Eingang.

TEutſchland hatte nunmehr den
dreiſſig-jaͤhrigen Krieg beygele-
get/ und der angenehme Friede
fieng allbereit an ſeine Fruͤchte
außzuſtreuen/ als ein groſſer
Herr/dem das Leben in den ver-
ſchloſſenen Feſtungen bißher gar verdrießlich
gefallen war/ ſich wiederumb auf ſeine Herr-
ſchafft begab und daſelbſt ſein zerſtoͤrtes
Schloß auf eine neue und ſchoͤnere Manier
anlegen ließ. Das Werck gieng wohl von
ſtatten/ die Mauern wurden aus dem aͤuſſer-
ſten Grunde wohl auffgefuͤhrt/ die Daͤcher
fuͤgten ſich zierlich zuſammen/ die Loſamenter
hatten ihre ordentliche Abtheilung/ und die
Sache kurtz zu geben/ ein ieder freuete ſich
ſchon/ den Pallaſt in wuͤrcklicher Vollkom-
menheit anzuſchauen. Doch wie es in den
Menſchlichen Sachen pflegt herzugehen/ daß
ſich die Hoffnung allzeit weiter erſtreckt/ als
die That ſelber: alſo befunden ſich die Leute in
ihrer Freude/ wo nicht betrogen/ doch ſehr lan-
ge
[11]
ge auffgehalten. Denn obgedachter Herr
fiel in eine ploͤtzliche Kranckheit/ ward auch von
dem herein brechenden Tode uͤbereilet/ daß er
kaum Zeit hatte ſeinen letzten Willen zu er-
klaͤren/ und in Ermangelung eigener Leibes-
Erben/ die naͤchſten Freunde im Teſtament
ordentlich zu bedencken. Was geſchach? die
Leiche wurde praͤchtig beygeſetzt/ und weinten
dieſelben am trotzigſten/ die ſich der Erbſchafft
wegen am [m]eiſtẽ freueten/ daß [m]an alſo wol in
die Trauer-Fahne haͤtte ſehreibẽ moͤgẽ: NUL-
LI JACTANTIUS MOERENT, QUAM
QUI MAXIME LÆTANTUR. Endlich
bey Eꝛoͤffnung des Teſtaments fand ſichs/ daß
dem jenigen/ der des Hauſes Beſitzer ſeyn
wuͤrde/ die Beſchwerung/ doch ohne ſeinen
Schaden aufferleget war/ den angefangenen
Bau nicht allein zu vollenden/ ſondern auch in
allen Stuͤcken ſo wohl in groſſen als in kleinen
dem auffgeſetzten Verzeichniß zu folgen. Nun
war gedachtes Verzeichniß ſo accurat einge-
richtet/ daß faſt nicht ein Balcken vergeſſen
war/ wo er ſolte eingeſchoben/ wie er ſolte be-
kleidet oder gemahlet/ wie er ſolte behobelt und
beſchnitzet werden. Was ſolte der Erbe thun?
wolte er den Pallaſt haben/ muſte er die bey-
gefuͤgte Condition eingehen. Und alſo ließ
er in dem Bau gar ſorgfaͤltig fort fahren/ ver-
A vjgaß
[12]
gaß auch nichts in Obacht zu nehmen/ wie es
vorgeſchrieben war. Nach langer Muͤh kam
er auf die Gemaͤcher/ die er mit allerhand
Schildeꝛeyen außputzen ſolte/ wie denn alle In-
ventiones ſchon vorgeſchrieben waren. Und
da war ein Saal/ bey dem die Verordnung
geſchehen/ es ſolten in den drey groſſen
Feldern der Thuͤre gegen uͤber die drey
aͤrgſten Narren auf der Welt abge-
mahlet werden. Jn dieſem Stuͤck erei-
gneten ſich nun groſſe Scrupel/ indem nie-
mand gewiß ſagen konte/ welches denn eben
in der groſſen und weitlaͤufftigen Narrenſchu-
le der Welt/ die 3. groͤſten und vornehmſten
Narren ſeyn muͤſten/ und ob nicht auf allen
Fall/ wenn ein Schluß ſolte getroffen werden/
man einen præcedentz Streit um die Narren-
Kappe/ oder wohl gar einen injurien-proceß
moͤchte an den Hals bekommen/ nach dem be-
kanten Sprichwort: Quo ſtultior, eò ſu-
perbior. Es fiel auch dieſes inconveniens
mit ein/ daß einer/ der ietzund ein kleiner Narr
waͤre/ in kurtzer Zeit mit einer hoͤhern Charge
moͤchte verſehen/ und vielleicht uͤber die Ober-
ſten geſetzet werden. Denn weil heute zu Ta-
ge die Ehre nichts iſt als ein bloſſer Titel/ ſo
koͤnte man leicht verſtehẽ was das heiſt/ Senio-
reſ ludunt titulis, ut pueriaſtragulis. Zwar
der
[13]
der Sache muſte endlich abgeholffen werden/
und kamen zu dem Ende die kluͤgſten deſſelbi-
gen Orts zuſammen/ ob ſie nicht in der zwei-
felhafftigen Frage koͤnten einen richtigen
Schluß treffen. Einer machte den Handel
ſehr ſchwer/ vorgebende/ er haͤtte auf ſeiner
Reiſe durch Ober-Sachſen/ in einem vorneh-
men Adelichen Hauſe einen Saal geſehn/ da
neun und neuntzig Narren waͤren abgemahlt
geweſen/ und waͤre noch ein ledig Feld gelaſ-
ſen worden/ wann ſich unverſehns irgend ei-
ner angegeben/ den der Mahler vergeſſen haͤt-
te. Dannenhero würde die Wahl unter ſo
vielen nicht gar zu leicht ſeyn. Ein ander gab
vor/ der waͤre der groͤſte Narr/ welcher die
groͤſten Schellen haͤtte: Aber er muſte ſich
berichten laſſen/ daß die meiſten Schellen
heimlich getragen wuͤrden/ ſonderlich nach
der Zeit/ da man unter den Baruquen und
breiten Huͤten viel verbergen koͤnte. Nach
langem Berathſchlagen/ fing ein alter Gruͤllẽ-
faͤnger/ der bißhero gantz ſtill geſchwiegen/ alſo
an: Jhr Herren/ was wolt ihr in dieſer Stu-
be die groͤſten Narren dergantzen Welt auß-
ſuchen/ ihr kommt mir vor als wie Peter
Sqventz/ der meinte/ weil er im Dorffe keinen
Pfarherr haͤtte und derowegen als Schul-
meiſter der oberſte zu Rumpels-Kirche waͤre/
A vijſo
[14]
ſo muͤſte er unfehlbar der Hoͤchſte in der gan[-]
tzen Welt ſeyn. Magnum \& parva ſunt re-
lata. Will einer nun wiſſen/ was in dieſem
oder jenem Stuͤcke das Groͤſte in der gantzen
Welt ſey/ der muß auch einen Blick in die
gantze Welt thun. Und ich halte/ der ſelige
Herr habe einen klugen Veſitzer ſeines Hau-
ſes dadurch beſtaͤtigen wollen/ indem ſolcher
Krafft der Bedingung/ ſich in der Welt zuvor
verſuchen/ und alſo in Betrachtung vielfaͤlti-
ger Narren/ deſto verſtaͤndiger werden muͤſte.
Dieſe Rede wolte dem jungen Faͤntgen nicht
zu Sinne/ daß er ſich ſo viel Meilen hinter den
Backofen verlauffen ſolte: abſonderlich war
ihm dieß zuwider/ daß er ſeine Liebſte ſo lange
verlaſſen muͤſte/ mit welcher er ſich/ nach der
Gewonheit aller reichen Erben/ verplempert
hatte. Aber es halff nichts/ wolte er nicht/ ſo
war ſchon ein ander da/ der es umb dieß Geld
thun wolte. Derhalben weil wider den Tod
kein Kꝛaut gewachſen war/ ſo ward unverzuͤg-
lich zu der Reiſe geſchickt/ und freueten ſich
die andern/ wenn dieſer auf dem langen We-
ge umbkaͤme/ in ſeinen Guͤtern zu bleiben. Es
machte ihm auch einer ein Propempticum,
und ſetzte dieſe Worte mit dazu:

Er meinte aber/ das waͤren die meliora fa-
ta,
[15]
ta, wenn er bald ſtuͤrbe und in den Himmel
kaͤme. Sit divus modo non vivus. Nun
waͤre ziel zu gedencken/ mit was vor naſſen
Augen der Abſchied genommen worden/ und
was ihm die Liebſte vor Lehren mit auf den
Weg gegeben/ wenn es nicht das Anſehen ge-
winnen moͤchte/ als waͤre dieſer Narren Auß-
koſter der erſte in dem Regiſter geweſen.
Drumb ſey nur kuͤrtzlich diß geſagt/ er reiſete
fort und nahm niemand mit ſich als drey Die-
ner/ einen Hofmeiſter/ einen alten Verwal-
ter/ der die Quartiermeiſter-Stelle vertreten
ſolte/ und einen Mahler/ daß man das Eben-
bild alſobald haben koͤnte/ wenn ſich der groͤ-
ſte Narr ſehen lieſſe. Lichter und Laternen
bedurfften ſie nicht/ denn ſie meinten/ ſie wol-
ten die Narren eher im Finſtern finden/ als
Diogenes die Menſchen am hellen Mittage.
Nun wir wollen die andern zu Hauſe/ und ab-
ſonderlich die Ubelauffſeher/ bey ihrer admini-
ſtration laſſen/ und wollen der ſchoͤnen Com-
pagnie zu allen wunderlichen und naͤrriſchen
Begebenheiten das Geleite geben.

CAP. I.

FLorindo der Herr ſelbſt/ Gelanor der
Hoffmeiſter/ und Eurylas der Verwalter/
zogen mit ihrem Mahler und drey Dienern
von dañen/ traffen auch innerhalb acht Tagen
wenig denckwuͤrdiges an. Weil es doch all-
zeit die Art mit den Leuten hat/ daß ſie nur
das jenige hochhalten/ was weit entlegen iſt;
und hingegen ihre eigene Sachen verachten
oder hindan ſetzen/nach dem Sprichwort: A-
ſinus peregrinus majori venit pretio, quàm
eqvus domeſticus. Alſo eileten ſie von ihrem
Vaterlande hinweg/ und meinten nicht in der
Nachbarſchafft viel meꝛckwuͤrdiges anzutref-
fen. Als ſie aber etliche funffzig Meilen hin-
rer ſich hatten/ kamen ſie auf den Abend ſehr
muͤde in das Wirthshaus. Der Wirth war
allem Anſehen nach ein feiner hoͤfflicher Mann/
der ſich gegen fremde Gaͤſte ſehr wohl anlaſſen
konte. Abſonderlich wuſte er ſich in Geſpraͤ-
chen mit iederman ſehr annehmlich aufzuhal-
ten/ daß die Compagnie vermeinte/ es wuͤrde
nun einmahl Zeit ſeyn/ etwas genauer in die
naͤrriſche Welt zu gucken. Fragten derowe-
gen/ ob nicht etwas ſonderliches in ſelbiger
Ge-
[17]
Gegend zu ſehen waͤre? der Wirth gab zur
Antwort/ es waͤre ein ſchlechter Ort/ da man
viel Raritaͤten nicht antreffen-wuͤrde: Doch
koͤnte er dieſes ruͤhmen/ daß eine Meile von dar
ein Warmes Bad ſey/ da nicht allein die
Natur viel vortreffliche Wunderwercke
zu erweiſen pflege: Sondern da auch al-
lerhand Gattung von groſſen und geringen
Leuten/ ſich haͤuffig antreffen lieſſen. Sie
baten/ weil ſie des Weges nicht kuͤndig/ moͤch-
te er ihnen das Geleite geben/ und ſolte er vor
gute Belohnung nicht ſorgen. Er bedachte
ſich etwas; doch nach wiederholter Bitte ſag-
te er ja/ und ward alſo noch den Abend zu der
Reiſe gewiſſe Anſtalt gemacht. Hierauff wur-
den ſie in ihre Schlaff-kammer gewieſen/ und
hatte ſich Florindo ſchon außgekleidet/ als der
Mahler geſchwind gelauffen kam/ mit dem
Bericht/ wofern ſie wolten einen Ertznarren
finden/ ſolten ſie ihm folgen. Sie waren froh/
und lieſſen ſich nicht auffhalten/ kamen auch in
aller Stille vor des Wirthes Kammerthuͤr/
da hoͤreten ſie/ wie die Frau mit dem Manne
expoſtulirte. Was/ ſagte ſie/ du ehrvergeſ-
ſener Vogel/ wilſtu wieder aus dem Hauſe
lauffen/ und mir die ſchweren Hausſorgen al-
lein auf dem Halſe laſſen? Haͤtten dich die kah-
len Schuͤffte vor 2. Jahren gemiethet/ ſo moͤch-
ten
[18]
ten ſie dich heuer vor einen Boten gebrauchen.
Jetzt biſtu mein Mann/ und deſſentwegen hab
ich dich in die Guͤter einſitzen laſſen/ daß du
mir pariren ſollſt. Oder haͤtteſtu wollen ein
Landlaͤuffer werden/ ſo haͤtteſtu eine Marcke-
tener-Hure moͤgen ausſuchen/ ich haͤtte doch
wohl ſo einen nackichten Bernheuter gekriegt.
Daß dich botz Regiment! mache mir es nicht
zu bund/ ſonſt werden meine Naͤgel mit dei-
nem Hurenſpiegel treffliche Cameradſchafft
machen. Gelt! du haſt Blaubeltzgen im war-
men Bade lange nicht beſucht? du elender
Teufel/ wenn du deine Haußarbeit recht ver-
ſorgen koͤnteſt! Hier fiel ihr der Mann in die
Rede;ach hertzallerliebſte Frau/ ſagt er/ war-
umb erzuͤrnet ihr euch doch uͤmb ſo eine gerin-
ge Sache/ ihr wiſſet ja/ daß ihr allzeit darauff
kranck werdet. Soll ich nicht mitreiſen/ ſo
ſagt mir es nur mit guten/ ich will von Hertzen
gern zu Hauſe bleiben/ thut nur eurer Geſund-
heit keinen ſolchen Schaden. Ach du Hunds-
ꝛc. fing ſie hingegen an / du haſt es wohl ver-
dient/ daß ich dir viel gute Worte geben ſoll/
wie lange hat das lauffen nun gewaͤhret/ und
wielange ſoll ich dein Schaubhuͤtgen ſeyn/ der
Hencker dancke dirs/ daß ich mir deinetwegen
das Hertze und das Leben abfreſſen muß/ und
rede mir nur kein Wort darzwiſchen/ ſonſten
wol-
[19]
wollen wir ſehen/ wer Herr im Hauſe iſt. Du
Bettelhund/ wer wareſtu/ als du in deinem
lauſichten Maͤntelgen angeſtochen kameſt/ da
dir das Hemd zu den Hoſen herauß hieng/ und
da dir der Steiß auf beyden Seiten herauß
guckte/ haͤtteſtu auch einen blutigen Heller ge-
habt/ wenn man dich haͤtte zu Boden geworf-
fen? Wer hat dich denn nun zum Manne ge-
macht/ du Eſel/ als eben ich? Und wer hat dir
beſſere Macht Ohrfeigen zu geben/ als eben
ich? Der Mann wolte etwas reden/ aber es
fing abſcheulich an zu klatſchen/ daß die Zuhoͤ-
renden geſchworen haͤtten/ der gute Kerle be-
kaͤme Maulſchellen/ da da/ du Berenhaͤuter/
rieff ſie/ da haſtu Geld auf die Reiſe/ du ver-
lauffener Schelm/ da haſtu die Lauge zum
warmen Bade/ warte/ ich will dir den Kopff
mit der Mandel-Keule wieder abtrocknen.
Der Mann muckste kaum dargegen/ nur biß-
wei’en murmelte er dieſe Worte: o meine
guͤldene hertzallerliebſte Frau/ was hab ich deñ
gethan? Endlich als das Gefechte lang genug
gewaͤhret/ und viel leicht feꝛtge Worte vergoſſẽ
worden/ ſagte die Frau: das ſoltu wiſſen/ du
eingemachter Eſelskopff/ daß ich dich nicht
weg ziehen laſſe/ und damit du zu Hauſe blei-
ben muſt/ ſiehe ſo wil ich dir Schuh und
Struͤmpfe verſtecken/ und ſolſtu morgen den
gan-
[20]
gantzen Tag zur Straffe barfuß gehn. Hier-
mit kam ſie an die Thuͤre/ und wolte die
Struͤmpfe herauß tragen/ da riß die Com-
pagnie wieder aus/ und verfuͤgte ſich in die
Schlaff-Kammer. Nun haͤtten ſie ſich ger-
ne uͤber den Narren verwundert/ aber uͤmb
den Schlaff nicht zu verſtoͤren/verſparten ſie
ſolches biß auf den andern Tag/ gaben unter-
deſſen dem Mahler Befehl/ ſich mit den Far-
ben fertig zu halten/ wenn er unverſehens den
elenden Sieman abmahlen muͤſte.

Fruͤh morgens gieng der gute Mann mit
ſeinen Grillen zu Rahte/ wie er ſich doch gut
genug entſchuldigen moͤchte/ wenn er von
Gaͤſten zur Reiſe gefordert wuͤrde/ vornem-
lich ſchaͤmte er ſich vor den fremden Leuten mit
nackichten Beinen zu erſcheinen/ und gleich-
wol kunte er die Sache nicht aͤndern/ doch zu
ſeinem Gluͤcke ſaß der Mahler in der Stube/
und machte die Farben zu rechte/der hatte nun
etwas in der Kam̃er oben vergeſſen/ und wolte
es holen/ indeſſen wiſchet der Wirth uͤber die
ſchwartze Farbe/ und beſtreichet ſich die bloſſen
Beine uͤber und uͤber/ daß zehen Blinden haͤt-
ten ſollen voruͤber gehen/ und nicht anders
dencken/ es waͤren rechte nette Engliſche
Struͤmpfe. Jn ſolchem Ornat ſteckte er
die Fuͤſſe in die Pantoffeln/ und ſprach
ſei-
[21]
ſeinen Gaͤſten zu/ fragte wie ſie geſchlaffen/
und ob ſie geſonnen/ nach dem warmen Bade
zu reiſen; Es ſey ihm hertzlich leid/ daß ſeiner
Liebſten dieſe Nacht ein ſchwerer Fluß auf die
Bruſt gefallen/ und er ſelbſt gezwungen wuͤr-
de hier zu bleiben/ und der annehmlichen Ge-
ſellſchafft zu entrathen. Solche entſchuldi-
gung wurde leicht angenom̃en/ und nachdem
das Fruͤhſtuͤck verzehret/ und der Wirth be-
zahlet/ namen ſie einen andern Wegweiſer/
und reiſeten auf erwehntes warmes Bad zu.
Unterwegens fieng Florindo an: Jſt dieſes nit
ein Anblick von einem rechtſchaffenem Haupt-
Narren/ daß ein Mann/ der doch wohl in der
Welt fort kom̃en koͤnte/ uͤm einer eiteln und
verdrießlichẽ Nahrung willẽ/ ſich mit einer ſol-
chen Vettel verkuppelt/ und ſich zu einem ewi-
gen Sclavẽ macht. Und iſt es nicht ein gedop-
pelter Narr/ daß er ſich ſo eine matte krancke
Fraulaͤſſet Ohrfeigẽ gebẽ/ und ſchmeiſt die alte
Hexe nicht wieder/ daß ihr alle drey Zaͤhne vor
die Fuͤſſe fallen/ da geht nun der arme Don-
ner/ in ſeinen geſchwaͤrtzten Beinen/ und wer
weiß/ wie ihm das Mittagsmahl bekommen
wird. Der Hoffmeiſter gab ſein Wort auch
dazu/ doch war dieſes ſeine Erinnerung/ man
ſolte ſich uͤber den erſten Narren nicht zu ſehr
verwundern/ es moͤchten noch groͤſſere kom̃en/
bey
[22]
bey welchen man die Verwunderung noch
mehr von noͤthen haͤtte. Es waͤhrete auch
nicht lange/ ſo kamen ſie an ein Dorff/ da ſahen
ſie/ daß ein groſſer Zulauff von Leuten war/ ſie
eileten hinzu/ und befunden/ daß ein Mann/
der ſonſt/ den Kleidern nach/ erbar genug war/
ſeine Frau bey den Haaren hatte/ und ihr mit
einem Bruͤgel den Ruͤcken mit aller Leibes-
Macht zerklopffte. Sie lieſſen die zween un-
gleiche Federfechter von einander reiſſen/ und
fragten/ was er denn vor Urſache haͤtte/ mit
ſeiner Frau ſo unmenſchlich umzugehen. Ach
ihr Herren/ ſagte der Kerle/ ich bin ein Spi-
tzen-Haͤndler/ da hab ich bey einem vorneh-
men Junckern einen guten Verdienſt gehabt/
und ſoll mir nur die Frau/ die loſe Beſtie/ den
Gefallen thun/ daß ſie ſpraͤche: nun Gott Lob
und Danck/ daß die Spitzen verkaufft ſind.
Aber der Hencker hohlte ſie/ ehe ſie mir zu Lie-
be das Wort ſagte/ und doch muß ſie noch ſo
ſagen/ und ſolt ich ihr den Hals in zehen Stuͤ-
cke brechen. Hierauff fragte Eurylas die
Frau/ warum ſie ſo widerwaͤrtig waͤre/ da ſie
doch mit leichter Muͤh dieſem Ungluͤck entlauf-
fen koͤnte. Ach! ſagte ſie/ es waͤre viel davon
zu reden/ wer alles erzehlen ſolte/ wenn mein
thummer Haus-Elephant den Narren in
Kopff bekom̃t/ ſo muß er was zu zancken ha-
ben/
[23]
ben/und wenn er die Urſache von Zaune bre
chen ſolte. Es iſt ihm nicht uͤmb die liebe
Gottesfurcht zu thun/haͤtte ich ſo geſagt/ ſo
waͤre was anders herauß kommen. Gelanor
verſetzte/ gleich wohl haͤtte ſie das Wort leicht
nachſprechen koͤnnen/ und alſo waͤre ſie deſto
mehr aus der Schuld geweſen/ wenn ihr her-
nach etwas ungebuͤhrliches waͤre zugemuthet
worden. Ja woht/ ſagte ſie/haͤtte ich es nach-
ſprechen koͤnnen/ wenn ich nicht wuͤßte/ was
er vor ein liebes Hertzgen waͤre; das iſt der
Maͤnner Gebrauch/ ſie fordern ſo viel von den
Weibern/ biß es unmoͤglich zu thun/ und der-
halben iſt dieſe am kluͤgſten/ die im Anfange
ſich nicht laͤſt zum Narren machen. Wer
a. ſpricht/ ſoll auch b. ſprechen/ und das will ich
meinem Kerl nimmermehr weißmachen/ daß
er mich das gantze A. b. c. durchfuͤhren ſoll.
Hierauff ritte Florindo fort/ und ſagte zu ſei-
nen Gefaͤhrten/ es verlohne ſich nicht der Muͤh
dem Lumpen-Geſinde zuzuhoͤꝛen/ doch gab Ge-
lanor dieſe Anmerckung darzu/ es waͤre nicht
eine geringe Narrheit mit untergelaufen:
denn/ ſagte er/ ſolte der Mann nicht mit dem
ſchwachen Werckzeuge Geduld haben/ und
wann er in der Weiber Gemuͤthe einige Ver-
drießligkeit befuͤnde/ ſolte er nicht vielmehr auf
Mittel und Wege dencken/ ſie zu beguͤtigen/
als
[24]
als daß er einen Teufel heraus und zehen hin-
gegen wieder hinein ſchlaͤgt. Er muß ſie doch
einen Weg wie den andern umb ſich leiden/
und wer wird mit ihrer Bosheit aͤrger ge-
ſtrafft/ als der Mann ſelber. Eine geringe
Schwachheit wolte er nicht vertragen/ nun
muß er eine uͤbermaͤßige Boßheit einfreſſen/
und kommt ſo zu reden auß dem Staube in
die Muͤhle/ aus dem Regen in die Trauffe. Es
iſt nicht ohn/ Alexander M. beim Curtio hat
es auch vor gut erkannt/ daß ein Mann ſeine
Frau ſchlagen moͤchte: allein es bleibet doch
dabey/ was ein vornehmer Conſiſtorial Rath
geſagt: wer die Frau ſchlaͤgt/ der iſt ein elen-
der Mann; wer ſie aber aus geringen Uhrſa-
chen ſchlaͤgt/ der iſt gedoppelt elende.

Jn dergleichen Diſcurſen hielt ſich die Com-
Pagnie auf biß ſie vor das Staͤdtgen gelan-
geten/ allwo des Wirthes Auſſage nach das
warme Bad anzutreffen war: Nun hatten
ſich eben viel Leute eingefunden/ welche die
Fruͤlings-Cur daſelbſt gebrauchen wolten/
daß alſo wegen der Quartiere groſſe Ungele-
genheit war. Nach vielen Bemuͤhungen ka-
men ſie bey einem Prieſter in das Loſament/
und funden einen vornehmen Cavallier, der
ſich mit ſeiner Liebſte etliche Stunden zuvor
eben in ſelbigem Hauſe einquartieret hatte.
Sie
[25]
Sie machten bald Bekandſchafft/ und be-
ſchloſſen die Mahlzeit beyſammen einzuneh-
men/ inzwiſchen ließ Florindo einen Becher
Wein langen/ und brachte dem unbekanten
Cavallier eins auf Geſundheit zu: Allein wie
er darnach greiſſen wolte/ kam die Liebſte dar-
zwiſchen/ ach mein Engel/ ſagte ſie / was will
er mit dem ungeſunden Wein in dem Leibe/ er
gedencke doch/ daß er durch einen jedweden
Becher etliche Tage von ſeinem Alter/ und
noch einmahl ſo viel Bluts-Tropfen von mei-
nem Hertzen abſauffen muß. Ach er thu den
Becher weg! Er ſchuͤttelt den Kopff/ und gab
zur Antwort:meine Frau/ das iſt kein uͤberfluß/
wenn man vornehmen Leuten zu beſtaͤtigung
fernerer Bekandſchafft einen erleidlichen Eh-
ren-Becher beſcheid thut/ ich werde darum
weder eher noch langſamer ſterben/ ob ich den
Becher trincke oder auf die Erde gieſſe. Gleich-
wohl dieſer Worte ungeacht/ grieff ſie noch
haͤrter zu/ und bat ihn/ er ſolte doch ſeine Liebſte
bedencken/ welche ſeine Geſundheit ſo genau
und ſorgfaͤltig in Acht nehme. Kurtz von der
Sache zu reden/ ſie brachte ihm ſo viel bewe-
gliche Worte fuͤr/ fing auch ein bißgen an zu
weinen/ daß der gute Herr ſich muſte gefan-
gen geben; und ſolches that ſie ohn unterlaß/
wenn er einen Biſſen wider ihren Willen eſ-
Bſen
[26]
ſen’oder ſonſt was vornehmen wolte/ das ihr
nicht annehmlich war. Recht laͤcherlich ſtund
es/ als in waͤhrender Mahlzeit ein Mahler
kam/ und allerhand Schildereyen zu verkauf-
fen hatte. Denn als die andern etwas von
ihrem Gelde anlegten/ und dieſer eines Stuͤ-
ckes gewahr wurde/ auf welchen die Einneh-
mung der groſſen Chineſiſchen Mauer abge-
bildet war/ beliebte er es zu kauffen. Es mag
ſeyn/ daß er ſich in das Bild verliebte/ oder
auch daß er in der Geſellſchafft nicht wolte vor
karg angeſehen werden. Doch ſchlug ſich die
Liebſte bald ins Mittel/ und beredete ihn wun-
derli[che] Haͤndel. Er ſolte doch ſehen wie die
Farben ſo unſcheinbar auffgetragen/ wie es
hin und wieder ſchon auffgeſprungen/ er waͤre
gewiß etliche Jahr ein Ladenhuͤter geweſen/
nun kaͤme er und ſuchte einen Narren/ der es
uͤber der Mahlzeit in voller Weiſe behalten
moͤchte. Sie wuͤſte einen Mahler/ der haͤtte
Stuͤcke/ denen nichtsfehlte als das Leben/
und welchen andre Taffelkleckereyen nicht das
Waſſer reichten. Uber dieß waͤre es Schan-
de/ daß er ſeine ſchoͤne Ducaten und Reichs-
thaler vor ſolchen Lumpenzeug ſolte hinſchleu-
dern/ wenn es noch Doppel-Schillinge oder
kuͤpfferne Marien-Groſchen waͤren/ deren
man ohn dieß gern wolte loß ſeyn. Summa
Sum-
[27]
Summarum/ er durffte das Bild nicht kauf-
fen. Nach verrichteter Mahlzeit zog Gela-
nor den Florindo auf die Seite/ und fragte
ihn/ ob er auch den abſcheulichen Narren in
Acht genommen. Ach/ ſagte er/ iſt das nicht
ein Muſter von allen elenden Sclaven. Das
Weib ſtehet in ſolcher Furcht/ daß ſie im Ern-
ſte nichts begehren darff/ und gleich wol kan ſie
unter dem Schein einer demuͤtigen und unter-
thaͤnigen Bitte ihre Herrſchafft gluͤcklich ma-
nuteniren. Von groſſen Herren iſt das
Sprichwort/ wenn ſie bitten/ ſo befehlen ſie:
aber es ſcheint/ als wolte ſolches auch bey dieſer
Frau wahr werden/ und alſo iſt ein ſchlechter
Unterſcheid/ ob ſich der Mann befehlen laͤſt/
oder ob er in alle Bitten willigen muß. Flo-
rindo, der allezeit die Helffte von den Gedan-
cken bey ſeiner Liebſten hatte/ fiel ihm in die Re-
de/ und wolte erweiſen/ daß alles aus reiner
und ungefaͤrbter Liebe geſchehen/ und alſo der
Mann waͤre ſtraffwuͤrdig geweſen/ wenn er
ſolch freundlich Anſinnen durch rauhe und un-
barmhertzige Minen von ſich geſtoſſen haͤtte.
Allein Eurylas fing hefftig an zu lachen/ und
fragte/ ob er nicht wuͤſte/ daß keine Sache ſo
ſchlimm waͤre/ die ſich nicht mit einem erbah-
ren Maͤntelgen bedecken lieſſe. Man duͤrffe
denſelben nicht alſobald vor einen Engel des
B ijLichts
[28]
Lichts anſehen/ welcher dem aͤuſſerlichen
Scheine nach alſo verſtellet waͤre. Die
Liebe beſtuͤnde in dem/ daß beyderſeits ein glei-
cher Wille in gleicher Freyheit gelaſſen waͤre:
nun aber ſey der gute Mann mit ſeinem Wil-
len dermaſſen gebunden/ daß man nothwendig
ſchlieſſen koͤnte/ dem Weibe ſey es nicht darum
zu thun/ daß ſie dem Manne viel nach ſeiner In-
clination machen wolte. Bey dieſen Wor-
ten kam der Prieſter/ dem das Hauß gehoͤrte/
in das Zimmer hinnein getreten/ und legte ſei-
ne Complimente ab/ ſie ſolten in der wenigen
Bequemligkeit vorlieb nehmen/ und nur be-
fehlen was ſie begehrten. Hierauff geriethen
ſie in ein Geſpraͤche/ und fragte Florindo, wer
denn der unbekante Gaſt ſey? Der Prieſter
gab zur Antwort/ es waͤre ein vornehmer
Mann/ habe ſich vor dieſem in hohen Fuͤrſtli-
chen Dienſten auffgehalten/ es ſey ihm aber
der Neid zuwider geweſen/ daß er nun von
ſeinen Renten leben muͤſſe. Jtzt ſey er meh-
rentheils wegen ſeiner Liebſten in das warme
Bad gezogen/ als welche verhoffte hiedurch
fruchtbar zu werden. Florindo fragte in ſei-
ner Einfalt/ ob denn das Waſſer ſolche Krafft
haͤtte/ doch halff ihm Gelanor bald auß dem
Traume/ indem er ſagte/ thuts das Bad nit/
ſo thuns die Badgaͤſte. Der Prieſter ſtellte
ſich
[29]
ſich/ als verſtuͤnde er die Rede nicht/ und nahm
bald Abſchied/ mit wiederholter Bitte/ das
Loſament nach ihrem Willen zu brauchen Da
gieng es nun an ein Lachen/ uͤber die Frucht-
barkeit des Weibes/ die nicht viel anders auß-
ſah/ als ein alter Meeraffe/ und konte man faſt
errathen/ warum der Mann ſeine hertzaller-
liebſte Gemahlin nicht gern erzuͤrnen wolte/ in-
dem er ohn allen Zweifel die Beyſorge haben
muſte/ als moͤchte ſich die angefangene Frucht-
barkeit durch den Zorn wieder zerſchlagen.
Abſonderlich wuſte Eurylas, der alte durch-
triebene Suſannenbruder/ viel Hiſtorien auf
dieſen Schlag beyzubringen. Es habe ein-
mahl eines Schiffers Frau an ihren Mann ſo
hertzinniglich gedacht/ und in ſolchen Gedan-
cken habe ſie einen Eißzapffen vom Roͤhr-Ka-
ſten abgebrochen und verſchluckt/ alſo daß ſie
bloß von dieſer Einbildung durch Huͤlffe des
Eißzapffens ſchwanger worden/ und ein arti-
ges ſchoͤnes weißhaͤriges Knaͤbgen an die
Welt gebracht. Eine andere habe nur auf
ihres abweſenden Mannes Geſundheit ge-
truncken/ und alſobald haͤtte ſie den Segen
ihres Leibes empfunden. Wieder eine an-
dere haͤtte ſich an Hechts-Lebern/ und noch eine
andre an Heringskoͤpffen fruchtbar gegeſſen.
Endlich kam die application, die gute Frau
B iijmuͤſte
[30]
muͤſte gewiß ſolcher Mittel nicht kundig ſeyn/
daß ſie alles ſo auff eine weitlaͤufftige Reiſe
haͤtte ſpielen muͤſſen/ und würde genau ein
Trinckgeld zu verdienen ſeyn/ wenn iemand
ein ſolches probatum eſt dem alten Herren er-
oͤffnen wolte. Mehr dergleichen Haͤndel ka-
men vor/ als der Mahler dem Florindo einen
project vorſtellete/ was er auf ſeine ledigen
Tafeln vor Narren wolte mahlen laſſen. Jm
erſten Bilde war eine Frau/ die ritte auf einem
Mann/ dem Eſels-Ohren angehefftet waren/
mit dieſer Uberſchrifft:

Auf der andern war ein Mann/ der ritte auf
der Frauen/ und ſtach ihr die Sporn weidlich
in die Ribben/ mit dieſer uͤberſchrifft:

Auf der dritten war ein Reuter/ der keinen
Zaum in der Hand hatte/ mit dieſer uͤber-
ſchrifft:

Florindo ſahe die Kunſtſtuͤcke mit ſonder-
lichen Freuden an/ und vermeinte nun/ es waͤre
ſeine muͤhſame Reiſe glücklich abgelauffen/ und
wuͤrde er nun innerhalb 14. Tagen ſeine Lieb-
ſte zu ſehen bekommen. Aber Gelanor halff
ihm bald aus dem Traume/ es waͤre noch lan-
ge nicht an dem/ daß er von dem aͤrgſten Nar-
ren in der Welt urtheilen koͤnte/ ob er ſchon et-
liche Proben von rechtſchaffenen Weiber-
Narren angetroffen haͤtte. Er muͤßte noch
weiter dran / ehe er die Zahl auf neun und
neuntzig braͤchte. Ja Eurylas brachte einen
artigen Poſſen zu Marckte/ Jn Warheit/ ſag-
te er/ Monſ. Florindo, wo er ſich ſeine Liebſte
zu ſehr einnehmen laͤſt/ ſo muͤſſen wir uͤber die
drey Felder noch eines bauen/ da er hinein ge-
mahlt wird. Gelanor lachte und bot ſich an
die Uberſchrifft zu machen: Der Mahler ſelbſt
trat ihm ins Geſichte/ als wolte er ſchon auf
den Grund-Riß ſtudiren Mit einem Worte/
der Haͤndel wurden ſo viel/ daß Florindo zu-
ſagte/ er wolte die Liebſte zu Hauſe des ihrigen
gern warten laſſen/ ſie ſolten ihn nur nicht in
das Narren-Regiſter mit einſchreiben/ wegen
der Reiſe moͤchte es nach ihrem Gefallen lang
oder kurtz waͤhren.

CAP. III.

SO reiſet nun die Narrenbegierige Com-
pagnie dahin/ und wußte ſich ſehr viel/ dz
ſie ein Recommendation-Schreiben von dem
Prieſter mit nehmen kunten/ an einen vorneh-
men Mann/ welcher in der nechſten Stadt vor
den Gelehrteſten im gantzen Lande gehalten
wurde. Sie ſahen ſich auch unterwegens
uͤmb/ aus Furcht/ die Haͤſcher und Landknechte
moͤchten hinten nach galloppirt kommen; und
legten alſo die vier Meilen gluͤcklich zuruͤcke/
daß ſie vor der Sonnen Untergang in die
Stadt gelangtẽ. Sie fragtẽ nach dem beſten
Wirthshauſe/ und als ſie ein Loſamẽt gefun-
den/ auch die Abend-Mahlzeit beſtellen laſſen/
kam
[40]
kam ein fremder Kerle/ der von auſſen Anſe-
hens genug hatte/ einen Candidatum Juris,
oder wohl gar einen Graͤfflichen Gerichts-
Verwalter zu bedeuten/ dieſen hieß der Wirth
alſobald wilkommen ſeyn/ fragte ob er nicht
ſeinen Verrichtungen ſo viel abbrechen koͤñte/
den vornehmen Gaͤſten Geſellſchafft zu leiſten.
Er wegerte ſich anfangs/ es waͤre gleich Poſt-
Tag/ da er warten muͤſſe/ ob nicht Brieffe von
ſeinem Principalen ankaͤmen: Doch habe er
ſeinem Secretario Befehl gegeben/ im Poſt-
hauſe nach zufragen/ und koͤnne er endlich ſo
lange/ und nicht weiter verziehen. Hierauff
bat der Wirth/ ſie moͤchten ſich nicht laſſen zu-
wider ſeyn/ daß/ in dem er ſelbſt ab und zuge-
hen muͤſſe/ er einen andern zum Wirth ge-
macht haͤtte. Nun ſchiene der Kerle anfangs
trefflich reputirlich/ daß dem Hoffmeiſter ſelbſt
angſt war/ ob er den ſtattlichen qualificirten
Menſchen hoch genug reſpectiren wuͤrde. Er
ſchwatzte von lauter Staats-Sachen/ und
ſetzte zu allen Erzehlungen ſolche artige Poli-
tiſche Regeln/ wuſte darneben hoͤffliche
Schertzreden mit einzumiſchen/ daß man ge-
meynet haͤtte/ er muͤſte einen Reichs-Rath in
dem Leibe haben. Niemand aber hatte das
Hertze zu fragen/ was er vor eine Charge be-
diente/ weil er alle ſeine Reden ſo einrichte-
te/
[41]
te/ als ſolte man an ſeinem Maule anſehen/
was er vor ein Miraculum hujus ſeculi waͤre.
Endlich als er etliche Becher Wein auf das
Hertz genommen hatte/ gab er ſich bloß/ daß er
einen Sparren zu wenig/ oder mehr als einen
zu viel/ haben muͤſſe. Denn da ließ er ſich in
wunderliche diſcurſen heraus. Jch lache/
ſagte er/ wenn ich die Schwachheiten anſehe/
die in den vornehmſten Republiqven vorge-
nommen werden. Zwar die Potentaten ſind
ſelbſt Urſache daran. Einen Kerlen/ der nicht
weiß was vor ein Unterſcheid iſt inter Rem-
publicam Laconicam aut Æſymneticam, und
der nicht einmal ſpeculiert hat an, Ariſtocra-
tia prævaleat Monarchiæ, den ſetzen ſie oben
an/ geben ihm Geld uͤber Geld/ daß ſie ihn nur
gewiß behalten/ hingegen wenn ſie ein qualifi-
cirt Subjectum meines gleichen nur mit gerin-
ger Veſtallung begnadigen ſollen/ ſo iſt kein
Geld vorhanden. Es tauret mich; daß ich
dem Koͤnige in Engeland ſo viel Ehre ange-
than/ und ihm einmal auffgewartet habe/ weit
ich nun befinde/ daß meine guthertzige Mey-
nungen ſo liederlich verworffen worden. Was
gilts/ haͤtte er mir gefolget/ Holland und halb
Franckreich ſolte ſein ſeyn/ ich rieth/ man ſolte
einen Damm durch den Canal machen/ und
nur bey der Jnſul Wicht eine kleine Durch-
fahrt
[42]
farth laſſen/ etwan ſo groß als der Sund in
Dennemarck. Zwar die Narren lachten da-
ruͤber/ und gaben alſo ihren Verſtand an den
Tag; daß ſie nicht geleſen/ wie der Cardinal
Richelieu eben auf ſolche Maſſe die unuͤber-
windliche Stadt Rochelle bezwungen. Ach
ihr ſtoltzen Hamburger/ haͤttet ihr mich zu eu-
rem Buͤrgemeiſter gemacht! ietzt waͤre die
Farth von Luͤbeck bis in die Elbe fertig/ und
ſolten die Polniſchen Korn-Schiffe den Zoll/
der ſonſt im Sunde abgeleget wird/ bey euch
bezahlen. Was hilffts? Serò ſapiunt
Phryges Jch wolte euch nun nicht kommen/
wenn ihr mir die vier Lande darzu ſchencken
wolltet. Der Marquis Caracena, das war
ein braver Herr/ der wuſte was hinter mir
war/ haͤtten mich ſeine Pagen nicht bey ihm
verkleinert/ ich wolte ietzt Niederlaͤndiſcher
præſident ſeyn: Es ſolte auch ein bißgen beſ-
ſer umb die Spaniſche Armee ſtehen. Deñ
ich weiß/ daß die Catholiſchen und Calvini-
ſchen Kinder ohne dieß nicht in den Himmel
kommen/ drumb haͤtte ich die ſelben nicht tauf-
fen laſſen/ ſondern haͤtte das gewoͤhnliche Pa-
tengeld an die Soldaten verwendet. O
Franckreich! wo haͤtteſtu bleiben wollen. Aber
ô ihr Chriſten wie gluͤckſelig ſeyd ihr/ daß ich
ein Gewiſſen habe/ ſonſt/ wann ich auf vielfaͤl-
tiges
[43]
tiges Anſuchen deß Tuͤrckiſchen Kaͤyſers waͤre
Grandvezier worden/ ſo wolte ich in der Ste-
phans Kirche zu Wien dem Mahomet zu Eh-
ren die kuͤnfftige Pfingſt-Predigt haltẽ laſſen.
Doch der Hencker hat die Jeſuiten erdacht/
die mich keinmahl vor ihre Kaͤyſerliche Maj.
gelaſſen haben. Jch wolte ein Mittel vorge-
ſchlagen haben/ daß dem Bluthund in Con-
ſtantinopel ſolte angſt und bange worden
ſeyn. Denn wie leicht waͤre es gethan/ daß
ein Befehl aus bracht wuͤrde/ alle Moͤnche und
Nonnen ſolten etliche mal bey ſammen ſchlaf-
fen/ und Kinder zeugen/ darauß in 20. Jahren
eine vollſtaͤndige Armee koͤnte formirt wer-
den. Es ſchiene/ als koͤnte der poſſierliche Sau-
ſewind kein Ende finden/ ſo ſehr hatte er ſich im
diſcurſe vertieffet/ doch machte Gelanor einen
Auffſtand/ welcher einen Boten wegen auf-
ſenbleibendes Wechſels noch vor Tages ab-
fertigen ſolte. Jnzwiſchen machte ſich Flo-
rindo, nach dem er etwas freyere Lufft bekom-
men/ uͤber den Politicum her/ verwunderte ſich
uͤber die ſonderbahre Weisheit/ und wuͤnſchte
ihn zum Hoffmeiſter zu haben. Dem Kerln
wackelte das Hertz vor Freuden und weil er
ihn vor einen jungen Fuͤrſten hielt/ ließ er ſich
deſto eher zu ſolcher Charge behandeln. Da
gieng es nun an ein Vexieren/ er muſte etliche
groſſe
[44]
groſſe Humpen auf deß Fuͤſtlichen Hauſes
Wohlergehen außſauffen/ und dabey mit dem
Mahler und etlichen Pagen auf den Tiſch ſtei-
gen/ biß es endlich auf Naſenſtuͤber und Kopff-
ſtoͤſſe hinaus lieff/ welche der Auffſchneider
ſchwerlich wuͤrde vertragen haben/ wenn ihm
Florindo nicht ein paar Reichsthaler an den
Hals geworffen haͤtte. Doch ſchnitten ihm
die Jungen unterſchiedene Loͤcher in die Kap-
pe/ pinckelten ihm in die Degen-Scheide/ heff-
teten ihm Haſen-Ohren an die Krempe/ mit
einem Worte/ ſie thaten alles was man bey
einem perfecten Hof-Narren nicht zu ver-
geſſen pflegt. Mit ſolchen Ceremonien ſchaff-
ten ſie auch die volle Sau von ſich/ und meyn-
te Florindo, er wuͤrde bey ſeinem Hoffmeiſter
groſſen Danck verdienen/ wenn er ihm fruͤh
Morgens die artige Action erzehlen wuͤrde.
Aber er muſte wider ſein Verhoffen einen
dichten Filtz mitnehmen. Was meynt ihr
wohl! ſagte Gelanor, welcher die groͤſte Thor-
heit begangen. Der gute Menſch hat frey-
lich in das Haſen-Fett tieff genung einge-
tuͤtſcht; aber wer klug ſeyn will/ hat billich mit
deſſen Ungluͤcke Mitleiden/ daß er ſeine Ver-
nunfft nicht beſſer anwenden kan. So habt
ihr das Widerſpiel erwieſen/ und habt euch
von dieſem Narren ſelbſt laſſen zum Narren
ma-
[45]
machen. Und dazu was wollet ihr euch ei-
ner ſolchen Vexiererey beruͤhmen/ da ein
ſchlechter und einfaͤltiger Guͤmpel durch gute
Worte beruͤcket worden. Dieſe Kunſt haͤtte
der ſchlimſte Handwercks-Junge gleich ſo gut
zu practiciren gewuſt: wer Auffzuͤge machen
will/ der wage ſich an verſtaͤndige Leute/ die
vor uͤbriger Klugheit das Gras wachſen hoͤ-
ren; und hat er da was erhalten/ ſo will ich
helffen mit lachen/ und wil ſagen/ daß die Pro-
be gut abgeleget ſey. Dieſe Predigt haͤtte
ohn allen Zweiffel noch laͤnger gewaͤhret/ weñ
Eurylas nicht erinnert haͤtte/ ob ſie bald ihr
recommendation-Schreiben an den vorneh-
men gelehrten Mann uͤbergeben wolten. Ge-
lanor war willig darzu/ allein Eurylas gedach-
te/ er haͤtte den Prieſter bey Vollendung des
Brieffes lachen ſehen/ und zweifelte alſo nicht/
es muͤſte was laͤcherliches darinn enthalten
ſeyn. Wenn es ihnen gefiele/ er wolte durch
ein ſonderliches Kunſtſtuͤcke den Brieff auff
und wieder zumachen/ daß niemand etwas da-
ran mercken ſolte. Nun wolte ſich Gelanor
ſchwerlich daꝛzu verſtehẽ/ weñ er nicht diß zum
Stichblat behalten/ auf allen Fall/ Wenn der
Brieff verderbet wuͤrde/ koͤnte man ihn ohne
Schaden gar zuruͤcke laßen, Alſo befanden ſie
folgends:

Vir Clariſſime.

• Mitto tibi vulpem; mitto tibi leporem; utriusq́
  curam ſic habueris, ut intelligent, meam a-
  pud te valere recommendationem. Cura ut
  valeas.

Gelanor ruffte hierauff den Florindo auff
einem Ort allein/ hielt ihm̃ den Brieff vor/ er
ſolte nun ſehen/ ob ſein Thun von allen Leuten
gebilliget würde/ und ob es eine ſonderbahre
Ehre geben wuͤrde/ wenn er mit einem ſolchen
praͤchtigen Haſen-Titul auffgezogen kaͤme:
bat ihn darneben inſtaͤndig/ er ſolte ſich der uͤ-
bermaͤſſigen Kuͤnheit entſchlagen/ und viel-
mehr in modeſten und hoͤfflichen Sitten ſeine
Ehre ſuchen: Zwar die rechte Warheit zu be-
kennen/ Florindo haͤtte den geiſtlichen/ Va-
ter gerne auf die Klinge fordern laſſen/ wenn
er gekunt haͤtte. Alſo fraß er die kurtze Lection
mit aller Gedult in ſich/ und begehrte nur/
man moͤchte den Brieff zuruͤcke laſſen. Nein/
ſagte Gelanor, wie haͤtten wir thun muͤſſen/
wenn der Brieff uns nicht waͤre geoͤffnet wor-
den/ und uͤber dieß wird er weder kluͤger noch
naͤrriſcher/ ob ihn ein ander einen veraͤchtli-
chen Titul auf ſolche Weiſe anhaͤngt/ er trach-
te vielmehr dahin/ daß er den übel informirten
Brieffſteller zum Luͤgner mache. Dieſe
Zurede nun wuͤrckte ſo viel/ daß ſie den Brieff
durch
[47]
durch einen Diener hinſchickten/ mit vermel-
den/ es waͤren etliche frembde Leute im
Wirthshauſe/ welche inſtaͤndig bitten lieſſen
eine Stunde zu benennen/ an welcher ſie
ihm ohn groſſe verhinderniß auffwarten koͤn-
ten. Der Gelehrte Mann nahm ſo wol den
Brieff/ als die beygefuͤgte Complimente mit
aller Hoͤff igkeit an/ und ſagte/ es waͤre ihm
allezeit gelegen vornehmen Leuten dienſtfertig
auffzuwarten/ doch ſolte es ihm lieber ſeyn/
wenn ſie nach Tiſche umb 1. Uhr ſich einſtellen
wolten. Solche Stunde nahmen ſie in
Acht/ und gieng Gelanor mit dem Florindo
allein dahin/ da ſie denn mit vielfaͤltigen
Ehrbezeigungen in die wolangelegte Stu-
dierſtube gefuͤhret worden/ und mit Ver-
wunderung anſehen muͤſſen/ wie alle Waͤnde
mit den ſchoͤnſten repoſitoriis bekleidet/ die
Buͤcher in lauter Frantzoͤſiſchen Baͤnden
mit verguͤldten Ruͤcken außgebutzet/ und
ſonſt alles ſo zierlich außgefuͤhret war/
daß man vermeynte/ wenn Apollo ſelbſt da re-
ſidiren wolte/ ſo wuͤrde ihm das Quartier nit
ſchimpflich oder geringe ſeyn. Dazu wuſte der
ruhmraͤthige Beſitzer die curieuſen Gaͤſte in
ihrer Verwunderung wohl zu unterhalten/
denn da zeigte er auf ſeine Buͤcher: dieſes
habe ich erſt vor 8. Tagen aus Franckreich
bekom-
[48]
bekommen: dieſes iſt in Jrrland gedruckt/ und
bin ich verſichert/ daß nur zwey Exemplaria
davon in Teutſchland gebracht worden. Die-
ſes iſt aus Rom verſchrieben worden/ und
koͤmmt mich ein iedweder Bogen auf einen
halben Reichsthaler zu ſtehen. Hier hab ich
etliche unbekante Rabinen/ die in Amſterdam
gedruckt find. ꝛe. Dieſe demonſtration waͤh-
rete laͤnger als eine Stunde/ und vergnuͤgte
ſich Gelanor an den koſtbahren und gelehrten
Raritaͤten/ welche er als einen Kern von allen
Weltberuͤhmten Buͤchern heraus ſtrich. Ach
ſagte er/ iſt es auch moͤglich/ daß in einem ſol-
chen Gemach etwas kan verdrießlich ſeyn. Ach
wohl dem/ der mit ſo ſchoͤnem Zeitvertreib
ſein Leben geruhig und ſelig durchbringen
kan. Hierauff begunten ſie des Spatzirens
muͤde zu werden/ und ſatzten ſich an eine kleine
Tafel nieder/ da brachte nun Gelanor etliche
Fragen auf die Bahn/ welche dem groſſen Bi-
bliothecario gnug zu ſchaffen machten. Und
erkennete dieſer ſchlaue Fuchs endlich/ daß der
Mann alle ſeine Kunſt in dem erwieſe/ wie er
Hiſtoricè von dieſem oder jenem Buche reden
koͤnte/ was vor ein Autor ſolches hervorgege-
ben/ wo er gelebet/ in was vor einem Ehren-
Stande er geſeſſen/ wo es gedruckt worden/ ob
einer darwider geſchriben ꝛc. hingegen befand
er in
[49]
er in dem ſundament ſelbſt ſo einen Mangel/
daß wenn man ihm die Pralerey mit der groſ-
ſen und abſcheulichen Bibliothec benommen
haͤtte/ er kaum einen Dorff-Schulmeiſter
waͤre aͤhnlich geweſen. Drum als Gelanor
wieder ins Wirths-haus kam/ und Florindo
ſich uͤber den weltberuͤhmtẽ Mañ trefflich ver-
wunderte/ bat ihn der Hoffmeiſter/ er moͤchte
ſeine Verwunderung biß auf andere Gele-
genheit laſſen verſparet ſeyn. Denn/ ſagte
er/ iſt das nicht eine hauptſaͤchliche Thorheit/
daß einer mir etliche 1000 Buͤchern die Erudi-
tion erzwingen will/ gleich als wenn dieſer
ein perfecter Medicus ſeyn muͤſte/ der ſeine
Simſe mit lauter Apothecker-buͤchſen beſetzet
haͤtte. Die Buͤcher ſind gut/aber von den auß-
wendigen Schalen wird kein Doctor. Jch
weiß auch/ daß der Tuͤrckiſche Keyſer viel
Gelt hat/ aber darum bin ich nicht reich: Alſo
kan ich wohl wiſſen/ wer von dieſer oder jener
Sache geſchrieben; unterdeſſen folgt es nicht
daß ich die Sach ſelbſt verſtehe. Ach wie wahr
wird das Sprichwort: Mundus vult decipi.
Denn wo die Frantzoͤſiſche Baͤnde gleiſſen/ da
fallen die Judicia hin: Ungeacht/ ob mancher
vielmehr mit ſeinem papiernen Hausrath auf-
richte als ein Eſel/ der einen Sack voll Buͤcher
Cauf
[50]
auff dem Ruͤcken hat. Dieſe Leute gehoͤren
inter claros magis, quàm inter bonos. Wie
Tacitus redet, oder wie Saluſtii Worte ſind.
Magis vultum quàm ingenium bonum ha-
bent.

CAP. IV.

SOlche Anmerckungen hatte Gelanor uͤ-
ber dieſen vermeynten gelaͤhrten Wun-
der Mann. Jnmittelſt aber/ als dieſe beyde
ſich in der Bibliothec umſahen/ ſatzte es im
Wirthshauſe einen laͤcherlichen Poſſen. Der
Mahler hatte geſehen/ daß Gelanor den
Brieff eroͤffnen laſſen/ und den Florindo
ſtracks darauff allein zu ſich gezogen/ dahero
muthmaſſete er/ es muͤſte was ſonderliches da-
rinnen geweſen ſeyn/ und weil Eurylas noch
immer ſein beſter Patron war/ fragte er ihn
in allem Vertrauen/ was denn in dem Brieffe
vor Heimligkeiten geſtanden. Eurylas, dem
nichts mehr zu wieder war/ als wenn ſich ie-
mand uͤmb frembte Haͤndel bekuͤmmerte/
machte alſobald den Schluß/ er wolte dem
vorwitzigen Kerln einen artigen Wurm
ſchneiden. Sagte derowegen/ er haͤtte zwar
den Jnhalt geſehen/ doch wuͤrde er bey dem
Florindo groſſe Verantwortung bekommen/
wenn er nicht reinen Mund halten wolte. End-
lich
[51]
lich fugte er mit leiſer Stim̃e dieſes hinzu/ ach
ihꝛ guter Mẽſch euch betraffdz meiſte/ ich darff
nur nichr ſchwatzẽ/ wie ich will. Dieſes mach e
den einfaͤltigẽ Geſellen noch begieriger/ daß er
nicht allein viel hefftiger anhielt/ ſondern auch
bey allen Engeln und Heyligen ſich verſchwur/
im geringſten nichts davon zu verrathen. Auf
ſolche Verſicherung fuͤhrte Eurylas den Mah-
ler in eine Kammer/ und bat nochmahls er
ſolte ihm durch eine unzeitige Schwaͤtzerey
keine ungelegenheit machen/ vertraute ihm
darbey/ der Prieſter in dem warmen Bade
habe an den gelehrten Mann geichrieben/ er
ſolte den Florindo um ſeinen Mahler anſpre-
chen/ denn er habe eine ſchoͤne Stimme zu ſin-
gen/ und koͤnne im Schlaffe einmahl capau[n]et/
und hernachmahls bey der Muſic ſehr ſchoͤn
gebrauchet werden. Was? ſagte der Mah-
ler/ ſoll ich vor meine Treu ſo unmenſchlich
und Tuͤrckiſch belohnet werden/ ſo ſey der ein
Schelm/ der noch eine Stunde hier bleiben
will. Eurylas beruffte ſich auf die gethane
Verſicherung er ſolte ſich nichts mercken laſ-
ſen/ ſonſt wuͤrde er wiſſen/ wie er mit einem ſol-
chen Verraͤther umgehen wolte; alſo war nun
der gute Kerle in tauſend Aengſten/ und wu-
ſte nicht auf welcher Seite er es am erſten
C ijver-
[52]
verderben ſolte. Den Eurylas mochte er nicht
verrathen/ und gleichwol ſchien es auch nicht
rathſam ſeine zeitliche Wohlfahrt alſo zu ver-
ſchlaffen: Er gieng auf dem Boden hin und
wieder/ und fing unzehlig viel Grillen/ biß der
Kopff voll ward/ da kam ihm Florindo und
Gelanor gleich in den weg/ bey denen er ſeine
Boßheit außlaſſen wolte. Jhr Herren/ ſagte
er/ wollet ihr einen Narren haben/ ſo ſchafft
euch einen/ der ſich wallachen laͤſt/ich mag euch
nit mehr dienen. Gelanor meynte der Brand-
tewein waͤre ihm in das Gehirn geſtiegen/ und
bat alſo/ er moͤchte doch ſchlaffen gehen/ ſonſt
wuͤrde ſein Gehirne und Verſtand noch treff-
lich gewallachet werden. Aber der Kerle be-
fand ſich noch mehr offendirt, und begehrte
gleich weg ſeinen Abſchied. Florindo frag-
te wer ihm denn zuwider gelebt/ oder
was ihm in der Compagnie mißfallen/ daß er
nun ſo bald wolte durchgehen. Allein es blieb
dabey/ er wolte kein Hammel ſeyn. Endlich
kam es herauß/daß Eurylas ihm den Affen ge-
ſchleiert/ und zu dergleichen ſchrecklichen im-
preſſion Urſache gegeben. Da verwieß nun
Gelanor zwar dem Mahler ſeinen Vorwitz/
welcher Geſtalt derſelbe keinen geringen Platz
im Narren-Regiſter verdienet hatte/ der ſich
um
[53]
um ſolche Sachen gerne bekuͤmmerte/ die ihn
doch im geringſten nichts angehen. Denn vor
eins gaͤbe er ſeine Schwachheit an den Tag/
daß er ſich ſelbſt nicht erkenne/ſondern was an-
ders erkennen wolle/ dasihm nichts nuͤtze waͤ-
re. Darnach muͤſte er gewaͤrtig ſeyn/ daß
ihm allerhand Narren-Schellen angehenckt/
und er mit einem unrechten Bericht abgewie-
ſen wuͤrde. Da gienge darnach ein Fantaſt
mit ſeiner ungereimten Einbildung/ und haͤtte
dieß zum Profit/ daß ihn die Leute auß achten-
Das war nun die Lection vor den Mahler:
Aber Eurylas konte ſich bey dem Gelanor
nicht ſo gar entſchuldigen/ daß er nicht haͤtte
hoͤren muͤſſen: Ein kluger/ der ſich eines an-
dern Einfalt mißbrauchte/ machte ſich muth-
willig mit zum Narren/ alldieweil es ſchiene/
als gaͤbe er Urſach zur Narrheit/ und haͤtte
an einem thoͤrichten Menſchen Luſt/ den er
leicht koͤnne kluͤger machen. Wiewohl Eu-
rylas lachte/ und meynte/ zum wenigſten wuͤr-
de auß dieſer Thorheit der groſſe Nutz zu ge-
warten ſeyn/ daß der Mahler ins kuͤnfftige
nach keinen frembden Zeitungen fragen wuͤr-
de. Endlich machte Florindo den beſten Auß-
ſchlag/ und ſpendirte dem Mahler ein paar
Ducaten/ damit war die Sache verglichen.
C iijNun
[54]
Nun war es noch zu zeitlich zur Abendmahl-
zeit/ darum meynten Gelanor und Florindo
es wuͤrde am beſten ſeyn/ daß ſie durch einen
kleinen Spatziergang ſich einen Appetit zum
Eſſen erweckten. Als ſie aber an die Thuͤre
kamen/ ſahen ſie in dem Hauſe gegen uͤber ei-
nen jungen Menſchen/ der allen uͤmbſtaͤnden
nach wolte vor einen Stutzer angeſehen ſeyn/
er war etwas ſubtil und klein von Perſon/ doch
hatte er eine Parucke uͤber ſich hencken laſſen/
die faſt das gantze Geſichte bedeckte/ daß man
eine artige Comœdie vom Storchsneſte
haͤtte ſpielen koͤnnen. Uberdiß waren in den
Diebs-Haaren wohl ein Pfund Buder/ und
etliche Pfund Pomade verderbet worden/ und
auß ſolchem Gepuͤſche guckte das junge Geel-
ſchneblichen mit einem paar rothen Baͤckgen
herfuͤr/ als wenn er das Geſichte mit rothem
Leder oder mit Leſchpappier geſtrichen haͤtte.
Die Lippen bies er bald ein/ bald ließ er ſie wie-
der auß/ nicht anders als wie die Schiffer/
wenn ſie zu Hamburg das Bier außkoſten.
Jn der Krauſe ſteckte ein ſchoͤner Ring/ der
mit ſeinen hertzbrechenden Stralen die Venus
ſelbſt uͤberwunden haͤtte/ wenn nicht ein bund
Band im Wege geſtanden. Auf den Er-
meln/ abſonderlich auf den Lincken/ der von
Her-
[55]
Hertzen geht/ war ein gantzer Kram von aller-
hand liederlichen Baͤndergen aufgehefft/ wel-
che/ weil ſie keine Accordiren de Farben hatten/
ſich anſehen lieſſen/ als waͤren ſie von baͤnder-
ſuͤchtigen Perſonen zum Almoſen ſpendiret
worden. Zur Kappe baumelten wohl ſechs
Trodelchen vom Schnuptuche herauß/ die
Schuh waren mit ſo viel Roſen beſetzt/ daß
man nicht wuſte/ ob ſie von Corduan/ oder von
Engliſchen Leder waren. Der Degen gieng
ſo lang hinauß/ daß ſieben Dutzent Sperlinge
drauff haͤtten Platz gehabt/ und im Gehen
ſchlug er ſo unbarmhertzig an die Waden/ daß
wenn die Kniebaͤnder nicht etwas auffgehal-
ten/ er ohn Zweiffel in acht Tagen haͤtte den
Vulcanum agiren koͤnnen. Und welches vor
allen dingen zu mercken war/ ſo lieffen die arti-
gen und verliebten Mienen dermaſſen nett/
als wolte er die Circe ſelbſt bezaubern. Mit
den Haͤnden legte er ſich in ſo ſchoͤne poſitur,
daß er gleichen Weg in den Schiebſack und
auf den Hut haben koͤnte. Die Fuͤſſe ſetzte er
ſo außwerts/ daß man augenſcheinlich abneh-
men muſte/ der Menſch waͤre uͤber vier Mon-
den zum Tantzmeiſter gegangen. Mit einem
Worte/ das Muſter von allen perfecten Po-
liticis ſtund da. Gelanor ſahe ihn wohl an/
C jvend-
[56]
endlich fragte er den Florindo was er von dem
Kerln hielte. Dieſer gab zur Antwort/ wenn
er es zu bezahlen haͤtte/ koͤnte man ihn nicht viel
tadeln/ ein iedweder brauchte das Geld nach
ſeinem Velieben. Und darzu ſtuͤnde es reputir-
licher/ wañ ein Mẽſch etwas von ſich und ſeineꝛ
Schoͤnheit hielte/ als daßer auffgezogen kaͤme/
wie die fliege auß der Buttermilch. Ey ver-
ſetzte Gelanor, gefaͤllt euch das ſchoͤne Kar-
tenmaͤnngen/ fuͤrwar wer dieſen haͤtte und
drey Scharwentzel darzu/ der koͤnte 50. Thaler
beſſer bieten. Sehet ihr nicht/ daß er mit der
hoͤchſten Thorheit von der Welt ſchwanger
geht. Wem zu Gefallen butzt er ſich ſo? Die
Maͤnner achten es nicht/ und wo es der Wei-
ber halben geſchicht/ ſo verlohnt ſichs nicht der
Muͤh. Kaufft er ſolches vor ſein Geld/ſo ſolte
man ihm einen Curatorem ſuriofi oder pro-
digi, wolt ich ſagen/ beſtellen/ der ihm die Re-
gulas parſimoniæ etwas beybraͤchte: iſt er a-
ber allen Leuten ſchuldig/ ſo ſolte man ſeine
Laus Deo die er zu hauſe liegen hat/ mit unter
die Favoͤrgen hefften/ daß das Frauenzim-
mer wuͤſte/ was vor Sorgen und Ungelegen-
heit er ihrentwegen einfreſſen muͤſte. Rein-
lich und nett ſoll ein junger Menſch gehen/ deñ
an den Federn erkennet man den Vogel/ an
den
[57]
den Kleidern das Gemuͤthe. Allein es iſt ein
Unterſcheid unter erbaren und naͤrꝛiſchen Klei-
dern. Æſtimirt man doch einen fahlen Pa-
pagoy hoͤher/ als einen bundſcheckigten-
Drumb iſt es nicht die Meynung/ wenn man
ſolche Kleider verſpricht/ als moͤchten ſie nun
kein Hemde mehr waſchen laſſen/ die Hoſen
moͤchten hinden und forn offen ſtehn/ und alle
Grobianiſini moͤchten nun frey practicirt
werden. Sondern gleich wie der ſuͤndiget/
der in der Sache zu wenig thut/ alſo iſt ein an-
der in gleichem Verdamniß/ der ſich der Sa-
che zu uͤbermaͤſſig annim̃t. Hierauff ſpatzirte
der Teutſche Frantzoſe die Gaſſe hin/ und ließ
die Augen an alle Fenſter fliegen ſahe ſich auch
bißweilen um/ ob iemand oben oder unten ſich
uͤber den ſchoͤnen Herrn verwunderte. Ge-
lanor ſagte/ wir wollen eine kleine Thorheit be-
gehen/ und dem Kerlen nachfolgen/ er wird
ohn Zweifel in ſolchem Oruat an einem vor-
nehmen Ort erſcheinen [ſ]ollen. Nun gieng
es ſo langſam und gravitaͤtiſch/ als waͤre er
daꝛzu gedingt/ daß er die Fenſter und die Dach-
ziegel zehlen ſolte/ und in Warheit/ haͤtte man
ihm einen Beſem hindẽ hinein geſteckt/ ſo haͤt-
te ein Ehrnoeſter Rath derſelben Stadt etli-
che Gaſſenkehrer erſparen koͤnnen. Wann
C vſich
[58]
ſich etwas an einem Fenſter regte/ es moͤchte
gleich eine Muhme mit dem Kinde/ oder ein
weiſſer Blumen-Topff/ oder gar eine bunte
Katze ſeyn/ ſo muſte der Hut vom Kopffe/ und
haͤtte er noch ſo feſt geſtanden. Und ſolches
geſchah mit einer unbeſchreiblichen Hoͤfflig-
keit/ daß man nicht wuſte/ ob er ſich auf die Er-
de legen/ oder ob er ſich ſonſten ſeiner Bequem-
ligkeit nach/ ein bißgen außdehnen wolte.
Nach vielen weitlaͤufftigen Umſchweiffen kam
er wieder vor das Haus/ darauß er gegan-
gen war/ und Gelanor, als ein Unbekanter
ſelbiges Orts/ kam vor ſein Wirtshaus/ ehe
er es war inne worden. Sie wunderten ſich/
wie es zugienge/ und haͤtten ſich leicht bereden
laſſen ein Wirtshaus waͤre dem andern aͤhn-
lich/ wann nicht der arme Mahler in dem Hau-
ſe auf einen Steine geſeſſen/ und die Sorgen-
ſeule unter den Kopff geſtuͤtzet haͤtte.

CAP. V.

GElanor fragte was er neues zu klagen
haͤtte/ ob ihm die Capaun-Angſt noch nit
vergangen waͤre. Der gute Kumpe ſeuffzete
ein wenig/ endlich fieng er an/ich wolte daß der
Hencker das Spielen geholt haͤtte/ ehe die Kar-
tenmacher waͤren jung worden. Denn da
hatte ich eben ein paar Ducatẽ vom Herrn ge-
ſchenckt
[59]
ſchenckt kriegt/die wolt ich nũ gar zu gut anle-
gen/ und meynte/ wenn ich im Spiele noch et-
liche Stuͤcke darzu bekaͤme/ ſo koͤnte ich einen
alsdenn mit beſſerm Gewiſſen vertrincken.
Aber ich meyne ich habe ſie kriegt. Jch halte
es ſind gar Spitzbuben geweſen/ ſo meiſterlich
zwackten ſie mir das Geld ab. Jm Anfang
hatte ich lauter Gluͤcke/ aber darnach machten
ſie mich auf tertia major Labeih. O haͤtte ich
das Geld verſoffen/ ſo haͤtte ich noch was da-
fuͤr in den Leib bekommen; ſo muß ich mit duͤr-
rem Halſe davon gehen/ und habe nicht ſo viel
darvon/ daß die loſen Voͤgel mir gedanckt haͤt-
ten. Nun das heiſt in einer halben Stunde
bald reich/ bald arm/ bald gar nichts. Ge-
lanor haͤtte mit dem ungluͤckſeligen Tropffen
gern Mitleiden gehat: Doch war der Caſus
gar zu laͤcherlich/ und Eurylas, der ihm auch
Troſt zuſprechen wolte/ machte es ſo hoͤniſch/
daß es das Anſehn hatte/ als waͤre alles Un-
gluͤck dem guten Mahler allein uͤber den Hals
kommen. Das ſchlimſte war/ daß Gelanor
den Actum mit einer ziemlichen Straff-Pre-
digt beſchloß. Jhr thummen Strohſtepſel/
ſagte er/iſt es auch moͤglich/ daß ihr einen Tag
ohne Narrheit zubringen koͤnnet. Da ſitzt ihr
nun und klagt uͤber eine Sache/ die nicht zu
C vjaͤn-
[60]
aͤndern iſt. Vor einer Stunde war es Zeit;
nun macht ihr den Beutel zu/ da die gelben
Voͤgelgen außgeflogen ſind. Wißt ihr nicht/
was vor ein Erwerb bey dem Spielen iſt? Ei-
nen Vogel/ den ihr in der Hand habt/ laſſet ihr
fliegen/ und greiffet nach zehen andern/ die auf
dem Zaune ſitzen. Uber diß/ warumb habt
ihr Luſt zu gewinnen? wiſſet ihr nicht/ daß/
wann einer gewinnet/ ein ander nothwendig
verſpielen muß? Gedencket nun/ ſo weh als
euch der Verluſt ietzund thut/ ſo weh haͤtte es
einem andern auch gethan: und dannenhero
ſeyd ihr werth/ ihr Ungluͤcksvogel/ daß euch
die andern außlachen/ gleich wie ihr ſie viel-
leicht außgelachet haͤttet. Behaltet ein an-
dermal/ was ihr habt/ und verſchlaudert nicht
in einer halben Stunde ſo viel/ als ihr in einem
halben Monat und laͤnger kaum verdienen
koͤnnet/ ſonſten ſollet ihr euch ſelbſt mitten un-
ter die Ertz-Narren abmahlen: hiermit gien-
gen ſie zur Mahlzeit/ und hatte Eurylas noch
manche Stockerey mit dem armen Schaͤcher;
da fragte er ihn/ ob er ſich bald in den Wechſel
finden koͤnte/ und ob er nicht eine Oſt-Jndia-
niſche Compagnie wolte anlegen/ weil er ſich
auf die Handlung cento pro cento ſo gluͤck-
lich verſtuͤnde; er ſolte ein andermahl die
Schar-
[61]
Scharwentzel bekneipen/ daß er wuͤſte/ wo ſie
laͤgen/ und dergleichen. Bey Tiſche fragte
Gelanor den Wirth/ wer dann der junge
Menſch waͤre/ der ſich gegenuͤber auffhielte/
da bekam er die Nachricht/ es waͤre ein Buͤr-
gerskind/ ſein Vater haͤtte dieſen eintzigen
Sohn/ und wolte ihn kuͤnfftig zum Studiren
halten/ daß er in zwey jahren koͤnte Doctor
werden/ er wuͤſte nur nicht/ welche Facultaͤt
ihm und ſeiner Liebſten am beſten anſtehen
wuͤrde. Unterdeſſen muͤſte er ſich in Politi-
ſchen und hoͤflichen Sachen uͤben/ daß er nicht
ſo Schulfuͤchſiſch uͤber den Buͤckern würde.
So ſo/ ſagte Gelanor, wird mir nun auß dem
Traume geholffen. Jch meynte der Kerl waͤre
ein Narr/ daß er die lange Weile auf der Gaſſe
vertroͤdeln muͤſte: ſo ſehe ich wohl der Vater
iſt noch ein aͤrger Narr. So wird er einen
Doctorem utriusque Juris bekommen/ qui
tantum ſciverit in uno, quantum in altero.
Die Leute meynen gewiß/ ſo leicht als man die
Kinder deponirt, ſo leicht ſind ſie auch zum
Doctor gemacht/ und ſey es nur darumb zu
thun/ daß man ein gedruckt teſtimonium dar-
uͤber habe. Die Bauren judiciren ſonſt
von den Zeitungen/ wann ſie gedruckt ſeyn/ ſo
muͤſte alles wahr ſeyn. Nun ſcheint es/ als wol-
C vijte
[62]
te die Albertaͤt unter den Buͤrgern auch auf-
kommen. Zwar der liebe Menſch tauret
mich/ wo er das Frauenzimmer mit ſo tieffen
Reverentzen gruͤſſen wird/ moͤchte ihm das te-
ſtimonium auß dem Schiebſack fallen; Und
wann alſo der Wind die Herrligkeit einmahl
wegfuͤhrete/ ſo waͤre es mißlich/ ob iemand be-
richten koͤnte/ in welcher Facultaͤt er Doctor
worden. O du blinde Welt biſt du ſo nach-
laͤſſig in der Kinderzucht/ und ſiehſtu nicht/
daß/ welcher vor der Zeit zum Juncker wird/
ſolchen Titul in der Zeit ſchwerlich behaupten
kan. Es bleibet wohl darbey/ wann die jun-
gen Rotzloͤffel ſich an den Degen binden laſſen/
oder die Beine uͤber ein Pferd hencken/ ehe ih-
nen die Thorheit und das Kalbfleiſch vom
Steiße abgekehret worden/ ſo iſt es mit ihnen/
und ſonderlich mit ihrem Studiren geſche-
hen. Die Jugend iſt ohn diß des Sitzens und
der Arbeit nicht viel gewohnt/ man darff ihr
nur einen Finger bieten/ ſie wird gar bald die
gantze Hand hernach ziehen. Doch meinen
die klugen und uͤberſichtigen Eltern/ welche
ſonſt alle Splitter zehlen koͤnnen/ es ſey eine
ſonderbahre Tugend/ wann ſich die Knaben ſo
hurtig und excitar erweiſen koͤnnen/ und be-
dencken nicht/ daß die Magd in der Kuͤche kluͤ-
ger
[63]
ger iſt/ die laͤſt die Fiſche nicht ſieden biß ſie uͤ-
berlauffen/ ſondern ſchlaͤgt mit allen Kraͤfften
drauff/ daß die Hitze nicht zu maͤchtig wird.
Solche und andre dergleichen Reden fuͤhre-
te Gelanor, biß er merckte/ daß der Wirth
mit ſolchen diſcurſen uͤbel zu frieden war; doch
ließ er ſich die Ungnade nichts anfechten/ ſon-
dern fragte/ was er darvon hielte/ der Wirth
antwortete/ er waͤre zwar zu wenig/ von an-
dern zu urtheilen/ die offtermals ihre gewiſſe
Urſachen haͤtten/ diß oder jenes zu thun. Un-
terdeſſen meynte er/ daß man eben von allen ſo
groſſe Gelehrſamkeit nicht fodern duͤrffte/ die
ſchon ſo viel im Kaſten haͤtten/ daß ſie ſich mit
Ehren erhalten koͤnten/ die Eltern ſehen meh-
rentheils dahin/ daß ſie ihr Kind zu einer an-
ſehnlichen Ehrenſtelle/ und alſo fort zu einer
anſtaͤndigen Heyrath bringen moͤchten. Ge-
lanor wolte antworten/ aber eben zu der un-
gelegenen Zeit kam die Wirthin in die Stu-
be/ und rieff dem Mann/ er ſolte hinunter ge-
hen und die vornehmen Gaͤſte empfangen/ da-
mit ward das koͤſtliche Geſpraͤch verſtoͤrt/ und
weil ſie alle wiſſen wolten/ wer dann in der
Kutſche ſaͤſſe/ blieben die ſchoͤnen An-
merckungen zuruͤcke.

CAP. VI.

ALs die Kutſche in das Haus gebracht wor-
den/ ſtiegen drey alte Herren herauß. Ei-
ner hatte einen altvaͤteriſchen Sammet-Peltz
an/ mit abſcheulich groſſen Knoͤpffen. Der
ander hatte ein ledern Collet an/ und trug den
Arm in einer Binde. Der dritte hatte dicke di-
cke Struͤmpfe angezogen/ als wañ ihm Lun-
ge und Leber in die Waden gefahren waͤren.
Der Wirth fuͤhrete ſie in ein abſonderlich
Zimmer/ und weil es ziemlich ſpaͤt/ trug er ihnẽ
etwas von kalter Kuͤche fuͤr/ mit Verſprechen/
das Fruͤhſtuͤck beſſer anzurichten. Gelanor
fragte zwar den Wirth/ was dieſes vor Gaͤſte
waͤren; aber es wuſte einer ſo viel als der an-
der/ drumb giengen ſie auch zu Bette. Auf
den Morgen kam Florindo und weckte den
Gelanor auf/ mit Bitte/ er ſolte doch hoͤren/
was die drey alten Herren in der Kammer
darneben vor Geſpraͤche fuͤhreten. Nun war
die Wand an dem Orte ziemlich durchloͤchert/
und jene gebrauchten ſich auch einer feinen
maͤnnlichen Außſprache/ daß man wenig
Worte verhoͤren durffte. Ach! ſagte einer/
bin ich nicht ein Narr geweſen/ ich hatte meine
koͤſtlichen Mittel/ davon ich leben kunte: Nun
hab ich zehen Jahr in frembden Laͤndern zu-
ge-
[65]
gebracht/ liege auch ſchon zwanzig Jahr zu
Hauſe/ und ſehe nicht/ wer mir vor mein Rei-
ſen einen Pfifferling giebt. Ach haͤtte ich die
Cronen und die Ducaten wieder/ die ich in
Franekreich und Jtalien vor unnutze Comoͤ-
dien gegeben/ oder die ich in den vornehmen
Compagnien liederlich verthan habe. Anno
1627. hatte ich die Ehre/ daß ich mit dem Hn.
Claude de Melme Abgeſandten auß Franck-
reich nach Venedig/ und von dar nach Rom
gehen duͤrffte/ da lernte ich viel Staatsgrieffe/
welche zwiſchen Venedig und Spanien/ in-
gleichem zwiſchen Venedig und dem Pabſte
vorgenommen wurden/ aber ach haͤtte ich
mein Geld wieder/ das mir dabey zu ſchanden
gieng Mein Herr ſchickte mich endlich vor
ſeiner Abreiſe wieder in Franckreich/ da hieng
ich mich an den Herrn Claude de Buillion,
als er anno 1631. nach Beziers reiſete/ und den
damahligen Hertzog von Orleans mit dem
Koͤnige vergleichen wolte; aber alles auf mei-
nen Beutel/ wie es in Franckreich zu gehen
pflegt/ da man ſolche Volontiers die ohne ſon-
derliche Koſten den Staat vermehren/ gar
gerne leiden kan. Nachmahls reiſete ich mit
obgedachtem de Meſme in Holland/ da gieng
das Geld geben erſt recht an/ daß ich ſeit die-
ſer
[66]
ſer Zeit offt gedacht/ die Hollaͤnder muͤſten die
Zehen Gebote in eines verwandelt haben/ das
heiſſe: gieb Geld ber. Ferner gieng dieſer
Abgeſandte Anno 1634. in Dennemarck/ von
dar in Schweden und Pohlen/ den damahli-
gen Stillſtand Anno 1635. zu befoͤrdern. End-
lich als die Wexel bey mir nicht zulangen wol-
ten/ und gleichwohl keine Fortun in Franck-
reich zu hoffen war/ begab es ſich/ daß offter-
wehnter de meſme Anno 1637. zu den Præli-
minarFriedens-Tractaten in Teutſchland
geſchickt ward/ da danckte ich GOtt/ daß ich
Gelegenheit hatte in mein Vaterland zu kom-
men. Aber der ſchlechte Zuſtand/ und die uͤ-
bergroſſe Kriegs Unruh verderbten mir alle
Freude. Mein Geld/ das ich bey gewiſſen
Kauffleuten in Hamburg ſtehen hatte/ war
verzehrt; die geringen Feldguͤtergen erforder-
ten mehr Unkoſten/ als ich davon nehmen kun-
te: und welches mich am meiſten ſchmertzte/
ich hatte nichts gelernet/ davon Geld zu neh-
men war. Meine gantze Kunſt beſtund in dem/
daß ich von groſſen Reiſen/ von Balletten/ Co-
medien/ Maſqueraden/ Banqueten und an-
der Eitelkeiten auffſchneiden kunte: und mei-
ne Bibliothec war von zehen Frantzoͤſiſchen
Liebes Buͤchern/ ſechs Jtaliaͤniſchen Comoͤ-
dien
[67]
dien/ zwey geſchriebenen Buͤchern voller Lie-
der und Palquille: Mehr durffte mir kein
Menſch abfordern. Jch hatte Anſchlaͤge
anſehnliche Hoffmeiſtereien anzutreten/ aber
zu meinem Ungluͤck traffe ich lauter ſolche Leu-
te/ die ihre Soͤhne deßwegen in die Welt
ſchickten/ daß ſie ſolten kluͤger werden/ und al-
ſo muſten ſie ſich an meiner Perſon aͤrgern:
Jch aber muſte meinen Stab weiter ſetzen.
Was ich nun vor Muͤhſeligkeit/ Noth und
Verachtung außgeſtanden/ werde ich die Zeit
meines Lebens nicht erzehlen. Doch war Got-
tes Gnade ſo groß/ daß endlich Friede ward.
So habe ich meine Feld-Guͤter nach vermoͤ-
gen angerichtet/ bringe mein Leben kuͤmmeꝛlich
hin/ wuͤſte auch dieſe Stunde meinen Leiden
keinen Rath/ wenn nicht mein Bruder vor 6.
Jahren geſtorben/ und mir etlich hundert
Guͤlden Erbſchafft verlaſſen haͤtte. Ach wer
dreißig Jahr zuruͤcke haͤtte/ ach bin ich nicht
ein Narr geweſen; Ach was vor ein gediege-
ner Mann koͤnte ich ietzund ſeyn/ ach wie habe
ich mir ſelbſt im Liechte geſtanden.

Hierauff fing der ander ſeine Klaglieder an.
Ach ſagte er/das iſt noch eine ſchlechte Thor-
heit/ ich bin erſt ein Narr geweſen. Mein
Vater war ein wolhabender Kauffmann/ und
haͤtte
[68]
haͤtte mich gern bey der Handlung erhalten/
aber ich verliebte mich in das Soldaten We-
ſen/ daß ich wie der meiner Eltern Wiſſen und
Willen mit in den Krieg zog. Und ich ab-
ſchẽlicher Narr/haͤtte ich mich nur in Teutſch-
land unterhalten laſſen: ſo zog ich mit Fran-
tzoͤſiſchen Werbern fort/ und meynte/ nun
wuͤrde ich in Schlaraffen-Land kommen/ da
wuͤrden mir die gebratenen Tauben ins
Maul fliegen. Jch meyne aber/ ja/ ich hatte
es wohlgetroffen. Jch muſte mit vor Ro-
chelle, da lagen wir uͤber ein Jahr wie die
Narren/ und wuſten nicht ob Krieg oder Frie-
de war. Die Stadt ſolte außgehungert wer-
den/ und fuͤrwar wir Soldaten im Laͤger half-
fen bißweilen weidlich hunger leiden/ daß die in
der Stadt deſto eher fertig worden. Endlich
uͤbergab ſich die Stadt/ damit war der Krieg
zu Ende keine Beute wurde gemacht/ die Ga-
ge blieb zuruͤcke/ und ich war ein ſtattlicher
Cavallier. Ach wie gerne waͤr ich darvon
gewiſcht; aber weil ich ſahe/ wie der Galgen
hinden nach ſchnappte/ mochte ich meinen
Hals auch nicht gern in dergleichen Ungele-
genheit bringen/ und ließ mir lieber den Tag
zweymal pruͤgelſuppe/ und einmal zu freſſen ge-
ben. Nun fieng der Cardinal Richelieu
wun-
[69]
wunderliche Poſſen an/ und wolte Mantua ent-
ſetzen/ da ſolten die armen Soldaten uͤber Hals
uͤber Kopff/ durch Froſt und Schnee die
Schweitzer-Gebuͤrge hinnan klettern. Alle
Welt ſagte es waͤre unmuͤglich/ die Solda-
ten wuͤrden nur auffgeopffert/ und wuͤſte man
auß allen Exempeln/ daß ſolche Anſchiaͤge waͤ-
ren zu Schanden worden. Aber der Starr-
kopff fragte nichts darnach/ wir muſten fort/
und da haͤtte ich vor mein Leben nicht drey
Heller gegeben. Etliche hundert muſten vor-
an/ und den Schnee auf beyden Seiten weg
ſchauffeln/ darauff folgete die Armee. Doch
war an etlichen Orten die Arbeit gantz verge-
bens/ deñ wir muſten die Klippen hinauff klet-
tern/ als wann wir dem Monden wolten die
Augen außgraben. Mancher dachte/ er waͤ-
re bald hinauff/ ſo verſtarten ihm die Haͤnde/
daß er herunter portzelte/ und der Schnee uͤber
ihm zuſammen ſchlug. Wer ſich nun nicht
ſelber helffen kunte/ der mochte ſich zu Bette
egen. Da war Elend. Und man dencke
[...]ur/ mitten zwiſchen den hoͤchſten Bergen/ lag
oben ein Schloß/ das ſolten wir einnehmen.
Nun haͤtten die thummen Kerlen uns mit
Steinen oder mit Schneeballen abwenden
koͤnnen/ daß wir deß kletterns und des Einneh-
mens
[70]
mens weiter nicht begehrt haͤtten. Aber ich
weiß nicht/ ob die Leute bezaubert/ oder ſonſt
verblend waren/ daß ſie uns hinein lieſſen/ dar-
auff hatten wir in Jtalien guten Fortgang.
Doch werde ichs keinen Menſchen ſagen wie
mich nach meines Vatern Kuͤche verlangte.
Jch dachte die Frantzoſen waͤren Hungerlei-
der; aber nun ſchien es/ als waͤr ich zu Leuten
kommen/ die gar von der Lufft lebten. Jch
halte auch nicht/ daß ich dazumal auf meinem
gantzen Leibe ein Pfund Fleich haͤtte zuſam-
men bracht/ ſo ſehr war ich außgepoͤckelt/ dar-
um freuete ich mich/ wie die Kinder auf St.
Martin/ als wir in Franckreich zuruͤck com-
mendirt wurden. Da uͤberließ nun der Koͤ-
nig denen Schweden etliche Voͤlcker/ damit
kam ich in Schwediſche Dienſte gleich zu der
rechten Zeit/ daß ich in der Schlacht vor
Noͤrdlingen die Schlaͤge mit kriegte. Da
hatte ich vollends des Krieges ſatt/ denn eine
Muſqueten Kugel hatte mich am dicken Bei-
ne geſtreifft/ daß mir die Haut einer Spanne
lang abgegangen. Jns Fleiſch konte ſie nicht
kommen/ denn ich hatte keines. Nun war
der Schaden nicht gefaͤhrlich: allein wie es
brennte/ und wie mir das Außreiſſen ſo ſauer
worden/ laß ich dieſelben urtheilen/ die derglei-
chen
[71]
chen Vocksſpruͤnge verſucht haben. Hier-
mit eilte ich nach meinem Vater zu/ und ver-
hoffte/ er werde ſich wohl beguͤtigen laſſen/
wann er nur mein außgeſtandenes Elend ſe-
hen und behertzigen ſolte. Aber ich kam zu
langſam/ er war vor acht Wochen geſtorben/
und hatte mich meines Ungehorſams halben
außgeerbet bis auf hundert Guͤlden/ was ſolte
ich thun/ der letzte Willen war nicht umbzu-
ſtoſſen/ meine zwey Schwaͤger wolten mir
nichts einraͤumen/ ich hatte nichts gelernet;
drumb muſte ich wieder an den Krieg geden-
cken. Und war dieß mein Troſt/ wenn ich
mich von den 100. Guͤlden außmundirt haͤtte/
ſo wuͤrde ich als ein Cavallier beſſer fort kom-
men. Jch begab mich unter die Banniri-
ſche Armee/ gleich als ſie in Meiſſen und Thuͤ-
ringen herum hauſete. Und gewiß/ dazumal
gefiel mir das Weſen gar wohl/ ſo lange wir
Beute machten/ und kein Menſch da war/
der uns das unſerige wieder nehmen wolte:
Allein als Hatzfeld hinter uns drein war/ und
wir bey Zerbſt ſtehen muſten/ da wer ich lieber
im Qvartier vor Rochelle geweſen: ich wur-
de an unterſchiedenen Orten gequetſcht/ muſte
auch mit meinem Schaden fortreiten biß nach
Magdeburg. Da lag ich in einem wuͤſten
Hau-
[72]
Hauſe/ davon im Brande die Kuͤche war ſte-
hen blieben. Und diß war meine Herrligkeit
alle. Letzlich kam ich zu meiner Geſundheit/
daß ich wieder auf die Parthey gehen kunte.
Aber ich ſehnte mich nach keiner Beuthe/ ich
verlangte vielmehr eine Gelegenheit/ da ich nie-
der geſchoſſen wuͤrde/ und der Marter loß kaͤ-
me. Dieſe Deſperation ward von vielen
vor eine ſonderliche Courage außgeleget/ daß
ich endlich von einer Charge zu der andern
kam/ biß ich Rittmeiſter ward. Wie nun der
allgemeine Friede geſchloſſen war/ hatte ich
gleich zu meinem Gluͤcke in Brag brav Beute
gemacht/ die nahm ich und kauffte ein wuͤſt
Guͤtgen vor 10000. Thaler/ darauff haͤtt ich
wohl außkommen koͤnnen/ doch war ich zum
andernmahl ſo ein Narr/ daß ich meynte/ ich
müſte noch ein mahl verſuchen/ ob ich im Krie-
ge 20000. Thaler darzu erwerben koͤnte/ und
ließ mich in den Polniſchen Krieg mit behan-
deln. Jch borgte auf mein Guͤtgen/ ſo viel
ich kriegen kunte/ mundirte unterſchiedene
Soldaten auß/ und gieng damit fort. Jch
muß geſtehn/ daß ich ſo unangenehm nicht
war/ aber ich fand alſobald einen Knoten/ daß
in Polen keine Luſt waͤre/ als in Teutſchland.
Es waren keine ſolche Doͤrffer die man exe-
quiren
[73]
quiren koͤnte/ traff man ein Neſt voll Bauren
an/ ſo waren die Schelmen ſo boßhafftig/ daß
ſie ſich eher das Hertz auß dem Leibe reiſſen
lieſſen/ ehe ſie einem ehrlichen Manne etwas
auf die Reiſe ſpendiret haͤtten. Doch daß ich
es kurtz mache/ ſo will ich mein hauptſaͤchliches
Ungluͤck erzehlen. Jn Warſchau wolte ich
einmahl recht verſuchen/ wie die Thorniſche
Pfefferkuchen zu dem Polniſchen Brandte-
wein ſchmeckten/ und mochte die Probe zu
ſcharff gethan haben/ daß ich gantz truncken
worden. Jn ſolcher vollen Weiſe gerathe
ich an einen Polniſchen Edelman/ der mit in
Schwediſchen Dienſten war/ der verſtehts
unrecht/ und langt mir eines mit ſeinem Sebel
uͤber den rechten Arm/ daß wenn mein Collet
nicht etwas außgehalten haͤtte/ ich unſtreitig
des Todes geweſen waͤre. Da lag ich nun
vor einen todten Mann/ und ließ mich endlich
nach Thoren fuͤhren/ da ich durch einen Kauff-
man einen Wechſel nach dem andern zahlen
ließ/ biß mein Guͤtgen hin war. Jch kam
zwar wieder auf: doch iſt mir die Hand ge-
ſchwunden/ und wenn ſchwere Monat kom̃en/
ſo fuͤhle ich groſſe Schmertzen oben in der
Achſel Nun placke ich mich herumb und muß
von bloſſen Gnadengeldern kuͤmmerlich und
Delend
[74]
elend gnug meinen Leib ernehren. Ach bin
ich nicht ein Narr geweſen/ ach haͤtte ich mei-
nen Eltern gefolgt; Ach waͤre ich das ander-
mahl zu Hauſe blieben/ ach ſolte ich ietzt die
viertzig Jahr noch einmahl leben/ ach ich wol-
te kein ſolcher Narr ſeyn.

Der Dritte hatte gedultig zugehoͤret/ nun
traff ihn die Reih/ daß er reden ſolte/ der ſagte:
ach ihr Herren/ nehmet mich auch mit in eure
Geſellſchafft/ ich bin ja ſo ein groſſer Narr ge-
weſen/ als vielleicht keiner von euch. Mein
Vater war ein vornehmer Advocat/ der dach-
te/ weil ich ſein eintzig Kind waͤre/ muͤſte er mich
in ſonderlicher Wartung halten/ daß ich nicht
etwan ſtuͤrbe/ und der Welt ſo eine angelege-
ne Perſon entziehen moͤchte. Jch that was
ich wolte/ kein Nachbars Kind war vor mir
ſicher/ ich ſchlug es an den Hals/ die Jnforma-
tores ſaſſen wie Schaubhuͤtgen vor mir/ das
Geſinde muſte meinen Willen thun/ er ſelbſt
der Vater muſte ſich von mir regieren laſſen:
Jch war kaum drey Jahr/ ſo hatte ich einen
Degen an der Seite: Jm achten Jahre kauff-
te mir der Vater ein Pferdgen/ etwan ſo groß
als ein Windhund/ das lernte ich nach aller
Hertzens-Luſt tummeln: Jm zehenden Jahr
hatte ich ſchon ein ſeiden Ehren-Kleid/ darinn
ich
[75]
ich konte zur Hochzeit gehen. Jm zwoͤlfſten
Jahre dachte ich/ es waͤre eine Schande/ wañ
ich keine Liebſte haͤtte. Aber in der gantzen
Zeit durffte ich nichts lernen oder vornehmen.
Ein Præceptor muſte deshalben von uns fort/
daß er mich mit dem Catechiſmo ſo ſehr ge-
bruͤhet. Ein ander kriegte den Abſchied/ weil
er behaupten wollen/ ich muͤſte in dem zehendẽ
Jahre Menſa conjugiren koͤnnen. Wieder
ein ander ward mit der Thier vor den Hinder-
ſten geſchlagen/ weil er vorgab/ ich ſolte nicht
mehr bey der jungen Magd im Bette liegen/
bey welcher ich doch von langer Zeit gewohnt
war. Mit einem Worte viel zu begreiffen/
wer mich anruͤhrete/ der taſtete meines Va-
ters Augapffel an. Endlich ſchaͤmte ich mich ei-
nen Præceptor zu habẽ/ da kriegt ich einẽ Hoff-
meiſter/ der hieß mich Monſieur, der nahm
mich mit zum Schmauſe/ und perfectionirte
mich/ daß ich pro hic \& nunc ein vollkom̃ener
Juncker war. Jm 18. Jahre ſtarb mein Va-
ter/ da war Herrligkeit. Sie wolten mir ei-
nen Curator ſetzen/ aber ich fieng Haͤndel mit
ihm an/ und ſchlug ihm ein paar Piſtolen um
den Kopff. Jch dachte/ ich waͤre ὑπὲρ klug/
meinen Stand außzufuͤhren. Nun war es
nicht ohne/ mein Vater hatte ſo viel Cauſen
D ijge-
[76]
gemacht/ daß ich von den Capitalien wohl
haͤtte leben koͤnnen. Aber ich meinte/ ich muͤ-
ſte dreymahl praͤchtiger leben als er/ ungeacht
ich nicht den zehenden Theil erwerben konte.
Da fanden ſich viel gute Fꝛeunde/ die mir einen
Schmauß nach dem andern außfuͤhrten/ und
ich hatte alle Freude daran; ja ich ließ michs
verdrieſſen/ wann mir einen Abend weniger
als 10. Thaler auffgingen. Alles gieng vom
beſten/ wenn mir der Weinſchencke 3. Noͤſſel
ſechs Groſchen Wein ſchickte/ haͤtte ich mich
geſchaͤmt/ daß ich ihm nicht vor zwey Kannen
zehen Groſchen Wein bezahlet haͤtte; die Ler-
chen aß ich nicht eher/ als biß eine Mandel im
Weinkeller 20. Groſchen galt/ die Gaͤnſe
ſchmackten mir uͤmb Pfingſten vor einen hal-
ben Thaler am beſten/ und ich weiß wohl eh/
daß ich vor einen gebratenen Haſen 2. Guͤl-
den bezahlet habe. Jch wolte mich einmahl
mit dem Gaſtwirthe ſchlagen/ daß er vor mich
und vier Gaͤſte 9. Thal. forderte/ da ich die gu-
ten Freunde gern vor 18. Thal. tractirt haͤtte.
Jn Kleidern hielt ich mich polit/ die daffete
Waͤmſer und Kappen ließ ich nicht fuͤttern/
es haͤtte ſonſt ein Toͤpffgen-Stutzer gemeynt/
ich wolte es mit der Zeit wenden laſſen. Wañ
das Band etwas zuſammen gelauffen war/
mochte
[77]
mochte es mein Famulus abtrennen. Dann
der Kauffmann creditirte ſchon aufs neue/
und was der Eitelkeiten mehr ſeyn. Das
wuſte die gantze Stadt/ daß ich ein perfecter
Narr war/ und ich werde es meine Lebtage
nicht vergeſſen/ was mein Beichtvater zu mir
ſagte: Ach Haͤnſgen/ ſprach er/ wie will das
ablauffen/ ach beſtellt den Bettelſtab/ weil ihr
Geld habt/ ſonſt werdet ihr einen Knittel von
der erſten Weide abſchneiden muͤſſen. Ja
wohl/ ich habe ihn gar zu offt abſchneiden
muͤſſen. Dann ob ſich zwar die Obrigkeit
ins Mittel ſchlug/ und mir als einem verthuli-
chen Menſchen nichts folgen ließ/ war es
doch zu lang geharret/ und ich hatte doch
nichts anders gelernet/ als boͤſes thun. Uber
diß kunten ſie mir meine nothduͤrfftige Unter-
haltung nicht wehren/ daß ich alſo mein gan-
tzes Reichthum durchbracht/ biß auf 200.
Guͤlden/ ehe ich 23. Jahr alt war/ darauff ſol-
teich nun in der Welt fort kommen/ und wohl
gar eine Frau nehmen. Auf die letzt trat mich
zwar die ſchwartze Kuh/ aber zu ſpat/ ich wu-
ſte nicht wohin/ meine Freunde hätten mich
gern befoͤrdert/ aber ich haͤtte lieber einen
Dienſt gehabt/ da ich einen Sammetpeltz al-
le Tage anziehen/ und in ſechs Tagen kaum
D iijeine
[78]
eine Stunde arbeiten doͤrffen. Gewiß ich
wunderte mich von Hertzen/ daß ſo wenig Leu-
te waren/ welche Muͤßiggānger brauchten.
Zwar ich begunt es allmehlig nãher zu geben.
Und wie die liebe Noth gar zu groß ward/ ließ
ich mich bey einem von Adel in Dienſte ein.
Er ſagte zwar/ ich ſolte ſein Secretarius heiſſen/
aber wann ich vom Pferde fiel/ ſo ſtund ein
Schreiber und Tafeldecker wieder auf/ da
ward mir wieder eingeſchenckt/ was ich an
meinem Vater verſchuldet hatte. Die Frau
ſchickte mich bald da bald dorthin/ die Kinder
begoſſen mich mit Waſſer/ das Geſinde ſetzte
mir Eſelsohren auf/ kurtz von der Sache zu
reden/ ich war der Narr von Hauß. Es that
mir zwar unerhoͤrt bange: Aber was ſolt ich
thun/ ich wuſte nirgend hin/ ohne Unterhalt
konte ich nicht leben/ alſo hieß es mit mir lieber
ein Narr/ als Hungers geſtorben. Doch daß
ich auf meine rechte Thorheit komme/ ſo hatte
der von Adel 2. Pfarrs-Toͤchter bey ſich/ de-
rer Eltern geſtorben waren. Eine zwar ziem-
lich bey Jahren/ zum wenigſten auf einer Sei-
te 18. biß 19. Jahr/ und allem Anſehen nach/
mochte ſie wohlwiſſen/ was fuͤr ein Unter-
ſcheid zwiſchen einem gemeinen und einem E-
delmann wãre. Die andere war kaum 16.
Jahr
[79]
Jahr alt/ und hatte ſo ein niedlich Geſichte/
und ſo freundliche Minen/ daß auch ein ſtei-
nern Hertze ſich nur durch ihre Freundligkeit
bewegen laſſen. Weil ich nun des courtoi-
ſirens ſchon lang gewohnt war/ dacht ich/ da
wuͤrde auch ein Fuͤttergen unter mein Beltz-
gen ſeyn. Jch fieng erſtlich von weitlaͤuffti-
gen Sachen an zu reden/ und gedachte/ ſie
wuͤrde mit mir gewohnt werden/ daß ich ſie
umb was anders deſto kuͤhner anſprechen
duͤrffte/ doch weiß ich nicht/ wie ſie ſo kaltſin-
nig gegen mir war. Endlich nach 9, oder 10.
Wochen merckte ich daß ſie luſtiger ward.
Sie gruͤſte mich freundlich/ ſie brachte m[i]r
wohl ein Straͤußgen/ und fragte mich/ wie
mir es gienge. Ja was noch mehr iſt/ als ich
ſie kuͤſſen wolte/ ſagte ſie/ ich ſolte ſie ietzt mit
frieden laſſen/ ich wuͤſte wohl wo die Poſſen
hingehoͤrten. Damit war ich gefangen/ ich
præſentirte meinen Dienſt mit der gantzen
Schule an/und befand/ daß ich bey dem Mad-
gen noch weiter von ſolchen Sachen reden
moͤchte. Kurtz/ wir beſtellten einander auf
den Abend umb 10. in eine Gaſtkammer/ und
damit war es richtig. Jch verſaͤumte die
Zeit nicht/ fand auch die Liebſte ſchon in der
Kammer/ doch ohne Licht dann ſie gab vor/ es
D jvmoͤchte
[80]
moͤchte iemand des ungewoͤhnliehen Lichtes
an dem Fenſter gewahr werden Und darzu
bat ſie mich/ wir moͤchten nicht zu viel reden/
weil der Schall leicht koͤnte von uͤbel paßionir-
ter Perſonen auffgefangen werden. Jch
ließ mir alles gefallen/ und ſtelle es einem ied-
weden zu reiffem Nachdencken anheim/ was
darnach mag vorgelauffen ſeyn: Aber die
Luſt waͤhrete nicht lange/ ſo kam der Edelmañ
mit mehr als 20. Mann in die Kammer hinein/
und wolte wiſſen/ was ich hier zu ſchaffen haͤtte:
Jch war von Erſchrecken eingenommen/ daß
ich nicht achtung gab/ wer bey mir lāge. Doch
kont ich mit ſtillſchweigen wenig ausrichten/
weil der Juncker mit dem bloſſen Degen mir
auf den Leib kam da erſchrack ich vor dem kal-
ten Eyſen/ und wolte ein bißgen Troſt bey
meiner Liebſten ſchoͤpffen: ſieh da ſo war es
nicht das junge artige Maͤdgen/ ſondern die
alte garſtige Emerentze/ die lachte mich uͤber
einen Zahn ſo freundlich an/ daß man alle eylffe
davon ſehen kunte. Ey/ ey/ wer war elender
als ich: Und fuͤrwar/ es hat mich offt getau-
ert/ daß ich mich nicht habe todt ſtechen laſſen.
Doch dazumahl war mir das Leben lieb/ daß
ich/ alles Ungluͤck zu vermeiden/ mich gefangen
gab/ und auch in die Trauung einwilligte. Da
ſaß
[81]
ſaß ich nun mit meiner Gemahlin/ und haͤtte
mich gern zu frieden gegeben/ wañ ich nur/ wie
Jacob die Junge auch noch hohlen duͤrffen.
So merckte ich/ daß es mit mir hieß/ O ho
Bauer! laß die Roͤßlein ſtahn/ ſie gehoͤren fuͤr
einen Edelmann. Was ſolte ich aber fuͤr
Nahrung anfangen/ graben mocht ich nicht/
ſo ſchaͤmte ich mich zu betteln/ drum muſte ich
mit einem geringen Verwalterdienſtgen vor-
lieb nehmen/ von welchem diß accidens war/
daß ich die Mahlzeit bey Hofe mit haben ſolte.
Jch ließ es gut ſeyn/ und legte mich mit mei-
ner alten Schachtel alle Abend zu Bette/ als
hātte ich die Junge nie lieb gehabt. Doch
war diß meine Plage/ daß ich allen Gaͤſten Ge-
ſellſchafft leiſten muſte/ dann wer Luſt zu ſauf-
fen hatte/ dem ſolte ich zu Gefallen das Tann-
zapffen-Vier in den Leib gieſſen/ davon ward
ich endlich ſo ungeſund/ daß ich meinem Leibe
keinen Rath wuſte/ zu groſſen Gluͤcke kam eine
Rechts Sache zu Ende/ davon ich 2000. Thl[.]
participirte/ und meine alte Kachel ſtarb in
Kindesnoͤthen. Alſo ward ich wieder frey/
und behelffe mich numehr auf mein Geld ſo
gut ich kan. Aber ach! bin ich nicht ein Narr
geweſen/ ach haͤtt ich einen Curator angenom-
men/ ach haͤtte ich was rechtes gelernt
D vach
[82]
ach koͤnte ich ietzt dreiſſig Jahr juͤnger wer-
den!

CAP. VII.

FLorindo hatte alle die Erzehlungen mit
groſſer Luſt angehoͤret/ Gelanor auch ließ
ſich die artlichen Begebenheiten nicht uͤbel
gefallen/ doch hatte dieſer etliche Lehren daruͤ-
ber abgefaſt welche dem Florindo gantz in ge-
heim communicirt worden/ alſo daß kein
Menſch ſolcher biß auf dieſe Stunde habhafft
werden kan. Derhalben wird der geneigte
Leſer auch zu frieden ſeyn/ daß hier etwas mit
Stillſchweigen übergangen wird. Es moͤch-
ten ſich etliche Leute der Sache annehmen/ die
man nicht gern erzuͤrnen will: Und wer will
ſich an allen alten Gaſconiern das Maul ver-
brennen. Wir gehen in unſerer Erzehlung
fort/ und geben unſern narrenbegierigen Per-
ſonen das Geleite. Dieſe hatten ſich auf des
Wirths Einrathen in einen beruͤhmten Luſt-
garten verfuͤgt/ und wolten die Herrligkeit
deſſelben Ortes auch mitnehmen. Aber
Gelanor ſagte den halben Theil von ſeinen
Gedancken nicht/ dann ſo offt der Gaͤrtner mit
ſeinen frembden Gewāchſen herpralte/ wie ei-
nes 10. das andere 20. das dritte 50. das vierd-
te gar hundert Thaler zu ſtehen kaͤme/ hielt er
allzeit
[83]
allzeit eine ſchlechte Feldblume dargegen/ die
an vielen Stuͤcken/ ſonderlich in Medicini-
ſcher Wuͤrckung weit beſſer war/ und machte
den Schluß: STUL TITIAM PATIUNTUR
OPES. Doch ſagte er nichts laut/ weil ihm
als einem Narren-Probirer wol bewuſt war/
daß kein ārger Narr in der Welt ſey/ als der
alles ſage/ was er dencke. Jmmittelſt erblickte
er einen Mann/ welcher in der Galerie ſpatzie-
ren gieng/ und dem aͤuſſerlichen Anſehen nach
vor einen ſtattlichen Miniſter bey Hofe paſſiren
moͤchte/ zu dieſem verfuͤgte er ſich/ und fieng
von einem und dem andern an zu reden/ vor-
nehmlich verwunderten ſie ſich uͤber die ar-
beitſame Natur/ welche dem Menſchlichen
Fleiſſe ſich ſo unterthaͤnig macht/ daß alle
Roſen/ Nelcken und andere Blumen/ welche
ſonſt mit wenig Blaͤttern hervor kommen/
durch fleißiges und ordentliches Fortſetzen
leicht vollgefuͤllt/ und zu einer ungemeinen
Groͤſſe gebracht werden. Von ſolchen na-
tuͤrlichen Dingen geriethen ſie auf Politiſche
Fragen/ und Weil ſich Gelanor in dieſes un-
bekandten gute Qualitaͤten etwas verliebete/
giengen ſie zuſammen in das Garten-Haus/
und ſetzten ſich in den Schatten/ da druck[te]
dieſer frembde Gaſt loß/ wer er waͤre/ und
D vjfuͤhrte
[84]
fuͤhrte folgenden Diſcurs. Es iſt eine wun-
derliche Sache/ daß man dem Gluͤcke in dieſer
Welt ſo viel nachgeben muß; wie mancher
zeucht von einem Orte zum andern/ und ſucht
Befoͤrderung/ doch weil er den Zweck nicht in
acht nimmt/ darauff ſein Glũcke ziehlt/ geht al-
les den Krebsgang. Hingegen wer dem
Gluͤcke gleichſam in die prædeſtination hinein
rennt/ der mag es ſo naͤrriſch und ſo plump
vornehmen/ als er will/ ſo muß er doch erho-
ben/ und vielen andern vorgezogen werden.
Wie viel habe ich gekennt/ die wolten entwe-
der auf ihrer Eltern Einrathen/ oder auch wol
auf ihr eigen plaiſir Theologiam ſtudiren:
allein es gerieth ins Stecken/ biß ſie das Stu-
dium Juris vor die Hand nahmen/ darzu ſie
von dem Gluͤcke waren gewidmet worden.
Und alsdann muſte man ſich verwundern/
wie alles ſo gluͤcklich und geſegnet war. An-
dere haben die Medicin ergriffen/ welche bey
der Juriſterey verdorben waͤren/ und was iſt
gemeiner/ als daß ein Menſch/ der mit Gewalt
will einen Gelaͤhrten bedeuten/ ſich hernach in
das Bierbrauen/ in die Handlung/ in den
Ackerbau und in andere Handthierungen ſte-
cken muß/ welcher ohn allen Zweiffel beſſer ge-
than haͤtte/ wann er Anfangs dem Gluͤcke waͤ-
re
[85]
re entgegen gangen. Und gewiß/ iſt iemand
auf der Welt/ der ſolches an ſeiner eigenen
Perſon erfahren hat/ ſo kan ich wohl ſagen/
daß er mir nicht viel nehmen ſoll. Jch war
von Lutheriſchen Eltern gebohren und erzo-
gen/ vermeynte auch/ ich wolte bey eben derſel-
ben Religion leben und ſterben. Allein wie
mir das Gluͤcke dabey zuwider geweſen/ kan
ich nicht ſagen. Numehr als ich auf Zure-
den vornehmer und verſtaͤndiger Leute zu der
Catholiſchen Religion geſchritten bin/ hab ich
noch nichts unter die Haͤnde bekommen/ daß
mir nicht mehr als erwuͤnſcht waͤre von ſtatten
gangen. Jch habe mein reichlich und uͤber-
fluͤßig Außkommen/ ich ſitze in meinem Ehren-
ſtande/ und welches das beſte iſt/ ſo darff ich
nicht befuͤrchten/ als moͤchte die Zeit ſchlimmer
werden. Solches alles nun muß ich dem
bloſſen Gluͤcke zuſchreiben/ welches mich bey
keiner andern Religion wil geſegnet wiſſen.
Gelanor wolte auch etwas darbey geredt ha-
ben/ drumb ſagte er: Es waͤre nicht ohne/ der
Menſchen Glücke hielte ſeinen verborgenen
Lauff/ doch meynte er/ man muͤſſe die endliche
direction ſolcher wunderbahren Faͤlle GOtt
zuſchreiben/ welcher das Gemuͤthe durch aller-
hand heimliche inclinationes dahin zu lencken
D vijpflegte/
[86]
pflegte/ daß man offtermahls nicht wiſſe/ wa-
rumb einer zu dieſem/ der andere zu jenem Luſt
habe. Was aber die Religion betreffe/ meynte
er nicht/ daß man mit ſo einem goͤttlichen
Wercke gar zu liederlich ſpielen ſolte. Ey/
verſetzte der Weltmann/ was ſoll man ſpielen/
die Sache iſt noch ſtreitig/ und ſo lange nichts
gewiſſes erwieſen wird/ bleibt die Cathol. als
die aͤlteſte/ noch immer in poſſeſſione. Und
darzu/ man ſehe nur was die Lutheriſche Lehre
denen von Adel vor Herrligkeit macht. Sie
heyrathen alle und vermehren ſich wie die A-
meißhauffen/ und gleichwohl vermehren ſich
die Guͤter nicht/ ich lobe es bey den Catholi-
ſchen/ da gibt es ſtattliche præbenden/ die wer-
den denen von Adel eingeraͤumt/ und bleiben
indeſſen die Lehngüter unzertrent; duͤrffen die
Geiſtlichen nicht heyrathen/ ſo haben ſie ande-
re Gelegenheit/ dabey ſie die Luſt des Ehſtan-
des genieſſen/ und der Plage uͤberhoben ſeyn-
So hoͤre ich wohl/ antwortete Gelanor, man
lebt nur darumb in der Welt/ daß man wil
reich werden. Mich duͤnckt/ das iſt ein ſtarck
Argument wider die Catholiſchen/ daß ſie gar
zu groß Gluͤcke haben. Und er wird ohn Zwei-
fel den Spruch Chriſti geleſen haben: waͤret
ihr von der Welt/ ſo haͤtte die Welt das
ihre
[87]
ihre lieb/ weil ihr aber nicht von der
Welt ſeyd/ ſo haſſet euch die Welt.
Derhalben ſchaͤtze ich die vor gluͤckſelig/ wel-
che durch viel Truͤbſal in das Reich Gottes
eingehen/ und alſo nach Chriſti Befehl am
erſten nach demſelben Reich Gottes trachten.
Es hat ſich wohl getracht/ fieng jener hingegen
an/ wann man ſeinen Stand fuͤhren ſoll/ und
hat nichts darzu. Gelanor fragte/ welche Lu-
theriſche von Adel hungers geſtorben waͤren?
ſagte darbey/ er koͤnne nicht laͤugnen/ daß etli-
chen das liebe Armuth nahe genug waͤre: doch
wolte er hoffen/ die Catholiſchen Edelleute
wuͤrden auch ihre Goldguͤlden nicht mit lau-
ter Kornſaͤcken außmeſſen/ es waͤre eine andere
Urſache/ dadurch die Meiſten in Armuth ge-
riethen. Dann da hielte man es fuͤr eine
Schande/ auf buͤrgerliche Manier Geld zu
verdienen/ und wann ja etliche das Studiren
ſo hoch ſchaͤtzten/ daß ſie dadurch meinten em-
por zu kommen/ ſo waͤren hingegen etliche hun-
dert/ die nichts koͤnten als Fiſche fangen und
Vogel ſtellen. Derhalben waͤre auch die
Republic nicht ſchuldig/ ihnen groͤſſere Unter-
halt zu ſchaffen/ als den Fiſchern und Vogel-
ſtellern zukaͤme. Mit dem Geſchlechte und
deſſen fortpflantzung haͤtte es ja ſeinen Ruhm:
doch
[88]
doch wuͤrden die Ahnen nur geſchimpfft/ wañ
man ihre Wappen/ und nicht ihre Tugenden
zugleich erben wolte. Man ſolte auch nur
in andere Republicqven ſehen/ wie ſich die von
Adel weder der Kaufſmanſchafft noch der Fe-
der ſchaͤmeten/ der Hertzog von Churland/ der
Groß-Hertzog von Florentz/ ja die Venetia-
niſch- und Genueſiſchen Patricii wuͤrden durch
ihre Kauffſchiffe im minſten nicht geringer;
Und ſie ſelbſt/ bey den Catholiſchen/ machten
auß ihren Grafen und Hn. Doctores und
Profeſſores. Dem guten Herrn wolte die
Rede nicht in den Kopff/ ſtund derhalben
auf/ mit vorgeben/ er muͤſſe nothwendig einem
andern hohen Praͤlaten auffwarten/ recom-
mendirte ſich in ſeine Gunſt/ bat alles wohl
auffzunehmen/ und gieng hiermit zum Garten
hinaus. Da ließ nun Gelanor ſeine Gedan-
cken etwas freyer herauß/ ach ſagte er/ iſt diß
nicht Blindheit/ daß/ ehe man ſich etwas druͤ-
cken und buͤcken wolte/ man lieber Gott und
Himmel vor eine Handvoll Eitelkeit verſetzen
und verkauffen darff. Geſetzt die Catholiſche
Lehre waͤre ſo ſchlim nicht/ daß alle in derſelben
ſollen verdammt ſeyn: ſo frage ich doch/ ob ein
ſolcher abgefallener Sauſewind nicht in ſei-
nem Gewiſſen einen Scrupel befinde/ der ihm
die
[89]
die Sache ſchwer mache. Dann die Lehre/
darinn er gelebt hat/ kan er nicht verdammen.
Und gleichwohl gehoͤrt ein groſſer Glaube
darzu/ zwey gegenſtreitende Sachen gleich gut
zu heiſſen/ Conſcientia dubia nihil eſt facien-
dum. Endlich was den Handel am ſchlim-
ſten macht/ ſo nehmen ſie ja die Enderung nit
etwan vor/ Gottes Ehre zu befoͤrdern/ oder
ihre Seligkeit gewiſſer zu machen: ſondern
weil ſie meynen/ ihre zeitliche Gluͤckſeligkeit be-
ſtens außzufuͤhren/ das iſt mit derben deut-
ſchen Worten ſo viel geſagt/ weil ſie an Got-
tes Vorſorge verzweiffeln/ als ſey er nicht ſo
Allmaͤchtig/ daß er einen in der armſeligen Re-
ligion ernehren koͤnte/ nun uͤberlege man den
ſchoͤnen Wechſel. Ein Kind wird außgelacht/
wann es nach einem Apffel greifft/ und einen
Roſenobel liegen laͤſt. Eine Sau iſt darum
eine Sau/ weil ſie den Majoran veracht/ und
mit dem Ruͤſſel in alle weiche materie faͤhrt.
Aber der wil vor einen klugen und hochver-
ſtaͤndigen Menſchen gehalten ſeyn/ der das E-
wige verwirfft/ und auf das Zeitliche ſiehet/
welches in lauter kurtzen Augenblicken be-
ſteht/ die uns eher unter den Haͤnden entwi-
ſchen/ als wir ſie recht erkennet haben. Doch
wer will ſich wundern/ Chriſtus hat die Thor-
heit
[90]
heit alle zuvor geſehen/ drum ſagt er auch: das
Evangelium ſey den Unmuͤndigen offenbah-
ret/ aber den Klugen und Weiſen verbor-
gen.

CAP. VIII.

HJerauf giengen ſie wieder nach Hauſe/
und als ſie kaum in ihr Zimmer kommen/
fragten etliche Kerlen von geringem Anſehen/
ob ſie nicht koͤnten beherberget werden/ ſie wol-
ten gern eine Mahlzeit eſſen; der Wirth ſatzte
ſie an einen Tiſch bey der Haußthuͤr/ und gab
ihnen ſo lang etliche Kannen Bier/ biß ſie et-
was zu eſſen kriegten Gelanor, der mit Ver-
langen auf die Mahlzeit wartete/ ſahe von oben
auf ſie hinunter/ und hoͤrete/ was ſie vor Ge-
ſpraͤche fuͤhren wuͤrden. Ja wohl/ ſagte ei-
ner/ iſt es eine ſtattliche Sache/ wer viel baar
Geld hat/ ich wolte/ ich faͤnde einmahl einen
Schatz von zehn biß zwoͤlff tauſend Thalern.
Ja Bruder/ ſagte der ander/ was faͤngt man
ietziger Zeit mit dem baaren Gelde an? Hoho/
antwortete jener/ da laß mich davor ſorgen/
ſind nicht waͤchſelbaͤncke genug/ da man es
hinlegen kan. Ja fragte der/ wo koͤmmt man
alſo bald unter/ und es iſt ungewiß/ ob ſie dritt-
halb pro cento geben. Es ſcheinet auch/ als
wann
[91]
wann die Baͤncke wolten ihren credit allmeh-
lig verlieren/ was haͤtte man darnach/ wann
das ſchoͤne Capital auf einmahl vor die Hun-
de gienge. Dieſer Atzt weiß ich ſchon einen
Stiel/ replicirte der erſte/ man darff nicht ſo
ein Narr ſeyn/ und alles an einen Ort ſtecken/
hie Tauſend Thaler/ dort tauſend Thaler/ ſo
muͤſte es S. Velten gar ſeyn/ daß man al-
lenthalben auf einmahl geſchnellt wuͤrde. A-
ber wie waͤre es/ ſagte der ander/ wann du es
an was anlaͤgeſt/ wann ich an deiner Stelle
wāre/ ich kauffte ein Stuͤcke gut/ gaͤbe ein
ſtarck Angeld/ lieſſe mir hernach die Ta-
gezeiten deſto gnaͤdiger machen/ daß ich ſie halb
und halb von dem Gute nehmen koͤnte. Ach
Bruder/ gab der zur Antwort/ man ſieht ja/
was itzo die Guͤter abwerffen/ der Ackerbau
traͤgt nichts/ die Viehzucht iſt auch gar ins
Abnehmen gerathen/ haͤtte ich Teiche/ und
kaͤme mir der Fiſchotter hinein/ ſo haͤtte ich
auch drey oder vier Jahr uͤmbſonſt gehofft/
zwar wenn trockene Zinſen dabey waͤren/ ſo
waͤre es gut; aber wer findet flugs ein Gut/
das ſolche Pertinentz-Stuͤcke hat. Mit Hol-
tzungen iſts auch ein eben Thun/ wañ ein groſ-
ſer Wind kaͤme/ und riſſe die Helffte von den
Baͤumen auß/ ſo haͤtte ich meinen Nutz. O-
der
[92]
der wenn ich einen boͤſen Nachbarn haͤtte/
der mir ſein Vieh auf die jungen Baͤumgen
triebe/ und lieſſe mir die Lobden wegfreſſen/
ſo ſolte ich wohl funſſzig Jahr warten/ biß
ich wieder Holtz kriegte. Das ſolte mir der
Nachbar wohl bleiben laſſen/ ſagte der ander/
ich wolte ihm einen Advocaten uͤber den
Hals fuͤhren/ daß er des Huͤtens vergeſſen
ſolte: oder genauer davon zu kommen/ ich wol-
te ihn pfaͤnden/ daß er nicht einen Kaͤlberfuß
ſolte zuruͤck bekommen: was ſolten die Poſſen/
wann einer moͤchte dem andern zu Schaden
handthieren wie er nur ſelber wolte. Nein
das muß nicht ſeyn/ es iſt noch Gerechtig-
keit im Lande/ dahin man appelliren kan. Sol-
che Worte ſtieß der gute Menſch aus allem Ei-
fer herfuͤr/ und gewißlich/ wenn der Kühhirte
ihm waͤre in den Wurff kommen/ er haͤtte ſich
an ihm vergriffen. Doch war es umb einen
Trunck Bier zu thun/ damit war das ungeheu-
re Zorn-Feuer geloͤſcht/ und der Diſcurs
hatte ſeinen Fortgang: denn da ſagte eben die-
ſer: hoͤre Bruder/ was mir einfaͤllt/ ein Landgut
ſtuͤnde dir doch am beſten ’an/ ich weiß wie du
es koͤnteſt nutzbar machen. Laß eine groſſe Gru-
be graben/ darein ſchuͤtte allen Unflat/ der im
Hauſe geſamlet wird: Und ſieh in etlichen Jah-
ren
[93]
ren darnach/ ob nicht lauter Salpeter wird da
ſeyn. Da laß nun eine Salpeter: Huͤtte bauen/
und verlege etliche Materialiſten/ es iſt darum
zu thun daß du das Pfund umb 4. Pfennige
wolfeiler gebeſt. Ey ſagte jener/ was fragte ich
nach dem Dreckhandel/ ich laſſe mich doch zu
keinem Landgute bringen/ du magſt reden was
du wilſt/ es iſt allzeit in der Stadt bequemer/
da will ich mir laſſen ein Haus bauen/ mit ſchoͤ-
nen Erckern/ mit groſſen Saͤlen/ mit zierli-
chen Kammern/ Summa Summarum/ es
ſoll ſich kein Fuͤꝛſt ſchaͤmen dariñen zu wohnen/
nur einen groſſen Kummer hab ich/ darvor
ich bißweilen die Nacht nicht ſchlaffen kan:
Jch weiß nit/ wo ich die Feuermauer und das
Secret recht anbringe. Nun es wird ſich ſchon
ſchicken/ ſagte dieſer/ ich/ wolte das Haus waͤre
fertig/ und du haͤtteſt mir eine Stube drin-
nen vermiethet; du wuͤrdeſt doch diſcret ſeyn/
und wuͤrdeſt mich mit dem Zinß nicht zu ſehr
forciꝛen. Dis gefiel dem andeꝛn nit/ deꝛ wandte
ein/ der Zinß muͤſte alle Oſtern und Michaelis
gefaͤllig ſeyn/ ſonſt moͤchte er es nicht einmal
thun Und in ſolchem Streit geriethen die gutẽ
Leute võ Worten zu Schlaͤgẽ/ daß dem Wirth
angſt und bange war wie er Friede machen
koͤnte/ daß der Richter nichts davon kriegte.
Gela-
[94]
Gelanor hatte inzwiſchen treffliche Ergoͤtz-
ligkeit gehabt/ und erzehlte bey Tiſche/ woher
ſich der gantze Streit entſponnen/ fuͤgte ſo
dann dieſe Anmerckung hinzu. Sind das
nicht Narren/ die auf eine ungewiſſe und woh/
gar unmoͤgliche Sache ſo groſſe Lufft-Schloͤſ-
ſer bauen? Da bekuͤmmern ſie ſich umb den
Schatz/ den ſie nimmermehr finden werden/
und verſaͤumen hingegen ihre eigene Sachen/
darauff ſie dencken ſolten. Zwar man ſolte
nicht meinen/ daß die Welt ſo gar blind waͤre/
wenn nicht die ſichtbahren Exempel mit den
Haͤnden zu ergreiffen waͤren. Da heiſt es/
ie haͤtt ich/ ie duͤrfft ich/ ie koͤnt ich/ ie ſolt ich.
Und kein Narr ſieht auf das jenige/ was er
ſchon hat/ was er thun darff/ was er kan und
ſoll. Vielleicht muͤſſen wir im Hauſe einen
Tiſch noch hinan ſchieben/ wann alle ſolche
Lufftſpringer ſolten mitgeſpeiſet werden. Dañ
die Welt iſt ſolcher Wuͤnſche voll/ und den-
cket/ ob mir es gleich nicht werden kan/ hab ich
doch meine Luſt daran. Mit andern derglei-
chen Geſpraͤchẽ ward der Tag zugebracht/ alſo
daß keine ſonderliche Thorheit auffs neue vor-
lieff/ welche man haͤtte hauptſachlich be-
lachen ſollen.

CAP. IX.

DEn andern Morgen gieng Gelanor in
ſeiner Stuben hin und wieder/ und weil
ein Schubkaͤſtgen unten am Tiſche war/ trieb
ihn ſeine Curioſitaͤt zu ſehen/ was drinnen
waͤre. Nun waren allerhand Rechnungen
und andere Acta drinnen verwahret/ an wel-
chen man ſchlechte Ergetzligkeit haben kunte/
daß auch Gelanor den Kaſten wieder hinein
ſchieben wolte. Allein Florindo ward eins
Seitenkaͤſtgens gewahr/ und als er ſolches
oͤffnete/ lagen etliche Brieffe mit Baͤndergen
und bunter Seide bewunden/ daß man leicht
ſchlieſſen mochte/ es wuͤrden Liebes Brieffe
ſeyn. Sie waren auch in ſolcher Meinung
nicht betrogen/ denn alſo lauteten die hertz-
brechende Complimentir-Schreiben:

Jn Warheit ſagte Florindo, mit dieſem
Frauenzimmer moͤchte ich ſelbſt Brieffe wech-
ſeln/ ſo gar zierlich und kurtz kan ſie ein Com-
plimentgen abſtechen/ alſo daß man weder ihre
Hoͤflichkeit tadeln/ noch auß ihrer Freymuͤtig-
keit einige Liebe oͤffentlich ſchlieſſen kan.

Das heiſt bey der Naſen herumb gefuͤhrt/
ſagte Gelanor, man mag die Worte außlegen
wie man will/ ſo heiſt alles/ waſche mir den
Peltz und mache mir ihn nicht naß. Jch halte
davor/ daß ſie eine von den qualificirteſten Per-
ſonen ſeyn muß.

Scheint doch der Brieff als ein halber
Korb/ ſagte Florindo, ich wolte mir derglei-
chen Zierligkeit nicht viel wuͤnſchen. Dem
guten Menſchen muß gewiß viel daran gele-
gen ſeyn/ daß er Brieffe außgewuͤrckt/ die
nichts geheiſſen.

Gelanor ſagte/ wir kommen nicht auß dem
Handel/ wir muͤſſen ſuchen/ ob nicht ein Con-
cept vorhanden/ welches der ungluͤckſelige
Liebhaber ſtyliſiret. Und zu allem Gluͤcke
fanden ſie etliche Bogen Papier/ darauff die
hertzbrechende inventiones geſtellt waren.
Und ſahe man wohl/ daß der gute Guͤmpel alle
Worte etlichemahl auf die Goldwage gelegt/
weil hin und wieder etliche Zeilen mehr als
dreymahl außgeſtrichen waren. Alſo brach-
ten ſie auch mit genauer Noth folgendes zu
wege.

Schoͤnſte Gebieterin.

GLuͤckſelig iſt der Tag/ welcher durch das
glutbeflammte Carfunckel Rad der he-
len Sonnen mich mit tauſend ſuͤſſen Strah-
len begoſſen hat/ als ich in dem tieffen Meere
meiner Unwuͤrdigkeit/ die koͤſtliche Perle ihrer
Tugend in der Muſchel ihrer Bekandſchafft
gefunden habe/ dazumahl lernte ich der Hof-
fart einigen Dienſt erweiſen/ in dem ich die
ſchoͤne Himmels-Fackel mit veraͤchtlichen Au-
gen anſah/ gleich als waͤre ſie nicht wuͤrdig/
bey dem hellblinckenden Luſtfeuer ihrer lieb-
reitzenden Augen gleichſcheinend ſich einzuſtel-
len. Die Venus hat ihr vorlaͤngſt den guͤl-
denen Apffel geſchickt/ und durch ihr eigenes
E iiBe-
[100]
Bekaͤntniß den Ruhm der Schoͤnheit auf ſie
geleget. Juno eiffert nun wieder mit ihrem
Jupiter/ als moͤchte er ſich auffs neue in et-
was anders verwandeln und ihrer theilhaff-
tig werden. Diana will nicht mehr nackend
baden/ weil ſie weiß/ daß ſie das Lob ihres
ſchneeweiſſen Leibes verlohren hat. Apollo
wünſchet ſie unter den Muſen zu haben/ wenn
das Verhaͤngniß nicht den Schluß gemacht
haͤtte/ daß ſie ſolte lieben und geliebet werden.
Jnzwiſchen freuen ſich die Gratien, daß in ih-
rer angenehmen Perſohn alle Liebligkeit gleich-
ſam als in einen Mittelpunct zuſammen laͤufft.
Minerva ſchaͤmet ſich/ daß ſie in Tugendhaff-,
ten Treffligkeiten nicht mehr die vortrefflichſte
iſt. Ach wertheſte Schoͤne/ ſie vergebe mei-
nem Kiel/ daß er die Feuchtigkeit ſeines
Schnabels an ihrem Ruhm wetzen wil. Hier
ward Gelanor ungeduldig/ und warff das
Papier an ſeinen Ort. Es verlohnt ſich nicht
der Muͤh/ ſagt er/ daß wir uͤber dem Ratten-
Pulver die kalte Piſſe kriegen. Nun muß
ich erſt das Frauenzimmer loben/ daß ſie
dergleichen abgeſchmackte Narrenpoſſen mit
ſo einer hoͤflichen Freundligkeit hat auffneh-
men und beantworten koͤnnen. Jch haͤtte
ſo einen hoͤltzernen Peter gleich in den Kuh-
ſtall
[101]
ſtall gewieſen/ da haͤtte er ſeine Liebes-Gedan-
cken in die Pflaſter-Steine eindruͤcken moͤgen.
Doch iſt es nicht eine Thorheit/ ſagte er wei-
ter/ daß ein junger Menſch mit ſolchen Eitel-
keiten kan ſchwanger gehen. Da freſſen ſie
den Narren an einer Perſon/ und wiſſen dar-
nach nicht/ was ſie haben wollen; ſie lauffen
und wiſſen nicht wohin/ drum iſt es auch kein
Wunder/ daß ſolche ſchoͤne Brieffe an den
Tag kommen/ die keinen Verſtand in ſich ha-
ben. Jch weiß nicht wer der verliebte Schaͤ-
ferknabe ſeyn muß: aber das will ich mich
verwetten/ er ſoll ſelbſt nicht verſtehen/ was
der Brieff heiſſen ſoll. Und alſo wird es wahr;
Stultus agit ſine fine. Florindo hoͤrete es
mit an/ und furchte ſich/ der Hoffmeiſter moͤch-
te eine Application machen auff das Liebes-
Brieffgen/ welchen er neulich von ſeiner Lieb-
ſten erhalten. Drum machte er eine diverſi-
on und ſuchte das Papier wieder hervor/ be-
gehrende/ Gelanor moͤchte doch weiter nach-
ſuchen. Es war aber ſo untereinander ge-
ſchmiert/ auch ſo offt veraͤndert/ daß man
ſchwerlich etwas daraus nehmen konte. Ei-
nes war noch mit Muͤh und Noth zu leſen/
welches auch Gelanor mit ſeinen Gloſſen ver-
mehrte/ wie folget:

Schöne Grauſame/ deswegen heiſt ſie
grauſam/ weil ſie aus ſeinen confuſen Schrei-
ben nicht errathen kan/ was der Narr haben
will: Es wundert mich/ daß er nicht geſchrie-
ben: ſchoͤnes Ungethuͤm oder ſchoͤne Beſtie.

Nach dem ich in dem Spittal einer
ungewiſſen Hoffnung kranck liege/ und
die Schmertzen der Verzweiffelung alle
Tage zunehmen/ wird es umb mich ge-
ſchehen ſeyn/ wo ich das Pflaſter ihrer
Gunſt und ungefaͤrbten Liebe nicht
umb meine laͤchzende und durſtige
Seele ſchlagen darff. Hans ſpann an
und fuͤhre den Kerl in den Narren-Spittal.
Sind das nicht Worte/ und wird die ange-
fangene allegorie nicht ſchoͤn außgefuͤhrt?
Denn eben darumb wird ein Pflaſter auffge-
legt/ daß man den Durſt vertreiben will. O
du elender Brieffſteller! wie viel Urſachen
haſt du zu verzweifeln? Es geht faſt wie beym
Poeten ſteht:

Deñ was haſt du zu hoffen/ was wilſt du ver-
zweifeln/ und was ſoll dich die eitele Einbil-
dung
[103]
dung der Gegenliebe helffen? Doch weiter in
den Text. Die gehorſamſten Dienſtlei-
ſtungen welche ich ihrer Gottheit ge-
widmet habe/ muͤſſen in meiner verlieb-
ten Seele ſterben/ in dem mir die Gele-
genheit ermangelt ſolche herauß zulaſ-
ſen. Mich duͤnckt ich habe die hertzbrechende
Complimente in einem Buche geleſen/ dar-
auß der Liebhaber ſeine Invention wird auß-
geſchrieben haben. Sonſten halt ich davor/
es wird trefflich umb den Menſchen ſtincken/
wo die Dienſtleiſtungen alle in der Seele ver-
faulen ſollen. Mein Rath waͤre/ er legte ſich
eine Quantitaͤt von Biſemkuͤchlein zu/ damit
er den uͤbeln Geruch bey der Liebſten verber-
gen koͤnnte/ daß es nicht hieſſe/ Jungfer riecht
ihr was/ es koͤmmt von mir her. Ach wie
gluͤckſelig wolt ich mein Verhaͤngniß
preiſen/ wenn ich als ihr geringſter
Sclave/ ihre Schuhbaͤnder auffzu-
knuͤpfen gewuͤrdiget/ oder ſonſt durch
ihren hochmoͤgenden Befehl in dero
wuͤrckliche (werckliche) Dienſte ange-
nommen wuͤrde. Pfuy uͤber die Beren-
heuterey/ iſt dieß nun die Hoͤffligkeit alle/ daß
ein Kerle/ der den lieben GOtt dancken ſolte/
weil er ihn zu einem Mannsbilde erſchaffen/
E jvſich
[104]
ſich gleichwohl nicht ſchaͤmet/ einem ſchwa-
chen Werckzeuge fußfaͤllig zuwerden. Pfuy
daß man dir nicht die! Fleiſchſuppe uͤber den
Grind herab gieſſen ſoll. Jch liege vor ihrẽ
Fuͤſſen/ habe ich durch meine Kuͤhn-
heit geſuͤndiget/ ſo trette ſie mich: hab
ich Mitleiden verdienet/ ſo erzeige ſie
nur durch ein ſachtes Anruͤhren/ daß
ich Gnade erhalten habe. Jch will
gerne ſterben/ ich will gerne leben/ ſie
erwehle nur/ welches ſie mir am liebſten
goͤnneu will. O du barmhertziger Cour-
tiſan! iſt dir das ſterben ſo nahe/ und ſchreibſt
noch Brieffe? Mein Rath waͤre/ du ſtuͤrbeſt/
und lieſſeſt dich per μετεμψύχωσιν Pythago.
ricam in daſſelbe Bret verwandeln/ welches
die Liebſte taͤglich mit dem Hintertheil ihres
Leibes zu bekuͤſſen pfleget. Sonſt ſolteſt du dich
ehe zu tode complimentiren/ ehe du ſo weit kaͤ-
meſt. Sie wolten weittr leſen: doch kam der
Haußknecht und ruffte zur Mahlzeit/ da legten
ſie die Sachen an ihre Stelle/ und ſagte Ge-
lanor dieſe kurtze Lehre: Ach ſtudiere davor/
mein armer Kerle/ als deñ wirſt du ohne der-
gleichen Weitlaͤufftigkeit Liebſten genug fin-
den. Wilſt du aber ietzt lieb haben und die
nothwendigen Sachen verſaͤumen/ ſo will ich
wet-
[105]
wetten/ du wirſt einmal bey deinẽ Unverſtan-
de kein Madgen antreffen/ welches dir den
Hindern weiſete. Bey Tiſche brachte er es
nun durch weitlaͤufftige Fragen herumb/ wer
etwan vordieſem in der Stube gewohnet haͤt-
te/ da ſagte der Wirth/ es haͤtte ſie ein Tantz-
Meiſter gehabt/ und waͤre der junge Stutzer
gegenuͤber gleichſam als ſein Stuben-Geſelle
geweſen/ welcher auch unterſchiedene Sachen/
die ſeiner Groß-Mutter Erbſchafft betreffen/
annoch oben verwahret haͤtte/ aus Beyſorge/
der Vater moͤchte ihm ſonſten eine unange-
nehme Viſitation anſtellen. Damit hatte
Gelanor genug/ und wunderte ſich nicht
mehr/ warum der elende Galan die Gaſſen auf
und nieder geſtutzt/ ohn daß ie einer Jungfer
wuͤrcklich zu geſprochen waͤre. Doch wolte er
gerne das Frauen-Zimmer kennen/ welche un-
ter dem Nahmen Amaryllis ſich ſo manirlich
bezeuget hatte. Drumb brachte er den Wirth
beſſer auf die Spruͤnge/ und erfuhr nicht al-
lein die Perſon/ ſondern hoͤrte auch/ es wuͤrde
ehiſtes Tages eine Zuſammenkunfft ihrent-
halben angeſtellet werden. Hiermit ließ er
es gut ſeyn/ und ſagte nur dieſes darzu/ er
hoffe alsdenn das Gluͤcke zuhaben/ mit ſo vor-
nehmen Leuten bekand zu werden.

CAP. X.

NUn war dieſe Compagnie niemahls
muͤſſig/ ſondern gebrauchten ſich aller
Zeitvertreibung/ welche an ſelbigem Orte
frembden Perſonen zugelaſſen war. Sie
unterlieſſen auch nicht alle naͤrriſche Actiones
wohl zu obſerviren/ doch wuͤrde der geneigte
Leſer mit unſerer Weitlaͤufftigkeit nicht zu-
frieden ſeyn/ wenn wir alle minutias allhier
haͤtten einmiſchen wollen. Dannenhero wir
auch verhoffen entſchuldiget zu ſeyn/ wofern
wir das jenige nur kuͤrtzlich erwehnen/ wel-
ches unſerm Beduͤncken nach, das merckwuͤr-
digſte ſeyn wird. Und daher wird die obge-
dachte Jungfer Zuſammenkunfft nothwendig
muͤſſen beruͤhret werden/ weñ wir nur etlicher
Haͤndel/ ſo vorhergangen/ werden gedacht
haben. Einmahl traff Gelanor in der Kir-
che einen alten Bekandten an/ mit welchem
er vor dieſem auf Univerſitaͤten gantz vertrau-
lich gelebt hatte. Von dieſem ließ er ſich mit
in ein ander Wirths-haus noͤthigen/ da er
auch ſeinen Florindo Ehrenhalben mit neh-
men muſte. Sie ſatzten ſich/ und lieſſen ſich
die Mahlzeit wohlbekommen. Unter andern
war ein Kerle bey Tiſche/ der noch einen
Fuchspeltz von Winters her am Leibe hatte/
und
[107]
und meinten die andern alle/ er moͤchte gern
ein Sommerkleid angezogen haben/ wenn er
eines gehabt haͤtte. Nun wolten die andern
Wein trincken/ und weil der Wirth keinen
ſelbſt im Keller hatte/ legten die Gaͤſte zuſam-
men und lieſſen hohlen. Als aber die Reih
an den froſtigen Peltz-Stutzer kam/ gab er
vor/ es waͤre ihm von den Medicis verboten/
Wein zu trincken/ doch damit ſie nit meinten
als wolte er ſich der Compagnie entbrechen/ ſo
wolte er gern ſein Contingens mit beytragen/
ſie moͤchten es in Gottes Namen außtrincken/
damit warff er ein Goldſtuͤck von zehen biß
zwoͤlff Thalern auf den Tiſch/ und begehrte
man ſolte ihm herauß geben/ aber die andern
mercktẽ bald/ wie viel es bey dem guten Men-
ſchen geſchlagen/ daß er leicht ſchlieſſen kunte/
niemand würde ſo unhoͤfflich ſeyn/ und irgend
eines Ortsthalers wegen/ das ſchoͤne Stuͤcke
zu wechſeln begehren: drumb ſagten ſie/ ein
iedweder bezahle was er trincket/ beliebt einem
nicht mit zutrincken/ ſo waͤre es auch nicht von
noͤthen/ Geld zugeben/ ſie haͤtten ſchon ſo viel
bey ſich/ daß ſie die Unkoſtẽ tragen koͤntẽ. Da-
mit grieff der Stutzer gar willig zu/ und ſteckte
den Goldfuͤnckler wider in ſeine Taſche/ daß er
dadurch ins kuͤnfftige noch etliche mal moͤchte
E vjvom
[108]
vom Geldgeben erloͤſet werden. Der Wein
ward in deſſen gebracht/ ſie truncken herumb;
doch wolte der im Winterkleide nicht Be-
ſcheid thun/ ſoudern nachdem er ſich etliche
mahl bedancket/ gieng er davon. Gelanor
fragte den Wirth/ wer dieß geweſen waͤre/
der gab ihm dieſen Bericht/ es waͤre ein reicher
Kerle/ der von ſeinem Vater mehr als 30000.
Reichs-Thaler geerbet: Allein er waͤre ſo karg
und knickerhafftich/ daß er ſich eher ein Haar
auß dem Barte/ als einen Zweyer auß dem
Beutel vexieren lieſſe. Der Peltz were in der
Erbſchafft mit geweſen/ dieſen truͤge er nur/
daß er kein Geld an ein Sommer-Kleid wen-
den duͤrffte. Ja er wuͤrde nimmermehr ſo
viel auf ſeinen Leib ſpendieren/ daß er die Mahl-
zeit im Wirthshauſe eſſe. So habe er eine
Schuld auf dem Hauſe ſtehen/ die alſo verac[-]
cordiret worden/ daß er ſie abfreſſen muͤſte:
doch ſey er ſo genau/ daß/ wenn er einen andern
haben koͤnne/ der ihm 4. Groſchen gaͤbe/ er in-
deſſen zu Hauſe vor einen Pfenning Brot in
Bier brockte/ und das Eſſen darbte. Es kaͤme
offt/ daß/ wenn er Hoffnung haͤtte/ die Freſſe-
rey zu verhandel[n]/ er die Mahlzeit zuvor etli-
che Stuͤcke Brod einſteckte/ daß er das Brod
zum einbrocken nicht bezahlen duͤrffte. Den
ver-
[109]
vergangenen Winter habe er ſein Holtz ver-
kaufft/ und ſey biß gegen Mittag im Bette
gelegen; hernach habe er den Tag in fremden
Stuben zugebracht. Man koͤnte auch ſeiner
nicht loß werden/ als biß man Geld herumb
geben wolle/ da lieſſe er ſein Goldſtuͤck ſehen/
und wenn niemand wieder zu geben haͤtte/ ſo
ſuchte er Gelegenheit wegzugehen. Er habe
nicht weit auf dem Lande eine Schweſter/ die
ſchickte ihm bißweilen etwas von kalter Kuͤche:
aber er boͤte ſolches entweder der Troͤdel-
Frauen an/ daß ſie es umb ein lumpen Geld
verſchleppen muͤſte: oder er aͤſſe ſo ſparſam/
daß gemeiniglich das meiſte verduͤrbe. Da
ſagte einer/ es waͤre noch Wunder/ daß er
eine Bier-Merthe machen lieſſe. Ach ſagte
der Wirth/ es iſt auch eine Merthe/ darauff
ich ſeyn Gaſt nicht ſeyn will. Er hat Bier
zu brauen: Nun will er mit allen auf das
theuerſte hinauß/ und gleich wohl laͤſt er es an
Hopffen und Maltz allenthalben fehlen/ ja er
geuſt den Kofent mit in die Bier-Faͤſſer. Da
kan es nicht anders kommen/ das elende Ge-
ſoͤffe muß ihm uͤber dem Halſe bleiben.
Und alſo koͤmmt das ſaure Bier an ihn/ da
wirfſt er ein bißgen Saltz hinein/ krumelt
Brod darzu/ daß man die Seure nicht ſo
E vijhaupt-
[110]
hauptſaͤchlich ſchmecket: Neulich begieng er
ein hauswirthiſch Stuͤcke/ ſagte der Wirth
ferner/ da kam ihn eine Luſt Wein zu trincken
an/ doch war ihm das Geld zu lieb. Drum
borgte er bey mir ein Wein-Faß/ darauf noch
etliche Hefen waren/ die ich ſonſt weggegoſſen
haͤtte. Darzu goß er Waſſer/ ruͤhrete es
weidlich unter einander/ gab ihm darnach mit
einem Noͤſſel Brandtewein den Einſchlag/
welchen die Troͤde-Frau an ſtatt baaren Gel-
des gebracht hatte. Daraus ward ein
Tranck/ er roch nicht wie Wein/ er ſahe nicht
wie Wein/ er ſchmackte nicht wie Wein/ er
waͤrmte nicht wie Wein/ und war doch
Wein. Florindo, dem das Maul allezeit
nach der Liebſten waͤſſerte/ fragte/ warum ſich
der wunderliche Kummpe nicht verheyrathet
haͤtte/ ſo koͤnte er offt ein gutes bißgen zurich-
ten laſſen/ und duͤrffte dem Wirthe nit gleich
vier Groſchen davor bezahlen. Ja wohl/ gab
der Wirth zur Antwort/ haͤtte er die Coura-
ge, er will immer verhungern/ weil er allein
iſt/ was wuͤrde er thun/ wenn er heyrathen ſol-
te? Hencken koͤnte er ſich nicht/ denn die zween
Pfennige thauerten ihn/ davor er den Strick
kauffen muͤſte. Vielleicht hungerte er ſich
ſelbſt zu Tode. Gelanor fragte/ womit er
denn
[111]
denn die Zeit paſſirte? Mit Sorgen/ ſagte der
Wirth/ denn es iſt ihm alle Stunden leid/ ſein
Geld moͤchte geſtolen werden/ oder die Capi-
talia moͤchten caduc werden/ oder es moͤchte
ſonſt ein Ungluͤck kom̃en/ das er nicht zuruͤcke
treiben koͤnte. Er behaͤlt zwar nicht uͤber dreiſ-
ſig Thaler im Hauſe/ es muß verliehen werden
und Nutzen bringen/ doch hat er faſt nichts zu
thun/ als daß er Geld zehlt/ da hat er ſich an ei-
nem Dreyheller/ dort an einem Vierpfenniger
verrechnet/ und wann man ihn umb einen
Spatziergang anſpricht/ ſo iſt kein Menſch
auf der Welt der mehr zuthun hat. Das
aͤrgſte iſt/ daß er keinen rechtſchaffenen Men-
ſchen zu Rathe zeucht/ wenn er was vornimt:
ſondern da ſind lauter Troͤdelhuren und Wet-
termacherin/ denen er ſeine Wohlfahrt anver-
traut. Ach du Ertznarr/ ruffte Gelanor uͤber-
laut/ hab ich doch deines gleichen noch nie an-
getroffen. Gott hat die Mittel beſcheret/ da-
durch du dein Leben mit hoͤchſter reputation
fuͤhren koͤnteſt; und gleichwohl biſtu nicht
wehrt/ daß du einen Heller davon genieſſen
ſolſt. O wer iſt aͤrmer als du? Ein Bettel-
mann darff leicht etliche Pfeñige zuſam̃en raſ-
peln/ ſo ſtelt er einẽ Schmauß an/ darzu er den
folgenden Tag noch vier Heller betteln muß:
du
[112]
du aber ſitzt bey deinem Reichthum mit ge-
bundenen Haͤnden/ und fuͤhrſt ein Leben/ der-
gleichen ſich kein Vieh wuͤnſchen ſoll. Du
biſt nicht Herr uͤber das Geld: das Geld iſt
Herr uͤber dich. Bedencke doch/ was Geld
iſt. Es iſt ja nichts anders/ als ein Mittel/
dadurch man alle andere Sachen an ſich brin-
gen kan. Vor ſich ſelbſt iſt es ein glaͤntzend
Metall/ das ſo viel hilfft/ als ein bißgen Glaß/
oder ein zerbrochener Kieſelſtein. Waͤre der
Schmiedt nicht ein Narr/ der nicht arbeiten
wolte/ auß Urſachen/ er moͤchte den Hammer
verderben? Oder ſolte man den Muͤller nicht
in die Lache werffen/ der die Rāder nicht lauf-
fen lieſſe/ auß Beyſorge es moͤchte zu viel Waſ-
ſer darneben weg flieſſen. Warumb ſetzt man
denn ſolchen Geld Narren keine Eſels-Ohren
auf/ der elende Schoͤpsbraten moͤchte alle Jahꝛ
500. Thaler verzehren/ ich wolte ihm gut da-
vor ſeyn/ ehe ſechtzig Jahr ins Land kaͤmen/
wuͤrde er kein Geld beduͤrffen. So nimt er
noch die jaͤhrlichen Renten darzu ein/ und
ſchlaͤgt ſie lieber zum Capital/ als daß er ſeine
Luſt davon haͤtte. Nun freuet euch ihr zukuͤnf-
tigen Erben/ die Luſt ſoll bey euch zuſammen
kommen; ihr ſollet die Heller wieder unter die
Leute bringen; ihr ſollet wiſſen/ wohin das Geld
gehoͤrt;
[113]
gehoͤrt; ihr ſollet die Gaſtwirth/ und Wein-
ſchencken beſſer erfreuen.

CAP. XI.

DJe andern ſtimmeten mit ein/ und wo-
fern die alten Aberglauben noch kraͤff-
tig ſind/ ſo iſt kein Zweifel/ die Ohren muͤſſen
dem ehrlichen Stuͤmper wol geklungẽ haben.
Jn dem ſie nun in dem Geſpraͤche begriffen
waren/ kam ein Kerl/ und fragte ob ein Herr
unter dem Hauffen einen Schreiber beduͤrffte.
Gelanor, dem es an ſolcher Auffwartung ſchon
offt gemangelt hatte/ nahm ihn mit auf ſeine
Stube/ und ſagte/ er ſolte ihm zur Probe einen
Brieff ſchreiben (denn er war mehr als ein
Copiſte) darinn er einen guten Freund com-
plimentirte/ der unlaͤngſt haͤtte Hochzeit ge-
halten; Mit Bitte ſein auſſenbleiben zuent-
ſchuldigen/ und mit einem wenigen Hochzeit-
Geſchencke vorlieb zunehmen. Nun war der
Schreiber geſchwind uͤber das Dintenfaß
her/ und ſetzte folgenden wunderſchoͤnen Brieff
innerhalb ſechs Viertelſtunden auf.

Gelanor laß den Brieff durch/ und wuſte
nicht/ was er darauß machen ſolte. Er frag-
te den ehrlichen Ziriaͤkel/ was er mit den ver-
wirrten Poſſen meynete/ und warumb er die
gantze Schreib-Art ſo liederlich verderbet haͤt-
te. Nun war dieſer mit der Antwort nicht
langſam: Es iſt zu beklagen/ ſagte er/ daß die
Kunſt ſo viel Veraͤchter hat. Man ſolte dem
Him-
[116]
Himmel mit gefaltenen Haͤnden dancken/ daß
nunmehr etliche vornehme Maͤnner mit unbe-
ſchreiblich groſſer Muͤh / der Teutſchen Hel-
den-Sprache zu der alten Reinligkeit geholf-
ſen: So muͤſſen die ſtattlichen Leute vor die
ſaure Arbeit nichts als Spott und Verach-
tung einnehmen. Doch ſtellt man den end-
lichen Außſchlag der grauen Ewigkeit anheim.
Meynt mein Herr/ alſo redte er weiter/ daß ich
verwirrt ſchreibe? Ach nein/ er ſehe nur die
neuen Buͤcher an/ und bedencke/ was vor ein
Unterſcheid zwiſchen ſchlecht Teutſch und
Hochteutſch iſt. Er ſchlage nur die Schriff-
ten vieler Weltberuͤhmten Poeten auf/ und er-
wege/ was ſie vor Fleiß gethan/ die unreinen
Woͤrter auß der Helden-Sprache außzumu-
ſtern/ und hingegen ſchoͤne/ reine und natuͤrli-
che an die Stelle zu ſchaffen. Was ſoll ich
den Lateinern die Ehre goͤnnen/ daß ich ihnen
zugefallen ſogen ſoll Fenſter: Jch mache lie-
ber ein Teutſch Wort Tageleuchter. Und
fragtiemand/ was ein Fenſter in der Nacht
heiſt/ ſo ſag ich/ ebenſowohl Tageleuchter/ wie-
ein Nachtkleid in dem Tage auch ein Nacht-
kleid/ und die Sonntagshoſen in der Woche
auch Sontagshoſen heiſſen. So iſt es mit
den andern Woͤrtern auch beſchaffen. Wun-
dert
[117]
dert ſich ferner iemand uͤber die neue Schreib-
richtigkeit: So muß ich ſagen/ daß derſelbe
noch nicht Teutſch verſteht. E. iſt kein Teut-
ſcher Buchſtabe/ V. auch nicht/ Y. auch nicht/
ja auch das Q. Warumb ſolt ich nun falſch
ſchreiben/ da ich es beſſer wuͤſte? Geſetzt auch/
daß die Gewohnheit nun im Gegentheil einge-
riſſen waͤre: So folgt es nicht/ daß die Men-
ge der Jrrenden die Sache deswegen gut
machen muͤſte. Gelanor hoͤrete mit groſſer
Gedult zu/ wie der gute Stuͤmper in ſeiner
Thorheit erſoffen war. Letzlich fieng er alſo
an: Jhr lieber Menſch/ ſeyd ihrs/ der dem Va-
terlande wieder auf die Beine helffen will. Ach
beſinnet euch beſſer/ und laſſet euch die
Schwachheiten nicht ſo ſehr einnehmen/ deñ
was wollet ihr vors erſte ſagen/ es waͤre Hoch-
Teutſch geſchrieben/ ja wohl/ dencket ihr/ euere
Sachen ſind noch ſo hoch/ daß ſie keine Ziege
weglecken ſoll. Aber es hat die Gefahr nicht.
Das Hochteutſche muß auch verſtaͤndlich
ſeyn/ und muß nicht wieder die Natur der
Sprache ſelbſt lauffen. Uber dis koͤnte auch
eine Eitelkeit groͤſſer ſeyn/ als daß man ſich ein-
bildet/ es ſey ein Wort beſſer als das ander?
Ein Wort iſt ein Wort/ das iſt/ ein bloſſer
Schall/ der vor ſich nichts heiſt/ und nur zu
einer
[118]
einer Bedeutung gezogen wird/ nachdem der
Gebrauch und die Gewonheit ſolches beſtaͤti-
gen. Und alſo muß man den Gebrauch am
meiſten herrſchen laſſen. Ein Tiſch heiſt da-
rum ein Tiſch/ weil es von den alten Teutſchen
ſo beliebet und gebraucht worden. So heiſt
auch ein Fenſter/ ein Piſtol/ eine Orgel/ ꝛc. das
jenige/ wozu es von den ietzigen Teutſchen iſt
geleget worden. Jch frage auch/ iſt diß nicht
der eintzige Zweck von allen Sprachen/ daß
man einander verſtehen will? Nun wird es
niemand leugnen/ daß dieſelben Woͤrter/ die
ihr außmuſtert/ von iederman beſſer verſtan-
den werden/ als euere neue Gauckel Poſſen.
Nehmet ein Exempel. Wann ein Soldat
ſeinen Lieutenant wolte einen Hr. Plaßhalter/
den Quartiermeiſter Hr. Wohnungs- oder
Herbergenmeiſter nennen: Oder wenn einer
die Piſtolen haben wolte/ und forderte die
Reit-Puffer: Oder wann er einen in die Corps
de Garde ſchicken wolte/ und ſagte/ er ſolte in
die Wacht-Verſamlung gehen/ wer wuͤrde
ihn mit den neugebackenen Woͤrtern verſte-
hen? Und fuͤrwahr eben/ ſo thum̃ koͤm̃t es mit
euren Erfindungen heraus. Es iſt nicht ſo
bald geſchehen/ daß andere Leute errathen
koͤnnen/ was ihr haben wollet. Und wo habt
ihr
[119]
ihr eure Authoritaͤt itabilirt, daß die Spra-
che/ welche von Fuͤrſten und Herren gebraucht
wird/ nach eurem Gefallen ſoll umgeſchmeltzet
werden? Mit den elenden Buchſtaben iſt
es noch erbaͤrmlicher/ die werden ohn Urſach
relegirt, und auß dem A B C geſtoſſen/ welches
kuͤnfftig A B D heiſſen muß. Geſetzt ſie waͤ-
ren bey den Alten nicht gebraucht worden:
Mein was ſollen die alten Pritſchmeiſter/
welche die Teutſche Schreiberey durch viel
Secula fortgepflantzt haben/ uns vor Geſetze
geben/ und warumb ſoll man nicht dabey blei-
ben/ nachdem etliche Secula geruhig und ein-
ſtimmig ſo geſchrieben haben? Darzu/ was
ſtecket dann vor Klugheit dahinder/ ob ich die
neue oder die alte Mode brauchen will? Leſe-
bengel und Papierverderber ſeyd ihr. Waͤre
es euer Ernſt der Welt nuͤtze zu ſeyn/ ſo wuͤr-
det ihr nicht an den bloſſen Schalen kleben/
und den Kern gantz dahinden laſſen. Wann
ihr auch die Antiquitaͤt ſo gar lieb habt/ war-
umb waͤrmet ihr nicht alle altvaͤteriſche Re-
dens-Arten wieder auf? Jch habe ein Alt
Complimentir-Buch/ welches Petrus Dres-
denſis, der das Lied In dulci jubilo gemacht/
ungefehr A. 1400. bey ſeiner Liebſtẽ gebraucht/
meynet ihr/ daß alles darauß wieder mag ge-
braucht
[120]
braucht werden/ ſo will ich endlich gern ſehen/
was Hochteutſch heiſſen wird. Hl. Ziriacks
machte eine ungnaͤdige Mine/ darauß Ge-
lanor abnahm/ er wuͤrde nunmehr ſchlechte
Luſt zu dienen haben. Derhalben gab er ihm
einen halben Thaler vor die Schreibgebuͤhr/
und gedachte/ es waͤre doch alles Zureden
vergebens/ wann ſich ein Menſch allbereit in
die ſuͤſſe Thorheit ſo tieff eingelaſſen haͤtte.

CAP. XII.

NAch dieſem gedachte unſere Compagnie
weiter zu reiſen/ als der Wirth bat/ ſie
moͤchten doch etlichen vornehmen Leuten in
ſeinem Garten Geſellſchafft leiſten/ es hãtte
der junge Stutzer gegen uͤber eine Collation
angeſtellt/ und ſey zwar viel Frauenzimmer ge-
beten/ doch moͤchte er ſonſt niemands bekan-
tes dabey haben. Dann es ſey ein alter Do-
ctor von 60. Jahren/ der habe ſich in ein Maͤd-
gen verliebt/ und wolle gern allein bey ihr ſeyn/
daß ihn kein ander Buͤrgers-Sohn abſtechen
moͤchte. Nun wolte zwar Gelanor die Leute
gerne eigentlich kennen lernen: Doch meynte
er/ es moͤchte bey dem Wirth nur ein Ehren-
Wort ſeyn/ und bedanckte ſich alſo auffs be-
ſte
[121]
ſte. Jmmitteiſt muſte der Mahler hinauß
lauffen/ und zuſehen/ ob nicht im Hauſe dar-
neben Gelegenheit waͤre/ daß man den arti-
gen Liebhabern koͤnte in die Karte ſehen. Die-
ſer kam zuruͤcke/ mit der Zeitung/ es waͤre ein
Garten hart darbey/ da man durch einen ge-
flochtenen Zaun nicht allein alles hoͤren koͤnte:
ſondern es waͤre auch ein bequem Garten-
haus/ das etliche Fenſter gegen dem Garten
zu haͤtte/ hierauf lieſſen ſich Gelanor, Florindo
und Eurylas nicht lang auffhaleen/ und traf-
fen in dem Garten eine alte Wittfrau an/ wel-
che ſie mit aller Hoͤffligkeit empfieng/ mit dem
Erbieten/ ſie moͤchten alles nach ihrem Gefal-
len gebrauchen. Sie nahmen es zu Danck
an/ und baten/ man moͤchte nur die Thuͤr zu-
ſchlieſſen/ und ſie allein ihrer Luſt gebrauchen
laſſen/ es ſolte ſchon ein gutes Trinck-Geld er-
folgen. Aber wer wolte nun ſo viel Papier
verklecken/ als die Eitelkeit erforderte/ deren
ſie in dem andern Garten mehr als zu viel an-
ſichtig worden. Da war lauter Hoͤffligkeit/
lauter Complimenten/ lauter Liebe Der
Tiſch war mit dem beſten Confect beſetzt/ etli-
che Maͤgde und Jungen hatten nur zu thun/
daß ſie Zucker in den Wein thaten. Der
junge Kerle ſelbſt trenſchirte die Kirſchen/
Fund
[122]
und machte lauter Affen-Geſichter darauß.
Der Alte fraß nichts als Mandelkerne/ und
hatte in einem heimlichen Buͤchsgen Confe-
ctio Alkermes, die lapperte er ſo ſtillſchwei-
gend mit hinein. Die Jungfern ſaſſen da in
aller Herrlichkeit/ bald lachten ſie/ bald rede-
ten ſie heimlich/ bald ſchrieben ſie Buchſtaben
auf die Mandelkerne/ bald hatten ſie ſonſt et-
was vor/ doch wie gedacht/ es wuͤrde zu lang
alles außzufuͤhren. Darumb wollen wir
bloß zweyer Geſpraͤche gedencken/ welche dar-
bey gehalten worden. Denn als die Gaͤſte
des Trinckens muͤde worden/ kriegten ſie eine
Karte und ſpielten. Da machte ſich der alte
Doctor mit ſeiner Liebſten in einen ſchattich-
ten Gang. Eurylas, auf der andern Seite/
lieff hinnach/ und gab auf alle Worte genau
Achtung.

CAP. XIII.

SJe hatten ſich aber kaum recht geſetzt/
als der Wirth auß dem Garten zuruͤ-
cke kam/ und ſo wohl obgedachten Monſ. Sto-
rax, als auch etliche andere mitbrachte. Sie
nahmen ihren Platz bey Tiſche/ und ſtellten ſich
Anfangs gantz erbar. Endlich als Gelanor
weg gieng/ von etlichen guten Freunden Ab-
ſchied zu nehmen/ war das Buͤrſchgen luſti-
ger. Da muſten lauter Geſundheiten ge-
truncken werden/ und Florindo, der ſeine Luſt
an dem Courtiſan hatte/ machte alles mit. Je
mehr
[137]
mehr nun der Wein in den Kopff ſtieg/ deſto
ſchaͤrffer fieng die Liebe an zu brennen:alſo daß
Herr Storax dem Florindo eine Humpe zu-
tranck auf des liebſten Maͤdgens Geſundheit/
er ſoff ſie hauſtikôs auß/ rieß damit das Hals-
tuch ab/ und verbrennte es auf Geſundheit uͤ-
ber dem Lichte. Solches ſolte Florindo nach-
thun/ der verſtund ſich endlich auf die Humpe/
aber wegen der Hals-Krauſe bat er/ man
moͤchte ihm ſolche Thorheit nicht zumuthen.
Das junge Faͤntgen fragte wieder/ ob man
ſeine Liebſte ſchimpfen wolte/ und ſolches Knar-
ren waͤhrete ſo lange/ biß Florindo ſich erbar-
mete/ und mit ſeinen fuͤnff Fingern auf ſeinem
Backen ſpielete; da wolten zwar die andern zu-
greiffen/ allein der Mahler hatte die Diener
ſchon aufgeboten/ die ſich in voller battaille
ins Mittel ſchlugen/ und den armen Stutzer
ohne Hals-Krauſe dermaſſen koberten/ daß er
ſeines Kuſſes und ſeines Balſambuͤchsgens
haͤtte vergeſſen moͤgen. Letzlich machte der
Wirth Friede/ und daließ der gute blau-au-
gichte Storax ſeines Ungluͤcks ungeacht die
Stadtpfeiffer hohlen/ und ſpendierte einem
ied weden einen Thaler/ daß ſie vor der Liebſten
Thuͤre ein Staͤndgen machten. Dazumahl
war das Lied noch neu: Hier lieg ich nun/ mein
Kind/
[138]
Kind/ in deinen Armen: das muſte nun ein
Diſcantiſt mit heller Stimme in eine Baß-
geige ſingen. Jn waͤhrendem Liede will
Storax nach ſeiner Amaryllis ſehen/ ob ſie auch
im Fenſter audienz gaͤbe/ tritt daruͤber fehl/
daß er mit ſeinem gantzen Ornat in die Pfuͤtze
faͤllt. Da machte eine Macht gegen uͤber dieſe
Parodie: Hier liegt mein Schatz im ꝛc. biß an
die Armen. Solches ſahe der Mahler/ und
referirte es ſeinen Principalen, welche ſich all-
ſachte ſchickten/ den folgenden Tag auffzubre-
chen. Was aber Florindo vor Lehren von
ſeinem Hoffmeiſter wegen der poſſierlichen
Begebenheiten hat anhoͤren muͤſſen/ iſt unnoͤ-
thig zu erzehlen. Denn es kan ein iedweder
verſtaͤndiger Leſer die abgeſchmackten Thor-
heiten ſelbſt mit Haͤnden greiffen. Eins war
bey dem Gelanor abzumercken/ daß er zuruͤcke
dachte/ wie er in ſeiner bluͤhenden Jugend der
Liebe auch durch die Spießruthen gelauffen/
und dannenhero die gute Hoffnung hatte/ es
wuͤrde ſich auch mit dieſen jungen Liebhabern
ſchicken/ wenn ſie die Hoͤrner etwas wuͤrden
abgelauffen haben. Und in dieſem judieirte
er nicht unrecht. Denn die Liebe iſt bey einem
jungen Kerlen von 15. Jahren gleichſam als
ein Malum neceſſarium, wer auch da-
mit
[139]
mit zu derſelben Zeit verſchont bleibt/ der muͤß
hernach Haare laſſen/ wenn er aͤlter wird/ und
mit groͤſſerm Schimpff ſolchen Eitelkeiten
nachſetzet. Wohl dem/ der das Medium o-
der Teutſch zu reden/ die Maſſe halten kan.

CAP. XIV.

DEr Tag brach an: der Kutſcher kam
vor die Thuͤre. Sie reiſeten fort/ und
traffen viel Thorheiten an/ doch hatten ſie
ſchon die Reſolution gefaſt/ nichts auffzuzeich-
nen/ als was notabel waͤre/ und ſolcher Regi-
ſtratur haben wir folgen muͤſſen. Auf dem
Wege geſellete ſich ein Advocat zu ihm/ der in
derſelben Gegend an ein em Fuͤrſtlichen Hofe
et was zu ſolicitiren hatte Der gedachte unter
andern/ er habe ſeinẽ Sohn an demſelbẽ Orte
bey einem Menſchen/ der in informations Sa-
chen in Europa ſeines gleichẽ nit habẽ wuͤrde.
Er verhoffte/ ſie wuͤrden ſich auch an gedachtẽ
Orte etwas auffhalten/ und da ſolten ſie mit
Verwunderung ſehen/ was der Knabe von
zwoͤlff Jahren vor profectus in philoſophi-
cis, Hiſtoricis, Geographicis, Politicis, Ora-
toriis: Summa ſumarum, faſt in omni ſcibili
haͤtte. Gelanor freuete ſich/ und meinte/ er
wuͤrde
[140]
wuͤrde ein Exempel ſehen/ das ſich mit dem
kleinen Canter zu Friderici III. Zeiten verglei-
chen lieſſe. Und in Warheit/ als ſie an den
Ort kamen/ und der Knabe gehohlet ward/
muſten ſie erſtaunen/ daß er mit dieſer artigen
Rede ex tempore auffgezogen kam.

Viri ſpectatiſſimi, ignoſcite, quod pueri-
tia mea ſui pauliſper officii oblita, vobis ſe ſi-
ſtat audaciùs. Ex Lipſio enim jam tribus ab-
hinc annis didici, pudorem in omnibus re-
bus laudabilem, tunc debere abjici, quoties
præclari cujusdam hominis ambienda eſſet
notitia. Neque eſt, cur de benevola apud
vos admiſſione dubitem, quippe quod lite-
ras non ametis ſolum in ſuperbo maturitatis
ſtatu; ſed etiam in ipſis progerminandi ini-
tiis. Præſertim cum veſtram non lateat
prudentiam, foveri herbam ſolere magis in
ſemine, quàm in caule. Unicus mihi re-
ſtat ſcrupulus, qui malè animum habet me-
um, nihil in me reperiri, cujus indicio vel
minima conſret diligentia. Interim ſuſfi-
cere credidi profeſſionem perpetui erga li-
teras amoris mei, ut proinde rogare non du-
bitem, velitis infimo ſervorum veſtrorum lo-
co meum quoque ad/ cribere nomen, non ſi-
ne ſpe, fore, ut affulgente annorum numero,
faci-
[141]
facilior etiam inſerviendioc caſio affulgeat.
Quod reliquum eſt, Te, pater oculiſſime,
qua par eſt, filiali obteſtor obſervantia, ut,
quando maximum fortunæ meæ arbitrium
à natura tibi permiſſum eſt, ſermone plus
gravitatis autoritatisq́ue habituro, mearn
agere cauſam digneris, ne ab expectatione
tam luculenta dejectus, de felici ſtudiorum
ſucceſſu delperare incipiam. Sic DEUS
vos ſervet quam diutiſſimè.

Dem Vater fielen die Thraͤnen hauffen-
weiſe auß den Augen/ als welcher ſich bey die-
ſem wohlgezognen Sohne einen Mann ein-
bildete/ qui futurus eſſet, Turnebo doctior,
Mureto diſertior, Sigonio profundior. Al-
lein Gelanor, der auch wuſte/ wo man den
Speck auf Kohlen zu braten pflegte/ dachte
alsbald der Sache etwas tieffer nach/ und be-
antwortete des Knabens Rede kurtz: Adole-
ſcentulorum optime; Laudamus conatum
tuum, ex quo probamus indolem non vul-
garem. Provehat DEUS quæ feliciter in-
cepiſti. Noſtra utinam tibi prodeſſe queat
amicitia. Parente interprete non indiges,
qui laudabiliter dixiſti. Accede ſaltem pro-
pius, ut, qui orationem admiramur, ſingu-
los tuos perfectus ordine inſpiciamus. Id
autem
[142]
autem fieri pace honoratiſſimi parentis tui,
non deſpero.

Sein Informator merckte den Braten/
und gab derhalben vor/ er koͤnte ihn beſſer
examiniren/ und ſolches muſte Gelanor ge-
ſchehen laſſen. Da fielen nun hohe Fragen
vor/ welche in dieſen ſchweren Zeiten manchem
Doctor ſolten zu ſchaffen machen. Endlich
als dieſe Fragen kamen: Quid eſt metaphy-
ſica? R. eſt Scientia Entis quatenus Ens.
Quid eſt Ens? R. Ens eſt quod habet eſſen-
tiam. Quid eſt eſſentia? eſt primus rei con-
ceptus. Da fiel ihm Gelanor in die Rede:
Metaphyſica cujus generis? cujus declina-
tionis? der Knabe ſah dẽ Informator an/ gleich
als wolte er ſagen/ was ſind das vor roth-
welliſche Sachen? dieſer aber entſchuldigte
ſich/ dergleichen Dinge waͤren dem Knaben
nichts nuͤtze/ indẽ er ihm dz Latein alles ex uſu
beybringen koͤnte. Gelanor muſte ſich ab-
weiſen laſſen: Allein als weiter gefragt wur-
de/ Polonia, eſtne regnum aut eſt Ariſto-
cratia? und der Knabe ſagte: eſt Ariſtocra-
tia.Fieng er noch einmahl an: mi adoleſcen-
tule, dicis, Poloniam eſſe Ariſtocratiam. Ego
ſic argumentor: ubi Rex propria authori-
tate Epiſcopos \& Senatores eligit, ibi non
eſt Ariſtocratia. Atqui in Polonia \&c. E.
Das
[143]
Das gute Kind war wieder in tauſend Aeng-
ſten und wuſte keine Huͤlffe als bey Herr Ca-
ſparn dẽ Informator, der wandte wieder ein/
es waͤre Eitelkeit/ daß man die Jugend zu ſol-
chẽ ſchulfuͤchſiſchen Gezaͤncke angewehnte/ die
Logica Naturalis duͤrffte halbicht im diſcu-
riren exercirt werden/ ſo waͤren die regulæ
Syllogiſticæ nicht von noͤthen. Gelanor war
hiemit nicht zu frieden/ ſondern begehrte/ weil
der Diſcipulus nicht diſputiren koͤnne/ ſo ſol-
te er der Informator ſelbſt das Argument auf
ſich nehmen/ weil er die gedachte hypotheſin
ſeinem Untergebenen haͤtte beygebracht.
Doch an ſtatt/ daß er ſich in ein diſputat ein-
ließ/ wickelte er ſich mit des Horatii Verſen
herauß:

Und damit hatte Gelanor ſeine dritte Ab-
fertigung/ alſo daß er ſich in das ſtoltze Exa-
men nicht mehr ein miſchen wolte. Aber als
die Probe gantz abgelegt war/ ſuchte Gelanor
mit dem Vater allein zu reden/ und ſagte/ es
kaͤme ihm vor/ als waͤre der Kerle ein Praler[/]
der ſeinen Sohn mehr confundiren/ als ge-
lehrt machen wuͤrde. Unterſuchte hierauff
den methodum informandi, da er denn be-
fand,
[144]
fand/ daß der gute Knabe nichts anders thun
muſte/ als etliche Lateiniſche formulas ſine
judicio außwendig lernen/ die er bey vorfal-
lender Gelegenheit/ nicht viel kluͤger als ein
Papagoy herbeten kunte: er mochte nun von
der Sache ichts oder nichts verſtehn. Da
remonſtrirte nun Gelan. dem ehrlichen Mañe/
wie er mit ſeiner ſonderlichen Hoffnung waͤre
hinter dz Licht gefuͤhret woꝛden/ und wie ſchlim
er ſein vaͤterliches Gewiſſẽ verwahren wuͤrde/
wenn er den Sohn nicht in Zeiten auß dem
Labyrinth herauß fuͤhrte. Der Advocat ent-
ſchuldigte ſich/ er haͤtte hierin vornehmer Leute
Gutachten angeſehen: und dar zu ſo koͤnte es
vielleicht mit jungen Leuten nicht im erſten
Jahre zur Vollkommenheit gebracht werden:
Er ſaͤhe gleichwohl/ daß noch huͤbſche Com-
pendia diſcendi darbey getrieben wuͤrden.
Erſtlich wuͤſte er/ daß ſein Sohn den Orbem
pictum perfect durchgetrieben haͤtte. Ge-
lanoꝛ wuſte nicht/ was es vor ein Buch waͤre/
doch als er ſolches nur ein wenig in die Haͤnde
bekam/ ſo ſagte er: Jch finde viel Zeugs/ das
zu leꝛnen iſt/ doch ſehe ich nichts/ das ins kuͤnff-
tige zu gebrauchen iſt/ die wunderlichen Leute
wollen nur Latein gelernt haben/ und ſehen nit
aufden ſcopum, warum man eben ſolcher
Sprache von noͤthen hat.

Es gemahnt mich wie mit jenem Buͤr-
germeiſter/ der ſchrieb an drey Univerſitaͤten
uͤmb einen Magiſter, der ſeinen Sohn in allen
Handwercks-Officinen herumfuͤhrte/ und
ihm ſagte/ wie alles Lateiniſch hieſſe/ gleich
als beſtuͤnde die Kunſt darinn/ daß man ſolche
Sachen Lateiniſch verſtuͤnde: die wohl der
vornehmſte Profeſſor nicht Teutſch zu nennen
weiß. Unterdeſſen lernt ein Kind viel no-
mina die Verba hingegen und die particulæ
connectendi bleiben auſſen. Wenn nun ein
Moral-diſcurs oder ſonſt eine Diſciplin ſoll
tractiret werden/ ſo ſtehen die Kerlen mit ih-
rem bettelſaͤckiſchen Latein/ und koͤnnen ihre
Schauffeln/ Qverle/ Miſtgabeln und Ofen-
kruͤcken nicht anbringen. Wer heutiges Ta-
ges einen Hiſtoricum, Philoſophum, Theo-
logum und andere Diſciplinen Lateiniſch ver-
ſteht: darneben ſelbſt eine nette Epiſtel/ und
zur Noth eine Oration ſchreiben kan. Und
endlich im Reden ſo fertig iſt/ daß er im di-
ſputiren ſeine Sachen vorzubringen weiß/ der
iſt perfect genug/ er wolte denn Latinam lin-
guam ex profeſſo vor ſich nehmen. Nun
aber iſt es zu dieſem allen kaum die Helffte auß
dem Orbe picto und auß dergleichen gemahl-
ten Narren-Poſſen von noͤthen. Geſetzt
Gauch
[146]
auch es kaͤme zu weilen ein ungewoͤhnlich
Wort in dieſem und jenem Autore vor/ ſo iſt
doch bekant/ daß ſich die Gelehrteſten Leute
bey ſo raren Exempeln des Lexici als eines
Troͤſters bedienen. Endlich/ daß man meynt/
es wuͤrde ein præguſtus omnium diſciplina-
rum hier durch beygebracht/ das iſt Eitelkeit.
Denn die Knaben haben lange das Judicium
nicht/ ſolche Sache zu penetriren. Und folgt
nicht/ der Herr Præceptor von 40. Jahren
verſteht es/ ergò kan es ein kleiner Bachant
von 9. Jahren alſobald auf dem Butterbrot
in den Bauch einfreſſen. Es waͤre zu wuͤn-
ſchen/ daß ein Kuͤnſtler aufftraͤte/ und mit kur-
tzen Spruͤchen auf die Regulas Grammati-
cas zielte/ damit ſolche per exempla eingebil-
det wuͤrden/ haͤtte man hernach das exerciti-
um, ſo wuͤrden ſich die Vocabula wohl geben.
Nun aber wird es umbgekehrt/ die Gram.
matica ſoll ſich ex uſu geben. Ja ſie giebt ſich/
daß man niemahls weniger Latein gekunt hat/
als ſeit der uͤberſichtige Autor Orbis picti mit
ſeinen vielfaͤltigen Buͤchern auffkommen/ der
alles/ was er zu Hauſe theoreticè vor gut be-
funden/ neſcio quo fatierrore, den Schulen
zu practiciren auffgetrungen hat. Und iſt
zu beklagen/ daß niemand kluͤger wird/ ob
gleich
[147]
gleich die janua Linguarum aurea mehr por-
ta inſcitiæ plumbea moͤchte genennet wer-
den.

Der gute Vater empfand hierauß einigen
Troſt/ weil er ſahe/ daß ſein Sohn nicht allein
in die vergebene Weitlaͤufftigkeit gefuͤhret
wuͤrde. Doch wolte er es auf einer andern
Seite verbeſſern: gab derhalben vor/ er lieſſe
ſolches die philologos verantworten/ es waͤre
zum wenigſten ein Zeitvertreib darbey/ da-
durch die Jugend angewehnet wuͤrde/ etwas
außwendig zu lernen. Sonſten waͤre der hi-
ſtoriſche methodus deſto beſſer/ ließ darauff
etliche Kupperſtuͤcke hohlen/ auf welchen viel
wunderlich Zeugs gemahlet war/ darbey man
ſich der Nahmen in ſacra \& profana hiſtoria
errinnern ſolte. Ein Teichdamm mit A be-
zeichnet ſolte Adam heiſſen. Ein Sack mit
I Jſaac. Ein Apt mit einer Fenſterrahme
Abram. Eine Semmel mit Butter be-
ſchmiert/ bedeutete Sem und Japhet, quaſi du
Narr friß doch die Semmel/ ſie iſt ja fett. Ei-
ne Amme hatte den Bietz in der Hand/ das
war ſo viel als Bizanz. Ein Bauer guckte
zu ſeinem Fenſter herauß/ und ſah daß das
Waſſer außgetreten biß an ſeinem Miſthauf-
fen/ gleich als ſagte er die See mir am
G ijMiſt
[148]
Miſt. Und das war Semiramis. Gela-
nor warff die Figuren auß Ungedult von ſich/
und ruffte uͤberlaut. O ihr armen Eltern!
wie jaͤmmerlich werden eure Kinder betro-
gen! wie elend werden eure unſaͤgliche Un-
koſten angeleget! Sollen nun die abge-
ſchmackten Gauckel-Ppſſen memoriam ar-
tificialem machen/ die vielleicht memoriam ſo
ſehr confundiren oder obruiren moͤchten/ daß
ein Kind zwirbelſichtig daruͤber wuͤrde. O
wohl dem der die Namen recht wie ſie heiſſen
durch offtmalige repetition ſich einbildet und
bekand macht. Wo die notiones ſecundæ
ſchwerer gemacht werden als die primæ, da
iſt ein compendium uͤbel gefaſt und wird ein
diſpendium darauß.

Hier ward der Advocat auch disjuſtirt,
und fragte/ wenn gleichwohl alles ſolte ver-
achtet werden/ wo man denn guten Rath her-
nehmen wolle. Nun ſaß einer mit am Ti-
ſche/ der bey waͤhrendem diſcurſe ſich mit hin-
zugefunden/ der zwar den Kleidern nach gar
zu viel Anſehn nicht hatte/ doch endlich der
Wiſſenſchafft nach einer von den geringſten
nicht war. Dieſer bat/ man moͤchte ihm ver-
goͤnnen/ ſeine Gedancken von den Informati-
on Sachen etwas weitlaͤufftiger zu eroͤffnen.
Es
[149]
Es iſt zu verwundern/ ſagte er/ warumb von
etlichen ſeculis daher/ ſeit die literæ humanio-
res wiederumb auß der finſtern Barbarey
hervorgezogen worden/ die Schulen ſo gar
wenig zur Beſſerung kommen/ und die Ju-
gend einmahl wie das andere verdrießlich
und weitlaͤufftig genug herumb gefuͤhret
wird. Die meiſten werffen die Schuld auf
die præceptores, welche gemeiniglich è fæce
Eruditorum genommen worden/ alſo daß/
wenn man mit einem ſeichtgelehrten Kerlen
weder in dem Predigampt noch in der Rich-
ter-Stube fortkommen kan/ ein jeder meynt/
er ſchicke ſich am beſten in die Schule. Nun
iſt dieß nicht ohne/ und moͤchte ſich mancher
Patron in das Hertze hinein ſchaͤmen/ daß er
die Jugend nicht beſſer verſorget/ da er doch
ſich zehn mahl in den Finger biſſe/ eh er vor
ſeine Pferde einen ungeſchickten Stallbuben/
oder vor die Schweine einen nachlaͤſſigen Hir-
ten annehme. Doch iſt zum wenigſten in
den Schulen ein Rector oder ſonſt ein Col-
lege, dem man nicht alle erudition abſprechen
darff/ alſo daß obangefuͤhrte Urſache nicht
eben die rechte zu ſeyn ſcheinet. Soll ich offen-
hertzig bekennen/ was die Schulen verderbt/
ſo iſt es nichts anders/ als daß die Inſpectio-
G iijnes
[150]
nes und Ordinationes ſolchen Leuten anver-
trauet werden/ welche ſich umb das Informa-
tions Weſen niemahls bekuͤmmert/ zum we-
nigſten in praxi nichts verſucht haben. Sie-
het nun gleich ein geuͤbter Schulmann/ wie
man eines oder das andere beſſern ſolte/ ſo
darff er doch nichts ſagen/ er moͤchte ſonſt den
Namen haben/ als wolte er ſolche groſſe und
gelehrte Leute tadeln/ ja wenn es vorbracht
wird/ ſo bleiben ſolche lumina mundi doch auf
ihren neun Augen/ und aͤndern es der gerin-
gen Perſon zu trotze nicht. Nun moͤchte
man doch dieß erwegen/ es ſtudieret mancher
etliche zwantzig/ dreiſſig Jahr/ von Morgen
biß in die Nacht/ ehe er in Schul-Sachen
recht hinter die Springe koͤmmt. Gleiwohl
ſoll er ſich von einem andern reformiren/ und
dictatoria voce eintreiben laſſen/ der in ſeiner
facultaͤt zwar gelehrt gnug iſt: doch aber in
dieſen Studiis kaum daſſelbige noch weiß/ deſ-
ſen er ſich von der Schule her oben hin erin-
nern moͤchte. O wie wuͤrde ein Schuſter/
ein Schneider/ oder wohl gar ein Dreſcher
lachen/ wenn ein Doctor trium facultatum
ſagen wolte/ ſo muſtu das Leder zerren/ ſo
muſt du das Band friſiren/ ſo muſt du den
Flegel in der Hand herumb lauffen laſſen:
denn
[151]
denn die præſumptio waͤre da/ daß die guten
Leute ihre Handgriffe beſſer verſtuͤnden: aber
in der Schule mag ie derman ſtoͤren/ wer ein
Bißgen zu befehlen hat. Die Theologi,
wenn ſie gefragt werden/ wieweit ſich ein
Fuͤrſt vi Superioritatis in die Conſiſtorial-
Sachen mit ein zu miſchen habe/ bringen die
diſtinction vor/ inter actus religionis inter-
nos \& externos. Das iſt/ etliche Sachen
giengen die Religion und Artickel ſelbſt an/
und betraͤffen ihre Warheit/ die bloß auß der
Schrifft muͤſtẽ decidirt werden/ und ſolches
waͤre derſelben Ammt/ welche dem Studio
lang obgelegen/ und von den Fragen judici-
ren koͤnten: Etliche Sachen aber giengen die
Religion nur zufaͤlliger Weiſe an/ e. g. ob die
Theologi auch ihre actus internos recht ex-
ercirten, es etwas im Lande ſich ereignete/ das
der Religion koͤnte ſchaͤdlich ſeyn u. d. g. Und
ſolche gehoͤrten dem jenigen/ der nechſt der
Hohen Obrigkeit auch Inſpectionem \& po-
teſtatem religionis auf ſich habe. Jch will
dieſe diſtinction auf die Schule appliciren/
damit niemand meyne/ als wolte ich lauter
Freyherren haben. Die externa inſpectio
iſt gar gut/ ob alle Præceptores ihr Ampt ver-
richten/ ob ſie der Jugend einige Bosheit
G jvge-
[152]
geſtatten/ ob ſie ihrem ſelbſt beliebten Metho-
do nachkommen ꝛc. Aber daß die Obrigkeit
ſich umb die interna bekuͤmmern will/ und
doch keine erfahrne Schulmaͤnner zu Rathe
zeucht/ zum Exempel/ daß ſie die Autores vor-
ſchreibt/ ja wohl gar den modum tractandi
beyfuͤgt/ das iſt zu viel. Wer einen recht-
ſchaffenen Rector in der Schule hat/ der ſoll
ihm die Lectiones ſamt der Jugend auf ſein
Gewiſſen binden/ daß/ ſo gut als er es vor dem
Richterſtul Chriſti dermahleins verantwor-
ten wolle/ er auch ſeine Wiſſenſchafft hierinn
anwenden moͤge. Vielleicht wuͤrde es an
manchem Orte beſſer/ und wuͤrden ſich die
Collegen hernach ſo nach Belieben verglei-
chen/ damit die Jugend nicht confundiret
wuͤrde. Man ſehe die meiſten Schulen an;
Fruͤh umb ſechs werden Theologica gehan-
delt. Umb 7. koͤmmt einer mit dem Cice-
rone angeſtochen. Umb achte koͤmmt der
dritte und laͤſt ein Carmen machen. Umb
neun iſt ein privat Collegium uͤber das Grie-
chiſche. Um zehen ein anders uͤber den Mu-
retum. Umb zwoͤlff wird ein exercitium
Styli vorgegeben. Umb eins werden die
præcepta Logices recitirt. Umb zwey
wird der Plautus erklaͤrt; umb drey iſt priva-
tim
[153]
tim ein Hebraͤiſch dictum zu reſolviren. Umb
viere lieſet man etwas auß dem Curtio. Und
dieß wird alle Tage geaͤndert/ daß wenn die
Jugend auf alles ſolte achtung geben/ entwe-
der lauter divina ingenia oder lauter confule
Koͤpffe darauß wuͤrden/ nun gehen zwar etli-
che Stunden offt dahin/ da mancher nichts
lernt; doch iſt es Schade/ daß ſo viel [ed]le
Stunden vorbey gehen. Ach doͤrffte ein Re-
ctor mit ſeinen Collegen, wie er wolte/ wie
ordentlich wuͤrde er ſeine Labores eintheilen.
Ein halb Jahr wuͤrde er nichts als Oratoria,
ein anders nichts als Epiſtolica, ein anders
Græca, weiter fort Logica, und ſo ferner vor-
nehmen/ damit die Jugend bey einerley Ge-
dancken bliebe. Es koͤnten doch gewiſſe Re-
petitiones angeſtellet werden/ daß man in
dem andern halben Jahre nicht vergeſſe/ was
in dem erſten gelernet worden. Denn in
dem Oratoriſchen halben Jahre/ muͤſte ein
College die Logicam alſo tractiren/ daß er
den Uſum Oratoricum darinn zeigte/ ein an-
der muͤſte einen Hiſtoricum leſen/ und zu Col-
lectaneis Anleitung geben. Ja was von
Theologicis Quæſtionibus vorkaͤme/ das
muͤſte man zu lauter Chrien und Orationen
machen/ ſo boͤten die Collegen einander die
G jvHand
[154]
Hand/ und berathſchlagten ſich alle halbe
Jahr/ was kuͤnfftig von noͤthen waͤre. Ach
wie gluͤcklich wuͤrde die Information ablauf-
fen/ beſſer als bey uns/ da ein Præceptor hie/
der ander dort hinauß will/ und ſich hernach
mit der Obrigkeit entſchuldiget/ die habe es
alſo verordnet.

CAP. XV.

GElanor hoͤrte dieſe Conſilia gedultig an.
Endlich fuͤgte er ſein Judicium bey.
Mein Herr/ ſagte er/ es iſt alles gut/ was er
vorbingt: Nur diß iſt mir leid/ daß es ſich
ſchwerlich practiciren laͤſt. Denn geſetzt/
die Obrigkeit koͤnne etwas darzu/ ſo weiß ich
den Schulmann nicht/ welcher der Katze die
Schelle anhencken wolle. Uber dieß ſind die
Rectores allenthalben mit den Collegen nicht
ſo einig/ daß man mit gutem Gewiſſen die Le-
ctiones ihrem Gezaͤncke anheim ſtellen koͤnne.
Ja wo ſind Leute/ welche ſo gar ſonderlich
der Jugend beſtes/ und nicht vielmehr ihren
Privat-Nutzen anſehen? Und welches das
aͤrgſte iſt/ ſo werden zu den unterſten Colle-
gen offt gute ehrliche Leute gebraucht/ welche
auſſer ihren elaborirten Argument-Buͤchern
wenig
[155]
wenig vorgeben koͤnnen: Hingegen wo ein
Rector zu erwehlen iſt/ da muß es ein groſſer
Philoſophus oder Philologus ſeyn. Ein
Philologus aber heiſt ins gemein/ der ſich in
alle Critiſche Subtilitaͤten vertiefft/ oder der
nichts als Syriſche Chaldeiſche/ Perſiſche
Aethiopiſche/ Samaritaniſche Grillen an die
Tafel mahlen kan/ Gott gebe die Jugend
verſaͤume die nothwendigen Sachen darbey
oder nicht. Ein anderer armer Mann/ der
nicht ſo wohl dahin geht/ daß er außwaͤrtig
will vor einem Gelehrten außgeſchryen wer-
den/ als daß er die Jugend fundamentaliter
moͤchte pro captu anweiſen/ der ſieht nicht
ſtoltz gnug auß.

Der Advocat ſagte/ diß ſey eben die Urſa-
che/ warumb er vor den Scholis publicis ei-
nen Abſcheu gehabt/ und ſeine Kinder viel lie-
ber privatim unterweiſen lieſſe. Der unbe-
kandte Gaſt aber gab zur Antwort/ es waͤre
auch zu Hauſe nicht alles ſchnurgleich abge-
meſſen. Vor eins haͤtten die Knaben kein
Exempel vor ſich/ dadurch ſie excitirt wuͤr-
den: Da hingegen in einer Claſſe von funff-
zig biß ſechzig Perſonen zwey oder drey leicht-
lich gefunden wuͤrden/ welche den andern zur
Nachfolge dienten. Nechſt dieſem waͤre es
G vjver-
[156]
vermuthlicher/ daß man eher einen gelehrte
Mann vor alle Kinder finden koͤnte/ als daß
ein jedweder Burger vor ſich einen gleich-ge-
lehrten Menſchen antreffen ſolte. Man wuͤ-
ſte warum die meiſten armen Kerlen præce-
ptorirtẽ/ nicht daß ſie den Untergebenen wol-
ten ſo viel nuͤtze ſeyn; ſondern daß ſie den Hals
ſo lang ernehren moͤchten/ biß ſich das Gluͤck
zu fernerer Promotion fuͤgte. Und endlich
waͤre einem geuͤbten Manne mehr zu trauen/
als einem armſeligen Anfaͤnger/ der ſelbſten
Information beduͤrffte.

Gelanor gab den letzten Außſchlag. Wir
ſitzen da/ ſagte er/ und meynen/ die Leute ſind
wunderlich/ welche die Schulſachen ſo am
unrechten Orte angreiffen; Aber wir begehen
viel eine aͤrgere Thorheit/ daß wir meynen/
als koͤnte in dieſer Welt alles abgezirckelt
werden. Hier iſt der Stand der Unvoll-
kommenheit/ da nichts an allen Stuͤcken voll-
kommen iſt. Abſonderlich iſt es mit den
Schulen ſo bewandt/ daß der boͤſe Feind ſie
hindert/ ſo viel er weiß und kan/ indem er wol
ſieht/ daß ihm dardurch der groͤſte Schaden
kan zugefuͤgt werden. Doch iſt etwas zu
wuͤnſchen/ ſo ſag ich:

hielten groſſe Herren viel von gelehrten Leu-
ten/ ſo wuͤrden ſich die Ingenia wohl ſelber
treiben/ wenn ſie ihren rechtſchaffenen Nutz
vor Augen haͤtten. Jetzt da mancher zehen
mahl beſſer fort koͤm̃t/ der nichts ſtudirt hat/
kan man es dem hundertſten nicht einbilden/
daß die Gelehrſamkeit ſelbſt ihr beſter Lohn/
und ihre reicheſte Vergeltung ſey. Hiermit
gingen ſie von einander/ und hatte das Ge-
ſpraͤch ein Ende.

CAP. XVI.

NUn war Gelanor ſo attent geweſen/ daß
er nicht in Acht genommen/ was unter-
deſſen vor eine Luſt vorgangen/ deren Eurylas
und Florindo wohl genoſſen hatten. Dann
als dieſe beyde in der Tafel-Stube ſich befan-
den/ und durch das Fenſter die Leute auf der
Gaſſe betrachteten/ hoͤreten ſie ein groß Ge-
ſchrey im Hauſe. Sie lieffen zu/ und ſahen
einen Kerln/ der ſich ſtellte! als wenn er ra-
ſend waͤre. Wo iſt der Hund/ ſchrye er/ gebt
ihn her/ ich will ihn in tauſend Stuͤcke zer-
hauen/ die Ameiſſen ſollen ihn wegtragen.
G vijWas?
[158]
Was? ſoll mich ſo ein Schurcke nicht vor
voll anſehen/ und ich ſoll ihm nicht den Hals
brechen? Herauß/ herauß du quinta Eſſentia
von allen Ertzbernheutern; komm her/ich will
dein Hertz vor die Hunde werffen/ komm her/
biſt du beſſer als ein eingemachter ꝛc. Halt
mich nicht// laſt mich gehn/ halt mich nicht/ ich
begeh noch heut einen Todſchlag/ und wenn
ich wiſſen ſolte/ daß mein Blut morgen in des
Henckers Namen wieder ſpringen muͤſte.
Ach lieber ehrlich geſtorben/ als wie ein Lum-
penhund gelebt; Sa ſa ich zerreiſſe mich/ ſa
ſa wo biſt du? ſteh ꝛc. wo biſt du! ſteh! Eu-
rylas hoͤrte dem Tyrannen ein wenig zu/ und
wuͤnſchte nichts mehr/ als daß er den andern
koͤnte herſchaffen/ umb zu erfahren/ ob der boͤ-
ſe Kerle ſo grauſam verfahren wuͤrde. Doch
es bedurffte keines langen Wünſchens/ er
kam mit einem Spaniſchen Rohr/ und ſtellte
ſich ein/ fragte auch alſobald/ wer ſeiner be-
gehrt haͤtte. Der Provocant that/ als koͤnte
er ſich vom Wirth und vom Haußknecht nit
loß reiſſen/ und biß gantz ſtillſchweigend die
Zaͤhn zuſammen. Bißweilen ſchnipte er in
den Schiebſack/ bißweilen ſagte er dem Hauß-
knecht etwas in das Ohr. Endlich kam je-
ner/ und wolte wiſſen/ was ſein Begehren
waͤre
[159]
waͤre. Du Schaum von allen rechtſchaffe-
nen Kerlen/ haſt du auch ſo viel Hertze/ daß du
mich provociren kanſt/ oder biſt du auch ſo
viel werth/ daß ich deinen Buckel meines
Stockes wuͤrdige. Du elende Creatur/ re-
de doch ietzund etwas/ daß ich boͤſe auf dich
werden kan oder ſchreibe es meiner Barm-
herzigkeit zu/ wofern ich dich nach wuͤrden
nicht tractiren kan. Da ſtund nun der Tuͤr-
ckenſtecher/ und hatte alle Boßheit inwendig/
wie die Ziegen das Fett. Nach langem War-
ten/ nahm der andere ihm der Degen auß der
Hand/ und pruͤgelte ihn ſo zierlich im Hauſe
herum/ daß der Wirth ſich darzwiſchen legen
muſte. Damit war die Comœdie zu Ende/
und hatten die andern das Anſehen umbſonſt
gehabt. Als nun Gelanor die troͤſtliche Hi-
ſtorie erzehlen hoͤrete/ fragten ſie weiter/ was
denn der Kerle vor Urſache gehabt/ ſolch ei-
nen Tumult anzufangen. Da kam einer/
und gab dieſen Bericht; der gute Menſch ha-
be ſich ſo ſehr in den Koͤnig von Schweden
verliebt/ daß er nicht leiden koͤnte/ wenn ie-
mand eine widrige Zeitung von demſelben er-
zehlen wolte. Weil nun der andere vorgege-
ben/ der Koͤnig waͤre von den Dantzigern auf
die Weichſelmuͤnde gefangen gefuͤhrt wor-
den
[160]
den/ ſo haͤtte dieſer ſich ſo ſehr erzuͤrnet/ daß
er nicht geruhet/ biß die Extremitaͤten vor-
gangen. Eurylas ſagte hierauff/ der Kerl
moͤchte in Schweden reiſen/ und umb ein
Genaden-Geld ſolicitiren/ weil er des Koͤ-
nigs Reſpect zu erhalten/ ſo groſſe Gefahr uͤ-
ber ſich genommen. Florindo ſagte/ wenn
der Koͤnig lauter Soldaten haͤtt/ die mit den
Haͤnden ſo grimmig waͤren/ als dieſer mit
dem Maule/ ſo wuͤrde der Tuͤrcke am laͤngſten
zu Conſtantinopel reſidiret haben: Der
Wirth ſagte/ wenn iemand kaͤme und ſagte/
die Moſcowiter haͤtten ſich zu den Schweden
geſchlagen; ſo wolte er wetten/ der Vote be-
kaͤme einen Thaler Trinckgeld. Andre
wuſten was anders Gelanor ſagte dieß/
es waͤre ein bloͤder Narr/ der kein medium
haͤtte inter fortiſſima \& dimidiſſima, man
ſolte ſein Elend mehr betauren/ als belachen.
Und darbey blieb es daſſelbe mahl.

CAP. XIX.

GElanor gieng alſo auch vom Fenſter hin-
weg und gieng hinunter in das Haus/ da
ſtund der Hausknecht und weinte bittere Zaͤh-
ren/ Eurylas, der dabey war/ fragte was ihm
zu Leide geſchehen waͤre. Ach ihr Herren/
ſagte
[171]
ſagte er/ ſoll ich nicht uͤber mein Ungluͤck Thraͤ-
nen vergieſſen? Da wollen alle Leute an mir
die Schuh wiſchen/ O wer ſich nur ſolte ein
Leid anthun! gedenckt nur wie mirs geht! da
iſt meine Frau in die Wochen kommen/ und
hat einen jungen Sohn bracht. Nun ſoll
ich ja vor allen Dingen drauf dencken/ wie ich
des jungen Heydens los werde/ und einen neu-
en Chriſten davor kriege. Aber ihr Herr[en]/
ihr wiſt es ſelber/ das Werck laͤſt ſich nit thun/
ich muß ehrliche Leute zu Gevattern haben.
Gleichwohl geht mirs ſo naͤrriſch/ daß ich
flugs moͤchte davon lauffen. Da iſt ein Kerle/
dem hab ich in dieſem Gaſthoffe wohl ſechs-
tauſend Glaͤſer Bier eingeſchenckt/ den wolt
ich bey dieſem Ehrenwercke gerne haben/ we-
gen der alten Bekandſchafft. Aber er/ at
mir den Gevatterbrieff zuruͤck geſchickt au[ß]
Urſachen/ weil ich ihn nicht Edler/ Wohl-Eh-
renveſter titulirt. Eurylas/ fragte weiter/
wer es denn waͤre/ ob es ein vornehmer Mann
ſey/ der den Titel verdienet habe? der Knecht
gab zur Antwort/ er wiſſe nicht wie hoch einer
vor dem andren geſchoren ſey; doch ſagten alle
Leute/ der Kerle ſey im Kriege bey einem O-
berſten ein Bißgen vornehmer als ein Schuh-
putzer geweſen; ſo habe der Herr Rector (alſo
H ijward
[172]
ward der Præceptor Claſſicus genant/ der
Cantor, Baccalarius, und infima \& ſuprema
Collega zugleich war) gemeint/ es ſey genug
wenn er ſchriebe Ehrenwohlgeachter. Nun
ſey der Groſchen vergebens außgegeben/ da
der Steiß-Paucker vor das Geld hãtte Edel
und Wohl-Ehrenveſt koͤnnen hinſchreiben.
Eurylas ſprach ihm Troſt zu/ er ſolte ſich zu
frieden geben/ wenn es ja an Gevattern man-
gelte/ ſo haͤtten ſie einen Mahler bey ſich/ der
das Chriſtliche Werck auf ſich nehmen koͤnte.
Der Hausknecht wolte ſich noch nicht zu frie-
den geben/ biß er einen andren Brieff geſchrie-
ben/ und ſeinen außerleſenen Gevatter verſoͤh-
net haͤtte; da nam Eurylas den Mahler und
dictirte ihm folgenden Brieff.

Solchen Brieff gab Eurylas dem Haus-
Knechte/ und weil er nicht leſen konte/ laß er
ihm was anders vor/ daß der gute Tropff
gar wohl mit zu frieden war/ damit ſchickte
er die Kindfrau fort. Nun gefiel dem neuen
Herr Gevatter die Außſchrifft ſehrwohl/ daß
er die Frau gar freundlich abfertigte/ allein
dz inwendige fuhr ihm in d’Naſe auf wie Pfef-
fer. Er ſchickte alſo fort nach dem Hausknech-
te/ und fragte ihn/ wer dieſen Brieff geſtellet
haͤtte? der Knecht beſorgte ſich nichts Boͤſes/
H iijund
[174]
und ſagte die rechte Wahrheit: da fieng der
Fincken-Ritter an/ ich ſehe es/ du biſt auſſer
Schuld/ denn du kanſt/ nicht leſen/ da haſtu ein
Gold guͤlden Patengeld/ unſer Haus-Knecht
ſoll vor mich ſtehen/ aber morgen will ich zu
euch zum Biere kommen/ und da will ich dem
Schreiber ſeine Arbeit geſegnen. Der Knecht
referirte ſolches dem Eurylas, der war uner-
ſchrocken/ und vexierte unterdeſſen den Mah-
ler/ als welchen immer leid war/ daß man ihn
in der Patſchke ſtecken laſſe. Denn ob/ ſie
zwar nicht Willens geweſen/ ſich an dem Or-
te lang auf zu halten/ war doch ein Pferd ver-
nagelt worden/ daß ſie alſo wieder ihren Wil-
len dem Thiere ſeine Ruh goͤnnen muſten. Der
morgende Tag kam/ das Mittagsmahl war
fertig/ als ſich der Edle Wohl-Ehrenveſte
Herr Ober Stiefel Inſpector einſtellete. Er
hatte eine braune Kappe an/ und ein elend Ca-
miſol darunter/ das hieb und ſtich frey war:
an der Seite hieng eine breite Bloͤtze/ damit
er auf einen Hieb ſieben Krautkoͤpfe haͤtte koͤn-
nen abhauen. Ein Junge muſte ihm einen
Saͤbel nachtragen/ der ſo ſchrecklich außſah/
daß einem von dem eꝛſten Anblicke haͤtte moͤgen
der Kopff vor die Fuͤſſe fallen.

Mit einem Worte alles zu begreiffen/ dem
Eury-
[175]
Eurylas war zu muthe/ als wenn ihm die Tuͤr-
cken und Tartarn waͤren zu gleich ins Land
gefallen. Gelanor und Florindo ſtellten
ſich gantz unbekant/ und aſſen vor ſich fort/
ingleichen machte Eurylas auch nicht viel
Weſens. Nun war dem guten Stuͤmper/
welcher vor dießmahl Horribilicribrifax heiſ-
ſen mag/ immer leid/ die Gaͤſte moͤchten etwan
nicht wiſſen/ wer er waͤre/ und moͤchten dan-
nenhero vor ſeinem Zorne nicht gar zu hoch er-
ſchrecken: Gleichwohl aber wolte ſich kein
Diſcurs fuͤgen/ dabey er ſeine Heldenmaͤſſige
Thaten haͤtte angebracht. Darum mußte
er ſich mit des Wirths Sohn einlaſſen/ der
ſich auf der nechſten Schule ſonſten auffh[ielt]
und dazumal zu dem Hr. Vater in pat[r]iam
verreiſet war: Junge ſagte er zu ſeinem S[e]r-
viteur, wo haſt du meinen Saͤbel/ bring ihn
nur in der Scheide her/ zeuch ihn nicht auß/ du
moͤchteſt Schaden thun. Hiemit wandte er
ſich zu dem jungen Lappen/ der viel wuſte/ was
der Krieg vor ein Ding waͤre/ und ſagte:
Das iſt ein Saͤbel/ der mir im Polniſchẽ Krie-
ge Dienſte gethan hat. Jch wolte ihm ſo
viel Ducaten goͤnnen/ ſo viel als Tartar-
Koͤpffe davor abgeflogen ſind. Jch ward bey
der koͤſtlichen Klinge des Blutvergieſſens ſo
H jvge-
[176]
gewohnt: daß ich offt mit meinen beſten Freun-
den Haͤndel kriegte/ und einem ein Zeichen
geben kunte. Sie wuſtens auch alle/ darum
ſchickten ſie mich mehrentheils auf die Par-
they/ nur daß ſie im Quartier unbeſchaͤdigt
blieben. Ja Czarnetzky hatte Gluͤcke/ daß er
mir auß den Haͤndẽ entwiſchte/ ich hatte ihm/
ſoll mich der und jener/ ſchon die Charpe vom
Leibe weggebauen: doch man weiß wohl/ was
die Pohlniſchen Kloͤpper vor Kroͤten ſeyn/ wie
ſie durch gehẽ Sonſt haͤtte es geheiſſen/ Bru-
der/ gib eine Tonne Goldes Rantzion/ oder ich
haue dich/ daß dir die Caldaunen am Sattel-
knopffe haͤngen bleiben Ach das war ein Lebẽ
drey Teutſche/ ſieben Pohlen/ zehen Coſacken/
vierzehn Tartarn/ und ein halbſchock Muſco-
witter warẽ mir als ein Morgẽbrod. Jch achte
ſie offt nicht ſo gut/ daß ich auf ſie loßgeſchla-
gen haͤtte/ biß mir die Hunde ſagten/ ob ihrer
nicht mehr waͤren. Aber ich wuſte/ daß
ich mich auf mein Gewehr verlaſſen konte.
Haͤtte ich meinen Bachmatt/ der mir in der
Schlacht vor Warſchau erſchoſſen ward/ nur
ein halb Jahr eher kriegt/ ich wolte funffzig-
tauſend Thaler reicher ſeyn. Er gieng in ei-
nem Futter dreyſſig Meylen hin und her/ als
wenn ihm nichts drum waͤre. Ein Moraſt/
der
[177]
der nicht breiter war/ als etliche Acker/ war
ſeine Luſt/ daß er druͤber ſpringen ſolte. Ein-
mahl jagte ich den Pohlen nach/ biß in ein
Staͤdgen/ da ſchloſſen ſie das Thor zu/ und
meynten ſie haͤtten mich gar gewiß. Aber
da ſie zu Rathe giengen/ wie ſie mir beykaͤmen/
ſetzte ich uͤber die Stadtmauer weg/ und ſtellte
mich ins blancke Feld: der Hencker haͤtte die
Kerlen geritten/ daß ſie mir waͤren nachkom-
men. Ein andermahl umbringte mich eine
gantze Compagnie Tartarn/ aber ich ſprengte
uͤber die gantze Schwadrone weg/ und ſchmieß
mit dem Foͤrderbeine den Rittmeiſter/ mit den
Hinterbeinen den Cornet/ vor die Koͤpffe/ daß
ſie wohl ihres Party-gehens vergeſſen haben.
Jch moͤchte mir wohl ſo viel dergleichen Pfer-
de wuͤnſchen/ als ich mit dieſem eintzigen durch
die Weichſel und durch den Dnieper ge-
ſchwummen bin. Und was das beſte war/
das Thier hatte einen Verſtand/ als ein
Menſch/ es legte ſich flugs auf die Streu zu
mir/ und ſchlieff die gantze Nacht mit. Hatte
ich Meet oder Brandtewein/ das Pferd ſoff
ſo einen dichten Rauſch/ als ein Kerl. Ewig
Schade war es/ daß es ſo liedeꝛlich ſolte dꝛauff
gehen/ und ich ſolte es nicht außſtopffen/ oder
zum wenigſten begraben laſſen. Ja wohl/ eſ
H viſt
[178]
iſt eine brave Sache umb den Krieg/ wenn
einer courage hat/ und weiß ſie recht zu ge-
brauchen. Doch wolte ich es keinem rathen/
daß er ſich ſo uͤbel verwahrte/ als ich. Mein
Oberſter/ bey dem ich war/ wuſte/ daß er ſich
auf mich verlaſſen kunte/ drum verhinderte er
mich an meinem Gluͤck/ daß ich bey allen Offi-
cir-Stellen/ die mir angetragen wurden/ dar-
neben hingieng. Nun giebt ſich noch ein Krieg
an/ mein Saͤbel ſoll mir noch eine Graffſchafft
erwerben/ du ehrlicher Saͤbel/ haſtu nichts zu
thun/ moͤchteſtu nicht einmahl einem guten
Freunde eine Schmarre uͤber den Kopff hau-
en/ daß ein Bachmatt/ wie meiner war/ darauß
ſauffen koͤnte? Ja fuͤrwaꝛ/ du haſt ein Luͤſtgen.
Nun ſey zu frieden/ wo dich duͤrſt/ ich will dir
bald zu trincken geben.

Der Mahler hatte ſich dazumahl muͤſſen
mit zu Tiſche ſetzen/ dem war nun Angſt und
bange/ was auß dem Blutvergieſſen werden
ſolte/ und ob er nich auch etwas von Cinnober
darzu ſpendiren muͤſte. Eurylas hingegen/
dem ſonſt mehr ſolche Praler bekant waren/
lachte heimlich/ und wolte nur ſehn/ ob ſich der
Kerl an den Mahler reiben wuͤrde/ doch als
ſeine Auffichneiderey zu lange waͤhrte/ trunck
er ihm eins zu/ und ſagte: Mein Herr/ ich hoͤre/
er iſt
[179]
er iſt in dem Polniſchen Kriege geweſen/ hat
er nicht den Obriſten Widewitz gekennt/ der
die alte Timmertze oberhalb der Weichſel ein-
genommen hat? Der gute Kumpe verſtund
die Woͤrter nicht/ doch meynte er/ es waͤre ihm
ſchimpfflich/ wenn ihm etwas in Pohlen ſolte
unbekant/ ſeyn. Darumb ſagte er/ er ſey
ihm gar wohl bekant/ und habe er offt im Na-
men ſeines Oberſten Brieffe hin zu beſtellen
gehabt. Eurylas hatte ihn auf dem rechten
Wege/ darumb fragte er weiter/ ob er nicht
gehoͤret haͤtte/ daß derſelbige Obriſte einen
Hirſch durch das lincke Ohr und durch die
rechte Pfote mit einer Kugel zugleich geſchoſ-
ſen haͤtte? Ja ſagte er/ ich kam gleich darzu/
wie der Schuß geſchehen war. Eurylas wieß
hiermit auf den Mahler/ und fragte ob er deñ
dieſen guten Freund nicht kennte/ er haͤtte eben
uͤber demſelben Stuͤcke das Weidmeſſer
kriegt. Der ehrliche Horribilicribrifax wu-
ſte nicht/ wie er dran war/ doch wickelte er ſich
wieder herauß/ er waͤre gleich fortgeritten/
und haͤtte nicht obſervirt/ was ſonſt paſſirt
waͤre. Eurylas ſagte weiter/ gleichwohl haͤt-
te ſich dieſer rechtſchaffene Kerle uͤber ihn be-
ſchwert/ als waͤre er ſein Verraͤther geweſen/
und wenn es wahr waͤre/ ſo wolte er dieſen
H jvnicht
[180]
nicht mehr vor ſeinen Compagnon erkennen/
wo er den Schimpff nicht revengirte. Hor[-]
ribilicribrifax verſetzte/ er wuͤſte nichts davon/
doch wolte er es keinem rathen/ daß er ſich an
ihn machte/ wenn er nicht ſein Leben in Gefahr
ſetzen wolte. Eurylas kriegte hierauff den
Mahler bey dem Flaͤgel/ und ſagte/ wie ſitzt ihr
da/ als wenn ihr eure drey Pfund allein behal-
ten wollet/ macht fort/ und ſchmeiſt euren Ver-
raͤther an den Hals/ oder der kleinſte Junge/
den ich auf der Gaſſe finde/ ſoll euch Naſen-
ſtuͤber geben. Habt ihr ihm geſtern zur Bra-
vade einen Brieff ſchreiben koͤnnen/ ſo trettet
ihm auch heute unter das Geſichte. Jndem
ſich nun der Mahler beſann/ ob er ſich in Leib-
und Lebens Gefahr wagen wolte/ gieng der
andere mit rechten Bachmattß-Schritten zu
der Stube hinauß. Und wie der Hausknecht
erzehlte/ hatte er vorgegeben/ er waͤre uͤber-
mannet geweſen/ und wuͤſte wohl/ wie hoch ein
Todſchlag geſtraffet wuͤrde/ wenn man ihn
noch ſo raiſonable begangen haͤtte; doch ſolte
ihm einer auß der gantzen Compagnie im
Kriege begegnẽ/ er wolte ihm den Saͤbel zu ko-
[ſt]en geben. Ho ho! ſagte Eurylas, haben wir
ſolang noch Zeit/ ſo vexiren wir den Moſco-
witer noch einmahl. Damit redte einer dieß/
der
[181]
der ander das von dem elenden naͤrriſchen
Auffſchneider: Etliche verwunderten ſich uͤ-
ber die ungereimten Luͤgen: Andere lachten
daruͤber/ daß mancher ſo ſtreng uͤber ſolchen
Tituln hielte/ die er kaum halb verdient haͤtte.
Aber Gelanor machte nicht viel Wunders/
was iſt es nun mehr/ ſagte er/ daß ein Kerl et-
was liberal im reden iſt/ wenn er ſeine Repu-
tation dadurch beſtaͤtigen ſoll. Thutes doch
die gantze Welt/ was ruͤhmen die Gelehrten
nicht von ihren ſonderlichen Meinungen/ die
Medici von ihren arcanis, die Juriſten von ih-
ren Exceptionibus, die Philologi von ihren
Manuſcriptis, die Kauffleute von ihren Wah-
ren/ die Schaͤffer von ihrer Keule/ und was
des Pralens mehr iſt? Hat es nun der gute
Schoͤps zu mercklich gemacht/ was kan er da-
vor/ daß er den Schalck nicht ſo wohl verber-
gen und vermaͤnteln kan/ als die andern? Auch
was die Titul betrifft/ warumb ſoll er eben der
Narr alleine ſeyn/ da ſich ſo viel Leute umb die
Narrenkappe ſchlagen und ſchmeiſſen wollen/
und da nunmehr die gantze Brieffſchreiberey
in dieſer Zierligkeit beſteht/ daß man die Emi-
nentzen/ Excellentzen/ Reverentzen und Peſti-
lentzen fein nach der Tabulatur herſchneiden
kan. Darumb duͤrffen wir den guten Men-
H vijſchen
[182]
ſchen nicht außlachen/ oder wenn wir ſolches
thun wollen/ haben wir nicht Urſache/ daß wir
vornehmere Leute vorbey gehen/ und bey die-
ſer elenden Creatur den Anfang machen wol-
len. Und dieß war dazumahl das Lied vom
Ende.

CAP. XX.

WEiter begegnete der Compagnie
nichts ſonderliches/ biß ſie fortreiſeten/
da kam ein alter Mañ mit in die Geſellſchafft/
nebenſt einem jungen Menſchen von fuͤnff biß
ſechs und zwantzig Jahren. Nun wuſten
ſie nicht/ was ſie von dieſem jungen Keꝛl geden-
cken ſolten. Denn bißweilen [ſ]prang er vom
Wagen/ und gieng ein wenig: Bald ſpitzte
er das Maul/ und pfiffe eine Sarabande daher/
als trotz ein Canarien Vogel: Bald nahm er
den Kamm auß der Taſche/ und kaͤmte ſich:
bald fieng er an zu ſingen/ tira tira tira, Soldat
tira, bald fiſtulirte er wie ein Capaun/ Ayma-
ble bergere quand tromperons nous, la gar-
de ſefere d’ un mary jaloux. S’il n’ eſt pas
honeſte il eſt du devoir, de luy mettre au te-
ſte ce q’il croit avoir; bald zog er einen Puffer
auß der Ficke/ und kuͤnſtelte dran: bald knuͤpff-
te er
[183]
te er die Ermelbānder anders: bald war ihm
die Schleiffe auf gefahren/ damit er die Haa-
re biß an die Ohren auffgebunden hatte; Bald
nahm er den Hut/ und drehte ihn auf dem Fin-
ger etliche mahl herumb. Als ſie ins Wirths-
Haus kamen/ und die andern ihre Meſſer und
Gabel außzogen/ grieff dieſer mit allen Fuͤnf-
fen in den Salat/ und machte ſonſt abſcheuli-
che Gauckelpoſſen. Endlich tadelte er das
Brod/ es waͤre nicht recht außgebacken/ in
Franckreich koͤnte man ſchoͤn Brod backen:
da ſagte der Alte: Ach du elender Teufel/ das
Brod iſt laͤnger im Backofen geweſen/ als du
in Franckreich. Da merckten die anderen/
daß der Kerl ein gereiſter Monſieur waͤr/ und
daß er eben deßwegen ſo liederlich gethan/ daß
man ihm die Frantzoͤſiſche Reiſe anſehen ſolte.
Darneben obſervirten ſie/ daß der gute
Menſch vielleicht auf der Poſt durch Pariß
moͤchte geritten ſeyn/ wie jener/ der beklagte
ſich/ es huͤlffe ihm nichts/ daß er auf Pariß ge-
zogen waͤre/ denn es waͤre zu ſeiner Zeit ſo fin-
ſter drinn geweſen/ daß man kein Hauß von
dem andern unterſcheiden koͤnnen. Und als
man nachfragte/ war der Poſtilion gleich in
der Mitternacht mit ihm durch paſſirt/ als der
Mond im letzten Viertel geweſen. Doch
war
[184]
war keiner/ der ihn in ſeinen Gedancken beſſer
entſchuldigte/ als Gelanor: denn er hatte rai-
ſon liederlich zu thun. Ein ander/ der ſich et-
liche Jahr in fremden Laͤndern verſucht hat/
kan durch ſeine Actiones leicht darthun/ daß
er kein Haus-Veix ſey: Aber ſo ein Menſch/
mit dem es etwas geſchwinde zugegangen/
moͤchte ſich leicht unter den Aepffelbratern
verliehren/ wenn er nicht alle Leute mit gantzer
Gewalt bereden ſolte/ wo er geweſen waͤre.
Nach der Mahlzeit gerieth Gelanor, mit dem
Alten in Diſcurs, und befand/ daß es kein une-
bener Mann war; dieſer beklagte ſich nun uͤber
dieſen jungen Frantzoſen/ man koͤnne ihn zu
nichts bringen/ daß er mit Luſt thaͤte/ und dar-
bey er beſtaͤndig bliebe: alle Tage wolle er et-
was anders werden/ bald ein Gelehrter/ bald
ein Kauffmann/ bald ein Soldat/ bald ein
Hoffman; und ſolche Abwechſelung hab er nun
biß in daß fuͤnff und zwantzigſte Jahr getrie-
ben. Neulich ſey er gleichſam verſchwunden/
daß kein Menſch gewuſt/ wo er blieben. End-
lich in acht Wochen hab er ſich wieder præ-
ſentirt, in dieſer Frantzoͤſiſchen Geſtalt/ als
wie mann ihn noch ſehen koͤnte. Nun wolle
er an einem vornehmen Orte Hoffmeiſter
werden/ aber die Luſt wuͤrde auch nicht lang
waͤh-
[185]
waͤhren. Eurylas ſagte; der wunderliche
Kautz habe wohl verdienet/ daß man ihn et-
was vexirte/ der Alte war es wohl zu frieden.
Derhalben/ als ſie wieder zuſammen in die
Kutſche ſaſſen/ fiengen ſie darvon an zu reden/
wie das dieſer Sauſewind in keiner Sache
beſtaͤndig waͤre/ als in ſeiner Unbeſtaͤndigkeit.
Er entſchuldigre ſich/ und wuſte ſeine Urſa-
chen recht vernuͤnfftig und nachdencklich an-
zufuͤhren. Denn als Eurylas fragte/ wa-
rumb er ſein Studieren nicht fortgeſetzt/ ſo
erzehlte er ſeinen gantzen Lebenslauff. Jch
ſolte/ ſagte er/ freylich ſtudieren/ und einen Ju-
riſten abgeben/ aber ich bedachte dieß/ wie
leicht koͤnte ich eine Sache wider einen Edel-
mann gewinnen/ der mirs nachtruͤge/ und mir
wohl gar einen Fang mit dem kalten Eiſen
gaͤbe: Oder wenn ich im Winter einen Ter-
min haͤtte/ und ſtolperte mein Pferd auf dem
Eiſe/ daß mir das Bein im Stieffel zerbraͤ-
che/ und niemand waͤre bey mir/ muͤſte ich
nicht als ein Hund verderben? Oder wenn
ich von meinen Clienten tractirt wuͤrde/ daß
ich in der Nacht reiſen muͤſte/ und führte mich
ein Jrrwiſch in das Waſſer; Nein/ nein/ ich
moͤchte nicht. Die Kauffmannſchafft beliebte
mir/ aber in wenig Wochen fiel mir ein/ ſieh
da/
[186]
da/ wenn du einen Kauffmann in einer an-
dern Stadt vor 10000. Rthl. Wahren cre-
ditirſt/ und es kaͤme ein Erdbeben/ daß die
Stadt mit allen Leuten untergienge/ wo krie-
geſt du deine Bezahlung? Oder wenn du kein
Gewoͤlbe zu mieten kriegſt/ wo wolſtu deine
Wahren außlegen? Oder wenn du einen
Pack von inficirten Orten her bekaͤmeſt/ daß
du moͤchteſt des Todes uͤber dem Außpacken
ſeyn. Nein/ nein/ unverworren mit ſo einer
gefaͤhrlichen Profeſſion. Drauff wolte ich
die Haushaltung vor die Hand nehmen/ daß
ich mit der Zeit ein Adeliches Guth haͤtte pach-
ten koͤnnen; Aber ich bedachte mich/ wie leicht
waͤre es geſchehen/ daß deine Frau mit But-
ter und Kaͤſen zu thun haͤtte/ und gebe das
Kind einem Bauermaͤdgen zu warten/ das
thumme Rabenaaß trüge es im Hoffe herum/
und kaͤme gleich der Klapperſtorch/ und wolte
ſich auf dem Schorſtein ein Neſt zu rechte
bauen/ der ſchmieß einen Stein auf die Dach-
ziegel/ das ein halb Schock herunter floͤgen/
wer haͤtte nun das Hertzeleid/ wenn dem Kin-
de die Hirnſchale enzwey geſchmiſſen waͤre/ a[l]s
eben ich? Oder wenn der unachtſame Aſchen-
broͤdel das Kind an die Thuͤr legte/ und kaͤmen
die Schweine und fraͤſſen ihm/ mit zuͤchten zu
mel-
[187]
melden/ wer weiß was vom Leibe ab. Oder
wenn im Winter ein Dieb in den Kuͤhſtall
braͤch/ und zoͤge den Kuͤhen Stieffel an/ daß
man die Spur nicht merckte. Ach nein/ in ſol-
che Gefahr begehrte ich mich nicht zu ſtecken.
Alſo dacht ich wieder an das Studieren/ und
wolte ein Medicus werden. Allein in vier-
zehen Tagen ward ich kluͤger. Wie leicht
haͤtte mir eine Retorte koͤnnen zu ſpringen/ daß
mir die Scherben im Geſichte waͤren ſtecken
blieben. Oder wie leicht koͤnte die Magd ei-
ne Katze in das Laboratorium laſſen/ die mir
vor tauſent Thaler Glaͤſer auf einmahl umb-
wuͤrffe. Oder wie leicht koͤnte mich ein Ban-
dit niedermachen/ wenn ich wolte zu Padua
Doctor werden? Damit aͤnderte ich meinen
Vorſatz/ und hatte zum Bierbrauen Luſt;
Doch erwog ich dieſes/ wenn ich einmahl ein
gantz Bier zu brauen haͤtte/ und fiele unver-
ſehens ein Hund in den Bottich/ ſo waͤre das
Bier zu meinem Schaden verdorben. Oder
wenn meine Frau die Faͤſſer ein wenig mit
friſchem Brunnwaſſer wolte fuͤllen laſſen/ es
haͤtte aber ein ſchabernaͤckiſcher Nachbar
Heckerling in den Brunnen geſchuͤtt/ daß alſo
die Leute fruͤh lauter Heckerling im Bier fuͤn-
den/ wuͤrde mir dieß nicht eine Ehre ſeyn?

Es waͤre zu lang alles vorzubringen; dieß
war der Jnhalt ſeiner Rede/ er haͤtte nach die-
ſem bald ein Mahler/ bald ein Prieſter/ bald
ein Goldſchmied/ bald ein Schreiber/ bald
ein Hoffmann/ bald ein Dinten[kle]cker werden
wollen; doch ſey er allzeit durch dergleichen Er-
hebligkeiten abgeſchreckt worden. Eurylas
fiel ihm in den Diſcurs, und ſagte/ warum be-
denckt er denn nicht/ was ihm bey ſeiner Hoff-
meiſterey moͤchte zu Handen ſtoſſen/ weiß er
nicht/ daß die von Adel auf ihren Vorwegen
Hoffmeiſter haben die nicht viel beſſer ſeyn/ als
ein Großknecht? Weñ nun ſein Principal ein-
mahl ruffte/ komm her Hoffmeiſter/ du ꝛc
koͤnte nicht leichtlich ein Mißverſtand darauß
erwachſen? Der Teutſche Frantzoß beſann
ſich etwas/ doch fiel ihm endlich dieß expedi-
ens bey/ er wolle ſich à la francoiſe laſſẽ Gou-
verneur heiſſen. Eurylas wandte ein/ dieß
waͤre ein boͤß Zeichen/ denn gleich wie ein
Spaniſcher Gouverneur ſelten uͤber 3. Jahr
zu guberniren haͤtte/ alſo moͤchte mancher
urtheilen/ er wuͤrde es nicht viel uͤber drey
Wochen bringen. Sein Rath waͤre er fien-
ge einen Gewandſchnitt mitt Tauben an.
Denn wo ein Baar ſechs Pfennige guͤlte/ und
er verkauffte tauſend/ ſo haͤtte er unfehlbar
zwan-
[189]
zwantzig Thaler und zwantzig Groſchen. Der
Alte lachte hierauff/ und verwieß ſeinem Vet-
ter/ daß er nicht allein ſo liederlich lebte/ ſon-
dern auch den Lebenslauff zu erzehlen keinen
Scheu truͤge. Das waͤre die hoͤchſte Narr-
heit/ daß man auf keiner Meynung beſtaͤndig
bliebe/ und habe Seneca wohl geſagt: Stultus
quotidie incipit vivere. Uber dieß habe er
ſich dergleichen Urſachen abſchrecken laſſen/
welche mehr zu verlachen/ als zu bedencken
waͤren. Denn auf ſolche Maſſe duͤrffte man
nicht in der Welt bleiben/ alldieweil man auf
allen Seiten der Gefahr unterworffen ſey.
Ein andermahl ſolle er dencken/ daß ein an-
daͤchtiges Gebete/ und ein gnaͤdiger Gott/ al-
len furchtſamen Sachen leicht abhelffen
koͤnne.

CAP. XXII.

GElanor waͤre mit den Seinigen auch
fort gereiſet/allein er hoͤrte/ daß eine vor-
J iijnehme
[198]
nehme Stands-Perſon auff den andern Tag
eben in dem Wirthshauſe abtreten wolte.
Dieſer zu Gefallen/ blieben ſie zuruͤcke. Ge-
gen Mittage kamen zween wohlmundirte
Kerlen zu Pferde und beſtelleten es nochmals/
daß in anderthalb Stunden alles ſolte parat
ſeyn. Endlich folgte die gantze Suite, welche
in etliche 20. Perſonen beſtund. Der jenige/
welcher vor den Principal angeſehen ward/
hielt ſich ſehr praͤchtig. Seine Diener/ wel-
che zwar an Kleidern auch nichts mangeln
lieſſen/ muſten ihn als die halben Sclaven ve-
neriren. Ja als Gelanor, Florindo und die
andern ihm mit einer tieffen reverenz bege-
gneten/ that er nichts dargegen/ als daß er eine
gnaͤdige Mine uͤber die Achſel ſchieſſen ließ.
Da war nun alles auf das koſtbarſte zuge-
ſchickt/ wie denn der Wirth ſchon hundert
Thaler auf die Hand bekommen/ daß er nichts
ſolte mangeln laſſen. Zu allem Ungluͤck hatte
Florindo einen alten Diener der vor dieſem
der Kauffmanſchafft war zugethan geweſen/
der kante dieſen vornehmen Fuͤrſten/ daß er
eines Kauffmanns Sohn auß einer wohlbe-
kandten Stadt in Franckreich waͤre. Gelanor
ſtraffte ihn/ er ſolte ſich beſinnen/ in dem leicht
ein Geſicht dem andern etwas koͤnne aͤhnlich
ſeyn.
[199]
ſeyn. Doch beſtund dieſer drauff/ und ſagte
darzu/er kenne wohl ihrer ſechs auß der Suite,
Der Fourirer ſey ein Schneider/ der Mar-
ſchalck ſey etliche Jahr mit den Stapelherrn
herumb gelauffen: die zween Hoffjunckern
haͤttẽ ſich zu ſeiner Zeit auf die Balbier-Kunſt
verdingt/ und moͤchten nun außgelernet ha-
ben: ein Kammerjuncker ſey ein verdorbener
Kauffman/ und der Kutſcher ſey vor dieſem
bey einem von Adel Reitknecht geweſen. Sie
betraueten ihn nochmals er ſolte wohlzuſehen/
ehe er ſolche gefaͤhrliche Sachen gewiß mach-
te: Aber er blieb dabey/ und bat/ man moͤchte
ihm doch ſolche Thorheit nicht zumeſſen/ daß
er etwas ohne allen Grund wuͤrde vorbrin-
gen; Er wolle drauff leben und ſterben. Nun
waren etliche von Adel und andere Studen-
ten im Gaſthoffe/ welche des Knechts relati-
on angehoͤret. Zu dieſen ſagte Gelanor, was
duͤncket euch/ ihr Herren/ wollen wir dem neu-
backenen Fuͤrſten die Herrſchafft geſegnen.
Er iſt uns noch eine Complimente ſchuldig/
vor die Bicklinge/die wir gemacht haben/ die
muͤſſen wir nothwendig abfordern. Sie wa-
ren allerſeits willig darzu/ und verſicherte ſie
der Knecht/ ſie wuͤrden ſolche verzagte Beren-
heuter antreffen/ daß es keiner ſonderlichen
J jvGewalt
[200]
Gewalt wuͤrde von noͤthen ſeyn. Sie gieñ-
gen zu Rathe/ wie man die Sache am artig-
ſten anfangen moͤchte. Endlich ſagte Eury-
las, er wolle ſeinen Knecht vor einen Hoffnar-
ren außgeben/ dieſen moͤchten etliche dem Fuͤr-
ſten ſchencken. Gelanor wuſte/ was dieſer vor
ein Kautz war/ und ließ ſich den Anſchlag gefal-
len. Hierauff deputirten ſie etliche/ welche
ſich muſten anmelden laſſen/ als waͤren etliche
Baronen, die Verlangen trügen/ Jh. Durchl.
auffzuwarten. Mit genauer Noth konten
ſie vorkommen: doch war die Gnade hernach-
mahls ſo groß/ daß ſie bey der Tafel blieben.
Unterdeſſen muſte der Mahler mit den Fuͤrſtl.
Dienern bekandſchafft machen und ſie auſſer
dem Hauſe in einen Keller fuͤhren/ damit der
Tumult nicht zu groß wuͤrde. Alſo ſtund
nun der Hoffnarr vor dem Tiſche/ und machte
einen luſtigen Blick nach dem anderm biß der
Fuͤrſt fragte/ was diß vor ein Landsmann waͤ-
re. Alsbald ſagte einer/ es waͤre ein guter
Menſch/ der bey hohen Perſonen condition
ſuchte vor einen kurtzweiligen Rath auffzu-
warten. Und damit war es richtig/ der Fuͤrſt
nahm ihn in Beſtallung/ und fieng ſeine Kurtz-
weil mit ihm an. Nun machte der Kerle
wunderliche Poſſen/ Herr/ ſagte er/ wolt ihr
mein
[201]
mein Vater ſeyn/ ſo will ich euer Sohn ſeyn/
gebt mir nur zu Freſſen und zu Sauffen/ ſo
ſoll es an meinen Kindlichen Gehorſam nicht
mangeln. Aber/ Vater/ biſtu nicht ein Narr/
daß du ſo viel Schuͤſſeln auf dem Tiſche ſtehn
haſt. Kan ſich einer meines gleichen an ein
paar Gerichten ſatt eſſen/ ſo meynt ich/ du ſol-
teſt auch außkom̃en. Oder glaubſtu es nicht/ ſo
kom̃ her und weiſe auf/ wer den groͤſten Bauch
hat. Jch habe wohl ein beſſer Fuͤrſtlich Zei-
chen/ als du. Die ſaͤmtlichen Bedienten
lachten von Hertzen uͤber dieſen neuen Pickel-
hering/ doch ſie kriegten auch ihr Theil/ denn
er ſagte/ Vater/ wz machſtu mit dem Muͤſſig-
gaͤngern/ verlohnt ſichs auch der Muͤh mit
den Maſt-Schweinen/ daß du ſo viel Tiſch-
geld vor ſie giebſt. Mein Rath waͤre/ du ver-
ſuchſt es etliche Wochen/ ob ſie wolten lernen
Heckerling freſſen. Oder vielleicht kanſt du
ſie gar zum Hungerleiden angewehnen wie ich
meinen Eſel. Der kunte die Kunſt/ doch da
er ſie am beſten inne hatte/ da ſtarb er/ ſonſt
ſolter vor den Tiſch herkommen/ und ſolte da
mit ſeinen Bluts-Freunden eines herum trin-
cken: der Fuͤrſt ließ ſich die freymuͤtige Natur
des jungen Kerlen wohl gefallen/ und vertiefte
ſich mit ihm in einen Diſcurs, welchen wir be-
J vque-
[202]
quemerer Erzehlung halben herſetzen wollen

Hoͤre/ wenn du wilſt mein Sohn ſeyn/
muſt du dich im Reden beſſer in Acht neh-
men.

Ey Vater laß du mich ungehoffmeiſtert/
du verſteheſt viel/ was zu einem Narren er-
fodert wird.

Nun du wirſt es machen/ aber ſag uns
doch/ wie heiſt du.

Jch habe keinen Namen. Aber/ Vater/ ſa-
ge du mir/ wo iſt dein Land.

Das wirſtu Zeit genug er fahren.

Vater/ du wirſt ohne Zweiffel ſehr reich
ſeyn/ ich hoͤre der Pfeffer und Jngwer/
Streuſand/ Bindfaden und Loͤſchpapier
wachſen in deinem Lande/ wie anders wo
die Tanzapffen.

O du alberner Tropff.

Ey nun Vater/ ich frage/ wie ich es ver-
ſteh. Aber was ſoll ich denn vor ein Aemt-
gen kriegen/ wenn du in deine Reſidenz wie-
der koͤmmſt.

Du ſollſt Futter Marſchalck uͤber die Ca-
narien Voͤgel werden.

Ach Vater/ mache du mich zum Futter-
Mar-
[203]
Marſchalck uͤber den Zucker Kaſten/ und
gib mir eine Moͤrſel-Keule in die Hand/
daß ich laͤuten kan/ wenn mir was fehlt.

Ein ſchoͤn Aemptgen. Aber warumb heiſt
du deinen Vater du?

Je ſieh doch/ es verlohnte ſich mit ſo einem
neubackenen — Vater/ daß ich ihm groſſe
Titel gãbe. Doch wo du mir ſagſt/ wie
weit dein Land von hier iſt/ ſo will ich dich
12. mahl Jhr heiſſen.

Es iſt ſo weit von hier biß dorthin/ als von
dort biß hieher.

Vater/ das haͤtte mir ein klug Menſch ge-
ſagt. Scheint es doch/ als wāreſtu auch
einmahl ein Kurtzweiliger Rath geweſen/
huy daß ſich das Blaͤtgen umbkehrt/ ich
werde Fuͤrſte/ und du wirſt Narr.

Du ſolſt dich wohl ſchicken.

Vater denckſtu denn/ daß du dich ſo wohl
in den Fuͤrſten Stand ſchickeſt/ wenn ich
nicht gewiß wuͤſte/ daß du ein vornehmer
Herr waͤreſt: ſo ſchaͤtzte ich dich auß deinen
Minen vor einen Tabackpfeiffenkraͤmer.

Ey du reſpectirſt deinen Herrn Vater
ſchlecht.

Es iſt ja wahr. Frage nur deinen Cam-
merdiener/ was du vor Reden im Schlaffe
fuͤhreſt

Was ſag ich denn?

Jch habe nichts gehoͤret/ aber der Cam-
merdiener ſpricht/ du kanſt kaum einſchlaf-
fen/ ſo ruffſtu: Heinrich/ wo iſt die Wage?
ach fuͤrwar es iſt ohn dieß halb geſchenckt/
noch ſechs Pfennige auf das Loth/ nun vor
dießmahl mag es hingehen. Heinrich/ wo iſt
der Faden/ ꝛc.

Gelanor ſtund mit der gantzen Compa-
gnie vor der Thüre/ und hatten ihre ſonderli-
che Freude an dem vortrefflichen Fuͤrſten.
Doch mochten die letzten Reden zu empfind-
lich ſeyn/ daß er ſolche mit einem Naſenſtuͤber
belohnen wolte: Aber der gute Pizlipuzli
fieng an zu ſchreyen/ und der vermeynte Ba-
ron/ der den Narren recommendirt hatte/
gab ſein Wort auch darzu. Monſieur Printz/
ſagte er/ laſſet den guten Menſchen unberuͤhrt/
oder es wird ſich einer angeben/ der euch tra-
ctiren ſoll/ als den geringſten auf der gantzen
Welt. Der Fuͤrſt ſahe ſich umb/ und be-
gehrte/ man ſolte ſeiner Gnade nicht mißbrau-
chen: Er haͤtte Diener/ die ihn leicht darzu
bringen koͤnten/ daß er ſeine Unbeſonnenheit
bereuen muͤſte. Was/ replicirte dieſer/ ſollen
dieſe elende Creaturen mich darzu zwingen?
ſo muß ich zuvor tod ſeyn: ſchmieß darauff ein
Glaß
[205]
Glaß mit Wein vor dem Fuͤrſten auf den
Tiſch/ daß ihm der Wein in das Geſichte
ſpritzete. Jndem trat Gelanor mit den Sei-
nigen in die Stube/ der Fuͤrſt ſahe ſich nach
ſeinen Leuten uͤmb: Aber ſie ſaſſen bey dem
Mahler in dem Weinkeller/ und truncken ih-
res Fuͤrſtens Geſundheit: und alſo war Noth
vorhanden. Kurtz von der Sache zu reden/
der Printz kam in das Gedraͤnge/ daß er
mehr Maulſchellen einfraß/ a[l]s er Untertha-
nen hatte. Seine Junckern machten ſich
bey Zeiten darvon/ und nahmen mit etlichen
Creutzhieben vorlieb/ doch der Principal mu-
ſte außhalten. Da war nun alles preiß/ die
Kaſten wurden zerſchmiſſen/ die Fuͤrſtlichen
mobilia in den Koth getreten/ die ſchoͤnſten
Kleider in Stuͤcken zerſchnitten/ das Geld
theilten die Diener unter ſich/ und ob ſchon der
Wirth ſein beſtes zum Frieden ſprechen wol-
te; muſte er doch Knebel inne halten/ weil er
leicht etliche Tachteln haͤtte koͤnnen davon tra-
gen. Endlich kam Florindo über das Fuͤrſt-
liche Archivum, welches in einem Beykaͤſtgen
gantz heilig auff gehoben war; da waren nun
unterſchiedene Wechſelbrieffe/ abſonderlich
etliche Frantzoͤſiſche Schreiben/ darinn der
Kauffmann ſeinen Sohn ermahnete/ er ſolte
J vijſich
[206]
ſich nur reſolut halten/ an Gelde ſolte kein
Mangel ſeyn. Ho ho/ ſagte Eurylas/ iſt es
umb die Zeit/ dem ehrlichen Manne iſt gewiß
bange/ wo er mit dem Gelde hin ſoll. Jch
halte/ es wird ſich am Ende außweiſen/ daß
arme Witwen und wayſen oder ſonſt gute
Leute werden darben muͤſſen/ was dieſer Pra-
cher in ſeinem Fuͤrſtenſtande ſo liederlich und
unverantwortlich durchgebracht hat. Nun
waͤre noch viel zu ſchreiben/ was vor eine Paſ-
ſion mit dem Fuͤrſten geſpielet worden: was er
vor Beſchimpffungen eingefreſſen/ was er vor
Stirnnippel auf die Naſe genommen/ wie
zierlich die guͤldenen Spitzen auf ſeinem Sil-
berſtuͤck/ das nun lauter ſtuͤcke war/ herumb
gebaumelt; doch ruffte der Wirth die Obrig-
keit umb Huͤlffe an/ daß letztlich hundert Buͤr-
ger kamen/ und die Comœdie zerſtoͤrten/ wie-
wohl dem Fuͤrſten zum ſchlechten Troſt/ weil
er bey Erkaͤntniß der Sache/ mit in das Loch
wandern/ und biß auf des liberalen Vaters
koſtbare Außloͤſung allda verpauſiren muſte.
Was nun weiter vorgelauffen/ darumb haben
ſich die andern nicht viel bekuͤmmert/ ohn daß
ſie leicht geſchloſſen/ er wuͤrde brav in die
Buͤchſe blaſen muͤſſen. Alſo machte ſich Ge-
lanor mit den ſeinen auf den Weg/ und zogen
auf die Meſſe.