Der I. Diſcurß.

GLeich wie in den Wuͤſteneyen vnd duͤrꝛen Einoͤ-
den in Africa/ der Wind etwan viel Sand auffwirbelt/ vnd end-
lich zu einem Hauffen/ wie groſſe Berge/ darſetzet: bald aber
ſolche eilwachſende Berge wieder zu einer Ebene macht/ vnd zer-
ſtrewt/ daß vnd da nur kleine Huͤgel ſtehen bleiben: alſo gehet es
ſchier mit den Koͤnigreichen auff Erden. Dann es hat der groſ-
ſe Nebucadnezar/ als ein fraͤßiger Hecht/ viel Fiſchlein verſchlun-
gen: als ein maͤchtiger Jaͤger vor Gott/ viel Fuͤrſten zu ſeinen Dienern muͤſſen
machen/ ehe er zu ſolcher Hoheit kommen/ daß er einem Baum koͤnnen verglichen
werden/ der mitten im Land ſtunde/ ſehr hoch/ groß vnnd dicke wer/ mit der Spitze
biß an den Himmel reychete/ vnnd ſich außbreytete biß an deß Lands Ende/ deſſen
Aeſte ſchoͤn/ vnd voller Fruͤchten daß alles zu eſſen hatte/ alle Thier auff dem Felde
vnder jhm Schatten funden/ vnnd die Voͤgel vnder dem Himmel auff ſeinen Ae-
ſten ſaſſen/ vnd alles Fleiſch von jhm ſich nehrete. Was war es aber mit jhm/ als
dieſer Baum abgehawen/ jhme die Aeſte behawen/ vnd das Laub abgeſtreyfft/ ſeine
Fruͤchten zerſtrewet worden/ daß die Thier/ ſo vnder jhm lagen/ weggelauffen/ vnd
Adie
[2]De Statu perturbato.
die Voͤgel von ſeinen Zweygen geflogen? da erwuchſen auß ſeinem Koͤnigreich
dieſe drey geringere/ Babylonien/ Meden vnd Lydien.

Cyrus bracht wieder einen groſſen Berg auff in Perſien vnd verſchlaͤng die
vbrige Reiche. Er ſtund als ein Widder fuͤr dem Waſſer/ der hatte zwey hohe
Hoͤrner: ſtieß gegen Abend/ gegen Mitternacht vnd gegen Mittag/ vnd kein Thier
konde fuͤr jhm beſtehen/ noch von ſeiner Hand erꝛettet werden/ ſondern er thet was
er wolt/ vnd war groß. Wie bald aber kam der Ziegen Bock von Abend her/ vber
die gantze Erden/ daß er die Erde nicht beruͤhrte: vnd der Bock hatte ein anſehnlich
Horn zwiſchen ſeinen Augen/ vnd kam biß zu dem Widder der zwey Hoͤrner hatte:
vnd lieff in ſeinem Zorn gewaltiglich zu jhm zu/ ergrimmet vber jhn/ vnd ſtieß den
Widder/ vnnd zerbrach jhme ſeine zwey Hoͤrner. Vnnd der Widder hat keine
Krafft/ daß er fuͤr jhm hette beſtehen moͤgen/ ſondern er warff jhn zu Boden/ vnnd
zertratt jhn/ vnd niemand kond den Widder von ſeiner Hand erꝛetten. Welcher
geſtalt die Perſiſche Monarchy vnder dem letzten Koͤnig Dario zerꝛiſſen/ vnnd zu
Boden/ hiengegen die Griechiſche alles nach laut der Weiſſagung bey dem Pro-
pheten Daniel/ auffgerichtet worden.

Da aber Alexander der Groſſe/ vnder dem Geſichte vnd Bild deß Ziegen-
Bocks/ auffs ſtaͤrckeſte war worden/ zerbrach ſein groſſes Horn/ vnnd wuchſen an
deſſen ſtatt/ anſehnliche viere/ gegen die vier Winde deß Himmels/ welches ſind
die Koͤnigreiche Egypten/ Syrien/ Aſien vnd Macedonien/ als kleine Berge/ von
dem groſſen entſproſſen.

Das vierdte Reich aber auff Erden ward maͤchtiger/ dann alle Reiche/ fraſ-
ſe/ zertratte vnd zermalmete alle Lande/ biß endlich zehen Koͤnigreiche auß demſel-
bigen entſtanden. Dann wer weiß nicht/ daß auß dem Roͤmiſchen Reich dieſe
nachfolgende Koͤnigreich/ Jtalien/ Teutſchland/ Franckreich/ Spanien/ Engel-
land/ Dennmarck/ Schweden/ Poln/ Hungarn vnd Boͤhmen erwachſen? vnder
dieſen Koͤnigreichen ſind etliche/ die nur auff jhre Graͤntzen ſehen/ vnnd den Kopff
nicht begehren vber die Thuͤr außzuſtrecken/ wann ſie nur zu Hauſſe moͤchten fried-
lich leben: als da ſind Boͤhmen/ Hungarn vnd Poln: andere ſetzen ſich/ wegen vn-
verſcheydener Nachbarſchafft wider einander/ vnd finden in der naͤhe beyde Haͤn-
de voll Arbeit/ als Dennmarck vnnd Schweden/ auch hiebevor Franckreich vnnd
Engelland: andere wollen gar oben auß/ vnd ſich vber alle erheben/ als Jtalien we-
gen ſeiner Witz/ Teutſchland wegen der Kayſerlichen Hoheit/ vnd Spanien we-
gen ſeiner Kriegsmacht. Dann nach dem die Caſtilianer alle Koͤnigreiche in
Hiſpanien vnder/ vnd an ſich gebracht/ heißt es Rex Hiſpaniarum, auch die Bur-
gundiſche Provintzen erlangt/ vnd ein Stand oder Krayß deß Roͤmiſchen Reichs
Teutſcher Nation worden/ vnnd vber alles den erſten vnd aͤltern Stamm/ deß
Hanſſes Oeſterꝛeich gemacht/ fuͤrnemblich aber die Jnſeln Acores oder Fortuna-
tas, ſampt Weſt- vnd Oſt Jndien zuſammen gefaſſet/ mag die Sonn weder hoch
noch
[3]De Statu perturbato.
noch nieder/ weder ferꝛn noch nahe jhren Lauff nehmen/ daß ſie den Spaniſchen
Vnderthanen jemals auſſer den Augen lauffe. Dannenhero das Plus Vltra ent-
ſtanden/ wie auch nicht weniger das gefluͤgelt Pferdt Pegaſus auff der Weltkugel/
mit den vordern Fuͤſſen in der Lufft/ ſo nach dem groſſen Alexandro mit dieſem hal-
ben Bezirck/ vnus non ſufficit Orbis, ein vnd andere Welt ſuchte.

Es hat zwar der Septentrion vnderſchiedliche Voͤlcker in Europam gleich-
ſam außgeſpiehen/ aber nimmer nach einer beſtaͤndigen Regierung getrachtet/ ſon-
dern die Laͤnder durchſtreifft/ den Raub außgetheilt/ vnd etwan ein kleinen Eck zu-
behaupten begehrt: Aber Franckreich bildet ſich hohe Sachen ein nach deme die
Engellaͤnder alles/ was ſie diß Sei[t]s in Poſſes gehabt/ dahinden laſſen/ vnd ſich in
jhre Jnſel einſchlieſſen vnnd verwahren muͤſſen. So wolte das Gluͤck in Jtalien
wunderſam hauſſen/ die Koͤnigreiche Naples vnnd Sicilien/ die Fuͤrſtenthumb
Calabrien vnnd Meyland bald den Spaniern/ bald den Frantzoſen verleyhen/
gleich wie es das Koͤnigreich Navarꝛa vnder die beyde Partheyen getheylet. Wie
nun Boͤhmen mit ſich ſelbſt/ wegen der Ketzerey zuthun hatte/ Hungarn in der Ge-
genwehr wider den Tuͤrcken ſtehen muſte/ Poln an den Moſcowitern vnnd Tar-
tarn vntrewe Nachbarſchafft ſahe/ Schweden das Daͤniſche Joch mit Vngedult
truge/ Schottland den Engellaͤndern nicht dienen wolte/ Engelland wegen der
Jrꝛen vñ Schotten Arbeit fande/ Jtalien ſich deß Bapſts vnnd anderer Eyfferer
ſchwerlich erwehren kondte/ Teutſchland wegen der Kayſerlichen Wahlofft in
Zwiſpalt geriethe/ blieben Franckreich vnd Spanien allein/ vnd vor allen andern
Landen vnd Herꝛſchafften ſolcher geſtalt veſt/ auff jhren eygenen Beynen/ daß ſie
zwo ſtarcke Partheyen gemacht/ vnnd noch machen/ zu deren einer oder andern ein
jeder Staad in Europa ſich nothwendig ſchlagen oder ergeben muß/ wann er nicht
in ſeinen Vnkraͤfften will vndergehen vnnd zum Sclaven werden. Alſo hat ſich
Franckreich auß keiner andern Vrſach in das Teutſche/ Jtalianiſche/ Niederlaͤn-
diſche/ Cataloniſche/ Portugieſiſche vnd Engellaͤndiſche Weſen eingeflochten/ als
nur den Spaniern in den Wegzuſtehen/ daß ſie nicht gar auff die hoͤhe einer Mo-
narchy ſteigen moͤchten.

Wie aber nun ſolches hergegangen/ wollen wir/ nach dem vns ein Zutritt zu
deß Cardinals Riſchelius Cabinet ohnlaͤngſt vergoͤnnet worden/ von Aufang biß
Dato an Tag geben: welches dann dem Leſer vmb ſo viel angenehmer ſeyn muß/
wann er zu der erſten Quell der Frantzoͤſichen Waffen kompt/ damit er bey Kayſer
Ferdinandi III. Regierung deſto beſſere nachricht erhalte/ vnnd das Vnweſen in
Europa/ ſonderlich in Germania außfuͤhrlicher vernehme/ dann groſſer Herꝛn Ge-
ſchaͤfften den groſſen Waſſerſtroͤmen nicht vngleich ſind/ welche jederman daher
ſihet rauſchen/ aber wenig Leuth auffwarts beſchawen/ oder jhren Vrſprung an
der Quelle betrachten.

Nun haben die vhralten Francken die Laͤnder Gallien vnder ſich gebracht/
A ijvn
[4]De Statu perturbato.
vnd anfangs zwar in etliche Koͤnigreiche zertheilt: weil ſie aber geſehen/ daß ſol-
cher geſtalt ſie in Kriege offtmals gegen einander zerfielen/ auch den Außlaͤndi-
ſchen nicht kondten gewachſen ſeyn/ ſie legten ſich dann Zirckelweiß rund zuſam-
men/ einander eylend beyzuſpringen/ vnd allenthalben eheſt zu wehren/ wie der wei-
ſe Jndianer Catanus dem groſſen Alexander vorgedeutet/ hat jhnen die Monar-
chy vnder einem einigen Haupt beliebet. Dannoch hatten ſie jn- vnnd an dem
Land viel Anfechtungen/ biß ſie die Normaͤnner/ ſo eingeniſtelt vnnd maͤchtig wa-
ren/ vnder ſich gebracht/ die Britannier/ nach der Caſtilianer Exempel/ durch
Heuraht dem Koͤnigreich incorporirt/ die Engellaͤnder mit euſſerſter Noth vnnd
Gefahr außgetrieben/ vnd in jhre Jnſel verwieſen/ die Flanderer/ Lothringer vnd
Burgunder ſo oben hien zu Freunden/ oder doch zu ſchwachen Feinden ge-
macht.

Engelland ließ all ſeine Spruͤche/ auſſerhalb deß einigen Tituls/ vngean-
det ſchlaffen/ vnd brauchte weder Gewalt noch Rencke oder Practicken/ nach dem
er keinen feſten Fuß mehr gehabt. Aber Spanien ſahe/ daß Navarꝛen zwar/ diß
vnd jenſeit deß Pireneſiſchen Gebuͤrgs ſich enthielte/ vnnd demnach jhme groſſen
Eingriff thun/ auch vielfaltige Hindernuß in Weg werffen konde/ wann nemlich
die Frantzoſen zuhielten/ vnnd mit groſſer Macht vber das Gebuͤrg hinein fielen.
Darumb gedachter/ was auff ſeiner Seiten deß Gebuͤrgs lage/ einzunehmen/
wie auch durch Verguͤnſtigung deß Roͤmiſchen Stuls geſchehen. Als nun bey-
de Koͤnigreiche Navarꝛen vnd Franckreich/ an einander gewachſem/ kondte man
Spaniſcher Seiten ſich leichtlich die Rechnung machen/ es wuͤrde bald zu Strey-
chen kommen. Darumb wurd eine Liga mit etlichen Fuͤrſten/ ſo vorlaͤngſt auß
Lothringen/ nach Franckreich kommen/ vñ von langerhand eingewurtzelt waren/
angeſponnen/ vnd mit vnſaͤglichen Geldmitteln/ auch Kriegsmacht vnderhalten/
womuͤglich/ ein ſolchen Koͤnig/ nach außgeſtorbener Linider Valeſier/ in Franck-
reich zuſtabiliren/ der Spanien Vaſall/ oder doch guter Freund were/ vnd die Spa-
niſche Macht vnd Hoheit nicht hinderte.

Es hat aber in Franckreich jederzeit dieſe Beſchaffenheit gehabt/ daß nicht
bald ein Koͤnig nach eygenem Sinn/ vnnd auß beywohnender Klugheit regieret/
ſondern etwan alle wichtige Haͤndel einem verſchmitzten Kopff anvertrawt/ der
vnder deß Koͤnigs Namen vnnd Sigel die Verwaltung deß Koͤnigreichs vber-
nommen/ vnd getragen. Wie Pipinus, vnd hernach Hugo der Schappeler/ ſich
ſolche Regierung zu Nutz gemacht/ vnd dadurch Mittel gefunden/ den Erbkoͤnig.
lichen Stam neben Scepter/ Kron vnnd Thron zuſetzen/ die Koͤnigliche Hoheit
ſelbſt zuergreiffen/ vnd eygenes Namens zuregieren/ iſt hie nicht Noth zuerzehlen
Allein iſt hie zuwiſſen/ daß nach deme ſolcher Vnderkoͤnige Koͤpff geneygt gewe-
ſen/ gemeiniglich alles hergegangen. Alſo zogen die Frantzoſen vber das Alpen-
Geburg/ nach Jtalien/ er oberten bald ein Koͤnigreich/ bald ein Hertzogthumb/
nach
[5]De Statu perturbato.
nach dem der Vnderkoͤnig antriebe: lieſſen aber jhre Conqueſten fahren/ vnnd oh-
ne Huͤlff zerꝛinnen/ wann ein ſolcher den Koͤnig vnder den Damen/ oder ſonſt bey
guter Ruhe vnderhielte. Dann es ruͤhmen die Frantzoſen den Herculem/ ob
ſolte derſelbe vnder jhnen auch gelebt haben. Jſt nun deme alſo/ wie dann vn-
derſchiedliche viel dieſes Namens in verſcheydenen Landen geweſen/ zumahl alle
Heroiſche Thaten dieſen Ehreneitul zuerlangen pflegten/ werden ſie auch nicht in
Abred ſeyn koͤnnen/ daß Hereules ſein Loͤwenhaut/ die er zum Winterkleid vber
Hoſen vnnd Wambß/ im Sommer aber auff der bloſen Haut truge/ manchmahl
abgelegt/ vnd in der Princeſſin Omphale Frawenzimmer/ Kunckel/ Spindel vnd
Haſpel ergriffen/ auch di[e] von vieler Arbeit vnnd ſtettigem Fechten/ Ballenharte
Faͤuſt vnd Finger zum Zwirn [...]ezwungen. Sardanapalus thet deßgleichen/ ver-
lohr aber alle Herꝛlichkeit/ auch das Leben ſelbſten daruͤber. Tiberius ſahe/ daß
jhm ſein Sejanus wolt vber den Kopff wachſen/ darumb kam er jhm vor/ vnnd ver-
wahrte ſich zum beſten. Aber auff Franckreich wieder zukommen/ iſt bekant/ daß
die Lini von Bourbon, als auß Ludouico Sancto, dem Neundten deß Namens/
entſproſſen/ das Koͤnigreich nach den Valeſern/ in der Perſon Henrici IV. ſo we-
gen ſeiner Mutter auch Koͤnigin in Navarꝛen/ aber mit Calviniſcher vnnd Vn-
catholiſcher Lehr eingenommen war/ mit groſſer Muͤhe auff den Thron vnd zu der
Kron kommen/ zumahl der Bapſt ſich eines gaͤntzlichen Abfalls/ weil die Albigen-
ſev vnnd Waldenſer bey vhralten vnnd letzten Zeiten/ dem Roͤmiſchen Stul ſehr
groſſe Schmach angethan hatten/ zubeſorgem/ vnnd eben deßwegen dem Spanier
allen Favor erwieſe/ das Koͤnigreich in ein ander Modell zugieſſen. Aber Hen-
ricus bedacht ſich/ dieſer Banden loß zuwircken/ vnd bekandte ſich offentlich zu der
Roͤmiſchen Kirchen: doch wolte man jhm nicht allerdings trawen/ weil er nicht
vnderließ/ ſeine vorige Glaubensgenoſſen zubefoͤrdern vnnd zulieben/ ja dem gan-
tzen Hugon ottiſchen Staad nam haffte Freyſtaͤtte zu jhrer Verſicherung einzurau-
men/ welche hernach zu vielen jnnerlichen Kriegen Anlaß gegeben.

Dieſer Heroiſche Geiſt machte zwar endlich Fried mit dem Spanier/ ſeiner Vn-
derthanen Gemuͤth deſto feſter an ſich zuverbinden/ vnnd das Koͤnigreich in eine
rechte Geſtalt zubringen: muſte aber dem Roͤmiſchen Stul verſprechen/ die jeni-
ge Kirchenguͤter vnd Gerechtigkeiten/ ſo in Bearn, Foix, vnd andern Landſchafften
in Gaſconien vnnd Navarꝛen vnder wehrendem Buͤrgerlichen Krieg wegen der
Succeſſion von den Hugonotten weren eingenommen/ vnnd vereuſſert worden/
wieder herauß zubringen vnnd den Stifftungen gemaͤß zuverwalten: welches er
gleichwol zuthun biß an ſein End verzogen. Dann er gieng mit weit andern Ge-
dancken vmb/ vnd konde nicht vergeſſen/ daß Spanien durch ſo manche Practi-
cken/ auch offentliche Kriegsmacht jhm das Koͤnigreich gaͤntzlich entziehen/ vnnd
an ſich ſelbſt/ oder zum wenigſten an einen Frantzoͤſiſchen Fuͤrſten/ der eine Jn-
ſantin von Spanien heurahten ſolte/ bringen moͤchte. Darumb gedachte er ſich
A iijder-
[6]De Statu perturbato.
dermahl eins zuraͤchen/ machte Vorꝛaht an Baarſchafft/ ſahe nicht vngern/ daß
ſeine Vnderthanen nach den Niederlanden/ gleichſamb in die Kriegsſchul zoͤgen/
vnd einer/ oder der andern Parthey dieneten/ auff daß er derſelben Dienſt vnnd
Erfahrenheit mit der Zeit gebrauchen koͤndte. Ja er gab vor/ die Staden der
vereynigten Provintzen hetten jhm mit Geldt vnd Volck in ſeinen euſſerſten Noͤ-
then Huͤlff gethan: auß welcher Verbuͤndnuß er jhnen etliche Regimenter zuſchi-
cken vnd vnderhalten muͤſte.

Wie nun die Guͤlchiſche Laͤnder ohne Mannsſtam/ gleichſambledig ſtun-
den/ vnnd etliche Fuͤrſten in Teutſchland daruͤber zauckten/ konde er nicht leiden/
daß Spanien wegen vhralten Zuſpruͤchen/ oder Oeſterꝛeich/ als Sequeſter vnnd
Schiedsmann vnder Kayſerlicher Mayeſtaͤt hohem Anſehen/ dieſe Laͤnder an ſich
braͤchten: wol wiſſend/ daß die Kron Franckreich vor langen Jahren auch ein Stim
in dieſem Capitel/ vnnd etwan ein Fuß im Land gehabt/ ja ſich der Teutſchen Fuͤr-
ſten wider deß Hauſes Oeſterꝛeichs Beginnen/ vneracht der Religion/ ohnlaͤngſt
eyferig angenommen. Solcher geſtalt geſchahen groſſe Kriegs Bereytſchaff-
ten in Franckreich/ vnd der Koͤnig ſelbſt verordnete die Koͤnigin/ ſeine Gemahlin/
zu einer Regentin im Koͤnigreich/ ſo lang er auſſer dem Land ſeyn wuͤrde. Der
Roͤmiſche Stul ſtund in nicht geringen Sorgen/ es moͤchte dieſer Hercules die
Guͤlchiſche Succeſſion ergreiffen vnnd faſſen/ aber wegen ſtarcker Corꝛeſpondentz
mit den Proteſtirenden Fuͤrſten in Teutſchland nach dem Kayſerthumb trachten/
vnnd als dann die Catholiſche Larven/ ſo er vermuthlich nur wegen der Kron
Franckreich angezogen/ ablegen/ vnd den Vn Catholiſchen allenthalben Lufft ma-
chen/ vielleicht auff Jtalien auß ſeiner Vorfahren Berechtigung etwas verſuchen/
vnd die Kirch gar vndertrucken. Dieſer Sorg aber wurd abgeholffen/ als Frantz
Rauaillac, auß der Statt Angouleſme den Koͤnig in ſeinem Wagen/ auff freyer
Gaß/ mitten vnder ſeinen fuͤrnembſten Dienern/ in der Statt Pariß/ im Jahr
1610. mit einem groſſen Meſſer erſtochen/ daruͤber es mancherley Reden gegeben/
ob ſolches mit deß Bapſt wiſſen vnnd willen/ durch der Jeſuiter Antrieb/ oder auß
eygenem Melancholiſchem Sinn/ einblaſen deß boͤſen Feindes/ vnnd gefaßter
Meynung/ einen Tyrannen oder Abgefallenen hinrichten wer ſo wenig Suͤnde/
daß es noch ein Verdienſt zu groſſer Herꝛlichkeit im Himmel gereychte/ geſche-
hen/ wollen wir andern zuerwegen vbergeben. Gleichwohl muſten die gemelte
Patres ſich vbel leiden/ ſonderlich als deß Jeſuiters Johan Mariana Buch vom
Koͤnig/ vnnd deſſelben Vnderweiſung/ verdampt vnnd offentlich verbrannt/ auch
der Sorbonna vnd Hohen Schul Decret/ im Jahr Chriſti 1413. Mittwoch den 13.
Chriſtmonat/ ſo 141. Biſchoffe bey dergleichen Fall geſchloſſen/ durch Befehl deß
Parlaments wiederholet/ vnnd offentlich außgeſchriben. Hiengegen thet der
Pater Cotton der Societaͤt das Wort/ vnd behauptet/ daß die/ auff dem Concilio
zu Coſtnitz/ von Stuͤrtzung der Tyrannen/ abgefaßt/ vnnd hernach von den fuͤr-
nembſten
[7]De Statu perturbato.
nembſten Schrifftgelehrten weiter auß gefuͤhrte Meynung den entleibten Koͤnig
gar nicht betreffe: vnd daß deß Marianæ abſonderliche-Meynung die gantze So-
cietaͤt nicht koͤnde beſchmitzen.

Wie wunderſam bey ſo vnverſehner Veraͤnderung alles in Franckreich
durcheinander gangen/ in deme ein Weib das Regiment vber ein noch nicht gantz
zu Ruhe gebrachtes/ vnd an ſich ſelbſt zur Empoͤrung geneygtes Koͤnigreich/ auch
vber einen Minderjaͤhrigen Koͤnig/ da jederman/ ſich einzuſchleichen ſucht/ gefuͤh-
ret/ iſt leichtlich zuerachten. Doch ließ die Regentin vnder dem Marſchalck do-
la Chaſtre den Guͤlchiſchen Secours an ziehen/ die Veſtung Guͤlch erobern/ vnnd
den Teutſchen Fürſten einraumen. Bald hernach wurd der junge Koͤnig Ludo-
vicus XIII. Henrici IV. erſtgeborner Sohn/ zu Rheims/ nach Gewonheit/ mit
groſſem Pracht geſalbet vnnd gekroͤnet/ allda er ſieben Stunden lang in der Kir-
che/ vnder ſchwerem Laſt der Koͤniglichen Zierathen/ bey Verꝛichtung deß Got-
tesdienſtes/ vnd der Ceremonien gleichſam geſchwitzet: aber auch Heroiſch geant-
wort/ als man ſeine Muͤhe vnd Arbeit bey ſolchem Alter beklagte/ Er wolt es noch
einmal/ vmb ein andere Kron vberſtehen. Jm folgenden Jahr gab es in Franck-
reich kein ſonderliche Bewegung/ weil ein jeder auff der Warth ſtunde/ wie die
newe Regierung moͤchte ein Gang nehmen. Aber im Jahr 1612. fand man raht-
fam/ dem jungen Koͤnig ein Gemahlin zuſuchen. Die Hugnotten meynten/
deß Hertzogen in Lothringen (der deß verſtorbenen Koͤnigs leibliche Schweſter/
doch ohne Leibs Erben/ zur Ehe gehabt/) aͤlteſte Princeſſin/ vnnd Erbin ſolte der
Kron gantz Lothringen/ wie vorzeiten mit Britannien geſchehen/ zum Heurahts-
gut mitbringen/ gedachten aber nicht/ daß der Hertzog von Voudemont, ſeinen
Bruder/ den regirenden Herꝛn erben/ vnd die Toͤchter außſchlieſſen ſolte. Aber
der Himmel hatte es weit anderſt verſehen/ dann der Koͤnig in Spanien nahm die
Princeſſin auß Franckreich/ vnnd der Koͤnig in Franckreich die aͤlteſte Jnfantin
auß Spanien/ beyde Kronen in Ewigkeit verhoffentlich mit Liebe zuverbinden/
zur Ehe: welches aber die Hugonotten der Kron Franckreich vor nachtheylich hiel-
ten/ als wann Spanien nur ſuchte die Frantzoſen einzuſchlaͤffern/ damit die Haͤn-
del in den Niederlanden vnverhindert fortgiengen.

Vnder deſſen kam der Marggraff von Ankre hoch an/ vnd thaͤt ſchier was er
wolte/ auß Verguͤnſtigung der Regentin vnnd Koͤniglichen Fraw Mutter/ dar-
umb er groͤſſern Anhang vnd Nachtritt hatte/ als einiger Printz/ ja als der Koͤnig
ſelbſt: welches verurſachte/ daß der Printz von Condè, die Hertzogen von Majne/
von Nevers vnd Longueville/ vnd Bouillon, ſonderlich da der Hertzog von Vandô-
me bey Hoff angehalten ward/ ſich auß dem Staub/ vnd in jhre Gewahrſam mach-
ten/ weil ſie einem andern/ vnnd weit geringern/ ohne Verwaltung deß Staads/
die einem jeden nach Stands herkom̃en gebuͤhrte/ ſolten auffwarten. Der Krieg
gieng an/ nicht wider den Koͤnig/ wie man außgab/ ſondern wider den Marggraf-
fen
[8]De Statu perturbato.
fen von Ankre: darumb es viel vnderhandelns gekoſtet/ biß die Regentin den Koͤ-
nig mit groſſem Gepraͤng muͤndig/ vnnd der Regierung faͤhiglaſſen declariren.
Weil nun die Staͤnd auff deß Koͤnigs begehren/ die Notturfft der Kron zube-
rahtſchlagen/ zuſammen kommen/ vnd dannoch den obgemelten Fuͤrſten kein Ge-
nuͤgen geſchehen/ griffen ſie abermahl zu den Waffen/ im Jahr 1615. vmb die Zeit/
als die Koͤnigliche Heurahten ſolten vollzogen werden: vnnd machten ſich einen
Anhang bey den Hugonotten. Doch gab es wieder ein wenig Fried/ vnd newen
Tumult/ als der Printz von Condè bey Hoff wurd in Arꝛeſt genommen/ darauß
ein falſches Geſchrey entſtanden/ als hette jhn der Marggraff von Ankre laſſen
hinrichten/ deß wegen deß Marggraffen/ vnnd etlicher ſeiner Diener Haͤuſer in
Pariß/ beym Aufflauff vnd Sturmſchlagen gepluͤndert worden. Vnnd dieſem
Vnweſen war kein Raht zuſchaffen/ biß der Koͤnig im Jahr 1617. den Marggraf-
fen von Ankre/ vnder dem Thor/ deß Koͤniglichen Pallaſts/ bey der Gegenwehr/
durch/ den Hauptman Vitry, nidermachen laſſen/ in dem das Regiment ſelbſt er-
griffen/ demnach ſeine Fraw Mutter vnd geweſene Verwalterin deß Koͤnigreichs
nach Bloys, auff ein luſtigen Wirthumb Sitz ziehen laſſen: dadannoch etliche vn-
ruhige Geiſter dieſelbe verꝛeytzet/ vnd etliche vnruhige Haͤndel nachmahlen/ doch
ohne ſonderlichen Nachdruck/ vnder jhrem Namen angefangen. Wie es pflegt/
ſo ſchrye jeder man Barꝛabas vber den gefallenen Marggraffen/ alſo daß auch ſein
Weib/ vor eine Zauberin angeklagt/ verdampt vnnd verbrannt worden: zuge-
ſchweigen was Vnehr vnnd Schmach der raſende Poͤbel dem Coͤrper deß Marg-
graffen angethan. Gleichwohl kamen die Fuͤrſten alſo bald wieder nach Hoff/ vnd
ergieng ein General Pardon.

Es ſcheint aber/ groſſer Potentaten Favor wolle dem blinden Gluͤck nach/
vnd nicht nach dem Gebluͤt/ Tugent vnd Verdienſt gehen: darumb der Herꝛ von
Luynesbey dem jungen Koͤnig in ſehr groſſes Anſehen kommen/ daß er deß
Koͤnigs Zuneygungen lenckete/ wie er nur wolte: welches abermahl bey den Fuͤr-
ſten Verdruß brachte/ alſo daß ſie ſich zu der alten Koͤnigin ſchlugen/ vnd dem Koͤ-
nig im Jahr 1620. viel zuthun machten: wurden aber durch deß Koͤnigs Waf-
fen hindertrieben/ darumb es nunmehr den Hugonotten gelten ſolte/ welche zu
Loudun wieder deß Koͤnigs Verbott lang beyſammen blieben/ vnd die eingezoge-
ne Kirchen Guͤter in Bearn nicht widergeben wollen. Sie hatten an Roſchellen
ein gewiſſen Hinderhalt vnd Zuflucht. Darumb legte der Koͤnig derſelben Statt
die Ludwigſchantz vor die Thuͤr/ vnnd hielte ſie/ wie ein ſchnauben des Roſſe/ im
Naßband. Dieſer Vngelegenheit abzukommen/ verfertigt der Herꝛvon Sou-
biſe etliche Schiff/ vnnd fiel in den Hafen zu Blawet/ erobert die Statt/ vnnd
fehlet der Veſtung/ gewann etliche Schiff/ dem Koͤnig vnnd dem Hertzogen von
Nevers zuſtaͤndig: ſchlug ſich aber bey vnverſehenem Wind/ wieder herauß/ nach
dem die geſpannete Kette/ vnnd vberdicke Seyl deß Hafens er durchſchrotten laſ-
ſen:
[9]De Statu perturbato.
ſen: vnd vermeynte/ im fall dieſer Anſchlag wer angegangen/ die Ludwigſchantz
dardurch auffzuheben/ vnnd den Hugonotten ein Frieden nach Wunſch zuerlan-
gen/ zumahl dergleichen Hafen vnd Veſtung in der gantzen Welt nicht zufinden.
Aber der Hertzog von Vaudôme, Gubernator deß Lands/ macht ſich mit dem gan-
tzen Adel auff/ vnd belagert jhn im Hafen vnd in der Statt/ auß new auffgeworffe-
nen Schantzen/ vnnd dem Schloß. Vnnd hie hatten jhnen die Hugnotten ein
boͤſen Rauch ſelbſt gemacht/ vnnd den folgenden Krieg redlich verurſacht/ als het-
ten ſie dieſes ſtuͤcklein auff der Verſamblung zu Loudun geſchmiedet. Darumb
fieng der Koͤnig in der Landſchafft Bearn an/ thet anderwertliche Verordnung/
brachte ſolch Hertzogthumb theils mit guten Worten vnnd auß Koͤniglichem An-
ſehen/ theils durch Gewalt der Waffen zum Gehorſamb/ vnd Vollziehung ſeiner
Mandaten/ zumahl die alte Koͤnigin jmmer zu klagte/ der vorige Koͤnig hette dem
Roͤmiſchen Stul ſolches verſprochen/ vnnd darinnen verſirte der Kron Wol-
fahrt/ beſetzt er die Aempter mit Catholiſchen Leuthen/ vnnd fuͤhrt die Romani-
ſche Religion wieder ein/ nicht auß Haß gegen den Hugonotten/ ſondern wegen
ſeines Vattern ſeligſten Andenckens Verſprechen vnd Ehre/ auff daß die Hugo-
notten kein Abſchew hetten/ jhme wider die Widerſpenſtigen zu dienen: welcher ge-
ſtallt die vnruhige Fuͤrſten kein rechtmaͤſſige Vrſach zuklagen mehr finden ſolten/
vnd ſeine Fraw Mutter ſich zu Ruh begeben muͤſſen. Aber die Hugonotten ſtel-
leten ſich zur Gegenwehr/ vnd erwieſen/ daß man jhnen die ſo theur erworbene vnd
beaͤidigte Freyheiten allenthalben ſchmaͤhlerte/ ob ſchon der Koͤnig dem Hugonot-
ten Leſdignieres das Ampt deß Conſtabels Bitt- vnnd Befehlweiſes auffgetra-
geu. Weil es aber in Bearn, zu Tours, zu Roſchellen/ vnnd allenthalben newe
Haͤndel/ Tumult vnnd Rebellionen gab/ beſchloß zu Eingang deß Jahrs 1621.
der Koͤnig in vollem Raht/ viertzig tauſend Mann zu Fuß/ vnnd ſechzehentauſend
Pferd ins Feld zubringen/ mit welchem er allem Vuheyl beyzeiten vorkommen
vnd abhelffen moͤgte.

Alſo zog der Koͤnig auff Saumur/ vnd endert Gubernator vnd Beſatzung/
belaͤgert vñ bezwang Saint lean d’Angely mit groſſer Gewalt/ wie auch viel andere
Orth. Dann die Hertzogen von Rohan/ vnnd Boullion waren zwiſtig/ vnnd
ſuchten nur jhren Vortheil/ darumb die Hugonotten auch widrige Meynungen
faßten/ in deme etliche wolten/ man ſolte/ vnnd moͤchte Gewiſſens halben dem Koͤ-
nig trawen/ der nicht anders als Gehorſam vnd Vertraͤglichkeit von ſeinen Vn-
derthanen erforderte/ darneben allen Vaͤtterlichen Willen zuſagte/ auch niemahls
ſein Wort gebrochen hette: die andern aber meynten/ weil die eingeraumte Staͤt-
te jhre Eltern vnd zum theil ſie ſelbſt mit ſo vielem Blut vnnd groſſem Koſten het-
ten erworben/ konde man ſolche Mittel der Sicherheit/ ohne ſchmaͤhliche Nach-
red gegen der lieben Poſteritaͤt nicht verantworten: Es moͤchte der Koͤnig wol
fromb/ redlich vnnd auffrichtig ſeyn/ den Dienern aber vnd Ohrenblaͤſern wehr
Bdannoch
[10]De Statu perturbato.
dannoch nicht trawen: ſo hielte die Cleriſey vmb jhr Verderben vnnachlaͤſſig an/
vnd wuͤrde dem Koͤnig das Gewiſſen mit der Zeit ſo gar enge machen/ daß er wie-
der ſeinen Willen ſiever folgen werde. Vnnd dieſer Meynung waren fuͤrnem-
lich die Roſcheller/ vnnd die zu Montauban/ mit jhrem Anhang: zwar auch nicht
wenige in Langnedoc/ welche der Hertzog von Montmorancy im Namen deß Koͤ-
nigs bekriegte/ vnd auff dem veſten Land dergeſtallt gedempfft hatte/ daß der von
Soubiſe, ſich auff die zwo Jnſuln Rè vnd Oleron, ohn ferꝛn von Roſchellen/ rete-
riren vnnd legen muͤſſen. Der von Momorancy commandirte die drey Oberſten
S. Luc, Roche Foucaud vnnd Thoiras, gegen jhn: bediente ſich der Hollaͤndiſchen
Schiff vnd Voͤlcker/ wie auch der ablauffenden See/ vnnd hatte drey gantzer Tag
aneinander zufechten/ biß er die Jnſeln gewonnen/ vnd die Schiff theils verſenckt/
theils in die Flucht gebracht. Kondte ſich doch dieſer Victori nicht ohne groſſes
Hertzenleyd erfrewen/ weil ein Schiff auff dem druckenen ſitzen blieben/ an der
Seiten lage/ vnnd ſich nicht ergeben wolte/ ſondern das Fewr in das Pulffer ge-
than/ vnnd darmit vber drey hundert Mann in die Lufft geſprengt/ vnder denen
auch Vauuert, Villeneufuc vnnd Veillon geweſen. Die ſtuͤcke flogen ein viertel
Meil herumb/ vnd drey Koͤnigliche Schiff ſo ſich angehenckt hatten/ giengen dar-
uͤber zutruͤmmern. Doch wurd der Roſcheller Muth nicht nur hiedurch gebro-
chen/ ſondern auch der gantzen Parthey Macht mercklich geſchwaͤchet: geſchehen
im Julio 1625. Dieſer geſtallt theten die Hugonotten abſonderlich was ſie kon-
den/ vnd hatten kein Haupt/ als den Hertzogen von Rohan/ der etliche Landſchaff-
ten an ſich hatte gezogen/ aber an beyden Fittigen gelaͤhmt war. Der Hertzog
von Epernon plagte die Roſcheller/ vnnd der Koͤnig legte ſich vor Montauban, da
der Hertzog von Mayne im recognoſciren/ von einem Weib (wie Abimelech) oder
von einem Jaͤger durch den Kopff geſchoſſen worden: gleich wie der Herꝛ von Sou-
biſe in der Jnſel Rè eine Niederlag erlitten/ vnd ſich nach Roſchellen ge-
zogen.

Nicht wenig Beſtürtzung hatte es geben/ da der Graff von Manßfeld im
Jahr 1622. auß Boͤhmen vnnd gantz Teutſchland gewichen/ vnnd ſeine Voͤlcker
auff Sedan gefuͤhret/ als hette der Hertzog von Buillion dieſelben zu Behuff der
Hugonotten laſſen ankommen. Vnnd mag ſeyn/ daß die Practicken angeſpon-
nen geweſen/ welche doch der Hertzog von Buillon zu nicht gemacht. Zumahl er
vernommen/ daß der Hertzog von Rohan an den Conſtabel Leſdiquieres (ſo in ſei-
nen alten Tagen der Hugonotten Parthey vnnd Glauben verlaſſen/ vnnd zu den
Catholiſchen getretten) vmb Außſoͤhnung vnnd gemeinen Frieden geſandt hatte.
Der Krieg forderte mehr Zeit vnnd Koſten/ als ſich anfangs niemand einbilden
wollen/ weil die Hugonotten allenthalben/ auch in den geringſten Orthen ſich veſt
legten/ daß man die gantze Armee jedemahl muͤſſen heran fuͤhren/ dadurch ſie deß
Koͤnigs Waffen matt vnnd ſtumpff gemacht/ alſo daß der Koͤnig in dem Laͤger vor
Mon-
[11]De Statu perturbato.
Monpellier, Abends den 18. Oct. allen gehorſamen Vnderthanẽ den Fried zuge-
ſagt/ vnd gleichſamb von freyem ertheilt/ zog von einer Landſchafft zu der andern/
vnnd thet ſeinen Einritt zu Pariß zu Eingang deß Jahrs 1623. die Hugonotten
erlangten von dem Koͤnig/ eine Verſamblung zu Charenton bey Pariß/ im Mo-
nat November zuhalten: wie er dann genugſam bezeugte/ daß er nur die Rebel-
len/ vnd nicht die Religion verfolgte/ als er den Tempel in gedachten Charenton,
ſo die eyferige vnnd auffruͤhriſche Catholiſchen in Pariß/ wieder aller Beampten
willen/ in Brand geſteckt hatten/ wieder bawen/ vnnd die verordnete Speſen/ nicht
weniger als die Gelder zu Vnderhaltung der Hugonottiſchen Kirchen diener jm-
merzu auß der Koͤniglichen Renntkammer zahlen laſſen: doch muſte die Ludwig-
ſchantz den Roſchellern vor der Naſen liegen bleiben/ vnnd auff all jhr thun vnnd
laſſen gute Achtung geben: dann ſie konden gar vbel verſchmertzen/ daß der Her-
tzog von Guiſe ſie zur See ſo gar vbel geſchlagen hatte/ darumb ſie noch froh wa-
ren/ den Koͤniglichen Frieden mit Danck anzunehmen/ vnnd ſo lang zuhalten/ biß
ſie wieder Lufft/ vnd Mittel/ das Spiel auff ein newes anzufangen haben koͤndten.
Dieſer Krieg ſo viel Leuthe verderbt vnnd ſchlaffen gelegt/ wurd dem Herꝛn von
Luynes zugeſchrieben/ welcher gedachte/ es muͤſten als dann die groſſen Herꝛn von
Hoff bleiben/ vnd hien vnd wieder zu Feld/ vor oder wider den Koͤnig dienen/ vnder
deſſen er deß Koͤnigs Perſon in ſeinem Gewalt hette/ vnd im truͤben Waſſer
fiſchete. Doch thet der Eyfer wegen der Religion/ vnd
der Hugonotten Vngedult nicht
wenig darzu.

Der 2. Diſcurß.

NAch dem der Abfall von dem Roͤmiſchen Stul geſche-
hen/ hat es in Franckreich gemeiniglich drey Partheyen/ die Koͤnigliche/
die Malcontenten/ vnnd die Hugonotten geben. Die Koͤnige pflegten
ſich nim̃er der Hugonotten zubedienen/ auſſerhalb Henrici III. vnd Henrici IV.
weil jener ſich von ſein eygenen Glaubens genoſſen/ auß Eyfer wegen der Suceſ-
ſion/ hindergangen ſahe: dieſer aber in der Vncatholiſchen Religion aufferzogen
war. Hiengegen haben die Malcontenten/ oder vnwillige Fuͤrſten bey Hoff ſich
gar offt bey den Hugonotten angemeldet/ vnnd durch derſelben Huͤlff etwan jhre
præten ſionen erlangt/ vnnd den gemelten Helffern auch ein gut Wort verliehen.
Vnnd ob ſchon die Koͤnige Franciſcus I. Henricus II. Carolus IX. vnnd Henricus
III. alle mügliche Mittel an die Hand genommen/ dieſe dritte Parthey zu dempf-
fen/ vnd außzurotten/ hat es jhnen doch nicht wollen gelingen/ biß jhre gantze
Macht vnder deß Cardinals Riſchelius Verwaltung iſt zu Waſſer worden: wel-
ches Werck er ſonderlich wollen treiben/ damit er bey den außlaͤndiſchen Kriegen
vngehindert moͤchte fortfahren. Wie nun dieſes beginnen/ vnnd erwuͤnſchtes
End nicht das geringſte Stuͤck ſeiner Klugheit vnnd ſeines beruͤhmbten Gluͤcks
ſeyn mag/ alſo muͤſſen wir jhn etwas naͤher beleuchten.

Was ſein Herkommen vnd Geburt belanget/ befindet ſich/ daß Koͤnig Lud-
wig der Dicke/ von ſeiner Gemahlin Abdelen/ deß Hertzogs in Saphoyen Huberti
II. Tochter/ vnder andern Soͤhnen/ auch zween Roberten/ den erft- vnnd viertge-
bornen gezeuget/ welcher vierte der Groſſe wegen ſeiner Tugend genannt worden/
vnd die Statt Dreux im Biſtumb Chartres, mit dem Titul eines Graffen/ zu ſei-
nem Erbtheil beſeſſen. Dieſer hatte von ſeiner dritten Gemahlin/ ſo theil an
der Herꝛſchafft Brenne gehabt/ ein Sohn/ auch Robert genannt/ vermaͤhlet mi/
Yoland Roberti, Herꝛn zu Cauſſy, vnnd Agnes von Henao, (ſo mit Balwein-
Graffen in Flandern/ nochmahlen Kayſern zu Conſtantinopel/ vnnd mit Jſabel/
len
[13]De Statu perturbato.
len Koͤnigs Philippi in Franckreich Gemahlin. Geſchwiſtrigkind geweſen) Toch-
ter. Robert der Dritte deß Namens folgt jhm in der Regierung/ als der erſtge-
borne/ vnnd war von Koͤnig Philippo/ Mehrern deß Reichs/ zum Ritter geſchla-
gen. Sein zweyte Gemahlin/ Eliſabeth von Villabeon, genannt Chambellane,
auß dem Hauß Nemours, gebar jhm neben einer Tochter/ Roberten den Vier-
ten/ Viconten zu Chaſteaudun, Nihelen vnd andern Orthen. Sein Gemahlin
war Ieanne von Vandohme: ſein erſter Sohn/ Robert der Fuͤnfft deß Namens/
vnd Johann/ der den Bruder geerbet/ vnnd ſich mit Margrethen de la Roche, ſei-
ner Baaſen vermaͤhlet/ mit welcher er vnder andern Kindern auch Stephan/ ge-
nannt Gabani gezeuget/ der ſich ſchrieb Herꝛ zu Beauſac vnnd Senonches, Vicont
vnd Hauptman zu Dreux. Vnder andern Kindern brachte jhm Philippina von
Mautigny, altes Geſchlechts/ eine Tochter/ genannt Johannet von Dreux, an
Wilhelm le Roy, Herꝛn zu Chauigny, Bauſſonniere, Baſſes vnd Chillon vermaͤh-
let. Der zweyte Sohn auß dieſen Heuraht/ genannt Wilhelm le Roy, nahm
zur Ehe Franciſca von Fontenay/ deß Herꝛn von S. Gaſſian vnd S. Klaren Toch-
ter: deſſen Soͤhn einer/ Guyon le Roy, General wieder die Engellaͤnder im Jahr
1512. mit Jſabellen von Beauual, Frawen zu Ocoich vnd Villeroye gezeuget Anna
le Roye, Fraw zu Chillou, welche mit Frantz von Bleſſis, Herꝛn zu Riſcheliu/ im
Eheſtand gelebet.

Deme zu Folg ſetzen wir/ daß Henricus II. Koͤnig in Engelland/ ſeine Toch-
ter Leonora Alfonſo VIII. in Caſtilien vermaͤhlet/ auß welchem Heuraht Blanca,
Koͤnig Ludovici IX. deß Heiligen Mutter/ vnd Berenguele, Alphonſi IX. Koͤnigs
zu Leon Gemahlin entſproſſen/ die ein andere Berenguele gezeuget/ vnd Johañen
von Bregne, Koͤnig zu Acra vnd Jeruſalem ehelichen beygelegt dieſes Johannſen
Tochter Johannet von Beaumont, nahm zur Ehe Guy den Achten deß Namens/
Herꝛn zu Laual vnnd Vitre. Deren Dritter Sohn war Andreas von Laual/
Herꝛ zu Louen/ welcher von Johanneten Frawen zu Pomereux zengte Johannſen
von Laual/ Herꝛn von Bree: vnd dieſer vermaͤhlte ſich mit Franciſca/ Frawen von
vnnd zu Gaſſelin, auß welchem Heuraht Johan von Laual/ Herꝛ zu Bree vnnd
Chantoſeaux, ſampt ſeiner Tochter Guyonne von Laual kommen: vnnd zum Ge-
mahl gehabt Franciſcum II. von Pleſſis, Herꝛn zu Riſcheliu/ welcher geſtalt deß
Cardinals Genealogy/ von Vatter vnd Mutter ſich erſtreckt vnd beſchrieben fin-
det. Wir finden aber den Namen Pleſſis im Jahr 1201. deß Wilhelm von Pleſ-
ſis genannt wird der Valet, oder Edleknecht/ welche Ehr nur den jungen Herꝛn/
vnd Rittersſoͤhnen gebuͤhrte. Sein Sohn hieß Johann von Pleſſis, vnd ward in
Engelland durch Heuraht/ Graff zu Warwick: der ander Sohn vnd zwar der aͤl-
tere war Peter von Pleſſis, zun Zeiten S. Ludwigs deß Neundten/ vnd ſahe Wil-
helm von Pleſsis ſeinen Sohn/ vnd Peter von Pleſsis ſein Nefen. Wilhelm von
Pleſsis folgt dieſem ſeinem Vatter Peter/ vnnd wurd Ritter im Jahr 1340. zeugt
B iijvon
[14]De Statu perturbato.
von Charlotten von der Cellen/ Silveſtern/ der Eliſabethen Groin geheuraht/ vnd
den Stam Riſchelin gepflantzt hat. Sein Sohn war Geoffroy von Pleſsis, ver-
maͤhlt mit Pe [...]rine von Clerembeau: welche Frantzen von Pleſsis gezeuget/ vnnd
Louys von Clerembeau, der Perꝛinen Brudergeerbet. Jhm folgte Frantz der
ander von Pleſsis, ſo die Fraw Guyonne von Laual geheuraht. Deſſen Sohn/
Frantz der Dritte/ nam zur Ehe Anna le Roy, wie droben gemeldet. Eins vnder
ihren Kindern hieß Ludwig/ vnnd blieb vor Arien: deſſen Sohn/ Frantz der Vier-
te/ ließ ſich ſehen im Treffen bey Moncontour, zog mit Henrico III. in Poln/ wurd
hernach Grand Preuoſt in Franckreich/ erlangt das Ritterhalßband vom H.
Geiſt Anno 1585. als vnſer Herꝛ Cardinal zur Welt kommen: war Henrico IV.
ſehr lieb/ vnnd ſtarb Anno 1590. in der Belaͤgerung der Statt Pariß. Dieſer
Frantz von Pleſsis zeugte mit Suſannen von der Pforten/ Henry du Pleſsis, Feld-
marſchalckeu: Frantz von Pleſsis, Cardinal/ Graffen zu Lion/ Primat in Franck-
reich/ Biſchoff zu Luçon/ endlich Ertzbiſchoff zu Aix in Prouence vnnd zum letzten
Lyon. Der dritte Sohn war Armand Johann von Pleſsis, Cardinal von Ri-
ſcheliu/ Duc \& Pair in Franckreich.

Dieſer Cardinal verlohr ſein Vatter/ da er nur fuͤnff Jahr alt war/ geboren
ſonſten in der Statt Pariß: anfangs ſtudierte er/ uͤbte ſich hernach in den Waf-
fen/ ließ auch dieſe fahren/ vnd bekam von ſeinem Bruder das Biſtumb Luçon, im
21. Jahr ſeines Alters/ durch Diſpenſation/ welche Zeit vber er den Buͤchern ge-
waltig obgelegen/ die eingeſchlichene Mißbraͤuche verbeſſert/ die eingefallene Kir-
chen wieder auffgericht/ vnnd ein Buͤchlein/ die Chriſtliche Vnderweiſung ge-
nannt/ laſſen außgehen. Nach Henrici IV. todt kam dieſer Cardinal nach Hoff/
das Leyd zuklagen/ weil der verſtorbene Koͤnig jhn pflegen ſein Biſchoff zunennen.
Er predigt etliche mahl mit groſſem Ruhm/ vnnd ward von der Cleriſey deputirt/
den Vortrag in dem Saal Bourbon vor den Staͤnden zuthun. Auff daß man
jhn nun bey Hoff halten kondt/ macht man jhn zum Grand Aumoſnier oder Al-
moßpfleger. Bald wurd er verordnet nach Spanien/ die Strittigkeiten zwiſchen
Spanien vnnd Mantua beyzulegen: weil aber der Marggraff von Ankre vnder
deſſen vmbkam/ vnd die Fuͤrſten ſich bey Hoff wieder einſtelleten/ gab man jhm die
geheyme Secretariatsſtell/ ſo der Herꝛ von Villeroy biß dahin verwaltet/ vnnd we-
gen der Fuͤrſten quittiren muͤſſen. Wie nun der Herꝛ Cardinal das ſchreckliche Exẽ-
pel am Marggr. von Ankre geſehen/ forcht er ſich/ vnd begehrt ſein Abſchied: aber der
Koͤnig gab jhm Stell vnder den Staads Raͤhten Wie auch die Koͤnigliche Fraw
Mutter ſich nach Bloys, von Hoff begabe/ ſuchte der Cardinal jhr zufolgen/ weil er
ein ſehr groſſes Vngewitter von ferꝛn kommen ſahe. Vnd weil man auch Sorg
truge/ er moͤcht mit der alten Koͤnigin etwas anſpinnen/ verfuͤgter ſich zu ſeiner
Probſtey Cauſſay, dreyſſig Meilen von Bloys. Vnd aber ſeine Neyder jhn ſo na-
he nit leiden konden/ auch die alte Koͤnigin gern aller jhren trewen Diener beraubt
hetten/
[15]De Statu perturbato.
hetten/ verfuͤgt er ſich nach ſeinem Biſtumb/ gen Luçon: vnnd wurd vnder einem
Ehrentitel nach Auignon geſchickt.

Hie fing man an zuerkennen daß man ſeines Beyrahtens hochnoͤhtig wer/
als nemblich der Herꝛ von Luynes Conſtabel worden/ vnnd alle groſſe Herꝛn ver-
aͤchtlicher weiſe hielte: darumb ſie die alte Koͤnigin zu Bloys angeſchrihen/ vnnd
jhr herauß geholffen/ auch ein maͤchtig Kriegsheer auff die Beyn gebracht/ der
Conſtabel vnnd der Koͤnig theten gute Gegenverfaſſung/ begehrten doch beyde
ſchrifftlich an den Cardinal/ nach Angouleſine zuziehen/ vnnd dieſen Vnwillen
beyzulegen: wie er dann die alte Koͤnigin dahin bracht/ daß ſie dem Koͤnig jhrem
Sohn nachgeben vnnd die Fuͤrſten jhre Schuldigkeit erkennet/ auch zu Couſsiers
ſelbſten Vnderꝛedung gepflogen/ vnnd dem Koͤnigreich wieder Ruhe verſchafft.
Wie nun der Cardinal der alten Koͤnigin nach zoge gen Pouques, macht man jhn
vor vielen andern zum Verwalter der Sorbonna: allda er den Doctor Richern
dahin gebracht/ daß derſelb etliche wenige Meynungen/ ſo auch dem Parlament
zuſchaffen gaben/ fallen laſſen: im vbrigen wurd das gantze Gebaͤw nach der kunſt/
vnnd ſehr bequem zu dieſer vralten hohen Schul zugerichtet. Weil nun der Koͤ-
nig dieſes hohen Geiſtes Eyfer vnnd gluͤckliche Verꝛichtungen ſahe/ auch die alte
Koͤnigin dieſen jhren trewen Diener wolt zum muͤglichſten befoͤrdert ſehen/ wurd
er nach Hoff in das Cabinet/ vnd zum jnnerſten geheymſten Raht/ ja Verwalter
deß Koͤnigreichs/ doch vnder deß Koͤnigs Namen/ beruffen. Dann man ſahe
wohl daß der Marggraff von Vieuuille, der nach dem Herꝛn von Piſieux, an deß
Herꝛn von Luynes Stell war getretten/ zwar Fried vnnd Ruhe ſuchte/ aber einem
ſolchen Laſt gar nicht gewachſen wer: zu deme auch nichts heymlich hielte/ vnd ge-
gen jeder maͤnniglich ſich rauh vnd hochmuͤtig erzeigte.

Das allererſte Werck/ ſo der Cardinal vornahm/ war der Heuraht zwiſchen
dem Printzen von Walliß in Engelland vnnd der Koͤniglichen Princeſſin Hen-
riette Marie auß Franckreich: darbey er dieſe verſchiedene Abſehen hatte/ erſt-
lich den Heuraht von Spanien abzuwenden/ weil der Printz ſelbſt in Spanien
war geweſen/ vnnd nach vielem Auffzug vnverꝛichter Sachen wieder abgezogen/
als die Spanier gar zu groſſen Vortheil auff Engelland/ wie vorzeiten mit der
Koͤnigin Maria/ geſucht: ob vielleicht eine Offenſion hierauß entſtehen koͤndte.
Zum andern/ die Catholiſche Romaniſche Religion in Engelland zuſtabiliren/
welches biß dahin durch mancherley Practicken nicht wollen angehen: jetzunder
aber mit Willen geſchehen koͤnde. Zum dritten/ daß der Catholiſchen hitziger
Eyfer in Engelland wohl ſo viel anzedeln wuͤrde/ daß die Engellaͤnder einander
ſelbſt in die Haar geriethen/ vnnd alſo den Frantzoͤſiſchen Waffen keinen Eintrag
weder in Teutſchland/ noch in den Niederlanden/ oder auch in Franckreich thun
koͤnden/ viel mehr ſich an Franckreich halten/ vnnd den teutſcheu Fuͤrſten zur vori-
gen Freyheit wieder verhelffen/ auch von den Rebelliſchen Hugonotten in Franck-
reich
[16]De Statu perturbato.
reich gaͤntzlich laſſen wuͤrdẽ. Auch wußte er mit beydẽ Graffen auß Engelland/ von
Carlile vnd Holland ſolcher geſtalt vmbzugehen/ daß ſie wegen der Religion keine
Beſchwerlichkeit mehr machten. Dann er hielt jhnen vor/ der Koͤnig wer der
erſtgeborne Sohn der Kirchen/ vnnd koͤnd ohne Verguͤnſtigung deß Bapfts hier-
in gar nichts thun. So ſolten auch der Koͤnig vnnd das Parlament in Engel-
land vber der Religion ſo gar ſteiff nicht halten/ weil ſie bey jhrem hohen Verſtand
ſelbſt finden koͤndten/ daß ſich die Gewiſſen nicht zwingen lieſſen/ vnnd daß eben/
daher ſo mancher Auffſtand geſchehe. Nun hatte bereyts der Ertzbiſchoff von
Ambrun/ Frantzoͤſiſcher Geſandte/ in Landen ſelbſt/ mit Koͤnigs Jacobi gutem
Belieben/ vber zwantzig tauſent Menſchen gefirmt. Doch reyßte der Marggraff
von Effiat zu jhm/ daß er das Parlament ſo gar hoch hierin nicht achten ſolte/ weil
es mehrentheils Puritaniſch/ vnnd der Koͤniglichen Hoheit zu wieder
were.

Als wurden die Heurahtspuncten den 10. Nov. 1624. in Pariß verglichen
vnnd vnderſchrieben/ mit ſehr groſſem Vortheil der Catholiſchen in Engelland/
welche dadurch in Freyheit geſetzt/ nichts mehr zufoͤrchten hatten. Das aller fuͤr-
nembſte war/ daß die Princeſſin/ vnnd kuͤnfftige Koͤnigin jhre Capellen/ Prieſter
vnnd Hoffdiener/ auch deren Kinder Diener auß Franckreich ſelbſt wehlen/ vnnd
kein andere/ als Catholiſche nehmen moͤchte/ die ſonſt niemand vnderwuͤrffig von
jhr allein dependirten: vnd die Kinder dreyzehen Jahr lang bey ſich behalten/ vnd
nach Belieben aufferziehen moͤchte. Welches dann vmb ſo viel mehr zuverwun-
dern/ daß man nicht wegen der Religion/ ſondern wegen Staadsſachen der Jn-
fantin auß Spanien/ als ſie nach Pariß kommen/ alle Spaniſche Diener vnnd
Damen genommen/ hiengegen aber Jnheymiſche vnnd Frantzoͤſiſche gegeben.
Doch wurd Pater Berule nach Rom/ wegen der Diſpenſation geſandt: der aber
das Werck mehr ſchwerer gemacht/ als es an ſich ſelbſten/ vnd bey dem Roͤmiſchen
Hoff/ der allzeit ſich groſſer Wichtigkeit vnnd Circumſpection annimbt/ gar nicht
noͤhtig war: alſo daß der Frantzoͤſiſche Abgeſandt/ der Herꝛ von Bethune, auß
Sorg/ es moͤchte das Parlament in Engelland den gantzen Handel vmbſtoſſen/
dem Bapſt vnd den Cardinaͤlen nicht nur die Notturfft vortragen/ ſondern auch
zu End ſeiner Rede mit wenigem andeuten muͤſſen/ es hielten viel Schrifftgelehr-
ten darfuͤr/ man koͤnde deß Bapſts vnbegruͤßt in dergleichen Faͤllen forthfahren.
Dem nach verſtarb Koͤnig Jacobus mitlerweil/ vnd wurd der Heurath zu Pariß
durch den Hertzogen von Bouquingan vollzogen/ die Princeſſin nach Engelland
gebracht/ vnnd im Jahr 1625. zu Endt deß Monats Junij dem Koͤnig beygelegt/
vnnd Koͤniglich gehalten. Auß dieſem Heuraht erhielte gleichwohl Franckreich
dieſen Vortheil/ daß den Hugonotten kein offentliche Huͤlff zukommen/ vnnd daß
dieſelbe ſtarcke Parthey von auſſen Huͤlffloß zu Grund gerichtet werden koͤn-
nen.

Das zweyte Stuͤck/ ſo der Cardinal noch im Jahr 1624. verꝛichtet/ war der
ernewerte Bund mit den Hollaͤndern. Dann dieſelbten ſchickten die Herꝛn von
Nortwick/ võ Paw vñ võ Eſten/ als Extraordinari Geſandten/ nach Compiegne
zu dem Koͤuig/ vnd klagten/ daß jhre Feinde die ſo thewr erworbene Freyheit ſuch-
ten zuvernichten/ darumb der Koͤnig den vorigen Bund mit jhnen ernewern/ vnd
vber diß beyſolcher Noth ein anſehnliche Summ Geldts auch vorſchieſſen wolte.
Der Koͤnig zoge zu Gemuͤth/ daß ſeine Kron hiedurch nur deſto herꝛlicher ſeyn
wuͤrde/ vnnd daß hie nichts wider die Gerechtigkeit vorgienge/ dieweil das Hauß
Oeſterꝛeich bey Vernichtung der Fundamental Geſatzen der Provintzen ſich jhrer
Obrigkeitlichen Hoheit ſelbſt verluſtigt gemacht/ die Hollaͤnder zu einer Gegen-
wehr genoͤhtigt/ vnnd alſo verſpielet. Welches das Hauß Oeſterꝛeich bey den
Tractaten Anno 1609. vnd im Schluß vom zwoͤlff jaͤhrigen Stillſtand der Waf-
fen ſelbſt nachgeben/ vnnd geſtanden hette. Darauff dann Engelland/ Denn-
marck/ Schweden die mehrere teutſche Fuͤrſten/ vnd Hanſeſtaͤtte/ auch Venedig
gangen/ vnd ſie vor eine freye Republic erkennet. Der Cardinal thet noch hien-
zu/ die Hollaͤnder hetten ſich von mehr dann ſechzig Jahren her vmb gantz Europa/
ſonderlich vmb Franckreich hoch verdient gemacht/ daß ſie allein dem Spaniſchen
Ehrgeitz widerſtanden/ vnd die Spitz abgebiſſen. Vnd da der Koͤnig den Grau-
buͤndern Huͤlff zuleyſten gedaͤchte/ koͤndte dieſe ſtarcke Diverſion die Spaniſche
Macht/ den Frantzoͤſiſchen Waffen zum Vortheil/ von einander halten. Vber
diß alles hatte Henricus IV. ſich ſehr wohl bey dieſer Buͤndnuß in ſeinen euſſer-
ſten Noͤhten befunden: wann dann niemand wiſſen koͤnde/ was Gott nochmahlen
vber Franckreich verhengen wuͤrde/ hette man allhie die beſte Gelegenheit ſich einer
gewiſſen Huͤlff ins kuͤnfftige zuverſichern. Man vergliche ſich daß der Koͤnig jh-
nen in dreyen Jahren drey Millionen zweymahl hundert tauſent Pfund mit die-
ſem Bedieng ſolte vorleyhen/ daß ſie die Erſtattung in den erſten dreyen Jahren
nach geendetem Krieg theten: daß ſie ohn ſein Wiſſen vnd Verwilligung mit kei-
nem Staad Fried oder Anſtand machen ſolten. Vnd da jhre Mayeſtaͤt außge-
rüſtete Orlogſchiff haben muͤſten/ ſie dieſelben vmb billichen Preyß entweder ver-
kauffen/ oder darleyhen ſolten. Vnnd da jhre Mayeſtaͤt den Krieg anfing die
Helfft gemeldter Geldter zuerſtatten/ oder biß zu Abtrag der gantzen Summ/ mit
jhren Schiffen zudienen/ auch die Frantzoͤſiſche vnderhaltene Voͤlcker in ſolchem
fall biß nach Calais oder Diepen zulieffern/ gehalten weren.

Das dritte Stuͤck/ darin der Cardinal ſeine Weißheit ſehen ließ war/ daß
er den Oberſten Ornano wieder auff freyen Fuß brachte. Dieſer Oberſte war
deß Hertzogen von Orleans Gubernator/ vnnd lag dieſem jungen Herꝛen an/ deß
Koͤnigs Kaltſinnigkeit ſo ſtillſchweigend nicht vorbey zulaſſen: es war aber ſein
Jntent/ jhm einen Anhang zumachen/ vnnd in truͤbem Waſſer zufiſchen/ ſo ferꝛn/
daß er ſich auch etwas wichtiges vernehmen ließ/ wie der Marggraff von Vieuuille,
Cſo nach
[18]De Statu perturbato Franciæ.
ſo nach dem Herꝛn von Piſieux deß Koͤnigs Staad verwalten/ anbrachte. Well
nun hierauß kein geringes Vnheyl entſtehen koͤnnen/ meynte der Cardinal/
man ſolte den erſtẽ Fehler/ wañ man ſie auff jener Seit erkeñete/ vñ auff dieſer ver-
hindern koͤndte/ vberſehen/ zumahl ſolches zu groſſer Trew ins kuͤnfftige dienete:
daß der Oberſt Ornano zu hoch geſtiegen/ vnnd alſo den Schwindel bekommen.
Darumb befahl der Koͤnig/ daß der Oberſt in ſein Gubernament/ nach Ponthaint
Eſprit ſich verfuͤgte. Wie aber der Oberſt ſich auff ſeinen Herꝛn verließ/ vnnd
nicht meynte/ daß man alles in Kundſchafft bracht hette/ vermocht er ſeinen Herꝛn/
vor jhn zubitten/ oder zubochen/ daß er bey Hoffbleiben moͤchte. Der Koͤnig aber
ließ ſich durch keine Bitt/ wie jnſtaͤndig vnnd hefftig es auch von ſeinem Herꝛn
Bruder geſchahe/ von ſeiner Reſolution abwenden/ dieweil jr beyder enge Freund-
ſchafft ſich ſonſten trennen koͤndte/ vnnd Ornano ſelbſt nicht verſtuͤnde/ in was vor
Gefahr er ſich ſteckte/ demnach befahl/ man ſolte dieſen vnbeſonnenen Oberſten in
die Baſtille ſetzen/ vnd vber wenig Tage auff das Schloß zu Caën fuͤhren. Das
Gefaͤngnuß ſtund jhm vbel an/ vnnd erſucht den Cardinal/ jhm wieder herauß zu-
helffen/ welches auch geſchah/ aber nach dem der Marggraff von Vieuuille in Vn-
gnad war gefallen. Dann der Koͤnig gab jhm vorige Stell wieder/ vnnd trawte
feinem vielfattigen Verſprechen/ regaliert jhn auch mit einer anſehnlichen Sum-
ma Gelds. Dannoch vergaß er ſeiner ſelbſt/ vnd miſcht ſich in der Damen Wirꝛ-
weſen/ die jhm in die Ohren blieſen/ jederman foͤrchtete jhn/ wegen ſeines
Herꝛn.

Dadurch wuchs jhm das Hertz/ daß er auß geben doͤrffen/ wann man jhm
nicht ein Marſchalckſtab gebe/ wolt er/ etlichẽ Fuͤrſten Zugefallen/ ſeinen Herꝛn
vom Hoffmachen weichen. Wie ſolches vorkam/ gedacht der Koͤnige jhn auß
dem Weg zuraumen/ oder doch wohl zuverwahren/ auff daß nicht was aͤrgers
darauß entſtuͤnde. Aber der Cardinal erinnerte jhn ſeiner Clementz/ zumahl
auch man nach einem ſolchen Ehren Ampt/ jhn mit deſto groͤſſer Schmach koͤnde
hienſtecken/ im fall er ſich gar nicht beſſern wolte. Wie nun der Cardinal ſahe/
daß die alte Koͤnigin an der Regierſucht noch kranck gienge/ braucht er all ſein
Wohlredenheit/ jhr zuerweiſen/ daß ſie von dem Regiment dermahleins ſolte ab-
laſſen/ ſo wuͤrde aller Argwohn bey dem Koͤnig von ſich ſelbſten fallen/ welches auch
endlich gerahten/ vnnd ein kleine Zeit gut gethan. Nach der Koͤnigin war der
Hertzog von Orleans der hoͤchſte vnnd nechſte/ welchen der Oberſt Ornano, nun-
mehr Marſchalck gubernierte: Nun wolte die alte Koͤnigin niemand neben dem
Koͤnig wiſſen/ vnnd wo ſie den Koͤnig nicht ſelbſt moͤchte regieren/ doch ſein Ohr
vnd Gemuͤth allein beſitzen. Darumb koſtet es viel Muͤhe/ biß der Koͤnig mit jh-
rem Belieben ſeinen Bruder auch vmb etwas zu wichtigen Geſchaͤfften zoge. Den-
noch giengen die heymliche Verbuͤndnuſſen wider jhn forth: darumb thet er ſich
nach Fontanieblau/ auff das Luſthauß/ die heymliche Practicken in einem engen
Bezirck
[19]De Statu perturbato Franciæ.
Bezirck beſſer als in dem Getuͤmmel zu Pariß zuvermercken. Vor allen Din-
gen ſahe vnnd hoͤrte der Koͤnig ſelbſt/ wie der Marſchalck Ornano den Hertzogen
von Orleans manchmahl ein gantze Stunden lang vornahm/ von dem bevorſte-
henden Heuraht/ zwiſchen jhm vnd der Princeſſin/ vnnd Erbin Maria von Mon-
penſier, abwendig machte: vnd den Koͤnig ſelbſt kitzelte/ in dem er jhn doͤrffen ver-
melden/ wer zu deß Hertzogen von Orleans Heuraht rahte/ meyne es mit dem Koͤ-
nig nicht trewlich: angeſehen die Kinder ſo kommen wuͤrden/ jedermans Gemuͤth
nach ſich/ von dem Koͤnig abziehen ſolten. Aber der Koͤnig ſahe nur auff deß
Marſchalcks falſchen Sinn/ vnd ließ jhn nach geendigter Jacht durch den Haupt-
man Hallier greiffen/ vnnd nach Bois de Vincennes fuͤhren/ allda er bald hernach/
auß Verhaltung ſeines Waſſers geſtorben. Der Koͤnig ließ ſich nichts anders
mercken/ als daß er an die Fraw Mutter ſchrieb/ es wer geſchehen/ weil er zwiſchen
jhm vnnd dem Hertzogen von Orleans wollen Vnfug anſtellen. Vnd eben dieſe
Antwort gab er auch gemeltem ſeinem Bruder/ welcher nicht vnderlaſſen kondt/
ſein Vnwillen mit dieſer Gegenrede zubezeugen/ da er ſolches vor wahr wißte/ wol-
te er jhn ſelbſt vor Gericht anklagen vnd verfolgen: doch muͤßte man nothwendig
Achtung geben/ daß nicht etwan ſeine Feinde jhm dieſes Bad faͤlſchlich zugerich-
tet hetten. Was aber eygentlich vor wichtige Sachen damahls gekochet worden/
wird der Graff von Chalais mit der Zeit entdecken/ vnnd mit dem Kopff das Ge-
lach bezahlen/ vnnd weil die Engellaͤndiſche Geſandten/ ſich wegen verzogener
Diſpenſation deß Bapſts vber den Heuraht/ etwas lang bey Hoff hielten/ gab es
allerhand heymliche Practicken bey den Damen/ darumb auch die von Veruet
auß Befehl deß Koͤnigs ſich von Hoff/ neben etlichen andern/ in die Einſame be-
geben muͤſſen: daruͤber ſchier das gantze Frawenzimmer dem Cardinal ſpinnen
feind worden/ als mißgoͤnnete er jhnen die frewdige Zuſammenkunfften. Gleich-
wohl iſt ſich zuverwundern/ wie der Cardinal alle dieſe Heymlichkeiten erforſchen/
vnd erſinnen/ der junge Koͤnig aber verſchweigen/ jhnen das Maaß gantz voll
geben/ vnnd die Garn/ daß ſie ſelbſt hienein gefallen/ ſo wohlſpannen koͤn-
nen.

Das vierte Stuͤcklein/ einer ſonderbahren Klugheit ließ der Cardinal dar-
in ſehen/ daß er dem Koͤnig an die Hand gab/ wie er die hohen Aempter ſolte bey
Hoff anordnen. Dann als der Koͤnig die Augen je laͤnger je mehr auffthet/ ließ
er den Marggraffen von Vieuuille fahren/ vnnd jhm deß Cardinals Manieren
zum beſten gefallen: ja er befahl/ man ſolte gedachten Marggraffen zu S. Ger-
main greiffen/ nach Amboiſe fuͤhren/ vnnd gefangen ſetzen: die Vrſach ſchrieb er
ſelbſt an das Parlament/ daß derſelb die in ſeiner gegenwart gefaßte Reſolutionen
geaͤndert: mit den Abgeſanden/ ſo ſich bey jhm hielten/ wider ſein Befehl tractirt:
zu vnderſchiedlichen mahlen den jenigen Haß/ ſo er auß eygenem Widerwillen ge-
gen einem oder dem andern erweckt/ auff jhre Mayeſtaͤt verſchoben: vnnd endlich
C ijfalſche
[20]De Statu perturbato Franciæ.
alſche Nachricht erdacht vnnd beygebracht/ damit jhre Majeſtaͤt ſich vor denen
ſchewen ſolten/ die jhm zu groſſer Confidentz Vrſach geben hetten/ weil nun der
Koͤnig jhn ſelbſt gewarnt/ er ſolte anderſt verfahren/ vnd ſeine Verordnung fleiſſi-
ger beobachten/ auch in Worten vnnd Wercken behutſamer gehen/ vnnd alle groſſe
Herꝛn bey Hoff jhm durch ſeinen hochmuͤtigen Geiſt/ vnd dann/ daß er die Koͤnig-
liche Donationes hinderhalten/ auch neben ſeinem Schwigervatter auß dem Koͤ-
niglichen Schatz groſſe Summen entwendet/ hat man jhm leicht dieſen Stein
ſtoſſen koͤnnen.

Weil er aber auch vber die Finantzen geſetzt war/ mußte dieſelbe Stell wie-
der verſehen werden. Der Cardinal gab den Raht/ weil es damit viel ein ande-
re Beſchaffenheit hette/ als mit der Heymlichkeit eines Staads/ moͤchte der Koͤ-
nig vor einen/ jhrer zween anſetzen/ damit der Eyfer gegen einander ſie im rechten
Gelayß hielte: vnd ſolche Leuth wehlen die auffrichtig vnnd from weren/ auff daß
zum wenigſten einer getrew bleibe: ſolche muͤſten alte verſuchte Maͤnner ſeyn/ we-
gen deß Anſehens bey dem Volck vnnd der Sparſamkeit/ ſo das Alter mit ſich
bringt: nicht zu arm/ noch zu maͤchtig: ſondern ordentlicher Haußhaltung ge-
woͤhnlich. Vnd hierzu wurden vorgeſchlagen vnnd benamt die Herꝛn von Cham-
pigny vnd von Marillac.

Wie nun deß Marggraffen von Vieuuille Vngluͤck dieſe zween herfuͤr gezo-
gen/ alſo hat der Todt den Cantzlar in Franckreich/ den Herꝛn von Sillery hienge-
nommen/ vnnd dadurch den Siegelverwahrer/ den Herꝛn von Haligre, hoͤher ans
Bret/ vnnd auff den leeren Stul gebracht. Deß Cantzlers Vngnad wurd von
etlichen dem Marggraffen von Vieuuille, als der kein dapffern Mann vmb ſich lei-
den koͤndte: von andern dem Cardinal zugemeſſen/ als ob er nur ſeine Creaturen/
vnnd kein andere in hohen Aemptern zuſehen jhm vorgenommen hette. Es war
aber weit gefehlt bey dieſem Vmbwechſel/ vnnd verſtunde Haligre ſelb wohl vnder
der Hand/ daß jhm deß vorigen Cantzlers Schuhe nicht gerecht waren/ vnnd daß
ſich der Cardinal ſeiner halb ſchaͤmete/ auch deßwegen jhn offt ließ zu ſich kommen/
die ſchlaffende Frombkeit in den vielfaltigen Geſchaͤfften auffzumuntern/ vnd ab-
zuſchleiffen. Wie jhm dann der Koͤnig bald hernach das Siegel nahm/ vnnd
dem Marillac vbergeben/ weil er dem Monſieur nicht vnder Augen ſagen doͤrffen/
dem Ornano wer recht geſchehen. D’ Effiat kam an Marillac Stell. Was aber
nicht im Sack iſt/ kan man ſchwerlich drauß bringen/ vnnd ſagte jener: der Eſel iſt
fromb/ vnnd nichts mehr/ darumb kompt er gen Hoff/ wann er ſoll Saͤck tragen/
ſonſt laͤßt man jhn wol hinder dem Zaun Diſteln graſen.

Nach dieſem gieng es an die Finantzen: vnnd iſt in Franckreich jederzeit ge-
ſchehen/ daß die Verwalter der Koͤniglichen Einkommen in wenig Zeiten vber-
maͤſſig reich worden/ Herꝛſchafften an ſich erkaufft/ Kinder mit groben Sum-
men verheuraht/ vnnd ein herꝛlichen Staat gefuͤhret/ aber wenig im Koͤniglichen
Schatz
[21]De Statu perturbato Franciæ.
Schatz gelaſſen. Wie nun der Herꝛ von Marillac, deme die Ruhe ſein Lebtag
verdrießlich geweſen/ dieſe Auff ſicht neben dem Herꝛn Champigny bekommen/
griff er den Handel friſch an/ vnd bracht dem Koͤnig die biß dahin gepflogene Ren-
cken heyß fuͤr/ daß groſſer Zorn entſtund/ vnnd jhnen allen/ ohne vnderſcheyd die
Koͤpffe wackelten. Der Cardinal gab den Raht/ der Koͤnig ſolte auß allen Par-
lamenten die aller Gewiſſen haffteſte beſchreiben/ vnnd zu dieſem Ende neben etli-
chen auß der Rechenkammer/ vnnd von dem Supplications Ampt niederſetzen:
welche dann vber ſechs Monat beyſammen blieben/ vnd manchem ein Schweyß-
bad ohne Hitz zubereytet. Wie aber das Vngluͤck jhrer ſo gar viel ergriffe/ ließ
ſich der Cardinal bewegen/ daß er den Koͤnig zur Clementz beredet/ welcher auch
daran vergnuͤgt blieb/ daß ein einiger ſeinen Geitz mit dem Strick/ vnd etliche we-
nige neben jhm in der Copey (weil ſie das Original auß dem Land getragen) be-
zahlet/ alle andere aber an dem Beutel ſehr ſtarck zur Ader laſſen muͤſſen. Das
fürnembſte war/ daß der Cardinal die Verordnung that/ daß dieſe Kammer vber
die Finantzen ſolt jede zehen Jahr gehalten werden/ welches manchem ein Ruͤck-
dencken machen ſolte. Zum andern muͤſten die angezaͤpffte ſelbſtenden Vor-
ſchlag thun/ aber das euſſerſte zugewarten haben/ wie dieſem Vnheyl vorzukom-
men/ vnnd die Finantzterer im Zaum zuhalten weren/ daß kein Betrug nicht koͤn-
de vnvermerckt vorgehen. Etliche hielten dieſe Procedur vor vnguͤtlich/ als het-
te man Veſpaſiani Exempel hierin wollen folgen/ der einen duͤrꝛen Schwam an
ein feucht Orth legt/ vnnd wohl ließ Waſſer an ſich ziehen/ aber bald druckte/ daß er
wieder duͤrꝛ wie zuvor worden. Es muß ja in dieſen Haͤndeln ſeine ſonderliche
Rencken vnd gantz verborgene Gaͤnge haben/ weil Ariſtides wegen bekandter Ge-
rechtigkeit ein ſehr beruͤmbter Mann/ von ſeinen Amptsgenoſſen/ denen er das zu-
greiffen nicht wollen verſtatten/ wegen geraubten gemeinen Geldts angeklagt/
von dem Volck verdampt/ vnnd auff etliche Jahr der Statt verwieſen worden.
Als er nun wiederkam/ vnnd das vorige Ampt wieder bedienen ſolte/ weil man an-
fieng den Betrug zumercken/ blieb er zwar ſelbſt fromb/ ſahe aber ohne erinnern
vnd abmahnen durch die Finger in allen Stuͤcken/ vnnd wurd eben deßwegen bey
abgelegtem Ampt von ſeinen Geſellen zum allerhoͤchſten geprieſen: welches er dem
Volck zur Nachricht nicht verſchweigen wollen.

Das fünffte Muſter einer ſonderlichen Klugheit an dem Cardinal verſpuͤr-
te man darin/ daß er den Koͤnig zu Eroberung deß Veltlins gebracht. Nun iſt
zuwiſſen/ daß das Veltlin/ wie ein langer dieffer vnnd breyter Graben vnden am
Alpengebuͤrg gegen Jtalien ligt/ zwantzig Meilen lang/ vnd eine Meil breyt/ ſon-
ſten vnder der Graubuͤndner Hohen Obrigkeit. Franckreich wurd jhr Schutz-
herꝛ/ bey den Kriegsvbungen in Jtalien/ vnd ließ dieſelbe Gerechtigkeit vnder Lu-
dovico XII. vnd Henrico IV. ernewren. Wie aber die Religion auch deren En-
den von vielen wurd geaͤndert/ gab es Verbitterung/ Mord vnd Wuͤrgen/ daß man
C iijvon
[22]De Statu perturbato Franciæ.
von Anno 1617. biß 1621. neunmal ſie vnder vnd gegen einander ſelbſt in den grim-
migen Waffen geſehen/ da bald eine/ bald die andere Parthey die Oberhand be-
kommen/ vnd doch nicht lang erhalten/ aber die Haͤnd im Blut gewaſchen. End-
lich ſuchten die Catholiſchen Schutz vnnd Huͤlff bey dem Spaniſchen Guberna-
tor zu Mayland/ vnd bey Ertzhertzog Leopolden: die dann vngeſeumbt ſich der Ge-
legenheit bedient in das Thal eingefallen/ vnd das Voͤlcklein im Zaum vnd vnder
den Sporen zuhalten/ allenthalben Veſten vnnd Schantzen gebawt/ auch ſtarcke
Beſatzungen eingelegt. Welches ſie vmb ſo viel freyer thun wollen/ weil von
alters her/ diß Thal nach Meyland gehoͤrig geweſen: vnnd die Schweitzer neben
den Graubuͤndnern An. 1512. dem Frantzoſen entzogen/ vnd Hertzog Maximilian
zu Mayland eingeraumbt. Dann dieſer Hertzog gab den Schweitzern die Graff-
ſchafft Bellens, die Aempter Louuerſe, Lugarie, Mendruſe vnd Meyenfeld: den
Graubuͤndnern aber das Veltlin/ vnd die Graffſchafften Wone vnd Cleve/ zu e-
wigen Zeiten: darinnen aber die Voͤgte gemeiniglich ſehr vbel gehauſet/ vnd die
Veſtung Fuentes zubawen Vrſach geben.

Weil nun dieſes Laͤndlein der fuͤrnembſte Paß iſt zwiſchen Teutſchland
vnd Jtalien/ gedachte der Cardinal deß Spaniers Beginnen muͤßte mit der Zeit
der Kron Franckreich zu Schaden gereychen/ vnd verſchuff/ angeſehen der Koͤnig
damahlen mit den Hugonotten verwirret war/ vnd keine Verfaſſung vor fremb-
den Lande nicht wohl thun konde: zu deme auch allen Glimpff auff ſeine Seit zie-
hen wolte/ daß der Marſchalck Baſſampiere deßwegen ein extraordinari Bott-
ſchafft/ nach Spanien verꝛicht/ vnd die Tractaten zu Madrill mit groſſer Muͤhe ſo
weit gebracht/ daß den Catholiſchen im Veltlin mehr Freyheit gedeyhen/ die
Schweitzer aber dieſelben Tractaten Handzuhaben ſich verpflichten ſolten/ welches
ſie hernach Weitlaͤufftigkeit zuverhuͤten/ vnd newen Haͤndeln vorzukommen/ nit
leyſten wollen: alſo daß durch neben Tractaten dieſer Paß dem Spanier vnd dem
Hauß Oeſterꝛeich offen geblieben/ daruͤber Saphoyen/ Venedig/ vnnd alle andere
Staͤnde/ ſo an Oeſterꝛeich nicht hafften/ gewaltig geeyffert/ vnd bey dem Koͤnig in
Franckreich geklaget/ auch endlich einen Bund gemacht/ das Laͤndlein in vorigen
Stand wiederzubringen.

Wie nun Spanien in den Niederlanden beyde Haͤnd voll zuthun hatte/
vnd das teutſche Vnweſen noch gantz verworꝛen ſahe/ ſchlug er vor/ die new erbaw-
te Veſten dem Bapſt Gregorio XV. biß zu Außtrag dieſer Spaͤhn/ in Handen zu-
ſtellen: dazu Franck nich doch endlich verſtehen wollen. Vnder deſſen tractirten
auff Frantzoͤſiſcher Seiten der Commenthur von Sillery, vnnd auff Spaniſcher
Seiten der Hertzog von Paſtrana, in deme Vrbanus VIII. zum Biſtumb kommen/
da Sillery, vielleicht auß Verdruß/ daß ſein Bruder nit mehr Cantzlar ſeyn ſolte/
dieſes vberſehen/ daß er eingewilligt/ dieſer Paß ſolte dem Spanier nur allein zu
ſeinen Niederlaͤndiſchen Kriegen offen ſtehen: welches bey Hoff ſehr vbel auff-
genom-
[23]De Statu perturbato Franciæ.
genommen/ vnnd nicht behelligt/ er aber zu ruͤck beruffen/ vnnd an ſeine Stell der
Herꝛ von Bethume verordnet worden.

Der Bapſt hatte ſein Abſehen auff die Religion/ welche auch Spanien be-
ſtes fleiſſes wuſte vorzuſchuͤtzen: ſo beobachtet Franckreich die Religion/ vnnd die
Policey. Hie gab es mancherley Vorſchlaͤge/ welchen aber Franckreich jmmer-
zu begegnete/ auch dem Bapſt ſein gethane Speſen zuerſtatten/ ſo wohl als Spa-
nien thun koͤnde/ verwilligte: biß endlich der Marggraff von Cæuuares Ordre be-
kam/ in Schweitz Voͤlcker zuwerben/ vnnd die vertriebene Graubuͤndner an ſich
zuziehen/ wie dann mit Wunderpracticken er etliche tauſent auffgebracht/ vnnd v-
ber die verwaigerte Paͤßeintzelen oder mit Gewalt gefuͤhrt/ nach dem er hieden
Weg mit Kronen eben gemacht/ dort vnverſehens durchkommen/ an einem an-
dern Orth ſich ſchroͤcklich erzeyget: in dem die Kron Franckreich mit dem Hertzo-
gen in Saphoyen/ vnnd den Venetianern ſich verglichen/ vnnd einen Bund ge-
macht/ vnnd alſo in das Veltlin gefallen/ auch alles/ biß auff die Veſte Riua vber-
waͤltiget/ doch den Baͤpſtiſchen Fahnen allen Reſpect erwieſen. Die Spanier
lagen eben vor Breda in Niederland/ vnnd konden kein merckliche Huͤlff thun: ſo
achtet man deß Bapſts querulieren auff Frantzoͤſiſcher Seiten nicht/ vnd ließ ſein
Geſandten Bernardino Nary vnverꝛichter Sachen/ wie auch endlich den Cardi-
nal Barbarini wieder hienziehen/ weil die Tractaten zu Madrill nicht wolten voll-
zogen werden: dann der Bapſt/ als ein gemeiner Vatter/ ſich vnpartheyhiſch er-
zeygen/ vnd vnder dem Schein der Religion die Weltliche Hohe Obrigkeit nicht
ſchwaͤchen/ oder gar vmbſtoſſen ſolte: zumahl der Spanier vnder dem ſcheinbaren
Vorwand der Religion der Kron Franckreich ſehr nach theiliche Sachen vorneh-
me/ welche Sachen die Religion im geringſten nicht betreffen kondten. Doch
gab es ein Stillſtand auff etliche Monat/ ſo aber nach Vbergab der Veſten Chi [...]-
uenne angefangen/ vnd der Veſten Riua zu gut kommen.

Spanien wolte hie nicht feyern/ bracht die vbrige Staͤnde in Jtalien zu ei-
nem Gegenbund/ machte groß Weſen von Vndertruckung der Catholiſchen/ vnd
Befoͤrderung der Ketzer/ ja von dem Frantzoͤſiſchen Joch vber gantz Jtalien/ ſampt
einer zukuͤnfftigen vbergroſſen Kriegsverfaſſung. Aber Franckreich achtet ſol-
ches alles nicht/ auſſerhalb daß Spanien die Hugonotten/ ſonderlich die Roſchel-
ler in jhrer Rebellion ſtaͤrckie. Zuverwundern/ daß der Cardinal/ als ein Seul
der Roͤmiſchen Kirchen/ der Religion vngeachtet/ wegen eines einigen Paß/ vnnd
etwan ſeines Koͤnigs eytele Reputation bey den Außlaͤndiſchen zuerhalten/ den
Ketzern vorgeſtanden/ da doch ſonſten vmb der Kirchen Nutzen willen aller andere
Reſpect faͤllt/ vnd wohl ein geleyſter Eyd vnbuͤndig wird. Doch moͤchte er etwan
im Conclaue zu Rom/ als im Cabinet zu Pariß reden wollen. Einmahl vor
all/ diß Veltliniſche Weſen gab genugſame Anzeigung/ daß Franckreich vmb ſich
greiffen/ vnnd den Spaniern mit der Zeit die Spitz biethen wuͤrde: darumb auch
Spa-
[24]De Statu perturbato Franciæ.
Spanien allenthalben maͤchtige Fuͤrſehung auff kuͤnfftige Faͤlle thun muͤſſen/ vnd
bey dem teutſchen Vnweſen ſich nicht allerding herauß laſſen doͤrffen.

Der 3. Diſcurß.

DEr Graff von Manßfeld gedachte ſich groß zuma-
chen/ ſahe aber das Boͤhmiſche Weſen auff Pfaͤltziſcher Seiten zu truͤm-
mern gehen/ vnnd vermeynte der Sachen zuhelffen/ wann er gantz Eu-
ropa wider das Hauß Oeſterꝛeich auffwickelte: darumb zog er auß Teutſchland/
nach Franckreich/ Dennmarck vnnd Engelland/ ſuchte Siebenbuͤrgen ins Spiel
zubringen/ vnnd Schweden auffzuwickeln: erlangt aber ſo viel/ daß der Cardinal
Riſcheliu ſein vorgeben/ von deß gantzen Hauſes Oeſterꝛeichs Erb Vereynigung/
vnd vorgenommener Monarchy gefaſſet/ deme nach gedacht/ vnnd zuwiderſtreben
angefangen. Ergedachte zwar die Proteſtanten/ als Engelland/ Dennmarck/
Schweden/ die Evangeliſchen in Teutſchland/ ſampt den Hollaͤndern vnder ei-
nen Hut zubringen/ aber vergeblich: weniger vermogt er den Koͤnig in Franck-
reich/ ſampt dem Hertzogen von Saphoyen vnd den Venetianern zu dieſem Bund
zubereden/ ob ſchon die Sach jhnen ſampt vnnd ſonders noͤhtig vnnd thunlich vor-
kam/ auch etlicher maſſen beſchloſſen wurd. Weil aber die Lutheraner vnd Cal-
viniſten vnzeitiger weiſe gegeneinander eyferten/ welches jhme der Kayſer wohl
wiſſen zu Nutz zumachen/ vnnd die obberuͤhrte Catholiſche Staͤnde ſich vor dem
Roͤmiſchen Stul foͤrchten mußten/ auch ein jeder ſein beſonder Abſehen hatte/ vn-
derhielte man zwar das gute Vertrawen/ macht aber nichts Werckſtellig: auſſer-
halb was droben von dem Bund zwiſchen Franckreich/ Saphoyen vnd Venedig/
wegen deß Veltlins vorgangen.

Nun vermerckte der Cardinal ſehr wohl/ daß es vbel ſtehen ſolte/ wann
Franckreich ohne wichtige Noth mit Spanien zubrechen kaͤhme: gieng derowe-
gen auff der Spaniſchen Fußſtappen/ welche nicht den Frantzoſen/ ſondern deſſen
Freun-
[25]De Statu perturbato Franciæ.
Freunde im Veltlin angegriffen/ vnnd demnach wieder den letzten Bund nichts
mißhandelt hetten: alſo gedachte er ſich an die Statt Genna zumachen/ damit er
im Veltlin nicht leichtlich koͤndt vberfallen werden/ wie er dem Spanier den Paß
nach Teutſchland verſperꝛete: die Gold grub allhie verderbete: vnd ſonderlich die
alte Gerechtigkeit deß Frantzoͤſiſchen Schutzes vber dieſe Statt ernewerte/ dem-
nach dieſen Exceß wie jhn Spanien nennen moͤchte/ gegen dem Veltlin hielte.
Dieweil aber Saphoyen vor allen andern den beſten Vorſchub/ vnd im widrigen
den groͤſten Schaden thun kondte/ beſonne man ſich/ denſelben Hertzogen ſolcher
geſtalt in dieſen Handel zuflechten/ daß er ſo leichtlich nicht zuruͤck gehen/ oder von
der Farb hette fallen ſollen. Zu ſolchem Endt machte man jhn zum General/ o-
der ließ jhn mit Huͤlff der Frantzoͤſiſchen Waffen/ ſein habendes Recht verfolgen:
wie er dann in einem Manifeſt ſich beklagte/ Genua haͤtte die Graͤntzen verꝛuckt
vnd jhme Abbruch gethan: das Lehen Zukarell eingezogen/ vnnd ſeinem Contra-
fait viel Vnehr angethan. Venedig wolt kein Theil am Fladen haben: aber al-
le andere Staͤnde/ ſonderlich Rom/ gerieth durch ſolche Kriegs Verfaſſung in
groſſen Schrecken/ biß man ſahe/ warauff es gemuͤntzet war. Doch ſchickte der
Bapſt ſein Nefen/ den Cardinal Barbarini nach Franckreich vnnd Spanien/ zu-
verhuͤten/ daß ſolche geringe Haͤndelkein Hauptweſen verurſachen koͤnden. Es
wurd aber hiemit wenig außgericht. Darumb fuhren die Feldoberſten/ als der
Hertzog vnnd der Printz von Saphoyen: wie nicht weniger der Conſtabel Leſdi-
quieres, vnnd deſſen Tochterman der Marſchalck von Crequy forth/ eroberte das
nothveſte Schloß Gauy, ſchlugen den Neapolitaniſchen Secourß/ die Modenſer
vnd Parmeſaner bezwungen V nitimeilia, ſampt dem Caſtell. Es kamen aber
bald teutſche Voͤlcker/ dem Hertzog von Feria/ Gubernatorn in Mayland zu
Huͤlff/ ſo nahet ſich auch der Marggraff de Santa Croce mit ſeiner Floth/ vnd fiel
eine Seuch vnder die Frantzoſen: wie nun vber diß der Hertzog von Saphoyen nit
alles thet oder thun kondte/ was zu Vnderhaltung einer ſolchen Armee vnvmb-
gaͤnglich in frembden Landen wurd erfordert/ gieng ein Orth nach dem andern wie-
der verlohren: dazu dann der Eyfer zwiſchen dem Hertzogen vnnd dem Conſtabel
herfuͤr brande/ alſo daß der Duc de Feria gut machen hatte/ vnd ein Orth nach dem
andern wieder eroberte/ ja gar in Mont ferꝛat einfiel/ vnd das Landverderben dort-
hin zoge. Darbey man lernen koͤnte/ was Buͤndnuſſen gelten oder nutzen/ ja wie
man Krieg ferꝛn von vnſern Landen fuͤhren ſolte. Aber der Marggraff von
Vignolles fuͤhrte zwiſchen ſechs in ſieben tauſent Mann vber das Gebuͤrg. Dan-
noch lagen die beyden Armeen vor Verrue, einer kleinen Statt auff dem Po/ wel-
che ein ſehr veſtes Schloß auff einer hohen Spitzen deß Bergs beſchuͤtzte/ mehr
dann drey Monat lang/ weil die Vnirten tauſent Mann hienein gebracht hatten/
alſo daß die Spanier wohl ſechs Stuͤrm verlohren/ ſo wolten die Minen jhnen
auch nicht gluͤcken/ vnnd vberſchwemmete der Po ein Theil jhrer Lauffgraͤben/ daß
Ddas
[26]De Statu perturbato Franciæ.
das Geſchuͤtz im Koth ſtecken blieb. Darumb theten die Frantzoſen ein Treffen/
vnnd eroberten alle Schantzen: wie nun auch die Viures mangelten/ brach Don
Gonzales de Cordoua naͤchtlicherweil in der Stille auff/ vnnd beklagte zum
hoͤchſten/ daß er vor einem ſolchem Schwalben Neſt ein Armee von viertzig tan-
ſent Mann vernichtet hette.

Jm Velilin ſtaͤrckten ſich die Spanier/ als der von Pappenheim ankom-
men: aber der Cardinal ließ Frantzoͤſiſche vnd Schweitzeriſche Regimenter dem
Marggraffen von Cœuures auch zuziehen/ welcher vnder andern auch Chau-
mont eroberte/ vnd Morbeigne allein/ wegen vber groſſer Verwahrung ligen lieſ-
ſe. Vnder deſſen hette der Hertzog von Saphoyen tauſent Luft/ wegen deß Land-
verderbens ſich an den Spaniern zuraͤchen/ vnd in das Milaneſiſche einzufallen/
weil aber der Conſtabel nicht wolte/ vnnd ſich nach Grenoblen begab/ den Mar-
ſchalck von Crequy aber nach Hoffſchickte/ beſorgte der Hertzog von Saphoyen/
man moͤcht jhn in der Bruͤhe laſſen/ vnnd ließ durch ſeinen Sohn den Printzen es
ſo weit am Hoff treiben daß man den Krieg ſolte forthfuͤhren/ vnnd jhm das Ge-
neralat laſſen. Doch kahm der Herꝛ von Fargis darzwiſchen in Spanien/ daß
man ſich zu den Tractaten zu Mouſon verſtunde. Dieſelben hatte der Graff von
Oliuares angeſponnen/ vnnd eylfertig zu dieſen dreyen Hauptartickeln/ weil der
Baͤpſtiſche Gefandte nichts außrichten koͤnnen/ verglichen: daß die Spanier auff
die Paͤſſe im Veltlin gaͤntzlich verzeihen: das Veltlin den Granbuͤndnern abtret-
ten: vnd die Roͤmiſche Catholiſche Religion in freye Vbung ſetzen ſolten. Wie
nun dieſe Friedenstractaten alſo beſchloſſen vnd beſieglet dem Koͤnig zur Ratifi-
cation zukommen/ wundert er ſich/ daß ſein Geſandter ſolch Werck ohn expreſſli-
chen Befehl vnderfangen hette/ vnd er ſeiner Bundsgenoſſen vnbegruͤſſt vor an-
genehm halten ſolte.

Aber der Cardinal hatte ſein Abſehen auff die Practicken am Hoff/ vnd auff
die Hugonotten/ vñ darumb vermehrte man zum andernmahl dieſelben Puncten/
ſonderlich die Religion/ vnd Demolierung der Veſten betreffend/ vnnd beveſtigt
den Frieden/ ob ſchon der Printz von Bemont/ vnnd der Venetianiſche Geſandte
jhn verworffen vnnd nicht angenommen: darumb auch der Koͤnig abſonderliche
Geſandten zu jhnen verſchickt/ vnd dem Saphoyer vorgehalten/ daß er ſein begeh-
ren wegen deß Veltlins erlangt: daß wegen Genua er bey einem Stillſtand die be-
ſte Vermittelung thun/ vnnd bey dem Bapſt den Titull eines Koͤnigs in Cypern
vor jhn begehren wolte. Die Venetianer lieſſen ſich leicht bereden/ doch jhnen
der Fried nuͤtzlicher were/ vnnd daß die Veſten muͤßten geſchleyfft werden/ zu-
mahl ſie den Paß auff zehen Jahr im Veltlin haben ſolten. Aber die Graubuͤnd-
ner kondten ſich nicht darzu verſtehen/ daß die Veltliner jhnen ſelbſten moͤchten
Beampten waͤhlen/ vnd doch kein andere/ als Catholiſche nehmen koͤndten. Als
man aber jhren Geſandten darthaͤt/ daß ſie von den Aemptern bey der Wahl nicht
auß-
[27]De Statu perturbato Franciæ.
außgeſchloſſen weren/ vnnd jaͤhrlich 25000. Kronen ziehen ſolten/ ja daß ohne diß
man jhnen die hohr Obrigkeit vber die Veltliner/ ſo an dem Spanier einen Ruͤ-
cken haͤtten/ nicht wohl erhalten koͤnnen/ oder ſie in jmmer wehrenden Krieg ſte-
cken muͤſte/ lieſſen ſie es auch gut ſeyn: auff welche Meynung beyderley Religionen
Schweitzer auch gangen. Der Bapſt kondte ſeine Frewd wegen dieſes Friedes
nicht genugſamb bezeugen/ vnd bemuͤhete ſich ſehr/ allerhand Entſchuldigungen
vorzubringen/ warumber dem von Pappenheim wollen ſechstauſent Mann we-
gen der Veſten Riva zuſchicken/ nemblich die Spanier deſto ehe zum Frieden
zulencken. Alſo vergliche man ſich wegen der Abfuͤhrung der Voͤlcker/ vnd wurd
die Demolierung in 6. Tagen vollendet/ im Jahr 1626.

Wie die Hollaͤnder geſehen/ daß ſie der Spanier mit Macht angegriffen/
vnd Breda ſo ſtarck belaͤgert/ daß keine Muͤglichkeit erſchiene/ den Orth zuretten:
verhofften ſie noch ein mehrers vom Koͤnig in Franckreich/ als das vorgeſchoſ-
ſene Geldt: darumb fanden ſich jhre Geſandten zu Fontaineblau/ im Jahr 1625.
als eben der Cardinal Barbarini den Frieden zwiſchen den beyden Kronen zuſtiff-
ten/ an weſend war/ vnd begehrten/ der Koͤnig wolte nicht nur/ vermoͤg deß heuri-
gen Bundes/ jhnen mit Mannſchafft vnd Baarſchafft beyſpringen/ ſondern gar
vor einen Mann neben jhnen ſtehen/ vnd den Spanier ſelbſt angreiffen: Zumahl
der Kron Franckreich ſolches rühmlich vnd nuͤtzlich/ auch thunlich wehre: den all-
gemeinen Feind auff eygenem Grund vnd Boden anfallen/ vnd die Auſſenwerck
wohlverwahren. Weil aber die Haͤndel bey Hoff noch vnklar/ vnnd die Hugo-
notten vnruhig/ ja das Teutſche weſen als ein Krebs vmbſich fraſſe/ wurd vor diß-
mahl nichts drauß/ ob man ſchon vngern geſehen/ daß der Spanier ein ſo veſte
Statt bezwungen/ doch auch zuſehen wollen/ daß die Hollaͤnder vmb etwas her-
under kaͤmen/ vnnd die Frantzoͤſiſche Huͤlff vnnd Freundſchafft nur deſto hoͤher hal-
ten/ vnd thewrer zahlen ſolten.

Nichts thet dem Cardinal mehr wehe/ als daß er den Dorn von den Hugo-
notten im Fußhatte: dann ſolte er ſeinen Koͤnig in außlaͤndiſchen Krieg ſtecken/
ſo rumorten ſie zu Hauß/ vnnd hinderten der Kron Wohlfahrt: gab es dann gele-
genheit im Koͤnigreich/ ſo waren ſie gleich im Harniſch. Darumb mußte er ſich
an ſie machen/ vnnd verſuchen/ ob er ſie zu Chor bringen moͤchte. Die Vrſach
kahm daher/ daß man bey den letzten Friedenstractaten die Demolierung beyder-
ſeits/ wie auch die Reſtitution vnnd Religion/ einander verſprochen/ darumb be-
zeugten ſie in jhrer aller/ vnnd ſonderlich der Hertzogen von Rohan vnnd Soubiſe
nahmen dem Koͤnig allen muͤglichen Gehorſam: vberꝛeychten aber darneben jhre
Gravamina/ daß man vor andern die Roſcheller mit der Ludwigſchantz plagte/
vnnd jhnen in der Vbung jhrer Religion Eintrag thaͤte. Hie meynten etliche
Einfaͤltige/ weil die Statt Roſchelle ein ſo harten Stoß bekommen/ vnnd nun-
mehr die Jnſeln/ Kriegsvoͤlcker vnnd Schiffe verlohren/ koͤndte man ſie belaͤgern/
D ijvnd
[28]De Statu perturbato Franciæ.
vnd jnnerhalb ſechs Monaten vbermeiſtern/ auff daß der Koͤnig von allen ſeinen
Vnderthanen gleichen Reſpect erlangete: Zumahl kein andere Statt nach die-
ſer ſich wuͤrde empoͤren doͤrffen. Aber der Cardinal gedachte/ man koͤndte der
Statt Roſchellen auß der Ludwigsſchantz/ vnnd den nechſten Jnſein jederzeit zu-
kommen: nach deme die gantze Hugonottiſche Parthey auff den beyden Jnſeln
vor Roſchellen/ durch den Hertzog von Momorancy biß auffs Haupt erlegt/ ſo
bald nicht wieder in Poſtur kommen ſolte/ ſo lieſſen ſich die Ketzer nimmermehr
durch Gewalt bekehren/ vnnd waͤre der Gelegenheit gemaͤß/ jetziger Zeit auff das
Vnweſen im Veltlin zuſehen/ derentwegen ratificirte der Koͤnig zum Vberfluß
die Tractaten zu Nantes/ auſſerhalb daß er die Ludwigſchantz wegen der muthwil-
ligẽ Statt Roſchelle/ nit wollen demoliren laſſen. Alle andere Staͤtte vñ Gemein-
den der Hugonotten lieſſen ſich hiermit begnuͤgen/ ohne die vier Staͤtte Roſchel-
len/ Montauban, Caſtres vnd Milhaud, ſo beyde Hertzogen von Rohan vnnd Sou-
biſe hatten angefeſſelt/ in deme jener vorgab/ er moͤchte dieſe Puncten nicht an-
nehmen/ ehe die Verſamblung in Obern vnnd Niedern Langnedoc auch drein ver-
williget. Suchte vnder dem Schein gemelte Verſamblung zubefoͤrdern/ ein
vnnd andern Orth in Languedoc zu vberꝛumpeln/ wie er dann wuͤrcklich im Land
Alby gethan: vnnd als er den Marſchalck von Themines mit der Koͤniglichen Ar-
meen jhm auff dem Halß ſahe/ verfuͤgt er ſich zu der Verſamblung zu Milhaud,
vnd verſchuffe/ daß man den obigen Frieden angenommen/ auß welchem aber der
Koͤnig die Statt Roſchellen wollen außgeſetzt haben: wohl wiſſend/ daß die gantze
Parthey der Hugonotten ſie entweder zuerhalten/ die euſſerſte Mittel anwenden/
vnd alſo zu einem rechten Krieg/ vnnd der Statt gruͤndlichen Verderben Vrſach
geben ſolten: oder da man ſie im Stich ließ/ jhre euſſerſte Zuflucht/ ja jhr rechter
Arm gebrochen wuͤrde.

Als nun die Hugonotten ins geſampt im Jahr 1626. dem Koͤnig durch jhre
Deputirten danckten/ wegen deß verliehenen Friedens/ vnd vmb Ratification deſ-
ſelben vnderthaͤnig anhielten/ fanden ſich auch die Roſcheller vnder jhnen/ doch
abgeſondert/ nicht eben auß Demuth/ ſondern auß Noth: Zumahl der Marſchalck
von Themines, ſo in deſſen von Pleſſis Stell war kommen/ jhnen ſo ſchwehr auff
dem Tach vnnd vor der Thuͤr lage/ daß ſie den Kopff weniger als ein Schiltkrott
doͤrffen herauß ſtrecken. Wie nun der Koͤnig gegen all ſeinen Vnderthanen/ die
Gehorſam erwieſen/ allerdings guͤtig/ vnd gegen denẽ ſo vom Vngehorſam lieſſẽ
allzeit gnaͤdig war/ alſo koſtet es keine ſonderliche Muͤhe/ auch den Roſchellern den
Frieden zuerlangen/ darbey dann der Cardinal noch ein ander weit Abſehen hatte/
weil er verſpuͤhret/ daß die heymliche Practicken bey Hoff auff die Hugonotten
zieleten/ dieſelben mit Verlockung mehrer Freyheiten auff deß Monſieurs, welcher
iſt der Hertzog von Orleans/ deß Koͤnigs einiger Bruder/ Seiten zubringen. Zu-
mahl der Ehrgeitz vnnd die Regierſucht/ ſo blind ſind/ daß ſie nicht ſehen/ woran ſie
ſich
[29]De Statu perturbato Franciæ.
ſich ſtewren/ oder welchen Werckzeug ſie zu jrem Vorhaben ergreiffen: auch wohl
gar die gehaͤſſige Nachbarn oder abgeſagte Feinde vmb Huͤlff anruffen. So wol-
te es ſich in Engelland auch betruͤben/ wie wir alſo bald andeuten werden: welches
Wetter durch dieſe Thuͤr in Franckreich einbrechen/ vnnd den gantzen Staat/ we-
gen der vhralten Spruͤchen anfeinden/ ja gar vmbſtuͤrtzen koͤndte/ wann die auß-
laͤndiſche Macht im Hauß ſelbſten bey vns allen Vorſchub wuͤrde finden. Doch
beflieſſe ſich der Cardinal/ daß die Friedenspuncten mit hoͤchſter deß Koͤnigs Re-
putation auff dieſe Weiſe abgefaſſet worden. Der Koͤnig gibt zu/ daß der Statt
Gubernament jhr verbleibe/ doch daß ſie keine außgeruͤſtete Orlog Schiff halte:
daß ſie den Commercien dem gemeinen Strich in Franckreich nachgehe/ daß ſie
den Geiſtlichen alle eingezogene Guͤter wider einraume/ daß ſie die Catholiſchen
bey der Vbung jhrer Catholiſchen Apoſtoliſchen Romaniſchen Religion/ vnnd
vollem Beſitz jhrer Guͤter vnbekuͤmmert laſſe. Daß ſie die newe Veſte Tadon
ſchleyffeten: vnd daß Jhre Majeſtaͤt eine Beſatzung in der Ludwigſchantz/ vnnd
auff den beyden Jnſeln Rè vnnd Oleron nach Belieben legen moͤge/ mit dieſer
Verordnung/ daß die Roſcheller weder im Kauffhandel/ noch bey Nutzung der
Land guͤter dannenhero einige Vngelegenheit empfunden. Welche Artickel ſie
zu Anfang deß Hornungs eingegangen/ vnd alſo ein gantzes Jahr ſtill geblieben/
nach dem die Koͤnigliche Commiſſarien alle vnd jede Puncten/ mit der Roſcheller
gutem Gefallen werckſtellig gemacht hatten. Vnder deſſen hatte der Koͤnig Zeit/
die Meutinirer am Hoff zuzuͤchtigen/ ſeine Bundsverwandten in Teutſchland zu
vnderſtuͤtzen/ ſeine Vnderthanen zuerquicken/ vnnd ſeine Regierung/ nach jeder-
mans Wunſch herꝛlich zumachen.

Es iſt mit dem Menſchlichen Weſen alſo bewandt/ daß auch bey den aller-
beſten Vereynigungen/ gleich wie in einem Luſtgarten das Vnkrant/ jmmer zu
was Argwohn vnnd Eyfer/ Mißtrawens vnd Neids herfuͤr ſticht. Wie dann
zwiſchen Franckreich vnnd Engelland auch geſchehen/ nach deme die Koͤnigli-
che Princeſſin/ vermoͤg vollzogenen Heuratspuncten/ in Engelland war ankom-
men. Dann es ſchien/ als hette die Koͤnigin alſobald auß Eyſer der Religion/
vnnd antrieb jhrer Geiſtlichen/ der Sachen zuviel gethan/ vnnd den Koͤnig wegen
Anſehens ſeiner Landsſtaͤnde etwas entruͤſtet: wie dann das Frawenzimmer/
wann auß freyem vngeſchranckten Gewalt es niemand ſchewet/ nicht bald maß
haͤlt. Der Koͤnig in Franckreich bekam deſſen alſobald Verſtand/ vnd verordnet
den Herꝛn von Blaniuille zu einem extraordinari Geſandten nach Engelland/
welcher die Sach gar bald zu Recht brachte/ vnd den Fehler etlichen eyferigen Raͤ-
then zulegte. Diß war aber nicht das fuͤrnembſte Stuͤck ſeiner Verꝛichtung/
ſondern die Beyſorg/ es moͤchten ſich die Staͤnde/ oder der Koͤnig ſelbſt in das Hu-
gnottiſche Weſen eindringen: Zumahl der von Soubiſe, als er vom Hertzogen
von Momorancy biß auffs Haupt geſchlagen war/ ſich nach Engelland begeben/
D iijvnd
[30]De Statu perturbato Franciæ.
vnd das Koͤnigliche Schiff le petit Saint Iean, ſo er im Hafen vor Blawet weg ge-
nommen/ kuͤrtzlich nach Pleimouth gebracht: Auch hatten die Engellaͤnder einan-
der Schiff/ le marchand Royal genannt/ von zwoͤlffmal hundert tauſend Pfund/
nach Douures gezogen/ vnnd außgeladen: darumb die Frantzoͤſiſche Schiff/ auch
auff die Engellaͤnder gegriffen/ weil die Sach vor deß Koͤnigs Raht ſo ſchlaͤunig
nicht koͤnnen geoͤrtert werden. Alſo daß es ſchiene/ die Engellaͤnder hetten Luſt/
ſich an die Frantzoſen zureiben/ wie dann ohne zweiffel der Hertzog von Bouquin-
gan ein Widerwillen gefaßt/ weil ſein Gemahlin/ Schweſter vnd Nichte nicht zu
Kammerdamen der Koͤnigin wollen angenommen werden/ zumahl ſolches wi-
der die Heurahts Verſchreibung/ wegen der Religion lieffe.

Vnd ob man ſchon ſeine Fraw Mutter/ ſo Catholiſcher Religion zugethan/
vnd ſeine Gemahlin/ ſo derſelben nicht gaͤntzlich zuwider/ an dieſe hohe Ehrenſtell
nehmen wolte/ ließ er ſich doch darmit nicht genuͤgen: zumahl Madame de Cheu-
reuſe, ſo bey Hoff in Franckreich einigen Verdruß empfunden/ vnd in Engelland
ein Anhang gemacht hatte/ den Blaßbalg bey dieſem Fewr/ jr Muͤthlein zukuͤhlen/
e [...]nſtlich zoge. Zu dem kahme noch/ daß das Parlament mit etlichen Puncten in
der Heuraths Verſchreibung/ als der im Land vblichen Religion zuwider/ nicht zu-
frieden ſeyn wollen/ auch von etlichen groſſen Geldtſummen Rechnung forderte.
Darumb wolte der von Bouquingan dem Parlament/ deſſen Anſehen in Engel-
land ſehr groß iſt/ ein genuͤgen thun/ vnd ſich wider die Catholiſchen Hoffdiener ſe-
tzen. Welchen Eyfer der Koͤnig in Franckreich vermehrete/ als er vor vnange-
nehm hielte/ daß dieſer Hertzog von ſeiner Reyß nach Holland in Franckreich kaͤh-
me. Der Graff von Holland/ wegen verwaigerter Verwaltung vber der Koͤ-
nigin Guͤter/ ſteiffte den Bouquingan, alſo daß die Catholiſche Diener der Koͤ-
nigin im Augſt. deß Jahrs 1626. wieder nach Franckreich gefuͤhrt wurden. Die-
ſes Fewr gleich anfangs zu daͤmpfen/ ſchickte der Koͤnig den Marſchalck Baſſam-
piere, der anſehnliche Freunde vnder den Wiederkommenden hatte/ aber vn-
freundlich vom Koͤnig empfangen ward/ weil der Koͤnig in Franckreich den Frey-
herꝛn von Montaigu auch nicht hoͤren wollen. Doch nahmen etliche Commiſſa-
rien die Sach vor: vnd wolte den Frantzoſen Schuld gegeben werden/ als hetten
ſie im Gubernament/ bey Hoff/ vnnd an der Koͤnigin Verwaltung Vnfug anzu-
ſtellen geſucht. Doch befand ſich/ daß man ein andern Weg vornehmen/ vnnd
wider die beaidigte Heurahtspuncten/ (welche die Engellaͤnder/ als dem Bapſt zu-
lieb geſehen/ nicht vermeynten zuhalten) der Koͤnigin keine Proteſtirende Diener
auffdringen ſollen. Da es nun die Zeiten nicht anderſt leiden wolten/ ſtund
man beyderſeits in Geduldt/ wie hernach weiter wird zuvernehmen
ſeyn.

Jetzt kommen die Lothringiſche Haͤndel/ weil Henry, Hertzog in Lothringen/
auß mangel der Soͤhne/ ſeiner elteſten Tochter Nicole das Hertzogthumb im Te-
ſtament
[31]De Statu perturbato Franciæ.
ſtament vermacht/ vnnd ſeines Bruders Sohn/ dem Hertzog Carlen/ jhren Ehe-
vogt/ darin erinnert/ ſolches alſo zuerkennen: aber deſſelben Vatter/ der Graff
von Vaudemont, deß verſtorbenen Hertzogen Bruder/ bracht ein anderalt Teſta-
ment/ vnder dem 25. May/ deß 1506. herfuͤr/ darinnen Renè II. Lothringen/ Bar/
Pontamouſſon vnnd Vaudemont vereynigte/ vnnd von der Kunckel/ auff die
Mannserben alleinig verwendet: welches Teſtament auch die Staͤnde nach ſei-
nem Todt im andern Jahr haͤtten bekraͤfftiget. Welcher geſtalt das gantze Land
dem Graffen von Vauudemont gebuͤhren wolte/ der es aber vmb beliebter Ruhe
willen/ ſeinem Sohn vberlaſſen. Vnnd hie ſagten etliche/ das Teſtament wehr
nichtig/ wegen deß vhralten Herkommens in Lothringen vnnd Bar: kondte
auch der Kron Franckreich wegen deß Hertzogthumbs Bar gar nicht præjudiei-
ren: dergleichen auch zwiſchen den Graffen von Montfort vnnd Ponthieu, auch
Hertzogen in Britannien/ Anno 1364. nicht gelten koͤnnen. Vber diß alles haͤt-
te man gemeltes Teſtament nie von einigen Wuͤrden im Hauß Lothringen gehal-
ten/ vnnd koͤnde deß Roͤmiſchen Reichs Gerechtigkeit ſo leichtlich nicht gebrochen
werden. Darwider aber andere auch das jhrige einzuwenden hatten: doch wolte
dem Koͤnig von ſeinem Lehen zuvrtheilen die Freyheit vnnd Oberhand blei-
ben.

Wie nun der junge Hertzog etwas Heroiſch war/ alſo ſpuͤhrete der Cardinal
gar bald/ daß er den Kopff nach dem Hauß Oeſtereich henckete/ vnd in Franckreich
Haͤndel anfangen wuͤrde. Darumb bewegt er den Koͤnig/ zu Verdun an der
Maß die Abtey S. Vannes abzutragen/ vnd ein Caſtel dahin zulegen/ die Statt/ den
Paß/ vnnd das Land im Zaum zuhalteu. Darwieder ſetzte ſich der Biſchoff/ deß
Hertzogen auß Lothringen nechſter Vetter/ vnnd warnt jederman durch ein Pla-
cat/ bey dem Bann/ von der Arbeit abzuſtehen: die Koͤnigliche Beampten ſetzten
ſich darwieder/ vnnd wolten den Biſchoff/ da er nicht wer nach Coͤlln entwichen/
gen Pariß lieffern: darumb er den Bann auffhube/ damit jhm ſeine Einkombſten
wieder gefolgt wuͤrden. Bald zog der Hertzog von Lothringen zu Anfang deß
Jahrs 1627. nach Pariß/ zum Koͤnig/ die Koͤnigliche Beampten wegen deß Bi-
ſchoffs zu Verdun hoͤchlich zuverklagen/ vnnd das Lehen vber das Hertzogthumb
Bar zugleich in eygenem Namen zuempfahen. Man begegnet jhm aber aller-
dings daß er vnverꝛichter Sachen/ vnnd voller Wiederwillen wieder naͤch Hauß
ritte/ mehrern Beweiß/ deß veranderten Lehens beyzubringen. Vnnd diß iſt der
Vrſprung deß Lothringiſchen Kriegs/ ob ſchon der Hertzog von Lothringen im
Jahr 1629. dem Koͤnig in Pariß zugeſagt/ wegen deß Hertzogthumbs Bar jhme
nach dem Zug in Jtalien Lehenpflicht zuleyſten.

Es wolte aber der Cardinal ſeinen Koͤnig gantz tieff in das Kriegs Weſen
hienein fuͤhren/ vnd wider Spanien voͤllig auffbringen. Darumb vnderließ er
nimmer/ dem Koͤnig bey gelegnen Zeiten die Ohren anzufüllen/ was das ge-
ſampte
[32]De Statu perturbato Franciæ.
ſampte Hauß Oeſterꝛeich vor Practicken brauchte/ gantz Eurapa vnder ſich zu
bringen: daß die geringere Staͤnde die Augen auff jhn hielten/ vnd kein andere
Rettung finden/ als bey der Kron Franckreich. Man reiſſe die Auſſenwerck dar-
nieder/ vnd vnderdrucke die Bundsverwandten/ biß man endlich die gelegene Zeit
erſehen/ das Garn vber Franckreich auch zuziehen. Darumb waͤr wohlgethan/
daß Jhre Majeſtaͤt den Hollaͤndern vnder die Armen gegriffen/ noch beſſer/ daß
Sie die Veltliner vom Spaniſchen Joch erꝛettet: Es mußten aber die Hugo-
notten auch gedaͤmpfft/ vnd dem Lothringer die Koͤnigliche Macht/ den Teutſchen
aber die Frantzoͤſiſche Huͤlff gezeigt werden/ zumahl der Spanier ein Werck nach
dem andern außfuͤhre/ vnd nur auß Noth Stillſtand oder Frieden mache. Der
Sachenaber deſto beſſer zurahten/ muſten die Graͤntzen/ ſonderlich Verdun vnnd
Metz zum beſten verwahrt ſeyn/ weil allem Auſehen nach der Lothringer auß
Teutſchland/ vnd den Spaniſchen Provintzen eine gewiſſe Macht auffbringen/
vnd das ſeinige behaupten/ auch ein mehres an ſich zuziehen ſich vnderſtehen wuͤr-
de. Neben den Veſtungen muͤßte man gute Corꝛeſpondentzen anſpinnen/ vnnd
dem Hauß Oeſterꝛeich allenthalben den Compaß verꝛuͤcken. Doch moͤchte
Franckreich noch nicht den offentlichen Krieg vornehmen/ ſondern vnder deſſen
dem Graffen von Manßfeld/ den der Koͤnig in Engelland/ ſeinem Schwager/ dem
Pfaltzgraffen zum beſten/ mit einer Armee in Teutſchland gehen laſſen/ ein par
tauſent Pferd/ vnd etliche Gelder zuverordnen: vnd die teutſche Fuͤrſten/ zu Ma-
nutenirung jhrer wohlhergebrachten Hoch- vnnd Freyheit/ an friſten/ damit ſie in
den Harniſch kriechen/ vnnd gewiſſer Huͤlff ſich getroͤſten koͤndten. Darauff zog
der Herꝛ de la Picardiere nach Dennmarck/ vnnd Niederſaͤchſiſchen/ auch zu den
Hanſeſtaͤtten/ verſprach Frantzoͤſiſch Geld vnnd Volck vnd ließ nicht nach/ biß der
Feldzug wuͤrcklich angangen. Dadurch die Tractaten zu Mouion befoͤrdert/ vnd
die Kayſerliche Macht vmb etwas getheilt worden/ weil in der Schampany fuͤnff-
zehen tauſent Mann lagen/ denen die Kayſeriſche im Elſaß auffpaſſen/ gleich wie
der Graff Tilly nach Niederſachſen ziehen muͤſſen. Die Staͤtte kahmen zwar
vngera zum Spiel/ wegen jhrer Commercien nach Spanien: erwogen aber/ was
Dennmarck/ Engelland vnnd Franckreich jhnen im widrigen vor Schaden oder
Vorſchub thun koͤnnen/ vnnd wagten die Schantz mit den Fuͤrſten. Der Vor-
wand war/ die vnderdruckte teutſche Freyheit zuerheben vnnd die entſetzte Fuͤrſten
wi[e]der ins Land zubringen/ vnnd geſchah doch mehrentheil alles auß Neid gegen
dem Hauß Oeſterꝛeich.

Vmb dieſe Zeit brach an Tag/ was man ſo lange Zeit vnder dem Huͤtlein
geſpielet/ nemblich ein heymlicher Bundt wider den Koͤnig vnnd den Cardinal/
auff daß einer vnnd der ander Frey/ ohne Zucht moͤchte leben. Den Koͤnig ſolte
man in ein Kloſter ſtecken/ vnd den Cardinal/ weil er in keine Vngnad zubringen
war/ von Hoff/ oder gar vom Brod thun. Die Sach wurd zwar ins Ohr geſagt/
kahm
[33]De Statu perturbato Franciæ.
kahm aber doch auß/ daß auch Bouquingan ſagen doͤrffen/ man koͤndte die Catholi-
ſchen wohl von der Koͤnigin Hoff abſchaffen/ vnnd jhr Proteſtanten geben/ weil
deß Hertzogen von Orleans Leuthe dem Koͤnig ſolche Haͤndel zurichteten/ daß En-
gelland ſich ſeiner nichts zubefahren haͤtte. Jm Land Bourbonnois geſchah Jn-
formation. Madame de Cheureſe trieb den Grand Prieur vnnd Chalais, ſo mit jhr
der Liebe ſpielten/ zur Execution. Der Marſchalck Ornano war noch nicht im
Gefaͤngnuß/ als Louuigny, auß Widerwillen gegen einer groſſen Damen dem
Cardinal den Handel entdeckt/ vnd deßwegen in deſſen von Chalais Schwehrvat-
ters Hauß nach Chaillior ſich begeben/ den grund beſſer zuerkundigen: wie nemb-
lich Ornanoder Stiffter waͤr/ vnd nicht leiden wolt/ daß ſein Herꝛ ſich verheurah-
tet/ demnach einer andern Perſon als jhm ſein Hertz vertrawte: er wolte dann das
Fraͤwlein von Bourbon, oder ſonſt ein Frembde nehmen/ die ſein Vorhaben koͤnde
fortſetzen: das Fraͤwlein aber von Monpenſier dem Graffen von Soiſſons ver-
maͤhlen/ damit die beyde Haͤuſer Bourbon vnnd Guyſe ſich vereinigten/ vnnd alle
von dem Koͤnig abfielen. Chalais hatte ſelbſt dem Cardinal etwas davon ent-
deckt/ vnd konnte ſehr groſſe Recompenß erwarten/ wañ er ſich nicht auff ein newes
verdieffen wollen. Vnd hie wurd der Ornano von deme droben/ gegriffen/ vnd
hieneingeſetzt: der Cardinal aber begehrt ſein Abſchied/ theils wegen ſeiner bloͤden
Geſundheit/ vnnd ſtaͤttiger Gefahr deß Lebens: kondte doch denſelben nicht erlan-
gen/ ſondern verwahrte ſich auff deß Koͤnigs Befehl mit einer Leib-
wacht.

Alſo bald griff man nach dem Grand Prieur, einem verſchlagenen Kopff/
vnnd nach dem Hertzog von Vandôme, ſeinem Bruder/ welcher das Volck vom
Koͤnig abwendig machte/ ſich ließ Monſieur le Duc nennen/ vnd in der Kirchen al-
ſo betten pro famulo tuo, Duce, Domino noſtro: dann den Commendanten in
Nantes mit Geld verſucht/ den Adel an ſich gezogen/ ob er Britannien jhm ſelbſt
zueyguen koͤndte. Jhn auß dem Gubernament zubringen/ handelte der Cardinal
mit dem Grand Prieur wegen der Admiralſchafft. Deme der Koͤnig/ allen Arg-
wohn zubenehmen/ zugeſprochen/ bringt jhn nur mit euch/ es ſoll jhm nicht mehr
leyds/ als euch ſelbſten begegnen/ wie ſie nun zu Bloys ankommen/ thaͤt jhnen der
Koͤnig alle muͤgliche Hoͤfflichkeiten: befahl aber Nachts vmb zwey Vhren/ daß
Hallier vnd Mouy, beyde Hauptmaͤnner ſeiner Guardy hiengiengen/ ſie in jhren
Schlaffkammern zugreiffen. Der von Vandôme ſagt/ wohl Bruder/ ſagte ichs
euch nicht/ man wuͤrde vns anhalten/ als wir noch in Britannien waren? der
Grand Prieur ſprach/ Jch wolt todt ſeyn/ daß jhr noch dort waͤret. Der von Van-
dôme, Jch ſagts euch wohl/ das Schloß zu Bloys waͤr den Printzen gefaͤhrlich.
Vnnd hernach beklagten ſie/ daß ſie der Warnung/ ſo jhnen den Abend vor jhrem
verꝛeyſen zukommen/ kein Glauben zugeſtellet. Aber wen Gott ſtraffen will/
verblendet er/ oder laͤßt jhn in ſein eygen Garn rennen. Den andern Tag wur-
Eden
[34]De Statu perturbato Franciæ.
den ſie nach Amboiſe, vnnd bald nach Bois de Vincennes gefuͤhrt. Der Koͤnig
nahm ſich an/ als wißte er von niemand anders/ vnnd ließ dem Graffen von Soiſ-
ſons befehlen/ daß er im Namen deß Koͤnigs in der Statt Pariß commendiren
ſolte/ allen Argwohn zubenehmen vnd zuverdecken: doch traut derſelb dem Wet-
ter nicht/ vnd thaͤt eine Spatzierꝛeyß nach Saphoyen vnd Jtalien. Der Koͤnig
zog nach Nantes/ ließ die Staͤnd zuſammen kommen/ gab die Aempter ſeinen
Getrewen/ vnd das Gubernament dem Marſchalck von Themines, ließ auch etli-
che Veſtungen/ ſo zum Auffſtand Anlaß geben kondten/ niederlegen.

Weil nun deß Hertzogen von Orleans Heuraht die groͤſte Vrſach dieſes
Vnheyls geweſen/ erwieſe man jhm/ daß ſolcher gar nicht nach ſeinem Belieben/
ſondern nach deß Reichs Herkommen geſchehen muͤſte/ darzu der Koͤnig ſein Wil-
len gabe/ nach dem der Cardinal nur auff beyde wege ſeine Meynung vorgelegt/
vnd dem Koͤnig die freye Wahl gelaſſen. Die alte Koͤnigin ſchlug alſo bald vor
die Princeſſin von Monpenſier, das reichſte Fraͤwlein in Franckreich/ welche An-
no 1608. mit dem verſtorbenen Hertzogen von Orleans, deß vorigen Koͤnigs zwey-
ten Sohn/ war verſprochen geweſen: darumb jhr auch die Zuſag geſchah/ den jeni-
gen/ ſo dieſen Namen nechſt fuͤhren wuͤrde/ jhr zuvermaͤhlen/ welches auch laͤngſt
vollzogen waͤr/ da die Printzen nicht lieber vngebunden in der Freyheit lebten: jetz-
under aber wegen der Kron Vngelegenheit vollzogen werden muͤſſen/ wie mit al-
lerſeits Belieben auch geſchehen. Alſo wurden alle Practicken/ wie ein Nebel
von der Sonnen/ durch deß Cardinals Klugheit vernichtet.

Jſt noch vbrig der vngluͤckliche Chalais: der war neben dem Koͤnig aufferzo-
gen von Kind auff/ vnd hatte ſeine Kleyder in Verwahrung/ ſo Ehrſüchtig/ daß er
offt geſagt/ er muͤßt ein andern Freygebigern Herꝛn ſuchen/ dieſen Hoffaͤrtigen
Sinn hatte auch die Liebe gegen der Fraw Chereuſe eingenommen/ vnnd in die
Partiten gezogen: alſo daß kein Warnen bey jhn nichts verfangen wollen/ auch
die zum andernmahl vom Koͤnig ertheylte Gnad nichts verbeſſern koͤnnen. Da
nun je laͤnger je mehr Kundſchafft einkahm/ ließ jhn der Koͤnig zu Nantes veſt ma-
chen: bey ſolchem Ernſt begehrt er mit dem Hertzogen von Bellegarde, dem Marg-
graffen d’Effiat vnnd dem Cardinal zuſprechen/ da er zum andernmahl loß gebro-
chen/ vnd viel wichtige Sachen entdeckt: wie nun ſolch es alles dem Hertzogen von
Orleans vorgelegt worden/ geſtund derſelbe/ bey Hoff haͤtte er den Graffen von
Doiſſons, Chalais thaͤt die Bottſchafften/ der jhme gerahten/ die Fraw von Villars,
durch Hülff deß Grand Prieurs, zugewinnen/ vnnd dem nach den Haure de Grace
auff einen Nothfall zugebrauchen: den Marggraffen von Cæuures das Guber-
nament vber Pont del’ Arche zuerwerben/ welcher dem Grand Prieur zugefallen
den Orth nicht vorenthalten wuͤrde: mit den Hugonotten auff ein Tumult zuley-
chen: den Louuiere an den Hertzogen de la Valette zuſenden/ vnnd ſich der Statt
Metz durch jhn zuverſichern: auch jhn geſchreckt/ als haͤtte der Koͤnig zehentauſent
Mann
[35]De Statu perturbato Franciæ.
Mann vmb Nantes/ damit er von Hoff nicht entkommen koͤndte. Hierauff ſetzt
der Koͤnig ein Gericht nieder/ vor welchem Chalais, was der Hertzog von Orleans
bereyt vor anſehnlichen Herꝛn offenbahret hatte/ nicht verlaͤugnen koͤnnen. Be-
kannte auch noch mehr/ daß er bey jhrem geheymen Raht vorbracht/ man ſolte den
Ornano mit Gewalt auß dem Gefaͤngnuß nehmen/ ſo wolte er den Cardinal er-
ſtechen/ vnnd ſich in Flandern machen/ auff daß man hernach alles vom Koͤnig er-
halten moͤchte. Es ergieng einſehr ſcharpffes Vrtheil wider jhn/ welches aber
der Koͤnig darbey bewenden ließ/ daß man jhm den Kopff wegſchluͤge/ vnd die Fol-
ter nur zeygte/ auff daß er die Mitgeſellen an Tag braͤchte/ die aber der Koͤnig nicht
ſtraffen/ ſondern die Fraw Cheureuſe allein nach Lothringen verweiſſen
wollen.

Der 4. Diſcurß.

ESſagte/ jener Koͤnig recht/ zu ſeinem Soͤhnlein/ das
mit der Koͤniglichen Kron ſpielete/ liebes Kind/ wer wiſſen koͤndte/ was boͤ-
ſer Dorn hieran ſind/ wuͤrde jhrer nimmer begehren. Auch ſoll eben dieſer
Koͤnig in Franckreich bey Kindiſchen Jahren geſagt haben/ er begehre nicht Koͤ-
nig zu ſeyn/ weil man ſie vmbbringe. Wann dann ein ſolcher Monarch ein
trewen vnd klugen Diener hat/ der vor jhn wacht vnd ſorgt/ ſeine Perſon vor V-
berfall/ ſein Staad vor Zerꝛuͤttung/ ſein Scepter vor Ohnmachten weiß zuver-
ſichern/ vnnd mit ſcharpffem Geſicht den Mentmachern in die Karten ſihet/ den
haͤlt er billich hoch/ vnd gehet mit veſtem vnerſchrockenem Fuß auff dem Weg/ ſo
er jhm zeigt. Es bezeugen zwar die Hiſtorien/ wie manchmahl ſolche Favoriten
ſelbſt nach Scepter vnd Kron gegriffen: ja wir haben im Erſten Theil vnſer Diſ-
curſen erwieſen/ daß auch mancher vnd er dem Schein der Gottſeeligkeit vnd der
Religion ſich groß/ gewaltig vnnd zum Koͤnig gemacht. Haben aber bey dem
E ijCardi-
[36]De Statu perturbato Franciæ.
Cardinal ſolches gar nicht zubefahren/ wir ſehen gleich ſeine Würden/ oder bloͤden
ſchwachen Leib an/ oder betrachten gleich den Zuſtand deß Staads/ da die Prin-
tzen vom Koͤniglichen Gebluͤth ſampt vnd ſonders wachen/ vnnd jhr eygen Jnter-
eſſe/ ja jhrer Poſteritaͤt verhoffte Anwartung beobachten. Dieweil aber ein ſo
gar trewer Dienſt bey einem Monarchen viel Neid vnnd groß Gefahr/ doch nur
bey den vnruhigen vnnd ehrſuͤchtigen Gemuͤthern erwecket/ welche einen ſolchen
Geiſt/ der nach Homeri anzeige/ wie die Minerva dem Vlyſſi/ dem Monarchen
jmmer zu am Ohr iſt/ jhn von gefaͤhrlicher Vbereylung abzuhalten/ vor Gefahr
zuwarnen/ vnd zu allem Guten anzutreiben/ nicht wohl dulten koͤnnen/ vnnd gern
gedaͤmpfft ſehen/ damit ſie im Staad/ wie die Proci in Ulyſſis Hauß/ dominiren/
vnd wo nicht mit der Penelope, doch mit jhren Maͤgden Vnzucht treiben koͤnnen:
alſo iſt hochnoͤhtig/ daß der Monarch ſolchen Gewalt dieſem ſeinem Genio ein-
raume/ damit er neben jhm in Sicherheit ſeyn vnd bleiben moͤge. Darumb auch
der Koͤnig/ laͤngſt mit ſolchen Gedancken vmbgangen/ wie er den Cardinal groß
machen/ vnnd vor der Neider Gewalt beſchuͤtzen koͤndte. Wozu die Admiral-
ſchafft Anlaß gegeben. Dann dieſelbe koſtete Jahrs vber hundert tauſent Pfund
auß der Rentkammer/ vnnd nutzte vor nichts/ angeſehen die Barbaren manchen
Raub an Menſchen vnd Gut auff dem veſten Land gethan/ vnnd ſehr viel Schiff
zu Grund geſchoſſen/ oder hiengenommen. Deßwegen gedachte der Cardinal/
eine Societaͤt der Kauffleuth mit gewiſſen Privilegien auffzurichten/ da ſie den
Koſten thaͤten/ jhr eygene Commercien befoͤrderten/ vnnd zur noth dem Staad
auch bedient waͤren: Zumahl aber ſie von der Admiralſchafft nicht wolten com-
mandirt ſeyn/ vnnd ein jnſolenten Dominat/ vmb jhr eygen Geldt/ zu mehrem
Schaden/ vber ſich kauffen vnd ſetzen: wurd die Admiralſchafft auffgehoben/ vnd
der Hertzog von Monmorancy/ mit einer groſſen Summa Gelds/ auch andern
Ehrenaͤmptern/ ſolches Ampt zureſigniren vermoͤgt/ vnnd ein Groß Meiſter vber
die Com̃ercien beliebet/ der/ was dem Staad nuͤtzlich/ von der Admiralſchafft behal-
ten/ oder fahren lieſſe/ wie dann der Koͤnig jhm vorbehalten/ ſeine Kriegs Schiffe
wem er wolte/ anzubefehlen/ da ſonſten dem Admiral/ er waͤre tuͤchtig oder nicht/
ſolche Ehr gebuͤhrte. Der Cnrdinal ſolte dieſen Laſt auff ſich nehmen/ wolte a-
ber die Beſoldung nicht ziehen/ auch kein andern Titull/ als Jntendant deß Meers
oder See Verwalter tragen. Da er doch die Admiralſchafft ſampt allem Zuge-
hoͤrleichtlich annehmen koͤnnen.

Es wurd aber ein mehrers erfordert/ daß das Koͤnigreich zu vralter Herꝛ-
lich keit wieder gelangen moͤchte: darumb ließ der Koͤnig die fuͤrnembſten Staͤnde
zu ſich nach Pariß kommen/ jhres Rahts hierin zupflegen/ vnd durch den Siegel-
warter vortragen/ es gedachten Jhre Majeſtaͤt alle Vnordnung abzuſchaffen/ ein
Vorꝛaht zumachen/ damit dem Volck in der Noth auch kein newer Laſt auffge-
zegt werden muͤſte/ zu dem endewolte er etliche Beſatzungen abſchaffen/ ſeine
Hoff
[37]De Statu perturbato Franciæ.
Hoffhaltung einziehen/ den Kauffhandel mit ernſt auffrichten/ vnnd im Kriegs-
weſen gute Ordnung machen. Der Cardinal erhub dieſen Vortrag/ mit dieſem
Anhang/ man theilte manchmahl die beſten Guͤter mit dem Meer/ auff daß ein
Schiff erleichtert/ vnnd erhalten wuͤrde: welches ein jeder bey dieſen Zeiten auch
zuthun ſchuldig waͤre/ vnd auff das gemeine Weſen/ in welchem ſein eygene Wohl-
fahrt begriffen/ mit vnverꝛuͤcktem Auge ſehen/ der Schluß war/ zwo Armeen/ jede
von zwantzig tauſent Mann auff den Beynen zuhalten/ vnd darneben dem Land-
volck durch gute Ordnung zuſchonen: die zwey vnnd fuͤnfftzig Millionen Schul-
den auff dem Schatz abzuſtatten: die Penſionen oder Wart- vnd Gnadengelder
nicht vber zwo Millionen zuſetzen: auch wurd Jhre Majeſtaͤt erſucht/ die viele Ve-
ſtungen/ ſo nur zur Meuterey vnd Rebellion mitten im Land Vrſach geben/ nieder
zulegen/ vnd Mittel zufinden/ daß die fuͤrnembſte Herꝛn kein Auffſtand mehr vor-
nehmen.

Vnd alſo endete ſich dieſes ſechs vnnd zwantzigſte Jahr: aber das folgende
brachte weit andere Haͤndel. Die Hugenotten waren gedemüthigt/ aber die Ro-
ſcheller kondten nicht leiden/ daß jhre Schiffarten einigen Eintrag haͤtten/ vnnd
denandern gleich giengen: die Commiſſarien vber die Friedenspuncten waren jh-
nen vnertraͤglich: deß Koͤnigs Voͤlcker in der Ludwigſchantz/ vnd auff den Jnſeln
kondten ſie nicht ſehen/ vnnd wurden vngedultig/ als man jhnen hier auff antwor-
tet/ ſie waͤren Vnderthanen/ die Demolierung/ ſo zu Mompellier zugeſagt worden/
hetten ſie ſelbſt verſchertzt: die Klugſten vnder jhnen ſelbſt koͤndten ſich nicht an-
derſt wider deß Poͤbels Vngeſtuͤm erhalten: vnd haͤtten vber diß alles die voͤllige
Freyheit jhrer Religion/ wie andere Reichs Vnderthanen. Sie geben taͤglich
Vrſach/ daß man auff jhr thun vnnd laſſen/ mit einer Kriegsmacht Obſicht neh-
men muͤßte. Auß dieſen Vrſachen gieng das Spiel wieder an: dann der Her-
tzog von Rohan ſuchte die Burgermeiſter durch gantz Languedoc an ſich zubrin-
gen/ ſchickte nach Engelland/ dem Hertzogen von Bouquingan gar in Harniſch zu-
bringen: vnd bracht es dahin/ daß der Koͤnig in Engelland ein groſſe Floth zurich-
tet auch offentlich zuverſtehen gab/ er haͤtte ſich verobligirt/ ob dem Frieden zuhal-
ten/ vnnd den Hugonotten Schutz zuleyſten/ welches aber der Cardinal jhm gar
nicht geſtehen wollen. Endlich wurd beſchloſſen/ die Statt Roſchellen mit allem
Gewalt anzugreiffen/ vnd die Hugonottiſche Parthey gar nieder zulegen. Aber
der Cardinal vberlegte alle vnd jede Beſchwerlichkeiten/ welche die vorige Koͤnige
nicht haͤtten vberwinden koͤnnen: darumb muͤßte die Macht deß gantzen Koͤnig-
reichs angewand werden/ auff daß die Koͤnigliche Waffen bey vnverꝛichtem
Werck/ nicht jnn- vnnd auſſerhalb deß Koͤnigreichs veraͤchtlich wuͤrden. Nach
dem aber die Kron mit Teutſchland vnd Spanien Fried hatte/ moͤchte der Engel-
laͤnder allein zubeſorgen ſeyn/ deme doch auch koͤndte begegnet werden. Zur
Sach zuſchreitten/ muͤßte man die Hafen ſchlieſſen/ vnnd auff Hollaͤndiſch die
E iijStatt
[38]De Statu perturbato Franciæ.
Statt mit Schantzen vmblegen/ damit keine Proviant hienein fuͤhre. Es waͤ-
ren ſo viel Schiff auff den Frantzoͤſiſchen Cuſten/ daß man dem Engellaͤnder wohl
begegnen/ vnnd ſeine Hülff zuruͤck ſchlagen koͤndte/ wann man den Canal mit
Schantzen dicht aneinander verſehe/ vnnd die Schiff vnder dem Geſchuͤtz hielte.
Der Sachen deſto gewiſſer zu ſeyn/ hatte der Cardinal ein Abriß von den Pa-
ſteyen/ den Waͤllen vnd Graͤben: von der Tieffe/ Breyte vnd Beſchaffenheit deß
Lands: von dem gantzen Land herumb heymblich vberkommen/ den er mit dem
Marſchalck von Schomberg/ neben den beſten Jngenieurs offt betrachtet/ vnnd
demnach wegen Geſchuͤtz/ vnnd allerhand Ammunition auff das kuͤnffeige alle
Notturfft verordnete.

Wie nun ſolche Bereytſchafften vnvermerckt nicht kondten geſchehen/ alſo
zog der Koͤnig in Engelland vor andern alles zu Gemuͤthe/ daß/ da die Hugonet-
ten vnder die Banck muͤßten/ man in Franckreich nicht wohl Haͤndel erwecken
koͤndte: ja daß die Frantzoſen/ wie das Queckſilber/ oder wie der Hahn auff der
Kirchen/ nimmer ſtill waͤren/ vnnd auß Mangel jnheimiſcher Haͤndel die Nach-
barn angreiffen wuͤrden. Der Hertzog von Saphoyen/ etwas verdruͤſſig/ daß
man jhn tieff hienein laſſen rennen/ vnd hernach ſeiner vngeacht Fried geſchloſſen/
braucht den Abt von Scaglia, die Belaͤgerung der Statt Roſchellen zuhindern:
derſelb kondt die Hollaͤnder nicht auffbringen/ fand aber Engelland ruͤſtig: alſo
daß Milord Montaigu nach Saphoyen/ Lothringen/ vnnd zu dem Hertzogen von
Rohan verſchickt worden. Der Hertzog in Lothringen verſprache/ weil er ſich et-
licher Kayſeriſchen Kriegsvoͤlcker verſichert hielte/ zu rechter Zeit in Franckreich
zufallen: der Hertzog von Rohan ſolte als dann in Languedoc/ vnd der Hertzog von
Saphoyen in Dauphinè angreiffen. Der Cardinal hatte dem Montaigu vier
Monat lang laſſen nachſetzen/ biß er jhn zu Coiffy erdapt: welches der Hertzog in
Lothringen ſo hoch empfunden/ daß er die alte Koͤnigin zu Pariß wiſſen laſſen/
wann man ſich nicht in vier vnnd zwantzig Stunden reſolvierte/ jhn wieder auff
freyen Fuß zuſtellen/ haͤtte er Gewalt zuvben/ wie er dann Coiffy zur Stund/ auch
andere Graͤntzſtaͤtte belaͤgerte. Aber Montaigu mußte nach Pariß/ in die Ba-
ſtille, Saphoyen ließ ab von Franckreich/ vnd vermeynt durch ein heymlichen Ver-
ſtand Genua zuvberꝛumpeln/ der Engellaͤnder bekahm Stoͤß/ vnd Lothringen ließ
ſich daran genuͤgen/ daß Montaigu biß an deß Koͤnigs zuruͤck kunfft im Schatten
bliebe. Wie nun der Koͤnig vmb die Weihenachten nach Pariß kommen/ ſtellt
ſich der Hertzog von Lothringen ein in Perſon/ vnnd meynt/ er haͤtte ein groſſes er-
halten/ daß man jhm den Montaigu ledig vberliefferte/ nicht ermeſſend/ daß der
Cardinal auß den Brieffen ſein Genuͤgen erſehen/ vnd der Perſon wenig achtete.
Da fande ſich der Anſchlag auff Toulon, Montpellier, Breſſon vnnd Valanſe,
neben vielen andern Heymlich keiten am Hoff/ ſo die Fraw von Cheureuſe hatte
eingefaͤdmet. Auch verſpuͤhrte man auß allerhand Diſcurſen/ daß den groſſen
Herꝛn
[39]De Statu perturbato Franciæ.
Herꝛn nicht lieb war/ da Roſchellen ſolte mit der Hugonottiſchen Parthey gar vn-
der den Fuͤſſen liegen/ zumahl man ſonſten kein Zuflucht/ den Koͤnig zupravieren/
vñ deſſen Gebott beyſeyt zulegen/ auch etwas mit Gewalt zuerpreſſen/ mehr an der
Handhaben wuͤrde.

Weil nun der Cardinal dem Koͤnig erwieſe/ wie der Marſchalck von Mont-
luc angemercket/ daß eben darumb die Statt Roſchellen/ vnder dem Koͤnig Carolo
IX. nicht bezwungen worden/ weil die fürnehmbſte Herꝛn ſich Kaltſinnig erzeigten/
vnd auß oberwehnten Vrſachen den Wolff nicht recht beiſſen wolten: bracht bey
jedermaͤnniglich ein groſſen Schrecken/ als die Marggraffen von Rouillat, Bon-
niuet, Montpriſſon vnnd Oy, bald Fancan, Milletiere vnnd andere geringere/ das
ſtillſchweigen vnd wohl reden in der Baſtille lernen muͤſſen.

Noch wolte es im Land Guyenne Hindernuß geben/ in deme der Hertzog
von Epernon, Gubernator/ den Frieden mit dẽ Hugonotten durch ein Geſchwor-
nen der Statt/ deß Parlaments zu Bordeaux vnbegruͤßt/ laſſen publicieren: dar-
ñber alles in Vnordnung gerahten/ biß der Engellaͤnder ſich in der See ſehen laſ-
ſen: darumb denſelben vom veſten Land abzuhalten/ der geheyme Raht Leon/ vnd
nach jhme der Cardinal von Sourdis, Ertzbiſchoff zu Bordeaux es vermittelt/ daß
der Hertzog in das Parlament kommen/ vnd die Hoͤfflichkeit ablegen/ das Parla-
ment jhme mit gleicher Hoͤfflichkeit begegnen ſolte/ darzu man viel Muͤht ge-
braucht/ doch endlich/ damit deß Koͤnigs Dienſt nicht gehindert/ den Hugnotten zu
newem Auffſtand kein Anlaß gegeben/ vnd dem Engellaͤnder/ außzuſteigen kein
Bruͤck gelegt wuͤrde/ beyderſeits verſtanden vnd kommen. Sogeringe Sachen
moͤgen jederweilen/ wie ein Lohnen oder Hefftnagel am Wagen/ die fuͤrnehmbſte
Geſchaͤfften in das Stecken bringen: koͤnnen aber durch Wachtſamkeit vnd Fleiß
erhoben werden.

Jn Summa/ Roſchell ſolte vnd mußte belaͤgert werden: darumb macht ſich
der Koͤnig auff die Reyß/ fiel aber den erſten Tag in eine Kranckheit zu Villeroy,
alſo daß bey zunehmender Vnpaͤßlichkeit die alte Koͤnigin/ fuͤrnemblich aber der
Cardinal ſich deß groſſen Wercks der Belaͤgerung muͤſſen annehmen/ gleich wie
Marillac die Juſtitz/ vnd D’Effiat die Finantzen hatten zuverwalten. Zu end deß
Julij lieſſen ſich zwantzig Engellaͤndiſche Segel vmb Olonne ſehen/ denen noch
mehr folgeten/ alſo daß ſie vnder jhrem Geſchuͤtz zehen tauſent Mann auff die Jn-
ſel Rè brachten/ welche Thoiras, Commendant in der Veſtung S. Martin ange-
griffen/ aber wegen groſſen Schadens auß den Schiffen/ machen vnnd bleiben
laſſen. Der Hertzog von Angoulême fuͤhrt ein Armee nach Poitu, gab den De-
putirten auß Roſchellen die beſte Wort/ vnnd ließ jhnen die Ernd folgen/ damit ſie
ſich keiner Belaͤgerung verſehen ſolten/ vnnd macht auff dem Land Quartier auff
fuͤnff vnnd zwantzig tauſent Mann/ da er die Helfft doch nicht beyſammen hatte/
auff daß die Engellaͤnder/ wie ſie haͤtten thun koͤnnen/ nicht gar auff das veſte Land
kommen
[40]De Statu perturbato Franciæ.
kommen ſolten. Der Cardinal beſorgte ſich/ die Hollaͤnder moͤchten den Engel-
laͤndern Schiffe geben/ darumb kahm er vor/ ernewert den Bund/ vnd ſpart allhie
keines Gelds. Wie auch friſche Voͤlcker/ vnd Proviand in die Veſtung auff der
Jnſel zubringen. Die Engellaͤnder ſetzten hefftig an/ wurden aber vbel empfan-
gen/ alſo daß ſie nur ſuchten die Proviand abzuſchneiden: durch welches Mittel
viel auß der Veſtung vbergangen/ vnnd Thoiras zu capituliren angefangen/ biß
der Cardinal ſechs/ Pinaces oder Platteſchiff von Bayonne laſſen kommen/ mit
welchen der Graff von Grãdmont bey Nacht neben den Engellaͤndern/ auch vber
die verſenckte/ vnd an die Spitzen mit Ketten aneinander vermachte Schiff ohne
ſonderlichen Schaden gefahren/ vnnd Secours eingebracht: welchen Weg man
mit andern Pinnaſſen gebraucht/ aber die Helfft nur vberbringen koͤnnen. Der
Koͤnig wolte nicht nachlaſſen/ vnd ſchickte ſein Bruder/ den Hertzogen von Orle-
ans ins Laͤger/ der ſein beſtes thaͤt: wurd aber von ſeinem Leuthen verfuͤhrt/ wie-
der nach Pariß zukehren/ angeſehen es einem ſolchen Printzen ſchimpfflich waͤr/
daß der Cardinal ſolte das Obercommando fuͤhren/ welches nur lauter Mißtra-
wen vnd Widerwillen gebahren konde.

Vnder deſſen kahm der Koͤnig wieder zu ſeiner Geſundheit/ vnnd merckte
wohl/ daß ſeine Gegenwarth hochnoͤhtig war/ die Engellaͤnder vom veſten Land
abzuhalten/ vnnd auß der Jnſel zutreiben. Verordnet derowegen den Hertzog
von Elbœuf auff die Cuſten der Landſchafft Picardie, vnd den Hertzogen von Lon-
gueuille nach Normandy: den Hertzogen von Guyſe zur Schiffarmee/ vnd nahm
an die Floth/ ſo jhm Spanien wider die Engellaͤnder angebotten/ damit ſie bey vn-
annemlicher Hoͤfflichkeit ſich nicht zum Feind ſchluͤge: vberließ der alten Koͤnigin
die Auffſicht der Landſchafften vmb Pariß/ vnnd begab ſich auff den Weg. Als
nun der Koͤnig ankommen/ ſahe man von allen Enden her Voͤlcker/ Schiff vnnd
Proviand bringen: da man auß gantzer Macht gefochten/ vnd alle muͤgliche Mit-
tel an die Hand genommen. Endlich gedachte Bouquingan ſein euſſerſtes an
der Veſtung S. Martin zuverſuchen/ deſſen Thoiras jnnen worden/ vnd den von
Canaples in der andern Veſtung de la Prée zum Secours zukommen beſcheyden:
welches auch bey dem erſten vnd andern Sturm ſo zeitlich geſchehen/ daß die En-
gellaͤnder jhre Todten vnnd Leytern hinderlaſſen/ auch zu einem endlichen Abzug
ſich reſolviren muͤſſen: ſonderlich da der Koͤnig den Marillac vnd Schomberg mit
vielem Volck vnd Munition abermahlen in die Jnſel außſteigen/ vnd den Engel-
laͤndern by dem Abzug das Cornet mit vier vnd vierzig Fahnen vnd vier Stuͤcken
abnehmen laſſen: alſo daß von ſiebentauſent Engellaͤndern nur 1800. wieder
nach Hauß kommen: zumahl deren viel im Moraß ſtecken blieben/ oder gefangen
worden.

Nach ſolcher groſſen Victori legte der Koͤnig all ſeine Gedancken auff die
Belaͤgerung der Statt Roſchellen/ welche wegen der Kauffmanſchafft war groß/
reich/
[41]De Statu perturbato Franciæ.
reich/ veſt/ vnd hochmuͤhtig worden/ daß ſie alle Begnadigungen der vorigen Koͤ-
nigen vor ein Vergleich hielte/ vnd ein abſonderlichen Stand fuͤhrete. Daß ſie
nun jederzeit der Hugonotten Zuflucht/ vnnd der Malcontenten Auffenthalt ge-
weſen/ auch die Koͤnigliche Befehl nie viel geachtet/ vnnd jetziger Zeit den Engel-
laͤnder an ſich gezogen/ auch allen Vorſchub jhme gethan/ vnd dreyhundert Mañ
zu Huͤlff geſandt/ vnnd das Hauß Rohan auffgenommen/ ja alle Hugonotten ge-
gen den Koͤnig verbittert vnnd auffgereytzt: darumb ließ der Koͤnig ſchon im Au-
guſtmonat nach der Statt graben/ Voͤlcker herumb legen/ vnnd die Veſte la
Moulinette bawen. Dreyzehen Schantzen/ mit vielen Redouten/ machten ein
Reyff von dreyen Meilen herumb/ von Muß queten vnnd Falckonetten befreyt/
vnd beſchloſſen die Statt auff dem Land/ daß nichts ein/ noch auß kommen kondte.
Den Canal vberzog der Cardinal/ auß Angeben deß Pompeij Targon, der auch
vor Oſtenden ſich gebrauchet/ mit einer Ketten/ vnnd vielen Maſtbaͤumen/ derſelb
ließ auch Schloͤſſer auff Schiffe ſetzen/ die an einem Orthblieben/ oder fortgien-
gen/ das grobe Geſchuͤtz darauff zuſtellen: aberſchier alles vergeblich. Darumb
folgte der Cardinal ſeinem eygenen Sinn/ vnnd ließ ein Damm in den Canal/ da
er 740. Klafftern breyt war/ vnnd von der Statt bloͤßlich kond beſtrichen werden/
breyt vnden legen/ vnd vber die Wellen fuͤhren: Jn der mitten bliebet was offen/
wegen deß Zu- vnd Abfluß: welche Einfahrt mit Schiffen voller Steinen/ vnnd
mit Baͤumen verwahrt war/ daß den Belaͤgerten in wehrender Zeit vber fuͤnff
mittelmaͤſſige Schiffe nicht zukommen. Dieſer Damm war wunderſam anzu-
ſehen.

Vnder deſſen thaͤt der Hertzog von Rohan in Langnedoc ſein beſtes/ eine V-
nion zumachen/ vnd die Voͤlcker allenthalben in ein Auffſtand zubringen. Aber
der Cardinal ſchickte den Herꝛn Gailland, Koͤniglichen geheymen Raht an die
Staͤtte/ die er als ein Hugonott ſelbſt/ zu jhren Pflichten brachte/ bey denen ſie aber
nicht lang geblieben. Darumb der Printz von Condè ein Armee dahin fuͤhrte/
von deren er ein guten Theil dem Momorancy anbefohlen. Der Anſchlag auff
Monpelier koſtet den Hertzogen von Rohan ſein beſte Leuth. Dannoch fuhr er
jmmer forth/ mit Practicken/ vnnd mit Gewalt. Zu Anfang deß Jahrs 1628.
ſchickten die Roſcheller an den Koͤnig in Groß Britannien/ vnd begehrten Schutz:
welchen der Koͤnig wegen deß Parlaments vnd der noͤthigen Geldſteur/ nicht voͤl-
lig leyſten konde/ wie die Tractaten außwieſen: doch ruͤſtet man eine Floth auß-
Vnnd weil der Spanier dem Koͤnig in Franckreich eine Floth angebotten vnnd
verſprochen hatte/ kam dieſelbe dieſer Zeit an/ nach dem die Engellaͤnder laͤngſt auß
den beyden Jnſeln weichen muͤſſen/ vnnd mit ſo wenig Volck vnnd Proviand daß
man ſpuͤren konde/ daß Spanien nur ſuchte den Krieg zuverlaͤngern/ vnnd der
Statt Roſchellen nicht wehe zuthun: wie dann auch die gedachte Floth bald wie-
der nach Spanien abgelauffen. Hie kamen der Marggraff Spinola/ ſein Sohn
Fvnd
[42]De Statu perturbato Franciæ.
vnd Tochtermann Leganez, auß Flandern/ vber Pariß/ ins Laͤger/ verwunderten
ſich vber den Damm/ vnnd beſorgten die Frantzoſen thaͤten hie jhr Schulrecht/ da-
mit ſie den Spaniern mit der Zeitbegegnen koͤndten. Der Koͤnig muſte nach
Pariß/ die Landſchafften nach Pickardy/ Schampany vnd Brie vor einem Auff-
ſtand erhalten: darun baller Gewalt der Belaͤgerung dem Cardinal geblieben:
kahm aber bald wieder auff die Zeitung/ daß die Engellaͤndiſche Floth zu Segel
gienge.

Weil nun Marillac ſonderlich dem Cardinal mißguͤnſtig waren/ haͤtten ſie
den Koͤnig gern in Pariß behalten/ vnnd die Statt Roſchellen vnbezwungen ge-
ſehen/ nur damit die Ehrſolcher hohen That dem Cardinal nicht zukaͤhme. Der
Koͤnig fand in der Muſterung fuͤnff vnnd zwantzig tauſendt Mann zum fechten.
Den eylfften May lieſſen ſich die Engellaͤnder mit fuͤnfftzig Schiffen ſehen/ war-
teten acht Tage auff der Roſcheller Außfall/ verſuchten im Canal durchzubrechen/
vnnd kehrten wieder nach Engelland: daruͤber die gantze Statt zwiſtig worden.
Noch lieſſen die Engellaͤnder nicht nach/ ſondern kahmen zum drittenmahl/ aber
etwas langſamb/ weil Bouquingan vnder deſſen erſtochen ward. Den dritten
October geſchah ein Treffen/ vnd vber fuͤnfftauſent Canonſchuͤß. Den folgen-
den Tag gieng das Spiel abermahl an: vnnd weil die Engellaͤnder die Vnmuͤg-
lichkeit durch zukommen ſahen/ verſuchten ſie ein Vergleich/ vnnd den drey vnnd
zwantzigſten noch ein Treffen: wendeten ſich wieder nach Engelland/ vnnd lieſſen
die Roſcheller Gottes vnd deß Koͤnigs Gnaden. Weil nun hie nichts zuerheben
war/ vnnd der Cardinal weit außſehende Anſchlaͤg fuͤhrete/ wurd zwiſchen beyden
Cronen wieder ein Fried vnnd Bund geſtifftet/ der aber vber Jahrs friſt geſchloſ-
ſen vnd beaidigt worden. Die Roſcheller vermeynten zwar vor jhr gantze Par-
they/ vnnd vor jhr Privilegien zu capitulieren/ muſten ſich aber auff deß Koͤnigs
Diſcretion ergeben: welche jhnen in dieſem Puncten wurde vorgeleſen: der Koͤ-
nig nehme ſie zu Gnaden wieder an/ ſchone jhrer mit der Hoſtilitaͤt/ vergoͤnnet jh-
nen jhre Guͤter/ verſtattet jhnen die Vbung jhrer Religion in der Statt: vnnd be-
fahle/ daß alle Kriegsleuth dieſer Gnad genieſſen/ die Officirer vnd Edele mit den
Seiten wehren/ die gemeine Knecht mit einem weiſſen Secken abziehen moͤchten/
doch ſchweren nimmermehr wieder zudienen. Den 30. October zogen deß Koͤ-
nigs Voͤlcker hienein/ vnd beſetzten alle Poſten: der Cardinal folgte/ ließ alles ſaͤu-
bern: der Koͤnig thaͤt ſein Einritt auff Allerheiligen/ ließ den Erhungerten Pro-
viand zufuͤhren/ vnd eine Proceſſion anſtellen. Alſo kehrt er wieder nach Pariß/
vnnd zahltſein Geluͤbd vnſer lieben Frawen zu Ardilliers, deren er den Sieg auff
der Jnſel/ vnnd wieder die Statt zugeſchrieben. Hernach wurd der Meyer oder
Schultheiß/ mit den Schoͤffen abgeſchafft/ die Meutmacher außgewieſen/ die
Privilegien caſſirt vnd vernichtet/ auch verordnet/ daß alle Beveſtigung niederge-
legt/ die Graͤben gefuͤllet/ vnd nur drey Thuͤrn/ ſampt der Mawren gegen der See/
wegen
[43]De Statu perturbato Franciæ.
wegen der Seerauber ſtehen blieben: daß kein Außlaͤndiger ohne deß Koͤnigs Er-
laubnuß/ vnnd kein Ketzer von newem darin wohnen moͤcht. Zu Vollziehung
deſſen allen ſolte ein Vogt geſetzt werden. Vnnd befand ſich in den Regiſtern/
daß dieſe Belaͤgerung an 40. Millionen Pfund gekoſtet hatte.

Hiernechſt zog die Armee nach Languedoc/ ward Meiſter im Feld/ vnd ero-
bert Pamiers ſampt etlichen andern veſten Orthen. Dannoch ſuchten die Hugo-
notten-Huͤlff bey Engelland/ Spanien vnnd Holland: darumb gedachte der Koͤ-
nig/ ehe er in Jtalien vber das Gebuͤrg zoͤge/ es moͤcht ein newen Auffſtand geben/
wann er jhnen die Veſtungen ließ niederꝛeiſſen: vnnd befahl/ daß alle Ketzer die
Waffen niederlegten/ vnd allen Gehorſam vor den hohen Gerichtſtellen leyſteten/
wann ſie jhrer Guͤter vnd Privilegien genieſſen/ vnd im widrigen nicht als Rebel-
len auff das euſſerſte/ ohne Hoffnung einiger Gnad verfolgt werden wolten. Vnd
ſolcher geſtalt wurd die Hugonottiſche Parthey zu End deß Jahrs 1628. gantz vnd
gar gedaͤmpfft/ vnd zum Gehorſamb gebracht/ welches fuͤrnemlich durch deß Car-
dinals weiſe Vorſchlaͤge/ vnd deß Koͤnigs gute Gluͤck geſchehen. Vnnd wird in
allen Hiſtorien ſehr wunderſam ſtehen/ daß der Marggraff Spinola den 24. Au-
guſti im Jahr 1624. mit ſeinem Laͤger vor Breda ankommen/ den Orth ſolcher
geſtalt vmbfaſt/ daß Printz Moritz von Vranien kein Mittel gefunden/ noch ſein
Bruder nach jhm/ (zumahl er halb vor Bekuͤmmernuß geſtorben) den Spaniern
beyzukommen/ vnd den Orthzuretten/ welcher den 5. Junij 1625. nach vnſaͤglichem
Vnkoſten/ auß Mangel aller Lebensmittel vbergangen: gleich wie der Hunger
auch die Roſcheller bezwungen hat.

Nun mehr begunte der Cardinal ſeinen Koͤnig zu den außlaͤndiſchen Kriegs-
haͤndeln zuleyten/ darauff er jmmer zu das Aug gehalten/ wie geſchaͤfftig er auch
wegen der Hugonotten ſeyn moͤgen. Darumb nahm er vor/ beydes die Teutſche
vnd die Jtalianiſche Haͤndel: dann was Jtalien belangt/ waren zwar die Veltli-
ner auß der Spanier Haͤnden/ vnnd dieſelben Paͤſſe in den alten Stand geſetzet/
wie droben gemeldet. Jetzt aber gab es newe Haͤndel/ wegen deß Hertzogthumbs
Mantua/ ob das Hauß Oeſterꝛeich ein ſolches Land an ſich bringen/ vnnd ſeine
Macht in Jtalien vmb ein ſo groſſes vermehren ſolte/ aber ob Franckreich die
Haͤnd einſchlagen/ vnd ein veſten Fuß/ dem Oeſterꝛeichiſchen Dominat den Kopff
zubiethen/ in Jtalien ſetzen koͤndte: wormit dann der Cardinal fuͤrnemblich vmb-
gienge. Alſo verſuchte er auch/ in dem Teutſchen Vnweſen Theil zuhaben/
vnd weil jhm alles ſo gluͤcklich im Koͤnigreich abgangen/
auſſerhalb groſſr Thaten thun.

Der 5. Diſcurß.

DEr Koͤnig ſchickte den Marggraffen von S.Chau-
mont, als ein extraordinari Geſanden/ nach Mantua/ an Hertzog Vin-
centzen/ weil derſelb den Koͤnig ſeines Bruders Ferdinandi/ deß regiren-
den Hertzogs Todt wiſſen laſſen/ mit bitt/ jhm zu Rom behuͤlfflich zu ſeyn/ damit
ſein Heuraht mit der Princeſſin von Boſſolo, ſo jhn begauckelt/ vnd keine Kinder
altershalben mehr tragen koͤnde/ getrennet werden moͤchte. Alſo klagte der von
Chaumont das Leyd/ wuͤnſchte jhm Gluͤck zur Regierung/ vnd erbotte ſeines Koͤ-
nigs Anſehen/ Mittel vnd Macht zu aller muͤglichen Willfaͤhrigkeit: mit djeſem
Anhang/ bey fuͤglicher Zeit nicht zuvergeſſen/ weil die Spanier jhm ſuchten ein
Fraͤwlein auß dem Hauß Oeſterꝛeich zugeben/ vnnd Mantua ſampt dem Mon-
ferꝛat anzufaͤſſeln/ zumahl Saphoyen vnd Meyland ein ſo veſtes vnd fruchtbares
Land wuͤrden anfallen/ weren ja kein ander Mittel zu ſubſiſtiren/ als daß er ſich/
wie ſein Vorfahr vnnd Bruder/ an Franckreich hielte/ oder doch auff keine Seit
gar lenckete: vnnd ſolcher geſtalt koͤnd er frey vnnd vngebunden ſeyn. Das fuͤr-
nembſte war/ daß die Princeſſin Maria/ ſeines verſtorbenen Bruders Tochter/
dem Hertzogen von Rethelois (deſſen von Neuers Sohn) vermaͤhlet/ vnd jhr von
jhm das Hertzogthumb durch teſtamentliche Verſchaffung beſcheiden wuͤrde: wel-
ches jhm dann ein groſſes Anſehen machen ſolte/ wann er ein beftimpten Nachfah-
ren vnd Erben benamete. Der Hertzog gab rund zuverſtehen/ er waͤr gut Fran-
tzoͤſiſch geſinnet/ gedaͤchte die Princeſſin ſelbſt zuheurahten/ vnd von jhr Leibserben
zuhaben: auß Mangel deren er den von Rethelois zum Succeſſorn haben wuͤrde.
Weil nun der Marggraff von Strigio entdeckt/ daß die Medici dem Hertzogen/
wegen ſtaͤter Vnpaͤßlichkeit/ ein kurtzes Leben gaben/ vermogt jhn Chaumont,
das beſte hierbey zuthun.

Auff der andern Reyß ſolte er Mantua mit Saphoyen vergleichen/ vndden
Heuraht fortſetzen. Wie nun der Bapſt vnverholen ſich vernehmen ließ/ der
Hertzog
[45]De Statu perturbato Franciæ.
Hertzog konde nicht geſcheiden werden/ bracht Chaumont vor/ in was groſſer Ge-
fahr er dann wegen Land/ Leuth/ Freyheit vnd Leben ſchwebete/ weil Meyland vnd
Saphoyen bereyt ſich wegen jhrer prætenſionen herauß lieſſen. Der Hertzog
von Saphoyen antwort/ Er haͤtte mit den Spaniern nichts zuthun/ der Frantzo-
ſe ſolte lieber ſehen/ daß er/ vor dem Spanier/ auß dem Monferꝛat einnehme vnd
beſeſſe/ was jhm daran gebuͤhrte: So haͤtte ja Franckreich/ jhm zum Exempel/
ſich ſelbſt der Spaniſchen Huͤlff vor Roſchellen bedient. Jn Summa/ er forder-
te fuͤnffzehen tauſent Kronen jaͤhrlicher Jntraden/ vnd zwantzig tauſent vor Scha-
den vnnd Vnkoſten/ weil der alte Hertzog das Wort nicht gehalten/ vnnd ſeinem
Sohn dem Cardinal die Tochter nicht gegeben. Darauß man leichtlich abneh-
men koͤnnen/ daß er mit Gewalt verfahren wollen. Darumb begab ſich Chau-
mont wieder nach Mantua/ als eben Hertzog Vincentz den fuͤnfften Tag hernach
dieſe Welt geſegnet. Zuvor aber hatte Strigio jhn dahin gebracht/ daß er den
Hertzogen von Neuers in offentlichen Patenten/ zu ſeinem einigen vnd rechtmaͤſ-
ſigen Erben aller ſeiner Landen/ vnnd deſſelben Sohn/ den Hertzogen von Rethe-
lois zu ſeinem General Leutenant laſſen außruffen/ auch verordnet/ daß derſelb
ſeine Nichtin die Princeſſin Maria/ noch vor ſeinem Ende heurahten ſolte. Wel-
cher geſtalt auch die Beampten vnnd Officirer auff den Hertzogen von Neners in
Pflicht genommen worden. Wie nun die Diſpenſation von Rom wenige
Stunden vor deß Hertzogen Todt ankommen/ trieb Strigio, daß ſie vmb neun
Vhr in der Chriſtnacht ſich vermaͤhleten/ Beylager hielten/ vnd gleich darauff deß
Hertzogen Todt vernahmen. Auff dieſe Zeitung verfuͤgte ſich der Hertzog von
Neuers nach Jtalien/ vnd thaͤt ſeinen Einritt zu Mantua bey Endt deß Jenners/
im Jahr 1628.

Hie machten Saphoyen vnd Gonſales de Cordoua, Gubernator zu Mey-
land/ ein Bund/ auff beyden Seiten in das Monferꝛat zufallen/ vnd den Marg-
graffen de Montenigro in das Mantuaniſche zuſenden. Der Kayſer ſchickte
Graff Johann von Naſſaw/ vneracht der Hertzog von Neuers durch den Ertzbi-
ſchoff zu Mantua vmb das Lehen vnderthaͤnig anſuchen laſſen/ als ein Commiſ-
farium/ das Land in Sequeſter zu nehmen/ vnnd alſo zufaſſen/ daß kein Jtaliani-
ſcher Fuͤrſt kein Fuß drinnen ſetzen koͤndte/ biß der Printz von Gaſtales ſein haben-
des Recht vorgebracht vnnd erhalten. Weil aber obgemeldte Liga vmb die Zeit/
da Hertzog Vincentz verſtorben/ bereyt war eingefallen/ vnnd etliche Orth erobert/
brachte der newe Hertzog von Mantua zwoͤlff tauſent Mann zu Fuß/ vnnd zwey
tauſent Reyſſigen ins Feld/ vnnd erſucht den Koͤnig in Franckreich vmb die zuge-
fagte Huͤlff/ dieweil aber der Koͤnig mit den Roſchellern vnnd Engellaͤndern eben
viel zuthun hatte/ erfolgt nichts weiters vor dißmahl/ als daß deß Hertzogen von
Neuers Freunden erlaubet war/ jhm zu zuziehen/ vnd in Franckreich Voͤlcker zu-
werben: alſo daß vnder dem Marggraffen von Beuuron ein gute Anzahl mit ma-
F iijnier
[46]De Statu perturbato Franciæ.
nier vber das Gebuͤrgnach Caſal kommen/ deme der Herꝛ von Guron im Namen
deß Koͤnigs gefolgt/ vnd nach dem im Außfall gebliebenen Beuuron commendirt/
biß der Secours vnder dem Marggraffen von Vxelles, in ſechszehen tauſent
Mann beſtehend/ ankaͤhme/ der aber auß Mangel aller Notturfft zwantzig Tag
auff dem Muſterplatz liegen blieben/ ja gar auß dem Gebuͤrg/ weil keine Victua-
lien erfolgten/ vnd der Hertzog von Saphoyen/ jhnen die Paͤſſe feindlich abſchluge/
nach dem Delphinat ſich lencken muͤſſen.

Vmb dieſe Zeit zweyten ſich auch die Graubuͤndner mit den Veltlinern/
vber den rechten Verſtand jhrer Friedenspuncten/ darinnen vnder anderm verſe-
hen war/ daß vber die kuͤnfftige Spaͤhn die beyde Kronen/ Franckreich vnd Spa-
nien/ zum Entſcheyd ſprechen ſolten. Weil nun Spanien die Sach auff die
lange Banck verſchobe/ ließ es auch der Koͤnig in Franckreich anſtehen/ biß er
ſelbſt in Perſon vber das Gebuͤrgekaͤme. Dannoch trieb der Eyffer den Koͤnig
zu Anfang deß Jahrs 1629. denſelben Zug vorzunehmen. Viel Sachen hin-
derten/ ſonderlich der Winter/ mit Eiß vnd Schnee im Gebuͤrge/ die Saphoyſche
Armee auff den Paͤſſen/ ſo viel veſte Orth vnder wegs/ vnnd dann fuͤnff oder ſechs
Tagreyſen auff deß Feindes Boden/ bey beſorglichem Mangel der Proviand auß
ferꝛn gelegenem Eygenthumb. Darumb kondten jhrer viel im Rath zu Pariß
nicht drein gehellen/ ſonderlich die jenige/ ſo ſich vor dem Spaniſchen Krieg ſcheue-
ten. Aber der Cardinal drang vor/ vnnd verſprach allen gluͤcklichen Fortgang/
weil wenig Spanier in Jtalien/ vnd die Spanier mit Geld nicht gefaßt/ auch die
Staͤnde in Jtalien zum Auffſtand geneygt waͤren. Alſo wurd der Zug beſchloſ-
ſen/ vnd nothwendige Ordre zum marſchieren/ auch wegen allerhand Am̃unition
gegeben. Zuvorderſt aber wurd die Verwaltung Pariß/ vnnd vmbliegender
Landſchafften der alten Koͤnigin anvertraut/ ob ſie ſchon ſich wider den Cardinal
hatte verleyten/ vnnd verbittern laſſen. Der Siegelwarter Marillac ſolte die alte
Ordinantzen von vierzehen Jahren her auffſchlagen/ vnd nach denſelben das Ju-
ſtitijweſen mit Huͤlff deß Parlaments reformieren. So wurden auch die vbrige
Hugonotten in Languedoc zum voͤlligen Gehorſam gebracht.

Deß Koͤnigs Reyß gieng durch Burgund vnd Schampanyen: zu Cha-
lons fand ſich der Hertzog von Lothringen/ vnnd wolt das Hertzogthumb Bar in
ſeinem eygenen/ vnd nicht in der Gemahlin Namen empfangen: welches jhm ab-
geſchlagen/ vnnd biß zu deß Koͤnigs Widerkunfft verguͤnſtiget ward. Alſo zog
der Koͤnig Lyon vorbey/ wegen der Peſt/ vnd kahm nach Grenobel/ lag ſtill ein acht
Tage/ begehrt Paß an Saphoyen/ vermoͤg der letzten Tractaten/ Caſal zuentſe-
tzen. Der Koͤnig ließ ſich mit Worten nicht auff halten/ vnnd kahm mit groſſen
Tagreyſen ohn ferꝛn von Suſa/ bey dem Paß vnnd Graͤntzen an. Bey Chau-
mont hatte der Printz von Bemont den Paß verſprochen/ kondt aber ſein Herꝛn
Vattern nicht darzu bereden. Drey Barricades hatte der Hertzog von Sa-
phoyen
[47]De Statu perturbato Franciæ.
phoyen ſetzen/ tieffe Graben ziehen/ vnnd mit Redouten/ der Veſten Gelaſſe auff
dem Felſen zugeſchweigen/ verwahren laſſen: aber Gewalt gieng vor. Dar-
umb nahm der Hertzog den angebottenen Frieden an/ vbergab dem Koͤnig das
Citadelle zu Suſe, vnd die Veſtung Gelaſſe, vnd verſprach allen Vorſchub zuthun.
Auff welche Zeitung Don Cordoua die Belaͤgerung auffgehoben/ vnd den Hun-
gerigen Lufft gemacht hat. Vnder deſſen gab es Haͤndel bey Hoff/ wegen deß
vermeynten Heurahts/ zwiſchen dem Hertzogen von Orleans/ dann ſeine Ge-
mahlin war im Kindelbett geſtorben/ vnnd der Princeſſin von Mantua/ oder ei-
nem Fraͤwlein von Florentz/ daß die alte Koͤnigin dieſe Princeſſin/ ſampt der
Wittwen von Longuenille anhalten/ vnnd au bois de Vincennes ſetzen laſſen/ dar-
uͤber der Hertzog von Orleans nicht wieder nach Hoff kommen/ ſondern nach Or-
leans gereyſet. Der Koͤnig ſchrieb jhm/ die alte Koͤnigin wuͤrde ſie auff ſein be-
gehren wieder auff freyen Fuß ſtellen: vnd der Koͤnigin/ Sie haͤtte wolgethan/
vnnd koͤnde ſie auff begehren wohl folgen laſſen. Wie nun im Monferꝛat alles
wohl beſtellt war/ verfuͤgt ſich der Koͤnig nach Languedoc/ weil der Hertzog von
Rohan eine Verſamblung zu Niſmes gehalten/ vnd ohne deß Engellaͤnders Be-
willigung keinen Frieden annehmen wolte. Der Koͤnig in Spanien ſolte jhm
ſechsmahl hundert tauſẽnt Ducaten/ vnd andern Vorſchub geben/ den Krieg in
Franckreich zuvnderhalten. Darumb ließ der Koͤnig ein Theil Kriegsvoͤlcker
zu vnd vmb Suſen/ vnd zog in Perſon auff Priuas im Land Viuaret: ließ ſtuͤrmen/
vnd das Schloß auß Schrecken vbergeben. An dieſem Orth kam Marillac, der
alten Koͤnigin Proceduren zuentſchuldigen/ vnnd auff jhr Recommendation den
Stab eines Marſchalcks zuerlangen: weil nun der Koͤnig ein abſchlaͤgige Ant-
wort gab/ verꝛeytzten die Neider die alte Koͤnigin/ warumb dem Cardinal nimmer
was abgeſchlagen wuͤrde. Darauff ſie in jhrem begehren fortfuhr/ vnnd jhren
Willen ohne ferꝛnere Widerꝛede gethan wolt haben: dazu auch der Cardinal
ſelbſt gerahten/ etwas aͤrgers bey ſo geſtalten Sachen zuverhüten. Von Priuas
gieng es auff Alets, vnnd andere Orth/ biß der Hertzog von Rohan ſich auch deß
Koͤnigs Willen vndergab/ etliche Jahr auß dem Koͤnigreich zu ſeyn: darneben
auch verſchaffte/ daß der Hugonotten Deputirten ſich auch einſtelleten/ vnnd alle
Gnad von dem Koͤnig erlangeten: darauff dann das Friedens Edict erfol-
get iſt.

Der Koͤnig hatte nun dieſe Landſchafften zu Ruhe gebracht/ vnnd kehrt ſich
wieder nach Pariß: in deme der Cardinal ſeinen Weg nach Montauban genom-
men. Zu Pariß verſuchte man den Cardinal auß dem Sattel zuheben/ warumb
er den Koͤnig im harten Winter vber das Gebuͤrg/ vnd in den Hundstagen/ zu ei-
ner mit Peſtilentz angeſteckten Armee gefuͤhret. Vnd wann der Cardinal was
hochverſtaͤndiges vorbrachte/ deme der Koͤnig nachgieng/ mußte er den Koͤnig
meiſtern: wann auch der Koͤnig nicht eben thaͤt/ was die alte Koͤnigin/ auß ein-
blaſen
[48]De Statu perturbato Franciæ.
blaſen der Neider/ jederweilen vnbefugt begehrte/ mußte der Cardinal jhr hohes
Anſehen vnder die Fuͤſſe tretten. Dem nach vnderließ er/ deme nichts verſchwie-
gen blieb/ im geringſten nicht/ ſein beſtes zuthun: ſchickt Guron, mit zween anſehn-
lichen Hugonotten auß Niſmes in die Statt Montauban/ vnnd bracht alles vnder
deß Koͤnigs Gehorſamb. Es mußte aber ſo groſſe Herꝛlichkeit mit etwas Bit-
terkeit verſaltzen werden: dann ſo bald der Koͤnig wieder nach Pariß kommen/ la-
ge jhm die alte Koͤnigin an/ er ſolte dem Hertzogen von Orleans verbieten/ vmb
die Princeſſin Maria zubulen/ vnd hien gegen machen/ daß er ein Florentiniſches
Fraͤwlein/ ſo der ſchoͤnſten keine war/ zur Ehe nehm. Welches aber ſolchen Ver-
druß gebracht/ daß der Hertzog ſich von Hoff machte/ vnnd nach Lothringen begabe/
vnnd ein Manifeſt außgehen ließ/ Er koͤnte nicht laͤnger zuſehen/ daß das Koͤnig-
reich ſo vbel regiert wuͤrde. Marillac ſolte jhn wieder zu recht bringen/ auß Ver-
ordnung deß Koͤnigs: macht aber ſchier vbel aͤrger/ alſo/ daß auff deß Cardinals
beyrahten der Koͤnig jhm zwar mehr einraumte/ als vor jhm ſeines gleichen nim-
mer gehabt hatte/ doch den Heuraht wegen der alten Koͤnigin an ſeinem Orth ge-
laſſen: vnd jhn ſolcher geſtalt/ doch nach deme der Cardinal vber das Gebuͤrg war
gezogen/ wieder nach Hoff brachte.

Es wolte nit nur die Spanier/ ſondern auch den Hertzogen von Saphoyen/
vnnd den Keyſer verdrieſſen/ daß der Frantzoß im Veltlin/ in Bemont/ im Mon-
ferꝛat vnnd Mantua den Meiſter ſpielete/ vnnd meyneten/ die Tractaten zu Suſa
waͤren abgenoͤthigt geweſen/ doch jhnen vmb ſo viel vortraͤglicher gefallen/ daß
vermoͤg derſelben/ der Koͤnig ſeine Voͤlcker auß Jtalien ſolte abführen/ welche
dann ſo bald nicht wiederkommen moͤchten/ vnnd demnach jhnen freye Handlung
laſſen muͤßten. Darumb fiel der Graff von Merode/ Kayſerlicher Kammer-
herꝛ/ vnverſehener weiſe/ in die Graubuͤndten/ faſſet die Paͤß/ vnnd Thor zwiſchen
Teutſchland vnd Jtalien/ legt ſich in Meyenfeld/ vnnd in die Haupſtatt Cur/ ſetzt
allenthalben Veſten/ ſeine Voͤlcker durch zubringen. Welche Haͤndel der Her-
tzog von Saphoyen angeſponnen/ als waͤre im Mantuaniſchen Weſen die Kay-
ſerliche Hoheit von dem Lehumann lædirt/ vnnd vor Caſal verſchimpfft worden:
ſonſten wacht ſich Spanien veraͤchtlich/ vnnd wuͤrde bald erfahren/ daß es auff
Meyland gemuͤntzt waͤr/ ja daß Genua ſich anderſt erklaͤren ſolte. Wann dann
dieſe beyde Thor/ zu Waſſer vnd Land/ Spanien entgiengen/ muͤßte gantz Naples
verlohren ſeyn. Hierauff nun begehrt gedachter Merode den Paß/ vnnd ließ die
Voͤlcker dem Briefftraͤger auff dem Fuß folgen/ ohne Ankuͤndigung einiger Feh-
de: ja ließ dem Frantzoͤſiſchen Abgeſandten Meſmin in Cur das Loſament mit
Soldaten vmbſtellen/ vnnd alle Schrifften abnehmen. Deßwegen ſchickte der
Koͤnig den Herꝛn von Sabran zu dem Kayſer/ ließ anbringen/ wie er ſeinen
Bundsverwandten in Jtalien nicht haͤtte laſſen koͤnnen/ als der Spanier ohne
einige Vrſach denſelben vberzogen: wie er auch ſich ſeines in Handen habenden
Vortheils
[49]De Statu perturbato Franciæ.
Vortheils nicht gebrauchen wollen/ ſondern ſeine Voͤlcker wieder abgefuͤhrt: al-
lein wolte der Kayſer dem Hertzogen von Neuers das Lehen/ darumb er bereyt vn-
derthaͤnig angeſucht haͤtte/ dermahl eins verleihen: mit einem ſondern Anhang/
daß deß Merode verfahren wieder der Voͤlcker Rechte/ ja wieder die vorige Ver-
traͤge lieffe. Aber der Kayſer wolte ſich verwundern/ daß ſich der Koͤnig in die
Reichshaͤndel einmiſchte/ da doch der Kayſer einem jeden ſein Recht wolte wieder-
fahren laſſen: zumahl der Koͤnig ſolcher geſtalt deß Hertzogen von Mantua euſſer-
ſtes Verderben foͤrderte. Der Koͤnig konde jhm dieſes alles leichtlich vorbilden:
darumb befahl er dem Hertzogen von Saphoyen anzukuͤnden/ daß hiermit wieder
die Tractaten zu Suſa gehandelt waͤr/ welche er mit Mund vnnd Feder zu Hand-
haben ſich verpflichtet haͤtte/ vnd demnach ſeine Waffen zu den Frantzoͤſifchen ſe-
tzen muͤſte: ſeiner runden vnnd endlichen Reſolution hieruͤber erwartend. Der
Hertzog thaͤt/ als wißte er der Kayſeriſchen Voͤlcker Jntent nicht/ antwort/ ſie
giengen Mantua nicht an: doch/ ſo die Frantzoſen abzoͤgen/ wie es Spanien be-
gehrte/ wolt er auch daran ſeyn/ daß die Kayſeriſche auch den Fuß zu ruͤck ziehen
ſolten/ ob ſchon der Kayſer hierin offendirt waͤr/ daß der Koͤnig ſich deß Hertzogen
von Mantua/ welcher deß Kayſers Lehenmann/ ſo eyfferig annemen wollen. Der
Koͤnig ließ antworten/ da der Kayſer den rechtmaͤſſigen Erben das Lehen ertheyl-
te/ wolte er ſeine Voͤlcker abfuͤhren/ haͤtte ſich auch der Mantuaniſchen Strittig-
keiten gegen Saphoyen nicht als ein Richter/ ſondern ein Mittelmann angenom-
men: muͤßte dannoch wiſſen/ ob Saphoyen die Suſiſche Tractaten halten/ vnnd
ſich zu jhm ſchlagen wolte. Darauff eine Antwort von der Neutralitaͤt vnd von
dem Stillſitzen erfolgte.

Als nun Spanien bey den Schweitzern jnſtaͤndig anhielte/ ſchickte der Koͤ-
nig den von Leon auch ins Land/ vnnd erhielt den fünfften Auguſti zu Solohurn/
daß ein gemeiner Schluß geſchah/ an den Kayſer zuſchreiben/ da er ſeine Voͤlcker
nicht abführen/ vnnd die Graubuͤnden nicht wieder frey machen wolte/ wuͤrden ſie
ſich alle zu dem Koͤnig in Franckreich ſchlagen. Aber der Spanier ſchickt den
Caſſale, vnnd braucht ſich ſo ſehr/ daß der Schluß geaͤndert/ vnnd dahin gemittelt
worden/ daß die Schweitzer etliche Kriegs Voͤlcker im Land hielten/ vnnd den
Kayſeriſchen ferꝛnern Einbruch verwehren ſolten. Alſo wird nun Cur vnnd
Meyenfeld ein Anfang zum Krieg/ vnd ein Loch/ durch welches derſelbe in Jtalien
eingebrochen/ vns zeygen: dann vnder dem Marggraffen Spinola zwo Armeen
hienein gezogen/ welcher in den Niederlanden alles ſtehen vnd gehen laſſen/ damit
er zuvorderſt Genua mit Spanien wieder veſt machte/ ſo er auch dem Spanier zũ
hoͤchſten Dienſt trewlich vnnd glücklich verꝛichtet: macht groſſen Vorꝛaht an Ge-
traid/ rufft Friede/ Friede/ biß ſeine Voͤlcker all heran kommen: da fiel er in den
Monferꝛat/ nahete ſich zu Caſal/ vnderfieng doch keine Belaͤgerung/ weil er ſich
deß Frantzoͤſiſchen Entſatzes befahrte/ nach dem die Hugonotten den Koͤnig nicht
Gmehr
[50]De Statu perturbato Franciæ.
mehr daheim behielten. Hoffete doch/ die Haͤndel bey Hoff/ vnnd die Zeit deß
Jahrs ſolten/ zumahl wann er Caſal vnnd Colalto mit den Teutſchen Voͤlckern
Mantua zugleich angriffen. Der Oberſt Durand kam in Mantua/ vnnd thaͤt
manchen Außfall/ ſonderlich da die Teutſchen die Vorſtatt einbekommen hatten.
Der Koͤnig konde ſo geſchwind nicht anziehen/ darumb verſchuff er/ daß die Vene-
tianer dem Hertzogen manchmahl/ Geldt/ Proviand/ vnnd etwas an Volck zuge-
ſand/ dieweil ſie eben vngern ſehen/ daß das Hauß Oeſterꝛeich in Jtalien ſo gar
maͤchtig wurde. Der Koͤnig in Franckreich hatte Luſt/ den Zug abermahl ſelbſt
zuthun/ weil aber die Hertzogen von Saphoyen vnd Lohringen/ neben andern/ den
Hertzogen von Orleans gern haͤtten mit einer maͤchtigen Armee ſehen in Franck-
reich fallen/ deßwegen auch der Cardinal nur in den letzeen Tagen deß Jahrs von
Pariß auffgebrochen/ war deß Koͤnigs Gegenwart im Land zum noͤhtigſten: der
dann auff deß Cardinals einreden/ alle Schuld deß außweichens auff die Diener/
vnnd Mißgoͤnner geworffen/ vnd ſolcher geſtalt den Hertzogen von Orleans aber-
mahl wieder nach Hoff gebracht: alſo daß der Cardinal deſto freyer/ vnd ohne ruͤck-
dencken vber das Gebuͤrg gehen koͤnnen.

Ehe die Jtalianiſche Haͤndel angiengen/ haͤtte der Cardinal ein wachendes
Auge auff Teutſchland/ vnd wolte ſehen/ wie das Hauß Oeſterꝛeich ſeine ſiegreiche
Waffen fuͤhren wuͤrde: welches aber mit Eroberung deß Koͤnigreichs Boͤhmen
nicht zufrieden war/ vnnd den Nieder Saͤchſiſchen Krayß angezapffet/ an welchem
Orth/ als ferꝛn von Franckreich gelegen/ dannoch die noͤhtige Vorſorg geſchehen.
Weil aber vnder dem Schein den Pfaltzgraffen zuverfolgen/ die Spanier in die
Vnder Pfaltz geniſtelt/ vnnd den Rheinſtrom gefaſſet: auch allem Anſehen nach/
die Kayſerliche Hoheit bey dem Hauß Oeſterꝛeich bleiben ſolte: gedachte der Car-
dinal/ es muͤßte der Koͤnig/ wegen deß Obern Elſaß/ deß Hertzogthumbs Lothrin-
gen/ der Vndern Pfaltz/ deß Luͤtzelburger/ vnd Guͤlchiſchen Lands/ auff dieſer Sei-
ten nichts verabſaumen/ ſondern ſo wohl den Staad verwahren/ als dem Spa-
nier Abbruch thun: zumahl die Strittig keit wegen Verdun/ vnd das diſputierli-
che Lehen wegen deß Hertzogthumbs Bar/ mit Gelegenheit was wichtiges abge-
ben kondten. Darumb wurd der Herꝛ von Marcheuille an beyde Churfuͤrſten/
Bayern vnd Trier geſand/ deſſen fuͤrnembſte Verꝛichtung ſeyn ſolte/ daß er ſie zu
Stifftung/ eines Friedens im Roͤmiſchen Reich vermahnte: ſonderlich aber ver-
nehme/ wie es mit deß Kayſers Vorhaben/ ſeinen Sohn/ den Koͤnig in Hungarn/
zum Roͤmiſchen Koͤnig zumachen/ ablauffen moͤchte: nicht/ ſolches offentlich zu-
verhindern/ ſondern nur dem Churfuͤrſten in Bayern von ſolcher wuͤrde Anreg-
ung zuthun/ welche bey einem geringern Hauß als Oeſterꝛeich/ beſſere Gleichheit
vnnd Sicherheit vnder den Staͤnden vnderhalten wuͤrde. Vnnd im fall dieſes
nicht angienge/ vnder der Hand erinnern/ deß Kayſers Perſon halben haͤtte man
nicht zueilen/ vnnd wuͤrde der Verzug jhnen auch bey dem Kayſer ſelbſt nur deſto
groͤſſer
[51]De Statu perturbato Franciæ.
groͤſſer Anſehen machen/ da ſie im vbrigen nicht viel ſolten geachtet werden. Jn
allem fall koͤnden ſie den ſo hochnoͤhtigen Frieden/ dadurch erhalten: vnd im widri-
gen den Krieg verlaͤngern. Den andern Puncten belangend/ ob ſolte der Koͤ-
nig den Pfaltzgraffen/ auff jhre Vnderhaltung/ in das Koͤnigreich nehmen/ darzu
koͤnd Jhre Majeſtaͤt nicht verſtehen/ weil es der Koͤniglichen Wuͤrde nachtheilig
ſeyn ſolt/ von einem auffgenommenen Fuͤrſten Koſtgeld nehmen: So koͤnde er
ſich auch ohne Noth eines ſolchen nicht geringen Laſtes nicht vnderfangen: darzu
dann auch die bloſſe Verheiſſungen nicht genugſam waͤren. Vnd da dieſer jnn-
ge Fuͤrſt in Franckreich ſich enthielte/ koͤndte der Koͤnig zu keinem Frieden in
Teutſchland auſſer ſeiner Reſtitution verſtehen. Der dritte Punct betraff Trier
allein/ vnnd wurd mit keinem Menſchen beredet/ aber mit guͤlden Ketten veſt ge-
macht/ damit ſich einer zu dem andern alles guts zuverſehen haͤtte. Der letzte
Punct betraff den Frieden/ oder ein Stillſtand/ weil die Waffen in Nieder Sach-
ſen was vngluͤcklich waren/ vnnd ſo wol die Catholiſchen/ als Proteſtirenden da-
durch geſchwaͤcht wurden/ daß Franckreich endlich ein Einſehen haben muͤſſen/
welches wegen der Hugonotten vnd deß Kriegs in Jtalien nicht wohl ſeyn kondte.
Zumahl ſolte er auff ein Churfuͤrſten Perſoͤnlichen Tag dringen/ weil die Raͤhte
mehrentheils von dem Hauß Oeſterꝛeich Jahrgelder haͤtten. Wann ſie nun
verſprechen wolten/ den Kayſer zum Frieden zuhalten/ vnnd ſelbſt darzu verſtuͤn-
den/ auch gleich ein Churfuͤrſten Tag hielten/ vnnd die vhralte Vereynigung mit
Franckreich vernewerten/ ſolte am Koͤnig auff dem Marck kein Mangel erſchet-
nen. Darauff erfolgt der Churfürſten Tag zu Muͤlhauſen/ vnnd gewiſſe Hoff-
nung eines Friedens auff das folgende Jahr/ welchen Oeſterꝛeich zuhindern
Mühe that.

Aber wieder auff den Cardinal von Riſcheliu zukommen/ berichten wir/ daß
er den Koͤnig wiſſen laſſen/ was vor vntrewe Haͤndel der Hertzog von Saphoyen
triebe: darumb der Koͤnig ſich nicht laͤnger halten ließ/ vnd nach dem er durch den
Marſchalck von Eſtree zu wegen gebracht/ daß die Venetianer zwoͤlff tauſent
Mann zu Fuß/ vnnd drey tauſent Pferdt/ dem Hertzogen von Mantua zum
beſten/ in das Feld geſtelt/ muſte er die alte Koͤnigin an der Seiten haben/ welche
den Cardinal/ vnnd den Hertzogen von Mantua jnniglich haſſete/ den Koͤnig von
jhnen abwendig zumachen. Der Hertzog von Saphoyen ſolte/ vermoͤg der
Tractaten zu Suſa/ ſeine Voͤlcker heran fuͤhren/ wolte aber nicht: ſondern be-
gehrt eine Vnderꝛedung/ ſo jhm abgeſchlagen wurde. Dennoch kondte er den
Paß nicht abſchlagen/ erlaubete aber ſuͤmpffichte Wege/ vnnd lieffert die Pro-
viand vierzehen Tag zulangſamb/ ob er ſchon das Geld zuvor gezogen/ mit aller-
hand vnguͤltigen Auffſchuͤben: neben verſchiedenen Vortraͤgen zu einem Frie-
den nur den Spaniſchen zum Vortheil. Der Cardinal ließ alles/ gleichſamb
vnvermerckt geſchehen/ biß Caſal gegen einer Belaͤgerung genugſamb verſehen
G ijwar
[52]De Statu perturbato Franciæ.
war. Der Printz von Bemont beſuchte den Cardinal etliche mahl/ vnnd konde
jhn doch nicht auß dem Buſch locken: dann er auch die Armee von Caſal abwerts/
dem Saphoyer vber den Halß zoge/ ob er ſeine Voͤlcker wolte zu dieſen ſtoſſen/ wie
er dann deſſen zum oͤfftern erinnert worden. Der Cardinal befand im Kriegs-
raht/ daß man jhn feindlich angreiffen ſolte. Alſo ſetzt die Armee den ſiebenzehen-
den Mertz 1630. vber den Fluß Doria, vnnd der Hertzog von Saphoyen fuͤhrt ſeine
Voͤlcker nach Thurin, der Cardinal zog ſich dahin/ vnnd macht/ daß Pignerol vn-
verwahrt ſtund: aber er wendet ſich vnverſehens/ vnd bracht die Statt nach dem
zwey vnnd zwantzigſten in ſein Gewalt: mußte das Schloß mit vnvberwindlicher
Macht beſchlieſſen/ das ſich doch bald ergeben. Perufe, Mireburg vnd Brickeras
folgten/ aber ein Realſchantz in eil auffgeworffen/ verſicherte den Paß nach dem
Delphinat/ vber etliche Thaͤler. Der Koͤnig vmbfing ſeinen Bruder zu Troyes/
vnd wolt jhn das eine Knie nicht laſſen auff den Boden ſetzen: befahl jhm die Ar-
mee in Schampanien/ vnnd das Gubernament vber Pariß/ vnnd nechſte Land-
ſchafften. Zog durch Dyon/ vnd Lyon/ empfing den Cardinal zu Grenobel/ vnd
verſtund/ daß der Hertzog von Saphoyen/ ſo man jhm Pignerol widergebe/ vom
Frieden tractieren wolte. Der Kriegsraht konde nicht darzu verſtehen/ darumb
kam der Koͤnig geſchwind vor Chambery/ vnd ſahe die Thor offen den achtzehendẽ
May/ Anneſy vnnd Romilly folgten/ ſampt etlichen Schloͤſſern. Der Printz
Thomas wiche zu ruͤck im Land Tarantaiſe, ob er ſchon ſich wohl in der enge auff-
halten koͤnnen. Hiedurch kond der Koͤnig vngehindert nach Genff reychen/ vnd
ſahe drey Laͤger zu gleich/ auß einem Gemach/ vor Momeillen/ Scharbonnieren
vnd Læuille: legt ein Veſtung zu Eingang deß Thals Moriennen/ vnd hielt gantz
Saphoyen in/ daß auch der Hertzog mit ſeinen Voͤlckern nicht hienein kommen
koͤnnen.

Bey ſo geſtalten Sachen kondte die alte Koͤnigin jhr Spaniſch Gemuͤth nit
laͤnger verbergen/ ließ jhr traͤumen/ die Spanier fielen in Franckreich/ vnd ſenge-
ten vnd brenneten/ wolt dem Koͤnig bang machen/ vnd zwang jhn gleichſam nach
Lyon zukommen/ ob ſchon ſeine Voͤlcker ſich ſehr verlieffen/ als ſolte er nicht wieder
zur Armee kommen: welches doch nach dreyen Tagen mit groͤſtem Vnwillen der
alten Koͤnigin/ vnd deß Siegelwarters Marillac geſchehen. Weil aber im Thal
Moriennen jhn ein Fieber anſtieß/ ließ er ſich bereden/ nach Lyon zuziehen. Der
Cardinal blieb bey den Voͤlckern/ deren/ die Peſt zwey dritte Theil hienriſſe: weil
nun Marillac jmmer zu Vrſach funden/ mit ſeiner Armee in Schampanien zublei-
ben/ als ob die Kayſeriſche Voͤlcker jetzt wuͤrden einbrechen/ da es doch darumb zu-
thun war/ daß er allein commandiren wolte: mußte der Cardinal nach Lyon/ zum
Koͤnig/ vnder deſſen ſtaͤrckt ſich Colalto auß Teutſchland/ vnnd ſchlug die Frantzo-
ſen vnd Venetianer/ erobert auch die Statt Mantua ſelbſt den acht zehenden Ju-
lij/ durch heymblichen Verſtand deß Gaſtalen/ der an das Hertzogthumb præten-
dirte.
[53]De Statu perturbato Franciæ.
dirte. Daran deß Gaſtalen corꝛeſpondentzen/ der Venetianer Saumigkeit/ vnd
deß Hertzogen vberſehen/ bey Erſetzung der Beſatzung Vrſach geweſen. Aber
Caſal wurd weit anderſt verwahrt/ was auch der Sinnreiche Spinola vor Ge-
walt vnd Kunſt brauchen koͤnnen. Der haͤtte in den Niederlanden zuthun/ weil
Franckreich den Hollaͤndern ſo gute Wort gegeben/ daß ſie weder Frieden noch
Stillſtand mit Spanien eingehen wollen/ ſondern jhren Bund auß gutachten deß
Cardinals ernewert. So war ſeine Reputation vor Caſal zu weit verpfaͤndet/
vnd durch deß Colalto Verꝛichtung an Mantua mehr dann zuviel erhitzet. Dar-
umb eilte der Cardinal/ daß friſche Voͤlcker vber das Gebuͤrg giengen/ vnnd zwar
vnder dem Commando deß Momorancy/ la Force vnnd D’Effiat, die mit dem O-
berncommando/ vnnd mit den dreyen Theilen der Armee wochentlich vmbwech-
ſelten/ allen Eyffer vnnd Neid zu meyden. Sie ſchlugen ſich durch den Paß bey
Veillane, vnnd eroberten Saluces, ſo Pignerol nicht viel vngleich war. Als nun
Veillane auch verlohren gieng/ gedachte der Hertzog von Saphoyen ſich zuvertra-
gen/ vnd wie eines nach dem andern dem Feind in die Haͤnde gerieth/ bekilmmert
er ſich/ daß er vber wenig Tag geſtorben. Der Printz von Bemont vnderfing
das gantze Weſen/ muſte aber leiden/ daß die Frantzoſen Villefranche, Pancallier,
vnnd die Bruͤck zu Carignan, demnach den Paß vber den Po/ nach Caſal einnah-
men/ ob ſchon Saphoyer/ Spanier vnd Teutſchen ihnen mit Macht widerſtunden.
Darumb er anfing/ nachzu ſinnen/ die Spanier wurden das Schloß zu Caſal nicht
niederꝛeiſſen/ ob ſie es gleich einbekaͤm̃en/ ſo waͤr mit einem Hertzogen von Man-
tuabeſſer außzukommen/ als mit den Spani ern: zumahl man ſich wegen ſeiner
Anforderung/ mit jhm vergleichen wolte/ vnd er der Frantzoͤſiſchen Macht gar nit
gewachſen ſeyn koͤnde.

Allhie brachte Mazarini, ſo von langer Hand her mit dem Frieden ſich bemuͤ-
het/ man ſolte Statt vnd Schloß Caſal dem Spinola/ damit er vnd die Spanier ja
etwas verꝛicht haͤtten/ einraumen/ vnd das Citadelle vor ſich ſelbſt laſſen: koͤnd es
in dreyſſig Tagen ſecourirt werden/ ſolt Spinola abziehen/ wo nicht das Citadel-
le auch bekommen: welches der Cardinal nimmermehr ſolt eingangen haben.
Weil aber bey zerſchlagenen Tractaten der Hertzog von Saphoyen wollen auff die
Frantzoͤſiſche Seiten tretten/ Caſal nicht laͤnger halten konde/ vnd der Entſatz vber
alle maſſen ſchwehr fiel/ wird ſolches nothwendiger weiſe paſſieret. Vnder deſſen
wurd der Koͤnig gantz gefaͤhrlich kranck/ darumb man mit jhm nach Pariſleilete:
allda der Cardinal ſehen muͤſſen/ daß alle ſeine vnderthaͤnige Dienſte deratn
Koͤnigin vnannehmlich/ vnnd ſeine Perſon gantz verhaßt geweſen: alſo daß der
Koͤnig deß vielen ſtichelens vnd verleumb dens vber druͤſſig/ nach Verſailles ſpatzie-
ren fuhr. Weil er nun wußte/ daß alles von den beyden Marillac herꝛuͤhrete/
ließ er dem einen das Siegel nehmen/ vnd jhn nach Liſieux ſetzen: vnd den andern
in Jtalien greiffen/ vnd ins Schloß S. Menehoud gefangen legen/ damit ſie nicht
G iijdie
[54]De Statu perturbato Franciæ.
die alte Koͤnigin vnnd den Koͤnig endlich gar wider einander verhetzen moͤchten.
Bey wehrender Vnpaͤßlichkeit deß Koͤnigs/ vnnd verworꝛenen Hoffboſſen/ wie
das Mantuaniſche Weſen/ noch vor dem End deß obigen Stillſtands vertragen/
wie der Hertzog von Saphoyen/ Mazarini vnd Colalto auß Teutſchland Bericht
erhalten/ daß deß Koͤnigs Geſandter Leon den Frieden geſchloſſen/ den auch S. E-
ſtienne den Generalen vberbrachte/ jnhaltend/ daß der Kayſer den Hertzogen mit
Mantua vnnd Monferꝛat belehnen wolte/ wann er jhm Statt/ Schloß vnnd Ci-
tadelle/ Caſal einraumete. Es ſolte aber die Belehnung in ſechs Wochen ge-
ſchehen/ vnnd deß Kayſers Volck vierzehen Tag hernach auß Mantua/ wie auch
die Spanier auß Caſal vnd den Orthen deß Monferꝛats ziehen. Welche Ver-
weilung wegen graſſirender Peſt/ vnnd Mangel an Proviand den Frantzoͤſiſchen
Generalen beſchwerlich fiel. Zumahl die Spanier nicht vnderſchrieben hatten/
vnnd ſolcher geſtalt Caſal vberꝛumpeln wuͤrden/ welches der Cardinal wohl von
ferꝛn geſehen/ aber dieſes ſtuͤcklein/ deß Kayſers Gemuͤth zupruͤffen/ mit fleiß wa-
gen wollen: das jhnen doch die Generalen nicht einbilden koͤnnen. Zogen alſo
auff Caſal/ machten eine Schlacht Ordnung/ vnd wolten den Angriff thun: wel-
chen Mazarini verhindert/ als er den Abzug der Spanier verſicherte/ wann nur
der Orth einem Kayſeriſchen Commiſſario abgetretten wuͤrde. Als nun die
Kayſeriſche vnd Spaniſche ſo langſam auß dem Monferꝛat abgezogen/ vnnd ſich
vmb Caſal legten/ machten ſich drey Regimenter Frantzoſen wieder hienein/ kei-
ner andern geſtalt/ als biß die Teutſche Voͤlcker gar auß dem Land waͤren.
Vnnd auff dieſe Weiſe hat ſich der Mamuaniſche Krieg
vor dißmahl geendet vnd ge-
ſchlichtet.

Der 6. Diſcurß.

NVn koͤnde der Koͤnig nicht Frieden haben: dann vnder
deſſen derſelbe mit den Hugonotten/ vnd in Jtalien ſeine Geſchaͤfften ge-
habt/ war das Hauß Oeſterꝛeich fortgefahren/ vnnd etliche Fuͤrſten in
Teutſchland verſtoſſen/ auch Staͤtte vnderdrucket. Darumb der Pfaltzgraff die
Hertzogen von Pommern vnd Mecklenburg/ der Marggraff von Brandenburg/
ſampt etlichen freyen Staͤtten/ den Koͤnig in Schweden vmb Huͤlff angeruffen:
welcher jhnen vmb ſo viel lieber willfahren wollen/ weil jhm der Kayſer ſeine
Schreiben auffgefangen/ geoͤffnet/ vnnd außgeziffert: ſeine Vnderthaͤnen auff
dem Balthiſchen Meer beraubt vnd gefangen/ auch jhnen den Handel verbotten:
den Vergleich mit Poln gehindert: gantze Armeen wider jhn in Preuſſen ge-
ſchickt: ſeine fried fertige Geſandten verhoͤnet vñ abgewieſen: ſeine Blutsfreunde
von Land vnd Leuthen vertrieben. Alſo laͤndet er im Junio in der Jnſel Ruͤgen/
erobert die Jnſel/ macht der Statt Stralſund Lufft/ weil er ſie vor zweyen Jah-
ren in Schutz genommen: vmb welche Zeit auff dem Reichstag zu Regenſpurg
beſchloſſen worden/ jhn alſo bald wieder vber See zuweiſen. Weil nun der
Schwed ſahe/ daß er die groſſe vnd ſiegreiche Macht deß Hauſes Oeſterꝛeich nicht
wuͤrde allein angreiffen vnd ſchwaͤchen koͤnnen/ ſchrieb er an den Koͤnig im Sep-
tember/ vnd erhielt durch ſeine Geſandten gute Antwort. Der Cardinal nahm
Zeit/ die Tractaten auffzuſetzen/ vnd gedachte vor allen Dingen die Catholiſche
Religion wohl zuverwahren.

Sein Geiſt wurd jmmerzu an loͤblichen Gedancken gehindert/ ſonderlich
wegen der Feindſchafft/ ſo die alte Koͤnigin auff jhn geworffen hatte: dannoch
bracht er zuwegen/ daß der Koͤnig dem Momorancy ein Marſchalck Stab geben/
vnd
[56]De Statu perturbato Franciæ.
vnd den Hertzogen von Vandôme wieder auff freyen Fuß geſtelt/ doch mit der
Bedingung/ daß er auff eine Zeitlang von Hoff bliebe/ vnud auſſerhalb deß Koͤ-
nigreichs ſich enthielte. Aber die alte Koͤnigin wolte in dieſem ein vnnd dreyſſig-
ſten Jahr den Cardinal ſtuͤrtzen: derſelb kondte wohl leiden/ daß man ſie nicht we-
niger als den Koͤnig ehrete: daß ſie mehr Einkommen zoͤge/ als die drey Koͤnigliche
Wittwen zuſampt: daß ſie den Luͤtzelburger Hoff dem Louure ſchier gleich bawe-
te: daß ſie bey allen vnd jeden Berahtſchlagungẽ ſich fande: daß der Koͤnig bey ſei-
nem verꝛeyſen jhr das Gubernament vber Pariß vnnd nechſte Landſchafften ließ:
daß die außlaͤndiſche Geſandten ſich bey jhr hielten/ vnnd deß Koͤnigs Will vnnd
Meynung auß jhrem Mund vernehmen. Aber die Ohrenblaͤſer verhetzten ſie/
daß ſie immerzu klagte/ weil nicht eben alles vnd jedes in Staad ſachen nach jhrem
Sinn gienge/ als ob der Cardinal/ der die Wolfahrt der Kron/ vnnd deß Koͤnigs
Sicherheit allem andern Reſpect vorzoge/ ſie in einem vnnd anderm hinderte.
Darumb gedachte ſie/ der Koͤnig wuͤrde endlich jhren Willen thun: vnd den Car-
dinal abſchaffen: ſo waͤr es jhrer Hoheit ein groſſer Schimpff/ da ein Diener mehr/
als eine Mutter gelten ſolte. Aber jhre Favoriten ſchuben am Karꝛn/ damit das
Vngluͤck vnnd die Rache nicht vber ſie kaͤme. Die Spaniſche Favoriten/ die
Princeſſin von Conty, die Hertzoginnen von Elbœuf vnd Ornano lagen der alten
Koͤnigin jmmer zu in den Ohren/ alſo daß kein ander Anbringen ſtatt finden koͤn-
nen. Auch blieb der Verdruß/ daß Mantua dem Hertzogen von Neuers wieder
ſolte zukommen: So wenig bedachten dieſe Damen deß Reichs Wohlfarth oder
Nachtheil. Deß Koͤnigs Beichtvatter/ Suffren, der Baͤpſtiſche Nuntius Bagny,
der Koͤnig ſelbſt thaͤten alle Muͤhe/ dieſen Mißverſtand beyzulegen/ weil die alte
Koͤnigin nicht mehr wolte in Raht kommen/ da der Cardinal ſitzend waͤr: endlich
geſchah ein Verſoͤhnung im Luͤtzelbergerhoff/ aber mit ſolchen Gebaͤrden/ Augen
vnd Worten/ daß man wohl ſpuͤhrte/ wie lang es dauren wuͤrde. Dann auch der
Marſchalck von Schomberg/ mit Erweiſung jhrer eygenen Gefahr/ im fall der
Koͤnig von jhr ablieſſe/ vnd den Saad zuvorderſt beobachten ſolte/ nichts verfan-
gen koͤnnen. Ja ſie wolte dem Cardinal nicht verzeihen/ als auch der Koͤnig in
deſſelben Namen Abbitt thaͤt/ vnnd in ſeinem Namen jnſtaͤndig darumb an-
hielte.

Solcher vnbewegliche Sinn mißfiele dem Hertzogen von Orleans ſelbſt/
bekennete/ die alte Koͤnigin waͤr zwar deß Koͤnigs Mutter/ doch auch Vnderthanin/
daß verdroß ſie ſo ſehr/ daß ſie es jhm hoͤchlich verwieſen vnd auffgeropfft/ aber auch
auff alle manieren getrachtet/ jhm ſolchen Sinn zunehmen/ vnd jhn auff jhr Seit
zubringen. Zu dem Ende bracht ſie Coigneux, Puis laurens vnnd Monſigot, de-
nen der Koͤnig eben deßwegen groſſe Gnaden vnnd Verehrungen gethan/ daß ſie
den Hertzogen von Orleans ſolten/ als ſeine geheymeſte/ bey guter Reſolution er-
halten/ durch ſonderliche Practicken an jhren Reyhen: der erſte ſolt an deß Car-
dinals
[57]De Statu perturbato Franciæ.
dinals Stelle kommen. Darumb er dem Cardinal alles Vnheyls Schuld gab/
vnd noch dichtet/ der Koͤnig wolte ſeinen Bruder au bois de Vincennes ſetzen laſ-
ſen/ daß er jhn nur vom Hoff/ in Widerwillen braͤchte. Der ander ſolte durch
deß Koͤnigs Verſchaffung/ ein Cardinals Stelle erlangen/ weil aber nach den
Romaniſchen Geſatzen kein zweymahl Verheurahter ſolche Wuͤrde tragen kond/
wurd der Handel verzogen/ vnd dem Cardinal Riſcheliu zugemeſſen. Der dritte
war von nichts zu etwas kommen/ vnnd hatte von nirgend her andere Promotion
zugewarten. Monſteur ſonſten genannt der Hertzog von Orleans/ oder deß Koͤ-
nigs einiger Bruder/ kam zum Cardinal/ kuͤndet jhm alle Freundſchafft auff/ vnd
wolte der alten Koͤnigin Parthey halten: ſtieg wieder in die Gutſch/ vnd fuhr ohn
Abſchied vom Koͤnig/ nach Orleans/ der Koͤnig kahm von der Jagt/ zum Cardi-
nal/ verſichert jhn aller Koͤniglichen Gnad vnd Verwahrung: bezeugte der alten
Koͤnigin alſo bald ſein groſſes Mißfallen/ vnnd daß ſie auch mit den Haͤndeln zu-
thun haͤtte/ welches ſie aber nach Muͤglichkeit/ doch vergeblich ablehnete. Doch
kam ſie nicht mehr in Raht/ ließ ſich bereden/ die halbe Welt wuͤrde dem Monſieur
zulauffen/ vnnd dem Koͤnig warm genug machen: welcher dann wohl verſtunde/
daß hiedurch ſeine Jtalianiſche Haͤndel in einſtecken geriethen: daß aber auch eine
Koͤnigin koͤnde zur Straff gezogen/ vnnd in einem boͤſen Vornehmen gehindert
werden. Man muͤſte dermahl eins die vnruhige Koͤpff von jhr thun/ vnnd ſie in
eine wohlverwahrte Statt/ weit von Hoffſetzen. Doch wolt er noch nicht zu ſol-
chen Extraͤmiteten kommen/ ſondern ſelbſt ſich abſentiren/ vnd eine zeitlang zu
Compiegne Hoff halten: aber die alte Koͤnigin wolt in Pariß nicht bleiben/ zog
dem Koͤnig nach/ vnnd bildet jhm ſtaͤttigs vor/ was groſſer Auffſtand ſich im gan-
tzen Koͤnigreich wider jhn erꝛegte. Der Koͤnig beſucht ſie gar offt/ mit allem Re-
ſpect/ bathe/ die Ohrenblaͤſer/ ſo auff eygnen Nutzen ſehen/ abzuſchaffen: er wolte
jhr zugefallen die beyde Marillac wieder begnadigen/ ſie ſolte nur deß Cardinals
Perſon belieben: ließ ſie durch Chaſteaureuf vnd Schamberg erſuchen/ wieder in
Raht zukommen/ vnnd von den Haͤndeln abzulaſſen. Sie antwortet aber/ Sie
waͤr aller Geſchaͤfften muͤde/ vnnd wolt mit dem Raht nichts mehr zuthun haben.
Der Koͤnig hielt Raht hieruͤber/ wie er dem gemeinen Weſen helffen/ vnd die alte
Koͤnigin von Hoff bringen ſolte. Als der Cardinal ſolches vermerckt/ begehrt er
ſeinen Abſchied/ ob dadurch die alte Koͤnigin zu frieden ſeyn/ vnnd der Staad zu
Ruh kommen koͤnde/ wann nur ſolches mit Koͤniglichen Gnaden geſchehe. Weil
nun jederman ſahe/ daß man der alten Koͤnigin allen genuͤgen thaͤte/ nahm ſich
der Koͤnig vor/ ſie zubitten/ daß ſie ein Zeitlang von Hoff bleiben wolte/ welches
auff dieſe Manier abgieng. Der Koͤnig nahm die Jagt vor/ erſucht die alte Koͤ-
nigin/ mit zuziehen/ befabl dem von Eſtree ſich nahe bey jhr zuhalten/ vnnd daß et-
liche Kriegsvoͤlcker allen vermuthlichen Tumult in Compiegne verhuͤteten. Ließ
noch/ ehe er zu Pferd ſaß/ den Herꝛn de la Villeaux Cleris jhr andeuten/ Er ver-
Hreyſe
[58]De Statu perturbato Franciæ.
reyſe ohne Abſchied/ damit ſie an ſeinem begehren kein Verdruß haͤtte: vnnd weil
jhr das Schloß de Moulins hiebeuor zu einem Wittum Sitz vor ſo vielen andern
gefallen/ moͤchte ſie mit jhrem gantzen Staad daſelbſt in aller Freyheit vnnd vollen
Ehren/ neben dem Gubernament vber die Landſchafft Bourbonnois eine Zeitlang
wohnen: der Beichtvatter Suffren ſolt jhr dergleichen vermelden. Wie nun
Eſtrée ſich anmeldet/ ſagt ſie alſo bald/ ſie ſehe jetzt jhr zweytes Gefaͤngnuß/ gab ſich
doch zu frieden/ als er jhr betheurte/ er kaͤme jhr nur auffzuwarten. Alſo bald
fuͤhrte man Baſſampiere, den Abt von Eoix, vnnd den Medicum Vautier nach der
Baſtille. Die Princeſſin von Conty, die Hertzoginnen d’Elbæuf, Ornano vnnd
Deſdiquieres muſten ſich in jhren eygenen Haͤuſern halten. Jm vbrigen waren
die Wachten bey Hoff/ alle Corꝛeſpondentzen zuverhindern/ wohl beſtellt. Sie
klagt/ man haͤtte jhr vertrauteſte Diener weggenommen/ vnnd begehrt ſonderlich
den Medicum, an deſſen Stell man jhr die Wahl vnder hundert andern zu Pariß
gab. Der Marſchalck von Eſtrée ſtellt jhr die Schlüſſel der Statt frey/ nahm
das Wort von jhr/ ließ ſie hien gehen/ wo ſie wolte/ and erinnerte ſie/ nach Chaſteau
de Moulins zugehen/ mit ſonderlicher Verſicherung/ daß ſie ohne Wachten da-
ſelbſt leben ſolte. Dann an dieſem Orth war ſie der Statt Pariß zu nahe/ vnnd
moͤchte mitten im Koͤnigreich wohnen wo ſie nur wolte.

Jhr beliebt Neuers/ vnd wolt doch nicht hien: der Koͤnig erlaubt jhr das
Gubernament Anjou, mit Statt vnnd Schloß Angers, zur Wohnung: ſie wolt
aber auß Compiegne nicht/ darauß groſſer Verdacht erwachſen. Chaumont,
Schomberg vnnd Roiſſy, konden bey jhr nichts außrichten/ biß ſie jhr im Namen
deß Koͤnigs anzeigten/ derſelb haͤtte alle jhre Practicken in Kundſchafft bracht/
vnnd daß Monſieur auff jhr verꝛeytzen von Hoff vnnd auß dem Koͤnigreich waͤr.
Es wuͤrde kein Menſch dem Koͤnig vorzuſchreiben haben/ was er vor Raͤhte vnnd
Diener wehlen muͤſte/ zumahl jhm deſto frembder vorkommen/ daß ſie den Cardi-
nal/ ſo der Kron ſo gar nuͤtzliche Dienſte er wieſe/ ſo gar nicht leiden wolte. Die
H. Schrifft gebiete nicht/ daß die Kinder allzeit vnder der Eltern Zucht bleiben/
ſondern daß jederman dem Koͤnige/ als Gottes Statthalter/ gehorſam ſeyn ſolte.
Es gereyche zu groſſem Verdruß/ daß ſie auff vielfaltiges anſuchen/ von dieſem
Orth nicht weichen wolte: zumahl jhr alle Endſchuldigung benommen waͤren.
Mit dieſem anhang/ jhr Vngehorſam waͤr dem Staad vnertraͤglich/ vnd jhr Ge-
genwart bey Hoffſchaͤdlich/ dadurch der Koͤnig zu mehrer Geſtrengigkeit gezwun-
gen wuͤrde. Aber ſie verbitterte ſich nur deſto mehr hiedurch/ vnd gab denen Ge-
hoͤr/ die dem Koͤnig auß der Nativitaͤt ein kurtzes Leben ankuͤndigten/ vnnd ſie an
den Monſieur/ als an eine auffſteigende Sonn wieſen. Als nun der Koͤnig/ auff
jhr offt wiederholtes Wort/ auß dem Koͤnigreich nicht zuweichen/ die Beſatzung
abgefuͤhrt/ begehrt ſie mit dem Koͤnig ſelbſt zureden: vberꝛedet Vardes, daß er jhr
la Capelle vbergab/ deme aber der Koͤnig vorkommen/ alſo daß ſie vorbey/ nach
Auen-
[59]De Statu perturbato Franciæ.
Auennes, die nechſte Starꝛ im Hennegaw gezogen. Allenthalben thaͤt man jhr
groſſe Ehr an/ vnd wurd zu Bruxelles empfangen/ wie der Koͤnig in Spanien ſelbſt
haͤtte moͤgen empfangen werden. Die Jnfantin war guͤtig vnnd mitleidig/ die
Spaniſche Officierer aber verſchlagen/ vnd auff andere Vortheil/ ſo ſie durch die-
ſe fluͤchtige/ vnnd ergrimmete Koͤnigin vermeynten zuerhalten/ bedacht. Dann
die Jnfantin bezeugte dem Koͤnig/ ſie thaͤt alles Ehren halben/ durch Carondelet,
Dechant zu Chambray, der etliche mahl ab vnnd zu reyſete/ ohn einigen Nu-
tzen.

Vnder deſſen ſchickte der Cardinal de la Valette nach Orleans/ vnd erbot-
te ſich zu allem genuͤgen gegen ſeinem Bruder/ wann er wieder nach Hoff kom-
men wolte: jhm ſolte auch der Heurath mit der Princeſſin Maria von Mantua
verguͤnſtigt ſeyn. Aber die Ohrenblaͤſer hinderten deſſelben guten Sinn/ er waͤ-
re dennoch ſchuldig/ die Fraw Mutter von deß Cardinals Gewaltzuretten: ſeine
Perſon waͤr bey bey Hoff nicht ſicher: der Heurath ſchien Speck auff die Fall.
Darumb ſuchte man den Cogneux von jhm zuthun: welcher auch gewichen/ aber
keiner anderngeſtalt/ als ſich zum voͤlligen Krieg zuſchicken/ vnnd allenthalben
Anhang zumachen/ vnnd die Paͤß einzunemmen. Darumb gedachte der Koͤnig
im Mertz ſelbſt nach Orleans zu reyſen/ vnd ließ ſich deß Monſieurs gehorſambli-
ches erbitten nicht abwenden. Monſieurverfuͤgt ſich nach Burgund/ vnnd der
Koͤnig folgte auff dem Fuß/ aller Enden Vnheyl zuverhuͤren. Monſieur ſchrieb
auß Beſanzon an den Koͤnig/ vnnd klagt/ Er haͤtte die Fraw Mutter gefangen ge-
halten: ſeine Perſon waͤr nicht ſicher: der Cardinal regierte vbel. Brianſon bracht
das Schreiben/ vnnd wurd ins Gefaͤngnuß gewieſen/ beſſern Reſpect zulernen.
Durch deß Koͤnigs Manifeſt fielen Moret, Elbæuf, Bellegarde, Rouannés, Cog-
neux, Puylaurens, Monſigot, Chanteloupe ins Laſter der verletzten Majeſtaͤt/
wann ſie in Monatsfriſt nicht Gnad ſuchten. Cogneux verwirꝛete alles im
Parlament zu Pariß/ daß das Manifeſt nicht publicirt wuͤrde: darumb das Par-
lament nach dem Louure zu Pariß beſcheiden/ weil jhnen nicht gebuͤrete/ vber der-
gleichen Staadſachen zuvrtheilen. Gayan, Barillon vnnd Leſnè muſten deßwe-
gen die Statt meiden/ kamen aber doch bald wieder zurecht. Aber Monſieur
verklagt den Cardinal vor dem Parlament/ vnd der Koͤnig nahm die Klagſchrifft
zu ſich/ vnd entſchuldigt den Cardinal in einem Manifeſt. Dergleichen thaͤt die
alte Koͤnigin. Das aͤrgſtewar/ daß ſie den Koͤnig ſelbſt angriffen/ als waͤr er
zum Regiment vntauglich/ der dem Cardinal allen Gewalt ließ/ vnd die beſte Ve-
ſtungen anvertrawte: welches aber die Zeiten vnd Laͤufften alſo erforderten. We-
gen ſeines Reichthumbs konde man auch mit Grund nicht viel ſagen/ weil er jhm
von ſeinen Præbenden/ vnd nicht von deß Volcks Beſchwerden kam/ auch ſo vber-
maͤſſig nicht war/ daß man auch bey geringern Leuthen nicht der gleichen funden
haͤtte. So hoͤrte zwar der Koͤnig deſſelben Raht/ vnd thaͤt drumb nicht jedemahl
H ijdar-
[60]De Statu perturbato Franciæ.
darnach. Auch war deß Volcks Laſt ſo gar ſchwer nicht/ vnd kam vom Cardinal
nicht her/ ſondern von der alten Gewonheit zuklagen/ vnnd den gefuͤhrten
Kriegen.

Es ließ aber wegen dieſer Laͤſterungen der Cardinal das Ruder nicht fah-
ren/ ſondern ſorgte ſo wohl jnn- als auſſer Lands. Wie er dann zu Eingang die-
ſes 1631. Jahrs die Tractaten mit dem Koͤnig in Schweden/ daruͤber man vier
Monat gearbeitet/ den Koͤnig nach dem Exempel ſeiner Vorfahren/ ſonderlich
Henrici II. welcher auff ſolche weiß Metz/ Tul vnd Verdun an die Kron gebracht/
vnd die Frantzoͤſiſche Graͤntzen erweitert vnd veſt gemacht/ der Catholiſchen Reli-
gion/ vnnd vertriebenen Fuͤrſten zum beſten vnderſchreiben laſſen. Die Oeſter-
reichiſche gaben auß/ der Bund gereychte etlichen Ketzeriſchen Fuͤrſten zu Nutz-
ſuchten aber die Religion zum Deckmantel jhres Dominats. Vnnd beſtuͤnde
zwiſchen einem Ketzer/ ſo der Kirchen Feind waͤr/ vnd jhr viel Gewalts anthaͤt:
vnnd vergaſſen/ daß ſie ſich mit den Mohren/ Jndianern/ Tuͤrcken vnnd Luthera-
nern ſelbſt verbunden: ſahen auch nicht/ daß ſolcher geſtalt die Catholiſche Reli-
gion an allen Enden gelaſſen/ vnnd an etlichen wieder eingefuͤhrt wuͤrde. Auch
haͤtte ſich Franckreich mit den Catholiſchen Staͤnden/ wieder die Ketzer/ ſollen
verbinden: vnnd wolten nicht wiſſen/ daß ſolches nicht begehrt worden/ ja daß die
abſonderliche Abſehen zu groß vnd viel geweſen.

Sonſten gieng es in Jtalien nach Gelegenheit wohl: dann als der Koͤnig
den Kayſer deren Enden geneygt fand/ war er willig/ da die Mantuaniſche Be-
lehnung geſchehe/ vnnd Saphoyen neben dem Spanier dem Hertzogen von Man-
tua daß ſeinige wieder einraumete/ auch zuweichen: aber die Spanier meynten/
ſie wolten dannoch hinder die Veſtung Caſal kommen/ wann nemlich der Kayſer
allein tractirte/ zumahl ſie vnder ſeinen Fahnen waͤren geſtanden/ vnd dannoch jh-
re Spruͤche noch vor ſich haͤtten. Doch ließ ſich der Kayſer berichten/ daß der
Hertzog von Mantua kein ander Schuld truͤge/ als daß er Frantzoͤſiſch/ vnnd nicht
Spaniſch geſinnet vnd gebohren waͤr: aber deß Schweden Einbruch/ vnnd deß
Frantzoſen Bund mit jhm befoͤrderten dieſen Frieden. Gleich wie Saphoyen
endlich wohl verſtund/ daß Spanien jhm groſſen Koſten/ vnnd kleinen Nutzen
braͤchte/ Franckreich aber ſein eygenen Vortheil nicht ſuchte/ vnnd deßwegen zum
Vergleich ſich geneygter erwieſe. Der Bapſt ſchickte deßwegen Mazarini an
den Koͤnig/ in deſſen Namen ſich Thoyras vnnd Seruient zu Queraſque, nach dem
Nuncio Panzirolo gefunden. Graff Gallas General/ erſchien im Namen deß
Kayſers/ vnnd eylete/ wegen der Zeitung von deß Schweden Einbruch. Bains
vertratt den Hertzogen von Saphoyen/ vnnd Guichardy den Hertzogen von Man-
tua/ wie auch Cauaccia die Republic zu Venedig/ vnnd der Graff de la Rocque die
Spaniſche Parthey. Zuvorderſt zweyte man ſich vmb die Stellen im ſitzen:
darnach wie der Regenſpurgiſche Schluß werckſtellig zumachen. Vermoͤge
deſſen
[61]De Statu perturbato Franciæ.
deſſen der Hertzog von Saphoyen/ auß dem Monferꝛat ſolte fuͤnffzehen tauſent
Kronen ziehen/ vnd deßwegen Trino zum Pfand behalten. Endlich wie Man-
tua vnd Monferꝛat zu reſtituiren/ vnnd von den newen Veſtungen/ ſonderlich in
den Grawbuͤnden/ zubefreyen.

Alles lieff wohl ab/ auſſerhalb/ daß Mantua wegen der Zahlung/ ſauer ſa-
he/ vnd der Graff de la Rocque den Krieg lieber hatte. Darumb macht er/ daß
der Kayſer dem Saphoyer vorhielte/ warumb Suſa vnd Auigiliana in der Schwei-
tzer Verwahrung bleiben ſolten: darumb tractirte man zum andern mahl/ biß an
den 19. Junij/ gab einander Geiſel/ zu Vollziehung der Tractaten: alſo zogen die
Frantzoſen auß Pignerol/ die Teutſchen auß Mantua/ vnnd ein jeder kam zu dem
ſeinigen. Doch wolten die Spanier nicht auß Jtalien/ ſondern hielten die Voͤl-
cker vmb Mayland/ als thaͤten ſie jhnen noth/ zu den Beſatzungen/ vnnd vor das
Koͤnigreich Naptes. Auch kame Kundſchafft/ daß Merode anlaß zur Ruptur
gebe/ daß die Spanier dieſen Frieden bey dem Kayſer vernichtet/ vnnd daß ſie den
Mißverſtand am Hoff in Franckreich ſuchten zu einem vnverſoͤhnlichen Haß zu-
zubringen/ vnnd noch mehr Voͤlcker wuͤrben. Darumb gedachte der Cardinal/
der Koͤnig werde zum driten Zug genoͤthiget werden/ vnd ließ Pignerol/ oder ein
ander wohlgelegenes Orth zu ſeinem Paß an den Hertzogen von Saphoyen auff
eine Zeitlang begehren. Welches bey den Tractaten zu Mirefleur, den 19. Octo-
ber verwilligt worden/ daruͤber der Gubernator zu Meyland ſehr groſſen Verdruß
bekommen. Es hieß zwar anfangs/ nur auff ſechs Monat/ den Bunds Ver-
wanden in Jtalien Schutz zuhalten: aber die Frantzoſen ſuchten eine vhralte Ge-
rechtigkeit herfuͤr/ als waͤr der gedachte Orth jhnen zugehoͤrig: oder als ob der
Hertzog gutwillig da von gelaſſen haͤtte/ ob man gleich von dem Eygenthumb ſich
nichts vernemen laͤſt/ waͤre alſo Pignerol der einige Nutzen/ der fuͤnffzig Millio-
nen/ ſo Franckreich vor dißmahl an Jtalien verwand hat.

Der Kayſer konde ohne Widerwillen nicht ſehen/ daß der Koͤnig in Franck.
reich nunmehr auch in Teutſchland ſich zu ſeinen Feinden ſchluͤge/ vnnd etliche
Orth vom Biſtumb Metz/ wie auch Metterich wieder an ſich reiſſen wolte: dar-
umb der Cardinal bey Zeiten erinnerte/ daß Franckreich mit Bayern vnd Trier/
vber welche beyde der Kayſer herein fallen koͤndte/ einen Bund machte/ ſich einan-
der mit Trewen zu meynen/ vnnd zubeſchuͤtzen/ auff acht Jahr lang: hiengegen
wolte der Koͤnig dem Churfürſten in Bayern ſtellen/ neun tauſent zu Fuß/ vnnd
zwey tauſent zu Pferd/ mit Geſchuͤtz vnd allem Zugehoͤr/ ſein erb- vnd newerwor-
bene Lande zubeſchuͤtzen: mit dieſer Wahl/ die Voͤlcker/ oder das Geld darvor an-
zunemen. Vnd dann ſolte Bayern dem Frantzoſen ſtellen drey tauſent zu Fuß/
vnnd ein tauſent zu Roß/ mit obigem Zugehoͤr/ auff gleiche Bedingung. Auch
ſolte keiner den andern/ einigerley Weiſe bekriegen. Alſo war Franckreich auff
dieſer Seiten verwahrt: aber inwendig ließ der Koͤnig ein Gericht niederſetzen/
H iijvnd
[62]De Statu perturbato Franciæ.
vnd die Partitenmacher exequiren/ jhre Guͤter confiſciren/ vnnd allem kuͤnfftigen
Vnheyl vorkommen. Dann ſie hatten jhre Practicken auff Calais, Ardres,
Verdun, Sedan gerichtet/ außlaͤndiſche Voͤlcker in Franckreich zufuͤhren/ wie ſie
dann anſehnliche Leuthe nach Spanien/ Engelland/ Holland vnd an alle Benach-
barie Fuͤrſten geſand/ vnd hien vnd wieder Werbungen anſtelleten. Hiernechſt
machte der Koͤnig den Cardinal zu einem Duc vnnd Pair in Franckreich/ nemlich
nach Pflicht eines ſo hohen Ampts/ den Staad zuverwalten/ vnd die Armeen zu-
führen: der Aid wurd abgelegt den 5. September.

Jn Lothringen fanden ſich im Fruͤling zwoͤlff tauſent Mann beyſammen/
welche ſolten in Franckreich fallen/ vnnd wie die Regenbaͤcht zunehmen: aber der
Schwed machte dem Kayſer ſolche Haͤndel/ daß der Hertzog von Lothringen ver-
lockt durch den Titull eines Generaliſſimi, in Teutſchland zoge/ vnnd weil er vber
ſieben tauſent Mann gepreſtes Landvolck ſahe zu ruͤck gehen/ ehe er an beſtimpten
Orth gelangen koͤnnen/ da man von keinem Generalat wiſſen wollen/ kondie der
Monſieur vor diß mahl nichts ſchaffen/ darumb der Hertzog ein newe Armee zu-
richten ſich verpflicht gefunden. Weil er nun von 3. oder 4. Jahren her die Meut-
macher in Franckreich vnderhalten/ vnd dem Koͤnig allen Verdruß thaͤt/ wurd die
Reſolution gefaſt/ jhn zu vberziehẽ. Der Koͤnig gieng gemach/ nahm die Orth ein/
ſo er vnd ſeine Vorfahren der Kron hatten im Biſtumb abgezwackt/ vñ nament-
lich Metterich/ ſo er in wehrendem Jtalianiſchem Krieg den Kayſer laſſen einne-
men/ vnnd jhme vberlieffern/ auch zu ferꝛnerem Progreß beveſtigen laſſen: Wich
ergab ſich an den Koͤnig/ Metterich wiederſtund nicht lang/ weil der Hertzog in
Lothringen kein offentliche Huͤlff thaͤt. Wie er nun ſahe/ daß ſeine Macht allein
zugering waͤr/ vnnd weder Kayſer/ noch Spanier jhm heiffen konde/ auch wegen
Marſal ſich foͤrchtete/ weil es auch zum Biſtumb gehoͤrete: beſucht er den Koͤnig
zu Metz/ den 26. December/ vnd muſte hoͤren/ er waͤr am Frantzoͤſiſchen Hoff auff-
erzogen/ vnd haͤtte das Lehen Bar vber acht Jahr verweilet/ vnnd vnder deſſen ſich
aller loſen Haͤndel am Hoff theilhafftig gemacht. Darauff beklagte er ſich war-
umb jhn der Koͤnig vber ziehen wolte/ der jhm aber zuſagte/ er wolte jhn noch wohl
wider deß Schweden Sieghaffte Waffen/ die er herangezogen/ vnd vor der Thuͤr
ſehe/ beſchuͤtzen: doch ſolte er jhm Marſal zum Pfand ſeiner Trew vberlaſſen/ wel-
ches den 13. Jenner 1632. mit Vernichtigung aller andern Buͤndnuſſen/ vnd vol-
lem verſprechen auff das kuͤnfftige geſchehen: daruͤber auch der Monſieur auß
Nancy fortgezogen. Aber Montecuculi kam vom Kayſer/ vnd der Freyherꝛ von
Leide von Brüſſell/ die bildeten jhm ein/ der alten Koͤnigin Schreiben an das Par-
lament wider den Cardinal wuͤrde den Koͤnig wohl zuruͤcke ziehen/ vnnd jhm Lufft
machen/ alles wieder zuerobern. Der Schwed ließ von jhm ab/ auff deß Koͤnigs
in Franckreich begehren: vnnd der Hertzog von Lothringen verdiefſt ſich ein newes
in Nancy mit dem Montecuculi/ vnd erpracticirte noch einen Heurach mit ſeiner
Schwe-
[63]De Statu perturbato Franciæ.
Schweſter Margrethen: vnnd dem Monſieur: dazu jhm ſein aͤlteſte Schweſter/
Princeſſin von Pfaltzburg trewlich geholffen/ in deme ſie ſich mit Puylaurens zu-
vermaͤhlen angenommen/ wann jener Heurath fortgienge: welches auch die
Spanier/ die Kron Franckreich mit einheimiſchen Kriegen zuſchwaͤchen/ gern ſa-
hen. Gleichwohl hatte der Hertzog von Lothringen zu vnderſchiedlichen mahlen
mit einem Aidſchwur betheurt/ er haͤtte keine Gedancken darzu/ vnnd ließ dennoch
den Heurath gantz heymlich vollziehen/ ob ſchon Cogneux, auß Beyſorg/ Puylau-
rens moͤcht jhm vorgehen/ ſich hart darwider legte.

Der Koͤnig hielte ſich zu Metz/ als die Catholiſche Fuͤrſten Schutz begehrten
wider den Schweden/ welcher jmmer fort fuhr/ vnnd den Rheinſtrom auch faſſete/
nach dem er deß Kayſers Waffen ſehr matt gemacht hatte. Der Biſchoff von
Wuͤrtzburg thaͤt den erſten Vortrag/ vnd ſuchto den Koͤnig wider den Schweden
auffzubringen: aber derſelb wolte auß dem Staadskrieg kein Religionskrieg
machen/ wohl wiſſend/ daß Schweden nur den Oeſterꝛeichiſchen Hochmuth daͤmpf-
fen wolte/ der Cardinal ſagt jnen/ der Schwed wuͤrde von jhnen nicht laſſen/ wann
ſie ſich nicht vom Hauſe Oeſterꝛeich gaͤntzlich abthaͤten. Darumb begehrten ſie/
der Koͤnig wolte jhnen die Neutralitaͤt zuwegen bringen. Hierzu wurd verord-
net der Marggraff von Bresè, der den Koͤnig in Schweden zu Maintz angetroffen/
vnnd im Namen ſeines Koͤnigs gebetten/ der Catholiſchen Liga die Neutralttaͤt
zuverguͤnſtigen/ weil ſolcher geſtalt dem Kayſer ein groſſer Abbruch/ vnnd ſeinem
Koͤnig ein groſſer Gefallen geſchehe. Der Schwed zeigt jhm alſo bald/ auß etli-
chen auffgefangenen Schreiben/ daß ſie was anders kocheten/ ja daß er jhnen vor-
laͤngſt entgegen getragen/ was ſie jetzunder ſuchten: ſonderlich der Churfuͤrſt in
Bayern/ welcher neben ſeinem proteſtiren Voͤlcker wuͤrbe/ vnd ſich zum beſten ruͤ-
ſtete. Weil aber Bresè auff das kuͤnfftige ein beſſers hoffen wolte/ verſtattet der
Koͤnig in Schweden der Kron Franckreich zu Ehren die begehrte vier zehen Tage
Stillſtand/ ja die voͤllige Neutralitaͤt/ wann ſie ſich vnd jhre Voͤlcker vom Kayſer
gaͤntzlich abthaͤten/ die Pfaltz reſtituirten/ die eingezogene Guͤter den Proteſtieren-
den wieder einraumeten/ nach auß weiß deß Jahrs 1618. dem Kayſer keine Wer-
bungen in jhren Landen geſtatteten/ vnnd etliche Orth jhm zur Verſicherung ein-
raumeten/ ſo wolte er ſie aller Hoſtilitaͤten befreyen/ auch aller Contributionen v-
berheben. Aber deß Koͤnigs Abgeſandten ſpuͤreten wohl/ daß dieſes der Ligiſten/
weil ſie ſo veſt an dem Hauß Oeſterꝛeich haffteten/ geringſte Meynung war: wel-
ches der Cardinal auch anfangs wohl gemercket/ zumahl ſie lieber die Kirch/ als
das Hauß Oeſterꝛeich vnder den Fuͤſſen geſehen. Wie kompt es aber/ daß
Bayern vnd Coͤlln auff deß Koͤnigs Vermittelung jhnen ſelbſten nicht geholffen/
vnd dannoch all jhr Vngemach jhme hernach wollen heym weiſen? Sie begehrten
zwar den Stillſtand zuerlaͤngern/ welches auch Bresè geſucht hat: aber der Schwed
konde nicht darzu verſtehen/ vnd fuhr forth mit ſeinen Waffen.

Der Ertzbiſchoff zu Trier fand harte Wort bey dem Schweden wegen deß
Berghauſes Stolberg Eroberung/ vnd deß jungen Graffen von Solms/ mit
zweyen Dienern Mord. Darumb hielt er ſich an Frauckreich/ vnd brachte es ſo
weit/ daß der Koͤnig jhm verſprochen/ gegen Schweden die Verſoͤhnung zuerwer-
ben/ zumahl er etliche Veſtungen wolte vberlaſſen: welches dem Koͤnig vmb ſo
viel vortraͤglicher war/ daß er dieſen Churfürſten/ gleich wie der Schwed den
Sachſen vnd Brandenburger in jhrer Devotion hielten/ die Wahl eines Roͤmi-
ſchen Koͤnigs/ darnach der Koͤnig in Hungarn trachtete/ ſolcher geſtalt zu verhin-
dern. Aber bey Spanien vnnd Oeſterꝛeich wurd es zum aller vbelſten jhm auß-
gelegt/ da er doch von Natur forchtſam/ vnd die Schweden/ ohn andere Huͤlff vnd
Rettung vor der Thuͤr ſahe/ zumahl der Koͤnig in Schweden jhm ſagen laſſen/ Er
ſolte den Beutel wohl ſpicken/ ſeine Gaͤſte zuempfangen. So bald die Catholi-
ſche Liga wegen der new Tractaten handelte/ ließ der Koͤnig eine Armee von fuͤnff
vnd zwantzig tauſent Mann/ vnder den beyden Marſchalcken la Force vnd D’Ef-
fiat nach Teutſchland gehen/ allen denen/ ſo ſeiner Huͤlffe beduͤrfften zum Troſt.
Vnnd weil Trier vnder deß Koͤnigs Schutz die Neutralitaͤt angenommen/ auch
auff deß Schweden Wort auſſer der Gefahr war/ wolte er die verſprochene Ve-
ſtungen gern ſelbſt haben behalten/ vbergab doch Hermenſtein auff dem Rhein/
vnnd haͤtte die Reſidentzſtatt auch eingeraumpt/ wann jhn nicht das Capittel mit
Huͤlff der Kayſeriſchen drauß geſtoſſen/ vnd den Graffen von Jſenburg mit einer
Spaniſchen Beſatzung eingenommen haͤtte. Der Hauptman in Philippsburg
ließ die Frantzoſen nicht ein/ vnd bewahrt den Orth vor den Kayſer. Die Spa-
nier ſorgten/ Coblentz moͤcht auch Frantzoͤſiſch werden/ darumb legten ſie eine Be-
ſatzung hienein. Noch wolte der Cardinal weder mit Spanien/ oder mit Oe-
ſterꝛeich brechen/ vnnd haͤtte doch die Spanier gern auß dem Trieriſchen Gebieth
geſehen. Behandelt derowegen den Schweden/ daß General Horn mitten im
Junio durch den Rheingraffen Coblentz einnahm/ vnd den Frantzoſen vberlifferte/
nach erlegten Vnkoſten. Die Statt Trier war wohl beſetzt/ vnd jüngſt befeſtigt:
die ſolte Deffiat einnehmen/ ſtarb aber zu Luͤtzelſtein/ alſo daß Eſtreè an ſeine Stell
kam/ welcher den Secours mit Proviand verhindert/ im recognoſciren ein hartes
Treffen vnvermuth angefangen/ zwey Cornet davon getragen/ vnd die Statt zur
Vbergab genoͤthiget: auch das gantze Ertzbiſtumb von den Spaniern befreyt/ vnd
in Ruhe geſetzt.

Dieſe Corꝛeſpondentz zwiſchen Franckreich vnnd Schweden bekuͤmmerte
den Kayſer hoͤchlich/ vnnd weil er mit den Waffen nicht viel außrichten kond/
nahm er ſeine Zuflucht nach Rom/ man ſolte das Creutz wider die Schweden vnd
Ketzer in Teutſchland predigen/ erzehlt was die Catholiſchen Staͤnde müſten lei-
den/ ſagt aber nicht/ daß es wegen deß Hauſes Oeſterꝛeich/ vnnd nicht wegen der
Reli-
[65]De Statu perturbato Franciæ.
Religion waͤr. Der Koͤnig in Schweden wuͤrde/ wie ein Attilas, die Kirch vnder
die Fuͤſſe tretten/ Rom einnemmen/ vnnd den Bapſt verjagen: derſelbe ſolt ein
Nuncium ſenden/ vnnd den Bund zwiſchen Franckreich vnnd Schweden laſſen
trennen. Deß Reichs/ vnd deß Spaniers Abgeſandten erhuben den Vortrag/
ſonderlich Borgia, wegen ſeines newen Biſtumbs Seuilien, der auch deß Bapſts
nicht ſchonete/ weil er das Hauß Oeſterꝛeich Huͤlffloß lieſſe. Weil nun jhrer
wenig der Sachen Grund hatten/ vnnd deßwegen der Spaniſchen Parthey bey-
fielen/ muſte jhnen allen der Bapſt erweiſen/ daß dieſer Teutſche Krieg die Reli-
gion nicht angienge. Darumb war diß die Antwort/ der Kayſer haͤtte jhm das
Spiel ſelbſt gemacht/ ſeine Voͤlcker in Jtalien laſſen pluͤndern vnd rauben/ auch
dem Roͤmiſchen Stul bang gemacht/ welche Mittel er zu dieſer Begebenheit haͤt-
te brauchen koͤnnen. Weil aber ſeine Erinnerungen nit wollen beobachtet wer-
den/ vnnd der Kayſer Teutſchland verabſaumpt/ den Schweden verachtet/ Jta-
lien angefallen/ vnnd dem R. Stuel/ S. Peters Erb zuerhalten/ zu groſſen Spe-
ſen gebracht/ moͤchte manden Bapſt zwar laͤſtern/ doch wuͤrde er der Kirchen
Wohlfarth wiſſen zu Gemuͤth zuziehen/ vnnd alle Notturfft bey erſchoͤpfftem
Schatz vnd geringen Mitteln vorzunehmen. Verordnet demnach hundert tau-
ſent Kronen vor den Kayſer/ vnd ertheilt ein allgemein Iubilæum, daß jederman
vor die Kirch in Teutſchland betten ſolte. Aber hier mit war der Sach vmb we-
nig geholffen/ dann der Cardinal hatte dem Bapſt zuerkennen geben/ daß Spa-
nien ſuchte in Jtalien den Meiſter zuſpielen/ vnnd die Baͤpſtiſche Bullen nach be-
lieben zurichten: alſo daß der Bapſt wohl verſtunde/ wie die Catholi-
ſchen in Teutſchland nur wegen deß Hauſes Oeſterꝛeich Noth
lidten/ vnnd daß der Koͤnig in Franckreich
jhnen allen Schutz
hielte.

Der 7. Diſcurß.

DEr Cardinal vnderfieng dieſer Zeit einen Vergleich
zwiſchen den Biſchoffen vnnd Ordensleuthen/ welche wegen deß Predi-
gens vnnd Beichthoͤrens in groſſe Verbitterung waren gerahten: zu-
mal ſolcher Streitetliche 100. Jahr gewaͤhrt/ vñ auff dem groſſen Concilio zu Tri-
ent nit allerdings koͤnnen vergliechen werden. Aber der Cardinal erwieſe auß den
alten Geſchichten/ woher die Moͤnchsorden entſtanden: es waͤren alle Moͤnch von
den Biſchoffen geweyhet vnnd angenommen/ weil die Biſchoffe/ ſo der Apoſteln
Stell bedienten/ von dem Sohn Gottes hiezu verordnet/ daß man die Guͤter zu jh-
ren Fuͤſſen/ vnnd die Evangeliſche Geluͤbte bey jhnen ablegte. Man muͤſte die
Baͤpſtiſche Privilegien nicht ſolcher geſtalt außdoͤhnen/ daß ſie wider die erſte Ein-
ſatzung lieffen/ oder den Ketzern Aergernuß geben. So haͤtten die Ordensleuth
kein groͤſſer Ehr/ als durch die Beſcheidenheit. Er wolte die Ordensleuth der
Biſchofflichen Juriſdiction keines wegs vnderwerffen/ meynte doch/ wann die
Biſchoffe jhnen in dem Moͤnchsweſen voͤllige Freyheit lieſſen/ koͤndten ſie im pre-
digen/ vnnd was die Buß belangt/ den Biſchoffen wohl nachgeben. Hieruͤber
wurd ein Decret abgefaſt/ daß die Moͤnch/ ohne Erlaubnuß vnnd Gutachten der
Biſchoffen/ auch ohn jhr Examen nicht moͤchten predigen oder Beichthoͤren: ja
daß die gegebene Macht bey bekandter Vnfaͤhigkeit/ vnd offenem Aergernuß koͤn-
de von den Biſchoffen eingezogen werden. Welches Decret beyde Partheyen
vnderſchrieben vnnd beſiegelt/ auch in das gantze Koͤnigreich außge-
ſchrieben.

Jn gemeinem Weſen gieng es vom argen zum aͤrgſten: dann der Mon-
ſieur begab ſich nach Bruͤſſell verſtieß Cogneux vnnd Monſigot, auß antrieb deß
Puylaurens, wurd den 28. Jenner herꝛlich empfangen vnnd biß an den 17. May/ die
Zeit
[67]De Statu perturbato Franciæ.
Zeit vber ſeines Auffenthalts/ frey gehalten. Die Jnfantin verehrt jhm eine
geſtickte vnd mit ambregris bereytete lederne Kiſt/ mit guͤldenen Schloͤſſern kuͤnſt-
lich nach Farben gemacht/ darin zwey Kleyder. Ein andere Kiſt von rothem
geſticktem Sammet/ mit koͤſtlichem Leinwad. Ein dritte mit allerhand Con-
fect. Vnd dann zwey gebutzte Pferdt mit Piſtolen. Seine fuͤrnembſte Die-
ner trugen auch vnderſchiedliche Præſenten davon. Don Conſales de Cordoua
wahr ohnlaͤngſt auß Spanien kommen/ ſolte bey Franckreich ſuchen das Teut-
ſche Weſen zuvertragen/ dem Schweden in der Vndernpfaltz widerſtehen/ vnnd
ferꝛnere Ordre von der Ertzhertzogin nehmen. Weil er nun zu Pariß verſtanden/
daß das Teutſche Weſen die Religion nicht betreffe/ kehrt er kurtz vmb/ vnnd wolt
ein Degen/ ſampt Gehenck/ auff zehen tauſent Kronen geſchaͤtzt/ vom Koͤnig nicht
annehmen/ wie doch ſonſten gebraͤuchlich: zog nach Trier/ erwartet der Graffen
Merode vnd von Embden/ empfing den Monſieur ſehr praͤchtig/ vnnd wolt jhme
zugefallen den Einfall in Franckreich noch nicht thun. Dann der Cardinal hat-
te die Hollaͤnder beredt/ Maſtrich mit gantzer Macht zubelaͤgern/ dahin Cordoua
ſich wenden/ wiewohl vergeblich/ muͤſſen. Doch gab er dem Monſieur/ welcher
den Marggraffen von Fargis vmb groͤſſern Secours nach Spanien geſandt/ etli-
che Troupen/ nach Lothringen zugehen.

Vnder deſſen ergieng ein Vrtheil vber den Marſchalck Marillac, der bey
dem vorigen Koͤnig ſehr wenig golten/ aber wegen ſeiner Gemahlin vom Hauß
Medices, auff derlincken Seiten her/ bey der alten Koͤnigin Regierung eben deß-
wegen herfuͤr gekrochen. Daß jhn nun der Koͤnig wegen der Fraw Mutter auch
erheben wollen/ befrembdet jedermaͤnniglich/ wegen ſeiner geringen Tugenden.
Dann in Schampanien verwaltet er die Proviand vbel: als ein Gubernator zu
Verdun macht er viel raubens bey dem Baw vnnd der Beſatzung: zwang das
Land zu ſeiner Vnderhaltung: vor Roſchellen hielt er ſich ſo manlich/ daß der
Commanthur von Valancè jhn ein Poltron gegen dem Koͤnig genannt. Bey
der Armee in Schampanien ſteckt er den dritten/ bald den vierden oder fuͤnfften
Theil am Commißbrod/ als ein General in ſeinen Beutel: hielt ſeine Armee im
Land/ wolt nicht nach Jtalien/ vnnd verurſacht Verlaͤngerung deſſelben Kriegs/
daß auch vber zehen tauſent Frantzoſen an Mangel vnnd Peſt deßwegen verſtor-
ben. Sonderlich miſcht er ſich in die Haͤndel bey Hoff/ ſo wohl was die alte Koͤ-
nigin/ als was den Monſteur belangte: darumb vber gab jhn der Koͤnig der Ju-
ſtitz. Zwey vnnd zwantzig Richter ſprachen das Vrtheil vber jhn/ daß er die Koͤ-
nigliche Gelder verwand/ das Land verderbt/ geſchaͤtzt/ auß geſogen/ faͤlſchlich ge-
handelt/ falſche Quittungen vorgelegt/ vnnd deß Koͤnigs Vnderthanen vnder-
drückt: alſo wurd jhm den achten May à la Greue zu Pariß der Kopff herunder
geſchlagen/ wie vmb weit geringer Verbrechen vor Zeiten viel andern mehr ge-
ſchehen.

Der Hertzog in Lothringen hatte auß Noth mit dem Koͤnig in Franckreich
Frieden gemacht/ vnnd wartet nur auff gute Geleegenheit: darumb ließ er durch
ſein Herꝛn Vatter/ vnnd dann durch die Princeſſin von Pfaltzburg den Monſieur
erſuchen/ ſein beſtes in acht zunehmen/ vnnd nach der Koͤniglichen Kron zugreif-
fen: ſtellete newe Werbungen an/ vnnd beveſtigte etliche Orth in ſeinem Land.
Weil nun auß etlichen auffgefangenen Schreiben/ auch andern Kundſchafften
der Handel klar war/ wolte doch der Koͤnig den Guron an jhn zuvorderſt ſchicken/
vnnd der Sachen eygentlichen Grund erfahren. Derſelb hielt jhm vor die Frie-
denstractaten/ die Werbungen mit dem Monſieur/ vnnd die geſuchte Huͤlff bey
Spanien vnd dem Kayſer/ in Franckreich einzubrechen. Als nun die Entſchul-
digungen kalt vnnd kahl fielen/ wurd er der Koͤniglichen Clementz erinnert/ vnnd
dann der Koͤniglichen Macht/ welche den Engellaͤnder abgetrieben/ die Hugonot-
ten gedaͤmpfft/ vnnd den Jtalianiſchen Frieden erzwungen/ demnach ſeiner Macht
auch wuͤrde gewachſen ſeyn. Aber die Antwort vnnd endliche Erklaͤrung wurd
auff deß Monſieurs Ankunfft von Bruͤſſel vnd Trier verſchoben: darumb befahl
der Koͤnig daß d’Effiat mit ſeiner Armee nach Lothringen gienge/ vnnd er ſelbſt
macht ſich auff/ ließ die Voͤlcker auff die Graͤntzen anziehen/ vnd ſeiner erwarten/
biß er den Commanthur von Valancè auß Calais braͤchte/ vnd den alten Rambu-
[...]s hienein legte/ damit die Engellaͤnder oder Spanier durch daſſelbe Loch/ dem
Monſieur zu Dienſt nicht einbrechen koͤnden/ wie im Werck war. Die Reyß
gieng zu anfang deß Mayen ſchleunig an/ vnnd gluͤcklich forth/ alſo daß der Koͤnig
ſich bald wieder wandte/ vnnd zu Laon vernahm/ daß der Monſieur ſich mit Loth-
ringen conjungirt/ eine Compagny Carabiner dem d’ Effiat nieder gemacht/ vnnd
in Franckreich eingebrochen.

Jm halben Junio hatte der Koͤnig ein ſtarcke Armee bey ſich/ derentwegen
der Hertzog in Lothringen noch an ſich gehalten. Deffiat eilt auff Pontà Mouſ-
ſon, vnd kam hienein/ darumb der Hertzog abermahl Fried vnd Gnad ſuchte. A-
ber der Koͤnig ließ den Lenoncour mit ſeinem Regiment zu Pferdt ſchlagen/ vnd
dem Herꝛn von C [...]re den Muſterplatz vernichten: zog jmmer forth/ erobert
Bar le Duc, vnnd S. Michel/ ſetzt ein newes Gericht an/ weil die vorigen keine
Pflicht thun wolten. Dieſes hereinbrechende Wetter abermahls abzuwenden/
ſchickte der Hertzog den Courtriſſon an den Koͤnig/ welcher nicht vnderließ den 23.
Junij auff Nancy zumarſchiren/ vnd wieſe Ville vnd Ianin zu dem Cardinal/ weil
er beſſere Verſicherung auff das kuͤnfftige muͤſte ſehen. Zu Liuerdun wurd deß-
wegen geſchloſſen/ der Hertzog ſolte in 6. Tagen Statt vnnd Schloß Stenay, vnnd
vber drey Tag hernach Statt vnnd Schloß Iamets mit aller Zugehoͤr/ auff vier
Jahr dem Koͤnig einraumen: auch muͤſte Statt vnnd Veſtung Clermont in deß
Koͤnigs Handen bleiben/ biß zu auß trag deß Proceß/ ob der Orth der Kron/ oder
dem Hertzogen zuſtuͤnde/ gegen Abtrag einer erkantlichen Summa Gelds. Jn
Jahrs
[69]De Statu perturbato Franciæ.
Jahrs friſt/ ſolte der Hertzog die Pflicht wegen deß Hertzogthumbs Bar leyſten/
die Artickel zu Wich halten/ dem Koͤnig den Paß vergoͤnnen/ vnnd ſich von den
Feinden deß Koͤnigs abthun. Hiengegen die eingenommene Orth wieder er-
halten/ vnd von der Kron Franckreich maͤchtigen Schutz wieder jedermaͤnniglich
gewaͤrtig ſeyn. Welcher geſtalt der zweyte Lothringiſche Fried den 26. Junij zu
Liuerdun beſchloſſen vnnd beſiegelt worden: darauff der Hertzog den Koͤnig zu Se-
cheprè beſucht/ vnd alle Trew verſprochen.

Dieſer Handel verꝛuckte dem Monſieur den Compaß/ daß er von Franck-
reich muͤſſen abweichen/ vnnd ſich nach Burgund ziehen. Er ließ aber allhie ein
auffruͤhriſches Manifeſt außgehen/ was er thaͤt/ geſchehe dem Koͤnig zu Dienſt/
vnd wider den Cardinal/ vnd fiel mit zwey tauſent Pferdten/ von Luͤckern/ Wallo-
nen vnd Teutſchen/ vnder dem Commando deß Trieriſchen Dumherꝛn Metter-
nich/ vnnd deß Luͤckers des Granges, in Burgund/ empfing Schreiben von dem
Momorancy, daß die Sachen in Languedoc ſich biß dahin/ noch nicht ſchicken
wolten. Dijon wolte jhm zu Vnderhaltung ſeiner Voͤlcker nicht willfahren/ ſon-
dern gab Fewr auff ſie/ wegen angezuͤndeter Vorſtatt. Weil auch la Force mit
zehen tauſent zu Fuß/ vnd zwey tauſent Pferden jhm nachzoge: vnnd der von
Schomberg mit einer außerleſenen Reuterey/ vnnd etlichen Drachonern derglei-
chen thaͤt/ muſte er jmmerzu forth/ vnnd fand wegen ſehr vbeln verhaltens ſeiner
rauberiſchen Voͤlcker/ allenthalben Widerſtand. Alſo wendet er ſich nach
Languedoc/ allda Momorancy auß Vnwillen/ daß jhm die gewoͤhnliche Brocken
bey den newen Jmpoſten waren entzogen/ vnd jederweilen ein hundert tauſent
Pfund trugen/ jhme die gantze Landſchafft wolte anhaͤngig machen. Dieſen
Vnwillen hatte vermehret/ daß er nicht General Feldmarſchalck/ das iſt ſchier
nahe gar Conſtabel/ welches Ampt ſeine Voreltern etwan getragen/ werden koͤn-
nen/ zumahl man jhr vor einen beſſern Hauptman zum fechten/ als vor einen fuͤr-
ſichtigen General preiſen wollen. Darbey dann die alte Koͤnigin eyferig geholf-
fen. Der Koͤnig ließ jhm durch den Ertzbiſchoff von Arles, vnnd durch den
Herꝛn Emery, die Vrſachen ſeines Mißtrawens andeuten/ die Landſchafft muͤſte
nicht eben nach deß Gubernators belieben verwaltet worden: durch ein Auffſtand
wuͤrde er ſein Gluͤck nicht erheben: er ſolte ſeiner Voreltern Trew vnnd Dienſte
nicht beſchmitzen. Weil er nun gar nichts geſtehen wollen/ ſchickte der Konig
noch zum vberfluß den von Sondeuil, ſeinen vertrawteſten Freund an jhn. Aber
man ſahe/ daß die ſieben Courier/ ſo er auff einander/ ſeine Trew zubezeugen/ nach
Hoff laſſen ablauffen/ falſche brieff brachten/ als der Monſieur ſich in ſeinen Pa-
teuten/ General Leutenant deß Koͤnigs/ wieder deß Staads Verwaltung nenne-
te/ vnnd etliche Staͤtte/ auch Schloͤſſer jhme beyfielen. Bey Narbonna lieſſen
ſich fuͤnff tauſent Neapolitaner ſehen: die gantze Landſchafft erklaͤrt ſich vor den
Monſieur/ wider den Cardinal/ vnd hengt ſich an den Momorancy/ derſelb belegt
J iijdas
[70]De Statu perturbato Franciæ.
das Volck/ ſucht den Marggraffen von Foſſen, Gubernatorn in Mompellier/ zu-
gewinnen: wurbe Voͤlcker/ begehrt Secours auß Spanien: aber das Parlament
zu Thouloſe widerſetzte ſich nach allem vermoͤgen.

Bey ſo bewandten Sachen machte ſich der Koͤnig auff/ vnnd befahl dem
Printzen von Condè, Koͤniglichen Gebluͤts/ Niuernois, Berry, Bourbonnois,
Touraine, Poitou, Aunis, Xaintonge, haute \& baſſe Marche, Limoſin vnnd Au-
uergne, mit ſehr groſſem Gewalt/ daß ſich ſchier jedermaͤnniglich daruͤber verwun-
derte. Vnder deſſen nahm der Monſieur Alby ein/ gieng auff Carcaſſonne ver-
geblich/ ließ Beſiers beveſtigen/ vnd vernahm vngern/ daß all ſein vorhaben im Land
Narbonne zu ruͤck gangen/ vnnd jhm dieſe Thuͤr verſperꝛt worden. Hiengegen
ließ der Koͤnig ein Manifeſt wieder deß Monſieurs Anhang/ zu Gnad vnnd Vn-
gnaden/ im Parlament zu Pariß außgehen/ vnnd brach auff den eylfften Auguſt.
Jhm kam zum beſten/ daß Puylaurens vnd Momorancy gegen einander eyferten:
ſo wolte d’ Elbœuf mehr ſeyn/ als ſie beyde/ vnnd General Leutenant deß Mon-
ſieurs/ wieder deß Momorancy Danck heiſſen: alſo daß ſie ſich von einan der mit
den Voͤlckern ſcheydeten. Wie nun die Spanier/ auß antrieb der alten Koͤnigin/
vber die Niederlaͤndiſche Graͤntzen ſetzen moͤgen/ ließ jhm der Koͤnig nicht zuwider
ſeyn/ daß der Graff von Soiſſons, auch Koͤniglichen Gebluͤts/ das Gubernament
vber Pariß vnnd die nechſte Landſchafften/ auch vber die Armee in Pickardy in ſei-
nem abweſen erhielte/ vnnd nach Beſchaffenheit denſelben Niederlaͤndiſchen
Staͤnden/ ſo das Spaniſche Joch ſuchten abzuwerffen/ zu Huͤlff vnd Troſt kaͤme.
Deßwegen auch die Spanier jhre Voͤlcker in die Laͤnder Hennegaw vnnd Artois
theilen muͤſſen/ ob ſie ſchon derſelben zum Entſatz der Statt Maſtrich wohl benoͤ-
thigt waren: welcher geſtalt auch die Hollaͤnder der Frantzoͤſiſchen Armee vnder
dem von Eſtrée an der Moſel entrahten koͤnnen. Là Force vnnd Schomberg zo-
gen dem Monſieur auff dem Fuß nach/ biß in Languedoc/ vnnd fanden noch etliche
Staͤtte vnnd Herꝛn in deß Koͤnigs Devotion/ beriethen ſich/ den Vicomte d’ E-
ſtranges in ſeinem Laͤger/ ohnferꝛn Priuas anzugreiffen/ den ſie in dreyen Stun-
den vberwaͤltigt vnd gefangen/ auch bald hernach/ andern zu einem Schrecken/ in
Eſtrange enthaupten laſſen. Der Monſieur war in das Schloß Beaucaire kom-
men/ aber die Statt hielts mit dem Koͤnig/ darumb koſtet es Mühe/ biß die Koͤ-
nigiſche Voͤlcker jhnen die Proviand abgeſchnitten/ vnd ſie den ſechſten Septem-
ber zur Vbergab gezwungen. Welche Vbergab der obige Eyfer verurſacht/ auſ-
ſer deme die Statt auß dem Schloß haͤtte moͤgen bezwungen werden. Vnder
deſſen verlohr der Monſieur auch das Schloß an der Statt S. Felix, durch Vber-
gab/ vnnd wurd von Momorancy getrieben/ den von Schomberg anzugreiffen/
welches auch bey Caſtelnaudary geſchehen/ da deß Monſieurs Voͤlcker den kuͤr-
tzern zogen/ vnd der Momorancy verwund/ auch halb raſend gegen den Koͤnigiſchen/
mit dem Pferd gefallen vnd gefangen worden.

Der Koͤnig erhub ſich von Lyon/ nach Languedoc/ ſchickte den von Aiguebon-
ne an ſeinen Bruder/ ließ jhm alle Gnad vnd vorige Stell antragen/ wann er nur
ſich frembder Haͤndel entſchlüge: ſo moͤcht er auch wohl auſſerhalb deß Koͤnig-
reichs/ an einem nicht verdaͤchtigen Orth ſich halten/ vnnd hiemit vor alle ſeine
Hoffdiener/ auch den von Elbœuf Pardon annehmen. Es war aber Chaude-
bonne bereyt zum Koͤnig abgefertigt/ allen Gehorſamb zubezeugen/ vnnd darne-
ben wichtige Sachen zubegehren/ daß nemblich/ Momorancy wieder zu ſeinen
Wuͤrden kaͤme/ wie auch Beaucaire, vnnd alle andere/ ſo dem Monſieur vnnd der
alten Koͤnigin anhaͤngig geweſen: daß Monſieur ein ſichern Orth haͤtte: daß die
alte Koͤnigin wieder nach Hoff kaͤme/ daß dem Hertzogen in Lothringen ſeine Ve-
ſtungen wieder zukaͤmen: daß der Koͤnig jhm ein Million Pfund ließ erlegen/ die
bey Lothringen vnd Spanien gemachte Schulden zuzahlen: vnd daß der Proceß
wieder die Fraw von Fargis auffgehoben wuͤrde. Vmb dieſe Gnaden hielte
Monfieur bey dem Aiguebonne inſtaͤndig an/ ſonderlich vmb deß Momorancy
Perſon. Aber der Koͤnig ließ es bey dem erſten erbieten bewenden/ angeſehen
deß Monſieurs begehren/ der Koͤniglichen Hoheit/ deß Staads Wolfahrt vnnd
ſeinem eygenen beſten vnziemllch waͤre. Befahl darneben/ ſeinen Hoffſtaden in
Beſiers ein zunehmen/ vnd jhm alle muͤgliche Ehr zuerweiſen. Buillon vnd Foſ-
ſez wurden nochmahln zu jhm geſandt/ mit der Erinnerung der Koͤnig capitu-
lierte nicht/ wuͤrde dennoch ſeiner Clementz ohne nachtheil deß Staads/ jeder-
maͤnniglich genieſſen laſſen/ muͤſte aber darneben die Rebellion/ andern zu einem
Exempel/ ſtraffen. Puylaurens ſahe kein ander Thuͤr offen/ ſich ſelbſt zuretten:
vnnd alſo wurd verglichen/ daß der Monſieur vmb Gnad bathe/ vnnd von allen
Practicken abließ: daß er Hoff hielte/ wo der Koͤnig es wuͤrde beſcheyden: daß er
ſich ſeines Anhangs nicht annehme: daß er an ſeinem Hoff die erledigte Stellen
mit annehmlichen Leuthen erſetzte/ vnnd die gehaͤſſige abſchaffte: daß Puylaurens
alle Geheimnuſſen offenbahrte. Alſo wurd Fried gemacht/ vnnd Monſieur zog
nach Champigny bey Tours, vnnd bezeugte in einem Schreiben an den Cardinal
nicht nur ſein wolgefallen vnnd genuͤgen/ ſondern auch vnverꝛuckte Trew auff das
kuͤnfftige.

Die Staͤtte in Languedoc ſuchten auch Gnad bey dem Koͤnig/ welcher zur
Verſicherung derſelben Landſchafft etliche Veſtungen mitten im Land ließ ſchleif-
fen/ vnnd etliche Partiſanen abſtraffen. Beſchrieb die Staͤnde nach Beſiers,
verwieß jhnen die Rebellion/ vnd erzeigt Gnad/ auff deß Ertzbiſchoffen von Nar-
bonne Abbitt/ ſo wohl bey Abſchaffung der Jmpoſten Meiſter/ als bey gutem An-
ſtalt/ wegen kuͤnfftiger Contributionen. Momorancy wurd nach Thoulouſe
gefuͤhrt/ jhm folgte der Koͤnig/ vnnd befahl dem Parlament vber jhn zuvrtheilen.
Die Princeſſin von Condè, ſeine Schweſter/ der Cardinal de la Valette, die Her-
tzogen von Epernon vnnd Cheureuſe thaͤten jhr euſſerſtes/ Lauanpot im Namen
deß
[72]De Statu perturbato Franciæ.
deß Monſieurs auch mit einem Fußfall/ vnnd endlich der Marſchalck Chaſtillon
mit vielem flehen/ vnd konden jhm das Leben nicht erhalten. Jhm wurd erlaubt/
ſein Teſtament zumachen/ in welchem er dem Cardinal ein Taffel von S. Seba-
ſtian/ als ein ſehr rares ſtuͤcklein vermachte/ vnnd alſo wurd jhm der Kopff im
Statthauß abgeſchlagen. Zuvor wolte die alte Koͤnigin/ auß Raht deß Chan-
teloupe Madame Combalet, deß Cardinals Nichte vnd nechſte Blutsfreundin/
auß Pariß laſſen nehmen/ dem Momorancy ſeine Freyheit dadurch zuerzwingen:
aber die Thaͤter waren ohne deren von Combalet Vorbitt alle vmb die Haͤlſe
kommen.

Noch konde Franckreich keine Ruhe erhalten: dann Puylaurens repræſen-
tirte dem Monſieur/ da ſein vielfaltiges anhalten einem ſolchen Herꝛn das Leben
nicht moͤgen erhalten/ haͤtte er bey erſter geſuchter Gelegenheit nichts beſſers zuge-
warten: ſo gereichte auch ſolcher Abſchlag bey allen außlaͤndiſchen Potentaten/ der
Frantzoſen zugeſchweigen/ jhm zu einem ewigẽ Spott/ vñ Verachtung. Darumb
ſolte er ſich nach Lothringen machen/ vnnd die Princeſſin Margarethen beſuchen.
Andere hielten zwar vor rahtſam/ dz er ſich auß Franckreich erhuͤbe: meynten aber/
der Hertzog waͤr viel zuſchwach/ ſie lang zuſchuͤtzen/ vnd ob man gleich von Nancy
leichtlich nach Bruͤſſell kommen koͤnde/ thaͤten doch die Spanier nicht viel mehr
zur Sach/ als complimentiren: vnnd alſo ſolte kein ſicherer Orth ſeyn/ als Caſal/
da jhn der Thoyras ſchoͤn wuͤrde empfangen. Die Reyß nach Lothringen im
November wurd hiemit beſchoͤnt/ daß Monſieur zu keinem andern ende ſich gede-
muͤtiget/ als den Momorancy bey Leben zuerhalten/ vnnd ſeine Freyheit zugewin-
nen. Weiler aber jehnen todt/ vnnd ſich in euſſerſter Verachtung ſehe/ koͤnd er
nicht laͤnger in Franckreich bleiben. Er hoffete aber/ die Biſchoffe in Languedoc
wuͤrden noch veſt an jhm halten: doch vergeblich/ nach dem der Bapſt etlichen an-
dern Biſchoffen befohlen/ dieſelben zuverurtheilen/ vnnd abzuſetzen/ welches der
Koͤnig durch ſein eygene Richter wohl haͤtte thun laſſen koͤnnen/ zumahl Chriſtus/
vnnd die zween fuͤrnembſten Apoſteln ſich den Layenrichtern darzuſtellen kein be-
dencken getragen.

Auß Languedoc muͤſſen wir nach Provantz gehen/ allda der Hertzog von
Guyſe mit dem Momorancy gleichen Sinn ſuͤhrete/ welches der Cardinal ge-
merckt/ vnnd deßwegen dem Koͤnig gerahten/ jhm das Gubernament gegen an-
dern Recompenſen abzuhandeln: das Guyſe aber nicht verſtehen wollen. Vnd
als der Koͤnig jhn nach Hoff erforderte/ ließ er zween oder drey Monatzeit begeh-
ren/ nach Lauretto vnnd Rom zuziehen/ vnnd erlangts ſo ferꝛn/ daß er ſich alſo bald
hernach einſtellete. Er ſchickte aber alsdann den Grandprè zum Koͤnig nach
Wich/ vnd ſuchte Dienſt im Jtalianiſchen Krieg/ ſo jhme der Koͤnig abſchlug/ mit
wiederholtem Befehl/ ſich einzuſtellen/ vnnd wegen etlicher Beſchuldigungen zu-
verantworten. D[a]rumb ſahe man/ daß er die vhralten Spruͤche deß Hauſes
Loth-
[73]De Statu perturbato Franciæ.
Lothringen an dieſe Landſchafft wuͤrde her für ſuchen/ zumahl er wider die Geſatz
auſſerhalb deß Koͤnigreichs ſich enthielte/ vnnd allerhand Practicken anſtellete.
Alſo wurd das Gubernament jhme genommen/ vnnd dem Marſchalck von Vitry
gegeben/ welcher auff den Tag den Eyd abgelegt/ als der Monſieur den Frieden
angenommen. Der Koͤnig eilte im October nach Pariß/ vnnd ließ den Cardi-
nal ſehr kranck zu Bordeaux: deßwegen Chaſteauneuf Siegelwarter ſich ſeines
tods erfrewete/ vnd anfieng den Meiſter zuſpielen/ als ob er ſchon am Brett waͤr.
Aber der Cardinal kam wieder zur Geſundheit/ vnnd wurd vom Koͤnig beſucht/
vnd 2. Stunden allein vnderhalten/ zu Rochefort.

Alſo gieng das 1633. Jahr an/ mit andern vielfaltigen Geſchaͤfften. Dann
es ſchien/ als wolten die Hollaͤnder mit den Spanier ein Stillſtand der Waffen/
wie im Jahr 1609. wiederumb machen: vnnd alsdann koͤnde derſelb ſeine Macht
den beyden Hertzogen von Orleans vnd Lothringen vberlaſſen/ vnnd den Krieg in
Franckreich ziehen/ auch dem Kayſer beſſer vnnder die Arm greiffen/ nach dem das
Gluͤck jhn wiederumb anblickete. Charnacè wurd/ ſolchen Streich abzuwenden/
nach Holland verordnet/ der bracht an/ deß Spaniers eifferiges begehren ſolte
billich verdaͤchtig ſeyn/ vnnd von ſeinen Ohnkraͤfften zeugen/ darumb ſolte man
jhm deſto weniger Zeit laſſen/ ſich zuerholen. Auch wuͤrde er nimmermehr zu ei-
nem beſtaͤndigen Frieden verſtehen wollen. Wie er dann Anno 1621. nach geen-
detem Stillſtand durch den Cantzler in Braband Becken/ ſie erinnert/ ſich wieder
vnder das Joch jhres natuͤrlichen Herꝛn zubegeben. So ſolten ſie auch beden-
cken/ daß die Provintzen zu keiner Zeit beſſer/ als vnder wehrendem Krieg florirt
haͤtten. Sie ſolten nicht gedencken/ daß die Spaniſche Provintzen vnder lan-
gem Stillſtand oder Frieden das kriegen vergeſſen/ oder die Schweden dz Hauß
Oeſterꝛeich abmatten wuͤrden: dann der Spanier wuͤrde ſie nicht laſſen verꝛoſten/
ſondern in Teutſchland gebrauchen/ vnnd hernach deſto maͤchtiger die Hollaͤnder
vberziehen. Auch wuͤrde der Spanier jhme die beyde Jndien vorbehalten/ vnd
den Handel ſperꝛen. Wie ſie nun mit den Waffen jhre Republick angefangen/
alſo muͤſten ſie auch dieſelbe vnderhalten/ deren Fundament der Spanier bey
letztem Stillſtand ſchier zu Hauff geworffen haͤtte/ das er bey Kriegszeiten jhm
nicht traumen laſſen koͤnnen. Vnd wann ſie kein abſehen auff jhre Bunds ver-
wandten haͤtten/ thaͤten ſie jhnen ſelbſt zu kurtz/ vnnd geben Vrſach zu ſagen/ was
von Hanibal/ vnd Pompeio etwan geſagt worden/ Sie verſtuͤnden nemlich nicht/
einigen Nutzen auß dem Sieg zuziehen.

Dieweil der Koͤnig den Ertzbiſchoffen zu Trier in ſeinen Schutz genom-
men/ befahl er dem S. Chaumont, jhm auch die beyde Orth Fumay vnnd Reueing
auff der Maaſe/ ſo die Spanier eingenommen vnd beveſtigten/ wieder zulieffern.
Die Spanier zogen in der Stille ab: kamen aber in ſeinem abweſen wieder/ alſo
daß er bald hernach Freydenburg muſte bezwingen: der Ertzbiſchoff hielt ſein Re-
Kſidentz
[74]De Statu perturbato Franciæ.
ſidentz wieder zu Trier/ vnd kond auß Forcht der Spanier die Frantzoſen/ nicht von
ſich laſſen. Vnnd vmb ſo vielmehr/ daß der Koͤnig auß Schweden in einem
Treffen war geblieben/ dannenhero das Hauß Oeſterꝛeich deſto weiter vmb ſich
greiffen wuͤrde. Auß eben dieſer Vrſachen wurd Fequieres nach Teutſchland
geſand/ an deß verſtorbenen Koͤnigs Tochter Chriſtinæ Cantzlern Ochſenſtiern/
vnd alle Proteſtirende Fuͤrſten der Leipziger Vnion/ Erſtlich das Leyd zuklagen/
vnd ſein Begierd nach jhrer Wolfahrt zubezeugen. Darnach ſie zu einer newen
Vereinigung in vorigem Thun zuvermoͤgen. Drittens/ jhre Armeen ſolcher
geſtalt zubeſtellen/ daß kein Mangel erſcheine. Vnnd weil eine Verſamblung
nach Hailbrun am Necker auff das außgehende Jahr gelegt war/ ſahe der Cardi-
nal vor rahtſam an/ daß Fequieres zuvor ſich bey etlichen Fuͤrſten anmelden/ vnd
dannoch vnder den erſten an gemeldtem Orth finden ſolte. Er wuſte zuerzehlen/
wie gut es ſein Koͤnig mit dem gemeinen Weſen meynte/ was er auch bißher dar-
bey gethan haͤtte/ thun koͤnde vnd thun wuͤrde: nemblich den Schweden vnd Hol-
laͤndern mit Geldt Vorſchub gethan: gewaltige Diverſionen in Lothringen vnd
Jtalien gemacht: ſtarcke Armeen auff den Beinen gehalten/ vnnd ſehr viel auff
Geſandſchafften verwendet. Da ſie ſich nun trennen ſolten/ wuͤrde alles vorige
vmbſonſt ſeyn: hielten ſie aber zuſam/ waͤren ſie dem Hauß Oeſterꝛeich vber legen/
vñ koͤnden die Vertriebene wieder einſetzen/ die vorige Freyheiterlangen/ vnd den
Frieden veſt machen.

Wie jhm nun alle vnnd jede Fuͤrſten muͤſſen Beyfall geben/ tractirt er fer-
ner von einem Bund zwiſchen ſeinem Koͤnig vnnd der Cron Franckreich auff ei-
ner/ vnd dannzwiſchen der Koͤnigin Chriſtina/ vnd der Cron Schweden auff der
andern Seit/ deſſen Zweck vnnd Vrſach waͤre/ die gemeine Freunde zubeſchuͤtzen:
die offene See vnnd das Balthiſche Meer ſicher zuhaben: vnnd ein beſtaͤndigen
Frieden im Roͤmiſchen Reich zumachen/ auff daß ein jedweder zu dem ſeinigen
kaͤme. Hierzu ſolte die Koͤnigin in Schweden dreyſſig tauſent Mann zu Fuß/
vnnd ſechs tauſent Pferd halten/ vnnd der Koͤnig jedes Jahr ein Million Pfund
zum Kriegskoſten erlegen: daß die Bundsgenoſſen einer in deß andern Landen
moͤchte Voͤlcker werben: daß die bruͤchige vnnd fluͤchtige jhrem Oberherꝛn zur
Straff gelieffert wuͤrden: daß die Koͤnigin in Schweden die Catholiſche Reli-
gion in den eingenommenen Orthen/ wie ſie es gefunden/ frey laſſen ſolte: daß der
Churfuͤrſt in Bayern/ ſampt den Ligiſtiſchen Fuͤrſten vmb die Neutralitaͤt moͤch-
ten tractieren/ ob ſie wolten: daß alle andere Fürſten vnnd Staͤnde erſucht wuͤr-
den/ in den Bund zutretten: dz man hienfuͤro mit Raht der ſamptlichen Bunds-
genoſſen tractieren ſolte: daß dieſer Bund biß zu dem auffgerichten Frieden in
Teutſchland waͤhren ſolte: vnd da die Friedenstractaten nicht vollzogen wuͤrden/
die Bundsgenoſſen wieder zu den Waffen greiffen/ vnnd einander beyſpringen
ſolten.

Noch war eines andern Bunds mit dem Oberteutſchland von noͤthen/ dar-
umb bemühete ſich Fequieres auch denſelben zuſchlieſſen: daß nemblich ein veſte
vnd beſtaͤndige Verbündnuß waͤr/ zwiſchen dem Koͤnigreich Schweden/ vnnd den
Proteſtirenden Chur-Fuͤrſten vnnd Staͤnden deß Obern Teutſchlandes Krafft
deren ſie jhre Macht zuſammen ſetzen/ vnnd einander helffen ſolten/ biß Teutſch-
land ſein erſte Freyheit erlangt haͤtte: daß die Reichs Abſchied wieder in ſchwang
kaͤmen: daß die Fuͤrſten wieder zu jhren Wuͤrden vnnd Landen gelangten: daß
man der Cron Schweden die Kriegskoſten vergnügete: vnnd daß man ein guten
vnd verſicherten Frieden erwuͤrbe. Vber diß ſolte der Cantzeler Ochſenſtiern dz Re-
giment fuͤhren/ vnd einen Raht von etlichen Schwediſchen Officirern/ auch ei-
nen Deputirten auß jedem Krayß bey ſich haben: dz kein Bunds Verwander ohn
der andern Bewilligung abſonderlich Frieden tractieren koͤnde/ oder im widrigen
vor Feind erklaͤrt wuͤrde: daß die Bunds Verwandten der vier Kreyß die Armeen
mit Proviand/ Amunition vnd Geſchuͤtz ſolten verſehen: daß die Armeen den Eyd
der Kron Schweden/ vnd den Bunds Verwanden thun ſolten: daß der Director
neben ſeinem beywohnenden Raht alle muͤglichkeit vornehme/ das Kriegs We-
ſen in guter Ordnung zuhalten/ vnnd den Kauffhandel zubefuͤrdern: daß alle
Staͤnd vnnd Fuͤrſten im Bund ſchuldig waͤren/ die Kron Schweden bey jhren
Conqueſten in Teutſchland/ biß zu geendetem Krieg zu mantenieren/ auch biß jhr
vnnd den Bunds Verwandten gebuͤhrliche Abſtattung alles Vnkoſtens vnnd
Schadens geſchehe. Jn dieſen Bund gehoͤrten die vier obere Krayß/ nemblich
Schwaben/ Francken/ ober vnnd vnder Rhein: den Tractaten wohneten bey Am-
ſtrudel Engellaͤndiſcher/ Cantzler Ochſenſtiern vnd Ritter Raches Schwe-
diſcher/ Pan Hollaͤndiſcher Abgeſander/ auch viel Herꝛn auß
Teutſchland/ denen auch ein Deputirter in deß
Cantzlers Raht verſtattet
worden.

Der 8. Diſcurß.

ES ſahe der Cardinal gar wohl/ daß Franckreich mit
Spanien wuͤrde endlich zubrechen kommen/ nach deme es biß dahin nur
vmb die Bunds genoſſen zuthun geweſen. Darumb vermoͤgt er den Koͤ-
nig/ eine Geſandtſchafft an den Bapſt zuſchicken/ damit derſelb nicht von der farb
fiele/ vnnd etwan in Jtalien Haͤndel anfienge. Hier zu ſchien Crequy, wegen ſei-
ner groſſen baaren Mittel/ vnd der Jtalianiſchen Fuͤrſten Kundſchafft/ auß buͤn-
dig/ weil er auch zu Ehren vnnd Kurtzweil nichts pflegte zuſparen. Seine Be-
reitſchafft hielt jhn bey Hoff biß zu Eingang deß Meyen. Er ſaß zu Schiff/ kam
zu Rom an/ mit fuͤnffhundert Dienern/ in ſolchem Pracht/ als niemahlen geſe-
hen worden: ebenmaͤſſig wurd er auch empfangen/ vnnd zur Audientz gefuͤhrt.
der Vortrag war/ der Koͤnig haͤtte ſo lang verzogen/ jhme zu Eingang der Baͤpſti-
ſchen Wuͤrden Gluͤck zuwuͤnſchen/ vnnd den Gehorſamb zubezeugen/ biß er den
Raub den Kirchen feinden abgenommen vnd zu ſeinen Fuͤſſen legen koͤnne. Dar-
nach wie wegen vieler geleyſteten Dienſten/ ſeine Voreltern ein ruͤhmlichen Na-
men erworben/ vnnd wie er auch geſinnet waͤr/ ſeine Macht dem Bapſt zu Dienſt
anzuwenden: wie er jhn dann vor Chriſti Statthalter/ Petri Succeſſorn/ vnnd
Verwalter deß Himmelreichs hielte/ vnnd deßwegen ſich zu ſeinen Fuͤſſen legte/
mit ſonderlicher Beyſorg/ daß jhm kein Wort entfuͤhr/ darauß man ſpuͤren ſolte/
ob die Cron Franckreich vom Roͤm. Stul dependirte. Das fuͤrnembſte Stuͤck
aber der Geſandſchafft war/ daß Franckreich ſich erbotte/ dem Bapſt in allen Be-
gebenheiten zu dienen/ vnnd den Streit mit den Venetianern zuſchlichten: wel-
cher wegen der Graͤntzen in der Herꝛſchafft Gorre, vnd wegen etlicher kleinen Jn-
ſeln war entſtanden/ biß ſie in Ferꝛar einander geſchlagen/ welches dann zu einer
voͤlligen Ruptur gelangen moͤgen. Weil nun deß Bapſts anſehen im Fried
weit
[77]De Statu perturbato Franciæ.
weit herꝛlicher iſt/ hielt er vorgenehm/ daß Crequy ſich nach Venedig erhub/ vnnd
neben dem Abgeſandten de la Tuillerie, zum Vergleich brachte. Vor ſeinem
abreyſen bildet er dem Bapſt tieff ein/ der Teutſche Krieg betreffe die Religion
nicht/ ſondern die Freyheit etlicher Fuͤrſten in jhrem Land/ daß nun etliche Catho-
liſche Staͤnde viel daruͤber gelitten/ waͤr zwar den Koͤniglichen Tractaten zuwi-
der/ auch nicht ſo grewlich als mans machte/ doch auch auß eygener Schuld ge-
ſchehen/ weil ſie die Neutralitaͤt nicht wollen annemen: zumahl ſolcher Schad gar
leicht zuerheben waͤr. Vnd alsdann wuſte er deß Hauſes Oeſterꝛeich vorhaben
vber Jtalien/ nemlich den H. Stuel zuſtuͤrtzen/ vnd die Geiſtliche Freyheit zu mei-
ſtern/ artlich herauß zuſtreichen. Darumb ſein Koͤnig allen muͤglichen Schutz
ihme thaͤt anbieten. Aber zu einer Verbuͤndnuß/ den Fuͤrſten in Jtalien vnnd
Geiſtlichen zu Schutz wieder Spanien wolte ſich der Bapſt nit verſtehen/ als ein
gemeiner Vatter.

Bey Hoff gab es allerhand Veraͤnderungen/ Seguyer ward Siegelwarter:
Cogneux, Londes vnd Monſigot jhrer Aempter entſetzt/ weil ſie ſich nicht einſtelle-
ten. Die Gubernatorn zu Caſal/ Pignerol/ vnnd ſchier in gantz Franckreich/
giengen ab/ oder muſten wechſeln. Auch hielt der Koͤnig Capitel vber den Or-
den deß H. Geiſtes/ vnnd erſetzt alles. Vnnd legt ein Parlament in die Statt
Metz/ wegen der Landſchafften/ ſo er nunmehr auß deß Hertzogen von Lothringen
Haͤnden gezogen/ vnnd der Cron wieder einverleibet hatte. Hie geſchahe eine
Execution an Alpheſton, der ſich von Chanteloupe der alten Koͤnigin Beicht-
vatter/ hatte beſtellen laſſen/ den Cardinal in Chalons zuerſchieſſen. Dieſem
folgte Chauagnac, der mit einem vergiffteten Brieff vnder dem leſen jhm ſolte das
Leben verkuͤrtzen: alſo wurden dieſe zween lebendig geraͤdert. Aber in Lothrin-
gen wolte man nicht ſtill ſitzen: dann der Hertzog hatte zwar ſeine Voͤlcker/ ver-
moͤg der letzen Friedens Tractaten zu D’ Effiat geſtoſſen/ aber auch auß Befehl
laſſen verlauffen/ damit ſie Montbaillon vor den Kayſer wieder zuſammen braͤch-
te. Guerquoy blieb mit ſeinem Regiment bey den Frantzoſen/ weil man jhm von
dem Geheymnuß nichts geſagt/ vnnd muſte ſehen/ daß Veruaire jhm die Schuh
außtratt/ als haͤtte er muthwillig peccirt/ vnnd in das Elſaß anzoge/ da jhn die
Schweden Capott gemacht. Jn Lothringen ſolten keine Werbungen geſche-
hen/ vnd Ajax der Jtalianer ließ die Trommel ruͤhren vor Breyſach. Der Her-
tzog ſolte den Bundts Verwandten deß Koͤnigs kein Abbruch thun/ wie er auch
dem General Horn zugeſagt/ vnd danckt ſeine Voͤlcker ſolcher geſtalt ab/ daß ſie der
Graff von Salm auff der Stund annahm/ vnnd Hagenaw (darauß man wegen
folcher Sicherheit fuͤnffhundert Mann gezogen hatte) vberꝛumpelte: alſo wurben
Montecuculi, Bentiuoglio vnd Naſſaw in Lothringen/ danckten dann ab auff den
Graͤntzen/ vnnd vberliefferten durch ſolche Practicken die Voͤlcker an deß Schwe-
den Feinde. Sonderlich hielte ſich Naſſaw grewlich wieder alles Frantzoß oder
K iijwas
[78]De Statu perturbato Franciæ.
was Frantzoͤſiſche Minen machte/ ſo wol offentlich als heimlich. Endlich ließ er im
Laͤger außblaſen/ daß man ſeine Voͤlcker die Kayſerliche Armee nennen ſolte: wel-
cher geſtalt er auch die Schweden vor Gerbaden auffgeſchlagen/ mit den Kayſeri-
ſchen Oberſten corꝛeſpondirt/ vnnd von dem Marggraffen von Celade Sold zu
ſeiner Armee genommen/ ſampt etlichen Truppen vom Wallenſtein. Darbey
jhm der Kayſer aller deren confiſcirte Guͤter/ ſo zu Hailbruñ geweſen/ verehrete.
Alſo vergliche er ſich/ daß jhm die zehen Staͤtte der Kayſerlichen Vogtey/ mit
Schlettſtatt vnd Colmar ſolten eingeraumpt werden. Vnd ließ noch darneben
die Schweden durch den Marggraffen de Ville in der ſtille wiſſen/ er thaͤt nichts
ohne deß Koͤnigs vorwiſſen vnd belieben/ ſchickte alſo bald zehen tauſent Mann/
die Belaͤgerung Hagenaw auffzuheben/ die jhm aber gelohnt/ vnnd nach dem
Treffen das Geſchuͤtz/ ſampt Bagage abgenommen. Alſo wolte er die Pflicht/
wegen deß Barꝛiſchen Lehens auch nicht ablegen. Gleich wohl ſchickte er Com-
miſſarien wegen Clermont, vnnd lieſſe durch derſelben vnziemliches verfahren
wol ſehen/ daß er nur Vrſach ſuchte zubrechen. Auch vnder lieſſe er die Corꝛe-
ſpondentz nach Bruͤſſel gar nicht/ weil man jhm vom Hollaͤndiſchen Stillſtand
gewiſſe Hoffnung gemacht/ deme zu Folg/ Spanien vnd Oeſterꝛeich in Franckreich
fallen/ vnd den Koͤnig nach belieben noͤthigen wuͤrden.

Hie hielte der Koͤnig gewaltiglich an ſich/ ſchickte Guron an die Schweden/
vnd deutet jhnen an/ Lothringen waͤr in ſeiner Protection/ ſie ſolten nicht einbre-
chen/ er wolte daran ſeyn/ daß jhnen dieſer Seiten kein Verdruß vnnd Schaden
mehr ſolte begegnen: mehr auß Eyfer/ daß dietriumphirende Schweden jhme
nicht zu nahe kaͤmen/ als dem Hertzogen zu Dienſte. Guron ſuchte jhn in Loth-
ringen/ vnd kond ſeiner keine Gewißheit haben/ biß er endlich von Metz nach Lune-
ville zuruͤck beſcheyden ward: allda man die Verbitterung wohl mercken kondte/
aber auch mit Augen ſahe/ daß Nancy nicht vergeblich ſich beveſtigte/ vnnd in
Kundſchafft brachte/ was vor ſtarcke Werbungen angeſtellt waͤren/ auff kuͤnffti-
gen Julium bey S. Michel zumuſtern/ vnd mit Spanien vnnd Oeſterꝛeich frew-
dig in Franckreich zufallen. Hierauff wurd der Hertzog nach Pariß vertagt/
vnd als er/ wie ein Lehen mann nicht erſchienen/ das Lehen Bar jhm abgeſprochen/
vnd der Cron wieder einverleibt/ auch dem Herꝛn de la Nauue aller Gewalt gege-
ben/ gedachtes Lehen einzuziehen. Couuonges, Gubernator im Land Bar/ be-
ſucht jhn/ begehrt im Namen deß Hertzogen Copey ſeiner Commiſſion/ ließ jhm
auch allen Gehorſamb leyſten. Die Antwort war/ er muͤſte ſein Commiſſion of-
fentlich ablegen/ jhm gebühre nicht/ den Gehorſamb zuerlauben. Den folgenden
Tag verfügt er ſich in den Pallaſt/ vnd befahl/ in deß Koͤnigs Namen alles zuver-
walten/ nach deme der Hertzog in zehen Jahren ſeine Pflicht nicht wollen leyſten.
Alſo nahm er den Ayd von den Beampten/ hielt ſelbſt Gericht/ vnnd befahl den
Geiſtlichen/ in dem gewoͤhnlichen Kirchengebet den Koͤnig/ vnnd das Koͤnigliche
Hauß
[79]De Statu perturbato Franciæ.
Hauß zunennen/ mit ſonderlichem Verbott an den Adel/ dem Hertzogen im Krieg
zudienen.

Der Koͤnig begab ſich nach Chaſteauthierry, vnd ließ die Armee auß dem
Trieriſchen auff Nancy ziehen. Der Cardinal in Lothringen verfuͤgt ſich zum
Koͤnig/ bezeugt/ daß er ein Mißfallen truͤge an ſeines Bruders boͤſem Vorneh-
men/ begehrt Schutz/ vnnd daß er moͤcht in Franckreich ſich auffhalten. Wegen
einiges Vergleichs wurd er zum Cardinal Riſcheliu gewieſen/ geſtunde den Heu-
rath mit der Princeſſin Margrethen/ den wolte er vernichten/ vnnd ſie ſelbſt in
Franckreich lieffern/ auch machen/ dz der Hertzog ſein Bruder das Lehen Bar im
Namen ſeiner Gemahlin ſolte empfangen. Die Antwort war/ den Heurath zuver-
nichtẽ ſtuͤnde nit bey Lothringen/ die letzte 3. Tractaten waͤren ſo vbel gehalten wor-
den/ daß beſſere Verſicherung da ſeyn muͤſte. Der Koͤnig wolte der Sachẽ ein End
ſehẽ/ vñ ſolche ſehr nach theilige Verwirꝛungen am Hoff/ auch ſehr nachtheilige An-
ſchlaͤge mit dem Feind nit laͤnger dulten. Dz einige Mittel der Verſicherung waͤr
Nancy/ welcher Orth den vbrigen mit der Zeit folgen muͤſte/ wann der Hertzog im
Feld nit ſtehen koͤnde/ vnd vom Land nichts mehr genieſſen ſolte. So waͤr auch die
Hoffnung/ daß ſich das Wetter eheſt wenden wuͤrde/ bey ſolchem Alter/ deß Koͤ-
nigs/ vnd ſiegreichen Waffen/ gantz vergeblich. Der Cardinal auß Lothringen
meynt/ es koͤnde ja ſeinem Herꝛn Bruder nichts aͤrgers wiederfahren: der Koͤnig
moͤcht Vrſach ſuchen/ Nancy zubehalten: der Kayſer wuͤrde es auch nicht zuge-
ben/ ſo koͤnde der Frantzoͤſiſche Schutz/ wegen anderer zufaͤlligen Haͤndel vnfrucht-
bar werden. Riſcheliu antwortet/ die Oeſterꝛeicher haͤtten ja den Hertzogen ſte-
cken laſſen: er ſolte ſich gegen Franckreich vnnd dem Kayſerthumb nach gebuͤhr
verhalten/ vnd den Koͤnig auff dieſe vnd jene Weiſe nicht belaidigt haben: moͤch-
te nun ſelbſt waͤhlen/ was er wolte. Hie meynen die Frantzoſen/ die Souveraini-
taͤt vber Lothringen ſtehe jhnen zu/ vnnd haͤtten jhr Gerechtigkeit wider deß Teut-
ſchen Reichs vnbilligen Beſitz biß dahin nicht ſuchen koͤnnen. Der Koͤnig ruͤck-
te fort/ vnnd wolte gegen dem Cardinal auß Lothringen/ der zu S. Diſter wieder
war ankommen die Veſtung Motte zur Verſicherung nicht belieben/ weil ſolches
Band nit ſtarck genug waͤr/ den Hertzogen zuhalten. Hie wurd dieſer Renck er-
funden/ daß der Hertzog ſeinem Bruder dem Cardinal die voͤllige Landen/ (doch
daß er ſie jhm mit der Zeit wieder einranmen ſolte) abtrette. Zu Pontamouſſon
verwieſe der Koͤnig dieſen Vortrag an den Cardinal Riſcheliu: der ſolte dem
Cardinal in Lothringen ſeine Nichte Combalet zur Ehe geben/ vnnd alle Spaͤhn
zwiſchen Franckreich vnnd Lothringen darmit auffheben. Riſcheliu wolte ſein
eygen Nutzen in das gemeine Weſen nicht gemengt haben/ vnd ſagt rund herauß/
die vermeynte Ceſſion koͤnde den Schaden nicht auß dem Grund heilen/ weil der
Hertzog ſich eines andern beſinnen/ vnnd mit Gewalt oder heymlichem Verſtand
wieder ins Land kommen koͤnde. Alſo wurd nichts auß dieſen Tractaten.

Der Koͤnig fuhr forth/ nahm ein S. Michel/ Pontamouſſon, Eſpinal, Char-
mes, Luneuille, Haton du Chaſtel, Condè Chauſſee, Trangnon, Malatour, Parg-
ny vnd Boucouuille, vnnd ließ durch den von Chaumont die Statt Nancy gantz
ſchlieſſen/ daß nichts ein/ noch auß konde. Das Regiment Floriuille wolt durch
das Gewaͤld herbey nahen/ vnnd hienein ſchleichen/ wurd aber getrennt: dann der
Graff de la Suſe hielte das flache Feld mit ſieben Faͤhnlein Reutern. La Force
verfolgte den Hertzogen mit ſechs tauſent zu Fuß/ vnnd fuͤnffzehen hundert Pfer-
den/ ſampt ſechs Stuͤcken. Das Laͤger wurd in fuͤnff Tagen verwahrt/ vnnd
vier Meilen rund vmb die Statt/ mit vielen Schantzen vnnd Redouten geſchloſ-
ſen. Die Princeſſin Margretha verkleidet ſich als ein Edelman/ ſetzt mit Daui-
sè durch die Schildwachten/ gab ſich vor deß Herꝛn von Chaumont Diener auß:
muſt ſich wegen einer Schwediſchen Parthey im Boſch verkriechen/ vnnd kam
endlich gen Diedenhoffen/ da ſie mit Noth wurd eingelaſſen/ vnd von deß Guber-
nators la Ville Weib andere Kleider vberkommen. Sie eilt nach Namur/ vnnd
wurd nach Bruͤſſel eingeholt. Vnder deſſen ließ der Hertzog auß Lothringen/
dem Koͤnig die newe Statt Nancy aneragen/ vnd endlich jhm vnd dem Cardinal
die Tractaten vbergeben/ welche dahin giengen/ daß der Hertzog allen Buͤndnuſ-
ſen/ ſo Franckreich zuwider waͤren/ auff ein newes abſagte. Daß er ſich verpflich-
te/ dem Koͤnig gegen vnd wieder jedermaͤnniglich zudienen. Daß er bey ſchwe-
bendem Teutſchen Vnweſen/ ohne deß Koͤnigs Verwilligung/ kein Werbungen
thaͤt: daß er alſo bald abdancke/ wann der Koͤnig vom Cantzler Ochſenſtiern das
Wort erhalten/ vnnd die Schweden abzoͤgen: daß er in dreyen Tagen dem Koͤnig
die alte vnnd newe Statt Nancy vbergebe in Verwahrung/ biß man ſehe/ wie er
ſich verhalte/ wie das Teutſche Weſen ablauffe/ vnd der Heurath mit der Princeſ-
ſin Margrethen vernichtet/ vnnd ſie beyde verglichen waͤren jedem ſein Recht vor-
behalten: daß gedachte Princeſſin in vierzehen Tagen gelieffert wuͤrde/ oder doch
jhr außweichen an den Tractaten nichts hinderte: daß das Hertzogthumb Bar
alſo bliebe/ biß dem Koͤnig wegen deß Lehens ein Genuͤgen geſchehen: daß der
Hertzog die Jntraden deß Lands in aller Freyheit genieſſe: daß der Frantzoͤſiſche
Commendant in Nancy nichts mehr/ als das Wort vom anweſenden Cardinal
empfinge/ ohn ferꝛnere Maßgebung: vnd daß die Beſatzung den Jnwohnern kein
Betrangnuß anthue.

Vnd dieſe Artickel wurden beliebet: als aber die drey Tag voruͤber/ zog der
Cardinal an ſich/ ſein Bruder haͤtte wiedrige Ordre geſchickt/ darumb Riſcheliu
jhm zum vberfluß ein Erinnerung thaͤt. Endlich begehrt der Hertzog ſich mit
dem Cardinal zuvnderꝛeden/ welches zu Charmes den achtzehenden geſchehen
ſollen/ allda der Cardinal Morgens fruͤh/ der Hertzog ſchier mitten in der Nacht
ankommen. Zum allerletzten wurd er behandelt/ die Tractaten zuhalten/ vnnd/
ſo er gewolt/ wie ſein Bruder der Cardinal/ in Nancy ſich zuſetzen: alſo macht man
ſich
[81]De Statu perturbato Franciæ.
ſich auff den Weg/ nach dem Koͤnig/ welcher ſie wohl empfieng/ vnnd alles lieſſe
gut ſeyn. Als man nun ſolte ſehen/ auff welche Weiß der Koͤnig ſein Einritt
naͤme/ wolte der Hund abermahl bincken: vnd weil der Hertzog kommen war/ die
Tractaten zuvoll ziehen/ jetzt aber ſich ſperꝛete/ haͤtte man jhn wohl greiffen/ vnnd
ſich ſeiner Perſon verſichern moͤgen/ wie er ſelbſten wohl ſahe daß man fleiſſig jhme
auffwartete. Darumb ließ er die Verordnung thun/ daß den 24. Sept. ſeine
2300 Mann zu Fuß/ mit 230. Pferden außzogen/ vnnd der Koͤnig den folgen den
Tag den Einritt thaͤte. Darnach kam die Koͤnigin/ der Hertzog vnnd Cardinal
auß Lothringen/ auch die Princeſſin von Pfaltzburg/ dem Koͤnig die Haͤnde zukuͤſ-
ſen. Alſo wurd dieſe Statt/ ſo zum wenigſten 2. gantzer Jahr ſich haͤtte halten koͤn-
nen/ dem Koͤnig in vierzehen Tagen vberlieffert/ die er mit acht tauſendt auſſerle-
ſener Mannſchafft vnder dem Braſſac beſetzt/ mit aller Notturfft auff das kuͤnffti-
ge/ auch mit einem Citadelle, da die Bruͤck zwiſchen den Staͤtten liegt/ verwahren
ließ/ in dem er wieder nach Pariß abzoge.

Ehe dieſe Haͤndel zu End lieffen/ ſolten Altringer auß Teutſchland/ vnnd
Feria auß Jtalien bey Coſtnitz zuſammen ſtoſſen/ vnd durch das Elſaß in Lothrin-
gen durchbrechen/ darumb auch der Hertzog nach den Niederlanden gedachte/ ob
in ſechs oder acht Wochen der Winter ſchaͤrpffer wuͤrde/ vnd ſein Secours heran
kaͤme. Das hatte der Cardinal Riſcheliu zuvor geſehen/ vnnd deßwegen die
Schweden nach dem Elſaß vermoͤcht/ den la Force mit zwantzig tauſendt Mann
in Lothringen laſſend/ auff daß er den Hertzogen allenthalben hinderte/ auch den
Schweden genugſame Huͤlff zum Wiederſtand ſchickete. General Horn legt
ſich dem Feria in Weg/ vnnd wolte Coſtnitz einnemen/ muſte aber ablaſſen/ vnnd
die Conjunction verſtatten. Doch legt ſich Hertzog Bernhard von Weimar vor
Regenſpurg/ vnnd eroberts/ ſampt andern Orthen/ welches den Oeſterꝛeichiſchen
Zug nicht abwenden wollen. Alſo ſetzten ſie bey Baſel vber den Rhein/ vnnd
Horn vnnd Birckenfeld bogen jhnen vor bey Colmar/ vnnd hatten la Forco am
Ruͤcken. Darumb geſchah kein Treffen/ vnd muſte Feria nach Schwaben wie-
der gehen/ da jhm ſeine Voͤlcker zu nicht gemacht worden/ vnnd er ſelbſt geſtorben.
Auch nam der Koͤnig in ſeinen Schutz den Hertzogen von Wirtemberg/ vnnd den
Graffen von Hanaw Liechtenberg/ legt Voͤlcker in Mompelgard vnnd Bußwei-
ler vnd demuͤtigt den Hertzogen von Lothringen.

Die alte Koͤnigin hatte die zwey vorige Jahr dem Koͤnig allen Verdruß ge-
than: dannoch ſchickte jhr der Koͤnig/ als ſie kranck worden/ die zween beſten Me-
dicos in Pariß/ Rioland vnd Pietre, vnd ließ jmmer zu einen vom Adel ablauffen/
von jhrem Zuſtand Bericht zuhaben. Sie bezeugte jhr verlangen nach Pariß/
meldet aber/ ſie koͤnde den Chanteloupe nicht von ſich laſſen. Doch war dem
Koͤnig nicht zuwieder/ daß D’ Eibene ab vnd zu ritte: aber Puylaurens hindert alle
friedfertige Vorſchlaͤge: der Monſieur kond in Franckreich nicht ſicher ſeyn/ man
Lwuͤrde
[82]De Statu perturbato Franciæ.
wuͤrde jhm alſo bald Kundſchaffter an die beyde Seiten ſetzen/ wo er nicht gar nach
Bois de Vincennes muͤſte/ der Koͤnig begehrt ſeiner auß Forcht der Spanier: vnnd
tractiert mit dem Koͤnig/ als feines gleichen. Bald ſchickte der Koͤnig in Spa-
nien ein extraordinari Geſandten nach Franckreich/ vnnd begehrt/ Jhre Majeſtaͤt
wolten der alten Koͤnigin jhre vorige Stell vnnd Wuͤrde wieder einraumen: deß
Hertzogen von Orleans Heurath vor genehm halten: den Hertzogen von Loth-
ringen wieder einſetzen: vnnd ſich deß Teutſchen Weſens enthalten. Die Ant-
wort war/ daß der alten Koͤnigin Thuͤr vnnd Thor offen ſtuͤnden/ da ſie nur den
Staad nicht ferꝛner verwirꝛen wolte: der gemeldte Heurath gehoͤrte vor die Geiſt-
lichen/ vnd ſonderlich vor den Pabſt: die Reſtitution Lothringen koͤndte neben die
Navarꝛiſche geſetzt werden/ vnd ſo lang anſtehen: das Teutſche Weſen erforderte
den Schutz der Bunds Verwandten. Es wurd aber Monſieur endlich vber-
druͤſſig/ daß er ſolte warten/ biß nach Eroberung Philippsburg vnnd Trier/ auch
einiger gluͤcklichen Feldſchlacht/ das Kriegs Weſen den Hertzogen in Lothringen
wieder in ſein Land vnd Veſten ſetzte/ vnnd dann der Krieg in Franckreich gefuͤhrt
wuͤrde. Zu deme ſahe er wohl/ daß neben den Complimenten nichts wuͤrcklichs
erfolgte/ vnnd wie das Spaniſche Weſen nach abgemeſſenem Schritt hertrabete/
alſo daß er ein geringes anſehen haben ſolte/ vnd jhnen zum Schein dienete/ jhren
Nutzen zuthun. Darumb nahm er ſich einer Jagt an/ vnd kam zum Koͤnig/ der
jhn mit ſondern Frewden wieder auff vnd angenommen. Vber Zeit muſte Puy-
laurens ſeiner Boßheit Belohnung auch darvon tragen/ ſonderlich da er ſich in
die loſe Haͤndel deß Graffen von Soiſſon eingemiſcht.

Wie hoch dem Cardinal ſey angelegen geweſen/ daß die alte Koͤnigin jhm
feind worden/ bezeugt dieſes Schreiben an Sie: Madame, Mir iſt bekand/ daß
meine/ oder viel mehr deß Staadsfeinde ſich darmit nicht vergnuͤgen laſſen/
wann ſie bey ewrer Majeſtaͤt mich verkleinern/ ſondern wollen mein Auffenthalt
bey dem Koͤnig auch verdaͤchtig machen/ als wann ich nim̃er zu jhm kaͤme/ dann
euch von jhm zuhalten/ vnd was Gott vnd die Natur zuſam gefuͤgt haben/ zutren-
nen. Nun hoffe ich zu der Guͤte GOttes/ jhre Boßheit werde dermahl eins of-
fenbar werden/ daß mein thun vnnd laſſen vber kurtz ſich ſelbſt rechtfertige/ vnnd
daß meine Vnſchuld vber die Verleumbdung eriumphire. Nicht daß ich mich
deßwegen nicht vor vngluͤcklich/ ja ſelbſt vor ſtraͤfflich halte/ weilich ewrer Maje-
ſtaͤt nicht laͤnger mag gefallen: nicht daß ich mein eygen Leben nicht ſolt in dieſem
Stand haſſen/ da ich ewrer Gunſten vnnd Gnaden/ vnnd der jenigen Wuͤrde be-
raubt bin/ die ich weit hoͤher liebte/ dann alle Hoheiten der Welt/ welche ich alle
von ewrer miltreichen Hand empfangen/ vnnd hiemit zu ewren Fuͤſſen demuͤtig
erniedrige. Entſchuldigt ſelbſt/ Madame, ewer Werck vnd Creatur: alles was
von ewrem Koͤniglichen Humor herkompt/ werd ich ohne murꝛen annemen/ vnd
mit tauſent Segen thun vnnd halten: aber Madame, ſchonet doch auß Gnaden/
durch
[83]De Statu perturbato Franciæ.
durch die jenige Pietaͤt/ ſo euch angebohren iſt/ dieſes purpern Kirchenrocks/ mit
welchem jhr mich bekleidet habt: dann derſelb wird ſein Glantz vnnd Herꝛlichkeit
verlieren/ wann ewre Majeſtaͤt ein ſo ſchwartzen Flecken darauff druckt. Wie
kan es zugehen/ daß die allerhoͤchſte Pflicht zur Vndanckbarkeit werde: daß mein
Gewiſſen/ mein eygener Nutzen/ vnnd mein allererſte Zuneygung mich an ewren
Dienſt binden/ vnnd daß ich zu keinem andern Vortheil mich davon reiſſe/ als daß
ich den Namen erlange/ ich hab mein allerbeſte/ vnnd die allergroͤſte Konigin auff
dem Erdboden verachtet? dieſes wohlbetrachtet/ Madame, ſolte mich alles La-
ſters vnnd Argwohns vor ewrem Gericht ledig zehlen/ der ich ſchier ehe verurtheilt/
als gehoͤrt worden. Dannoch appellireich nicht darvon/ dieweil ich mich zum
euſſerſten an allen ewren Willen verbunden. Darumb vnderſchreib ich mein
eygen Vngluͤck/ vnd begehr mit meiner gnaͤdigen Frawen nicht ein Wort zuver-
lieren/ noch auch jhres Thuns Vrſach zubegehren. Auch dencke ich eben wenig
an meinem Herꝛn vnd Koͤnig/ oder an deſſen Offteirern ein Rücken zuhaben/ noch
mich wieder den Strom ewrer Vnguad auff das zu ruͤck dencken/ meiner vorigen
Dienſten zuſteiffen. Dann ſolche Gedancken waͤren criminal/ vnnd dem jeni-
gen Humor gantz zuwieder/ den ich jederzeit ſehen laſſen/ daß ich nemblich in der
Trew meine Ehr ſuche. Noch weniger begehrich mein erbaͤrmliches Gluͤck in
Franckreich biß ans End zuſchleppen/ oder nach Rom zutragen/ damit ich daſelbſt
noch mehrelendigern Fall ſehe/ als den meinen. Dann ich werde allenthalben/
wo ewre Majeſtaͤt nicht iſt/ vberdruͤſſig ſeyn/ vnd wann mir nicht vergoͤnt wird/ ſie
anzuſchawen/ hab ich kein verlangen/ als nach dem Todt. Doch moͤcht ich/ vmb
meiner Reputation willen/ vnd wegen meiner Stell im Hauſe Gottes/ wünſchen/
daß zu vor meine Vnſchuld erkand wuͤrde/ vnnd wann es nicht zuviel Vermeſſen-
heit iſt/ daß ich zuvor ewer Gunſt vnnd Gnad wieder erwürbe. Wann ich dieſes
erlange/ will ich mich nicht klagen/ vom Hoff/ ja auß der Welt zugehen: auch ſterb
ich eauſent mahl deß Tags/ von der Zeit an/ daß ewre Majeſtaͤt ſich ſtellet/ als waͤr
ich nicht mehr wer ich bin/ nemblich Madame, ewrer Majeſtaͤt Vnderthaͤnigſter/
Getreweſter vnd Gehorſambſter Diener Armand Cardinal von Riſcheliu.

Wie gut es der Cardinal mit dem Staad gemeynt/ erwieſe er vor Roſchel-
len/ da er ſein Geſchmeid/ biß an den Biſchoffsring/ zu deß Koͤnigs Dienſten ver-
ſetzet. Als der Koͤnig zu Lyon Todkranck war/ gab er zum Jtalianiſchen Krieg
alles was er an Baarſchafft hatte/ nemlich zwey mahl hundert tauſent Kronen/
vnd nahm noch mehr auff Jntereſſe/ in ſeinem Namen. Wie fleiſſig wachte er/
als der Graff von Soiſſons mit dem Hertzogen von Bovillon den Staad anfie-
len/ daß auch Aire daruͤber vergeblich wurdeingenommen/ der Hertzog von Bo-
villon aber/ nach deſſen von Soiſſons Todt gewonnen/ vnd Sedan zu einem veſten
Graͤntzhauß gemacht? Alſo legt er Kriegsvoͤlcker vmb den Staad/ daß eine Ar-
mee die andere eilend bereychen koͤnnen: alſo wurd Leucate erobert/ die Jnſeln
L ijS. Ho-
[84]De Statu perturbato Franciæ.
S. Honorat vnd S. Margrethen gewonnen/ ob es ſchon vnmuͤgliche Dieng ſchie-
nen. Bey Genua erhielten wenig Frantzoſen das Treffen zur See/ gegen vielen
Spaniern. Mit Huͤlff der Frantzoſen wurd Piccolhouminigeſchlagen/ Hertzog
Bernhard von Weimar gewann ſo viel Schlachten/ lieffert ſo viel gefangene Ge-
nerals Perſonen/ vbermeiſtert ſo manche Statt vnnd nothveſtes Schloß/ ſonder-
lich Rheinfelden vnnd Breyſach/ daß ſein fruͤhzeitiger Todt die groſſe Monarchy
vor endlichem Vndergang hat befreyet. Der Hertzog von Longueville griff jhm
redlich vnder die Arm. Heſdin muſt ſich ergeben/ vnnd Arꝛas den Reimen vber
dem Statt Thor mit ſchanden auß loͤſchen. Bajame hielt nur 10. Tag.

Wie aber vnder deſſen der Hertzog von Saphoyen geſtorben/ wolt Spanien
die Verwaltung an ſich ziehen/ vnnd nahm etliche Orth ein/ ſo wohl mit Gewalt/
als mit Willen. Darumb befand der Cardinal rahtſam/ daß der Koͤnig ſeiner
Schweſter/ deß jungen Hertzogen vnd Erben Mutter zu Huͤlff kaͤme. Alſo wurd
der Graff von Harcourt mit einer Armee vber das Gebuͤrg commandirt/ der er-
hielt alſo bald das flache Feld: wurd bey Caſal dreymahl zu ruͤck geſchlagen/ vnnd
drang zu letzt durch: belaͤgert die Statt Turino weil das Schloß noch hielte/ vnnd
bezwang ſie/ wie auch Seue vnnd Cony, welcher geſtalt der Feind von auſſen wurd
abgehalten/ vnd der Auffſtand von jenen verhindert. Wie auch die Catalannier
der Caſtillianer Joch abgeworffen/ vnnd mit dem Cardinal im Namen deß Koͤ-
nigs tractirt vnd geſchloſſen hatten/ zog der Koͤnig in die Graffſchafft Rouſſillon,
jhnen bey der erworbenen Freyheit Huͤlff zuleyſten: vnd da der Marſchalck Meil-
leray Colieure eingenommen hatte/ legt ſich der Koͤnig vor Perpignan, ein vnuͤ-
berwindliche Veſtung/ vnnd er oberts in kurtzer Zeit/ darvor Franciſcus I. muͤſſen
abziehen. Als la Motthe-Haudancourt bey Pauare in Catalaunien/ vnd Gue-
brian bey Coͤln in Teutſchland ob geſieget erlangten ſie beyde/ durch deß Cardinals
gutachten/ den Marſchalckſtab. Auch ſchlug Bresè die Spaniſche Floth bey Bar-
cellona/ vnd abermahl bey Cadis. Vnder wehrender Belaͤgerung gab es abermahl
Anſchlaͤge auff deß Koͤnigs Perſon/ vnd auff den Staad/ welche der Cardinal zu
nicht gemacht/ der Koͤnig aber mit dem Leben an etlichen geſtrafft hatt. Wie nun
der alten Koͤnigin Practicken durch deß Cardinals Wachtſambkeit alle zu nicht
wurden/ auch der Monſieur/ wegen deß jungen Dauphins ſtill zuwerden/ wolte
die alte Koͤnigin nicht laͤnger zu Bruͤſſel bleiben/ macht ſich nach Engelland/ hatte
daſelbſt wenig belieben/ kam durch Holland/ vnnd wurd mit vbergroſſen Ehren al-
lenthalben empfangen/ ſetzt ſich nach Coͤlln/ vnnd ſtarb halb von Vnmuth/ daß ſie
ſich haͤtte wieder den Koͤnig verleyten vnd zur Beyſorg einiger Vergifftung bere-
den laſſen. Als der Cardinal die Zeitung bekam/ erholt er eben ſich ein wenig von
ſeiner Kranckheit zu Taraſcon, ließ jhr ein Seelmeß thun/ vnnd wohnt derſelben
ſelbſt andaͤchtig bey.

Jn Teutſchland wolte das Gluͤck den Schweden den Ruͤcken kehren/ alſo
daß
[85]De Statu perturbato Franciæ.
daß hernach die gantze Laſt waͤr auff Franckreich gefallen. Darumb thaͤt der
Cardinal ſein euſſerſtes/ daß er nach deß Generaliſſimi Banners todt den Tor-
ſtenſohn ins Ampt brachte/ welcher die Kayſeriſchen ſchier an dem Orth/ da Tilly
das Haupt Treffen gegen dem Koͤnig auß Schweden verlohren/ auff das Haupt
geſchlagen/ vnnd mit dieſem Streich die Parthey wieder erhoben. Dann weil
das Hauß Oeſterꝛeich ſeine Macht nur in Teutſchland hatt/ gedachte der Cardi-
nal/ jhm ein Feind auff Teutſchem Boden zu vnderhalten/ auff daß die Frantzoſen
jhr Pferd an deß Nachbarn Zann binden koͤndten: ja man muͤſte dem Außlaͤndi-
ſchen keinen Fuß geſtatten/ ſondern jhn vber Kopff vnnd Halß wieder außjagen:
welches Gallas zum erſten mag mit den Schweden/ nach deſſelben Koͤnigs Tod
vberſehen haben. Endlich ſolte dieſer groſſe Politicus dieſe Welt geſegnen/ ver-
nahm doch ſiegreiche Zeitungen von allen Enden her/ vnnd war zwar wieder nach
Pariß kommen/ ſchlug aber wieder zu Ruͤck/ vnd verſtarb ſehr ſanfft in vollen Eh-
ren/ auch allen Gnaden ſeines Herꝛn vnd Koͤnigs/ welches derſelb mit etlichen ver-
goſſenen Thraͤnen genugſam bezeugete/ im 58. Jahr ſeines Alters/ Anno 1642. den
4. Decemb. Man begrub jhn im Cloſter der Sorbonna/ da er laͤngſt ſein Grab
laſſen auffrichten. Der Koͤnig ließ allen ſeinen Anverwanden ſeinen Schutz an-
melden/ behielt in Dienſten/ wen er darzu befoͤrdert hatte/ ſonderlich den Cardinal
Mazarini/ von deſſen Herkommen vnnd Dienſten wir zumelden haben/ wann die
Zeit ſeines außweichens vns darzu beſſere Gelegenheit wird geben. Wenden vns
derowegen auß Franckreich wieder auff Teutſchland/ vnnd erinnern allein dieſes/
daß man zwar gemeynt/ wann ein/ oder zwey paar Augen in Franckreich zugien-
gen/ wie dann der Koͤnig nach dem Cardinal von Riſcheliu nicht lang gelebt hat/
würde es vbergroſſe Veraͤnderungen abgeben: der Cardinal Mazarini aber den
vorigen Strich ſolcher geſtalt gehalten/ vnd daß Ruder alſo gefuͤhret/ daß al-
le vorige Buͤndnuſſen beſtaͤndig blieben/ vnd endlich zum Frie-
den in Jtalien vnd Teutſchland außgeſchla-
gen ſind.

Der 9. Diſcurß.

Der 10. Diſcurß.

ALlergnaͤdigſter Koͤnig/ ꝛc. Ewer beaͤngſtigtes vnnd von
den Waffen bedruͤcktes Pariſiſches Parlament/ fertigt ab dieſe vnderthaͤ-
nigſte Supplication. Allergnaͤdigſter Koͤnig/ wie die vnerſchoͤpffte Verſe-
hung GOttes die Kron ſetzte/ bey denen annoch zahrten Jahren hat gantz Franck-
reich einhellig vnd wohlbedacht dahin geſtimmet/ daß der Fraw Mutter die Ver-
waltung vber Ewre Perſon anvertrawet wurde/ (Krafft Muͤtterlichem Hertzen)
deſſen am beſten warten/ auch nicht zugeben/ daß ein eintziger Particulier/ zur v-
bermaͤſſigen Gewalt/ (der Koͤniglichen Hoheit zum Nachtheil) ſich erhůbe. Vnd
das deſto mehr/ weil Ewre Fraw Mutter/ bey wehrender Ehe an zweyen merckli-
chen Exempeln/ nemblich deß Marſchalcken D. Ancre, vnnd deß Cardinals von
Richeliu geſehen/ wie vbel es ſtehe/ wann ein Vnderthan zu vbermaͤſſigem Anſe-
hen gelangete/ ja wie dadurch alles vmbgekehret vnd Recht vnnd Gerechtigkeit zur
Erden verſtoſſen werde. Diß Bedencken war vns/ Gnaͤdige Fraw ein ſicheres
Pfand/ daß wir vnder ewer Regierung in dergleichen Vnweſen nicht koͤndten ge-
rathen. Wie es aber allen frommen Hertzen ergehet/ daß ſie ſich vor den Tů-
cken vnd ſchaͤdlich- ſuͤſſen Giffts der Boßhafftigen nicht koͤnnen genugſam vorſe-
hen: Alſo iſt es vns auch mit den freffelen Thaten vnd Vornehmen deß Cardinal
Mazarini ergangen. Welcher gantz boßhafftig/ (nachfolgend den Fußſtapffen
ſeines Vorgaͤngers vnnd Vnderweiſers deß Cardinals Richeliu) ſein gantzes
Thun dahin geſtellet/ wie er das allerhoͤchſte Anſehen gewaltſamer weiß nicht oh-
nen Schaden deß gantzen Lands ſich gebrauchen moͤchte.

Dann die der Majeſtaͤt einen Eingriff thun/ die hemmen den Nutzen deß
Oberhaupts/ wie dann ſolches ſich bey dem Cardinal Mazarini auch befunden/
welcher eine frembde vnnd dem gantzen Reich entgegen ſtehende Policey/ auff die
Bahn gebracht/ den wahren Nutzen deß Staats in den Wind geſchlagen/ die
Kriege fortgeſetzet/ den Frieden weit verlegt/ ꝛc. vnd alles im gantzen Reich verkeh-
ret/ wie die vor Lerida/ Cremana/ Courtrick beſchehene Haͤndel gnug bezeugen.
Ja man kan auß ſeinem Verfahren von ſtuͤck zu ſtuͤck ſchlieſſen/ daß er gedachtes
Franckreich mit Spaniern zu theilen/ Vorhabens iſt.

Der einige vnermeßliche Schatz/ den er zur See durch gebracht/ vnd nie kei-
ne Rechnung daruͤber gethan/ vberzeuget jhn mehr/ dann zuviel ſeiner Vntrew.
Man ſehe an die Anzahl ſeiner Beampten/ welche rechte Blutjgel ſeyn. Mehr
dann 80. Millionen hat er deß Jahres gehoben vnnd 150. Millionen Schulden
auff vns gemacht. Die veruͤbte Gewaltſambkeiten an dem Hertzog Beaufort.
Wie auch an den Marſchalck von der Motten Haudankurt vnnd vnderſchiedenen
mehr Beampten deß groſſen Rahts vnnd Huͤlff Hoffs/ freffentlich vollenzogen/
ruffen mit vollem Halſe ſein tuͤckiſches vnd buͤbiſches Vorhaben auß.

Wollen aber vnderthaͤnig gebeten haben/ Allergnaͤdigſter Koͤnig/ daß jhr
in acht nehmen/ wie ewer Parlament die dickſte vnd ſicherſte Mawr iſt/ ewer An-
ſehen zubeſchuͤtzen/ vnnd wie man darnach ziehlete/ daß die Ordnung der Succeſ-
ſion bey der Cron moͤchte geendert werden/ hat ſich dieſes Parlament/ darwieder
mit groſſem Ernſt gelegt. Aber der Cardinal Mazarin hat Ewer May. gnaͤdige
Fraw boß hafftig vberꝛedet/ daß ſie wie der jhre angebohrne Mildigkeit/ ſchmaͤhli-
cher weiſe mit der ench allzeit trew vnnd hold geweſenen Geſellſchafft/ verfahren.
Daß der Præſident Bavillion gefaͤnglich eingezogen/ auff eine Veſtung anſſer-
halb dem Koͤnigreich gefuͤhret vnnd bald darauff todes verblichen/ iſt ein Zeichen
einer groſſen Gewaltſambkeit/ vnd eine der allergrewlichſten Thaten. Aber hie-
durch iſt dieſe loͤbliche Geſellſchafft/ nicht geſchrecket/ ſondern vielmehr bewogen
worden/ nach den Vrſachen/ ſolcher Gewaltuͤbungen vnd andere Vnordnung zu
forſchen/ vnd auff Mittel zudencken/ wie man ſolches moͤchte ſperꝛen vnnd endern.
Jſt auch beſchehen/ dann der Dienſt/ den wir Ewer Koͤniglichen Mayeſtaͤt gethan
haben/ Allergnaͤdigſter Koͤnig/ in dem wir Ewre Vnderthanen erleichtert/ vnnd
euch in den Beſitz Ewers Einkommens wieder eingeſetzt/ iſt demſelben Vnheil
vorgekommen/ hat aber den Haß bey dem Cardinal Mazarin/ wieder Ewer Par-
lament angezuͤndet/ weil Er ſpuͤhret daß daſſelbe ſeiner Tyranney im Wege ſtuͤn-
de. Dahero hat man ſo vnbillich vnnd gewaltſamb mit dieſem Parlament gehan-
delt: man het viele Rechts Verwandten in Bann gethan/ zweene der Vornemb-
ſten/ hat man an dem Tag/ welcher wegen verliehen Gluͤcks im Felde zur Frewde
beſtimmet war/ gefaͤnglich einziehen laſſen. Welches man billich haͤlt vor ein
verdampliches/ grawſames vnd Blindliches beginnen. Ob nun gleich dieſes bald
vnderbrochen/ ſo hat er doch ſeinen einmahl gefaſten Zorn hingelegt/ ſondern heff-
tiger/ wie wohl verdeckter weiſe/ fortgeſetzet/ vnd darnach getrachtet/ daß er Pariß/
das Haupt anderer Staͤtten vnd Parlamentern deß gantzen Koͤnigreichs moͤchte
zu Boden legen. Daß er ſich mit den Frembden vnd Feinden ſchon verglichen iſt
ſcheinbar. Weil er die Beſatzung/ von den Graͤntzen eben zu der Zeit/ da die Fein-
de ingewaltiger Kriegs Verfaſſungen ſtehen/ an ſich ziehet/ vnnd die Vnruh im
Koͤnigreich verſchafft/ welches die Spanier jederzeit zum hoͤchſten begehrt haben.
Ewer Mayeſtaͤt hat Er weggefuͤher durch Vbereilung/ die Haupt Leuthe vber
ewre
[107]De Statu perturbato Franciæ.
ewre Leibquardi/ die doch redliche Leuthe ſind/ von euch gethan. Zwey Schrei-
ben hat er in das Statthauß vberſand vnnd darein befohlen/ man ſoll mit vns/ als
mit Beſchuldigten der verletzten Mayeſtaͤt vmbgehen/ welches auffs wenigſte da-
hin ziehlete/ daß vns das Volck ſolte in Stuͤcke zerꝛeiſſen/ oder ein allgemein
Blutbad vnd Metzgen in der Statt Pariß vervrſachten.

Da ſihet man ja offenbahr ſeine Barbariſche vnd verderbliche Rahtſchluͤſ-
ſe. Allergnaͤdigſter Koͤnig/ wir beruffen alle vnd jede rechtſchaffene Frantzoͤſiſche
Gemuͤther/ daß ſie vnſer Meynung vnd vnſer Thun/ (den Vrheber alles dieſes
Vbels ſchleunig zuſtuͤrtzen/ ewer Perſon auß ſeinen Haͤnden zu erꝛetten/ vnnd
ewern Staad vor endlichem Vndergang abzuwenden) beyfall geben/ ꝛc. dann ge-
ſchicht das nicht ſo iſts mit Franckreich verlohren.

Darauß ewer Mayeſtaͤt vrtheilen kan/ zu welchen Extremitaͤten der Car-
dinal euch gebracht habe: Wir befinden vns in mitten in dieſer gefaͤhrlichen Vn-
ruhe/ verpflicht/ daß wir vor ewer Mayeſtaͤt vnd gantz Franckreich vnſer verſahren
rechtfertigen/ koͤnnen auch der Gerechtigkeit hierein ein Genuͤgen thun/ den Vn-
derthanen eine Erleichterung zuſchaffen/ hat vns bewogen Hand anzulegen/ vnd
dem Auffſtand vorzubawen. Die Tyranney deß Cardinals Mazarini abzu-
ſtraffen ſeyn alle Geſetze viel zu ſchwach/ zu zweyen mahlen/ haben wir vns durch
Goͤttliche Gnadenhand von ſolchen toͤdtlichen Kranckheiten entlediget geſehen/
haͤtten auch dißmal gleiche Huͤlffe erwartet vnd nichts wieder den Cardinal Ma-
zarini vorgenommen/ wann wir zu vnſer eygenen Vertheidigung/ vnnd zu ewer
Dienſten hierzu nicht weren genoͤthiget worden.

Wir haben/ dieſem Vngluͤck vorzubawen/ alſobald verordnet an ewre beyde
Mayeſtaͤten/ die General Advocaten vnd Procuratorn/ als betagte/ redliche vnnd
taugliche Perſonen/ welche befehlicht waren/ die Sache auff eine Linderung zu-
bringen: Aberjhre zuruͤck Kunfft/ wieſe auß daß der Mazarini ſeinen alten Groll
nicht hatte hingelegt/ in dem er die Deputierte mit harten Worten angefahren/
mitten in der Nacht dieſelben abgefertiget/ da ſie wieder ankommen/ vns berich-
teten wie die Statt mit Kriegs Voͤlckern vmbleget waͤre/ konde ewer Parlament
nicht anders/ als vnder zweyen eins faſſen: entweder die Gewalt ſamkeit mit Ge-
dult ertragen/ oder/ zu gemeiner Erhaltung/ die Waffen zuergreiffen. Da war
nun noͤthig/ daß man den Cardinal Mazarini vor Ewer Mayeſtaͤt vnd deß gemei-
nen Weſens Feind erkande damit/ (wir kaͤmen vmb oder wir ſtelleten vns zur Ge-
genwehr) die gantze Welt mochte wiſſen/ daß was zubeſchuͤtzen beſchehe: wir vns
wehren ſolten/ es gleicher Geſtalt kund wer/ daß wir es wieder ein Tyrannen/ vnd
gar nicht wider vnſern Herꝛn/ vnder deſſen Namen wir auff den Knien ſitzen/ vnd
vor welchen wir kein andere Gedancken/ als deß Gehorſambs haben/ zu thun
ſey.

Ohne dieſe Erklaͤrung ſolte entweder vnſer Verderben/ die Reputation
O ijEwer
[108]De Statu perturbato Franciæ.
Ewer Mayeſtaͤt vervnehret/ oder vnſer Gegenwehr vns zu ewigen Tagen mit ei-
nem laſterhafften Schandflecken bedeckt haben. Wann wir aber keine ander
Empfindlichkeit/ als den Verluſt vnſers Vermoͤgens vnnd vnſers Lebens gehabt
haͤtten/ welchem wir durch vnſere Zuneigungen leichtlich dahin gebracht/ daß wir
die Parthey deß Leydeus angenommen/ vnnd alles das vnſerige/ wie auch der vn-
ſern Mit Burger/ gern den Reſpect/ den wir gegen Ewrem Namen/ vnnd gegen
Ewrem Arm/ der den Streich that/ vnnd nicht betrachtete/ wer das Verbrechen
thaͤte/ auff geopffert vnnd gegeben hatten/ wie ſchroͤcklich er ſeyn moͤcht/ koͤndte mit
ſeinem Geplarꝛ/ vnnd allergrewlichſten Bereitſchafft vns nicht ſo viel Forcht ein-
jagen/ als der geringſte Fehler alles das jenige zubeobachten/ vnnd gehorſamblich
zuverꝛichten/ was E. Hoheit mitbringt. Vnnd ob ſchon das Geſetz der Natur/
das viel aͤlter vnnd weit vnvmbſchriebener iſt als alle andere/ vns alle recht maͤſſige
Mittel zur Erhaltnng deſſen/ daß ſie vns reichlich gegeben/ an die Hand legt: Wir
auch deßwegen/ ein ſolche Marter vor vnverſchuld erachtet haͤtten/ die weder Ew-
ren noch deß Staads Vndergang vnvermeyden tlicher Weiß nach ſich zoͤge: wol-
ten wir lieber den Todt erleyden/ als der Statur Privilegium zu vnſer Gegenwehr
wider die Waffen/ ſo vnder dem Namen vnſers Allerhoͤchſten Herꝛn gefuͤhrt wer-
den/ gebrauchen.

Allergnaͤdigſter Koͤnig/ deß Koͤnigreichs Wohlfahrt iſt die einige Vrſach
vnſer gegenwehr/ vnnd vnſers Spruchs/ welcher verordnet/ daß die Statt Pariß
die Waffen ergreiffe: Vnd gar nicht vnſer abſonderliche Wolfahrt das fuͤrnemb-
ſie abſehen bey dieſer Begebenheit/ weil wir dieſelbe nicht anderſt/ als ein noth-
wendiges Mittel der Ewern betrachten. Dahin richten wir/ Allergnaͤdigſter Koͤ-
nig/ vnſern beſten Wunſch/ dahin gelangen vnſere Waffen/ vnd wollen auſſerhalb
deſſen nimmermehr kein andere Euch zuwiderſtehen/ als bitten vnd flehen/ welches
die einige rechtmaͤſſige/ aber doch ſehr maͤchtige Waffen/ der Vnderthanen/ die
Koͤnige auff Erden zubewegen/ vnd jhm ſelbſt biß in dem Himmel droben Gewalt
anzulegen/ von Gott verliehen ſind/ es iſt auch dran gelegen/ daß Ewer Voͤlcker
wiſſen/ wie wir keine Haͤnd haben/ vns Ewer May zu widerſetzen/ vnnd daß dieſel-
ben die jhrige vber vns nimmer/ als zu Gutthaten außſtreckt/ alſo daß man jhr nit
mehr Theil am grewlichen vorhaben/ daß man außſtreckt/ alſo daß man jhr nicht
mehr Theil am grewlichen vorhaben/ das man wider vns will vollziehen/ kan
zulegen/ als man ohne Laſter an ſeinen Thaten der Gnad vnnd Guͤte nicht finden
kan.

Nehmt derwegen/ wann es Euch gefaͤlt/ vnſern Vorſatz an/ daß wir zu den
Waffen greiffen/ nicht als ein Werck der Rebellton/ ſondern als ein Nachtruck
vnſer Schuldigkeit. Wir ſolten vns in dieſer Extremjtaͤt nicht wehren/ wann
wir es ohne Nachred vnderlaſſen/ vnnd damit der Nachred vor GOtt vnnd den
Menſchen/ als die wir vnſern Koͤnig verzagter Weiſe durch ein falſchen Eyfer vol-
ler
[109]De Statu perturbato Franciæ.
ler Vnwiſſenheit verlaſſen/ vberhaben ſeyn koͤnden: darumb daß der jenige/ der
vns vnderdruckt/ Ewer Mayeſtaͤt hernach zuverderben/ ſich in dero Namen vnnd
Anſehen verkleidet. Aber gnaͤdigſter Koͤnig/ nach dem wir Ewer Mayeſtaͤt auß
was Vrſachen wir ſolche Reſolution gefaſt/ vnd ein ſolchen Spruch ergehen laſ-
ſen/ welcher kein andern Zweck/ als Ewer Mayſt. Wolfahrt hat/ dieſe Rechnung
vnd Verantwortung gethan haben/ iſt nichts vbrig/ als daß wir Ewer beyde Ma-
yeſt. zum aller vnderthaͤnigſten bitten/ daß es jhnen beliebe: ſolche durch Jhr Gut-
heiſſen zubekraͤfftigen/ vnnd dadurch den vngleichen Rathſchluß deß Cardinals
Mazarin verdammen: weil er ſich auch von Ewerm Hoff nit gethan hat/ jhu der
Juſtitz zuvberlieffern/ damit ein mercklich Exempel/ ſo auff die Poſterltaͤt bleibe/
an jhm/ vnſere Koͤnige zu ewigen Zeiten vor ein ſocher Vergewaltigung/ deren er
ſchuldig iſt/ zuverwahren/ ſtatuirt werde.

Alſo werden Ewer beyde Mayeſtaͤt den Staad in Ruh jhre Perſonen/ vnnd
die gemeine Wohlfahrt in Sicherheit/ Franckreich anſſer ſichtbarlicher Gefahr ei-
nes Vberfalls oder Vertheilung vnder dieſem Hauß feind/ vnd den Frembden ſe-
tzen/ ſo werden alle Frantzoſen mit einmuͤthigen Geiſt ſich widerzuſammen thun/
vnd Spanien dahin zwingen/ daß es zu dem/ von der gantzen Chriſtenheit hoͤchſt
gewuͤnſchten Fried/ der auch dem guten Gluͤck Ewern Voͤlckern ſo noͤthig iſt/ ver-
ſtehe. Gnaͤdige Fraw/ wann Jhr nach dieſer Erinnerung/ vnd vnderthaͤntgſten
Supplication/ ſo mit Beſtimmung aller trewen Frantzoſen vnderſtuͤtzt iſt/ den
Cardinal Mazarin laͤnger auffhaltet: So erlaubt vns Ewer Mayſt. zuſagen/ daß
ſie vor Gott vnd vor den Menſchen haben/ daß deß Koͤnigs Perſon/ ſo vnverwege-
ner Weiß verfuͤhret worden/ vnd wegen deß Staads/ welchen Franckreich Euch
zu trewen Haͤnden hat vberlieffert/ werden zuverantworten haben. Auch koͤnnen
wir kein Mißtrawen hoffen/ daß wir nicht Meinem Herꝛn/ dem Hertzog von Or-
leans/ vnd Meinem Herꝛn/ dem Printzen von Conde vngleich thaͤten/ als wann ſie
Euch zu ſolcher Reſolution braͤchten/ oder auch vrtheilen/ als haͤtten bey gegenwaͤr-
tiger Gelegenheit einigen andern Sinn/ dann Ewerm Befelch ein blinden Ge-
horſamb zuleyſten/ die nicht mehr Kundſchafft von dem Vrheber/ noch von den
Vrſachen deß gegebenen Rathſchluſſes/ als von den erdichten Zeitungen/ die ab-
ſchewliche Verlaͤumbdung wider die Beampten deß Parlaments anzuſtellen/ be-
kommen haben: Ja wir ſolten jhnen ein vngleiches Vrtheil faſſen/ wann wir nicht
meynten/ daß gedachte Printzen Ewer beyden Mayeſt. mehr ſie wider deß Cardi-
nals Mazarin/ als deſſelben Grund verderbliches Vorhaben zubefoͤrdern/ gefol-
get haͤtten: Welches nicht weniger jhrem Herkommen vngemaͤß vnd verkleiner-
lich/ als vnſer Einbildung von deren Zuneigung zuwider waͤre.

Wie wir aber nicht zweiffeln: Es werde E. beyde Mayeſt. der Juſtitz/ deren
warhafften Nutzen/ deß Staads Beſchaffenheit/ vnd ſo viel Thraͤnen/ die der elen-
den ruffende Stimmen ſind/ was wir/ durch vnſere vnderthaͤnigſte Supplicatio-
O iijnen
[110]De Statu perturbato Franciæ.
nen ſo jnſtaͤndig begehren/ widerfahren laſſen: So verſichern wir Sie im Namen
aller redlichen Hertzen/ daß auff ein ſolch Werck lauter Frewdengehell/ gemeines
Gluͤckwuͤnſchen/ vnd Segen von Gott erfolgen werde. Vnd wir bezeugen hie-
mit/ Allergnaͤdigſter Koͤnig/ daß alſo bald Ewer Parlament/ alle Hoͤffe Geſell-
ſchafften/ vnnd die trewe Statt Pariß zu Ewren Füſſen/ das Geluͤbd eines voll-
kommenen Gehorſambs bey Euch auff ein newes abzulegen/ niederfallen
werden.

Alſo geb Gott/ daß jhr vnſere gnaͤdige Fraw das groſſe Werck der Erhal-
tung dieſes maͤchtigen Koͤnigreichs das Gott euch in die Hand geſtellt/ wuͤrdiglich
vollfuͤhren: auch dem Franckreich die Ruhe ſampt allem erſprießlichen Erfolg/
deß ſeligen Friedens verſchaffen moͤget: vnd die Regierung der guten vnd tugend-
ſamen Muͤttern in Ewigkeit loben koͤnne. Dieſes wuͤndſchet Allergnaͤdigſter
Koͤnig/ alles was in Franckreich Euch getrew iſt/ neben dem vnderthaͤnigſten
Vortrag der Beampten deß Parlaments: Welche dann nicht koͤnnen anderſt
ſeyn/ als Ewre vnderthaͤnigſte/ gehorſambſte vnnd getreweſte Vnderthanen vnnd
Diener. Zu Pariß im Parlament den 21. Jenner. 1649.

Der 11. Diſcurß.
Deß Parlaments Außſchreiben.
An
Die andere Parlament deß Koͤnigreichs vnder
dem 5. oder 15. Jan. 1649.

BVnſtige Herꝛn/

Wir erachten wohl/ daß jhr durch das gemeine Geſchrey werdet ven
ſtanden haben/ daß die nachkommende Zeiten ſchwerlich glauben koͤnnen
daß nemblich zu der Zeit/ als man gute Hoffnung hatte/ daß auff die Erklaͤrung
die wir zuwegen gebracht/ einiger gute Nachtruck erfolgeu ſolte/ die Ordnung i[m]
Staad wider auffzurichten/ vnnd der Voͤlcker Elend abzuhelffen: Der Cardinal
Mazarin den Koͤnig zu zwey Vhren Nachmitternacht hat weggenommen/ vnnd
nunmehr die Statt laͤſt feindlich angreiffen: welches dann bey den Gemuͤthern
aller frommen Leuth eine Beſtuͤrtzung vnd Forcht vervrſacht. Eine ſo wunderſa-
me That
[111]De Statu perturbato Franciæ.
me That zu beſcheinen hat er an den Rumormeiſter der Kauffleuth/ vnnd die
Schoͤffen der Statt Pariß laſſen ein Schreiben abgehen/ in welchem er vns be-
ſchuldigt/ wir haͤtten Verſtand mit den Frembden/ vnnd wolten deß Koͤnigs Per-
ſon denſelben vberlieffern: welches ein Verleumbdung iſt/ die genugſamb von
jhr ſelbſt verſchwind/ derentwegen wir auch nit Noth haben vns zu entſchuldigen/
ſondern ſollen euch berichten/ daß gemelder Cardinal Mazarin kein andern Zweck
geſteckt/ als das Parlament der Statt Pariß zuvnderdrucken vnd zuvernichten/
auff daß er durch ein gemein Vnderdruckung die andere Parlament deß Koͤnig-
reichs jhm koͤnne vnderwerffen/ vnd ſeine Tyranney auffrichten/ wann er ſich zum
Herꝛn vber das Alleranſehnlichſte in dem Staad gemacht haͤtte. Welches dann
ſo gar vnrecht/ den Fundamentalgeſetzen dieſer Monarchy/ vnd dem Koͤnigl. An-
ſehen zuwider iſt/ daß wir vns verſichern/ jhr werdet euch nach ewrem gantzen Ver-
moͤgen/ ein ſo verderbliches Vorhaben/ zuhindern gebrauchen. Wir haben vn-
ſer Schuldigkeit ein genuͤgen zuthun/ ein Spruch laſſen ergehen/ durch welchen
der Cardinal Mazarin vor ein Zerſtoͤrer der gemeinen Ruhe/ vor ein Feind deß
Koͤnigs/ vnnd deſſen Staad offentlich erkant iſt/ die Voͤlcker vor falſch zubewah-
ren/ die ſich koͤndten durch Befelch/ ſo er vnder deß Koͤnigs Namen/ deſſen er viel
Jahr her mißbrauchet/ laͤſt ertheilen laſſen. Die Statt Pariß hat Kriegs Volck
angenommen/ vnd vnſer Herꝛ der Printz von Conty/ mit vielen andern Printzen/
Hertzogen vnd Pairs/ bemelten der Cron/ vnnd andere anſehnliche Perſonen ſind
vor das Parlament kommen/ vnd ſich erklaͤrt/ dem Koͤnig neben vns in dieſer Be-
gebenheit zu dienen/ vnd den Lauff deß Vorhabens gedachten Cardinals Maza-
rin zuhindern. Wir berichten euch/ was wir bißher gethan/ vnd wie der Handel
ſteht/ daß wir alle auch kein ander Abſehen haben/ als deß Koͤnigs Dienſt: Vnnd
hoffen/ es werde Ewer vnnd vnſer Verfahren ſich der geſtalt gleich finden/ daß es
erſchiene/ wie wir alle nur einen Sinn haben: vnnd wie wir ſchon zu Abwendung
einer ſolchen Vndertruckung die Mittel vorbereit/ zweiffeln wir gar nit/ jhr wer-
det nach ewrem beywohnenden klugen Verſtand auff das foͤrderlichſte zu vnſer
vnd ewer Erhaltung/ Vorſicht zuthun nicht vnderlaſſen. Wann wir dann alle zu
gleich auß einer Meynung das Werck treiben/ werden wir den Staad veſt ma-
chen/ vnnd einem Buͤrgerlichen Krieg auß keiner andern Vrſach/ als eines
Frembdlings Ehrgeitz entſteheu ſolte vorkommen. Wir geden-
cken auch eine vollkommene Verſtaͤndnuß mit euch
zu vnderhalten/ vnd ver-
bleiben.

Vnderzeichnet von Tilliet.

Der 12. Diſcurß.
Der Fuͤrſten vnnd groſſen Herꝛn
Vereinigung/
Wider
Den Cardinal Mazarin.

NAch dem wir kein andern Vorſatz als den Staad/ ne-
ben dem Koͤniglichen Anſehen in ſeiner Hoheit vnnd Glantz/ ſo alle trewe
Vnderthanen zu Handhaben ſchuldig ſind/ zuerhalten gehabt: vnnd er-
kannt/ daß deß Cardinals Mazarin Verwaltung/ ſo ſich durch vnendlich viel
Gottloſe vnd gewaltſame Haͤndel beſchmitzt gemacht/ welche auſſer allem Zweif-
fel den Vndergang vnd Zerꝛuͤttung/ auch Ernidrigung gedachtes Staads ver-
vrſacht haͤtte/ fuͤrnemblich bey der Vnderdruckung/ ſo bekandtlich wider die Aller-
hoͤchſte Gerichts-Stellen/ vnd Wuͤrde der Geſatzen/ die von ſo langer Zeit her in
dieſem Koͤnigreich auffgericht geweſen/ angefangen war: Haben wir verſprochen
vnnd auff das H. Evangelion mit einer gemeinen Einhaͤlligkeit geſchworen/ daß
wir vnſer Gut vnd Blut zu Erhaltung deſſelben frey vnnd frewdig wollen anwen-
den/ vnd wollen wir alle vnder vns/ die dem ſo hoͤchlich gegebenen Wort vnd Ver-
ſprechen zu wider thun ſolten/ vor glaubloſe Leuth gehalten werden/ wann es ge-
ſchehe/ daß vberhaupt/ oder beſonders jemand ſich ließ betretten/ der zu ruͤck gieng/
vnd einigen Vortrag oder Gelegenheit annehme/ ohn einigen Vorbehalt/ biß der
Cardinal Mazarin auß dem Koͤnigreich verjagt/ vnd zum Zerſtoͤrer der gemeinen
Ruhe/ wie bereyt durch deß Parlaments Schluß vnder dem 8. Jenner 1649. ge-
ſchehen/ offentlich erklaͤrt/ vnnd ein jeder vnder vns in ſeine eigene Güter/ Aempter
vnd Ehren wider eingeſetzt/ vnd alle Vnderthanen deß Koͤnigs wider die bey weh-
renden ſeinem Dienſt verübte Gewaltſambkeiten verſichert/ ſeinen in Erwegung
deß Staads Hoheit/ vnd Jhrer Mayeſtaͤt Dienſt/ wie es dann erfordert wird/ vnd
die Schuldigkeit vnſers Herkommens vns darzu verbind. Verſprechen vns auch
einer dem andern bey dieſem Vorhaben/ welches ſonderlich/ als auff ſo recht-
maͤſſigem Grund geſetzt/ ſoll bekraͤfftigt werden/ daß auß keiner Vrſach Beden-
cken
[113]De Statu perturbato Franciæ.
cken oder Vorwand es ſeyn moͤcht wegen einiges Abſehen oder Vortheils/ wann
dermahl eins der Handel bey gelegt wuͤrde/ daß wir vns nimmermehr/ einer von
dem andern trennen/ noch abſonderlich/ ſondern alle zugleich handeln wollen. Zur
Bekraͤfftigung deſſelben haben wir reſpectivè dieſe Schrifft vnderſchrieben/ vnd
bezeugen/ daß wir nit abweichen/ ſondern alles was darin verfaſt/ vnverbrüchlich
halten wollen. Vnd im Fall der Cardinal Mazarin auß dem Koͤnigreich ſich
thaͤte/ nit mehr darein zukom̃en/ oder in der Straff ſo ſeine Laſter verdienen/ fieh-
le: Verbinden wir vns zu allem den Gehorſamb/ ſo trewe Vnderthanen ſchuldig/
vnd was ſie an Ehr vnd Gewiſſen von dem jhrigen/ den frembden Feinden deß
Staads herbey zu tragen verpflicht ſind/ damit man zu einem Fried/ welcher Koͤ-
niglicher Mayeſtaͤt herꝛlich/ vnd Franckreich vortraͤglich ſey/ gelangen moͤge/ vnd
verſprechen/ daß Vollſtreckung der obigen Bedingungen/ wir vnſer Abſehen/ vnd
vnſer Vermeynen zuſammen ſetzen/ vnd von nun an vns gantz vnd gar nach der
Parlaments. Herꝛn Gutachten richten werden.

Der 13. Diſcurß:

WJe wolbey denen/ der Roͤm. Kayſ. May. Vnſern
Allergnaͤdigſten Herrn (wie jederman bekandt) abgenoͤttigten/ nun-
mehr in das ſibenzehende Jahr hero/ ſo wol im Heil: Roͤmiſchen
PReich
[114]De Statu perturbato Franciæ.
Reich/ als deroſelben angehoͤrigen Erbkoͤnigreichen/ vnd Landen/ geführten
ſchweren Kriegen/ ſich vil Redliche Tapffere Helden/ vnd Rittersleuth herfuͤr-
gethan/ welche nach Ehren getrachtet/ fuͤr der Keyſ. May. vnd des Heil. Roͤ-
miſchen Reichs Hochheit/ vnd deß geliebten Vatterlands Heil/ vnd Wolſtandt/
zu Erhalt: vnd Conſervirung Kayſerlicher Cron/ vnnd Scepters/ Ritterlich
geſtritten/ vnd alſo/ durch Jhre dapffere Heroiſche Thaten/ Jhre zu Gott/ vnd jh-
ren von Gott vorgeſetzten hoͤchſten Haupt/ dem Roͤm. Keyſ. jederzeit getragene Al-
lervnderthaͤnigſt beſtendig: vnd pflichtſchuloigſte Trew/ vnd devotion zu bezeu-
gen/ vnd der Welt erkennen zu geben/ vor dieſelbe/ zu Jhrem jmmerwehrenden/
vnd vnaußloͤſchlichem Ruhm vnd Lob/ Jhr Edles Blut vergoſſen/ auch dardurch
jhren Fuͤrſtl. Graf: Herr: vnd Ritterlichen Geſchlechtern/ bey der wehrten
vnd lieben Poſteritet, einen ewigen/ vnſterblichen guten Nahmen erworben/
vnd hinderlaſſen: So haben ſich doch auch darunder etliche boͤſe Machiavelliſche
Monſtra, vnd Subiecta befunden/ welche jhres Lehrmeiſters boͤſer liſtigen art/
vnd Natur nach/ aller Teutſchen Erbarkeit/ ja ſo gar jhrer hoch vnnd thewer ge-
leiſter Pflichten/ vnd Aydts/ allerdings vnd gentzlich vergeſſen/ ſich bloß auß
Antrieb/ einer bey Menſchen zuvor nie erhoͤrter Ambition/ vnd Ehrengeitzes/ ſo
weit verleyten laſſen/ daß Sie ſich von geraumer zeit hero/ allerhand boͤſer/ arg-
liſtiger/ vnd hochgefaͤhrlicher heimlicher machinationen/ vnd Practicken be-
fliſſen/ vnd Jhnen dahero nichts mehrers angelegen ſeyn laſſen/ als ſich perfas \&
nefas ſelbſten/ wie ſie nur gekoͤndt/ groß zumachen/ vnd darunter/ weder Jhres
Allergnaͤdigſten Keyſer vnd Herꝛens/ noch auch des Aller vnſchuldigſten/ auch
Edleſten Bluts nicht zu verſchonen/ bedacht geweiſt ſeyn. Als ſich dann wider
aller Me[n]ſchen Vernunfft/ vnd Gedancken/ zuvordereſt aber wider allerhoͤchſt-
gedachter Jhrer Kayſ. May. gnaͤdigſte Zuverſicht/ vnd gehabt es hoͤchſtes Kayſ-
vertrawen/ zu getragen/ vnd erfolgt/ daß dero geweſt[e]r Feldthaubtman/ Al-
brecht Wentzl Euſebius von Walnſtein/ ꝛc. Nach dem Jhre Kayſ. May. den-
ſelben/ mit vnd neben ſeinen Conſpiranten/ vorhero mit vielen groſſen Kayſer-
lichen Gnaden begabt/ auch alle vnd jede/ von angeborner Kayſerlicher guͤte
wegen/ auß geringern/ in hoͤhern/ als reſpect: Graffen/ Herrn/ vnd Fuͤrſten-
ſtandt erhebt/ dieſelbe mit vnder ſchiedlichen Herꝛ-Graffſchafften/ Fuͤrſten-
thumb/ vnd Landen/ wuͤrcklich vnd dergeſtalt liberaliter begnadet/ daß bey vorigen
Teutſchen Keyſern/ wenig dergleichen exempel zufinden/ daß einigen getrewen
hohen Officierern/ oder Dienern/ ſo groſſe Gnaden jemahln widerfahren waͤren/
deſſen allen aber doch gantz vngeachet/ das Haupt ſo wohl/ als ſeine Ayde ver-
geſſen Adhaͤrenten/ die Boßheit/ vnzeittige Rach/ Vbermuth/ vnnd leidige
Hoffarth/ ſo weit allerdings ergrieffen/ vnnd eingenommen/ Daß Sie ſich
auch geluͤſten laſſen/ vnd vnterſtehen doͤrffen/ der Keyſ. May. Jhrem Allergnaͤ-
digſten Kayſer vnd Herꝛn/ von dem Sie ſo viel groſſe Gnaden empfangen/ mit
dero ei-
[115]De Statu perturbato Franciæ.
dero eignem Keyſerlichen Schwerdt/ vnd Kriegsmacht/ nach dero Cron/ vnd
Scepter/ Koͤnigreich/ vnd Landen zuſtreben/ vnd (welches nach dem Vntre-
wen Phoca nie gehoͤrt worden/ noch dergleichen in Hiſtoriis zufinden) dero von
vielen Sæculis hero/ loͤblich vnd milt regierendes Ertzhauß (wann es der/ liebe
GOtt nicht wunderbarlich verhuͤttet hette) zu vertilgen/ ſich/ wie verlauten
laſſen/ alſo auch ins Werck zurichten/ vnderſtehen woͤllen.

Nach dem nun/ durch ſonderbare Schickung Gottes/ jetzt angedeutet/
deß von Walnſtein/ oder Fridtlaͤnders gefaſter boͤſer Vorſatz/ vnd aͤrgere/ als
Catiliniſche Conſpiration/ vnd Anſchlag/ wunderbahrlicher weiß entdecket/
vnd dahero/ dieſem allem vor augen geſchwebten zu vor gleichſamb gegenwerti-
gem groſſen Jammer/ vnd Elend vorzukommen/ wider dieſen Hauptverꝛaͤther/
vnd ſeine vndanckbare Adhærenten/ mit der zu Eger/ durch die daſelbſten Com-
mandirende Obriſten vnd Befelchshaber/ jhren Aydten vnnd Pflichten nach/
vor genommener vnd volſtreckter Execution/ auff maß vnd weiſe/ wie in dieſem
Diſcurs an ſeinem orth weiter außgeführt/ vnd verfahren worden/ Geſtalt
dann alle vernuͤnfftige Rechten/ zuvorderiſt aber auch deß H. Roͤm. Reichs Sa-
tzungen/ in der gleichen Criminrbus Proditionis, Perduellionis, \& læſę Majeſtatis
notoriis, actu permanentibus, wie dieſe vnwiderſprechlich geweſen/ vnd wo die Rei
zum Stand Rechtens nit leichtlich zubringen/ oder ſonſten wegen deß Verzugs/
das allgemeine Weſen in gefahr ſtehen muͤſte/ einigen andern Proceß, oder Sen-
tenz, als allein die Execution ſelbſten/ quæ hic inſtar Sontentiæ eſt, nicht erfor-
dern/ einem jedwedern auch dißfals erlaubt/ eontra publicum Hoſtem Patriæ.
vornemblich aber geſchwornen Kriegs Officirern/ Oberſten vnd Commandan-
ten/ die Execution vorzunehmen bey dieſem allem aber/ zuvorderſt Jhrer Key.
May. vnd jederman ſeithero vernemmen muͤſſen/ daß der alſo/ wider ſolche
Verꝛaͤther vnd Conjuranten/ ergangener geſchwindter Execntion halber/ vnder-
ſchiedliche vngleiche/ vnd vnwarhaffte Diſcurs, aller orthen fuͤr gehen/ ja gantz
boßhafftige Judicia hierunter temerè gefuͤhrt/ wol auch hochverbottene famos
Gedicht/ in offenem Druck ſpargiret vnd ohne ſchew herumb getragen werden/ als
ob das Haupt/ dieſer ſchaͤndlichen Canſpiration/ ſambt deſſen Adhaͤrenten/ mit
ſo geſchwinder Execution uͤbereylet/ Ja ſo gar ein Gewalt angethan/ vnd groß
vnrecht geſchehen/ Darneben auch Jhrer Kay. May./ vnd dero Hauß einer vn-
erhoͤrten/ barbariſchen/ Vndanckbarkeit zubeſchuldigen/ kein abſchewen
tragen.

Derenthalben vnd damit Jedermaͤnniglich/ Hohen: oder Niedern Standts/
den eigentlichen Grundt/ vnd warhaffte Vrſachen erfahren vnd wiſſen moͤge/
warumb nemblich in flagrantißimo Perduellionis, Proditionis, et Læſæ Majeſtatis crimi-
ne, mit dieſen Meineydigen Conſpiranten dergeſtalt verfahren/ Alſo haben mehr
allerhoͤchſt gedachte Jhre Kaͤyſ. May. ein ſonderbahre hohe/ laͤnger vnvmbgaͤngliche
P ijNot-
[116]De Statu perturbato Franciæ.
Notthurfft zu ſeyn ermeſſen/ auch endtlich befehlen muͤſſen/ daß der gantze Ver-
lauff/ mit Warheits grundt/ auß denen einkommenen glaub wuͤrdigen/ vnd vn-
widerſprechlichen Documenten, hieruͤber gefuͤhrter vnd examinirter Zeugen/ auch
bey der Sach/ ſelbſt Jntereſſierter/ ſo ſchrifft: als muͤndlich gethanen gutwilligen
Anßſagen/ intercipirten/ vnd andern/ ſo wol bey dem Haupt ſolcher Conſpiration/
als deſſen Complicibus gefundenen Schreiben/ fideliter herauß gezogen/ vnd zu Je-
dermans eigentlichen Wiſſenſchafft/ auch zu handthabung Jrer Kaͤyſ. ergange-
nen Juſtitz/ in offenen Druck gegeben werden ſolle/ damit ſich auch ein jeder hiebey
ſelbſt in acht nemmen/ vnd vor denen bißhero gefuͤhrten boßhafftigen/ ſchaͤdlichen
Diſcuſren/ vnd ohne das hochverbottenen ſtraff maͤſſigen Gedichten/ vnd Famos
Schrifften zu huͤten wiſſe.

Wie nun dergleichen Machinationes nicht ſo geſchwind/ vnd in der eyl/ zu
werck gerichtet werden moͤgen/ ſondern meiſtentheils lang zuvor vorbedacht/ vnd
præpariert zuwerden pflegen/ alſo befindet ſich auch/ daß mit dieſer hochgefaͤhrli-
chen Prodition/ gedachter Fridlaͤnder/ ſchon lang vnd viel Jahr ſchwanger ge-
gangen/ Dann nach dem die Roͤmiſche Kaͤyſerliche Majeſtaͤt das Heilige Roͤ-
miſche Reich/ vnd deroſelben getrewe Chur-Fuͤrſten- vnd Staͤnde/ der geweſte Koͤ-
nig in Schweden/ Guſtavus Adolphus, feindlichen bezogen vnd angefallen/ demſel-
ben aber/ noch vor ſeinem Außzug/ von etlichen ſeinen Adhærenten/ in denen/ vber
ſolche Impreſa gehaltenen Berathſchlagungen/ die Gefahr ſeines Vorhabens/
ſonderlich aber die Kaͤyſerliche Macht/ vnd damahlen aller Orthen florirende Waf-
fen/ welche ſelbiger Zeit gantz Pommern/ Meckelburg/ Hollſtein/ vnd die mehri-
ſten Baltiſchen Seeporten innen gehabt/ vmbſtaͤndiglichen remonſtrirt worden/
So iſt er doch ſchon dazumahln/ als auß einem glaubwuͤrdigen Teſtimonio, einer
Fuͤrſtlichen Perſon bey gebracht/ vnd durch allerhandt gehabte heimliche Ver-
ſtandt/ vnd vnter geloffene Tractaten/ von dem geweſten Kaͤyſerlichen Generaln
vnd Feldt Hauptman/ dem von Fridtlandt/ der geſtalt verſichert geweſen/ daß er
ſich daher/ nicht allein nichts zubefahren/ ſondern noch wol aller Befuͤrderung/
vnd Aſſiſtentz zugetroͤſten gehabt/ alſo/ daß/ wan dieſes nicht geweſen/ Er ſich
etwa nimmermehr vnderſtanden/ eine ſolche Impreſa fuͤr zunehmen/ oder aber
deß Reichs Boden anzufallen/ Jnmaſſen ſolches nachmahlen/ auch die darauff
gefolgte Effectus ſelbſten bezeugt/ in deme er Fridtlaͤnder/ nicht allein die Pomme-
riſchen Jnſulen/ vnd Meerhafen/ ſehr ſchlecht providirt verlaſſen/ ſondern auch
ſich ſelbſt/ weit von denen oͤrthtern in Schwaben/ ob man zwar von deß gemelten
Koͤnigs in Schweden Bereitſchafft/ vnd Kriegs Verfaſſung/ damahln allbereit
gewiſſe Nachrichtung gehabt/ begeben/ dahero dann erfolgt/ daß nicht allein die
Rügiſche/ vnd Vſedomiſche Jnſulen/ ohne eynigen Widerſtand als baldt verloh-
ren/ ſondern bald anfangs der Koͤnig in Schweden/ der veſten Stadt Stettin
in Pom-
[117]De Statu perturbato Franciæ.
in Pommern/ vnd anderer vornehmen Orth mehr/ ohne allen Widerſtand be-
maͤchtiget.

Demnach aber auffſtarckes anſuchen der Churfůrſten/ er Friedtlandt an
dem Churfuͤrſti. Collegialtag zu Regenſpurg/ deß Generalats entlaſſen/ hat er
alſobaldt darauff/ argliſtige boͤſe Anſchlaͤg fuͤr: vnd an die hand genommen/ an
Jhre K. M. vnd dero Hauß von Oeſterreich/ wie auch etliche Chur: vnd Fuͤrſten
ſich zu rechnen/ derethalben alsbald mit dem proſcribirten alten Heinrich Mat-
theſen der ſich Graff von Thurn genent/ muͤndt: vnnd ſchrifftlich nacher Berlin
correſpondirt, ſeine geleiſte Dienſt vnd Merita, auff das allerhoͤchſt exaggeriert
vnd herentgegen der Kayſerl. May. vnd dero Hauß die groͤſte Vndanckbarkeit zu-
gemeſſen/ daß auch jhme von Thurn/ in mehr weg zuviel geſchehen/ vnd Er zu alle
dem/ was Er fuͤrgenommen verurſacht worden waͤre mit dieſem anhang/ daß die-
ſe ſeine deß Generals ſchmaͤhliche Abdanckung/ dem Koͤnig von Schweden nur
zum beſten gereiche/ in deme Er durch dieſe Occaſion, demſelben ſeine Dienſt/ dar-
zu Er vor lengſt begierig/ erweiſen koͤndte: Endlich auch durch diß mittel deß von
Thurn (welcher ſich dann hieruntur fleiſſig gebrauchen laſſen/) mit dem Koͤnig
ſelbſten/ der geſtalt in vertrewliches vernehmen gerathen/ daß demſelben Er ange-
tragen/ wie Er reſolvirt ſeye/ jhme vnter die Armb zugreiffen/ vnd ſein Vorhaben
exequiren, zuhelffen/ Wann der Koͤnig jhme wolte fuͤnffzehen Tauſentmann/ als
zehen tauſent zu Fuß/ vnd fuͤnff tauſent zu Roß/ neben einer anſehenlichen Artille-
ria vnd Munition, auch daruͤber einen Generaln von der Artilleria, vnd den von
Thurn zum General Leutenant zugeben; So wolte er die andern hohe Officirer
ſelbſten beſtellen/ vnnd noch funffzehen tauſent Mann darzu/ auff ſeine eigne ſpe-
ſam, auff den fuß bringen/ da mit Boͤheimb/ vnd Maͤhren einehmen/ vnd ſo dann
den Kayſer ſelbſten in Wien belaͤgern/ doch ſolts der Koͤnig dahin gegen ſich gegẽ
jhme Fridtland verreverſiren/ daß jhme der Titul/ Hertzog zu Meckelburg/ zu ſei-
nen Lebtagen verbleiben/ auch an ſeinen Guͤtern in Boͤheimb/ nichts gemindert/
vnd was Er ferner erobern wuͤrde/ Jhme gelaſſen werden/ vnd Er damit zu diſpo-
niren macht vnd gewalt haben ſolte: Als nun von dem Koͤnig/ Er Friedtlandt nit
allein deſſen alles gnugſam verſichert/ ſondern noch diß darzu verſprochengewe-
ſen/ wann Er jhne gar zu einem Koͤnig machen koͤndte/ daß Er der Koͤnig an al-
ler ſeiner muͤglichkeit/ nichts wolte er winden laſſen/ vnnd mmittels die Leiptziger
Schlacht eingefallen/ der Koͤnig darauff/ in anſehung dieſer Impreſa auff die Kay-
ſerliche Erblaͤnder/ in das Reich/ das Saͤchiſche Volck aber gegen der Obern Lauß-
nitz gangen/ vnd alle Artilleria vnd Munition, von Stettin/ die Oder herauff com-
mandirt, alles Volck zu Roß vnnd Fuß/ vnder ſeine gewiſſe Regime nter/ vnnd
Commendanten, außgetheilt/ vnd alles in bereitſchafft geweſen/ hat Friedtlandt
gewolt/ der damalige Saͤchiſche Feldtmarſchalck Arnheim/ ſolte auff die Kayſer-
liche Armadam gehen/ auff ſelbige treffen/ vnd trennen/ damit Er ſo dann/ das
P iijfluͤchtige
[118]De Statu perturbato Franciæ.
fluͤchtige Volck/ nach dem alles zu ſeinen dienſten/ bekommen moͤchte: Zu dieſer
Imprela, haben noch andere zehen tauſent mann/ in Maͤhren ſollen geworben wer-
den/ inmaſſen die Patenta, vnd Muſterplaͤtz auch bereit auß getheilt geweſen. Als
aber Arnheimb/ etwan dem Gluͤck nicht trawen woͤllen/ ſondern gegen Boͤheimb/
alldorten die Winterquatier zunehmen/ vnd ſein Volck zuerfriſchen/ ſich gewen-
det/ hat Jhme Friedtlandt ſelbſten/ auff einem Schreibtaffelblat/ nacher Prag/
dahin Er ſonſten wol nicht kommen were/ beruffen/ vnd alſo verſichert/ daß Er der
Statt/ ohne verluſt einiges Manns/ ſolte maͤchtig werden/ wie ſolches nachmah-
len auch beſchehen.

Nach dieſem/ hat Er auff den Tertzkiſchen Schloß Kawnitz/ viel Meil wegs
von Prag/ ein Zuſammenkunfft/ vnter dem ſchein/ vom Friedẽ mit dem Arnheimb
zu handlen/ angeſtelt/ vnd daß vorbemelte alte von Thurn/ den Schweden ver-
moͤgen ſolte/ daß er ſich auch darzu bewegen lieſſe/ Jn der warheit aber hat hierun-
der die vorgemelter Impreſa abgeredt/ vnnd zu werck gerichtet werden ſollen/ wie
dann Fridtlandt noch allzeit dieſer Meinung geweſen/ Arnheimb ſolte auff die
Kayſerliche/ welche damahlen vmb Limburg gelegen/ treffen/ vnd zu ſolchem En-
de/ den Kayſerlichen Herꝛn Feldtmarſchalcken von Tieffenbach/ ꝛc. auff alle weiß
zu perſuadirn, ſich bemühet/ ſein vnterhabendes Volck/ in die Winter Quartier
zuverſchicken/ vnd auß zutheilen/ deme wann Er gefolget/ der Feind als bald vnver-
ſehens darauff gerucket/ alles leichtlich hette trennen/ vnd zugleich auch die Quar-
tier occupirn, vnd weiter fuͤrtringen koͤnnen: Als aber Arnheimb auch dahin kom-
men/ vnd in die vier ſtund allein mit Jhme geredt/ hat Er denſelben/ zu einer gantz
andern Intention, vnd dahin perſuadirt, das Er Fridtlandt/ auff alle weiß dahin
trachten ſolle/ damit Jhme die Kayſerliche Armada wider vntergeben werde/ dann
Er als dann die beſte Gelegenheit hette/ nicht allein ſich zu rechnen/ ſondern auch
ſeine Fortunam mit mehrerer Sicherheit (weiln dem Koͤnig von Schweden nicht
zuvertrawen) auff den hoͤchſten grad zubringen/ welchem Rathſchlag der Fried-
laͤnder gefolgt/ die Schwediſche Correſpondentz/ vnter dem vorwandt/ daß die zeit
albereit verſaumet/ auch ſeine Intentiones entdeckt zuſeyn/ im argwohn begriffen/
fuͤr daſſelbige mahl ploͤtzlich auff geſtoſſen/ darauff Jhme bald hernach daß Gene-
ralat/ mit groͤſſerer Vollmacht/ als er zuvor gehabt/ weiln er ſich anderere geſtalt nit
ein laſſen woͤllen/ widerumb anvertrawt worden.

Was Er nun darauff/ in denen Kaͤyſerlichen Erblanden/ fuͤr eine anſehen-
liche Armadam, mit allerhandt Nothwendigkeiten/ vnd Zugehoͤrungen zwar nicht
mit geringer Beſchwerung Jhrer Kaͤyſ. May. Erb Koͤnigreich/ vnd Laͤnder/ auff
den Fuß damahln gebracht/ iſt jedermaͤnniglich gnugſam bekandt/ Deßgleichen
wie ſelbige nachmahlen aller Orthen dirigiert, vnd gebraucht worden/ alſo/ daß es
nunmehr bey maͤnniglichen/ der auß oberzeltem/ deß Fridtlaͤnders boßhaffte In-
tention vermerckt nicht vnbillich das Anſehen gewinnet/ daß auch dieſe ſo ſtarcke
Werbun
[119]De Statu perturbato Franciæ.
Werbungen/ vnd andere Kriegs præparationes, allein zu gaͤntzlicher Außmerg-
lung/ vnd Abmattung deß Hochloͤblichen Hauſes von Oeſterꝛeich/ den nothleiden-
den Catholiſchen Staͤnden aber/ zu einer eytlen/ vergeblichen Hoffnungmachung/
nach langem erwarten aber/ zu gewiſſer Deſperations vervrſachung/ gemeint
geweſen.

Anfaͤnglich/ als im Martio/ Sechzehenhundert/ zwey vnd dreyſigſten Jahrs/
Weylandt Herꝛ Graff von Tylli Seel: den Schwediſchen Feldt Marſchalck
Horn/ bey Bamberg geſchlagen/ darauff der Koͤnig in Schweden/ ſich mit gan-
tzer Macht/ von dem Rhein/ vnd Maynſtromb herauff/ in Francken/ vnnd gegen
Bayern gewendet/ haben Jhre Churf. Durchl. in Beyern/ demſelben zubege-
gnen/ vnd der Orthen ab: vnd widerumb zuruck zutreiben/ mit welchem
auch der gantze Thonawſtrom waͤre verſichert worden/ durch viel vnterſchiedliche
Abſchickungen/ vnd bewegliche Schreiben/ einen Succurs begert/ welcher zwar
von dem Friedlandt auch vielfaͤltig verſprochen/ mit bald anfangs gethanem Er-
bieten/ wie daß er ſchon/ fuͤnff tauſent Reuter effective/ zum Fortzug com-
mandiert hette: Es iſt aber nachmahlen das allerwenigſte/ vnd ſo vbel beſtelt er/
auch ſo ſpat erfolgt/ daß man ſich deß wenigen/ ſo hinauß kom̃en/ nichts/ oder doch
gar wenig bedien en koͤnnen/ Jnmittelſt hat der Koͤnig/ vber den Lech in Bayern/
durch getrungen/ Augſpurg/ Muͤnchen/ vnd andere vornehme Paͤß/ vnnd Orht
mehr/ weg genommen/ vnd ſo weit fortgebrochen/ daß er auch Jngolſtatt atta-
quirt, vnd gar herunter/ gegen Regenſpurg geſetzt/ in Meinung/ dieſe Statt
in der furia auch weg zunehmen/ vnd dardurch Jhre Churfuͤrſtl. Durchleuch-
tigkeit vnd das damahln bey ſich gehabte Volck/ bey Jngolſtatt/ dahin Jhre
Churf. Durchl. in Hoffnung deß jmmerzu erwartenden Succurs, mit demſelben
deſto leichter zu coniungiren/ ſich retiriren muͤſſen/ Feinzuſchlieſſen: Endlich aber
iſt dieſer Succurs gantz vnd gar abgeſchlagen/ vnd noch darzu der Graff von Al-
dringen/ mit dem herauſſen geweſten Kayſ. Volck/ in Boheim erfordert
worden/ mit dem fuͤrwandt/ Er Friedtland woͤlle zuvor die Saͤchſiſche Armada
vertilgen/ als dann hinauß ins Reich kommen/ oder zum wenigſten/ den Koͤnig
in Schweden dardurch widerumb in Sachſen zuruͤck ziehen; Darauff doch an-
derſt nichts erfolgt/ als daß Er mit dem Saͤchſiſchen Feldt Marſchalck Arnheimb
alsbaldt zu ſeiner Antrettung/ wie derumb vergebliche Tractatus angefangen/
vnd nachmahlen fort vnd fort continuiret/ entzwiſchen das Volck/ darvon Er
doch/ in Anſehung der Tractationen, deſto leichter einen guten Theil entrathen
koͤnnen/ auff einen hauffen bey ſich behalten/ vnd nach mahlen Prag widerumb
occupiret, Alda/ ob er ſchon Occaſion gehabt/ alles deß Feinds darinnen gele-
genes Volck weg zunemmen/ ſo hat Ers doch dem Feind zu einer Corteſia/ Jhrer
Kaͤyſ. May. vnd dem gantzen gemeinen Weſen zum hoͤchſten Schaden/ wie
ſolches nachmalen der Außgang bezeugt/ fortgehen laſſen/ Ja ob woln vorhero
ſchon
[120]De Statu perturbato Franciæ.
ſchon accordirt geweſen/ daß es ohne Woͤhr/ auch Sack vnd Pack abziehen ſollen/
ſo hat er doch hernach ſelbſten/ zu Bezeigung ſeiner ſondern Gnad/ nicht allein
dieſes alles/ ſondern auch noch darzu/ das jenige/ was der Burgerſchafft/ vnnd
denen Staͤtten abgenomen vnd abgetrungen worden/ wie auch die Kirchenſchaͤtz/
wider der Geiſtlichen/ vnd Burgerſchafft ſtarckes lamentiren mit zunemen be-
willigt/ auch die jenigen Soldaten/ welche zuvor auff der Kaͤyſerlichen ſeyten ge-
dienet/ ob ſie wol ſelbſten wider vmb zutretten willens geweſen nicht annemmen
wollen/ Alſo dem Feind nichts ſchwaͤcher gemacht vnnd immittels herauſſen in
dem Heil. Reich alles verlohren gangen.

Als er nun der geſtalt den gantzen Früling/ vnd guten theil deß Sommers/
in Boͤheim zugebracht/ Endtlich auch von den Saͤchſiſchen bey Leutmeritz/ gantz
vnd gar/ vnuerſehen ab gelaſſen/ da er doch vielmals die Gelegenheiten gehabt/
ſelbige auffs Haupt zuſchlagen/ vnd daruͤber im Julio hinauß in das Reich gan-
gen/ ware erſtlich/ bey der mit Jhrer Churfuͤrſt. Durchl. in Beyern/ er folgten
conjunction, dieſe reſolution/ als baldt coniunctis viribus, auff den Feinde zugehen/
vnd denſelben zum ſchlagen zu neceſſitiren/ wie dan damalen die Kaͤyſerliche Ar-
mada/ vber viertzig tauſent Mann effectivè, deß ſchoͤnſten/ beſten Volcks/ ſo man
erwuͤnſchen/ vnd mit Augen ſehen ſollen/ ſich erſtreckt. Es hat ſich aber der Friedt-
landt/ bey ſo gut erzeigter occaſion/ als baldt geaͤndert/ vnd ſeine Meinung dahin
geſtellt/ man ſolle ſich gegen dem Feindt/ mit dieſer gantzen Macht logiern, dar-
durch koͤndte er eingeſchloſſen/ vnd deſſen Cavalleria/ mit benemmung der Furage
in kurtzer zeit ruinirt werden. Vngeacht nun jhme gnugſamb remonſtrirt wor-
den/ daß nicht vonnoͤthen/ dißſeits viel Volcks/ gegen deß Koͤnigs ſchwachere
Armadam zuhalten/ weil man dardurch nur die Zeit/ occaſion/ vnnd das Volck
verlieren/ entzwiſchen aber der Feind im Elſaß/ vnd anderer Orthen/ durch vn-
terſchiedliche Corpora progrediren würdt; Daß auch bey ſolchem ſtilligen/ diſſeis/
fuͤr ein ſo maͤchtige Anzahl Volcks/ mit Prouiant/ vnd Foutrage/ eben ſo
ſchwaͤr forth zukommen ſeyn/ Vnd alſo/ wo man vermeint den Feindt zu conſu-
miren/ die Conſumption guten theils/ vnſers ſelbſt eignen Volcks/ erfolgen
werde/ So iſt er doch nichts deſto weniger/ auff diſer ſeiner opinion verharꝛet/
vnd darauff in die Eilff Wochen/ mit der Armada ſtill gelegen. Auß welchem
erfolgt/ daß die Armada mercklich/ vnd zwar vmb viel Tauſent Mann/ abgenom-
men/ der Feindt aber zeit vnd lufft bekommen/ ſein Volck aller Orthen herbey/
vnd zuſammen zubringen/ vnd ſich zuſtaͤrcken/ welches man doch auch gar wol
verhuͤten/ vnd manches mahl/ aller Officier/ vnd General Perſonen/ Meinung
nach/ ein guten Streich thun koͤnnen.

Dieweil dann dergeſtalt dem Feindt/ ohne eynige Verhinderung zugelaſſen
geweſen/ ſich in angeſicht dieſer Armadæ, ſo ſtarck zu machen/ als er nur gekoͤndt/
vnd gewolt/ Als hat er letztlich/ vnſer Laͤger ſelbſten angefallen/ doch aber/ durch
Goͤtt-
[121]De Statu perturbato Franciæ.
Goͤttlichen Beyſtandt/ mit groſſem Verluſt/ abgetreiben worden/ vnnd ſein
retirada in groſſer Confuſion/ vnd Vnordnungen/ nemmen muͤſſen. Darbey/
obwoln alle vnd hohe Officirer fuͤr gut befunden/ ſich dieſer occaſion zubedienen/
vnd bey ſolcher/ deß Feindts Vnordnung/ darauff zuſetzen/ Jnmaſſen dann auch
alle/ von dem Feindt bekommene Gefangne/ außgeſagt/ daß man den Feindt
damalen auffs Haupt hette erlegen koͤnnen/ So iſt doch gleich wol gantz nichts be-
ſchehen. Ob aber ſolches auß Prodition/ vnd boͤſem Vorſatz/ oder auß ſolchen
Vrſachen beſchehen/ daß der Friedtlaͤnder à dolo purgirt werden koͤndte/ Jnmaſ-
ſen dann etliche wol der Meinung geweſen/ daß wegen mangel Proviants/ es
nicht wol thunlich geweſen/ den Feindt zu verfolgen/ laͤſt man/ ſo viel dieſe Ge-
ſchicht anlangt/ an ſeinem Orth geſteltſeyn. Als ſich auch darauff der Koͤnig
bey Fürth logirt/ vnd man geſehen/ daß ſeine Cavalleria/ allda groſſen mangel
leidet auch ſich hernach deß Feindts Armada/ albereit mit groſſer Forcht/ zu
retiriren angefangen/ iſt abermahlen die ſchoͤnſte gelegenheit geweſen/ jhme vnter
ſein retiradam zukommen? Mann hat ſich aber dieſer occaſion, gantz nichts præ-
valirt, vngeacht doch Friedtlandt zuvor ſelbſten offt fuͤrgewendt/ welcher Theil
von Nuͤrnberg erſtlich einen Fuß weiche/ der ſeye verlohren.

Nach dieſem marchirt der Koͤnig auff Windtsheim/ vnd die Keyſerliche
Armada auff Koburg/ bald hernach wendet ſich der Koͤnig von Windtsheimb/ wi-
der zuruck nach Bayren/ vnd recuperiert daſelbſten Rhein/ nichts deſtoweniger
hat Friedtlandt vermeint/ Jhre Chur fuͤrſtl. Durchl. ſolten mit Jme in Meich-
ſen gehen/ dardurch inmittels der Koͤnig dero Landts/ vnd deß volligen Thonaw-
ſtrombs/ ſich deſto leichter/ ohne Widerſtandt bemaͤchtigen/ vñ auch gar einen Fuß
in das Landt Ob der Enß/ bey damahliger vorgeweſter Bawren Rebellion/ hette
ſetzen koͤnnen. Dieweilen aber Jhre Churfuͤrſtl: Durchl. dero Landt/ vnd Leuth/
nicht laſſen wollen/ vnd der Feldtmarſchalck/ Herꝛ Graff von Pappenheimb
Seel: gleich damahlen mit Zwoͤlff Tauſent Mann/ auß Nider Sachſen im An-
zug geweſen? Als hat man ſich verglichen/ daß der Herꝛ Graff von Aldringen/ ne-
ben Jhrer Churfuͤrſt: Durchl: mit ſeinem vnterhabendem Volck in Baͤyrn ge-
hen vnd alda dem Feindt wiederumb begegnen/ Entgegen aber der Herꝛ Graff
von Pappenheim/ immediate von Jhme Friedtlandt dependiren ſolle. Als man
ſich hierauff getheilt/ vnd das Volck in die Ober Pfaltz angelangt/ iſt dem Herꝛn
Graffen von Aldringen alsbalden ein Ordinantz zukommen/ mit dem Kaͤyſ.
Volck/ nicht vber die Thonaw zugehn/ Jnmaſſen Erdann auch jenſeits damit
ligen blieben; Dahero gegen dem von Pirckenfeldt/ welchen der Koͤnig mit einem
Corpo in Beyrn hinderlaſſen/ nichts koͤnnen fuͤrgenommen werden. Nach malen/
bekompt der Herꝛ Graff von Aldringen ein andere Ordinantz/ weiln Friedlandt
deß Herꝛn Graffen von Pappenheimbs nunmehr verſichert/ als moͤchten ſich
Jhre Churf. Durchl. auch deß Herꝛn Graffen von Aldringen/ nach Jhrem ſelbſt
Qbelieben/
[122]De Statu perturbato Franciæ.
belieben/ bedienen/ vnd gebrauchen; Kaum aber/ daß ſich Jhre Churfuͤrſt. Durchl-
mit Jhm Herꝛn Graffen von Aldringen/ zu Newſtatt vnderꝛedet/ wie das Volck
zuſammen/ vnd an Feindt zu fuͤhren ſeyn moͤchte/ kompt die Ordinantz/ durch wel-
che der Herꝛ Graff von Aldringen/ ſambt dem Kayſ. Volck gegen Eger comman-
diert wirdt/ darauff Er ſich als baldt ſeparirt, vnd zu Jngolſtatt wider vber die
Thonaw gangen: Baldt darauff aͤndert es ſich widerumb/ vnd wird Herꝛ Graff
von Aldringen wie derumb an Jhre Churfuͤrſtl. Durchl. gewieſen/ Dahero Er
ſein Volck zu Newburg wieder vbergehn laſſen/ ſich mit Jhrer Durchl. conjungiert,
vnd darauff fuͤr Rhain gangen/ folgendts auch Thonawerth in attaquieren, Jn-
maſſen ſolches vorhero fuͤr gut beſunden/ vnd abgeredt geweſen/ Als nun der Fried-
laͤnder/ von dem Koͤnig auß Schweden/ gantz außgeſetezt/ vnd ſich mit der Haupt
Armada in Meichſen begeben/ auch daſelbſten ſein Winter Quartier/ nunmehr
fein ruhig zu haben vermeint/ iſt der Koͤnig Jhme baldt ſtarck nachgezogen/ vnnd
ſich zu Naumburg logirt, aldar/ ob zwar der Friedtlaͤnder gute gelegenheit gehabt/
mit: vnnd neben dem Pappenheimiſchen/ vnd Gallaſſiſchen Volck/ den Feind
ſelbſt an zugreiffen/ hat doch Friedtlandt vermeint/ es muͤſſ ſich auch der Feind/
nach ſeinem Kopff richten/ vnd gleichsfals mit Jhme/ einen ſtillſtandt halten/ al-
ſo/ daß/ wie jhme der Feind am allernaͤchſten zugeruckt/ Er den Herꝛn Graffen von
Pappenheimb welchen Er kurtz zuvor/ ſo ſtarck citirt, vnd mit groſſer vngelegenheit
deſſen Volcks/ auch nit weniger Gefahr/ der Vntern Laͤnder/ an der Weſer/ her-
auff erfordert/ von ſich gelaſſen. Warauff dann der Koͤnig/ welcher ſolche deß
Friedtlaͤnders ſicherheit/ fuͤr einen Deſpect ſeiner Armaden gehalten/ Jhme nacher
Lutzen vnter die Augen gezogen/ vnd weil Friedlaͤnder einige Kundſchafft/ damah-
len nicht beſtellt/ alſo vnverſeheus auff den Halß kommen/ daß es an einem weni-
gen gehafft/ daß nicht die gantze Keyſerliche Armada, vom Koͤnig vberfallen/ vnd
auffs Haupt vertilgt worden: Ob nun zwar Friedtlaͤnder daſelbſt ſtandt gehal-
ten/ auch durch Dapfferkeit der Keyſ. Armada, welche zwar deß Feinds ſeiner/ nicht
zuvergleichen geweſen/ das Schwediſche Volck/ mit groſſem Verluſt/ auch Jhres
eignen Koͤnigs/ das Feldt quittiert/ ſo hat doch Friedlaͤnder ſich deſſen nicht ge-
braucht/ ſondern das Feldt/ vnd durch deß Feinds Abzug erhaltene Walſtadt/ ſelbſt
auff geben/ ſeine eigene/ vnd die vom Feind gewunnene anſehenliche Artilleria, im
ſtich gelaſſen/ vnd gantz vnnerſehener weiſe/ die Flucht genommen/ vñ den gantzen
Laſt/ der Winter Quartier/ dem Koͤnigreich Boͤheim/ vnnd andern Jhre May.
Laͤndern/ wiederumb vber den Halß geſchuͤttet. Welches Er dann zwar mit dieſem
vermeint zubeſchoͤnigen/ daß deß Feindts Armada auch nach dem Treffen/ der ſeini-
gen zu ſtarck geweſen/ Er ſich auch beſorgen muͤſſen/ daß jhme nicht etwa der Paß/
vnd Retirada in Boheimb/ von dem Feind abgeſchnitten wuͤrde/ welches aber zu der
verſtaͤndigen Soldaten/ ſo dieſer Schlacht ſelbſt beygewohnt/ judicio heim ge-
ſtelt wird.

Nach dem man ſich nun/ wie obgemelt/ fuͤr Rhain gelegt/ mit dem aprochiren na-
hent hinan kommen/ Batterien gemacht/ Schiffbrucken geſchlagen/ vnd alle præpara-
toria verfertiget/ war durch man dieſen orth hiernegſt wegnehmẽ/ den Feind der en,
den entweder ſchlagen/ oder vertreiben/ auch dem damahln hochbetrangten Elſaß/
vnd darinnen ligenden vornehmen Plaͤtzen/ als Peenfeldt/ vnd andern/ lufft ma-
chen koͤnnen/ da kompt nach vorgangener Schlacht bey Lutzen/ vom Friedtlandt/
durch Schreiben/ deß Herꝛn Graff Gallaſſen Ordinantz/ der Herꝛ Graff von Al-
dringen ſolle alſo bald/ ohne einigen geringſten Auffhalt/ mit dem Kayſerlichen
Volck nacher Boͤhaim rucken/ Alſo hat man/ die allbereit an ein kleines gebrachte
Belaͤgerung Rain/ mit Spott vnd Schand auffheben/ vnd abziehen muͤſſen/ da
doch der Friedland/ damahln gantzkein Noth gehabt/ Sintemahlen der Feind/
nach bemelter Schlacht bey Lutzen/ nicht allein ſchon das Feldt quittiert gehabt/
ſondern noch ſelbigen Abendt/ der General Wachmeiſter Reinach/ mit fuͤnff-
tauſent Mann friſchen Volcks/ nicht weniger bald darauff der Herꝛ Graff Gallas/
ſo damahln mit einem Corpo zu Khemnitz gelegen/ zu Jhme Friedtlandt hette ſtoſ-
ſen koͤnnen/ Weiln Er auch volgends/ allein denen Winterquartirn in Boͤhaim
zugezogen/ vnd nicht gedacht geweſt/ dem Feind dißmahl weiter Teſta zumachen/ ſo
hat Er bey ſolcher geſtalt/ deß Aldringiſchen Volcks/ vmb ſo viel weniger/ vnnd
zwar gar nicht vonnoͤten gehabt/ Jnmaſſen ſolches hernach lange zeit vmb Eger/
ohne einige frucht/ ſtill gelegen.

Der 12. Diſcurß.

ANno Sechzehenhundert drey vnnd dreiſſig/ Als Er zu
Prag/ mit Auffrichtung einer newen Armada wiederumb vmbgangen/ vnd
derentwegen alles Volck abermahlen beyſamen behalten/ hat ſich Jmmit-
tels Horn vnd Panier conjungirt, vnd ins geſambt/ auff den Herꝛn Graffen von
Aldringen (deme allein/ fuͤr ſein Perſon/ mit dem jenigen wenigen Volck/ welches
der Herꝛ Graff Montecuculi, auß Schwaben herunter gebracht/ bey Jhrer Chur-
fuͤrſtl. Durchl. in Bayern/ zuverbleiben erlaubt geweſen) zugangen/ obwohlen
vnderſchiedlich vmb Succurs beweglich geſchrieben/ ſonderlich weiln der Friedland
ſich nun mehr/ deß Pappenheimiſchen Volcks/ gantz vnd gar gebraucht/ So hat
Q ijErdoch
[124]De Statu perturbato Franciæ.
Er doch nur etliche wenig/ gar ſchwache Regimenter geſchickt/ vnd ſich darbey ex-
preſſe vernehmen laſſen/ daß Er ſolches darumben thue/ damit jhre Churfuͤrſtliche
Durchl. kein rechtes Corpus mehr/ zu Jhrer ſelbſt Diſpoſition bekommen/ ſondern
Jhme allein die Direction verbleibe/ wie er dann dem Herꝛn Graffen von Aldrin-
gen/ vnd ſeinem vnterhabenden Volck/ die Hand allzeit alſo gebunden/ daß Er
nichts fuͤrnehmen doͤrffen; Deßgleichen hat auch Hertzog Bernhard von Wey-
mar vnder deſſen in Francken ein Newes Corpus, welches gar leichtlich verhindert/
vnd anfangs zertrent werden koͤnnen/ geſamblet/ vnd damit auch ſich nacher
Bayren begeben zum Horn geſtoſſen/ vnd alſo mit geſambter hand/ den Herꝛn
Graffen von Aldringen/ herein an die Yſer getrieben/ darauff Er zwar wiederumb
etliche Regiment er geſchickt/ doch aber dabey expreßè Ordinantz geben/ nichts ge-
gen dem Feind vorzunehmen ſondern nur defenſivè zugehen/ dann Er inner vierze-
hen tagen/ den Feindin Schleſien ſchlagen/ oder jagen woͤlle; An ſtatt deſſen aber/
daß der Feind geſchlagen/ oder gejagt werden ſollen/ vngeacht mit der ſchoͤnſten
Armada Er dahin angezogen/ iſt nichts anders erfolgt/ als das langwirige Stilli-
gen bey Schweinitz/ ein Anſtand vber den andern/ vnd die abermahlen vergebent-
liche Friedens Tractaten, den gantzen Sommer hindurch/ darunter/ obwohln Er vn-
terſchiedlich/ auff daß beweglichiſt erſucht worden/ dem Herꝛn Graffen von Al-
dringen herauſſen doch die Haͤnd zueroͤffnen/ damit der Orthen/ dem Feind waß
moͤchte begegnet werden/ ſo hat Er ſich doch darzu keines wegs verſtehn woͤllen/
daß nachmahl gar Jhre Kay. May. ſelbſten/ den Obriſten St. Iulian, derentwegen
zu jhme abgeſchickt/ bey deme Er zwar/ Jhre Keyſ. M. geantwortet/ daß Er den
Herꝛn von Aldringen/ ſchonan Jhre Churf. Durchl. gewieſen/ Er hat aber als-
bald deß andern tags/ nach deme der Obriſt St. Iulian, von jhme hinweg gereiſt/ jh-
me Herꝛn Graffen von Aldringen durch den Herꝛn Graff Gallaſſen, auffs new an-
derſt ſchreiben vnd inhibiren, auch vorhero muͤndtlich/ durch den Feldmarſchalck
Leutenanten von Schafftenberg/ andeuten laſſen/ Er ſolle ſeiner Ordinantz nach-
kommen/ dann im gegenſpiel/ woͤlle Er jhne nicht perdoniren, wann jhne ſchon der
Roͤm. Keyſ. perdonire: Deß gleichen/ hat Jhrer Kayſ. May. Er auch durch dero
Hoff Kriegs Raths Præſidenten, Herꝛn Graff Schlicken/ ſagen laſſen/ der von Al-
dringen habe ſchon allen Gewalt/ welches Jhre Keyſ. May. auch alſo/ Jhrer Chur.
Durchl. verſichert/ nichts deſto weniger aber/ hat Er demſelben gantz andere/ vnd
wiedrige Ordinantzen ertheilt/ vnd dardurch Jhrer Kay. May. Kayſerliches Wort
verſchimpfft vnd eludirt; Ja ſich verlauten laſſen/ wann bemelter Præſident, nur noch
etlich wenig ſtund gelieben waͤre/ daß Er Jhne hab woͤllen auff ſtuͤcken hawen laſ-
ſen: Derowegen das gantze werck/ der geſtalt beſtelt geweſen/ wo ſonſten ein Corpus
gelegen/ welches anderer Orthen/ gegen dem Feind/ was hette tentiren moͤgen/ hat
Er demſelben die Haͤnd gebunden/ daß es nichts fuͤrnehmẽ doͤrffen/ Er aber allzeit
daß meiſte Volck/ bey ſich behalten/ vnnd gegen Jhrer Mayſ. Feinden/ nur allein
mit
[125]De Statu perturbato Franciæ.
mit den Saͤchſiſchen Stillſtandt/ vnd Tractaten gemacht/ durch welches die Saͤch-
ſiſchen ſelbſten/ wie auch ſonſten der Feind/ aller anderer Orthen/ welcher im wie-
drigen/ denen Saͤchſiſchen nothwendig ſuccuriren muͤſſen/ geſichert vnd Jhme lufft
gelaſſen worden/ in ander weg ſeine ſtattliche Progreſſus zuthun/ vnd ſich eines vnnd
andern Orths/ daran Jhme gelegen/ zubemaͤchtigen. Auß welchem erfolgt/ daß
erſtlichen Bayren/ vnnd die Pfaltz/ mit dem langwirigen/ den gantzen Sommer
continuirenden Stilligen/ wiederumb auffs euſſeriſt ruinirt, drey veſte/ viel impor-
tirende Heuſer/ Aichſtaͤtt/ Pappenheim/ vnd Liecht enaw/ wie auch die Stadt New-
marck/ (welche orth alle/ ſich vorhero gegen dem Koͤnig/ vnnd deſſen gehabter/ viel
ſterckerer Macht erhalten) auß mangel deß von Friedtlands verbottenen Entſa-
tzes/ verlohren gangen: Hingegen der Feind im Elſaß/ einen Orth nach dem an-
dern/ weg genommen/ Preyſach beaͤngſtiget/ gar biß nacher Lindaw vnd Coſtnitz
gangen/ vnd ſich deß gantzen Schwaͤbiſchen Crayſes bemaͤchtiget: Alſo hat man
auch/ die Entſetzung mit Hammeln/ weiln kein anders Mittel geweſt/
mit Gefahr verſuchen müſſen/ Daruͤber Herꝛ Graff von Gronßfeld ge-
ſchlagen worden/ deme man doch wol zeitlich lufft machen/ vnd den Feind in Nider
Sachſen divertiren koͤnnen/ wann man nur etwas diverſion in Francken angeſtelt
hette/ zu welchem end der Holcka/ gar zu nechſt an der Hand geweſẽ/ welcher gleich-
fals faſt den gantzen Sommer/ ohne verꝛichtung/ bey Eger ſtill liegen muͤſſen/ vnd
dannoch von Francken auß/ auff jeden fall/ ſich zeitlich/ an Orth vnd End/ wieder
hette wenden koͤnnen/ wohin es die notturfft erfordert: Als der Feind die Stadt
Newmarck belaͤgert/ vnd eingenommen/ hat ſich der Holcka zwar/ mit dem Herꝛn
Graffen von Aldringen in der Pfaltz conjungirt, vnd weiln der Feind mit/ groſſer
Confuſion abgezogen/ haben beede ſelbſt fuͤr gut/ vnd Practicierlich befunden/ dieſe
Statt wieder zu recuperiren, Es hat ſich aber der Holcka/ mit dieſem entſchuldiget/
daß Er ſich auß Ordinantzen deß Friedlands/ lenger von den Boͤhmiſchen Graͤ-
nitzen/ nicht abweſent befinden doͤrffe/ als Er in dreyen Tagen/ hin/ vnnd wieder
marchiren koͤnde/ wie er dann auch alſobald/ vnverꝛicht wieder zuruck gezogen.

Als nun hierauff der Hertzog von Feria, mit dem Spaniſchen Volck/ wieder all
deß Friedlands vermeinen/ vnd Iniention, (ſintemahlen Er noch vorhero/ den O-
briſten Deodati zu Jhrer Durchleucht. den Herꝛn Cardinaln Infante, nacher May-
landt abgeſchickt/ ſelbigen auff alleweiß zu diſponiren/ daß Er dieſes Volck nit
herauß ziehen laſſen wolte/ oder aber/ da Er je dieſes nit erhalten koͤndte/ auff daß
aller ſtaͤrckeſte dagegen zu proteſtiren/ mit fuͤr geben/ weilen ſonſten im Teutſch-
landt kein Friedt/ welchen Erbereit in ſeinen handen hab/ zu erlangen) auß Jta-
lia ankommen/ haben Jhre Keyſ. May. dem Herꝛn Graffen von Aldringen Or-
dinanz geben/ mit ſeinem Volck/ darzu auch Jhre Churf. Durchl. faſt dero
gantze Caualleriam/ ſampt etlichen Regimentern zu Fuß/ vnd der Artilleria/ her-
geben/ demſelben entgegen zugehen/ vnd zu coniungieren/ vnd ſo dann ins ge-
Q iijſambt/
[126]De Statu perturbato Franciæ.
ſambt/ Coſtnitz zu liberiren/ vnd Preyſach zu entſetzen/ welches auch beſchehen:
Die weiln dann hierdurch Beyern/ vnd der Thonawſtromb/ entbloͤſt worden/ Als
hat der Feindt darauff/ als baldt ein ſtarcke diverſion vorgenommen/ in deme
Er nemblich/ von Thonawerth/ ohne eynigen widerſtandt/ gar nacher Regenſpurg
herunder gangen. Nun haben Jhre Churfuͤrſtl. Durchl. die vor hin ſo ſtarck
vertroͤſte/ vnd verſicherte Huͤlff/ zeitlich gnug durch Schreiben/ vnd Abſchickun-
gen erſucht vnd mehrers nicht/ dann nur Dreytauſent zu Fuß/ vnd Zweytanſent
zu Pferdt gebetten/ Jhre Kaͤyſ. May. auch ſelbſten/ Jme Friedtland beweglich ge-
ſchrieben/ vnd durch ſieben abgeſchickte vnterſchiedliche Currir begert/ Er ſolle
den Herꝛn Graff Gallaſſen zum Succurs herauß ſchicken/ Es iſt aber/ vngeacht deß
in Schleſien/ nach denen zerſchlagenen Tractaten erfolgten gluͤcklichen Succes
bey deme der gleichen Succurus gnugſamb/ vnnd gar zeitlich hette erfolgen koͤnnen/
gantz nicht zuerhalten geweſen/ mit fuͤrwenden/ Er kondte keinen Mann entra-
then/ der von Aldringen ſolle ſuccurrirn, der doch wie jhme ſchon zuuor remonſtrirt,
zu rechter zeit nicht kommen koͤnnen/ auch damahlen ſelbſt von dem Feind/ mehr
als zu viel impegnirt geweſen/ Vnd ob zwar endtlich/ der Herꝛ Graff Gallas an-
deuttung gethan/ daß Er mit Zwoͤlfftauſent Mann/ zu Roß vnd Fuß/ daruͤber Er
auch gar ein ſpecificirte Liſtam eingeſchickt/ herauß zukommen/ erlaubnuß habe/
vnd daß er derentwegen/ ſeinen Zug ſo viel Menſchlich muͤglich/ befuͤrderen woͤlle/
So iſt doch abermahlen nicht darauß/ ſondern Er/ Herꝛ Graff Gallas contra-
mandirt worden/ Dahero auß mangel deß hoͤchſtnothwendigen Succurs, iſt vnter
denen Regenſpurg/ Straubing/ Chamb vnd andere Orth/ auch faſt der gantze
Waldt/ in deß Feindts Haͤnden gerahten.

Endtlich hat er ſich zwar/ auff Jhrer Keyſ. May. oͤffters erholte Befelch/ er-
klaͤrt/ in der Perſon eylfertig her auß zukommen/ mit verſicherung/ daß Er den
Feind/ wo Er jhne antreffe/ ſchlagen wolte/ wor uͤber ſich doch auch/ in die vier-
tzehen tag verzogen/ biß Er an die Bayriſche Graͤnitz/ nacher Fuerth ankommen/
von daſelbſt Er zwar Chamb berennen laſſen/ Jn maſſen auch hohe Officierer/
der meinung geweſt/ daß man ſolchen Orth/ mit gewalt angreiffen ſoll/ weiln der-
ſelb nicht prouiandirt/ die Guarniſonen mehrentheils von Reutterey/ alſo ſich
baldt ergeben/ oder von dem Feindt entſetzt werden muͤſte/ vnterſtehe ſich dann
der Feind ſolchen Entſatz zuthun/ habe man occaſion/ mit jhme zuſchlagen/ wie
dann hinnach ſich bezeigt/ daß der von Weinmar bereit zu vorhabender Entſa-
tzung Chamb/ zu Straubing vber die Thonaw geweſt/ vnd jhme Fridtlandt ſelb-
ſten in die handt gangen waͤre/ Er hat aber wider aller Kriegs verſtaͤndigen
Gutachten/ nicht warten woͤllen/ ſondern ſich von Fuerth auß/ in allereyl/ wider
zuruck/ in Boͤhaim/ nacher Pilſen begeben/ vnerwart einiger antwort/ oder Be-
felch von Jhrer Keyſ. May. mit vorwandt/ daß Arnheimb gegen Schleſien anzie-
he. Vnd ob Er auch wol dazumahln/ den Herꝛn Graffen Strozzi/ mit vier vnd
zwentzig
[127]De Statu perturbato Franciæ.
zwantzig Compagnien Reuttern/ an die Boͤmiſche Graͤntz/ gegen Beyern com-
mandirt/ welcher zum wenigſten etwas verhindern koͤnnen/ biß der mehrere Suc-
curs hernach kommen/ So iſt doch auch derſelbe/ vber vielfeltiges abſchicken/ nicht
zuerlangen geweſt: Dann ob woln Friedtland ſelbſten geſchrieben/ auch durch
den Herꝛn Graff Gallaſſen ſchreiben laſſen/ daß er ſchon alle Ordinantz/ ſich mit
Jhrer Churfuͤrſt. Durchl. in Bayern Volck/ zu coniungiren/ ſo hat er doch heim-
lich dieſe Ordinantzen geben/ daß er Strozzi/ bey Leib vnd Lebens ſtraff/ nicht v-
ber die Boͤmiſchen Graͤnitzen gehen ſoll/ biß erſt gar letztlich/ als Fridtlandt ſelb-
ſten ſchon herauſſen zu Pilſen geweſt/ zwar nicht ſo wol zu einem Succurs, als der
Jntention/ die Winter Quartir nach malen in Bayern zunehmen/ Jnmaſſen
ſolches die gemachte Winter Quartir Verzeichnuß/ klaͤrlich vnd in ſpecie bezeugt.
Ob auch wol der Herꝛ Feldt Marſchalck/ Graff von Aldringen befelch gehabt/ mit
der Armada daroben in Preyßgaw vnd ſelbiger enden zubleiben/ vnd die Winter
Quartier/ ſo viel muͤglich in das Marggraffen: vnd Wuͤrtembergiſche zu exten-
diren; So doch Friedtlandt gantz andere Ordinantzen ertheilt/ vnd Jhme Herꝛn
Graffen von Aldringen zugemeſſen/ befohlen daß er Wuͤrtemberg gantz verſcho-
nen ſolle/ Dannenhero erfolgt/ weilen die Armada droben/ ohne beziehung Wuͤr-
tem berg/ ſich nicht erhalten koͤnnen/ daß Sie wieder herab werths/ gegen Schwa-
ben ziehen muͤſſen/ welchen Zug Friedtland/ mit dieſem noch ferners befuͤrdert/ in
deme Er/ dem Graffen von Aldringen andeuten laſſen/ er ſolle ſich auff einer ſey-
ten herab/ gegen dem Feind avanciren/ ſo woͤlle er Friedland auff der andern ſeitẽ
auffwarts/ auff den Feind gehen/ damit mandenſelben einſchlieſſen koͤnne/ ehe
aber Graff von Aldringen herab kommen/ iſt Friedland ſchon wiederumb zuruck
in Boͤheimb geweſt: Auß welchem ferners dieſes kommen/ daß die Aldringiſche
vnd Spaniſche Armada/ wegen langen vnnoͤthigen hin: vnd herziehens/ vnd ſtar-
cken travaglirens, in einen ſehr vblen ſtand gerathen/ Jnmaſſen allein/ von denen
Spaniſchen/ etlich tauſent Mann zu grund gangen. Nicht weniger vngeacht
Jhre Kayſ. May. ſelbſten/ fuͤr hoͤchſt noͤtig befundendaß dem von Weinmar/ oh-
ne weiters verlengern/ ernſter wiederſtand gethan werde/ vnd derentwegen Jhme
gemeſſene Ordinantz ertheilt/ alſo balden auff den Weinmar zu zuziehen/ ſich auch
darbey lauter erklaͤrt/ daß dieſes jhr endlicher zuverlaͤßlicher Willen ſeye: So hat
doch er Friedland/ ſolches im geringſten nicht in acht genommen/ ſonder juſt das
Wiederſpiel gethan/ das Volck ohne alles Jhrer May. vorwiſſen/ vnnd von
deroſelben vnterwarth einiger diſpoſition, oder verordnung/ nur gleichfuͤr ſich ſelbſt/
eignes gefallens/ in die Quartier geſchickt/ vnnd in die Laͤnder/ propria Authoritate
außgetheilt.

Als er auch vernommen/ daß Jhre Kayſ. May. dero geheimen Rhat/ dem
Herꝛn Graffen von Trautmanſtorff befelch geben/ derentwegen Jhme zuzuſpre-
chen/ hat er alſo bald dieſes zu eludiren, vnd damit er fuͤr zuwenden hab/ wie ſolches
nunmehr
[128]De Statu perturbato Franciæ.
nun mehr zu ſpat/ alle Stuck von den Redern legen laſſen/ vnnd die Regimenter
ſchon hin vnd wieder verſchickt gehabt. Deßgleichen/ als ſich auch vnter deſſen ein
occaſion præſentirt/ allein mit Hilff/ der/ in das Land ob der Enß/ ankommenen
Regimentern/ den Feind an der Thonaw zuruck zutreiben/ vnd zuſchlagen vnnd
darumben/ Jhre Kay. May. auch ſelbſten/ durch Schreiben/ vnd Schickungen/
dem Commandanten, ſelbiger Regimenter/ Baronde Suys gemeſſene Ordinantz gege-
ben/ ſich mit denſelben/ gegen dem Feind zu avanciren/ vnd ſich daran Niemands
hindern oder jrꝛen zulaſſen/ inmaſſener zu ſolchẽ ende ſchon zu Paſſaw angelangt/
So ſeyn doch demſelben alda/ von dem Friedland/ alsbald zween Curier zukom-
mẽ/ mit Ordinantz/ daß er Baron de Suys, alſo bald wiederumb in die Winter Quar-
tier rucken ſolle/ beynebens auch andeuten laſſen/ daß Er jhme den Kopff fuͤr die
Füß legen laſſen wolle/ wann er deß Kayſers/ vnd nicht ſeinen Ordinantzen pariren
werde/ dannenhero ſelbige dieſem auch alſo nachkommen/ vnd dardurch auch dieſe
occaſion zuruck geſtelt worden/ Friedland aber/ hat hernach Jhme de Suys, wiede-
rumb geſchrieben/ es gereiche Jhme dieſes/ daß Er nemblichen mehrers ſeine/ als
Jhrer Kayſ. May. Ordinantz in acht genommen/ zuſonderm gefallen/ vnd woͤlle es
vmb Jhne zu erkennen nicht vnterlaſſen.

Welcher geſtalt die/ den gantzen Sommer durch/ gewehrte Friedens Tra-
ctaten/ in Schleſien abgeloffen/ vnd was dabey fuͤr anſehenliche Occaſiones/ dem
Feind/ ſo auch durch die ſtarcke graßirende Infection, vnd Hungers noth/ faſt fuͤr ſich
ſelbſt conſumirt geweſen/ gaͤntzlich ſeine Armada auff zuſchlagen/ vnd zuvertilgen
(deſſen Jhre Kaͤy. May. Er auch vielmalen durch Schreiben vertroͤſtet/ aber nach-
malen nicht gethan) mit fleiß auß handen gelaſſen/ das iſt auch nunmehr menni-
glich bekandt. Darbey diß ſonderlich zumercken/ daß Er vorhero durch Schreibẽ/
vnd muͤndliche Werbungen/ bey Jhrer Kaͤyſ. May. nichts mehrers geſucht/ noch
gebetten/ als man ſolte doch nur keinen Anſtand/ oder Suſpenſionem Armorum, von
Hoff auß bewilligen/ deme aber zuwieder/ hat Er nach nach malen ſelbſten anders
nichts gethan/ als einen Stillſtand vber den andern gemacht/ vnd zwar/ nicht allein
ohne Jhrer Kaͤyſ. May. Bewilligung/ ſondern auch gar ohne alles deroſelbſten
Vorwiſſen/ vngeacht auch eynige Friedens Puncten niemahlen verglichen gewe-
ſen/ ſo hat Er doch jederzeit/ nur auff die Conjunctur der Waffen vnnd derſelben
Directorium getrungen/ ſich derſelben nach ſeinem belieben zu gebrauchen/ vnd vn-
ter dem ſchein/ vnd titul deß Friedens/ nach main ſeine boͤſe falſche Intentiones hin-
durch zutreiben/ vnd zu ſtabiliren, wie dann dieſes albereit im vorhaben geweſen/
auff die erfolgte Conjunctur, vnter dem prætext/ alle außwendige Nationes, von deß
Reichs Boden abzutreiben/ zum aller erſten die Spaniſchen/ vnd das Lothrin-
giſche Volck/ vnd was ſonſten Jhrer Kayſ. May. etwan fuͤr hůlffen haben koͤnnen/
mit gutem/ oder aber mit gewalt/ abziehen zumachen/ vnd zu ſolchem ende/ conjun-
ctis viribus auff Sie zugehen.

Nach deme auch Jhre Kaͤyſ. May. dero vornehme Commiſſarios in Schle-
ſien abgeordnet/ hat Er denen ſelben/ von ſeinen vorgehabten Tractaten/ nichts
eygentliches communicirt/ wie Er dann Jhrer Kaͤyſ. May. ſelbſten/ nur lauter ge-
neralia/ vnd daß bey der vorgehabten handlung nichts anders/ als wegen zuſam-
menſtoſſung der beyden Armaden/ ohne eynige andere verbuͤndtliche condition/
tractiert worden ſey/ vnd dieſes zwar auch/ erſt vber vier gantzer Monat notificiert/
Vnter welcher ſimulirten Friedens Tractation/ Er dann vnzahlbare Paͤß/ vnnd
Repæß außgefertiget/ dardurch faſtmenniglich von dem Feind/ zu der Kaͤyſ. Arma-
da/ herüber kommen/ ſelbige außkundt ſchafften/ vnd allerhand negotyren koͤnnen/
Durch welches commercium dann auch/ die gifftige Infection, in das Kayſ. Laͤger ge-
bracht/ welche viel von der Keyſ. Soldadeſca hingerichtet/ vnd die herꝛliche Armada/
nicht wenig geſchwechet. Vnd ob ſich woln endlich/ dieſe Tractatus euſſerlich zer-
ſchlagen/ vnd Er darauff in die Laußnitz/ vnd in die Marck geruckt/ ſo hat er doch ei-
nen weg als den andern/ jmmerzu ſeine Practicam continuirt, auch zu ſolchem ende/
den Haupt Rebellen/ aber doch ſeinen alten vornembſten Confidenten, den bey der
Steinaw gefangenen alten von Thurn/ als welcher ſeine ſachen/ bey denẽ Schwe-
diſchen negotijrt, ohne welche Er letztlich geſehen/ daß ſich die Conjunctur nicht pra-
cticiren werde/ (den Er auch im mittels gar wol tractiert, vielmals mit jhme in ſei-
ner Gutſchen herumb gefuͤrt/ vnd ſonder zweiffel/ alles mit jhme abgered/ vnnd be-
ſchloſſen) ſamptvielandern mehr/ vnd noch darzu mit einer verehrung/ wiederumb
loß gelaſſen.

Dieweil nun Jhre Keyſ. May. auß etlichen der jetzterzelten particular Vrſa-
chen (dann von denen/ mit Schweden/ heimlich gepflogenen Corꝛeſpondentzen/
als auch zu Khemnitz/ mit dem Arnheim gemachten Anſchlaͤgen/ bey Lebzeiten deß
Friedlaͤnders/ Jhre Kayſ. May. das geringſte nicht vernehmen koͤnnen) bewegt
worden/ auff ſeine Actiones ein wachendes Aug zuhaben/ ſonderlich aber/ wegen
der abermahligen Winterquartier/ die wiederumb in Boͤheim/ vnnd denen Erb-
laͤndern genommen werden woͤllen/ wie auch deß zuruckzugs/ vnnd deroſelben an
den Thonawſtrom/ zum hefftigſten zutringenden gefahr halber/ ſorgfaͤltig zu ſeyn/
vnd aber eben vmb dieſelbige zeit/ Er Friedland/ Jhrer Kayſ. May. Hoff Kriegs
Rath/ Herꝛen Gerharden von Queſtenberg/ Freyherꝛn/ ꝛc. eben der Winterquar-
tier halber/ zu ſich erfordert/ wie nicht weniger bald darauff Jhrer Kay. May. ſeine
vrſachen/ vnd bewegnuſſen/ warumben er ſich wiederumb zuruck nacher Boͤheim
gewendet/ vberſchrieben/ Als haben hoͤchſtgedachte Jhre Kay. May. vorgedachten
Herꝛn von Queſtenberg Freyherꝛn/ ꝛc. mit gewiſſer Inſtruction, zu Jhme abgefer-
tigt/ vnnd dem ſelben remonſtriren laſſen/ wie ſchwerlich es bißhero/ mit ſolchen
Winterquartiern/ in dero Erblaͤnder hergangen/ wie dieſelben/ auff ſein/ deß Fried-
lands/ ſelbſt eygene vnder ſchiedliche/ vnd erſt gar newlich gegebene vertroͤſtungen/
daß Sie dieſes Laſts vberhoben werden moͤchten/ dahin bewogen worden/ daß ſie
RSich
[130]De Statu perturbato Franciæ.
Sich deſto ſtaͤrcker/ in dem Seckel angegriffen hetten/ dannenhero vnd weilen es
allerhand nachdencken vervrſachen moͤchte/ wann Sie an jetzo/ wie der die beſchehe-
hene Aßecuration, vnd Kaͤyſerliches Wort/ belegt werden ſolten/ als hetten Sie
ſelbſten auff andere mittel/ da die Exercitus vberwintern/ vnd Jhren vnterhalt mit
deß Feinds mercklichen Abbruch/ herentgegen dieſer Landen reſpirierung, vnd laͤn-
ger erſparung/ auff den euſſeriſten Nothfall/ moͤchten haben koͤnnen/ gedacht/ vnd
dem ſelben daruͤber ein gewiſſe verzeichnus mit vberſchickt/ doch aber alles/ zu ſei-
ner ſelbſt eygenen diſcretion, vnd mehrerm Nachdencken/ etwan darauff/ oder aber
ſonſten auff eynige andere ertraͤgliche manier/ wie das Werck zurichtẽ ſeyn moͤch-
te/ nach zudencken/ demſelben anheimb geſtellt/ beynebens aber/ auff den fall/ da
Er ja auff ſeiner Intention, die Erb Laͤnder mit Quartiern zu onerirn, verharꝛen wol-
te/ andeuten laſſen/ daß Er der Quartier halber/ in mehrbemelte Erbland/ keine
Ordinantzen außgeben ſolle/ ehender Jhrer Kaͤyſ. May. Er nicht vorhero ſeine
habende Intentiones, klar: vnnd außfuͤhrlich notificiers habe/ damit nach erſorderter
nothwendigkeit/ die ſachen berathſchlagt/ vnd alles mit rechter Ordnung tractiert
moͤge werden/ Vnd koͤndten Jhre Kaͤyſ. May. Jhro dießfals/ dero hohe Authoritet,
vnd Haͤnd keines wegs ſperꝛen laſſen/ bevorab/ weiln Jhre wie auch dero Ertzhau-
ſes eygnes Intereſſe, hierunter zum allermeiſten behaffte/ vnd derſelben/ wie auch
dero Landen/ nicht ſo viel ſchaden beſchehen wurde/ da allerſeits die Feind/ mit dero
Volck angegriffen/ vnd daſelb verluſt leiden ſolte/ als wann die Erbland derge-
ſtalt ruiniert ſolten werden.

Als nun Jhme Friedland dieſes alſo fuͤr getragen/ beynebens auch/ noch ein
anders Schreiben zukommen/ darinnen anbefohlen geweſen/ vngehindert ſeiner
eingeſchickten vnd Motiven, genommenen zuruck Zugs/ nacher Boͤheim (welchen
Er mit andern/ in der Marck Brandenburg fuͤrgefallene Diverſionen, vnd beſor-
gendẽ Einbruch deß Kniphauſſen in Boͤheim beſchoͤnigt) die Armadam alſobalden
wiederũb gegen Paſſaw/ vnd dẽ Feind zuwenden/ ſelbige zu ruck zutreiben/ vnd zu-
verfolgẽ/ wie nit weniger/ fuͤr Jhre Durchl. den Herꝛn Cardinaln Infante, ſelbigen
nacher Niederlãd zu conducirn, durch die Spaniſche/ Sechs Tauſent Pferd begehrt
worden/ Welches Jhre Kayſ. May. doch zu ſeiner ſelbſt eignen diſcretion, vnd wann
es wohl ſeyn kan/ geſtellt/ hat Erdahero Vrſach/ vnd Gelegenheit genommen/
mit ſeinem lengſt zuvor gefaſten boͤſen Conſilien, vnnd vorgehabten Machinationen
außzubrechen/ vnd weiln Jhme an der Armada/ vnnd gewinnung derſelben vor-
nembſten Commandanten, am aller meiſten gelegen geweſen/ derentwegen Er noch
bißhero/ ſeine boßhafftige Anſchlaͤg/ nicht zuwerck ſtellen koͤnnen/ Als iſt Er dahin
be muͤhet geweſen/ vber die jenigen/ die Er Jhme durch allerhand Mittel voran-
hengig gemacht/ noch mehrere/ vnd vornemblich/ die aller vornembſten/ auff ſeine
ſeiten/ zubringen/ vnter anderm ſonderlich dem Herꝛn Graffen Picolomini, ſeine
Intentiones dahin entdeckt/ weilen man an dem Kaͤyſerlichen Hoff/ gegen der
Solda-
[131]De Statu perturbato Franciæ.
Soldadeſca, ſo gar vndanckbar/ vnd Tyranniſch verfahre/ dieſelbe ohne einige ge-
dancken der Bezahlung/ allein zu ruinirn gemeint ſeye/ Er auch fuͤr ſeine Perſon/
auff allerley weiß mortificirt wurde/ vnnd aber mahlem in ſorgen ſtehen muͤſte/ mit
Deſpect abgedanckt zu werden/ Auff daß Er nun/ an ſeiner Ehr/ vnd Reputation, nicht
etwan weiter ein Verkleinerung leide/ waͤre Er entſchloſſen/ ſein Heyl vnd Gluͤck
zuverſuchen/ zu ſolchem ende/ mit denen vornembſten/ vnd auß dem gantzen Exerci-
tu auſſer weltiſten Troppen/ mit dem Feind ſich zu conjuugirn, vnd ſo dann ins ge-
ſambt die Oeſterꝛeichiſche Erblaͤnder zubekriegen/ biß Er ſelbige/ wie auch Jhrer
Kay. May. ſelbſt eigene Perſon/ in ſein Macht vnd Gewalt gebracht/ vnd das gan-
tze Hauß von Oeſterꝛeich/ nicht allein im Teutſchland/ ſondern auch aller anderer
orthen/ wohin deſſen Monarchia, vnd Herꝛſchung/ ſich bißhero erſtreckt/ voͤllig/ vnd
von der Wurtzel vertilgt/ vnd außgerottet habe/ dannenhero/ vnd damit Jhme be-
ſagter Picolomini, auch beypflichte/ hat Er Jhme vnterſchiedliche Digniteten, auch
vornehme Herꝛſchafften vorgetragen/ vnnd verheiſſen/ vnd ob Jhme zwar dage-
gen/ vom Herꝛn Graffen Picolomini opponirt, vnd zu Gemuͤth gefuͤhrt worden/ wie
dieſes ein ſehr ſchwaͤres/ vnd weit auſſehendes Werck/ daß auch die Kaͤyſerliche/
vnd deß Hauß Oeſterꝛeichs Macht/ ſonderlich in Spanien/ vnnd andern orthen/
nicht ſo gar gering zuſchaͤtzen/ vnd ſich ſo leicht nicht wurde vber gewaͤltigen laſſen.
So iſt Er doch nichts deſto weniger/ auff ſeinem Vorhaben halßſtarꝛig verblieben/
Mit vorbilden/ wie daß in wichtigen ſachen/ nur der Anfang/ vnnd erſte Hoffnung
ſchwaͤr/ vnd daß bey der gleichen Anſchlaͤgen/ ſo allein auff gut wagen beruhen/ vnd
da am verzug/ die groͤſte gefahr hafftet/ dergleichen difficulteten, gar nicht zu beob-
achten/ Seine ſachen auch nunmehr dahin kommen waͤren/ daß Er ſich noth-
wendig/ dem Gluͤck vertrawen muͤſte. Dannenhero/ zu noch mehrerer Erhoͤhung/
ſeiner Condition, vnd Stands/ bey ſo erwuͤnſchter/ in handen habender occaſion, vnd
gewiſſen/ auß dem Geſtirn erſcheinenden Himliſchen Warzeichen/ Er eygentlich
entſchloſſen/ Da er anderſt nicht koͤnde/ auch all ein mit Tauſent Pferden/ ſein heil
zuverſuchen/ vñ wohin Jhne das Gluͤck ſelbſten fuͤhren/ vnd leiten thaͤte/ die hand
zuſtrecken/ welchen Muth/ vnd hoͤwenhertz/ Jhme dann ſeine Aſtrologi gemacht/
welche Jhme eingebildet/ daß ſolche directiones, vnnd poſitiones verhanden/ daß für
Jhne der Him̃el voller Geigen hienge/ vnd Jhne gleichſame die Planeten ſelſten/
auff den Koͤniglichen Thron zuſitzen/ anreitzeten.

Vnd damit er bey der Militia, auch einen anhang habe/ vnd ſein Authoritet, bey
vnderſchiedlichen deſto mehrers gruͤnden moͤge/ Als hat Er/ dem Adam Erdman
Tertzka/ ſeinem Schwagern/ das Generalat/ von der Cavalleria auff getragen/
vnd zu vnderſchiedlichen mahlen/ etliche vnderſchiedliche Regim enter vnter ge-
ben/ wie dann derſelbe/ eben vmb dieſe zeit/ fuͤnff Regimenter Kuͤriſſer/ zwey zu
Fuß/ vnd eins von Tragon eern commandiert, auff welche Er Friedland/ ſich am al-
lermehriſten verlaſſen/ vnd darauff ſein gantze Hoffnung/ bey dieſer ſeiner Rebellion,
R ijgebawet/
[132]De Statu perturbato Franciæ.
gebawet/ So iſt er/ in dem vnerſaͤttlichen Ehrgeitz/ vnd darauß er wachſenden boß-
hafftigen vorhaben/ ſo weit vertiefft geweſen/ daß Er auch gar keine gedancken
mehr/ von einem zweifelhafftigen Außſchlag/ ſich in den ſinn weit er kommen laſ-
ſen/ Ja der blinden begierlichkeit/ ſich endlich alſo ergeben/ daß Er ſich auch deß
arbitrij, gleichſamb der gantzen Europa, anmaſſen doͤrffen/ Jhrer Paͤbſtlichen Hei-
ligkeit Nepoti einem/ hat Er das Koͤnigreich Neapoli, in ſeiner Einbildung aßignirt,
dem Hertzogen von Saphoien, gab Er neben dem Koͤniglichen Titul/ Monferrat, Al-
ſo auch dem Groß Hertzogen von Florentz/ mit gleich maͤſſigen Koͤniglichen Titul/
die Rempublicam Lucenſem mit allen Meerporten/ vnnd zugehoͤrungen/ welche von
dem Statu Senenſi die Spaniſchen Jhnen vorbehalten/ vnd auff dieſe weiß/ hat Er
auch andere Herꝛſchafften/ vnd Status, welche biß hero/ entweder vnter der Spani-
ſchen Tyranney/ (wie Ers titulirt) oder Protection geweſen/ auff andere Herꝛn
transferirt, Allein wegen deß Status von Mayland/ ware Er noch zweiffentlich/ was
damit fuͤr ein diſpoſition zumachen/ in Betrachtung/ ſolte Er dem ſelben/ dem Her-
tzogen von Saphoja, oder aber der Venediger Herꝛſchafft zueignen/ Er ſich beſorgt/
es moͤcht eines/ oder deß andern Macht zu groß werden. Dem Hertzogen von
Mantua aber/ hat Er zur recompens, fuͤr Montferat, Cremona deſignirt, vnd dieſes iſt Er
vorhabens geweſen/ alles zugleich zu diſponiren, damit zu beſtimpter zeit/ vnd gege-
benen Loß/ die Spaniſchen/ auff einmal/ auß gantz Jtalien verjagt/ auch keine
Mittel mehr zu reſiſtiern, vbrig ſeyn ſolten. Jn welchem allem zwar/ Er Jhme von
ſolchen hohen Cronen vnd Potentaten/ eine eytele/ vnd ſeinen vnmuͤſſigen begier-
lichkeiten gleichfoͤrmige Einbildung gemacht/ alles wann ſolche Haͤupter/ auff
eines Verꝛaͤthers/ gar nit vermutlichen gluͤcklichen Außgang/ dergleichen hoch-
wichtige Veraͤnderungen zubawen/ vnd ins Werck zurichten/ ſich wurden vber-
reden/ vnd perſuadirn laſſen.

Als dagegen auch opponirt, daß dieſes/ wieder die Catholiſche Religion ſey/
vnd weiln gleich wol der ſelben/ die mehriſten vnd vornembſten Capita beyder Ar-
mada/ zugethan/ daß zuwieder/ vnnd gegen Jhrem Gewiſſen/ dieſelben Jhme
Friedland hierinnen/ nicht leichtlich beypflichten wurden/ hat Er/ die Catholiſchen
in ruhe/ vnd bey gutem willen zuerhalten/ die Hoffnung gemacht/ wie er entſchloſ-
ſen/ denen vorigen/ vnnd alten Poſſeſſoribus, die Geiſtlichen Guͤtter/
welche die Vncatholiſchen bißhero innen gehabt/ vnd
uſurpirt, wiederumb zu reſtituirn.

Der 13. Diſcurß:

NAch dieſem ſind ſeine Gedancken geweſen/ dem Koͤnig
in Franckreich/ Burgundt/ vñ Luͤtzenburg zuvberlaſſen/ doch der Geſtalt/
daß ſelbiger dargegen/ die in Elſaß occupirte Orth/ widerumb einraumen
ſolte/ die andern Niderlaͤndiſchen Provincien aber/ haben in jhre freye Libertet
geſetzt werden/ vnd dabey verbleiben ſollen/ Damit Er Jhme auch/ die nechſtge-
legene Koͤnig/ vnd Potentaten verbuͤndig machte/ Jſt Er vorhabens geweſen/
der Koͤnigl. May. zu Polen/ ſelbige auch auff ſein ſeiten zuziehen/ ein guten theil
von Schleſien zu offerirn/ da Sie aber darein nicht willigen wolten/ wider Sie
die Calviniſten auffzuwicklen/ vnd ſolche diſſidia zu erwecken/ vnd zu foviren/ daß
von dannen/ wider Jhme/ einigen Huͤlff ſich nicht zubefuͤrchten. Was dann
die Commandanten/ bey der Soldadeſca anbelangt/ hat Er ſeinen Schwagern/
Adam Erdtman Tertzky/ mit dem Marggraffthumb Maͤhren/ den General
Leutenant/ Herꝛn Graff Gallaſſen/ mit dem Hertzogthumb Glogaw/ vnd Sa-
gan/ ſampt allen deß Hertzogen von Eggenberg Guͤttern/ den Feldtmarſchal-
cken/ Herꝛ Graff Coloredo/ mit der Graff ſchafft Goͤrtz zubelehnen/ vorgeſchlagen/
dem Herrn Graffen Picolomini/ die Graffſchafft Glatz/ mit allen deß Graffen
Schlawata Guͤttern/ wuͤrcklich attribuirt/ bereit auch Befehl gegeben/ weiln
ſeine Compagnien/ ohne das/ der Orthen/ in denen Winter Quartieren gelegen/
ſelbige zu occupiren/ vnd in poſſes zunehmen/ deß gleichen auch ſchon verordnet/
daß alle Miniſtri vnd Officirer/ in dem Glogawiſchen/ an den Herꝛn Graffen
Gaͤllaſſen/ welcher dazumahlen in Schleſien commandirt/ angewieſen vñ hinfuͤro
alle Einkommen/ zu ſeinen/ deß Graffen Gallaſſen handen/ geliffert werden ſol-
len/ auff dieſe weiß/ hat Er auch alle andere Capiteinen/ vnd Befelchshaber/ auß
denen Erblanden/ vnd Jhrer Kaͤyſ. May. vnd Miniſtrorum Guͤter/ zu remune-
rirn verſprochen. Jmmittels aber/ vnd weiln Er mit dieſen gedancken/ vnd Vor-
haben vinbgangen/ vnd eben vmb dieſelbige zeit/ bey Jhrer Kay. May. Hertzog
Frantz Julius zu Sachſen Lawenburg/ newe Friedenshandlungen geworben:
vnd dieſe reſolution erlangt/ daß Jhrer Kay. May. nit zuwider/ die Friedens Tra-
ctation wider an die handt zunemmen/ vnd daß derohalben/ dem Churfuͤrſten zu
Sachſen/ bevorſtehe/ Jhre Abgeordnete/ entweder an den Kayſerlichen Hoff/ mit
R iijJhrer
[134]De Statu perturbato Franciæ.
Jhrer Kay. May. ſelbſten/ oder nacher Prag/ vnd mit dero Feldthaubtman zu
tractiren/ abzuſchicken/ hat Er alſo balden zu Dreßden/ Wie auch bey denen
Schwediſchen/ (da Er doch dergleichen General/ Friedens Tractation anzufan-
gen/ einigen Gewalt niemahlen gehabt) mit hoͤchſter Verſchimpff: vnd Verklei-
nerung/ Jhrer Keyſ. Mey. dahin negotijrt/ daß mit deroſelbigen ſelbſten/ Sie nit
tractirn ſolten/ mit offenem vorgeben/ daß der Kaͤyſ. May. nicht zutrawen/ ſeite-
maln Sie gar zu Pfaͤffiſch/ von denen Jeſuitern/ vnd Spanniern regiert/ vnd
was Sie zuſagten/ nicht halten wuͤrden/ noch koͤndten/ Solten vielmehrers mit
Jhme tractiren/ als welcher die Macht/ vnd Waffen/ in ſeinen Haͤnden/ vnd ent-
ſchloſſen ſey/ mit denen ſelben/ einen Frieden/ deſſen Sie ſich zuerfrewen haben
wurden/ einzugehen/ vnter dieſem aber/ nichts anders geſucht/ als wie Er/ vnter
dem ſchein deß Fridens/ die vornemſten Capita/ von Jhrer Kay. May. Feinden/ zu
ſich nacher Pilſen vermoͤgen/ ſeine gefaſte boͤſe Vorhaben/ mit Jhnen communi-
ciren/ die voͤllige Coniunction/ beyder Theil Waffen/ wider Jhre Kay. May. ver-
gleichen/ vnd volgends gar zu Werck richten moͤchte/ vnd Jhme darunter/ das
voͤllige/ vnd abſolutum arbitrium Pacis et Belli aſſumiert, Wie dann vnter diſer zeit/
vnterſchiedliche/ von denen Emigranten/ auß dem Koͤnigreich Boͤheim/ vnter al-
lerhand particular Fuͤrwandt/ deß gleichen/ Hertzog Frantz Albrecht zu Sachſen
Lawenburg/ deme auch der Sachſiſche General Leutenandt Arnheim (darzu die
Paß vnd Repas bereit vberſchickt geweſen) volgen ſollen/ vnter deim ſchein/ der
Friedeshandlungen/ zu Pilſen ankommen/ vnd hat der Wilhelm Khinßky/ dieſe
vertroͤſtung allbereit mit ſich gebracht/ wie daß der Schwediſche Cantzler Ochſen-
ſtern/ neben andern Confoederirten, zu aller hilff/ vnd Befuͤrderung ſich erklaͤrt/ vnd
offerirt hetten. Welcher nachmahlen auch/ die gantze Zeit zu Pilſen verblieben/ alle
Frantzoͤſiſche/ vnd Schwediſche Correſpondẽtzen gefuͤhrt/ mit dem Friedland/ al-
lesin hoͤchſten vertrawen/ berathſchlagt/ vnd dem ſelben/ auch nach deſſen wiſſent-
lichen Exautoration, vnd genommener Flucht/ nacher Eger/ vnd biß zu dem Todt
beharꝛlich adharirt.

Demnach aber Jhrer Kayſ. May. beuelch/ daß der Churfuͤrſtl. Durchl.
in Bayern/ theil das in Oeſterreich/ Ob der Enß/ einquartirtes Volck/ deßglei-
chen auch theils auß Boͤheim zuhilff ziehen ſollen/ vnd dann die/ für Jhr Durchl.
Herrn Cardinaln Jnfante/ von den Spaniſchen/ begerte ſechs tauſent Pferdt/
bey dem Friedtlaͤnder/ allerhandt widrige gedancken erweckt/ vnd in dieſe ſorg ge-
ſtelt/ daß dergeſtalt/ Jhme alle Kraͤfften benommen/ vnd Er alsdann deſto leichter/
von ſeinem Chargo widerumb abgeſetzt werden moͤchte/ hat Er ſich vnd ſeine ſa-
chen deſto mehrers zuuerſichern/ vnter dem ſchein/ vnd praͤtext/ eines feindtlichen
Einfals/ die hin/ vnd wider/ in die Winter Quartier gezogene Regimenter/ wider-
umb zuruck gefordert/ vnd die Oberſten vnd Commandanten/ auff den Elfften
Januarij/ diß Sechtzehen hundert vier vnd dreyſſigiſten Jahrs/ abermahlen/ ohne
alles
[135]De Statu perturbato Franciæ.
alles Jhrer Kaͤyſ. May. Vorwiſſen/ oder Erinnern/ zu ſich/ nacher Pilſen beſchri-
ben/ entzwiſchen aber rumores ſpargiren laſſen/ als wann Er das Generalat
reſignirt, vnd ſich ſelbſtern retirirn wolte/ allein zu dieſem endt/ damit Jhne her-
nach/ die General Perſonen/ vnd Officirer/ deren Er ſchon etliche zur handt ge-
habt/ widerumb erbitten/ vnd Er der geſtalt vrſach gewinne/ in Sie zuſetzen/ daß
Sy ſich gegen Jhme/ bey demſelben zuſtehen/ verbinden folten. Vnd weiln etliche/
noch vor dem außgeſchribenen Tag/ dahin ankommen/ die andern Confidenten/
denen Er diß Werck verhero ſchon alles vertrawt gehabt/ auch vorhero allda ge-
weſen/ Als hat Er/ durch den Jhlo/ vnd Tertzky/ als ſeine vornembſte Jnſtrumen-
ta/ vorhero deliberirn, vnd negotijrn laſſen/ was denen andern Commandanten/
auff den beſtimpten Tag/ offentlich zu proponirn/ vnd vnter was fuͤr prætext, die-
ſelbe zu ſeinem willen/ vnd Jntent zuuermoͤgen ſeyn moͤchten/ damit Er derge-
ſtalt/ vollends der gantzen Armada/ auff welche alle ſein Hoffnung principaliter
geſtellt geweſen/ verſichert ſeyn moͤchte.

Nicht weniger iſt auch/ mit etlichen vornembſten Commendanten/ an de-
nen daß meiſte gelegen geweſen/ abſonderlich tractirt worden/ ſelbige wider Jhre
Kaͤyſ. May. anzureitzen/ vnnd dagegeu Jhme Friedtlandt anhaͤngig zumachen/
ſonderlich aber/ mit dem Herꝛn Graffen Jſolani/ deme dieſes fuͤrgemahlen/ daß
Jhre Kaͤyſ. May. dem Herꝛn Palfi/ die newe Werbungen in Hungarn/ derge-
ſtalt auffgetragen/ daß ſelbiger nachmahlen/ vber alle leichte Pferdt/ vnd auch die
Croaten commandirn, vnd alſo Er Iſolani, von ſeinem bißhero gehabten Commando,
entſetzt werden ſolle/ allein wolle Er Friedland darein keines wegs bewilligen/ vnd
habe derentwegen albereit/ mit dem Herꝛn von Queſtenberg geredt/ auch Jhrer
Kayſ. May. ſelbſten geſchrieben/ daß/ wann Er Herꝛ Graff Iſolani, ſeines Charigo
privirt werden ſolte/ Er Friedland auch weiter niche verbleiben wolte/ vnd damit
dieſem allem deſto mehr ſchein geben wurde/ ſeynd gar Schreiben fuͤrgebracht vnd
wie daß/ noch in ſelbiger Nacht/ derentwegen ein eigner Curier ankommen waͤre/
fuͤr getragen worden/ da doch in der Warheit/ vnnd an jhme ſelbſten nicht das ge-
ringſte geweſen. Nachmahlen/ hat man Jhme auch ein Gut/ von hundert tauſent
Thalern offerirt/ vnd weilen ſo gleich/ von denen Confiſcierten/ derentwegen Er
an den Cantzler Eltzeu/ als welcher die Confiſcationes dirigirt/ verwieſen worden/
keines verhanden geweſen/ hat Jhme der Tertzka/ eines auß den ſeinigen/ nach ſei-
nem ſelbſt eigenen belieben/ zuerwoͤhlen anerbotten.

Als nun auff den beſtimbten Tag/ den Eylfften Januarij/ die Comman-
danten/ vnd Obriſten/ zu Pilſen zuſammen kommen/ hat Er Jhnen durch den Illo,
in ſeinem Quartier/ anfaͤnglich die Queſtenbergiſche Inſtruction, wie auch obver-
meltes Kaͤyſerliches Schreiben/ vnnd dann/ daß ſechs Tauſent Pferd/ für Jhre
Durchl. den Herꝛn Cardinaln Infante, von denen Spaniſchen begert wurden/ gantz
verkehrt/ vnd mit ſonderm Liſt/ zu ſeinem Intent, fuͤrtragen/ vnd proponirn laſſen/ zu
conſul-
[136]De Statu perturbato Franciæ.
conſultiren/ Ob moͤglich/ Die Winter Quartier/ auſſer der Erblaͤnder zunehmen/
Jtem die Stadt Regenſpurg/ bey damahliger Winterszeit/ wieder zu recuperirn/
vnd dann/ ob thunlich/ vnd rathſamb/ die ſechs Tauſent Pferd/ von der Armada
weg zulaſſen: Dieweil nun/ die fůrnembſte [...]ota, was man gern geſchloſſen haben
woͤllen/ ſchon vorhero vnterbawt/ die Propoſition auch/ darnach formirt geweſen.
Als iſt das Concluſum/ vmb ſo viel deſto leichter erfolgt/ daß weder eins/ noch an-
ders thunlich/ vnd dieſes ſolche ſachen/ die allein zu Ruinirung der Armada ange-
ſehen waͤren/ Welches Illo, alsbalden dem Friedland refenrt/ vnd als Er wiede-
rumb zuruck kommen/ darauß die Occaſion genommen/ die zum ſchein vorgehaͤbte
reſignationem/ offentlich vorbringen zulaſſen/ mit ſonderbahrer boßhafftiger
Außfuͤhrung/ die Commandanten/ wieder Jhre Kayſ. May zuverhetzen/ mit die-
ſem Eingang: Ingratis ſervirenefas, die Commandanten/ vnd Obriſten/ ſollen auß
ſolchen/ Jhme Generaln beſchehenen Zumutungen abnehmen/ wie von dem Kaͤy-
ſerlichen Hoff/ vnmuͤgliche ding Jhme auff getragen/ vnd wann Er nicht gleich
alsbald pariere/ ſo ſuche man Jhne zu verfolgen/ wie dann die Spaniſchen/ Jhme
bereit mit Gifft bey kommen wollen/ welche/ nach deme Sienunmehr/ die Kaͤy-
ſerliche Raͤth/ vnd Miniſtros, auff Jhre Seyten gebracht/ mit allen kraͤfften dahin
trachten/ wie Sie mit dem nechſten/ den Koͤnigin das Feld bringen/ ſelbigen nach-
mahlen Jhres gefallens herumb fuͤhren/ Sie aber/ die voͤllige diſpoſitionem der
Waffen/ vnter ſich bringen moͤgen/ durch welches Sie nichts anders vor hetten/
als hierunter/ die rechte Fundamenta/ Jhrer Monarchiæ/ in dieſen Laͤndern zube-
feſtigen/ die Teutſche Freyheit auffzuheben/ vnd das H. Roͤmiſche Reich/ wieder
die alten Privilegia/ Jhnen Erblich zumachen/ Dannenhero dieſe Jhre gedan-
cken/ vnd vorhaben hin durch zubringen/ vnd Jhne Friedlanden zu enervirn/ hettẽ
Jhre Kayſ. May. vnter ſcheinbaren prætexten/ befohlen/ den mehrern theils der
Armadæ/ in Bayern zuſchicken/ vngeachtet der vorhandenen harten Winters-
zeit/ vnd das wiſſentlich/ wie hart vnd vbel/ ſelbiger Churfuͤrſt/ die Soldateſca zu tra-
ctirn pflege/ daß auch allein eben zu dieſem end/ die ſechs tauſent Pferd/ für Jhre
Durchl. den Herꝛn Cardinaln Infante, ſelbigen von Mayland/ biß nacher Nider-
land/ einen ſo weiten weg/ zu convoiren/ begert worden/ So ſey in denen Kaͤſerlichẽ
Erb Landen/ weder Volck/ noch Geld mehr zubekommen/ der Kaͤyſer ſey nur ein
Raub der Jeſuiter/ welche durche gewohnliche betrug/ vnter dem ſchein/ der Reli-
gion/ alles Geld/ ſo auffbracht wurde/ verſchlucken/ So waͤren auch der Kaͤyſerli-
chen Raͤth/ vnd Miniſtrorum Gedancken/ allein dahin gerichtet/ wie Sie/ Jhrer
Kaͤyſ. May. Gemuͤth/ vnd Hertz/ auff andere ſachen wenden/ auff daß ſich die Min[i]-
ſtri, Jmmittels deß abſoluti Imperij gebrauchen moͤgen/ ſteckten beynebens vol deß
Geitz/ vnd aller boͤſer begierlichkeiten/ wie Sie dann/ alle contributiones/ auß denen
Laͤndern/ welche fuͤr die Soldateſca bewilliget/ an ſich ziehen/ vnnd alſo/ der armen
Soldaten ſawren Schweiß/ zu Jhrer Hoffarth anwendeten/ An jetzo ſuchten Sie
noch
[137]De Statu perturbato Franciæ.
noch darzu/ Mittel vnd Gelegenheit/ wie jhnen ſolten die Haͤls gebrochen werden/
Wo Sie die Soldaten hinkommen/ oder Quartier begeren/ wolte mans nicht
haben/ thaͤten als wans Tuͤrcken/ Teuffel/ oder Tartarn waͤren/ daß alſo nirgends
nichts zuholffen/ vnd wann mangleich viel verſpreche/ ſo wolte mans doch nicht
halten. Dieweiln dann Er Friedland/ dieſes alles wol wuͤſte/ vnd dabey ſein Ehr
vnd Reputation/ welche Er/ mit ſeinen acht vnnd zwentzig Jaͤhrigen Kriegsdien-
ſten erobert/ hoch pericltrirte/ Er auch der Soldateſca, in dem was Er vielmals ver-
ſprochen/ nicht mehr zu halten koͤnte/ weiln Jhme entgegen nicht zugehalten/ vnd
an dem Keyſerlichen Hoff/ auch mit denen Confiſoationibus, welche vorhero Jhme/
dardurch die redlichen Soldaten/ Jhrer dapffern Dienſt zu recompenſiten/ einge-
raumt worden/ in andere weg diſponirt wurden/ Als ſey Er entſchloſſen/ zu reſi-
gniren/ vnd die Armadam zu quittirn/ ſeiner Geſundheit deſto beſſer abzuwarten/
ehe Daß Er/ mit ſchimpff wiederumb/ (als Jhme dann albereit ein ſolches ſpiel/
durch den Neld/ vnd Vndanckbarkeit angerichtet) von newem abgeſetzt/ vnd ver-
ſtoſſen werde/ doch habe Er dieſes Jhnen Commandanten/ vnd Obriſten/ vorhero
fuͤrtragen laſſen wollen/ hiervber auch dero Wolmeinen/ vnd trewhertziges Mit-
leiden zuvernehmen/ dabey dann er Illo, ſein bedencken alſo bald angehefftet/ Sie
Commandanten/ ſolten gleichwol bey ſich ſelbſten bedencken/ was Jhnen von deß
Hertzogs Abzug/ fuͤr gefahr vnd ſchaden zuſtuͤnde/ Sie hetten die Regimenter/
vnd Compagnien/ meiſtentheils/ auff ſeyn deß Friediands zuſprechen/ auß Jhrem
eignen Seckel gerichtet der geſtalt wurden Sie/ nicht allein darfuͤr nichts/ ſondern
auch fuͤr Jhre/ ſo gar getrewe Dienſt/ einige Bezahlung/ oder recompens nicht
zuhoffen haben/ vnd nichts anders/ alls ruinirte Cavallieri ſeyn/ derowegen ja der
beſte Rath ſey/ bey dem Generaln vmb Continuirung ſeines Generalats/ mit al-
lem fleiß/ anzuhalteu/ Worauff alſobald ein gemeines geſchrey worden/ daß man
den Hertzogen nicht laſſen/ ſondern denſelben/ lenger bey Jhnen zuverharꝛen/ er-
bitten ſolle/ Jnmaſſen ſtracks/ von einer Abordnung tractirt/ auch bald zu Werck
gerichtet/ die weilen Er Friedland/ auff ſeiner vorigen ſimulation verblieben/ vnd
noch weiter gebetten ſeyn woͤllen/ die Abgeordnete aber entzwiſchen/ alles wiede-
rumb zuruck gebracht/ ſeyn Sie zu andern mahl zu Jhme abgeſchickt/ darauff Er
ſich dann erſt erklaͤrt/ noch ferners bey der Armada zuverbleiben/ vmbzuſehen was
deroſelben hinfuͤro/ fuͤr ein Vnderhalt/ vnnd Bezahlung wuͤrde verſchafft
werden.

Als nun Illo neben den anderen Abgeordneten/ dieſe Reſolution wiederumb
zuruck gebracht/ vnd theils der Commandanten darauff weg gangen/ hat Erin
bey ſeyn der vbrigen ferners proponirt/ Weiln Friedland/ auff ſo ſtarckes erſuchen/
vnd bitten/ nur Jhnen den Commandanten zum beſten/ ſich reſolvirt/ noch lenger
bey der Armada zuverbleiben/ ſo ſeye ſein begehren/ welches auch aller billigkeit ge-
maͤß/ daß man ſich hingegen auch/ gegen Jhme verobligire/ drauff die Formulam
Sſolcher
[138]De Statu perturbato Franciæ.
ſolchen Obligation/ vnnd Verbundnuß/ welche vorhero von dem Nieman ſchom
gerichtet/ vnd zu Papier geſetzt geweſen/ vnd nachmahlen vnterm dato deß zwoͤlff-
ten Januarij verfertigt worden/ her fuͤr gebracht vnd abgeleſen/ wie nemlichen Er
Friedland/ wegen viel faͤltig empfangener diſgusti, zugezogener hoch ſchmertzlicher
Injurien, vnd wieder Jhne angeſtelter gefaͤhrlicher Machinationen, ſo wol verweiger-
ter/ noth wendiger vnentberlicher Vnerhaltung der Armada/ die Waͤffen zu quit-
tirn/ vnnd ſich zu retirirn/ gentzlich entſchloſſen geweſen/ doch aber/ auff der Com-
mandanten/ durch den Illo, vnnd andere vier Obriſte/ beſchehenes erſuchen/ vnnd
bitten/ ſolche ſeine/ zu der reſignation eingefuͤhrte/ bewoͤgliche motiva, ſo weit zuruck
geſetzt/ daß Er ſich noch ein zeitlang/ bey der Armada zuverbleiben/ vnd ohne Jhr/
der Commandanten außtruckliches Vorwiſſen vnd willen/ von denſelben/ vnd der
Armada/ ſich nit zubegeben/ reſolvirt/ Daß Sie ſich hingegen ſamentlich/ vnd ein
Jeder Jnſonderheit/ am kraͤfftigſten/ an ſtatt eines Corperlichtn Ayds verpflich-
ten/ vnd verbuͤnden/ bey dem ſelben erbar vnd getrew zuhalten/ auff keinerley weiß/
von dem ſelben ſich zuſeparirn/ vnd zutreunen/ noch trennen zulaſſen beſondern al-
les das/ was zu ſeiner/ vnd der Armada conſervation gereicht/ neben Jhme euſſer-
ſter moͤglichkeit zubefuͤrdern/ vnd beynebens/ vnd fuͤr denſelben/ alles das Jhrige/
biß den letzten Blutstropffen/ vngeſpart auffzuſetzen/ Wie Sie dann auch/ im
fall einer/ oder der ander/ jhres Mittels/ dieſem zu wieder handlen/ vnd ſich abſon-
dern wolte/ ſambtlich/ vnd ein jeder Jnſonderheit/ den/ oder dieſelben/ wie Trew-
loſe/ Ayds ver geſſene Leuth zuverfolgen/ vnnd an deſſen Haab vnd Guͤtern/ Leib
vnd Leben/ ſich zu rechnen/ ſchuldig vnd verbunden ſeyn ſollen/ vnd wollen. Da-
rinnen aber auch/ ſonderlich dieſe Clauſula begriffen geweſen/ ſo lang Er Fried-
land/ in Jhrer Keyſ. May. Dienſten/ verbleiben/ vnd zu Befuͤrderung deroſelben
Dienſten/ Sie gebrauchẽwuͤrde/ Es iſt aber dieſes alles mit fleiß/ auff einem Vor-
mittag/ gleich vor dem Eſſen tractirt worden/ damit Jmmittels die zeit gewunnen/
vnd Er Illo darauff alle Commandanten/ bey dem vorhero zugerichten Pancket/
bey ſich behalten/ da dann der vorhero abgelefene Schluß/ wiederumb vmbge-
ſchrieben/ die vorbemelte ſubſtantial Clauſula außgelaſſen/ vnd nach auff gehobener
Tafel/ da die mehriſten/ mit dem Wein zim lich beladen geweſen/ zum vnterſchrei-
ben fuͤrbracht/ daruͤber ſich zwar anfangs/ ſonderlich wegen der außgelaſſenen/
obvermelten Clanſul/ ein Wiederwillen/ vnd Tumult erhebt/ Doch aber alsbald/
durch deß Illo zuſprechen/ welcher es mit dieſem entſchuldigt/ daß ohne das/ in dem
Eingang/ der Kaͤyſerlichen Dienſt gedacht/ vnnd an einem paar wort/ nicht ſo viel
gelegen waͤre/ vnnd dann deß Tertzky Jnſolentz/ vnnd Vermeſſenheit/ welcher die
Jenigen ſo es mit dem Friedland nicht halten woͤllen/ fuͤr Meineydige Schelmen/
vnd anders außgeruffen/ weiln die getrewen Commandanten geſehen/ daß alda/
weder zeit/ noch orth/ viel zuwieder reden/ oder zu difficultirn, wiederumb geſtilt/ vnd
alſo ſelbiger Schluß/ nach deß Illo, vnd Tertzky Exempel/ vnd der andern General
Comman-
[139]De Statu perturbato Franciæ.
Commandanten/ auch von den andern anweſenden Officirn/ weil ſolches/ vnder
gewaffneter Hand/ vnnd entbloͤßtem Degen/ nicht wol zuverweigeren geweſen/
vnterſchrieben worden. Demnach aber Friedland/ dieſen Wiederwillen/ vnd
Verweigerung vernommen/ hat Er deß andern Morgens/ alle Commandanten/
wiederumb fuͤr ſich erfordert/ vnnd Jhnen ſelbſten/ die Vrſachen ſeiner geſchoͤpff-
ten Reſolution/ von der Armada abzuziehen/ mit einer empfindlichen Oration
fuͤrgetragen/ auch alles das Jenige/ was den vorigen Tag/ der Illo proponirt, mit
viel mehrerm Eyffer/ vnnd noch beweglicher repetirt, ſonderlich aber/ daß das Je-
nige/ was von Hoff auß begert/ fuͤrnehmlich wegen Jhrer Durchl. deß Herꝛn
Cardinal Infante, ſolche Sachen waͤren/ wanns ein Schuler Jung begehrte/ es
werth ſeye/ daß man denſelben darumb mit Ruthen ſtraffen ſolte/ vnnd ob Er ſich
zwar/ deß vorigen tags/ auff Jhre erſuchen/ vnd anlangen reſolvirt/ noch lenger bey
Jhnen zuverbleiben/ So habe er doch/ an jetzo mehr Vrſachen/ als vor niemahln/
auff ſeiner erſten Reſolution zuverharꝛen/ all die weiln Er vernehmen muͤſſen/ daß
allerhand difficulteten/ bey Vnterſchreibung deß Jenigen/ welches Er allein/ zu
ſeiner eignen Sicherheit/ begehrt/ movirt worden.