2 Corinthians (Aguaruna)

21

21:1b.2CO.021.001 Witjai Pabloitjai, minak Apajuí Kristu Jisusa chichame etsegtukti tusa wakegau asa awetiuwai. Yatsug Timoteojai pujusan atum Jisus nemajutijum yaakat Corinto batsatutigmin papiin agajan awetakun kumpamjime, nuigtú Acaya nugkanum batsata nunashkam kumpamjai.

21:2b.2CO.021.002 Ii Apají Apajuiya nu, iina Apuji Jisukristujai wait anenjamag, shiig agkan anentaimsa pujuta nuna atumnash amastinme.

21:3b.2CO.021.003 Emematiagmi Apajuí, ii Apuji Jisukristun Apajiya nu, niiyai jutii Apají tuke wait anenjamna duka, nigki Apajuí ichichkagtina dushakam.

21:4b.2CO.021.004 Nigki ichichmamtanash sujamui ashí ii waitiamunmash, ditash tikich waitiagtaish dutiksag ichichkagtugtinme tujamu asa.

21:5b.2CO.021.005 Kristu waittsauwa nunisaik jutii ni nemajuidautish kuashat waituinaji, nuniakuish imá niinig kuashat ichichmamainuk ajutjamainaji.

21:6b.2CO.021.006 Jutii Apajuí chichame etsegjin, tikich aents waitkagmainakuish shiig aneenaji, jutii nuniamu diisjum atumesh ichichmamjajum uwemjatajum tabaunum. Tuja Apajuí jutii waitiajin ichichmamtan amakuishkam atum aidautigmesh: Jutii waitiajinish aikasagkeap Apajuí ichichtamjattaji, tusajum dekamainaitjume.

21:7b.2CO.021.007 Jutiik atuminig kajinmasa anentaimainaji, wagki atumek jutii waituinag nunisjumek waitiakjumesh, Apajuí ichichmamtan sujabaujai ichichmamaidau asagmin.

21:8b.2CO.021.008 Yatsug aidauh, ubag aidauh, jutii Asia nugkanum batsamsaja kuashat utugchatnum waittsabiag nu dekaatajum tusan wakegajai. Jutiik tikima atsanja nagkaemainchaunum jegantú asaja: Iwaakuk jiinjashtatjiapi, tibaiji.

21:9b.2CO.021.009 Nuniaku: Mantamnati, tujamainakui anentaimaina imanika anentaibiaji. Tujash nu dekamtijamabi iík anenmamtsuk, Apajuí aents jakaunash inanna nui kajintsá anentaimtan.

21:10b.2CO.021.010 Nuniau asajin Apajuí agkanmitkagmabi, dutijamsag ii jamain ishamain ataish ayamjutpaktatui. Nunin asamtai nigkiap ayamjutpaktatji tusa imá niinig kajinmasa anentaimainaji.

21:11b.2CO.021.011 Atum jutii pachijattsajum Apajuí augjumin, tikich aidaush jutiin pachijattsag Apajuin aujiagtaig, kuashat tikich aidaush Apajuin see tumain ainawai, Apajuinumia pegkeg juwamua nuna wainaidau asag.

21:12b.2CO.021.012 Aents aidau ditá yachajinig anentaimas yujau aina nunitsuk, jutiik Apajuí wait anenjamsamtai pegkeg aina duke anentaimainaku, tikich aidaujaish kuitamamka imagnisa yujaidau asaja, atumjaig nuní nagkaemasa kuitamamka yujasmayag duwi eme anenmabauk ajutjamainaji.

21:13b.2CO.021.013 Wi papiin agatjamjim nuwig, tikich wají pachisaik atum aujkugmesh antukchamnukesh agatjashbaijime, nuniau asamtai shiig ausampap dekawagtatua tajime.

21:14b.2CO.021.014 Atumek yamaik ii kuitamamsa yujasmayag duka shiig dekatsjume, tujash Apu Jisusa emtin ijunjatnaitag nunú tsawantinig dekajuatnaitjume, jutii wajuk pujusuitji nunú. Nunikjum shiig aneakjumin jutiishkam nunisaik atum dutikamua nu diisá shiig aneastinaitji.

21:15b.2CO.021.015 Wika Macedonia nagkaemakun atumi tajuan wainkan ukuakun, nuwiya waketkunchakam ataktush wainkan ukuktajime tusan anentaimsabiajai. Nuna nuniakui atum minashkam wi Judea nugkanum wegakuish, atum yainkamnujum tau asan.

21:17b.2CO.021.017 Wi nuna nuniktajai tiuwaitag nunash ¿anentaimtsukek tiuwaitag? ¿Atumek minishtinaitkumpap wainak minittajai tawa tujutjumek?

21:18b.2CO.021.018 Tujash Apajuí ni tibaujinak betek umina nu dekagtamui jutii wainka atum tsanuachbaunak.

21:19b.2CO.021.019 Wi, Silvano, Timoteo, jujú aidauti Jisukristu Apajuí Uchijiya nunú pachisaja atumnak ujakbaijime. Jisukristuk: “Yamaiya juwi dutikattajai” ti, ajuma duwi “dutikashtatjai” tujakchauwai. Nigka ni chichakbaujinak imatiksag umijakuí.

21:20b.2CO.021.020 Wagki Apajuí ashí anagkagtuamua duka, Kristui ashí uminkauwai. Nuaduí Apajuí emematuinakuik: “Aatus atí”, tuinaji Kristu Jisus pachisa.

21:21b.2CO.021.021 Tuja Apajuiyai jutiin atumnashkam Kristu nemaju asajin ashí ijupag niinu etamkajua duka.

21:22b.2CO.021.022 Dutijamak: Juka midau atinme, tujamu asa emtikak Wakaní Pegkejiya nuna sujamsajui. Nuna dutijabau asamtai dekainaji, atakeap pegkeg aina nuna sujamsatnaita tusa.

21:23b.2CO.021.023 Tujash wi Corinto minitjai tusa anentaimsamun minichag nunak Apajuí dekagtawai. Tuja wi minitjai taja nuna dekas tuchataik Apajuí suwimkan sujustí tajai. Wi anuí minichag nunak atumin kakaakan chichagkun wake ebeskaijim tau asan minichmajai.

21:24b.2CO.021.024 Jutiik atum kajintsá anentaimjum duka: Ii wakegamu dutikatajum, tusaik tumaitsujime, atumek Kristui kajintsá anentaimu asagmin ayatak yaimkatasa wakegaji dakujustinme tau asaja.

22

22:1b.2CO.022.001 Nuaduí: Dekas wechatjai, ditan wake besemag anentaimtiká wekayig, tusan juwakbaijai.

22:2b.2CO.022.002 Atum mina shiig anemtijumaintigmin wake besemag anentaimtiktaish, ¿yaki minash shiijash anemtijusti?

22:3b.2CO.022.003 Nuaduí ayatak agatjabiajime, atum mina shiig anemtijumain aidautigmin wake besemag anentaimtiktan dakitakun. Wika shiig dekajai, wi shiig aneakuig, atumshakam shiig aneemainaitjume.

22:4b.2CO.022.004 Tujash wi papiin agatjabiajim nunak, senchi uyumaka waitiamunum buutkun pujusan agatjabiajime. Tujash atumin wake besemag anentaimtijatasanuk agatjashbaijime, ayatak wi atumin senchi aneajim nuna dekaatnume tusan agagbaijai.

22:5b.2CO.022.005 Tuja mina makichik aents wake besemag anentaimtijujua duka, imá minakek dutijuache, ashí atumesh nunikugmeapi tajai. (Junak wika nunú aents dekas pegkegchau takasbaujiya nunak awagkinuk chichaa wekaechattajai).

22:6b.2CO.022.006 Atum ainajum nuwiya imá kuashtatijum nu aents suwimak susauwaitjum duka: Maake, anuig atí.

22:7b.2CO.022.007 Yamaik atumek tsagkujajum anentai ichichtugtajum, wake besemag pujak shiig pujuschamin dekapí.

22:8b.2CO.022.008 Nuaduí, atum yaunchuk ni aneejakuitjum dutiksagmek aneetajum tusan segajime.

22:9b.2CO.022.009 Duwik juna pachisan agatjabiajime, dekas wi tabaunash umikagtimpash tusan dekapsatasan.

22:10b.2CO.022.010 Nuaduí atum tsagkujattajum nunak, wisha tsagkujattajai. Wi anuí atumjai ijuntsan pujusan Kristu emtin tsagkugmainaitag dutiksanuk.

22:11b.2CO.022.011 Nu aaja dutikaku jutiik iwanch tsanujati tusaik agkantak idaitumaitsui, wagki dekaji ni pegkegchaun takamtijamsatatus wajuk anentaimnaita duka.

22:12b.2CO.022.012 Yamajam chichaman Kristu pachisan etsegkatasan yaakat Troas jegaa ai, kuashat aents Apajuí chichamen dekawagtatus wakeyagmayi;

22:13b.2CO.022.013 tujash yatsug Titun wainkachu asan wakeesan takamainchau dekapeakun, ditanak ukuakun Macedonia nugkanum webaijai.

22:14b.2CO.022.014 See tajai Apajuin, Kristu depetmakua imanuk etamu asamtai, jutii ni chichame etsegbauwa dushakam pegkeg kugkuina iman, ashí yantamnum etsegbaun wakejus antuidau asagmatai.

22:15b.2CO.022.015 Jutii Kristu pachisa etsejuinag duka, Apajuin shiig awagmawai. Juna antuk umiidaunak Apajuí uwemtikainawai. Jujú chichamak pegkejai chichaman umiina nuwig, tuja megkaejatin aina dushakam jujú chichamnak antuinawai.

22:16b.2CO.022.016 Megkaejatin aina duka Apajuí chichamenak pegkegchauwa nunin antuinawai, dita megkaejatnujin pachis tau asamtai. Apajuí chichamen antukag umiina nunak Apajuí uwemtikui. Tuja nu chichaman umiina nujaig Apajuí chichamega juka pegkejai, duwi dekainawai: Nayaimpinmap pujustinaitji, tusag. Makichik aentskesh, Apajuí yayachmak shiig dekamaitsui, jujú chichama ju etsegtanak.

22:17b.2CO.022.017 Jutiik, tikich aidau kuichkin jukitasag wainak tsanumag chichaman etsejin aina nuninatsji, jutiik Apajuí awetabiu asagmatai dekaskenum ni emtinish etsejuinaji, nuigtush Kristujai ijutkau asaja.

23

23:1b.2CO.023.001 Wi juna pachisan chichaakuig, atumek: Ni eme anenmamkumpap tu wekaewa, tusagmek tujutmain ainatsjume. Atsa tikich wajukena nunikaik, ¿Jutiin pachijatus papiin agajagbau jukí atum iwaintumainaitjim?

23:2b.2CO.023.002 Jutii anentaimsa papiinum agamaina numamtuk awajkamutigmek atumetjume, nunin asagmin ashí aents papiin aujus shiig dekamaina numamtuk, atumnak shiig dekagmainawai, atumi pujutjum yapajidaun wainaina nuaduí.

23:3b.2CO.023.003 Kristuk, jutii chicham etsejuinag jujai ni pegkejan dutikauwa nuna aents aidaush wainkatnume tusa wakegawai. Tujash nigka jujú chichamnak aents aidau wainkati tusag papinumag agagchauwai. Nuigtushkam Apajuí chichaman kayanum agag Moisesan susauwa dutikag agagchauwai. Dekas atumnak Apajuí tuke pujuwa nunú Wakaní Pegkejiya nujai atumi pujutjuminig yapagtamawaju asamtai, tikich aidaush Kristu atumin yapagtabauwa nunak wainkagtatui.

23:4b.2CO.023.004 Apajuiyai kajintsá anentaimainaku, Kristu atumiin dutikauwa duka dekaskeapi tuinaji.

23:5b.2CO.023.005 Juka imá jutiik imatiksa takainaji tumamaitsuji, ashí jutii takainag duka Apajuí yaimpasmatai takainaji.

23:6b.2CO.023.006 Nigki mina takagtin agtinme tusa jutiinak ni inake etamkauwai, yamajam chicham apakbauwa nuna etsejin atinme tujamu asa. Jutii chicham etsejuinag duka chicham umiktin aajakua duchauwai, juka Wakaní Pegkeji takaamua nuuwai. Wagki chicham umiktin aajakua nu umiachbaunmag Apajuijai tuke kanaaku kanatnum ejekagtiuwai, tujash Wakaní Pegkejiya duka pujut tuke atinun sukagtawai.

23:7b.2CO.023.007 Chicham umiktin kayanum agagbau aajakua nunú, Apajuijai tuke kanaaku kanatnum ejekagtiuwa nu, Moisesa yapiin winchamtin awajtusmatai, Israel aents aidauk Moisesa yapiinak diimainchau dekapjajui. Duka, dukap asa megkaekatnaitak ibau wajasuí.

23:8b.2CO.023.008 ¿Dekas Wakaní Pegkeji jutiiní takaamua nuna tsaaptinji aan nagkaemas amainchaukaih?

23:9b.2CO.023.009 Chicham umiktin bakujatmainaitak iman aajakua nuna nagkaesauwai, Apajuí: Aentsú bakumamainjig atsawai, tawa nu etsegbauwa duka.

23:10b.2CO.023.010 Nu chicham umiktin iman aajakua duka, yamai yamajam chicham Kristu pachisa etsegna nujai apatkamak imanchauwai.

23:11b.2CO.023.011 Chicham umiktin megkaekatnaitak iman aajakua nuna nagkaesau atinai yamajam chichama juka. Jujú chichamak ajumaish megkaekashtinai, tuke atinai.

23:12b.2CO.023.012 Nuaduí nunú dekaidau asaja jutiik shiig kajintsá chichagkagtuinaji.

23:13b.2CO.023.013 Moisés yapiin winchamtin wajasú asa, ju megkagun Israel aents aidau wainkainum tusa, jaanchi juki yapiin ejakua numamtukek jutiik wajainatsji, wagki Kristu chichamega juka tuke megkaekashtin asamtai.

23:14b.2CO.023.014 Tuja Israel aents aidauk Moisés chicham umiktinun agajua nunak, shiig antumainchau dekapjajui. Nunijakajua nunisag yamaikishkam, nuna chichaman aujuinakush antumainchau dekapenawai, jaanchi ejakbau asa shiig wainmainchauwa numamtin juwakaju asag; tujash imá Kristuig kajintsá anentaibaunum shiig antumainaitji.

23:16b.2CO.023.016 Ashí aents Apu Jisukristui sujumankaju aidauk, ni dekamtikbau asa shiig paan dekainawai.

23:17b.2CO.023.017 Iina Apuji Jisukristuk wakani, nunin asamtai Wakaní Pegkeji jutiiní pujus chicham umiktajum tibau umiktasa waitujakbauwa nunak agkanmitkagbauwai.

23:18b.2CO.023.018 Dutijabau asamtai yaunchuk iina yapiin jaanch ejatkamua numamtin aajakuitag nunak, yamaik Kristu pachisa dekainag nuaduí, Wakaní Pegkejiya nu anentaimtam yapagtugma Kristu anentaimtajiya imanuk etamji. Dutijamu asamtai Kristu wajukuita nuninuk weenaji. Nunak ni Apu Jisus dutijamu asamtai nuninaji.

24

24:1b.2CO.024.001 Jutiinak Apajuí wait anenjamag, yamajam chichama ju etsegkatajum tujabiu asamtai, mijattsuk chichagkagtuinaji.

24:2b.2CO.024.002 Nuniaku uuká takaamu nuigtú tikich datsanmain aina duka ashí idaisau asaja, tsanumsaikish chichatsuk, Apajuí chichamesh yapajiasa etsegtsuk, imá dekaskea duke ashí aents aidaush pegkeg diiyamua nu Apajuish dekamunum chichakagtuinaji.

24:3b.2CO.024.003 Tujash yamajam chicham etsejuinag juna dekamainchau dekapena nunak, aents megkaejatin aina nu nuninawai.

24:4b.2CO.024.004 Dita dekaskeapi tuinatsu nunak, iwanch ju nugká apujiya nu antumainchau emamu asag nuninawai. Nuaduí yamajam chicham Kristu pachisa etsegbauwa junak dekamainchau dekapenawai, Apajuish wajukuita nunak, Kristu iwainawai tusa pachisa etsegbauwa juna.

24:5b.2CO.024.005 Chichagkagtuinag duka iinu pachisaik chichatsji, Jisukristu dekas Apua nu pachisa chichagkagtuinaji; tujash jutiik Jisukristu aneamunum, atumí inataigmia nunin ainaji tumamainaji.

24:6b.2CO.024.006 Wagki Apajuiya duke suwen tsaaptin emati tima, tsaaptin emauwa numamtuk, jutii anentainish Apajuí imanjiya nu shiig dekaatnun, tsaaptina numamtinun amasuí. Ditash tikich aidaun Apajuin pachis shiig dekamtikatnume, jutiin Jisukristu Apajuí wajukuita nuna shiig dekamtijamauwa dutiksag tusa.

24:7b.2CO.024.007 Jutiik duwe jukí ichinak najanamunum, nuna initken wají wakejumain pegkeg egketiama numamtuk awajkamu ainaji, Apajuí ni senchijí sukagtamua nunú iiní au asamtai.

24:8b.2CO.024.008 Nuaduí utugchat ajutjamkuishkam epegsaikí auwaitji. Uyumamu imanik ajutjamkuishkam, wajukawajak tusaikish tuinatsji.

24:9b.2CO.024.009 Iina shiwaji aidau waitkagmagtaish imá iinakek Apajuik idaitamtsuji, suwimjamainakush mantamtanak mantamainatsui.

24:10b.2CO.024.010 Jutii tuwí wegaji nuwig, Jisusan maatatus itujujakú aina imatijamainaji. Jisus imatikajakbauwa nuna tikich aidaush jutii pujutinish betek nagkaema nuna diisag, Jisusap ditanak maam amainnash kuitamainawa tusag dekaatnume tabaunum. Nunin asamtai jutiik, Jisus pachisa etsegbaunum ni mantamdauwa nunisaik mantamnatasa umintsá yujainaji.

24:12b.2CO.024.012 Jutii mantamnamainnum yujasá chicham etsegkamunum, atumesh pujut tuke atina nu jukiu ainagme.

24:13b.2CO.024.013 Tujash agagbauwa nui: “Kajintsá anentaibau ajutu asamtai chichagkagtajai”, tibau awai, nuaduí jutiishkam nunisaik kajintsá anentaibau ajutjamu asamtai chichagkagtuinaji.

24:14b.2CO.024.014 Apajuí, Apu Jisus maamunak inankiuwa dutiksagkeap jutiinash inantamkiag, atumjai ijupag niina pujutaijin jujamkiagtinaita tusa dekainaji.

24:15b.2CO.024.015 Duka atum aneamunum imanikaik waituidau asajin, Apajuí aents aidaunashkam yaigtatui. Dutikainam juní kuashat Kristun nemajuinak, Apajuinashkam ni wait anenkagtugbaunum see tuinak imá niinak emematiagtatui.

24:16b.2CO.024.016 Nuaduí iina iyashí muuntuch wegak mijamkuishkam, iina wakaniya nu kashí kashinig ayatak senchimeakui mijamtsuji.

24:17b.2CO.024.017 Ju nugka juwi yamai waituinag duka, Apajuí pujut pegkeg tuke atinun sujamsatna nujai apattsa anentaimtamak wainkayai.

24:18b.2CO.024.018 Aatus asamtai jutiik ju nugkanmaya wainainag juka puyatjutsuk, dekas nayaimpinmaya ii jukitin wainchamua nu imá senchi puyatjusa anentaimtiagmi. Ashí wainainag juka megkaejatin ainawai, tujash eke wainainatsug nuuwai ajumaish tuke atina duka.

25

25:1b.2CO.025.001 Jutiik, ju nugka juwi jega jegamkamu aina nunin ainaji, aak tuke pujuchua numamtin. Tujash iina iyashí aak mamumaina numamtuk wajataishkam, Apajuí tuke atinun nayaimpinum umigtamkamu amastin ajutjamui. Duka aents takasbauwa nunin achatnai.

25:2b.2CO.025.002 Nuaduí wajukaik yamajam iyash nayaimpinum pujustina nu waamak jukiag tusa anentaimtuinaku, shiig aneasa pujumain dekapenatsji.

25:3b.2CO.025.003 Nunú yamajam iyashia nu iina wakaninak, wisú aig tusa nugkutiama numamtuk awajkatnai.

25:4b.2CO.025.004 Ju nugka juwi batsamsaik tuke shiig aneasa batsatainatsug duka, jakata tau asaik nuniatsji, yamajam iyashin Apajuí nayaimpinum umigtamkawa nu jukita tau asa nuniaji. Wakegainaji ju iyash waitin aina ju ukuaku, yamajam jukí nu iyashimka waitkas pujustasaja.

25:5b.2CO.025.005 Apajuí umigtamkauwai nunú iyash ii jukitna nunak. Nuna jukitnume tujamu asa emtikak Wakaní Pegkejinak amasuí.

25:6b.2CO.025.006 Nuaduí tuke kajinmasa anentaimauk ajutjamainaji, wagki iina iyashiya jujai pujakuik, tikich nugkanum batsatu wajukmaina numamtuk, Apu Jisusjai atushat pujuinag nu dekaidau asaja.

25:7b.2CO.025.007 Yamaik duka wainchayatku, jukitnapitji tusa kajintsá anentaibaunum batsatji.

25:8b.2CO.025.008 Duwi wake besemjak batsattsuji, jujú iyash idaiku Apu Jisusjai pujustasa wetinaitag nu imá senchi wakegau asaja.

25:9b.2CO.025.009 Nuaduí iwaaku pujaknush, nuniachkunush ni pujamunum wakanush, niina shiig awagma nunak takagsamig tabaunum kakanmamainaji.

25:10b.2CO.025.010 Tsawan jegatnai ashí aentstí Kristu emtin ijunjatnaitag nunú, nunikbaunum makí makichik aents nugká pujusá takasbauji pegkeg ataish, tuja pegkegchau ataishkam dutiksag susatnai.

25:11b.2CO.025.011 Nu nuniktin dekau asaja, puyatjusa tikich aents aidaush Kristu nemagkatajum tusa imatjuinaji. Nunak Apajuik shiig dekagtamui, nuniau asamtai atumshakam shiig dekamain ainagme.

25:12b.2CO.025.012 Juka ataktú jutii emematmamsa chichaaku tatsuji. Tujash jutii pegkeg tuinag nunú atumesh dekaatajum tusa wakegainaji. Nunikjum aents aidau pegkejan takaak wajukmaina numamtuk wajaina nu, wi dutikag nuna dekainatsu dushakam shiig ujakminjum tau asan.

25:13b.2CO.025.013 ¿Atumesh jutiik pachimasa chichau asajinig, auk imaankau asag tu yujainawai tukagtuinajum? Imaankau asaja, juka Apajuí ememattasa taji, tujash imaankau asajaik chichagkagtuinatsji, juka atum yaigkagtasaja etsejuinaji.

25:14b.2CO.025.014 Kristu senchi anempa nu dekaidau asaja, niina chichameg wakeesa etsejuinaji. Nigka ashí aents aidaunum mantamdauwa duwi, ni nemajuinaku ashí pegkegchau takatak idaisau asá jakaujai betek ainaji.

25:15b.2CO.025.015 Kristuk ashí aentsun uwemtikatatus mantamdauwai. Nunin asamtai aents niina nemajuidauk, dita wakegamun taká batsamtsuk, Kristu ditai mantamna nantakiuwa nudaun takamain ainawai.

25:16b.2CO.025.016 Nuaduí jutii Kristu nemajin aidautik Apajuí nemagchau anentaimaina nuninuk anentaimainatsji. Yaunchkek Kristu nemagchau anentaimaina nunin aajakuitji. Tujash yamaik nuninuk anentaimtuinatsji.

25:17b.2CO.025.017 Nuaduí aents Kristun nemajuidauk duwik pujutinak idayinak, yamajam pujutan jukiaju asag, dekas yamajam aents ainawai.

25:18b.2CO.025.018 Ashí nu aina nunak imá Apajuik dutikawai. Nigki ni Uchijin awetugmauwa duwi niijaish igkunikuitji, dutijabau asa jutiinashkam, tikich aents aidaush, Apajuijai pujutjum iwajatajum tusa ujaktajum tujabiuwai.

25:19b.2CO.025.019 Nunak Apajuí ni Uchijin awemauwai, ashí aents aidauk epegtumatnume tusa. Dutikamu asa, iina tudauji aidaunash pachitjamtsuk idaitugmasui. Tuja jutiinak: Apajuijai pujutjum iwajatajum, tusa chichagkagtuktajum tujabiuwai.

25:20b.2CO.025.020 Nunin asamtai jutiin, Kristu mina chichameg wi tumainaitag dutiksagmek etsegtugkatajum tusa awemamu asaja, Apajuí atumin tujaamaina nunak jutiin tujamiu asamtai Kristu tawa dutiksanuk tajime: Pujutjum Apajuijai iwajatajum.

25:21b.2CO.025.021 Kristuk makichkish tudau aina nunak takaschauwai, nunikunak Apajuí jutii tudaujin niinak aents tudaujai betekak emauwai. Ni nunikbaujin iishkam uwemja niijai ijunjau asajin, yamaikish tudau ainajinig, tikima pegkegma iman diigmaji.

26

26:1b.2CO.026.001 Jutiik Apajuí chichame etsegbaunum yaimin ainaji. Nunin asaja segajime: Apajuí wait anenkagtamun iwaintugmakua nu shiig dekaajum, ni chichamesh ayatak antukjum idaitsuk unuimagtajum tusan.

26:2b.2CO.026.002 Wagki agagbaunum chichaak: “Tsawan wi antugmainaitjam nu jegau asamtai untsugkumin antugkan aikmajame, dutikan uwemainjum tsawanjum jegagtamatai yaigmajame”, tawai. Nu tsawantak yamaiya juuwai Apajuí aigmamainuk. ¡Yamaiyai tsawan uwemaina dushakam!

26:3b.2CO.026.003 Tikich aidauk pegkegchaukesh iwaintuinatsji, ii takainag nuna pegkegchau chichajinum tuidau asaja.

26:4b.2CO.026.004 Ayatak dekas Apajuin inakempap ainawa tusa dekagmatnume tabaunum, waitiakuish, atsumakuish kuashat katsuntuinaji.

26:5b.2CO.026.005 Iinak achigmakag asu asutamainakua egkepawagmayi, jetepainakuish waittsabiaji, takatash imanik takabiaji, kanutskesh tuke tsawampabiaji, yujumak yutsuk yujasaishkam imanik waitbaiji.

26:6b.2CO.026.006 Nu imaninakuish shiig pujuidau asá: Dekas Apajuí inakempap ainawa, tama agbaiji. Apajuin chichamega duka shiig dekainaji, nuniau asaja tikichjaish shiig anendaisa, uyumat aneakas pujuinaji. Wakaní Pegkeji jutiiní puja nu yaimpasmatai, tikich aidaush dekas aneamunum emamkesa shiig takasbaiji.

26:7b.2CO.026.007 Chicham dekaskea dushakam, Apajuí senchijí iiní ajutjama nujai takasbaiji. Nunin asajin jutii shiig pujamujiya nunú, ii shiwaji aidaunum ayamjumamaina nuwishkam yaijatkauwai.

26:8b.2CO.026.008 Aents wakejutpas eme anenjamas jujamainai, tikich aents dakitjamaidaush ainawai. Aents pegkegnum chichagtamainai, tikich aents pegkegchaun chichagtamainawai. Tikich chichagtamaidau: Waitjin agmae tujamainai, tikich chichagtamaidau: Waitjuchu agmae tujamainawai.

26:9b.2CO.026.009 Tikich aents waipachu utugtamaina numamtuk awajtamainai; tikich aentsuk shiig waipau utugtamaina imatijamainawai. Mantamattak awajtamainaigkish, iwaaku pujaji. Suwimkan imatijama sujamainakush mantamachajui.

26:10b.2CO.026.010 Kuashat utugchat ajutjamkujaish, tuke shiig aneasa pujuinaji. Ujunauchitkuish tikichik senchi yainaji, Apajuinu tuke atina nuna jukitnume tusa. Tikichin ajuina imatiksag ajutjamchakush, ashí ajutjamainawai.

26:11b.2CO.026.011 Yatsug aidau, ubag Corintonmaya aidauwah, jutiik dekaskea duke ujakbaijime, ii anentaibaujiya duka uusá tutsuk, ashí ujakbaijime.

26:12b.2CO.026.012 Jutii aaja nuniajinig, atumek uusá anentaimjume.

26:13b.2CO.026.013 Nunin asagmin (muun uchijí aidaun chichajama dutiksanuk tajime), wait aneasjum minash atum anentaibau ujatkatajum, wi atumin uutsuk tajim aikasjumek.

26:14b.2CO.026.014 Jisusa nemagchau aina nujaig nuwenawaigpa. Aantsagmek pegkegchau dutikainamush atuetukaigpa. Wagki, dita anentaimaina duka jutii anentaimainag nujaig betekchauwai. Ditak Kristunak umijuinatsui. Nuaduí pegkegchaun takaina duka, pegkejan takaina nuna kumpajig amainchauwai. Suwea duka tsaaptinjaig apatdaimaitsui.

26:15b.2CO.026.015 Kristuk iwanchjaig makichkish apatdaimaitsui. Nunisag Kristun nemajuidaushkam Kristun nemagchau aina nujaig ijunmaitsui.

26:16b.2CO.026.016 Atum ainagme dekas Apajuí pujutai aidautigmek. Apajuí jeega duka apajimtai aina nuna jeeg amaitsui. Apajuí chichaak: “Ditai pujustajai, nunikan ditajaig wetajai. Dita mina aentsug atinme, nuninakui wi dita Apají atajai”, tiuwai.

26:17b.2CO.026.017 Junashkam Apajuí chichaak: “Tupandaijatajum aents pegkegchaun takaidaujaig, nuniakjum ashí tunamamain aidau takasaigpajum, nunikagmin wi atumnak jukitjime,

26:18b.2CO.026.018 dutikan wi atumin Apa atajai, tuja atum mina uchig, mina nawantug atajum, tiuwai Apu ashí senchigtina nunú.”

27

27:1b.2CO.027.001 Nuna aatus anagtabau asamtai aneetaig yatsug aidauh, ubag aidauh, shiig kuitamamsa pujaku iina iyashin, wakannumash pegkegchau etamaina duka ashí idaisa pujumainaitji. Apajuí ajantusa diinaku, ni pegkegma ibauk atasa kakanmamainaitji.

27:2b.2CO.027.002 Dekaskenum anejattsa dijattsatajum, wagki makichik aentskesh pegkegchauk takagsachmayag nuaduí. Jutiik atumin pegkegchau etamainuk jintintuachuitjime. Makichik aentsú wajiiji atankitasaikish wainkaik tsanugchabiaji.

27:3b.2CO.027.003 Wika junak atumek nunin ainagme tusan augmatkun tatsujime. Yaunchuk tibaijim nunisnuk, wika atumnak aneajime ijuntsan pujustasan, jaaknush atumjaig jakatasan wakegajai.

27:4b.2CO.027.004 Dekaskenmag ii anentaibaujiya duka uusá tutsuk ashí ujakbaijime. Atumin anentaimtaknuk ememasan anentaimjai. Waitiaknush atumiin anentaimkun shiig aneasan dakunkut pujajai.

27:5b.2CO.027.005 Macedonia taawabiag duwi nagkamsa waitiag nunisaik yamaikish ayamsaik batsattsuji. Ashí yantamnum utugchatak igkuibiaji, tikich aidau jutii etsegbaunak dakituidau asag pampanjamainakui ishamkagtaku.

27:6b.2CO.027.006 Tujash Apajuí aents waituidaun anentain ichichtina nunú, Titun awetugma jutiinash anentain ichichtamjabi.

27:7b.2CO.027.007 Tujash imá ni taa duwikik nunikchamjai, ni atumin waipak ichichmamjau asa, atum jutii waijatkatasa wakegamun, nuigtú wi waitiamu antukjum kuashat wake besemag batsatkujum, uyumatjuinajum nuna ujatkamtai antukan, nuní nagkaemasan shiig aneasmajai.

27:8b.2CO.027.008 Tuja wi papí agaja awemamu ausajum, imá senchi wake besemag anentaimsamugmin ujatkamtai antukan, wishakam kuashat wake besemag dekapjabiajai. Nuniknush nunakek anentaimtuk pujatsjai. Dekas awemamainchauna awemayag tusankesh anentaimtatsjai.

27:9b.2CO.027.009 Yamaik shiig aneajai, tujash atum wake besemag batsamsaujum duwi nuniatsjai. Atum wake besemag batsatkujum Apajuiyai ataktú wakitkiujum duwi. Duka Apajuí dutijamkui nunikugme, nuaduí atumin pegkegchau awagmamaina duka dutikashjiapi taji.

27:10b.2CO.027.010 Apajuí wake besemag anentaimtijama nunak, iina pujutin yapajia uwemjati tusa dutijamui, nuniau asamtai nu anentaimtaku waitú pujumainuk atsawai. Untsu Apajuí nemagchau aidau wake besemag dekapenayatak pujutjin yapajinashkug, Apajuijai tuke kanaak kanamain ainawai.

27:11b.2CO.027.011 Atumek wake besemag pujakjumesh Apajuí wakega dutiksagmek katsunjaugme. ¡Nunú yamai diistajum wají ajutjamsaje! Nunak atumiin utugchat awa nuna shiig dekamtijamak, minashkam ayamjutkatatus dutijamawaje. Kajeamush, nuigtushkam ishamamush ajutjamsaje, nunikjum mina waitkatasajum wakekaugme, nunikjum ya pegkegchaun takaawa dusha suwimak susaugme. Nu dutikaujum duwi iwainmamkaugme, atumesh dekas nunú pegkegchau dakituinajum duka.

27:12b.2CO.027.012 Wi papiin agagmayag nunak imá aents pegkegchaun takasua nuna yaigtasanuk agagchabiajai. Nuniachkunush pegkegchaun takasua nuna apajin yaigtasankesh agagchabiajai. Ayatak atum jutii puyatjusjum antugkagtajum nuna iwaintuktasan agatjamjime.

27:13b.2CO.027.013 Ashí nu atumin nagkaetamkiuwa duka jutiinak ichichtamjauwai. Tujash nunú ichichmamjamua nuní nagkaemas shiig aneasmaji. Tito shiig dakujus pujau wainku, duka ashí atum aidautigmeap dakujutak egketuaugme taji.

27:14b.2CO.027.014 Wi atumin ememattsan anentaimtamun Titunash ujakmajai. Nuna tija nunak pegkegchauk juwakchajai. Ii ashí dekaskea nu pachisa atum ememattsa tibaijim nunisag Titushkam waipakaje.

27:15b.2CO.027.015 Nigka atumnak senchi anempajume, ni atumin segapakuish betek umijujakbau asa. Nuigtushkam eme anentsá jukimu asa.

27:16b.2CO.027.016 Wika atumiin shiig kajinmamsan pujag duwi shiig aneajai.

28

28:1b.2CO.028.001 Yatsug aidauh, ubag aidauh, Jisusa nemajuidau Macedonia batsata nuna Apajuí wajuk wait anentamujin ditan iwaintuke nuna pachisan ujaktasan wakejajime.

28:2b.2CO.028.002 Ditak senchi waitiamunum batsatiatak, shiig aneasag dakunkut pujusag ujunauch ainayatkush, wiyakuch wajukmaina imanisag wakejus tikichin anentag yaigkaje.

28:3b.2CO.028.003 Wi dekas wainkamujun ditanak etsegtajai, dita dutikmainji ajamun diisag wakejus, dita anentaimtusbaujin inagkeasajashkam anenjauch susagmayi;

28:4b.2CO.028.004 ditak nagkabiag, yatsug aidau, ubag aidau, Apajuí nemajuidau Jerusalén batsata nunú yaigmí taji tusag segatiagmayi.

28:5b.2CO.028.005 Wi anentaimtusbauwa nuna inagkeasag dutikawagmayi. Dekatkauk ashí ditá pujutinak Apu Jisukristun idaitusag, nuaduí wi Apajuí wakegamun taja dutiksag umikagmayi.

28:6b.2CO.028.006 Nuaduí Tito chicham susá awemaji, ni anuí taa, atum tikich wait anenjatin ijumkujum nagkabauwaitjum nuna jukiti tusa.

28:7b.2CO.028.007 Atumek ashí wagaagme, Kristui dekaskeapi tusa nemagtanmash, tikich chicham dekatnumash, dekaskea nu shiig dekatnumshakam, atum jutiiní unuimajuitjum dutiksagmek, tikich aidaushkam aneasjum yayajume. Antsagmek atum tikich wait anentsajum yayajum nuwishkam wagatajum.

28:8b.2CO.028.008 Wika ju dekas umiktajum tusanuk tatsujime. Tikich aidau dekaskenum anenkai wajuk shiig wakejus aikainawa nuna wainkatnume tusan tajime.

28:9b.2CO.028.009 Atumek shiig dekagme, Apu Jisukristuk wiyakchaitak atumin wait anenjamu asa, ujunauch wajas tauwa duka. Nunak ni anentag sujamsauwa duwi, atumnashkam dekas shiig pegkeja nuna jukitnume tusa dutijabauwai.

28:10b.2CO.028.010 Wika junak atumin shiig awajtamaina nuna pachisan tajime, tikich mijan nagkaemakmaya duwi kuichik anentag ijumkujum nagkamauwaitjum duka, dekaskenum dutikatasajum wakekauwaitjume.

28:11b.2CO.028.011 Atum wakeesa dutikami tusa kuichik ijumat nagkamauwaitjum duka, yamaish wajupa kuichkish ajutjamainawa nunú ijumjajum idaisatajum awemanti.

28:12b.2CO.028.012 Wagki, aents wakejus sukagta nuna Apajuik shiig anentus jujawai, wajupauchia anenjauch suwawa nuna. Apajuik aents shiig atsuja nunak segatsui.

28:13b.2CO.028.013 Junak tikich yayakjum atum waittsatajum tusanuk tatsujime. Mai betekak atum atsumamua dusha ajutjamtinme tusan tajime.

28:14b.2CO.028.014 Yamaik atum dita atsumainakui yaimainuk kuashat ajutjamainawai; tikich tsawantin atum atsumtaish dita yaimpamain ainawai. Junak mai betekak atum atsumamua dusha ajutjamtinme tusan tajime.

28:15b.2CO.028.015 Apajuí chichame chichaakushkam: “Kuashat jukiuwa nudaush ampinjachui, tuja machik jukiunush tagagchauwai”, tawai.

28:16b.2CO.028.016 See tajai Apajuin, wi atumin yaigtasan wakegag nunú wakeetanak Titunashkam susau asamtai.

28:17b.2CO.028.017 Wi awemag juna juki, niishkam atumiin minitatus wakegau asa, wakejus minawai atumin waipaktatus.

28:18b.2CO.028.018 Titujai awemajai makichik yatsutan, ashí tikich Jisusa nemajin aidaush chicham yamagma juna shiig jintinkagtawai tusag wakejin agma nuna.

28:19b.2CO.028.019 Niinak Jisusa nemajin aina nu jutiijai minití tusa wakegainawai. Ujunauch aidau Jerusalén batsata nu kuichik susami tabaunum. Jutii aaja dutikamunum ditak Apajuin see tuinak, tikich Jisusa nemajin aidau yaigtasa wakegag nunash dekaawagtatui.

28:20b.2CO.028.020 Nunú yatsut atsumaidau yaigtinun, anentag kuashat kuichik ijumjamu juwinag nuna pachisag, wainak augmatjamsainum tuidau asaja tuke kawemak yujainaji.

28:21b.2CO.028.021 Nuniaku itusaik pegkeja duke takasag tusa kakanmamainaji. Imá Apajuí emtinig iwainmamkatasa nunitsuk, aents aidaush jutii shiig takainamun wainkatnume tabaunum.

28:22b.2CO.028.022 Ditajai awemajai tikich iina yachí ashí wajiinum kuashtá dekapsamua nuna, nigka shiig kuitamas takauwai, yamai atuminish shiig kajinmas anentaimin asa wakegas minawai.

28:23b.2CO.028.023 Titun pachisan tajime: Nigka wijai atuegak atumi yaimpaktatus takauwai. Tuja tikich yatsug jimaja nunak, Jisusa nemajin aina nu awemainawai. Ditashkam Apu Kristun emematin ainawai.

28:24b.2CO.028.024 Jisusa nemajin aidau dekaatnume tabaunum, atum dita aneamugmish iwaintuktajum, jutiik atum eme anentaimtuidau asa tajime.

29

29:1b.2CO.029.001 Wika Jisusa nemajuidau yaigtinuk kuichkik ijumjau asagmin, ataktú ijumjatajum tusanuk agatmaitsujime.

29:2b.2CO.029.002 Wagki, wika atum wakesajum dutikamugminak shiig dekagjime, nuniau asan Macedonia nugkanmaya aidaun ujaknush, atumí eme anentsan ujainajai. Nuniakun Acaya nugkanmaya aidaush tikich mijanae duwi nagkamas, dita yaimkatnujinak umintsaje tajai. Nunú atum wakejusa dutikamun, Macedonianmaya antukag senchi wakekagmayi.

29:3b.2CO.029.003 Atum imaniagminig yatsug aidaun awetajime, wi atumin ememattsan chichaag nuna wainak tu wekaguwa nunin diigsainum tusan, wi etsegtajim nunisjumek umintsajum asatajum tusan tajime.

29:4b.2CO.029.004 Macedonianmaya aidau wijai anuí takamá, wi tajim nuninchaun waipainakuig, atum datsamain aig, ii atumiin kajinmasa chichakú asaja jutii datsamainaitji.

29:5b.2CO.029.005 Nuaduí nunin ai tau asan, ju yatsug aidaun: Atum emkajum wetajum, nunikjum tikich mijan nagkaemakmaya duwi yaimkatnun wakejus nagkamawagmaya nuna ijumjatnume yaigtajum, tusan awemajai. Aatsa ijumja umisjum asatajum sujimayatku dutiktsuk, wakejusampap jutikainawa tumain atí.

29:6b.2CO.029.006 Jushakam adeagtajum: Ajakan machik ajauk machik juwaawai, kuashat ajakmakushkam kuashat juwaawai.

29:7b.2CO.029.007 Makí makichkitijum atum wajuk susatjai tusagmea anentaimsaugme, dutiksagmek susatajum, junik anentaimiatkujum, nuniachkugmesh tikich apusata tujamainakui dutiktsuk. Apajuik ya wakejus suwawa nuna imá shiig aneawai.

29:8b.2CO.029.008 Apajuik ashí pegkeg aina nunak amainawai, dita atsumaina duka imanisag ajitnume, nunitai tikich aents atsumaina nunash yaigtinme tau asa.

29:9b.2CO.029.009 Agagbaunum chichaak: “Ujunauch aidaun kuashat susaja nunak, Apajuik kajimatjukchatnai dita pegkeg dutikamujiya nunak”, tawai.

29:10b.2CO.029.010 Apajuiyai ajak ajakmatnun, nuigtú yuwatnunash sukagtinuk. Nunin asa ajak ajakmamunash nigki tsapapak kuashat nejepitka numamtuk, atum wakesajum yaimjum nunak, nuní nagkaemas kuashat sujamsattagme, tikichin pegkegnum yaigtinme tusa.

29:11b.2CO.029.011 Dutikamu asajum, ashí atum tikich yaimainush ajutjamtatjume. Atum kuichik ijumjajum jutiiní awemattajum nuna, yatsug aidau, ubag aidau waituidau jukiag, Apajuin see tiagtatui.

29:12b.2CO.029.012 Yatsug aidau, ubag aidau yaigtin juwinag duka imá atsumamujinig yaigtasaik juwinatsji, duka Apajuinashkam see titinme tabaunum dutikaji.

29:13b.2CO.029.013 Ditak Apajuin emematiagtatui, atum yaigtatjum duka Kristui dekaskeapi taji tau asajum umigjum nu iwainmamkujum dutikattajum duwi. Nuigtushkam ditak Apajuinak eme anentus diisagtatui, atum dita wakejusjum yayakjum, tikich aidaush yaigtatjum nuaduí.

29:14b.2CO.029.014 Nuninak atumin anempas Apajuin aujtugmagtatui, Apajuí shiig kuashat wait anenkagtamujin atumin iwaintugmakaja duwi.

29:15b.2CO.029.015 ¡See tajai Apajuin, chichamaikish tumainchaun shiig kuashat anenjauch sujamsauwa nuaduí!

210

210:1b.2CO.210.001 Witjai Pabloitjai, Kristu kakagchauch nuigtú wait anenkagtin aajakua dutiksanuk segajime. Mina chichagtuinak: Pablok jutiijai pujusag senchi ajankagtinuwe nuninaitak atushat kanaká kakaakan chichagkagtawai tujutuinawai.

210:2b.2CO.210.002 Duwi segajime: Wi atumin wainkatasan taakun, jutii pachijatus aents wakegamun takainawai tukagtuina nuna, shiig titajai tusan umintsan pujag nuna kakaakan tiig tusan.

210:3b.2CO.210.003 Dekaske, jutiik aents ainaji, tujash pegkegchaujai maaninag duka shiig aentsjai maanimaina nunikaik maaninatsji.

210:4b.2CO.210.004 Wagki, maanitai takuinakag duka ju nugka juwiya ainatsui, duka Apajuí senchijí ashí pegkegchau aidaunash tsaimaina nu ainawai.

210:5b.2CO.210.005 Nunú senchia duwik, ememainak wainak chichagkagtuina duka itatmitkamainaitji. Dutiksaik aentsú anentaimtajishkam yapagtumainaitji, Kristu umigkatnume tusaja.

210:6b.2CO.210.006 Ashí atum Kristu chichame shiig umigkugminig, wishakam atum ainajum anuiya chichaman umiinachunak suwimkan sumainaitji.

210:7b.2CO.210.007 Atumek mina niimjuí diigsagmek, paan kakakchauwa nunin diigjume. Atum ainajum anuiya, wika dekas Kristunuitjai tumamuk, minashkam niish Kristunuapi tujutmainai. Wishakam Kristunuketjai.

210:8b.2CO.210.008 Atum tumamjum nuna nagkaesau ememasan, witjai chicham etsegtugkata tusa awemamunuk tumamkunush, Apu Apajuí atum yaigtinun sujamsamu tajim nuaduí datsamatsjai. Atum dekaskeapi tuinajum nuna emegkatkati tusa awetichui. Ayatak atum dekaskeapi tuinajum nuna yaigtí, dutikawajam nuní nagkaemas Kristui kajinas anentaimtinme tusa awetiu asamtai.

210:9b.2CO.210.009 Wi papiin agajan awetajim junak, uwaktamkatasampap awetugmawa tujuttinme tusanuk wakegatsjai.

210:10b.2CO.210.010 Tujash awai mina pachittsag: Pablo papiin agag awetugmakug najamnun tujamji, tujash taa pujakug chichamesh puyatjusa antugmainchauwe tujutuinawai.

210:11b.2CO.210.011 Nuna aents aatus tujutuidaushkam dekaatnume: Wi papiinum agakun timayag nunak, anuí taaknushkam imatiksanuk umiktatjai.

210:12b.2CO.210.012 Wika aents ditak emematmamas chichau aina nujai betekak chichamaitsujai, ditak wainak tumainchaun ditak pachimasag, tikich aina nunin achainjiash tusag tu yujainawai.

210:13b.2CO.210.013 Tujash jutiik ii takaschamunum emematak shiig dakitin ainaji. Apajuiyai jutiish wajuk dutikmainaitji nuna tujamuk. Nigki jutiinak atum Corinto batsatjum anuish takastí tusa wakejutpaji.

210:14b.2CO.210.014 Iinak Apajuí atumiin awetabiaju asamtai, atum Corintonmaya aidautigmijaig takasbaiji. Jutiiyaitji dekas atumiin taa tikichish etsegchamunum Kristu pachisa etsegkautik.

210:15b.2CO.210.015 Jutiik ii takaschamu aig, tikich takasbaunmag ememamaitsuji. Ayatak wakeesa dakainaji atumjai aan kuashat takastasa. Atum Kristui kajintsá anentaimjum nu aan nagkaemas ajutjamti tusa. Jutiik Apajuí dutikata tujabauwa duka dutiksaik takainaji.

210:16b.2CO.210.016 Nuniaku tikich atushat batsataidau yamajam chicham ujakchamu aina nunú ujaktasa wakegaji, tujash tikich chicham etsegkamunum waitsuk, tikich takasbaunum ememaig tuidau asaja.

210:17b.2CO.210.017 Jutiikek eme anenmamaitsuji, ayatak Jisukristu takaamujiya nunú eme anenmainaitji.

210:18b.2CO.210.018 Aents pegkejan takaajai tumama duka wainkayai, dekas Apajuí aentsun pachis, pegkejan takaawai tawa nuuwai dekas imanuk.

211

211:1b.2CO.211.001 Wi imaanjau chichamaina numamtuk wajakuish, katsuntsajum antugtuktajum.

211:2b.2CO.211.002 Wika Apajuí akasmataijiya nuna jukiu asan atumnak akasmainaitjime. Kristuig wi atumnak jukin ejeentauwaitjime, niinig pujusjum imá nigki umigkujum, nuwa aentsun adijkachu ni nemaktinjijaig dakaniyama nunisjumek pujustajum tusan.

211:3b.2CO.211.003 Tujash dapi Evan tsanujua numamtuk atumnashkam tikich waitan jintinkagtin aidau tsanugmainakui, Kristu aneakjum nigki umigjum nunú idaisaijum tusan imá puyatjajime.

211:4b.2CO.211.004 Atumek, jutii Jisus pachisa etsegkamua nuna tikich aents yajupia chichagkagtuinak, Wakaní Pegkeji jukiuwaitjum nunash pachitsuk, yamajam chicham etsegkamua nunash yajá jintinjamainakuish, shiig antugkatasajum wakegajume.

211:5b.2CO.211.005 Tujash wi anuí taan wakitkiu ai, Jisus awemamu ainaji tusag kautjamawaja nu dekas iman anenmamaina nuna nugkaanik anenmamtsujai.

211:6b.2CO.211.006 Wi shiig chichachkunush dekatjuig nuninchauwaitjai. Nunak ashí ii dutikamunum tuke iwaintibiajime.

211:7b.2CO.211.007 Atumin Kristu pachisan ujaknush kuichkinak segachuitjime, ayatak yaigkan emtikata tau asan. ¿Nuna dutikauwaitag duwiká minak pegkegchauwai tusajum dakitjajum?

211:8b.2CO.211.008 Wika tikich nugkanmaya Kristu nemajin aidau kuichkin akigkagmatai, nunú kuichkia duwik atumin yaigtasan wekaeyajai.

211:9b.2CO.211.009 Wi atumiin pujubiag duwi atsumaknush makichkitigminakesh waitkaschabiajime, yatsug Macedonianmaya aidau taawag ashí wi atsumamunak sujusagmayi. Atumin waitkasaig tusan senchi kuitamamaijai, dutiksanuk atakea duwish wika atumnak tuke waitkaschatnaitjime.

211:10b.2CO.211.010 Kristui dekaskeapi tau asan dekaskea nunak chichaajai. Nunin asan tajai, Apajuí nemajin Acaya nugkanum batsamin aidaunak makichkish kuichik sujustajum tusanuk segashtinaitjai.

211:11b.2CO.211.011 Juna wi atumin wakejachu asanuk ¿tu chichagjim? Wi atumin senchi wakejajim nunak Apajuí shiig dekawai.

211:12b.2CO.211.012 Wi chichaag jutiksanuk mina takatjunak emattajai. Imaniakun tikich aents waitan jintinkagtin ainayatak, dekas jutii Apajuí awemamu ainag imajuk anenmamaina nunak imijkattajai, aentsun tsanujainum tusan.

211:13b.2CO.211.013 Ditak waitá etsejin tsanumin ainayatak, Kristu awemamu wajukmaina numamtuk wajainawai.

211:14b.2CO.211.014 Dita nunina duka wainchataiya nuninuk anentaimtumaitsui, iwanchakam dita wajukena numamtuk, Apajuí aentsji nayaimpinmaya aina iman weeta wajauwai.

211:15b.2CO.211.015 Nuaduí iwanchin takajin aina duwi, aents pegkejan takauwa iman wantinainawai. Tujash nu aents aidauk dita takasbaujiya dutiksaik suwimak suwam agtinai.

211:16b.2CO.211.016 Awentsanuk tajime: Wait aneasjum imaanjauwa nunin anentaimjutkugmesh ayatak diigsatajum, wishakam shiig agkan ememasan chichastajai.

211:17b.2CO.211.017 Wi chichaag nunak, Apu Jisus titá tujutbaun tatsujai. Nuaduí imaanjaujai betek chichaajai wi emematmamsan chichaag nunak.

211:18b.2CO.211.018 Tujash tikich ainawai ditak emematmamas chichaidaush. Nunin asamtai wishakam wiki emematmamsan chichaajai.

211:19b.2CO.211.019 Atumek shiig anentaimkau asajum, tikich anentainkachu chichaman etsejuinakui shiig antujuinagme.

211:20b.2CO.211.020 Atumek ashí aentsuk antujuinagme. Tsanugmajag ditan inake etamkatatus wakejutpaidaushkam antugjume. Kuichkin jujutjamaina dushakam imatiksagmek antugjume. Aikasjumek pegkegchau chichagtamainak, yapiminish awatamaina dushakam shiig anentsajum antugkujum umigjume.

211:21b.2CO.211.021 Datsamayatkun tajime, jutiik tikima kakakchauch asaja nu imanuk nunikchabiaji. Tujash tikich ditak emematmamaina nunisnuk wishakam emematmamjai (imaanjau wajukmaina nuniaknush).

211:22b.2CO.211.022 Dita hebreo aina nunisnuk, wisha hebreowaitjai. Dita Israel aents aina nunisnuk, wishakam Israel aentsuitjai. Dita Abraham wegantu aina nunisnuk wisha Abraham wegantuitjai.

211:23b.2CO.211.023 Kristu inakegaitjai tumamainawai, tujash witjai dekas ditan nagkaesaunuk. (Imanaitkun imaanjaujai betek chichaajai.) Wika takatnashkam ditan nagkaesau takasuitjai. Ditá nagkaesan achinkanush egkemauwaitjai, ditá nagkaesau asutnauwaitjai. Kuashtá mantumain awajtukaju ainawai.

211:24b.2CO.211.024 Cincoa imaniá mina pataag judío aidau achigkag, treinta y nueveya imaaniá asutuawaju ainawai.

211:25b.2CO.211.025 Kampatuma imaniá numí suwimjuawajui. Makichkia kayai kuashat aents tukujiaju ainawai. Kampatuma imaniá lancha wi wegamu tepeauwai, nunikmatai jakemain wajakan, makichkiá nayantsa ejapeen tsawampajuitjai.

211:26b.2CO.211.026 Kuashat wekaesauwaitjai, namak ishamainnum, kasa ishamain ayamunmash, mina pataag judío aidau, tikich aents Apajuí nemagchau aidaujai kajegtuinakui. Nuigtú ishamain aidau yaaktanum, uwegshunum, nayantsanum wegakun, tuja Kristu nemagnaitjai tusa tsanumaidaunum wekaekun.

211:27b.2CO.211.027 Senchi takasan yaweakun, kuashtá kanutsuk tsawaakun, yapajakun kitamakun, kuashtá yujumkan yutsuk wekaekun, tsetsekai waitiakun, jaanch atsugtakuishkam waittsauwaitjai.

211:28b.2CO.211.028 Juna imaniaknush, kashí kashinig Jisusa nemajuina nu uyumamuk tuke ajutui.

211:29b.2CO.211.029 Makichik aentskesh Jisusa nemajin waitiakuig, wishakam waitiajai. Pegkegchaun takasagmataishkam, ditan yayakun nuna pegkegchaun takamtikaun kajejajai.

211:30b.2CO.211.030 Wi ememamainaitag nunak, Apajuí wi kuashat ishamainnum wekaekun kakakchau anentaimtaish yainkauwa duwi ememamainaitjai.

211:31b.2CO.211.031 Apajuí, ii Apuji Jisukristu Apají nigki tuke ememattaya nu dekagtawai wi dekas taja nunak.

211:32b.2CO.211.032 Damasco jegaa ai, Apu Aretas tutaya nujai takau aidau, ashí yaakta waitijin achijatin aidaun dakamtijagmayi mina achigkag jujuktatus.

211:33b.2CO.211.033 Tujash Kristu nemajin aidau chagkinnum egketuawag, yaakat peegmagbau ventanajin detuawag ajuntuawagmatai, uwemjauwaitjai achigkata tuinamun.

212

212:1b.2CO.212.001 Dekaskenmag wiki emematmamtak shiig awajtatsui, tujash Apu Jisus mina iwaintugkamun wainkauwaitag nuna tajai.

212:2b.2CO.212.002 Wainjai makichik aents Kristu nemagnun, catorce mijan nagkaemawai kampatum nayaimpia nui iwakbau aajakua nu. Shiig dekatsjai ashí iyashijai jukimpash iwakabia, atsa nuniachkush wakaninakeash jukiabia, nunak imá Apajuik dekawai.

212:4b.2CO.212.004 Duka nayaimpinum iwakam wajasá, chicham antushtain antukui makichik aentskesh ujamainchaun.

212:5b.2CO.212.005 Nu aentsua nuna wika emematmainaitjai, tujash wika makichkish emematmamaitsujai, ayatak wi kakakchamujua nuwi emematmamjai.

212:6b.2CO.212.006 Tujash wi emematmamtasan wakegaknush, tikima wainkanuk tumaitsujai dekaskea nuna tau asan, nunin aig nunak tatsujai, mina imá eme anenjutsuk pujutjun diigtusag, wi chichaamugnash antugtuktinme tusan wakegau asan.

212:7b.2CO.212.007 Apajuí mina dekas imanun iwaintugkauwa duwi, ni imá wagaaku anenmami tujutu asa Apajuí jatan sujusuí, nunú jatak mina iyashjunak jagkí ijuam najaamaina imatijuauwai, nunak iwanch dutijuauwai mina waitkagsatatus.

212:8b.2CO.212.008 Dutijuamtai Apajuin kampatumá segajai: “Wi waitiag nuna emegkatjukti”, tusan.

212:9b.2CO.212.009 Tujash Apu Jisus chichagtak: “Amek wi aneamu asam, ashí ame atsumamugmea dushakam imanisag ajutjamtatui, wagki mina senchijua nunak aents kakakchauwa nui iwainajai”, tujutmayi. Tujutiu asamtai shiig aneajai wi kakakchauwaitag duwi, Kristu senchijiya nunash dekaatnume tau asan.

212:10b.2CO.212.010 Nuaduí shiig aneajai kakakchau asan. Pegkegchaun chichagtuinakuish, atsumaknush, mantuatatus aintuinakuish, utugchat ajutkuish Kristu nemagbaunum imanikan waitiajai. Kakakchauwa nunin diijuinakuishkam, wika Kristu senchijí ajutu asamtai, wishakam senchigtin dekapmamjai.

212:11b.2CO.212.011 Wi imaanjaujai betek mina pujutjun pachisan chichakmayag duka, atum chichamtijukmaugme. Wagki, atum mina pachittsajum pegkegnum chichagtumaina nu, tikich waitá jintinjamainak, jutii ainaji dekas chicham antujam amaintik, tuina nu antujuinakjum, minak imanchau diiju asagmin.

212:12b.2CO.212.012 Wi atumiin pujusnuk shiig emamkesan kuitabaijime. Dutikakun atum wainkashbau aidaunashkam imanik iwaintakun, jaunash etsagauyajai. Imá jaunak dutiktsaijai, ashí tikich aidaunashkam imatiksanuk dutikiajai, atumshakam wi dekas Apajuí awemamuitag dusha dekajuatajum tau asan.

212:13b.2CO.212.013 Atumek imá makichik wají dutikachbaunmag, tikich Jisusa nemajuina nujai betekak juwakchaugme, wi atumin: Yainkatajum, tusan segachuitjim duwi. Tujash wi atumin wake besemag egketuauwaitjim duka tsagkugtugtajum.

212:14b.2CO.212.014 Kampatuma junash ijagsatjime tusan umintsan pujajai. Yamaishkam wi atsumamu sujustajum tusanuk waitkaschattajime. Wika atumin ajutjamaina nunak egatsjai, imá atumnak wainkatasan wakejajime. Aents uchigtin aina nuuwai uchijinu atinun kuichkin ijumaina duka, uchi aina duka apajinu atinnak dutikmaitsui.

212:15b.2CO.212.015 Nunin asamtai wakeesan ashí wi dutikmainaitag nunak yaigta tajime. Nunisnuk mina iyashjuish waittsattajai, atum wakanmiin megkaekaijum tusan yayakun. Wi atumin imá senchi aneajime, dutikamaitkujum atumek minak imatikajum anentsugme.

212:16b.2CO.212.016 Wi atumin segakun waitkaschauwaitjim nuna shiig dekajuinayatak, wainak ajankas tsanugmagtatus tu wekaewai tujutuinawai.

212:17b.2CO.212.017 ¿Wisha tikich yatsug aidaun awetibiajim duwiká tsanugbaijim?

212:18b.2CO.212.018 Titun atumiin awemakun niijai tikich yatsutan awemabiajai, ¿Duká tsanugmajagmaya kuichkin sujustinme tusa? Tituk wijai betekai, wagki atumin yaimpaktatus wijai betek takau asa.

212:19b.2CO.212.019 Aneetaig yatsug aidauh, ubag aidauwah, atum anentaimsagmek, tuke aneas ayamjumakagtatus tuinatsuash tautigmesh amainaitjume, tujash nuninchauwai. Jutiik ayatak Kristu nemajin asaja, Apajuish dekamunum shiig pujustinme tau asá yaigtasa taji.

212:20b.2CO.212.020 Wagki, wi atumin wainkatasan takaman, atuminian pegkegchau wainkata tachamun atum jiyaniakjum, wainka kajegkagtakjum, kajeakjum tupandaikajum, pegkegchau chichagdayakjum, chicham patatdayakjum, ememakjum, wainka pachimdaekajum batsatjumin jegashtajash tusan puyatajai. Nunú nuniakjumin wi atumin kajegkan jiyaka ai, atum minai pegkeg dekatasa dakagbauwa nu nuninchau diigsaijum tau asan.

212:21b.2CO.212.021 Nuigtushkam puyatajai wi ataktú ijagsattajim duwi, atum ainajum anuiya yaunchuk nagkamas tudau takainak, pegkegchau takataijinak idaitsuk, tsanijimtanak tunamatjag batsamtau asagmatai, Apajuí atumiin datsamtan sujusmatai buutig tusan.

213

213:1b.2CO.213.001 Yamai minittag nuuwai kampatuma juna ijagsattajim nu. Aents pegkegchau takaun wainkau, jimag nuniachkush kampatumkesh etsegtuinakui, atum wajuk dutikattagme duka tumainaitjume.

213:2b.2CO.213.002 Yaunchuk wi jimaja juwi ijagsatasan tajuawabiajim duwi, pegkegchau takaajum duka idaisatajum tiuwaitjime. Tuja nui pujus tikich pegkegchau takaunash suwimkan susattajai tiuwaitjim nunak awentsanuk tajime: Wi anuí atumin ataktú ijagsatasan minittag nunikman, pegkegchau taká batsatjumin wainkan suwimkan amasaijim tusan.

213:3b.2CO.213.003 Nuna dutikakui, Kristu nigki niina takatjin inata duka shiig dekaattagme. Kristuk atumin dutijamatta duka kakakchauchui; niina senchijinak atumiin iwainaktatui.

213:4b.2CO.213.004 Dekaske nigka senchigtuchua nunin wajasuí, nunikmatai yupichu achijaju ainawai, tujash yamaik Apajuí senchijijai pujawai. Jutiishkam nunisaik ni kakakchau aajakua nuninuk ainaji, tujash Apajuí senchijin Kristujai ijunja pujuinaji, atum chicham ujakta tau asaja.

213:5b.2CO.213.005 Atumek niimastajum dekas pegkejash takaajum, atsa pegkegchauwash takaajum nunú. Atum pegkeg takaakjumek Jisukristu atumiin pujau asamtai nuniagme. Tujash Apajuiyai kajintsá anentaimchakjumek, pegkegchau takaakjum nuniagme.

213:6b.2CO.213.006 Atumesh itusagmek jutii kuashat dekapsamu asaja, dekas Kristu chicham etsegtugkata tusa awemamu ainag dusha dekaawajum tusan wakegajai.

213:7b.2CO.213.007 Nuniau asan atumshakam pegkegchau takasaijum tusan Apajuin aujtajime, wi Apajuin aujag nunak, wi Kristu chicham etsegtugkata tusa awemamuitag nuna dekajuatnume tusanuk tatsujai. Nunak ayatak pegkeja nuna takastinme tusan tajime, atum jutii Kristu awemachbauwa nunin diijatjuminig.

213:8b.2CO.213.008 Jutiik dekaskea nuna shiwagmamaina duka makichkish takamaitsuji, chicham dekaskea duke takamainaitji.

213:9b.2CO.213.009 Atum shiig ichichmamjajum pujajum duwi, wi kakakchauwaitkunush shiig aneasan pujajai, nuniau asan pegketnume tusanush Apajuinak tuke aujtajime.

213:10b.2CO.213.010 Nuniau asan eke atumiin minitsuk, juna papiin agajan awetajime, wi atumiin taakun najam tiijim tusan, Apu Jisusak atumin waitkasti tusag senchijinak sujuschauwai, ayatak atumin yaigtí tusa sujusuí.

213:11b.2CO.213.011 Yatsug aidauh, ubag aidauh, juna inagnakun tajime: Pegké pujakjum dakujusa pujustajum, nuniakjum ichichdaitajum, makichkia duke anentaimtuinakjum shiig agkan anentaimsa batsamsatajum, Apajuí atumin anempau asa pegké pujutan sujamsawa nunú atumiin atí.

213:12b.2CO.213.012 Makí makichkitijum pempentunisjumek shiig anendaisajum kumpamdayatajum. Jisusa nemajin juwi batsata dushakam ashí kumpamjamainawai.

213:13b.2CO.213.013 Apu Jisukristu wait anenkagtamuji, Apajuí anenkajiya nu, Wakaní Pegkejiya dushakam ashí atum aidaujai atí. Aatus atí.