 כי כל אלה התנדבו לאלהים מהעדף שלהם והיא מחסרונה את כל רכושה נתנה׃

21:5b.LUK.021.005 ויהי באמרם על המקדש כי מהדר הוא באבנים יפות ובמתנות ויאמר׃

21:6b.LUK.021.006 את אשר אתם ראים הנה ימים באים ולא תשאר אבן על אבן אשר לא תתפרק׃

21:7b.LUK.021.007 וישאלהו לאמר רבי מתי אפוא תהיה זאת ומה הוא האות לעת היותה׃

21:8b.LUK.021.008 ויאמר ראו פן תתעו כי רבים יבאו בשמי לאמר אני הוא והעת קרובה ואתם אל תלכו אחריהם׃

21:9b.LUK.021.009 ובשמעכם מלחמות ומהומות אל תחתו כי היו תהיה זאת לראשונה אך עוד קץ למועד׃

21:10b.LUK.021.010 ויסף דבר אליהם לאמר יקום גוי על גוי וממלכה על ממלכה׃

21:11b.LUK.021.011 והיה רעש גדול כה וכה ורעב ודבר וגם מוראים ואתות גדלות מן השמים׃

21:12b.LUK.021.012 ולפני כל אלה ישלחו בכם את ידיהם וירדפו וימסרו אתכם לבתי כנסיות ואל בתי כלאים ותובאו לפני מלכים ומשלים למען שמי׃

21:13b.LUK.021.013 והיתה זאת לכם לעדות׃

21:14b.LUK.021.014 על כן שיתו לבבכם לבלתי דאג במה תצטדקו׃

21:15b.LUK.021.015 כי אנכי נתן לכם פה וחכמה אשר לא יוכלו לעמד לפניה ולדבר נגדה כל מתקוממיכם׃

21:16b.LUK.021.016 וגם תמסרו על ידי יולדיכם ואחיכם וקרוביכם ורעיכם וימיתו מכם׃

21:17b.LUK.021.017 והייתם שנואים לכל אדם למען שמי׃

21:18b.LUK.021.018 אך לא יפל משערת ראשכם ארצה׃

21:19b.LUK.021.019 בתוחלתכם קנו לכם את נפשתיכם׃

21:20b.LUK.021.020 וכאשר תראו מחנות סובבים את ירושלים ידע תדעו כי קרב חרבנה׃

21:21b.LUK.021.021 אז ינוסו אנשי יהודה אל ההרים ואשר הם בתוכה יצאו ואשר הם בפרזות אל יבואו בה׃

21:22b.LUK.021.022 כי ימי נקם המה למלאת כל הכתוב׃

21:23b.LUK.021.023 ואוי להרות ולמיניקות בימים ההם כי תהיה צרה גדולה בארץ וקצף על העם הזה׃

21:24b.LUK.021.024 ונפלו לפי חרב והגלו אל כל הגוים וירושלים תרמס ברגלי גוים עד כי ימלאו עתות הגוים׃

21:25b.LUK.021.025 והיו אתות בשמש ובירח ובכוכבים ועל הארץ מצוקה לגוים ומבוכה מהמית הים ודכיו׃

21:26b.LUK.021.026 וימוגו בני האדם מאימה ומחרדת הבאות על כל הארץ כי כחות השמים יתמוטטו׃

21:27b.LUK.021.027 ואז יראו את בן האדם בא בענן בגבורה ובכבוד רב׃

21:28b.LUK.021.028 וכאשר תחל להיות זאת התעודדו ושאו ראשיכם כי קרובה גאלתכם לבוא׃

21:29b.LUK.021.029 וידבר אליהם משל ראו את התאנה ואת כל העצים׃

21:30b.LUK.021.030 כי תראו אתם מוציאים את פרחם הלא ידעתם כי קרב הקיץ׃

21:31b.LUK.021.031 ככה אף אתם בבא אלה לעיניכם דעו כי קרובה מלכות האלהים׃

21:32b.LUK.021.032 אמן אמר אני לכם לא יעבר הדור הזה עד כי יהיה הכל׃

21:33b.LUK.021.033 השמים והארץ יעברו ודברי לא יעברון׃

21:34b.LUK.021.034 רק השמרו לכם פן יכבד לבבכם בסבא ובשכרון ובדאגות המחיה ובא עליכם היום ההוא פתאם׃

21:35b.LUK.021.035 כי כמו פח יבוא על כל הישבים על פני כל הארץ׃

21:36b.LUK.021.036 לכן שקדו בכל עת והתפללו למען תעצרו כח להמלט מכל העתידות האלה ולהתיצב לפני בן האדם׃

21:37b.LUK.021.037 ויהי מלמד יומם במקדש ובלילה יצא בהר הנקרא הר הזיתים ללון׃

21:38b.LUK.021.038 וכל העם השכימו לבוא אליו במקדש לשמע אותו׃

22

22:1b.LUK.022.001 ויקרב חג המצות הנקרא פסח׃

22:2b.LUK.022.002 והכהנים הגדולים והסופרים מבקשים איך יהרגהו כי יראו מפני העם׃

22:3b.LUK.022.003 והשטן נכנס ביהודה המכנה איש קריות והוא במספר שנים העשר׃

22:4b.LUK.022.004 וילך וידבר עם ראשי הכהנים ושרי החיל איך ימסרנו אל ידם׃

22:5b.LUK.022.005 וישמחו ויאתו לתת לו כסף׃

22:6b.LUK.022.006 ויבטח אתם ויבקש תואנה למסרו אליהם שלא לעיני ההמון׃

22:7b.LUK.022.007 ויבא יום המצות אשר זבוח יזבח בו הפסח׃

22:8b.LUK.022.008 וישלח את פטרוס ואת יוחנן לאמר לכו והכינו לנו את הפסח ונאכלה׃

22:9b.LUK.022.009 ויאמרו אליו באי זה מקום תחפץ כי נכין אותו׃

22:10b.LUK.022.010 ויאמר אליהם הנה אתם באים העירה ופגע אתכם איש נשא צפחת מים לכו אחריו אל הבית אשר יבוא שמה׃

22:11b.LUK.022.011 ואמרתם אל בעל הבית כה אמר לך הרב איה המלון אשר אכלה שם את הפסח עם תלמידי׃

22:12b.LUK.022.012 והוא יראה אתכם עליה גדולה מצעה שם תכינו׃

22:13b.LUK.022.013 וילכו וימצאו כאשר דבר אליהם ויכינו את הפסח׃

22:14b.LUK.022.014 ויהי כאשר הגיעה השעה ויסב הוא ושנים עשר השליחים אתו׃

22:15b.LUK.022.015 ויאמר אליהם נכסף נכספתי לאכל אתכם את הפסח הזה לפני ענותי׃

22:16b.LUK.022.016 כי אמר אני לכם אינני אכל אותו עוד עד כי ימלא במלכות האלהים׃

22:17b.LUK.022.017 ויקח את הכוס ויברך ויאמר קחו אתה וחלקו ביניכם׃

22:18b.LUK.022.018 כי אמר אני לכם שתה לא אשתה מעתה מתנובת הגפן עד כי תבוא מלכות האלהים׃

22:19b.LUK.022.019 ויקח את הלחם ויברך ויבצע ויתן להם לאמר זה גופי הנתן בעדכם זאת עשו לזכרוני׃

22:20b.LUK.022.020 וכן גם את הכוס אחר הסעודה לאמר זו הכוס היא הברית החדשה בדמי הנשפך בעדכם׃

22:21b.LUK.022.021 אך הנה יד המסר אותי אתי על השלחן׃

22:22b.LUK.022.022 כי הן בן האדם הלך לו כפי אשר נחרץ עליו אבל אוי לאיש ההוא אשר על ידו ימסר׃

22:23b.LUK.022.023 והם החלו לחקר איש את רעהו מי הוא זה מהם אשר יעשה זאת׃

22:24b.LUK.022.024 וגם מריבה היתה ביניהם מי יחשב להיות הגדול בהם׃

22:25b.LUK.022.025 ויאמר אליהם מלכי הגוים רדים בהם ושליטיהם יקראו עשי חסד׃

22:26b.LUK.022.026 ואתם לא כן כי הגדול בכם יהיה כצעיר והמשל יהיה כמשרת׃

22:27b.LUK.022.027 כי מי הוא הגדול אם המסב או המשרת הלא המסב ואני הנני בתוככם כמו המשרת׃

22:28b.LUK.022.028 ואתם הם העמדים עמדי עד עתה בנסיונתי׃

22:29b.LUK.022.029 לכן אני מנחיל אתכם כאשר הנחילני אבי את המלכות׃

22:30b.LUK.022.030 למען תאכלו ותשתו על שלחני במלכותי וישבתם על כסאות לשפט את שנים עשר שבטי ישראל׃

22:31b.LUK.022.031 ויאמר האדון שמעון שמעון הנה תבע אתכם השטן לזרותכם כחטים׃

22:32b.LUK.022.032 ואני התפללתי בעדך אשר לא תכלה אמונתך ואתה כאשר תשוב חזק את אחיך׃

22:33b.LUK.022.033 והוא אמר אליו אדני הנני נכון ללכת אתך גם לבית האסורים גם למות׃

22:34b.LUK.022.034 ויאמר אני אמר לך פטרוס לא יקרא תרנגל היום עד כי שלש פעמים כחשת בי לאמר לא ידעתיו׃

22:35b.LUK.022.035 ויאמר אליהם כאשר שלחתי אתכם בלי כיס ותרמיל ונעלים החסרתם דבר ויאמרו לא חסרנו כל דבר׃

22:36b.LUK.022.036 ויאמר אליהם אכן עתה אשר לו כיס ישאהו וכן גם את התרמיל ואשר אין לו הוא ימכר את בגדו ויקנה חרב׃

22:37b.LUK.022.037 כי אמר אני לכם אשר צריך עוד להתמלא בי הכתוב הזה ואת פשעים נמנה כי כל הכתוב עלי בא עד קצו׃

22:38b.LUK.022.038 ויאמרו אדנינו הנה פה שתי חרבות ויאמר אליהם די׃

22:39b.LUK.022.039 ויצא וילך כיום ביום על הר הזיתים וילכו אחריו גם תלמידיו׃

22:40b.LUK.022.040 ויבא אל המקום ויאמר אליהם התפללו לבלתי בוא לידי נסיון׃

22:41b.LUK.022.041 והוא נפרד מהם הרחק כקלע אבן ויכרע על ברכיו ויתפלל לאמר׃

22:42b.LUK.022.042 אבי אם רצונך להעביר מעלי את הכוס הזאת אך אל יהי כרצוני כי אם כרצונך׃

22:43b.LUK.022.043 וירא אליו מלאך מן השמים ויחזקהו׃

22:44b.LUK.022.044 ויבאו עליו חבלי מות ויוסף להתפלל בחזקה ותהי זעתו כנטפי דם ירדים לארץ׃

22:45b.LUK.022.045 ויקם מהתפלל ויבא אל התלמידים וימצאם ישנים מיגון׃

22:46b.LUK.022.046 -64[ ויאמר אליהם למה תישנו קומו והתפללו אשר לא תבאו לידי נסיונ, עודנו מדבר והנה המון ואחד משנים העשר הנקרא יהודה הלך לפניהם ויקרב אל ישוע לנשק לו׃

22:47b.LUK.022.047 -64[׃

22:48b.LUK.022.048 ויאמר ישוע אליו יהודה הבנשיקה אתה מוסר את בן האדם׃

22:49b.LUK.022.049 והאנשים אשר אתו ראים את אשר יהיה ויאמרו אליו אדנינו הנכה בחרב׃

22:50b.LUK.022.050 ויך אחד מהם את עבד הכהן הגדול ויקצץ את אזנו הימנית׃

22:51b.LUK.022.051 ויען ישוע ויאמר רב עתה הרפו ויגע באזנו וירפאהו׃

22:52b.LUK.022.052 ויאמר ישוע אל ראשי הכהנים ושרי המקדש והזקנים אשר באו עליו לאמר כמו על פריץ יצאתם עלי בחרבות ובמקלות׃

22:53b.LUK.022.053 ואהי אצלכם יום יום בהיכל ולא שלחתם בי יד ואולם זאת היא שעתכם ושלטן החשך׃

22:54b.LUK.022.054 ויתפשו אותו ויוליכהו ויביאהו בית הכהן הגדול ופטרוס הלך אחריו מרחוק׃

22:55b.LUK.022.055 ויהי כי בערו אש בתוך החצר וישבו יחדו וישב גם פטרוס בתוכם׃

22:56b.LUK.022.056 ותראהו השפחה יושב נגד האור ותבט בו ותאמר גם זה היה עמו׃

22:57b.LUK.022.057 ויכחש בו ויאמר אשה לא ידעתיו׃

22:58b.LUK.022.058 ואחרי מעט ראהו אדם אחר ויאמר גם אתה מהם ויאמר פטרוס לא אדם כי אינני׃

22:59b.LUK.022.059 ואחרי עבר כשעה אחת קים איש אחר לאמר אמנם גם זה היה עמו כי אף הוא גלילי׃

22:60b.LUK.022.060 ויאמר פטרוס בן אדם לא ידעתי מה אתה אמר והוא עודנו מדבר והתרנגול קרא׃

22:61b.LUK.022.061 ויפן האדון ויבט אל פטרוס ויזכר פטרוס את דבר האדון אשר דבר אליו כי בטרם יקרא התרנגל תכחש בי שלש פעמים׃

22:62b.LUK.022.062 ויצא פטרוס החוצה וימרר בבכי׃

22:63b.LUK.022.063 והאנשים אשר אחזו את ישוע התעללו בו ויכהו׃

22:64b.LUK.022.064 ויחפו את ראשו ויכהו על פניו וישאלהו לאמר הנבא מי הוא ההלם אותך׃

22:65b.LUK.022.065 ועוד גדופים אחרים הרבו עליו׃

22:66b.LUK.022.066 ובהית הבקר נקהלו זקני העם והכהנים הגדולים והסופרים ויעלהו לפני הסנהדרין שלהם ויאמרו האתה הוא המשיח אמר לנו׃

22:67b.LUK.022.067 ויאמר אליהם כי אגיד לכם לא תאמינו׃

22:68b.LUK.022.068 וגם אם אשאל לא תשיבו דבר ולא תשלחוני׃

22:69b.LUK.022.069 אבל מעתה יהיה בן האדם ישב לימין גבורת האלהים׃

22:70b.LUK.022.070 ויאמרו כלם הכי אתה הוא בן האלהים ויאמר אליהם אתם אמרתם כי אני הוא׃

22:71b.LUK.022.071 ויאמרו מה לנו עוד לבקש עדות הלא באזנינו שמענוה מפיו׃

23

23:1b.LUK.023.001 ויקם כל קהלם ויוליכהו אל פילטוס׃

23:2b.LUK.023.002 ויחלו לדבר עליו שטנה לאמר את זה מצאנו מסית את העם ומנע אתו מתת מס אל הקיסר באמרו כי הוא מלך המשיח׃

23:3b.LUK.023.003 וישאלהו פילטוס לאמר האתה הוא מלך היהודים ויען אתו ויאמר אתה אמרת׃

23:4b.LUK.023.004 ויאמר פילטוס אל ראשי הכהנים ואל המון העם לא מצאתי דבר אשם באיש הזה׃

23:5b.LUK.023.005 והם התאמצו לדבר מדיח הוא את העם בלמדו בכל יהודה החל מן הגליל ועד הנה׃

23:6b.LUK.023.006 ויהי כשמע פילטוס את שם הגליל וישאל אם הוא איש גלילי׃

23:7b.LUK.023.007 וכאשר ידע כי מממשלת הורדוס הוא שלחו אל הורדוס אשר היה גם הוא בירושלים בימים האלה׃

23:8b.LUK.023.008 וישמח הורדוס עד מאד כראותו את ישוע כי מימים רבים אוה לראת אתו על כי שמע את שמעו ויקו לראת אות אשר יעשה׃

23:9b.LUK.023.009 וירב לשאל אותו והוא לא השיב אתו דבר׃

23:10b.LUK.023.010 ויעמדו הכהנים הגדולים והסופרים ויתחזקו לדבר עליו שטנה׃

23:11b.LUK.023.011 ויבז אתו הורדוס עם צבאותיו ויהתל בו וילבש אותו בגד זהורית וישלחהו אל פילטוס׃

23:12b.LUK.023.012 ביום ההוא נהיו פילטוס והורדוס לאהבים יחדו כי מלפנים איבה היתה בינתם׃

23:13b.LUK.023.013 ויקרא פילטוס את ראשי הכהנים ואת השרים ואת העם׃

23:14b.LUK.023.014 ויאמר אליהם הבאתם לפני את האיש הזה כמסית את העם והנה אני חקרתיו לעיניכם ולא מצאתי באיש הזה אשמת מאומה מן הדברים אשר אתם טוענים עליו׃

23:15b.LUK.023.015 וגם הורדוס לא מצא כי שלחתי אתכם אליו והנה אין בו חטא משפט מות׃

23:16b.LUK.023.016 על כן איסרנו ואפטרנו׃

23:17b.LUK.023.017 ועליו היה לפטר להם איש אחד בימי החג׃

23:18b.LUK.023.018 ויצעקו כל המונם ויאמרו הסר את זה ופטר לנו את בר אבא׃

23:19b.LUK.023.019 והוא היה משלך בית האסורים על דבר מרד אשר נהיה בעיר ועל דבר רצח׃

23:20b.LUK.023.020 ויסף פילטוס לשאת קולו כי חפץ לפטר את ישוע׃

23:21b.LUK.023.021 והמה צעקו אליו לאמר הצלב אותו הצלב׃

23:22b.LUK.023.022 ויאמר אליהם פעם שלישית מה אפוא עשה זה רעה כל אשמת מות לא מצאתי בו על כן איסרנו ואפטרנו׃

23:23b.LUK.023.023 ויפצרו בו בקול גדול ויבקשו כי יצלב ויחזק קולם וקול הכהנים הגדולים׃

23:24b.LUK.023.024 ויגזר פילטוס כי תעשה בקשתם׃

23:25b.LUK.023.025 ויפטר להם את המשלך בית האסורים על דבר מרד ורצח את אשר שאלו ואת ישוע מסר לרצונם׃

23:26b.LUK.023.026 וכאשר הוליכהו משם ויחזיקו באיש אחד הבא מן השדה ושמו שמעון איש קוריני וישימו עליו את הצלב לשאת אחרי ישוע׃

23:27b.LUK.023.027 וילכו אחריו המון עם רב והמון נשים והנה ספדות ומקוננות עליו׃

23:28b.LUK.023.028 ויפן ישוע ויאמר אליהן בנות ירושלים אל תבכינה עלי כי אם על נפשכן בכינה ועל בניכן׃

23:29b.LUK.023.029 כי הנה ימים באים ואמרו אשרי העקרות ואשרי המעים אשר לא ילדו והשדים אשר לא היניקו׃

23:30b.LUK.023.030 אז יחלו לאמר אל ההרים נפלו עלינו ואל הגבעות כסונו׃

23:31b.LUK.023.031 כי אם יעשו כזאת בעץ הלח מה יעשה ביבש׃

23:32b.LUK.023.032 וגם שנים אחרים אנשי בליעל מוצאים אתו למות׃

23:33b.LUK.023.033 ויהי כאשר באו אל המקום הנקרא גלגלתא ויצלבו אתו שם ואת אנשי הבליעל זה לימינו וזה לשמאלו׃

23:34b.LUK.023.034 ויאמר ישוע אבי סלח להם כי לא ידעו מה הם עשים ויחלקו בגדיו להם ויפילו גורל׃

23:35b.LUK.023.035 והעם עמד שם וראה וילעגו לו השרים לאמר את אחרים הושיע יושע נא את נפשו אם הוא המשיח בחיר האלהים׃

23:36b.LUK.023.036 ויהתלו בו אנשי הצבא ויגשו ויביאו לו חמץ׃

23:37b.LUK.023.037 ויאמרו אם אתה הוא מלך היהודים הושע את נפשך׃

23:38b.LUK.023.038 וגם מכתב היה ממעל לו בכתב יוני ורומי ועברי זה הוא מלך היהודים׃

23:39b.LUK.023.039 ואחד מאנשי הבליעל התלוים גדפו לאמר הלא אתה המשיח הושע את עצמך ואתנו׃

23:40b.LUK.023.040 ויען האחר ויגער בו לאמר האינך ירא את האלהים בהיותך בעצם הענש הזה׃

23:41b.LUK.023.041 והן אנחנו בו כמשפט כי לקחנו כפי מעשינו אבל זה לא עשה מאומה רע׃

23:42b.LUK.023.042 ויאמר אל ישוע זכרני נא אדני בבאך במלכותך׃

23:43b.LUK.023.043 ויאמר ישוע אליו אמן אמר אני לך כי היום תהיה עמדי בגן עדן׃

23:44b.LUK.023.044 ויהי כשעה הששית והנה חשך על כל הארץ עד השעה התשיעית׃

23:45b.LUK.023.045 ויחשך השמש ותקרע פרכת ההיכל לשנים קרעים׃

23:46b.LUK.023.046 ויקרא ישוע בקול גדול ויאמר אבי בידך אפקיד רוחי ובאמרו זאת נפח נפשו׃

23:47b.LUK.023.047 וירא שר המאה את אשר נהיתה ויתן כבוד לאלהים לאמר אכן האיש הזה צדיק היה׃

23:48b.LUK.023.048 וכל המון העם אשר התאספו יחד למראה הזה בהביטם אל כל אשר נעשה תופפו על לבביהם וישובו׃

23:49b.LUK.023.049 וכל מידעיו עמדו מרחוק וגם הנשים אשר הלכו אתו מן הגליל ועיניהן ראות את אלה׃

23:50b.LUK.023.050 והנה איש ושמו יוסף והוא מן היעצים איש טוב וצדיק מן הרמתים עיר היהודים׃

23:51b.LUK.023.051 אשר לא הסכים לעצתם ולפעלם ומחכה גם הוא למלכות האלהים׃

23:52b.LUK.023.052 ויגש אל פילטוס וישאל ממנו את גוית ישוע׃

23:53b.LUK.023.053 ויורד אתה ויכרכה בסדינים וישימה בקבר חצוב בסלע אשר עדן לא הושם בו אדם׃

23:54b.LUK.023.054 ויום ערב שבת היה והשבת הגיעה׃

23:55b.LUK.023.055 ותלכנה אחריו מן הנשים אשר באו אתו מן הגליל ותחזינה את הקבר ואת אשר הושם בו גויתו׃

23:56b.LUK.023.056 ואחרי שובן הכינו סמים ומרקחות ובשבת שבתו כפי המצוה׃

24

24:1b.LUK.024.001 ובאחד בשבת לפני עלות השחר באו אל הקבר ותביאינה את הסמים אשר הכינו ועמהן עוד אחרות׃

24:2b.LUK.024.002 וימצאו את האבן גלולה מן הקבר׃

24:3b.LUK.024.003 ותבאנה פנימה ולא מצאו את גוית האדון ישוע׃

24:4b.LUK.024.004 ויהי הנה נבכות על הדבר הזה והנה שני אנשים עמדו עליהן ולבושיהם מזהירים׃

24:5b.LUK.024.005 ויפל פחד עליהן ותקדנה אפים ארצה ויאמרו אליהן מה תבקשנה את החי אצל המתים׃

24:6b.LUK.024.006 איננו פה כי קם זכרנה את אשר דבר אליכן בעוד היותו בגליל לאמר׃

24:7b.LUK.024.007 כי צריך בן האדם להמסר לידי אנשים חטאים ולהצלב וביום השלישי קום יקום׃

24:8b.LUK.024.008 ותזכרנה את דבריו׃

24:9b.LUK.024.009 ותשבנה מן הקבר ותגדנה את כל הדברים האלה לעשתי העשר ולכל האחרים׃

24:10b.LUK.024.010 ומרים המגדלית ויוחנה ומרים אם יעקב והאחרות אשר עמהן הנה היו המדברות אל השליחים את הדברים האלה׃

24:11b.LUK.024.011 ויהיו דבריהן כדברי ריק בעיניהם ולא האמינו להן׃

24:12b.LUK.024.012 ופטרוס קם וירץ אל הקבר וישקף ולא ראה כי אם התכריכים מנחים שם וישב למקומו משתומם על הנהיה׃

24:13b.LUK.024.013 והנה שנים מהם היו הלכים בעצם היום הזה אל כפר הרחק מירושלים כששים ריס ושמו עמאוס׃

24:14b.LUK.024.014 והם נדברו איש אל רעהו על כל הקרות האלה׃

24:15b.LUK.024.015 ויהי בדברם ובהתוכחם יחד ויגש ישוע אף הוא וילך אתם׃

24:16b.LUK.024.016 ועיניהם נאחזו ולא יכירהו׃

24:17b.LUK.024.017 ויאמר אליהם מה המה הדברים האלה אשר אתם נשאים ונתנים בהם יחדו בדרך ופניכם זעפים׃

24:18b.LUK.024.018 ויען האחד אשר שמו קליופס ויאמר אליו האתה לבדך גר בירושלים ואינך ידע את הקרת בה בימים האלה׃

24:19b.LUK.024.019 ויאמר אליהם ומה המה ויגידו אליו מעשה ישוע הנצרי אשר היה איש נביא גבור בפעל ובאמר לפני האלהים ולפני כל העם׃

24:20b.LUK.024.020 ואת אשר כהנינו הגדולים וזקנינו הסגירהו למשפט מות ויצלבהו׃

24:21b.LUK.024.021 ואנחנו חכינו כי הוא העתיד לגאל את ישראל ועתה בכל זאת היום יום שלישי מאז נעשו אלה׃

24:22b.LUK.024.022 והנה גם נשים מקרבנו החרידנו אשר קדמו בבקר לבא לקבר׃

24:23b.LUK.024.023 ולא מצאו את גויתו ותבאנה ותאמרנה כי ראו גם מראה מלאכים האמרים כי הוא חי׃

24:24b.LUK.024.024 וילכו אנשים משלנו אל הקבר וימצאו כאשר אמרו הנשים ואותו לא ראו׃

24:25b.LUK.024.025 ויאמר אליהם הוי חסרי דעת וכבדי לב מהאמין בכל אשר דברו הנביאים׃

24:26b.LUK.024.026 הלא על המשיח היה לסבל את כל זאת ולבוא אל כבודו׃

24:27b.LUK.024.027 ויחל ממשה ומכל הנביאים ויבאר להם את כל הכתובים הנאמרים עליו׃

24:28b.LUK.024.028 ויקרבו אל הכפר אשר הם הלכים שמה וישם פניו כהלך לו לדרכו׃

24:29b.LUK.024.029 ויפצרו בו לאמר שבה אתנו כי עת ערב הגיע ונטה היום ויבא הביתה לשבת אתם׃

24:30b.LUK.024.030 ויהי כאשר הסב עמהם ויקח את הלחם ויברך ויבצע ויתן להם׃

24:31b.LUK.024.031 ותפקחנה עיניהם ויכירהו והוא חמק עבר מעיניהם׃

24:32b.LUK.024.032 ויאמרו איש אל רעהו הלא היה בער לבבנו בקרבנו בדברו אלינו בדרך ויפתח לנו את הכתובים׃

24:33b.LUK.024.033 ויקומו בשעה ההיא וישובו ירושלים וימצאו את עשתי העשר ואת אשר אתם נקהלים יחד׃

24:34b.LUK.024.034 האמרים אכן קם האדון מן המתים ונראה אל שמעון׃

24:35b.LUK.024.035 ויספרו גם הם את אשר נעשה להם בדרך ואיך הכירהו בבציעת הלחם׃

24:36b.LUK.024.036 עודם מדברים כדברים האלה והוא ישוע עמד בתוכם ויאמר אליהם שלום לכם׃

24:37b.LUK.024.037 והמה חתו ונבעתו ויחשבו כי רוח ראו׃

24:38b.LUK.024.038 ויאמר אליהם מה זה אתם נבהלים ועל מה זה מחשבות עלות בלבבכם׃

24:39b.LUK.024.039 ראו את ידי ואת רגלי כי אנכי הוא משוני וראו כי רוח אין לו בשר ועצמות כאשר אתם ראים שיש לי׃

24:40b.LUK.024.040 ואחרי אמרו את זאת הראה אתם את ידיו ואת רגליו׃

24:41b.LUK.024.041 והם עוד לא האמינו משמחה ותמהו ויאמר אליהם היש לכם פה דבר אכל׃

24:42b.LUK.024.042 ויתנו לפניו חלק דג צלוי ומעט צוף דבש׃

24:43b.LUK.024.043 ויקח ויאכל לעיניהם׃

24:44b.LUK.024.044 ויאמר אליהם אלה הם הדברים אשר דברתי אליכם בעוד היותי עמכם כי המלא ימלא כל הכתוב עלי בתורת משה ובנביאים ובתהלים׃

24:45b.LUK.024.045 אז פתח את לבבם להבין את הכתובים׃

24:46b.LUK.024.046 ויאמר אליהם כן כתוב וכן נגזר אשר יענה המשיח ויקום מן המתים ביום השלישי׃

24:47b.LUK.024.047 ואשר תקרא בשמו תשובה וסליחת החטאים בכל הגוים החל מירושלים׃

24:48b.LUK.024.048 ואתם עדים בזאת׃

24:49b.LUK.024.049 והנני שולח עליכם את הבטחת אבי ואתם שבו בעיר ירושלים עד כי תלבשו עז ממרום׃

24:50b.LUK.024.050 ויוליכם מחוץ לעיר עד בית היני וישא את ידיו ויברכם׃

24:51b.LUK.024.051 ויהי בברכו אתם ויפרד מאתם וינשא השמימה׃

24:52b.LUK.024.052 והם השתחוו לו וישובו לירושלים בשמחה גדולה׃

24:53b.LUK.024.053 ויהיו תמיד במקדש מהללים ומברכים את האלהים אמן׃