2 Thessalonians (Dinka)

21

21:1b.2TH.021.001 Yɛn Paulo, woke Thiluano, ku Timotheo, awarek en gɛɛrku kanithɔ de Thethalonikei nu e Nhialic Waadayic ku Bɛnydan Yecu Krithoyic;

21:2b.2TH.021.002 E dhueeŋdepiɔu tɔu keke week ayi mat, ne ke bɔ tede Nhialic Waada ku Bɛnydan Yecu Kritho.

21:3b.2TH.021.003 Wo bi dhil aa cool e lec Nhialic nɔm ne biakdun, wek mithekɔckuɔ, cit man piɛth en, e luɔi ee gamduon ro ŋuak alalditte, ku luɔi ditte nhieer nhiaar wek rot wedhie alal.

21:4b.2TH.021.004 Yen a leec wok rot ne week e kanithɔɔ ke Nhialic yiic ne biak de liɛɛr e wepiɔth ku gam ca wek gam e yoŋic ebɛn yoŋ ee we yɔŋ, ku ne katuc dhal week kedhie katuc yak guum.

21:5b.2TH.021.005 Ku kene ee ŋiny ba wek guieer ee Nhialic loŋ guiir ŋic egɔk, nɔn ee yen guieer yic; ee ke bi we tɔ ye kɔc roŋ ne ciɛɛŋ de Nhialic, ciɛɛŋ aa wek kake guum ne biakde aya:

21:6b.2TH.021.006 ten ee yen kepiɛth tede Nhialic luɔi bi en ketuc cool nɔm tede kɔc e ye week luoi ketuc,

21:7b.2TH.021.007 ku luɔi bi en week cuoot ne lɔŋ ba wek lɔŋ ne wook etok, wek kɔc ee luoi ketuc, kool bi Bɛnydit Yecu ro nyuɔɔth, te bi en paannhial keke tuuckɛn ril bɔ nhial,

21:8b.2TH.021.008 ke cath ke many e dep alal, ago rot guoor e kɔc kuc Nhialic, ayi kɔc reec welpiɛth gam, wel ke Bɛnydan Yecu Kritho.

21:9b.2TH.021.009 Kɔcke abik kedɛn tuc yok, yen aye riaak bi ceŋ athɛɛr, riaak bɔ e Bɛnydit nyin ku bi ne dhueeŋ de riɛlde,

21:10b.2TH.021.010 te ci en guɔ bɛn bi dhueeŋ bɛn yok e kɔckɛn ɣerpiɔth yiic, ku bii kɔc ditr ekoole, kɔc gam kedhie (luɔi ci jam cuk lɛk week gam).

21:11b.2TH.021.011 Yen a ye wok cool e lɔŋ ne biakdun e akoolnyiin kedhie aya, ke Nhialicda bi week tɔ roŋ ne cɔt ci we cɔɔl, ago ke ye kɔɔr ne piath e yenpiɔu thol ebɛn, ku thol luɔi de gam ne riɛldit;

21:12b.2TH.021.012 ke rin ke Bɛnydan Yecu Kritho ke ke bi dhueeŋ yok e weyiic, ku bak dhueeŋ yok ne yen, ne dhueeŋ de Nhialic piɔu keke Bɛnydan Yecu Kritho.

22

22:1b.2TH.022.001 Ku enɔɔne, wek laŋku, wek mithekɔckuɔ, ne kede bɛn bi Bɛnydan Yecu Kritho bɛn, ku gueer bi wo gueer e yelɔɔm;

22:2b.2TH.022.002 yan, Duoki weniim e dap tɔ lieepe, ku duoki e diɛɛr ne wei, ayi jam, ayi awarek ci gɔɔr, awarek cit ke e bɔ tede wook, luel en, an, Kool e Bɛnydit aci guɔ ɣeet.

22:3b.2TH.022.003 E cin raan e we math, acakaa yen e mɛth week e ŋo: ekoole acii bi kɔn bɛn, te ŋoot e dɔk ke ken bɛn, dɔŋ ee kɔc rot dak cieen, ku te kene raan rac e taiwei ro guɔ nyooth, yen aye wen e riaak eliŋliŋ;

22:4b.2TH.022.004 raan e ro yiek ater ne ka ci tɔ ye Nhialic ebɛn, ayi ka rieuwe, ku tɔ ro dit e keek; ago reer e luaŋdiit e Nhialic ke ye ro tɔ ye Nhialic guop.

22:5b.2TH.022.005 Kɛnki weniim tak, nɔn can kake lɛk week waan ŋuɔɔt ɛn ke ya nu e weyiic?

22:6b.2TH.022.006 Ku enɔɔne we ŋic ke pen en, luɔi bi en ro nyooth ne koolde guop.

22:7b.2TH.022.007 Luɔi de rɛɛc de loŋ luɔi ci thiaan ee luui enɔɔne: ku raan pen en luɔi alal anu enɔɔne aɣet te bi e nyaai e ciɛɛlic.

22:8b.2TH.022.008 Ku yen abi raane jɔ tic, raan reec loŋ eliŋliŋ, raan bii Bɛnydit Yecu nɔk ne wei bɔ bei e yethok, ku tɔ mar ne riau de bɛnde:

22:9b.2TH.022.009 bɛnde yen eraane ee kede luɔi de Catan ne riɛl ebɛn ku gook ku luɔi bi kɔc ke gai, luɔi lueth,

22:10b.2TH.022.010 ku ne mɛth bi en kɔc mar math ne kerac, luɔi ci kek nhieer e yic rɛɛc dɔm, ke ke bi kony wei.

22:11b.2TH.022.011 Yen abi Nhialic ken ee kɔc math tuoc keek, ke ke bi lueth gam:

22:12b.2TH.022.012 luɔi bi loŋden guiir atuc, kek kɔc reec yic gam kedhie, kɔc mit piɔth ne luɔi de kerac.

22:13b.2TH.022.013 Ku wo bi dhil cool e lec Nhialic ne biakdun, wek mithekɔckuɔn nhiɛɛr Bɛnydit, ne lony ci Nhialic we lɔc te ɣɔn ciɛke kaŋ, ke bi we kony wei ne ɣɛɛr ba wek piɔth ɣɛɛr, ku ne gam ba wek yic gam.

22:14b.2TH.022.014 Yen aa cɔɔl en week ne welkuɔn piɛth, ke we bi dhueeŋ de Bɛnydan Yecu Kritho yok.

22:15b.2TH.022.015 Yen ka, wek mithekɔckuɔ, yak jɔ kɔɔc aril, ku yak wel ci yien kɔc dot wel ci we wɛɛt e keek, nɔn ee yen jam de raan thok, ku nɔn ee yen awarek cuk gɔɔr.

22:16b.2TH.022.016 Ku enɔɔne, Bɛnydan Yecu Kritho guop, ku Nhialic Waada, Raan ci wo nhiaar, Raan ci wo gam muŋdepiɔu bi ɣet athɛɛr, ku gɛm aŋɔth piɛth ne dhueeŋ de yenpiɔu,

22:17b.2TH.022.017 e ye week muk piɔth, ku tɔ ke ril ne jam piɛth ebɛn ku luɔi piɛth ebɛn.

23

23:1b.2TH.023.001 Cook cieen, wek mithekɔckuɔ, Yak lɔŋ ne biakda ke jam de Bɛnydit ke bi cath e kueerde, ku lec, acit man leeceye e weyiic aya;

23:2b.2TH.023.002 ku laŋki ke wo bi luok e kɔc cin kɔc cin niim, ayi kɔc racpiɔth: acie kɔc kedhie ke cath e gam.

23:3b.2TH.023.003 Ku Bɛnydit en aye piɔu adot, raan bi we tɔ kaac aril, ku gel week e kerac.

23:4b.2TH.023.004 Ku wo ye Bɛnydit gam ne kedun, nɔn luɔɔi wek ka cuk thɔn week enɔɔne, ku nɔn ba wek aa cool e luɔɔi wek keek.

23:5b.2TH.023.005 E Bɛnydit e ye we dak piɔth e nhieer e Nhialicic, ku dɔk wepiɔth e liɛɛric liɛɛr e Kritho piɔu.

23:6b.2TH.023.006 Ku enɔɔne, we yookku, wek mithekɔckuɔ, ne rin ke Bɛnydan Yecu Kritho, an, Ratki rot wei e mɛnhkenedan lɔɔm ebɛn mɛnh kuc reer, ku reec jam aa piŋ jam cak yok tede wook.

23:7b.2TH.023.007 Ku wegup aŋiɛcki nɔn ba wek tauda dhil aa dɔmic: luɔi ken wok kuoc reer e weyiic;

23:8b.2TH.023.008 ku acin kuin de raan toŋ cuk cam youyou, wok ee luui, wok e rot nak piny e luɔi aret, wok ee luui akol ku wakɔu, ke wo cii raan toŋ e wekyiic dueer miɛn:

23:9b.2TH.023.009 ku acie cin cin wok riɛl, ee luɔi bi wo rot tɔ ye kɔc bak aa woi aguɔki tauda dɔmic.

23:10b.2TH.023.010 Ku acakaa waan tɔu wok e weyiic, kene acuk lɛk week, yan, Na de raan e luɔi rɛɛc, ke duoki e tɔ cam ayadaŋ.

23:11b.2TH.023.011 Luɔi ci wok e piŋ nɔn de kɔc kɔk e weyiic kɔc kuc reer, ku ciki e luui ananden, ku yek rot gap e luɔi de kɔc kɔk yiic.

23:12b.2TH.023.012 Ku wo yook kɔc cit keek enɔɔne ku guiirku keek ne Bɛnydan Yecu Kritho, yan, bik aa luui elik, ku yek kuinden cam guop.

23:13b.2TH.023.013 Ku week, wek mithekɔckuɔ, duoki e bap ne luɔi de kepiɛth.

23:14b.2TH.023.014 Ku na de raan reec jamda piŋ jam nu e awarekeyic, yak raane gɔɔk guop, ku duoki e mat e yen, ke bi yaar.

23:15b.2TH.023.015 Ku duoki e tɔ ye raan dɛ wek ater, yak nen tei cit man e mɛnhkenedun.

23:16b.2TH.023.016 Ku enɔɔne, Bɛnyditt de mat, yenguop, e ye week gam mat anandun ne kaŋ yiic kedhie. E Bɛnydit e ye tɔu ke week wedhie.

23:17b.2TH.023.017 Thiecdi ki, yɛn Paulo, thiec ca gɔɔr e yacin, ku yen ee ŋiny ba wek e ŋic e awareek yiic kedhie: gaar aa yɛn gar ki.

23:18b.2TH.023.018 E dhueeŋ de Bɛnydan Yecu Kritho piɔu e tɔu ke week wedhie. Amen.