2 Timothy (Dinka)

21

21:1b.2TI.021.001 Yɛn Paulo, tuny de Yecu Kritho ne kede piɔn e Nhialic, ne kede piir ci kɔn lueel, an, bi gam kɔc, piir nu e Kritho Yecuyic,

21:2b.2TI.021.002 awarek en gaar Timotheo, mɛnhdien nhiaar: E dhueeŋdepiɔu e ye tɔu keke yin, ku mat, ku kokepiɔu, ne ke bɔ tede Nhialic Waada keke Kritho Yecu Bɛnydiitda.

21:3b.2TI.021.003 Aya lueel, an, Thieithieei Nhialic, Raan luɔɔi ɛn kede ne ŋiny aa yɛn apiɔu ŋic nɔn le en gɔk, acit man e ye kuarkuɔ ye looi, luɔi aa yɛn anɔm tak e kedu e lɔŋdiyic wɛɛrwakɔu ku akol.

21:4b.2TI.021.004 Ciet aa yɛn anɔm cat e piu ke yinyin, yen aa ya yɛn yin tak alal, adi tieŋ yin, ke ya bi piɔu miɛt aba piɔu a yum.

21:5b.2TI.021.005 Yɛn ee yanɔm cat e gam nu e yipiɔu gam cinic rueeny, gam e kɔn cath keke kɔk Loyith, ku be cath keke Yunike moor, ku aŋiɛc egɔk nɔn ciɛth en ke yin aya.

21:6b.2TI.021.006 En a tak ɛn yinɔm, luɔi bi yin miɔc de Nhialic aa kooth abi dep apiɛth cit mac, miɔc cath ke yin ne thany can yi thany e yacin.

21:7b.2TI.021.007 Nhialic aken wo gam piɔn e riɔɔc; ee piɔn e riɛldit, ku nhieer, ku pɛlenɔm, en aa gɛm wook.

21:8b.2TI.021.008 Yen du yin e yaar ne jam de Bɛnydiitda jam ee caatɔɔ lueel, ku du yaar ne kedi yɛn ee raandɛn ci mac: ye katuc guum weke yɛn etok ne biak de welpiɛth ne riɛldiit e Nhialic.

21:9b.2TI.021.009 Ee Nhialic en e kony wo wei, ago wo cɔɔl e cɔt ɣeric, acie kede luɔida, ee kede yenpiɔu etok, ku ne dhueeŋ de yenpiɔu, dhueeŋ ci yien wook e Kritho Yecuyic ɣɔn thɛɛr ŋoote piny ke kene cak,

21:10b.2TI.021.010 ku aci tic enɔɔne ne tuol ci Konydan Kritho Yecu tuol, raan ci riɛl e thuɔɔu tɔ cin naamde, ago piir bɛɛi teɣer ayi cien dhiap bi kaŋ dhiap, ne guieer e welpiɛth.

21:11b.2TI.021.011 Ku ne biak de welpiɛthke, yen aa dɔme ya, ke ban aa raan e ke guiir, ku ya tuc, ku ya raan e Juoor wɛɛt.

21:12b.2TI.021.012 En aa guoom ɛn ekake aya: ku acakaa keek e guoom, ke yɛn ken yaar; yɛn ŋic raan ca gam, ku aŋiɛc egɔk nɔn dueer en kedaŋ ŋiec tiit ke ca kuɛi yen aɣet kool bi bɛn.

21:13b.2TI.021.013 Ye tau de wel piɛth muk, wel ci piŋ tede yɛn, aba keek aa muk ne gam ku nhieer nu e Kritho Yecuyic.

21:14b.2TI.021.014 Kepiɛth ci kuɛi yine ye cok e tiit yin en ne Weidit Ɣer, Wei rɛɛr e woyiic.

21:15b.2TI.021.015 Cooke aŋic, yan, Kɔc nu Athia acik ro yal wei e yalɔɔm kedhie; kɔc deyiic yi Pugelo keke Kermogene.

21:16b.2TI.021.016 E Bɛnydit e ye piɔu kok ke dhien e Onethiporo: aa ye ya dap muk wei, ku aacie yaar ne jonh e mac ɛn;

21:17b.2TI.021.017 ku, ɣɔn nu yen Roma, aci cok e kɔɔr en ɛn, abi a yok.

21:18b.2TI.021.018 (E Bɛnydit gam lɔŋdi ne biakde, ke bi kokdepiɔu yok tede Bɛnydit ekoole); ku kajuec ci luoi ɛn e Epetho, aŋic keek apiɛth.

22

22:1b.2TI.022.001 Yeka mɛnhdi, ye riɛl ne dhueeŋdepiɔu nu e Kritho Yecuyic.

22:2b.2TI.022.002 Ku ka ci piŋ tede yɛn e caatɔɔ juec niim, jɔ ke yien kɔc adoot, kɔc bi kɔc kɔk leu ne weet aya.

22:3b.2TI.022.003 Ku yin, ye keril guum cit man e alathker piɛth alathker e Yecu Kritho.

22:4b.2TI.022.004 Acin raan e luui ke ye alathker e ro naai e ka ke piire; luɔi bi en raan e tɛɛu en alathkeric tɔ mit piɔu keke yen.

22:5b.2TI.022.005 Ayi raan e wit, acii bi yiek nɔm gol, te ken en wit ne kede loŋ de wit.

22:6b.2TI.022.006 Raan e luui domic yen abi dhil kɔn dɛ kede ne ka ci luɔk.

22:7b.2TI.022.007 Ye yinɔm tak ne ka luɛɛl; ku Bɛnydit abi yi gam ŋinydekaŋ ne kerieec ebɛn.

22:8b.2TI.022.008 Ye yinɔm cat ne Yecu Kritho, raan ci jɔt e kɔc ci thou yiic, raan e bɔ ne kau de Dabid, acit man ci welkien piɛth e lueel:

22:9b.2TI.022.009 ke welpiɛth aa yɛn ketuc guum ne biakden aɣet many mɛce yɛn, acit man e raan ci kerac looi; ku jam e Nhialic acie mac.

22:10b.2TI.022.010 Yen a ya yɛn kerieec guum ebɛn ne biak de kɔc ci lɔc, ke ke bi kunydewei yok aya kuny nu e Kritho Yecuyic keke dhueeŋ bi tɔu aɣet athɛɛr.

22:11b.2TI.022.011 Jam yic bi dhil gam ka: yan, Te ci wok thou ne yen etok, ke wo bi piir etok;

22:12b.2TI.022.012 te ye wo kaŋ guum, ke wo bi piny cieŋ ne yen etok; te jɛi wok en, ka bi wo jai aya;

22:13b.2TI.022.013 te cii wok e kɔc adoot, ka ye tɔu ke ye Raan adot; acii rot e leu e jai.

22:14b.2TI.022.014 Ye keek tak niim e kake, ku ye cok e yook yin ke e Bɛnydit nɔm, ke ke cii wel bi aa tɛɛr e teer cin kepiɛth ee yok thin, teer e kɔc piŋ riɔɔk piɔth.

22:15b.2TI.022.015 Cok e them yin rot e gɛm bi yin rot gam Nhialic, ke yi bi tɔ ye raan piɛth, raan e kaŋ looi ke cii yaar, raan e jam de yin ŋiec tek.

22:16b.2TI.022.016 Ku yin bi ro tɔɔu pei e jam e dhɔɔn jam ɣɔric cinic rieeu: jam cit ekene abi lɔ ke lɔ, ago reec e kɔc Nhialic rɛɛc go ro ŋuak,

22:17b.2TI.022.017 jamden abi cool e cam cit man e tetok de pajii: kɔcke ade keyiic yi Kumenayo ku Pileto;

22:18b.2TI.022.018 kɔc ci kede yic wooc, ayek lueel, yan, ci jon ee kɔc ro jɔt guɔ wan, agoki gam de kɔc kɔk riɔɔk.

22:19b.2TI.022.019 Na cak kɔc e looi aya, ke keerkeer e wec Nhialic akaac, ke cii wieek, aci gaar kɔu cooke, yan, Bɛnydit aŋic kɔc ci aa kɔcke. Ku cooke aya, yan, Raan ebɛn raan e Kritho cɔɔl rin e nyai e luɔi de keracic.

22:20b.2TI.022.020 Ku ɣonditt e bɛny adeyic tony e kaŋ muk, ku aciki e kak e cuec e adhaap ku ateek kapac, ku adeyic kak e cuec e tim, ku tiɔp ayadaŋ; ku kɔk ee ka ke dhueeŋ, ku kɔk aciki e ka ke dhueeŋ.

22:21b.2TI.022.021 Ku raan e ro waak ne ka cii piɛth, yen abi aa tony de dhueeŋ, tony ɣeric, ku piɛth ne luɔi de bɛny, ku ye roŋ ke hiɔi piɛth ebɛn.

22:22b.2TI.022.022 Ye kat e karɛc kɔɔr dhuok: ku ye piathepiɔu cop, ku cop gam, ku nhieer, ku mat, ne kɔc etok kɔc e Bɛnydit cɔɔl ne piɔn ɣeric egɔk.

22:23b.2TI.022.023 Ku ye lop ɣɔric rɛɛc, lop e kɔc ken weet lop, aŋic nɔn ee kek ateer bɛɛi.

22:24b.2TI.022.024 Ku lim de Bɛnydit acii piɛth luɔi bi en teer; abi dhil aa jam emaath keke kɔc kedhie, abi aa raan ŋic weet, raan lir piɔu,

22:25b.2TI.022.025 raan e kɔc luel ater wɛɛt e piɔn lir; nɔn de te bi Nhialic ke gam puŋdepiɔu, agoki yic gam,

22:26b.2TI.022.026 ku jɔki paac bik bei e win e jɔŋditt racic kek kɔc waan ci dɔm, bik kede Nhialic piɔu aa looi.

23

23:1b.2TI.023.001 Jɔ kene ŋic, yan, Te ci thok de piny thiɔk, ke akool rɛc bi kɔc dhal abik bɛn.

23:2b.2TI.023.002 Kɔc abi ŋɛk ke rot aa nhiaar, ku nhiaar ŋɛk rot, ku bik aa kɔc nhiaar weu, kɔc e rot leec, kɔc e rot tɔ ye adhueŋ, kɔc e lɔt, kɔc e ka ke kɔc e dhieth keek rɛɛc piŋ, kɔc e thieithieei rɛɛc lueel, kɔc cii piɔth ɣer,

23:3b.2TI.023.003 kɔc cii kɔcken e nhiaar, kɔc reec mat, kɔc e atuum caath, kɔc kuc ro muk, kɔc gai piɔth, kɔc cii kepiɛth e nhiaar,

23:4b.2TI.023.004 kɔc e kɔc nyiɛɛn, kɔc ril niim etor, kɔc e rot tɔ dit, kɔc nhiaar kemit e kepiɔth awar nhieer nhiɛɛr kek Nhialic;

23:5b.2TI.023.005 kɔc e ro tɔ cit ka cath ne rieu de Nhialic, ku yek riɛlde jai: ye ro yal wei e kɔcke lɔm.

23:6b.2TI.023.006 Kɔc kɔk e keyiic ee kɔc e lɔ ɣoot ke kɔc, lek dieer piɔl piɔth rum piɔth, dieer juec e karɛckɛn cik wooc, ku yeke thɛl wei ne ŋɔɔŋdɛn e ke dɔm ŋɔɔŋ de kerieec,

23:7b.2TI.023.007 dieer ee cool e piooceke, ku ciki ŋiny de yic dueer yok ananden.

23:8b.2TI.023.008 Ku acit man ɣɔn lueele Jane ku Jambere luel kek ater ne Mothe, yen acit luɛl ee kɔcke ater lueel ne yic aya; ee kɔc ci niim riaak etaiwei, ku cike tɔ cin naamden ne kede gam.

23:9b.2TI.023.009 Ku aciki bi bɛ lɔ tueŋ: cin cin kek niim abi tic e kɔc niim kedhie, acit man ɣɔn tice cin cine kɔcke niim aya.

23:10b.2TI.023.010 Ku yin, yin ci weetdi ŋic egɔk, ku ŋic tau aa yɛn tɔu, ku ke nu e yapiɔu, ku gamdi, ku guom aa yɛn kaŋ ŋiec guum, ku nhieerdi, ku liɛɛr e yɛnpiɔu,

23:11b.2TI.023.011 ku yoŋ ee ya yɔŋ, ku katuc ca guum; ka ca yok e Antiokia, ku Yikonion, ku Luthera; yoŋ e yɔŋe yɛn etɛɛn: ku Bɛnydit aci a luok e keyiic kedhie.

23:12b.2TI.023.012 Yeka, ku kɔc kedhie kɔc e nyin riɛl, yan, bik aa reer e Kritho Yecuyin ke ke rieu Nhialic, kek abi dhil yɔŋ.

23:13b.2TI.023.013 Ku kɔc racpiɔth ku kɔc e kaŋ toor, racden abi lɔ ke ŋuak rot, abik kɔc aa math, ku mɛthe keek aya.

23:14b.2TI.023.014 Ku yin, ye tɔu e kaŋ yiic ka ci yi wɛɛt e ke, ku ci ke ŋic agɔk, luɔi ŋic yin raan e weet yin e ke;

23:15b.2TI.023.015 ku ŋic kene aya, yan, ɣɔn ee yin mɛnhihiinakaŋ, yin e ŋic kacigɔɔr kaɣer yiic, ka cath ne riɛl bik yi tɔ ye raan pelnɔm aɣet kuny bi yi kony wei ne gam ci yin Kritho Yecu gam.

23:16b.2TI.023.016 Kecigɔɔr ebɛn ee ke ci Nhialic tɔ bɔ ne Weike, ku ade naamde ne kede weet, ku jany, ku kiit ee kaŋ kiɛt piny, ku piooc ne piathepiɔu:

23:17b.2TI.023.017 ke raan e Nhialic hi piɔu a dikedik, ku jɔ roŋ ne luɔi piɛth ebɛn.

24

24:1b.2TI.024.001 Yin cok e than ɛn yin e Nhialic nɔm, ku Bɛnydit Yecu Kritho nɔm, raan bi loŋ de kɔc guiir kɔc piir ku kɔc ci thou, kool bi en tuol ku tul ciɛɛŋde;

24:2b.2TI.024.002 yan, Ye jam guiir; ye yic lɛth e luɔi ekool piɛth, ayi kool rac; ye kɔc jɔɔny, ye kɔc nen, ye kɔc riit piɔth, ke yi lirpiɔu ethuaat ne weet ee yin kɔc wɛɛt.

24:3b.2TI.024.003 Ade kool bi bɛn, kool cii kɔc weet piɛth bi guum; abik yith a yileyil, agoki ro kuot kɔc bi keek aa wɛɛt e ke roŋ ne ŋɔɔŋ e ke dɔm;

24:4b.2TI.024.004 ku abik keyith wel wei ne yicic, yɛlki rot te nu paar e kɔɔr.

24:5b.2TI.024.005 Ku yin, ye ro tiit e kerieecic ebɛn, ye katuc guum, ye luɔi de raan e welpiɛth guiir looi, ku jɔ luɔidu tiiŋic egɔk.

24:6b.2TI.024.006 Yɛn e thiɔk wo luɔi bi a lam enɔɔne, ku kool e jaldi e guɔ thiɔk.

24:7b.2TI.024.007 Yɛn e biok e biok piɛth, tedien, an, ban lɔ pek e riŋ aca thol, yɛn e gam ŋiec dot:

24:8b.2TI.024.008 ku enɔɔne ade gol e dhueeŋ ci tau ɛn, gol e piathepiɔu, gol bii Bɛnydit gam ɛn ekoole, Bɛny e loŋ ŋiec guiir apiɛth: ku acie yɛn etok, abi gam kɔc ci ticde nhiaar kedhie ayadaŋ.

24:9b.2TI.024.009 Cok e them yin bɛn bi yin dap bɛn te nuo yɛn:

24:10b.2TI.024.010 Demath aci a pal wei, ne nhieer ci en pinye enɔɔne nhiaar, ago jal le Thethalonika; ku le Kerethke Galatia, ku le Tito Dalmatia.

24:11b.2TI.024.011 Ee Luk etok en a rɛɛr ke yɛn. Nom Mak, ba weke yen: ee raan dueer a kony e luɔi.

24:12b.2TI.024.012 Ku Tukiko aca tuɔɔc Epetho.

24:13b.2TI.024.013 Alulut de wiir wen ca nyaaŋ piny Toroa tede Karpo, te bi yin, ke luɛthe ya, keke awareek, ku awareek lɔ reprep kek a kaar alal.

24:14b.2TI.024.014 Alekandaro thanh e malaŋ aci a luoi kerac alal: abii Nhialic tɔ yok kedɛn roŋ ke luɔide:

24:15b.2TI.024.015 ayik yin, ye ro tiit e yen aya; ee ater dit cak keke welkuɔ.

24:16b.2TI.024.016 Kool e kan ɛn kedi lueel e goonyic, acin raan e kɛɛc wok etok, yɛn cii kɔc pal wei kedhie: e cii tɛɛuwe e keyieth!

24:17b.2TI.024.017 Ku Bɛnydit yen aa kaac e yalɔɔm, ago a tɔ ril piɔu; luɔi bi jam thok e guieer e yathok, ago Juoor piŋ ebɛn: ku yɛn ci luak bei e koor thok.

24:18b.2TI.024.018 Ku Bɛnydit abi a luok e luɔi racyic ebɛn, ku jɔ a muk aɣet ciɛɛŋdɛn nu paannhial: e dhueeŋ e ye tɔu keke yen aɣet athɛɛr ya. Amen.

24:19b.2TI.024.019 Thiec Perithika keke Akula, ku dhien e Onethiporo.

24:20b.2TI.024.020 Erathato aci doŋ Korinth: ku Toropimo aca nyaaŋ Mileto ke de guop juai.

24:21b.2TI.024.021 Cok e them yin bɛn hi yin bɛn te ŋoote rut wei. Yin thieec Yubulo; ku Puda, ku Lino, ku Kalaudia, ku mithekɔckuɔ kedhie.

24:22b.2TI.024.022 E Bɛnydit Yecu Kritho e ye tɔu ke weiku. E dhueeŋdepiɔu e ye tɔu ke yin. Amen.