Es kompt selten ein besserer.

Zvr zeit Dionysij des grösten wüterichs / als Griechenlandt je gehabt hat / war ein gar alt weib / das bat täglich on vnderlaß die götter / sie wolten den Dionys um lang leben lassen. Diß ist für den wüterich kommen / vnd da er die frawen gefragt / womit er das vmb sie verdienet hette / daß sie so fleiss gefür sein leben bete / Hat sie jm geantwort: Ich gedenck da ich ein kleines meydlin war eines bösen Tyrannen / da wir des überdrüssig waren / vnnd jhm feind wurden / hafften wir auff einn bessern / vnnd halffen den ermörden / darnach kam noch vil ein ärgerer. Vnd da ich meynet es solt ein besserer kommen / so b siu der dritt / der mit vntugent vnd allen bösen tücken den vorigen weit übertriffst. Ich wil aber vil lieber sterben / dann daß du sterben soltest / vnnd solt ein anderer nach dir kommen / der noch ärger were dann du.