[14] Er spinnet es von sich selbs / wie ein spinn.
Ex se finxit, uelut araneus.

Es seind seine bossen. Er nimpts bei jm selbs ab. Er hats von jm selbs erdicht. Er weyß bei jm selbst wo einn andern der schůch truckt. Er weyß wie eim schalck vmbs hertz ist. Er hat es auß den fingern gesogen. Die / wie ein Spinn / auß jnen selbs liegen /vnd lügen spinnen / spricht man: Es ist sein eygen gespunst / gemächt / art / baw / gedicht / etc. Fingere qui non uisa potest. Er geb einn bösen Zigeyner / er köndt nit warsagen.