Was Probirn ſey?

DAs Probiren iſt gar eine herrliche alte nuͤtzliche Kunſt/ et-Wovon
die Kunſt
deß Probi-
rens ber-
kompt/ und
worzu ſie
nutzt.
wa vor gar langen Zeiten/ durch die Alchymiam, wie
auch alle andere Feuer-Arbeiten erfunden/ durch welche
man nicht allein eines jeden Ertzes und Bergckarth Na-
tur/ und was es vor Metallen in ſich hab/ auff den rech-
ten Halt/ wie viel ein Centner deſſelben mehr oder wenigers Gewichts
halte/ erlernen und erfahren kan/ ſondern es lernet auch dieſe Kunſt ein

jedes Metall in ſich ſelbſt zu erforſchen/ ob ein Zuſatz darbey/ was und
wie viel derſelbige ſey/ und dann wie die Metall von ſolchet Vermi-
ſchung oder Zuſatz/ auch andern einverleibten Metallen in viel Wege
zu ſepariren und zu reinigen/ und endlich fůr fein/ rein und aller Zu-
Aſatz
[2]Kurtzer Eingang
ſatz ledig zu urtheilen ſeynd/ derhalben auch dieſe Kunſt den Berckleuthen
die Berckwerck ſuchen/ und Nutzen darvon erlangen woͤllen/ ſehr dien-
lich/ die ſich dann/ dieſelbe zu lernen und darinn zu uͤben/ vor allen Dingen
befleiſſigen ſollen/ damit ſie ihnen ſelbſt/ und andern Nutzen ſchaffen/ und
Schaden verhuͤten koͤnnen.

Dann durch gemelte Kunſt deß Probirens/ und darauß erfolgten
Nutzen/ viel feiner gewaltiger Bergckwerck auffkommen ſeyn/ die ſonſten
noch verborgen laͤgen/ viel Staͤdt und Flecken erbaut/ Land und Leut ver-
mehrt/ in Auffnehmung kommen underhalten/ auch groſſe wichtige
Handthierungen und Gewerb/ mit Gold/ Silber/ Kupffer und anderen
Metallen/ hin und wieder in Landen getrieben/ und die Commercia ver-
mehrt worden/ wie dann gleicher Geſtalt bey den Muͤntzwercken/ da auß
Gold und Silber/ Geld gemacht wird/ das Probirn neben den ſcharffſin-
nigen darzu gehoͤrenden Rechnungen/ keines Wegs entrathen/ ſondern zum
hoͤchſten nothwendig iſt.

So haben auch alle diejenigen ſo ſich deß Probirns befleiſſen/ und
dem gruͤndlich und fleiſſig nachgetrachtet/ bey Fůrſten und Herren/
auch nahmhafftigen Communen, nicht allein groſſen Danck ver-
dienet/ ſondern ſeynd auch herfuͤr gezogen/ und fuͤr andern wol begabt
worden.

Uber diß iſt dieſe Kunſt eine Anleiterin und Gebaͤrerin vieler an-
derer ehrlicher/ und nůtzlicher Sachen/ alſo wie es die Erfahrung gibt/ je
laͤnger man der nachſucht/ je laͤnger ſie einem nachzuſuchen verurſacht.

Was einen Probirer zu wiſſen vonnoͤ-
then iſt.

ERſtlich und zum fuͤrnembſten/ die Erkantnuß der Metalliſchen
Ertz/ und Bergckarten/ nemblich wie ein jedes/ von dem andern/
der Geſtalt und Farb nach/ zu unterſcheiden/ welches gleichwol
ohne ſondern groſſen Fleiß/ und taͤgliche Ubung/ nicht geſchehen kan/
dann GOtt der Allmaͤchtige Schoͤpffer/ der im Anfang der Schoͤpf-
fung der Welt/ neben anderen Creaturen auch die Mineralia in die Ge-
birg/ Kluͤfft und Gaͤng gelegt/ und wachſen hat laſſen/ der hat ih-
nen allen und einem jeden inſonderheit/ ſein aͤuſſerliche Geſtalt und Farb
geben/ darbey man eines fuͤr das andere/ unterſchiedlich und wol erkennen
kan.

Zum andern die Erkaͤntnuß deß Feuers/ das dann auch ein fuͤrneh-
mes und nothwendigs Stuͤck iſt/ damit er wiſſe daſſelbe zu regiren/ und
daß er keinem Metall im Feuer/ uͤber ſeine Nothdurfft zu viel thue/ ſon-
dern einem jeden ſein rechte Gebuͤhr/ mit Hitz und Kaͤlt/ wie es die Noth-
durfft erfordert/ geben und nehmen koͤnne.

Darnach daß er alle ſeine Ofen und Inſtrumenta/ auſſer was großOfen und
Inſtꝛument
auch Waa-
gen und
Gewicht
wiſſen zu
machen.
von Eiſen ſeyn muß/ ſelbſt machen/ und geſchicklich praͤpariren/ oder zum
wenigſten zu machen/ recht angeben koͤnne/ damit er an ſeinem Werck
nit verhindert/ ſondern daſſelbe nach Nothdurfft und geſchicklich verrich-
ten moͤge.

Deßgleichen ſich auff gute ſchnelle Waagen und recht Gewicht be-
fleiſſigen/ dieſelbe auch/ ſo es vonnoͤthen iſt/ ſelbſt machen/ abtheilen/ und
auff die unterſchiedliche Metallen richten koͤnne/ und ſehen/ daß er die vor
Staub ſauber und rein halte und bewahre/ damit er ſich im Fall darauff
verlaſſen/ und mit ſeiner Probation gewiß beſtehen moͤge.

Item/ daß er neben dieſen jetzt erzehlten Artickeln/ oder Puncten/Ein Pro-
birer ſol voꝛ
allen Din-
fen in der A-
rithmetic
erfahren un̄
geuͤbt ſeyn.
auch in der Arithmetic oder Rechenkunſt/ wol geuͤbt und erfahren ſey/
welches dann neben dem Probiren auff den Muͤntz- und Seygerwer-
cken/ hoch vonnoͤthen/ und das rechte Meiſterſtuͤck iſt/ und ohne ſolche
gegruͤndte Rechenkunſt/ das Probiren/ derer Orth nichts zu achten/ der-
wegen ein jeder Probirer ſich in dem ſo wol/ als in andern Dingen zum
Probiren dienlich und was demſelben anhaͤngig iſt/ zum hoͤchſten befleiſ-
ſigen und alles wol lernen ſoll/ damit er ſeine Sachen vollkoͤmmlich ver-
richten koͤnne.

Und wiewol es nicht undienlich geweſt wåre/ ſolches alles allhie imEntſchul-
digung deß
Authors
etlicher
Ding zu
melden un-
terlaſſen.
Eingang ein wenig auß fuͤhrlicher zu machen/ auch etwas vom Urſprung
der Metalliſchen Ertz/ und wie dieſelbige in den Bergen/ in den Adern
oder Gängen gewachſen/ oder noch heutiges Tags generirt werden
ſollen/ davon die alten Naturkuͤndiger und Philoſophen mancherley
Opiniones und Gedancken haben. Item/ von ſonderlichen hoͤffli-
chen Streichen und Faͤllen der Gaͤng/ deßgleichen von Geſchicken/ und
andern Zufaͤllen/ die Ertz machen ſollen/ darnach die Berckleut ſich rich-
ten/ ſchuͤrffen und ihre Regeln haben. Dieweil aber ſolches zu lang wer-
den wil/ und derſelben Philoſophen Opinion, auch der Berckleut Regeln/
nit allerdings uͤbereintreffen/ ſondern offt weit fehlen/ zu dem daß
die Philoſophen zuvorhin groſſe Buͤcher darvon geſchrieben/
darauß doch die gemeine Berckleut/ ſich wenig beſſern
koͤnnen/ hab ichs allhie umb Kuͤrtze wil-
len unterlaſſen.

Von den Silber-Ertzen/ und wie dieſelbigen
unterſchiedlich erkannt werden ſollen.

DIe Silber-Ertz werden von mancherley Arth und Farben ge-Silber Ertz
ſeyn man-
cherley.
funden/ und wann ſie nicht gar gediegen und gut/ ſeyn ſie im An-
ſehen nicht wol auf einen belaufftigen Halt/ wie viel ſie Silber
halten/ zu urtheilen. Derhalben iſt das Probirn von den Alten mit
Fleiß dahin gerichtet/ und auch alſo erfunden worden/ auch ſieder vie-
len Jahren her ſo fern nachgeſucht/ und ſo viel darinnen verbeſſert wor-
den/ daß man nunmehr eines jeden Ertzes gewiſſen Halt finden/ und
darauff das Schmeltzwerck und die Rechnung/ (ob man dem HaltUnteꝛſchied
im Probi-
ren zu hal-
ten zwiſchē
den fluͤſſt-
gen und un-
[fl]uſtigen
Ertz.
nach/ bey dem Koſten beſtehen moͤge) richten kan. Es iſt aber dar-
neben zu wiſſen/ ſo vielerley der Silber-Ertz ſeynd/ ſo vielerley ſeynd
auch ihre Naturen/ und ſolt billich das Probirn der Silber-Ertz/ alſo
auch im Schmeltzen auff eines jeden Ertzes Natur nachgerichtet ſeyn/
weil man die hartfluͤſſigen/ ſtrengen/ groben und rohen Ertze/ nicht
den weichfluͤſſigen/ milden und ſubtilen Ertzen/ gleich probiren kan/
dann nach dem ein Ertzprob ſtreng oder unfluͤſſig iſt/ muß der im Pro-
birn entweder mit Regierung deß Feuers/ oder in andere Weg/ geholffen
werden/ wie man dann vor dem Probirn auß vieler Ubung/ ſolche Ertz
im Anſehen erkennen kan. Wie ſich nun dieſelben im Feuer hal-
ten/ alſo gehet es gleicher Geſtalt im groſſen Feuer/ mit dem Schmeltzen
auch zu/ und ſo man nicht vor dem Schmeltzen deß Ertzes Natur/ und
wie ſichs im Feuer und Schmeltzen halten wird/ erkennet/ ſo kan nicht
wol ohne ſonderlichen Schaden/ ſolches zu Nutz geſchmeltzet werden.
Zu Erkaͤntnuͤß aber der Ertze Unterſchied/ welche weichfluͤſſig/ ſtreng
oder rohe ſeynd/ zu kommen/ haben die Alten erfahrnen und geůbten
Bergleut/ einer jeden Berg-Arth und Ertze/ ihrer Natur nach/ Nah-
men geben/ welche Berglaufftiger Weiſe/ wie hernach folget/ genannt
werden.

Erſtlich ſo werden unter die welchfluͤſſigen Silber-Ertze gezehltGlaß-Ertz.
dieſe: Nemlich das Glaß-Ertz/ als das fuͤrnehmſte/ welches iſt ein derb
Bleyfarbes Ertz/ faſt dem gediegenen Silber an der Guͤte zu vergleichen/
dem gehet nicht viel uͤber den ſechſten Theil im Feuer ab/ das uͤbrige
iſt gut rein Silber/ und das haͤlt man auſſerhalben gediegenem Silber/
fuͤr das beſte Silber-Ertz. Darnach findet man reich weiß guͤldig Ertz/Weiß guͤl-
dig Ertz.
nicht daß es Gold haͤlt/ ſondern daß es wuͤrdig und gut iſt/ das nennet
man der Guͤte nach alſo. Deß gleichen Horn-Ertz/ das iſt durchſichtigHoꝛn-Ertz.
wie ein Horn/ und ſeynd beyde ſehr reich am Silber. Nechſt dieſen dreyen
Ertzen iſt ein Silber-Ertz/ das iſt braunroth/ faſt dem Zinober gleich/Roth guͤl-
dig Ertz.
doch nicht ſo liecht/ das heiſt man roth guͤldig Ertz/ das gibt auch uͤber
A iijden
[6]Das erſte Buch/
den halben Theil gut Silber. Man findet auch gar vielmahls/ daß die-
ſe Ertz untereinander brechen/ und nicht wol zu unterſcheiden ſeynd.
Schwartz
Ertz.Die Ertz die ſchwartz-grau brechen/ und ſchwer ſeynd/ die ſeynd auch
bißweilen ſehr reich am Silber; Aber die ſchwartzen leichten Mulm/
Mulm.und die braunen und gelben Mulm/ ſeynd nicht allweg reich/ ſondern es
Geldlichte
Und eyſen-
ſchuͤſſige
Ertz.kompt vielmahl/ daß ſie gar nichts halten. Alle gelbichte/ braune und
eyſenſchuͤſſige/ durchwitterte Berg-Arthen/ oder die in den Gebuͤrgen
von dem kalten Witterungs-Feuer durchbrannt ſeynd/ die halten zum
Theil Silber/ zum Theil keins/ und ſeyn dieſelben vor ſich allein/ ohne an-
Bley-
ſchweiffig
und gaͤnß-
koͤthig Ertz.der eingeſprengt Ertz/ oder das zuweilen darinnen ſtehet/ ſelten reich am
Silber. Wie auch die bleyſchweiffigen gaͤnßkoͤthigten Ertz bißweilen
reich/ bißweilen ſehr arm am Silber ſeyn. Alle hornſteinichte Ertz/ ſie
ſeyn gelb/ weiß/ grau/ ſchwartz/ braun/ roth oder gruͤn/ die halten vor ſich
ohneandere reiche Ertz/ wo die nicht darinnen vermiſcht befunden/ nicht
viel Silber/ und deß mehrern Theils gar nichts.

Darnach werden auch fuͤr die weichfluͤſſigen Ertz gezehlt alle Bley-
Ertz/ ſie ſeynd glaͤntzig/ grau/ braun oder weiß/ welche fuͤr ſich allein nicht
Silber halten/ allein der klein ſpeiſſig Glantz in Boͤheim/ und der grob
ſpeiſſig Glantz zu Freyberg in Meiſſen/ die halten zum Theil von zwoͤlff
Floß man-
cherley
Farb.biß in etlich und zwantzig Loth Silber. Alle Floß-Ertze/ ſie ſeyen gelb/
weiß/ braun/ blau/ gruͤn oder grau/ Item Kupfferlaſur/ Kupffer oder
Berggruͤn/ und Kupfferglaß/ die halten eines Theils auch Silber/ aber
Laſur/
Berggꝛuͤn/
Kupffer-
glaß.die grobe Laſur und Berggruͤn/ ſeynd gemei-niglich arm/ und nicht reich
am Silber. In Summa/ alle Silber Ertz und Berg-Arthen/ die
nicht Kieß/ Blendt/ Kobolt/ Mißpickel/ Glimmer/ Wolfferam/ groben
Wißmud/ Speiß/ kupfferig ſpeiſſig Ertz/ oder dergleichen hartfluͤſſig
Ertz in ſich haben/ die werden alle weichfluͤſſige/ milde und geſchmeidige
Ertz und Berg-Arthen genant.

Entgegen werden unter die unfluͤſſigen Ertz gezehlt und genennet/
alle Kieß/ was grober Kieß/ Waſſerkieß oder wuͤrffleter Kieß iſt/ die hal-
ten wenig Silber/ und deß mehrerntheils vor ſich ſelbſt ohne eingeſprengt
Silber-Ertz/ kein Silber/ oder doch nicht viel uͤber ein Loth. Kupffer-
kieß/ gelb wie ein Meſſing/ braun und blau beſchlagener Kieß/ halten viel
Kupffer/ wie man unter den Kupffer-Proben im dritten Buch Bericht
finden wird/ und ſolche Kieß halten auch Silber/ jedoch eine Arth mehr
als die ander/ man findet auch ſolche kupfferreiche Kieß/ die gar kein Sil-
ber halten.

Alle Kobolt/ ſie ſeynd gediegen/ oder mild/ ſchaͤllicht oder kuͤglicht/
ſchwartz oder grau/ ſeynd bißweilen reich am Silber/ bißweilen auch
ſehr arm.

Alle ſchlechte gemeine Glimmer/ auch beſtaͤndige Eyſenglimmer/
Talck/ Katzenſilber/ die ſeynd gar arm am Silber/ ob gleich bißweilen
die
[7]Von den Silber-Ertzen.
die ſchwartze blendreich am Silber iſt/ ſo ſeynd doch ſolche blendichte und
glimmerichte Ertz insgemein arm/ und ich achte dieſelben fuͤr eine rechte
Bluͤt/ anderer Metalliſchen Ertze.

Alle grobe Wißmud-Ertz/ die man auch ſpeiſſige Ertz nennet/ deß-Wißmud-
Ertz.
gleichen die klein ſpeiſſigen Wißmud-Ertz/ von denen beyden im Schmel-
tzen/ die grobe Speiß herkompt/ die ſeynd gemeiniglich vor ſich allein ſehr
arm am Silber/ und halten vielmahls gar nichts.

Alle ſpatige Ertz oder Berg-arthen/ ſie ſeynd roth/ gelb/ gruͤn oderSpatige
Berg-arth.
weiß/ die halten/ ohne andere eingeſprengte Silber-Ertz/ zum mehrern
Theil nichts oder gar kein Silber. Es werden auch unter die hart-Schlackē-
ſtein und
Ofenbꝛuͤch.
flůſſigen ſtrengen Silber-Ertz-Proben gerechnet/ die rohen Schlackſtein/
auch die Kupfferſtein/ Speiß und Ofenbruͤch/ die von dē Schich-ten jetzt-
erzehlter Kieß-Ertz und Berg-arthen/ auch von den rohen Schichten
im Schmeltzen herkommen.

Wie aber die oberzehlten weichfluͤſſigen/ deßgleichen die hartfluͤſſi-
gen Silber-Ertz-Proben unterſchiedlich gemacht ſollen werden/ das wil
ich in folgendem Bericht gnugſam und außfuͤhrlich anzeigen. Und weil
aber an vielen Orthen nicht Handwercks-Leuth ſeynd/ ſo die Inſtrument
zu dem Probiren recht machen koͤnnen/ wil ich zu mehrerm Verſtand
und beſſerer Nachrichtung erſtlich vermelden/ was zu ſolchem Probiren
fuͤrnehmlichen vonnoͤthen/ und wie ein jedes Stuͤck inſonderheit zuzurich-
ten und zu machen ſey/ auch auß welchem Zeug/ ſampt den Inſtrumen-
ten/ darzu gehoͤrig.

Wie man die Probier-Oefen zu den Silber-Ertzen/
deßgleichen zu den andern Proben/ machen und zurich-
ten ſolle.

ZU dem Probiren muß manſonderliche Oefen haben/ die von gutem
Toͤpfferthon oder Zeug gemacht/ und mit ſtarckem eyſern Drat
oder Schienen gebunden ſeyn/ damit ſie von wegen der ſtarcken Hitz
nicht zerfallen. Etliche fleiſſige Probirer/ die ihren Zeug ſauber und
reiniglichen fuͤhren/ die formiren und zieren ihre Oefen außwendig
ſchoͤn und foͤrmlich/ daß ſie ein fein Anſehen haben/ das gibt ihnen alſo ei-
ne Zierde/ aber es wird nichts mehr damit auß-gerichtet/ als ſonſt mit
einem gemeinen Ofen/ der gleichwohl auch gerecht/ und doch ſchlecht ge-
macht iſt. Nun ſeynd der Probir-Oefen mancherley/ dann nach demDie Schoͤ-
ne und Zier
der Probir-
Oefen we-
nig nuͤtz.
ein Probirer gewohnt iſt/ alſo braucht erauch Probir-Oefen: Aber das
ſol man gleichwol wiſſen/ daß in einem Probir-Ofen das Feuer beſſer zu
regieren/ heiß und kalt zuthun iſt/ als in dem andern/ wie der Unterſcheid
auß der folgenden Figur zu ſehen. Ich wil aber erſtlich melden/ was
die alten Probirer fuͤr Oefen gebraucht haben.

Die gemeinen Probir-Oefen/ darinnen die Alten die gemeine
Proben probirt haben/ dieſeyn alſo gemacht worden: Sie haben von
ſtarckem eyſern Blech ein Gefier laſſen zuſammen machen/ welches
dieſes Strichs Laͤnge — — unten beylaͤufftig fuͤnffzehen weit/
und ſechszehen hoch geweſen/ hat ſich von unten auff biß oben an/ alſo ge-
ſchmogen/ daß das Gefier oben dieſer Laͤnge zehen weit blieben/ und das
Gefier hat keinen Boden gehabt/ ſondern vorn am Ofen hat es ein
Mundloch fůnffthalb Laͤnge weit/ und vierdhalb Laͤnge hoch/ und auff
den andern dreyen Seiten/ auff jeder iſt unten ein Windloch geweſen/
vier Laͤnge lang/ und anderthalb Laͤnge hoch/ auch hat das Blech al-
lenthalben durchgehauene Loͤcher gehabt/ daß es rauch und ſcharff ge-
weſen/ damit der Laͤim an dem Ofen inwendig im Außklaͤben hat hafften
koͤnnen. Zu dem Außklaͤben aber ſolches Probir-Ofens/ wird ein ſon-
derlicher guter Laim gemacht/ der im Feuer wol haͤlt/ alſo: Nimb guten
wolgeberden Laimen/ ſchlag darunter Scherwoll oder Roßkoth/ Och-
ſenblut/ Hammerſchlag von Eyſen/ und gemein Saltz/ damit klaib den
Ofen auß/ drittehalb Laͤnge dick/ laß ihn trucken werden/ nim alsdann
klein gerieben Venediſch Glaß/ Bein-Aſchen/ und ein wenig duͤnnen
Laim/ untereinander gemiſcht/ beſtreich damit inwendig den geklaͤbten O-
fen/ und laß ihn woltreugen/ mach ein ſittſam Feuer darein/ daß er ſich
außgluͤet. So man nun dieſen Ofen brauchen wil/ ſo macht man einen
ebenen Herd/ und auff den Herd ein duͤnn Herdlein/ von Capellen-Aſchen/
eines zwerchen Fingers dick/ darauff ſetzt man den Ofen/ und in den O-
fen auff das Herdlein eine Muffel/ die iſt formirt wie folgende Figur zei-
gen wird/ alſo iſt der Probir-Ofenbereit. Wann nun in dem Probir-
Ofen probirt wird/ ſo verglaßt er ſich inwendig/ von dem letzten uͤber-
ſtreichen/ mit Venediſchem Glaß und Aſchen/ und wäret deſto laͤnger/
auch wann ſich der Ofen in die Laͤnge gar außbrennt/ kan man den alten
Laim herauß ſchlagen/ und mit neuem anklaͤben/ gleich wie zum erſten.
In einem ſolchen Ofen/ wer die Regierung deß Feuers wol weiß/ oder
ein geuͤbter Probirer iſt/ der kan alle Proben nothduͤrfftiglich darinnen
machen/ allein die Windloͤcher verſetzen ſich viel eher mit der Aſchen/
als der Ofen mit den zweyen Mundloͤchern/ darvon hernach Bericht fol-
gen wird.

Es brauchen auch etliche zu ihrem Probiren Oefen/ die ſeynd von
Toͤpfferthon gemacht/ und geformirt wie der jetzt bezeichnete Ofen/ die
ſeynd mit Drat gebunden/ und ſtehen auff einem Fuß/ der iſt breit und
hol/ und hat auff allen vier Seiten runde Windloͤcher/ und inwendig ů-
berſich im Ofen auch Windloͤcher/ wie die folgende Figur dieſen Ofen
auch bezeichnen wird. In dieſem Ofen iſt das Feuer weniger zu regie-
ren/ als in dem obgeſatzten Probir-Ofen/ dann es verſetzen ſich die Wind-
loͤcher in demſelben Ofen/ die in Fuß geſchnitten ſeyn/ gar leichtlich/
und
[9]Von den Silber-Ertzen.
und werden ſolche Probir-Oefen Nuͤrnbergiſche Probir-Oefen
genannt/ und gehoͤren Muffeln darein/ derer Form in der Figur auch
zu ſehen iſt.

So man aber an einem Orth iſt/ da man keinen Probir-Ofen ha-
ben kan/ und gleichwol in einer Eyl eine Prob/ oder etliche verſucht ſolten
werden/ ſo kan man einen Probir-Ofen von Ziegelſteinen/ in ein GevierProbir-
Ofen
ſchlecht
von Ziegel-
ſteinen.
zuſammen ſetzen/ auff den Seiten Lufftloͤcher/ und vorn ein Mund-
loch laſſen/ auch von einem halben Topff eine Muffel darein machen/
dann in ſolchem Ofen die Verſuch-Proben auch recht verricht koͤnnen
werden.

Die Probir-Oefen aber/ in welchen am bequemeſten zu probiren/Probir-
Ofen darin̄
das Feuer
am beſten
zu regiꝛen.
und das Feuer recht und wol zu regiren iſt/ auch die ſich nicht leicht-
lich mit Aſchen vorſetzen/ und in denen alle Proben (die in einem Pro-
bir-Ofen zu probiren ſeynd) koͤnnen gemacht werden/ ſeynd alſo zu
machen; Nimb die obgeſetzte Laͤng/ darnach der erſte Probir-Ofen auß-
getheilt iſt/ und miß in Gevier eilff Laͤng in die Weitte/ und in die Hoͤh
ſechzehen Laͤng/ welches die gantze Hoͤh deß Probir-Ofens iſt/ und
ſo du acht Laͤng in die Hoͤh gemeſſen haſt/ ſo ſchmig den Probir-Ofen
ein wenig zu/ alſo/ daß er oben ins Gevier ſieben Laͤng weit bleibt/ und
ſeine Dicke ſol ſein anderthalb Laͤng/ und der Boden unten auch von
Thon/ drey Viertel einer Laͤng dick gemacht/ alsdann heb uͤber dem
Boden an/ und miß drey Laͤng in die Hoͤh/ und fuͤnffthalbe Laͤng in die
Weite/ welche das unter Mundloch geben/ dann miß fortan uͤber
das unter Mundloch in die Hoͤh zwo Laͤng/ welche das Spatium zwi-
ſchen dem untern und oͤbern Mundloch geben/ deßgleichen miß in die
hoͤh vierthalbe Laͤng/ und vier Laͤng in die Weite/ auß dieſem
Maß mach das ober Mundloch/ miß noch eine Weite ůber das ober
Mundloch/ an welche ſtatt du ein Loch machen ſolt/ eines kleinen
Fingers weit/ daß alſo vom Mittel deſſelbigen Lochs biß oben an
Probir-Ofen/ noch ſiebenthalbe Laͤng bleibe/ alsdann miß auff bey-
den Seiten deß Mundlochs/ gegen die Schmigen drey Viertel einer
Laͤng/ unter welches Maß/ mach zwey Loͤcher eines zimlichen Fingers
weit/ die gerad durch den Ofen/ und hinten wieder hindurch gehen/
ſo dem alſo geſchehen/ ſo muſtu auch auff beyden Seiten/ und hinten
am Ofen einen Abſchuß machen/ auff dem die Aſch herunter fallen
kan/ welcher vom Boden dritthalbe Laͤng/ auch dritthalbe Laͤng von
der Seiten/ innwendig deß Ofens ſtehen ſoll/ und der Abſchuß ſich
hol hinauff ſchmigen/ vom Boden an ſiebenthalbe Laͤng; Allein das
hab in Acht/ wann du etwas von Thon machen wilt/ ſo muſtu ihm
ſo viel zugeben/ als der Thon zu ſchwinden pflegt/ dann es ſchwin-
det einer mehr als der ander/ aber insgemein ſo ſchwinden die Thon
auff den zehenden Theil. So nun dieſer Probir-Ofen alſo fertig
gemacht/
[10]Das Erſte Buch/
gemacht/ und noch weich iſt/ ſo muͤſſen Faltzen darein geſchnitten werden/
darinn der Drat oder die eiſern Schinen/ mit denen der Ofen gebunden
wird/ liegen koͤnnen/ alsdann laß ihn an der Sonnen ſehr wol trucknen/
und in einem Toͤpffer- oder Ziegelofen hart brennen.

Nachmahls werden auch gleich in ſolcher Form/ Probiroͤfen ge-
Probirofen
von ſtarckē
Harniſch-
Blech.macht/ die außwendig ins Gevier/ wie jetzt gedachter Probirofen formirt/
von ſtarckem Harniſchblech gar ſauber und reiniglichen gemacht/ und
inwendig von Eiſen Stegen/ daran der Leim hafften kan/ geniedet/
und alſo kuͤnſtlich zuſammen bracht/ daß man auch ſolchen Ofen/ in
fuͤnff Stuͤck/ von einander ſchrauben/ und zernehmen kan/ welcher dann
auch inwendig/ gleich dem vorigen von Blech zuſammen gemachten Pro-
birofen/ mit gutem beſtaͤndigen Leim/ ſauber außgekleibt/ und an das
ſtarcke Blech außwendig deß Ofens Fuͤrſchůble ſollen gemacht werden/
welche man in Rinlein hin und wieder ſchiben/ und alſo nach Gelegenheit/
die Proben darinnen wol regiren kan/ von ſolchen Probiroͤfen wird ſon-
derlich viel gehalten/ aber es kan nichts mehr darmit außgerichtet wer-
den/ als in der andern geſatzten Ofen einem/ wann nur ein Probirer die
Erkaͤntnuß deß Fewers recht hat/ nach welchem er dann alle Proben
regiren ſolle/ ſo kan er dieſelbe ohne Zweiffel/ in einem jeden Probirofen
recht machen. Wie nun dieſer/ und alle andere vorgeſatzte Probiroͤfen/
formirt ſeyn ſollen/ iſt in folgender Figur zu ſehen.

Der Probirofen/ welchen die alten Probirer von ſtarckem eiſern Blechzuſam-
men haben machen laſſen. A. Ein Nuͤrnbergiſcher Probirofen. B. Der Fuß darzu. C.
Ein Probirofen in einer Eyl von Ziegel zuſammen geſetzt. D. Ein Probirofen von
Toͤpfferweck gemacht mit eiſern Schinen gebunden. E. Ein eiſerner von Harniſch-
Blech zuſammen gemachter Probirofen. F.

Wann nun dieſer Probirofen einer ſo weit bereit iſt/ ſo laß zwey ei-
ſerne Staͤnglein in gleicher Laͤng machen/ die durch die Loͤcher/ ſo zwiſchen
dem untern und obern Mundloch ſeynd/ durchgehen/ und forn beylaͤuff-
tig noch eine gute zwerch Hand herauß fůr den Ofen reichen/ darauff das
Blaͤtlein vor dem obern Mundloch ligen kan/ alsdann laß ein Bodenblat
machen/ das nicht dicker ſey/ als von dem Staͤnglein an/ biß unten an das
ober Mundloch/ und alſo breit ſey/ daß es ein wenig ůber die eiſern
Staͤnglein reiche/ und von dem Bodenblat/ biß an die Seiten ſchmiegen/
eines guten zwerchen Fingers Spatium bleibe/ deßgleichen ſoll auch ſo
viel Spatium hinden im Ofen ſeyn/ damit der Wind dardurch in Ofen
hinauff gehen/ und das Fewer treiben kan. Zu dieſem Probirofen ge-
hoͤren ſonderliche Muffeln/ die allein nach der Laͤng/ unten eines zwerchen
Fingers weit außgeſchnitten ſeyn ſollen/ eines theils brauchen auch an-
dere außgeſchnittene Muffeln/ welche aber die beſten ſeynd/ zu einem jeden
Ofen
[11]Von den Silber-Ertzen.
Ofen zu gebrauchen/ die wird man in folgender Figur/ in rechter Pro-
portion auffgeriſſen finden.

Auch ſoll zu dieſen Oefen ein Deckel/ und Fuͤrſchůblein von Toͤpf-
ferzeug/ zu Regirung deß Feuers/ wie du hoͤren wirſt/ gemacht werden/
welcher Form in gemelter Figur auch zu ſehen iſt.

Wie man Muffeln/ Bodenblaͤtter/ Schirben/
und anders klein Toͤpfferwerck/ zum Probringehoͤrig/
machen ſoll.

ES ſolle billich ein jeder Probirer im Fall der Noth/ ſeine Pro-
biroͤfen/ Schirben/ Tiegel/ Muffeln/ und was er zum Pro-
birn taͤglich fuͤr Inſtrumenta bedarff/ ſelbſt machen koͤnnen/
dann man findet nicht an allen Orten Meiſter/ die ſolches
zu machen wiſſen/ und ob man gleich offtmahls viel Fleiß anwendet/ die
Toͤpffer dahin zu bringen/ daß ſie zu Nothdurfft deß Probirns/ die zuge-
hoͤrigen Zeug machen ſollen/ ſo geſchichts doch vielmahls/ daß ſie nichts
Guts noch etwas foͤrmlichs machen/ mit dem dann ein Probirer nicht be-
ſtehen kan/ derwegen ich/ auch andere mehr (wo wir nicht guten Zeug ha-
ben bekommen moͤgen) offtmahls verurſacht worden/ ſolchen ſelbſt zu ma-
chen/ welches dann alſo geſchehen ſoll.

Nim̃ guten Toͤpfferdhon/ ſo gut der zu bekommen iſt/ doch wird der
Von Zube-
reitung deß
Dhons/ und
was man
pflegt dar-
unter zumi-
ſchen.Dhon/ der blau/ uñ im Feuer oder im Brennen ſchoͤn weiß wird/ der beſte
zu dieſem Zeug zu gebrauchen befunden/ denſelbigen Toͤpfferdhon/ laß gar
hart werden/ oder an der Sonnen trucknen/ und wann du davon Zeug
machen wilt/ ſo laß den Dhon klein ſtoſſen/ und feuchte den an mit Waſ-
ſer/ daß er weich werde/ dann laß ihn tretten/ oder mit einem Eiſen wol
behren/ und nim̃ darunter kleinen geriebenen geſchlem̃ten Kißlingſtein/
oder weiſſen ſchoͤnen Sand/ ſo viel als der Dhon leiden will/ damit du
ihm aber nicht zu wenig oder zu viel thuſt/ ſo mach erſtlich von ſolchem
Zeug/ etliche Probirſchirben oder Tiegel/ und probir darinnen ein ſtreng
hartfluͤſſiges Ertz/ ſo ſiheſtu ob der Zeug halten werd/ gut oder beſtaͤndig
ſey/ es mengen auch etliche ein Kreiden-Geſtein/ oder deß ſubtilen rothen
Talcks und Glimmers/ an denen Orthen/ da es deſſelben viel hat/
darunter/ welches aber am beſten dienlich ſeyn wird/ das wird die
Erfahrung geben/ etliche nehmen fůr ſolches die zubrochene Schir-
ben von Toͤpfferwerck/ oder die alten Tiegel/ klein geſtoſſen und
durch ein Sieblein gereden/ unter den Dhon/ ſo viel daß ſie den Dhon
vor Sproͤdigkeit kaum arbeiten koͤnnen/ ſolche Tiegel und Schirben da-
von gemacht/ halten auch wol/ wann aber Kißlingſtein alſo/ wie oben
bericht/ darunter gebraucht wird/ der bindet im Feuer zuſammen/
und
[13]Von den Silber Ertzen.
und je groͤſſer die Hitz iſt/ je feſter er bindet/ und die Probir Schirben da-
von/ drucken ſich fein gantz auß dem Futter.

Wann nun der Zeug oder Thon zugerichtet iſt worden/ dann muſtVon Fut-
ter oder
Formen
darein die
Probir
Schirben
geſchlagen
werden.
du Formen oder Futter haben/ darinnen du die Probir Schirben und
Tiegel ſchlagen kanſt/ dieſelben Formen werden von Meſſing am beſten
gemacht/ wer aber ſolche nicht haben kan/ der laß ſie von Birnbaͤumen
Holtz alſo drehen/ daß man einen eiſern Ring daran ſchieben kan/ der ge-
heb daran gehet/ damit die Form oder das Futter/ in die Laͤng von wegen
deß vielen Brauchs/ nicht zuſpalte oder breche/ alsdann ſo ſchmier die
Form inwendig mit Speck/ daß ſie fett wird/ und thue darein ein Baͤllin
von deinem zugerichten Zeug/ ſo viel dich dunckt genug ſeyn/ und ſchmier
auch das Obertheil deß Futters/ welches man den Muͤnich nennet/ und
ſchlage alsdann ſolches Obertheil mit einem hoͤltzern Schlegel in die
Form/ ſo iſt der Schirben formirt/ wie das Futter zugerichtet iſt/ den
druck mit den Fingern herauß/ allein hab Achtung/ daß der Thon nicht
gar zu feucht ſey/ ſonſt wuͤrden ſich die Probir Schirben nicht gantz auß-
drucken laſſen. Etliche legen das Futter mit ſampt dem Schirben auff ei-
ne jehlinge Hitz/ ſo gehen die Schirben bald und gantz herauß/ das iſt wol
ein rechter Weg zu kleinen Probir Tiegeln machen/ damit man ſie alle
gantz herauß bringt/ aber mit den Probir Schirben wuͤrde es langſam
zugehen.

Zu dem Muffeln machen muſtu geſchnittene Stoͤcklein haben/ derMuffeln
machen von
Thon uͤber
ein hoͤltzern
Stoͤcklein.
Form und Groͤß nach/ wie die Muffeln ſeyn ſollen/ die beſtreich auch mit
dem Speck/ und mach zuvor ein Klumpen von Thon ſo groß/ daß du da-
von mit einem kleinen kuͤpffern Drat ein duͤnnes Blat ſchneiden kanſt/
das ſtreich uͤber dein Stoͤcklein/ und ſchneid auch von einem ſolchen ge-
ſchnittenen Blat/ ein halb runds Stuͤcklein/ daß du darnach hinden die
Muffeln zumachen kanſt/ diß muß alles ůber dem Stoͤcklein geſchehen/
und mit einer feuchten Hand fein glatt angeſtrichen werden/ ſo die Muffel
alſo uͤber das Stoͤcklein geſtrichen iſt/ ſo laß ſie ein Stund oder drey ſte-
hen/ daß der Thon ein wenig harſch oder hartlich wird/ dann ſo ſchneid
die Muffel auß/ wie du ſie auff den Seiten und hinden außgeſchnitten
haben wilt/ und laß ſie dann noch laͤnger ſtehen/ ſo gehet ſie gar gern vom
Stoͤcklein ab. Etliche wann ſie das Stoͤcklein mit dem Speck beſtrichen
haben/ beſtreuen ſie es mit ſubtilem Sand oder Aſchen/ ſo gehet die Muf-
fel auch bald ab. Damit man aber viel Muffeln bald mit einander zurich-
ten koͤnne/ ſo laß man der hoͤltzernen Stoͤcklein mehr als eins machen/
wann eines ein wenig ſtehet/ und ůbertreuget/ alldieweil werden andere
mehr fertig.

Aber zu den Bodenplettern machen hat man Ramen von Holtz/ inWie man
die Thonen
Boden plet-
ter ſtreichen
und zurich-
ten ſol.
der Weit/ als die Bodenpletter dick und breit ſeyn ſollen/ die ſtreicht man
mit dem zugerichten Thon voll/ die dorꝛen dann bald/ daß ſie leichtlich
Bheranß
[14]Das erſte Buch/
herauß gehen/ oder ſchneide von einem groſſen Stuͤck Thon/ mit einem
duͤnnen Drat ein Pladt/ ſo dick man haben wil/ und formirs ferner wie
groß es ſeyn ſolle.

Dieſe alſo zubereite Schirben/ Muffeln/ Bodenpletter und Tie-
gel/ muͤſſen ſehr wohl drucken/ und dann in einem Ziegel oder Toͤpffer
Ofen gebrant werden/ wiewol die Muffeln und Bodenpletter/ auch rohe
und ungebrant in die Probiroͤfen zu gebrauchen ſeyn/ allein man muß mit
dem anfeuren deß Probirofens gemach thun/ und das Feuer erſtlich von
oben nider angehen laſſen/ ſo bleiben ſie gantz/ ſonſt zuſpringt alles. Hie-
mit haſtu rechten Bericht/ wie die Inſtrumenta von dem Toͤpfferzeug ge-
macht werden/ dann ſo die nicht gut ſeyn/ und feſt halten/ ſo verhindern ſie
den Probirer gar ſehr/ welcher Inſtrumenten Form in folgender Figur
augenſcheinlich zu finden.

Von Capellen/ wie man die recht und gut machen ſol.

AN den Capellen/ daß die gut gemacht werden/ da ligt ei-
nem Probirer ſehr viel an/ dann ſo die Cappellen nicht von
gutem Zeug ſeyn/ ſo rauben ſie etwas uͤber die Gebuͤhr/ ſon-
derlich wann die Claͤr nicht recht zugerichtet/ auff die Ca-
pelln kompt/ ſo ſtehet ſie auff/ und das Koͤrnlein Silber
kreucht darunter/ ſo ſie aber nicht gut iſt/ ſo verzehrt ſie ſich unter dem
Bley/ und wird das Korn Silber nicht rein. Iſt nun die Aſche nicht gut/
und noch etwas zu fett/ ſo ſchmeltzen die Cappellen im Feuer/ welches
dann gar boͤß/ mit denen ſonderlich keine rechte Proben gemacht koͤnnen
werden.

Damit du aber gute Cappellen habeſt/ mit denen du die Proben
recht verꝛichten kanſt/ ſo ſolſtu die folgender Geſtalt/ und alſo machen.
Nimm Aſchen von einem leichten Holtz gebrannt/ welches die beſte iſt/
und ſchuͤtt die in ein Sieblein/ und geuß Waſſer darauff/ daß ſich die
Aſchen durch das Sieblein in ein Schaff oder Faͤßlein ſchlemmt/ ſo blei-
ben die groben Kolen und Sand im Sieblein/ dann geuß ins Schaff ſo
viel Waſſer darauff/ daß das Waſſer weit uͤber die Aſchen gehet/ růhrs
ein wenig umb/ und laß eine Stund oder zwo ſtehen/ ſo zeucht ſich die
Eyffer oder Fettigkeit auß der Aſchen in das Waſſer/ daſſelbige Waſſer
geuß gar gemach wieder ab/ daß keine Truͤbe mit gehet/ und geuß ein an-
ders wieder drauff/ und laß auch alſo ſtehen/ biß lauter wird/ daſſelbe geuß
auch wieder gemach ab/ daß keine Truͤbe mit herab gehet/ das thu ſo lang
biß das Waſſer keine Schaͤrpff mehr hat/ darnach geuß wieder ein rein
Waſſer auff die Aſchen/ ruͤhr die mit einem Holtz umb/ und weil das
Waſſer noch ſehr truͤb iſt/ ſo geuß es ab in ein ander Faͤßlein oder Schaff/
damit das grobe und der Sand von der Aſchen im erſten Faͤßlein bleibe/
das
[15]Von den Silber Ertzen.
das thue weg/ und laß ſich das truͤbe Waſſer in dem andern Schaff ſe-
tzen/ und ſeihe das Waſſer fein lauter wieder darvon/ diß iſt die erſte
Schlemmung/ dann geuß ein ander rein Waſſer auff die geſatzte ge-
ſchlemmte Aſchen/ und ruͤhre die mit einem Holtz abermahls umb/ und
geuß das truͤbe in ein ander Faͤßlein oder Schaff/ damit ſo noch die

Aſche Fettigkeit gehabt haͤtte/ oder grobe Aſche darinnen geweſen waͤre/
daß diß alles rein herauß komme/ und laß ſich den Schlamm wohl ſetzen/
welches die letztere Schlemmung iſt. So nun die Aſchen alſo zugericht
iſt/ ſo mach Kugeln und Ballen darauß/ laß die an der Sonnen oder in
einem Backofen wol drucknen/ und behalte die ſauber zu deinem Ge-
brauch.

Es nemen aber auch etliche Probirer/ an ſtat der Aſchen von leich-
tem Holtz gebrannt/ Weinreben Holtz Aſchen/ (welche aber an allen Or-
ten nicht wol zu bekommen iſt/) die richten ſie zu/ mit ſchlemmen und doͤr-
ren/ wie oben gemeldet iſt/ wiederum eines Theils fuͤr ſolche gute geſchlem-
te Aſchen/ die außgelaugte Aſchen/ davon die gemeine Laugen gemacht
werden/ jedoch ſeynd die zwo erſte Meinungen beſſer/ wie du ſolches im
Brauch und Vbung wol finden wirſt/ und gar nicht auß dem Weg iſt/
allein daß man Achtung habe/ daß die Aſch klar und gut zugerichtet
werde.

Wie man gute Cappellen/ darauff die Proben nicht huͤpf-
fen oder ſpringen/ machen ſoll.

DIe Cappellen/ welche ich bißher zu machen berichtet hab/ die
ſeynd gut zu gebrauchen/ und wird auch darauff der rechte
Halt gefunden/ wann die Erkaͤntnuß deß Feuers darbey in
acht genommen wird/ wo man aber ſolches nicht achten/ und
die Proben liecht und heiß gehen laſſen wil/ ſo wird darauff
gar leichtlich am Silber was verfuͤhrt/ wann aber ein Probirer der Sil-
ber und Můntz Proben nicht allerdings gewiß/ oder der Erkaͤntnuß deß
Feuers nicht recht berichtet iſt/ der thut beſſer/ daß er die hernach geſetzten
Cappellen zurichten laͤſt/ und zu ſeinem p[ro]biren braucht/ nemlich alſo:

Laß Knochen oder Bein gar weiß brennen/ (die Kalbs oder Schafs-
bein ſeynd unter den gemeinen Beinen die beſten/ ſtoß die klein und reibs
auff einem Reibſtein ſubtil wie ein Mehl/ alsdann feucht ſolche ſubtile
Bein Aſchen allein (wie eine andere Cappellen Aſchen) mit ſtarckem
Bier an/ darvon ſchlag Cappellen/ und trag gleichwol auch Klaͤr darauff
wie in andern vorigen Cappellen gethan/ und laß ſie drucken werden/ ſo
ſeynd ſie bereit.

Wann man aber von den Fiſchen gute und reine Graͤt haben kan/
davon iſt die Bein Aſch zu allen Cappellen zu gebrauchen die beſte.

Wann du auff dieſen Cappellen probiren wilt/ ſo ſetze ſie in Probir-
ofen/ und wann ſie nur durchgluͤen/ ſo ſetze die Prob darauff/ was du pro-
biren wilt. Vnd ob gleich die Cappellen nicht recht abgeaͤndet ſeyn/ ſo wer-
den die Proben gleichwol nicht hupffen/ und rein abgehen.

Allein das iſt zu mercken/ daß die Proben auff dieſen Cappellen viel
kaͤlter/ langſamer und ſubtiler abgehen/ dann auff den andern Cappel-
len umb deß willen dann auch von der Prob/ wie vorgemeldet/ am Silber
nicht leichtlich etwas verfuͤhrt werden kan. Vnd wann die Proben dar-
auff abgangen/ ſo ſtechen ſich die Probirkoͤrner gar rein darauff ab/ daß
daran nichts hangen bleibt/ und nicht ſonderlich rein gemacht duͤrffen
werden/ und ob gleich ein kuͤpfferig Silber darauff abgangen waͤr/ welche
Koͤrner ſonſt gern in die Klaͤr greiffen/ und nicht allwegen ſich rein dar-
von abſtechen laſſen.

Wie man gute Klaͤr machen ſoll.

ZV den Cappellen iſt von noͤthen/ daß man gute Klaͤr darzu
habe/ dann wann dieſelbige nicht gut iſt/ ſo koͤnnen auch kei-
ne gute Cappellen gemacht werden/ man bereite die Aſchen
gleich wie fleiſſig man woͤlle. Nun hab ich fuͤr meine Perſon
mit Fleiß vielerley Bein verſucht/ und befunden/ daß die
Kalbs Koͤpff Bein/ oder Schalen/ die von der Stirn kommen/ am beſtenKlär von
Kalbs
Koͤpff Bei-
nen.
darzu ſeynd/ die nimm und waſche ſie auß einem ſiedheiſſen Waſſer/ oder
laß ſie mit dem Waſſer wol ſieden/ damit die Feiſtigkeit und Vnreinigkeit
davon komme/ darnach drucken werden/ brenn ſie alsdann im Feuer/ daß
ſie ſchoͤn weiß werden/ ſtoß/ und reib ſie auff einem Stein/ feucht ſie
ein wenig mit Waſſer an/ und thue ſie in einen unverglaſurten Topff mit
einer Stuͤrtzen verlutirt/ ſetze die noch ein mahl ins Feuer oder Toͤpffer-
Ofen/ laß ſie bey vier Stunden wol brennen/ und dann von ſich ſelbſt er-
kalten/ nimm die Aſchen von den Beinen gebrannt auß dem Topff/ und
reib ſie auff einem glatten Stein auffs ſubtilſte/ daß ſie gantz klar werde/
(von welcher klaren Præparirung die Klaͤr dann den Namen hat/) die
magſtu alsdann zu deinem Brauch auffheben/ und fůr Staub bewah-
ren.

Etliche brauchen Hirſch Horn zu der Klaͤr/ das brennen ſie/ und
richten die Klaͤr zu/ wie oben gemeldet/ und ſolches gibt auch gute Klaͤr/
aber die von Kalbs Koͤpffen Schalen achte ich noch fuͤr beſſer.

Es wird auch auß den groſſen Fiſch Graͤten und Hecht Kieffen ſehr
gute Klaͤr/ wann man mit reinem Waſſer die Feiſtigkeit erſtlich abſeud/
und dann brennt/ doch ſtehet es einem jeden zu ſeinem Gefallen/ dann wel-
che Klaͤr ihm am beſten dient/ die mag er brauchen/ allein daß er ſehe/ daß
ſie ſubtil und klar gerieben ſey.

Wann nun die Klaͤr ſubtil gerieben iſt/ ſo pflegen etliche dieſelbige
in einem reinen Waſſer zu ſchlemmen/ und machen viereckichte Stuͤck
gleich der Kreiden darauß/ wie ichs vor Jahren auch alſo gebraucht ha-
be/ aber ich hab befunden/ daß ſie drucken auffs ſubtilſte gerieben beſſer iſt/
dann vom ſchlemmen und drucknen wird ſie wieder hart/ und kan vom
ſchaben
[21]Von den Silber Ertzen.
ſchaben nicht ſo gar klar werden/ als vom reiben. Wie nun die Cappellen
Futter/ und Cappellen geformirt ſeyn ſollen/ das zeiget obige Figur.

Wie man das Bleyglaß machen ſoll.

DAmit aber ein jeder guten und gruͤndlichen Bericht habe/ was zuBleyglaß
zu welchen
Ertzen es
dienſtlich.
dem Probirn von noͤhten ſey/ wil ich/ ehe dann ich zu dem Proceß
deſſelben komme/ auch anzeigen/ wie man den Fluß oder Bley-
glaß bereiten ſoll/ welches Bleyglaß ein Fluß iſt/ der zu den ſtrengen und
ſehr unfluͤſſigen Ertzen gebraucht wird/ auff daß ſich dieſelbigen gleich
den
[22]Das erſte Buch/
den fluͤſſigen rein anſieden moͤgen laſſen/ von welchem anſieden hernach
ferner Bericht folgen wird.

Dieſen Fluß oder Bleyglaß aber bereit alſo/ nimmb Kießlingſtein
der ſchoͤn weiß iſt/ brenn den in einem Topfferofen/ ſtoß ihn klein/ raͤde ihn
durch ein haͤrin Sieblein/ geuß rein Waſſer darauff/ und ſchlemm oder
waſch das truͤbe darvon/ daß der Kießlingſtein ſchoͤn und rein wird. Deſ-
ſelbigen Kießlingſteins nimb ein Theil/ und ein halb Theil rohte Bley-
gledt/ mengs alſo drucken unter einander/ thus zuſammen in einen Tiegel/
daß er auff den dritten Theil laͤer bleibe/ und dann oben darauff gemein
Saltz/ oder Salpeter-Saltz/ welches dann beſſer iſt/ ſo mans haben kan/
alſo/ wann der Tiegel groß iſt/ daß das Saltz bey drey zwerche Finger
hoch darauff komme/ deck den Tiegel/ und verlutir ihn zu/ und ſetz ihn in
ein gar ſtarckes Feuer/ in einem Wind-Ofen/ oder in einem Ziegel-Ofen/
ſo fleuſt es untereinander/ ſo wird ein gelb Glaß darauß/ laß den Tiegel
von ihm ſelbſt erkalten/ und ſchlag ihn darnach auff/ ſo findeſtu unten im
Tiegel einen Bleykoͤnig/ der ſich von der Gledt geſetzt hat/ den thue weg/
und behalte das Glaß/ welches der Fluß iſt.

Du moͤchteſt auch wol zuvorn die Gledt in einem Tiegel flieſſen laſ-
ſen/ und der Schlacken/ die davon werden/ zehen Theil nehmen/ zu einem
Theil zubereites Kießlings/ und mit Saltz bedeckt/ voriger Meinung
nach/ in Fluß bringen/ ſo wird auch ein gut Bleyglaß darauß.

Oder nimb an ſtatt deß gebrennten Kießlings/ guten geſchlemmten
Laͤim/ der drucken und klein gerieben ſey/ ein Theil/ und drey Theil der gu-
ten rohten Bleyglet/ mit Saltz bedeckt/ laß in einem ſtarcken Feuer flieſ-
ſen/ das gibt gar ein ſchoͤn Bleyglaß.

Merck daneben/ ſo man das gemachte Bleyglaß wieder in einem
Tiegel flieſſen laͤſt/ und wirfft im Fluß ein wenig guten Salpeters darein/
und laͤſt den darinnen verbrennen/ und eine Weil darauff im Fluß ſtehen/
ſo wird das Bleyglaß noch reiner und fluͤſſiger/ oder man mag darunter
den vierdten Theil Todten-Kopffs brauchen/ und darmit flieſſen laſſen/
der macht den Fluß auch rein und fluͤſſig.

Von den Gewichten/ die zu den Ertz- und Silber-
Proben gebraucht werden.

DAs Centner Gewicht/ nach dem alle Ertz/ Schlich/Warumb
die Alten
gemeinen
Centner
auff 100.
Pfund ge-
richtet.
Schlackſtein/ und was dergleichen Sachen ſeynd/ probirt
werden/ das iſt von den alten Teutſchen Probirern alſo ab-
getheilt/ daß der Centner gerad auff ein hundert Pfund ge-
richtet worden/ umb der Vrſach willen/ dieweil an vielen
Orten/ das Ertz/ der Schlackſtein/ und das ſilberige ungeſeigerte ſchwar-
tze Kupffer/ nach dem Gewicht gekaufft/ und das fein Silber darinnen/
der Prob nach (ehe dann es herauß geſchmoltzen) bezahlt wird/ damit dem
Kauffer/ weil er im herauß ſchmeltzen deß Silbers/ einen Abgang leiden
muß/ die ůbrigen Pfund/ ſo viel der Berg- oder Huͤtten Centner/ mehr
als hundert Pfund wigt/ in ſeinem Kauff zu gut gehen/ weil aber gemei-
niglich der Centner auff den Bergwercken/ auff ein 100. und 10. Pfund
gerichtet iſt/ daß er alſo die obige 10. Pfund ſampt dem Silber darinn/ zu
Huͤlff ſeines Abgangs hab. Derowegen dann in einem wohl geordneten
Schmeltzen/ auff arme Ertz/ die in gemein biß in drey/ vier/ oder fuͤnff
Loth Silbers halten/ der Verluſt am Silber im Schmeltzen/ billich nicht
groͤſſer ſeyn ſolle/ als das Silber/ ſo die zehen Pfund am Huͤtten-Centner/
gegen dem Probir Centner gerechnet/ zu tragen/ was aber reich Ertz/
auch Reichwerck/ oder gar reiche Kupffer anlangt/ darinnen werden bil-
billich die ůbrigen Pfund im Probiren/ auch mit genommen.

Von den Pfenning Gewichten.

DEr Pfenning Gewicht ſeynd zweyerley/ eines/ ſo bey uns in Hoch-Zweyerley
Pfenning
Gewicht,
Teutſchland/ das ander im Niederland gebraucht wird/ nach wel-
chen/ die Silber oder gekůrnt auff den gewiſſen haͤlt/ wie viel ein
Marck fein Silber in ſich hab/ probirt koͤnnen werden.

Die Abtheilung deß Graͤn-Gewichts.

DIe Marck im Graͤn-Gewicht/ wird außgetheilt in Loth und
Graͤn/ gleich wie das Niederlaͤndiſch Pfenning-Gewicht/ in
Pfenning und Graͤn getheilt iſt/ und diß Gewicht braucht
man deß mehrern Theils auff die Beſchickung deß Tiegels/
und gemůntzt Geld/ da es dann am beſten zu dienet/ umb deß willen/ daß
allhie die Graͤn weiter außgetheilt ſeynd/ und der Halt genauer ſich fin-
det/ dann im Pfenning-Gewicht/ daß nur in Pfenning und Heller unter-
ſchieden. Wiewol aber das vierdte Theil einer Graͤn/ im Halt nicht ge-
braͤuchlich iſt anzugeben/ ſo iſt doch einem Probirer von noͤhten/ ſolches
Viertheil Graͤn in ſeiner Abtheilung zu haben/ umb Berichts willen.

• ¼
• ¼
• ½
• 1
• 2
• 3
• 6
• 9

• 1
• 2
• 4
• 8
• 16

Folgt der Proceß/ wie man alle Silber-Ertz/ auff Silber
probiren ſoll.

ICh hab oben gemeldet/ daß ein Vnterſchied in den Ertzen ſey zu
halten/ weil eines Theils ſtreng/ hartfluͤſſig/ und rohe ſeynd/ ei-
nes Theils wiederumb weichfluͤſſig und mild/ die flůſſigen Ertz
aber/ ſoltu alſo auff Silber probiren: Nimb das Ertz/ reibs mit
einem Hammer/ anff einem breiten darzu gemachten Eiſen/ klein wie ein
Mehl/
[25]Von den Silber Ertzen.
Mehl/ wieg davon ab einen Centner deines Probir-Gewichts/ thue daſ-
ſelbige in einen Probir-Schirben/ und wieg darzu acht mahl ſo ſchwer/
als dein Centner iſt/ gekuͤrnt Bley/ menge Bley und Ertz im Schirben
untereinander/ und ſetz es in einen warmen Probir-Ofen/ thue ihm als-
bald nach dem einſetzen heiß/ lege Kohlen fuͤr das Mundloch/ ſo faͤhet das
Bley an zu treiben/ und ſo ſchlacket bald/ ſo es nun lang im Probirofen ge-
ſtanden/ daß ſich das Bley auff dem Probir-Schirben/ mit den Schla-
cken gar uͤberzogen hat/ ſo hat es ſich verſchlackt genug/ das heiſt man an-
geſotten/ dann ſo nimb ein eiſern Haͤcklein/ legs warm/ daß es ein wenig
ergluͤe/ und ruͤhre das Ertz damit auff dem Schirben fein ſauber umb/
das geſchicht darumb/ ſo etwas vom Ertz an dem Rand deß Probir-
Schirbens/ waͤre ſitzen bliebẽ/ daß ſolches auch ledig gemacht werde/ und
das Bley ſolches ergreiffen/ und in ſich ziehen kan/ laß es nach dem růhren
ein kleine Weil ſtehen/ dann hebe den Schirben auß dem Probir-Ofen/
und geuß das Bley und Schlacken auff ein eiſern Blech/ in der Grůblein
eins/ die auff dem Blech darzu gemacht ſeynd/ und laß erkalten/ alsdann
ſo ſchlage die Schlacken vom Bley rein ab/ ſo iſt die Prob am anſieden
fertig/ welches beylaͤufftig in einer halben Stund geſchicht. Darnach ſe-
tze Cappelln in Probir-Ofen/ laß die bey einer halben Stund im Ofen
wohl ergluͤen/ das heiſt man abgeaͤdnet/ auff dieſelbige wohl abgeaͤdnete
Cappelln/ trag alsdann dein Bley oder Werck/ das vom Ertz im anſieden
kommen/ thue ihm erſtlich warm/ daß das Werck darauff anfaͤht zu trei-
ben/ und ſo es treibt/ ſo thue ihm kaͤlter/ damit das Bley oder Werck in
zimlicher Hitz/ auff der Cappelln abgehen kan/ ſo zeucht ſich das Bley al-
les in die Cappelln/ und bleibt allein das Koͤrnlein Silber/ wofern das
Ertz Silber bey ſich hat/ auff der Cappelln ſtehen/ wie klein auch das ſey/
heb dann die Cappelln auß dem Probier-Ofen/ nimb mit der Korn-Zang
das Koͤrnlein davon/ ſo haſtu deine Prob verꝛichtet/ wie du aber das
Koͤrnlein nach dem Probir-Gewicht auffziehen ſolt/ welches dann einen
ſonderlichen Fleiß haben wil/ das wirſtu hernach eigentlich berichtet wer-
den.

Wie man die armen und geringen Ertze/ auff Silber
probiren ſol.

DIe armen unreinen Silber Ertze/ die in einem
Geſtein oder Gebirg eingeſprengt ſtehen/ und ſich gleichwol
im Waſſer darvon ſcheiden laſſen/ die Probir alſo/ reib oder
ſtoſſe ſie in einem eiſſern Moͤrſcher gar zu Mehl/ mengs
wol untereinander/ wiege nach deinem Probir-Gewicht 20. Centner
darvon ab/ thue es in einen glatten ſicher Trog/ und zeug es mit Waſ-
ſer zu reinem Schlich/ denſelben Schlich wieg alſo naß/ ſo findeſtu wie
viel die 20. Centner Ertz in gemein reinen Schlich geben/ wieg davon
wieder einen Centner alſo naß ein (dann die Schlich ſo in Buchwer-
cken rein gemacht/ auch alſo naß gewegen werden) probir den auff
Sil-
[33]Von den Silber Ertzen.
Silber/ wie du oben gelehret biſt. Nach ſolcher Prob kanſtu deine Rech-
nung machen/ ob du im auffbereiten der Felſen oder geringen Ertze/ der
Vnkoſtung halber/ beſtehen kanſt/ und ſolche Prob hat manchen Berck-
mann fuͤr groſſen Schaden behuͤtet.

Truͤbe Waſſer-Quell auff Silber zu probiren.

BIßweilen begibt ſichs/ daß von reichen milden Silber-Gaͤngen
auß den Gebirgen/ ein ſchwartzlicht oder gelblicht truͤb Waſſer
quillet/ welches offtmals pflegt Silber zu halten/ das probir al-
ſo: Nimb deß Waſſers einen Topff voll/ ſeud das ein/ daß ſich
ein Schlam darinnen ſetzt/ den wieg ein und thue ihm ferner/ wie einem
andern Silber-Ertz/ ſo findeſtu was es haͤlt.

Wie man ein recht Bleykorn/ das man in der Prob pfleget
abzuziehen/ machen ſoll.

EInem jeglichen Probirer iſt von noͤhten/ daß er deß Bley-Villacher
Bley iſt
nicht ohne
Silber.
korns gute Acht habe/ und von dem Bley/ davon er taͤglich
probirt/ mehr als ein Bleykorn mache/ damit er deß gewiß
ſey/ dann es hat faſt alles Bley Silber bey ſich/ und obwohl
das Villacher Bley darfuͤr gehalten wird/ als ſey es das be-
ſte und reineſte/ das zum probiren wohl dient/ wie es dann auch iſt/ ſo fin-
det man doch wenig darunter/ das gar ohne Silber waͤre.

So iſt auch nichts darauff zu gruͤnden/ daß etliche ungeuͤbte Pro-
birer/ von dem Probir-Bley nur 4. Center auff der Cappelln abgehen
laſſen/ und ſo ſie kein Silber darinnen finden/ meinen daß darumb das
Bley nichts halten ſoll/ ſondern man ſoll ſo viel Bley auff eine gute Cap-
pelln ſetzen und abgehen laſſen/ ſo viel man zu einer jeden Prob braucht/
und derſelben mehr dann eine Schwere abgehen laſſen/ wo alsdann in
dieſem allem nichts gefunden wird/ dann mag man urtheilen das Bley
halte kein Silber/ und iſt dennoch auch nicht gar darauff zu trauen/ dero-
halben ein Probirer ſein Bley offtmahls wiederumb probiren ſolle/ da-
mit/ ob ein Stuͤck an einem Ort/ dem andern nicht gleich waͤre (wie dann
der Bleyſtůck keines auff einmahl in der Huͤtten da mans macht/ gegoſſen
wird) daß er dannoch ſeines Bleykorns/ daran dann viel gelegen/ gewiß
ſeyn kan/ dann wird ſich befinden/ daß auch das Villacher Bley/ wann
die gantze Bleyſchwer probirt wird/ ein Koͤrnlein Silber hinder ihm auff
der Cappelln laͤſt/ welches/ wie obgemeldet/ wie klein es auch ſey/ zu dem
Probir-Gewicht in die Wag gelegt/ und von dem andern Korn/ das vom
probiren kompt/ abgezogen werden ſoll.

Ferner halten etliche Probirer darfuͤr/ wann man dem Bley einBleykorn
mit Zuſatz
Kupffers.
wenig Kupffer/ das gar kein Silber haͤlt/ zuſetzt/ und auff der Cappelln
abgehen
[34]Das erſte Buch/
abgehen laͤſt/ daß ſich das Bleykorn deſto beſſer finde/ das iſt wohl an
dem/ wann man ein Kupffer auff Silber probiren wil/ daß man das
Bleykorn alſo macht/ aber zu den Ertz-Proben und andern Sachen/ die
nicht Kupfferig ſeynd/ ſoll ein ſolch Bleykorn nicht gebraucht werden.

Weil auch alle Ertz-Proben im probiren Schlacken geben/ welche
ſehr Bleyreich ſeynd/ und gleichwol etwas am Silber in ſich ziehen/ iſt
etlicher Meinung/ daß man die Bleyſchwere nehmen/ und erſtlich einen
Centner Tauben Berg/ oder einen ſchlechten Laim/ der kein Silber haͤlt/
darmit anſieden ſoll/ daß darvon Schlacken werden/ gleich wie in den
Ertz-Proben geſchicht/ ſo ziehen die Schlacken ihr Theil vom Bleykorn
in ſich/ welches alsdann auff die Ertz-Proben fuͤr das rechte Bleykorn zu
gebrauchen ſeyn ſoll/ ich achte aber weil das Probir-Bley ſonſt arm iſt/
ſo werde der Vnterſchied hierinn nicht groß ſeyn koͤnnen/ doch ſtehets zu
eines jeden Gefallen zu gebrauchen.

Wie man einen Schlackſtein oder Kupfferſtein außſchla-
gen/ und auff Silber probiren ſoll/ und was der Schlack-
ſtein ſey.

DEr Schlackſtein/ wie es die Philoſophen darfuͤr halten/ ſoll
von dem Schweffel und Arſenico mit einer ſubtilen Terra
vermiſcht/ herkommen/ der im ſchmeltzen ſich von den Schla-
cken ſcheide/ Kupffer und Silber in ſich ziehe/ und behalte/
beweiſen ſolches auß dem/ daß ſich der Schweffel anfaͤng-
lich/ mit einer linden Hitz weg roͤſtet/ und der Arſenicum mit einer ſtarcken
Hitz ſich auff ſublimir, die Terra aber/ in welcher das Silber und Kupffer
iſt/ ſitzen bleib/ die alsdañ leichtlich zu Schlacken zu bringen/ und das Me-
tall darvon zu ſcheiden ſey/ welches ſonſt nicht geſchehen koͤnte/ wann der
Schweffel und Arſenicum noch darbey waͤre.

Auß dieſer Opinion iſt abzunehmen/ wann man auß dem Schla-
cken-Stein das Silber und Kupffer bringen wil/ ſo kans durch keinen
andern Weg geſchehen/ dann daß man den Schweffel und Arſenicum
erſtlich darvon abſcheide/ das geſchicht durchs roͤſten/ wie ſolches im groſ-
ſen Werck/ auff den Schmeltz-Hůtten zu ſehen iſt/ dergeſtalt/ daß man
dem Schlackſtein Anfangs eine linde Hitz/ und nicht ein ſtarckes Feuer
gebe/ ſo faͤllt die Kaͤlt bald wieder darauff/ und erhebt den fluͤchtigen
Schweffel (welcher die Kaͤlt fleucht/ und die Hitz liebet) daß er leichtlich
darvon
[35]Von den Silber Ertzen.
darvon weichet/ der ſonſt in der ſtarcken Hitz darbey/ und fuͤr und fuͤr
Schlackſtein blieb/ und dañ ſo leichtlich nit davon gebracht koͤnt werden/
Nun thuts eine linde Hitz allein auch nicht/ darumb ſoll man das Feuer
im Roͤſten je laͤnger je baß ſtaͤrcken/ und dann zu letzt/ wañ der Schwef-
fel vom Schlackſtein ſich faſt weg geroͤſtet hat/ mit einem ſtarcken Feuer
den ůbrigen Schweffel und Arſenicum folgend darvon brennen/ und ob
gleich der Roſt davon flieſſen wůrde/ ſo iſts ihm doch nicht ſchaͤdlich: Diß
ſchreibe ich hiermit/ daß man ſehe/ daß die Naturkuͤndiger auch den Sa-
chen fleiſſig nachgedacht haben/ und das Roͤſten daher ſeinen Vrſprung
genommen.

Wann nun der rohe Schlacken/ oder Kupfferſtein auß dem HerdWelcher
geſtalt die
Scheiben
außzuſchla-
gen.
geriſſen/ und die Scheiben auff einander geſetzt ſeynd/ und wilt denſelbi-
gen auff Silber probiren/ ſo ſchlag von einer jeden Scheiben ein Stuͤff-
lein/ nicht gar mitten/ und nicht gar am Ort herauſſer/ welches die beſte
Mittel/ Prob gibet/ dann das Silber tritt der Kaͤlt uñ dem Geſtub nach/
und werden die Steinſcheiben an Oertern reicher befunden/ als mitten in
den Scheiben/ dieſelben außgeſchlagene Stuͤfflein/ puch alle unterein-
ander/ vermeng die wol/ und nimm eine Prob davon/ ſo wird die Prob
kleiner/ das nennt man die Prob verjungt/ dieſelbe reib folgend gar klein/
und wieg davon einen Centen deines Probier-Gewichts ab/ und probier
ſolchen Stein/ gleich wie du oben von den ſtrengen Ertzen bericht biſt/ ſetz
ihm ſein gebůhrlich Bley alsbald zu/ und laß ſichs zum erſten auff demſel-
bigen abroͤſten: Letzlich thue ihm warm/ damit ſich die Prob rein anſeudt:
Dieweil aber an dieſer Prob viel gelegen iſt/ ſo nimb ſechzehen ſchweren
Bley dazu/ damit die Prob Bleyes genug hab/ dann es iſt beſſer/ zu ei-
ner ſolchen Prob zwo ſchweren Bley zu viel/ dann eine zu we-
nig genommen.

Das Hartwerg und Kupfferlaͤch auff Silber
zu probirn.

DAs duͤrre und feiſte Hartwerg und Kupffer-Laͤch/ das mann in
etlichen Schmeltzen/ als ſonderlich auff Kuttenberg/ zu einem
Zuſatz braucht/ die ſilberigen Ertz mit dem Zuſchlack deß Bleyes
darein zu arbeiten/ und ſolche Zuſaͤtz kupfferreich zu machen/ damit man
friſche Stuͤck gieſſen/ und die ſilbern davon ſeygern kan/ darauff dann ge-
gen dem gemeinen Seygern/ ein ſonderliche Rechnung und Verſtand
gehoͤrt/ ſolches duͤrꝛ und feiſt Hartwerck/ ſoll auff Silber probirt werden/
gleich einem bleyigen ſchwartzen Kupffer/ das dann faſt ein Ding iſt/ da-
von bald hernach Bericht folgen wird.

Geſchmeltzte Speiß zu probirn/ auch was die ſey.

DIe Speiß die ſich an etlichen Orten/ uñ ſonderlich in S. Joa-
chimsthal/ im Schmeltzen findet/ vermeynen die Philoſo-
phen/ daß ſie auch von einem Arſenico und Schweffel/ mit
einer ſubtilen Terra vermiſcht/ herkomme/ und ſich vom
Schlacken/ gleich dem rohen Schlackſtein abſcheidet/ allein in der
Speiß/ gegen dem Schlackſtein ſey der Vnterſcheid/ gleich wie der
Schweffel den Arſenicum, wie vorgemeldt/ uͤbertrifft/ alſo in der Speiß
uͤbertreffe das Arſenicum den Schweffel: Derhalben iſt die Speiß weiſ-
ſer dann der Schlackſtein/ und gehet derſelben im Roͤſten/ weder im ſtar-
ckem noch lindem Feuer etwas viel ab/ laͤſt ſich auch mit keinem Bley uͤ-
berwaͤltigen/ ſondern findet ſich allwegen wieder/ ob ſie gleich etwas da-
Der Speiß
das Silber
zu nehmen.von abnimbt/ ſo iſt es doch nicht viel: Allein das ſoll man gleichwohl be-
richt ſeyn/ wann man die Speiß im kieſigen Bley-Ertz ſchmeltzen/ ge-
mach eintheilt/ und nicht zu viel thut/ und dann die Schichten mit Eiſen-
Schlacken ſetzt/ und auff die Goßlariſche Art unter das leichte Geſtub
ſchmeltzet/ ſo verlaͤſt ſich die Speiß/ und findet ſich keine wieder/ und das
Silber kombt ins Bley/ das macht das Spießglaß im Bley-Ertz/ und
der rohe Schweffel im Kieß/ welche zugleich dem Arſenico zu wider
ſeynd.

Wann man aber ſolche Speiß auff Silber probirn will/ ſoltu die-
ſelbige
[37]Von den Silber Ertzen.
ſelbige klein reiben und abwegen/ und mit ſo viel Bleys/ als ein Schlack-
ſtein Prob bedarff/ in einem Schirben in Probir-Ofen ſetzen/ ſo wird
ſich im Anſieden ein groß Kornſpeiß finden/ welches im Bley herumb
ſchwimmet/ und davon nicht verzehret wird. Diß Kornpflegen etliche
Probirer mit der Klufft auß dem Bley zu heben: Wiewohl ſich nun das
Silber auß der Speiß in das Bley ſeygert/ ſo kans doch nicht fehlen/ es
behaͤlt ſolch Korn noch etwas am Silber bey ſich: Damit man aber den
voͤlligen Halt darinnen finde/ und das Korn-Speiß nicht herauß heben
darff/ ſo ſetze der Speiß auffm Schirben Eifenfeilig/ das kein Silber
haͤlt/ zu/ ſo verzehrt ſich die Speiß gantz und gar/ und wird zu Schlacken.

Wie man ein Geſchmeltzt ſchwartz Kupffer außſchla-
gen und den Probzain gieſſen ſoll.

DEr ſchwartzen Kupffer ſeynd mancherley/ eines theils garVnter-
ſcheid der
ſchwartzen
Kupffer.
gut/ eines theils aber unrein und ungeſchlacht/ als Eyſen-
ſchuͤſſig/ Bleyig/ Speiſſig/ und auch Zienig/ Dann/ nach
dem das Kupffer-Ertz/ bey einem andern Metalliſchen Ertz
bricht/ oder derſelbigen eins in das Kupffer-Ertz einge-
ſprengt ſtehet/ darnach kombt auch daſſelbe Metall ins Kupffer/ und
wird aͤrger darvon.

So du nun ein ſolch ſchwartz Kupffer außſchlagen/ und einen Pro-Schwartze
Kupffer
außzuſchla
gen.
birzain davon gieſſen wilt/ ſoſoltu von denen Scheiben/ die auff einmahl
von einem Roſt zu Kupffer gemacht worden ſeyn/ von allen und einer je-
den inſonderheit/ oben und unten/ nicht gar mitten/ auch nicht gar am
Ort/ ein Stuͤcklein außſchlagen/ doch nach Groͤß und Proportion der
Scheiben/ und hierinn die Fuͤrſichtigkeit brauchen/ daß du nicht von ei-
ner kleinen Scheiben viel/ und von einer groſſen wenig außſchlageſt/ dañ
die Scheiben ſeynd ungleichs Halts am Silber/ daß leichtlich eine Prob
dardurch falſch und ungerecht gemacht werden kan.

So nun die Scheiben alle außgeſchlagen ſeynd/ ſo thue die Auß-Probzain
zu gieſſen.
ſchlaͤg alle in einen neuen Tiegel/ ſchmeltz die fuͤr einem Geblaͤß ſchnell zu-
ſammen/ und wann das Kupffer gefloſſen/ und anfaͤhet zu treiben/ ſo růhr
es mit einem duͤrren Span im Tiegel wohl umb/ und laß es noch ein we-
nig ſtehen/ dann hab einen reinen Inguß/ der mit Vnſchlet geſchmiert
und warm gemacht ſey/ darein geuß das Kupffer/ alles auff einmahl/ daß
nichts im Tiegel bleib/ du ſolt aber den Inguß gleich ſetzen/ damit der
Kupfferzain nicht an einem Orth dick/ und am andern duͤnn falle: Dann
das iſt gewiß/ wohin das Kupffer einen Schuß hat/ und der Zain dicker
wird/ an demſelben Ort iſt der Zain am Silber reicher/ ſonderlich in rei-
chen Kupffern. Du magſt auch den gegoſſenen Zain/ wo das Kupffer
nicht bleyig oder zienig geweſen/ in einem Waſſer ableſchen/ und mit
Deinem
[38]Das erſte Buch/
einem harten Kohln das fette Vnßlet darvon ſcheuern/ und den Zain rein
machen. Die bleyigen und zinigen Kupfferzain aber/ ſoll man in dem
Inguß laſſen kalt werden/ damit das Bley nicht herauß ſproſſe/ alſo
iſt der Probzain gegofſen/ den pflegt man mitten in zwey Stuͤck zu ſchro-
ten/ alſo daß man nur auff den halben Theil hinein/ und nicht gar ab-
ſchrotte/ und dann uͤber den Zain mit dem Meiſſel einen Zwerch-Hieb
thue/ darnach erſt vollend entzwey ſchlage/ ſo ſihet man im Bruch deß
Kupffers Guͤte/ und wie der Zain an einander geſtanden iſt/ davon wird
dem Kaͤuffer der eine/ und dem Verkauffer der ander Theil gegeben/ da-
mit wann in der Prob einige Irrung ſich zutruͤge/ daß man alsdann
den Zain beyzeiten noch einmahl probirn koͤnne.

Glockenſpeiß auff Silber zu probiren.

GLockenſpeiß von alten zubrochenen Glocken/ ſo bißweilen Silber-
reich zu ſeyn pflegt/ ſolle gleich dem ſchwartzen unſchmeidigen ro-
hen Kupffer auff Silber probirt werden/ allein daß ſie von wegen
deß Zinns/ ſo darinnen iſt/ ſich etwas ſtrenger anſeud: Derhalben dieſer
Prob vier Schweren Bley mehr/ als einer gemeinen Kupffer-Prob/ ſoll
gegeben werden/ dann es muß etwas ſehrer ſchlacken als ein roh Kupffer/
dardurch dann dem Bley auch mehr abgehet/ oder wieg von ſolcher
Speiß nur einen halben Centen ein/ gib dem ſo viel Bleys als einem Cen-
ten Kupffer gebuͤhrt/ ſo ſchlackts auch rein/ und behaͤlt nach dem Anſie-
den Bleys genug zum Abgehen.

Wie man das Silber und Pagament
kuͤrnen ſoll.

DAs Silber kuͤrnen geſchicht mehrerstheil/ wann boͤß zerbro-
chen Pagament/ oder ſonſt verbottene Muͤntz vorhanden/
daß man dieſelbe gleichs Halts zuſammen gieſſen/ nach-
mals probiren/ und in andere Weg wiederumb vermuͤntzen/
uñ dardurch das boͤſe Geld außrotten kan/ ſolches geſchicht
alſo: Wann viel deſſelbigen zu kuͤrnen iſt/ ſo muß man erſtlich nothduͤrff-
tig/ mit Windoͤfen und Tiegeln/ darzu gerůſt ſeyn/ damit man in groſſer
Meng und geringer Muͤhe das Silber oder Pagament kuͤrnen koͤnne.
So du nun alle Nothdurfft haſt/ ſo ſetz den Tiegel ledig in Windofen/ ein
gute Zwerch Hand hoͤher/ dann die eiſern Trahlen ligen/ und deck den mit
einer eiſernen oder thaͤnern Stuͤrtzen zu/ ſchuͤtt Kohlen darauff/ daß der
Tiegel gar bedeckt werde/ und dann auff dieſelbigen gluͤende Kohlen/ laß
Warumb
die Tiegel
leichtlich
brechen.das Feuer von oben nieder angehen/ ſo darffſtu dich nicht beſorgen/ daß
der Tiegel leichtlich zerreiſſe/ wie bißweilen geſchicht/ wann er in eine geh-
linge Glut geſetzt wird. So der Tiegel alſo eingeſetzt/ und das Feuer gar
wol nieder gangen/ daß er durchauß ergluͤet iſt/ ſo deck ihn auff/ und ſihe/
ob er noch gantz ſey/ und kein Riß habe/ welches in der Glut bald zu ſehen
iſt/ dann ſetz auch das Silber/ ſo vorhin abgewaͤgen ſeyn/ hinein/ und deck
den Tiegel wieder zu/ ſchuͤtt Kohlen darauff/ uñ gib ihm ein ſtarck Feuer/
daß ſich daſſelbige Silber nieder ſetze/ alsdann magſtu mehr Silber/ ſo
es vorhanden/ in Tiegel hinnach ſetzen/ ihm abermals wieder ein Feuer
geben/ daß es ſich ſetze/ und alſo mit dem Silber folgen/ biß der Tiegel gar
voll wird/ ſo das geſchehen/ ſo gib ihm Feuer genug/ ſo lang biß das
Silber im Tiegel beginnt zu treiben: So du es nun treiben ſichſt/ ſo wirff
auff das heiſſe Silber im Tiegel reine geriebene Loͤſch von Kohlen/ daß
das Silber damit bedeckt werde/ ruͤhr es mit eim eiſern gluͤenden Hacken
wol umb/ und ſchoͤpffſolch Silber alsdann mit einem warmen Schoͤpff-
Tiegel auß dem Tiegel herauß/ geuß es in ein kalt Waſſer.

Sollen nun die Koͤrnlein rund gefallen/ ſo geuß ſolch Silber durch
einen naſſen Beſen/ ſo man aber das Silber zum ſcheiden kuͤrnen/ und es
Hohl zu
kuͤrnen.hohl und duͤnn haben will/ ſo ſchwenck das Waſſer mit einem Holtz ge-
ſchwind in dem Faß herumb/ und geuß das Silber in den Schwall/ ſo
kůrnt
[43]Von den Silber Ertzen.
kůrnt es ſich fein hohl und duͤnn/ oder kuͤrn es uͤber ein Waltzen/ die halb
im Waſſer und halb herauſſen umblauffe/ ſo wirds auch dergleichen hohl.
Nach vollbrachtem Kuͤrnen geuß das Waſſer im Gefaͤß herab/ und
mach das Gekůrnt in einem kupffern Becken uͤberm Feuer drucken/ ſo iſt
es bereit.

Auß der Kelln zu kuͤrnen.

FErner iſt noch ein Kuͤrnen im Brauch/ das nennt man auß der
Kelln gekuͤrnt/ das geſchicht alſo: Laß dir machen eine Kel-
len von Erden oder Toͤpfferzeug/ die in die Runde inwendig
ein wenig weiter/ als einer guten Spannen weit/ und mit ei-
ſern Ringen belegt ſey/ alſo daß der mittlere Ring einen langen Stiel/
und der Stiel hinden an dem Ort wieder ein Ring hab/ deßgeleichen die
Kellen an der einen Seiten/ da das Geblaͤß eingehen ſoll/ außgeſchnitten
werde. Dieſe Kellen/ wann man darinnen kuͤrnen will/ ſoll man fuͤr ein
ſtarck Geblaͤß ſetzen/ und Kohlen darein geben/ nachmahls das Geblaͤß
darein gehen laſſen/ daß ſie zimlich ergluͤe/ und dann das Pagament mit
einer eiſern kleinen Kellen/ oben auff die glůende Kohlen ſchůtten/ und
das Geblaͤß immer gehen laſſen/ ſo fleuſt es leichtlich/ trag das Paga-
ment immer mehr hinnach/ laß es flieſſen/ das thue ſo lang/ biß das Pa-
Auß der
Kellen ein
ſchnelles
Kuͤrnen.gament/ ſo viel du in die Kellen haſt bringen wollen/ alles hinein kombt/
ruͤhr es wol durch einander/ und heb alsdann die Kellen ſampt dem Glut
darinnen vom Geblaͤß hinweg/ faſſe die mit dem Stiel auffn Arm/ und
behalt den Ring der hinden daran iſt/ mit welchen man die Kellen
wenden und regiren kan/ in der Hand/ und kuͤrn alſo das Gut auß der
Kelln durchn Beſen/ wie zuvor gemeldt iſt.

Diß iſt ein ſchnell Kuͤrnen aber der Halt deß Pagaments wird viel-
mals nicht gleich dardurch gefunden/ und gehet ihm auch mehrer ab/ als
in dem andern Kuͤrnen/ eine ſolche Kellen ſo offt darauß gekuͤrnet wird/
muß man mit einem Leim/ der im Feuer wol haͤlt/ beſtreichen/ ſonſt wird
das erwarmte Gut durch flieſſen und Schaden geſchehen.

Es begibt ſich auch offtmahls/ daß ein Tiegel oder Keln außlaufft/Wann die
Tiegel bre-
chen.
wann ſolches geſchicht/ ſo kehre umb/ und unter dem Wind-Ofen/ oder in
den
[46]Das erſte Buch/
den Eſſen fein rein zuſammen/ und vergruͤnd fleiſſig/ das verſtehe alſo/
daß du alles zu Hauff gekehrte in ein Faß thun/ und Waſſer darauff gieſ-
ſen ſolt: Was nun oben darauff ſchwimmet/ das heb herab/ geuß das
truͤbe ſchwartze hinweg/ und ander Waſſer darauff/ das thue ſo lang/ biß
das Waſſer rein und lauter weg gehet/ durchklaube was ſitzen bleibet/
und ſcheid den groben Sand und Stein fleiſſig darvon/ ſtoß das
uͤbrige in einem Moͤrſel/ und ſieb es durch ein haͤrin Sieblein/ was zu
letzt nicht durchfaͤllt/ das behalt/ dann es iſt gut/ was aber durch ſtaͤubt/
das waſch noch einmahl in einem langen ſicher Trog/ damit das Gute
vollend herauß gezogen werde. Dann wo viel zu kuͤrnen iſt/ kans nicht
fehlen/ es muß bißweilen ein Vnrath geſchehen/ daß ein Tiegel auß-
laufft/ welches nachmahls ohne Abgang und Schaden/ nicht gar wieder
zu recht zu bringen iſt.

Wie man das gekuͤrnt Silber auff fein Silber
probiren ſoll.

WAs gekuͤrnt Silber iſt/ das hat mancherley Halt/ darumb
nach dem es haͤlt/ nach dem muß man auch der Prob Bley
zuſetzen: Damit man aber deß Vnderſcheids recht berich-
tet werde/ ſo ſoll der Zuſatz deß Bleys zu dem underſchiedli-
Die unter-
ſchiedlichen
Bleyſchwe-
ren.chen Halt alſo genommen werden. Was 15. Loth haltige
Silber oder gekůꝛnt ſeyn/ denen ſetz man 5. oder 6. Schweren rein Bley
zu/ und was vom Brand-Silber zu 15. Lothen drey Quintl. Silberhal-
tig gekuͤrnt wird/ nur vier Schweren: Iſt aber das Gekůrnt vom 12. biß
auff 14. loͤthig/ ſo nimm auff ein Marck zehen Schweren Bley/ auff 14.
loͤthig neun Schweren/ von 9. biß auff 12. loͤthig 16. Schweren/ von einem
biß auff acht loͤthig 18. Schweren: Vnd wiewol man auff etliche Halt/
einer Bleyſchweren oder zwo/ wol entrathen kuͤnt/ ſo iſts doch beſſer eine
oder zwo Schweren mehr zur Prob genommen/ dann eine zu wenig/ da-
mit die Prob eine rechte Genůg Bley hab/ dann wann die Prob recht re-
giert wird/ ſo gibts keinen Mangel.

Wie man gemuͤntzt Geld in groben und kleinen
Sorten probirn ſoll.

WAs gute grobe Můntz iſt/ als Thaler und neue Reichs-
Guͤldner/ die probir alſo: Nimb das Stuck/ das du pro-
biren wilt/ ſchlags an einem Ort auff einem reinen Ampoß
duͤnn/ daß es ſich mit einer kleinen Silber-Scheer ſchnei-
den laͤſt/ ſchneide kleine Stuͤcklein darvon/ und wieg nach
deinem Gren-Gewicht zwo gleiche Marcken ein/ thue die in ein kleines
Die Bley-
ſchweren
zum groben
Geld.Scarnuͤtzelein/ und nimb zu einer Prob/ wanns Thaler ſeyn/ neun
Schweren rein Bley/ und zu den neuen Guͤldnern acht Schweren/ laß
die auff den Cappeln in zimlicher gleicher Hitz und Kaͤlt/ wie du oben von
dem Kůrnten bericht biſt/ abgehen: Solche Proben/ ſo ſie im Feuer recht
gehalten werden/ ſetzen zimlich viel ſubtile Glet auff der Cappeln. Da-
von die ungeuͤbten Probirer nichts wiſſen/ auch ſolche Gledt nicht
kennen.

Darneben iſt inſonderheit zu wiſſen/ daß weder dieſe/ noch andere
Proben/ einige Gledt auff der Cappeln ſetzen/ es ſey dann/ daß ſie mit ver-
decktem Ofen probiert werden/ von welchem Probirn viel Probirer/ wie
jetzt gemeldt/ auch nichts wiſſen/ derhalben ſie auch ſelten eine Prob auff
ihren rechten Halt bringen/ ſie wiſſen auch nicht/ wie ſie die Cappeln
nach der Bley-Schwer richten ſollen/ daran auch nicht wenig gelegen/
damit ſie nicht zu wenig/ auch nicht zu viel Aſchen haben/ dann iſt der
Aſchen wenig/ ſo werden die Cappeln von dem vielen Bley/ das ſie in ſich
ziehen/ weich/ das verfuͤhrt dann das Silber leichtlich mit ſich hinein/
dardurch dem Halt abgeht: Iſt aber der Aſchen zu viel/ ſo ſeynd die Cap-
peln zu groß/ nehmen uͤbrigen Raum im Ofen ein/ und ſeynd nicht ſo
fuͤglich zu gebrauchen.

Was aber zween Kreutzer oder halbe Batzen/ auch drey Kreutzer
anlangt/ die ſollen auff folgende Weiß probirt werden. Nimb zwey
oder drey Stuͤck/ ſchneid mit einer Scheer kleine Stuͤcklein davon/ wieg
ab/ zwo gleiche Marck/ nach dem Gren-Gewicht/ und hab fleiſſig Acht/
daß du von den Rendern/ zu der Prob auch etwas/ und zu einer ſo viel
als zu der andern nehmeſt/ dann in welche zu viel von den Rendern dar-
ein kommet/ dieſelbige wird etwas am Halt reicher/ als die/ ſo nicht viel
Die Bley-
ſchwer.davon bekommen hat. Setz einer jeden Marck oder Prob/ achtzehen
Schweren rein Bley zu/ laß die Proben in zimlicher Kaͤlt abgehen/ und
zu letzt rein Blicken/ welche dann auch auff der Cappeln ſubtile Glet ſetzt/
doch nicht ſo viel/ als von den Thalern. So nun die Koͤrner in rechter
gleicher Schwer kommen/ ſo iſt die Prob recht gemacht/ zeuch eines unter
den beyden nach dem Gren-Gewicht auff/ wie viel du dann Loth und
Gren findeſt/ ſo viel haͤlt ein Marck bemelter Muͤntz Fein-Silber.

Auff weiſſe Pfenning/ Etſch vierer/ Reiniſch und anderer PfenningPfenning
zu probiren.
iſt die Prob als/ nimb der Stuͤck zwoͤlff/ und ſchneidt von einem jeden
ein Stuͤcklein oder zwey zur Prob/ allein gib Achtung darauff/ daß du
von ſolchen Pfenningen/ von etlichen vom dicken/ und dargegen von etli-
chen am duͤnnen Ort nehmeſt/ damit zu einer jeden Prob beyd duͤnne
und auch dicke Stuͤcklein kommen/ ſetz einer jeden Prob achtzehen ſchwe-
ren rein Bley zu/ und laß ſie zum erſten fein kalt gehen/ letzlich rein bli-
cken/ ſo werden die Koͤrner gleich/ wann aber in die eine Prob viel von den
duͤnnen/ und in die andere viel von den dicken Pfenningen kommet/ ſo
werden die Koͤrner nicht gleich/ ſondern offtmals in der Prob/ da viel von
duͤnnen darein kommet/ das fein Korn faſt auff zween Gren hoͤher/ und
dargegen in der/ da viel von dicken Pfenning bey iſt/ umb ſo viel geringer
befunden.

Solches wird von etlichen Probirern nicht faſt geacht/ ſondern
wann die Koͤrner ungleich kommen/ nehmen ſie das Mittel daranß/ es iſt
aber beſſer daß man die Proben fleiſſig einweg/ und ſehe damit die Koͤr-
ner darvon fein gleich herauß kommen/ dieweil aber die kleinen Muͤntzen/
von wegen deß weiß ſiedens/ am Halt ungleich werden/ ſo iſt der Halt
wann man je der Prob halb noch Mangel haͤtte/ beſſer nicht zu erkuͤndi-
gen/ dann ſo man ein Marck der bereiten Muͤntz in ein Tiegel zuſammenDie recht[e]
Prob in der
kleinẽ muͤntz
zu finden.
ſchmeltzt/ und alsbald es anfaͤngt zu treiben/ zu einem zain geuſt/ und
dann davon probirt/ ſo wird ſich der rechte Halt ohne allen Zweiffel wol
finden/ und mit der andern Prob von dicken und duͤnnen Stuͤcklein ge-
macht/ uͤbereinkommen.

Ich muß darneben auch melden/ daß etliche Gwardein und Pro-Nach dem
Niderlaͤu-
diſchen
Pfenning
Gewicht zu
probiren.
birer den Brauch haben/ daß ſie das gemuͤntzte Geld/ nach dem Nider-
laͤndiſchen Pfenning Gewicht probiren/ welches auch nicht unrecht/ weil
der Halt mit dem Gren Gewicht allerdings Concordirt/ und uͤberein-
ſtimmt/ als ich ſetz zu einem Exempel/ du habeſt neue Guͤldner nach dem
Gren Gewicht probirt/ und haſt gefunden/ daß die Marck 14. Loth und
16. Gren gehalten/ dem Niderlaͤndiſchen Pfenning Gewicht aber nach/
11. Pfenning und 4. Gren/ dieſe 11. Pfenning 4. Gren thun eben ſo viel als
die 14. Loth 16. Gren/ und iſt gleich ein Halt/ und doch zweyerley
Verſtand.

Wird ſichs dann zutragen/ daß ein Probirer an einem ſolchen OrtNach dem
gemeinen
Centner
Gewicht
die Silber
zu probiren.
waͤre/ da er nicht mehr dann ein Centner Gewicht haͤtte/ oder haben koͤn-
te/ und kaͤm ihm fuͤr ein kůrnt gemuͤntzt Geld/ oder ein Stuͤck Silber/ wie
viel ein Marck deſſelben Loth/ Quintle/ und Pfenning/ oder Loth und
Gren/ Feinſilbers hielte/ zu probiren/ der ſol ihm alſo thun/ er ſol auß dem
Centner Gewicht nehmen 16. Pfund/ und die laſſen ein Marck oder 16.
Loth ſeyn/ die acht Pfund 8. Loth/ die 4. Pfund 4. Loth/ die zwey Pfund
2 Loth/ und ein Pfund 1. Loth/ darnach das halbe Pfund oder ſechzehen
ELoth
[50]Das erſte Buch/
Loth 2. Quintl. die acht Loth 1. Quintl. die vier Loth 2. Pfenning/ die
zwey Loth 1. Pfenning/ und das eine Loth 1. Heller.

So er nun ein Stůck Silbers nach ſolchem Gewicht probirt hat/
ſo kan er den Halt jetzigem Bericht nach/ auff Loth/ Quintl. und Pfen-
ning/ leichtlich finden/ was aber neue Guͤldener ſeynd/ die ſonſt 14. Loth
16. Gren zu halten pflegen/ die wuͤrden in ſolchem Centner Gewicht 14.
Pfund und 28. Loth oder ein wenig reichlicher halten/ das waͤren obge-
meldtem Verſtand nach 14. Loth 3. Quintl. 2. Pfeinning/ und faſt ein hal-
Auß Cent-
uer gewicht
auff die
Gren zu
probiren.ber Heller/ die bringen auch 14. Loth 16. Gren/ in ſolcher Geſtalt kuͤndt ei-
ner auff Golt die 16. Pfund deß Centner Gewichts/ fůr 24. Karat auch
nehmen/ und das Golt darnach probirn/ allein beſſer iſts/ wann ein Pro-
birer die abgetheilten Gewicht bey der Hand haben kan/ daß er dieſelbi-
gen brauche/ dann auff diß achtung zu geben/ wil einen geuͤbten Probirer
haben/ und wird ein ungeuͤbter leichtlich dardurch irꝛe.

Wie man Brandtſilber Stuͤck/ und Plantſchen auß-
hauen und probiren ſol.

SO du ein Stuͤck Brandtſilber zum probirn außſchlagen/
oder außhauen wilt/ ſo ſchlag zum erſten mit einem kleinen
halb runden Meiſſel/ das Stuͤck oben auß/ nicht gar mit-
ten/ auch nicht gar am Orth/ und kehre dann das Stůck
umb/ und ſchlags auff jetzt geſagte Weiß unten auch auß/
doch alſo/ daß es unten und oben nicht auff einer Seiten ſey/ ſondern auff
welcher Seiten es oben auß geſchlagen wird/ da ſol es darnach auff der
Plantſchenandern Seiten gegen uͤber geſchehen/ was aber Plantſchen ſeyn/ die
ſchlag auff der einen Seiten oben/ und auff der andern unten auß/ wieg
nachmals von jedem Theil eine halbe Marck zu einer Prob ein/ und
thue zuſammen in das Schaͤlligen der Probir-Wag/ und leg die gantze
Marck dargegen in das ander Schaͤlligen/ iſts dann nit gar recht gleich/
wie es billich ſeyn ſol/ ſo vergleichs/ damit es gantz gerad inne ſtehe/ dann
Blickſilber.probirs wie du bericht biſt wordẽ. Blick-Silber mag man der Geſtalt un-
ten und oben auch alſo außſchlagen und probirn/ damit wird dir der
Halt/ wann die Proben mit Fleiß gemacht werden/ allerſeits recht her-
auß kommen.

Wie man ſilbern Streichnadeln machen ſol.

DIe ſilbern Streichnadeln/ die man auch Probir-Nadeln
nennet/ werden in gemein von allen Muͤntzmeiſtern/ Gwar-
deinen und die ſich die Silber zu kauffen befleiſſigen/ ge-
braucht/ durch welcher ſtrich eines jeden Silbers beylauff-
tiger
[51]Von den Silber Ertzen.
tiger Halt erkannt wird/ ſolche zumachen/ ſol man ein Gewicht das et-
was zimlich groͤſſer ſey als ein gemein Probir-Gewicht/ haben.

Vnd nimb alsdann rein gut Silber/ laß daſſelb zuſammen/ undStreichna-
deln/ von
gantzen auff
gantze Loth.
mach davon die erſte Nadel/ zeichen darauff 16. Loth oder fein/ zu der an-
dern Nadel nimb 15. Loth Feinſilber und 1. Loth Kupffer.

So du ſolches alles gewegen/ ſo ſetz einer jeden Nadeln beſchickung/
inſonderheit in ein neu klein Schmeltztieglein/ laß es nicht ſehr treiben/
ſonſt beſſert es ſich/ und werden die Nadeln falſch/ ſondern ſo bald das
Silber und Kupffer in dem Tieglein anfaͤngt zu treiben/ ſo ruͤhrs mit ei-
nem duͤrren Span umb/ und geuß jede Beſchickung in einen kleinen In-
guß/ darauß ſchlag die Nadeln/ und formir die nach deinem Gefallen/
zeichen oder numerir jede Nadel dem Haltnach/ wie viel Loth Feinſilber
ein Marck halte/ damit du dich in dem ſtreichen nicht irreſt/ ſondern recht
urtheileſt.

Eins Theil pflegen die Streich-Nadeln vom gantzen biß auffs halbeNabeln auf
das halbe
Loth.
Loth/ abzutheilen/ welches dann einem jeden frey ſtehet/ und an dem gnug
iſt/ wann nur der Strich auffs Loth gewiß erkant kan werden.

So du nun die gemachten Nadeln zum ſtreichen brauchen wilt/
ſo ſtreich von dem Silber das du haſt/ einen feinen ſtarcken glantzenden
Strich/ und dann den Strich der Nadeln dargegen/ ſihe welcher Strich
von den Nadeln/ dem Silber-Strich am gleichſten ſey/ deß Halt iſt das
Silber/ der dann auff ſolche Weiß allweg weitlaufftig kan gefunden
werden.

Damit man aber der Streich-Nadeln und Streich-Stein bey-
laufftiger Form ſehen kan/ iſt die folgende Figur darzu abgeriſſen
worden.

Wie man geſchmeltzt Werck außſchlagen/ und auff Sil-
ber probiren ſol.

DIe Werck-Bley ſo im ſchmeltzen der Silber Ertz außgegoſ-
ſen werden/ ſeynd etliche lauter und rein/ etliche aber muͤſſig
und ſpeiſſig/ die reinen als die von milden guten Ertzen her-
kommen/ die magſtu fůr ſich ſelbſt gleich einem Bley pro-
birn/ und erſtlich wo es im gehenden ſchmeltzen iſt/ ein Prob
ſchoͤpffen/ davon auffs wenigſte einen Centner einwaͤgen/ oder aber
wann das Werck außgegoſſen/ ſo viel der gantze Außguß gewogen/ ein-
ſchneiden und miteinander probirn/ und dieſen Gebrauch halten/ daß
man allwegen von einem Außguß ein ſonderliche Prob mache/ und nicht
von zweyen oder dreyen zuſammen nehme/ ſonſt wůrd der rechte Halt
nicht gefunden/ es waͤre dann daß von einem jeden Außguß das voͤllige
Gewicht eingewogen/ und auff einer groſſen Cappelln/ mit einander ab-
gieng/ ſo man aber zur Prob einen Außſchlag von den Scheiben haben
wil/ ſo muß man auß einer jeden/ ſonderlich wanns Werck reich iſt/ nach
derſelben Groͤß und Proportion unten und oben außhauen/ von denen
ſamptlichen einwaͤgen und probirn.

Darnach ſeynd auch etlich Werck muͤſſig/ ſpeiſſig und ſehr unrein/
die von Kobelt/ groben Wißmudt/ und andern ſpeiſſigen Ertzen ge-
ſchmeltzt werden/ und eines Theils darunder ſo gar unrein/ wann die
Scheiben nur einen Tag oder etliche ligen/ daß ſie von ſich ſelbſt zur fal-
len/ ſolche unartige Werck in gemein/ koͤnnen gleich dem guten/ nicht pro-
birt
[53]Von den Silber Ertzen.
birt werden/ ſondern wann ſolch Werck gewaͤgen/ ſo ſoll man von jeder
Scheiben außſchlagen/ und ſo unrein als es iſt gewaͤgen worden/ alſo un-
rein auch von allen Außſchlaͤgen einwaͤgen/ und dann wie folgt probirn.
Nimb von dem Werck ſo viel deß am Gewicht iſt/ ſetz es auff einen Pro-
bir-Schirben in Probir-Ofen/ laß ſchlacken/ damit ſich die Wildigkeit
verzehre/ laß kalt werden/ ſchlags ab/ und laß folgents auff der Cappelln
abgehen/ dann wo mans erſtlich nicht Schlacken ließ/ ſondern alſo roh
auff die Cappelln kaͤm/ ſo zutrieb es dieſelb/ und wuͤrde nicht ſo rein abge-
hen als ſichs gebuͤrt.

Etliche Probirer aber nehmen die Außſchlaͤg von einem ſolchen un-Ein anderer
Gebrauch
der Probi-
rer.
reinen Werck/ und laſſen die in einem groſſen Probir-Schirben/ oder ei-
ſernen Kelln zuſammen gehen/ und gieſſens auß/ waͤgen alsdann erſt zur
Prob darvon ein/ wie oben davon gemeldet/ welches dann gar unrecht iſt/
dann ob ſie wol vermeinen/ ſie woͤllen dardurch den rechten Halt erlan-
gen/ ſo kan es doch nicht fehlen/ weil von ſolchem zuſammen laſſen/ das
Werck ſich reiniget/ es wird die Prob damit verꝛeichert/ derwegen obge-
ſaͤtzter Weg viel beſſer iſt/ durch welchen der rechte Halt gefunden wird.
Daß aber eins Theils/ ein unrein Werck auff die Cappelln ſetzen/ und
vermeinen (weil die Prob fuͤr ſich allein nicht abgehen wil) mit Zuſatz an-Wann der
Werckpro[b]
Bley zuge-
ſetzt werden.
der reines Bleys zu helffen/ damit es rein abgehen ſoll/ dieſe koͤnnen ihrer
Prob eigentlich nicht gewiß ſeyn/ noch derſelben recht trauen/ dann weil
in den Huͤtten die friſchen Bley nicht gar ohne Silber zu ſeyn pflegen/ ſo
findet ſich daſſelbige Silber im zugeſatzten Bley/ wie wenig das auch ſey/
zu dem andern Halt/ der wird umb ſo viel verꝛeichert.

Solcher Geſtalt nun/ wie von den außguͤſſen und Wercken ge-Hert-Pro-
ben.
ſchrieben/ wie man dieſelben probiren ſoll/ alſo muß es auch mit den Hert-
Proben welche vom ſilberreichen uͤbergelegten Werck-Bley/ auff den
Treibhert genom̃en/ ſie ſeyn gut/ ſchmeidig/ oder unrein/ gehalten werd/ ẽ
allein daß auffs wenigſte der halbe Theil deß gantzen Gewichts abgewaͤ-
gen und probirt werde/ ſo wirſtu das Feinſilber beylaͤufftig finden/ doch
nit allerdings voͤllig/ dann weil der Abſtrich oder das unreine/ ſo erſtlich
bey dem Werck geweſen/ und mit gewogen worden/ zuvor ehe die Hert-
Prob geſchoͤpfft/ vom Werck/ wann es auffm Treib-Hert zergangen/ ab-
gezogen/ auch die Prob bißweilen zu heiß/ bißweilen zu kalt genommen
wird/ kan ein jeder Probirer ſelbſt verſtehen/ daß der Halt davon ein unge-
faͤhrlicher Halt ſeyn muß/ der doch gleichwol wie gemeldt/
gegen dem außgebrachten Silber nicht
viel auß dem Weg
ſeyn ſoll.

Wie man ein Zien auff Silber probiren ſol.

DAs Zien iſt unter den andern Metalln allein/ das ſehr gern
ins Bley gehet/ aber in der Gewalt deß Feuers wil es nichts
darbey leiden/ dann ſo bald groſſe Hitz darzu kombt/ ſo wil
es wider davon/ und ſteigt auffm Bley auff/ wird gantz un-
artig/ alſo das mans mit keiner Gewalt deß Feuers/ ohne
andere Hůlff zu einem rechten anſieden auff Probir-Schirben bringen
kan. Weil dann das Zien ofſtmals viel Silber haͤlt/ und die Prob darauff
billich zu wiſſen von noͤhten iſt/ ſo hab ich dieſe Prob den jungen Probi-
rern auch berichten woͤllen/ und geſchicht alſo/ nimb das Zien wieg davon
2. gleiche halbe Centner ab/ und zu jedem halben Centner ein Centner gut
gar Kupffer/ und 16. Centner oder ſchweren reines Bleys/ ſetz ein jeden
halben Centner mit ſampt dem Kupffer und Bley auff ein ſonderlichen
Schirben in Probir-Ofen/ laß erſtlich mit linder Hitz angehen/ und ſo es
anfaͤngt auffm Schirben zu treiben/ begint es alsbald auffzuſteigen/
dann thu ihm zimlich kalt/ und nimb zwey Centner deß beſchribnen Bley-
Glaß/ ſetz das auch darzu auff den Schirben/ ſo bedeckt das Bley-Glaß
daſſelbig alles/ und laͤſt das Zien ſo hart nicht mehr auffſteigen/ wann du
ihm nun ſo lang kůhl gethan haſt/ biß das auffgeſtigen Zien auffm
Schirben/ nicht mehr hell ſicht/ ſondern ſchwartz und dunckel wird/ ſo thu
ihm wider auffs heiſte als du kanſt/ und ſeud es an gleich einem unfluͤſſi-
gen ſtrengen Ertz/ und ſo es wol geſchlacket hat/ ſo ruͤhr es mit eim eiſern
warmen gemachten Ruͤhrhacken umb/ laß noch ein weil darauff ſtehen/
biß ſichs gar rein angeſoten/ darnach heb es auß dem Ofen/ laß kalt wer-
den/ ſchlag die Schlacken vom Werck oder Bley ab/ und laß auff einer
Cappelln abgehen/ haͤlt nun das Zien-Silber/ ſo wird auff der Cappelln
ein Korn ſitzen bleiben/ das zeuch auff/ ſo wirſtu den Halt finden.

Zu einer ſolchen Prob aber/ muſtu ein ſonderliches Bleykorn ma-
chẽ/ alſo nim ein Centner deß Kupffers/ davon du der Prob zugeſetzt haſt/
laß mit der Bleyſchweren auff der Cappelln mit Fleiß abgehen/ und be-
halt das Koͤrnlein Silber das davon kombt/ welchs im auffziehen deß
Probirkorns/ allweg zu dem Gewicht ſoll gelegt/ und mit abgezogen
werden/ ſonſt wird man deß Halts nicht recht gewiß ſeyn/ auff dieſe Weiß
kan im Zien der rechte Halt gefunden werden.

Etliche Probirer brauchen ein andere Meinung/ ſie ſchlagen das
Zien gantz důnn/ und waͤgen davon zween halbe Centner ab/ thun jeden
auff ein ſonderlichen Schirben in Probir-Ofen geſetzt/ geben ihm ein lin-
de Hitz/ daß ſich daß Zien zu einer Zien-Aſchen roͤſtet/ dieſelbig Aſchen/
doch jede inſonderheit/ ſetzen ſie mit 16. Centner Bleys und zwey Centner
deß Fluß/ auff ein Schirben/ und ſieden die an/ gleich einem ſtrengen
hart-
[55]Von den Silber Ertzen.
hartfluͤſſigen Ertz/ und laſſens auff der Cappelln abgehen/ dieſe Prob iſt
auch recht/ wil aber mehr Zeit haben dann die vorige/ wiewol nun das
Zien allhie auch auff dem Blech auffſteigt/ ſo laͤſt ſichs doch mit Regie-
rung deß Feuers/ ſo man ihm erſtlich kalt/ und letzlich ſehr heiß thut/ zwin-
gen/ daß es rein ſchlackt.

Wie man Eiſen und Stahl auff Silber probi-
ren ſol.

ES wird auch bißweilen Eiſen gefunden/ das zimlich reich
am Silber iſt/ das kombt daher/ daß die Hammerſchmiedt
den geringen Halt deß Silbers/ den der Eiſenſtein bißweilen
haͤlt/ nicht achten/ wiſſen auch offt nicht daß derſelb Silber-
haltig iſt/ als dann kompt das Silber im ſchmeltzen/ mit in
das Eiſen/ ſolches zu probirn daß man den Silber Halt gewiß finden
und angeben kan/ ſolt du das Eiſen ſo du probiren wilt klein feilen/ und
darvon ein halben Centner/ und darzu einen Centner gelben Schweffel
abwaͤgen/ und untereinander mengen/ nachmals in ein gar linde Hitz ſe-Mit ſchwe-
fel.
tzen/ daß nur der Schweffel flieſſe/ und das Eiſen damit penetrirt/ und
auß ſeiner Subſtantz gebracht werde/ alsdann brenn den Schweffel
darvon/ und laß das Eiſen im Schirben wider kalt werden/ reibs noch
einmal auff eim Stein oder Eiſen/ und vermeng zween Centner deß Fluß
oder Bleyglaß darunter/ ſetz ihm zwoͤlff Centner Bley zu/ laß ſichs anſie-
den gleich wie du mit einem unfluͤſſigen Ertz zuthun pflegſt/ und zu letzt
das Werck das davon kommet/ auff der Cappelln abgehen/ ſo findeſtu
was das am Silber haͤlt.

Etliche Probirer aber pflegen das Eiſen auff Silber anders zu pro-
birn/ nemlichen ſie waͤgen deß Eiſens (obs gleich nicht klein gefeilt iſt) einMit ſpieß-
glaß.
halben Centner ab/ ſetzen das in ein Tiegel/ und ein Centner Spießglaß
darzu/ treibens beydes miteinander/ laſſen darnach den Tiegel kalt wer-
den/ und ſetzen das jenig ſo im Tiegel ſich getrieben hat/ auff einen Probir-
Schirben/ laſſens verꝛauchen/ reiben es wider auff eim eiſern Blat oder
Stein gar klein/ vermengens mit dem Fluß/ und Zuſatz deß Bleys/ wie
bey der vorigen Prob gemeldt iſt/ laſſens darnach rein abſieden/ und das
Werck auff einer Cappelln abgehen/ ſo aber das Bley vom Spießglaß
wer ſchwartz und unrein worden/ ſo ſetzen ſie es alſo fuͤr ſich allein auff ein
Schirben/ laſſen es Schlacken wie ein ander wild unrein Werck/ ſo ge-
het es auff der Cappelln darnach auch ab.

Andere nehmen deß kleinen gefeilten/ oder duͤnn geſchlagnen/ klein
zerſchnitten Eiſens ein halben Centner/ und darzu ein Centner rohen
groben Waſſerkieß/ der eigentlich kein Silber hat/ ſampt ſeim gebůrlichenMit gro-
ben Kieß.
E iiijBley
[56]Das erſte Buch/
Bley darzu/ miſchen es untereinander/ und probirn es/ gleich wie man ro-
hen Kieß auff Silber probirt/ ſo zwingt und verzehrt der Schweffel der
im Kieß iſt/ das Eiſen/ daß es zu Schlacken wird/ und darnach gern ins
Bley gehet/ und ob der Kieß gleich ein wenig Silber haͤlt/ ſo kan doch
ſolches an Statt deß Bleykorns davon abgezogen werden/ dieſe Art das
Eiſen auff Silber zu probirn/ habe ich am bequemſten befunden/ geſchicht
mit wenig Muͤhe/ und find ſich der Halt auch recht.

Kupffer und Eiſen/ auch Silber und Eiſen/ haben ſehr lieb einan-
der/ alſo/ daß man dieſe drey Metalln/ der Geſtalt nicht von einander
ſcheiden kan/ daß ein jeglichs ſonderlich blieb/ und zu Nutz gebracht wuͤr-
de/ doch gleichwol auß rechter Erkaͤntnuß ihrer Naturen/ iſt diß můglich/
daß die zwey beſtaͤndigſten/ unter dieſen dreyen/ als Silber und Kupffer/
von dem Eiſen/ als gegen dieſenbeyden einem unvollkom̃enen Metall koͤn-
nen wol geſcheiden werden/ wie man auch die kupfferigen Eiſenſew/ die im
ſchmeltzen werden/ und offtmals Silber halten/ ſcheiden kan/ welcher
Scheidung auff nachfolgende Weiß geſchehen mag.

Das Bley-Ertz hat in gemein Spießglaß bey ſich/ welches im
ſchmeltzen ins Bley/ als in ein weich fluͤchtig Metall zu greiffen/ und ſol-
ches zuverzehren pflegt/ umb deß willen/ und ſolchem fůrzukommen/ muß
dem Bley-Ertz im ſchmeltzen ſeine Gebuͤhr Eiſen zugeſetzt werden/ wie
im vierdten Buch ferner davon Meldung geſchehen wird. Weil aber nun
das Bley-Ertz/ von wegen deß Spießglaß das es in ſich hat/ das Eiſen
angreifft/ und das Kupffer und Silber in ſich nimbt/ ſo gibts die Ver-
nunfft/ wann man an denen Orten/ da man Bley-Ertz ſchmeltzet/ die Ei-
ſenreichen Kupfferſeu ſo noch Silberhaltig ſeyn/ an Statt altes Eiſens
den Bley-Ertz ſchichten eintzlich eintheilt/ ſo wuͤrde ſich das Eiſen verzeh-
ren/ und Silber und Kupffer ins Bley kommen/ welches meines Bedůn-
ckens fůglicher und beſſer nicht geſchehen kuͤndt/ dann auff das ſchmeltzen
der Goßlariſchen Art/ in der das Bley unter das leichte Geſtuͤb tritt/ und
viel Vnreinigkeit/ und wilde Art/ auff dem leichten Geſtub und in den
unartigen Schlacken ſtehen/ und darinnen bleiben laͤſt/ wie aber das
Kupffer vom Bley geſcheiden kan werden/ das wird hernach folgen.

Vnd auff dieſe Weiß/ kan man auch dem Silberhafftigen Eiſen-
Stein/ mit dem auffſtreuen auff das Bley-Ertz/ im ſchmeltzen das Sil-
ber nehmen/ das ſonſt fuͤglicher nicht geſchehen kůndt/ diß hab ich gleich-
wol zu einem Bericht neben dem probirn deß Eiſens/ denen ſo mit
Schmeltzwercken umbgehen/ ferner nach zu dencken/ unvermeldet nicht
woͤllen laſſen.

Wie man Blick-Silber rein brennen/ und die Teſt zu dem
brennen recht machen ſol.

DAs Silberbrennen iſt/ daß man einen Blick-Silber/ welcher
noch nicht gar rein und ſchmeidig iſt/ anff einem Teſt rein und
ſchmeidig brennen ſoll/ das geſchicht auff zweyerley Art/ das
eine unter dem Holtz vorm Geblaͤß/ das andere unter den Muf-
feln/ welches nur allein mit Kohlen geſchicht.

Ich wil aber erſtlich ſchreiben von den Teſten darauff die Silber
eingeſetzt und rein darauff gebrannt muͤſſen werden/ wie die zu machen
und zuzurichten ſeyn.

Nimb Aſchen darůber Laugen gemacht/ und die nicht mehr eifferZuberei-
tung der
Teſt.
iſt/ die ſchlemme/ und laß ſie trucken werden/ behalt ſie zu deinem Ge-
brauch/ ſo du nun ein Teſt machen wilt/ ſo hab erſtlich einẽ irꝛdenen unver-
glaſten Schirben/ welche die Toͤpffer zu machen pflegen/ in der Form und
Groͤß/ wie weit du die haben wilt/ geuß Waſſer darein/ und mach ihn
innwendig uͤberall naß/ damit die Aſch deſto lieber daran hafſte/ als dann
ſchůtte von der Aſchen/ die zuvorn gleich einer Cappelln-Aſchen ange-
faͤucht ſeyn ſoll/ zween Finger hoch in Schirben/ ſtoß die mit einem huͤl-
tzern Stoͤſſel/ der bey acht Zancken haben ſoll/ gemach nider/ ſchuͤtt dann
mehr Aſchen hinnach/ ſtoß dieſelb auch nider/ das thu ſo lang biß die
Schirbe gantz voll wird/ ſtreich die uͤbrige Aſchen/ mit eim darzu gemach-
ten Eiſen/ auffm Teſt eben ab/ und treib oben umb den Rand umbher/ mit
einer huͤltzernen getraͤhten Kugel/ die Aſchen auff dem Teſt glat nider/
nachmals ſchneid ſolchen mit einem runden gebognen ſcharpffen Eiſen/
nach der groͤß deß Silbers/ das darauff gebrannt werden ſoll/ auß. Wañ
nun der Teſt alſo außgeſchnitten iſt/ ſo hab ein haͤrin Sieblein/ thue ge-
riebene Bein-Aſchen darein/ beſtaͤub den Teſt damit/ daß er gar weiß
werde/ und treib mit der Kugel die Bein-Aſchen auch fein glat an/ ſo iſt
der Teſt bereit.

So du nun ſolchen Teſt bald brauchen und darauff brennen wilt/Die Weiß
ideſes bren-
nens.
ſo mach erſtlich ein klein Kohlfeuer darauff/ daß er wol auß treug/ fol-
gentſetz ihn vors Geblaͤß gleich und eben/ alſo/ daß das Geblaͤß gerad
recht darein blaß/ welches alſo zu erkennen iſt/ halt ein Schauffel ůber
den
[58]Das erſte Buch/
den Teſt/ gehet der Blaß an der Schauffel ab/ und blaͤſet allen Staub
und Aſchen auß dem Teſt herauß/ ſo ſtehet er recht/ folgent zerſchlag das
Stůck Blick-Silber in Stuͤcklein/ leg zum erſten ein wenig Stroh in
Teſt/ und die Stuͤcklein Silber darauff/ gib ihm Feuer und Kolen/ daß
das Silber und Teſt wol bedeckt ſey/ dann laß das Geblaͤß angehen/ ſo
ſchmiltz das Silber leichtlich und faͤngt an zu treiben/ und ſo es treibt/ ſo
raͤum mit einem eiſernen Hacken die Kohlen von dem Silber alle hinweg/
und ſtreich das Silber auch fein rein ab/ doch alſo/ damit nichts rauß ge-
Holtz zum
Silber
brennen.ſtrichen werde/ lege alsdann geſpalten Holtz von Taͤnnen/ Fiechten/ Kief-
fern/ oder Erlen darauff/ laß den Blaß darunter auffs Silber gehen/
und daſſelb rein vorblaſen/ ſo treibt das Silber unter dem Holtz/ und
was noch am Bley vom treiben darbey blieben iſt/ das zeucht ſich in den
Teſt/ allein merck wann ſolch geſpalten Holtz uͤber dem Teſt verbrannt
iſt/ ſo leg anders darneben oder darauff/ damit das Silber mit einem fri-
ſchen Flammen gebrennt werde/ ſo wird es deſto ehe rein/ weil aber das
Silber noch auffm Teſt gehet/ ſoll man es einmal oder drey/ mit einem
rund gebognen eiſernen Hacken/ die glůend gemacht ſey/ auffm Teſt umb-
ruͤhren/ ſo wird das Silber rein/ ſonſt behielte es noch unten ein Bleyſack.

Damit auch daſſelb Silber nicht zu hoch gebrennt werde/ ſondern
ein rechten gewiſſen Halt behalte/ nemlichen fůnffzehen Loth drey Quint-
lein/ welchen gemeiniglich die Brantſilber haben ſollen/ ſo magſtu mitt-
lerweil/ einmal oder zwey mit einem naſſen ſpitzigen Eiſen/ ein wenig in
das Silber ſtoſſen/ und ein Prob herauß nehmen (denn es haͤngt bald
daran) ſchlags ab und beſiehe/ ob es noch viel Glet hab und gelb ſey/ oder
ſchlags auff einem Anpoß/ iſt es geſchmeidig/ ſo iſt das Silber recht ge-
brennt/ wo nit/ ſo thue die Prob wider hinein/ und laß das Silber auffm
Teſt laͤnger gehen/ ſo lang biſt du die Prob am Eiſen glat/ weiß/ und ge-
ſchmeidig befindeſt/ jedoch ſollen die Silber auffm Teſt nicht vertrieben
werden/ dann die Teſt werden von uͤbriger Hitz weich/ und nehmen mehr
Silber zu ſich dann ſich gebuͤrt/ auff welches alles dann gut acht zu ha-
ben/ und fleiſſige uͤbung von noͤhten iſt/ wenn man die Brant-Silber
auff ein gewiſſen Halt brennen wil.

Da auch auß Vnachtſamkeit verſehen wird/ daß das Silber ehe
dann man damit fertig/ erkaltet/ ſo ſchuͤtt wider Kohlen darauff/ treibs
auffs neue an/ und brenne es zu recht/ dann die unſchmeidigen Brant-
Silber thun im vermuͤntzen Schaden/ darauß nachmals ein groſſer Ab-
gang erfolgt.

Etliche Silber-Brenner/ ſetzen im brennen auff jede Marck Sil-
bers ein halbes Loth/ oder Quintlein gar Kupffer/ damit die Silber nicht
gar zu hoch/ ſondern auff ihren gewiſſen Halt kommen/ nicht daß es beym
Silber bleibet/ ſondern weil es mit ſampt dem Bley in Teſt geht/ daß die-
ſelbigẽ Brantſilber/ wie gehoͤret/ nit ſo hohes Halts werdẽ/ diß iſt wol ein
Mei-
[59]Von den Silber Ertzen.
Meinung an denen Orten/ da die Silber gegen einer Bezahlung auff
einen gewiſſen Halt geantwort/ und ohne Prob angenommen werden/
da mag billich der Fleiß im brennen gebraucht werden/ damit keinem
Theil ſchaden oder Nachtheil geſchehe.

Was gar kupfferige Blick-Silber ſeyn/ als die auff den Saigerhuͤt-
ten getrieben werden/ die brennen ſich wol geſchmeidig/ aber ſie bleiben zu
gering am Halt/ denen muß man ein wenig Bley zuſetzen/ ſo viel ſichs lei-
den wil/ wie deßgleichen bißweilen auch den ſilbern/ ſo von ſpeiſſigen und
koboltigen Ertzen geſchmeltzt werden/ umb ihrer Wildigkeit und Vnrei-
nigkeit willen geſchehen muß.

So nun das brennen vollbracht/ und das Silber auß dem Teſt ge-
nommen iſt/ ſol mans vollent abloͤſchen/ ſo faͤllt die anhangende Aſch
leichtlich ab/ die ůbrige Aſch aber ſolſtu mit einer ſtarcken Kratzbůrſchten
rein weg kratzen/ und das Silber laſſen drucken werden/ darnach die
Doͤrner wann die vorhanden/ und das Silber in die Aſchen eingegrif-
fen hat/ mit einem Hammer nider ſchlagen/ daß das Stuͤck allenthalben
glat wird.

Damit aber der Leſer mehrem Verſtand dieſes Silbers brennens be-
komme/ auch wie die Brenneſſen/ Teſt/ ſampt aller Zugehoͤrung formirt
ſeyn ſollen/ wird er auß folgender Figur klaͤrlich zu ſehen haben.

Das Silber brennen unter der Muffel.

DIß Silber brennen welches fůrnemlich in Nider-Sachſen ge-
braucht wird/ wil einen ſondern und beſſern Fleiß haben als
das gemeine Silber brennen/ darzu auch ſondere Teſt und
Muffeln/ die Teſt mach alſo/ laß dir eiſerne Ring zurichten in
der weit/ darnach du ein groß oder klein Stůck Silber brennen wilt/ die
ſollen einer zwerchen Hand hoch/ doch oben ein wenig weiter dann unten
ſeyn/ in derſelben eine thue die geſchlembte zugerichte Teſt Aſchen/ und
fuͤlle ihn gehaufft voll/ ſchlag erſtlich mit einem breiten Hammer/ ſolche
Aſche fein gemacht am Rand umbher nider/ dann immer weiter hinein/
ſo lang biß du die Aſchen alle nider geſchlagen haſt/ was uͤbrig oder zu viel
auff dem Teſt iſt/ ſtreich mit einem Eiſen ab/ und wende den Ring alſo zu
gleich mit dem Teſt umb/ auff ein wenig unter geſtreuter Aſchen/ greiff
mit der Hand den Teſt unten biß auff die Helffte auß/ und zertreib die A-
ſchen wider mit den Haͤnden/ und druͤck den Teſt mit derſelbigen wider
gehaufft voll/ ſchlags mit dem Hammer auch nider/ gleich wie du oben
auff der andern Seiten gethan haſt/ und die uͤbrige Aſchen ſtreich auch
mit dem Eiſen ab/ ſo diß geſchehen/ ſo wend den Teſt wider umb/ und treib
mit der Kugel die Aſchen fein glat an/ ſchneid darnach den Teſt auß nach
deinem Gefallen/ ſiebe auch mit einem haͤrin Sieblein Bein-Aſchen dar-
auff/ und treib die mit der Kugel glat an/ ſo haſtu den Teſt bereit. Dieſe
alſo breite Teſt/ ſeynd viel beſſer und dichter/ als die/ ſo in die Schirben
geſchlagen werden.

Die Muffeln belangend/ die zu dieſem Silber brennen gehoͤrig/ ſol-
len uͤber runde Stoͤcklein gemacht werden/ nach der Groͤß/ damit ſie auff
den
[61]Von den Silber Ertzen.
den Teſt gericht ſeyn/ ſollen auch außgeſchnitten werden/ welcher Form
ſampt den Teſten und andern zugehoͤrigen Inſtrumenten/ die abgeriſſene
Figur zeigen wird.

So du nun ein Silber brennen wilt/ ſo ſetz den Teſt mit ſambt dem
Ring/ zwiſchen gefierte Ziegelſtein in Sand oder Aſchen/ ſo tieff/ daß
der Sand oben dem Teſt gleich gehe/ in einen darzu gemachten Ofen/
darein man etliche Teſt unterſchiedlich miteinander einſetzen kan/ und ſol-
che Wind-Locher haben ſoll/ da allweg ein Windloch zween Oefen treib.
Welcher Ofen fuͤrnemlich an die Ort dienet/ da viel Stuͤck Silber zu-
gleich einkommen/ und mit einander auff einen Tag muͤſſen gebrant wer-
den. Setz nachmahls die Muffel auff den Teſt/ die nach ſeiner Groͤß ge-
macht ſey/ und vorn Ziegelſtein fuͤr/ daß nichts auffs Silber fallen kan/
ſchuͤtt Kohlen auff/ leg auch Kohlen unter die Muffel auf den Teſt. Wañ
nun der Teſt warm iſt worden/ ſo ſetz auch das zuſchlagene Silber hinein/
und laß angehen: Wil mans aber bald flieſſend haben/ ſo mag man mit
eim Handbalg zum Mundloch hinein unter die Muffel blaſen/ ſo fleuſt
es bald. Wanns nun gefloſſen iſt/ ſo raͤum die Kohlen wieder davon/ und
laß alſo unter der Muffel gehen/ ruͤhrs ein mal oder drey um̃/ mit eim Ei-
ſen/ wie du im andern gethan haſt/ ſo geht es auffm Teſt unter der Muffel
Ein ſauber
Silber-
brennen.nicht anders/ dann wie ein Silber auf der Cappelln rein ab. Mit dieſem
Silberbrennen kan man groß und kleine Stuͤck eben ſo wol brennen/ als
mit den Geblaͤß/ darzu ohne Schaden und ſondern groſſen Abgang auff
den Halt bringen. Dann auff dieſe Art hab ich zu Goßlar im Scheid-
Gaden (da er noch gehalten worden iſt) auff einem Teſt/ an einem Stuͤck
biß in ein hundert Marck Silbers brennen ſehen: Will nun einer/ weils
Silber gehet/ mit einem Eiſen ein Prob oder zwo herauß nehmen/ wie im
vorigen Silberbrennen geſchehen/ mag ers thun/ dann ſolches iſt nicht zu
verachten/ aber wer in dieſer Kunſt geůbt iſt/ der darff der Proben nicht
ſo viel/ ſondern er kennts am Geſicht/ wann es gnug hat.

Wann nun das Silber unter der Muffel rein gebrennt/ und anfaͤht
zu geſtehen/ mag man in einem kuͤpffern Rinnlein Waſſer darauff laſſen
lauffen/ und vollend abkuͤhlen/ alsdann mit einer ſtarcken Zangen her-
auß heben/ und von der Aſchen/ wie oben gehoͤrt/ reinigen/ ſo iſt das Sil-
ber gebrennt.

Die Teſt ſoll man zuſammen halten/ dann ſie ſeynd nicht ohne Sil-
ber/ dieſelben pflegen auff etlichen Bergwercken die Gewercken zu ſich zu
nehmen/ auff etlichen aber gehoͤren ſie zu gemeiner Stadt/ die kan man
jederzeit zu gut machen/ und das Silber/ ſo darinnen iſt/ herauß
ſchmeltzen.

Ein jedes Silber/ das Kupffer bey ſich hat/
fein zu brennen.

DIeweil es braͤuchlich iſt/ daͤß man geringhaltige Silber Fein bren-
net/ und offtmals die jenigen/ denen ſolches zu handẽ kombt/ gruͤnd-
lich
[63]Von den Silber Ertzen.
lich nicht wiſſen/ wie viel Bleys ſie darzu nehmen ſollen/ laſſen ſich immerWie vi[el]
Bleys g[e-]
nommen
ſoll werden.
důncken/ ſie thun ihm zu viel oder zu wenig/ die ſollen wiſſen/ daß ſie ſol-
chen geringen Silbern/ ſo die Marck biß in acht Loth Silbers haͤlt/ ze-
henmahl ſo ſchweer Bley zuſetzen ſollen: Den Silbern aber von acht biß
in zwoͤlff Loth haltig/ acht Schweren Bley/ und denen von zwoͤlff biß in
fuͤnffzehen Loth haltig/ ſechs Schweren/ ſoll aber das Brand-Silber 15.
Loth halten/ ſo bedarff man deß Bleys umb zwo Schweren weniger/ ſoll
es aber gar rein werdẽ/ ſo iſt es allweg beſſer eine Schwere zu viel/ als eine
zu wenig/ damit das Silber deſto reiner werde: So du nun den Teſt einge-
ſetzt haſt/ ſo laß ihn warm werden/ ſetz von dem gebuͤhrlichen Bley zwo
Schweren darauff/ daß es anfaͤht zu treiben/ trag darnach das Silber
gemach auch darein/ und laß es mit einander gehen/ wann diß Bley faſt
vergangen iſt/ ſo ſetz aber ein Bleyſchwern hinnach/ das thue ſo lang/ biß
das Bley alles hinein geſetzt/ und das Silber rein wird: Wann das Bley
alſo entzlich zugeſetzt wird/ ſo bedarff man nicht ſo viel Bleys/ als wann
das Bley alles auff einmal dem Silber zugeſetzt wuͤrde/ uͤbertreib es
nicht hart/ ſondern ſo kalt als es ſich leiden will/ ſonſt treibt ſich das Sil-
ber im Teſt mehr als ſonſt: Wann dann das Silber faſt rein worden/ ſoll
mans mit einem gluͤenden eiſern Hacken gemach umbrůhren/ damit es
nicht einen Bleyſack oder viel Bley-Rauchs bey ſich behalte/ ſondern
ſich rein außhelle/ und rein blicke.

Was aber kuͤpfferige Silber ſeyn/ wann man die auff dem Teſt rein
brennen will/ ſo kans nicht fuͤglicher geſchehen/ dann unter der Muffel.

Auch haben die Silber/ die durch das Bley rein und fein gebranntDem Sil-
ber dẽ Bley-
rauch zu
benehmen.
werden/ auch noch einen Bleyrauch bey ſich/ wer nun denſelben auch dar-
von bringen will/ der ſetz es auff einen flachen Schirben/ und verblaß fuͤr
einem Geblaͤß/ ſo werden ſie gar rein.

Wie man das Silber vom Zinn ſcheiden ſoll/ das auß
einem Brand kommen iſt.

ES begibt ſich offtmahls/ daß in einem Brand/ Silber-
geſchmeid/ Geld/ Kupffer und andere Metallen unter-
einander geſchmeltzt zuſammen kommen/ darunter dann
deß mehrentheils Zinn zu ſeyn pflegt/ daſſelbige kan nicht
ein jeder gemeiner Goldſchmied oder Probirer zu gut ma-
chen und ſcheiden: Damit man deß aber auch einen Bericht haben mag/
hab ich folgenden Weg am bequemſten darzu befunden/ nemlichen: Setz
einen Teſt in Ofen/ und eine Muffel darauff/ laß beydes erſtlich wol er-
gluͤen. Iſt nun deß verbrunnenen Guts zehen Pfund/ ſo ſetz auff den
Teſt zwantzig Pfund rein Bley auff einmahl/ wann daſſelb anfaͤht zu
treiben/ dann deß Silberreichen Zinns ein halbs Pfund auch darzu/ ſo
F ijnimbt
[64]Das erſte Buch
nimbt das Bley ſolches bald zu ſich/ welches alsdann gar bald von der
groſſen Hitz begint auffzuſteigen/ und ſich unartig zu ſtellen/ laß ein weil
darauff ſtehen/ und zeuchs darnach mit einem eiſern Haͤcklein vom Bley
rein ab/ ſetz ander Zinn darein/ laß ſeine Zeit auch darinn ſtehen/ und
zeuchs dann auch ab. Diß Eintraͤncken ins Bley und abziehen thue ſo
lang/ biß daß das verbrunnen Gut alles auff den Teſt kommet: Vnd ſo
das Bley in der Arbeit matt wird/ ſo erfriſch es mit einem Pfund oder
zweyen neuem Bley/ damit es in der Hitz deſto laͤnger dauren kan. Iſt
aber das verbrunnen Gut kupfferig/ ſo iſt es deſto beſſer/ wo nicht/ ſo muſt
du ihm Kupffer zuſetzen/ dann es wird der abgezogene Zeug ſchmeidiger
davon/ und faͤht das Bley das Silber und Gold/ lieber in ſich/ als allein
auß dem unartigen Zinn.

Durch dieſe Arbeit ſeigert ſich das Silber und Gold ins Bley/
und das meiſte Kupffer wird mit dem Zinn abgezogen/ dann laß das
Bley auff dem Teſt rein abgehen/ wie braͤuchlich iſt/ ſo haſtu das Silber
darvon geſchieden.

Das abgezogene Zinn und Kupffer aber zu Gut machen/ koͤnt alſo
geſchehen/ daß man ſolchen Zeug abdoͤrret/ und in einem ſtarcken Feuer
zuſammen ſchmeltzet: So moͤcht es ein Glockengieſſer unter andern Zeug
ſetzen/ und mit vergieſſen koͤnnen. Als Anno 1567. die Stadt Schla-
ckenwerdt in der Boͤhmiſchen Grentz außbrand/ und in der Ringmau-
ren kein Hauß ſtehen blieb/ hab ich den armen Leuten/ auff dieſe Art/ ſelbſt
viel verbrunnen Gut zu recht gebracht/ und das Silber darvon geſchie-
den/ welches ſich ſonſt niemand unterſtehen wolt.

Darnach melden auch die Philoſophi von einem Niederſchlag/
dardurch man das Silber im gemeinen Zinn niederſchlagen und in einen
Koͤnig faͤllen kan/ der geſtalt: Man ſoll das Zinn in ein ſonderlich Oefe-
lein ſetzen/ daſſelbige ſehr heiß machen/ und dann nieder ſchlagen/ mit ſol-
chem koͤnne man eine zwerche Hand tieff das Silber im Zinn nieder faͤl-
len/ das ſolle dann in derſelben tieff abgeſtochen/ folgends das bleibende
Zinn wieder niedergeſchlagen/ und abermahls abgeſtochen werden/ biß
ſo lang man das Silber zu unterſt in einen Koͤnig bringe/ und ſolchen
alsdann (ob wol Zinn darbey ſeyn wird/) vollend rein machen/ und ſolle
der Niederſchlag dem Zinn gar nichts ſchaden. Was aber der Nieder-
ſchlag ſey/ da ſchreiben ſie nichts von: Diß meld ich/ umb derer willen/ die
Luſt zur Kunſt haben/ ob ſich einer vielleicht darinn uͤben/ und der Sa-
chen ferner nachdencken wolt/ daß er hierinnen eine Anleitung habe. Vor
meine Perſon achte ich/ dieweil ſich Gold im Silber/ und Silber
im Kupffer niederſchlagen laſſen/ daß dieſer Nieder-
ſchlag auch im Zinn muͤglich ſeyn.
koͤnnen.

Wie man ein ungeſchmeidig Silber/ reichs oder armes
Halts/ ſchmeidig treiben ſoll.

DIeweil vielmahls geſchicht/ daß ein Silber im Zuſammen-
gieſſen/ etwa von einem boͤſen Rauch/ oder wann ein wenig
Zinn ohngefehr darunter kommet/ oder daß unter dem
Pagament zinnige falſche Groſchen geweſen/ ungeſchmei-
dig wird/ ſo iſt ſolches folgender Geſtalt wiederumb ſchmei-
dig zu machen: Setz das Silber auff einen flachen Schirben/ der mit rei-
ner ſubtiler Glet beſtrichen ſey/ blaß ihm zu/ biß das Silber fleuſt und
wol treibt/ dann ſetz ihm ein Kuͤgelein oder drey/ nach dem deß SilbersBley-Kuͤ-
gelein.
viel iſt/ gar rein Bley zu/ verblaß es wieder biß ſo lang das Silber den
Blaß beſſer haͤlt/ und ſchmeidig wird: Jedoch ſolt du das Silber im Vor-
blaſen auff dem Schirben/ ein mahl oder zwey mit einem gluͤenden eiſern
Ruͤhrhaͤcklein umbruͤhren/ damit es durchauß geſchmeidig werde/ als-
dann laß es erkalten/ und geuß es in einen Tiegel zuſammen nach deinem
Gefallen. Vnd iſt darbey zu mercken/ wann ſich vom Kupffer etwas
verblaͤſet/ davon das Silber am Halt reicher wird: Dem muß man als-
dann/ wo es den vorigen Halt behalten ſoll/ im Gieſſen mit ſo viel Kupf-
fers wiederumb helffen.

Was aber ungeſchmeidig Brand-Silber oder ander gut Silber
iſt/ das von einem Bley-Sack ungeſchmeidig worden waͤre/ daſſelbig/Unge-
ſchmeidig
Brandſil-
ber.
wo deß Bleys wenig darbey iſt/ das kan ſolcher Geſtalt auff einem fla-
chen Schirben/ ohn allen Zuſatz ſchmeidig getrieben werden/ es waͤre
dann daß es deß Bleyes zu viel bey ſich haͤt/ ſo muß es auff einem flachen
Teſtlein/ wie oben vom Silberbrennen gelehrt/ rein und ſchmeidig ge-
macht werden.

Man kan auch zum ſchmeidig machen deß Silbers einen Fluß zu-Einen Fluß
zu un-
ſchmeidi-
gen Sil-
bern.
richten/ welcher die Metallen faſt ſehr reiniget/ alſo: Nimb Salalkali/
Salpeter-Salß/ rohen Weinſtein/ und Salpeter/ eines ſo viel als deß
andern/ calcionirs und ſolviers wider in einem warmen Waſſer/ laß
durch einen Filtz gehen/ coagulirs/ ſo haſt du den Fluß bereit.

Wie man das Kupffer vom Pagament/ gemuͤntztem
Geld/ oder duͤnngeſchlagenem Silber
abſiden ſoll.

NImb Schweffel und Victril/ beydes gleich viel/ reibs klein/
feuchts an mit Eſſig/ daß es werde wie ein Muß/ meng die
Muͤntz oder Silber darunter/ nimb einen langen leinen
Sack/ thue die Muͤntz mit dem Zuſatz darein/ nehe den
Sack uͤberzwerch von unten auff biß oben an/ alſo daß die
F iijMuͤntz
[66]Das erſte Buch/
Muͤntz darinnen nicht zu dick lige/ geuß alsdann Waſſer in einen Hafen
oder Topff/ henge den Sack darein/ daß er weder unten noch auff der
Seiten anruͤhr/ ſeud ihn bey zehen Stunden lang beym Feuer/ alſo was
ſich vom Waſſer einſeud/ das erfolge mit warmen Waſſer wieder/ damit
der Hafen oder Topff allwegen voll Waſſers bleibe/ ſo ſeud das Kupffer
auß dem Pagament oder Silber/ und bleibt das Silber im Sack/ das
waſch auß warmen Waſſer/ und geuß zuſammen: Das Waſſer aber
ſeud trocken ein/ und reducir was bleibt mit dem Fluß/ den man zu den
Kupffer-Ertzen braucht/ ſo haſtu das Kupffer/ ſo ſich auß der Muͤntz ge-
ſotten auch ſonderlich/ allein das Silber wird dardurch nicht gar fein/
ſondern behaͤlt noch etwas vom Kupffer bey ſich.

Wie man gute Probirwagen machen und
einrichten ſoll.

DIeweil einem Probirer nicht allein von noͤthen ſeyn will/ daß er
gantz ſaubere und rechte Probir-Wagen habe/ ſondern auch
wiſſe/ wann die trahirn oder ſonſt auch wandelbar werden/ wie
oder wordurch er die wiederumb beſſern und ihnen helffen koͤnne: So
achte ichs vor ein gar groſſen Vnverſtand/ und iſt auch nicht fein/ daß et-
liche/ die ſich doch vor kuͤnſtliche Probirer außgeben/ offt umb eines abge-
riſſenen Schnuͤrleins/ oder andern geringen Mangels willen/ gen
Ein Probi-
rer ſolle den
Probirwa-
gen ſelbſt
helffen koͤn-
nen.Nuͤrnberg und andere fernere Ort ſenden/ und daſelbſt ihre fallirende
Probir-Wagen beſſern und wiederumb zurichten/ ſo ſie vielmehr der Ge-
ſchickligkeit ſeyn ſolten/ daß ſie von ſich ſelbſt dieſelbigen ſampt ihren
Probir-Gewichten und Probir-Zeug beyde machen/ und auch juſtiren
ſolten koͤnnen/ wo ſie anders ihres Probirens gewiß ſeyn/ und ſich dar-
auff verlaſſen wolten: Derhalben/ und damit man dannoch von ſolchem
auch einen grůndlichen Bericht haben moͤge/ will ich ihnen und allen
Liebhabern der Probir-Kunſt/ ſonderlich den jungen Probirern zu Vnter-
weiſung (weil man nicht ůber all Meiſter haben kan/ die mit ſolchen Sa-
chen rechtſchaffen umzugehen wiſſen) allhier ferner lehren/ wie man die
Probir-Wagen/ Gewicht und andern Probirzeug machen/ und nach-
mahls/ ſo es noth thut/ wieder beſſern und rectificiren ſoll. Vnd erſt-
lich von der Probir-Wag anheben/ die ſoll gemacht werden/ wie her-
nach folget.

Laß dir auß einer alten Schwerdt-Klingen ein ſubtils Wagbaͤlck-
lein ſchmieden und formiren/ das auch ein breit duͤnn Zuͤnglein hab/ und
durchauß rein und gantz geſchweiſt/ und nichts ſchifferigs daran ſey:
Dieſes alſo geſchnitte Wag-Baͤlcklein ſpanne in ein Schraub-Kloͤblein/
und feile es auß dem Groͤbſten/ ſuch alsdann das Mittel/ an demſelben
Ort treib mit einem eiſern Dreihl ein Loͤchlein gerad durchs Baͤlcklein/
und
[67]Von den Silber Ertzen.
und mach ein rund Stifftlein darein/ das auff beyden Seiten herauß ge-
he/ und Futter die Fug mit důnnem Lahn-Meſſing oder Knitter-Gold/
und loͤthe mit Silbern-Schlagloͤth ſolches Stifftlein ins Baͤlcklein/ ſo
ſcheuſt das Schlagloth dem duͤnnen Meſſing gern nach/ auß demſelben
eingeloͤthen Stifftlein/ wird das Waͤrtzlein gefeilet. Darnach ſchlag daßWaͤrtzlein.
daran geſchmidte Zuͤnglein/ auff einem glatten Amboß gar duͤnn/ undZůnglein.
gluͤe es offt in einem kleinen Holtz-Feuer/ daß es nicht reiſſe. Folgends ſuch
das Mittel am Zuͤnglein/ vom Waͤrtzlein gerad uͤber ſich/ biß zu Ende
deſſelben (es ſoll aber ſeine Laͤng ſeyn vom Waͤrtzlein an biß ans Oert-
lein) und bezeichne es mit einem Strichlein oder Riß/ dann ſchneid auff
der einen Seiten vom breit geſchlagenen Zuͤnglein am Riß gerad nie-
der ein Stuͤcklein uͤbrigs Eiſens herab/ und gleich auff der andern Seiten
deß Riß/ ſchneide auch das Zuͤnglein gerad gegẽ dem Waͤrtzlein abwaͤrtz/
alſo daß ſich das Zůnglein uber einander rolle/ dann kanſtu das uͤbrige Ei-
ſen auff derſelben Seiten auch weg ſchneiden. Wann dem alſo geſchehen/
ſo gluͤe das Zuͤnglein/ und richt es wiederumb gerad uͤber ſich/ dann feile
ſolches auff einem lindenẽ Holtz auffs ſubtilſte/ nach deinem Gefallen. Du
magſt auch das Zuͤnglein unten auff dem Baͤlcklein/ umb Wolſtands
willen durchbrechen/ und kuͤnſtlich außfeilen: Nachmals beuge beyde
Oertlein am Baͤlcklein recht und gleich/ ehe dann das Baͤlcklein gar auß-Oertlein.
gefeilt wird/ daß es auff beyden Seiten ſampt dem Oertlein gleiche Laͤnge
habe: Vnd feile alsdann das Baͤlcklein/ nach Form und Geſtalt einer wol
proportionirten ſubtilen Probir-Wag/ vollend ſauber auß. Wie aber das
Feilen und die Arbeit geſchehen ſolle/ das iſt allhier keinem fuͤrzuſchrei-
ben/ ſondern es will eine fleiſſige Vbung haben.

Das Kloͤblein darinn das Baͤlcklein zu hangen pflegt/ das ſolleKloͤblein
Hoͤßlein.
auch gleicher Geſtalt fleiſſig und rein gefeilet werden/ alſo/ daß die Hoͤß-
lein/ darinn die Waͤrtzlein zu ligen kommen/ duͤnn/ und die Loͤchlein rein
und gerad hindurch gemacht/ und mit einem kleinen ſubtilen Wetzſteins-
Stifftlein außglettet werden/ daß kein Grat daran bleibe: Welches Kloͤb-
lein ſo lang ſeyn ſoll/ als das Zůnglein iſt/ und das Baͤlcklein mit dem
Oertlein nicht durchkriechen kan.

Wann nun das Kloͤblein bereitet iſt/ ſo nimb das gefeilte Baͤlcklein/Die Prob
auff das ge-
feilte Baͤlck-
lein.
und heng es an das Kloͤblein mit dem Zuͤnglein unter ſich/ und ſihe/ ob
daſſelbig auff beyden Seiten gleiche Schweren hab: Befindet ſich/ daß
es auff einer Seiten ſchwerer iſt/ als auff der andern/ ſo muſtu demſelbigen
Ort umb ſo viel helffen/ biß ſo lang das Baͤlcklein gleich haͤnget/ alsdann
zeuch es ſampt dem Kloͤblein mit einer linden Feilen/ glat und rein/ oder
mit einem linden Wetzſtein/ und polirs letztlich mit einem harten Blut-
ſtein/ ſo man Glaßkopff nennet: Wann alſo das Baͤlcklein gar bereit iſt/
ſo verſuchs noch einmal am Kloͤblein/ ob es gleich und eben hanget/ damit
es keinen Mangel hab.

Wo du aber keinen Schmidt/ der dir die Wagbaͤlcklein mit dem
Zůnglein ſchmieden koͤnne/ haben kanſt (wie es dann nicht alle Schmidt
alſo
[69]Von den Silber Ertzen.
alſo ſubtil/ gantz und von einem Stuͤck zu wegen bringen koͤnnen) ſo
nimb einen reinen ſtaͤhlin Drat/ oder ein geſchmidt Eiſelein/ in Form deß
Baͤlckleins ohne Zuͤnglein/ loͤte ein Zuͤnglein mit Silbernſchlagloͤt erſt-
lich darauff/ daran die Fugen auch mit duͤnnem Lahn-Meſſing gefuͤttert
ſeyn ſollen/ darnach ſo feile nach obgeſetzter Lehr ein Baͤlcklein darauß/
Wo du aber das Futtern mit dem důnnen Lahn-Meſſing/ und dieſelbe
Muͤhe nicht daran wenden wilt/ ſo kanſt du mit guͤldenem Schlag-Loͤt/Guͤlden
Schlagloͤt.
alles was an der Probir-Wag zu loͤten iſt/ rein und ſauber loͤten/ dann
ſolch Schlag-Loͤt fleuſt auff dem Eiſen ohne Futtern gern/ und wird
gantz/ wie dann auch die kleinen Schiefferlein an den Probir-Wagbaͤlck-
lein/ deßgleichen wann die Zuͤnglein/ oder Oertlein/ in der Arbeit abbre-
chen/ damit wiederumb koͤnnen angeloͤtet werden/ welches alles auß der
Vbung erlernet wird.

Man pflegt auch die gemachte Probir-Wagen blau anlauffen zu
laſſen/ damit ſie nicht ſo leichtlich roſten ſollen/ das geſchicht alſo: Laß ein
zimlich dicks eben Eiſen im Feuer warm werden/ jedoch nicht gar braun
gluͤen/ leg das Baͤlcklein mit dem einen Ort darauff/ und zeuch es/ wo es
anlaufft/ fort/ daß es alſo durchauß nach deinem Gefallen blau wird/
welches dann gar bald geſchicht: Allein wiſſe/ jeduͤnner das Ort iſt/ je
ehe es erwarmbt und anlaufft/ derhalben iſts leichtlich zu verſehen/ daß
ſolche Oerter wieder weiß werden: Auch pflegen allwegen in klarer hel-
ler Zeit ſolche Wagen ſchoner blau anzulauffen/ als wanns truͤb iſt/
wie ſolches die Erfahrung gibt. Wie nun das geſchmidte Baͤlcklein/
deßgleichen die außgefeilte Probir-Wag formirt ſollen werden/ das wird
auß vorhergehender Figur zu ſehen ſeyn.

Von Juſtirung und Einrichtung der Probir-
Wagen.

DAs Einrichten der Probir-Wagen/ iſt eine ſonderliche Kunſt/Die Pro-
birwagen
blau an.
lauffen zu
laſſen.
und an den Probir-Wagen machen das rechte Meiſterſtůck/
welches nicht einem jeden/ der ſie machen kan/ bekant iſt/
und geſchicht alſo: Wann die Probir-Wag außgefeilt iſt/
wie vor gehoͤrt/ ſo mach von Silber zwey flache Schaͤligen/ die glat
und ſauber ſeyn/ und dannoch zwey gar důnne kleine Schaͤligen/ dieDie ſchwe-
ren der
Schalen
an der Pro-
birwageu.
man Einſetz- oder Eich-Schaͤligen nennet/ welche zu gleich ſo ſchwer/
als der Wag-Balcken iſt/ oder ehe ein wenig ſchwerer als leich-
ter ſeyn ſollen/ und beſchnůr die mit ſubtilen ſeydenen Schnůrlein in
der Laͤng/ als der gantze Wag-Balcken von einem Oertlein zum an-
dern iſt/ ſolche Schnuͤrlein aber ſolle ein jedes oben ein ſubtil Aeſtlein ha-Aeſtlein.
ben/ mit denen die Schnuͤrlein ſampt den Schaͤligen an die Oertlein der
Probir-Wag koͤnnen gehangen werden. Wann die Schaͤligen alſo be-
ſchnuͤrt
[70]Das erſte Buch/
ſchnuͤrt ſeyn/ ſo wiege die gegen einander auff einer andern Probir-Wag/
und ſihe ob ſie gleiche Schweren haben/ dañ haͤng ſie an die Oertlein deß
Baͤlckleins/ ſetz die Eichſchaͤlligen darein/ und heng die Probir-Wag an
einen darzu gemachten Auffzug/ und zeuch ſie gemach auff. Wann nun
dieſelb mit einem Ort auff die Seiten ſchlaͤgt/ ſo beſihe das Baͤlcklein/ ob
ſeine beyde Laͤngen auch gleiche Schweren haben: Iſt nun das Baͤlcklein
gleich/ und die Wag gleichwol noch auff eine Seiten zeucht/ das iſt/ wañ
du ſie auff einem Ort nieder druckſt/ daß das Schaͤlligen ſtehen bleibt/
und alſo auff der andern Seiten auch/ und will nicht wieder zu ruͤck ge-
hen/ ſondern ſtehen bleibt/ ſo iſt der Mangel an dem Balcken/ daß er an
Wann die
Wagen fal-
len.den Orten zu hoch gericht/ davon dann die Wag auff beyde Seiten faͤl-
let/ und nicht innen ſtehen will: So du diß weiſt/ ſo richte den Balcken auf
beyden Seiten etwas niedriger/ doch alſo/ daß er nicht auff einer Seiten
hoͤher oder niedriger ſey als auff der andern: Zu ſolchem Richten ſolt du
ein birnbaumen glat Bretlein haben/ darauff ein Riß ins Creutz ge-
macht ſeyn ſolle/ und mitten auff dem Creutz ein Loͤchlein ſey/ auff ſolches
leg den gefeilten Balcken der Probirwag/ alſo/ daß das Waͤrtzlein ins
Loͤchlein/ und der Balcken und Zuͤnglein auff die Riß zu ligen kommen/
ſo kanſtu alſo bald ſehen/ wie der Balcken/ das Zuͤnglein/ und die Oert-
lein gerichtet ſeyn/ damit du ihm darnach helffen kanſt.

So dann das Baͤlcklein alſo gerichtet iſt/ daß es gegen den Oert-
lein ein wenig niedriger ſteht als der Strich/ oder Riß auf dem Bretlein
iſt/ ſo leg es dann ins Kloͤblein in ſein Laͤger/ gib ihm die rechte Schnellig-
keit/ alſo daß es das kleinſte Gewichtlein in den Probirgewichten/ wohl-
erkantlich herauß ziehe/ und im Laͤger nicht ſtecke/ auch darinnen nicht zu-
viel Lauffs habe/ das iſt/ daß die Hoͤßlein unten am Kloͤblein nicht zu weit
vom Waͤrtzlein ſtehen/ ſondern daß man nur zu pruͤffen darzwiſchen her-
durch ſehen kan.

Wann nun die Probirwag auffs fleiſſigſte alſo zugerichtet/ daß ſie
ihre Schnelligkeit recht hat/ und nicht ſteckt/ auch weder am Waͤrtzlein
noch am Baͤlcklein kein Mangel iſt/ ſo ſolle ſie billich beyde mit den Eich-
gewichten beladen/ und ohn dieſelbe unbeladen auch gerecht innen ſtehen/
thut ſie das nicht/ und ſchlaͤgt beladen auff die eine Seiten/ und unbe-
Der groͤſte
Mangel im
Aurichten.laden auff die andere/ dann finder ſich der groͤſte Mangel/ den ihr viel
zu wenden nicht verſtehen. Man ſoll ihm aber alſo thun: Hilff der Wag
oben an einem Oertlein/ und auff der andern Seiten am Schaͤlligen/
Das verſtehe alſo: Biege das eine Oertlein ein wenig zu pruͤffen unter-
ſich/ oder ein wenig enger/ ſo gibts der Wag auff der andern Seiten
alsbald einen Außſchlag/ dann die Laͤng uͤberwaͤgt die Schwaͤre/ umb
ſo viel nimb auff der andern Seiten dem Schaͤlligen ab/ damit die Wag
gleich im Kloben wieder innen ſtehet/ alsdann verſuch die wiederumb/ ob
ſie beladen oder unbeladen recht thue/ und ihre rechte zum erſten gegebene
Schnel-
[71]Von den Silber Ertzen.
Schnelligkeit hab: Geſchicht daſſelbe nicht/ ſondern zeucht noch ein we-
nig auff eine Seiten/ ſo haſtu ihr zu viel gethan/ dann hilff ihr mit dem
Biegen deß Oertleins und Schaͤlligen wieder zu ruͤck/ oder aber haſt du
das Oertlein nicht auff der rechten Seiten gebogen/ ſo ſchlaͤgt die Wag
noch ſehrer falſch: Derhalben du dann leichtlich ſehen kanſt/ auff welcher
Seiten der mit dem Biegen und Richten zu helffen iſt. Du kanſt auch
den Fleiß brauchen/ wann du auff einer Seiten das Oertlein gebogen
haſt/ daß du nicht alsbald auff der andern Seiten dem Schaͤlligen helf-
feſt/ ſondern vergleichs mit Gewichtlein/ daß die Wag gerad im Kloben
ſtehet/ dardurch kanſt du ſehen/ ob ſie nach ſolchem beladen und unbela-
den ohne Mangel innen ſtehen wird/ darauff iſt ihr folgends leichtlich zu
helffen.

Es iſt eine groſſe Muͤhe eine Wag in ſolcher Geſtalt einzurichten/
dann es ſucht offtmahls einen Meiſter/ und macht ihn dermaſſen irꝛ/ daß
er nicht wiſſen kan/ wie er der weiter helffen kan/ jedoch iſt der vorgeſchrie-
bene jetzt geſatzte Weg zu ſolchem Einrichten der beſte/ und gehoͤrt nur ein
Luſt und unverdroſſene Perſon darzu. So viel hab ich in dieſen Sachen
zu einer guten Nachrichtung/ dieweil es dem Probiren anhaͤngig iſt/ un-
vermeldet nicht woͤllen laſſen.

Damit auch die Probir-Wag vor Staub ſauber und rein behal-Das Pro-
bir Ge-
haͤuß.
ten/ auch wann man die brauchen will/ durch den Wind nicht verhindert
werde/ ſondern ohn allen Mangel ſicher ſtehen koͤnne/ ſo ſoll man ſie
in ein
[72]Das erſte Buch/
in ein ſauber wol geformirtes von Holtz gemachtes Probir-Gehaͤuß ſe-
tzen/ welches auff beyden Seiten mit hellem liechten Glaß beſetzt ſey/ daß
das Liecht darein falle/ und man alle Ding wol ſehen moͤg (deß Form in
vorhergehender abgeriſſen) und auch das Gehaͤuß inwendig mit gruͤner
Farb angeſtrichen werde/ umb deß Geſichts willen/ damit es durch die-
ſe Farb/ weil das Feuer dem Geſicht etwas ſchaͤdlich/ wiederumb ge-
ſchaͤrfft und erfriſcht werd.

Wie man die Probir-Gewicht von Silber oder Meſſing
machen und abtheilen ſoll/ und erſtlich die Gren-
Pfenning- und Karat-Gewicht.

DIeweil beydes an der Machung und Außtheilung der Gewicht
nicht wenig gelegen/ muß ich ferner anzeigen/ wie und wovon
dieſelben am beſten zuzurichten ſeyn: Erſtlich iſt beſſer/ daß ſie
von gutem Silber gemacht werden/ als von Meſſing/ dann das Silber
ſchmutzt nicht/ laufft auch nicht ſo gern an als der Meſſing/ ſondern bleibt
allwegen ſauber und rein: So man nun das Silber an ein Zainlein ge-
goſſen hat/ ſoll man viereckichte Stuͤcklein darauß ſchlagen/ in der Pro-
portion uñ Groͤß/ darnach ein jedes Stuͤcklein Probir-Gewichts ſchwer
oder leicht waͤgen ſolle/ und ſolche gantz ſauber und rein feilen/ und fol-
gends auff einem Wetzſtein glat ziehen/ darneben offtmahls auf der Pro-
birwag ein jedes inſonderheit/ gegen der Abtheilung mit Fleiß aufziehen/
damit wo es noch etwas zu ſchwer waͤr/ daß mans leichter und gerechter
machen koͤnte/ und letztlich juſt innen ſtehe.

Es vermeynen aber etliche Probirer/ man ſoll die Probirgewicht von
obẽ herab/ als vom Groͤſten biß aufs Kleineſte machen und abtheilen: Et-
liche aber dargegẽ vom Kleineſten biß zum Groͤſten: Darauff wiſſe/ daß
Gewiſſe
Schweren
einer Marckes folgender Geſtalt am beſten ſey: Wañ man Probirgewicht von neuem
zurichtẽ und machen will/ ſoll man die von obẽ herab/ vom groͤſt biß aufs
kleineſte Stuͤck abtheilen/ umb deßwillen/ daß man am groſſen Stuͤck die
gewiſſen Schweren einer Marck/ beſſer und rechtſchaffener haben kan/
als wann man vom kleineſten/ von der halben Gren/ oder Heller anhuͤb/
uñ ein Gewicht davon machen ſolt/ da entweder die Marck viel zu ſchwer/
oder zu viel leicht werdẽ wuͤrde/ als man begehrt haͤtte/ und in dem bald zu
fehlen waͤre. Derhalben ſoll man zu ſolcher Abtheilung von oben herab/
klein gekůrnt/ durchgeſiebt/ gewaſchen Kupffer brauchen/ durch welches
zu ſehen/ wie viel man einem Stůck/ das noch etwas zu ſchwer waͤre/ ab-
Probirge-
wicht auff-
zuziehen.nehmen und wegfeilen muͤſte: Vnd wann nun ſolch Probirgewicht gar
fertig iſt/ ſo ſolle es alsdann von unten auff/ vom Kleinſten biß aufs Groͤ-
ſte/ mit Fleiß auff einer ſchnellen guten Probirwagen aufgezogen/ und
ſo noch Mangel daran waͤre/ der dann nicht groß ſeyn kan/ vollennd ge-
wendet werden.

Wie nun die Probir-Gewicht Stuͤckweiß/ und wie ſchwer abge-
theilt werden ſollen/ davon iſt oben auff dem 13. und 14. Blat Bericht zu
ſind en.

Von Abtheilung deß Centner Gewichts.

GLeichwie die Gren/ Pfenning/ und Karat Gewicht/ umb der
gewiſſen ſchwer willen/ von oben herab getheilt werden/ alſo
ſolle es mit dem Centner Gewicht auch geſchehen. Weil aberUngleicht
Theil.
in den Pfunden deſſelben/ ungleiche Theil ſeynd/ das verſtehe
alſo: Der Centner hat 100. Pfund/ der halb 50. Pfund/
und das Viertheil 25. Pfund/ und man wil darauß 16. Pfund theilen/
welches einem/ der der Abtheilung nit wol berichtet/ muͤhſam ſeyn wird/
ſo ſolt du ihm alſo thun: Wann du die Abtheilung biß auffs Viertel deß
Centners recht gemacht haſt/ ſo wieg ſolch Viertel Centner gegen einem
Probir-Gewicht (es ſey gleich ein Centner oder Pfenning Gewicht) ab/
und wie viel ſolches wiegt/ nach dem kanſt du deine Rechnung machen/
wie viel 16. Pfund waͤgen ſollen/ nimb deß ein Exempel/ ich ſetze/ die neuen
abgetheilten 25. Pfund/ waͤgen am Pfeñing-Gewicht ein Marck 13. Loth
3. Quintlein. So ſprech ich: die 25. Pfund waͤgen ein Marck 13. Loth
3. Quintlein/ was werden 16. Pfund waͤgen/ ſo kom̃en 19. Loth [0] Quintl.
0. Pfenning ein Heller/ und zu průffen ein wenig mehr als ein Viertel ei-
nes Hellers/ alſo ſchwer můſten alsdann ſechzehen Pfund waͤgen/ nach
dieſem Gewicht oder 16. Pfunden/ theil dann mit klein gekoͤrntem Kupffer
vollend dein Gewicht ab/ auffs kleinſte wie du zuvor Bericht biſt worden/
und ob gleich der Centner mehr Pfund haͤtte/ ſo kan man doch die unglei-
che Abtheilung daran/ durch ſolches gleicher Geſtalt auch finden.

So nun das Probir-Gewicht gantz und gar fertig gemacht iſt wor-
den/ ſo zeuch es gleicher Geſtalt vom Kleinſten/ biß auffs Groͤſte/ wie du
mit dem vorigen gethan haſt/ mit Fleiß auff/ wird dann daran noch ein
Mangel befunden/ ſo wend denſelbigen auch/ dann darnach wenig Vn-
terſcheid ſeyn wird/ und dennoch der Centner in deiner Begerten ſchwer
bleiben.

Damit du aber gleichwol gewiß ſeyſt/ ob deine Probir-GewichtOb die Pro-
birgewicht
recht gema-
chet ſeyn.
juſt und gerecht ſeyn/ ſo ſetz dieſelbigen hin/ und mach noch ein Probir-Ge-
wicht/ dieſem an der Schwer gleich/ leg alsdann die gemachten Gewicht/
ſo in ein Probir-Gewicht gehoͤrig/ alle zuſammen in ein ſchnelle Probir-
Wag/ und wieg die gegen dem andern gemachtem/ treffen die zwey gegen
einander uͤber ein/ ſo haſtu ſie recht gemacht/ wo aber nicht/ und du befin-
deſt ſie nicht in gleicher Schwere/ ſo ſihe an welchem der Mangel ſey/
daſſelbig wende/ wer ſeiner Gewicht gewiß ſeyn wil/ der muß ſich dieſer
Muͤhe nicht verdrieſſen laſſen.

Letztlich ſo numerir oder bezeichne auch ein jedes Stuͤck deß Probir-
Gewichts/ mit Ziffer Punctẽ/ wie viel es an der Schwere wigt/ darbey es
zu erkennen ſey/ doch ſoll das bezeichnen zuvor und ehe dann es auffm
Wetzſtein glat gezogen wird/ geſchehen/ damit der Grad/ den es vom
zeichnen auffwirfft/ wider gleich und eben werde/ und leg dieſelbigen in
ein huͤltzern darzu gemachtes ſaubers Kaͤſtlein (deß Form in folgender
Probirge-
wicht Kaͤſt-
lein.Figur zu ſehen) in die runden Loͤchlein/ der ſo viel darinnen ſeyn ſollen/
als der Gewicht ſeyn/ ſcheube dann das Fuͤrſchuͤblein oder Liet fuͤr/ umb
deß Staubs willen/ und daß die Gewicht rein und ſauber bleiben.

So viel hab ich vom Probirn der Silber Ertz/ und was dem an-
haͤngig/ kůrtzlich ſchreiben und melden woͤllen/ und obs wol ein Noht-
durfft geweſt waͤr/ ferner auch zu berichten/ wie dieſelbigen und ein jedes
inſonderheit ſeiner Natur und Eigenſchafft nach/ im groſſen Feuer/ ůber
den Stich/ offen Aug/ ůbern Ganck und krummen Ofen/ und andere
Schmeltz-Wercken mehr/ zu gut gemacht und geſchmeltzet ſollen werden/
dieweil ich aber in dieſem Tractat/ allein von den Proben im kleinen Feu-
er zu ſchreiben fuͤr mich genommen hab/ und jetzt gedachte Schmeltz-
Werck auff den Bergwercken ſonſt faſt gemein ſeynd/ habe ichs daran be-
wenden laſſen. Daß ich aber von etlichen groſſen Wercken und Schmel-
tzen/ in dieſem und andern folgenden Buͤchern Meldung thue/ ge-
ſchicht (weil ſolches nicht gemeine Sachen ſeynd) allein
umb Berichts willen.

Ende deß erſten Buchs.

Von dem Laboratorio oder Werckſtatt eines Probirers.

JEtzt angeführte Vermahnung zur Erkaͤntnůß der metalliſchen Principien
generation iſt nicht dahin gemeint/ daß darumb ein jedweder Probirer
müſte unumbgaͤnglich ein hocherfahrner Mann in der Natur ſeyn/ ſondern
kan wol einer ſeine Kunſt einfaͤlltig treiben wie er ſie von ſeinem Meiſter erlernet/ und
doch mit allen Ehren darin beſtehen/ unangeſehen er nicht von allem rationes geben kan/
was aber den Ort belangt da das Probiren und was dem anhaͤngig/ verrichtet wird/ ſoll
billich von einem jeden alle Bequemlichkeit in acht genommen werden/ wofern man den
Schaden/ ſo unaußbleibllch auß der Unachtſamkeit dieſes puncts zuerwarten/ nicht an
ſeinem Leibe und Geſundheit büſſen will; So iſt demnach einem jeden der mit Schmel-
tzen/ Abtreiben/ Scheidwaſſer Brennen und ſcheiden umbgehen will/ vor allen Dingen
noͤhtig/ daß er einen weiten Camin oder Schornſtein habe/ der wohl ziehe und rauch-
faͤngig ſey/ worunter etliche Ofen ſtehen koͤnnen/ damit/ wenn ſolche Sachen unter die
Haͤnde kommen/ die gifftige oder ſcharffe Daͤmpffe von ſich geben/ ſelbige alſobald vom
Camin ůber ſich gezogen und außgefůhrt werden/ welches doch ihrer viel nicht achten/
ſondern laboriren/ in Gewoͤlben/ da oben durchs Gewoͤlb ein enges Loch gemacht/ in et-
lichen auch wol gantz kein Außgang iſt/ ſondern von ihnen nur die Fenſter geoͤffnet wer-
den/ vermeinend es werde ſich aller Dampff daſelbſt hinauß ziehen/ wůrden aber wenn ſie
Achtung drauff geben/ mit dem erſten anfeuren befinden/ daß die Daͤmpffe dahin nicht
gehen/ es ſey denn vorher das gantze Gewoͤlb voll/ und zu den geoͤffneten Fenſtern
zu mahl nicht/ weil der Wind ſie viel mehr hinein und zuruck treibt/ nichts deſto weniger
iſt mancher ſo dumm/ daß er ſolches nicht mercket/ wenn er ſchon die Bruſt allbereit ſo
voll hat/ daß er fůr Keichen und Angſt kaum Athem holen kan. Wenn aber ſo thanige
Ofen
[77]Von den Silber Ertzen.
Qefen unter einem guten Camin ſtehen/ kan gar fůglich alle dergleichen Ungelegeheit
vermeidet werden/ welche man ſonſt unfehlbahr mit dem Athem an ſich ziehet/ als nemlich
dem Bleyrauch von vielem Cappelliren und abtreiben/ welcher Rauch/ wenn er lange
Zeit eingenommen wird/ gern laͤhmet und Contract machet/ geſtaltſam ſolches auch den
meiſten Haffnern wegen des vielen glaſurens mit Bleyaſchen endlich zu wiederfahren
pfleget; von vielem angezogenem Schmeltz-Rauch oder Arſenico aber/ bekombt man
Bruſt-Geſchwer/ Lungenſucht und dergleichen/ die vielfaͤltig eingezogene Daͤmpffe
und Geruch der Scheidwaſſer und Aquarum Regis bringen mit der Zeit Hertzklopffen
und Ohnmachten; die langweiligen Daͤmpffe deß Queckſilbers vom Gekraͤtſch/ ver-
gůlden uñ ſo fortan/ verurſachen endlich das zittern der Glieder/ Laͤme/ Schlag und der-
gleichen; welchen vielfaͤltigen Beſchaͤdigungen aber ins geſampt/ durch hier gerahtene
Behutſamkeit kan begegnet/ und vorgebauet werden.

Von den Probir-Oefen.

WIe wohl unſers Authoris Beſchreibung der Probir-Qfen nicht zu verbeſſern/
ſo iſt man doch auch nicht gantz und gar dran verbunden/ ſondern wer gern un-
terſchiedliche Proben zugleich machen wolte/ kan wohl einen groͤſſern Ofen an-
geben und machen laſſen/ jedoch nach advenant mit der Außtheilung in die Hoͤhe und
weite/ da alsdann auch eine groͤſſere Muffel darein kommen muß/ laͤſt man nun derglei-
chen Ofen von einem Haffner drehen/ ſo muß er inwendig etwas rauh/ und der Geſtalt
zugerichtet werden/ daß der Beſchlag-Leimen dran hafften koͤnne/ außwendig werden
auff allen 4. Seiten Faͤltze drein geſchnitten/ daß auff jeder Seiten 2. eiſerne Schienen
deren 8. zu allen 4. Seiten kommen/ mit Drat koͤnnen dran gebunden/ und mit eiſernen
Reiffen angefeſtet werben/ laͤſt man aber einen auß eiſernen Blechen machen/ koͤn-
nen inwendig ůberall eiſerne Naͤgel-Koͤpff durch den gantzen Ofen eingenietet wer-
den/ woran der Leimen dermaſſen ſtarck hafftet/ daß er nicht anders als mit Gewalt her-
unter zu bringen/ ſolcher Leimen kan alſo zugerichtet werden: Nimb gemeinen guten Lei-
men/ laß ihn důrꝛ und trucken werden/ alsdenn ſtoß ihn klein/ und ſiebe ihn/ deſſen nimb
ein Theil/ reinen geſibten Sand halb ſo viel/ Eiſenfeylich oder Hammerſchlag den
vierden Theil/ feiſten Haffners Letten den zwoͤlfften Theil/ gefeimten Roßkoht oder
Pferdsknůttel ebener maſſen den zwoͤlfften Theil/ wolgeklopffte Kůhhaar oder Scheer-
wolle/ ohngefehr den fůnfften Theil oder nach Gutduͤncken/ ſolches alles wohl unterein-
ander gemenget/ mit Waſſer angefeuchtet/ und mit einem Eiſen oder Schauffel bey ei-
ner Stunden lang durcheinander gearbeitet/ daß es ein weicher lutum ſey/ damit lutir
deinen Probir-Ofen/ und laß ihn trucken werden/ alsdenn noch einmahl damit ůberſtri-
chen/ wiltu aber noch mehrern Fleiß brauchẽ/ ſo laß obgedachte erſte lutirung eine Nacht
trucknen/ folgenden Tag nimb ungeloͤſchten Kalck und auch ſo viel geſibten Sand
oder geſtoſſen Kieſelſtein/ feucht es an mit Eyerweiß/ und ůberſtreich damit gedachte luti-
rung ein mahl oder zwey/ und laß es von ihm ſelbſt trucknen/ ſo wirds compact und
Glaßglitzerig/ uñ haͤlt lange Zeit/ man kan auch mit dieſem luto die Wind-Oefen retor-
ten/ und was gar ſtarck im Feuer halten ſoll/ lutiren und ůberkleben/ doch wenn du einen
eiſernen Probir-Ofen haſt mit Naͤgel-Koͤpffen/ wie gedacht/ darffſtu ſo viel Můh und
Fleiß nicht auff das lutum wenden/ ſondern wenn nur ein gemeiner mit Kůhhaaren und
Waſſer angemengter Leimen zwiſchen die Naͤgel-Koͤpff und etwas drüber geſchlagen
wird/ haͤlt es eine gute Zeit feſt genug/ wie ich ſolches zum oͤfftern ſelber alſo gebraucht
und gut befunden/ ſonſt iſt folgendes Lutum ſapientiæ auch trefflich gut: Nimb gerei-
nigten und gedoͤrrten Leimen zehen Theil/ außgelaugte Aſchen zwey Theil/ außgefeimten
Roßkoht drey Theil/ Eiſenfeilſtaub ein Theil/ geklopffte Aſchen- oder Kühhaar oder an
deren Statt Scheerwoll zwey Theil/ miſch alles untereinander/ meng es mit Ochſen-
Blut an/ mit dieſem luto kan man die glaͤſerne retorten lutiren/ umb damit im freyen
Feuer (Diſtilliren/ er muß aber zum oͤfftern ůberall umb die retort geklebt und denn
G iijgetruck-
[78]Das erſte Buch/
getrucknet/ folgends wieder das ůberklebte und wieder getrucknete auffs neue mit dem
luto ůberſtrichen und wohl getrucknet werden/ biß ſo lang die retort eines Zwerchfin-
gers dick mit luto uͤberzogen iſt/ ſo kan man ſich in denen deſtillationibus, welche ge-
waltiges Feuer erfordern/ als Spiritus vitrioli und dergleichen/ darauff verlaſſen.

Von guten Capelln.

ES iſt zwar unſers Authoris Manir Cappelln zu machen ebener maſſen untade-
lich/ nichts deſto weniger will ich davon auch eins und anders anfůhren/ wie man
nemlich auch auff etwas andere Weiſe kan ſehr gute Cappelln zu richten/ worauff
nach allem Wunſch probirt werden kan/ darzu nimbt man Reben- oder Büchen-Aſche/
raͤdet ſie durch ein zimlich enges Sieb/ damit die Kohlen/ Stein und grobe Ziegel-
Brocken davon kommen/ alsdann macht man dadurch Laugen wie gebraͤuchlich/ ein-
mahl oder drey die durchgelauffene Lauge wieder auffgieſſend/ ſo hat man gute ſtarcke
Lauge/ welche entweder in der Haußhaltung zum waſchen kan gebraucht/ oder gantz
trucken eingekocht werden/ ſo hat man ein Sal Alkali, welches ein guter Fluß iſt zu Me-
tallen/ auff die außgelaugte Aſche geuß ander friſch Waſſer/ und laß es durch und weg
lauffen/ und folge mit anderm friſchem Waſſer auffgieſſend nach/ biß alle ſchaͤrffe auß
der Aſche gezogen/ alsdann thu ſolche Aſche in ein Faß/ gieß eine gute quantitaͤt Waſſer
darauff/ und rührs mit einem Holtz nebſt der Aſchen wohl umb/ daß das Waſſer trůb
werde/ gieß alsdann das trůbe Waſſer durch ein eng haͤrenes Sieb/ ſo bleiben die Koͤhle-
lein/ ſo noch etwann in der Aſchen ſeyn moͤchten/ im Sieb/ und laufft allein die aller ſub-
tileſte Aſche mit dem Waſſer durch/ was aber grob und ſandig iſt/ das bleibt am Boden
deß Faſſes ſitzen/ und laͤſt ſich mit dem Holtz nicht auffruͤhren/ daß es ſolt mit im truͤben
Waſſer ſchwimmen/ das abgegoſſene truͤbe Waſſer laß ſich ſetzen/ biß es hell und lauter
wird/ alsdann ſeige das klare ab/ und mache die Aſche allmehlich trucken und zu ballen/
und laß dieſelbigen wenn ſie gantz trucken/ noch einmahl in einem Toͤpffer-Ofen/ wenn
er brennet/ oder ſonſt in einem groſſen Feuer außglüen/ ſo verbrennet ſich das trůbe/ und
Koͤhlelein/ ſo noch moͤchten mit durchs Sieblein gangen ſeyn/ vollends gaͤntzlich nach
ſolchem außglůen gieß wieder Waſſer darauff/ damit die Hitze herauß gezogen werde/
denn wofern ſolches nicht beobachtet wird/ hat man hernach im außgluͤen und wieder
herauß heben der Cappelln/ zu gewarten/ daß ſie gerne zerfallen wie ein ungeloͤſchter
Kalck/ welcher auß der Lufft Feuchtigkeit an ſich ziehet/ und davon zerfaͤllt: Mach als-
dann ſolche Aſche gantz trucken/ damit ſie zum zarteſten koͤnne gerieben werden/ ſo iſt
ſolche Aſche zum allerbeſten bereitet/ die verwahre fleiſſig in einem Geſchirr daß du ver-
ſichert ſeyn koͤnſt/ daß weder Hunde noch Katzen bruntz oder einigerley Harn/ auch
keine Brotbroſamen oder Salien darzu gerahten moͤchten. Ferner muſtu zu guten Cap-
pelln auch Beinaſchen haben/ darzu ſind die Kalbsknochen oder Beine am dienſtlichſten/
in Mangel aber derſelben nimb Knochen von Pferden/ Rindern oder andern Vich/ (nur
daß keine Schweinsknochen darzu kommen) zerſchlag ſie mit einem Hammer zu Bro-
cken/ damit ůberall auß denſelben alles Fett mit Waſſer koͤnne geſotten werden/ thu ſol-
che außgeſottene Brocken in einen oder mehr Haffen/ und laß ſie in einem Haffners-
Ofen fein weiß brennen/ folgends zerſtoß ſie im Moͤrſer/ und ſiebe ſie durch ein eng haͤ-
ren Sieb/ alsdann geuß Waſſer darauff/ laß es eine weil daruͤber ſtehen/ denn wieder
abgeſeiget/ und ſolches einmahl oder etzliche wiederholet/ damit gantz und gar keine
ſchaͤrffe darin gelaſſen werde/ ſo mach ſie denn wieder trucken/ vertheile ſie in etliche Haͤ-
felein/ und laß ſie wieder in einem Haffner-Ofen wohl durchglüen/ alsdenn ziehe die
Hitz mit ſauberm Waſſer darauß/ wie oben auß der Aſche/ mache ſie gantz trucken/ und
reib ſie auff einem Reibſtein zum zarten Mehl/ daſſelbe verwahre ebenmaͤſſig/ daß nichts
darzu oder darunter komme. Neben dieſen zum Vorraht præparirten Stücken erfor-
dern unſere Cappelln auch einigen Zuſatz von Thon/ oder Haffner Letten/ der muß alſo
berei-
[79]Von den Silber Ertzen.
bereitet werden; Nimb blaulichten guten Toͤpffer Thon/ zerrůhre ihn in einem Schaff
mit Waſſer/ biß daß Waſſer gantz trübe wird/ als dann gieß es durch ein eng haͤren Sieb/
damit nichts grobes durchlauffe/ und folge alſo nach mit aufruͤren und durchgieſſen/ biß
alles ſubtile im Waſſer zertrieben/ und mit durchs Sieb geſchwemmet worden/ alsdann
laß ſich daß trůbe Waſſer ſetzen/ und gieß das lautere herab/ den Letten am Boden mache
zu Ballen/ und laß ſolche an der Sonnen oder einem warmen Ort trucken und důrr
werden/ dieſtoß klein und raͤutere es durch ein enges haͤren Sieblein/ das heb ebenwaͤſſig
verwahrlich auff/ biß du geſonnen biſt Cappelln zu ſchlagen.

Von guter Claͤr/ oben auff die Cappelln zu ſtreuen.

WEil keine gute Cappelln koͤnnen geſchlagen werden/ wenn nicht zugleich oben
auff dieſelbe auch gute Claͤr getragen/ oder auffgeſtreuet wird/ als muß ſolche
vorhero in Vorraht gemacht/ und bey der Hand ſeyn; Selbige iſt nun nichts
anders als eine aller ſubtilſte und zarteſte Aſche oder Mehl von gebranten Knochen oder
Fiſchgraͤten/ oder Hirſchhorn/ und wird oben auff die Cappelln getragen/ umb dieſelben
damit glatt zu machen/ und dadurch das rauben von dem jenigen/ was probirt und ab-
getrieben wird/ zu verhuͤten/ wie denn auch die abgetriebene Koͤrner ſich ſauber davon
abſtechen/ dieſelbe wird alſo gemacht: Wenn du obgedachter maſſen Knochen brenneſt/
ſo laube auß ſolchen einmahl gebranten Knochen die weiſſeſten und haͤrteſten Schienen
auß/ und laſſe ſie in einem Haffners-Ofen noch einmahl brennen/ alsdann ſtoß ſie klein/
gieß Waſſer darauff/ und procedir damit wie oben mit anderer Beinaſche/ wann denn
alle ſchaͤrffe herauß iſt/ ſo mach ſie trucken/ und brenne ſie abermal/ alsdann ſtoß ſie klein
undraͤitere ſie durch ein haͤren Sieblein/ gieß denn wieder Waſſer drauff/ und ziehe die
ſchaͤrffe auß/ im Fall das Feuer noch einige drin gelaſſen haͤtte/ alsdenn wieder getruck-
net/ und auff einem Mahlerſtein auffs zaͤrteſte gerieben/ gieß denn wieder friſch Waſſer
drauff/ und laß es drauff ſtehen/ biß ſich die Claͤr geſetzet/ ſiehet denn das darauff geſtan-
dene Waſſer gelblich auß/ ſo ſeige es, [ſitſ]am ab/ und anders drauff zu etlichen mahlen/
endlich gieß wieder friſches Waſſer drauff und rühr die Claͤr damit umb/ daß es trůb
wird/ alsdann ſchütt ſolch getrůbtes Waſſer in einen leinen Sack von dichter Leinwad/
oder in ein leinen Tuch/ daß ůber ein ander Geſchirꝛ geſpannet ſey/ ſo laufft die ſubtileſte
Claͤr trůber weiſe durch die Leinwand/ růhr es offt in der Leinwand/ damit es die Loͤchlein
nicht gar verſchwemme/ ſondern ſtets trůb durchlauffe/ alsdann laß ſich das durchge-
lauffene ſetzen/ truckene ſtoß und ſiebe es wieder/ ſo haſtu gute Claͤr/ auff dieſe Weiſe kan
man auch auß allen Fiſchbeinen und Graͤten als von Stockfiſchen/ Rotſcher/ Hechten
und andern die außerleſenſte Claͤr machen/ wenn man vorhero das Fett und Schmutz
herauß ſiedet/ und die Graͤten ſauber waͤſcht/ alsdann brennet/ und zurichtet/ wie itzt von
den Beinen gelehrt worden.

Wie die Cappelln geſchlagen werden.

HIerzu muß man recht proportionirte Cappelln-Futter machen laſſen/ nachdeme
man die Cappelln groß haben will/ ſolches beſtehet von zweyen Stůcken als dem
untern Theil welches ein meſſinger oder hoͤltzener Ring iſt/ worin die Aſche oder
feuchte Cappelln mixtur geſchlagen wird/ und heiſſet die Nunne/ das Obertheil aber iſt
ein Stempel/ womit man die mixtur einſchlaͤgt/ und wird der Moͤnch genannt/ wie
davon der Abriß in unſerm Authore zu finden; dieſes ſchlagen nun geſchicht mit fol-
gender Beſchickung; Nimb der obigen geſchlemten und zugerichten Holtzaſchen acht
Theile dem Gewicht nach/ als zum Exempel acht Marck/ der bereiteten Beinaſchen
zwey drey Theil oder Marck/ und ſo viel als dieſes beydes zuſammen wiegt/ ſo nimb
dargegen den achten Theil zu rechnen deß geſchlemten und gedoͤrreten Haffners-Let-
ten als zum Exempel [1⅜] Marck/ menge dieſe drey Stůck wohl untereinander/ und
G iiijſiebe
[80]Das erſte Buch/
ſiebe ſie zuſammen durch ein enges haͤrenes Sieblein/ damit alles wohl untereinander
kom̃e/ alsdenn feuchte es an mit reinem Brunnen-Waſſer/ jedoch nicht zu viel/ ſonſt wird
es anklebig/ und bleibt am Cappellfutter hangen/ hievon drücke die Nonne voll/ ſetz als-
denn den Moͤnch drauff/ und ſchlag ohngefehr drey gleich ſtarcker Schlaͤge darauff/ heb
den Moͤnch wieder ab/ und ſtreu in die geſchlagene Cappelle von deiner Claͤr/ vertheil
ſie mit dem Fingern überall gleich/ wiſch den Moͤnch ſauber ab/ und ſchlag denn damit
noch anderthalben Schlaͤge auff die Claͤr/ dann drucke die Cappelle auß dem Futter auff
ein ſauber Bret oder Stücklein Filtz/ fůlle die Nonne mit Aſchen-mixtur wieder voll/ und
halte mit folgendem Schlagen gleiche maſſe/ damit alle Cappelln gleich hart geſchlagen
werden/ die ſtürtz dann umb und laß ſie langſam trucken werden/ ſie werden je aͤlter je beſ-
ſer/ und wird darauff allezeit etwas mehr als auff andern erhalten; Sonſt hab ich auch
und darzu von Muͤntzverſtaͤndigen geſche Cappelln ſchlagen von drey Theil geſchlem̃-
ter Buchen-Aſchen/ ein Theil Ziegelmehl durch ein enges Sieb geſchlagen und ein
Theil Bein-Aſch zuſammen mit ſtarckem Bier angefeuchtet/ ſolche Cappelln halten ſich
zwar in und auſſer Feuer feſt und hart zuſammen/ ziehen aber nicht wol Bley/ und halt ich
vor meine Perſon wenig drauff/ aber man hat ſonſt einen geringen Zuſatz/ davon die Cap-
pelln feſt halten/ über die maſſen wohl ziehen und gute Proben machen/ gebůret ſich aber
nicht alles gemein zu machen/ man kan auch in der Eil eine Cappelle oder Teſt von eitel
geſibter und ſubtilgeriebener Bein-Aſchẽohn andern Zuſatz machen/ wenn man nemlich
Salpeter in reinem Waſſer zergehen laͤſt/ und damit die Bein-Aſche ſo viel als gnug
iſt aufeuchtet/ und darauß alsdenn die Cappelle ſchlaͤgt/ denn ſolch Salpeter Waſſer
hindert daß ſie nicht raubt/ und laͤſt ſich ſehr wohl darauff abtreiben/ zu den Teſten laͤſt
man einen Haffner irdene Naͤpffe drehen und brennen/ und nachdem man viel darauff
abtreiben will/ werden ſie auch groß gemacht/ nemlich zu einer gantzen Marck oder mehr/
ſelbige Naͤpffe trück et man ebener maſſen/ von der angefeuchteten mixtur voll/ ſtoſſet
es mit einem runden Holtz feſt auffeinander/ und ſchlaͤgt zuletzt mit einer hoͤltzern
Kugel die runde kante hinein/ man pflegt auch groſſe eiſerne Ringe voll zuſchlagen/ und
mit dem Ringe abzutreiben/ da man hernach das vorige außſchlaͤgt und wieder friſche
Cappelln-mixtur drein/ und koͤnnen alſo ſolche Ringe zu unterſchiedlichen mahlen an
Statt irdener Teſte gebraucht werden/ gehet auch eher drauff ab/ weil das Eiſen mit er-
hitzen hilfft.

Wie das Feuer im abtreiben zu regieren/ und was darbey in acht
zu nehmen.

ES iſt nicht wenig daran gelegen/ daß man beim abtreiben daß Feuer gebůrlich
regire/ und dem eingeſaͤtztem Werck nach Erheiſchung der Nohtdurfft heiß oder
kůhl thue/ welches fůrnemlich mit Geb- und Nehmung der Lufft geſchicht/ ſo vom
brennenden Feuer durch die offene Wind- und Lufftloͤcher an ſich gezogen/ und damit
nur mehr auffgeblaſen wird/ darumb můſſen an den beyden Mundloͤchern eines Probir-
Ofens Fůrſchůblein ſeyn/ umb damit ſo viel Lufft als man will zugeben; was die Ver-
mehrung der Hitze belanget/ verurſacht ſolche wie gedacht der freye Lufftzug/ wenn man
die Loͤcher offen laͤſt/ deſſelben gleichen auch in einem groͤſſer Ofen groͤſſere Hitze/ weil
dar in mehr Kohlen zugleich brennen/ ſo hitzet auch eine Gattung Kohlen mehr als die
andere/ nemlich die weichen friſch gebranten mehr als die harten/ weil die weichen mehr
offen ſind/ und das Feuer ſie überall alßbald durchgehen kan/ davon es ſich vermehret/
und eine jehlinge Hitz und Lohe von ſich gibt; ſo wird auchdie Hitze vermehret/ wenn die
Muffel gar niedrig/ důnn und viel außgeſchnitten iſt/ ob ſchon ſonſt der Ofen ſeine rech-
te Außtheilung und proportion hat/ und das Feuer an ihm ſelber auch nicht ůbertrie-
ben wird; hingegen wird das Feuer vermindert und geſchwaͤcht/ wenn feuchte Lufft und
Regen-Wetter iſt/ zu welcher Zeit man einen Probir-Ofen nicht recht erhitzen kan;
ſo mercket man auch bey mattem Wetter daß das Feuer matt abgehet/ auch
wenn Feuer hauſſen neben einem Probir-Ofen gemacht wird/ erſte-
cket
[81]Von den Silber Ertzen.
cket es das Feuer im Probir-Ofen/ daß es zu kalt gehet/ wenn auch viel kleine Kohlen auff
den Probir-Ofen gethan werden/ verdaͤmpffen ſie das Feuer/ daß es nicht recht brennen
und ſeinen Zug haben kan/ darumb man ſolche kleine Kohlen und Gemülm ſoll davon
laſſen/ und zum probiren nur mittelmaͤſſige Kohlen brauchen. Damit aber das Feuer
recht nach aller Nohtdurfft gehalten werden koͤnne/ ſo můſſen die Staͤnglein worauff
das Bodenblat der Muffel liegt/ ſo lang ſeyn/ daß ſie einer guten Zwerchhand herauß
fůr den Ofen gehen/ damit daſelbſt vor dem obern Mundloch ein thoͤnern Plaͤtlein’/ wel-
ches halb rund ſeyn muß/ auff den herauß ragenden Staͤblein liegen koͤnne/ ſolches pflegt
man vor daſſelbe Mundloch auffzulegen/ dergleichen Plaͤtlein auch vor dem untern
Mundloch auff dem Herd [li]get/ und vor daſſelbe ebenmaͤſſig angelehnet wird/ laͤſt man
aber den Probir-Ofen von Eiſen Blech machen/ ſo můſſen an beyden Mundloͤchern
Rinlein/ und darin eyſerne Fůrſchieblein ſeyn/ welche auch zu daͤmpffung deß Feuers et-
was bequemer als die auffgelehnete irdene Plaͤtlein; der Probir-Ofen muß an einem
dunckeln Ort ſtehen/ oder aber vor den Fenſtern ſchwartze Vorhaͤnge ſeyn/ welche bey
ſolchem Handel vorgezogen werden/ weil das Feuer im dunckeln allemahl beſſer als
beym hellen Tage zu erkennen; Wenn nun ſolcher Geſtalt alles bey der Hand iſt/ ſo
feure den Ofen und fůlle ihn mit eitel mittelmaͤſſig groſſen Kohlen voll/ ſetz die Cappelln
in die Muffel und leg eine groſſe Kohle vor das obere Mundloch/ das untere Mund-
loch aber laß offen/ und laß das Feuer wohl gehen/ mit nachwerffung anderer groſſen
Kohlen/ biß die Cappelln eine halbe Stunde oder nach dem ſie groß iſt/ etwas laͤnger
durchglůet/ welches abgeaͤdnet heiſt/ alsdenn trag ein Stůcklein Bley in die Cappelle/
und laß es treiben/ treibt das Bley ohn hůpffen oder ſpratzen/ ſo iſt die Cappelle gnug
durchglůet/ hůpfft aber das Bley im treiben/ ſo muß die Cappelle noch laͤnger erglůen/
iſt nun die Cappelle recht abgeaͤdnet ſo ſetz dein Werck drauff/ und wenn es anhebt zu
treiben/ ſo thu ihm mit dem Feuer kalt/ ſonſt verfůret die Hitze etwas vom Silber/ für-
nemlich in reichen Proben/ ſolches kalt thun aber geſchicht/ wenn man die Kohle aus dem
obern Mundloch thut/ auch den Deckel auffden Ofen legt/ daß der Außgang deß Feu-
ers viel oder wenig/ nachdem man mehr oder minder kalt thun will/ verſperꝛet werde/
und mache das untere Mundloch auch zu/ jedoch alles der Geſtalt/ daß das Werck auff
der Cappelln nicht erſticke/ darumb muß man den Ofen nicht gantz zudecken/ ſondern
dem Feuer etwann eines Zwerchfingers weit Lufftlaſſen; will man aber noch kaͤlter thun/
ſo ſetzt man das halbrunde Inſtrumentlein hinten fůr das Loch der Muffel/ und die an-
dern zwey auff beyden Seiten/ ſchiebt auch das halbaußgeſchnittene Vorſchieblein vor/
ſo wird das Feuer dermaſſen gedaͤmpfft/ daß Cappelle und Muffel gantz verdunckeln;
will mans wieder warm haben/ ſo oͤffnet man alles allgemach wieder und thut fůrnemlich
den Deckel auffm Ofen halb weg/ leg vor das obere Mundloch ein oder zwo groſſe
Kohlen/ und ſo es gantz warm gehen ſoll/ ſo nimbt man den Deckel vom Ofen gar
weg/ macht das untere Mundloch aller auff/ das Zeichen/ aber obs heiß gehet/ iſt dieſes
wenn der Rauch von der Eappelln hoch auffſteiget/ wenn er ſich aber unter ſich begibt/
item wenn das Werck auff der Cappelln langſam treibt/ auch wenn die Cappelln be-
ginnet ſchwartz zu werden/ ſo weit ſich das Bley hinein gezogen/ ſind Zeichen daß es kalt
gehet/ kan man ihm alſo wieder warm thun/ fuͤrnemlich aber muß man der Prob waͤrmer
thun/ wenn ſie bald blicken will/ damit ſie keinen Bleyrauch behalte/ und davon ſchwerer
werde/ nachdeme ſie auch allbereit geblickt hat/ ſo laß ſie noch etwas im Ofen ſtehen/ und
thue die Kohlen vom obern Mundloch hinweg/ denn alſo loͤſet ſich das Korn von der
Cappelle/ und laͤſt ſich ſauber abſtechen.

Von Bereitung guter Feuer beſtaͤndiger Muffeln/ Bodenblaͤtter/
Schirben/ Tiegel und Tiegel-Deckel.

ES ſtehet nicht allein ſehr wohl/ daß ein jeder Meiſter ſein eigen Werck-Zeug
ſelber machen koͤnne/ ſondern man kan ſich auch beſſer auff ſeinen eigenen
als eines andern Fleiß verlaſſen/ fürnemlich was das irrdene Zeug belanget/ ſo
groſ-
[82]Das erſte Buch/
groſſes Feuer außſtehẽ muß/ da weiß man wol wie es pflegt zu gehen/ wañ dergleichen auf
den Kauff gemacht wird/ wie liederlich und etwann auch unformlich manche damit um-
gehen/ bekůmmern ſich wenig/ ob der jenige der es bekompt/ damit verſorgt ſey oder nicht/
ſondern wenn ſie nur das Geld haben/ mag hernach der Kauffer ſehen wie er zu recht
kompt/ ihr gemacht Werck mag halten oder brechen/ ja verkauffen offt wiſſentlich ſolch
Geſchirr/ ſo ſchon geriſſen/ und von ihnen wiederumb ein wenig ůberſtrichen iſt/ daß
mans nicht ſehen kan/ und wenn denn ſolch Zeug ins Feuer kompt/ kan es nicht halten/
ſondern geſchicht einem offt groſſer Schade damit/ in dem einer manchmahl etwas koſt-
bares in dergleichen Geſchirr ins Feuer ſetzt/ und in der Aſchen wieder ſuchen muß/ wel-
ches denn ſelten ohn Abgang geſchicht/ der doppelten oder dreyfachen Arbeit zugeſchwei-
gen; wer aber ſeine Sachen ſelber macht/ hat ſich zum wenigſten keines Betrugs zu be-
ſorgen/ kan auch alles beſſer nach ſeinem Sinn und Manir/ deren er durch langẽ Brauch
gewohnet/ und daran ein beſſer Compendium als andere zu haben vermeinet/ erſinnen
und anformen. Man mache es aber nun ſelber/ oder beſtelle es bey andern/ ſo kan doch ohn
gute Erde nichts guts verfertiget werden/ und hat zwar unſer Author in bereitung guter
Erde nichts ermangeln laſſen zu beſchreiben/ jedoch verhoffe ich auch in dieſer Materi kei-
nen Undanck zu verdienen/ wenn ich noch auff etwas andere Weiſe die gute und Vor-
theilhafftige zu Bereitung derſelben machen lehre/ nemlich folgender Geſtalt: Nimb gu-
ten blauen Toͤpffer-Thon/ der im breñen fein weiß wird/ laß ſolchen an der Sonnen oder
an einem warmen Ort gantz trucken/ und důrr werden/ alsdenn mit einem hoͤltzern Ham-
mer oder Schlaͤgel zerſchlagen/ und mit Waſſer erweicht/ folgends in einem Schaff mit
Waſſer zertrieben und gerühret/ biß daß Waſſer truͤbe wird/ ſolches abgegoſſen und ſich
ſetzen laſſen/ denn wiederumb getrucknet/ geſtoſſen/ und durch ein eng Sieb gereitert/ fer-
ner ſtoß auch ſelbige Erde/ die allbereit in eines Haffuers Ofen gebrant worden/ oder an-
dere gebrante neue Schirben von Haͤffen oder Tiegeln zu Pulver/ ſchlag es gleichfalls
durch ein Sieb/ und behalts abſonderlich/ denn nimb auch fluͤſſigen geſchlem̃eten Sand
oder klein geſtoſſene Kieſelſteine/ ſo geſchlemmet und wieder getrucknet/ ſchlags ebenmaͤſ-
ſig durch ein Sieb/ und habs beyſeits zur Hand denn nimb deß geſchlem̃eten Thons nach
Nohtdurfft/ feuchte ihn an/ nimb auch von dem Schirben-Pulver und Kieſelmehl jedes
gleich viel/ miſche beydes untereinander/ deſſen nim zwey oder drey Theil zu einem Theil
deß angefeuchten Thons/ wenn er gar fett iſt/ iſt er aber mager ſo nimb weniger/ arbeite al-
les wol untereinander/ oder nimb geſchlem̃eten und wieder gedoͤrꝛeten Thon der zimlich
fett iſt/ acht Theile/ gepulverte Tiegel-Scherben vier Theile/ gepulverten Kieſelſtein/
zween Theil/ geſtoſſen Glaß einẽ Theil/ ſtoß alles gantz klein/ ſiebe es durch ein eng haͤren
Sieb/ und vermiſch es fleiſſig/ daß alles wol untereinander kom̃e/ denn feuchte es an/ und
behre es zum beſten durch einander/ ſo iſt die Erde bereitet daraus zu machẽ was man will.
Wiltu nun Muffeln/ Treibſcherben oder Schmeltztiegel drauß gemacht haben/ ſo muſtu
zu jeder Gattung die gebůrliche Formen haben von birnbaumen Holtz gedrehet/ als nem-
lich zu Muffeln/ ſo groß als du dieſelben von noͤhten haſt/ alsdann werden ůber zwey glei-
che Hoͤltzer-Blaͤtter mit einem Kupfferdrat geſchnitten/ uñ über die Muffel-Form gelegt/
biß ſo lang ſie etwas drauff erharten/ alsdan dran außgeſchnitten was außzuſchneiden iſt/
wie ſolches unſer Author gnugſam beſchreibt/ folgends erſt im Schatten und ferner an
der Sonnen wohl gedrucknet/ die Formen der Tiegeln nnd Treib-Schirben můſſen
vorher in geſibtem reinem Sande umgeweltzt werden/ bevor man die Erde darumb
ſchlaͤgt/ damit mans unzerbrochen koͤnne wieder davon bringen/ und beſtehen beyder-
ſeits von zweyen Stůcken wie die Cappelln-Futter/ nur allein daß die Schirben nicht
tieff ſondern gantz flach gleich den Cappelln gemacht werden/ der untere oder innere Theil
ſolcher Form heiſt der Kern oder die Patron, welche denn zu Schmeltz-Tiegeln groß
oder klein/ nachdeme man die Tiegeln zu brauchen hat/ gemacht wird/ deraͤuſſere oder
obere Theil ſolcher Form wird die Hůlſe genant/ und můſſen die 2. Stůck nit ineinnander
ſchlieſſen/ ſondern zwiſchen beyden ſo viel ſpacium oder Raum ſeyn als der Tiegel dick
iſt/ da denn fůrnemlich die Dicke des Bodens eines mittelmaͤſſigen Tiegels eines Zwerch-
fingers/ und an den groͤſſern noch dicker ſeyn muß/ wornach ſich denn zurichten daß im
Schla-
[83]Von den Silber Ertzen.
Schlagen der Tiegel umb ſo viel der Kern den Grund der Huͤlſen nicht erreiche/ wenn
man nun Tiegel ſchlagen will/ ſo nimbt man ein Stůck der bereiteten Erden/ drůcket
ſolches umb den Kern/ der vorhero mit Sand beſtaͤubt worden/ und formet es ůberall
gleich an/ wenn er denn fertig/ nimbt man ihn ab/ wiegt dargegen ſo ſchwer andere Er-
den ab/ und zwar ſo viel Klumpen als man Tiegel machen will/ welches darumb ge-
ſchicht/ damit alle Tiegel gleich dick werden/ beſtaͤubt die Form wieder und faͤhret mit
ſchlagen fort/ die geſchlagene Tiegel ſtellet man auff ein ſauber Bret an die Lufft/ und
laͤſt ſie halb trucken werden/ alsdenn ſaͤubert man den vorgebrauchten Kern von allem
Sand und Erden/ ſchmieret ihn umb und umb mit einem Schnitzlein Speck oder
Schwarten/ oder auch mit einem Schwaͤmlein in Oel gedunckt/ nimbt einen nach dem
andern der halbaußgemachten Tiegel/ thut ihn wieder ůber den Kern/ wie er zuvor
drauff geweſt/ ſchmieret auch inwendig die Hülſe der Form ůberall mit Speck/ und ſtůrtzt
ſie ůber den Tiegel/ denn ſetzt man die Hůlſe aufden Boden/ ſchlaͤgt mit einem hoͤltzern
Hammer drey ſtarcke Schlaͤge auff den Stiel deß Kerns/ und ziehet ihn denn auß dem
Tiegel/ die Hůlſe kehret man umb/ haͤlt die Hand unter/ und ſtoͤſt die Hůlſe an der Sei-
ten an die Banck/ da man arbeitet/ ſo faͤllt einem der Tiegel in die Hand/ ſolcher maſſen
ſchlagen ſich die Tiegel glatt und compact, die laͤſt man denn vollends gantz trucken
werden/ und dafern man keine ſalien darein ſchmeltzen will/ ſo iſt nicht noͤhtig ſolche Tie-
gel zu brennen/ ſondern wenn man darinn Metallen in Windoͤfen ſchmeltzt/ brennen ſich
die Tiegel zugleich im ſtarcken Feuer/ doch muß man in ſolchem Fall das Feuer von
oben laſſen angehen/ damit die Tiegel allgemach erhitzen/ ſtůnde ſonſt zu beſorgen/ daß
ſie von jehlinger Hitz in Stůcke zerſprůngen. Wer aber dennoch ſolche vorhero ehe er ſie
braucht gebrannt haben will/ kan ſie nebſt denen Muffeln/ Treib-Schirben und Tie-
gel-Deckeln/ die er gemacht und vorhin gar wol getrucknet ſeyn můſſen/ in eines Haff-
ners Ofen brennen laſſen/ oder es kan einer ſolche Sachen auffeinander ſtellen/ mit ge-
backnen Steinen umblegen/ ſo hoch daß Kohlen biß uͤber das Zeug koͤnnen drumb ge-
ſchüttet werden/ die zündet man hernach von oben an/ daß ſie allgemach hinab brennen/
und ſo die erſte Zuſchůttung der Kohlen nicht gnug iſt/ kan man noch einmal oder zwey
hernach ſchütten/ biß alles wol durchbrant und recht gebacken worden. Die Tiegel-De-
ckel kan man wol auß freyer Hand/ oder auch in darzu gemachten Formen machen/ welche
ſich denn ebener Geſtalt im Schmeltzen ſelber brennen; doch muß man auch Deckel
ůber die Tiegel in jehlinger Glut haben/ und můſſen alſo derer auch vorhin gebrant ſeyn/
ehe man ſie braucht.

Von guten Schmeltz-Oefen.

DIe Probirer haben ihre gebraͤuchliche Ofen mit Schienen und Reifen/ mitten
weiter als oben und unten/ unten unter dem Roſte ohn Boden/ wie ſolche in un-
ſerm Authore beſchrieben/ und abgeriſſen zu finden/ ſo ſind auch andere Wind-
Ofen gantz gemein und braͤuchlich/ welche von gebackenen Steinen und wohlzugerich-
tetem Leimen gemauret werden/ auff dem Boden mit einem weiten Windloch/ ůber
ſelbigem der Roͤſter/ und alsdenn vollends einer guten Spann hoch/ oder etwas hoͤher/
nachdeme man hohe Tiegel braucht/ auffgefůhrt/ auch oben enger zugeſchmieget/ ſo zie-
hen ſie wohl/ und ſo etwas vorfaͤllt das gar ein ſtarckes Schmeltz-Feuer erfordet/ kan
man in der Eil einen jeden Schmeltz-Ofen viel hefftiger erhitzen/ wenn man oben über-
zwerch auff alle 4. Ecken des Ofens gebackene Steine legt/ daß ſie dieſelbigen Ecken
bedecken/ und alſo der Ofen noch enger wird/ über ſelbige Steine legt man noch an-
dere ůber zwerch/ und abermahl enger/ und alſo fort/ biß der Ofen faſt gantz zugelegt
worden/ ſo ziehet ſolcher zugeſpitzter Lufftzug uͤberaußgewaltig/ und verurſacht ein viel
ſtaͤrcker Schmeltz-Feuer/ wer aber mehrere Unkonſten anzuwenden hat/ der laſſe ihm
einen runden Ofen von Eiſen-Blech machen/ ſo hoch und weit daß ůber und neben
dem Tiegel Platz gnug vor Kohlen ſey/ mit Fuͤſſen und Ringen/ damit man ihn tragen
und ſetzen koͤnne/ wohin man will/ unten muß ein Boden und demſelben gleich ein vier-
ecket Loch mit einem beſchließlichen Thuͤrlein ſeyn/ inwendig ůber dem Roͤſter müſſen
umb und umb Naͤgel-Koͤpffe angenietet werden/ damit der Beſchlag Leimen eines
Dau-
[84]Das erſte Buch/
Daumen breit dick daran hafften koͤnne/ alsdenn laſſe man auch eine Roͤhr drauff
machen/ geſtaltet wie ein Drichter/ und unten ſo weit daß er ůber den Ofen wie ein
Schachteldeckel koͤnne geſtůlpt werden/ oben aber ſich zuſpitzend wie ein Drichter/
mit einer ziemlich hohen Roͤhre/ inwendig ſo weit/ daß wenns mit Leimen gebůrlich be-
ſchlagen iſt/ dennoch die beſchlagene Roͤhre noch ſo weit ſey/ als eines Menſchen Hals
dick iſt/ und můſte denn ſolcher Obertheil und Roͤhre innwendig auch voller Naͤgel-
Koͤpff ſeyn/ woran der Leimen haͤlt/ und überall wol beſchlagen/ damit es die Hitze auß-
ſtehen koͤnne/ auch můſt man ſolchen Oberntheil auffſetzen und abheben koͤnnen ohne ſon-
derliche Beſchwerde/ ſo offt man will/ auff dieſe Weiſe kan man das Feuer durch den ſtar-
cken Zug dermaſſen verhaͤfftigen/ daß in dergleichen Ofen auch Criſtall geſchmeltzet
werden mag.

Der ſchnelle Fluß wordurch die unfluͤſſigen Ertze und Calces metal-
lorum ſchmeltzend gemacht werden.

NImb ein Theil Salpeter und zwey Theil Weinſtein/ ſtoß beydes klein/ und ver-
miſch es wol untereinander/ thu es zuſammen in einen neuen unverglaſſurten
Topff/ der vorhin gewaͤrmet ſey/ oder in einen Moͤrſel/ wirff eine glůende Kohl
drauff/ ſo zůndet ſich die vermiſchte Materi an/ oder halt ein glůend Eiſen drein/ oder
wirff ſolche vermiſchte 2. Stůck nach und nach in einem vorhin glüenden Schmeltz-Tie-
gel/ und laß es ſich entzůnden/ oder verpuffen/ ſo gehet ein dicker Dampff und Rauch
davon/ und calcinirt ſich die Materi untereinandrr/ wenn ſolches geſchehen/ und der
Fluß noch warm iſt/ ſo ſtoß ihn in einem warmen Moͤrſel gantz klein/ thu das Pulver in
eine glaͤſſene Flaſch/ uñ verbinde ſelbige mit Schweinsblaſen/ daß keine Lufft darzu kom-
me/ ſetz auch die Flaſch an einen etwann warmen Ort/ ſonſt wenn es kalt und offen ſtehet/
ſo ziehet die Materi Feuchtigkeit auß der Lufft an ſich/ und zerflieſt in ein Oel; wenn
man nun ein unflůſſig Ertz oder metalliſchen Kalck in den Fluß bringen will/ nimbt man
deſſelben ein Theil/ miſcht darunter zwey Theil von dieſem Fluß/ thut ſolche in einen
Tiegel/ bedeckets mit gemeinem Saltz eines halben Fingers oder Strohhalm dick
und feuert im Windofen an/ ſo bringets das Ertz unfehlbar in Fluß/ doch muß man den
Tiegel fleiſſig zudecken/ daß keine Kohlen im ſchmeltzen drein fallen/ denn ſie ſonſt groſſe
Verhinderung bringen.

Das Bley zu koͤrnen/ welches gekoͤrnt man in einer zugedeckten Buͤch-
ſen verwaren muß/ damit nicht etwan etwas drein ſpringe und die
Proben falſch mache.

WAs ſchmeidige Ertze ſind/ darzu darff man keines ſonderlichen Fluſſes/ ſondern
ergeben ſich leichtlich und gehen ins Bley/ welches gleichwol darzu muß gekoͤrnt
werden/ das geſchicht alſo: Laß in einer reinen eiſernen Kelle Bley zergehen/
denn habe eine reine hoͤltzerne Mulde bey der Hand/ ſchmier oder beſtreich dieſelbe mit
Wachs oder mit Kreite/ und gieß daß Bley darein/ wenns nun ein wenig geſtehet/ ſo
ſchwing es gar geradt gleich dem Habern/ davon zerwirfft es ſich zu Koͤrnlein und
Broͤcklein/ dieſelbigen raͤdere durch einen blechenen Durchſchlag/ damit es fein gleich-
koͤrnig werde. Hat man aber unſchmeidig Ertz unter Haͤnden/ ſo wird es mit dem Bley-
Glaß gebaͤndiget/ welches unſer Author deutlich zu machen lehret/ und deſſen alhier
keiner Wiederholung vonnoͤhten; doch muß man ſolches Bley-Glaß fleiſſig probirẽ/ obs
auch etwan Silber halte/ damit ſolches auch dem Gewicht zugelegt werde/ und nicht
dem Ertz/ worzu man es braucht/ wie wol ſolcher Fluß nicht leichtlich Silber haͤlt/ denn
das Silber was in der Glett iſt/ die man zum Fluß braucht/ begibt ſich in den Bley-
Koͤnig/ der ſich in ſchmeltzung dieſes Glaſes zu Boden ſetzt/ es müſt denn ſeyn/ daß ge-
meldete Glette gar zu Silberreich waͤre/ wie denn geſchehen kan/ daß die Glett durch ver-
ſchen unfleiſſiger Abtreiber reich gemacht wird.

Verzeichniß der Bleyſchweren/ oder wieviel einer jeden Prob/ wenn
man auff Silber oder Gold probirt/ muß zugewogen
werden.

• ZU einem Centner flůſſigen Ertzes/ gehoͤren ſieben biß acht Centner Bley.
• Zu einem Centner unflüſſigen Ertzes werden erfordert vierzehen biß neunzehen Cent-
  ner Bley.
• Zu einem halben Centner Zien/ funffzehen biß ſechzehen Centner Bley.
• Zueinem Centner Kupfferſtein auff Silber/ funffzehen biß ſechzehen Centner Bley.
• Zueinem Centner unſchmeidig Kupffer auff Silber/ funffzehen biß ſechzehen Centner
  Bley.
• Zu einem Centner ſchmeidig Kupffer/ ſunffzehen biß ſechzehen Centner Bley.
• Zu einem Centner unſchmeidig Kupffer auff gar Kupffer/ zwey Centner Bley.
• Zu einem Centner bleyicht Kupffer/ auff gar Kupffer/ anderthalb Centner Bley.
• Zu einem Centner Eiſen und Stahl auff Silber/ zwoͤlff Centner Bley.
• Zu einem Centner Glockenſpeiß auff Silber/ neunzehen biß zwantzig Centner Bley.
• Zu einem Centner Gold-Ertz auf Gold/ funffzehen Centner Bley.
• Zu einem Centner Goldſchirren oder andere Koͤrner auff Gold funffzehen Cent. Bley.

Bericht der Bleyſchweren/ wenn man nach der Marck probirt.

• ZU einer Marck Můntze/ welche haͤlt von einem biß neun Loht/ werden zugewogen
  zwantzig Marck Bley/ und ſetzet man deßwegen dem Koͤrnten ſo viel Bley zu/
  weil zum oͤfftern allerhand zienniſche Müntzen darunter vermiſcht werden/ die
  es gar unartig machen.
• Zu einer Marck Můntze von zehen biß zwoͤlff Loth/ kommen von ſechzehen biß achtzehen
  Marck Bley.
• Zu einer Marck gůldiſchen Silber ſo dreyzehen Loth haͤlt/ ſieben biß neun Marck Bley.
• Zu einer Marck Gülden-Groſchen/ ſo zu vierzehen Loth halten/ ſieben Marck Bley.
• Zu einer Marck Werck-Silber/ ſo dreyzehen Loth haͤlt/ ſieben Marck Bley.
• Zu einer Marck Blick-Silber/ fůnff Marck Bley.
• Zu einer Marck Brand-Silber/ fůnff Marck Bley.
• Zu einer Marck gůldiſchen Silber/ ſo funffzehen Loth Silber haͤlt/ fůnff Marck Bley.
• Zu einer Marck Gold/ ſo von zwoͤlff biß vier uñ zwantzig Karat haͤlt/ fůnff Marck Bley.
• Es iſt allemahl beſſer/ daß man zu dergleichen Gekoͤrtem oder Pagament ein Paar
  Schweren Bley zu viel weder zu wenig nehme/ damit man der rechten Gnůge Bley zu
  der Probe verſichert ſey.

Von rechtem anſieden der Ertze.

DAs Bley wird geachtet eine Mutter der Metallen/ darumb daß es alle Metallen
in der Hitz begierlich in ſich ſchlucket/ und ob wohl das Eiſen ihm etlicher maſſen
wiederſtehet/ ſo hat doch der Saturnus als der rechte Vatter des Bleyes/ noch
eine andere Gattung Bley generirt/ nemlich das Spießglaß/ welches Eiſen und Stal/
wie nicht weniger alle Metallen ebener maſſen geſchwind in ſich verſchlinget/ ſolches ein-
gehen der metalliſchen Ertze in das Bley heiſſet man anſieden/ und gehet alſo zu: Wenn
man ein flůſſig ſchmeidig Ertz hat/ das kein Kieß/ Kobolt/ oder dergleichen unmildes Ertz
iſt/ ſo wiegt man deſſen einẽ Centner ab/ reibt ſolches klein/ thut es in einen Treib-Schir-
ben/ wiegt auch darzu ſieben oder acht Centner gekoͤrntes Bley/ thut es unter und ůber
das geriebene Ertz/ ſetzt es in den vorhin gewaͤrmeten Probir-Ofen/ legt uͤber das obere
Mundloch Kohlen/ und thut das untere Mundloch auff/ damit dem Ertz gleich Anfangs
heiß gethan werde/ wenn nun das Ertz beginnet auffzuſteigen und zu treiben/ ſo nimbt
man die Kohlen auß dem obern Mundloch/ und ſchiebt das untere Mundloch zu/ ſo ge-
ſchicht ihm kalt/ und ſolcher Geſtalt roͤſtet ſich das Ertz auff dem Bley ab und
Hſich
[86]Das erſte Buch/
ſich darein; wenn ſolches geſchehen/ ſo thu ihm wieder heiß wie zuvor/ und mach ein rein
Eiſen Růhrhaͤcklein vorhero glůend/ mit demſelben růhr das eintruckende Ertz umb/ da-
mit nichts vom Ertz auff dem Rande des Schirbens vom Bley unberůhrt bleibe/ wenn
denn alles eingegangen/ ſo heb den Schirben auß dem Ofen/ gieß ihn auß und laß es kalt
werden/ alsdann ſchlag die Schlacken davon; das Werck aber ſetz auff eine wohl abge-
adente Cappelle/ leg für das obre Mundloch Kohlen/ und ſchieb das untere zu/ biß das
Bley anfaͤngt zu treiben/ als dann ſchieb das untere auff/ nimb auch vom obern eine Koh-
le weg/ und laß es mit ziemlicher Hitz abgehen; was denn vor ein Silberkorn auff der
Cappelln bleibt/ es ſey ſo klein es wolle/ das ziehe auff nach dem Probir-Gewicht: das
gekoͤrnte Bley aber/ und alles Bley das zum abtreiben gebraucht wird/ muß zuvor mehr
als einmal allein probirt werden/ ob und wie viel es Silber haͤlte/ wie denn gar ſelten einig
Bley zu finden/ das gar ohne Silber iſt/ und was denn das Bley an ihm ſelber an Silber
haͤlt/ dieſelbige Proportion muß alle mahl dem Korn ſo auß dem Ertz auff der Cappelln
bleibt/ abgezogen und gerechnet werden/ und was ůber das ſelbige abgerechnete das Korn
noch wiegt/ das iſt der rechte Halt deß Ertzes/ und wird alſo dafür angegeben.

Iſt aber das Ertz ein Kieß/ Kobolt oder andere unſchmeidige Art/ ſo reib ſolches
ebener Geſtalt klein/ wieg deſſen ein Centner ab/ und vierzehen biß neunzehen Centntr
nachdem es gar unſchmeidig iſt/ deß gekoͤrnten Bleyes darzu/ ſetz es zuſammen auff ei-
nem Schirben in den warmen Probir-Ofen/ leg fuͤr das obere Mundloch Kohlen/
ſchieb auch das untere auff/ biß das Ertz auffſteigt und treibt/ als dann ſchieb das untere
Mundloch wieder zu/ nimb auch auß dem obern eine Kohlen weg/ ſo roͤſtet ſich das Ertz
auff dem Bley ab/ und wenn es anfaͤngt zu Schlacken/ ſo thu unten wieder auff/ und leg
in das obere noch ein paar Kohlen/ ſo geſchicht ihm wieder heiß/ ſolcher Geſtalt ſiedet
es ſich ſauber an/ im übrigen procedir damit wie zuvor vom fluͤſſigen allberit gemeldet
worden.

Kombt dir aber ein Ertz vor/ welches unſchmeidig iſt/ daß es ſich wenns ſchon lange
auff dem Bley geroͤſtet wird/ dennoch nicht drein ergeben will/ ſondern wie eine Aſche
auff dem Bley liegen bleibt/ ſo muß man ſich ſolcher Geſtalt damit verhalten; Nimb zu
einem Centner deſſelben/ einen Viertheil Centner deß geriebenen Bleyglaſes/ wie es un-
ſer Author zu machen lehret/ und ſtets in einer Büchſen wohl gerieben und geſiebt muß
in Vorraht behalten werden/ thu es unter ſolch Ertz auff den Schirben/ thu ihm wieder
heiß/ ſo zwinget es der Fluß oder Bleyglaß/ daß es ſich muß ins Bley ergeben und ſchla-
cken/ wenn du denn dergleichen Art von Ertz kenneſt/ ſo vermiſch gleich Anfangs/ ehe
du es in den Ofen ſetzeſt/ etwas Bleyglaß darunter.

Im Fall aber eine ſolche Art unſchmeidiger Ertze zu Handen kombt/ welche ſich
zwar anſieden laͤſt/ unter den Schlacken aber klůmpt ſich vom Ertz ein Schaͤllichen zu-
ſammen von Ertz und Schlacken untereinander; muß man ſolchen alſo beykommen: zie-
he dieſelbe harte Schlacke mit dem Haͤcklein auß dem Schirben/ reib ſie nochmahl klein/
menge darunter einem Viertel Centner von gedachtem Bleyglaſe/ thu es zuſammen
wieder in den Scherben/ mit verhütung daß nichts davon kombt/ ſo wird es bald einge-
hen und gut thun.

Begibt ſichs denn/ daß man ein ſolches Ertz bekombt/ welches auff dem Scherben
ſich erzeigt/ als waͤre es allbereit lauter angeſotten/ und demnach wenn man es mit dem
glůenden Haͤcklein umbrůhret ſelbiges unten am Scherben der maſſen ſtarck anhenckend
befunden wird/ daß es nicht herab zu bringen; ſo wird ſothaniger Hinderung der Geſtalt
begegnet: Man nimbt Caput mortuum oder Todtenkopff von Scheidwaſſer/ wann
man nemlich Scheidwaſſer brent auß Vitriol und Salpeter/ ſo bleibt ein außgebranter
rohter Klumpen von ſolchen zwey Stůcken zu růck/ der heiſſet Caput mortuum Aquæ
fortis, ſolcher wird klein geſtoſſen/ und deſſen ein wenig unter das Ertz auff den Schir-
ben gethan/ ſo loͤſet ſich das anklebende vom Scherben ab/ und ſiedet ſich an wie ein
ander Ertz.

Wofern aber ein ſolches Ertz vorkaͤme/ welches wenn man es gleich recht anſie-
det/ und verſchlacken laͤſt/ dennoch daſſelbe wenn es auff die Cappelle kombt/ auffs neue
Schlacken ſetzt/ und gantz unrein wird/ auch endlich kein gantz noch reines Silberkorn
gefunden wird/ ſo muß man ſolches Ertz auf dieſe Weiſe handeln und probiren: daß man
nemlich/ wenn man es angeſotten hat/ nach Erkaltung die Schlacken davon ſchlage/ das
Werck wieder auff einen reinen Schirben ſetze/ und es noch einmahl anſiede/ folgends es
auff eine abgeaͤdente Cappelle ſetze/ ſo laͤſt ſichs wie ander ſchmeidig Ertz abtreiben/ dieſe
und dergleichen Ertz ſoll man nach dem anſieden nicht außgieſſen/ ſondern ſie im Schir-
ben erkalten laſſen/ auch ein wenig neben dem Schirben auff den Ort da er ſtehet/ klopf-
fen/ ſo ſetzet ſich das Werck rein zuſammen/ welches den nach Erkaltung auß- und die
Schlacken davon geſchlagen werden; durch itzterzehlte Mittel und gute regirung deß
Feuers koͤnnen vielerley Ertz fůglich tractirt und probirt werden/ doch kommen noch
vielerley Sorten vor/ die auch einem geůbten Probirer genug zu ſchaffen geben/ und
derowegen nicht moͤglich alles zu beſchreiben/ ſondern muß ſich ein jeder Liebhaber ſelber
darin ůben/ und das ůbrige durch eigenen Fleiß erkundigen.

Welcher Geſtalt beylaufftig ohn abtreiben zu erfahren/ was fůr
Metall ein Ertz halte.

DAs abtreiben und probiren auff der Cappelln dienet nicht darzu daß man dadurch
alßbald ſolt koͤnnen erfahren/ was eigendlich fůr Metall ein Ertz halte/ ſondern
nur ob und wie viel es Gold und Silber bey ſichhabe/ welche zwey Metallen al-
lein nach dem Abtreiben auff der Cappelln bleiben/ die anderen darbey vermiſchten Me-
tallen aber werden durch die Hitze von oben gezwungen/ daß ſie mit dem Bley unter ſich
in die luͤcke Aſche der Cappelln kriechen/ und laſſen Gold und Silber uͤber ihnen in einem
Korn oder Maſſa ſtehen; Sonſten aber koͤnte man wohl ein Ertz oder Bergart ohn Bley
verſuchen was es ohngefaͤhrlich fůr Metall fůhre: wenn man nemlich daſſelbe zu ſubtilem
Pulver reibe/ und deſſen 3. oder 4. Gran unter eine Untz gepulvertes venediſch oder an-
der fein Glaß vermiſchte/ und in einem verdeckten Tiegel zuſammen flieſſen lieſſe/ auch
nach Außgieſſung deſſelben von der Farbe deß Glaſes/ welches im Fluß das Ertz in ſich
ziehet/ ſein judicium anſtellete/ denn ſo es Bleichgelb iſt/ ſo haͤlt das Ertz Zinn/ Meer-
grün/ bedeutet Kupffer; Graßgrůn/ Kupffer und Eiſen zugleich; Goldgelb oder Rubin-
roht/ zeigt Silber an; Roſt- oder Saffrangelb/ Eiſen allein; Schmaragdenfarb/ Gold
und Silber beyſammen; Blau oder Saphirfarbig/ bedeutet Gold allein; Amethiſten-
Farb/ zeigt an Silber/ Gold/ Eiſen und Kupffer beyeinander; doch wird ein ungeübter
nicht leichtlich auff dieſe Weiſe ein gewiß Urtheil faͤllen/ aber durch lange ůbung ſolt
man ziemlich darauff fuſſen koͤnnen/ weil ein jedes Metall ſeine beſtaͤndige Farbe hat/ und
ſolche unfehlbar im Feuer und ſonſt von ſich gibt.

Von Erkundigung deß Halts eines jeden Silbers/ mit den
Streich-Nadeln.

ES vermeinen zwar viele darinnen gar ſicher zu gehen/ wenn ſie in Einkauffung
allerhand Silbers ſich der Probir- oder Streich-Nadeln bedienen/ in deme ſie
das ihnen feil gebotene Silber auff einem Probirſtein ſtreichen/ und die Probir-
Nadeln dargegen/ und mit welcher Nadel-Strich daſſelbe Silber ſich gleich ſtreicht/ ſo
viel Loͤhtig wird es von ihnen geachtet; weil aber heutiges Tages gar gemein/ daß man
das pure Kupffer durch und durch kan ſo weiß und ſchmeidig machen/ als ob es zwoͤlff
oder mehr Loͤhtig Silber waͤre/ als hat ſich ein jeder Silber Kauffer wohl vorzuſehen/
daß er nicht betrogen werde/ weßwegen ich hier eine kleine Erinnerung mit einführen
wollen/ wie man ſich etwann gegen dergleichen Betrug vorſehen koͤnne/ worzu ich dien-
lich erachte/ daß man ſtets ein gut Aquaregis, wie ſolches im zweyten Buch unſers
H ijAutho-
[88]Das erſte Buch/
Authoris zu machen gelehrt wird/ im Vorraht habe/ daſſelbe greifft ein jedes Kupffer
an/ es ſey weiß oder roht/ und ſolvirt es gantz und gar auff/ dem Silber aber thut es
nichts/ da hingegen ein gut Aqua fort oder Scheidwaſſer Silber und Kupffer zugleich
angreifft/ und dem Golde nichts thut/ vermeine alſo wenn ein dergleichen falſch Silber
vorkaͤme/ und man damit einen dicken Strich auff den Streichſtein machte/ hernach aber
das Aqua regis drauff ſtriche/ würde es den Strich deß falſchen Silbers entweder gantz
verzehren/ welches dann ein Zeichen daß es eitel weiß Kupffer waͤre/ oder ihn dunckeler
und verblichener machen/ worauß abzunehmen/ daß ein Theil gut Silber und weiß
Kupffer zuſammen geſchmeltzt worden/ welches ich dann nur vor eine beylaͤufftige Prob
in der Eil will vorgeſchlagen haben/ auff der Cappelle aber findet ſich dergleichen Be-
trug ſchon ſelber. Doch koͤnte auch in ſolchem Fall ein ungeübter anlauffen/ wann er es
wolte probiren wie ander Silber/ und darzu wenig ſchwehren Bley nehmen/ weil ein ſolch
weiß Kupffer ſo wohl als das rohte ſechzehen Schweren erfordet.

Ob und wie ein mehrer Nutz als ins gemein bekant mit den Silberhalti-
gen Ertzen anzuſtellen.

ICh hab droben allbereit erwieſen/ daß alle metalliſche Ertze auß dreyen Principi-
en/ nemlich auß Queckſilber/ Schweffel und Saltz entſpringen/ und beſtehen/
wie denn auch ſolche drey Dinge Augenſcheinlich in allen Ertzen befunden wer-
den/ in dem dieſelbigen im Schmeltz-Feuer zuſammen flieſſen in ein lauffend beweglich
Weſen/ welches ſo lang es im Fluß iſt/ alle Eigenſchafft eines warhafftigen Queckſil-
bers erzeiget/ weiters brennet auch auß den Ertzen ein lauter Schweffel-Feuer/ wird
auch am Geruch/ wann die Ertze geroͤſtet werden/ unlaugbar als ein rechter gemeiner
Schweffel befunden/ und von jederman dafür erkant; ſo gibt ſich auch das Saltz auß den
Ertzen nicht weniger zuſehentlich an Tag/ in dem das Arſenicum darauß im Feuer mit
Hauffen raucht/ und mit Schaͤrffe ſich als ein Saltz erweiſet/ dergeſtalt/ daß man damit
geſchwind kan Loͤcher ins Fleiſch etzen; Nun ſehen wir/ daß die Ertze auch wie andere
Dinge einen Anfang/ Mittel nnd End haben/ und ſind in ihrem Anfang roh zart und
flůchtig/ und werden mit langer Zeit und der waͤrme in den Bergen reiffer/ fixer und
Feuerbeſtaͤndiger/ vermehren auch ihr Corpus von dem Waſſer in den Bergen/ welches
ſie allgemach an ſich ziehen/ wie hie oben das Regen- oder ander Waſſer nach und nach
von den Wurtzeln der Baͤume attrahirt, und in ihre Subſtantz verwandelt wird/ jedoch
nicht immeditate, ſondern ſie fermentiren es vorhero in einen zehen Safft oder flůſſig
Gummi/ Leffas genannt/ welcher Safft allmaͤhlich zu Kraut und Holtz wird/ alſo thun
auch die Ertze/ in dem ſie das elementiſche Waſſer in den Bergen zu erſt in gedachte 3.
Principia veraͤndern/ die in ihrer anfaͤnglichen ſpermatiſchen Vermiſchung einen me-
talliſchen Safft Stannar genannt/ conſtituiren/ mit welchem Stannar ſie allgemach ihr
Corpus vermehren; Stehet dannenhero wohl zu vermuhten/ daß man denen flůchtigen
Silberhaltigen Ertzen/ als Wißmuht/ Kobolt/ Kieß und dergleichen mercklich helffen/
und ihre geſchwindere Maturation oder Reiffmachung befoͤrdern koͤnt/ wenn man ihnen
wůſt mit waͤrme und reinem Berg-Waſſer zu helffen/ welches beydes geſchickten Inge-
niis nicht unthunlich waͤre/ und ſolte mans vielleicht hierin durch Kunſt hieoben weiter
bringen koͤnnen/ als die Natur an manchen Orten in der Erden ſelber nicht permoͤchte/
auß Urſachen daß einige Oerter in der Erden ſo gar unrein und mit unbequemen Din-
gen allbereit imprægnirtem Waſſer ůberſchwemmet ſind/ daß das veredeln der Ertze da-
durch vielmehr gehindert als befordert wird/ hieoben aber koͤnte man reine Oerter da die
Sonne den gantzen Tag hinſchiene/ und wegen repercusſion groſſe waͤrme erzeigete/
außerſehen/ dieſelbigen mit groſſer Meng dergleichen Ertzes belegen/ mit Waſſer auß ei-
nem Berge/ darinn auch viel Silber Ertz iſt/ dafern es zu haben ſtünde/ oder in Mangel
deſſen mit Regen- oder Flußwaſſer/ oder welches noch beſſer mit geſamletem Thau
zum oͤfftern benetzen/ man koͤnt auch unter ein Theil dergleichen klein gepuchtes Er-
tzes das jenige flůchtige Weſen/ ſo im Roͤſten und Schmeltzen auß Silber Ertz
raucht/ und darzu leichtlich koͤnte auffgefangen werden/ vermengen/ und eben-
maͤſſig
[89]Von den Gold Ertz.
maͤſſig offt mit Waſſer beſprengen/ und ſolches eine ziemliche Zeit auch unterweilen eine
Prob davon nehmen/ ob und umb wieviel ſich eins oder das andere veredelt haͤtte/ welches
ich zwar weder ſelber erfahren/ noch von andern dergleichen vernommen/ ſondern es nur
als eine bloſſe Speculation dargebe/ ob etwann einige Curioſe Gemüter hierauß Anlaß
nehmen wolten/ mit beſſerem Nachſinnen einigen verſuch darinn zu thun/ wie man dann
auch ſiehet/ daß Paracelſus eben diß ſtatuiret/ oder vielleicht mit eigener Erfahrung es
alſo befunden/ indem er ſchreibt/ daß alle vegetabilien davon wachſen/ und in Groͤſſe zu-
nehmen wenn es offt regnet/ und das Regenwaſſer von der Sonnen wieder auffgezogen
wird/ welches er cohobiren heiſt/ das iſt eine offtermahlige Ubergieß- und Abdaͤmpffung
deß Regen- oder eines andern Waſſers/ und koͤnteman durch ein ſolch cohobiren die ge-
ringe Ertze dermaſſen verbeſſern/ daß ſie ſich dem beſten Gold- und Silber-Ertzen ver-
gleichen/ will ſolches auch mit einem Exempel beweiſen/ nemlich wenn man einen Stein
auß einem Bach nimbt/ ſolchen in einen Kolben thut/ und zum oͤfftern eben deſſelbigen
Bachs Waſſer davon cohobirt, waͤchſet ſolcher Stein zuſehentlich groͤſſer/ biß er end-
lich den gantzen Kolben außfülle/ alsdenn koͤnne man den Kolben zerſchlagen/ ſo habe
man einen Stein in Groͤſſe und Geſtalt deß Kolbens. Solches wachſen und Zunehmen
der Silber Ertze kan ein jeder ihm Augenſcheinlich vorbilden/ wenn er gutes gefaͤlliges
Scheidwaſſer nimbt/ und darin eine Untz oder ſo viel ihm beliebt/ důnn geſchlagen oder
granulirt Silber/ ſolvirt, und zwey oder dreymal ſo viel als des Scheidwaſſers gewe-
ſen/ ſaubern Regenwaſſers in dieſelbige Silber Solution ſchüttet/ auch zu einer Untz
ſolvirten Silbers/ 3. oder 4. Untzen reines Queckſilbers mit darein thut/ und zuſammen
in der Kaͤlte unbewegt ſtehen laͤſt/ ſo wird er Augenſcheinlich ſehen/ wie durch Huͤlffe deß
Spiritûs terræ oder Nitri im Scheidwaſſer die beyde/ nemlich Silber und Queckſilber
ineinander würcken/ und über auß luſtige Gewaͤchs auch Geſtalten von Berg und Thal
machen/ welches denn nichts anders iſt als ein rechter Anfang eines Ertzes/ und in den
Bergen ohn Zweiffel auch alſo hergehet/ wenn es geſehen werden moͤchte/ und ſo man
diß Gewaͤchs eine lange Zeit/ nemlich ein gantz Jahr unbewegt ſtehen laͤſt/ auch hernach
mit dem Abſuͤſſen recht damit umbgehet/ wird man einigen Zuwachs und Vermehrung
deß Silbers finden/ welcher auß dem Queckſilber kombt/ und umb ſo viel deſſelben in den
Silber Grad maturirt worden/ wie dann alle Metallen ihr Corpus auß dem Mercurio
haben. Diß waͤre alſo meine einfaͤltige Meinung von der Verreicherung oder Ma-
turation der Silberhaltigen Ertze; Sonſten aber halte ich auch dafůr/ daß auch auff ge-
meine Weiſe auß allerhand Ertz ins groſſe/ ein mehrer Nutz gezogen werden koͤnte/ weder
man ſonſt befindet/ nemlich auff folgende Weiſe/ daß nemlich die Ertze auff ſonderlich
darzu gemachten Mühlen klein zermahlen und gerieben werden/ biß ſo lang man eine
groſſe Quantitaͤt derſelben als 700. biß 1000. Centner im Vorraht haͤtte/ ſo dann wůr-
de eine Grube nach Vielheit deß Ertzes tieff und weit in die Erde gemacht/ der Geſtalt/
daß die Helffte deß Ertzes ſolche der Erden gleich fůllete/ die andere Helffte aber auch
drauff geſchůttet/ ůber die Erde herfůr ragete/ und in freyer Lufft lege/ worüber aber ein
hohes Dach ſeyn můſte/ damit der Regen nichts vom Ertz verſchwemmen koͤnte/ ſolcher
Geſtalt můſte dieſer halb in- und halb auſſer der Erden liegende Hauffen in die ſechs
Monat lang auffeinander liegen bleiben/ damit das Ertz allgemach in ſich ſelbſt erwar-
mete und gleichſam calcinirt wůrde. Nachmals wůrde mit ſchlechtem Waſſer auß die-
ſer Maſſa ein Vitriol geſotten/ die hinterſtellige Erde getrocknet/ und denn allererſt nach
bekanter und ůblicher Manir die Seygerung und Scheidung damit angeſtellet/ ſo wůr-
de allemal vermuhtlich ein mercklicher Zuwachs deß haltenden Metalls nicht ohn guten
Nutzen geſpůrt werden/ da man denn vorerſt dem Vitriol zum beſten haͤtte/ und denn
auch auffdieſe Weiſe nicht ſo viel Holtz verbraucht werden doͤrffte. Hiebey kan ich
auch unvermeldet nicht laſſen/ welcher Geſtalt mir communicirt worden/ daß einer in
particulari ein oder ander Ertz beſſer zu Nutz machen koͤnte/ wann er nemlich auff einem
groſſen Treib-Schirben Bley zergehen und ſchmeltzen lieſſe/ und wenn es im Fluß ſtůn-
H iijde/
[90]Das erſte Buch/
de/ ſolt man gepulverten Schweffel darauff ſtreuen/ ſo macht es auff dem zerfloſſenen.
Bley eine Haut/ die ſolt man abziehen/ verwahren/ und wieder andern Schweffel auff-
ſtreuen/ biß ſo lang alles Bley verhaͤutet worden/ und koͤnte eine einzele Perſon dieſer
Haut deß Tages bey dreyen Pfunden machen/ davon ſolt man nehmen 4. Loht/ gemein
gerieben Saltz ein Loht/ deß zarten Mehls von Kieſſelſteinen auch ein Loht/ ſchmeltzen
dieſe 3. Stůck im Windofen unter einander zu einem weiſſen Stein: deſſen nehme man
zwey Theil zu einem Theil gepulvertes Ertz/ es ſey welches wolle/ laſſens im Windofen
flieſſen/ ſo ſetzt ſich das gute unten/ und die Schlacken oben auff/ das koͤnne einer alſo vor
ſich ſelber in der ſtill treiben/ was daran iſt kan ich nicht ſagen/ denn ichs ſelber nicht ver-
ſucht/ habs aber mit hieher ſetzen wollen/ im Fall etwann einem oder dem andern damit
gedienet ſeyn moͤchte.

Ohn Zweiffel waͤre ſonſt auff unterſchiedliche Art einem Ertz mit dem andern et-
wa cementiren oder andere Mittel zu helffen/ wie man ſiehet/ daß das Arſenicum
durchs cementiren ins Kupffer gehet/ und es Silberweiß/ der Gallmey aber es Gold-
gelb macht/ alſo ſolt meines erachtens/ der Kobolt/ Wißmuth/ Zinck und dergleichen/ ſo
nichts anders als unzeitige Silberarten ſind/ dahin gebracht werden koͤnnen/ daß ihre
flůchtige Art ſich an andere mit ihnen accordirende metalliſche Subjecta hielte/ daß eines
mit dem andern behalten wůrde/ wenn man unr denen Dingen beſſer nachdaͤchte/ und
einer dem andern ſeine Experientz treulich mittheilte.

Und wie ich droben erwehnet/ daß ich ſelber einen geſehen/ der auß einer gewiſſen
Art Steine/ welche er gar ſtarck geglüet/ und in Waſſer abgeloͤſchet/ hernach wieder ge-
trucknet/ und gepulvert/ nur mit gemeinen Scheidwaſſer einen ziemlichen Theil Silber
extrahirt, alſo bin ich nochmals der Meinung/ daß auff ſolche Art wohl Nutz zu ſchaffen
ſtůnde/ wenn man ſothanige Steine oder Sand/ die ein zerſtreuet Silber führen/ ſo daß
es auff gemeine Weiſe nicht darauß geſeigert werden kan/ wohl erkennen lernete/ ſo ſolt
man ſie wohl mit Nutz durch Scheidwaſſer welches alle Broͤcklein der Steine durch-
ſucht/ und die außgeglůeten ſilberne Atomos in ſich faſſet/ extrahiren ïoͤnnen/ daß
Scheidwaſſer zoͤge man mit diſtilliren wieder ab/ und brauchte es ferner mit Zugieſſung
anders friſchen Scheidwaſſers zu dergleichen Extraction, das extrahirte Steinpulver
můſt man/ weil daran viel Spiritus deß Scheidwaſſers hangen bleiben/ mit gemeinem
Waſſer eluiren oder abſpůlen/ ſo hat man in ſolchem Waſſer ein Ferment, womit man
andern Salpeter wachſend machen kan/ wie denn auch der jenige Extract, davon das
Scheidwaſſer abdiſtillirt wird/ noch Spiritus Aquæfortis behaͤlt/ welche ihm koͤnnen
benommen und zu Nutz gemacht werden/ der Extract aber wůrde nach ſolcher Edulco-
ration reducirt, wie der jenige der damit umbgehet/ ihm ſchon wird zu thun wiſſen.

Von andern Curioſitaͤten die neben der Probir-Kunſt auß dem Silber
und deſſen Ertzen gehen.

INſer Author hat auß gewiſſen Bedencken ſein erſtes Buch dem Silber einge-
raumt/ ſonſten aber gebůret die erſte und obriſte Stelle dem Golde/ welches der
Koͤnig iſt unter den Metallen/ das Silber aber die Koͤnigin/ es wird auch das
Silber ins gemein Luna oder der Mond geheiſſen/ und gehet deſſen Würckung wenn es
præparirt wird/ fůrnemlich auff deß Menſchen Gehirn und deſſen Kranckheiten/ als
da ſind der Schlag/ der Schwindel/ die hinfallende Sucht/ die Schlaffſucht/ die Un-
ſinnigkeit/ die geſchwaͤchte Gedaͤchtnuß und dergleichen/ ſolche Præparation wird von
denen die damit umbgehen auff unterſchiedliche Art angeſtellet/ und beſtehet darin/ daß
das feine abgetriebene Silber durch gewiſſe Menſtrua auffgeſchloſſen/ und ſubtill ge-
macht werde/ damit es ſeine Tugend/ welche in dem Compacten Leibe verſchloſſen/ von
ſich geben koͤnne; Ob nun wohl deſſen Bereitung hieher nicht gehoͤrt/ ſo finden ſich doch
einige die dergleichen Præparation auch gern wüſten/ ſolchen nun zu dienen will ich eins
und anders mit anhero ſetzen/ damit einer der darzu Luſt hat/ folgender maſſen eine kraͤff-
tige Artzney auß Silber bereiten kan. Man nehme 4. 5. oder mehr Loht auffs reineſte
abgetriebenen Silbers/ ſchlage es dünn/ oder koͤrne es/ damit es koͤnne ſolvirt werden/
ſolvir ſolches in diſtillirtem Salpeter Waſſer oder Spiritu nitri, biß alles auff ſolvirt,
und
[91]Von den Silber Ertzen.
und in ſolchem Spiritu zergangen iſt/ alsdenn diſtillir den Spiritum davon/ biß oben
auff ein Haͤutlein kombt/ ſo laß es erkalten/ und das auffgeloͤſete Silber zu Criſtallen
ſchieſſen/ die nimb auß/ die ůbrige Solution laß abdaͤmpffen und Chriſtalliren/ biß
alles Silber in Chriſtallen gangen/ ſolche Chriſtallen laß in einer Glaßſchalen allmaͤh-
lich truckenen/ biß ſie in Mehl zerfallen/ darunter reib noch eins ſo ſchwer Salmiac, ſo von
gemeinem Saltz ſublimirt worden/ ſetz es zuſam̃en an freye feuchte Lufft/ biß ſo lang die
Maſſa etwas blau und grůnlicht wird/ ſo thu alles in einen Kolben und einen Helm drauff
und ſublimirs, ſo fůhrt das Salmiac die Animam Lunæ mit auff/ reib unter das Silber
am Boden friſchen Salmiac, und continuir die Sublimation, biß alle Anima auff ſub-
limirt iſt/ alsdann thu alles auff ſublimirte in eine groſſe glaͤſerne Schale/ ſchůtt warm
Waſſer drůber/ ſo ſolvirt ſich das Salmiac ins Waſſer/ und laͤſt die Animam fallen/ das
Waſſer evaporirt man zur trůckene/ ſo bekombt man ſein Salmiac wieder/ und iſt zu
Fiebern und Obſtructionibus eine kraͤfftige Artzney/ dienet auch wieder zu dergleichen
ſublimiren/ man muß es aber wol vermacht an einem warmen Ort halten; gedachte Ani-
ma aber macht man trucken/ ſchůttet darauff rectificirten und mit Urinſaltz eſſentificir-
ten Spiritum vini, ſo tingirt ſich derſelbe blau/ den geuſt man ab und andern drauff/ biß
alle tinctur außgezogen/ als denn zieht man ein Theil Spiritus vini ab/ biß nur ſo viel bey
der tinctu[r] bleibt/ das dieſelbe Tropffen weiß koͤnne adminiſtrirt werden; Es iſt auch das
Zinoberrohte Silber Ertz/ welches ſonſt Rohtgůlden Ertz genannt wird/ aber nur Sil-
ber fůhret/ an ſich ſelber eine ſehr gute Artzney/ inſonderheit aber zur fallenden Sucht/
wenn es ſubtill gepulvert/ und mit Mertzen-Regenwaſſer 4. Stunden lang wol ausge-
ſotten/ hernach getrucknet und mit Vehiculis der Kranckheit gemaͤß eingenommen wird;
Man kan auch die Animam Lunæ oder deſſen ſchoͤne blaue tinctur truckener Weiſe
auß dem Silber extrahiren/ wenn man nemlich das reine Silber zu důnnen Blechen
macht/ und ein wenig mit Queckſilber beſtreicht oder anquicket/ alsdenn ein Theil Eſſig/
darin etwas Salmiac zergangen/ in ein weit Glaß gethan/ und ůber ſolchen Eſſig die
Silberbleche gehanget/ der Geſtalt daß ſie den Eſſig nicht berůhren/ hernach das Glaß
oben vermacht/ und an einen gelind warmen Ort geſetzt/ der Geſtalt daß die Waͤrme den
ſauren Geruch deß Eſſigs ein wenig Dampffsweiſe erhebe/ ſo extrahirt ſolcher ſaurer
Geruch die Animam, daß ſie ſich ůberall herauß begibt/ und an den Blechen haͤnget/ die
kan man abſtreichen/ die Bleche wieder über den Eſſig haͤngen/ biß alle Tinctur herauß
iſt/ die man denn weiter zur Artzney bereiten kan/ ſonſt aber gibt ſolche Anima Lunæ den
Mahlern die allerſchoͤnſte blaue Farbe/ welche man Ultramarin nennet/ die wird aber
heutiges Tags ins gemein auß dem Lapide Lazuli gemacht/ und ſolches auff folgenden
weg: Man nimbt auſſerleſenen Laſurſtein der ohne Berg uñ Unreinigkeit iſt/ reibt ſolchen
auff einem Probirſtein/ welcher allein wegen ſeiner haͤrte/ und ſonſt kein anderer Stein
darzu dient/ mit gemeinem Waſſer zum aller ſubtileſten als immer moͤglich/ wenn ſolches
geſchehen/ laͤſt man das geriebene wieder truckenen/ und verwarts vor anderm Staube;
ſo man nun das Ultramarin machen will/ ſo bereitet man darzu folgende Mixtur: Nimb
gelb Wachs/ griechiſch Pech oder Colofonien/ fichten Hartz jedes ein Pfund/ Leinoͤhl
drey Untzen/ Terpentin vier Untzen/ laß alles untereinander ůber dem Feuer zergehen/ uñ
ſeige es durch ein Tuch/ thu darzu vier Untzẽ Maſtix/ mach draus eine Paſta (andere laſ-
ſen den Terpentin auß uñ machen dieſe Paſtam alſo/ ℞. ein halb Pf. Leinoͤhl/ ein halb Pf.
Colofonien klein geſtoſſen/ ein halb Pf. neu Wachs/ ein halb Pf. Spiegelhartz/ eine Untz
Maſtix/ zerlaſſen ſolche Stůck zuſammen/ ſo iſts fertig zu brauchen/ zu einem Pfund deß
geriebenen Laſurſteins) dieſer Paſtæ nimb ungefehr 3. oder 4. Theil zu einem Theil oben
geriebenen Pulvers/ vermiſche oder knete es untereinander in einer Schüſſel/ und laß es
alſo vermiſcht ein Tag acht oder laͤnger ſtehen/ umb gleichſam zu digeriren/ alsdenn
ſolches alles in einem Geſchirꝛ mit warmen Waſſer mit den Haͤnden gerieben/ biß
das Waſſer blau wird/ ſo thu die Materi in ein ander Geſchirꝛ mit Waſſer/ zer-
reibs ebenmaͤſſig mit den Haͤnden/ biß das Waſſer auch blau wird/ ſo thu es in
das dritte Geſchirr mit warmen Waſſer/ und zerreibe es darinn auch/ biß das
Waſſer blau wird/ alsdenn laß ſich jedes abſenderlich ſetzen/ gieß das Waſſer ab
H iiijund
[92]Das erſte Buch/ von den Silber Ertzen.
und mach das jenige was ſich zu Boden geſetzt/ trucken/ heb jedes abſonderlich auff/ die-
weil je eines ſchoͤner iſt als das andere; weil nun der Lapis Lazuli eben eine ſo ſchoͤne blaue
tinctur hat/ wie die Anima lunæ iſt/ ſo ſtehet zu erachten/ daß er gantz ſilberiſcher Eigen-
ſchafft ſeyn muß/ deßgleichen geben die Wißmuhtgraupen oder Schlacken/ welche nach
dem herauß ſchmeltzen deß Wißmuhts zurůck bleiben/ die gemeine blaue Farb/ Zaffer
genannt/ welche blaue Farb ebenmaͤſſig anzeigt/ daß das Wißmuth Ertz eine unzeitige
Silber Geburt ſey/ und alſo nichts ungereimtes waͤre/ fleiſſig nachzuſinnen/ auff was
Weiſe etwann durch Kunſt und natůrliche Beforderung/ dergleichen unzeitigen ſilberi-
ſchen Ertzen zu beſſerer Maturation moͤcht geholffen werden/ wie ich droben davon mei-
ne Gedancken wohlmeinendlich und ohnmaßgebig allbereit herauß gelaſſen.

Sonſten ſtehet hier auch zubemercken/ daß das feine Silber anders nichts iſt als
ein halb reiffes Gold/ welches wenn es ſeine Zeit in der Erden gehabt haͤtte/ und auch nit
durch wiederwaͤrtige Accidentien deß Orts verhindert worden waͤre/ wůrde es zu ſei-
ner gaͤntzlichen Maturation kommen/ und zu Gold worden ſeyn/ und daß dem alſo ſey/
bezeugen unterſchiedliche Waſſer/ und Gradir-Oele wie ſie genannt werden/ ſo man
hin und wieder in Bůchern beſchrieben findet/ deren eines mehr/ das andere weniger/
wenn man Silber-Lameln darinn digerirt/ etwas in Warheit davon maturiren/ daß es
im Scheidwaſſer in Geſtalt eines ſchwartzen Kalcks zu Boden faͤllt/ wiewol es gemein-
lich ohn Nutz iſt/ und niemand von mir darzu/ ſondern vielmehr von dergleichen abge-
rahten wird/ es waͤre denn daß ſich etwann jemand mit ein oder andern Prob nur bloß
der Warheit erkundigen wolte/ auff welchen Fall er es mehr als auff einen Weg alſo be-
finden wird; deren Maturation Urſach auch anders nichts iſt als eine ſulphuriſche Hitze/
welche die ingredientia derſelben als Antimonium, Vitriol, Schweffel und andere die
viel mineraliſche Schweffel in ſich haben/ und gemeinlich zu ſolchen gradirenden Li-
quoribus genommen werden/ von ſich geben/ welches dann eben das jenige Feuer iſt/ ſo
die Ertze in der Erden kochet und zeitiget/ will alſo hiemit meinen Commentarium
ůber unſers Authoris erſtes Buch beſchlieſſen/ und zu dem jenigen
ſchreiten/ was etwa ůber das zweyte zu berichten
wird vorfallen.

Ende deß erſten Buchs.

Von den Gold Ertzen/ und Gold-Schlichen.

GIeichwie es mit der Erkaͤntnuß der Silber ErtzErkaͤnnt-
nuß der
Gold Ertz.
zugehet/ alſo muͤſſen auch die Gold Ertz/ ob ſie wol nicht in
ſo mancherley Arten und Farben gefunden/ aͤuſſerlicher
Weiß nach/ erkannt/ und das Probiren darnach gerichtetEs haͤlt kein
Ertz allein
Gold.
werden. Es hat aber erſtlich dieſe Gelegenheit damit/ wie ich
ſolches ſelbſt befunden habe/ daß kein Ertz fůr ſich allein (ohne andere ein-
geleibte Metalln) Gold haͤlt/ es ſey dann daß es gediegen darinnen ſtehet/
und Augenſcheinlich/ wie ſubtill es auch eingeſprenget ſey/ geſehen wer-
de/ und ſeynd doch dieſelbigen Goͤlder/ die alſo in den Ertzen gediegen ge-
funden werden/ ſo gar rein und fein nicht/ ſondern gemeiniglich Silberig/
wiewol eins mehr als das andere.

Was gediegen ſchoͤn Gold iſt/ pflegt fuͤrnemlich in einem weiſſen
Quartz zu ſtehen/ darnach auch in einem blauen und gelben Hornſtein/
deßgleichen in einem blauen Schiffer Eiſenſchuß und Gielb/ allein ſehr
ſubtill und flammicht. Auff dem Goldberckwerck zum Knyen/ zwo
Meil von der Eul in Boͤhmen/ gegen dem Nidergang gelegen/ da bricht
ein graulicht ſilbichter Kieß/ in einem feſten Quartz/ wann der gepucht
und gewaſchen/ ſo wird ein ſchoͤnes und hoch am Grad/ gediegen
Gold darauß gezogen/ welches ſonſt im Kieß nicht zuſehen iſt/ jetziger
Zeit weiß ich kein Ort/ da auß dem Ertz ein hoͤher Gold gezogen oder
gemacht wird.

Ferner tragen auch alle goltdiſche Werck/ welche gemeiniglich ſan-
dig ſeyn/ gut gedigen Gold/ jedoch nicht alle ůberein/ dann etlichs hat
grob und koͤrnichts/ etlichs flammicht und leicht Gold/ und wird faſt bey
allen ſolchen Wercken/ ein ſchwerer Schurl oder Wolffram gewaſchen/
Schurl
Wolffram
Zien und
Eiſenſtein.inſonderheit aber/ koͤrnichter Zien/ und Eiſenſtein/ der ſehr und weit ge-
gangen/ die mit ſampt dem Gold von den Gaͤngen durch die Sůndfluth
alſo geriſſen/ fort getrieben/ und zuſammen geſchoben worden/ alſo wun-
derbarlich und artlich/ daß man der Werck Farb und Vnterſchied gantz
Worvon
die Flüß
und Baͤch
Gold fuͤh-
ren.und gar wol erkennen kan/ davon dann auch die Flůß und Baͤch/ ſo ůber
ſolche Werck flieſſen/ beſaͤmbt ſeyn/ daß man darinnen gedigen Gold an
vielen Orten/ nicht allein in fernen Koͤnigreichen und Laͤndern/ ſondern
auch bey uns in Teutſchlanden waͤſcht/ und zu Nutz bringt/ allein daß der
mehrer Theils darunter arm ſeynd/ und die Vnkoſten deß Waſchens nit
ertragen woͤllen.

Daß aber etliche alte Scribenten fůrgeben/ wie von dem Fluß Ni-
lo der in Egypten ins Meer fleuſt/ zur Zeit der Sůndflut/ da aller Sand
untereinander gangen/ die Baͤch und Stroͤm alſo mit gedigem Gold
beſaͤmbt und befloͤſt hab/ denen kan ich nicht Beyfall geben/ auß Vrſach/
ob wohl bemelder Fluß ſehr groß und durch groß Aethiopien/ welches
auch India genennet wird/ in dem auch viel Gold gefunden werden ſoll/
fleuſſet/ und unter allen andern Flůſſen der groͤſte ſeyn ſoll/ der auch am
weiteſten zu flieſſen hat/ ſo achte ich ihn doch viel zu klein darzu/ daß er ſo
viel reicher Goldwerck/ Sand und Baͤche/ an ſo viel unzehlichen Oer-
tern in der Welt/ mit Gold ſolt ůberſchůttet haben.

Darnach ſo iſt auch eine gemeine Red bey uns in Teutſchland/
Koͤrner ſo
die Land-
fahrer weg-
tragen.von allerley Art Koͤrnern/ ſo in vielen Landen/ in Gebirgen und Baͤchen
gefunden/ und von den Außlaͤndern und Landfahrern/ weg getragen
werden/ derer etliche kieſſig/ eines Theils Braun/ gelbicht/ auch ſchwartz/
und innwendig als ein Glaß/ und an der Proportz gemeiniglich rund/
auch Quadrat ſeyn/ auß welchen man Gold ſolle machen/ fuͤr mein Per-
ſon aber halt ich von ſolchem gar nichts/ dann ich derſelben Koͤrner auff
mancherley weg im Feuer und ſonſt verſucht habe/ aber niemals kein
Gold darinnen finden koͤnnen/ ſo viel hab ich aber von glaubwuͤrdigen
Perſonen/ die von ſolchen Landfahrern grůndlich berichtet worden/ daß
ſolche Koͤrner kein Gold bey ſich haben/ werd auch keines darauß ge-
macht/ ſondern durch ſie die Landfahrer in Italiam und andere Oerter/
umb ein Lohn hingetragen/ als zu einem Zuſatz/ darauß ſchoͤne Farben
und Schmeltzglaß gemacht werden. Welche Farben oder Schmeltzglaß
man bey ihnen ſo hoch achte/ und ſo theuer verkauffe/ als wann es Gold
waͤre/ welches dann der Vernunfft gemaͤß und wol zu glauben iſt/ ſon-
derlich weil mehr Berckarten bey uns in Teutſchlanden gefunden/
die Glaß und Farben geben.

Ferner bricht auch bißweilen neben dem gedigen Gold auff dem
Goldbergwerck zur Eul im Koͤnigreich Boͤhmen/ in Quertzen ein ſubtil
graw ſpeiſſig Ertz/ welches man ſeiner Farb nach Eiſenmann nennet/ dasEiſenmañ.
iſt auch reich am Gold/ aber ſilbrig mit/ derhalben es dann dem andern
gedignem Gold/ ſo in Quertzen ſtehet/ nicht zu vergleichen iſt. So wer-Goldkieß.
den auch viel Gold Kieß gefunden/ welche nicht allein Gold/ ſondern
auch Silber halten/ und in gemein mehr Silber als Gold/ deßgleichen
auch Kieß die ſehr Kupfferreich/ und ſilberig mit ſeyn/ daſſelbe Silber
davon/ auch reich am Gold iſt/ wie auch etliche weiſe Kieß/ die gar kein
Kupffer/ auch gar wenig Silber halten/ und doch goͤldiſch ſeynd/ die Kieß
aber die Kůpfferig und derer Silber Gold haͤlt/ die werden gemeiniglich
mit ſubtilen Quertzen durchfloſſen befunden.

Anlanget der Marcaſit/ davon ihr viel fabulirn und ſchreiben/Marcaſit.
als ſey es ein Kieß/ der alſo reich am Gold ſey/ daß ihm der vierdte Theil
im Feuer nicht abgehen ſolle/ auch im Roͤſten und gluͤen je laͤnger je ſchoͤ-
ner werde/ demſelbigen hab ich offtmals mit Fleiß nachgefraget/ aber den-
noch nie bekommen/ viel weniger von jemands erfahren moͤgen/ der einen
ſolchen Kieß geſehen haͤtte. So viel ich mich aber bedůncken laß/ ſo kan
und muß der Marcaſit nichts anders ſeyn/ als ein gar gut reich Gold
Ertz/ man geb ihm nun dieſen oder einen andern Namen/ ſo iſts gleich
eines. Wie aber nun jetzt nach einander erzehlte Gold Ertz und Waͤſch-
werck probirt und verſucht ſollen werden/ das wird hernach außfuͤhrlich
folgen.

Was die Goldwaͤſcher auff die Goldwerck/ fuͤr ein Probirn
und Waſchen haben.

DIe Goldwaͤſcher/ die dem Goldwaſchen in den Laͤndern
nachziehen/ und ſich deß nehren/ die haben auff die Gold-
werck ein ſonderliches probiren/ nach welchem ſie ſich richten/
wie viel ſie auff einen Tag Gold waſchen/ und darauff ihre
Rechnung machen koͤnnen/ ob das Werck den koſten zu wa-
ſchen ertrage/ arm oder reich ſey/ zu ſolchem probirn brauchen ſie ein ſon-
derlich abgetheilt Gewicht/ das von einem Vngeriſchen Gůlden ſchwer
außgetheilt iſt/ nach dem Werth ſo viel man fuͤr ſolch Waſchgold zu be-
zahlen pflegt.

Weil man aber gemeiniglich umb ein Vngeriſchen Guͤlden ſchwer
Waſchgold 92. Kreutzer zu geben pflegt/ ſo machen ſie erſtlich das groͤſte
Gewicht eines Vngeriſchen Gůlden ſchwer/ und bezeichens mit 92. Kreu-
tzer/ das ander Stuͤck halb ſo ſchwer mit 46. Kreutzer/ alſo fortan/ die an-
der Stuͤck alle nacheinander/ mit ihrem Werth biß auff den eintzlichen
Pfenning/ wie hernach ſtehet.

• 92 Kreutzer der Guͤlden ſchwer.
• 46 Kreutzer der halbe Guͤlden.
• 23 Kreutzer der Orts-Guͤlden.
• 12 Kreutzer.
• 6 Kreutzer.
• 3 Kreutzer.
• 2 Kreutzer.
• 1 Kreutzer.
• • 2 Pfenning weiß
  • 1 Pfenning weiß

Durch ſolches Gewicht kan ein jedes außgequickt/ oder Koͤrnlein
Golds/ wie viel es werth iſt/ gewaͤgen werden/ derhalben auchgemeiniglich
bemelte Goldwaͤſcher/ die in den Landen den Wercken nachſuchen/ ein
ſolch Gewicht/ ſambt einem ſchwartzen Sichertroͤgel/ ein Bůchslein voll
Queckſilber/ ein Semiſch Leder/ ein Probir-Schirblein/ und ein klein
Waͤglein zu dieſen Sachen allen gehoͤrig bey ſich tragen. Dann ſo bald
derſelben einer ſandig Werck oder Seiffen beſticht und ſichert/ befindet er
Gold darinnen/ wie klein auch daß ſey/ ſo zeucht er eine Sicherung oder
etliche rein darvon auß/ und quicket ſolchen reinen Schlich mit dem
Queckſilber auffs fleiſſigſte an/ druckt nachmals daſſelbige durchs Leder
wider davon/ und was im Leder bleibt/ laͤſt er auffm Probir-Schirblein in
einem Feuerlein/ welches er alsbald in Gebirgen oder Waͤlden machet/
abrauchen/ und gluͤet letztlich das Gold rein auß. Was es alsdann nach
ſeinem abgetheilten Pfenning Gewicht/ nach Kreutzer und Pfenning
werthwiegt/ nach dem macht er ſeine Rechnung/ wie viel er mit einem
Zeug/ eine Wochen lang Gold erwaſchen und zu Nutz bringen kan.

So er nun durch ſolche Prob befindet/ daß das Waͤſchwerck/ die Ar-
beit/ Muͤhe/ und Koſten belohnen moͤcht/ ſo pflegt ein jeder daſſelbige nach
ſeiner Art/ die er gewohnt/ und am beſten bericht iſt zu waſchen/ und zu gut
zu machen. Vnter denen ſeynd etliche/ die pflegen die Goldwerck/ die in
den Feldern unter der Tham Erdenligen/ deßgleichen den Sand in den
flieſſenden Baͤchen/ ůber das Breth zu waſchen/ darauff Faltzen/ und
Rinlein hin und wider eingeſchnitten ſeyn/ darin ſich das ſchwere Gold
legen/ und ſitzen bleiben kan. Eines Theils aber waſchen ůber das Gefell/
ſonderlich wann das Werck reich iſt/ und koͤrnicht Gold fuͤhrt. Es gehet
aber etwas langſam zu/ und will mehr Muͤhe haben.

Vor wenig Jahren iſt auff ſolche Werck und Sand am Waſſer/
ein ſonderlich Waͤſchwerck erfunden worden/ durch welches man in einem
Tag dreyhundert Lauffkarn oder Baͤrn/ wegwaſchen/ und alles Gold
darinnen behalten kan/ welches alſo zugerichtet wird. Man macht erſtlich
von ſtarcken Meſſingen Drat einen Raͤder/ in der enge und weit/ wie
es eines jeden Wercks Gelegenheit erfordert/ und bindet den auch mit
Meſſingen Drat die laͤng herunter/ und zeucht denſelben auff eiſener
Staͤg
[97]Von dem Gold-Ertz.
Staͤg veſt an/ damit er ſich nicht biege oder auffblaͤhe. Die Groͤſſe aberDie Groͤß
deß Raͤders.
deß Raͤders ſoll ſeyn ſieben Spannen lang/ fůnff Spannen weit/ und ei-
ner guten Spannen tieff/ mit einem Boden/ der auff zwey Drittheil in
Raͤder reiche/ und mit dem einen Drittheil forn zum Außtragen komme/

daſelbſt er dann mit Blech beſchlagen ſeyn ſolle. Es ſoll auch der Raͤ-
der auff beyden Seiten angeſchlagene hoͤltzerne Kloͤtzlein haben/ mit
Jwelchen
[98]Das ander Buch/
welchen er an die fordern Buͤnſtempffel anſtoſſe/ und das Grobe/ ſo nicht
durchfaͤllet/ behend außtragen koͤnne. Deßgleichen die untern Buͤen
unter dem Raͤder/ auff beyden Seiten auch angeſchlagene Bretter/ daß
nichts vom Raͤder beyneben abfaͤllt. Von ſolcher Bůn tritt das durch-
geredene Werck auff den Plaen-Herd/ welcher dreyſſig Spannen lang/
und vier Spannen breit ſeyn ſoll. Auch muß die Waſſerrinne unten zum
Waſſer außtragen/ weiter als oben/ und auch mit Blech beſchlagen ſeyn.
Vnd wird hierzu Waſſer/ viel oder wenig gebraucht/ nach dem das
Werck roͤſch oder ſandig iſt.

Dieſes Waͤſch-Werck dienet allein zu ſandigen Wercken/ und zu
den zehen und laͤttichen gar nichts. Dieweil dieſe Arbeit noch zur Zeit
nicht gemein iſt/ hab ich umb deren willen/ ſo es nicht geſehen haben/ ſolche
in vorhergehende Figur bringen laſſen.

DArnach brauchen auch etliche Gold-Waͤſcher auff ihre Haͤrd/ an
ſtatt der ſtarcken Zwillich/ ſchwartze unbereite wůllene Tuͤcher/
daruͤber ſie ihre Werck treiben/ von wegen weil das wůllene Tuch
rauch und harig iſt/ daß das ſubtile runde koͤrnichte Gold in den Haaren
ſitzen bleibe/ und nicht fort rollt/ wie auff dem Zwillich geſchicht/ und daß
auch das Gold auff der Schwaͤrtz ſichtig erkant werde/ obs gleich ſubtil
und klein iſt.

Andere brauchen an ſtatt der Zwillich und ſchwartzen Tuͤcher/
Beyderwants Tuͤcher. Nemlich/ die halb haͤnffin/ und halb wuͤllin auff
Zwillich-Art gewirckt ſeynd/ auff denen das Gold noch beſſer hafften
kan/ welche Tuͤcher umb ihrer Staͤrck willen/ von wegen deß Hanffs
laͤnger waͤhren/ und in der Arbeit außhalten/ derhalben auch beſſer zu ge-
brauchen ſeyn.

Vber diß iſt auch noch ein Waſchen/ doch nicht faſt im Brauch/
das nennet man durch den langen Raͤder getrieben und geſchlembt/ mei-
nes Beduͤnckens auff die ſubtilen Werck/ welche grob und klein Gold
fuͤhren/ laͤttig und ſandig unter einander ſeyn/ nicht ein unbequaͤme Art/
ſo dem vorigen abgeriſſenen Raͤderwerck/ nicht faſt ungleich/ allein daß
es allhie mit dem Treiben und Schlemmen anderſt zugehet. Dann in
dieſer Arbeit oder Waſchen von wegen deß Ruͤhrens in obern und un-
tern Gefaͤllen/ das rollende Gold beſſerligen bleibt/ und das Gold ſampt
dem kleinen gemeinen Werck herauß ůbern Plan-Herd gehet/ und dar-
auff ferner getrieben wird. Wie daſſelbige geſchicht/ iſt in
folgender Figur zu ſehen.

HO viel hab ich von dem Gold-Waſchen zu einem Bericht/ wie die
Werck zu Nutz zu bringen/ auff das kuͤrtzſte melden wollen. Iſt nun
ein Werck reich/ ſo iſt es deſto beſſer/ und mag alsdann leichtlich eine
Art deß Waſchens darzu erfunden und gebraucht werden/ daß das ledige
Gold dardurch erhalten wird.

Wann man nun den Schlich erſtlich in die Enge gebracht/ und dann
das Gold mit dem groſſen Sichertrog/ oder mit dem ſchmalen langen/
den man einen Saxen nennet/ herauß gezogen/ ſo kan man daſſelbige an-
quicken/ durch das Leder drucken/ außgluͤen/ und dann zuſammen gieſſen/
von welchem hernacher ferner ſoll gemeldet werden.

Bißhero hab ich etlicher maſſen berichtet von dem Gold und Seif-
fen-Wercken/ die keines Puchens beduͤrffen. Nun will ich auch von den
Gold-Ertzen/ die auß der Gruben von den Gaͤngen gewunnen/ und ge-
pucht muͤſſen werden/ Meldung thun/ in welchen man gediegen Gold
ſichtig zu ſehen pflegt. Mit denen hat es eine ſonderliche Meinung auf
Grob koͤr-
nicht Gold.zu bereiten. Nemlichen/ in welchen Ertzen das Gold gro-bkoͤrnicht ſte-
het/ die kan man unter der Fauſt ſcheiden/ und in einem groſſen eiſern
Moͤrſchel ſtoſſen/ und wo der viel ſeynd/ uͤber ein ſonderliches darzu ge-
machtes Sieb ſetzen/ rein und gut zu machen/ daß es ferner keiner Weit-
laͤufftigkeit noch groſſer Kunſt bedarff. Iſt auch beſſer/ dann daß man die
Ertz ohn allen Vnterſcheid/ unter die groben Pucher bringt. Sonderlich
weil man wol in geringeꝛn Metallen/ als Silber-Kupffer- und Bley-Er-
hen/ ſolche Fauſtſcheidung zu halten pflegt.

Die geringen Gold-Ertz aber/ die gleichwol auch ſubtil gediegen
Gold eingeſprengt haben/ und von der Fauſt nicht koͤnnen geſchieden
werden/ dieſelben/ wann ſie ſich ungeroͤſtet arbeiten laſſen/ ſeynd auff
zweyerley Weg auffzupuchen/ und auffzubereiten. Als unter den naſ-
ſen/ und unter den drucknen Puchern. Vnter den naſſen wird das Ertz
durch das Blech in die Gerinn und Schlem-Graͤben gepucht/ und wie
ein Silberhaltiger Schlich uͤber die Plaen-Herd getrieben/ und fol-
gends rein gemacht. In den treugen Puch-Wercken aber/ wird das
Mehl ůber die Plaen-Herd/ uͤber die wůllenen oder beyderwuͤllen Tuͤ-
cher/ wie oben von den Gold-Wercken berichtet/ gewaſchen/ rein gemacht
und angequickt.

Folgends ſeynd auch quaͤrtzige und hornſteinig Goldgaͤng/ darin-
nen das Gold gantz ſubtil und duͤnn/ mit andern im Waſſerfluͤchtigen/
Goldhaltigen Ertze eingeſprengt ſtehet. Auff dieſelbigen iſt das beſte
Auffbereiten/ daßman ſolche Quertz oder Hornſtein (wofern man der
Ort genug Holtz haben kan) in einem ſonderlichen darzu gemachten Roͤſt-
Ofen/ erſtlich gar hart und wol brenne/ und wann ſie in der groͤſten Glut
am harteſten ſtehen/ ein Waſſer darauffſchlage/ und jehlinge abkůhle/ ſo
erſchreckt das ſubtile flammichte Gold/ ſampt dem eingeſprengten Ertz/
und laufft zuſammen/ und bekombt ein rundes Corpus/ und eine Staͤrck/
daß es im Waſchen deſto veſter ſitzt und behalten kan werden. Deßglei-
chen wird der Quartz vom Abwaſchen ſo můrbe/ daß er hernacher in
groſſer Menning/ leichtlich zu puchen und folgends zu ſcheiden iſt. Er
ſchadet auch alsdann (weil er im Roͤſten mild und muͤrb worden) dem
ſubtilen
[101]Von dem Gold-Ertz.
ſubtilen Gold weniger als wann er noch roh/ hart und ungeroͤſt waͤre.
Wie dann die harten Quaͤrtz dem Gold/ und andern eingeſprengten
Gold-Ertzen/ im Puchen mehr Schaden thun/ daß ſichs aneinander ab-
malmet/ als die ſchweren Pucher/ dardurch dann das Gold gar leichtlich
auffſtehet/ und in der Truͤb im Waſſer weg gehet. Weil aber ſich gemei-
niglich befindet/ daß an denen Orten/ da ſolche quaͤrtzige hornſteinige
Gold-Gaͤng ſeyn/ das Holtz ſeltzam und ůbel zu bekommen iſt/ derowegen
ſo wird ein jeder ſelbſt ſein beſtes zu pruͤffen wiſſen.

Die Roͤſt-Oefen aber/ darinnen die gemelten quaͤrtzigen Ertz ge-Roͤſtoͤfen.
roͤſtet/ und mit dem Waſſer abgeloͤſcht ſollen werden/ die mach alſo: Gib
einem jeden ins Gefier zwo Elen/ und ſechs Elen in die Hoͤch/ laß ſie von
Steinen auffmauren/ alſo/ daß der Ofen forn am untern Theil ſo hoch
offen bleibe/ daß man das geroͤſte Ertz herauß ziehen kan/ welches/ wann
das Ertz zum Roͤſten darein geſetzt wird/ mit Laͤim zugemacht ſoll wer-
den. Es ſollen auch in den Ofen unten an ſtatt eines Roſts/ von Zie-
geln Vnterſchied einer Elen hoch auffgeſetzt und gemacht werden/ dar-
auff das Holtz zu liegen kombt/ und der Wind zwiſchen die auffgeſetzten
Ziegelſtein in das Feuer hinauff in Ofen gehen/ friſch brennen und trei-
ben kan.

Wann du in ſolchem Ofen roͤſten wilt/ ſo leg unten in Ofen auff die
Ziegelſtein kurtz geſpalten oder Reiß-Holtz zweyer Elen hoch: Darauff
trag das quaͤrtzige Ertz/ ſo grob es auß der Gruben kommet: Das kleine
aber/ ſo nicht gar grob iſt/ ſetz an die Waͤnd und Seiten deß Ofens/ da-
mit das grob Ertz mitten zu ſtehen kommet/ und die Flamm und die Hitz
deß Feuers ſich herdurch winden kan/ ſo bleibt die Hitz deß Feuers bey-
ſammen im Ofen/ und dringt ſich biß oben hinauß/ und thut alſo die Hitz
bezwungen viel mehr/ als in einem offenen Roſt. Wann nun der Roſt
in dem Ofen in groͤſter Glut brennt/ ſo ſoll man ein Waſſer darauf ſchla-
gen/ und jehling ablaͤſchen: Derhalben dann ſolcher Roſt-Ofen/ zum
Vortheil/ an ein ſolches Ort/ da Waſſer darein geſchlagen werden kan/
gebauet werden ſoll/ ſo laufft das ſubtile Gold in Koͤrnlein zuſammen/
und wird der Quartz muͤrb/ wie oben davon gemeldet iſt. Wiewol derſelbDen Roſt
abzuloͤſchen
ohne das vom Brennen muͤrb wird/ ſo wird er doch von ſolchem Abloͤ-
ſchen noch muͤrber/ und geſchicht auch/ wie gehoͤrt/ fůrnemlich umbs
Golds willen.

Solcher Roͤſt-Ofen Form und Geſtalt/ wie ſie in ihrer Propor-
tion in Verjuͤngung ſtehen/ das wird die folgende Figur außweiſen.

Wañ man auch deß Gold-Quaͤrtzes eine groſſe Menning haͤtte/ ſo
moͤchte man der Ofen mehr/ oder dieſelben groͤſſer machen/ und nach dem
es die Nothdurfft erfordere/ ſich mit der Proportion alſo darnach richten
damitdas Feuer ſeinen rechten Zug haben koͤnte.

So viel hab ich von Auffbereitung der Gold-Ertz/ dieweil ich mit
J iijden-
[102]Das ander Buch/
denſelbigen von Jugend auff nicht ſo viel umbgangen bin/ als mit den an-
dern metalliſchen Ertzen/ auffs kuͤrtzte vermelden wollen/ andere beſſere
Weiß und Weg/ die vielleicht etliche wiſſen moͤchten/ hiemit unbe-
nommen.

Von den Gold-Schlichen.

FErner iſt auch zu wiſſen/ wann die Gold-Ertz und Gold-
Schlich zum Anquicken rein außgeſtoſſen ſeynd/ und das
Gold mit dem Queckſilber herauß gezogen/ und angequicket
worden
[103]Von dem Gold-Ertz.
worden iſt/ ſo bleibet vom Anquicken noch ein Schlich/ deſſelbigen iſt et-
licher am Gold arm/ und etlicher reich/ die reichen Schlich aber/ koͤnnen
gleich einem reichen Silber-Ertz zu Gut gemacht/ und geſchmeltzet wer-
den. Die andern gemeinen Gold-Schlich aber/ ſonderlich wann die
gleich auff Gold-Bergwerck zur Eul kieſſig ſeynd/ und der Centner nur
ein Quintlein Gold haͤlt/ moͤgen uͤber die rohe Schicht in Schlackſtein/
und nicht fuͤglicher geſchmeltzet werden. Wofern aber die Schlich an
ihm ſelber nicht kieſſig waͤren/ ſo muß ein anderer Kieß/ der viel Stein
gibt/ dem Schlich im Schmeltzen fuͤrgeſchlagen werden/ wann alsdann
der Schlackſtein nicht reich am Gold außkombt/ dann ſchlag widerumb
andere Schichten/ dem Kieß zu huͤlff/ zu/ biß daß ein Centner deß
Schlackſtein dreyzehen oder vierzehen Quintlein Gold haltig/ gebrachtWie hoch
der Schlack
ſtein ſoll ge-
bracht wer-
den.
werde/ mehr Gold ſoll man darein nicht arbeiten. Dann ſo er zu reich
am Gold wuͤrde/ waͤre zu beſorgen/ die rohen Schlacken wuͤrden zureich
bleiben. Derhalben/ wo man deß Kieſſes zum Zuſchlack genug haben
kuͤndt/ oder der Schlich an ihm ſelber kieſſig waͤre und Stein geb/ waͤre
es beſſer/ man braͤcht den Schlackſtein nicht hoͤher am Halt/ dann den
Centner auff zehen Quintlein Gold/ dardurch bleiben die Schlacken de-
ſto aͤrmer. Alſo und auff dieſe Weiß koͤnten die eiſenſchuͤſſigen Ertz/ die
gar klein ſubtil flammicht oder angeſchmecht Gold haben/ und ein Cent-
ner in gemein ein halbs Loth oder ein Quintlein Gold hielt/ auch zu Nutz
geſchmeltzt werden.

Die reichen Gold-Ram oder Schlich aber/ darauß das Gold ge-Reiche
Gold-
Schlich.
quickt iſt/ welche eines theils gar reich am Gold zu ſeyn pflegen/ alſo daß
bißweilen ein Centner deſſelben von drey biß in vier Loth ſilberig Gold
haͤlt/ die koͤnnen beſſer nicht/ dann ůber das Bley geſchmeltzet werden.
Jedoch dieweil derſelbe Schlich gar ſubtil iſt/ ſo erhebt ihn das ſtarcke
Geblaͤß im Schmeltz-Ofen gar leichtlich/ daß er herauß ſtaͤubt und
Schaden geſchicht. Dem fůrzukommen/ mag man den Schlich mit
ſtarcken Hefen anmengen/ und laſſen trocken werden/ folgends zu Stuͤck-
lein brechen/ oder ehe es gar trocken worden/ in Stuͤcklein ſchneiden/ und
alſo in Ofen ſetzen/ ſo hat der Schlich eine beſſer Haltung.

Ich muß auch hierneben berichten/ wann man einen Gold-Schlich
hat/ und ſchmeltzen will/ deß ein Centner von zwey biß in vier oder fuͤnff
Quintlein Gold haͤlt/ und nicht an ihm ſelber kieſſig iſt/ und anderer
Kieß zugeſchlagen werden muß/ ſo ſoll man den Kieß und Schlich auffs
Fuͤrmaß nicht unter einander bringen/ noch alſo auff die Schicht lauf-
fen/ dann dadurch wuͤrde Schaden geſchehen/ in dem/ daß ſich der Kieß
im Fuͤrmaß außtheilen/ und wenig rohen Stein geben/ und am Gold
viel zu ruͤck bleiben wuͤrde: Sondern man ſoll den Kieß und Schlich un-
terſchiedlich fuͤrwaͤgen/ und wann man davvon ſchmeltzet/ ſo ſoll man
J iiijnach
[104]Das ander Buch/
nach geſtalt deß Fuͤrmaß/ ſonderlich Kieß und ſonderlich Schlich und
Schlackenſetzen/ im Schmeltz-Ofen findet es ſich wol zuſammen/ und
durch diß Mittel/ wie es die Erfahrung geben wird/ mehr roher Stein/
und mehr Gold außbracht/ als wann Schlich/ Kieß und Schlacken un-
tereinander gemenget wird/ dann das Werck bleibt in der Enge beyſam-
men/ und wird nicht in die Weite gebracht.

Wie man Gold-Schlich/ ſo gediegen Gold haben/
zum Anquicken zurichten und anqui-
cken ſoll.

WAnn nun die Gold-Schlich/ die gediegen Gold haben/ rein
gemacht ſeyn/ und man will dieſelben ferner zu gut ma-
chen/ und durchs Anquicken das Gold herauß bringen:
So ſoll man erſtlich den Schlich folgender Geſtalt zurich-
ten: Nemlich nimb guten ſtarcken Wein-Eſſig/ thue dar-
Den Gold-
ſchlich zu
zu richten.ein auff jede Kandel ein viertel Pfund Alaun/ laß es ein wenig einſieden
und dann kalt werden/ [folgends] thue den Gold-Schlich in ein ſaubers
Gefaͤß/ und geuß den zugerichten Eſſig daruͤber/ daß er den Schlich be-
decke/ laß es ein Nacht zwo oder drey daruͤber ſtehen und wol erbeiſ-
ſen/ ſo macht der Eſſig dem Flammen-Gold einen friſchen Grund/ daß es
das Queckſilber deſto lieber angreifft und zu ſich nimbt/ und was noch
von weicher Erden darunter iſt/ beiſt es zu Schlamm/ und macht das
Gold ledig. Wann nun der Eſſig gemelte Tag darůber geſtanden/ ſo ſeige
den Eſſig wieder herab/ und Waſch den Schlich mit warmẽ Waſſer wie-
derumb ſauber und ſchoͤn/ und laß ihn treug werden. Folgends thu ihn in
Anquicken.einen Reibtopff/ oder in ein hoͤltzern Geſchirꝛ/ und ſo viel Queckſilber dar-
zu/ nachdem deß Golds im Schlich viel iſt/ uñ reibs mit den Haͤnden wol
unter einander/ folgends auch mit einer hoͤltzernen darzu gemachtẽ Reib-
Keuln/ ſo lang/ biß das Queckſilber alles Gold an ſich genommen hat.
Wann ſolches geſchehen/ ſo geuß ein laulicht Waſſer daran/ und waſch
den Schlich und Queckſilber rein/ geuß die truͤbe darvon/ ſo lauffet das
Queckſilber wieder zuſammen: Das ſcheide gar rein und ſauber vom
Dz Oueck-
filber durch
Leder zu
drucken.Schlich/ damit nichts zu ruͤck bleibet/ dann es iſt nunmehr goͤldiſch wor-
den. So diß geſchehen/ ſo troͤckne es mit einem Schwamm/ und thue es in
ein doppelten ſtarcken Barchet/ oder in ein Saͤmiſch Leder/ das beſſer iſt/
und zwing es mit einer veſten Schnur/ ſo fleuſt und dringet das Queck-
ſilber durch ſolchen Barchen oder Leder herauß/ und bleibet das Gold
ſampt faſt ſo viel Queckſilber im Leder: das ſetze auff einen flachen Schir-
ben auff ein Kohlfeuer/ ſo verrauchet vollend ſolch uͤbrig Queckſilber/
und bleibet nur das Gold allein/ das gluͤe wol auß/ und ſchmeltz es zuſam-
men/
[105]Von dem Gold-Ertz.
men/ verblaß es mit ein wenig Borras/ biß es den Blaß haͤlt/ und geuß
es zu einem Zain. Der zugerichte Eſſig mit dem Alaun/ wie oben davon
gemeldet/ der wird nicht von allen gebraucht/ ſondern ſie quicken das Gold
nur alſo ſchlecht im Schlich an/ es iſt aber beſſer/ daß ſolcher Eſſig zuge-
richtet und gebraucht werde.

Wie man die reinen Gold-Schlich in Manglung deß
Queckſilbers zu gut machen ſoll.

IN Manglung aber deß Queckſilbers/ moͤchte man den rei-
nen oder reichen Gold-Schlich/ mit gekoͤrnetem Bley/
Glet/ und Bley-Glaß/ und in einem Tiegel mit ein wenig
Todtenkopff und Glaß-Gallen vermenget/ und mit Saltz
bedecket/ in einem Wind-Ofen rein und wol flieſſen/ und
folgends den Koͤnig auff einem flachen Teſt abgehen laſſen: Dieweil
von den ſcharpffen quaͤrtzigen Gaͤngen/ von den Pucheiſen viel grob
und klein Eiſen/ unter den letzten reinen Schlich mit außgeſtoſſen wird/
ſo muß daſſelbige zuvor mit einem guten Magnet rein außgezogen
werden/ ſonſt wuͤrde es im Anſieden viel verhindern/ wann aber der
Gold-Schlich Eiſenman haͤtte/ oder kieſſig waͤre/ ſo můſt der erſtlich in
allweg geroͤſtet werden/ dann wird ſich alles Gold/ das auch im Schlich
iſt/ und nicht ledig ligt/ im Bley-Koͤnig finden/ und zu nutz kommen. Der
Teſt aber zu ſolchem Abgehen/ ſoll zugerichtet ſeyn/ mit geſchlemmter A-Zum Gold
feſte Teſt
zu machen.
ſchen/ darunter kleine geriebene Bein-Aſchen der halbe Theil/ und ein we-
nig Toͤpffer-Thon/ auch oben mit guter Claͤr betrieben ſeyn ſoll/ damit
ſich vom Gold nichts darein ziehe/ und wann derſelbe gar bereitet iſt/ ſoll
man Waſſer darein gieſſen/ und ſolches einkriechen laſſen/ davon wird der
Teſt veſt und gut. Wann nun das Gold darauff abgangen iſt/ ſo nimb
den Gold-Blick/ als der noch ungeſchmeidig iſt/ ſetz ihn auff einen flachen
Schirben mit eim wenig Glet beſtrichen/ treibs vorm Geblaͤß/ biß ſo
lang das Gold den Blaß haͤlt/ ſo wird es geſchmeidig/ das magſtu als-
dann/ wo es noch einen kleinen Bley-Rauch bey ſich haͤtte/ in einem Tie-
gel zuſammen ſchmeltzen/ Borras darein werffen/ und zu einem Zain
gieſſen/ oder alsbald ins Ciment legen/ wie hernach Bericht davon
folget.

Folgt der Fluß zum Anſieden.

DEr Fluß/ darvon jetzt geſaget iſt/ wird alſo gemacht: Nimb ein
Theil Salpeter/ und zwey Theil Weinſtein/ beydes klein ge-
ſtoſſen/ und unter einander gemenget/ laß ein unverglaſurten
Topff gluͤend werden/ ſchuͤtt die geſtoſſene Materi darein/
deck den Topff mit einer Stuͤrtzen behende zu/ ſo brennt ſich der Fluß bald
auß/ und wird ein ſchwartz-grau Pulffer. Oder wann du die geſtoſſene
Materi in einen Topff gethan haſt/ ſo ſtoß einen gluͤenden Kohlen dar-
ein/ ſo brennt es ſich auch auß/ zu einem Fluß: Dann miſche Salpeter-
Saltz/ oder gefloſſen Saltz/ auch Glaß-Gallen und rohen Weinſtein
darunter/ ſo iſt der Fluß bereit.

Wie man das Gold gar rein von dem Queck-
ſilber ſcheiden ſoll.

NAch vollbrachtem Anquicken/ wann das Queckſilber durch
den doppelten Barchent oder Semiſche Leder darvon ge-
zwungen iſt worden/ ſo bleibt gemeiniglich noch ein wenig
Gold darbey/ ſonderlich/ wann die Gold-Schlich und
Gold-Ertz arm/ und das Queckſilber darvon nicht reich
am Gold wird. Solches kan (wo anders mehr Schlich vorhanden/ oder
gemacht wird) zu fernerer Arbeit und Anquicken gebrauchet werden. Wo
aber nicht mehr Schlich gearbeitet ſolte werden/ ſo můſte das Gold/ wel-
ches mit dem Queckſilber durchs Leder gangen/ durch ein ſonderliches
Scheiden/ gar rein davon geſcheiden werden/ wie dann gemeiniglich ein
Centen deſſelbigen bey zwey oder drey Loth Gold und daruͤber zu halten
pflegt/ ſonderlich wann das Queckſilber von armen Schlichen kommen:
Ein eiſern
Krug.Vnd geſchicht ſolches Scheiden alſo: Laß dir einen eiſern Krug ſchlagen/
den du biß an den Bauch von einander nehmen kanſt/ beſchlag das unter
Theil
[109]Von dem Gold-Ertz.
Theil deſſelbigen inwendig eines halben Fingers dick/ mit gar gutem ge-
ſchlembten Leim/ der im Feuer wol haͤlt/ und nicht reiſſet/ laß es trocken
werden/ ſetze das ober Theil darauff/ und bind beyde Theil mit eim eiſern
Drat gar veſt auff einander/ und beſchlag dann außwendig den gantzen
Krug ůberall mit gutem Leimen/ und ſo er trocken worden/ ſo ſetze ihn in
ein Ofen/ den man ein Heintzen nennet/ darinnen man pfleget Scheid-
waſſer zu brennen/ und thu das Queckſilber (wo du anders deß ein Noth-
durfft haſt) bey funfftzig Pfund darein/ und ein erdnen Helm oben dar-
auff/ lege auch ein erdnen Krug fůr/ darein bey drey Maß Waſſers gegoſ-
ſen ſey/ alles außwendig mit einander wol verlutirt/ und trocken werden
laſſen. Alsdann laß das Feuer gemach angehen/ und ſtaͤrcks von einer
Stund zur andern/ ſo lang biß daß der Krug letztlich wol erglůe: Jedoch
thue ihm nicht gar zu jaͤhling heiß/ damit der Krug nicht zerſpringe/ oder
das Queckſilber ſpruͤtze/ ſo wird das Queckſilber alles herůber ſteigen/ uñ
in die fuͤrgelegte Kruͤg ins Waſſer kommen: Welches (wann man das
Feuer zimlicher maſſen haͤlt) in ſieben oder acht Stunden geſchehen kan.
Wann nun ſolches alles herůber gebracht iſt/ ſo laß den Krug wol erkaltẽ/
nimb ihn auß dem Feuer/ und brich ihn auff/ ſo wirſtu das Gold am Bo-
den beyſammen finden/ das ſtich vom Leim ab/ und laß es zuſam̃en flieſſen.

Wie man die Goldſchlich auff Gold pro-
biren ſoll.

DEr Goldertz ſeynd zweyerley/ eines theils flůſſig/ eines theils
ſtreng/ gleich wie im erſten Buch von den Silber-Ertzen
auch gemeldet iſt/ derhalben die gemeinen Probirer auch
zweyerley Proceß im Probiren gehalten haben. Nemlich
auff die fluͤſſigen milden Ertz/ als die eiſenſchuͤſſig und glaͤn-
tzig/ und die ohne Kiß ſeyn/ iſt ihre Prob alſo geweſen: Sie haben das
Ertz oder Schlich klein gerieben/ und davon abgewogen ein Centner deß
Fluß/ den ſie zu den Gold-Ertzen pråparirt haben (wie unten folgen wiꝛd)
und alles unter einander gemiſchet/ und in einen reinen Tiegel gethan und
zugedecket/ in ein Kohlfeuer fuͤr ein Geblåß geſetzt/ dem zu geblaſen/ und
wann der Fluß wol geſchmoltzen iſt/ alsdann in den Tiegel fuͤnfftzehen
Centner rein Bley hinnach geſetzt/ wanns angefangen zu ſchlacken/ den
Tiegel auß dem Feuer gehoben/ ihn laſſen kalt werden/ auffgeſchlagen/
und den Koͤnig unten auß dem Tiegel ſampt den Schlacken genommen/
und zuſam̃en auff einen Probir-Schirben in einem Probir-Ofen/ rein
wiederumb anſieden und ſchlacken laſſen/ gleich anderm Silber-Ertz/
auch mit einem ſaubern Ruhrhacken wol umgeruͤhret/ und ſo es rein an-
geſotten geweſt/ erkalten laſſen/ letztlich das Werck von den Schlacken
abgeſchlagen/ und auff einer wol abgeaͤdenten Cappelln abgehen laſſen.
Sie haben aber den Fluß zu ſolchem ihrem Probiren gemacht/ und eim
Theil Glet und eim Theil Spießglaß wol unter einander gerieben/ von
geſchmeltzt/ und wann ſie den zu den Ertzen oder Schlichen/ die nicht ei-
ſenſchuͤſſig geweſt/ brauchen wollen/ ein wenig gefeilt eiſen darzu genom-
men/ damit der Fluß etwas zu verzehren gehabt/ und nicht ins Silber
und Gold eingegriffen.

Folget ferner außdruͤcklicher Bericht/ wie das Gold/ es
ſey an Stuͤcken/ Plantſchen/ Zainen/ oder das gemuͤntzt Gold/ pro-
birt ſoll werden/ und erſtlich von Streich-
Nadeln.

DIeweil in dem Streichen deß Goldes/ offtmals groſſe Be-
truͤglichkeit gebraucht wird/ ſonderlich von etlichen/ die auf
die Strich die Goͤlder kauffen. So iſt zu ſolchem Probiren
hoch von noͤthen/ daß man rechtſchaffene Nadeln (die ohne
Betrug und Falſch ſeyn) hierzu machen/ damit man im
Strich nicht befortheilt werde/ dann man kan einem Gold durch die Gra-
dierung ſo ein ſchoͤne hohe Farb geben/ daß mit ſolchem ein achtzehen Ka-
rathaltiger Strich/ auff gut Cronen-Gold kan geſtrichen und geurtheilt
werden.

Man wolle aber erſtlich bericht ſeyn/ daß etliche Goͤlder/ als die auß
dem Scheiden kommen/ und kein Roth ſonder eitel Weiß haben/
mit der rothen auff den gewiſſen rechten Halt nicht zu ſtreichen ſeyn.
Entgegen koͤnnen die viel roth und wenig weiß haben/ als das
Cronen-Gold mit der weiſſen Nadel (die zu dem Scheid- und Waſch-
Gold gemacht wird) auch nicht geſtrichen werden/ viel weniger kans mit
dem Rheiniſchen Gold/ das mehr Weiß als Roth hat/ mit der jetztgemel-
ten Nadeln einer geſchehen. Will derhalben erſtlichen die gebraͤuchli-
chen Nadeln/ und wie dieſelbigen gemacht und zugericht werden/ beſchrei-
ben/ und nachfolgends die andern auch/ mit Erinnerung/ daß ein jeder
Probirer wolle gute Achtung darauff haben/ daß er ſeine Goldſtrich
recht fůhre/ damit es ihm nicht fuͤr ein Leichtfertigkeit und Vnverſtand
werde zugemeſſen/ und darnach nicht zu ſchaden komme. Dann durch die
falſchen Nadeln/ vielmals nicht allein die der Goͤlder unberich-
tet ſeyn/ ſondern auch die taͤglich damit umbgehen/
betrogen werden koͤnnen.

Wie die weiſſen Streichnadeln gemachtod er
geſetzt werden ſollen.

ZV allen Streichnadeln ſolt du nehmen ein rein fein Gold
(wiewol ſolches ſo wenig als ein fein Silber erwieſen kan
werden) ſo achte ich doch diß fuͤr ein rein und gleich einem
feinen Gold/ das durch das Spießglaß gegoſſen und fleiſ-
ſig verblaſſen/ nachmahls duͤnn geſchlagen durchs Ciment
und andere Weg (davon hernach geſagt wird) rein gemacht iſt worden.
Von demſelbigen wieg zu den Nadeln ab/ nach einem ſondern Karatge-
wicht/ welches etwas groͤſſer/ als ein gemein Karatgewicht ſeyn ſoll/ und
zu einer jeden wie folget.

Zu der erſten Nadel wieg 24. Karat fein Gold/ das gibt die erſte Na-
del. Zur andern wieg 23. und ein halbe Karat fein Gold/ und ein halbe
Karat oder 6. Graͤn weiß oder fein Silber. Zu der dritten 23. Karat fein
Gold und ein Karat weiß. Zu der vierdten/ 22. ein halb Karat Gold/ und
anderthalb Karat weiß. Zu der fuͤnfften/ 22. Karat Gold und 2. Karat
weiß. Zu der ſechſten/ 21. ein halb Karat Gold und drithalb Karat weiß.
Zu der ſiebenden/ 21. Karat Gold und drey Karat weiß. Zu der achten/
20. ein halb Karat Gold und vierthalb Karat weiß. Zu der neundten/
20. Karat Gold und 4. Karat weiß. Zu der zehenden/ 19. ein halb Ka-
rat Gold und fuͤnffthalb Karat weiß. Zu der eilfften/ 19. Karat Gold/
5. Karat weiß. Zu der zwoͤlfften/ 18. ein halb Karat Gold/ ſechſthalb Ka-
rat weiß. Zu der dreyzehenden/ 18. Karat Gold und 6. Karat weiß. Zur
vierzehenden/ 17. ein halb Karat Gold/ ſiebendhalb Karat weiß. Zur
fuͤnffzehenden/ 17. Karat Gold/ 7. Karat weiß. Zur ſechzehenden/ 16.
ein halb Karat Gold/ achthalb Karat weiß. Zur ſiebenzehenden/ 16.
Karat Gold/ 8. Karat weiß. Zur achtzehenden/ 15 ein halb Karat Gold/
neunthalb Karat weiß. Zur neunzehenden/ 15. Karat Gold/ 9. Karat
weiß. Zur zwantzigſten/ 14. ein halb Karat Gold/ zehenthalben Ka-
rat weiß. Zur ein und zwantzigſten/ 14. Karat Gold/ 10. Karat weiß.
Zur zwey und zwantzigſten/ 13. ein halb Karat Gold/ 10. ein halb Karat
weiß. Zur drey und zwantzigſten/ 13. Karat Gold/ 11. Karat weiß.
Zur vier und zwantzigſten Nadel/ 12. ein halb Karat Gold/ 11. ein halb
Karat weiß.

Man moͤcht auch nach ſolcher Ordnung die Nadeln wol weiter her-
ab machen/ wann mans gern thun wolte. Es iſt aber nicht braͤuchlich/
daß man die geringen Gold unter 12. karat ſtreichet. Oder moͤchte die
Nadeln von karat auff karat machen und fallen laſſen/ daß man die
halben karat nicht mit einzoͤge (wie dann die halben karat ſchwerlich
recht zu erkennen ſeynd) dardurch wuͤrden der Nadeln aber deſto
K iiijweni-
[116]Das ander Buch
weniger. Solches ſtehet nun bey einem jeden und zu ſeinem Gefallen/
und werden dieſe weiſe Nadeln/ wie obgemelt/ auff das Scheid- und
Waſch-Gold gebraucht.

Wie man die Streichnadeln auff Cronen-Gold
machen und ſetzen ſoll.

DAs Cronen-Gold iſt in der Beſchickunge am Zuſatz nicht gleich/
dann die Welſchen Cronen haben mehr roth als die Frantzoͤſi-
ſchen Cronen: Daß demnach wol von noͤthen waͤre/ daß man
jedem Gold ſondere Nadeln machte. Vnd weil dann die rechten Fran-
tzoͤſiſchen Cronen/ ihren Zuſatz haben faſt den halben Theil weiß/ dage-
gen die Welſchen Cronen/ ihren Zuſatz/ ein Theil weiß/ und zwey Theil
roth (wiewol dieſelben auch nicht alſo gleich ſeyn/ dann eines Theils ha-
ben ihren Zuſatz faſt auff den halben Theil weiß/ und eines Theils mehr
roth als weiß) Derwegen ſo will ich allhie die Abtheilung auff zwey
Theil roth und ein Theil weiß ſetzen. Doch wann das eine Gold darunter
weiſſer waͤre/ ſo moͤchte man die andern nachgeſetzten Nadeln/ mit halb
weiß und roth brauchen. So wieg nun zu der erſten Nadel 24. Karat
fein Gold/ das gibt die erſte Nadel. Zur andern/ 23. ein halb Karat
Gold/ 2. Gren weiß oder fein Silber/ 4. Gren roth oder rein gar
Kupffer. Zur dritten/ 23. Karat Gold 4. Gren weiß/ und 8. Gren roth.
Zur vierdten/ 22. und ein halb Karat Gold 6. Gren weiß und einen Karat
roth. Zur fuͤnfften/ 22. Karat Gold/ 8. Gren weiß und ein Karat 4.
Gren roth. Zur ſechſten/ 21. ein halb Karat Gold 10. Gren weiß 1. karat
8. gren roth. Zur ſiebenden/ 21. Karat Gold 1. Karat weiß/ 2. Karat
roth. Zur achten/ 20. ein halb Karat Gold 1. Karat 2. gren weiß/ 2. Karat
4. gren roth. Zur neundten/ 20. Karat Gold 1. Karat 4. gren weiß/ 2. Ka-
rat 8. gren roth. Zur zehenden/ 19. ein halb Karat Gold/ 1. Karat 6. gren
weiß 3. Karat roth.

NAch ſolcher Ordnung oder Bericht/ kan man die Nadeln ferner
herab abtheilen/ und ſo es einem gefaͤllt/ auch den Halt der Nadeln
von Karat auff Karat fallen oder ſteigen laſſen. Dieſe Nadeln
werden nicht allein auff das gemuͤntzte Gold gebraucht/ ſondern auch auf
all ander Gold/ ſo dieſer Beſchickung ſeyn/ oder den Zuſatz oben geſetztem
Bericht nach in ſich haben.

Abtheilung der Streichnadeln/ daran der Zuſatz halb
weiß und halb roth iſt.

DIeweil etlich Cronen mit halb weiß/ und halb roth beſchickt
ſeynd/ welche ich an der Farb fuͤr die ſchoͤnſte achte. So wieg
in der
[117]Von dem Gold-Ertz.
in der Abtheilung zur erſten Nadel 24. Karat fein Gold/ wie dann in al-
len Nadeln die hoͤchſte oder beſte Nadel fein Gold ſeyn ſolle. Zu der an-
dern Nadel 23. und ein halb Karat Gold 3. gren weiß und 3. gren roth. Zu
der 3. Nadel 23. karat Gold/ 6. gren weiß und 6. gren roth. Zu der
vierdten/ 22. und ein halb Karat Gold/ 9. gren weiß und 9. gren roth. Zu
der fuͤnfften/ 22. Karat Gold/ 1. Karat weiß und 1. Karat roth. Zu der
ſechſtten 21. und ein halb Karat Gold/ 1. Karat/ 3. gren weiß/ und 1. Karat
3. gren roth. Zu der ſiebenden/ 21. Karat Gold/ 1. Karat 6. gren weiß/ und 1.
Karat 6. gren roth. Zu der achten/ 20. ein halb Karat Gold/ 1. Karat 9.
gren weiß vn 1. karat 9. gren roht. Zu der neundten/ 20. Karat Gold/ 2. ka-
rat weiß 2. karat roth. Zu der zehenden/ 19. ein halb karat Gold/ 2. karat 3.
gren weiß/ und 2. karat 3. gren roth. Zu der eilfften/ 19. karat Gold/ 2. karat
6. gren weiß/ und 2. karat 6. gren roth. Zu der zwoͤlfften/ 18. ein halb karat
Gold/ 2. karat 9. gren weiß/ und 2. karat 9. gren roth. Zu der dreyzehenden/
18. karat Gold/ 3. karat weiß und 3. karat roth. Zu der vierzehenden/ 17. und
ein halb karat Gold/ 3. karat 3. gren weiß/ und 3. karat 3. gren roth. Zu der
fůnffzehenden/ 17. karat Gold/ 3. karat 6. gren weiß/ und 3. karat 6. gren
roth. Zu der ſechzehenden/ 16. ein halb karat Gold/ 3. karat 9. gren
weiß/ und 3. karat 9. gren roth. Zu der ſiebenzehenden/ 16. karat Gold/ 3.
karat weiß und 4. karat roth. Zu der achtzehenden/ 15. ein halb karat
Gold/ 4. karat Gold/ 3. gren weiß/ und 4. karat/ 3. gren roth.

Nach dieſer Ordnung magſt du die Nadeln fernern herab theilen/
oder auch von karaten zu karaten ſteigen und fallen laſſen/ wie du zuvorn
auch bericht biſt worden.

Wie man die Streichnadeln machen ſoll/ auff das
Rheiniſche Gold/ darin der Zuſatz zwey Theil weiß/
und ein Theil roth iſt.

WIewol etlich Rheiniſch Gold/ auch den Zuſatz auff halb
weiß und halb roth hat/ darzu dann vorgeſetzte Nadeln zu
gebrauchen ſeyn. So iſt doch der Zuſatz deß meiſten theils
von zwey Theil weiß und ein Theil roth/ auff ſolches ſoltu
die Nadeln alſo abtheilen. Zu der erſten Nadel wieg 24. karat fein Gold/
das gibt die erſte Nadel. Zu der andern Nadeln 23. und ein halb Karat
fein Gold/ 4. gren weiß uñ 2. gren roth. Zu der drittē Nadel 23. kar. Gold/
8. gren weiß und 4. gren roth. Zu der vierdten/ 22. und ein halb karat Gold/
1. gren weiß uñ 6. gren roth. Zu der fuͤnfften/ 22. karat Gold/ 1. karat 4. gren
weiß und 8. gren roth. Zu der ſechſten/ 21. und ein halb karat Gold/ 1. karat
8. gren weiß/ und 10. gren roth. Zu der ſiebenden/ 21. karat Gold/ 2. karat
weiß/ und 2. karat roth. Zu der achten/ 21. ein halb karat Gold/ 2. karat 4.
gren weiß und 1. karat 2. gren roth. Zu der neundten/ 20. karat Gold/ 2. ka-
rat 8. gren weiß/ und 1. karat 4. gren roth. Zu der zehenden/ 19. und ein halb
karat
[118]Das ander Buch/
karat Gold/ 3. karat weiß/ und 1. karat 6. gren roth. Zu der eilfften 19. karat
Gold/ 3. karat 4. gren weiß/ und 1. karat 8. gren roth. Zu der zwoͤlfftē/ 18. ein
halb karat Gold/ 3. karat 8. gren weiß/ uñ 1. karat 10. gren roth. Zu der drei-
zehenden/ 18. karat Gold/ 4. karat weiß und 2. karat roth. Zu der vier-
zehenden/ 17. und ein halb karat Gold/ 4. karat 4. gren weiß/ und 2. karat. 2.
gren roth. Zu der fuͤnfftzehendē/ 17. karat Gold/ 4. karat 8. gren weiß/ und
2. karat 4. gren roth. Zu der ſechtzehenden/ 16. ein halb karat Gold/ 5. karat
weiß/ und 2. karat 6. gren roth. Zu der ſiebenzehenden 16. karat Gold/ 5.
karat 4. gren weiß/ und 2. karat 8. gren roth. Zu der 18./ 15. ein halb karat
Gold/ 5. karat 8. gren weiß/ und 2. karat 10. gren roth. Zu der 19. Nadel/
15. karat Gold/ 6. karat weiß und 3. karat roth. Zu der 20. Nadel/ 14. und
ein halb karat Gold/ 6. karat 4. gren weiß/ und 3. karat 2. gren roth.

Ob nun wol das Rheiniſche Gold nicht ſo geringes Halts zu ſeyn
pflegt/ ſo macht man doch die Nadeln umb der Beſchickung oder Zuſatz
willen alſo/ daß man dardurch das geringe Gold ſolches Zuſatzs halben
recht ſtreichen/ und auff den beylaͤufftigen Halt urtheilen kan.

Solcher geſtalt koͤnte man auch etlich wenige Nadeln mit eitel roth
oder kupffer verſetzen/ oder beſchicken: Dann etliche Golder/ ſonderlich die
reich ſeynd/ als unter den gemuͤntzten/ die Vngariſchen eytel roth haben.
Wann man auch Streichnadeln auff einen gewiſſen Halt eines Goldes
richten wolt/ die mit dem Zuſatz/ anders als die vorgeſetzten Nadeln ſeyn
ſolten/ ſo koͤnten die nach vorgeſetztem Bericht abgetheilt werden: Das
ſoltu alſo verſtehen: Es ſey deß Golds Halt mit ſeiner Beſchickung oder
Zuſatz/ wie es woͤlle/ ſo beſchicke deine Streichnadeln alſo/ daß allwegen
Gold und Zuſatz eine volle Marck zuſammen bringt/ wie in dieſen vorge-
ſetzten Berichten der Nadeln zu ſehen.

Vnd wann du die Nadeln mit Fleiß abgetheilt haſt/ ſo laß die Thei-
lunge eine jede inſonderheit in einem kleinen Tiegel/ mit einem wenig
Borrax zuſammen flieſſen/ und ſo es gefloſſen/ geuß es alſobald auß/ dañ
je ſchneller die Theilung von den zuſammen geſetzten Metallen/ mit ein-
ander flieſſen und auß dem Feuer kommen/ je beſſer iſt es. Etliche laſſens
in einem Kohln zuſammen gehen/ es bleiben aber die Theilungen nicht all-
wegen von ſolchem geſchmeidig/ ſo brechen auch bißweilen die Kohlen
durch/ damit die Theilung zu nicht wird. Derowegen iſt rathſamer/ in ei-
nem kleinen Tiegel dieſelb zuſammen gelaſſen/ ſo darff man nicht viel
Sorg deß Durchlauffens tragen.

Wann die Theilungen zuſammen gelaſſen ſeynd/ ſo ſchlage dieſelbi-
gen jede ſonderlich nach der Laͤng/ und formire die nach deinem Gefallen/
ſchlag oder ſtich auch auff die Nadeln/ die Ziffern/ was ein jede an feinem
Gold/ und am Zuſatz halt/ damit man ſehen kan/ wie viel Karat uñ Gren
fein Gold eine jede Nadel haͤlt/ und im Strich nit geirret werde. So man
auch wil/ kan man die zuſam̃en beſchicktē Nadeln an kuͤpfferne uñ ſilberne
Stifft
[119]Von dem Gold-Ertz.
Stifft loͤten/ daß nur das Vrtheil die guͤldene abgetheilte Nadeln ſeynd/
wie dann die guͤldenen Streichnadeln gemeiniglich auch nicht anderſt
gemacht werden/ ſonſt wuͤrden ſie viel am Geld geſtehen/ wie in folgender
Figur zu ſehen.

Die Goldſchmied aber legen ſo viel Muͤhe und Vnkoſten nicht dar-Der gemei-
nen Gold-
ſchmiede
Streich-
nadeln.
auff/ ſondern ſchneiden ein Stuͤcklein von einem Ducaten/ und von einer
Crone/ und von einem Rheiniſchen Gůlden/ loͤten ein jedes an einen kupf-
fern Stifft/ darnach ſtreichen ſie ihr Gold. Durch dieſe Weiſe koͤnnen ſie
das Gold/ ob es Ducaten-Cronen- oder Rheiniſch Gold im rechten Halt
iſt/ wol ſehen/ wann aber ein Vnterſchied unter dem Halt iſt/ den koͤnnen
ſie nicht wiſſen/ viel weniger wie viel der Halt eigentlich ſey.

Vom Gebrauch der gemachten Streichnadeln.

WAnn die Streichnadeln alſo mit Fleiß bereitet ſeyn/ und
man will die brauchen/ ſo muß man einen guten Streich-Streich-
ſtein.
ſtein habē/ darauf die Goͤlder geſtrichen werden/ derē findet
man eines theils die grau uñ bleichgrůn ſeyn/ aber ſchwaꝛtze
ſeynd die beſten/ wiewol dieſelbe nicht alle tuͤglich/ ſon-
derlich wann ſie entweder zu hart oder zu weich ſeyn. Die weichen ha-
ben die Art/ daß man keinen Gold-Strich-Glantz darauff ſtreichen kan/
ſondern das Gold wetzt ſich daran/ und wird im Anſehen matt und
rauch. So ſtreichet ſich das Vngariſche oder ſonſt ein weich Gold/ auff
den
[120]Das ander Buch
den Steinen/ die gar zu hart ſeyn/ auch nicht recht/ dann es ſchleppet ſich
das Gold darauff/ daß man keinen rechten Strich ſehen kan: Darumb iſt
der Streich-Stein gut/ ſo ſtreich das Gold/ was Halt das ſey/ einen fei-
nen guten ſtarcken Strich/ der Glantz iſt darauff/ und dargegen deine
Streich-Nadeln/ ſo lang biß derſelbe Strich dem Goldſtrich an der Far-
be/ und Hoͤhe/ gleich ſey/ alsdann haſtu deß Goldes beylaͤufftigen Halt.
Allein/ wie ich oben auch berichtet hab/ ſo gib gute Achtung darauff/ ob
das Gold auch hoch gegrend ſey/ das iſt/ ob es viel Kupffer zum Zuſatz ha-
be/ oder viel weiß/ welches man bleich Gold nennet/ nach ſolchem brauche
auch deine Nadeln. Welches nicht ein jeder verſtehet/ darumb muß er
Die un-
ſchmeidi-
gen Goͤlder.die Erkaͤntnuß deß rechten Strichs auß groſſer Vbung haben. Was
aber die unſchmeidigen Goͤlder belanget/ die geben keinen rechten Strich/
ſondern ſtreichen ſich alle geringes Halts/ dann ſie an feinem Gold hal-
ten/ derwegen dieſelben Strich alle falſch/ und nicht vor gewiß zu urthei-
len ſeynd.

Wie die Goͤlder durchs Scheidwaſſer
probirt werden.

WAnn du Stuͤck Golder/ Plantſchen/ oder Zain-Gold haſt/ und
die probiren wilt/ ſo ſchlage die Stuͤck oder Plantſchen erſtlichē
oben auf der einen Seiten auß/ und darnach untē auf der andern
Seiten gegen ůber auch/ und ſchlage ſolche Außſchlaͤge fein duͤnne/ damit
du von einem Außſchlag ſo viel als von dem andern abwaͤgen/ und zur
Prob nehmen kanſt. Iſt es aber ein gegoſſener Zain/ ſo ſchlage ihn nur
auff einem Ort důnn/ und waͤge davon zu deiner Prob ab. Zu ſolchem
Das Ka-
ratgewicht
ſoll klein
ſeyn.Probirn der Golder und Goldguͤlden muß man ein ſonderliches darzu
abgetheiltes Karat-Gewicht haben/ das umb deß Auffſchnits willen deß
Silbers/ klein ſeyn ſoll/ ſonſt koͤnte die Probir-Wag den Auffſchnitt (von
welchem hernach geſagt wird) nicht ertragen/ und iſt die Abtheilung deß
Karat-Gewichts wie folget und alſo.

Abtheilung deß Karat-Gewichts.

• 24 Karat iſt ein Marck.
• 12 Karat.
• 6 Karat.
• 3 Karat.
• 2 Karat.
• 1 Karat.

• 6 Gren iſt ein halb Karat.
• 3 Gren.
• 2 Gren.
• 1 Gren.
• ½ Gren.
• ¼ Gren.
• ¼ Gren.

WAnn du ein Gold probiren wilt/ es ſey reich oder armes Halts/
und wilt innen werden/ wie viel eine Marck deſſelbigen ge-
wiß an feinem Gold haͤlt/ ſo muſtu erſtlichen und vorher deß
Goldes beylaͤufftigen Halt wiſſen/ nach welchem du deinen
Auffſchnitt (wie folgen wird) machen kanſt. Solchen Halt erfaͤhreſt du
auff zweyerley Weg: Erſtlich durch den Strich/ mit der vorgemachten
guͤldenen Streich-Nadel: Zum andern/ daß man dem Gold einen bey-
laͤufftigen Auffſchnitt mache/ uñ ob gleich die Prob-Roͤllein im Scheid-
waſſer nicht gantz bleiben/ ſo wirſtu gleichwol ſehen/ was das Gold auff
ein geringes noch haͤlt/ derhalben dienet die Verſuch-Prob am beſten dar-Verſuch-
Proben.
zu/ dadurch einer auch erfahren kan/ was das Gold am weiſen oder fei-
nem Silber bey ſich hat. So du nun deß Goldes beylaͤufftigen Halt/ auff
ſolchē Weg gefunden haſt/ ſo mach deinen Auffſchnitt von feinem Silber/
daß gaͤntzlich und gewiß ohne Gold ſey/ nimb dann das Gold/ und ſchlag
es mit einem polirten Hammer auff einem Amboß fein důnne/ und mache
deinen Auffſchnitt ſolcher geſtalt/ daß das Weiß oder Silber/ ſo allbereit
bey dem Gold iſt/ mit in den Auffſchnitt/ oder Quartirung gerechnet
werde/ und muß dreymal ſo ſchwer Silber als ein fein Gold haͤlt auffge-
ſchnitten werden. Solches deſto baß zu begreiffen/ wird dich das folgende
Exempel berichten. Ich ſetze/ ich habe durch die verſuchte Prob gefun-
den daß das Gold 14. Karat 8. Gren fein Gold/ und 7. Karat 4. Gren
weiß haͤlt/ von dieſem Gold waͤge ich nach dem kleinen Karat-Gewicht
ab/ zwo gleiche halbe Marck/ ſo kombt in eine jede halbe Marck 7. Karat
4. gren Gold/ und 3. karat 8. gren weiß/ darzu ſetze ich dreymal ſo ſchwerAuffſchnitt
zu machen.
fein Silber/ als das Gold fein Gold haͤlt/ das iſt mein Auffſchnitt. Nun
multiplicire ich die 7. karat/ 4. gren/ ſo die halbe Marck fein Gold haͤlt/
mit dreyen/ kommen 22. karat Weiß oder Silber zu Zuſatz oder zum Auf-
ſchnitt/ davon rechne ich ab 3 karat 8. gren Weiß/ ſo viel die halbe Marck
zuvor Silber bey ſich hat/ bleiben noch 18. karat 4. gren/ ſo viel muſtu fein
Silber einer halben Marck zuſetzen.

Dieſes Silber oder auffſchnitt/ und die halbe eingewaͤgene Marck
Golds/ ſo zuſammen 30. karat und 4. gren haben/ ſo viel auch der andern
halben Marck eingewaͤgen Gold auffgeſchnitten ſeyn ſoll/ ſetze jede ſampt
ihrem Auffſchnitt/ auff eine wol abgeaͤdente Cappeln/ und neun
Schweren rein Bley darzu/ laß mit einander abgehen/ und ſiehe/ ob die
Koͤrner gleich kommen. Lege alsdann das eine Korn in die Wagſchal/
ſo viel es nun weniger als 30. karat und 4. gren waͤget/ ſo viel hat eine hal-
be gemiſchte Marck Goldes roth oder Kupffer bey ſich. Doch mag
man dem feinen Silber/ weil ihm auff der Cappeln/ ſo mans mit Bley
darauff abgehen laͤſt/ etwas entgehet/ ſo viel das Bley weggefůhret håtte/
dem Weiß eine gren zu rechnen/ das verſtehe alſo: Ich ſetze/ ein jedes Korn
habe nach dem Abgehen 29. karat 4. gren gewogen/ darzu eine gren Ab-
Lgang
[122]Das ander Buch
gang am fein Silber/ waͤre noch auff die halbe Marck 1. Karat Abgang/
kåme auff die gantze Marck 2. Karat/ ſo viel hat die Marck gemiſchtes
Golds Kupffer oder roth bey ſich gehabt.

Wann die Koͤrner fleiſſig auffgezogen und gewogen ſeyn/ ſo ſchlag
auß jedem Korn ein fein ſaubers Roͤllein/ nicht gar zu duͤnn/ und glůe es
offt/ damit es ſich nicht ſchiffert/ noch etwas davon komme/ zu letzt gluͤe die
Roͤllin/ und roll ſie ſubtil uͤber einander/ damit du ſeheſt/ ob in dem oͤff-
tern Gluͤen und ſchlagen etwas waͤre davon kommen. Wann die Roͤllin
alſo ſauber zugerichtet ſeyn/ ſo gluͤe ſie noch einmal/ ob ſie von dem Bie-
gen und Rollen waͤren hart/ oder von den Haͤnden fett worden/ daß ſol-
ches dardurch gewendet werde. Es ſoll aber das Gluͤen in einem darzu
gemachten guͤldenen Schaͤllichen geſchehen/ damit nichts unſaubers dar-
an komme/ thu alsdann die Roͤllein zuſammen in ein klein Scheidkoͤlb-
Solviren.lein/ geuß daran beylaͤufftig ſo viel Scheidwaſſer/ zur Gold-Prob gema-
chet/ daß es uͤber die Roͤllein einen halben zwerch Finger gehe/ ſtopffe das
Scheid-Koͤlblein oben mit einem hart-gedreheten Papier zu/ daß kein
Dunſt herauß gehe/ und ſetze es alſo in ein darzu gemachtes eiſern oder
meſſings Fuͤßlein/ uͤber wenig gluͤende Kohlen/ daß das Scheidwaſſer
anfahe zu arbeiten/ ſo wird das Scheid-Koͤlblein braun werden: Laß es
aber nicht zu ſehr und jehligen arbeiten/ und ſo es ſolches thaͤte/ ſo hebe das
Koͤlblein ein wenig vom Feuer/ ſetze es dann wieder auff/ ſo lang biß das
Scheidwaſſer außgearbeitet hat/ und das Koͤlblein wieder weiß wird.
Dann ſo geuß das Scheidwaſſer wieder ab/ und ein neues Scheidwaſ-
ſer darauff/ ſetze es abermals mit dem Fuͤßlein uͤber das Kohlfeuer/ und
laß es arbeiten: Das geſchicht darumb/ ob das erſte Scheidwaſſer waͤre
zu ſchwach worden/ und haͤtte etwas am Silber zu ruͤck bey den Roͤllein
gelaſſen/ daß das andere Scheidwaſſer ſolches wieder angreiffe/ und es
rein mache. Merck auch/ daß du das andere Scheidwaſſer zu letzt in den
groſſen Blaſen wol arbeiten laſſen ſolt/ damit die Roͤllein gar rein wer-
den: Alsdann geuß ſolch ander Scheidwaſſer/ zu ungebrauchtem
Scheidwaſſer/ dann es hat noch ſeine Staͤrcke wie vor.