MEine Herren/
Wan di aufkeumende
fꝛaͤundſchaft tꝛaͤu- und deutſch-ge-
ſünneter gemühter zu fꝛůchten ge-
deien ſol/ ſo tuht man nicht baͤſſer/
als daß ſi man mit den kraͤftigen
ſtaͤꝛk- und fꝛucht-waſſeꝛn eineꝛ ſon-
derlichen libes-bezeugung gleich-
ſam begůhſſe/ und ſi ſolcher geſtalt
zum foͤlligen wachstuhme faͤhig
machche. Dan gleich wi ein lihbli-
cher Roſen-ſtok/ wan der Himmel
ſeineꝛ wahꝛ-nuͤmmet/ und ihn bald
mit einem ſanften raͤgen/ bald mit
einem kůhlen taue bei ſchwulem
wetter befeuchtet/ bald wideruͤm
mit einem lihblichen ſonnen-blik-
ke begnadiget/ ih mehr und mehr
zunuͤmmet/ und ſeine froͤliche blu-
men gleichſam zur dankbahrkeit
gen Himmel erhoͤbet; ſo tuht auch
eine
[]Auf-trahgs-ſchrift.
eine traͤu-gemeinte bꝛuͤderliche
fꝛeundſchaft/ welche gleiches
falls/ ih-mehr ſi erraͤget und er-
mundtert wuͤrd/ ih-mehr und mehr
zunuͤmmet/ und ſich in ihren
grund-pfaͤlen befaͤſtiget.

Solches nuhn/ meine hohch-
geehrte/ vihl-gůnſtige Herren/
hab’ ich auch beobachten wollen/
und di hohe fraͤundſchaft (welche
ich mich aller dinge unwůrdig
ſchaͤzze) mit einer ſonderlichen
dihnſt- und libes-bezeugung er-
widern; indaͤhm ich naͤhmlich ge-
genwaͤrtiges buͤhchlein unter ih-
rem bẽlihbten namen und fꝛaͤund-
geſuͤnneter vertraͤtung der ge-
laͤhrten und verſtaͤndigen waͤlt
aus-faͤrtige. Aber indaͤſſen/ daß
ich ihnen einige erwiderung ihrer
gunſt und freundſchaft zu leiſten
gedaͤnke/ ſo mus ich ſi zugleich
* 3noch
[]Auf-trahgs-ſchrift.
noch mehr bemuͤhen/ und mich zu
ihren dihnſten vihl verpflůchtli-
cher [machen]/ als ich ſchohn bin;
indaͤhm ich ihnen ein ſolches
jung-fraͤulein zu vertraͤten anbe-
faͤhle/ welches noch zur zeit
fremd und unbekant iſt/ und bei
unſerem hohch-deutſchen Frauen-
zimmer gaͤrn in kundſchaft ge-
rahten wolte. Es iſt di uͤber-irdi-
ſche Roſemund/ di nicht alein aus
hohem bluht’ entſproſſen/ ſondern
auch durch ihre angebohrne ge-
ſchikligkeit und zihr zu ſolchem
namen gelanget iſt/ daß man ſi
mehr ein aͤngel- als maͤnſchen-
bild zu naͤnnen pflaͤget; Es iſt
nichts irdiſches und vergaͤngli-
ches an ihr als der hinfaͤllige leib/
welcher doch nichts daͤs zu weni-
ger ſeiner ſchoͤhnheit und ahrti-
gen bewaͤgung halben auch faſt
goͤtlich
[]Auf-trahgs-ſchrift.
goͤtlich ſcheinet/ und billich nim-
mer-mehr vergaͤhen ſolte. Diſe
Schoͤne nůmmet/ auf mein guht-
befuͤnden und einrahten/ ihre zu-
flucht zu ihnẽ/ und floͤhet ſi gleich-
ſam an/ daß ſi ihre dihnſte daͤm
hohch-deutſchen Frauen-zimmer
(welches meinen Herren/ ihrer
hohen geſchikligkeit waͤgen/ ſehr
geneugt und guͤnſtig iſt) auf zu tꝛa-
gen geruhen wollen. Dan ſi hat
das gute vertrauen/ daß ſi ihr eine
ſolche billige bitte nicht verſagen
waͤrden; und ich ſelbſt/ fohr mein
teil/ kan nicht ſaͤhen/ wahruͤm ich
zweifåln ſolte/ indaͤhm ich wohl
weus/ daß ſi einem Frauen-zim-
mer/ welches nicht ſo gahr ma-
chiavelliſch-waͤlt-ſaͤlig iſt/ auch
nicht di geringſten ehren-dihnſte
verſagen koͤnnen. Jm-fal ſi ſich
aber durch diſe ſchwachchen wor-
* 4te ja
[]Auf-trahgs-ſchrift.
te ja nicht wolten bewaͤgen lahſ-
ſen/ ſo wuͤrd ſi doch/ allem verhof-
fen nahch/ di ſchoͤhnheit diſes
goͤtlichen maͤnſchen-kindes ver-
zuͤkken/ und in ſolcher verzükkung
zu ihrem wuͤllen aufmundtern/
wo ſi nicht gahr ſteinerne gemuͤh-
ter und demantine haͤrzen haben.

Kein maͤnſch iſt ihmahls ein
ſolcher unmaͤnſch- und wůterich
gewaͤſen/ daß er ſich fohr einem
ſolchen lihblichen blizze nicht haͤt-
te entſaͤzzen ſollen. Kein maͤnſch
iſt ihmahls ſo hart und eingezo-
gen gewaͤſen/ daß ihn eine ſolche
Schoͤne nicht haͤtte verzuͤkken
und zu ihren ehren-dihnſten be-
waͤgen koͤnnen: wan ſi nuhr ihren
hoͤhflichen und lihblichen raͤden
das gehoͤhr auf einen augen-blik
vergoͤnnen waͤrden/ ſo wůrd ſich
gewuͤs ihr gemuͤht bald gerühret
befůn-
[]Auf-trahgs-ſchrift.
befůnden/ und diſer Schoͤnen
nichts verſagen koͤnnen.

Si důrfen ſich auch im ůbri-
gen nicht befahren/ daß ſi das
hohch-deutſche Frauen-zimmer
ůbel entfangen wůrd/ wan ſi eine
aus-laͤnderin vertraͤhten und mit
ſich in ihre geſelſchaft fuͤhren
waͤrden; dan ſi wuͤrd gewuͤslich
ihren fleis/ ſi zu vergnügen/ nim-
mer-mehr ſparen/ und ſich zu
ihrer ergaͤzzung und luſt ſo zu
bekwaͤhmen wuͤſſen/ daß ſich auch
ihre Landes-fraͤundinnen ſelbſt
gegen ſi dankbahrlich erzeugen
waͤrden.

Was aber meine wenigkeit
betruͤft/ ſo verſichcher’ ich meine
Herren mit wahren worten/ daß
ſi mich/ ſolche gunſt und ehren-
bezeugung zu erwidern/ zu ihren
dihnſten allezeit bereit und wuͤl-
* 5faͤrtig
[]Auf-trahgs-ſchrift.
faͤrtig befuͤnden waͤrden; wi ich
mich dan ſchohn fohrlaͤngſt in
geheim ihnen ſo verpfluͤchtlich
gehalten habe/ daß ich anders
nichts gewaͤſen bin/ wi auch noch
hinfůhr ſein waͤrde/ als

Meiner hohch-geehrten Herren
Rein-wurf/ den 30.
tabg des baͤu-mahndes
daͤs 1645. Jahres.
traͤu-ergaͤbener/ ſtaͤhts-
wuͤl-faͤrtiger
Diner
R. V. B.

Dem vernuͤnftigen
Laͤſer.

WEil bis anhaͤhr der verſchmaͤhete Lihb-reiz faſt
keinen Deutſchen hat ermundtern koͤnnen/
daß er ſeinen mund fohr der waͤlt/ von Libe zu raͤ-
den/ und der faͤder/ von ihrer kraft zu ſchreiben/ ver-
hingen haͤtte; ſo hat ſich der arme knabe meiſten-
teils in Spanien/ Waͤlſchland und Frankreich
aufhalten müſſen. Nuhn-mehr aber befuͤndet er
ſich auch mit dem krige bei uns ſo eingeniſtelt/ daß
ich aus unſerem Trauer-ſchau-ſpihle wohl ſagen
mahg:

Jah der Hohch-deutſchen ohren beguͤnnen nuhn-
mehr auch hurtig zu waͤrden/ und hoͤren gaͤrn von
der Libe/ weil ihnen ſelbige durch ůberſaͤzzung der
ſpaniſchen und waͤlſchen Libes-geſchichte ſo gaͤnge
gemacht ſein/ daß ſi von ihrer gebuhrts-ahrt und
wohl-anſtaͤndigen ernſt-haftigkeit ſchihr abweichen
důrften/ wan man alſo fortfahren ſolte. Druͤm/ weil
allen dingen ein ruͤchtiges zihl ſol geſaͤzt ſein/ und
unſere ſprache durch ſolche lihbliche/ und den ohren
und augen an-naͤhmliche ſachchen baͤſter mahſſen
tan erhoben und ausgearbeitet waͤrden; ſo halt’ ich
dafůhr/
[]Dem vernuͤnftigen Laͤſer.
dafůhr/ daß es wohl das baͤſte waͤre/ wan man was
eignes ſchribe/ und der fremden ſprachen buͤcher
nicht ſo gahr haͤuffig verdeutſchte/ ſonderlich/ weil
in den meiſten weder kraft noch ſaft iſt/ und nuhr
ein weit-ſchweiffiges/ unabgemaͤſſenes geplauder in
ſich hatten. Solches aber muſt’ auch nicht alzu geil
und alzu weichlich ſein/ ſondern bisweilen/ wo es
ſich leiden wolte/ mit einer lihblichen ernſthaftigkeit
vermiſchet/ damit wihr nicht ſo gahr aus der ahrt
ſchlůgen/ und den ernſthaften wohlſtand verlihſſen.

Es iſt weder einem Deutſchen nahchteilig/ noch
einem Kriſten zur ſuͤnde zu raͤchnen/ wan er ſich mit
einer keuſchen libes-beſchreibung beluſtiget; aber
ſolches alles zu gewůſſer zeit. Das Feuer der bluͤ-
henden Jugend erraͤget ofter-mahls ſehr ahrtige
gedanken/ di zwahr ihr/ aber keinem Greiſen/ deſſen
feuer ſchohn verbloſchen iſt/ wohl-anſtaͤndig ſein.
wohrnahch einem Jünglinge verlanget/ dafuͤhr
traͤget ein alter grau-bahrt ſchaͤu und ekel. es wůl
ihm auch nicht gebuͤhren/ ſeine gedanken ſo weit von
den graͤbern ab zu laͤnken. Di Lib’ erfortert ein
friſch- und luſtiges gemuͤhte; druͤm kan ſi in keinem
alt- und erkaltetem/ in keinem traͤhg- und verdroſſe-
nem haͤrzen haften.

Wer wuͤl uns dan nuhn verdaͤnken/ wan wihr
auch (weil wihr noch jung ſein/ und das libes-feuer
unter der linken bruſt in follem ſuͤden entfuͤnden)
ein und das andere keuſche libes-getichte ſchreiben;
ſonderlich wan es von uns begaͤhret wuͤrd/ und
wihr der kluhg-ſuͤnnigen Adelmund/ welche diſe ge-
genwaͤrtige von uns erheiſchet hat/ zu wuͤllen laͤben.
Di Jugend flůhet mit der zeit hin; alſo fluͤhen auch
di gedanken nahch ihrem alter zu/ und beguͤñen ſich
auf ernſthaftere dinge zu laͤnken. Wihr waͤrden
auch ohne zweifaͤl hihrmit beſchluͤhſſen/ und unſern
pfahd-traͤtern diſen hulprich-ſanften Luſt-wandel
eroͤfnet hinterlahſſen.

Gehabe dich wohl!

An ſeinen lihben Bruder/
Ritterhold von Blauen.
als Er di Adriatiſche Roſemund
haͤraus gab.

Di ehrſten bogen von deiner aͤdlen Roſemund
hab’ ich entfangen/ und durch-gelaͤſen. Es
waͤre wahrlich ſchade/ wan ſo ein ſchoͤnes und libes
waͤrk/ daͤs-gleichen noch kein Deutſcher verfaſſet
hat/ haͤtte ſollen verſchwigen und ungelaͤſen in der
fůnſternuͤs ligen bleiben. Jch ſag’ es kurz und rund/
daß keiner ihmahls di gebaͤhrden und beſchaffen-
heiten unſerer leiber ſo eigendlich und ſo laͤbhaft
hat abbilden koͤnnen/ als du. Dan/
Mein Bruder/ deine ſchrift iſt anders nichts als
laͤben/
als geiſt und ſele ſelbſt. was du uns haſt gegaͤben
fohrhin ans tage-luͤcht/ iſt alles ruhmes waͤhrt/
und würd von ihderman mit gihrigkeit begaͤhrt.
Dis aber gaͤht weit fohr/ dis buhch von ROSE-
MVNDE/
Dis al-fol-komne buhch/ das uns zu aller ſtunde
erfroͤlicht und ergaͤzt; das ſolche raͤden fuͤhrt/
dadurch ein hoͤhfling recht und wohl wuͤrd aus-
gezihrt.
Wiahrtlich kanſtu nuhr den ſün der Libe bilden/
das waͤſen/ gaͤhn und tuhn mit farben ſchoͤhn ver-
guͤlden!
der augen raſchen gang/ wan ſi in ihrer gluht
und ſchoͤn’ſten flamme ſein; der Libe wankel-
muht/
ſtaͤht eigendlich alhihr. Di ROSEMVNDE
laͤbet
ſelb-ſelbſt in diſem Buhch’/ und in daͤm laͤſen ſchwaͤ-
bet
fohr
[] fohr angen/ als ein bild/ das gaͤhn und raͤden
kan;
dahr-uͤber ſich entſaͤzt und wundert ihderman.

Ja/ mein Bruder/ es hat mich diſes wunderwuͤrdi-
ge Bild ſo verzuͤkt gemacht/ oder vihlmehr deine ge-
ſchikligkeit/ daß ich mich in deiner ſchrift nicht ſat
genug laͤſen kan.

Weil dan nuhn diſes aͤdle waͤrk ſo gluͤklich aus
deiner faͤder haͤraus gekwollen iſt/ ei liber! ſo lahs
uns doch das uͤbrige von deinen ſchriften auch ſaͤ-
hen/ damit du dihr di ganze waͤlt verpflůchten moͤ-
geſt; gleich wi du mich ſchohn ganz verpfluͤchtet
haͤltſt/ dehrgeſtalt/ daß ich ewig bin und verbleibe/

Mein Bruder/
Gruͤningen/ den 6. tahg
des Haͤu-mahndes/
1645.
Dein traͤuer diner ſo
lang’ ich heiſſe
H. L. v. L.
Der Aemſige.

Der Adriatiſchen
ROSEMVND
Ehrſtes Buhch.

HAt man ihmahls di Sonne betrůhbt/ und
den Nord-ohſt ahtem-lohs geſaͤhen/ ſo iſt
es gewuͤslich damahls gewaͤſen/ als ſich
Markhold von ſeiner Roſem und ſcheiden
und zu ſchiffe nahch Frank-reich begaͤben
ſolte: Dan di Sonne/ welche nuhn ehrſt aus ih-
rem morgen-zimmer haͤrfuͤhr brahch/ wan ſi ja diſes
traute Zwei noch mit einem blikke beſaͤhligen wolte;
ſo taͤht ſi es nuhr dahruͤm/ daß ſi di traͤhnen diſer
Maͤnſch-goͤttin an ſich zühen/ und ihr guldnes ge-
ſicht aus mit-leiden entfaͤrben moͤchte.

Der Nord-ohſt wolte zugleich Jhm und Jhr ge-
horchen: Jhm zu gefallen haͤtt’ er gaͤrne ſtaͤrker ge-
wehet/ und Jhr zu libe lihß er ſich aͤndlich durch ih-
re klaͤhgliche ſeufzer/ fohr denen er ſein ſauſen ver-
ſchweigen muſte/ zu ruͤkke halten. Markhold aber
begahb ſich nichts daͤs-zu weniger/ nahchdehm er
ſeine unvergleichliche Roſemund mit einem kuſſe
geſaͤgnet hatte/ zu ſchiffe/ daͤſſen ſaͤgel ungefůllet
uͤm den Maſt haͤrům flatterten; ſo/ daß diſe un-
entfuͤndliche dinge vihl entfuͤndlicher wahrden/ und
mehr mit-leidens mit den traͤhnen ſeiner Traͤuen
hatten/ als er ſelbſten.

Di arm-ſaͤlige Roſemund/ welche fohr grohſſem
weh-leiden kaum hauchen konte/ hatte ſich aͤben un-
ter einen Palmbaum/ nicht faͤrn von daͤm unbarm-
haͤrzigen uhrwaͤſen/ welches ſi diſes liben Schaz-
zes entſaͤzte/ nider-gelahſſen. Si verlihß ihm kein
auge/ ſo lange ſi noch das ſchif erblikken/ und fohr
Atraͤh-
[2]Der Adriatiſchen Roſemund
traͤhnen/ welche di augen gemach und gemach bene-
belten/ ſaͤhen konte. Si baht den Nord-ohſt/ er ſol-
te ſich doch laͤgen/ und das ſchuͤf dem Suͤhd-weſt/
ihr zu gefallen/ ůber-gaͤben/ damit es wider zu ruͤkke
kaͤhren muͤſte.

Diſes ihr floͤhen ward zwahr halb und halb er-
hoͤret/ und dem Markhold durch eine ploͤzlich-ſau-
ſende ſtimme des Nord-ohſts/ dehr ſich ſolcher ge-
ſtalt ſeiner ſtille waͤgen gleichſam entſchuldigen
wolte/ zu erkaͤnnen gegaͤben: ihdoch muſt’ es ge-
ſchiden ſein; dan/ hatte gleich der Nord-oſt ein ſol-
ches mit-leiden mit Jhr/ ſo kahm doch aͤndlich der
Nord ſelbſten dahrzu/ und wahr ům ſo vihl daͤs-
zu unbarmhaͤrziger: er blihs mit follem munde di
ſaͤgel an/ und trihb das ſchuͤf innerhalb wenig ta-
gen nahch der Flandriſchen graͤnze/ und von dahr
nahch Engel-land und Bulonge zu. Markhold ſa-
he ſich nuhn-mehr von ſeiner Roſemund weit ent-
faͤrnet/ und begunte ſi algemaͤchlich zu betauren.
Er geriht auch hihr-uͤber in eine ſolche ſchwaͤhrmuͤh-
tigkeit/ daß er ſich/ üm etwas friſchere Luft und er-
gaͤzligkeit zu ſchoͤpfen/ auf di hoͤhe daͤs ſchuͤffes be-
gaͤben muſte.

Es begunte gleich abend zu waͤrden/ und aufder
Se wahr eine ſolche lihbliche wind-ſtille/ daß ſi
waͤgen ihrer aͤbene und der blaulichten farbe daͤs
waſſers/ einem flachchen faͤlde gleich ſchine. Di ſon-
ne lihß ſich auch mit etlichen ſtrahlen/ welche/ wi-
wohl ſi gleichſam von den an-ſich-gezogenen traͤh-
nen ſeiner Roſemund noch etwas erblaſſet/ doch
gleichwohl nicht unanmuhtig an zu ſchauen waren/
auf daͤm waſſer erblikken. Markhold beluſtigte ſich
nicht wenig mit diſer annaͤhmlichen ſtille/ und hatte
nuhn ſeine ſchwaͤhr-muͤhtigkeit mehren teiles aus
der acht geſchlagen.

Nahch-daͤhm er aber alſo ſeinem geſichte/ ſich
vergnuͤhglich zu erluſtigen/ eine guhte weile verhaͤn-
get
[3]ehrſtes Buhch.

A 2
[4]Der Adriatiſchen Roſemund
get hatte/ und gleich wideruͤm in ſeine Kammer gaͤ-
hen wolte; ſo lihſſen ſich auf der Se fuͤnf ungeheure
Braun-fiſche ſaͤhen/ welche ům ihre ſchiffe haͤruͤm
ſpileten/ und ſeinen leuten/ aus furcht eines inſtaͤ-
henden ungewitters/ nicht wenig erſchroͤklich fuͤhr-
kahmen. Es wahr auch uͤber das der Mahnd am
himmel wi feuer an zu ſaͤhen/ welches ihm nichts
guhtes ſchwahnen lihß.

Das haͤrz begunte zu zittern/ der ganze leib boͤ-
bete/ ſo erſchroͤklich kahmen ihm alle diſe zeuchen
fuͤhr. Er gedachte bei ſich ſelbſt/ ach! wehr nuhn
noch auf der Amſtel waͤre/ ſo koͤnt’ ich noch geruhig
in dem ſchohſſe der traͤuen Roſemund mein laͤben
friſtẽ; da ich izund in dem ſchohſſe daͤs wilden Meh-
res/ welches mihr augen-bliklich den tohd fohr au-
gen ſtaͤllet/ in furcht und zittern ligen muß. Ach!
verzeuhe mihr/ ſchoͤne Roſemund/ verzeuhe mihr/
du goͤtliches Maͤnſchen-kind/ daß ich dihr ſo unge-
hohrſam gewaͤſen bin/ und mich/ damit ich nuhr
dihr dein Laͤben mit daͤm meinigen verkuͤrzern
moͤchte/ auf diſes grauſame uhrwaͤſen begaͤben ha-
be. Gaͤrne wolt’ ich ſtaͤrben/ wan Du nuhr laͤben
ſolteſt. aber/ weil ich weus/ daß mein tohd der dei-
nige iſt; und wo ich ja in diſer fluht untergaͤhen
ſolte/ du deinen untergang ſelbſt in der fluht deiner
eignen traͤhnen ſuchen wuͤrdeſt; ſo muß ich billich/
Dihr zu libe/ bedacht ſein/ wi ich mein Laͤben/ das
deinige zu friſten/ raͤtten wuͤl.

Mitten in diſen gedanken (als er ſich ſchohn hin-
unter in das ſchuͤf begaͤben hatte) erhuhb ſich ein
grohſſer ſturm/ daß man nicht anders vermeinte/
ſi würden alle vergaͤhen můſſen. Markhold ver-
gahß uͤber diſem uhrploͤzlichen unwetter fohr angſt
und entſaͤzzen aller ſeiner gedanken/ und kahm faſt
gahr aus ihm ſelbſt. Er lahg als im traume/ und
es wahr faſt nichts entfuͤndliches mehr an ihm.
Solcher geſtalt bracht’ er di ganze nacht zu; bis
ſich
[5]Ehrſtes Buhch.
ſich aͤndlich des morgens diſes ungewitter ſtillete/
und di ſonne ſi wideruͤm mit anmuhtigen blikken zu
gruͤhſſen begunte. Markhold erhohlte ſich wider/
und wahr gleichſam wi gahr von neuem gebohren;
er erblikte den Gnaden-hafen in der naͤhe/ und
luͤhf mit follem ſaͤgel zur Saͤnen ein.

Dis iſt der lihbliche flus/ dehr ſo manche maͤnſch-
goͤttin erzilet/ bet deſſen ſtrande di hold-ſaͤligen
Franzinnen di Deutſchen gaͤſte mit leut-ſaͤligkeit
entfangen. Jch weus wohl/ daß ihnen di ankunft
unſeres Markhold’s/ als eines/ dehr auch von traͤu-
deutſchem gebluͤht entſproſſen iſt/ nicht wenig er-
fraͤulich wahr. Si hatten vernommen/ wi ihn di
aͤdlen Deutſchinnen/ di lihblichen Muld- und El-
binnen/ ja di unvergleichliche Adriatinne ſelbſt/ ſo
hoͤhchlich gelibet; druͤm begegneten ſi ihm mit daͤs-
zu hoͤhflichern und zuͤchtigern gebaͤhrden/ ſich ihm
auch an-naͤhmlich zu machchen. Aber der traͤu-be-
ſtaͤndige Markhold wuſt’ in ſeinem haͤrzen von kei-
ner andern/ als von der alein einig hold-ſaͤligen
Roſemund. Di er nuhn-mehr in der fremd’/ als er
ſi nicht mehr ſahe/ vihl haͤftiger als zufohren libete.
Dan es iſt gewaͤs/ daß eine traͤu-befaͤſtigte Libe di
haͤrzen/ ih weiter ſi dem leibe nahch von einander
getraͤnnet ſein/ ih faͤſter verbuͤndet.

Als er nuhn in di praͤchtige haubt-ſtat Parihs
kahm/ da der annoch-bluͤhende Delſihn/ der koͤnigli-
che Fürſt/ ſeinen hohf hihlt/ und gleich den Koͤnig-
lichen namen entfuͤng; ſo ward er von den faͤrtigen
Saͤnemnen mit traͤflicher anmuht gewuͤlkommet.
Si libelten ihm mit zitternder und halb-liſplen der
ſtimme; ſi begaͤhreten ſeiner kundſchaft und ſeines
geſpraͤhches; ſi erzeugten ihm di hoͤchſten ehren-
dihnſte: doch konten ihn diſe Schoͤnen mit ſo vihl
tauſend-kuͤnſtleriſchen libes-reizungen nicht bewaͤ-
gen. Dan Roſemund wahr ſein einiges Al; Ro-
ſemund wahr ſein einiger trohſt; und ihr gedaͤcht-
A 3nuͤs
[6]Der Adriatiſchen Roſemund
nuͤs wahr ſein lahbſahl. Taͤht’ er etwa führ der ſtat
ſeinen luſt-wandel/ und ſahe di Pariſinnen in den
heiſſen Som̃er-tagen zum bade fahren/ welche ſich
mit ſolchen ſachchen/ di nicht das haͤrz/ ſondern den
geilen leib/ verſchoͤnern/ geſchmuͤnket hatten; ſo ge-
dacht’ er bei ſich ſelbſt/ daß di mild-gůhtige Zeuge-
mutter ſeiner Roſemund alle diſe ſchoͤhnheiten/ di
er alhihr durch kunſt und angeſtrichene farbe zu
waͤge gebracht ſahe/ uͤberfluͤhſſig verlihen haͤtte.
Nichts kahm ihm lihblicher fůhr als Roſemund/
weil er ſi zum liben ſo lihblich gebohren zu ſein
ſchaͤzte: Nichts kahm ihm erfraͤulicher fuͤhr/ weil ſi
ein krankes haͤrz zu erfraͤuen/ ſo fraͤudig wahr ge-
zeuget; nichts kahm ihm laͤbendiger führ/ weil ſi
eine halb-erſtorbene Sele laͤbendig zu machchen/ ſo
laͤhbhaft wahr geſchaffen: ja Roſemund wahr ſei-
ne libe/ ſeine fraͤud’ und ſein laͤben: Nichts wahr
ihm an-naͤhmlicher zuhoͤhren/ als diſer aͤdle name:
Roſemund/ Roſemund wahr gleichſam mit de-
mantinen buhchſtaben in ſein gedaͤchtnuͤs eingebil-
det/ daß er ihrer nimmermehr vergaͤſſen ſolte.

Er hatte ſich nuhn nichts mehr zu getroͤhſten/ als
eines brifes/ durch welchen er ſchriftlich mit ihr raͤ-
den konte. Das ſchreiben/ welches er von Ruahn
ab/ ſeiner gluͤklichen uͤber-kunft waͤgen/ ſchohn fůhr
etlichen wochchen an ſi abgaͤhen lahſſen/ hatte ſi
durch ein kleines brihflein eilend beantwortet/ wel-
ches ihm von einem knaben noch bei ſpaͤtem abend
eingehaͤndiget ward. Si baht ihn uͤm einen aus-
fůhrlichen beruͤcht waͤgen des ablaufs ſeiner reiſe;
ſi begaͤhrete mit ſolchem eifer ſeine geſundheit zu
wuͤſſen/ und floͤhet’ ihn gleichſam dahrüm mit ſol-
chen haͤrz-bewaͤhglichen worten an/ daß er gezwun-
gen ward ſi noch ſelbigen abaͤnd zu vergnuͤgen. Er
ſchrihb faſt di ganze nacht durch/ unangeſaͤhen/ daß
er di vergangene/ einer geſelſchaft zu gefallen/ auch
ſchlahf-lohs zu-gebracht hatte; verfaſſte ſeine gan-
ze
[7]ehrſtes Buhch.
ze reiſ’ in einen geſang/ und ſchikt’ ihn ſtraks des
andern morgens/ naͤbenſt andern ſchreiben/ fort.

Jnd aͤſſen lihß ſeine Roſemund alle poſt-tage bei
dem Antorſiſchen Bohten nahch ſeinen ſchreiben
fragen. Si hatte ſo ein grohſſes verlangen/ ſeine
gegen-antwort zu vernaͤhmen/ daß ſi ſich kaum zu
friden gaͤben konte. Jhr einiger wundſch wahr ſei-
ne wohlfahrt zu wuͤſſen. Si begaͤhrte nichts mehr
auf der ganzen waͤlt/ und baht auch uͤm nichts
mehr/ als uͤm ſein wohl-ergaͤhen. wi oft fihl ſi ni-
der auf ihre knihe/ und floͤhete zu Got/ daß er ihn
geſund erhalten/ und in guhtem fride wider zu ruͤk-
ke bringen wolte.

Mitten in diſer ihrer ungedultigen hofnung
wahrden ihr ſeine antworts-ſchreiben ůberluͤfert;
dahruͤber ſi ſo hoͤhchlich erfraͤuet ward/ daß ſi ſelbi-
ge fohr fraͤuden kaum erbraͤchchen konte. Das ſigel
wahr ſchohn geloͤſet/ als ſi ſich ehrſt erinnerte/ daß
ſi ſelbige noch nicht gekuͤſſet haͤtte. welches ſi dan ſo
haͤftig verdrohß/ daß ſi ſich fuͤhr ſchahm und un-
wůllen entfaͤrbete/ gleichſam als wan es ihmand
geſaͤhen haͤtte/ dehr Si dahruͤber beſtrahffen wuͤr-
de. aͤndlich aber/ nahch-daͤhm ſi ihr verſaͤhen vihl-
faͤltig erſtattet hatte/ ſo eroͤfnete ſi den uͤmſchlahg/
und fand ſtraks oben-auf ligen diſen

Wiwohl ſi nuhn diſes Lihd mit ſonderlichem
fleiſſ und grohſſer bedachtſamkeit durch-gelaͤſen
hatte/ ſo lihß ſi ſich doch mit daͤm einigen mahle noch
nicht begnůgen/ ſondern wolt’ es noch eins uͤberſaͤ-
hen/ damit ſi dasjentge/ was ſi vihlleicht noch nicht
raͤcht eingenommen haͤtte/ folaͤnd begreiffen moͤchte.
Weil ſi aber ſeinen brihf noch nihmahls gelaͤſen
hatte/ ſo wolte ſi gleichſam auch gaͤrne zufohr deſ-
ſen inhalt wůſſen; druͤm erbrahch ſi das ſigel/ ent-
faltet’ ihn/ und laſ’ alſo diſes

Der Roſemund
Schreiben
an den Markhold.

ich weus nicht/ ob ich mich bedanken darf/
oder ob ich vihl-mehr ſeinen irtuhm be-
ſtrahffen ſol/ daß er ihm hat beliben lahſ-
ſen eine ſolche verehrung mihr/ als einem
dehrſelbigen unwuͤrdig-erachtetem maͤn-
ſchen-bilde/ zu uͤberſaͤnden. Jch hihlte ſi
hohch und waͤhrt/ und koͤnte ſi nicht ta-
deln/ wan nuhr di an- und namen-ſchrift
nicht verwaͤchſelt/ und ſi der wahren beſiz-
zerin zu-geſchriben waͤre. Er hat ſeiner
dinerin verſprochchen di verfaſſung ſeiner
reiſe zu uͤberſchikken/ welches er auch ge-
tahn: doch gleichwohl iſt ſi nicht vergnuͤ-
get/ ſondern/ er verzeuhe meinem fraͤfaͤl/
vihlmehr beleidiget: indaͤhm er dasjenige/
was er vihlleicht ſeiner haͤrz-allerlihbſten zu
uͤber-ſchikken entworfen hat/ ihr/ als einer
ſolchen hohen libes-bezeugung unwuͤrdi-
gen/ gleichſam zu hohn und ſpot einhaͤndi-
gen lahſſen. Aeben dasjenige wůrd di ſei-
nige ſelbſten tuhn/ ſo anders meine muht-
maßung wahr iſt/ daß er ihr daſſelbige/ was
er vihlleicht meiner wenigkeit zu gefallen
ver-
[43]ehrſtes Buhch.
verfaſſet hat/ aus einem irtuhm zu-geſchri-
ben hat.

Bei ſolcher geſtaltnuͤs nuhn/ hab’ ich dis
inligende reiſe-lihd/ damit ich mich an der
Seintgen/ durch fohr-behaltung ihres eigẽ-
tuhms/ nicht verbraͤchchen moͤchte/ wider-
uͤm an ſeine uhrſtaͤlle luͤfern wollen. Be-
danke mich doch auch nichts daͤs zu weniger
zum hoͤhchſten/ daß mein Her gleichwohl
den ſuͤn gehabt hat/ ſeiner Dinerin zu wuͤl-
fahren/ mit daͤhm erbuͤhten/ daß ich ſolches
durch můhglichſte dihnſt-leiſtung/ wo mein
Her mihr nuhr mit einem winke gebuͤten
wůrd/ gehohrſamlich erwidern wůl: ja/ im
fal mihr ſolches aus ſchwachheit oder an-
dern hinter nůſſen zu fol- bringen nicht ge-
ſtattet wuͤrde/ ſo hab’ ich doch das verlan-
gen/ und ſolt’ es gleich wider ſeinen wůllen
geſchaͤhen/ mit taht und namen zuverblei-
ben/

Mein Her/
Seine alein-traͤu-eifrige und
aͤrz-verpfluͤchte Dinerin/ ſo
lang ich bin und heiſſe
Roſemund.

Markhold erſeufzete vihlmahls uͤber diſen
brihf/ und entfaͤrbete ſein geſichte ſo mannigmahl/
nahchdaͤhm er ihm bald vihl/ bald wenig verhihſſe.
Der libes-verdacht und di furcht/ als zwo unfaͤhl-
bahre wuͤrkungen einer ſtand-faͤſten libe/ welches
ihm Roſemund alles beides zu verſtaͤhen gahb/
veruhrſachten zugleich fraͤud’ und ſchmaͤrzen. Er
laſ’ es uͤber und wider-uͤber; beſahe den anfang
und das aͤnde. Wahr der eingang hart/ und das
mittel untertaͤhnig/ ſo wahr doch der ſchlus ſehr
klaͤglich und ſehr haͤrz-entfuͤndlich. Das ganze
ſchreiben kahm ihm nicht fůhr/ als wan es von
ſo liber hand geſchriben waͤre; dan ſi raͤdet’ ihn
faſt nicht anders an/ als in furcht/ und gleichſam als
einen ſtraͤngen gebůter/ dehm ſi untertaͤhnig waͤre;
ſonderlich wan er das mittel/ nahch dem aus-gange
zu/ betrachtete: doch gleich-wohl gahb ihm der
Schlus noch einige hofnung/ und erinnert’ ihn ſei-
nes fohrigen brifes/ dahrinnen er ſi nicht als ſeine
Lihbſte/ ſondern nuhr alein/ als ſonſt eine von ſei-
nen traͤuen Fraͤundinnen angeraͤdet haͤtte: wel-
ches er dan blohs zu daͤhm aͤnde getahn/ damit nih-
mand/ ſo er etwan in andere haͤnde gerahten
wuͤrde/ ihre heimliche verbůndnuͤs verſtaͤhen
moͤchte.

Das wider-eingehaͤndigte lihd/ welches er indaͤſ-
ſen/ daß er den brihf laſ’/ in den tage-leuchter gelaͤ-
get hatte/ ſahe er auf eine ſeite mit unwuͤllen an/
und draͤuete ſolches ins feuer zu waͤrfen. Weil er
ihm aber beduͤnken lihs/ daß es fohr ſolchem ſeinen
harten anblikke gleichſam wi ein diner (dehr ſeine
bohtſchaft nicht raͤcht beſtaͤllet hat/ und unverrüch-
teter ſachchen wider zu ſeinem Hern gelanget iſt)
fůhr furcht erzitterte/ ſo nahm er aus mit-leiden di-
ſes unſchuͤldige und gleichſam verſchmaͤhete lihd-
lein/ und ſchlos es bei ſeite/ damit es ihm nicht mehr
haͤrze-leid veruhrſachte.

Alſo ſtund der guhte Markhold eine guhte zeit
wiſchen furcht und hofnung; und ſahe wohl/ daß er
[...]/ wo nicht erzuͤrnet/ doch gleichwohl arg-waͤhniſch
und ſchaͤhl-ſichtig gemacht/ uͤm daß er ſi in ſeinem
[...]aͤtſten ſchreiben nicht austrüklich ſeine Lihbſte ge-
[...]aͤnnet haͤtte.

Es kahm ihm ſehr befremdet fuͤhr/ daß aͤben ſi/
als ein ſo hohch-verſtaͤndiges und wuͤzziges Frauen-
zimmer/ ja dehr di lang-muͤhtigkeit/ geduld und
hoͤhfligkeit gleichſam angebohren waren/ wider diſe
ihre gebuhrts-ahrt/ ihm ſolch-einen heimlichen ſtůch
gaͤben konte; einen ſolchen ſtuͤch/ dehr ihn ſo haͤftig
ſchmaͤrzte. Aber er ſtaͤlte ſich gleichwohl bald zu fri-
den/ wan er in betrachtung zohg/ daß ſi hihrdurch
ihre eifrige Libe/ di ſi zu ihm truͤge/ blikken lihſſe/
und daß nicht ſi/ ſondern di haͤftigkeit ihrer Libes-
anfoͤchtung/ ihre faͤder gefuͤhret haͤtte. Er kont’ ihr
uͤm ſo vihl daͤs zu mehr verzeuhen/ weil er un-
ſchwaͤhr vermaͤrkte/ daß di Libe/ der grauſame
Saͤhlen-wuͤhterich/ diſes angeſtiftet haͤtte; und ihr
ein hoͤheres Lohb zu-ſchreiben/ weil diſes di unver-
waͤrflichen maͤrk-zeuchen ihrer unverfaͤlſchten traͤue
waͤren.

Nachdaͤhm er ſich alſo eine guhte zeit mit diſen
gedanken ůberworfen hatte/ ſo ward ſein lihbſter
Haͤrz-waͤhrt/ dehm di zeit auch was lang fallen
wolte/ gezwungen/ ihn anzuſpraͤchchen. Er fragt’
ihn/ ob etwan ſeiner Lihbſten ein unglůk begegnet/
und ob ſi irgend krank waͤre/ oder ob ſi ſonſt etwas
geſchriben haͤtte/ welches ihn zu diſer angſt-muͤhtig-
keit veruhrſachte?

Der guhte Markhold ſchwihg eine lange zeit
ſtok-ſtille; dan er hatte ſich in ſeinen gedanken ſo
ſehr vertuͤhffet/ daß er nicht eigendlich hoͤrete/ was
ſein Fraͤund ſagte; weil ihn aber Haͤrz-waͤhrt ſo
inſtaͤndig an-ſahe/ ſo beſann’ er ſich aͤndlich/ und
gab doch nichts mehr als einen tuͤhf-gehohlten ſeuf-
zer zur antwort.

Diſer ſeufzer/ welcher ohne zweifaͤl aus daͤm in-
nern haͤrzen haͤrfuͤhr drang/ veraͤndert’ ihn in ei-
nem augenblikke dehr-mahſſen/ daß ſein gantzer
Leib/ dehr fohrmahls/ mit allen ſeinen glihd-mahſſen
gleichſam erſtarret ſtund/ wideruͤm raͤge ward. Er
bewaͤgte di adern/ di ſeine ſtar-ſteiffen augen gleich-
ſam wi eine unruhe wideruͤm treiben machten; und
trihb uͤber ſich di innerliche waͤrme/ di ſein tohdten-
bleiches angeſichte widerům erroͤhtete.

Jn ſolcher jaͤhligen veraͤnderung kahm er wider
zu ſich ſelbſt/ und fing an folgender geſtalt zu raͤ-
den: ja freilich/ ſagt’ er und ſeufzete/ es iſt wohl ein
raͤchtes ungluͤk/ oder vihlmehr ein ſolcher unfal/
welchen ihr eigner mis-verſtand/ und meine
guht-gemeinte/ alzu gnaue bedachtſamkeit ver-
uhrſachchet hat. Mein Fraͤund (fuhr er fort)
kan nicht glaͤuben/ wi ſehr mich diſes ſchreiben ver-
unruhiget/ jah was es mihr fůhr angſt und ſchmaͤr-
zen machchet: und weil ich weus/ daß er mein
traͤueſter Fraͤund iſt/ ſo kan ich wohl leiden/ daß
er alles dasjenige/ welches diſe meine ſchwaͤhr-
můhtigkeit veruhrſachchet/ wůſſen mahg. Hihr-
mit uͤber-reicht’ er ihm das ſchreiben ſeiner Ro-
ſemund/ und baht/ daß er ſolches ſelbſt laͤſen ſolte.
Haͤrzwaͤhrt aber wolt’ es anfangs nicht an-naͤh-
men/ mit fuͤhr-waͤndung/ daß ihm ſolches nuhr al-
ein zu laͤſen gebůhrete: Jhdoch/ weil Markhold
nicht nahchlahſſen wolte/ ſo lihs er ſich noch
aͤndlich dahrzu bewaͤgen/ und laſ’ es zwei-mahl
durch.

Als er nuhn ſolches wohl betrachtet hatte/ ſo
fing er an das haͤubt zu ſchuͤtteln/ und ſprahch mit
laͤchlendem munde; Jch laͤſe wi ich wůl/ ſo fuͤnd’ ich
nichts als libe/ ja eine ſolche inbrůnſtige eiferige
libe/ di ich gleichſam in meiner einbildung fuͤhr
heiliger furcht (daß ich alſo raͤden mahg) zittern
ſaͤhe. Jhdoch/ weil ich nicht weus/ wi es mit ih-
rer
[47]ehrſtes Buhch.
rer beiden libe bewandt iſt/ und wi nahe ſi mit
einander vereiniget ſein/ ſo wůl ich mich nicht
unterſtaͤhen/ fol-koͤmlich dahrvon zu nhrtei-
len. Sonſten/ meinem wenigen verſtande nahch/
fuͤnd’ ich nichts als lauter haͤrz-braͤchchende raͤ-
den/ di auch einen fremden/ dehr ſi nicht einmahl
kaͤnnet/ zum mit-leiden zwůngen. Anfangs
gihbt ſi ihm zwahr einen heimlichen verweis/ aber
ich ſchwoͤre/ nahch anleitung des ſchluſſes/ daß
Si ſolches muͤndlich nicht wuͤrde tuhn koͤnnen: und
wo ſi es jah aͤndlich uͤber ihr haͤrze bringen koͤnte/
ſo wuͤrden ſolches gewuͤslich nuhr halbe worte
ſein. Si wuͤl ſich wohl was fremde gegen ihn
ſtaͤllen/ wan es nuhr di Libe geſtatten wolte. Al-
les/ gahb Markhold zur antwort/ waͤre noch wohl/
wan ſi nuhr das lihdlein/ welches ich ihr zu ehren
verfaſſet habe/ mit dank angenommen und nicht ſo
gahr verſchmaͤhet haͤtte.

Das iſt eines ſo kluhg-ſuͤnnigen Frauen-zim-
mers ahrt (fing Haͤrz-waͤhrt widerům an) daß
es dasjenige verwůrfet/ das es doch hoͤhchlich be-
gaͤhret/ und wan man es bei daͤm luͤchte beſaͤhen
wuͤl/ ſo befuͤndet man/ daß es dahrdurch ſeinen
Lihbſten an ſeiner ſtand-faͤſtigkeit nuhr bewaͤh-
ren wuͤl. Wiwohl ich mich ſonſten (fuhr er fort)
um anderer leute heimligkeiten wenig bekuͤmmere/
ſo bringt mich doch meine fůhrwůzzigkeit dahin/
daß ich gleichwohl gaͤrne wuͤſſen moͤchte/ wi und
durch was fuͤhr mittel mein Fraͤund mit diſer him-
liſchen Roſemund in ſolche vertrauliche kund-
ſchaft gerahten iſt; nahchdaͤhm ich ſeine ein gezo-
gene bloͤdigkeit kaͤnne/ und dahrnaͤben wol weus/
daß das waͤlſche Frauen-zimmer/ es ſei auch wo
es wolle/ ſich mit daͤm mans-folke/ wi das unſri-
ge zu tuhn pflaͤget/ gahr nicht gemeine macht;
jah ſich kaum ein mahl auf der ſtrahſſen erblik-
ken laͤſſet?

Jch muß geſtaͤhen/ mein lihbſter Haͤrz-waͤhrt/
(gahb Markhold zur antwort) daß ſolches ohne
ſonderliches verhaͤngnuͤs nicht geſchaͤhen iſt; ihdoch
mus ich auch bekaͤnnen/ daß es vihlmehr ein an-
fang unſerer kuͤnftigen unglükſaͤhligkeit/ als wohl-
eingebildeten glůkſaͤhligkeit gewaͤſen iſt. Damit ich
aber meinem Fraͤunde di ganze begaͤhbnuͤs mit al-
len ihren ümſtaͤnden/ und ohn einiges maͤnſchen
dahrzwiſchen-kunft/ in geheim erzaͤhlen moͤge/ ſo
wollen wihr zufohr di foͤrder-tůhre verruͤgeln lahſ-
ſen.

Als nuhn ſolches geſchaͤhen wahr/ ſo naͤhert’ er
ſich zu ſeinem Haͤrz-waͤhrt’/ und huhb folgender ge-
ſtalt an zu raͤden.

Di Begaͤhbnuͤſſe
des Markholds
und
der Roſemund.

ES wuͤrd ſich mein Fraͤund ohne zweifaͤl noch
wohl zu beſuͤnnen wuͤſſen/ daß Adel-waͤhrt
ein tapferer und aufgewaͤkter Jüngling in dem
Erz-ſchreine der lihblichen Salahnen eine ſonderli-
che fraͤundſchaft mit mihr gepflogen/ und nahch
dchrſelben zeit im kriges-waͤſen ſein heil verſuchet
hat; da ihm dan das gluͤkke ſo guͤnſtig gewaͤſen iſt/
daß er ſtraks Walt-haubt-man worden/ und nahch
einer ritterlichen Siges-eroberung auch in einem
vihrteil jahre eines Haupt-mans plaz betraͤten/ bis
er aͤndlich in einem jahre dahrnahch/ als er ſich in
einer Schlacht ſo tapfer gehalten hatte/ gahr zum
Schalt-oberſten iſt gemacht worden. Diſer
Schalt-oberſter Adel-waͤhrt nuhn iſt di haubt-
uhrſachche/ und ſeine Lihbſte das mittel/ dadurch ich
mit der uͤber-irdiſchen Roſemund in kundſchaft ge-
rahten
[49]ehrſtes Buhch.
rahten bin. Dan es begahb ſich/ daß er ohn-gefaͤhr
fohr dreien jahren (nachdaͤhm ſich eine Schleſi-
ſche von Adel/ di lihb-ſaͤhlige Adelmund/ eine
Jungfrau von vihr-zehen jahren/ mit ihm in eh-ge-
luͤbnůs eingelahſſen hatte) zu Strahsburg mit ei-
nem fůrnaͤhmen Hern von Venedig bekant ward/
welcher ſich uͤm gewuͤſſer uhrſachchen wůllen mit
ſeinem ganzen Hauſe fohr etlichen jahren aus
Waͤlſchland in das Hohchdeutſche Reich begaͤben
hatte/ und aͤben dazumahl ſeine zwo toͤchter mit
der Frau Mutter nahch Holland zu-ſchikken
wolte.

Als er nuhn ſolches von dem Suͤnnebald (alſo
hihs diſer Venediſche Her) vernommen hatte/ ſo
gahb er ihm zu verſtaͤhen/ daß er auch geſonnen
waͤre ſeine Lihbſte in kurzen nahch Holland zu ſaͤn-
den/ ſo lange/ bis der Krihg in Hohch-deutſchland
ein wenig nahch-lihſſe/ oder er nuhr gelaͤgenheit
bekommen moͤchte/ ab zu danken; dan izund (ſagt’
er) waͤr’ es nicht rahtſam/ daß er ſich mit ihr trauen
lihſſe/ da er noch in beſtallung/ und ſi auch ſelbſten
noch ein wenig zu jung waͤre. Weil aber weder er/
noch ſi/ ganz keine bekanten daſelbſt haͤtten/ ſo baͤht’
er ihn/ er wolle ſi doch in geſelſchaft ſeiner beiden
toͤchter auf eine zeit zu laͤben vergoͤnnen/ damit ſi
ſich unterdaͤs mit einem und dem andern Hohch-
deutſchen/ ſo ſich daſelbſten aufhihlten/ moͤchte be-
kant machchen/ und durch diſes mittel fuͤhr ſich und
ihre Jungfer Schwaͤſter/ di ihr haͤrnahch auch fol-
gen wuͤrde/ einen bekwaͤmen aufenthalt bekom-
men.

Der Suͤnnebald wahr ſolches ſehr wohl zu fri-
den/ und baht ihn noch dahrzu/ er wolle doch mit
ſeiner Lihbſten nicht lange ſaͤumen; dan es waͤr’
ihm ſehr lihb/ wan ſeine toͤchter/ di nuhn-mehr der
hohch-deutſchen ſprache ganz kuͤndig waͤren/ eine
ſolche ahdliche Jungfrau/ di nicht alein von hohch-
Cdeut-
[50]Der Adriatiſchen Roſemund
deutſcher ankunft/ ſondern auch eines ſo liben
Fraͤundes haͤrz-lihbſte waͤren/ zur geſpihlin haben
koͤnten; und er ſolte verſichchert ſein (fuhr er fort)
daß er ſi nicht als eine Fraͤundin/ ſondern gahr als
ſeine leibliche tochter halten wolte.

Nahchdaͤhm ſich nuhn Adelwaͤhrt ſolches guhten
anerbuͤhtens waͤgen gegen ihn zum hoͤhflichſten be-
danket hatte/ ſo ſchrihb er alsbald an ſeine Lihbſte/
und baht/ ſi moͤchte ſich zur reiſe nahch Holland ge-
faſt halten; dan er haͤtte ſchohn einen gewündſchten
Auf-enthalt fohr ſi angetroffen. Aber es verzohg
ſich noch eine zimliche zeit/ indaͤhm ihnen bald diſe/
bald jene ungelaͤgenheit auf-ſtůhs; dehrgeſtalt/ daß
ſi ehrſt ůber ein jahr dahin gelangte.

Jndaͤſſen nuhn/ daß ſich Adelmund bei diſen Ve-
nediſchen Jungfrauen auf-hihlt/ ſo hatt’ ich mich
auch in Holland zu begaͤben/ in wüllens/ von dahr
nahch Frankreich zu gaͤhen; und es waren kaum drei
wochchen verfloſſen/ als ich ſchohn nach Engel-land
zohg/ von dahr ich mich aber bald wider zu ruͤk
machte. Meine gedanken waren noch ganz nicht in
Holland zu bleiben/ ob es ſchohn mit meiner reiſe
nahch Frankreich ſo bald/ als ich wohl gemeinet
haͤtte/ nicht gluͤkken wolte. Jch ward ſuͤnnes mich
nahch Preuſſen zu zu waͤnden/ und dahrnach auch
das benachbahrte Polen zu beſaͤhen; wi ich dan
auch ſchohn einen ſchiſfer daͤshalben beſprochchen
hatte/ und mich in zween tagen auf di fahrt zu begaͤ-
ben geſonnen wahr. Aber es konte nicht ſein; dan
das Verhaͤngnuͤs zohg mich zurůkke/ daß ich noch
ein ganzes jahr in Holland verbleiben muſte.

Aber ach! was hat mihr ſolcher verzug nuhr
fohr ein ungluͤk veruhrſachchet! vihl baͤſſer waͤr’
es gewaͤſen/ daß ich auf der Se mein laͤben gelahſ-
ſen/ als durch daſſelbige di armſaͤlige Roſemund in
weh-leiden/ und mich aus mit leiden in jammer
verſaͤzt haͤtte. Dan ich hatte mich noch kein hal-
bes
[51]ehrſtes Buhch.
les jahr bei den Amſtelinnen aufgehalten/ als mein
traͤuer Adel-waͤhrt/ zu ſeiner Lihbſten gluͤkke/ und
[...]er Meinigen verdaͤrben/ in erfahrung kommen
wahr/ daß ich mich in Holland begaͤben haͤtte.
Er fühgte ſolches ſeiner Adelmund alſo-bald zu
wuͤſſen/ und lihs dahrnaͤben ein ſchreiben an mich
[...]b-gaͤhen/ welches mihr auch bald eingehaͤndi-
get ward. Er befahl mihr ſeine Lihbſte: Er er-
[i]nnerte mich der alten ſchuhl-fraͤundſchaft/ und
meiner pfluͤcht/ di ich ihm fohr dehr zeit geleiſtet
hatte; er betauerte ſich ſelbſt/ daß er mich nicht
gegenwaͤrtig dahruͤm anlangen koͤnte: er ver-
pfluͤchte ſich/ mihr wideruͤm alle mühglichſte dihn-
ſte zu leiſten/ wo ich di jenigen/ di ich ihm ſchul-
dig waͤre/ nuhr ſeiner Lihbſten ab zu zahlen geru-
hen wuͤrde. Jah ſein ſchreiben wahr ſo haͤrz-ent-
zuͤkkend und ſo durch-drůngend/ daß ich mich
beides aus Libe gegen ihn/ und aus begihrde/ di
ahdliche Braut/ di fraͤundſaͤlige Adelmund/ zu
ſaͤhen/ nicht lange ſaͤumete/ ſeiner Haͤrz-allerlihb-
ſten auf zu warten.

Als ich nuhn in ihr haus kahm/ ſo ward ich
ſtraks von einer zohffen in ein zimmer begleitet/ da
ſi ſich ganz aleine befand. Jch entfing ſi mit ei-
nem ehr-erbůhtigen hand-kuſſe/ und gahb ihr mei-
ne fraͤude waͤgen ihres glůklichen wohl-ſtandes zu
verſtaͤhen/ naͤbenſt einer demuͤhtigen pflůcht-lei-
ſtung/ daß ich di ehre haben moͤchte/ ihr/ als mei-
nes bruͤderlichen Fraͤundes/ des Adelwaͤhrts Haͤrz-
lihbſten/ nahch meiner wenigkeit auf zu dinen.
Si nahm diſes mein erbůten mit einer ſonderli-
chen hoͤhfligkeit an/ und verſichcherte mich kraͤf-
tiglich/ daß ich der erwiderung ſolcher ange-
botenen dihnſte nuhr alſo gedaͤnken ſolte/ gleich
wi ſi bedacht waͤre/ ſich mihr durch allen ihren
mühglichſten fleis ins kůnftige annaͤhmlich zu
machchen.

Diſe wort-gepraͤnge waͤhreten eine guhte zeit;
dan hatt’ ich das meinige eingeworfen/ ſo brachte
ſi ſtraks andere gegen-wuͤrfe; wolt’ ich dehr laͤt-
ſte ſein/ ſo begaͤhrte ſi aͤben dasſelbige/ dehrge-
ſtalt das ich aͤndlich gezwungen ward/ diſer kluhg-
ſünnigen Jungfrau gewonnen zu gaͤben.

Diſes nuhn wahr unſere ehrſte zu-ſammen-
kunft/ bei welcher/ wi auch bei der andern und
dritten/ ich noch ein ruhiges haͤrze behihlt; aber
di vihrte begunte mich algemach zu verunruhi-
gen. Dan als ich ſchohn ein vihrteil jahr mit ihr
uͤmgegangen wahr/ und allezeit das gluͤkke gehabt
hatte/ ſi ganz aleine zu ſpraͤchen/ ſo/ daß ich auch
zeit-haͤhr keines maͤnſchen/ als der maͤgd’/ in ih-
rem hauſe wahr anſichtig worden: ſo begahb es
ſich laͤtslich/ daß ich mich einsmahls wider meine
gewohnheit etwas lange bei ihr verweilet hatte/
und zur tafel gebliben wahr; dehr-geſtalt/ daß wihr
uns nahch gehaltener mahlzeit ein wenig in den
Luſt-garten hinunter machten.

Di Adelmund fuͤhrete mich aus ihrem Zim-
mer durch einen grohſſen Sahl/ welcher mit waͤl-
ſchen blau-weiſſen vihr-ekkigen ſteinen gepfla-
ſtert/ und an den waͤnden ringſt haͤrum mit al-
lerhand uͤberaus kuͤnſtlichen gemaͤlden geziret
wahr; von dannen kahmen wihr durch einen
verborgenen ſchnaͤkken-gang/ oder waͤndel-traͤp-
pe hinunter auf di hinterſte fal-brůkke/ welche
nahch dem grohſſen garten zu-ging. Auf ſelbi-
ger bruͤkken nuhn hihlt ich mich ein wenig auf/ da-
mit ich das ſchoͤne gebaͤu von hinten-zu auch be-
trachten moͤchte.

Jndaͤhm ich aber alſo in meinen gedanken ſtaͤ-
he/ ſo erhaͤbet ſich uͤber daͤm tohre/ auf einem da-
mahls mit grůhnen tuͤchern behangenem luſt-
gange/ ein uͤberaus lihbliches lauten-ſpihl/ wel-
ches mich gleichſam gahr entzuͤkte. Jch erhuhb
mein
[53]ehrſtes Buhch.
mein geſicht/ und ſahe mich auf allen ekken dahr-
nahch uͤm/ ich wuſte nicht ob ich bezaubert/ oder ob
ich mein geſicht verlohren haͤtte/ weil ich keinen ei-
nigen maͤnſchen erſaͤhen konte. Aendlich hoͤret’
ich auch ein’ uͤberaus-lihbliche ſtimme/ di ſo klahr/
ſo haͤlle/ ſo zahrt/ ſo rein und ſo traͤflich wahr/
das ich dehrgleichen alle di tage meines laͤbens
nicht gehoͤret habe.

Als ich nuhn diſem anmuhtigen Wuͤl-kommen
(dan/ wi ich haͤr-nahchmahls erfahren habe/ di
juͤngſte Jungfrau/ di goͤtliche Roſemund/ hatte
mihr ſolches zu ehren geſpilet) eine guhte weile mit
verwunderung zu-gehoͤret hatte/ ſo gahb mihr A-
deimund/ welche ſchohn fohran gegangen wahr/ ei-
nen wink/ und fůhrete mich in den garten/ da wihr
zu einem ůberaus-ſchoͤnen Luſt- und ſpruͤng-brun-
nen gelangten.

Ob diſem ſo uͤberaus-kuͤnſtlichem waͤrke ward
ich abermahl ſehr verwundert. Wi kan es mühg-
lich ſein (fing ich an) daß diſes raͤcht zugaͤhet? ſein
diſe Als-goͤttinnen laͤbendig/ di ſich alhihr ſpihl-
weiſe baden/ oder hab’ ich meine vernunft verloh-
ren? ſi ſein ſteinern/ und gleichwohl raͤgen ſi di
haͤnde/ di arme/ di beine/ ja faſt alle glider! Jch muß
auch wahrlich bekaͤnnen/ daß es ein rechtes kunſt-
ſtuͤkke wahr.

Der Brunnen an ſich ſelbſt/ wahr von gaͤlblich-
tem Marmel/ di Als-goͤttinnen/ derer dreie oben
auf/ halb entbloͤhſſet/ und halb mit waſſer bedaͤkket/
in einem ringel mit aneinander-haltenden haͤnden
ſtunden/ waren von ſchne-weiſſem marmel/ ſo zahrt
und ſo kuͤnſtlich gehauen/ daß man auch alle di
kleineſten aͤderlein ſaͤhen konte: aus den brůſten
und aus dem munde kahmen ſolche lihbliche waſ-
ſer-ſtrahlen haͤrfuhr geſprungen/ di ſich im erhoͤ-
ben von einander gaben/ und in der mitten ůber
dem brunnen ſchraͤnks-weiſe uͤber und durch einan-
C 3der
[54]Der Adriatiſchen Roſemund
der ſchoſſen; welches ein ſolches anmuhtiges aus-
ſaͤhen und ein ſolches lihbliches geraͤuſche machte/
daß es einem das gehoͤhr und das geſichte beides
zugleich entzuͤkte.

Jch vermeinte nicht anders/ als wan ich mitten
unter diſem waſſer-ſpihle di laute noch ſchlagen/
und di himliſche ſtimme/ di ich nuhr naͤulich ůber
daͤm tohre vernommen hatte/ ſuͤngen hoͤrete. Auf
dem oberſten rande des brunnens ſahſſen ſechs Leu-
en von Korintiſchem kupfer halb-geſchwoͤllet und
halb zohticht/ welche mit dẽ klauen ein-ihder ein baͤk-
ken von morgen-laͤndiſchem albaſter/ durchſcheinẽd
wi kriſtal/ und auf das kuͤnſtlichſte mit bluhm-waͤrk
geziret/ unter ſich hihlten/ und dahrmit das waſſer/
das aus ihrem munde geriſelt kahm/ auf-fingen.

Der ſtein-waͤhg uͤm den brunnen haͤruͤm wahr
von weiſſ- und ſchwarzem marmel; di laͤhnen von
kupfernem bluhm- und laub-waͤrke/ di den fluhr uͤm-
ſchloſſen. uͤm diſe gegend ringſt haͤrüm wahr eine
ſehr hoh’ und duͤk-bewachſene Sommer-laube/ in
welcher man allenthalben auf und abgaͤhen konte/
daß einen nihmand ſaͤhen/ auch di ſonne nicht zum
geringſten beſcheinen mochte.

Auf der andern ſeite der luſt-laube waren aller-
hand bluhmen zu ſaͤhen. da ſtunden ſo vth! manch-
faͤrbige tulpen/ daß man ſi nicht alle zaͤhlen konte:
etliche waren ſo weis wi der ſchne; etliche roht/
braun und gaͤlbe; etliche mit tauſendterlei ſchoͤnen
farben vermiſchet/ daß es mit luſt und verwunde-
rung an zu ſaͤhen wahr.

Es wahr nuhn ſchihr eine ſtunde verlauffen/ als
wihr alle diſe ſchoͤne ſachchen/ von denen man wohl
ein ganzes buhch verfaſſen koͤnte/ geſaͤhen hatten.
Adelmund boht mir di hand/ daß ich ſi wideruͤm auf
ihr zimmer begleiten ſolte/ dehrgeſtalt/ daß wihr di-
ſen uͤberaus-kuͤnſtlichen/ und wunder-ſchoͤnen Luſt-
garten verlihſſen.

Es kan nuhn wohl ſein/ wi ich nahch der zeit aus
der Roſemund raͤden ſelbſt halb und halb vernom-
men habe/ daß ich diſes Venediſchen Hern Toͤchtern
in ſolchem Luſt- wandel etlicher mahſſen belihblich
fohrkommen bin/ daß ſi vihlleicht meiner geſel- und
kunſchaft auch haben genuͤhſſen/ oder doch nuhr ohn
gefaͤhr di Adelmund beſuchen wollen: Dan als
wihr uns wideruͤm auf ihr zimmer begaͤben hatten/
und ich gleich meinen abſchihd naͤhmen wolte/ ſo
kahm der Jůngſten kammer-jungfer/ und ſagte
der Adelmund an/ daß ſi die Jungfrauen/ ſo es ihr
gelaͤgen waͤre/ beſuchen wolten.

Als ich ſolches hoͤrete/ ſo wolt’ ich mein abſchihd
mit gewalt naͤhmen/ und bemůhete mich ſo vihl als
ich immerkonte/ diſem inſtaͤhenden blizz’ aus dem
waͤge zu weichen. Alein Adelmund wolte mich
nicht gaͤhen lahſſen. Mein! ſagte ſi/ iſt er nuhn ſo
ſchuͤchtern? wuͤl er dan unſeres Frauen-zim-
mer nicht auch ſaͤhen? wahrlich/ weil ihm ihr
ſuͤng- und ſeiten-ſpihi ſo wohl-gefallen hat/ ſo
wuͤl ich ihn verſichchern/ daß ſi ihm ſelbſt/ teils waͤ-
gen ihrer anmuhtigen Fraͤundligkeit und hold-ſaͤ-
ligen gebaͤhrden/ teils auch waͤgen ihrer uͤber-ir-
diſchen ſchoͤhnheit uͤber alle mahſſen gefallen waͤr-
den: jah ich doͤrfte ſchihr ſagen/ daß er dehr glei-
chen ſein laͤhb-tage nicht geſaͤhen hat; ſein laͤhb-
tage hat er nicht geſaͤhen/ das weus ich wohl/ was
es in Waͤlſch-land fuͤhr ſchoͤne weibes-bilder gibet.
Jndaͤhm ſi ſolches ſaͤgte/ ward di tuͤhr’ eroͤfnet/ und
ſi kahmen alle beide/ mit zwo Dinerinnen begleitet/
zu uns hinein getraͤten.

Adelmund entfing ſi mit hoͤhflichen gebaͤhrden/
und ich gleichesfalls mit tuͤhffer ehr-erbuͤtigkeit. Es
warden uns vihr baͤnke ringel-weiſe geſaͤzt/ dehrge-
ſtalt/ daß ich gegen der Roſemund (alſo hihs di
juͤngſte/ und Adelmund gegen der Stilmuht (wel-
che di aͤlteſte wahr) ůber zu ſizzen kahmen.

Jch habe zeitdaͤhm wohl tauſendmahl mit ver-
wunderung dahran gedacht/ und wan ich noch izund
dahran gedaͤnke/ ſo deuchtet mich/ als wan ich fohr
dem blizze der haͤl-flam̃enden augen meiner Schoͤ-
nen noch erzitterte. Dan/ mein Fraͤund/ ich ſtund
gleich gegen der tuͤhren über/ da diſe wunder-ſchoͤne
Bliz-kinder gleichſam haͤrein geflammet kahmen;
gleich hatt’ ich di augen auf das fraͤudige geſichte
der Roſemund gewaͤndet/ als ſi mich im haͤrein traͤ-
ten mit ſolchen blikken entfing/ di ſich mit den meini-
gen vereinbahrten und ſi gleichſam wideruͤm zuruͤk-
ke triben. Jch weus nicht zu ſagen/ und ſolt’ ich gleich
ſtaͤrben/ wi mihr damahls zu muhte wahr; es kahm
mihr nicht anders fuͤhr/ als wan di wunder-kraͤftige
ſtrahlen ihrer haͤl-funklenden augen di meinigen
zerbrochchen/ oder mich durch einen ſolchen überirdi-
ſchẽ ſchein gahr entaͤuget haͤtten. Auch nahchmahls/
als wihr uns ſaͤmtlich nider-geſaͤzt hatten/ verlihs
ſi mihr faſt kein auge/ dehrgeſtalt daß ſi/ wan meine
blikke den ihrigen zu zeiten begegneten/ ganz ver-
wuͤrret ward/ und ihre in den meinigen verirrete
augen ohn’ unterlahs flinkern lihs.

Jch maͤrkte woh aus ihren tuͤhffen gedanken/ di
ihr auch nicht zu-lihſſen nuhr etliche wenig worte zu
machchen/ daß ſi ſich ſtraks in dem ehrſten anblikke
ſolcher geſtalt vertuͤhffet haͤtte. Dan ehe ſi noch haͤr-
ein getraͤten wahr/ uñ ehe ſi mihr einen ſolchen lihb-
lichen blik gegaͤben hatte/ ſo hatte ſi ein raͤcht fraͤudi-
ges uñ laͤhbhaftes geſichte: ſo bald ſi mich aber nuhr
ein einiges mahl angeblikket hatte/ ſo hatte der hoch-
deutſche Lihb-reiz mit dem Waͤlſchen ſchohn bruͤder-
ſchaft gemacht/ und wahr nuhnmehr meiſter im fel-
de/ dehr-geſtalt/ daß di guhte Roſemund durch-aus
veraͤndert ward. Di fraͤudige geſtalt wahr in eine
tuͤhffe ſchwaͤhr-můhtigkeit verwandelt; di gebaͤhrden
waren nicht mehr ſo raͤg und ſo faͤrtig als fohrhin;
ſi vergahs faſt ihrer ſelbſt; und ſahs in ſolcher tuͤhf-
ſuͤn-
[57]ehrſtes Buhch.
ſuͤnnigkeit/ daß auch Adelmund zu mihr ſagte/ als
[...] nuhn wider hinaus waren/ daß es ſi ſehr wunder
[...]aͤhme/ wahruͤm ſi izund ſo ſchwaͤhr-muͤhtige gewaͤ-
ſen waͤre/ da ſi doch ſolches ihrer Jungfer ſchwaͤſter/
welche ſonſt von gebuhrt etwas bloͤd’ und ſtil-muͤh-
tig/ oftmahls verwiſen haͤtte. Dis wahr alſo meine
oder vihl mehr der ůber-maͤnſchlichen Roſemund
ehrſte niderlage; dan/ wi ich meinem Fraͤund’ oft-
mahls geſagt habe/ ich bin mehr aus mit leiden/ als
aus innerlicher begihr/ zu ihrer libe bewogen wor-
den; und ich habe diſes ſchoͤne Wunder mehrmahls
mit entzůkkung und gleichſam mit einer heiligen
furcht angeſchauet/ als in meinẽ haͤrzen mit libe ver-
ehret/ weil ich ſi zu meiner libe vihl zu hohch ſchaͤzte.

Wan ich wüſte/ daß ich meinem Fraͤunde nicht
alzu lange verdruͤhslich waͤre/ ſo haͤtt’ ich wohl im
ſůnn’/ ihm das zimmer der Adelmund/ als das Feld
unſerer Nider-lage/ zu beſchreiben. Gahr nicht/ mein
Fraͤund (fihl ihm der Haͤrz-waͤhrt in di raͤde) und
ſolt’ es ſich gleich bis an den morgen verzuͤhen/ ſo
wolt’ ich ihm doch mit luſt zu hoͤren; und im fal ich
mich jah ſo lange verſpaͤtigen wuͤrde/ daß ich nicht
koͤnte nahch hauſe gelangen/ ſo wuͤrd es meinem
Fraͤunde/ wi ich verhoffe/ nicht mis-fallen/ wan ich
ihn ům ein nacht-laͤger begruͤhſſen můſte.

Was bedarf es ſolcher raͤden (huhb Markhold
an) iſt es nicht wahr/ daß Fraͤunde/ brůder/ lihbſten
ein algemeines guht unter einander beſizzen ſollen?
ei waruͤm hoffet er dan noch vihl/ ich wul nicht ſagen
zweifaͤlt/ an daͤhm/ was ſolche gemeinſchaft betrůfft.
Er hat guhte macht/ ſich daͤs meinigen/ nahch ſei-
nem beliben/ an zu mahſſen/ aͤben alſo/ wi ich mit
daͤm ſeinigen zu tuhn pflaͤge.

Weil es dan nuhn meinem Fraͤunde belihbt/ daß
ich ihm unſere wal-ſtat entwaͤrfen ſol/ ſo hab’ ich
ihm nichts mehr zu beſchreiben/ als di uͤberaus ſchoͤ-
ne gemaͤlder/ welche in diſem zimmer zu ſaͤhen wa-
C 5ren:
[58]Der Adriatiſchen Roſemund
ren: dan/ das uͤbrige/ was an flader-waͤrk/ ſchniz-
bluhm- und laub-waͤrk an den ſimſen/ tuͤchern/ tage.
leuchtern und balken; jah was an koͤſtlichen prunk-
tuͤchern und daͤkken zu ſaͤhen wahr/ halt’ ich fuͤhr un-
noͤhtig zu erzaͤhlen/ weil es faſt uͤberal in andern
fuhrnaͤhmen gebaͤuen auch zu fuͤnden iſt. Jh doch
mus ich noch zufohr eines prunk-leuchters/ welcher
unter andern vihr kleinern mitten im zimmer hing/
gedaͤnken. Dan er kan nicht glaͤuben/ was diſes
fuͤhr ein ſchoͤnes wunder-waͤrk iſt/ fůhrnaͤhmlich/
wan man ihn üm und ům mit braͤnnenden luͤch-
tern beſtaͤkket ſihet.

Der leuchter an ſich ſelbſt mit alle ſeinem zu-
gehoͤhr wahr von meſſing/ ſtark vergüldet/ und
uͤberal mit ſchniz- und bluhm-waͤrk ausgeziret.
Mitten in diſem leuchter ſtund di Koͤnigin der Libe
Luſtinne/ mit einem flaͤmlenden haͤrzen in der hand/
und uͤm ſi haͤruͤm ſchwaͤbeten zwoͤlf Libes-kinder/
mit roſen-kraͤnzen auf den haͤubtern/ in der luft/
di alle braͤnnende wachs-luͤchter in den haͤnden
hihlten/ und ſo ahrtig geordnet wahren/ daß ſi di
Libinne ganz ůmringeten. Jn den augen diſer Li-
bes-kinder/ und der Luſtinnen ſelbſt/ wahr ein
kleiner flammender tahcht/ welcher durch ſeine
gluht den Libes-reizzerlein di augen bewaͤhg-
lich machte: in dem halb-eroͤfnetem munde glei-
chesfalls branten zwei kleine lůchterlein/ deren
ůber-ſich-ſteigender dampf das geſichte der Luſt-
kinder ſo ahrtlich benebelte/ und di kleinen gold-
haͤhrlein/ welche durch den rauch ſo lihblich haͤrfuͤhr
blikten/ bewaͤgte/ daß es raͤcht mit luſt an zu ſaͤ-
hen wahr. Unter diſen zwoͤlfen ſchwaͤbete noch
ein kleiner gleichſam erzuͤrneter Lihb-reiz/ deſ-
ſen fluͤgel von gůldenen und ſilbernen ſchupen/
mit einem geſpanneten bogen/ welchen er uͤber ſich
nahch den braͤnnenden luͤchtern zu-hihlt/ gleichſam
als
[59]ehrſtes Buhch.

C 6
[60]Der Adriatiſchen Roſemund
als wan er di flammen aus-ſchuͤhſſen wolte; mit di-
ſer beigeſchribenen Loſung: alles verkaͤhrt.

Oben uͤber diſem prunk-leuchter/ an der daͤkke/
wahr ein grohſſes rundtes gemaͤlde zu ſaͤhen/ in wel-
chem Held-reich mit der Libinne auf daͤm bette/ in ei-
nem zahrten guͤldnen naͤzze/ nakkend gefangen la-
gen/ und von der Sonnen/ welche ihre ſtrahlen mit
fleis auf ſi zu-warf/ gleichſam verrahten und ange-
gaͤben warden. Der Libinnen Ehman/ der beſudelte
Schmid/ Gluht-fang/ ſtund von faͤrne bei ſeinem
Ambohs/ krazte ſich mit der linken im kopfe/ in mei-
nung di hoͤrner/ di ihm Held reich auf-geſaͤzt hatte/
lohs zu waͤrden/ und lihs fohr angſt den hammer
aus der hand auf ſeinen ſchohn-gelaͤhmeten fuhs
fallen. Auf der andern ſeite ſtunden di Als-goͤtter
und Als goͤttinnen/ welche die beiden verſtruͤkten
gleichſam aus zu lachchen ſchinen.

Jch kan nicht ſagen/ wi traͤflich/ wi waͤſendlich/ wi
ſelblich diſes wunder-gemaͤlde gemacht wahr; dan
Gluht-fang lihs ſeinen unwuͤllen und verdruß/ daß
er der ehrſte Heinrich oder Horn-traͤger ſein muͤſte/
aus daͤm geſichte ſo ſelblich haͤrfuͤhr blikken/ daß
man kaum glaͤuben konte/ daß es nuhr ein blohſſes
gemaͤlde waͤre.

Wan man ſich von diſem prunk-leuchter gegen
abend/ nahch dem feuer-herde zu-waͤndete/ ſo erblikte
man oben ůber dem ſimſe der feuer-mauer zwei ſchoͤ-
ne Suͤnnen-bilder naͤben einander. Das eine wahr
ein haͤl-flam̃endes feuer/ welches nahch einem braͤn-
nenden wachs-luͤchte zu-ſchluhg/ welches ein Frau-
en-zimmer/ damit es nicht gahr verſchmaͤlzen ſolte/
zwahr zu raͤtten gedachte/ aber doch waͤgen der
grohſſen gluht daͤs feuers nicht dahrzu dorfte; mit
diſer uͤberſchrift/ Ardo d’ appreſſo \& da longhi
mi ſtruggo. unten ſtunden diſe wort; von innen
und von auſſen/ mit etlichen des Heinſius Hol-
laͤndiſchen reimen.

Jm daͤm gemaͤlde drinnen ſtunden diſe beiden
glihdlinge raͤcht unter der Jungfrau.

Das andere wahr widerum ein haͤl-ſtrahlendes
wind-luͤcht/ ům daͤſſen flammen di můkken haͤrům
flohen/ derer etliche di fluͤgel verbrandt hatten/ und
haͤrab auf den boden filen; etlich gahr in der flam-
men verzaͤhret wahrden. Oben ſtund diſer Suͤñen-
ſpruch: Coſi de ben amar porto toimento; un-
ten aber: luſt bringt verluſt/ mit diſen zweien
ticht-glidern.

Bei dem tiſche der Adelmund hing eine grohſſe
tahffel/ in welcher auf einer ſeiten ein ungeſtuͤhmer
flus di felſen haͤrab geſchoſſen kahm/ welcher mit
ſeinem waſſer-ſchaume ſo ſelblich entworfen wahr/
daß man wohl haͤtte ſchwoͤren moͤgen/ daß er ſich
raͤcht eigendlich haͤrab waͤlzte. Hihr zeugte ſich
auch der waſſer-vater/ Schwim-ahrt/ mit ſeinem
ſchilfichten haubte/ und mit ſeinem ungeheuren
kruge/ aus welchem das waſſer hauffen-weiſe haͤr-
aus gebrauſet kahm. Auf der andern ſeite wahr
eine wildnuͤs und ein-oͤde/ dahrinnen allerhand
baͤume ſtunden/ unter welchen ein ganzer hauffen
abſchaͤulicher wald-maͤnner/ und lauter reiſſende
tihre/ als baͤhren/ leuen/ greiffen/ lind-wuͤrme/ un-
geheure ſchlangen/ und unzaͤhlich vihl ungezifer zu
ſaͤhen wahr: über und auf denſelben ſahe man
nichts als ſchwarze raben/ ſtohs-vogel/ geier/ eulen/
kraͤhen und falken/ di ſich mit einander biſſen; dehr-
geſtalt/ daß diſe abbildung in den gemühtern der
anſchauenden gleichſam ein zittern und entſaͤzzen
erwaͤkte. Es wahr in daͤm ganzen gemaͤlde nichts
als furcht und ſchroͤkken zu ſaͤhen/ wi wohl es ſonſt
beides in der naͤhe und im verſchuͤhſſen ſo uͤberaus
kuͤnſtlich gemahlet wahr: ohn alein in der mitten
ſtund ein dikker dorn-hak/ auf welchem eine wun-
derlihbliche roſe/ unglaͤublicher groͤhſſe/ haͤrfuͤhr
blikte. Diſe wahr auch di einige luſt und lihbligkeit
daͤs ganzen gemaͤldes: dan ſi wahr ſo lihblich/ ſo
roht/ und ſo eigendlich entworfen/ daß man ſchihr
luſt bekahm/ dahrnahch zu greiffen. Oben auf ſtun-
den diſe wort; Anche tra le ſpine naſcon le roſe.
Dornen tragen auch roſen.

Raͤben diſem gemaͤlde ſahe man wider ein ande-
res/ welches ihm an groͤhſſe gleich wahr/ dahr-in-
nen
[63]ehrſtes Buhch.
nen di traurige uͤm-geſtaltnuͤs des weidmans bei
daͤm bade der Jahgt-jungfrauen der weidinne
entworfen wahr/ mit diſem ſpruchche:

Zu fuͤhr-wuͤzzig
macht zorn-hizzig.

Gegen diſen beiden ůber hing di gebuhrt der
Luſtinne/ oder (wi ſi dannenhaͤhr di Grichen naͤn-
nen) Schauminne/ welche aus dem ſalz-ſchaume
daͤs Mehres gebohren wahr; mit diſem des Si-
dons ſechslinge:

Hihr-naͤben ſtunden auch diſe hohch-deutſche.

Diſes wahr ſo traͤflich-kuͤnſtlich gemacht/ und ſo
anmuhtig/ daß man bekaͤnnen mußte/ daß der
Mahler noch den Apelles ſelbſt/ von welchem er di
erfündung diſes gemaͤldes entlaͤhnet hatte/ weit
übertroffen.

Naͤben diſem zur raͤchten hing di Deutſche Lu-
ſtinne/ di Freie/ Jſtevons/ des vihrden Koͤniges
der Deutſchen Eh-gemahl/ in einem blau-angelauf-
fenem halben harniſch/ mit verguͤldeten ſchupen.
Jn der raͤchten hand hihlt ſi den koͤniglichen Reichs-
ſtahb/ und das ritterliche ſchwaͤrt zugleich: in der
linken ein haͤrze/ dahr-aus unauf-hoͤhrlich feuer-
flaͤmlein haͤrfuͤhr-blizzelten. mit dem raͤchten fuhſſe
traht ſi auf einen Loͤwen/ und mit dem linken auf
einen Lind-wurm. Aus ihrem geſichte blikte ſo ein
fraͤund-ſaͤhliger ſchein/ und zugleich ein durchdruͤn-
gendes ernſt-haftes waͤſen haͤrfuͤhr; Fohr ihrem
Reichs-ſtuhle lahg ein grohſſes Volk auf den kni-
hen/ das Si als eine irdiſche Goͤttin verehrete.

Jn einer andern Tafel naͤben der Luſtinne/ wahr
ein wunder-ſchoͤnes Nacht-ſtükke/ dahrinnen bei
Mahndes-ſcheine zwo Als-goͤttinnen/ di Himme-
linne mit der Kluginne/ di eine des Himmels/ di
andere der Kuͤnſt’ und des Kriges ſich mit einander
zu beklagen ſchinen; diſe wahr auf Amazoniſch ge-
kleidet/ hatt’ einen verguͤldeten ſturm-huht aufge-
ſaͤzt/ und fůhrte einen verſilberten Spaͤhr in der
hand/ auf welchen ſi ſich gleichſam mit daͤm haubte
gelaͤh-
[65]ehrſtes Buhch.
gelaͤhnet hatte: Jene wahr angetahn mit einem
guͤldnen ſtuͤkke/ und hatt’ einen Koͤnigs-kranz auf
daͤm haͤubte/ und einen guͤldnen Reichs-ſtahb in
der hand. Hinter ihr etwas im verſchühſſen/ ſtund
ihr koͤniglicher Ehren-wagen/ fůhr welchem zwe
pfauen geſpannet waren. Auf der einen ſeite ging
von faͤrne in einer ſehr grohſſen Stat/ di mañ waͤ-
gen der entlaͤgenheit nicht wohl erkaͤnnen konte/ ein
grohſſer dampf hin-auf/ durch welchen man hihr
und dahr etliche flammen auf-ſteigen ſahe. welches
wohl fuͤhr das aller-kuͤnſtlichſte in diſem ganzen ge-
maͤlde zu halten wahr.

Auf den andern beiden ſeiten/ über/ naͤben und
gegen der tůhre daͤs Zimmers uͤber/ waren noch
vihl uͤber-aus-ſchoͤne Landſchaften/ nacht-ſtuͤkke
und ſchif-fahrten entworfen/ welche/ ſo ich ſi alle
mit einander erzaͤhlen wolte/ unſere uͤbrige zeit al-
eine hinnaͤhmen wůrden.

Aus diſem allen kont’ ich unſchwaͤhr vermaͤrken/
daß der Venediſche Her Sinnebald di Adelmund
hohch und waͤhrt hihlt; dan es war faſt kein Zim̃er
im ganzen hauſe ſo koͤſtlich ausgeziret/ als das ihri-
ge/ aus genommen der Sahl fohr ihrem zimmer/
dahr-auf noch vihl-mehr und koͤſtlichere ſachchen zu
ſaͤhen waren.

Dis wahr alſo di walſtat unſerer niderlage; dis
wahr das feld/ das ſi und mich in ſolches verdaͤrben
geſaͤzzet hat. Hihr hat ſi ſich ihrer freiheit guhtwůl-
lig begaͤben/ und hihr hab’ ich ſi ſolcher/ wiwohl un-
wuͤſſend und wider meinen wůllen beraubet/ und zu
meiner leib-geſchwohrnen gemacht.

Weil ich nuhn diſes falles meinen Fraͤund auch
vergnuͤget habe/ und die geſtaltnüs daͤs zimmers der
ſchoͤnen Adelmund kuͤrzlichſt entworfen/ ſo hab’ ich
ihm nichts mehr von diſem tage zu ſagen/ als daß
ich mich ſtraks/ nahchdaͤhm diſe beide Jungfrauen
von uns abſchihd genommen hatten/ wider nahch
Am-
[66]Der Adriatiſchen Roſemund
Amſtel-gau gemacht. Jch mus bekaͤnnen/ daß ich
auf ſolcher kurzen Reiſe ſo vihl tauſendterlei libes-
gedanken hatte/ daß ich auch faſt nicht wuſſte/ wi
ich nahch hauſe gelangte. Doch gleich-wohl kont’
ich mich nicht entſchluͤhſſen/ ſolch-ein wunder-
maͤnſch zu liben/ unangeſaͤhen/ daß ich wohl wuſſte/
und wohl verſichchert wahr/ daß ich von ihr gelibet
wuͤrde.

Jch hihlt ſi alzu hohch; mich als einen ſtaͤrbli-
chen/ und Si als eine goͤtliche. druͤm ſchaͤzt’ ich
mich vihl zu geringe mit ſolch-eknem uͤberirdiſchen
maͤnſchen-bilde fraͤundſchaft oder Libe zu pflaͤgen.
Jch lihbte ſi nicht/ ſondern hihlt ſi nuhr hohch und
waͤhrt; und kahmen mihr gleich bisweilen verlihbte
gedanken ein/ ſo geſchah’ es doch nuhr aus mit-lei-
den. wi? (ſprahch ich bei mihr ſelbſt) kan es wohl
muͤhglich ſein/ daß dich das einzige wunder/ das
kunſt-ſtuͤkke der zihrligkeit/ welches di grohſſe Zeuge-
mutter der dinge ihmahls haͤrfuͤhr gebracht hat/ li-
ben ſol? du biſt jah nicht wuͤrdig/ daß ſi dich ein-
mahl an-blikken/ vihl weniger ſo lihb-ſaͤhlig ent-
fangen ſol.

Meine Fůhr-bildung entwarf ſi mihr mit ſolchen
ihren libes-kuͤnſtleriſchen und blizlenden augen ſo
laͤhbhaft/ und ſo folkommen/ daß ich aͤndlich nicht
wuſſte/ ob mihr diſes anbaͤhtens-wuͤrdige Suͤn-
nen-bild durch eine Zauberiſche beſchwaͤrung fůhr-
geſtaͤllet wuͤrde. Aber nahchdaͤhm ich erkante/ daß
es nuhr eine blohſſe wuͤrkung meiner ſuͤnnen waͤre/
ſo gahb ich mich etlicher mahſſen zu friden. Jch be-
ſuchete meine bekanten/ ſprahch den Fraͤunden zu/
und ergaͤzte mich bei geſelſchaften ſo lange/ bis ich
diſer gedanken gahr lohs ward. Jch kahm auch
nicht wider hinaus di Adelmund zu beſuchen/ wi-
wohl ſi mich oft dahrzu an-mahnen lihs; dehr-ge-
ſtalt/ daß ſi ihrer geſpilin ſchuld mit-entgaͤlten
muſſte.

Aendlich aber/ als aͤben ein hoher feier-tahg be-
gangen ward/ gedacht ich bei mihr ſelbſt/ und ſagte:
du haſt dich gleichwohl verpfluͤchtet/ der Adelmund/
aͤben als wan es ihr Lihbſter ſelbſt waͤre/ nahch
muͤhgligkeit auf zu warten; wahr-uͤm koͤmſtu dan
deinem verſpraͤchchen nicht nahch? mus es dan aͤben
di guhte Adelmund entgaͤlten/ was dihr etwan ein’
andere zugefuͤget hat? vihl-leicht hat Roſemund
ihren ſuͤn geaͤndert/ und hat dich damahls nuhr ſo
inſtaͤndig angeſaͤhen/ weil es das ehrſte mahl ge-
waͤſen iſt!

Jndaͤhm ich mich alſo mit diſen gedanken ſchlu-
ge/ kahm aͤben ein kammer-knabe von der Adel-
mund/ welcher mich ihret-halben meiner geleiſteten
pflůcht erinnerte. Jch ſagt’ ihm alſobald/ er ſolte
ſtraks hin-gaͤhen/ und ſeiner Jungfrauen/ mit
vermaͤldung meiner ſchuldigkeit/ anſagen/ daß ich
ſchohn entſchloſſen gewaͤſen waͤre/ meine dihnſte bei
ihr gegen-waͤrtig ab zu laͤgen; und ſchaͤzte mich
ſehr gluͤk-ſaͤlig/ daß ich ihr gleich-wohl noch ſo
vihl zeit gaͤben koͤnnen/ mich daͤſſen zufohr zu er-
innern.

Jch folgte diſem abgefaͤrtigten bald nahch/ und
trahf di Adelmund aͤben in ihrer einigkeit an; aber
es verzohg ſich nicht lange/ daß wihr alſo in unſe-
rer einſamkeit ſprache hihlten. Dan di Jungfern/
welche meiner ohne zweifaͤl ſchohn waren gewahr
worden/ lihſſen ſi fragen/ ob ſi ihrer auf ein vihr-
tel-ſtuͤndichen abwarten koͤnte?

Adelmund gahb alſo-bald zur antwort/ daß ſi
alle-zeit bereit waͤre/ ihnen auf zu warten/ und
hihlt’ es ihr fůhr eine grohſſe ehre/ wan ſi ihrer
bei-waͤſenheit genuͤhſſen koͤnte: und was mich
belanget/ ſo verhofte ſi/ daß mihr ihre geſel-
ſchaft auch nicht un-annaͤhmlich ſein wuͤrde; ge-
ſtaltſam ich kein ſonderlicher Jungfer-feind waͤre.
Solches ſagte ſi/ und laͤchchelte mich auf eine ſeite
an;
[68]Der Adriatiſchen Roſemund
an; aber was ich fůhr gedanken hatte/ und wi mihr
zu muhte wahr/ wuͤl ich wohl ungeſagt lahſſen.

Si fragte mich auch/ ſo bald als di Dinerin wih-
der hinaus wahr/ wi mihr naͤulich ihr Frauen-zim-
mer gefallen haͤtte? ob es nuhn nicht wahr waͤre/
was ſi mihr zufohr geſagt haͤtte? Jah/ gahb ich
zur Antwort/ ich mus es geſtaͤhen/ daß ich ſehr we-
nig ſolche Jungfrauen geſaͤhen habe; und daß ich
zwahr ihres gleichchen in Engel-land/ was di far-
be der ſchoͤhnheit anbelanget/ vihl angetroffen/ aber
gleich-wohl keine gefunden habe/ di ſo wohl und ſo
ahrtig gebaͤhrdet waͤren/ als ſi. Von den tugen-
den (fuhr ich fort) kan ich noch nicht ſagen/ nahch-
daͤhm es gahr gefaͤhrlich und gahr ſchwaͤhr iſt/ ein
Frauen-zimmer nahch ihrem aͤuſſerlichen ſcheine
fohr tugendhaft zu ſchaͤzzen.

Jndaͤhm ich diſes ſagte/ ſo kahm di Stilmuht
ganz aleine/ in traͤflicher pracht haͤrein getraͤten.
Wihr entfingen ſi/ und begaben uns ſaͤmtlich zu
ſizzen. Jch ſahe mich etliche mahl nahch der tühren
uͤm/ und wahr nicht ſichcher bei mihr ſelbſt; weil ich
fuͤhr und fuͤhr gedachte/ daß mich di Roſemund
ploͤzlich uͤberfallen wuͤrde. Adelmund vermaͤrkte
ſolches alſo-bald/ und ſahe mich an mit laͤchlendem
geſichte/ als wolte ſi ſagen; mit diſer iſt ihm nicht
gedinet/ er ſchauet ſich vihlleicht nahch einer andern
uͤm. Aber ich gedachte weit anders/ und wahr froh/
daß ſich meine unruhe noch ſo lange verweilete.

Es wahr nuhn faſt eine vihrteil-ſtunde fohr-uͤ-
ber/ daß ich alſo zwiſchen hofnung und furcht ge-
ſchwaͤbet hatte/ als di tuͤhre ploͤzlich ward aufge-
tahn. Jch ſahe mich um/ da fand ich ſi eroͤfnet/
gleich-wohl kont’ ich keinen einigen maͤnſchen er-
blikken. es kahm mich ein entſaͤzzen an/ gleichſam
als man ein geiſt fohrhanden waͤre: ich zitterte fohr
angſt und erblaſſte/ als wan mihr ein grohſſes un-
gluͤk zu-ſtuͤnde. Jndaͤhm ich alſo beaͤngſtiget wahr/
da
[69]ehrſtes Buhch.
da brahch diſes wunder-luͤcht an/ gleichſam wi
[d]as luͤcht der Sonnen/ das ſich hinter daͤm gewoͤlke
[ee]ne zeit-lang verborgen haͤlt/ und nahch-mahls
[i]hr-ploͤzlich haͤrfůr bruͤcht; wi der bliz/ dehr di ſtaͤrb-
[l]i[]chen erſchraͤkket/ und di augen verlaͤtſet. Si kahm
in einem ſolchen glanz’ und ſolcher hoheit haͤrein
[g]etraͤten/ daß ſich unter uns allen ein grohſſes ſtil-
[ſ]chweigē; erhuhb. Es kahm mihr nicht anders fuhr/
[a]ls wan izund ein ſchwaͤres ungewitter fohrhan-
[d]en waͤre/ da auch gemeiniglich ein ſolche ſtille fohr-
[h]aͤhr-gaͤhet: es dauchte mich/ als wan ſich izund
das wetter kuͤhlete/ als wan lauter blizlende ſtrah-
len uͤm mich haͤruͤm ſchwaͤbeten. Jch ſtund im zwei-
faͤl/ und wuſte fohr angſt nicht/ ob ich warten oder
fluͤhen ſolte: ich entfing ſi/ aber mit einem ſolchen
haͤrz-klopfen/ daß ich fuͤhr der aͤuſſerſten hizze/ di
mihr in das geſichte ſtihg/ kaum eines und das an-
dere wort-glihd machchen konte. Ja ich glaͤube/ daß
ich aͤndlich gahr zur aͤrden geſunken waͤre/ wo wihr
uns nicht ſtraks nider gelahſſen/ und ich im ſizzen
meine kraͤfte wihder-erholet haͤtte.

Diſes ſchoͤne Wunder kahm abermahl gleich ge-
gen mich ůber zu ſizzen/ und hatte izund vihl ein
fraͤudigers geſichte/ als da ich ſi zum ehrſten mahl
ſahe. Jhre Jungfer ſchwaͤſter ſelbſten/ wi ich un-
ſchwaͤhr vermaͤrken konte/ hihlt ſi ſehr hohch/ und
erhuhb gleichſam mit einer ſtillen verwunderung
ihr uͤber-irdiſches/ durchdruͤngendes waͤſen. dan es
iſt gewuͤs/ daß der Neid ſelbſten an ihr nichts zu
tadeln fand.

Jhre geſtalt wahr ſo laͤhbhaft/ ſo ahrtig und ſo
ſchoͤhn/ daß ſi dahrdurch di ganze waͤlt haͤtte moͤgen
beſchaͤhmt machchen: wi ſi dan ſolches auch an ihrer
Jungfer ſchwaͤſter taͤhte. Dan/ wi ich ſchohn ge-
ſagt habe/ ſi ging uͤber-aus praͤchtig/ udd wiwohl
beide ganz und gahr einerlei kleider hatten/ ſo hatte
ſich doch di aͤlteſte vihl-mehr haͤrnus gebrochchen/
als
[70]Der Adriatiſchen Roſemund
als di juͤngſte. Diſer hüng das hahr zur ſelben
zeit ganz unaufgekůnſtelt und uneingeflochten bis
auf di ſchultern/ und kahm gleichſam wi gekrůmte
waͤllen/ von ſich ſelbſt/ in ůber-aus anmuhtigen
falten auf den hals haͤrab gefloſſen/ in ſolcher ůber-
zihrlichen unachtſamkeit/ daß auch jene mit ihrem
zu felde geſchlagenem hare (welches auf der ſtirne
und auf den bakken eins teils ringel-weiſe gekruͤm-
met und angeklaͤbet/ anders teiles nahch der kunſt
auf-geflammet/ und mit graulechtem ſtaube be-
ſtraͤuet wahr) ganz beſchaͤhmet ward. Jah Stil-
muhthatte ſich mit ſo vihlem golde/ perlen und de-
manten behaͤnget/ daß ich alle das koͤſtliche ge-
ſchmeide alein fuͤhr einen traͤflichen ſchaz hihlt:
Roſemund aber hatte dagegen nichts mehr als ei-
nen demant-ring am ſinger/ und an ihdem ohr’ ein
gehaͤngke von demanten/ in gold gefaſſet/ mit einer
grohſſen perl/ haͤrab haͤngen: uͤm di haͤnde truhg
ſi zwei ſchwarze ſeidene baͤnder/ da ſi haͤrgegen di
aͤlteſte mit zwo zimlichen guͤldnen ketten geziret
hatte. Der hals wahr bis auf di bruſt/ di ein we-
nig erhoben wahr/ ganz entbloͤhſſet/ ohn’ einige
zihr-raht/ als dehn ihm di Zeuge-mutter gegaͤben
hatte. er wahr weis wi der ſchne/ und an etlichen
orten mit einer gelinden roͤhte vermiſcht. Das
antliz wahr ſo fraͤudig/ ſo lihblich und ſo aufrich-
tig/ und di augen lihſſen einen ſolchen geiſt und
ſolche lihbligkeit haͤrfuͤhr-blikken/ daß es unmühg-
lich wahr/ ſi ohne verzuͤkkung an zu ſchauen. Si
wahr muhtig und friſch/ und doch dahr-naͤben ſehr
ſchahmhaftig und ſehr zuͤchtig: ſi hatte hohch-an-
ſaͤhnliche gebaͤhrden/ und wahr doch nicht hohfaͤr-
tig/ da haͤrgegen ihre Jungfer Schwaͤſter unter ei-
nem aͤuſſerlichen ſtillen muhte/ und nider-geſchla-
genen gebaͤhrden einen hohch-fahrenden geiſt/ wi
ich nahchmahls von der Adelmund verſtanden ha-
be/ verborgen hatte.

Zu allen diſen wundern kahm noch eine unaus-
ſpraͤchliche holdſaͤligkeit/ daß auch nuhr der einige
mund/ dehr in ihrem angeſichte nicht anders als
eine friſch-aufgebluͤhete roſe mit lihblichem morgen-
tau befeuchtet/ unter den lilien und narziſſen haͤr-
fuͤhr leuchtete/ den aller-verſtokteſten und lihb-lo-
ſeſten maͤnſchen zur verwunderung/ ich wil nicht
ſagen zur libe/ bewaͤgte. Si waren alle beide in
viohl-braunen ſammet gekleidet/ und der unter-rok
wahr von ſilberfarbem atlas/ mit guͤldnen/ und das
uͤber-kleid mit ſilbernen ſpizzen verbraͤhmet; welche
kleidung ſi gleich damahls zum ehrſten mahl ange-
laͤget hatten.

Wiwohl nuhn diſe tracht uͤber-aus zihrlich
wahr/ ſo muſte ſich doch Stilmuht (gegen ihre
Jungfer Schwaͤſter zu raͤchnen) gleichſam zum
wohlſtande zwuͤngen/ da er haͤr-gegen der Roſe-
mund angebohren zu ſein ſchine.

Aber was hab ich mich unterwunden/ ein ſolch-
goͤtliches bild mit ſtaͤrblicher zungen ſo unſchein-
bahr und ſo unaͤbenbildlich zu entwaͤrfen! Ach!
mein Fraͤund/ wan ich ihm di klugen raͤden/ di ſi
damahls mit ſolchen wohl-anſtaͤndigen und faͤrti-
gen gebaͤhrden ſo meiſterlich verſchoͤnern konte/ daß
man nicht wuſte/ ob man ehrſt das gehoͤhr oder
das geſichte gebrauchen ſolte/ alle mit einander er-
zaͤhlen würde/ ſo můſt’ er geſtaͤhen/ daß ich ſi noch
nihmahls nach wuͤrden gepriſen habe.

Wan ſi zu raͤden begunte/ ſo ward alſo-bald ein
ſtil-ſchweigen unter uns allen/ und ein ihder wahr
begihrig zu hoͤren/ was diſe Schoͤne fuͤhr-bringen
wuͤrde. Nihmand wolte ſich auch unterſtaͤhen ihr
in di raͤde zu fallen/ wo ſi nicht ehrſt eine guhte zeit
ſtille geſchwigen haͤtte. dehr-geſtalt/ daß ſi mei-
ſten teils das wort fuͤhrete/ wiwohl ſi ſolches
aus keinem fuͤhr-wuͤzz’ oder unbedachtſamkeit taͤh-
te: dan ſi verzohg oft-mahls eine guhte weile/
und
[72]Der Adriatiſchen Roſemund
und wolt’ uns auch zeit lahſſen/ das unſrige fohr
zu bringen/ aber nihmand wahr unter uns allen/
dehr ſi nicht liber gehoͤret/ als ſelbſt geraͤdet haͤtte.

Aendlich/ als ſi di hohch-deutſche junge manſchaft
allen andern Voͤlkerſchaften fuͤhr-zohg/ und ihr ſo
ein traͤfliches lohb gahb/ ſo ward ich gezwungen/
mich mit ihr in einen wort-ſtreit ein zu lahſſen. wel-
ches ihr dan ſo uͤber-aus wohl-geſihl/ daß ſi nahch-
mahls ihre ganze raͤde nuhr einig und alein auf
mich růchtete.

Da bekahm ſi ehrſt anlahs/ mihr mit ſo libes-
anlokkenden blikken zu begegnen; wi ahrtig konte
ſi nuhr ihre worte draͤhen; wi kuͤnſtlich wuſte ſi
nuhr ſelbige auf ſchrauben zu ſaͤzzen/ daß ich ſi auch
nihmahls fangen konte. Mit diſer kurz-weile brach-
ten wihr etliche ſtunden zu/ dehr-geſtalt/ daß es
nuhnmehr hohe zeit wahr/ daß ich von diſer lihbli-
chen Geſelſchaft meinen abſchihd naͤhmen ſolte.

Jch wahr alſo der anfaͤnger/ dehr diſe luſt zer-
ſtoͤhren muſte/ und waͤndete mich zum aller-ehrſten
nahch der Roſemund zu/ als dehr ich mit meinem
unnuͤzzen geſpraͤche am meiſten ungelaͤgenheit ge-
macht hatte; ich baht ſi daͤswaͤgen uͤm verzeuhung/
mit anerbůtung meiner wül-faͤrtigen dihnſte/ dahr-
führ ich nichts mehr begaͤhrete/ als daß ich di ehr’
und gelaͤgenheit bekommen moͤchte/ ſolche baͤſter
mahſſen ins waͤrk zu ruͤchten.

Nahch-mahls baht ich auch di Adelmund und
di Stilmuht/ daß ſi gleiches falls tuhn wolten;
und mihr/ wan es ihnen beliben wuͤrde/ fol-maͤch-
tig gebuͤten; damit ich wuͤſſen moͤchte/ wohrin ich
ihren wuͤllen vergnuͤgen koͤnte/ und was ſie von
meiner wenigkeit erforterten. Jhre hoͤhfliche gegen-
wuͤrfe machten/ daß ich noch lange verzůhen mus-
ſte; jah die wunder-würdige Roſemund gebrauchte
ſich ſo vihler hoͤhflichen aus-fluchts-raͤden/ dadurch
ſi mich meiner dihnſt’ überhoͤben wolte/ daß ich ihr
aͤ [...]
[73]ehrſtes Buhch.
aͤ[n]dlich/ wo ich anders nicht gahr bei ihnen verblei-
be[n] wolte/ das laͤtſte wort lahſſen muſte.

Nahchdaͤhm ich nuhn diſes aͤdle Drei verlahſſen
h[a]tte/ ſo begahb ich mich wohl-vergnuͤget nahch
h[a]uſe/ und begunte von daͤhm Nuhn an di Roſe-
m[m]nd vihlmehr ihrer himliſchen tugend/ als über-
ir[d]iſchen ſchoͤnheit waͤgen/ zu liben; dehr-geſtalt/
d[a]ß ich mich bei weitem nicht mehr ſo verunruhigek
befand/ als nahch dem ehrſten an-blikke/ und nuhn-
mehr mich ſelbſt zu ihrer gunſt und Libes-geneu-
g[e]nheit zu beraͤden begunte.

Mitler zeit entſchlos ich mich gaͤnzlich/ di reife
n[a]hch Frankreich ſchlaͤunigſt fort zu ſaͤzzen/ und
machte alle meine ſachchen faͤrtig; dehr-geſtalt/ daß
ich di Adelmund/ nahchdaͤhm ich ſchon bei den Am-
ſt[e]linnen meinen Abſchihd genommen hatte/ nuhn
auch noch zu guter laͤtſte beſuchen wolte.

Aber wi beſtuͤrzt/ wi klein-laut ward ſi/ als ſi hoͤ-
r[e]te/ daß mihr ſolches ein ernſt waͤre: und weil ſi es
nicht hintern konte/ ſo hihlt ſi inſtaͤndig bei mihr
[e]n/ daß ich doch nuhr noch etliche tage bei ihr ver-
zuͤhen moͤchte/ damit ſi noch fohr meinem abreiſen
einer wuͤchtigẽ ſachche waͤgen mit mihr raͤden koͤnte.

Jch wolte mich anfangs gahr nicht dahrzu ver-
[ſt]aͤhen; ihdoch/ ſagt’ ich/ wan ſi mihr izund ſtraks
ſolche wůchtige ſachche nuhr mit einem wort’ ent-
[d]aͤkken wuͤrde/ ſo moͤcht’ ich vihlleicht veruhrſachchet
waͤrden ihrethalben noch eine weile zu verwarten:
und es moͤchte wohl ſo vihl daran gelaͤgen ſein/ daß
[i]ch waͤgen meiner pfluͤcht-ſchuldigkeit/ di ich ihr ge-
[g]chworen habe/ gezwungen wuͤrde/ meine reiſe gahr
einzuſtaͤllen: dan ſi ſol ſich verſichchert halten/ daß
ich/ ihr zu libe/ alles zu tuhn/ und auf ihr gebot al-
les zu unterlahſſen/ immer-fort wuͤllig ſein waͤrde;
nahchdaͤhm ich wohl weus/ daß ſi mihr nichts un-
billiges auferlaͤgen/ auch nichts/ das zu meinem
frommen gereichen moͤchte/ verbuͤten würd. Di
DAdel-
[74]Der Adriatiſchen Roſemund
Adelmund bedankte ſich zum hoͤhflichſten/ daß ich
ihr nicht alein meine dihnſte ſo eifrig zu leiſten ge-
ſonnen waͤre/ ſondern auch noch ſo ein guhtes ver-
trauen zu ihr truͤge.

Nuhn wohlan (ſagte ſi) weil er ein ſolches haͤrzli-
ches vertrauen zu mihr traͤget/ ſo wůl ich mich uͤm ſo
vihl daͤs zu mehr bemuͤhen/ wi ich mihr dan ſchohn
fuͤhrgenommen habe/ ſolches an ihm mit der taht zu
bekraͤftigen/ und ihm aͤben dasjenige ſaͤhẽ zu lahſſen/
dahraus er unſchwaͤhr errahten wuͤrd/ wi ich nicht
alein ſein wohl-meinendes an-erbuͤten mit dank zu
erkaͤnnen/ ſondern auch wuͤrklich zu erwidern von
haͤrzen geſoñen ſei. Dan er kan nicht glaͤuben/ was
es mihr fohr eine fraͤude ſein ſolte/ wan ich nuhr
einige gelaͤgenheit/ ihm zu dinen/ erſuͤnnen koͤnte.
Wolte Got! und er wůrd es auch wollen/ daß nuhr
mein fůhrnaͤhmen zur gewuͤndſchten aͤndſchaft ge-
langen moͤchte. Wi froh wolt’ ich ſein; welche froͤh-
liche bohtſchaft wuͤrd’ ich meinem Lihbſten zu-ſchrei-
ben: und wi wohl würd’ auch ihm geholfen waͤrden.

Damit ich aber (fuhr ſi fort) meinen trauten
fraͤund nicht laͤnger im zweifel vertruͤhffen lahſſe/ ſo
gaͤb’ ich ihm zu verſtaͤhen/ daß ich mihr aus wohl-
meinendem gemuͤhte (nahchdaͤhm mich ſchohn/ auf
beiden teilen/ etliche maͤrk-zeuchen eines heimlichen
ja-wortes verſichchert haben/ daß mein unterfangen
nicht waͤrde vergaͤbens ſein) faͤſtiglich fuͤhrgenom̃en/
ein Eh-verbuͤndnuͤs zwuͤſchen ihm und Einer aus
unſerem Frauen-zimmer zu traͤffen. Aus diſen
uhrſachchen nuhn geſchihet es/ daß ich ihn noch etli-
che tage alhihr auf zu halten gedaͤnke. Dan er ſei
verſichchert/ wan es ihm nuhr ſelbſt belihblich waͤre/
daß ich keine muͤhe und keinen fleis ſparen waͤrde;
und ich wens gewüs/ daß auf der andern ſeiten
mein anſuchen ſchohn heimlich bewuͤlliget iſt.

Diſe raͤden kah men mihr zimlich fremde fůhr/ und
machten mich ſo verwuͤrret/ daß ich eine guhte zeit
ſtille
[75]ehrſtes Buhch.
ſtille ſchwihg/ und mich gahr auf keine antwort ent-
ſchlühſſen konte. dehrgeſtalt/ daß Adelmund fragte/
wi mihr zu muhte waͤre? und was ich zur antwort
gaͤbe? ich ſolte mich nuhr nicht ſchaͤuen/ meine mei-
nung frei haͤraus zu ſagen: dan es waͤre jah noch
eine ungeſchaͤhene ſachche/ und wuͤſte nihmand
unſer fuͤhrnaͤhmen/ als wihr beide.

Ach! meine grohs-geehrte Fraͤundin (gahb ich
ihr zur antwort) wi ſolt’ ich mich daͤſſen erkuͤhnen?
wo ſolten mir diſe gedanken haͤhr-kommen/ daß ich
ſo verwaͤgen ſein ſolte/ mich in einer unmuͤhglichen
ſachche zu bemůhen. Was unmuͤhglich? ſihl ſi mihr
in di raͤde/ und brachte mihr ſo viler hand einwuͤrfe/
und befaͤſtigte ihre meinung mit ſo vihlen unver-
waͤrflichen gruͤnden/ daß ich aͤndlich gezwungen
ward/ ihren fohrſchlahg zu billigen.

Jch mus bekaͤnnen/ ſagt’ ich/ (nahchdaͤhm ich mich
ihrer fuͤhr-ſorge waͤgen/ di ſi fůhr mich truͤge/ zum
hoͤchſten bedanket hatte) daß ſi mihr leichtlich keine
abſchlaͤgige antwort gaͤbẽ moͤchten/ in daͤhm ich wohl
weus/ wi fuͤhrteilig ſi gegen mich geſuͤnnet/ und w [...]
wohl ſi geahrtet ſein. Aber eines ſtaͤhet mihr noch
im waͤge/ welches mich ſchihr zweifaͤln macht/ daß ſi
naͤmlich einer andern Laͤhre zu-getahn ſein/ und daß
ich ſi daͤswaͤgen/ ohne bewůlligung meines Vaters/
nicht ehligẽ darf: dan ihr Vater wuͤrd es ihnen auſ-
ſer allen zweifaͤl nicht geſtatten/ daß ſi ein anderes
Glaubens-bekaͤntnuͤs annaͤhmẽ. Druͤm ſolt’ es mir
ewig leid ſein/ wan ich ſolch-ein libes maͤnſch ſo kraͤn-
ken ſolte/ und es mit libe gegen mich entzuͤnden/ da ich
doch wohl wüſte/ daß es meiner nim̃ermehr teithaf-
tig ſein koͤnte. Er ſei nuhr zu friden (gahb ſi zur ant-
wort) dis wuͤrd ſich alles wohl ſchikken: der Her Va-
ter iſt ein waͤltſaͤliger man/ und wuͤrd hihriñen wohl
zu beraͤden ſein. Er ſage mihr nuhr kurz und rund/
welche ihm am baͤſten gefallen hat/ und welch’ er fuͤr
di ſeinige ſchaͤzzen wolte. Als ich aber hihrauf lange
D 2zeit
[76]Der Adriatiſchen Roſemund
zeit nichts antworten wolte/ ſo fuhr ſi fort/ und
ſahgte; ich habe ſtraks im anfange/ da ich und Ro-
ſemund dem Hern nicht mehr/ als aus daͤm ſchrei-
ben meines Lihbſten/ kaͤnnten (dan wihr hatten
ihn beide noch nicht geſaͤhen) aus ihren worten ver-
maͤrket/ daß ſie ſich nuhr daͤs blohſſen lobes waͤgen/
welches ihm mein Lihbſter ſo auf-ruͤchtig gahb/ in
ihn verlibet hatte. Haͤrnahch ward ich auch in mei-
ner fohr-gefaſſten meinung noch mehr bekraͤftiget/
als ich der veraͤnderung ihres geſichtes/ ihrer ge-
baͤhrden/ und ihres ganzen waͤſens/ bei ihrer ehr-
ſten zuſammenkunft/ gewahr ward. Laͤtslich kont’
ich auch in unſerer naͤulichſten/ aus ſeinen gebaͤhr-
den ſelbſt/ indaͤhm er ſich mit ſolchem verlangen ſo
oft-mahls nahch der tuͤhren/ da ſi ſolte haͤrein kom-
men/ ümſahe/ unſchwaͤhr erachten/ daß er ihr auch
nicht allerdinge abhold waͤre. Jah ihre laͤtſte zu-
ſammen-ſprache/ di ſi mit einander hihlten/ gahb
ihrer beiden libe/ zufohr-aus di ihrige/ gnugſam
an den tahg.

So iſt es dan nun gewüs/ daß Roſemund und
Er/ einander mit libe heimlich verpfluͤchtet ſein:
heimlich/ ſag’ ich/ dan ich weus aus ſo vilen der Ro-
ſemund verbluͤhmten raͤden/ daß ſi ihr haͤrz nuhr
alein zu ſeiner Libe gewihdmet hat. Roſemund ſol
di-jenige ſein/ di er waͤhlet (er vergoͤnne mihr/ daß
ich ſeine haͤrzens-gedanken ergruͤnden darf) Ro-
ſemund iſt di-jenige/ di ſein haͤrz wuͤndſchet/ di ſei-
ne augen alein zu ſaͤhen begaͤhren/ und di dehr-
mahleins in ſeinen armen ſchlahffen ſol.

Dis raͤdete ſi in lachchendem muhte/ ſahe mich
an/ und ſchwihg ein wenig ſtille; weil ich aber in
meinen gedanken ſehr vertuͤhffet/ und noch nicht zu
antworten entſchloſſen wahr/ ſo nahm ſi mich bei
der hand: weil er dan nuhn/ ſahgte ſi) mit ſtil-
ſchweigen ſein jah-wort von ſich gibet/ ſo wůl ich
mich noch diſen abaͤnd bemuͤhen/ den anfang zu
mei-
[77]ehrſtes Buhch.
meinem führnaͤhmen zu machchen; und was verzuͤ-
hen wihr noch lange/ daß wihr uns nicht hinunter
in das grůhne begaͤben/ indaͤhm uns diſer anmuh-
tige tahg gleichſam dahrzu anlokket.

Hihrmit nahm ſi ihren flohr/ hing ihn uͤber das
hahr/ und ein wenig fuͤhr das angeſichte: Si frag-
te mich auch/ ob mihr nicht belihbte den mantel
und daͤgen ab zu laͤgen; und befahl ihrem kammer-
diner/ daß er meine ſachchen hin-uͤber in das andere
zimmer tragen ſolte/ da ich etliche tage meinen auf-
enthalt haben wůrde.

Alſo gingen wihr den waͤndel-ſtein hin-ab/ und
kahmen durch den hinter-hohf in den garten/ da ſich
di Roſemund mit ihrer lauten ganz aleine befand/
und dem ſprůng-brunnen zu-ſahe. Si hatte ſich
raͤcht gegen diſem luſt-brunnen uͤber auf eine bank
von albaſter/ mit einem roht-ſammten kuͤſſen be-
laͤgt/ niderg lahſſen/ und ſahs in ſolchen tuͤhffen ge-
danken/ daß ſi unſerer nicht eher gewahr ward/ als
bis wihr gahr nahe zu ihr gelangeten.

Si erſchrahk uͤber unſerer ploͤzlichen ankunft ſo
ſehr/ daß ſi ſich ganz entfaͤrbete/ und nicht wuſte/
ob ſi uns entfangen/ oder ſizzen bleiben ſolte. Si
erhuhb ſich gleichſam mit zitternden glidern/ und
kahm zu uns zwe oder drei ſchritt’ entgegen. Jch
neugte mich/ dem waͤlſchen gebrauche nahch/ fuͤhr
ihr zur aͤrden nider/ ihren fluͤgel-rok zu küſſen/ und
baht ſi uͤm verzeuhung/ daß ich ſo verwaͤgen ſein
důrfte/ ihre vihlleicht anmuhtige gedanken zu ver-
ſtoͤhren. Adelmund trat ihr zur raͤchten/ und ich
zur linken/ alſo/ daß wihr diſe Schoͤne in der mit-
ten gefaſſet hatten. Si boht mihr ihre hand/ und
ſahe mich auf di ſeite mit ſolchen lihblenden blikken
an/ daß ich dadurch in wahrheit nicht wenig ver-
wundert wahrd. Dan dis aus-erlaͤſene libes-kind
hat ſolch-ein lihbliches/ ſolch-ein fraͤudiges/ ſolch-
ein freundliches und holdſaͤhliges geſichte/ daß es
D 3einen/
[78]Der Adriatiſchen Roſemund

[79]ehrſtes Buhch.
einen/ ich weus nicht wi weit/ zu ſich lokken ſolte:
jah man konte ſi nihmahls ohne verzuͤkkung an-
ſchauen/ ſonderlich wan ſi di flinkernden augen
mit halb-zitterlichen blikken auf einen zuwarf: da-
haͤhr ich dan einsmahls diſe reimen in ihrem Ge-
traͤuen Schaͤhffer laͤgte.

Solcher geſtalt gingen wihr unter dem vihr-ek-
kichten Lauber-gange eine zeitlang hin und wider/
und hatten aller-hand luſt-geſpraͤche. Aendlich
kamen wihr widerum zum luſt-brunnen/ unſere ge-
ſichter zu ergaͤzzen/ und lihſſen uns alle dreie naͤben
einander nider. Di waſſer-ſtrahten/ wi mich
dauchte/ ſtigen immer hoͤher und hoͤher/ und ih mehr
ich ſi ſahe/ ih ſtaͤrker ſi riſelten. Roſemund nahm
aͤndlich di laute/ damit ſi ihren lihblichen klang mit
daͤm ſtamrenden gemůrmel und lihblichem geraͤu-
ſche daͤs waſſers vermaͤhlete.

Jn-zwiſchen ſchwigen wihr andere ganz ſtille/
und ich hoͤrete mit verwunderung zu/ wi diſe Schoͤ-
ne ſo lihblich ſpilete; ich ſahe mit verzuͤkkung di faͤr-
tigkeit der finger/ di auf den ſeiten ſo ahrtig haͤruͤm
irreten/ und ſolch’ eine lihbliche zuſammen-ſtim-
mung veruhrſachten.

Als wihr nuhn diſer uͤber-irdiſchen luſt auch
ein wenig gepflogen hatten/ und der abaͤnd alge-
mach haͤrzu kahm/ ſo nahmen wir unſeren waͤhg
widerum auf das Haus; da uns di Stilmuht aͤben
begegnete/ und ein kleines luſt-ſchiflein hatte lahſ-
ſen faͤrtig machchen/ damit ſi nahch daͤm abaͤnd-
mahle mit einander moͤchten luſt-wandeln fahren.

Jch wahrd auch mit zu diſer luſt-fahrt geladen/
und kahm aͤben/ ohn einiges maͤnſchen anordnen/
bei der Roſemund zu ſizzen: ob ſi nuhn ſolches ſelbſt
mit fleis getahn/ oder ob es das gluͤkke ſonſt alſo
gefuͤget hatte/ kan ich nicht wůſſen. dan ich habe ſi
im hinein-ſteigen unter den andern nicht eher er-
kaͤnnet/ als da ich ihr ſchohn zur ſeiten ſahs. Jch
erfraͤuete mich ſelbſt uͤber diſen glůks-fal/ und wahr
froh/ daß ich eine ſo libe beiſizzerin bekommen hatte.

Wihr fuhren auf di Amſtel/ und bliben daſelb-
ſten ſo lange/ bis di abaͤnd-doͤmmerung fuͤhrůber
wahr. Mitler zeit ſpilete di Roſemund mit der
Stilmuht auf der lauten/ und der Adelmund kam-
mer-
[81]ehrſtes Buhch.
merknabe gahb das ſeinige mit der pfeiffen dahrzu.
bisweilen ſungen ſi alle zugleich/ und machten al-
ſo/ daß alle Schaͤhffer und Schaͤhfferinnen/ ſo uͤm
di Amſtel haͤruͤm wohneten/ auf beiden ſeiten haͤrzu
geeilet kahmen/ und ihren lihblichen ſtimmen mit
floͤhten und ſchalmeien antworteten. wihr hatten
damahls eine ſolche luſt unter einander/ daß ich
meinem fraͤunde/ ſo es di zeit leiden wolte/ vihl da-
von erzaͤhlen koͤnte.

Als wihr nuhn diſen luſt-wal verruͤchtet hatten/
ſo begahb ich mich/ nahchdaͤhm ich zufohr allen
dreien guhte nacht gewuͤndſchet/ und di Roſemund
bis fohr ihr ſchlahf-zimmer begleitet hatte/ zu bette.

Damit ich aber auch meinen Fraͤund mit ſolcher
weitlaͤuftigen erzaͤhlung nicht faͤrner verunluſtige/
ſo wül ich ihm nuhr kuͤrzlich erwaͤhnen/ daß ich
mich den andern und dritten tahg dahrnahch ganz
inne gehalten habe/ und daß ſich Adelmund ſtraks
des andern morgens bei der Roſemund meinet-
waͤgen gleichſam zur frei-waͤrberin gebrauchen
lahſſen/ welche ſolches gewaͤrbe mit hoͤhchſten fraͤu-
den (aber ich ſůrchte zu ihrem unglůk) entfangen
hat; jah daß ſi auch ſolches ihrem Hern Vater
ſelbſt/ welcher den dritten tahg ſi zu beſuchen kahm/
zu verſtaͤhen gegaͤben.

Diſer alte aufruͤchtige Her/ wiwohl er mich noch
nihmahls geſaͤhen hatte/ ſo lihs er ihm doch ſolches
nichts daͤs-zu weniger/ weil mihr der Adelwaͤhrt
in ſeinem ſchreiben/ und di Adelmund ſelbſt muͤnd-
lich/ ein ſo guhtes zeugnůs gahb/ hoͤhchlich gefal-
len/ und fragte di Roſemund in geheim/ damit es
di aͤlteſte Tochter nicht erfahren ſolte/ waͤſſen ſi ſich
entſchloſſen haͤtte. und ob ſolches auch mit ihrem
wuͤllen geſchaͤhen koͤnte?

Di guhte Roſemund entfaͤrbete ſich fůr ſchahm/
ſchluhg di augen nider/ und wolte nichts antwor-
ten. Adelmund aber/ welche ſchohn fohr diſer roh-
D 5ten
[82]Der Adriatiſchen Roſemund
ten tuͤhre gewaͤſen wahr/ entſchuldigte ſi/ und
ſagte/ daß ſi ihre bewuͤlligung mit ſtil-ſchweigen von
ſich gaͤbe/ weil ſolch-ein alzu lang-wihriges jah-
wort nicht wohl von der zungen wolte. Nahch di-
ſen worten ſchluhg Roſemund di augen auf/ und
ſahe diſe ihre Fuͤhr-ſpraͤchcherin ſo fraͤund-ſaͤlig an/
gleichſam als wan ſi ſich gegen ſi bedanken wolte/
daß der Vater ihren ſůn leichtlich eꝛrahten konte.
Er haͤtte gaͤrn mit mihr ſelbſten auch geraͤdet/ aber
ich hatte mich unter-daͤſſen/ daß er mit diſen beiden
Jungfrauen im garten wahr/ auf di ſeite gemacht/
damit di Adelmund daͤs zu mehr zeit haben moͤchte/
diſer ſachchen einen guhten grund zu laͤgen.

Nahch-daͤhm ich nuhn etliche ſtunden bei einem
nah-bei-wohnendem Fraͤunde verzogen hatte/ und
der Adelmund anbringen folbracht zu ſein ſchaͤzte/
ſo begahb ich mich widerum auf des Sinnebalds
Hern-haus; und fand ihn gleich mit der Adelmund
(welche ſtaͤhts uͤm ihn ſein muſte/ wan er hinaus
kahm) im tohre ſtaͤhen. Diſer alte Her entfing
mich mit ſolcher leutſaͤligkeit und ſolcher ehr-erbuͤ-
tung/ daß ich mich hoͤhchlich verwunderte: Er nahm
mich in den follen arm/ und fůhrete mich alſo mit
der Adelmund in ſein inneres Bei-zimmer.

Wihr hatten uns kaum nider-geſaͤzt/ als er
ſchohn anfing/ und von daͤm gewaͤrbe der Adel-
mund eine gantze raͤde haͤhr-machte: dahr-innen er
mihr ſtraks ſeine tochter zu-ſahgte/ doch mit daͤhm
beduͤnge/ daß ich mich zufohr verſchreiben ſolte/ ehrſt-
lich/ daß ich ſi bei ihrer Laͤhre lahſſen; nahchmahls
di toͤchter/ ſo von ihr gebohren wuͤrden/ auch dahr-
innen erzühen wolte. Laͤtslich hihlt er mihr auch
fohr/ daß es bei ihnen nicht gebraͤuchlich waͤre/ di
juͤngſte tochter fohr der aͤlteſten aus zu ſtatten; und
baht/ daß ich mich uͤber diſe drei beduͤngungen er-
[k]laͤhren ſolte.

Nahch-daͤhm ich mich nuhn meiner hoͤhfligkeit
wider-
[83]ehrſtes Buhch.
wideruͤm gebrauchet/ und ſeiner ſo rundten zuſage
waͤgen aufs baͤſte bedanket hatte/ ſo gahb ich ihm
zur antwort; daß/ weil ich mich auf di ehrſten zwo
ſo bald nicht erklaͤren koͤnte/ ſo baͤht ich ihn/ daß er
mihr doch ſo vihl bedaͤnk-zeit bis auf morgen lahſ-
ſen wolte/ da ich ihm meine geſonnenheit unfaͤhl-
bahr entdaͤkken wuͤrde. was aber das laͤtſt’ anbe-
traͤhffe (fuhr ich fort) ſo waͤhr’ ich gaͤnzlich entſchloſ-
ſen/ meine fohr-gefaſſte meinung/ diweil ſi von
Got und daͤm verhaͤngnüs/ keines waͤges aber von
mihr haͤhr-ruͤhrete/ nicht zu aͤndern: und weil es
auch bei mihr nicht ſtůnde/ und ich keine andere li-
ben koͤnte/ als di-jenige/ welche mich fohr ſo haͤrz-
lich gelibet haͤtte/ ſo wolt’ ich di heiraht-ſachchen
vihl-liber gahr fahren lahſſen/ und unverehligt
mein laͤben ſchluhſſen; als eine andere wider meinen
ſuͤn und wuͤllen erkoͤhren.

Ach nicht! mein liber Sohn (fihl mihr der guhte
alte Her in di raͤde) er mus di ehe druͤm nicht gahr
fahren lahſſen/ und damit ich an ihrer beider ver-
daͤrben nit ſchuld bin/ ſo ſei ihm ſolches verwuͤlliget.

Es fihlen noch allerhand raͤden fuͤhr/ di ich nicht
all’ erzaͤhlen kan/ weil es nicht weit mehr von mit-
ternacht iſt. Jhdoch wuͤl ich noch diſes dahrbei fuͤ-
gen/ daß ich naͤhmlich des andern tages mich ſolcher
zwo beduͤngungen ſolcher geſtalt erklaͤrete; chrſt-
lich/ daß es mein gewuͤſſen nicht geſtatten wolte/
mich daͤſſen zu verſchreiben: dahrnahch/ daß ich aus
aͤben denen uhrſachchen di kinder/ es waͤren nuhn
toͤchter oder ſoͤhne/ in keiner andern Laͤhre/ als der
meinigen auf-erzuͤhen koͤnte: was aber Si/ di No-
ſemund/ an-belangte/ ſo wuͤſt’ ich ſelbſten wohl/
daß der Gewůſſens-zwang Got im Himmel nicht
angenaͤhm waͤre: druͤm wolt’ ich ihr ſolches frei-
ſtaͤllen; und wiwohl ich gaͤrn ſaͤhe/ daß di-jenige/ ſo
in meinen armen ruhen ſolte/ auch meines glau-
bens waͤre/ ſo wolt’ ich ſi daͤnnoch keines waͤges
dahr-zu zwůngen.

Jn etlichen tagen dahrnahch nahm ich den laͤt-
ſten abſchihd von der ganzen geſelſchaft/ und truhg
der Adelmund di ſachche traͤulich auf/ daß ſi ſelbi-
ge/ weil ſi den anfang ſo gluͤklich gemacht haͤtte/
auch fol-aͤnd zur gluͤklichen aͤndſchaft bringen
moͤchte.

Jch wuͤl nicht ſagen/ wi di tauſend-ſchoͤhne Ro-
ſemund (von welcher ich noch/ ſo lang’ ich bei den
Maſinnen verzohg/ etliche belihbte ſchreiben erhal-
ten habe/ bei meinem abzuge ſo haͤftig geweinet
hat/ und wi hoͤhchlich ich ſi bejammern muͤſſen: dan
di zeit gebuͤtet es/ und di beſchaffenheit unſerer ir-
diſchen leiber fortert uns zur nacht-ruhe.

Nahch ſolcher Erzaͤhlung entkleideten ſich diſe
beide vertraueten Fraͤunde/ und begaben ſich/
nahchdaͤhm ſi einander guhte nacht gewuͤndſchet
hatten/ nahch bette. Aber es wahr umſonſt/ daß
Markhold zu ſchlahffen gedachte; es wahr nuhr
vergaͤbens/ daß er an einem ſolchen orte ſeine ruhe
zu ſuchen geſuͤnnet wahr/ da er nuhr ſeinen ſuͤnnen
verhaͤngen muſte/ ſelbige vihlmehr zu verſtoͤhren.
Dan er lahg di ganze nacht in tauſendterlei gedan-
ken/ und wůnſchete mit ſo haͤftigem verlangen
nahch der fraͤudigen ankunft des tages. di einbil-
dung wahr di einzige/ di ſeine ſůnnen bemeiſterte/
di/ an ſtat daß ſi ihm di nacht verkürzern ſolte/ ſi
vihlmehr verlaͤngerte/ und ſeine ſchmaͤrzen von blik
zu blik vergroͤhſſerte; dehr-geſtalt/ daß er in tauſend
aͤngſten lahg/ und ihm nichts anders einbildete/
als daß diſe verdꝛuͤhsliche nacht nimmer-mehr ein
aͤnde gewuͤnnen wuͤrde.

Aende daͤs ehrſten Buhchs.

Der Adriatiſchen
ROSEMVND
anderes Buhch.

DEr tahg wahr ſo bald nicht angebroch-
chen/ als ſich Markhold ſchohn aus
ſeinem lager erhuhb und zum tage-
leucher machte/ den brihf ſeiner No-
ſemund/ dehr ihn diſe nacht uͤber ſo
ſehr verunruhiget hatte/ noch ein-mahl durch zu laͤ-
ſen Aber er hatt’ ihn kaum angefangen/ da er uͤber
ſeinem zimmer ſolch-ein ploͤzliches gerumpel hoͤrete/
dahr-auf ein ſolcher ſchwaͤrer fal folgte/ davon das
ganze haus und er ſelbſten fuͤhr ſchroͤkken und ent-
ſaͤzzen zu zittern begunte. Er ging nahch ſeinem
Haͤrz-waͤhrt zu/ welcher von diſem erſchroͤklichen
falle ſchohn erwachchet wahr/ und ihn ſtraks
frahgte; was diſes fuͤhr ein gepolter gewaͤſen
waͤre/ welches er izund gleichſam als im Traume
gehoͤret haͤtte?

Markhold/ welcher ſeine furcht und angſt-můh-
tigkeit führ ihm verbarg/ wiwohl er ſolches fuͤhr
kein guhtes zeuchen hihlt/ gahb ihm zur antwort;
daß vihl-leicht di kazzen etwas haͤrunter geworfen
haͤtten/ welches ſo ein grohſſes gepulter gegaͤben.
Nein/ nein! mein lihbſter Markhold (ſing Haͤrz-
waͤhrt an) es mus was anders zu bedeuten haben;
es ſein nicht kazzen gewaͤſen/ di mihr diſen ſchweis
veruhrſachchet haben; hihr-mit huhb er das bett’
ein wenig in di hoͤhe; Er ſaͤhe hihr (ſprahch er) wi
das haͤmde ſo pfuͤzzen-truͤhffend nas iſt/ wi mein ge-
ſicht mit ſchweis und traͤhnen uͤber-ſchwaͤmmet/ und
der ſchlahg ſo ungeſtůhmlich ſchlaͤget. Hihr-aus
kan er leichtlich ſchluͤhſſen/ in was fohr angſt ich ge-
D 7waͤſen
[86]Der Adriatiſchen Roſemund
waͤſen bin/ und was fohr weh-leiden ich ausgeſtan-
den habe/ eh ich bin wakker worden. Jch hab’ einen
traum gehabt/ dehr wuͤrd mihr wahrlich nichts
guhtes bringen/ einen ſolchen traum/ als ich di tage
meines laͤbens nihmahls bekommen.

Der Roſemund abgegangenes
Schreiben
an den Markhold.

wan er wuͤſſen ſolte/ wi mihr bei verfaſ-
ſung diſer wenigen worte di hand/ naͤbenſt
einem haͤftigen haͤrz-klopfen/ ſo unauf-
hoͤhrlich zittert/ ſo wuͤrde mein faͤhler ohne
zweifaͤl
[109]anderes Buhch.
zweifaͤl ſchohn vergaͤben ſein/ und mein
alzu-haſtiges verfahren mehr verzeuhung
erlangen/ als ich furcht und bedaͤnken trage/
di faͤder daͤswaͤgen an zu ſaͤzzen. Dan ich
haͤtte vihl lihber meinen ſchaͤhffer-ſtahb/ di
ſchaͤhflein dahrmit zur geſunden weide zu
leiten/ fuͤhren wollen/ als diſe faͤder/ mein
verbraͤchchen damit aus zu tilgen/ zur hand
naͤhmen. Er ſchaue doch/ mein Her/ den
wuͤllen einer arm-ſaͤligen Schaͤhfferin fůhr
ſeinen fuͤhſſen ligen/ und ihr haͤrz in ſeinen
haͤnden/ damit ſi ſolches daͤm ſeinigen/ weil
es ihm alein gewihdmet iſt/ uͤbereignẽ moͤge.

Jch bekaͤnne gahr gaͤrn/ daß ich mich/
da ich noch hohch-můhtig wahr/ und in
meinem angebohrnen ſtande laͤhbte/ an mei-
n[e]m Getraͤuen verbrochchen habe; Aber
nuhn-mehr/ nahch-daͤhm ich ſolchen hohch-
fahrenden ſtand verlahſſen/ und nicht mehr
in einem ſo koͤſtlichen hauſe wohne/ hab’
ich auch der from̃en ſchaͤhflein ahrt und ei-
genſchaft an mich genom̃en/ und mit einem
nidrigen ſchaͤhffer-huͤtlein meinen muht ge-
nidriget/ und meinen unbilligen eifer fah-
ren lahſſen. dehr-geſtalt/ daß ich nuhn mit
demůhtigem haͤrzen und nidrigem geiſte
ſolches verbraͤchchen beraͤue/ und dehr ge-
wuͤſſen hofnung laͤbe/ daß ſich mein Ge-
traͤuer/ uͤm ſeiner und meiner libe wuͤllen/
zur guͤnſtigen verzeuhung waͤrde bewaͤgen
lahſſen.

Bin ich gleich mitten im Adriatiſch[e]n
Mehre gebohren/ und den waͤllen (welc[h]e
bald from/ bald ſtille/ bald wideruͤm [e]r-
grimmet und erbohſſet/ fohr hohch-mu[ht]/
entpohr ſteigen) in etwas nahch-geahrte[t];
ſo hab’ ich doch izund ſolche ſtuͤrmende w[e]l-
len-ahrt verlahſſen/ und nahch den ſtill[e]n
waͤſſerlein/ an deren unabgeſpuͤhlten ufe[r]n
ich meine ſehaͤhflein zu weiden pflaͤge/ mei[n]e
ſuͤnnen geruͤchtet. Jah ich bin from/ [de]-
muͤhtig/ ſtil und ſit am worden; da [ic]h
fohr-mahls (ich mus es wůllig be[k]aͤnne[n])
argwaͤhniſch/ hohch-fahrend/ auf-geblaſ[e]n
und unruhig gewaͤſen bin. Solche laſ[te]r
hab’ ich nuhn gaͤnzlich/ vermittelſt diſes [ni]-
drigen laͤbens/ daß ich izund fuͤhre/ a[u]s
meinem haͤrzen vertilget. Wolte nu[h]n
meinem Getraͤuen beliben/ mich auch in [di]-
ſem ſtillen ſtande/ in diſen huͤrden/ da i[c]h
meine izige hohf-haltung habe/ waͤſendli[c]h
zu beſuchen/ ſo wuͤrde ſeiner Schaͤhffer[i]n
nicht alein di hoͤchſte ehre/ welche ſi auf d[e]r
ganzen waͤlt zu gewarten hat/ geſchaͤhen;
ſondern ich wolte mich auch ſo dankbah[r]-
lich dahr-fuͤhr zu erzeugen wuͤſſen/ daß E[r]
mit der taht und wahrheit erfahren ſolte/
daß ich zu ſtaͤrben geſonnen ſei/

Mein Her/
Seine gehohrſame/ traͤu-beſtaͤndige
Roſemun[d]

Di-jenigen/ ſo aus der erfahrung di wunder-
lichen wuͤrkungen einer traͤu-befaͤſtigten Libe wůſ-
ſen/ koͤnnen unſchwaͤhr errahten/ was diſer ſo haͤrz-
entzuͤkkende/ ſo durch-druͤngende und mit-leidens-
wurdige brihf in daͤm haͤrzen des Markholds fuͤhr
eine ruhr erwaͤkket hat. Er wahr froh/ daß ſi ſich
ſchohn in drei oder vihr tagen ſo uͤber alle mahſſe
geaͤndert hatte. (dan der fohrige brihf wahr des
mahn-tages/ und diſer des frei-tages dahr-nahch
gegaͤben) Er verſtund ihre beſtaͤndigkeit/ und haͤrz-
liche beraͤuung ihres verbraͤchchens. Er ſahe ſi
gleichſam laͤbendig und ſelblich fohr ſeinen fuͤhſſen
ligen/ und uͤm verzeuhung bitten. welches ihn ſo
haͤftig jammerte/ daß er ſich/ wo es ihm/ als einem
mans-bilde/ wohl anſtaͤndig gewaͤſen waͤre/ daͤs wei-
nens nicht enthalten haͤtte. Hatt’ er ſi fohr diſem
haͤftig gelibet/ ſo libet’ er ſi izund noch vihl tauſend-
mahl haͤftiger/ und noch vihl inbrünſtiger/ als er
nih-mahls getahn. Jah er begunte ſi von diſem
nuhn an ſolcher geſtalt zu liben/ daß er ſich auf ihre
laͤtſte wort/ faſt noch ſelbigen abaͤnd entſchloſſen
haͤtte/ Frankreich zu verlahſſen/ und ſeine Schoͤne
in ſolcher naͤuen behauſung zu beſuchen.

Als er nuhn/ nahch verlaͤſung diſes ſchreibens/
ſeinen gedanken eine guhte weile den zuͤgel gelahſ-
ſen hatte/ ſo raͤdet’ er aͤndlich den Diner des Huͤlf-
reichs an/ und frahgte; ob ihm ſeine Roſemund
noch etwas mehr befohlen haͤtte? nahch-daͤhm er
ihm aber nichts weiter in ihrem namen zu ſagen
hatte/ ſo baht er den Diner/ er moͤcht’ ihm doch er-
zaͤhlen/ was ſich ſonſt mit ihr/ zeit ſeines abwaͤſens/
zu-getragen haͤtte/ und wi ſi ſich in diſes Schaͤhffer-
laͤben zu ſchikken wuͤſte.

Der diner wahr daͤſſen ſehr wohl zu friden/ und/
nahchdaͤhm er den Markhold auf ſein begaͤhrẽ noch
faͤrnere verſichcherung getahn/ daß er ihm nicht das
geringſte/ was er von ihr erfahren haͤtte/ verſchwei-
gen wolte/ ſo fing er folgender mahſſen an zu raͤden:

Di begaͤhbnuͤſſe
Der Roſemund
zur zeit ihres ſchaͤhffer-laͤbens.

NAhch-daͤhm mein Her nicht alein ſelbſten dur[c]h
ſein eignes ſchreiben di uhrſachche gewaͤſen [in]/
daß di goͤtliche Roſemund ein ſolches ſtilles laͤb[e]n
und nidrigen ſtand erwaͤhlet hat/ ſondern auc[h]/
(wi ich aus ſeinen raͤden vernaͤhme) den anfa[n]g
ihrer veraͤnderung baͤſſer weus/ als ich ihm vi[l]-
leicht erzaͤhlen wuͤrde; ſo wůl ich dan nuhn ni[ch]t
ſagen/ wi ſich diſe Schoͤne/ nahch-daͤhm ſi ſe[i]n
ſchreiben/ welches ihr zur ſelbigen zeit (dan nuh[n]-
mehr hat ſi es bei ihr ſelbſten baͤſſer erwogen) etw[a]s
fremde zu ſein ſchine/ entfangen/ ſo ůberaus haͤft[i]g
betruͤbet; und wi ſi von ſolcher betrůhbnůs/ [w]o
ihr nicht di kluge Adelmund entſaz geleiſtet haͤtt[e]/
vihlleicht gahr ůberwckltiget waͤre/ und dem tode [zu]
teil worden. Jch wuͤl nicht ſagen/ wi ſi ſich a[n]-
fangs aus mishofnung in einen Jungfer-zwuͤ[n]-
ger begaͤben wollen: und wi ſi ihr nahch-mah[l]s
fohr das eingezogene gelohbte laͤben diſes ihr g[e]-
genwaͤrtiges/ aus bewuſten uhrſachchen und eig[e]r
wuͤlkuͤhr ein zu traͤten beliben lahſſen. Damith
aber meinen Hern daͤs zu mehr vergnuͤge/ ſo w[i]l
ich ihm nuhr zufohr di gegend und gelaͤgenheit d[eſ]-
ſelben ortes/ wo ſi ſich meiſten-teils mit ihrer heh[r]-
de auf zu halten pflaͤget/ in etwas entwaͤrfen.

Unfaͤrn von der Amſtel lihgt ein ůber-aus luſ[te]-
ger ort/ dehr von waͤgen viler linden und erlen [de]-
nen uͤmhaͤhr-wohnenden ſchaͤhffern und ſchaͤhf[er]-
rinnen/ in den heiſſen ſommer-tagen zu einer ang[e]-
naͤhmen kuͤhlung dinet. Di ſchattichten baͤume/ [d]i
kihblichen wiſen/ di waſſer-reiche grckben/ welche [ſ]o
wohl diſen luſt-plaz ringſt uͤmhaͤhr bewaͤſſern/ a[l]s
auch mitten durch-hin gaͤhen/ gaͤben ihm ein ůb[er]-
aus
[113]anderes Buhch.
aus ſchoͤnes aus-ſaͤhen. Jn der mitten lihgt ein
baͤrgichter plahn/ welcher waͤgen ſeiner hoͤhe den
ſchahffen eine ſehr bekwaͤme weide haͤrfuhr-bringet.
Das grahs iſt nicht ſo uͤber-aus fet und ſaftig/ wi
an den andern uͤmligenden ſůmpfichten oͤrtern/
dehr-geſtalt/ daß man alhihr/ wiwohl man ſelbiges
ſonſt in der ganzen gegend nicht tuhn kan/ zimlich
vihl ſchahffe zu halten pflaͤget.

Am hange diſes baͤrgleins hat di uͤber-irdiſche
Roſemund ihre behauſung in einem kleinen ſchaͤhf-
fer-huͤtlein genommen/ welches an einem waſſer-
graben erbauet/ und mit etlichen linden beſchloſſen
iſt/ dahr-auf ihr di vogel manches morgen- und
abaͤnd-ſtaͤndiein verehren/ und/ gleichſam als wan
ſi mein Her dahr-zu hin-geſchikt haͤtte/ mit ihren
nacht- und tage-weiſen manche ſtunde/ di ihr ſonſt
vihl zu lang fallen würde/ verkuͤrzern.

An einem ſolchen orte und in ſolcher einſamkeit
laͤbet nuhn ſeine mehr als maͤnſchliche Roſemund/
und hat aldahr in ſolcher ſtille und in ſolchem fride
ihre verwuͤrrete gedanken wideruͤm entworren/ ih-
ren verunruhigten ſůn wider befridiget/ und mit
den winden anſtand gemacht: dan der aͤuſſerſte
kummer iſt alſo geahrtet/ daß er alwaͤge zur einſam-
keit ſeine ehrſte zuflucht naͤhmen wůl/ weil di Sehle
bei geſelſchaften das gift ihrer krankheit ſo frei und
ungehintert nicht ausſtohſſen darf/ auch nicht eher/
ſi ſei dan daͤſſen entladen/ der gegen-mittel und des
trohſtes faͤhig iſt.

Wihr waren gleich zwe tage fohr diſer ihrer ab-
waͤchſelung in Holland ankommen/ da wihr dan
ſtraks von ihren leuten erfuhren/ daß es im waͤrke
waͤre. Si lihs ſich von keinem maͤnſchen ſaͤhen/ lihs
auch nihmand fremdes fuͤhr ſich/ und kahm nicht
ein-mahl aus ihrem Zimmer/ dehr-geſtalt/ daß mein
Her/ wi ſehr verlangen er auch dahr-nahch hatte/
di ehre nicht haben konte/ ſi nuhr einmahl zu ſaͤhen.
Er
[114]Der Adriatiſchen Roſemund
Er ging oft-mahls fohr ihrem Zim̃er hin und w[i]-
der/ und vermeinte diſes wunder-bild/ wan di tuͤhr
auf-gaͤhen wůrde/ ins geſichte zu bekommen: alei[n]
ſi hatte ſich den tahg uͤber allezeit in ihr inneres be[i]-
zimmer ſo faͤſte verſchloſſen/ daß es nuhr uͤmſon[ſt]
wahr/ ſich daͤshalben faͤrner zu bemůhen.

Als ſi nuhn ihre reiſe des morgens ſehr fruͤh/ da-
mit es nihmand gewahr wuͤrde/ nahch diſem plaz[ze]
zugenommen hatte/ ſo taͤht Jungfer Adelmund ih-
rem Hern bruder den fohrſchlahg/ daß er ſich [in]
ſchaͤhffers-kleider verſtaͤllen/ und ſi auf den abaͤnd-
als ein abgefaͤrtigter ſchaͤhffer von meinem Herr[n]
dem Markhold/ in ihrer naͤuen wohnung beſuche[n]
ſolte; welches dan auch alſo-bald geſchahe. Dan
wihr verkleideten uns alle beide/ bekraͤnzten da[ſ]
hahr mit eingemachten und wider-angeſtrichchene[n]
roſen (dan friſche konten wihr nicht bekommen
nahmen/ ein ihder/ einen ſchaͤhffer-ſtahb in di han[d]
und kahmen alſo kurz fohr der Abaͤnd-doͤmmerun[g]
fuͤhr di wohnung der Roſemund.

Diſe ſchoͤne Schaͤhfferin hatte ſich gleich in [di]
kuͤhre/ gegen den untergang der Soñen/ nider-ge-
lahſſen/ und ſahe di roͤhſlichten ſtrahlen/ welche ſie
gleich damahls ſo laͤhbhaft und ſo zihrlich an de[n]
wolken ausgebreitet hatten/ und durch ihren zuruͤk-
prallenden ſchein/ das waſſer gleichſam verguͤlde-
ten/ mit verwunderung an. Si hatte den linken
arm auf eine krampe gelaͤhgt/ und lihs das haub[t]
dahr-auf ruhen. Jah ſi ſahe den himmel ſo unve[r]
wandt und ſo ſteif an/ und ſahs in ſolchen tuͤhffe[n]
gedanken/ daß ſi unſerer anfangs nicht gewah[r]
ward/ dehr-geſtalt/ daß wihr zeit genug hatten/ un[d]
auf ein abaͤnd-ſpihl gefaſſt zu machchen.

Als ſich nuhn mein Her von faͤrn unter eine[n]
baum geſaͤzt hatte/ und ein ſchaͤhffer-lihd auf ſein[er]
pfeiffen zu ſpihlen begunte/ ſo fuhr ſi aus ihr[e]
ſuͤhſſen verzůkkung gleichſam fuͤhr ſchroͤkken in [di]
hoͤhe
[115]anderes Buhch.

[116]Der Adriatiſchen Roſemund
hoͤhe/ und wolte ſich in ihre ſchaͤhffer-wohnung ver-
baͤrgen. Aber/ nahchdaͤhm ſi ſahe/ daß wihr ſo gahr
nahe bei ihr waren/) dan wihr hatten uns von faͤrn
unter einen baum nider-gelahſſen) und auch/ allem
anſaͤhen nahch/ nicht wuͤllens waͤren/ uns zu naͤ-
hern/ ſo ſaͤzte ſi ſich widerum auf die tuͤhr-ſchwaͤlle/
und hoͤrete meinem Hern mit ſonderlicher aufmaͤr-
kung zu. Jnzwuͤſchen ůber-laſ’ ich mein ſchaͤhffer-
lihdlein/ welches mein Her in ihres Lihbſten na-
men aͤben dehnſelbigen mit-tahg gemacht hatte/
und widerhohlt’ es etliche mahl in geheim bei mihr
ſelbſt/ damit ich ſolches/ wan es erfortert wuͤrde/
faͤrtig haͤhr-ſuͤngen koͤnte.

Als er ſi nuhn eine guhte weile mit ſeiner pfeiffen
alein ergaͤzzet hatte/ ſo wolt’ er ihr auch gaͤrn einen
geſang hoͤhren lahſſen/ und frahgte mich/ ob ich
nuhn das ſchaͤhffer-lihd/ welches er mihr gegaͤben
haͤtte/ wohl ſuͤngen koͤnte. Jch gahb ihm zur ant-
wort/ daß ich mich alle-zeit/ wan es ihm beliben
wůrde/ dahrzu gefaſſt hihite/ und er duͤrfte nichts
mehr tuhn/ als mihr nuhr winken/ ſo wolt’ ich mit
meiner ſeim̃e ſtraks in ſeine weiſe einfallen. Hihr-
auf macht’ er wideruͤm ein kleines fohrſpihl/ und
nahch-daͤhm er mihr mit den augen einen wink ge-
gaͤben hatte/ ſo fing ich an ſolcher geſtalt zu ſuͤn-
gen:

Als ich diſe laͤtſten zwei geſaͤzze ſang/ ſo hatte ſi
ſich mit daͤm haͤubte faſt gahr auf den ſchohs ge-
neuget/ und ſahe ſich mit ſolchem aͤrnſte nahch uns
uͤm/ damit ſi erkaͤnnen moͤchte/ wehr wihr waͤren
aber es wahr ſchohn alzu dunkel/ und ſi wolte ſich
auch nicht erkuͤhnen aus ihrem ſchaͤhffer-huͤtlein
haͤr aus zu traͤten/ dehr-geſtalt/ daß ſi diſen abaͤnd
nichts von uns zu wuͤſſen bekahm.

Des andern tages ſehr frůh ſchikte ſi zur Adel-
mund/ und lihs ſi/ naͤbenſt anerbuͤtung ihrer ſchul-
digkeit/ fragen/ ob ſi keine zeitung von dem Mark-
hold bekommen haͤtte: dan ſi hatt’ ihr eingebildet
daß er fohrigen abaͤnd mit dahr-bei gewaͤſen waͤre
als ihr diſes lihdlein an zu hoͤren geſungen ward
Nahch-daͤhm ihr nuhn di Adelmund widerum hat
te zu-entbuͤten lahſſen/ daß ſi ihn zwahr noch nich
geſaͤhen/ aber gleich-wohl von einem ſeiner bekan
ten vernommen haͤtte/ daß er zu Amſtelgau gewaͤ
ſen waͤre; ſo verkleidete ſi ſich auch ſelbſten/ zohg ei[n]
ganz ſchlohs-weiſſes atlaſſen kleid an/ mit iſabe[l]
faͤrbigen ſpizzen verbraͤhmet/ und gahb uns beide[r]
eine gefaͤhrtin.

Alſo machten wihr uns widerum ſelb dreie[r]
nahch der Roſemund behauſung zu/ welche ſich di[ſ]
nacht (wi ſi mihr haͤhr-nahch abſonderlich ſahgte
da ich ſein ſchreiben von ihr bekahm) nicht ſchlahf-
fen gelaͤhgt hatte/ ſondern allezeit in den gedanke[n]
geſtanden wahr/ daß er ihr in geſtalt eines Him-
mels
[119]anderes Buhch.
[m]els-bohten erſchinen waͤre/ und ſi ihres argwah-
[e]ſ[]s halben haͤtte beſtrahffen wollen; dehr-geſtalt/
d[a]ß ſi nuhn-mehr ihren eifer-ſuͤchtigen muht gaͤnz-
[li]ch gebrochchen/ und den beleidigten uͤm verzeu-
h[u]ng anfloͤhen wolte.

Mein Her fuͤhrte ſeine Jungfer Schwaͤſter ehr-
[ſt]es mahls unter diſelbige linde/ da wihr fohrigen
[ab]aͤnd unſere kurz-weile gehabt hatten/ und erzaͤhlt’
[ih]r/ wi ſich di Roſemund ſo ſchuͤchtern nahch ihnen
[ü]mgeſaͤhen haͤtte.

Weil ihnen nuhn diſer baum ſehr luſtig zu ſein
[ſ]chine/ ſo lihſſen ſi ſich auf eine zeit dahr-unter zur
[r]uhe nider/ und fuͤhreten allerhand geſpraͤche mit
[eina]nander. Adelmund erzaͤhlt’ ihm/ wi ihn ſeine
[h]imliſche Roſemund ſtraks im anfange/ da ſi ihn
[n]uhr einmahl loben hoͤren/ und noch nih-mahls ge-
[ſ]aͤhen/ ſchohn ſo haͤftig lihb-gewonnen haͤtte/ daß
[ſ]i[] ihre libe auch nicht einmahl/ wi ſehr ſi ſich auch
[d]ahruͤm bemühet/ verbaͤrgen koͤnnen; und wi ſi ſich
[i]n ihrer ehrſten zu-ſam̃en-kunft ůber alle mahſſen
[e]ntzükt befunden; dehr-geſtalt/ daß es ihr nicht
befremdet fůhrkaͤhme/ daß ſi ſich bei ſeinem abwaͤ-
ſen ſo haͤftig gegraͤmet/ und aus alzu eiferiger Libe
in eine ſolche ſchwaͤhrmuͤtigkeit gerahten waͤre/ di
ihr nicht haͤtte geſtatten wollen/ ſich mit ihr oder
ihrer Jungfer Schwaͤſter zu erluſtigen.

Jndaͤhm ſi ſolches ſahgte/ da erblikte ſi ohn-ge-
faͤhr etliche Tichtlinge/ di in des baumes ruͤnde ge-
ſchnidten waren. Sihe hihr/ mein bruder (ſahgte
ſi) was ſol diſes bedeuten? dis iſt noch ein friſcher
ſchnidt; was guͤlt es/ di Roſemund wuͤrd auf dein
geſtriges lihd geantwortet haben! Als ſi ſich nuhn
beide/ ſelbiges zu laͤſen/ erhoben hatten/ ſo befan-
den ſi/ daß ihre muht-mahſſung nicht falſch gewaͤ-
ſen wahr.

Mein Her nahm alſo-bald ſeine ſchreibe-tafel/
und ſchrihb das ganze lihdlein ab/ welches erſeiner
ahr-
[120]Der Adriatiſchen Roſemund
ahrtigkeit halben/ noch alle-zeit als ein heiligtuh[m]
verwahret/ und wuͤrd es meinem Hern/ ſo er es b[e]
gaͤhret/ wohl ſaͤhen lahſſen.

Von diſem baume gingen wihr widerům zu e[i]
nem andern/ da wihr auch ein uͤberaus-ſchoͤn[en]
anſpihl auf des Markholds namen fanden/ we[n]
aus ihrer Libe haͤftigkeit ſo ſonnen-klahr blikte. J[a]
ſi hatte ſeinen namen mit dem ihrigen faſt in al[ſ]
baͤume geſchnidten/ damit ja das gedaͤchtnůs ihr[e]
libe mit ihnen zugleich wachsſen und bekleid[en]
moͤchte.

Als wihr nuhn eine guhte weile unter diſ[en]
baͤumen haͤrům gewandelt waren/ ſo begaben wi[hr]
uns auch auf den baͤrg hinauf/ da ſi gleich unt[er]
einem aͤpfel-baume ſahs/ und mit ihren ſchaͤhflei[n]
di ſich fleiſſig beweideten/ uͤmgaͤben wahr. Ad[el]
mund ſchikte mich alſo-bald zu ihr/ und [li]hs ſi uͤ
eine fraͤundliche zuſammen-ſprache begruͤhſſen/ w[el]
che ſi ihr auch alſo-bald zuſtund/ ſo faͤrn ſi alein z[u]
ihr kommen wuͤrde.

Weil ſich nuhn di Adelmund mit einem falſch[en]
geſichte vermummet hatte/ ſo konte man ſi gan[tz]
nicht erkaͤnnen/ zufohr-aus in diſer ſchaͤhfferſ-
tracht/ in welcher ſi Roſemund noch nihmahls g[e]-
ſaͤhen: Drům dorfte man ſich nicht verwunder[n]/
daß ſi faſt eine halbe ſtunde mit einander raͤdeten/
ehe diſe ſchoͤne Schaͤhfferin ihrer Fraͤundin/ der
Adel-mund/ unter diſem mum-geſichte gewahr
ward: welche uͤber alle ihre kuͤnſtleriſche verſtaͤllu[n]-
gen auch di ſprache ſelbſt ſo meiſterlich veraͤnder[n]
konte/ daß ſi Roſemund nicht gekaͤnnet haͤtte/ [wo]
ſi nicht ihr ſonnen-ſchirm/ welchen ſi in der ha[nd]
hatte/ verrahten.

Wehr wahr froher als Roſemund; wehr wa[hr]
luſtiger als diſe aͤdle Schaͤhfferin/ indaͤhm ſie ih[r]e
getraͤue Fraͤundin in einer ſolchen tracht uͤmfah[en]
ſolte? Si verſichcherte ſich ſchohn heimlich bei i[h]r
ſelbſt
[121]anderes Buhch.
ſelbſt/ daß ihr Markhold gewuͤslich muͤſte fohrhan-
den ſein/ und ſahe meinen Hern von faͤrnen an/
in wůllens/ ihn an zu raͤden: weil ſi aber noch nicht
trauen durfte/ ſo frahgte ſi zu-ehrſt di Adelmund/
ob jenes nicht Markhold waͤre? Nein/ (gahb Adel-
mund zur antwort) es iſt mein bruder/ welcher
ehrſt fohr drei oder vihr tagen aus Deutſch-land
kommen iſt.

Auf diſe worte fihl ihr der muht dehr-maſſen/
daß ſi kaum mehr raͤden konte/ gleichwohl ſahgte ſi
zu ihr: ei! wahruͤm laͤhſſt-ſi dan ihren Hern bruder
ſo von faͤrnen hinten-aus ſtaͤhen! wihr wollen ihm/
ſo es ihr belibet/ entgegen gaͤhen/ damit ich mich
meiner unhoͤhfligkeit waͤgen gegen ihn entſchuldi-
gen moͤge.

Als ſi diſes geſahgt hatte/ ſo nahm ſi di Adel-
mund bei der hand/ kahm uns entgegen/ und ſahgte
zu meinem Hern; Mein Her wird der unhoͤhfligkeit
einer baͤueriſchen Schaͤhfferin etwas zu gute hal-
ten/ di ihm nicht anders zu begegnen weus/ als wt
ſi es in einem ſolchen laͤben/ da man auf hoͤhfliche
gepraͤng’ und ehr-erbuͤhtigkeit wenig ſihet/ ſchohn
gewohnet iſt. Hihrmit boht ſi ihm di hand ſelb-
ſten/ ehe ſi noch raͤcht bei uns wahr/ und ehe er ſich
daͤſſen verſahe.

Nihmahls hab’ ich ſo eine ſchoͤne ſchaͤhfferin ge-
ſaͤhen/ als ſi; ich habe nihmahls kein anmuhtigers/
kein lihblichers Frauen-zimmer erblikket/ als diſes
wunder-maͤnſch. wi faͤrtig waren nuhr ihre glider/
wi zahrt und behaͤnde di finger/ wi hurtig di fuͤhſſe/
wi belaͤhbt und fraͤundlich di gebaͤhrden. Das hahr
wahr oben mit einem guͤldnen ketlein eingefaſſet/
und di lokken flatterten uneingeflochten ům den hals
haͤruͤm. Der wind ſpilete mit ihren foͤrder-lokken/
und hatte gleichſam ſeine luſt dahran/ wan er ſi in
ihr angeſicht/ uͤber di augen/ daß er ſi zu ſaͤhen/ und
uͤber den mund/ daß er ſi zu raͤden verhinterte/ haͤr-
Fuͤm
[122]Der Adriatiſchen Roſemund
uͤm wehete. Jene waren ſo wunder-lihblich/ und
diſer ſo roht/ wi eine roſe/ di ſich ehrſtlich des mor-
gens auf-getahn/ und noch mit tau befeuchtet iſt.

Wan ich noch dahr-an gedaͤnke/ wi ſi ihren
ſchaͤhffer-ſtahb/ dehn ſi oben am haken mit einem
kranze von roht- und weiſſen roſen/ welches ihre
leib-farbe wahr/ gezihret hatte/ ſo ahrtig ſchwaͤng-
ken konte/ ſo bin ich faſt noch halb verzukket. Di
ſuͤnnen entgaͤhen mihr/ wan ich gedaͤnke/ wi ſi ſolch’
eine lihbliche/ ſolch’ eine reine/ und ſolch’ eine klahre
aus-ſprache hatte. Mein Her muſte ſelbſten be-
kaͤnnen/ daß er ihres gleichen nihmahls geſaͤhen haͤt-
te. Jah/ als ſi von uns ein wenig abgetraͤten wahr/
da ſahgt’ er in geheim zu ſeiner Schwaͤſter; wan
Helene alle diſe zihrligkeiten/ di er hihr ſaͤhen koͤn-
te/ gehabt haͤtte/ ſo verwundert’ er ſich gahr nicht/
daß ſi Paris entfuͤhret/ daß ſo ein maͤchtig Folk das
laͤben eingebuhſſet/ und ſolch’-ein’ ůberaus-ſchoͤn’
und gewaltige Stat/ als Troja gewaͤſen/ um ihrer
Schoͤhnheit wuͤllen/ eingeaͤſchert/ und verſtoͤhret
worden waͤre: ſondern er muͤſſte ſich nuhr verwun-
dern/ wi es noch muͤhglich ſein koͤnte/ daß irdiſche
augen uͤber diſe uͤber-irdiſchen (dahr-in Lihb-reiz
ſeinen Reichs-ſtuhl haͤtte/ und unter ihren blikken
mit ſolchen ſcharfen pfeilen haͤrum ſpruͤhete) noch
vertragen koͤnten/ und wi diſes himliſche geſchoͤpf
aus einem ſtaͤrblichen leibe haͤtte koͤnnen gebohrer
waͤrden!

Jch kan meinem Hern nicht ſagen/ was diſes
ſchoͤne Wunder fuͤhr traͤfliche nahch-daͤnkliche raͤder
fuͤhrete/ und wi ſi ſich zum oͤftern/ ihrer unhoͤhflig-
keit waͤgen/ ſelbſt heimlich durch-zohg/ und ſolches
mit ſo ahrtigen worten bemaͤnteln konte/ daß ſich
ihderman hoͤhchlich verwundern muſte/ und Hůlf
reich aͤndlich gezwungen ward/ ſolche traͤflich
hoͤhfligkeit bei ihrer gegenwart ſelbſt zu erhoͤben
Welcher ſchaͤhffer/ (ſahgt’ er) o wunder-ſchoͤne
und
[123]anderes Buhch.
und welcher maͤnſch hat ihmahls ſolch’ eine uͤber-
aus-hoͤhfliche ſchaͤhfferin geſaͤhen! wi glůkſaͤlig iſt
diſe hehrde/ di ſolch’ eine ſchoͤne und ſolch’ eine ver-
ſtaͤndige Huͤhterin hat; diſer ort/ wi mich duͤnket/
iſt gahr ſtolz/ in-daͤhm er Si zur beſchuͤzzerin be-
kommen/ und pochchet auf ſeine kluge beherſcherin.
Di baͤume ſtaͤhen gleichſam mit ihren ſtolzen aͤſten
entbohr/ und wan Si ſich ihnen nuhr ein wenig
naͤhert/ ſo (deuchtet mich) neugen ſich di zakken
aus demuht fuͤhr ihrem herlichen anſaͤhen.

Ach mein Her (fihl ſi ihm in di raͤde) wan ich ihn
diſer ſeiner worte halben beſtrahffen wolte/ ſo wuͤrd’
ich mich an ihm mehr verbraͤchchen/ als ſeinen faͤh-
ler (ſo man eine tugend alſo benaͤnnen mahg) ver-
baͤſſern; dan ich weus wohl/ daß ihm ſeine ange-
bohrne hoͤhfligkeit nichts anders zu raͤden geſtattet/
als nuhr ein ſolches lob denen-jenigen zu gaͤben/ di
doch daͤs wenigſten nicht wuͤrdig ſein. Drům wuͤl
ich meine unwuͤrdigkeit nuhr mit ſtil-ſchweigen be-
kaͤnnen/ und ſeine hoͤhfliche tugend mit verwunde-
rung erhoͤben.

Als ſi nuhn noch eine lange zeit gehoͤhflet hat-
ten/ und diſe prunk-raͤden kein aͤnde naͤhmen wol-
ten/ in-daͤhm ein ihder das feld zu behalten gedach-
te/ ſo brachte ſi Adelmund noch aͤndlich von einan-
der/ und ſahgte mit laͤchlen zur Roſemund; Jch
vermeinte/ daß ich eine Schaͤhfferin beſuchen wolte/
aber ich befuͤnde/ daß unter einer ſchaͤhfferin tracht
di aller-ſuͤnlichſte und gnaueſte hoͤhfligkeit/ di man
auch am erz-koͤniglichen hofe/ unter daͤm Kaͤſerli-
then Frauen-zimmer/ zu Wihn kaum antraͤffen
wuͤrd/ verborgen lihgt. Meinem Bruder hab’ ich
ſolches wohl zu-getrauet/ weil er gleich izt vom hofe
koͤmt/ und ſolcher hohf-ſitten und wort-gepraͤnge
gewohnet iſt; aber einer ſchaͤhfferin/ haͤtt’ ich nicht
gedacht/ daß es anſtaͤhen ſolte/ oder daß ſi in dehr-
gleichen nuhr etwas erfahren waͤre. Dan hat ſi
F 2nicht
[124]Der Adriatiſchen Roſemund
nicht geſaͤhen/ wi ich fohr ſchahm erroͤhtet/ und
uͤber mich ſelbſt ſo unwuͤllig gewaͤſen bin/ daß ich
mich/ als di ich eine ſchaͤhffers-tracht angenommen
habe/ auf ſolche hohf-raͤden gahr nicht gefaſſt ge-
macht/ und daͤs-halben nohtwaͤndig nichtſen muͤſ-
ſen? Jah waͤre mein bruder nicht baͤſſer mit raͤden
verſaͤhen gewaͤſen als ich/ ſo wuͤrden wihr ſo zimlich
beſtanden ſein.

Aeben damit ſi ihre armuht bekaͤnnet (fihl ihr di
Roſemund in di raͤde) gihbt ſi ihren reichtuhm uͤ-
berfluͤhſſig an den tahg; und wi koͤnnen doch di leu-
teſo gahr hoͤhniſch ſein? Aber was wollen wihr di
zeit (fuhr ſi fort) mit vergaͤhblichen raͤden in der
hizze verſchluͤhſſen! wihr tuhn baͤſſer/ daß wihr di
ſchahffe weiden lahſſen/ und/ ſo es ihnen belihbet/ zu
meiner behauſung ein-kaͤhren; da wihr im kuhlen
baͤſſere luſt und ergaͤzligkeit ſchoͤpfen koͤnnen.

Alſo gahb ſich diſes luſtige und in ſchaͤhffer-
tracht verkleidete folk in ihre wohnung/ welche ſi in-
waͤndig mit ſtaͤrbe-blauen prunk-tuͤchern über-al
ausgeziret hatte; der boden wahr mit ſtaͤrbe-blauen
ſteinen gepflaſtert; di daͤkke mit aͤben ſelbiger farbe
gemahlet/ und di tiſche blaulicht angeſtrichchen mit
ſtaͤrbe-blauen tuͤchern behaͤnget/ alſo/ daß nichts als
lauter blaues zu ſaͤhen wahr. Oben uͤber der haus-
tühre hing ein gemaͤlde/ dahr-innen auf einem fah-
len boden/ mit roſen beſtraͤuet/ ein Ritter/ in einem
ſtaͤrbe-blauen harniſch/ mit einem blau-angelauffe-
nen daͤgen an der ſeiten/ und einem gemahlten
ſpehre mit aͤben ſelbiger farbe in der fauſt/ nahch
dem ringel zu-raͤnnte/ mit diſen über-geſchribenen
worten: Es guͤlt ihre Schoͤhnheit.

Hinter diſem blauen Ritter ſtund eine Jungfrau
zwuͤſchen den prunktůchern/ von welcher man nichts
mehr als das angeſicht/ und etwas von der bruſt/
erblikken konte; auf daͤm einen prunk-tuche/ gleich
an der ekken/ da ſi haͤr-fuͤhr ſahe/ ſtunden diſe
worte:
[125]anderes Buhch.
worte: Jch ſaͤh’ und hoͤre mein Blaues
wunder.

Als Markhold diſes erzaͤhlen hoͤrete/ ſo ward er
ſehr verwundert/ und fraͤuete ſich hoͤhchlich/ daß
Roſemund durch diſen zihr-raht ihrer Schaͤhffer-
wohnung noch ſo vihl andeuten wolte/ daß ſi ſeinen
traͤue nicht vergaͤſſen haͤtte; jah er hatte ſolche luſt
an diſer erzaͤhlung/ daß er ſi noch ein-mahl hoͤren
wolte. Nahch-daͤhm ihn nuhn der Diner hihr-
innen auch vergnůget hatte/ ſo fuhr er in ſeiner er-
zaͤhlung dehr-geſtalt fort:

Als wihr nuhn etwan eine ſtunde bei diſes
Schoͤnen zu-gebracht hatten/ ſo nahmen wihr wi-
deruͤm unſern abſchihd/ und Adelmund ermahnte
ſi noch zu laͤtſt/ daß ſi zwahr bei diſer ſtaͤrbe-blauen
farbe ſolte beſtaͤndig bleiben/ aber ihre beſtaͤndig-
keit/ di ſi dem Ritter ůber ihrer tuͤhren zu leiſten
ſchuldig waͤre/ ſamt ihrer guhten hofnung nicht
ſtaͤrben lahſſen.

Des andern tages dahrnahch beſucheten wihr ſi
wideruͤm; da uns dan diſe Schoͤne ih laͤnger ih
hoͤhflicher fuͤhrkahm. Si begleitet’ uns eine guhte
ekke von ihrer wohnung/ und als ſi uns geſaͤgnet
hatte/ wideruͤm nahch hauſe zu kaͤhren/ ſo muſt’ ich/
auf meines Hern befaͤhl/ mit ihr gaͤhen; daͤſſen ſi
ſich auch nicht vihl waͤgerte. Dan/ weil ſi von mei-
nem Hern verſtanden hatte/ daß er in kurzen nahch
Frankreich zu reiſen gedaͤchte/ ſo haͤtte ſi gaͤrn/ wi
ich wohl ſtraks maͤrken konte/ in geheim mit mihr
geraͤdet; dehr-geſtalt/ daß ihr diſes eine raͤcht-ge-
wuͤndſchte gelaͤgenheit wahr/ deren ſi ſich auch wohl
zu gebrauchen wuſte.

Wihr hatten alſo meinem Hern und der Adel-
mund kaum den ruͤkken gekaͤhret/ als ſi mihr ſchohn
ſolche lihblende und haͤrz-entzuͤkkende worte gahb/
daß ich leichtlich ſchluͤhſſen konte/ ſi wuͤrde mihr et-
F 3was
[126]Der Adriatiſchen Roſemund
was ſonderliches anf-tragen wollen. welches auch
alſo-bald geſchahe; dan wihr waren noch nicht
gahr bei ihrer behauſung angelanget/ als ſi mich
ſchohn ſo hohch wuͤrdigte/ ihr bohte an meinen Hern
zu ſein. Si gahb mihr diſes aͤdle pfand/ welches ich
[i]zund ausgeluͤfert habe/ und baht mich ſo eiferig
und ſo fleiſſig/ daß ich ſolches dem Jhrigen jah ſelbſt
einhaͤndigen moͤchte/ und keinem maͤnſchen etwas
dahrvon ſagen. Jah ſi beſchwuhr mich ſo hart/ daß
ich in wahrheit ein grohſſes bedaͤnken truge/ ſelbt-
ges an zu naͤhmen; und ich zweifelte ſchihr/ daß es
in meinem vermoͤgen ſtůnde/ ſolche zu-ſage zu hal-
ten. Nichts daͤs-zu weniger aber/ weil ich ſolch-
einem goͤtlichen maͤnſchen-bilde ganz nichts verſa-
gen konte/ ſo nahm ich ſelbiges an/ und verpfluͤchte-
te mich/ ihren wüllen/ ſo vihl als nuhr im̃er maͤnſch-
und muͤhglich waͤre/ baͤſſter mahſſen zu vergnuͤgen.

Dis iſt/ mein Her/ was ich von der goͤtlichen Ro-
ſemund ſelbſt erfahren habe/ was ich geſaͤhen und
erzaͤhlen hoͤren. Mehr weus ich ihm nicht zu ſagen/
als unter-dihnſtlich zu bitten/ daß er mit diſer un-
fuͤhglichen erzaͤhlung wolle zu friden ſein/ und vihl-
mehr den guhten wůllen ſeines diners fohr di taht
ſelbſten erkaͤnnen. dafohr ich ihm dan wideruͤm/
wan ſich etwas begaͤben wuͤrd/ ſtuͤndlich/ jah au-
genbliklich auf zu dinen geſonnen bin.

Alſo gahb Markhold/ welcher aus diſer erzaͤh-
lung hoͤhchſter mahſſen vergnuͤget wahr/ dem diner
ſeinen abſchihd/ und brachte das übrige diſes tages
mit lauter fraͤudigen gedanken zu. Er wolte ſich
ſaͤzzen/ das brihflein ſeiner Roſemund zu beant-
worten/ aber di fraͤude ſeines haͤrzens wahr ſo über-
maͤhſſig/ daß er von den frohen gedanken nicht ſo
vihl ab-braͤchchen konte. Jah ſi ward noch vihl
groͤſſer/ als ihm der Diner des Hůlfreichs/ dehr ſonſt
ein raͤchter libe-diner wahr/ ein lihdlein/ welches
Roſemund gemacht/ und er ſtraks/ ſo bald er wahr
nahch
[127]anderes Buhch.
nahch hauſe kommen/ aus ſeines Hern ſchreibe-
tahffel abgeſchriben hatte/ noch ſelbigen abaͤnd
einhaͤndigte. Diſes lihdlein wahr ohn-gefaͤhr fol-
gender geſtalt verfaſſet:

Der Roſemund
Klage-lihd.

Etlicher mahſſen nahch der paimen-ahrt.

Nach verlaͤſung diſes lihdes begahb ſich Mark-
hold gleich-wohl noch ſelbigen abaͤnd in ſein inneres
Schreibe-zimmer/ ſeiner ſchoͤnen Roſemund auf ſo
vihl bezeugungen ihrer haͤrzlichen Libe zu antwor-
ten. Man ſahe wohl an allen ſeinen gebaͤhrden/
daß er ſo kraͤftig in und bei ihm ſelbſt nicht laͤhbte/
als in daͤm haͤrzen ſeiner trauten Roſemund.

Weil er nuhn gahr aus ihm ſelbſten wahr/ ſo
kont’ er keine ſo zihrliche/ ſo durchdruͤngende/ ſo be-
deutende worte fuͤnden/ di ihm raͤcht gefallen haͤt-
ten/ und di ſeine luſt/ ſeine gluͤkſaͤligkeit/ ſeine Lib’
und traͤue nahch gnůgen aus-truͤkken mochten.
Laͤtslich aber/ als er gnugſam aus- und wider hin-
zu-getahn hatte/ ſo muſt’ er doch zu friden ſein/ und
ihm einen/ nahch ſo vihlen zer-riſſenen brifen/ ge-
fallen lahſſen.

Nahch-daͤhm er nuhn mit der verfaſſung diſes
ſchreibens und ſeinen verirreten libes-gedanken bis
in di ſuͤnkende nacht bemuͤhet gewaͤſen wahr/ ſo ent-
kleidet’ er ſich/ und ging nahch verruͤchtetem abaͤnd-
gebaͤht zu bette. Di ganze nacht taͤht er kein auge
zu/ ſondern verſchlos ſi mit ſolchen ſuͤhſſen verzük-
kungen/ daß auch der ſchlahf/ wi-wohl er ſonſt ein
ſuͤhſſer und gewaltiger gaſt iſt/ nicht ſo vihl macht
hatte/ ſeine augen zu uͤber-waͤltigen, dehr-geſtalt/
daß
[129]anderes Buhch.
daß er fuͤhr grohſſem verlangen kaum ſo lange
warten konte/ bis der tahg angebrochchen wahr;
da er ſchohn auf das lihd ſeiner Schoͤnen eine
gleich-maͤhſſige antwort verfaͤrtigen wolte.

Der tauſend-kuͤnſtleriſche Lihb-reiz blihs ihm
ſolche wort ein/ und machte ſolche ſuͤhſſe verzukke-
rungen/ daß er nahch verfaſſung dehrſelben kaum
ſelbſt glaͤuben konte/ daß er ein ſolches haͤrz-braͤch-
chendes lihdlein ſo geſchwuͤnd und in ſolcher ver-
wuͤrrung ſeiner ſuͤnnen verfaſſet haͤtte. Er uͤberlaſ’
es hinten und forne/ und fand im geringſten nichts/
das aͤnderns noͤhtig waͤre; dehr-geſtalt/ daß ihm
diſes Lihdlein vihl gluͤklicher zu-gefloſſen wahr/ als
der geſtrige brihf.

Als er nuhn ſein ſchreiben zuſamt daͤm lide kaum
fortgeſchikt hatte/ ſo kahm einer von ſeinen Lands-
leuten/ ihn zu beſuchen/ mit welchem er allerhand
luſtige geſpraͤche von ſeiner Roſemund hatte/ doch
gleich-wohl lihs er ihm nichts maͤrken/ daß er ſolche
belihbte ſchreiben von ihr erhalten haͤtte.

Weil nuhn diſer ſein Landes-fraͤund ein guhter
ſtim-ſaͤzzer wahr/ ſo baht er ihn/ er moͤchte doch
ſeinem Reiſe-lide/ welches er ſeiner Roſemund
zu gefallen verfaſſet haͤtte/ eine feine bewaͤhg- und
klaͤhgliche weiſe gaͤben; welches dan auch geſchahe/
und etliche mahl unter ihnen beiden verſuchet
ward.

Huldreich (alſo hihs diſer ſein Landes-fraͤund)
hatte verſprochchen auf den abaͤnd bei einer geſel-
ſchaft/ di einen Stim- und Lauten-ſtreit unter ſich
halten wolte/ zu erſcheinen: druͤm baht er den
Markhold/ daß er ihm doch moͤchte di ehr’ erzeu-
gen/ und ihre luſt durch ſeine gegenwart vermehren
haͤlfen. Markhold entſchuldigte ſich anfangs; dan
er gedachte/ ſeinen gedanken/ di nuhn auf nichts
anders/ als ſeine Roſemund/ zihleten/ daͤs zu baͤſ-
ſer nahch zu haͤngen; indaͤhm er aber ſo inſtaͤndig
F 5an-
[130]Der Adriatiſchen Roſemund
anhihlt/ ſo lihs er ſich aͤndlich bewaͤgen/ und gahb
ihm einen gefaͤhrten.

Weil nuhn ſelbiges haus/ dahrinnen der ſuͤng-
und lauten-ſtreit ſolte gehalten waͤrden/ nicht faͤrne
von daͤm ſeinigen wahr/ ſo gelangten ſi bald bei
ſolcher geſelſchaft an/ und warden mit fraͤuden ge-
wuͤlkommet. Markhold erluſtigte ſich ſonderlich
an einer Jungfern/ welche des wuͤrts tochter wahr/
und ſolch- eine lihbliche und haͤrz-bewaͤhgliche
ober-ſtimme ſang/ daß man dahr-uͤber gahr ver-
zuͤkket ward. Si ſpihlt’ auch zimlicher mahſſen auf
dem haͤrz-ſchlůſſel/ welches ihn aͤben-maͤhſſig er-
luſtigte.

Nahch-daͤhm nuhn diſe froͤhligkeit eine zeit-lang
gewaͤhret hatte/ ſo gahb Markhold der ſpihl- und
ſuͤngenden geſelſchaft/ ſonderlicher diſer Jungfer/
zu verſtaͤhen/ daß/ weil es unbillich waͤre/ daß er
diſer luſt ganz aleine genuͤhſſen ſolte/ und ſi vihl-
mehr unluſt und muͤhe dahr-aus ſchoͤpften/ ſo
wolt’ er ſi gebaͤhten haben/ daß ſi ſich auch/ wo es
ihnen belihblich waͤre/ ein wenig mit einer luſti-
gen unterraͤdung/ oder anderer kurzweil’/ ergaͤzzen
moͤchten.

Diſer fohrſchlahg ward alſo-bald fohr guht er-
kaͤnnet/ und man nahm/ an ſtat daͤs ſuͤng- und
feiten-ſpiles/ das braͤt- und Jungfer- oder ſchacht-
ſpihl zur hand/ damit man einen andern kampf
zu begaͤhen anfing. Huldreich wahr der ehrſte/
dehr ſich mit der Heldinne (alſo hihs ſelbige fran-
zoͤſiſche Jungfrau) zu felde begahb/ und eine ſolche
ſchlacht anboht/ da er ſtraks im ehrſten anzug’ er-
ligen muſſte.

Nahch-mahls wahrd ſolches auch dem Mark-
hold angetragen/ dehr ſich anfangs entſchuldigte/
daß er ſolcher in diſem krige wohl-erfahrnen Hel-
din nicht di gegen-wage halten koͤnte/ weil er im
Jungfer-ſpihl-kampfe noch alzu ungeuͤhbt waͤre/
und
[131]anderes Buhch.
und damit wenig gewonnen/ auch wenig verloh-
ren haͤtte. dndlich aber/ als man ihm nicht vom
halſe lahſſen wolte/ und di Jungfer ſich ſelbſt mit
ihrem folke gegen ihn ins oſfenbare faͤld in ſchlacht-
ordnung geſtaͤllet hatte/ ſo muſt’ er ſchande halben
den angebotenen ſtreit annaͤhmen/ und ſelbiger
Heldin drei ſchlachten luͤfern/ von welchen dreien
er mit gnauer noht di ander’ erhalten konte.

Wan unſere Roſemund ihrem Kaͤmpfer und
diſer Heldin zu-geſaͤhen haͤtte/ ſo wuͤrde ſi ſelbſten
bekaͤnt haben/ daß zwe harte ſtreiter gegen einan-
der gewaͤſen waͤren/ und ſich dahruͤber nicht alein
verwundert/ ſondern auch hoͤhchlich beluſtiget.
Dan diſe tapfere Heldin wolte dem Markhold im
geringſten nicht nahch-gaͤben/ ſi benahm ihm alle
ſeine fohrteile/ und verhihb ihm den pas/ wan er
ſich etwan in eine ſichchere faͤſtung oder winkelich-
tes kraͤbs-loch begaͤben wolte: und Markhold glei-
ches-fals verſchnidt’ ihr/ wo er immer konte/ alle
ihre ſchlaͤuf-waͤge/ mit ſolcher bedachtſamkeit/ und
und mit ſolcher auf-acht/ daß ſich auch ein einiger
ſpihl-kampf/ eh er ein aͤnde gewůnnen konte/ zim-
lich lange verzohg.

Gewan di Heldinne/ ſo gahb ſi aus hoͤhfligkeit
ſeiner gunſt di ſchuld/ daß er ſi wuͤllig haͤtte gewůn-
nen lahſſen; und di zu-ſchauer ſchriben es ihrer
ſchoͤhnheit zu: dehr eine den augen/ di durch ihre
ſtrahlende macht obgeſiget haͤtten; der andere dem
munde/ dehr durch ſeine wunder-rohte farbe
des Markholds augen verblaͤndet/ oder ihn durch
ſeine wohl-ſpraͤchligkeit verwuͤrret und zu ruͤkke ge-
halten haͤtte. Wan aber der Markhold obſigete/
welches doch nicht mehr als ein-mahl geſchahe/
ſo ſahgte ſo wohl er als di andern alle zugleich/ daß
es nicht aus ihrem verſaͤhen/ ſondern aus einer
guͤht-wülligen uͤbergabe/ indaͤhm ſi ihm gaͤrn ein-
mahl ůber ſich ſelbſt di oberhand haͤtte goͤnnen wol-
len/ geſchaͤhen waͤre.

Diſer ſchaͤrz waͤhret’ eine guhte zeit/ und der
abaͤnd ward raͤcht-ſchaffen luſtig hingebracht; wel-
ches dan auch dem Markhold/ indaͤhm er das alte
Leid nuhn wideruͤm ganz und gahr aus der acht ge-
ſchlagen hatte/ ſehr lihb wahr/ und ihn auch ſo weit
brachte/ daß er auf anhalten des Huld-reichs
ſtraks in ſeiner gegen-wart auf ihre gehaltene drei
ſchlachten oder Jungfer-ſpihle diſes nahchfolgen-
de lihd verfaſſete.

Als Markhold diſes lihd verfaͤrtiget hatte/ ſo
gahb er ſolches in einem von Papihr geſchnittenen
haͤrz- oder zweifaͤls-knohdten geſchriben/ dem
Huldreich/ dehr es nahch-mahls auch in franzoͤſi-
ſche reimen uͤber-brachte/ und beides der Heldinne
von des Markholds waͤgen zu-ſtaͤllte. Di franzoͤ-
ſiſchen tichtlinge waren ohn-gefaͤhr folgender ge-
ſtalt entworfen:

Diſes lihdlein/ dahr-innen Markhold der Pariſi-
ſchen Heldinnen Siges-gepraͤnge ſelbſten erhuhb/
gefihl ihr uͤber alle mahſſen/ ſonderlich weil es von
traͤu-deutſcher hand haͤhr-ruͤhrete/ und von einem
ſolchen maͤnſchen/ dehr ſeine nider-lage nicht leug-
nen/ ſondern/ ihr zur ehr’ und ruhm/ ſelbige vihl-
mehr aus-breiten wolte. Si wuſte ſich noch eins
ſo vihl/ daſi ſi als eine Franzinne ein hohch-deut-
ſches Helden-gemuͤhte von innen bezwungen/ als
wan ſi ihn nuhr aͤuſſerlich/ und auf daͤm Jungfer-
ſpihle (welches nihmand als daͤm wetter-waͤndi-
ſchen gluͤkk’/ und etlicher mahſſen ihrem fleiſſe zu zu
ſchreiben waͤre) durch ihre geſchikligkeit uͤberwon-
nen haͤtte: und Markhold beluſtigte ſich ſolcher ge-
ſtalt ſelbſten; und wahr üm ſo vihl daͤs-zu froͤhli-
cher/ daß ſein lihdlein ſolch’ eine guhte herbaͤrgebe-
kommen hatte; auch kont’ ihn daͤs-halben ſeine
Roſemund nicht verdaͤnken/ daß er ſich in ihrem
abwaͤſen/ und bei ſolcher zu-faͤlligen gelaͤgenheit mit
einer aus-laͤnderin nuhr ſchaͤrz- und ſpihl-weiſe be-
luſtiget hatte; weil er nichts daͤs zu weniger ſeiner
pfluͤcht/ di ihr ſein haͤrz unzerbruͤchlich zu halten
verſprochchen hatte/ mit hoͤhchſter obacht nahch-
kahm/ und nichts im geringſten beging/ daß ihrer
beider libe nahch-teilig ſein moͤchte.

Nuhn wollen wihr uns wideruͤm zu den Amſte-
linnen begaͤben/ zu ſaͤhen/ wi unſerer Roſemund
das ſchreiben ihres lihbſten gefallen wuͤrd: wihr
waͤrden ſi gleich bei einem brunnen antraͤffen/ da ſi
ſich in ihrer einſamkeit ůber di mit-buhler des
Markholds/ welche ſi taͤhglich verfolgen/ unange-
ſaͤhen/
[137]anderes Buhch.
[ſ]aͤhen/ daß ſi ihnen dahr- aus kein gehoͤhr gaͤben
[w]uͤl/ ſo erbaͤrmlicher weiſe beklaget.

Di arm-ſaͤlige ſtehet in angſt/ und weus nicht/
[w]o ſi aͤndlich noch hinfluͤhen ſol: ſi weinet von haͤr-
[z]en/ und betrauret ihren Markhold ſo ſchmaͤrzlich/
[d]aß ſi ſich kaum mehr beſuͤnnet: Si wuͤl von keinem
[a]ndern in ewigkeit wuͤſſen; ſi wůl kein mans-bild
[a]nſaͤhen/ vihl weniger beruͤhren/ als ihren einigen
Markhold: dan (ſahgte ſi bei ſich ſelbſt) wan es jah
der himmel alſo fuͤget/ und mein hartes verhaͤng-
nuͤs mihr dis-falls ſo gahr zu wider iſt/ daß ich ſei-
ner nicht teilhaftig waͤrden kan/ ſo wuͤl ich doch mei-
nem einig-haͤrz-gelihbten nichts daͤs-zu weniger
fohr Got und fohr der ganzen waͤlt mit einem kraͤf-
tigẽ eid-ſchwure betaͤuren/ daß ich keines einigen an-
dern maͤnſchens leib-geſchwohrne ſein wuͤl/ und kei-
nen andern ihmahls zu ſaͤhen/ ich ſchweige zu liben
begaͤhre/ als den Markhold alein. Hingegen (fuhr
ſi fort) ob ich mich gleich ſo faͤſt und mit einem ſol-
chen unauf-loͤhſelichen bande/ ihm aus libe/ verbuͤn-
de; ſo wuͤl ich doch nicht/ daß Er gebunden ſei: und
wan es unſere zwei-ſpaͤltige laͤhre nicht geſtatten
kan/ daß er der meinige waͤrde/ ſo gaͤhb’ ich ihn
allezeit frei/ und wuͤl durchaus nicht/ daß er mihr zu
libe di ehliche Libe gahr verlahſſen ſol. Es waͤr’ un-
verantwortlich/ daß er als di einige hofnung ſeines
geſchlaͤchts/ und di einige ſpruhſſe aus ſeinem vaͤ-
terlichen Stamme/ ſeinen namen/ dehn Rohm
ſchohn fohr ſo vilen hundert jahren gekaͤnnet hat/
ſelbſt lihſſe zu nichte waͤrden/ und daß ich aͤben den
untergang ſeines uhr-alten bluhtes veruhrſachchen
ſolte. o das ſei faͤrne!

Gleich damahls/ als ſi ſich mit ſolchen klaͤhgli-
chen gedanken ſchluge/ kahm der Adelmund kam-
mer-knabe/ und uͤberluͤfert’ ihr von ſeiner Jung-
frauen waͤgen des Markholds ſchreiben/ mit dehm
anhange/ daß/ wo nicht Markhold ſchohn auf dem
waͤge/
[138]Der Adriatiſchen Roſemund
waͤge/ doch gleich-wohl des ſuͤnnes waͤre/ ſeine růk-
reiſe wider nahch Holland zu zu naͤhmen.

Diſe froͤliche zeitung erfraͤuete ſi dehr-geſtalt/ daß
ſi ihres angetahnen leides und ihrer ſchmaͤrzen ganz
vergahs/ ſonderlich/ als ſi Markhold daͤſſen mit eig-
ner hand verſicherte. Wehr (ſahgte ſi bei ſich ſelbſt)
iſt nuhn glůkſaͤliger als ich/ weil ſolch-ein raͤtter
meiner Libe und meiner traͤue entſaz zu leiſten ge-
ſonnen iſt/ und mihr zu Libe von einer ſo gefaͤhrli-
chen reiſe (dan er wahr anfangs gewuͤllet in Sizi-
lien zu zůhen) abſtaͤhet: weil er mihr ſolche maͤrkli-
che wahr-zeůchen einer ungefaͤrbten Libe blikken laͤſ-
ſet/ und meinem floͤhen ſolche geneugte ohren ver-
leihet. Jch habe mich nuhn nichts mehr zu befah-
ren/ weil er ſo nahe iſt; ich laͤbe nuhn auſſer aller
furcht/ und darf mich ům nichtes mehr bekuͤmmern/
als wi ich ihn mit hoͤchſter ehr-erbütung entfan-
gen ſol.

Si hatte diſes ihres Haͤrz-aller-lihbſten ſchrei-
ben kaum durch-gelaͤſen/ als ſi di Adelmund/ welche
gleich bei ihrem Hern Vater gewaͤſen wahr/ und
ihm einen unter-dihnſtlichen gruhs des Markholds
waͤgen vermaͤldet hatte/ von faͤrnen ankommen ſa-
he. Diſer anblik erfraͤuete ſi noch eins ſo ſehr/
dan ſi gedachte nuhn noch mehr und vihl gewuͤſſe-
re zeitung von ihres Markholds kuͤnftiger ankunft
zu erfahren/ dehr-geſtalt/ daß ſi ihr mit gahr ge-
ſchwůndem gange/ gleichſam als wan ſi geflogen
haͤtte/ entgegen eilete.

Diſes aͤhdle zwei entfing ſich mit ſolcher hoͤhf-
ligkeit und libes-bezeugungen/ als ihmahls unter
haͤrzens-fraͤundinnen/ und traͤuen hoͤhflingen
fohr-gaͤhen kan. Aber di fraͤude der Roſemund
waͤhrete nicht lange: dan ſo bald ſi von ihrer fraͤun-
din vernahm/ daß ſich ihr Her Vater zu diſen des
Markholds fuͤhr-geſchlagenen beduͤngungen ganz
und gahr nicht verſtaͤhen wolte/ ſo geriht ſi in eine
tuͤhffe
[139]anderes Buhch.
[t]uͤhffe ſchwaͤhr-muͤhtigkeit/ und ward wideruͤm
[ſ]o haͤftig betruͤhbt/ als ſi kurz zufohr erfraͤuet ge-
[w]aͤſen wahr/ dehr-geſtalt/ daß Adelmund gnug zu
[tu]hn hatte/ ihre Fraͤundin zu eroͤhſten/ und in ih-
[r]er bekümmernüs auf zu ruͤchten. Ach! (ſahgte
[ſi]) wan es dan nuhn jah nicht ſein kan/ und weil
[m]ein Vater mich alſo/ mein Glaubens-bekaͤnt-
[n]uͤs zu behalten/ zwůngen wůl/ unangeſaͤhen/ daß
mein gewuͤſſen einen ſolchen unbilligen zwang
nicht vertragen mahg/ ſo mus ich mich dan aͤndlich
zu friden ſtaͤllen/ und mit geduld mein laͤben in
einſamkeit verſchluͤhſſen. Mein Vater ſol mich
zwahr wohl verhintern/ und hat auch macht dahr-
zu/ (wiwohl er ſolches/ wan ihm nuhr Markhold ſei-
me zwe fohr-ſchlaͤge pfluͤchtlich zu halten verſpruͤcht/
mit nichten zu tuhn geſoñen iſt) daß ich ihn nicht eh-
lichen waͤrde; aber mein Glaubens-bekaͤntnüs zu
aͤndern/ weil mich meine Fraͤundin eines vihl baͤſſe-
ren unterrüchtet hat/ ſol er mihr nim̃ermehr verbuͤ-
ten; und wuͤrd er mich gleich gahr enterben/ und aus
ſeiner fraͤundſchaft und vaͤterlichen libe ausſchlůhſ-
ſen/ ſo ſchwoͤr’ ich ihm/ daß ich doch von diſer durch
den heiligen Geiſt eingegaͤbenen meinung nicht ab-
ſtaͤhen wůl. Jch wuͤl liber alles fahren lahſſen/ wan
ich nuhr diſen ſchaz erhalte; das zeitliche iſt mihr
verhaſſt/ und das ewige macht mich muhtig. Ja
wehr wolte mich verdaͤnken/ wan ich nuhn alles
das meinige uͤm eines wahren ſaͤhlig-machchen-
den Glaubens-bekaͤntnuͤſſes wuͤllen verlahſſen
muͤſſte/ und mich nahch-mahls mit meinem Lihb-
ſten/ dehn ich naͤhchſt Got ůber alle ſchaͤzze der
waͤlt libe/ in beſtaͤndiger traͤue zu laͤben/ und
nimmermehr von ihm ab zu lahſſen verpfluͤch-
ten wuͤrde! Dan ſo mich mein Vater enter-
bet (welches ich liber wuͤndſchen wolte/ als di-
ſer zwe aͤhdlen ſchaͤzz’ entbaͤhren) oder aus ſei-
nen augen ewig verſtohſſen haͤtte/ wehr wolte
nahch-
[140]Der Adriatiſchen Roſemund
nahchmahls uns (wan Markhold anders eine ver-
ſtohſſene zu liben begaͤhret) verbůten ehlich mit
einander zu laͤben/ und das uͤbrige unſerer jahre in
vergnuͤgung unſerer ſelbſt/ und in einem geruhigen
zuſtande zu verſchluͤhſſen?

Als ſi diſes aus-geraͤdet hatte/ ſo hihlt ſi eine
guhte zeit inne/ damit ſi ihren traͤhnen/ welche Adel-
mund aͤben ſo wohl vergos als ſi ſelbſt/ daͤs zu baͤſ-
ſer verhaͤngen moͤchte. Si waren alle beide betruͤ-
bet/ und Adelmund/ an ſtat/ daß ſi ihrer Fraͤundin
trohſt zu-ſpraͤchchen ſolte/ beklahgte ſi/ und half ihr
den ſchmaͤrzen nuhr mehr und mehr vergroͤhſſern.
Laͤtslich huhb Roſemund an ſich ſelbſt zu troͤhſten/
und ſahgte/ daß vihl-leicht bei ſeiner wider-kunft
noch alles guht waͤrden wuͤrde/ weil ſi wohl wuͤſte/
daß ihr Her Vater ihm ſehr gewogen waͤre/ und
ſeiner alle-zeit im baͤſten erwaͤhnete/ dehr-geſtalt/
daß man nicht zweiſaͤln duͤrfte/ der Suͤnnebald
wuͤrde ſich laͤtslich beraͤden lahſſen/ und ihn ſolcher
unbilligen verſchreib- und verpfluͤchtung der beiden
beduͤngungen uͤberhoͤben.

Adelmund/ wiwohl ſi gahr klein-laut dahr-uͤber
wahr/ und aller-dinge keinen muht hihr-zu hatte/ ſo
bekraͤftigte ſi doch ihre meinung mit guht-heiſſen/
und brachte laͤtslich ihre Fraͤundin wider zu raͤchte:
dehr-geſtalt daß ſi diſe traurige raͤden verlihs/ und
ſich auf ein luſtigers geſpraͤche begahb. Si erzaͤhlt’
ihr/ wi Markhold/ ſi wuſte nicht wi/ oder durch was
mittel/ ein lihdlein/ welches ſi auf eine zeit/ als ſi
ſchon das ſchaͤhffer-laͤben angefangen/ ihm zu gefal-
len gemacht/ und an eine linde gehaͤftet haͤtte/ zu ge-
ſichte bekommen/ und ihr ein anderes Getichte dahr-
gegen ůberſchikte/ welches er (wi in ſeinem ſchreiben
maͤldung geſchahe) an der Saͤhnen in eine linde ge-
ſchnidten haͤtte/ und in ſolchem diſe vihr tichtlinge/
di ſi ihrer ſonderlichen ahrt waͤgen gahr eigentlich
behalten haͤtte/ dabrbei gefüget:

Si erzaͤhlt’ ihr weiter/ wi er ſi beraͤden wolte/
daß er ſolches ihr lihdlein ohn-gefaͤhr zu Parihs in
der Koͤnigin Luſt-gange bei der Saͤhnen an einer
linden gefunden haͤtte; und wi er ihr verſprochchen/
ſi in kurzen an-waͤſendlich zu erfraͤuen.

Als ſi nuhn noch eine guhte weile von einem und
daͤm andern/ wi das Frauen-zimmer zu tuhn pflaͤ-
get/ ſprache gehalten hatten/ und der abaͤnd nuhn-
mehr haͤrzu nahete/ ſo nahm Adelmund ihren ab-
ſchihd; und di wunder-ſchone Roſemund/ nahch-
daͤhm ſi ihre ſchahffe verſorget/ und in di hürten in
ſichcherheit gebracht hatte/ begahb ſich auch in ihre
ſchaͤhffer-wohnung/ alda ſi ihres traͤuen Mark-
holds ſchreiben noch ein-mahl uͤber-ſahe/ und di
uͤbrige abaͤnd-zeit mit allerhand ſ[ü]hſſen verzuͤkkun-
gen und anmuhtigen gedanken zu-brachte: bis
aͤndlich der ſchlahf ihre ſchoͤnen augen uͤbermeiſter-
te/ und ihr mit mancherlei an-naͤhmlichen traͤumen
auch di nacht-ruhe ſelbſten ih mehr und mehr ver-
ſuͤhſſete.

Aende daͤs zwelten Buches.

Der Adriatiſchen
ROSEMVND
drittes Buhch.

WEil es annoch unſere Roſemund in
ſolchen ſuͤhſſen traͤumen/ di ihr des
Markholds fohr-gebildeter an-waͤ-
ſenheit ſo ſcheinbahrlich genůhſſen
lahſſen/ zu verſtoͤhren/ und ſolch’ eine
Schoͤne gleich zur unzeit wakker zu machchen/ alzu
fruͤh und unbillig iſt; ſo wollen wihr ſi vihl-liber
noch eine zeit ſchlahffen lahſſen/ und uns unterdaͤſ-
ſen zu ihrem lihbſten Markhold begaͤben: damit
wihr ihn von Parihs nahch Holland begleiten haͤl-
fen/ und der Roſemund ſeine froͤhliche widerkunft
ankuͤndigen lahſſen.

Der tahg wahr ſo bald nicht angebrochchen/ als
ſich Markhold ſchohn zu Schloſſe begaͤben wolte/
damit er ſich mit ſeiner Lands-fraͤundin/ der De-
muht/ nahch ſeiner zuſage/ etlicher ſachchen waͤgen
beraht-ſchlagen moͤchte: dan ſi hatt’ ihn noch fohri-
gen abaͤnd wuͤſſen lahſſen/ daß di Herzogin/ mit wel-
cher er nuhr fohr dreien wochchẽ wahr bekant wor-
den/ und eine ſonderliche gnade von ihr entfangen
hatte/ ſehr frůh auf das koͤnigliche ſchlos (welches
ohngefaͤhr eines halben tages reiſe von Parihs ge-
laͤgen iſt) mit ihrem Frauen-zimmer verreiſen/ und
ſi/ nahch-daͤhm ſi ſich/ bewuſſter geſchaͤfte waͤgen/
krank geſtaͤllet haͤtte/ daheime bleiben wuͤrde.

Er ward von diſer krank-geſtaͤlten Jungfrau/ ſo
bald als er angelanget wahr/ mit fraͤuden entfan-
gen/ und in der Fuͤrſtin geheimes zim̃er gefůhret/ al-
da ſi unverhindert ihrer ſachchen waͤgen mit einan-
der raͤden konten. Markhold gahb ihr unter andern
zu verſtaͤhen/ daß er ſchreiben aus Hol-und Hohch-
deutſch-
[143]drittes Buhch.
deutſch-land bekom̃en haͤtte/ di ihn mit ganzer macht
zu ruͤkke forterten/ und weil er morgen/ wan ihre
Fuͤrſtliche Durchleuchtigkeit wuͤrde wider-kommen
ſein/ geſonnen waͤre/ ſeinen abſchihd zu naͤhmen; ſo
wolt’ er ſi (ſagt’ er) gebaͤhten haben/ daß ſi ihm doch
unbeſchwaͤret guhten raht mit-teilete/ wi er ſich am
baͤſſten von daͤm Fuͤrſtlichen Fraͤulein lohs-mach-
chen koͤnte; nahch daͤhm mahl er wohl wuͤſſte/ daß
ſi ihn ſchwaͤhrlich wuͤrde zuͤhen lahſſen/ und ihm ſol-
che verheiſſungen und fohr-ſchlaͤge tuhn/ wi dan
ſchohn albereit geſchaͤhen waͤre/ daß er vihl-leicht
muͤſſte gehorchen/ und ſich ihrem gnadigſten wuͤllen
noht-dr[ü]nglich unter-waͤrfen.

Hihr-auf gahb ihm di Demuht zur antwort und
ſagte; mein Her/ wi wohl es mihr zum hoͤchſten zu
wider iſt/ daß ich ihn/ als den einigen Landes-
fraͤund/ jah den einigen bekanten/ dehn ich alhihr in
der fremde haben mahg/ und dehm ich mein anligen
vertraͤulich zu erkaͤnnen gaͤbe/ ſo geſchwuͤnde ver-
luͤhren ſol; ſo ſaͤh ich doch ſolches/ daß er von meinem
aller-gnaͤdigſten Fraͤulein ſeinen abſchihd naͤhmen
wuͤl/ nicht aller dinge fohr guht an: dan ich weus ſo
gewuͤs/ als ich hihr ſtaͤhe/ und di ehre habe ſeiner un-
ter-raͤdung zu genuͤhſſen/ daß das Fraͤulein ihn
nicht lahſſen wůrd. Druͤm/ wan er ſich jah durch
mein ſo vihl-faͤltiges floͤhen nicht laͤnger wuͤl hal-
ten lahſſen/ ſo wuͤl ich ihm noch gleich-wohl traͤulich
rahten/ daß er ſich nichts im geringſten gegen ih-
mand an unſerem hofe ſeines Abzugs waͤgen maͤr-
ken lahſſe/ auch der Fuͤrſtin ſelbſt nichts davon ſa-
ge/ ſondern/ ſo er jah einen abſchihd naͤhmen wůl/
ſo kan er nuhr fohrgaͤben/ daß ein guhter Fraͤund
zu Ruahn ankommen waͤre/ dehn er beſuchen wol-
te; und haͤrnahch/ ſo es ihm belibet/ ſo wuͤrd er ſol-
ches ſchohn auf das baͤſſte ſchriftlich zu verruͤchten
wuͤſſen/ was er izund muͤndlich zu tuhn gedaͤn-
ket.

Nahch-daͤhm nuhn diſer Fohr-ſchlahg dem
Markhold über alle mahſſen wohl-gefihl/ ſo be-
dankt’ er ſich zum hoͤhchſten gegen diſe kluhg-ſuͤñige
Jungfrau/ und begunte von ihr ſchohn ſeinen ab-
ſchihd zu naͤhmen. Es iſt mihr ſehr leid/ fing er an/
daß ich meine Jungfrau/ ſo gahr bald verlahſſen
mus/ nahchdaͤhm wihr unſerer fraͤundſchaft wohl-
befaͤſtigten grund-ſtein kaum gelaͤget/ und ich noch
nihmahls gelaͤgenheit haben moͤgen/ mich fuͤhr ſo
grohſſe wohl-tahten/ und ſolchen hohch-geneugten
wuͤllen/ dehn ſi mihr ihderzeit ſo offenhaͤrzig erzeu-
get hat/ dantbahrlich zu erweiſen. Damit ich aber
gleichwohl nuhr ein zeuchen/ daß ich mich gaͤrn
dankbahrlich erzeugen wolte/ blikken lahſſe/ ſo ver-
pfluͤcht’ ich mich zum hoͤhchſten/ jah ſolcher geſtalt/
daß ich ſonſt keinem einigen maͤnſchen in ganz
Frankreich zu tuhn geſuͤnnet bin/ daß ich ihr aller-
traͤueſter und unvermuͤdeſter Diner mein laͤbe-
lang verbleiben wül: Jah ich verhoffe/ ſolche meine
begihrde/ di ich meiner Jungfrauen auf zu dinen
trage/ noch ein-mahl zu erfuͤllen/ und vihl-leicht auf
ein’ andere zeit/ weil es jah izund nicht hat ſein koͤn-
nen/ meine ſchwachheit zweifach zu erſaͤzzen.

Ach! mein Her (fihl ſi ihm in di raͤde) wahr-
uͤm wuͤl er das-jenige mihr tuhn/ was ich ihm zu
leiſten ſchuldig bin! Jch habe mich vihl-mehr zu be-
danken/ daß er mihr hat di hohe ehre wider-fahren
lahſſen/ mich unter di zahl ſeiner Fraͤundinnen zu
raͤchnen/ als daß er ſich ſo hohch gegen mich ver-
pfluͤchtet/ daß ich gahr beſchaͤhmet bin/ ſolche hohe
gunſt mit ſolchem undank an zu naͤhmen. Jch ver-
ſichchere meinen Hern mit kurzen worten/ daß es
mihr allezeit hoͤhchſt-angenaͤhm gewaͤſen iſt/ wo ich
nuhr ſo geſchikt habe ſein koͤnnen/ ihm di geringſten
ehren-dihnſte zu leiſtẽ; und es ſol mihr auch hinführ
ganz nicht ſchwaͤhr fallen/ alles das-jenige zu tuhn/
wodurch ich mich einem ſolchen Fraͤunde/ wi er iſt/
verbuͤndlich machchen kan.

Als ſi nuhn in daͤm zim̃er eine guhte weile ver-
raͤulich mit einander geraͤdet hatten/ ſo fing
Markhold an/ und frahgte/ ob nicht der grohſſe
Sahl offen waͤre? dan er wolte gaͤrn hinauf gaͤ-
[h]en/ damit er noch fuͤhr ſeinem abzuge/ und izund/
[d]a di Hohf-jung-herrn naͤbenſt daͤm Frauen-zim-
mer/ mit daͤm Fraͤulein verreiſet waͤren/ di ge-
maͤhlder nahch gnuͤgen beſaͤhen koͤnte.

Jah/ wan mihr anderſt raͤcht iſt/ gahb De-
muht zur antwort/ ſo hab’ ich ihn noch izund/ eh
ich meinen Hern angenommen/ eroͤfnet geſaͤhen;
druͤm/ wan es ihm belihbt/ ſo wollen wihr hinü-
ber gaͤhen. Hihrauf boht ihr Markhold di hand/
und ſi gingen alſo ohn’ einiges maͤnſchen entgegen-
kunft auf den ſahl.

Das ehrſte gemaͤlde/ das Markhold auf der
raͤchten hand erblikte/ wahr der Saturn/ welcher
ſich auf ſeine ungeheure ſenſe geſtuͤzt hatte/ mit
tuͤhffen eingefallenen augen/ gerunzelter ſtirne/ ei-
ner habichts-naſ’ und bluht-truͤhffendem munde/ in
welchem noch ein ſtükke von einem zerfleiſchten kna-
ben hing. Jn der hand hihlt’ er ein halb-gefraͤſſenes
kind/ welches der mahler ſo kuͤnſtlich und ſo erbaͤrm-
lich fohrgeſtaͤllet hatte/ daß man ſich nicht gnug
dahrůber verwundern konte. Jn der linken ſeite di-
ſes kindes/ welche ganz eroͤfnet wahr/ ſahe man das
haͤrz ſo eigendlich und ſelblich ligen/ als wan es laͤ-
bete: es zitterte gleichſam/ und waͤndete ſich entbohr.
Des alten graͤuſer bahrt/ hing noch ganz fol bluh-
tes/ und wahr auch mit etlichen ſtuͤkken vom gehirne
der erbiſſenen kinder beſprůzt: di dik-beaͤderten aͤrme
waren ſo rauch wi ein igel/ und di naͤgel an den fin-
gern/ wi ahdlers klauen; di ſchenkel waren ſo unge-
ſtalt und ſo dürre/ daß einem ihden/ dehr ihn an-
ſahe/ ſchroͤkken und grauen ankahm. Fohr ſeinen
fůhſſen lahg ſolch-ein grohſſer hauffen tohdten-bei-
ne/ deren etliche bleich/ etliche noch halb mit fleiſch
Gbeklei-
[146]Der Adriatiſchen Roſemund
bekleidet waren/ und andere ehrſt anhuben das
fleiſch zu verlůhren. Auf den ſeiten ům ihn haͤhr ſa-
he man einen hauffen zerruͤtteter und verwuͤhſteter
ſchloͤſſer/ zerbrochne koͤnigs-kraͤnze und reichs-ſtaͤbe;
dehr-geſtalt/ daß es ihderman ein graͤuliches ent-
ſaͤzzen einjahgte.

Ein wenig weiter in den ſahl ſahe man den Pi-
rahm bei einem brunnen/ im bluhte ligen/ und di
Tiſbe/ ſeine Lihbſte/ ſaͤzt’ ihr ſeinen daͤgen in di
bruſt/ dehr-geſtalt/ daß das bluht hauffen-weiſe
uͤber den Pirahm hin-ſprůzte/ und ſich mit daͤm ſei-
nigen vermiſchte. Der maul-behr-baum/ dahr-un-
ter ſi lagen/ ſchihn gleichſam mit bluht’ uͤber und
uͤber beſpraͤngt/ dehr-geſtalt/ daß ſeine fruͤchte noch
halb weis/ und halb bluhtig waren. Von faͤrnen
ſtund ein junger leue/ welcher das ober-kleid der
Tiſbe zerfleiſchte/ und mit bluhte/ welches er noch
am rachchen klaͤben hatte/ beſchmuzte. Auf der raͤch-
ten ſeiten diſer ab-bildung hingen in einem weiſſen
taͤhflein diſe reimen mit gold geſchriben:

Auf der linken ſeite daͤs gemaͤldes waren auf ei-
nem rohten taͤhflein mit güldnen buhchſtaben fol-
gende worte zu laͤſen:

Straks bei diſem hing ein ůberaus ſchoͤnes ge-
maͤlde/ dahr-innen der tohd des ſchoͤnen Adohns/
dehn di Libinne ſo inbrůnſtig gelibet hat/ entwor-
fen wahr. Der Adohn ward von einem eber ver-
wundet/ welches ſo eigendlich abgebildet wahr/ daß
man faſt geſchworen haͤtte/ als waͤn man einen
raͤchten laͤbendigen jůngling zu boden fallen/ und
gleichſam in ſolchem fallen ſtaͤrben ſaͤhe. Di Libin-
ne kahm von dem Himmel haͤrab auf einem guͤld-
nen wagen mit zwe ſchwanen gezogen/ gleichſam
als wolte ſi ihrem Lihbſten entſaz leiſten/ und raufte
führ ſchmaͤrzen das hahr aus. unter diſem gemaͤlde
ſtunden folgende reimen:

Wideruͤm in einem andern/ ſahe man den ſchoͤ-
[n]en Jüngling Ganimedes auf einem ahdler un-
glaͤub-
[151]drittes Buhch.
glaͤublicher groͤhſſe/ welcher einen donner-kaͤul im
ſchnabel fuͤhrete. Der juͤngling wahr nahch ahrt der
indiſchen baͤrg-leute bekleidet/ fraͤch und geſund von
geſichte: di hahre waren gold-faͤrbig/ und hatten
ſich auf dem růkken in falten geſchlagen: di haut
wahr ſo weis wi ſchne/ und an etlichen oͤrtern mit
einer gelinden roͤhte vermiſchet: di blauen aͤderlein
an den armen und haͤnden waren ſo laͤhbhaft ent-
worfen/ und gaben dem leibe ſolch-ein lihbliches
aus-ſaͤhen/ daß man dahruͤber gleichſam gahr ver-
zuͤkt ward. Er ſtraͤuchelte mit der einen hand des
ahdlers kopf/ und mit der andern wolt’ er dem Ju-
piter/ welcher auf ſeinem reichs-ſtuhle ſtraks naͤben
ihm ſahs/ den donner-kaͤul aus der hand naͤhmen.
Ein wenig auf der ſeiten ſahe man den baͤchcher/
dahraus diſer kleine ſchaͤnke den Goͤttern mit Him-
mels-trank aufdinet/ mit einer guͤldnen ſchale fol
rohtes weines; auf welchem/ als wan er gleichſam
nuhr izund eingeſchaͤnkt waͤre/ ein ſtaͤrbe-rohter
giſch und etliche blaͤhslein ſtunden.

Sonſten hingen auf ſelbiger ſeiten keine andere
gemaͤlder/ als lauter fremde Frauen-trachten/ als
Hohch-deutſche/ meiſniſche/ ſaͤchſiſche und ſchwaͤbi-
ſche; Perſiſche/ tuͤrkiſche/ waͤlſche/ aͤngliſche/ bra-
bandiſche/ indiſche/ ja was man fohr trachten erdaͤn-
ken konte/ diſelbigen waren alhihr zu ſchauen.

Laͤtslich kahmen ſigegen der tuͤhren uͤber an eine
ůberaus-koͤſtliche tafel/ in welcher di entfuͤhrung
der Helenen entworfen wahr. Bei diſem gemaͤlde
nuhn hihlt ſich Markhold eine guhte zeit auf/ und
erzaͤhlte ſeiner Fraͤundin di ganze trojiſche ge-
ſchicht. Als er aber ſahe/ daß es faſt mittahg
wahr/ ſo fing er ſchohn wideruͤm an von ſeinem ab-
ſchide zu raͤden/ und brauchte ſolche bewaͤhgliche
worte gegen di Demuht/ damit er ſi zur beſtaͤn-
digkeit in ihrem Glaubens-bekaͤntnuͤs ermahnte/
daß ſi bitterlich zu weinen anfing. Er baht ſi
G 4gleich-
[152]Der Adriatiſchen Roſemund
gleichſam/ daß ſi ſich durch eitele und vergaͤngliche
ehre nicht moͤchte bewaͤgen lahſſen/ di ewige zu ver-
ſchaͤrzen/ und ihrer hohch-anſaͤhnlichen Fraͤund-
ſchaft kein faͤrneres haͤrzeleid uͤber den hals zuͤhen:
dan er wuſſte wohl/ daß ſi das Fraͤulein ům-ſonſt
nicht ſo in ehren hihlt’/ und daß es aͤndlich uͤm ſi
wohl wuͤrde gefahr haben.

Laͤtslich/ weil er ſich nuhn wideruͤm nahch hauſe
begaͤben muſſte/ ſo wolt’ er ſich gegen ſi noch ein-
mahl beklagen/ daß er nuhn ſo undankbahr von ihr
waͤg-zůhen folte/ und ſich zu ihren dihnſten faͤrner
verpfluͤchten. Alein ſi baht ihn mit weinendẽ augen;
er wolle doch (ſahgte ſi) mit ſolchen worten inne hal-
ten/ uñ meine ſchmaͤrzen nicht noch mehr veraͤrgen.

Als ſi ſich nuhn haͤr-uͤm nahch der andern ſeite des
ſahles/ wo ſi noch nicht gewaͤſen waren/ zu waͤnde-
ten/ und gleich hinaus-gaͤhen wolten/ ſo erſahen ſi
eine hof-jnngfrau der Fuͤrſtin/ welche daheim gebli-
ben wahr/ in einem winkel am tage-leuchter ſizzen/
di ihnen di ganze zeit über zu-gehoͤret hatte; weil ſi
aber di deutſche ſprache nicht verſtund/ ſo hatten ſi
ſich keines verrahts zu befahren. Doch gleich-wohl
erſchraht di Demuht haͤftig uͤber ſolchen anblik/ als
wan ihr ein grohſſer unfal begegnet waͤre; ſonder-
lich/ weil ſi noch weinte/ und di augen fol traͤhnen
ſtunden: dan ſi befürchtete ſich eines arg-wahns.
Druͤm baht ſi den Markhold/ daß er mit hin zu ihr
gaͤhen wolte/ damit ſi ſich ihres weinens halben
entſchuldigen moͤchte.

So bald ſi ſich nuhn nahch diſer hohf-jungfrau-
en zu waͤndeten/ ſo erhuhb ſi ſich/ kahm ihnen entge-
gen/ und frahgte ſtraks/ wahruͤm di Demuht ſo be-
[t]ruͤhbt aus-ſaͤhe. wohr-auf ſi zur antwort gahb/
daß ihr der tohd zweier Lihbſten/ des Pirams und
der Tiſbe/ welcher in jener tafel entworfen waͤre/ ſo
haͤftig gejammert haͤtte/ daß ſi ihren unfal haͤtte be-
weinen muͤſſen. Zu-daͤhm/ ſo waͤre di zerſtoͤhrung
der
[153]drittes Buhch.
ſtat Troja/ di ihr bei daͤm hinterſten gemaͤlde von
dem Markhold erzaͤhlet worden/ noch dahr-zu kom-
men/ und haͤtte ſolches ihr weh-leiden aufs naͤue
gehaͤuffet.

Mit diſen hoͤhflichen ſchwaͤnken muſte ſich ſelbige
hohf-jungfrau genuͤgen lahſſen/ und kont ihrer
traͤhnen halben keinen andern beruͤcht bekommen.
Dan Markhold/ als er zufohr di hohf-jungfrau ge-
gruͤhſſet hatte/ boht ſeiner Fraͤundin alſo-bald di
hand/ und fuͤhrete ſi wideruͤm in ihr zimmer; da er
folgendes ſeinen abſchihd nahm/ und ſich/ nahch-
daͤhm ihn diſe ahdliche jungfrau zum hoͤhchſten
vergnuͤget hatte/ nahch hauſe begahb.

Des andern tages beſuhcht’ er di Herzogin auch/ di
nuhnmehr ihren luſt-wandel verruͤchtet hatte/ und
gahb ihr untertaͤhnigſt zu vernaͤhmẽ/ wi daß er von
einem ſeiner guhten Landes-fraͤunde/ dehr ſich izund
zu Ruahn aufhihlte/ ſchreiben bekommen haͤtte/ und
nuhn geſonnen waͤre/ ihn auf ſein einladen zu beſu-
chen/ welches er ihrer fürſtlichen Durchleuchtigkeit
gleich-wohl zu-fohr vermaͤlden wollen/ damit Si
ſich/ wan Si etwan ſeiner geringen dihnſt’ in ſeinem
abwaͤſen moͤchte von noͤhten haben/ nicht vergaͤhb-
lich bemůhen duͤrfte/ ihn ſuchen zu lahſſen.

Diſe junge Fuͤrſtin (dan ſi wahr aͤben in einem
ſolchen alter/ welches ehrſt raͤcht zu blůhen begunte)
gahb ihm eine ganz-gnaͤdige antwort; daß es ſol-
cher anmaͤldung gahr nicht von noͤhten gewaͤſen
waͤre; und ihr anſaͤhen wuͤrde hihrdurch/ wan ſi ihn
gleich ein-mahl vergaͤbens haͤtte beſchikken lahſſen/
nicht ſein geringer worden. Daß er Si nuhr auf
ſolche weiſe zu ſeiner gunſt und wohl-gewogenheit
noch mehr zu verpflüchten/ und ihm wohl zu tuhn/
mit ſolcher hoͤhflichen ahrtigkeit/ gleichſam zu
zwuͤngen wuͤſſte.

Markhold nahm alſo ſeinen abſchihd/ und wi-
wohl ihn das Fraͤulein noͤhtigte/ daß er noch eine
G 5weile
[154]Der Adriatiſchen Roſemund
weile verharren moͤchte/ ſo entſchuldigt’ er ſich
doch auf das baͤſt’ als er konte/ [vnd] gahb Jhrer
fuͤrſtl. Gnaden untertaͤhnigſt zu vernaͤhmen/ wi
vihl noht-waͤndige ſachchen er noch zu beſtaͤllen
haͤtte/ und morgen mit daͤm fruͤheſten auf zu braͤch-
chen gedaͤchte; dehr-geſtalt/ daß ihm gewülliget
ward ſeinen abſchihd zu naͤhmen.

Als nuhn di Demuht (welche diſe Fürſtin ſo
uͤber-aus lihb hatte/ daß ſie allezeit uͤm ſi ſein muſ-
ſte/ und dehr Si alle ihre heimligkeiten an-ver-
traute) gewahr ward/ daß Markhold von daͤm
Fraͤulein ſeinen abſchihd nahm/ und di reihe
nuhn an ſi auch kommen wuͤrde/ ſo machte ſi ſich
eilend aus der kammer/ damit ſi der Fuͤrſtin durch
ihre traͤhnen (dan ſi konte ſich derer doch nicht
enthalten) keine uhrſachche gaͤbe/ etwas frem-
des zu muht-mahſſen: dehr-geſtalt/ daß Mark-
hold diſe ſeine geneugte Raht-gaͤberin zwahr
zu guhter laͤtſte mit ſeinen augen bis an das bei-
zimmer verfolgen/ aber gleich-wohl nicht geſaͤg-
nen konte.

Di Fuͤrſtin/ welche ſolche ihre flucht ſtraks an ſei-
nem geſichte wahr-nahm/ kaͤhrete ſich nahch ihrer
liben und getraͤuen Demuht ům/ und ſah’ ihr
aͤbener mahſſen nahch. Gleich-wohl wolte ſi di-
ſer fluͤchtigen nicht zu-ruhffen/ di uhrſachche ihres
geſchwuͤnden abtrits zu erforſchen: dan ſi bildet’
ihr dasjenige ganz und gahr nicht ein/ das diſe
Schoͤne wuſte/ und waͤs-waͤgen ſi ſich aus daͤm
zimmer zu ſtaͤhlen/ ſo eilend bemuͤhete. Di zeit
aber/ als di verraͤhterin aller heimligkeiten/ laͤh-
rete ſi ſolches nicht lange dahrnahch. Dan es wa-
ren kaum fuͤnf wochchen verfloſſen/ als der
Markhold Jhre Fuͤrſtl. Durchleuchtigkeit von
Ruahn ab mit ſchreiben berůchtete/ daß er in
ſein vater-land gefortert wuͤrde; weil aber ſol-
thes ſo eilend geſchaͤhen můſſte/ und ihm ſo vihl
zeit
[155]drittes Buhch.
zeit nicht ůbrig waͤre/ von Jhrer fuͤrſtl. Hoheit
můndlichen abſchihd zu naͤhmen/ ſo wůrde ſi ihn
aller-gnaͤdigſter verzeuhung wurdigen/ wan er ge-
zwungen wuͤrde/ ſolches ſchriftlich zu tuhn. Jn daͤſ-
ſen laͤhbt’ er noch der guhten hofnung/ daß er ſich
in kurzen wideruͤm zu ihren dihnſten verfuͤgen/ und
ſeinem allergnaͤdigſten Fraͤulein mehr annaͤhm-
lich machchen wůrde.

Jn waͤrender diſer zeit nuhn/ daß ſich Mark-
hold zu Ruahn aufhihlt/ ergaͤzt’ er ſich mit aller-
hand zeit-verkuͤrzungen. Er hatte ſich kaum drei
wochchen daſelbſten aufgehalten/ als das feier des
Wein-gottes/ fohr der Faſten mit aller hand auf-
zügen und ahrtigen mummereien von etlichen fůhr-
naͤhmen bürgers-ſoͤhnen begangen ward.

Der ehrſte auf-zug wahr der hoffenden/ in blau-
er tracht/ mit weiſſen mum-geſichtern/ und hatte
ein ihglicher ein ganzes ſchif mit allem zugehoͤhr
auf daͤm haͤubte. Der andere wahr der halb-tohd-
ten/ ohn-gefaͤhr bei vihrzig pfaͤrden in fahler
tracht/ mit ſchwarz-weiſſen mum-geſichtern. Der
dritte wahr der fiſcher/ auch in weiſſer leinen
tracht/ mit waſſer-fahlen mum-geſichtern und fi-
ſcher-reiſen/ in welchen kleine gruͤndlinge hihr
und dahr zwiſchen den weiden hingen/ auf daͤm
haͤubte. Der vihrte ſtaͤllte fohr di jaͤgerei/ dahr-
innen man zwoͤlf reiter mit hirſch-haͤuten uͤber-
zogen/ und zwe mit baͤhr-haͤuten ſahe: der eine baͤhr-
hatt’ eine zige unter dem arm’/ dahrinnen eine
ſak-pfeiffe verborgen wahr/ damit er unter wei-
len zu blaſen anfing. Der fuͤnfte wahr der wahr-
haftigen/ welche ganz ſchlohs-weiſſe ſeidene kleider
und mum-geſichter hatten. Der ſechſte fuͤhrete di
halbe trauer/ uͤm ihren koͤnig/ dehr nuhn-mehr fohr
neun mahnden tohdes verblichchen wahr/ ohn
gefaͤhr bei dreißig pfaͤrden ſtark; di kleider waren
G 6von
[156]Der Adriatiſchen Roſemund
von ſchwarzen ſeidenem zeuge/ mit ſilbernen ſpizzen
verbraͤhmet. Jah es wahren noch vihl andere mehr/
welche nicht alein des tages ůber/ ſondern auch di
ganzen naͤchte durch waͤhreten.

Weil ſich nuhn diſe kunter-bunten aufzuͤge drei
tage nahch einander ſaͤhen lihſſen/ ſo begahb es ſich/
daß zwe hohchdeutſche von adel/ welche aͤben in
Frankreich kommen waren/ den Markhold am drit-
ten tage diſer mum-ſchanzereien ohngefaͤhr im ta-
ge-leuchter ligen ſahen/ und ihm über die ſtrahſſe/ da
ſi ſtunden/ mit dem huht’ einen wink gaben.

Markhold/ nahchdaͤhm er diſer ſeiner alten be-
kanten anſichtig ward/ erfraͤuete ſich uͤber alle mahſ-
ſen/ und lihs ſi zu ſich hinauf in ſein zimmer kom-
men/ in welchem ſchohn vihl ſeiner Lands-fraͤunde
teils diſen faſt-nachts-ſpilen zu-ſahen/ teils auch di
zeit mit allerhand kurzweiligen erzaͤhlungen zu-
brachten: dan es wahr von dem Markhold alſo an-
geſtaͤklet/ daß ein ihder eine wunder-oder ſonſt kurz-
weilige geſchicht/ di ſich bei ſeinem laͤben zu-getra-
gen haͤtte/ erzaͤhlen ſolte.

Als nuhn di reihe diſe beiden naͤukoͤmlinge trahf/
und ſi das ihrige auch dahr-zu gaͤben ſolten/ ſo ent-
ſchuldigten ſi ſich zwahr eine guhte zeit: aber auf
des Markholds anhalten bekwaͤhmeten ſi ſich aͤnd-
lich/ und weil er/ der Markhold/ zu verſtaͤhen gahb/
daß er den Luſt-wandel des Guhts-muhts/ dehn er
eines mahls (wi er noch fohr ſeinem abreiſen er-
fahren) mit der Wohl-ahrt verrüchtet haͤtte/ gaͤrn
hoͤren moͤchte; ſo fing der eine dehr-geſtalt an zu
raͤden.